ZUNNEITEA S2 BY Mampuii Pautu (Completed)

[Ngaia]

Chapter-12







Zunneitea pov.







Dawithiami bo atang nihnih lai aliam leh tawh, tun thlengin kan la hmulo a, a chin lah hriat tur pakhat mah a awm lo bawk, ka office ah chuan thu in ka thinrim leh rilru hah bawk si chu ka hui leh pap thin, "dawithiamnu khawiah pawh awm rawh, ka zawng hmu em em ang che, i that ngei ka beisei chuan maw ka tihpalh min ngaidam rawh" tiin ka phun chhuak sup, dawithiami rilru na hmel leh, kehchhe lai hmel ka hmuh khan ka rilru ana ve tak zet, kuah vawng vawng ka chak zia chu pui tak ani.




















Kha patricia nen a, kan awmdan zawng zawng kha lo hmulo se chuan tiang hian kan awm angai lo tur, kha hmeichhe tenawm zet vang kha ani, dawithiami khan ka phatsan emaw ati a, mahse ka phatsan lo patricia lakah khan lem ka chang mai zawk ani, achhan chu athil tih sual zawng zawng leh mi athah thin te kha, a ka ngeia a inpuan ka duh vang a, ngaizawng der mai chauh ka ni, mahse engkim hi a buai vek tawh.























Dawithiami kan hmu thei bawk silo, tu te pawh kan buai tlang vek, brinjali phei chuan min la be duh leh lo hrim hrim achhan chu he thil hi keimah vanga thleng ania, ka dem hran lo ka office kawngkhar chu rawn ri rawkin ka assistant lsha chu arawn lut nghal a, "president i pa in a be duh che a, kha i phone " tihpahin ka phone chu min rawn pe a, ning zet chuan ka lo la ve mai bawk "hello....ka buai viau ania" ka ti nghal zat
"Zaninah chhungkaw chaw eikhawm kan neih dawn kha, chuan ilo kal ngei angai bawk" ka pa in arawn tih chuan ka rum nghut.

























"Chhungkaw chaw eikhawm tih vela tel hman ka nilo, ka tel lo pawn puar deuhin in ei thei em em ang, min lo hrethiam teh" tih pahin call ka cut hmak, ka pa nen hian kan in ngeih lo achhan chu dawithiami hi min duhpui loh vangin mahse ka chhungte duh ang zawng nupui neih tumna ka neilo ka hmangaih ber leh ka duh ber chiah ka nei ang, tuman min dang thei lo bawk ang.

























Lucas chu ka office ah hmanhmawh hmel zet hian arawn tlan lut a, ka lo melh deuh ngur "boss...tunah hian patricia leh goarge chu ramhnuai a, ama farm lam panin an kal mek" atih chuan ka ding chhuak vut, "kal nghal ang midang i hrilh tawh em?" Tihpahin kawngkhar lam ka pan nghal "hrilh tawh e, joe leh davon pawh an awm tawh" atih chuan ka car lam panin hmanhmawh zetin kan kal nghal a, Dash chuan car bulah in peih at in min lo nghak reng tawh.




























Carah chuan ka lut vat a, lucas pawh bike in kan hnungah alo tlanve zel bawk, dawithiami bo hnu khan goarge leh patricia te hi an in hmu ru zeuh zeuh thin a, kan enthla tih erawh an hrelo, patricia pawh reh zui hmakin min ti buai tawh lo bawk, an ni hian ka dawithiami chu an kidnap ani ngei ang, ka that khawp ang.




















Farm kan thleng a, in atanga hla ve deuh hlek an hmuh theih loh turah hian davon leh joe chu an lo awm ran tawh, midang kan thleng tak sup supah chuan min lo pan vat a "fimkhur taka kan chet angai ania, nau an nei nual dawn a, an ni sawn mi thah an hreh lo a, keini pawn kan that hreh tur ani lo" joe in a tih mawlh mawlh chuan rapthlak tih hmel zetin davon chuan amelh ngawt ngawt.






















In lamah chuan kan thawm an hriat hlau zetin kan kal phei hlawm a, athen in hnunglamah nen kan insem darh veka, kan hual hneh viau bawk, kawngkhar chu vawilehkhatah ka tlawh hawng thuai a, goarge leh patricia te chu inchhungah chuan an lo inkiss mawlh mawlh anih chu, keini ho min hmuh chuan mak an tih hmel viau, an silai pai lai chu rang zeta phawrh chhuakin min tin ve nghal a, chutah silai puak pawpin patricia chu chhuatah a thu thla hnawk, joe in a ke ah alo kap chu niin.






















"Che tawh hlek suh u, thah cheu hi kan hreh bik hauh lo ania, tunah hian kan hual bet vek tawh cheu tlanchhiatna tur in nei tawh lo, in inpe dawn nge?Tih luihna in duh zawk?" Ka ti kha hrawk a, min hneh dawn lo tih an hria nge an silai chu hupphur hmel zetin an dahthla riai riai a, goarge chuan min melh rum viau bawk, a nau te ho an awm lo hlauh chu a zia inkah vak angaih loh phah a.






















"Nangni naupangho hian eng nge in hriat, ka lak atang hian eng nge inbeisei" in sehruh zet chuan ati a ka kiai khum suk, patricia na tuar thawm chu a ninawm lek lek bawk "kan duh maw?Kan duh chu sasha i rukbo kha khawnge i dah,?" Davon chuan alo ti chang hrawk a proffesor goarge chu anui chhuak hawk hawk "nangni ho hian in thiannu chu ka ru bo turah in ngai amaw?" Nuihzat hmel zet chuan ati leh a, ka insehruh ngawt ngawt tawh.
























"Khawiah nge i dah sawi vat rawh?" Ka ti chang rut bawk, "nangni ho hi chuan hman ata tawh min hlau renga , min ringhlelh reng bawk anih hi tiraw?" Ngeiawm zet chuan ati leh a "nangpawn hman ata tawh tun thlengin kan lakah hnehna ila chang thei chuang hleinem" ka tih leh chuan anui tawp hmak, thinrim tih hriat zetin min melh ngur bawk.




















Patricia na tuar rum ri chu ning zetin ka thawchhuak hawk a, "joe ani kha hruai rawh u, atlanchhuak tur ani lo dawp chhuak vat ang cheu" ka ti chhuak hrawk a, joe chuan patricia chu dim lo zet hian apawt chhuak nawk nawk bawk, goarge chu ka melh leh run a, "tunchiah hi chance ka pe ang che ka dawhtheih loh zia hrechiang tu ini khawnge ka bialnu i dah?" Ka ti chang rut, dawithiami ka ngaihtuah lutuk hi ka rilru abuai vek tawhin ka hria, ka hmu vat lo anih chuan ka â thei mai ang.
























Goarge chuan min chhang lo in, sofa ah chuan ala thu sauh sauh a, a bawp chu a khawkherh zui nghal zat bawk, "atha e noah orlando i bialnu awmna chu ka hrilh ang che" atih rual rual chuan a kawrah ka tham tho nghal zawk rum zeta melh nghalin "khawnge?" Ka ti chhuak that ka dawhtheihna apan tawh viau "in sum ve deuh ta che, naupang" ati chhuak ve hluk "Sasha kha ka kidnaped reng reng lo, a kidnaped tu chu tu dang nilo in, nangma thisen zawmpui ngei i pa kidnap anih kha" atih chuan awi lo zetin ka nui chhuak hawk "hethilah hian ka pa hi inrawlh tir tum suh" ka ti chhuak tuar.























"A inrawlh miau sia lawm ni e sasha kha chu ka duh ngei alawm college alo luh tirh atang khan ka duh tawh, mahse ka kidnap hauh lo chutiang ti tur chuan hman pawh ka hman hek lo, , mahse chumi avang ringawt chuan in thianho hi ka huat na cheu a reh phah lo, khatih lai khan tihsual chu ka nei meuh mai, mahse in thiannu thihna chungchangah erawh in rawlhna ka nei lo thung, ipa khan patricia nen hian min inthurualpui a, sasha kha kidnaped a ilak atanga lakbo a duh thu a sawi bawk, mahse keini chuan kan duh lo, patricia pawn a duh lo a duh zawng chu dairy thudik awmna kha ani aduh chu mahse chu dairy pawh chu ala zawng hmu thei bik chuang lo, ti chuan i hrethiam tawh em?" Min melh ngur chuan ati a.






















Ka pa hian dawithiami a duh lo tih chu ka hria mahse he tiang em em athlen hi chu ka ringlo asin, pa ti a koh pawh hi ka zak takzet ani, ka hmeichhe hmangaih a fapa in ahmeichhe hmangaih ngei chu engtin nge alakbo sak theih zawk.



















"Khawnge a dah?" Ka ti chhuak leh sup, "thil pakhat min tiam phawt rawh ka hrilh che nga, mahse in company leh kan company hi kan thawk ho ang, tunlai hian kan company share atla hniam hle a, ba tam tak a awm bawk nen" atih chuan ka nui suk "tunah chuan i chapo na pawh i dahtha thei ta nimaw, atha lawm ka tiam ache dawithiami awmna i sawi anih phawt chuan, kan thawk ho ang" tiin inremsiamna chu ka neihpui ta a, dawithiami ka hmuh letna tur anih phawt chuan, ka engkim pawh hi chan ka huam, goarge hi ka ring pumhlum hauh lo achhan chu kan hmelma ala ni reng.















Sasha pov.








Ka mit ka meng a, athip lutuk chu ka chhing leh vang vang ka hrawk ro zet vang chuan ka khuh kharh kharh a, ka hawi kual a, ka awmna chu room tetakte, zim deuhah hian ka lo awmreng chu niin, ka mittui ahnap sawk,helai hmunah hian tunge min hruai ka hmui leh hnar an hup lai kha chu ka hria, zunneia ka rilru ah alo lut nghal zat a, ani khan min phatsan lai kha chiang zetin ka hmu anih kha, ka rilru natna te chu an rawn thar leh vek.





















Kawngkhar chu rawn inhawngin mipa pakhat ruangam hi arawn lang nghal zat a, chutah a hmel arawn lan chian chuan mak ka ti lutuk chu ka thidang lo chauh ani "pa joseph" tiin ka phun chhuak sep, zunneia pa lek ani hian min kidnaped tihna em ni, mahse min huat na anei em ni, engvangin nge he tianga min tih eng nge alakah hian tih sual ka neih.























"Min hmu chu mak iva ti awm ve?" Nui sawng chuan ati a, ani hi zunneia pa kha a ang tawh lo zawk hial, "nang hian maw min lo kidnaped chu, engtin nge i theih zawk?" Ka ti chhuak that, tunah chuan zah chhan tur ka nei tawh bik hian ka hrelo "engvangin nge he thil hi ka tih lovang, ka fapa in alo hmangaih che vang hian, ka thin a rim nang ang hmeichhe hniam zet leh hnamdang, sakhaw dang bia hi ka fapa tan ka duh reng reng lo che" ka lama rawn kal hnai pah chuan ati a, ka kut a phuarna chu angheh em avang chuan ka kut pawh chu ana tawh hle.



















"Sakhaw dang ah, noah te kha chu christian ania sin, engtin nge awlsam taka dawt i sawi theih" ka tih chuan hlauhawm zet in a nui chhuak hawk "ni e ka fapa chu christian ani ngei alawm mahse kei erawh ka nive lo, chuan ka fapa tan hian i tling tawk lo kalsan itum hmel siloh avangin tihian ka che ta nih hi" thinrim hmel zeta atih chuan rum zetin ka melh tawh, hetiang em em a, pa rapthlak zunneian anei hi ka khawngaih zawk hle mai.
























"I sawi avang hrim hrim pawh hian noah chu ka then lovang ka hnaih sauh sauh dawn, nakinah phei chuan fa hial pawh kan la nei ngei bawk ang" ngeiawm thei ang ber tura ka nuih chuan athin arim hmel ngang mai, rum zeta min melhin ka hmaiah chuan min beng hawisawk a, ka hmui sir ah chuan thi aluang tih ka hre thei "i duh tawkin kut chu min thlak rawh, mahse ka thu erawh ka sawhsawn lovang" ka tih leh chuan thinrim zeta au thatin a hnung atang chuan chemte arawn phawrh chhuak nghal zat.






















"Nang hian ka fapa hi engtikah mah i nei ngai lovang, ka dam chhung chuan athleng dawn lo, ka fapa i neih ai chuan ka that che nga ka phum bo ngei ang che" tih chhuak that in a chemte chuan min tin uai tawh, ka lo maimitchhing tawp a, "tawp nghal rawh" aw thum zetin arawn tih chuan ka meng chhuak vat, kawngkhar bulah chuan ka û ka hmu chu mai anilo, sawmi pawh kan thian dangte ho pawh an lo awm vek, ka lawm lutuk chu ka tap chhuak hawk.






















Rawn lut hukin zunneia pa chu an rawn hual nghal vek a, "naute i tha em?" Tiin ka û chuan ka hmai vel chu arawn en a, a thinrim hmel tak zet, ka kut leh ka ke an phuarna chu min phelh sak zung zung a, kawngkhar lam atang chuan midang an lo luh belh leh, zunneia leh anau te ho, chuan proffesor goarge pawh atel bawk, zunneia chuan min rawn pan vatin min kuah nghal hlu hlu mai.






















"Ka tlai a, ka tihpalh min ngaidam rawh" ti chhuak supin ka chalah chuan min fawp vang vang a, ka chhang let lova ka kuah let hek lo, ka hmai min benna hnu hma vel chu en in a rum chhuak nghut apa lam chu hawiin rum zet hian apa chu amelh a "ka pa....nanghi ka pa ti a, koh che pawh hi ka zak tak zet hetiang em em chu i thlen ka ring lo asin, mahse ilo tenawm hle mai, tunah chuan ka pa pawh ni mah la, ka hmangaih tihnat i tum vang hian ka ngaidam dawn lo che hruaichhuak rawh u" ti vin thatin pa joseph chu an hruai chhuak nghal a, tal pawh atal lova atawng hek lo.



























Thiante ho chuan ka that leh that loh min zawt sap sap a, na em em chu ka neilo mahse ka chau ngawih ngawih, ka ril atamin ka tui in ahal hle bawk, zunneian min pawm mai atum chu duh loin ka tal vak vak a, tih ngaihna hrelo zet chuan min enin athawchhuak leh hak thin, atawp ah phei chuan ka û in min pawm ta tawp a, mahse zunneia nen a an in melh zeuh kha ka hmu hman tho.

























In kan thlen chuan, ka room lamah sawmin min in bualpuia thiandangte ho lahin min ngaihtuah hlawm em avangin zanin chu rawn riah vek an la tum zui, pawi ka ti lem lo hetia kan awmho hian ka thla amuang huai huai thin, ka phone a bo daih avangin phone ka nei lova, ka intih fai zawh chuan ka mu hmak, mahse ka muhil thei chuang lo, sawmi chuan min ngaihtuah em avang chuan ka khum bulah avei sek a, akhat tawkin a phone chu a ri leh reng thin.
























"I phone kha chhang ve la, nge khatia i kal kual reng ka tha tawh lutuk alawm ngaihtuah ka ngailo ania" ka ti dam dap a, min en vung vung hnuah ka bulah chuan lo thu in "diktak chuan noah nia, alo call char char biak che aduh sia i be duh bawk silova, chuvangin ka la lo tawp tinge i huat chhan hi?" Atih zawm zat a, chhang mai lo chuan ka ngawi vung vung diktak chuan sawi nawn leh pawh hi ka peih tawh lo, noah orlando hi ka ngaidam thei angem ka ngaihdam theih ka ring tawh lo.
























Patricia nen a, ka hmuh dan te an awmdan te leh an thusawi zawng zawngte chu lungchhe zet chuan ka sawi malh malh a, sawmi chuan min khawngaih hmel zetin ka samah a chul hliau hliau a, "sasha keichu maw aphatsan che ka ringlo, noah hian chhan nei lo in engmah ati ngailo ania, a insawifiahna vawikhat tal ngaihthlak sak ve rawh, aw akhawngaihthlak i bo chhung pawh khan chawl miah lo in a zawng reng che a, arilru pawh ahah thei lutuk" sawmin atih chuan ka ngaihtuahna akal thui viau.



























"Chuan maw sasha thinrim lola, so jung dairy kha ka lo chhiar a, chhiar vat rawh engkim so jung chungchanga i hriatfiah loh zawng zawng i hrevek mai ang" atih leh chuan ni e so jung dairy kha ka la chhiar miah lo tih ka hrechhuak, ka kutah chuan dairy chu arawn hmehbel nghal a, engtik laiin nge alo ken hman ni, "chhiar rawh" ti zawi leh sapin room atang chuan min chhuahsan a.























So jung dairy tereuhte chu en vang vangin, atawpah chuan ka keu ve ta nge nge a, ka chhiar tan nghal bawk, so jungin a kut ngeia a ziah ka chhiar chuan ka lung ati chhe nghal ringawt a, aphek tir ber chu ka chhiar nghal bawk, adang ka chhiar zel a, mak ti, rilru na leh thinrimna alo lut nghal zat zat bawk, so jung hi, so jung tak tak nilo in, a unaunu hming zawk anih chu, mak ka ti lutuk chuan ka chhiar nawn tlut tlut mai, ka rilru chu ana tak zet zeta so jung chu ka khawngaih thar leh viau bawk.
























"So jung....so-hee maw i hming dik tak chu, ahma a, nangmah ang deuh ka hmuh kha kim so-jung dik tak zawk maw, so-jung ila dam emaw ka lo ti a, ka hlim asin mahse ilo thi tak tak tho amaw?Ka beisei na san teh lul nen" tiin keimah leh keimah chu ka inbe mawlh mawlh a, dairy a athil ziahho ka chhiar zawh chuan ka tap chhuak hawk, hetiang em em a rapthlak bulah hian ani maw alo chen reng ni, ka va han khawngaih tak em, tinge kan lo hriat vat loh tinge kan mawl em em, i thiante ho hian kan lo ngaihsak tawk lo che ani, lo ngaihsak deuh che ila chuan tunah hian ila dam ang mawle, mahse so-hee phuba chu ka la ngei ang, ka tawrh tir ve vek dawn.



(Dairy a, inziak vel kha brinjalin a chhiar vek tawh vangin ka ziak lang tawh lo mai aw a rei mai mai)
















Dairy chu ka khup hmak, arapthlak lutuk a chhiar pawh ka chhiar nawn ngam tawh lo, hei vang hi em ni patricia khan he dairy hi a zawn reng, a chhan chu thudik zawng zawng a awm vek, he dairy chhunga thil in ziak ho hi puang zar ila chuan patricia hian nasa takin a tuar ngei anga, chuan kha so-jung, so-hee phirpuinu nunrawng zet pawh kha, achhe vek ang.




















Kim so-jung kha, angaihin mizoramah a awm tawh loh thu leh america ah arawn let leh tawh tih ahma khan min hrilh tawh a, kha nu kha ka haw tak zet, so-hee nen an hmel in ang viau mahse an mizia erawh lei leh van ang vel ani, a inthlau mah mah, ka room kawngkhar ri ka hriat chuan ka lukham hnuaiah dairy chu ka dah lut nghal vat, "naute" ka û aw ngei chuan arawn ti thum dut a, mengchhuakin ka thu chhuak nghal bawk.
























Ka bulah ka û chu arawn thu thla a, "eng nge i an?Na i nei em i zia deuh em?" Atih chuan lu ka bu nghauh nghauh a, "û engtin nge min rawn zawn hmuh theih a?" Ka ti chhuak sep ka hrechak lutuk ka insum thei tawh thlawt lo ani ka û chuan ka sam uaithla chu ka bengah min zeh sakin "Noah khan min rawn call a, chuan i awmna address min rawn hrilh nghal bawk, an ni pawh an rawn kal ve mek thu a sawi a, mahse keimahni kha kan lo thleng hmasa ta zawk a" ka û chuan dam zet hian ati a, zunneian ka awmna ahria maw engtin nge ahriat?


























"Mak iti deuh ani maw?" Anui suk a "aw amak reuh elawm" ka ti nang nang a, "noah leh goarge kha an inremsiam alawm" ka û in atih leh phei chuan mak ti tawh tak ka ni "goarge khan i awmna hmun kha a hria a, pu joseph khan arubo che tih ahriat bakah, amah leh patricia kha inrem siamna neihpui a, nangmah dah bo che an tum a, mahse goarge leh patricia khan an duh ve lova, chuan pu joseph khan a ru bo ta tho che a, noah khan thah a avo chung pawn a sawi duh tlat lova amah chiah kha i awmna hmun hretu ani bawk si a chuan an company leh noah te company thawhho theih nan goarge chuan a sawm ta a, noah pawh khan duh lo viau mahse tihngaihna a awm tawh silova, a inrem siampui ta ani" ka û chuan ati mawlh mawlh a.




















"Mahse û ani khan min phatsan asin, chiang takin ka hmu lawm" tap chhuak hawk chuan ka ti a, ka û chuan min kuah nghal hlu hlu mai, "naute chhan neia atih anih ngei ka ring, in sawifiah tir rawh, thil hrechiang lo in thutlukna siam nghal buan buan lola, anih loh chuan nakinah i inchhir palh hlauh ange" ka û chuan ati ve sup sup a, ani leh nilo angin atawnghnem ve viau.




















.........








Sofa ah chuan thu in, tv lam chu ka thlir reng, mahse tv ah chuan eng nge chhuak pawh ka hrelo, ka rilru ringawt ka kawm, brinjali leh ka û ten college an kal a mahni in inah ka awm a, ahman zualho an rawn thleng leh tep tawh ang, kan buaina tawh zawng zawngte chu ka ngaihtuah let a, so jung nitawh lo, kan thiannu hming diktak so-hee kha brinjali sawi danah anam thlatu kha hana nilo in, a phirpuinu nam thlak ngei anih a rin thu asawi a, mahse thudik hre tur chuan so-jung emaw hana emaw kan hmuh angai, hana hi jail ah a awm lova mental hospital lamah a awm ani.



























Proffesor goarge leh noah te hi thawk ho mahse ani kha kan hmelma anihna abo chuang lo, min ti buai leh vat lo ang tih a sawi theih loh chuvangin ka in ven fimkhur hle angai tawh mahse khawiah nge kim so-jung mitenawmi chu a awm ang, khanu lakah khan kan fimkhur chu ala ngai deuh ani, patricia lah kha joe in akah hliam thu ka hre leh zel nen engkim mai hi abuai chuar nuai nuai niber hian ka hria.






















Doorbell ri chuan min ti harh chhuak zawk a, tho chhuak vatin kawngka ka va han chuan ka beisei loh zetin esther hi ka hmu deuh hlawlh anih chu, "nang...eng nge hetah ilo tih dawn?" Ka hamhaih lutuk chuan ka lo ti a, anui hak hak mai henu fel ta lutuk hian ka ngaih ati tha lo takzet "paris ah ka kir leh tep tawha chumi hma a, lo tlawh che ka duhve mai mai a, i rem tih chuan?" Nuisang a, atih chuan ka lu ka bu zeuh.























"Eng lam nge i induh ang?" Ka ti ve mai bawk a, "engmah ka duh rihlo mai ang, ka awm rei dawn lo tak tak ka lo hmu zuai che anih hi" ati tha ve mai bawk a "tak tak maw, ngati nge kir leh iva tum hma ve" ka lo ti mawi ve a, "nia hna ka kalsan reng thei silova, chuan ahranpa liau liau a, ngaihdam dil che ka duh a, hman a inthianho chungah leh i chunga mawilo zeta ka lo chet thin avang khan ngaihdam dil che ka duh a" ahmel ka en chuan hreawm atih ve hmel hle bawk.























"Esther kha chu a rei tawh lutuk theihnghilh tawh rawh ka haw tawh reng reng lo che nia" nui sen sen a, ka tih chuan ani pawh chu lawm hmel zet hian anui ve a, "tute pawh hian an lo ngaina thin che hi a awm lo hranlo, i nuihmel te hi angaihnat awm, i rilru atha in mi khawngaihna i ngah bawk a" atih leh mawlh mawlh chuan min fakna thumawi zet chuan arukin ka hlim ve veng veng mai.






















Kawngkhar lamah thiante ho an rawn ri lut nawk hlawm a, braydon arawn lut hmasa ber a, adawtah judy leh abby agatha jeremy ten an lo zui ve bawk, ka thutpuinu an rawn hmuh chuan an meng phar nasa hlawm mai, estheri chu ngun zet hian an en thap bawk a, an hahthlak ania.














"Hei chu eng nge awmzia?Estheri lucifara nupui kha nilo mi?" Agatha chuan ati chhuak phawng anih chu, tih ngaihna hrelo lutuk chuan za lo zet hian ka nui tawi tak, estheri pawh chuan nuamlo atih ve hmel deuhin ka hria a awm lo hranlo, kan thianho zinga awm tur hi chuan zahtheihloh angaih bakah tawngtheih angai emai keipawn ka tlin lo lek lek zel.























"Indam tha tlang maw?" Estheri chuan ati zawi sap a, ngei hmel zetin an melh ram ram hlawm a, jeremy leh braydon erawh mipa an nih vang nge an hmelah danglam em em a awm hran lo, "thi ila, i hma ah hian kan thusen kur dawn mi?" Abby chuan alo ti pek, chhan that ve mai tur ania "awi esther....lucifara nen in in break ami?I hmel te seng sawng khan ka ngaih ati tha thlawt lo" judy chuan alo ti a, estheri chu a ding deuh hluai a, "ka hawsan phawt ang cheu, aw inlo dam zel dawn nia, chuan sasha ka lawm lutuk e aw" min rawn melh zeuha atih chuan ka bu ve nghauh.























Achhuak fel chiah tihah ka bulah an rawn thu nghal chawng chawng hlawm anih chu, "awi kha estheri kha apiangthar ami, ava mak ve" agatha bawk chuan ati leh mak an ti pawh hi ka hriatthiam pui "aw a fel tawh lutuk ngaihdam te min dil asin" nui var var chuan ka ti a, abby lah alo ner nasa "mi hi ring nghal zung zung zel suh, abikin khanu estheri phei kha chu e, ataksa pumpui kha ka x-ray phawt loh chuan ka ring lo nasa mai" duh thawh zet hian ati a .





















"X-ray bik em em angaih loh kha ahmelte pawh a pangngai ve hmel kha" ka lo ti let ve vat inhuat reng ka duh lova, estheri lahin ngaihdam min dil tawh bawk a, buaina dang chu awm belh rih tawh lo se ka ti, "atheih loh...camoin...keichu a kawchhung thleng a, ka hmuvek lo anih chuan ka ring chuang lo" abby bawk chuan ati leh a, hahthlak thei mang nge "keichu afel tawh vang aniang ka hmu hmeltha vek mawle" braydon an alo tih chuan le, abby thinrim nasa mai braydon chu a thutna tanga tlawhthla pawpin a tla thum nghal dup bawk.





















"Eng nge chhelo te ilo tih, awiawm loh lutuk nang hian, ngaihzawn te ilo tum vel ange aw, khawvel atang hian ka pet chhuak nghal che ani mai" ati tawn tawn a, "mihring khawsak pangngai hian khawsa ve rawh abby camoin..." Thawh chhuah tuah tuah pah chuan ati a, kan lo nui nasa hlawm mai.






















Kawngkhar lama rawn pen lut avang chuan ka nui tawp nghal hmak, kan thutna lam chu arawn pan a, ka lo en reng ahmel chu ahma khan ka lo enchiang lova, atla ve duk mai a khabe hmul vel ato siar siar bawk si, alang upa zualin alang pa zual tak zet, a mit khur atla duk a a chauh hmel ngawih ngawih a mu tha lo tih a hriat bawk, kan bul alo thlen rual rual chuan, engmah sawi lo in ka thu lai chu min pawt tho zawka inchung lamah min kai chho nghal nal nal, lo tanna hun eih pawh a awm lo, midangho pawh chu an hamhaih ni ngei ang, ngawirengin min thlir thap.























Ka roomah chuan min luhpuiin, kawngka chu akalh nghal hmak a, ngawirengin ka lo en tawp "ka insawifiahna hi min ngaihghlak sak rawh" hreawm tih hmel zet chuan ati a, achet dan leh atawngkam in ang lo lutuk vang chuan mak ka ti lek lek, "atha lawm sawi ta che" ka tive ta nge nge a, zunneia hi ka hmangaih a, ka hmangaih na tuar lai leh, hreawm ti hmelte ka hmuh hian ka khawngaih lo thei bik lo ani, apa vang pawn a rilru ana dawn tih ka hria, kei leh zel chuan tha deuh a ka lo biak rih phawt hi atha bakah a insawifiahna chu ngaihthlak ve hrim hrim ka duh bawk.
















Ka room sofa awmah chuan kan thu dun ran a, athaw leh hak thin, achauh dan tur chu ka hriatthiampui "patricia lakah khan lem ka chang a, dik tak chuan ani khan thil sual tam tak ati a, a ka ngeia in puan tir ka duh vangin" ati chhuak hak a, mak pawh ka ti em em lo, achhan chu dairy tang ka hrevek tawh miau a, zunneia ka en chuan ani pawn min lo enve reng chu niin, min thlakhlelh hmel zet hian min en vung vung a, ka khawngaih reuh lutuk.

















"Anih, so-jung kha s-hee zawk ani tih kha i hre tawh em?" Ka tih chuan lu a bu nghauh nghauh a, "engkim ka hrevek tawh lawm, kan thiannu so-jung phuba chu ka la ngei ang, patricia pawh a dam chian veleh jail lamah kan thawn liam thei tawh ang" ati chhuak hrawk a, athinrim hmel viau bawk "so-jung ani hleinem so-hee zawk alawm" ka lo tih chuan min melh zawkin "nia" ati tawi tak a.




















Zunneia lamah chuan ka tawlh hnai hretah, a biangah chuan ka kut pahnih a, vawn sakin chiang zetin kan in melh dun a, "zunneite, ka ngaidam che mahse khatiang kha chu thleng nawn tawh lo se ka ti, ahma atang i remruat dan vel min hrilh lawk nila chuan, khatiang khan ka awm bik lovang" amitah tak melh chung chuan ka ti a, amitmeng chu a de nghal sawr sawr mai.




















Rang zetin ka taksa chu a kuah vat a, "ka lawm e, dawithiamnu ka tiam ache ka ti na nawn tawh lovang che, min ngaidam rawh" lawm hmek zet chuan ati a, ahnungah ka lo chul hliau hliau bawk, "chuan so-hee phuba kha keimah ni ngei hian phuba lak kan duh mipa ho inlo inrawlh ve athiang lo ang" ka tih chuan min kuahna chu aphel vut a."Chu chu ka rem tih i ring em ni?Dawithiamnu i nunna hi derthawng takah ka dah tawh dawn lo" ati chang bawl, mahse ka tlawm duh bik lo.



















"Keimah chiah ka ni dawn hleinem, hmeichhe ho in alawm mipa ho chu lo telve turin kan duh lo cheu, lungngai suh engtin mah ka awm dawn lo, ahim chinah zel" tihpahin ka nuih sen sen a, ka chalah chuan arawn fawp tawk a, athawchhuak zui ham ham bawk."Atha e ka phal sak ang che, mahse engtin mah i awm tur anilo" thupe aw zeta atih chuan lu ka bu nghauh nghauh a.





















Ka inrin loh lai tak chuan min pawm lawpin, khum lam min pan pui a, khumah chuan min mut tirin ani pawh arawn mu zui ve nghal "reilo te tal, chawlhahdam lawk ang aw" ati chhuak sup a, keipawh chuan ka hnial bik lo, a ban chu min kham tirin min kuah hle hle bawk "zunneite, proffesor goarge kha, engtin nge itih dawn?" In thlahrung ang reng zet chuan ka zawt a "tunah rih chuan ka la hrelo, an company te nen kan thawkho dawn a, an company share atlak hniam avangin leiba pawh an ngah viau ani awm e, eng pawh thleng se goarge hi hlat hram hram ang che" ati ve sup sup a.























"Ka hria lawm, ka hnaih duh teuh lo mai, ani ang mi nunrawng" ka lo tive vat a, anui nghawr dat "i chhuah dawn pawn, keimah nen emaw, i û emaw nen chauh chhuak thin rawh, hmeichhe hlanga chhuah te kha tum reng reng suh u" ati leh a, ka chhang lem lo ka zawm thei dawn lo miau a.



















Zunneia chuan apa chanchin te, apa in min huat zia te leh an chhungkaw chanchin ka la hriat loh tam tak te chu min hrilh mawlh mawlh a, achangin ka lo tap a, achang leh ka nui leh thin, apa in min duh loh em em chhan chu an hnam ka nih loh bakah zunneitea hi keimah vanga a mit chanah angai a, a dik reng bawk a mit min pe a, mahse keipawn ka hriattirh chuan ka hrethiam lo hle anih kha tunah chuan ka lawm tawh zawk ka hmangaih taksa peng ka taksa ah a awmve reng tih ka hriag vangin.
























"Zunneipui...naktuk chu i buai viau anih pawn thlanah chuan reilo te tal rawn lang ve ang che aw" ka tih leh chuan min chhang miah lo, ahmel ka han en chu ka nui hak, alo muhil daih a chau tak tak anih ngei ang, a muhil hmeltha zet mai chu ka thlir reng, ka kut chuan ahmai vel chu dim zet hian ka khawih a, a hnar ngul nal zet mai chu ka rin thla riak riak a, ahmui sexy zetah chuan ka tawp chat, ahmel hi chu atha ve chiang alawm, ka lu chu ti kangin a hmui sexy zetah chuan ka han chuk zeuha,ka mu tha leh nghal bawk.















(Comment and click)





Tunlai chu ka buai akal tluang lutuk a, ka duh angin ka ziak hman thin lova, hemi story hi tih tawp vat vat ka duh vangin ka theih ang angin, ka kaih tawi a, chapter pali emaw panga emaw vel bak angai tawh lo maithei, atawp thlenga min lo chhiar sak zel turin ka ngen ache u


Show post links
Top

[Ngaia]

Chapter-13





Sasha pov.





Nizan lam ka mutui bawk nen zing ka tho chu, ka mood atha viau mai, ka thil tawn te pawh hre tawh lo ka ang zawk hial alawm le, zunneia pawh haw lo in ariak ve nghal a mahse zinglam dar 2 vel khan call pawimawh a dawng a, a haw ta nghal bawk, ka hrethiam ve tho apa police in an man a, an chhungkua chu an buai ve viau ang, nu miriami lakah pawh ka inthlahrung lek lek mahse zunneia pa erawh ka la ngaidam thei chuang lo, nizanah zunneian min hrilh leh danah phei chuan kan pahnih a kan inthen theih nan khan ruahmanna kha alo siam nasa viau ani awm e, vasty pawh kha a thurualpui te zingah pawh a tel ve tho.























Inhnuai ka chhuk chu, kitchen lamah zai ri ka hre nghal zat , ka mood a ti chhe vek tep a zai chuan, zai hi chu athiam lo ve thlawt alawm maw, "iva han hlim hmel awr awr tak" ka va ti lut nghal a, lo hawi vatin a nui vur vur "hlim tehreng dam takin kan hmu leh che a, chutah jayden nen kan in hual tawh bawka, chu bak bak eng nge rai chiah ka hmabak tawh" tihpahin, a awi deuh duai duai thutna tur pawh chhuah pah chuan ka ner zui chiam.





















"Nimin lamah lucifara nupui alo kal tih ka hria, camoin.....kha luci khan eng nge arawn tih a, ka awm lai chu nise aw...." Ati deuh vawng vawng a, chutih laiin kitchen ah chuan abby leh judy chu phak zet hian an rawn inzui lut ve nghal bawk, "morning" sawmi chuan alo ti var a, an rawn thu thla ve hnawk thawh hi chu an harsat ve hlawm ania aw.
























"Estheri te chu a sual tawh hleinem, a fel tawh lawm" ka lo ti sam et a, "khanu kha e, engti kawng mahin be tawh hlek suh,a over kual anih kha" brinjali lah chuan ati chhuak hluk hluk a, "ninawm e, thawh veleh tang lucifera nupui ringawt in sawi a, mood ati chhe vek" abby chuan meng pawh la meng tha theilo hian arawn ti a, ka ner khum nasa "i hmelchhiat zia kha, va in en teh, model ini hi ka awi theilo, drip khai sak i ngai angem?" Ner nawng nawng chuan ka ti a.






















"Sual viau suh, drip khaisak ngai khawpa hmelchhia ka ni bik lo aw, zing thawh veleh a hmeltha vur i hmu tawh mi?" Abby chuan ati pawr hlurh "ele keimah, ka hmeltha lawm keite chu engtik lai pawn ka tha thin, abby min en la" brinjali chuan alo ti zawt zawt a "i chhe mai nih chu a, pasal hual neih tawh vang mai a, lo inlak hmelthat" abby bawk chuan ati leh a.
























"Pasal hual tur pawh i hmuh zawh ve loh kha" sawmi chuan ati ve leh judy nen ngawirengin kan lo ngaithla tawp "ka hmu lutuk a ee ka duh lo zawk, ka tan a khuanu ruat an nih loh vangin, ka tana khuanu ruat hian min rawn zawng hmu har tawh e,awi a hmelthat dan tur hi ka lo dream vel thin" abby chuan ati leh zawt zawt a, zing tho hlimah chuan kan tawngthei hlawm ber ang, sawmi lah chuan ei loh hmel zet hian alo en ngur a.


























"Awi keichu, ka tana khuanu ruat ka hmuh hunah chuan e, ahmelchhiat vaih chuan ka duh chuang lovang, khuanu in min ruat sak pawh ni eng ang mahse, hmelchhe deuh chu ka duh lo" judy chuan alo ti ve ngei a, ka thiante ho ve hi aw heti hi kan la nia "keichu fa neih ve ka chak tawh, mahni fa ngei han nei ve tawh ila aw" sawmi chuan ati deuh vawng vawng a, keipawh ka rilru ah alo awm ve nghal, ka rai chak tihna erawh ani chuang lo, ka û te hi in nei vat se sawmi hi rai vat se ka ti.























"Awi keichu, pasal neih hi ka peih dawn der silova, fa neih ka duhve tho dawn bawk si, vawikhat pian ve man a, 'mummy' ti a, min koh tu an awm ve loh te chuan le, awmzia awm dawn lo, pasal nei lo in sawn ka pai mai ang" abby bawk chuan ati leh a, mawl ti zetin ka melh haw mai mahse an dan angah chuan sawn pai chu eng teh ual ah an ngai lem lo ang, keini mizo te ah chuan thil mawilo leh, zahthlak hi a tam em em a, sap ram angah te chuan sawn pai tih vel mai mai chu, an ngaipawimawh vak lo, ka thiante ho hi sap deuh vek an ni sia, kan hnam nen hian ka lo tehkhin leh thin alawm le.

























"Sawn pai ringawt te chu a, i ti ho e" ka ti bul bul a, "ho vak loh chu, fa neihve te pawh ka la duh dawn sia, pasal neih ka peih siloh chuan angai alawm" alo tih leh pawh chuan hmui ka ti pawrh vak, "pai na tur pawh hmu tawp silo" judy chuan zawi te tak tak hian ati a, mahse kan hre pha vek tho abby chuan a chhang let lo na in, a melhrum viau abby leh davon te hi an in melh no ve tih hi ka hre ru reng, midang hian an hre lo nge an hrelo der pawh ka hrelo e ah.























Kitchen atang chuan chhuahsan in pawn lam boruak nuam zet chu ka hip lut vang vang mizoram min ti ngai tak zet, kan thenawm naupang phir te pawh kha an ngaihawm reuh alawm le, ka phone chu hmetin zunneia numberah chuan ka dial nghal zat, ala har lo "hello ka duat" arawn ti cool ruih a, ka nui hak, a aw ah chuan a chauh hmel tak zet "tinge i mu lo mi, iva chauh hmel ve i aw chu" ngaihtuah zet chuan ka ti nghal a, "nia hna ka thawk tlaivar alawm, ka chau ve det" arawn tih leh chuan ka khawngaih reuh lutuk ringawt.

























"Vawiin chu chhuahna tur ka nei a, i hotel ah kan lo kal kawi ang aw lunch ei ho ila" ka ti nghal vat a "tute nen nge in kal dawn?Pawn chhuah hi i tan ahim vak lo ania" min ngaihtuah hmel zet chuan arawn ti a, keipawn nuam ka ti chiah lo zunneian rem atih vak loh phei hi chuan ka thla ati muanglo vek zel mahse a pawimawh em ani "keimahin ka kal dawn lo, abby leh brinjali pawh an lo kal dawn alawm" ka ti tha ve mai bawk a.

























"Fimkhur ang cheu, hotelah chuan inlo kawi dawn nia, lunch kan ei ho dawn nia, judy leh braydon kha ka mamawh khawp mai, arang lama an lo kal theih chuan ka lawm hle ang" fiamthu deuh reuh si hian arawn ti a, ka nui ve suk suk mai "ka lo hrilh dawn nia, mipa ho tumah an la tho lo" nuihza zet chuan ka ti a, nizan lamah kan thiante ho an rawn riak vek a, an tho theilo hlawm em em zui.





















"Imm anih thawh tur tlem ka la nei a" arawn ti leh sup "awle, i hah lutuk anih kha, chawlh hun te hreve rawh, chuan ka hmangaih che zunneipui" ka tih chuan lehlam ami chu anui chhuak hawk a, hmui ka ti pawrh nghal vak "sual suh aw, ka hmangaih che min ti ve vat rawh a rei" ka ti deuh nang nang a, nui hawk hawk chung chuan "awle keipawn ka hmangaih lutuk che ka duat zaite" nuih zat hmel zeta tiin call a cut nghal daih engmah pawh ka sawi hman tawh lo, mahse hlim zet chuan ka nui ve tho, ka mizo hming hian min koh khat a, min koh ve chhunah lah hian amah zawk hi ala lai ve ziah zui.




























Pa joseph chungchang kha zawh ka duh viau a, mahse ka zawt leh ta lo a chauh hmel nen buaina lam vel sawipui ka duh rih silova, mahse jail chu a tang dawn chiang a ka û hian a en liam mai mai dawn lo tih hi ka hre chiang bawk, ka nu leh pa te pawn haw tura min chah ka hlauh vangin engmah hrilh lo tur chuan ka ti a, ka û erawh a lungawi hmel teh chiam loh.













...........









Mental hospital hana an dahna lam panin kan kal a, taxi chan buai vel kan peih loh vangin brinjalin car a keng a, keichu ka khalh thiam lo hrim hrim kan proffesor-i hian engtik laiin nge car khalh alo thiam hman ni che rang thei ania, abby te nen kan pathumin kan kal ho a, abby pawh chawhnu lamah shooting aneih dawn a, mahse min lo kalpui ve ngei a duh vangin arawn kal ta tho, kan chhuah dawn thlengin mipa ho chu an la mu, tumah kan kai tho zo lo ani ber.
























"Zanin chu in tih hlim nan club lamah kal ila atha ang" abby chuan ati chhuak deuh hlawlh a, sawmi lah chu alo phur nghal em em ringawt "atul lo, buaina kan nei ve ziah kal loh law law tur" ka lo ti ve vat thung, "camoin...sasha khirh viau suh,midang pawh kan sawm vek dawn tho alawm, kan intih hlim khat em hi, zanin em em chu enjoy ve ang u, aninawm club kan kal khat em hi" sawmi bawk chuan arawn ti leh, atawngthei zawk ta chuan hnehna chu a chang leh ta phawt chu nia.
























Kan kal tumna kan thleng a, ka hupphurh rilru viau mahse a pawimawh em ani, hospital chhungah chuan kan lut nghal vat a, kan mi hmuh duh chu a hming leh anihna te kan sawi chuan doctor pahnih leh nurse pathum lo awmte chuan min en reng ringawt anih chu eng nge an hriat deuh ni "min hrethiam ula nangni hi hana chhungte em ni in nih?" Doctor sang tha zet mai hian ati a, "nilo e...mahse kan hmelhriat ania" brinjali chuan alo ti vat, abby chuan anin hmel viau, mask a vuah angai bawk sia.
























"Hana te chu thla kal ta mai khan, a awmna roomah a in awkhlum alawm" doctor tho in a tih leh chuan min thawng hlawm lutuk chu kan in melh haw haw hlawm mai, "doctor i sawi awmzia chu eng nge sawi chiang teh" ka mak tihna pawh ka thup thei meuh lo, "kan damlo enkawl lai mek ania, amah khan depression aneih bakah natna hrang hrang kha a ngah hle a, jail atang mental hospital lamah hian an lo sawn phah tawp a, achang chuan mi â ang chiahin a khawsa thin, a rilru kha abuai vek thin, a rawn awm tirh atanga a thih thleng khan, a chhungte hmel vawikhat mah an rawn lang ngailova, mak kan ti viau asin" doctorin a tih leh mawlh mawlh chuan keimah ah inthiam lohna tam tak arawn lut nghal zung zung.



























Hospital kawtah chuan kan thu thap, tumah pawh in biak kan tum lem lo, hana kha kan tan thiantha chu ani lo alawm, kan lakah pawh tih sual chu anei ve ngei, mahse so-hee kan thiannu kha ama thah ani lova, aman that ang a, a inpuan vek avang khan jail ah pawh tan phah reng anih kha, keini ho hi hetia a awmchhan pakhat kan nive, ahun lai khan engkim kha rilru fim leh pangngai takin lo chhui ila hana khan jail atang lo anga, a nun pawh pangngai takin a hmang ngei ang, kan tuar nasa hle emaw kan tih laiin keini aia tuar nasa hi an lova tam em.




















Hana a boral tawh miau avangin, bei adawng lek lek mahse ka bei dawnsan dawn teuh lo, thudik chu eng anga rei pawh nise alang dawn tho tho, lang lo tur a thuhruk engmah a awm lo, "hana chu mak ka tive det a boral ta daih sia, chuan a chhungte hmel an lang ngailo an ti bawk si, amak inti ve em?" Abby chuan arawn ti chhuak hlawlh a, "mak ve e, mahse tupawn an ngaihdan ah hana kha tualthattu ania, achhungte pawn an hmu duh lo ani thei" brinjalin atih chuan keipawh chuan dik ka ti viau.

























"Hana a boral ta si a, kha milem kan ti dawn nge kim so-jung mitenawmi kha, kan hmuh vat angai ani ka hmuh hun chuan kut ka thlak nasa viau ang" abby bawk chuan ati leh hmarh hmarh a, keichu so-jung dik tak zawk an sawisel chang hian ka lo tim vek a, nuam lo ka ti ru thin a chhan chu kan thiannu so-hee kha kha leh chen so-jung ang ah ngaiin so-jung tih hlirin kan koh thin a, hetia a hming tak tak kan hriatna hi ala reilo bawk nen, ka thinlung hian so-jung tih hming hi a haw theilo hi mak ka ti, kan thiannu in alo put char char hming anih vangte pawh ani mahna.



























"Nangni ho chu eng nge in tih thap a?" Rawn ti tu lam chu kan hawi thap, kan piahah hian joel hi alo ding reng, nuisangin kan thutna lam chu arawn pan a "awi ka duh theilo, joel" tihpahin malsawmi chu a tho hluai over thei chiang e, "eng nge helaiah te itih ve a?" Ka lo ti vat a "nia...ka thianpa doctor nen lunch kan ei dawn a?" Ati tha ve mai bawk "brinjal malsawmtluangi chu ila ngaireng mai ka ti, i va tar sawt ve, i hmai vun a chuar ania" ti a afiam zui zauh chuan, ahnungah a chum sak chawrh.























"Min hre tawh lo mi?Abby ka nia" tihpahin abby chuan akut chu aphar chhuak a, joel pawh chuan alo vuan vat "in thianho kha in tam sia, chhinchhiah in har reuh lutuk a" joel chuan nui suk hian ati a, "awi keite chu, ka hmeltha ber alawm chhinchhiah ka awl dawn tehreng nen" abby bawk chuan ati leh, hahthlak thei mai mai e, abby chuan amask vuah lai chu ala thla a, "ka hria che, nangte hi model hot deuh kha ini maw?" Joel an atih chuan abby chu anui deuh uar uar a.


























Brinjali nen kan eilo dun nasa "tehreng mai, america model zawng zawngah hian ka hot ber alawm, hawh thla ka lo lakpui ang che, min dil zak dawn tih ka hresa mahse nangchu kan thian ini tho" ti zuah zuahin, amah zawk chuan a phone chu phawrh chhuakin joel bulah a insawn phei a, a selfie pui nghal, ava han zam lo ham ham chiang tak a fans anih leh nih loh pawh ahre tawp silo, midang bulah intih theih nana hman atum leh pek aniang.

























"Nangni kha" rawn ti pawr hlarh tu avang chuan kan hawi leh nghal thap, davon chu chak zet hian kan lampanin arawn phei a, a kekawr ipte zenin arawn phei vawk vawk, ahmel lah chu ngaihdam dil ka duh rum rum alawm le, kan bul alo thlen rual rual chuan joel bula thu, abby chu a pawt tho nghal zawk "lunch ei turin kan nghak cheu a, nangni helai hmunah hian mipa inlo thutpui vel mai mai amaw?" Davon chuan ati chhuak hluk a, sawmi nen kan ner dun nasa.
























Joel a thik vang ani reng sia, abby lakah a thinrim a sawmi nen min han hau hmak a, "i chhe chhip chhap lutuk, i thik anih chuan i bula ding model over deuh kha hau la ti nia, keini pahnih hi chu kan single lo ve ve a, hauh chhan tur kan awmlo" brinjali chuan alo tive hlak hlak, joel chuan kan thianho chu min en deuh thap mak ati ru viau mai thei."Chupawh nise, abby hruai ler theihin in lo awm amaw?" An ti leh vel a, abby lah chuan davon vawn na, akut chu a thingthlak sak hmak.























"Kan duh leh kan awm anga, kei phei chu ka single leh nghal, rawn inla changtupa vel lutuk mai" abby chuan ati ve hlak hlak , davon chuan amelh deuh run run, an insual mai ang tih chu ka hlau ru ang reng viau, " nangte hi, i single leh gle loh chu ka thu thu ani mai, mipa vawikhat mah lo thut hnaih tawh hlek suh" ti pawr leh hlarhin, abby chu akai a, akalsawn pui dawr dawr.






















Ding leh thutin, arawn in her leh thut, keini pahnih chu min rawn melh leh run run in, "nangni pahnih kha, in rawn kal dawn nge, nangmahni hruai tur cheu in, body guard ka rawn tir zawk dawn?" Arawn ti vin leh hlurh a, ka ner sak sak thinchhe lutuk mai, brinjali nen chuan kan tho tuah tuah a, a inthlahrunawm ang reng viau, "anih joel kan kalsan ang che aw, kan inhmu leh vat dawn nia" ka ti chhuak sep a, joel chu anui vur vur "tehreng mai, in thiannu saw min lo biak ru aw" nui vur vur a, atih leh chuan afiamthu tih kan hria, davon tih elh nan a, atih ani.

























"Awi khalamah kha chuan, lungngai miah suh ahmin sa" brinjalin atih leh chuan "Malsawmtluang" davon chuan arawn ti pawr hlarh a, "aw anih, kan lo kal hawh kal ang azahthlak" tihpahin brinjali chu ka pawt kal nghal rawk rawk hospital kawt ani bawk si, joel lah hi kan mipa te ho lah hian an thik hlawm ve ziah zui, an hahthlak e han hrechiang se chuan afel zia leh a rilru that zia hi an hria ang, an haw em em pawn ka hrelo, zunneia pawh khan a thinlung chuan ahaw tak tak lo ang, an thik thu a chhe ve hrim hrim a.





























Davon chuan a carah, abby chu phurin keini erawh sawmi car chuan kan kal ve thung a, zunneia te hotel lam panin kan tlan nghal vang vang, kan thianho hi chu kan mak ve tawp, engpawh ti dawn ila, a huho zelin kan ti thin a tumah hi kan in hupphurhin kan in enhrang ngailo reng reng, kan tam ang hu hian kan thian ho ah hian in ngaizawng kan la tlem phian zui, ngaihzawng lam hi kan ngaihsak lo ve hlawm hle bawk, kei leh zunneia kan in ngaizawng a, ka ngaihzawng neih awmchhun ani a, zunneia lah chuti bawk patricia kha chu thuhran, brinjali lah ka û nen an nghet em em a, tunah davon leh abby an ni leh mai a, official chuan la in ngaizawng lo mahse a rei tawh vak lo ang.


























Kawnga kan tlanlai chuan, kan hmalam kan tlanna tur kawngah chuan, car hian min lo dang vek, davon chuan car chu a break ri tuarh a, keini pawh kan ding chiang hle, "mai mai chuan" sawmi chu aphunchhuak hluk a, kei erawh ka thin a phu dup dup mai, sawngho saw tute nge ni leh ta tinge buaina hi afel dawn a, kan hlim ve tan dawn chauha buaina dang hian min umzui leh thin eng em em nge kan tih sual bik le.












CHHUN ZAWM TUR.....






(Comment and click)




Note.


Rawn dah ka tum lo viau a achhan chu tunlai ka buai zual deuha type na hun hi ka neih meuh lova, chuvangin zankhat danah zel ka lo dah tawh ang ka tia, zanin pawh rawn dah ka tum lova, mahse nizan lamah ka sawi lawk bawk silova in lo hrilhhaiin min dem ka hlau bawk si a, hman lo chung chungin tawite hi ka rawn dah hram a, naktuk zan atang zankhat danah zel ka lo dah tawh ang aw in vaiin min lo hrethiam hram hram dawn nia hemi story phei hi chu atawp tep tawh a, chapter tam deuh a awm tawh dawn lova chuvangin hman hmawh lo ang aw


Show post links
Top

[Ngaia]

Chapter-13 zawmna






Sasha pov.







Car chhungah chuan thu in kan ngawi reng, davon chu hmanhmawh hmel zet hian a chhuk a, a bengbulah phone a dah danah, mi biak anei tih a hriat, abby thutna lam seat ah chuan hmanhmawh hmel zet a, pheiin car kawngkhar chu a hawng sawk a, abby chu kai chhuakin kan lamah chak zetin a rawn kal phei pui, abby chu car hnungah chuan rawn thut luh tirin brinjali nen chuan min rawn melh leh zeuh.





















"Tunah hian in kal nghal angai, brinjal chak zetin a hnung zawngin back leh nghal rawh, sawng mi te saw ka lo ti khawmuang ang" davon chuan ati a, kan lawm lo nasa amah chauha kalsan kan tum lo bur "atheih loh, kan rualin lo kal ve rawh" abby chuan aw khur lek lek hian ati a "ni e davon rawn lut vat rawh" ka lo ti ve thuai a, kan hma lama car ding thap lam chu a melh leh zeuh.






















"Ka theilo, sawng mite sawn min rawn umzui anga, buaina kan tawk nasa mai mai dawn, midangho ka phone tawh a, an lo thleng har lovang, kal vat rawh u an ni saw, goarge mi tirhte an ni ngei ang" davon chuan ati leh mawlh mawlh a, tute pawh chu nise davon hi amah chauha kalsan ka duh lo bur.





















"Kan kal dawn chuanglo, kan vai hian hmachhawn law law ila, atawp thlen law law tur" brinjali pawh chuan arawn ti ve vat, keipawh ka ngaih dan chiah ani, buaina hi ka ning tawh takzet thlamuang deuha nun hman ka duh, tlanchhiat reng leh in ven reng ngaia awm ai chuan hmachhawn zawh vek law law ka duh tawh zawk.























Car atanga brinjali achhuah thut chuan, "Brinjal" davon chuan ati chhuak hluk a, abby nen pawh chuan kan chhuak ve nghal, abby chu davon bulah chuan kalin a kutah chuan a vawn sak a, an in melh dun reng "davon an sawi kha a dik, hmachhawn tlang vek ang u, ka kalsan theilo che engtin emaw awmpalh ta la, ka tuar zo lo ang, i bula ka awm chuan eng mah ka hlaulo, ka thla amuang zawk" abby chuan ati dap dap a, zunneia nen kan pahnih ai pawn saw mi te pahnih saw an romantic zawk.




























"Hmangaih biahthu di in hlan chu duh viau mah ula, indo na mualah chuan ni suh se, biahthu in hlanna hun tam tehreng nen, nge tun ataka in lo ramantic vel hun lo lutuk" brinjali chu aphun char char, davon pawh chuan min dang thei dawn lo tih a hriat vang nge, min hnial zui lem lo kan hmalam chu kan hawi thap a, car pathum a ding a achhung atang chuan mipa hi an lo chhuak sup sup.























Ka phone chu a ri char char mahse chhan chi pawh anilo, brinjali pawh a phone ri chu a chhang bik chuang lo, kan lam panin chung mipa rualho chu an rawn kal phei a, keini pawh kan kal phei ve tho, hnai takah chuan kan in hmachhawn ta ran hlawm a.

















"Intih buai emaw, in sual buai vel kan duh lo kha hmeichhia kha min pe ula, kan kal nghal ang" mipa pakhat sang ve pangngai tak, khabe hmul nei hlauhawm hmel zet chuan ati a, keimah chu min melh deuh ngur bawk, davon chuan a hnungah min din tir vat "engvangin nge kan thiannu chu kan pek ngawt ang cheu, in ta ami?" Brinjali chuan ngeiawm zet hian ati a, hlauhawm ah chuan ding lo ila ka nui nasa viau maithei.























"Kan ta chu anilo, mahse ani khan kan miss in a duh thil pawimawh deuh mai akawl alawm" chupa bawk chuan ati leh a, buaina chu an duh bik vak lo anih hmel, mahse "miss" ati nih kha, a awmzia chu hengho hi proffesor goarge mi tirh te nilo in, Kim so-jung tirh zawk te an ni ngei ang, sawmi nen chuan kan in melh dun ralh a, atih tir tu kan hre nghal vek.























"Tu nge in miss chu?" Abby pawh chuan zam loh hmel zet hian ati a, davon erawh ala tawngchhuak lo hrim hrim, inla pa deuhin a ding khawng reng, davon hi chu a tawngtam vak ngailo, zunneia nen hian an in ang deuh thin butut an nei a,dawhtheih loh chinah chuan kuttum ani nghal mai "kan miss chu kan sawi theilo, buaina kan duh lo kan tih kha, min rawn zui vat mai rawh" atih leh chuan sawmi alo tawng vat "hmm...in miss kha sawi duh lo mah ula, kan hrevek Kim so-jung misual rapthlaknu-i kha maw, a thil duh pawh kan hria, dairy tiraw?Mahse maw kha dairy kha kan chhiar vek a, chuan kan hal ral vek tawh" ati zawt zawt a, misualpa ber pawh chuan sawi ngaihna a hrevak lo nge a melh deuh run run a.

























"Nangni ho hi, kim so-jungin pawisa hlawh a, atirh mai mai cheu in ni em?" Davon chu a tawngchhuak ve ta nge nge a, ka a chhang ta lo chuan chupa chuan lu a bu zeuh a, davon chu a kiai suk "anih chuan a pawisa pek let ka pe ang cheu, ani khan engthil nge a tih a, a thil tih thin zawng zawng ka hnenah in rawn sawi thei anih chuan " davon chuan in rintawk hmel zet hian ati a, chupa chuan anau te ho chu amelh kual hrek hrek, atir atanga min bei nghal mailo kha mak ka ti ru hle kha nia, pawisa hmanga alo thlem te mai mai an nih vang ani maw, chuti nilo se an tam zawk a min hruai lui daih tawh ang.



























Ahnu fe ah, chupa chuan "atha lawm, mahse pawisa chu a tlem thei lovang aw" ati leh a, "in duh zat zat ani mai" davon bawk chuan ati leh "lee kal tawh ru le, vawikhat mah min tih buai kha lo tum tawh lo bawk ula" sawmi chuan ati zui lang lang a, chung ho pawh chu an car lam panin an kal nghal sup sup, an tlan liam veleh chuan kan thaw huai hlawm a.































"Awi, min sawisa hrep tawh dawn anih hi ka lo ti rilru a"brinjali chuan nui hak hak chuan ati a " i hlauh loh em kha, i hnial zawt zawt kha"abby chuan alo ti vat "hnial mah ila ka hlau ru ve tho, mahse hlau anga kan awm chuan min zuam ka hlau sia, hlau chung chungin ka tawng anih kha" brinjali chuan ati leh kha kha , "engpawh nise, misual rual pawh hnial dang thak thei, thian kan nei che hi aropui hrim hrim" davon chuan ati a, kan nui nghak hak hak nichin lawkah kan hlauh nen tunah kan nui leh vak vak a.




























Chutih lai chuan kan dinna bul kawngsir ah chuan van hi arawn ding a, achhung atang kan thiante an lo chhuak sap sap, van hnungah chuan car rawn ding lehin zunneia chu chak zet hian arawn kal phei a, ka bul arawn thlen rual rual chuan "i tha em?" Tiin ka taksa vel chu a enkual dap a, lu ka lo bu nghauh nghauh, "kan tha vek, inva rawn thleng tlai hlawm em em ve, vai film kan chang emaw in tia mi, vai ang mai" sawmi chuan lawm lo zet hian ati hlak hlak , vai a hmuhsit vang erawh ani lem lo.
























Vai film velah hian engkim a zawh tawh hnuah police te an thleng chauh thin a, kha kha a sawi chhan ani, "kan hriat veleh kan rawn tlan nghal alawm, kan hmanhmawh ve nak laiin" judy chuan ati nang nang a "nia...keiphei chu hmai pawh ka la phih hman lo" jaremy chuan alo ti ve vat avan buaithlak thin aw "engpawh nise kan thiante dam takin, kan hmu leh cheu a, pathian hi chu ava ropui em" daniel chuan alo ti vawng vawng a, hepa lah hi engkimah a piangtharna hi asawi chhuak ka ti mai.






















"In rawn thleng har hlawm si, kan thi tawh dawn maw kan tia, abby leh davon phei chuan, hun tawp a thu hnuhnungte, an lo in fah hman tawh a, mahse kha kan thi leh ta silova awmzia awm lo lutuk" sawmi bawk chuan ati leh hlak hlak.










"I va han tawngthei tak" davon chuan ati zeuh, midang ho in abby leh davon kut in kaia ding chu an melh thap, chu veleh hrechhuak thut ni awm takin an inthlah chiang hle, "thu hrimah brinjal, ithi lo chu i van lawm loh hmel em em" agatha chuan alo ti pek malsawmi chuan amelhrum viau "thih loh avangin tunge lawm lo ngai, mawli ka beng dawn che mawni" tihpahin brinjali chuan akutin agatha chu atin uai uai a, agatha chu nui vak vakin alo tlanchhe vat.




























Haw ta mailo chuan kan thianho chu kawngsir rem laiah chuan thu in kan ti ti ho a, thil pawimawh vel kan sawikhawm laih laih bawk, vawiin hi kan thiannu thihcham ani a, mahse kan tum ang pawn kan awm leh thei ta lo, hana kan zawn dan leh a intih hlum dan vel te chu kan hriat ang ang kan hrilh ve hlawm a, midangho pawh chuan an lainat hmel hlawm viau.
























Timothy lam kan hawi chuan a mittui alo tling pam mak ti zetin kan melh thap hlawm a, zunneia lah chuan ka kawr chhungah a kut zen lutin a kut lah chu ahlei mai sia, khak pawn awmzia awm thak lo "timothy tinge i tah a?" Babya chuan ati vat a "aw atap ve ang chu a bialnu hlui a boral tih ahreve chauh alawm" clara in alo tih chuan sawmi leh bawk chu a ner nasa.
























"In ngaihzawn pawh in in ngaihzawn hman loh kha, timothy over viau suh, ka chum hnang awl awl mai ang che" brinjalin atih chuan timothy chuan in sut fuih fuih hian "nge ka tap ve nimai a, ka ngaia ka tap ani mai" ati bui bui a "athi tih i hriat hma pawn i tap ngailo, a awmve tih pawh i hre tawh lo zawk over lutuk" judy chuan alo ti ve hluk a, "ninawm" tih leh timothy chu atho thut a, kan lo en thap.























Zunneia car ah chuan lutin, a inkhalh chhuak nghal nal nal anih chu "tinge chabi i phawi lo law?" Zunneia melh chho ha chuan ka ti a, min chhang lo in a mit a san ak ringawt "khapa kha khawia kal nge a tum a?" Atlan liamna lam thlir pah chuan babya chuan ati vawng vawng a "a chiang reng thlan ah, akal dawn niang hana thlanah zui ve nghal ang u" braydon chuan alo ti ve vat a, kan tho nghal sap sap.






















Van lamah chuan kan phei nghal a, braydon, zunneia, judy leh davon te chu an la inbe khawmuang rih a, midang hriat ve tura an duh loh an sawi ani ngei ang, brinjali car ah, athen an chuang a, athen davon carah kei erawh zunneia nen van ah kan chuang a, judy leh agatha an chuang tel ve a, babyan akhalh bawk.Thlan lam pan chuan kan tlan ve vang vang an phumna leh a thlan awmna hi doctor te khan min hrilh vangin kan hria a, zunneia darah chuan nghengin ka chhing diar diar a.



























Ka pum chu arawn ri rawk rawk, lunch eiho tum kan ei leh silo nen, ka pum a ri chiah chu ka riltam tih ka hre chawpchilh nghal, "tinge engmah ila eilo mi?" Zunneia chuan min ngaihtuah hmel zetin ka pum chu arawn zut a "aw hun a awm loh kha" ka lo tive mai bawk, ari leh rawk rawk thin "sasha i pum kha tiri tawh lo teh, ka motor khalh ati buai vek" babyan atih hluk chuan ka tum bar mi riltam ve te, zunneia chuan min enin min nuih suk suk a, ka chalah fawp zeuhin "restaurant hnai berah kan ei dawn nia," ati chhuak sup a.



























Restaurant lian vak lo awmna ah chuan babya chu ding turin
ati a, babya pawh chu a ding ve mai, thil chu min eipui leh zuai a, ka ei rei lo midang an kal vek tawh a, ka hmanhmawh ru ve viau, "muangchangin ei rawh" arawn ti sup a "ka hmanhmawh a lawm" ka lo tive thung thil ka ei zo a, khawmuang loin kan chhuak zui nghal, so jung thlanah pawh kan kal theih loh laiin midang thlana kal chu ka rilru anuam lo, mahse so jung thlan hi ahla bik a, hmun dang daiha an phum vang ani.



























Thlan chu kan zuk thleng ve a, judy chuan ka banah min kaia, babya leh agatha an inkai bawk, zunnei kan bulah chuan ngawirengin a kal ve bawk "agatha min thlah miah suh aw" babya chuan ati zawi sep a "baby dawi viau lo teh, chhun khaw en lai pawn i hlau amaw?" Agatha chuan ati chhuak hluk a, "ka hlau em em lo, mahse ka thauah hian min man tu an awm tlat alawm" babya chuan ati nang nang a "khawilai nge i thau chu" judy chuan alo ti pek zunneia anui chhuak hawk leh nghal.


























Thiante ho awmna kan zuk thleng a, thlan pakhat bulah chuan an ding kual thap, kan zuk thleng ve vat a "khawnge timothy chu" zunneia chuan ati nghal zat "i hmu mai lo mi? En ta che" clara chuan alo ti vat a,timothy chu thlan lungchungah hian, thu in alo tap hawm hawm anih chu hahthlak ti lutukin ka thawchhuak hak " eng nge maw i hriat reuh le, timothy ramhuai hian a zawl che nilo maw le" sawmi tih ngaihna hrelo lutuk chuan ati chhuak phawng a.
























"Engvangin nge ramhuai chuan min zawl anga, mi rilru nave te" tap pur chung chuan ati pawr hlarh a, athlan lung chu kuah tha sauh sauhin a tap leh hawm hawm mai "Hana, ka tihpalh aw i tan mipa tlinglo tak ka lo ni, in ngaizawng hman lo mah ila, ka duh ve hman tep che a sin" timothy an atih chuan kan en thap, hana kha a duh tak tak lo a duh hman tep chauh anih chu awi ka thin a rim e.

























"Hey....ka awi em em tawh lo tho nghal rawh, anih loh chuan helai hmunah hian zankhua in i awm ang" ka ti vin ve ta hlarh, ka vin ve chu mak an ti nge min en thap, timothy meuh pawn mittui nen hnaptui nen min rawn en chho vah mai, "eng nge khati khan ka dawithiami hi in melh thap a" zunneia chuan min chhan zet hian alo ti vat a "nia...ka ning tawh em alawm hepa hi" tih pahin timothy ka kawk zeuh midang ho pawh chuan engmah sawi lem lo chuan lu an lo bu nghauh nghauh hlawm a.



























"Hey...mawla i tap duh anih pawn hana thlan dik takah khuan zuk tap zawk la, midang thlanah tinge i tah bui bui a?" Abby chuan ati chhuak deuh hlawlh a, "maw?Hei hi hana thlan anilo maw?" In sut fuih fuih chuan timothy chuan ati a "nih loh kha en chiang ve ta che, pitar thlan anih kha kum 73 zet anih tawh kha" abby chuan ati pawr hlarh a, thlan kan han enchiang chu alo ni tak tak, kan nui ru tet tet hlawm.



























"Pitar hi ka khawngaih ve ani mai a, min vin vak angai kher mi, ka pi tinge heti maia min kalsan lo let leh rawh" tih zawmin a tap leh nghal vak vak anih chu, kan in melh kual hrek hrek a "nichin khan khulai ah khuan, hana thla ang deuh ding ka hmu" tih leh braydon chu a tlanchhe nghal a, hmanhmawh lutukin kan tlan ve nghal a, kan nui nasa hlawm mai ahnung berah "hey min lo nghak ru, ka duh lo ramhuai in min um" tihpahin timothy chu arawn au phei lawng lawng a, nuilo pawh kan awm tawh lo.




























Kan motor dahna bul kan thlen chuan kan thaw chhuak ham ham hlawm a, upat hnu lamah kan han tlan chiam chule atawp berah timothy alo thleng ve a, ahahfal bik ngang mai a thaw hluam hluam a "tinge min tlansan thut a, inva mawl hlawm ve" ati pawr hlarh a khup dawmin ala thaw hlawih hlawih a , "hana kha i ngai viau ani lawm ni?" Brinjali chuan nui uar uar hian ati a "ka ngai a , athla erawh ka hmu duh kher lo" ati vin hlarh a, tih ngaihna hrelo chuan kan lu kan thing nak nak.





























Chutih lai chuan braydon chuan call a dawng a, midangho pawh chu kan lo ngawi nghal thap "hello, private datactive braydon ka ni e" ati nghal zat a, a phone chu ngawireng hian angaithla vang vang "khawilai hmunah maw?" Ati chhuak leh phawng a, kan lo en thap chu min melh kual hrek hrek bawk "awle, an hnu chhui tur lo zawng nghal char char ru, kan rawn thleng har lovang" tihpahin call chu a dah nghal a, kan lo en thap "judy kan kal nghal angai, tualthahna athleng ani awm e" braydon chuan a ti zui zat a, "ehe engtia thi nge?" Abby chuan alo ti vat "ka chiang chiah lo mahse an rawn sawi dan khan, a nghawngah chemte a, zei anih bakah alu ah lungin an chhu ani awm e, athluak pawh a per chhuak, pos-mortem turin police in an la nghal a, ahmel a hmuh theih silova tunge anih an hrelo,mahse hmeichhia chu anih hmel" ati mawlh mawlh a, rapthlak ka ti lutuk chu ka lo ip zawk zawk thei.




























"Ava han rapthlak veleh, a thattu chu mihring pawh ani dawn ami, tiang khawpa mahni mihringpui ngei han thah mai chuh" sawmi pawh chuan alo tive a, ka ngaihdan chiah "ni e kan kal phawt ang, abikin hmeichhe ho fimkhur zual ang cheu, tul lo ah pawnah chhuak mai mai lo ula, anih loh chuan body guard in an zui reng ang cheu thu in awih loh chuan" braydon bawk chuan ati leh a, kan lo ner nasa hlawm mai.



























Judy nen chuan an kal nghal a, midangho pawn haw tumin car lam kan pan nghal sap sap, zunneia carah zawk kan chuang thung a, midangho chuan chance min pe nge tumah an la rawn chuang duh thak lo zui, tualthahna chungchang vel chu ngaihtuah zawmin ka rilru ka kawm char char a, ka kut rawn hum tu avang chuan ka harh chhuak vat zunneia car khalh chu ka en vat a "ka duat eng nge i ngaihtuah vung vung a?" Ati zawi sup a, "aw braydon sawi kha mawle" ka lo ti tha ve mai bawk.




























"Ngaihtuah vak vak suh, khatiang lam kha i hriselna tan atha lo, keimah chiah hi min ngaihtuah la atawk mai" nui suk chuan ati a, ka kut a fawp zeuh bawk.














"Nangte chu engtik lai pawn number one inia lawm" nui hak a, ka tih ve chuan ka kut bawk chu la kangin a fawp leh vang vang a "ka hmangaih em em nu" atih chuan lai zetin ka hawi kual zuk zuk a, "nangpawh ka hmangaih em em pa" nui sen sen chuan ka ti let ve a, "engtin mah awm suh aw" arawn ti chhuak leh sup, tinge maw chutiang thu te a sawi ni "engtin mah ka awm dawn hleinem" ka lo tive vat "engtin mah awmsuh, anih loh chuan maw ka awm thei dawn lo, khawvel hi nangman iti famkim, i telvelohna khawvel a awm ai chuan i bulah, hreawm deuh pawh nise zuive che ka thlang zawk" atih leh sup sup chuan keimah zawkin a kut chu ka vawn sak a.























"Zunneite kha chu ka sawi awm zawk tak alawm, khawi hmunah pawh awm la, i lak atang min dah hrang suh aw, hreawm dawn hle pawh nise i bulah ka awm theih dawn phawt chuan, zui zel che ka huam" ka ti chhuak ve sep, min enin min nuih deuh suk a, amitmeng a min hmangaihna lang chhuak chu ka hmuh hmaih lo.























"Kan in ngaihzawn dan hi, hreawm iti thin tih ka hria lawm, ka duat, kan thiante an awm a, chinfel loh kan la nei bawk a, keilahin hna ka ngah em em bawk a, in ngaizawng dang angin ka lenchhuahpui ve hman lo che a, hmeichhe dang angin park ah te, beach ah te ka hruai ve hman lo che a, ka tihpalh aw" ati ve sup sup a "ahma ka sawi kha ila hrereng alaw, ka thinrim vang mai mai anih kha ka hrethiam che lawm zunneite engmah angai reng reng lo, min hmangaih chuan ka lawm abak engmah ka duh lo" ka ti let ve vat a.































Hmalam ka hawi chiah chu ka mengphawk chiang lutuk "Noah" ka tih that rualin kan chuanna car chu a ri nghal bur bur a, kawngthlang lamah kan tlan liam nghal, ka lu ka sawh a ka vai riai engmah ka hre mumal tawh lo, ka meng che che a, zunneia awmna lam chu thei leh thei lo chuan ka en phei a, nikhawhrelo tih hriat zetin a maimitchhing a thisen a chhuak nasa hle bawk "zunneite" ka ti chhuak sep ka aw chu kei ngei pawn ka hre thei tawk tawk ani, ka lu hai lutuk chu ka mit ka chhing riai riai.





















Brunjali pov. (Brinjali hi a pawimawh ve em ani)









"Doctor....hmanhmawh rawh u engtin mah an awm tur anilo, an dam tur ani " kan ti tuar tuar a, noah leh sasha nikhawrelo thisenin a bual khah vek chu hmanhmawh zetin doctor leh nurse te chuan buai puiin an luh bo pui nghal a, tu mai pawh chu min thawng a, kan chiai a sawi tur kan hrelova kan â vek ani ber, tinge noah leh sasha hi an vanduai bik em em le, kan hamhaih lutuk chu tap thei pawh kan awm lo hial.



























Kan vai mai chuan, kan thu thap ka kawr chu muangchang in ka en a, thisenin akhat vek kut khur dar dar chuan ka kawr chu ka khawih a, ka tap chhuak hawk ka bula thu abby leh clara te chuan min kuahin an tap ve nghal hawm hawm a "heihi sasha leh noah thisen anilo tiraw?Ani lo engtin nge an awm ang, an tha leh ang tiraw?" Tiin ka tap hawm hawm ka tap ri ah chuan midang pawh chu an lo in sut ve nasa hlawm a, midang ho pawh chuan thisen an kai ve nasa hlawm mai.


























Hlim deuhin in kan thleng ang chu tih laiin, ni e noah leh sasha kha chance pek ve kan duh vangin tuman kan chuanpui lova, an pahnihin an chuang bawk, kan hnungah zel an rawn tlan a, keini pawh kan tlanchak lem lo, truck lianpui mai hi kan tlan pel a, ngaihthat lona kan nei lem lo, mahse thil ri bur bur leh hmeichhe au thawm kha chiang zeta kan hriat avangin ka car khalh lai kha ka ti ding chiang viau,























Car atang chuan kan chhuak sap sap a, sasha te an nih pawh kan ring chuang lo, mahse kawngthlang lam kan hawi thla chiah mai chu, kan thiante motor ngei alo ni, hmeichhe ho chu kan chiai vek a, tih theih pawh kan nei meuh lo mipa ho zawk chu hmanhmawh zetin an chhuk thla a, babyan ambulance a call nghal bakah, judy chuan police alo call ve bawk, a sutu truck chu atlan nghal daih a, tumah khan a motor number lam kan lo ngaihsak tawh lo, hethil hi tihpalh anilo, noah hi mipa fimkhur tak leh chimlim tak ani, eng anga rui pawh nise a accident lovang atleirawl lai atanga bike race nei hrat tawh ani a, a accident mai mai dawn lo tih hi ka chiang.


























Doctorte chu an lo chhuak har ka ti tawh takzet, judy leh braydon, chuan jayden te chu hmanhmawh zet hian an rawn in zui a, kan lo awm thapna lam chu an rawn pan nghal, "bawihi engtin nge an awm?" Jayden chuan ati vat a aw atang chuan ahlauthawng ve tho tih ka hria, lu ka thing a, ka mittui bawk chu atla leh "ka hrelo" ka ti lawi rat a, min kuah rual rual chuan ka tap chhuak hawm hawm.























Davon chuan thil awmzia chu alo sawi zung zung a "hethil hi accident palh anilo, tih luih ngei ani judy kan kal nghal angai, police ho in an chhui tak tak hma in, kan thlen vat angai" braydon chuan ati a, "mahse awm ve rih phawt rawh u" jeremy chuan alo ti vat "nilo...kan awm hman lo, kan thiante pahnih hetianga ti tute hi kan hmanchhuah vat angai, kan man ngei bawk ang, joe nangpawh lo kal rawh" tih leh braydon chu hmanhmawh zetin a chhuak nghal a, judy leh joe chuan an zui chhuak ve nghal.
























Jayden chu a rilru ahah tih hriat zetin athawchhuak leh hak thin, chutih lai chuan kan awmna ah chuan Kim so-jung chu arawn in lan hlawlh "nangni ho chu inva lungngaih hmel hlawm ve" ngeiawm zet hian arawn ti a, kan en nghal thap, ka haw lutuk chu ka thawchhuak hrawk hrawk a, alamah chuan chak zeta pheiin a bul ka thlen rual rual chuan "zawngi" ti vin thatin a hmai ah ka beng hawi sawk, thunrim hmel zet a, arawn hawi let leh chu a biang lehlamah ka lo beng leh thuai.























Asamah chuan ka kek dak awrh a, ka thiante ho pawh ka bulah chuan an lo ding ve thap tuman min danglo chu ka lawm hle bawk a sama ka keh chu na tih hmel zetin athen sawk sawk a, ka kek na zual sauh "heihi hrerawh, kim so-jung nanghi i him rei tawh dawn lo tih hria ang che, kan thianten accident an tawhah hian inrawlhna i nei anih chuan ka that ang che, nang hian so-hee i unaunu i duh duha i tih kual mai mai ang khan keini hi chu min ti lovang tih hrerawh, chuan i him rei tawh dawn lo tih hre bawk la, keini ho hian nanghi i thih rak thlengin kan umzui dawn che tih hi lo hreve mai mai rawh" ti vin thatin chhuatah chuan ka paih thlu thuai.






















"Atawk e bawihi insum rih rawh hospital anih hi" jayden chuan alo ti vat a, kim so-jung chu thinrim hmel zeta tho in, min melh rum hlawm viau "hetianga min tih man hi in la hmu dawn khawp" thinrim hmel zet chuan ati a "kan la hria ang chu, jail a awm turin lo in ring rawh, achhan chu maw kha dairy kha tlangzarh turin kan thawn tawh" ka tih chiah chuan amitmeng chu a buai vek, kan thawn tak tak lo mahse hetia hlauthawng zeta siam hi ka duh so-hee tawrh na te khan hen zo kher lo mahse ka theih chhung chu hreawm takin henu hi ka siam ve dawn.
























"Kal nghal rawh, i him i duh chuan kan thianho hi min hnaih tam lo ang che" ka tih leh that "ka kal ang, mahse phuba chu ka rawn la leh ang" ati vin that a, za lo zetin ka nui hawk "phuba lak chu kan tih ve tawh tur zawk aw" ngeiawm zeta tihkhumin ka in her hmak, tunah chuan noah leh sasha chiah kan ngaihtuah rih an ngai, "lalpa khawngaihin ka thiante pahnih hi dam tir leh hram rawh, an tel lo chuan keini ho hi engmah kan ni dawn lo, in hau in invin vak vak thin mah ila, min kalsan turin kan duh lo lalpa i awm tak tak anih chuan khawngaihin chakna pe la, an pahnih hian dam tir leh rawh" ka rilru chuan ka tawngtai char char.












(Comment and Click)







Ninawmka ning ah ka bang tawh dawn changtunu leh changtupa hi thih tir ila, tawp tir daih ang u aw


Show post links
Top

[Ngaia]

Chapter-14 Last chapter




Sasha pov.






Ka mit ka meng riai riai a, thil ri deuh mur mur chu ka hriat zawm zat, ka menchian hnu chuan damdawi rim nam rum rum pawh ka hriat zawm nghal a, "tui" tiin ka phunchhuak sep, chuveleh "arawn harh ania, lo kal teh u, sasha aharh" ti chul tu chu tunge anih pawh ka hrelo, ahnuah min rawn din hual thap a, brinjali chuan tui hi min rawn intir a, ka in tam theilo, mahse ka zia hawk, ka thiante chuan min la en thap hlawm a, ka harh chhuak chu an lawm hmel ngang mai.








.









"Sasha ilo harh chu ka van lawm em, karkhat lai damdawi inah hian i mu tawh ania, noah pawh iti mangang khawp mai, ani pawh atha tawh lutuk, na em em in nilo hlauh a, in vannei tak zet" Dannis chuan alo ti mawlh mawlh a, zunneia that thu an sawi chuan ka hahdam nghal sawng sawng mai, ka la tawngchhuak miah lo chu an ngaih athat loh hmel hlawm viau.





















"Tinge sasha i tawng miah lo a, itha em?" Brinjali chuan ati nghal zat, a mangan hmel tawh viau mai fiam ve hrim hrim an chakawm "ani hi atawngtheilo daih anilo maw?" Daniel chuan alo ti hmanhmawh a, alu ah agatha chuan a kuk fawk, "an accident naah khan a hrawk achhelo mawla" agatha chuan ati hlarh, daniel chuan alu a tuai vut vut "damlo bula awm kan nih hi, in sum rawh ru" davon chuan alo tive vat a, an inhnial zawm lo hlauh.





















"Mahse sasha hi tinge atawng miah loh le" samantha chuan ati nang nang a, "noah in call tawh em?" Abby chuan a sawi zawh rual rualin ka awmna room chu a rawn in hawng a, zunneia hmel ka hmuh zawm zat, ahnungah braydon leh judy leh joe an lo lutve nghal bawk, zunneia chu ahmaiah khem a awm nual a, alu chu ala in tuam bawk ti chung chuan hna a thawk leh ani ngei ang.






















"Dawithiamnu" tihpahin zunneia chuan min rawn pan vat a, ka bulah chuan rawn dingin ka that leh that loh chu min zawt nghal bawk, ka la chhang duh chuang lo, chutah ka hawi kual leh te te a, ka thiante ho lah chuan min enduh hlawm nasa mai, ka awmdan chuan a rukin ati hlauthawng hle tih pawh a hriat.



















"Zunneite" tihpahin davon chu a kutah ka vuan a, amitah chuan chiang zetin ka en bawk, an meng phawk hlawm lutuk chu an khawngaihthlak zawk, davon phei chu tap mai tur hmel a pu "ehe sasha kha chu, davon alawm hei hi lawm zunneitea chu" tihpahin sawmi chuan zunneia chu a kawk a, ka lu chu thing nawkin "ai anilo, heihi lawm zunneia chu i mit a del ami?" Ka lo ti leh nghal a, tawng nachang hria pawh an awm tawh lo, "an accident naah khan alu a sawh anga a hriatna ahlauh a mawn le" braydon chuan ati nang nang a.



























"Sasha min thlah vat rawh, zunneia ka ni mai mai lo, davon ka nih hi, i ti rapthlak lutuk" davon chuan ati deuh tiau a, abby hmel ka en chuan ani pawh chu ahlauhthawn hmel nasa mai,
"Dawithiamnu min en teh, keimah hi lawm zunneia chu i chianglo anih kha" zunneia chuan alam a min kuai her pah chuan ati a, "ehe nanghi bad boy lulian kha ini maw?" Nuihza insum zeta ka tih chuan alu bu nghauhin "aw keimah bad....." A sawi zo hman lo "nangte hi lem ilo chang vel ani maw?" Zunneia chuan ati pawr hlarh a, chutah chuan ka nui chhuak ta hak hak a.






















Midangho pawh chu thawhuaiin an nui nghal vak vak hlawm mai "keichu ka nuih pawh aza lo, ka tah a chhuak" davon chuan alo ti bai bai a, "davon hmel khawngaihthlak zia mawlh kha" babya chuan alo tive bawk "noah pawh, inchungah a spiderman duh leh mai ang tih ka hlauh hman zia chu" brinjali chuan alo tive bawk kan hlim tlang dar dar viau.











............

(Ka kal tir duai tawh dawn ania)









"In puang vat rawh, kha truck min su tu kha, nangmah tih tir tiraw?" Zunneia chuan thinrim hmel zet hian ati chhuak hrawk a, midangho pawh tawng lo in, kan ngawi thap, tunah hian zunneia secret house ah kan awm mek a, chuan Kim so-jung kan dawp mek bawk, kan dawp tihah zunneian a dawp ani zawk mah, hetiang thil hi tih ka duh ngailoh bakah tumah tih nat ka duh lo mahse henu hi chu a sualna hi anasa em a, in puang tir ngei kan duh bawk si ani.























Ka harh chhuah hnu khan damdawiin ah ka la awm char char a, ka ke ka hman lawk theih loh avang khan ka la chhuak thei lova, hospital ka awm chhung zawngin midang ho in, kan accident dan vel kha an lo chhui char char bawk, chuan kim so-jung hian ka thih theih nan ruahmanna alo siam bawk a,




















"I sawi dawn lo maw?Ka dawhtheihna hi fiah i tum em ni?" Zunneia chuan ati chang leh bawl, so-jung chu ala tawng duh chuang lo, diktak chuan en harsa ka ti achhan chu a hmel saw, kan thiannu hmel chiah chiah anih vangin ka hmu rei thei thlawt lo "keichu ka ning tawh khawi keiman ka dawp dawn" tih leh brinjali chu thawh a tum ta uai uai mai, midangho in an lo pawt thu leh vat "nangchu lo in sum rawh anih loh chuan i pum chhunga naute khan, 'anu chu kungfu athiam e, a khik sang thei si' ala ti mai ang" danielan alo tih chuan hun lo viau mahse kan nui huk mai.

























Ka sawi hmaih daih a, brinjali hian naute thlahnih mi apai mek, alo in zep thei ngar ngar hi ka ti a, mahse a awm ve viau thiante pawh ni mah ila tu in nge bialpa te nen a, kan awmdun dan zawng zawng sawi nuam ti bik ang ni, chuan thlaleh mai hian an in nei dawn a, mizoramah kan haw angai dawn tihna anih chu chuan kan thiante ho zawng zawng hi kan sawm vek a, monu thian a tan kan inchuh vek bawk nen monu chuan thian angah dawn khawp mai, mizo zinga monu thian ngah ber ani mai thei.




























So-jung chu a rawn nui chhuak hak "ni e ka hrilh ang cheu, damchhan tur vak ka nei tawh chuang hleinem" za lo zet chuan anui leh "sawi rawh" tihpahin zunneia chuan ahma ah recorder chu on in a dah nghal zat "kei hi, kim so-hee û ka nia,
phir ni mah ila ka unaunu kha ka hua, ka duh reng reng lo, building atanga namthla tu pawh kha keimah ka nih kha, athih hma ni chiah khan college ah khan ka lo kal a, arukin kan inhmu, ti tura ka tih kha ati duh silova ka that ta anih kha" ati chhuak that a, abby chu kal phei hlawk hlawkin ahmaiah ava beng chawrh.
























Dairy ah khan an inhmuh a , an thusawi vel kha a ziak vek a, kha chu mak pawh ka ti em em tawh lo zawk, abby chuan thinrim deuh hian so-jung chu amelh ngar a, abby thinrim hi kan hmu khat khawp mai, davon chuan alo kuah hrang vat a, "building chungah khan ka koh anih kha, chuan alo kal a, hana pawh kha alo awm nghe nghe, so-hee kha arawn thlen chhoh rualin, building atang khan ka namthla nghal alawm, amah tak ngial pawh khan, ka thah ani tih a inhrelo, mahse ka rin loh deuhin kawngkhar phen ah khan hana khan min lo enreng a, chuan ka vo zui ta ni, ama thah anga a sawi lo anih chuan, a sex hman lai video theh darh sakah ka vau a, chu vang chuan ama thah angin a sawi anih kha"































Inchhirna leh timna nei map loin a tualthah dan chu a sawi mawlh mawlh, ahmel ka en thin hreawm tihna pakhat mah ka hmu lo, so-hee boral tirh lai vel khan ka mumangah ka hmuh kha, ka hrechhuak athihna chungchangah khan "i rinaiin mi inrawlh an tam ang" ati anih kha a sawi kha adik athihna phenah hian dawt alo tam em ani, apa pawh khan ahre ngei ang, "ka thah hnu khan ka kalbo leh, mahse kum tam aliam hnuah ka pa chuan min rawn callin ka unaunu dairy ahmuh chhuah thu asawi a, kha khan min ti hlauthawng hle a, america pawh ka rawn pan nghal bawk, dairy ka lak dawn meuh kha chuan alo bo hman daih tawh, nangni thianho erawh hi chu ahranpa a, huatna cheu ka neilo, ni e goarge nen khan a tir chuan kan inthuruala kan tang dun alawm, mahse ka nu leiba vang chauhin ka tanpui"





























Ngawirengin athusawi chu kan ngaithla thap "anih leh so-hee kha engvanga haw em em nge inih?'judy chuan ati a, " ani khan engtik lai pawhin ka chan tur ai, achang zel asin, ka nu hmangaihna kha adawng bik em em a, kan lian deuha school kan kal ve pawh khan teacher ten kei aiin an duhsak thin, midangin min kawm ve duh loh laiin ka unaunu erawh kha chu, tu pawn kawm chakin an tlawn luai luai thin, " amittui chu avawikhat nan aluang ngiai ngiai a, a khawngaihthlak lek lek zawk.



























"Mahse khatih lai khan ka unaunu kha ka la haw chuang lo, aruk chuan thik chang chu ka nei ve thin, mahse naupang mai kan la ni a, ka theihnghilh leh mai thin, mahse highschool kan kal tan a, ka mipa atchilh em em maiin, so-hee chu abem ta a, khata tang chiah khan ka unaunu chu ka haw tanin ka hel tan ta ani, zakaria te nen khan an inkawm thin bawk a, ka unaunu ka huat em avang khan ka school luhna pawh ka sawn daih, ka hmuh peih loh vangin tuman phir kan ni tih an hre hman lo, keimahni pawh khan kan sawi ngailo hrim hrim,



























Chuta tang chuan ka unaunu chu, ka pa bulah khan dik lo taka hek ka ching chho ta a, ka pa kha ka bum kual hneh em avang khan ka pa pawh chuan min ring a, ka unaunu pawh kha ahuat phah a, asawisa ta fo bawk khawngaihna ka nei ngai chuanglo, college kan kal a hunve dawn meuh kha chuan ka pa khan ka unaunu chu college kal ve phal lo in, inah a khung bet a, chhiahhlawh ang maiin kan chhawr bakah, a taksa kha sum lak luh nan kan hmang bawk"


























Chuthu a sawi lai chuan ka tap chhuak hawk a, zunneian ka kutah chuan min hmer vawng vawng, kim so-jung chu mittui nen ka pan hnai a, ka insehruh nasa viau bawk, so-jung chu ka melh ram ram a, "i unaunu kha maw, tute pawn kan ngaihnat chhan chu maw, arilru that vang leh afel vangte , anungchang that vang te khan alawm tupawn an ngaihnat, mahse nangchu ini ve lo, i rilru atha lo in , i suala chuan i chapo bawk, i unaunu nen kha chuan in danglam lutuk tlat, ani ang khan hmangaihna inei ve lo tih i hria em, nang hian kha ithinlungah khan hmangaihna leh khawngaihna pakhat mah i neilo, chuvangin hmangaih leh khawngaih tlak ini bik lo, " ka ti vin that a, ka thinrim lutuk hi ka puakkeh niberin ka hria,
























A inpuan zawh hnu chuan finfiahna kan neih hote chu la khawmin, police lamah kan thawn liam ta a, a tawrh tur chu anep lem lo khawp ang, a unaunu nu chiah kha athat lo midang pawh thah anei nual, damchhungin jailah a hun ahmang tawh ngei ang secret house ah chuan tumah haw lo in, kan la thu thap a, kan ngawi vang vang chutah "lee...tunah chuan hnehna kan chang ta" tiin joe chu arawn au nghal vak a, midangho pawh chuan hlim zet hian "kan chak ta" kan lo tive sap sap a, kan in kuah nawk nawk hlawm bawk.






























Joe phone ah lai chu ari a, ala chhuak a, kan ngawi leh nghal thap, a phone chu melh vung vungin a pickup ta a, loud speaker ah adah tih a inhrelo nge "eng nge ninawmpa" ati vin nghal hlarh a, lehlam atang chuan mipa aw hian "tunah hian min hmu tura ilo kal nghal lo anih chuan nizan chungchang kha ka sawi chhuak vek dawn" mipa in arawn tih chuan joe chu a hawi phawk ru, chutah kan lo en thap chu min melh kual leh te te phawt a "aw ka lo kal ka ning" tih leh phone chu a cut nghal a, atho zui nghal zat.

























Achhuah hnu chuan kan ti ti zawm malh malh hlawm a, "lawkin a mipa aw kha ka hriat tawh hnu a ang" brinjali chuan arawn ti chhuak phawng an ngaihsak hlawm viau, a awm ve reng kan thiannu joe hian athiante tih loh mipa a be ngai miah lo kha nia amak ve em alawm "keichu joel nen an aw a in ang ka ti" ka ti liam puat a , "awi i sawi har ka lo ti lutuk, keipawh a aw kha ka hriat hnu a ang ka ti si, ka hrechhuak zo tawh silo mahse joel i rawn sawi chiah khan keipawh joel nen an aw kha a in ang ka ti " sawmi bawk chuan phur hmel zet hian alo tive a.

































Chutah kan phur hlawm ta lutuk chu, kan te chel chul mai, joe pawn atawpah chuan bialpa aneive leh thei dawn anih hmel, mahse hun ala duh rei viau mai thei, ahma khan joel khan joe number min dil ka lo ti reng ani, engtin nge joel khan awlsam taka a koh chhuah theih an in vo tih chu a hriat mai a, mahse mak ka ti tho tho.









.........






Tunah chuan mizoramah kan awm ta vang mai, ka hlim dan em em chu pui tak ani, kan zalen ngawih ngawih kan zalen ka tih hian min ti buaitu awm tawh lova kan awm hi nia ka tih, proffesor goarge lahin min ti buai zawm tawh lova, nun thara nun a duh ve te pawh ani mahna, a nupui lah khan min rawn biak zawm lova ka va be bik lo kim so-jung kha kan man har inlo ti pawh ani maithei, kan duh chuan kan man thei nghal reng alawm mahse tlanbo na hun kha kan pe ani zawk mah, mahse ani chuan chu chu hrethiam lo in, min beih kha a sim chuang lova chuvanga man ta kha kan ni.






























Mizoram chu ka thiante ho hian nuam an ti ngang mai, tumah hotelah thlen ka phal lova, kan inah an lo thleng veka room ruak kan ngah tho bawk a, ka nu leh ka pa te pawn an lawm hlawm viau, mizoram kan thlen khan sawmin kan inlamah min zui haw ve mai atum kha kan dang nasa hlawm asin henu hi chu a bawn thei ania aw, tunlai phei chu araino thinchhia leh rilru no in pawlh bawk nen , keimah ber hian ka ngei hluah hluah thei ania aw, ka û lah hian an duat em em khawp a, ka thin arim lek lek zel.Lungawi lo zetin a chhungte ho in, an hruai haw ve thei hram nuih hi ati za thin ania.






























Zunneia te pawh a tuk lamah mipa ho nen an rawn thleng ve nghal a, hna aneih vang khan kan rualin akal thei lo kha nia, monu thian nih vek kan tum chu an buai hle a, atawpah kan inhrilhfiah fe hnuah keimah chu monu thianah min hmang dawn a, sap ho danin in nei se chuan mo thian chu kan ni thei vek ang, mahse sap nilo in mizo kan ni miau a kan mizo danah mo thian chu pakhat chauh tur ani bawk si , ka thiante an lungawi lo hlawm ania, ka û pawn zunneia thianah ahmang dawn bawk a, kan hlim tlang hlawm viau.




























In neihna a, pawimawh tur vel leiin barzarah kan inzui dam dam hlawm a, kan tam tham si kan in hlauh then ang tih te pawh ka hlau, kan thiante ho lah chu, mizoram la kal ngai hek lo hmuhnawm an ti mai mai khawp a, nuam an ti hlawm viau bawk babya phei chuan nuam ati fal zual a, akhek ring thei viau, mo thuam tur pawh sawmi duh ang thlap kan lei a, atir chuan hawh kan tum a, mahse lei kha kan duh leh ta zawk si a.

























Mipa ho lah chuan ning zetin min zuikual ve zel a, zunneia phei chu a phun leh hluk thin, ka lo nui ru char char zel bawk,
Mipa tan chuan a ninawm ve dawn em asin.











Kum 4 hnuah chuan....kal duai ang








"Anii" lo ti tu aw lo chhuahna lam chu ka hawi vat, nui ver verin ka kut pahnih ka phar chhuak a, ka û leh brinjali te fanu Jennifer lallawmpuii chuan min rawn panin min kuah nghal chat a, ka lo pawm kang ve vat, ka sep kang nghal zeuh bawk.

















"Amak thin emai, lallawmpui ini khan naute apai a, khatin in pawm tir ziah suh ka ti che em kha, ini kha ahah dawn asin, i rit tham ve tawh ropui si" brinjali chu kan bulah lo dingin a fanu chu arawn hau nghal bawrh bawrh a, ka lo nui ver ver "aho lutuk, ka la in fit em hi" tihpahin kan in show kual vel chu brinjali chuan min ei lo nasa.


























Kan bulah zunneia chu rawn dingin "eheu, kan princess chu ilo thleng tawh ani maw?" Tihpahin zunneia chuan jennifer chu min rawn laksak nghal a, zunneia hian thil rit chawi hi engmah aphal thak lo.Ka û fanu hian zunneia hi a nel em em ringawt mai ni "princess tunah hian helai pum chhungah hian kan lalfapa tur prince kha a awm ve mek a, chuvangin duat tawh tur aw" zunneia chuan ka dul rawn chul hliau hliau pah chuan ati a, jennifer pawh chuan alu abu ve nghauh nghauh.
























Ni e, ka û te in neih atanga kum khat hnuah zunneia hian min purpose ve a, chuan kan innei zui nghal mai kha nia, nau ka pai har lutuk kha ka rilru ahah thei hle, zunneia hian min hnem renga engtik lai pawn ka kiangah a awm reng thin pasal tha tak nih a intiam a, ani reng bawk ani ang pasal tha hi chu an vang viau ang, kan in neih atanga kum li hnuah hei ka rai ve ta hlauh a, kan lawm zia chu pui tak ani tunah hian ka naupai lai hian thlasarihna ahmang mek tawh, ka dul hi a lian a arit reuh si ka hah thei viau keilah ka te ve reuh bawk nen.




























Kan thianho pawh kan awm darh nasa hlawm tawh viau a, Davon leh Abby pawh an in hual tawh a, abby erawh france lamah, modeling class a hawng ve tawh bawk a, a phuisui sawt viau, davon hian ava tlawh ziah thin bawk, daniel pawh apiangthar kha kan lo awi tha duh vak lo kha nia, a piangthar tirh khan, ada ve reuh em a mahse tunah chuan mak deuh maiin daniel chu father ani der tawh, thian father kan nei mai chu nia, mak tak ani, mahse tlangval thianghlim tha kha ala nia, ka chhuang tak zet.




























Braydon leh judy pawh detactive hna an la thawk tluang zel a, an ni pahnih te hi, an chanchin engmah an sawi duh ngailova, mahse an in ngaizawng ngei chuan kan hria, babya pawh a nupui in ngaihdam nasa takin a dil a, babya pawn a ngaidam tunah chuan pa tha tak ani tawh a, chhungkaw hlim tak an ni tawh bawk, joe pawh police ani tawh a, joel nen hian an la in ngaizawng chiah lo, joel hi chuan achet zia zawng zawng nen ati lang vek thin mahse joe zawk hian ala pawm duh lova aruk chuan a duh tih kan hrereng, senior lamah an in ngaizawng dawn tihna ani mai.




























Agatha chuan pourlour dawr lian zet mai, america ah anei a, a lun viau bawk, zunneia nena kan in neih dawn pawh khan agatha hian hmeichhe ho chu min chei vek, chuan Timothy pawh Germany lamah science lam thil zirturin akal a, jeremy chuan poem leh lem ziah lam hi a tui em em a, a lem ziah ho pawh hralh akal viau a, america ah hi chuan alem ziah hian mipui te mit ati tlei viau aniang chu, number one a hauh zak zak mai.



























Dannis te pawh, simplean a company a zauh belh avangin india ram mumbai ah an pem tawh a, an ngaihawm thei tak tak ani, an lo zin ngun thei viau bawk tin samantha leh clara home lamah naupang enkawlin an buaithei viau bawk, tunah hian home din ve an tum bawk a, building pawh an sa zo tep tawh ang, a sponsor tu te hi keimahni ti mai tawh ila, zunneia company te hian an sponsor bawk a, ka û leh brinjali hi an in neih hnu khan, america chu chhuahsanin mizoram lamah an in bengbel ta ani, achhan chu ka nu leh pa te an tar tawh a, a enkawl tu tur chu ka û hi ani kei chuan enkawl duh viau mah ila, hmeichhia ka ni a pasal neiin hmundangah ka awm ngei ngei dawn a.




























Vawiin hi, kan thiannu so-hee thihcham ani a, apual liau liau in kan thianho zawng zawng hi kan inhmu khawm dawn a, mahni hna pawimawh zawng zawng kalsanin, family picnic, trip pawh ti ila a dik tho, kan nei dawn anih hi, athen an lo thleng tawh a , athen an la rawn thleng lo bawk kan ri chuah chuah hlawm a, bengchheng viau mahse ka hlim tak zet.




























Zunneia chuan min kai hrangin, kan awmna atanga hla vak lo thingkung lian zet awmna ah hian min hruai a, thingkung bulah chuan ding dunin ral leh lamah tlang hring dup mai chu kan thlir dun reng, mizoram min ti ngai vawng vawng mai, zunneia chuan ka hnung lam atang hian min rawn kuahin ka dul chu a zut leh hliau hliau tawh a.

























"Hey....junior ilo chhuah vat vat angai ania, mummy hi athinchhe lutuk a, min vak vak zel ania" nui ri suk hian zunneia chuan ati a, a dulah ka nghawk sak vak, ka nui ve tho "ka dul hi akiar bawk si, ka tet tawh nen ka te zual vekin ka hria ka pian lah hi" tiin ka phun nang nang a "ka nupui cute em emnu, hetia ilan dan hian maw ati sexy riau che" ka bengbulah hian arawn ti ser ser a, ka lo mur chuai chuai thei.



























"Awiawm loh lutuk, khawmaw awmtha teh dawt sawi i peih lutuk" ka ti vin hlarh a "kha min vin leh tawh, chocolate cake ka leisak che pawh i ei duh lo ah ka ngai ang" atih chuan ka nuichhuak hawk hepa hian a nupui hi min naute chei ani ber ka rai hnu hian chocolate cake hi ka duh lutuk a, ka hne thei lo ani ber, ka pasal ti tau a hawisawn deuh hmak chu ka nuih hawk a, ka pum chu chulin "naute, daddy hi ati tau hrat e tiraw?Daddy ve si han tih tauh" ka tih chiah chuan zunneia chu arawn in her rang ngang mai.




























Ka pasal ka hmangaih em em chuan min rawn kuah a, ka dul chu alen ve tawh em avang chuan min dip deuh tlat bawk a, kan han nui leh thin, tunah chuan hmana ka lo suangtuah ve thin, kha atak ngeiin achang ta, ka hlima ka mipa hmangaih ber nupui ka nih bakah, ka fa pa tur ani bawk a, kan thiante ho nen him tak leh damtakin kan la inhmu khawm ve thei zel bawk a, tunah chuan so-hee pawh vanah a hlim tawh viau ang.
























"Sasha i chocolate cake hi, hei an ei zo mai dawn rawn kal vat ru" ti a, an rawn au lawng lawng takah chuan zunneia nen chuan kan in melh dun haw "mimawl ho chuh" zunneia aphun chhuak sup, chutah zunneia chuan min pawm kang nghal lawpin "kan lo kal, tuman chocolate cake kha lo ei suh u, in chak lo viau ang aw" tihpahin min tlan phei pui ka ti mai, huiham, heti hian nu leh pa kan nive tawh dawn chu ani sia, ahlimawm zawk phian mai.













ATAWP TA.






Ehe atawp daihkeipawh ka inring hman bik loawi min hrethiam teh u, ka kaih tawi dan thiam berin ka tia, mahse atawp daih mawle amak lutukstory thar ka rawn nei leh har lovang min lo chhiar sak leh theuh turin ka sawm cheu a, chutih rualin ka story ziah min chhiar sak tu zawng zawngte kha in vai a, chungah khamsamida


Show post links
Top