MAFIA KING & QUEEN BY Irene Vantawl (Completed)

[Ngaia]

CHAPTER - 19

KAYLA POV

" Min thah i tum em ni Anthony " lu thing chung in silai chu a dah thla a, restaurant hi a ta a ni a hetiang ruahmanna a siam thei tih hi lo hriat tur a nia

Bernard chuan rum zet hian min en a, eng hi nge maw a hriat leh thin ni. An ral thuam lak sak vek in, an room thuh ruk lam min pan pui a

A chhung kan luh chuan a rim a na takzet, he restaurant hi an hawnna a la rei silo a, ni tak hei vang hi nih hi an in hmuh khawmna thin kan hriat theih loh, lei hnuaiah daih a lo nih vang a nih chiah hi, ngaituah nachang ka lo hre miah lo

Chair ah chuan kei tih loh chu an phuar mawlh mawlh a, a naute zing a mi in min rawn khawih a tum chuan, Anthony chuan a lo dang vat

Chair chu min lak sak in min thut tir a, hepa hian eng thil nge tih a tum ni. A naute chu chhuah tir in, kauh theih reng a awm turin a hrilh nghal a


BERNARD POV

A naute an chhuak chiah tihah, Kitty chu duh thawh zet hian a fawp a. Kitty pawh in min rawn en zawk in, a chhang let ve nghal a

Kitty taksa a zut kual vel te chuan, thawh lawk a a kut tih tliah ka chak kher mai. A awm tham deuh tawk chuan, a in la hrang vat a

Kitty chuan min rawn en in, a hmui chu a tuai zeuh a. Chutah silai chu rawn la chhuak in, ka rin loh deuhin kitty chu a tin ta mai, a tin nu lah chuan eng nga tan mah a ti lo tih hriat zet hian, a awm ngai reng in a awm a

" Bernard ka pa in thah vang khan thil pawi tak in ti ni, Kayla hi i hmangaih tih ka hria a chu vang a helai a awm ve a ni, i hmangaih te an thih lai a i awm dan hi hmuh ka leh chakna a rei tawh a sin, hei tunah a thleng dawn ta e " tiin a rawn nui huah huah a

" Kitty khan eng thil mah tih sual a nei lo, chhuah tir rawh kei hi i mi duh chu ka ni lawm ni, tu teh hrep nge i pa pawh chu ni reng reng a "

Oh! Kitty tih chuan kha i nau Cat kha min hriat chhuah tir zawk mai, e tak a he silai ngei hian i nau leh a thianpa kha ka that a sin, sawrkar thil tih ka lo hlawk pui ve a nih chu

Chu thu a sawi zet zawng Kitty pawh in a en rang khawp mai, a hmelah thinrimna a lang hauh lo a, mahse saw a mitmengah sawn thinrimna ka hmu thiam tawh tlat

Christy leh Naty ka ngaituah chhuak thut a, an lam ka hawi chu an hmelah thaw venna ka hmu thei, an hlau ka rin teh reng nen. Tiang hi vawi khat mah an la hma chhawn awm silo a, mahse tiang a thlen hun pawh a, ngaituah na fim tak pu tur a ka hrilh kha, an la hre ve reng a niang mahse, danglam deuh chu a awm a ni

" A nih chuan kan thil tih dun zawng zawng kha, a lem vek maw ni a Anthony, mi tenawm pa engtin nge ka lo rin theih zawk che " tiin Kitty chu a hmai hup in a tap a

" Bernard i hmeichhe hmangaih hian, i lam a hawi ve lo tih i hriat hian eng tiang chiah in nge i nat " hnai zet a min en chung hian a rawn tia, chhang lovin a hnar chu ka lo tauh sak zawk a

Thinrim zet hian Anthony chuan min rawn hnek a, ka rin ai a nep daih. A thinrim hmel teh reng nen kha chauh kha maw, mipa nep tak a nih hi

Min khawih zawm zat a, a nau pakhat chu rawn lut in, a lo pawt sawn vat a. Chu chuan a ti thinrim sual sauh, chupa pawh chu a hnek ve nghal zat a,
" Min dang ngam vei a maw, i boss ka nih hi i hria em " a ti vin tuar a

Chupa lah chuan eng nga tan mah a tih hmel loh leh nghal. Chu chuan a ti thinrim zual sauh a, Anthony in hnek a tum leh chuan a lo in dang vat, a kut chu herh sak in a tlawh thlu nghal tawp a

Khawih zui leh a tum chuan, silai a rawn ri a. Anthony chu a rawn nui deuh sawng mai, ' Duh ai hun kan khawh ral hnem mah mah, Bernard he hmeichhe pahnih hi, ka naute tan i phal em ang chu tiraw "

" Nang a nau te khan min khawih lo a nga, helai hmun atang hian nang leh i mi thah tak tih loh kha chu, him takin kan chhuak dawn " chak fak hian Christy chuan a rawn tia

" Kan hria ang chu i unaupa lem zet hian, engtin nge a chhan che kan en ang chu " tiin a hmai vel chu a chul hauh hauh a. " Tu in nge ka unaupa in min chhan dawn ti a " a tih rual chuan, Anthony chu a meng deuh kawk a

A silai chuan Kitty lam chu kah a tin nghal a, mahse a lo ruak vek tawh. Chutah kitty chu a mittui hru hulin a rawn nui chhuak a, " Anthony duh tak min ngai nep mah mah a ni, pen khat in ka khalh zel che tih hi i hrethiam silo a, vawiin tut tut a i tih hi chu ka lo ring lova"

Anthony chuan a nau te chu a au tuar tuar a, an rawn lut nghal sap sap. " Kha ta ding lo khan an ni ho hi that vek rawh u, hmeichhia te hi duh leh nawm chen nan in hmang thei ang " tu mah chu an che sawn hauh lo

Eng thil nge thleng phiangsen hi, a naute an nilo zawk nge mahse, a bul a a awm tir ngam chuan, a hnuaiah an thawk rei tawh tih a hriat reng thau sia, chuan Cat chungchang a sawi kha a dik a ngem? Nge min tih thinrin nan a sawi mai mai zawk


KAYLA POV

" Anthony i hnuaiah ni lovin ka hnuai a thawk te an ni tawh, pawi ka tih pui khawp mai che. Hetiang hun thleng tur hian in beih ve nasat nen, mahse i tawpna tur i ruahman tlat. I hnui a thawkte hian an phatsan che i duh loh chuan, thiam tak a be tur i ni sin mahse,pawi ta ber chu ka khal tlat tawh che"

" Chuan kei hi Rose ka ni, chu hming chu i hriat fo tawh ka ring. Thawhpui tur a min sawm nasat em kha, chuan nichin lawk a Cat thian i tih kha ka unaupa a ni bawk "

Thinrim zet hian min en a, min rawn pan chuan a naute, ni leh lo ka naute ti tawh zawk ang, an lo dang vat a. " In tih tur chu in hriat kha, Nardy tih loh hi phelh in lo va chhuah pui rawh u "

" Nardy a tak zet che hian Kayla Stafford, nang vang hian ka buai lutuk, eng vang in nge kum thum hnuah chauh i rawn let, ka na lai hmu turin em ni? "

" Aw ni e i na lai hi hmuh ka duh, min tih nat ang khan na ve la ka duh, mahse Bernard Holden ka thei lo chu a nih hi, kei hian ka tibuai che maw, nang hian min ti buai daih zawk "

Kan rawl chu ring tha tak a ni, room atanga chhuak tur a ka tih hau chuan min rawn en leh zawk zel. Kut ka thlak mai an hlaute pawh niang, chu chu a thleng lovang tih a sawi theih loh

A hmaah chuan chair chu dah in ka en ran a, a awm dan chu a ning tawh tih ka hre thei. Phelh lah chu ka tum der silo a, " Eng vang in nge ka vang in ilo buai nachhan "

Min chhang lovin min en reng a, a lo la ngai reng a nih hi, a mah ka duhna zawng zawng a la ka nei kim vek. " Kayla Stafford kei hian ka hmangaih che, chu vang chuan ka buai i lawm tawh em, chuan min phelh vat teh "

A rawn ti hluk a, tuin nge a thusawi kha awih thei a nga. " Kha ai dam deuh khan i sawi thei lo em ni, hmeichhia vawi khat i hrilhna tih chu hre tho mah ila, kha chu a em em deuh lo maw " tiin ka ner sak a

" I hriat reng te chuan sawi nawn a ngai tawh lo a nih chu, min phelh vat rawh tunah " thu pe aw zet hian a rawn ti leh a. Ka chemte pai chu la chhuak in a malah chuan ka dah a " Mafia King ve lai chu a mah in a chhuak thei ngei ang, ni lawm ni? "

A rum ri pawh hre mah ila, ka ngeih ven peih tawh lo. " Rose chu ilo ni takzet a, ka hre lo kha mawl ka in ti " Travis chuan an bul ka thlen chuan a lo ti vat

" In boss in chhun ten engtin nge in fin reng ang ni, tun atang chuan kei chiah min chhun tawh rawh u " ka tih lai mek chuan, tu emaw hian min kuai her nawk in, ka hmui chu a rawn hru nawk nawk a

Bernard chu thinrim tih hriat zet hian ka hmui chu a hru a, a thip vek tawh mai. A kut chu ka paih sak vat a, " Eng nge i hriat a, ka hmui nawh ral i tum em ni " cho zet a en pah a ka tih chuan, ka biang chu a rawn piai vak a

" Kha mi hring kha i in fawh tir vel khang lang a nih kha, nakinah ka chhun zawm tho ang " tiin min kal pel nghal hmak a

" Kha pa Nard deuh khan min hmangaih thu a sawi a sin, a lai lutuk vang in ka bulah pawh a awm ngam lo a nih kha " ka ti chiah chu phawk zet hian min en hlawm a

' Ka u in maw i ti tak zet em ' Christy rawn ti bah deuh nawk nawk chu, ka lo siai zeuh a. Nicolas rawn kal ka hmuh takah chuan, tlan chhiatna tur ka zawng vat, mahse ka hming chang fek fawk a a rawn lam takah chuan, ka nuih tlawn ta ngawt


BERNARD POV

Nicolas leh Kitty hlim zet an ding dun chu ka en reng a, ka thik tak zet a ni mahse ka thil tih sual ka tuar mek si. Engmah sawi thei ka ni lo, ka hmangaih thu ka hrilh tawh a, chu chuan thaw a ti veng deuh

Mahse ka hrilna lah chuan mipa dang a nei sia a, engtia han awm tur nge pawh ka hre thiam lo. Carah chuan thu lut in in lam pan chuan ka in khalh chhuak nghal a, a tir khan lo hrilh ila chuan tiang hian kan awm lo tur, mahse ka siam that theih a ni tawh silo a

In ka thlen chuan whisky ka ban nghal zat a, no pawh la lem lo chuan ka in nghal khawlh khawl a, ka pum lam chu a ngaituah awm ve ngawt ang le

Karkhat a ral leh ta reng mai, Kitty a reh hmak a. Ka hmangaih thu ka sawi khan a mahah nghawng a nei lo tak tak a ni ngei ang, a lo kal hun ka nghak reng a, a lo kal bawk silo

Travis chuan be leh tur in min ti ngei a, mahse a hnen atang in engmah ka hre bawk silo a, va pan tawp ta ila, midang a neih thu min hrilh tase

Chu thu chu ni hriat ka hlauh ber mai chu, mipa nep tak ka ni. Ka hria e mipa nep tak, Nardy tia min ko kha ka in hmeh takzet a ni

Mahse tu hian nge mahni hmangaih te hnen atangin, midang duh an nei tih hre chak bik ang ni. Anthony chung chang pawh hre chak viau mah ila, kitty ka hmuh tel ngei ngei a ngai dawn sia, chu vang a engmah ngaihven lo ka ni


KAYLA POV

He kan mimawl a hi eng vang a reh rei em em nge a nih?. Karkhat lai ka nghak leh hi ka awih thei lo zawk, min hmangaih thu a sawi hnuah a reh hmak a, ka number a nei lo pawh a nilo

Hetiang mi mawl lutuk hi eng vang a piang chhuak nge a nih?. A nu leh pa a chhun lo takzet a nih hi, chutah kei hian ka lo la hmangaih zui a

Zanin chu Jennifer hruai in club lamah kal ila tha ang, in tih thawven ka ngai tak zet a ni. Thawm hnaw hau chu en kual dan dan in, a sexy ber a ka hriat chu ka la chhuak a, rilru hahna zawng zawng zanin hian tibo vek ila ni mai lawm

Jennifer ngaih nat ber Niston club ah chuan kan awm ta ran mai, zu pawh ka duh ai ka in hnem tawh. Nicolas nen an chanchin chu a sawi mawlh mawlh a, chu tiang khawp chuan a lo romantic thiam ang tih ka ring miah lo

Kei ve lah hi eng ka la ang thei silo, buai thlak leh lutuk. Washroom lam chu pan in ka bun nghek a, ka in tam ve tawh em bawk a ni, mahse ruih dang nei tlat a ka in hriat chu le, ka ngaih bel pawh a ni mah na

Ka chhuah chuan mipa pahnih hi ka hmaah an rawn ding a, kal sawn mai ka tum chu min lo dang zel leh nghal. An pahnih chuan min man bet in
inchung lamah min hruai a, au vak mah ila music a rin em vang chuan, tumah in an hriat ka ring lo

Room ah chuan min hnawh lut rawk rawk a, damdawi chu min pe chiang ni, ka taksa awm danah hian ka hre thei. Tiang mai mai chu ka hneh thei lutuk, a pawi ta ber chu zu ka in tel kha a ni

Pakhat in min vawn chhung in pakhat a in phelh mawlh mawlh a, ruak vek a an awm ka hmuh chuan ka luak leh mai dawn in ka hria. Ka thawmhnaw min khuh chang chang tu chu awlsam zet hian an phelh a

Bra leh panty nen tlawng ka awm ta. Pakhat in min rawn fawh a tum chuan ka lo ham a, ka biangah chuan a rawn beng pawp a, ka lu hai a belh chhah chiang ngei mai

Ka kut chu eng nge maw ni hian a rawn phuar mawlh mawlh a. Ka biang chu na zet a rawn hmer in, a mipatna chu a rawn nawr lut riai riai a

Ka seh sak chiah chu rak chhuak tuar in min rawn hnek a, " Hmeichhia phiangsen che hian ka that dawn khawp che " thinrim na tuar bawk si hian a rawn ti tuar a, nia min that rawh dam ka chak vak hlei nem

A thianpa chu nem kiang in ka dulah a rawn chhir pawp a, ka mittui a rawn hnam sawk mai. " Nang ni ang hi chu engtia tih tur nge ka hre chiang khawp a lawm, that tur a min tih thleng i chungah ka che ang, mahse chu chu a bul tanna chauh a ni thung ang "


BERNARD POV

Jennifer sawi ang in washroom ah pawh a awm bawk silo. He mi te hian min tih der zawk e maw ni, mahse kan in hmuh theih nan ruahmanna an siam thu an sawi ve ngei sia, ka ngaih tha thlawt lo chuan cctv ka en ta ngawt a, ka ti sual lo tih ka hre chiang khawp mai, ka kitty chu mipa pahnih in room lam ah an hruai chu niin

Room lam chu kan pan vat a, kawngka tih chhiat ka tum chuan, Beton in a rawn ngawng mai a. An thla a muang ve hle mai, a chhung ka luh a ka thil hmuh zet chu " Zawng phiangsen i kut kha la let vat rawh " tih pah in ka pan phei nghal a

Kan lang thut chu in ring hman bik nghek lo, chu loah ruak in an awm miau a ni. An pahnih chuan ka khawih mawlh mawlh a, min dan pawh an tum chuang lo, " Bernard Kayla hi tunah chuan a pawi mawh ber rih, kha mite kha a ni pawh hian a khawih duh ngei ang, chu vang chuan in beng dai la, Kayla hi buai pui phawt ang u "

Jennifer in a rawn tih takah chuan ka duh tawk thei hram. Kitty ka en chu dul zet hian min lo en ve reng a " Ka thiam loh vek a ni, ka tih palh lutuk Kitty. Lo kal hma deuh ila tha tur a nia " tiin ka awmah chuan ka kuah vawng vawng a

Pawm deuh nawlh in room atang ka chhuah pui a, a hmai chu a na ve viau ngei ang. Car ah chuan thut luh puiin, midang chu an rawn lut ve nghal a, cctv ah khan a in tur ah damdawi an pawlh tih ka hmu tel a, chu vang chu a ni mahna hetiang hunah pawh a men phi chiai ni

Ka duh loh lutuk in hnuai lam a rawn tho a, bawiha na tuar mek a nih hi lo in thu nun ve rawh ka ti sap a. An in lam pan loin ka in lam ka pan pui a, tiang a chhungten an hmu a nih chuan a chi vak lo ang

In chhung kan luh chuan Dr pawh a lo awm der tawh. A en dik nghal zung zung a, naktuk lam ah hospital lamah in rawn hruai dawn nia, chuan i hming a lam reng a va kal vat la a that ka ring, Nardy ti fan raih in min nuih suk chung in a chhuak a

Engtin nge keimah min kauh tih a hriat ni, va lut vat in a lo la meng chiai reng a. A bulah chuan va in thawlh ve in, ka awmah chuan ka kuah bei vang vang a

Ka nghak che min hmangaih ve hun ka nghak thin, mahse chu chu a thleng ngai dawn lo tih hre reng chung in ka nghak che, i kiangah chuan ka hlim a ka neih ngai loh thlamuanna ka hmu bawk" tia phun sep sep chu ka en reng, a harh fim hunah chuan tiang hi a ni leh awm silo, mahse a pawimawh ber ka hre tawh tho a lawm

A harh fim hun ka huh phurh viau mai, engtin tak min ti ang maw. A thinchhe ve ropui sia, ka in puah chah that viau a ngai ngei ang, chuan a thil sawi kha ' Ka hmangaih tia ka sawi kha, a awih lo emaw ni '






________A zia lo thin hle mai, ka tluang lo lutuk hi ka ning,

mahse a tawp thleng min lo chhiar pui dawn nia_________


Show post links
Top

[Ngaia]

CHAPTER - 20

KAYLA POV

Ka taksa zet chu le, na lo lai reng reng a awm lo. Ka tukhum lam lum leh hawk thin ka hriat chu, Leo a nih ngei ka ring mahse ka kawng a mi hi, mihring kut ngei chu a ni

Nizan thil thleng a rawn lang zut zut a, hrep taka Nardy ( Bernard kha nardy tih hlir in ka ziak tawh ang aw) a ni chiang lutuk. Rang zet in ka hawi phei a, in nem kang in hnai zetah hian min lo en a

Chet sawn ka tum chuan ka kawng a vawnna chu a ti nget sauh a. " Mu hah dam rawh chawhnu lamah hospital chu kan pan dawn nia " tiin a ni pawh chu a mu tha ve nghal a, a mah si chet in min pawt hnai nghal bawk a

Ka taksa chu ka thlah dul tial tial a, a hma ang bawk khan ka hahdam leh em em tawh. Min hmu tur in a lo kal lo tih chu ka hre chhuak phut, in la hrang nghal in ka tho chhuak nghal a

" I taksa a la chak tawk lo a nia, mu rih la i ril a tam chuan ka lo dah tir mai ang " a tih te chu ka beng leh lamah a chhuak nghal vek

Ka che vel chu min en reng a engmah a sawi tawh lo, nizan vang khan ka thinrim thar leh em em a. Tu teh hrep in nge kha mi te kha ruai ni, ka hre chhuak dawn khawp a lawm, ka fapa Leo ei turin ka chan sawm vek ang

" Nizan a mi te kha khawiah nge an awm, zawh duh ka nei a nia " a mah en chung a ka tih chuan min chhang mai lovin a rawn tho chhuak ve a. Ka hmaah tak rawn ding in ka biang chu a rawn chul a, keiin duh lovin ka hawi sawn a

" Kitty kha chu i dam chian hunah zawk le, tunah chuan i dam phawt a ngai " a rawn ti dam vel thluam a. Chutiang a a awm vel chu ka duh lo,
" Bernard Holden min ngaihtuah ang khan awm vel suh, engkim hi i thiam loh vek a nih hi "

Kalsawn ka tum chu min lo dang tlat, rum zet hian ka lo en a. " Kan in kar kan sawi fel hma chu khawiah mah i kal lovang " nghet charh hian a rawn ti leh a

" Kan tih tur pakhat mah a awm tawh lo, min hmangaih thu i sawi hnuah i reh vang vang a, engtin nge ngai se min tih, kha thu i sawi khan ka hlim a sin " min rawn fawh takah chuan ka sawi tum pawh ka sawi thei ta lo

Duh thawh zet hian min fawp a, kei pawn hnar rei thei lovin ka chhang let vat a. Chal in sik tirin kan thaw dun ham ham a, " Kha thu ka sawi kha chuan lo kal in, min hmangaih thu i rawn sawi ka ring a, mahse ilo kal tak silo ah khan "

" Kei pawn ka hmangaih che lawm Nardy, mi mawlpa i rawn kal leh beisei in khang karkhat chhung khan ka lo nghak reng che sin " a thu sawi a sawi zawh hma hauh chuan ka lo ti a

Nui chhuak hawk in min rawn fawp leh a. Khum lam chu pan leh in, a awm a hmai phum in mutthilh ka tum leh ta a, a kut hlei zet vang chuan a theih mawlh lo

" I kut hi awm tir mai mai rawh " ka tih hluk chuan, ka awm a rawn tham tawk in " Ka nghei rei zia hi i hria em " a ti sap a

" I tawrh ve reng tur a nih kha, ti khan awm mai mai rih rawh rawh " ti ve leh in mit ka chhin san a

______________________________

Ka taksa pawh a ziaawm tawh viau a, Nardy in kha mite kha min la hmuh tir duh lo a, a in lamah ka la awm char char bawk

Christy rawn kal reng lo phei se chuan ka khua a har thei viau ang. Nardy lah hna thawkin a chhuak daih zel a, call pawh min rawn call ngai lo


BERNARD POV

Boss rawn ti tu vang chuan ka harh chhuak zawk a, meeting room ah ka awm tih ka theih nghilh a ni. " Vawiin atan chuan duh tawk rih phawt ang u " tiin room chu ka chhuah san a

" Boss meeting kha kan la tan miah hlei nem, i ngawi reng a a chang leh i rawn nui leh thin a, ka ngaih tha lovin ka rawn ko che nih kha " titu chu ka en hrawk

Kan la tan miah lo tih chu kan chhuah hma khan a sawi thei reng sia, mahse hetia ka awm chhan hian a phu ve reng a ni

Ka rin dan chiah in Kitty chu ka ngaihtuah naah a awm reng a, hna pawh ka thawk sawt lo hle. Ka naute hian an hna an tlin em zawk a

In lam a awm turin min ti fo a, hun thawl min pek an tum ve ngei a. Mahse kitty bul a ka awm reng chuan, eng thil mah ka ti thei dawn silo a, chu vang a pehhel rih ka ni

Kum 40 ka ni tep tawh a, hetia hmeichhe pakhat vang a buai lo hian, fa nei duah tawh tur ka ni a sin maw le

Hlim zetin ka luhna tur a an lo hawnah chuan ka thu lut a, in thlen vat ka chak a ni. Ka phone a rawn rik chuan kitty nih ring in phur zetin ka la chhuak a, ka rin loh lutuk in Veronica Alessia tia hming thlak ta kha a lo ni a

Chhan loh ka tum zet na chu, ka chhang leh ta zawk a. " Video ka rawn thawn che kha en rawh, ka duh ang a i awm lo a nih chuan, i bialnu Kayla kha ka thawn ve ngei ang " tiin a dah nghal daih a

A thil min thawn ka en chiah chu ka phu chiang kher mai, a ni nen hian hun kan lo hmang dun a maw. Thil theih a ni lo kitty nen kan in kar a tha dawn chauh a, he thil hi a hmu a nih vaih chuan a rawn let tawh hauh lovang

Alessia chu ka call nghal vat a, teh chai chuan rim taka ka thawh chhuah hi chu a nei hauh lovang.
" Bernard fin chhuah i tum a nih chuan hei hi hre rawh, i hnuaiah khan naute ka nei hnem tawh a nia "

In lam pan lovin Bar lam chu ka pan ta zawk a, in ngaihtuah harh ka ngai a ni, mahse hei hi ka chiang ka thil neih hau hi, engmah engmah ka lak atang hian a la hauh lovang

Kitty tel lova awm leh tur a ka in dah hian, ka thih theih mai ka ring tawh. Kha hmeichhia min ti buai em em tu tel chuan he nun hian awmzia a nei tawh lo

Alessia nen a kan in biakna kha ka hrilh mai dawn nge, ka hrilh a nih chuan a chet nghal buan buan ka hlau si. Engtia hma lak chi nge maw ni le

In kawt ka thlen chuan vengtu te pawh an awm hauh lo, car ka ti ding chiah tih ah light chu a rawn thim deuh thut a. Ka silai chu la chhuak in inchhung lam ka pan a,Kitty chu ka kau nghal bawk, mahse ka aw thang khawk chiah hriat tur a awm

Inchung lam pan ka tum chuan, light chu a rawn eng a. ' Happy Birthday ' rawn ti tu te chu ka melh no viau lo vang. Min tih mangan zia hi an hre awm der silo

Kitty nui sang a cake nena ka lam lo pan chu ka en reng, ka hmaah a ding chiah tihah chuan ka thing deuh nawk a. " Min tih mangan zia hi i hria em, i chungah thil tha lo a thleng emaw ka ti sin, nang lah chuan hetiang thil ho lutuk hi i lo buaipui mai mai a maw "

" Thil ho mai mai a ni hlei nem, i piancham a lawm Christy in min hrilh lo phei se chu, ka hre tawh hauh lovang nov 3 ka hre reng tawh ang " hlim zet hian a lo la ti

" Kayla Stafford birthday lawm rual ka ni tawh lo a, ka duh hek lo chu chu i thluakah khan khung reng ang che " ka tih hrawk chuan, a nui hmel chu a reh riai riai a

A cake ken lai a min rawn vawm in rum zet hian min en a, hetiang a a awm thin hian a duhawm zual sauh tih hi a hre ve der silo a

KAYLA POV

" Nardy kha thil thleng vang khan em ni, ti hian ila awm reng? I thiam loh chu nise kei mai ni lovin i nu leh pa thleng in an dem ang che, mahse an ti lo a chhan chu i thiam loh a awm miau lova, chu chu ngati nge i hriat thiam theih loh"

Ngawi reng in min en a, thil eng nge maw a sawi te ka ring ve asin. " Ka u kayla hian surprise tum che in heng te ti a lo buatsaih vek a nih hi, a mah vek in a buaipui a, a hah dawn teh reng nen " a rawn tih ve leh takah chuan, a thaw chhuak hawk a

A hmai leh kawr vel a cake awm chu a kut a thai zeuh in a liak a. Min pawt hnai hrawk in ka hmui chu a hne dek dek a, " Hei hi a tui zawk a nih hi, a siam tu in a zir bawk a a ei ve theih mai e "

A thil sawi vang chuan ka lo ner nang a, chutiang a a tawng thei chu ka thaw huai mai, ka kawr pawh a berh ve vek dawna nih hi. Thil te hi ngaihtuah chiang lo thei bawk sia, ka in lak hran chuan ka rin ang ngei in ka kawr hma chu a lo berh vek

" Han in tifai ula dinner kan ei ho dawn nia, han rei vak lo ula " Travis in a rawn tih chuan, a ngal a lo pet sak in ka chhau nghal daih a

Mi tih laih dan hi an hre tawh lutuk a, an hman chang chang hian mi hi tih laih phet an tum a, ka ning tlat

Room kan thlen chuan min kuah vang vang a, rei tak in hmu lo te pawh kan ang a lawm le. " Ka ngai lutuk che " a rawn tih chuan awih lo zetin ka in la hrang a

" Min ngai nila hna pawh kal lovin ka bulah i awm ang, lo kal pawh ni ta la min rawn be tal ang " pangchang zeta ka ti chu a nuih a zat hmel hle

Min rawn kiss a tum chuan lo dang in, in tih fai vat kan ngaih thu leh, in hnuai lamah nghak tu kan nei tih ka sawi chuan " An ni chuan ni e min nghak thei, mahse kei chuan ka thei ve lo " tiin min pawm nawlh a

' Shower s*x ' kan nei khat viau in ka hria, a sana chu bih zeuh in, dinner chu kan ei hman ang mahse, chu erawh i awm dan in a zir viau a ngai ang, nuih deuh suk in a kut chu a vah kual tir a

_____________________________

Dinner pawh hlim takin kan kil hau a, min fiam leh zuk zuk thin tih loh chu a tha vek e. Nardy kut pawh a awl hman hauh lo, a kut awl lamin min chul kual reng a, awm dan thiam a har khawp mai

Mamawh viau lo mahse gift chu kan ngaihsak zia lan tir nan kan pe vek a. Hawnpui ka tum chuan naupang chhia zet hian a lo pawm bet vek a, pumna khawp in kan nuih phah

Gift chu a hawng diat diat a, pawisa in a lei theihah chuan a tha hlawm takzet. Mahse chu aia hlu leh reh thei tawh loh tur, hmangaih na in a hual reng tih hi hre reng se ka duh, a hriat reng theih nan ka bei bawk ang


BERNARD POV

Alessia a reh hmak chuan ngaih a titha thei lo, a awmna lai tak kan chhui thei bawk silo a. Min rawn call atang khan thla khat a liam leh tawh a, ka thil neih zawng zawng a hnen a pe turin min ti a nih kha, mahse a thleng ngai hauh lovang

Thil lian tham vak a thlen ka ring chiah tawh lova, ruahmanna siam a Kitty neih vat hi ka duh a ni. Alessia min biakna hrilh duh viau mah ila, a buai ka rin vang in ka hrilh duh lo mai chauh a ni

Anthony leh khang mipa hnih te kha kan la kawl reng a, kan vulh thau ti ila a dik zawk ang. Kitty duh dan kha a ni leh mauh sia, kei hi chuan ka hnial thei lo chiang a ni

Engtin nge inneih puiah chuan ka sawm ang? Tih vak ngaihna ka hre lo chuan, google lamah ka lut ta ngawt a. Ka rin ai daih in a lo tam a, mipui tam tak kar a an sawmna hril a ni

Vanduai thlak takin Kitty hian mipui tamna hi a ngei thei lova, midang zawh chu ka ti ve tlat bawk si. Rose chiah hi pangparah a duh a, rawng thim lam hlir a duh bawk a, gold aiah silver a duh zawk bawk a, hmun reh tak a pawimawh a ni

Dinner ei zawh ah tuipui lamah kal pui ila, rawng thim atan zan, rose chu pe ta bawk ila chuan, a pawimawh ber zungbun mahse tun thleng in inhualna zungbun kha a la bun reng a

Kei ngei pawh hian ka la dah tha reng, zungbun a ngaih tak si loah chuan, thil dang a ngai a ni


KAYLA POV

Grayson ka ngai hle mai, Nardy in kan buai lai khan Mizoram ah a pa pate awm naah a dah daih kha nia. Lo let tawh se ka tih rual in, eng buaina nge kan hma chhawn leh dawn ka hre silo a

Nardy awm dan dik lo hi hmu thin mah ila, min hrilh hma chuan sawi chhuah ka tum bik lo. A hun a tihah chuan min hrilh ve mai ang, thil tha lam ni hram teh se

Julie leh Molly chu an rawn lang hlawl a, Mr Holden te bulah an awm char char sia, helam ah an awm tawh dawn em maw ni

In ngai zet in kan in kuah a, ka rin dan chiah in Nardy in a lo kal tir a. Paper bag chu rawn la chhuak in, Nardy min pek a nih thu an sawi chuan ka ban vat

Ka hawn chuan rawfual nalh zet hi a lo awm a. A mil tur in pheikhawk leh tlereuh nen, kan mimawl a chuan a thluak a hmang ve hle niin a lang

Ka sam chu duh dah zet a kilh khawm in, Nardy bengbeh min lei ka dar chen dawn chu ka beh a,pheikhawk dum nalh zet chu ka bun nghal bawk

Full mirror a ka in en chuan, ka duh zawng a hriat chian zia ka hre chiang sauh. Ka malte atanga ka kerek thleng kak thla chuan, mit chu la viau mahse zanin tal chu a duh dan in awm teh ang

Ka rin loh deuh in min lam tute chuan Nardy office lam min panpui a, kan lam kawi zawk dawn e maw ni

Office kawtah chuan min lo nghak reng a, car kawngka min lo hawn sakin a kut a rawn phar chhuak a. Lo vuan vatin phur zet hian ka chhuak a, first floor ah chuan dinner kan ei na tur chu a lo in peih sa vek tawh a

Hetiang tihna chang a hria chu ka lawm hle mai, dawh kanah chuan Rose hi a lo awm tel bawk a. Hetiang ang hian ka hlim thei tawh dawn chuang em ni

" Hruai duhna che ka la nei a, i mit chhing tlat la kei chiah min ring ang che " a tih vang chuan mit chu ka chhing ta reng a, kan tlan rei ka ti tawh lutuk

Car a ding tih ka hriat chuan men mai ka tum a, mahse ka mit chu a rawn tuam leh zawk a. Car atang kan chhuah chuan tuipui kan hnaihh hle tih ka hre thei

Ka mit tuamna a phelh chuan ka nui chhuak hawk, a mawi lutuk tiang hi a tih ka ring ngai hauh lo. A che romantic ve lutuk chuan, nuih a tiza

A hmelah chuan a zam tih ka hmu thei a, engtak chu ni leh ang maw?. Chutah ka hmaah chuan rawn thingthi in, a coat hak atang chuan bawm hi a rawn la chhuak a

" Min nei duh a ngem? " tiin bawm chu a hawng a. Ngun nalh zet pahnih hi a lo awm a, kan awmna hmun a en em vang in black diamond a tel tih pawh ka zuk hmu thei

Ngawi reng a ka en chu a ngaih a tha lo nge, a rawn dik chhuak a. Kei in lo kuah in ka neih tur thu ka lo sawi a, min chawi vawk in min virpui a, kan hlim dun takzet

__________________ Wedding day__________________
Thla kan la nasa khawp mai. Ka nu pawn mittui tling pam in min en reng a, mahse hlimna mittui a ni tlat

Ka pa chuan Nardy lam chu min panpui a, kei ai mah in ka pa chuan zam hmel a pu zawk. Ka mittui tla tur chu ka dang hram hram a, ka pa pawh chuan ka kut chu a vuan nghet tawh khawp mai


BERNARD POV

Kitty in ka kut a vawn rual chuan a mittui a rawn far a, lo hruk sak vatin a chalah chuan ka fawh sak a. Rawn nui chhuak in mipui lam thawm pawh a tha khawp mai, Mr Stafford chuan tha tak a a fanu enkawl tur a min chah in a kalsawn ve nghal a

Thu kan chham lai chuan ka aw chu a khur lek lek a, Kitty in ka kut a rawn vawn vang chuan ka chham tluan thei hram a ni. Nupa dik tak kan ni ta, kitty nui hmel chu hmuh a hahdam thlak khawp mai

After Party an ti tlat chu ka lawm lo hle a, mahse kitty chu a phur ber ber a a tan avangin ka ngawi ta mai

Kan thlen rual rual chuan kan thian te chuan kan thutna tur a an siam lam chu min panpui a. Grayson pawh a lo ding reng mai, a coat hak tur a kitty thlan chu a in hmeh takzet

Kan thut hnu chuan kan hmaah Grayson chu rawn ding in,music a rik rual chuan a rawn lam a. Kitty chu au ring tak hi a ni ringawt, ka fapa chutiang a a lam chu mak tizet in ka en a

Kitty a kaih chhuah phei chuan awm ngaihna ka lo hre tawh lo, ka rin loh deuh in Kitty chu in tha zo zet hian a lam a, an plan lawk vek a ni tih ka hre nghal

Chauh hmel zet a ka lam rawn pan chu ka lo kuah vat a, " Kha tiang khan i lam thiam ka ring miah lo a " ka tih chuan, ka nak a rawn nghawk zeuh a


Big screen a kan thlalak kan nei tih pawh kan hriat loh chu kan en hau a, a nalh hlawm zek leh nghal. Chutah Alessia nen a kan video chu a rawn lang ta thut mai

Party a lo kal ve te chu an thum nghal huk a, Kitty ka en chuan screen chu a lo melh ngawt ngawt. Ti tawp vat tur chuan ka au nghal tuar a, ka chhungte leh kitty chhungte chu an rawn kal hnai vat a

Mr&Mrs Stafford te chu an lawm hmel viau lo, lawm na chi ni nghal lo chuan. Mikhual ho an chhuah fel hnu chuan ka pa chuan thil awmzia min zawt vat a

Kitty a ngawih reng vang chuan ka awm a nuam thei lo, min ankhum se kut min thlak se ka awm a nuam mahna. Ka phone a rawn rik chuan hun lo tizet in ka en a, Alessia a lo ni reng mai

" Tunah ka bula rawn kal a i chhungte chhan nge, kha lai hmun an thih " a la nui zui leh nghal. A bulah ka kal dawn tih chu a hre chiang khawp mai

" Pawnah ka nghak che minute 5 i nei " tiin a dah a. Ka chhungte chu ka en kual a, ka thih tir thei lo mahse, kitty hi engtin nge a awm ang

Zahna a hma chhawn tur te ka ngaihtuah a, tih theih ka nei silo. " Ka kal a ngai " ka tih rual in kitty chuan ka kut a rawn vuan a, " Kal suh engkimah ka ngaidam vek ang che, min kalsan tawh suh Nardy khawngaih in, engtin nge ka awm tak ang "

Tia min en tu chu kuah ka chak lutuk, mahse a thih ai chuan mualpho a hma chhawn chu a la zia lawm. Min vawnna kut chu paihthlak sak in ka kalsawn nghal a, " Ka lo nghak ang che engtia rei pawh nise, ka lo nghak ang che "

Aw rawl tawp a a ti phei chu thinrim tak ka ni tawh. Kitty nang nen a min then hrang tute hi ka that vek ang, chu chu ka tiam a che

Alessia car ngheng a duh dah zet a lo ding chu ka pan nghal pawk pawk a, a bul ka thlen chuan ka kawngah lo vuan in min rawn kiss a

Ka ham haih nen che lo in ka ding reng, ' Nardy ' chu aw ka hria chu ka harh chhuak thut a. Kan piahah chuan Kitty leh ka chhungte chu an lo ding reng, pan mai ka tum chu Alessia chuan min lo dang

Tih theih ka nei lo lutuk chuan, ka bul a mi hi thah mai ka duh. Mahse tunah tih tawp chi a la nisi lo, kan hnung lam atang hian tu in nge min bei tih ka hre duh

Grayson chu ka lamah a rawn tlan phei a, kal lo turin mittui nen min ngen a. Ka fapa luhlul lutuk pawh ka kalsan hlau in a tap ta chu nia, " I nu hi tha takin lo enkawl ang che, ka lo let leh ngei ang ka fapa " a mah kuah pah chuan ka ti sap a

A mittui hru faiin a rawn bu nghat a, Kitty chu en tawh lovin Alessia bulah chuan ka thu lut a. Kitty rawn tlan tum a che chu, Grayson chuan a keah a lo vuan bet a

Kitty tap ri chu a hla tial tial a, a reh ta hmak mai. Ka dar a rawn bei chu that nghal lo turin ka in sum hram a ni, Kitty min nghak tur chuan ka ti ngam miah lo che, mahse min lo nghak la ka va ti em

Min lo tawng miah lo la tha tur, mahse ka tawng che hi ka in chhir ngai lo a, in chhir ka duh lo bawk. Ka rawn let hun tur ka sawi thei lo, mahse KA HMANGAIH RENG ANG CHE




_______________________A TAWP TA_______________



Tih theih ka chak tawh lutuk, naktuk a nih loh pawh a tuk leh ah chuan kan ti tak tak thei tawh ang

______________________MUTTUI U_________________

__________IN THLA HRUNG DEUH IN____________


Show post links
Top

[Ngaia]

CHAPTER - 21

KAYLA POV

Kum hnih a nih leh daih tawh a sin, min ngai ve lo em ni. Kei chuan ka ngai lutuk che sin, mahse nang chuan i hre miah silo a, min ngaihtuah ve miah lo

Ka tih thin dan in a thlalak chu ka be mawlh mawlh a. Khang kum ka hman liam tak te kha engtin nge ka hman pawh ka hre nek love, ka nung satliah mai chauh a ni

Grayson rawn luh vang chuan ka in siam tha vat a, a ni hi awm lo se chuan ka thi tawh ngei ang. " Daddy chu kan pahnih in kan nghak dawn nia, kei chu khawiah mah ka kal ve lo ang " a ti ni kha

Kei pawh ka bag chu siam felin, ka fapa chu kai in office chu kan chhuah san a. Company leh pawl lam ka kutah a awm vek a, ka nu leh pa chu nikum lawk khan an boral a, ka tuar em em bawk

Nardy nu leh pa in min hnem hlauh zawk a, mahse an ni pawh ka nute ka sunna thla khat em pawh la tling lovah an boral leh a. Kum khat lai liam tawh mahse a that tu te pawh ka la chhui chhuak thei lo

Ka in thiam thei ngai lo, Nardy tal chu awm se tha tur. Mahse a hming a hmel hmuh leh hriat tur pakhat mah a awm lo, tun thleng pawh in

Sawrkar nen in zawmna kan siam fel tawh a, buaina a awm tawh lo ngei ka beisei. A awm leh a nih ngat chuan ka che na viau tawh ang

Grayson chuan an school a a hun hman dan a sawi mawlh mawlh a. Hmuhnawm ti zetin kal pahin ka lo en a, Ferrari lo in hung ka hmuh chuan Beton lam ka hawi nghal a, a nih lah chu a lo hawisawn daih zui

" Hei hian in lam tir tur in Beton i lo vau leh tawh a ni maw " ti a Son ka en chuan, min lo nuih tlawn a. Phakar leh lutuk mai, a tlan nghal vat a Beton pawh rawn nui ve in a thu lut ve nghal a

BMW in hungah chuan kei ka lo lut ve thung a. Chak zet hian an tlan chhuak a, an chak lo viau ang, Christy in lamah a awm bawk a

Kan thlen ve meuh chuan Beton leh Son chu fel zet hian an lo thu a, Christy in kawng dawm in a lo en thung. Min sawi tel ve ka haulh vang in inchung lam ka pansan daih a, lo in zilh leh mawlh mawlh teh se, zawm tih a awm chuang lo

Kei phei chuan ka awm tir mai mai tawh, kan duat leh lutuk a, awm ngahna a hre tawh lo. Travis leh Naty Dubai lam ah ka awm tir daih a, kal chhen ai kha chuan a tha zawk tlat a

An ni pawh in an hnial lem lo a, fapa pakhat harh zet an nei a, Naty chu a buai thei viau in ka ring. Travis,Beton, Drew, Frank leh Nicolas te hian min pui nasa a, an unaunu ang tak tak a min en thei hi ka lawm takzet a ni

In hnuai lam a ka chhuk leh chuan an lo in be fel leh daih tawh a, an lo nui ho leh hak hak tawh. Beton hian in neih hi duh se tha tur, a duh loh chhan a sawi duh lo mahse, Nardy vang a ni tih ka hria

Christy hi Nardy lakah a thinrim em a, chuvang chuan tumah in a hming lam rik kan tum ngai lo. Pasal neih chu a in huam viau nang in, u ang tak tak a a en leh a mah enkawl thin tu, tel lova inneih chu a duh loh tih Beton hian a hriatpui ve a, chuvang a la in nei lo an ni

________________________________

Kan hnuai a mite an boral a chu chu tun hnai mai nilo kum hial a vei tawh a, engtin nge chhui chhuah lo a a la awm reng theih. A tha ber kan ni tiin in in sawi a ni lawm ni, Company chiah ngaihtuah turin min ti a, mahse eng nge thleng hi

Ka melh kual hlawm a, min melh tha ngam pawh an awm lo. Dawh kan chu ka beng thuai a, an phu zawk hlawm a

" Ngawi reng lo khan thil hriat in neih chuan sawi ta che u, in ngawih reng khan engmah a siam tha lo ". An thil sawi ho chu awihawm loh lutuk, sawrkar lam chu an ni dawn lo tih ka chiang

Phatsantu an awm leh zawk em ni, ka ning lutuk he buaina hi tawp tawh se ka duh. Thinrim zetin room chu ka chhuahsan a, training tha leh vek se a tha ang

Office lam pan in ka in khalh chhuak nghal a, hah thlak hlawm lutuk. Son in min rawn call chuan car ka ti ding vat a, tun ang hunah te chuan school a awm tur a nisi a

" Mommy Daddy kha mi zan a hmeichhia nen khan ka hmu " a thil rawn sawi chuan min thawng ngei mai. Ring zet a min kauh takah chuan ka harh chhuak zawk a

" Son i hmu sual lo tih i chuang a maw " ka tih chuan a hmuh sual loh thu leh, tunah pawh a la en reng thu a sawi chuan, ka keh sawm leh vek ta

" Son ka hre thiam e, tunah chuan school lam pan phawt la, keiman ka rawn lam che nga kan sawi tha dawn nia " tiin kan in biakna chu kan ti tawp a

Nardy kei chuan ka lo la nghak reng che a sin, mahse nang chu kha hmeichhia nen bawk khan maw in rawn let leh a

Ka phone ri leh chu mittui kar atang ka en a, Lily hming ka hmuh chuan, US atangin a rawn ho dawn tak e, ka lo theih nghilh daih chu ka in thla hrung hle mai

" Gray nen min lo hmuah tur thu i sawi sia, ilo theih nghilh leh tawh a ni maw " lungawi lo zet hian a rawn tia. Kei ka lo nui lui vak vak thung a, min haw leh viau in ka ring

" Min lo nghak rawh ka lo lam ang che, ka rei lovang " tiin airport lam chu ka pan nghal a. A bul ka thlen chuan a tum len zia ka hmu nghal, a kut chu ka lamah a rawn phar a

Nui chung in ka lo kuah a, ka beng bula a rawn khek tuar chuan ka nawr sawn vat. Rum zet a ka melh lai chuan, car lam chu a pan nghal daih a, a thawmhnaw chu ka ken turin a la dah zui

Henu min ngam leh lutuk hi chu aw, a lawmawm viau thau bawk si. Ka thut luh ve chuan a mit a lo chhing daih a, office lam ka panpui mai a niang chu

Ka din chuan a rawn meng chhuak ve chiah a, kan dinna a hmuh chuan a nek vak a. " Helai atang hian i duh leh in buaipui tawh mai rawh " tiin ka chhuahsan a

Zawi zet a min rawn zui chu ka nuih sak. A chhung kan luh rual chuan thawm a awm a, hmeichhe te thawm ka hriat leh nghal vang in chu lam chu ka pan vat

Mipa pakhat hi security ten an lo man bet a, hmeichhe pakhat chu a hmai vur in an lo deh sak bawk a, security hoin an man pa khawih tum lah bo la

" Helai hmunah hian eng buaina nge thleng, tu nge buaina chawk chhuak tu, ka company ah hian buaina ka duh lo ka ti a ni lawm ni " ka tih tak thatah ah chuan ka lam an rawn hawi nghal a

Thawm a reh nghal duak bawk. " Ka zawhna kha in hre lo nge? in tawng thei lo zawk, min chhang vat ta che u " ka tih leh chuan security hauin an man pa kha ka lamah a rawn kal phei a

" Heng i hna thawk ho hi an tawngthei lo mai pawh a ni lo, an mit a del tel a nih hi ka thawmhnaw hi en teh " a ti thawt a. A thawmhnaw ka en a, engmah a dik lo lai ka hmu lo

A that vek thu ka sawi chuan min beng a nih chu, ham haih zetin ka en a. A mah ka en chian chuan ruih a nei tih ka hre thiam ta, mahse eng vang a min beng ringawt nge a nih le

Security hau chu signal zeuh in hruai sawn tur chuan ka ti a. Ka vawikhat hnek pawh dawl lo tur hi khin ka tum rih lo, kalsawn ka tum chu ka kutah a rawn la vuan ngam a nih chu

" An boss i ni a, ka thawmhnaw an tih chhiat man hi pek sak ang che " a la rawn ti nia. " Ka pek sakna chhan tur ka hre hauh lo, i duh chuan an mahni dil mai rawh "

Hmeichhia vur a a biang an lo deh sak chu ka kal hnaih a. " Tu hian in nge kut thlak che " ka tih chuan, min rawn beng tu thau kha a kawk a

Thil awm dan sawi tur a ka tih chuan, tah chhuah hmel zet hian min hrilh a. Chupa lo tawng zawt zawt chu,hnung lam atang in ka tlawh thlu tawp a

" I va han ngam zawk ve ka company ah buaina siam in, ka hnuai a hna thawkte kut ilo thlak ngam a maw, police kau ula man tir ang cheu, a hmel hi ka hmu duh tawh lo bawk "

Ka kalsawn tur chu hawi letin, an lo din that tir pa kap chu ka khum in ka dawm sak a. " Ka naute hi kut thlak thei an awm a nih chuan, keimah chiah ka ni ang, midang in an khawih ve ka phal hauh
lo " ti fak in ka kalsan a

Lily chuan ka chet nalh thu a lo sawi ve siam siam a. I chhelo sawt mai, a tih te chuan nuih a tiza zual, upa tawh hle si hi che naupang chhia thei lutuk

Office kan luh chuan Beton chuan rang zet hian a phone hman lai a ti tawp nghal a. Ngaih ven lo ang in lang mah ila, ka en zui reng thau

Beton thil tih hi a ni thei a ngem, a ni em chu a nih ka ring silo. Mahse kan hnaih ber te hian min tina thin chu a nih si hi

Beton hi en zui chu a ngai ngei ang. " Jeremy lam te " ka ti chu, a coffee in lai a rawn phuh thawt a. Kei ka lo nui var var thung, engmah sawi lovin washroom lam a pan nghal daih a

A rawn chhuah leh pawh chuan min be lovin, a coffee tih buak a tifai nghal a. " I hlauthawng tih ka hria, mahse Jeremy nen hian kum chuang kan in hre tawh a, nang bak a duh hi a la nei lo "

A ngawi leh reng dawn emaw ka tih chuan
" Duhna ringawt hi chu a tawk lo lawm " a rawn tih chuan, a kut lo vawn sak in " Nie duhna ngawt hi a tawk lo, i hre miah lo a lo Hmangaih daih thei tawh che, chu mi hre tur chuan nangmah i pawimawh "

A mipa tawn in a zir lo a, mipa zawng zawng hi a hlau vek tawh. Nupui nei lai leh kut thlak ching, chutiang tan chuan move on a har ngawt ang, mahse mipa tha tak hi a chan ang tih ka hlau bawk si

A awm danvang chuan US lam a a hna thawh ka zawt ta daih a. Rilru la pengtu a mamawh rih tlat, hna lam sawi hi chuan a hmel te hi a eng deuh mawle, mipa sawi ve hi chuan


BERNARD POV

" Ka fapa i nu i lo enkawl tha em? " ka tih chuan uar zet hian a bu a. Ka kuah nghal vawng vawng, kan awm dun thei tep tawh e

Min hmuh thu a nu bula a sawi tih ka hriat chuan, ka buai hman deuh a. Mahse tha tak a hrilh in ka la ho theih loh thu leh, a nu bulah ka chanchin sawi rih loh tur chuan ka lo hrilh vat a

" Daddy lo haw vat tum rawh aw, mommy hi zanah i thlalak bia in a tap thin a nia " a tih chuan ka lo tiam vat

Kitty chet dan chuan min ti hlim khawp mai, a mi chhawrte a ngaihtuah tih a hriat a, ti hi chuan tumah in an phatsan hauh lovang

Kan pawl min phatsan tute chu ka dah bo zo tep tawh a, Alessia leh midang tlem chiah a ngai tawh

Kitty in min hmuh hma in ka chhuak vat a, Beton chu ka call nghal vat a. Ka ruahmanna chu ka hrilh nghal mawlh mawlh a, ka thu sawi a ngaithla reng emaw tih laiin, a lo dah daih leh nghal

Alessia in lam chu ka pan nghal a, Beton hnen atang ka hriat dan in, Kitty chuan min la nghak reng ni awm tak a ni, beisei ngam tur nilo mah ila ka beisei miau sia

Ka nu leh pa, Kitty nute thleng in ka thiam loh vek a ni. Lo hre chhuak hma deuh ila tha tur, thil ni lo lo ka lo ngaihtuah vang a ni

Hun kal tawh a ni a siam that leh theih a ni tawh lo. Mahse theih nghilh chu a har takzet, mipa pawh ka in ti ngam tawh chiah lo chu a nih hi

Call ka dawn vang chuan car ka ti ding a, Beton a nih vang in ka la vat. Kitty in a rinhlel thu a rawn sawi chuan, a hun ve tawh reng thu ka lo sawi

Nie a ni ang mifing lutuk hian a tir atang, an pawl thihna kha chhui se chuan min hre chhuak daih tawh ang. A mah ni lovin midang a tir hlauh zawk a, tunah chuan kei ka tel a ni tih hi a hre chhuak tep tawh ang

A hriat chhuah hunah chuan a thinrim leh ngawt ang chu, Beton chiah hian ka kal bo chhan kha a hria a, kitty hrilh nghal mai tur a min tih khan min kalsan ka hlauh em vang khan inneih phawt ka duh kha nia

Mahse a sawt lo khawp mai, kum hnih lai chu hreawm tuar in min nghak leh chu a ni sia


KAYLA POV

Beton chu ka en thlak tir reng a, hmasawnna em em a awm chuang lo. Hna thawh thiam tak a ni a, an en thla tih hi a hre ngei ang, mahse thulh tir ka tum chuang lo, eng nge maw tak chu zep a nei a ni

Son pawh in a pa chanchin a sawi tawh ngai lova, a hmu tih a sawi khan keimah ah a la pawi mawh zia ka hria ni, hmu ve ila zawh tur ka nei hnem lutuk

A fapa pawh in kal lo tur a a tih chung pawh a a kal chhan te, a nu leh pate vuina ah pawh a rawn kal loh vang te in. Amah vang in Christy pawn tun thleng in pasal a neih theih loh phah

Ka mut chhuak lo lutuk chu tih ngaihna hre lovin, in hnuai lamah ka chhuk ta ngawt a. Zu in ila ka zia deuh hlekin ka ring, a chak chi ber chu ka zawng nghal vat bawk

Thawm a rawn awm chuan rang zet in ka biru nghal a. Saw chu Beton a ni lawm ni, ka rinna hi dik lo se ka va ti em, choka lam chu ka pan ve nghal vat a

" Boss Rose hian hre ve se a tha lo maw, tun thleng pawh hian a la nghak reng che a, ka unaunu angin ka en a, chuvang chuan a na hmel hi ka hmu thei tawh lo, i hrilh thei lo a nih chuan keiman ka hrilhang, hetia lo ti daih tawh tur kan ni sin "

Beton tawng hnem ber tum a ni hial ang. Boss a tih chu tu nge ni ang?, eng thil nge ka hriat ve tul chu ni ta le?

" Kayla hi i nupui a ni a hriat ve a phu ni, a hma daih in hrilh rawh ka tih che kha, nang pawh i hreawm a chu tiang chiah in i nupui pawh, Alessia in a vau tih che kha, hrilh rawh ka tih lai khan hrilh vat la tha tur "

Mafia King vau zam mai mai theih maw a lo nih a, a hma khan min hrilh ni se kan hahdam tawh tur

" I rua hmanna ang chuan chet ka lo tum ang, mahse Rose hian min ringhlel ka tih tawh kha, min zui tur a dah reng bawk a, a hma ang kha chuan ka che zung zung thei tawh lo ang "

" Hetia a ruk a tih reng ngai lo hian, Kayla chu bia la sawi fel rawh u, Alessia i duh vang a i pan loh thu leh a him nan zawk a ni tih thleng in "

Ka him nan naw mahse duh ber pan ang mai a min kaksan vang khan, Bernard i tuar ve dawn chiang lutuk, nang chiah in lem i chang thiam bik hauh lo a nia


Kal sawn vat in inchung lam ka pan nghal a. Ka phone chu phawrh in ka model chhawr lai Jeremy chu ka bia a, " A tlai tawh tih chu ka hria mahse zanin a kan sawi duh loh chuan ka mu thei dawn silo a, Nardy rawn let leh a chu vang chuan ka mipa kawp ang in awm la ka duh "

Ka ti nghal zung zung a " Chutiang te a tha dawn em ni, Lily te min ngaihtuah ve miah lo " naupang chhia zet hian a rawn tia a

" A rilru hriat theihna tha tak a ni dawn a lawm, a la hlauthawng a a duh tih che a sawi ngam lo mai chauh a ni, he kan thil tih tur vang hian a duh tih a in puang ngei ang, in rem siamna tha tak a ni, nang in duh i hmu a nga kei pawhin lo in ngaihtuah la " tiin phone chu ka dah a, game chu khel ang hmiang


Zing ka thau chu ka thar sawtin ka hria, jeremy chhanna lawmawm ka dawn vang te pawh niang. Lo in ring rawh aw Nardy, i rin loh lam daih in ka rawn che ang maw le


Show post links
Top

[Ngaia]

CHAPTER - 22


KAYLA POV

" Jeremy nen kan in date dawn a " ka ti chu, Son chuan chiang zetin min en a, Beton nen an in melh nghal zeuh bawk, Son hian a hre ve em ni?

Christy chuan phur zet hian chanchin min zawt nghal a, kei pawh lem chan zawmin phur hmel zet hian ka sawi chhun zawm nghal a. Son chuan a fork chu dawh kana nghat chawrh in, a tho chhuak nghal a

" Son thu la ei zo rawh " ka ti chuan hre lo ang mai in kalsawn a tum leh a, " Grayson thu la i breakfast ei zo rawh " fiah zet a ka tih takah chuan, muang chang hian a thu riai riai a

Beton nen chuan an la in en zeuh zeuh leh nghal. Son hian thil hriat chu nei niin ka hria, hah thlak lutuk tu pawh hi ka hmu mak vek tawh

Ngawi reng in breakfast chu kan ei mial mial hlawm a, Beton chu tho hmasa berah tangin, phone a phawrh pawh chu ka hmu hman, a biak tur lah chiang reng

Ka in siam chu Son chuan min lo en reng a, " Son kan innei nghal dawn pawh a ni hleinem " min en reng vang chuan ka ti ta a. " Daddy kan nghak dawn nia kan tih kha " a rawn ti ve leh

" Son i daddy chu hmeichhe dang nen i hmuh thu i sawi kha " tih chiah ka sawi thung. Thil rawn sawi a tum lai chuan ka phone a rawn ri a, Jeremy a lo ni

Jeremy hming ka sawi rual chuan Son chu a chhuak nghal daih a. Ka nui chhuak hawk mai, pawn a a awm reng tawh thu a rawn sawi chuan bag la in ka chhuak ve nghal a

Son nen chuan an lo in be ve ngei a, mahse an in melh no lo khawp mai. Jeremy bul ka thlen chuan ka kawngah vuan in ka biangah a rawn kiss zeuh a, Beton lo ner sak vang chuan nui in sum zetin hnuai lam ka hawi daih a

" Mommy kan bulah i rawn chuang ve dawn lo em ni? " a tih chuan, ka chuan dawn loh thu ka lo sawi vat. Thinrim zetin car kawngkhar chu a khar a, an tlan liam lai chu nui vur vur in kan thlir a

Office kan thlen pawh chuan kan la nui reng a, Beton leh Son hmel mawlh kha ni. Lily in kan kal dun a hmuh chuan phawk zetin min lo en a, Jeremy chuan ka sawi tawh angin office lamah a lut tlang nghal a

Lily chuan a en zui vang vang mai, nui sak chung in chawhnu lam a ka meeting cancel vek turin ka tia. Chu thu ka sawi phei chuan mak a ti zual, siai zeuh in room lamah chuan ka lut ve a

Room chhung ka luh chuan Jeremy lo tei kual sek chu ka hmu nghal a, ka lut tih a hmuh chuan min rawn pan vat. Lily awm dan min lo zawt vat a, sawi duh lovin kei ka lo ngawi reng thung

Hna chu ka thawk mawlh mawlh a, a en miah lo emaw ka tih laiin lily in thuam dan a lo hre vek. Ka lo hruai ve kher kher chu ka inchir ngei mai, darkar khat chuang a sawi ngai sawi in a rawn nui chhuak leh hak thin a

Ka file en lai chuan ka va vawm a, min rawn melh rum ve lutuk. " Hna ka thawk tih i hria em Jeremy, kha tia ilo tawng char char dawn a nih chuan, lo va chhuak rawh " ka ti chang fak, mahse eng nga tan mah ngai lo tih hruat lutuk chuan, a mu nghal daih a

Thawm a awm tawh lo tal a lawm le, file a lo pawm beh chu dim lo zet a lak sakin, ka en fel leh nghal a. Hahthlak ve tak a ni, company leh pawl lam a ni bawk nen, chauh chu na tak a ni



Ka ril a tam tawh lutuk office ka luh rual in jeremy chuan a lo ti nghal a, meeting darkar khat zet kan neih hnua hriat hma sak ber a tan chuan a lawmawm viau lo

Engmah sawi lovin ka bag chu siam in Jeremy nen chuan kan chhuak a. Lily hmel mawlh kha ni hmuhnawm chu, ka bula pa hi a duh chiang a lawm, hun rei pawh a ni hauh lovang a duh thu hi a la hrilh dawn khawp a lawm

Hna thawk kan kal pelh apiang chuan min en zui reng hlawm a, ni e mak ve deuh tur chu a ni. Mipa ka hna atana pawimawh lo chu ka kalpui ngai lova, an taksa khawih phei chu hnai lo

Mahse hei tunah Jeremy ban vuan in duh hmel zetin ka en leh thin bawk a. Business women nilo in actress te hi ni zawk ila ka hlawk daih zawk ang

Ka bula mi chu a rawn nui chhuak a, ka ngaihtuah na ka lo sawi chhuak tih ka hre thiam mai. "Actress chu i in hmeh ngawt tak ang " a rawn tih ve leh chuan, a ngalah chhir sakin ka kalsan daih a

Alessia chu mipa pakhat nen hian ka hmu dun a, henu te hian thil tum a nei leh chiang mai. Jeremy ka bul a lo thlen chuan,car ah nam lut rawk rawk in kan hma a car chu zui vat tur hian ka tia

A ngaihna hriat loh hmel hle, mahse engmah min zawt lovin a tlan ve zel mai bawk a. Alessia chuan na license number chu ka naute thawnin, chhui vat tur chuan ka ti nghal

He hmeichhia hi chu ka sawisa chiang khawp ang. Ka man a ni ngat chuan ka chhuah mai mai tawh lovang, a ni vang hian kan buai lutuk


BERNARD POV

Ka fapa leh Beton lo kal tur chu phur zet hian ka lo nghak a, Alessia nauten min en reng tih pawh ka hria, ka ngaihven peih tawh lo

A hun a tawp tep tawh tho a, chu vangin a duh ang in awm tir mai mai rih ang. Beton leh ka fapa tum deuh bur a car atang an rawn chhuak chu ka hmu a, nuih a za ngei mai lo nui deuh hawk hawk chung in thil awmzia ka lo zawt a

Ka thil hriat vang chuan nui tawp chiang tak ka ni. Kitty chuan hma lam a pan tawh tak tak e, hlim pui viau tur ka nih laiin, ti nge ka hlim si loh?

Ka tina hnem tawh lutuk, chuvang in a hlimna a pan chu ka hlim pui tur a ni. A mipa tawn chu keiai chuan a tha ngei ang, a tina ve lo bawk a nga

_________________________

Party naah kan kal dawn tih ka sawi mawlh mawlh a, tunah zu te i lo la in a maw. In tifai vat rawh, kal a hun tep tawh a nia

Chu aw ka nin zia chu, tawrh a la ngaih hmel bawk sia. In ti fai in ka thawmhnaw hak tur a a lo dah chhuah chu ka ha a, Alessia lam ka hawi chuan min rawn kiss zeuh a

Peih lo viau mah ila zanin hi a hun tawp tur a ni a, nuam takin hmang ve teh se. A nui rei tawh dawn lo tih a hre silo

An camera chu vuak chhiat a nuam viauin ka ring, zawhna min zawh te chu hre lo ang mai in kan kal pel a. A chhung kan luh chuan ka mi hmuh duh loh ber ka hmu ta, kan mit chu a in tawng chat bawk a

A mit meng atang engmah ka chhiar leh thei ta lo, a kawng a mipa pakhat in a ban a dah chu ka en zawk a, sawpa saw a ni ngei ang mi vannei chu

Mipa dang in it hmel zeta an ente chu a hre lo nge ni? A awm dan ngai reng in a awm a, a mal lah a lang thui ropui sia, min tih thinrim a tum zawk nge

Alessia chuan an lamah min kalpui a, duh lo viau mah ila hnar kha a mawi tawh bawk silo lo. "Inneih zan a kalsan tu che i hmuh hian engtin nge i awm " inchhung a awm ho chuan min en thap tawh

Kan hma a mi lah chuan,eng nga tan mah a ngai lo tih hriat tak hian, a dar a lo chet zeuh ringawt a.
Alessia lah chu a thinrim hmel ropui sia, " Naktuk atang chuan hna i kal a ngai tawh lovang, kei leh ka pasal ni mai tur hian kan lo en kawl tawh ang "

A thu sawi vang chuan za zet hian Kitty chu a rawn nui chhuak a. " Nardy ilo la hrilh lo em ni, company leh an thil neih zawng zawng saw ka ta vek a ni tawh lawm, ka khawngaih hle mai che i pan chhan ber a ni awm sia "

Ka bula ding chu thinrim tih hrit zetin a sen vek mai. " Chuan tak a Nardy nen hian kan la inthen miah lo a nia, nupui nei lai chu i nei duh bik em lovang chu tiraw " a rawn tih leh chuan Alessia chu a che deuh phut a

Lo vuan vat in midang in min en thup thu ka sawi chuan, in thunun tum takin a thaw chhuak ham ham a. Jeremy in Kitty beng bul a phun sup in a kalsawn daih a, Kitty lah chu a nuih a za tih a awm danah chuan a hriat bawk si, henu hian thil tum a nei leh a maw ni

" Nardy hmeichhia a in biakna hunte min pe ve la " Kitty in a rawn tih rual chuan, Alessia chuan a banah vuan in a pawt nghal dawr dawr a. Kal ve nghal mai ka tum chuan, min lo be khang lang a

An in be rei zek mai a, thil tha lo a thleng zawk emaw ni. An kalna lam chu ka pan vat a, a lo reh ruih mai, ka hawi kual chuan pool bula ding ka va hmu ta a, ka hnaih zel takah chuan Alessia a nilo tih ka hre nghal

" I bialnu kha i zawng a nih chuan, a mipa hmangaih hmuh tum in a kal ' tiin ka lam a rawn hawi a. Khang kar khat chhung khan Jeremy nen an thlalak hmuh tur a awm reng a, in lamah pawh a riak fo tih ka hre bawk

Mahse tun a min endanah hi chuan,min ngai ngawih ngawih a ang takzet. A mittui tla ka hmuh chuan, pan vatin ka kuah nghal a, chhuak zet a tapin ka awm chu a rawn chum leh dat thin

" Ti nge ka huat theih miah loh che, mimawl pa ti nge i hriat thiam theih miah lova, ka ngai in ka mamawh che tih hi i hrethiam lo em ni " a thusawi tin chuan min thawng in, ka hlim em em tho si

A biang tawn tawnah chuan vuan in, ka kuai dak a. Ka fawp chak takzet a ni mahse, min lo hnar ta si se, chu tia ka in ngaihtuah lai chuan a mah zawk chuan ka hmui chu a rawn nul thuak thuak a

" Tun ang hunah hian eng nge an tih thin i hria em? " Kitty in rum zet a min en pah a a tih chuan, nghet leh zual a a kawng a vuan in, a hmui ah chuan ka fawp ta a, nuam tak hi a ni ringawt

____________________________________

KAYLA POV

Inkawt kan thlen chuan Son chu a lo tlan chhuak vat a, a daddy a hmu tel chu a lawm hmel viau mai.
" I mommy thu lo awih la, tha takin lehkha zir bawk ang che " tia luh leh a tum chu ka lo ko ding vat

" Rawn luh i tum lo em ni? " ka tih chuan, a theih loh thu a sawi chuan, thinrim zetin in lam chu ka pan nghal a. " Bernard tun chiah hi hun i nei tawh ang, rawn let duh mahla i thei tawh hauh lovang, thu thlukna dik tak siam ang che, i kalbo chhan ka hria, chuvang chauh a hun pe leh che ka ni bawk, hun ka pek leh vang che hian min in chhir tir miah suh " hawi let zawk a tiin, ka kal chhun zawm nghal a

Room lam chu ka pan nghal a, khumah chuan thu in kawngka lam chu ka thlir reng a. Ka kut khur chu thunun tum in ka hmer vang vang a, awmzia a awm viau lo

Darkar chanve dawn ka nghah hnu pawh in a rawn la chho miah lo, tun chiah hi a mah vang in mittui ka ti tla tawh ang

Ka thawmhnaw chu muang chang a phelh in, shower hnuaiah chuan ka ding a. Nardy nen kan hun hman dun te ka ngaihtuah let a, hlimna tur chu tlem tak a ni, mahse a ni ang hi tumah ka tawng in ka ring tawh lo

Min lo kuah tu vang chuan ka thaw chhuak ham ham a, " I kal daih ta maw ka tia, i lo let leh vang in ka lawm e, min kalbo san tawh suh aw " ka tu khum chu fawp vang vang in

" I lo nalh zual sauh a nih hi " ka thu sawi nen a in rem lo lutuk a rawn sawi vang chuan ka in la hrang vat a. Kawr a lo ha bik tawh miah lo, a lamah min pawt hnaiin min fawp nghal zat a, hreawm chu a ni hauh lo

Bangah min nawr betin, ka taksa chhungah a kut chu rang zetin a ti che nghal a. A kekawr phelh ka tum chuan, ka kut chu a lo vuan bet tlat a. Ka zawh dawn chuan a kut chu la chhuak daih in, a ka chhungah chuan a dah a

A kekawr phelh ka tum chuan min dang tawh bik lo e, a hmuiah chuan fawp in ka fawp hniam zel a. Ka samah a rawn tham chuan tho thut in, ka in bual san daih a, a hrilh chu a hai ve khawp ang

" Nang hi " tih pahin min hnaih nghal ruak a. Chu mi zawm zat in Son chuan min rawn ko a. " Ka chhun zawm ngei ang " ka chhuah dawn a a rawn tih chuan, flying kiss pe in ka chhuahsan a

Son chu hlim tih hriat zet hian khumah a lo thu a, in thlak sawk sawk in a bulah chuan ka va thu ve a. Nardy a rawn chuah ve chuan phur zetin, zanin kan bula a mut tur thu a lo hrilh a

A fapa thu sawi vang chuan a ner deuh sak a, ka tih tir a emaw a ti a ni ngei ang, rum zet hian min melh a. Nuih in sum zetin ka lo en thung, kan in karah ah chuan Son chu a mu a

Son lah chu a muhil har phian leh nghal a, Nardy chu a thaw leh hawk thin. Nuih deuh vur vur a ka en chu, a lo ner leh sak sak thin a

Son a pawm deuh nawlh chu hre thiam lo zet hian ka lo en a, room atang a chhuah pui daih leh nghal. Room a rawn luh chuan rang zetin ka chungah a bawk a, a kut chu zei zetin a ti che nghal a


BERNARD POV

Ka hmai thip zawk vang chuan ka meng riai riai a, Alessia ka hmu chu ka harh chiang ngei mai. Khang zawng zawng kha ka mumang vek em ni, ka hawi kual chuan ka a tak ngei a ni tih ka hria, henu hi engvang a helai a awm ve ngawt nge a nih ang

Pawn lam a silai a rik chuan ka hma mi chu ka tlawh pawp a, thawmhnaw engmah ka ha lo bawk nen, ka hak tur chu kan zawng leh rih

Alessia ka hmaa kuah betin, silai in ka tin reng bawk a. Inhnuai ka chhuk thlak chuan kitty, Son leh midang chu chhuatah an lo thing thit tir a, phiangsen hian

Kei tih loh chu an man vek tawh a, ka en kual chuan an in bei nasa hle tih a hriat reng mai, kei hi ti nge ka harh miah loh a

Silai chu dahthla in ka thingthi ve nghal a, "Naupang kut thlak duh lo viau mah ila, ti lo thei lovin min siam a ni, Kayla i thu ang in awm la chu tiang hi a thleng hauh lovang maw le " tiin Son lam chu a lan a

" Ka fapa kha i kut hmawr pawh a i khawih chuan, thih i duh angah ka ngai ang " chang tha tak a ni. Kitty thu sawi vang chuan Alessia chu a ding chat a, a hmelah chuan a zam hle tih a hriat

" Alessia ka nihna ka hrilh tawh che, tunah i naute nen hian chhuak ula, rawn kir tawh suh u " muang fan raih a a rawn tih leh chuan, a bula ding chuan a rawn hnek a

" Thu pe thei din hmunah i ding in i hria em ni, ngawi reng khan awm rawh " a lo ti hrawk a. Rang zeta rawn che in, a hnek tupa kha a silai kenin a kap nghal a

Alessia chu silai in a tin ran a, a che rang lutuk chu an ham haih tih hriat reng. An harh chhuah meuh chuan, a tlai tawh lutuk tlat

Hmun hrang hrang atangin kan naute chu an rawn chhuak a, tih theih dang a awm tawh lo tih hria in, an silai chu an dah sap sap a

" Eng thil nge min pek " kan ti nghal tawng a. Kitty chu ner nang nang in, ka upat tawh thu min lo hrilh a, " Nizan kha chuan ka upa vak pawh in ka lo hre silo a " ka tih ve chuan

" Kum hnih dawn sex i hmang tawh lo a, chu loah i kum lamin a zir tawh bawk a, han hman thut kha i zo lo a nih kha,engmah ka pe lo che " nui deuh sangin min kal pel a

Kan mi man te ho kan tih fel zawh chuan, lunch ei turin kan thu thap a. Christy chuan min la be miah lo a, rum zet zet in min melh ringawt mai

" Bernard i rawn let ta bawk a, Christy hi neih min phal sak turin ka dil che ni " Beton leh ka nau maw, engtik atang khan nge ni reng reng a?


Show post links
Top

[Ngaia]

LAST CHAPTER


KAYLA POV

" I la hre ve miah lo maw, an in zep thei nge ni a nang hi " ka kaah apple chu a rawn hnawh a. Mawl tih chu a duh lo hle mai, midang ho chu an lo nui vur vur hlawm a

" Ka tello pawh a puitling taka ilo awm thei hi, ka chhuang takzet " a aw chu a zawi hle mai. Tap mai tur hmelte pawh a pu lawm le, a kut chu lo vawn sak vatin, Christy chu ka melh zauh a

" Ka u awm lo la chuan u tih tur pawh ka nei hauh lovang, ka lawm lutuk i nau min nih tir vang in, ka hmangaih che " tham zet hian a rawn ti a

" Aw le khang ho kha chu in kuah chung a sawi ah khek ang aw " tia ka fiam zeuh chuan, boruak pawh a zia hawk e

Nardy leh Christy in bia chu ka en reng a, thisen a inzawm ringawt hi a lo nilo, an tih thin kha he miteah hian ka hmu ni

" Rose Alessia in hmuh a duh thu che vawi tam a sawi tawh a, i hmu dawn nge? " ka hmuh tur thu ka hrilh chuan a chhuak nghal a

Alessia hmaah chuan thu thla in, a sawi duh chu sawi vat turin ka ti a. " Min chhuah la, ka ti buai tawh lovang che u " a rawn ti chu za zet hian ka nui chhuak a

" Thil pakhat keimah atang a i hriat tur chu maw, tumah chance vawihnih ka pe nawn ngai lo, hun tha ka pek lai che khan, ka thusawi zawm nila tiang hian i awm hauh lovang "

" A nih chuan Bernard hian eng nge i bulah a la tih, chance ka pe nawn ngai lo i tih chuan " Nardy nen engtin nge a lo in teh khin theih zawk ni.
" Nang vang a lawm kan buai, chu vang chuan ka ngaidam thei, in pahnih tih loh hi chu "

" Pahnih a " mak tih hmel deuh a min en chuan, Anthony thi tur a a kalsan chu ka nauten an rawn hruai a. " Anthony i unaupa ngei chu engtin nge thi tur a i kalsan theih, i mipa hmangaih tak a ni tel bawk a "

A mitmeng atang chuan min thah chak zia ka hmu, min khawih thei der bawk silo a. Ka tawngkamah chuan a thil tih tum ka hre vek tawh tih a hriat tir ngei ang, hetiang hmel hmu tur hian ka nghak rei tawh lutuk tlat


BERNARD POV

" Boss Rose saw a awm dan a dik miah lo a nia " beton hi tiang hian a la hlau thawng miah lo. Christy rawn kal ve tum chu a lo dang vat a, an in hnial ngai thla hman ka ni tawh lo tlat

Ka va luh ve chuan Anthony leh Alessia chu an lo thi nuai tawh a, an awm dan atang chuan an thi tawh tih a hriat bawk. Kitty chuan a lo la vit mawlh mawlh a, kan naute chuan an lo en tawp ringawt

Ka va kuah chuan a lo tal chiam a, a chemte ken pawh ka paih sak thei hram. " In thunun rawh, ti nge tiang a i awm a " ka ti thawt a, tiang a a awm hi ka duh hauh lo

" Tunah pawh an ni hi ila tan dawn a maw, kan naute kan chan a, kan nu leh pa kan chan leh bawk a, chuti chung chuan ila tan zawk a maw, fa neih ka duh mahse an ni vang hian ka nei thei tawh dawn lo "

A mittui chu a luang zung zung a, hria ang pawh in a lang lo. Min ankhum bawrh bawrh a, a chang leh kut min thlak a, ni e hei chu ka phu ve reng a ni, a hma tang daih tawh a a tih chak a ni ngei ang

" Misualpa eng vang in nge ka huat theih miah loh che, ka chungah kha tiang zo zai i tih hnuah pawh ti nge ka huat theih miah loh che " ruih a nei zawk emaw ni

Pawm ka tum chu a lo duh lo nasa mai, kan naute pawh chuan an lo nui nasa mai. A taksa chu a rawn zawi thut a, lo dawm hman lo ila chuan a na viau ang le

Pawm deuh nawlh in in lam chu ka panpui a, tiang a awm tur hian engthil tak ti ang maw. Inchhung ka luh chuan Christy chu hlau thawng zetin a rawn tlan a, Beton chu Dr ko vat tur a tiin room lam ka panpui a

______________________________________

" A damdawi ei thin vang bawk a nih hi, a hma a ka zawh khan a thinrim leh, lungngaih chang in a ei thin thu min hrilh a, chuvang chuan hlim tak a awm tir in tum dawn nia, damdawi a ei chhun zawm zel chuan, a taksa mai nilo in fa pawh a pai thei lo tak tak ang"

" A ei tawh lo emaw ka lo tia, thla muang takin ka lo awm ve asin mawle " Christy chuan a rawn ti chhuak sap a, kei erawh ka thinrim viau thung. Naute neih a duh thu min hrilh zo chiah a, tunah lah damdawi tha lo tak a lo ei leh a

Dr chu kal pel in roomah chuan ka lut a, ka kalh nghal daih bawk. Khumah chuan a lo mu meng kar a, ka lutte chu hre lo ang mai a ni

" I taksa a chhiat phah tih i hre reng a, eng vang a la ei reng nge i nih " ka tih hrawk chuan, rum zet hian min lo en a. Engmah sawi lo chuan a hawisawn leh daih a, hah thlak thin mange

Engmah sawi lovin a ngawi reng a, min la en leh miah lo. Kal hnaiin ka va kuah ta nge nge a, a rawn tap chhuak nghal a, " Nardy naute ka pe ve thei dawn lo che, i thisen ngei hrin ka chak takzet mahse, ka theih ve loh thu Dr in min hrilh a "

" Kitty fa nei lo mah ila ka kalsan hauh lovang che, ni leh lo Grayson kan nei a lawm, ka kiang ah awm reng la, min kalsan a nih loh chuan ka kalsan tawh hauh lovang che, nang ka kiangah i awm phawt chuan engkim ka hma chhawn thei thin, ka hmangaih che a chu chu hre reng rawh"

______________________________________


" Kitty monu tur emaw i in ti em ni, darkar khat chuang kan nghak tawh che nia " nui deuh tha a ka ti chu, ka rin ang ngei in a rawn thinrim hle a

" Bernard ti chuan min ti reng reng suh, in hak tur ka thlan pui vek hnuah ka in siam ve a, in thlak tur in min ti zel a nih kha, kan tlai chuan mawh i phur vek ang, in pafa duh khirh lutuk vang vek a nih hi"

A bag enfel pah chuan a rawn ti hlak hlak a, Son nen chuan in siai zeuh in pawnah kan chhuak nghal a, kan hnung a kitty phun mawlh mawlh chu kan nuih pui leh thin

A la nalh em a, a thawmhnaw hak ho kha a in hmeh takzet, mahse a taksa a lang tam mah mah hlawm a, chuvang a in thlak tir pawh ka ni reng a, ka fapa lah chuan min thlawp zatin a lo awm ve leh zel nen

Drew chu driver seat ah a lo thu vang tawh a, tunah chuan a hmel pawh hmuh a nuam ta deuh a lawm. Kitty chu Drew bulah chuan a thu hmak a, a la lungawi lo tih hriat reng, Drew chuan hre thiam lo zet hian a lo en a

" Ka hmai ah thil kai a awm em ni Drew, chutiang a nih loh chuan tlan vat rawh, kan tlai tep a nia " a lo ti hlak a. Nui deuh vur vur in a tlan chhuak a, kitty chu ka mit sir leh zeuh zeeuh thin a, a mit a chhing reng ringawt

A hmun kan thlen chuan Christy chu lo tum lian tawh tak a ni, Kitty nen chuan in be vat in a rawn nui chhuak hak hak a

Beton kuta a kut ka dah chuan ka thaw chhuak hak a, ti hi chuan thi pawh ni ila ka dam sawt ngei ang. Christy chu a aw tang chuan a tah a chhuak tih a hriat reng mai, ka nu te khan hmu se an lawm ve ngawt in ka ring

Ka kut rawn vuan tu chu ka en vat a, a kut la kang in ka fawp vang vang a. A rawn nuih takah chuan va fawh mai ka tum a, min lo dang vat in kan awmna hmun ka hre chhuak chiah

" Kha chu chhunzawm ka duh ngei ang, min hnial ka duh dawn miah lo a nia " tiin a mal lo lang chu ka nuai ne ne a. Min dan ka rin nen, min dang miah lovin a dawh hle hle a

" Zanin chu i mit i chhing hman miah lo vang " ka beng bul a sexy zet a a rawn tih chuan, ka thu khawng nghal zawt a, a mah ka en chuan min lo nuih char char tawh


_________________3 years later____________________

KAYLA POV

Christy te pawn fanu hmeltha zet nei in, tunah hian a pai leh mek bawk a. Kei erawh ka la pai lo tluang zel a, ka bei dawng lek lek tawh mahse, Nardy hian min fuih reng zawk a

Travis te pawh helamah an awm tawh a, Beton te Mizoram lamah an awm ve thung a, kan in be deuh reng mai a ni

Leo, bane leh blaze te chu bual in ka zai pah bawk a. Nui tawm ka hriat chuan ka hawi chhuak vat, Nardy chu a lo awm reng tawh, a rawn ho hun a la ni bawk silo a

" Zai lam chu ti vak lo la tha ang, kan beng a thi mai dawn a lawm " tih pah in Leo chu a rawn chul ve a. A sawi zawh rual chuan, tuiin ka lo phuh a

Coat nen a in duang zeih bawk sia, a ding far deuh tluk tluk a. Ka lo nuih vak chuan, rawn che phut in min pawm kang lawp a, ka lu hai lutuk chu min dah thla tur chuan ka ti vat a

Hlauh thawn hmel zet a min en chuan, ka that thu in ka lo chhang vat. Dr hnen a kal a tih chuan lo dang in, lunch ka la ei loh thu leh breakfast ka ei mumal loh vang a nih thu ka sawi vat a

Inchhung lamah chuan min pawm lut nghal a, kitchen lam min panpui in, kan hnathawk te chu thil dang ti tur a tiin a chhuah tir nghal vek a

A mah chuan a che nghal sawk sawk a, puih tum a ka ding chiah chu min thut tir leh nghal in awm mai mai tur chuan min tia

A ei siam lai chu hmuhnawm tak a ni, kan nun hlui te ka chhui let phei chuan, hetiang taka kan in hmangaih hi ka ring ngai lo. Mipa tha tak ka tawng a ni

Ka hmaa ei tur a rawn dah chuan, ka ei nghal mawlh mawlh a. A tui lutuk ringawt, Nardy chu en in ka kut zungpui ka ti pir va a, ka chip rawn fawp in ka bulah a rawn thu ve nghal a

Ice cream ka ei chak lutuk chu ka muhil thei lo, Nardy tih harh hlau zetin ka tho chhuak a, in hnuai lamah chuan chhuk vat in, ice cream chu ka zawng nghal a

Light a rawn eng thut chuan ka phu nasa lutuk, Nardy chuan in kuang kuah than hian min lo en reng a. " Tun ang hunah i thil ei khan a ti damlo thei che tih i hria em " a va chang tha em

Ka thawh chuan ni chu a lo chhuak daih tawh, in hnuai lam ah chuan chhuk vatin, Naty lam chu ka pan vat a, a nin min rawn hmuh chuan kan room lamah min kai chho nghal nawk nawk a

" Bernard in i awm dan min hrilh a, luhai luakchhuak leh thil ei chak thut neih te, zanlai pawh nise i thil ei chak i ei hma chu i muhil thei ngai lova " a hmel te chu a nung sar a, a sawi tum ah lut vat se ka ti ngei mai

BERNARD POV


" Boss Miss damdawi tur a rawn thleng a " tiin paper bag te fel deuh hi min pe a. Damdawi maw a ei awm ka hre ngai hauh silo a, eng damdawi tak ni ang maw

Kan doctor chu bia in, damdawi hming chu ka sawi a. " Damdawi chak tak a ni, rai lai chuan nau chhiat theihna a ni " a sawi zawh hma chuan phone chu dah in, in lam chu chak zetin ka pan phei a

Kitty chu a lo nui sang a, ka thil ken chuan va vawm pawp in, in sawi fiah vat tur chuan ka ti a. Hriat thiam loh hmel zetin min en a, chu tia a awm te chuan min ti thinrim zual

" Fa pai duh ang takin lem te kha i chang a, naupai i hlau luat vang in khang damdawi te kha ilo ei thin a maw " thinrim zeta ka ti chu, a hriat thiam loh hmel zual

" Ka sawi fiah thei, i hre sual a nih kha maw le, min lo ngai thla phawt la " ngawi tur chuan ti tuar in, ka chhuak nghal daih a. Min rawn kohna pawh ka ngaihven duh lo

Chak zeta tlan in thil hrang hrang ka ngaihtuah a, ka na ve takzet a ni. Fa chu a awt tak meuh mai, mahse fa kan neih theih loh pawhin iai na ka nei chuang lo

Damdawi a lo ei kher khan min tina ni, fa a duh loh chuan sawi chian mai tur a nia. Ka ti lui dawn hauh lo a sin mawle

Ka din chuan Travis te in kawt ka lo thleng der tawh. Keimah chiah a ka lut chu mak an tih hmel hle a, nui sakin whiskey ka la chhuak nghal a, min lo en reng ringawt

" Kayla nen in in ti thiam lo em ni, i hmel a dik miah lo a nia " Naty chuan min ngaih that loh hmel zet chuan a ti a

" Damdawi a lo ei thin a, ka ti lui hauh lo sin mahse " ka ngawi leh vang vang phawt a. " Ka van awih lo tak, hriat sual i nei a niang " Naty bawk chuan a lo ti leh vat a

"Bernard te chu chutiang mi a nilo tih i hriat kha, a lo ei a ni mai " Travis chuan min thlawp zatin a lo ti ve a. " Damdawi chu i hmu em ni, nge i ring hlel zawk " Naty bawk chuan a rawn ti leh a

Damdawi ka hmuh dan vel chu ka sawi a, Dr ka call thu thleng pawh in. Naty tho vut in room lam a pan ta daih a, mahse a awm rei chuang lo " Hei hi damdawi chu a ni em "

A nih thu ka sawi chuan, a thil ken chuan ka hnungah a rawn vaw pawp a. A na phian leh nghal
" Eng nge i hriat hrep a Naty, na ka hre ve thei tho a nia "

" I tar â tawh a nih kha, he damdawi ti nau in siam lai chuan ei loh tur a nia, a chak em vang in nau a chhiat theih ngei, Dr thu sawi kha ngaithla zo la chuan tiang hian in awm miah lovang, he dawmdawi hi taksa tih chak nan pawh an hmang thin, Kayla kha ei ve turin ka ti ni kha "

A thil sawi vang chuan rang zetin ka tlan chhuak nghal a, lo chhuak tase engtin nge ka awm ang. Ka van mawl tak em, hah thlak lutuk


Inchhung chu a lo reh vek a, kan room lam ka pan vat a. Room chu hnawk tak a ni, min surprise a tum a ni ngei ang, ka ti che ta vek sia

Khum a a mu chu hnung lam atangin ka va kuah a, " Mimawl pa ka thinrim lutuk, thil hre chiang ve phawt thin rawh ka tih kha " ka kut chu rawn vawn hnan in, a thaw chhuak ham ham a

" Naty in min rawn be lo se chuan ka chhuak daih ang " a la ti hram a

_____________________________

KAYLA POV

Hmeichhia a ni e, ka lawmpui lutuk che u, a hmeltha em em leh nghal

Ka chalah Nardy chuan a fawp vang vang a, ka lawm e fanu hmeltha tak min pek vang in. Son chuan a nau chu a lo pawm a, a hlim hle tih a hriat

Hming phuah an in chuh nak nak hlawm a, mahse Son chuan Belinda Holden a rawn tih takah chuan an ngawi ta thap a, an pawm tlang ta a niang chu

Belinda chu a sual zek a, vawikhatna a ni bawk nen ka zei lo lutuk chu ka in nuih leh tawp thin. Nardy leh Son chuan an anchilh hlum lo chauh, pawm te an han in chuh leh thin a, kei ai daih in an la zei lo zui


" Ka hmangaih che, chhungkua min pek vang in ka lawm e, ka thil tih sual hre lova a tha lai chiah min hriat sak vang in ka lawm bawk e "

" Kei pawn ka hmangaih che Nardy, kan hlim reng thei hauh lo vang, mahse eng pawh hma chhawn la i kiangah ka awm reng ang, thihna chiah in kan pahnih in min then hrang thei ang " duh thawh zetin min rawn fawp a

Son in a nau a cheih kual vel chu kan lo nuih hawk hawk a, zei loh lamah hi chuan Nardy hi a chhun chiang a lawm





Tling lo zet a ka thu ziah,a tir atang a tawp thleng min chhiar sak tute hnenah thinlung takin lawm thu ka sawi e

Ka story dawt leh tur hi chu ka thiannu dirthday pual in a ni dawn a, BL leh Gal lam a ni ang aw, min lo chhiar sak leh theuh dawn nia

________________Muttui vek ule__________________


Show post links
Top