Keima_Pu:Sir Sawmtea BY Cck Lalchhuanawmi (Completed)

[Ngaia]

Keima Pu: Sir Sawmtea
Chapter-31
Ziaktu: Cck Lalchhuanawmi

"Lungngai miah suh, tu hnenah mah ka sawi lo ang", a lo ti dam dup a. Ka thaw huai huai.

School pawnfen kâwng ka tithawl a, kawnghren pawh, ka dul phuar lutukin ka hreng tawh lo.

Kâwng fet rat lam ringawt a ngaihtuah theih tawh loh, ka pum chhungah nunna nei a awm ṭan a, a thâwkna tur tidaltu nih ka duh lo.

Zan rei tak tak ka meng tawh lo a, lehkha ka zir pawhin ka meng rei tawh ngai lo. Dar kua leh a chanveah ka mu ziah.

School-ah pawh nise, lehkhabu ka bih tam tawh zawk a. Inah pawh nise, lehkhabu bih ngar ngar a ni mai, zan lama men rei ka duh si lo a.

U Siami a awm hlauh a, ani'n ka fail leh a hlauh em avsngin, "Inchhung chet hi chu, ka kutah dah hmiah la, lehkha zir char char zawk rawh", min ti ṭhin a.

Ka lawm lutuk hi, ka kuah deuh reng zel mai a ni. Thlai, thei leh chawhmehah pawh nise, ka taksa tana ṭha tur chauh ka inti ei tam a.

Mahse, ka ei duh ngai lo hi chu, ka ei lui thei thlawt lo thung. Ka duh lohna lamah chuan, kal tir chu har ve tak ka ni.

Chu tak chu, a buaithlak ṭhin, luhlul leh thuawih loah kan tlak ta ṭhin a. A ni reng bawk a, kan luhlul leh thuawih loh vsng chu a ni ve pakhat tho.

"Teacher-te an lo kal lo em mai, zai ang u",

"Eng hla nge kan sak ang a?",

"Melt the snow", Chban a ti vah a. "Mizoramah snow a tla ve ngai hleinem?", Hmangaihan a lo tihsak.

Chba a ter leh at a, zai tak tak hmain, an han inhnial leh rih. A tawpah, 'Melt the Snow' an sa leh al al hlawm a.

Sak ve ai chuan, dawhkan bawha thinlunga lo feel veng veng ka thlang zawk. "Tunah te hian, i mu reng awm si a, in ka thlen ve leh min lo call la, "Ka dam tawh", lo ti mai la, ka va han hlim dawn tak", ka rilruin ka ti mawlh mawlh.

"Ka hria, Sir Sawmtea kan ngaihzia lantir nan, Teachers' Day-a a sak ziah ṭhin kha, sa ang u", Hmangaihan a ti a. "Aw", an lo ti sup sup.

A rukin ka mittui ka hru hru, keimah chauh lo pawh hian, an lo ngai hlawm vek a nih hi. "Saw tu pu nge, tu pu mah, Sir Sawmtea a nih saw", Hmangaihan a ti a.

An nui dar dar, keipawh ka ṭah nuih hak hak a, a hmel hmu thei lo mah ila, a âw chauh tal pawh hriat ka châk.

Tuilumin ka kap bawr vel ka sil a, a lo nât chang hi chuan, chawhtawlh lian deuh neih a, ṭhut ka chak.

"Nautê hrisel tak ni turin, lo piang chhuak ngei ngei rawh aw", ka pum chul heuh heuhin ka ti sap sap a.

Hrisel deuha a lo pian theih nan chuan, a paitunu hi ka hrisel ṭhat a ngai ngei ngei. Nâ a lo chhuah hi chuan, min chhawk tura damdawi ei a chi tawh si loh.

Tuilumin ka sil ringawt zel, a zia phah ve em em zel tho a. Mahse, a dam hlen ngai bawk si lo.

Ka chhungte tumah ka la hrilh lo a, ka nu leh pa hmel hmuh loh dan kawng ka zawng hrâm hrâm zel. An fanuin nau ka pai tih hre ta se, a pa lah, tunah a harh chhuak dawn nge dawn lo tih inkarah, a awm mek a ni si a.

Lo harh chhuak vat vat tawh se, keimah chauh chuan, hmachhawn ka ngam lo. Amahah ka innghat nasa tawh lutuk.

"Ka pu, kan lo nghak reng che a nia, lo haw vat vat tawh rawh", a muthilh ṭuma ka screenshot chu, ka thlêk vang vang a.

"I muhil rei tawh em mai, ka pu, tho tawh rawh", ka ti chhuak ṭawk a. Ka mittui tla zawih zawih pawh chu, ka hru duh lo.

Nautê ngaihtuaha rilru hahdam deuha awm tur ka ni tih ka hria, mahse, hahdam ka tum poh leh, a hma zawng aiin ka lungchhiat a zual!

Ka va han ngai tak, ka tun dinhmun sawi chhuah dan ka thiam lo a, ka ngai tih bakin ka sawi chhuak thiam lo. Ka ngai ngawih ngawih a ni mai, nautê nen hian kan ngai, kan pahnihin kan ngai ngawih ngawih.

Sir Sawmtea pov....
"Mitthi tluk a nih hi, khatia a taksa lo khalh vel te kha, i zak miah nange?",

"Huh, engvangin nge ka zah ang, mitthi pawh a nih loh hi",

"Ni lo pawh nise, zah ve tur che lawm. I hmangaih pawh hi ka ring tehhrep lo, i hmangaih a nih chuan, khatia a taksa khalh kual lo khan, a harh chhuah theih nan i pui zawk tur a ni asin", ka nu chu, a phun bul bul.

Room pawn lama miten an hriat hlau niawm takin, an phun sar sar. Ka bul maia an awm avangin, kei erawu chuan, ka hre chiang hle thung.

"Ka nu, a fa ka pai a nih chuan, a duh emaw duh lo emaw, min neih a ngai tho tho dawn a-",

"Doctor chu i ni ve sia maw, i bawp pahnih inkara bel chhungah khan, a chi a luh a ngai, hetiang te chuan, engtin nge, a fa i pai theih i rin zawk a?",

"Doctor ka nih vang reng chuan lawm ka sawi, tun hi a remchan hun lai tak zawk a ni. A chi hi kan hip chhuak ang a, ka chhulah kan kap lut mai dawn alawm", a ti zawi sap sap a.

Thawh lawka, ben fawk ka châk lutuk. A rukin ka kut ka hum ruh nghek a, tuna ka harh a la hun bawk si lo.

"Kha nu kha, a lo kal leh i ring em?",

"Kal tawh lo ang, a haw daih tawh alawm",

"A school kal naah khan, ka vahnu a kal ve a, Sawmtea nen innei tur anga min sawi darh turin ka ti a, tunah chusn, a beidawng tawh ngei ngei ang", pangngai thei ang berin, ka thâwk ka kal tir a.

Ka thinrimna bengdaih tumin, a rukin ka thaw halh halh, ka taksa ka tihchet phut loh chuan, ka ṭang ṭung mai bawk. Laltei chuan, lo awih lo hrâm teh se.

"Christina ang khan, pasal tur kan zawnsak daih mai dawn em ni ang?", ka nuin a ti sap a. An pahnihin an nui uar uar.

Engvanga Christina lo sawi chhuak nge an nih, Christina chungah eng nge an tih?

"Ka nu, hmannia a lo kal ṭum khan, i beng nâ lo mah mah a ni",

"Nangpawhin i ben nât bik loh kha ah",

"Min thah te a tum a, keimah zawk hian ka that hmasa zawk dawn mawni?",

"Khai, khai, insum rawh", an pahnihin an nui leh hak hak a. Ka insum theihna hian, a tuar lo ṭep tawh.

Laltei mawlh ka ngaihtuah, Doctor pan pui vat a ngai asin. A nu leh pa a hrilh ngam loh thu a sawi a, tun thlengin a la hrilh ngam lo ngei ngei ang.

A tuar tlawk tlawk awm si a, school-a thudik lo pui pui hmsngin, a indawm kun tlawk tlawk bawk ang.

Min ring turin ka ti a, tunah chuan, min rinna pawh a nei tawh lo ang. Accident ka tawh avangin, ka be thei lo a, ka chanchin tu hnen aṭang maha hriatna tur a nei dawn si lo.

Ziri nen innei tur angin, min ngai nghet hmiah thei tawh bawk. Chutiang chu, thleng lo hrâm teh se, ka hmangaih thu pawh ka la hrilh hman hleinem!

Min lo nghak ṭang ṭang mawlh teh se, he mangchhia pawh hi a tawp ṭep tawh e.

"I ât zia hi maw, he in chhunga thu i neih loh ang bawkin, i pa hian i tan ro leh, he in ngei ngei pawh hi, i tan a hnutchhiah dawn lo, ka hming vekin a dah dawn.

Khawpawna huan pawh saw, Duati hmingin a dah dawn, engmah hi i hre bawk si lo.

Rinfeli pawh, pasal hausa tak ka nei tir a, nuamsa taka a awm theih nan. Nangpawh, ka thisen ni lo mah la, ka khawngaih em che avangin, Ziri nen in inneih theih nan, ka tha tawpin ka ṭang a.

I pa lak aṭang engmah i dawn dawn loh avangin, nuamsa taka i awm ve theihna tur tiin, Ziri ka be ṭha ṭawk ṭawk a. Hrethiam duh loin, nang lah chuh, heti pui hian i awm a, i lo harh chhuah hunah pawh, Ziri nen bak, suihzawm in ni dawn chuang lo", ka nu chuan, a ti dap dap a.

A nui ri te chuan, min râp. Eng ang nu nge maw a nih le? Nu te chu, an sual ngai lo asin.

Duati pawhin, ka nu thiltih hi a hriatpui ang em? Ka pa lak aṭang engmah ka dawng dawn lo maw?

Ni lo e, a fapa ka ni a, a fapa neihchhun ka ni bawk. He in leh, ka pa ro chu keimah bskin, tumahin an chang lo ang.

Huan pawh, an nufa thilsual tih nan ka pe hauh lo ang. Felfeli, pasal a neih hma tir chhan pawh ka hre tawh e.

An nufain an la tuar khawp ang, hrem lohin ka chhuah tir hauh lo ang. Ka chi hip chhuah an tum bawk maw, a thleng ngai lo ang.

"Sawmte, Dindini i tikhawngaihthlak tawh em mai, lo harh tawh teh", ka hmai beng thek thek chungin a ti a.

Ka harh tawh tih hi hriattir ka duh, mshse, amsh chauha a lo awm lo a nih chuan, ka chhe vek a ni mai.

"I tel lo chuan, Hotel pawh a ruak huai a nia. Chu loah, i pa pawh saw, a khawngaihthlak lutuk", ka pa maw?

"A tar buai buai mai, a ngaihtuahna lamah che, ani pswh a chau zo dawn", Richard-a chuan a ti zawi sup a.

Min en nge en lo nge phei chu ka hre lo, mahse, ka mit ka tiche zeuh. Min uksak loh danah, min la hmu lo a ni ngei ang.

"Dindin, i dam ṭha zel em? A lawmawm lutuk, lo dam ṭha zel rawh. Sawmtea bulah ka awm a, keimah chsuhin ka awm, speaker-ah ka dah ang aw, i âw hre ve rawh se, a harh phah mahna. Dindin, Hello ti rawh le",

"Hello", Laltei âw lâwi zet ka hriat chuan, ka meng chhuak kâwk. Richard-a chu ka en nghal vat a, âng phuauin min en!

"Di, Dindin, ba, bathroom-ah ka lut lawk ang, ka, ka zun chhuak lutuk", a ti bah nawk a, phone a off nghal.

"Sawmte, a tak tak a ni em? Eng nge awmzia, eng nge tih tur, engtin nge ka awm dawn? E, lawk aw", room kawngka a va kalh sawk sawk a, ka bulah a lo ṭhu leh.

"Nangmah chauha, i awm thu, i sawi a", ka ti a. Meng bial kâwk kâwkin, a bu nghsuh nghauh.

"A hma daih aṭang tawhin, i harh tawh tihna em ni?", a ti zawi sup a. Ka bu zeuh. Ka lu chu, duhtawkin ka tiche thei a, ka kut leh ka ke ka tiche thei lo.

"Ka kut leh ka ke hi, ka tiche thei lo",

"I spinal cord i sawh nâ lutuk a, i ke kha chu i la tiche thei lo mai thei. Mahse, i kut chu, a van mak em em", ka kut a chawi a, a thlah a.

Ka tiche thei lo ti nâ nâ nâ, a tla chawrh. "Ngati nge, i tihchet theih loh?", a chek hlak zui a. Ka kut hi tiche thei ngat ila chu, ka kuk chiang ngawt ang.

"Ka ṭhian, i ṭanpuina ka mamawh",

"Sawi rawh, ka ṭanpui ang che, pawisa i duh a nih pawhin, ka ngah lutuk", a ti nuah nuah a, ka nui suk.

"He hmun aṭsng hian, min hruai chhuak rawh",

"Khawi hmunah, Hotel-ah khan em ni?",

"Ni lo, ni lo, hmun hla takah, min tihbuai theih lohna turah. Ka ṭhisn, ka chungah thil ṭha lo tak tih an tum", Ziri ngaihdan tenawm zet ka hrilh a.

"Lungngai miah suh, zanin la lain ka hruai chhuak ang che, chumi hmain, Dindini call phawt ang", a ti a.

Laltei nen an lo inhria chu, msk ka ti sngreng, ka la inhmelhriattir miah si lo. Speaker-ah a dah a.

"Dindin, i mu tawh em ni?",

"Mu dawn chiah", Laltei chu a ham zui bai bai a. Ka lo nuih suk. Mut a duh tak tak a ni.

"A nih, tui deuhin mu rawh-",

"Lawkin, ka pu ka hmu chak, rei lo te lo tilang teh", ka lu ka thing zeuh.

"Dindin, hmu lo zawk la, a ṭha zawk ang. Nakinah, a tlangval junior lai thlalak ka lo thawn ang che", Richard-a chusn a ti a. Laltei a lo nui hak hak.

"Nangmah hmu tur chein, a lo kal a. I nu ten, in aṭang hisn a hnawt chhuak rang lutuk. In awmpuinu a la haw loh lai a nia, a sawi dan chuan, i nuin a beng a.

I room-a a lo luhin, ruak deuh thawa Zirin a lo bawh lai che hmuin, Ziri chu, "Ka that dawn che, ka pasal a nih kha", ti pahin, Ziri lu a kek vsk vak a ti a", ka nui chhuak hawk.

"Mahse, Lawmsangan Dindini chu a pawm sawn a, Ziri pawhin a beng sawk sawk niawm e. A hnuah, Lawmsangan in aṭang a theh chhuak a ti", ka mit ka chhing sawk.

Ka nu nen kut an thlak rawn a, an la hre khawp ang. Ka zuah mai mai hsuh lo ang.

"Min lo pan a, him takin ka thlah haw leh thlap a nia. Mahse, i Album kha a hawn daih", ṭhen sak chungin a ti a.

Ka nuih sak ringawt. Ka drawer a hawng tihna ni maw? Hmuh loh loh tur te, a hmu ṭeuh dawn tihna nia, a nui nasa ngawt ang le.

"Rei lo te chauh lo nghak rawh, ka han tifel nghal vek ang e. Lo nghak lawk rawh aw, ka lo kir vat ang", Richard-a chu a chhusk a.

Ka mit chhing vsng vangin, Laltei lo kal laia an lo tih dan tur vel ka ngaihtuah a, ka thin a rim ngawih ngawih.

Ka kut tihchet tumin, ka ṭang sauh sauh a. Ka la tiche thei meuh lo. Ka kutṭang pakhat te pawh, ka la tiche thei lo.

Chutiang bawkin, ka ke tihchet ka tum a, ka hlawhchham chiang lutuk. Richard-a lo let hun ka nghak ta ringawt.

"Ka unaupa a nih hi, a damna tur a nih phawt chuan, Vanram thleng rak pawhin ka paw mai ang", Richard-a au lawng lawng ka hria chu, ka thaw huai.

"Khawiah mah i kalpui hauh lo ang",

"Ka kalpui dawn khawp, ina a harh hun nghah mai mai ka thei ve lo",

"Doctor ka nih hi, keiman ka enkawl thei",

"Lalnunzir, lo ngawi mai mai rawh, i kuang lo i nawr mah mah a nia aw", Richard-a chu, insum kar lek loin a âng bawrh bawrh.

A hnuah ka pa âw ka hre ta, "Zu kalpui rawh, beiseinain kan lo thlir reng ang, dam takin lo haw tawh ngei rawh se", dam diaiin ka pa chuan a ti a.

A âwah nâtna erawh, a hriat theih thung. Ka pa a ni a, min hmangaih tih ka hria alawm.

"Bawiha, hmeichhe Doctor ṭha tak rawn tur min zawn sak lawk teh",

"Eng nga tan, hmeichhia i nih loh kha?",

"A hmanhmawhthlak, zawng vat mai teh", ka ti a. A laptop phawrhin, a buai char char.

Sêntei hmaizah viau mah ila, ka unsupa hi ka mamawh rih tlat. Mahnia la che thei lo ta fam chu, wheelchair-ah ṭhuin, min nawr a.

A nin thu leh, hrehawm a tih thu pawh a sawi ngai lo, engtikah mah, ka chunga a ṭhatna hi ka rul tlak ngai lo ang!

"Chhul cancer inṭanna chu a ni thei chiah lo mai thei, mahse, ka chiang bik chuang lo. Test neih phawtin a chiang ang, mahse, a chhul a tawlh a nih ka ring, a chhul a fual pawh a ni thei a, a chhul a ṭha lo pawh a ni thei, lo hruai phawt ula, a ṭha ber zawk ang", Doctor chuan a ti dap dap a.

Kei, heti ka la ni a, engtin nge maw ka hruai theih ang le?

"Sawmte, tu nge a?", Richard-an a lo tih chusn, "Laltei", ka lo ti a. Meng bial kâwkin, "Maw?", a ti hluai.

"Nau a pai asin",

"Fiamthuna hun a ni lo a nia",

"Ka fiamthu lo, a pai tak tak alawm. Kar sarihna a hmang vel mek, Sawmte, dawt ka sawi lo, nau a pai tak tak", Richard-a chu ka en a.

A fiamthu hauh lo, Doctor ka en a, a naupai thu ka hrilh chuan, "Naupai thei a ni lo, a tan a hlauhawm lutuk", a lo ti nghal vat.

"Engtianga hlauhawmin nge, a thihphah theih ang em?", ka ti a. Hlauhnain min man tawh.

"Thih phah thei, a chhul a chiang lo a ni a, a naupai a chhiat theih bakah, ama tan pawh a ṭha lo lutuk",

"A nih chusn, engtin nge ni ang?",

"Tih hmasak ber tur chu, nau chu paih a ni mai. Chumi hnuah, a chhul test neih, chung zawng ai chuan, a naupai chu paihsak a ngai hmasa phawt. A hlauhawm lutuk",

"Sawmte, i kut kha, i kut kha, i kut a che nia", Richard-a chu a au hluai a. Ka kut ka en vat.

Ka hriat lohin ka lo tiphu hlerh hlerh reng chu niin, Richard-a chu ka en a, âng phuauin min lo en.

Ka kut chu, tihkan tumin, tha ka han pe deuh a. Ka tikang thei lo. Tihphut leh ka tum a, ka tiphu leh thei der lo.

Ka kut chu tihpharh tumin ka han ṭang a, "Dindini ngaihtuah la, a nunna a derthawn em chu, a bula i kal a ngai. A nunna i chhan a ngai a nia, Dindini chauh ngaihtuah rawh", thâwk ka la leh kâwk ṭhin.

"Dindini nunna i kutah a awm a nia", min fuih nge, min tihṭhaih pawh ka hre tawh lo.

A tawpah, ka tipharh thei ta hrâm. Ka thaw halh halh, ka kut dinglam ka tipharh thei ta! Veilam chauh a ngai tawh.

"I tithei tih ka hria lawm, Doctor, he did it!", Richard-a chu a au hluai a. Doctor pa pawh a nui tawp.

Exercise lakna hmunah Doctor pa chusn min hruai a, ka kut ringawt tihchetin awmzia a nei lo, ka kal theih ngei ngei a ngai!

"Ka Nautê, ka lo kal dawn nia, lo tuar hrâm hrâm rawh aw", ka rilrua tiin, au vakin thirbanin min kar cheh vuanin, ka ding a.

Pen khat zela pen turin min ti a, thaw hluam hluam chunga pen ka tum pawhin, inches khat pawh ka pen chhuak thei lo.

"Sawmte, vawiin atan chuan duhtawk phawt ang",

"Ni lo, vawiinah ka kal thei ngei ngei tur a ni", ka ti sup a.

Pen sawm tal chu, ka pen ngei ngei ang. Mipa ka ni alawm, ka hneh thei ngei ngei ang.


Show post links
Top

[Ngaia]

Keima Pu: Sir Sawmtea
Chapter-31 Chhunzawmna
Ziaktu: Cck Lalchhuanawmi

"Engtin nge, kan awm zel dawn?",

"Ka hre lo", boruak ka hip let kâwk. Duh tawkin ka kut ka hmang thei tawh a, ka ke ka la hmang thei lo, kein ka la kal thei lo.

Ka ke zungṭang ka tiche thei ṭawk a, kar hnih kan awm tawh a, ka keah hian tha a la kal lo hrim hrim.

Damdawi inah kan kal nitin a, exercise lak hian min pui loin ka hre tawh. Bei hi a dawng ngawih ngawih!

"Ka la haw tir phal bawk si lo che a",

"A ho lutuk, chawlh ka hmang tihna ni mai. Mahse, ka chhungte ka ngai tawh khawp mai, an tel lo hian, rei tak ka la zin bo ngai si lo a",

"Ngaihdam ka dil dawn lo che nia", ka ti a. A nui hak hak. A mu tlawn zuarh a, tukverh lam hawiin wheelchair-ah ka ṭhu a.

Laltei ringawt ka ngaihtuah, amah vang hian ka la nung ve ṭawk ṭawk ni berin ka hria. Nau a chhiat lo a nih pawhin, a nunna atan a hlauhthawnawm tih ka hre ve kur bawk si.

Hetianga awm chung hi chuan, ka pan thei lo, enkawl mamawh ngawih ngawih zawkin, min buaipui tur ka ngaingam lo.

Ka inher a, ka kutin ka ke dinglam chawiin chhuatah ka nghat a, veilam pawh chutiangin, chhuatah ka nghat leh.

Wheelchair bana innemkhalhin, ka mawng tihkan ka tum a, kutzungpui chen pawh ka tikang zo lo.

Wheelchair hnung nghengin, ka thaw halh halh, "Lalpa, min pui hrâm teh", ka rilruin ka Ṭawngṭai a.

"Zeng lâm tir thei tu, Isu, ka mamawh che", ka ti zawi sup a. Ka mittui a luang ngiai ngiai. Thil ṭha lo tak tak, ngaihtuah a va awl tak êm!

Thi thei ka ni bawk si lo, thih ka châk nge châk lo pawh ka hre tawh lo e ah.

"Sawmte, Dindini i be duh em? Text-in mawle, kan in text a, keimah angin i be dawn lawm", a phone min lo pe a.

Bathroom panin a kal hnak hnak, a ham bai bai a, a chau ve ngawt ang. Laltei nen chuan kan in text a, Richard-a angah min ngaiin, keimah ka ni tih a hre miah lo.

A typing chhungin, a dp ka en a, nu berin nautê a pawm lai leh, pa berin a kuah lai cartoon hi a ni a. Cartoon mai mai mah nise, an awhawm ngawih ngawih.

Ka inchhir ṭanin ka hria, lo insum ṭang ṭang tur kha ka ni asin mawle. A mipa zawkin, insum theihna ka tlachham leh lutuk a, ka inhaw ngawih ngawih.

*i thlalak min lo thawn teh, Sawmtea hnenah ka sawi ang a, a lo meng mial mai thei sin* ka va ti a. *lawk rawh aw* a lo ti a, a out nghal daih.

A thlalak a zawng dawn nge, a la chawp dawn ni aw. "A man chhuak che em?", phak chuap hian a lo ti a. Ka nui chhuak hawk.

"I va muhil hman elaw?",

"Europiantype comode a ni sia, mutthluk a awl reuh lutuk", phelh phang hian a ti a. Lu thing nar narin, ka nuih suk suk.

"Inbe rei s'u aw, kan nu ka be duh nia", a ti nsng nang a. Khumah a bawk thlawp. Phone chu ka en leh a, thlalak a lo awm tawh.

Ka hawng a, ka kiai deuh sak, a hmai a chei hmasa phawt chu nia. Mahse, a nui luiin ka hria, a mit a sen deuh rûm a, a ṭap ni ngei tur a ni.

*i hmelṭha lutuk a nia, make-up i mamawh miah lo*

*ka mamawh ve lawm, ka hmelṭhat leh zual theih nan* a lo ti a. Ka nui hak, a lu hi zo veh vawh tak a ni.

*mu tawh rawh, i chau lutuk palh ang*

*ka pu a harh ve leh, min lo hrilh vat rawh aw, ka ngai tawh lutuk* a lo ti a. Phone ka hmer ngawt ngawt.

Richard-an a sawi dikin ka hria, hma hun êng tak nei kha, ka tihchhiat sak vek ta a nih hi. Zirtirtu ka nihna ang khan lo awm mai mai ila, ṭha tur hi nia.

Tunah chuan, a chhuah theih tawh lo. Ka tisual let der a ni, mahse; chumi vang ngawt chuan ka thlahthlam hauh lo ang.

"Sawmte, i ti thei a nia, Dindini leh i fa tan i tlan a ngai, i ti thei ngei tur a ni", ka darah a beng hlak hlak a. Room aṭang chhuakin, pawn aṭang min lo thlir vang.

Bar pahnih inkarah hian ka awm a, ka vuan a, din chhuah tumin ka innemkhalh ṭang ṭang.

Min pui turin, male nurse pahnih an awm bawk a, pakhat phei chu Mizo a ni lehnghal. Mizo ṭawng ngeiin min fuih ve pah reng bawk.

"Sir, hmanhmawh miah lo la, muangchang khan thawh tum rawh, thawh vut i tum chuan, i tan a harsa zawk ang",

"Tu nge i hming?",

"Rindika",

"Rindik, ka lawm e", ka ti a. Nui sangin a bu nghauh nghauh. Ka sirah an ding reng a, ka thawh theiha ka tluk palh dawna, min lo dawm hman turin an inring reng.

"Ka chhungkaw tan", ka rilrua tiin, ṭhen sak sak chunga rum ṭuah ṭuahin, ka tho kang a. Ka zakah Rindika leh a ṭhianpa chuan min dawm pah a.

Tunah chuan, ka ding thei ta, bar vuan chung chuan ka ding thei tawh! Mit chhingin thâwk ka la vang vang a, ka ke chet tir chauh a ni ta.

"Hma i sawn tawh lutuk a nia, tiang hmang pawhin i kal thei tawh tihna nih kha",

"Ka la pen sawn theih loh kha, ka ke ka hnuk thei ṭawk ṭawk",

"Chu chu, hmasawnna alawm, i ke i hnuk thei a, naktukah chuan i pen thei tawh ang a. A tuk lehah chuan, i tlan thei tawh ngei ang", a ti chharh chharh.

Min fuih dan hi, a bawn thei. "Lawmthu pawh ka hrilh dawn lo che", ka ti a. A nui chhuak hawk hawk.

A nui tawp chawt a, "Wholesale-in min la hrilh dawn nia", a ti a. Ka nuih sak ringawt.

Sunday a ni a, Richard-an a mut nilen tur thu a sawi nuah nuah. Chaw ei kham ve leh, a inbual a, mu turin a insangmar.

"Hotel-ah hisn, inkhawmna tur te siam sela, a ṭhat dawn hi a",

"Inkhawmna tur te chu alawm, helai hnaiah hian Mizo ho inkhawmna hmun a awm ngei ngei ang",

"Aa, inkhawm lo phawt mai ang", a ti a. Khumah a mu thal tawp. A nupui leh fate a bia a, "Darling, min lo muah teh", speaker-ah dahin, ka bulah a lo ṭhu a.

Sêntei chuan, "Speaker-ah i dah ni maw?", nui hak hakin a lo ti a. "Darling, min lo muah vat teh", Richard-a chuan a ti nang nang a.

Sêntein a lo muah, Richard-a chu min lo enin a nui huah huah a, min awhthik ve khanglang. A intithei mah mah a ni.

"Darling, ka duat, min ngai em?", Richard-a chu ka melh nghek ringawt. "Ngai lutuk, ka ngaih luatah che ka thi ṭep tawh", Sêntei pawh chuan a lo ti.

Ka thaw halh halh ringawt, an inhmangaih thu te an inhrilh kûr nguai nguai a. Richard-a lahin, intithei fahranin min en zuk zuk.

Thawh lawka, a phone laksaka vawm sak chawrh ka châk lutuk. Nakinah, a la hre ve khawp ang. Laltei thlalak chu enin, a tak ni lo mah se; a hmel te chu ka tuai heuh heuh, ka ngai tawh lutuk!

"Damdawi in kal nan a la hma tho a, phone lei tur ka zu zawng teh ang aw, ti khan lo awm rawh",

"Lei lei a ngai lo, pawisa kan seng nasa tawh lutuk, nakinah, muangchangin kan la ngaihtuah zawk dawn nia", ka ti a. Min lo hnial nasa lutuk.

A tawpah, a hnial hneh lo zawkah ka ṭang ta nge nge. "E, lawkin aw", tu emaw a call a, speaker-ah a la dah zui.

"Hello", Laltei âw ka hriat chusn, ka meng phar kâwk. School kal tur a ni lo em ni?

"School in chawl bawk a, vawiin chu thil pakhat min lo tihsak teh",

"Tihsak tehreng e, lo sawi la",

"Ka chhuah lawk a ngai a, Sawmtea hi lo awmpui ta che, tihian speaker-ah ka dah ang a, lo ṭawng char char rawh, nau awm tur i nei tihna a nih chu", a ti a.

Laltei a nui hak hak, khi ṭhawin Richard-a chu a chhuak a. Khumah phone a dah daih a, kei lah, couch-ah ka ṭhu daih bawk si. A ngaihna hi awm lo.

"Ka pu, chaw ka ei ṭeuh ṭeuh tawh a nia aw, ka thau tawh rap mai mawle. Chuan maw, lehkha pawh ka zir ṭha lutuk, lehkha ka zir nasat nen, ka cher thei tawh miah lo, ka thau tawlh tawlh", a ti lang lang a.

Ka nuih sak sak, "Ka ngai tawh lutuk che, i âw hriat vat vat ka châk tawh. Lo harh tawh hrâm rawh, rul pawh ka tihṭhaih tawh miah lo che ang a, Sahuanah pawh kan kal tawh miah lo ang", a ti nang nang.

A insut deuh hrawk a, ka nui tawp riai riai, "Rul i hlauh em em chhan ka hre tawh a nia, khami nîa ka tihṭhaih che ka inthiam lo lutuk. Tun hnuah chuan, ka ti tawh miah lo ang", a ti leh nang nang a.

A thaw deuh hluam hluam, a ngawi deuh vsng vang a, a hnuah a rawn rum chhuak hrawih. "Engtikah nge i lo haw dawn?", a insut hlawp hlawp nghal.

"Ka ṭap a nia, ka mittui hru tu tur i muhil daih a, lo tho tawh rawh. Ka mittui hru turin tho la, lo haw tawh rawh", a ṭap nghal rawih rawih a.

Insehruh ṭeuh chungin, ka taksa ka tikang a, couch-a innemkhalhin din ka tum a. Mahse, ka tho kâng chiah tihah chhuatah ka tlu bawk thlawp.

Laltei chu a rum deuh halh halh, "A nâ, a nâ leh tawh lutuk", a ti sap sap a. Hlauhthawnnain min man nghal.

Khum panin ka bawk vsk a, duhtawka ka ke a chet theih loh avangin, chsk takin ka bawk vak thei lo.

"Lalte", ka ko ta ngawt a, min hre thsi lo a ni ngei ang. "Lalte", ti chungin, khum panin ka bawk vak zel a, ka thleng ṭep tihah, "Pu, ka pu, nangmah i ni em?", thaw hluam hluamin a lo ti!

"Lalte", phone ka ban a, "Lalte, i ṭha em?", ka ti a. Chhuatah phone ka dah a, "Ka pu, nangmah i ni em?", a lo ti leh a.

Ka nih thuin ka chhang thuai, a ngawi vang vang. Ka ngaih a ṭha lo chu, ka ko ka ko a, min chhang thei tawh lo.

Ka ko mawlh mawlh a, ka tiril a khur dar dar, a lo chatthla der te hi a ni ang tih ka lo hlau lutuk.

Âw khur dar dar chungin, ka ko mawlh mawlh, ngaihdam ka dil pah a, thi leh dam kara a awm chhan hi, keimah vang vek a ni. A tawp nan ka ko a.

"Umm", a lo ti chuai raih. Ka lawm lutuk chu, ka thaw huai mai! "Ka pum a nâ lutuk", chau zet hian a ti a.

"Keimah vang vek a ni, ka tihpalh lutuk aw", a lo rum nghut.

"Ka pu, i lo haw dawn tawh em?",

"Ka lo haw ṭep tawh, a rei tawh lo ang, lo nghak hrâm hrâm rawh",

"Umm, kan, kan lo nghak reng che nia", a ti zawi sap. 'Kan' a tih chu, nautê a sawina a ni ngei ang le!

"Ka nautê, ka lo haw ṭep tawh, a rei tawh lo ang", ka ti a. Thu dang sawi tur ka nei lo, ka haw ṭep tawh thu ringawt ka hrilh.

Ka haw vat vat a ngai, chumi hma chuan, innemkhalhin, ka taksa ka tikâng a. Khum rinchhan chusn din ka tum a, khumah ka lawn hi a ni ringawt.

"Ka lo thleng, Aw Lalpa leh! Sawmte, i ding elaw?",

"Tiang kha, tiang kha min lo pe vat teh", elbow crutch, kan kawl reng chu min lo pe nghal sawk sawk a. Ka kut rawlh lutin, nghet takin ka vuan.

Ka ke veilam ka tiche hrut hrut a, ka ke dinglam ka tiche leh hrut hrut. Crutch rinchhan chung leh, ka ke tiche hrut hrut chung chusn, kawngkhar ka thleng ta mai!

Ka inher a, âng phuauin Richard-an min lo en. Keipawh ka bang bik lo, ka âng zuau zuau a, sawi tur ka chham vek.

Richard-an min pui a, couch-ah min ṭhut tir, "Eng, engtin nge?", a ti bah nawk a, "Ka hre lo, ka ding ringawt a, chuan ka kal", ka ti hluai ringawt.

"Aww, Sawmte, ka lawm lutuk, i tithei tih ka hria lawm. Ka va lawm tak em", min kuah chûng chûng a, ka hnung a beng leh hlak hlak ṭhin.

"Lawkin, phone thar i neih dawn vang ni maw?", min melh ralh chungin a ti a. Ka melh let ve nghek. A nui huah huah a, min kuah leh chûng chûng.

"Engtin nge kan awm zel ang le?",

"Tunah kan haw nghal ang, ka pa ka hmu phawt ang a, chumi zawhah Lungleiah kan kal nghal ang",

"Mahse, i dam ṭha var tih an hriat chuan, i nu leh Ziri te khan-",

"Hre rawh se, Bawiha, Lungleia ka kal hunah ka pa min lo ngaihsak teh aw, ka nuin engtin nge a tih dawn ka hre si lo",

"Dindini chu, engtin nge ni ang? Doctor khan-",

"Hruai turin lawm ka kal dawn, Ticket cut nghal teh, a zan la lain kan haw tur a ni", a lo bu nghauh nghsuh.

Laltei nunna a derthawng tawh lutuk, nikhat pawh cham hman kan ni tawh lo. A rang thei ang bera haw a ngai tawh.

"Sawmte, i ṭha em?",

"Aw, ka ṭha, ka lu a lo nâ thut alawm le", ka ti zawi sup a. Ka lu ka dawm vang vang. Damdawi min lo pe a, a nâ lutuk chu a puak keh dawn ta mai emaw ka ti hman.

Dindini pov...
School tshirt kan ha vek a, hming kan sign khat vek a, kan tshirt a ṭial rei ruai mai.

Zing aṭang ka pum a nuam tawh lo a, intipachangin school pawh ka kal ṭawk ṭawk.

Ka nau pai pawh, thla khat a tling ve tawh a, ka ngaihbel nge phei chu ka hre lo, ka dul te hi a lian sawtin ka hria.

School kal tawp nî a ni a, exam inbuatsaih nan hun min pe tawh dawn. Board exam kan bei ṭan leh tawh dawn a, kar hnih chiahin min dang tawh.

"Dindin, i ṭha em?", nui lui sakin ka bu zeuh a. Ka thlan tla chu ka hru sawk sawk. "Nautê, i nu hi ṭanpui rawh aw, i pa a lo thleng ṭep tawh", ka rilruin ka be mawlh mawlh.

Ka pu a harh tawh tih ka hria a, tunah chuan, ka hlauthawngin ka lungngai tawh lo. A lo thlen hunah, engkim a chingfel leh vek mai ang.

Ka pum nâin min tur ut ut a, min hriatchhuah ka hlauh em avangin, ka inthup ṭang ṭang.

Ka pum nât thu ka sawi chuan, Hruaii ten damdawi min dil sak dawn si a, damdawi ei a chi si loh.

Friends forever an sa dup dup a, Hruaiin min lo kuahin min insawipui dat dat a, zawm loh theih loh bawk si loh, a rukin ka rum ngawt ngawt.

"Exam zawhah, picnic ang u", Hmangaihan a ti a. "Nia", an ti sup sup. Picnic-na hmun tur an sawi a, kal dan tur, pawisa thawhkhawm zat tur, dar zat te, chaw ei nghal tur te, ei rawngbawltu tur te, tikhan, a fel nghal der chu a ni mai, a awlsam thei tak tak a ni.

Ka dul dawm vang vsng chungin ka haw a, ka thi thei takngial dawnin ka hria. Ka room-ah ka lut nghal a, khumah ka mu nghal hle hle.

A nâ lutuk ringawt, rei tawk fang ka mutpui hnuin ka tho a, muangchangin ka inthlak nghal sang sang.

"Dindin, chaw a ei theih, lo kal tawh rawh", kawngkhar kik dat dat pahin, u Siamin min lo ko a. "Aw le", tiin, ka lo chhang ve vat.

Thâwk la vsng vsng phawtin, khum aṭang ka ding a. Ka tâi a rawn nâ leh vsk. Ka dawm kun leh ngaih ngaih.

Mahse, tun ṭum erawh, ka keah thisen a luang tawh! Thei leh thei loin, ka kal chharh chharh a, kawngkhar hawngin, ka nu ka au vsk vsk.

"Awi Lalpa, Bawihte, engtizia nge?",

"Nu, a nâ lutuk, nautê, nautê",

"Eng maw, nautê a? Bawihte",

"Nautê, Remthanga, a nâ lutuk", ṭap rawih rawih chungin ka ti a. Ka nautê chungah, thil pawi tak a thleng dawn tlata hriatna ka la nei zui!

Ka meng diar diar a, inchung var pup ka hmuh danah, damdawi inah ka awm tih ka hre nghal. Ka pum ka khawih nghal rawk rawk.

Engtin nge ka awm ka hre zui tawh si lo, nautê chungah eng nge thleng ta ang? Kawngkhar inhawng thawm ka hriat rualin, ka hawi chhuak nghal a.

"Nu, engtin nge ka awm, nautê a ṭha em?",

"Mi mawlnu, i va han â tak em. Ngati nge maw, i lo mutpui thawt thawt a, mi mawl nu", ka nu chuan, min beng nghal mawp mawp.

"Ka tihpalh", ka ti chhuak ṭawk a. A bak sawi tur ka hre lo. Min hauhna chu, ngawi rengin ka ngaithla tawp a, min ben pawhin ka dawh tawp.

Thinrim tur pawh a ni reng a ni, ka haw phal lo. A duhtawkin min hau rawh se. Doctor leh ka pa an lo lut ve leh a, ka pain ka nu a lo dang nghal sawk sawk.

"A pawi khawp mai, mahse, i naupai hi kan paih a ngai, i chhul a fualin a hrisel lo lutuk a, nau keng thei turin i chhul hi a chak tawk lo, i nunnain a tuar thei a, kan paih vat a ngai a ni", ka kâ ka hup a, mittui kar aṭang Doctor chu enin, ka lu ka thing nawk nawk.

"Doctor, chhul fual ringawt chu enkawl dan a awm dawn lawm ni?", ka nuin a lo ti vat a. Beiseinain Doctor chu ka en ngawih ngawih.

"Chhul fual ringawt chu enkawl dan a awm mai a, mshse, ka sawi tawh ang khan, nau keng thei turin tun dinhmunah chuan, a chhul hi a chak tawk lo a ni. A thihpui ang tih a hlauhawm zawk",

"Ka duh lo", ka pum ka dawm a, ka tawm chawih chawih. "Nu, pa, paih ka duh miah lo nia, ka duh miah lo. Doctor, min ṭanpui rawh, ka nautê hi paih ka duh miah lo, a pa pawhin a la hmelhriat ve hleinem, tunah hian thi leh dam karah a awm mek a, he nautê hi kan beiseina awm chhun liau liau a ni tawh asin", Doctor kut vuan chungin ka ti a.

Lungpui angin a nghet tlurh, "I nunna a derthawng lutuk", Doctor chuan a ti a.

Ka pum dawmin ka ṭap tlawk tlawk, Beiseina awm chhun, inpaih bo sak te chu, a nunrawn thlak lutuk em mai.

"Bawihte, Doctor sawi ang chusn ti mai ang", min kushin, ka pa chuan a ti a. Ka lu ka thing nawk nawk.

Helai hmuna ka awm chuan, min paihsak duh tak tak mai ang. Ka pa min kuahna ata chu, tal phutin, Doctor inring hman bik lo chu, ka su chawrh.

Bathroom-ah ka inkalh khum hmak a, ka pum nâ leh chu ka dawm vsng vang. "Nautê, ṭang ṭang ṭang rawh aw", ka ti sap sap a.

Hrisel takin a piang dawn alawm, keipawh ka hrisel ṭha lutuk, Doctor-te chusn, hriat fuh loh chang te an nei ve ṭhin tho alawm!

"Bawihte, lo hawng teh, lo chhuak rawh le. Nangmah kan ngaihtuah vang che lawm, lo chhuak tawh rawh", chhuah ka tum lo nasa mai.

Muthilhna damdawi pawhin min chiu thut thei, ka hawng miah lo sng. Nautê an paih loh tur thu an sawi hma chu, ka hawng dawn lo.

Min ko vak vak a, bathroom kawngkhar an chum vsk vsk bawk. Chhunglam aṭang ka lo nam ve ṭawk ṭawk.

"Lalte, min hre thei em?", ka ding ngil zawt! "Lalte, lo hawng teh, ka lo thleng tawh a nia, lo hawng rawh le", ka âng zuau zuau.

A lo thleng tawh tihna em ni? Nge ni a, ka mumang mai mai zawk. A âw hmanga min bum an tum chiang mai.

"Ka nautê, ka lo haw tawh a nia, kawng min lo hawn rawh le, Lalte",

"Min bum lo ang, ka hua che u, ka pu âw hmanga min bum tum suh u", ka au vak a. Ka pum a rawn nâ leh.

Ka keah thisen bawk a luang leh a, ka dawm kun ngaih ngaih. Ka ṭap chhuak hawm hawm. Hnung lamah ka tawlh dat dat a, bathroom bang rinchhanin ka ding tawp.

"Lalte, tumahin kan bum lo che, keimah ka ni, min ring rawh, i lo hawn loh chuan ka tichhe dawn a nia", a ti a. Kawngkhar chein, a ri chawrh chawrh nghal.

"Ka, ka",

"Keimah ka tih kha", a ti sup a. Min lo pan chharh chharh. Ka âng zuau zuau a, ka ring thei chuang lo.

Ka hmaah a ding a, a âwm ka khawih a, lo kun hniam deuhin, a hmai te chu ka tawk dé dé.

"I, i ni tak tak em?", ka ti a. Muangchangin a bu nghauh nghauh.

"Nautê, ka tihpalh lutuk aw, min ngaidam rawh, mahse; ka thu i awih a ngai a nia", ka lu ka thing nar nar.

A sawi awmzia ka hria, nautê paih turin min ti ve chiang lutuk.

"Kan fapa a nih hi",

"Ka hria lawm, in pahnihah duh thlan a ngai a, nangmah ka thlang zawk che", a âwmah min kuah bet a, a hmuiin ka lu a nawr vang vang.

"Lalte, min en teh", ka biang tawn tawnah a dawm a, mittui parawl kuangin ka en.

"Nangmah ka thlang zawk che, min kalsan ta la, engtin nge ka awm ang? Nu tel loin ka enkawl thei lo ang. Ka thu i awih ang tiraw?",

"Ka pu",

"A tawk, a tawk, ṭap tawh suh le. Ka nautê duat i nih kha, ka hmangaih che, chu chu i hria tiraw?", ka bu zeuh a.

"Nautê te chu, a dang kan la nei zel dawn alawm, nsngmah i pawimawh ber, ka hmangaih ten min kalsan zing tawh lutuk, a tawp nana ka hmangaih hian, min kalsan leh zel chuan, ka tuar thei lo ang. Lalte, ka hmangaih che", ka hmuiah a fawp vsng vsng a.

"Ka thu i awih ang tiraw?", a ti leh a. Ka ngawi reng, zawhna ka dawn tawh azawngah a la har ber.

Ka âwma muhil thâw sât sât chu ka kuah a, ka lu kânin, a luah ka hmui ka nawr vang vang.

A sam buk chhap chu, ka chul hliau hliau a, a harh ni ngei tur a ni, a rawn che ṭual ṭual.

"I harh tawh maw?", dam diai hian a ti a. Ka biang dawmjn a tuai heuh heuh pah a, ka lungchhia chu ka ṭap ringawt.

"I duhtawkin i ṭap thei tawh, insum miah suh, ka awm tawh alawm", nui sangin a ti a.

"Remthanga a awm tawh lo", ka ti ṭuau a, a nui hak.

"Remthanga sawm kan la siam dawn alawm, lungngai miah suh", nuih insum deuh tak hian a ti a. Ka hmui a rawn tawk vang vsng.

In la hrangin, min en vang vang a, ka biang a chul heuh heuh. Ka lu lam kan tikang a, ka pu hmel pawh ka hmu chiang tawh. A cher lutuk.

"Min fawp leh rawh, ka la kham lo a nia", ka ti a. A nui hak hak. "Ka ti tak tak a nia", ka ti leh a. A nui hak ringawt.

"Ka pum nât thu lo hrilh lo che ila chu, i accident awm si lo a, ka tihpalh lutuk",

"A ṭha vek alawm, misual tak tak ka hriat chhuah phah a, ka tana i hlutzia ka hre chhuak bawk a, tihpalh tihna tur a awm miah lo a nia aw",

"Ka be thei si lo che a, school-ah nupui i nei dawn an ti reng bawk a, mahse, Miss-in accident i tawh thu i sawi a. Aizawlah ka lo kal nghal a, chuan, Ziri khan a duhtawkin i taksa te chu a khawih a.

I nu nen min beng vak bawk a, ka ko vak vsk che a, i harh thei bawk si lo-",

"Shhh, a tawk, a tawk", min kaithoin min kuah bet a, ka chal a fawpin, ka biang a fawp a, ka hmui a fawp leh vsng vang.

"Pawnah min theh chhuak", ka thâm leh ṭiak a. Min fawp leh vawng vawng.

"Ka nautê tinâ tu apiang chu, ka chhuah miah lo ang", a ti a. Eng ka hria ni maw, ka ṭap uar sauh sauh, ka thla a muang a, ka hahdamin ka him hliah hliah tawh tih, ka hriat vsng te pawh a ni mahna.

"Tun aṭang chuan, ka bulah i awm zel tawh ang, i hria maw?",

"Umm",

"Naktukah Court-ah kan kal ang a, kan innei ang, i duh ang em?", a ti zawi sup a. Ka bu nghauh nghauh.

"Nakinah, Biak in hawngin kan innei ṭha ang, a ṭha em? Tunah rih chusn, heti hian ti rih phawt ang aw?",

"Min nei duh tak tak ang maw, Remthanga a awm tawh si lo a?",

"Nei duh e le, ka hmangaih che a, kal tir che ka tum tawh lo. Ka hmangaih te ka chân nasa tawh lutuk, nsng chu, a tawp nan leh ka dam chhunga ka hmangaih tawh tur i ni a. Ka vengin, ka kaltir ve ngai hsuh lo ang che",

"Min fawp leh rawh", ka ti a. A nui chhuak hawk.

"Ka ti tak tak, ka la kham miah lo a nia",

"Ka thusawi ho kha, i ngaithla miah nange?", a chek hlak a.

"Ngaithlak vang lawm, min fawp tura ka tih che", ka hmui ka seh niah niah nghal.

"Khatia i hmui i tih apiang khan, fawh dâwk dâwk zel ka châk ṭhin zia i hria em?", ka seh uar sauh sauh.

(Naktuk Chawlhni chu, kan chawl ang aw)


Show post links
Top

[Ngaia]

Keima Pu: Sir Sawmtea
Chapter-32
Ziaktu: Cck Lalchhuanawmi

"Khatia i hmui i tih apiang khan, fawh dâwk dâwk zel ka châk ṭhin zia i hria em?", ka seh uar sauh sauh.

Damdawi ina awmpui atan mipa an phal lo a, hmeichhia chauh phal mah se, ka puin a dil ngawrh em avangin an phalsak hrâm a.

Ani pawh, crutch nena kal ṭawk ṭawk a la ni vei nen, u Siami pawhin awmpui min huam reng thu ka hrilh pawhin, a duh tlat lo a.

"Zanin bak chu, damdawi inah pawh kan awm tawh lo ang, Court aṭang kan haw tlang nghal dawn nia", a ti a.

Doctor khan, mi thum vel tan la awm turun min ti a, a phal chiah ka ring lo deuh. Mahse, ka puin thusawi a neih leh chuan, an phal leh tho ka ring.

Mahse, kan inah nge, a inah zawk khan kan awm ang le, inneih kan tum chu a ni ve si a?

"Ka nuin, chaw ei tura haw turin a lo ti che nia",

"I lo haw ve dawn em?", a va buaithlak tak, "Vawiinah kan chhuah dawn kha, Doctor dil a ngai a, chubakah, i chau lutuk, i va chawl hahdam pah dawn alawm", ka ti siam siam a.

Chutia i chau lutuk ka ti chu, ka âwmah lo bei nghalin, "Ka va han chau tak, tho tur pawhin chakna ka nei tawh lo", a ti nang nang a.

Ka nuih sun sun. A hnungah ka beng thek thek a, hriat hleih theih lohin a riat nawk nawk.

Nizanah a muhil mang si lo a, chau tur tak pawh a ni reng a ni. "Ka pu, i harh em? Inah chuan va haw tawh la, nalh tawka inchei i ngaih kha", ka ti a.

A thaw ri hrawih, ka khawngaih zawk e ah. "Aw le, mahse, rei lo te chauh", ti pahin, ka kawr chhung a zen rak rak a, a hup bet nghal hmak a, "Ka hahdam nghal sawng sawng", a ti a. A bengah ka lo pawt.

A nui hak hak a, "Zanin aṭang chuan, hetiang hlir hian ka mu tawh ang", a la ti deuh deuh a. "Ka phal ringawt dawn mi?", lungawi hmel vak loin ka ti nghal vat.

"I thu lo", a ti bul hmuk a. Lo inbengkangin, "Min ngaidam rawh aw, a nâ ngawt ang tiraw?", ka biang a chul heuh heuh pah a, ka hrethiam lo lek lek.

"Tun hnuah chuan, ka beng leh tawh miah lo ang che, midang pawhin an beng tawh ngai bawk lo ang che", a ti zawi sup a. Ka hrethiam chiah e.

A kut ka vawn hnan a, "Ka ngaidam daih tawh che, i duh vang a ni lo tih ka hria lawm",

"Ka ngaihtuahna kha a buai em atin ni, ka tihpalh lutuk. Ka ngaihtuah a, i u ka zah a, min hrechiang em em tu a ni a. Chubakah, zirtirtu ka ni a, ka zirlai laka ka rilru pek kha, a mawi tehchiam lo a ni.

Keimah vanga i chau tih ka hriat khan, i chau reng dawn tih ka hria a, a chhan chu, ka thinlung kha hlauhnain a man tawh tlat a ni.

Mahse, ka kal tir phal bawk si lo che, min ṭanpui turin ka mamawh em em che a, nang lah chuan, keimaha bei turin min ti mauh mai si a", a nui deuh var a.

A inphawrh chhuak ve ni berah ka ngai, "Keimahin ka bei a, i lam lo hawi pawh ka tum tawh lo. I uin hnaih lo tur chea min tih aṭang phei kha chuan, i u bulah khan ka dil ngawrh viau asin", a nui suk a.

Nuih saihin, a biang a chul heuh heuh a, ka kut a lo fawp zeuh, "Min ngaidam rawh, i mumang pawha i man duh loh i tawh phah a, ka thiam loh vek a ni", a ti dap dap a.

A inthiam lohzia pawh, chiang takin a hmuh theih, a thiam loh anga a inpuh zia hi, a ṭha lo, ka duh lo bawk.

"I thiam lohna pakhat mah a awm lo, indem vak vak tawh suh. Kan taksa ngei pawh nise, thu kan nei hleinem. Kan chunga Roreltu khi, a thu vet vet lutuk a", ka ti a. A nui sun sun.

A nuih hian, a meng tawh ngai lo, a mit a chhing daih zel a. Pumruaa pa tawk tak ni ve mah se, a nuih hi chuan, a cube khat tlat!

Ka biang a rawn fawp vang vang a, "Ti kha chuan, lo dam vawng vawng tawh rawh se", a ti a. Ka lu kanin, a hmuiah ka fawp zeuh.

A tir chuan, hamhaih deuh mah se, a hnuah, a duhthawh zawkah a ṭang nge nge. Inah kan inhawtir thei hrâm bawk.

Nga-ki a lo kal a, nuihna tur hlir a sawi a, ka nui nasa ngang mai. A hma angin kan inbe nasa tawh lo a, khang huna kir leh tak tak tur chuan, hun kan mamawh ve vein ka hria.

Ngaidam tawh tho mah ila, a hmaa ka ṭhian a nihna anga ka nel ang kha chuan, ka nel thei tawh lo. Mahse, ka ṭhianṭha ber chu a la ni reng tho ang.

"Dingdong, hmun dangah College ka kal dawn a, vawiin hi kan inhmuh tawpna a nih hmel",

"Ngati nge?",

"Ka duh a, Lungleiah ringawt school ka kal a, College tal chu hmun danga zir ve ka duh", nui sangin a ti a.

Nui ve bawk mah ila, ka lungngai ngawih ngawih. "Ka khua a har ngawt ang, i hriat kha, nang lo chu ṭhian ka nei lo",

"Tuin nge, kan inbe lo hlen ang ti, kan inbe reng reng dawn lawm", a ti a. Nui varin ka lo bu nghauh nghauh.

"Min lo kuah rawh", ka kut pahnih phar chhuakin ka ti a. A meng bial kâwk kâwk. "Ka kut a kham a nia, hmanhmawh la", ka ti nang nang a.

"Dingdong", a lo ti chuai raih. "Maw, vatin", ka ti leh a. Muangchangin inthlahrung deuhin min lo kuah, nghet deuhin ka kuah a, a ngaihngam ta deuh nge ni, nghet takin min kuah ve leh.

"Ka ngai dawn lutuk che",

"Kei deuhin, pasal i neih hunah chuan min sawm ve ang tiraw?",

"Sawm dawn ele, Biak in chhungah nangman min hruai lut dawn lawm", ka ti a. Lawmthu min hrilh, a rukin a mittui a hru keuh a, ka hmu lo der tlat thung.

Keipawh, ka mittui ka dang hrâm hrâm a. Ka chungah ṭha lo takin che lo ta se, tunah te hian, kan inkarah hetiang hian boruak rit lutuk a awm hauh lo ang le!

Court-a kan inneih tur thu leh, nakinah Biak in hawnga kan la inneih tur thu ka hrilh a, duhsakna min hlanin, "Biak in hawnga in inneih dawn hunah chauh, ka lo kal ang", a ti sup a.

Ka lo nuih sun sun, "Nga-ki, ka lawm e", tiin, a kut ka vuan a. Chutih laiin, ka pu a lo lut thut. Nga-ki kut ka vawn avangin, a khur tih ka hre thei.

"Ka, aa, Dingdong, ka va haw tawh ang. Lo dam zel rawh aw", a ti bah nawk a. Tluang taka a zirna tur lam a thlen theih nan, duhsakna ka hlan a, min nuih sakin, a chhuak zui a. Ka pu a hlau tih ka hre thei.

Ka pu chu ka lo nuih var a, ka lam panin a lo kal chharh chharh, khum chungah lo ṭhuin, ka kut a lo vuan vat a, "I ṭha maw?", min ngaihtuah tih hriat tak hian a ti zawi sup a.

"Ṭha lutuk, hmun dangah College a kal daih dawn a, ka ngai ngawt ang", ka ti a. Ka mittui a hnâm sawk.

"I duh chuan, i ṭap thei a nia", min piai zeuhin a ti a. Ka nuih sak ringawt. Chutia a tih vang nge ni, ka mittui a luang ta zawih zawih, ka mittui ka hru tawk tawk, a hun lo thei em mai.

Ka hnung a chul hliau hliau a, "Ka ngai em mai", ka ti chhuak ṭawk. Ka ṭhian neih chhun liau liau, ka ngai dawn lutuk.

Damdawi in aṭang kan chhuah an phal a, Doctor erawh, a lungsi zân lo. Ka pu a hlauh avanga min chhuah tir a nih ka ring ve tawp.

Damdawi ei tur ka ngah nasa mai a, ka ei zo peih kher ang em tih erawh ka ngaihtuah. Damdawi ei hi, a ninawm. Engtin nge, ruih nan an ei reng peih zel ni?

Kawrfual var min hak tir a, ka hak tawk a hre chat chat thei hian, min ti mangang, ka la zawt khawp ang.

Ka nu leh pa leh u Siami, u Richard-a leh u Sêntei leh, an fanu naupangtê ten min hual a, "Nakinah chuan, hei ai hian a la phuisui ngei ngei ang tih ka tiam che", ka beng bulah a lo phun sar sar.

Hming kan sign zo, kan ding chu ka pu a tlu tawp! A lu a dawm vang vang nghal a, ka âwmah ka pawm bet nghal vat.

"Ka pu, i ṭha nia", âw khur dar darin ka ti a. Ka hlauthawng lutuk chu, thil ṭha lo pui pui ka ngaihtuah nghal zut zut.

U Richard-a motor a khalh a, a hnungah ka pu nen kan ṭhu a, a lu nâ a la dam meuh loh avangin, ka darah a lu a nghat a, ka kut a chelh tlat bawk.

Ka mittui ka hru reng mai a, 'hmeithai' dinhmuna ding thut thei ka nihzia ka hai lo chiang kher mai!

"Pu, kan inah kal ang aw", a sam chul hliau hliauin ka ti a. "Dindin, ama inah zawk khan awmpui rawh, Sawmtea hi chu, a intipa ve lutuk a", nui var chung hian a lo ti a. Ka lo bu zeuh.

U Richard-an a kuah thla a, khumah muttirin, puan ka sin tir a. Damdawi ei tawh tho mah se, a la meng peih meuh lo.

"A accident khan, a sawh nâ pawh a ni mai thei a ni. A lu lam reng ka lo ngaihtuah lo reng reng", u Richard-a chuan a ti nang nang.

"A ṭha leh vat mai ang, tlangval pawh a ni tawh lo a, pa a ni tawh alawm", awmze nei deuha min lo enin, u Sêntei chuan a ti a.

Ka lâi chu ka nui ringawt. U Richard-a te chuan Aizawl an pan nghal a, rei vak lo min awmpuiin, ka nu leh pa pawhin min hawsan ve nghal.

Kawngka kalh ṭhain, ka pu bulah ka mu a. Khua a la vawt deuh a, chubakah, kan veng hi a vawt ve thei hrim hrim.

Ka biang za mer mer chuan min tiharh a, ka meng diar diar, ka pu chuan min lo en reng. "I mutui em?", a ti a. Dar zat ka lo zawt vat.

"Dar ruk a pel awrh chauh", a ti a. Ka tho chhuak zawk, ka pu chuan min pawtin min muttir lehnghal a, puan min sin ṭhat tir sauh sauh.

"Ei rawng ka bawl fel vek tawh, mu hle hle rawh, i rilṭam huna ei chauh a ni tawh", a ti lsng lang a. Ka zak lutuk chu ka sa up up.

"Min kaihthawh tur che lawm, a nuam lo e, ka zak lutuk", puanin ka inkhuh daih. Puan chawp chuan min kuah a, a nui hak hak. Pasal neih nîa ei rawng pawh bawl loh em em te chu ah, thiam lo turah min ngai zawk nge mawni?

"I dam ṭha lo tih hre reng chungin, engtin nge ka bawl tir theih ang che, i dam ṭhat vat vat a ngai alawm", a ti lang lang.

"Chu pawh nise, min kaihthawh tur lawm", ka la ti ṭalh. "Aw le, naktuk aṭang chuan, i rawngbawl sa hlir ka ei tawh ang", a ti a. Puan a lo pawt hawng a, ka biang a piai vak vak.

"A nâ", ka mittui a parawl kuang a, min nuih sun sun. "Ka nautê hmelṭhat zia hi aw", a ti a. Min la piai vak vak. Min dim lo tsk tak a ni.

Chaw kan ei zawhah pawh, amah a che char char. Puih ka tum pawhin, ṭhu turin min ti a. "Room-ah ka kalh hnan che ni mai", a ti a. Ka ṭhu hle hle ringawt.

Damdawi ka ei a, min tidam thuai thuai se tih ka duh ber. Damdawi hmel hmuh reng chu, a ninawm leh dawn mang e.

"Ngati nge a?",

"A tui lo lutuk",

"A tui em kha",

"Ei ve la", ka ti a. A lu a thing nawk nawk. "I lu chu, eng nge a an?", ka ti a. A ṭhat thuin min lo chhang.

"Ka awih duh ang em?", ka ti a. A lo thle bak, "Lo kal teh", a kut a phar a. A hmui a tipawrh tarh mai. Ka nuih hak.

"Lalte", a lo ti ṭuau a, lu thing nar narin ka va pan. Min kuah hlun a, "Ka hahdam ta chiah e", thaw huaiin a ti a. Keipawh ka thaw huai huai.

"Hemi tel lo hian i la kal thei lo em ni?", crutch chu ka kâwk a. A bu zeuh. Crutch dahthlak sakin, a hmaah dingin a kut pahnih ka chelh a. Min chelh ve vat.

"Lalte", a ti sup a. A hlauthawng tih a hriat lutuk. "Min ring tawp rawh, ka kut hi chelh tlat la, muangchangin lo kal rawh", nui sangin ka ti a. A khurin ka hria, ka chelh nghet sauh sauh.

A thaw halh halh a, a ke a tiche hrut hrut a, ka hnung lamah muangchangin ka tawlh ve zel. "Ka pu, hlau lo la, i ti thei a nia", ka ti a. A thaw halh halh.

Kan chawl leh deuh vang vang ṭhin a, a chang chuan min ring lo lek lek ṭhinin ka hria. Ka la dam ṭha lo tih a hre ve kur si a.

Kan kal bek bek a, room kan thleng ta der. Khum chungah kan ṭhu a, ka pu chu a thaw halh halh. "Ka hah lutuk", a ti a. A thlan tla lo pui te chu, a inhruk kual tir vel.

"I va han over tak e aw", a hnungah ka beng hlak a, a ṭhu ngil nghal zawt. Over lutuk mai.

"Khatiang khan ti ziah ila, a ṭhat dawn kha",

"Ka peih teuh lo mai", a ti hlak. "I peih emaw peih lo emaw, kan ti ziah tho ang", ka ti a. A mut chhuah thu a sawi daih.

A ban pakhat min kham tir a, ka kham loh zawkin ka kawr chhung a zen rak rak a, a mit a chhing ve tak naa, a kut a awm hle hle tir thei chuang lo.

"I inhlei em mai, i mut a chhuak ni lawm ni?", ka ti a. A tawp nghal chawt a, a nui var var. Phakar reuh lutuk.

Tihian, nupa chu kan ni ve ta reng sia, exam dawn aruaiah pasal ka nei a. Thup sen a ni dawn chuang lo a, a hria ho chuan mak an ti ngawt ang.

Keimah min dem luai luai zawkin ka ring, ka pu chu mipa a ni a, an dem vakin ka ring lo. Mahse, a pawi chuang lo, a pawimawh ber chu, pumkhat kan ni tawh alawm.

Ka hmangaih a, min hmangaih bawk a, chumi tluk a awm chuang lo. Sawi sepna te, harsatna leh zahna pawh nise, chung mai mai chuan, min hlat tir hauh lo ang.

Misualnu ka nia, ka chelh tlat ang a, ka kaltir mai mai lo ang. Misualnu leh changtunu ka ni bawk a, a tawpah hnehna chu ka chang zel dawn.

Ka muhil thei lawk lo chu, ka thlir vang vang ringawt. Chaw a ei ṭha vak si lo, a biang ti pawh a tla dâwk.

Kan inneih zan a ni ve em em a, muthilh nghal a ngai erawh, ka inthiam lo ve reng. Engmah sawi lo mah se, a rukin a beisei ve ngawt ang.

Doctor-in phalna min pe bawk si lo a, dam ṭha vat tura min ti kha, ka hriatthiampui ngawih ngawih. Ka dam thuai thuai a ngai a ni.

"Lalte, Lalte", min sawi nawk nawk a. Ka meng thei miah lo. "Ka meng thei lo", ka ti sap a. Ka mit vun a inchar tlat.

"Aw le, a la hma tho, mu leh rawh", a ti a. Ka hnial lo teh e, mumang lamah atlanin ka tlan.

Zi mar ar ar pahin, room aṭang ka chhuak a, "Ka pu", ka zawng ruai nghal. Min chhang bawk si lo, bathroom-ah a awm a nih ringin, bsthroom kawngka kikin ka pah a, min chhang chuang lo.

"Ka pu", hawi ruaiin ka ko leh nghal a. Bathroom kawngkhar chu pawn lamah inkalh lo mah se, chhung lamah a inkalh chuang lo a, ka nam hawng ṭhuai.

Kan room-ah ka tlan lut leh a, phone lain call ka tum a, a phone a chhia tih ka hre chhuak leh zawk. A leng ti dawn ila, khawiah tak leng ang maw?

Room chhungah ka tei ka tei ringawt, chutah kawngka inhawng ri ka hria a, ka chhuak vat.

"Khawiah nge i kal?", ka kuah nghal vat. Min tihlau hman alawm. "In kawtah ka awm reng alawm", a ti a.

"Min tihlau alawm", ka tih chuan, ka chal nawr vsng vangin, "Ka tihpalh, i mutui lutuk a, ka kaitho phal lo che a nih kha, i harh hmaa ka lo luh leh mai ka rin vang a nia", a ti dam thlup a.

Ka hmai te phih fai turin min ti a, ka hmai ka la phih lo tih ka hre leh chiah. Hahthlak ṭhin.

Ka inphih fai ve leh, ei rawng bawl ka tum a, kan in lama kan ei tur thu min hrilh. "Lo ṭhu lawk teh", chair pawt chhuskin min ṭhut tir a.

Ka bulah ṭhuin, ka kut a vusn a, min tihlau lek lek. "Lalte, Aizawla ka kal lawk a ngai a, i nu leh pa bulah i lo awm lawk a ngai ang. Ka rei lo ang, saw lamah tihfel tur ka nei a, exam hma chuan ka lo let hrim hrim", a ti a.

Ka en mawl tawp, "I hriatthiam phak bak aiin, kan chhungkua hi a buai lutuk, ka va chingfel lawk ang. Chuan, nangpawh ngaihngam takin ka hruai lut thei ang che", ka kut a vawn chu a tuai heuh heuh pah a.

Ka ngawi reng ringawt, sawi ve tur ka hre lo reng reng. "Min ring tiraw?", a tih chuan, ka bu zeuh.

A nui var a, "Ka lo kir vat ang", a tih chuan, "Rei tawh lo la", ka ti sap a. A hrethiam nge ni, "Tun ṭum chu, engmah a thleng tawh dawn hleinem, i hriat loh karin ka lo thleng vat mai ang", a ti a.

Ka lung a dam thei chuang lo, accident a tawk tih hre loin, biak theih lohin a awm leh char char ang tih ka hlau.

In aṭang kan chhuak a, a motor kha ka hmuh chuan ka meng phar kâwk ringawt. "Motor khalh chi pawh i la ni mi?", ka ti vat.

"Ni e a, ka thiam lutuk", a ti vei hmak a. Ka ner sawk.

In chhunga ka lut te chu, mikhual ang maiin ka inngai tlat pek. Ka nu leh pa ka hmuha ka biak pawh chusn, mihrang ang maiah ka inngai.

U Siami lah chuan, min en midangah ka ngai tlat pek bawk a. Ka awm dan chu ka sawi thiam mai lo, mihrang dik tak ka ni hi a ni tawp mai!

Chaw ei chhung te chuan, ka pain min zillh pah reng bawk a, a bikin keimah, ka naupangin ka la ât thu te a sawi nuah nuah.

"Sawmte, tluang takin i kal dawn nia, hna lamsh ka va kal phawt mai ang e", ka pa chuan a ti a. Ka pu nen an inchibsi.

Damdawi te eiin, ka ha te ka nawt a. Damdawi ka ei hi chuan, ka kâ a tichawmawlh a, chaw ei harsa ka ti.

Ka pu a lo lut a, ka en duh ṭhak lo. Tlem chuan ka lungawi lo ve deuh hlek. Mahse, lungawi loh ve rikngawt pawh a ni lo, an chhungkaw buaizia ka hriatpui ve miau si a.

Engtin tak va chingfel ang maw? Ka hlauhthawn pui, a nu kha a nasa bawk si, ka pu a la dam ṭha lo ve bawk nen. Ka rilru a tihah.

"Eng nge i lo ngaihtuah a?", ka bula lo ṭhu thla pahin a ti a. Ka lu ka thing ringawt.

"Ka hlau",

"Hlauh tur a awm lo",

"I dam ṭha bawk si lo, nangmah chsuh chuan ka ngaihtuah che, ka lo kal ve duh", ngen ngawl zet hian ka ti a. A phal lo nasa ngang mai.

"Lalte, i lo kal ve chuan, ka duh angin ka che ṭha thei lo palh ang. Heta him deuha i awm tih ka hriat aia hlu a awm lo. Hahdam deuhin lo awm zawk rawh, a rei lo ang, ka lo kir leh vat dawn alawm", a ti dap dap a.

Ka thaw halh ringawt, "Exam a hnai tawh nen, lo inbuatsaih zawk rawh", a ti leh a. Ka ṭap tawp mai dawn mawni?

Min rawn fawp a, ka lo fawp let ve vat, ka inla hrang thuai a, "Va fimkhur rawh aw", ka ti sap a. Keimah pawhin ka hre thei chang chang.

"Tehreng mai", a nui saih a. Min rawn fawp leh. Khumah min bawh tlu a, a kea puan la chhoin kan inkhuh hlun nghal.

Ka kawr a phelh a, chuti chungin kan inthlah lo reng reng. A kawr hak phelhin, min bawh ran a, kan taksa a innek nasa tawh bawk a, lum ka ti tawh lutuk ringawt.

"Doctor-in engmah tih a la phal si lo a, ka tihpalh lutuk", thaw hluam chungin ka ti a. "A pawi lo", nui saihin a ti leh a.

"Hei chu a phal tho ang", ti pahin, ka kekawr a hnawl thla zui. A duhtawkin a sawngbawl a, ka lu nawr tawkin, bedsheet ka ṭham ngawt ngawt.

Ka mittui a luang ngiai ngiai a, tawp turin ka duh bawk si lo. A lungawina ka duhpui ve tho nen, mahse; min dim lo lutuk a, a nâ mah mah a ni.

A kâ chhung lum ham hamin, ka âwmbawr a nul thuak thuak te chu, ka kâng leh awk ṭhin a. A lungawi tih hriat taka a rum ri leh hak te chuan, min tihlim ve ngawih ngawih.

"Nautê, ka tinâ che em ni, i mittui a tla a nia?", nui vara enin, ka lu ka thing nar nar.

"Ka tihpalh lutuk", a ti zawi sup a. Dam deuh zawkin min fawp a, a tawp tawh dawn emaw tih laiin, a hma aia nâ lo zawkin, a la che leh!

"Nautê, rei lo te leh chauh aw", inthlahrung zet hian a ti a. Ka chhanna pawh a nghak hman chuang lo, a che nghal bawrh bawrh.

Doctor ka dem lek lek, phal ṭhat hle hle mai tur hi a nia, danglamna a awm chuang pawhin ka hre tawh lo. Aizawl a kal hman dawn lo takngialin ka hre tawh!


Show post links
Top

[Ngaia]

Keima Pu: Sir Sawmtea
Chapter-32 Chhunzawmna
Ziaktu: Cck Lalchhuanawmi

Kar khat chu a liam ta reng mai, exam nan ni thum chauh a awm tawh a, Practical exam tur te chu, an zo fel vek tawh.

Theory exam chauh an hmabak a, Practical-ah mark an hmu ṭha dawn tih chiang sa, Theory-a an tih ṭhat hlawm phei chuan, an tan chuan chance a ṭha lutuk ringawt.

*ka fail leh ang tih ka hlau* Hruaii leh Zami chu, ka thiam ang tawkin ka hnem ve a. Kei tak hian nia, fail hlau chu!

Sawmpahnih pawh chhuah hmain, pasal ka nei a nia, a rapthlak lutuk ringawt. Ka fail leh keuh phei chuan, a zahthlak dawn bakah, chânna nasa tak a ni mai.

"Pasal i nei chu, a ni ve ta reng sia", ka nui ringawt a, maian ka hik mial mial. "I la naupang ve angreng sia, nakinah in inṭhen leh mai ang tih ka hlau", u Siami chu ka en hû a, inṭhen a sawi ringawt!

"Ngati maw?",

"Nupui pasal neih hma hi chu, a rei tial tial a, an inhrechiang tawlh tawlh bawk nen, chubakah, inngaihzawn lai ang rengin a awm theih dawn lo a, an inṭhen lo a nih pawhin, an inlerhsan nge nge zel",

"Min tihlau dawn lawm", ka ti sap a. Ka nghing lawih lawih. Min sawi ṭhaih tak tak a nih hi.

"Hlauh tur a awm chuang hleinem, ka sawi angin in awm dawn ka tihna pawh a ni lo a, tunlaiah hmangaihna awm tak tak loa, inneih an ching lutuk a. A ṭhen chu, an lo puk lawk vang mai mai te a nih bakah, nawmchen an duh luat vang te a ni ber a. Fahrah lah an tamin, nu leh pa kar loa seilian an tam lutuk a", u Siami chuan a ti lang lang.

A sawi dikna chen awm tho mah se, ka pu erawh, nawmchen duh vang mai maia min neih ka ring lo.

Mahse, chutiang ringawta lo innghah erawh a ṭhat ka ring chiah lo. Hmangaihna te chu a ropui a, a chakin a zahawm bawk a, ka pu nena kan inhmangaihna erawh chuan, chutiang dinhmun kan thlen ka ring lo.

Thu leh hla a tam ṭan dawn riauin ka hre ta, keimahnin kan zir ve bawk em a ni. Ka u te hoin an hre tawh a, eng thu mah an lo la nei lo naa, an lungawi ka ring miah lo.

Chubakah, kan veng hoin an hriat hun a la awm dawn a, a ruka lo hre tawk lah, an bo hauh lo ang. Engtin tak min chhuah hlawm ang maw? School-ah pawh nise, pakhatin a hriat chuan, rei loah a darh nghal huk a ni mai.

"Lehkha ka zir ṭan dawn chiah",

"Aw le, ṭha deuhin zir rawh aw, i duh chuan, exam lo mah la a pawi miah lo. I la dam ṭha fel si lo, i chau chhia ang tih a hlauhawm", a lo ti nang nang.

Amah zawk a chau chhia ang tih a hlauhawm, a âw aṭang ringawt pawhin a chau tih a hriat.

"Exam ka duh lawm, ka pass tawh dawn chiang sa, nangmah zawk kha, i chau chhe zawk ang e. Inenkawl ṭha rawh",

"Kei chu, min lo ngaihtuah suh, ka ṭha lutuk. Chhun lamah zir zawk la, zan lam kha chu, mut hahdam hmang zawk daih rawh",

"I sawi tlai e ah, exam kan ṭan ṭep tawh hi", ka ti a. A lo nui chhuak hawk.

"Min ngai em?", inthlahrung deuhin ka zawt a. "Ihhhh, ka lo ngaihtuah ang aw", a tih chu, "A ṭha nih chuh", ti hmukin, phone ka off nghal daih.

Khum chungah ka ṭhu tûm luau a, ka phun bul bul. U Siami thu min hrilh ho ka ngaihtuah nghal zut zut bawk a, thil ṭul lo tak a ni. Min ngaih thu pawh a sawi miah lo, rilru a va'n buai reuh tak.

Tui ka in khawlh khawlh a, min lo call let lo reng reng, a nachang a hre lo nge, a tilui ve hrim hrim nge ni dawn?

A lo haw hunah, a chak lo ngawt ang. Kan inah hian, ka awm char char dawn, ka tihtauh khum char char ang.

"Bawihte, i u te ho nen in inbe tawh em?",

"Tumahin min lo la be lo reng reng",

"An lung a la awi lo hlawm deuh a, nangmah zawkin va be hmasa hlawm rawh", ka pa pawh chu, a ṭawngkam a chang deuh hlek a.

A lungawi vak bik lo tih a chiang reng. "Pa, ih, pawi ka ti lutuk", ka ti sap a. En pawh ka en ngam lo.

"A thleng tur chu a thleng tawh a, puitling taka awm i tum dawn nia. Duh dan te chu, nei ve bawk mah ila, kan fate duh dan pawh kan zah sak a ṭha ve ngai e. Mahse, inṭhen leh mai mai tur erawh chuan, kan inneih tir lo che u nia", fiamthu titak deuh tak hian, ka pa chuan a ti leh dap dap a.

Ka nui lui sak ringawt, lehkha zir turin ka room-ah ka lut a. Tukverh bulah ka ṭhu a, phone ka melh leh zuk zuk ṭhin. Min lo biak hmasak loh chuan, biak hmasak ka hreh.

A tawpa tawpah, u Hlima ka call a, a ri ral ṭep tihah, Sangin min lo chhang! Dawra a kal lawk thu a sawi a, a lo haw ve leh min lo call tir turin ka hrilh a.

Ka u phone a lo chhan ve rikngawt chhan ka zawt a, "I ngaikawi nghal ringawt ang e, ka phone ka siam tir a, chumi chu min lam sak lawk a", a lo ti a.

Mahse, ka ringhlel tho tho, "Nangpawhin i lam thei tho lo mi?", ka ti leh hrâm. "Amah vangin ka phone chhe miau hek", a lo tih chuan, "Nih chu", nêm duaiin ka ti a.

Ka inthiam lo, ka ring chhe nghal ringawt a. Ka u dangte pahnih ka call a, min chhang lo ve ve. An lungawi lo takzet a nih dawn hi!

*ka chungah in la lungawi lo reng em ni?* ka u te pathum chu, ka thawn a. Tumahin min la chhang lo, tick pahnih a awm vang a, an online reng bawk.

*min ngaidam rawh u* tih, thawn lehin phone ka off ta daih a. Lehkha zir tumin ka han insawrbing dawn a, ka u te hnen aṭang eng thu mah ka dawng lo chuan, min tizir ṭha hlei thei chuang lo.

Keimah chauh inngaihtuahin, ka hma ka sial ta mah mah em ni aw, tih te ka ngaihtuah. Ka chhungte ngaihtuah loin, leh an thu nghak hman loin, thutlukna ka lo siam ve zut zut a, ka tisual ta em ni le?

Bathroom-ah lutin, ka hmai ka phih a, darthlalangah inenin, darthlalangah pawh ka inen ngam tawh a. Mahse, a hma ang tak tak kha chuan, ka inen rei ngai lo.

Bathroom aṭanga ka chhuah rual chiahin, ka phone a ri a. Ka u te tu emaw ber an nih ringa, nui vara phone ka en chu ka pu lek a lo ni!

"Lehkha i zir em?",

"Aih", ka ti a. Dawt a sawi a ṭulin ka hre lo, ka zir lo reng bawk a. "Chuti, i va meng rei ve, phone i en char char ni maw?", a lo ti a.

"En e, ka en duh a, buaina a awm em ni?",

"Awm e, i phone en kha exam question-ah a lo kal dawn lo nia aw",

"Ka hre ve tho lawm, ka zir nasa tawh lutuk a, ka chau a ka chawl hahdam a nih hi", ka ti leh vei tawn tawn a.

Ka thinrim hlur pawh chu, ka inhrethiam tawh bik lo. Ka ṭah a chhuak ngawih ngawih, "Ka buai deuh a, ka lo call leh ang che, mu hma rawh aw", a lo ti a.

Ka thinrim a zual sauh sauh, "Buai reng mai", ka ti hmuk a. Keimah zawkin call ka cut daih.

Ka phun bul bul a, ka thinrim a zual tawlh tawlh emaw tih tur a ni. Ka pu chuan min lo call leh a, ka chhang duh ṭhak lo. Vawi nga lai min call hman a, ka chhang duh lo tluan zak.

Phone lo ri ka hriat ruala, reject ka tum chu u Hlima zawk a lo ni a. Tim dai hian ka chhang a, ka u âw dam diai ka hriat chuan, ka insum thei tawh lo, ka mittui a luang nghal zawih zawih.

"Bawihte, ṭap lo la, ka tihpalh lutuk, ka lo be vat lo che a, min ngaidam rawh aw", a lo ti a. Ka insut hlawp hlawp a, ka ṭawng thei lo.

"Puitea ho te nen, inbia ang u aw", a lo ti a. "Aw", ṭap ṭuau chungin ka ti a. U Hlima chuan min lo video call, ka nuṭa pathum te hmel ka hmu chu, ka hmai hup nghalin ka ṭap a.

An hmel pawh ka en ngam lo, ka zak tlat pek! Hmeichhe ṭha lo deuhah ka inngai, farnu laktlak lo tak chu, ka ni e.

"Bawihte, kan hmu duh che nia, i hmelṭha deuh i hup bo daih a", an lo ti liam liam a.

Ka mittui hru tawk tawkin, "U, ka tihpalh lutuk a nia, min ngaidam rawh u", ka ti a. Rei vak lo chhung chu, an ngawi reng.

Keipawh ka ngawi a, ka kun ngaih, pasal neih hma leh zirlai la ni chungin, nau ka pai a, ka hrisel ṭhat loh em avanga paihsak leh ka ni a.

Chutah, Court-ah pasal ka la nei zui, "Bawihte, hrilh lo che pawh kan ni lo a", a tawpah, u Puitean a lo ti chhuak hlawl.

"Mahse, a thleng tur chu a thleng tawh a, kan pawm thiam mai a ngai a ni", a ti dam leh thluam a. Sawi tur hre loin, ka ngawi reng ringawt.

"Star mai mai tur bakin ka hrilh lo che em ni?", u Hlima leh u Puitean an lo khak nghal vat. "A thleng tur chu, a thleng vek tawh, hmalam chauh thlira pan a ni tawh mai, kan hauh chiam hian hlawkna a awm chuang lo", u Hliman a ti dap dap a.

"Ka tihpalh", ka ti zawi sap ringawt. "A ṭha lawm, in inkara buaina siam tum an awm chuan min lo hrilh la, ka lo chingfel nghal vat ang", ka uin a ti kharh kharh a.

U Puitea leh u Hlima an nui huah huah, keipawh ka nui sun sun a, "U, ka lo hrilh nghal vat zel ang che", ka ti a. A nui tawi tak, a la hmin zân lo deuh chu a ni.

U Puitea nen kan pahnih chauhin kan inbe tawh a, ka ṭhat zel leh zel loh min zawt a. Min zawt chik ngang mai bawk, mipa a ni si a, a nihna ang diak diaka sawi ka hreh deuh.

"Ka nu leh pain, lo chhoh kher a ngaih loh thu min hrilh si a, ka lo chho lo ta mai a nih kha", a ti a. A pawi loh thuin ka lo chhang.

Ka u te ho nen, kan inbe ṭha tawh bawk a, ka thaw huai huai tawh. Keimah pawh khan, lo biak hmasak ve hlawm tur kha nia.

Lehkha ka zir ta lo ro ro, mu turin ka intintuah ta daih a, muthilh tak tak hmain, phone ka en a.

*han fail vaih teh aw, i chak lo ngawt ang, muttui le* ka ner sawk nghal. Exam lo mai pawh a hnial loh thu, sawitu zawk a ni reng sia.

*ka fail dawn, muttui* ka va ti ve ngat. Ka ngaihtuah neuh neuh a, keimahin ka nui ka nui ringawt.

Kan inhmuthiam lo ve ngei tihna chu a ni sia, engtiklai pawha induat kha chu, a theih loh tin a ni.

Chhun lamah ka zir ngawrh a, zan lamah ka mu hma ta thung. Phone pawh off-in, ka dah ta hmak a. A khawharthlak, ka pu nen kan inbe thei lo tihna a nia.

"Naktuk exam tiraw kha, i zâm em?",

"Zâm lo e le, ka exam ṭhang tawh a, exam te chu, ka favourite colour alawm", ka ti lang lang.

A ruk tak chuan, ka zâm lutuk. Zâm anga lan ka duh bik teuh lo. English exam hmasak ber tur a ni a, kum hnih chuang experienced-na lantir a ngai dawn a ni.

Chuti chunga, ka fail leh vaih a nih chuan aw, MBSE Office saw ka bomb chiang ngawt ang, examiner ho pawh, a mal te tein ka hrânkhum vek ang.

Ka rilrua phun bul bul chungin, ka room chhungah ka tei ka tei a, ka pa Ṭawngṭaina kha a la thawk lo a niang, ka tiril khur a la reh thei lo.

Tukverh ka hawng a, a bulah dingin boruak ka hip leh kâwk kâwk ṭhin a, ka ziaawm thei chuang lo, a va han hrehawm tak.

"Lalmalsawma vang vek", thinrim ṭeuh chungin ka ti a. A thla ka hau vak vak.

"Naktukah exam kan nei dawn a, mi pawh min lo biak ve tur a nia, ka lo haw vat ang ti ṭuah hluam a, tun thlengin a hmel hmuh tur pawh awm lo, Lalmalsawm, ka hua che", ka ti hlak hlak a.

Ka thawpik lutuk pawh, a zia phahin ka hre lenghal. "Lalmalsawm, ka hua che", ka ti leh hlak a, ka rilru hahna te kha, mak deuhin an kiam duak duak!

Ka pu ka huat thu bawk ka sawi leh a, nui chung tein ka sawi tawh vel. Ka thawl hawk hawk tlat a ni, vawi sawm vel ka huat thu ka sawi chuan, ka boruak hip pawh, zâng tawh tak a ni.

Ka thaw huai a, tukverh kharin bathroom-ah ka lut a. Ka che reng reng pawh, ka zângkhai vah.

"Aw Lalpa, ka pu kal tir vat vat rawh aw, a chhaw si, ka titau tih hrilh la, min lo thlem ve rawh se", ka ti nang nang a.

A ria ka Ṭawngṭai vawikhatna niin ka hria, a ringa Ṭawngṭai te hi, ka zak a, ka hreh tlat pek! Rilru engthawl takin ka mu a, ka muhil zui maiin ka hria.

Ka rilru a harh a, mahse, ka meng peih meuh lo. Min kuahtu awm ang tlatah ka ngai lehnghal, ka mumang te pawh a ni mai thei a ni.

Ka inlet a, min daltu an awm tlat lehnghal. Ka meng dé dé a, ka tum loh deuhin, mihring ruangam ka hmu hlawl!

Ka meng hliai a, ka pu a lo thaw sât sât mai, min kuah anga ka ngai pawh kha, ka kawr chhungah a kut a lo awm a, ka kawrhnuai hak a lo phelh daih zui.

A hmuihmul a ṭo leh siar siar tawh a, a chauh hmel ngawih ngawih. A biang tawk dé déin, ka chul heuh heuh a.

Ka Ṭawngṭaina chhanin a awm hma takzet, ka mumang zawk te hi a ni mai ang a! "Ka pu", ka sawi nawk nawk a, a rum nghut nghut.

Ka mumang chu a ni lo, "Ka pu", tiin, ka sawi leh vak a, "Eng nge?", a lo ti chuai raih. Ka nui hak a, ka mumang chu a ni lo.

Mahse, engtin nge a lo luh theih, a mak e. "Pu, i harh em, engtin nge i lo luh theih?", ka ti a. "Bangah ka kal tlang thei alawm", a ti chuai leh raih.

"Ka chau a nia, mut ka duh",

"Lehkha zir a ngai", ka ti a. A rum nghut, "Dar engzat?", a tih leh chuan, dar li a nih thu ka sawi a.

A lo meng diar diar, "Min la hua em?", a ti a. Ka meng phar kâwk. "Engvangin nge, ka huat ngawt ang che?", ka ti nsng nang.

"I la titau em?", a ti leh. "Nang hi", ka ti hlak a, a nui suk suk. "I room-ah ka awm ve tih pawh hre loin, i tei i tei a, i Ṭawngṭai lai pawh khan ka awm reng", a ti a.

Ka ngaihtuah let leh neuh neuh, a lo awm reng ang tih rin ngaihna ka hre lo reng reng. A awihawm lo lutuk, a awm thei lo ang.

"Ka awih lo che",

"Ka lo thlen ve leh, ka lo pan nghal che a, nsng lah chuan, min lo rel char char a", lungawi loh hmel tak hian a ti nang nang a.

Nuih varin, "Ka tihpalh", ka ti sap a. Ka beng ka pawt zeuh. A nui duh ṭhak lo. "Ka haw miah lo che nia, chuan ka titau tawh lo bawk, i va han cube tak", a biang piai vak vakin ka ti a.

"A nâ", a ti thum dut. Ka hlau chaih si lo, ka tho a, min pawt thla lehnghal, ka kawr chhung a zen leh rak rak a, "A la hma tho, minute khat mu leh lawk ang", a ti a.

A mit a chhing zui daih a, a kut erawh a harh ṭha hle thung. "Exam tur ka nih hi", ka ti a. A chawl dat a, "Ka hria", ti bul hmukin, ka dul lamah a kut a chhuk thlak tir.

Ka man nghal vat a, "A hun lo thei em mai", ka ti a. A phun bul bul nghal, a han nuar vei ang khanglang a.

"Nautê, a rei lo ang",

"Ka chau lutuk palh ang, exam tur ka nih hi", ka ti nang nang a. Kan kut a insual pah bawk, "Nautê, ka hmangaih che", inbengkangin, min fawp zeuh.

"A theih chuang loh", ka ti sak a. A phun zui hluk. A kut a la chhuak chuang lo a, keiin ka man tlat thung.

"Nautê, engtinmah ka ti lo ang, inhmelhriattirna ka nei ringawt dawn alawm",

"Ka dam har awm mang e",

"Tun bak hi chu, a ni dawn chuang lo", a ti a. A kut ka thlah a, rang lutukin, ka kekawr chhung a zen a, a kutphah hlai lutukin a khuhbo vek ni mai hian ka hria.

"Awm hle hle tir rawh", ka ti a. A khi suk ringawt, ka va han ngei tak. "Ka ngai tawh che lawm", ti zawi supin, min fawp a.

Min ngaihtuahna a nei lo reng reng, amah chauh a inngaihtuah. Ka taksa khawilai pawh, an lo dawngsawng ṭha thei em em zel lehnghal a, "Min ngai tih ka hria lawm", nui sukin a ti a.

A sawi dik chiah, ka thinlung chauh pawh ni lo, ka taksa zawng zawng te nen lam hian, kan lo ngai vek a nih ber mai hi ah.

"Nautê, ka hmangaih che, ka ngai tawh lutuk che", ti sup supin, min fawp bawrh bawrh a. Ka âwmbawr te lah, a duhtawkin a tiche a.

Dan chu khawi lamah, nuam ka ti em em zawk si a. "Nautê, tuna i mit rawng kha ka duh lutuk, i men dan nen",

"I, i la hre khawp ang", ka ti a. A nui chhuak hawk. Ka la hau ngei ngei ang, sual thiam lutuk. Min hmangaih pawh ni lo, fail turin min duh a nih hi.

Question papar hrual khawmin, ka vaw vak vak a, amah lah chu a nui huah huah zui. Meng mang hlei lo tein ka exam a, ka chhan dan te kha, hriat pawh ka hre tawh lo e ah.

"Ka haw lutuk che, misual tak i ni", ka ti a. Chhuatah ka ṭhu thla hnawk, ka insut faih faih. Ka mut a chhuak em em a, mutthluk chang lah ka ngah, pu David-a duty nî a ni ve bawk nen, min kaitho zing malh malh bawk.

"Lalte",

"Min khawih suh", a kut ka lo vai sawn lâwp. Min lo kuah a, ka nam sawn ṭang ṭang. Min pawm kâng lâwp a, ṭhutthlengah ṭhuin, amah hmachhawn zawngin a mal chungah ka ṭhu a.

Lehlam ka hawi daih, ka mittui luang te chu a hru thuak thuak. "Titau tawh lo la, a nuam lo a nia", ti nang nangin, min fawp zuk zuk a. Ka ngaihsak duh ṭhsk lo.

"School-ah i lo kal tawh sia, chocolate lei an tum nasa nia aw",

"A ṭhat chu, i ta vek tur tho a nia, nangman i ei vek dawn tho a",

"Ka ei nguar ang, an pe dawn che a nih pawhin, la miah suh ang che", ka ti hlak a, a nui hak hak.

"Ka pu, ka fiamthu lo a nia",

"Keipawh ka fiamthu bik lo", ka khabe dawmin, min fawp vang vang. Thu a awih lo ve e, a la tak tak a nih phei chuan aw, chocolate hal runpui ka nei nghal ang.

"Ka nautê, tun chauh hi a ni tawh ang",

"Exam zawh hun nghah tur che nia, muhil chungin nih kha ka exam", a khi suk. Fiamthu ka sawi tawp si lo.

"Ka insum thei thlawt lo lawm, i bulah chuan, insumtheihna ka tlachham tlat zel",

"I tum lo nih kha, fail turin min duh tih ka hre vek",

"Tun bak hi chu a ni tawh lo ang, exam zawh hma chu ka insum ṭang ṭang tawh ang. Exam zawh hunah, engkim ka hrilh bawk ang che",

"A hlauhawm loh tiraw?", ka ti vat a. Nui hakin, a lu a thing nar nar. Crutch tel loin a kal thei tawh a, chak pawh a chak ṭha tawh lutuk.

Room-ah min pawm phei a, khumah min nghatin a va chhuak leh a. A lo luh leh chuan, "Kawngka ka kalh lawk a", nui varin a ti a.

"Vawiin chu, Doctor leh nangin min hauh huamin ka che dawn, ka tiam ang che, tun bak hi chu a ni tawh lo ang", a sawi tum ka manin ka hria.

"Nautê, a nâ mai thei a nia aw", ti supin, min tizauthau phawt. A tir lama che muang ṭual ṭual kha, a duhthawh tial tial a.

Rilṭama chaw ei buan buan ang hi a ni mai. A hma ang bawkin, ka mittui a luang leh ngiai ngiai a, a nât thu tlangaupui ka duh rum rum.

Nâ viau mah se, a nawmna min pawh tir a thiam tlat bawk si. Ka rum chhuak hawk palh a, ka kâ ka hup rang lutuk.

Ka pu chu nui sukin, ka kut a la thla a, "Nautê, a pawi miah lo nia, ka duh lutuk. Khatiang kha ka duh, i hria em?", ka nghawng nawr tawk tawk pahin a ti a.

"Min en dan te hi ka duh lutuk", ka biang a nawr chawm chawm a. Ka zahna pawh a kiam duak.

"Ka hmangaih che, nautê, tun bak hi chu a ni tawh lo ang", ka mittui hru pahin a ti a. A che leh nghal bawrh bawrh.

Ring phawt ang, a sawi ang takin, tun bak hi chu a ni tawh bik miah lo ang, ka dam fel hun a nghak thei ngei ngei ang.

Keipawh, hei ai hian lo hnar dan pawh ka hre tawh zawk ang a, exam zawh hun thleng vat vat se, eng tak chu min hrilh ang maw? A hlauhawm loh ngei ka beisei, inṭhenna tur thil ni lo hrâm bawk se.

Ka insum duh ta bik hauh lo, nâ ti tak chung pawhin, ka thiam angin, ka chhang let ve zel a, inzirtir a ngai hranpa lo reng reng.

Thaw hluam chunga, "Nautê, ka ngaithla leh duh", a tih te chuan, min tiphur ve tawlh tawlh. Han dam ṭhat ver vawr ka va chak tak.

A nâ lutuk a, ka tuar lo lek lek ṭhin, "Ka hmangaih che", a samah ka ṭham nghet sauh a, ka kut lehlamin, bedsheet ka ṭham ve leh ngawt ngawt.

"Nautê, ka lawm e, ka va lawm tak, ka hmangaih lutuk che", a âwmah min kuah bet a, ka chau chhe derin ka hria. Men pawh ka meng peih tawh lo.

Ama in a ni hlsuh a, a ṭha phian zawk. "Muhil vang vang rawh", a ti zawi sup a. Ka lu a hmuiin a nawr vang vang a, ka hnung a chul hliau hliau.


Show post links
Top

[Ngaia]

Keima Pu: Sir Sawmtea
Chapter-33
Ziaktu: Cck Lalchhuanawmi

Exam chhung zawng chu kan inah ka awm a, min lo tlawh zeuh zeuh a, riak ve tura ka tih pawhin a riak duh ngai lo.

Exam loh karin Aizawlah a kal ṭhin a, Lunglei nen a kar tawn chhen. Eng nge a tih ang tih ka ngaihtuah. Ka zawt ngam bawk si lo, exam zawh huna min hrilh a tum ruh tlat bawk si.

"Picnic a awm dawn lo, ka phur laklawh ve tawh sin le", Zami chuan a ti nang nang a. Hruaiin nen kan nuih ringawt.

"Felicitation day-ah inhmuh tum ang u aw", kan pathum chuan kan inkuah a. Ka ngai hlawm ngawt ang.

"In chhang ṭha hlawm maw?",

"Chhang ṭha lutuk", Zamin a ti nghal vat. "A lawmawm e, Awmpuian College-ah a nghak reng tawh che u nia", ka pu chuan a ti a. Hruaii leh Zami an nui var var.

Ka pu chuan min lo enin, "Lalte, lo va haw hmasa mai rawh, keini chu kan tlai deuh dawn", a sana bih zeuh chungin a ti a. A kalsawn zui.

"A motor khalhah i chusng bik ziah a, a nuam awm bik", Hruaiin a ti nang nang a. Ka nuih sak ringawt.

In ka thlen aṭang reiloah, ka phone a ri a. "Nautê, i bag-ah khan chahbi ka dah a, ei rawng lo zuk bawl la tiraw?", a lo ti a. Nui var varin, room aṭang ka chhuak a.

Ka nu hrilhin, ka chhuak nghal a. A tlanin ka tlan ni ber. Ka va han hlim tak. Chawhmeh siam tur pawh a lo awm vek a, ngaihtuah chawp a ngai lo reng reng.

Exam kan zo tawh a, chhungkua ang tak taka kan awm theih tawh ka ring. A lo haw pawhin nui sangin ka lo hmuak a, kan awm dan chu, nupa ang tak tak hi ni mai.

"Ngati nge i nuih reng a?",

"Ka hlim ve a ni mai a", ka lo ti a. A kiai deuh sak. A kut veilam khamin, a kut dinglamin min vuan a, a bulah ka ṭhu a, ka la mu ve peih chiah lo.

"Lalte, i inring em?",

"Exam zawha min hrilh tur chu mi?",

"Aw ni e, ka hna hi ka bang dawn a", ka kâ ka âng zuau a, "Lo ngaithla phawt rawh. Richard-an kan chhungkaw chanchin pawh a hrilh vek tawh che kha", ka lo bu zeuh a. Eng tak chu sawi ang maw?

"Ka pa leh kan neih thil ho saw, ven ka duh. Tunah chuan, ka pa hlatah ka awm thei tawh lo. I hria tiraw, Ziri ten school an neih thu kha? Kha school kha lei turin, kan indawr mek a", min vawnna kut chu, ka la sawn a.

Ziri te ber kher, an school pawh chu, eng nge a ṭhat bikna awm chuang le? School lei a duh a nih chuan, school dang pawh a awm tho awm sia?

"Tunah ka hruai che a nih chuan, hrehawm i ti dawn lutuk. Ka nu nen in inhmachhawn reng a ngai dawn a, chutiang chu ka duh lo. Thil hi a fel tak tak nan chuan, kum chuang a ngai ang. Chumi chhung chuan hetah hian lo awm la ka duh",

"Kan inṭhen dawn tihna mi?",

"Ṭhen dawn lo e, ka lo kal fo ang. Tun dinhmunah hi chuan, ka bulah ka hruai thei lo che, hrehawm i ti dawn lutuk, ngaihngam takin ka hnenah ka la awm tir thei lo che", a ti dap dap a.

A taksa nghengin, a bulah mu mah ila, kan thinlung erawh a inhlat tlatin ka hre tawh. Ngati nge maw, min hruai a tum ve loh le?

Amah chauha bei a tum a, pumkhat kan ni tawh tih a theihnghilh ta mawni? A nuin a tihdan zawng zawng ka hre ve vek a, a pain a ngaihsak lo zia te, chuti chung chuan a pa a ngaihsak zia a lan tir tho a.

Ka tan mah, an in chhung kha indona mual a nih chuan, a tan phei chuan, indona mual aia hlauhawm a ni ngei ngei ang.

"Hey, ka lo kal fo ang ka tih kha, ṭap tawh suh le. Hrehawm ti taka i awm reng ka phal hleinem, nakinah, Vanram ang a nih hunah ka lo hruai ang che, ka lo hruai ngei ngei ang che, tunah rih chuan ka la hruai thei lo che", ka biang a nawr chap chap a.

Ka ṭawng theih tehreng nen, tun ang huna sawi tur hi ka hre lo ve ziah. "Inah ka kal leh phawt ang a, chumi hnuah ka phei ang. Nautê, min ring turin ka tih che kha, tunah rih chuan ka hruai thei lo che", nghet tak hian ka kuah a.

Min kalsan hlen ang tih mawlh ka hlau. Kawngkhar bulah dingin, a kal chu ka thlir liam a. Min hruai turin lo kal lo hlen ta se, engtin nge ka awm tak ang?

"Bawihte, nupaah chuan, pakhat a chak lo zawk leh dawmkan ngai pawh nise, pakhat zawkin a ṭanpui a, hmangaihna nena a enkawl tawh ṭhin avangin, pumkhat an nih tawh avangin hneh theih an ni tawh ngai lo", ka dara a kut nghat chungin, ka pa chuan a ti a.

Ka pa sawi hmangah chuan, keimah zawk hian luhlul chhuaha zui turin min duh a ni chiang mai. "Pa, ka kal tir thei lo, amah chauh chuan kawng lakah a tlu mai ang", ka ti zawi sap a.

Ka pa chuan engmah a sawi leh tawh lo. Min kaltir a remti tih a chiang reng. Bag-ah ka thawmhnaw tlem khungin, pheikhawk ka bun a.

Room aṭanga ka chhuah ve leh, ka nu leh pa kuah nghalin, ngaihdam ka dil a. Phal taka min kaltir dawn erawh, lawmthu ka hrilh pah. "Ka ngai ngawt ang che u, ka lo kal fo ang", ka ti sap a.

Ka nu leh pa lu pawh, ka tihai nasa dawn lutuk tih ka hria. Fanu fel nge ka nih a, fanu sual ka ni pawh ka inhre tawh lo e ah.

Motor-ah a bungrua a lo thiar lut mek, inah a chhuk leh a, ka tlan leh vat. In chhungah thaw hlawp hlawpin ka lut a, min hmu chu, "Lalte", phawk hruin a ti a. Ka kuah nghal thlawp.

"Ka lo kal ve dawn, i phal lo tih pawh ka hria, mahse, ka zui tho ang che",

"Lalte",

"Ka pasal i ni tawh a, i kawng zawh apiang chu ka kawng zawh tur a ni ve tawh. Nangmah chauh chuan, ka bei tir lo ang che. I bulah ka awm ang a, kan pahnihin kan bei ang a, kan hneh êm êm ang", ka ti dap dap a.

Hrethiam turin ka duh ngawih ngawih, hmun himah min dahin, amah chauha hmun râlṭia kal a tum a.

"Lalte-",

"Ka zui tho ang che, nupa kan ni tawh a, kan pahnihin a hrehawm leh nuamah pawh, kan pahnihin kan awm dun zel ang. A hrehawm lai zawng zawng i tawrh bik a, a nuam lai chauha ka awm ve a thiang lo. Kan pahnihin, kan hmachhawn zel ang", ka ti a.

Beidawn hmel zet hian, a thaw hrawih hrawih. Keipawh, ka beidawng mai bik dawn lo. Dingdihlipin ka fawp a, a ding khawng reng ringawt.

"Ka pu, ngawi reng suh", ṭap ṭuauin ka ti a. Ka fawp leh a, min la chhang duh ṭhak lo. "Phal lo mah la, ka lo kal dawn tho", parcel pakhat dawhkan lo intung lam ka pan a, ka kutah lo manin, alamah min pawt a, a âwmah min kuah bet.

"Ngati nge maw, thu i awih lo êm êm mai le?", a ti a. "Misualnu'n thu a awih ngai em ni?", ka ti a. A nui chhuak hawk.

"I awm thei tak tak ang maw?",

"Awm thei dawn lutuk, ka bulah i awm dawn alawm", ka ti a. A thaw halh halh. Aizawl panin kan chhuak a, a ngawi reng.

Tihhlim tumin eng eng emaw ka sawi a, min ngaithla reng tih lantir nan, a nui leh suk ṭhin. A album chungchang ka sawi a, ni dawn tak, ka theihnghilh daih!

"Ngati nge i ngawih daih a?",

"I thinrim lo ang tiraw?",

"Sawi la",

"Ka ken theihnghilh daih, ka study table-ah a awm", inthlahrung deuhin ka ti a. "A pawi hleinem", a ti sup a. A nui suk suk. "Ka hmelṭha hlawm viau lo maw?", a lo ti a.

"Hmelṭha hlawm lutuk, ka pu niawm hliah hliah i ni", ka ti a. A nui chhuak hawk hawk. Kan boruak pawh a zâng ta deuhin ka hria.

"History zirtirtu nih nen maw?",

"Ni chiah e, History bawm lian chiah chiah", ka ti a. Min lo en zeuhin, a nui hak hak. "Min lo zui avangin ka lawm e", ka kut a rawn vuan a, la kangin a fawp zeuh.

Ni dawn reng asin, amah chauh chuan nise, tunah pawh a nui a nui miah lo ang. A chang chuan, luhlul chhuah huna lo chhuah tlat te pawh, a ṭha tho a nih hi.

In kan thleng a, a rukin ka chil ka lêm dawk. Ka dang a ro êm atin ni. Ka kal hmasak ho ṭum nen chuan, tun hi chu a dang hlak. An chhungkua leh an chenpui ni turin ka lut dawn a ni a.

"Lo kal rawh le", ka pu chuan a ti sup a. A kut ka chelh a, a khurin ka hria. "Hlauh tur a awm lo a nia", amah zawk.chuan a ti a. Amah zawk hian a hlau a ang.

Ka awm alawm, tumah hlauh a ngai lo reng reng. In chhungah kan lut a, ka pu pa chuan ṭha takin min lo lawm a, ka pu nu leh, Duati erawh chu an ngawi reng.

Min lawm tehchiam lo tih a hriat reng. Kan thawmhnaw te kan dah fel a, tih tur a tam ngang mai. A room hi a thim êm a ni. Parda ka pawt hawng a, tlem chuan a zia ta deuh.

Luah lum ṭhang lo tih hriat takin, chhuat te chu a bal paw niai mai. Ka khawngaih zawk e ah. Aizawla a kal chhung pawh khan, Hotel-ah char char a awm tih a hriat.

Ka pu nu leh pa pawh, ka nu leh pa an ni ta reng mai chu a nia. A tir chuan ka ko ngam lawk lo a, mahse; ṭi dâka ka ko ka ko khan, a hnuah phei chuan, ka ko zing leh ta malh malh lutuk.

Ka ngaih ang êm êmin, ka pa chu a sual lo a. Amah pawttu hian, a thunun hneh ve êm a ni. Ka nu nen erawh, kan la inbe ṭha thei meuh lo chu a ni.

Mahse, chhungkaw thil pawimawhah erawh ka be lui zel tho a. Awmpui pawh kan nei lo, "Awmpui neih a ṭul tawh lo, mo kan neih tawh hi", a ti chang fak a.

Kha thu a sawi laia, ka pu insum nasat dan kha, a kut ka vuan tlat a, ṭawng pawh a ṭawng lo. Ka bengdai thei hrâm a ni.

Ka pu pawh, nitin a chhuak a, Bank lam nen, Hotel leh School-ah te a kal a kal a. A lo haw hi chuan, a chau thei tawh mah mah zel.

"Inah i awm reng sia, i ning ngawt lo maw?",

"Ning lo e, school kal ai thlawt chuan a nuam ka ti",

"Ka nuin, engtin emaw tak a ti ṭhin che em?", a ti zawi sup a. Ka lu ka thing nawk nawk, hrilh kher a ṭulin ka hre lo. A rilru lam lehzel tihhrehawm ka duh lo.

"Engtin mah min ti ngai lo, engtikah emaw chuan, nufa ang chiaha kan awm theih ka la ring", ka ti a. A bu nghut ringawt. Min ring chiah lo deuh nge mawni?

Felfeli a lo kal a, ka u lêm ngai lo. Duati pawhin a duh lo. Felfeli nen hi chuan kan inpawh nghal êm êm mai a, ka pa a chhun a nih ka ring, ka pa ang chiahin a nêm.

"Advocate nih ka tum a nia, ka nuin pasal nei turin min ti tlat a, chuti ni lo se chu, tunah chuan Advocate ka ni daih tawh ang", a phun bul bul ve ṭhin a.

Advocate chu ni tak tak se, a inhmeh dawn bakah, a thawk chhuak ṭeuh tawhin ka ring.

"Tun hnu hian, ka u laka ka sual thei lutuk kha ka inthiam lo",

"Inthiam lohna tur a awm lo, keipawh ka u te lakah chuan ka sual thei lutuk",

"Kei te chu, ka sual dan kha a namai lo lawm. Naupai vat vat rawh, indang miah suh ang che. Ka u hian, chhungkua a mamawh lutuk. Tuna keini chhungkua hi chu, siam ṭhat theih a ni tawh lo", a ti dap dap a.

A inchhir zia thu te a sawi mawlh mawlh, min ring ngam a, a inbun ruak ve bawrh bawrh zel. Ka thiam ang tawkin ka hnêm ve pah a, a chhawkin ka ring lo. Inhnêm lam hi chu, ka thiam loh zawng tak.

"I va haw har tawh ve, nutling pui, an leng an leng ngai lo", ka nu chuan a ti hlak hlak a. "Ka haw dawn", Felfeli pawh chuan a ti hlak a.

Engtia awm tur nge ka hre ṭhin lo, "Min hringtu chu a ni ve sia, heti êm êma min huat chhan pawh hi ka hre lo", a phun sar sar a. "Engah mah ngai suh, a haw reng reng lo che, nu te chu, an dan alawm", ka ti a.

Dik tak chuan, ka sawi chu kei ngei pawhin ka awih lo. Ka laka a lungawi lohna, Felfeli chungah a hrithla ni maiin ka hria.

"Ka fate school bang ka lam kawi tawh mai ang, vawiin chu, ka tum ai hmain ka haw dawn ta a nih hi", a ti nang nang a.

In chhunga ka lut fel chiah tihah, ka pa a lo haw a, "Felfeli nen kan intawk a, a lo leng a ni maw?", a lo ti lut a. A lo len thuin ka lo chhang thuai.

Thingpui a in duh leh loh ka zawt a, a lennaa a in thuin min chhang a. "Naktuk chu, huan kal ang hmiang", ka pain a tih chuan, "Ka kal peih lo", ka nu chuan a ti hlak a. Ka lo ip chawih thei.

Ka pa chu a nui mai a, zaidam takin a be chhunzawm tho. Keimah hi, ka lo hah thei tawp a ni mai.

Ka pu muhil chu ka thlir doh doh a, Felfelin naupai vat turin min ti mah se, naupai tur pawhin engtinmah kan la awm lo.

Exam laia, "A tawp nan", ka puin a tih kha, a tawpna tak tak a nih hmel. Tunah chuan, min kuah chu sawi loh, lukham a deh rual rualin a muhil nghal bawrh bawrh zel tawh, min fawh lohna pawh a rei tawh lutuk.

Ka zui hi, ka inchhir chu ka ti miah lo. Mahse, ka khua a har! Kan inah Ziri lo kal lo mah se, school lei tura an indawrna lamah an inhmu thei tih ka hre ve kur a.

Rinhlelh chang nei tho mah ila, min phatsan ka ring phal leh bawk si lo. "Muttui aw", tiin, ka fawp zeuh a. Ka kuah a, zantin deuh thaw hian ka mittui a tla mai.

Doctor lahin, la insum turin min chah reng a, damdawi ei ka chawl lo a, ka dam tawh êm êm chu ka ring. Damdawi ka eina pawh a rei tawh lutuk. U Puitea rawn mai te ka duh rum rum tawh.

"Vawiin chu, result a chhuak dawn a, eng nge kan an ang aw",

"Ka pass dawn", ka ti a. Ka pa a nui var var. Ka pass dawn chiang sa, ka pass tur hi a ni ringawt.

"Takah, Duati nen in inbe tawh em? Ka phone a, min chhang thei miah lo", ka pa chuan a ti leh a. "A buai ṭhin lutuk a, call min chhang thei ngai lo, a hman hunah a lo call let mai ang che", ka nu chusn a ti a.

Ka bai siam a al lutuk thu a sawi zawm leh zat a, a thleng chawiin a tho zui daih. Mizoram chhung ni loah, Duati chu hnathawkin a awm daih.

"Vawiin aṭang chuan, tlan kual zak zak a ngai tawh lo ang",

"I hlawhtling tawh tihna em ni?",

"Ṭep, result chhuah nî ni mah se, ka awmpui thei dawn si lo che a, pawi ka ti lutuk",

"A pawi lo, a ho lutuk, ka pass thu ka lo hrilh ang che", nui varin ka ti a. Min nuih sun sun. Ka biang a piai zeuh a, a kal zui nghal. Min piai ai chuan, min fawp zeuh se ka duh zawk daih sin le!

Ka nu leh pa huana kal tum pawh, ka pa ṭhianpa tunu a dam loh avangin a kal zawk a. Ka nu nen chauh kan awm.

A room-ah a awm char char a, thingpui in turin ka ko chhuak thei hrâm. Ṭawngkam bul tak takin min chhang ṭhin mah se, a nêm zawkah ka ṭang ziah a.

A chsng chusn, han hnial pang pang te hi ka châk thei lutuk. Chutiang chuan ti ngat ila chu, hei ai hian kan boruak a chhe zual ngawt ang.

Felfeli a lo kal leh a, result chhuah a hun tawh nen. Pdf file an lo dah chu ka hawng vat a. Kan school zawngin, ka hming kan zawng a.

Felfeli a au ṭhawt, kan inkuah nghal chûng chûng. Ka pu ka call a, a ri ral ṭhak zel. Vawi thum lai ka call a, min chhang thei miah lo.

A buai a nih ringin, ka call duh ta lo a. Ka nu leh pa ka va call vang vang. Ka u te erawh, message ka thawn ringawt. Call mah ila, min chhang thei dawn chuang lo.

"Pass lawm nan, i pass dawn tih ka hria a, ka lo lei lawk a, hawng mah rawh", a ti sap sap a.

"Nsng hi", ka ti a. A khi vur vur. "A va sen ṭha ve", ka ti a. Ka sa nghal pup pup, ka zak lutuk ringawt. "Zanah i ha dawn nia, a thar a nih kha, khatiang design ang chiah chiah, mahse, rawng dang ka nei thung", a ti a.

"Ka zak e", ka ti sap. "A zahthlak loh, naupai vat vat rawh ka tih che kha, tun ai hian ka u pawhin a ngaihsak zual sawt mai ang che", a ti a.

Ka rilru a tihah e ah, "Eng lo, Felfel, Doctor-in naupai lo turin min la ti alawm", ka tih chuan, a meng bial kâwk.

Engkim ka hrilh a, "Ka thin a van rim, mahse, a rei tawh a, tunah chuan i pai thei tawh mai thei sin", a ti a. Keipawhin ka ring tho, buaina awm ta chu, ka pu hi ni.

A hmaa min thlakhlelh ang khan, min thlahlel tawh lo tlat atin ni. "Ka thilpek che kha, dah msi mai suh, khami vsng khan, nautê hmel kan hmu mai thei sin", awmze nei deuha min melh ralh chungin a ti a.

Ka beng hlak ringawt, min tizak! Felfeli haw hnu chuan, "College i kal dawn em?", ka nuin a ti hmuk a. Ka hriat loh thuin ka chhang ringawt.

Chutiang lam ka lo ngaihtuah lo reng reng. Room-ah min luhsan leh hmak zui a. Ka pu call ka tum leh laiin, Ziri a lo lut hlawl.

"Kan va inhmu khat ve", a lo ti nghal a. "Nia", ka lo ti sak ringawt. Room-ah ka nu awm thu ka sawi a, keimah min hmuh duh zawk thu a sawi chuan, mak ti deuhin ka en ringawt.

"Doctor ka ni tih i hria tiraw? Ka chhulah hian nau a insiam ṭan mekin ka hria", ngeiawm zet hian a ti a.

A thusawi awmzia ka hrethiam mai lo, "Tunlai chu, mi pakhat nen kan inhmu zing deuh a, hun kan ngah ṭhin nen. Chuvang nge mawni, i buai tak tak hma hian, i kalbo daih dawn em ni ang?",

"Eng thil chiah nge, sawi i tum ber?",

"Ka khawngaih lawk che, tun thlengin i pasal pawh i tilawm thei lo chu nia, naupan ringawt pawh a lo ni lo a nih hi", ka kut ka hum ruh a, ka nui hak.

Ka hrethiam ta chiah, "I sawi dik chiah, tun thlengin ka pasal ka tilawm thei lo. Mahse, nangin i lo tilawm ṭhin a, ka lawm lutuk ringawt. Lo tilawm zel rawh, mahse, ka kalbo chu ring duh suh, a phal dawn chuang lo, min hmangaih alawm. Nawm chhung te chu a tlo hleinêm, hmangaihna erawh a tlo thung", ka ti lui sak a.

A intithei hmel pawh, thinrimnain a inthlak thuai. Ka chhan dan kha, a lo ngaihtuah ang a ni hauh lo ang.

"I sawi tum i sawi zawh chuan, kal tawh rawh", ka ti a. "Ka kal ang, i pasal fa nena ka lo luh hunah, engtin chiah nge i awm kan hre mai ang", ti chang fakin, a chhuak zui a.

Ka ṭhu thla hnawk nghal, ka lûng a phu dup dup a. Ka taksa pum mai hi a khur hlawk hlawkin ka hre mai. Thudik chu a ni hsuh lo ang, dawt a rawn sawi mai mai a nih ka ring!

Min lo tihṭhaih kual vel mai mai a nih kha, ka mittui hruin ka ding chhuak a. Ka kaihza tha a la khur! Khatiang thu lê lo mai mai ka intihbuai tir hauh lo ang.

Ka pa a rawn haw a, ka pass min lawmpui thu a sawi liam liam a. Kan inchibai vel.

"Nautê, engtin nge pass kan lawm ang?",

"Hetiang hian", a taksaah ka lawn kai nghal a, a nui hak. "Aizawl kan thlen aṭang hian, min la kuah miah lo, chuan, min la fawp miah lo bawk", ka ti a.

A nui suk ringawt, "A nih, tihian a ṭha em?", a sawi zawh rualin min fawp nghal a, ka fawp let chisng lutuk. Kan infawh apianga ka kawr chhung zen nghal ṭhin khan, a zen miah lo a.

Ṭul lo deuhin, Ziri thusawi ka ngaihtuahnaah a lo lut a, pasal kan inṭawm ni mai hian ka hria!

Inla hrang deuhin, "Ka hmangaih che", ka ti sap a. Keimah zawkin ka fawp leh. Tun hma angin a duhthawh tawh lo a, min thlakhlelhna nei tawh lo ang mai a ni.

"Naktukah kan leng chhuak dawn nia, le, tunah chuan mu tswh sng", ti pahin, a awm hrang nghal. Mut tuma khuma a lawn kai chiah tihah, keimah zawkin ka bawh a.

"Lalte", a mal chungah min ṭhuttirin, a thaw halh. "Zanin chu, pass kan lawm dawn lo mi?", nuih saihin ka ti a.

"Zanah lo, naktukah ka len chhuah dawn kha", a ti sup a. Mihrang ang chiah a ni, "Min la hmangaih em?", rinhlelhnain ka khat vek tawh.

"Lalte, zanin i awm dan hi a mak lutuk",

"Mak hleinêm, pass lawm dan tur chu maw, hetiang hian", ka fawp zeuh. "Kan inlaichinna a ngheh lehzual nan, zanin chu, maw?", ka fawp zuk zuk a. A ngawi reng ringawt.

"Doctor khan-",

"Doctor hriat lohin kan tih tho kha, min hriatpui tak tak tawh hleinem", ka ti ve sak a. A ngawi ngul ringawt. "Ka insum dawn miah lo a nia", ti supin, ka hmui a piai hlak.

Ka nuih sun sun a, "Takin, min lo nghak lawk rawh, ka inthlak lawk ang aw, surprise ṭha deuh a awm dawn nia", ka ti a.

Felfelin kawr min pek chu ka ha a, ka zak lutuk chu ka ip chawih chawih. Thâwk ka la leh phawt te te a, ka pasal bakin min hmu dawn hleinem, tiin, ka inhnêm mawlh mawlh.

Sa awp awp chungin khum lamah ka phei a, ding chawtin, ka mittui a hnâm sawk. A lo muhil leh bawrh bawrh tawh!

"Ka rei loh tehlul nen", ka ti sap a. Ka inthlak leh ta daih. Ka mut ṭhat tir a, "Ring tur chein min ti a, rin duh viau mah che ila, tunah chuan, ka rinhlelhna che i tinghet tawlh tawlh ta nih hi. Mshse, ka kalsan miah lo ang che, i lo kir leh hun ka lo nghak leh ang che", lehlam hawiin, ka mittui ka hru ka hru a.

Nghah rei ngai miah loin, lo kir leh vat se. Ka rinhlelhna zawng zawng pawh, dawt ni vek turin ka duh.

Ka nu lungawi lohna te, inchhung boruak rit tak te, engpawh ka tuar theiin, hrehawm tihna pakhat mah ka nei lo.

Mahse, ka pasalin min thlakhlelhna a nei lo leh, a ngaihsakna ka dawng tawh lo erawh, hrehawm ka ti ber. Hemi tluka hrehawm a awm chuang awm lo ve!

"Nautê, ka hmangaih che, min ringhlel ngai suh, min ngaidam rawh aw, min ringhlel turin ka duh ngai lo che, min ring tlat zel turin ka duh che, ka hmangaih lutuk che nia", ka beng bulah phun sar sar thawm ka hria a.

Ka hmui seh ner nerin, min fawp dam êm êm a. Ka mumang ni maiin ka hria, ka mumangah lehzel pawh, min hmangaih thu leh, amah ring turin min ti chu nia!

"Vawiinah, inentir turin kal ang che", ka nu chusn a ti hmuk a. Min tihamhaih vek a, chhan dan tur mai ka hre lo.

"In inneihna a rei tawh ni lawm ni, nau in keng har lutuk, ṭhat lohna i neih leh neih loh entir turin kal ang che", a ti leh chharh chharh a.

Ka pu ṭawng tum chu, dawhkan hnuaiah a kut ka man leh vat. A ṭawng chhuak a nih chuan, buaina namên lo a chhuak zawk ang.

"Aw le, ka nu, ka kal dawn nia", ka ti a. A thleng chawiin a tho zui leh daih.

"Vawiin chuan kal lo mai rawh, kan pahnihin nakinsh kan kal zawk dawn nia",

"Kal ka tum sa hrim hrim lawm, i buai thei si a, i chau tih pawh ka hre vek lawm. Vawiinah pawh, i buai nileng leh dawm sia", ka ti nang nsng a.

Ka biang dawmin a tuai heuh heuh a, "Nizan kha, ka tihpalh lutuk, ka chau êm atin ni", a ti zawi sup a. Kun deuhin min fawp a, dingdihlipin ka fawp let ve vat.

Tunhma ang khan awm leh thei ila tih ka duh ber, engtiksh tak awm leh thei ang maw?

Damdawi in kawtah ka chhuk a, ka kal fona ni mah se, min râp ru riau zel. Doctor-in eng thu nge min hrilh leh dawn ka hre si lo.

"Nang nu kha, i ni, i ni chiang lutuk", hnung lamah min kuai her lâwp a, ka tal pît nghal vat.

"I ni chiang lutuk, min la hria em, nikum ni tain ka hria, Serkawn Damdawi in kawta kan inhmuh kha?", a ti a. Min thlêk vung vung.

"E he!", ka ti chuai raih ringawt. "Tun ṭum chu, ka chhuah tawh dawn lo reng reng che, i number min pe rawh", a ti a. Ka hnial nghal vat.

Amah zawk chuan, lehkha themah a number ziakin min pe a, "Min lo call rawh aw", tiin, a la kal nal nal zui.

Lehkha them chu, bag-ah ka khung ve mai bawk. Hming te ka ziak a, ka hmaah mi pathum an awm a, ka lut hma dawn a, a ṭha phian tho.

Doctor pawh a ṭhu ṭep tawh a, ka zun a chhuah avangin bathroom lam ka pan leh rih.

Bathroom bula Doctor leh Ziri ding dun ka hmu a, ṭhian inkawmngeih tak ang mai an ni.

Min hmuh theih lohnaah ka ding a, "I fapa birthday party-ah chuan, Sawmtea nen kan lo kal ang", Ziri chuan a ti a.

"A neih duh chuang lo che kha, duhtawk ve tawh êm êm rawh", Doctor chuan a ti lang lang.

"Min nei duh reng alawm, hmelma an hrâng ve ṭhin a", Ziri chuan a ti leh sap a. An pahnihin an nui dun dar dar.

An ṭangho vek tihna a ni thei mai ang em? Ka puin a hre ve ang em? Ka rilruah ka pu ringawt a lang. Eng nge thil awmzia hi ni ta le?

Doctor leh Ziri, Ziri pawh Doctor tho a ni a, chuti a nih chuan, Ziri leh ka pu te. A ni thei lo ang!

Bathroom-ah kal tawh loin, Damdawi in ka chhuahsan nghal vang vang. Muangchangin kein ka kal a, ka ngaihtuahna a chawmawlh vek.

Doctor dang rawn mai a fuh ta ber ang a? Doctor dang hmu pawh ni ila, Doctor ho te chu, an inhre vek awm si a.

Ka dam fel tawh reng te hi, dam lo angah min chhuah lui tlat zawk te pawh a ang tawh. Engtin nge ka awm zel tak ang?


Show post links
Top

[Ngaia]

Keima Pu: Sir Sawmtea
Chapter-34
Ziaktu: Cck Lalchhuanawmi

Sir Sawmtea pov...
"Dindini i hlamchhiah mah mah tawh lo maw?",

"Vawiin bak a ni tawh hleinem",

"Ngaihtuah hmasa loin, thil hi i tiphut zel a", ka nuih ringawt. Ka ngaihtuah ve fe asin mawle, ngaih ang ngawta awlsam chu a lo ni hauh lo.

"Hmin an har reuh lutuk a", ka ti liam ringawt a, "Ni dawn reng asin, an School ber kher i thlan chhan pawh saw, ka hre tehhrep lo. Dindini rilru tur te ngaihtuah ve la, Nunziri nen an inhnimhnai thei reng dawn a, chungte chu, i ngaihtuah thleng ve lo nge mawni", a ti chharh chharh a.

Min hauh zawm nghal char char, muthilh ka duh tehreng nen. "Ka sawi i hria em? Dindini i tikhawngaihthlak lutuk", min beng chawrh!

Ka biang ka dawm vawng vawng a, "Dindini i tikhawngaihthlak lutuk ka tih kha, haw la, va awmpui rawh. A lo zui vang vang che a nia, i thiltih te hi va hrilh ve rawh. I nupui a nia, hriat chu a phu ve",

"Ka hria lawm",

"I hre lo, chuvang lawm ka hrilh che", min vin nghal tuarh a. Ka phu dawrh! A kâ a âng zuau hman tihah, bell a lo ri a. A va hawn nak chuan, ka pa a lo ni.

"Eng nge i an?",

"Ka ṭha ni mai", ka ti chuai raih a. A rum nghut ringawt. "Result engtin nge a awm?", ka pain a tih leh chuan, "Eng brain tumour mah a ni lo, ka pu, i lu nâ satliah mai mai a nih kha", Richard-a zawk chuan, a ti chharh chharh a.

Ka pa hmel pawh a dang awk nghal, ti kha chuan, min ring thei tawh ang chu(h). Kei min bum chu ka hrethiam, ka pa lehzel an bum duh erawh, ka ngaithiam thei lo.

"A ṭha e, mahse, ka nupui a ni a, keima'n ka buaipui thei, nangpawhin nupui i nei tawh a, i nupui chauh ngaihtuah tawh rawh",

"Ka pa",

"Tun aṭang chuan, ka sawi ang chuan awm la a ni mai, school pawh kan tifel vek tawh a. I nupui pawh a khawngaihthlak tawh êm êm lutuk", ka bu nghut ringawt a.

Ka pa pawh, couch chungah a ṭhu hle hle. Keipawh ka ni tho, ka thawl huai tawhin ka hria. Duh ang thalin Laltei ka ngaihsak thei lo a, tun aṭang chuan ka ngaihsak thei tawh ang.

"I la awm rih dawn nge?", ka pain a tih chuan, ka lo bu zeuh. Awm rei lo tura min hrilhin, a chhuak zui a.

Ka pa ka hua ka ti lo, mahse, a chang chuan a mit a del ṭhin hi ni, a buaithlakna chu. Mahse, a demawm chuang loh. Keipawh, hmangaihna vang chuan, ka mit a del ve fo ṭhin kha maw!

"Nangpawh, haw tawh rawh, Dindini i tikhawngaihthlak tawh lutuk",

"Aw le", ti supin, ka tho a. "Tunah chuan, buaina pawh a fel tawh a, i chhungkua chauh ngaihtuah tawh la, thildangah i rilru kal tir tawh suh. I faten ka fate an pu zo mai dawn", Richard-a chuan, nui kur kur chungin a ti a.

Ka nui tawi tak ringawt. Ka faten an pu awm lo em mai. In lam panin ka inkhalh chhuak a, kawng sira Rose sen bawr chuan, ka mit a la ngang mai.

Laltei pass pawh, kan la lawm lo tak e. A man zat zawtin, ka lei nghal vat a. Nakinah, hei aia pui zawk ka la lei sak ang.

Dindini pov...
College ka kal dawn nge, dawn loah ka la buai. Ka pu sawipui duh viau mah ila, a buai thei lutuk hi, ka inthlahrung zo vek tawh.

Ka chau lutuk chu, sofa chungah ka mu a, ina awm mai mai pawh hi, a lo nuam ber chuang lo. A hrehawm zawk, tihtur a tam thei lutuk.

Mo kan la ni zui ve khanglang a, duh dan dana awm a thian loh bakah, kan inmil hlawm vak bawk si lo. A hahthlak!

Kawngka kik thawm ka hriat chuan, lut turin ka ti a. A kik nawn leh, lut turin ka ti leh a, a la kik char char.

"Tu nge aw?", ti nuah nuah chungin, ka va hawng a. Rose sen bawr ṭha êm êm ka hma zawnah tak a lo awm.

"Congratulations!", nui varin ka pu chuan, Rose bawr la sawnin a ti a. Mak ti deuhin ka en ringawt. A ti tak tak reuh mawni dawn, nge ni a, a dam lo zawk le?

"Lalte, eng nge ni ta?", ka hmaah a kut a lo vai a, "Aw, ah, engmah a ni lo", ka ti bah nawk.

"Ka lo luh i phal em?", nui sangin a ti a. "Hei hi, min dawn sak dawn em?", ka hmaah Rose bawr lek kangin a ti leh a. Phawk hruin ka la a, "Pawnah kan ding reng dawn tihna em ni?", a phun sup a.

Ka lu a khawn ṭawlh chuan, ka harh chhuak chiah. "Lo lut rawh", ka ti sap a. Min kuahin, kan pahnihin kan lut a. Mak ka ti tawlh tawlh.

"I thi dawn lo tiraw?", ka ti hliai a. A nui chhuak hawk. "Nautê, min thi tir hma i van tum êm êm", lungawi lo tih hriat tak hian, a ti nang nang a.

Min tihlauthawng zo vek, a mizia inthlak thut hi ka zo lo. "Inthlak ka duh, min lo inthlakpui rawh", a sawi zawh rualin, min pawm kâng lâwp nghal.

"I va rit sawt êm êm", nui sukin a ti a. Kan room panin a pen pawk pawk. Ka hlauhthawnna a zual tawlh tawlh lehnghal.

Khum chungah min nghat a, a Rose lei lah chu, a rimtui phian lehnghal. "Nautê, ngati nge i ṭah a? Khaw maw, min lo en teh. Ngati nge, ka nuin a hau che em ni?", ka lu ka thing nawk nawk.

"A nih, ngati nge i ṭah?",

"I thi dawn lo tiraw?", ṭap ṭuau chungin ka ti a. A âwmah min kuah bet nghal thlawp. Ka hnung a beng thek thek a, "Thi dawn lo, ka thih hun tur sawi thei lo mah ila, tunah rih chuan ka thi miah lo ang", a ti dap dap a.

Ka la ring thei chuang lo, kha leh chen kha, min hnar char char a, tun tut tuta hetia min ngaihsak thar leh hi, ka hrethiam thei lo.

Ka biangah a hmui a nawr vang vang a, ka lûng a phu rang lutuk. Ngati nge mawni, ka hlauhthawn êm êm le? Engthil ṭha lo mah, thleng lo hrâm sela!

Chaw ei turin ka nu a lo chhuak lo a, ka koh pawhin min chhang duh lo. Ka pain, en liam mai turin min ti a, a thu ka awih phawt.

"Lalte, zanin chu, leng ang aw", ka hnung lam aṭang min lo kuah a. Ka thleng sil lai a nih avangin, awm sawn turin ka lo ti.

"Ka kuah duh che lawm", ti pahin, min kuah nghet sauh a. Ka darah a khabe nghatin, ka biang a rawn fawp leh zuk zel.

"Ka pu",

"Sil mai mai rawh",

"Chuti, lo awmsawn rawh", ka ti hlak a. Phun nuah nuah chungin, a awm sawn a. Chair lain, ka bul hnaiah a la ṭhu hrâm. Sil tur a tlem bawk a, ka sil zo thuai.

Ka pu inbual laiin, room aṭang ka nu a lo chhuak a, "Ka nu, chaw ei ka lo siam ang che aw", ka ti thuai a. Min chhang loin, amah zawk chuan, chaw ei a insiam.

"Ei rawngbawl pawh thiam lo, tichung chuan pasal ka nei ve e in han tia", ti hlakin, thleng a nawr sawn lamah, chawhmeh a suahna bowl a tlu a, dawhkan chungah an luang nguai.

A kut silin, room-ah a lut leh daih a, ka pu pawh rang lutukin, bathroom aṭang a lo chhuak. "Lalte, i ṭha em?", a lo ti thuai a.

Ka nu te room aṭang, thil tla ri ṭhuai ka hre zui lehnghal. Dawhkan ka tifai a, thleng te ka sil fai leh vat. Inthlak thuai turin ka pu chu ka hrilh a, bu zeuhin room a pan a. Rei vak loah, lo chhuakin ka bulah a ṭhu a.

Ka kut vuanin, a tuai heuh heuh. Engthu mah phei chu, a sawi lo. Ka nu leh pa an inhau tih ka hriat kur avangin, ka rilru a nuam thei lo.

Keimah vang chu ni lo hrâm se, "Nautê, room lamah awm zawk ila", ka pu chuan a ti dam thluam a. Ka chhan hma hmain, min thawhpui a, kan room-ah min luhpui.

"Leng chhuak ila",

"Ka nu leh pa te saw", âw lâwi rat hian ka ti a. An inhau ri hre thei kher lo mah ila, ka hlauthawng ru tlat. "Engtin mah an awm lo ang, tirawh, insiam la, reilo te leng chhuak ang", a ti a.

A school lei chu min hmuh a, a neitu ber a nih tawh thu te chu, inchhuang takin a sawi a, "Kan School a nih tawh saw aw", School kâwk vang vangin a ti a.

Nui varin, ka kutzungpui pahnih ka tipir vah. Nui hakin, min kuah a. Ka en leh ṭhin a, a hlim tih hai rual a ni lo. Steering a herhkawi lohna lamin, ka kut la kangin a fawp leh zeuh ṭhin a, min lo enin, a nui leh saih zel.

Hlauhthawnna rilru pu tho mah ila, lungngai hmel ka hmuh tir duh chuang lo. Zawh tur tam tak ka nei a, tuna ka zawh chuan, a hlimna ka tihchhiat sak ka hlau bawk si.

"Khawi lai hmun nge?",

"Ka farnu te chenna a nih hi", a ti zawi sup a. Step-ah kan chhuk thla zel, Felfeli te in a ni lo tih ka chiang. Farnu tih tur Duati leh Felfeli chauh an awm sia!

Hmeichhe pakhat hian kawngka a lo hawng a, "E he, ka u Vantirhkoh", ka pu chu a kuah nghal thuai a. Ka thik dawn nge dawn lo pawh ka hrethiam lo.

In chhungah kan lut a, a nupui ka nih thu a sawi chuan, a nau nen an meng phar kâwk. A hnuah, ka pu chu an lawmpui thu an sawi a, an unauin min chibai.

"I rai tawh em?", Mâtei chuan a ti sap a. Ka nui sak ringawt. A zahthlak ka ti zawk.

"Mâte, i sawi awmang lo thei êm mai", ka pu chuan a ti a. Min lo en a, a nui suk ringawt. Kan awm rei lo, kan chhuak leh thuai.

"Tu te nge a?", tim daiin ka zawt. "Ka nu fate an nih kha", a ti zawi sup a. Ka nu a tih chu, "Tuna ka ni lo, min hringtu zawk a nia ka tih", a lo ti leh.

"An hria che em?",

"Hre lo, hre lo kumkhua zawk mah se, ka duh zawk", nui sakin a ti a. A hnual deuh chuan ka hria. A kut ka va vuan a, "I ṭha em?", ka va ti chu, bu zeuhin min vuan let vat.

"Tunah chuan, school ka tifel vek tawh a, buaina tur a awm tawh lo. Kan chhungkua chauh hi kan ni tawh mai, ka nu a la lungawi thei si lo a, i tuar thei dawn lo a nih chuan, hmun dangah kan insawn daih dawn nia",

"A ngai lo, insawn lo ang", ka lo ti thuai, "Nakinah, kan la inmil mai ang, hrehawm ka ti chuang lo, a tur ve reng, kan tawn tur ve reng alawm a nih", ka ti a.

Hrehawm tiru viau mah ila, chumi vang ngawta hmun danga awm ka duh lo. "Nautê, ka tihpalh lutuk, nuam deuhin i awm thei si lo a",

"A ho lutuk, ka bulah i awm a, nuam ka ti lawm. Bakah, nautê tia min koh hian nuam ka ti zual", nui varin ka ti a. Ka zak chu, darthlalang tithlain pawn lam ka hawi daih.

A nui ri hak pawh ka hria, "Nautê, min hawisawn san daih a, nuam ka ti miah lo nia", a lo ti a. Pawn lam ka en lui ngar ngar. In kan thleng a, ka chhuk san daih.

"Lalte, min lo nghak rawh", in chhungah ka luhsan a, min lo umpha tho. "I induh dawn tlat", ti supin, min pawm kâng a.

Khum chungah min nghat chawrh, ka bag kenin ka vua a, "I induh dawn ai chuan, nautê tiin ka ko tawh miah lo ang che",

"I sual a nih chu, History bawm lian", ka ti hlak a. Ka hmui ka tisawi niah niah. He hmui tihsawi ṭangkaizia ka hria. Min fawp nghal vat, ka tih reng kha.

"I hmui hi hman ṭangkai hun i hre riau", ti supin, min fawp leh ngawng ngawng. Ka hlim tih bakin ka sawi thiam lo.

A hmaa ka pu kha, a lo kir leh taah ka ngai. Min thlahlel a, min ngaihsak êm êm ṭhin tu kha!

"Nautê, ngati nge i ṭah?", hlauthawng zet hian a ti a. Ka hlim thu ka hrilh chuan, "I hlim tak tak maw?", a ti sup a. Ka bu nghauh nghauh.

A rinphak bakin ka hlim, "Tunah hian, a la theih em?", inthlahrun hmel tak hian a ti a. "Eng maw?",

"Pass zan mi kha", ka âwmah a hmai a phum nghal hmak. Ka nuih sun sun a, a muhil leh daih lo ang tih pawh sawi theih loh.

"I muhil leh palh ang",

"Muhil tawh dawn lo, ka mut a chhuak lo", a ti sup sup a. Ka âwm nawr chap chapin, "Maw?", ngen ngawl zet hian a ti a. Ka luhlul ka chhuah ve tlat dawn mawni.

"Ka nautê, ka nautê duat, ka nautê hmelṭha", ka hmui a fawp zuk zuk. "Pass zan a pel daih tawh sia", ka ti chu, "Maw?", a ti leh.

Ka en a, ka nuih var var, naupang ang chiah chiah. A hmel a intikhawngaihthlak kual tir vel a, "Doctor vang bawk em ni, kan hrilh a nih loh chuan, a hre dawn hleinêm", a ti nang nang.

A tawpah, ka bu zeuh a, "Yess", a ti nghal. A kâ ka hup sak vat, muangchangin ka kut ka la thla a, "Ka nautê duat hmelṭha", min piai vak chungin a ti a.

Beng hlakin, "I tenawm lutuk", ka ti a. "A nawm phah lawm", a la ti zui. "Takah, inthlak leh rawh, ka inthlak dawn i tih khan, ka hmu hman si lo a, inthlak leh la, i inthlak dan ka hmu duh", a ti dap dap a.

"Ka duh tawh lo",

"Ngati, ka hmu duh lawm, pyjama kha i ha leh dawn nge, nge ni a, thildang zawk?", ka thaw halh ringawt.

Ka ha zak tawh asin mawle, mahse, zak chung chung pawhin, ka ha leh mai a niang chu.

Ka meng diar diar a, ka puin min lo thlir vang vang. "I harhna rei tawh em?", tiin, ka zawt ringawt. Ka mit ka chhing zui leh daih a, ka la chau lutuk ringawt. A chau ve lo nge mawni dawn.

"Nautê", ti pahin, min nawr leh chap chap a. Ka lo namsawn, "Pu, ka chau lutuk", ka ti sap a. Men pawh ka meng ṭha thei lo a nia.

Ka taksa a chul kual riak riak a, a va han luhlul ṭha tak. Ka taksa a deh tawh chuan, ka hnar rei thei ngai bawk si lo.

"Ka kham thei thlawt lo che, nizanah lah i nalh si",

"I tenawm a nih chu ah", ka ti hlak a. Engah mah ngai lo ni awm takin, a nui zui hak. Engah mah a ngai lo tak tak.

"Nautê, âw nalh deuh kha tichhuak leh rawh aw", ka hmui a khar nghal hmak.

Zawi zetin, gas bulah ka ding a. No engzah nge cooker-ah ka thlak pawh ka hre lo. Tukin erawh, kan rualin ka nu chaw a lo ei a.

Ka nu pawh hi, ka thiam lo lo chuang lo. A remtih puina tel loin, ka lawi lut ringawt a, min hua pawh nise, ka dem chuang lo. Mo duhzawng te chu, kan nei ṭheuh a.

Ka pu nen, huanah kan kal a, ka vawikhat kalna, a hmun a zauin a nuam êm êm a. Thlam pawh a ni lo, in pangngai chiah chiah hi a ni mai.

"Hetah hian, awm daih ang hmiang",

"I ti awm lo êm mai",

"Nuam i ti zawk daih ang", a lo ti khauh. Huanah ka kal a, thei chi hrang hrang kung a awm ṭeuh a. Chubakah, Zawngṭah kung te la awm zui!

Mahse, enkawl ṭhat loh tih hriat lutukin, huan chu hnim hlirin a khat a, rul a awm ka hlauh avangin, a fai laiah bak ka kal lo.

Ka nu te kha, an kal ve foin ka hre sia, hlawhfa chhawrha thlawh tir tur a nia. Kan haw hunah, ka pa bulah ka sawi ang, a nih loh pawhin, ka pu bulah hian sawi ta mai ila, a ṭha zawk mai thei.

"Lalte, Lalte",

"Eng nge?", hlauthawng zet hian ka ti lut a. A inhliam emaw ka rin tehreng nen, a lo him pial.

"Hei hi, eng nge awmzia?", ka phone min hmuhtir nghal. Nga-ki hnena, Ziri leh ka Doctor hmuh ṭhinin min phiar ni ngeia ka rin thu ka hrilhna lek niin, a lo hmu vek!

"Ih, ka pu", ka ti zawi sap a. Ka phone lak ka tum a, ka kut a lo vai sawn. "Ka pu, engmah a ni lo a nia, keipawhin ka hrechiang bik lo",

"Min lo zui rawh", ti hlakin, min kalpui nghal dawr dawr. Chak zet hian a tlan a, ka ṭawng chhuak ngam tawh lo reng reng.

Damdawi in ka hriat ngai loah dingin, lehkha eng emawni hi a la chhuak bawk a. Damdawi in chhungah min kaiin, min kalpui leh dawr dawr.

Room pakhatah kan lut a, Ziri leh Doctor dang an lo awm luih luih. Ka pu chuan, vin zetin chhuak vek turin a ti a. Ka lo ip chawih chawih.

A hlauhawm lutuk ringawt. Ziri tih loh chu, an chhuak ta sap sap hlawm a, ka pu an hlau tih hai rual a ni lo.

Ziri hmaah min dintirin, "Ngaihdam dil rawh", a ti hlak. Ka chil ka lem dâwk ringawt.

"Engvangin?",

"Ngaihdam dil la, i tan a ṭha zawk ang",

"Dil chhan tur ka nei lo", Zirin a tih chuan, "Lalnunzir", tiin, a vin nghal tuarh. Ka phu nasa lutuk a, ka lûng a phu dup dup nghal!

Ziri khabe hmer nghal vatin, "Ka hrilh tawh che kha, ka hmangaih chanchin a chhe zawnga i sawi ṭumin, i lei ka pawt chhuak hreh lo ka tih kha. Tunah, a mittui i ti tla a. Ka palzam theih i ring em ni? Tunah, a tawp nan, ka hrilh lawk leh ang che, i tibuai leh a nih chuan, he lehkha hi, Police ho ka pe tawh ang. Vawi tam, dan phal loh tih hre reng chunga, nau i tihtlak sak tih finfiahna a nih hi", ka puin, a tih chuan, ka khur ringawt!

"Nautê, i ṭha em?", ka bu nghauh nghauh ringawt. Nau titla tih khan, min nghâwng nasa lutuk.

Keiin, ka naupai min paih sak lo tura ka ngen ṭawk ṭawk laiin, a ṭhenin, ka ngaihtuah ngam lo zawk.

"Nâtna hi, infiamna a ni lo a nia. Ka pa brain tumour anga chhuah in lo tum thul", ka pu hnungah dingin, ka pu kut ka hmer ngawt ngawt.

"A tawp nan ka tih kha, a dawt leh a awm a nih chuan, thuin ka sawi mai mai tawh lo ang", a ti fiak ṭhak a. Room aṭang min chhuah pui zui nghal.

In thlen hma chu, kan ngawi dun reng a, ka puin ka kut a rawn vuan leh zeuh ṭhin. In chhungah kan lut a, ka ṭap chhuak nghal hawk.

"Nautê, a pawi lo reng reng, i duhtawkin ṭap rawh", damdawi min ei tir nasa lutuk a, naupai thei lo tura ka chhiat vek ka ring tawh. Ngati nge, ka chungah an nunrawn êm êm mai le?

"Pu, ih, ih",

"A tawk, a tawk, ṭap chung chuan engmah i sawi dawn lo nia",

"Ih, in mudun angin a sawi a", ka ti chu, ka hmui a khar nghal hmak. "Engtikah mah ka phatsan ngai lo ang che, ka nautê duat i nih kha, engtin nge ka phatsan theih ang che", ka mittui a hru tawk tawk a.

Mittui kar aṭang ka en kiau mai, "Min la hmangaih em?",

"Engtiklai pawhin, ka dam chhung zawngin, ka hmangaih ang che. Aww, ka nautê, min ngaidam rawh. Ngati nge mawni, min ngaihdamna tur thil ka tih reng mai le, keimah chauh ka inngaihtuah luatah, ka lo ngaihsak tawk lo che a. Mahse, nautê, i pasal ka ni a, engkim min hrilh tur i nia sin, i pasal ka nihna angin, i engkim keimsh chsuhin ka hre tur a ni, midang ni loin",

"Ka tihpalh",

"A pawi lo, tun aṭang chuan tumahin min tibuai tawh lo ang. Kan pahnih chauhin, kan pahnih chauhin, aw, kan pahnih chauhin kan ni tawh ang", a ti dap dap a.

Tunah chuan, ka thla a muangin, ka hahdam thei ta, ka thaw huai tawh mai!


Show post links
Top