Keima Pu: Sir Sawmtea
Chapter-13
Ziaktu: Cck Lalchhuanawmi
Tumahin min hrilh ve lo a, group en lo min ti daih a, ka zir lo tluan ṭhak ang a, Chawlhniah pawh ka inkhawm dawn lo.
"Hey, ka pu hi Aizawl mi lawm, Kolasib a ni reng reng lo",
"Awihawm lo ee, Kolasib lawm",
"Tuin nge sawi?", ka ti a. Hruaiin, "Awmpuian a sawi", a lo ti a. Dawt a nih thu ka sawi leh. An awih lo nasa mai a, "Veng khatah kan awm a, ka sawi hi awih rawh u", ka ti a.
An pahnhihin an nui hak hak, Awmpuia an zawh ṭhat tur thu an sawi a, zawt ṭha turin ka ti ve leh. Thudik lo hi chu, a dika hnawhkhah zel tur.
Line-up chhung zawng pawhin ka pu ka hmu miah lo, ka zawng ru deuh reng a, mahse; a lo inlan thei lo reng reng.
Ani hi chu, line-up apiangin a lo tel ve ziah a nia. School a rawn kal turah ngai phawt ila mawle.
"Engtikah nge pr an pek chhuah dawn?",
"Thursday-ah a niang a", ngaihtuah rauh rauh chungin Zamin a lo ti. "Vawiin hi i va cool em em, ngati nge?", min beng hlak chungin Hruaiin a ti a.
Ka dar ka chhin hak ringawt, tlem chuan ka cool ve deuh a ni e. A harh ṭhat theih reng bik lo a. Dawhkan bawhin muthilh ka tum a, nimin chauhah answer paper an sem a, engvak mah kan zir chuang lo.
Ka zawi ngawih ngawih mai chu ka hrethiam ta bik lo, lunch ei pawh ka phur lo lulai lutuk. Eng nga tinge mawni?
"I rilṭam nange?",
"Ṭam loin ka hria", thaw halhin ka ti a. Ka chau zawr hnâp hi ni mai. "Vawiin hi i chiang lo e, nizan i mu ṭha lo mi?", Hruaiin a ti zawi sap.
Mut chu ka mu ṭha reng, "Mu ṭha, mahse; ka chau", ka ti chuai raih. "Rilru hahna i nei em ni? Rilru hahna kan neih chuan ka taksa te hi a nghawng ṭhin a nia", chaw hmuam pung chungin Zamin a lo ti.
Chaw hmuam pung hian thudik deuh deuh a sawi ve ziah lehnghal. Rilru hahna ka nei chiang a ni, eng nge ka rilru hahna chu ni ta ang aw?
"Hmunphiat tur te khan phiat tawh r'u, dar a ri ṭep a nia", Kimkimi a au lauh lauh a. Inhmu sakhi thei viau mah ila, a duty-ah a chiang tih a hriat ngawih ngawih.
"Canteen-ah kal ang u, cheng sawm ka nei", nui varin Hruaii chuan a ti a. A cheng sawm neih chu phawrhin a lek vâ vâ.
Basement lam aṭang kan kal a, chhuahna a awm vek tho a, chu zawng ai chuan, basement-ah hian darthlalang a awm a, hei hi basement lama kan chhuk chhan a ni fo.
Inen ngei ngei a ngai, keini ṭhian thum pawh inenin kan insiam ṭha hliau hliau a, a nuam ve thei tawp. Hmeichhia hi chuan darthlalang kan lo lawm a nih hi ah.
"Sir Sawmtea pawh, chhe lo hawr hawr lutuk", au hlutin Hruaiin a ti a. Ka en ve vat, "Huh, a chhe em mai ah", ka ti zawi sap a, Hruaiin min beng chawrh. "Khuang ka nih loh hi", ka ti nang nang.
Min beng chawrh chawrh ringawt zel mai, "A chhiat loh em saw, i mit kha en tir rawh", Zami pawhin a lo ti ve leh. Ka nui hak ringawt. Anmahni zawk hian an mit entir an mamawh zawk.
Canteen enkawltu te hian, nepnawi dawr ang kha an kalpui nghal a, ka ngaihtuah hian an hlawk ngawt ang. Zirlai kan ṭhahnem bawk a, Zirtirtu te pawh an ṭhahnem a, ni khata an lakluh pawh hi a tam ngawt ang.
"Eng nge kan lei ang?", ka pawnfena ka dah ṭhat ve reng, cheng sawmhnih ka la chhuak ve a, "Waiwai kha lei la, keiin lays saw ka lo lei ang, chuan kan mix dawn nia", Hruaiin a ti a. Zamin frooti lei ve a tum thung, kan indaih tawp.
"Teachers' Day a hnai leh tawh tawp, Sir Muana nge Sir Sawmtea hian pangpar dawng tam leh ang le?",
"Sir Muana chu, sang deuh kha maw?", ka tih chuan, Hruaii leh Zami an lo bu nghauh nghauh.
"Lock-down vel avanga school kan kal ṭha thei lo chung pawh khan, Sir Muana khan wish-tu a ngah tawp",
"Kei chu, Sir Sawmtea a nih ka ring zawk asin, Sir hi chuan engmah a sawi ve ngai si lo a, a status te hi chan(chang) char char a ngai, a up khat thei tak tak a ni. Thlakhatah hian vawikhat chauh status up ang a ni",
"Chu chiah, Sir Muana ai Sir Sawmtea hi hmelṭha lo zawk mah se, a mizia induh ve larh vang hian star tu a ngah ve a", Hruaii leh Zami titi siam siam chu ka lo en mawl tawp a, ka lo ngaithla kar ringawt.
An phur sur sur mai bawk sia, kei chuan Sir Muana hmelṭha ka ti daih zawk. Mahse, ka sawi chhuak kher lo ang. Sir Muana pawh a la tlangval a, a sang ṭha si, ka pu aiin a naupang zawkin ka hre tlat pek.
Mahse, ka pu ka duh tho tho, Sir Muana hmelṭha zawk mah se. Ka pu ka phatsan thei lo, ka zak lo ka inti em mai ah!
"CR, Sir Sawmtean a ko che u Office-ah", ngaihtuah mek laiin Sir Muana chu a lo au lang lang. Kimkimi leh Hmangaiha te an chhuak a. Engtak chu ti ang maw?
A hnu rei vak loah paper pawm ṭun chungin an lo lut a, Kimkimi leh Hmangaiha bulah chuan sem turin a ti nghal.
"Kum 2010 aṭanga kumin inkar Boar question ho a nih kha, khang ho kha in thiam vek chuan, in pass ngei ngei ang. Question study thiam hi a ṭangkai ve riau", ka pu chuan a ti dap dap.
A peih mai mai e, question lakkhawm vak rikngawt. "Sir, kan chang ve lo", inthlahrung deuhin Zamin a ti a. "Tu nen?", ka puin a lo tih leh chuan, "Hruaii nen", Zami bawk chuan a ti a.
"Nangni chu, nikumah ka pek tawh che u kha, ka print out kep lo che u", ka puin a lo ti. Zami a ṭhu tau nghawng a. Ka khawngaih reuh lutuk.
"In neih tawh loh chuan naktukah ka lo ken dawn che u nia", nui suk sukin ka puin a ti a. Hruaii leh Zami zak lutuk, nui kur kur ho haw(hua) ngam chiah si lo lai vel chu, a hmuhnawm tho rualin ka khawngaih bawk si.
Ka pu pawh, a sual thiam reng reng e. Ka question paper chu zah zelah an thlek kual ta vel mai mai.
"Question ho kha en ula, a har miah lo a nia, a har awm chhun chu mcq kha ni mai. Tun exam-ah pawh mcq-in a tlakpui che u, texbook in chhiar ngai lo tih a hriat. Baby-i chiahin a tiṭha", Baby-i lama thle bakin ka pu chuan a ti a. A kiai deuh sak lehnghal, ka pen ken laia va vawm chawrh ka nâp lutuk.
"Mcq-ah zero hmu in awm, Setana mualpho nan lo inpuang rawh se", ka va han inpuang awm lo tak. Min lo melh zawkin a khi suk. Ka inpuang dawn lo rapthlak, nge maw har deuha a set khanglan.
Tum bur chungin in panin ka kal chharh chharh a, "I va hmanhmawh ve", ka ṭhen sawk. Ka lu leh hnung hi chu, khuang ni tak tak sela chu aww, a chhe tawh ngawt ang.
"Ka thluak function ṭha lo turin i duh em ni?",
"Vin vak vak suh, i thinchhe lutuk", a ti zawi sup a. Ka nui chhuak hawk. Nâ lutuk maiin a nihliap kenin ka lu a khawng a, vin min la ti zawk mah.
"Ka vin loh i duh chuan min khawng tawh suh, nihliap lehnghal, i tiawm anglo thei lutuk", ka ti nang nang. Ka mittui te an hnâm chhuak, a nâ ve em bawk a ni.
"Lalte, ka tihpalh", ka lu chul hliau hliau pahin a ti dam thlup a. Thinrim reng ka tum tehreng nen, chutia dam deuha a tih takah chuan ka zaidamna zawng zawng an lo haw khawm leh vek. A van mak tak!
"I sual e", ka tithla ringawt. "Engvang chuan maw? E, vawiina Hruaii leh Zami ka fiam dan kha mi?", inngaihtuah fe tih hriat lutukin a lo ti chhuak a.
A sual ka tihchhan a ni tawp si lo, "Ka sawi peih lo zawk e ah", ti hlakin, kan in awmna veng bik pan chhona kawngah ka kal nghal nal nal.
Ka hawi let a, a la inngaihtuah zui zel a niang, muk fe hian a kal nul nul. Ka nuih sak a, a sual ka tih chhan chu Hruaii leh Zami, class-a a fiam dan a ni tawp si lo.
Induh khum ka tum ve deuh a nia, mahse; amah zawk hian induh khum hlei thei loin min siam zel zawng a nih hi.
Zawm tura min hrilh te lah kha, zawm apui ka neih awm pawh ka la hre lo, khatiang mai mai a ho e. Kei aiin, U Maria-in a tibuai hneh fe zawk.
"Vawiin School lam chanchin eng nge?",
"Chanchin han sawi tur em em pawh a awm lo, ka cool nileng ṭhak",
"Ngati nge a?",
"Ka hre bik lo, a mak tawp. Lungngaih deuhna tur te hi ka tawng dawn a niang", ka tih chuan, "Chutiang a awm thei lo, cool chang te pawh kan nei ve ang chu, a hlim reng theih bik lo lawm", Nga-ki chuan a lo ti a.
Ka thaw huai huai, ka ṭhiana chungah ka lawm thlawt. Lehkha zir pawh rilruah a lan loh em avangin ka mu daih a.
Ni tak e, naktuk zanah kan group hla zir a ngai tak, ka kal ve duh ang em le?
Kan Marka group-ah chuan ka lut a, tun Chawlhni lo awm tura, ṬKP Fellowship naah kan group kan zai dawn a, chumi atana hla zir tur leh hla zir hun tur te pawh, ka puin a post chu ka chhiar malh malh a.
Kan hla tur lah ka hriat ngai mi a ni hauh lo zui, youtube link an lo dah chu ka ngaithlaa, 'Lalpaah lawm la, a zahngaihna vang chuan' tih ka han ngaithlaa, ka hla hriat lutuk a lo ni.
Ka hre lo chu a nia, he hla te chu Pathian hlaa ka duh ve ber a nia. Kristian Hlabua mi ngei a ni zui.
Zir min tichak a, rem min tichak zual tawlh tawlh. Ka titau laklawh ve tawh bawk si.
Mittui tla ṭeuh chungin hla chu ka ngaithla ngawt ngawt ringawt. Ka pu thla ka hau char char.
"Bawihte, i dam ṭha em, I va nawmsam loh hmel em em ve?",
"Dam chu dam ṭha, ka chau ve deuh aniang", ka ti a. Ka nuin ka hnung a lo beng thek thek.
"Chau ve tur pawh i ni, keinin lehkha zir ṭha turin kan tur sek che a, kan huat vang che a ni miah lo nia aw. Chung zawng ai chuan, i nui hmel kan hmuh loha, i ṭawng lang lang ri leh i inhlei thawm hriat tur awm loh hian hrehawm kan ti zawk tih hria la aw", ka lo bu nghauh nghauh.
Ka nu thusawi chuan min fan raih raih, a ril lutuka ka hrethiam lo ṭep zawk. Ka lung te lam a chhe dawn.
Chuti a nih chuan, ka nui reng ang a, a ni mai lawm. Keimah avanga ka chhungte an hlim dawn phawt te chuan.
Nui var varin alu kawr ka vel a, ka nu thusawi khan min thlamuana, min tihlim veng veng.
"In awm maw?",
"Awm", ka lo ti a. U Oscar-a a lo lut hlawl. "Ka u te an awm lo", ka lo ti var a. U Oscar-a a ner sawk. "Nangmah kha, ka lo len chhan i ni", min la ti zui.
Chair pawt chhuakin ka hmaah a ṭhu a, hla zir tura ka kal loh chhan min zawt. Kan group-a a awm ve loh thu ka lo hrilh khauh a, "Sangin i zir lo a ti a, zaninah chuan i zir ve a ngai", U Oscar-a chuan a ti a.
"Ka hman chuan ka tum dawn nia, a thuhrimah i van fel tak, kan group mi te chuan min sawmna chang pawh an hre lo", ka ti nang nang a. A nui hak hak.
"Group-ah an post vek a, kal tawp mai tur lawm, leader-te sawm kher ngai lo pawhin, Pathian vangin tia kal mai tur, kan leader teah hian kan phut sang ṭhin lutuka, mihring ve tho an ni a", U Oscar-a chuan a ti dap dap.
"Camp luh ka peih miah lo nia", ka lo ti zawi sap. U Oscar-a chu a nui chhuak hawk hawk.
Chutihlaiin ka pa pawh, a zing ṭawngṭai inkhawm kal a lo haw a, lo haw nghal lo hian a lengkual hrep zel.
"E khai, Sawmtea ina i lut lai ka hmu sia", ka pain a lo ti lut.
"Nia, ka awm rei phian asin, kei aiin i lo haw har", nui deuh tet tetin U Oscar-a chuan a ti a. Ka pa pawh a nui huah huah. A ni reng ang, ka pa hi chu a ṭhianpa nen hmun tin hmun tangah a leng kual dawn a.
"Sawmte chu eng nge a an zel?", ka pain a tih chuan ka hawi â hru.
"E khai, a taksa chu a dam a, a rilru erawh a dam lo a ni. Ṭhalai lamah nihna chelh te a neih vang hian, a kal ve hram hram hi a ni ber", U Oscar-a chuan a ti siam siam.
Ka bo tawlh tawlh, "A ni ve ang, chubakah, pawn lamah ṭha deuhin a inlantir hrâm hrâm a, a chhunglamah erawh tu'n kan hriatpui loh hian a buai ve thei ngawt ang", ka pain a ti leh a.
Alu ka vel zawh tawh avangin silfaiin ka chan leh mial mial a, an thusawi chu ka lo ngaithla ve kar. "I tidik chiah, ka han hnêm ve ṭhin tak naa, engmah hi a sawi ṭha duh si lo a, ka beidawng lek lek zel", U Oscar-a chuan a ti leh chharh chharh a.
Gas bulah dingin ka ngaithla kar, ka beng lah hi a vir si, mahse; ka pu chungchang ni lo se chu ka beng ka chhi reng peih teuh lo.
"Tunlai phei chu, amah chik tu tan hi chuan a chau tih hi a hriat ngawih ngawih", U Oscar-a bawk chuan a ti leh a. Ka pu chu ka lo chik tawk lo nge, a chau pawhin ka hre ve lo reng reng.
"A bialnu nen an inṭha ṭhen i ti maw kha, thildang vang zawk te hi niang a",
"Ka hre lo le, an inṭha ṭhen tih kha Sawmtea sawi dan chu a ni a. Engpawh nise, hmangaihna hi chu a mak a ni. A chhiat phah der chu a nia, ngaihzawng lam reng a ngaihsak tawh lo hmak a nia", U Oscar-a chuan, nihawi chi chip neuh neuh pahin a ti a.
Ka awm hmunah ka lo ṭang ṭung a, ka rilru a lo hah ve em em ringawt. "Maria-in a kherh nasat tehreng nen, han ngaizawng duh se a ṭhat dawn tehreng nen, Maria-i te chu, kan veng nula fel ber a ni asin le", ka pain a tih chuan, 'Inngaihzawn a ṭul lo' , ka rilruin ka lo ti.
"Sawmtea pawh ka hrilh ve nasa lutuk, aa, hmangaihna hi chu hmangaihna nge nge a nih hi ah",
"Nangmah hian ngaizawng daih mai rawh, Maria-i pawh a khawngaihthlak zawk", ka pain a tih chuan, U Oscar-a a nui chhuak hawk hawk.
A ṭha ngawt tak ang, U Oscar-a hian ngaizawng se, buaina pakhat a kiang tihna ni mai. A va nuam dawn tak.
U Oscar-a va biak ka tum ut ut naa ka ṭhulh leh. Ṭawngthei viau mah ila, puitling inbiak naa inrawlh hi ka duh lo ve leh tlat. Tlai mai ina.
Hallway-a ka pu kal ka hmuh chuan, amah tawk tur kherin class aṭang ka chhuak a. "Good morning Sir", ka ti zawi sap. Ka nui var mai bawk a, mak ti deuhin min en.
"I dam ṭha em?", ka chal dekin a ti a. Ka thaw halh, "Sir, ka dam ṭha lutuk", nui varin ka ti leh a. Ka puin a kut la thlain, hrilhhai zetin, "Morning", a ti ve sup a. Ka kalsawn nghal.
Ka khi vur vur a, khatia ka wish kha mak ti tur reng pawh a ni. Ka biak tawh chuan ka ri hlut ve zel bawk nen, mak a la ti tawlh tawlh dawn alawm.
"BTS tuai",
"I ṭawngthei mang e",
"Khawvel mipaah an tuai ber",
"Ka beng ang che", mipa leh hmeichhe ho inhnial ka en khi vur vur. An inhnial pang pang hlawm mai ni.
Ka pawi an sawi ve lo a, ka inrawlh ve peih lo. Inrawlh ve erawh ka chak zet zet, nakinah ka la inrawlh ve ang.
"Het, het, het", ka puin a lo ti lut a, ka phu zuk!
"Eng thu leh hlaah nge in lo inhnial a?", lectern-a innemkhalhin a ti a. Min la ṭhuttir loh avangin kan la ding reng.
"BTS tuai an ti a nih kha", an tih chuan ka pu a nui hak. "Aw le, period zawh chiah hi break a nia, in inhnial chhunzawm dawn a nia", kiai deuh sakin a ti a.
Min ṭhuttir ta nge nge, tlar hma bera kan ṭhut nî a ni bawk a, a hmel chu chik deuhin ka han en ve a nih kha, U Oscar-a a chau a tih chu ka hrethiam ve lo reng reng.
"A nâ", ka rak ṭhat a, ka chal ka dawm vang vang. "Ding rawh", a ti ram hmak a. Ka ding chiang lutuk. "Lecture pek laiin khawiah nge i lo awm?", âw hlauhawm lutuk hian a ti a, ka chil ka lem khawlh.
"Class-ah", hlau chung chungin ka ti a. "A nih, koh i va hre thei lo ve", a ti leh hmuk. "Min ko maw?", ka ti hliai a. Min koh pawh ka hre lo reng reng.
"Khatianga i awm leh dawn ai chuan, class aṭang i chhuak tawh ang", a ti a.
"Tunah ka chhuak thei em?", ka ti chu, thip lutukin min lo melh nghal. Ka hlau nge hlau lo pawh ka hre tawh lo.
"Tikhan ding reng rawh", a ti hmuk a. "Peih lo e", ka ti sap. Ka hawisawn daih nghal avangin ka puin engtin chiah nge min en ka hre thei lo.
Ka pu chu, chik deuhin ka en leh a, a chauh hmel ka hmu ve thei lo chu ka thinrim tawh. Ka thaw hawk a, ka pu a lo hawi a, ka hawisawn lehnghal daih.
Engtinnge, U Oscar-a khan hmel enin a hriat theih bik le, a mak e.
"Dindin?", Hruaii chu phawk deuhin ka en a, "Sir khi", zawi sapin Hruaiin a ti leh. Ka pu chu ka en a, min lo melh ralh mai.
Min ko leh ang a, ka lo hre leh pek lo a ni ngei ngei ang. "Khawi hmunah nge i lo len kual a?", ka pu chu ka en mawl tawp a, chhan tum pawhin ka khawsa lo. Ka'n tithinrim teh ang.
"Min lo en kar rawh", a ti sup a. Ka lo bu zeuh. Ka en kar ta a, ka nuihza lutuk chu ka nui chhuak hawk. Ka hmui ka hup rang lutuk. Vawiin kan awmdan chu a romantic lo ve chiang e.
"Naktukah kan chhunzawm dawn nia", ti supin a chhuak zui a. Ka ṭhutnaa ka ṭhut rualin, "Sir Sawmtea nen hian in inbakkaih thei e, eng nge in awmzia hi?", Hruaiin a lo ti nghal.
Lu thing nar narin, "Thil te te a awm", ka ti sap a. "Maw?", Zami leh Hruaiin an ti hluai. "In bengchheng", ka ti hlak a. Min lo hnaih nghal sauh sauh.
"Ka ti mai mai nih kha", ka ti a. Awihlo deuhin min melh kha kha. Ka hui pap a, ka ṭawngthei lutuk hi chu, a pawi ṭhin mang e.
Hla zir turin ka insiam a, ka thu ka zûk leh ang, ka zir ve ang a, ka rem ve dawn chiang lutuk. U Oscar-a khan a sawi dik chiah, min sawm kher phut tur pawh ka ni lo, keimah ngei ka pen chhuah ve a ngai.
Zanin chu inkhawm banah, Biak inah zir nghal tur a ni a. Inkhawm ngei ngei a ngai tihna, Nilai zan inkhawm ngai lo khan, ka han inkhawm ve dawn ta chu nia, a ropui khep khep teh e.
"I mu nasa thei lutuk, inkhawm pawh i ang lo", Biak in aṭanga ka chhuah ve leh ka nuin min hau nghal.
Ka la ham bai bai, ka duh vang pawh ni lo, inkhawm lai hian, in ai mahin ka mut a chhuak zawk ziah.
Hla zir tur ho chauh Biak inah kan awm tawh, inkhawm ve lo, mahse; hla zir tura lo la kal tur te kan nghak a. Biak in kawtah kan inpel suau suau.
"Eng nge i lo tih?", ka lu ka sawm a, ka ṭhen sak sak. "Ah, ka lu hi khuang a ni lo", sehchilh nawkin ka ti a.
Ka hawi chhuak a, min en chhuk run. Ka hmu ve ta chiah bawk, a hmela chauhna leh buai ru tak!
"Ka pu, i ṭha em?", ka ti zawi sap a. "I kut min lo pe teh", ti supin, amah zawk chuan ka kut a la a, "Ka sawi kha i la hria em, Zirlai i ni tih hre reng turin ka tih che kha?", thaw halhin a ti a.
"Ka hla duh deuh kan rem dawn sia, ka tel ve duh alawm", ka ti nang nang. "Khati khan i hmui tisâwi tawh suh", a lo hmuk.
"I sual e ah", ka ti ṭiau. "A ṭha e, hla i zir ang a i rem ve bawk ang. Mahse, tun bak hi chu a ni tawh tur a ni lo", a ti a. Nui varin ka lo bu nghauh.
Kan kim thawkhat tawh avangin kan zir ṭan ta a. Kei chauh lo pawh, zanin chauh aṭanga zir te pawh an awm.
Ka hla duh a ni bawk a, a thlûk ka tihdik loh avanga min hauh pawhin ka thinrim lo. Ka pu lahin, a ruka nui chungin min en kur bawk a.
A thu ho lah hi, a order thei si. Englai pawhin Zirtirtu ang hian a awm ziah mai.
Chawlh kan nei a, ka dâng a roin, ka hrawk a nâ vek thei. Tui kan in khawlh khawlh a, "Dindin, min lo thlit ve nghal teh", Sangi chu âw thian kharh kharhin ka bulah a lo ding.
A ṭang bawk a, kei aiin a hrawk a nâ zawk ang. Tui ka pe a, a in khawlh khawlh. "Min lo sawm tur che alawm", Sangin a tih chuan, "U Oscar-an tukinah min counselling hrep a", ka lo ti. Sangi chu a nui hak hak.
"Ruah hi sur lo hram se", Sangin a ti zo chiah tihah khawpui a ri nghal. Inenin kan nui ringawt. Nihliap ka keng tho a, ka lungngai lo.
U Zirin Sangi a lo koh avangin keimah chauhin cooler bulah ka ṭhu a, Nga-ki nen kan intext char char.
"Dindin?",
"Awih",
"Hei hi u Sawmtea min lo pek sak lawk mai, Biak in chhungah a awm aw", Muanpuia chuan a ti a. Ka lo ban ve mai.
Ka ding hluai a, pên ka tum chu ka pu phone a lo ri. 'Duati' tih a ni a, ka rilruah 'Christina' a lo lang nghal.
Khûr ru dar dar chungin ka pick-up a, ka bengah ka dah hnai, "U, khawngaihtakin Christina kha be tawh suh, helamah amah avangin kan mualpho nasa lutuk. I hmangaih tih chu kan hre vek, amah avangin i nâ tam tawh bawk. A duh duha a tihkual theih che i ni lo, Lungleiah a fanu leh a pasal kalsanin a lo kal tih ka hria nia, i hmangaihna kha dah ṭhain, i mihring chhia leh ṭha hriatna hmang khan lo hnar ang che, min chhang dawn lo tih ka hria, keimah zawkin call hi ka'n titawp ang e", ka bing muai muai nghal!
Ka ṭhutna ngaiah bawk chuan ka ṭhu thla leha, ka thu hriat zo chiah dawnsawn mai dan tur ka hre lo.
Hmanni lawkah Damdawi in kawtah kan inhmua, tunah, a fanu leh pasal kalsanin Lungleiah a lo kal maw? Chuan, ka pu nen hian an inbe tawh tihna a ni ngei bawk ang a. Ka nui hak ringawt. Eng ang hmangaihna nge ni ngai?
"E, Dindin, i la pe lo tiraw, keiman ka'n pe ang e", Muanpuia chu phone ka pe a. Amah avangin ka hriat duh loh thil ka hriat phah.
Zung turin bathroom-ah ka kal a, zung pawh an awm tawh lo. "Hla zir turin kal lo tawp ila ṭha tur", ti sapin, darthlalangah ka inen vang vang.
Ka inchhir hnuhnawh, ka puan bih ṭhain ka chhuak a. "Christina", tih thawm avang chuan ka ding dawt. Ka hawi phei a, bathroom aṭanga hla vak lo thim deuh laiah mipa ruangam ngei mai hi a ding a.
Tu nge a nih tih pawh ka hria, "Zanin chu ka lo kal thei lo ang", a tih chuan ka lo inhum ruh nghek ringawt.
Insangmar ṭung chungin ka kalsawn a, ka ṭhutnaa ka kir chuan Bible leh HlaBu ka ken ka pawm vawng vawng.
Ka rilru a lo nâ ve em em ringawt pawh chu ka duh lo lutuk. Ka buaina tur a awm lo a, ka rilru nâtna chhan tur pawh a awm lo asin le.
Ka biang lum thla pap chu ka hru tawk, ka inhaw lutuk, hetiang mai maiah ka ṭap tur a ni lo.
"Le, ṭan tawh ang u le, zan a rei hmain", Biak in chhungah kan lut khawm leh a.
Mahse, ka rilru ka pe thei tawh lo. Ahming amawiin ka phun ve sar sar ringawt. Ka hahdam thei der lo lehnghal.
"Dindin, U Sawmtea nen inngaizawng tih tinge i sawi loh?",
"Eng a?", Sangi chu mak ti deuhin ka en.
"Mahse, a pawi lo, U Maria-i ai chuan ka duh zawk che. Hey, ṭha takin enkawl ang che", Sangi chuan a ti leh. An in penna kan thleng a, "Kan inngaizawng lo reng reng, i hresual a nih kha", ka tih pawhin a ner sâwng ringawt.
"Phone-ah mi a biaa, 'Laltei nih kha, ka bialnu ka tih chu' a tih ka hria lawm. Zun in bulah khan dingin mi a bia alawm", ka âng zuau ringawt.
Hmanrua atan min hmang a ni maw? "Ka haw dawn, ka sawi kha, ka thinrim lo nia aw. 'Laltei' tiin a ko hnâp che a, U Sawmtea hi a che romantic riau, chhuah reng reng suh ang che", Sangi chuan min kawk zeuh a. Ka lo nuih sak ringawt.
Hmanrua atan min hmang a, ka nui chhuak hawk. A ṭha alawm, mahse; hmanrua mai mai atan chauh chuan ka inphal hauh lo.
Hmanrua atana hman mai mai chi ka ni lo tih ka hriattir khawp ang.
Show post links
Top
Keima_Pu:Sir Sawmtea BY Cck Lalchhuanawmi (Completed)
Keima Pu: Sir Sawmtea
Chapter-14
Ziaktu: Cck Lalchhuanawmi
Hmanrua atana hman mai mai chi ka ni lo tih ka hriattir khawp ang.
Zing ka thawh ve leh ka u Hlima ka call a, rei fe hnuah min chhang thei chauh.
"Bawihte, eng nge ni ta?", tep chuap chuapin a lo ti a. Ka khawngaih leh hnuhnawh. Mahse, information ka duh ang chu hmuh ngei ka duh.
"Tu ka pu chanchin maw?",
"U Sawmtea", ka ti a. "Ngati nge ni a?", chhan ngaihna ka hre lo chu, ka ngawi tawp.
A tawpah, "U, ka hriat ve a ngai lawm, ka ṭhianten an sawi nasa lutuk a, dawt leh dawt lo a leng kual nasa sia, ka pu hi ka khawngaih", ka ti ta ngawt a.
Min hrethiam ta a ni ang chu, "A ṭha lawm, mahse; ka hrilh che a, i sawi leh vek dawn chuan Sawmtea tan a ṭha lo hlei hlei thei a nia", a lo ti a. Lungngai lo turin ka u chu ka hrilh.
"Sawmtea chuan, "Ngaihzawng neih kual duah ka peih lo, nupui neih tho tho a ngai dawn a, nupui nih duh chauh nena inngaihzawn ka duh zawk", a ti ṭhin a", ka u bul ṭanna chu ka lawm zawng tak. Ka nui var var mai.
"Chuan, engtin zel?", ka ti sap a, ka u chu a thaw ri hrawih.
"A vanduai ve thei hrim hrim, a palina atan Christina-i lah, hetiang hian a awm sia", ka u pawh chuan a tuarpui tih a sawi hmangah a hriat.
"U, ngati nge an inṭhen a?",
"Aa, inhmangaih tawn viau mah se, Pathian ruat an ni lo aniang. Christina kha, Sawmtea ṭhian ṭha deuh nen an chesual a", a tih chuan, damdawi in kawta mi kha a nih ka ring hmiah.
"An inṭhen lailawk tihna em ni?", ka lo ti thuai. "Ṭhen lailawk lo e, Sawmtea ṭhianpa khan Christina kha a lo duh ve sia, Sawmtea nen an inhmuhthiam loh ṭumin a lo thlêm ve a nih kha", ka u chuan a ti siam siam.
A manganthlak reuh e, "U, hman kumah a lo zin an ti sia, eng nge awmzia?", ka ti leh a.
"Ka sawi chu, inhmangaih tawn viau mah se, Pathian ruat an ni lo alawm. Christina kha a tlan a, Sawmtea lahin a lo hmangaih thlu bawk si, an inngaizawng ṭha leh a. A lo zin pawh chu, chumi lai vel alawm", thawk ka la kâwk kâwk.
"Sawmtea lah, a ṭhianpa lah khan a lo tibuai ve sek bawk a, chu loah, fa hial an nei tawh si a. Sawmtea khan a kal tir leh ta mai a nih kha", ka u hi ka ring a, dawt a sawi ka ring hauh lo.
"U, tunah hian Christina, Lungleiah a awm asin",
"Ka hria alawm, Sawmtean min hrilh a, kha leh chen lo hmangaih tawh chuan, lainat chin a nei a. A nun kawng hi a khirh ve a nih hi. Tunah hian, han pawm leh ngawt dawn pawh nise, an karah thil tam tak a tla zep tawh a, Sawmtea ṭhianpa lahin a kal hlen tir phal bawk si lo", ka u chu a hui pap pap a. Keipawh ka lo hah.
Ka mipa ṭhiante ring pumhlum lo tura min hrilh kha, a awmzia ka hrethiam uar uar tawh.
"Duh se la chu, nupui neih daih se a ṭha mawle, ka rawn ve fo ṭhin a, thu a awih duh tlat lo a", ka uin a ti nang nang. Ka pu pawh chu, ka khawngaih tho rualin, a nunhluia a cheng reng erawh ka dem ve.
"Ngati nge min zawh tak a?",
"Ka sawi kha, dawt nge thutak tih pawh hriat lohin an sawi nasa lutuk alawm", ka ti a. An sawi nasa pawh a ni lo, ka chhuanlam hriatchhun a ni ve miau a.
"Aw le, mahse Bawihte, i sawi tak tak reuh ang e aw. Sawmtea tan a zahthlak mai piah lamah, a tuar nasa tawk tawh a, i tuar tir belhchhah ang e", ka uin a lo tih leh chuan, lungngailo tur bawkin ka hrilh leh a.
Ka u nen ṭha deuha inthlahin, call kan titawp a. Rei vak lo khumah ka ṭhu ngawi reng.
Eng eng nge ka ngaihtuah pawh ka hre lo, a bing muai muai ringawt. Ka ngaihtuahna a harh thlawt lo!
"Sir Sawmtea a lo kal si lo a, a ai ka lo kal mai", Sir Muanan a tih chuan ka zawi hnawk nghal.
Zirlai pawh ngaihsak loin ka ngaihtuahna hmun dangah ka kal tir daih a, ka pu ringawt ka ngaihtuah.
Hmangaihna vangin a chau ngawih ngawih chu a ni sia, hmangaihna vang bawkin a tho leh tur a ni dawn lawm ni? Ngati nge, a thawh lehna tura hmangaihna chu a zawn mai loh le?
U Maria-in a duhna a lantir chung pawhin, ka pu zawkin a hnar char char a. U Maria-i ka ngeina pawh a bo vek tawh, ka pu zawk hi ka thiam lo zawk.
Hmangaihna tluantling lo turah a inham tang hrâm hrâm a, tlak dawp hun a la nei ngei ngei ang. Ngati nge, a ât em em mai le?
"Dindin, Dindin?",
"Aw, aw", ka ti hru a. Min nuih kur kur, "Break a ni tawh a nia", Hruaii chuan a ti a. Ka lo bu zeuh.
Christina bulah a kal a ni ngei ngei ang, vawiinah school a lo kal si lo a. Engtin tak chuan va awm ang maw?
"I cool leh tawh a nia", Zamin a ti nang nang. Ka nui lui sak ringawt, ka pu hian min vaw chau ka ti mai.
"Third year-i bulah ka'n ṭhu teh ang", ka bulah Hmangaiha a lo ṭhu thla nghal a. Dawhkan ka la bawh reng, ka hmaah Hruaii leh Zami an ṭhu a.
Hmangaiha chu enin ka mitko ka san euh euh. "I rilru a hmul e ah", a ti hmuk.
"Third year-i mood off kha han on sak teh", Zamin a lo ti a. Hmangaiha a nui hak hak. "Khati khan min ko suh u", ka ti zawi sap a.
Engahmah ngai loin min ko lui char char. "Hming i phuah maksak thei lutuk", Hmangaiha melh ralh chungin ka ti a, a lo ner sawk. Hruaii pawh a lâi ru tlata ka hriat chu!
"Ka pu", phelh phang hian min lo en a, a hmuihmul te a ṭo tawh vel, a tar buai mai bawk.
"In bang tawh law?",
"Eng nge i tih a?",
"CCTV hi a lo chhiaa, ka la thla dawn a nih hi", a ti zawi sup a. A lak zawh chuan, nui sangin min lo en. Amah vang hian ka lo chau ve vek.
"Ngati nge school i lo kal loh?",
"Emergency a awm thut alawm", a ti a. Awihlo viau mah ila, ka bu nghut ringawt. Dawt sawi a thiam lo e, Emergency awm thut thu a sawi laiin, a mit a tlanchhe char char.
Ka nu leh pa hmaah erawh, inthupin ka nui var var reng a, hrehawm ve tak chu a ni. Keimah avanga an lungngaih ka duh lo a, chutih rualin ka pu vanga ka rilru hah thu ka sawi ngam si lo, thil dik pawh va ni suh.
Nga-ki call pawh ka chhang lo a, message ka va thawn ringawt, tumah biak ka châk lo. Heti em ema ka chau ve ngawih ngawih hi ka inhrethiam lo.
Ka pu ka ngaihtuahna chuan min tichau ngawih ngawih, ngaihtuah loh ka tum pawhin a lo lut zel.
Ka uin min hrilh chin aia nasain a tuarin a nâ tawh ngei ang, ka ngaihtuah thiam lo. Tukverh bulah chair hungin, ka ṭhu a, ka ke hlangin ka khupah ka lu ka han nghat leh rih.
Thaw chhuak hawkin tukverh aṭang ka zuang chhuak. Zan a rei tawh avangin thawm eng pawh chhuah ila, a ring em em mai tawh.
Dim thei ang berin gate ka hawng a, Serkawn panin ka kal hlawk hlawk. Kawng hnuai zawkah chuan ka kal peng leh ta a, a tlanin ka tlan tawh.
Kawngka ka kik a, a vawi ngana velah min lo hawn thei hram. Ka hmaah ngawi rengin a ding a, min hmu chu mak ti hmel pawh a pu lo.
"Nangmah vang hian ka thu ka zûk nasa tawh lutuk", ka ti zawi sap a. Ka mittui a hnâm sawk. Induh khum ka tumin, amah bawkin induh khum thei loin min siam a.
Tunah, ngaihsak tawh lo tumin, hmanrua atana min hman avangin ka thinrimna lantir ka tum a, chu pawh, amah vek hian lantir thei loin min siam leh.
Ngawi renga dingin min en tawp a, a hmela beidawnna mai baka nâtna thûk tak lang chu, ka hmuh hmaih loh nasa lutuk. Tunah chuan, mi hmel pawh ka chhiar ve thei ta, chu pawh; ka pu vang bawk hian!
"Lalte!", ti chuai ruihin, a thaw chhuak hawk a. A kun ngaih, "Min mamawh em?", ka ti sap a. Min lo enin a bu nghut.
"Christ", a phun sar sar a. Ka kut a chelh nghet em em lehnghal. A lu ka chul hliau hliau a, a mittui luang thla ngiai ngiaite chu ka hruksak a.
A biang vela hmul ṭo siar siar te chuan, rilru hahna namên lo a tawk tih a lan tir a, a thinlunga hliam lahin a hmelah a lo lanchhuah tir bawk. A hma zawng aiin, 'ka pu' tia koh a phu hliah hliah tawh zawk.
A bulah ṭhuin, ngawi rengin ka en a. A changa, "Christ", a lo ti leh ṭhin te chuan, min khei ngawt ngawt.
"Ka pu, i dam theihna tur hmangaihna zawng rawh", keima hriat tawk lekin ka phun ve sar sar.
A muthilh ngheh deuh tawh avangin ka kut ka la sawn a, puan sin ṭhattirin room aṭang ka chhuah san a. Room kawngka ka hawng huai a, ngaihngam takin ka la kalsan thei lo.
Ṭhutthlengah ka mu kawm ngêk a, keipawh chu ka mittui a luang ngiai ngiai. A hma kha chuan, mi lungngaihna chu sawi loh, ka lungngaih ve chang pawh khan, rei lo teah ka hlim leh vat ṭhin a.
Ka hrethiam tawh bik lo e ah, puitlin kawng hi ka zawh ve ta tak tak ta pawh a ni mahna.
Ka taksa kang lâwp chu ka hre thei a, ka mit hi inchar ang maiin ka meng thei lo. Ka muhil zui leh mai a, ka mumang ni mai hian ka hria.
"Lalte", tih thawmah ka meng diar diar a, chiang lo deuhin ka pu ka hmu. "Ka pu", ka ti sap a. Ka biang a chul heuh heuh mai bawk nen, ka mut a chhuak leh dawn.
"Tho tawh rawh, i haw a hun", a sana bun bih zeuhin a ti a. Khua a var pawh ka la ring miah lo.
"Dar engzat?",
"Dar li", a tih chuan puanin ka inkhuh zui hmak. Puan a lo pawt hawng a, "Tho rawh, i haw a ngai", a ti hmuk.
"I ninawm to hlakin", ka inkhuh leh daih. Zingkar hma lutuka inkaihthawh te chu ah. "Tho rawh ka ti", ti pahin min tung tho nawlh. Ka hmaah a ṭhu a, ka melh ralh ringawt.
Ka la mu duh asin le, ka sam hnawk niaih chu a siam ṭha mawlh mawlh a, a hahdamthlak ṭhin mang e.
"Ka pu",
"Umm",
"A nâ lutuk",
"Eng chu maw?", hriatthiam loh hmel zet hian a ti a. "Ka thinlung", ka ti zawi sap. Bo tawk hian min en ngawt ngawt a, ka nui chhuak hawk.
A bo tawlh tawlh lehnghal, "Eng nge awmzia?", a ti sup a. A bo ee.
Chhan tuma ka ân zuau laiin a phone a lo ri, khum bula dawhkana awm phone chu a ban a. A chhan lawk loh avangin a bulah ṭhu hnaiin ka bih dek dek a.
"I chhang dawn lo em ni?", ka ti zawi raih a. Min chhang lo a, phone hmerin a en ngawt ngawt. A ri ral ṭhak a, a ri zawm leh, ka pu chuan chhang loin a rik tawp hun a nghak ṭhak ṭhak.
A vawithumna atana a lo rik leh chuan keimah zawkin ka chhang a.
"Laltei ka nia",
"Tu, tu maw?", a lo ti bah nawk. "Laltei, tun ang zing lutuka min lo call hi ka hrethiam lo, ka dah phawt mai ang", ka ti a. Mak chu a ti ve ngawt ang, zawhna tam tak a nei ngei bawk ang. Tun anga a lo call reng reng pawh, ka hrethiam bik lo.
"Haw tawh rawh", ka pu chuan a ti hmuk a. "A la hma em mai, ka mut a la chhuak", tia mut ka tum leh chu, min man bet chiang lutuk.
"I luhlul nge, i sual ve hrim hrim", a tih chuan ka ner sawk. "Khati khan i hmui titawh suh ka tih che kha", a ti chang leh fak. A thu lo em mai ah.
"Ka sual ve hrim hrim, misualnu ka nih hi", ka ti lang lang. "Nang, changtupa", nuih saihin ka ti a. A kut la thla riai riaiin a hmai a tuai puat. Engtikah tak, hahdamna hmu ve ang maw?
"A ṭha e, i haw a hun tihna nih chu, a tlai zel a nia", a sana bih leh zeuhin a ti leh hmuk. "I polite lo em mai, mahni bialnu te an hnar haw ngai em ni?",
"Eng maw?", a ti hmuk. Ka hawisawn daih a, ka nui tet tet. A hma zawng aiin a bo nasa. "Nang hi, i lo hria ni maw?", min kuai her lâwpin a ti a. Engmah hriat ka neih loh thuin ka lo chhang hmak.
A awihlo nasa tih erawh sawi lo mah se, a chalah a inziak kulh. "Aw, i haw thei", ti hlakin min pawh thawh a tum a, ka ṭang ve tlat thung. Chutih laiin a phone a lo ri leh a, Christina bawk a ni.
A hnung lam aṭang ka va kuah a, ka kut a lo man. A phone ken lai chu laksakin, amah zawk chuan a hma lamah min pawtin, a mal chungah min ṭhuttir a, ka âwmah a hmai a phum vang vang.
Phone ri chu ka reject zel a, a beidawng duh lo ṭhak lehnghal, ka mute daih nghe nghe. "I ṭha tawh em?", ka ti sap a. Muangchangin a lu a thing.
Tunah chuan ka hre ta, a damna tur hmangaihna zawng tura ti tawh loin, engvangin nge, a damna tur hmangaihna chu ka nih loh ang?
A sam karah ka kutṭang rawlhin ka ṭham tawn tawn a, a mal chunga ṭhu la ni mah ila, a taksa ṭang ṭung chu ka hre thei a. Chu chuan min tizauthau zawk mah.
Rei tawk fang ka nghawng a fawh dawk dawk hnuah, khumah min bawh thla leh a, a taksa ṭang ṭung chuan min do run tawh. "Lalte, ka tihpalh lutuk", a ti zawi sup a.
A mitmeng phili ruai chu ka hmuh hmaih lo nasa. "I bialnu ka nih hi", tiin ka fawp zeuh a, A nui chhuak hawk. "Lalte, ka tihpalh", ti leh supin min fawp a.
Ka kawr chhunga duhtawka a chet hnuah, ka dul a chul thla leh riai riai. Ka kekawr tlang a pawh chuan a kut ka man leh chawt a.
Min dil niawm tak hian, min fawp nghawng nghawng. Ṭam chhawl ang mai hian, a lei a chet kual hrut hrut a, ka ngaihtuahna a tibuai hneh e.
Muangchangin a kut ka thlah a, ka thlah tih a hriat ve leh a che rang ngang mai. "Hey, hey, ka tihpalh", bedsheet ka ṭham tawm nghek nghek ringawt.
A kâ lum ham ham chhunga ka âwm pâwng lai hmuam chungin, a leiin a tizâ ṭhin a, a chang leh a seh ner ner. Ka kâng leh awk ṭhin.
A kut pawh a thunun hneh a, pangngai taka thawk tumin ka bei ve fan fan bawk. "Lalte", hmui hnawm chep chawpin min en a, mitmeng phê ruaiin ka lo en ve bawk.
A nui suk a, "Ka hlim lutuk", a ti zawi sup. Ka nuih saih a, Kei chu ka chau zawr hnâp.
Classroom-a ka luh rual rualin dawhkan ka bawh nghal, ka chauh bakah, mut ka kham lo.
"Third year-i hi, a cool thei e", an ti lang lang. Third year-i min ti tawh, Hmangaiha vang vek.
"Ka cool lo, ka mut a chhuak", ti nang nangin ka inbengkang. "Ngawi teh, kha kha eng nge? ", Hruaii chuan ka nghawng a lo tawk dé dé.
"Love bite, love bite a ni, a ni chiang lutuk. Dindini, oh, Third year-in love bite a nei", Zami chu a au lauh lauh a. A hmui ka hup rang lutuk.
"A awihawm lo lutul, love bite a ni lo", ka ti a. A nih thuin min chhang lui ṭalh. Love bite ka neih chhan ngawt tur a awm lo.
"Bialpa i nei chiang", Zami bawkin a ti leh. Classroom-a mit zawng zawng keimahah a fu vek.
"Love bite a ni lo, a awm ngawt chhan tur a awm lo", ka ti a. Mahse, ka hre chhuak leh. Ka puin ka nghawng a fawh kha, hemi vang lek.a nih dawn hi, ka va thinrim tak.
Ka kutin ka hup a, ka zah ṭum ber a ni ang. "I va inthup thei em em", min beng hlak hlakin Hruaiin a ti lang lang.
Ka thaw halh halh, "A ni lo ka tih chu", ka tih pawhin an awih duh tawh lo.
Hetiang te, ka pu chu aww, ka hau ngei ngei ang. Sual lutuk mai, engtin nge maw ka hriat loh theih zawk le?
"Awi, awi, Sir Sawmtea ka hmu a, a fai sarh a, a chhe lo zual lutuk. A hmel a hlim vang bawk a, hmuh a nuam lutuk, hmuihmul pawh a nei tawh lo", Zorini a rawn au lut lauh lauh.
A ṭhen ka pu hmuh tum chuan Zorini hoin an chhuak leh. Ka awm hmunah ka lo tau ve ringawt.
A hmel hlim sarh chu a lawmawm zawk alawm. Zingah pawh, a hlim thu a sawi tak kha mawle, hlim reng rawh se.
A damna tura hmangaihna kengtu chu nih ngei ka tum ang. Min pawm nghal mai dawn lo tih ka hria, a chhan chu; hlauhnain a man tel tawh dawn tlat.
Mahse, min mamawh hun a thlena, hmun hla taka min zawn a ngaih loh nan, a bul hnaiah ka awm reng ang.
Show post links
Top
Chapter-14
Ziaktu: Cck Lalchhuanawmi
Hmanrua atana hman mai mai chi ka ni lo tih ka hriattir khawp ang.
Zing ka thawh ve leh ka u Hlima ka call a, rei fe hnuah min chhang thei chauh.
"Bawihte, eng nge ni ta?", tep chuap chuapin a lo ti a. Ka khawngaih leh hnuhnawh. Mahse, information ka duh ang chu hmuh ngei ka duh.
"Tu ka pu chanchin maw?",
"U Sawmtea", ka ti a. "Ngati nge ni a?", chhan ngaihna ka hre lo chu, ka ngawi tawp.
A tawpah, "U, ka hriat ve a ngai lawm, ka ṭhianten an sawi nasa lutuk a, dawt leh dawt lo a leng kual nasa sia, ka pu hi ka khawngaih", ka ti ta ngawt a.
Min hrethiam ta a ni ang chu, "A ṭha lawm, mahse; ka hrilh che a, i sawi leh vek dawn chuan Sawmtea tan a ṭha lo hlei hlei thei a nia", a lo ti a. Lungngai lo turin ka u chu ka hrilh.
"Sawmtea chuan, "Ngaihzawng neih kual duah ka peih lo, nupui neih tho tho a ngai dawn a, nupui nih duh chauh nena inngaihzawn ka duh zawk", a ti ṭhin a", ka u bul ṭanna chu ka lawm zawng tak. Ka nui var var mai.
"Chuan, engtin zel?", ka ti sap a, ka u chu a thaw ri hrawih.
"A vanduai ve thei hrim hrim, a palina atan Christina-i lah, hetiang hian a awm sia", ka u pawh chuan a tuarpui tih a sawi hmangah a hriat.
"U, ngati nge an inṭhen a?",
"Aa, inhmangaih tawn viau mah se, Pathian ruat an ni lo aniang. Christina kha, Sawmtea ṭhian ṭha deuh nen an chesual a", a tih chuan, damdawi in kawta mi kha a nih ka ring hmiah.
"An inṭhen lailawk tihna em ni?", ka lo ti thuai. "Ṭhen lailawk lo e, Sawmtea ṭhianpa khan Christina kha a lo duh ve sia, Sawmtea nen an inhmuhthiam loh ṭumin a lo thlêm ve a nih kha", ka u chuan a ti siam siam.
A manganthlak reuh e, "U, hman kumah a lo zin an ti sia, eng nge awmzia?", ka ti leh a.
"Ka sawi chu, inhmangaih tawn viau mah se, Pathian ruat an ni lo alawm. Christina kha a tlan a, Sawmtea lahin a lo hmangaih thlu bawk si, an inngaizawng ṭha leh a. A lo zin pawh chu, chumi lai vel alawm", thawk ka la kâwk kâwk.
"Sawmtea lah, a ṭhianpa lah khan a lo tibuai ve sek bawk a, chu loah, fa hial an nei tawh si a. Sawmtea khan a kal tir leh ta mai a nih kha", ka u hi ka ring a, dawt a sawi ka ring hauh lo.
"U, tunah hian Christina, Lungleiah a awm asin",
"Ka hria alawm, Sawmtean min hrilh a, kha leh chen lo hmangaih tawh chuan, lainat chin a nei a. A nun kawng hi a khirh ve a nih hi. Tunah hian, han pawm leh ngawt dawn pawh nise, an karah thil tam tak a tla zep tawh a, Sawmtea ṭhianpa lahin a kal hlen tir phal bawk si lo", ka u chu a hui pap pap a. Keipawh ka lo hah.
Ka mipa ṭhiante ring pumhlum lo tura min hrilh kha, a awmzia ka hrethiam uar uar tawh.
"Duh se la chu, nupui neih daih se a ṭha mawle, ka rawn ve fo ṭhin a, thu a awih duh tlat lo a", ka uin a ti nang nang. Ka pu pawh chu, ka khawngaih tho rualin, a nunhluia a cheng reng erawh ka dem ve.
"Ngati nge min zawh tak a?",
"Ka sawi kha, dawt nge thutak tih pawh hriat lohin an sawi nasa lutuk alawm", ka ti a. An sawi nasa pawh a ni lo, ka chhuanlam hriatchhun a ni ve miau a.
"Aw le, mahse Bawihte, i sawi tak tak reuh ang e aw. Sawmtea tan a zahthlak mai piah lamah, a tuar nasa tawk tawh a, i tuar tir belhchhah ang e", ka uin a lo tih leh chuan, lungngailo tur bawkin ka hrilh leh a.
Ka u nen ṭha deuha inthlahin, call kan titawp a. Rei vak lo khumah ka ṭhu ngawi reng.
Eng eng nge ka ngaihtuah pawh ka hre lo, a bing muai muai ringawt. Ka ngaihtuahna a harh thlawt lo!
"Sir Sawmtea a lo kal si lo a, a ai ka lo kal mai", Sir Muanan a tih chuan ka zawi hnawk nghal.
Zirlai pawh ngaihsak loin ka ngaihtuahna hmun dangah ka kal tir daih a, ka pu ringawt ka ngaihtuah.
Hmangaihna vangin a chau ngawih ngawih chu a ni sia, hmangaihna vang bawkin a tho leh tur a ni dawn lawm ni? Ngati nge, a thawh lehna tura hmangaihna chu a zawn mai loh le?
U Maria-in a duhna a lantir chung pawhin, ka pu zawkin a hnar char char a. U Maria-i ka ngeina pawh a bo vek tawh, ka pu zawk hi ka thiam lo zawk.
Hmangaihna tluantling lo turah a inham tang hrâm hrâm a, tlak dawp hun a la nei ngei ngei ang. Ngati nge, a ât em em mai le?
"Dindin, Dindin?",
"Aw, aw", ka ti hru a. Min nuih kur kur, "Break a ni tawh a nia", Hruaii chuan a ti a. Ka lo bu zeuh.
Christina bulah a kal a ni ngei ngei ang, vawiinah school a lo kal si lo a. Engtin tak chuan va awm ang maw?
"I cool leh tawh a nia", Zamin a ti nang nang. Ka nui lui sak ringawt, ka pu hian min vaw chau ka ti mai.
"Third year-i bulah ka'n ṭhu teh ang", ka bulah Hmangaiha a lo ṭhu thla nghal a. Dawhkan ka la bawh reng, ka hmaah Hruaii leh Zami an ṭhu a.
Hmangaiha chu enin ka mitko ka san euh euh. "I rilru a hmul e ah", a ti hmuk.
"Third year-i mood off kha han on sak teh", Zamin a lo ti a. Hmangaiha a nui hak hak. "Khati khan min ko suh u", ka ti zawi sap a.
Engahmah ngai loin min ko lui char char. "Hming i phuah maksak thei lutuk", Hmangaiha melh ralh chungin ka ti a, a lo ner sawk. Hruaii pawh a lâi ru tlata ka hriat chu!
"Ka pu", phelh phang hian min lo en a, a hmuihmul te a ṭo tawh vel, a tar buai mai bawk.
"In bang tawh law?",
"Eng nge i tih a?",
"CCTV hi a lo chhiaa, ka la thla dawn a nih hi", a ti zawi sup a. A lak zawh chuan, nui sangin min lo en. Amah vang hian ka lo chau ve vek.
"Ngati nge school i lo kal loh?",
"Emergency a awm thut alawm", a ti a. Awihlo viau mah ila, ka bu nghut ringawt. Dawt sawi a thiam lo e, Emergency awm thut thu a sawi laiin, a mit a tlanchhe char char.
Ka nu leh pa hmaah erawh, inthupin ka nui var var reng a, hrehawm ve tak chu a ni. Keimah avanga an lungngaih ka duh lo a, chutih rualin ka pu vanga ka rilru hah thu ka sawi ngam si lo, thil dik pawh va ni suh.
Nga-ki call pawh ka chhang lo a, message ka va thawn ringawt, tumah biak ka châk lo. Heti em ema ka chau ve ngawih ngawih hi ka inhrethiam lo.
Ka pu ka ngaihtuahna chuan min tichau ngawih ngawih, ngaihtuah loh ka tum pawhin a lo lut zel.
Ka uin min hrilh chin aia nasain a tuarin a nâ tawh ngei ang, ka ngaihtuah thiam lo. Tukverh bulah chair hungin, ka ṭhu a, ka ke hlangin ka khupah ka lu ka han nghat leh rih.
Thaw chhuak hawkin tukverh aṭang ka zuang chhuak. Zan a rei tawh avangin thawm eng pawh chhuah ila, a ring em em mai tawh.
Dim thei ang berin gate ka hawng a, Serkawn panin ka kal hlawk hlawk. Kawng hnuai zawkah chuan ka kal peng leh ta a, a tlanin ka tlan tawh.
Kawngka ka kik a, a vawi ngana velah min lo hawn thei hram. Ka hmaah ngawi rengin a ding a, min hmu chu mak ti hmel pawh a pu lo.
"Nangmah vang hian ka thu ka zûk nasa tawh lutuk", ka ti zawi sap a. Ka mittui a hnâm sawk. Induh khum ka tumin, amah bawkin induh khum thei loin min siam a.
Tunah, ngaihsak tawh lo tumin, hmanrua atana min hman avangin ka thinrimna lantir ka tum a, chu pawh, amah vek hian lantir thei loin min siam leh.
Ngawi renga dingin min en tawp a, a hmela beidawnna mai baka nâtna thûk tak lang chu, ka hmuh hmaih loh nasa lutuk. Tunah chuan, mi hmel pawh ka chhiar ve thei ta, chu pawh; ka pu vang bawk hian!
"Lalte!", ti chuai ruihin, a thaw chhuak hawk a. A kun ngaih, "Min mamawh em?", ka ti sap a. Min lo enin a bu nghut.
"Christ", a phun sar sar a. Ka kut a chelh nghet em em lehnghal. A lu ka chul hliau hliau a, a mittui luang thla ngiai ngiaite chu ka hruksak a.
A biang vela hmul ṭo siar siar te chuan, rilru hahna namên lo a tawk tih a lan tir a, a thinlunga hliam lahin a hmelah a lo lanchhuah tir bawk. A hma zawng aiin, 'ka pu' tia koh a phu hliah hliah tawh zawk.
A bulah ṭhuin, ngawi rengin ka en a. A changa, "Christ", a lo ti leh ṭhin te chuan, min khei ngawt ngawt.
"Ka pu, i dam theihna tur hmangaihna zawng rawh", keima hriat tawk lekin ka phun ve sar sar.
A muthilh ngheh deuh tawh avangin ka kut ka la sawn a, puan sin ṭhattirin room aṭang ka chhuah san a. Room kawngka ka hawng huai a, ngaihngam takin ka la kalsan thei lo.
Ṭhutthlengah ka mu kawm ngêk a, keipawh chu ka mittui a luang ngiai ngiai. A hma kha chuan, mi lungngaihna chu sawi loh, ka lungngaih ve chang pawh khan, rei lo teah ka hlim leh vat ṭhin a.
Ka hrethiam tawh bik lo e ah, puitlin kawng hi ka zawh ve ta tak tak ta pawh a ni mahna.
Ka taksa kang lâwp chu ka hre thei a, ka mit hi inchar ang maiin ka meng thei lo. Ka muhil zui leh mai a, ka mumang ni mai hian ka hria.
"Lalte", tih thawmah ka meng diar diar a, chiang lo deuhin ka pu ka hmu. "Ka pu", ka ti sap a. Ka biang a chul heuh heuh mai bawk nen, ka mut a chhuak leh dawn.
"Tho tawh rawh, i haw a hun", a sana bun bih zeuhin a ti a. Khua a var pawh ka la ring miah lo.
"Dar engzat?",
"Dar li", a tih chuan puanin ka inkhuh zui hmak. Puan a lo pawt hawng a, "Tho rawh, i haw a ngai", a ti hmuk.
"I ninawm to hlakin", ka inkhuh leh daih. Zingkar hma lutuka inkaihthawh te chu ah. "Tho rawh ka ti", ti pahin min tung tho nawlh. Ka hmaah a ṭhu a, ka melh ralh ringawt.
Ka la mu duh asin le, ka sam hnawk niaih chu a siam ṭha mawlh mawlh a, a hahdamthlak ṭhin mang e.
"Ka pu",
"Umm",
"A nâ lutuk",
"Eng chu maw?", hriatthiam loh hmel zet hian a ti a. "Ka thinlung", ka ti zawi sap. Bo tawk hian min en ngawt ngawt a, ka nui chhuak hawk.
A bo tawlh tawlh lehnghal, "Eng nge awmzia?", a ti sup a. A bo ee.
Chhan tuma ka ân zuau laiin a phone a lo ri, khum bula dawhkana awm phone chu a ban a. A chhan lawk loh avangin a bulah ṭhu hnaiin ka bih dek dek a.
"I chhang dawn lo em ni?", ka ti zawi raih a. Min chhang lo a, phone hmerin a en ngawt ngawt. A ri ral ṭhak a, a ri zawm leh, ka pu chuan chhang loin a rik tawp hun a nghak ṭhak ṭhak.
A vawithumna atana a lo rik leh chuan keimah zawkin ka chhang a.
"Laltei ka nia",
"Tu, tu maw?", a lo ti bah nawk. "Laltei, tun ang zing lutuka min lo call hi ka hrethiam lo, ka dah phawt mai ang", ka ti a. Mak chu a ti ve ngawt ang, zawhna tam tak a nei ngei bawk ang. Tun anga a lo call reng reng pawh, ka hrethiam bik lo.
"Haw tawh rawh", ka pu chuan a ti hmuk a. "A la hma em mai, ka mut a la chhuak", tia mut ka tum leh chu, min man bet chiang lutuk.
"I luhlul nge, i sual ve hrim hrim", a tih chuan ka ner sawk. "Khati khan i hmui titawh suh ka tih che kha", a ti chang leh fak. A thu lo em mai ah.
"Ka sual ve hrim hrim, misualnu ka nih hi", ka ti lang lang. "Nang, changtupa", nuih saihin ka ti a. A kut la thla riai riaiin a hmai a tuai puat. Engtikah tak, hahdamna hmu ve ang maw?
"A ṭha e, i haw a hun tihna nih chu, a tlai zel a nia", a sana bih leh zeuhin a ti leh hmuk. "I polite lo em mai, mahni bialnu te an hnar haw ngai em ni?",
"Eng maw?", a ti hmuk. Ka hawisawn daih a, ka nui tet tet. A hma zawng aiin a bo nasa. "Nang hi, i lo hria ni maw?", min kuai her lâwpin a ti a. Engmah hriat ka neih loh thuin ka lo chhang hmak.
A awihlo nasa tih erawh sawi lo mah se, a chalah a inziak kulh. "Aw, i haw thei", ti hlakin min pawh thawh a tum a, ka ṭang ve tlat thung. Chutih laiin a phone a lo ri leh a, Christina bawk a ni.
A hnung lam aṭang ka va kuah a, ka kut a lo man. A phone ken lai chu laksakin, amah zawk chuan a hma lamah min pawtin, a mal chungah min ṭhuttir a, ka âwmah a hmai a phum vang vang.
Phone ri chu ka reject zel a, a beidawng duh lo ṭhak lehnghal, ka mute daih nghe nghe. "I ṭha tawh em?", ka ti sap a. Muangchangin a lu a thing.
Tunah chuan ka hre ta, a damna tur hmangaihna zawng tura ti tawh loin, engvangin nge, a damna tur hmangaihna chu ka nih loh ang?
A sam karah ka kutṭang rawlhin ka ṭham tawn tawn a, a mal chunga ṭhu la ni mah ila, a taksa ṭang ṭung chu ka hre thei a. Chu chuan min tizauthau zawk mah.
Rei tawk fang ka nghawng a fawh dawk dawk hnuah, khumah min bawh thla leh a, a taksa ṭang ṭung chuan min do run tawh. "Lalte, ka tihpalh lutuk", a ti zawi sup a.
A mitmeng phili ruai chu ka hmuh hmaih lo nasa. "I bialnu ka nih hi", tiin ka fawp zeuh a, A nui chhuak hawk. "Lalte, ka tihpalh", ti leh supin min fawp a.
Ka kawr chhunga duhtawka a chet hnuah, ka dul a chul thla leh riai riai. Ka kekawr tlang a pawh chuan a kut ka man leh chawt a.
Min dil niawm tak hian, min fawp nghawng nghawng. Ṭam chhawl ang mai hian, a lei a chet kual hrut hrut a, ka ngaihtuahna a tibuai hneh e.
Muangchangin a kut ka thlah a, ka thlah tih a hriat ve leh a che rang ngang mai. "Hey, hey, ka tihpalh", bedsheet ka ṭham tawm nghek nghek ringawt.
A kâ lum ham ham chhunga ka âwm pâwng lai hmuam chungin, a leiin a tizâ ṭhin a, a chang leh a seh ner ner. Ka kâng leh awk ṭhin.
A kut pawh a thunun hneh a, pangngai taka thawk tumin ka bei ve fan fan bawk. "Lalte", hmui hnawm chep chawpin min en a, mitmeng phê ruaiin ka lo en ve bawk.
A nui suk a, "Ka hlim lutuk", a ti zawi sup. Ka nuih saih a, Kei chu ka chau zawr hnâp.
Classroom-a ka luh rual rualin dawhkan ka bawh nghal, ka chauh bakah, mut ka kham lo.
"Third year-i hi, a cool thei e", an ti lang lang. Third year-i min ti tawh, Hmangaiha vang vek.
"Ka cool lo, ka mut a chhuak", ti nang nangin ka inbengkang. "Ngawi teh, kha kha eng nge? ", Hruaii chuan ka nghawng a lo tawk dé dé.
"Love bite, love bite a ni, a ni chiang lutuk. Dindini, oh, Third year-in love bite a nei", Zami chu a au lauh lauh a. A hmui ka hup rang lutuk.
"A awihawm lo lutul, love bite a ni lo", ka ti a. A nih thuin min chhang lui ṭalh. Love bite ka neih chhan ngawt tur a awm lo.
"Bialpa i nei chiang", Zami bawkin a ti leh. Classroom-a mit zawng zawng keimahah a fu vek.
"Love bite a ni lo, a awm ngawt chhan tur a awm lo", ka ti a. Mahse, ka hre chhuak leh. Ka puin ka nghawng a fawh kha, hemi vang lek.a nih dawn hi, ka va thinrim tak.
Ka kutin ka hup a, ka zah ṭum ber a ni ang. "I va inthup thei em em", min beng hlak hlakin Hruaiin a ti lang lang.
Ka thaw halh halh, "A ni lo ka tih chu", ka tih pawhin an awih duh tawh lo.
Hetiang te, ka pu chu aww, ka hau ngei ngei ang. Sual lutuk mai, engtin nge maw ka hriat loh theih zawk le?
"Awi, awi, Sir Sawmtea ka hmu a, a fai sarh a, a chhe lo zual lutuk. A hmel a hlim vang bawk a, hmuh a nuam lutuk, hmuihmul pawh a nei tawh lo", Zorini a rawn au lut lauh lauh.
A ṭhen ka pu hmuh tum chuan Zorini hoin an chhuak leh. Ka awm hmunah ka lo tau ve ringawt.
A hmel hlim sarh chu a lawmawm zawk alawm. Zingah pawh, a hlim thu a sawi tak kha mawle, hlim reng rawh se.
A damna tura hmangaihna kengtu chu nih ngei ka tum ang. Min pawm nghal mai dawn lo tih ka hria, a chhan chu; hlauhnain a man tel tawh dawn tlat.
Mahse, min mamawh hun a thlena, hmun hla taka min zawn a ngaih loh nan, a bul hnaiah ka awm reng ang.
Show post links
Top
| Link: | |
| BBcode: | |
| HTML: | |
| Hide post links |
eima Pu: Sir Sawmtea
Chapter-15
Ziaktu: Cck Lalchhuanawmi
Mahse, min mamawh hun a thlena, hmun hla taka min zawn a ngaih loh nan, a bul hnaiah ka awm reng ang.
Sir David-a roll call turin a lo lut ve ngei, "Sciene lam hi ka chan a nih avangin, kan inhmu khat thei khawp mai", a ti ve lauh lauh a.
Lo lut ngai lo pawh nise, pawi ka ti lo. Veng khata awm na na na chu, an inah lah ka chuangkai ve fo a, School-ah lehzel inhmuh fo chu ah.
"First terminal chauh a ni a, fail in tam viau pawh a awm tho. Mahse, Second terminal-ah chuan, zaa sawmkuapakua in pass ngei ngei tur a ni", a ti chharh chharh.
A rukin ka nuih char char, tlemin in-diet deuh se chu, a tihmelṭha zual ngawt ang. Pu David-a hmelṭha lo a ni miah lo. A thau ve lutuk a, han cher deuh se chu, a ṭha dawn lutuk.
"First period Sir Sawmtea, niminah a lo kal si lo a, kan zir ṭeuh ka ring", Hruaiin a ti nang nang. "A ho em mai, kei, ngatan mah ka ti lo. Mahse, ka nau te ho hi ka khawngaih", Zami a phun sar sar a. Ka lo nuih var var.
A ngaihtuahna hi a dangdai thei bik e. "Ngati nge, vawiin hi dawhkan i bawh reng a?",
"Ka mut a chhuak",
"Lehkha zir a la hun lo, i phakar lutuk", ka nui hak hak. "Chutiang pawh ni lo", ka ti a. An awihlo lutuk chu min ner khum salh salh ringawt. Ka mut a chhuak a, ka chau tel bawk.
"Sir", Hruaii chu a phun sap a, an ding suau suau. Keipawh ka tho ṭual ṭual a, ka hriat phak tawk lekin ka wish ve hrâm.
Nimin lama school a rawn kal loh chhan te a sawi ve luam a, hmu pha ché ché mah ila, a mit a tlanchhe char char tih chiang takin ka hmu thei.
Mahse, nidang zawng aiin a hmel a nung a, a hmuihmul te pawh a awm tawh lo. A nui sang reng mai a, a hlim tih hai rual a ni lo.
"Bialpa i nei chiang lutuk", dawhkan beng chawrh chungin Hruaiin a ti hluai a, ka phu zuk. Ka puin class a la la si, min rawn en ṭhup a, a rukin Hruaii ka sik hlak hlak ringawt.
"Tuin maw bialpa nei?", ka puin a lo ti a. "Tuman", ka lo ti khauh.
"Dindinin bialpa a nei, a mizia a dang vek a, tunah pawh a khi vur vur", Zami a au lauh lauh. Zami chu ka ban ṭawk ṭawk a, awmzia awm lo. A sawi tur ang chu, a sawi zo vek tawh.
"Sir, love bite pawh a nei", Hruaii pawh chuan a ti a. Dawhkan bawhin ka kutin ka inkhuh daih. Ka zak lutuk ringawt, tui hi degree zaah a so ṭhin a, tuna ka zahna hi degree sangkhat daih a ni. Ka zak so bawrh bawrh!
"A ṭha e", a ti bul hmuk a, a thinrim nge a hlim zawk pawh a hriat theih loh, ka hawi chhuak ngam tawh lo.
Ngaihzawng chungchang lam sawi loin, kan zirlai chauh ngaihsak turin min ti a. Amah zawk hian, ngaihsak thei loin min siam a ni zawk sia.
Love bite-te han siam reng reng, love bite pawh a ni lo, a rilru nâ bite mai mai, Sady bite a ni mah zawk. Zirtawp ni a ni a, chawhnu lam chu Teachers' Day-a chanvo nei tur te inbuatsaih nan hun kan hmang a.
Chanvo nei ve lo te chu, kan class-ah kan awm mai mai. Teacher ten a khat tawkin bengchheng lo turin min ti lo khak chhen bawk a.
Kan class hi kan bengchheng bikin ka hria, Third year-i leh love bite ringawt ka bula ṭhu te pawh hian an sawi, ina haw ka chak thuai thuai tawh lutuk.
"Lalte?", ka hawi lo a, ka kal lui ngar ngar. Amah vangin zak deuhin ka awm nilen phah. Ka be dawn miah lo.
In chhunga ka luh rual rualin ka room ka pan ding nghal. Darthlalangah ka inen vat a, tlem chuan a zia deuh, a lang lutuk tawh lo.
School kal tura ka insiam laiin darthlalangah ka inen ve vek a nia, engtin nge ka hmuh loh theih zawk le? Ka pu ka haw tho tho, sual reuh lutuk mai.
Room aṭang ka chhuak a, ka nu nui ri ka hre zui, inleng a nei a ni chek ang chu. Ka sam bawk mial mialin choka lam ka pan a, ka mi hmuh avang chuan ka ding deuh chawt.
"Hei, Sawmtea a lo leng a, thei tui kha kan la nei em, lo thlit sak rawh, i U Hlima awm lai kha chuan a lo leng lut nasa thei a nia, tunah chuan a intitlangval leh zual tawh lutuk a", ka nuin a ti lang lang a.
Ka pu pawh a nui suk suk, "Bawihtei hi a fel em, a school luhna hluiah chuan a harh lutuk an lo ti reng zel", ka nuin a tih chuan, "Nuu", ka lo ti a.
Ka nu chuan, ka ṭawngthei thu leh ka harh zia ngawt thu a sawi leh tho. Thei tui thliin ka pu chu ka pe a, "Ka lawm e", a ti sup a. Ka nuih tawi tak ringawt.
Thei tui chu vawilehkhatah in zo vekin, "Ka'n haw tawh ang e, ei rawngbawl ka tlai dawn em mai", tiin, a tho a. Ka nuin chaw ei ve turin a sawm a, hnial chhin eih loin a lawmawm thu a sawi!
Ka âng phuau ringawt, hnial chhin eih loin a pawm nghal mai a. "Bawihte, in sir kha chhum kep rawh aw, kan in te chu a inpui ve ang a nia, chaw ṭhing a lo bar ve mawp mawp zel alawm", nui sun sun pahin ka nu chuan a ti a.
Chaw ṭhing a bar ve mawp mawp zel a tih chu ka hrethiam lo lek lek, ni tak, ka u Hlima nen an inkawm ṭhin a, kan inah chaw a ei ve ṭhin tihna a ni mai.
Aku kawr a vel a, chet chhiatna nei miah loin zeihawi deuhin a vel mial mial. Amaha awm reng a nia, ei rawngbawl te chu a hnehsawh dawn lutuk.
Alu kan(kang) vilin gar bulah ka ding a, hmun dangah kalsawn loin chokaah a awm char char a, ka chet pawh min ti khawr zo vek, ka lâi chhe ve khanglang zu nia!
Alu kan(kang) vilin gas bulah ka ding a, ka pu chu ka hnungchhawn daih. Zanin na na na chu, be loin ka awm dawn, ka thei tur hi a ni ringawt.
Chaw ei lai pawhin min melh zeuh ṭhin tih ka hria, ka hre lo der hmak a, chubakah chaw khawrha ka en zeuh tih chu, a hranpa takin ka en lo.
Ka pa nen an titi bawrh bawh a, ngaihzawng chungchang sawi loa thildang daih an sawi chu ka lawm angreng hle. Ngaihzawng chungchang an sawi a nih chuan, Christina hming lam rik a ni ngei ngei dawn.
"Hla zir a ngai sia, ka'n haw nghal mai ang e, ka puar khawp mai", ti nuah nuahin, a chhuak zui a. Ka nu leh pa pawhin ṭha takin an thlah ve bawk.
A puar ngawt ang, vawi engzah nge chaw ka khawrh kha, ka khawngaih zawk e ah.
Nga-ki nen kan inbiaa, Christina chungchang te ka hrilh ve vek. Ka tum dan te pawh ka hrilh ve vek a, min pawm pui nasa lo mai.
Ngaizawng lo turin min ti char char, "Star ringawt chu ka phal ka tih kha, Dingdong, ngaizawng lo ang. Nangmah i nâ zawk mai mai, Christina pawh a la theihnghilh fumfe loh kha",
"Ka hria lawm, hmangaihna tluantling lo tura a inham tang reng tur hi ka duh lo, min hmangaih let ve kher ka phut lo, inham tang loa, a chhuah theih nan ka pui mai zawk dawn alawm", ka ti a.
Ka âwm hi min hnawh ṭun, ka sawi zawngte chuan ka nâ ngawih ngawih. Ka awmdan hi mak ka inti tawlh tawlh bawk. An sawi hmangaihnaah hian ka tlu lut ve der tawh te hi a ni mai thei a ni!
Ka nu inkhawm bang lo haw hnuah, hla zir tura kal turin ka insiam ve leh. U Oscar-a te ina zir an ti nain, Biak inah leh bawk kan zir leh dawn a ni.
U Oscar-a u chiah U Zoi pawh kan Group Leader a ni a, leader te ina hla zir pawh a manhla ngawt ang. Mahse, Biak ina zir nge nge chu a tluk a awm chuang lo ka ti ve tlat.
"Kan thiam thawkhat viau tawh a, vawi thum vel sa ila, kan duhtawk mai dawn nia", ka pu chuan a ti a. "Nia", an ti sup sup.
"U Sawmtea hi a hmelṭha sawtin ka hria", ka beng bulah Sangi a lo phun sap. "I hriat vang mai mai nih chu", ka ti let a. Min beng hlak, "Eng nge?", ka ti hmuk a.
"I duat loh vaih chuan aw, ka chhuh daih mai ang che", a ti chu, ka nui hak. A ti duh tak tak dawn lo tih ka hria.
"Vawi thum kan sak hnuah kan bang dawn maw tia, kan chawl daih", Sangi chuan a ti nang nang.
"Sangi?",
"Umm",
"Ka danglam i ti em?", ka ti a. Nga-ki khan ka danglam tawh thu min hrilh a, keipawhin danglam chu ka inti ve tho.
"Danglam e, i cool ngawih ngawih, i zawr lutuk", a ti siam siam. Ka nui sak ringawt. "Puitling kawng hi ka zawh chho ṭan tak tak tawhin ka hria", ka ti zawi leh sap a.
Sangi chuan, ka hnung beng thek thekin, "A nia lawm, puitlinna kawng hi naupang kawng ang mai mai chu a ni hauh lo", a ti dap dap. A dik ang ka ring.
Sangi an lo koh leh avangin min thawhsan a, Zomuana a lo ṭhu ve thung.
KNP-a kan awm ho lai te kan sawi a, ka patea te, Venglaia ka awm daih avanga kan inkawm tawh ngai loh thu te thlengin kan sawi, lung te lam a leng thar.
Zomuana nen pawh kan kum a inrual a, DIET a training thung a, nakin lawkah chuan Zirtirtu min la nihsan daih ang.
"I ṭha em?", muangchangin ka bu nghauh nghauh. "Lo kal teh", ti supin min kuah a. Mit chhingin ka thaw huai huai, ka hahdamin, ka thla a muang sawng sawng thei.
"Ka thlah ang che", ka kutah chelhin muangchangin min kalpui a, amah ka ngheng pah deuh bawk a, amah rinchhana kal hi ka ni ber.
"Ka pu, ka chau", boruak ka hip let kâwk. "Keimah vang a ni em?", a tih chuan ka en chho a, a hmela inthlahrunna lang chhuak vang chuan, ka sawi loh tawp tur ka sawi chhuak tih ka hre chhuak.
"Ni lo e, nangmah vanga chauhna tur ka nei hleinem", ka ti a. Mahse, a tlai vek tawh, a hmel nung sarh pawh chu, a thim leh vek.
"Ka pu, nangmah vang a ni lo a nia", nuih sakin ka ti a. A nui tawi tak ringawt a, a hmel a thim leh khup tawh. Keimah vang vek.
"Kan thleng a nih hi, han lut tawh rawh, i mu nghal hmak dawn nia", a ti a. Ka dar tawn tawna min hmerin, ka chalah a hmui a nawr vang vang.
"Mangṭha", nui sukin a ti a. "Mangṭha tih loh tur, muttui tih zawk tur, muttui le", nui varin ka ti a. A nui chhuak hawk.
"Helam aṭang hian ka'n haw ang e, muttui", a ti a. In chhunga ka luh thlengin min en.
La inthlak loin Khum chungah ka ṭhu ren rawn a, eng nge ka ngaihtuah pawh ka hre lo, ka tlan chhuak leh tawp!
A hawna kawngah chuan ka tlan thlaa, kawng chhuka tlan chu har tak a ni. A kal chak em em lehnghal.
"Ka pu", thaw hlawp hlawpin ka ti a. Ka hah lutuk ringawt. Muangchangin a lo inher a, min hmu chu a meng phar kâwk. Amah chauh a ni lo tih ka hmu tel bawk.
"Sawmte", Christina chuan a ti a. A âw aṭang chuan, dam lo thi mai tur te pawh a ang. Ka pu chu a kun ngawi reng a, Christina nen kan inkarah a ding a, tu zawk nge a pan ang tihah a rilru a buai a nih ka ring.
"Ka pu, hrilh tur che ka nei, haw ang", tiin, a kut ka va vuan a, min lo vuan let vat. Ka puihna a mamawh tih ka hre nghal.
Christina pawh chuan a lo ko ve sek a, hmeichhe pahnihin mipa pakhat kan inchuh ni maiah ka ngai, a lawmawm zawk nge, a zahthlak zawk tih pawh ka hre tawh lo.
Mahse, Christina bulah ka kal tir hauh lo ang, ka pu kut chu ka tiche zeuh a, min vuan nghet sauh sauh. Christina pan a duh zawk tih ka hria, a hmangaih kha a ni miau a.
Mahse, pan thei a ni lo tih pawh a hria, a pana a pawm leh a nih chuan, thil tam tak a thleng ngei ang, eng nge thleng dawn chu ka hre hauh lo. Thil ṭha lo tak tak pawh a thleng thei.
"Ka pu, kal ang", ti pahin ka pawt a, a taksa che dawtah chuan, Christina-in, "Sawmte", tiin a ko nô leh hnãp.
Ka pu hmaah chuan dingin, "Tu nge i nih, lo tibuai tawh suh, nangmah vangin a â lo chauh a nih hi. I khawngaih ve lo em ni? I pasal i hmangaih lo a nih pawhin, i fanu tal chu ngaihtuah ve rawh, a nuin i lerhsan hi engtiangin nge a ngaih ang che, i fanu i hmangaiha, i ngaihtuah a nih chuan ka pu hi lo tibuai tawh suh", ka ti tawn tawn a.
Ka mittui a hnâm sawk a, Christina pawh a mittui a luang zawih zawih.
A duh vang renga hetianga awm a ni lo tih ka hria, mahse; a fanu tal chu a ngaihtuah ve tur a ni. A pasal ṭhenin, a fanu nen ṭha takin an awm thei.
"Ka duh vanga ka hrin chhuah pawh a ni lo", a ti zawi sap.
"I duh emaw duh lo emaw i hring chhuak tawh tho tho, ka pu hian a tuar tam tawk tawh, a hmangaihna che hian tun thlengin mu leh mal nei loin a siam a, i hmangaih a nih chuan zalen tir rawh", ka ti leh tawn tawn a.
Ka hnung aṭang, "Lalte", a lo ti hriam hraih. Min kuai her lâwp a, "Min hauh tum miah suh ang che, engkim ka hre ve vek. Nangmah vang hian ka chau ngawih ngawih, hmangaihna tluantling lo turah i inham tang tlat a, i tlak dawp loh nan leihlawn pek che ka duh", ka ti a.
A tawp lam phei chu keimah pawhin ka hre thei ṭawk ṭawk. Min thlah riai riai a, "A ṭha alawm, keimah vangin lo chau tawh suh", a ti zawi sup a.
"Ni lo e, nangmah vang hian ka chau ang a, ka chau zual zel bawk ang. Mahse, nangmah vangin ka chak leh zel bawk ang",
"Chutiang a ngai lo, tun aṭang chuan keimah vangin i chau tawh lo ang", ti pahin Christina lam a en!
Kuah thlawpin, "Nangmah vanga chauh hi pawi ka ti reng reng lo, ka hlauh ber zawk chu, tho leh tur awm loa i tluk hi ka hlau ber", ka ti a. Hlauhthawnnain min tuam hlup hlup nghal.
A che dat dat a, ka kuah nghet zual ve sauh sauh, "Min thlah teh", a ti hmuk a. Ka kuah nghet sauh.
"Min thlah rawh", ka theihtawpin ka kuah. "Lalte", ti fiak ṭhakin min phih thlu chawrh. "Haw rawh", a ti a. Christina-i a va kuah.
Tho thuaiin ka pu chu ka pawt hrang a, "Ka pu, haw ang, hrilh tur che ka nei ka tih kha",
"Va haw rawh",
"Aih",
"Lalte, thu awih rawh",
"Ka awih dawn lo, khawihah mah ka kal tir dawn lo che", a kut ka vuan a. Ka kut lak thlak a tum pawhin ka ṭang ve char char.
"Lalte, ka thu awih rawh",
"Ka awih dawn lo", tiin, a kut vuan mai loin ka kuah leh. Min hnar ve ṭang ṭang a, chutia kan inbakkaih takah chuan, a thinrim zual sawt chu, ka sam ṭhamin min kuai dak dawrh a, ka inring hman lo nen min beng thlu chawrh!
Ka biang ka dawm vang vang a, ka mittui ka dang zo tawh lo. Leiah chuan ka mittui a tla zawih zawih a, ka hriat theih chin ata tumahin kut min la thlak ngai lo.
"Christ, i ṭha em?", thei leh thei loin ka hawi chhuak a. Christina hmai a beng thek thek a, a âw aṭang chuan a ngaihtuah takzet.
Min benna ka biang chu dawm vang vangin, muangchangin ka tho a. Ka pu chuan, Christina ngawt a buaipui.
Tihharh tumin a ko mawlh mawlh a, "Christ, Christ", ka awm ve tih pawh a hre lo.
Christina chu pawmin a pen pui pawk pawk a, ka rilru nâ lutuk chu ṭhu thla hnawkin, a vawikhatna atan, hmangaihna vangin ka ṭap chhuak ve ta hial!
Show post links
Top
Chapter-15
Ziaktu: Cck Lalchhuanawmi
Mahse, min mamawh hun a thlena, hmun hla taka min zawn a ngaih loh nan, a bul hnaiah ka awm reng ang.
Sir David-a roll call turin a lo lut ve ngei, "Sciene lam hi ka chan a nih avangin, kan inhmu khat thei khawp mai", a ti ve lauh lauh a.
Lo lut ngai lo pawh nise, pawi ka ti lo. Veng khata awm na na na chu, an inah lah ka chuangkai ve fo a, School-ah lehzel inhmuh fo chu ah.
"First terminal chauh a ni a, fail in tam viau pawh a awm tho. Mahse, Second terminal-ah chuan, zaa sawmkuapakua in pass ngei ngei tur a ni", a ti chharh chharh.
A rukin ka nuih char char, tlemin in-diet deuh se chu, a tihmelṭha zual ngawt ang. Pu David-a hmelṭha lo a ni miah lo. A thau ve lutuk a, han cher deuh se chu, a ṭha dawn lutuk.
"First period Sir Sawmtea, niminah a lo kal si lo a, kan zir ṭeuh ka ring", Hruaiin a ti nang nang. "A ho em mai, kei, ngatan mah ka ti lo. Mahse, ka nau te ho hi ka khawngaih", Zami a phun sar sar a. Ka lo nuih var var.
A ngaihtuahna hi a dangdai thei bik e. "Ngati nge, vawiin hi dawhkan i bawh reng a?",
"Ka mut a chhuak",
"Lehkha zir a la hun lo, i phakar lutuk", ka nui hak hak. "Chutiang pawh ni lo", ka ti a. An awihlo lutuk chu min ner khum salh salh ringawt. Ka mut a chhuak a, ka chau tel bawk.
"Sir", Hruaii chu a phun sap a, an ding suau suau. Keipawh ka tho ṭual ṭual a, ka hriat phak tawk lekin ka wish ve hrâm.
Nimin lama school a rawn kal loh chhan te a sawi ve luam a, hmu pha ché ché mah ila, a mit a tlanchhe char char tih chiang takin ka hmu thei.
Mahse, nidang zawng aiin a hmel a nung a, a hmuihmul te pawh a awm tawh lo. A nui sang reng mai a, a hlim tih hai rual a ni lo.
"Bialpa i nei chiang lutuk", dawhkan beng chawrh chungin Hruaiin a ti hluai a, ka phu zuk. Ka puin class a la la si, min rawn en ṭhup a, a rukin Hruaii ka sik hlak hlak ringawt.
"Tuin maw bialpa nei?", ka puin a lo ti a. "Tuman", ka lo ti khauh.
"Dindinin bialpa a nei, a mizia a dang vek a, tunah pawh a khi vur vur", Zami a au lauh lauh. Zami chu ka ban ṭawk ṭawk a, awmzia awm lo. A sawi tur ang chu, a sawi zo vek tawh.
"Sir, love bite pawh a nei", Hruaii pawh chuan a ti a. Dawhkan bawhin ka kutin ka inkhuh daih. Ka zak lutuk ringawt, tui hi degree zaah a so ṭhin a, tuna ka zahna hi degree sangkhat daih a ni. Ka zak so bawrh bawrh!
"A ṭha e", a ti bul hmuk a, a thinrim nge a hlim zawk pawh a hriat theih loh, ka hawi chhuak ngam tawh lo.
Ngaihzawng chungchang lam sawi loin, kan zirlai chauh ngaihsak turin min ti a. Amah zawk hian, ngaihsak thei loin min siam a ni zawk sia.
Love bite-te han siam reng reng, love bite pawh a ni lo, a rilru nâ bite mai mai, Sady bite a ni mah zawk. Zirtawp ni a ni a, chawhnu lam chu Teachers' Day-a chanvo nei tur te inbuatsaih nan hun kan hmang a.
Chanvo nei ve lo te chu, kan class-ah kan awm mai mai. Teacher ten a khat tawkin bengchheng lo turin min ti lo khak chhen bawk a.
Kan class hi kan bengchheng bikin ka hria, Third year-i leh love bite ringawt ka bula ṭhu te pawh hian an sawi, ina haw ka chak thuai thuai tawh lutuk.
"Lalte?", ka hawi lo a, ka kal lui ngar ngar. Amah vangin zak deuhin ka awm nilen phah. Ka be dawn miah lo.
In chhunga ka luh rual rualin ka room ka pan ding nghal. Darthlalangah ka inen vat a, tlem chuan a zia deuh, a lang lutuk tawh lo.
School kal tura ka insiam laiin darthlalangah ka inen ve vek a nia, engtin nge ka hmuh loh theih zawk le? Ka pu ka haw tho tho, sual reuh lutuk mai.
Room aṭang ka chhuak a, ka nu nui ri ka hre zui, inleng a nei a ni chek ang chu. Ka sam bawk mial mialin choka lam ka pan a, ka mi hmuh avang chuan ka ding deuh chawt.
"Hei, Sawmtea a lo leng a, thei tui kha kan la nei em, lo thlit sak rawh, i U Hlima awm lai kha chuan a lo leng lut nasa thei a nia, tunah chuan a intitlangval leh zual tawh lutuk a", ka nuin a ti lang lang a.
Ka pu pawh a nui suk suk, "Bawihtei hi a fel em, a school luhna hluiah chuan a harh lutuk an lo ti reng zel", ka nuin a tih chuan, "Nuu", ka lo ti a.
Ka nu chuan, ka ṭawngthei thu leh ka harh zia ngawt thu a sawi leh tho. Thei tui thliin ka pu chu ka pe a, "Ka lawm e", a ti sup a. Ka nuih tawi tak ringawt.
Thei tui chu vawilehkhatah in zo vekin, "Ka'n haw tawh ang e, ei rawngbawl ka tlai dawn em mai", tiin, a tho a. Ka nuin chaw ei ve turin a sawm a, hnial chhin eih loin a lawmawm thu a sawi!
Ka âng phuau ringawt, hnial chhin eih loin a pawm nghal mai a. "Bawihte, in sir kha chhum kep rawh aw, kan in te chu a inpui ve ang a nia, chaw ṭhing a lo bar ve mawp mawp zel alawm", nui sun sun pahin ka nu chuan a ti a.
Chaw ṭhing a bar ve mawp mawp zel a tih chu ka hrethiam lo lek lek, ni tak, ka u Hlima nen an inkawm ṭhin a, kan inah chaw a ei ve ṭhin tihna a ni mai.
Aku kawr a vel a, chet chhiatna nei miah loin zeihawi deuhin a vel mial mial. Amaha awm reng a nia, ei rawngbawl te chu a hnehsawh dawn lutuk.
Alu kan(kang) vilin gar bulah ka ding a, hmun dangah kalsawn loin chokaah a awm char char a, ka chet pawh min ti khawr zo vek, ka lâi chhe ve khanglang zu nia!
Alu kan(kang) vilin gas bulah ka ding a, ka pu chu ka hnungchhawn daih. Zanin na na na chu, be loin ka awm dawn, ka thei tur hi a ni ringawt.
Chaw ei lai pawhin min melh zeuh ṭhin tih ka hria, ka hre lo der hmak a, chubakah chaw khawrha ka en zeuh tih chu, a hranpa takin ka en lo.
Ka pa nen an titi bawrh bawh a, ngaihzawng chungchang sawi loa thildang daih an sawi chu ka lawm angreng hle. Ngaihzawng chungchang an sawi a nih chuan, Christina hming lam rik a ni ngei ngei dawn.
"Hla zir a ngai sia, ka'n haw nghal mai ang e, ka puar khawp mai", ti nuah nuahin, a chhuak zui a. Ka nu leh pa pawhin ṭha takin an thlah ve bawk.
A puar ngawt ang, vawi engzah nge chaw ka khawrh kha, ka khawngaih zawk e ah.
Nga-ki nen kan inbiaa, Christina chungchang te ka hrilh ve vek. Ka tum dan te pawh ka hrilh ve vek a, min pawm pui nasa lo mai.
Ngaizawng lo turin min ti char char, "Star ringawt chu ka phal ka tih kha, Dingdong, ngaizawng lo ang. Nangmah i nâ zawk mai mai, Christina pawh a la theihnghilh fumfe loh kha",
"Ka hria lawm, hmangaihna tluantling lo tura a inham tang reng tur hi ka duh lo, min hmangaih let ve kher ka phut lo, inham tang loa, a chhuah theih nan ka pui mai zawk dawn alawm", ka ti a.
Ka âwm hi min hnawh ṭun, ka sawi zawngte chuan ka nâ ngawih ngawih. Ka awmdan hi mak ka inti tawlh tawlh bawk. An sawi hmangaihnaah hian ka tlu lut ve der tawh te hi a ni mai thei a ni!
Ka nu inkhawm bang lo haw hnuah, hla zir tura kal turin ka insiam ve leh. U Oscar-a te ina zir an ti nain, Biak inah leh bawk kan zir leh dawn a ni.
U Oscar-a u chiah U Zoi pawh kan Group Leader a ni a, leader te ina hla zir pawh a manhla ngawt ang. Mahse, Biak ina zir nge nge chu a tluk a awm chuang lo ka ti ve tlat.
"Kan thiam thawkhat viau tawh a, vawi thum vel sa ila, kan duhtawk mai dawn nia", ka pu chuan a ti a. "Nia", an ti sup sup.
"U Sawmtea hi a hmelṭha sawtin ka hria", ka beng bulah Sangi a lo phun sap. "I hriat vang mai mai nih chu", ka ti let a. Min beng hlak, "Eng nge?", ka ti hmuk a.
"I duat loh vaih chuan aw, ka chhuh daih mai ang che", a ti chu, ka nui hak. A ti duh tak tak dawn lo tih ka hria.
"Vawi thum kan sak hnuah kan bang dawn maw tia, kan chawl daih", Sangi chuan a ti nang nang.
"Sangi?",
"Umm",
"Ka danglam i ti em?", ka ti a. Nga-ki khan ka danglam tawh thu min hrilh a, keipawhin danglam chu ka inti ve tho.
"Danglam e, i cool ngawih ngawih, i zawr lutuk", a ti siam siam. Ka nui sak ringawt. "Puitling kawng hi ka zawh chho ṭan tak tak tawhin ka hria", ka ti zawi leh sap a.
Sangi chuan, ka hnung beng thek thekin, "A nia lawm, puitlinna kawng hi naupang kawng ang mai mai chu a ni hauh lo", a ti dap dap. A dik ang ka ring.
Sangi an lo koh leh avangin min thawhsan a, Zomuana a lo ṭhu ve thung.
KNP-a kan awm ho lai te kan sawi a, ka patea te, Venglaia ka awm daih avanga kan inkawm tawh ngai loh thu te thlengin kan sawi, lung te lam a leng thar.
Zomuana nen pawh kan kum a inrual a, DIET a training thung a, nakin lawkah chuan Zirtirtu min la nihsan daih ang.
"I ṭha em?", muangchangin ka bu nghauh nghauh. "Lo kal teh", ti supin min kuah a. Mit chhingin ka thaw huai huai, ka hahdamin, ka thla a muang sawng sawng thei.
"Ka thlah ang che", ka kutah chelhin muangchangin min kalpui a, amah ka ngheng pah deuh bawk a, amah rinchhana kal hi ka ni ber.
"Ka pu, ka chau", boruak ka hip let kâwk. "Keimah vang a ni em?", a tih chuan ka en chho a, a hmela inthlahrunna lang chhuak vang chuan, ka sawi loh tawp tur ka sawi chhuak tih ka hre chhuak.
"Ni lo e, nangmah vanga chauhna tur ka nei hleinem", ka ti a. Mahse, a tlai vek tawh, a hmel nung sarh pawh chu, a thim leh vek.
"Ka pu, nangmah vang a ni lo a nia", nuih sakin ka ti a. A nui tawi tak ringawt a, a hmel a thim leh khup tawh. Keimah vang vek.
"Kan thleng a nih hi, han lut tawh rawh, i mu nghal hmak dawn nia", a ti a. Ka dar tawn tawna min hmerin, ka chalah a hmui a nawr vang vang.
"Mangṭha", nui sukin a ti a. "Mangṭha tih loh tur, muttui tih zawk tur, muttui le", nui varin ka ti a. A nui chhuak hawk.
"Helam aṭang hian ka'n haw ang e, muttui", a ti a. In chhunga ka luh thlengin min en.
La inthlak loin Khum chungah ka ṭhu ren rawn a, eng nge ka ngaihtuah pawh ka hre lo, ka tlan chhuak leh tawp!
A hawna kawngah chuan ka tlan thlaa, kawng chhuka tlan chu har tak a ni. A kal chak em em lehnghal.
"Ka pu", thaw hlawp hlawpin ka ti a. Ka hah lutuk ringawt. Muangchangin a lo inher a, min hmu chu a meng phar kâwk. Amah chauh a ni lo tih ka hmu tel bawk.
"Sawmte", Christina chuan a ti a. A âw aṭang chuan, dam lo thi mai tur te pawh a ang. Ka pu chu a kun ngawi reng a, Christina nen kan inkarah a ding a, tu zawk nge a pan ang tihah a rilru a buai a nih ka ring.
"Ka pu, hrilh tur che ka nei, haw ang", tiin, a kut ka va vuan a, min lo vuan let vat. Ka puihna a mamawh tih ka hre nghal.
Christina pawh chuan a lo ko ve sek a, hmeichhe pahnihin mipa pakhat kan inchuh ni maiah ka ngai, a lawmawm zawk nge, a zahthlak zawk tih pawh ka hre tawh lo.
Mahse, Christina bulah ka kal tir hauh lo ang, ka pu kut chu ka tiche zeuh a, min vuan nghet sauh sauh. Christina pan a duh zawk tih ka hria, a hmangaih kha a ni miau a.
Mahse, pan thei a ni lo tih pawh a hria, a pana a pawm leh a nih chuan, thil tam tak a thleng ngei ang, eng nge thleng dawn chu ka hre hauh lo. Thil ṭha lo tak tak pawh a thleng thei.
"Ka pu, kal ang", ti pahin ka pawt a, a taksa che dawtah chuan, Christina-in, "Sawmte", tiin a ko nô leh hnãp.
Ka pu hmaah chuan dingin, "Tu nge i nih, lo tibuai tawh suh, nangmah vangin a â lo chauh a nih hi. I khawngaih ve lo em ni? I pasal i hmangaih lo a nih pawhin, i fanu tal chu ngaihtuah ve rawh, a nuin i lerhsan hi engtiangin nge a ngaih ang che, i fanu i hmangaiha, i ngaihtuah a nih chuan ka pu hi lo tibuai tawh suh", ka ti tawn tawn a.
Ka mittui a hnâm sawk a, Christina pawh a mittui a luang zawih zawih.
A duh vang renga hetianga awm a ni lo tih ka hria, mahse; a fanu tal chu a ngaihtuah ve tur a ni. A pasal ṭhenin, a fanu nen ṭha takin an awm thei.
"Ka duh vanga ka hrin chhuah pawh a ni lo", a ti zawi sap.
"I duh emaw duh lo emaw i hring chhuak tawh tho tho, ka pu hian a tuar tam tawk tawh, a hmangaihna che hian tun thlengin mu leh mal nei loin a siam a, i hmangaih a nih chuan zalen tir rawh", ka ti leh tawn tawn a.
Ka hnung aṭang, "Lalte", a lo ti hriam hraih. Min kuai her lâwp a, "Min hauh tum miah suh ang che, engkim ka hre ve vek. Nangmah vang hian ka chau ngawih ngawih, hmangaihna tluantling lo turah i inham tang tlat a, i tlak dawp loh nan leihlawn pek che ka duh", ka ti a.
A tawp lam phei chu keimah pawhin ka hre thei ṭawk ṭawk. Min thlah riai riai a, "A ṭha alawm, keimah vangin lo chau tawh suh", a ti zawi sup a.
"Ni lo e, nangmah vang hian ka chau ang a, ka chau zual zel bawk ang. Mahse, nangmah vangin ka chak leh zel bawk ang",
"Chutiang a ngai lo, tun aṭang chuan keimah vangin i chau tawh lo ang", ti pahin Christina lam a en!
Kuah thlawpin, "Nangmah vanga chauh hi pawi ka ti reng reng lo, ka hlauh ber zawk chu, tho leh tur awm loa i tluk hi ka hlau ber", ka ti a. Hlauhthawnnain min tuam hlup hlup nghal.
A che dat dat a, ka kuah nghet zual ve sauh sauh, "Min thlah teh", a ti hmuk a. Ka kuah nghet sauh.
"Min thlah rawh", ka theihtawpin ka kuah. "Lalte", ti fiak ṭhakin min phih thlu chawrh. "Haw rawh", a ti a. Christina-i a va kuah.
Tho thuaiin ka pu chu ka pawt hrang a, "Ka pu, haw ang, hrilh tur che ka nei ka tih kha",
"Va haw rawh",
"Aih",
"Lalte, thu awih rawh",
"Ka awih dawn lo, khawihah mah ka kal tir dawn lo che", a kut ka vuan a. Ka kut lak thlak a tum pawhin ka ṭang ve char char.
"Lalte, ka thu awih rawh",
"Ka awih dawn lo", tiin, a kut vuan mai loin ka kuah leh. Min hnar ve ṭang ṭang a, chutia kan inbakkaih takah chuan, a thinrim zual sawt chu, ka sam ṭhamin min kuai dak dawrh a, ka inring hman lo nen min beng thlu chawrh!
Ka biang ka dawm vang vang a, ka mittui ka dang zo tawh lo. Leiah chuan ka mittui a tla zawih zawih a, ka hriat theih chin ata tumahin kut min la thlak ngai lo.
"Christ, i ṭha em?", thei leh thei loin ka hawi chhuak a. Christina hmai a beng thek thek a, a âw aṭang chuan a ngaihtuah takzet.
Min benna ka biang chu dawm vang vangin, muangchangin ka tho a. Ka pu chuan, Christina ngawt a buaipui.
Tihharh tumin a ko mawlh mawlh a, "Christ, Christ", ka awm ve tih pawh a hre lo.
Christina chu pawmin a pen pui pawk pawk a, ka rilru nâ lutuk chu ṭhu thla hnawkin, a vawikhatna atan, hmangaihna vangin ka ṭap chhuak ve ta hial!
Show post links
Top
| Link: | |
| BBcode: | |
| HTML: | |
| Hide post links |
Keima Pu: Sir Sawmtea
Chapter-16
Ziaktu: Cck Lalchhuanawmi
Christina chu pawmin a pen pui pawk pawk a, ka rilru nâ lutuk chu ṭhu thla hnawkin, a vawikhatna atan, hmangaihna vangin ka ṭap chhuak ve ta hial!
Ka mit ka chhing ve tak naa, muthilh chu khawilamah, meng chuang loin ka meng kur ni ringawt. Ka ṭahna avangin ka mit ka meng ṭha thei lo nen.
Ka hmuh lai ngeiin a duhthlanna lamah a kal a, min duh lo a nih pawhin ṭha taka min hnar tur a ni asin, khatia midang a thlang zawk tih lantir lo khan.
A tawpna chu ni lo hrâm se, a lo kir leh ka ring tlat. A lo kir leh ngei ngei ang, Christina bulah khan a hlim lo, ka bulah chauh a hlim!
Ka biang ka dawm leh ṭhin a, a duh vanga min beng a ni lo tih ka hria. Ka taksa nâ te chu ka palzâm thei, mahse; ka rilru nâ erawh, ka palzâm thei lo. Naupang nih ṭhat leh mai ka duh.
"Dingdong?", ka room aṭang chhuakin kawng ka hawng a. Ka nu leh pa te an chhuah lawk avangin, mahni chauhin inah ka awm a, kawng ka kalh daih, tumah lo leng lut lo se ka duh.
Mahse, Nga-ki erawh midang a ni lo a, ani hi chu a tan kan in hi a inhawng reng.
Tv hmaah kan ṭhu a, nizan thil thleng ka hrilh ve vek a, ka sawi zawng ringawt pawhin, ka mittui a hnâm thei.
Ṭap awlsam tak mi ka ni lo a, eng emaw mai maiah ka ṭap ngai lo. Thawveng ṭha ve tak ka ni a, mi pawi sawi zawnga thawveng erawh ka ni lo thung. Ṭawng thei hle mah ila, mi pawi sawi ka hlau thei hle bawk.
Mahse, ka mittui a tlaka, ka ṭap a nih chuan, ka nâ tawk ve hle tihna a ni mai. Tunah hian, ka nâ mek.
"Dingdong, engtia tih nge i duh?",
"Engtinmah",
"Eng a? Kut a thlak man che chu a tuar ve tur a ni. Kutthlak theihna tur che a nei lo", Nga-ki chuan a ti chang fak. A hmelah thinrimna a lang thei a, a insehruh ṭeuh avangin, a bek a pawng ṭawlh ṭawlh.
"Nga-ki, i lungngai nih kha, a lo kir dawn tih hi ka chiang", ka ti chiah chu, "I mawl em ni, i ngaihtuahna kha hmang rawh. Nangmah ni loin, midang a thlang a nih chu, i hmuh lai ngeiin a pan a ni lawm ni?", sehchilh nawk nawkin a ti a.
Inthunun tumin boruak a hip let kâwk kâwk. "Christina kha a tlûk vang alawm, tlu lo se chu a pan miah lo ang", ka ti zawi sap a. Nga-ki a thaw ri hrawih. "Kut a thlak che, chu chu pawi i ti lo em ni? A ex hmaah kut thlak chein, a ex zawk chu a la buaipui thei a ni lawm ni?", a ti leh chharh chharh.
Ka lu ka thing nar nar, "A lo kir dawn a ni ringawt. Min mamawh tih ka hria, tunah pawh hian a bula awm turin min duh tih ka hria. Engtiang pawhin awm se, ka chungah engthil pawh ti mah se, ka ngaidam zel ang",
"I â tawh nih kha",
"Ka â alawm", nui sakin ka ti a. Ka mittui ka hru tawk tawk. "Hmangaihna tluantlinglo tura a inham tang reng tur ka duh lo, keimah hian a damna tur hmangaihna ka pe dawn alawm", nui lui sakin ka ti a.
Beidawn hmel zetin Nga-ki chu a chek tlawk tlawk. A damna tura hmangaihna pek ka intiam tawh a, min manawh hun a thlen apianga, hmun hla taka min zawn a ṭul loh nan, a bul hnaia awm reng turin ka intiam tawh.
Mahse, ka nghak ang, keiman ka pan lo ang a, min pan hun ka nghak ang. Ka lama a kut a lo phar chhuah hunah, ka lo vuan vat ang.
Nga-ki nen chuan ngawi rengin kan awm ta reng a, hrehawm ka ti. Kan pahniha kan awm dun tawh chuan, a reh diak ngai lo.
"Nga-ki, eng nge i ei duh?", boruak tihzangkhai tumin ka biaa, "I duh duh ni mai", a ti zawi sup. En pawh min en lo a, min ngaihtuah lutuk tih ka hria, keimah vangin a rilru pawh a hah ve ngawt ang.
"Noodles ka'n chhum ang e aw?", ka ti a. A lo bu nghut. Noodles chhum turin chokaah ka kal a, kan ṭhian dun awm dan chuan, min tinâ tel bawk.
Noodles ei lai pawhin min be lo a, a ngawi reng. Han titi pui tur ka hre thlawt lo chu ka inhaw hlur.
Sawi tur apui ngah tak si khan, tunah tak hi chuan ka hre thlawt lo.
"Ka'n haw ang e, lo ṭap tawh lo la", ti supin min lo kuah a. Keipawhin ka kuah let ve, ka ṭhiana hlim thei tak pawh, ka tikhawlo zo vek.
Chhuat nawtin, hmun hnawk lai ka tifai a. Ka rilru erawh, a pik ngut ngut.
"I inkhawm dawn em?",
"Dawn lo mai", ka ti a. Inkhawm pawh ka phur lo vek tawh. "Hla zir in ngai lo em ni?", ka nu pawh chuan a lo ti a.
"Kei chu, ka zir tawh lo mai ang", ka ti a. Ka nu leh pa pawh chu, inkhawm turin an kal ve ta mai.
Ka room-ah ka inkhung a, khumah mu zangthalin inchung ka en kar. Ka thaw halh halh a, tih tur ber ka hre lo a, sawi tur ber lah ka hre lo.
Tuna ka rilru put hmang leh, ka awmdan pawh hi ka sawi chhuak thiam lo. Ka nâ ti baka sawi ngaihna ka hre lo.
Ka phone lo ri chu banin, "Ka pu", ka phun sap a. Ka chhang dawn nge dawn lo tih ka ngaihtuah rauh rauh laiin, a ri tawp.
A ri nawn leh turah ka ngai a, mahse; min lo call nawn miah lo. Ka âwmah phone chu ka nghat vang vang.
Ka pu nui suk suk lai te chu, ka mitthlaah a lang uar uar a. Mittui tla ṭeuh chungin ka nui var var, ṭul lo deuhin kan infawh lai te ka ngaihtuah zui nuah nuah.
Duh lo zetin ka thaw chhuak hawk a, phone chu lukham hnuaiah ka dah daih. Ka inlet ka inlet a, muthilh lui tumin ka mit ka chhing vang vang. Awmzia a awm chuang lo.
Phone bawk chu lukham hnuai aṭang ka la chhuak a, vawikhat chauh min lo call chu ka hrethiam lo. Min lo call nawn tur a ni asin.
"Duhtawk rawh", phone chuan ka lu ka khawng karh karh. Min lo call nawn tlut tlut pawh nise, chhang tur ka ni lo.
Chutih laiin, kan kawngkhar chum rik bawrh bawrh ka hria a. Ka room aṭang ka chhuak a, "Lalte, Lalte?", ka thinphu rang lutuk chu, a thlawk chhuak dawn ta mai emaw ka ti hman.
"Nêm miah suh ang che", ka inhrilh mawlh mawlh a. Boruak hip let kâwkin kawngka lam ka pan a, "Eng nge?", ti vin ṭhak pahin kawng ka hawng ṭhuai.
Ka pu chu a nui hak a, ka hnar ka hup nghal. Eng rim nge ka hriat hi?
"Lalte", nui vara tiin, min lo kuah a tum chu hnung lamah ka kat dawrh. "Min hlau mi, min hlau suh, engtinmah ka ti lo ang che", kut phar hluaiin a ti a. A meng sisap nasa bawk a, insawifiah tum ngar ngar hi a ang.
"Hetah eng nge i lo tih dawn?", ka ti hlak a. Thinrim anga ka lang lo a nih chuan, min zuam mai ang.
"Inkhawm turin kal ang", min lo hnaih leh chu ka tawlh sawn leh. "Min lo hnaih tawh suh, inkhawm te i sawi ngam zawk elaw, khatiang chung khan inkhawm ta la, an nuihzat zawk ang che", ka ti tawn tawn a.
Ka chhungrilah erawh ka khûr nasa lutuk, chhuatah a ṭhu hnawk a, "Haw rawh", ka ti a. A nui chhuak hawk hawk. Ani pawhin haw turin min ti fo.
"Aw le", ti supin, muangchangin a tho a. "Ka kuah thei che ang em?", tim dai hian a ti a. En pawh min en ngam lo, a kun ngaih. "Thei lo", ka ti ram hmak.
"Khawngaihtakin", a ti zawi leh sup a. Ka khawngaih lutuk chu, ka hmui hnuai ka seh niah niah. A hmaah ka ṭap tawh dawn miah lo.
Intipachangin, "A theih loh", ka ti chang fak a. Ka mit ka khap fap fap.
"Lalte?",
"Haw tawh rawh, khatiang chunga ka in chhunga i lo luh ka duh miah lo nia", ka ti leh a. A nui hak. Engahmah min ngai lo chu ka thinrim tak tak tawh.
Pai chawn chawnin min lo pan a, ka hnungah ka tawlh ve hret hret. "Lo kal hnai tawh suh, a nih loh chuan ka au vak mai ang", ka ti a. A ding chawt.
A phone a phawrh a, ka hmaah a lo lek, "Ti tura min tih apiang ka ti vek ang", meng sisap deuh hian a ti a. A din ngheh theih loh avangin a âwn zul zul mai bawk.
"Eng nge tihtir tur chea i duh?",
"Ti tura min tih apiang ka ti vek ang", ti pahin, a phone lock screen a hawng a. Ka hmaah a lo lek, wallpaper pawh, inhnaih deuha Christina nen an lanna.
"Duhtawk rawh", ka hawisawn zui a. Min tihnât hi a duh ve hrim hrimah ka ngai tawh. "Ti tura min tih apiang ka ti ang, keimah chuan ka thei lo", a thaw chhuak hawk.
Ti tura ka duh apiang maw, wallpaper thlak se, whatsaap-ah block-in, a number delete nghal sela, a dam theih nan min lo pan turin ka duh.
"Engmah tihtir tur che ka nei lo, nangman tihtur leh tih loh tur i hria, keiin ka tihtir che aiin, nangmah ngeiin i duhthlanna hmanga i tih ka duh ber", ka ti a.
Ka âw a thâm ṭiak tawh, a kun ngaih a, a phone chu a ak ṭha leh. "Ka pu, haw tawh rawh, vawikhatmah zû in tawh bawk suh. Mipa i nih kha, mipa takin awm rawh", amah ka en a, ka ngaihsan rukna te kha an kiam duak duak.
Hetianga a awm ka ring ngai lo asin. "Lalte", a lo hawi chhuak a. Thaw halhin, "Ka mamawh che", mitmeng fiah kêk kâwka min en karin a ti a.
Ka ṭang nasa lutuk chu, ka taksa a nâ vek thei. "I nêm thiang lo", ka rilruin ka inhrilh mawlh mawlh. "Haw rawh", harsa tak chungin ka ti chhuak thei hrâm.
Min lo pan hnai leh a, "Ka pu, haw tawh rawh",
"Ka, ka mamawh che",
"Min mamawh lo, haw tawh rawh", ka ti zawi sap. Ṭawngkam vin taka au khum nghek ka duh. Muangchangin a inher a, a tlu dawn dawn ṭhin, ngaihsak lo anga ka lan a ṭul bawk si.
Kawngka kharin ka ngheng a, ka âwm ka dawm vang vang. Ka ṭhu thla riai riai a, ka mittui ka dang zo leh lo. Eng emaw hleka ka ṭap ziah mai chu, ka inhaw ngawih ngawih.
Inah buaina awm miah loa a thlen theih nan ka ṭawngṭai mawlh mawlh. Min tinâ hle chung pawhin, atan ka ṭawngṭai a nia!
"Ka puitling ve tak tak ta em ni?", ka ti chhuak hial. Ka puitling ve tak tak tawh a ni ngei ang.
Biak in chhungah ka ṭhu kur ve tak naa, ka ngaihtuahna erawh, Biak in pawnah a awm daih thung. Ka nu leh pa ruala inkhawm tura ka kal loh avanga ka inchhir ṭum ber a ni ang.
Ka pu leh U Maria-i te inkhawm kal tur ka hmu a, an innuih sun sun reuh a, U Maria-in ka pu kut a tawk leh zeuh ṭhin te chu ka hmuh hmaih lo nasa, an hnungah khan ka kal miau a ni. Christina pawh a duhtawk lo a ni ngei ang chu!
"Dindin?", phun sapin Sangi chuan min lo nghawk a, ka harh chhuak ve chiah. Mahse, thusawi pawh ka bengah a lut chuang lo, ka ngaithla liam ve vel mai mai.
Inkhawm ban ve leh, inah ka haw nghal a, Sunday School pawh ka kai lo. Ina awm hmak ka duh.
Ka room-a ka luh rual rualin ka phone a lo ri a, khumah ka theh thla ṭhuai. Tun ṭum erawh, vawikhat call mai a duhtawk lo, ngaihsak lo luiin ka inthlak sawk sawk a, bathroom-ah rei tawk fang ka awm.
Phone ri ka hriat tawh loh avangin bathroom aṭang ka chhuak a. Khum chungah ṭhuin phone ka ban a, data ka on chu message a lo thleng zut zut, mimal message ang chu, ka pu hnen aṭang vekin a ni.
Noti bar aṭang a ṭhen ṭhen ka chhiar a, *I ṭha em?* *i dam ṭha em?* phone off-in, thawk ka la kâwk kâwk. Min ngaihtuah tih ka hriatna chuan min tihlawm rualin, min tithinrim tel ṭun bawk.
Min lo call leh a, kawngkhar chum ri ka hre tel bawk. Kawngkhar hawn ai min call-na chu ka chhang zawk a.
"Ngati nge i haw daih a, i dam ṭha em?",
"Ka dam ṭha, Sunday School kai a ngaih kha, va let rawh", ka ti dam thluam a. Dam deuha ka be thei chu, mak ka inti letling zawk.
"Lalte?",
"Va let rawh, ka ṭha lutuk",
"Min ngaithla phawt rawh, ti tura min tih apiang ka ti ang, keimah chuan ka thei lo", a rawn ti a. A buaithlak ṭhin teh e.
"Lalte, khawngaihtakin min luh tir rawh",
"Va let rawh ka tih chu, Sunday School i kai kim loh chuan, kum tawpah lawmman i dawng thei lo mai ang", ka ti a. A lo nui hak.
"I bulah ka awm duh", ngen ngawl tak hian a rawn ti a. Ka insehruh ṭeuh, ka ngawi tawp tawh, chhan dan tur ka hre tawh lo.
"Ka lo lut dawn a nia", rang lutukin ka hawi chhuak a, ka room chhungah a lo ding reng tawh. "Engtin?", ka ti hliai a, a nih tur ang chu a ni vek tawh.
A smart ang huin, a hmel erawh a smart lo, a bui chûr. Min tihhrilhhhai em avangin khum chungah ka la ṭhu reng.
Min lo pan sauh sauhin, khuma puan awm chu lain min sintir hmak. "Ina i awm pawhin khatiang khan inthuam suh", a ti hmuk.
T-shirt kawr nghawng zau deuh hain, boxer te deuh ka haa, hemi vang hi a ni ngei ang.
Puan hlipin, "Eng nge i lo tih dawn? Chhuak rawh", ka ti a. Ka ding hluai chu min pawt, ka kut thing sawkin, "Min khawih suh, midang room-a lut mai mai lo turin min tih kha, i thusawi ngei pawh i zawm tawp lo", melh ralh chungin ka ti a.
Min en lo a, khum chungah a ṭhu ngawi reng. "Ngati nge min tihbuai reng, buaipui tur i neih kha", ka ti ta tawp.
Rang lutukin min lo en chho a, "Lalte", beidawn hmel zet hian a ti a. Ka thaw halh halh ringawt. Amah hi nge keimah zawk hi, luhlul chhuah tlat pawh ka hre tawh lo.
"A nih, tikhan lo awm rawh, ka chhuahsan dawn che a nia", tiin, ka chhuak zui.
Room-ah ka lut ta miah lo a, ka room ngei aṭanga chhuah ka ngai zawk chu, ka nuih te lam a za tawh.
Ka nu leh pa an lo haw a, ka pu chu engmah hre loin a lo chhuak nawlh ang tih ka hlau hnuhnawh. Mahse, vanneihthlak ka ti dawn nge, thingpui pawj in loin, Pu Hminga dam lo kan turin an chhuak zui leh daih a, ka thaw huai huai.
Room-ah ka lut thuai a, ka thil hmuh avang chuan ka ding ren rawn. Tui deuha muhilin a lo thaw sât sât mai.
Ka beidawng lutuk chu, ka thaw halh ringawt. Room aṭang chuan ka chhuak zui leh daih a. Tv hmaah ka ṭhu ringawt, tv ka on lo a, tv en pawh ka phur lo.
"Dingdong",
"Nga-ki", mak ti deuhin ka en a, min lo nuih sang. "Eng, eng nge i lo tih dawn?",
"A mak, ṭhu tur tein min ti dawn lo mi?", nui varin a ti a. Ṭhu turin ka han hrilh leh rih. "Khawiah nge ka nu leh pa hi?", Nga-ki chuan a ti a. Dam lo an kan thuin ka lo chhang.
A ṭawng tam reuh si a, ka lawm tawp. "Ngati nge min en char char a?",
"Ngati mah, i lo kal a, ka lawm lutuk", nui varin ka ti a. A lo kal hi ka lawm tak tak, ka hahdam sawng sawng.
"Dingdong, Fellowship ṭan hma ka lo kal zuai, eng lo, hrilh tur che ka neih vang a nia",
"Eng maw?", ka ti hû a, ka ṭhutna dawt chiah sofa-a ṭhu a ni a. Ka kut lo vuanin, "Dingdong, ni ang", a tih chuan, "Maw?", ka ti hluai.
"Ih, ih, Nga-ki", ka ti bah nawk a, a sawi sual a ni hrim hrim.
"Tun lawka ka ngaihtuah a ni lo a, ka phur thut vanga sawm che pawh ka ni lo. Hrilh tur chea huaisenna ka neih loh ṭhin vang a nia",
"Nang, nang chu, ka ṭhian i nih kha",
"Ka hria lawm, ka hrilh lawk loh chhan che chu Ralte chauh i duh vang a nia, Ralte ka ni si lo a", inthlahrun hmel tak hian a nui suk zui.
"Mahse, Ralte lo lakah pawh i thinlung i hawng tho a, ka tan pawh hian min hawn sak ve rawh",
"Ih, ih", ka kut ka la sawn a. "Tuna min chhan kher ka phut lo, i ngaihtuahna a buai dawn tih pawh ka hria, ka nghak thei che", Nga-ki chu ka en mawl tawp.
Engtin nge chutiang rilru, ka lakah a put theih zawk le? "Nga-ki, ka ṭhian hi chân che ka duh lo",
"Min chân dawn hleinem, i ṭhian ka ni reng tho dawn a, i ṭhian ni reng chung siin inlaichinna thûk zawk ka dil mai chauh che a ni", Nga-ki chuan a ti leh dap dap a, min tibuai vek.
Engtin nge ka tih tak ang? Ka hmaah leh room lamah, eng, eng hi nge maw thleng ta le?
Show post links
Top
Chapter-16
Ziaktu: Cck Lalchhuanawmi
Christina chu pawmin a pen pui pawk pawk a, ka rilru nâ lutuk chu ṭhu thla hnawkin, a vawikhatna atan, hmangaihna vangin ka ṭap chhuak ve ta hial!
Ka mit ka chhing ve tak naa, muthilh chu khawilamah, meng chuang loin ka meng kur ni ringawt. Ka ṭahna avangin ka mit ka meng ṭha thei lo nen.
Ka hmuh lai ngeiin a duhthlanna lamah a kal a, min duh lo a nih pawhin ṭha taka min hnar tur a ni asin, khatia midang a thlang zawk tih lantir lo khan.
A tawpna chu ni lo hrâm se, a lo kir leh ka ring tlat. A lo kir leh ngei ngei ang, Christina bulah khan a hlim lo, ka bulah chauh a hlim!
Ka biang ka dawm leh ṭhin a, a duh vanga min beng a ni lo tih ka hria. Ka taksa nâ te chu ka palzâm thei, mahse; ka rilru nâ erawh, ka palzâm thei lo. Naupang nih ṭhat leh mai ka duh.
"Dingdong?", ka room aṭang chhuakin kawng ka hawng a. Ka nu leh pa te an chhuah lawk avangin, mahni chauhin inah ka awm a, kawng ka kalh daih, tumah lo leng lut lo se ka duh.
Mahse, Nga-ki erawh midang a ni lo a, ani hi chu a tan kan in hi a inhawng reng.
Tv hmaah kan ṭhu a, nizan thil thleng ka hrilh ve vek a, ka sawi zawng ringawt pawhin, ka mittui a hnâm thei.
Ṭap awlsam tak mi ka ni lo a, eng emaw mai maiah ka ṭap ngai lo. Thawveng ṭha ve tak ka ni a, mi pawi sawi zawnga thawveng erawh ka ni lo thung. Ṭawng thei hle mah ila, mi pawi sawi ka hlau thei hle bawk.
Mahse, ka mittui a tlaka, ka ṭap a nih chuan, ka nâ tawk ve hle tihna a ni mai. Tunah hian, ka nâ mek.
"Dingdong, engtia tih nge i duh?",
"Engtinmah",
"Eng a? Kut a thlak man che chu a tuar ve tur a ni. Kutthlak theihna tur che a nei lo", Nga-ki chuan a ti chang fak. A hmelah thinrimna a lang thei a, a insehruh ṭeuh avangin, a bek a pawng ṭawlh ṭawlh.
"Nga-ki, i lungngai nih kha, a lo kir dawn tih hi ka chiang", ka ti chiah chu, "I mawl em ni, i ngaihtuahna kha hmang rawh. Nangmah ni loin, midang a thlang a nih chu, i hmuh lai ngeiin a pan a ni lawm ni?", sehchilh nawk nawkin a ti a.
Inthunun tumin boruak a hip let kâwk kâwk. "Christina kha a tlûk vang alawm, tlu lo se chu a pan miah lo ang", ka ti zawi sap a. Nga-ki a thaw ri hrawih. "Kut a thlak che, chu chu pawi i ti lo em ni? A ex hmaah kut thlak chein, a ex zawk chu a la buaipui thei a ni lawm ni?", a ti leh chharh chharh.
Ka lu ka thing nar nar, "A lo kir dawn a ni ringawt. Min mamawh tih ka hria, tunah pawh hian a bula awm turin min duh tih ka hria. Engtiang pawhin awm se, ka chungah engthil pawh ti mah se, ka ngaidam zel ang",
"I â tawh nih kha",
"Ka â alawm", nui sakin ka ti a. Ka mittui ka hru tawk tawk. "Hmangaihna tluantlinglo tura a inham tang reng tur ka duh lo, keimah hian a damna tur hmangaihna ka pe dawn alawm", nui lui sakin ka ti a.
Beidawn hmel zetin Nga-ki chu a chek tlawk tlawk. A damna tura hmangaihna pek ka intiam tawh a, min manawh hun a thlen apianga, hmun hla taka min zawn a ṭul loh nan, a bul hnaia awm reng turin ka intiam tawh.
Mahse, ka nghak ang, keiman ka pan lo ang a, min pan hun ka nghak ang. Ka lama a kut a lo phar chhuah hunah, ka lo vuan vat ang.
Nga-ki nen chuan ngawi rengin kan awm ta reng a, hrehawm ka ti. Kan pahniha kan awm dun tawh chuan, a reh diak ngai lo.
"Nga-ki, eng nge i ei duh?", boruak tihzangkhai tumin ka biaa, "I duh duh ni mai", a ti zawi sup. En pawh min en lo a, min ngaihtuah lutuk tih ka hria, keimah vangin a rilru pawh a hah ve ngawt ang.
"Noodles ka'n chhum ang e aw?", ka ti a. A lo bu nghut. Noodles chhum turin chokaah ka kal a, kan ṭhian dun awm dan chuan, min tinâ tel bawk.
Noodles ei lai pawhin min be lo a, a ngawi reng. Han titi pui tur ka hre thlawt lo chu ka inhaw hlur.
Sawi tur apui ngah tak si khan, tunah tak hi chuan ka hre thlawt lo.
"Ka'n haw ang e, lo ṭap tawh lo la", ti supin min lo kuah a. Keipawhin ka kuah let ve, ka ṭhiana hlim thei tak pawh, ka tikhawlo zo vek.
Chhuat nawtin, hmun hnawk lai ka tifai a. Ka rilru erawh, a pik ngut ngut.
"I inkhawm dawn em?",
"Dawn lo mai", ka ti a. Inkhawm pawh ka phur lo vek tawh. "Hla zir in ngai lo em ni?", ka nu pawh chuan a lo ti a.
"Kei chu, ka zir tawh lo mai ang", ka ti a. Ka nu leh pa pawh chu, inkhawm turin an kal ve ta mai.
Ka room-ah ka inkhung a, khumah mu zangthalin inchung ka en kar. Ka thaw halh halh a, tih tur ber ka hre lo a, sawi tur ber lah ka hre lo.
Tuna ka rilru put hmang leh, ka awmdan pawh hi ka sawi chhuak thiam lo. Ka nâ ti baka sawi ngaihna ka hre lo.
Ka phone lo ri chu banin, "Ka pu", ka phun sap a. Ka chhang dawn nge dawn lo tih ka ngaihtuah rauh rauh laiin, a ri tawp.
A ri nawn leh turah ka ngai a, mahse; min lo call nawn miah lo. Ka âwmah phone chu ka nghat vang vang.
Ka pu nui suk suk lai te chu, ka mitthlaah a lang uar uar a. Mittui tla ṭeuh chungin ka nui var var, ṭul lo deuhin kan infawh lai te ka ngaihtuah zui nuah nuah.
Duh lo zetin ka thaw chhuak hawk a, phone chu lukham hnuaiah ka dah daih. Ka inlet ka inlet a, muthilh lui tumin ka mit ka chhing vang vang. Awmzia a awm chuang lo.
Phone bawk chu lukham hnuai aṭang ka la chhuak a, vawikhat chauh min lo call chu ka hrethiam lo. Min lo call nawn tur a ni asin.
"Duhtawk rawh", phone chuan ka lu ka khawng karh karh. Min lo call nawn tlut tlut pawh nise, chhang tur ka ni lo.
Chutih laiin, kan kawngkhar chum rik bawrh bawrh ka hria a. Ka room aṭang ka chhuak a, "Lalte, Lalte?", ka thinphu rang lutuk chu, a thlawk chhuak dawn ta mai emaw ka ti hman.
"Nêm miah suh ang che", ka inhrilh mawlh mawlh a. Boruak hip let kâwkin kawngka lam ka pan a, "Eng nge?", ti vin ṭhak pahin kawng ka hawng ṭhuai.
Ka pu chu a nui hak a, ka hnar ka hup nghal. Eng rim nge ka hriat hi?
"Lalte", nui vara tiin, min lo kuah a tum chu hnung lamah ka kat dawrh. "Min hlau mi, min hlau suh, engtinmah ka ti lo ang che", kut phar hluaiin a ti a. A meng sisap nasa bawk a, insawifiah tum ngar ngar hi a ang.
"Hetah eng nge i lo tih dawn?", ka ti hlak a. Thinrim anga ka lang lo a nih chuan, min zuam mai ang.
"Inkhawm turin kal ang", min lo hnaih leh chu ka tawlh sawn leh. "Min lo hnaih tawh suh, inkhawm te i sawi ngam zawk elaw, khatiang chung khan inkhawm ta la, an nuihzat zawk ang che", ka ti tawn tawn a.
Ka chhungrilah erawh ka khûr nasa lutuk, chhuatah a ṭhu hnawk a, "Haw rawh", ka ti a. A nui chhuak hawk hawk. Ani pawhin haw turin min ti fo.
"Aw le", ti supin, muangchangin a tho a. "Ka kuah thei che ang em?", tim dai hian a ti a. En pawh min en ngam lo, a kun ngaih. "Thei lo", ka ti ram hmak.
"Khawngaihtakin", a ti zawi leh sup a. Ka khawngaih lutuk chu, ka hmui hnuai ka seh niah niah. A hmaah ka ṭap tawh dawn miah lo.
Intipachangin, "A theih loh", ka ti chang fak a. Ka mit ka khap fap fap.
"Lalte?",
"Haw tawh rawh, khatiang chunga ka in chhunga i lo luh ka duh miah lo nia", ka ti leh a. A nui hak. Engahmah min ngai lo chu ka thinrim tak tak tawh.
Pai chawn chawnin min lo pan a, ka hnungah ka tawlh ve hret hret. "Lo kal hnai tawh suh, a nih loh chuan ka au vak mai ang", ka ti a. A ding chawt.
A phone a phawrh a, ka hmaah a lo lek, "Ti tura min tih apiang ka ti vek ang", meng sisap deuh hian a ti a. A din ngheh theih loh avangin a âwn zul zul mai bawk.
"Eng nge tihtir tur chea i duh?",
"Ti tura min tih apiang ka ti vek ang", ti pahin, a phone lock screen a hawng a. Ka hmaah a lo lek, wallpaper pawh, inhnaih deuha Christina nen an lanna.
"Duhtawk rawh", ka hawisawn zui a. Min tihnât hi a duh ve hrim hrimah ka ngai tawh. "Ti tura min tih apiang ka ti ang, keimah chuan ka thei lo", a thaw chhuak hawk.
Ti tura ka duh apiang maw, wallpaper thlak se, whatsaap-ah block-in, a number delete nghal sela, a dam theih nan min lo pan turin ka duh.
"Engmah tihtir tur che ka nei lo, nangman tihtur leh tih loh tur i hria, keiin ka tihtir che aiin, nangmah ngeiin i duhthlanna hmanga i tih ka duh ber", ka ti a.
Ka âw a thâm ṭiak tawh, a kun ngaih a, a phone chu a ak ṭha leh. "Ka pu, haw tawh rawh, vawikhatmah zû in tawh bawk suh. Mipa i nih kha, mipa takin awm rawh", amah ka en a, ka ngaihsan rukna te kha an kiam duak duak.
Hetianga a awm ka ring ngai lo asin. "Lalte", a lo hawi chhuak a. Thaw halhin, "Ka mamawh che", mitmeng fiah kêk kâwka min en karin a ti a.
Ka ṭang nasa lutuk chu, ka taksa a nâ vek thei. "I nêm thiang lo", ka rilruin ka inhrilh mawlh mawlh. "Haw rawh", harsa tak chungin ka ti chhuak thei hrâm.
Min lo pan hnai leh a, "Ka pu, haw tawh rawh",
"Ka, ka mamawh che",
"Min mamawh lo, haw tawh rawh", ka ti zawi sap. Ṭawngkam vin taka au khum nghek ka duh. Muangchangin a inher a, a tlu dawn dawn ṭhin, ngaihsak lo anga ka lan a ṭul bawk si.
Kawngka kharin ka ngheng a, ka âwm ka dawm vang vang. Ka ṭhu thla riai riai a, ka mittui ka dang zo leh lo. Eng emaw hleka ka ṭap ziah mai chu, ka inhaw ngawih ngawih.
Inah buaina awm miah loa a thlen theih nan ka ṭawngṭai mawlh mawlh. Min tinâ hle chung pawhin, atan ka ṭawngṭai a nia!
"Ka puitling ve tak tak ta em ni?", ka ti chhuak hial. Ka puitling ve tak tak tawh a ni ngei ang.
Biak in chhungah ka ṭhu kur ve tak naa, ka ngaihtuahna erawh, Biak in pawnah a awm daih thung. Ka nu leh pa ruala inkhawm tura ka kal loh avanga ka inchhir ṭum ber a ni ang.
Ka pu leh U Maria-i te inkhawm kal tur ka hmu a, an innuih sun sun reuh a, U Maria-in ka pu kut a tawk leh zeuh ṭhin te chu ka hmuh hmaih lo nasa, an hnungah khan ka kal miau a ni. Christina pawh a duhtawk lo a ni ngei ang chu!
"Dindin?", phun sapin Sangi chuan min lo nghawk a, ka harh chhuak ve chiah. Mahse, thusawi pawh ka bengah a lut chuang lo, ka ngaithla liam ve vel mai mai.
Inkhawm ban ve leh, inah ka haw nghal a, Sunday School pawh ka kai lo. Ina awm hmak ka duh.
Ka room-a ka luh rual rualin ka phone a lo ri a, khumah ka theh thla ṭhuai. Tun ṭum erawh, vawikhat call mai a duhtawk lo, ngaihsak lo luiin ka inthlak sawk sawk a, bathroom-ah rei tawk fang ka awm.
Phone ri ka hriat tawh loh avangin bathroom aṭang ka chhuak a. Khum chungah ṭhuin phone ka ban a, data ka on chu message a lo thleng zut zut, mimal message ang chu, ka pu hnen aṭang vekin a ni.
Noti bar aṭang a ṭhen ṭhen ka chhiar a, *I ṭha em?* *i dam ṭha em?* phone off-in, thawk ka la kâwk kâwk. Min ngaihtuah tih ka hriatna chuan min tihlawm rualin, min tithinrim tel ṭun bawk.
Min lo call leh a, kawngkhar chum ri ka hre tel bawk. Kawngkhar hawn ai min call-na chu ka chhang zawk a.
"Ngati nge i haw daih a, i dam ṭha em?",
"Ka dam ṭha, Sunday School kai a ngaih kha, va let rawh", ka ti dam thluam a. Dam deuha ka be thei chu, mak ka inti letling zawk.
"Lalte?",
"Va let rawh, ka ṭha lutuk",
"Min ngaithla phawt rawh, ti tura min tih apiang ka ti ang, keimah chuan ka thei lo", a rawn ti a. A buaithlak ṭhin teh e.
"Lalte, khawngaihtakin min luh tir rawh",
"Va let rawh ka tih chu, Sunday School i kai kim loh chuan, kum tawpah lawmman i dawng thei lo mai ang", ka ti a. A lo nui hak.
"I bulah ka awm duh", ngen ngawl tak hian a rawn ti a. Ka insehruh ṭeuh, ka ngawi tawp tawh, chhan dan tur ka hre tawh lo.
"Ka lo lut dawn a nia", rang lutukin ka hawi chhuak a, ka room chhungah a lo ding reng tawh. "Engtin?", ka ti hliai a, a nih tur ang chu a ni vek tawh.
A smart ang huin, a hmel erawh a smart lo, a bui chûr. Min tihhrilhhhai em avangin khum chungah ka la ṭhu reng.
Min lo pan sauh sauhin, khuma puan awm chu lain min sintir hmak. "Ina i awm pawhin khatiang khan inthuam suh", a ti hmuk.
T-shirt kawr nghawng zau deuh hain, boxer te deuh ka haa, hemi vang hi a ni ngei ang.
Puan hlipin, "Eng nge i lo tih dawn? Chhuak rawh", ka ti a. Ka ding hluai chu min pawt, ka kut thing sawkin, "Min khawih suh, midang room-a lut mai mai lo turin min tih kha, i thusawi ngei pawh i zawm tawp lo", melh ralh chungin ka ti a.
Min en lo a, khum chungah a ṭhu ngawi reng. "Ngati nge min tihbuai reng, buaipui tur i neih kha", ka ti ta tawp.
Rang lutukin min lo en chho a, "Lalte", beidawn hmel zet hian a ti a. Ka thaw halh halh ringawt. Amah hi nge keimah zawk hi, luhlul chhuah tlat pawh ka hre tawh lo.
"A nih, tikhan lo awm rawh, ka chhuahsan dawn che a nia", tiin, ka chhuak zui.
Room-ah ka lut ta miah lo a, ka room ngei aṭanga chhuah ka ngai zawk chu, ka nuih te lam a za tawh.
Ka nu leh pa an lo haw a, ka pu chu engmah hre loin a lo chhuak nawlh ang tih ka hlau hnuhnawh. Mahse, vanneihthlak ka ti dawn nge, thingpui pawj in loin, Pu Hminga dam lo kan turin an chhuak zui leh daih a, ka thaw huai huai.
Room-ah ka lut thuai a, ka thil hmuh avang chuan ka ding ren rawn. Tui deuha muhilin a lo thaw sât sât mai.
Ka beidawng lutuk chu, ka thaw halh ringawt. Room aṭang chuan ka chhuak zui leh daih a. Tv hmaah ka ṭhu ringawt, tv ka on lo a, tv en pawh ka phur lo.
"Dingdong",
"Nga-ki", mak ti deuhin ka en a, min lo nuih sang. "Eng, eng nge i lo tih dawn?",
"A mak, ṭhu tur tein min ti dawn lo mi?", nui varin a ti a. Ṭhu turin ka han hrilh leh rih. "Khawiah nge ka nu leh pa hi?", Nga-ki chuan a ti a. Dam lo an kan thuin ka lo chhang.
A ṭawng tam reuh si a, ka lawm tawp. "Ngati nge min en char char a?",
"Ngati mah, i lo kal a, ka lawm lutuk", nui varin ka ti a. A lo kal hi ka lawm tak tak, ka hahdam sawng sawng.
"Dingdong, Fellowship ṭan hma ka lo kal zuai, eng lo, hrilh tur che ka neih vang a nia",
"Eng maw?", ka ti hû a, ka ṭhutna dawt chiah sofa-a ṭhu a ni a. Ka kut lo vuanin, "Dingdong, ni ang", a tih chuan, "Maw?", ka ti hluai.
"Ih, ih, Nga-ki", ka ti bah nawk a, a sawi sual a ni hrim hrim.
"Tun lawka ka ngaihtuah a ni lo a, ka phur thut vanga sawm che pawh ka ni lo. Hrilh tur chea huaisenna ka neih loh ṭhin vang a nia",
"Nang, nang chu, ka ṭhian i nih kha",
"Ka hria lawm, ka hrilh lawk loh chhan che chu Ralte chauh i duh vang a nia, Ralte ka ni si lo a", inthlahrun hmel tak hian a nui suk zui.
"Mahse, Ralte lo lakah pawh i thinlung i hawng tho a, ka tan pawh hian min hawn sak ve rawh",
"Ih, ih", ka kut ka la sawn a. "Tuna min chhan kher ka phut lo, i ngaihtuahna a buai dawn tih pawh ka hria, ka nghak thei che", Nga-ki chu ka en mawl tawp.
Engtin nge chutiang rilru, ka lakah a put theih zawk le? "Nga-ki, ka ṭhian hi chân che ka duh lo",
"Min chân dawn hleinem, i ṭhian ka ni reng tho dawn a, i ṭhian ni reng chung siin inlaichinna thûk zawk ka dil mai chauh che a ni", Nga-ki chuan a ti leh dap dap a, min tibuai vek.
Engtin nge ka tih tak ang? Ka hmaah leh room lamah, eng, eng hi nge maw thleng ta le?
Show post links
Top
| Link: | |
| BBcode: | |
| HTML: | |
| Hide post links |
Keima Pu: Sir Sawmtea
Chapter-17
Ziaktu: Cck Lalchhuanawmi
Engtin nge ka tih tak ang? Ka hmaah leh room lamah, eng, eng hi nge maw thleng ta le?
"Nga-ki",
"Ka sawi kha, ka phut thut vanga hrilh che ka ni lo, hun rei tak chhung ka thup tawh, ka rilru ka hrilh mai che alawm",
"Min tibuai a nia",
"Ka hria lawm, Dingdong, tuna min chhan kher ka phut lo ka tih kha aw", ka kut rawn vuanin a ti leh a.
Hun rei tak chhung ka lakah rilru hran a lo pu tawh tihna a ni a, tunah min hrilh chauh a, lo dawnsawn dan tur ka hre ta hauh lo.
Surprise pawh a ni tawh lo, min rûn hi a ni ber. Nga-ki kal hnu pawhin ka ṭhu ngawi reng a, ka thluak hi a thi emaw tih mai turin, a ruak vek. Ngaihtuahna a buaiin, a ruak vek.
Buaina a inchawbe chho zut dawnin ka hria, keima thiam loh vang nge ni dawn ni?
Room-ah ka lut a, khumah ka pu a lo awm tawh lo, ka hnung lam aṭang min lo kuah thut a, ka phu chiang lutuk. "Min tihlau alawm", ka ti a.
La thinrim khum reng tur ka nih laiin, ṭawngkam nêm ka la hman khum thei zawk chu nia. Ka awmdan pawh hi ka hrethiam tawh lo.
Mahse, muangchangin min thlah a, "Mangṭha", ti supin, a chhuak zui. Ka dinna ngaiah ka ding ngawi reng a.
Min mangṭha thu a sawi a, ka lungchhiat rualin hlauhthawnnain ka khat! Min mangṭha hlen tak tak ta se, engtin nge ni ta ang?
"Bawihte, i inkhawm lo ang tiraw?",
"Aw, khawm lo ang", ka ti zawi sap a. Ka nu leh pa kal hnuin room-ah ka tawm leh daih. Nga-ki hnen aṭang call ka dawng a, engvak mah a sawi hman lo, keimah zawkin lehkha zir ka duh thu hrilhin, call ka titawp daih.
Tumah ka be chak lo, mahni chauha awm ka duh rih. Lehkhabu phawrhin zir ka han tum a, ka bih ngawt ngawt ringawt.
"Laldintluangi ka nih hi", ka ti sap a. A hma anga inringtawk tak ni ṭhin, phak ang tawka huaisen leh, tuarchhel êm êm kha nih leh ka duh ngawih ngawih!
Ka nu leh pa thawm ka hriat chuan, room aṭangin ka chhuak a, an hnungah Sangin a lo zui lut ve. "Hei, mikhual kan lo hawn sak che a", nui sangin ka pa chuan a ti a.
"I inkhawm loh chhan insawifiah tir tur chein ka lo kal a nih hi",
"Zan lam te chu, ka inkhawm ngai hleinem",
"ṬKP Fellowship alawm ka sawi, hla zir ve ûka, rem leh si lo", Sangi chuan a ti nang nang a, ka nuih sak ringawt.
Ka room-ah inzui lutin, khum chungah inhmatawnin kan ṭhu a. Ka room-ah hian ṭhutthleng a awm lo a, khum chunga ṭhut a ni mai.
Chubakah, Nga-ki chiah ka room-ah a lut ṭhin a, ṭhutthleng hun(hung) lam reng ka ngaihtuah ngai lo.
"Fellowship chu",
"Ka peih chiah lo lawm, bakah ka zirpuitling si lo", ka ti a. Chhuanlam a tlin loh thu min hrilh nghal zat.
Ka hla duh a nih vangin ka zir hrâm hrâm chauh a ni a, chuti ni lo se, zir chu sawi loh ka ngaihsak dawn lo hrim hrim.
"U Sawmtea nen in inkar hi a ṭha em? Fellowship te khan a lo thleng tlai sia, chubakah a zawng deuh reng pah lehnghal che, a khawngaihthlak zawk",
"Sang, kan inngaizawng hleinem",
"Maw, dawt sawi lo mai teh", min beng hlak zui. Dawt ka sawi tawp si lo.
"Ka awih chuang lo aw, in inhmuthiam lo deuh a nih ka ring, inrem leh vat ang che u", Sangi chuan a ti dap dap. Min vo pah deuh nge mawni.
"Kan inngaizawng lo tak tak alawm, a sawi i hriat kha chu, midang a sawina nih kha", ka ti nang nang. Awih lo deuhin a ner sawk.
"U Sawmtea bakin 'Lalte' tiin an ko lo che, a koh lai che pawh ka hria lawm le", a lo ti ve tlat. A thusawi chu ka 'aw' vel ta mai mai, ka sawi thui poh leh, min hnial kalhna tur a hre ve ting a ni mai.
"Naktukah ka zin dawn sin",
"Khawiah?", ka lo ti thuai. "I U Hliman a thawhnaah hna min hmuh sak a, thawk turin ka kal dawn", a tih chuan, ka melh ralh.
"Ka u nen in inbe ṭha leh tihna mi?", ka ti a. A nui hak, "Inṭhen mah ila, inbiak loh hlen tur tihna a ni chuang hleinem. College kal ngawt ka ning a, hnathawh tur min zawnpui turin ka ti lawm", a ti lang lang.
A nui sun sun a, hnathawh tur a hmu chu a hlim nge, nge ni a, ka u nen an inhmuh theih dawn vang?
"Khati khan min en suh, engmah a thleng lo ang, i u te chuan min duh tawh teuh lo", a ti nang nang. Ka u chu, a la duh deuh tihna mawni le?
"Ka u pawhin a la duh ang che, ngati nge in inṭhen?", chîk zeta enin ka ti a. A sawi hma chu ka kal tir dawn lo reng reng. "A kum tel fe a lo haw tawh lo a, phone kaltlanga inngaihzawnte chu, tu nge peih reng bik ang a?", a ti lang lang.
A auin a au ni ber, an inṭhen chhan chu a va ho leh si. Mahse, a awm ve tho, phone kaltlanga inngaihzawn reng chu, hmangaihna tak tak a awm loh phei chuan. Hmangaihna tak tak te ka ti, ka zak e ah.
Sangi haw hnu chuan mu turin ka inruahman a, hâ nawt pahin darthlalangah ka inen vang vang.
Ka rilru ka tipaukhauh tawh ang a, school kal a la ngaih dawn avangin ka pu hmuh ngei ngei a ngai dawn.
Chutah pawh chuan, Zirtirtu a nihna ang chauhin ka en tawh ang. Ka ti thei ngei ngei ang, saruh ai te chuan ka tum a ruh zawk daih.
Bathroom aṭang chhuakin, khumah ka tlu nghal tawp. Ka rilru a hnual vang mai maiin ka taksa pawh a chau a, ka rilru a hlim erawh chuan ka taksa pawh a chak ṭha a ni mai.
"Keimah kha ka ni leh dawn", ti sapin, khum aṭang ka tho a. Ka room tukverh hawngin, boruak ka hip lut kâwk kâwk, ka thaw chhuak leh ham ham ṭhin a.
Ka rilru pawh a harhin a hlim ta deuh, a hma aṭanga lo tih daih tawh tur hi a nia. School kal tura ka insiam pawhin, nuihna tur hlir youtube-ah ka ngaithlaa, rilru kaptu reng reng awm loin school kalkawng pawh ka zawh.
"Dingdong", Nga-ki ka hmuh chuan ka kuah chung chung a, "I ṭha maw?", hrilhhai deuha a tih chuan, ka nuih var var. "Ṭha lutuk, hetiang hian ka la ṭha ngai lo", ka ti lang lang.
Mak ti deuhin min en tlawk tlawk a, "Tikhan min en reng suh, ka awm i tinuam lo", a banah ka beng hlak.
"School i kal hmain rawn hmuh che ka tum a, mahse; kawngah kan inhmu ta sia",
"I van fel tak", ti pahin ka kuah leh a. Ka inlak hran hnuin, "Nang ang ṭhian ka nei che hi ka lawm lutuk, ka'n kal tawh ang e. Nangpawh, kal tawh rawh", bye bye chungin ka ti a.
Hawi let tawh loin ka kal nul nul. Engtikah mah, ka chunga a rilru put ang kha ka pu ve thei dawn ngai lo a. Chuvang chuan, ka ṭhianṭha ber, ka ṭhian chauh a ni tih ka hriatnawn tir zel ang.
"Third year-i lo thleng", Hmangaiha chu ka melh rawm rawm. A hming min phuahsak hi a ṭhing lutuk.
"Vawiin chu, class mumal kan neih ka ring lo, Teachers' Day atana inbuatsaih leh hun a ni dawn a", Hruaiin a ti lauh lauh.
Class tina CR-te an chhuak ṭhin a, anni ho hian Hall decoration pawh an buaipui vek a, an hah ve thei ngawt ang.
Hruaii sawi ang chiahin, first period aṭang class mumal kan nei lo. Bengchheng lo tur erawh chuan hrilh ngun kan hlawh ber.
A tawpah phei chuan, Pu David-a lo kalin, dawhkan bawha muhil vek turin min lo ti. "Tunah bawk nghal rawh u", thinrim ṭeuh chungin a ti a.
A ruka nui kur kurin dawhkan ka bawh. A thinrim te lah hi, a hlauhawm ve lo ropui si. Kan ngawi ta diak a, classroom pawh a reh tlawk tlawk.
Pu, Sir David-a a kal tawh ringin ka tho a, "Het", a ti fiak ṭhak nghal. A la kal awzawng lo. "Sir, ka muhil thei lo", ka ti a.
"Mu mai mai rawh, zankhuain phone i khawih kha, i mut a chhuak tih ka hria. Lecture pe che u ila chu, in mut a chhuak leh hlawm ngawt ang", a lo ti chharh chharh.
Zankhuaa phone ka khawih lohzia a hre lo mai mai a ni. Ka net recharge a hun tawh a, message ka dawng thei chang chang tawh tih a ni.
Recharge ka la duh lo a, phone khawih loh ka duh rih zawk. Pu David-a chuan a tiang kenin mu turin min ti a, ner salh salhin dawhkan ka bawh thla leh riai riai.
"Lengdang, ngai lo tein lengdun zel ang aw", mipa âw thâm chhelh chhawlh hian a lo zai al al a. Ka nui hak.
An zaipui zawm a, mipa deuh vek an la zai. Sir David-a a kal tawh a niang. A hnuah hmeichhe ho pawh an zai a.
Kei erawh, ka la tho chhuak peih lo, mit chhing vang vang chungin ka ngaithlaa. An sa lungrun nasa mai bawk sia, ka lo feel ve veng veng thei.
An sak zawh chuan, "Vawikhat leh", ka ti a. An sa leh dual dual, dawhkan ka bawh leh daih a, kei lo pawh dawhkan bawh an la tam.
Kan CR-te an awm lo bawk a, zai hmasa bertu, âw thâm chhelh chhawlh neitupa chu Biakdika a ni tih ka hre chawpchilh. Kum chanve dawn chu class khatah kan awm a, hming hriat alawi pawh ka nei lo.
Hla dang dang an pakai zel a, Hruaii leh Zami pawh an phur nasa tawh lutuk. "Move back, move back kha kan thiam em?", ka au lauh lauh a.
"Eng hla nge a?", an lo ti hû. Ka sa chhin a, "Eeee", an ti leh dual. Keipawh chuan ka zawm a, "Lengnghathu rawt", Hruaii te ho nen action-tein kan sa a.
Midang pawh an lâm nasa mai, "Teachers' Day-ah hian, zai ve ang u, kan zaithiam hlawm em mai", Chba'n a tih chuan, "Nangmahte khan i zai dawn nia", ka lo va ti a.
"Senior thu te chu kan hnial ngam nang", Chba'n min lo ti. "Awiii", ka ti hliai a. An nui huah huah. Keipawh a nui nasa saah ka ṭang. Huata thinrim thei pawh a ni lo.
Ka ning eee ah, "Senior", Chba chuan min la ko al al zui. "Chhurbur, ngawi mai mai rawh", ding hluaiin ka ti a. A nui huah huah.
"Zai leh ang u", hmeichhe pakhatin a lo ti a. Nui kur kurin keipawh ka ṭhu thlaa, "Lengdang", bawkin bul an ṭan leh. Ka la ngaihthlak ve loh avangin ka hre lo tluk a ni.
Mahse, chutia an sak an sak takah chuan nalh ka ti ta phian. Ka thlang nawn tlut tlut bawk nen, ka sakpui thei ve ta hial. Min hneh êm êm mai lehnghal, zahthlak te tein.
Break dar a lo ri a, "Break loin la zai ang u",
"I duh leh nangmah khan zai rawh", Chba chu an lo ti vin hlur. Ka khawngaih reuh lutuk. "Leng ang", ti pahin, a darah ka kuah a. "Khawiah?", a tih chuan, Science block lama kan len tur thu ka hrilh a.
Kan pahnihin inkuahin, dak vah chungin kan kal a, min hmu apiangin min nuih zui kur kur zel. "Bromance kan nih hi", Chba chuan a ti a. Kan han in-set ngei.
Vanropuia te class-ah kan lut a, "Senior kan lo lut", ka ti lauh lauh. Class-11 chauh an ni a. Min hnial vak ngaihna an hre lo.
"Third year-i nih hi, keini Senior ai pawha Senior double-i nih hi", nui huah huah chungin Chba chuan a ti a. Ka ner nâwng ringawt. Ka hui pap pap ringawt, huat theih si lo, fiamthu mah nise, a dik tho bawk si.
Kan class pana kan kal leh lamin, ka pu nen kan intawk thut, "Morning Sir", kun zeuhin ka ti a. Chba pawhin a wish ve.
Chba chu ka kalpui nghal nal nal, Sir tiin ka ko leh a, mak a ti leh ngswt ang chu. Sir ti hlirin ka ko tawh dawn tlat alawm.
"Takah, U Dindin",
"Min u kher suh", ka ti hlak. "A nih, Dindin, love bite kha",
"Love bite a ni lo, Lalhruaii te khan dawt an sawi a nih kha", ks ti hluai. A ner sawk a, a awih loh thu sawiin min la chhaih zui ve khanglang. Naupang tê tê si, nghal ṭha reuh lutuk mai.
Lunch break zawh period-ah ka pu a lo lut a, "A chhe lo thei e", Hruaii leh Zami an insik hlawk hlawk. Ka en ṭha duh miah lo, ka intihpaukhauh kha a ṭul miau a.
"In ṭhiante han zirsan a rem si lo a, eng nge kan tih ang aw?", ka pu chuan a ti lang lang a. "Sir, projector hi hmang ṭangkai ang u", mipa lamin an lo ti.
Ka pu chu nui sukin a bu nghut a. Projector chu White board-ah a chhun êng va. "Eng nge kan en ang?", a tih leh chuan, "Bahubali", an lo ti a. Ka pu pawh a nui chhuak hawk hawk.
"Chu lo a dang?",
"Sir, class kal tirh laia thla kan lak ho kha eng ang u", hmeichhe lamin an ti ve bawk a. Mipa lamin an lo hnial ve nasa bawk.
Ka pu chu a buai ngang mai, a phone a thai a thai kual a, "Duh in ngah bawk sia aw", a ti lang lang. Youtube aṭang gallery-ah, chutiang reng reng chuan a buai.
A tawpah, gallery aṭanga a chhuak tur chu ka thlalak pakhat projector aṭang a kap chhuak ta!
Ka thinphu rang lutuk chu, ka thaw hlawp hlawp thei. Mahse, a tibo leh vat a, ka hmu chiang hle thung. Keimah ngei ka ni, hla zir zan. Cooler bula keimah chauha ka ṭhut lai. Keimah ngei ka ni, engtin?
"Dindin, i ṭha em?", Hruaii chuan min lo tiche dat a, ka ṭhat thuin ka lo chhang.
Ka thlalak a phone-ah a awm, ka duh lo kher mai, duh lo tak ka ni.
Ka pu phone-a ka thlalak awm delete dan tur ka ngaihtauh rauh rauh a, ka duh lo lutuk chu ka thinrim hlur tawh.
"Lalte", ka bag-ah a lo pawt a, ka tal laih laih. "Min thlah rawh", ka ti a. Min thlah duh chuang lo. Kan venga school aṭanga haw hoin min kal pel zeuh zeuh a.
Zahah pawh ka la duh tawh lo, min thlah duh der lo lehnghal, "Sir, min thlah rawh", sehchilh nawkin ka ti a. Sir ka ti chu a lawm lo ngang mai.
"I mizia hi a ṭha miah lo a nia aw",
"A ṭha mah mah zawk, ka mizia hi ka duh teh mai nia", ka ti ve hlak.
"Vawikhat mah, kawngah mipa kuah chung chung tawh suh", zawi tak si, chang fak hian a ti a. Ka nui hak.
"Sir, school compound-ah êm kan kuah hleinem", inkuangkuah thanin, melh kar chungin ka ti a. A rum nghut.
"School compound ni lo mah se, school uniform i hak chhung chu, zirlai angin i awm tur a ni", a ti leh khauh.
Min hrilh satliah ni loin, thu min pe zawk hi a ang, "Ka lo hre tawh ang", ka ti leh a. Tal pit thutin ka kalsan nal nal.
A duh dan dana min awmtir a tum ziah mai, ka duh danin ka awm ve ang. Nga-ki ka kuah lai kha min lo hmu tihna a ni chek ang a, ka duh leh ka kuah ang, a thu lo em mai ah.
Nilaini khi Teachers Day a ni tawh a, pangpar leia tu emaw ber pek ve ngei ka duh a, tu nge ka pek tih erawh ka hre chuang lo. Ka pu kha, pek ka tum ber a ni a.
A buai chuar vek, engkim mai hi a buai vek. Tukverhah dingin, thawk ka la kâwk kâwk, ka rilru tihthawven nan Comedian search ka ngaithla daih a. Lehkha zir erawh a lang lo chiang teh asin.
Ka pa Office kal hnuah, in aṭang ka chhuak ve chauh a, ka pa hi chu car pawhin kal mah se, pawi ka ti lo. Kei erawh, ka la chak ṭhaa, chu loah school ka thleng hma dawn lutuka ka duh lo.
Tuna ka thlen hun pawh hi, a hma ka ti tawh a nia. Waiting shed bulah Nga-ki nen kan intawk leh a.
"Lo kal ka tum asin, inah lo la awm tur che alawm",
"Ka awm peih tawh lo alawm, a thuhrimah lo kal ziah tawh suh, College-ah kal ta che", ka lo ti lang lang.
"School thleng ka lo thlah ang che, lo kal rawh", a ti a. A inher zui nghal.
Chuan ka tum laii, "Lalte?", ka phu chiang lutuk.
"Khawia kal nge i tum a?", ka banrekah a hmer nghal. "Ka duh duhnaah", ka ti ve hmak.
"School kal tur i nih kha, school lo hmundangah kal hlek suh", thip zeta min melh ngur chungin a ti a. Ui chu nise, seh tuma min veh pahin min bauh nasa ngawt ang.
"Kan leng lawk dawn lawm", nuih sakin ka ti a. A bek a pawng ṭawlh ṭawlh. "Sir, min tinâ a nia", min hmer nâ lutuk chu, ka banrek hi a bung thei dawnin ka hria.
"School i kal ang", ti hmukin min kalpui a. Ka ṭang ve tlat thung. "Min thlah rawh",
"Duhtawk rawh, ngati nge ka thintirim zawng ngawta i awm?", ka hmui hnuai ka seh niah niah. Min ânkhum vak ringawt zel mai.
"Lalte, ka mamawh che ka tih kha, ngati nge i hriatthiam theih loh, ka bialnu i nih thu i sawi a ni lawm ni", ka luah vuanin, beiseina beidawng tak meuh meuhin min en kar mai bawk.
Mahse, ka nêm tawh dawn miah lo, "Bialnu maw, huh, hmanrua atan chauha i bialnu nih ka duh reng reng lo. Min mamawh i tih pawh, ka taksa khawih i duh vang chauh a nih kha", ka ti vei tawn tawn.
"Chutiang a ni lo", a ti zawi sup a. Muangchangin min thlah, "A ni ngei alawm, min mamawh huna i bula ka awmin, ka taksa i duhtawkin i khawih ṭhin a nih kha, eng ang inmamawhna nge ni ngai. Mualpho takin min la siam zui a", ka nui hak.
Ngaihdam dilna tun thlengin ka la hmu lo, chu ai chuan min la ruih khum zui. Nga-ki chu ka pan leh a, scooty-ah chuan lawn kaiin, "Kal ang", ka ti sap a.
Ka pu chuan, rilru nâ tih hriat tak hian min thlir zui vawng vawng. Nga-ki hnenah chuan school-a tlan lut lo turin ka hrilh a, an in lam panin kan tlan ta zawk.
School ka tlanbo dawn tihna a nih chu, ka nu leh pain an hriat vaih chuan, min vaw duh ngei ngei ang.
Show post links
Top
Chapter-17
Ziaktu: Cck Lalchhuanawmi
Engtin nge ka tih tak ang? Ka hmaah leh room lamah, eng, eng hi nge maw thleng ta le?
"Nga-ki",
"Ka sawi kha, ka phut thut vanga hrilh che ka ni lo, hun rei tak chhung ka thup tawh, ka rilru ka hrilh mai che alawm",
"Min tibuai a nia",
"Ka hria lawm, Dingdong, tuna min chhan kher ka phut lo ka tih kha aw", ka kut rawn vuanin a ti leh a.
Hun rei tak chhung ka lakah rilru hran a lo pu tawh tihna a ni a, tunah min hrilh chauh a, lo dawnsawn dan tur ka hre ta hauh lo.
Surprise pawh a ni tawh lo, min rûn hi a ni ber. Nga-ki kal hnu pawhin ka ṭhu ngawi reng a, ka thluak hi a thi emaw tih mai turin, a ruak vek. Ngaihtuahna a buaiin, a ruak vek.
Buaina a inchawbe chho zut dawnin ka hria, keima thiam loh vang nge ni dawn ni?
Room-ah ka lut a, khumah ka pu a lo awm tawh lo, ka hnung lam aṭang min lo kuah thut a, ka phu chiang lutuk. "Min tihlau alawm", ka ti a.
La thinrim khum reng tur ka nih laiin, ṭawngkam nêm ka la hman khum thei zawk chu nia. Ka awmdan pawh hi ka hrethiam tawh lo.
Mahse, muangchangin min thlah a, "Mangṭha", ti supin, a chhuak zui. Ka dinna ngaiah ka ding ngawi reng a.
Min mangṭha thu a sawi a, ka lungchhiat rualin hlauhthawnnain ka khat! Min mangṭha hlen tak tak ta se, engtin nge ni ta ang?
"Bawihte, i inkhawm lo ang tiraw?",
"Aw, khawm lo ang", ka ti zawi sap a. Ka nu leh pa kal hnuin room-ah ka tawm leh daih. Nga-ki hnen aṭang call ka dawng a, engvak mah a sawi hman lo, keimah zawkin lehkha zir ka duh thu hrilhin, call ka titawp daih.
Tumah ka be chak lo, mahni chauha awm ka duh rih. Lehkhabu phawrhin zir ka han tum a, ka bih ngawt ngawt ringawt.
"Laldintluangi ka nih hi", ka ti sap a. A hma anga inringtawk tak ni ṭhin, phak ang tawka huaisen leh, tuarchhel êm êm kha nih leh ka duh ngawih ngawih!
Ka nu leh pa thawm ka hriat chuan, room aṭangin ka chhuak a, an hnungah Sangin a lo zui lut ve. "Hei, mikhual kan lo hawn sak che a", nui sangin ka pa chuan a ti a.
"I inkhawm loh chhan insawifiah tir tur chein ka lo kal a nih hi",
"Zan lam te chu, ka inkhawm ngai hleinem",
"ṬKP Fellowship alawm ka sawi, hla zir ve ûka, rem leh si lo", Sangi chuan a ti nang nang a, ka nuih sak ringawt.
Ka room-ah inzui lutin, khum chungah inhmatawnin kan ṭhu a. Ka room-ah hian ṭhutthleng a awm lo a, khum chunga ṭhut a ni mai.
Chubakah, Nga-ki chiah ka room-ah a lut ṭhin a, ṭhutthleng hun(hung) lam reng ka ngaihtuah ngai lo.
"Fellowship chu",
"Ka peih chiah lo lawm, bakah ka zirpuitling si lo", ka ti a. Chhuanlam a tlin loh thu min hrilh nghal zat.
Ka hla duh a nih vangin ka zir hrâm hrâm chauh a ni a, chuti ni lo se, zir chu sawi loh ka ngaihsak dawn lo hrim hrim.
"U Sawmtea nen in inkar hi a ṭha em? Fellowship te khan a lo thleng tlai sia, chubakah a zawng deuh reng pah lehnghal che, a khawngaihthlak zawk",
"Sang, kan inngaizawng hleinem",
"Maw, dawt sawi lo mai teh", min beng hlak zui. Dawt ka sawi tawp si lo.
"Ka awih chuang lo aw, in inhmuthiam lo deuh a nih ka ring, inrem leh vat ang che u", Sangi chuan a ti dap dap. Min vo pah deuh nge mawni.
"Kan inngaizawng lo tak tak alawm, a sawi i hriat kha chu, midang a sawina nih kha", ka ti nang nang. Awih lo deuhin a ner sawk.
"U Sawmtea bakin 'Lalte' tiin an ko lo che, a koh lai che pawh ka hria lawm le", a lo ti ve tlat. A thusawi chu ka 'aw' vel ta mai mai, ka sawi thui poh leh, min hnial kalhna tur a hre ve ting a ni mai.
"Naktukah ka zin dawn sin",
"Khawiah?", ka lo ti thuai. "I U Hliman a thawhnaah hna min hmuh sak a, thawk turin ka kal dawn", a tih chuan, ka melh ralh.
"Ka u nen in inbe ṭha leh tihna mi?", ka ti a. A nui hak, "Inṭhen mah ila, inbiak loh hlen tur tihna a ni chuang hleinem. College kal ngawt ka ning a, hnathawh tur min zawnpui turin ka ti lawm", a ti lang lang.
A nui sun sun a, hnathawh tur a hmu chu a hlim nge, nge ni a, ka u nen an inhmuh theih dawn vang?
"Khati khan min en suh, engmah a thleng lo ang, i u te chuan min duh tawh teuh lo", a ti nang nang. Ka u chu, a la duh deuh tihna mawni le?
"Ka u pawhin a la duh ang che, ngati nge in inṭhen?", chîk zeta enin ka ti a. A sawi hma chu ka kal tir dawn lo reng reng. "A kum tel fe a lo haw tawh lo a, phone kaltlanga inngaihzawnte chu, tu nge peih reng bik ang a?", a ti lang lang.
A auin a au ni ber, an inṭhen chhan chu a va ho leh si. Mahse, a awm ve tho, phone kaltlanga inngaihzawn reng chu, hmangaihna tak tak a awm loh phei chuan. Hmangaihna tak tak te ka ti, ka zak e ah.
Sangi haw hnu chuan mu turin ka inruahman a, hâ nawt pahin darthlalangah ka inen vang vang.
Ka rilru ka tipaukhauh tawh ang a, school kal a la ngaih dawn avangin ka pu hmuh ngei ngei a ngai dawn.
Chutah pawh chuan, Zirtirtu a nihna ang chauhin ka en tawh ang. Ka ti thei ngei ngei ang, saruh ai te chuan ka tum a ruh zawk daih.
Bathroom aṭang chhuakin, khumah ka tlu nghal tawp. Ka rilru a hnual vang mai maiin ka taksa pawh a chau a, ka rilru a hlim erawh chuan ka taksa pawh a chak ṭha a ni mai.
"Keimah kha ka ni leh dawn", ti sapin, khum aṭang ka tho a. Ka room tukverh hawngin, boruak ka hip lut kâwk kâwk, ka thaw chhuak leh ham ham ṭhin a.
Ka rilru pawh a harhin a hlim ta deuh, a hma aṭanga lo tih daih tawh tur hi a nia. School kal tura ka insiam pawhin, nuihna tur hlir youtube-ah ka ngaithlaa, rilru kaptu reng reng awm loin school kalkawng pawh ka zawh.
"Dingdong", Nga-ki ka hmuh chuan ka kuah chung chung a, "I ṭha maw?", hrilhhai deuha a tih chuan, ka nuih var var. "Ṭha lutuk, hetiang hian ka la ṭha ngai lo", ka ti lang lang.
Mak ti deuhin min en tlawk tlawk a, "Tikhan min en reng suh, ka awm i tinuam lo", a banah ka beng hlak.
"School i kal hmain rawn hmuh che ka tum a, mahse; kawngah kan inhmu ta sia",
"I van fel tak", ti pahin ka kuah leh a. Ka inlak hran hnuin, "Nang ang ṭhian ka nei che hi ka lawm lutuk, ka'n kal tawh ang e. Nangpawh, kal tawh rawh", bye bye chungin ka ti a.
Hawi let tawh loin ka kal nul nul. Engtikah mah, ka chunga a rilru put ang kha ka pu ve thei dawn ngai lo a. Chuvang chuan, ka ṭhianṭha ber, ka ṭhian chauh a ni tih ka hriatnawn tir zel ang.
"Third year-i lo thleng", Hmangaiha chu ka melh rawm rawm. A hming min phuahsak hi a ṭhing lutuk.
"Vawiin chu, class mumal kan neih ka ring lo, Teachers' Day atana inbuatsaih leh hun a ni dawn a", Hruaiin a ti lauh lauh.
Class tina CR-te an chhuak ṭhin a, anni ho hian Hall decoration pawh an buaipui vek a, an hah ve thei ngawt ang.
Hruaii sawi ang chiahin, first period aṭang class mumal kan nei lo. Bengchheng lo tur erawh chuan hrilh ngun kan hlawh ber.
A tawpah phei chuan, Pu David-a lo kalin, dawhkan bawha muhil vek turin min lo ti. "Tunah bawk nghal rawh u", thinrim ṭeuh chungin a ti a.
A ruka nui kur kurin dawhkan ka bawh. A thinrim te lah hi, a hlauhawm ve lo ropui si. Kan ngawi ta diak a, classroom pawh a reh tlawk tlawk.
Pu, Sir David-a a kal tawh ringin ka tho a, "Het", a ti fiak ṭhak nghal. A la kal awzawng lo. "Sir, ka muhil thei lo", ka ti a.
"Mu mai mai rawh, zankhuain phone i khawih kha, i mut a chhuak tih ka hria. Lecture pe che u ila chu, in mut a chhuak leh hlawm ngawt ang", a lo ti chharh chharh.
Zankhuaa phone ka khawih lohzia a hre lo mai mai a ni. Ka net recharge a hun tawh a, message ka dawng thei chang chang tawh tih a ni.
Recharge ka la duh lo a, phone khawih loh ka duh rih zawk. Pu David-a chuan a tiang kenin mu turin min ti a, ner salh salhin dawhkan ka bawh thla leh riai riai.
"Lengdang, ngai lo tein lengdun zel ang aw", mipa âw thâm chhelh chhawlh hian a lo zai al al a. Ka nui hak.
An zaipui zawm a, mipa deuh vek an la zai. Sir David-a a kal tawh a niang. A hnuah hmeichhe ho pawh an zai a.
Kei erawh, ka la tho chhuak peih lo, mit chhing vang vang chungin ka ngaithlaa. An sa lungrun nasa mai bawk sia, ka lo feel ve veng veng thei.
An sak zawh chuan, "Vawikhat leh", ka ti a. An sa leh dual dual, dawhkan ka bawh leh daih a, kei lo pawh dawhkan bawh an la tam.
Kan CR-te an awm lo bawk a, zai hmasa bertu, âw thâm chhelh chhawlh neitupa chu Biakdika a ni tih ka hre chawpchilh. Kum chanve dawn chu class khatah kan awm a, hming hriat alawi pawh ka nei lo.
Hla dang dang an pakai zel a, Hruaii leh Zami pawh an phur nasa tawh lutuk. "Move back, move back kha kan thiam em?", ka au lauh lauh a.
"Eng hla nge a?", an lo ti hû. Ka sa chhin a, "Eeee", an ti leh dual. Keipawh chuan ka zawm a, "Lengnghathu rawt", Hruaii te ho nen action-tein kan sa a.
Midang pawh an lâm nasa mai, "Teachers' Day-ah hian, zai ve ang u, kan zaithiam hlawm em mai", Chba'n a tih chuan, "Nangmahte khan i zai dawn nia", ka lo va ti a.
"Senior thu te chu kan hnial ngam nang", Chba'n min lo ti. "Awiii", ka ti hliai a. An nui huah huah. Keipawh a nui nasa saah ka ṭang. Huata thinrim thei pawh a ni lo.
Ka ning eee ah, "Senior", Chba chuan min la ko al al zui. "Chhurbur, ngawi mai mai rawh", ding hluaiin ka ti a. A nui huah huah.
"Zai leh ang u", hmeichhe pakhatin a lo ti a. Nui kur kurin keipawh ka ṭhu thlaa, "Lengdang", bawkin bul an ṭan leh. Ka la ngaihthlak ve loh avangin ka hre lo tluk a ni.
Mahse, chutia an sak an sak takah chuan nalh ka ti ta phian. Ka thlang nawn tlut tlut bawk nen, ka sakpui thei ve ta hial. Min hneh êm êm mai lehnghal, zahthlak te tein.
Break dar a lo ri a, "Break loin la zai ang u",
"I duh leh nangmah khan zai rawh", Chba chu an lo ti vin hlur. Ka khawngaih reuh lutuk. "Leng ang", ti pahin, a darah ka kuah a. "Khawiah?", a tih chuan, Science block lama kan len tur thu ka hrilh a.
Kan pahnihin inkuahin, dak vah chungin kan kal a, min hmu apiangin min nuih zui kur kur zel. "Bromance kan nih hi", Chba chuan a ti a. Kan han in-set ngei.
Vanropuia te class-ah kan lut a, "Senior kan lo lut", ka ti lauh lauh. Class-11 chauh an ni a. Min hnial vak ngaihna an hre lo.
"Third year-i nih hi, keini Senior ai pawha Senior double-i nih hi", nui huah huah chungin Chba chuan a ti a. Ka ner nâwng ringawt. Ka hui pap pap ringawt, huat theih si lo, fiamthu mah nise, a dik tho bawk si.
Kan class pana kan kal leh lamin, ka pu nen kan intawk thut, "Morning Sir", kun zeuhin ka ti a. Chba pawhin a wish ve.
Chba chu ka kalpui nghal nal nal, Sir tiin ka ko leh a, mak a ti leh ngswt ang chu. Sir ti hlirin ka ko tawh dawn tlat alawm.
"Takah, U Dindin",
"Min u kher suh", ka ti hlak. "A nih, Dindin, love bite kha",
"Love bite a ni lo, Lalhruaii te khan dawt an sawi a nih kha", ks ti hluai. A ner sawk a, a awih loh thu sawiin min la chhaih zui ve khanglang. Naupang tê tê si, nghal ṭha reuh lutuk mai.
Lunch break zawh period-ah ka pu a lo lut a, "A chhe lo thei e", Hruaii leh Zami an insik hlawk hlawk. Ka en ṭha duh miah lo, ka intihpaukhauh kha a ṭul miau a.
"In ṭhiante han zirsan a rem si lo a, eng nge kan tih ang aw?", ka pu chuan a ti lang lang a. "Sir, projector hi hmang ṭangkai ang u", mipa lamin an lo ti.
Ka pu chu nui sukin a bu nghut a. Projector chu White board-ah a chhun êng va. "Eng nge kan en ang?", a tih leh chuan, "Bahubali", an lo ti a. Ka pu pawh a nui chhuak hawk hawk.
"Chu lo a dang?",
"Sir, class kal tirh laia thla kan lak ho kha eng ang u", hmeichhe lamin an ti ve bawk a. Mipa lamin an lo hnial ve nasa bawk.
Ka pu chu a buai ngang mai, a phone a thai a thai kual a, "Duh in ngah bawk sia aw", a ti lang lang. Youtube aṭang gallery-ah, chutiang reng reng chuan a buai.
A tawpah, gallery aṭanga a chhuak tur chu ka thlalak pakhat projector aṭang a kap chhuak ta!
Ka thinphu rang lutuk chu, ka thaw hlawp hlawp thei. Mahse, a tibo leh vat a, ka hmu chiang hle thung. Keimah ngei ka ni, hla zir zan. Cooler bula keimah chauha ka ṭhut lai. Keimah ngei ka ni, engtin?
"Dindin, i ṭha em?", Hruaii chuan min lo tiche dat a, ka ṭhat thuin ka lo chhang.
Ka thlalak a phone-ah a awm, ka duh lo kher mai, duh lo tak ka ni.
Ka pu phone-a ka thlalak awm delete dan tur ka ngaihtauh rauh rauh a, ka duh lo lutuk chu ka thinrim hlur tawh.
"Lalte", ka bag-ah a lo pawt a, ka tal laih laih. "Min thlah rawh", ka ti a. Min thlah duh chuang lo. Kan venga school aṭanga haw hoin min kal pel zeuh zeuh a.
Zahah pawh ka la duh tawh lo, min thlah duh der lo lehnghal, "Sir, min thlah rawh", sehchilh nawkin ka ti a. Sir ka ti chu a lawm lo ngang mai.
"I mizia hi a ṭha miah lo a nia aw",
"A ṭha mah mah zawk, ka mizia hi ka duh teh mai nia", ka ti ve hlak.
"Vawikhat mah, kawngah mipa kuah chung chung tawh suh", zawi tak si, chang fak hian a ti a. Ka nui hak.
"Sir, school compound-ah êm kan kuah hleinem", inkuangkuah thanin, melh kar chungin ka ti a. A rum nghut.
"School compound ni lo mah se, school uniform i hak chhung chu, zirlai angin i awm tur a ni", a ti leh khauh.
Min hrilh satliah ni loin, thu min pe zawk hi a ang, "Ka lo hre tawh ang", ka ti leh a. Tal pit thutin ka kalsan nal nal.
A duh dan dana min awmtir a tum ziah mai, ka duh danin ka awm ve ang. Nga-ki ka kuah lai kha min lo hmu tihna a ni chek ang a, ka duh leh ka kuah ang, a thu lo em mai ah.
Nilaini khi Teachers Day a ni tawh a, pangpar leia tu emaw ber pek ve ngei ka duh a, tu nge ka pek tih erawh ka hre chuang lo. Ka pu kha, pek ka tum ber a ni a.
A buai chuar vek, engkim mai hi a buai vek. Tukverhah dingin, thawk ka la kâwk kâwk, ka rilru tihthawven nan Comedian search ka ngaithla daih a. Lehkha zir erawh a lang lo chiang teh asin.
Ka pa Office kal hnuah, in aṭang ka chhuak ve chauh a, ka pa hi chu car pawhin kal mah se, pawi ka ti lo. Kei erawh, ka la chak ṭhaa, chu loah school ka thleng hma dawn lutuka ka duh lo.
Tuna ka thlen hun pawh hi, a hma ka ti tawh a nia. Waiting shed bulah Nga-ki nen kan intawk leh a.
"Lo kal ka tum asin, inah lo la awm tur che alawm",
"Ka awm peih tawh lo alawm, a thuhrimah lo kal ziah tawh suh, College-ah kal ta che", ka lo ti lang lang.
"School thleng ka lo thlah ang che, lo kal rawh", a ti a. A inher zui nghal.
Chuan ka tum laii, "Lalte?", ka phu chiang lutuk.
"Khawia kal nge i tum a?", ka banrekah a hmer nghal. "Ka duh duhnaah", ka ti ve hmak.
"School kal tur i nih kha, school lo hmundangah kal hlek suh", thip zeta min melh ngur chungin a ti a. Ui chu nise, seh tuma min veh pahin min bauh nasa ngawt ang.
"Kan leng lawk dawn lawm", nuih sakin ka ti a. A bek a pawng ṭawlh ṭawlh. "Sir, min tinâ a nia", min hmer nâ lutuk chu, ka banrek hi a bung thei dawnin ka hria.
"School i kal ang", ti hmukin min kalpui a. Ka ṭang ve tlat thung. "Min thlah rawh",
"Duhtawk rawh, ngati nge ka thintirim zawng ngawta i awm?", ka hmui hnuai ka seh niah niah. Min ânkhum vak ringawt zel mai.
"Lalte, ka mamawh che ka tih kha, ngati nge i hriatthiam theih loh, ka bialnu i nih thu i sawi a ni lawm ni", ka luah vuanin, beiseina beidawng tak meuh meuhin min en kar mai bawk.
Mahse, ka nêm tawh dawn miah lo, "Bialnu maw, huh, hmanrua atan chauha i bialnu nih ka duh reng reng lo. Min mamawh i tih pawh, ka taksa khawih i duh vang chauh a nih kha", ka ti vei tawn tawn.
"Chutiang a ni lo", a ti zawi sup a. Muangchangin min thlah, "A ni ngei alawm, min mamawh huna i bula ka awmin, ka taksa i duhtawkin i khawih ṭhin a nih kha, eng ang inmamawhna nge ni ngai. Mualpho takin min la siam zui a", ka nui hak.
Ngaihdam dilna tun thlengin ka la hmu lo, chu ai chuan min la ruih khum zui. Nga-ki chu ka pan leh a, scooty-ah chuan lawn kaiin, "Kal ang", ka ti sap a.
Ka pu chuan, rilru nâ tih hriat tak hian min thlir zui vawng vawng. Nga-ki hnenah chuan school-a tlan lut lo turin ka hrilh a, an in lam panin kan tlan ta zawk.
School ka tlanbo dawn tihna a nih chu, ka nu leh pain an hriat vaih chuan, min vaw duh ngei ngei ang.
Show post links
Top
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
Keima Pu: Sir Sawmtea
Chapter-18
Ziaktu: Cck Lalchhuanawmi
School ka tlanbo dawn tihna a nih chu, ka nu leh pain an hriat vaih chuan, min vaw duh ngei ngei ang.
"I ṭha em?",
"Ṭha chiah lo, school ka la tlanbo ngai si lo a", ka tei kual chhen. School tlanbo kher hi chu ka ti ngai lo, eng rilru pua tlanbo nge maw ka nih reng reng le?
"Dingdong, hahdam tum rawh",
"Ka thei lo nih hi, ka nu leh pain an hriat vaih chusn aw, Pu David-an a hrilh ngei ngei ang, ka chhe vek a ni mai", ka ti bah nawk nawk.
School-a kir leh mai te ka duh rum rum, a hrehawm lutuk. "A nih, ka thlah leh ang che, emergency a awm thu i sawi mai dawn nia aw", ka dara vuan chungin a ti a. Ka lo hnial lo nasa lutuk, ka bu nghauh nghauh.
School panin min phur let leh vang vang, kan thlen chuan line-up a la zo lo chiah chiah a, tlai hrem zingah ka tel thei hlauh.
School tlanbo ai chuan, tlai vanga hrem nih ka la duh zawk. "Laldindini kha, i va tlai ve", Pu David-an min hmuh rualin a lo au nghal lauh lauh.
Kei tih loh, hmeichhe pahnih an tlai ve a. Line-up loa biru mipa pathum an man tel bawk. Min hrem nan, school hall kawtah min dintir a, kan ban pahnih min phar tir zui.
Miss Lâpuiin min veng a, min titi pui char char. Kan ban erawh min dahthlak tir chuang lo, kei phei chu ka ban a kham tawh lutuk ringawt.
"Sir Sawmte", ka pu awmna lam kan hawi ṭhup a, a inpawm hnawk ṭun mai. Kan lam panin a lo kal chharh chharh a, line-up a la zawh loh avangin keini pawh kan la kalsawn thei chuang lo.
"Lehkhabu ringawt i ngaihtuah a, hunawl i nei thei lo lutuk, computer leh lehkhabu zûnah i uai tak tak tawh a nih hi", Miss Lâpuiin a tih chuan, a nui hak hak.
Min lo en zeuh a, "Thilnung lo zûna uai hian kan nâ lo ber zawk alawm", ka pu chuan nui sukin a ti a. Bo hûin ka en a, min sawichhan ve deuh nge mawni, ka zûnah a uai ve tihna a ni thei ang em?
"I tum ram va pan tawh rawh, ka ko mai mai che a nih kha", ka pu chu, bu nghuta nui sukin, Library panin a kal hnak hnak.
Ka hmuh theih chhung chu ka thlir reng, thilnung lo zûnah uai mah se, thilnung zûna a uaina chu keimah han ni hlauh ila!
"Line-up zawhah chauh in kal thei ang aw", Miss Lâpuii chuan a ti a. Kan lo bu nghauh nghauh. Tunah pawh hian min kal tir mah se, pawi ka ti miah lo.
Ka pu hnenah luh dilin, min en loin min hui ringawt a, ka kal pelh dawn lai chuan, "Lo let teh", a ti bul hmuk a, ka phu zuk.
"Nidangah chuan tlai tawh ngai suh ang che", zawi tho si, chang fak hian a ti a. A thinrimna bengdai tum niawm takin, a thaw huai huai.
Ka ṭhutnaa ka ṭhutthlak rualin, "Ngati nge i tlai a?", Hruaiin min zawt nghal. Thawh ka hai thu ka sawi ngawt a, a awih ve tho. Ani pawhin thawh a hai ṭhin thu a sawi ve tawh tlat a ni.
Ka pu chuan green board-ah chalk a zum leh mial mial a, chuti chungin min zirtir pah tho. A changin, white board-ah kan zirna kaihhnawih, thlalak te a kap chhuak a.
Mohenjodaro hmun hlui tih vel lam daih a ni. Tihpalh thilthu pawhin ka thlalak a kap chhuak tawh lo. Ka ngaihtuah erawh, a wallpaper kha a thlak tawh ang em tih a ni.
A thlak ka ring chiah lo, a chhan chu, tukinah pawh min mamawh thu a la sawi a, a la thlak lo tihna a ni mai.
"A nâ", ka rak ṭhat. Ka lu ka tuai vât vât a, "Eng nge i ngaihtuah?", a ti vin hlur. Ka âng zuau zuau a, han chhan dan tur ber ka hre lo. "Ding rawh", a ti fiak ṭhat. Ip chawihin ka ding a, "I kut dah thla rawh", a ti leh fak.
"Ti khan, tun period chhung i ding ang", en pawh ka en ngam tawh lo. Ka kun ngaih a, ka hnung lamah ka kut suih ka sik niah niah.
A ṭawng leh nuah nuah a, engtin nge a awm ka hre tawh lo, a âw aṭang erawh chuan a kal kual tih a hriat. "Awmawmi, i muthlu a nia", dam deuha ka puin a tih chuan ka hawi chhuang rang lutuk.
Nui sangin Awmawmi chu a en a, "First period chauh a la nih hi, mutthluk nan a la hma lutuk", ka pu chuan a ti dam thluam a, ka inhum ruh nghek.
Ka mittui a tlak loh nan, thil hlimawm lam hlir ka ngaihtuah a, thinrim taka min ṭawng khum reng te avang hian ka haw ngawih ngawih. Nêm deuha min biak lahin, beidawnna bak a ni ngai chuang si lo.
School danga insawn daih mai te ka duh tawh, "Ṭhu rawh", nêm deuh zawkin a ti a. Kun ngaih chungin ka ṭhu thlaa, Hruaiin ka hnung a lo chul hliau hliau.
Ka pu chhuah hnu chuan, "Dindin, engahmah ngai suh aw, a tihdan a nih kha, nikum school kal theih tawh pawhin min vin nasa thei lutuk", Zamin a lo ti dap dap.
"A ho em mai ah", nui lui sakin ka ti a. A ho erawh ka ti chiang lo nasa. A zirlai ka ni ve a, ṭha taka min ṭawng khum ve mai tur hi a nia. Awmawmi pawh chalk-in a vawm lo a, ṭha deuha a biak theih chuan, min be ṭha ve tur a ni.
Lunch break thleng pawh chuan, ka rilru a tâwt, "Naktuk Teachers Day, pangpar lei in tum em?", Hruaii chuan a ti lang lang a. Pangpar lei lam reng ka ngaihtuah leh tawh lo.
"Kei chu ka lei dawn lo, pawisa kan thawh khawm a, present an lei tho", Zamin a ti nang nang. "Thawh khawm mah ila, pangpar chu a dang bik alawm", Hruaiin a ti leh.
An pahnih chuan an inhnial dun kar kar a, a tua ve ve chuan tlawm an tum lo nasa. Ka nuih hak hak ringawt.
Chba a lo kal a, Third year min tih loh leh, senior double tiin, min ko chhen a, amah avangin ka nui nasa, ka rilru tâwt pawh a thawl huai.
Serkawn leh kan veng Ramzotlang inrinaa waiting shed-ah, Nga-ki a lo ding vang a, ka hmuh rualin nuih var varin ka pan.
"Ka lo thlah ang che", a ti sup a. Ka lo hnial lo nasa mai. "I hnungah, tukina mi pa kha a ding a nia", Nga-ki chuan a ti zawi sup.
Nui sakin, "A nih, kal ang", ka ti a. Ka hnung lam pawh chu ka hawi chuang lo. Nga-ki chu, a dul zawnah ka kut suihin, amah si cheta ṭhua a darah ka khabe ka nghat.
Engtiang chiaha nasain nge min en ang tih ka hre lo. Ka pu kan tlan liam san tih ka hriat ve leh, ka awm hrang thuai. Nuam ka ti miah lo.
Kan in kan thlen chuan ka chhuk thuai a, Nga-ki pawh chu ka en ngam lo lek lek. "Nichin vang khan ka tihpalh lutuk aw", ka ti sap. Ka inchhir hnuhnawh.
"A ho lutuk, mahse; nuam ka ti", nui sukin Nga-ki chuan a ti a. "Nga-ki", ka ti chuai raih. "Hey, ka fiamthu a nih kha", ka dara sâwi zeuhin a ti a. A fiamthu lo tih kan pahnihin kan hrechiang ber ang.
Thei tui a in zawh ve leh Nga-ki chu a haw a, Sangi pawhin Delhi a thleng tawh ang chu ah, ka u nen an inhmu nitin thei tawh dawn a. Sangin ka u Hlima a la duh ru reng bawk nen, an nih ṭhat leh te ka ring rum rum.
Sangi leh ka u ngaihtuahin ka nui var var a, an han inhmu ngei ang a, eng tak sawi ang maw?
Ka u chuan, a duat ngawt ang le. Tu nge, inṭhen rawt hmasatu zawk zawh a ngai lo, Sangin a rawt hmasa tih a chiang reng.
Ka u ka la zawt ngei ngei ang, ka hriat lohin an lo inngaizawng vel a, ka la dawp ngei ngei ang mawle.
"Bawihte", ka nuin min koh avangin, room aṭang ka chhuak a, "I u te hoin an be duh che", ka nuin a tih chuan, a phone ken chu ka zu bih a, min lo vai lauh lauh.
"Ka phone-ah min lo call r'u, nu, hotspot lo on teh", ti nghal zatin, ka room-ah ka lut vat.
Wifi ka on a, unau video calling kan nei. U Hliman net recharge sak min tum a, "Tun thla chhung chu ka duh rih lo, nakinah ka lo hrilh dawn che nia", ka ti a.
Min hnial em bik chuang lo, "Sangi chu, a nuam a ti em?", U Hlima a phu zuk. Ka nui hak hak a, U Puitea tih loh chuan a awmzia kan hre vek, "Sangi chu ngati nge a?", U Puitean a lo zawt nghal.
"U Hliman hnathawh tur a hmuhsaka, a thawhna Hotel-ah khan", ka lo ti zung zung. "A van ṭha em em", U Puitea chuan a ti muang ban charh.
Ka u nen kan nui dun hak hak a, U Hlima erawh a nui duh ṭhak lo, U Puitea lah engmah hre hek lo, hrilhhhai deuhin a tarmit kar aṭang a meng kual rak rak.
"Duhtawk teh u, in ninawm, a thuhrimah, a lo la thleng lo. A lo thleng ṭep tawh ang chu ah", U Hliman a tih chuan, "Eeee", ka u nen kan lo ti thuai.
U Puitea lah a bo tawlh tawlh, "U, Sangi nen an ni tawh lawm, an inṭhen chhan pawh, u Hlima kha a lo haw thei si lo a", nui huah huahin ka ti a.
U Puitea pawhin a hrethiam ve ta chiah a, tlai khawhnuah a han nui ṭha leh rih.
"In lo che chukchu vak vak ang e aw", U Puitea chuan a ti. "Nang kha, ngawi mai mai rawh", u Hliman a lo ti vat.
"Manager-a i kai hunah phei chuan e, i Assistant-ah i dah hmak ang a, duhtawka chet chukchu a ni tawh mai",
"Hotel a nih hi, Assistant a neih theih ngawt loh", U Hliman a tih chuan, "Ka man che, chet chukchu chu i duh hle ni maw", ka uin a ti hluai. A nui vak vak a.
U Puitea nen kan nui hak hak, U Hliman chhan ngaihna a hre tawh lo, "In ṭawng thei lutuk mai", U Hliman a ti nang nang.
"Tak taka, duh loh chunga inṭhen in nia, ni ṭha leh mah ula, a pawi hleinem", U Puitea chuan a ti dam thlup. Ka thaw chhuak hawk a.
U Puitea hi chu, kan unau zinga fing ber tih takah, a ṭawngka chhuak te hi, a ngaihtuah fe hnua a sawi chhuah tih hi a chiang ngawih ngawih.
"Ngawi lawk r'u aw, Sawmtean min lo call tlat mai, ka chhuahsan mai ang che u, muttui vek ule", U Hlima chu a chhuak nghal a. Sawmtea a tih chuan, ka rilruah ka pu a lang nghal.
Ka u hnenah eng nge a sawi ang le? "Bawihte?", ka lo pending san daih tih ka hre chhuak. Ka u te pahnih chu ka nuih sak a, anni pawhin, "Nidangah kan inbe leh dawn nia, muttui ule", an ti a.
Call kan titawp, ka khua a har nghal rawih rawih. Ka u te ho hi ka ngai tawh em mai, ka bulah awm se, ka rilru hahna te, ka harsatna te hrilha, ka kianga ding ve turin ka duh ngawt mai.
Wifi ka la off loh avangin, message a lo thleng zut zut. Group message bak a ni lo, Nga-ki pawhin phone recharge ka ngaih thu a hriaa, a message hmuh tur a awm lem lo.
Ka nu hnenah off turin ka ti a, la recharge lo ila, rilru hahna pawh a awm lo a ni mai. Group ho chu ka clear fai vek a, hla ka download sa ka ngaithla ta mai mai.
'Thawnthu tawp thei lo' ka ngaithla nawn tlut tlut. Hemi hla hian, ka rilru pek tak takna ka ex kha min hriatchhuah tir ziah a, mahse; ka ngaithla lo lo phal ṭhin lo.
A nalh ve em bawk atin ni. Ka rilrua mi pakhat lo lang avang chuan ka mittui a hnâm sawk. Kum chuang fe a lo hmangaih tawh a, tun thleng pawhin a la hmangaih fan a.
Mahse, an inkawp a rem lohna chin a awm tawh si, ka pu rilru tur pawh ka hriatthiampui uar uar. Mahse, chumi vang chuan ka pan hmasa lo ang.
Amah ngeiin, beiin hneh zawk rawh se. Ka mittui luang chu ka hru tawk tawk a, ka hla play chu off-in, lukham hnuaiah phone ka dah daih.
Ṭawngṭai tumin ka kut ka suih a, ka mit ka chhing vang vang ringawt. Sawi tur ka hre lo reng reng. A tawpah, "Amen", ka ti ringawt.
Ka mu meng kar a, ka u leh ka pu te chuan engtak sawi ang maw? Ka zawt ngam si lo, ka puin a harsatna te a thlen ve a ni hrim hrim ang.
"Pangpar te i lei ve lo a?",
"Ka theihnghilh daih lawm, chubakah pek tur pawh ka hre lo",
"I pu David-a saw i pe ang chu, in zirtirtu a ni ve tho alawm", nui sangin ka pa chuan a ti a.
Ka nu pawhin, "Sawmtea pawh a awm saw, i pe ve ang chu", a lo ti ve bawk. Ka bu nghut ringawt.
Dawrah ka kal a, Rose sen chuan ka mit a la thlu ngang mai. Rose var pakhat leh a sen chu ka lei ta a. A var hi chu, pu David-a ka pe ang a, a sen hi chu, tu emaw dawhkanah ka dah tawp ang.
School ka thleng a, pangpar an keng nalh hlawm ngang mai. Dar sawm daiha ṭan tur a ni bawk a, Office hawng tawh mah se, Zirtirtu kal an la awm lo tluk a ni.
Hruaii te pawh an lo thleng a, "Pangpar i lei ve em?", an tih chuan ka bu zeuh. Ka bag-ah ka dah ṭha khiau. "Sir Sawmtea birthday a ni pah a, a nuam double thei dawn e", Hruaii chuan a ti lang lang.
"Tu birthday maw?", ka zawt ṭha leh ngat. "Sir Sawmtea, pen zasawmnga man chi ka pe dawn a, Rose sen nen", nui deuh tet tetin Zami chuan a ti a.
Teachers' Day a birthday a ni pah bawk, a mak tawp. A piang fuh ka ti dawn nge, fuh tawk lo. A piang fuh chu a ni ber mai.
Office-ah Hruaii leh Zami te nen kan chho a, Office-a kan lut chu, Zirtirtu te dawhkan tin chu, pangparin a lo khat lûk mai. Ka pu dawhkan awmna kan thleng a, birthday present nen, pangpar nen, a dawhkan a ruak lo ber mai thei a ni.
Chocolate pe te an awm a, ka thik lek lek dawn. Zami chuan pen leh pangpar chu a dah a, Hruaii pawhin birthday present nen a dah.
Kei erawh, ka dah ta lo mai. Keia thilpek ve mai mai te chu, engmah a ni lo.
"Sir Muana dawhkan saw", Hruaii chu a au hlaui. "Sir Sawmtea aiin a khat zawk", a ti leh. "Sir Sawmtea a khat zawk", Zamin a ti ve leh.
Nui sakin ka lu ka thing nar nar, Sir Muana dawhkan a khat zawk tlat. Office aṭang kan chhuak a, CR ho an phe suau suau, ka fak ve thlawt. Ka taimaknain a tlin loh tur thil a ni ve tlat.
"Pu, Sir", ka ko sual nawk. Ko sual pawh a ni chiah lo. Pu David-a chu Rose var ka pe a, a sen erawh ka phawrh chhuak lo hrim hrim.
"Ka va lawm ve aw, Zirtirtu hian hau ṭhin che u mah ila, kan hmangaih vang che u leh, in ṭhatna tur kan duh vang zawk tih hriat tur aw", ka lo bu nghauh nghauh.
Ka kalsawn a, ralkhat aṭanga min lo thlir rengtu ka pu ks hmuh chuan, ka mit ka chhing sawk. Hruaii te lamah ka phei leh ta daih a.
Hall chhungah ṭhu ṭhapin, kan host-te chuan kan Zirtirtu te chu an ko lut ta a, kan lo ding ṭhap a, kut kan beng dur dur.
Class-9 CR, Remruatan Bible chhiar leh Ṭawngṭaina neiin, Education Minister hnen aṭanga lehkhathawn chhiar chhuah a nih hnuah, cake an lo chawi lut a.
Stage-ah Zirtirtu te chho vekin, Proncipal leh Vice Principal-in cake an zai a, chuti chhungin kut kan lo beng dur dur.
Cake chu an inbarh den den a, ka pu pawh a chhe lo hawr hawr lutuk. A hawi kual leh dû dû ṭhin chu ka hmu fuh thei em em lehnghal. Zawn nei ang tak a ni, min zawng te hi a ni mai ang a?
Tlar laihawla ṭhu kan ni bawk a, ka ṭhu kun deuh bawk nen, min hmuh mai mai ka ring lo.
Zirtirtu te an ṭhut fel hnu chuan, kan host-te pahnihin lawmthu sawina te an nei a. Chumi hnuah, "Kan school hian Teacher tlangval pahnih kan nei a, tu te nge kan hria em?", host-nu zawkin a tih chuan, "Sir Muana leh Sir Sawmtea", tiin, an au dual dual a, an khêk vak vak bawk.
Host-nu bawk chuan, "Vawiin Teachers' Day hi, kan tlangval senior zawk birthday a ni a, a senior zawk chu", a tih chuan, "Sir Sawmtea", an ti leh dual, kut an beng dur dur a, an auin an ṭe chel chul bawk.
"Cake zai ṭha turin lo chho leh lawk se, khawngaihtakin, chuan a lo chhoh chhungin birthday song sa ang aw", host-nu chuan a ti a.
Ka luhlul ka chhuah leh tlat pek a, ka zai duh ṭhak lo, ka rilru erawh chuan a zawm ve tho. Cake a zai a, ka pu chuan Principal ko chho ve lehin, cake chu a ei tir ve leh.
"Sir, min solo sak dawn tiraw?", host-pa zawkin a tih chuan, ka pu a nui hak. "Solo turin kan duh em?", host-pa chuan uar fe hian a ti a.
An 'aw' dual dual. Ka pu chu microphone a pe a, a lo ban ve mai bawk. "Sir Muanan ka soundtrack a kawl daih", ka pu chuan a ti a.
Sir Muana thoin sound control-tu te lamah a kal vat. Music a lo ri a, "Saw, tu pu nge tu pu mah, ama tar tiin an sel e", a zai hluah hluah.
Ka beng ka hup tawp a, ka beng a chhet mai dawn. Au bengchheng kara music ring tak nen, ka beng a chhe thei takngial dawn.
Ka pu chu, ka en zeuh ṭhin a, a hla sak nen an inhmeh ngawih ngawih. Ka nui uar uar a, ka mittui a tla phung.
Chuta ṭang chuan, zirlaite aṭang solo, skit, dance show a ni leh ta mai a. Zirtirtu zawng zawngte, thilpek pekna hun nen. Dar sawmpahnih pelh hret hnuin kan zo fel der.
Tlar te tea chhuakin, refreshment kan dawng vek a. Refreshment hi chu zirtirtu te tum a ni ve.
Chawhnu lam kan chawl thei a, nilenga kan hmang lo te chu ka lawm zawk. Primary ho an lo bang fel der, An la te hlawm bawk em atin ni.
Tlai lam mutchhuakin min zêm a, ka harh meuh chuan dar li a lo ri ṭep. Tep chuap chuapin room aṭang ka chhuak a, ks nu chu ka pui ve vat.
"I hmai te kha phih rawh, i harh deuh ang", ka nuin a ti a. Hnial loin inphih harh turin bathroom-ah ka lut leh. Ka nu sawi angin ka harh kâwk.
"Vawiin chu a nuam bawk em?", tia, ka pain min zawh chuan, a nawm(nuam) thuin ka lo chhang a. Refreshment awm ngaihna programme apiang hi chu, a nuam a ni mai.
Nga-ki a lo leng a, "Teacher ho ka wish kep vek che nia, i lo lungngai lutuk ang e aw", a ti a. Lawmthu hrilhin ka nuih var var.
Nilai zan inkhawm a ni a, ka nu leh pa an inkhawm a. Nga-ki chu tv hmaah ka ṭhutpui, room-ah chuan ka luhpui duh tawh lo. Engtiklaiin nge F4 a tawp hmsn pawh ka hre lo.
Tv ka on ve tak naa, kan en lo tluk a ni e. Tihian, ṭhian kan nihna hi, eng inlaichinna dang mah hian min luhkhung lo se ka ti.
"Ka'n haw tawh ang e", a ding hluai a. Pawn thleng ka thlah. "Dingdong, i lo inngaihtuah ve reng reng tawh em?", a ti a.
Ka ngawi ren rawn, ka inngaihtuah lo hrim hrim. "Dingdong, i ṭha maw?", ka darah min lo sâwi a, thaw halhin, "Nga-ki, ṭhian angin awm reng zawk ang", ka ti a. A hmel a dang nghal vek.
"Ih, ka tihpalh. Mahse, ṭhian bak inlaichinna dang neih ka duh lo", ka ti zawi sap a. Ka rilru dik tak sawi chhuak mah ila, tlem chuan ka inthiam lo ve deuh.
"Ka nghak leh rih ang che, thutlukna siam zung zung hi a ṭha ngai lo a nia", a ti zawi sup a. Nui lui tih hriat takin, a nui suk zui bawk.
Ka thlir zui vawng vawng a, ka ṭhian a nihna ang bakin feelings dang ka pu thei lo. Ka put theih ngai pawh ka ring lo.
Chutiang bawkin, ka laka a rilru put hmangte thlak se ka ti. College-a a star nu pawh, a lem vek. Dawt min hrilh mai mai.
"Min hua mi?",
"Eng maw?",
"Ngati nge, keimah chauh hi min hauh bik reng zel. Zirlai dang ho chu ṭha deuhin i bia a, kei chu, khawvela i mi huat ber angin min hmuh tawh phawt chuan min hau nghal hrep zel",
"Pass la ka duh vang alawm, lehkha zir i ngaihsak si lo a",
"Ka zir ṭha ve reng alawm", ka au khum nghek. Kan insual tak tak tawp si lo, engmah hrechiang loin keimah min hau vak ringawt.
"Ngaihzawng nei chungin i zir ṭhat theih i ring em ni?", ka pu chu ka melh rawm rawm.
"Ngaihzawng ka neih leh neih lohah i buai a ngai lo, ka zir ṭha ka tih chuan pawm ve mai rawh. Nangpawhin ngaihzawngte chu i neih ve tho kha, Zirlai te zingah min tiduhdah thei bik lutuk", ka ti leh tawn tawn.
A falin kan awm bawk a, tumahin min hre thei dawn chuang lo. "Lalte", thaw halhin a ti a. "Khati khan min ko tawh suh, vawikhatmah min ko tawh suh", ka hmui hnuai ka seh niah niah nghal.
Ka mittui ka hru tawk tawk a, ṭah ka tum loh tehreng nen, dam diaia min koh avangin ka rilru nô a chhuak ringawt.
"Ka kal dawn", ti sapin, ka kalsawn zui. Ka sam te chu hui ṭha sawk sawkin ka ṭawn ṭha a.
Fiamthu mai maiin Jolene-i nen kan insual a, hmeichhe insual a lem zia sawiin, sama inkeh bak thiam kan neih loh thu sawiin, kan tichhin mai mai a ni a.
Ka puin min lo hmuin, keimah zawk chu min vin phar dawrh a, min kai hrangin min la hau hrep zui.
"U Dindin, ka tihpalh lutuk, Sir bulah nakinah ka sawifiah dawn nia", classroom-a ka luh rualin Jolene-i chuan a ti nghal a. A inthiamlo lutuk chu ka khawngaih zawk.
"A ho lutuk, engmah sawi a ngai lo. Ka hrilhfiah vek tawh alawm", ka ti a. A hrethiam lo a nih chuan, ka thu a ni tawh lo.
Lunch break zawhah ka pu chu a lo lut a, ka luhlul chhuahin ka ding duh lo ngat. Tlar hma berah kan ṭhu a, ka lang chiangin min hmu kuau bawk.
"Afternoon, sit down", thaw halhin a ti a. Beidawn hmel zet hian min lo en ṭhin a, kei lahin ka theihtawpin ka lo melh ve ngar ngar bawk.
Ka thinrim tih hi la hre ve reng reng teh se, a inthiam lohna thu emaw, 'ka tihpalh' tih takngial pawh a sawi ngai lo.
"Nimin ang hun, changtlung taka a thlen theih nana tha leh zung sengtu, kan CR te tan kut beng ang, lo ding reng reng rawh se", nui sangin ka pu chusn a ti a.
Ka lakah chuan Sakei hmel ang chiah a pu a, midangah erawh, Ṭhuro hmel a pu leh lawi thung. Ka thin a tirim zual sauh.
"In awm loh chhung pawhin, kan zir san miah lo che u nia", nui varin a ti a. "Thilpek min petu zawng zawngte chungah lawmthu ka hrilh vek bawk che u", ka pu chuan a ti leh dap dap.
Inbengdai tumin boruak ka hip lut kâwk kâwk a, ka ṭah a chhuak ṭun ringawt.
"Nimin avangin kan rilru a la peng deuh si a, naktuk aṭangin kan zir mai dawn nia. Le, eng nge kan tih ang?", thaw chhuak hawkin, ka pu chusn a ti a.
Hmangaihan, "Sir, aim in life kha inzawt leh ang u", a lo ti. "Ni tak, kum tirah kan inzawt a, tunah a la ni reng em, en chhin ang u aw", ka pu chuan a ti a.
Hmangaiha kawk zeuhin, "Hmangaih, bul i ṭan thei. What is your aim in life?", a ti a. Hmangaihan, "IPS", a ti vah a.
"A ṭha, i la tum reng a, i la hlawhtling ngei ngei ang", ka pu chusn a ti a. Baby-i a zawt ve leh, College Lecturer a nih tum thuin a chhang a. Baby-i pawh, a dinna ngaia a la din reng thu ka pu chuan a sawi leh.
Chba a zawt ve leh a, "Baby-i pasal", a tih chusn an nui huah huah. "Khai, khai, khsi, IAS aṭang Baby-i pasal maw?", ka pu chu a chek tlawk tlawk.
Chba lah a khi ṭhaw ringawt. Kimkimi a zawt ve leh a, designing lam a sawi. "Bank Manager aṭang designing lam maw, a ṭha vek tho e", nui sukin ka pu chuan a ti a.
Chban, "Kan tlachhe sawt e", a ti nuah nuah. Ka pu pawh a nui hak hak a, midang a zawt leh.
"Jcb operator",
"Sumo driver",
"Rickshaw driver",
"Kan tlachhe sawt lah tak hle mai a", mipa lam enin ka pu chu a chek leh tlawk tlawk. "Air Force lam tum te kha, khaw'nge in awm tak?", a ti a. An nui vak vak.
"Mahse, a ṭha vek tho e. Kan specialist-na tur kan thlang a nih chusn, rinawm tak leh nuam ti takin kan thawk dawn a, chu bak baka ṭha a awm lo", a ti chharh chharh. A sawi dik phian zui.
"Sir, hmeichhe ho zawt ve tawh rawh",
"Sir, Third year-i zawt hmasa ber rawh", Chba hmu thei lo mah ila, amah a ni tih ka chiang.
"Tu nge, chu chu?", ks pu chuan a ti a. "Senior-i", Chban a ti leh. Hmangaiha ai pawhin a chimawm zawk.
"Chutiang an awm em ni?", ka pu chusn bo hûin a ti a. Ka ner sawk. A hrethiam lo lui a ang ka ti.
"U Dindini", Hmangaihan a ti chu, ka nui hak. Min u hi chuan, ka third year mai piah lamah, ka senior double ngawih ngawih hmel.
"Ding rawh se", mi pawh en loin ka pu chuan a ti a. Ka ding ve mai bawk.
Min lo en a, "What is your aim in life?", a tih chuan, "Sir Sawmtea wifey", tiin ka lo chhang.
A thinrim nge a lawm tih pawh hriat lohin, au dur dur karah min en kar reng a. En ve kar mah ila, a rilru awm ang tur ka hre thei der lo.
Show post links
Top
Chapter-18
Ziaktu: Cck Lalchhuanawmi
School ka tlanbo dawn tihna a nih chu, ka nu leh pain an hriat vaih chuan, min vaw duh ngei ngei ang.
"I ṭha em?",
"Ṭha chiah lo, school ka la tlanbo ngai si lo a", ka tei kual chhen. School tlanbo kher hi chu ka ti ngai lo, eng rilru pua tlanbo nge maw ka nih reng reng le?
"Dingdong, hahdam tum rawh",
"Ka thei lo nih hi, ka nu leh pain an hriat vaih chusn aw, Pu David-an a hrilh ngei ngei ang, ka chhe vek a ni mai", ka ti bah nawk nawk.
School-a kir leh mai te ka duh rum rum, a hrehawm lutuk. "A nih, ka thlah leh ang che, emergency a awm thu i sawi mai dawn nia aw", ka dara vuan chungin a ti a. Ka lo hnial lo nasa lutuk, ka bu nghauh nghauh.
School panin min phur let leh vang vang, kan thlen chuan line-up a la zo lo chiah chiah a, tlai hrem zingah ka tel thei hlauh.
School tlanbo ai chuan, tlai vanga hrem nih ka la duh zawk. "Laldindini kha, i va tlai ve", Pu David-an min hmuh rualin a lo au nghal lauh lauh.
Kei tih loh, hmeichhe pahnih an tlai ve a. Line-up loa biru mipa pathum an man tel bawk. Min hrem nan, school hall kawtah min dintir a, kan ban pahnih min phar tir zui.
Miss Lâpuiin min veng a, min titi pui char char. Kan ban erawh min dahthlak tir chuang lo, kei phei chu ka ban a kham tawh lutuk ringawt.
"Sir Sawmte", ka pu awmna lam kan hawi ṭhup a, a inpawm hnawk ṭun mai. Kan lam panin a lo kal chharh chharh a, line-up a la zawh loh avangin keini pawh kan la kalsawn thei chuang lo.
"Lehkhabu ringawt i ngaihtuah a, hunawl i nei thei lo lutuk, computer leh lehkhabu zûnah i uai tak tak tawh a nih hi", Miss Lâpuiin a tih chuan, a nui hak hak.
Min lo en zeuh a, "Thilnung lo zûna uai hian kan nâ lo ber zawk alawm", ka pu chuan nui sukin a ti a. Bo hûin ka en a, min sawichhan ve deuh nge mawni, ka zûnah a uai ve tihna a ni thei ang em?
"I tum ram va pan tawh rawh, ka ko mai mai che a nih kha", ka pu chu, bu nghuta nui sukin, Library panin a kal hnak hnak.
Ka hmuh theih chhung chu ka thlir reng, thilnung lo zûnah uai mah se, thilnung zûna a uaina chu keimah han ni hlauh ila!
"Line-up zawhah chauh in kal thei ang aw", Miss Lâpuii chuan a ti a. Kan lo bu nghauh nghauh. Tunah pawh hian min kal tir mah se, pawi ka ti miah lo.
Ka pu hnenah luh dilin, min en loin min hui ringawt a, ka kal pelh dawn lai chuan, "Lo let teh", a ti bul hmuk a, ka phu zuk.
"Nidangah chuan tlai tawh ngai suh ang che", zawi tho si, chang fak hian a ti a. A thinrimna bengdai tum niawm takin, a thaw huai huai.
Ka ṭhutnaa ka ṭhutthlak rualin, "Ngati nge i tlai a?", Hruaiin min zawt nghal. Thawh ka hai thu ka sawi ngawt a, a awih ve tho. Ani pawhin thawh a hai ṭhin thu a sawi ve tawh tlat a ni.
Ka pu chuan green board-ah chalk a zum leh mial mial a, chuti chungin min zirtir pah tho. A changin, white board-ah kan zirna kaihhnawih, thlalak te a kap chhuak a.
Mohenjodaro hmun hlui tih vel lam daih a ni. Tihpalh thilthu pawhin ka thlalak a kap chhuak tawh lo. Ka ngaihtuah erawh, a wallpaper kha a thlak tawh ang em tih a ni.
A thlak ka ring chiah lo, a chhan chu, tukinah pawh min mamawh thu a la sawi a, a la thlak lo tihna a ni mai.
"A nâ", ka rak ṭhat. Ka lu ka tuai vât vât a, "Eng nge i ngaihtuah?", a ti vin hlur. Ka âng zuau zuau a, han chhan dan tur ber ka hre lo. "Ding rawh", a ti fiak ṭhat. Ip chawihin ka ding a, "I kut dah thla rawh", a ti leh fak.
"Ti khan, tun period chhung i ding ang", en pawh ka en ngam tawh lo. Ka kun ngaih a, ka hnung lamah ka kut suih ka sik niah niah.
A ṭawng leh nuah nuah a, engtin nge a awm ka hre tawh lo, a âw aṭang erawh chuan a kal kual tih a hriat. "Awmawmi, i muthlu a nia", dam deuha ka puin a tih chuan ka hawi chhuang rang lutuk.
Nui sangin Awmawmi chu a en a, "First period chauh a la nih hi, mutthluk nan a la hma lutuk", ka pu chuan a ti dam thluam a, ka inhum ruh nghek.
Ka mittui a tlak loh nan, thil hlimawm lam hlir ka ngaihtuah a, thinrim taka min ṭawng khum reng te avang hian ka haw ngawih ngawih. Nêm deuha min biak lahin, beidawnna bak a ni ngai chuang si lo.
School danga insawn daih mai te ka duh tawh, "Ṭhu rawh", nêm deuh zawkin a ti a. Kun ngaih chungin ka ṭhu thlaa, Hruaiin ka hnung a lo chul hliau hliau.
Ka pu chhuah hnu chuan, "Dindin, engahmah ngai suh aw, a tihdan a nih kha, nikum school kal theih tawh pawhin min vin nasa thei lutuk", Zamin a lo ti dap dap.
"A ho em mai ah", nui lui sakin ka ti a. A ho erawh ka ti chiang lo nasa. A zirlai ka ni ve a, ṭha taka min ṭawng khum ve mai tur hi a nia. Awmawmi pawh chalk-in a vawm lo a, ṭha deuha a biak theih chuan, min be ṭha ve tur a ni.
Lunch break thleng pawh chuan, ka rilru a tâwt, "Naktuk Teachers Day, pangpar lei in tum em?", Hruaii chuan a ti lang lang a. Pangpar lei lam reng ka ngaihtuah leh tawh lo.
"Kei chu ka lei dawn lo, pawisa kan thawh khawm a, present an lei tho", Zamin a ti nang nang. "Thawh khawm mah ila, pangpar chu a dang bik alawm", Hruaiin a ti leh.
An pahnih chuan an inhnial dun kar kar a, a tua ve ve chuan tlawm an tum lo nasa. Ka nuih hak hak ringawt.
Chba a lo kal a, Third year min tih loh leh, senior double tiin, min ko chhen a, amah avangin ka nui nasa, ka rilru tâwt pawh a thawl huai.
Serkawn leh kan veng Ramzotlang inrinaa waiting shed-ah, Nga-ki a lo ding vang a, ka hmuh rualin nuih var varin ka pan.
"Ka lo thlah ang che", a ti sup a. Ka lo hnial lo nasa mai. "I hnungah, tukina mi pa kha a ding a nia", Nga-ki chuan a ti zawi sup.
Nui sakin, "A nih, kal ang", ka ti a. Ka hnung lam pawh chu ka hawi chuang lo. Nga-ki chu, a dul zawnah ka kut suihin, amah si cheta ṭhua a darah ka khabe ka nghat.
Engtiang chiaha nasain nge min en ang tih ka hre lo. Ka pu kan tlan liam san tih ka hriat ve leh, ka awm hrang thuai. Nuam ka ti miah lo.
Kan in kan thlen chuan ka chhuk thuai a, Nga-ki pawh chu ka en ngam lo lek lek. "Nichin vang khan ka tihpalh lutuk aw", ka ti sap. Ka inchhir hnuhnawh.
"A ho lutuk, mahse; nuam ka ti", nui sukin Nga-ki chuan a ti a. "Nga-ki", ka ti chuai raih. "Hey, ka fiamthu a nih kha", ka dara sâwi zeuhin a ti a. A fiamthu lo tih kan pahnihin kan hrechiang ber ang.
Thei tui a in zawh ve leh Nga-ki chu a haw a, Sangi pawhin Delhi a thleng tawh ang chu ah, ka u nen an inhmu nitin thei tawh dawn a. Sangin ka u Hlima a la duh ru reng bawk nen, an nih ṭhat leh te ka ring rum rum.
Sangi leh ka u ngaihtuahin ka nui var var a, an han inhmu ngei ang a, eng tak sawi ang maw?
Ka u chuan, a duat ngawt ang le. Tu nge, inṭhen rawt hmasatu zawk zawh a ngai lo, Sangin a rawt hmasa tih a chiang reng.
Ka u ka la zawt ngei ngei ang, ka hriat lohin an lo inngaizawng vel a, ka la dawp ngei ngei ang mawle.
"Bawihte", ka nuin min koh avangin, room aṭang ka chhuak a, "I u te hoin an be duh che", ka nuin a tih chuan, a phone ken chu ka zu bih a, min lo vai lauh lauh.
"Ka phone-ah min lo call r'u, nu, hotspot lo on teh", ti nghal zatin, ka room-ah ka lut vat.
Wifi ka on a, unau video calling kan nei. U Hliman net recharge sak min tum a, "Tun thla chhung chu ka duh rih lo, nakinah ka lo hrilh dawn che nia", ka ti a.
Min hnial em bik chuang lo, "Sangi chu, a nuam a ti em?", U Hlima a phu zuk. Ka nui hak hak a, U Puitea tih loh chuan a awmzia kan hre vek, "Sangi chu ngati nge a?", U Puitean a lo zawt nghal.
"U Hliman hnathawh tur a hmuhsaka, a thawhna Hotel-ah khan", ka lo ti zung zung. "A van ṭha em em", U Puitea chuan a ti muang ban charh.
Ka u nen kan nui dun hak hak a, U Hlima erawh a nui duh ṭhak lo, U Puitea lah engmah hre hek lo, hrilhhhai deuhin a tarmit kar aṭang a meng kual rak rak.
"Duhtawk teh u, in ninawm, a thuhrimah, a lo la thleng lo. A lo thleng ṭep tawh ang chu ah", U Hliman a tih chuan, "Eeee", ka u nen kan lo ti thuai.
U Puitea lah a bo tawlh tawlh, "U, Sangi nen an ni tawh lawm, an inṭhen chhan pawh, u Hlima kha a lo haw thei si lo a", nui huah huahin ka ti a.
U Puitea pawhin a hrethiam ve ta chiah a, tlai khawhnuah a han nui ṭha leh rih.
"In lo che chukchu vak vak ang e aw", U Puitea chuan a ti. "Nang kha, ngawi mai mai rawh", u Hliman a lo ti vat.
"Manager-a i kai hunah phei chuan e, i Assistant-ah i dah hmak ang a, duhtawka chet chukchu a ni tawh mai",
"Hotel a nih hi, Assistant a neih theih ngawt loh", U Hliman a tih chuan, "Ka man che, chet chukchu chu i duh hle ni maw", ka uin a ti hluai. A nui vak vak a.
U Puitea nen kan nui hak hak, U Hliman chhan ngaihna a hre tawh lo, "In ṭawng thei lutuk mai", U Hliman a ti nang nang.
"Tak taka, duh loh chunga inṭhen in nia, ni ṭha leh mah ula, a pawi hleinem", U Puitea chuan a ti dam thlup. Ka thaw chhuak hawk a.
U Puitea hi chu, kan unau zinga fing ber tih takah, a ṭawngka chhuak te hi, a ngaihtuah fe hnua a sawi chhuah tih hi a chiang ngawih ngawih.
"Ngawi lawk r'u aw, Sawmtean min lo call tlat mai, ka chhuahsan mai ang che u, muttui vek ule", U Hlima chu a chhuak nghal a. Sawmtea a tih chuan, ka rilruah ka pu a lang nghal.
Ka u hnenah eng nge a sawi ang le? "Bawihte?", ka lo pending san daih tih ka hre chhuak. Ka u te pahnih chu ka nuih sak a, anni pawhin, "Nidangah kan inbe leh dawn nia, muttui ule", an ti a.
Call kan titawp, ka khua a har nghal rawih rawih. Ka u te ho hi ka ngai tawh em mai, ka bulah awm se, ka rilru hahna te, ka harsatna te hrilha, ka kianga ding ve turin ka duh ngawt mai.
Wifi ka la off loh avangin, message a lo thleng zut zut. Group message bak a ni lo, Nga-ki pawhin phone recharge ka ngaih thu a hriaa, a message hmuh tur a awm lem lo.
Ka nu hnenah off turin ka ti a, la recharge lo ila, rilru hahna pawh a awm lo a ni mai. Group ho chu ka clear fai vek a, hla ka download sa ka ngaithla ta mai mai.
'Thawnthu tawp thei lo' ka ngaithla nawn tlut tlut. Hemi hla hian, ka rilru pek tak takna ka ex kha min hriatchhuah tir ziah a, mahse; ka ngaithla lo lo phal ṭhin lo.
A nalh ve em bawk atin ni. Ka rilrua mi pakhat lo lang avang chuan ka mittui a hnâm sawk. Kum chuang fe a lo hmangaih tawh a, tun thleng pawhin a la hmangaih fan a.
Mahse, an inkawp a rem lohna chin a awm tawh si, ka pu rilru tur pawh ka hriatthiampui uar uar. Mahse, chumi vang chuan ka pan hmasa lo ang.
Amah ngeiin, beiin hneh zawk rawh se. Ka mittui luang chu ka hru tawk tawk a, ka hla play chu off-in, lukham hnuaiah phone ka dah daih.
Ṭawngṭai tumin ka kut ka suih a, ka mit ka chhing vang vang ringawt. Sawi tur ka hre lo reng reng. A tawpah, "Amen", ka ti ringawt.
Ka mu meng kar a, ka u leh ka pu te chuan engtak sawi ang maw? Ka zawt ngam si lo, ka puin a harsatna te a thlen ve a ni hrim hrim ang.
"Pangpar te i lei ve lo a?",
"Ka theihnghilh daih lawm, chubakah pek tur pawh ka hre lo",
"I pu David-a saw i pe ang chu, in zirtirtu a ni ve tho alawm", nui sangin ka pa chuan a ti a.
Ka nu pawhin, "Sawmtea pawh a awm saw, i pe ve ang chu", a lo ti ve bawk. Ka bu nghut ringawt.
Dawrah ka kal a, Rose sen chuan ka mit a la thlu ngang mai. Rose var pakhat leh a sen chu ka lei ta a. A var hi chu, pu David-a ka pe ang a, a sen hi chu, tu emaw dawhkanah ka dah tawp ang.
School ka thleng a, pangpar an keng nalh hlawm ngang mai. Dar sawm daiha ṭan tur a ni bawk a, Office hawng tawh mah se, Zirtirtu kal an la awm lo tluk a ni.
Hruaii te pawh an lo thleng a, "Pangpar i lei ve em?", an tih chuan ka bu zeuh. Ka bag-ah ka dah ṭha khiau. "Sir Sawmtea birthday a ni pah a, a nuam double thei dawn e", Hruaii chuan a ti lang lang.
"Tu birthday maw?", ka zawt ṭha leh ngat. "Sir Sawmtea, pen zasawmnga man chi ka pe dawn a, Rose sen nen", nui deuh tet tetin Zami chuan a ti a.
Teachers' Day a birthday a ni pah bawk, a mak tawp. A piang fuh ka ti dawn nge, fuh tawk lo. A piang fuh chu a ni ber mai.
Office-ah Hruaii leh Zami te nen kan chho a, Office-a kan lut chu, Zirtirtu te dawhkan tin chu, pangparin a lo khat lûk mai. Ka pu dawhkan awmna kan thleng a, birthday present nen, pangpar nen, a dawhkan a ruak lo ber mai thei a ni.
Chocolate pe te an awm a, ka thik lek lek dawn. Zami chuan pen leh pangpar chu a dah a, Hruaii pawhin birthday present nen a dah.
Kei erawh, ka dah ta lo mai. Keia thilpek ve mai mai te chu, engmah a ni lo.
"Sir Muana dawhkan saw", Hruaii chu a au hlaui. "Sir Sawmtea aiin a khat zawk", a ti leh. "Sir Sawmtea a khat zawk", Zamin a ti ve leh.
Nui sakin ka lu ka thing nar nar, Sir Muana dawhkan a khat zawk tlat. Office aṭang kan chhuak a, CR ho an phe suau suau, ka fak ve thlawt. Ka taimaknain a tlin loh tur thil a ni ve tlat.
"Pu, Sir", ka ko sual nawk. Ko sual pawh a ni chiah lo. Pu David-a chu Rose var ka pe a, a sen erawh ka phawrh chhuak lo hrim hrim.
"Ka va lawm ve aw, Zirtirtu hian hau ṭhin che u mah ila, kan hmangaih vang che u leh, in ṭhatna tur kan duh vang zawk tih hriat tur aw", ka lo bu nghauh nghauh.
Ka kalsawn a, ralkhat aṭanga min lo thlir rengtu ka pu ks hmuh chuan, ka mit ka chhing sawk. Hruaii te lamah ka phei leh ta daih a.
Hall chhungah ṭhu ṭhapin, kan host-te chuan kan Zirtirtu te chu an ko lut ta a, kan lo ding ṭhap a, kut kan beng dur dur.
Class-9 CR, Remruatan Bible chhiar leh Ṭawngṭaina neiin, Education Minister hnen aṭanga lehkhathawn chhiar chhuah a nih hnuah, cake an lo chawi lut a.
Stage-ah Zirtirtu te chho vekin, Proncipal leh Vice Principal-in cake an zai a, chuti chhungin kut kan lo beng dur dur.
Cake chu an inbarh den den a, ka pu pawh a chhe lo hawr hawr lutuk. A hawi kual leh dû dû ṭhin chu ka hmu fuh thei em em lehnghal. Zawn nei ang tak a ni, min zawng te hi a ni mai ang a?
Tlar laihawla ṭhu kan ni bawk a, ka ṭhu kun deuh bawk nen, min hmuh mai mai ka ring lo.
Zirtirtu te an ṭhut fel hnu chuan, kan host-te pahnihin lawmthu sawina te an nei a. Chumi hnuah, "Kan school hian Teacher tlangval pahnih kan nei a, tu te nge kan hria em?", host-nu zawkin a tih chuan, "Sir Muana leh Sir Sawmtea", tiin, an au dual dual a, an khêk vak vak bawk.
Host-nu bawk chuan, "Vawiin Teachers' Day hi, kan tlangval senior zawk birthday a ni a, a senior zawk chu", a tih chuan, "Sir Sawmtea", an ti leh dual, kut an beng dur dur a, an auin an ṭe chel chul bawk.
"Cake zai ṭha turin lo chho leh lawk se, khawngaihtakin, chuan a lo chhoh chhungin birthday song sa ang aw", host-nu chuan a ti a.
Ka luhlul ka chhuah leh tlat pek a, ka zai duh ṭhak lo, ka rilru erawh chuan a zawm ve tho. Cake a zai a, ka pu chuan Principal ko chho ve lehin, cake chu a ei tir ve leh.
"Sir, min solo sak dawn tiraw?", host-pa zawkin a tih chuan, ka pu a nui hak. "Solo turin kan duh em?", host-pa chuan uar fe hian a ti a.
An 'aw' dual dual. Ka pu chu microphone a pe a, a lo ban ve mai bawk. "Sir Muanan ka soundtrack a kawl daih", ka pu chuan a ti a.
Sir Muana thoin sound control-tu te lamah a kal vat. Music a lo ri a, "Saw, tu pu nge tu pu mah, ama tar tiin an sel e", a zai hluah hluah.
Ka beng ka hup tawp a, ka beng a chhet mai dawn. Au bengchheng kara music ring tak nen, ka beng a chhe thei takngial dawn.
Ka pu chu, ka en zeuh ṭhin a, a hla sak nen an inhmeh ngawih ngawih. Ka nui uar uar a, ka mittui a tla phung.
Chuta ṭang chuan, zirlaite aṭang solo, skit, dance show a ni leh ta mai a. Zirtirtu zawng zawngte, thilpek pekna hun nen. Dar sawmpahnih pelh hret hnuin kan zo fel der.
Tlar te tea chhuakin, refreshment kan dawng vek a. Refreshment hi chu zirtirtu te tum a ni ve.
Chawhnu lam kan chawl thei a, nilenga kan hmang lo te chu ka lawm zawk. Primary ho an lo bang fel der, An la te hlawm bawk em atin ni.
Tlai lam mutchhuakin min zêm a, ka harh meuh chuan dar li a lo ri ṭep. Tep chuap chuapin room aṭang ka chhuak a, ks nu chu ka pui ve vat.
"I hmai te kha phih rawh, i harh deuh ang", ka nuin a ti a. Hnial loin inphih harh turin bathroom-ah ka lut leh. Ka nu sawi angin ka harh kâwk.
"Vawiin chu a nuam bawk em?", tia, ka pain min zawh chuan, a nawm(nuam) thuin ka lo chhang a. Refreshment awm ngaihna programme apiang hi chu, a nuam a ni mai.
Nga-ki a lo leng a, "Teacher ho ka wish kep vek che nia, i lo lungngai lutuk ang e aw", a ti a. Lawmthu hrilhin ka nuih var var.
Nilai zan inkhawm a ni a, ka nu leh pa an inkhawm a. Nga-ki chu tv hmaah ka ṭhutpui, room-ah chuan ka luhpui duh tawh lo. Engtiklaiin nge F4 a tawp hmsn pawh ka hre lo.
Tv ka on ve tak naa, kan en lo tluk a ni e. Tihian, ṭhian kan nihna hi, eng inlaichinna dang mah hian min luhkhung lo se ka ti.
"Ka'n haw tawh ang e", a ding hluai a. Pawn thleng ka thlah. "Dingdong, i lo inngaihtuah ve reng reng tawh em?", a ti a.
Ka ngawi ren rawn, ka inngaihtuah lo hrim hrim. "Dingdong, i ṭha maw?", ka darah min lo sâwi a, thaw halhin, "Nga-ki, ṭhian angin awm reng zawk ang", ka ti a. A hmel a dang nghal vek.
"Ih, ka tihpalh. Mahse, ṭhian bak inlaichinna dang neih ka duh lo", ka ti zawi sap a. Ka rilru dik tak sawi chhuak mah ila, tlem chuan ka inthiam lo ve deuh.
"Ka nghak leh rih ang che, thutlukna siam zung zung hi a ṭha ngai lo a nia", a ti zawi sup a. Nui lui tih hriat takin, a nui suk zui bawk.
Ka thlir zui vawng vawng a, ka ṭhian a nihna ang bakin feelings dang ka pu thei lo. Ka put theih ngai pawh ka ring lo.
Chutiang bawkin, ka laka a rilru put hmangte thlak se ka ti. College-a a star nu pawh, a lem vek. Dawt min hrilh mai mai.
"Min hua mi?",
"Eng maw?",
"Ngati nge, keimah chauh hi min hauh bik reng zel. Zirlai dang ho chu ṭha deuhin i bia a, kei chu, khawvela i mi huat ber angin min hmuh tawh phawt chuan min hau nghal hrep zel",
"Pass la ka duh vang alawm, lehkha zir i ngaihsak si lo a",
"Ka zir ṭha ve reng alawm", ka au khum nghek. Kan insual tak tak tawp si lo, engmah hrechiang loin keimah min hau vak ringawt.
"Ngaihzawng nei chungin i zir ṭhat theih i ring em ni?", ka pu chu ka melh rawm rawm.
"Ngaihzawng ka neih leh neih lohah i buai a ngai lo, ka zir ṭha ka tih chuan pawm ve mai rawh. Nangpawhin ngaihzawngte chu i neih ve tho kha, Zirlai te zingah min tiduhdah thei bik lutuk", ka ti leh tawn tawn.
A falin kan awm bawk a, tumahin min hre thei dawn chuang lo. "Lalte", thaw halhin a ti a. "Khati khan min ko tawh suh, vawikhatmah min ko tawh suh", ka hmui hnuai ka seh niah niah nghal.
Ka mittui ka hru tawk tawk a, ṭah ka tum loh tehreng nen, dam diaia min koh avangin ka rilru nô a chhuak ringawt.
"Ka kal dawn", ti sapin, ka kalsawn zui. Ka sam te chu hui ṭha sawk sawkin ka ṭawn ṭha a.
Fiamthu mai maiin Jolene-i nen kan insual a, hmeichhe insual a lem zia sawiin, sama inkeh bak thiam kan neih loh thu sawiin, kan tichhin mai mai a ni a.
Ka puin min lo hmuin, keimah zawk chu min vin phar dawrh a, min kai hrangin min la hau hrep zui.
"U Dindin, ka tihpalh lutuk, Sir bulah nakinah ka sawifiah dawn nia", classroom-a ka luh rualin Jolene-i chuan a ti nghal a. A inthiamlo lutuk chu ka khawngaih zawk.
"A ho lutuk, engmah sawi a ngai lo. Ka hrilhfiah vek tawh alawm", ka ti a. A hrethiam lo a nih chuan, ka thu a ni tawh lo.
Lunch break zawhah ka pu chu a lo lut a, ka luhlul chhuahin ka ding duh lo ngat. Tlar hma berah kan ṭhu a, ka lang chiangin min hmu kuau bawk.
"Afternoon, sit down", thaw halhin a ti a. Beidawn hmel zet hian min lo en ṭhin a, kei lahin ka theihtawpin ka lo melh ve ngar ngar bawk.
Ka thinrim tih hi la hre ve reng reng teh se, a inthiam lohna thu emaw, 'ka tihpalh' tih takngial pawh a sawi ngai lo.
"Nimin ang hun, changtlung taka a thlen theih nana tha leh zung sengtu, kan CR te tan kut beng ang, lo ding reng reng rawh se", nui sangin ka pu chusn a ti a.
Ka lakah chuan Sakei hmel ang chiah a pu a, midangah erawh, Ṭhuro hmel a pu leh lawi thung. Ka thin a tirim zual sauh.
"In awm loh chhung pawhin, kan zir san miah lo che u nia", nui varin a ti a. "Thilpek min petu zawng zawngte chungah lawmthu ka hrilh vek bawk che u", ka pu chuan a ti leh dap dap.
Inbengdai tumin boruak ka hip lut kâwk kâwk a, ka ṭah a chhuak ṭun ringawt.
"Nimin avangin kan rilru a la peng deuh si a, naktuk aṭangin kan zir mai dawn nia. Le, eng nge kan tih ang?", thaw chhuak hawkin, ka pu chusn a ti a.
Hmangaihan, "Sir, aim in life kha inzawt leh ang u", a lo ti. "Ni tak, kum tirah kan inzawt a, tunah a la ni reng em, en chhin ang u aw", ka pu chuan a ti a.
Hmangaiha kawk zeuhin, "Hmangaih, bul i ṭan thei. What is your aim in life?", a ti a. Hmangaihan, "IPS", a ti vah a.
"A ṭha, i la tum reng a, i la hlawhtling ngei ngei ang", ka pu chusn a ti a. Baby-i a zawt ve leh, College Lecturer a nih tum thuin a chhang a. Baby-i pawh, a dinna ngaia a la din reng thu ka pu chuan a sawi leh.
Chba a zawt ve leh a, "Baby-i pasal", a tih chusn an nui huah huah. "Khai, khai, khsi, IAS aṭang Baby-i pasal maw?", ka pu chu a chek tlawk tlawk.
Chba lah a khi ṭhaw ringawt. Kimkimi a zawt ve leh a, designing lam a sawi. "Bank Manager aṭang designing lam maw, a ṭha vek tho e", nui sukin ka pu chuan a ti a.
Chban, "Kan tlachhe sawt e", a ti nuah nuah. Ka pu pawh a nui hak hak a, midang a zawt leh.
"Jcb operator",
"Sumo driver",
"Rickshaw driver",
"Kan tlachhe sawt lah tak hle mai a", mipa lam enin ka pu chu a chek leh tlawk tlawk. "Air Force lam tum te kha, khaw'nge in awm tak?", a ti a. An nui vak vak.
"Mahse, a ṭha vek tho e. Kan specialist-na tur kan thlang a nih chusn, rinawm tak leh nuam ti takin kan thawk dawn a, chu bak baka ṭha a awm lo", a ti chharh chharh. A sawi dik phian zui.
"Sir, hmeichhe ho zawt ve tawh rawh",
"Sir, Third year-i zawt hmasa ber rawh", Chba hmu thei lo mah ila, amah a ni tih ka chiang.
"Tu nge, chu chu?", ks pu chuan a ti a. "Senior-i", Chban a ti leh. Hmangaiha ai pawhin a chimawm zawk.
"Chutiang an awm em ni?", ka pu chusn bo hûin a ti a. Ka ner sawk. A hrethiam lo lui a ang ka ti.
"U Dindini", Hmangaihan a ti chu, ka nui hak. Min u hi chuan, ka third year mai piah lamah, ka senior double ngawih ngawih hmel.
"Ding rawh se", mi pawh en loin ka pu chuan a ti a. Ka ding ve mai bawk.
Min lo en a, "What is your aim in life?", a tih chuan, "Sir Sawmtea wifey", tiin ka lo chhang.
A thinrim nge a lawm tih pawh hriat lohin, au dur dur karah min en kar reng a. En ve kar mah ila, a rilru awm ang tur ka hre thei der lo.
Show post links
Top
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)