Keima_Pu:Sir Sawmtea BY Cck Lalchhuanawmi (Completed)

[Ngaia]

Keima Pu: Sir Sawmtea
Chapter-25
Ziaktu: Cck Lalchhuanawmi

Ka han tal ve laiha, chak mangkhengin min kalpui, min hnuk lo chauh.

"Ngawi rengin i awm dawn em?", ka mit ka khap fap. Muangchangin a kut a la sawn a, "I duh duh i sawi thei, mahse, bengchheng loin", ka en mawl tawp.

"Engmah i sawi dawn lo mi?", amah zawkin, sawi tur nei angin a insawi maw tia. "Hey, ṭawng rawh che", min sawi nawk nawk.

Ka melh rawm rawm a, che ṭhing thei lutuk. Hmanlai hun mi chiah chiah, "I va ninawm e", a kut thing thla sawk pahin, ka vin hlur.

A nui suk a, "I ṭawng ve ta lawm", a la ti zui. "I ngawih reng chuan, nuam ka ti miah lo", min kuah chûng chûng a. Kalbo mai tur te pawh ka ang zawk alawm.

"A ngawi leh reng ta, i duh duh i sawi thei ka tih kha, min hau thei a, min beng vak vak thei bawk. Mahse, min that miah suh aw, thih ka duh miah lo nia", ka biang tawn tawnah dawmin, ka hmui a rawn tawk zeuh zeuh.

School-a a mizia nen a inang tawh lo reng reng, School-ah chuan, intipa tawkin a awm a. Tunah lêm, naupang ang chiah.

"Ka pu",

"Umm, sawi rawh", min ngaichang ranin a ti a. Titau bur bura, naupangchhia zawk tur ka nih laiin, "Min khawngaih tawh suh", ka ti a.

"Eng nge awmzia?",

"Min khawngaih avang chauhin-",

"Ka khawngaih lo che, khatiang kha vawikhatmah sawi tawh suh, hei hi khawngaihna vang a ni lo", a ti dap dap a. A hlauhthawn hmel em em lehnghal.

"Zanin atan chuan tawk rawh se, i haw thei",

"Aw, tawk rawh se, kum khua atan tawk rawh se",

"Eng maw?", a rawn inher nghal thut a, ka hmui hnuai ka seh niah niah. "Kan inṭhen dawn i tihna maw? A theih loh, inṭhen kual tur velin hun ka nei tawh lo", a ti chharh chharh a.

Ka nuih chhuah loh nan ka insum hram hram, a hmela hlauhthawnna bakah, a lungawilo lutuk hnel chu, a lawmawm mah zawk. Sawi tlang tawp duh loin, a han pehhel kual ngei a.

"Ka duh che", tih pawp mai tur hi nia, a sawi theih nan, ka chhaih kual char char dawn hi ni ringawt.

"Naktukah kan sawi ṭha ang", a ti sup a. "Zanin hian a tawp, kan single ve ve tawh tihna chu, khawngaihna vang chauha inlaichinna neih ka duh lo", ka ti a. Keimah zawk ka kalsawn nghal.

"Lalte", min lo au a, ngaihsak tawh loin ka kal nul nul. "Hey, kan inṭhen lo aw, tumah kan single lo, i hria em?", a lo au zui lawng lawng a, ka nui kur kur.

Dim deuhin gate ka hawng a, tukverha ka lut tur te chu, ka nuih nasat êm avangin ka tha a zawi vek a, ka lawn ṭha hleithei lo.

A hnuah ka lawn lut thei ta hrâm a, chhuatah ka let tawp. Ka pum ka dawm a, ngati nge maw, a chet ṭhin theih em em mai le? Min ru chhuak ve em em a, sawi ṭeuh tur nei hmel pu siin, engmah a sawi leh lêm hlei lo a.

Damdawi in bulah ka u Sumo ka chanpui a, chawhnu lamah kal se ka ti naa, a hnathawhnaa thlen vat a duh bawk si a.

"U, Sangi a dam ṭha maw?",

"Dam ṭha chu a ni mai, chutiangin kan inbe ngai lo, mahni hna ringawt kan buaipui a", ka uin a tih chuan, "Eng hna ber nge a thawh?", tiin, ka lo zawt leh.

"Restaurant lamah waitress-in a thawk a", a ti a. Ka pu nen kan inkar hrilh ka duh avangin, thildang zawtin ka sawi kual pui a.

A rukin ka chil ka lem dâwk zel. Sumo lo thlen hman ka hlau si, a tawpah, "U, ka pu nen kan inngaizawng", ka ti a. Ka khup tha hi a sâi hlawk hlawk nghal thei nia!

"Ka hria lawm",

"Maw?", ka ti hluai. "Min hrilh hun ka nghak mai chauh lawm", a ti dam dup a. Ka inthiam lo hnuhnawh.

"U, ka tihpalh aw",

"A pawi lo, ka hriatna a rei tawh zawk a, Sawmtean min hrilh vek alawm", ka meng buai nasa lutuk, "Ka, ka puin maw?", ka ti a. Ka u Hlima a lo bu zeuh.

"A tir chuan, ka phal lo viau naa, mahse; a thutak lutuk tih ka hriat khan ka phal ta mai a. Mahse, Bawihte, awlsam takin hmangaihna a pe chhuak dawn lo, nangpawhin i hriat kha",

"A vanduai lutuk a, hlsuhnain a khat tih ka hria lawm",

"A tawpah, nangmah zawk hi i chhe vek ang tih ka hlau",

"U, chutiang hlau duh miah suh, misualnu ka nih hi, tumahin min tinâ thei dawn hleinem", ka ti a. Ka u a lo nui hak hak.

"Bawihte, min mamawhna i neih hun apiangah min lo hrilh ziah dawn nia. Nangmaha tawrh zel tum lo la aw, i tan i nuṭa te kan awm reng tih hria la", mittui parawl kuang chunga enin, ka bu nghauh nghauh.

"U, ka lawm lutuk", ka ti chhuak ṭawk a. Sawi ṭeuh tum mah ila, ka âwm min hnawh ṭun avangin, eng thu mah ka sawi chhuak thei tawh lo.

Ka u nen inkuahin, kan in vai liam leh ta a, ka ngai nghal vawng vawng thei. Hun a liam chak ang bawkin, kan ṭhang chak zel bawk . Ṭulna vangin kan inawmbo san vek a, engtikah tak, chhungkaw kimin la awm ho leh thei tak ang maw?

Ka u hriatpuina leh phalna thlspa, ka pu nen kan inngaizawng erawh, ka hlim veng veng thung.

Ka u hnenah a lo va dil thlap tihna nia, a hawihhawm mah mah ni. Naupang fel deuh a ang thei tak tak a ni.

"Exam zo vat vat tawh ila", an ti sup sup. Keipawhin, exam zo tawh ila ka ti, uniform hak reng ka peih tswh lo.

Ka pu a lo lut a, a âw a vin lutuk ringawt. 'Khawngaihna vanga Chhandam' tih thupui hmangin a Sermon a, a rukin ka nui tet tet.

Min Sermon chhan tih a hriat lutuk, khawngaihna vang chauha inlaichinna neih ka duh lo ka tih vang a ni ngei ang. "Lei leh Van Lalber pawhin, khawngaihna avsng chauha min chhandam turin, min chhandam turin a fapa a lo tir a", tiin, Thawhlehna thlengin a sawi zui a.

Ngawi rengin an ngaithla ṭhup hlawm a, a sawi chhan ka hriatchian em avangin, thutakah ka la ve thei der lo.

Ka pu chhuah hnuin, a sawi ṭhat zia an sawi siam siam nghal a, ka nui ringawt. Fak namênin an fak hlawm bawk a, ka bei an tidawng.

"Hey, zawh duh che ka nei a nia",

"Nakinah aw, ka la buai",

"I buai loh tawp kha, rawn kal nghal rawh", a tshirt-ah ka ṭham nghal sawk a, a meng phawk nasa lutuk.

"Third year-i thu i awih duh loh vang nih kha", Chba te hoin an lo ti a. Hmangaiha chuan min zui ta nge nge. Classroom aṭanga kan chhuak chiah chu, dar a ri nghal a.

"Kan break chiah maw tia, nakinah ni mai rawh se, lut ang", Hmangaiha chu ka pawt let a. Basement-ah ka chhuk thlakpui.

"Au Dindin, min mang ang e aw, ka duh miah lo nia", a ti nang nang.

"A rei lo ang, Hruaii hi i duh em?",

"Maw?",

"I duh nge duh lo?", ka ti leh a. A lu a hiat nuah nuah. "Duh lo", a tawpah a lo ti a. "I chiang maw?", ka ti a. A bu nghauh nghauh.

"A nih, i duh loh chuan, ngati nge beiseina i siam?",

"Maw? A awihawm lo e, beiseina ka siam lo reng reng, eng nge maw i sawi le?", a ti nuah nuah.

Ka tisual dawn a va ang tak, "A nih, kan bulah te i lo awm ṭhin sia", keipawh chu ka hrilhhai tawh, ka zak tel tawh zawk. Thudik lo ka sawi a ni ringawt alawm.

"Kan tihdan fo alawm, in bulah lo pawh, midamg bulah kan awm tho lawm, classmates te chu inpawh taka awm tur, hmeichhia leh mipa pawh, tlangnel taka awm a, inpuih ngaihnaah chuan inpuih tawn zel tur a nia", ka kut ka sik nuap nuap.

Ka zak lutuk ringawt, ka hriatsual chiang lutuk. "Ka tihpalh", ka ti ta ngawt a. CR a nih vang nge a puitling phian zui.

"A ho lutuk, lut tawh ang, min man palh chuan a chi dawn loh lutuk", kalsawn a tum chu, a banah ka man a, "Tu hnenah mah sawi suh aw, Hruaii leh midang bulah a thawi pawhin sawi miah suh aw", ka ti bah nawk nawk.

Ka zak lutuk a, Hmangaiha chu ka hmu phê ruai tawh vel. A zahthlak tihpiah lam a ni daih.

"Ka sawi lo ang, lut ang, min man ang", Hmangaiha chuan a ti leh a. Kan pahnihin step-ah kan pen pawk pawk.

Kan hmaah tak, ka pu lo ding thut chu, ka au nasa lutuk. Ka phu nasa bawk nen, ka lûngphu a tawp hmanin ka hria!

Chek hlakin, "Min lo zui rawh u", a ti sup a. "Sir, Sir, kan ti tawh miah lo ang, khawngaihtakin min ngaidam rawh", Hmangaihan a ti nghal zung zung.

"A theih loh, in bunk hma khan ngaihtuah ve tur lawm", a ti hmak. "A fair lo", ka lo ti a. "Eng maw, i lo sawi ve a?", min melh ralhin a lo ti.

"A thiam lo zawk ka nia, Hmangaiha hi chu class-ah luh tir rawh", Hmangaiha hmaah dingin ka ti a. "In pahnih khan min lo zui hle hle rawh u", a ti ram hmak.

Ka thaw hawk a, a luhlul ve bawk si. "Tihpalh lutuk aw", ka ti zawi sap a. "A pawi lo", Hmangaihan a lo ti a. Ka inthiam lo lutuk chu, en pawh ka en ngam tawh lo.

Hall kawtah min din tir a, a verandah laiah a ni mah zawk a, a la zia tal. Ni sa hnuaiah min din tir dawn ta maw ka ti hman alawm.

Chung lamah kan ban pahnih min phar tir a, kan bulah a la ṭhu ve zui. A phone a khawih nuap nuap a, a nui leh hak ṭhin. School chu ni lo se, ka ṭim nghek chak. Hmangaiha awm ve lo se chu, ka ṭim duh tak tak ang.

"Sir, nizan highlight em ni?",

"Ka en hman lo a",

"Kei chu ka en asin",

"Exam naah a lo chhuak dawn lo nia", football chungchang an sawi dun daih. Hmangaiha chu a ban a dah thlak tir a. Dah thlak ve ka tum ngawt a, "I ban phar rawh", a lo ti hlak. Ka phar chho chiang lutuk.

An pahniha titi ka ngaithla kar a, Messi leh Ronaldo, Neymar chungchamg te an sawi a, midang dang pawh an sawi zel a. "Kei chuan,Xavi ka duh ber", ka ti ve a.

"Tu nge zawt che?", ka puin a lo ti hmak nghal. Ka ner khum sawk. A va han sual thiam tak. Hmangaiha chu class-ah kal turin a ti a, kei erawh ding turin min la ti.

Ka ban dah thla chungin, "I tihdan hi a fair lo lutuk aw", ka ti a. "I thiam loh zawk thu i sawi kha", min lo ti.

Ka thaw halh halh a, ka ban erawh ka phar tawh chuang lo. Ka ke pawh a kham tawh lutuk, dar a ri har zek lehnghal a.

"Lo kal hnsi teh", ka bengkhawn lo lui ve ngat, "Laldintluang", zawi tak siin, a lo ti chang fak a. Min pawt hnai nghal tho.

"Mipa dang nena ka hmuh dun leh che chuan, i thi tawh ang", a ti zawi sup. Ka nui hak hak a, "Single ka nih hi, i lo buaina tur a awm lo", ka ti vsi hmak a.

"Kha thu kha, i lei aṭanga i tihrik leh chuan, i u bulah ka hêk tswh ang che", a ti leh sup. Ka nui hak hak a, a thusawi ho hi a awihawm lo thei e, a puitling lo hlawm si.

"I duh leh min hêk la, ka u ka hlau lo, ka kal dawn nia", tih leh, kalsawn ka rual a. Nui kur kur chungin classroom lam ka pan. School-ah pawh a nawi tho a nih hi ah.

Ka u bula min hêk tur thu te a sawi, ka duh thei em mai ah. A call leh message ka chhang ṭha duh lo a, tukverh pawh ka hawng tawh ngai lo.

Exam a hnaih tawh vang nge, chu loah, ka u a lo hsw aṭang a lo kal ngai tawh lo a, call leh message pawh a zeuh zeuh. Chuta karah ka la chhang ṭha duh lo zui.

*phone ka off tawh dawn*

*call hi chhang lawk rawh*

"Zanin chauh chu ka lo kal dawn",

"Lehkha ka zir duh lawm, exam naa ka tihchhiat chuan mawh i phur ngam dawn si lo", ka ti a. A lo thaw ri hrawih.

"Ka hmuh lohna che a rei tawh si, aw le, a pawi lo, ṭha deuh khan zir ang che", a lo ti nsng nsng.

A naupamgchhia thsi tak tak a ni, "Naktuk chhunah ka lo kal dawn nia, noodles chhum tur lei pahin",

"A ṭul lo", a lo ti nghal vat. "Ka hrilh che kha, ka in chhunga hmeichhe lut chhuak zut ka duh lo, i kutchâng thliaka ka hrilh ho che kha vawng reng rswh", a lo ti lang lang.

"Ka hre tawh hlawm lo e ah", ka ti khauh. Ka la hre hlawm reng sia, pakhat phei chu ka ring sual let der!

"Bakah, kei te chu hmeichhia mai mai ka ni hleinem, i bialnu ka nia", ka ti a. Phone a off daih, a buaithlak ṭhin. Eng nge maw a tih dawn le, inbiak laklawh lai laiin.

Lukham hnuaiah phone ka dah a, lehkha ka zir ṭan. Tukverh a lo ri a, ka va hswng. A lo thaw hlawp hlawp ka hmuh chuan, ka nui chhuak hawk.

"Ka hah lutuk", a ti thei hrâm. "Eng nge i rawn tih dawn?", ka ti a. "Ka lo tlan char char, ka hah lutuk", ka hui pap pap.

Kun hniamin a thlan tla ka hruksak a, a lo nui sang. "Tui i in duh em?", ka ti a. A lu a thing nar nar. "Lo kun hniam leh deuh teh", a ti a. Ka kun hniam leh deuh a, ka hmui a rawn tawk.

"Kan inṭhen lo tiraw?", ka biangah dawmin a ti a. Ka nuih sun sun. "Ngati nge, i duhawm êm êm a?", a bianga piai sak sakin ka ti a.

"Nangmah vang hian ka hah lutuk", a ti nang nang. Tlan char char te chu, hah ve awm tak.

"Naktuka ka lo kal i phal dawn chuan, inṭhen i duh lo tihna a ni mai", ka ti a. A riat nawk nawk ringawt. A hnuah, hreh deuh takin, "A ṭha alawm", a ti a.

Rei tawk fang, kan infawh hnuah, "Ka va haw peih lo tak", a ti nang nang a. "Tlan tawh miah suh aw", ka ti a. Thuawih takin a bu nghauh nghauh.

Gate pawn aṭang a kut a lo vai lâwp lâwp, ka vai let ve tak naa, min hmuh theih pawh ka ring tawh lo.

"Noodles chhum tur ka va lei ang e", u Siami chu ka hnial lêm lo. A lo thleng vat a, ka nu BCO lama a kal avangin, kan pahnih chsuhin kan ei.

Kan eina vel kan tihfel zawhah, tv kan en a, rei lo te ṭhuin, "U Siam, room-ah ka luhsan dawn che",

"Aw le, aw le, pakhatna ni turin zir rswh", a lo ti a. Ka nuih sak. A ṭang ve thei si.

Ka phone lain, ka pu ka call a, "Hello", a lo ti chuai raih. "I dam ṭha lo em ni?", ka ti a. A dam ṭhat thuin min lo chhang, "Ka la tho lo a", a la ham bai bai zui.

"I va han mu thei em em",

"Dar engzat?",

"Dat khat a ri dawn", ka ti a. "E", a lo ti ringawt. Tukṭhuan pawh a la ei lo tihna chu a nia, "I lo kal dawn em, ka rilṭam tawh lutuk", a lo ti nang nang. Ka khawngaih reuh lutuk.

"Ka lo kal dawn lo mai", ka ti a. "Ngati?", a lo ti vat. "I khirhin duhdan i ngah ve ropui si a, zah sak che ka duh ve a, chuvang chuan, thil ṭul feah loh chuan ka lo kal tawh lo ang", ka ti a.

"That's my Girl", a lo ti sup. Ka hlim veng veng nghal ringawt. Thoa chaw ei turin ka ti a. Ei rawng pawh a bawl chawp la ngai dawn zui.

Exam chhung zawng phone ka off tur thu ka hrilh a, "A pawi lo, school-ah kan inhmu thei tho alawm", a lo ti lang lang. A la tho chhuak lo tih a chiang reng reng, la mut chhunzawm a tum nge mawni?

Exam chhung zawngin kan inbe lo a, school-ah inhmu ṭhin mah ila, kan inbe thei chuang lo. Inena, innuih saih bak kan ti thei chuang lo.

A hmelah min thlakhlelhna ka hmu thei a, chutiang bawkin, keipawhin ka thlahlel ve ṭhin tho.

"Sir Sawmtean nupui a nei dawn, exam zawhah an khuaa a haw hunah",

"Maw, engtin nge i hriat?",

"Sir David-a nen an sawi lai ka hria alawm", Hruaii leh Zami te nen kan lo ngaithla kar.

Min deng nâ ngar ngar, thudik a nih ka ring chiah si lo. Pu David-a nen an sawi lai an hria angin an insawi bawk si, ka thin a phu dup dup.

"Exam lai laiin khawia kal nge i tum a? Zan a rei tawh nen nen", min hau leh vak vak a. Intihharh ka duh avanga pawna chhuak ka ni reng sia.

"Ka pu",

"Khati khan min ko tawh suh ka tih kha, a zahthlak, kan tlangval ṭan chauh a",

"Nangte chu keima pu lawm i nih", nui tawi takin ka ti a. A rum nghut ringawt.

"Exam zawhah in khuaa i haw hunah, nupui chu i nei tak tak dawn mi?",

"Chutiangah i rilru tibuai suh, ṭha takin lehkha zir la, pass ngei ngei tawh rawh", a ti sup a. Ka bula ṭhu vein kei ai pawhin a inngaihtuah muk hmel em em.

Kan inṭhen lo tiraw tih ve ka châk thlu ngang, ka ngam chiah si lo. "Thudik a ni em?", ka ti leh a. "Min ring tiraw?", a rawn ti a. Ka lo bu zeuh.

"A nih chuan, i rilru tihah suh, min rinna kha titawp miah suh ang che", ka lu chunga a kut nghatin a ti a. A dik tak tak tihna ni maw?

Ka mittui a hnâm ṭiam ṭiam a, "Lalte, i ṭap em ni?", min rawn kuah a, ka lu ka thing nar nar. "Min ring rawh ka tih kha, thu ho lam mai mai vangin, i mittui titla miah suh", a ti dap dap.

Thu ho lam mai mai angin a sawi a, ka tan chuan a ho miah lo. Ka chân mai ang tih ka hlau a, exam zawhah chuan a haw ngei ngei a ngai dawn. Mahse, tunah rih chuan, ka ring phawt a ni mai ang chu!

Kar chuang fe han inbiak loh tawp chuh, a hrehawm ve ngar ngar. Chuta karah, nupui nei tur angin ka la hre lehnghal.

Exam zawh tukah Pu Hminga a boral a. Zingkara boral a nih avangin phum nghal a ni a. Ka pa pawh, a hna chawlin ka nu nen an kal a.

Ka pu pawh, school-ah ka hmu lo. Kan vengah mitthi nei mah ila, exam kan ṭhulh thei chuang lo. Ka pu nupui nei tur thuthang vel pawh, a darh leh nasa tawh lutuk.

Pu Hminga te insh kal turin ka insiam ve a, YMA zan a ni a, a ruang ka thlah ve thei si lo. Ka pu ka call a, min chhang thei bawk si lo.

*Pu Hminga te inah ka kal ve dawn a* message ka hnutchhiah ringawt. Ka tet lai kha chuan, Pu Hminga te inah hian ka chuangkai tam ve a, Pu Hminga khan min lawm peih ve hrim hrim bawk nen.

Choka lamah ṭhutna ka chang hrâm a, a hnung berah a la ni zui. Zoa a lo ṭhu ve hlauh, a kilah a ṭhu a, inṭhut thleng turin ka dil a, a lo phal ve mai bawk.

Khawhar hla kan sa tih takah, ka lung a lêng tlat pek! Ka pi leh pu ka ngaihtuahnaah an lo lut a, kan bulah awm ve tawh lo mah se, ka ngai thar riau bawk.

A rukin ka mittui ka hru leh ṭhin a, mitthi ina kal hi chu, rilru nô a chhuak duh lutuk a, hei vang hian ka kal ngai zen zen lo.

Vawikhat kha chu, mitthi lumen naah ka kal ve tawh, ka tlaivar ve ṭhak a. Kan la â deuh bawk a, sawhchiar ka kham loh thu ngawt ka sawi. Venglaia ka awm lai a ni a, Lalramnghaka nen kan kal dun kha a ni a!

Programme kan hman zawh ve leh ka chhuak nghal a, "Dindin, i haw nghal em ni?", Zoan min lo au. "Haw nghal mai ang", ka ti a.

Midang ho chu, an la khawtawi. Ka riang em mai, in thlen vat vat ka duh tawh zawk. "Lalte", ka inher a, muangchangin a lo kal.

Ka nghak ren rawn a, ka bul a lo thlen chuan, "Ka chau lutuk", tiin, min kuah nghal. "I lian si, min kuah bo vekin ka hria", ka ti a. A nui hak.

"Ka thlah ang che", ka kut a chelh a. Muangchsngin min kalpui, zan a rei lam ve tswh bawk a, veivak pawh an awm tawh lo. A reh ṭhuap tawh.

"I mittui hru lai kha ka hmu a",

"Ka pi leh pu ka ngai lutuk a",

"Min lo ngai ve em?", a ti sup a. "Nang chu, ka ngai peih lo che", ka ti sak a. A ner salh salh. "Min ngai tih ka hria lawm", min kuah hlun chungin a ti a. Ka thaw ṭha thei lo lek lek.

"I mittui a tla leh a nia, ka tinâ che em ni?", ka mittui hru pahin a ti a. "Tinâ lo e", ka ti zawi sap a. "A nih, ṭap tawh suh, ṭah i inhmeh lo ka tih tawh kha", dam dup hian a ti a.

Boruak hip let kâwkin ka thaw chhuak hawk. "Pu, zawhna ka nei",

"Min zawt la",

"Ngati nge, pawngsual tawk te hi an kalsual kher ṭhin?", thaw halhin, min kuah te te phawt a.

Ka dar tawn tawn hmerin, "An duh loh chunga khawih an ni a, an duhthlanna tihbawrhbansak an niah ngaiin, khawvela misual ber angin an inngai tawh ṭhin a. Chumi vang chuan, kawng dik zawk thlang thei reng mah se, a sual lam zawk an pan ta ṭhin a ni",

"Anni ho nen kan inang-",

"A tawk, sawi tawh suh, ka hrilh che kha, nangmah ngeia i din a ngai. A ṭha leh ṭha lo i hria a, a ṭha lo tihpunlun kher a ngai lo",

"Christina nen kan danglamna ka hre tawh miah lo",

"Ani nen intehkhin ngai suh, in danglam lutuk. Tu nen mah intehkhin ngai suh, i hria maw?", ka mittui kar aṭang ka en chho a.

"Ṭap tawh suh, i ṭah chuan ṭah ka ṭah a chhuak ve vek zel", a ti nang nang a. Ka nui hak.

Kan in kan thleng a, "Lo len i la thsih bawk si lo, hman zana ka lo len theih chhunah lah, min awmbo san daih a",

"Lo lenna hun a la tam dawn em mai, no worry", ka ti zawi sap a. A kiai deuh sak.

Exam chawlh nei loin, school kan kal zawm a, lehkha erawh kan zir tawh lo tluk a ni.

School kal tawp ni-ah, Advance Christmas hmangin, result puanna hun kan nei bawk a. Baby-i bawk pakhatna a ni leh a, kan class bskah, Class-12 Arts-ah pakhatna a ni. A la bawn khawp ang.

"Engtikah nge i haw dawn?",

"Naktuk chu ka cham phawt ang a, Zirtawp khian ka haw ang", ka puin a tih chuan, ka hlsuthswng nghal em em ringawt.

"Naktukah ka lo kal thei ang em?", ngen ngawl tak hian ka ti a. A lo phal hlsuh. Ka inlet ka inlet a, ka muhil thei chuang lo.

A haw hunah, nupui a nei dawn tih kha ka hriat dan a ni ve miau a, ring turin min ti mah se, ka ring pumhlum thei ṭhak lo.

"Zingah nge chhunah?",

"Chhunah, zingah chuan ka peih lo, a vawt tawh si a, thawh a huphurhawm em mai", ka nuih hak hak.

A sawi dik tawp, thlasikah hi chuan, zing thswh a huphurhawm. "I la insiam dawn lo mi?",

"A hmanhmawhthlak loh", a ti sup a. "Tlai thleng ka awm thei ang em?", ka ti leh a. A lo phal ve leh mai bawk.

Lehkhabu a bih laiin, computer-ah games ka khel a, ka khel ṭha hleithei lo. Thil tam tak ka ngaihtuah a, ka rilru a hah tawlh tawlh.

"Lalte, i ṭha em?",

"Aw", ka ti sap a. Ka rilṭam leh ṭam loh min lo zawt. Ka rilṭam loh thuin ka chhang a, "I rilṭam hunah i sawi dawn nia aw", a ti a. Ka lo bu zeuh.

Ka bulah lo ṭhuin, ka games khel a lo en a. A lo sawi zuah zuah, "I ṭawng thsi lutuk, nangmah vangin ka hlah phah reng hi", ka ti lang lang. A nui suk suk ringawt.

"I thiam lo em mai", ti supin, min thawh tir a. Ka ṭhutnaah insawnin a mal chungah min ṭhuttir a. Amah zawkin a khel, "Lo en rawh', a ti sup a.

Rei rial loin a kap zo vek, "I intithei e ah", ka ti hlak ringawt. A nui chhuak hawk hawk a, "Ka naute hi, a thinrim ni maw?", min kuah bet vak chungin a ti a.

Ka ner salh salh ringawt. "Ka thinrim lo", ka ti a. "A nih reng kha", ka nâk a piai hlak a, "A nâ", ka rak ṭhat.

Bianga inpiai mah a nât tawh sa nak laiin, nâkah lehzel. "I rilṭam lo tak tak maw?", a sana bih zeuhin chungin a ti a. Ka rilṭam loh thu bawkin ka chhang leh.

"Ka pu?",

"Umm, sawi rawh",

"Kan inkawp rem i ring em?", a thaw ri hrawih a, engtin tak min chhang ang maw.

"Keini chu kan khawvel a dang alawm. I sawi angin kei chu, hmanlai huna mi ka nia, nang chu tunlai huna mi. Kan nunphung pawh a dang hlak",

"Ka insiamrem ve mai dawn lawm",

"Chu chu ka sawi tum a ni lo, min ring turin ka tih che kha, i la hria em?", ka bu zeuh.

"Ka haw phawt ang, zanah kan inbe dawn nia", ka ti a. Ka tho nghal. Pawn thleng min thlah a, hawi let tawh loin ka kal nal nal.

A nihna tak sawi lo hian, pehhel zawng ringawtin a sawi a, hriatthiam a har. Rei vak lo kan inbiak hnuah, call kan titawp a. Muthilh tuma ka mit ka chhin vang vang pawhin ka muhil thei lo.

"Siami, engtikah nge haw i rilruk?",

"Ka hre lo le, kar leh lam ka tin zawn ve deuh tawh a, Christmas a hnai tawh si",

"I duh hun hunah i haw thei reng a nia", ka nu chuan a ti a. Ka u te pawh, lo haw an tum hnai tawh hlawm ang chu a.

"Min lo thlah dawn em?", a rawn ti a. Ka nu leh pa te pawh, Pu Hminga te ina leng turin an lo chhuak dawn chiah.

An chhuah hnu lawkah, ka chhuak ve a. Damdawi in bul ka thlen chuan a lo ding vang tawh.

"I phone i lo keng em?",

"Aw keng, ngati nge?", ka ti a. A lu a thing ringawt. Ka kut a lo chelh a, "Ngawi rengin i awm dawn nia, ṭawng rawh ka tih hma chu i ṭawng tur a ni lo", a ti a.

"Nga ti nge?",

"Ka sawi ang chuan i awm dawn nge dawn lo?",

"A chhan ka hre ve duh lawm",

"Ka sawi ang chuan i awm dawn nge dawn lo?", zawi tak siin, a ti chang leh fak a. "Aw", ka lo ti thuai.

"A ṭha", a ti zawi sup a. A nui suk. Sumo a lo thleng a, "Lut rawh le", a tih chuan, ka meng phar kâwk. Ka âng zuau chu, "Ngawi reng turin ka tih che kha", a lo ti sup.

Min nam lut rawk rawk a, ka ṭawng a phal si lo, ka âng zuau zuau ringawt.

Ka phone lain, a switch off daih a, a bag-ah a la khung daih zui. "Kan kal thei em?", driver-in a lo tih chuan, "Kal thei e", ka pu chuan a ti a.

A ṭhutnaah min ṭhut tir nghal a, ka kut a chelh reng bawk a, kawngkhar bula ṭhu ni mah ila, ka zuang chhuak ngam teuh lo mai.

Serkawn kan tlan pel a, ka ṭap thei takngial dawn. Ka nu leh pain min ngaihtuah ngawt ang le.

Ṭawng tuma ka kâ ka ân apiangin, ka kut a lo hmer vak zel a, ka ṭawng ngam ṭhin lo. Min ru boah ka ngai.

"Min ring turin ka tih che kha", ka beng bulah a lo phun sup a. Tihian, min ruin, an inah min hruai dawn tihna em ni?

Ka pu chu enin, ka lu ka thing nar nar, ka ṭawng theih tehreng nen, sawi tur ka hre ṭhak lo lehnghal.


Show post links
Top

[Ngaia]

Keima Pu: Sir Sawmtea
Chapter-26
Ziaktu: Cck Lalchhuanawmi

Ka pu chu enin, ka lu ka thing nar nar, ka ṭawng theih tehreng nen, sawi tur ka hre ṭhak lo lehnghal.

Engtin nge, ka nu leh pa ka hrilh tak ang le? Ka haw leh dawn em, min awm kumkhua tir chu ka ring miah lo.

Pawn lam ka hawi char char a, ngaihtuahna fîm tak ka pu hlei thei lo. Hauh vak ka châk a, chuti chungin a thu ka awih êm êm lawi si.

Ngawi renga awm tura min ti chu, eng ka hria ni maw, ka ngawi char char. "I rilṭam em?", ka lu ka thing nawk nawk. A bag aṭang hoodie dum a phawrh chhuak a, a bag a ruak huaiin ka hria.

A hoodie kha niin ka hria, min hak tir a, ka tan chuan a lian lam deuh a ni, mufler phawrhin min awrh tir leh. Ka ke lam enin, "Mawza chu i bun a nih hi", a nui suk a. Ka ngei lek lek.

"Aizawl kan thlen hunah, thawmhnaw chu kan lei mai dawn nia", a ti a. "Bathroom-a kal i duh em?", a ti leh. Ka bu zeuh. Ka tlanbo hlau niawm takin, a bulah min awm tir char char.

"Khaw thim tak tak hmain, Aizawl kan lut thei dawn a nih hi", a sana bih zeuh chungin a ti a. A sana te hi thi daih se ka ti. Sumo kawngkhar hawngin ka hmaah a ding a, midang zawng chu Hotel-ah an la awm vek.

Shillong aṭanga kan lo haw chho lai vel min tihre chhuak uar uar, "Kan thlen hunah, ka bulah ngawi rengin i awm dawn nia, i hria em?", ka biang chul heuh heuhin a ti a.

Indonaa kal tur ang maiin ka inchan a, ka mittui a hnâm ṭiam ṭiam. Min kuah a, "Lalte, hemi vang hian ka tihpalh lutuk aw", ka chalah a hmui a nawr vang vang.

A sawi ang tak takin, khaw thim deuh lam tawhah Aizawl kan lut a. Kâwn a êng dê chuai chuai tawh.

Hotel pakhatah hian min luhpui a, reception counter bulah min ṭhuttirin, "Hetah hian lo awm lawk rawh aw, ka rei lo ang", a ti sup a. A kalsawn nghal.

Ka hoodie hak lukhum ka khum a, ipteah ka kut pahnih ka zen lut daih. Min en duh hlawm êm êm lehnghal.

"Lo kal rawh le", ka tho chhuak chiang lutuk. Hriat ngai loh kara, mahni chauha awm chu a hrehawm bakah, a khawharthlak.

Hotel kawtah min din tir leh a, a hnu lawkah, garage aṭang bolero nen a lo tlan chhuak.

"Ṭam hnêmah, tlem tal kha ei rawh", paper bag min lo pe a. Burger pahnih leh, frooti pakhat a awm. Amah zawk hi, a rilṭam lo ve nge mawni le, a tui in lai bak ka hmu lo.

Ṭawng a phal bawk si lo, burger pakhat ka ei a, a tui êm êm zui. "Kan thleng e", a ti a. Ka chil ka lem dâwk. Ka tiril a khur nghal. Indona mual thleng taah ka inngai.

Eng thil nge, ka hmachhawn dawn tih ka hre si lo. "Ṭawng ka phal sak tawh che", motor kawngkhar pahin a ti a. "Ka hlau", ka ti a. A nui chhuak hawk.

"Aw le, i ṭawng ka phal leh ta lo, hlauh tur a awm miah lo nia, ka bulah awm tlat la a ni mai", a ti a. Ka en mawl tawp.

Aw leh aih pawhin ka chhang thei lo. Gate hawngin kan lut a, gate an lo nei ve tho. In lah a lian angreng si a, in compound pawh a zau angreng. Kan in ang thoin, Pangpar an lo vûl chûk chûk.

In chhungah kan lut a, "Kan lo haw", a ti a. Ka chil ka lem dâwk dâwk. Ka lukhum ka pu chuan min tihthlak sak a, ṭah vak vak ka châk ṭum ber a ni ang.

"E he, u, i va lo haw hma ve", hmeichhe pakhat hian a ti a. "Duati, ka nu leh pa an awm em?", ka pu chuan a ti a.

A farnu kha nih dawn chu, ka hre leh si. "Awm e, room-ah an awm a", a ti lang lang a. Min hmuh chuan, "Eh, hei tu nge?", a ti a. Ka nuih sak ringawt.

"Tu emaw te te nih hi, ka nu leh pa chu ko lawk teh", ka pu chuan a ti leh a. Duati chuan a ko lang lang. Indona kan ṭan tawh dawn tak takin ka hria.

Ka pu kut ka hmer ngawt ngawt, min enin hahdam turin a mitmeng hmangin min hrilh a, ka hahdam thei dawn pawhin ka inhre lo.

"Ka u a lo haw i ti ah?", ka puin min chelh nghet sauh, kei lahin ka tha tawpin ka kut pahnihin ka chelh let a, thlah ka tum lo reng reng.

Ka nu leh pa aia upa fe tur te nen, kan inhmachhawn ta ran. "Ka nu, ka pa, Laltei nih hi", a ti a. Nui varin, chibai buk nun, ka lu ka kun zeuh.

"Eng nge awmzia?", ka pu pa chuan a ti a. Ka pu nen min en tawn zak zak. Ka pu nu ka en a, ka kun chiang lutuk. Min ben chak hmel tawkin min en ran.

"Ka nupui tur nih hi", ka puin a tih chuan, ka hawi chhuak vat a, ka pu ka en ran. "Eng maw i sawi a? Lalmalsawm, i thusawi kha i chiang em?", ka pu pa chuan a ti a. A meng lian êm êm lehnghal.

"He hmeichhe naupang hi maw?", ka pu nu pawhin a lo ti. Hmeichhe naupang chu ka ni tawh bik miah lo. "Ka nu, hmeichhe naupang chu ni tawh bik lo e", ka pu chuan a ti hlak. A lungawi lo vak

"Lawkin, in inru tihna em ni?", ka pu pain a lo ti a. "I hmuh ang hian a ni e", ka puin a ti hmuk. Ka lo ip chawih thei, ṭha deuhin ṭawng ve se ka lo ti lutuk.

"Mami, a dik em?", min lo ti a. Ka lo bu zeuh a, ka kun leh daih. "Kum engzah nge i nih?", ka pu pain a ti leh a. Ka âng zuau tihah, "Kum sawmhnihpahnih", ka pu zawkin a lo ti vat.

"A dik em?", ka pu nu zawkin min lo ti a. Ka bu leh ringawt. Kum sawmhnihpahnih ka la tling miah lo. Tling ang chu ka ni ve tawh tho.

"Lalmalsawm, sawi fiah nghal rawh", ka pu pa a vin ṭhawt a. Ka pu lah, hlau ang pawhin a awm duh ṭhak lo, nge, a hlau lo tak tak zawk.

"Kan School-a zirlai a nia",

"Zirlai ah, chuan, chuan, engtin zel?", ka pu pa chu a thinrim hmel tawh lutuk. "I hmuh leh hriat ang kha a ni e", ka puin a tithla leh rawk. Ka lo ip chawih chawih.

Indona mual a ni tak tak, ka pu lah a ṭawng dan a ngeiawm si, thil tidiklo tu zawk kan ni a, ṭha taka awm tur a nih vei nen.

"I nupui tur kan biak fel avanga, hetia rawn che hi em ni i nih, a hma pawhin i ti tawh, eng nga ti nge, i luhlul êm êm?", ka pu pa chuan a ti chang fak fak.

A hma pawhin, a lo ti tawh maw? Kei ni lo, hmeichhe dang a hruai tawh tihna maw? Ka pu ka en a, a nupui tur an biak fel vekna lak aṭanga, chhuah a duh vangin, hmanruaah min hmang tihna mawni le?

"Lalmalsawm, min chhang rawh", ka pu pa chu a vin leh tuarh a, ka pu erawh, a ngawi ngul. "Mami, i duh vang renga rawn zui i ni lo tih ka hria e, i chenna sawi la, Duati hian a va thlah dawn che nia", min lo enin, ka pu pa chuan a ti a.

"A ngai lo", ka puin a ti leh hmak. "Ka pa, nupui ka nei dawn a nih chuan, Laltei hi ni rawh se", ka puin a tih chuan, "Nang chu, lo ngawi rawh. Mami, ka sawi tawh ang khan, hetiang hian hmeichhe pakhat a lo hruai tawh a, nangpawh chutiang i nih tho ka ring",

"Chutiang a ni lo, ka sawi kha, ka nupui tur chu Laltei chauh hi a ni",

"Lalmalsawm, eng buaina nge maw i siam le. I zirlai a nih thu i sawi zo chiahin ka hria, zirlai te chunga tihdan tur a ni em ni?",

"Ka pa, ka sawi chu, ka nupui tur a nih hi. Nupui nei turin min ti fo a, tunah chuan, nupui neih pawh ka inpeih tawh, ka lo hruai haw bawk", min lo enin, ka pu chuan a ti a. Min nuih suk.

"A theih loh", ka pu nuin a ti a. Ka pu pa chu a ngawi ta daih. "Ṭhu teh ang u", a hnuah ka pu pa chuan a ti a.

Inhmachhawn ranin kan ṭhu, ka pu lahin ka kut thlah a tum bawk si lo, kei lahin ka thlah ngam bawk si lo. "Mami, ka zawt ang che, i pu khan, a vo che nge, vo lo che?", ka pu pain a lo ti a.

A rukin ka chil ka lem dâwk, ka lu ka thing nar nar. "I chiang maw?", min lo ti leh a, ka bu leh nghut.

"A ṭha e, chutiang chuan ni rawh se, mah se, tun tut tuta inneih ka rem ti lo. Kum khat hnuah ni rawh se", ka pu pa chuan a ti a. Ka thaw huai theiin ka hria.

"A theih loh, keiin ka remti lo. Henu nen hian an innei thei lo ang, ka remti ngai lo ang. Ziri te nen kan inbe fel vek tawh, an chhungkua nena inlaichinna kan neih ngei ngei a ngai", ka pu nuin a ti hlak hlak.

"Ka nu", ka puin a ti hlak a. Ka pu kut ka hmer vak. Ngawi ve mai mai se ṭha tur, ngawih hun a la ni rih.

"Keiman ka remti lo, chu chu ni tawp mai",

"Engvangin?",

"I nu ka nih avangin",

"A tawk", ka pu pain a lo pawt chat. Ka lawmzia mai chuh. "Zanin chu, tihian awm phawt teh ang, naktuk lamah kan sawi ṭha dawn nia", ka pu pain a ti a.

Ka pu chu a ding hluai a, keipawh ka ding ve tawp. "Hotel-ah ka awmpui ang", ka pu chuan a ti a. Awmngaihna min tihre lo, ngati nge Hotel-a min awmpui chu a tum?

"Inah hian in awm ang",

"Ka in pawh a ni ve em ni?",

"Lalmalsawm", ka pu pa chu, ka pu ben tumin a lo ding hluai. "I lo haw apianga Hotel-a awm reng ringawt mai. Nupui neih i tum ni lawm ni, hotel-ah i awmpui reng dawn tihna em ni, mawh? Puitling rawh", ka pu pa chu, a hlauhawm lutuk.

Ka pu chu ka en chho a, a inla ngeng nasa ropui si. A kut ka tiche dat a, en pawh min en lo reng reng. Ngawi renga awm turin min ti mah se, ka ṭawng chhuah a ṭul ve tlatin ka hre tawh. Ka hriatthiam bak bakin, he chhungkua hi a buai ru nasain ka hre bawk.

"A suaksual zawng hlira awm mai, i lo haw apiangin buaina thlen reng ringawt",

"Misual ni turin min siam miau hek",

"Lalmalsawm", ka pu pain ka pu ben a tum chu, ka pu hmaah ka ding a, "Ka pu, duhtawk rawh", ka chhungril hi a khur hlawk hlawk thei!

"Ka, ka pu, ka pu hi ngaidam rawh, keimah thiam loh vek a ni. Tihsual a nei lo, keimah tihsual vek a nih hi", ka âw pawh a khur nasa lutuk.

"Ngawi mai mai turin ka tih che kha", min kuai her lâwpin, ka pu chuan a ti a. A kut ka thing thla sawk.

Ka pu pa chu ka en a, "Ka pu, kei hi a thiam lo zawk ka ni e. Zanin avangin ngaihdam ka dil nghal bawk, chhungkua tichhetu nih ka duh miah lo. Ka pu hi, ka hmangaih luatah ka mit a del zo a, a chhia leh ṭha pawh thliar nachang hre loin ka lo zui ngawt a",

"Laldintluang",

"Chhungkaw buaina thlentu nih ka duh lo, tun thlengin ka pu hian, ka laka a rilru puthmang min la hrilh ve lo a, keimah char charin ka la umzui-",

"Laldintluang, ngawi hmak rawh",

"Tun hi, kan tawpna tur a nih ka ring, ka, ka, ka pu; ka kal mai ang", ka ti a. "Ngawi reng turin ka tih che kha", ka dar hmerin, beidawng taka min enin, a ti zawi sup.

A kut ka la thla a, "Buaina thlentu nih ka duh lo", ka ti sap a. Ka pu nu leh pa enin, "Min ngaidam rawh u", ka ti a. Ka kalsawn nghal.

Kawngkhar ka pel fel tihah, a tlanin ka tlan tawh, gate hawngin, motor nena kan lo tlan tawhna lamah ka kal a, ka kaihza tha khur avangin ka kal ṭha thei tawh lo.

"Laldintluang, khawiah mah i kal dawn lo, i hria em?",

"Min thlah rawh", ka tal laih laih a. Zo lutuka min pawm ngheh em avangin, ka tal chhuak zo chuang lo.

"Khawiah mah i kal dawn lo ka tih kha", an in panin min kalpui leh dawr dawr. Ka ṭang ve ṭang ṭang bawk. "Lalmalsawm", ka ti vin ṭhat a. A ding chiang lutuk.

"Engtin maw min koh a?", inherin, a lo thle bak. "Ka inchhir lutuk, lo zui lo tawp tur che ka nia sin",

"Ka tihpalh, min ngaidam rawh, mahse; min kalsan miah suh, keimah chauh chuan ka hlau, i lo let ang tiraw?",

"Aih, ka lo let tawh lo ang",

"Khawngaihtakin, Lalte, khawngaihtakin", a chalin ka chal a lo nawr a, ka biang tawn tawn dawmin, a tuai leh zeuh ṭhin a. Min rawn fawp leh zeuh zeuh ṭhin bawk.

"Ka pu, ka hmangaih che", ka ti sap a. Inla hrang riai riaiin, min en tlawk tlawk. "Ka hmangaih che, min hmangaih ve ngai dawn lo tih hre reng chung pawhin, ka hmangaih che", a lu a thing nar nar.

"Ka ring êm êm che a, nâtna tam tak lo tuar tawh i nih avangin, i dam theih nan ka nghak ṭang ṭang che. Min hmangaih ve theih hun ka nghak ṭang ṭang. A la hma tih ka hria, mahse; zaninah, hmanrua atan chauh min hmang tih ka hriat khan, ka nâ lutuk", ka mittui ka hru tawk tawk.

"Ka hmaah, hmeichhe dang i hruai tawh a. Tunah kei, engkim a fel vek hnuah min thlauhthla lo ang tih tu nge sawi thei?", ka ti tawn tawn a.

Ngawi rengin min en, "Mangṭha", ti sapin, ka inher a. Kalna tur pawh ka hre chuang lo.

Aizawlah hian, kan chhung hnaivai an awm ve pawhin ka hre lo. Mi inkawt hmun rem laia riah a ni tawh mai, ka phone lah, a bag-ah a la awm char char.

"Min thlah rawh",

"A tawk, ngawi renga awm turin ka tih che kha, min lo zui rawh", ka ṭang chhuak zo lo. In chhungah min luhpui leh a, ka ṭanna lamah ka taksa a nâ vek thei.

Boruak a rit zualin ka hria, "Naktuk lamah kan sawi ṭha dawn nia, chaw ei siam rawh u", ka pu pa chuan, dam deuh zawkin a ti a.

Awmdan tur ka hre tawh lo, "I inphihfai duh em?", nui varin Duati chuan a lo ti a. Nuih let vein, ka duh thuin ka lo chhang.

Bathroom aṭanga ka chhuah veleh, Duati chaw ei ka siam pui ve a. Choka bul lawk room aṭangin ka pu a lo chhuak ve chiah bawk.

Choka lam hnaiha room a nei bik chu, mak ka ti ru angreng. Mahse, a room pawh a ni lo thei tho bawk.

Chaw ei pawh a nuam lo, kan ngawi ṭhup hlawm a. Ṭawng hmasatu nih kan chak lo ni vek maiin ka hria.

Burger ka ei khan min la tipuar bawk a, a hming chauhin chaw thleng ka dek hi a ni ringawt.

A tawpah, ka pu pa chusn a âw thian kharhin, "Mami chu, i hming han sawi ve teh", min nuih chung hian a ti a. Ka hming ka hrilh a, "Engtin nge an koh ṭhin che?", min ti leh a.

"Dindin tiin min ko mai", ka ti a. A bu nghauh nghauh. Ka nu leh pa hming, an hnathawh leh, kan unau zat te, school ka la kal chhan te min zawt a, ṭha takin ka chhang ve dap dap.

"Ee, kumin chu, kan pass ngei ngei tawh ang chu tiraw?",

"Nia", ka ti ringawt. Ka nui tawi tak a, thâwk a sak ṭalh ṭalh duh lutuk. Duati chu kan chaw eina ka tihfel pui a, aman thleng silin, keiin hmun ka lo phiat.

Ka che khawr nasa mai, kan ina chet nen chuan, inthlau tak a ni. Ka pu leh a pa chu, ka pu pa te room-ah an inzui lut a, engtak va sawi ang maw.

Chokaah ka awm tlat a, dining chair pawt chhuakin ka ṭhu hle hle. Dawhkanah ka kut nghatin, ka tuai ka tuai a.

Indona mual aṭanga chhuah hun chauh ka ngaihtuah. Duati lah, in chungah a chho daih a, Ka pu nu tv hmaah a ṭhu a, min ngeih lo nghal sa pang, tih a hriat ngawih ngawih.

Chutah, hmeichhe pakhat hi a lo lut a, "Nu", tiin, nel êm êmin ka pu nu chu a lo ko lut nghal a. Ka pu nu pawhin, nui sangin a lo be ve vat.

"Nu, Sawmtea a lo haw em ni, Duatin min lo hrilh a",

"Haw ele, i pa nen an inbe lawk a. Naktukah innei nghal mai ula ka ti",

"A zahthlak e", an pahnihin an inbe bawrh bawrh a. Ka tê chem chemin ka hria, Tuipui zau taka, lawng tê takte hmanga, Thliarkar zawng tura inkar ve ṭawk ṭawk hi ka ang ta ber!

Ka pu lah a lo chhuak har si, ka pu nu te lah an ṭawng tui nasa si, ka dinhmun lâi lutuk chu, chhuah leh daih ka chak rum rum.

A tawpah ka pu chu a lo chhuak ta nge nge a, ka thaw huai, ka mittui lah a hnâm sawk. Hmeichhia lah chuan, lawm em emin a lo be nghal a. Ka pu lahin a lo uksak lem si lo.

Min hmuhin min lo pan nghal a, ka bulah a lo ṭhu. "E he, Zirziri chu, i lo leng ni maw?", ka pu pa chuan a ti a. Ka hawi chhuak tawh lo hrim hrim, an ṭawng erawh ka hre thei ve vek. Inhau vak vak lo se, ka duh ber.

"Ti teh, in in lamah phei ang u, thil sawifel a ngai tlat mai", ka pu pa chuan a ti leh a. Ka pu phenah ka biru hi a ni ringawt.

"An kal tawh", ka puin a tih chuan, dawhkan ka bawh nghal zat. "Lalte", ka insut hlawp hlawp a. "Ka haw duh", ka ti chhuak ṭawk.

"Lalte, ka tihpalh lutuk", min kuah a, ka hnung a chul hliau hliau. Eng nge thleng zel dawn ka hre lo a, mahse, a ṭha dawn lo tih erawh ka chiang.

A room-ah min luhpui a, light a on ve tak naa, a thim khuih nia mawle! Tukverh bula sofa chungah ka ṭhu a, ka ṭah a la bang thei lo.

"Lalte, naktukah chuan engkim a fel vek tawh mai ang. Zanin chu, a la hrehawm deuh mai thei, naktukah erawh, a fel vek tawh ang", ka bulah lo ṭhuin, a ti zawi sup a.

Ngawih bak chu, tihtheih ka nei tawh lo. Ka la ring zel dawn em tih lah, ka chiang thei tswh lo. Mahse, chuti chungin choka hnaiha room a nei hi, ka khawngaih tlat bawk si.

"Mut hahdam i duh em?", a ti leh a. Ka bu zeuh. Ka mit ka chhing vang vang a, ka mumang mai mai nise, ka ti lutuk.

"Ti khan, inneihna chu ṭhulh a ni e",

"A ṭha, min be hmasa loa in lo tihfel vek vang a nih kha", ka puin a tih chuan, ka pu ke ka va tlawh chawrh. Ṭha taka chhang tur a nih laiin.

"Ka, ka tihpalh lutuk", ka pu pa en zeuhin ka ti a. Ka pu nu erawh, a thinrim tih ka hre thei.

"Engmah i tisual lo, i bula mi luhlul lutuk vang vek hi nia, amah zawk kha nih kha, a inhmuh chhuah theih nan i ṭanpui dawn nia", fiamthu titak deuhin, ka pu pa chuan a ti a. Ka nui tawi tak.

A pa fel lutuk hi, ka khawngaih. Ka pu ka haw zual sauh. A pa a chhân dah lah, a ti hmek hmuk si.

"Mahse, ka sawi kha, kum khat hnuah chauh, in innei thei ang", ka pu pa chuan a ti leh a. "Ka hria", ka puin a ti bul hmuk a. Ka tlawh leh chawrh.

Ka pu chuan min en a, ka mit hmangin lawmthu sawi turin ka lo ti. A rum nghut a, "Ka lawm e, ka pa", sehchilh nawkin a ti hrâm. Luhlul lutuk mai.

"Vawiinah Dindini hi haw rawh se",

"Keiman ka thlah dawn lawm", ka puin a lo ti vat.

Ka puin Duati, bazarah a hruai lawk a, ka pu pa nen kan lo inkawm. Ka rin ang aiin, biak a nuam a, a fel em em bawk. Ka puin a chhun lo hi a mak.

"Nichina i thiltih kha ka hre khiau a nia",

"Eng maw?",

"I men dan kha, Sawmtea kha lawmthu min hrilh tir tih ka hria lawm", nui deuh varin, ka pu pa chuan a ti lang lang a. Ka nui ringawt.

Ka pu pa chhuah lawk hlanin, an awmpui ei rawngbawl ka pui a. Zingah lo kalin, tlai thleng a thawk a. Tlai ei rawngbawl zawhah a haw zel thu a sawi a, U Siami nen chuan an inang lo deuh.

U Siami kha chu, khaw danga awm a ni pah ve bawk nen. "Nang kha, rawn kal teh", ka pu nuin a tih chuan, ka thin a phu nghal dup dup.

"Eng buaina nge i lo thlen hi i hria em? Kan chhungkua min timualpho nasa hle mai, Christina ai pawhin i laktlak loh zawk. He hmun aṭang hian kal bo la, Sawmtea hi kalsan nghal vang vang rawh",

"Ih",

"Ngawi hmak rawh, Sawmtea nawmsakna tur i tihchhiatsak vek tih i hria em? Ziri nen innei ta se, a chan tur i hria em? Ziri hi fanu neihchhun a ni a, Doctor lai a ni bawk a, a nu leh pa te lah, College Lecturer an ni ve ve bawk.

Chumai a ni lo, Ziri puin school a din a, chu chu Sawmtea kutah an dah dawn asin. Nang hian, i tihchhiatsak vek, a lakah eng nge beisei i neih, pawisa maw? I tisual a nih chu, ani hian engmah neih a nei lo.

He in chhungah hian chan pakhatmah a nei lo, a nawmsakna ve tur lah i tichhe vek", mak ti deuhin ka en reng ringawt.

Hetiangin, nuin a fa chungchang a sawi tur a ni miah lo. "Takah, i hmangaih thu i sawi bawk a, i hmangaih tak tak a nih chuan kalsan zawk rawh.

Retheihna bak i pe thei chuang lo. Tunah, zirlai chauh i la ni a, khawi aṭangin nge pawisa i thawh chhuah ang, Ziri chuan nuai chuang a thawk chhuak tawh asin.

I hriat loh takin, Ziri hian nang aiin a lo hmangaih hmasa tawh. Christina vanga Ziri kehchhe vek te kha, khatih lai pawh khan, Sawmtea hi nuamsa taka awm thei tawh tur a ni sin.

Christina vang vak kha a ni, mahse, awlsam takin ka kalbo tir tih i hria em? Nang chu, ka zuah ang che, i la naupang bawk a.

I hmangaih thu te i sawi a, in thisen a inlum hleih lutuk. Tunah hian, Sawmtea hi, taksa che thei loin, buaipui ngaiin awm ta se, i la hmangaih chhunzawm zel thei ang em?

Chutiangin, in kum pawh a intam hleih lutuk, i la iai vat mai ang. Nupa nih tawh pawhin, hmangaihna hi a ni ber lo, i duh anga a chetpui theih loh hun che, a thleng thuai dawn, chu chu ngaihtuah ve rawh.

Tunah, a theih lai hian kalsan zawk la, i tihfuh ka ring. A nih loh chuan, Christina chunga ka tih angin, i chunga ka tih ve a ngai palh ang.

I la naupang ka tih kha, hmathlir i la ngah lutuk, uluk deuhin inngaihtuah ang che. Chuan, Sawmtean inneihna hi a pawm ngei theih nan, hrilh bawk ang che", tluk tawp ka chak lutuk.

Ka pu room-ah ka lut a, ka ṭap ta nge nge. Ka pu chunga ka lungawi lohna zawng zawng te, a bo vek tawh. Ka khawngaih ngawih ngawih.

Ka puin engmah a hre ve awm si lo, a hmangaih em em Christina nena an awmdun theih loh chhan hre ta se, engtin tak awm ang maw.

Keipawh chu, kalsan tura tih ka ni a, kalsan lo ta ila, ka chungah eng nge thleng ang le?

"Lalte", ka mittui ka hru sawk sawk. Room-ah a lo lut a, "I ṭha em?", ka lo bu zeuh. Min hmuh erawh chuan, a ngaih a ṭha chiah lo.

"Ka nuin sawi a neih em?",

"Nei lo, i kalbo rei lutuk a",

"Ka tihpalh lutuk", ka mittui a hru a, engmah ka hrilh thei bawk si lo. Ka hrilh a nih vaih chuan, engtin nge a chet dawn ka hre bawk si lo.

Room aṭang min hruai chhuak a, ka pu pa pawh a lo haw tawh. "Kan kal mai ang", ka pu chuan a ti a.

"Him tak khan va thlah ang che", ka pu chuan, "Aw le", nui varin a ti a. Hotel-ah bawk kan kal leh.

"Hotel hi i ta em ni?",

"Ni lo e, ka ṭhianpa Hotel a nih hi",

"Kan chuanna motor pawh kha maw?", ka ti a. A nui chhuak hawk, "Kha kha chu, ka lei ve liau liau a nih kha", min piai zeuhin a lo ti a.

Elivator-a kan inkhai chhoh lai te chuan, ka kut a chelh reng a, nui suk chung hian min en leh zeuh ṭhin. A hlim em em ringawt mai a.

"I inbual thei", towel a lo vawm a, ka lo man chat, "Khumah sawn i inthlakna tur a awm aw, i hak lai kha chu kan paih mai dawn nia", a ti a.

Thuawih takin, a sawi ang angin ka awm. Ka inthlak zawh rual chiahin, chaw ei tur an lo chawi lut a, ka puin min lo ko nghal.

Min ṭhuttir a, "Ei ṭeuh rawh, i rilṭam tawh ngawt ang", ka lamah hlir a lo nawr.

"Nangmah zawk khan ei ṭeuh, chaw i ei mumal lo tih ka hria nia",

"Kei chu min ngaihtuah suh, ei ṭeuh rawh. Kan ei zawhah, kan bazar ang a, chuan, Ṭhuama khaw lam kan pan nghal ang",

"Khati khan ti ve ziah suh, Lunglei ti ṭha hle hle mai rawh", a nui hak hak. A nui sang reng a, tun anga hlim deuha a awm hi ka la hmu ngai lo reng rsng.

Motor kawngkhar hawngin min luhtir a, hma lamah kal hualin a lo ṭhu lut ve vat. A thaw hawk a, "Le, khawiah nge kan kal hmasak ber ang?", a ti a. "Sahuanah", ka lo ti vat.

Tunlai hla lar ho a play pah a, a lungsi zan lo na chungin, hla hlui play zawk turin ka ti duh ṭhak lo.

Ka kutah a chelh tlat a, "Ka kalbo dawn hleinem", ka tih pawhin, a lu a thing nar nar. Naupangin, a nu a chelh tlat ang vel a ni.


Show post links
Top

[Ngaia]

Keima Pu: Sir Sawmtea
Chapter-27
Ziaktu: Cck Lalchhuanawmi

Ka kutah a chelh tlat a, "Ka kalbo dawn hleinem", ka tih pawhin, a lu a thing nar nar. Naupangin, a nu a chelh tlat ang vel a ni.

A bag-ah, chips leh in tur vel a ak a, ah(ak) chhawk ka tum lahin, a phal tlat lo. Phone ka khawih a hlau a ni ngei ngei ang.

Kawng thlang lam aṭangin kan kal a, boruak a nuam tawk chiah. A lum lutuk lo a, a vawt lutuk lo bawk. Thingkung a tam êm êm bawk a, hei hian, boruak hi a tivawt zualin ka hria.

Pangpar hmuh tur a awm zeuh zeuh a, Ramsa bakah, Pangpar a awm leh zel hian, mit a ti tlai ka ti ve tlat.

Mulukawlh an dahna bula, Theipui kung kâwkin, "A rah hun se chu, ka lo vek ngei ngei ang", a ti nang nang. "A tui lo em mai", ka tihsak a, "Keiin a tui ka ti alawm", ka puin a tih chuan, ka nuih sak ringawt.

Keimahni chauh lo pawh, kal an awm ve nual a, naupang thawm phei chu, hriat tur a awm mang lo.

"I kal tawh reng reng em?",

"Kum 11 ka nih lai niin ka hria, tah khan kan kal tawh, kan kal chhan ka hre tawh miah lo",

"A ho lutuk, ngaihtuah duh vak suh", ka lu khawng karhin a ti a. Ka melh ralh. "Tihpalh", nui sukin a ti a. Min khawng ṭawlh ṭawlh reng.

Rul an dahna kan thleng a, kan thlen hma hauh aṭangin ka hnungah a biru char char, ka dar tawn tawn a vuan a, "Lalte, kal hnai miah suh", a ti zawi sup a. Kei lahin, hmuh ka chak chak nen.

An hungna chauh kan la hmu thei a, chuti chung chuan, tlan chhiat inring rengin a awm.

"I hlau mi?",

"Rul maw, Hlau lo nasa ropui, ka hua",

"Ngati?",

"Ka hua ni tawp mai, an hmelchhe si, an mitmeng a zim si, an sei zuarh a, ṭangkaina nei tak tak si lo. An lei te reng reng, an chhuah zit zet a, mi tinâ tur zawng reng rengin, ka hmuh fuh fuh chu, ka that zel ang", ka hnung aṭang a ti hlak hlak.

"Chu, chumi, vang chuan maw?", ka ti a. Leiah ka ṭhu thla hnawk. Rul a huat chhan mai mai chu, a ropui lutuk, chhan ṭha tak a la nei ve ngei zui.

A lo ṭhu thla ve a, ka mittui kar aṭang ka lo en kiau, ka nuihna lamah ka biang a kham vek. Ka pum lah a nâ, "Nuihzatthlak a awm mawni le?", a ti sup a. Ka nuih vak vak, amah chawp chawp hian a nuihzatthlak.

"Pu Vanan hre ta se, a man tir duh ang che",

"Min man tir theih ngawtna chhan tur a nei lo", a ti vei hmak. Ka ding a, ka hnungah a biru leh. Nui kur kur chungin ka kal hnai a, min zui ve zel tho.

"Lalte, kal hnai tawh suh", ka beng bulah a phun sup. Kei lah, ka kal hnai sauh sauh, Saphai ṭial rit ret ho ka hmu a, "Ka pu, en teh, khu Saphai",

"Sawi pawh sawi suh", a ti hlak. Ka nui tet tet a, a dawih ve tho a nih hi. Rul a la hlau zui. Ka inher a, hriat mang hleih loin a phun nuah nuah.

Chutah, "Ka pu, i ke bula kha rul", ka au vak a, min kuah chûng chûng nghal. "Ka fiamthu nih kha", nui huah huah chungin ka ti a. Kuah let vein, a âwma hmai phumin ka nui char char.

Ka hawi chhuak a, a thlan a lo tla nasa mai. A khâ a inkhawng dar dar bawk a, ka ngaih a ṭha tawh miah lo. "Ka pu, i ṭha em?", ka sawi dat dat a, a bu nghauh nghauh.

Nghet takin min kuah a, a lûngphu ka ngaithla a, a phu rang lutuk. A hlau takzet dawn a nih kha, hlauh namênin a hlau!

"Ti rawh, kal tawh ang", ka kalsawn pui a, a kut te chu a khurin ka hria. Ka khawngaih reuh lutuk, ka ngaihtuahna ka hmang lo ṭhin lutuk hi chuh.

"Ka pu, chawl lawk ang", ṭhutna an siam chu ka kâwk a, ka ṭhutpui nghal. Keimah zawkin a kut chu nghet takin ka vuan a, ka tuai heuh heuh pah.

Tlem chuan a hahdam ve ta deuhin ka hria, ka darah a lu a lo nghat a, "Ka mal chungah i mu duh em?", ka ti a. Zawh nawn pawh a ngai lo, a mu nghal vat.

"Thawnthu min hrilh la", a tih chuan, ka nui hak. "Thawnthu sawi tur ka hre lo", ka ti a. Thawnthu sawi tur hriat ka nei miah lo.

"Mauruangi Thawnthu pawh maw?", thle bakin a ti a. "Ka sawi chhuak thei lo zawk", ka ti a. "A nih, phuah chawp mai rawh", a la ti hrâm.

Ka thaw hawk a, eng nge ka sawi ang aw, "A nih, i mit chhing la", ka ti a. Thuawih takin a mit a chhing ve mai bawk.

"Hmanlai hian Lalfapa chak leh huaisen tak hi a awm a, a lalram a enkawl danah, mipuite an lungawi êm êm bawk a. Harsatna an tawh pawhin, an Lalfapa hnenah an thlen vat ṭhin, Lalfapa chuan a lo chinfel sak ṭhin a. Mipuite chuan, an Lalfapa chu an ngainain an zah êm êm ṭhin bawk.

A hnuah, Lalfapa chu Lalpa a lo ni ta a. A Lalfanu lûngdum êm êm nen inneiin, Lalfapa leh Lalfanu tam tak an nei dun a. Lalpa chuan, a chhungkua leh a khaw mipui te chu, hmangaihna nen a enkawl ṭhin a. Hmangaihna tawp hlei thei loin, Lalpa leh Lalnu chu an awm kumkhua ta a ni", a sam ka chul heuh heuh pah a.

Ka mal chunga, thlamuang taka mu chu ka thlir vang vang. A dik chiah, kei aiin a upa a, a hmai te pawh a chuar ṭan. Han ngaihtuah mai hi chuan, kan thisen pawh a inlum hleih tih a hriat.

Nupa lo ni ta ila, keipawh, ka taksa a itawm reng bik lo ang. Nau ka hring ang a, tuna ka taksa tlawntlai zet te hi an bo ang a. Keimah zawk hian, a duh angin hun ka hmanpui thei lo zawk mai thei asin, tuin nge hria?

Chung chu, Hmangaihnaah a famkim thei mai lo em ni? Kan inngaihzawnna la rei lo hle chungin, kan inṭhen a hlau êm êm a, naupangin a nu kalbo hlau taka, a chelh tlat angin, min chelh tlat reng bawk a.

A chak lohna lai te, ka hre dawn chauhin ka hria, hlauh te a lo nei ve a, huat zawng te a nei ve bawk a. Mihring ve tho alawm a nih.

"Ka va han mu rei êm êm",

"I mumang a sei ngawtin ka ring", ka ti a. A nui chhuak hawk hawk.

MC-ah kan kal a, tlai lam ni tawh mah se, mi veivak an la tam tho. "I duh i hmuh chuan min hrilh la, kan lei zel dawn nia", a ti zawi sup a. Ka lo nuih var var.

"Takah, i rilṭam em?",

"Ṭam lo, chips leh drinks ho khan min tipuar, nangmah zawk hi i rilṭam ka ring",

"Ṭam lo, i puar chuan ka puar", a nui suk a. A âwmah ka bei thlawp. Kalsan chu khawi lamah, second rei lo te chhung pawh, kalsan tura ka inruatin harsa ka ti ngawih ngawih.

MC chhungah inkai rial chungin kan tei kan tei a, duh êm êm pawh ka nei lo. "I duh engmah i la sawi lo nia, inthlahrung miah suh, ka hausa lutuk ringawt", ka beng bulah a lo phun sar sar a.

Ka nuih sun sun, "Nangmah ka duh ber che", ka ti sap a. A lâi kual chu, a riat nawk nawk ringawt. "Bengbeh ka nei ṭha lo lutuk a", ka beng khawih zeuhin, ka ti nang nang a.

"A nih, kal nghal ang", ti supin, bengbeh an zawrhna dawr lamah min kalpui a. Ka duh ka thlang a, pathum lai min leisak.

"Takah, inbual i duh ngei dawn a, i inthlakna tur lei nghal ang", min kalpui dawr dawr a. Amahin, thawmhnaw min leisak a, keiman ka thlang miah lo. Ka hak tawk a lei chat chat thei chu mak ka ti zawk.

"Hotel-ah kan kir thei tawhin, duh dang i la nei em?",

"Duh te chu ka ngah lutuk, mahse, ka mamawh vek lo a", ka ti a. A nui hak, "Ṭhuama fanu tak hi chu aw", nui sun sunin a ti a. Ka hmui ka tisawi niah niah, a huat tawk a tling leh êm êm.

Kan hmaa hmeichhe naupang lo tlan chu, "Min lo man sak lawk teh u", tiin, nu pakhat hi a lo au a. Ka lo man chat. Ka pawm kang lâwp nghal.

"Ka lawm lutuk e", thaw hlawp hlawpin nu chuan a ti a. "Min tihbuai dan hi i hria em?", a fanu ka pawm chu, a lo la nghal a.

"Thu a awih lo lutuk a, kan inum kawi reng mai ni",

"A duhawm reuh lutuk, tu nge a hming ni reng reng?",

"Nancy-i nih hi, kan dawrah lo chawl rawh u, lo kal rawh u", ka pu chu ka en a, a dar a lo chhin hak ringawt.

Pheikhawk dawr an lo nei reng chu niin, an nalh hlawm si, ka mit an la hlawm lutuk. "I duh duh thlang rawh", ka beng bulah a lo phun sap.

Nui varin ka en chho a, min nuih letin a bu zeuh. Mahse, thlan ka tum takzet naa, ka ṭhulh leh ta zawk. A inseng nasa lutuk palh ang ka duh lo, min leisak ṭeuh tawh lehnghal.

"In hman tawh em?", dawr pawn aṭang pa pakhat hian a lo ti a. "Hman a ni mai", Nancy nu chuan a ti a.

"Sangtei ka nia, saw saw ka pasal Ess-a a nih saw, kan fanu upa zawk Elisa a nih bawk saw, chuan, mipa naupang duhawm deuh saw, kan fapa Lalruatsanga a nih bawk saw",

"Min sawi tel ve lo", tiin, Nancy chuan, a nu a lo pawtchat a, kan nui hak hak. Kan inchibai hlawm a, U Sangtei pasal chu a hmelṭha reuh lutuk. Mshse, ka bula mi erawh, U Sangtei pasal hian a tluk miah lo.

"Awi ah, kan haw a hun tawh sia, chawl turin ka sawm che u a, mahse, a tlai zo leh ta sia. In lo bazar leh hunah in lo chawl zawk dawn nia", U Sangtei chuan a ti mawlh mawlh a.

"Chawl tehreng mai, keini pawh haw kan tum tawh alawm", ka ti a. A thaw huai.

Hotel-ah kan let a, ka inbual zo bathroom aṭanga ka chhuak chu, chaw ei tur a lo awm fel leh diam tawh.

Ka pu chu a inbual ve lawk a, chuti chhungin chaw ei turin min ti a. Ei loin ka nghak ṭang ṭang, ka ril a ṭam lem lo bawk a.

"Lo ei rawh ka tih che kha", a lu hru pah mawlh mawlhin a ti a. "Mahni chauh chuan, a khawharthlak", a kiai deuh sak.

A inthlak zawh ve leh, ka bulah a lo ṭhu nghal a, "Kan ei zawhah, rei lo te kan chawl ang a, chuan kan thlah haw nghal ang che", a ti dap dap a.

Ka ruak huaiin ka hre nghal, khawharnain min umzui nghal ni maiin ka hria.

"Lalte, chaw hi ei ṭeuh teh",

"Ka sawi tawh kha",

"Thau hlauh vsngin ei tlem kher suh, a ṭha lo nia", a ti nang nsng. Kan chaw ei dunna hnuhnung ber a ni dawn a, tui taka ka ei theih a ring reng reng nge mawni.

Dar nga a ni a, khua a thim fel chu a ni tawh mai, "Khaw thim hma dan hi", ka ti nang nang, "Thlasik chu, a dan alawm", a lo ti khauh. A sawi dik thei si.

Inchungah min chhoh pui a, ka mit min chhin tir tlat zui. Thli thaw heuh heuh chuan, kan thleng tawh tih min hriat tir.

"Meng rawh le", muangchangin ka meng a, ka rak ṭhat. "A va han mawi êm êm, a mawi lutuk", ka ti lang lang.

Aizawl khawpum a lang thei a, kan awmna a sang bawk a, Arsi ang maiin ka hmu. Arsi chunga awm ang maiah ka inngai.

Kâwngpui te lah, an êng nalh êm êm vek mai a, in te pawh an chei deuh vek tawh a, a nslh lutuk hi a ni ringawt.

Ka hnung lam aṭang min lo kuah a, ka darah a khabe nghatin, ka nghawng a thawk khum lum ham ham a. A changin, a hmui lumin a nûl leh thuak thuak ṭhin.

Hotel-a awm reng tih leh, hmeichhe hrusi tih vel kha, zawh ka chakna a bo thei lo. Mahse, kan hun hman a tichhe vek ang tih ka hlau bawk si.

"He lai aṭang hian zuan thlak ka tum tawh sin",

"Ka pu", ka thin a phu nghal dup dup. A awihawm lo lutuk.

"A ni lawm, khatih lai khan, ka beidawng êm a ni", a ti zawi sup a. A ban ka chul hliau hliau.

"Tun hnuah chuan, tum tawh miah suh aw, engtin nge ka awm ang?", ka insut faih a. Chutiang khawp tihduhna rilru pu tura, a beidawng tih ka hriat ringawt chuan, ka chhungril a tikhur thsi.

"Ka tum tawh dawn hleinêm, i bula awm reng ka duh", ka mittui ka hru tawk tawk.

"Tirawh, chhuk tawh ang, kan tlai palh ang", kan inzui chhuk a. Tun ṭum erawh, keimsh zawkin a kut nghet takin ka chelh.

Zuanthlak a tum tawh thu min hrilh miau a, kalsan ka va han hreh tak, lo tum nawn leh ta se, ka thih phah ve theih ngei ang!
(He lai bawr vel hi chu, puitling lutuk kan tih chuan khawngaihtakin min ngaidam mawlh rawh u aw, min hauh in duh pawhin, min hau thei)
Khum chungah ka ding a, lo kal hnaiin ka hnung lamah a kut pahnih a suih a, "Insiam turin ka hrilh che kha",

"Rei lo te tal la awm ila",

"Kan thleng tlai lutuk ang a sin",

"A pawi hleinêm, i bula la awm rih ka duh", a biang tawn tawn dawmin, ka fawp zeuh a, a nui sun sun.

Min rawn fawp let a, muangchsngin khumah min bawh thla. "Lalte, ka tihpalh lutuk",

"Aih, chawl miah suh",

"I hlauh kha, duhtawk ang",

"Ka hlau tawh hleinêm, nsngmah i nih vsngin ka hlau tawh lo", ka ti zawi sap a. Keimah zawkin, ka fawp bawrh bawrh.

A tir chuan, a insum deuh a, a hnu erawh, a duhthawh leh tawh lutuk. Amah ni mah se, ka la hlau tho. Mahse, min tihreh sak dawn tih ka hria.

Ka kâwng chunglam chu, thawmhnaw inbel ka nei tawh lo. A samah ka kutṭang rawlh lutin ka ṭham tawn tawn a, ka âwm bawr a nûl kual chu, intipachsng luiin ka lo dawngsawng ve zel mai bawk.

Ka chhungrila hlauhna pawh, a reh tial tial a, zauthaunain min phuar tawh. Ka pu a nih avangin, ka hlau tawh lo!

"Ka thei lo, Lalte, ka ti thei lo",

"Khawngaihin, ka hmangaih che, khawngaihin", a lu a thing nar nar.

"Ka pu, khawngaihin",

"A theih loh, Lalte, a theih loh", min fawp pah tawn tawn a, a taksa ṭang ṭung pawh ka hre thei.

"I duh tih ka hria lawm", ka ti sap a. A lu a thing nar nar. Duh lo angin lang mah se, a mitmeng, a taksa ṭang ṭung leh a thâwk te hian, an nemnghet chiang lutuk.

"Lalte, Lalte", thaw huam huamin ka beng bulah a ti a. A hnung zâng chul kual riak riakin, a dar ka seh ner ner.

Ka nghawng a rawn fawp dâwk a, kekawr la ha mah ila, ka pu taksa mamawhna sang lutuk chu, chiang takin ka hre thei, amsh ang bawkin keipawh ka ni tho.

"Ka pu", ka ti thâm ṭiak a. "Hei vang hian, min ngaidam ngai suh", ti supin, min fawp ngawng ngawng a. Ka thawmhnaw a hnawl thla vek a.

A hmaah, ruak huaiin ka awm tawh. A duh ang thala ka taksa a khawih te chuan, ka lo chhang ṭha êm êm vek zel mai a.

Ka ngaihtuahna a tinû hneh lutuk a, ka thiam ang angin ka lo che ve zel. Inzirtir chawp leh chuan vak pawh a ngai lo reng reng!

"Lalte", a kuta thisen kai min hmuh a, "Ka hmangaih che", ka ti ṭiau. Ka taksa chhunga la awm reng siin, min fawh a bang thei lo.

"Lalte", tiin, min fawp leh bawrh bawrh zel a. "I khamawm loh lutuk", a nui suk zel bawk. Kei tak hian a nia, a khamawm loh ti chu!

A bula awm reng turin ka intiam a, tunah, engvang ngawtin nge ka kalsan ang? Min lo pan tawh alawm, ka lak aṭang eng thil ṭha mah, a hmuin a dawng lo pawh a ni thei.

Mahse, ka thinlung ka pe tawh a, ka Thianghlimna nen! Ka inchhir miah lo ang, Beiseinain ka thlir reng ang.

Hmangaihna ka pekin a tihdam hun ka thlir reng ang a, ka nghak ang a, ka beidawng lo ang!

"Lalte, Lalte", phak chusp hian ka meng a, "Kan thleng tawh a nia", a lo ti zawi sup.

Motor aṭang kan chhuk a, kan in a lo êng vâ. Ka nu leh pa hmel ka hmu ngam lo.

"Hlsuthawng miah suh, i bulah ka awm tlat dawn alawm", ka kut a lo vuan a. Boruak ka hip let kâwk.

Ka nuin kawng min lo hawn a, ka pu hnungah ka biru deuh. "In lo thleng tawh maw?", ka nu âw dam diai ka hriat chuan, ka inhaw ngawih ngawih.

Ka pu nen ka nu leh pa hmaah kan ṭhu a, ka kun ngaih, ka hawi chhuak ngam lo.

"Ka pu, ka nu leh pa te chuan an remti a, mahse, kum khat hnu chauha inneih ka pa erawh chuan a phal thung",

"A nih chuan, keini pawhin remtih lohna kan nei lo e. Kan fanu, hmangaihtaka min enkawl sak tur tluka hlu leh, nu leh pa tana lawmna dang a awm chuang hleinem", ka pain a ti dap dap a.

Ka mittui a luang ngiai ngiai, ka nu leh pa rilru ka tihnât dan tur hi, ka ngaihtuah ngam lo zawk.

An ding hluai a, ka ding mawl ve tawp, "Ka pu, ka lawm e", ka pu chusn a ti sup a. "Bawihte", ka pain min lo koh chusn, ka va kuah tawp.

"Pa, ka tihpalh aw, min ngaidam rawh", ka mittui ka dang zo lo. Ka hnung a beng thek thek a.

Ngaihdam dil mawlh mawlh bak chu, tih theih vak pawh ka nei lo.

Ka pu chuan, kan bazar laia min leisak ho leh, ka phone chu dawhkanah a dah a. Ka nu leh pa thu hmu vekin, Aizawlah pawh khan min lo hruai reng chu niin!

"I hlau em?",

"Hlau lo e le, kawngtluanin nangman min veng reng dawn tih ka hria lawm",

"Ka veng reng ang che", ka ti a. A âwmah min kuah betin, ka ṭap hlawp hlawp. Ṭap ring lo tur erawh chuan, ka inthunun ve viau.

"Ka nautê duat i nih kha, lo ṭap ngai miah suh ang che, chak takin lo awm la, i nihna tak pawh a nih kha. I ṭaha i mittui hrutu tur ka awm hla dawn si a, lo ṭap ngai miah suh aw", mittui tla zawih zawih chunga enin, ka bu nghauh nghauh.

"Chuan, eng nge la ngai?",

"Lehkha ṭha takin ka lo zir ang",

"Ṭha lutuk", duhthawh zetin kan infawp leh rih a.

"Ka pu, min hmuhsit phah lo tiraw?", min kuah nghet sauh a, "Lalte, ka hmuhsit phah reng reng lo che, hmuhsitawm i ni hleinem. Aww, ka nautê, beidawng tak chung pawha ka lo kal ve ṭawk ṭawk ṭhin te kha, nang ka tawnna tur lek lo niin, ka va lawm tak êm", a ti sup sup a.

Keimah zawk hi, lawm zawk daih tur ka ni. "Keimah chauha let ka va hreh tak",

"I lo kir leh ang tiraw?",

"Kir leh e a, Kum thar ve leh ka lo kir nghal ang", ka lo bu nghauh nghauh.

A kal hma leh, kumina a tawp nan, duhthawh zetin kan infawp leh a.

A kal chu ka thlir a, tunah chuan, ka hrethiam tawh e.

Engkim hi chhan nei vekin a thleng a, kan lo dawnsawn dan a zirin, a ṭhain a ṭha lo thei mai chauh zawk a lo ni.

Ka dinnaah ka ṭhu thla a, ka kut suihin, "Aw Lalpa, khawngaihtakin venghim mawlh ang che", ka ti zawi sap.


Show post links
Top

[Ngaia]

Keima Pu: Sir Sawmtea
Chapter-28
Ziaktu: Cck Lalchhuanawmi

Ka dinnaah ka ṭhu thla a, ka kut suihin, "Aw Lalpa, khawngaihtakin venghim mawlh ang che", ka ti zawi sap.

Inkhawm loin inah ka awm a, Sunday School pawh a awm tawh chuang lo. Chu loah, ka nu leh pa lakah ka la inthlahrung reng a.

Ka nu leh pain, engmah sawi zui nei lo mah se, an rilru erawh a hah dawn tih ka hria. An lungawi loin, an thinrim tel ka ring tlat bawk.

Ka pu haw leh hnuin kan la inbe leh miah lo, ka rin dan chuan Aizawl a thleng vel chauh ang. Zan khuain a tlaivar dawn tihna a nia, a chau ngawt ang.

Hotel-ah a awm leh ang a, inah a haw ve ang em le? Hotel-ah a awm char char ka ring lo deuh, in chu in nge nge a nia, a chhunga chengte nen inngeih vak lo pawh ni ila, in ai hmun dang a awm chuang lo!

Ka nu leh pa lo haw thawm ka hriatin, ka chhawn vat a. Ṭha takin min lo chhawn let ve bawk. Keimahah, inthlahrunna a awm tlat tawh avangin, min hringtu te mah nise, ka sawi thiam lo, mi hrang ang daiha inngaihna lian tak ka nei ru tlat zel.

"Bawihte, i chau em, zingah i tho hma lutuk a?",

"Pa, chau lo e, ka thawh tlai em kha maw", nui deuh sun sunin ka ti a. Ka pa pawh a khi suk.

Ka nuin thingpui lum turin min ti a, thu leh hla nei hmasa tawh loin, ka ṭhutna aṭang ka tho vat.

Thingpui in zawh hnu rei vak loah, "Hminga te inah va leng ang hmiang, an khawhar dawn em mai", ka pa chuan a ti a. Ka nu pawhin a lo pawm ve mai, an pahnihin an chhuak dun leh a.

Keimah te chauhin, inah ka awm leh. Tv ka en a, en tur ber pawh ka hre lo, ka hmet sawn ka hmet sawn ringawt.

Ka phone lah ka en zeuh zeuh a, min lo call lo a nih pawhin, message tal min lo thawn ka ring a, mahse; tun thlengin call chu sawi loh, message pawh min lo thawn lo.

"Bawihte, la nghah leh deuh i duh em?",

"Pa, eng chu maw?",

"Inneih mawle, pasal i neih hma dawn lutuk a, kan ngai dawn lutuk che", fiamthu titak angreng hian, ka pa chuan a ti leh a.

"Ih, pa, in thu thu a ni mai", ka ti a. Inneih thuai thuai ka duh zawk tih chi pawh a ni lo. A âtthlak dawn lutuk.

"I la naupang si a, ka ngaihtuah êm mai che. Sawmtea pawh chuan, engtin nge maw, a lo dawi ât che le", ka nuin a ti lang lang. Ka tidik chiah, an lungawilo chiang alawm.

"A thleng tur chu a thleng vek tswh alawm, Bawihtei pawhin, puitlin nan zel a zir ang a, tumah, dai sain kan piang hleinem",

"Dai sa te chuan, tumah piang lo e. Kan fanu hi lo tirethei viau ta se, i tuar thei dawn em ni? Sawmtean a nawm a makin a lo hmang palh thei tih te i ngaihtuah chhin ngai lo em ni?",

"Chutiang a thleng dawn lo, thil ṭha lo ringawt ngaihtuah ṭhin suh", keimah vangin, ka nu leh pa an inhau!

"Nu, pa, khawngaihtakin duhtawk tawh rawh u, keimah avanga in inhauh ka duh miah lo nia", ka ti a.

"Ih, in remti lo a nih chuan inneih pawh ka duh chuang lo. Keimah vanga buaina a awm ka duh lo", ka ti chhuak ṭawk. Keimah vang chuan, buaina awm lo se, inhauhna pawh thleng lo se ka ti.

"A tir aṭang rengin ngaihtuah ta che, i nu leh pa te hian kan remti dawn nge remti dawn lo tih te. In lêr kawh lutuk a, in lo inngaizawng thawt thawt a, kan inru e te in ti",

"A tawk, inru pawh an nih loh kha, Sawmtea a lo kal lai pawhin i awm ve reng a ni lawm ni?",

"Awm ve reng e, thu ka nei em ni? Min rawn derna chhe te mah awm loin, i phal zung zung a nih kha", ka nu chu a âng hlawih hlawih. Chaw ei pawh a nuam tawh lo.

Ka ngawi kar tawh a, ṭik pawh ka ti ngam tawh lo. "Ka hrilh nasa tawh lutuk che, kan fanu hi en la, Sawmtea bakin an enkawl thei dawn lo", ka pa chuan a ti leh.

Engtin nge ka tih dawn pawh ka hre tawh lo, ngawih tawp hi a ṭhat ka ring. "Inkhawm kan tlai palh ang e, chhungkua kan nih angin, inhauh chang te chu awm tur a nia. Inkhawm loh nana hman a ṭha lo e", dam diaiin ka pa chuan a ti leh a.

Ka nu a thaw halh halh, a lung a la awi zan lo deuh chu a ni. Mahse, ka pa a zah a, a dawhtheih chin pawh a hria. Han hnialin, ka pa kalh zawngin han awm ve ṭhin bawk mah se, a tawpah erawh, ka pa kutah bawk a tlu lut leh ṭhin.

Ka U Hlima nen kan inbia a, a lo hre ve leh vek tawh. Ka puin a hrilh a nih ka ring hmiah bawk. "Sawmtean min hrilh a", a tawpah a lo ti nge nge.

A ruk hian, engmah tih a nei pawhin ka hre lo. "U, min hauh i duh chuanṭm, min hau thei a nia, mahse, min haw kher suh aw", ka ti nang nang a.

Ka pangchan theihna awmchhun leh, ka awmdan hre vek tu a ni a, min hau bawrh bawrh turin ka duh a, mahse, min haw tur erawh chuan ka duh lo.

"Bawihte, ka hau dawn lo che a, ka haw ngai bawk lo ang che. Puitling i ni ve tawh a, a chhia leh ṭha i thliar thiam vek tswh bawk a. I duhthlanna i hman thiam a ngai tawh a ni mai", ka u chuan a ti dap dap a.

Ka lo bu nghauh nghauh, kan inbiakna kan tihtawp hnuin, khumah a zangthal zawngin ka mu a. Boruak hip let kâwkin, ka thaw halh halh.

Ka pu hnen aṭang lahin, engmah ka la hre lo. A thleng tawh nge tawh lo, tih tal pawh ka hre duh. *i thleng tluang em?* tia, ka va thawn lah, tick pakhat bak a la awm lo.

Hetiangah chuan, ngaih a ṭha thei tawh lo. Ka call pawhin, switch off a inti a, Hotel chung mawlh maia, a chhoh ka hlau!

A tan, ka ṭawngṭai a, chu zawng chu ni mai. A va haw ang a, a nu leh pa thinrimna te a la rehin ka ring lo.

Inneihna ṭhulh hial a ngai a, ka pu nu phei chuan, kalsan turin min tihial a. Ka awm tawh si lo, ka pu hnenah, ka chungchang ṭha lo tak sawiin, ka pu zawk pawhin min lo ṭhen thut thei.

Ka ngaihtuah zawng ringawt pawhin, ka thauah min man a, ka hah ngawih ngawih thei. Ka pu ka ring a, ka rin thlawn ka ring lo.

U Siami a haw tawh avangin, ei rawngbawl kan kutah a tla leh tawh. U Siami kha pui ve ṭhin tho mah ila, a kutah innghahna chen kha ka nei ve tlat.

"Nu, min ngaihtuah tih ka hria lawm. Mahse, ka hlim dawn alawm, engmah ka chungah a thleng lo ang",

"Bawihte, nu tan chuan rilru hi a hah nasa ṭhin asin. Pasal nei tur chuan i la naupang lutuk, i mizia lah, ngawi mai mai thei lo i ni a, i pasal chu i pasal a nia. I pasal nu nena in inhnial reng zawk hi ka ring a ni, ka ngaihtuah hian ka hlauthawng ṭhin",

"Nu, tunah te chuan ka puitling ve tawh lutuk alawm. Nangmah ka chhun che a, ka pi nena in innel bik chhan pawh kha, in inhnial reng ṭhin vang a nih kha, kan awm ho chu thuhran, ka pi nena in inkawm tam chhan pawh, inhnial inpeih sa ata in awm ṭhin vang a nia. Keipawh, ka pasal nu nen kan inkawm thei phian mai thei asin",

"Khawi aṭangin nge maw i hriat le?",

"Ka pain min hrilh alawm", ka ti a. A nui hak ringawt. Ka nu kut ka vuan a, "Nu, min ring rawh, ka ti thei em em ang, min zirtir ṭha a, tu chhungkuaah pawh lawi ila, ka tlingtla thei zel ang", ka ti a.

Ka nu chusn, ka kut vusn letin, "Ka fanu pawh, i puitling ve ta hle mai. Mo dinhmun hi awlsam zawk zawk a ni lo a, ka sawi tawh angin i la naupang si a, ka ngaihtuah em che a ni. Mahse, i sawi angin i tlingtla thsi ngei ang, ka ring che lawm, ka ring lutuk che", a ti dap dap a.

Tunah chuan, ka thaw huai huai tawh. Pasal nei turin ka la naupang pawh a ni mahna, mahse, chak takin ka awm ang a, ka hmaa chona awm apiang chu ka hneh zel ang.

Bathroom aṭang ka chhuak a, ni khat tal tawp biak theih lohin a awm tawh. Ka ngaihtuah nge, ka thinrim nge pawh ka hre tawh lo.

Beisei taka phone ka en hnuah, beidawng takin lukham hnuaiah ka dah daih. Nghak ṭang ṭang phawt mai ang.

Bei lo zet hian ka harh a, ka mumang lah a ṭha lo em em lehnghal. Lukham hnuaia phone ka en vat a, data on-in, Whatsaap-ah ka lut vat.

Message a thleng zut zut a, chutah, ka pu message pawh ka hmu ve ta hlawl!

*ka chau lutuk a, ka thleng kha khumah ka bawk a, chanchin lo hrilh che tumin phone ka la chhuak ve tak naa, ka muthilh san daih sia, battery a low zui nen, ka tihpalh lutuk aw, chi-aina tur a awm lo aw* ka thaw hawk a.

Ka thawveng ta hawk mai, nizanah min lo thawn a, phone ka dah aṭanga rei vak lo a la ni zui. Han nghak leh hlek ila chu, ka nghak chhuak thei dawn a nih hi.

"Kumin chu, i u te ho an lo haw thei lo hlawm dawn si a, a khawharthlak dawn mang e", ka pain a ti nang nang.

"Tlangval an ni tawh a, hmathlir te an nei ve ṭheuh si a", ka nu pawhin a ti nsng nsng.

Ka u te hmun dangah an awm vek a, kei lah pasal neih ka la tum ta deuh deuh. Ka nei leh lo zawk mai dawn mawni le, ka nu leh pa ka khawngaih.

"In bulah ka awm reng dawn alawm", ka ti a. Ka nu leh pa an nui huah huah. "Nakin lawkah, min la kalbo san dawn kha maw", ka pain a ti a.

"Ka kalbo san dawn lo che u, in bulah ka awm reng dawn", ka ti nsng nang a. Min nuih huah huah, "Sawmtea a hlauhawm awm em mai", ka nuin a lo ti.

Ka nui tawi tak ringawt, ka pa nen min chhaih nghal chu a ni mai. Chutia, min chhaih chu ka zak tlat, ka lâi em em mai bawk a, ka lu thak lo pui ka hiat nuah nuah ringawt.

Chhun thingpui in zawhah, ka nu leh pa leng turin an chhuak a. Chhuat ka nawt zo, room-ah lutin, inbual tura bathroom luh ka tum laiin ka phone a lo ri.

Phone screen-a hming ka hmuh chuan, ka lei ka chhuah tut ringawt.

"I tho tawh em?", a lo ti. Amah zawk hi, a la tho lo a ni ngei ang.

"La tho miah lo, chaw pawh ka la ei lo a, chhuat pawh ka la nawt fai lo a. Thingpui ka la in lo a, inbual tur pawhin ka la inpeih lo",

"I inbual dawn maw, video call kha chhang rawh aw", a ti a. Min lo call nghal.

Nui hak hakin ka chhang a, "I la inbual loh tawp kha, nge dawt i sawi?", a phun bul bul.

"Inbual ka tum mek alawm",

"Phone kha keng lut la", a lo ti a. Ka kuta ka âwm khuhin, "A teuh lo nasa lutuk em mai", ka ti hlak a. A lo nui kur kur.

"I thiltih kha a ṭul lo lutuk", a nui zui hawk hawk. A va han sual thiam tak. "Va inbual tawh rawh, i zawhah min lo call leh rawh aw", a ti a.

Inbual turin bathroom-ah ka luhsan a, ka inbual pawh ni dang zawng aiin ka hmanhmawh.

Ka hlim em a, hlim hi chuan inbual te pawh a phurawm a, a inchhirawm loh hliah hliah.

"I va rei em em",

"Rei lo em mai, ka lu pawh ti ro hmasa loin ka lo be nghal che",

"Video call calling, i chetla ka hmu duh", a ti leh nghal zat. Min hmuh theih turin phone ka dah a, ani erawh, khum aṭang a la tho lo tih hriat takin, lukham leh a lu a la inzawm.

Sam chhem rona ka neih loh avangin, towel-in ka hru mai ṭhin a, a ro tak tak chuang lo. A pawnlang chauh a ro ni mai, pawn lamah towel zar pharin ka chhuak a.

Room-a ka luh leha phone ka en chuan, a lo muhil leh chiah chiah. Ka nuih saih a, a chau ngang a niang. Mut a duh em mai.

Off chuang loin, ka mute daih a, a harh huna a hrilhhai lutuk loh nan.

Ka nu leh pa te nen, rei vak lo tv enin kan ṭhu a. Ka pain mut a rawn hnuah, mu turin an room lam an pan a.

Keipawh light-te off-in ka room-ah ka lut ve nghal. A lo la mutui ngang mai. Ka unmute a, a hnar ri pawh ka hre thei ta.

"Lalte, Lalte", bathroom aṭang ka chhuak a, bathroom kawngkhar ka hawn avsngin, min kohna pawh ka hre thei.

"Eng nge ni?", ha nawhna pet kawh vû chungin ka ti a. A lo thaw halh, "I bo ta emaw ka ti hman alawm", a lo ti zawi sup.

"Kalbona tur a awm hleinem", ka ti a. A lo nui saih. "Va intifai phawt rawh, keipawh ka tho chhuak ve lawk ang", a ti a. Phone off chuang loin, bathroom lamah ka let leh.

"Kan inbe ṭha thei tawh tiraw?", ka lo bu zeuh. Khum chungah ṭhuin, ka ke ka tawm chho a, ka khup chungah phone ka dah a, earphone ka vuah bawk.

Ka pu erawh, mu chungin min bia, "I hmui kha, ka ngai", a lo ti sup.

"Min ngaih thu i sawi dawn emaw tia",

"Nang chu, ka ngai lo che, i hmui chauh kha ka ngai", a lo ti lang lang. "Ka hlep thla daih ang", ka ti a. A lo ṭe ṭhawt.

Ka nui hak hak a, "I ti tak tak reuh ang e aw", a lo ti zui. Ngawi rengin min en ta char char a, ka ngaih a tiṭha lo.

"Ngati nge min en char char a?",

"Ka ngai che a", a lo ti zawi sup a. "Lalte, ka chau lutuk, i bula mut leh ka duh", a ti a. "Call hi titawp lo la, ka hnar ri i lo ngaithla ang a, i bula mu angah min ngai dawn nia", ka ti a.

A lo nui suk, "Thil pakhat, ka kâ aṭang ngeia i hriat loh thu reng reng, lo ring miah suh aw", chau zet hian a ti a. Ka lo bu zeuh.

"Ka pu",

"Umm",

"Hotel chungah i la chho lo tiraw?", ka ti a. Hriat ngei ngei ka duh, a lu a thing a, "Khum aṭang pawhin, ka thawh peih loh hi", thatchhe zetin a lo ti a. Hotel-ah a awm char char tih pawh a chiang e.

Ka nuih var var, "Takah, nizan ka mang chu a ṭha lo lutuk, kawngah i lo mu a, thisen hian a lo bual vek che, ka hlauh dan chu ah", ka sawi zawng pawhin, ka la hlau.

"Mangṭha a nih dawn chu, Thlasik mumang chu a inlet ṭhin alswm",

"Tak tak msw?", a mit a lo khap fap fap. Inlet mawlh tsh se, a rapthlak em mai.

"Ka pu",

"Ummm",

"Ih, i vawikhatna, a ni ve tho em?", tim dai hian ka zawt a. A vawikhatna a nih ka ring lo chungin, a vawikhatna ni ve hrâm se ka ti bawk.

"I ring em?",

"Ring ve tho",

"I Rinna i dampui e", a lo ti sup a. Ka nui chhuak hawk. Yes, ka rilruin ka au vak vak a, "Screen kaltlang pawh hian, i hlim hmel a ṭha tho a nih hi", a lo ti nang nang.

"Muhil tawh la, naktukah chuan, nung sarha thawh tum tawh rawh aw", ka ti a. Nui saihin, a mit a khap fap.

A muhil lai chu ka thlir vang vang a, ka screenshot ta nge nge. Ka Rinna ka dampui thu a sawi a, a vawikhatna ve tho tih ka hriat hnua, a hma ai zawngin ka hlim.

A sawi ang takin, a bula mut ka chak, min kuah leh se, a ban khama muthilh leh siai siai kha ka chak ber mai.

Sir Sawmtea pov...
Ka phone ka en a, Laltei a lo awm tawh lo. Sana ka en a, dar sawm lai a lo ri tawh.

Peih lo tak chungin ka tho ṭual ṭual a, parda ka pawt hawng a, a lo êng uar. Tukverh ka hawng a, mipui thawm bskah, lirthei ri nen.

Hmun laili tak a ni ve tlat bawk nen, zan lama bengchheng ri a reh har tih mai loh chu, sawiselna em em tur a awm hran lo.

A chung bera awm ni lo ila chu, thawm bengchheng vanga ka mut ṭhat theih pawh ka ring lo.

"I tho thei maw, Sleeping Beauty?", ka nui hak. "Phone charge ka duh tawh, a thi ṭep", a thaw halh halh a.

"Lehkha kan zir ṭha em?", ka ti a. A lo bu nghauh nghauh. "Phone khawih nasa lo la aw, keimahin ka lo call ṭhin ang che",

"Yes Sir", a lo ti vah a. A nui zui sun sun, "Bye bye", a kut pahnih a vai a. Ka lo nuih suk.

A nui hmel te chu, ka ngaihtuah zui nghal neuh neuh. Khumsh ka bawk thla a, phal taka ka hmaa a inhawng ngam kha, mak ka ti a.

Ka zah hle bawk, min hmangsih thu a sawi laia ka rin loh tehlul nen. Keimahah a rinna zawng zawng, a hmangaihna zawng zawng leh a thianghlimna chenin min hlan a.

Engah tehlul nge, ka hmuhsitin, ka kalsan tawh ang ni? Chakna min pe a, ka hmathlir buai lutuk chhungah êng a lo keng a, chu chu chhuah nan ka lo hmang a.

Engtikahmah, ka kalsan miah lo ang. Ka tan a awm reng angin, a tan ka awm reng ang a, min rinna ka tibawrhbang ngai hauh lo ang.

"Pawn chhuah pawh, a hmai uang thlak lo hle mai, Christina vanga kan mualphona a reh fel chauh tihah, hmeichhe naupang pakhat vangin, kan mualpho ṭha leh chu a nia",

"A mak ṭhin em mai, kan fa te duhna pawh kan zah sak ve tur alawm. A thuhrimah, kan duh danin thu kan titlu ve ringawt bawk atin ni", a dik chiah.

A der tal pawha inzawh pawh awm loin, ka nupuih neih hun tur, min lo hrilh ringawt kha chu, ka nu leh pa mah nise, an thiam lo hulhual.

"Ziri te chhungkua ang hi, tumah kan hmu tawh dawn lo, be ṭha leh ang che",

"Ka nu",

"Eng nge? An fanu neihchhun i neih theih nana ka thawh nasat zia hi i hria em? School an pe dawn che, chu chu i duh lo em ni, nuamsa taka i awm theihna tur a ni asin. Ziri lah, hmeichhe satliah mai mai a ni lo, Doctor ngat a nih saw, nuai chuang chuang thlatin a la lut bawk",

"I nawm theihna tur zawk a ni tih hre reng chunga, ka neih duh i ring reng reng em ni?",

"Lalmalsawm", ka nu chuan min val nghal tuarh a. "A tawk tawh, engmzh sawi a ngai tawh lo, a thleng tur chu a thleng vek tawh, sawi sawi a ṭul tawh lo", ka pain a ti lawng lawng.

"Kei chuan, kha hmeichhe naupang fing vervek zet kha, ka pawm ve thei lo. Engtikah mah ka pawm ngai lo ang. Ka in chhungah hian a lo lut leh tawh tur a ni lo", ka nu, Rulpui chuan a ti hlak hlak a, a kalsawn nghal.

Ka pa chu a thaw halh halh a, ngaia ka neih tawh avangin, ka nu thu kam chhuak reng reng ka thengthawngah a lut thei tawh lo.

Amah zawk khan, a fing vervek zawk tih a inhre map si lo. Rul chiah chiah, hei vang hian Rul reng reng ka huat phah.

Ka tet laia, min hrem nana, Rul thi tawh an dah khawmnaa min thlak kha ka la hre reng. Khami aṭang ka nu ka hlauhna leh, Rul ka hlauhna a inhen ṭan chish.

Khang rul te kha, thi sa vek lo se chu, tunah hian, ka nu kawng daltu leh, ka pa phurrit ka ni hauh lo tur!

"A buaithlak ṭhin mang e. Mala, kumin chu, inah hian awm tluan ang che, in i nei reng a, Hotel-a awm zawk tlat mai, a niin a ni lo lutuk", ka pain a ti chharh chharh a.

Ka nu thlem turin a kalsawn ve nghal, inah awm turin min duh tak tak se chu, min hrilh hrilh loin, a takin a lanchhuah tir zawk ang.

Ka room-ah ka lut a, Laltei bawk ka hmu leh. Ka room-ah hian, a mu hman tlat a ni.

A tel lo chuan, nikhat chu sawi loh, second khat ringawt pawh a khawharthlak. Ka ngai ngawih ngawih, a mal chunga mut leh te, kuah chunga muthilh chiah chiah te kha, ka thlahlel ngawih ngawih.

Tui in tur la turin, room aṭang ka chhuak a, "Sawmte", ka hmaah tak a ding a, a nui var var.

Ka kalsawn a, min la umzui tho. "Sawmte, Ṭhalai Advance Christmas hmanaah i lo kal ang tiraw? Kumin chu, lo tel ve tawh rawh aw", a ti a.

Ka ngaihsak lo chung pawhin, amahin a riat nawk nawk.

"Ziri, nupui hual ka nei tawh, ka lo hruai kha i lo hmu em, ani nen khan kan innei vat dawn", ka ti a. Ka kalsawn nghal.

"In innei dawn lo, i nu pawhin a sawi vek", a lo au zui lang lang. Room-ah ka luhsan daih a, ka kalh hmak bawk.

A lo chum vak vak a, "Lalmalsawm, nunrawngpa, kha hmeichhia khan ka neih loh eng nge a neih? Ani ai chuan ka ṭha zawk tih, nsngpawhin i hai lo, nuamsa takin ka awm tir thei che tih pawh i hria.

Ani ai thlawt kha chuan, ka hmangaihna che pawh a rei tswh zawk. Hun ṭha hi bawhpelh ka tum bik hauh lo nia. Khatiang, mihring vervek lutuk",

Kawngka hswng ṭhuaiin, a khabeah ka hmer vak a, "I lei hi, pawh chhuah i duh loh chuan, ngawi hle hle ang che, vervek tia i koh kha, ka hmangaih tih hre rawh. Tun hnuah chuan fimkhur ang che", sehchilh nawkin ka ti a.

Ka thinrim tih pawh a hre ngei ang, "A lehpek awm tawh suh se", ka thing sawk nghal.

Room-ah lut lehin, ka jacket ka la a, in aṭang ka chhuak nghal nal nal.

He in ai hi chuan, Hotel pawh a nuam zawk. Ka in ni lo pui, ka in tia chhal pawh ka zak zawk e a.


Show post links
Top

[Ngaia]

Keima Pu: Sir Sawmtea
Chapter-29
Ziaktu: Cck Lalchhuanawmi

Hotel panin ka inkhalh phei a, kumin pawh, Hotel-ah inkhung leh char char ila ni mai. Rilru pawh a thawvengin a nuam zawk nge nge.

Min lo call-tu vang chuan, kawng sir rem laiah ka ding nghal vat.

"U, i lo haw phei tawh em?",

"Haw phei tawh, lo kal ka tum chiah",

"A nih, lo kal vat rawh", phone dahin, Bazar lamah ka tlan phei leh a. Dawr kawtah ka nghak a, min hmuh ve leh, lo tlanin min lo kuah nghal.

"Ka u Vantirhkoh, i va lo haw har em em?", ka nuih sak ringawt. Aizawla ka haw phei hi chuan, ka hmu hmasa ber ziah.

"I haw thei tawh em?",

"Haw thei tawh e, dawr kawtah ka lo din hle hle hi", nui sangin a ti a. Nachin lawka ka ipikna te, an bo duak duak.

In lam panin kan chhuak leh a, ka ngainat em em chhan chu, ka nu chiah chiah a nih vang a ni!

A hmel te, a pianphung leh a mizia te, a nuih dan te, a ṭawng dan engkim, amah zawng zawngah hian, ka nu nihna a awm vek a, ka nu chiah chiah!

"Mâte, engtikah nge in haw dawn?",

"Naktukah, chuvsng lawm i lo haw leh haw loh ka zawh che",

"In va haw hma dawn ve", ka ti zawi sup a. A nui hak hak. "U, min lo ngai viau rawh aw", a ti a.

"Tunah pawh, ka ngai sa tawh che", ka ti a. Ka en zawk a, a lo nui sun sun. "Ka nu nen in inang e", a ti lang lang a. Ka nui chhuak hawk, min hringtu na na na nen chuan, kan inang ve bawk ang chu le!

"Khawvel ram zauah hian, hmel inang ringawt kan awm ve bawk loin, mihring heti zo zaiah",

"Ni ve tho, takah, ka nuin i thlalak min dil asin, in inan thu ka hrilh ve a",

"Thlalakah hian ka lang chhe thei lutuk a, thlalak mumal pawh ka nei lo", ka ti nsng nang a. A nui huah huah. "U, pasal ka neih hunah, u man ka ei tir dawn che nia aw, lo inring rawh", ka nuih hak hak a.

A lo ner sâwng, "Pu man pawh ka ei tel dawn nia", ka ti a. A nui nasa ber berah a ṭang.

Kawng sir rem laiah dingin, motor aṭang chhukin, inah kan lut a, Hmingmuana pawh lo in pack mawlh mawlh.

Min hmuh ve leh, "E he, ka u, i lo haw phei tawh elaw?", a ti hluai a. Ka lo bu zeuh. Chaw kan ei a, ka nu chawhmeh siam dan chiah chiah.

School chawlh hi chuan, an haw thuai zel a, an awm rei lo thei lutuk a, ka khua a har tlat zel.

"Chawhmeh siamah, i nau i tluk lo", Mâtei chu melh zeuhin ka ti a. "Tluk lo ang chu, ka nuin a zirtir nasa em a, chubakah, kei aia a thiam loh te chuan, u ber ka ni nang", nui var chungin, Mâtei chuan a ti a.

Ka nui suk, a chhuanlam neih ve chhun, "Ka thiam lo ti ṭha ve mai ṭhin la", Hmingmuana chuan a lo ti a. Ka nui hak hak, ka ngai dawn mang e.

"Zingah kan haw ang, i lo haw har lutuk a, keini kan haw a hun tawh bawk sia",

"A pawi hleinem, Christmas in bazar in tawh em ni?",

"Bazar daih tawh, nau fel tawk ka nei alawm", nui sangin Mâtei chusn a ti a. Hmingmuana pawh a lo khi suk.

Tluang deuha haw tura inchahin, kan inkuah hlawm a. Mâtein motor dahna bul thleng min thlah. "Ka lo gpay mai ang che, ka bazar pui hman ta si lo che u a",

"U, a ngai lo", a lo ti nghal vat. "Mama nsn kan lehkha zirna senso min tum sak reng a, a tawk tawh lutuk ringawt. Lo gpay miah suh ang che, ka be tawh lo che ni mai", a ti hlak hlak.

Ka nuih var a, "Nakinah, Lawngtlaia i lo zin phei hunah te, kan inah i lo innghat dawn nia, ka nuin a hmu chak thei lutuk che",

"I pa a fel tawh em?",

"Fel tawh a ni mai, ka nu kut a thlak tawh ngai lo a, mshse, zu in erawh a la sim lo", ka lo bu zeuh.

Ka nu ka hmuh hmasak bera, kuah vawng vawng ka chak dan kha! Khata ṭangin Mâtei leh a nau ka ngaihsak ṭan a. An pahnih erawh chuan, tu nge ka nih an hre miah lo.

Ka nu chanchin ka hriatna ber an ni a, kutthlak te a lo tuar ṭhin a, ka lainat ngawih ngawih. Hruai haw daih mai te ka duh rum rum ṭhin, mahse, chutiangin a tih theih ngawt tawh si loh.

Hotel chungah chhoin, ka kut pahnih ka phar chhuak a, mit chhingin, boruak vawt thâp kâk ka hip lut vang vang.

"Sawmte, Sawmte",

"Engmah ka ti dawn lo", ka nuih nghal uar uar. Min bawh thlu a, hlau thlabarin min en kur.

"Ka ring thei tawh lo che, he hmunah hian chhoh pawh chho tawh suh", min hnungchhawn zawngin a ṭhu a.

"A nuam em asin",

"A nuam mai mai lo", a ti hlak. Thoin, a bulah ka ṭhu a, "Nupui nei mai tur i nih kha, ṭha deuhin awm rawh", fiamthu titak fe hian a ti a. Ka nui chhuak hawk.

"Zirlai a la ni lehnghal, a nun i tihchhiat sak a ni ringawt alawm. I ngaihtuahna hi i hmang lo thei lutuk",

"Ka hria lawm, mahse, amahah khan hahdamna ka hmu tlat atin ni. Kum tam tak chhung ka lo zawn tawh, hahdamna amahah khan ka hmu", ka hnung a beng hlak hlak a.

"A lawmawm lutuk, ka lawmpui lutuk che nia, mshse; i ngaihtuah ve tawh em, Hotel-ah hi chuan, i awmpui reng thei dawn lo nia, inah i awmpui a ngai dawn, ngaihtuah fel vat rawh",

"Ka hnathawhna hmunah in ka nei alawm, i Hotel ṭhing deuha ka awmpui reng duh i ring em ni?", ka ti sak a. Min melh thip teh e.

"Ka hnawtchhuak nghal lo che ah", a ti vei hmuk. A darah ka kuah a, "Upat thuai thuai kan chak a, kan rin ang leh nghahhlel ang a lo ni leh si lo", ka thaw halh halh.

Naupan hun chhung zawngin, tleirawl thuai thuai kan chak a, kan nghahhlelh ang a lo ni lo a, tlangval kan han chak leh a, kan nghahhlelh ang a lo ni leh lo bawk.

Tunah, upat thuai thuai kan chak leh a, kan hahdam deuh mahna tih rilru puin, a teuh lo lutuk, upat tawlh tawlh leh, rilru hahna tur hlir.

"Zan a rei tawh sia, In lamah, ka nupui fanau ten min lo nghak reng a, ka haw tawh mai ang. Nangpawh, ka rualin lo chhuk rawh", min kaitho ve nghal a.

Peih lo tawkin, a rual chuan ka chhuk ve hnâ hnâ. Khumah ka bawk thla nghal zat a, phone ka khawih neuh neuh.

Call ka tum ut ut naa, ka insum hrâm hrâm, lehkha a zir ṭha turah han ngai phawt mai ila, a zir ṭhat thu a sawi nasa ve bawk si. Naktuk chhun lamah call ila, a ṭha zawk ang.

Bathroom-ah lutin, shower ka inphuh tir seng seng a, tuilum mah nise, ka harh deuh kâwk.

Bathroom aṭanga ka chhuak chiah tihah, ka phone a ri nghal a. Screen-a hming lo lang ka hmuh rualin, ka nui suk.

Speaker-ah ka dah a, "Ka lo call che avangin min hau miah suh ang che, whatsAap-ah eng emaw ka lo thawn che, en vat rawh, a nih loh chuan, ka delete lehnghal ang", a lo ti nghal zung zung.

Ka nuih hak hak a, "Nui suh", a lo ti nghal hlak. "Call kha titawp suh aw", ka ti a. "Engvangin nge ka tihtawp rikngawt ang?", a lo ti leh hlawih hlawih.

Ka nui sak ringawt, WhatsAap-ah ka lut a, thlalak pathum lai lo awm chu, ka hawng nghal. Bengbeh kan lei beh chunga, thla a lakpuina hi a ni a.

Mahse, a beng chauh a tilang, "Ka inhmeh i ti em?", a lo ti a. "Aaaa, a behtunu hmel a lang ve si lo a, a inhmeh ka ring lo", ka lo ti a. A lo ri hlut.

"A awm alawm", a lo ti zawi sap a. Call a off daih, a titau a ni hrim hrim. Duhawm reuh lutuk, ka call a, a chhang duh ṭhak lo. Ka call nawn leh a, min la chhang duh chuang lo.

Nui hakin, khum chungah phone ka theh thla a, ka inthlak san ta daih. A tihtauh rei lo han ring ringawt ila, ka tisual em lo ang chu a.

Phone la kangin ka call leh a, a la chhang thei chuang lo. Chaw ei turin ka chhuahsan leh ta daih.

"U",

"Eng nge i lo tih dawn?",

"Hruai haw tur chein ka lo kal",

"Ka lo haw dawn lo", chokaah ka lut a, a lo lut ve zel. Chaw ei tur ka la a, room-a ken chhoh ka tum zet naa, chokaa ei chilh ka thlang leh ta zawk.

Ka hmaah Duati chu a lo ṭhu a, chaw ka ei chhung zawng chu a ngawi char char. Laltei vang vek, chaw ei tlem ka chin phah, ka la hau ang mawle.

"U, kumin chu, inah lo awm ve la, Christmas kan hman ho lohna te pawh a rei tawh em hi", Duati chusn a ti lang lang a.

Ka uksak vak lem lo, kum tina kan ṭawngkam te a ni tawh a, ngaiah ka nei tawh.

"Ka lo ngaihtuah dawn nia",

"I sawi ve ziah, i ngaihtuah tak tak ngai si lo, Dindini vang tal pawhin, inah lo awm tawh rawh. In inneih hunah, inah ni lo, Hotel-a lawi tir i tum em ni?", inkuangkuah thanin, Duati chuan a ti kharh kharh a.

"Duati, ka lo ngaihtuah ang ka tih chu", ka ti a. Boruak ka hip let kâwk.

Duati kal hnu pawhin ka la inngaihtuah char char, Laltei nen lo innei pawh ni ila, Hotel-a awmpui ngawt thu a awm lo.

Lungleiah inneihna hmang dawn ila chu, ka in luahah kan awmdun thei dawn a. Inneih zawhah pawh, ka hnathawhna hmun a nih vang hrim hrimin, awm a ngai ngei ngei zawk dawn.

Chumi hma chu, khawiah nge ka awmpui tak ang le?

Ka phone ka en a, missed call a lo awm ṭeuh. Ka call let nghal vat a, a lo chhang vat. "I thi maw ka ti lawm",

"Lalte", khum aṭang ka tho chhuak nghal vut. "Ṭap lo la, ṭap lo la, ka thih loh hi, chaw ei turin chokaah ka kal lawk alawm",

"Phone keng ta che",

"Ka tihpalh, mahse, ṭap tawh lo", ka chal ka beng dat dat. Inthiam lohnain ka khat nghal, ngaihtuahna ka hmang lo lutuk.

"Lalte, i ṭah chuan awm ngaihna ka hre lo a nia",

"Hotel-ah khan awm tawh suh, lungdam takin ka awm thei lo a nia, inah haw rawh, in i neih ve reng kha", ṭap pur chungin a lo ti a.

Ka thaw chhuak hawk, inah haw turin min ti vek mai.

"Ka pu", a lo ti leh a. Chhan dan tur mai ka hre lo, ina haw ka duh lo asin mawle.

"Ka tan i ti ang tiraw, Hotel-ah awm tawh loin, inah i haw ang tiraw?", ngen ngawl tak hian a lo ti chharh chharh a.

Ka ngawi reng, chhan dan tur ka hre lo, pehhel taka chhan ka duh bawk si lo, haw ka duh loh thu hrilh lah, ka ngaihtuahna a buai vek.

A tawpah, "Ka lo ngaihtuah ang", hreh tak chungin ka ti a. Ka hmai tuai puatin, ka khabe ka dawm a.

Khum chungah ka ṭhu ren rawn, "Aih, ka duh lo. Naktukah i haw ngei ngei tur a ni, zanin chu i awm ka phalsak ang che, naktuk zan aṭang chusn, nangma inah i mu tswh ang", thupe âw tak hian, a lo ti kharh kharh.

Ka nui hak a, "Nui suh, khata i awm chuan Hotel chungah i chho thei a, ka duh lo, lungdam deuha awm harsa ka ti", dam deuh zawkin a lo ti a.

A rukin, ka thaw halh halh, "Kan inneih hun aṭang chauhin, ka haw ang",

"Lalmalsawm", a lo vin hlur a, ka âng phuau. Min koh dan mai mai chuh.

"Engtin maw min koh a?",

"Lalmalsawm tiin ka ko che, luhlulpa, thuawih lo lutuk. Zanin chauh, kha Hotel-ah khan i awm ang, naktuk zan aṭang chuan inah i awm tawh ang, chu chu ka thu tawp. Thu i awih loh chuan, kan inṭhen nghal ang", a lo ti hlak hlak.

Ka nui chhuak hawk hawk a, "Nuihzatthlak ka sawi lo", a lo ti leh hlak.

"Video kha on teh, i thinrim hmel ka hmu duh", ka ti a. A lo teu hlar.

"I hmel ka hmu duh ka tih kha, tilang rawh",

"I thu lo", a ti hlak a. Nui varin ka lu ka thing nar nar. "Nautê, i hmel ka duh ka tih kha, a nih loh chuan, naktuk zanah pawh Hotel-ah ka awm ang", ka ti a. A lo lang nghal vat.

"Tak tak maw?", meng phawk hruin a lo ti a. Ka nuih huah huah. "Nui tawh suh, a nuihzatthlak loh a nia", a ti nang nang.

A hmui a tisawi leh niah niah a, a hmui a tihsawi tawh hi chuan ka insum thei ṭhin lo, fawh dâwk dâwk mai ka chak ṭhin!

"I hmui kha, tikhan tisawi tawh suh", ka ti hlak a. Lei min lo chhiah khum zeuh a, a hma aiin a tisawi.

"Laldintluang",

"Eng nge?", meng bial kâwkin a lo ti. Ka nui chhuak hawk.

"Keiin ka ngaih che nen, nang chuan ka hmui chauh i ngai a, ka lawm lo", a ti nang nsng. Min ngaih aia nasain ka ngai daih sia!

"Ṭhuama khua pum pui kha, ka ngai vek che u, a bikin ka nautê ṭawngthei zet kha", ka ti a. Lawm tho si, lantir duh si loin a ner salh salh.

A tawpah, a nui ta nge nge, a sen ṭawn ṭawn a, a zak chiang mai. A biang a dawm a, "Min tizak alawm", a ti né né.

"Lehkha i zir em?",

"Zir lo, ka titau ve em em a, min thlem i tum si lo a, ka zir lo tluan dawn", a nui sun sun a. A lungawi tawh a ni chêk ang chu.

"Ka tihpalh ka tih kha, tunsh chuan i lungawi tawh tiraw?", ka ti a. Nui varin, a lo bu nghauh nghauh. A sam a thlah hnuang sia, a hnawk ka lo tihpui.

"Ka pu?",

"Umm",

"Kan inṭhen miah lo ang tiraw?", a hmel a dang leh hlawk tawh. Hlim deuh kha, hlauthawng hmel a pu tawh.

"Inṭhen mish lo ang, engvsngin nge kan inṭhen ngawt ang?", ka ti a. A hriat loh thu a lo sawi leh si.

Thu lawilo pui pui hrilhtu an awm mawni le aw, "Lalte", min lo en a. A mittui a parawl tein ka hria.

"I bulah thil sawi an nei em ni?", ka ti a. A lu a thing nawk nawk.

"Ka ngaihtuah a, ka naupang bawk si, nang lah, ih, eng lo, kei ai daihin i upa a-",

"Ka nuin eng thu nge a hrilh che a?",

"Engmah min hrilh lo, ka ngaihtuahna mai mai lawm. Thil ṭha lo tak ka ngaihtuah reng zel tunlai chu, mahse; ka hmangaih tak tak che nia, dawt a ni miah lo. Chuan, ka hmangaih zel dawn che, enkawl ngai khawpa i awm hunah pawh, keimah ngeiin ka enkawl ang che", âw khur lam lek lek hian a ti a.

A hmel buai ru tak kara, hlauthawng hmel chu ka hmuh hmaih lo nasa. Ka nuin eng emaw tak hrilh chu a nei ngei a ni.

"Ka hria lawm, thlamuang deuhin awm rawh. Min ring tawp la, chuan, ka kâ aṭang ngeia i hriat loh thu engmah lo awih miah suh ka tih che kha aw", ka ti a. A lo bu nghauh nghauh.

Lehlam hawi zeuhin, a mittui a hru a, ṭap lo ang maiin, nui sangin a lo hawi let leh.

"Le, thil hlimawm lam sawi rawh le",

"Ka hre lo e ah", inngaihtuah neuh neuh chungin a lo ti a. Eng eng emaw sawiin, amah leh amah chu a ri leh hluai ṭhin.

Sawi tur hre ve lo chu, darkar chanve dawn lai, a chawl lo reng reng. Mahse, min tihlim ve tlat, nui suk sukin ka lo ngaithla a, ngawi rengin ka en char char.

"Ka pu, Celebrity-ah tu nge i duh ber? Kei chu, KimBapa, High Kick aṭang khan ka duh tswh, F4-ah phei kha chuan, ka thihchilh lo chauh", a ti lang lang.

"Mawh, tu nge i duh ber?",

"Ka u Remthanga", ka ti a. A ner sawk.

"Mizo chu ni lo, i sawi pawh chu ka hre ve lo e ah", a ti nsng nang.

"Mizo Film-te hi en tam tur asin, ram dang film ringawt en lo hian. U Remthanga te chu, kan tet lai aṭangin a channa kan en nasa a, kan idol alawm a nih",

"Mizo film en hi chu, inhremnaah ka ngai", a ti hlak a. Ka insum zo lo, ka nui hawk hawk.

"Ka nautê ṭhin tak hi chu aw, Mizo film pakhat tal i en tawh em?",

"Inhremna tlukah ka ngai, pakhatmah ka en peih lo", a ti hlak hlak.

"A nih chuan, kei chuan enpui che ka duh ṭhin dawn sia, ka hrem zing dawn che tihna ni maw?", ka ti a. Min melh no lo teh e.

"Tunlai film ai chuan, tun hmalama film te kha, en a manhla zawk daih asin",

"Tun hma lam film ka en chu, Green Rose, My Girl, Full House, High Kick, Three Brothers, Cruel Temptation, Beautiful Spy, King of Baking, You're Beautiful-",

"A tawk, a tawk, Korea serial vek lawm i sawi, film a nih loh chu", ka ti a. No lo tawkin min melh leh khâ khâ.

"A nih nsng, i en tawh bik mi?",

"En tawh e, Chhingkhual Lanu, Hmangaihtu Thinlung, Hmangaihna Pasalṭha-",

"A tawk, i ninawm, i hmanlai thei em mai", a ti nuah nuah. Ka nuih hak hak a, nuih loh hi a har ṭhin.

"A nih, Korea serial-ah eng nge hmuhnawm i tih ber?",

"Green Rose kha hmuhnawmin ka duh ber, changtunu hmelṭha leh nu hnâp kha, thlir nin har ka ti",

"I duh chusn, va nei nghal law law rawh", ka nui hawk hawk. A thikthu a pe chhe ve teh e.

"Aw le, i tih tlat chusn, ka va nei nghal ang",

"Lalmalsawm", khum ka beng hlak hlak a. Ka biang ki a kham vek thei nia. Ka nuih nasat ṭum ber a ni hial ang.

"KimBapa ka lo biak dawn che nia, i duh em, a number ka nei alawm, ka nupui hualin a duh lutuk che a, a thihchilh lo chauh che ka va ti ang aw", ka ti a.

A ner salh salh, "Tak takin, tu nge Celebrity-ah i duh ber?",

"U Remthanga ka tih chu, ka fa hmasa ber pawh, a hming ang chiahin ka sa dawn", ka ti a. "Awiiii", a lo ti duah.

"A awm ang lo thei eee, hmeichhia ni ta se?",

"Remthangi a ni mai dawn lawm", a nuar nghal vak vak. "A ṭhing thei e, ka duh lo", a ṭap nghal pur.

"Ka mutsan dawn che, thil ṭhing deuh deuh hi i hre thei si",

"Ka la ngai che lawm",

"Min ngai tak tak lo, ka mu dawn. Ka pu, naktuk chu aw", ka nuih sak ringawt.

Engtin nge maw, ka tih dawn le? Ka luhlulna hi chuan, Laltei thu a awih thei thlawt lo.

Insh awm ringawt pawh ni ila, keimah ka inhrem mai mai zawk a ni. Mahse, Laltei duhdan ka zah sak a ṭul ve bawk si.

Keimah ringawt ka inngaihtuah thei tawh lo, nupui neih ka tum a, chhungkaw buai nuaih zinga awmtir chu, a chi miah dawn lo.

Laltei tan chusn, ka tlawm mai a niang chu. Hrehawm chu, han tuar poh ila, ka tuar chhuak thei ngei ngei ang, a rei tawh dawn hleinem.

"Inah chuan haw i tum maw?",

"Aw, ka nautêin ka haw loh chusn, min ṭhen a tum sia", ka ti a. Richard-a a lo nui huah huah.

"A fuh chho ṭan dawn e", a ti a. "Mahse, ka Hotel hi i tan, engtiklai pawhin a inhawng reng a nia aw", a ti a.

"Zanah chauh ka va riak ṭhin dawn, ka in pakhat hi ka chhuahsan thei hleinsm", ka lo ti vat a. A ner sawk.

"Aaa, engpawh chu nise, ka kal dawn, nih leh phawt", a chhuak zui a. Tlsi chaw ei khamah chauh ka haw ang.

Zan riah nan bak ka hmsng dawn lo, ina haw ang tho chu ka ni lawm. Ka phone ri chu ka ban vat a, ka chhang nghal thusi.

Naupang riat nawk nawk thawm bsk hriat tur a awm lo, min fiam nge mawni. Titawp loin speaker-ah ka dah a, khum bula dawhkan chungah ka dah daih.

A hnu lawkah, "Khawiah nge ka phone hi?", Laltei chuan a ti lang lang. "Mercy khan youtube a en a, a dahna ka hre tawh lo", a ti leh lang lang.

"Aw, hei, ka room-sh chusn ka zawng mek alawm", a naupang awmin min lo call tihna mawni le, a hmetsual a ni maw. A va busithlsk ṭhin tak.

A thawm ngaihthlak reng ka duh avangin, ka off chuang lo a, a thaw ri leh hrawih te chu, nui chungin ka lo ngaithla kar.

A landanah, a zawng buai nasa a, a nau awm pawh chuan, khawiah nge maw a dah sak ang aw, zawt ve mai se.

Pawn lamah intihharh nan ka chhuak a, ka tei ka tei ringawt. Hotel-ah bawk ka let leh a, choka lamah kalin chaw ka ei phawt.

Jumper aṭang phone phawrhin, khum chungah ka dah a, call a la kal reng danah a la zawng hmu zo lo ni ngei tur a ni.

Ka inbual leh phawt te te a, ka hâ te nawtin, ka bek te ka ziat fai leh phawt.

In kawtah ka ding a, motor aṭanga ka chhuk hmain phone ka la chhuak leh phawt. Speaker off-in ka bengah ka dah hnai a.

"Aw Lalpa, tunah chuan, ka hrethiam vek tawh e. Nga-ki pawh ka ngaidam vek tawh! Mahse, hmaichhana hmuh erawh harsa ka la ti. Theihnghilh pum hlum thei dawn lo msh ila, i remruat a ni tih ka pawm vek tawh.

Ka pu nen, kan awmdun theih phah a, kha thil kha ka chungah thleng lo ta se, ka pu hi ka chân dawn tihna a ni a. A tir chuan, hrethiam loin tuar hle msh ila, tunsh chuan, ka hrethiam tawh.

Ka puin min beng pawh kha, ngaihdam min dil lo mah se, ka ngaidam vek e. Kei ai pawhin a tuar nasa tih ka hria, hmangaih hi a phu hliah hliah.

A nuin, ka hmangaih chusn kalsan turin min ti a. Kan inupat hleih dan te leh, nupa nih hnua Hmangaihna ringawt a nih loh thu te a sawi a. Mahse, ka hmangaih avangin ka kalsan lo ang, chhel takin ka tuar ang a, Lalpa, kan inkawp kumkhua theih nan min ṭanpui rawh aw", steering ka chum pawp pawp nghal.

Phone off-in, ka chhuak nghal a, inah ka lut vat.

"Ka nu",

"E he, u, i lo haw law?",

"Khawiah nge ka nu? Ka nu", ka thinrim lutuk chu, ka puak kek thei dawnin ka hria.

"Eng nge ni ta bawrh bawrh?",

"Laltei bulah eng nge i sawi?",

"Eng maw, engmzh ka sawi lo?", Rul chiah chiah. Daw heh lutuk.

"Ka nu, ka zawt nawn leh ang che, Laltei bulah eng nge i sawi?",

"Ka sawi chu, engmzh ka sawi lo, thu lawi lo a hrilh zawk che a ang hle mai. Kan nufa inkarah inhmuh thiam lohna a awm theih nsn, ka fapa hi a lo dâwi che ni maw?",

"Ngawi hmak rawh, ka fapa min ti suh. I fapa chu a thi tawh, tuna i hmaa ding mek hi i fapa kha a ni tawh lo. Lalmalsawma kha a ni tawh lo, a thi tawh. I hria em, a thi tawh", ka au khum nghek a.

A hnung lamah a kat dawrh, "Rul hmunah khan thi turin, i paih a ni lawm ni, khami hmunah ngei khan a thi tawh. I hria em?", ka biang veilam a ri nghal thlawrh.

A thip vawng vswng, "I nu ka nih hi, khati khan min au khum reng reng suh, i tana ṭha tur ngaihtuaha ka buai nasat zia te hi ngaihtuah ve ta che",

"A ni maw, i buai nasa ngawtin ka ring", ngeiawm tak hian ka a. A meng thip hlar.

"I nawm sakna tur ka thlan sak che a, chu pawh i la duh lo zui a, ka sawi leh ang, Lalnunziri saw i nei ngei ngei tur a ni. Fa neih chhun a ni a, fanu a la ni lehnghal",

"A tswk, an inah sawn makpa chhungkhungin ka awm dawn i tihna maw?",

"Ni e, i nawmna tur-",

"Ka nu, mipa ka nih hi, mipa, pawnfen feng turin min duh tihna maw? A thleng ngai lo ang, mipa ka nihna angin, ka nupui chu ka in chhungah ngei a awm ang, a in chhungah kei awm loin", ka au tawn tawn a.

Kum chusng fe, ka thinrimna te ka lo pai tawh tlat a ni.

"I ât dan hi i hria em? Harh rawh, i nawmna tur ka ngaihtuah sak che ka tih mawlh mawlh kha",

"I nawmna tur bak a ni lo",

"Lalmalsawm, min chhsng min chhang suh, ka enkawl seilen i ni tih theihnghilh ngai suh",

"Ka theihnghilh ngai reng reng lo, ka hre reng asin, ka thih hma lo chu ka hre reng ang. Engtiangin nge min enkawl, he in chhungah hian fapa ka nihna angin, hmun laili ka chang lo a.

Unau zinga upa ber ka nihna angin, ka farnu te chungah thu ka nei lo a, an hmuhsitna ka dawn zswk hi. Mahni in lumah ngei pawh, hahdamna ka hmu thei lo a, mi hrang ang maia inthlahrung reng renga ka awm a ngai a.

Hei hi, min enkawl dam chu a ni. Eng vang nge, ka nu, i thisena luan ka nih ve loh vangin maw?", ka biang veilam bawk a ri leh thlawrh.

Tun ṭum erawh, ka pain min beng thung. "I nu hnenah ngaihdam dil nghal rawh", ka kut ka hum ruh sauh sauh a, kut thawh lo turin ka inseh ruh ṭeuh bawk.

"Lalmalsawm, ka sawi i hria em, i nu hnenah ngaihdam dil rawh",

"I hmu em, a ngeng dan hi, ṭha takin ka enkawl ve emaw ka tia, mahse, ka hlawhchham let der a ni. Ka thiam lo hulhual, nu ni tlak pawh ka ni lo a nih hi, ka fapa pawhin min zah tawh lo", ka nu chu a insut hlawp hlawp a.

Ka pain a kuah chûng chûng a, a thlem hliau hliau, ka va han ten tak. Nêp lutuk, ka pa tia chhal pawh ka zak tawh zawk.

"Ka fapa tih che pawh a zahthlak zawk, i thuawih loh dan em em hi", ka pain a tih chuan, "A ṭha a nih chu, Laltei vang chauhin he inah hian awm turin ka lo let a, mahse, ka duhtawk e, lawm ka nih lohna in chhungah ka awm peih bik lo, mangṭha u", ti hlakin, ka chhuak zui nghal.

"Lalmalsawm, lo let nghal rawh", ka pa min auh zuina pawh, bengkhawn duh tawh loin ka kal nul nul.

Ka duhtawk e, ka kham thawkhat tawh bawk. He inah hian ka lut let tawh ngai lo ang!

Kan in aṭanga hla fe ka thlen hnuah, kawng sirah ka ding a, steering ka chum pawp pawp. Ka nun hi ka ning lutuk, ka hne ngawih ngawih.

Phone ka ban a, ka ban rual chiahin Laltein min lo call.

"Ka, ka, ka pu",

"Lalte, i ṭha em?",

"Aih", a ṭap nghal tlawk tlawk a. Engmah a sawi thei bawk si lo.

"Lalte, nâ i nei em ni?",

"Ka pum hi a nâ lutuk, ih, ka pum pawh a ni chiah lo, eng lo", a tawp vang vang a, a ṭap thawm bsk ka hre leh thei tawh lo.

"Ka nautê, ṭap lo khan sawi rawh le, intipachang la",

"Umm",

"Le, sawi rawh le",

"Ih, ka pum pawh a ni chiah lo. Eng lo, ka, ka private part chhung lam hi a nia, a nâ ut ut, ih, a hmawr te hi a nâ, hman kâr aṭang khan a ni tawh a, ka sawi ngam lo a. Ka pu, ka nu leh pa ka hrilh ngam miah lo a nia, ka hlau lutuk, a nâ zual zel tawh bawk si", ka luin seat ka tauh chawrh chawrh.

"Lo lungngai miah suh aw, ka lo kal nghal ang, damdawi lo ei rawh aw, lo lungngai miah suh ang che, ka lo kal nghal ang", boruak hip let kâwkin, steering ka chum leh pawp a.

Damdawi in panin ka inkhalh chhuak nghal vut. Damdawi in ka hmuh hmasak berah lut vatin, Doctor ka zawng nghal a.

"Ka pu, khawngaihin bengchheng lo hrâm rawh, kan ko dawn alawm",

"Min lo khawih suh, tunah Doctor hmuh ka duh, tunah", ka au vak vak a. A ṭhenin hlau thlabarin min en.

Doctor ni ngei tur chu a lo kal chharh chharh a, a room lamah min hruai. Hmeichhia a ni a, ka mi zawn tak a ni.

Laltei awm dan ka sawi a, "Chiang tak chuan ka sawi thei lo naa, chhul cancer inṭanna a niin ka hria",

"Engmaw i sawi a, chutiang a ni thei lo ang, chutiang nâtna vei tur chusn a la naupang lutuk", a dawhkan ka nam thlu a.

Bang kilah a ding chawt, "Ka sawi chiang thei lo ka tih kha, exam neih phawt a ngai ang", tim daiin a lo ti leh a.

Au nghekin, bsng ka hnek chawrh chawrh, engvangin ka chungah hetiang hi a thlen bik? Harsatna, harsatna hlir.

Damdawi in kawtah dingin, Laltei ka call leh vat.

"Damdawi ka ei a, min chhawk tawh lutuk",

"Lo hlauthawng lo la, lo lungngai miah suh aw, ka nautê, ka lo kal dawn a nia, lo tuar hrâm hrâm rawh aw", call titawpin, motor ka dahna lam ka pan a.

Ka thleng dawn tihah, ka hmaah tak, light a lo êng tuarh a, horn a ri nasa em em bawk. Êng lah chu, a lo hnai tawlh tawlh a, ka mit pawh a vâi vek tawh.


Show post links
Top

[Ngaia]

Keima Pu: Sir Sawmtea
Chapter-30
Ziaktu: Cck Lalchhuanawmi

Dindini pov...
Tlem tlem chuan, ka zia chho ve hret het a, a changa a rawn nâ leh vak ṭhin tih loh chu, harsatna êm êm ka nei tawh lo.

Mahse, ka ngaih a la ṭha lo reng tho, ka nu leh pa ka hrilh ngam lo, a chhan chu, ka pu nena kan hun hman dun nghawng a nih ka ring ringawt a.

Lo ni ta lo ang pawh nise, ka nu leh pa bulah chuan ka hrilh ngam lo hrim hrim. Tun ṭum chu, ka u takngial pawh ka hrilh ngam tawh lo.

Ka pu chanchin lah, tun thlengin ka hre lo a, a lo thlen vat tur thu, a sawina a rei tawh lutuk, tun thlengin a lo la kal lo.

Ka call lahin switch off a inti zel a, message pawh tick pakhat chauh a awm char char.

Christmas leh Kum thar pawh, midang ho chuan, hlim taka an hman laiin, kei erawh chu, ka pu hnen aṭang eng thu mah ka hre lo leh, nâtna dang ka lo nei ve bawk nen.

Ka khua a harin, ka riang ngawih ngawih, ka inkhawngaih lutuk hi, ṭap chunga muthilh chang ka ngah tawh lutuk.

School kan kal ṭan tawh a, ka pu lah a lo la phei lo. Chuta karah, ka pu chanchin a dik nge dik lo tih, ka hriat loh, a thang nasa êm êm a, a hriat loh theih loh ṭhin si.

Ka rilru a hah ngawih ngawih, "Aw Lalpa, min pui rawh", engtiklai pawhin, ka Ṭawngṭai hi a ni ringawt.

"Ka kâ aṭanga i hriat loh thu engmah, lo ring suh", ka puin, a tih avangin, school-a ka thu hriat ṭhin pawh, ka ring duh ngai lo.

Nâ ngawih ngawih chung pawhin, ka ring duh ngai lo. Ka pu ka ring a, amah ngeiin, "Ziri nen kan innei dawn", a tih loh chuan, ka ring dawn lo.

Ka rin sual loh ngei pawh ka ring, ka rinna hi min tihchhiatsak ka ring lo. Min hmangaih ve lo mah se, ka hmangaihna hi min zahsak tih ka hria.

Ka ring tlat dawn, a la hmâ ve bawk êm a, a lo kal ngei ngei ang. A lo thleng ṭep tawh zawk mai thei ni, a lo thleng ṭep tawh ang!

"Awi, ka haw lutuk kei chu", dawhkan beng hlak chungin, a lo ṭhu thla nghal a. Hruaiin thil awmzia a lo zawt vat.

Zami chu a rum nghut nghut a, Hruaiin sawi vat turin a lo ti, "Ka haw ngawih ngawih hi a ni tawp mai, gold digger ka ti tawh", Zami chuan a ti leh khâ khâ.

Ka hre ta mai, gold digger a tih pawh chu, keimah min sawina a ni tih pawh ka hre nghal. "Sir Sawmtea ka khawngaih e", a hnuah, Zamin a ti nang nang.

"I ninawm msng e, khatia riat nawk nawk lo khan, sawi ṭha hle hle rawh",

"Ka haw ngawih ngawih, a zak thei lo tak tak a ni. Sir Sawmtea a tibuai chhen a, a nupui neihna tur a tihchhiat sak a",

"Chu leh bawk chuh, sawi tawh lo teh, ka ning zozai tawh", Hruaiin a ti hlak.

"Dindin, school luh tirh aṭang i ṭawng ka la hre lo reng reng, dam ṭhat lohna te i nei em ni?", Hruaii chuan a ti leh lang lang.

Nui lui hrâmin, ka lu ka thing ringawt. "Sawi leh ta ṭhin ila, Sir Sawmtea tibuaitunu chu, an hausak avanga tibusi a nih hmel sia, gold digger lutuk mai",

"Gold digger a nih leh nih loh pawh, i hre ngawt mi?",

"Sir Sawmtea nupui tur Ziri kha, Section B-a an Assistant CR chhungte lawm",

"Biakbiaki saw maw?", Hruaiin a ti hû a, Zami a bu nghauh nghauh.

"Sir Sawmtea tibuaitunu chu, pawisa tam tawk an pe a, a kal bo nghal daih a ti", Hruaii a nui hak hak. "A awihawm lo lutuk em mai ah", Hruaiin a ti leh hlak.

"Mahse, tunah te chuan, an inneih dawn tho a, Sir Sawmtea pawh hi, an inneih zawhah, a nupui nen chuan an lo phei dawn te hi ni mai thei a ni", Zami chuan a ti lang lang.

Ka mittui a tlak loh nan, ka mit ka khap fap fap a, chhuanlam siamin ka kalsawn daih. Ka rilru pawh hi, a hrisel ṭha tawh loin ka hre hial tawh!

Bathroom-ah ka lut a, ka kâ hupin ka ṭap tlawk tlawk. A va han hrehawm tak, thudik nge dawt tih pawh ka hre tawh lo.

"Ka pu, lo kal vat vat tawh rawh, ka rinna che nitin a tlahniam tawlh tawlh tswh", ka rilruin, ka pu ka au mawlh mawlh.

Superman anga thlawh theih ka va han chak tak, Aizawlah ka thlawk nghal mai tur hi a nia.

Kun ngaih chungin, school aṭang ka kal hnak hnak a, ka kal muang ve êm bawk a, school bus-in min tlan pel zung zung.

Waiting shed thlen hmaa, cctv chu ka thlir vang vang. Ka pu a lawn lai kha, ka mitthlaah a lo lang nghal uar uar.

"Khawiah nge i awm?", ka rilruin ka ti a. Ka mittui a hnâm sawk. Ka ngai tawh lutuk, biak theih lohin a awm rei mah mah tawh bawk.

Beidawng takin ka kalsawn a, waiting shed lam ka va hawi zeuh a. Ding nghal chawtin, muangchanga inherin ka en ṭha leh ngat.

Chutah, a ṭhingṭhi nghal zat a, a kut pahnih a suih. Ngaihdam min dil tih ka hre thei nghal, tumahin a haider thei lo ang, ngaihdam min dil nasa takzet!

Tlan pheiin a hmaah ṭhingṭhi vein, ka kuah nghal thlawp a, ka ṭap chhuak hlawp hlawp. Ani pawh, a insum thei bik lo, âwrawl chhuah meuhin a ṭap ve tho!

"Dingdong, ka tihpalh lutuk, min ngaidam rawh", a hnungah ka beng hlak hlak. "Min ngaidam rawh", ka ngaidam vek tawh.

Ngaihdam min dil ngai dawn lo pawh nise, ka ngaidam vek tawh. "Ka ngaidam vek tawh che, misualpa, ka ngaidam vek tawh che", a hnung beng hlak hlak chungin ka ti a.

Ka ṭhian ka nei let leh tawhah ka ngai, ka nei let fel der tawh zawk. "Nga-ki, ka ngaidam che", kan pahnih chuan, kan inkuah vawng vawng a, kan ṭap dun tlawk tlawk.

Khang hun chhunga ka ngaih zia thu, ka hrilh nghal dap dap a. Nga-ki pawhin, ṭap hluam hluam chungin, a sawi ve zuah zuah.

Kan biang a insik avangin, kan mittui a inluan pawlh nuaih nuaih. Tu mittui zawk nge, ka hruk pawh ka hre lo.

Thla tlem te chauh ni mah se, kum sângkhat hnuah daih, ka ṭhian neihchhun hi a lo kir angah ka ngai!

Ka nu leh pa a la hmuh ngam loh avangin, kan inah a lo kal duh rih lo a, a number pawh ka unblock a. Ka thaw huai huai, ka ṭhian neihchhun ka nei let tawh a, mahse, ka hlimna erawh a la famkim thei lo.

"Sir Sawmtean accident a tawk a, kumin chu school pawh a lo kal thei dawn lo, a taksa a tiche thei lo a, khumah a mu reng mai. A la harh chhuak thei lo a, a mit pawh a la meng chhuak lo, in Ṭawngṭainaah lo hre ve reng rawh u aw", Miss Sangtei chu ka en tlawk tlawk a.

Ka lûngphu rang lutuk chu, ka thunun thei lo, ka biang lum thla pap papah, ka mittui a luang tih pawh ka hre chauh!

"Miss, tak tak em ni? Sir Sawmtean nupui a nei dawn maw kan tia",

"Nikumah accident a tawk a, phaiah an zu awmpui reng alawm. Niminah an lo haw chho chauh",

"Miss, nupui chu",

"Ka hre nang, nupui nei thei dinhmunah pawh a din loh chu, a ṭhat chhuah leh vat theih nan, Ṭawngṭaipui char char ila a ni tawh mai", Miss Sangtei chuan a ti lang lang a.

Sawi tur pawh ka hre lo, engtin nge, accident a tawh theih zawk le? Lo kal a tumna lamah mi le, a ni ngei ngei ang.

Ka dam lohna ka hrilh a, a lo kal nghal tur thu a sawi, chumi vang a ni hrim hrim. Keimah vangin, accident a tawk, a taksa pawh a tiche thei lo maw?

Keimah vsng a nih chiah chu(h), "Dindin, i ṭha em?", Hruaiin min sawi dat dat a, "I mittui a luang nasa lutuk, ngati nge a?", Hruaii chuan a ti zawi sap sap.

Ka mittui ka hru tawk tawk a, Aizawla kal nghal mai ka duh, chawhnu sumo ka nang hman hrim hrim. Lunch break a hun ṭep tawh.

"Awiii, Sir Sawmtea chuh, ka va han khawngaih tak", an ti sup sup a. "Biakbiaki thusawi ho kha, a dik lo tihna mawni le?", an ti leh sap sap.

A dik lo, a dik lo hulhual, a tawpah thudik chu a lo lang ta alawm. School aṭanga chhuah ruk dan chauh ka ngaihtuah, engtin nge ka chhuah theih ang?

Bag-ah ka lehkhabu ho te, ka khung ṭha sauh sauh a, lunch break dar a ri a, an phut suau suau hlawm laiin, ka tlan chhuak pawp!

Teacher ho te pawh, canteen-a an kal khawm lai a ni dawn a, min hmuh ka ring lo. Mahse, roll call hunah, min hre chhuak tho tho dawn nih kha.

In ka thleng a, in chhunga ka luh rual rualin, "Nu, Aizawla kal nghal ka duh, ka kal dawn a nia. Ka pu kha, ih, a accident a, a taksa pawh a tiche thei lo, niminah an lo haw chho a. Nu, ka kal duh, khawngaihtakin phal hrâm rawh aw", ka ti nghal zung zung.

Mittui tla zawih zawihin ka nu chu ka en a, a hmelah zawhna tam tak a lang thei.

"Nu, ka kal nghal dawn nia",

"Bawihte, chutiang a ni ringawt lo. A accident tak tak em ni?",

"Aw, Miss Sangtein a sawi a, ka biak theih lohna a rei tawh reng a ni, Nu, ka kal nghal dawn nia aw", ka tho nghal thuai a, ka nuin min pawt let.

"Bawihte, chutiang a ni ringawt lo, i pa lo haw phawt se, kan sawi ṭha dawn nia",

"Nu, lo thi thut ta se, engtin nge ka awm ang? Kal nghal ka duh", ka room-ah ka lut nghal a.

Ka insiam nghal sawk sawk, ka khawlbawm mi ka la chhuak a, zanga hian min thlenpui thei ngei ngei ang.

Thawmhnaw pawh ka keng lo, ka hak lai chauh a ni mai. Room aṭang ka chhuak a, ka nuin pawisa min pek belh. Sumo chan chauh a ni tawh mai.

Ṭha tak pawhin ka nu ka thlah hman lo, in aṭang pawhin ka tlan chhuak! Hlauhnain min man a, keimah avanga accident a ni tih ka hre chiang êm êm bawk.

Kawng tluanin ka ṭawngṭai char char, a chhungte pakhat talin min hrilh ve awm tia vui theih pawh a ni lo. Min duh lo em em a ni a, ka pu accident pawh hi, keimah vangah an ngai vek ang.

A dik reng bawk a, ka dam ṭhat loh thu hrilh lo ila chu, hmanhmawh taka a lo kal a ngai lo ang a, a accident miah lo tur. Hrilh lo tur ka ni asin mawle!

Ka pu te in panin ka tlan hlawk hlawk a, khua thim tawh mah se, leh vawikhat chsuh la kal mah ila, ka hre bel lutuk.

Gate ka hawng a, in chhungah ka lut tawp ringawt. Ka pu nu ka hmu hmasa ber a, "I va han zak thei lo ve, i lo kal ngam zawk elaw?", a lo hnai thawt thawt a, min beng chawrh.

"Nsngmah vangin ka fapa a thi lo chauh a nih hi, i va lo kal ngam zak ve, chhuak nghal rawh", min nam sawk sawk.

"Ih, rei lo te tal ka hmu duh, khawngaihtakin",

"Chhuak rawh ka ti chu, kan chhungkuaah mualphona bakah, buaina i rawn thlen a, ka pa thi chhawngin i siam bawk a, second khat pawh i hmu lo ang", kawngkhar lamah min pawt a, ka ṭang ve ṭang ṭang.

"Ka pi, khawngaihtakin, ka pu min hmuh tir rawh, ka hmu duh. Khawngaihtakin, min hmuh tir rawh", ka mittuiin, ka hmai a chiah hneh mah mah tawh.

Ling hlarin min en a, min hmuh tir a tum lo nasa mai. "Ka pi, khawngaihtakin", ka ṭang ve ṭang ṭang.

Ka pu hmu turin ka kal a, tumahin min dang thsi lo. A tawpah, ka kut a thlah a, "A ṭha lawm, va hmu rawh", ngeiawm taka nui sak chungin a ti a.

Ka mittui hruin, a room lamah ka kal a, kawngkhar ka hawng chu, ka thin a sâ phat.

Rang lutukin chhustah ka phih thla chawrh a, ka pu taksa ruak vek chu puanin ka khuh nghal vat.

Inherin a chhip samah ka ṭham a, a râk chûl. Amah pawh, panty nen chsuh a awm a, ka pu taksa a lo khalh kual, ka ten lutuk, tumahin mihring che thei lo chungah an ti duh hauh lo ang!

"Engthil nge i tih kha, thlah vat rawh", ka pu nuin, a sam ka ṭham chu phih thlak tumin, ka kut a lo chelh ṭang ṭang.

"Thlah rawh ka tih chu", min beng nghal chawrh chawrh a, ka luhlul zia an la hre lo, engtikah msh ka thlah dawn lo, a sam hi ka pawt kawlh vek dawn.

"Ka nu, a nâ lutuk a nia, min chhan rawh", a khêk chel chul a. Ka thinrim lutuk, mihring rilru chhe lutuk, engtin nge, khatiang tih duhna rilru a put theih zawk?

Ka thinrimna zawng zawng tihdaih nan, a sam ka pawt kawlh vek dawn hi a ni hrim hrim.

"Thlah rawh", ti thûm dutin, mipa tha ngah em em hian min pawm kâng nawlh nghal a, a samah ka la pawt ṭang ṭang.

"Thlah rawh, thlah rawh", min pawm sawn a, a sam pawh ka pawt thei tawh lo. Ka tal laih laih a, "Zawngi, ka that khawp ang che, ka that dawn che, i hria em? Ka that dawn che, ka pasal a nih kha, ka pasal chunga i chet dan tenawm lutuk avang khan, ka that dawn che", ka tal vsk vak a, ka tal chhuak zo lo.

Min chelh nghet lutuk, a lamah ka kut ka phar vak vak a, ka pu nu nen ding dunin, an inthlem hliau hliau.

"Zawngi, ka that dawn che", tiin, ka aukhum leh vak. Ka thinrim bakah, ka thinlung hi a nâ ngawih ngawih!

Lo kal hnaiin, min rawn beng chawrh a, a sam pawh tumin ka kut ka phar uaih a, min pawm kâng leh nawlhin, hnung lam min hawitir daih.

"Ka pasal zawk a nih hi, Christina vangin ka nei thsi lo a, tunsh chusn tumahin min dang lo ang, keimah hian ka nei ngei ngei dawn. Nangnu mai mai khan, min chhuhsak hauh lo ang", a rawn ti hlak hlak.

Ka theitawpa ṭangin, a lamsh ka inher thei ṭawk a, "Zawngi, ka that dawn che, hre rawh, ka that dawn che", a lamah ka kut ka phar uaih uaih a.

"Pawnah va dah chhuak rang rawh", ka pu nu chuan a ti a. Min chelh bet tu pa chuan, ka hnung lam aṭanga ka dul zawnah, a kut pahnih suihin, min kalpui a tum a.

Ka ṭang ve ṭang ṭang, ka ke ka lêng vak vak a, ka pu room kawngkhara inhamin, "Ka pu, ka lo kal a nia, ka nghak rei tawh lutuk che, tho vat vat rawh. Ka pu, i Laltei ka lo kal a nia", ka au vak.vak a.

Ka kut a lo hmer vak a, ṭap rawng rawngin ka pu ka ko vak vak. Pawn aṭang pawhin, "Ka pu, Laltei ka lo kal a nia, heng ho hian min tinâ lutuk. Ka pu, lo harh vat rawh, khawngaihtakin", a tawp lam chu, keimah ngei pawhin ka hre thei ché ché tawh.

Gate hawngin, leiah min theh thla chawrh a, ka kiu ka sawh nâ hrep lehnghal.

Gate a kalh a, "I duhtawk tawh em? Vawikhat mah, lo kal leh tawh suh, thil awmdan i hmuin i hriat ve vek kha, ka fapa nupui tur leh, ka mo tur chu i hmuh vek kha, an pahniha hun hman dun lai i tibusi lehnghal. Kalsan tura ka tih lai che khan, kalsan hle hle ṭha tur, hetiang thleng thlenga kan kal a ngai lo tur hi a nia", min deuhsawh tak hian, a nui zui nghal sâwng.

Muangchsngin ka tho a, ka ṭahna vangin ka hmai leh mit te pawh, a thip vek tawh.

A taksa piah lamah, a ngaihtuahna thlengin a che thei dawn lo a, chuti chunga, khati taka an nawmna hrikthlak nsna, an hmsng khan, min tinâ ngawih ngawih.

Thah chimih vek ka duh mai, thinlung nei ve lo sng mai an ni! Mihring zahawmna pawh, zirtir ṭhat leh ngai hial khawpa, tlachhe tak.an ni.

Mihring pawh an ni lo, ramhuai ni tlak lah an ni hek lo. Ramhuai ai pawhin, an ṭawp a, an hnuaihnung zawk bawk. Ka ngaidam thei lo ang.

"Lalpa, anni saw chu, ka ngaidam thei lo ang", ka kâ ka hup a, ka ṭap tlawk tlawk. Ka ngaidam thei lo, Nu tih hming pu tlak pawh a ni lo, mahni fa hrin ngei chungah pawh, thil ṭha lo tak a ti duh a!

Kalna tur ka hriat loh avangin, ka pu te in bulah ka la awm char char a, an gate nghengin ka ṭhu char char. Kalna tur ka hre thlawt lo.

A vawt deuh sûr a, ka khâ a inkhawng dat dat thei. Chutah, ka pu awmna Hotel ka hre chhusk zawk a, ka pu te in en leh vsng vsng phawtin ka kalsawn a.

A awmna Hotel kha, a ṭhianpa ta a ni a. Aman min puih theih ka ring tlat.

"Hotel neitupa hi hmuh ka duh, a ṭhianpa Sawmtea kha ka hmelhriat a nia, a ṭanpuina ka mamawh",

"Lo nghak lawk rawh, ka'n be lawk ang e", a ti a. Phone a hmang nghal.

"I hming min hrilh thei em?", a ti a. Ka ngaihtuah vsng vsng, a hnuah, "Laltei", ka ti a. Chunu chuan, a hrilh leh nghal vat.

"Inah a awm a, a lo kal nghal dawn, lo nghak lawk rawh aw",

"Eng lo, a lo thlen hunah, in chunga ka awm thu lo hrilh mai ta che", ka ti a. Ka kalsawn nghal.

Mit chhing vang vangin, ka ban pahnih ka phar chhuak a, thliin min chhem heuh heuh a, ka boruak hip lah, a thiangin a vawt thap kâk.

Ka pu kha ka dem ta hauh lo, he lai hmun aṭanga zuan thlak mai pawh, a lo awl dawn êm mai! Nun hahthlak leh buai chuar lutuk ata, zalên theihna kawng a ni tlat.

Ka pu nena kan hun hman dun te, ka chhui kir a, lawm lohin ka nui var var. Rei lo te chauh, hun kan hmang dun a, mahse; tunah erawh, kum tam tak inṭhen tawh ang maiin kan awm leh si.

Ka mit ka meng diar diar a, beidawnna leh lungngaihna bak ka hmu lo! Mi inngaizawng te chu, kum chuang fe te, hatsatna leh buainain tlakbusk loin, an awm ṭhin a.

Keini pahnih erawh, a tir aṭang rengin, kan buai nghal der. Eng nga tibik nge le? Kan inngaihzawn a thiang ve lo ang mai a ni.

Ka mit ka chhing leh vang vang a, kan pahniha kan hun hman dun bawk, ka chhui leh.

Hun liam tawh, koh kir theih tawh loh hi, a lo ngaihawm ta ber mai, let theih tawh loh, hun kal tawha chên veng veng lah a nuam.

"Lalte, Lalte, i ni em?", ka kut ka dah thla a, ka mit ka meng a, muangchangin ka bu nghauh nghauh.

"Ka la hre reng mai, kum riat kan niin ka hria, Sawmtea te inah ka riak a, dar sawm vel a niin ka hria, kan zun chhuak khan Sawmtea nu kan ko vak a.

Kan zung zo, kan mutnaa kan kir leh tur kha, a pain Duati leh a nu a lo hruai lut a, Nu Laltei chu chhuak turin a rawn ti ta mai!

Ka hrilhhai lutuk kha, awm ngaihna ka hre lo zawk. Nu Laltei chu ṭhingṭhiin, ngaihdam te a dil a, chhuah tir lo turin a ngen lâwm lâwm.

Sawmtea pawh kha, a ṭhawng lutuk a, ṭawng nachang pawh a hre lo, keipawh chu ti tho. Nu Laltei ṭap lai kha, tun thleng pawh hian, chisng takin ka la hre thei.

A pa chuan pawnah a hnukchhuak a, a hnuhin a hnukchhuak. Sawmtea khan a pa kha dang ve bawk mah se, mipa naupang, kum riat mi tan kha chuan, pa nge nge tha chu a dang zo bik lo a ni.

Nu Laltei chuan, Sawmtea kha hruai tum ruh viau mah se, Duati nu khan a lo dang ve bawk a. A pa leh a nu hrawn tha chu an nufa khan, an hneh thei ngang lo a ni.

Zan laia nu ber chhuah tir a ni a, Sawmtean, "Ka nu, min kalsan suh, min hrusi ve rawh, Nu, Nu, min kalsan suh", a tih ri kha, ka ri hriat tawh azawnga ngaihthlak hrehawm ka la tih ber a ni.

Khata ṭang khan, ṭawng duh tak kha a ngawichawi ta em em a, harhvang ṭhin pawh a zawi em em a. Chubskah, kan inah a awm tam ber zel bawk.

A pain a ngaihsak ngai lo a, a nuhrawn leh a fa chhawm chauh a ngaihtuah a, an pahnihin fa an la nei dun lehzel nen. A in chhungah hmuhsit leh tihduhdah a tuar a, i hria em? Cinderella nuhrawn chu, nêp tê!

Nuhrawn pawh ni mah se, tu nge, naupang kum sawm mi lek kha, rul hmuna thlak ngai? Rul ho kha, thi vek mah se, han ngaihtuah teh, kawnglaia pakhat thi chhawnga let reng pawh kan hlau em em a nih a, darkar nga hnuah chsuh a la lak chhuah tir zui!

A taksa te kha, ngun taka i en chuan, vuskna ser i hmu thluah thluah ang. A nuhrawn ka ngaihdam theih loh ang bawkin, a pa pawh ka ngaidam thei lo.

Hmangaih châkin a tuihal huam huam a, chuti chung chuan, i hria em? Ka ṭhian pawh a ni lo, ka unaupa zawk a ni.

Sawmtea ka fak ve em em nâ chu, khati khawpa beidawng leh, nun ning ngawih ngawih chung khan, ruihhlo leh hmeichhe lama a tlan lo kha a ni.

Hmangaih châk ngawih ngawih khan, thianghlim takin a zawng a. A tawpah, Christina a hmu ta hlawl a, mshse; a chang chusn, Pathisn pawh khi ka dem pui ṭhin.

A rilrua awm te a sawi chhuak ngai lo chungin, a thinlung hi a rûm vawng vawng tih erawh, kei aia hrechiang an awmin ka ring bik lo.

Mipa pawh ni mah ila, kan hlimin kan nui thei a, kan lungngaiin kan ṭap ve thei bawk. Kan beidawngin kan rum ve vawng vawng ṭhin a.

Hmangaihna nena enkawl kan mamawh ve ngawih ngawih ṭhin. Mipa nih vang ngawta, pa taka awm reng tur kan ni bik lo asin.

Dindini tiin ka ko mai ang che, a nu hminga an koh dan che chuan, kei chuan ka ko ve thei lo che. Laltei tih chu, Sawmtea chanpual ni rawh se.

Dindin, i kutah a innghat e, ka unaupa hi i kutah a awm tih hria la, nangmahah ka innghat pum hlum bawk.

Sawi chhuak kher lo mah se, a hmangaih chein ka hria, a awmdan aṭang hian ka hre thei, i kutah tak meuh meuh a awm tawh".

A room-ah lutin, ka hawi kual a, a bungrua ka ching let. A thawmhnaw bawm ka hai a, a underwear a dahnaah ka panty leh bra ka hmu tel!

A tshirt dahnaah, ka tshirt a lo awm bawk a, kekawr a dahnaah ka kekawr a awm leh. Heng ho hi, paih tura a tih te kha an ni, a lo paih miah lo tihna.

Drawer mawng berah hian, Album lian ve tawk tak pakhat hi a lo awm a, thawmhnaw pawh engmah a awm lo.

Album chauh a awm, la chhuakin khum chungah ṭhuin ka keu a. Mipa naupang, kum ruk mi ni ngei tur, hahmai pahnih bal ṭhawt chunga nui ṭhaw thlalak hi ka hmu nghal a.

Ka nui hak, ka pu tet lai a nih ka ring hmiah, a hlui tih hriat takin, colour a awm lo a, black and white a ni.

Thlalak dang ho pawh, colour lo vek a ni a, nufa inngeih tih hriat tak thlalak ka hmu leh.

A nu nena an thlalak ngei a ni, ka pu hian a naupan lai hmel a paih lo tih a hriat lutuk.

Ka keu ka keu zel a, colour a awm ṭan tawh. Sam paw em em, kekawr tlang arh lutuk tak mai, khup aṭanga arh thla, a dul zawnah a kamiz hak a ṭawn a.

A sam lah a bukin, a kir deuh chiat a, a'n sei deuh ngei bawk a. A pheikhawk bun lah, a block chiangkuang lutuk.

A kâwng veilam dawmin, a nui deuh sang zui a, hmanlai mi chish chish, 'Ka pu' tia koh, a inhmeh hliah hliah.

Chumi thlalsk bik chu ka phawrh chhusk a, nui sun sunin ka thlêk ngawih ngawih. Ka va han duh chisngkusng tak.

Ka keu leh zel a, a ṭhisn te ho nena an thlalsk te a ni tawh hlawm. U Richard-a pawh a lang ve ṭan tawh.

A tawp berah, a nu nen, a naupan laia an lan dunna thlalak bawk chu, Album khar nan a hmang!

"He Album-ah hi chusn, i hlim a ni tiraw?", Album pawm vawng vawng chungin ka ti a. Ka mittui pawh a hul zo tawh, ṭah erawh ka ṭap reng a, ka mittui a chhuak thei tawh lo zawk!

"Chawhnu sumo ṭicket ka cut a, chaw ei kham ve leh Sawmtea hmu turin kan kal dawn nia", U Richard-a chusn a ti a. Ka lo bu nghauh nghauh.

Chaw ei tur an lo keng lut a, khum aṭanga ka tho chu, ka lu a rawn hai thut!

Ka harh chuan, Damdawi in khumah ka lo mu reng. "I lo harh tawh maw?", nu pakhat hian a ti a. U Richard-a awmna ka zawt nghal.

"Doctor nen an lo kal ṭep ang, hahdam deuha awm kha tum rawh aw", dam diaiin a ti a. Ka lo nui var.

U Richard-a leh Doctor pawh chu, an lo thleng ve nghal mai bawk. "Dindin, i harh tawh maw, ka nupui Sêntei nih hi", U Richard-a chuan a ti a.

Ka bula a lo awm chu, mak ka ti reng a ni. U Sêntei nen kan han inchibai leh a.

Doctor chuan, "Kâr ruka upa, nau i pai tlat mai", a tih chuan, ka meng phar kâwk!

"Tak tak maw?", ka ti zawi sap a. Ka hmai ka hup nghal. "A la insiam ṭan chauh a ni a, i inenkawl ṭhat a ngai dawn a, lirtheiah pawh chuang nasa lo la, naute puitling tur chuan, chu chu a pawimawh ber", Doctor chuan a ti dap dap a.

Chhan pawh ka chhang thei tawh lo, ka bu nghut nghut ringawt.

Nau ka pai, ka pu nena kan fa tur tihna, kan fa tur ka pum chhungah a awm, a Remthanga tur ka pum chhungah a insiam ṭan mek!

Kun hniamin, a hmuiah ka fawp vawng vawng. Duhthawh zeta, min fawh leh hun tur, ka nghakhlel tawh lutuk.

A kut la kangin, ka pum ka khawih tir a, "Ka pu, hetah hian, Remthanga tur a insiam mek a nia, lo harh vat vat rawh. Kan pahnihin kan nghakhlel tawh lutuk che, beiseinain kan thlir reng che a nia, fahrahin min siam miah suh aw.

I tel lo chuan, nun harsa kan ti, kan ngai tawh lutuk che, i lo haw hun kan nghakhlel tawh lutuk ringawt. Kan chhungkuaa kan inkuah khawm te theih nan, ka pu, lo harh vat vat rawh aw", a âwmah ka bawk a.

A lûngphu ri ka ngaithla a, a pangngai thlap, a hriatna a la harh lo pawh a ni mai thei a ni.

A tawp nan, a hmuiah fawp lehin, "Ka pu, ka hmangaih che, kan fapa nen hian kan lo nghak reng ang che", a beng bulah, ka phun sap a.

Kan inhmuh leh hun tur, nghak chung zelin, Lunglei lama kir turin, a room ka chhuahsan a.

U Richard-a bulah, ka naupai chungchsng min sawi chhuahsak lo turin ka ti a.

"Lungngai miah suh, tu hnenah mah ka sawi lo ang", a lo ti dam dup a. Ka thaw huai huai.


Show post links
Top