MY LOVE BY Chhephaki Muani Muani (Completed)

[Ngaia]

MY LOVE











CHAPTER-25












BY CHHEPHAKI MUANI







"Vawiin chu enge kan tih ang aw" ka ti deuh hap, ka day off ani bawk si, ka nu leh pa lah thlakhat vel cham turin, Delhi lamah an kal daih bawk si, bawihpuia lah apa rualin a rawn haw anga, chumi chhung chuan tih tur a vang dawn khawp mai, in chhung chetna tur lah awmpui ten an ti zung zung a, ka tih ve hma hauh in, an ti deuh zung zung zel bawk si.












Tv chu sitting room a thu deuh dar dar chung chuan ka en a, thlahrang lam ka ngaihnat vangin, ka hmet chhuak vat a, mahse en tui tak tak hma in, Remruatan a rawn call, ka la vat a ka la fel chiah tih in, "bawihi, mikhual kan nei dawn a ka nu leh pa zin chhung chiah a ni mai" a rawn ti a, tu tak chu ni ang maw.









"awle" ka ti liam satliah ringawt a, tu nge a nih pawh ka zawt hran chuanglo, a buai deuh thu sawiin, vawiin chhun lama a rawn thleng tur thu leh lo welcome mai tur in min ti a, ka lo aw ve mai ringawt, a thawhpui te erawh a thiante bak an nih ka ring vak lo, "pi tlaiah enge kan siam dawn" tiin kan awmpui nula pakhat zawk chuan a rawn ti a.










Tunah dar12 chiah ala nia, min zawt hma ka ti ang reng, "ka hrelo in duh duh kha siam mai ula, mikhual kan nei dawn a, siam tui deuh ula a tawk mai" ka ti ve mai, "awle mahse chawhmeh hi lam khawl sa kan ngah tawh lutuk lo a" a tih chuan "va lei lawk ula, ka lo awm ang" tiin in chung lamah ka chho a, ka pawisa khawl ve, ka thawh hlawh atanga bank account atanga ka lak chhuah ve nual chu ka la a.












"Kha hei hian va lei ula, hmanhmawh lutuk duh lo ula" ka ti a, nula leh ka nu rual vel tur hi an ni a, in a tawm ngawt ngawt chu a ninom ka rin ve vang a ni, pakhat zawk hi lang in a rawn kal a, a nula zawk hi kan bulah a awm thung, tv bawk ah chuan ka bur leh chawt a, ka thil en lai chu a hmuhnawm loh zo vek.











Kan awmpui te bazaar tura an chhuah hnu fe ah, doorbell a rawn ri a, in leng hi ka pa awm loh chuan kan nei ngailo ang tluk a ni a, tunah pawh Remruata mikhual tur a nih ka ring ber, kawngka ka hawn rual rual chuan a hma a, ka hmuh thin Zonuni chu a lo ding reng chu ni in, a thawmhnaw ni ngei tur pawh a khai tel bawk.











"Nangmah hi mi Remtuata sawi chu" tiin ka melh ran a, a buk tak nghat ah chuan "lo lut la" tiin ka kian deuh a, a rawn lut ve mai, a hmelah chuan han in thlahrun na em em a neih vakloh hmel ka ti mai mai, Remruata hi a duh tih pawh kei a Hmeichhiat pui hian ka hre chiang viau bawk, a reh vang vang tawh a, tunah a rawn lang leh hlawl chu a nia.












Remruata nen hian nupa in kara thleng tur ang kan ti dun lo a, chu bak chu nupa kan nih loh na a awm tawh lo ang tluk a ni, min duat in min ngaihsak a, engkim ah a nupui ka nih zia a ti lang a, kan in ngeih in, kan titi dun thei phian bawk, kan hlim ve viau zel, "in tur ka lo lak ang che, lo thu la" tiin tv ka en lai a ka thutna bul chiah chu ka kawk a.











Choka lamah ka phei San nghal zat bawk thei tui fridge a mi chu lak sak in, no ah ka thli chhuak a, alam chu ka pan leh nghal vat, "khua a lum sia, thingpui I duh ka ring chiah lo a" tiin a hma a, dawhkân kan hunah chuan a zawnah ka dah thla a, a pawiloh thu a sawk ve mai, a mizia ka hre chiang lutuk lo a, ngaihdan han siam mai tur pawh ka hre lemlo.










"A nih in pa nen hian engtia in hria nge in nig a" tiin min zawt a, han sawi mai Dan tur ka hre vaklo, "ahh doctor ka training zawh, he ta aizawl lama kan rawn awm hnu in, civil ah sawn ka thawk tan a, chutah chuan a rawn kal a, ka damlo alo ni ve tawh thin a, ka enkawl lai, chuta tang chuan a ni mai ang chu" ka ti tha ve mai a..










A hmel atang chuan a ngaihtuah kual tih a hriat hle, "in in ngaihzawn dan pawh hriat a chakawm alawm" a tih leh chuan a hranpa a min zawt a nilo bawk a, chhan tinah ka tin lo, ka ngawi ringawt a, ka nui suk ringawt, "in pa khan lo va kal mai turin min tia, ka rawn kal ve rawih mai, min lo mikhual duh a ka lawm khawp mai" a ti a, ka thu a mikual tir ka nilo na in, "chutiang a ho lutuk, a harsa hlei nem" kan tih mawihnai ve kha.














"ti rawh I chau ang, I room turah ka hruai ang che" tiin ka ding chhuak a, no seng a tum chu "ti khan dah tawp rawh, nakinah an rawn ti mai ang" ka ti hap, in thlahrun hmel tak hian a dah thla leh zal zal, in chunglamh hian room ruak awm tho mahse, in hnuai lam mikhual room pakhat ka nu leh pa te room bul chiah ah chuan ka awm tir ta zawk.












In chungah hian mikhual room pakhat ala awm a, a bak chu lehkha bu an neih ho leh bungrua an hman tawh loh tha si an dah khawmnan an hmang a ni mai, "hei tah hian awm mai rawh aw, in chung lam khi chu an la ti fai hman silo a, nimin khan helai chiah hi an ti fai hman a" ka ti a, a bu nghat "a pawilo ka awm thei vek alawm" tiin a nui sang a.












Enge a chhan ka hrelo, ka mil lo ve ringawt, ka sual chu ka in ti viau, mahse ka chhungril hian a nel thei miah lo, "ka chhuak leh phawt mai nge, mamawh I neih chuan sawi hreh lo la" tiin tv room lama ka phone dah rawn ri lam chu ka pan a, Remruata bawk alo ni "hello" tiin ka bengah ka hmeh bel a, "bawihi Zonuni chu alo thleng em? " tiin min rawn zawt a.











Ka lungawilo viau na in, "aw rawn thleng tawh e, a room tur lamah a awm tawh" pangai tak chuan ka ti a, a chhan pawh a nupui ka ni ve a, min rawn der emaw, min hrilh hriat hmasak tur a nia, a rawn thlen hma a, darkar rei pawh awm tawh lo tih ah chiah min rawn hrilh a nia, nangni ni ta ula in lawm teh chiam ka ring biklo











"Awle bawihi ka rawn haw hma thei dawn lo a, bawihpuia lah hian ka bula awm a ti tlat mai bawk si nen, lo ngaihtuah lo la, meeting kan nei dawn sia" a ti a, "bawihpuia chu ka rawn lam mai dawn mi? a nin hman chuan I tan a buaithlak loh ang maw" ka ti hap a, kan fapa hi chu a buaithlak thin a ni, " buaithlak loh e, ka fapa a lawm" tiin a nui ri deuh suk.











A thusawi vang chuan kei pawh chu ka lawm lohna hre chang miah lo in, ka nui deuh vur vur, a fapa ti taka a ngaihsak hian ka lawm thin, a chhan pawh a fapa mah nise, a piantirh atanga a enkawl loh leh a fa a ni tih pawh a hriat loh a ni bawk sia, mahse fate chu fate nge nge an lo ni a nia nge, "ka dah dawn ka buai" tiin dawt ka sawi nghal pang.












"awle, lo in enkawl tha la, che deuh zek zek lo bawk la" a ti kher chu ka ngei hle, ka che zek zek ngai tawp silo a, kan in biakna kan tih tawp hnu chuan choka lama phei tur chuan ka in her chiah chu ka phu nasa hle, ka au deuh that a, "awii tih palh lutuk, khati vaka I phut ka ringlo a" tiin Zonuni chuan ngaihdam min dil mawlh mawlh.












Thawm nei miah lo in alo awm reng a ni maw, a awmna a rei tawh viau angem aw, tih ka ngaihtuah nghal zat, "awle a pawilo, keipawh ka phu hma ve hrim hrim a" tiin ka chhang ve mai, choka lamah chuan ka phei dawn a" ti rawh choka ah rawng ka bawl dawn, lo awm ve ta che" tiin ka sawm a, bawl em em pawh ka tum hranlo.













Tih tur a awm lo em a, tih tur ka dap chawp dawn, thei kan lei khawl sa pawh kan la sil failo tak e, awm mai mai chu mut a chhuak duh thin e mai, "eng hna nge I thawh ve " tiin ka zawt a, "ahh eng thawk bik hranlo, dawr ka nei ve a, mahse a te khawp mai, puan dawr a nia, hlawk vaklo mahse engmah tih loh tawp aiah ka tia" a ti mai a.












Mi khawsa ve thei tak an nih ka ring, a chezia leh awmdan atang in a hriat mai, a thawmhnaw ah pawh a hriat khawp, "ahh a nih chu mawle a that em chu" tiin kan fak ve a, a nui sang mai, "nang I hna chu I bansan ta em ni, pasal I nei ta sia" a ti a, "bansan chuanglo e, ka pa hian rem a ti a, Remruata lah in, a hnial lo ve tho bawk sia, ka thawk zawm, vawiin hi ka day off a nia" ka ti tha ve mai.












Ka thil ngaihtuah Dan mai mai chu ka duh hauh lo, henu hian buaina eng emaw chu a rawn ken luh ka ring deuh tlat chu mak la ti in, chutianga mikhual laka rilru ka lo pu chu sual ka in ti hnahnawh viau, lu thing deuh nak nak in ka ngaihtuah zawm duh lem lo, "tih tur tr a awm em, ka lo tih pui ang che" a rawn ti a, ka thei sil lai chu khung tha in, "a ngailo, keipawh tih tur vak ka nei chuanglo, rawngbawl tur an awm alawm" ka ti var.












(buaina a in tan chho dawn chiah hmel hle mai)


Show post links
Top

[Ngaia]

MY LOVE









CHAPTER-26










BY CHHEPHAKI MUANI











Kan awmpui te barzaar an rawn thlen hnu deuh lawkah, Remruata leh bawihpuia an rawn haw deuh nawlh a, an meeting tur thu kha a sawi emaw ka tia, mak ti tak chuan ka lo melh reng, sitting room ah, coffee in pah in, Zonuni nen kan lo thu dun a, han sawi tur em em ka hre lo a, a ni lah chuti tho, kan in be tam vaklo hle a ni, "kha Zonuni chu I rawn tluang maw" tiin Remruata chuan a be nghal vat a.












Bawihpuia nen ka thutna ah an rawn thu thla ve nghal zat, "aw hei tluang a ni mai ang chu, ka zawh fel vat theih nan, min puih ka phut a Nia" in ti ngam tlak tak chuan a ti a, a tawng no bawk si, ka lo ner deuh nawng, "ka theih zawng a awm te a nih chuan pui tuk e" a ti chu Remruata ka melh zeuh a, lawm lo hle mah ila, han thinrim nan em chuan a ho bawk si.












"E taka bawihi hei hi, Zonuni lunglei lam mi a Nia, ka pa thianpa fanu, a hna thil vangin a rawn awm rih a ngai dawn a, thlakhat pawh a ni mai thei, mahse a hautak vaklo a nih chuan chu aia reilo pawh chu a ni mai thei bawk, a ni hi chuan ka nu leh pa rawn haw nghah thlen a, hmuh ve a chak a" a ti a ka bu nghat ringawt












A che zia vel leh min ngei hmel lutuk chuan min khei deuh ti tih bawk nen, ni china kan pahnih a, kan in kawm laia a sawi chu a mah kap deuh si, hre lo der chung chuan "e taka Remruat I bialnu hlui alo ni tawh a ni maw, a sawi vek a Nia aw, a hnawl vel che sia, a mak lo hranlo, Zonuni hi a hmeltha ve em a" ka ti a, fiamthu anga a lan theih nen, ka nui deuh bawk..











"Ni lo e, ka pa thianpa fanu chiah a ni, ka nau anga ka en a nih kha" a ti thum dut, "e a ni maw, a mah hian in pa hi chu ka ngaihzawng hlui a nih hi kha a ti sia, awii Zonuni chu mi I fiam Dan hi ka awih hman tep alawm" tiin ka nui deuh hak hak a, ka rin aiin ka sawi awihawm thiam daih mai ka ti, "chutiang a awm lo, a fiam che a nih dawn chu' a ti deuh nghut.












Ka rin Dan vel chiah a ni, a mutmeng atang leh Remruata nena an chungchang min in tih theih khup atang khan ka ringlo nghal, Zonuni chu a meng buai deuh nak a, a nui lem tak karah chuan min huat hmel zetin min en, "ti khan lo in kawm ula, bawihpuia nen hian kan han in thlaj ange" tiin Remruata vhuan a fapa chu a kai a.












"Awii Zonun sorry lutuk, I fiamthu tih ka hre lo a" tiin in thiamloh hmel zet chuan ka melh bawk, "engmah a nih loh kha, ka sawi awih awm ve bawk em a nih kha" a ti dam dap ringawt, a hmelah chuan a zah hmel hle mai, a thusawi kha ka awih vang em em pawh a nilo, a dawt sawi chiang leh lutuk kha ka ti zak ve chak hrim hrim, ka sual ve na zawng tak.











"bawihpui ti rawh han in thlak ang le" tiin bawihpuia chu a au a, apa nen chuan in chungah an in zui chho hnak hnak, Zonuni chuan min melh deuh hrawk in, engmah a sawi zui tawh lemlo, ka va han ngai pawimawh lo ve chiang tak, a ni melh mai mai na lo ve chiang e, "ka pi" tiin kan awmpui upa zawk ka au nghal a, ka pi ka ti mai zel, a hming tak hian ka au ngailo













"Rawng in bawl tan tawh em ni, ka lo pui ang cheu" tiin tih tur awm ang ang chu ka ti ve sawk sawk a, Zonuni lam ka ngaihtuah peih tawh lo, a tlangnel sa e mai, ngaihtuah vak a ngailo ang, zak nise a rawn ri phawr phawr teuhlo mai, "kha in buai viau em? ka lo pui ve ang cheu, helai tr chu ka mikhual vaklo a, ka awm ngun tawh bawk a" a rawn ti deuh kher.












"Hei tih tur chu a tam mai, mahse nang chu mikhual te I ni ve sia, mikhual lo tirh thu awm suh, a malsawm pawh a malsawm nang, I room ah lo va hahdam mai mai rawh" ka ti ve deuh ngat a, a hmel pawh ka en lem chuanglo, ka thil tih lai ka zikhlum chanlai ka chan mawlh mawlh, "nu, anu icecream ka ei chak" tiin bawihpuia te pafa in thlak zo rawn chhuk chuan a rawn ti a.











"No a theih loh" ka lo ti ringawt, "bawihi a ei chak ve ngang a nih kha, tlem tal ei tir ve mai la" tiin Remruata rawn lut chuan a rawn ti a, "a ngailo vur ei vak ka phal lo" ka ti hmak, bawihpuia lah naupang mawl, "vur alawm ei I phalloh kei chuan icecream alawm ka ei chak" a rawn ti, ka nui deuh hak, "ka phal chuanglo min dil lui suh" ka ti a, a lunghnur hmel nasa.












"Naupang ei chak neih hunlai a Nia, ei tir ve mai la, an la mawl a, bakah hei I ti khawngaih thlak, nu sual tak tih dan a nih kha" tiin Zonuni chuan a rawn ti khanglang, "a hritlang dawn ei rih ka phallo, tiang lam chi hi a ei ve thei lo, a damlo zui zel bawk" ka ti chang deuh fak, a ngawi chiang teh e, "bawihpui nang pawh thil dang ei zawk mai rawh aw, I ngeih loh kha, I damlo leh duh a mi" tiin ka melh a, a lu a thing nak nak.











Apa lah chuan a ei duh zawng pek loh chu a ngaih a ngam loh hmel lutuk, mahse ka melh zawk ringawt, an lo in pe ru ang tih ka hlau deuh, afapa hi a duat leh lutuk a, a duh zawng pek vek a tum thin sia, bawihpuia chu choka atangin a chhuak a, Remruata pawh ka mit sir zeuh atang chuan fridge atang chuan enge a lak chhuah ni, a kal chhuak leh daih, ka hmu hman lo a, a pek loh hram beisei ang.















Ngaihven zui lemlo chuan chokaah chuan rawng kan bawl mawlh mawlh a, Zonuni erawh a chhuak leh tawh thung, ka nu te hi lo haw vat se ka ti kher mai, ka nu te an awm chuan a zia deuh mahna, sawi tur ka hre silo a, ka nu te in a awm nileng an ni bawk a, bakah upa lam an ni tawh a, sawi tur pawh an hre dawn a, kei tawngkân ka thiam silo, min biak loh chuan biak loh ve tawp a, tlak chi ka lo ni bawk si.










Han sawi pui tur leh han biak Dan tur hi ka vai tlat zel, "pi hei hi engtin nge ni awn? " tiin kan awmpui nula zawk Zoremi chuan a ti a, ka en nak chuan hmanni a, ka pa rawn lei haw ve ngei, sangha kha deuh chi ang kha a rawn la chhuak a, "kha chu kan ei duh chi pawh a ni silo a, ka pa in a duh kha, alo haw hma tak leh a eiah dah mai la, nih loh pawn in ei duh chi te a nih chuan siam daih ru" ka ti a.











"Ka pi rem I tih chuan kan pa ei ah ka lo hawn mai dawn em ni, a ni hi thil kha lam ei tam turin an tia, sangha hi a duh ber a, lei dawn lah in, a to ve phian bawk sia" a tih chuan ka lo aw vat, an pa hi hna pawh thawk thei tawh lo in, in ah an fate a awm pui chawt a ni ber, ti hian an nu ber hian hna a thawk a, chu chu an ei bel ve ber a ni mai awm e, "hawn rawh hawn rawh, keini zawk alawm mawle, nachang kan lo hrelo a" ka ti sawk sawk, a in thlahrun hmel hle, a sawi te kha a sawi bah deuh nak bawk sia.














"In thlahrung duh suh, ka pa te an rawn haw mai hmel silo a, siam loh in a awm reng dawn tho a" ka ti tha leh a, a bu nghat chung in lawmthu min hrilh mawlh mawlh, rawngbawl em em tur a awm tawh lo bawk a tiin, Remruata te pafa en turin ka kalsan a, pawna an pafa a, an ri nak nak chu hriat tur a awm, pawn lamah chuan ka chhuak ve vat a, an lo in khel nasa mai, "nangni pafa kha lo lut tawh ru a tlai tawh" tiin kawngka bul atang chuan ka au a.















Thu awih deuh takin an rawn phei ve dun hnak hnak, an ball pawh chu Remruata chuan a rawn vawr phei lauh lauh a, ka lo en ran, a chhiat hi chu a chhe mawlh lo mawle, ka nulat lai khan hetiang ang em em a, pasaltha leh hmeltha hi ka neih ka in ring bik miah lo mawle, ka hmel en phei hi chuan ka phu hlawl lo, "bawihi a va mak awm veng veng ve kha, ti ru lut ang u mikhual kan neih kha" tiin an pafa chuan an in zui lut a.













An hnungah chuan ka kal zui ve mai bawk, U Zorem ka room ah ka in fiam dawn a Nia aw" tiin kan awmpui chu a ka fapa chuan a dil a, keini min dillo hian, au hi a dil daih zel, "yessi han in fiam rawh, mahse fimkhur tur aw" tiin a chah a, pakhata pawh a tlan chho nghal vat, "bawihi ka in bual duh a Nia" tiin nghal zet hian min melh a, melh ralh pah hian "han in bual la ni mai lawm" ka ti deuh hmak.












"Min lo zui chho ve la" a ti sap, hnial ta em bik lo chuan ka zui chho ve mai a, Zonuni erawh ala reh viau, a room ah a awm pawh a ni mahna, room kan luh rual rual chuan kawngka chu khar in, ka hmaah chuan a ding deuh nghal zat a, ka melh deuh ha, ka hmui a hmui in a, a rawn sik rual rual chuan ka meng phawk vak.












A fawh dan chu ka sawi fiah thiam lo, ka vawikhatna a nih vang pawh a ni mahna, mahse a nuam tih chu ka hria, khum lamah chuan min nawr phei a, khum bul ka thlen rual rual chuan min nem mu nghal a, a mitmengah chuan a thil chak leh a duh chu ka chiang hle, ka taksa a chul kual ruai a, nuam ka ti tih chu thup rual a nilo, a mi khawihna chuan min ti mur deuh er er a.












(helam hi chu kan ziak thuilo ang ka tih thin kha, ka thiam vakloh bakah, kum tlinglo tam tak chhiar an awm ve tih ka hre nual bawk nen) .....Tunah chuan ka thianghlimna ka hlan tawh bawk a, ka chhungril a in thiamloh na leh pum khat kan ni si a, kan nih loh na pakhat ka hlan tawh a, ka thawl hawk hian ka hria, in thiamloh na nei turin, engmah a awm lo bawk a, nupa kan ni a, a thleng tur ve reng a ni.













Remruata chu a hmelah chuan a lawm tih hle a hlim tih chu hai rual a nilo, a mit a min hmangaihna leh min duatna ka hmuh khan nuam min tih tir in, min ti hlim a ni, a hma daih khan lo hlan tawh ni ila chuan a hma anga, in thiam lohna ka neih te kha ka neilo ni mai tur, "bawihi muhil rawh I chau a nih kha, chaw ei dawnah ka au tho ang che" tiin Remruata chuan ka chalah a fawp zeuh bawk.













Keipawh ka chau tawh bawk nen, ka muhil zui nghal a niang, ka harh leh meuh chuan khua a thim vek tawh, ka bulah pawh Remruata a awm tawh lo, dar zat banga sana in tar ka melh chuan dar7:30 a ri tawh, ka meng kawk a, ka tho nghal zawk, ka va han mutui awm em em ve mawle, in hnuai ka chhuk dawn chuan in chung step tawn tirh ah hian, Zonuni alo ding reng a.












"Ilo tho harh peih maw, chaw kan lo ei San mai che sin, zuk ei ve nghal mai rawh" in la thu tak chuan thu min pe khanglang a, melh ralh pah hian in hnuai lamah chhuk san ka tum a, kan in chung pan chhoh na step hi step12 emaw bawr vel a niang, a thui ve viau, in chung hi kan nei sang ve bawk a, "Remruata hian engtin nge a duh theih che le" a rawn tih leh chuan.












"Hmel nilo in, mizia a en pawh a ni mahna, nang ang mize mumal lo deuh ai chuan a duh zawk a ni mahna" ka ti ve sak, hnung chhawn hmak in, chhuk thlak ka tum a, mahse ka hnung lam atang chuan mi rawn nem vak a, ri deuh bawp bawp leh in hnuai ka thlen ruala, ri chawrh ka hriat bak ka hre leh tawh lo, ka lum thlak dawn a, ka au deuh that bak ka au awm pawh ka hrelo












A thim deuh mup a, engmah ka hre zawm ta lo, ka lu na zawk zawk chu ka hre deuh riai riai a, ka mit chu a in char bet emaw tih mai tur a ni, ka meng chhuak thei mai lo, ka lu lah chu a na em em mai leh nghal a, "u Zomuan I harh em? min hre thei em? " tia min au ri chu ka hre thei, ka meng chhuak a, Zoremi hian min lo melh reng.












"Awii a va han lawmawm tak, I harh har lutuk a, kan hlauthawng hman alawm" a ti mawlh mawlh a, "khawiah nge ka awm a? " tiin ka hawi kual a, min hrilh hma chuan ka hre thiam nghal mai, "damdawiin ah, step ah i lum thla a, u Remruata hlauh thawn zia chu maw hria la chuan I khawngaih ve ngawt ang, a phi buai teh mai Nia, I harh lawk thei bawk silo a" a ti mawlh mawlh a.











"u Remruata kan hrilh lawk ange, lo mu hahdam rawh, doctor kan au pah ange" tiin a chhuak zui nghal a, ka harh chiang tawh khawp mai, kha Zonuni Khan min nem thla tih ka chiang khawp mai, a chak lo ngawt ang chu aw, ka damdawiin awmna ka en chian chuan ka thawhna lek chu ni in, a hnu reilo ah, Judithi alo lut a.











"Damlo enkawl dam tur ber I damlo daih mai sia, enkawl dam vat vat I ngai dawn a nih hi" a ti deuh sap a, ka nui deuh hak, kan in hriatna a rei ve tawh bawk a, kan in ngam tlak ve tawh khawp mai, " I tha tawh lutuk, I ke hi chu engtin nge i tih nat ni, I hmang lawk thei lo ang, mahse pawi tham erawh chu a nilo" a ti a, ka ke chu an tuam bur a, ka kut leh lam an tuam bawk.











"ka kut hi" tiin ka lek kang a, " I kut kha chu a zia vat mai ang, mahse dim deuh tho la aw" tiin a chhuak leh nghal a, "u Remruata chu school ah a kal lawk a, a rawn kal nghal dawn a nih chu" a ti a, ka bu nghat "engtia rei nge ka mut tawh a" tiin Zoremi chu ka zawt a, nihnih leh zanthum ang vel a ni mai chu I tluk sual zan nen khan, vawiin hi a ni thum na a Nia, mahse hei ilo harh ta a nij hi" a ti a.












"khawnge Zonuni kha engtin nge a awm tak" ka ti a, "in ah a awm, bawihpuia a awm pui a" a tih chuan ka hlau thawng nghal hle "khawmaw Zorem I phone" ka ti nghal chung chung a, chutia ka awm thut chu a hrilh a hai hmel viau, a phone chu min pe ve mai a, Rmeruata number chu ka type nghal mawlh mawlh a, ka call nghal zat.












"Aw Zorem thil thleng a awm em ni? " a rawn ti a, ala rang viau bawk, "Remruat keimah tunah khawiah nge I awm" ka ti nghal zat a, "damdawiin ka rawn pan mek, ka rawn thleng vat ang" a ti a "kan in lamah va kal vat rawh, bawihpuia kha va hruai rawh, mawh vat" ka ti chul a, "bawihi Zonuni bulah ka dah alawm, ngaihtuah suh" a tih phei chuan
ngaihthat tawh loh nen, "Zonuni bula a awm vang tak chuan lawm va kal vat rawh ka tih" ka ti deuh tuarh.














"Bawihi mi ring chhe nghal ngawt suh, a him ang kan fapa chu apa ka nih ve tho hi, mi tha lo bula ka dah duh bik I ring a mi? " a ti deuh hmuk tawh, a ni pawn a dawhthei tawh vaklo a nih dawn kha, "engmah I hrelo, nge step atanga min nam thla tih kha I thup pui zawk" ti hrawk in, ka off nghal daih a, phone chu Zoremi hrilh hai zeta lo thu chu ka pe a, ka ngaih tha thei tawh silo chu.












Ka drip khai lai chu ka phawi zawk a, doctor ka ni a, ka phawi thiam tih chu ka hailo, ka phawi sual chuan thisen a chhuak duh dawn tih ka hria, mahse chu pawh chu ka ngeihven thei tawh lo, thisen rawn chhuak deuh thawt pawh chu ngaihven miah lo in, Zoremi la thu mawl deuh reng chu melh zawk in, ka chhuak nghal vat a, in ah ka fapa ka hmu vat lo a nih chuan ka ngaih a ngam thei tawh lo.












damdawiin ka chhuah san fel awrh tih in Rmeruata car a rawn ding deuh chat a, "bawihi tunah chuan ila dam chiang lo ti rawh lut leh ang" tiin min kaih luh mai a tum a, mahse ka kut chu ka la sawn vat, "ka haw a ngai" ka ti hmak, a thaw deuh hak a, ka ke an tuam deuh bur pawh chu ka ngaihtuah chang tawh lo, a na in min rawn tur deuh ut ut ah chuan ka hre chhuak leh chiah.















"Awle a tha e, Zonuni hnenah chuan bawihpuia, rawn hruai turin kan ti dawn nia, a tha em? " min thlem ti tih a, a tih chuan ka pawm ve ta hram, luh leh mai ka tum chu ka ke tha leh lam chuan a zo ta hauh lo, ka thu thla hnawk a, Remruata chu a phun deuh hluk, " luhlul leh lutuk mai" a ti deuh nang nang pawh chu ka hrelo der hmiah.











Zoremi rawn kal pawh kan tawk a, a in thiam loh hmel viau, ka kut a thi kai deuh niai chu Remruata chuan min pawm chung chuan a hmu a ni mahna, "bawihi naupang I ni tawh lo, tianga awm tur hian I kum pawh a upa tawh" a tih chuan ka melh vak ringawt, room ah bawk chuan kan lut leh a, Judithin min zui lut ve nghal bawk, nurse an rawn lut zui ve zat bawk.










Zonuni chu ka call tawh a rawn kal pui dawn hahdam tawh rawh, tiin ka kut an buaipui fel zawh rual chuan a rawn ti a, ka thaw huai thei, tunah tlai lam a ni tawh a, chaw ei hun tawh mahse, ka fapa hmuh ka duh tlat bawk si, "chuan eng maw I sawi kha, tu in maw step ah chuan nam thla che" Remruata chuan a ti bul hmuk a.











Ka ngawi ran, a hre thiam vek tawh tih a hmelah chuan a hriat, ka chhang lo nangin, a hmelah chuan Zonuni ngei a ni tih a hre chiang tawh hle a ni mahna, sawi chhuah em em pawh ka tum chuanglo kha a Nia, a chhan pawh na em em ka neih hranloh vang a ni, mahse ka thinrim in sum theih loh vang vek a ni.









(naktuk zanah last aw)


Show post links
Top

[Ngaia]

MY LOVE











CHAPTER-27











BY CHHEPHAKI MUANI










Zonuni kha ka chunga tianga a tih hnu khan hmuh tur a awm leh tawh lo, Zoremi sawi dan chuan Remruatan an in a awm a phal tawh lo a ni awm e, hriat tir loh a thup ka tum teh lul nen, ka in ngaihtuah chian loh a leiah, ka hrilh ta vek bawk sia, pawilo tur ah ngai ang, damdawiin atanga kan chhuah atangin karkhat aliam ve leh tawh a, ka ke pawh ka hmang thei tawh fu.













Ka kut phei chu na em em a nilo bawk a, ka hmang thei zui nghal mai ti ila ka sawi suallo ang, ka nu leh pa te lah rawn haw mai an la tum bawk silo a, bawihpuia te nen an in videocall deuh reng ringawt, kan fapa chut ve zet a ruka fing zet pawh, a school kal peih chin a tawp a ni mahna, a kal peih tawh ngang lo a, apa in ala naupang a, school kal rual pawh ala ni chuang hlei nem a ti hmiah mai sia.












Zoremi nen an in awm nileng reng mai, kei lah hna thawk thei silo in in ah ka awm ve chawt a, a ninom lek lek thin, ka fapa hian min ti hlim viau lo phei se chu ka hne tawh ngawt ang, Remruata lah hna ah a kal daih zel bawk si, kan nupa hian in pawh lohna tam tak kan la nei tih ka hria, mahse hei chu kan la in hrawn rei loh vangah ka ngai mai thung.












A ni chu mipa a ni a, zah vakna tur a awm lo keimah ber hi a ni, zah chang leh in thlahrun chang ka nei thin a, kan la in hrawn tam em em loh vang pawh a ni mahna, a ni chuan mipa a nih ang leh a nupui ka nih ang in, min ngaihsak a, min duat thiam in, min ngaihsak em em thin, "u Zomuan hei hi bawihpuia thawmhnaw, a hak tawk tawh loh kha a nia, ala tha sia, paih turin ka pi Khan min tia, ka la ui deuh a" tiin bawihpuia thawmhnaw a tawk tawh loh ho chu a rawn dah ruih a.













Ala tha hlawm viau, apu te hian an ngaihsak ka tih tawh kha, thawmhnaw chu hak sen loh a nei a tih theih ang, a thang chak bawk nen, a te zung zung mai ni, "engtia tih chi nge niang le, han paih lah chu thil tih chi ni bawk silo" ka ti vang vang a, " e taka pi Mawii sawn bawihpuia aia te fa an nei a sin, bawihpuia alian bawk sia, an hak tawk ka ring" a tih chuan " ahh chutiang ngawt ala duh dawn bik a mi" ka ti a












"a ho e, ka nu pawn naupang te chu an in hak chhawk mai mai zel alawm, an tet lai te chuan a ti lawm" a tih takah chuan a duh leh duh loh tur zawt tur leh a duh loh chuan thenawm khawveng emaw, hnuchham in a dah luh mai turin ka ti a, a chhan pawh hnuchham in hi ka lo tlawh fo tawh a, naupang an hrisel leh sel loh en turin











An hmel ka hmuh hian khawngaihna tam tak ka nei a, hei vang hian a nia, Remruata hnenah pawh, thlatin an mahni mamawh pe ve thin turin ka bia ni, naupai mai chu awlsam tak a ni, mahse enkawl na kawngah hian kawng harsa tak tak a awm a, hahthlak tak q ni thin, hei vang tak hian a nia, kan enkawl tha leh mai mai peih dawb lo a nih chuan fa neih ve ringawt hi chu a that loh na.











fahrah an tam phah in, pawisawilo tam tak naupang rilru thiamhlim tak kha hun harsa tak leh hreawm tak tuar turin kan hnutchiah a, rethei chung chung a enkawl sei len leh enkawl duh loh a, nu leh pa nei tawh lo te dahna a, kan dah hian danglamna nasa tak a nei, nu leh pa hmangaihna dawn tluk a hlu he khawvelah hian a awm miau lo.










fa enkawl tha peih leh lo tur emaw hlam chhiah leh mai mai tur atana in hrin chhuah dawn ai chuan a pawi hma a, in ven that mai tur, "u Zomuan Pu Remruatan a be duh che a, I phone I la theilo tih a sawi a" a tih chuan ka ding nghal zat, "awii room lamah ka dah daih lawm" tiin room lam pan mai ka tum chu " ti Khan lo awm rawh, ka han la ang" tiin a ngailo pawh ka tih hma hma in, a kal daih.












Zoremi lo chhuk leh hnu chuan ka phone chu ka en a, Remruata missed call alo tam ngang mai, ka call back thuai a, "hello" ka tih hma hma chuan "ngati nge I phone I lak theih loh" tiin a rawn tawng bul khawp mai, a mood a fuh vaklo nge maw ni dawn ni, " kan room ah ka lo dah daih a, in hnuaiah tv ka en a" ka ti sap, thaw chhuak hawk in, "awle a nih chuan I damdawi ei tur I ei tawh em? " a rawn ti leh thlap tawh...











A tih ve Dan ziah a ni, damdawiin kan luh Khan damdawi min chawh nual a, ei zo law law turin min ti a nih kha, "aw ei tawh" tiin dawt kan sawi thla rawk a, damdawi a mum chi hi chu ka ei hreh ve em a ni, " bawihi dawt ka duh lo ka tih kha, tunah Khan ei nghal rawh" a rawn ti a, a aw atang chuan thu min pe tih a hriat hle












"Naaa Rem ka ei peih tawh lo e, ka hrawk ah hian a tang zel ka tih kha" ka ti nang nang a, lehlama mi chu a thaw hawk, " bawihi" a tih ringawt chuan " aw ka hria ka hria ka ei dawn" tiin a hriat tur tawk vel chuan ka phun nang nang, a nui ri pawh chu ka hre reng, "good girl" a rawn ti vei ngei, ava han ngeiawm tak, "bawihi damdawi chu ei ngei ngei ang che, ka dah phawt ange, ka rawn haw harlo ang' tiin a dah a.












Hreh viau mah ila, kan awmpui te Remruatan a zawt leh vek anga, damdawi awm zat nen a en leh thlap awm kha a nia nga, tui fridge a mi chu la chhuak in, damdawi chu ka ei ta ngei a, zo vat vat se ka ti takzet, doctor pawh ni mah ila, ka ei peih thlawt bik lo damdawi kher kher hi chu.










"Bawihpui papa alo haw dawn a nia, pawnah lo va hmuak ang le" tiin tlai lam alo nih chuan ka ti a, school ban a hun tawh bawk a, alo thlen har vak ka ringlo, "ama ka la hmanlo papa chu nangmah in lo va hmuak mai rawh, hetah ka lo hmuak ang" tiin ka fapa chuan a lem chei lai atanga rawn hawi chhuak miah lo hian a ti a, tunlai chu spider man lem hi chei alang thin a, a buaithlak thei khawp mai.











"Papa lungawi dawnlo a ni maw" ka tih chuan a rawn hawi chhuak ve hram, "naaa papa chu ka la chei laklawh sin" a ti ve nang nang a, chuti chung chuan min zui ve tho, a pa lung tih awilo hi a hlau ve thei khawp mai, apa hi a tlawn thiam bawk a, apa lah in a duat bawk nen, a pangchang thei lutuk hi a kum ngaihtuah chuan ala naupang chhia in a rualpui ten school kal an hreh tawh loh lai karin, a ni erawh chu a kal leh duh tawh tlat lo.













A tir kha chuan amah ngeiin kal a duh thu a sawi ve ngei a, ka rawn lawk ang ngeiin, a kal rei peih thlawt lo, pawnah chuan kan nufa in, thutthleng kan hunah chuan kan thu dun ran a, "papa kan nghah chhungin lem kan chei leh teh ang" tiin in chhungah a tlan lut a, a lut fel awrh tih ah, apa motor a rawn tlan lut leh sia











Pawna ka lo awm min hmuh chuan min nuih deuh vur vur a, kei pawh chuan ka nuih ve sak, a ni hi chu kan nunah rawn lut lo se chuan emaw kha damdawiin ka thawhna ah Khan ka damlo enkawl lai nilo emaw, rawn awmlo se chuan kan in hriat ka ringlo, bawihpuia pa a ni tih ka hriat ka ring heklo, ka nun ngaiin ka la nung anga, ka nu ngai leh bawihpuia enkawl reng reng in ka nun ka hmang ngei ang.













Mahse khawvel kan awm chhung a, a mah kan mamawh reng laia, kan dil leh kan mamawh nia kan hriat kan dil thin hian ka tana tha turin min ruat sak ah ka ngai, a ni hi kan nuna lo lang turin emaw, bawihpuia pa kan hriat chhuah theih nan ka dil ngailo, ka dil thin chu ka nu leh bawihpuia tha taka ka enkawl theih nan leh ka nu hian rei tak min dampui ve reng thin se tih kha ka dil thin.












Mahse ka dilloh lam zawk leh ka hlim kumkhua na tur zawk in, ka dilloh lam atang in min pe zawk si, Pathian remruat Dan hi a mak takzet, kan dilte min pe lo in, kan tana tha zawk leh kan nawmsak na tur zawk min lo ruat sak tawh tih hi a hi, tam tak hi ka dem thin, keichu ka tan a awm velo an tih te, ka dil thin min ngaithla ve ngailo, an ti thin hi a ni.











kan hriatloh lam atangin kan tawngtai na kha kan dilloh danin min lo pe reng tawh thin, chu chu kan hmu thiamlo mai a ni, damna tha te, hriselna tha te, chaw kan nghei loh na te, tam tak malsawmna kan dawng a, chupawh chu lawmthu sawina tur hlir a ni, a remruat danah vui ka tum ngailo a, ka tana a ruat sa min pek ah hian ka lawm tawk em em a ni.












A ni hi kan nunah lo lang lo se chuan kan nufa in, rethei tak in emaw hlimna tuna kan neih ang hi kan nei hauh lo ang, "bawihi I ngaihtuah zo tawh em? ' tiin ka hmai zawnah Remruata chuan a kut a rawn vai zeuh a, ka la phu zuk zui, " ahh aw, lut ila" ka ti bah nak, bawihpuia alo chhuak ve chiah bawk.










"Ama chiah in min lo hmuak a, ka fapa ber in min lo hmuak duhlo a ni maw" tiin a fapa chu a fiam a, "aih papa ka lem chei tur ka la lawk a, ilo haw hman daih a" a ti nang nang a, a thil rawn ken chhuah chu a lek deuh va bawk, ka nui deuh hak, "ti ru lut ang u, I pa I in pawm tir dawn em" tia ka fapa ka zawh chuan a lu a bu nghat











A pa chuan a pawm deuh nawlh a, hei hi a ni ka chhungkaw thar chu, in hauh chang kan la nei ve ngei ang, chu chu nupa kara thil thleng ve tur reng a ni, mahse tunah rih chuan chhungkaw hlim tak kan la ni, Remruata hi ka ring a, a ni chuan min phatsan ngai dawnlo tih leh kan nufa tana pa tha tak a ni dawn tih hi ka chiang a ni.












Ka nu in min kalsan mahse kan kiangah a awm ve reng ka ring a, a ni pawn a fanu leh a tupa kan hlim zia hi min lo hmu ve ngei anga, a lawm ve viau ang, tunah chuan hahdam takin a chawlh theih ngei ka beisei, ka u nen khan an in hmu ngei anga, a fapa tha taka kan enkawl thu leh a hlim thu te, a that that zia tr a hrilh ve ngei anga, ka u pawh ka tana a thawhrimna te leh ka tana a in pekna ah Khan a in chhir lo anga, a hlim ve ngei ang.












Khawvel hun harsa tak tak te pawh kan la hmachhawn ngei ang, chumi hunah chuan a ni Lalremruata nen ngei hian kan hmachhawn tawh ang, kan hma hun tur hrelo mah ila, tun hun chiah hi ka ngaihtuah dawn a ni, ka hna ka bang anga, ka chhungkua ka nu leh pa, ka pasal fanau ka enkawl tawh ang, ka mipa hmangaih hmasak ber ka tawng ka ti ngam ve ta.












(a tawp danah in duhthu a samlo ang tih pawh ka hria, mahse ka theih ang leh ka thiam Dan ang chuan ka ti ve tho a nia, chuan a tir atanga a tawp thleng a, min lo tui pui a, min lo chhiar sak thin vangin ka lawm em em vek e, a ngaihnawm miah dawn lo chung pawh a, min lo hre thiam a, min lo chhiar sak vang pawn ka lawm hle a ni, story thar, 'ka hmangaih' tih ah pawh min lo chhiar sak leh theuh turin ka ngen bawk a cheu)


Show post links
Top