MY LOVE BY Chhephaki Muani Muani (Completed)

[Ngaia]

MY LOVE










CHAPTER-13











BY CHHEPHAKI MUANI









coffee sa tha tak la khu deuh vut vut chu ka lek vang vang a, damdawiin pawn ground zau lo taka, tar ho awm deuh nak nak chu ka en deuh vang vang, nakinah Chuan tiang hian enkawl ngaiin kan la awm ve emaw, pialral kan pan tawh emaw a ni anga, nun lo hoh zia leh khawvel hi kan cham hlenna tur a nih loh zia a chiang hle.











Mi tu pawh in an dam khaw chhuah theih nen, hna thawk in retheih hlau leh ei leh in tlak chham hlau reng reng in hna an thawk a, mahse chung nghei hlau taka, pawisa thawk chhuak ni si in, in ren takin tam tak chu an khawsa a, ren lo taka hmang an awm laiin, mi reithei erawh chutiang lo takin, ren takin an hmang thung, hei hi ni khawvel awm chhan chu ni..











Then khat sum hmanna tur a buai miah lo leh hmang vak vak an awm a, chutianga tih tur nei ve lo te erawh chuan hah tak in, an thawk thung, min siamtu hi a ni he khawvel a, pawimawh ber chu mangan lai in a mah kan bel a, mahse kan mamawh loh velah kan hrechang leh tawh ngailo.











Mi tam tak chuan kei chu ka dil pawn min pe ngailo, ka tan a awm ve lo an ti a, ngati nge harsatna tam tak min pek bik tiin, mahni khawngaihna an nei thin, mahse min siam tu kan engkim kan ngaihtuahna leh kan hun lo la kal tur thleng a, rorel thei Tu hian, kan tana tha tur alo dah khiau tawh zawk thin..












Rin loh lamah malsawmna kan dawng a, kan tana tha tura a ruat hi kan hmu thiam thin lo mai zawk a ni, kan dil apiang min pe ni se, a mah hi kan hre chang hauh lo ang, a mah kan hnaih theih nan kan dil te hi min pe ngailo mai zawk thin alo ni, "kha enge ilo ngaihtuah a? " ka hnung lam atanga rawn ti tu chu hnung lam hawi chuan ka melh zeuh.












Min va han be ngam zawk tak, ka melh rawm rawm a, a nui suk duh chauh leh nghal a, "ka fapa a tha maw" a rawn la ti khanglang zui, ava han zak lo ber mai tak, "ka mit hmuh atang hian kal bo vat teh, I hmel kha ka hmu peih thlawt lo" ka ti hap, a nui hawk ringawt, ' bawihte nu a mak thin emai, in sum deuh teh" a tih phei Chuan ka luck lo chauh.












"Zahna hi pai ve deuh teh" tiin ka melh rawm rawm, ngah mah ngailo tih hriat zet hian a vei nuih deuh zuk, min tham loh hmel zet hian a nui bawk, "sawi ve mai la, min duh tih hi, min man tir loh danah khan a hriat vek alawm" a thusawi awihawm loh lutuk chu ka nui hawk, a zat vang erawh a ni hauh lo, mi rawn hnaih hrut a, ka hmai zawnah tak a rawn awm hmian deuh bawk.













Ka eu deuh zawk a, ka tawlh deuh rawk rawk bawk, chung te chuan a nuih a ti za emaw tih mai tur a ni, "ka hmeichhe lak atang khan kal sawn rang rawh" ti hmuk thawm vang chuan a nui deuh sawng lai chu a tawp deuh hmak, "ohhh duh lo ta ila" tiin Remruata, kan awmna atanga pen nga vel leka, kekawr ipte zen deuh tat chunga lo ding lam chu a hawi a.










kan bulah chuan muang chang chuan a kut a kekawr ipte a, a zen luh la chhuak miah lo chuan a rawn phei deuh zan zan, "min nek lui ngam a nih chuan a pawi khawp ang" a ti deuh hmuk, "ti khan lo in duat teh u, ka kal phawt ange, bawihtea nu ka kal aw" thawveng zet leh Remruata runluih tih hriat zet hian, a ban a vai zeuh a, a kal nal nal.













Remruatan rum deuh ngut chunga pan hnaih a tum chu a ban ah ka vuan deuh chat, "a ho lutuk kha tiang kha chu hriat thiam tur" ka ti vat, a hmelah chuan a lawm teh chiam lo tih a hriat, mi melh run run hnu ah, a thaw deuh hak a, "a rawn ti buai reng thin che em? " a ti hmuk, ka lu ka thing deuh nak nak a, "aih vawiin kha chu kan in hmu fuh ve mai mai lawm" ka ti sap.













"Haw ang, in hotute ka hrilh tawh, kan in ah chaw in rawn ei dawn kha" a ti deuh nghut, hepa em em hi enge a hriat le, ka melh kawk a, "chutianga ilo tih ngawt, kei min hmu duh chuang lo a, bawihpuia hruai la a ni mai lawm, I rawn dah leh mai dawn a" ka ti hlak a, kal ka tum lo tak tak, bawihpuia chiah a nia, ka tel ve chhan tur a awm lo hrim hrim..












"I tel ang" a ti duh lek chuah leh nghal, kan in hnial fe hnuah, ka tlawm ta ringawt, a tawngtheih dan chu e, mi hnialna tur alo hre leh zel a, ka dang lel mai lawm, ka room bik lamah chuan kan in zui lut a, "bawihpuia lo va ruai la ka hna kan zo phawt ang" ka ti tha leh a, " bawihi ka thusawi chu zawm mai rawh, in siam la bawihpuia chu kan lam anga, kan in ah kan kal ang" a ti ve tlat bawk si.













"I mimal nun ringawt i ngaihtuah a nih kha, damlo buaipui tur an tam lutuk" ka ti leh talh, "doctor I nih hma pawh khan i tello in an enkawl thei, tunah pawh doctor an tam lutuk ni khat lek I awm loh vang mai khan an buailo ang" ati ta hmuk, a sawi dik tho bawk si, hnial hnial mah ila ka hnial hneh dawn chuang in ka hrelo, a tawngthei si.












Ka doctor from chu ka hlip a, ka hman chu a ni der, melh rawm rawm chung in, "ka hman kal ang" ka ti hmak a, ka chhuak zui daih, a thu thu a min awm tir a tum a nih chuan a chak lo ang chu aw, eng anga police officer pawh ni rawh se, "ka nu ten hruai tel ve ngei ngei tur che in min ti, nilo se chuan ka hruai peih bik teuh lo che" kan kal pah chuan a rawn ti khanglang.











Ngei lutukin, ka kal lai chu ka ding chawt ka hnung lam a rawn kal deuh zan zan chu ka melh rum vak, "a nih te chuan i nu ka phone anga, ka pha mai ang, bawihpuia i hruai dawn tho a" ka ti chu a duh loh hmel teh e, " I nghal kha sim la, kha lai carah khan lut rawh" tiin kan bul lawk a, car dum tle nalh zet mai chu a kawk deuh va.














"Thu duh leh lutuk" tia phun nang nang chung chuan ka thu lut ve mai, motor kawngka chu dim vak lo hian ka khar deuh bur a, pawn lama ding chu a nui suk duh lek chauh leh nghal a, he mihring pa mai mai hi vhu ka haw ngawt mai, kan lo in hria hi a pawi ta ber, a rawn thu lut te chu rum thei ang ber hian ka lo melh deuh run a, hria ang pawn zuk han awm duh lo a.












Lungawi chiah lo chuan ka thu ngawi kur a, kan in kawt kan thlen chuan ka chhuak nghal vat, a ni pawh muangchangin a rawn chhuak ve a, kei erawh nghak pawh nghak lo chuan kan in ah ka chhuk san ta daih, in chhung ka luh hma chuan bawihpuia leh ka nu in chhiah rak thawm chu ka hre thei, an bengchheng ve thei pitu a nia aw.













Ka ngei deuh bawk nen, kawngka chu ka khar deuh kher a, ka lut ka nu in min hmuh chuan "kha in va rawn thleng hma ve ka rin aiin" a rawn ti nih chu chupa mai mai chuh alo hrilh vek tawh a ni maw, ava han che rang reng reng, kawngka in hawng ri ka hre zawm zat, in thlak turin room lamah ka lut nghal daih.












Ka ngei em em chhan ber pawh ka hre em em lo, ka ngei ve deuh tawp mai ni, ka sual ve hrim hrim zawk nge ni, nge ni a in neih tur chungchang vang kha, keimah ngei pawh hi ka in hre thiam tawh mai mai lo e a, in thlak sawk sawk in, tlema thawmhnaw hak nuam deuh, in chei deuh tho si zahawm tur ka ha a, khawlum chho tur nen, ka hmai bawl chi lo ni bawk nen, hmai pawh a glow theilo reng reng.








(current hi a chiang lo riau a, hmanhmawh deuh leh tawi deuhin ka rawn dah ta mai)


Show post links
Top

[Ngaia]

MY LOVE











CHAPTER-14












BY CHHEPHAKI MUANI







Remruata te in kan thlen chuan ka lut hreh deuh tlat pek a, Remruata leh bawihpuia an in pawm a, apa chuan eng eng emaw a zawt a, pakhat in chiang vak lo in alo chhang ve zel bawk, an hnungah chuan in thlahrun hmel tak chuan ka zui ve dat dat a, in chhung kan luh chuan sitting room ah apa alo thu a, a phone chu a bih deuh run bawk, a keng zeilo em em leh nghal a.












"Pa kan lo thleng khawnge ka nu hi? " tiin apa lam chu an pan a, ka pan ve mai bawk, "e kha in lo thleng maw, I nu te chu ei siamin awmpui te bulah a vir buai ve ngang mai" a ti a, a tupa a fapa in a pawm chu alo pan deuh vat, bawihpuia lah chuan a nel nghal mai mai khawp a, a duat tute hi chu a hai mawlh lo, " ti khan lo thu rawh, ka nu chu kan au ange" tiin choka lamah Remruata chu a lut nghal a.












"Zomuani maw I nih kha? " Remruata pa chuan a ti a, a tupa phone chu a pe nghal zat bawk, "aw ni e" ka ti sap ringawt, "umm I nu khan min lo hrilh tawh a, doctor maw I nih" a ti leh zel a, ka nih thu in ka chhang leh tawp ringawt, "Umm ka u fapa hi lunglei lam mi a nia, tunah lunglei lamah damdawiin ah an awm a, nangmah kan han bel chiang che a, I thiam thu hlir kan hria a, nikuma hmeichhe pakhat a thluak a thi tling i zai hlawh tlin sak thu kan lo hria a, nang hmelhriat tha hnai vai ah tiin, engtia tih chi nge ni ang" a tih chuan min zawh danah chuan ka zai an phut deuh tih chu a chiang reng.











Ka vanneih vanga kha thil pawh kha ti hlawh tling mai chauh ka ni, "ahh ka hre thiam bik chiah lo le, a nat dana zir a ni ve a, a taksa a in fit that te a ngai a, a serious leh serious loh ah a in nghat ve tho bawk" ka ti dap dap a, "um a nih chu mawle, kan han beisei deuh ngawt che a, naktuk lamah hian aizawla in admit turin an rawn hruai dawn a, chu chu min lo buaipui sak hram thei la kan va ti em? " a ti ban charh a.











Ka in ring tawk chiah lo, bawihpuia pa chhungte an ni a, ka ti sual a nih chuan in hmelmak a awm lo a nih pawn, keimah ka in thiamthei ngai dawn loh vang a ni, "ka van hrethiam chiah bik lo em, kei hi chu eng vak mah ka nilo a, doctor tha tamtak pawh kan damdawiin ah an awm alawm" ka ti ve tak na in, a mitmengah chuan aw tia chhang turin min duh hle tih a hriat hle, thawk ka la hawk a, " kha enge in lo sawi a" tih ri a rawn rik takah chuan chhang tuma ka kâ ka an zuai tawh chu ka thulh leh ta zawk.











"Eng nilo e, hei mama chungchang kha ka lo sawi pui mawle" a tih chuan a nupui chuan "aw a ni maw, Nang hi kan pa hian a ring nghal bur mai si che a, min lo buaipui sak hram mai ta che" a ni pawh chu aw, a hnunga ding Remruata chu ka melh a, min chhan zawnga tawng pawh a tum hmel loh, hnial reng ka hreh ve bawk si.












"Ahhh ole ka lo tum dawn a Nia, mahse a nat dan kan la hre silo a, dam leh thih in kar tak meuh meuh a ni bawk nen, engpawh thleng thei a ni, theih tawp chu chhuah ka lo tum dawn Nia" ka ti ta ringawt, midang kutah awm zawk se tih rilru ka la pu fan, "ti ru bawihpui i ei tur tui tawk ka siam a Nia" tiin choka lama phei turin min ti nghal zat, "aw rawn chawi phei tir ta mai la, titi pah in in ei ho ila" an pa chuan a ti ta zawk a.












"Ni dawn tak e, pi Mawi pi Mawi ei tur kha rawn chhawp phei zawk mai ula, tah hian kan lo ei ange" tiin an awmpui ni awm tak chu a au deuh lang lang, nu harh vang tak chu ala nih mai hmel e, a aw pawh ala tha khawp mai, "bawihpui apa nen kan bazaar dawn em niang, saw laiah sawn" tiin an in thlen hma deuh a, bazaar lam chu a kawk a.












pakhat alo phur khawp mai, "ti khan lo in kawm ru, kan va kal lawk ang" tiin Remruata chuan a fapa chu a pawm chhuak daih zui, keimah chiah in a nu leh pa hma chhawn turin min awm tir a niah, a chak lo khawp ang mawle, "I hna lam te a hahthlak viau loh maw" tia Remruata pa in min xawh chuan "umm ahhh... hahthlak ve tho a chang chuan mi zai tur kan neih hian a hahthlak zual a, a bakah chuan keimah ah chuan ka tuina lam a nia, chutianga hahthlak han tih em em ka nei hran lo" ka ti deuh duah.











A bu vei nghat nghat, eng eng emaw kan sawi nual a, Remruata pa erawh a tawng leh tawh lem lo, a nu nen chuan bawihpuia tet lai chungchang te, ka phone a, a nausen lai thlalak te chu ka hmuh ve bawk a, rin ai takin, nuam ka ti vei phian zui, darkar khat dawnah an pafa chuan an rawn in pawm lut leh a, ka rin ang ngeiin Remruata chuan eng emaw hi a rawn khai haw.











Eng emaw tak chu lei a ngem leh a ni hrim hrim ang, "kha in pafa chuan enge in lei a" Remruata chu chuan a ti nghal zat, "Toys a nih hi, duh a neilo lutuk a, a duh awm chhun kan lei ta tawp a nih hi" a tih chuan ka awih lo ngang mai, kan bazaar chhuah apianga duh nei tam thin em em kha a ni miau a, a zak te pawh a ni mahna, a hmuh ngailoh a ni nen, nel nghal em em mahse, a lung fing ve tan tawh a.











"Kha mi te chuah kha maw" a nu chuan a lo ti, "aw a nih hi, a dang ila duh chuan sawi la ka tia, kan rei phah a, a duh ka zawh ngial pawn, ka neilo a ti ve tlat a" a ti leh a, nuih a za reuh zek, "chaw ei lam kan hnaih mai dawn em niang, Zomuani te an haw na tur ala hla si" khua a thim dawn tawh a, chaw ei chu a hun ve tawh tho mai.









"Enge bawihpuia hian a ei duh zawng" tiin Remruata nu chuan a ti a, dawkân kil pah chuan "ei duh loh vak a nei em em lo, a rem rem hi kan siam sak tawp zel" ka ti a, a ni reng bawk, duh loh vak hi a neilo, chaw a ei tha a, nepnawi ei mai mai ka phal ngailo bawk nen, chaw hi chu a thlah khat viau bawk, a damloh hi chuan a ei nep ve deuh a, a thlah ngai vak chuanglo bawk.











Chaw ei kham chuan sitting room ah bawk chuan kan thu khawmuang leh a, ka phone a rik vang chuan "kan chhang lawk ange" tiin a piah deuh tv en na, an pindan deuh ah chuan ka phei a, damdawiin lam atangin a ni, "hello enge ni ta? " ka tih chuan lehlam atang chuan "e Doctor kan pu in, lunglei lam atanga an rawn sawn phei damlo, a thluak a thi tling zai turin a duh che a ni awm e, lo bia la, zanin ah lo kal rawh se a ti" a tih chuan ka thaw vak.













Ka duty loh ni ni pawn, hna ka nei deuh reng mai ni, lunglei a ti em ni khah, "awle ka rawn kal nghal ang" tiin call chu ka dah a, sitting room ah chuan lut phei leh in, "a pawi ka ti khawp mai, han in kawm rih deuh pawh a chakawm viau na in, hna lamah min rawn be thut mai a" ka tih lai mek in, "aw kan lo hria alawm, ka u fapa chu a nia, natuk lama rawn phei tur kha, vawiin lamah an rawn phei chuk chuk ni awm tak a ni, kan hre ve deuh chiah alawm, keini pawn" Remruata pa chuan a ti a..












"Lunglei doctor ten an sawi dan chuan zai vat a ngaih thu an sawi a" a ti leh zat, "Remruat bawihpuia hi lo va thlah mai la, keichu ka tlang nghal mai ang" tiin Remruata chu ka melh a, a thutna tanga ding deuh vut in, "ka nu te pawh an tlan phei nghal dawn a, an rualin kal la, keipawh bawihpuia ka dah hnu ah ka rawn kal ve nghal ang" a tih takah chuan taxi chan chawp ai chuan ka remti ta zawk.













In siam hranpa vak an ngaihloh thu an sawi bawk nen, an car pakhat zawkin, ka thawhna damdawiin lamah chuan kan tlan phei nghal a, Remruata te erawh kan kalsan ta thung, an ni chu hmanhmawh chhan tur an neilo bawk a, "aw ka rawn thleng tep, doctor Judith kha lo hrilh la, a nat dan leh a taksa awm dan lo enfel rawh se, zai ngam a nih leh nih loh" tiin doctor night duty ka hriat awmchhun chu ka hrilh ta ngawt.













Rei vaklo ah kan thleng ve ta mai, rang takin damdawiin chhungah ka tlan luh San nghal a, ka hmanhmawh em em chhan pawh ka hre chuang lo, mahse kan pu in nurse min lo call tir hnena hmanhmawh tura min rawn tih reng vang a ni pakhat, I. C. U kawtah chuan a chhungte ni ngei tur an lo awm bawk a, an ni chu kal pel in, I.C.U room chhungah ka luh san nghal.












Doctor Judith chu alo awm ngei, "doctor tunah zai nghal a nih loh chuan a pawi thei tlat, in zai chu a zo ngei anga, mahse tuna tih nghal rum rum a ngai thung" alo ti zung zung a, "awle nurse in zaina tur lo buatsaih ula" tiin ka hak tur thuam an lo dah sa chu ka in bel mawlh mawlh, mask vuah leh in, pawnah a chhungte hmu turin ka chhuak leh nghal.













"Tunah zai nghal rum rum a ngai dawn a, enge thleng ang tih chu ka hrelo, engpawh thleng thei a ni, pathian kutah in nghat tawp mai ila, min lo tawngtai pui dawn Nia" ka ti dap dap a, a nu ni ngei tur chu a mittui a luang tih ka hmu thei, Remruata nu leh pa lo thu ve chu ka melh zeuh a, min lo en dun kar a nih chu a zam awm rum rum mai lawm le.












Doctor Judith lo chhuak chu "doctor min puih mai angaih hmel, midang han pun tur an awm mai silo a" ka ti a, a pu deuh nghat ringawt, a chhungah bawk a lut leh ta daih, nurse pathum an rawn kal belh bawk a, a chhunga awmsa nen, mi paruk lai an ni, ka rilru chuan ka tawngtai deuh mawlh mawlh tawh.









darkar3 hnu ah








Thaw chhuak deuh ham ham chung chuan muang changin, ka kutkawr bun chu ka phelh a, ka mask vuah chu phelh leh zat in, bawlhhlawh bawm awmah chuan ka paih nghal zat, in zaina hlawhtling tak kan nei a mahse a harh chhuah hun tur hriat a nilo thung, pawnah chuan doctor Judith nen kan chhuak a, kan hnungah nurse thenkhat in min zui bawk.












An chhungte chuan min lo pan deuh sap sap a, "engkim tunah chuan a tha rih e, mahse a harh chhuah hun tur kan la chiang ngam chiah lo a, I.C.U ah ala awm a ngai rih bawk ang" ka ti a, thaw huai hmel an pu hlawm, lawmthu tr chu min hrilh deuh sap sap hlawm a, mahse nuam ka ti hauh lo thung, Remruata chuan chhuan hmel takin, min lo melh a, ka melh tih a hriat rual chuan a nui deuh suk bawk.









(a thuika kut a mu chum chum a Nia aw)


Show post links
Top

[Ngaia]

MY LOVE











CHAPTER-15











BY CHHEPHAKI MUANI








Karkhat a liam leh meuh chuan Remruata pa unaupa fapa Mama an tih pawh kha harh chhuak chiah lo mahse, a taksa a tha chak hle a, a bul hnaia awm te tawng pawh a hre thei tawh a ni, palai lam an sawi ri reng a, Remruata nen pawh in pawh tawh viau mah ila, in ngaizawng kan nilo a, thian ang bakin ka en rih meuh lo, ka duh tih chu ka pha hauh lo, mahse midang tam tak pawn an duh ve tho a, duh satliah a hmel leh a pian vanga duh mai ah ka in ngai.












Ka sawi tawh kha, pasal neih ka tum ngailo a, bawihpuia ka tulpui thak ang ka ti kha a ni, mahse hringnunah hian thil thleng tur pakhat mah hi kan thu a nih loh zia leh mihring thuthlukna leh tum ruk te chu engmah lo mai a nih zia a chiang hle bawk, ka nu in nei turin min duh a, ka hnial zel na in, ka hnial theih loh hun a thleng ngei ang, tunah rih chuan chhuanlam ka la siam zel thei zawk a.












Pasalah nei ta ila chuan mizorama hmeichhe vennei ber zinga mi ka ni hial awm e, Remruata lah police officer lar ve tak alo ni a, a pian leh a hmelah ringawt pawh mizo mipa a, lar ve pawl tak a ni a, bakah ka sawi tawh kha a mah hi chhelo sa hrim hrim leh pa an tih ang chi ni bawk mahse, mizoram police dul hmahruai ngah zet zet te zinga mi a ni bawk nen, a lar lo thei lo a ni











Thawk khat lai pawn, a mah vang hian an buai deuh nak nak ni awm tak a ni, a ho hi kan ti mai mai khawp a, pa Rinpuia lah chuan ka nute te bulah Remruata fel thu hlir alo sawi chamchi a, ka bulah ngei pawh nei tura min duh zia a sawi fo bawk, hei vang hian ka chhungte hian a tur in min tur deuh ti tih tawh a.












"bawihi zanin ah palai an lo kal dawn a, rawn thlen hma tum ang che aw, Remruata a hmanhmawh deuh hlek a ni awm e" a tih chuan ka hawi phawk ngang mai, kan Lalremruata mai mai chu aw, ava han chak dawn lo tak, ka neih duh loh thu ka sawi mawlh mawlh a, a kal tlang pui luih talh le.











Mood dik zanlo chuan damdawiin lam chu ka pan a, ka thlen velah Mama an tih Remruata chhungte lam chu ka pan nghal a, "kha enge a an zel alo tlangval ve sawt tawh em? " ka mood fuhloh na te dah tha in, ka nui lut sang a, anu in alo awmpui hi alo ni, alo hru fai vel mek bawk, "aw hei nizan khan a kut a rawn chet a, Nang I duty silo a, doctor Judith khan a rawn endik a" alo ti sawk sawk.













"Awle a nih chu hmasawnna hmuh zel in beisei phawt ang" tiin a dinhmun in ziahna file leh a damdawi ei dan chu ka en leh a, " a damdawi ho hi kan pe hniam rih anga, tunah chuan a hma a kan pek ang pui pui khan a ngai tawh lo ang, chuan oxygen hi kan pelh bawk dawn nia, mahse tlailamah chauh aw" ka ti a, a nu chuan lawmthu min hrilh leh mawlh mawlh taeh.












Nitin ka endik apiangin, lawmthu min hrilh awllo a, nuamlo ka ti letling zawk hial a ni, "hei hi nurse lo thlen velah ilo pe dawn nia" tiin paper ah chuan eng eng emaw ka ziak a "a damdawi ka thlak a, a pek dan tur a nih kha" tiim ka chhuak nghal, room ah bawk chuan lut leh in, thuthlengah chuan ka thu thla deuh hnawk a, pasal nei tur anga ka in ngaih ringawt pawh hian ka zuamlo a ni..











Wards fan hma minute tlem ala awm tho bawk a tiin, ka in ngaihtuah kual nasa hle a, damlo in entir ka kuta awm ho chu doctor dang kutah ka dah mai ang, vawiin chu ka rilru ka pe thei in ka ringlo, ka rilru buai kual nasa lutuk chu ka ning lek lek tawh zawk a ni, "kha enge ilo ngaihtuah veng veng a" doctor Reuben chuan a rawn ti lut a.











"ahh eng nilo e, thil dang daih ka lo ngaihtuah alawm mawle enge ni ta" tiin a lam hawi chuan ka in siam rem a, "naktuk zan hi ka night zan a nia, mahse kan chhungte phai lama awm an rawn haw dawn a, chung vel chu airport atang in hruai haw an ngai a, midang an awm mai bawk silo a, vawiin nen kan in duty thleng mai theih ringin, ka rawn dil tawp che" a tih chuan ka lawm rilru hle.












"o a ni maw, theih loh tur thu a awm hlei nem" tiin ka lo chhang a, thawhuai hmel a pu, "a nih i duh hunah haw mai la, khawi vawiin lama i hna awm chu ka lo en" tiin min dil a, file ho chu ka pe vat, " tih tur a tam riau a, wards tar lam awmna hi kan kal kual anga, a bak chu damlo in entir tur vel buaipui a, wards fang a ni leh mai" ka tih chuan alo pawm ve mai.












"Tam pawh a nih loh hi, a ho lutuk kan hna ve hrim hrim a nia, doctor nih hi chuan hna hi a awm reng zel a nia" a ti a, dik ka ti ve tho, mihring kan nih chhung hi chuan damlo leh enkawl ngai an awm reng dawn, nat lawkna neilo a, accident tawk te pawh an awm reng dawn, chuvang chuan kan hna a nihna anga, phur taka tih zel mai bak hi chu kan tih tur a awm teh chiam lo.












"A nih ka kal aw" tiin a chhuak nghal a, keipawh tar awmna lam chu ka pan a, hmanni khan putar pakhat thi in a chhuak a, a hnu lawkah, puthar ti ila tar lutuk tawh silo an hruai chhuak a, pathian zarah enkawl em em ngai hranlo in a awm ve thei a, mahse a tar ve tawh baek a, buaipui ngaihna chu ala awm tho awm e.


Show post links
Top

[Ngaia]

MY LOVE










CHAPTER-16










BY CHHEPHAKI MUANI






Ka pi te ho ka en zawh hnu ah, Remruata biak ka duh vangin, a thawhna kulikawn outpost lam ka pan a, eng ber nge sawi ka tum ka hrelo, in neih ka duh leh duh loh pawh min zawh loh vangin, ka va thinrim ang nge, ka hre thiam tawh teh nuai lo e a, va be phawt ila, sawi tur leh ka rilru a awm ka sawi chhuah theih siloh alo lang mai tur ah ngai ang.













Police station ka thlen chuan ka hreh leh deuh bawk si, a thawh pui te hma a, va biak ka duh thu va sawi em ai chuan tiin ka phone ka la chhuak a, a number chu ka ring nghal zat, a tawp dawn tawh maw tih ah ala ta hram, a lak rual rual chuan "in office kawt ah ka awm, in biak kan ngai" ka ti nghal hmak a, ka off nghal daih.











REMRUATA POV* TI ZUAI ANG AW








File ka ziah laklawh em vang chuan constable pakhat ka bula ding chu "Sawma ka phone kha min lo pick up sak lawk ta che, loudspeaker ah i dah nghal dawn nia" ka ti a, constable ho nen hian thian ang tak tak vekin kan in en a tih theih ang, mahse min zah a ngaih hunah erawh min zah thiam hlawm fu, Zomuani ngei a ni, chunu mai mai chuh.











Hmeichhia si hi, a kawlhrawng tak tak a nia aw, a thu rawn sawi dan ah lah khan thu min pe ang chiah a nih vangin, ka thawhpui te chu an nui deuh tet tet a, Sawma chuan "boss chu kei nin nang kan boss che a, nangin Tu emaw i boss a ni ve thung a ni maw" a tih chiah chuan an nui hak hak hlawm, " Sawma drugs vanga thi OD pa case kha lo chhui chiang ang che, a chhungten a thihdan an rinhlelh vanga an rawn report kha" ka ti a, ka chhuak nghal nulh bawk.












Pawna kan station kawta lo ding reng chu ka melh vang vang a, kawlh viau lo se chuan hmeichhe perfect tak a ni ang mawle, a that overna a awm miah lo, hmeichhe dang a mah aia hmeltha leh chhelo pian thiam tam tak an awm reng, mahse a nungchang hian min hip bet tlat ka ti mai, ka lakah lan that a tum ve ngailo a.










Ka duh loh hlau angin a khawsa ve ngailo, ka mitmei veng rana, in lak no kual a tum ngailo, a in ti no ve hluak lo a, a awm mawl ve tawp a ni mai, a bul berah chuan a tawngdan te, a tawngkâm chhuak te, a mizia te hian min hip tlat a tin ni, hmeichhia hi ka pan hmasa ngailo a, thil pek chu sawi loh, hmeichhe tan engmah ka la leilo hrim hrim a nia.











A bul ka thlen chuan min lo melh rum khawp mai, ka sawi tawh em, a thinchhiat dan chu pui tak a ni, "khati raw raw khan min melh nghal ngawt lo la" nui suk chung chuan ka ti a, "engvanga palai rawn tirh tum ngawt nge i nih" a rawn ti ta chiah, a rawn kal chhan a ni dawn tih ka hre lawk sa hrim hrim, "tir rawh u ka ti lo, ka chhungtr duh dan a nia" a mah nei duh lo ve tho ang tak chuan ka ti deuh hmuk.












"Ilo hnial thei reng, I duh loh zawngah chuan I tih luih theih loh tih an sawi ka hre vek" a rawn ti chu a hma a, sawi fuh ka in tih ve na kha a bo hmak, "bawihi ka fapa hlata ka awm duh reng I ring a mi? nang hian ka fapa hi enkawl I duh a, I kianga awm tir I duh bawk, chutiang bawkin kei pawn, chuvang chuan kan in nei mai ang, chuan tuman enkawl hrang lo in, kan enkawl dun thei ang" ka ti a.













A duh loh hmel nasa mai, "I duh chuan ralkhat atang pawn I rawn enkawl thei reng" a ti leh talh a, "pa hmangaihna dawn tir a, ka kianga chen tir ka duh, in neih I duh lo a nih chuan dan ang takin, ka fapa hi ka enkawl mai a ngaih hmel" ka ti a, a meng kawk mai, "chutiangin I ti ngawt theilo ang" a rawn ti vin deuh that, kan awmna police station kawt mai a ni bawk nen, thawm chu a dim lo ka ti ru viauna in, ka sawi lemlo.












"ka thusawi ka hlen ngei ngei thin, chuvang chuan kei min neih a, bawiha enkawl chhunzawm nge? dan ang taka I lak atanga ka lak hran I duh zawk" ka ti hmak a, tianga ka tih loh chuan a pawm thei dawn lo tih ka chiang henu hi chu a luhlul ve reuh lutuk a, a buaithlak "a thleng lo veve ang" ti hmak in, a kal tau deuh nghawng nghawng a, a hnunglam atangin ka nuih suk.













Tlemin han lian ve deuh se tha tur hi a nia, naupangte hi a ang thin lek lek, a thinchhe lutuk te hi niang a than theih loh na, a nu en kha chuan han te tur zawk zawk chu ani lo, a u pawh chuti tho, ka thil ngaihtuah tullo zet chu lu thing deuh nar nar in, ka lut ta zawk a, "hei sir hei hi lo chhui tura min tih kha a nia, a ruang bul velah han rinhlelh tur emaw, han chhui tur em em a awm hranlo.













Chuan drugs kha a mah ngeiin a, ti a nih a rinawm hle bawk" a ti a, kei erawh chuan ka awih lemlo, drugs vanga thi an tam tawh lutuk mah mah, an banah mihring hâ alang kuau zel bawk, puitling hâ ngei a ni a, mahse Tu tih nge tih erawh chiang takin ala hriat loh thung, tualthah ngei a ni tih keimah ah hian a chiang em em chhan ka hrelo.












A hma lo tual thi tawh ho thlalak an bana sehna hnu hma vel te nen chuan ka en kawp kual vel a, chuan heng ho hi an birthday ah zel an thi bawk, chu pawh hmeichhia hlir an ni bawk, engvanga hmeichhia hlir tum nge a nih ang, an birthday ni ah chiah chiah an thi zel mai te pawh hi thil mak tak a ni.









"Sir thil mak tak a ni, heng ho postmortem result kha ka en kual a, an thih chhan leh an nat dan te pawh a in ang vek, chuan " a tawk i kal thei ang" tiin ka kal tir a, file vel chu ka enkual nasa hle bawk, a hmun hma vel a hma a, record an lo neih tawh sa lah engtia bo nge tih pawh hriatloh in a bo hmak bawk a heta ka thawh hma a thil thleng a ni bawk nen, ka lo ngaihven lutuk lo kha a nia..













Tun hnaia pawi khawih Tu hi a fing takzet, hnu hma kan chhui theihna tur emaw kan rinhlelh theihna tur engmah a hnutchhiah duh hauh lo, engkim felfai takin a kalsan zel bawk, mahse ka zawng chhuak vat anga, hremna a pum pelh hauh lo bawk ang, mizorama thil thleng a tan chuan a nunrawng mah mah in ti maithei













Mahse Tun ang lai khawvelah hi zawng kan rama thleng ngailo leh kan hriat ngailoh a thleng zut tawh a, mahni aunau emaw chhungte ngei that a, mahni nupui ngei that te, misual ruk ru pawn, chhungkua an thah rem vek tawh tr pawh an awm, thleng lo tura kan ngaih kristian ramah hian tiang tualthahna rapthlak tak tak hi a in dawt zut tawh..











Hma lak vak ngaihna awm rih ta lo chu hma han lak dan mai pawh hriat thiam a har ve hle, tuna a thah tak tr hi hmeichhia kum20 hnuai lampang an ni a, an birthday ni in a that vek bawk, an taksa ah pawikhawi Tu hnu hma emaw, finger print hmuh tur a awm lo bawk, ka phone ri dawhkân a awm chu ka la vat, ka nu alo ni "aw nu enge ni? " ka ti vat, min rawn call buai ngai silo a, ngaih a tha lo lek lek.












"Ahhh eng nilo e, ilo haw tep tawh em? " a tih chuan ka nui hawk, ka hna thawh hun time a ni tih a mah bak bak a hre chiang an awm awm lo e, "nu " ka ti hlut a, " aw sawi tha ve mai la aw" a ti vin deuh hlar a, "sawi la thil thleng a awm em ni" ka tih chuan a awm loh thu in min chhang a, nupui ka nei ve tawh tur a phur lutuk vang a ni tih ka chiang hle.













"Ipa pawh alo haw tawh" a rawn ti leh a, ka nui leh hawk, ka nu leh pa em em thin hi chu aw, "mam ka lo haw tep ka rawn haw hma ang" ka ti a, a phur hmel viau mai, "ka dah phawt aw, tih tur dang ka la nei tlat" tiin kan in biakna chu kan ti tawp ta a, "sir kulikawn traffic point bulah khan buaina a chhuak a, an ti tawp theilo a ni awm e" a rawn tih chuan ka ner deuh sawk.












"Motor la chhuak ru, kan kal nghal ang, mi panga velin min zui se, a bak kal a ngailo ang, tianga khawsa tr tih dan ka hria alawm" ka ti a, a kal nghal vat, ka police lukhum chu khum tha in, silai chu ka pai nghal a, tiang chu la leh in, ka chhuak nghal zat, kan chuan fel rual chuan kan tlan chhuak nghal a, a hlat lutuk loh vangin, kan thleng thuai, au rinna hmang chuan "mipui te kha lo in thiarfihlim hram turin kan in ngen e" ka ti a.











Kan kal kiang mai lo, a laiah chuan mi10 dawn an in sual ni awm tak a ni, "mipui kha lo kal kiang rawh u" fiah tak, nawr luih theih loh tura khauh chuan ka ti chang deuh fak, ka sawi zawh rual chuan an kal kiang ve mai, "tiang in sual buai lek thelh theih loh, an rawn sawi rapthlak nen nen" constable pakhat chuan a ti deuh nuah nuah a.












Ka ngaihdan chiah a ni, "in sual te kha hnaih lo tura thu pek a ni" ka ti leh hmiah, "sir kan thelh dawn lo a mi? " an tih chuan "an zu ruih vang a nih saw, ti sawn in sual rawh se, thil tih chhiat tur a awm chuanglo, an mahni bawk an na dawn, in thahna em a thleng lo ang, an in chhir theihna turin kan siam an ngai alawm, kut thlak ngawt theihna dan tiang case hote ah kan nei silo a, ti sawn an mahni leh mahni saw in ti na se, an in sual tawh lo mai ang" ka ti a.













A dik reng bawk, ho te vangin an in sual a, tullo puiah an in ti na a, hlawkna pakhat mah a awmlo, rei fe an rik sawk sawk hnu chuan "in sual hun a tawp" ka ti deuh hmuk a, ka au ring bawk a, an tawp chuanglo na in, an thawm a ring lo deuh, "in in sual leh chuan kut kan lek tawh ang" ka tih leh chuan an tawp ve mai, "an vai hian station lamah hruai tur, a hla lo bawka, ke in chhhawm chho rawh u" ka ti a.











Keiin hnung dawl ka tum thung, constable motor khalh thla tu chu melh in, "motor rawn khalh chho leh ang che" tiin a hnung ka dawl a, tuman tlan chhuah emaw an tum lemlo, station kan thlen chuan an ruih a reh deuh tawh bawk nen, chhuatah chuan ka thut tlar tir a, an in khawina ve thawkhat hlawm hle, mahse damdawiin luh ngai khawp a na an awmlo, an in hneh tawk ve viau hlawm em a.











"Nang I in sual khan enge i hlawh chhuah le" ka ti a, an hma ah chuan chiar ah thu in, hahdam hmel zetin ka thu bawk, a ngawih vang vang hnu ah, " engmah" a rawn ti hmuk, ka nui hawk, " a dik lo deuh, na i tuar phah, in in sual khan kawngro pakhat mah a su lo, a thatna a awm heklo, tawngkam tha a awm, sawifel mai theih a ni, in buaina chu ka hrelo, mahse zahthlak khawp a, cheta mahni in tih mualpho kha sawtna a awmlo" ka ti hmuk a.











zan khat riah tir ve reng reng a tha ka tih vangin, "Sawma hengho hi, zanhnih emaw zankhat riak rawh se, chuan naktukah ka be vek duh ang, tuman an la chhuak thei tur a nilo" ka ti hmuk a, a bu zeuh "ti khan in ruih a reh hunah ka be duh ang cheu, zanin chu in riak khawm ang" ka ti deuh hmuk, an in sual leh tawh loh nana, ti mai ka ni.










An in sual laia, kan zuk thlen khan thelh nghal ngawt ila, case tham a nilo a, an kal leh mai ang, hmun dangah thinrim na in a luah tawh te an nih vangin, a aia na a, an in khawih leh ka rin vang a ni, mipa rilru a ni a, tlawm zawka tan hreh theuh kan ni, ka phone a rik leh takah chuan ka room ka office a ka dah chu Sawma la tur chuan ka hrilh a.












Constable ho thutna ah pawh ka thutna tur awm tho mahse, buaipui tur emaw, chhui ho tur leh eng eng emaw file sign ngai a awm te nih loh chuan an bulah ka thu chhuak khat viau, mahni a awm a hmuchhui hi nuam ka ti zawk, ka rilru ka hman theih phah zawk vang a ni, "sir Tu emaw" a ti nghal ngawt a, ka hre thiam nghal mai,


Show post links
Top

[Ngaia]

MY LOVE













CHAPTER-17











BY CHHEPHAKI MUANI











In ka thlen chuan veng chhung a kan chhung khat te pawh an lo awm nak nak, ka nu leh pa auh khawm a ni tih hriat reng reng, "in va kim teh thawp ve" ka ti lut a, ka cousin fapa min nel tu ber chuan min lo pan leh chat tawh, "e kha bawiha ilo thleng maw, hei ka u hi a phur lutuk a, min rawn phone a, rawn phei vat rawh a rawn ti chuk chuk mai" ka nu u chuan nui deuh hak hak chung chuan a ti a, keipawh ka nui ve hak..













"A awm ve tho lawm, hei a senior tawh bawk sia, hmeichhe lam a ngaihsak lo sia tia bialnu a nei a, nupui a nei tur hi a awihawm loh lam hret alawm, a fapa fa ala ni zui" ka nu unaunu pasal chuan alo ti ve leh an nui dar dar mai, "zanin chuan tutu nge tirh in tum a? " ka cousin Trinity a doctor a hna thawk mek chuan a ti a, "ele hei Zuali pasal leh thenawm upa ve lam tawh leh nang i kal bawk anga" ka pa chuan a ti a.












Zuali a tih hi ka nu unaunu kha a ni, an pa hi postor ni reng reng thin a nia, hmun hrang hranga sawn kual reng an nih thin vangin, an nu hrisel lo nen, a bansan ta kha a nia, "ti khan lo in kawm ru, ka han in thlak fel ve lawk ange" tiin ka room lamah ka chho a, in bual chu duh viau mah ila, ka chhungte ho an la awm kim bawk nen.











An haw hunah pawh in bual mai pawh a pawi ka ti ta lo, room ka lut chiah tih in ka phone a ri a, Sawma constable alo ni, "aw hello thil thleng a awm em ni? " ka ti nghal vat, "awm hranlo mahse sir vawiin tlaia in sualte zinga an chhungte rawn kal an awm a, lak chhuah kan ka phal loh thu ka hrilh a, a then chuan an pawm ve mai a, mahse kan aizawl pa hausa fapa alo tel ve a niang, lak chhuah an tum tlat a" a tih chuan..











"ka hming sawi la, ala theih loh thu hrilh rawh, ka huat zawng taka an chet avang leh an mahni ka chhui chianna a, veng dang ah pawh a, mi tih buai tur an zawn reng thin vangin, zilh deuh hlek emaw hrem deuh an ngai, an pawm duh lo a, an lungawi lo a nih chuan an mahni zawk kha an mualpho let zawk thei kan tan engmah hlauh tur a awm lo" ka ti hmak.












Lalduhsanga a ni a, apa hi aizawl pa hausa a ni, ka chhui chiang a, a hma pawn case teh nau, buaina siam vanga an man chang a tam hle, an thil tihtheih na vangin a chhuak leh mai zel ni awm tak a ni, chutih laiin a in sualpui te ho erawh zan khat emaw karkhat an awm thin, a thiante nen an fihlim leh mai zel thin chu ka haw hle.









Neih thil hmanga tianga che thin hi case lian tham nilo mahse ka huat ber a nih vangin zilh hlak a ngai, "awle sir, mahse kan hotute hian an hlauh tlawn sia, min dem zawk ange" a aw ah chuan a hlauh hmel ve deuh, "lungngai suh, keiman mawh ka phur vek ang" ka ti hmaih thung, in sawi theihna nilo se, kan hotu lu lamah hian ka hna ka thiam vang leh ramdanga police officer ka lo nih tawh thin vangin, ka lakah an lungawi ngam ngawt dawnlo, bakah dik ni a ka hriat ah chuan ka tang mai thin.












Tu mah hlauh ka neilo a, dik nia ka hriat ka tan thin a, diklo nia ka hriat chu ka do mai thin, kan hotute pawh ni rawh se, an hlauh tlawn vang mai mai a, chhuah tura min ti a nih chuan an ti sual viau ang, "bawiha lo chhuk teh be duh che an awm" tiin ka nu chuan ka room pawn atang chuan min rawn au a.











Ka in thlak fel awrh chauh a ni, "aw nu lo zuk chhuk la, ka rawn chhuk ve nghal dawn nia" tiin ka lo chhawn vat, ka phone chu la kang in, ka kekawr ipte ah chuan ka ak nghal a, ka chhuak ve nghal zat, in hnuaia ka chhuk thlak a, sitting room a lo thu te ka hmuh chuan ka ner deuh sak, ka chhungtr nen an lo in kawm a, naupang ho erawh thlang lam varanda ah an in fiam thung.











"Enge ni ta, kan in thleng thleng a in lo kal chhan chu a pawimawh viau a niang maw? " tiin an in kawm khawmna lamah chuan ka thu phei ve nghal a"ahh aw nia, sawi nuam chu a ni chiah lo nangin" a ti a, a chawl dat, a nupui chu melh in, ka chhungte chu a melh kual leh tete, "sawi rawh engmah han sawi hreh na tur a nilo, ka chhungte hi chu lo angah ngai la" ka ti hmiah, a sawi tur ka chiang bawk a, hre ve mahse a pawi hranlo.













"Kan fapa chhuah tir ilo phallo a ni awm a, keini chhungkua chu in hre tho anga, mizah kai leh mi hriat pawl kan ni ve bawk nen, mualpho taka in siam ai chuan tiin kan rawn ngen tawp che a ni" ti chung chuan pawisa tam tham zet mai hi a rawn phawrh a, ka nui hak, mahse a zat vang erawh a nilo chiang hle.









"ka pu ka zah viau na che in, keihi mi diklo tak te sum hmanga chhuah zalen duh turah min ngai em ni? sum hmanga tham lungawi chi ka ni ve hauh lo a nia, in fapa chu naktukah a rawn chhuak mai ang, mualpho in hlau a nih chuan in fapa hi tha takin enkawl ta cheu, mizah kai in nihna in hlauh hma hian, in fapa sualna chu sum hmanga thup tum lo in, zilh ula, siam that tum ta zawk cheu" ka ti hmuk.











Ka chhungte erawh an lo ngawi reng thung, ka pa hmelah chuan alawm teh chiamlo tih a hriat, a huat ber chi zawngin an khawsa miau a ni, "haw phawt zawk ula a that ka ring, in duh ang chuan ka ti thei lo ni mai teh se" tha tak chuan ka ti leh ta zawk a, thinrim hle mah ila, ka in sum hram hram a ni, "min tih dan mai mai chuh, I hna hi I thawk thei tawh lo mai tur a sin, naktukah I banna lehkha I dawn ngei ka beisei" a ti deuh hrawk a.












Ka thin in a tuar ta hauh lo, "han tum ta che, I pawisa leh I thil tih theihna kha ka hlau hauh lo, in fapa hi a chhuak hauh lo ang, chuan police tham tum thu buai in nei ngei bawk ang, min hriat chian kha, ka ngawi mai mai hauh lo ang" ka ti deuh hrawk, an hmelah chuan an hlauh thawn hmel na in, an ti lang duh lo mai ni in ka hria, mualpho an hlau em a, hlauh pawh an hlau ve ang chu mawle tiang ang mihring hi chu fo zam nuam tak an ni.












Mahse min do zawnga an che a nih vaih chuan ka tih theih hi enge an hre khawp ang, min ban tir mahse ka tan buaina em em ka nei hauh lo, kan company ka enkawl tur a awm reng a, ka pa in enkawl tura min duh tawh lai kara, mahse min bei a nih chuan an ti sual chiang khawp ang, ka ngawi mai mai hauh lo bawk ang, an ei rukna thleng hian chiang takin ka hre miau hek.


Show post links
Top

[Ngaia]

MY LOVE












CHAPTER-18












BY CHHEPHAKI MUANI







Thinrim chung chuan an chhuak a, station lam ka call nghal zat bawk, "midang kha chhuah vek la, kan aizawl pa hausa fapa leh a thiante kha chu la awm tir ang che, ka hmu duh bawk ang" ti hmuk in, ka phone chu ka dah hmak a, ka thinrim min cho chhuak ni mai hian ka hria, dikna thup tum in, an fapa sualna leh diklo na thup tumin, pawisa an hma theh man chu an hmu khawp ang.













Rei vak lo ah, kan hotute lam atangin call ka dawng ta reng, ka chhungte la thu khawm ngawi reng ho chu melh in, ka biak lawk tur thu sawiin, balcony lamah chuan ka chhuak phei a, ka lak rual rual chuan "tuna I man kha I hria em? chhuah nghal ang che" a rawn ti a, kan hotu lu ve ber a ni, "ka chhuah ngawt theilo ang, midang pawisawilo sawisak ngawt leh khawlaia buaina a siam vang te, officer in ngeia, thamna pek an tum vang te ngei pawn" ka ti hmak thung.












"Nikhat lek riak tura kan tih laia, tianga an che hi ka ngaithei hauh lo, an ni aia mirethei zawk ten a, thiam loh an chang tur hi ka en liam mai mai hauh lo ang, case ho tham te ni thei kha, an cho chhuah vangin, case lian zawk a ni mai thei a ni" ka ti leh nghat, leh lama ka biak chu a ngawi ta reng, ka tih tawh kha ka in sawi theih vang a nilo, min ban a nih ngat chuan, an ni aia hotu lam, an lungawili emaw, mipui lamah buaina a awm ngei ang.












Pathian malsawmna a zarah, mi hriat leh ngaihsan ka ni ve a, ka phu hauh lo nangin, Pathian ka rin tlat na leh ka dai sual chang pawh a, min ensan ngai lo Tu hian malsawm ka dil loh lam atang in min lo vur reng alo ni, a dah dawn tawh emaw ka tih hnu ah, "eng pawh ti la, mawh ka phur lo ang" a rawn ti ta hmuk, ka nui deuh suk bawk, "min hre chiang ve tawh viau emaw ka tia, sum thianghlim lo vang mai mai a, hneh chi ka nilo" ka ti deuh hmuk.













An ni ang, mi diklo te in hneh tir mai ka tum hauh lo, hna a ka bang dawn a nih pawn, he thil hi chu ka chingfel hmasa phawt ang, Sawma bawk chu ka call leh a, ka call zing bawk a, a hne ve tawh khawp ang chu an pu ka nia, a hnial ngam lo mai pawh a, "aw sir enge ni ta" a rawn ti a, " a hma a, aizawl pa hausa chanchhin kan chhui na kha, min lo thawn ta che, ka mamawh a" ka ti a, a rawn thawn tur thu a sawi hnu ah, kan dah leh ta tawp.












Hna thil baka han in biakna em em tur kha a awmlo miau a ni, ka chhuah phei leh chuan chaw ei an lo peihtawh a, kan chhungte pawh an haw leh tawh, chaw ei lai chuan ka pa chuan min zawt ta ngei a, dik takin ka sawi ve mai, ka pa nen hian kan duh loh zawng a in ang hle a, kha tia kan in meuh a thamna min rawn pek an tum kha a lawm teh chiamlo tih a hriat.










"Engpawh tawk la, I tawrh ngai dawn mahse, diklo taka thil ti te en liam tum ngai suh, midiklo te tanpui hi mal in a zawng ngailo a,mi dik te I tan tlat erawh chuan malsawm na I dawng ang, dikna hi a tir chuan chaklo zawk in emaw, lang chhuak lo mahse, lan chhuah hun a nei ngei ngei thin, diklohna hi a tlo ngailo a, mi dawih zep ber te thil tih dan a ni" a ti a, chaw ei mawlh mawlh pah in, ka lo ngaithla ve kar bawk.











Engtin mah ka chhang chuanglo, sawi tur ka hre miau lo a ni, "bawiha I pa nen, thenawm a, damlo kan va kân lawk ange, palai kal tur te pawh, an rawn kawi tawh lo mai dawn a nih hmel, i nutei te an lo leng dawn a, lo awm rawh aw" a tih chuan ka bu nghat nghat a, room ah pawh chho ta lo chuan kei leh keilo ang in, sitting room ah chuan ka thu ve ta reng.











File min lo thawn tura ka tih ka hriat chhuah thut vang chuan ka ding hluai a, kan in chhunga bang kil khat a, sitting room lang deuh ti tih leh in chung kailawn vel lan theihna tura kan dah chu hre chhuak in, room ruak ah chuan ka lut thuai a, ka rin ang ngeiin, cctv kan lo on hlauh chu a tih zia hle mai, ti hi chuan min bei mahse ka tan engmah harsatna a awmlo.












Tereuhte hmuh pawh hmuh theih loh a kan dah a ni a, kan hmang tangkai viau lo nangin, kei fimkhurna ngai pawimawh chuan kan in pawn leh a vel lang thei tur in ka dah a, in chhungah pakhat ka dah bawk, thut a awm thin vang a ni, tuman kan hma hun kan hrelo a, thil thleng thut thut thei a nih vang in, ka ngai pawimawh a ni.











Rei vaklo ah, choka lam atang chuan thawm a awm a, naupang tawngri ka hre zawm zat bawk, kan chhungte an ni tih ka chiang bawk nen, ngiahthat loh na em em ka nei hranlo, va chhuak zawk in, "kha in lo thleng maw, hna khawih lawk tur ka nei a, ti khan li awm. lawk mai ru, ka nu te pawh an rawn haw leh tep tawh ang" tiin in chunglamah ka chho a.










Ka room computer a, Sawma min lo thawn file ho chu ka en zung zung, hei ringawt pawh hian an tlak chhiat phah khawp ang le, an hming thatna zawng zawng a bo nghal vek a ni mai, buaina kan nei ngei dawn chu ka ti ngam lo a, mahse thut a awm theih vanga in ralrin tum mai ka ni, "mama hei palai kal te an lo haw tawh e" ka nu in, reilote chiah emaw ka awmbo ka tih laiin a rawn ti a.












"E awle ka rawn chhuak" tiin ka thil tih lai chu ka dah fel a, kan kawlhtei khan a rem tih loh hmel sia, a remloh mai te pawh a hlauhawm hle mai, a thu a duh ve bawk si, hna ka thawk a talangin, an ni nufa pawh ka biak theihnghilh ta daih a, pawilo naktukah ka be taeh mai niang chu, sitting room ah chuan ka chhuah hun nghak ni awm fahran in, an lo thu ngawi thap hlawm a.












"Chanchhin chhia nge tha? " an ngawih tak reng vang leh sawi mai tur ka hriat loh vang chuan ka ti deuh tawp a, an vai mai chuan an nui hak hak hlawm, "ahh kha chhungkhat rawn em em tur kan nei lo bawk nen, a nutei te chhungkua hi an ni mai a, an ni lah in han remtih loh vakna an nei chuanglo bawk a, an tia, in neih ni tur in thlaleh leh pek ni hmasa ber kan ti ta a nih kha" an tih chuan ka hlim hle.











Mahse thla hnih nghah ka la ngai a nih chu le, tunah thla tir chiah kan la chuangkai bawk si, a tha lamah ngai phawt mai ang, an titi leh nak nak a, in neih chungchang bak a leng meuh lo, kei erawh sawi tur vak ka hriat loh vangin, ka thu ngawi deuh ran tawp a, tawngtam vak ka nilo bawk nen, han sawi ve tur ka hre tam lo khawp mai.











a tukah chuan a ngai te bawk in, hna ah bawk ka kal chhuak leh a, Bawihpuia nu nen pawh kan la in be meuh lo, chhunah ka be tawh mai niang chu, station ka thlen rual chuan "Sawma khawiah nge kan mihausa fapa chu a awm le" ka ti nghal chat a, ka sawi tawh kha, ka huat zawnga che hi chu ka chhuah ngailo.











"Sir min lo zui rawh helamah" tiin an khungna lam chu min pan pui a, an thian ho chuan an lo thu deuh lap bawk, "kha ipa vangin, karkhat lai in cham a ngaih hmel ta khawp mai, ka thuthlukna ang khan pawm ve mai ni ula chuan tiang hi a thleng hauh lo tur hi a nia, nangni thianho hi ka hriat dan chuan veng tam taka, mi mit ti kham Tu in ni tih ka hria,












Buaina in siam leh ka hriat chuan a pawi khawp ang, nangni hi ka enthla reng dawn cheu tih hria ula, in chhuah hunah pawh in fimkhur viau a ngai ang, ka enthla reng dawn cheu" ka ti hmuk a, engmah an sawi ve lemlo nangin, kan lalfapa chuan min melh rum khawp mai, "pa mawl tak i nei chu i thiante leh nang thlengin in tuar a ngaih hmel hle mai" ka ti deuh salh bawk.













"Ti khan tha tak khan awm ula, I pa hian chet a rawn la a nih chuan ka ti chhe vek ang cheu tih ka tiam a che" tiin ka chhuak ta daih, an ni khan thutha hrilh pawh an phu nek lo e, ka phone ri chu la in, ka en nak chuan bawihpuia nu tih atangin call ka dawng hlawl, min rawn la call hmasa ngai miah lo, massage pawn chuti tho, chutia min lo call hmasa chu mak ka ti hle.











Ka la nghal zat a, ka room bikah chuan ka lut nghal hmiah bawk, "hello min ngai em ni, bawihi" ka tih chuan lehlama mi chuan a ngaithei leh vak tawh lo nge, "ngai mai mai lo, I fapa in a be duh che" a ti deuh hlar a, kan zaidam tlang a nia, ka fapa nena kan in biak zawh chuan a off deuh hmak a, henu hi chu aw, min hlau lo leh lutuk hi a mangan thlak a ni.












Hna ka thawh zawh meuh chuan a tlai tawb hle, engdang ngaihtuah lo a hna ka thawh tawh hi chuan ka zawh hma loh chu engdang ka ngaihtuah ngailo, engmah ka in tih buai tir zen zen ngailo bawk, ka phone chu phawrhin, bawiha nu tia ka save bawk chu ka call leh a, "naktukah hun lo in siam rawh aw, ka rawn lam ang che" ka ti tawl a.













Leh lama mi erawh chuan "hna kal angai" alo ti hmuk, "kha lam kha chu ka kut ah dah rawh" ka ti hmiah thung, "ka hman chuanglo" zuk han ti talh a mawle, henu luhlul dan em em hi chu aw, "okk ilo kal duh lo a nih chuan in neihna hi ka ti tawp anga" ka tih lai mek in, "ka lawm ngawt zawk ang chu" a rawn ti hmanhmawh, sual thiam ve tak chu a ni.














"okk chu chu i duh dan maw, ka fapa kha ka la anga, ka enkawl bawk ang, i hmuh leh theih ngai tawh lo turin ka dah bask ang" ka tih zawh rual rual in ka off nghal hmak a, ka rin ang ngeiin a rawn call nawn leh zat, tih tak tak erawh ka tumlo, mahse a mah hian a cho chhuak miau a, han fiam hlauthawng hlak ila a zia mai ang.













Ka phone chu a ri nghal zat a, melh zeuh a, ka nui suk, la ta lo chuan ka ring tawp tir thak a, a rik zawm leh zat, a tawp dawnah chuan ka la ta hram a, lehlam atang chuan " naktukah chuan hun ka lo in siam dawn Nia" a rawn ti ta reng a, "thuthlukna ka siam fel vek tawh, ka sut leh thei tawh lo, ka thu sut leh mai mai ka tum ngailo" ka ti leh a.













"Ka rawn kal ang ka tih mawlh mawlh chu mawle" a rawn ti vin deuh thawt tawh, tunah a haw hun lai vel a ni a, khawi ah tak awm ang maw, kawngah a kal mek a ni mai thei, motor ri pawh ka hre thei, "I rawn kal angailo ang, kan sawi fel tawh kha" tiin ka fiam leh a, ka nui duh miah lo bawk, "khawngaih takin, in neih chu ka pawm chuan naktukah pawh" a tih zawh rual velin a rak deuh that.














Ka thin hi a phu nghal dup dup ni mai hian ka hria, "hello hello, min hre thei em, han tawng teh, Zomuanpui I hre thei em? " ka ti mawlh mawlh a, "Remruat" tia tap tiau chunga a aw ka hriat chuan ka thaw deuh huai mahse a tah ngaet chhan tur ka hre bawk silo, ka fiam vang kha a niang ti dawn ila, a ni thei in ka hre baek silo, ka tawng dawn chiah tih in, 'nula I na em, khawi lai nge na? " tih ri ka hre zawm zat.











"bawihi I tha em? ka rawn kal ang, khawi laiah nge i awm" ka ti mawlh mawlh a, "kan in thlenhma a, kawi ah chiah khan ka awm" a rawn ti deuh pur, a tap deuh lek lek tih pawh a hriat, lo fiam maih loh tur kha a nia, tilo ila chuan tha takin an in a thleng mai tur a nia, thil tullo tak a ni, nge maw vawiin ni a taka, ka nghal chak em em chhan pawh ka hrelo.







(a thui thu hma emaw, a tawp a, han sawi duah hi ka nei khat khawp mai a, mahse tun tum chu add click leh cmt kha ka lo phut ve ngei, chapter leh ah chuan wedding day a awm tawh ngei beisei ang🥲)


Show post links
Top