MY LOVE BY Chhephaki Muani Muani (Completed)

[Ngaia]

MY LOVE











CHAPTER-19













BY CHHEPHAKI MUANI






Hmanhmawh zet chuan ka tlan chhuak nghal a, ka speed a chak bawk a, ka thleng hma viau, kawngsir deuh ah hian mipa pakhat hian alo awmpui a, ka pan nghal vat, "khawi lai nge na, I tha em? " tiin a mah chu ka en kual thuak thuak a, "ka ban a na lutuk" a ti deuh tiau mai, a na ve thawkhat a ni mahna.










"damdawiin ah kal ang aw? " ka tih chuan a lu a thing bawk si, "a zia ve mai ang, in ah haw ka duh zawk" a ti meuh mai, pawm lo viau mah ila, a man a ti tlat bawk si nen, ka pawm deuh nawlh a, a su tu pa chuan ngaihdam a dil mawlh mawlh bawk, "a pawilo eng em a thlen loh hi, kan haw tawh mai ang, nang pawh kha kan ti khawtlai nek che a" tiin a lo chhang thuai, a rilru tha leh lutuk hi chu aw.











"Kawng en nachang hre ta che, motor an rawn tlan em tih te en hmasak tur che lawm" ka ti hluk a, a tum vei bar mai, ka tum em em vang pawh ni lo in, ka vin ti tih ringawt leh nghal, ka thiamloh zawk ni mahse, a fimkhur lo lutuk min ti hlauthawng bawk si chu tun thleng hian awmdan tur mai pawh ka la thiam theilo.












Car chhungah chuan ka dah lut a, ka thu lut ve nghal zat, a kut chu na a ti deuh nge, ka tih chet zawnga a ner leh deuh sak sak thin chu hmuh hreawm ka lo ti ve em em ringawt, an in a hlat tawh loh vangin, reilote ah kan thleng thuai a, pawm chhuak leh in, in hnuai an mahni luah lam chu ka pan thlak pui vut bawk.













In chhunga kan luh chuan chutia kan in pawm lut chu a nu chuan mak tih hmel tak hian min melh a, "ehee engti zia a, khatia rawn in pawm lut ta mai nge in nih" a ti deuh hlaui, a fanu pilh deuh pheng phung chu a hmu a ni mahna, ka chhan hma hma chuan "mambawih ngati nge kha i va pilh nasa ve" a ti leh hnahnawh a.










Thil awmdan ka sawi hnu chuan a tui lum a laklawk tur thu sawiin, choka lamah a lut phei a, thutthleng ah chuan lo thut tirin, a piah lawk a, bawiha ka fapa muhil chu a melh deuh vang vang, "khawnge pem damdawi hi in dah" tiin ka hawi kual nghal a, "tv hnuaiah sawn" a ti sap, a ban tuamna tur nen a nu chu a rawn let ve chiah bawk.













Kan tuam that hnu chuan mut a duh thu sawiin, a tho chhuak a ka lo vuan deuh vat bawk, "ka kal thei mai ang, ka lu a hai riau a, ka mutsan mai angche" in thiamloh hmel tak chung chuan a ti a, a pawiloh thu ka sawi vat, a nu nen chuan rei vaklo titi dun leh in, ka haw leh nghal mai a, ngaihtuah viau mah ila, han buaipui chiam dan kha ka hrelo bawk si.









Next week*












A hmeichhia zawkin min han in duh khum chuh mipa tan chuan a tlawm thlak hle a ni, mahse chhuah ka tum lo ka tih tawh kha, a mitmeng atangin min hnar biklo tih ka hria a, hei vang tak hian a nia, ka thlah duh loh chhan, chulo rengah in neih ni tur nen lama, an ruat fel vek tawh vangin, sut leh hnihne kha ka tum hauh lo bawk.













Kan chhungkaw mualpho na a thlen theih mai bakah, thil tam tak pawi thei a awm ve tlat a ni, "bawiha engtik nge ka tupa te chu an rawn len dawn a? " tiin ka hna kal tur chuan ka nun min zawt leh tawh, karkhat lai palai te kan tirh atanga, in remna kan neih hnu tang a liam leh tawh, nitin ka nu lah hian, a tupa a hmuhchak thu a sawi reng a, an monu tur a hmuhchak tawh thu nen.












Zomuani erawh hna nei ve tho a nih vangin, chawl thei a ni biklo a, ka pawh peng ngun tawh si nen, midang tr chhan tura hna thawk leh enkawl tura awm a ni a, keiin a tullo pui a, ka lo tih buai ve reng kha thil tha tak a ni biklo a ni, "nu ka sawi kha, bawiha nu hi doctor a ni a, Zomuani nu lah nu chak vak tawh lo tak a ni a, kei hna ah ka buai ve bawk nen, an hman bik lo a ni" ka ti tha mai a.











"Aw a ni maw, nge maw a tir khan sawi ve mai ta che, khatia vin thaw lo khan, awle ka lo sawi dawn nia, I ti ringawt zel a nih kha" alo ti hlar, ka nu thin hi chu aw, thinchhiat hi chu a thinchhe ve a ni, engmah sawi pui tawh lem lo chuan station lam bawk ka pan leh nghal a, station ka thlen rual rual chuan damdawiin lam atangin call ka dawng nghal zat, damdawiin lamah police min au hi alo ni.












Sawma leh constable pahnih te nen, damdawiin lam chu a rang a rang in, kan pan nghal a, kan thlen meuh chuan pawnah mipui an lo awm deuh nual mai, awmzia hrelo zet chuan kan lut thuai a, an pu ber chuan min lo phuak bawk, "enge thil thleng" ka ti nghal tawp, "hei kan damdawiin ah tualthahna ka thleng hlauh mai a" a tih chuan a ngawi ta daih a, mak ti tak chuan ka en deuh haw.















Mizorama thil thleng tur atan chuan a rapthlak mah mah a ni, tun hnai hian drugs hi mizoramah a hluar em em a, a chhan ni ta bera lang pawh, barma ral tlan vang hi a ni in a lang, hei vang hian in thahna pawh a thleng zut, han chhui em em ngailo leh han bawh zui ngai em em lo in, a pawi khawih Tu kan man zel thei a, mahse heng drugs khawih tute hi kan man thei meuh lo hi a ni.














Kan thu a hma lak ve ngawt chi a nilo a, hotuten ngawih an chuh tlat chuan engmah kei nin kan ti thei bik mai lo a ni, report kan dawng tr a nih ngawt loh chuan hei tak hian kan ram ala ti chhe vek ngei ang, ringtu ram in ti a thil thleng atan chuan a rapthlak in, a pawi thui tawh mah mah a ni, drugs ti ten an leina tur atan pawisa an hmuh theihna a nih phawt chuan engpawh tih hreh an nei tawh lo, mipui kan fimkhur a ngai takzet tawh.













"Ni zan lama thleng a ni awm e, postmortem atanga a lan dan chuan vih hlum a ni, a hrawk ah reh na hnu hma a awm bawk, a mah hi pa hausa tia sawi tur nilo mahse khawsak harsa em em an nilo a, a chhungten an chhuah San lawk hlana thleng ni in an sawi" a tih chuan ka awih ta hauh lo, nizan zantira thleng a nih thu a sawi zawm zat phei chuan.













"A nih a thih thu hi engtik in nge in hriat? " tiin ruang bula awm ve, doctor pakhat chu ka zawt a, "zingah ward ka fang in ka hre chuah a ni, a riah pui tupa hi tlangval ti ila, nupui nei tawh a nia, mahse an in then tawh ni in an sawi a, a mah leh tuna thi ta te nupa nen an cheng ho" a ti deuh duah a, "a nih chuan a hmu tupa chu ka be duh ang" ka ti a, rinhlelh ka nei nghal pang mai.













" keimah hi ka nia" tiin an mipa pakhat cher sang lampang a ban leh lam vung deuh bar bawk hi a ni, "nizanah chuan engti turin maw I chhuah san a? " tiin a mit ah tak ka melh ran, "dar8 bawr vel khan ka thianpa in, ka thawmhnaw min pe turin ka ti a, chuan in kân hun a zawh tawh vang in, ka kal zawk a" a ti a, ka awih lemlo.












" a nih chuan I let leh hnu in, rinhlelh awm te I nei reng reng em emaw, a mah ah danglam na i hmu em" ka ti a, a pangai thu leh a mutthilh a rin vanga be lo a, a mut ve mai thu a sawi, dawt sawi dan tur chu a thiam viau na in, a thiam tawk lo tlat, a mah ngei hi a nih ngei ka ring bawk, "station lamah min hmu turin lo kal ang che" tiin ka melh a, a bu nghat ringawt.













Ka rinhlelhna chhan pawh, dar8 velah a chhuak a, chuan chumi chhung chuan lo that pawh ni ta se, a pum atanga thisen chhuak in a, a puan sin laia thisen kai kha hmuh hmaih chi rual a ni dawn lo, a kut leh a hmel en in, damdawi ti thin a ni tih chiang tak in a hriat hle a, a damdawi man tur a dil anga, a pe duhlo in a that ta mai pawh a ni thei.











Kha thil thlen hun a sawi kha, ala tlai chhe lo hle a, zingah chuah a hria chu awih awm loh tak a ni, chu pawh doctor in ward a fang in a hmu chauh bawk a, "e taka doctor dar engzat velah nge ward kha i fan" tiin ka zawt leh a, "ahh tukin zing kha chu eng emaw thil ah ka buai deuh vangin, dar10 rik dawn ah ka fang chauh" a ti a, ka nui deuh suk, dar10 dawnah ala mut a rin awmloh hle.














Ruang vel chu an tih fel zawh hnu in, a hmun hma vel leh a ruang vel chu kan en kual leh tete a, uluk taka ka en hnuah, engmah hmuh chhuah tur kan nei hranlo, kan let leh ta phawt chu a nia, an hospital pawh a mualpho ve hle dawn a nih hmel e, in suan chhuak chung chung duh pawh an awm nuk kha maw, mahse engmah thup tum lo in, misual man chhuah tum in, an mualpho tur pawh dawnlo in, an report thei a, an fak awm khawp mai.














A hnu rei vaklo ah, mitthi ta riahpui Tu pa kha station lamah a rawn kal ve nghal a, in dawp na room ah ka thutpui ran, police pahnih in min awmpui bawk, "lee i in puang dawn nge, ka sawi sak zawk dawn che" ka ti ta sak, han dawp kual vel hi ka peih zawng a ni ve lo, "enge i sawi awmzia chu ka hre hauh lo" a fi deuh hu a, a hmelah chuan thil dang daih a ni lang ni.















"Engvanga that maw I nih a" ka ti deuh sap, a meng phawk teh a sin aw, "engthil mah ka ti sual lo" ala ti ve fan, thil sual titu tura ka rin, ka dawp tawh tr rin sual ka nei khat khawp mai, tuna mi pawh hi a dik ngei ka ring, ka chiang ngam chiah lo nangin, a mah bak rinhlelh tur a awm miau lo.














A hawi hai hmel tr chuan min ti thinrim deuh ut ut thei, "I dawt sawi kual dan kha ka awih ring hauh suh, I bum mai mai theih police kan nilo" ka ti ram deuh hmak, kan dawp kan dawp chung pawh in, engmah han hriat belh tur kan nei lo, ka ring sual emaw ni chu aw ka ti rum rum, han zawh fiah ngial pawh a, a tan tak tlat ah chuan kan mi man a nilo bawk nen, kan chhuah leh ta tawp a.














"Ni zan lama, ccvt footage zawng zawng hospital a mi ka duh ang, record tih bo tum emaw pawn an che thei, chuvang chuan a rang lamin ka duh ang" ka sap Sawma leh mipakhat hi an in zui chhuak nghal zat, tunlaia kan mizoram ngeia thil thleng mai mai chuh, tunah chuan chiang tak leh fiah takin ka chhui theih tawh ngei beisei ang, tauhthah na thleng velah kan station a report a awm ngaih loh vangin, kan bawhzui ve thei ngailo a.















Ka kut a an rawn dah tawp te nih loh chuan keinin a han tih theih vak kan nei thinlo, lo thlir liam tawp mai loh chu, mahse tunah chuan heng drugs vanga tualthahna vel nen hian a in zawm riau a, tualthah na thleng ho hi, a that Tu man nghal zel thin an ni a, han chhui ngai leh tlanbo an awm ngai meuhlo, mahse hmanni deuh a, burma mi ho tualthah hreh lo tak tak tlanbo kha chu kan vai buai a ni ber awm e.














A then in, kan zawng a, a thenin a rem rem kan veng bawk, mahse vanneih thil thu ah an man rang ta hlauh zawk a, ka nupui la ni mai tur in tih nat vangin, in ah a awm deub chawt a, an thawhna damdawiin a thil thleng a hrelo chu a lawmawm letling zawk hle, hria se zawng a ni ang mirilru no chuan a tah pui leh ngei awmsia, a te ve reuh sia, a rilru tha bawk si, mahse a chang hi chuan tih mawh tak leh thinchhe tak, thinglung sak tak nei tur mizia a pu leh thiam reuh thung.












(ka zawm loh vang vang vangin in mi hriatthiamna ka rawn dil e, khawmpui vangin kan buai ve lutuk a, inrinni zan khawmpui in khawm ban in, mitthi inah kan kal leh bawk nen, hei tunah ka rawn dah thei ta chauh a, last em chu kan la hlat ve deuh hlek a nia)


Show post links
Top

[Ngaia]

MY LOVE











CHAPTER-20












BY CHHEPHAKI MUANI









Hun a kal ve zel a, mahse hnu han chhui tur em em a awmlo, tualthahna case buaipui tur ang kan nih vangin, drugs leh barma mi te ah kan bur chawt thei silo, chhui langsar vak lah thil tih chi ni heklo, a ruka chhui pah a, damdawiin a tualthahna thleng chungchang kan chhui a, awmpui tu pa kha bak kha rin hlelh tur an la awm chuanglo fo, he thil ah hian eng emaw tak chu thil in thup a awm chiang khawp mai..











Kan in neih thil tur vel vangin, hna ka chawl rih a, ka pa chuan chawlh hlen tur leh a ma sumdawnna enkawl turin min duh na in, ka duh lo thing, keimah ngeia ka fa leh ka nupui chawm ka duh a ni, ka pa pawisa leh neih hmang nilo in, bakah hna khawih lai ka nei a, chawlhsan ka tum hauhlo, khawvel kal dan tur kan hre lawk lo nangin, he thil hi chu ka chhui chhuak ngei dawn tih ka chiang hle.











Chumi hnuah te chuan ka pa sumdawnna chu ka la khawih mahna, "bawiha naktukah mo thuam va en ang cheu, dawr pawh ka biak fel tawh kha, in duh in va en anga, chuan eng eng emaw in mamawh tur leh in neih zungbun vel pawh in thu thu in rawn ti mai ang cheu" ka room a, ka hna ka lo khawih lai chuan ka pa chuan a rawn ti lut a.










Hna chawl mah ila, chawlh hlen tawp ang kha ka tan a theih loh vangin, khawih tur hna eng eng emaw a awm ve nual zel a, chawlh lak a, in a awm pawn heti reng hi kan ni mai, Zomuani lah a lungawi thei bawk silo, han biak hi a har thei khawp mai, phone a la duh lo a, mi peh hel reng bawk, henu hi chu a mak ve ngawt mai, min nei chaka khawsa an tam teh reng nen.













Vo leh deuh hlek a ngai a ni, ka duh ngai miah lo nangin, a mah hian a zirlo miau bawk si, ka call a vawikhatna ah chuan ala mai lo, vawihnih vawithum ka tih hnu chuan ala ta hram, "in neihna thulh a ni ang, I awmdan in a cho chhuak tlat, ka fapa ka enkawl bask ang, lo in ring ang che" thinrim ang tak chuan thu tak zetin ka ti ram hmak a.












"I va han zaktheili tak, chutiang chuan I ti ngawt theilo ang" a rawn ti hluai, a aw atang chuan a hlauthawng tih a hriat hle, "ka thei tij I hria, in neih I duh silo a, kawng dang a awm miau lo, apa ka la dam a, a nu a thih tawh vangin, ka kut a ni, nang chu kan fapa nu unaunu hrawn chiah I ni" ka ti leh hram a, sawi ka tum em em pawh a nilo, a lang ve tawp mai ni.













Engmah a sawilo, a off hmak a, ka thawng na viau emaw ni le, sawi sual ka nei a nih ka ring rum rum, ka phone chu ka melh vang vang a, a huat tura sawi ka nei a ni ngei ang, harh chhuak thut in ka call leh nghal a, mahse ala duh thak lo, Tu zawk nge luhlul tih I han en ang hmiang, a theih chhung chu ka call ngat ngat a, a changin a ring tawp tir a, a changin a reject hmak bawk.














Ka phone chu en in, luhlul ve ngat ngat tak a ni, tiin ka phun hluk, heti em em a hmeichhe luhlul leh lutuk hi engtin nge an awm theih zawk ni, ka call ka call pawh a, a lak duh tak loh ah chuan a nu ka call ta tawp a naktuka kan chhuah a ngaih thu leh phone a lak theih loh thu ka sawi a, a lo hrilhtur thu a sawi zat, ti khan ka tih tur ka zo.














In ah chuan room ah nilengin ka tawp leh ti ila, in neihna card tur ka buaipui a, midang han tih tir ai chuan ka thiam tho bawk nen, tih tur ka neih loh hunlai tak a ni bawk a, ka ti ta tawp bakah ni hian ti ila, a tha zawk daih, thianah ka pa school a thawk ka thianpa ni bawk Ramdina ka hmang dawn a.












Duhlo viau mahse midang ka thiante han tih tlak an awm silo, phawk deuh tak fak vek an ni a, tianga han hman a tan em chuan ka ring zolo hlawm a ni ber ang chu, in neihna a an rawn kal kha a tawk viau mai, an phawk q chhuak leh anga, in neih an tih buai vek ka hlauh vang a ni, han fiamthu hun leh hmun hi an hre der hlawm bawk silo a.










Ka ni leng hna chu ka zo a ni ta mai, naktukah kan chhuah a ngaih avangin, eng eng emaw lei tur kan mamawh chuk chuk tur ang chi ka nun a hriat ka rin vangin in hnuailamah ka chhuk thla a, kei hi chuan mothuam leh zungbun bak pawimawh ka hre ve lo, hmeichhia te tangkaina a ni he thil hi chu, engmah mamawh tur ka hre teuhlo mai.















"Kha hei hi thenawm te va pe phawt teh" ka nu chuan ka hrilh hma hma chuan alo ti nghal ngawt a, patlinga pumpa thenawmte thil ho tham tak pe tura min han tirh mai chuh chhun pachangah leh nghal, ka nu em em hi chu aw, awmpui te pawh an awm ve reng a, min han tirh kher ni, " nu midang an tam kha" ti mah ila, a ngaithla duh tawh hauh lo.













An Chawhmeh tur ni awm tak a ni, thlai tel hi a ni a, rin aiin a tam zek leh nghal, a thlai thar sem a tum leh tawh tih hriat reng reng, a thlai thar a neih thar a piang lah hian a in sawi theihna kan ngaithla ziah leh nghal, a in ti thei thin lutuk hi a buaithlak, ram hna thawk tak tak nise kan buai khawp ang, a in sawi theihna ngaihthlak nan nitin kan hmang hian a Nia ka rin ni.













Sawisel tawh lo chuan ka va pe a, an fapa ramdanga doctor zir thin, Bengalore atanga rawn haw chho chiah alo awm bawk nen, kan han titi leh ang phawt a, ka nupui neih tur min lawmpui thu te, a sawi duah mai, a hna chungchang leh kan hnachung chang te kan sawi kai a, rin ai takin ka rei zek leh nghal ka nu ka zawh tur pawh ka mang nghilh daih leh nghal a.













Awm rei tawh lo chuan kan in lam ka pan nghal a, ka nu chu a huan lamah alo zuk kal leh daih tawh, avabuaithlak tak ti deuh nuah nuah chung chuan ka room lamah bawk ka tawp leh daih a, ka pa in a school enkawl to turin min duh hle a, ka lo zir sang ve tawh bawk nen, a nawr in min nawr tawh ti ila ka sawi sual lo ang, a tar ve tawh a, hahdam a duh ve tawh tih ka hria.














Mahse ka tuina han bansan ngawt lah ka duh bawk silo, loh theih loh a ka enkawl sak hun a thleng dawn a, chumi hma chu thawh ka tum kha a ni, mahse min nawr nasat em vangin, ka pawm lo thei lo a, tuna case ka buaipui, zawh hian ka bang ang tih ka lo rilruk deuh tawh a ni.











Ka pa hahtaka a thawk ka hmu thei bik tawh lo a, a tar ve tawh a a ni ang tan chuan nitin han chhuah kha a zo dawn tawh lo a, hna hahthlak nilo mahse, a tan chuan a hrisel lo sa bawk nen, a chauh thlak dawn vang a ni, case zawh vat ka duh si chuan a chhui theih ang ang keimah a in lama ka chhui ve a ngai dawn tih ka hria a, ka room ah ka thawk mai thin.













Drugs hluar em em na bul ber pawh hi ka hling vat turah ngai ang, barma ram atanga rawn tlan chhe ho hi engtia han tih chi nge maw an nih dawn ni, kan hnampui an nihna angah, ram hruaitute tan pawh kan rama an rawn awm duh loh ngawt lah thil theih a ni bik bawk silo, tualthahna tam em em chhan ah an mahni bak puh tur mizo mipui in an hre tawh bawk silo.














A dikna lai chen a awm ve tho, drugs an rawn la lut a, tlawm tete in an hralh a, damdawi ti an lo tam ve bawk nen, an ruihna tur duh in, tual hial an that hreh tawh thin lo, barma mi leh sa ngeiin, mizo mipui zinga mi an that leh bawk nen, dem tur chu an mahni chiah an awm reng a ni, a buaithlak kual kawi tawh hle.












ZOMUANI POV








"Bawihpui remote kha min lo ban teh" tiin ka fapa sitting room a, a in fiam lai chu ka tir a, ka tho peih meuh lo, ka ban lah ka la hmang tha ngam bawk silo, na a ni tawh lo nangin, han hman rim deuh hian nat zuk zuk chang a nei thin, ka lu hai reh thei mai bawk silo nen, ka che sawn peih meuh lo a ni ber, remote chu min lo lak ve mai a.













Ka fapa chu ka melh thin, a ni ang reng reng a, fapa fing hi ka la hre ngailo, ka u kha la dam se chuan a chhuang thei ngawt in ka ring, pasal ka neih a, ka awm bo daih a nih chuan ka nu hi engtin nge ni ta ang, ka chawm zawm zel thei angem, khawl sa lah kan ngah bawk silo a, a mah mai chuan awm turin ka ngai ngam lo, han sawi dawn ila, tlawmah la in, a thawh theih thu a sawi ngei anga.













Ka thawh chhuah chiah hian tunah hian kan in chawm ve a, ka nu tar ve tawh tak tan chuan a mah maia in enkawl a harsa dawn lutuk, mizoram angah phei chuan hna thawh tur a vang in, an ni ang rual thawh tur ngat phei chu a vang hle, thlai an khar chhawng a, an zuar te nih ngawt loh chuan chuta karah chu pawh chu hlep a tha lo a, ei khawp thawh chhuah har tak a ni.














Ramdang ang chu nise an thawh awm tawk tak tak hna a awm ve nual anga, kan ram angah chuan a thalai zawk te thawh tur pawh a vang hle zawk laia, an ni ang chu engmah thawh tur an nei tawh lo ang, ka nutei nakinah ka sawi pui mai ang ka ti ta ngawt kha a nia, pa Rinpuia lah a pension hun a hnai ve tawh bawk si.












Hei tak hi ni, pasal neih ka hreh em em chhan chu, hmeichhia chu pasal nei a, kan chhungtr kalsan mai tur kan ni tih chu chiang tak a ni tho na in, tun maia kalsan thut chu in rinlawk na hun a awm bawk silo nen, ka rilru a buai khawp mai, thian atan Judith ka hmang dawn a, a ni nen hian a hma a, damlo kan zai dun tum atang khan kan in kawm ngeih chho hle a, a mah bak han kawm hnaih ka nei em em chuanglo bawk nen, ka hmang dawn ta ringawt.













Bialpa lama a tluan loh thu te, a mipa kawp ten a, hmeichhe dang nen a lo kawp ziah thu tr a sawi ve thin a, a harsatna te, engkim min hrilh ve thin, nula senior tur ah ka dah hmiah hi a ni tawh, a Ngaihzawng te a a tluang lo lutuk atang khan bialpa neih ai chuan story comics hi chhiar a ching thar a, a vei thei khawp mai, "kha mambawih hei i nutei in ei tur a rawn lei che" tiin ka duh deuh mai.













beef rice leh egg roll hi alo ni, ka phul deuh hluai ringawt, "ka nuam lo riau mai, kan mu zal lawk" tiin ka nu chu room lamah a phei a, nimin pawn a ti tawh, ka lu na a ti reng a, a pum nawm loh thu a sawi reng bawk, in entir tura ka tih lah in a duh silo a, midang bula i duh loh pawn, hna ka kal anga ka check ang che tih lah in, a dam leh mai ang a ti mai zel bawk si.














Ngaihtha zan lo chuan tv en pah chuan ka nutei min lo hawn chu ka ei a, tv ka lo en tui lutuk nge, tlai lam dar4 velah ka nutei alo chhuk a, "e bawihi kha i zia tawh maw? " a rawn ti lut nghal zat, " aw ka zia tawh lutuk, naktuk atang chuan hna ka zawm thei tawh in ka ring" ka ti a, mahse hriat chhuah zawk ka nei, naktukah mo kawr en turin, min rawn ti tak.













"Khawnge i nu hi, ka be lawk duh" ka nutei in a rawn tih chuan ka harh zawk, "ka nuamsam lo a tia, khumah a mu a nih kha' ka ti a, room lam apan nghal zat, mahse room lama tap thawp awm leh ka nu harh tura, ka nutei in a auh thawm chu ka hre nghal zat, hrilh hai zet leh hrethiam lo zet chuan room lamah bawihtea pawh ngaihtuah chang tawh lo chuan ka tlan lut a.














Nutei chuan ka nu chu alo sawi nasa mai, ka pan phei nghal vat a, a taksa leh a mar te chu kan en dik zung zung a, a taksa chu ala lum mahse a awm tawh lo tih chiang tak in ka hria, awm ngaihna pawh ka hrelo, ka chawmawlh vek in ka hria, ka nutei lah a tap nasa mai si, kan thawm a ring deuh nge, pa Rinpuia nutei pasal chu a rawn chhuk thla a.














Thil awmzia a hriat hnu chuan yma hruaitute leh midang dang hmelhriat ho a be kual a, chanchin a hrilh zung zung thawm ka hria, engmah tih nachang ka hre mai lo, ka nu kut chu ka vuan a, ala lum na chu ka feel thei, tv en lo khan lo ngaihven ni ila chuan tiang hi a thleng hauh lo tur, ka thiamloh vek a ni, postmortem tura an tih chuan ka phal lo a.












A chhan pawh a thih chhan hrelo mah ila, pawi tihna ka neilo, doctor ka ni a mi an postmortem dan pawh ka hre vek, ka nu in na a tuar kha a hmu duh lo a ni ber, chutia keimah berin ka phal tak siloh ah chuan a ruang vel chu an siam rem zung zung a, khum te fit thum khum ka nu mutna chu zawn chhuah a, kuang a an dah hma a, mut tir nan an ti a ni.











Ka ding chhuak a, ka ding mawl leh deuh tawp, ka fapa engtin nge a awm pawh ka ngaihven thei lo, ngaihtuah em em nei chuang silo hian ka melh ngai ka melh reng a, choka lam nula leh tlangval in an sing sak fel chuan an zawn chhuak a, ka zui leh tawp, ka tap theilo a, ka chhunglamah hian min hnawh tlat a, ka mittui erawh a luang chhuak a, ka tap ri chhuak theilo.













Ka ni tah hla chham chuan ka beng luh viau mahse, ka â deuh chuih ni mai hian ka hria, enkawl pawh ka enkawl hma a, a kal mai hi ka hrethiam theilo, nat lawkna pawh awmlo a, tianga a chunga a thleng hi awmngaihna min hriat tir lo a, mite chuan a mu an kai tho zolo an ti anga, kei erawh chuan ka ngaihsak tawk loh vang leh a nawmsam loh a sawi a, ka ngaihthah lutuk vanga keimah vanga, thi ah ka ngai kumkhua tawh ang, kha leh chen min enkawl a, harsa tak chungin min chawm seilianin, min ngaihsak a, ka damloh hlekin a buaiphili thin Tu kha, tunah chuan a awm ta silo.








(A THUI VE LUTUK A NIA, ADD CLICK KHA AW)

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia


Show post links
Top

[Ngaia]

MY LOVE











CHAPTER-21











BY CHHEPHAKI MUANI









Ka nu thih atang pawn karkhat lai a liam leh tawh, engmah tih ka peih lo a, ka zawi ngawih ngawih hi a ni ber, tlangval in riak kan la nei nual a, an mahni vang hian zan chu khawhar vaklo in ka la hmang ve mai thei zel a, zan tir ah lah thenawm khawveng rawn leng lut an la awm reng bawk.











Nakinah ka lunglen min hnem tura min rawn len pui te an reh hunah hian engtin nge ka awm tak ang, a mah ka ngaihtuah vanga pasal neih ka hreh em em chhan a awm ta silo, ka enkawl chak a, ka neih zawng zawng sen ngai dawn mahse pawi tihna ka nei lo a, la damin, sum tam tak hmanna tur ni mahse a tan a dam theih nan a nih chuan ka hmang tur hi a nia.











Ka fapa pawh, apa te in lamah a awm ta rih a, ka buaipui thei bawk silo, nutei lah kan in leh in riak ho buaipui in, an mahni in leh kan in a kartawn chhen a ngai bawk nen, a buai vangin an la phei rih a, Remruata erawh a hman chang changin a rawn kal awllo a, ka duh zia hre chhuak tawh mah ila, tih lan ka tum lemlo.













A bula awm nuam ka ti in, a kiangah chuan ka nu ka ngaih pawh a reh ve phah deuh thin, min ngaihtuah em em a, chaw ka ei theiloh vanga, ka tana ei tur tha tha a rawn lei chang lah a tam, thil min ei luih tir turin a rawn kal ziah ti ila ka sawi suallo ang, in neih thu engmah ala sawilo a, hun a tam tawh lo bawk nen, ka nu thih hlimchhawn a ni bawk si, hreh viau mah ila, a ngai bawk si chu ka rilru buaina ber a ni.














Neih ka hreh hauh tawh lo, ka nu duh ber a nih vang leh ka mipa duh hmasa ve ber a ni a, ka hnial hauh lo, mipa tha tak a ni a, min ensan dawnlo tih ka chiang vanga hniallo pawh ka ni pakhat, mahse ka nu thihna vuakvet hian, min la neih hreh tir a ni, zanah a room ah riak in, ka be thin a, mi chuan mi â emaw min ti hial mahse pawi tihna ka nei lo.












"Bawihi chawi i ei duhlo tih ka hre leh tawh a nia" rawn ti lut thawmah chuan ka harh zawk, a mah Remruata bawk a ni, "ka ei peih rihlo mai mai lawm" ka ti zawi sap a, dawt chiang tak ka sawi, ka ei duh lo a ni mah zawk, ka nu pawh khan engmah ala ei bik awm silo a, lei hnuai thim takah a mah chiah a a awm tur ka ngaihtuah phei chuan ka na ngawih ngawih.














"Ei rawh aw, hei i ei tur in thei ka rawn keng a, chaw I ei zawh ah i ei dawn nia" tiin chaw ei dawhkân kan hunna lamah chuan a dah phei a, "aih " tih bakin ka chhang lo, " bawihi i ei loh te chuan engtin nge i chak that theih ang, I nu in tianga i awm hi a hmu duh hauh lo ang, chhel takin awm la, I fapa ngaihtuah la, nang tal i in tih chak a ngai" a ti a, a dikna lak chen awm mahse, a tuar Tu tan chuan a na em a, in dem ngawt chi pawh a nilo.













"Nakinah ka ei mai ang" tih ringawt in ka chhang, "ka awm lai hian i ei ang, a hma pawn I ti a, I ei leh lo a, ka hre leh vek zel, I hrisel that a ngai a nia, nu i nih tawh kha, hmeichhe chaktak i nih kha, i nu in alo thlir reng ang che a, a rilru a nat i duh hauh dawn lo tih ka hria" a ti leh a, ka hnial duh ta lo, he khawvel hi chu kan chamhlenna tur a nih loh zia ka nu in min kalsan atang hian ka hre fiah a.













Kan khual zinna mai a nih zia te nen lam, thihna hmachhawn tur vek ni mah ila, a kalsan tak a chhungtr tan chuan khawvel nun dana thlir hi chuan a na em a tin ni, khawvel kan cham chhungin kan hmangaih tak kalta te kan hmu tawh lo tur te hi a tuar Tu tan chuan na tak a ni, piannawn leh na hi a awm ngai a nih chuan ka nu fanu tho a pian leh ka duh thu ka tawngtai na ah ka tel ziah thin.














Mahse pastor pakhat in a sawi kha a dik bawk si, pian nawn leh na kan tih hi a awm tak tak a, mahse keini mihring ten a, piannawn leh na anga kan ngaih khawvelah kan piang nawn leh tura kan ngaih hi a nilo a, piannawn leh na tak zawk chu khawvela kan thil tih sual tawh te, kan sual man pe turin vanah hremhmun leh vanrama kal turin kan thlarau a piang nawn leh thin a ni a tih kha.












A dik ngei pawh ka ring, khawvel chen turin leh hlim taka hmang turin min ti a, mahse i siam Tu hre reng turin min ti thung, hei hi a dik lo zawnga la a, sual kawng zawh nana hmang an awm nawk awm e, "bawihi i ei tura ka dah kha ei rawh, I ngaihtuahna kha kawm ngut ngut suh" tih thawmah chuan ka phu zawk a, ka bulah alo thu reng tawh chu ni in..












Muang chang chuan thleng a, a chaw dah leh chawhmeh a dah chu ka en a, ka ban nghal zat, a fiante rawn dah chuan ka ei mai a, ka ei muang a ti deuh nge, "kha ti dem dem chuan chawhma chhung pawn I ei zo hman nang, khawi rawh la teh" tiin min laksak a, min barh ta ringawt, hepa em em hi chu aw, a fapa hian a chhun vaih chuan a chi loh khawp ang.












"Hna ka kal leh a ngaih hmel sia, chawlh tluan chu duh viau mah ila, hna lamin min pawt na ve tho sia, reilo te ka hna ka va thawk zung zung anga, kan fapa kanin lamah ka va hruai anga, helamah ka rawn phei pui ang, chuan chhunah i ei tura ka rawn ken saw lo ei ang che, ka hre leh vek dawn a nia" a fanu a hrilh ang tak te in min hrilh ka ti mai.













"I fanu ka ang" ka ti ta tawp a, a ni pawh a nuih a za leh hnahnawh viau, min hrilh pawh a nilo, thu min pe a ni zawk mah ang, "aw tun atan rih chuan ka fanu i ni rih mai, fa chuan a pa thu a awih tur a ni" a ti ngei, hepa hi chuh, "hna i neih kha kal tawh rawh" tiin ka ei zawh rual chuan ka ti nghal a, "I ei na hi ka ti fel anga, ka kal ang" a ti sup.













A ngaihloh thu leh ka tih mai tur thu a ka hnial pawn, a ti lui tlat pek a, ka en ta tawp, a hnung zawng tr chuan a in hmeh hle, thlengsilna bula ding chung a, thleng ka ei na a sil lai chu ka en deuh vang vang, mipa tha tak chu a ni mawle, hmeichhe tan chuan a mah bak bak a, in nghahna tlak leh awh awm hi chu an awm kher lo ang.












Mizoram angah ngat phei chuan zu heh deuh emaw, kânza heh deuh an ni duh tlang pui, ruihhlo khawih em en lo pawh, hna neilo a tei rawlai mai mai hi an tam zawk a, kan tun ang lai khawvelah chuan hna nei leh taima, fel bawk si, in nghahna tlak tur kan zawng fur tawh awm e, hmeltha ah buailo in ti in ti mah ila, hmel bawk kan en hmasa thin hian thil pawi tak a thlen thin, hmel in duh na vanga, nupui pasala in nei a, fa an neih tawh hnu a, in then hian fahrah a siam hnem hle a, naupang khawngaih thlak tak tak an tam phah.















Awiii ngawiteh chutianga ngaihtuahna vak kual duah nge maw a nih reng reng ni, nileng a in a awm ai chuan tiin, hna zawm ka tum rilru a, mahse kal hma vak ka peih chuanglo, kan pu te lamin, chawl turin min ti tho a, kal dawn pawh ni ila, muangchangin ka kal ang, in ah ka awm chuan ka ngaihtuahna ka kawm kual leh anga, ka nu bawk ka ngaihtuah chhuak leh anga.













Ka nu ngaih hi chu a reh thei dawn lo, mahse tuar dan ka thiam ve a ngai dawn ni jn ka hria, khawvel kan chamhlenna tur a ni lo a, a kalhmasa te piang an vannei tawh zawk a, tunah chuan kan pa in a hnena chawl tawh turin ala a, kan chenna hmun aia nuam leh tha zawk ah a hruai haw ta a, na viau mahse leh lam zawng tak chuan thla a muang lawi si.












Cut duai ang aw(wedding day)









Vawiin ni hi ka tan ni duhawm ber ni mahse, ka nu tel ve lohna hmun leh hunah hian hlim taka hman engtin nge ka theih ang ni, a phur tawh zia te, ka mo kawr ha a hmuh chak tawh zia te ka ngaihtuah kai phei chuan mittui bawk a ko chhuak leh thin, ka pasal neih ni a, a hak tur a duan lawk lai te, a hlim zia thu mawlh a sawi lai te kha nimin ang lek kha ala ni si.














Ngati nge khawvela awm duh tawh lo, mahni nunna lak tum tam tak te la lo a, ka nu kher min laksak ti ten ka vui thin, ruihhlo ti leh midang tana hnawk sak em em la mai lo a, ka nu kher ala te kha ka vui thin, "kha alo tap leh dawn ta ringawt e, i makeup a chhe vek anga sin" rawn ti tu chu ka nutei a ni, "nute" ka ti deuh tiau a, a bak ka sawi theilo, ka hnuk no a kai chhuak tlat a tin ni.













"Khatiang kha chuan i lang nalh thei nang" tiin ka hmai chu ka makeup hman tih chhiat hlau tak si chuan a rawn siam mawlh mawlh a, "I fapa pawh mo hruai tur te zingah a rawn tel a ni aem e" a tih chuan ka nui deuh hak, "le lungngaihni emaw tah ni a nih loh hi, vawiin ni chu hlim takin hman tum ang che, I hun tawn tawh a, ni hlimawm ber tur a nih hi" a ti leh a, ka bu nghat nghat.













Ka mit chu khap deuh fak fak in, ka mittui tling chu ka khap let a, van lam hawi in ka dak deuh vah bawk, in hnuaiah chuan ka kawr hak mo kawr puk zet chu ka nutei nen chuan kan chawi deuh hnak hnak a, tiang em em hi chu hak a har lam hret a ni, khaw lum lai phei chuan ka ning tan nghal der tawh.













Mo hruaina tur car an buatsaih ah chuan kan chuang lut a, ka fapa pawh ka bulah a thu lut than mai, a nuam a ti tiha hmelah a lang reng, biakin kan thlen meuh chuan ka zam nasa leh zual, kan hnung lawk ah ka nutei te an rawn thleng ve leh nghal zat a, pa ka neih tawh loh vangin, Pa Rinpuian min kai lut dawn a ni, "bawihi i hmeltha lutuk" tiin nutei chuan min kuah deuh thak a.













Ka thawk te thleng hian a sak deuh thalh ni mai hian ka hria, an mahni chhungkaw hung tak an lo ni si, mi hriat an nei ngah anga, chhungkhat an ngah tih ka hre tawh bawk, mi lo kal an tam dawn tih chiang reng, an mi sawmte ka hmuh pui ve thlap bawk si nen, zam awm duh tur tak chu a ni, lungngaihna ka thawn rualin, hlimna engin min nang ching leh a, han awmdan mai tur pawh ka thiam lo lek lek a ni.


Show post links
Top

[Ngaia]

MY LOVE











CHAPTER-22.












BY CHHEPHAKI MUANI










Biakin dar ri chu ka beng ah chuan ri mawi tak ni mahse, ka hlimna hi a famkim tlat lo, ka nu leh ka fapa chiah chhungkua ka nei a, ka nutei te nupa nen, khawvel kan lo pian ve vawikhatna a, hmeichhia in, a hun tawn tawh a ropui ber tur ka tawng dawn a ni a, ka nu awm ve lo hi na ka ti, a phur theih zia ka ngaihtuah chhuah chang phei chuan ka na leh zual thin.













Ti nge ka pa min laksak tawh a, ka nu leh zel i hnena chawl tawh tura min laksak tiin ka vui thin, mahse a hnena ka vui zawh rual rual in, a hnenah mamawh emaw a tello a ka awm theih loh zia min hmuh fiah tir leh thin, nu leh pa emaw u leh nau ka neih loh vangin, pa Rinpuian biakin chhung ngeiah chuan min kai lut a.













Remruata te mi hlun chhungkua leh mi hausa chhungkua an lo nih ve deuh vangin, hmelhriat leh chhungkhat an ngah khawp mai, biakin ah pawh kan leng lo lek lek hial, veng pui a nih vangin, an biakin a lian nangin, kan lenglo lam chu a ni, tiang em em hian an rawn tam pawh ka ringlo a, Remruata bul kan thlen chuan pa Rinpuia chuan.











"Remruat tha tak in an nufa hian enkawl ang che, I kutah ka dah a, ka ring ngam bawk che, I duh loh a, I thlahthlam leh mai mai tur atan ka fanu hi ka phal lo a, fa kan neih loh vangin, ka fa ka hmangaih a ni, a rilru tih nat ka phallo a, tha takin enkawl ang che, i thlahthlam leh mai mai ai chuan min pe let leh ang che" a ti a, ka hnuk a ti ulh lek lek, a nutei te nupa hi chu awmlo se, ka baih vai ve tawh ngawt ang.













Remruata chuan chhang lemlo in, a bu deuh nghat a, a nui tel deuh sek bawk, pastor in thutiam min chham tir lai chuan rilru zawng zawng ka pe lo hle, a chhan pawh in ngaizawng a, in hmangaih tak chunga in nei kan nilo a, a hma lawk in kan in hria a, a hnu lawkah ka fapa pa a ni tih hriat chhuah a ni a, hun tam a ral hma in, ka pasal a ni leh mai bawk si.












Ka la hrechiang lo in, ka hmangaih tak a ni em tih pawh ka chiang lo, ka duh tih chu ka pha lo, mahse chu thil chu hmeichhe tam tak rilru a ni ve tho tih ka hre ve kar, ka pasal a ni mai pawh hi awih harsa tak a ni, mipui lam chu ka hawi chhuak ngam tawh hauh lo, ka zam ve em a ni, ka fapa chiah ka hmu thei a hlim hmel leh a phur hmel mawlh mai hi en nin har tak a ni.














In neihna a zawh hnu chuan pawnah kan chhuak a, pangpar an lo theh a, an bengchheng hle, thla te kan la a, ka pheikhawk bun chu ka hne tawh khawp mai, thlalak chhunglah chu a rei zek leh nghal a, ka thawhpui te ho pawh an lo kim hle a, min rawn lawmpui tura tiang zat an rawn kal thei hi ka lawm takzet.












Tunah mai chuan Remruata hi hmangaihna emaw duh tak tak na ka la nei lo in ka hria a, mi in duh satliah an neih ang mai kha ala ni ni mai hian ka hria, mahse khuanu ruat kan ni ta a nih chuan ka hmangaih ve mai turah ka ngai, tunah rih chuan ka pasal satliah emaw, ka fapa pa angah chiah ka la ngai thei tlat a ni, "I ke a kham tawh a mi? " tiin Remruata chuan thlalak loh kar lakah chuan a rawn ti a.












zep buailo in, ka bu deuh nghat nghat, "a zo tep ang kan haw nghal mai dawn nia" tiin min hrilh deuh sap, engtin mah ka chhang tawh lo, hepa rilru hi enge ni ang tih ka ngaihtuah daih, min duh tak tak nge, a fapa a enkawl theih nan, min duh der maj mai zawk, het Zomuanpui zak ve deuh rawh, a duh thu che pawh ala sawi loh kha, tiin ka in hau ru leh lawi bawk.














Hepa vang hian ka rilru a buai nasa tawh khawp mai, mipa hnaih tum ngailo leh pasal neih pawh tum lo a, a nu leh a fapa enkawl chiah duh hmeichhia khan mipa tha tak pasal ah ka nei hlawl a, ka ngaihtuah ngai miah loh leh ka suangtuah ngai miah loh in ka nei ta ve mai chu a nia, han ngaihtuah chian hi chuan a nuihzatthlak letling zawk hial.












Thlalak a zawh chuan motor hunna lam kan pan a, ka thian a ka hman lah chu a phun char char, Remruata thianpa ka la hmuh ngailoh nen an in hnial phei char char, car chhungah te thleng chuan an la in hnial a, Remruata thianpa hian a chhiah kawlh mai mai ni in ka hria, a bengchheng ka ti deuh chuan "in bengchheng ngawi rih lawk teh u, nakinah in in hnial leh dawn nia" ka ti hlar














An ngawi ve mai bawk a, chauh nen a in millo em a ni, in kan thlen chuan an lo tam tawh khawp mai, kan hnunglamah pawh in neihna a, rawn kal chaw ei nghal tur te pawn min zui deuh duah duah bawk, sitting room ah chuan in chhung kan luh rual chuan kan thu phei nghal a, han in thlak daih lah kha thil mawi ni heklo, thlalak pui duh tu an lo awm nawk vang a ni pakhat.













Thla te chu kan han la leh ang nawk nawk a, biakin a, kan awm laia thla min lak pui ve hman lo te an lo awm nual a ni awm e, darkar1 dawn kan thut hnu chuan room lamah kan chho a, in thlak turin kan nupa room ni tawh ah chuan ka thiannu nen chuan kan lut a, Remruata te thian dun erawh in chung sitting room a, lo thu a thiante ho nen an in kawm thung.













An ni chu in thlak a ngai ve vaklo a, keini erawh mo kawr nen kan la ni sia, hak a hah thlak ve lutuk bawk nen, bakah puan chei leh kawr kan hak tura a in anga kan thui tir kan hak a ngaih vang a ni, a tir chuan in neih dan kal phung hi ka hre miah lo a, ka nutei in min hrilh fiah a, ka hre ve chiah, ka ngaihven loh lam tak a ni bawk nen, ka hre mai lo pawh chu awm ve viau.














"Awii kei chu maw, mate hna ka zawm thei lo ang tih ka hlau" tiin Judith chu ka bia a, mate tih hian ka thiante hi auh nuam ka ti thar thut a ka au leh nawlh zel, "zawm thei ang, bakah I fapa chiah a nia, awmpui pahnih an nei a, i pasala nu leh pa an awm reng tawh bawk anga" a tih chuan a ngaih a sam lutuk chu ka ner deuh nang.













"A ni ngawt lo, apa hian an school ala enkawl a, pathum lai an nei bawk si, hna thawk in a chhuak reng a, a nu lah huan leh pangpar atchilh tih takah, a ni leng hun hman dan a nia, awmpui tr kut a dah ringawt chu, ka fapa ka ngaihtuah ve bawk si, a bul berah chuan an chhungkua hi, mizoramah chuan thenawm khawveng leh mite zahkai khawsa thei an ni ve bawk sia, an monu hna thawh tir chu an remti hauh lo ang.














An fapa lah police officer alo ni leh zel bawk si, mi tam tak chuan an remtilo ve thin a" ka ti hap a" I ngaihtuah thui lutuk a nih kha, I in thlak zawh chuan chhuk qng, kan bo rei tawh e mai" tiin khum a thutna tang chuan a tho chhuak a, keipawh chu ka bu nghat nghat, doctor hi ka tuina leh ka nih chak ber a ni thin a, ka u vang chauh a hlawhtling thei ka ni a.














Ka bansan mai chuan a hma a thih hma a, a thawhrim na zawng zawng kha a thlawt vek dawn tihna nia, van atangin min lo thlir ve reng anga, a lungawilo viau loh pawn, a rilru a na ngawt ang tih ka hriat vang a ni pakhat, "han mu tawh rawh u, in chau ang khawnge in pa kha a awm, tak daih ni bawihtea chu lo ngaihtuah lo mai ru, kha kan bulah mut a tum a nih kha" Remruata nu chuan a ti a.














Ka hreh viau mai, a chhan pawh in ngaihzawn vanga in nei kan nilo a, in hmangaih tak vanga in nei kan ni bawk silo, han in pawhna em em kan nei hran bawk silo, ka sawi tawh kha, kan in hre ve chiah a, a hnu reilote ah, ka fapa pa a ni tih kan hria a, hun tam a ral hma in, pasalah ka nei nghal ringawt a ni a, a nungchang enge a duh zawng enge a tui engmah hriat ka neilo.














Lalremruata police officer a ni tih chiah ka hria a, a kum zat tak ngial pawh chiang takin ka hrelo cheu bawk, "e kha hei in pa chu alo lut alawm, bawiha khawnge I kal daih a" tiin ka nu ni ve ta, Remruata nu chuan alo ti a, ka ngaihtuahna tang ka harh chhuak nghal zawk, "ka thiante ka thlah lawk " tih bakin a chhang leh tawh lo, a tawng tam lo ve ngawt mai.











"Kha han mu tawh ru, in chau lutuk ang, kha Zomuani pawh a meng tawk tawh a nih kha" tiin, ka nu ni ve ta chuan min melh a, Remruata chu a bu nghat ringawt, zanin hian ka thianghlimna chu der thawngah a awm tih ka hria, ka pasal a ni a, a tana ka hlan tur chu ni mahse, ka la zuam ngang lo a ni, duh satliah ringawt mipa hnena hlan chu ka duh bik silo, leh lamah ka pasal a ni tawh bawk si..













Lu hai hian ka let der tawp dawn emaw ni zawk ni, ka awmdan lak lawh kual lutuk chu ka ngaihtuahna ka hmang nasa khawp mai, "chho ila" tiin Remruata chuan min melh a, ka bu nghat ringawt, tawngka a han chhan dan teh vak kha ka thiam lo, room kan luh chuan awmdan mai pawh thiamlo chuan kawngka bulah chuan ka ding reng a.














A ni erawh, khum lam pan in, a thu thla hnawk a, a pheikhawk bun chu a phelh hmasak tete hnu ah, a coat hak vel chu a phelh deuh mual mual, "tah Khan din tlaivar thak I tum em ni? " tiin nuihza in sum hmel pu hian min melh a, ka lu ka thing nak nak "tum mai mai lo" ka ti deuh hlak, a nui deuh hawk a, "zaidam nunnem" mi ti khanglang a nih chu.











Ka va han khawng chak tak, khawnge nichin a, ka in thlahrunna leh ka in ngaihtuah buaina kha an thlawh bo tak ka hrelo, hepa vang vek hi, a nghal leh lutuk a a buaithlak, "zanin chuan khumah hian mu la, chhuatah hian ka mu mai ang, ka tih ring suh" a rawn ti nih chu chhuatah ka mu mai ang a ti dawn emaw tia, lo lawm ve hman nen ka ner deuh nang nang a hmuh chuan a nui leh hawk.













"Nupa kan ni tawh alawm, bawihi in bengdai rawh, zanin chuan engmah ka tilo hram ang, mahse" tiin a ngawi daih a, bathroom lam a pan daih zui, sawi zawh law law awm, hre chak deuhin mi a awm tir a, thil tha lam a nilo phawt ang tih chu ka chiang tho tho khawp mai, ka in thlak vek tawh vangin, khumah chuan ka mu nghal thak a.













In bual pawh ka peih rih lo ka chau lutuk tlat, thlan tla nasa viau mahse, ka mutthilh theih tho ka ring, ka taksa te hi an na deuh thum mai, ka ke lah pheikhawk sang ka bun na kha a kham deuh ut ut tawh, ka mit te thleng hian a na deuh thum tawh, ka muhil dawn siar siar tih ah, bathroom thawm ka hria a, ka harh leh vek, in bual zo hlim tih hriat zet hian a lu a hnawng deuh chap a, a fresh tak zet bawk, chhiat hi chu a chhe mawlh lo mawle.













"Khatianga min en reng chuan ka tum loh deuh in ka che mai ang" a tih chuan ka hawi sawn rang khawp mai, a nui deuh suk ri ka hre zawm zat, "ka melh reng bawk lo che I hmu sual a nih chu" tiin ka pha ve nghal zat a, mahse a awih lo tih chu chiang tak in ka hre tho, "I in bual dawn lo mi? " tiin a thawmhnaw bawm a hai lai chuan a ti a, " dawnlo ka chau lutuk ka che reng peih rih lo" tiin a lam hawilo zawng chuan ka in her daih.








(chapter-2kha kan ti nangin, ka hman ngang silo a, hman deuh ni ah ti mai ang u aw)


Show post links
Top

[Ngaia]

MY LOVE











CHAPTER-23











BY CHHEPHAKI MUANI






Room chhung chu zau viau mahse, a uap ru deuh churh mai, ka muhil der deuh char char a, maimitchhing tho siin, ka ngaihtuahna ka kawm char char hi a ni mai, a mutna tur a siam deuh ruk ruk a, a mah nen in hmeh lo viau mai, nuih te lam lam a za, mahse chutia chhing ta reng chu ka lo chau ve deuh bawk nen, ka muhil nghal a ni mahna.













Ka harh leh chuan khua a lo eng uarh tawh a, Remruata mutna ka en chuan alo ti fel leh vek tawh tih ka hmu thei, muang tawk chuan ka tho chhuak a, dar zat room chhung a sana in tara ka en chiah mai chuh, ka harh deuh kawk thei nia, dar7 alo ri daih tawh, awii kei hi mo thar tukah thawh kan hai chu a niah.












A va han zahthlak tak, in hnuaiah chuan chhuk nghalin, ka sam chu ka chul mam thuak thuak a, ka hmai leh ka hâ pawh ka nawt hman lo, nakinah ka ti mai ang ti rilru chungin choka lamah chuan ka phei a, tumah an lo awm tawh lo, thawh an hre hlawm viau a niang, awmpui pahnih chiah an lo awm.











"Khawnge midang" tiin ka bia a, an hming ka la hre bawk silo a, ka biak mawl tawp mai loh chuan "ka pi chu huanah a awm a, kan pu te pafa chu hna ah an kal tawh, chuan I fapa chu room ah ala muhil" a tih chuan ka zak ang reng hle, kan nufa hi chuan mut hi kan duh ve khawp a.










Bawihpuia phei chu auh thawh loh chuan dar10 thleng pawh a muhil thei, kei erawh chu ka nu hian min au tho mai zel a nih kha, Remruata reng reng pawh chu min auh thawh ve mai tur hi a nia, chaw an ei vek tawh tak si ah chuan ka fapa thawh hun law law a ei ka duh tak zawk, a zahthlak dan a dang ve deuh mahna.












Tumah an awm chuanglo bawk a, common bathroom ah chuan ka lut a, ka hmai chu ka phih nghal zat, ka há erawh chaw ei khamah nawh leh a ngai dawn tho tiin ka nawt duh ta lemlo, hmai huh hluam chuan bathroom atang chuan ka chhuak a, "kha ta kha hmai hrukna kan dah" tiin awmpui pakhat zawk a nula zawk chuan a rawn ti a, a hmel atang chuan min mil vak hmel loh khawp mai.










Engmah sawilo chuan ka hmai chu ka hru ve mai a, "enge in la tih a, ka lo tihpui ang cheu, tih tur ka nei chuanglo a" tiin ka be leh a, an bulah chuan ka ding ve ta reng, "a ngailo ka pu ten engmah tih tir lo tur che in min tia" tiin nu upa lam tawh zawk chuan a ti a, tul ka tilo viau mai, "a ho lutuk engah mah ngai duh su, ka tih ve tur thi alawm" ti mah ila, a ngaih loh thu a sawi tlat.













Chutia min tih tak tlatah chuan ka nu awm na lama, kal ka rilruk ta zawk a, bawihpuia erawh a chau viau a nih ringin ka au tho duh ta rih lo, ka hna zawm leh duh viau mah ila, ka thu thu a awm ka ni tawh bawk silo nen, ka thu tawp a zawm leh tum kha chu ka pasala nu leh pa te ka hmai zah ve bawk nen, an mahni rem tihna thlap a zawm leh ka duh a ni.











Huanah chuan ka nu chuan thawnthu thlahrang thawnthu ngaihthlak pah hian a green house chu alo ti fai a, in hnung lam hi a zawl zau ve hle a, green house ah thlai leh thei a ching nasa hle, "nu ka lo pui ang che, thawh ka hai chiang lutuk a, Remruata lah in min kaih thawh a tum bawk silo a" ti nang nang chung chuan hnim tereuhte te ho a pawh lai bulah chuan ka thu thla a.












"e kha ilo tho tawh maw, kan au tho duh lo che a nih kha, nimin vel vang khan I chau awm sia kan tia, ipa in au tho duh suh u, an nufa in tunge mu rei thei zawk I en teh ang u a tia" a ti mai chu ka zak bawk si, ka pa chu a in lak mitak ang aia a naupang chhia bawk si chu ka nuih a za deuh tho, "bawiha ala muhil a mi? " a tih chuan "aw la muhil a ni te zawng auh thawh hma loh chu a tho teuhlo" ka ti vat a, a nuih a zat hmel viau.












"kum tharah chuan school hi kal tir ve tawh ila a tha ang" tiin ka nu chuan a tih zawm zat, keipawh ka duh Dan chiah a ni, " nia keipawh ka lo ti deuh a, a mah hi chuan a chakna a rei tawh a, mahse ka nu khan, kan enkawl no bawk si, a mah ala naupang chhia bawk si, tiin a phal mai lo a" ka ti a, a bu nghat nghat.











"A ni khawp ang, mahse hma chu ala hma ve hrin hrim alawm, tun ang laiah chuan kum5 kum6 hi a hi a ni tlangpui tawh a" a ti ve mai bawk, ka ngaihtuah tak tak keipawn bawihpuia chu ala no bawk si, a pangchang in a in la naute thiam bawk nen, mahse nakum ah chuan alo zia ve deuh tawh anga, a kal ve thei mai ang chu












Hnim sin tete pawh pah chuan eng eng emaw kan sawi dun a, Remruata chungchang te, a thinchhiat zia leh a tawng mawh thu tr a sawi a, a thinchhia tih kha chu ka awih khawp mai, mahse a tawngtlem kha chu ka awih vaklo, mi hnial dang Dan tur a hria in, a tawngthei si, a nghal tel khanglang bawk.










Nileng chu ka nu nen huanah kan hmang hi a ni mai, bawihpuia lah thenawm naupang nen an in kawm tawk hle a, nileng in an in kawm a, keini erawh chhun ei tur kan va ei zawk tih loh chu huan chhungah kan awm nileng a tih theih ang, tlai lamah kan lut ve ta chauh a, ka nu nena in kawmna hun thawl kan nei ta chu kan in pawh zual sawt a tih theih ang











A huan tumah in a, an enkawl pui duh loh thu leh an ei ve leh duh tho thu te a sawi thin a, kan nui hnem in, kan tawng duh dun hle bawk, "kha ilo haw tawh maw, enge vawiin I hna lam te a an? " tiin Remruata lo haw chu ka lo ti vat a, a nupui ka ni tawh a, chu thil chu ka zawh awm takah ka ngai ve hmiah











"A tha mahse banna ka theh lut a, kar thar atangin ka pa ka awl tawh ang ka ti deuh a" a tih pah chuan choka a, fridge chu hawngin, tui ala chhuak a, a in nghal khawlh khawlh " aw a nih chu mahse I duh ngailo Khan ka hre sia" ka ti deuh hap, ka hre chak ve a ni mai a, "nia ka hna ka chhui chhuah tura ka duh ber ka chhui chhuak taeh a, ka pa ka awl ve a hun tawh alawm" a ti mai, dik ka ti viau tho mai.












Ka pa pawh rei vaklo ah alo thleng ve thuai a, chaw ei nghal mai ka nu cbuan a rawt a, Remruata pawh in thlak turin a chho nghal, chaw ei an siam nghal mai bawk nen, zui chho ve talo chuan ka siam pui ta zawk a, "apu apu school ka kal ve chak tawh, ka thianpa Jona pawn school a kal tawh" tiin ka fapa chuan apu lo haw chu alo ti thuai a.













"Ehe ka tupa hian school kal a chak tawh a maw, I kal khawp ang, apu khan bawihpuia duh zawng tih sak loh a hlau alawm" tiin an in chhang a, a ti leh duh tak tak khawp ang, tuna Remruata te school hi mizorama a lian ber ber pawl leh a lar pawl a ni a, school tha tia sawi a ni bawk, kg atanga 12 thleng a awm a, hei tak hi an hausak pui a ni, English medium school a ni bawk nen.











"promise em" tiin a pu chu a melh deuh kiau a, apu chu a bu nghat nghat, " dawn chiang e a, ka rualin i kal thin anga, chuan apu rualin a haw leh anga" a tih chuan a phur khawp mai, mahse rei a peih erawh ka ring lemlo thung, chaw kan ei kham chuan Remruatan sawi duh a neih thu a sawi a, kan melh deuh thap, kei chuan ka hriat lawk deuh vangin mak ka ti hranlo











sitting room ah chuan kan thu thap a, bawihpuia erawh in a toys a khalh thung, "bawiha enge I sawi duh chu han sawi vat ta che" tiin a nu chuan alo ti thuai, "ka hna ka bansan a, ka pa ai ka kal tawh ang" a tih chuan ka nu leh pa chu an lawm hmel viau, an hmelah pawh a hmuh theih, "ka fapa I tih tur dik tak I ti a ni" tiin ka pa chu a nui deuh vur vur












"karleh lamah nangmah lawm na tur leh ka ban tur thu ka puang nghal ang, ka tupa school a lut nghal bawk ang" a tih chuan ka meng kawk, chutiang a tupa naupangte thusawi a tih sak chung chung ka rin loh teh reng nen, "e taka bawihi I hna kha I bang ta em ni? " tiin ka pa chuan min zawt leh zat a, a mood a fuh hmel viau mai












"Bang chiah lo, chawlh kha ka la ringawt a, engmah ka la buaipui lo" ka ti sap, "zawm kherlo pawn hei in pa hna thawk tur a awm a, I zawm leh duh a nih pawn I thu thu, pathian zarah kan harsa bik em em lo a, ka thawh zawm tawh lo ange I ti a nih leh hei I nu inah a awm a, a âng lai I ngaithla nileng ve anga, keipawh tih tur dang ka neilo bawk a, kan ngaithla dun dawn nia" tiin a tawp lam chu a fiamthu a.













Kan lo nuih hak hak laiin, ka nu chu a ngaihdan a nih vakloh hmel hle, "ka âng ngai thlawt lo" alo ti hlak a, "ka hrelo le, thawh zawm chu ka duh deuh a, ka tuina ber a nia, han bansan tawp kha ka ti deuh a, bakah ka la thalai tho sia, engmah tih tur a awm chuang silo a, ka ui ve deuh" ka ti niah niah a, ka pa ber in, ka zawm leh zawm loh tur ah thu min pe a, ka zawm dawn hi a ni tawp.













"Hna han zawm leh kha tul viau lo khawp mai, I pasal ka awm a, ka chawm hneh ve tho ang cheu" tiin Remruata alo tawng hmuk, mahse engah vak ka ngai duhlo, ka pa a thu zawk tlat hemi thuah hi chuan "nang pawh I tuina ber kum eng emaw zat kan nawr lui chung che pawn, I thawh kha, lo ngawi rih rawh" ka nu chuan a ti hmak.










Ka nu leh pa in ka lam an tang chu ka lawm hle, Remruata erawh chu a ngaihdan a nih vak hmelloh, mahse chutih rualin, thinrim tak tak a ni chuanglo a, ka ngai pawimawh ta lo mai, Remruatan phallo mahse ka dillui dawn tho a, ka pa leh ka nu in an remti tawh bawk a, phallo mahse ka ti lui tho ang, ka fapa in school a kal dawn phei chuan tih tur ka nei dawn silo a.












Ka pa te chhungkua ka fakna em em chu mizo rama khawsa thei pawl an ni a, chuti chung chuan han chapona leh han in duhna a awm ve lo, vengchhung leh an hriat a mirethei deuh, fa nei ve si, school kalna tha neilote tan an in pe zo em em a, an school ah an mahni sum seng bawkin, an kal tir leh thin tih ka hre ve kar, chubakah naupang nu leh pa neilo chenna in ah tanpuina an pe awllo bawk hei vang te hi a ni mahna, pathianin mal a sawm ni..












An thil tih te mipui hmaah tlang zarah lo mahse, an thatna chu lang chhuakin, mitin in an hria a, felna leh thatna, dikna te hi a tir chuan hai lanin awm lo mahse, a lang chhuak leh nge nge thin, chutih rualin, mahni thil tha tih pholang a, ti langsar mite erawh chu an ding chang rei ngai lo thung, an thil tih vekin a vaw let leh thin.


Show post links
Top

[Ngaia]

MY LOVE












CHAPTER-24













BY CHHEPHAKI MUANI.











"Bawihi khawnge ka necktie hi a awm" tiin bawihpuia room a, bawihpuia ka siam lai chuan Remruata chuan kan nupa room atang chuan a rawn ti lang langa, a aw a thum bawk si, a dahna a hre reng, kan in neih hma pawn, engkim a mahin a ti vek zel, bakah mipa chefel fai tak a ni a, buaipui a ngai thlawt lo tih ka hre ve reng.













Bawihpuia pu in, bawihpuia school kal tir a tum atangin karkhatna chiah a ni tawh a, Remruata pawh a ma ai a lut tawh bawk ang, vawiin ah alawm luhna program an nei dawn a, chutah chuan kan chhungin kan kal dawn a ni, "bawihi ka zawhna che chu" tiin bawihpuia room ah chuan a rawn lut ve a, " va awrh mai mai rawh, I hre reng" ka lo ti hlar a.











Zingah a hak tur engkim ka dah chhuah sak vek tawh a, necktie phei chu ka la chhuak hmasa ber a nih kha, "ka awrh thiam lo, min awrh tir rawh" ala ti cheu, hepa over Dan em em hi, a thiam reng sia, enge tukin zing hi a hriat ni, tun kar chhung khan nupa nun kan hmang ngailo a, mahse bawihi hi min tia, a theih ang angin min ngaihsak bawk.












Nupa nun kan hman lohna hi a ni mai nupa awm Dan tura kan awmlohna chu, a bakah chuan han sawi chhiat tur a awm em em hran miah lo, "I fapa ka buaipui tih I hriat ve reng hi" tiin ka hnung atanga min rawn kuah tu lak atang chuan tal sawn ka tum a, ala theih thak loh zui, " my boy hman tawh em? " tiin bawihpuia necktie ka awrh tir mek lai chuan a rawn ti a.











Ka darah a khabe a nghat dat bawk, "va I siam vat rawh, in tlai ang, keichu ka in siam chhung a reilo ang" ka ti tak na in, a rei leh dawn tih keimah baka hrechiang an awm awm lo e, keimah hi in chei em em ngailo mah ila, han chhuah ve dawn hi chuan ka rei thei khawp mai, bakah tunah phei chuan ka pasal principal a ni tawh anga, a lawm luhna a ni bawk si, zahawm tak si, mawihnai taka in chei ve a ngai..














"Lo va in siam rawh a mak e mai, Lalremruat" ka ti deuh hlak a, bawihpuia khum tlanga thu Lalremruata chu a nui suk duh chauh, "khatia I buai lai hmel khahmuh anuam ka la ti alawm" a ti a nih chu ka lai ve tho bawk si, nui duh miah silo hian, thu tak hmel zetin, "va in siam mai mai teh, in lak zeina hun a ni thlawt lo" ka ti hlur tawh.













A tawp a tawp ah, room lamah a phei ta hram, bawihpuia ka siam zo tawh bawk a, "bawihpui I school bag nen hian in hnuaiah lo zuk chhuk rawh le" tiin ka kun hniam a, na vaklo hian a biang ah ka piai zeuh bawk, alo duh lo ve nasa mai, ka kut chu a beng thla nghal a, ka nuih deuh hak, "amaa khawihte I duh tawh lo vel maw" lungawiloh hmel tak hian ka ti kual vel a.











"Aih, mahse tlangval ka ni tawh a, school naupang ka ni tawh a, biangah an in khawih sak ngai tawh lo" a ti vei ngei a, ka va han kuk chak tak, ka fapa chu nilo se chuan ka kuk tawh ang, in la tlangval leh lutuk mai, a rilru lah hi a puitling zek leh nghal a, "in hman tawh chuan in pafa in in hnuaiah lo zuk chhuk ru, ka in siam ve a ngai" tiin ka fapa chu ka en a.













"apa" tiin a room atang chuan a chhuak nghal a keipawh kan room lam ka pan ve nghal, ka hna zawm ka pan min phalsak a, bawiha te pafa hi school velah hian han lut fel dun phawt se, tiin thu thlukna ka siam a, naktukah ka join ve theih mai chu ka ring tawh, bawihpuia lah school a ban apiangin, a pi leh pu in hruai an tum ruh hle bawk nen, ka leh awl phian dawn a nih hi













Remruata a police hna atanga a bang chu an ui viau hlawm mai, tun thleng hian zawm leh mai turin an pu ten an rawn sawm awllo a, a ni lah in alo hnial ve zel bawk, a tui ber na leh hna tha tak a ni a, a bansan mai pawh hi a uihawm viau na in, apa a tar ve tawh a, hna thawh tir reng a duh bik lo ni in ka hria, tawngtam mi leh han titi luam chi a ni bawk lo nen, a thawhpui ten an nel viau lawi bawk si.












A ruk hian alo tawngthei zek nge ni anga, a mizia a thup mai mai tih pawh hriat loh, ka in siam chhung a reilo ve teh mial a, in hnuai atangin an pafa in min rawn auh chhawk sek tawh bawk, chuvang a ni pakhat, "kal ang u, in hmanhmawh cheng chung lutuk a, ka duh ang pawn ka in siam hman hlei nem" ka ti hlak hlak a, ka nu leh pa chu an kal tawh thung.













"I chhelo tho alawm, in chei vak pawh I ngaih tawh loh kha" Remruatan nghal zeta motor kan luh dawn a, a tih chuan rum zetin ka melh a, "I nghal a nih mai chu bawihte lut rawh le" tiin a hnung chu ka hawng a, keipawh luh ve mai ka tum chu "a hma ah chuang rawh" alo ti vat, ka melh zeuh a, "bawihtea a mah chiah in a sin a chuan dawn" ka ti vat.












"a chuang ziah ni lawm ni? " tiin a fapa chu a rawn bih zeuh a, a fapa lah chu alo bu deuh nghat leh nghal, hnial lemlo chuan a hma ah chuan ka thu lut ta ngei ngei, driver seat ah a rawn thu lut ve nghal a, "bawihi hna chu zawm lo in, in ah i awm mai thei zawk lo a mi?, I tan a hahthlak zawk mai mai, bawihpuia, hi enkawl zawk la" min tlawn deuh ti tih hian a ti leh a.












A vawithum sawina a ni tawh, "kan la chawl ang chu, mahse tunah rih chuan ka nih chak ber a ni a, bakah ka u in rim taka a thawh sa, tiang dinhmun ka thlen theih nana, tha leh zung alo sen tawh zawng zawng kha a thlawn mai a, luan ral tir ka duh lo a ni" ka ti hap a, engmah a sawi tawh biklo, a ngawi reng a, school kan thlen thleng in kan tawng leh tawh lo













Bawihtea thusawi kan ngaithla hi a ni ringawt, school kan thlen chuan naupang an lo tam khawp mai, pawnah chuan an lo in fiam deuh nak nak a, chutia kan chhungkua a min hmu chu min lo en duh hlawm ngang mai, "bawihte I school thar tur chu enge a an" tiin bawihtea chu ka bia a, a ngawi deuh hmak bawk sia, motor a a tawng duh duh nen .












Ka pa office ah chuan kan lut a, zirtirtutr pawh an lo thu deuh thap, "e kha in lo thleng thei maw, hei hi ka fapa te chhungkua an nih hi" tiin ka pa chuan a a room a kan luh rual rual chuan a ti deuh sawk sawk a, a fapa in a school a enkawl duh tawh chu a lawm ve hle ni tur a ni, a mood a fuh hmel char char khawp mai.













Bawihpuia chu a pi bulah a kal nghal chat a, a mah duat tu hi chu ahre ve a nia aw, "bawihte i class turah kal ava hun awm ve" ka ti sap a, ka pa chuan "ti Khan awm mai rawh se, naupang kan luh khawm tir tep tawh tho" alo ti awlsam et a, an tupa hi an duat sual ang tih pawh a hlauhawm, tun atang hauh in, a duh zawng leh a duhloh dana awm tir an tun bawk silo













"a lawmawm khawp mai, in lo kal thei a, naupang ho kan luh khawm nghal tir mai dawn em ni ang, exam a hnai tawh bawk nen class lak hi kan duh thawh ve riau sia" zirtirtu pakhat chuan alo ti a, ka pa pawh chuan a pawiloh thu alo sawi ve vat, kan in zui chhuak dam dam a.












ka rin ai daih in, naupang an tam, helai lo ah pawh school dang dang an nei a, tiang ang vek naupang an nei a nih chuan an tam khawp ang, naupang chu an rawn lut khawm nak nak a, keini erawh dawh sanah kan thu thung, an luhkim hnu chuan "awle zirlai naupang fel tak tak te u, vawiin ah chuan a hma kan sawi lawk tawh ang in, ka fapa hian minchhawk tawh dawn a ni a, ka fapa leh a nupui leh fate lo ding sela" a tih chuan tul ka ti vaklo hle














Chutia a tih tak meuh ah chuan kan ding a, ka fapa lah a tira a phur phur nen, a ngawi deuh hmak a, kal a duh leh chiah lo tih a hriat reng, mahse engmah a sawi bik lemlo mai mai ni in a lang, kan thut leh hnu chuan Remruata chu in hmelhriat tir pah a, thu sawi turin a sawm a, "awle naupang fel tak tak te, ka pa angin ka puitling in, ka tlin lo maithei, tlin lohna tam tak ka nei ngei anga, chumi hunah chuan nangni leh zirtirtutr kutah kain nghat a ni' a ti dap dap a.















" Ka pa hi in hriat tawh angin, in sawiselna a ngah tan em em a, ka hna pawh ngaipawi mawh hmasa lo in, ka pa ka chhawk tawh dawn a ni a, ka tih ngailoh leh ka ngeihven ngailoh a nih vangin, a kawng hawi pawh ka hre dawnlo a ni, chumi a thlen hunah chuan in thlahrung hauh lo in min hrilh thin ula, awle tha taka kan in hrawn ho theih ngei ka beisei" tiin lawm thu a sawi a












Kan thutna lam a rawn pan nghal nal nal, hepa tawngkam thiamlo leh lutuk hi chu aw, ka lo zirtir lo a ni, eng eng emaw an sawi leh hnu ah, hun chu a tawp nghal mai a, ka pa office thin vawiin atanga, Remruata office ni ta ah chuan kan lut khawm leh a, zirtirtute pawh an rawn Kim leh khawp mai, thu ho mai mai sawiin an titi deuh nak nak hlawm a.













An sawi ho in, an nuihna a ho hlawm bawk si, ka lo nui ve leh ringawt zel bawihpuia chu a in hak nalh ve tawh nen, office in luh leh rualin, a muhil nghal daih a, api in a pawm deuh hlun bawk, a lian tawh bawk si, a hahthlak ngawt ang, "nu khawi lo la rawh, ka lo pawm ang" tiin ka ban a min hnial lemlo khawp a niang, min pe nghal zat.













Chutiang chuan hun chu kan hmang chho ve mawp mawp a, kan hun hman a dang ngai lo, bawihpuia school a kal a, Remruata pawh chuti tho, an pafa in an kal rual a, aputen an hruai haw thung thin, ka pa lah chutia a fapa ber in, hna a awl takah chuan a in ti awl thawng thin khawp mai, kan nupa in kar a tha a, min ngaihsak in, sawiselna tur ka nei ngailo











A chang chuan a lakah hian ka in thlahrung thin a, ka nel thei ngailo, zep loh chuan in pawhna tha tak leh in nel tak sa a, in nei kan nilo a, ka dem awm bikloh, mahse kan in neih hnu pawh hian, hmeichhe dang emaw han rinhlelh tur an awm ngailo, kan fapa a ngaihsak in, a duat a, a mamawh engkim pek vek a tum thin.










Hna ka zawm ve leh tawh a, a hma ang em kha chuan tlawng awl tawh lo mah ila, in chhung khurah in thlahrun na tur ah lah min hnem thiam hlawm em em a, mo nih chuan an pasala chhungte mitmei vengin, in chhungkurah an che a, mahse keichu ka pasal a nu leh pa an fel hlauh zawk a, hna ka thawk a, min hrethiam in, min dawm thiam reng zel.












In chhunga ka chet loh pawn, engmah tawngkâm an nei ngailo a, an rilru a zau zia ka hre chiang hle tawh bawk, "Bawihi ka file kha min lo pe teh" tiin bathroom atanga ka chhuak chiah chu Remruata chuan alo ti nghal a, kei erawh a ngaihna hrelo zetin Remruata chu ka lo melh hu, ka hmelah chuan ka hrelo tih a hrethiam a niang.












"Hmanni a, dah tha tura ka pek che kha" a tih takah chuan ka hre chhuak zawk, "e aw kha kha maw, min zawt teh thut lutuk a, ka bo deuh alawm" ka ti nang nang a, ka lehkha pawimawh dahna, fle lian ka dahna lam chu ka pan nghal a, ka hawng nghal zat, "kha vei aw, enge a? " tiin ka lo zawt ve takna in, a nhi suk duh chauh leh nghal.


Show post links
Top