MY LOVE BY Chhephaki Muani Muani (Completed)

[Ngaia]

MY LOVE













CHAPTER-1











BY CHHEPHAKI MUANI









"Nu tiang teh thut hian engtin nge a nih theih? " hrilh hai si, rilru na bawk siin ka ti hrawk a, ka thinrim vanga tawngkâm vin hmang ka nilo, ka thin tawt lutuk leh thawk ngaihna awmlo khawp a, in hnawh ang mai a, awm vang leh rilru nat lutuk vang a ni, "mate kan chunga thil thleng hi kan pawm thiam mai angai a ni, tunah chuan kan khawsak pawh a pangai ve viau tawh a, aizawlah kan lu sun te hi han reh se, kan chhuk thla mai niang chu" a ti a, ka pawm theilo a ni.














Ka u min hmangaih em em tu, ka lehkha zir loh hlau a, a zir lai kalsan a, lehkha ka zir theih nana, thawk thin chuan min kalsan in a fapa min hnut chhiah a, ni e ka u hian class12 ka nih in ka pa khan min boral San vang khan, hna thawk in ka zirlai ka zawm a, ka nu in a theih ang tawka thawkin, kan chhungkua min chawm a, doctor nih ka chak theih em vangin, ka nih theih ngei turin theih tawpin, ka u in hna a thawk thin.














Hah a sawi ngailo a, engmah a sawisel ngai heklo, ka pa kha teacher pension a ni a, a pension hlawh nen, ka u hlawh nen, ka nu leh ka u chuan doctor ka training na turin rethei tak chungin, an khawl thin, tunah chuan kan khua ah doctor ni in sorkar hnuaiah ka thawk ve a, kan khawsak pawh a nuam chho viau, nikum khan ka u hian mipa khat tawngin, in zawmna engmah neilo khan an chesual a.












A mipa chu tu nge a nih ka hrelo, mahse ka haw takzet, ka u tianga a kalsan mai hi ka pawm dam theilo a ni, ka u ka khawngaihna leh ka lainatna chuan min ti tawt zual hle, ka u khan thenrual alo ngaina hle nge, a thihni chuan rawn kal an thahnem hle a, khawdang dang atang pawn rawn kal an awm nuk mai, keini ve mai kara tiang khawp a, min rawn sun pui an tam kha chhiat tawk mah ni ila, ka lawm takzet.















A hmasa in, ka hming chu Zomuanpuii ni in, ka u hi Lalnunpuii a ni, tunah hian ka kum23 na ka hmang ve mek bawk, ka kum ngaihtuahin, engtin nge doctor I nih theih min ti mai thei, mahse mizo school atanga chhuak ka ni a, class1 leh class2 kha class khatah kan thu a, school ka kal hma vang pawh a ni pakhat tho, a awmlo tih chang ka nei be thin tho.













Middle kal chho ve hma in, kan thiannu ka luh rual pui pa hi, sorkar middle school head a ni a, hei hian ka fanu nen kan school ah rawn kal deih mai ta cheu a ti a, keini naupang mawl ta chu kan thian ho panga chuan kan duh ta a, kan chhungte pawn an lo remti ve mai bawk nen, class4 kal kum tur ah khan class5 kan kal leh bawk si nen, kan rualpui te ai deih in kan class a sang reng a ni.














Lehkha zir ah ka tangin, ka tum nih ngei tum in ka bei thin a, thiante in fiam lai pawn in fiam ve duh lo in, in ah lehkha zir kha ka thlang zawk thin, "Bawihi tunah chuan i ni te zuk fin a, in luah tur kan zawn ve mai a ngai a ni" ka nu chuan a ti a, ka duhlo viau nangin ka nu in a tih tlat vangin, ka pawm lo thei bawk silo a ni, ka u khan a fa pawmna pa hi a sawi duh ngailo a, ka zawh hi chuan ka fa pa hian fa a nei dawn tih pawh a hrelo, fa a nei dawn tih pawh a in hrelo a ni chu mihausa tak a ni a, ka tan chuan tih buai loh a finthlak ber a tih kha ka hriat zawng a ni mai si.














A hming erawh ka u sawi kha ka hre tawh, Lalremruata a ni tih zawng ka hria, ka zawng chhuak anga, phuba ka la ang tih chu ka duh dan ni mahse ka nu in mambawih a mipa chuan tih sual nei tho mahse keini pawh kan thiamlo ve tho, a rai tih i u in a hriat tir lo a, rawn ngaisak turin a ngaihzawng pawh a nilo a, in zawmna an nei silo a, a rai tih chu hria se, a ngaihsak ve tho ang chu a tih vang chauh a ni.















Ka u fapa chu Joel lalremtluanga tiin ka nu chuan a hming a sa a, ka u vanga doctor zir chhuak thei ka nih vang leh keimah vanga a nun a chhiat vek vanga thupa chawi nan leh lawmthu sawi nan, a fapa chu ka fa anga enkawl ka duh thu ka nu ka hrilh a, ka nu pawn sawisel emaw a tum chuanglo, ka sawi tawh em? ka u hi ka pa fa hmasa a ni a, kum10 a nih chiah in kan bulah a rawn awm, kha tih lai khan naupang fing ka ni ve tawh bawk a, ka hre ve.
















A nu a thih tawh vanga rawn awm a ni a, kha tih lai kha chuan ka nu kha chuan a thin a rim in, a tuar thiamlo em em a, fa hmeichhe dang laka alo nei kha a duh lo hle a, mahse a rei a kum a vei meuh chuan a fa anh chiah in hmangaihna nen a enkawl a, kei unau pianpui duh em em thin chuan ka nngaina nghal em em bawk, tunah chuan ka u chu a nu kiangah thlamuang tak in a awm tawh ngei ka beisei.















"E kha in lo thleng thei maw" tiin nutei chuan alo ti a, ka nu nau chiah a ni, aizawlah hian pasal neiin a awm a, ka nu nen an in ang hle, mitam tak sawi dan phei chuan phir an nih hi an ti thin, ka u thih khan a pasal in accident a tawk hlauh a, chuvang chuan an lo kal ve thei lo a ni, an pa hi police a ni a, fa an nei theihloh vang in, in pawh an sa lian lo na in, a changkâng ru hle thung.















Nausen pawm kan ni bawk nen, kan che buai ve hle, keilah seilo tih takah naupang lawm ngailo leh han ti peih vaklo ta chu ka zeilo lutuk hi ka nu leh ka nutei hian min nuih leh tawp zel, ka nutei pasal hi a ke a hman theih tawh loh vangin, wheelchair ah a thu ta ringawt a ngaih phah a, misual an umna vanga accident a ni awm e, pa fel tak a ni a, an nu leh ka nu hna thawh chhuah lai pawn, fiamthu te thawh in nau kan lo awmthin.













"U in luah hran hmundang zawn kher ai chuan in hnuai mi luah tura kan tih hi luah mai ula" ka nutei chuan a ti a, chaw ka lo ei mawlh mawlh thung, bawihpuia a harh hman ka hlauh vang a ni pakhat, "ni tak e, a tha tak ang chu, luah ula kan in bawr pawh joela a len chhoh hunah pawh a reh lo deuh anga" nutei pasal, pa Rinpuia chuan alo ti ve bawk, "in luah man vel chawi a, luah tur zawn zawn angai hlei nem, tah chhungten in ruak neih reng laia" pa Rinpuia bawk chuan a ti leh.













Ka nu pawh chuan an tih dan dan a nih thu te a sawi be luam, "in luahman in pek loh ngawt chu a ni thei lo ang, hei mambawihi pawh thawhna tur damdawiin tr an zawng anga, kan nei ve em em ang" a tih pawh chuan an phal lo a, a ngaihloh thu an sawi nasa hle, kei chu kham vatin, bawihpuia tap chu ka mut tirna lam chu ka pan vat.














A nu ka nih loh vang in hnute nu hnute pawh hnek tur a nei velo a, doctor ni mah ila, a hnek tur tha ka hre lo hle, kei chu mi zai leh taksa peng a natna te chutiang lam hawi deih chu a nih vangin, ka hre lo hle ka nu hian a rawn lei mai zel, kan khaw lama kan bungrua ho, khi lama kan chhungten motor in an rawn thawn thla dawn a, naktuk chu ka puih hman hmel loh che" ka nu chuan thut khawmna rawn phei pah in, nutei bulah chuan a ti a.














"E ni tak maw, naktuk chu kan kal lo mai dawn nia, thenawm velah hian tleirawl an tam a, an school chawlh ni tak a ni bawk a, an tam leh khawp ang, bungraw thiar turin kan ti dawn nia, an fel hlawm alawm, dawr lam chu Nunuin alo buai pui thei tho ang" ka nutei chuan a ti sam et a, ka nutei hian puan bih chi te, mizo thuam te zawrhna dawr a nei ve a, a lun ve thei hle.














Hna han neih vat vat ila, bawihpuia ka nu in a awm thei dawn tho bawk nen, tunah chuan ka fapa a ni tawh a, a tan theih tawp a hna ka thawh ve a ngai, a len hunah midang te awt reng reng leh hreawm taka a awm ka duh loh chuan rim taka ka thawh ve angai, ka nu pawh a tar ve lam taeh bawk nen, in ah awm se ka duh taeh a ni.













KUM 3 HNUAH( TI DUAI ANG AW)







"Bawihpui pipi thu ilo awih em? " tiin video call chuan ka fapa kum3 mi chu ka bia a, kum thum ti ila, tun kum hi a kum thum na chiah a ni, "imm awih, hauh ngaiin ka awm tawh miah lo, chocolate min lo hawn thei" a ti a, naupang dang ang lo tak in, a tawng fiah hma hle a, mahse a hrisel lo em em thung lawi, damdawi ei ngai reng a ni.













Apa ka la hmulo bawk nen, anu hmel a chhun lo hle a, apa hmel a chhun a ni mahna, enkawl a nuam in a fel em em a, a mah hi a felfai em em bawk, fa la neilo mah ila, ka fa ang tak takin ka enkawl a, a pian hlim atanga ka enkawl vang a ni mahna, "doctor in inmargency a awm" tiin nurse pakhat hi hmanhmawh zetin a rawn tlan phei a.













Keipawh chuan "bawihpui ka dah aw, chocolate chu ka lo hawn ang che, ka buai rih a" tiin ka dah nghal a, ka doctor coat ipte ah chuan ka khung nghal zat, civil ah thawk in, a kum a kum thawk ve tawh ka lo ni bawk nen, nuam ka ti ve hle, I. C. U lamah chuan ka tlan phei ve nghal a, a chhung ka luh rual chuan mask leh kut kawr min lo bun tir nghal a.














In zaina a kan hak thin pawh min hak tir nghal vat, doctor pakhat a awm ve bawk a, nurse panga lai an awm bawk, "a mah hi, kan kulikawn a an dah police offer Lalremruata a ni a, misual an um laiin an kap hliam a, silai mu hi a lut thuk hle, aizawl sumdawng milian fapa a ni bawk" nurse pakhat in a tih chuan a tul teh duah ka tilo hle.














A hliam dan kha sawi mai se ni tur, engmah chu ka sawi chuanglo, a hmel chu a pa in a khabe kual dan chu a pa hle a, hmul a to deuh siar siar bawk, a mah police a nih vang nge, a sa a tha ti dawn ila, a in fit hle ang tih chu a hriat, kan mizoram police thenkhat ang lo tak in, a pian a fuh hle, thau dul kiar ang kha a ni ve hauh lo bawk, silai mu kan lak chhuah zawh chuan thisen te khai in, nurse ho chuan an buaipui nghal mawlh mawlh a.













Ka tih tur ber ka zo tawh bawk nen, ka thaw huai thei, doctor pakhat lo awm ve chu a chhuak a, ka zui ve nghal hepa hi chu a tawngtam lo ve hrim hrim a, a nupui kha ka khawngaih ngawt mai, tiang em em a tawngtam lo, kan in hre tha ve tawh tho nangin mi han biak lum lam hi a tum ngailo, fa a nei tawh bawk in ka hria, damlo chhungte ni ngei tur chuan min lo pan vat hlawm a.













ka kut kawr bun lai hlip in bawlhlawh bawm ah chuan ka paih nghal a, ka mask ka phelh nghal bawk, "ngaihtuah awm a nilo e, a tha leh vat mai ang, mahse silai mu kha a luh thuk deuh vangin, kan hliam zau deuh bawk nen, in dim rih chu a ngai ang, a rawn harh har lo ang, thisen kan pe mek a, a hnim hlum khan a hneh deuh dawn vangin a mah pawh a harh pawn a harh chiang lawk lo ang" Ka ti a.














Tawngtlema pawh a la ding ve reng, ka chhan ah a dah niang, a mah an pan pawh khan a tawng lo reng reng, a tawng hi ka la hrelo, a tawng theilo pawh a ni maithei ti dawn ila, a ni chiah in ka ring bawk silo, a hahthlak khawp mai, " a room tur ah kan dah lut dawn a, room ruak hi a awm mai lo a" tiin nurse chuan damlo chhungte nena kan lo din lai chuan a ti a.














Avabuaithlak e aw, "ihh mipakhat hi na em em a neilo a, a chhuah theihna a rei tawh a, a chhuak duh lo a" a tih chuan ka thaw hak, a awmna room ka zawh chuan min hrilh vat, kan awmna tang a hla lutuk lo bawk nen, ka pan vat, a chhungte bia in, ka titi pui a an ni pawn an lo hre thiam khawp mai, na em em pawh a nei tawh lo, accident a ni a, a ke ruh leh a ban a ti na a, a ke pawh a dam leh vek tawh, a kut hi a ni mai a, chulah na em em a ni tawh lo bawk, a sum sen na tur hriatloh thlak hi ka ti rilru khawp, an fapa lah chu a sual hmel khawp a.














"nakin deuh ah an chhuak anga, in lo dah lut mai dawn nia, ti khan I. C. U room ah khan awm rih mai rawh se" nurse min lo zui ve tu hnenah tiin, ka room bik lam ka pan vat, ho te anga lang si hian mi zai hi a hahthlak reuh zek a, ka dar te chu a na deuh thum hian ka hria, ka dar chu ka thutna a thut pah chuan ka chum deuh dat dat.













Ka vun hi ngo lam a ni a, ka nu leh pa an hang lo bawk nen, ka ngo ve hle, baby face ka la neih vang hian ka upat ve tawh ang hu hian, ka lang naupang tlat thin a, mi thenkhat pawh hian kum20 vel turah min ngai thin, cher ni silo in ka tawk chiah a, ka sang lo bawk nen, midang hmuh dan atang pawn a awm viau, ka sam ka ka kawng thleng tep in ka zuah ve nangin, ka thlah ngai meuh lo.















ka suk zawh a, a ro hma ka thlah hi a ni mai, a bak chu ka bawk tawm loh leh ka tawn mai thin, hna ka thawh phei chuan ka thlah ngai lo tawp a ni mai, ka sam a tlem bawk a, han zuah ve mah ila, midang sam tam an nin ang em em chuan ka ning lo, a tlem ve em a ni, thlah ngailo e tilo hian a ngil reuh zek bawk.













(enge in ngaihdan han sawi ve ula)


ADD CLICK KHA AW


Show post links
Top

[Ngaia]

MY LOVE










CHAPTER-2












BY CHHEPHAKI MUANI









"Doctor nimin a damlo, kan police officer kha, a hliam atang khan thi alo chhuak tha leh a, haw a tum tlat a, a taksa a tih chetna nasat na lamah, thi a chhuak tha leh a" nurse, Lalremruata ni ta in ka hria, a mah veng tur leh awm chilh tur bik a, a chhungten an rawih, nurse chuan a rawn ti a, ka damlo enkawl lai a ni bawk nen, ward ka fang lai chu midang kutah dah in, a awmna room lam chu ka pan nghal a.














A nau ni awm tak leh nichin a, min lo au tu kha an lo awm a, damlo chu hlauh hmel zet hian an lo melh hrak hrak, "engvanga min chhuah tir duh lo nge in nih, min dan tum hlek suh u" ka lut tih a hriat rual rual a, ka lam rum taka melh pah chuan mi rawn ti a, nghal pang mai a, ka thinchhia ka zet lo, "damlo khumah tu te nge awm thin a i rin? " ka lo ti hmak thung, mi melh rum khawp mai.













"Mu rawh, che che lo khan i hliam kha chet pui chi pawh ala nih loh kha, police ve lai si, naupang ang chiah a awm tum suh, ila chhuak em em ang, mahse tunah rih lo, nurse a tuamna tur leh a hliam silna tur rawn la rawh" ka ti nghal zat, mi melh rum eng ang mahse ka va han hlau lo ve chiang tak e aw, nurse in mi rawn pek hnu chuan a lam chu ka pan a.












A duh lo nge, ka thil ken lai rawn vai buak a tum chu ka thil ken chu ka la sawn vat, "awm tha rawh, puitling i nih tawh kha, kha ai khan i hliam kha nat belh ta se, kan mawhphurh na a ni, kan damdawiin hming chhiat theih na a ni, chuvang chuan helai ah hi chuan ka thu rih zawk" ti hmak in, ka nem mu a, engmah sawi lo in min melh run run ringawt tawh.













A hliam ka tuam zawh hnu chuan ding chhuak in, "ti khan nihnih vel awm la, a zia mai ang, nurse damdawi ei tir nghal bawk ang che" tiin kan damlo lalkhirh vela chu melh leh zeuh in, ka chhuak nghal deih, kha tiang mizia kha ka ei thlawt lo, ka chek hian a mil thei thai lo, bawihpuia nena an in ang lutuk erawh mak ka ti hle, mahse palh hi a awm ve thei a, ka hriat sual pawh a ni mahna le.











Nileng chuan damlo buaipui in ka buai nileng hle, tlai lamah kan pu in min biak duh thu a sawi vangin, a room lam chu haw hma chuan ka pan nghal a, a room kawngka bul ka thlen chuan kik deuh dat dat in, lut tura min chhawn hnu chuan ka lut nghal vat, "e kha lo thu rawh, kan pu Remruatan damdawiin a awm chhung chu a ma private doctor turin nang hi a duh che a ni" a ti chiah mai chu ka meng phawk hle.














A mah en dik chhung lek pawh nin mah nak laia, "sir midang an ti thei mai lo mi? " beisei nei zet chuan ka ti a, "nangmah ngei a duh sia lawm, hrethiam mai rawh, an hausak zia i hriat kha, keini tan an duh ang tih hi a him ber, bakah ram tana a in pekna vanga, hliam a ni a, chuvang chuan theih tawp a alawm na siam leh ngaihsak kan tih mak mawh a ni" a tih tlat si vang leh min ngen nasat em vang chuan ka pawm ta hram.














In lamah chuan ke chuan ka haw deuh hnak hnak, ke a kal hi nuam ka tih vang leh fair chawi reng ai chuan ke hian kal ila a nuam ka ti zawk, nutei pasal pawh nikum lam atang khan a kal thei tawh a, a hna pawh a zawm leh mai thei ni awm tak a ni, a awm ve tho, misual an um vanga chezual an nia, tiang kha chu a theih ni turah ka ngai ve mai, engmah ka hre chiang lo na in.












Ka fapa pawh nakum lamah chuan school a kal ve thei tawh anga, a tawng fiah vak lo na in, thil sawi theih hi chu a ngah tawh khawp mai, kan hlimpui thei hle a, kan in ah hian a awm hman meuh lo, nutei hi in ah awm a ching thar a, bawihpuia hi ala chho reng mai thin, ka day off chang pawn ka chang ngailo tih theih a ni, an pa nen hian an atchilh ka ti mai.












Zanah pawh hian a mut hma loh chu an awm pui chawt thin a, ka nu hi zanah an in ah han leng in, bawihpuia nen an rawn haw rual leh mai zel, chutiang reng chu a ni mai, kan nitin hun hman dan chu, a ngai reng a, hun chiah a in her danglam a, kan hun hman dan erawh keini chhungkua ah chuan a ngai reng hi a tih theih ang.












Khawsak harsa tur em em in, kan la hautak lo bawk nen, kan ei leh in hi a ni mai a, bawihpuia lah, eng han ngen thei ala nilo bawk nen, toys lam hi chu ka nutei te khawsak a nuamsa bawk nen, an ni fa nei ta lo chu, bawihpuia duh duh an leisak ta thin a, bazaar na a, an chhuah pui te hian, a ngen tawh hi chu an lei ngei ngei mai zel.












Hei hi ngaiah a neih ka hlau em em na in, naupang mai an la ni bawk si nen, bakah a nu tak ka lo nih loh na ah leh a nu a chan tih ka hriat chhuah leh thin vang hian ka khawngaih leh thin a, han zilh vak dawn hian ka tim tlat zel, "e kha bawihi ilo haw maw, bawihpuia pawh an la chho leh tawh a nib kha, an duat tih khi a hre leh lutuk a, a pangchang leh thin" in ka luh chuan ka nu chuan alo ti bawrh bawrh a.














"Umm kan in bual nghal lawk ange, ka ban lutuk tawh, bawihpuia chu a chhoh na a rei tawh em? " ka tih zawm ve zat a, a rei tawh thu leh chaw a ei nghal tur thu a sawi a, ka nui hak, kan in hi a nuam ve pangai hle a, room hi pahnih a awm a, mahse a lian lutuk hranlo, bawihpuia nen room pakhat kan luah a, pakhat ah ka nu a mu thung, choka leh sitting room hran ve deuh mahse, a hmuh tlang vek theih tho, ka sawi awmzia tak ah chuan a in zawm tihna ang a nih chu.













Bathroom hi pakhat chiah a awm a, in bualna leh in thiarna a awm kawp nghal a mai a, shower chu a awm vei thlap bawk, tui vawt ka hman duh zawk vangin, shower chu ka hmang ta lo a, tap a mi tuilum zawk in chung atanga kan pawh thlak chu ka hmang ta zawk, ka in bual zawh meuh chuan ka nu chuan chaw ei alo siam fel diam tawh.











LALREMRUATA POV*







"Kha hmeichhia kha tu nge? " tiin ka nu ten a nurse min rawih sak chu ka zawt a, "maw" a ti deuh hu chu ngaitheilo in, thawk ka la hawk, "kha doctor kha" ka ti leh hmuk, "e Dr. Zomuani a nih kha" a ti a, ka bu nghat ringawt, kum thum liam ta khan, hmeichhe pakhat nen tih palh thil thu in kan chesual a, kan ruih em vang a ni, nilo se khatiang kha a thleng hauh lo ang.













Hmeichhia ka ngaihsak lo a, ngatan mah ka tilo ti ila chuan ka sawi sual deuh mahna, ka mit la tu awmchhun a ni, min hlau hauh lo te, a baby face in hmeh zet te, ka mit lak tum reng reng a, a khawsa ve miah lo te khan eng emaw zawng takin min ti phur riau leh nghal a, ka nu chu kha doctor chhuah hnu lawk chuan a rawn thleng ve leh mghal a.













"Ipa chu tlai lamah alo kal ang, I nau pawh rawn kal a tum kha" a rawn ti zung zung a, ka ngawi reng ringawt, "bawiha ka awm rei hman rih lo ang aw, I nau school kalna tur buaipui in ka kal leh nghal a ngai dawn a, ka zawh ah ka rawn kal leh ang" a tih chuan ka bu nghat ringawt, a chaw rawn ken chu ka ei theih turin a rawn chhawp nghal a.












"Nurse ei ve nghal daih mai ta che, hei ka rawn keng hnem lutuk alawm" ka nu chuan nurse a hming pawh ka hriat loh, min enkawl tura an tih ni atang pawh a, vawikhat chiah ka la biak chu a ti a, "angailo mai, ka thianten min lo ken dawn a, zingah doctor lo thlen hunah ka ei chauh ang" a tih chuan a sawm lui ta biklo, "bawiha ka kal phawt ang, tha deuh khan awm la, khatiang hmel kha pu reng suh, an hlau ang cha" tiin min zilh zawm zat, ka nui suk ringawt.















ka nu chhuah deuh hnu lawk chuan ka hna thawhn a, ka nau te zinga mi, chu a rawn lut hlawl a, "sir zawng tura min tih kha hmeichhia kha, kum thum kalta khan a boral tawh a ni" a tih chuan pawi tihna em em ka nei hran chuanglo na in, a thi chu a pawi ti tawh mai ang, ka tan tumah a nilo a, ka tan pawimawh na a neilo, ka zawnna chhan pawh buaina awm thei thil vang a ni, ka bu nghat ringawt a, a thih chhan pawh zawh ka tum lemlo.
















"sir chuan hei hi a chhungte ho" tia min hmuh chuan ka melh thuak a, mahse ka bih nawn leh vat, a mah a ni a nu leh Doctori ngei mai leh apa te ho nen an ni, an hlim hmel hle bawk, unau maw an nih, engtin nge a thlen theih zawk, "I kal thei ang, kar leh atangin hna ka rawn zawm dawn a, report fel fai tak ka hmu duh ang" ka tih zawm zat.















Bu nghat in, a chhuak leh nghal mai bawk a, ka ngaihtuahna chu a kal kual thui khawp mai, "kum eng zat nge helaiah hian a thawh tawh" ka ti leh tawl a, engvanga chu chu zawt nge ka nih ka hre hauh lo, a hawi â deuh hu ka hmuh chuan "Zomuani chu" ka lo ti hmuk "kum thum lai a ni ve tawh, fapa pawh a nei in ka hria" a tih chuan ka ner nawng.














Pasal a nei tawh tih chu awih a har hle mai a, a kut ah in neih zungbun a awm lo a, chutiang bawk in, a hmel ah khan ala naupang tih a hriat, Lalremruat chutiang ngaihtuah hman i nilo, ngaihtuah tur i ngah lutuk, tiiin ka lu chu ka thing nawk nawk, kei kum30 meuh pawh, senior tawh hnu lamah, hmeichhia a mit la deuh Tu a tawng ve ta lawm.














Ka ngaihtuahna vang chuan ka nui suk a, ka chhuah hauh lo ang, pasal ala neilo tih ka chiang, in neih zungbun a bun ngei tur a ni, nei chu nise, fa a nei tawh tih chuan min ti buai leh ta khawp mai, "pu i hliam thuamna kha thlak a ngai a" ti sap Tu chu melh in ka bu nghat, thinawri mi rawn vin leh hma in thlak tir ila tha zawk, vawiin atang chuan a hmel ka hmu nileng thei tawh ang.














Ka private doctor turin ka ruai tawh miau a, damlo na em em nilo mah ila, belh chian chak tak hmeichhia ka hmu tlat vang a ni mahna, hei pawh hi ka awmdan lo pui a ni, hmeichhe ning em em Tu khan tunah ka ngaihsak leh ta thut hi a mak tih piah lam a ni, a mah ngei mai, ka hmuh tirh atanga ka ngaihtuahna ti buai reng Tu chu a rawn lut ta zan zan mai, ka lo melh run a, a nui sang reng tr chuan a hna thawh a tlin zia ka hmu ni mai hian ka hria.















ZOMUANI POV*






(NGAIHNAWM EM LE?)

ADD CLICK KHA AW


Show post links
Top

[Ngaia]

MY LOVE












CHAPTER-3











BY CHHEPHAKI MUANI





ZOMUANI POV*






Kan misuala room chhungah chuan ka lut a, a lo thu tung deuh ut a, a pum hliam chu na a ti tawh lo emaw ni le, "nurse I chhuak thei ang, hei in doctor hian min vil tawh dawn" alo ti hmuk a, a thu thu a helai hna thawk ho hi min awm tir a tum emaw ni zawk le, ka ner nawng nawng ringawt, nurse pawh chu a chhuak ve nghal mai.










Rum tak tak chuan ka melh ringawt thin, mahse ngah mah a la ngailo zui a, "mi melh rum vak vak suh, I mit kha mi melh rum sir na lamah khan a kalh zo ang" ngeiawm zeta nuih pah chuan a ti sup a, melh rum tha tawh tak ka ni, ka chhang buai peih ta em lo, "khawi i hliam kha ka lo en fel ang" tiin ka pan hnai a, a kawr hak chu hlim deuh in, a pum a kawng hnaih vei lam sir a, a hliam chu a tuamna pelh in, ka en vat.













"Rin ai takin, a dam chak naktukah chuan i chhuak thei tawh ang" ka ti sap a, "kan chhungkaw private doctor turin ilo awm duh em? hlawh pawh helai ai chuan a hlawh a tha zawk ang" a tih chuan a hliam ka tuam zo chiah bawk nen, ka ding chhuak a, "helai hi nuam ka ti zawk, ka lawm rual rualin ka duh lo mai ni teh se" ka ti sap a, a hmui ti sawi zeuhin, a bu nghat ringawt.











"Okk " tih chiah a sawi, eng em em mah han tih sak ngai emaw, buaipui ngai lutuk a nilo bawk nen, lehlam takah chuan ka awl let ling phian, thutthleng an dah ah chuan ka thu a, ka phone ah games ka khel ta vel mai mai, chutih lai tak chuan "ka ril a tam" a rawn ti thum deuh dut a, ka phone chu dah in, a ei tur an dahna chu la chhuak in, chhang leh theitui chu ka pe a.











A palian bawk nen, a puar zawh pawh ka ring meuh lo, ka en deuh vang vang chu a hria ni chek ang chu mi melh zeuh chung hian "ka hmeltha tih chu ka hre tho a, mahse khatia mi melh reng kha chuan ka lai ve thei tho a nia" a rawn ti dut a, lai zet leh ka awmdan lak lawh zet chung chuan ka hrawk za lo deuh chung chuan ka khuh deuh kharh kharh.










"Ka en reng lo che, i hre sual mai mai nih chu" ka ti deuh hmak, a ni erawh a nui hawk ringawt, hepa hi hnaih loh a him ber dawn in ka hre tlat, a bulah hi chuan ka zam em em zel leh nghal a, ka thinphu te lah hi a rang dawt dawt zel, " ka sawmna che chu i duh lo tak tak a maw? " a tih leh chuan ka thaw hak, "duh lo duh lo" ka lo ti mai, ka thinchhia ka tih pawh kha.










Chawhma chhung chu in be lemlo chuan kan tling tla ve mai a, chawhnu erawh a nu kha a rawn kal a, min be vei luam a, kei pawh chuan a mawi tawkin ka chhang ve mai bawk, a fapa a duat dan em em chu kei mi fel famkim ni ta lo chu ka lo eilo ve lutuk, kum30 emaw bawr a ni daih tawh anga, a nu a tar tawh en hi chuan a naupang thei tawh lo hrim hrim a.













Huizzz Zomuanpui khatia mi fapa an ngaihsak te lo eilo ve ringawt tiin, lu ka thing deuh na na a, ka phone ka hmet ang chiah ka fapa thlalak ka hman chu ka melh vang vang, a ni hi enkawl lo in ka fa angin en lo ta ila chuan tun anga ka hlimna ang hi ka nei miah lo ang, "Dr.Zomuan bawiha damdawiin chhuah hunah, kan in ah chaw rawn ei ta che, lawmthu sawi pah i" Lalremruata nu haw tur chuan a ti a, han hnial ka hreh si.













Ka nu rual han hnial em ka hreh deuh bawk si nen, ka aw ta ringawt a, mahse ei erawh ka tum tak tak chuanglo, tawngkam tha te hi a awm ve a, a enge mah hma in, Remruata chu ka melh rum em em ringawt a, a ni lah min lo en reng bawk nen, a ngaihna hrelo zet chuan min lo en deuh hu a, ka lai leh si chu lei chhuah zeuh in ka hawi sawn ta daih, a nui hawk ri chu ka hre reng, mahse ka hrelo der hmiah thing.














Kan in be tam lo hle a, a damdawi ka ei tir leh a hliam ka en fel bak kan in hnaih lo bawk, bakah a hmel te ren run hi biak a chakawm loh ve reng reng, a rum deuh ul reng mai bawk sia, tlai lam ka haw dawn tawh hnu lam chuan hmeichhe pakhat in feng chhing zet hi a rawn lut a, a hmel pangai bo thak khawp in makeup a hmang nasa bawk.











ka lo melh run a, mahse a ni chuan min hmu awm pawn a awmlo, hnamdang tih dan a hria nge maw ni, pangpar bawr zet hi a rawn keng a, ka lo ngaihtuah kual leh nasa tawh mai, a damlo kânna chi loh hi ka lo ti hman pek a, kei hi enge maw ka hriat thin ni, "Bawiha damlo tih ka hrelo a, min hrilh i tum bawk silo, I nu in min hrilh lo se chuan " a rawn ti lut nang nang a, a tawng nô zia lah chuh.













"I hriat a tullo a ni mai" pakhat lah chuan alo ti hmuk bawk si, a hmeichhia saw ka ni ang tih ka lo hlau khawp mai, saw pa pawh saw a sual ve reng reng, min an rawn tlawh ve em em a, khatia lo chhan reng reng ni, "chhuak rawh hetah tih tur i neilo" a tih leh hmuk chuan kei pawh chu hrilh hai zetin an lam chu ka hawi, ka lo awm ve kur sia nuam ka tilo deuh.












"Bawiha enge i hriat a? ka ngaihtuah ve che lawm" a ti nau deuh hnap a, "ka bialnu awm lai in, khatiang khan min au tawh lo la, chuan min ngaihtuah a ngailo ang" a ti leh hmuk, kei ka hawi phawk tawh nasa mai, "saw nu saw maw, kei aia i thlan zawk chu" tiin a kut tang kuttin sei zet chuan min kawk va a, kei hrilh hai bawk siin, keimah leh kei mah in kawk chung chuan "kei mah hi maw" tiin ka in kawk deuh vu.













"Ni mai e, nang lo ang takin min phatsan a tum lo" a lo ti leh hmuk, kan mimawla ngawt ngawt chuh, a bialnu anga mi chhuah ngawt le, chunu chu thinrim zetin a chhuak nghal a, "hei pawnga enge khatia i bialnu anga mi sawi ngawt, a nasat hmel ropui si, a ni nena in tih buai ka peih lo nia" ka ti nghal pang a ni reng bawk, hmel en khan a nasa dawn tih hriat reng reng.












"Ka nu bulah pawh ka sawi daih tawh, ka bialnu angin, mahse a tak nilo in, reilo te chhung" a tih chuan ka meng phawk leh zual, a â tak tak emaw ni zawk le, "pawisa ka pe ang che, a thlawn lo ang" a tih chuan chutiang chung pawh chuan ka duhlo, "hei pawisa duh ngawih ngawih turah min ngai a mi? midang zawng mai rawh " ka lo ti hmak.










"Ka pa leh ka nu in nupui min neih tir a tum vang a nia, reilote bak a nilo ang, nupui neih ka peih lo, ka nun an ti buai" a tih chuan ka ngaiutuah vang vang, ka duh chuanglo, bakah fapa nei lai ka ni a, a der pawh nise ka fapa ah chiah in sawrbing ka duh, "ka thei lo ka tih chu" ka ti hmak, "I theilo a nih chuan khawi hmunah pawh i thawh theih loh na turin, ka siam thei che" a rawn ti hmuk .












ka awmdan chu ka mawl hmel ngawt ang, "I ti theilo ang" ka ti hluk, "ka thei khawp mai, nge ni a, min enchhin phawt i duh zawk? ka thu sawi tawh chu ka hlen ngei ngei zel" a rawn ti hmak mai si, "thla engzat? " ka ti hluk, nui suk chung hian "thla thum bak a ngailo ang" a ti a, "okkk a tha ka pawm ni rawh se, mahse phut let ka nei" ka ti a, enge tih nan a mit ko a san zeuh.












"Chu chu nakin ah" ka ti ta daih, sawi tur ka hriat leh siloh vang a ni, bakah hlawh min pe dawn tho a, pawilo turah ngai ang, a hmel a chhelo bawk a, a der pawn hmeltha hi chu ngaihdam theih mai ang, ka fapa vangin nulat ka hmang hmanlo a, ka thianten a an nulat an hman nawm zia an sawi in sawi tur ka nei ngailo a, bialpa lah ka nei ngai heklo, ka nu leh ka fapa chawm ka ngai a, sum thawk chhuak in ka buai reng a.












Nula ni reng siin, nutlawi ka ni pah bawk si, nun hlimawm tak sawi chhuah tur ka nei ve lo na in, ka fapa leh ka nu an hlim chuan ka hlim a ni mai, ka fapa ah hian hlimna nei a chu bak duh leh nuam tih ka nei chuang lo, "mi ei zawh duh hmel deuh khan mi melh reng suh" ka thil ngaihtuah lai chuan ka lo melh reng nge ni a rawn ti phut a, kan damlo nimin lawka rawn awm, ka hriatna pawh nimin chiah la ni si, a bialnu angin ka tang ta ringawt dawn chu a niah, hriat pawh ka hriat ngailoh leh nghal.









(to be continue )

ADD CLICK KHA AW


Show post links
Top

[Ngaia]

MY LOVE










CHAPTER-4












BY CHHEPHAKI MUANI







In ka thlen hnu chuan engmah tih hman hma hauh in, ka fapa chuan min lo bawr nghal chat a, a ni hi tunah chuan ka dam chhan a ni a, fa ka la neilo a, fate hmangaihna nasat zia ka hre thiam lo, mahse ka theih tawk leh ka mihring mihrinna atang chuan ka theih tawk in ka hmangaih ngei, mahse pathian thu nena zirtir a nih chhoh lo a, sual kawng a zawh a nih chuan a ni thiamloh nilo in, ka thiamloh a ni dawn si.












An sawi thin kha, naupang chu a zirtir awm kawngah zirtir ula, a len hnu thleng pawn a thlah lo ang tih kha, he khawvel hum sual a rawn dai mai hi ka hlau a ni, engtin nge ka u kalna a ka kal ve hunah, in chhuang tak leh hlim taka, ka enkawl that thu ka hrilh theih ang ni, in chhuang tak leh hlim taka ka hrilh theih nan chuan ka theih tawp chu ka chhuah ngei.











Mahse pa tello in ka enkawl chho thei angem ka hrelo, pa te chu pa nge nge an ni si a, nu chuan hmangaihna nen kan en a, an sualna ngei pawh hauh a hnek in, thu tha hmanga, silh ah kan thlak thin, mahse chu ringawt chu a tawk tawh dawn silo a, pa te an pawimawh chang a tam dawn si, "bawihi a mak vung vung thin e mai" ka nu chuan choka ang reng deuh a kan siam ve atang chuan a rawn ti lang lang a.













Ka harh zawk, "e aw nu enge? " ka ti vat, ka fapa min biak ve na pawh chu ka lo hrelo hi a ni, " bawihi, I u khan ba alo ngah a niang, i doctor zirna atan khan alo puk thin a, a thawk chhuak tho nangin, kha tih hunlai kha chuan i hriat kha, kan harsat zia, a ti sap a hriat chian tum chuan ka nu choka ding chunga rawng bawl mek lam her in ka thu rem a.











"Nu enge i sawi awmzia chu? " ka lo ti let ha thung, hemi chungchang hi ka hrelo tak zet, ka u khan engmah a sawi ngailo a, a thih dawn thleng pawh khan a sawi lo hrim hrim, rai cheh a thi chu ni em lo mahse, a rilru hah leh sawn pai tia mi in an sel a ngaihthlak ngam loh vanga rilru hah chaw ei theilo in, nau an vei zui kha a tuar ta lo a nih kha, ka doctor zirzawh kum chiah kha a ni a, kum thum ka training hnu ah, hna ka thawk ve tan dawn chiah a.











Tiang khan ka u a awm leh si a nih kha, nilo ka thawk tan tawh zawk mawle, mahse ka first day a ni, doctor training kum hi a in ang lo ve a, kum thum kei kha chuan ka training thung, nuai 2 lai a ni a, keini tan chuan a tam rih lutuk tlat" a ti hap a, ka hlawh chuan ka pe thei mai ang, mahse chhungkaw chawm lai ka ni a, a vai vai chuan ka pe thei dawn silo a.











"Tu hnenah nge alo bat reng reng" ka ti sap, "kan khaw mi hausa tia an sawi thin, te kha ni awm tak a ni" a ti leh chiah ka hre thiam ta chiah, mahse tunah chuan ka rulh ngei a ngai a ni, hetiang thleng thei tura min enkawl dan te, ka nu a awl hneh zia te ka hre vek a, tiang hian hna zahawm tak leh tha tak nei thei turin, ka zirlai min zir zawh tir a, min chher puitling bawk, a ba chu ka rulh tur a ni.













"Nu a tam tho na in, ka thla khat hlawh leh ka thla hnih hlawh chanve vel chuan a daih mai dawn chu, i rilru kha ti hah vak suh, a hma tanga kan in khawl tawh atang pawh khan kan thei reng alawm" ka ti a, a ni pawh chu a hahdam ve ta deuh a niang vawiin lama, bawihpuia chet dan vel a sawi a, ka nuih leh hak hak thin.










Mahse bawihpuia hi thawhah leh natna kai mai mai hi a ching a, nu hnute hne lo tih takah a sawng nawi bik em em bawk, tlang hri leng te hi a kai hma bikin, a damlo sam em em thin, mahse han nat hlauh hlauh erawh a nei ngai meuh lo, a thawhah hi kan buaina ber a ni a, a tha tura ka rin damdawi a ei ve mai thin, thawhah tak hi chu a reh rih khawp mai.












Zanah chuan ka nu leh bawihpuia pawh a ngai te bawk in, ka nutei te in lamah an chho leh tawh a, tv a hnung pawng ang chi kan la neih chu ka en mai mai a, a hnung pawng chi mah nise a chhuak hmasa pawl kha a ni bawk nen, a tlo zek a, kan nei rei tawh khawp mai, a hma nutei te hman hlui a hlai chi mahse lian em em hran silo hi hmang turin min ti a, hei hi a chhiat hunah ka nu in a ti tlat thin.











Kan in hi an duh thu sama an siam zawh hma a luah lut kan ni bawk nen, a ni teh tlawng em a, thawk khat lai kan awm tirh khan, hna ka nei tawh bawk nen, ka hlawh lak hmasak ber khan, in cheina tarmawi te, leh eng eng emaw lei in kan in pawh a muk ve khawp mai, ka pa leh ka pi leh pu damlai kha chuan chhungkaw harsa em em kan ni hranlo, tunah pawh midang ngaihtuah chuan nuam sa tak chu kan ni












Ka nu te nutei te in a an leng chho chu bawihpuia leh pa Rinpuia an in fiam leh tawh a niang, cement chhuat ah pawh a hriat khawp, an ri deuh dup dup leh a khat tawka, bawihpuia khek leh thin chu a ni, tv pawh ka en theilo, an in hlei bengchheng chu ngaithla in, ka nui leh suk ringawt thin, in chung tui a daih hman tawh vangin, tui ka lum chawp a, a so hnu chuan .













Ka in thlakna tur vel chu room ah chuan ka va la a, towel nen ka lut nghal zat, a hma kha chuan u mipa kha ka awt thin em em a, a chhan pawh u mipa tr nge nge chuan min chawm hneh dawn vang a ni, tiang em em hian kan khawsa biklo ang, mipa uap lum in leh uap lum lohna in hi chu a dan a dang khawp mai, ka ballo bawk nen, ka in tleuh thuak thuak a.













Balhna tur engmah ka khawih lo miau, zing ah ka in bual bawk a, mi ka zai te a nih loh chuan in tleuh thuak hi ka duh tawk mai thin, balhna hman a awm lo miau a, nitin zing leh tlaiah kan in bual ziah bawk nen, "bawihi saw tah, pu Sanga kha a hniam deuh an tia, an in ah kan va kal lawk ange, nang pawh lo phei ve la, thalai ho an tam mai, tiangah hi chuan i hman chuan tel ve thin tur" a rawn tih zawm zat zat a.














Ka phei ve nghal tur thu a chhang in, a chhuak leh nghal a niang a thawm pawh a reh hmak, thenawm ah hian putar tawh deuh mai hi a awm a, a tar tawh lutuk vangin, a khum beh nat tawp a, damdawiin ah han kal pui thin mahse, a mah hian a duh miau bawk silo nen, in lamah an in enkawl deuh chawt mai ni, an neih hian a tlin hrim a, private nurse hi an kawl tawp mai ni.













Kei pawh chu in thlak zawh chuan tih tur dang nei tawh heklo, tukverh in hawng vel khar fel in, tv chu ka off a, kawngka kalh na pawn chhuah hma a kan tar chu la zeuh in, ka chhuak nghal a, thenawm te a ni bawk nen, an ri nak nak thawm pawh a hriat, kawt kawngpui ân mah nise, an bei tha zek a, kawngpui atanga zuk thuk deuh a an sa a, an rem hre hle.













An in ka thlen chuan ka rin ang ngeiin, thalai an tam, tiang natna nei emaw thi mai thei an awm a nih chuan thalai hi an kal khawm vat zel, veng tlawm ngai tak a ni ka ti lo thei lo, a hma zawng khan ka kal ve ngailo a, tun hi ka vawikhat kal na, chu pawh thenawm mai a nih vang in, hna nileng in kan thawk a, chauh a na thin bawk nen, kal loh ah ka tlak leh mai thin.











"E kha Zomuan ilo thleng maw, damdawiin kal pui kan tum lah in a duh bawk silo a, a chau deuh tulh tulh mai bawk si nen, min han en dik sak mai teh" an monu chuan alo ti vat a, a hmelah chuan a mangang tih a hriat mai, a awm ve tho a, a pasal a pa nen hian in a awm chawt an ni bawk nen, an in awm ngun in a, ek leh a zun a thiar sak vek bawk nen, a awm ve tho.












"Pu min hre thei em? keimah Zomuani kha, damdawiin ah han kal ang hmiang, kei pawh han kal ka ngai a" ka tih chuan a lu na lo te hian a thing a, a tawng peih meuh lo tih a hriat, a mah chu ka en zung zung a, enkawlna pangai a dawn vat loh chuan a nunna hi kan chelh reng thei tawh dawn lo tih a hriat hle bawk, "sweet a rukin kan lei nghal anga" ka ti a, a duh lawk lo, midang chuan min lo en thap a.













Pawn lama mi ho pawh an lo lut nual bawk, a zam awm lek lek mai lawm le, "damdawiin ah chuan tha takin kan enkawl che nga, chuan i kawm rual tur pawh an tam mai" ka tih takah chuan a hma thian kawm chak tak chuan a duh ve mai, a hma heta kan awm tirh kha chuan ala tha ve hle a, mahse tunkum kum tir atang khan a chau tan a ni, ni lum ai a, pawn a an rawn pawm chhuah chang hian, ka be luam thin a, min nel tawh hle.












A rem tih takah chuan "ka thawhna lam han pan pui leh phawt mai ang u, a hnai ber a ni bawk a, tuna enkawlna tha tak a dawng lo a nih chuan mihring kan in chan zolo mai ang" ka ti a, midang pawh chuan in buatsaih sap sap a, veng mawng lam atanga lo kal car rawn ken a rawn thawh bawk nen, motor zawn buai ngailo in kan kal nghal vat a.












Damdawiin an pan tur hna thawk ka lo ni bawk nen, chin chang i hre zawk tiin, kal ve tur in min ngen kha a nia, kan tlan lai chuan ka thawh pui doctor duty ka hriat te chu ka call a, kan awmdan leh kan chin te chu ka hrilh a ni pawh chuan a lo buaipui fel tur thu a sawi ve mai, Kei erawh in zai na lamah ka tel theih loh hmel viau, duty time a ni bawk silo nen.










"Pi ka lut ve thei anga, mahse ka enkawl theilo mai thei a, ka duty time a ni silo a, mahse lungngailo ula, ka thianpa tho a nia, nakinah duh leh ka duty time ah, ka enkawl laiah ka lo la dawn nia" ka ti a, a hmelah chuan a hahdam hmel viau, mi hi a ngaisang der ve thiam a, a pa a zual deuh chang hian an chhungkua hian endik tur hian min rawn pan ngei ngei thin, an fel letling zawk Kei a kara min lo thlamuan pui ve hi.












LAREMRUATA POV*







"Kha hmeichhia kha chhui ang cheu, a engkim ka hre vek duh a ni" ka pa in ka mamawh huna pianga awm tura a tih pa chu ka ti a, pu nghat in alo chhui zui tur thu a sawi a, a chhuak nghal zat, a ni kha ka hmeichhia a ni ngei ang, hmangaihna hi chu a awm ngei, mahse Kei erawh chuan ka hre thiam lo mai pawh nilo in, ka tan hian in ngaizawng te in kara hmangaihna hi a pian ve theih ka ringlo.













Duh chu ka ngah, chumi zingah chuan kha hmeichhia pawh kha a awm a ni, ka thil dub chu ka nei ngei thin, ka duhloh hunah ka theh thang emaw ka paih mai thin, chutiang bawk in hmeichhia pawh, ka pan ngailo in min pan hmasa thin, mahse tuna mi hi chu ka duh a, ka pan hmasa zawk chu a niah, hei hi ka tih ngailoh tawp a ni, ka tan chuan ka hna police hna bak hi duh leh nuam tih ka neilo.










"Pu naktuk atangin em ni i rawn join ang? " kan in w, lehkha pawimawh rawn dah tu, ka nau te zinga mi tho chuan a ti a, karleh lam a nih thuin ka chhang ve mai, a haw hnu chuan ka room lamah ka chho a, kan thil chhui lai ah hian ka rilru ka pek a ngai a ni, kan bei rei dawn riau in a lang, zawh vat ka duh, computer hma ah chuan ka thu ran a.












'Engtia in hnamhnawih thei nge a nih, hmeichhe pangai tak emaw ka ti a' tiin ka phun sep, ka mak tihna chu ala reh hlei theilo, Zonuni a ni a, ka bialnu hlui a ni nghe nghe, hmeichhe bum hmang tak a ni tih chu ka hria, mahse tianga in hnamhnawih tur em chuan ka ringlo, rinhlelh thu hla ala ni rih nangin, rinhlelh theih a awm ringawt pawh chu kei a mak tih a ni tho.







(Changtupa pov hi chapter2,5 vel ang chhung hi chu a awm zeuh zeuh ang aw, a dawt leh ah chuan changtupa leh changtunu ah kan thlur bing deuh ang)


Show post links
Top

[Ngaia]

MY LOVE











CHAPTER-5












BY CHHEPHAKI MUANI







"Kha hei hi i kut ah ka dah mai a ngaih hmel, ka zin a ngai thut sia" tia kan doctor pui kan senior in a tih chuan a file min pek chu ka bih deuh vut a, "natna serious em em chu nilo mahse, enkawl uluk loh chuan hlauhawm tak a ni thei thung a, heta a awm chhung chu tha taka enkawlna a dawn a ngai a" a tih chuan doctor mahni ila, ka thawhna kum3 zet ni ve tawh mahse ka la in ring tawk chiah lo.












"Senior midang ti tur dang I zawng mai theilo mi, kei ai tha pawh an tam sia" ka ti a, Senior tih bak hian ka au ngailo, a hming dik tak chu Ramdina daih a ni, " nang lo chu he laiah tiang lama tha an awmlo, ka ring che a Nia" tiin a kal daih leh nghal, han hnial tang tang ka hreh bawk si nen, ka thaw hak ringawt, ward fan a ngaih tawh vangin, room ah lut in, ka doctor coat chu ka la.












Ka chhuak leh nghal, ward chu nurse pakhat nen kan fang nghal a, a zuan a zang bawk nen, damlo na tak tak kan nei chuanglo bawk a, chutia han serious em em an awm hranlo bawk a, vawiin chu a leh lam takah chuan kan awl phian mai, ka room bikah bawk chuan ka awm leh a, tih tur em em ka nei rih lo khawp mai, nimin lam kan hah bawk a, kan awl ve a ni mai.













Kan dam chuan hun hi alo kal chak khawp a, hmanni lawk ang maia, ka u ka chan ni kha hun rei ala liamlo emaw tih mai tura chiang in ka la hria a, tunah erawh a kum a kum chuang a vei ve leh der tawh chu a ni si, a fapa hi han hmu ve in, han dampui nise a hlim pui dawn teh lul nen, "kha iva awl awm ve" rawn ti lut ngawt Tu chu ka melh vut, ka meng phawk teh e.












Hepa hi enge a rawn tih dawn reng reng ni, "enge i rawn tih ve dawn ngawt a" ka lo ti hmuk, " aw ka bialnu lem lem tur ka rawn hmu chu sual vakna ka hre lo" a ti deuh kher a, ngei zeta melh chung chuan "aw haw leh la, hna va thawk rawh, police hman leh lutuk" ka ti hlar a, "thinchhe sia maw, hmeichhe ho lah hi, a te te hi in khawlh in in thinchhe leh nghal" a ti duh lek chuah.













Ka hma dawhkân bula, min hma chhawn zawng chuan a rawn thu tharh a, ka lo melh rum hle, "mi melh rum lutuk teh suh, min la hmu fo dawn a nia" min melh lem lo a, a kut tin keuh zeuh zeuh pah hian a rawn ti leh kher, "enge i rawn tih dawn reng reng" ka lo ti thung, ka hnial zel chuan a tawngthei si, ka hnial hneh dawn lo chiang sa.












"Vawiin tlaiah ka nu in chaw ei turin a sawm che, ka bialnu i ni tih ka sawi hma pawn, sawm tur che in min ti tawh a, ka bialnu i ni tih ka sawi chiah chu a nawr in min nawr cheng cheng reng a, ka rawn sawm che" a tih chuan "I bialnu pawh ka ni reng reng a mi" ka ti thung, thaw hak pah hian, "kan sawi fel vek tawh kha" a ti hmuk.














Leh ringawt chuan a, a thinrim ringawt emaw ni zawk ni, "okk, keimah in ka rawn kal thei, lo va kal rawh" ka ti ve hmuk, "bawihi, kan awmna i hria mi? a pawimawh ber chu kan pahnih a kan kal lo a nih chuan zawhna min zawt ngei bawk anga, ka peih hauh lo' a rawn ti ve leh, chhan ngaihna hre lo chuan ka ngawi ta reng.











" in pu ka hrilh tawh, min zui nghal thei ang" a tih chuan a thluak ah hian enge maw awm ni, "nang aiin ka damlo te ka ngai pawimawh zawk tih hria la" ka lo ti hmak, "damlo chu enkawl tu tur an tam, ka bialnu tur chu pakhat chiah an awm a, ka kalpui tur nen, chu chu nangmah" a ti vei hmak, a nelawm tak loh em vang chuan ning zet chuan ka doctor coat chu hlip in, ka in thlak nghal a, kekawr erawh zinga ka hak ka lo la ha bawk nen.














Ka hman nghal mai a, ka hman rual rual chuan a ding vut a, a chhuak nghal daih, mawl henu reuh sia maw, chhut thluk ka va han chak tak em, a hnungah chuan thu awih hmel zet chuan ka zui ve a, a kal chak bawk si, a ngal a sei bik bawk si, ka um det det hi a ni mai, a car dah na kan thlen meuh chuan ka hah tawh hle, "nangmah ang veka ngal sei kan nilo, I kal hlawk hlawk le" ka ti hlak a, a nui deuh hawk.












"Sorry ka lo hrelo a" a ti ve mai, car kawngka tr chu min hawn vei thlap a, a car kawngka min hawn ah chuan ka lut ve nghal mai a, mizo in kan hman ngai meuh loh chu seat belt hi a ni, a tangkaina tak tak kan pawh pha meuh lo, "ka nu chuan a hmu chak tawh khawp mai che" driver seat a thut luh ve pah chuan a ti a, "engvang" ka lo ti thung, a lam chu ka melh zeuh bawk.













"ka hre bik lo le, ka nu hian mi hi a nel mawh khawp a, engtin nge i tih bik tih erawh ka hre hauh lo" a ti vei sup, a nu nen hian kan in nel em em pawh ka hrelo, a damdawiin awm lai pawn, vawihnih kan in hmu a, chu zawng chu ni mai sia, chutia min han nel em em pawh chu a mak viau mai.











An in chu kan thleng a ni ngei ang, in building chawng hnih a sak, lian over ni hran chuang silo a, nalh ru em em mai, changkâng ru zek mai hi a ni a, an kawt velah chuan pangpar a in hung far bawk, "ti rawh lut ang le " tiin car ka chhuah san, penhnihna vela ka la ding reng chu min kai chung chuan a ti a, kei pawh chuan hreh zet in ka zui lut ve mai.













In kan lut tlang nghal tawp a, a reh em em mai leh nghal, "pi Lawm" tia Remruata a au chuan ka la phu zuk zui, "helamah ka awm, thil ka ti laklawh, i nu chu in chung berah pangpar tui a pe" hmeichhe pakhat a aw atang chuan nu emaw nu upa lam tawh a nih ngei ka ring, " ti khan lo thu la, ka han in thlak lawk ange" a ti a, ka bu nghat ringawt.













"ka reilo ang ti leh in, in chung panna step ah chuan a chho nghal a, ka en zui reng a pian leh a taksa a hmel, ah chuan hmeichhia te duh mipa an suangtuah thin chu a kim vek ngei ang, a mah hna zahawm tak nei a ni bawk a, tu pawn an makpa atan an duh ngei ang, chuta karah apa dawr ringawt pawh hausak na tham a nih tawh vei nen.











Kan ramah hi chuan hausa an hausak tulh tulh laiin, rethei an rethei tial tial a, mi hausa ho lah in, a aia rethei zawk te chhawm dawl an tum mang silo, thi vek tur kan ni a, pawisa hman sen loh an nei reng chung pawn, aia chhum chhia te ngaihtuah nachang an hre chuanglo, engtik hunah nge kan thih dawn kan hre lo a, kan sum kan ui viau hian, kan thih hunah kan hausakna engmah kan keng thei dawn lo, fit ruk a thuk ram chiah kan chang dawn.











Hei hi lawm ei ru ho hian sual tih hre reng a ei ruk hi an duh na chhan hi engvang nge hi ka ti thin, an hna ah khan lawm in, an hlawh kha lawm tawk sela chuan tiang em em hian rethei te retheih ana lo tur, an ei ruk khan an hlim pah a zeng pawh ani chuanglo a, an chan tur chu fit ruk lei hnuai chiah bak an chang dawn bik silo a, mi hausa leh mirethei mutna tur a in ang vek a, an chan tur ram lah fit ruk veve a ni.












Kan dam chhung hian sum chu a pawimawh na meuh mai, mahse kan nuna thil awm ve pakhat mai a ni, sum kan pathian a, engkim ah kan hma theh ta vek mai, hausak chu a that rual rual in, dik taka la lut a, hausa lo erawh hi chu a tham ral leh mai thin, khawvelah mihausa leh mirethei kar hla tawh mahse, thih hnu piah lamah, erawh in ang khat veka en in kan awm tawh anga, rorel sak kan ni ang.













Teh duah a, huizz ka ngaihtuah kual leh duah thin, "kha i lu chu thin tlak i tum mi? " Lalremruata a ni tih hawi lo mah ila, ka hre chiang hle, " tum mai mai lo, mi tih thinrim tum ziah lo mai teh, tawngthei lutuk" ka ti hmarh hmar a, ka thutna bulah chuan lo thu ve nghal in, "ka nu alo chhuk tep ang, I ril a tam em? " a tih zawm zat.












Chhunah engmah ka la eilo bawk nen, ka lu ka bu nghat a, zah lam ka ngaihtuah hman rih lo a ni mai, bakah i ril a tam em a tia, a tam vangin ka aw ni ve mai a, pawi vaklo e, dawt sawi a tha lo, ka ngaihtuahna vang chuan ka nui deuh hawk, mak ti zeta min melh pah chuan enge ti ni awm hrim hian, a mit ko a rawn san zeuh zeub.











Ka lu ka thing ringawt a, "Pi Lawm" tiin kan luh laia a auh bawk kha a au leh a, "e kha bawiha in lo thleng a ni maw" tiin in chung step chho atang chuan a nu ngei mai chu a rawn chhuk a, a hmelah chuan a hlim tih a hriat mai, " nu kan ril a tam rih viau a nia" a nu in thu tura min tih chuan a ti a, a nu pawh chuan " e chuti zawk chu maw, lo va ei ula, ka va in ti fai ve lawk nge" tiin room pakhat chu a hawng a.













A lut zui nghal daih, "ti rawh chokah ah phei lawk mai ang" tiin min kai leh ang dawr dawr a, mi hi a tiat pui kalpui vawk vawk mai ah, hahthlak hian a, " pi Lawm ei tur a awm em? engmah kan rawn la eilo a" tiin nu upa ve tawh lam chu a bia a, chunu chuan fridge alo ti fai deuh mawlh mawlh hi alo ni, " kha chhang baka awmlo, coffee nen in mai ru" alo ti awlsam et a.













"Kan awmpuinu a nih hi, keini chuan chhungkua angin kan en zawk mah a, ka tet te atanga thawk taeh a nia, kan in ngam tak khawp mai" ka hmela, an in chhan dan mak ti si, an awmpui a nih ka rin vanga mak ti in pawlh a hmuh thiam vang nge, ka beng bulah chuan a rawn sawi deuh sa sa a, ka nuih deuh hak tep na in, ka in sum hman hram, a mah a palian sia, a in hmeh lo ka ti khawp mai a khawsak dan hi chu.













"Eng pawh nise, in in ah hian chaw ka ei duh lo, min thlah haw rawh" ka ti ru sar sar a, ka thusawi hria ang pawn zuk han awm lo a, "Lalremruat" ka ti hlar, "engmah zah na tur a awm lo, I bulah ka awm tlat dawn lawm" a tih pawh chuan ka la duh chuanglo, a bula ka awm apianga, ka lungphu pangai lo ziah te hi ka hua, ei tur chu kan ei a, in thlahrun nen, ka hawi hrek hrek ringawt, a nu lah kha tawng duh viau mahse, a zaawm khup mai bawk sia.













(ti thleng hi ni leh phawt rawh se aw, ka hâ to tur hi ka nawmloh pui riau a)


Show post links
Top

[Ngaia]

MY LOVE











CHAPTER-6










BY CHHEPHAKI MUANI







Pa upa lam deuh tawh hi sitting room a, Remruata nu te nena kan titi ho lai chuan a rawn lut a, a lan dan chuan an pa ber a ni mahna, ka zak tulh tulh ni ber hian ka hria, ka zam lutuk chu ka kawchhung hi a sa deuh hat hat thei hial, "kha bawiha i bialnu chu em ni? " a rawn tih phei chuan Lalremruata thil sawi ka lo awih kha ka in chhir leh hnahnawh.











" Aw pa a nih hi" a ti deuh sup a, kei erawh in thiam lohna nen, zah nen ka hawi chhuak ngam tawh lo hrim hrim, "Bawihi Tu nge i hming ni le" an pa ber chuan a ti a, chutia a tih takah chuan ka hawi chhuak "Lalhruaizeli " tawng rin hlau awm hrim ha sawi hian ka ti sap a, mahse a hre phak tho a ni mahna, a bi nghat nghat ringawt a.











A chezia tang chuan min lawm vak loh hmel ka ti rilru ve ngawt, engtin mah min biak zawm tawh lo a, midang pawh be lem lo chuan room lamah a lut nge ka hrelo, in hnuai a awm room pakhat chu hawng in, a lut nghal daih, a nu erawh a tawng duh bawk a, ka nel ve tawh fu, chaw ei nan ala hma bawk nen, a nu nen chuan kan in kawm deuh chawt a, Remruata erawh apa luhna ah, a lut ve daih thung.












"Awii kan pa kha chu hre thiam rawh, a mizia ve hrim hrim a nia, an in chhun pafa lutuk a nih kha, tawng hi an harsat tlat zel, hauh lah hian a sawt bawk silo" a ti vei hlak hlak a, ka lo nui liam mai thung, bakah an fapa tan hian min duh dawn lo hrim hrim a, kan in ngaizawng der ringawt pawh nise, midang in an hre ve dawn silo a, ka fapa ka fa dik tak nilo mahse, ka fa atan enkawl ka thlang tawh.











Ka fa ang ani a, midang in an hmuhsit theih tura, awm tir ka remti hauh lo bawk, apa hrelo mah ila, pawi tihna em em ka nei tawh lo, "bawihi a mak vung vung, chaw kan ei dawn em niang" a rawn tih chuan ka in thiam lo lek lek, " ahhh oo nia a pawi lo " ka ti bah deuh nak, choka lamah kan in zui phei nghal a, Remruata leh apa pawh an rawn la chhuak miah lo, engtak sawi ni maw.












Ka phone ka kekawr ipte a ka ah a rik chuan ka chhan lawk tur thu ka sawi a, ka nu alo ni, ka hrilh vek tawh sia, enge maw thil thleng a awm thut a nih ringin, ka la nghal vat a, a hma kan thut na sitting room ah chuan ka lut nghal vat, ka lak rual rual chuan ka nu chuan "bawihi lo haw thuai teh, hei bawihpuia pa in ti a rawn kal hlawl mai, rawn lak a tum thu a sawi a" a tih chuan ka sa chhuak nghal vek.












"Nu ka rawn haw nghal ang, lo hruai tir reng reng suh, ka nutei te kha phone thla la" ka ti nghal a, ka chiai nghal vek ni mai hian ka hria, ka hnen atanga an la hrang tur mawlh chu ka ngai ngam lo a ni, kha leh chen ka fa angin, ka enkawl tawh a, an la bo a nih chuan ka awm thiamlo ang, ka ngaihtuah na kal thui hman lutuk chu ka lu ka thing nawk nawk.











"Pi a pawi ka ti khawp mai, in lamah buaina a awm a, ka haw thut a ngai a, nidangah ka rawn la ei zawk dawn a nia" tia choka lama ka thlen phei rual rual chuan ka ti nghal a, tlan chhuah leh nghal mai ka tum chu, "min lo nghak rawh, ka thlah ang che" tih ri ah chuan ka ding chat, ka hmanhmawh lutuk khan Remruata nu thusawi pawh ka chhang hman lo kha a nia.











In chunglamah chuan a chho a, apa pawh kha room an luhna zawn ah ala ding reng, min melh run run hnu ah, choka lamah a phei nghal daih, chutiang ngaihtuah a ngaihven sit set hman ka nilo, Remruata rawn chhuk leh rual chuan pawn lamah ka chhuak nghal a, ka awm hle hle thei lo a ni ber, engvanga tun ataka apa nia in sawi pawh chu a rawn lan nachhan.














A hma zawngin a rawn in lan lo a, engvanga rawn in lan thut nge a nih ang, "hahdam rawh enge thleng" a ti deuh tawl a, pawn lam hawi chhuah pah chuan ka thaw hak ringawt hrilh chhan tur ka nei miau lo, bakah hemi chung changa kan buaina hi tu vak mah in hrelo se ka duh a ni, "kan thleng tawh a nia" a rawn tih takah chuan hmanhmawh zetin ka chhuk nghal a.













Lawmthu hrilh in, kan in lam chu ka chhuk thla nghal vat, in chhung ka luh chuan nutei te nupa leh ka nu, mi ka hriat ngailoh pathum lai an awm bawk, "bawihi ilo thleng thei maw" ka nu chuan a ti sap a, "aw eng maw in rawn kal chhan chu ni a" nutei pasal, police mi zahkai ve chin, puitling dup mai chuan a ti a, kan thu rawn lakna ber kha a ni reng a ni.











"A hei nia mawle, kan fapa in fa alo nei reng tih kan hria a, enkawl kan duh ve tawh deuh a ni, a nu tianga a awm takah chuan apa bulah hian awmse kan lo tia ni" pa upa lam rawn kal tel ve tuna ka u fa paina pa pa, ni ngei tur chuan a ti a, ka thin a rim deuh phat, "khang kum chhung khan ka u khan enge a pal tlang tih pawh in hria em ni, engvangin nge in kut ah chuan kan dah ngawt ang, chulo reng ah, khang kum chhung zawng pawh khan in rawn ngaihtuah em" ka ti vin deuh tuarh..













"Aaa kan lo hre lawk bik lo a ni" an ti chuan ka nu chuan "in hmuh duh hunah chuan in hmu thei ang, mahse in enkawl erawh kan rem ti thei lo ang" alo ti ve thung, ka nutei te erawh an ngawi reng thung, "in khin kher ngailo in, kan chingfel theih ngei ka beisei, kan in khing a nih chuan keini hian hneh na kan chang zawk dawn tih hria ula,mipa lo awm ve, bawihpuia pa ni ngei tur chuan a rawn ti kher chu ka thin a rim kher mai.










" awle a tha e, in thlen chin chin chu kan ngam, i fa a ni tih chianna engmah a awm lo, a awmlo tiro, chulo reng ah, kha leh chen kha i hawi san bawk" ka ti rap hmak, "a nu ber a thi tawh tho a, engvanga naute mai mai pawh chu min enkawl tir in phalloh le" nu pakhat lo tel ve chuan a rawn ti leh chiah tawng ka tum lai tak chuan "in khing thei ang, mahse kei hi an lamah ka tang ni rawh se" tih thawmah kan ngawi thap.













Kawngka lam chu kan hawi thap, Remruata alo ni reng, "ehee kan pu chu enge ilo tih teh mial a" pa Rinpuia chuan alo ti hluai, a nui suk ringawt, "haw ang u" tiin an pa ber ni awm tak chu a tho vut a, a kal nghal daih, an ni pawh chuan an zui chhuak ve mai, an fapa lah khan min melh rum khawp a, "nu khawnge bawihpuia" ka ti nghal vat, " a mutthilh lai a ni hlauh a" a tih chuan ka thaw huai thei.














Thil hre chhuak thut in, " I haw leh nghal emaw tia" ti hu chung chuan Remruata lam chu ka hawi a, "ele ka bialnu in buaina a tawk sia, ka tia ka la awm khawtlai a nih hi" a ti chu ka melh rum kher a sin, "ziah a che, I bialnu pawh ka ni duh bawk lo" ka ti hlar, "kha pu Rinpuia chu bawihi te nen hian in lo in chhung reng a ni maw" a ti chiah chu ka chhungte mak ti hmel mawlh chu.











Lalremruata hi chu hrelo hi mizoramah hi chuan an vang ve ang, police ah chuan dul hmahruai neilo pawl leh pian nalh pawl kha a ni miau a, hmeichhe tleirawl atchilh kha a ni ve bakah, a hna a tlin in a hming thang em em bawk, "enge in awmzia bawihi" nutei chuan alo ti hu, "engmah a awm lo" ka lo ti vat chu "ka pi i fanu nen hian kan in ngaizawng alawm" nui vur vur chunga ti tu chu rum lutuk hian ka melh.













ka va han khawng chak mai mai tak e aw, enge a hriat chu ni, mi a ti zak lutuk, ka chhungte leh a chhungten kan in ngaizawng emaw an ti vek tawh ang, a hma te kha chuan a bialnu hlui hnawh kian nan chiah khan emaw ka tia, hepa hi ka rin aiin a thleng thui dawn tlat, "a daw mai mai nih kha" ka tih pawh chuan an awih tawh hlawm lo.













Lalremruata lah chu a tlang nel hma em em khawp a, pa Rinpuia te pu alo ni bawk nen, pa Rinpuia nen chuan an in kawm ngeih em em leh nghal a, thutthleng a, a thu chu thingpui siam pah chuan ka melh rum leh vak thin, a nuih lah chu a zat hmel em em mai leh nghal a, ka va han khawng chak mai mai tak.














"Engtin nge mambawihi nen in in ngaizawn theih" ka nutei hi chu aw, ka khap dawn chiah tih ah, "a thawhna damdawiin ah hian ka in hliam ka awm a, a damlo ah ka va tang a, min lo star a niang, min rawn bem a, a ni a hmeltha in alo fel bawk nen, kan ni ta mai" a ti chiah chu a thingpui tur ka thlit hian ka va leih pawp dawn emaw ni zawk le ka ti hial.











"I va zak lo tak, daw lutuk suh" ka tih ngaihna hrelo chuan ka ti vak a, an lo nui hak hlawm, an thingpui ka dah pawh chu dah dim duh lo chuan, ka dah ri deuh chawrh chawrh a, an lo la nui tha hlawm zui a, ka va han ngei mai mai hlawm tak, Lalremruata chu melh rum leh vak in, "in zo la haw ang che" tiin room ah ka lut nghal hmak, ka mood a ti off vek, mipa ve si, tawngthei bawk si, dawheh bawk si, ka in thlak tau deuh sawk sawk ringawt.








(add click kha aw, a dawt atang chuan changtupa leh changtunu te nufa ah kan in thlur bing tawh ang)


Show post links
Top