MI PASAL BY Ruati Renthlei (Completed)

[Ngaia]

MI PASAL
A tawp note hi khawngaih chhiar rawh aw..


Chapter-13


By Ruati Renthlei



"Jennifer, I thil chhuan a so"
Nu Rinengi Chuan a rawn ti vin hlur a, ka ngaihtuahna atang ka harhchhuak nghal zawk mai.


"Bawnghnute chhuan laiin khati vung vung a thil ngaihtuah tur ani hleinem, nangpawh hi I chianglo riau mai, rilru hahna te I nei ani lo maw?" a ti leh a, min han hau ve bawk mahse a fanu te ang mai hian min ngaihtuah tih kan hria a, tuman huat en ah kan en ngailo.




Pu Rina hmel hmuh tur a awmlo a, Marini rai thu ka hriat vang kha nge ka awm a nuamlo ve ringawt leh nghal a, ngaihtuahloh ka tum pawhin a har hrep mai.



"Nu rin.. " tia rawn au lang langtu lam chu kan hawi vat hlawm a, Marini hmel hmuh chu ka in beiseilo khawp mai. Kan awmna lam a rawn pan a, a dul la puar hauhlo chu ka lo melh hmasa ber bawk. A thil khai ho chu dawhkanah a dah a, phawrh chhuak zui malh malhin "Kan product thar ania, U Rinsanga nu te lo thawn anih hi, ka lo pe ve dawn che u" tiin container set chu a keng kang va a, ka mitah tak min rawn melh fuh rual Chuan a nuihmel phena min huatna ka hmu tlang thei vek!





"I lo awmve reng ani maw Afer" zangkhai vah hian a tih zawm zat a, chhan pawh ka chhang peihlo, a thil khai lai thlek zawk pah Chuan "Nimin khan I awm ve silo a, ka lo chhiar tel miahlo che a" a ti sap a, inthlahrung hmel deuhin awm vel mah se a ti lui tih ka hrechiang ve em..




"A pawi hleinem, ka mamawh hranlo" ka ti ve hmak a, ngeiawm deuha nui lehin "A tihzia hlauh chu" a ti ve leh kher a, Mimii Chuan kan inkar boruak tang ru zet chu a hrethiam a ni khawp ang, a rawn ri hlut a, dat 12 a pel tawh bawk nen a phone hman dilin thlanglam batharah ka chhuak zui nghal a, ka nu ka biak zawh Chuan haw tumin ka lut leh a, mahse Marini bulah chuan Rinsangzuala a lo ding ve run tawh.




An vai mai Chuan ka lut chu min lo thlir thap hlawm a, Nu Rinengi Chuan an thil ei lai chu ei ve tur in min lo sawm nghal vat bawk a.



"Ka nu damdawiin ah kalpui ka ngai a" tiin Pu Rina chu ka melh zawk a, a nupui awm vang aniang min en ve duh der lo.


"A damlo em ni?" Thanpuii chuan a lo ti vat a, bu nghatin "Ka kal thei angem Pu Rin?" ka ti sap a, "Tunlai chu buaina i ngah riau mai?" tiin Marini zawk a lo inrawlh leh tawh a, a pasal ngawt chu ka la en thung.




"Kal rawh" a lo ti sup a, Marini ter at chu ka mitsir in ka hmu reng bawk, a chawh ka ti tak tak a ni.


"Ka lawm e" ti sapin Mimii chu a phone ka pe let a, inthlak tur in ka kalsan hlawm ta daih bawk.







"Ka rei em?" ka nu chu ka pan hnai vat a, min lo nuih leh var var tawh mai, "Hei hi em ni I fanu chu?" tih pahin nu hang lam, cher sang thler mai hi dawr atang chuan a rawn chhuak a, ka nu chuan ka kutah vuanin "Niang chu maw le" a lo ti vat a, kuhva siam suah suah pahin chu nu bawk chuan "I nu Gita-i ka nia, I nu I chhun a I hmeltha anih kha mawle" min ti leh a, a landan atang hian mizo chiah chu anih ka ringlo reng a ni, Nepali vel a ang..



Taxi in damdawiin lam kan pan a, pawisa neilo viau mah ila bus a han chuanpui ngawt chu ka khawngaih vang a ni.



A sawi hun takah Dr. Roberta chuan min rawn ko a, a felin biak pawh a nuam leh khawp mai.



Ka nu bathroom a a kal hlanin Dr. Roberta chuan a office tukverh bulah min ko hrang deuh a, thil dang a sawi hma in ka hming min zawt hmasa thlap bawka, "Jenniferi maw" a ti sup a, "Afer min ti mai zel" ka tih chuan ngainatawm deuhin a nui ri suk a.


Ka nu chungchangte chiang lehzualin min zawt a, chhungkaw thil, sawichhuah mai remlo tam tak a awm avangin a hrehawm duh reuh khawp mai.




"Sawi tawh ang khan thisen cancer hi chu a haluhawm ber a" a ti a, ka lo thaw hak chu min hnem tum ni awm tak hian "Sawi thaih che ka tumna lam a ni lo ania, in enkawl hma chuan rei tak a la dam theih a, mahse duh ai kan hre har mah mah zawk" a ti leh a, min ti mangang zual daih zawk.




"Engtinnge kan tih ang?" ka ti a, ka nu rawn let hmaa hmalak dan tur sawi fel vat ka duh vang a ni pakhat bawk. Anih loh chuan pawisa kan neilo bawk nen ka nu a inthlahrung leh dawn a, chu chu ka duh lo a ni.




"Karleh ah hian chemo khai nghal mai a tha in ka hria a" a tih chuan "Engzat nge ngai ang?" ka lo ti vat a, "A tlem ber ah cheng 6000 vel ania" a ti ban deuh charh a, ka phu zawk lo na in a tam chu ka ti ve reng.



"A tam I ti em?" tiin za lo deuh hian a then sak a, "Tihdan a awm mai ang" ka ti ta ringawt.


A chang chuan doctor te tan pawh hian a hrehawm ve thin ngawtin ka ring, keini ang kilkhawr ve tak tak ami, sum hman tur nei mumallo te pawh hi kan hrisel reng thei bik silo a, pawisa neilo lutuk bulah hetiang zat pawisa tam sawi rik a ngai thin hi mihring pangai tan chuan a hrehawm ve thin ngawt ang.



Ka nu a rawn let a, a rilru nawm nan ti ni awm tak in a dam leh tur thu sawi in a thlamuan zui mawlh mawlh a, I nu chanchin ka lo ngaihven theih nan tiin ka phone number min dil thlap bawk a, doctor kan pan fuh a, a lawmawm khawp mai. Tunlai ah chuan doctor te hi biak an har talh tawh a, râwn fuhloh phei chuan rilru nuamlo deuha min haw tir changte pawh a awm thin, lehkha thiamlo leh mawlmang zawkte hi min ngaih pawimawh a min puih malh malh zawk awm ania, min hmutsitin ten hmel deuha min lo en phei hi chuan beisei a bo duh thin khawp a, doctor te chu damlo te enkawl dam Tu an nia, Pathian tluk hialah kan ngai ti ila sawi uar ka in ti miahlo ang, doctor tam tak biak har thin lutuk vang hian damlo in entir te hi a huphurhawm ngawih ngawih tawh zel.







"Apartment luah tur ka hmu tawh a, min zui haw ve tawh rawh aw" ka tih chuan "I pa a mahin in awm tir em ni?" a lo ti thung a, hetiang dinhmuna a din hnu pawha ka pa a la ngaihtuah thei chuan ka thin a ti rim lek lek mai.



"Nupui dang a nei alawm" ka ti a, a mitmeng atang chuan engnge a rilru ah awm ka ngaihtuah thiamlo, "Anih chu" a ti ban deuh charh a, ka sawi deuh phawng bawk nen a thawng ve deuh anih ka ring.




"Engahmah ngai suh aw Nu, nupui chu neilo pawh ni se ka pa hnena i let chu ka remti tawh dawn chuanglo, zu a rui reng a, neih tlak a ni rawhlo hrim hrim, bakah i chunga a thil tih te kha ngaihtuah let hian a phu thlawtlo che" ka ti leh duah a, ka vin lek lek ani. Nem deuha han hnem ve ka thiamlo, a kir leh loh nana ka hnem thiam ve dan ber chu a sualna lai sawi hmuh a, amah a huat theihna tura sawi thaih chiam chiam hi a ni mai.




Taxi a kan chuan chhung zawngin kan in be tawhlo a, a rilru a kawm duh zawk anih ringin ka be lui duh lemlo bawk.
"Lo thu hahdam la, Bawiha te pawh an lo bang tep ang" tiin choka ah ka luhsan a, bazar na hun takngial pawh ala awmloh avangin engmah eitur kan kawl lo a, a buaithlak duh khawp mai.





Ka nu enkawlna tur pawisa engmah khawlsa ka neilo a, tunlai hnaa ka kal mumalloh avangin eichawp tur ka nei thei tawk chauh a ni. Bawiha school fees pek a lo hun anga, in luah man nen...
Ka thaw chhuak hak a, ka hmabak ko lutuk chuan rilru pawh a ti na tawhlo, thin a ti rim tawh zawk.





Dawr ami theitui leh chhang ka lei a, Bawihbawihi leh ka naua school kal pawh an lo thleng ve chiah. Ka nu a hmu chu a Tim ve deuh a, an inhmuh hnuhnun ber khan Bawiha chu a la te a, hrelo mah se a awm lutuk tlat.



"Bawihte lo kal teh" tiin ka nu chuan a lo ban vat a, ngai hmel tak hian a pawm vang vang a, a rem lai lai ah chuan a fawp pah mawlh mawlh bawk a.



"Anu anih kha" hrilhhai taka min Rawn en tu ka nau chu ka lo hrilh vat a, "Anu" ti ve sap in ka nu chu a en nawn leh thin a, an inthlah theilo a ni ber mai.




"Nu Ngaihzuali chu aw,,, I va han cher, thil I eintha lo em ni?" Bawihbawihi'n ati lang lang reng a, a natna chungchang chu engmah ka la hrilh duh rihlo, nakinah ka nu hriatloh in ka hrilh ve zawk ang.




"Naktuk chu bazar ve fe kan ngai dawn anih hi, buhfai lei a ngai dawn a, gas chu bur 1 hi a khatin a awm sa a ni awm a, chawhmeh leh eng ilo lei a ngai nual" ka tih chuan ka nu'n "Hna I thulh zing tawh sia" a lo ti a, a sawi dik ve reng mai.





"Ka tho hma anga, a theih ang ang ka lei ang, tlai lamah buhfai rawn lei haw tur ka ngaihtuah bawk anga" ka ti liam leh puat a, ngaihsam chi ka ni ve hrim hrim bawk nen, hengte hi aniang ka beidawn ngawih ngawih chang pawha ka bul a miten an hriatthiam theih ngailoh, ka ngaih a sam si, thil ka ti puat puat a, rilru hahna neilo awm ang tak hian ka lang leh nelh zel..





Ka nu leh Bawiha chu pindan lehlamah an mu tlang a, lehlamah keimahin ka mu thung, Bawihbawihi haw hnu ah kan mu nghal a, zing lamah kan thuamhnaw te pawh va lak a ngai ang, anih loh zawngin Awmtei te nufa khan hralh ral phet dan an lo zawn ka ring tlat.




*I tha em?* Pu Rina hnen atanga message ka dawn chu reply mai lovin ka melh deuh vang vang a, *Jennifer* dawhthei lo tih hriat zet hian a rawn ti nawn leh a, *Ka tha* tih zawng ka thawn let, a nupuiin nau a pai a, tullo tawpa min ngaihven sek hi ka duhdan a ni miahlo!




*I nu?*
A rawn ti leh a, ka nu chanchin hrilh ve zel chu tul ka tilo, *Ani pawh a tha, ngaihven kan ngailo e* ka ti a, phone chu ka khup zui thawk bawk.



Ka thaw chhuak ham ham a, ngaihven tur ka ngah a, ka nu leh ka nau enkawl hi ka dam ve chhan ani, mipa vanga buai hman ka nilo a, chutah mi pasal vang lek phei chuan ka buai hmanlo leh zual.


Mutthilh tumin ka mit ka chhing reng a, ka thei derlo, Rinsangzuala ngawt ka rilrua a awm chu duhlo viau mah ila tih reh dan thlawt ka hre bawk silo a.




Marini nau pai hian eng emaw zawng tak in min mawlh deuh tlat a, Pu Rina han zawt ngawt dawn ila, Marini khan surprise ve te kha a tum bawk sia, an thuruk sawi chhuak tu nih ringawt chu ka duh bik bawk silo, engpawh chu ni se a rai emaw railo emaw, mi pasal hi hnaihlo tawp ila a dik a ni mai e..!





Ka vei ve ngang aniang, dar 6 rik hma deuhin ka harh a, mut chu la chhuak viau mah se ka mut tlang leh hlauin ka tho ta zawk a, ka in phih fai zawhah thingpui ka chhuang a, ka nu pawh a rawn tho hma viau mai.




Chawhmeh vel lei turin ka chhuak nghal a, buhfai kan la neih miau loh avangin lei thiam a har khawp mai, noodles vel ringawt a ka nu hraipuar tum chu a dikin ka hre bawk silo a, chhang leh in tur te ka lei a, ka hminga min lo ko tu chu a hmel ka hmuh hma atangin tunge anih ka hrechiang viau mai.



"Mabiak.. " ka nui lui hak a, tunlai kan in hmu fu thei lutuk hi a mak ve ngawt mai,, "I van chhuak hma ve a" ka thil khai ho melh zawk pah chuan a ti a, kan in biak that vak thinloh tehlul nen a nui sang thei reng te hi a mak zawk.




"Nia, zingkar bazar a ngai thut a" ka ti ve mai a, "Enteh,, kan han inhmu thiamlo deuh thin tak na in, ka huat vang che ani lo ania aw" a ti ta chiah reng a, khatiang lam sawi kha ka peih vak tawhlo asin mawle..


"A pawi hleinem, kan intawn dan khan a zirlo ve em a" ka ti a, tha deuhin kan in bia a, ka tum aia ka rei phah.



"Chhang hi ei rawh aw Nu, thil tha leh vitamins lam I ei tam a ngai bawk si, tlaiah chuan chaw tak tak kan ei thei tawh ang" ka tih chuan ka nau nen an lo nui hak hak a, "Chaw tak tak han tih kher, kan rethei hmel e" Bawiha chuan a lo ti reuh a, a fing ve tawh ania aw...



Bawihbawihi'n school kal tur in a rawn lam a, an school kalna kawng lamah kan awm avangin a remchang hlauh a, ka nu chu ngaihtuah deuh mah ila hna ka thawh a ngai miau bawk si a.




"Khawiah mah lo chhuak suh aw, tumah inleng lo neilo bawk la" tiin ka chhuahsan a, ka nu hi ngaihtuah viau lo ila chuan zan thleng ka thawh zawm thei tur ania, hlawh a pung ve deuh a, a that tehlul nen, pawisa lah chu kan la mamawh tam tulh tulh dawn bawk si.




"Afer..?"
Ka ding dat a, ka piah lawkah Awmtei leh a fapa Sangpuia te an lo ding reng tawh, "I pa a damlo nasa a, rawn ngaihven I tum miahlo em ni?" vui awka tih hriat zet hian a rawn ti leh a, "Huhh chungte chu nangman ngaihven ta che, I pasal a ni tawh a, a hriselna pawh I kutah a awm tawh" ka lo ti ve hmak a, ka pa dam leh damloh chuan min ti buailo nasa.





"I va han rapthlak tak, damdawi leina tur pawisa kan neilo a, kan buai anih hi hre ta che, school lam lahin a rawn sawi leh reng tawh a" a tih chuan "Kartawpah a pek dawn kha" ngaihsam fe hian ka lo ti nghal zat a, ka sana bih zawk pah chuan "Ka tlai dawn tlat mai, ka pa chu enkawl tha la, pawisa in mamawh chuan hnathawk ang che u" tih pahin ka kalsan nghal a, anni vanga buai hman ka ni tawh reng renglo, tunah chuan ka nu leh ka nau te chiah ka ngaihtuah rih dawn, ka pa ka ngaihtuah loh vang hian mahni hmasial min ti mai thei, mahse a pawilo, kei leh ka nu, ka nau thlenga hrehawm tam tak min tuar tir Tu mihring khan ka ngaihsakna hi a phu bik reng renglo!



Dawrah pawh ka thleng tlai leh ber a, thil dangah ka peng kawi reng bawk nen tunlai chu inthlahrun a na ve duh thin khawp mai.



"Enteh Marini khan party siam a tum tak tak mawle, catering buaipui tur in min tia, zanin ah" Mimii chuan a lo ti leh tawh a, ka nu te an nih loh leh Marini te an ni reng a, hriat nuam lo hlir ka hre reng mai tunlai chu..


"Zanin anih chuan ka van hman leh peklo ve" ka tih chuan "Het" a ti vak a, ka phu chiam leh nghal.


"Engnge?" ka ti vin hlur a, "I phakar" kei aia vin mah hian a rawn ti let ve a, "Tunlai I inla hrang, I inla buai, kan buai ve vek a, tunlai tak phei chu ka pa hian bialnu a nei em mawni, ka nu nen an in hau nasa zual, I buaina ka hrelo na in ka buaina hi a nep bik miahlo ania" a ti zui duah a,a dik ang.




Buaina han tawh deuh hian midang zawng aia buai leh vanduai bika in ngaih hi a awl a, harsatna nasa deuh tawh chang phei chuan midang harsat na te hmuh tleu vek hi thil awl tak a ni. Mahni buai buaiin kan buai a, midang kan hrechang tawh thinlo.



"Nia,, keipawh tunlai chu ka ni deuh nuai mai, sawivek chi pawh a ni rihlo" ka tih chuan ka ban rawn vuanin phawk deuh hian min melh a, "I bialpa nen khan in inthen ami?" a rawn ti hem mai!


"Mawli" ti hluaiin ka ban chu ka la let nawk a, ngeiawm lutuka min melh ralh ralh pahin a nui pah kur kur bawk a, Nu Rinengi'n fianpui rawn lek zuau pahin "Nangni pahnih kha in bengchheng lutuk mai, midang an buai em saw, va pui ta che u, che zung zung teh u, khua a lum si" a rawn ti hlak hlak a, rum deuha ka melh laiin Mimii chuan min la nuih ru tet tet reng a, ka rilru hahna leh a buaina rawn sawi in millo lutuk chuam thin a ti rim tlat.



"Ka bialpa ani lo ka tih tawh kha, bialpa nei hman pawn ka khawsa lo a, khatianhgthu laktlakloh lutuk kha sawi tawh miah suh ang che" ring vaklo hian ka la ti hram a, "Awle, Pi Kawbin" min tia, a kal zui nghal daih bawk.



Chawhnu lamah Pu Rina a rawn kal a, a nupui hmuh ve ka in rin tehreng nen ka hmu tel tlatlo.
"Engnge I ei ang Pu Rin?" Nu Rinengi chuan a lo ti lauh a, "Coffee ka duh, office ah aw" tiin min Rawn melh zawk a, "Aferi hian min Rawn pe rawh se" ti lehin min kalpel a, Nu Rinengi'n a mithmul a Rawn San nghal uk a, a chhan ka hriat bik miau loh avangin dar ka lo kan ak ringawt.




"Va pe phawt mai teh" tiin coffee chu min pe a, phurlo deuhin a office ah chuan ka lut leh ta nge nge e.



"Thu lawk teh" inhera let leh mai ka tum chu ka ding leh dat a, muangchanga in her riai riai in "Tinge?" ka ti sap, thu tura min tih nan a hmaa chair chu a melh leh zawk a, tum deuh hmakin ka thu a.




"I nu chu engmaw chanchin?"
Dawhkanah a kiu nghatin min en ran a, "A tha ka tih tawh kha" ka tih chuan lu thing nghutin "A cancer tih ka hria" a ti a, ka melh phawk viau laiin za lo deuha nui sak hian "Ka chik che ka tih kha i la hria em?" a ti a, ka bu nghat ringawt.





"Anih chuan min hrilh teh, I nu chu eng cancer nge?" dam deuh zawk hian a ti leh a, "Thisen cancer" ka tih chuan a bu nghut a, thildang a sawi leh dawn emaw ka tih laiin a ngawi leh tlat tawh a, a zamawm leh hle tawh.



"Tak in, zanah tihtur I nei em?" ka tih min Rawn melh zawk a, "Neilo" a tih chuan ka thaw deuh hak ringawt, an surprise dawn miau avangin an hrilh lawk lo chu a ni phawt anga..



"Kal tawh rawh, I nu chu lo dam vat vat rawh se" a ti ve mial a, ka chhuah hnu ah pawh chuan eng emaw hian min mawlh deuh tlat a, a chhan lah chu ka hre mang silo.



Tlai lamah taxi la in buhfai bag nen ka haw a, Bawiha pawh school a lo bang tawh. Eirawng bawlin ka buai nghal a, zan lam chu phurlo viau mah ila Mimii'n min ti lui ve tlat a, ka kal mumallo ve thin bawk nen ka inthlahrung ve bawk si, dar 6 a thleng hman tur in kan inthlah ta nge nge.



"Chaw tak tak chu kan ei ve ta e" uang zetin chaw kan ei lai chuan Bawiha'n a Rawn ti lauh a, ka nu nen in en in kan nui a, "Zanah chhuah ka ngai dawn a, Anu nen lehkha lo zir rawh u aw" ka tih chuan a bu ve nghat nghat a, "Khawiah nge I kal dawn?" ka nu'n a tih chuan tha deuhin kan pu te party naa catering kan buaipui tur thu te chu ka hrilh a, ka kal dawn ah pawh fimkhur turin min chah nasa khawp mai.



Taxi lak tur a awm mai loh avangin ke in dawr lam ka pan a, dar 6 a thleng tur kha dar 6 ah ka chhuak chauh a, tunlai chu ka tlai reng mai.


"Jennifer"

Ka hawi let zawk a, "Helamah" tiin mipa pakhat hian kawngsir atang a ban a Rawn phar a, a hmel ka la hmu chiang thei chuanglo.



A bike la ngheng reng chung chuan meizial a phawrh chhuak a, lighter a talh ên laia chiang lo ruaia a hmel Rawn lang chu ka hmuh hnu ni tawh tlatin ka hria..




Min Rawn pan a, ka din na ngaiah dingin ngawi rengin ka lo nghak ve mai bawk a.


A rawn hnai zel a, a hmel ka hmuh chian rual chuan hnung lamah ka kat dawrh ti ila a dik ber ang.



Hepa hi kan ina Mabiaki a lo kal tuma a Rawn hruai pa kha a ni chiang mai, tunge a hming a sawi kha le,,, ni tak, Tluangtea!



"Zan zanah khawiah nge I kal dawn a?" a kut zungpuiin a hmui chu a khawih zauh a, Mabiaki te lam kaihhnawih anih vang nge pawh ka hrelo, a landan hian mi râp ka ti dawn nge, ka hlau deuh tlat.




"Hna ka thawk dawn" ka tih chuan ka taksa vel thlek kual pahin "Ka bulah lo thawk mai rawh" a ti a, "Ngaihtuahna tenawm pu hlek suh" vin thei nag berin ti ve bawk mah ila ka aw khur hlak chu a hriat hmaih hauhlo ang.



"Mabiaki thiannu I nih te chuan I hnathawh tur te chu ka ngaihtuh thiam pha ve vek alawm le, titeh, a zahthlakloh Rawn kal rawh" tih pahin ka ban a rawn pawt a, "I ngaih ang kha a nilo ka tih chu" ti vakin ami vawnna chu tal chhuah ka tum a, mahse tha kan in ngah hleih lutuk ringawt.



A bike awmna lamah min pawt phei tawng tawng a, ka hlauh em avangin tan han la leh tur pawh ka awm lo, ka tha a khur nasa a, ka vawi khat thil tihsualin ka nundan leh nihna a ti hmingchhe ta lutuk chuan ka rilru ati na bawk a, chutichung chuan a bike a lawn hi ka tum chuang hauhlo.




"Min thlah vat teh ka tih chu mawle" tih pahin ka tal leh nghek a, engtik laiin nge a Rawn thlen hman pawh ka hrelo, Tluangtea chu a thal nghal tawp a, a rimtui inkah rim atang ringawt pawh chuan tunge anih ka hrechiang lutuk ringawt.




Ngawi rengin leia tlu Tluangtea chu a pet zui pawp pawp a, "A tawk tawh" ka ti chung pawhin ka thil sawi chu hria angin a awm chuanglo.



"Rinsangzual a tawk" a khawih khawlo zo mai dawna ka hriat avangin ka ti leh tuar a, a che chu a tawp zui chawt bawk.




"I khawih na lutuk nag" ti sapin ka melh chho kiau a, "Hetah engnge I tih?" vin zet hian min tia nih chu!



"Dawrah ka kal dawn" ka ti a, a thaw chhuak zui hawk, "Tun ang hun ah engnge dawrah I tih dawn?" tiin min en run a, chhang mai lovin a inthuam dan chu ka en hmasa leh tete, jogger pants a ha a, a lum tehlul nen hoodie senduk a ha bawk a, hetianga a inthuam hi ka vawi khat hmuhna a ni, mahse hmuh a nuam.



"Nangmah kha khawiah nge I kal dawn?" tiin ka zawt let a, party naa kal tur a ang miau lo ani.


"Rawn kal ka tum" a tih chuan phawk lehzual hian ka en a, "I nu Rawn tlawh ka tum a, nang lah chu dawra kal I lo tum bawk sia" za lo deuh hian a nui hak kher a, zep theih ah pawh ka ngai tawhlo.


"Ih e Pu Rin, ila hre velo anih ka ring mange aw,, I nupuiin I fa a pai a, zanin ah party siama surprise che a tum alawm" ka ti hap a, ka thil sawi chuan amahah danglamna chhete mah a thlenlo chu mak ka ti zawk.


"Chuan?" a ti duh lek a, ka nui hawk mai, "" Chuan engnge ni vak ang? Party naa kal chu I tum lo em ni?" ka ti a, ka tawng ring bawk nen kan bul vel chu a thlek kual thuak a, "I tawng ring emai kal ang" tih pahin ka darah min kuah a, kan in lamah min let pui hmawk hmawk chu hrethiam lo in ka dinpui leh rih.




"Sawi chiang ve phawt teh, Marini'n engmah ala hrilh lo che em ni a? Ka sawi awmzia chu hria la chuan kal a hun tawh hle sia" ka ti leh a, "Hrilh e, ka kal dawnlo anih hi" a lo ti mai a, "Ngati?" ka tih chuan a ner sak a, "Ka peihlo" a ti hmuk tawh.




"Mahse I fa a pai a, I lawm ve miahlo em ni a?" ka ti leh talh a, "Chutah chuan I lo buai ve pawh a ngailo, I hriat tur chin chu ka hrilh ve zel che ka tih kha, keimah ber ka awmloh chyan party a hlawhtling dawn chuanglo a, kallo mai rawh" ti lehin ka darah bawk min kuah leh a, kan in lamah bawk min penpui leh hmawk hmawk.








CONT...


NOTE : Ka dah hun tur ah ka dah theilo deuh vang vang a, ka inthiamlo in in comments pawh ka reply tha ngamlo lek lek a..


Awmhmun ka sawn a, ka zirna lamah buaipui tur tam hunlai ala nih avangin story lamah rilru ka pe thei meuh rihlo ani, ka dah khât tehreng nen zanin bak hi chu sawi lawk theihloh in ka chawl leh rih dawn a, in mi hriatthiam mawlh mawlh ka ngai a ni.


Ka theih ang angin ka lo ziak khawl anga, nakinah a zantin dah thei tur in ka lo inbuatsaih ve keuh keuh ang aw,, min lo nghak hram hram ula, complete loa chawlh san chu ka tum hauhlo ania..


Show post links
Top

[Ngaia]

MI PASAL



Chapter-14


By Ruati Renthlei




"I nupuiin I fa a pai a, lawm a hnekin I Rawn tlachhiatsan a ni ringawt a, engnge I awmzia hi ni a? Chiang deuha engkim min hrilh vek loh chuan ka lawmlo khawp ang aw" chaw ei dawhkan kil in kan in hmachhawn ran a, ka nu leh Bawiha chu in chhung kan luh ve rual khan pindan lamah an in saseng nghal hmak.




"Chiang deuha ka hrilh che chuan I buai zual sauh mai ang" A thingpui no dawm ran chung chuan a ti sup a, hei tak hi ania amaha ka huat thin em em pakhat chu, zawhna han zawt ve ila, tlang taka min chhan hi a nei ngailo reng reng.



"Ka buai zual loh nan chiang fek fawkin min hrilh dawn reng alawm,, mi pasal I nia, hetianga I awm hian ka tan pawh a nuam miahlo, I nupuiin tunah hetah I awm tih hria phei se chuan a hmasa berah kei min dem leh emaw a nia nga, nangmah vanga hrehawm tawrh ka peih reng renglo" ka ti leh a, ka rilru diitak ka sawi bawk. Amah vang hian Marini'n min hua tih ka hria a, nuam ka ti lo.





"Ka then dawn ka tih kha I la hria em?" a tih chuan ka lu ka lo bu nghat a, "A chhan I hre duh em?" ti leh supin za lo deuh hian a then sak a, "Hre duh e" ka lo tih chuan che vut in a thutna atang chuan a ding deuh hluai a, "Lo kal teh" min ti ni awm tak in thlanglam bathlar lamah chuan a lu a thle zauh a, a chhuak nghal nulh bawk.



Tlak dal an siam sang vaklo chu bawhin kawngpui lam chu a thlir reng a, "Pu Rin" ka tih chuan min Rawn en in "Hna thawh lai anih loh chuan Pu Rin min ti tawh suh" a lo ti sup.


Ka nui sak a, "Engtinnge ka koh che anga?" lai deuh tut chunga ka tih chuan nui ri sukin ka darah a rawn kuah thut a, a din na lamah amah si chetin min kuah bet zui nghal bawk.




"Nang aiin ka upa daih bawk sia, kan pahniha kan awm chang chuan U Rinsang min ti thin ang che" A ti sup a, kan in dinhnaih bawk a a thaw sa ham ham chu ka chhip in a hre nghal thei a, a awm si cheta ka awm avangin a lungphu dup dup pawh chu ka hre vek thei.





"Jennifer"
A ti leh sup a, "Umm" ka lo ti ringawt, ka awmdan chu a lai deuh tut a, thil hrehawm zawk zawk erawh a ni hauhlo thung.



"Ka duh che ti ta ila engtinnge min ngaih ang?" a tih chuan ka che phat a, ka tal chhuah hlau ni awm tak in nghet lehzualin min lo pawm bet thung.



"Pu,,, U Rinsang" ka nui hul hak a, sawi hmasak ber tur pawh ka hrelo.


A lam hawiin min kuai her a, ka biang lehlam lehlamah dawmin amah en tur chuan min kuai dak deuh a, ka dangro lutuk tih hnawn tumin chil ka lem leh khalh thin.




"Nupui nei reng chung hian ka duh che ti ta ila.. "
Ka mitah tak min en a, ka chhanna nghaka min en reng laiin keichuan ruih a neih leh neihloh hriat tumin ka en ve thung a, a mit meng atang ringawt hi chuan engmah ka hrethiam chuanglo.




"Chutiang chu a theih hleinem" ka nui lui sak a, mahse a za thlawtlo.



"Jennifer, ka duh che" kan in awm hnaih sa tehlul nen min pawt hnai sauh a, a chalin ka chal a si reng tawh bawk.




Tal chhuah ka tum a, ka theilo nasa lutuk.


"Min duh ve anih phawt chuan ka nupui hi ka then ang, ka then em em ang" a aw khur hluk chu a chhan ka hre ve derlo.



Mi chhungkua ti kehdarhtu nih chu tuman an duh bik hauhlo ang, mi pasal, pawmlai nei ngaihzawm tumna pakhat mah ka nei ngailo a, ka duh miahlo bawk.



Rinsangzuala hi ka ngaina tih ka in hria a, nel awmloh viau mah se a bulah hi chuan Kim riau in ka in hre thin. Ka thlahlel a, ka hmel duhzawng tak ani tih pawh phat ka tum hauhlo. Mahse mi pasal a ni a, ngaihzawn tumna ka nei ngailo tak tak.



"I rui aniang" ti sapin ka biang a khuapna kut chu lak thlak sak ka tum a, a hmuia ka chal rawn nawr tawkin "Ka ruilo" a ti sup a, ka nu ten kan awmdan chu an rawn hriat ka hlau bawk si, tang tungin ka awm a, a hrehawm letling zawk.




Kan ngawi dun rauh rauh a, thaw chhuak hawkin min vawnna chu a thlah dul riai riai a, "Ka tihpalh" ti hlukin a inla hrang zui a, "Ka thil sawite kha ka sawilo angah ngai ang che" tiin inchhung lamah a lut zui nghal a, keichu ka din na ngaiah ka la ding reng ringawt, kawngkhar ri khap atang chuan a chhuak zui nghal ani tih ka hria a, chet ngaihna pawh ka la hre ve chuanglo.





Engvanga min duh thu kha sawi ringawt nge anih ka hrelo a, min duh tak tak nge min fiamkual a tum tih lah ka hrethiam hauhlo bawk a, hnaihloh tum mah ila ka hnathawhna neitupa a ni a, tumloh deuhin kan in hmu leh nawlh thin bawk si.




Khumah ka mu meng kar a, ka thiante hnen atanga thurawn han la ngial tur pawhin tumah ka hrilh ngam bawk silo, Jeremy biak ka tum uk a, ka hreh ve bawk si, a sawi ang khan hrelo angin awm hmak tum ila ani tawh mai, thutaka lak chi pawh a ni lo hrim hrim. Min lo duh tak tak pawh ni se keimah vanga a nupui a then ka duh reng renglo.





**



"I nu hian duh angin thisen a hmu hnem tawklo a, blood bank ah a thisen milpui a awmloh avangin tlawmngaite kan ngaichang mek rih aw, in bloodgroup a in ang em?" Dr. Roberta chuan a ti zung zung a, damdawiin kawt atang a office lam panin kan in zui phei pah hlawk hlawk bawk.




"Ka nu nen kan blood group a in ang lo, engtinnge kan tih ang? Thisen pe thei chu lo awmlo ta se ka nu chu... " ka ding zui dat a, ka lam hawi a rawn in her pah chuan "An awm em em ang, lungngai lo la, thisen a ngah tawkloh chuan chemo khai ngam a ni dawnlo a, duh ang tawka tam thisen kan hmuh hun ah a BP vel a that chuan kan khai nghal dawn nia" tiin min hnem a, ka mangan em avangin ngaihtuahna a chawl duk a, ka nu in min kalsan mai ang tih mawlh chu ka hlau a ni.





Oxygen vuaha damdawiin khuma mu bam ka nu chu ka melh tlawk tlawk a, hrehawm taka a damchhung hun a hman zawhah a kal nghal mai chu ka phal thlawtlo ani, theihtawp chhuaha enkawl a, kan unaua kan hmangaihzia hriat tir mawlh mawlh ka la duh.



"Tinge vawiin khan i tlan haw daih a? Engmah i rawn sawi leh tawh silo a" Mimii phone call ka chhan rual chuan a lo ti nghal a, ka nu chanchin te ka hrilh hnu chuam a aw ri chu a inthlak rang nasa, min hauh inpeih deuha min rawn be si kha a aw te chu a dam nghal thlup a, a hman vela ka nu rawn tlawh a tum thu sawiin kan in biakna chu kan ti tawp a.






Ka nu kut vuan chuan ka thu reng a, Dr. Roberta lahin min ngaihven reng hman bik bawk silo, Bawiha ka hrechhuak thut a, Bawihbawihi ka call zui nghal bawk.




"Aw Afi.. " a rawn ti nghal hlut a, a chauh hmel nasa, "In bang tawh em?" ka tih chuan "Bang tawh a, I naua hian Pu Rina a hmu fuh a, a zui tlat" a rawn tih chuan ka thu ngil nghal awt a, "Engtinmaw?" ka ti nawn leh ngat.





"Ka um na lamah ka dang te hi a ro vek tawh, 'Apu' tih pahin a tlan nghal a, a tlan chak reuh ania aw" a rawn ti nang nang a, "Mahse tinge Pu Rina chu a um a?" ka tih chuan "Ka hrelo" a rawn ti bak hlur a, a um pha ta aniang ka naua tawng ri pawh ka hre thei tawh.




"Ka nu damdawiin ah ka awmpui a, Bawiha chu lo hruai haw mai rawh aw" ka tih chuan aw pawh vatin phone chu a ti tawp zui a, thaw chhuak hakin ka phone chu ka hum ngawt ngawt.




Min duh thu a sawi zan atang khan mumalin ka la hmu leh miahlo a, min hel ve deuh thin niin ka hria, Marini pawh a rawn lang leh tawhlo a, party a hlawhtlin takloh avang khan a zak ve pawh a ni mai thei. Mimii sawi danin party an siam chhan ber a rawn kal ta lo kha an mi sawmte pawn mak an ti viau a ni awm a, an nupa nundan chiah hi ka hrethiam ve lo, ka ngaihven duh lo bawk a.






Sum hian engkim a ti theilo a, nunna ngat phei chu suma lei theih a ni hauhlo, mahse damkhaw chhuak tur chuan pawisa kan mamawhna a sang viau tho a, chutiang bawkin ka nu damna tur hian pawisa tam tham tak ka mamawh.



"Lo awm pui ula, chhuah lawkna tur ka nei aw" Mimii leh Bawihbawihte an rawn kal a, Bawiha pawh ka nu kut vuanin a thu ve ran mai, tunlai chu chhungkaw buaina neuh neuh avangin kan hahdam lo tlang a, ka naua pawh hian lehkha a zir theihloh phah ve fo mai.




"Khawiah nge I kal dawn?" min ngaihtuah hmel taka titu Bawihbawihi chu ka nuih sak a, "Thil tih fel lawk tur ka nei a, ka rei deuh maithei ania aw" tih pahin ka chhuak zui nghal a, ka phone phawrhin Mabiaki number ka hmet chhuak zui nghal zat bawk.





Tlai lam atang khan ruah sur turin a in tham kual reng a, khawpui a ri deuh reng bawk a, zan reh lamah chuan a rawn baw leh hawk mai thei a ni.




Phone a lo chhan rual chuan "Zanin ah hna a awm dawn em?" ka ti nghal thawr a, zan lam hna thawk thin a ki a, ka thilsawi awmzia pawh chu a lo hrechiang khawp mai.



"Awm dawn e, I hman em ni?" a rawn ti a, min sawm ziah thintu zawk a ni bawk a, a phur hmel khawp mai.




"Hman ang, tupawh nise, thilphal deuh ka duh ania" ka tih chuan lehlam a mi chu a lo nui har har a, "Lungngai miah suh mate, I duh ang zat chu I hmu dawn chiang, a ngaiah khan dar 8 ah lo kal la, rawn infeng chhing sa ve deuh tawh bawk la aw" a rawn ti nghal zung zung a, ka kal chak bawk aniang kan in peng ka thleng der tawh.



Damdawiin leh kan apartment luah lai hi a in hlat lutuk lo a, hmanhmawh thlak deuh thil a awm anih loh chuan motor tel lo pawhin a kal phak khawp mai.




Pindanah lutin ka inthlak nghal sawk sawk a, pawnfen chhing ka neih ve ang ang chu inbel in ka hmai pawh ka chei ve nasa, ka vhhuah dawnah chuan hmai ka tuam phui tlat a, ka hnathawh tur hi hna zahawm chu sawiloh, hna tenawm berte zing ami a ni tih ka hria, chuti chung chuan midangin zahawmlo taka min sawi hlauin ka hmel ka la thup tang tang tho a, mualpho ka hlauhna leh keimah ka insit na te chu pawisa ka mamawh lutukna te chuan an luahlan vek tawh, restaurant a ka hlawh chu eichawp ah a ral vek a, ka nu enkawl nan chuan hei bakah hna tha leh hlawk hi ka hre thlawtlo a ni.




Taxi la in in hmuhna tur hmun a kan sawi kha ka pan nghal a, Mabiaki chu a lo ding reng tawh.



"Lo kal rawh" tih pahin step zimte ah chuan a chhukthla hmawk hmawk a, a in feng chhin leh pek khawp mai.





"Tah hian zanin chuan awm mai rawh u, a hma in an in ah pakhat a hruai haw ringawt tawh a, a nupuiin a rawn hmu leh sia, kan buai hrep alawm, hetah chuan tuman an tibuai lo ang che u" tawng rin hlau tak hian kawngkhar chu a melh pah zawk zawk a, "Nupui nei lai maw" ka tih chuan bu nghatin "Tlangval hnah khat hi chu an awm ve zeuh zeuh, min dawr tute hi chu an nupui te khamkhawp lo ho tur ah ngai tawp rawh" a ti liam leh puat a, a phone a rawn ri chiah bawk nen ka darah beng thak thakin min kalsan zui nghal a, pindan chhunga luh chu ka hreh khawp mai.




Dimte in kawngkgar chu ka hawng a, khum tlangah kawr ha lo in mipa pakhat chu a lo thu ngei a, cigarette pak khu hlat hlat pahin tenawm fahran hian ka lut lai chu min lo en reng a.





"Lo thu teh" tih pahin a thutna bul chu a beng thak thak a, ka thut thlak ruala a zu thung rim ka hip lut chiah chu ka uak vak lo chauh a ni, zu rim hi chu ka pa vang khan ka hre nasa a, a thing rim ngat phei hi chuan ka pum a ti khawlo nghal vek thei in ka hria.




Ka dara min kuah rual chuan ka tawlh hla hret a, "Engzat nge min pek dawn sawi phawt rawh" ka tih chuan duham min tih hmel fe hian min thleng vung vung a, a hnu ah a kekawr inpe atang a wallet a rawn phawrh a, 500 tlang hlir eng emaw zat chu phawrh in ka malchungah a rawn dah a, "Min tih lawm chuan a aia tam pawh ka nei" mitmeng h*r zeta min en chung hian a ti sup a, ka lo ip chawih thei hial!




Mi pasal, Pathian leh Kohhran hmaah nupui te tana rinawm tur in thutiam an nei ve ngei awm si a, ka thil tih hi a dik hauhlo tih ka hria, chutih rual chuan keini ang awm awm tur hian heng mipa laktlakloh ho hi an awm ve zel a ngai. Tunah hian a nupui chuan in ah a lo nghak mek awm si a, tullo lutuk in Rinsangzuala ka hrechhuak a,ani oawh kha hetiang mipa nen hian angkhat vek an ni, ka thil ngaihtuah chu ngaihtuah zawm zel duh lovin ka mit ka chhing vak a, ka kut chu ka hum ruh ngawt ngawt bawk.




Pindan light chu a rawn dim deuh ruih a, a sen deuh phût mai, music a rawn ri ral ral a, kan awmdan vel chu a vai chhing chheng reuh.


Chupa chuan ka banah dimlo zeta min manin "Ka hmaah sawn va lam phawt teh" a ti tlat pek a, hreh eng ang mah ila pawisa ka hmuh theih nan chuan ka tih ngei ngei a ngai.





A music play lah chu lam rem a har khawp lehnghal, vawi khat mah lam ngailo ka ni a, a kawng hmang pawh ka hrelo, ka thiam ang ang in ka mawng bawr te chu ka ti che kual ve a, ka hma ami a lungawi chuan a tawk a ni mai.





Kawngkhar ri rawk lam chu phawk zet hian ka hawi phei a, ka lam pana rawn pen phei pawk pawk in Rinsangzuala chuan ka dar pahnih ah dawmah min thing zui nawk a, "Engthil nge I lo tih kha Jennifer?" a vin lutuk chu chhan ngaihna pawh ka hrelo.




"Engthil nge I rawn tih zawk?" Khum atang thei leh theilo in pakhat chu a rawn tho chhuak ve a, "I hmeichhe awmpui tum hi ka nupui a ni, ka nupui lak atang hian engmah lo beisei suh" vin lutuk tak mai bawk hian Rinsangzuala chuan a ti leh a, ka ngaihdan a ni tawh bik hauhlo.




"Thu awmze neilo rawn sawi ve vak suh aw, I nupui ka ni lo" ami vawnna atanga tal chhuah tum chuan ka che zui phat a, a hma aia na in min hmer tawh!





"Ti nawn tawhlo tur in ka hrilh chiang viau che" chang leh chiang zet hian a ti hrawk a, "Ka nuna lo inrawlh ve tawhlo turin ka hrilh ve tho che" ka tih chuan thaw chhuak hawkin ngeiawm zet hian a nui a, "He hna kher hi chu ti nawn suh, pawisa chu eng zata tam pawh mamawh la hetiang hna tenawm kher hi chu thawklo turin ka duh che a ni Jennifer" ka dar a vawnna chu a thlah satliah pawh a ni lo, min nam deuh lawp a, a hmai tuai puatin pindan chhungah chuan a tei kual sek a.




"In buaina chu ka hrelo a mahse ka hun min khawhral sak suh u, hmeichhia hi I hauh viau pawh a ni mai thei mahse zanin atan chuan ka ta ani" chupa tawng zawh rual chuan thil dang sawi hman hauhlo in a rawn che phut a, a hmaiah a hnek chawrh hnuah chhuat ah a bawh bet zui a, tawp tura ka tih pawh chuan ngawi rengin a hnek zui siah siah tho.




"U Rinsang, A tawk tawh" ka au zui tuar tak ah chuan A tawp ve chawt a, a kawr awm a tham na chu thlah in a rawn ding a, ka pan hnai vat.




A banah chuan dimte in ka vuan a, "A tawk tawh" ka ti nawn sap chu ka mitah tak min rawn en a, a thawk rang lutuk atang chuan a la thinrim hle tih chu sawi ngai lovin a hriat vek.




"Ka pawisa kha min pe let teh" ti hlukin pakhat chu a rawn tho chhuak ve leh a, ka bag a ka khung vek tawh pawisa chu muangchangin ka phawrh a, ka kut atanga a lak hnu ah thildang sawi tawh loin a chhuak zui a, Tu ve ve mah kan tawngloh avangin a reh nghal duk mai.



"Ti nawn tawhlo tur in ka hrilh chiang viau che aisn" chang leh fiah zet hian a ti sup a, ka mitah tak min en avangin en rei ve ngamlo in pindan chhung te chu ka melh kual ralh ralh reng a, engmah ka sawi ve loh vang chuan a thinrim nge pawh ka hrelo, ka banrekah vuanin a awm bawh rawk khawpin min pawt phei a, ka Sam lo uai thla chu muangchanga ka benga zeh pahin "Engmah a thleng hmanlo tih min hrilh rawh" a ti sup a,tawngka pawhin ka chhanglo, ka bu nghut ringawt a,hahdam ta huai ni awm tak hian a thaw chhuak zui hawk bawk.





Khumah chuan min thut thlak pui a,nghet zetin ka kut chu a la hum bet tlat.


"Ka duh che ka tih khan ka tiderlo, I sawi ang khan pawmlai nei, mi pasal ka ni a, chuvangin ka theih ang anga in thunun pawh ka tum, ka hel kual ve tang tang che a, nangmaha ka feelings zawng zawng a bo vek hma chu tiin i hmel hmuh loh dan ngawt ka ngaihtuah thin, mahse ka theilo chu a nih hi Jennifer" hul zet hian a nui chhuak hawk a, ka kut chu la kangin a hmui lum thur thur chuan a nawr vang vang a,


"Bansan che ka tumna chu a hlawhchham chiang tawh, tunah chuan i duh emaw, duh lo emaw, I bulah ka awm anga, ka venghim tlat dawn che" min hrilh nge thu min pe pawh ka hre hrep lo, ka nui chhuak ve hak a, ka kut chu la sawnin ka ding zui nghal hluai bawk.




"Min duh leh duhloh ah chuan ka buai lo reng reng, keimaha i rilru put hmang pawh ka ngai pawimawh lo, keichuan mi pasal i nih piah lamah i mizia hi ka duh lol ve hrim hrim, I nupui hi then in lo innei ta zawk pawh ni ila, ka hriat loh hlanin call girl ho I lo va dawr tho lo ang tih tunge sawi thei?"



"Jennifer"

A rawn ding zui vut a, nui suka pan hnaiin "Thudik hi chu a kha fak an tih kha" tih pahin a kamis kilhna in pelh then chu ka kilh that sak a, ka kut chu lo man chawtin min pawt hnai leh dawr tawh.





"Ka hun lo hman tawh zawng zawng kha engmah min hriat pui lo" thinrim vanga sehchilh zet hian ati a, "Nangpawn engmah I hre biklo, I nupui chiah ngaihtuah la, khawngaihin ka nunah hi chuan lo buai ve tawhlo teh" ngenngawl zet hian ka ti leh ta zawk a, ka beidawng tawh a ni.





Pawisa ka mamawhna a nasa em em a, hetianga mipa vanga buai hman hi ka ni lo tak tak. Min pui theilo anih pawhin buaina min siamsak kherlo se la, ka rilru hrehawmna tura thil sawi hi ching fo lo bawk se la ka duh.




"Engzat nge I mamawh?"
Ka kut chu thlahin a kekawr ipte atang a wallet a rawn phawrh a, pawisa note tam tham zet rawn phawrhin ka hmaah tak a keng kang zui va bawk a.




"Zanin chu keiman ka lo dawr zawk ang che, I mamawh zat sawi la" a mithmul a kan zauh a, ngeiawm zet hian a then pah suk bawk.





"I pawisa hi ka mamawh lo e"
Ka tih chuan nui sukin a ak tha ve leh mai a, min ngainep lutuk hmel leh a duh duha a bawlzan theih tura min ngaihna mitmeng hian ka rilru a ti na nge, min duh thu a sawi laia chhang let ve theilo tira min dang tlattu a nupui vang zawk hian ka na pawh ka hre hreplo.




Ngawi rengin kawngkhar lam ka pan a, min rawn umzui hlau in ka kal nghal hlawk hlawk bawk.



Kawngpui ka chhuahchhoh rualin ruah a sur tih ka hre ve chauh a, van lam chuan lungawi lohna a nei emaw tih mai turin khawpui a ti ri dur dur reng bawk a, ruah sur karah pawh chuan ka kal zel a, ka mittui lo tla ringawt pawh chu hruk hul ka tum hranlo.



Ka nun hahthlak lutuk hian dam ve ka chak na zawng zawng an thai bo tawh a, enkawl ngai ka nu leh ka nau te hi awm lo se chuan aw....



Ka banreka min vuantu chu a hmel hmu hauhlo mah ila tunge a nih chiang tak in ka hria a, beidawng lutuk hian ka thaw chhuak zui halh..!










CONT....
Ni ka lo hai a, a tlangpuiin Sunday ah chuan ka dah ngailo a, mahse comments thenkhatah khan zanina dah tur angin ka lo in sawi si a, tum ang tak chuan a thui thei ta lo anih hi aw..




Karhnih dawn ka chawl ta a, tun atang chuan dah tur tur kan siam ah khan dah leh theih kan tum dawn nia.. ❤


Show post links
Top

[Ngaia]

MI PASAL




Chapter-15


By Ruati Renthlei



Ruah sur leh ka mittui tla te avang chuan ka thil hmuh engkim mai chu a fiahlo ruai vek tawh a, engmah sawi lovin a awmah min kuah bet a, kan awmdan engkim, ruahsur leh khawpui rite, ka dinhmun harsa lutuk leh nghet deuha min kuah mektu vang te hi a nih ka ring, insum hman hauhlo in ka tap chhuak hawk a, a kawngah chuan ka kut suih betin a ni pawhin nghet lehzualin min lo pawmbet ve a, khawlai ah, ruahsur karah leh nghal chuan kan ding ngawt ngawt a,


"Helaia kan awm reng chuan I damlo mai ang, lo kal rawh ka hruai haw ang che" ti supin a kut pahnih chuan ka biang a khuap run a, ruah pawh a hma ang em chuan a sur tam tawhlo.





A motor awmna lamah chuan min kai phei a, amah zuilo tura luhlul han chhuah leh tur pawhin tha ka nei tawhlo, motor chhungah chuan hruk puan lian vaklo hi min pe a, a hnung lama a coat dah chu min sin tir bawk a.




Engine ti nungin a tlan chhuak nghal a, "Ka bula awm tura ka hrilh che khan awm satliah ringawt tur in ka tilo che, ka bulah hahdam tak in awm la ka duh" a tawng lai chuan a hmel en chian tumin ka melh chho ha a, hmalam ngawt a en a, a thutak hmel viau rualin a hmel chu a dam thlup a, a mah zawk chu a hahdam hmel.





"Ka ngaihven che a, ka chik thin bawk che, I rualpuite aia harsatna I tawh hnem zia ka hriatpui che a, ka theih ang anga puih che ka duh bawk, thu tak sawi a han zilh vak tur che in engmah ka ni lo a, tuna ka kawppui laka ka rinawm loh zia pawh a hrechiang bertu I nih kha" tiin za lo zet hian a nui chhuak hawk a, sawi ve tur pawh ka hrelo.





"I duh emaw duhlo emaw, ven him che hi ka duh a, keimahah hian ngaihngam leh hahdam tak in awm la ka duh" ti leh supin ngaihnat awm deuh hian min rawn en in a nui suk a, ka tawng ve hma in "I awm a nuam deuh tawh em?" tiin min zawt leh daih a, ka buk nghat hnua ka hahchhiau chu a nuihzat khawp mai.





"Ruah I do vak a, I hritlang ve mai thei" a ti sup a, a mitmeng leh hmel landan dam thlup hian ka ngaih a ti tha ve em em ringawt.





Kan in kawtah chuan a ding dat a, motor atanga chhuakin kan awmna zawn thip thap chu mak tih hmel deuh hian a melh chho vung vung a, "Ka nu a na zual deuh a, damdawiin ah a awm" ka tih chuan "I nau ve thung?" a lo ti a, chhang ta lo chuan ka phone phawrhin Bawihbawihi ka call nghal a, dar 10 tlangah mah nise a lo chhang rang khawp mai.





"Ka nu eng nge a an?" ka tih chuan a mutthlih thu a sawi a, Mimii'n a awmpui rih thu sawiin Bawiha nen an in lama an haw chiah thu min hrilh a, thaw chhuak hakin lawmthu ka hrilh zawh chuan kan in biakna chu ka ti tawp zui a, ka dinhmun khirh lutuk vanga ka thiante ka pawt buai ta chhen chuan rilru a ti hrehawm ve reuh.




"Bawihbawihi bulah a awm anih chu, Mimii'n ka nu a alo awmpui a, ka inthlak anga ka kal ve nghal ang, min thlah avangin ka lawm lutuk aw" ka ti sap a, ka kal San nghal mai chu ka hnungah min lo zui ve zel avangin ka ding leh rih a.




"Ngatinge min la zui a?" ka tih chuan "Ka hruai ang che" a lo ti mai a, ka hnial duh bik lo.




Ka inthlak fel hnuah pawh thlanglam bathlarah tlakdal bawhin a la ding reng a, a thuamhnaw a huh ve vek avangin thutthlengah pawh a thu duh lo a niang.





"Hei hi ka neih lian ber a nia, a huh ringawt hak ai chuan a nuam tho ang" tiin ka tshirt lian ve ber leh ka kekawr bul thlawl ber chu ka pe a, a en vung vung hnuah keimah min rawn en leh in "I kekawr akara a bul lehnghal chu engtinnge ha se min tih" a ti deuh nghut a, a lawm viaulo chu ka dem hranlo.





"A dang ka nei silo a, e taka, Bawiha kekawr I ha thei mai thei" ka tih chuan "Hmm" tih pahin a hawi sawn hmak a, a kamiz kilhna chu a phelh mual mual bawk a, ka nuih a ti za angreng.





Tshirt chu a ha thei mai a, kekawrbul e rawh chu a ha chhin ngial a, a hmalam a langsar ul bawk si, a kawr hak laiin a khuh pha ve mang bawk silo a, a in khap kual fe hnuah "Ka ha lo mai ang, miin tuai emaw min lo ti palh ang" tiin a huh zawk chu a ha leh ta nge nge a, pawi ka ti vaklo, ka kekawrbul ha chunga damdawiina min zui chuan tum loh deuha a kap bawr vel melh fuh a awl si a, ka tan tak pawh a nuam dawnlo emai.





"I nu damloh vang em ni?" a tih chuan "Engmaw?" ka lo ti ha a, "Zanin kha" tih pahin min rawn melh zawk a, a hawisawn leh thuai thung.




"Kawng dang a awmlo" ka ti sap a, "Ka pui ang che" a tih chuan mak pawh ka ti tawhlo, ka nuihsan mai a, mi hausa tan hi chuan engkim mai hi a awmsam purh zel a nih hi....





"Tunah rih chuan I lak atangin beisei pakhat chiah ka nei rih, mipa dang hnaih lo ang che" amah bawk chuan a ti leh sup a, ka la chhang chuanglo.





Damdawiin chhungah pawh chuan min zui lut ve zel a, Mimii'n ka ruala Pu Rina a hmu tel ve chu mai a tih hmel khawp mai.




"Doctor khan ka lo let leh ang a tia, damlo dang a en kual rih in ka hria" a tih chuan ka bu nghat a, "I va fel ve Mimi" Pu Rina pawh chuan a lo ti ve mial a, pakhat lah chuan "Chutia mi?" a lo ti nghal a, an in biakna chu a zo der mai.




Mimii haw hnuah ka nu bulah chuan ka thu a, ka bula a lo ring ve run chu nuam ka tihloh avangin lo thu ve tur in ka hrilh a, Dr. Roberta pawh a rawn lang ve leh hlawl mai.



"A va mutui hmel ve" A tih chuan "Nia" ka lo ti var a, ka bul ami chu mak a tih hmel viau na in engmah phei chu a min zawtlo.


"Thisen unit 2 chu kan hmu a, mahse chemo khai tur chuan duh angin kan la ngah tawklo, Pathian zarah kan hmu leh mai ang" tiin min tawng thlamuan a, "Engnge a blood group" lo ti sup Tu chu ka melh zawk a, "B+" ka tih chuan a bu nghut ringawt a, beisei a ti sanglo khawp mai.




"I riahpui leh dawn em ni?" tia Dr. Roberta-n min zawh chuan ka lo bu nghat nghat a, "I duh chuan haw tawh la, a tlai tawh sia" tia ka bula thu ka en chu "Ka duh lo mai" a lo ti liam puat a, min ti hrilh hai let ling zawk.




"I kekawr.. " ka ti hman tawk tihah Dr. Roberta chuan "I bialpa em ni?" a lo ti ve leh a, "Aih" ka tih laiin Rinsangzuala chuan "Aw" a lo ti ve thung bawk si a, ka buai nuai tawh.





"A bialpa ka nia, zanin chu ka lo awmpui dawn nia" ti leh supin ka kut a rawn vuan zui zat a, lak let tuma ka tang tung chu nghet lehzual hian a lo hum bet ve tlat bawk a, "Anih chu... Harsatna a awm chuan min lo hrilh dawn nia" tiin Doctor chuan min kalsan a, a chhuah fel rual chuan "I zaklo" ka ti hlak a, ka kut chu la kangin a la fawp zui.




A chet duh dan chu zaktheilo ti lutuk hian ka melh vak a, "Mipa dang hrim hrim hnaihbl ka phallo ka tih kha" tiin a kiai suk a, hmeltha viau mah se ka beng chak lutuk.




Ka nu chu a mutui phian a, ka bul ami lah chuan haw a la tum hmelloh ropui si.



"Tun ang hun thleng thlenga I len chhuah fo te chuan Marini awm a nuam miahlo ang" ka tih chuan a khi suk a, min chhang dawn tawhlo emaw ka tih hnu ah "A pawi hleinem" A ti sup a, ka ngaihbel nge A hlimloh hmel riau in ka hria.






"In nupa inkarah hian eng thil chiah nge maw thleng le?" amah pawh zawt chiah silo chuan ka ti sap a, "I rin phak bak" a tih chuan min ti hre chak zual khawp mai.




"In hausa a, in lar viau bawk a, mi tam tak ngaihah chuan nupa hlim leh in hmangaih tak in ni bawk a, mahse in awm dan hi ka hrethiam lo, nanglahin zan rei tak tak thlengin I len chhuahsan lawi bawk sia" Ka ti niah niah a, "Ka hmangaih thin alawm" a ti sup a, inchung melhin a thaw chhuak zui hawk bawk.





"Mipa nep leh khawvel mi tak angin min ngai a, a dik em?" min rawn en in a nui suk a, "Dik mai thei, nupui nei reng chunga call girl dawr duhtu mipa te hi khawvela mipa nep leh tenawm berte zing ami an nih ka ring, chung zingah chuan I tel ve a" ka ti sap a, nui chung hian "A dik alawm" A ti sup a, thil dang a sawi zawmlo nachungin "Sawi duh dang i la nei em?" ka ti leh talh a, "Ka hmeichhe dawr hmasak ber leh a hnuhnung ber I ni" a tih chuan awihlo lutuk hian ka ner khum nang a, "Kha,,, I awih leh tawp silo" a tih chuan chiang deuha amah melhin "A awihawm loh em a" ka ti halh a, "Khami zan khan ka rui" a tih chuan "Ka hria" ka lo ti leh vat.




"Ka nupui hi ka hrechiang viau emaw ka lo in ti a, mahse min lo bum reng" tiin a nui hul hawk a, a sawi leh tur hriat chakin ka lo ngaichang ran thung.




"Kan inneih hma kum hnih tal tawp kha kan in zui a, kan in ngaihzawn piah lamah thianhtha tak kan ni bawk, nupa kan nih hma pawh khan nupa nun hman lek lek chang kan nei fo a, duh ila chuan ka thei reng bawk ang, mahse a zahawmna kha ka ngai pawimawh a, harsa viau mah se ka insum ve tlat thin" a tih chuan "I va fel ve" ka lo ti hman hmawh a, nui sukin ka samah a tuai zauh a.





"Kan inneih zan khan a virgin tawhlo ang tih rin ngaihna ka hre reng renglo asin" a tih chuan phawk zet hian ka melh vak a, a mit menga natna lo lang chu ka hmu thiam ve hial in ka hria!





"Anih chuan Marini hian in inneih hma in mipa dang a lo mutpui tawh I tihna maw" ka ti deuh ruai a, ka awki pawh chu ka thunun hmanlo lek lek a ni.

"Ka thiantha ber nen mawle" a tih leh lek phei chuan ka melh ngawt ngawt tawh a, "I thiantha ber leh I bialnu an lo mu dun I tihna mi?" ka tih chuan a bu nghut a, a kut pahniha a hmai hupin a nui hul hawk a.



"Then mai ta che" ka tih chuan min rawn en in a then sak a, "Ka tum" tih ngawtin min chhang thung.



"I sawi duhloh thleng thlenga ka sawi tir che chuan ka tihpalh, mahse hriat duh chu ka la nei teuh tho" ka ti sap a, thaw chhuak ham ham in a hmai chu a tuai leh puat a, "Hmeichhia ang maia ka chamchin ka sawi vak le" tih pahin a ding zuu vut a, han zawh belh leh ngamna chi pawh a ni tawhlo.





"Ka hmai ka va phih anga, zanin chu ka awmpui ang che" tiin a chhuak zui a, room chhung chu a reh zui tlawk tlawk mai.





Tupawh mai hian midang hriatpui loha harsatna leh natna tam tak kan pai ru theuh a, mahni buaina leh harsatna ringawt hmu lian thin tan chuan midang te tawrhna leh an buaina te hi kan hriatthiam pui ve tawh thinlo.



Rinsangzuala pawh hi mi tam tak ngaihah chuan mihring awhawm tak pawh a ni mai thei a, mahse rilru nuamlo leh hahdam lo reng rengin a hun a lo hmang ve reng zel sia.



A mak ngawt mai, A rin em em a ngaihzawng leh a thiantha berten an lo bum reng a, ka tawn ni ta se ka tuar thiam kherlo ang, ka na anga, ka thinrim in khaw hmu lo lekin ka che duh mai thei a ni. A tawrhna tam tak kara amah a in thunun thei tlat chu a fakawm ang reng khawp mai.





**


Ka hnungzang leh dar bawr vel kham lutuk chu mit ka men hma atangin ka hre tan a, ka mut dan rualrem lo lutuk vang a ni tih ka hrethiam nghal bawk.





Ka harh chuan ka nu hmel ka hmu hmasa ber a, uluk deuha min lo en reng avang chuan ka lai titih ringawt leh nghal.




A tawng peih chiahlo na in min lo nuih sen sen a, ka sana bun lai chu melh zawkin pindan chhung chu ka thlek kual vel a, dar 6 chauh a la ni si a, Rinsangzuala hi engtik laiin nge maw a lo haw daih le..




Nurse pakhat a rawn lut a, ka nu a en fel hnu ah ka kalsan theih tur thu sawiin a chhuak leh nghal a, ka nu chu puanin ka theih ang angin ka hru fai a, Bawihbawihi message ka thawn hnu ah haw tur in ka in buatsiah zui a,, kawngkhar lam atang Rinsanga a rawn lang leh hlawl chu mak ka ti letling tawh zawk.




Nizan anglo tak khan suit nen a rawn felfai leh thlap tawh a, hetianga daka rawn let leh hman tur chuan thawh hma a ngai ve viau ang.




"I harhna a rei tawh em?" tih pahin ka bulah a rawn ding a, "Rei vaklo" ka tih chuan mawi deuha kiai sukin ka nu chu a en a, "I fanu chu tha deuhin ka lo enkawl ang aw ka pi, hahdam deuhin awm la, I dam leh thuai mai ang" a ti dam vei thlup a, ka nu pawhin a thlamuanpui hmel ve viauin ka hria.



A thil khai lai chu dawhkanah dahin min rawn melh leh zawk a, "A ei theih zawng ka hrelo a, ka duh duh ka rawn lei mai" a ti sup a, "Engmah a ei thei hleinem" ka tih chuan a dar a kan ak a, engmah phei chu a sawi belh lo.



A car hunna lamah chuan kan inzui phei a, "I haw lai ka hre miahlo" ka tih chuan "Khaw en laia I tshirt ha chunga chhuah ka duh hleinem" a lo ti nghut a, a thinrim vang a nilo tih erawh ka hre thung.



"I rawn kal leh a, I fel reng reng" zangkhai deuh zawka ka tih leh chuan a lo bu ve suk a, "Ka bialnu I ni tawh sia" tiin a mit min siai zauh a, "Tlangval chiah ngaihzawn ka tum" ka ti chu a lawmloh hmel khawp mai.




"Thil tharlam vak a nilo, tuman hma hun kan hre lawk lo a, mi pasal ni mah ila ka duh che, min ngaizawng zawk mai rawh" a ti a, a nui hauhlo leh nghal.




"I ti mak e a" ka ti ta ringawt a, "Ka bialnu I ni tawh bawk sia, ka thikthu a chhe viau dawn ania" tiin a hawi zui vah a, a awmdan vel chu ka ngei a nia aw..


Kan in kawtah motor a ti ding a, "Dar 9 ah meeting ka neih avangin ka lo hruai hman dawnlo che aw" a tih chuan "A ngai hleinem" ka ti mai a, "Chawhnu lamah ka lo kal ang" a tih leh pawh chuan ka chhang tawh lemlo.





Inchhung ka lut chiah chu ka thaw chhuak ham ham a, ka lungphu rang lutuk chu ka kawr chhanah ka dawm bet vang vang bawk.





Ka naua leh Bawihbawihi te chu dar 7 velah an rawn thleng phei a, nimina Pu Rina a um thu kha hrechhuakin Bawiha chu ka zawt fiah a, "Ka ngai alawm" a ti awlsam et a, "Ngaih ve ngawtna chhan tur I neioi, a reng rengin kan chhungte pawh an nilo a, khatiangin hriat chianloh te an zui ngawt ngailo" ka tih leh chuan "Ka hrechiang alawm" a ti leh reuh bawk sia, Bawihbawihi a lo nui nasa tawh bawk nen ka nuih liam ve ta ringawt.






School kala an liam hnu ah restaurant lam panin ka chhuak ve nghal a, ka phone ka en chiah chu Mabiaki miss call a lo tam ngang mai, a rawn sawi tur awm ang ka hriat chian em avangin call back tumna ka neilo bawk.




Dawr kawtah chuan tumloh deuhin Remlalfaka ka hmu hlawl a, mawl hmel deuhin min lo nuih leh vur vur tawh mai.




"I va hma ve" tiin ka lo be mawi ve a, "Ka lo nghak che anih hi" tih pahin a mithmul a San zauh a, thutaka ngaih chi a nilo tih hria in ka chhang let hranlo.





Kan pahniha kan in zui lut chu Mimii'n min lo pan rang leh pek khawp mai, keimah min en reng chung in Rema bulah chuan a ding nalh a, inthlak tur in ka luhsan ta daih bawk.





"Mimii'n I nu chanchin te min lo hrilh ve a, nanglahin sawi nachang I hre bawk silo a, engnge a an tawh reng reng a?" Nu Rinengi chuan a lo ti var a, "Hma chu kan sawi vaklo, duh angin thisen a la ngah tawklo a, a theih velah chemo kan khai ang" tiin ka nu chanchin tlangpui te chu ka hrilh ve a, ka dinhmun an hrechiang a, thisen cancer leh ghal buaipui reng tur chuan ka neih in a tlin dawnlo tih an hrethiam ve khawpin ka ring. Sawi kherlo mah se min khawngaih ve zia chu an hmel leh mitmengah te ka hmuthiam vek tho.





"An hnu duh che aw Afer.. " Thanpuii chuan a rawn ti lauh a, ka thil tih lai dah sawk sawkin ka chhuak phei ve nghal zat bawk.




Kawngkhar hnaih ber dawhkanah Nu Siami a lo thu reng chu niin, min rawn hnuh rualin a ban a lo vai a, ka pan hnai vat bawk.




"Kan van in hmu khat ve" tih pahin a hmaah chuan ka thu ve a, "Nia,, I nu chanchin te pawh mi ka atangin ka lo hre ve a, a zia lo tak tak a ni" a ti a, ka ngaihbel nge ka hrelo na in a damsamloh hmel khawp mai, a hma aiin a cher a, a dâng deuh lap bawk.


"Kan la in enkawl mek zel a, nangmah zawk hi I va damloh hmel ve" ka tih chuan za lo deuha nui chung hian "Kan tar ve tawh anih hi" a ti mai a, ka awihsak hauhlo thung.





"U Chhuahpuia te an lo kal ngai em? Engnge in chanchin ni reng reng" ka tih chuan a lu a thing a, "An reh thei vang vang khawp mai, mahniin ka awmchawt chawt a, nanglahin min pem San tawh bawk si, ka khua a har ve thjn ania" a ti zuai deuh ruih a, ka khawngaih khawp mai.



"Ka pa te engnge an an?" ka ti ta nge nge a, eng emaw chen chu an chanchin ka ngaihven tawhlo a, an dinhmun engmah ka hriat pui tawhlo.




"An thawm a lian thin khawp mai" a tih chuan sawi thui viau lo mahse ka ngaihruat thiam vek tho, ka pa zurui chuan a nupui tharte pawh a dim leh chuanglo anih chu,Awmtei kha hrilh lawklo pawh ka nilo a, mi pasal a rawn luh khung ngawt a, a tawpa a chan chu a ropui bik ka ringlo reng a ni.



Tullo tawp in Awmtei dinhmun vang chuan Rinsangzuala ka ngaihtuah chhuak leh a, mi pasal han luh khung ngawt pawh hian malsawmna chu a keng tello ve khawp ang le...







CONT.....


Show post links
Top

[Ngaia]

MI PASAL



Chapter-16


By Ruati Renthlei




"I nu chu naktuk lamah chemo kan khai thei turah kan ngai e, thisen pawh kan dawn belh a, lo mangang suh" Dr. Roberta message chu nui ver verin ka chhiar a, Mimii chu engkim hriat ve duh tih tak ah ka nuih ver ver chhan pawh a lo hre chak fal leh pek khawp mai.




"Naktukah ka nu chemo kan khai thei hmel a" ka tih chuan a lawm ve hmel viau a, thisen chu khawi atang pawhin lo dawng se a thianghlim anih phawt chuan a lawmawm lutuk ringawt.



"Keichu pasal neih daih ka duh tawh, u Rema lah hi min chhai ve reng si hian inneih lam a la sawi ri lo reng renglo" a phone khawih let sek pahin Mimii chuan a ti halh a, nur nanga melh pahin "Min chhai te han tih, I duh lutuk tih a hriat avangin I lawm nan a fiam ve kai mai che anih hi, inneih phei chu ngaihtuah pawh ngaihtuah suh, I mawl emai" ka ti hlak hlak a, "Ka duh a ni" a la ti halh tho.



"Tak tak in, pasal neih daih ka chak tak tak, ka nu a tlan a, ka pa lah in zu nghei a tum phah der bawk si lo, kan inchhung saw a hrehawm rapthlak lutuk" amah bawk chuan a ti leh a, a sawi fo tawh a, thurawn emaw, a awm nawmna tur thil han sawi tur ka hre ngai bawk silo.




"Keimah ang hian indang ve daih la a ni mai alawm, pasal neih kher a ngai lo emai" ka tih chuan hui pap chungin a sam a tuai chho pulh a, "Theih se chuan I sawi hma khan ka ti daih tawh ang, ka pa saw min bawn turu lutuk ania, keimaha ka awm hran a phal teuhlo" a tih chuan "A thu lo e a" ka lo ti hmak a, fate ngaihsak hman lek lo va an rui thin chung pawha an chunga thuneih an la tum tlat hi ka ngaihdan a ni hauhlo.




"Ti daih ila Afi,, Marini leh Pu Rina te nupa inkar hi a thatloh hmel ka ti, hmanni ah pawh Thanpuii nen kan lo sawi mai mai a, a rai hnu te hian a duat hiam hiam kan ring ania, a ni teuhlo mai" a ti leh sar sar a, han chhan let ve dan pawh ka hrelo.




"An in hau ve deuh a ni mai thei" ka ti ta ringawt a, "Chutiang ringawt anih pawh ka ringlo e a, Marini a nuih har har tawhloh chinah hi chuan eng emaw tak chu a awm a ni phawt ang, heiha, mi nuna buai hi tha lo viau mah se an chanchin han sawi vel hi a nuam ve e" thawveng zet hian a tih zawm leh zat a, an chhungkua buai ve nuai mah se amah hi a thawveng chi leh ngaihsam chi a ni ve hrim hrim a, a awhawm letling zawk thin a nia aw...




"An nunah kan buai a ni hleinem, an chanchin kan lo sawi ve mai mai alawm" Thanpuii chuan a awmlo emaw tih laiin a rawn ti ve leh nawlh bawk a, an beng te hi a var halwm tak tak.




"A dik chiah" Mimii pawhin A lo ti leh hluai a, a nuihzatthlak loh nen an pahnih chuan uar fe hian an nui zui har har a, an nui ri ringawt pawh hi nuihpui tham a ni ziah.




"In awm maw?" titu aw rawn chhuahna lam chu phawk zet hian kan melh hra hlawm a, Marini rawn lut chu zawite hian Mimii'n "Michhe sawi chu koh aiin an hnai" a lo ti leh hman a, rawn nui lut var var mah se tumahin kan awihsak tawhlo ang.




"In va hlim hmel ve a" tiin kan hmaah tak a tawn ding ve a, "I va vang ve Marin" tiin Nu Rinengi'n a lo be nghal vat thung.




"Nia,, kan pa hi a hnaah a buai thin sia, tunlai chu ka pui ve e ka tia" tiin min rawn melh kher a, ka awihlo nasa mai.




A pasal ve kha nizan nen zan thum lai a zawnin a rawn leng tawh, a hnaah chuan alo pui anih pawhin an thawk dun hman kherlo ang, ani lah a rawn leng chawllo a ni ber a.




"Tunlai chu Pu Rina pawh chawhnu lamah hian a rawn chawl deuh ziah a, a ruala hmuh ve che kan lo in beisei thin nen, I zin bo rih emaw te kan lo ti mai mai a" Nu Rinengi bawk chuan a ti leh a, an inbiakna chu hriat zawm ka chak lemloh avangin ka kalsan a.




"Ka hman chiah, thil ka lo ei kawi ang, tui deuh min lo siam ang che" Rinsangzuala message chu ka ner khum vak a, "I nupui pawh a awm e" tih ka va thawn kher bawk.



Message chu a hmu reng a, min chhang let lo chu ka thin a sa phat mai. Ni thum liam ta ah khan ka bialpa anih tawh thu kha a sawi a, nupui chu nei reng mah se kan awmdan chu in ngaizawng tak tak ang tho kan ni!



Zantin a rawn leng a, ka kut a kai tih loh chu min khawih a la tum lo thung. Ka ngaina tial tial a, a chet dan ho te pawhin min ti nui leh var var thin.



Inngaizawng anga kan khawsak miau avangin alakah pawh thikthu ka nei ve a, duhlo mah ila ka ti reh ngawt thei biklo.



Marini leh Nu Rinengi te chu an ti ti malh malh reng a, ka tana hriat nuam vaklo tur thil a sawi chhuah pawhin ka in thunun ve hram hram a ni.



Ka tette atang khan thlavang hauhtu kan nei ve ngailo a, chuta chhapah ka nau ka venhim tel tlat a ngai bawka, harsatna chi hrang hrangin min lo chher hriam ve tawh bawk nen ka kawlh viau a, ka ngaihdan pela midangin min chhaih nawmnah chuan khaw hmu lo leka che mai zel thin mi ka ni.






"I lo thleng maw?" Marini hawi na lam chu ka en ve vat a, pawn lamah ruah a sur avangin kawngkhar bulah chuan a in thing fai hmasa a, min rawn en in a nui suk tak na a, Marini a awm ve tlat avangin nuam ka ti chuanglo.




"Chawhnu lamah I kal ziah an tia, ka lo nghak law law che naih hi" tiin a lo bekbawr nghal vak a, ngawi rengin dawhkan chu ka ti fai mawlh mawlh, a,,, ka ti fai sawk sawk ti ila a dik zawk ang.




"Thil I ei tawh em?" zawi ang reng taka a tihte chu ka bengah chuan a fiah leh bik hle a, a nupui mah ni se a thil ei leh ei loh a ngaihven nghal vat te chu ka lo thik ringawt leh nghal, zaktheilo ka in ti a, mahse ka thik tlat bawk si.



Hetiang ringawta kan awm dawn anih chuan kan inkar hi chinfel vat ka duh, a zawng zawnga ka ta a ni thei dawnlo anih chuan inzawmna neilo law law ila, a tana a ber ka nih loh a, kei aia ngaihsak a neih zawk chhung chu kan hlim dun thei tak tak chuanglo ang.




An nupa chuan dawhkan khatah thil an ei dun a, luhlul chhuahin an ei tur zawng zawng pawh keiman ka pe vek.

"Kan lawm e aw Afer" nui sangin Marini chuan a ti a, "Tui deuhin ei rawh u" tiin ka nuih lui ve sak bawk.



Zanin chu a rawn leng leh anih phawt chuan ka ngaihdan dik tak ka sawi chhuak chiang viau ang, mi pasal ngaizawng tlat lo tur te chuan ka in thunun thei ve em ang chu....



An haw dawnah pawh Rinsangzuala chuan min en reng tih ka hria a, ka melh duhlo tlat thung.




"Pu Rina hi chu la tlangval se aw,, I ti, I rilru in" Mimii chuan na zetin ka darah min nek sawk a, "I zaklo ve e" ti hlakin ka nek let ve sawk a, ka nuih pawh a za neklo.



"Marini ai chuan in pahnih hian in In hmeh daih zawk ang, bakah Pu Rina hian a hmuh chang apiang che in a khi suk suk zel, a en chiang thei bawk che sia, I lo chik ve ngailo mi, a duh hmel thei tawp che" a tih chuan ka ngaihven leh hawrh tho sia.

"Chutiang chuan I ngai maw?" ka tih chuan a bu nghat nghat a, "Thanpuii nen kan sawi ziah cheu, ni daih ula chuan mak ka ti viau anga, mahse ka lawm ang" tiin a thaw halh a, "Midang nuna buai reng reng hian ka tar dawnin ka hria, ka nihna hi ka in hre kur a, ka sim thei chuang silo, heiha" tih pahin kan awmna lai hmun hnawk chu a ti fai zui mawlh mawlh a, a thawveng ber leh ngaihsam ber hnen atang ni mah se ka thu hriat chuan ngaih a ti tha ve chiang a ni.







*Ka lo kal mek*
Rinsangzuala message ka hmuh rual chuan ka ner nang a, ka reply hma hauh in *Vawiin vang khan i lungawil tih ka hria, ka lo thlen hun ah kan sawi dun dawn nia* a rawn ti leh a, sawi dunlo ang pawh ti se ka sawi tho ang ka tih kha.




Bawiha lehkha zir thut pui pahin ka phone chu ka khawih pah zauh zauh a, ka nu chu ngaihtiahawm lutuk a nilo bawk nen Dr. Roberta'n ka lo awm pui ang a tih avangin ngaihtha deuhin ka haw San a, zan riak tura kal leh ka tum a ni.





Kawngkhar ri rawk thawm chu ka hre reng a, be duh lovin ka thutna ngaiah chuan ka thu reng tho. Bawiha zawk chuan "Apu" tih pahin a pan hnai a, an in pawm kang leh nawlh tawh.




"A u nen lehkha in lo zir em ni?" tih pahin chair ha chuan a rawn thut pui a, Bawiha lah a thau chum chi a lo ni bawk si, rei tak chu an in pawm kan theih ka ringlo reng a ni.



"A u, zanin chu Apu Rina hian ei tur min show sak se" ka nau in a tih chuan ka haw reuh khawp mai, "A ngailo" ka ti tak na in "Engnge i ei chak?" pakhat chuan alo ti ve thung a, "Noodles leh in tur tui deuh" a tih chuan nui hawkin a wallet a phawrh chhuak a, "Inhnuai kawng sirah dawr te ah khan zuk en rawh, hmun hla ah kal lo la, pawisa bang chu I nei dawn nia" a ti a, phur lutuk in pawisa la chuan a tlan chhuak nghal a.





"I nu chu engnge a an a?" kan ngawih dun reng hnuah a rawn ti ta nge nge a, "A tha, naktuk ah chemo kan khai ve thei tawh ang, thisen pe tu an lo awm a, tunge kan hrelo na in a lawmawm khawp mai" ka ti duah a, a nui suk ri chu ka ngei tlat.




"Sawi dun tur kha kan nei a ti lawm ni?" tiin ka kut kuangkuah than chung chuan ka en ran a, min nuihzat hmel lutuk chu ka haw lek lek a ni.



"Sawi hmasa la" a tih chuan thaw hakin "Kan awmdan hi a hrehawm" ka ti chhuak halh a, a ri meuha thawk la hawkin dawhkanah chuan a kiu a rawn nghat a, a biang hmul chu tuai nauh nauhin ngunthluk zet hian min en reng a, "Nupui I nei a, chuti chung chuan ka bialnu I ni min ti tho a, a hahthlak emai, I hmei ang lekin ka awm a, chu chu ka duhlo, Marini hi then tur in ka ti dawnlo che a, mahse tiang anih reng chuan nangnena inzawmna neih hi ka duh tawhlo" tiin tlang tak in ak rilru a awm chu ka sawi vek a, a ngaihthlak uluk hmel tehreng nen "I sawi belh leh dawn em?" a ti duh lek a, rum deuha melh pahin "Inthen ang" ka tih khum hmak.



A hmui ti sawi zauhin A lu thaklo pui chu a hiat a, "A fel thuai ang" a tih chuan nui hakin "I nunah a rualin hmeichhe pahnih I khung leng thei ngailo ang" ka tih chuan "Ka hria" a lo ti nghut a, a thutak ve hmel tawh viau mai.



"I duh thlang fel tur in ka duh che, Marini I lo duh zawk anih pawhin ka dem dawn hauhlo che a, mahse chutianga ti si loa min la fiam kual reng anih chuan ka ngaihdan pelin thil diklo ka tih palh ka hlau a ni, min hriat ang hian buaipui tur tam tak ka nei a, mipa laktlakloh tak vanga buaina dang neih belh ka duhlo" ka ti leh sap sap a, thinrima sawi ka ni hauhlo na in ka taksa engkim mai chu a tang tung vek.



"Ka hrethiam e" a tih hnu ah "Marini nau pai hi ka fa anih ka ringlo a" a ti leh a, "Tinge?" tih pahin a hmel chu chiang deuhin ka en a, "Thla khat leh tlem a ni tawh a, kan inneih atangin thla khat awrh chauh a la ni bawk, ngaihtuah ve teh Jennifer, kan inneih zan bak kha nupa nun kan la hmang leh reng renglo" min rawn en in a ti ve ta nge nge a, a chhan zawh buai ka tum lo.


A beisei hauhloh in a nupui leh a thianpa an lo mu dun a, an inneih zanah a hrechhuak chauh bawk nen, Marini a rinna leh a laka a feeling te chu eng emaw zat a bo then lo thei tlatlo a ni.




"Anih chuan Marini nau pai hi I thianpa fa zawk anih I ring tihna maw?" ka tih chuan a bu nghut a, "Engmah ka la chiang chuanglo, I hriat angin thu ho te ah pawh chanchinbu mite mit kan la hma bik a, hrechiang hmasa lo va ka then ringawt anih chuan zawhna chhan senloh ka dawng dawn, kar lehah hian ka nu leh pa te an rawn haw dawn a, ka sawi pui ve phawt ang" a tih chuan "I then loh chhan hi a ho ka la ti tho" ka ti leh talh a, "Ka hmangaih thin ka tih kha, ka tan chuti maia a awlsam ring suh Afi" a then zui sak a, kan in hriat tirh atangin Jennifer tia min koh loh ka vawi khat hriat na a ni hial ang chu mawle.





"Ka hrethiam e" ka ti ve ta nge nge a, a tawrh hnem zia ka hriat pui ta bawk a, a dinhmun khirh lutuk pawh hi hriatthiam pui na chen ka nei ve tho, an chhungkua mai bakah a nupui te lam thlengin Mizoram ah chuan an hmingtha em em vek a, ho te angah kan ngaiah khan an hmingchhe vak thei tlat a ni.



"I nu chu I riahpui dawn em?" a tih chuan "Aw, dar 9 velah ka kal ang ka lo tia, Bawiha hi ka hruai dawn nge dawnlo ka la hrelo, amaha awm hi a hreh ve deuh sia" ka tih chuan "Ka lo awmpui mai dawn em ni?" a lo ti ve sup a, "Yess" tih ri rawn chhuahna lam chu kan hawi rang khawp mai.




Eitur khai bawr luah chungin Bawiha chu a rawn tlan lut a, "Apu Rina'n min awmpui dawn chuan ka hlau lo, lo riak ve tak tak rawh aw" naupang tih tak ah a au chul a, "Awle, ka riahpui ang che, I thil lei ho chu lo en ila" tiin a thil ken chu a laksak a, chips leh drinks nen TV en tumin min kalsan leh nghal thung.

"I riah pui thei ang maw?" hlauthawng ru ang reng taka ka tih chuan "Thei ang" a lo ti sup a, "Marini.. " ka tih chuan min rawn en in a nui suk a, "Kan nupa inkar a tha lo, min hlau a, engtin pawn awm ila a sawisel ngamlo ang, sawisel ngam tur a ni lo bawk a" a ti a, ka pawmpui viau mai.




"A lerhsan tho che sia, a mawi zawnga ngaihsak bik vak a ngai a mawnle" ka tih chuan "I thik chiang" min ti a, a nui pah deuh bawk nen "Thik e, ka bialpa in a nupui a duat hliau hliau lai hmuh te chu a nuam reng reng hleinem" ka tih khum hlak hlak a, a dar kan akin "Ka duat pawh ka lo hrelo a" a ti a, "Anih vel chu" ka tih hmak tak ah chuan dawhkana ka kut chu rawn vuanin "Ka ngaihsak zawk tawh ngei ngei ang che" a ti sup a, naupang ang maiin min nuih tlawn vel titih leh nghal, pa lian pui ni chunga lawmawm deuha chet dan te hi a thiam reuh ania aw...




Damdawiin ah pawh min thlah thlap a, Bawiha nen an let leh nghal thung, ka nu pawh a lo tho harh tha viau a, Nurse te an felin biak an nuam a, kan awmloh chang pawhin an lo ngaihven tha viau zel.




"Vawiin chu chawhnu lam atang khan a tawng ve peih tawh a, hma kan sawn khawp mai, Dr. Roberta chu nichin druh khan a haw a" ka luhnlaia nurse lo awm in a tih chuan ka nu chu biak tumin ka thut hnaih nghal a, "Khawiah nge I thianpa kha" a tih chuan tumloh deuhin ka nui hak mai.


A hmuh tirh atang khan fel a tiin ka pasal tur atan a awt nghal em em kha ania, hmanni zanah zankhua in kan awmpui bawk nen a lo la hre ve reng a niang.



"In lamah Bawiha nen an awm, engnge I lo an a? I ril te a tam em?" ka tih chuan thil a ei thu min hrilh a, "Thisen kha unit hnih lai a dawng leh ta bawk nen amah pawh a hlim tawh lutuk kha" Nurse bawkin a tih leh chuan "Tunge a pe tu chu ni reng reng a?" ka tih chuan i "I hrelo maw?" min ti let ha a, lu ka thing nar nar ringawt.




"I rawn kalpui thin kha, I bialpa nge I thianpa khan mawle" nui chunga a tih chuan "Rinsanga maw?" ka lo ti vat a, "Ka hrelo le, ka thawhna a la reilo a, tumah hriat pawh ka la neilo" a lo ti a, "Palian deuh, hmrlchhe vaklo leh khabe kual vel hmul deuh a ni em?"Ka tih chuan a lo nui hak hak a, " Aw ni e, a hmel pawh a chhelo khawp mai" a ti a, ka zak chem chem mai.




"Tui deuhin mu rawh u aw, ka night dawn a, harsatna a awm chuan min lo ko mai dawn nia" tiin min chhuahsan a, ka nu chuan ka kut a lo ban vat a, "I thawk rim viau tih I hmel ah a lang reng mai" a tih chuan nui chungin "I tan chuan engpawh ka thawk hreh hleinem, I dam leh vat anga, hlim deuhin kan awmho dawn alawm" ka tih chuan lungchhia tih hriat zet hian a in sut deuh faih a, "I thianpa kha I thawhna restaurant neitu I ti em ni khah?" a tih chuan ka bu deuh nghat a, "A felin a rintlak hmel viau kha mawle" tiin ka kut chu a hmer na salh a, "Nia a fel lutuk, na I nei em Nu?" tiin thildang sawipui ka tum a, rilru ah erawh Rinsangzuala a la awm reng tho.




Ka bulah engmah a sawi silo a, ka nu blood group min zawh pawh khan a blood group nena a in an thu a sawi miahlo bawk a, tihian a rukin unit hnih lai a lo pe leh lawi a, a khawsak zia hi chu a mak ve ngawt mai.
Ngawi rengin min ngaihsak ka ti dawn nge, a rilru ah hian eng chiah nge awm ve ang le..? Engtiangin nge min ngaih anga, a nunah eng tiang chiaha thuk nge hmun ka chan ve tih ka hre chak khawp mai.








CONT...

Zanin chu a tawi leh tlat mai...


Show post links
Top

[Ngaia]

"Vak vak che chuan, Aferi chuan lo lem kual sawm sarih mah se i pasal kha a dik bik reng renglo aw, thlalak te kha en chiang ve ta che, I pasal in anih kha fawp, heiha, tunlai hmeichhe ho tak hi chu a, Aferi I rawn hauh vak hma khan I pasal kha va zawt chiang hmasa phawt la mawle aw ka ti a ni" Mimii chuan a rawn ti ve pung pung tak na in a sawi tawp lam erawh a fiamthu viau lawi a, Marini ngaihdan anih loh hmel khawp mai.





"Ka sawi kha, ka pasal hi ka hrechiang" a tih leh laiin ka phone bawk a rawn ri leh a, ka lak kan rualin U Rinsanga hming ka hmu nghal zat bawk.





"Rawn la teh" tih pahin Marini chuan ka phone ken lai chu min chhuhsak a, 'U Rinsanga' tih ngatin ka lo save bawk nen ngeiawm deuha nui hak pah hian call chu a pick a, "Engatinge engmah sawi lova i dah daih a? I tha em?" min ngaihtuahna aw ri te chuan ka tah a ti chhuak tun tawh, a nupui a awm ve reng tih a hrelo chu a ni phawt anga. Ngawi rengin phone chu a hmet tawp a, ka hmuh lai ngeiin bang vawm nan a hmang zui siah bawk.




Mimii peh midang ho chu an rak that a, ka ngaihdan a pel ve tawh. "Khatianga ka phone vawm chhe tur khan dikna i neilo" ka ti a, ka kut ka hum ruh ngawt ngawt a, ka taksa a kham vek tawh bawk.



"Huhh mi pasal ngaizawng tur hian dikna i nei bik love " min tih khum a, tawng leh tumin ka ang zuau tawh, Nu Rinengi chu ka hmaah a rawn ding a, "A tawk tawh Marin, a zia lo emai hei, customer te pawh in ti hrilh hai lutuk alawm, engpawh chu lo ni se Aferi pawh hna thawk lai ala nia, nakinah in buaina chu sawi fel zawk rawh u, a zia lo lutuk emai" a ti mawlh mawlh a, U Rinsanga pi kha a la awm ve reng bawk si, ka zakin hrehawm ka ti a, awmdan tur pawh ka thiam tawhlo.




"Min rawn zui phawt teh" tih pahin Marini chuan ka banrekah min vuan a, ka lo vai thla leh rang viau thung.



"Hna ka thawk" ka ti chang ve fak a, min nuihsawh hmel bak a ti lang leh chuanglo.



"Min zui vat mai teh" tih leh pahin ka banah bawk min man leh a, "Ka duhlo ka tih chu" ka lo tih khum leh tuar.



"Engthil nge thleng a?" tia mipa aw ri lo chhuaahna lam chu ka hawi vat a, Dr. Roberta hmel ka hmu thut chu ka hamhaih viau mai.




Ka bulah tak rawn dingin Marini chu min hmachhawn pui a, thil tam tak a sawi lo, "I pasal nen sawifel phawt rawh u, anih loh chuan Aferi nen engmah in sawifel theilo ang" a ti a, a pi in kal tura a sawm ngial hnuah Marini chu a kal tau chhuak nghawng nghawng mai.




Nu Rinengi leh ka thawhpui dangten customer ho chu an rilru lak pen tumin an be sawm zui mawlh mawlh a, kei erawh ka la mit sulh mai.




"Lo kal teh" tih pahin Dr. Roberta chuan thlanglam bathlarah min chhuahpui a, pawn boruak chu duh thawh zetin ka hip lut nghal kawk kawk mai.




Min rawn dinhnaih rual chuan ka lo tawlh ve hrut a, nui sukin ka dar tawn tawnah a dawm a, kan in San hleih deuh avangin ka hmai zawnah a rawn kun hniam deuh bawk a.




Ngun deuha min en hnu ah "A beng che em ni?" a ti a, ka biang chu khawih in ka kun zui daih bawk. "Engtikah nge i ban theih ang?" a tih chuan zan thleng ka thawh tur thu ka hrilh a, Nu Rinengi chu rawn chhuak ve in "Vawiin chu I hun tawnin a zirlo emai, haw hma mai rawh, hahdam i mamawh rih anih kha" a rawn ti a, thildang sawi lovin min luhsan leh nghal daih bawk.






"Ka hruai haw ang che" a tih chuan hnial lovin ka bu nghat a, "Ka inthlak lawk ang aw" ka tih hnuah ka luhsan a, khawlaia kan chhuah meuh chuan rilru pawh a zau kawk mai.




"In hnuaiah motor ka dah a, min lo nghak mai dawn nge... " a tih chuan lu thingin "Ka lo kal ve ang" ka ti sap a, mahni chauha lo nghah chu reilo te atan pawh ni se ka hreh tlat.





Car chhunga ka thut luh rual chuan ka thaw chhuak leh hak a, ka bul ami hian zawhna tam tak min zawh duh anei tih ka hria a, engtiangin nge a zawhna chu ka lo dawnsawn anga, engtiangin nge ka chhan ang tih ah ka buai ani.




A tawngchhuak hmasa ah a tang dawn emaw ka tih laiin ngawi rengin motor chu a khalh a, thinrim hmel a pu lo nain hmai a uanglo khawp mai.



"Englo.." ka ti hman chauh tihah "I bialpa kha mi pasal maw?" a lo ti a, ka chil lemin ka bu nghat tak na a, min hmu pawhin ka hre lo.



Kan ngawi dun reng a, motor chu a ti ding zui dat a, in lianpui kawtah kan chhuak hlawl chu mak ka ti ang reng khawp mai.




"Khawiah nge kan awm a?" ka tih chuan "Lo kal rawh" tih pahin a kalzui nul nul a, zui tawp loh chu tih theih ka nei mang silo.




Inchhung kan lut chiah chu ka hawi heu ringawt, a pui khup khup lutuk a, "Ka pi" tiin Dr. Roberta chu a au bul bul a, choka lam ni awm tak atang hian pitar pakhat sam tuak var vek tawh hi thingpui no dawm chungin a rawn chhuak a, U Rinsanga pi nen ka lo tehkhin leh hmanhmawh tawh. Dr. Roberta pi hi chu kum lamah pawh a upa daih zawk tih a hriat a, a hmel han en mai hian a ngainatawm zawk bawk.




"I lo haw tawh a ni maw Bawiha" tiin keimah zawk chu uluk deuh hian min en a, "Ka thiannu anih hi" Tia ka bula ding pa in a sawi chuan a bu nghut nghut a, pitar tih tak ah a tawng mai ni lovin a tawng tum chhung pawh a rei lutuk ringawt.




"Thingpui ka siam ang che u" a tih chuan "A ngailo" ka lo ti vat a, "Anih leh ka pi, inchung lamah kan han inkawm lawk ang aw" TIh pahin ka darah a rawn dawma, "Aw le" a tih hma chu min kalsawn pui lo.




Doctor ve meuh ani a, a nelawmin mi nun tha tak a ni tih chu a hmelah pawh a hriat vek a, a pi pawh hi a zah viau tih ka hre thei mai.




Kailawna kna inzui chho chu pindan pakhat atang hian hmeichhe naupangte hi a rawn tlan chhuak a, "A pate" tih pahin ka bul ami chu a rawn pan vat a, zo deuha an in pawm kan nawlh hnu ah naupangte chuan min rawn en in "A pate i thiannu ami?" fiahlo deuh hian a ti tham chal a, a duhawm in a hmeltha reuh takzet.





"Ka thiannu nen hian kan titi lawk dawn a, in hnuaiah a pi a awm aw" tih pahin a dah thla a, "Ka u fanu a nih kha" ka en zui reng chu nuihza hmel tak hian a ti a, "A duhawm reuh hle mai" ka ti ve sap a, inchungzawl kan chhuah chhoh chuan thli a lo thaw vuk vuk mai.



Bang sir kual tinah chuan pangpar pot a in hung khat tlata, thutna tur thir hmanga an siamah chuan min thut puiin hma lam chu ding deuh hian a en reng a, "Tinge in in ah min hruai a?" tiin a tawng hmasa ah ka tang leh ta nge nge.





Nui suk hian min rawn en a, "I awm a nawm loh hmel sia, helai hmuna hruai che hi ka rilru ah a lang hmasa ber, kan in hi chu thli a tam a, rilru hahna leh harsatna ka neih chane chuan inchungah hian ka tlanchho ziah thin, thildang ngaihtuah miah lovin thli fim hi ka dawng a, ka harsatna te chu a lenbo vek niin ka hre thin" a ti a, a nui zui hawk bawk a.





Ngawi rengin thawk ka la leh hawk thin a, "I mimal nuna inrawlh vak ka duhlo na in, I ngaihzawng erawh hi chuan mak min la tih tir reng" a ti a, a awm ka ti lutuk.




"Nia" ka ti hap a, "Engtinnge ka sawi tan ang le?" ka tih chuan a nuih a zat hmel khawp mai.



"Mi pasal a ni tih I hre lawk reng reng em?" min ti a, 'aih' ka tih a beisei aniang lu ka bu nghat chu mak a tih hmel lutuk ringawt.





Nui lui sakin amah chu ka en a, "Engangin nge min ngaih chu ka hrelo a, mahse mi tha tak ka ni lo" ka ti chhuak phawng a, atthlak deuhin a lo ner nang nang mai.





"Engtia awm zel nge I tum?" tiin min zawt leh daih a, "Ka hrelo" tih bak chhanna dang pek tur ka nei lo.



A thaw chhuak ham ham a, "A nupui hi a then emaw, nangman I then emaw anih loh chuan kha aia nasa kha I chungah a la thleng leh thei ania" tiin vawiin thil thlengte chu a sawi chhuak leh a, a thil sawi chu ka hrethiam khawp mai, Tu emaw zawk zawkin kan inkar hi kan tihtawp a ngai tih ka hria a, Rinsangzuala be hmasa lo chuan thu engmah ka la ti tlu ngam chuanglo!





"I duh chuan ka pui ang che" amah bawk chuan a rawn ti leh a, mak ti deuha ka lo melh chho ha chu nui suk hian ka chhip ah a tuai zauh a, "I bialpa nih ka hrwhlo ka tihna anih chu" a tih chuan ka melh phawk khawp mai.




"Min hlau suh, ka hlauhawm loh" nuih za hmel taka a tih hnuah "Ka duhzawng I nia" a ti zawi leh sup a, "Doctor" tia ka nui hak chu "Thian kan nih kha, dovtor tih tel zel kha a ngai hranlo" a lo ti a, kan han nui leh rih tak na in ka nuih erawh a za tak tak thei tawhlo.





Ka malchunga ka kut chu la in a hum vang vang a, "Nawr luih che ka tum hranlo ania, tuna I ngaihzawng hi I thlah theihna tur anih chuan puih che ka in huam ka tihna ah ngai rawh" a ti sup a, nupui nei lai mah ni se Rinsangzuala nena inthen lam chu ka la ngaihtuah chhin ngailo a, hmelhritaloh ang hmaka awm leh tur chuan ka inthunun thei angem ka hrelo a ni.




"Robert" ti khur hlakin ka kut chu ka la let a, "Kei leh ka nu min ngaihtuahna ah hian ka lawm a, lawmthu hrilh ngaihna che pawh ka hrelo, mahse,,, mahse in ngaizawnglo ang" ti bah niai in ka thutna tang chuan ka tho zui nulh a, "Ngai kawi suh Jennifer" tih pahin a rawn ding zui ve nghal a.



"Ka nghak thei che a, puih I ngaih pawhin ka pui hrehlo che" ti leh supin min hnaih a tum a, "Min hruai haw tawh rawh" ka lo ti sap thung.




Sawi buai lovin kan in kawt thleng min thlah leh thlap a, "I nu chu lo dam zel rawh se" a tih leh pawh chian ka lo bu nghut ringawt tawh.




Motor atanga ka chhuah chuan ruah mal a lo tla fep fep tawh a, chhum zing leh khawdur vangin khua pawh chu a tlai zual hmel zo vek.



Inchhung ka luh rualin ka kawr leh sam huh te chu ka thing zui nawk nawk a, ka nu leh Bawiha pawhin lehkha an lo in zirtir leh malh malh tawh.




"In ril a ram tawh em?" tia pangai deuha biak ka han tum tak na a, ka tawng apiangun ka aw a lawi rût a, ka tawp leh chawt thin.




"Tam lo e, inbual hmasa rawh" ka nu chuan a lo ti var a, ka inbual zawhah pawh ka rilru a la nuam thei chuanglo a, chaw ei pawh ka siam vek tak na in ka ei chak hlawllo.





"Zanah I awm tlang tur ah ka ngai a" ka nu'm a tih chuan"Kartawp te a ni sia, zanin chu ka chawl ve anih hi" ka ti a, ka pindanah ka inkhung chawt a, tukverh bulah ka thu bawk nen, ruah lah chu a sur tam ta phian a, ngaihtuahna kawm neuh neuh a awl khawp mai.




Ka vawiin hun tawnin a zir lo bawk nen ka ngui nghiai reng a, hmangaihna lama tawnhriat la nei ngai hauhlo in a vawi khat nan mipa duh ka nei ve a, chupa lah chu pawmlai nei, mi pasal kher a ni leh bawk si.





Chhungkua leh mimal nunah harsatna tamtak ka tawk a, hmangaihna lam thleng hian ka tluanglo chu a nih hi.





Tukverh atangin pawn lama ruah sur chu ka thlir reng a, ka lung a lengin Rinsangzuala, mi pasal ngei mai kha ka ngai a, aw, ka ngai takzet.




Rem ngailo tur nia ka suangtiah ngial pawhin ka thlahlel a, zah pawh dawn lovin ka thlang a, mipa tha tak ka hnawl phahzo chiah bawk!





Ka phone rawn ri ral ral chu ka en vat a, Bawihbawihi hming ka hmuh chuan phur lo deuhin ka chhang a, "I tha em?" a rawn ti nghal thawr a, vawiin lam thil thleng kha a hre ve tawh a ni phawt ang.




"Umm" ka ti ve sap tak na in ka thatloh zia chu a hrechiang viau tho in ka ring.



"Mimii'n min hrilh a, vawiin thil thleng chauh mah ni se.... " tiin a ngawi zui dat a, "Sawi rawh" tia nawrin ka nui lui hak.




"Enteh Afer, vengchhung mite pawhin an hre vek tawh ania, mi pasal a ngaizawng an ti che a, an sawi luai luai tawh che asin" a tih chuan ka then sak a, ri chhuak manglo chuan "Ka duhdan anih I ring bik em ni?" ka ti ve sep a.



Rei pawh kan in be lo, engmah kan sawi kaw dawn chuanglo tih hria in ka dah a, Rinsangzuala chu ka ngaihtuahna ah awm reng mah se biak tumna erawh ka nei rih hauhlo thung.



Kan veng, ka awmna veng hlui thlengin an lo hre darh hman vek ania, ka pa te pawhin an hre ve ngei awm si a, Pi muani te lai lai khan ka chanchin sawi chu nuam an ti ngawt ang.




Tukverh ah chuan dak chhuakin ka thaw chhuak ham ham a, Daduhi hla *Zuapa chang tawh mah la* tih hla te pawh kha rilru ah a rawn thar uar uar mai....



**Thinlai luahtu nang ang reng hi,
Piang leh thei hian ka ringlo
Zuapa chang tawh mah la
Tlang za relthang dawn lovin
I tang ka bei leh thin




Min dem lul su lenrual te u
Tiang renga lungdumtu hi
Ka tawnglo vangkhuaan
Lungmawlin ka tawng tlai e
Sakhmeltha chungchuamga...**


Ka biang rawn lum thla pap chu tah nuih hak pahin ka tuai hul tawk a, mi pasal zûna ka uai kher kher chu a pawi mange aw,,, bansan ngawt tur atan chuan ka phal bik tawh si lo a...










CONT....
Show post links
Top

[Ngaia]

MI PASAL


Chapter-18



By Ruati Renthlei




Ka kekawr ipte a ka phone rawn nghawr dar dar chuan min ti harh a, tukverh biang nghengin ka lo muthlu pek anih hi.



Phone phawrh pahchuan ka sana bun lai chu ka melh zawk a, zan dar 10 a lo ri dawn tawh.



Ka Phone screen keh nuai kara U Rinsanga hming ka hmuh chuan thaw hakin ka hum nghet vak a, ka tang tung ti ila a dik ber ang. Ka phone hmai keh nuai ka hmuh apiang hian Marini'n a vawm keh lai kha ka mitthla ah a rawn langzel a, hman theihloh khawp chuan chhe lo mah se a hmel a ti mawilo vek a, ka haw lutuk ringawt.



Lak ka tum chhung chuan a ri a tawp hman a, mahse a rawn call nawn leh ngat tho.


"Hello" ka tih rual chuan "In kawtah ka awm" a rawn ti a, ka room awmna lam hi inhnung lam anih avangin a awm tak tak leh tak takloh pawh ka hre thei lo.



"Chuan? " ka ti ringawt a, "Lo chhuk rawh, in be lawk ang" a ti a, phone chu a dah zui daih bawk.



Tukverh chu khar tha in ka pindan atang chuan ka chhuak a, choka lam light pawh an lo off vek tawh.


Ruah sur vang nge pawn lam boruak chu a hit vur a, kawt zawl ah chuan a car nghengin a lo ding ngei bawk.



Ruah sur a tam bawk nen duty pawh hmuhtur an awmlo a, min hmuh rualin ka awm na lam a rawn pan vat a.


"I tha em?" tiin ka darah min dawm a, ka lo bu zauh ringawt chu a ngaihdan a nih loh hmel khawp mai.

A kut lum thur thur a ka biang khuap reng chung chuan amah en tur in min kuai dak a, "Nu Rinengi'n min hrilh tawh" a tih chuan ka lo thaw hak.




"Lo kal teh" tiin a awmah nghet deuhin min pawm bet a, hei hi a ni lawm ni ka thlakhlelh em em kha, kan hmahun chu engpawh lo ni se la, tunah chuan a awm nghenga thlamuang deuha la awm rih hi ka duh ber.



A kawngah nghet deuhin ka kut ka suih bet a, "Ka tih palh Jennifer, ka tihpalh takzet" ti mawlh mawlhin ka chhip chu a fawp leh tawk thin a, "Min en teh" tiin rei fe kan in pawm beh hnu chun min kuai dak a, "Ka siamtha vek dawn" a ti tak na in lu ka lo thin khum a.



"A hma pawhin i sawi tawh kha, hma kan sawn phah miahlo, U Rinsang i nunah a rualin hmeichhe pahnih i senglut theilo" tiin ka tah nuih hak a, a lak atanga in la hrang hlek pah chuan "Solomona te hunlai ang anih tawhnloh hi, Marini rapthlak zia ka hrechiang tawh a, I nuna a pawimawh ber nih ve ve kan duh, chuvangin I duh chu thlang fel law law mai teh" ka ti chhuak halh a, "Jennifer leh" ti hlukin "Solomona hunlai" a ti zui leh hlak a, a hmai tuai puakin "Ka chingfel thei ka tih kha" a tih chuan "Engtin?" ka lo ti tuar a, zanrei lam a ni tawh bawk nen a khawk rum rum lo chauh.





"Engtinnge chinfel I tum? A ruala min neih theih I inring em ni?" ka ti a, ka nui zui hak chu a huat tawk a tling leh hle tawh tih a hriat reng.




Ka darah dawmin min thing nawk a, "I duh duha min tih tum suh" ka la ti hram tho.


A harsa ka ti a, ani nena inthen hi ka duh miahlo bawk. Mahse Marini a tel ve chhung chuankan hlim dawn chuanglo a, tunah lah a rai mek a, ka tan chuan chance a chhe mah mah. A fa a lo ni tak taka nih phei chuan kei nilo in Marini a thlang ngei anga, lo thlang ta lo pawh ni se nuam ka tih ka ring chuanglo. Ka dinhmun hi a lai vel vek tawh a, Rinsangzuala nen hi chuan hma hun eng tak kan nei theilo hrim hrim ni in ka hria.




"Ka hmangaih che Jennifer, I hria em ka hmangaih che" ka mitah tak min en in chu thu chu a sawi anih chu!




"Hrep che hian" ti hrawkin lehlam a hawi a, "Ngaihdan dang engpawh I siam thei, ka hmangaih che ka tih erawh kha chu hre reng ang che" tiin min kalsan a, cara a luha a tlanchhuah leh hnu thlengin ka din na ngaiah ka la ding reng.





Diktak chuan a rapthlak ka ti, a nupui then hauh silo in min hmangaih thu a sawi thei anih chuan tunge a hmeichhe hmangaih loh bulah hian zana mu tura a haw ziah a la ngaih le,,, then ve mai se, engkim hi a fel duak thei zawk lo maw...







Ni a kal ve bek bek a, Marini pasal nena kan inzawmna pawhin mu leh mal a neilo tial tial a, min biak loh avangin biak tumna ka nei biklo a, kan in be ngai hauhlo na in dawra rawn chawl thenkhat te leh vengchhung nu ho tawngthei zual deuhte chuan 'mi pasal ngaihzawn ching' tiin ka hnung lamah min la rel reng a, ka nihna anih miau avangin huat en ah pawh ka en lo va, chutih rualin mi nuna an lo buai viau thin leh midang chanchin an sawi peih thin lutuk hi chuan beng a ti kham ve thin.





"Au ka necktie ka hmu lo" tiin ka nau in pindan atang min rawn ko lang lang a, "Bangah a in khai loh chuan balbawmah khan a awm ang, en chiang rawh" tiin ka au let a, a tiffin pai tur ka siam pah mawlh mawlh a, ka nu chemo khai a hun leh tep tawh avangin rim leh zualin dawrah ka thawk a, chaklohna leh hniam rawih rawih chang nei rih lemlo mahse a Sam a tla kawlh ve vek tawk a, chu ringawt pawh chu hmuh hrehawm ka ti em em thin.
Dr. Roberta'n hunbi neia khai a that thu a sawi avangin doctor sawi ang zel a thil tih chu tha berin ka hria a, damdawiin awm man a to avangin in lama kan khai theih mai tur thu a sawi bawk.




Kawngkhar rawn kik thawm chu hria in ka nu hnenah lo hawnsak mai tur in ka hrilh zui a, "Awi ka rei" tih thawm ka hriat rual chuan ka thil tih lai tlansan in ka pan leh nghal vat tho.



Kawngkhar bula ka pa hmel ka hmuh chuan ka ding dat a, ka nu pawh chuan mak a tih hmel khawp mai.



Ka hmuh hnuhnun ber ai khan cher fe tawh zawk a, a in zuah bukin en mai pawh hian a chawrche hle tawh tih a hriat theih.



"Engnge i rawn tih?" ka ti a, a ni erawhin ka nu ngawt a en thung a, a Sam a tla kawlh vek tawh a, a kum phu lo in a natna vang hian a lang upa zawk bawk a, a hmu thut chu mak a ti viau pawh a ni mah na, mak kan in ti kual vel vek anih hi.




"Engnge i rawn tih ka tih chu" tih leh vak pahin ka nu din na bulah chuan ka va ding hnai ve a, "Ka,,, ka" a ti reng a, a dang awk lutuk te chuan thin a ti rim tun hman.




"Apa" tia Bawiha au ri ka hriat rual chuan "Pindanah lut rawh" ka lo ti a, ka nu chuan inbengdai tur a min hrilh pahin "I pa anih hi" a ti sap a, "huhh a chhungkua pawh hmangaih zo lo tu hi pa ni tlak a ni love" ka lo ti thung.



"Mambawih" ka pa chuan a ti zawi sup a, nem deuh zawkin ka nu'n "Engti tur in nge i lo. Kal?" a lo ti thung.




"Eitur ka nei tawhlo a" a ti zawi sup a, "Awmtei hnenah sawi ta che" ka lo ti leh hmanhmawh.

"An chhuak tawh" a tih chuan ka nu'n "I nupui thar maw?" a lo ti ve thung a, kawngkhar bulah kan indin chilh ran hlawm a, kan boruak lah chu a rit zek bawk.





Ka pa chu a bu deuh nghut a, "Ka nu pek che i thi kha neih a tum a, ka hnawtchhuak anih kha" tiin a kekawr ipte atang chuan silver thi, a hmawra rose par lem tereuhte awm chu a rawn phawrh chhuak a, ka nu chuan lo ban vatin "A bo daih tawh emaw ka ti asin" a ti hlut a, uluk deuhin thi chu a en a, a hlim hmel viau bawk.





"Ka dahtha alawm" ti supin ka pa chu a khuh kharh kharh a, "Lo lut phawt rawh" tia sawmin ka nu chuan kawng a kian a, ka lo ngawi reng thung.




An thi sawi hi ka hre ve ngailo a, ka la hmu lo bawk, ka pa nu (ka pi) pek a ni tih an sawi atang khan ka hre ve chauh a ni.



Ka nu awmloh hnu khan dinhmun khirh tak ah kan chhungkua kha kan awm reng thin a, kan harsa a, ka pa lah khan khaw hmu lo lekin hralh tur a zawng kual a, chuti chung chuan ka nu thi chu a lo dah tha tlat tho a, a hlu viau chu a ni phawt ang.




"Thingpui i in duh em?" tia ka nu'n a zawh chuan Tim daiin keimah zawk min rawn en a, "Chaw ei ka peih tawh, ei ve nghal mai rawh" nem vaklo in ka lo ti thung.



Bawiha pawh insiam peih thlapin pindan atang a rawn chhuak leh a, min hlau deuh aniang ka pa thut lohna lamah chuan a thu a, "Kan chhungkua kan kim" zawitea a ti sep ri chu hre mah ila ka va hau duh lemlo.





Kan bulah tukthuan chu a ei ve a, a in thlahrung hmel viau na in ka nu chuan a be sawm reng a, a damlo zawk chuan ka pa hrisel leh hriselloh te chu a zawt a, ka pa chu a insum thei tawh nganglo a niang, "I Sam kha" tih pahin ama lu chu a khawih zauh a, ka nu chuan za vaklo a then sak pah hian "Ka cancer a" a ti a, ka pa mitmenga mak tihna chu ka hmu thiam ve tak na in a lakah hian ka la hel tlat a, biak that harsa ka la ti a ni.





Ngawi rengin ka pa chuan a thleng a thawhpui a, Bawihbawihi hnen atanga call ka dawn rual chuan chhang vatin "I lo thleng ami?" ka ti nghal thawr a, inhnuai lama a awm thu leh alo chhoh loh mai tur thute sawiin kan in biakna chu kan ti tawp a, Bawiha chu inhnuai lamah an Miss in a nghah tawh thu ka sawi rual chuan a thutna atang a tho nalh a, "Anu Apa Bye" ti lauhin thutthlenga a bag chu a la a, a tlan chhuak zui nghal a, nu leh pa tan chuan a hmuhnawm viauin ka ring.





Kan chaw eina thleng ka sengfel laiin ka nu leh pa te chu sitting room lamah an titi a, kan in hi a zau lemloh avangin thleng sil pah pawhin an thil sawite chu ka hre thei vek tho.




"Kan in kha engtinnge i tih?" tia ka nu'n a zawh chuan a reh vang vang a, "A ngaiin a la awm, inchhung erawh a ruak tawh" a ti a, ka rin dan tawk vel chiah a ni.



Thleng ka sil zawh chuan insiam tur in ka pindan lamah ka luhsan a, ka chhuah leh chuan ka pa pawh a thutna atangin a lo ding reng tawh.




Be lemlo chuan ka kalpel mai a, "Khawiah mah lo kal suh aw Nu" tia ka nu chu melh zawkin ka pa chu ka en leh a, "Ka rualin rawn chhuak rawh" ka tih chuan ka nu zawkin "Khawiah nge maw a kal chuan ang le?" a lo ti a, "In a nei ve a lawm, keini te chu a hma pawhin min dubloh kha" ka ti vak a, a leiba vanga ka nu a dahkham dan te, kan unau nun a tihhrehawm thin zia leh ka taksaa ser tam tak min hnutchhiat avangin te hian ka hua a, ka ngaihtuah chhuah apiangin Pa laktlakloh lutuk kan neih bik vang hian hrehawm ka ti a, ka thinrim a, ka haw zual ngawih ngawih thin.





A tuar bertu ka nu in a be tha tlat hi ka duhlo a, ka pa mah ni se a thiltih zozai te avang khan awlsam taka ngaihdam mai chu harsa ka la ti rih a ni.




"Bawihte" Ka pa chuan a ti zawi sup a, "I bawihtei ka ni teivet lo" ka lo ti hlar thung.
Za lo deuha nuih hak pah hian "Awmtei te nufa awm lai pawh khan ka hmingpum hlirin min ko a, tun ataka min duat ber awm anga rawn awm tum reng reng suh" ka ti fak fak a, a ngawih reng hnu ah "Keiman ka chhuahtir a nih kha" a ti nghet vei charh a, ka awih chhe te lo.



"I zurui an tawrh peihloh avangin an chhuahsan che tih sawi ve mai rawh" ka ti leh a, thaw chhuak hakin ka nu chu a en a, "I kalsan tawh ka nu lak atang hian khawngaihna beisei miah suh" ka lo ti leh vat.



Sual ka in ti a, chutih rualin rawng taka a fate min lo enkawl thintu Pa hnena ka nu a kir leh hi ka hlau em a, a damchhung reilo te hi chu hahdam tak in hmang ve se ka duh a ni.




"Ka kal phawt ange" tiin ka pa chu thildang sawi zui lovin a chhuak nghal a, "I pa anih kha" ka nu'n lo tih chuan "A ni tawhlo" ka lo ti sap a, beidawn hmel deuha ka nu thaw hak ri chu hriat a nuam hauhlo.




"A inchhir tak tak a nih chuan kan la hre mai ang, a bawl zan theih mai mai tur in lo awm suh ang che" ka ti leh nghat a, "Va kal tawh rawh i tlai ang" a tih tak ah chuan lo in enkawl tha tura hrilhin ka chhuak nghal a.



Tunlai khaw awmdan hi hriat thiam a har khawp mai, hunbi neiin ruah hi a sur thlawtlo. Khua a tha viau dawn emaw tih hian a sur leh vak a, a sur dawn emaw tih hian a tha leh em em lawi a, a ngeiawm lek lek thin zawk.




Ka message tone ri keuh chu restaurant thlen dawn ah ka en leh rih a, Dr. Roberta hnen atang tlai lama lenpui tura sawmna ka dawng leh tawh.




Rinsangzuala nena kan chanchin chu hrilh hauhlo mah ila tlang kam atangin a hre ve vek tih ka hria a, ninawm khawpin min be ngai hauhlo naa, ka hriat thiam tur tawkin min beiseina leh duhna chu a ti lang thiam viau tho.





*Hun ka neilo tih I hriat kha* tiin nui lem ka dah tel a, kan dinhmun a hrechiang a, zing atanga zan thleng hna ka thawk thin tih pawh a hre vek, vawi thum lai min sawmna a ni tawh a, ka inthlahrung letling tawh zawk.




*Vawiin chu weekend* a rawn ti a, inrinni a ni tak e, ka chhan let hma hauhin amah bawk chuan *Weekend ah chuan I awl tih ka hria* a rawn ti leh a, ka hman tur thu ka hrilh ve ta nge nge.




Thlen hlim atangin kan buai mar leh viau a, ka kawm ve ber Mimii a damloh avangin ni 4 lai a rawn kal tawhlo a, ri mur mur reng mah ila a thawm na ber a awmloh chuan khua a har ru viau tho.




"Keichu Pu Rina pi hi a sual hmel ka la ti char char" Thanpuii chuan ti sar sarin min rawn kheuh pah zeuh a, "Rineng, Soup kha ka hawn tur in min han siam leh la" ti lang lang ri kan hre zui zat a, hrilh chawp ngai lovin Rinsangzuala pi a ni tih ka hre nghal bawk.




Ka hmaah tak a rawn din tak avangin muangchangin ka hawi chhuak a, a stye hi a mak ve ngawt mai, royal family ho zing ami ang mai hian kawrfual a ha hnalh reng a, lukhum parh khumin kutkawr var a bun thlap zel bawk. Ka hmuh tirh phei chuan mak ka ti deuh a, mahse tunah chuan ngaiah ka nei tawh.




Min en reng avang chuan "Mamawh i nei em ni?" ka ti sap a, "In be lawk teh ang" tiin Rinsangzuala office lam a pan nghal a, a hmel leh tawngkam hi chu a ngainatawm lo ve thlawt a ni.





"Pu Rina nen in chanchin a zawt dawn che ani chiang mai" Thanpui bawk chuan alo ti leh sap a, peihlo deuh in ka pan phei ve hna hna ringawt.





"Thu rawh" tiin a hmaa chair chu a melh zawk a, "Ka tupa nen in la in be ngai em?" a tih chuan ka rinlawk zawhna tho ni mah se "Maw?" ka ti phawk vaka, min zawh dan hi a teh tawl emai ah.




"Aih be lo" ka ti ban charh a, chik hmel fahrana min en pah hian dawhkanah a kiu nghatin a khabe a dawm a, Rinsangzuala hian tunge a chhun ka hre chiah, a pi bak a chhun lo.





"Ka tupa hi ka hrechiang a, a hlimna aia chhungkua dah pawimawh mi a ni. Mualpho leh tlangthan hat huama a zui che anih chuan a ngaihven hle che tihna a ni a, a dinhmun hi a khirh viau a ni tih hriatsak la ka duh" a ti charh charh a, "Lungngawi duh suh, kan inkar chu kan ti tawp vek tawh e" ka ti ve sap a.



"In inkara inrawlh chu ka tum hranlo, mahse nangmah chauh in ngaihtuah lovin ka tupa dinhmun hi ngaihtiah ve la ka duh ani, mihring ve tho a ni a, a tette atangin a nu leh pa te ngaihsakna a dawng ngailo, ka sawia mawilo viau pawh a ni thei a, mahse hre ve ngei la ka duh bawk si a" a ti halh a, a sawi leh tur nghak in ka lo ngaichang ran thung.





"Chhungkaw hung tak kan ni a, nangpawhin i hriat ka ring, ka pasal kha sumdawnna leh zahawmna ngai pawimawh em em mi a ni a, a fate pawh chuti tho, a,,,, ka han sawi kual duah a, ka sawi tum ber chu, Bawiha hian lo hmangaih viau che pawh ni se la, chhan tha tak dang a awm anih loh chuan Marini thena chhungkua tih mualpho chu a duh ka ring hauhlo, I hrethiam tiraw" a ti duah a, ka lo bu nghat ringawt.





"E chuan Marini khan I phone kha a paih sak che a, a thar leina tur ka pe ang che" tih pahin a bag chu a hai zui rak rak a, "A ngailo" ti ve bawk mah ila min pe lui tho a, a landan ang ngawta sual chu ni lo mah se a thil min hrilh te kha ka hriat ve a tulna pawh ka hre hranlo.





"Engnge a lo sawi a?" hriat chak hmel deuhin ka chhuah rual chuan Thanpuii'n a lo ti vat a, Mimii phei chu awm se tawng zawih nachang a hre leh dawn der silo, ka ngei leh ngawt ang.




"Eng tehvak mah, a fel reuh lutuk" ka ti liam puat a, ei tur chawiin thildang ka tihsan nghal daih bawk.




A thil sawite kha ka ngaihtuah neuh neuh reng a, min hrilh chhan lah chu rin dan ka nei thiam derlo leh nghal. A tupa nen hian an in ngaina hle ani tih chu ka hmuh tirh khan ka hrethiam vek a, a nu leh pa te hnen atang ngaihsakna a dawng tha tawklo a tih pawh kha ka awih tho. Ram dangah hna thawkin an awm reng a, hmanni khan a rawn hruai haw ta em tih tak ngial pawh ka hrelo.





Min hmangaih tak tak anih chuan thildang zawng zawng dah tha in min nei ngam mai tur ah ka ngai a, chutiang niloa a zahawmna leh chhungkua a dah pawimawh zawk anih pawhin ka dem hranlo. A inchhung chu lo hrehawm deuh pawh ni se duhtawk a hman tur sum a la nei tal a, inhnemna tur a la nei tal a lawm le.






"Min lo nghak rei em?" motor chhunga thut luh pah chuan ka ti sap a, Dr. Roberta chuan a lu thingin "I chau em?"Tiin min lo zawt let thung a.




" Chau hranlo e, hrehawm ber zawk chu nuih luih reng ngai hi" tiin ka nui chhuak hak a, customer te hlim hmel pu reng chunga lo welcome reng an ngai a, a harsat chang a tam mai.





"I tuar chhuak thei tep ania" a tih chuan "Engtin?" ka lo ti vat a, "Ka nupui I nih hun ah" uang zeta tiin a nui chhuak hawk a, "Ka fiamthu anih kha" ka chhanlet hma hauh chuan a tih zawm leh zat bawk.







Kan kalna tur ka zawh chuan "Hmun nuam deuhah" tih zawngin min chhang a, ka nu chanchin te sawiin kan ti ti reng a, "I inkhawl leh deuh tawh em?" a tih chuan ka bu nghat ringawt a, pawisa ka neihloh zia a hriat vanga min zawt chu a ni phawt mai.




"Puih I ngaih chuan sawi hreh suh aw" a ti a, nui sakin tukverhah chuan ka dak chhuak a, puih chu ka ngai khawp alawm. Mahse tuna ka dinhmun atang hi chuan ka rul leh thei angem tih pawh ka hrelo a, a theih chhung chu keimaha tan ka duh ani.




Hotel changkang deuhah min luhpui a, hnathawk zo hlim hlawt ka ni bawk nen ka zak ang reng viau mai, mahse ka kalpui pa berin engmah a sawisel lem lo a, puar deuha haw ka tum a ni tawp mai.






Ka la ei ngailoh tui hmel tak tak an rawn chhawp teuh a, "Ei teuh ang aw" a tih chuan bu nghatin ka nui ver ver a, "Sawlai ah sawn thu ang u" tia hmeichhe tawng ri ka hriat rual chuan ka nui tawp riai riai thung.




Nu tling leh patling tawng ri te chu ka hriat zawm nuk a, Marini chuan ka hriatloh hlau ni awm fahran hian "U Rinsnag hetah hian lo thu rawh" a ti vel a, dawhkan hnuaia ka mal chu ka tham ngawt ngawta, ka rilru in kan kalna hmun fuhloh zia ngawt ka ngaihtuah.





"Engahmah ngailo angin awm tum rawh" Dr. Roberta chuan a ti sup a, nui lui sakin ka bu nghat tak naa, a harsa lutuk ringawt.




Kan haw dawnah chuan kan piah lawk dawhkana thu te chu ka va melh hram a, Rinsangzuala nen chuan kan mit a in tawng fu nghal siah mai.


Karkhat dawnlai a hmel ka hmu ta miahlo a, a pi thil sawite kha ka ngaihbel nge pawh ka hrelo, a chauh hmel riau hian ka hria a, Marini nute bakah Rinsangzuala nu te ni awm tak hi an trl ve bawk a, an ni chuan min rawn ngaihven lem lo.




"Lo kal rawh le" tiin Dr. Roberta chuan ka darah min rawn kuah a, theihnghilh tum viau mah ila Rinsangzuala mitmeng hi chuan eng emaw min hrilh tum a nei tlat in ka hria!



Mipa nghet tak a ni tih ka hria a, min hmangaih reng chunga a nupui a thlah theihloh tlat chhan hi eng emaw chu a awm ngei ngei ang...







CONT....


Show post links
Top