MI PASAL BY Ruati Renthlei (Completed)

[Ngaia]

A nu in Pasal dang a um san a, a pa, zu ngawlvei leh a unaupa enkawl nan a hna hmuh ang ang a thawk thin!

Mipa leh hmeichhe in hmangaihna kawngah chuan mikhual ang chauh a ni a, a dinhmun leh khawsak dan avangin heng 'HMANGAIHNA' tih vel hi thil awm thei tur ah pawh a ruat lo va, han tem ve chhin lah a duh heklo.

A unaupa chauh chu khawvela a dam ve chhan a ni tawh a, a tana a tihtheih sang ber nia ngaiin pawisa tam zawk a hmuh theih nan a thianghlimna pawh zah zo lovin a taksa a zuar a, chu chuan nawmchenna piah lam... Hmangaihna tak tak chu a tem tir ve ta!

____

"En teh Afer, vengchhung mite pawhin an hre vek tawh a nia, mi pasal a ngaizawng an ti che a, an sawi luai luai tawh che asin" a tih chuan ka then sak a, ri chhuak manglo chuan "Ka duh dan a nih i ring bik em ni?" ka ti ve sep a.
___

A hmasa in hei hi pawmlai nei chunga ngaihzawng neite ka va support na lam a ni lo a, a story topic/ plot chu engpawh lo ni se, thawnthu phuahchawp(wild story) a ni tih min hriatsak dawn nia


MI PASAL

By Ruati Renthlei

Chapter-1




"Thosi tam a hun leh tawh a, a hneawm tak tak ani" thenawm nu Nu Siami rawn leng chuan tukverh bula thu pahin a kut chu a beng ri leh khap thina, chaw ei dawhkanah alu velin amaha a phun reng chu ka lo nuih leh thin a,

"Fimkhur a ngai, Malaria te hi hlauh tur a nia, Pu Hmuna te chhung saw tuizem chhunloh mai mai hi an ching riau a, kan veng thosi ti pungtu hi chu an ni ve hrim hrim" a tih leh chuan sil hmuna ka kut sil pahin "Nia, a buaithlak tak tak, ngamtlak deuhin la hrilh a ngai a ni" ka lo ti ve a, thingpui a duh leh duhloh ka zawh chuan "Duh e" a lo ti vat a, thingpui pek pah chuan a bulah ka thu thla ve a.



"Ei rawng i bawl zo tawh em ni?" ka tih chuan thaw deuh hliai pah hian "Vawiin tlai chu rawngbawl a hautak vaklo, zinga a thing kha a la rin theih hlawm a, chaw chhum a ni mai, kan Lalchhuahpuia lah hi, nilengin a leng bo a, tlai tak ah a rawn rui haw leh anga, ka ning lutuk" tiin a ang chhunzawm hmiarh hmiarh a, za lo te a nui sakin tukverhah chuan ka hawi chhuak a, U Chhuahpuia hming sawi rik tak ah chuan ka pa ka ngaihtuah chhuak a, nizan atang a la rawn haw lo, khawnge a kal ka hrelo a, pawi ka tilo bawk, a awmloh hian kan inchhung hi a nuam zawk fe.






Nu Siami fapa U Chhuahpuia hi tlangval senior a ni tawh a, zu hi heh viau lo se chuan nupui a chhia a tha chu a nei ve tawh hrim hrim ang. Ka pa nen hian an in ang reng, an chhungkaw tan tangkaina an nei lo va, zu bak ngaihtuah an neilo. U Chhuahpuia tak hi chu a ruihin a sual ve ngailo a, mahse a bengchheng thei lutuk, a nu nen hian an in hau ngei ngei bawk a.




Ka pa chuan kut min thlak a hrehlo a, a phunchiarin a chapo em em thin bawk.
An duhzawng a in an avangin an pahnih hian an inkawp chawt zel a, pakhat hming sawi chuan pakhat zawk hi rilru ah an lang ve ngei ngei tawh.





"Afer?"
Ka leh hawi vut a, Nu Siami chuan a tarmit kar atangin min lo melh kuau mai, "Eng nge i ngaihtuah a?" a tih chuan ka thutdan siam remin "Engvakmah" ka ti sep a, no ruak chu sengin ka thawhsan zui a.




"Khawnge ka va haw phei teh ang, Bawiha school bang lah chu a rawn thleng har ang reng si" tih pahin a thutna atang chuan a tho a, banga sana intar chu en zawkin ka kut ka hru hul sawk sawk a, Nu Siami chu kawt thleng ka zui chhuak a.

Ka luh leh hma in kawng chhak lam atanga ka pa rawn pai thla tuang tuang chu ka hmu hman a, ka kut hum ruh vakin ka luhsan a, kawngkhar pawh ka khar phui hmak.



Hetianga pa laktlakloh nei tur hian ka nau nen hian engnge maw kan tihsual bik ni!


Dar 4 a ri tawh a, Bawiha school ban chu a hun tawh viau si.
Dawhkana ka phone chu banin chair ah chuan ka thu thla a, Bawiha te Miss, ka thian tha tak ni bawk Bawihbawihi chu ka call a, a ni leh nilo angin a la har ang reng khawp mai..



"Aw Afi" a rawn ti hlut a, a thaw hluam hluam bawk nen"I buai ami?" ka ti hmasa tete a, "Buai tawhlo e, inchhung bungrua kan hung sawn vel a, ka chau nasa" a rawn tih chuan tawi te in ka nui a, "In banna a rei tawh em? Bawiha a lo la haw lo a" ka tih chuan a phun deuh hlak hlak a, a nu nen an in hnial niin ka hria.

"Aw thiannu, keiipawh ka thlenna a la reilo a, a lo thleng tep ang" a tih chuan phone call a in bia e tilo in ka lu ka bu nghut a, ring lutuk in ka pa'n kawngkhar a rawn pawt hawng thuai bawk nen thil dang sawi tawhlo in phone chu ka dah a.



Kawngkhar atanga a rawn lut chu rum zetin ka lo melh a "Chaw ei siam nghal rawh, nilengin thil ka la eilo, in pa hian thil ka ei leh eiloh pawh in ngaihtuah lo a, nep lutuk" ti hlukin a bul lawka balbawm chu a chhuih a, "Vak vak zel a che, I rui lungpuam hi inchhungah rawn hri thla ziah suh" tih pahin ka thutna atang chuan ka tho a, ka awki tihsan loh viau pawh tum thin mah ila he mihring bulah hi chuan a harsa lutuk.




"Mai main che hian, chaw ei chu siam vat rawh" a tih leh chuan thuamhnaw dah that pahin "I fapa school bang pawh a la rawn haw lo va, I duh leh nangmahin insiam ve mai rawh" ka tih lai mekin Bawiha chu a rawn haw a, a hmel ka hmuh rual chuan pan hnai vatin a zawnah chuan ka thu hniam a,


"Engatinge I hmai hi? In insual leh tawh em ni? I thianten an sual leh che ami?" ka ti vat a, a biang thi ser ser chu ka chhem sak pah a, "Sawi rawh" tih leh pahin a dara dawm chung chuan ka sawi deuh a, "Aw a sawi duh lo anih kha mawle" phak chuala lo titu chu "Engmah lo sawi ve suh" ka tih khum tuar a,



"Engatinge hetianga I awm ziah a? I thiante aiin I lian zawk a, I chak daih zawk bawk, an lo chhuah leh che a kut an thlak leh che chuan ti let ve pawp thin rawh ka tih che kha, I hria em?" tiin ka sawi leh vak a, ka mittui ti tla lo tur in ka hmui hnuai ka pet ruh fan fan bawk.





"A u"
Zawite hian a ti sup a, ka hmai chu tuai puatin ka tho a, "Va inthlak rawh, khua a lum emai zanah I inbual dawn nia" ka tih chuan thu awih deuhin pindan ah a lut nghal a, "Chaw ei chu siam teh" lo ti leh hluk Tu chu melh pawh melh peihlo in ka chaw chhum chu a hmin leh hminloh ka en a, "Lalrinnung, chaw ei siam rawh ka tih chu" a lo tih leh hluk chuan ka phu zawk thei hial!




"Chawhmeh pawh a la hmin Kim lo, I duh duh hun ah i rawn haw a, rawn ang nghal ringawt zel suh" ka insum hmanlo chuan ka tih khum tuar a, kan inchhung boruak chuan a hma ang chiahin thawm a rawn nei leh ta e...





A thutna atang chuan a rawn ding vut a, ka bula a rawn thlen phei lai pawh ka hrelo, ka samah a tham a, ka hmai a rik thlawrh rual chuan chhuatah ka bawk thla thlawp a, ka hmai sa ham ham dawm pah chuan "I rapthlak lutuk" ka ti leh vak a, "A u" tih pahin ka bulah ka nau chu a rawn thu thla a, a tap tih ka hriat rual chuan ka mittui chu tuai hul tawkin "Tap suh" ka ti a, a tap uar sauh chu thawh pui lawpin "Tap suh ka tih chu" ka ti leh vak. He inchhungah hi chuan thawk lak A harsa thin, hetiang boruak karah hian hahdamna hun A awm ngailo.



Thenawm te rawn tlan lut ri chu ka hria a, ka en hauhlo thung, "Awi aw Afi, I pa a rawn haw tawh a ni maw?" titu chu Nu Siami a ni tih ka hria, kan unau chuan pindan lamah min kai lut a, veng pa ho in ka pa zurui an zilh hau lai chu ngawi rengin ka ngaithla a, ka kawr tlang nghet zeta tham tlat Tu ka nau chu ka en ngamlo reng reng!





Hei hi ka nun chu a nih hi!
Jennifer Lalrinnungi ka ni a, kum 22 ka ni.
Pawl 12 ka pass khan ka nu in pasal dang min um San a, khatih hunlai khan kum 19 lai ni tawh mah ila ka nau erawh kum 7 chauh a la ni thung.
Ka nu kha ka dem a, ka pa, zu rui thin kianga kan unaua min hnutchhiah ringawt vang hian ka haw em em reng bawk.




Ka pa hi private school pakhatah peon a ni a, a hlawh ve te chu engmah chan kan nei ngailo, a in zo nghal zel a, ka nau in school a kal zel theih nan college zawm lovin hna ka thawh a ngai a, kei anga zir sang lemlo tan chuan sorkar hna nghet leh tha beisei chi a ni lo tih ka hria a, hna a van avangin ka hmuh ang ang chu hreh hauhlo a ka thawh a ngai thin.




"Awww an lo buai leh tawh ani maw?Khawiah nge Aferi te chu?" tih ri vang chuan in thing harhin ka biang huh chu ka tuai hul sawk sawk a, pindanah pi Muani chu a rawn lut ve nghal bawk.



A rawn tap leh deuh titih nghal ringawt a, ka lo eilo leh hle tawh. "Aw,, ka va han khawngaih tak cheu em!" a tih chuan ka ngawi reng a, tihian min khawngaih ber awm ang hian a awm a, a zia te chu ka hrechiang ropui. Biak ina a lam dur dur pawhin inkhawm ban rualin mi a rel leh nghal char char thei tho. Chutiang khawpa nun chawhpawlh chu a nia, hnaih vakloh hi ka duh ber.





"Engtinmah kan awmlo, ngaihtuah kan ngai love" ka tih chuan min en reng tih hre mah ila ka en duhlo lui ve tlat a, Nu Siami zawk chu en in "U Chhuahpuia a lo haw tawh em?" ka ti ta daih a, "La dawn nang, thim dawnah bak a rawn haw leh pek lovang" a ti a, a fapa hming kan sawi rik tawh hi chuan a vin nghal hlur zel hian ka hre mai.





Pindan atang chuan kan in zui chhuak diah diah a, ka pa chu thutthleng seiah thu in a kut a lo kuangkuah hlun a, veng paho thenkhat chuan an lo zilh hau laih laih hnuah an vai mai chuan min chhuahsan leh ta diak hlawm a.


"Va inbual rawh, chaw ei ka peih tep tawh" ka tih chuan ngawi rengin a thutna atang a tho ve nulh a, bual in lam chu pai chawn chawn chungin a thleng ve hram.





Chaw ei dawhkanah ka nau lehkha zir chu ka en pui a, school a luh har deuh avangin a kum phu lo in a class a hniam a, kum 10 lai ni tawh mah se pawl 2 chiah a la zir. Ka pa a chhun avangin a thau deuh luah a, a churbur ve bawk nen mi lawm a hlawh ve viau zel.




"Ihmaw a u, vawiina Ruatkima ten min hauh leh chuan pa pakhat hian min lo chhan a" en pawh min en lo hian a ti niah niah a, "A ni maw? A va fel ve a" ka tih chuan min rawn en in "Kan school ah thu te a rawn sawi asin, an sawi dan chuan sap rama dawr tam tawka nei a, a hausa hmel lutuk" a ti leh a, nui sakin a lu ah chuan ka tuai zeuh a,,
"Ziak leh tawh rawh, apa inbual zawh velah chaw kan ei dawn nia" ka ti a, mi hausa te chanchin hi sawi tam ka duh ngailo, mahni in sit a awl emai.



Zan lamah Bawihbawihi a rawn leng a, kawngkhar atanga a rawn lut chiah hi boruak dang a rawn keng lut nghal a tih theih ang, a bulah chuan rilru hah ber lai pawn kan nui thei.

"Enteh thiani, vawiinah Rinsangzuala kan school ah a lo kal a, awiii thlalak aiin a chhelo fe, ka duhthusam chu a mahah khan a Kim vek" thingpui ka pek rual chuan a lo ti hlut a, nui chung hian "Tu Rinsangzuala" ka lo ti sep.



"Awi i hre leh pek nange, Rinsangzuala, hmanni ah pawh nuoui a neih kha, a nupui nen lah khan an inhmeh nasa sia" a ti leh a, "Bawiha'n tlem chu min hrilh, engnge school ah chuan a rawn tih a?" ngaihsak lemlo chuan ka ti ve leh a, "Principal nen hian an in hre tha a, sorkar hna ringawt lo deuha naupangin eizawnna dang dap an thiam theih nan thusawi tur in kan sawm a, engtinnge i hriatloh theih zawk le, a lar ripui sia" a tawp lamah uar fahran hian a ti leh hap a, ka lo nui ringawt.




"Sap ramah a awm char char a, tunah chuan Josua Agency nen hian contract an sign a, a lo berah thla 10 tal chu Mizoramah an awm ka ring" tiin ka zawhloh thleng thleng chuan a sawi leh a, a hmelthat zia chu a sawi uar ber mai.




Ka pa leh Bawiha an mu tawh a, kan thian dun chuan eng eng emaw sawiin kan ti ti a, "Vawiin chuan i hmu ta em?" awmze nei zeta a rawn tih tak ah chuan thaw hakin lu ka thing a, "Hna ruak a vang lutuk a, restaurant lamah chuan tawnhriat ka la nei tlem bawk si, a harsa lehzual lutuk" ka ti a, ka kut a rawn vawn rual chuan phawk zetin ka en a, "Ka zawnpui ang che" a ti a, a in rintawk hmel em em lehnghal.





"Thawh tur chu a awm dawn lutuk, mah se rora kher chu chhu tawhlo ang che aw, hei i kut veilam a duk chur a, dinglam a thap hruap bawk si, ni a sa sia, nangmah pawh i thu vek tawh, bakah a chhu tlem thei sia, I hlawh zat leh I hah dan hi chu a in mil thlawtlo" a ti leh duah a, min ngaihtuah vang a ni tih ka hriat avangin ka bu nghut nghut a, a sawi hi a dik chiah.





Thawh tur a van em avangin Nu Siami min kawhhmuh quarry ah rora ka chhu ve e ka tia, tin khat cheng 15 in kan chhu a, ni khatah 75 chauh te ka hlawh a, tin khat chhut tlin a har ropui si, kal man ah a zo vek lo chauh a, a hahthlak bawk nen ni 3 chiah ka thawk peih. Tihian nimin leh vawiin lamah hna ruak ka zawng a, restaurant vela thawh hi ka duh ve deuh a, mahse a vang khawp mai.





A haw tur chu pawnah ka zui chhuak ve a, a kalliam tur chu rawn let lehin "Naktuk holiday tih ka hre chhuak, bazaar ah min kalpui la, ka thiante ka lo be bawk anga, hna chu kan zawng pah dawn nia" a tih chuan ka lo pawmpui leh khawp mai, kei ai ngawt chuan hmel hriat pawh a ngah a, a rang thei ang bera hna thawh tur ka hmuh a ngai a ni tawp.




Ka neih leh dinhmun han en hian mawlmang taka ka nun a ngaih chang a tam a, a tir kha chuan harsa ka ti thin. Ka zak a, keimah ang rual kha chuan college an kalloh leh an chhungte pawisa hmangin nun an la hmang thei tal a, hna thawh kha ka zak a, ka hmel hriat ten min hmuh fuh hlau reng reng khan hun ka hmang thin.





Mahse hun a liam ve zel a, puitling taka ka nun a ngai tih ak hrechiang chho zel a, mi neih ang te, thil changkang leh manto nei ve thei dinhmuna ka din loh zia ka hrechiang tawh a, ka nun danah lungawi loh chang neiin vui ve fo thin mah ila a tawpah chuan lungawi bawk ka zir leh nge nge thin.





"Awi awi Vanlalchhuahpui leh! Dar zat hi en rawh, haw hun a ni em?" thenawm Nu Siami au ri chuan min ti harh a, ka luhkham hnuai ka phone chu phawrh vatin dar zat ka en a, dar 4:30 am chiah a lo la ni. Tukverh parda chu ka keu dek dek a, khua pawh a la thim ruih.




"Aw ka nu, ka nu duhtak chuan" ring lenglawng hian U Chhuahpuia chuan a han ti a, "Ka riltamin ei tur min pe tih tum hlek suh" a nu chuan a lo ti vat, ka nui sak a, a fapa zurui anhla chu a hrechiang tawh khawp mai, tun ang huna a haw chauh danah nimin lamah a haw lo chu a ni phawt ang.




"Aw ka nu, ka ril a rak tawh ania" U Chhuahpuia chuan a ti leh lauh a, "I duh chuan I ei tur in siam ang che, zan tirah I rawn hawloh avangin kan muhil theilo a, khawvar dawnah I rawn haw ta cheng a, ka mutui lai min ti harh leh a, I khawsak zia hi ka hne lutuk che Vanlalchhuahpui" a ti tawn tawn a, rei vaklo ah an thawm chu a reh a, chaw chu a ei tir a ni khawp ang, hau hau thin mah se a fapa a ni miau mai si a.



Kawl a eng tan tawh a, ka mutthilh leh chuan thawh ka hai ang tih ka hlau bawk nen in tih harh nan ka phone chu ka en kual a, mimala tumah han biak ka neih lemloh avangin phone te hi ka en khat a, internet khawvel pawh hi ka luhchilh tamlo.




Bawihbawihi status chu ka en a, nimin lama an school tlawhtute ni awm tak nena an thlalak chu ka en deuh vang vang.
Ka zoom deuh a, a langfiah lutuk lo na in a laia coat suit nena in thuang zarh leh a bula hmeichhe hleitling leh hmeltha deuh chu an langsar nghal nalh a, ka thiannu in a hmelthat zia a sawi kha ka pawm ta viau mai.



A nupui ai chuan amah chuan ka mit ala zawk a, fiah vaklo mah se ka en deuh reng. A la upa bik vaklo anga, mah se A pian in A zir vang pawh a ni mai thei, A puitling hmel hliah hliah a, a pa a ni tawp mai.
Nupui nei miahlo se chuan A chanchin hi sawi nuam ka ti ve viau mai thei a ni, a landan hian min hip ve riau a, mahse mi pasal a ni tlat!









CONT....
A tirah ka chhuah ngaihnawm thiam ve lo ka tih thin kha


Show post links
Top

[Ngaia]

MI PASAL

By Ruati Renthlei

Chapter-2



Eirawng ka bawl laiin U Chhuahpuia a Rawn lang hlawl a, thingphel chhuat kan la hman avangin a pen ri bur bur mai, thutthlengah na zeta thu ri dawp pah chuan thingpui a lam nghal zat bawk a.




Thingpui pek pah chuan "Zingkar karah i au vak vak a, min ti muhil thei hleinem" ka ti hlak a, hmui chip hmuna nui ri suk suk pah hian thingpui chu a dawt ri leh khawlh thin a, ka thil siam lai siam chhunzawm pah chuan "Zu in in nasa lutuk a, nangphei chu I cher vek tawh kha, I hmai a puam tul bawk si, I chhe lutuk, zu ngheiin in tuai fai ve la, nupui te nei ve tawh rawh, I nu pawh saw I khawngaih lo em ni?" ka ti leh a, kan in pawh avangin a tul chuan ka hau ve bawrh bawrh ngam a, an haw ngailo na in an zawm ngai chuanglo.





A nu nen chauh an awm a, a pa pension hlawh an la lak theih avangin keini ang em chuan an harsa lo.



"Nupui te chu duh ila neih tur ka hre teuh mai, Lalnguri fanu pawh sawn mim duh lutuk ringawt, ka duh ve lo mai mai" ngaihsam zet hian a lo ti a, ner nawngin ka melh vak ringawt.
Lalnguri a tih chu zu zuar a ni a, a fanu nen te chuan an in hre tha khawp ang chu.




Hmai mawm hlup hian pindan atang ka pa a Rawn chhuak a, a thau chi a ni hrim hrim a, a zu in ngaihtuah chuan a dul kawh luah reng te hi ngaihthat lohna tham a ni tawh.




"Eee Chhuaha, I lo leng a ni maw?"
tih pahin a bulah chuan a thu thla a, an titi chu hriat ruk ve viau pawh tum ila ka thei thaklo, an tawngzawi thiam turu lutuk ringawt.





Bawiha ka kaitho a, chaw kan ei lai chuan "Vawiin chu school chawlh a ni bawk a, Bawihbawihi nen hna zawngin kan chhuak ang, khawiah mah lo chhuak suh anh che" tiin ka pa chu ka melh a, a hawi zuk zuk a, min chhang duh derlo




"Ka lo kal vr duh a u" ka naua zawk chuan a lo ti vat a, "A theihloh, ni a sa dawn lutuk, bakah ka pa awmpui a ngai, amaha a awm te zawngin e... " sawizawm duh loin ka ngawi ta daih a, ka melh vak ringawt.





"Aww khatin min ringlo nghal ziah lo la mawle, a chhuak khat si, va chhuahpui ve rawh" pangai tak hian a Rawn ti a, "I sawi peih lutuk, Pa berin I ruihsan reng a, rual pawh pawl ngam manglo tur khawpin a nih hi min siam tawh" nem vaklo hian ka ti leh fak a, min chhang tawhlo.





Zu a ruih hian a phun chiar a, kut min thlak mai a hrehlo thin bawk a, mahse a harhfim lai chuan 'pa fel tak a ni' an ti ve thin. Ka thawhchhuah hmanga ei leh in a ni tih a in hriat vang pawh a ni mai thei, ka hauh chuan min chhang let ngai lova, a ruihloh laia ka sawite chu zawm tum ni awm tak hian a bu ve nghut nghut a,mahse 'A ruihloh chuan a fel' tihte chu tangkailo tak a ni mai, a han rui a, kan in chhung chu BOOM a ni leh mai.




Dar 10 velha Bawihbawihi a Rawn phei a,veng khatah awm mah ila kan in hnaih lutuk loh avangin duh angin kan inhmu tam theilo zawk a, Bawiha'n kal ve a ngen tlat avangin ka hruai ve a, ka pa chu kan awmloh huna a lo chhuah ka hlauh avangin kawngkhar kalh hnan ka rilruk a, mahse kan chhuah dawnah TV enin thutthleng seiah a thu luau a, Bawihbawihi, ka thian tha tak ni mah se a hmuh laia mahni pa te em han kalh hnan chu ka hreh ve deuh avangin ka ti ta lo a, chhuaklo tur erawh chuan ka chah uluk viau.




"Khawi lamah ber nge kan kal ang?" Bus stand ah kan ding reng a, "Tlai lamah chuan bazaar a tawt leh dawn sia, chawhmeh min leipui ula, U Mazuii dawrah thuamhnaw lakkawi ka ngai dawn bawk a, chuan restaurant lamah kan kal dawn nia" tiin Bawihbawihi chuan ro a rel zung zung a, "Khawi restaurant ah?" tiin ka lo nui hak, a confi thei lutuk hi a mak ve a nia aw...




"Ni tak, ka la hrilhlo tak che, zingah khan ka thiannu pakhat nen kan in bia a, a thawhna restaurant a thawk ve pakhat kha nau a pai a, a neih a hun tep tawh vangin a chawl rih dawn a, chumi chhung chu I thawh theih ka ring" a tih chuan "Tak tak ami?" tiin ka melh vak a, "Niang chu" a lo tih chuan ka kuah zui thlawp ringawt.




"Ka van lawm tak" ka tih chuan "Keipawh ka lawm mahse ka thaw theilo" A lo ti a, ka thlah leh vat, nau a neih dawn chuan thla 3 vel tal chu ka thawh theih ka in beisei ve ngawt a, chu hun chu hna dang zawn nan a tawk lutuk.



Bus a rawn thlen chuan an lo khat leh viau a, chep a chepah chuan kan in hnawh lut ve a, khua a lum bawk nen a hrehawm ve duh khawp mai.




Chawhmeh thenkhat chu a remchang bawk nen ka neih ang anvin ka lei ve a, Nu Mazuii dawrah chuan ke in kam kal ta thung. Thingoui te min lo in tir a, ka naua chu ka ngaihtuah ang aiin a fel daih lehnghal, a tawngduh lutuk thin erawh a buaithlak lam deuh.



Dawr atanga kan chhuah chuan a chawhnu ruih tawh a, Bawihbawihi chuan a thiannu chu a call a, motor lian Rawn tlan lai tak a ni bawk nen a bengchheng lutuk a, engnge an sawi pawh ka hre ve theilo.



An inbiak zawh chuan ka bulah Rawn dingin "An hotupa awm lai tak anih chu, kal nghal ang" A ti a, ka thaw chhuak halh.




Ke bawkin kan kal leh a, eng eng emaw kan khai bawk nen thlan tla hluamin kan thleng a. Restaurant kawtah chuan kan ding deuh reng a, a lianin a changkang hmel bawk si.



"Lut ang u" tiin ka thiannu chuan hma a hruai leh a, ka zam ang reng khawp mai. Bawiha chu engmah khawihlo tur leh tawng miahlo tur in ka hrilh lawk thlap bawk a, a nih loh chuan kan buai leh palh ang tih a hlauhawm.




A thiannu ni awm tak chuan min lo lawm thiam viau mai. An pu chuan phone a hman lawk thu sawiin lo nghak turin min hrilh a, dawr chhunga mitr chu an in kalpel thuak thuak hlawm a, customer pawh an ngah thei hle anih dawn hi.




"Ehe ka pu"
Ti hluttu ka nau chu ka melh zawk a, ka bulah a lo ding tawh reng renglo. Kan piah deuha patling, min hnungchhawn zawnga phone hmang bulah chuan alo va ding ran a, Bawihbawihi nen chuan in en in kan pan hnai vat a.




"Kalsawn lo tur in ka hrilh che kha" tiin ka nau banah chuan ka vuan a, "Enteh au, hei hi nimina min lo chhantu ka tih kha alawm, I la hria em miss? " tiin ka thiannu nen chuan min melh tawn zak zak a, a sawi mipa ka en chiah chu ka phu nasa lutuk ringawt.




Chiang zet hian min lo en ve run a, phone pawh kha a hmang tawhlo. Chil lem khalhin Bawihbawihi chu ka en leh a, min lo en ve chiah.




Reilo te chhunn chuan kan awmna lai chu a reh thuap ni ber hian ka hria!
"Chibai le" ri chhuak manglo hian ka ti chang chang a, a bu nghut chu ka melh tlawk tlawk ringawt. Bawihbawihi status ah khan ka hmu tawh ngei a, mahse a tak ah chuan a palian daih zawk anih hi. A hmeltha a, a suit hak chuan a ti zahawm hliah hliah bawk.




"In lo inhmu tawh ani maw?" Bawihbawihi thiannu Mimii aw ri ka hriat tak hah chuan ka thaw chhuak halh a, ka bul lawkah chuan a Rawn ding ve nghal a.



"Heihi ania ka sawi kha,,, Jennifer-i" tih pahin Mimii chuan ka ban a Rawn kaihkuah a, "Nia au hi lo thawh tir ve la" titu chu ka nau bawk.


Ka melh vak a, a hrelo der hmak leh nghal!


Pu Rina banah chuan a vuan a, melh chho ha pah hian "Au hian hna thawh tur a mamawh sia, I dawrah hian lo thawh tir ve ngei ngei rawh aw" A ti leh a, insum hmanlo chuan "Ramdinmawi" ka ti vak a, Pu Rina chu melh zawkin ka nau chu ka lamah ka pawt phei dawr a, "Engmah lo sawi ve suh ka tih kha" ka tih chuan a kun tlat a, Bawihbawihi chuan a kalsawn pui thei ta hram.



Mimii chu a Rawn khuh kharh kharh a, kan pathum chuan kan ding ngawi reng hlawm. "Ka nau vang khan thupha ka chawi e" rei fe hnuah chuan ka ti thei hram a, "Engvangin?" bul angreng taka a lo ti hmuk chu ka melh vat a, min en chiang leh lutuk chu rei pawh en ngamlo in ka hawisawn leh thuai a,


"Ka..."
Ka tih lai chuan "Hna chu I duh tak zet em?" alo ti leh a, a tawng ri erawh hriat a nuam ta deuh. Ka bu nghut a, "Anih chuan I nau khan sawi sual a nei hleinem" a ti suo chu ka melh leh ta nge nge a, keimah min en tawh lovin Mimii zawk chu a en a, "In indaih loh chuan a thawk thei ang, hlawh chu a ngai a, thil kalphung lo hrilh ang che" a ti a, a sana bunlai chu bih zawkin min Rawn en leh a, "Tha deuha I thawh ka beisei" ti supin min kalpel a, A rimtui in kah chu ka hip lut fuh lutuk, a pa hrak a, a rim ringawt pawh kha ngaihawm tham alawm mawle.





"Ka rin ai a awlsam daih, I nau tereuh khan thil a ti awlsam em anih kha" Mimi'n a tih chuan ka nui ringawt a, "Naktuk atangin I lo kal nghal dawn nia aw, kan indaihlo lutuk a, Dar 9 a thleng hman tur in I lo kal dawn nia, Pu Rina khan tlai a ngaithei miahlo ania, I duh chuan tlai dar 4 ah I haw thei anga, zana thawk tur chu midang an awm, college naupang ho hi part time a thawh duh an awm ve fur zel a" a ti nghal zung zung a, "Anih nang? Engtikah nge I haw thin?" ka tih chuan "A in anglo, a chang chuan ka awm tlang a" a ti a.

"E chuan, kartawpah hlawh kan la thin bawk aw, A tirah chuan a tam lutuk theilo a, mahse thawh rei chuan a pung ve zel" a tih zawm leh a.



"Anih zana thawh tlang hian a pung ve ami?" ka tih leh chuan "Aw pung e" A lo ti vat a, Bawihbawihi ten min Rawn pawh ta bawk nen kan sawi zawm ta lo va, lawmthu ka hrilh hnuah haw turin kan inzui chhuak leh a.

"Ka lawm tawp, awmlo la chuan thawh tur zawngin ka la buai ka la buai awm sia" ka thiannu dara kuah hnak pah chuan ka ti hap a, "Thiannu hi I nei fel em alawm" inti thei deuha a lo tih chuan in en in ka nui dun vak a, khawlaiah kan la awm tih kan hriat chhuah rualin kan hmui kan in hup sak ve ve bawk.




A tlai deuh tawh bawk nen pawisa chu ui viau mah ila taxi kan la ta tho a, Bawihbawihi chuan chuan man pek vek tum mah se nuamlo ka tih avangin a chanve man chu ka pe ta tho a.



Kawngkhar lo in kharphui vek chu ka pawt hawng a, TV a lo in on avangin ka pa chu a chhuaklo turah ka ngai ve tawp. Ka thil khai lai dawhkana dah pah chuan ka pa chu ka ko a, min chhan lawk loh avangin pindan lamah ka lut nghal a.



Ka mutna bul tukverh lo in hawng huau ka hmuh chuan ka kawng dawmin ka thaw halh. Kawngkhar ka kalh tawp silo a, tukverh atanga a chhuak ru kher thin hian ka thin a ti rim zual thin.




Ka naua chu TV hmaah a lo thu leh van tawh a, a kawm rual mipa naupang kan veng lamah an awmloh em avangin a lengchhuak tamlo a, a pawi ka ti vaklo thung.




"Ka ril a tam" a tih chuan thingpui ka siamsak a, "A pu khan hna thawh tur chu a pe che em?" a tih chuan thaw hakin a bulah chuan ka thu ve a, "Pe e, naktuk atangin dawrah khan hna ka thawk tawh dawn a" ka tih chuan nui ver verin "Ka dilsak thiam che i ti em?" A ti khauh a, a la in tih theih hmel em em lehnghal.



"Aih" chhum bung deuha ka tih chuan a nui tawp ve riai riai a, "Engmah lo sawi ve lo tura ka tih che chuan lo ngawi ve mai tih rawh aw, an lo haw palh thei che a" tiin vin lo thei ang ber chuan ka hrilh leh a, diktak chuan Pu Rina kha a thinrim lo hlauh a, ka nau thil sawi kha a nilo lam zawngin ngai vaih se chuan ka vin leh chiam ang chu.




"Ka sawi chu I hria em?" a ngawih reng avang chuan ka ti leh a, a lu bu nghutin "Mahse a fel em kha" a ti leh hram a, keimah zawk chu ka ngawi ta mai.



A chhurbur ve ka tih tawh kha, A chimawm zawngin a khawsa ngailo na in a u hi chu min ti thinrim thiam lutuk ringawt, sawi awm leh awmloh a hriatloh avang hian ka zah phah fo bawk, mahse ka nau a ni miau a, ka la dam ve tawk tawk chhan hi a ni ve tlat.



Rawng ka bawl sawk sawk a, Nu Siami Rawn dak lut zawk chu hna thar ka neih thu ka lo hrilh ve vat a, kei ai mahin a hlim emaw tih mai tur a lawm.




"I pa hi a chhuak em ni a?" A tih chuan ka lo bu nghut a, "Awi I pa leh kan tlangval ve hi zawng, an in in hlum hun kan nghak anih ber hi, kan tawng Tu huat thu suh ah,kan dawh ang hi chuan Tu nu leh fanu mahin an dawh ve thei lovang, thisen zawm mah nise an buaithlak emai" a ti leh a, ka pa zu in chungchang an sawi vak hi chuan ka rilru a na a, ka thinrim in ka tah a chhuak tun zel.



Zanah Bawihbawihi'n min lo call a, "Enteh Afi, vawiin kha chu nuam ve rah rah tiraw, U Rinsanga dawr a ni tih ka lo hrelo hrim hrim a, Mimii thawhna mah nise a changkang sia, ka chawl ngai manglo, awi a nuam vel e, ka Rawn kal fo ang, nupui nei hmanlo chiah chiah se tha tur a nia" A ti nghal niah niah a, "U Rinsanga ah?" tiin ka lo nuih hak thung.



"Aww nangni te chuan Pu Rina in tih a ngai a ni mai a, ka tih ve kher a ngailo hrim hrim, bakah ka pu rual pawh a nilo a, U Rinsanga tih khan a sexy a lawm" a ti mauh pek a, ka lo nui tawp.




Kan inbiak zawh hnu chuan Bawiha ka mut tir a, choka lamah ka pa Rawn haw hun ka nghak rih a,dat 10 tlangah pawh thawm a la neih loh avangin kawngkhar chu chhunglam atang ka kalh hmak a, ka mu ta daih.



Khuma ka mut hnuah pawh ka muhil mai lo va, ka pa vang ni bawk mah se ka hna thar vanga ka helhlawlh deuh vang pawh a ni ve bawk ang.






,,

"Au, apa a lo la haw lo ami?" chaw ei laiin ka naua chuan min zawt leh phawng tawh a, "Haw tep" ka tih rualin kawngkhar chu a Rawn ti zui dawp a, a rawn pai lut chawn chawn chu che sawn hauhlo in kan lo en reng, "Lalrinnung,i pa hi kawngkhar te min kalh hnan ngam a ni maw?" ti khur khurin min Rawn pan a, ka samah thamin min tung tho nawlh a, ka naua lo au chul chu engahmah ngailo tih hriat zetin pawnah min theh chhuak zui a, "Pa te leng haw pawh nghak theilo, I nu kha i lo chhun chiah anih hi, zahpuiawm leh lutuk" min tih khum zui a, Nu Siami chuan kan thawm a rawn hria a ni chek ang chu, a rawn lang vat a, kan boruak a bengdaih deuh hnuah inchhungah min hruai lut a, ka pa chu pindanah a lut a, a hnar zui bawrh bawrh mai.






"Nizan ah a lo haw har lutuk a, kawngkhar ka kalh hnan a" ka ti sep a, Nu Siami chu thawh hakin a bu nghut ringawt. "Han tawngtai fan fan phawt mai ila, Pathianah bak innghahna tur kan neihloh hi" a tih te chuan kam khat mahin ka chhang lo a, Pathian an ti ve sek hi ka hne!


Chaw pawh ei zawm tawhlo chuan ka sengfel mawp mawp a, Bawiha pawh amahin a insiam thei vek tawh bawk a, keipawh hnaa kal turin ka insiam ve nghal a, ka pa chu ka kaitho duhlo. A ruih a la reh chuanglo a, school ah buaina a va siam leh mai mai palh ang.





"School ah fel deuhin awm la, in ban velah leng kawi lovin haw tlang rawh aw, ka lo la haw loh pawhin in I lo nghak dawn nia" tiin uluk deuhin ka hrilh a, insual tawhlo tur in ka chah ve leh thlap bawk.




Dar 8:30 am ah ka chhuak a, tlai ka hlauh em avangin two wheeler taxi ka hmang a, ka thleng hma khawp mai.




Mimii hmel ka hmu mai lo va, tumah han hmelhruat sa ka neihloh avangin nuam ka ti chiahlo chuan Bawihbawihi ka call ta ringawt a, Mimii number min lo thawn chu ka biak hma in kawngkhar atang a rawn lut hlawl a, "Min thlen khalh ani maw Afer" nui sang hian a rawn ti nghal a, nuih let sakin ka lo but nghat.




"Lo kal rawh inthlak ila" tiin min hui zauh a, kan kalna lama kan mi tawhte chu min hmelhriat tir pah mawlh mawlh bawk. Form kan nei thlap te chu ka hlimpui khawp mai, mi ngaihah chuan hna sang tak a nilo anga, mahse ka tan chuan hei bak a awm chuanglo.




Ei siam Tu nu ber chu Nu thau pui mai, ngo lemlo tak a ni a, mahse biak a nuam lutuk, "Nu Rineng" min ti mai rawh a ti a, fel luar luar tak a ni.




Thawk tir chauh ka la ni bawk nen hrilh chawp vek ka la ngai a, mahse ka thawhpuite an fel a, hrehawm ka ti hranlo.


"Sawlai dawhkan saw lo tifai mai rawh aw Afer" kan thawhpui nu Thanpuii sawina lam dawhkan chu ka pan vat a, dawhkan ka tihfai mawlh mawlh lai chuan Pu Rina leh hmeichhe pakhat rawn in zui lut chu ka hmu a, ka en reng laiin a ni chuan min kalpel a, a mit sir pawhin min melh eihlo.




"In nupa in in lo kal thei a ni maw?" tia Nu Rinengi tawng ri chu ka hre pha a, an lam erawh ka hawi hauhlo thung.



"Afer.. Ilo kal lawk hman em?" Nu Rinengi bawk chuan min rawn ko a, ka kal nghal vat. An bula ka din lai chuan a neitu an nih vang nge pawh ka hrelo, ka lungphu a rang lutuk a, ka awm a nuamlo nghal vek thei.





"Heihi Jenniferi chu a nia, vawiin atanga lo thawk, chuan Afer,,, an ni hi restaurant neitu Pu Rina leh a nupui Marini te" tiin min hmelhriattir a, Pu Rina chuan engmah a sawilo, nimin lama kan inhmuh tawh vangte pawh a ni mai thei.





A nupui Marini zawk chuan min chibai a, a hleitlingin a hmeltha bawk si, a fel hmel reuh lutuk.



An kal dawn chuan nui sang hian Marini chuan "Ni hman nuam aw Afer" min ti a, "Nangni pawh le" ka lo ti vat.



An chhuak fel chiah tihah Nu Rinengi chuan ka ban rawn kheuh zeuhin "Hmanni lawka innei ni mah se Marini kha a fel reuh a, a rawn tlangnel thiam khawp mai" a rawn ti sar sar a, ka lo bu nghut ringawt.




Nilengin kan buai a, mawng pawh hung hman manglo khawpin thawk mah ila ka hlim lutuk tho, a hahthlak dan hi nisa do a ngai lo va, a zia lutuk.



Dar 4 ah haw tur in kan inthlak a, "Khawi vengah nge in awm kha?" Mimii chuan min en lemlo hian a ti a, kan veng hming ka sawi hnuah ka number te min dil ve a, ka in kan veng lam ka pan hlawk hlawk a, Bawiha ka ngaihtuah vang a ni pakhat.




In ka thlen chuan ka naua chu TV hmaah a lo thu ran a, ka pa erawh hmuh tur a awm leh tawhlo.



Khaw thim dawn thlengin a la rawn haw lova, ka awm a nuam chiah tawhlo na in han zawn vel erawh ka tum hauhlo thung.



Bawiha lehkha zir ka thutpui laiin ka phone a rawn ri a, number hlang anih avangin chhang lawklo chuan ka en deuh reng a, a ring tawp tep ang tihah ka chhang ta tho.




"Pu Muanpuia chhungte an ni em aw" lehlama atanga an rawn tih rual chuan ka thaw chhuak hak a, "Aw" ka ti ringawt.


"Bawngkawn police station atangin ania, tunah I lo kal nghal thei angem" an tih leh chuan ka kal tur thu hrilhin phone chu ka hmet tawp nghal a, za lo lutuk hian ka nui chhuak hawk.




Hei hi a vawi hnihna ani, police hnen atanga call ka dawn vawi hnihna.

"Apa ka va hruai lawk ang aw, khawiah mah lo chhuak suh" tia ka nau chu hrilhin ka tlanchhuak nghal a, ka kut humruh ngawt ngawt chung chuan station lam chu ka pan hmawk hmawk a, ka thinrim lutuk chu ka puakkeh lo chauh a ni ber!





Ahma khan mi pawisa ruk a tum avangin man a tawk tawh a, khami tuma hrehawm ka tih zia leh ka zahzia kha ka sawifiah thiamlo zawk. Ka pawisa neih ang angin a pawi khawihna te kha ka thupsak a, tun tumah chuan ka thei tawhlo ang.



Pa zu ngawlvei leh rukruk hmang neih reng ai chuan jail ah tang bo law law se a tha daih zawk. Khawpui a ri dur dur reng a, nidang zawng aia khua a lum danah ruah a sur dawn a ni khawp ang.



Station a thlen chuan ka awmzawn dawmin ka thaw chhuak ham ham a, pawi liantham a khawih leh a nih vaih chuan ka sawifel sak tawhlo tak tak ang.




Police duty pakhat chu ka bia a, ka pa hming ka sawi chuan an lo hruai nghal tur thu a sawi a, officer pakhat nen chuan kan ding dun ran mai.



Ka pa an rawn hruai rual chuan nu pakhat hian min lo hnaih rawk rawk a, "A fanu hi i ni em?" nem fahran lo hian a ti a, "Aw" ka tih chuan ngeiawm deuha nui pah hian "I pa hian ka pawisa ruka tum a, miin an lo man hman hlauh anih hi, FIR ka thehlut dawn a ni" min tih khum siah siah a, ka pa chu melhin "A sawi hi a dik em?" ka ti sup a, min chhanglo.



"Pa, a sawi hi a dik em ka tih chu" ka awki chu ka thunun hman hauhlo, station reh ta duk chu ka awki sang ta lutuk vang chu a ni tih hrilh nawn ka ngai hauhlo bawk ang.




Pan hnaiin a awma chum pah chuan "Thil ru tawhlo tur in ka hrilh che kha, keiman ka chawm thei che a, midang thil ruk kher hi chu chinglo tur in ka hrilh che kha" ka ti leh a, ka mittui rawn lum thla pap chu duhlo in ka tuai hul tawk.




"Ru tawh suh a? A hma pawhin a lo ru fo tawh a ni maw?" a tawngkama min deuna ai chuan a nui ri chu rapthlak ka ti daih zawk.



"A tha e, FIR thehlut lo tur a min duh chuan zangnadawmna min pek ngei a ngai ang" a ti leh chiah chu a lam hawiin ka in her a, en reng rneg pawhin a hausa hle tih a hriat reng.


"Engmah pek tur che ka neilo" Ka ti a, "Anih chuan FIR chu ka thehlut anga ni mai alawm" min cho zet hian a ti leh a, bu nghutin "Awle, I thehlut thei ang" ka ti sap.

A mitmenga danglamna awm chu ka hmuh hmaihlo nasa mai, police officer chu lo inrawlhin "FIR a thehluh chuan a reilo berah rukruk thubuaiin thla 3 tal a tan a ngai dawn a, court in pawisa a chawi tur leh bawk ang" a lo ti a, sawi tur ka hre ve tawhlo, engtiang pahwin ti sela, pawisa ka nei miaulo a ni.



"Keiman pawisa chu ka lo pe ang" Mipa aw thum zetina ka hnung lam atanga rawn titu an awm rual chuan ka ding khawng awt a, ka hnungzang za mer mer atang chuan ka bul lawkah a rawn ding tih ka hre thei bawk.



Zawimuangin ka hawi chhuak a, ka mi hmuh chuan min thawng lutuk a, dak arin a mah chu ka en reng ringawt.
Pu Rina hian hetah eng nge a rawn tih le!








CONT....


A hnuai ads hi vawi khat min click sak zeuh la, comment pakhat tal min pe ve bawk rawh aw


Show post links
Top

[Ngaia]

MI PASAL



By Ruati Renthlei

Chapter-3


Ngawi rengin kan veng lam pan chuan min phur haw a, a car chhung boruak chu ka hip kham khawp meuhlo a ni.



Khua a thim tawh a, ruah mal a tla seng seng na in khua erawh a la lum uap churh tho a, station chhungah khan ka hamhaih lutuk avangin ka rilru kha a chawmawlh vek a, mumalin engmah ka sawi ve tawhlo.




Khatianga ka pa tlanna tur pawisa a phawrh lai khan 'a ngailo' chu ti ve bawk mah ila ka thusawi chu hria ang pawhin a awm lo a, pawisa a pek zat chiah kha hrelo mah ila a tam tham hle tih chu ka hria.




Car chu a ti ding dat a, ka pa muthlu pawh a rawn meng zawk mai. Kan in kawtah tak a ding chat chu mak ti viau mah ila a chhan ka zawt ngamlo a, car atanga ka pa a chhuah hnu pawh chuan chhuak ve mai lovin rear view mirror atang chuan ka en reng a, min rawn en ve rual chuan ka hit deuh chhawkin ka hria!




Ka chil ka lem khalh a, "A..englo, ka.. ka lawm e aw" ka dang awk thut chu ka haw hlur mai, a bu nghut a, "Pawisa kha a zat min hrilh la, ka hlawh atang ka rul leh ang che" ka tih chuan "A ngailo" a lo ti sup a, "A ngai alawm, a tam tham bawk sia, ka.. "

"A ngailo ka tih chu, I pa leh nau te kha tha tak in enkawl la a tawk mai, pawisa chu a let ka phut love" vin hauhlo hian alo ti tawk a, ka en reng chu mak a ti deuh nge thle bakin "I haw dawn em?" a lo ti leh a, a nui suk kher chuan ka awm a ti nuamlo!




Engmah sawi tawhlo chuan ka chhuak a, hawi let tawh miahlo in inchhungah chuan ka lut tlang nghal bawk.




Ka thaw chhuak ham ham a, a bula ka awm khan ka zam zia ka hrechhuak uar uar mai, ka sam hnawm deuh chu thutthleng seia towel lo in zar pharh chuan ka hru nawk nawk a, dar 6 a pel thui tawh a, ka naua chu a ril a lo tam tawh ngang a niang, chaw ei dawhkan bawhin a lo thu tum bar a, ka biak pawhin min chhang duhlo.


Chaw ei chu ka siam nghal sawk sawk a, pindan atang ka pa a rawn chhuak ve mek bawk, dawhkan a rawn kil lai chuan ka lo khuh kharh a, a rui chhe lo a, a inthlahrung tih ka hre bawk.




"Nichin ami i thianpa nge i bialpa?" ka chaw bar lai ka chawl dat a, a zawhna awmze neilo lutuk avang chuan ka nui hak ringawt.

"Ka bosa a nih kha, ka hnathawhna restaurant neitu" ka tih chuan mak a ti ve hmel khawp mai.

"Tikhan nangmah vangin zah ka tuar leh a, ka hna atanga min ban anih chuan mawhphurhna la ang che" ka ti fak a, min ban chu ring chiah biklo mah ila tih hlauhthawn ve hi ka duh hrim hrim.



"I khawloh lutuk avang hian i fate hian kan tuar reng mai dawn anih hi, I nundan hi thlak I tumloh chuan zu in hi hnaah nei la, thi vat zawk rawh, I dam reng chung pawh hian pa hmangaihna kan dawng ve chuanglo a, ngawlvei fanu nih reng ai chuan fahrah nih law law kan thlang daih zawk" a ngawih reng avang chuan ka ti leh a, ka vin hauhlo a, a ruichhe lo tih ka hriat avanga sawi ka ni bawk. A ruih lai chuan ka thusawi engpawh a haw em em vek a, mahse harhfima a awm chuan min hlau ve thung. Min hlau han tih ah, min hnial ngailo.



A chaw ei a tuilo ve hrim hrim nge ka thil sawi vang khan a ei tuilo zo pawh ka hrelo, a thleng chu a khamsan thuai a, kam khat mahin kan in be leh tawhlo.




"Apa hi a thih tak tak i phal biklo tiraw au" Bawiha chu ka melh zawk a, engmah sawilo ang maiin a homework chu a ziak mawlh mawlh




A samah tuai zauhin "Phal biklo e" ka ti sep a, naupangte chauh a la ni chung hian ka pa nena kan in hau thawm te a hre ve vek zel a, min sawisa lai te, rapthlak taka kan in hauh laite pawh a mit ngeiin a hmu ve vek thin. A u leh A pa te hi entawn tur ka awm hlawllo a, chuti chung chuan tawngkam thalo leh nungchang mawilo a neih awm ka hre ngailo.





"E ihmaw au, vawiin ah kan school atang Delhi kal tur an thlang a, ka tel ve asin" tih pahin a bag chu a hai rak rak a, a lehkha rawn phawrh chu ka lo ban vat a, ka chhiar zawh rual chuan ka nui chhuak hak mai.



"Delhi a Excursion nei tura an thlanchhuah zingah i tel ve anih hi Bawihte, a van lawmawm" tiin a Sam ah chuan ka tuaisak zauh a, an class ah a thiam thei pawl a ni ve a, an hotute duhsakna a dawng ve anih hi.



"A nuam dawn e tiraw, mahse Ruatkima te chuan i kal ve theilo an min tia" nur deuh nang hian a ti a, "Engatimaw?" ka tih chuan "Pawisa a ngai hnem lutuk, in rethei sia i kalve theilo ang min tia" a ti leh a, ka nghing deuh lawih mai. Ka en reng lai chuan a homework bawk chu a ziah zawm leh a, a lehkha rawn haw chu ka en nawn leh ngat bawk.


Karleh maiah kal a hun dawn a, an mamawh an in leina tur bakah cheng 3000 theuh thawh ve a ngai bawk a, an mak hi ka ti. Hetiang zat em em pawisa thawh a ngaihte chuan kal theilo tur te chu keinni chauh lo pawh an tam ang chu, sorkar atang fund an dawnloh pawhin school pawisa hmang in hei aia tlem deuh hian a tih theih awm tho si a.




"I kal ve dawn alawm, pawisa chu a awm mai ang" tiin ka nau chu ka tawng thlamuan a, a muthilh hnuah ka pa nen choka ah kan la thu dun a, "Pawisa kan neihloh zia hre reng chungin zu i rui reng a, tiangte chuan Bawiha pawh excursion an neihnaah a kal ve thei nang" zawi ang reng tak hian ka ti a, thaw ri suk suk chung hian "Ih e Mambawih, kal ve lo mai rawh se" a tih chuan ka melh hrak a, a ruilo tih ka hria, a nuilo a, a uang hauhlo bawk ang.




Amah bawk chuan "Tun thla ka hlawh leh thla leh ami tur ka la lawk a" a ti chiah chu ka thutna atang ka tho hluai a, "Engmaw i sawi kha?" ka ti vak chu ka banrekah lo manin min pawt thu leh, "Lalnguri'n min thing reng a, ka dil ngamlo che in hlawh ka la lawk tawp alawm" a ti a, min vawnna chu phih thla hlawkin zo lo fahran hian ka nui chhuak hawk.



"I va han rapthlak tak" sehchilh zet hian ka ti a, a awmdan avanga ka thinrim lutuk chu ka puakkeh lo chauh a ni ber mai.




"Hrilh che ka tum reng a" a tih lai chuan "Ngawi teh" ka lo ti hlar a, thawk la hawk pahin pindanah a lut ta daih bawk.




Tunah kan eichawp tawk tawk ka thawk chhuak ve a, ka pa lahin la lut hauhlo in a hmangral char char a, thla a tawp tep a, Bawiha school fees bakah a excursion kalna tur a ngai bawk anga..
Thaw hakin ka hui pap a, keini ang tan chuan a harsa lutuk tih hre mah ila ka nau chance tha lutuk hi bawhpelh tir ka phal bik der bawk silo.





Ka hlawh tur lak lawk han dil ngawt dawn ila thawk tir chauh ka nih bakah Pu Rina pawisa ba Tu zawk ka la ni lehnghal a, aw.. Kha pawisa kha chu pek let leh dan ka ngaihtuah khawp ang.

Urghhh ka nau chu kal tir ve dan ka ngaihtuah dawn a ni!



"Awi awi Afi, in thenawmpa nupui ruk saw I hre ve tawh em?" kawngka biang dawmin Bawihbawihi chu a rawn nui thaw a, a hah hmel lutuk ringawt, thlan fim a ngah avangin a hnar leh hnapthleng te chu an bawl leh tiam tiam tawh a, "Tu In maw?" ka lo tih chuan a Sam hui thuak pahin "U Chhuahpuia" ati hap a, a va han awihawmloh tak.




"Ka awihlo e a" ka tih chuan rawn lutin thutthleng seiah a rawn mu dar dar a,, "Va en la, a ni chiang emai, a nupui lah kha a la naupang hmel sia, an inkawtah ka hmu vek alawm, a hnar a bawng nasa mai, a vun kha ngo viau mah se ka awtlo" a ti zat zat a, a in ti hre viau na in U Chhuahpuia berkher chuan a neih ka va ringlo e aw..



Kan in hnial kan in hnial lai chuan Nu Siami a rawn lang hlawl a, zawhna mitmenga ka lo en chua hrethiam a ni khawp ang, "Ekhai Afer, kan tlangvalin nupui a rawn hawn ve ngawt pek a nih saw, Lalnguri fanu an ti leh nghal a, ka thin a tirim lutuk" tihpahin fridge a tui vawt chu a la chhuak a, hal hmel zet hian a in zui khawlh khawlh.





"Nia hei, Bawihbawihi hian a lo sawi zuai tawh a, ka lo awihlo vel a" tih paha ka thiannu ka melh zawk chu a lo nui keh hui mai.


Nu Siami lungawilo chu awm ka tihpui reng, nupui nei tur in kan han nawr kan han nawr tak naa, a neih berkher hi a zu inna nu fanu a nia, U Chhuahpuia ang a rawn zui haw duh a nih chuan a ropui vak bikin ka ringlo.



U Chhuahpuia chu aw, nupui neih ka la peihlo a tihna kha a la reiloh nen, Nu Nguri fanu phei chu neih a tum lo nasa ve sia, a ni pui hi a ruiphur hian a rawn hruai haw ve ringawt em mawni le....





Bawihbawihi haw rualin Nu Siami chu ka zui phei ve a, U Chhuahpuia chu ka hmu lo na in thutthlenga hmeichhia lo thu chu ka hmu a, a kun deuh tlat a, a hmel pawh ka hmu chiang theilo.




Nu Siami nuta Pu Saia bulah chuan ka thu a, min lo be ve luam na in ka pa chungchang an sawi chhuah hi chuan ka sawi zawm peuh ngailo.





Kan U Chhuahpuia chu pindan atang a rawn chhuak a, rim a rawn keng na leh pek e, mahse Zu rim ni lo in thil dang rim zawk a ni ve thung a.


A landan chuan a nupui ruk avanga kan thinrimna a tibo vek thei dawn alawm mawle, "Ehe U Chhuahpui, engnge i va inhnawih a?" nui tha hian ka lo ti a, "Powder" tih zawnga min chhangin a nupui ruk bulah chuan a thu a, ka inrin hma in ka nui chhuak hak mai.





"Awi awi Vanlalchhuahpui leh! I va han zahpuiawm zozai tak, khatiangte chuan i nupui rawn hawn pawh hian a haw San leh daih duh ang che chu, I paw lulai lutuk" a nu chuan alo ti hlar a, "I hmai a mawm lutuk a tih vang alawm ka va in hnawih le" a tih laia hmeichhia ina lo kheuh zeuh chu ka hmu hman reng. Ka nuih an va tiza reuh tak.
An innei ve dawn tak tak anih chuan U Chhuahpuia hi a zu in hian a ti â ve hui tawh si a, sawi hreh a nei bawk silo, a nupui hi chu a la zak ve chem chem zel ang ka ring.





An chhung hnaivai deuhte an rawn luhkhawm tak avangin ka haw San a, haw kawngah pawh ka la ngaihtuah ve neuh neuh tho, inrinni chhun ah nupui a rawn ru hmak mai ania, zan chu an nghak hmanlo a ni phawt anga, U Chhuahpuia hi chu a sial ve e.




Ka pa a lengbo leh tawh a, a thawhna school atang a vawi hnih nan lehkha ka dawng leh tawh, a hna a tlinlo an ti a, a ruih sual laiin school ah buaina siam a ching bawk si, a thleng nawn leh anih chuan a hna hi a chan tawh mai thei a ni, private school a nia, peon hna mai mai te chu thawk duh tur midang fel tak tak an awm teuh ang.



Tha deuhin ka hrilh ve thin a, a hna a chan anih chuan a mawh liau liau a ni ve mai.




*Ka lo leng reng sia, hna I kal loh chhan ka zawt lo reng reng che* Bawihbawihi message ka hmuh chuan ka nui hak a, *Dawr kan khar* ka ti ringawt chu a duhkhawp leh pek lo aniang *Tinge?* a rawn ti leh hram a, *Kan khar ve tawp* tih zawng ka thawn leh, chhan dang vak a awm miau lo a ni.





Bawiha leng a rawn haw hma in ei rawng ka bawl zo hman a, mahni ngawta awm hi chuan a khawharthlak ve thin.




Ka naua excursion vangin rilru nuamin ka la awm theilo a, pawisa lah chu kan eikhawp leina tur bak engmah ka khawl bawk silo. Hlawh advace in han dil ngawt dawn ila ni thei ngangin ka hre bawk silo a, sum hmuhan tur dang ka ngaihtuah ngei ngei a ngai a ni tawp.





Ka rilru hah ve na te han sawi chhuahna tur ka nei ngailo a, chumi tur chuan tumah ka ring zolo bawk. Thurawn min pe tu tur nu ka neilo a, ka pa lah pa azawnga laktlakloh ber a ni leh zel a. Nu Siami leh Bawihbawihi te hi thil ka hrilh ve ber te an ni a, mahse an ni pawhina an hriatloh thil hi a tam lutuk.





"'Ka thiani lên' an tih hi i hre ve tawh em? Tunlai chu an lar zual tawp, officer hausa pui pui hian an dawr thin an tia, an nupui te hi an khawngaihthlak e" kan thenawm tleirawl Mercy chuan chaw thing rawn lak pah hian a ti deuh sar sar a, vawk an ngah avangin vengchhung chaw nawi hi chu an khawn khawm vek zel a ni ber.

A thil sawi awmzia chu hrelo tur khawpa â ka nilo a, a nui var var na in ka nuih a za ve vaklo.




" 'Ka thiani lên' han tih kher" ka lo tih chuan "Aw tunlai call girl te chu an in bestie kual vel vel alawm, thian vek an ni mai" a lo ti leh mai a, "I van hre ve a" tia ka fiam zauh chu ka bulah rawn thu hnaiin "Tumah hrilh lo la, ka thiannu hian hmelhriat a nei alawm, ig ah enchhin rawh" tiin a user name te chu min hrilh a, "A chhiatloh nen nen call girl a ni kher a" a tih zawm leh zat bawk.




A haw hnu chuan ig ah ka zawng ta ngei a, engnge ka hriat pawh ka hrelo, ka va be ve rawih a, min lo be tha phian leh nghal. Kan in be zel a, sum lama ka harsat avanga min pui tura ka dil lai chuan ka ngaihtuah naah eng nge awm min zawt ta se chhan ngaihna ka hre hauhlo ang!
Ka nau tan sum tam tham tak ka mamawh a, chumi tur chuan engmah tih hreh ka neilo bawk!


Phone chu thutthlengah theh thla in ka thaw chhuak hak a, engthil teh hrep nge ka tih pawh ka hrelo.
Harsa tak in tun hun hi ka thleng a, ka dinhmun vang hian Pathian ka dem hle bawk, aw.. Pathiana in nghat nun ang kha ka nei velo, ka dam khawchhuah theih nan ka tawngtai ngai tawhlo a, keimah hi ka in dah pawimawh ber tawp, 'Pathian duhloh zawng' tihah ka buai ve peih tawhlo a, an sawi ve ziah Pathian hian keichu min ensan daih tawh bawk alawm.





Khua a thim a, ka pa chu a leng chhuaklo ve teh mial, Bawiha pawh home work a tih zawhah a mu nghal a, Pindanah ka insiam mawlh mawlh thung. Thuamhnaw dangdai deuh han hak tur ka neilo a, make up ka hmang ve ngailo bawk a, ka landan ang ang hian ka in pawm a ngai.




Dar 7 a pel thui deuh tawh a, ig a ka biak nu Mabiaki sawina veng lam pan chuan ke in ka kal a, ka thil tih tum vanga ka kaihza tha khur dar dar reng chu tihreh tumin ka khawngkhawbai leh auh thin tak naa, awmzia a awm tamlo. Ka kal hah vang ni hauhlo in ka lungphu su dup dup reng chuan min ti hah zo vek tawh bawk.




Inhmuhna tur hmun a sawi ka thlen chuan Mabiaki ka call a, a chhang har lutuk chu ka mangang hman lek lek.



"Hello" A rawn tih rual chuna "Ka thleng tawh" Ka lo ti vat a, a lo kal tur thu sawiin a off nghal daih bawk.




Midangin min lo hmuh ka hlauh avangin a thim lai chu ka la chuh hram hram tho. Mabiaki chu a rawn lang thuai a, a thuamhnaw hak vang chuan ka lo ding khawng awt mai.

"I kawr chu" a rawn ti chiah reng a, hna in ang thawk tur rau rau ah kan in thuam dan chu a in perhsan lulai bawk em a ni.




Keiin kekawr tluan leh tshirt ka hak laiin a ni chuan kawrfual, fual han tihah a khup chung fe ah a tlang a awm, a sexy thei ang ber tur in a senduk bawk a, a bah pawh sin te ani.




"Dar 8 a la ri dawnlo deuh, lo kal rawh in thlak ang che" tih pahin a lo chhohna stepah chuan min kai thla dat dat a, pindan pakhata min luhpuiin bag atang thuamhnaw a rawn phawrh a, ka hna nena inmil thuamhnaw chu ka hak ve angai alawm tia in hrilh chawpin ka inbel nghal sawk sawk, a chhing a, taksa lang thui ka hak ngailoh avangin ka khawr deuh naa, tih luih ve ka tum tlat tho.



A phone rawn ri ral ral chu chhang vatin "Aw kan lo kal e, min lo nghak lawk rawh" tiin a hmet tawp lehnghal a, a duh ang tawka min thlek kual hnuah "I kawm tur hi mithar ve tho a nia, a hmasa ber veve in ni dawn tihna anih chu, hmeichhia zawk mah ni la I zahtheihloh hle a ngai dawn ania aw, I chet that leh i hlawh tha a ni mai" a ti mawlh mawlh a, kan point a kan let leh hnu chuan car pakhat hi a lo ding van tawh a, ka zam thar leh hle tawh mai.





Glass chu a down a, Mabiaki chuan min rawn kheuh zeuhin "Lut la, kalna tur chu aman a hre vek ang, ka rawn be dawn che nia" a ti sap a, bu nghutin car kawngkhar chu ka hawng a, ka thut luh rual chuan boruak a uap nghal churh mai.



"Nang?" mipa aw thum zet ka hriat rual chuan ka hawichhuak vat a, "Ka... Nang maw?" ka dang a ro nghal huam huam mai.


Engatinge Rinsangzuala kher hi a nih thin a? Chupawh mi pasal!






CONT...


Show post links
Top

[Ngaia]

MI PASAL
Warning kan dah a, ngialngan taka kan ziak anih pawhin min hrethiam a niang chu(ngialngan ka tih hi ho in lo ti viau thei tho bawk a)


Chapter-4

By Ruati Renthlei




Ngawi rengin hmalam chu a en ngur a, a hmelah chuan nelawmna pakhatmah hmuh tur a awm lo.
"Khawiah nge kan awm?" tia ka zawh pawhin ka thil sawi chu hria angin a awmlo a, bawisei loh lutuk in ka inhmu a, kan in hmuhna hmun leh hunin a zirlo nasa bawk si.



"Pu Rin?" Tim daia ka tih leh chuan rum nghutin steering chu a chum pawp a, ka lo te that.



Min rawn en a, na zeta ami melhna chu rei pawh en ngamlo in ka hawisawn thuai a, ka kun deuh ngar a, "Hetiang hna tenawm thawk tur hian ka ring hauhlo che" sawi zawi viau mah se a thil sawi chu hrilh nawn ka ngailo nasa!



Car chhung chu a reh tlawk tlawk a, mahse engatinge hetianga kan awm?
Hawi chhuakin a mitah tak chuan ka en a, "Nangpawh nupui nei reng chungin... "
Sawi zo ta lo chuan ka nui hul hak a, mipa zahawm tak emaw ka lo ti thin kha ania, tenawm!




Ngawi ngul in a thaw chhuak hawk hawk reng a, A khabe ruh pawng tawlh tawlh atang chuan a in sehruh nasa hle tih a hriat.


"Ka.. Kan tihtur chu ti vat ang" ka thil sawi vanga a rawn hawi vut chu boruak danglam ta thut vang chuan ka hre thei a, mitchhingin ka thaw chhuak hak.



"Hei hi chu kan mimal thil a nia, mimal tak in chingfel ang" ka ti leh sep chu "Lalrinnung" r rawn ti hrawk a, ka en ve ta nge nge.




A mit a sen ram a, A tir khan ka lo chik lemlo na in a rui deuh niin ka hria!


Ka inrin hma in min rawn hnaihchilh ruak a, hnai zetah min en in "Hetiang mi hi i nih ka ring ngailo" a ti sup.



Thian kan nilo a, ka dinhmunin a zirlo bawk nen insawifiah vak ka tum lo. Kan mimal thil liau liau a ni a, keiin pawisa ka mamawh laiin a ni in hmeichhia, pawmlai nei a ni a, urghhh nupui nei reng chungin hetiang thil hi a ti duh ang tih ka ring bik reng renglo.





"Ka sawi chu, kan tihtur chu ti vat ila, haw leh vat ka ngai" amah pawh en lovin sir lam ka hawi tlat a, thaw chhuak hrawkin driver seatah bawk chuan a let thla leh hnawk.




"Nangnen hian engmah kan ti dun dawnlo" A tih chuan phawk angreng tak hian ka melh a, hmalam ngawt a en leh tawh.




"Keimah min hmuh tak avanga inthiamloh viau kha a ngailo, tumah hi kan diklo a, kan tihtur chu ti vat zawk teh ang" ka ti leh talh a, pawisa hlawh chhuak tur in ka kal a, a lo thlawn ngawt chuan ka kir duhlo!




A nui chhuak hawk a, ka mitah tak min rawn en in "Chu,,, mipa i mamawh na chu a sang viau tawh a niang maw?" min tih khum a nih chu! A thil sawi vang chuan ka nghing lawih mai.




"Engtinmaw?" ka aw chu a ri chhuak chang chang chauh, a nui a, mahse a hmelah chuan a nuih a za thlawtlo tih a hriat vek.


Car atang chuan a chhuak vut a, ka thut dan ngaia thu reng chung chuan motor hmalam a kal hual lai chu ka lo en reng.



Ka thutna lam kawngkhar chu rawn hawngin chhuak tura min tih nan a lu a thle bak a, ka chhuah ruala kawngkhar chu nam phui dawtin "Min rawn zui rawh" a ti nghut a, in lianpui lo awmna lam pan chuan a pen zui pawk pawk.




Ka pheikhawk sang bun vang chuan ka kal chak theilo a, ka kawrfual hak chhing angreng tak chu a tlang ka pawt chhen bawk.


Inchhung kan luh chuan a lo reh thiap a, a lianin a zau a, a awmna lah chu a fal bawk si, inchung chhohna kailawna a chhoh laite chuan kam khat mahin min belo a, ngawi rengin a hnungah chuan ka zui ve tawp.




Pindan pakhatah a lut a, hmeichhe nasa tak ang ah min ngai tawh tho tho, ka hna hi tlin taka ka thawh a ngai!



Khumah chuan ka thu thla ve a, side table a wine bottle lo in hung chu ka ban nghal zat bawk.
Ka seh hawng a, no a awmloh avangin a bottle chuan ka in a, tam ka in hmain min rawn chhuhsak vat tho.


"Engthil nge I tih?" tia min vinna nelawm loh zette chuan min ti hlau pha tawhlo.

Vawi khatmah wine lam chi hi ka la in ngailo a, mahse kan awm dan hian a zirlo em a, ka in lai khan keimahah danglamna pakhatmah a awmlo reng reng.


"Bul tan tawp a harsa a, tlem in phawt ang" ka ti sep a, min chhang lovin bottle chu dawhkanah a dah leh a, Khumah chuan min bawhtlu nghal rawk!



Hnai zeta kan in en leh tak ah chuan ka zam chhe leh hle tawh a, a bula ka awm changa boruak hip tur tlen ta lutuk thin hi a chhan ka hre hauhlo bawk.




Ka hmui bul deuh chu a rawn fawp a, mit ka lo chhing vak ringawt. Hetiang thil hi ka tih ka in ring phak ngailo a, mipa hrim hrim ka hnaih ngailoh avangin inngaihzawnnaah chuan ka ropui lo viau bawk ang.



Ka nghawng chu a fawp kual dan dan a, keichuan thawk lak ngaihna ka hre ve tawhlo.

Ka kawr bah sin te chu ka darah a hui liam a, ka kawng achin chunglam chu ka inrin hma in a ruak nghal huai mai.



"Hrep che hian" ti hluk ri avang chuan ka mengchhuak kawk a, ka chung atanga in la hrang hlawkin a kutphah hlai hlup chuan a hmai a hup zui thawk.



Ka bra chhanah ka hnute chu ka khuh ve tai a, a zahthlak tawh sa nen hetianga in luling kual vel hi a ngai kher em mawni..!




"Hetiang hmeichhia hi i nih ka ring ngailo Jennifer" min rawn en in a hmai chu a tuai leh puat a, ka thaw chhuak ham ham ringawt.



"Nangpawh ka ringlo che" ka ti let ve sap chu a mitmeng a danglam nghal zawk a, mahse a reilo, a ngawi ngul a, min en run bawk si chu keimah bawk chuan "Tumah han in deu thei kan awmin ka hrelo, I duh chu ti la, kan pahnih inkar anih angin kan sawi chhuaklo ve ve anih chuan tuman an hrelo ang" ka ti leh a, ka va han ngam piap piap ve mawle...




A nui ro hawk a, engmah sawi lovin dawhkana wine bottle chu la in a in zui khawlh khawlh. A kamiz kilhna chu ngawi rengina phel mual mual a, hlau anga awm ka duhloh avangin che sawn miahlo in amah chu ka lo en ve ngar bawk a.






Ka biang chu chul kual riak riakin ka beng bulah "Ka chik thin che Jennifer" a rawn ti sup a, thil dang ka sawi ve hma in a hmui chuan ka hmui a rawn kharchilh zui hmiah bawk!




Duhthawh zeta ami fawhna chu ka theih ang tawka lo dawnsawn ve ka tum a, mahse ka zeilo em a, a harsa lutuk.




A lei sa ham ham chuan ka ka chhung chu a hawl kual nawk nawk a, nghet lehzual mit ka chhin rual chuan ka bekah mittui a rawn luang a, ka duhthlanna ngeiin hetiang thil hi ti mah ila pawngsual ang mai ah ka in ngai, a rapthlak lutuk!





Ka bra a phelh lai te chuan ka lo ip chawih chawih a, a ruih deuh tawh vang nge ani chuan engmah a sawi tawhlo, ka hmuia la fawp reng chung chuan ka hnute chu a tham tawn tawn a, a hmui chu sawn thla zelin ka hnute hmur in a ka chhung sa ham ham a feel rual chuan ka rum chhuak hak!




Thawm ka siam tak avang chuan a phur sawt nge pawh ka hrelo, ka kawrfual chu dimna tel hauhlo in a pawtthla tawk a, ka panty chhanah ka hmeichhiatna chu a nuai zui nawk nawk bawk.



A taksa lum vung vung leh a mi khawihna te chuan keimahah danglamna a siam thuai a, ka thawklak mumallo zet chu hlauh leh zam vang a ni tawhlo tih ka hrechiang lutuk.




A chetdan chu tawp thutin a in la hrang hlek a, a savun kawnghren chu phelhin a kekawr chu a pawtthla zui a, a trunk chhana a mipatna rawn puar luah ka hmuh chuan ka mutna bedsheet chu ka tham khawm vak a, chutah ka chungah bawk a rawn bawk leh a, zauthau taka min awm tir a tum tih hriat zet hian ka nghawng fawh kual pahin ka panty chhungah chuan a kut a zen lut a, ka lo ip chawih chu a hrethiam A ni khawp ang,
"Hahdam rawh" tiin ka beng bulah a rawn phun sup a, a kut a lakchhuah hnuah a mipatna bawk chuan a rawn nawr leh a, ka tum vang ni hauhlo in thawm ka chhuah leh hak thin!


Ruak ngal ngatin ka awm tawh a, a trunk a phelh ve rual chuan mit ka lo chhing daih thung. Ka kut pahnih chu man kawpin khum lu lamah min nawr beh sak a, a mipatna khawng kawh luah tawh chu a hna thawh tir mai lovin ka taksa ah a zut kual tir ruai a, ka lungphu rang leh ka thawklak mumallo zet chu a hlimpui hle ni ta berin ka hria.





Muangchangin ka chhungah chuan a nawr lut a, thawm chhuahloh tum chu thil theihloh tawp a ni!




Ka mittui a luang a, ka tahchhuah hlau zetin ka hmui hnuai chu ka seh fan fan bawk.



"I la virgin maw?"
Tisa châkna avanga a aw khur hlak chu ka ten takzet!




Ka chhang lova, ka chhunga la awm reng chung chuam ka taksa chungah a rawn bawk a, "Jennifer?" thawp supa a tih leh tak ah chuan ka mengchhuak riai riai a, ka mittui vangin ka hmel pawh chu a hmu phe ruai mai.




Thei leh theilo hian ka bu nghat a, "GOD!" a nui chhuak hawk a nih chu!!




Dam deuh zawk hian ka hmuiah a rawn fawo leh a, "A hmasa ber ka nih chu" tia nui sukin ka chhung ami chu a ti che a, a nat em avanga ka lo rum hak chu a hrethiam a ni khawp ang, "A na rei dawnlo" a lo ti sup a, a chet zawm leh a, a duh thawh tial tial a, a na chu theihnghilha a nawmna han pawh ngial ka tum tak na in ka thei hlawllo a ni ber.
Ka na chu hrethiam duh hauh lovin a duh angin a chet zawm char char tho a, nautelem, duhtawka chema an vih sawk sawk nen hian ka in tehkhin ber mai!






****





Ka taksa na ngut ngut vang chuan ka then tlawk tlawk a, mit ka men rualin thil thleng zawng zawng kha ka hrechhuak nghal bawk!




Ka puansin chu keuin ka taksa chu ka en a, thuamhnaw pakhatmah ka inbello tih ka hmuh chuan ka thaw chhuak hak. Tukverh parda sir atang chuan nizung a rawn lut tawh a, dawhkana ka bag chu la in ka phone ka phawrh chhuak nghal a, dar zat ka en chuan zinglam dar 6 chiah!

Mabiaki ka call a, ka thuamhnaw chu phurlo zetin ka inbel pah bawk, khua a var tawh a, hak tur dang ka ka neih miau loh avangin ka hak leh mai a ngai dawn anih hi,Mabiaki chu vawi 3 lai ka call nawn a, ka biak tum berin ka call a chhang thei lawklo chu ka thinrim pui hlur mai.


Kawngkhar ri khep vang chuan ka hawi let dawr a, Rinsangzuala ka hmu chu ka hamhaih letling zawk.



Inbual zo hlim tih hriat zet hian a Sam chu a hnawm chap a, kawr a ha lo a, towel var thianghlim zet a veng bawk.


"Ka.. I kal tawh emaw ka tia" ka ti sep a, "Ka in anih hi" a lo tih chuan ka meng phawk leh hle tawh.



"Hei hi ha la, ka hruai haw ang che" ti lehin sofa chunga thuamhnaw ni awm tak chu a rawn vawm phei a, nizan thil thleng kha hria angina awm lo reng reng!



"Englo.. Engzat nge min pek ang" a chhuak tur chu ka thil sawi vang chuan a ding leh dat a, rawn hawi letin chik zeta min en hnu ah "I mamawh zat" a ti tawi tak a, ka ngaihbel nge ka hrelo na in, nuam a ti bik chiahlo niin ka hria.







CONT...
Ka taksa chakloh vangin type ka harsat deuh a, zanin chu a tawi viau mai, min hrethiam ru aw..


Show post links
Top

[Ngaia]

A hmasa in ka dah hun tura ka sawi nizanah khan mimal harsatna vangin ka dah thei ta lova, zanin ka dah hun lo zawkah ka rawn dah ta mai e aw,, mihring theuh², I in hrethiam tawn leh thin ang u
MI PASAL



Chapter-5

By Ruati Renthlei




"Thil thleng kha theihnghilh la, ti nawn tawh bawk suh" thu pe aw zeta tih pahin ka malchungah pawisa a rawn theh thla a, a zat a sawi leh pek tawhlo, mahse sing chuang fe chu a nih ka ring!




"Mihringte hian chhan awm lovin engthil mah kan ti ngailo" pawisa la pah chuan ka ti sep a, "A dik" ti nghutin a thaw chhuak hawk a,engmah a sawi tawh bikloh avangin car atang chuan ka chhuak a, a tlanliam lai chu hawi let meuhin ka thlir zui leh ta tho.




A car rawng sen da lam tawh chu a eng emaw mawi phian a, a hma zawng chuan a dum a khalh thin tih ka hriatchhuah rual chuan ka ner sak. A hnathawh dawn leh hmeichhia a dawr dawn chuan a hran daih a keng a, a fing ve hle mai.




Inchhunga ka pen luh rual deuh thaw in remote a rawn thlawk phei a, ka chalah tak a vawm fu bawk nen ka then tlak tlak mai.




"Nizanah khawiah nge I kal Lalrinnung" thei leh thei lo hian min vau leh khur khur tawh a, chhan pawh chhang peihlo in pindan ah ka lut tlang a, ka naua chu kaitho in inbual tur in bathroom lamah ka luh san a, thil thlengte kha ngaihtuah loh tum mah ila a theihloh.




Ka taksaa danglamna awm chu ka hre thei a, hmeichhe thianghlimlo ka nihna chuan midang aia hrang ta riau ah min in ngaih tir ka ti dawn nge, ka in ten a, awmzia a awm tawhlo tih hre reng mah ila rilru nuamin ka awm thei chuanglo.



Mipa dang tam tak zingah ngatinge maw Rinsangzuala kher kha a nih le..

Ka thiltih avanga ka in thiamloh sa tehreng nen, ka hnathawhna neitu pa a ni kher a, in hmu zui tawh miah dawn lo ila chuan zia te pawh a zia deuh anga, chuta karah mi pasal a ni leh zel a, thaw hakin ka hmai ka tuai puak a, engmah pawisak neilo ang hian khawsa vel mai mai tawh ila anih ber hi!




"Tinge I inkhawm loh a? Message I seen thei bawk silo, awi Upa Chhuana'n zirlai a khaikhawm a, ka hne zia chu" Bawihbawihi inkhawm bang chuan a rawn ti lut leh bawrh bawrh tawh a, "Chuvang ania ka inkhawm peihloh" ka lo tih chuan a ner nasa ngang mai.



"Taktakin, I nuamlo deuh nge, sunday school tal I inkhawmloh chuan ngaih a thalo ania" a ti leh a, "Ka peihlo ve hrim hrim" min zawt nawn ang tih hlau deuh hian ka ti hlak a, min zawt nawn ta bik em love.




"Bawiha excursion kalna tur vel chu I buaipui tawh em?" a tih chuan "Buaipui e, pawisa pawh a awm mai ang" ka lo ti vat a, "A that hlauh chu, chance tha lutuk ania, kal ve ngei ngri rawh se" a tih leh chuan "Pawisa thawh tur zat in tuk hnem leh lutuk a" ka lo ti let erh a, "Ka thulo ve e" tih bak sawi tur a hre biklo.




Hun a liam ve zel a, Bawiha te excursion kal ni tur pawh kan thleng ve der mai, fel deuha awm tur in kan in chah ve mawlh mawlh reng a, kar hnih lai an cham dawn a, Bawihbawihi a kal ve dawn avangin a kutah ka dah deuh tawp mai.




"I phone a ri" pindana ka awm laiin ka pa chuan a rawn ti lung lung a, nizan a chhuahloh avangin tukin chu a ruilo ve tlat a, a aw pawh a zangkhai vah mai.




Khuma ka bag chu la in ka chhuak a, ka phone ka lek kan ruala Mabiaki hming ka hmuh chuan ka lungphu a ti diklo nghal vek thei alawm mawle..




Kha thil thlen hnu khan vawi tam biak ka tum a, Mahse vawi khat pawh ka call a pic duhlo a nih kha.


Ka pa'n a hriat hlau in 'ka kal dawn' tih leh chhuah ka rual a, a ring tawp dawn tepah ka la hman chauh nghe nghe.




"Hello Jennifer, ka phone a bo a, ka rawn be ve leh thei chiah che anih hi" lehlam atang chuan a rawn ti lang lang a, "Chuan?" ka lo ti deuh nghat.




Diktak chuan in be tawh miahlo mah ila pawi ka tilo zawk a, ka thil tih ang kha tih nawn leh tumna ka neilo a, chuvangin in hmelhriat anga awm vak pawh tul ka ti tawh lemlo a ni.




"Zanin i hman dawn em?" a rawn ti ta chiah reng a, za lo deuh hian ka nui a, "Hman lo ang, hmanni zan kha ka duh tawk mai, tih nawn leh pawh ka tum tawhlo" ka ti deuh fak a, kawngah ka kal pah bawk nen nem taka han tawng tur in ka awmdan in a zirlo ve hrim hrim bawk.




"Ngatinge? Hmanni zan ami khan i duh khawp a pe lo che em ni? A buaithlak e, tiang chi hi an awm ve a, an uikawm viau te chuan insum ve hle hle mai tur a nia" lehlam atang chuan a rawn ti leh nghal zat zat a, ka lo nui tawp.




"Chulam a ni lo, pawisa chu min pe teuh alawm, ka sawi awmzia zawk chu tiang hna thawh hi ka duh tawhlo" ka ti a, ka sawi zawng ringawt pawhin ka hah vek thei tak ngial dawn!




"Chutiang ngawta bansan theih a ni biklo asin" a tih chuan ka kallai chawl meuhin "Engmaw?" ka ti a, "Aw, duh duh huna rawn tel a, duh duh huna ban leh theih chi a ni lo" a rawn ti leh chiah phei chu ka kut ka hum ruh ngawt ngawt tawp.





Ka piaha car rawn ding chu ka melh zawk a, Rinsangzuala hmel ka hmu chiah phei chu ka chiai zual vek a tih theih ang.





"Min lo be tawh suh" tiin phone chu ka dah a, car chhung atang chuan "Dawr thlen hma in minute 5 I la nei" a rawn ti sup, huhh ngeiawm hian.




Min sawm hun pawh nghak lovin a car chhungah chuan ka thu lut ve ngawt a, a mit menga mak tihna te chu ka hmulo der ve tlat.




"I kal hmel tho bawk a, min phur ve mai rawh, ka tlai chuan i thinrim zawk palh ang" tiin ka in tawng khalh a, tawi tea a nui chu ka mit sir in ka hmu reng.





Kan pahnih inkara khatiang thil a thlen hnu khan ni thum lai a liam tawh a, mahse tun hi ka vawi khat hmuh lehna chiah a ni.



Zak anga a lan duhloh avangin ka in thlahrung duh biklo a, pawmlai nei mahin khatiang thil a ti duh anih chuan a thalai zawk chu min dem thei a ni lo hrim hrim tih ka hre bawk.





Restaurant kawtah chuan ding mai lovin inhnuai garage ah a tlan tlang a, "Ding ve mai la" nur nanga ka tihte chuan a lo kiai suk duh lek a, tunah tak hi chuan ka hnathawhna neitu a ni tih a hriatloh reng reng.




Car atang chuan chhuakin hmanhmawh deuhin ka tlan let a, Mimii pawh a lo thleng ve chiah. Nu Rinengi'n min lo be leh nghal sawk sawk a, a awm hi chuan khua a har theilo.




"Tak in, kan hlawh a pung dawn asin" ka ban rawn kheuh zeuhin Mimii chu a rawn phun sap a, "Tak tak ami?" ka lo tih chuan bu nghatin "Pu Rinhmelthaa'n a sawi alawm, nimin i haw hnu khan a lo kal a, 20% in a pung vek dawn a ti, a nuam e a hrehawm" a ti a, a phi sek ni berin ka hria.




Kawngkhar atanga a rawn lut lai chu ka lo en reng a, min hria angin a awm leh pek tawhlo, nui sangin phone a hmang a, Mimii bawk chuan "I hmu em? Tunlai chu a mood a fuh hmel tawp, an nu nen an in ti tha deuh aniang" tiin a nui zui kar kar a, ka nuih pawh a za ve lo.
An hriat loh hian kan inkarah thil tam tak a thleng a, a nupui sawi rik vak hi nuam ka ti ve tawhlo.




Nidang ang bawkin kan lun leh viau a, han en mai pawha hausa vak biklo tih hriat taktakte pawhin min rawn pan ve fo mai, an duhthlanna a nia, ka sawisel chuanglo.



"20% in hlawh a pung a, in thawk hah bawk a, a lawmawm" kitchen lamah Mimii Pu Rinhmelthaa chu a rawn kal a, min rawn melh rual chuan ka hawisawn vat.



"Nia, a lawmawm tak tak, ti daih ila, tunlai hian Marini i va rawn hruai khat ve, a zin em ni?" Nu Rinengi chuan a lo ti a, min la en reng tih ka hriat avangin chhuanlam siamin ka chhuahsan ta hlawm.





Motor horn ri tuar avang chuan ka kallai ka buai phah nak a, "Lo lut teh" ti suptu chu ngawi rengin ka lo en.




Zan khat lek kan mut dun avang khan a duh duh dana min ti kual vel theih a in ring em mawni le...



"Jennifer?"
Ka la lut duh chuanglo a, thaw hawkin "I rawn luh hma chu ka ding dawn ania, reilo te ah a jam thuai ang" a ti leh a, a ngeiawm thei si, hnehna chang in tih hmel fe hian kin nui suk kher leh nghal.




Ka hawi kual thuak hnuah ka lut ve leh ta nge nge a,kan veng lamah muangchangin min tlanpui a, "Zan khat lek thil thleng vang khan hetianga i awm hi a ngailo ania, engnge i rilru ah awm ka hrelo a, mahse i hnuaia hnathawk ka nihna bak kan inkarah engmah dang awm suh se" ka ti sap sap a, "Marini vangin inthiamlo suh" a lo ti daih thung.



Ka melh vat a, hmalam en ngur chung chuan "Ka nupui vanga hrehawm i tih ka duh lo, hahdam ang che" a ti leh a, "Hetiangah tunge rilru nuama awm thei bik ang" ka tih chuan "Keimah" a lo ti nghut!
Min rawn melh zawkin a hawisawn leh nghal a, "A pasal zawk pawh ka hahdam theih chuan nangpawh hahdam rawh" a ti leh a, ka phone a rawn rik tak avangin ka chhang tawhlo. Mabiaki hming ka hmuh rual chuan ka piaha mi bawk chu ka melh leh zawk a, a mithmul lo kan akin "Chhang rawh" a ti sup.




"A pawimawhlo" tih pahin ka off a, an duh duh dana min tih kawi an tum vaih chuan ka ngaihdan a ni bik miahlo ang mawle.



Kan in kawtah chuan a ding dat a, "In zuar tawh suh ka tih kha i hria em?" a tih chuan car atanga chhuah ka tum tawh chu ka thu lut leh rih a, "Keimah ah hi chuan lo buai ve vaklo la, sawiloh mah la tih nawn tumna ka neilo, nangpawh nupui nei lai i nia, keite chu duh duh in lo awm pawh ni ila nang chuan i thei ve lo,I nupui ngaihdan tur te pawh ngaihtuah ve la mawle" ka ti zui duah a, thinrima sawi ka ni hauhlo na in a mitmeng chu a dur nghal khup in ka hria!




"Engmah i hrelo" ti nghutin min en run a, "Aw ni e, nangpawh engmah i hrelo, kan buaina ve ve ah chiah hian buai tawh ang, min thlah a ka lawm e" tih pahin ka chhuak a, a tlan liam nghal vut chu ka thlek leh rih.





A mak ve ngawt mai, ka inzawrh leh a hlau em em ringawt a, amah pawh eng a ni bik tawp silo, nupui hmeltha deuh a nei a, a hmangaih miahlo em mawni le...






Kan ina ka luh hma in Nu Siami te in lam atanga thawm chu ka ngaithla leh rih a, an ni hi an in hau leh tawh a ni chiang mai.


"I mak lutuk Lalchhuahpui, buhfai lehzel hi chu hralh ru lo teh aw, ration lo thlen hun kan nghakhlel em em a, nangin a ruka i lo hralh zelte chuan engnge kan ei anga" Nu Siami chuan a ti leh hlak hlak tawh a, an in lamah chuan ka phei hmasa leh ta nge nge.





"Ilo haw tawh maw Afer, kan mi laktlakloh pa hian a nupui pheikhawk thar lei nan kan buhfai neih sa a lo hralh ru pek anih hi, heiha, engtia han tih chi nge pawh ka hrethiam tawh neklo" min hmuh rualin Nu Siami chuan a lo ti nghal bawrh bawrh a, tui dehna bulah u Chhuahpuia te nupa chu an lo ding zum zût bawk.




Han tih vak ngaihna ka hre biklo chuan fiter a tui chu ka va in hmasa phawt a, "Pheikhawk pawh chu a va pawimawh awm ve" ban charha tih pahin U Chhuahpuia zawk chu ka en a, "Nupui te mamawh leisak theihloh chu hrehawm ka ti ve sia" a lo ti dek dek a, Nu Siami bawk chuan "A ni reng ang chu, hna I thawk peih silo a, hetiang hi i ni reng dawn asin, a chawmna tur ngaihtuah hmasa hauhlo in nupui i rawn ru a, zu in lah chu i sim chuang der bawk silo, indang ula a tha ang, in nupa in zu chhuang ve ula in inhmeh tawk chiah" a ti a, hmangaih viau mah se a tan chuan tih ngaihna a vang ve bawk em a ni.





"Nia U Chhuahpui, eizawnna tur hna mumal deuh dap la, thiam thil i ngah a, tha taka i awm te chuan hna a tam alawm, chuan nangpawh Kuri, pasal nei i ni tawh a, chhungkaw tha leh nuam siam tur hian mo hi an pawimawh ania, I pasal fuih phurtu nih te tum la, tha tak in awm tawh rawh u" ka ti ve duah a, Nu Siami nen chuan pawnah kan in zui chhuak a, "Heiha Afer, zu hi chu a huat thlala teh e, fapa ka neih tirh te khan zu ngawlvei a ni ang tih ka ring phal bik hleinem, zu hian engkim a ti khawlo zo vek chu anih ber hi" a ti a, a thaw halh a, ka khawngaih ve thin. An pa boral hnuah u Chhuahpuia nen chauh an khawsa a, a khua a har ve thin dawn nen a fapa lahin a ruih bo San reng bawk si.

Zu hi khawvelah hian lo siam chhuak miahlo se mimal leh chhungkaw tamtak buaina hi chu a awmlo tawp ang mawle, a pawi emai.




Ka pa pawh a rawn rui haw leh pek a, thim hlim atang a hnar leh bawrh bawrh tawh. Bawihbawihi ka la be thei rihlo a, a hman hun ah aman min lo biak mai ka ring.





Thutthleng seiah ka mu zal a, dar 7 em pawh a rik hmaa han mut bo diak chu ka hreh ve a ni pakhat bawk.



Kawngkhar rawn kik karh karh Tu chu lo lut tur in ka lo au let a, Mabiaki hmel ka hmu chiah erawh ka tho nghal zawt ani ber!





"Engnge in lo tih dawn?" tih pahin amah leh a bula a rawn hruai mipa pakhat dingte chu ka melh tawn zak zak a, Mabiaki chu ka bulah rawn thu ve in ka banah a rawn vuan nghal tung a, "Zanin chiah chu min pui leh la Afer, kan thiannu pakhat a damlo a, hei U Tluangtea hian tlai atang khan a nghak tawh a" ngenngawl zet hian a ti sar sar a.





"Ka thei tawhlo ka tih kha, a hmasa mi pawh kha ka mamawh em vang chauha ti ka Nia, chhunzawm ka duh tawhlo" ka lo ti hlar mai.




"Aw hrethiam ve la mawle, kan laklawh tawh anih hi.. " a tih laiin ka phone a rawn ri a, ka inleng te chu zah an ngai biklo tiin ka chhang nghal a, Nu Rinengin chuan "Afer naktuk ka kal hman dawnlo a, ka ai lo awh mai ta che" a rawn ti a, a chhan ka zawh chuan a fapa damlo check up pui a ngaih thu a rawn sawi a, buaina a awm loh thu hrilhin phone chu ka dah a, Mabiaki min vawnna chu phih thlaksak pahin "Min hrethiam teh u, naktuk hna kal hma ka ngai dawn bawk a, khawngaihin kal tawh ru" ka ti a.




"Khawvar hma in ka thlah haw leh hman daih dawn che alawm, I hmeltha si a, pawisa pawh i duh zat ka pe ang che" a rawn kalpui pa in a ti leh chiah chu ka insum hmanlo reng reng, ka thutna atanga ding hluau pah chuan "Ka duh lo ka tih chu mawle, in pawisa kha engatan mah ka tilo, chhuak rawh u" ka tih khum leh tuar a, Mabiaki chu rawn ding ve in lungawi loh hmel tak hian min en a, engmah sawi lovin an chhuak ve ta hram.





Ka kawng dawmin ka thaw chhuak halh a, vawi khat lek ka dai sual vanga min zuam ta viau anih chuan an ti sual ve khawp ang, ka duhloh chung chu min in zawrh tir theilo.






***




"Awi Afi, Pu Rinhmelthaa nupui nau hmelthat zia saw" ka beng bulah Mimii chuan a rawn ti sar sar a, ka ban a kheuh pah zawk zawk bawk.




An awmna lam chu ka va thlek deuh ha a, Pu Rina leh a nupui chu inhmatawnin an thu a, Pu Rina bulah a unaupa ni awm tak chu a thu ve bawk. A unaunu ang chiahin a langsar vah a, a hmel pawh a tha. Mahse Rinsangzuala chu a la tluk tak tak chuanglo anih hi.




Ka ngaihtuahna vang chuan ka ner sak a, mi pasal ka lo star ru ve chhen chu hahthlak ka ti tlat.


"In siam tui hle mai" an ei na thleng kan seng fel laiin Marini nau chuan a lo ti sup a, keilah chuan min be lo Tu zawk Pu Rin achu ka lo en daih bawk.





"Helamah Miss" nuihza hmel zet hian pakhat chuan a lo ti leh a, "A,, aw kan lawm e" ka tisepa a, ka ngaihbel nge ka hrelo mahse Rinsangzuala hmel chu a rum ul mai.




"Hnathawk i nei hmeltha hlawm anih hi U Rinsang" ka kal hnua a tih ri chu ka hre pha a, a chhanna erawh ka hre phak tawhlo, a lerh hmel zek mai ka ti.






"Aaa keichu ka star e, Pu Rinhmelthaa ai ka duh tawh zawk" tiin Mimii chuan an kal tur chu a thlir zui deuh deuh a, "Chuti taka star te chu, a hming i hrelo em ni?" ka lo ti a, "Hre teh reng, Remlalfaka a nih saw, ka hmangaih Remlalfaka" a ti vel a, ka lo ner khum nasa ngang mai.




"Ee zanin chu awm tlang ila" a ti leh daih a, "Tinge?" ka lo tih chuan min din hnaih rawk rawkin "College week an hman lai ania, nizan pawh engmah sawi lovin an lo kallo ringawt alawm, ka haw tlai hlauh a, nilo se chuan nghaktu awm lovin dawr hi a in hawng reng dawn tihna ania" ati a, "An van ti zia lo" ka lo ti ban charh ringawt.




"Nichiah e, kan lo ring ve vek a, zanin pawh lo kal se ka hnar haw tho ang, Pu bulah engmah an sawi ngam dawn chuanglo" a ti pang pang a, engmah ka sawi ve tawhlo.



Zanah chuan kan awm tlang ta ngei a, Nu Rinengi nen kan pathum chiahin kan awm. Bawiha a awm rihlo bawk a, ka pa chu a awm awmin lo awm ve se ani mai.






"Tunlai chu ka nu leh pa te an in hau reng a, ina haw pawh ka chak thlawtlo, ka pa a rui reng a, ka nu lahin a ti thinrim peih bawk si, huaisen deuh chu ni ila in ka luah daih tawh ang" Mimii chuan a ti sep sep a, "I pa in zu a in ve thin maw?" Ka lo tih chuan bu nghutin "A hna atanga an ban khan rilru dam nan tiin kan phallo chung a in lui a, tunah chuan ruihloh lai pawh a nei tawhlo" a ti a, hrehawm a ti ve hle tih a hmelah a lang reng mai.





Han sawi ve vak tur ka hriatloh laiin Nu Rinengi chuan a fuih ve malh malh a, ka sawi kha maw, zu hian tangkaina a nei hlawllo. Mi chhungkua, mi nupa inkar, mimal nun zawng zawng nen hian a ti chhe vek thei. A in thinte lah hi a thatloh zia hrechiang ber ber tute an ni hlawm lehnghal a, an mak ve ngawt mai.





"In la awm maw?"
Mipa tawng ri lo chhuahna lam chu rang lutuk in Mimi'n a pan nghal a, Nu Rinengi nen in en in kan nui tawp.




Kan awmna lamah an rawn in zui phei a, "In va chau tawh awm ve" Remlalfaka a tih chuan min en in a nui suk a, "Chau lo e" ka tih hnuah Mimii chu rawn khuh kharhin "Ei chakte i nei em?" tiin a zawt a, a din hnaih sauh chu ka lo hmu hman pek a, ka nuih a za reuh tak tak.





"Neilo e, Remlalfaka ka nia" tih pahin ka hmaah a kut a rawn phar a, engatinge maw keimah kher chu min biak chhen le....




Mimii chu ka melh zawk a, a mithmul a lo san ak ringawt. Nuam ti vaklo chungin a kut chu ka lo vuan ve a, "Jennifer" ka ti sep chu nui suk hian "Afer" a lo ti nawn ve sup a, midang min kohna ri a hria ni tur ah ka ngai ve tawp.





Ka bu nghat a, Mimii bawk chuan a phen atang min rawn chhiat khum a, a sawi tum chu ka hrethiam lawk lo na in "Chuan hei hi Mimii" tih pahin amah chu ka kawk deuh va a, ka sawi dik aniang lawm hmel fe hian a kut a lo phar chhuak ve a, an in chibai ve lai chuan Nu Rinengi nen kan lo in nuih ru tet tet mai.





"Hetah engnge in tih?" tia tawngri kan hriatna lam chu kan hawi vek hlawm a, Pu Rina chuan kan awmna alo thleng fel der tawh.



"Naupang an lo kallo a, kan awm tlang anih hi" Mimii chuam a lo ti vat a, "Haw tawh rawh u" a tih chuan Nu Rinengi'n "A la hma sia" a lo ti ve thung a, keichu ka ngawi kar mai.





"A pawilo, haw tawh rawh u, chuan nangin min zui la, ka lo thlah dawn che nia" tiin keimha chu min rawn en a, Nu Rinengi'n ka hnung a rawn sih zauh vang chu nge ka chhing sawk mai.




"Aih a ngailo" rang lutuk hian ka ti a, "Keiman ka lo thlah ang" titu chu ka melh nghal zawk bawk.

Remlalfaka leh Rinsangzual te chu an in en run a, awm nawm loh thakna tur khawpin an in melh tak tak!








CONT..
Information in pek nan whatsApp group kan siam ve a, a duh tan a join theih aw
https://chat.whatsapp.com/J9Mq1ulA3Jx9klwcpJ4Ixd


Show post links
Top

[Ngaia]

MI PASAL



Chapter-6


By Ruati Renthlei



"Jenniferi hi i hmeichhe khawi thinte ang kha a nilo ania" ti nghutin min rawn en a, "In veng lamah ka kal dawn, ka thlah ang che" a ti nawn leh sup.


Nuam lo ti deuhin an pahnih chuan ka en reng a, Remlalfaka zawk chuan nui hawkin "Nula I thlah tih ka u hnenah ka sawi dawn ania" a ti a, a nuih lah chu a zat hmel em em lehnghal.



"Thlah ka ngailo tak tak" ka lo ti leh a, Nu Rinengi leh Mimii te an ngawi tlat tawh bawk si, nuamlo duh tak a ni



"Hrehawm ti suh Afer, in pu chu va in thlah tir ta poh che, I thiannu hi ka lo thlah ve thung dawn nia" a tih chuan Mimii hmel pawh a nung leh sarh tawh a.



"Lo khar mai rawh aw" tiin Pu Rina chuan Nu Rinengi chu a melh zawk a, "Awle, lo ngaihtuah suh" a tih hnuah keimah bawk chu min rawn en leh in "Kal ang" a ti tawi tak a, rilru nuamlo deuhin ka zui ve leh ringawt tawh.





"I mak ve e, thlah kher pawh ka ngailo" ti niah niahin car chhungah chuan ka thu lut a, ngawi rengin engine a ti nung a, keimah bawk chuan "I nupui bulah a sawi tak tak mai tur asim, pawi I tilo em ni?" ka ti leh a, ka awm a nuam thei miaulo.



"Chulam chu theihnghilh la, khapa kha hnaih suh ang che" a ti nghut a, ka thaw chhuak halh mai. "Tunge ka hnaih a ka hnaih loh tur chu keiman duh ka thlang ve bawk ang chu mawle, I engmah ka ni lo a, ka chunga thuneih viau tum suh aw" ka ti tan tan a, "Ka ni" a lo ti leh tawp a, "Engmaw?" ka ti leh heu tawh.



"I mipa mutpui hmasa ber ka ni" a ti leh a, ka zawt chiang kher kher kha ka inchhir chawpchilh nghal der mai, sawi chhuah tawhloh kan ti asin mawle.



"Khapa kha hnaih lo la, ka nupui vangin buai bawk suh" a ti leh a, "I ngaih anga awlsam hi nise ka ti, khatianga midang awm laia min ngaihsak viau te khan nuam ka tih I lo ring ange, ka ti miahlo ania, in hmelhriat tha anga awm pawh ngai ka ti hranlo, I hnuaia hnathawk ve mai ka nia, a bak awm suh se ka tih kha" ka ti leh duah a, ka hne ve bawk a ni. Nupui nei lai a ni a, a nupui nen an inkar chu engpawh lo ni se keichu ka tel ve duhlo.





Kan in kawtah chuan a ding dawt a, hmalamah ka bu dawrh nghe nghe.
"I van a tak" ti hlakin ka Sam chu ka hui chho thuak a, "In kawt ami te khu tute nge?" a tih chuan kan in lam chu ka hawi thla ve nghal vat.




Mipa pathum hi kan kawtah bike nghengin an lo ding hlawm a, tumah chu ka hre hlawm lo.
"Ka hrelo" ka ti ringawt a, ngawi rengin car atang chuan a chhuak zui nulh leh nghal.

Kan in penga a kal thla hmawk hmawk chu a hnungah ka zui ve dat dat a, tlangvalho din na kan thlen chuan ani pawh a ding ve mai a, "Afer" an zinga pakhat chuan min lo ti lauh mai.




Ka hawi heu a, "Eih ah" ka ti ban charh.



"I hmel ah khan min hrelo tih a lang" nuih za hmel zet hian a lo ti leh a, ka but nghut, ka hre hlawm miau lo.



"Tute nge in nih?" Rinsangzuala chuan a lo ti thum bul a, "Jeremy-a, min hre tawhlo tak tak ami Jennifer?" tiin keimah bawk min en leh a, "Ka hre lutuk che" tih hluai pahin ka pan hnai hrut a, engtinnge ka hriatloh theih zawk tih ka in zawt nghal bawk.



"Engtiknge i lo haw a, vai ramah i awm rei lutuk a, I hmel pawh a dang vek alawm" ka ti leh hlut a, "Hei hi I bialpa em ni?" tih pahin Pu Rina chu a melh zawk a, "Teuhlo" ka chhang rang leh lutuk chuan a nuih a ti za in ka hria.



"Ka hnathawhna neitu ania, a remchang ema min lo thlah anih hi" tih pahin a lamah chuan ka hawi a, a meng rum nasa leh tawh. A ho e, ka mimal nuna lo inrawlh ve tur in tumah a ni biklo emai, a duh duh huna a thinrim khum tur pawh ka nilo.




"Min thlah a ka lawm e aw Pu Rin" ka ti a, a mitah tak ka en ngal bawk.



"Fimkhir ang che" ti hlukin motor din na lamah chuan a pen chho pawk pawk a, Jeremy lo khuh kharh chuan ka en zui leh vung vung tawh tih min ti hrechhuak nghal.





"Lut ila" tiin inchhung lam chu ka thlek zawk a, a thiante pahnih chuan bahlah nuai hian "Nula kan lo va rim ang, dawra kal te kan ngai a, ka zun a chhuak tak" an ti nawi niaih a, ka nuih an ti za reuh tak tak.



Kan pahnih chuan in chhungah kan in zui lut a, chhuat hnawk nuai leh chaw ei dawhkana thleng lo awm darh sung chuan keimah tak pawh min ti hrilh hai.




"I pa'n zu a la in nasa em ni?" a ti sup a, tette atanga inkawm kan nih avangin engmah zep ka tum lo va, kan inchhunga zu rim nam huam huam vang hian zep pawh tum ila a theihloh hrim hrim.




Chhuat hnawk zual ti fel sawk sawk pah chuan "A ngai reng" ka ti sap a, kan inchhung chu a han thlek kual ve thin tak naa, thil danglam leh hmasawnna engmah a hmulo tawp ang.





A hnawk zualpui ka tih fel zawh chuan a bulah ka thu thla ve a, ka darah min lo kuah nghal thak mai, a tihloh dan a nilo a, mak pawh ka ti lemlo.





"I lo dam tha em?" zawi supa a tih chuan ka lo thaw hak a, "Dam tha lutuk, nangmah zawk?" ka ti a, min chhanglo.




"Khawiah nge I nau?" a tih chuan excursion chungchang chu ka hrilh a, reife ka nau chungchang sawi a kan titi hnu ah "I nu ve thung" a lo ti leh a, engmah a la hre ve lo a ni khawp ang.





"Pasal dang a nei daih tawh" ka tih chuan ka nghen mek taksa chu a che ve phat a, a thawng ve viau a ni mah na.

"Ka lo hrelo a" a ti sup a, a in thiamlo ve deuh niin ka hria. "A ho lutuk, I tan te chuan hriat ngaihna a awm hleinem" ka ti a, nuih luih ngial ka tum na in ka thei bik thaklo.





Nghet lehzualin min kuahna chu a hmerna salh a, a mal chungah ka mu lo chauh tawh "Engtikah nge I lo haw a?" ka tih chuan "Nimin ah" a lo ti sup a, "I tlin ve cher cher ngawt mai, kum 5 lai vai ho zingah I zuk khawsa a nia" ka ti leh a, tawi te a nuiin "Lo haw chu ka duh ve reng a, mahse a remchang lo leh thin alawm, kan awmnaa missionary hi ka ka pui ve thin a" a ti a, kan in hmuhlohna a rei tawh bawk nen sawi tur kan ngah dun ngang mai.





A zirna lam ka zawh chuan BA zawhah coaching a kal thu a sawi a, an thla khat chawlh chu helamah a rawn hmang dawn anih hmel.




Naupangte kan nih atangin kan in hre tawh a, veng khatah awm lo mah ila school khata kal ho reng thin kan nih avangin kan inkawm nasa lutuk tho. High school kan kal khan a chhungten a duh lo chung phai ah an dah a, a tira a lo haw duhloh chhan pawh kha a chhungte vang a ni ve pakhat bawk.




"Engnge i tih zel?" tia min zawh chuan a malchungah lu ka nghat fel der tawh a, hmai zangthal haw a amah en chung chuan "Restaurant ah ka thawk ve rih" Ka ti sap.




Ka chanchin leh khawsak dan te min han zawt chiang ve tak naa, sawi tur ka nei tamlo. Bawihbawihi nen kan pathuma in zui chawt thin kan ni a, kan mizia leh khawsak phung pawh kan in hrechiang hlawm lutuk ringawt.



"I tuar chhuak tep tawh ania, hna ka neih velah nupui ah ka nei ang che" a tih chuan nur nangin ka melh a, a thutak biklo tih hre mah ila hetianga a tih fiamthu chang hi chian ka lo thlamuanpui ve em em zel tho.




A thian te an rawn let hnu ah an haw tur chu pawn thleng ka zui chhuak a, a thianpa pakhat chuan "Afer" min ti hlut a, at hmel deuha nui sawng pah hian "Bialpa i nei em" a ti hem mai.




"Engmaw?" tih pah chuan ka nui hak a, "Mawla leh" ti hlukin Jeremy chuan a thianpa chu a pet pawp a, "Ka lo bia ang che" tiin a phone ken lai chu a lek kang va a, ka buk nghat hnu ah an tlan liam lai chu ka thlir zui a.




Inchhung ka luh hnu ah ka in ti fai sawk sawk a, mu tur in pindanah ka tlang ta nghal. Ka pa chu a rawn haw leh pek dawnlo anih ka ring.



Ka mu meng kar reng a, Jeremy nen kan in hmu leh hlawl chu ka thil hlu tak, rei tak ka hmuh tawhloh, hmuh pawh ka in rin tawhloh hmu leh anh mai ka niin ka in hria.



Ka nundan engkim a hria a, min hriat chian avangin midang nen kan in tih thiam loh pawhin ka lam a tang tlat thin. Rei tak hnua kan in hmu leh thei chu ka lawm a, a lo thleng chauh na in a kal leh hun tur ka ngaihtuah a, ka huphurh lawk.





***




"Hello Afihmeltha" ka benga phone ka chuktuah rualin lehlam atang chuana rawn ti lang lang a, tunge anih hrilh hran ka ngailo reng reng.




"Khatin min ko ve ziah suh aw, naupan lai ang a nih tawhloh hi" ka lo ti hlak a, "I hmeltha lawm, thiannu hmeltha deuh neih hi nuam ka ti" tiin a rawn fiamthu zui a, "Nizanah min lo be dawn emaw ka tia, I number pawh hi ka la nei reng reng hleinem" ka tih chuan "A.. Kan haw khan Zuala nu a lo hrang nasa leh tawh lutuk a, an in ah ka riak bawk nen phone ka khawih tawhlo hrim hrim" a rawn ti a, ka awih ve mai.




"In restaurant ah kan lo chawl dawn ania" a tih hnuah rei pawh in be lovin kan inbiakna chu kan ti tawp a, ka pa a la rawn haw lo cheu.




Dawhkanah chawhmeh suah sa chu ka chhin tha a, ka chhuah hma in Pi Muani a rawn lut ve hlawl mai.
"I chhuak dawn em ni Afer?" a rawn ti a, kuhva a ei sen nasa leh tawh mai.


"Aw hna kal ka ngai a" ka ti ve mai a,ka pa awm leh awm loh min zawh chuan lu ka thin khum ringawt.



"Nizan khan tumah in awm lo nge in kawtah hian tlangval an ding thup reng a, I thian te em ni? An bike ri lah kha a ring bawk si" a ti tel kher a, a ruka ka lo ner sak chu a hmu kher lo ang.




Ka sawi kha maw, kan veng Pi Muani hi chuan a fate aiin mi fate a vei daih zawk, an fanute khawlaia an lerhkawh vei nen kan in kawta tlangval ding mai mai pawh a rawn hmuh mawh leh viau tawh hi.



"Aw ka thiante an nih kha, school ka kalpui thin te"Kaa tih chuan a hui pap a, a kamsir sen hiam chu a kuta tuai fai pahin "Kawm tam vak suh aw, i nu angin ka hrilh che anih hi, an sual hmel si a, mipa vek an ni lehnghal" te chu a ti vel a.




"Ih e Ka Pi Muan, mi hi an lan dan ang ngawta teh tur an ni lo, an sual hmel ringawt a, an suallo, phai ah lehkha zirin an awm a, an lo haw ve lawk anih kha" ka ti a, a tawngkam chu a chang tha fak fak viau ang.




Ka kalsan hnuah pawh ka hriat tawkin ka la phun nuah nuah reng a, a nu tling zawk, puitling zawka kan ngaihten mi rel leh sawi sep an in peih reng a, kan ram than mawh chhan te pawh hi a ni ve ang. Mahni fa hrin te pawh en kawl tha theilo in mi fate sualna an han sawi zawt zawt a, aia upa zah an sawi uar viau lai hian upa zawk te pawh hi zah tlak in an nung em tih in en fiah ve se a that ka ring tawh hial mai.





"I va phun nasa nuah nuah ve a" ka bulah Thanpuii a rawn ding a, a scooty chu rawng kah thar tih hriat tak in a lang thar vuk mai. Kan veng a in hawilo ropui sia, ka hmu thut chu ka hrilh hai let ling zawk alawm le.




"I tlang dawn em?" ka lo ti vat a, "Aw lo chuang rawh, ka ni te inah ka riak a, chaw ka ei nghal a" a lo ti ve mai a, a zarah dawr pawh ka thleng harlo.




"Lo kal thuai thuai teh" tih pahin Nu Rinengi chuan min kheuh hrang nghal a, midang awm lohna lam min pan pui hnu ah "Nizan khan engthil nge thleng zel" a ti a, ka hawi leh heu tawh.




"Eng maw?" ka tih chuan ka dara min beng awk pahin "A thlah ve kha mawle, Pu Rina'n a thlah che kha" a ti a, min vin lek lek chu mak ka ti zawk.




"Aw min thlah a, a haw leh nghal, ngatinge?" tia ka zawh let chuan a hawi kual leh zuk zuk a, kun hniam tur in min ti zui zat bawk.



"Kan pu hian a ngaihven riau che, in inkarah hian awm a awm a ni lo maw?" a tih chuan ka melh vak a, a thutak hmel nasa mai bawk si.




"I ti awm ang lo, min khawngaih a, min thlah a ni ve mai a" ka ti nui nui a, min zawt thut bawk si chu ka che buai thelh a lawm le.





"Awi nizan nawm zia chu e Afer, kan in kawt thleng min thlah ania aw" Mimii chuan ring leng lawng hian a rawn ti phei a, ka lo thaw halh thei.




Kan bul a rawn thlen rual chuan Nu Rinengi hnungzangah a beng ri thlawp a, "A na lutuk ChatuanMimi" ti tuarin a tin ve nghal uai a, a beng Tu ber lah chuan nui uar uar in "Ka hringnun hi a parvul vel lutuka, awm dan tur pawh ka thiamlo" A lo tih khum a, an in melh rang nasa leh tawh mai.



"Nakinah kan sawi dawn nia, in leng an awm tan" tiin ka kalsan a, Nu Rinengi thil sawi erawh kha chuan ka awm a ti nuam chuanglo.




Hemi ka hlauh vang hi ania in hrelo ang maia awm pawh pawh ka tihloh chhan, midang hmaa khatianga min ti fo anih chuan ngaihdan an siam ka ring reng a ni. Mipa sual tak a nih chu ka ring biklo a, a zahawmin ka lo star ru ve viau tih pawh phat ka tum lo, mahse mi pasal anih na hi a in theihnghilh lek lek thin in ka hria a ni.












CONT...


Zanin chu a tawi, ka la nawmsam loh deuh avangin rilru pek a har deuh a...


Show post links
Top