By-Puipuii Khiangte
Chapter-12
Hun a kal a, ni a liam a, thla thar meuh kan lo chuang kai leh ta, kan chhungkua pawh a hma ang tho in kan hlim tlang leh hle a, ka nu nen a kan dawr pawh a lun ve tawh hle a, thawktu pahnih kan lakbelhin kan buai ve nak nak zel, Damian-a a kal thei ve tawh a, mahse a hlei ve ngailo, kan bulah ngawi rengin a toys te alo khalh mai mai thin, pathian zarah a hriselna pawh a tha viau bawk.
Vawiin hi ka pa piancham a nih avangin chawhma chhung dawr hawn kan tum a, kan pa te pawh chawhnu lama la ban tum an ni.
Kan chhungkaw te a lawm kan ti zet na a, mahse ka pa thawhpui te lamin lawm an tih deuht tlat avangin kan in te pawh kan chei ve nasa viau a, mahni tawkah theuh kan buai ve map map hle bawk.
Ka pa piancham lawm naah chuan ka û te chhungkua pawh an lo kal ve a, tunah chuan kan inpawh tlang tawh viau, ka pa leh ka û pa te company pawh tunah chuan an thawk dun tawh zawk a ni.
Kan buai a, Kan chet deuh tak tak chuan hun alo kal duh khawp mai, tlailam dar 2 a ri der tawh, ka chuan thusawi na te neiin chaw pawh kan ei harlo hle, ka thiante pathum pawh an lo kal ve ngei a, an in thlahrung thin lutuk hi chu ka khawngaih thin ngawt mai, mahse ka chhungte hi an zau ka tih tawh kha, an ngaihsak in an duhsak em em bawk.
Kan mikhual te ho chuan Damian-a an lawm em em a, an pawm kual sek, lehlamah chuan ka hahdam phah thin a sin aw, bawihtea hian mi lawm a hlawhin, duh loh vak pawh hi a nei lo, a tawng ve thei bek bek tawh a, midang nau aiin a tawng har bawk.
Inchhung lama ka chet buai nak nak lai chuan pawn lama Damian-a tap hi ka hriat chuan ka tlan chhuak vat a, a lo tlu hi alo nia, gate bulah leh nghal, rang taka tlan pheiin mi pakhat phe zeuh hi ka hmu hman, ka hriat sual loh chuan camera a keng tel ngei bawkin ka hria, en zui lemlo chuan Damian-a chu pawmin in chhung lamah ka luhpui ta a, Jose-a signal zeuhin room lamah Kan in zui lut a, pawn lama ka thil hmuh leh a thil ken te chu sawi nghalin amah pawn mak a ti ve hle bawk.
Chutah ka û chu rawn tlan lut in a thlan pawh a tla nasa mai, a thaw deuh halh halh bawk, Jose-a nen chuan mak ti deuh hian kan lo en ha a, ka u chuan "naute.... Naute ka hah lutuk" a ti a, tui ka lo pe vat bawk "enge u khati vaka i hah a, khawiah nge i kal a" ka lo ti a, "aww khapa, khapa kha tunah hian pawnah sawn a awm, ka umzui a" a tih leh a, ala hah hmel takzet "tu chu maw u,sawi chiang la" ka lo tih leh chuan "aw enthla thin tu che kha, tunah hian pawnah sawn a awm" Jose-a chu melh vatin "tah hian lo awm rawh" tih leh tlan chhuah a rual.
Rei lo te hnuah chuan Jose-a leh mipa pakhat hi an lo lut a, mi kan tan em avangin tuman min hrechang lo ang.
"Tunge i nih, engvanga min enthla reng nge i nih" ka lo ti vat a, "a hun tawh a nia nge" a ti duh lek chauh, Jose-a chuan "engmaw hun tawh, engkim sawi rawh" a lo ti chang fak bawk.
"Kei hi misual ka nilo, ka hming chu Rosangzuala a ni a, i nu leh pa te tana thawk ka ni"
"Engtin ahh, ka nu leh pa te chu kum thum liam ta khan an boral tawh alawm" ka lo ti vat
"Nilo, tunah hian i nu leh pa te an la dam a sin, hun rei tak coma in an awm a, i nu hi lo harh chhuak hmasa in, i pa erawh a karhnih na velah a rawn harh chhuak chauh bawk, chuan tunah hian i pa hi a kawng chin hnuailam a zeng vek a, treatment la in hma a sawn tawh khawp mai".
A tih leh chuan room a awm te chuan mak kan ti vek, ka u chu ka en vat a, buk nghut pahin "lungngai suh engkim ka theihnghilh tawh alawm" a lo tih chuan ka thawveng huai mai, ka u hian a tina leh mai ang tih hi ka hlau a ni, chutah Rosangzuala chu en in "a nih tunah hian khawiah nge an awm, ngati nge min rawn zawn loh, chuan nang hian engvangin nge hun rei tak ata min enthlak" ka lo tih leh chuan Jose-a alo bu nghut bawk.
"Tunah hian i pa hi kaltheilo mai ala ni si a, hetiang dinhmun a hmuh che hi a duhlo a, chuan i tan tiin theih tawpin treatment pawh ala a, i putea ten a tihdan zawng zawng che pawh kha an hre vek a, chuan pasal neiin pa i nei tawh tih te thlengin, I that leh that loh hre turin min ti a, chuan ka enthla ta thin che a, chuan vawiin pawh khan i fapa hi a thla laksak a i nu leh pa te hmuh tur a ka tih an nih kha, i nu leh pa te hian an ngai thin lutuk che a sin" a tih leh chuan ka mittui ka dang zo tawh meuhlo, "hmuh ka duh, ka nu leh pa te chu hmuh ka duh a ni" ka ti tuau tawh, "awle ka lo hrilh anga, in la in hmu dawn nia, ka kal tawh phawt ange" tih leh chhuah a rual ta a.
Chhuatah chuan ka thu thla hnawk a, Jose-a chuan min kuah vat bawk, kau chuan "naute ka van lawm tak, tunah chuan ka nu leh pa te hnena ngaihdam dilna hun tha ka nei thei ta e, ka lawm e Lalpa" a ti sap a, a ni pawh a mittui a luang ve ngiai ngiai bawk.
Jose-a chuan "hawh u chhuak phawt ila, ka nu leh pa ten min lo zawng tawh ang, bawihtea hi chu ti hian lo muhil rih sela" tih leh Damian-a mu lai chu a chalah a fawp deuh bawk.
Kan chhuah leh meuh chuan kan mi sawm te ho pawh an lo haw darh ve tawh a, a then an la awm bawk, ka nu chuan min lo be vatin "bawihi khawiah nge in lo awm daih a, Damian-a a mu mi, hei an lam reng hlawm a"a lo tih chuan nui lui chungin "imm room ah Damian-a ka mut tir a, tunah chuan a muhil rih a" ka ti a, engmah rilru ah a awm thei tawh lo, ka nu leh pa te, ka ngaih em em te, tunah ngei hian an la dam chu a nia, ka lawm lutuk hi sawi ngaihna pawh ka hre tawhlo.
E chuan thil pakhat ngati nge ka putea te khan an thi nghal anga an sawi, enge a chhan, he mi te nupa lakah hian phuba ka la dawn khawp, an chan a chhiat ve thin em avangin ka khawngaih a, min hnawhchhuah pawn engah mah ngailo in phuba lak duhna pawh ka nei ngailo kha a nia, mahse an ti mah mah ta deuh e, an la hre ve khawp ang.
Zanah chuan cake te zei/zaiin kan hlim leh tawh viau, Damian-a pawh a hlim viau, a pu cake pawh a lo khawih pherh hman zel a, a pu hmaiah a tat ve ngei, Kan nui leh dar dar thin, mahse ka rilru ah ka nu leh pa te ringawt an awm, naktuk ni vat vat se ka ti, khapa Rosangzuala khan a kal dawn khan a phone number a dah tak, call ila, naktuk a hmuh nghal ngei ka duh bawk.
Kan mut dawn chuan ka u hian min lo call a, naktuka kal ve a duh zia leh a phur ve tawh zia a rawn sawi a, kan titi deuh fe hnu chuan call chu kan ti tawp a, khumah chuan mu thla nghalin Jose-a'n min lo kuah leh hle hle tawh, Damian-a erawh api te bulah ala awm a, an nui thawm kan hre leh zeuh zel bawk.
........... ............ ............
Mittui nen a ka en reng chu Jose-a chuan ka biang rawn tuai zeuh pah hian "i inring em?" A ti sap a "aw ring e" ka lo ti ve bawk.
An hmuhnawm em a sin, thingtlang khaw pakhat pangpar leh thing tam deuh hnuai ah, ka nu leh pa te chu an hlim viau, ka pa chu wheelchair ah thu in ka nu chuan pangpar te a lo lawh sak hi a ni a, en nin an har ka ti hle mai.
"Nu" ka ti sep a, lo hawi vatin "awii bawihte, engtin nge" tih leh min kuah a rual a, a tap nghal bawk, "nu ka ngai lutuk che u, ngati nge in va rei ve" ka ti a, ka tap ve nghal bawk.
"Bawihte, i pa hi en teh, hetiang hian engtin nge kan hmuh ngam ang che" a ti a, ka pa chuan mittui tling pam hian min lo en ve kar a, ka kuah ve nghal thlawrh bawk.
"Nu ka fapa nih hi" tih leh Jose-a'n Damian-a a awrh lai chu ka hmuh a, ka nu chuan la in inchhung a lut turin min ti a, ka pa ka nawr lut bawk.
"Nu tinge khawpui lama in in enkawl mai loh" ka tih leh chuan "nia bawihte, i putea te khan an tihdan che kan lo hria a, kan in thlengin an neih sak vek che tih thlengin, chuan bawihte, heihi i pasal chu a mi" a ti a, Jose-a a en pah bawk.
"Aw ni e, nu Jose-a hi awm lo se chuan kei hi engtin mah ka awm lo ang" ka ti a, Jose-a chuan "ka nu Joseph Zonunkunga ka nia,Simby hian a ngai thin lutuk cheu a sin, kan hmu cheu hi kan lawm takzet, ka nu leh pa te pawn hmuh ve ngei cheu an duh a" a ti a, a puitling hi ka ti thin takzet.
Chuan nu,pa "heihi ka û Malsawmkima kha a nih hi" ka ti a ka u chuan "nu, pa, khawngaih takin min ngaidam hram ang che u, inchungah thil Lian tak ka ti sual a ni" a ti a, ka nu chuan "bawiha bawihte, kan hre vek tawh alawm, mahse inthiam lo duh reng reng suh, i nu hi ka lo sual thin em a ni tiraw, min ngaidam zawk thei angem?" A ti a, an in kuah a, an tap dun bawk, hmuh an nuam takzet.
Ka pa chuan Damian-a chu pawmin an in fiam vel a, Damian-a chuan "apu" a ti chhuak ve nih chu, mak kan ti lutuk, a vawikhat lamna a nih vang a ni, Kan nui a, kan tap bawk a, he baka hringnun hlimawm hi a awm dawn ami.
Kan in ngaidam tawn a, chhungkua kan in kuah khawm a, hei hi asin ka thlakhlelh thin chu, ka nu leh pa ka u, ka pasal ka fapa leh ka chhungkua te, hei bak duh leh mamawh ka nei lo.
Kan haw dawn chuan ka nu leh pa te chu hruai ve kan tum a, mahse an duh tlat loh avangin Kan haw san leh ta a, ka u erawhin an bula a awm duh thu a sawi avangin kan kalsan bawk a ni.
Ni hi ding reng lo na na na chu hun pawh a kal duak duak a, ka nu leh pa te kan hmuh tangain kar hnih a liam leh tawh, kan la kal leh miahlo, mahse phone ah erawh kan in be reng thung, ka pasal nu leh pa te pawn bia in an titi nasa ve thin viau a, khawpui lama in sawn turin an sawm ve reng zel bawk.
Naktuk mai hi Damian-a Kum khat tlinna tur alo ni ve ta reng mai, ka nu leh pa te erawh in an lo kal theih loh thu an sawi a, mahse ka hrethiam em em tho, ka u pawh an bulah awmin ka nu leh pa te a enkawl ve bawk.
Zan lamah in kan chei a, a kumkhat tlinna tur te a nia tiin ka nu leh pa ten pui thei ang ber a lawm an duh thu an sawi ve bawk, hall a hman ai chuan tiin mahni in ngei a hman kan tum bawk.
Zan dar 11 a rik meuh chuan mut zai te kan rel ve ta a, Jose-a te pafa pawh an lo mu tui tawh viau, in ti fai sawk sawkin ka mu veta a.
Zingah chuan Damian-a leh apa in fiam riin min ti harh a, an mu hma bawk a an tho leh hma viau bawk, "bawihte a nu lo tho e, morning ti rawh le" a ti a, "moinin" a ti ve mai bawk a, ka nuichhuak hak "nangpawh apa nen morning ule" ka ti a, ka kiss zeuh bawk, "ka fapa hian thil hi a hre chak a nia aw, happy birthday ka fapa duatte" a ti a, a vawr pah vak bawk, "chuan engtin nge tih tur ka tih khahh thank you ti rawh le" a tih leh chuan "awii a ti thiam awmlo emai chutiang " ka lo ti vat a, Damian-a chuan "thantiu" a ti ve leh mai bawk, "a mak reuh e" ka ti a, bathroom ah ka luh san daih bawk.
Hunserh kan hman dawn chuan ka pa chuan "lawkin midang lo la kal tur an awm a, nghak leh deuh lawk ang u aw" a ti a, Jose-a bulah chuan "tute nge" ka ti a, a hriat loh thu in min chhang bawk, door bell ri ral ral ah chuan ka nu chu tho vutin a hawn sak a, ka ding nghal zat, ka pa aww keima pa ngei, a ke ngatin a rawn lut a nih chu, ka nu leh ka u in an rawn zui lut bawk.
"Bawihte, surprise" a ti a, a ban a phar hluai bawk, ka tlan phei a, kuah pah hian "ka pa ka van lawm tak" ka ti a, thutna lamah chuan kan in zui phei ta hlawm a.
Hunserh te kan hman zawh chuan chaw te eiin kan buai leh map map hle, ka pa chu ka bulah rawn kalin "bawihte hman hunah i putea te inah Kan kal ang, kan in nei let leh turin" a ti a, "aww tehreng mai pa, kan kal em em dawn nia" ka ti a, kan nui dun leh ar ar a, ka hlim takzet.
Tizawng kha ni leh ta, a ngaihnawm lo viau maithei ni
kan kal tur zung zung anga, chapter pawh kan last tur tep tawh nia.Comment leh ads click kha aw mifel ho
GOODNIGHT ALL
Show post links
Top
