MITTUI_NEN_HRINGNUN By Puipuii Khiangte (Completed)

[Ngaia]

By - Puipuii Khiangte

TLANGPUI THU

"I va han zaktheilo ve a, engvangin nge i ruk ngam zawk a", tia ka pitei'n ka room atanga ka sam a min hnuh chhuah dawr dawr pah chuan ati a, "nilo, pite ka ruk anilo asin, engtin nge kha thi kha ka room ah a awm ngawt nachhan ka hrelo ani"..... "ngawi hmak la, i putea lo haw hunah I hre dawn khawp"

Ni e, ka ruk ani miau hleinem,ruk ka ru ngailo tih pawh ka putea leh a nupui tluka hrechiangtu an awmlo

Ka pitei hian engvaga hetia rukru a min puh kher nge anih, chupawh inleng ka neih lai leh nghalin ka zak bawk si, rilru na bawk si, ngawi rengin sofa ah chuan ka thu thla hnawk a, ka inlengpa,ka bialpa pawh chu ka be ngam tawh hlawl lo

"I pitei thusawi kha enge awmzia" ka bialpa chuan min rinhlelh hmel tak chuan a ti a, mak ti tak Chung chuan
"Min ring lo ami"ka ti a
"Rin che chu ka duh mahse"
"Mahse ahh,enge i sawi awmzia nang hian min lo ring miahlo tihna em ni"?


#Mittui nen hringnun







By - Puipuii Khiangte








Chapter-1




Simby Lalhruaitluangi ka ni a, unau pianpui ka neilo a,Aizawl khawchhuak Kan ni a, tunah hian ka pa hna avangin Lunglei lamah kan awm mek bawk, fa mal ka nih angin min duat em em a, mi fate neih ang chu ka nei pha ve vek, mahse fanu duat sual ka ni ve ngailo thung, Kan hausakna ka chapo pui ngailo a, ka nu leh pate hi Pathian tih mi tak niin,kohhran lamah pawh an in hmang hle bawk




















"Bawihte,chapo ngailo la,midangte dah hniam ngai lo la, tlawm hreh hek Suh, chapo na hian eng Ram ropui mah a thlen thei lo ania, tlak chhiat hun a awm thin, engkimah Pathian hrereng la, a pawi sawi hi a hlauhawm teh ania, taima takin lehkha zir la,i tumah Chiang ang che" tiin ka nu leh pa te thu min hrilh hi ka vawng reng thin





















Sawi tawh ang khan ka pa hna(Police) avang hian college pawh kal tluan thei ngailo ka ni a, mahse doctor nih ka tum ruh khawp mai, doctor nih a, ka nu leh pate an tar hunah pawh keimah ngei hian enkol ila ka ti thin




















Zing hma takah tho in thingpui ka lum a, ka nu ala tho lo, ka pa erawh nizan lamah man an neih avangin a tlang nghal thung, "bawihte,iva tho hma thei ve, mu tam ve deuh thin la, zan lamah i inzir nasa thin si a" ti a hnung lama ka nu'n a rawn tih chuan hawi let a nuih suk pahin,"aaa nuu, mut ve deuh ka tum pawn ka murei theilo, thawh hma hi ngaiah ka nei tawh a" nuih hak hak pah chuan ka ti a



















Tukthuan kan ei dawn lai chuan chauh hmel lutuk a ka pa lo lut chu ka nu chuan alo buaipui nghal sawk sawk, "iva chauh hmel ve, vawiin chu i kal leh rihlo mai ang u, ti hi chuan mottor pawh i khalh theilo ang,tlana lah a hman dawn silo" ka nu chuan ati a, ka pa pawn pawm tih hriat takin alu alo bu nghauh nghauh bawk


















"Naaa,nuuu, vawiin a Kan kal loh chuan engtin nge ka form vel hi ka submit tawh ang, Kan kal ngei ngei angai apaa" tap tuau a ka tih chuan ka pa chuan "ni e, bawihte Kan kal dawn nia, i nih chak em em doctor i nih theihna nih phawt te chuan, form submit hman a thlen Kan tum dawn nia aw,chau em em mah ila, ka naute tan a nih phawt te chuan" a ti a
















In thlak Turin ka nu nen chuan room lamah an in zui lut nghal a, keiin Chaw ei ka lo Siam sawk sawk bawk, ka phur tawh takzet vawiin hian Aizawl lamah doctor degree nei Turin Kan kal dawn ani




















Tukthuan ei zawhah chuan Kan in siam sap sap a, ka pa chu khawngaih viau tho mah ila, vawiin hi ka tan last ani tawh tlat si a, ka tih luih mai angai rih, Kan driver u tlana chu a fapa a dam loh avangin alo kal thei dawn lo a, ka pa in car a khalh mai angai a, Aizawl lam pan chuan Kan tlan chhuak ta a






















Rei deuh fe kan tlan hnu chuan Hmuifang leh Thenzawl in kar kawng kawiah mottor Lian nen in tawkin Kan in Tai a, Kan mottor chu kawng thlang ah a tla thla ta a, nikhaw hrelo in ka awm nghal
















Skip~~skip~~~~


















Ka meng siar siar a, ka hmuh theih chin chu a var vek, "Bawihte, i harh tawh maw" lo titu chu thei leh theilo in ka en a, tunge anih ka hriat mai loh avang chuan "Tunge i nih,khawiah nge ka awm, khawnge ka nu leh ka pa te hi,engtin nge ka awm a" ka au chel chul mai, ka lu na lutuk chu ka dawm nghal vawng vawng bawk






















Doctor leh nurse lo tlan lut nghalin natchhawkna in min Chiu nghal sawk sawk bawk, rei fee ngawi renga ka mut hnu ah nachina min lo be tupa bawk chuan "Bawihte, keini hi min hre miahlo ami" ati leh a, " imm, tute nge in nih a, engvanga helaia awm hi nge ka nih, chuan khawnge ka nu leh pa te" zaidam zawk chuan ka ti leh a



















"Kei hi i nu nau i putea ka nia, chuan ka bula mi hi i pitei, han ngaihtuah teh, i tetlai pawhin Kan awm fo che kha, chuan Aizawl lam pana in lo kal kha, mottor Lian nen in taiin kawng thlang lamah in tla ta alawm" a ti a, chuan ka nu leh pa te ka ti leh a, "Bawihte, i nu leh pate chu a hmunah kâ pawh chhawn lo in an boral nghal alawm" a mittui hru zeuh pah chuan a ti a






















Engtin maw, ka nu leh pate an boral maw, engtin nge a nih theih, chuan ka putea tia in chhal hi ka hre ngailo... Ngati nge ka hun kal tawh ami engmah ka hriat loh theih, kei hian ka hriatna ka hlauh tihna em ni, thil ri bur bur leh ka nu leh pate thisen Kai hnuanga an mu chiang takin ka hmu tih bak engmah hriat ka nei silo














Nilo,ani thei lo ang, " khawngaihin doctor min koh sak thei angem" ka bula ding pa lian renrawn ka putea nia in chhal hnenah chuan ka ti a, bu zeuhin a chhuak nghal, hmeichhia kha chu a awm ve tawhlo















Aizawlah chuan eng ti tura kal nge kan nih, chuan engvanga dam khawchhuak thei bik nge ka nih, ngatinge, engvang nge, zawhna hlir in ka khat ani ber


















Doctor leh ka putea ti tawh mai ang, rawn lut chu ka lo en kur a, doctor chuan "bawihi enge ni ta, na te i nei em ni" dam thlup hian a ti a, "na chu ka nei tawhlo ka pu,mahse ngatinge engmah hi ka hriatchhuah theih loh, ka hun kal tawh ami zawng zawng a vaiin engmah ka ngaihtuah chhuak thei tawh lo" hlauhthawn hmel zet chuan ka ti a

















Doctor chuan mak tih hmel lutukin min en a, ngawi rengin ka putea mitmei zeuh chuan pawn lam an pan nghal daih, a ngaihna ka hrelo hle bawk
















Rei deuh ren rawn ka nghah hnu chuan an pahnih bawk chuan an rawn inzui lut leh "bawihi test eng emaw neih lawk angai dawn a, Kan nawr chhuah che angai dawn ania aw"ati a, ngawi rengin ka lo bu zeuh a, min Chiu muhil zui nghal daih bawk



















Ka harh leh chuan nurse chuan ka drip khai lai chu alo en fel mawlh mawlh, Kan sir deuhah doctor leh ka putea an lo in be mawlh mawlh bawk, ka harh tih hria in, nurse chuan "I tha maw" zaidam deuh hian a ti a, doctor leh ka putea chu lo pheiin, doctor zawk chuan "bawihi, Kan thusawi tur hi ngun deuha i ngaihthlak angai dawn a nia aw" ti dam dupin ka lo bu zeuh bawk




















"Tunah hian i thluak thenkhat te hian an hna thawh tur ang an thawk lo a, i hriatna i hlauh phah ta a, accident ah khan i lu tak i sawh vang kha ani, mahse lungngai miah lo la, tlem tlemin i nei let leh thuai ang" ati dap dap a
















Hriatthiam har ka ti, ka nu leh pa hmel pawh ka hre mang tawhlo chu ania, khuanu hian ngatinge hetiang hi ka chhungte leh ka chungah a thlen tir bik
















Karkhat vel damdawi in ka awm hnu chuan putea te in lamah kan haw ta a, putea te hian fa an la neilo, "bawihi lo va mu hahdam la, i pitei hian rawng chu bawl mai rawh se" putea chuan a ti a













Ka pitei ngaihdan erawh a nih loh hmel viau thung, min la be em em lo bawk, putea khan ka tetlaia min awm thin thu a sawi bawk sia, rilru kawm neuh neuh pah chuan ka room tur lam chu ka pan ta a
















Ka la chauh deuh vang aniang ka lo muhil daih a, Chaw ei dawnah chuan putea chuan min lo Kai tho a, chaw kan ei mawlh mawlh lai chuan pitei chuan " engtin nge ni dawn ta, simby te in lamah chuan Kan insawn phei dawn ta em?" ati a, putea chuan mitmei zeuhin "chutiang sawi ala hunlo, nakinah Kan ngaihtuah tha leh dawn nia" a ti Chang fak a
















"Pute,enge insawi awmzia, aizawlah hian in Kan nei tihna em ni" inthlahrun hmel zet chuan ka ti a, "aw nei e, in leh lo engkim in neihna hmun alawm, i pitei nen hian kan lo sawi a, hetia mi inluaha awm reng ai chuan in inlamah insuan phei mai tha in Kan lo hre deuh a, enge i ngaih ve dan?" alo ti dam diai a















"Imm, pawi lo e, kan in lama kan awm chuan, ka thil lo tawn tawh leh ka hriat loh thil te pawh ka hre leh thei anga, a tha ang" ka lo ti ve bawk













Pitei'n putea a melh deuh hrawk chu ka hmuh hmaih lo














Enge maw zep an nei tlat hian tinge ka hriat le, ni e, Kan in lamah insawn phei ila, ka la hrechhuak ve vat turah ngai ang







NOTE.


Zanin chu avawikhatna a ni si a,heti thleng hi ni phawt rawh se aw ka lo dah leh hunah chuan tun ai hian ka ti thui ve deuh tawh ang.


(Comment leh Ads click kha min lo ngaihpawimawh sak ve dawn nia aw)


Show post links
Top

[Ngaia]

By- Puipuii Khiangte






Chapter-2











Karhnih zenzawn a ral hnu chuan Kan in lama insawn phei tur chuan Kan in ruahman ta a,ka phur ve takzet, ka pa in, Kan chhungkua a Kan awmna thin inah ka let leh dawn chu ni sia, mahse tunah chuan kei chauh ka lo ni ta si, putea hi a fel a, fanu ang tak takin min en ve bawk, mahse a nupui erawh hi chuan min biak peih hmel vak lo, nge a zia ve reng ni, putea awm lai hi chuan min duat thei lutuk, mahse putea a chhuah chiah hian ramhuai pitar ang mai hi ani thin



















Nilai ni a ni a, zing hma takah tho in tih fel ngai ang ang te chu ka tifel ve sawk sawk a nizan ka mut hma avangin putea te rualin chaw pawh ka eilo,an thil eina ni ngei tur chu a lo hnawk nuai a thleng siloh tam lutuk chu ka sil sawk sawk a mi pahnih chauh in a ei si,tiang em em a Han hnawk, chaw ka chhungkai chiah tihin pitei pawh alo tho ve chiah, ham bui bui chung chuan ka bulah a rawn ding a, keiin ngawi rengin ka chawhhmeh siam tur ka lo chan mek bawk,"simby thingpui min lo lum teh,i putea in tur pawh lum tel nghal la, sawi ngailo hian tih na Chang te hi hre ve deuh la" zaidam lemlo tak chuan ati a, keiin ka lu ka lo bu zeuh thung

















Chaw ei ka peih fel meuh chuan zing dar 8 alo ri va tawh, putea hi company pakhat ah hna chhete a chelh ve avangin Chaw ei hma angai thin a, putea office kal hlanin pitei nen in Kan nghak deuh tawp zel a, phone khawih tur ka nei ve silo, pitei lah hian min kawm a, min biak a peihlo thin ropui si,a lakah hian tihsual ka nei thin amawni

















Putea te thenawm ah hian tlangval hmeltha ve deuh hi a awm a, inchung atangin an in a hmuh Chian theih vek,Kan in hnaih em a tinni puanpho tura inchunga ka chhoh lai te hian min lo en leh vung vung thin,mahse mitmei erawh ka hmuh duh ngailo, ni e, a hmeltha a, a pa hrawk a, a tawngtam hmel viau lo bawk, min en danah lah hian min duh tih hi hai theih ani bawk silo














Ka hun hmasa lamah ngaihzawng ka nei nge neilo pawh ka hrelo, hetia engmah hrelo a awm reng hi a hrehawm tawh takzet ka hriatna hlauh tawh te nei let leh vat tur a hmalak angai ani, chuan pitei hian engvanga min ngaitheilo viau nge anih,ka zawt ngam der mai silo a












Naktuk mai hi Kan in sawn ni alo nita reng mai tlaia putea lo haw chuan phone min lo hawn ve hlawl mai, ka lawm takzet,simcard pawh a lei nghal ani ngei ang, anih dan tur ang thlapin alo awm, putea chu ka kuah chung chung a,lawmthu ka sawi mawlh mawlh bawk












Pitei erawh alo meng thip ngang mai, "ehe avan mawi em em, a to awm si ka lawmpui lutuk che bawihte" putea awm lai chuan pitei chuan ati ve nang nang a, putea awm lai chauhin a tha ka tih tawh kha, "Bawihte" hmm ka mitek anih chu a, phakar thiam reuh emai

















Zanriah te Kan eifel hnu chuan Kan in pack zung zung a, Kan zawh meuh chuan dar 11 alo ri thuak tawh, zingkar atanga inthiar Kan duh vang ani













Manhni room theuhah lut in Kan in muttui sang sang hlawm a, ka muhil thei mailo chuan ka rilru te ka lo kawm ve mai mai a, mahse kha thil thleng rapthlak tak kha alo lang leh thin, "nu,pa tih theih ka nei silo, Kan nunhlui te, Kan engkim engtin nge hun Kan hman thin ,hrechhuak tur pawh hian chakna ka nei silo,nu,pa min ngaidam ang cheu aw, kei hi ka nep a tinni, in hmel hmuh leh ka van chak tehreng em! In fanu mal taka a awm hi rem in ti ami? Ngatinge min kalsan" ka khumah te chuan bawkkhup in ka tap hliam hliam a, putea ten thawm an hria ang tih hlau takin ka in lukhup tlat a, lukham ka kuah bet ngawr ngawr bawk















Ni chhuak riai riai chuan min rawn chhun harh a,nizan lam ka tah nasat vang aniang, ka mutthilh lai pawh ka hrelo, ka mut dan ngai ngai a tho lehin ka in ti fai sawk sawk a, pitei lo thawh leh hmaa tih zawh hman ka duh, a nih loh chuan min khakna tur ngawt azawng leh palh ang














Ka phone tharah chuan hla ngaihthlak pahin antam tlak tur chu ka thian pah mawlh mawlh a, dar 6 leh a chanve ala rilo deuh Kan thenawm tlangval chu a rawn lut deuh hlawl mai "khawnge pa Rina te hi an la tho lo ami?" a rawn ti nghal phawng phawng, a tawng duh hmel reuh lutuk "imm, la tho lo deuh, lo thu rawh an tho tep ang,thingpui te i induh em" ka ti nghal zung zung a, "tunge i hming" min lo ti daih ,mak ka ti hmel chu alo hrethiam aniang, "ahh, in thenawm lawk a awm saw kan nia Kan inkawm ve thin anga tiraw, chuan pa Rina hi I engtur nge" a tih zawm zat a,tawngbah deuh nuaih chung hian kan in laichinna leh an bula ka awm tak dan chu ka sawi ta vek a, min khawngaih ve hmel hle
















Thil zep tit tet ka thiam ve loh vang a hrilh nghal vek ka ni, "anih nang tunge i hming" ka ti a, "remtluanga, Reuben Lalremtluanga ka nia, remtluang tiin min ko thin" a ti zat zat a, rin ai daihin min nel hma, a zia ve reng turah ngai ang












Thingpui kan in zawh hnu chuan "ka kal tawh mai ang aw, ka walk a ka rawn kawi mai mai, zanah rem i tih chuan ka lo leng ang" ati a ka nui hak ringawt a chhuak zui ta a, "a fel hmel reuh khawp ang, kawm tur ka nei lo bawk a, kawm ve ila a tha ang" ka lo tih rilruk neuh neuh lai chuan putea chu a rawn tho chhuak a, "bawihi,inleng Kan nei maw ka tia, tunge lo kal a"a rawn ti a, "aww, thenawm tlangval a walk a, a rawn kawi lut a, a fel hmel reuh lutuk" ka ti zung zung a putea bawk chuan " aww remtluanga nih ka ring nghal mai, nia a fel reuh a, a tawng peih a, a mize tlang reuh lutuk saw kawm a nawmna nia, thian kawm tur vak i la nei chuanglo a, inkawm mai mai thin ula" a ti dap dap a, nuih suk pah hian " nia, zanah ka lo leng ang a ti a," chet malh malh pah chuan ka ti leh a, "aww, a that chu" tih leh choka atanga chhuah chu a rual ta a



















Pitei a lo la tho lo tak, putea kha a chhan ka lo zawh theihnghilh daih, a nuam Sam vaklo a nih ringin an room lamah ka kal a, an kawngka ka kik dat dat a,"pite ka lo lut aw" ka ti a, lehlama mi chuan thinrim aw nem lem lo tak hian " enge,lo lut rawh" a ti hmuk, ti deuh chung chuan ka lut a, "enge i duh a" alo ti chang fak "eng nilo e, ilo la tho chhuak silo a, I nuamsam lo nih ka ring a" ka ti a, "aw nangmah vang hian kan nupa Kan in hauh phah nih hi, hria em" alo ti vin tuar tuar a, putea rawn tlan lut nghalin pitei chu a rawn khap vat, lo va chhuak tur a min tih avangin ka chhuak nghal.

















Ka room lamah ka tlan lut nghalin khumah chuan ka bawk nghal thlawrh, pitei khan engvanga khatia min ti ringawt nge anih, an nupa inhauh naah engvanga kei min puh vek nge anih, ka mittui chu a luang ngiai ngiai a, ka mal bik ngawih ngawih hian ka hre thin, ka nu leh pa te nen enge Kan relation hre tawhlo mah ila, la dam ve se chu ka ti thin
















Ka room khawngkhar ri dat dat chu ka en reng a, putea alo ni, "bawihte, i pitei nen Kan in hnial deuh hlek a, a thinrimna i chungah a lo hrithla a nih kha, lo hrethiam hram hram ang che aw" in thlahrun hmel zet chuan ka ti a, "pute, pitei hian tinge min huat em em a, a hma in a pawi ka lo sawi tawh ami? nge ka nu leh pa vang" ka ti nang nang a, ka mittui a tla zung zung bawk
















"Nilo e, bawihte office lama kan buai deuh avangin hlawh ka la la theilo a, tunah hian i pitei hian nau thla 3 mi a pai ve mek bawk nen, a rilru a hah a tinni" thaw chhuak hak pah chuan a ti a, hnuai lam a en ngur bawk,pitei Rai thu tunah khan ka hre ve chiah, keiin lo en kar chung hian "pute vawiin ah kan in sawn phei dawn ni lawmi" ka lo ti leh daih, "aw sawn ang, vawiin a theih loh pawn naktuk lamah niang" a ti a, ka lo phur ve tawh tehreng nen, ka lu ka bu zeuh ringawt

















Putea a chhuah hnu chuan " naaa, an nupa in hauh vang mai a, kan in sawn tur thulh kher" ka ti nang nang a, putea khan kan thulh fel a ti tawp silo a, simby dawt theih reuh zia hi, a thinrim vang mai a thulh fel a ti lo tih ve ringawt hmm zaklo reuh lutuk mai ah


















Chaw ei dawnah chuan room atang chuan ka chhuak leh a, ngawi rengin Chaw ei ka Siam mawlh mawlh dar 9 a ri tawh, pitei te pawh an lo chhuak ve ta hram alawm, ngawi reng chuan Chaw chu Kan ei mawlh mawlh a, tumah in be reng kan awm lo putea chu rawn tawngchhuakin "vawiin chuan Kan insawn thei dawn a nih chu mottor pawh ka be fel vek tawh, Chaw ei khamah alo phei ang" a ti a, ka hawi chhuak rang hle, ka lawm takzet.



















Chaw Kan ei kham chu, muang Chang loin Kan Chaw ei na te chu ka ti fel sawk sawk a, mottor pawh alo thleng tawh, putea te hi Chanmari a awm an ni a, chuan Kan in chu Dawrpui Vengthar ah a in hlat vaklo














Kan bungrua te mottor a kan load lai chuan thenawm tlangval chu min lo pui Turin alo phei ve reuh a, Kan in sawn tur thu kha ka lo hrilh theihnghilh daih tak Kan inthiar vel chu min hmu ni ngei ang, putea te inchhung lama an luh hlan chuan paper te hi min lo pe a, en ta mai lo chuan ka ak tha ta daih a, Kan la buai rih em a tinni


















Biak pawh Kan in be mang lo, "I va fel ve", "chutia mi" tih bak in kan la in be lo, Kan load zawh hmel meuh chuan a lo tlai ve leh dawr tawh,remtluanga chuan Kan in sawnna tur lam thleng chuan min zui ve zel a, putea'n a thian te pahnih min pui Turin a sawm ve bawk, a thenin an unload a, a thenin Kan thiar lut thung
















Kan in thiar luh zawh chuan inchhung te chu ka enkual vel a, living room a frame lianpui a thlalak lo intar chuan ka mit a la ngang mai, ka thlek vang vang a, putea chuan "i nu leh pa te an nih hi" tiin thlalak a ka bula ding te pahnih chu a melh zeuh a














A û te nupa chu a ngaih ve hmel hle thung, chutia putea nen a thlalak Kan lo en rauh rauh lai chuan pitei'n bag Lian ve tak rawn chawi luh tuah tuah pah hian, "nangni pahnih kha ding mai mai lo in min lo pui ta che u, ka nau pai hian min ti hah reuh lutuk" a rawn ti vin deuh that that a, ka lo ner sawk thung, nau thla thum mi lek ala pai a, a in ti hah em em chu ni sia, a naupan a Len hunah phei chuan a tawrh hlelh awm âwm.






















Kan in rem fel sawk sawk a, putea chuan min pui mawlh mawlh bawk, min pui tute erawh Kan mottor hman ah khan an haw veleh nghal a, thingpui in tur a kan tih pawn an duh tlat lo a tinni, Kan buai map map lai chuan pitei lahin min lo tir ve sek a, a tirh ngawr ngawr kha ka hnial anilo, a ban phak rengah pawh min lo lak alo ti sek a, a ninom ve duh, zaidam chi ka nilo a niang
















Kan chawhmeh neih ang ang te chu ka Siam sawk sawk a, reilo te ah Chaw ei ka peih nghal, pitei chuan a mut hmun kher a chaw pek an beisei nih chu(h) oii em em hian ah, lalraiberi ka ti mai, a rai tan dek dek a, Rai kawrfual an ha nghal ringawt a,, oii ka rei ka zo lo thin ania















Putea nen chuan dawhkan kilin Chaw chu Kan ei mawlh mawlh a, thil ka lo ngaihtuah ngur ngur avang chuan putea chu rawn tawng chhuakin "bawihi, i pitei hi hrethiam ang che aw, raino hi ala na deuh hlek anih hi, nakinah chuan tiang reng hi ani bik lo ang, tunah phei chuan nang i awm tawh a, a in ti lal ve deuh anih hi aw" a ti dap dap a, kei lahin "pute, ka nu leh pa te hi eng ang mi nge an nih a" ka lo ti daih thung, ka zawhna hria tih hriat takin pitei zawk chuan hnung lam atangin " I nu leh pa te chuan, an ngaihsak ngai hleinem che, nupa hausa tak an ni a, sum leh lai bak ngaihtuah an nei ngailo, i putea pawh hi chengkhat mah bul Tanna tur pawh an pe phal ngailo" ati mauh mai anih chu
Ka mittui a hnam sawk thei.


















Eng ang mizia nge an put hrelo mah ila, khatiang kher kher a ka nu leh pa te chanchin an sawi ka duh bik lo, chhan pawh chhang let lem lo a thawh Sanin, choka atang chuan ka chhuak ta daih a, putea'n " enge khatiang thu kha i sawi a" a ti ri chiah ka hre pha, ka room lamah chuan lutin khumah ka thu thla hnawk a
"Nu,pa tinge hetiang mi hi in lo nih, in fanu hi min lo ngaihtuah ve ngai miah lo maw, in tan sum kha a hlu viau ami? Ka hua che u, ka haw lutuk che u" ka tap nghal chiam chiam bawk
















Ka thawh chhuah leh meuh chuan tumah hmuh tur an awm tawhlo, an roomah an awm ani ngei ang, choka pawh alo felfai diak mai, min koh chhuah loh danah an in thlahrung ani ve ang
















Chair chu phawrh in, dawhkan bawk chuan phone chu ka sik melh melh a, hriatchhuah zawk neiin ka kekawr ipte chu ka zen nghal rawk rawk a, remtluanga'n paper min pek chu ka en nghal vat phone no. hi alo awm, a chungah "min lo be ngei ngei rawh" tih a in ziak kulh, no.chu la thla in ka save nghal a,mahse ka la be mai lo,biak mutah pawh ka Cheng rihlo

















Khati zawng kha ni hrih phawt se, a tawi viau maithei chapter-3 tang a ngaihnawm chho dawn ania, min lo chhiar sak veleh hram hram ru aw mifel ho

Chuan chuan comment leh ads click kha min lo ngaih pawimawh sak ve ula aw🥰


Show post links
Top

[Ngaia]

#mittui nen hringnun




By-Puipuii Khiangte








Chapter-2 (Zawmna)










Dawhkan bawh a ka thu chu,ka lo muthlu ngiai ngiai a, ka chal a ri pawp, "oii ana lutuk" ka ti teu hlar mai, chhuatah ka tla thla chu niin, ka chalin chhuat a thleng hmasa ber, "Lalhruaitluangi lulen zia hi chu ah, ilu in a buk tla che nih kha" keimah chuan ka inhau mawlh mawlh a, min hmutu chu awm se mi â maw min ti ngei ngei ang, ma ni lo mah a mood dik lo sa nen, ka chal tuai vut pah chuan room lam ka pan tuah tuah a, ka mut a chhuak tawh viau mai












Ka room ah chuan lutin face towel nen ka chhuak leh a, living room bula bathroom ah hian ka in ti fai mai thin, ka roomah hian bathroom chu awm tho, ka hmang zen zen ngailo, chutia ka in ti fai zo ka chhuak leh chiah chu pitei nen Kan intawk hlawl mai.











"Mu tawh ta che" min ti deuh hmuk a, "imm hmai te ka phih a, hei ka mu dawn chiah e" ka ti Liam ve puat a, min be zui tawhlo, putea chu a mu tawh ni ngei ang a thawm hriat tur a awm tawh lo.









Khumah chuan ka mu thla der der a, ava han hahdam thlak tak em, ka mutchhuak pawh a reh leh vek tawh, ka lu kham hnuai a ka dah phone chu la chhuakin ka hmet mial mial a, khawih ber tur pawh ka hrechuang lo WhatsApp ah chuan lutin remtluanga chu ka "Hi" ve ta ringawt a, dar 11 a ri tawh, a mu tawh nih ka ring, min chhang let dawnlo emaw ka tih laiin, "Simby ni em?" A rawn ti a,ka zak hnuhnawh leh viau, mipa biak hmasak ka duh miahlo,mahse tuna mi chu loh theih loh, sawi tur a nei zawk anih ka ring, a no. Min pe miau alawm "aw ni e" ka ti a, "min lo be dawn ta lo maw ka tia" a rawn ti leh a, "Kan buai rei ve reuh lutuk a, enge, sawi duh te i nei em ni?" Ka ti a


"Ahhh,nei em em lo e, tihian in save ve mai mai ang, Kan in kawm chho ve zel anga tiraw" a rawn ti leh a, ka lo aw Liam ve mai bawk








Au thawt ri ka hriat rual chuan ka in perh tho nghal zat, "Lalhruaitluang" ti ri in a zui nghal putea nen chuan tlan chhuak nghalin bathroom lam Kan pan ding nghal chat, pitei bathroom chhuat a lo thusawp nuai a a lo awm chuan, min rawn melh hru bawk, putea chuan a kaitho nghal, a ngaihna hrelo lutuk chuan ka en tawp, pitei bawk chuan " I sahbawn hman te hi dahtha ta che, nge ka tluk theihna tur kherin I dah lui zawk" min ti ta chiam chiam a nih chu, "pitei, sahbawn kha ka dah tha ngei bawk sia, enge awmzia" ti Dak chuan ka ti a, "I zak nange" a rawn ti vin thawt, ka phu chiang lutuk " dawt ka sawi angah min puh tihna em ni, nang hian he ka nau pai hi piang lo se iti nih kha, a lo pian vaih chuan i putea'n a duat thei tawh dawn silo che a" a ti ta riap riap mai, putea'n engmah a sawilo chu mak ka ti zawk.



















Engmah sawi tawh lemlo chuan ka room lam ka pan san ta a, an awm awmin awm teh se, mahse mak chu ka ti, sahbawn kha ka dah Kang ngei sia, ka hriat Chian em em chhan pawh pitei'n a tlukpui na sahbawn kha ka hman ani lo tlat, chuan kha sahbawn kha bathroom ah khan a awm lo hrim hrim, pitei hian enge maw tum chu a nei ani, tiang em em a, min huat danah hian kei hian a pawi sawi ka nei ngai silo, neih a hnekin biak pawh Kan in be em em ngailo a nia, a awm dan hi hriatthiam a har ka ti, putea lah hian a tanin ka thlavang a hauh ve ngam der silo.

















Ka in ngaihtuah rauh rauh lai chuan ka phone message ri avang chuan ka harh chhuak zawk, remtluanga hming bawk alo lang,Kan inbiak lai ka tlan chhuah San daih kha a nia, a message alo tam tawh ngang mai, "sorry"tih te zawng hi ka va thawn let a, a en rang ngang mai, "tinge i buai deuh ami?" A rawn tih leh chuan "aww,tlem te in" ka ti tha veleh mai, "i tha maw?,na te i nei ami?" A ti leh zung zung hepa te hian min lo ngaihtuah ve tak tak a mawni, "ka tha, ka tha vek e, thildangah zawk mawle" ka ti a, ka nuichhuak hak bawk
















Mu tur a kan in thlah fel meuh chuan dar 10:30 alo pel ti tih tawh, muthilh tumin ka mu rem nghal sawk sawk bawk, thlasik a intan ve ta, a vawt vur tawh mai.













"Bawihte, a diklo, min ngaihdan kha khatiang kha a nilo asin, i pa nen hian kan ngaihtuah lutuk che, chuan sum leh pai zawng zawng aiin nang Kan dah hmasa ber zel che, bawihte,Kan hmangaih lutuk che asin, i thil tih ah fimkhur rân in awm ang che" thisen a inbual khat nuaih chung chuan ka nu hi a lo au lawm lawm a, reilo te ah a ral ta riai riai, "nu, pa, la kal Suh u, zawh duh cheu ka la ngah asin, ka ngai che u" ka tap chhuak hlawl, ka harh Chiang hle, ka khum bula tui ka inchhawp chu ka in nghal khawlh khawlh bawk, a mak ka ti ngei mai, khatiang mumang kha ka vawikhat hmuhna mai ani tawhlo, ngati nge ka nu leh pa te mumang a ka hmuh apiang hian fimkhur tur a min chah thin, a chhan an sawi hma in an kal leh nghal daih bawk si, enge maw diklo tak chu a awm ani.
















Ka phone phawrhin dar zat ka en thuai zinglam dar 3:00 chiah chiah ani, ka muhil leh tawhlo, ka nu leh pa te hian enge maw min hriattir an duh ani mawni le, engtin nge ka hriatchhuah theih ang, putea te ka zawt ngam silo, ka nu leh pa te hian thian an nei ngei anga, chumi te chu ka zawn chhuah angai ani.
















Dar 5 a Rik chuan ka tho chhuak ve ta a, thingpui lumin balcony lamah chuan ka chhuak a, boruak a thiangin ka hahdam sawng sawng thei, putea chu ka bulah alo ding ve hlawl mai, "pute i va tho hma ve, pitei chu enge a an a" ka lo ti zang vah a, "imm, a tha e, bawihi, nakin zel atan lo fimkhur deuh tawh la aw, i pitei hian nau a chhiat palh a hlauhawm a, Kan vawi 1 nau neihna tur te ania, Kan phur ve lutuk a, nang chu Kan la duat reng dawn che alawm" a ti daih, mak ka ti hle mai, putea hian min lo ring miahlo anih hi, "pute sahbawn khahh...." Ka sawi zo hman lo, " hna kal hma te angai sia, kan in ti fai sawk sawk ange aw" a ti hmuk a, a lut nghal daih, ka van haw tehreng em!!













A chhunzawmna a nih angin tawi te in ka lo dah rih mai🥲 chapter-3 tang a ngaihnawm chho ang ka tih tawh kha aw khawngaihin comment lamah in ngaihdan te, ka ziak zel angem tih te lo sawi ve thin ula aw🥺 in comments te ka chhiar hian phurna te min pe ve nasa thei lutuk a nia🥺🥰



Khawngaihin comment leh ads click kha aw mifel lutuk ho🥰


Show post links
Top

[Ngaia]

Mittui nen hringnun





By-Puipuii Khiangte







Chapter-3














Thlakhat a liam leh meuh chuan pitei nau pai pawh a lang ve tan a, sual lo se chuan chhelo ka ti ngawt ang, rai a inhmeh reuh a, kawrfual a hak a, Sam a thlah phei chuan hmeichhe mawi tak tur hi ani a, mahse a chhungril a tha lo a, ka lakah ngat phei chuan rilru tha a pu ngailo hrim hrim, a eng pawi zozai hi nge maw ka sawi thin ni.










Remtluanga pawh a lo leng ve deuh reng zel, tunah chuan kan in pawh em em a, in ngaizawng kan lo ni ve der tawh, putea te pawn min hriatpui vek a, min khap lemlo, remtluanga hi mi puitling tak a ni reuh a, puitling kawm a thiam a,putea te nen pawh lo in hre sa an ni bawk a, an titi a, an nui dar dar zel, mahse pitei hian remtluanga awm lai chuan min be tha in a fel ber awm ang hian a awm fo a, ka thatna tur ngaihtuah ber ang hian dawt hmangin min hau ziah leh nghal a, engmah ka sawi ve duh ngailo, ngawih mai mai rih hi tha in ka hria, mahse remtluanga rilru a kawih vek ka hlau thin.

















Tuk khat chu engin nge maw min mawlh ni, putea te room a luh ka chak tlat pek a nih chu, (putea te room hi a hma a ka nu te room thin kha a ni) putea a office anga,pitei a in checkup dawn bawk a, an chhuah hun chu ka nghak mawl ve tawp, tukthuan te Kan ei zawh chuan an kalna tur lam ve ve panin an chhuak ta a, chu veleh an room lam pan chuan ka kal ta them them a, enge ka zawn ber pawh hrelo chuan drawer te chu ka hai kual ta chiam a, ka beidawn tawpah bangkil deuha an dah, bawn pakhat chuan ka mit ala ta chat mai, pan hnai vatin ka la kang a, a in lock tlat, hriatchhuah zawk neiin ka thi awrh lai chu ka la thla vat vat, chabi te reuh te hi engtik lai pawh hian ka awrh reng zel, alo inmil chiah mai, a chhungah chuan dairy te reuh te leh lehkha pawimawh ni awm tak hi alo awm a, bawn chu dah letin a chhunga awm erawh ka la fai vek,putea te ta anih ka ring theilo, an ta nise, a chahbi ka kawl nachhan tur ka hrelo.














An room atanga ka chhuak chiah tihah pitei alo lut hlawl, ka thil lak te chu ka kekawr kawngah ka zep nghal thuai thuai a, kal leh nghal mai ka tum chu "Lalhruaitluang, enge kan room ah khan i tih,enge ruk ilo tum " min melh ngur chung chuan a ti a, "ka lo tifai a, naute I pai bawk sia, a hrisel lo ang ka tia" ka ti a, ka hlauthawng ru ve reng, vanneih thlak takin engmah sawi chhunzawm tawhlo chuan an room lam a pan ta a ni.
















Ka khumah chuan bawk thla der derin dairy chu ka chhiar a, ka pa dairy ngei alo ni, a hming Lalngaizuala tih hi alo inziak hmasa ber, dairy karah ka tetlai thlalak ni awm mipa naupangin min pawmna hi alo in zep zeuh bawk. Ka nu leh pa te thlalak pawh alo awm tel, dairy chu ka chhiar ta zel a, putea te chanchin pawh alo awm tel, ka pa ro an duh avanga an bumna te, dawt hniala puhin jail Kum 1 chhung alo tan tawh na te a lo inziak teuh mai. Ka putea te tenawm zia ka hrechhuak chiah, ka lu chu a hai vak a, ana lutuk, ka dawm nghal vawng vawng, pitei chu ka au tuar tuar a, engah mah min ngai duhlo, nakchawkna chu ka ban nghal rawk rawk bawk. A mak lutuk thawk leh khatah ka zangvah ni ber hian ka hria, ka hriatna nei let leh ang mai hian ka nu leh pa, ka tetlaia min infiampui thin na te, Kan nuih dar dar lai te chu ka mitthla ah a rawn lang nghal zut zut mai.













Khumah chuan ka muthla hnawk a, kar lo ah ka lo muhil bawrh bawrh mai,mumang neih chhunzawmin tunah chuan ka pa chauh ka hmu, "bawihte, fimkhur la, ngaihtuah Chiang ang che" tih zawng bak hi a sawilo, a bo leh nghal daih, ka harh leh meuh chuan tlailam dar 3 alo ri der tawh, ka hre vek, Engkim ka hre chhuak vek tawh, tho chhuak nghal vatin pitei bulah ka tlan phei nghal "pite, Engkim ka hrechhuak vek tawh asin, a za vaiin,ka hriatna ka nei let leh tawh a nia" ka au chul tawh mai, ka lawm ve em ani.










Pitei mitmengah chuan a lawm loh zia ka hmu thei "ehh ee,Ava lawmawm ve" a ti bah nuaih a, a nui tawk tak bawk. Remtluanga be nghalin Zana lo leng tur chuan ka ti a, thil hrilh duh che ka nei ka tih vang ani, hre ve se, min lawmpui ngawtin ka ring, amah ah chiah hian beisei na ka nei.










Mahse engtin nge kha accident kha a thlen theih, ka pa kha chau viau mahse,motor khalh theilo tur khawp chu ani miahlo, chuan motor dang nen a kan in tawh khan a break kha a rah theih loh thu a sawi hman, enge awmzia ni ta ang, kha accident phenah khan tunge awm ta ang, engvanga Kan break kha fail ngawt nge a nih, putea te nupa hi an in rawlh em? engkim hi ka la hrechhuak vat ang














Putea pawh alo haw ve tawh a, mahse engmah ka la hrilh rih lo, zanah remtluanga lo kal huna sawiah ka ti ani, zanriah Kan Kil mawlh mawlh lai chuan pitei chuan "hmanni lawk a ka thi leithar kha ka hmu zo tawh miahlo", a ti niah niah a, engah teh vak ka lo ngailo, chutah pute zawk chuan "bawihi, I pitei thi chu ilo chhar em?" A rawn ti khauh mai, "pute eng ang thi nge, hmuh pawh ka la hmu reng reng hleinem" ka lo ti mawl ve tawp a, "I dahna I hai te nilo maw" putea chuan pitei en pah chuan a ti leh a, aw zaidam lem lo tak hian pitei chuan "hai lo, ka hrechiang,thil dahna hai mai mai rual pawh ka ni tawhlo, he inchhungah hian rukru an awm ania nge" tih leh thawh a rual nghal, ka lo thawchhuak hak thung, engmah sawi chhunzawm ta lem lo chuan keini pawh Chaw ei dawhkan chu Kan thawh San ve ta a, Chaw ei a tui thei tawh hleinem mawle.














Thleng ka sil mawlh mawlh lai chuan ka phone chu alo ri ral ral a, remtluanga alo ni, chhang zui nghal vatin "aw hello,remtluang,ilo kal tawh em?"ka ti zung zung, "aw hei ka lo kal dawn mek e, thil ka lo hawn ang che aw" lehlam a mi chuan a ti zang vah a, hepa hi chu mi hi ngaihsak thei nia, "awle" ka ti a, call chu Kan ti tawp ta a.















Thleng ka rem malh malh lai chuan doorbell a ri ral ral, remtluanga ni tawh ngei ang, ka nui sap a, ka phur tawh ani, living room ah chuan Kan thu dial a, putea chu committee an neih avangin a lo la haw lo, Kan inkawm a, Kan nui ho ve dar dar mai, pitei hi remtluanga awm lai chuan a tha ka tih tawh kha, a thi bo chungchang vel bawk a sawichhuak leh, min la ringhlel fo amaw ni, "thingpui kan lum ange aw" tih leh thawh ka rual a, thingpui chawi a ka let leh chuan pitei alo awm tawhlo "khawnge pitei kha" remtluanga bulah chuan ka ti a, mahse min chhang miah lo ka room atang chuan pitei hian min lo ko chiam chiam a, ka tlan lut nghal ka hmai a ri nghal sawk, "pite" ka ti vin thawt "I awt viau anih chuan sawi ta che, i va han zaktheilo ve a, engvangin nge i ruk ngam zawk a", ka room atanga ka sam a min hnuh chhuah dawr dawr pah chuan ati a, "nilo, pite ka ruk anilo asin, engtin nge kha thi kha ka room ah a awm ngawt nachhan ka hrelo ani"..... "ngawi hmak la, i putea lo haw hunah I hre dawn khawp".

Ni e, ka ruk ani miau hleinem,ruk ka ru ngailo tih pawh ka putea leh a nupui tluka hrechiangtu an awmlo.


Ka pitei hian engvaga hetia rukru a min puh kher nge anih, chupawh remtluanga awmlai leh nghalin ka zak bawk si, rilru na bawk si, ngawi rengin sofa ah chuan ka thu thla hnawk a, remtluanga pawh chu ka be ngam tawh hlawl lo.
















"I pitei thusawi kha enge awmzia" remtluanga chuan min rinhlelh hmel tak chuan a ti a, mak ti tak Chung chuan


"Min ring lo ami"ka ti a

"Rin che chu ka duh mahse"

"Mahse ahh,enge i sawi awmzia nang hian min lo ring miahlo tihna em ni"



"I pitei hian I tet te atanga I awmdan zawng zawng min hrilh fai vek tawh, engmah sawi angai tawhlo a tawk tawh viau e" a ti a, tawng ngaihna pawh ka hre tawhlo a kal nghal hmak mai bawk si, ka rin a lo ang lo takzet, ka hlim ve tehreng nen,ka tap zawih zawih, ka beisei neih chhun ani a sin mawle, ka hringnunah ve hi zawng mittui nen ka hmang ral dawn a nih hi.















Pawna ka din lai chuan putea'n min rawn ko in inlam ka pan nghal, alo haw lai ka hre miahlo, inchhunga ka luh chuan pitei chu tapin putea'n alo kuah, ka ei lo thin teh e, ner sawk pahin an thutna ah ka thu ve nghal, "Simby, ka lung iti awilo takzet, ngati nge i pitei ilo nam thluk a" min ti nih chu, mak ti lutuk chuan ka en hrawk chhan ngaihna pawh ka hrelo ka nui lui hak ringawt, tap tuau chung hian pitei chuan "duhtawk rawh pa-a bawihi hian a hriatna a hlauh tih pawh i hriat vek kha, a ta amaw a lo ti palh aniang, bawihi i duh chuan nei daih rawh, mahse khawngaihin min nam thlu tawh Suh aw, naute tan a thalo palh mai ang" a tap uar sauh.













Mak hi ka ti, ka hriatna neih let thu pawh ka hrilh vek tawh sia, tinge ka hrechhuak lo anga a sawi daih, ka room ah chuan ngawi rengin ka lut a, ka nu leh pa te ka ngai takzet ka mal a, min thlamuan tu tur pawh ka nei ve silo, ka thiam thu takngial pawh ka sawi a rem ve silo amaw, nu,pa ka va han ngai tak cheu em! In fanu hi min lo thlir ve thin ang tiraw, ka mamawh lutuk cheu sin, ka ngai che u, ka tap hliam hliam a, ka tawt takzet, a va han hrehawm tak em! Nu, pa in thihna phenah hian awm chu a awm a ni tiraw, ka la chhuichhuak vek ang, lo lungngai miah su aw.










Tizawng kha ni phawt se, ka story te min lo chhiar sak thin avangin ka lawm lutuk a nia🥺



Comment leh ads click kha min lo ngaih pawimawh sak leh hram ru aw mifel ho


Show post links
Top

[Ngaia]

#Mittui nen hringnun




By-Puipuii Khiangte






Chapter-4










Ni chhuak chuan min rawn chhun harh siai siai a, nizana ka awm ngai ngai in ka lo la awm, ka lo muhil tlang daih a nih dawn hi, ka phone ka en a, remtluanga message leh call takngial pawh engmah alo awmlo, ka lo duh ve hman tawh em avangin ka call hmasa leh ta nge nge a,a la thei dawnlo emaw ka tih laiin, hmeichhe pakhat hian rawn chhangin,remtluanga chu ala mut thu te, tunge ka nih thu leh remtluanga nen hotel a an riah dun thu a rawn sawi mauh pek a nih chu, ka thil hriat avang chuan ka room chhuatah chuan ka thu thla hnawk, sawi tur ka hrelo, ka en ngai hi ka en tlawk tlawk ani ber.















Khatiang em em khan nimaw ka lo duh hman ni, a laka ka beisei neih ve zawng zawng te kha thamral tur chuan ka phal thei silo, ngati nge ka vanduai bik em em le, mahni insit na hlir in ka khat a, mahse tap mai mai thei ka ni tawh lo, chhel taka ka awm angai.














Choka lama ka phei chuan putea ten chaw an lo ei der tawh, ala hma viau sia, enge maw an hriat ni, biak pawh min be duh miah lo, thleng la a ei ve nghal mai ka tum chu, "Simby tukin chu i pitei hian bawngsa ka ei chak a tia, hma takah tho in ka lo siamsak a, nang chu nakinah i ei mai dawn nia" min ti hmak anih chu, a va han zahthlak tehreng em! chhan pawh chhang lemlo a chhuah mai ka tum chu pitei chuan ngeiawm fahran hian "pa-a Kan in hi a chep tawh riau ka ti,nau Kan neih dawn phei chuan Kan chep dawn lutuk,bakah ei chak deuh nei ila, nau nen ka inbuaipui hmanlo ang, che zolo Kan awm kur bawk si" min sawichhan lutuk hian a ti ta piap piap mai a nih chu, tukin chiah thawh ka la hai, chuti chung pawn min hriatsak em em chu ni sia, ka room lamah ka phei daih.




























Ka khua a har takzet, remtluanga erawh a reh hian a reh tlawk tlawk mai si, ka rin a anglo takzet,min rinna pakhat mah alo nei miahlo te kha mak ka ti takzet,Kan in ngaihzawn chhung zawng khan vawi khat min kiss ve hman, hnute khawih a tum ve pawn ka phalsak ngailo kha a nia, Kan inthen zanah hmeichhe dang a mutpui nghal thei te kha mak ka ti, min lo duh ve tak tak lo a nia nge,ka rilru na bawk si chu ka nui leh tawp zel.















Chutia ka lo in ngaihtuah rauh rauh lai hian, putea alo lut hlawl, "thil sawipui lawk che ka duh a, ka lung iti awilo takzet" a rawn ti a, ka lo bu nghut ringawt, chhan pawh ka chhang peihlo, nupui te thu thu a awm thei hi ah, sawi chhunzawm nghalin "remtluanga bulah i pitei naupai hi i huat thu leh tihchhiat sak nan engpawh ka ti ang tih thu ilo sawi a, thi i ruk kha chu ka hrethiam, mahse hei kher hi chuan min ti thinrim tawh takzet" a ti ta piap piap mai, ka nui chhuak hak thung,"pute, chutiang a ka tih i ring amaw, ngati nge ka thusawi hi i awih ve duh miah loh aa" ka ti a, ka tah loh Nan ka insum hram hram, " a tawk e, Simby he in atang hian i chhuah mai angai ang, i pitei leh naute tan i hlauhawm tawh tlat" min ti ta riap mai, a chhuak zui nghal.









Sawi ber tur pawh ka hrelo, ka nu leh pa in hah taka an din, kan chhungkaw hlimna berah pawh ka leng ve ta lo chu a ni si, ka tan thiamthu sawiin awmzia a nei ve silo, ka rilru ah tawngtai a lang, mitchhing vang vangin Lalpa ka ti chhuak sap a, chham tur ber pawh ka hre chuang lo, "i kutah ka in nghat e" tih te zawng chiah hi ka sawi, ka meng siar siar a, ka room te chu enkualin ka tah a chhuak takzet, tunah chuan ka chhuahsan a ngai ta si, ngawi rengin ka in siam mawlh mawlh a, living room a kan chhungkaw thlalak Kan tar chu en vang vangin "nu,pa ka lo let leh ang" ti chhuak sapin putea lam chu ka pan a, "pute, ka nu leh pa thlan hi khawiah nge a awm" ka ti a, " a hla lutuk, i hrelo ang" tih ringawtin min chhang.













Zawt lui duh ta lemlo chuan rilru na em em in kan in chu ka chhuahsan ta a, kalna ber tur pawh hrelo in, taxi ka phar mawl ve tawp, putea'n pawisa tlem a zawng chu min pek ve kha maw, zarkawtah chhukin hotel ah chuan ka lut ve rawih mai, reciptionist te chuan min lo dawng sawng tha kher mai, pawisa te Kan in pek fel zawh chuan ka room tur lam pan chuan ka kal hnak hnak a, rin ai daihin a nuam, ka mu a, taksa chu a hahdam sawng sawng thei, rilru erawh a hahdam ve thei silo.
















Dar 12pm chauh ala ni, ka tih tur ber hrelo chuan bazar lamah ka tei hawi mai mai, tum loh deuhin mipa pakhat hian hmeichhe pakhat hi zunin sir Kil deuh ah alo fawp ngawng ngawng mai anih chu, a awm vel te pawh duhthaw tih hriat tak hian alo tham buan buan mai, ka ten takzet hetiang khaw leh nghal a khatia awm, kal leh mai ka tum a ka in her chu, ka hming a min ko tu an awm avang chuan ka hawi let leh vat, ka meng kawk thei, nachin maia zunin bula ka hmuh te kha remtluang te lek an lo ni, mak ka ti leh zual, ka rilru chu ana thar hle bawk.















Ngawi reng chuan en in, remtluanga chuan a bula ding hmeichhe bulah chuan "khinu khi ka ex a nih khi aw, a hnute khawih pawh zu Han phal lo a, engah nge maw a in ngaihni, mahse, ka hriat lohin mipa dang alo kawp a, ka lo hre silo a, a pitei'n min hrilh leh vek sia, khi tunah chuan an hnawtchhuak ta nih khi, rukruk pawh a hmang" tiin min nuihsawh ta chiam chiam anih chu, deu sawh tih hriat tak hian hmeichhia zawk chuan "awi bawihi, remtluanga ilo kawp chu ka van lawm, ka bulah alo let leh thei a, i pek theih loh thil tamtak ka lo pe bik bik asin" mit min siai keuh pah chuan a ti a, ka ten takzet.















Engmah sawi lo chuan ka kal sawn daih a, tunge min en,tunge min hmu ang tih ka ngaihtuah tawhlo ka tlan a, ka tap pah bawk, ka ngaihtuahna chu ka kawm vel ta mai mai a, khawilai nge ka kalna pawh ka hre tawhlo, ka harh chhuah meuh chuan khua alo thim ve det det tawh, Zodin ka lo thleng der tawh chu niin, bridge ah chuan lawn kaiin hmeichhe in ha chhing tak tak an lo tam hle, mipa an lo awm ve nual bawk, an sir tuma awm lohna ah chuan ka thu ve ta ringawt a, miin eng ang pawn min hmu se, engah mah ka ngai tawhlo, ka beidawng em ani.















"Min lo hrethiam loks, hetah hian enge i tih ve a"min lo ti tu chu hmeichhia a ni, en pawh en lemlo chuan "ka hrelo" ka ti zawi sap a, rawn thu hniam in, "khawiah nge i awm, khawilai nge in in" min ti a, a zaidam hmel khawp mai, in ka neih loh thu leh putea te, remtluanga te ho min tihdan chu ka sawi ve sap sap a, ka ngaina nghal ni maiin ka hria.















"Kan bulah ilo awm duh em?" Min ti a, ka en ve chiah, a hmel a tha reuh hle mai, "a rem dawn em ni?" ka ti a, hnial ka tum hranlo, ka nun a beidawng a, eng pawh ti ila, kei hian enge Chan leh Chuang tur ka neih, "rem tehreng mai, mahse keini pawh nangmah ang tho a chhungte duh loh Kan ni a, thiante nen inluahin ka awm a, i duh leh in te ilo nghak anga, rawng te i lo bawl thin dawn nia, Kan tih ang hi chu tih ve kher a ngailo ang" a ti a, a fel takzet.















Mipa pakhat hi ko pheiin ka hotel thlen na a kalpui turin min ti a, ka thawmhnaw te Kan la ani, chupa chu Ruata a ni a, nachin a min lo be tunu hming kha Siamtei ruata ka atanga ka hriat ani. Kan phei leh lam chuan a tawng siam siam a, ka hming te min zawtin hetia ka awm chhan te min zawt a, ka sawi veleh mai bawk.















Siamtei te awmna lam Kan thleng leh a, ruata bulah chuan in lama min thlah haw nghal mai Turin alo ti a, a bulah officer ni awm tak hmelpu palian nelh nawlh, suit ha hi alo ding a, "Bibi, ka lo let vat ang, inah lo awm la, thil ka lo haw ang che aw" a ti a car chhungah a lut zui nghal, nachin khan ka hming ka hrilh hman bawk, a fel reuh hle mai, ka ngai na a, amah ah khan ka innghat tawp bawk, "awle" tiin Kan in vei liam zui bawk.















Ruata chuan "hawh le, kal dawn ang hmiang" a ti a, drugs addict tur a ka ngaih a ni a, mahse rin loh deuhin a ni miahlo, a hnuangah chuan ka lawn Kai nghal, mi hi kan rin ang hi an lo nilo, khawlo deuh tura Kan ngaih te pawh hi alo nilo chawk ania.














Rei deuh fe kan tlan hnu ah a ding dat a, in tha ve pangai takah hian min luhpui a, tumah an lo awm lo, "tah hian lo awm rawh aw, Siamtei te chu an lo let vat ang" a ti a, "tah hian tutu nge awm" ka ti ve tawp,"hmeichhe pahnih leh keimah" nui suk pah hian alo ti a, "imm a nih chu, chuan nang khawiah nge ila kal dawn a" ka ti a, " aww kei chu Siamtei leh felfeli ka nghak ang,i hria tiraw, nachina Kan awm naah khan" a ti leh a, ka lo bu nghauh thung.
















A chhuah leh hnu chuan ka ril a tam deuh avangin choka lamah chuan pheiin fridge ka hawng a, eitur tui hnai tak tak alo awm nual bawk, hemi te hi ka rin ai daihin an khawsa thei an hna thawh kha, sawi kher ngailo in ka hre aa vek, ka dem lo, keimah anga nun beidawng panna tur neilo ve tho kha an ni.















Ei tur vel ka lo Siam malh malh lai chuan Siamtei alo lut hlawl, lo nuih verver pah hian, "ka ril a tam deuh a, ka lo aiam ve tawp mai, ruata khan mi pathum in awm thu a sawi a, in ei tur nen ka lo Siam vek mai asin" ka ti dap dap a, Siamtei chuan tui in khawlh khawlh pah hian "imm, a pawi reng reng lo,i in ang chiahin ngai la, i duh duh ei rawh" a ti a, ka bulah alo thu thla zui bawk. Kan in ngei a ka awmlai nen chuan a in anglo hle mai.














"En teh Bibi, kan hnathawh i hre vek tiraw" a ti a, ka lo bu ve mai bawk " mahse ruihhlo hi Kan khawih ngai miahlo ania aw, Kan chhuah dawnah tawhsual te Kan tawh loh Nan Kan tawngtai ve thin a nia aw, mahse beer in ve zeuh hi Kan hmang a ni mai" ati dap dap a, ka ngaisang ru hle thung, hetianga nun beidawnga an awm hnu pawn, Pathian biak nachang an hria a, ruihhlo an khawihlo ringawt pawh hi ka lawm, "sawi tur pawh ka hre velo" keichuan Pathian biak nachang ka hrelo a, ka awm awmin ka awm mawl ve tawp mai" ka ti niap niap a, " ka hrethiam lutuk che alawm" a ti a, Kan nui dun leh thin, thian tha tak ka chhar hi ka inchhir ngailo ang.















"Hawh,mu tawh ang, nangpawh i chau lutuk ang" a ti a, room lamah Kan lut phei ta a, "felfeli chu ruata nen khum pakhatah hian mu leh mai rawh se, an lo haw har deuh thin a,pawi an ti lo ang" a ti a, Kan pahnih chuan Kan mu ta a, "felfeli chu ka hmu ve chak tawh" ka ti sap a, ka lam lo hawi pah hian "amah chu mi thinchhia ania, a vin hluk hluk zel ania aw, mahse a rilru chhelo a" a ti dap dap a, a dik ka ring, ruata pawh kha a fel emai, an rilru chu a chhiat ka ring miahlo, " imm, a nih chu" ka ti Liam ve mai.















Dah loh ka duh silo a, chhunlam Kan buai deuh hlek a, chawpchilh tawkin ka rawn ziak chawp chung chung anih hi a diklo pawh tam viau maithei, hmuh hmaih hi lo awm ve nawk zel a, min lo hrih leh ula, ka lo in zir leh anga aw🥰





Comment leh ads click kha aw mifel ho🥰


Show post links
Top

[Ngaia]

#MITTUI NEN HRINGNUN





By-Puipuii Khiangte








Chapter-5













Zingah chuan hma takah tho in, rawng ka bawl ve sawk sawk a, felfeli te an lo haw lai ka hre miahlo,ka lo mutui viau a niang, dar 8 a rik tawh hnu pawn tumah an lo la tho lo, rawng ka bawl peih diam tawh bawk, ka tih tur hrelo chuan ka phone phawrhin ka enkual vel a, gallery ah lutin remtluanga nen a kan thlalak ka en kual, hepa hi chu ka ngai ve takzet,mahse chu chu ka duh ani silo, theihnghilh hmak ka tum khatiang em em a min tina tu ka ngaih a ka duh bik reng nachhan tur ka hrelo.














Kan thlalak zawng zawng chu ka delete ta vek a, a phone number pawh block in ka delete nghal, remtluanga ka lo kawp kha ka inchhir ber ani, tun atang chuan ka inchhir lehna tur thil engmah tih ka duh tawhlo, ka chhungkaw neihchhun ka putea te lah a reh hian an reh tlawk tlawk mai bawk si, min ngaihtuahna chhe te mah an lo nei lo tih ka hrechhuak bawk, pitei chu ka beisei lo, putea ka putea ngei ka nu nau chiah nibawk a lakah chuan call dawn ve te pawh ka beisei viau asin, ka that leh that loh tal pawh engmah a hre duhlo chu ania, ka la ti chhe vek ang.














Tinge ka nu leh pa thlan takngial pawh min hrilh duh loh le, an mahni awm tawhlo mahse, an thlanah tal kalin ka vui anga, ka zualko ve thei deuh tur,mahse chung ka tih pawh chu a rem ve silo a maw, enge ka dam ve reng hian awmzia a neih tak ang, chhuan tur leh beisei tur pawh neilo hi,dam chakna pawh ka nei ve tawhlo, ka thlarau nun ngaihtuah lo ila chuan ka nu leh pa te ka zui ve daih tawh ang.













Ka mitpui far fep fep ka bianga lo luang ngiai ngiai chu min rawn hruksak tu avang chuan ka ngaihtuahna atang chuan ka harh chhuak chiang hle, Siamtei alo ni, min khawngaih hmel zeta min en pah hian a nui ver ver a, "ngati bai bai nge, tuna ng zing zingah" alo ti a, intuai puat pah hian "ngati vak mah, ka lo in ngaihtuah lungpuam vel mai mai mawle, hawh lut ila, rawng ka bawl zo vek tawh" ka tih zawm zat a, ka zak ve deuh tih hria ni awm tak hian min la nuih uar uar zui, ka tlan luh san daih thung.















Felfeli te pawh an lo tho der tawh, min be ve siam siam a, "bibi-i maw i nih" min ti a, "aw ni e, chuan nang chu felfeli tiraw" ka ti a, ka nuisang reng mai hemi te bula awm hi a hahdam thlak ka ti takzet, an thawh hre reng mah ila, min hmangaiha a in thleng a min awmtir ve duh tu te an ni miau alawm, felfel chuan "imm, mahse ka fel em em lo nia aw" a ti a, a nui nghal yar uar bawk, chuan ka thian chhar thar te hian Bibi tih bakin min ko ngailo bawk, ka duh reuh phian mai.














Chaw Kan ei mawlh mawlh lai chuan Siamtei hian "zanin chu Kan karaoke dawn bawk a Bibi hi hruai ve chhin ila tha ang, in ti thawveng ve rawh se, nuam a ti reuh phian maithei asin, tiraw Bibi" ka chhanna ngaichang reng chuan chuan min en kar a, "ahhh, ihh, ka la kal ve ngai silo a, awmdan tur pawh ka thiam dawn ami" ka ti bah nuai a, helam kher hi chu ka hrelo ve em ni, felfeli chu nuih hak pah hian, "awmdan thiam vak angai lo, Kan kal tawp anga,i thiam chawpchilh ve mai ang" a ti a, ka ngawi kur thung, ruata pawh ala tawng lo hrim hrim, a mumang a tha vaklo aniang haha.










Skip~~~skip~~~











Ni aliam a, thla meuh alo ral leh ta, Siamtei te bula ka awm atangin thla thum ngawt aliam leh tawh, hun hi a kal chak duh khawp mai, tunah chuan hmeichhe derdep leh awlsam taka tap mai mai thin kha ka ni tawhlo, keimah pawn ka chhuak zantin ve ta a, mahse Siamtei te thawh ang thawk ve tur chuan ka huaisenna in a tlin hlawl lo ani, Kan tum ve dawn pawn thinrimin ka chhuah leh nge nge thin, ruihhlo Kan khawih ngailo a, beer erawh in ve zeuh Kan hmang thung.















Nikhat chu Siamtei ten bazar ang u an tia,ka nawm loh em avangin in a ka lo awm duh zawk thu sawiin Kan in thlah fel a, mut reng ka nin deuh avangin hmun te phiat in,in te ka ti fai vek a, ka buai ve nak nak lai hian phone call ka dawng hlawl mai, putea alo ni, ka pick dawn nge dawn lo tia ka in ngaihtuah lai chuan alo tawp hman, a rawn ti nawn leh a, a tawp hman tel tih ah ka pick ve hram, eng khaw sawi set set lo in "Lalhruaitluang" a rawn ti vin nghal tuarh mai, kei lah duai duh tawh bik lo in a aw ki ang chiahin "enge"ka ti lek ve hrawk, an ngaih anga hmeichhe derdep kha chu ka ni tawh biklo, putea chu thawhalh in "tuna i thil tih khan,min tizak khawp mai,nang hi ilo in zuar thin amaw,ilo va tenawm em em ve" a rawn ti hrawk, ka lo nuih ve sak thung, "aww ka pute,nupui thuawihpa ka in atang ngeiin min hnawtchhuak ani lawmni,engah nge ilo la buai duh a,ka duh duhin ka awm anga, I lo sawi ve tur a awm tawh reng reng hleinem,nang chuan i chinghnia leh a naupai kha enkawl tha la, a thu te kha awih leh dur dur la I inhmeh tawk chiah, phawts aw,hei ka customer Turin min nghak" tih leh call ka dah zui hmak, ka zah vak duh tawh biklo, tih el vel kha pawi tihna pawh ka nei hek lo, ka nunah hian inrawlh lo law law se ka duh.














Ka phone chu dawhkanah dahin tui ka in nghal khawlh khawlh ka tawngna lamah ka dang a ro hman vek, chuan engtin nge ka awmdan te kha a hriat ni, mahse a hresual chhia va sia, ka khawngaih zawk, inzawrh maw, haha ka duh leh ka inzuar anga, a lo sawi ve tur a awm tawh reng reng hleinem.















Diktak chuan hetia awm hi ka duh a ni bik reng reng lo, ka nu leh pa te thlarau pawh ka zah mahse hetia ka awm loh chuan ka move on thei silo a nih hi, ka in ngaihtuah lungpuam a ka tap leh tawp zel kha a nia, mahse tunah chuan khatiang kha kalsan in hmalam pan ka duh tawh a, ka pan mek zel bawk.








Hna pangai ve tak thawh tur chu ka zawngkual pah reng a, ka duh ber doctor nih erawh ka thulh fel der tawh, ka nih chak chhan ber ten min awm loh San tawh si, ka tan awmzia a awm thei tawh hleinem, nakinah chuan hna tha tak te ka la nei ve anga, ka hlawhtlin ve tak tak hunah chuan Kan in ngei saw ka la la let thuai ang, tiin duhthu ka sam ve thin.














Tlai lamah chuan Siamtei te bazar kal pawh an lo haw ve ta a, keiin eirawng ka lo bawl peih leh diam tawh, Siamtei chu ka bula rawn thut pah hian "zanin i karoake leh dawn em?" a rawn ti sar sar a, vawikhat min hruai atang khan kal ka zawng chhang phah vek "imm,kal ang,thiante ho nen" ka ti Liam ve mai, thian te ka tih hian thian chhar thar ka nei ve nual a, chupawh Siamtei atang bawk, an ni pawh Siamtei te ang tho in kawm an nuam a, min hrethiam a, an bula awm nuam ka ti thin takzet.











Siamtei te erawh an hna ngai zanlam chhuah an la hrat reng a, tun hma atanga an lo tih dan a nih avangin khap tumna ka neilo, kan nuam tihna theuhah Kan kal mai zel, keiin karoake lama zai leh lam nuam ka ti viau thung.















Zanriah te kan ei kham hnu chuan Kan kal na lam theuh pan tur chuan kan in thlah fel diam hlawm a, keipawh ka thiante min lo nghahna lam chu ka pan ve ta a, an lo Kim leh thap tawh, min lo nuih vur vur in car ah chuan Kan lut hlawm a, hemi zan hian a ni, ka nun a chhiat tan na chu, Kan kalna hmun tur chu thlengin kan luh zawm zat a, hla te play in kan lam mup mup mai, beer Kan keng ran hlawm bawk, ka luak a chhuah deuh avangin pawnah ka tlanchhuak thuai, bathroom ka zawng nghal chung chung bawk, ka tum loh deuhin mihring tawh a zawng a ka huat ber te zing ami remtluanga, remsakhi-a ka la hmu zui, a bulah hmeichhe pakhat a ding, mahse hmanni a bazara ka hmuh kha chu ni tawh hauh lo, biak pawh be lem lo chuan bathroom ah chuan ka luhsan ta daih





Darthlalang lo awmah chuan in en vang vangin ka duh vang ni miah lo in ka mittui a rawn luang leh ngiai ngiai tawh, engvanga hetia awm reng hi nge maw ka nih le, tikhawp khan ka duh a in amahah Rinna ka nghat a,mahse theihtawp a na in min siam leh si, ka theihnghilh tawh maw ka lo tia,mahse ka lo inbum mai mai zawk a ni, intuai fai puat in ka thiante awmna lam chu ka pan leh nghal a, lam pawh ka lam ve peih tawh lo, couch ah chuan thu thla hnawkin beer ka ban nghal zat, ka thiante min biakna pawh ngaithla lemlo chuan ka en ngai hi ka en tlawk tlawk, ka beer ken lai chu a zo rang ngang mai.







Dawhkana no in hung chu ban nghal zatin ka tlak nghal pawp, ka en vang vang, a tui zawk zawk lo hlemai hei kher chu,ka phun chhuak hlak, chutah ka thiante zing ami, Zothani rawn ka bulah rawn thu thla in, tun a i in kha i hrechiang amaw, i beer in thin aia chak Monsieur a nih kha, beer pangai aiin a chak a, i in ngai loh a nih avangin i rui viau maithei ania, a ti zung zung, a dik ang, ka lu a hai muai muai a, beer pangai lo chu ka in ngailo reng bawk ani.














Chutah tho hluai in, ka lam ve nghal a, tu mipa nge a nih pawh ka hriat ngai loh nen chuan Kan lam dun ta ziai ziai mai nih chu, mu leh mal pawh ka neilo tih hria ni awm fahran hian min chul kual vel thuak thuak a nih chu, min rawn kiss thutin awlsam takin ka lo chhang let ve mai bawk, pawn lamah chhuakin hotel lam min panpui a, pawi tihna reng reng ka nei tawhlo, ka rilru chu a harh fim vek, taksa erawh ka thunun thei chang chang chauh ani, Kan room turah chuan lutin Kan in kiss nghal buan buan duhthaw zetin ka awm a tham tawn tawn a, khumah min theh thla tawpin a nih tur ang chu Kan ni zo ta vek ani, inchhirna pawh ka nei hran lo, ka nun hi a ho zo vek tawh nih ber hi.















Ka harh leh meuh chuan khua a lo eng ti tih tawh, ka bula mi erawh ala mutui hle, ka thawmhnaw vel ka hak sawk sawk lai chuan khum a mu chu a rawn harh hlawl, "Bibi" a rawn tichhuak hlawl, en vatin "imm,enge" ka ti tha veleh mai, "I vawikhatna a nimaw" a ti leh ka melh hrawk ringawt, "huatah la Suh, ka inchhir, i thianghlimna khawihchhiat kha ka duh miahlo asin" a ti dap dap a, ka en vung vung ringawt, amah bawk chu rawn tawngchhuak leh in "ka hming chu Joseph Zonunkunga a nia, hman atang khan ka lo thli thlai tawh che a, kei hian ka duh lutuk che asin" a ti ta mai anih chu, ka ngaihtuah phak loh daih ani.




"Ngaihzawn tlak ka nilo, chhuan tur engmah ka neilo" ka ti hmuk hmuk a, ka pheikhawk ka bun pah mawlh mawlh bawk, tumah ngaihzawn leh na rilru pawh ka pu rih lo, ka putea te laka phuba lak tumna bak engmah ka rilruk lo.


"I neih leh neih lohah ka buai lo asin Bibi,kei hian in chhungkaw chanchin pawh ka hre vek tawh a sin, i hriat loh hian vawitam ka veng him thin bawk che, ka hmangaih lutuk che a sin" ngen ngawl tak hian a ti a, ngawi reng hian ka chhuahsan ta a, taxi ka phar nghal a, in lamah ka haw nghal nal nal,Joseph maw, ka nuichhuak sap, a thusawi te kha ka ngaihtuah chhuak mahse ka rilu ka pek ka hlau, ka phone ka en nghal daih, Siamtei,felfeli leh ruata te call alo tam ngang mai, ka kalna tur engmah sawi lo in ka riak bo daih kha ania.








In ka thleng chu an lo phili nasa mai, min hau a, min ngaihtuah zia an sawi chamchi bawk, ka tah te hial a chhuak, 'ka thisen zawm te takngial pawhin min ngaihtuah ngailo ania, hmanni lawk a ka chhar thar ka thiante hian min lo hmangaih zawk anih hi', ngawi rengin ka kuah khawm dial a, mak an lo ti nasa ngang mai, 'ka lawm e' ka ti sup a, ka tap chhuak nghal, engmah sawi ta lemlo chuan min en ngawi reng hlawm


Siamtei rawn tawng chhuakin "nizan kha Joseph-a nen khan inchhuak ta daih sia" a ti sap sap a, "nia, engmah ka lo hrilh lo cheu a, sorry vek u aw, chuan tikhan ka awm leh tawh ngai miahlo ang" ka ti sap sap a, "I chhuahpui te kha Belo ila chuan Kan ngaihtuah leh zual ang che,mahse jose-a a ni hlauh a" felfeli ani.




Ruata chuan Chaw ei a rawt a, amah chiah mipa ani sia, a Chang hi chuan a Ning ve thin ngawtin ka ring, engteh vak mah hi a sawi ve ngailo.










Chaw Kan ei mawlh mawlh lai chuan ka phone chu riin Sanga Lunglei lam mi alo ni,Putea ten min hnawhchhuah khan Facebook khawihin a hma a ka thiante ho an lo awm nual, Sanga hi ka kawm ber thin niin, Kan driver Tlana lo chhui deuh turin ka ti a ni.

Call chu pick vatin "aw sanga,enge chanchin" ka ti nghal thuai, lehlam ami chuan "Aw Simby, in driver thin chu ka zawngchhuakna, mahse engmah a hriat loh thu a sawi a, a hmelah kha chuan a zam hmel lutuk" a rawn ti a, "imm naktuk lamah Lunglei ka rawn phei angai anih chu, Tlana kha lo tlanbo ange, lo thlithlai ru reng tho ang che" min chhan leh hma chuan call chu ka ti tawp nghal.







Ka thianten mak ti taka min lo en chu mak ka ti lemlo, Sang chanchin leh ka thil tih tir a hma khan ka hrilh vek tawh bawk,min lo call chhan te chu sawiin ruata chuan "nangmahin i kal thei dawn ami?" A lo ti ve khiah, "aw thei tehreng e" ka ti vat a, "imm, I kalna tur Kan ngaihtuah angai anih chu" felfeli chuan alo ti ve bawk, Siamtei rawn tawng velehin "Jose-a nen kal ta mai ulaa...." A sawi zawh hma chuan ngailo ka lo ti hmuk thung, khapa kha hmuh leh ka duh tawh reng reng lo e ah, ka rilru ka pe anga, nakina min tihnat ve mai ka hlauh vang ani pakhat bawk.














Zanin atan chuan ti te zawng kha lo ni leh phawt rawh se ka story te min lo chhiar sak ve thin avangin ka lawm lutuk ania🥺



Comment leh ads click kha aw mifel ho


Show post links
Top