MITTUI_NEN_HRINGNUN By Puipuii Khiangte (Completed)

[Ngaia]

#MITTUI NEN HRINGNUN




By-Puipuii Khiangte





Chapter-6









Zingah chuan ka tih thin dan pangaiin hma takah ka tho a, ka thiante pawh tukin chu an tho hma hlawm khawp mai, ka Lunglei kal tur min thlah hman loh an hlauh vang ani, ka in bual sawk sawk a, ka hmanhmawh ru ang reng hle, ticket ka hauh lawk loh vang ani.






Inbual paha ka zai ul ul lai chuan pawn lama mi te chu an tawng siam siam hlawm a, tu tak chu bia ang maw, an mahni chauh chuan an in be lo tawp ang, an tawng duh em em lo.





Bathroom atanga ka chhuak chiah chu ka ding dat, Jose-a alo awm kur anih chu, bathrope nen chauh ka la ni zui, Kan bathroom hi room lama sawn dan ngaihtuah ila tha ang, ti hi chuan a zahthlak duh emai, ngawi reng chuan room lamah kalin ka sen tawn tawn mai, nilo kei hi ka lai ve ringawt tihna mi, ka hmai te chu ka beng therh therh a, ka in thing nawk nawk bawk, ka thil duh loh ber ani, mipa vangin ka zam chhe mai mai dawn lo.






Siamtei chu lo lutin ka inthlak mawlh mawlh lai chuan "enge sawpa sawn a rawn tih dawn" ka ti bul hmuk, nuih her her pah hian "aww in pahnihin in kal dawn mawlee" ka melh hrawk,

"two wheeler a long-run ka peihlo"

"Chute chu Kan hriat vang alawm, car lo keng tura Kan tih reng ni" a nui nghal uar uar anih chu Lalremsiami ka huat zia hi, enge maw min kalpui tir phet an tum ni, hrep hlawm hian, ka thi rimna te chu engah mah an ngai duh miah lo lehnghal, lawkin car a ti maw, hepa hi eng ang chiah a khawsa thei nge maw a nih le, an lo hausak viau phei chuan ka hnaih ngam dawn teuhlo.










Ka in siam zo ka chhuak chu ngawi rengin min lo en thap hlawm, ka zak ve deuh chuan "enge, chhelo in la hmu ngailo ami" ka ti a, ka nui hak bawk, Jose-a chu rawn tawng chhuakin "aww I mawi lutuk, Chaw ei khamah ami Kan kal ang" a tih zawm zat

"nang kha min kalpui turin ka ti lo che"

"Ka kalpui duh che alawm"

"Chutiang ka mamawh lo"

Midang lo awm ve te chu an lo nui suk suk duh chauh, min chhang zui ta lemlo chuan Siamtei chuan ka thawmhnaw dahna bag chu rawn khai chhuakin Jose-a a signal zeuh, rang lutukin a car ah a dah lut nghal hmak ka lo teu hlar mai, enge maw an hriat hlawm ni,hrep hian.





Hnial rengin awmzia a neih loh vangin an thu ang chuan Jose-a nen chuan Kan kal dun ta nge nge a, leh lamah chuan pawi ka tilo, a hahdam zawk.




Ngawi rengin carah chuan ka thu lut a, ka thiante ho chuan tluang taka thleng tur leh fimkhur Turin min hrilh lawm lawm hlawm a, duhsakna min hlan nawn mawlh mawlh hlawm bawk, ka lo melh hrawk chu an nuih ti za tu mai ani.








Joseph Zonunkunga POV:*:*:









Ngawi rengin motor chu ka khalh a, ka bula thu erawh a tawng miahlo thung, pawn lam enin a in ngaihtuah muk hmel hle, a hmelthain a duhawm takzet, hmeichhe te lutuk erawh ani hauhlo thung, biangsum khuar duk a a nuih phei hi chuan mawi ka ti takzet, hmeichhe dang Anglo takin makeup a hmang ve vak ngailo, tihian a hmel a tha zual zawk daih, a nun hman dan ah ka hmu hniam ngailo a, Siamtei atangin a chanchin ka hre vek tawh bawk.








A tawrh nat thin dan tur ka hriatthiam pui takzet, a nu leh pa te thih dan diktak hi haichhuah pui vek ila ka ti, amah hnaih theih dan tur ringawt ka ngaihtuah thin a, ka hmuh tirh atang tawhin ka thlithlai tan a, ka pawh lawk ngam loh avangin a haw tur thlengin ngawi rengin a hnung ah ka zui ru thin kha ania, mipa dang in an lo biak dawnin thleng palh anga lan tir Tur a kal chak sauh zelin ka sului thin te kha ania.











Amah vang chu ka ti phal hauh lo, mahse hnaih ka duh thin em avangin a Karoake kalna apiangah ka kal ve ziah bawk, beer in ve zeuh ka hmang thin bawk, mahse ruih Nan ka hman phah ngailo thung.






Mahse kha zan bibi-i nen a kan chetsual zan kha chuan ka thisen alo lum bawk nen tihpalh thil thu in kan chesual ta kha ania, ka hmeichhe mutpui hmasak ber ani, chuan atan pawh a mipa hmasa ber ka ni tih ka in hrethei bawk. Hre lawk ngat ni ila chu ka khawih bik kher lo maithei a ni.






Ka ngaihtuahna ka lo kawm mai mai lai chuan ka lo nui chhuak Ani ngei ang, ka bula nula duhawm zet chuan min rawn melh deuh hrawkin "Nuihzatthlak a awm ami?" A rawn ti deuh khur khur a lawmawm ka ti takzet,a thinchhe em em te hi, amah min hip tir tu a ni ve tlat, "awm lo e" ka ti Liam ve mai bawk, a ruk chuan ka nuih a za, ka hlim em vang zawk ani.








Min chhang zawm ta lemlo chuan pawnlam bawk a hawi leh daih, rei fe kan tlan hnu chuan ka bula mi chu ka en leh zeuh, alo mutui reuh phian, nuih sukin a lu lo buk lo buk chu ka siam rem sak nghal, a mut tui em em lai pawh hian a hmeltha tho.











Motor nen a kan in pel tur chu kawng chhe lai ka dai palh hlauh mai a, rin ai zekin alo thuk daih, ka bula tui zet a mu chu a rawn bu deuh lawp a, ka kutin a in tauh tur ka lo dang hman, "khalh fimkhur ta che"a rawn ti hlak, hrechhuak leh ni awm takin "ka lawm e" a rawn tih zawm nghal sup bawk, " imm alo khuar deuh a" ka ti a, ka nuih deuh suk bawk.












SIMBY LALHRUAITLUANGI POV:*:*:





Ka buk deuh thut avang chuan ka mutui lai chu ka harh zawk thei, ka bula mi in thlahrung deuha min lo en kalh chu ka melh hrawk, mahse a kut khan min lo danglo se chu ka chal ka tauhna maithei ani, lawmthu sawi leh sapin pawnlam ka melh nghal daih.









Ala nui suk zui, rilru pek loh tum viau pawn a loh theih loh anih hi, min care reuh phian leh nghal, chin a ka muthilh laia ka buk tur min lo siamtha pawh chu ka hrelo der, ni e, mipa chhelo tak zing ami chu a ni ve alawm, a sang tha a, a mitmeng a sexy ru phian, a cool reuh ka ti bawk,a nui mawi em em a, car khalh pawh a thiam a inhmeh bik, mahse in ngaizawngin lo lut thuk ta ila, a chhungten kei ang hi chu min duh ve ka ring silo, ka tan chuan tiang mipa sawisel bo hi chu ngaihzawn loh tawp atha.











Min lo ko tu avang chuan ka harh zawk, ka lo muhil leh ani ngei ang, "hei Hmuifang kan thleng a, hawh chawl lawk ang hmiang, ban a kham deuh hlek a" a ti dap dap a, pawi ka ti lemlo, car atang chuan chhukin thilfim chu ka dawng a, ka hahdam sawng sawngin ka hria, ngawi renga Kan thut hnu chuan "Kan thleng tep e"ka ti sap, ka bula mi chuan mak tih hmel zet hian "khawilai maw" alo ti hu thung " ka nu leh pa te ka channa hmun, Kan accident na hmun " ka ti a, ka thaw hap bawk.





Ka dara min lo kuah pahin "a tha e, ngaihtuah vak vak tawh suh, a nih tur ang ani vek tawh a, hetianga i awm hi i nu leh pa ten an phal miah lo ang" a ti a, min hnem a tum ve hle, amah chu ka en kalh a, "engtin nge ka hahdam theih ang, "keimah vanga accident an nih kha, khami ni khan Doctor Degree nei turin Aizawl lam Kan lo pan kha ania, ka pa chau chung chung kal ka tilui tlat a" ka ti a, ka mittui a far fep fep bawk.








Min hnem ngaihna hrelo zet chuan "hawh, dawrah in hnawhpuar ang, Kan tlanna tur ala thui si" ka rilru lakpen tum chuan a ti a, ka lu ka lo bu nghut thung.








Zan dar 11 vel a rik chuan Lunglei kan lut der tawh ka lung a leng thar hle bawk, tukverhah chuan dak chhuakin ka van ka phar chhuak bawk, vanlam hawiin ka mit ka chhing vang vang, ruah a tla seng seng a, street light lo phe zeuh zeuh chuan a ti nuam phian leh nghal.








Kan in lam thlen ka rawt avang min hnial lem lo, Kan inkawt zawn chu Kan thleng ta, ka chhuk thla a, Jose-an Kan thawmhnaw a lo la thla bawk, inkawtah chuan dingin Kan in leh a chhehvel chu ka en kual a, ka nu leh pa te nen a kan hlimthla te chu ka mitthla ah a lang chuai chuai bawk, ka in ngaihtuah lungpuam hma tiin Kan in chokidar bulah chabi la in kan lut a, rin aiin a hnawk vaklo, maimawm ril leh a paw vel tih bak loh chu.







Jose-a chu ka room zawk a awm Turin ka hrilh a, kei ka nu leh pa te room lamah, ka chauh em avang chuan ka inbual nghal sawk sawk a, Jose-a alo luh hlau in ka room chu ka kalh hmak bawk.








Bathrope nen chauh a ka awm chu ka room kwngkhar ri datdat chu ka hawng dede a, Jose-a chuan "ka muhil lawk theilo a, inkawm rih ila" a rawn ti a, "Kan in thlak phawt ange" tiin room chu ka khar leh nghal, ngati nge ka lungphu hi a ran em em le, nilo, tiang hian ka awm tur anilo, ka inthlak zo room khawngkhar ka hawng leh a, a din ngaiin alo la ding reng, lut tur a ka hrilh hnu in alo lut ve mai bawk.














Khumah chuan thu in beer tlem kan ken chu kan in dun a, Kan titi malh malh a, Kan nui dun leh hak hak thin, ka rin aiin a bula awm anuam, titi a vawrh thiam a, ka nuihna tur hlir a sawi, Kan hlim dun ar ar hle.






A tuk lawk a chhuahna tur kan la neih avangin mut zai kan rel ta a, Jose-a pawh a mutna tur lamah a phei ta a, a chhuak chiah chu ka ngai nghal veng veng thei, ngaihtuah zui duh lo in ka mu zui ta daih a ni.














Tizawng kha ni leh phawt se a tawi viau tih pawh ka hria inbual te ka la duh ve sia, min lo hrethiam leh Sam Sam ru aw🥰 ka story min lo chhiar sak thin avangin ka lawm takzet e🥰



Comment leh ads click kha aw mifel ho


Good Night all


Show post links
Top

[Ngaia]

#MITTUI NEN HRINGNUN







By-Puipuii Khiangte








Chapter-7











Ka room kawngkhar kik thawm ah chuan ka harh zawk a, ka phone sana enin ka rei dar 8 lai alo ri tawh, engtin nge thawh ka hai theih zawk ni, hmanhmawh taka tho chhuakin kawngkhar chu ka hawng a, coffee kengin Jose-a lo awm reng, "morning hei i diet coffee" tih leh lo luh a rual nghal, engtin nge diet coffee ka in thin tih te hi a hriat ni, hepa hian min lo chik ru thin tak tak a maw ni.












Wash room ah chuan lutin ka in ti fai sawk sawk a, zingkara Driver Tlana te in a kal tum kan ni, ka mut duh vang vekin Kan tum angin Kan awm theilo, ka vawikhat thawhhai ve na a nia, ka buai hle bawk, hei vang hi nia, thawh hma hi ngaia neih ka duh thin.








Ka chhuah leh chuan Jose-a alo awm tawhlo, ka rei viau a maw ni, ka coffee tur side table a lo awm chu enchiang hmasa lo in ka in nghal pawp, ka te teng tung mai, Jose-a rawn tlan lut nghalin a Mangan hmel hle bawk "tinge bibi" a rawn ti chul a, thei leh thei lo a âng huau chungin "a sa, ka kâ hi a sa vek" ka ti bah nuaih a, ka hmai tawn tawn a rawn dawm pahin ka kâ chu duat takin a chhem hliau hliau a nih chu, keiin ka lo en kar thung, enchian pauh/poh leh a hmelthatna a chiang a, ka duh ve takzet

In ngaihtuah chhuak zawkin ka inla hrang nghal a, "ka tha" ka ti hmuk bawk, "awle,in siam tawh la" zaidam tak hian a ti a, ka buk nghauh rual chuan a chhuak nghal bawk.







Kan in peih fel ta tihah kan chhuak ta nghal a, ka tan hlimna kawl a eng ve tawh ngei dawn e, ti rilru neuh neuh pah chuan ka nui leh suk suk thin.


Ka bula thu erawh a ngawi ngul a, a motor khalhah a rilru a pe tih a hriat a, ka thla pawh a muang bik hle.









Driver Tlana te in kan thleng chu chaw an lo ei lai tak ani, kawngka kik dat datin Pu Tlana aw ngeiin "lo lut rawh " a lo ti lauh ri ka hriat phei chuan ka phur a, ka zam tel bawk.







Inchhung a kan lut chu Pu Tlana hmel a chiai na kha ka hmuhhmaih miah lo, bah deuh nuaih hian thu Turin min ti a, hriat a nei ngei a nih dawn hi, ti em em a a zam.






An living room ah chuan thu in ka rin aiin an inchhung bungrua a tha in a changkang tawh bawk, an thutthleng pawh sofa vek alo ni tawh, Kan hnuai a a thawh lai khan an inah hian ka kal ve zeuh zeuh thin, ka hriatchian a ni bawk, chuan amah hian hna rum a thawk theilo a, Driver hna deuh tawp hi a thawk thin, mahse ti em em a an changkang chak hi chu mak ka ti hle mai.













Pu Tlana chu lo thu phei ve nghalin "i dam tha maw Simby" a rawn ti a, "aw dam e, ihh pu tlan kan lo kal chhan zawk tak chu...." Ka sawi zo hman lo, "I nu leh pa te kha a zialo hle mai, khami in chetsual ni khan, keimah zawk lo kal ve ila tha tur ania, ka pu khan ka fapa a dam loh avanga chawl mai tur khan min tia, pawi ka ti hle mai, i putea hnen atangin in chesual tih ka lo hria a, a ti a, a kun ngul thung.



"Nia, a zialo khawp mai, mahse anih tur ang ani vek tawh, englo ania, ka nu leh pa te thihna ah khan felhlelh a awm in kan hria a" ka ti a, mak tih hmel zetin min en bawk, "ahhh ahh ani maw" a ti a, a thlan fim a luang zawih zawih bawk, " aw ni e, pu tlan enge maw hriat i nei mial em, Kan motor kha an check leh naah a break alo Chiang lo a, nangmah chiahin i khawih thin sia, tinge a break kha a chianglo tih min hrilh miah loh a" ka ti a, " kahh... Ka hre miahlo bawihi" ngati nge a zam em em le, chik zet chuan ka en a, min en ve ngam miah lo thung.











Tih ngaihna vak a awm loh avangin Kan chhuahsan a, car a kan thut luh hnu in Jose-a chuan "Mak iti ve em, amah ah khan rinhlelhna ka hmu tlat" car ti nung vut vut pah chuan a ti a, "imm a zam dan em em te leh a hawi herah khan enge maw thup chu a nei Chiang alawm" ka ti a, in lam pan in kan tlan haw leh ta vang vang a.









Jose-a chuan eitur a siam siam sawk a, rin ai daihin thiam angah, tih hreh pawh aneilo, ka mipa ngaihsan ber ani, a thil siamna bulah chuan thu in a che vel chu ka en reng a, a va han pa chiang tak, ka lu a ri fawk, fiamin min lo khawng chu niin, tih let tumin ka tho nghal, alo tlan chhe daih, Kan in um kual hrep hnu in ka inchhuih chawrh a, ka tlu bawk thlawp, rang zetin ka hma a tlan mek chu a rawn let thuai

"Sh*t i na em"

"Na lo,enge i tlan vak"

"Min khawn ve ka hlau"

Kuk pawp ka tum laiin ka kutlo man betin Kan balance kan hlauh ta, min rawn bawh pawpin Kan hmui pahnih te chu a in si rial mai, nam sawn pawpin ka tho zui nghal daih, ka zak lutuk.










Ka phone ri chu chhang vatin Siamtei te an lo ni, an rawn au chul mai, an thawveng ve ania, "eng nge chanchin Jose-a nen chuan in tha zel em?" tih te, min rawn zawt deuh nawk mai, "chanchin em em a la awm lo,pu Tlana berin engmah a hriat loh thu in min chhang a, naktuk lama kal that lehah kan ti ta nih kha,. Chuan Jose-a nen aa, enge chanchin awm vak se in tih, engmah awmlo" ka ti a, an nuih uar uar lai chuan ka off daih.











Jose-a ka en leh chu a thil tih ngai tho, mahse juice alo thli ve thung, phei vatin "ei tawh ang, ka riltam ania" ka ti tuau a, enge hepa bulah hian ka in tih pangchan ve ringawt nachhan ka hrelo, ka duh tih ka pawm duhlo a, ka inbum ani zawk mah, "imm lo thu rawh le, Kan ei thei tawh reng alawm" ka biang a rawn piai pah kher a nih chu, ka lo melh deuh hrawk chu a nuih tiza tu bak ani pha eih lo.










Jose-a chungchang hi kan sawi zau deuh lawk anga, unau pahnih an ni a, amah hi a û zawk ani bawk, nau hmeichhia a nei a, nu leh pa Kara seilian niin an khawsa ve thei hle bawk, a nu leh pa te a ngaihlu in a zah thiam hle tih a hriat a, an in be deuh reng zel bawk, mipa dang ang em em a bad boy over ang kha chu nilo mahse, an zia ang kha chu apu ve vek a, mahse ka bulah erawh a nui duhin a tawng ve siam siam reng bawk, tunah chuan Kum 24 chauh niin kei aiin Kum 2 in a upa tihna nih chu, min duh a, min hmangaih tak tak anih chuan, ka tan chuan hepa aia tha hi an awm dawn em ni, engah nge ka hmangaih ve mai loh tehlul ang ni.














Ka rin ai daihin eisiam a thiam, ka puar lutuk chu couch ah ka thu awn duai a, Jose-a pawh alo thu phei ve nghal, ala hma ang reng bawk a, lenchhuah leh mall vela kal mai mai Kan tum bawk.









A sang tha bawk a, bazar vela min kai dawr dawr chu min en duh hlawm khawp mai, a bikin hmeichhe ho in, nghet taka min vuan tupa chu ka en chho hu a, chung ho chu ngaihsak vak hmel pawh a pu lo, ka lo nui suk suk thung.










Dawr Lian ve pangai taka Kan luh chuan thawmhnaw te chu Kan enkual a, ka hak atana ka thlan ve te ho chu a duhzawng alo ni ve hauh lo, kawr awm zau leh mal lang thei engmah inbel a phallo nghal bur, Kan in ngaizawng tawh chu ka ti ngam chiah lo, mahse ka chung a thu a neih erawh ka hnial hran lo.










Ni a sat em avangin cafe ah thu lutin Kan chawl a, a hahdam a, a dawra thawk te pawh biak an nuam viau bawk, Kan awm zel dan tur te sawiin Kan titi malh malh a, Pu Tlana chuan hriat a neih ngei Kan rin ve ve avangin kal Kan beidawn dawn loh thu te a sawi ve bawk.













Dar 2 a Rik meuh chuan haw zai kan rel ve ta a, tih tur em em a awm loh avang chuan kan in kawmchar lama pool Kan neih ve ah chuan inchiah dai turin ka chhuak a, God, a nuam kher mai, ka dai sawng sawng, a hahdam thlak bawk si, chhing vang vang a ka lo awm der der chu Jose-a a rawn zuang ri bur, ka phu nasa lutuk, kawr a ha lo, boxer nen chauh ani, a rawn chhuak leh chiah a sam tuai chho vut a alu a thing vel nar nar te chuan a ti pa zual takzet, a body lah a dik thlap mai bawk si, engtin nge tiang em em a a fuh bik le.











Ka lo en reng chu min rawn hmu in a lai lutuk chuan tuiin min rawn theh pawp a nih chu, God hepa hi a lai ve thei zu nia, nuih har har pahin ka theh let ve chiam, tui hmangin Kan indo anih ber chu, min rawn pan hnaiin min rawn kiss nghal chawt, awlsam takin ka lo chhang let ve mai bawk, a hmui sexy tak te, hepa hnaiha awm hi chu nuam ka ti ve thlawt.



"Hawh chhuak tawh ang le, I hritlang palh ang" hnung lama min kuah reng chuan chuan a ti a,"Kan chhuah dawn chuan, min kuahna hi i lakthlak ve phawt te angai alawm" ka ti a, ka nui pah ver ver bawk, ka bianga lo fawp zuk pah chuan "imm hawh le" a ti a, chhuak hmasa in, min pawt chhuak ve nghal bawk.







Kan awmna room ve ve ah chuan lutin Kan in thlak a, ka rin ai daihin alo tlai ve bawihh tawh, tlai lam dar 4 lai alo ri der tawh, choka a phei vata rawngbawl vat ka tum, ka lut chiah chu, Jose-a alo awm reng tawh, "Jose, khawi keiman ka lo bawl ve tawh ang" ka ti niah niah a, nui deuh suk pah hian "imm anih leh lo bawl la, a ei tlak ang maw" a ti a, min nuih nghek a nih chu, "mai mai che hian ah, ka rawngbawl thiam zia ka'n entir ang che aw" ka ti a, a awih loh hmel em em leh nghal a.













Rei lo teah rawng chu ka bawl zo a, Chaw ei ka siam nghal bawk, Jose-a chu lo thu in, ka thil siam te chu a enkual den den a, a rin aiin ka siam tam anga, a tui bawk ang, "ei rawh le" ka ti a, a ei chiah chu, a ei nawn leh Chiang hle, ka lo nui hak hak bawk,"enge a an sawi rawh le" ka ti a, ding hluaiin ka chalah a rawn fawp thut, daih mai ahh, "imm a tui lutuk, tiang a I siam tui theih ka rin loh vang khan sorry aw" a ti a, a ei zawm leh mial mial, " tui iti a ka lawm e" ka ti ve sap a, keipawh chuan ka ei zawm ve zat bawk.














Zanriah te kan ei zawh hnu chuan living room ah la thu muangin beer chu kan in pah a, Kan awm leh zel dan tur te kan sawi pah mawlh mawlh bawk " Bibi,in ngaizawng kan ni tawh em?" a zawhna avang chuan ka melh deuh zawk, ka lai chhe kher mai, "imm, Kan in ngaizawng thei tawh, mahse ka chanchin zawng zawng leh ka awmdan te i hre vek a, nakin zelah min dem Nan leh min hmuhsit Nan i hmanglo ang maw" ka ti ban charh a, ka thutak khawp mai, "i dinhmun lam ka ngaihtuah lo a, chuan nang nen hian Christian chhungkua kan din dun theih ngei pawh ka ring, duh satliah mai anilo, ka hmangaih tawk takzet che" ka mitah tak enkalh pah chuan a ti dap dap a, ka lo bu nghut thung.













Zan dar 10 vel thleng Kan titi hnu in kan room lam ve ve panin kan in thlah ta a, zinglam a Pu Tlana te ina kal leh tum kan ni.



........Kal zung zung ang aw......







Karkhat dawn lai nitin Pu Tlana te in a kan kal tawh chung pawn, a chhanna ngai bak hriat tur Kan nei silo, Kan beidawng tawh lutuk chu Aizawl lam pan a haw mai Kan rilru tawh.






Kan haw dawn hma ni chuan Pu Tlana te in ah bawk kal lehin enge maw a hriat a, min hrilh nghal tura tiin phone no. te kan in pe diam bawk.






Beidawng tak hian Aizawl lam pan tur chuan kan in siam a, chutia kan in siam mawlh mawlh lai chuan ka phone hi a rawn ri ral ral a, Pu Tlana ngei alo ni, rang zetin ka la nghal vat a, "ee Simby ni em?" A rawn ti a, "aw ni e, keimah Simby" ka ti chul mai, "imm bawihi vawiin chuan haw in tum tawh tiraw" a rawn tih leh chuan ka hnual rawih thei, "imm, dawn e" tih zawngin ka chhang, chutah ka bengkhawn tur tak thil a rawn sawi hlauh mai.


"Bawihi, i pa kha mi tha leh fel tak ani"

"chuan sawi zel rawh"

"I nu leh pa te kha thah ngei an ni"




Ka thaw hak "khawngaihin Pu Tlan engkim min hrilh hram teh" ngen ngawl tak hian ka ti a.










A chhum bung deuh maithei

Tizawng kha ni phawt rawh se aw type dik loh a awm leh chuan lo sawi leh pawp pawp ula, mahse rilru no chi hi ka ni ve reuh a tlem a hriat nuam tur deuh tho si khan min lo zilh Liam Liam ru aw




Comment leh ads click kha aw mifel ho


Show post links
Top

[Ngaia]

#MITTUI NEN HRINGNUN




By-Puipuii Khiangte







Chapter-8










Ka âwn riai riai a, ka taksa in lei a si tep tihah Jose-a chuan min rawn pawm bet hman, ka tapchhuak hliam hliam bawk, "Jose kan la haw theilo, la haw lo ang aw" a ngenin ka ngen a ni ber, lainat hmel zeta min en in Jose-a chuan " imm i duh phawt te chuan, mahse enge Pu Tlana khan a rawn sawi a" a ti a, inchhung lamah min hruai lut pah bawk, "ka nu leh pa te kha thah ngei an ni a ti a" ka ti niap niap a, thah ngei an ni tih rinhlel thin mah ila, midang ka ngei atanga hriat chu a na, a harsa takzet.














Couch ah chuan thu in a awm ah min kuah bet hle hle a, a thlamuan thlakin a hahdam takzet.






Ngati nge Pu Tlana khan ka nu leh pa te that tu chu a sawi duh miah loh le, call let ka tum a, a phone lah a switch off hmak mai bawk si, ngaihtuah chhuak thutin "Jose hawh an inah va kal ang" ka ti a, Jose-a chuan " keimahin ka va kal ang, nang chu lo awm rawh, chhuak chi ila nilo, lo hahdam ang che " a ti a, ka hnial zui lemlo, car chahbi la in a tlan chhuak nghal a.







Ka awm hle hle thei tawhlo, in chhung ah chuan ka tei tawn sek, ka chiai vek thei, engkim lo hrilh hram se aw, ka ti rilru mawlh mawlh a, hun rei tak atang a ka tih tawh loh thiam pawh ka thiam loh, tawngtaina chu ka rilru ah alo awm ve tawp


*Lalpa i lakah lawmthu sawi nachang pawh ka hre ngailo, he nunna hi ila dam tir a, chhan a awm ngei pawh ka ring, khawngaihin ka nu leh pa te'n dikna chanvo an hmuh ve ngei theih nan min pui rawh*



Ka ti a, ka tap hawm hawm bawk, chhuata ka lo thutsawp nuaih lai chuan Jose-a a rawn lut, kawngkhar bula a ding chu tlan phei nghalin
"Jose enge chanchin pu tlana chuan alo sawi duh em, mawhhh" ka ti a, thaw halh chunga min kai pheiin "Bibi, hahdam tum rawh, I taksa in a chauh phah lutuk ang" a ti daih "sawi teh Jose khawngaihin engkim min hrilh rawh mawhh" ka ti a, ka ngen tak meuh, "Pu Tlana te chu tukin zing khan an lo chhuak hman a, tumah inah an awmlo" a ti a, a beidawn ve hmel takzet bawk.













Ka tap leh hliam hliam tawh, Jose-a chuan a awmah min bei tir hle hle a, ka hnung a chul hliau hliau bawk, ka mut a ti chhuak reuh lutuk.












PU TLANA PoV :*:*:*:










Hmanhmawh takin ka nupui leh ka fapa te ka tlanchhuah pui nghal a, Simby hian a hrechhuak a nih chuan ka nupui fanau te hian an tawrh dawn vang ani.






Flash Back:::::








Zingah chuan Phone call mak tak hi ka dawng a, number hriat lohah ani, hemi tuk hi ka pu Lalngaizuala te Aizawl an kal tur ni a ni a, an fanu doctor degree nei tur a kal tum an ni bawk, an driver ka nih angin ka insiam mawlh mawlh a, an tan ka theihtawp chhuah ka duh thin, an felin Kan chhungkua min ngaihtuah em em a, mahse hlawh hi ka duhthusam ang min pe ngailo, sawi ila chuan an San ngei pawh ka ring, mahse ngawih ka thlang ta zawk ani.







Ka phone call dawn atang chuan Pu ngaizuala te chhungkua thah a, sum tamtak min pek a tiam thu a sawi bawk, ka hnial a, mahse ka nupui leh ka fapa te thah saka min vo vang ani, motor chu ka pu te inah chuan zingah ka dah phei a, a break ka tih chah sak bawk.








Ka fapa a damloh avanga kal theilo tur anga chhuanlam siamin ka pha ta a, an rem tive mai bawk, ka thil tihah inchhir viau mah ila, ka chhungte Chan ka duh bawk silo, rilru nuam zan lo chuan Kan in lamah ka haw leh ta a nih kha.









Khami ni zawng khan khawiah mah ka chhuaklo, ka awm a nuam thei miah lo bawk, ka danglamna hria ni awm takin ka nupui chuan a chhan min zawt ta reng bawk anih kha, mahse engmah ka hrilh thei bawk silo.










Dar 1 bawr velah chuan Phone call, number hriat loh atang bawk khan ka dawng leh ta nawlh mai, "iti tha e, an chesual a, an thih vek ngei ka ring bawk" a rawn ti a, ka thin a phu dup dup mai " tunge i nih" ka ti let veleh, "hriat tum duh suh, I account no. Lo thawn la, i duhthusam pawisa I hmu ang" a rawn ti leh a, ka account no. thawnin pawisa tam tham lutuk, damchhung pawn hna thawk ila Kan nghei lo ang tih tur khawp a tam a rawn lut hem mai nih chu.








Tunge a nih ka hrelo a, ka chhungte avang chauh a a thu anga awm ka ni.









Ka pu ten accident an tawh hnu khan Aizawl lama ka pi, Pu ngaizuala nupui nau Pu Rina chuan an accident tawh thu min rawn hrilh kha a nia, Pu Rina te nen pawh hian Kan in hre tha ve tawh viau, mahse ka pu te chhung hi an er thin tih ka hre bawk.







End of Flash Back








Kha accident ah khan engtin nge Simby hi a dam chhuah theih bik ka hre miahlo a, mahse a lawmawm chu ka ti khawp mai, fanu anga ka en ve thin vang ani.




Hetia min la rawn zawn chhuah hi ka ring reng bawk a, engkim hrilh a, tawrh vek pawh ka huam, mahse kha number min rawn be thin tupa vang bawk khan engmah hrilh thei lo in ka awm leh ta ani, Simby ala dam tih pawh a hre vek, chuan Lunglei ah an awm tih thlengin, rang taka kal Bo nghal Turin min ti a, pawisa a rawn thawn teuh bawk a nih kha.






Kha accident rapthlak tak kha, keimah vang ni mahse min tih tir tu hi tunge a nih ka hre tlat lo.








Tunah chuan ka chhungkaw venhim Nan ka kalbo pui rih hi a ngai tlat a ni. Mi tenawm ber chu ka van nichiang em!!














SIMBY PoV :*:*:*:













Ka chal huh deuh avang chuan ka meng siar siar a, khumah ka lo mu der tawh, Jose-a leh mipakhat in bia chu an tawng ngaihthlak tumin ka beng ka chhi a, mahse an tawng danah doctor a nih duh hmel hahdam ka mamawh thu te chu a lo sawi mawlh mawlh bawk.






Ka khuh kherh kherh a, Jose-a lo kal hnai vatin tui min lo pe nghal bawk doctor chuan "bawihi i awm hahdam a ngai rih a, eitur tha ei la, tihian mu hahdam rih hram hram ang che aw" a ti dap dap a, lu ka bu ve nghauh nghauh bawk, "imm nih chuan ka kalsan ang che u" a ti a, a chhuak zui ta a, Jose-a chuan pawn thleng a thlah ve bawk.











Jose-a lo lut leh chu khumah ka lo thu tawh a, "mu rih rawh Bibi, hahdam takin awm rawh, i hriselna Kan ngai pawimawh hmasa ber anga, chuan i duh ang chu Kan la ti vek ang" a ti a, lo nuih ver ver pahin "keimah chauh a mut chu a ninawm hawh lo mu ve rih la" ka ti a, a nui suk a, a rawn lawn zui ve nghal.








Sawi tawh angin Jose-a bula awm hi a nuam a, nitin mai hian a nuam telh telh zel anih hi, ka thla te hi a muang bik tlat zel, a awmah chuan bei in ka kuah pah bawk, a rim pa tak te, a mawi tawk lek a a sa phiar nalh tak te, keimah zawk hi a zunah ka uai zo anih ber hi.









Guys zanin chu chhungkaw lam harsatna a awm a, duh angin ka type tha hlei thei lo, min hrethiam hram ru aw, kan buai ve deuh nak nak a



Khawngaihin comment leh ads click kha aw mifel ho


Show post links
Top

[Ngaia]

MITTUI NEN HRINGNUN





By-Puipuii Khiangte







Chapter-9













"Bibi,bawihi, tho tawh rawh le, a tlai tawh nia" ti tu avang chuan ka meng ser ser a, ka chalah a rawn fawp zeuh bawk, "ka mut ala chhuak alawm" naupang chhe aw lek lek a ka tih chuan alo nui hak thung " nangte hi mut i duh tan dawn riau a nia, khaw maw" tih leh rawn mu thla ve in, min dek chiam a nih chu, "aww ka tho ang, ka tho dawn" ka ti a, ka rak chul mai, a ti tawhlo ve mai bawk.










"Jose, engtin nge Pu Tlana chu kan zawn chhuah tak ang le" ka bula mu ve chu ka en pah bawk, "ka hre lo le, theih tawp Kan chhuah anga, kan hmu vat mai ang" a ti a, "a nih hmu ta lo ila, engtin" ka tih leh chuan thaw chhuak hakin, "Bibi kan hmu ta lo anih chuan Pathianin hriat a rem tilo tihna a ni a, hmalam pan turin a duh che a ni ngei ang" a ti leh dap dap a, hepa hi chu Pathianah hian a innghat tawp a, ka ngaisang ru ve hle bawk.








Ngun takin a thusawi te chu ka ngaithla a, ka ngaihtuah bawk, a sawi dik, ni e, kan hmu ta lo anih leh hmalam ka pansan ang ti rilru neuh neuh pah chuan a lam chu ka hawi a, min lo nuih sen sen bawk, ka tan hi chuan a van hlu bik tak.












"Jose ka ril a tam e" ka tih leh chuan thil hrechhuak zawk ni awm tak hian a zuang tho nghal vut a, room kawngkhar a hawn chiah chuan thil ut rim ka hre chhunzawm nghal.







Rang takin choka ah chuan ka tlan lut ve nghal a, oven ah chhang alo ur chu niin a kang vek a, a khu viau bawk, ka lam a lo hawi chu ka nui nghal thawt thei, a hmai tlem te chiahah a vun rawng a lang thei, a dum vek a nih chu, lungawi hmel zan lo hian "enge nuih" a ti chhum huk, ka nuih a za zual sauh thei, "ahh engmah nilo e, kha a ut vek alaw" ka ti a, ka nui pah tet tet bawk, "aw nangmah vang" a ti hmuk hmuk a, a chhang ur chu a buaipui pah bawk.








"Jose, selfie zuaihs ang aw" ka ti a, "ka la buai hi" a ti duh lek chauh ka ngen tak chiam avang chuan a rem ti a, phone phawrhin camera front lam ka hmet chiah chu a mah pawh a nui chhuak ve ta hak hak a, "nang te hi min hrilh ve tur lawm" tih pahin a hmai a belmang ung nuaih chu a kut chuan a han tuai zeuhin ka hmaiah min tat ta vak anih chu, "awii laljoseph ka duh ve reng renglo" ka ti a, ka au chul bawk, min la nuih hrep zui.













"Dawrah ka'n kal lawk ang aw" Jose-a chuan a ti a, "imm, inphih fai ve phawt la aw, ka la nui pah reng tho" min melh hrawk pah hian "aw ka hria" a ti hmuk a, choka tang chuan a chhuak zui nghal.







Rei deuh fe ka nghah hnu chuan thaw hlawp hlawp hian a rawn lut a, "enge khatia I thawk vak vak a" ka lo ti thung, "aw ka hmanhmawh, ka ril a tam iti sia" a ti leh a, min ngaihtuah hian nuam ka ti, "aww mahse khatia hmanhmawh vak kha ngai chuang hleinem" ka lo ti leh a, ngawi reng hian a che mawlh mawlh thung.












"Jose, hmalam pansan ka duh" kan ngawih deuh vang vang hnu chuan ka ti chhuak sap a, "eng chungchang ah maw" min lo en pah chuan a ti a, "aw ka nu leh pa te chungchangah mawle" ka tih leh chuan rawn thu hnaiin, "ngaihdan tha tak i siam ani, ni e, Bibi hmalam i pan hi a hun ve tawh alawm, kawng engkimah ka pui che anga, i kiangah ka awm reng ang" a ti dap dap a, pan hnaiin ka kuah nghal bawk " ka lawm e aw Jose, ka tawn loh che hi ka hlau" ka tap leh feih feih tawh, "Bibi min en teh, kan pahnih hian nun hlim tak kan nei anga, kan damchhungin Kan awm dun reng bawk ang, imm ka tiam che alawm" a ti a, min kuah nghet sauh bawk.














Tukthuan kan eikham hnu chuan Aizawl lama ka thiante ho ngaihtuah chhuakin Siamtei ka call a, an that leh that loh thu te zawtin Felfeli a dam loh thu a rawn sawi a, mahse ngaihtuah awm a awm loh thu a sawi tel bawk, an buai rih em avang chuan call chu kan ti tawp a, ka ngaihtuah ru ve hle bawk.











Ka bulah chuan Jose-a a rawn thu a, "Jose naktuk lamah hian Aizawl lamah haw tawh mai ila ka ti deuh a" ka lo ti a, "ngati nge, thil thleng a awm em ni" a lo tih chuan "felfeli kha a dam lo a, Siamtei khan ngaihtuah ngai anilo chu a tia, mahse ka ngaihtuah tho mai, bakah ka ngai ve tawh hlawm" ka ti leh chuan "imm ni e, kan haw dawn nia" juice in zeuh pah chuan a ti a.












Ni e, Aizawl lama haw a, nun bul tan that leh ka duh, engpawh ni se, ka nu leh pa te thih dan chu nakinah ka la hre ve mai turah ngai ila tha ang, ka putea te erawh an reh ngai in an la reh reng thung, naute an neih tawh leh tawh loh pawh engmah ka hrelo, mahse pawi ka tilo, an tan ka hlu lo a, ka tan pawh an hlu tawh biklo, ka chhungkaw neihchhun ka thisen zawm te mah ni se, min thlahthlam a, kan in atang ngeiin min hnawtchhuak a nih kha, mahse hlim turin ka duh bawk.












Naktuk lam maia Aizawl pan tum kan nih avangin zan lamah chuan kan insiam ve mawlh mawlh a, thawmhnaw tam kan ken loh avangin tam insiam tur kan neilo bawk, mahse helama kan pawisa khawlsa chu la chhuakin Aizawla in bengbel ve thlap tum ka ni, ka thiante pawh duh chuan ka bula awm ve tur a sawm ka tum bawk.














Jose-a chu ka room lamah lo pheiin coffee a lo keng bawk, "titi mai mai ila, ka ngai che a" a rawn ti sur sur a, ka lo bu ve mai bawk " coffee ban zeuh pah chuan i insiam zo tawh ami" ka ti a, "imm zo tawh e, ka ngai tawh che a, ka insiam vat vat alawm" a ti a, ka bulah a rawn lawn zui ve nghal bawk.









"Ihh Bibi, englo ania"
ka lo en ha bawk "imm sawi la"
"Aizawl a kan haw hunah ka chhungte nen inhmu ve ula ka duh a" a ti sap sap a, a inthlahrun ve hmel lutuk
"Aaaa, Jose a zahthlak awm e, ka duh rihlo ee" ka ti a, "lungngai Suh, i chanchin hi ka hrilh tawh a, nangpawh an hmuh duh thu che an sawi alawm" a tih leh phei chuan ka zah a zual fe zawk, enge tuna taka min hmuh an duh ni, zahthlak lutuk, "imm ka lo ngaihtuah ang, mahse maw Jose engmah chhuan tur ka neih loh hii" ka ti leh chul tawh, "engmah chhuan angailo engmah kan ni biklo a, nangmah kha in ringtawk la ka duh" ka dar tawn tawn a vuan pah chuan a ti a, ka bu nghauh nghauh thung.










Kal duai ang, a ninawm riau🥲
........... ............ ............ ............ .................







Kum thum meuh a liam leh hnu ah chuan Jose-a nen pawh kan in nei ve ta a, a nu leh pa te nen kan awm ho vek bawk, ka rin aiin hrawn an nuam a, an felin an zau em em a, fapa neiin Damian Rosangzuala thla 7 mi a ni ve tawh bawk, tu hmuh hmasak ber a nih angin a pi leh apu te hian an duat em em a, kan bulah pawh a mu duh tawh mang ngailo.






Ka nu leh pa te kha la dam se chuan an lawm ve ngawtin ka ring, ka ngai a, ka ngaih an bang thei chuanglo ang, an thihdan erawh tun thlengin engmah ka la hre lo thung,pu tlana te pawh an chanchin engmah ka tawhlo kha a nia,
Putea te erawh Kan in neih ni kha chuan an lo kal ve ngei a, ka pitei pawn min be tha leh tawh ngei mai, "I pasal te chhung hi an hausa a, I putea hna tur lo dilpui ang che" min la ti ngam cheu anih chu, a duhamna a la rehlo a nih dawn hi, an fanu erawh kum 4 mi a ni ve tawh a, a duhawm reuh phian, Jose-a hian min fuih hneh em em a, ka tan a awm reng thin, pasal tha tak leh pa tha tak ani a, Damian-a pawh hian a ngai thin hle bawk.














Jose-a hian a pa office ah hna nei ve in, nitin min chhuahsan thin a, kei, Damian-a leh ka nu ten in Kan nghak mai thin, nau min lakchhawktu ka neih avang hian awmpui hranpa Kan nei lova, ka nu nen hian kan che mai thin, kan inkawm ngeihin Kan titi pawh a rual thin viau.








Kum thum liam ta a, Jose-a nen Lunglei atanga Aizawl kan pan tum khan, A nu leh pa te nen chuan min in hmuh tir ngei a, ka huphurh ang em em kha chuan a hrehawm lo, ka chanchin zawng zawng an hre sa vek a,min lo khawngaih zawk viau, ka putea te bulah palai tirin kan in nei ve ta kha ania, mahse thuamchhawm kha chu ka intum vek ani thung.












Nikhat chu in ka tih fel mawlh mawlh lai hian ka phone a rawn ri a, number hriat loh atangin ani, enga mah hma in ka hlauthawng nghal thei, a ring ral tep tih ah ka pick ve ngam chauh "hello"
"Aw hello, Simby ni em aw" mipa aw ani, ka hriat hnu a ang lek lek, "aw ni e, tunge aw" ka tih leh hnu chuan leh lama mi thaw deuh hak ri chu ka hre pha "imm a nih chu, bawihi keimah Pu Tlana ka ni e" a rawn tih chuan ka meng phar awn awn thei, "enge sawi duh i neih" ka ti a, ka tawngkam a nem vaklo thung, "bawihi ngaihdam dil che ka duh a" a rawn tih leh chuan rang zeta chhangin "engvangin i tlanbo vang kha maw, nge ni a ka nu leh pa..."

Ka ngawi dat a, "aw a pahnihin, bawihi in chuanna motor kha ka duh reng vanga ti chhe lui ka nilo asin, ka chhungkua hi Chan ka hlau em a tin ni" a ti a, a ngawi daih thung.



"A nih leh engvanga khatia ti kha nge i nih"
"Mi pakhat, ka hriat ngai lohin min tih tir vang ani"
"Tunge chu chu" ka tawng ring lek lek tawh, ka nu leh Damian-a hlat deuh a ka awm vang ani
"Ka hrelo, ka hrelo takzet, ka tih loh chuan ka chhungkua hi thah sak vek ah min vo a, chuan nangpawh engmah hrilh lo tur che a min tih vangin kan tlan bo phah ta a ni" a ti leh a,
"A nih tunah engvanga min rawn hrilh nge i nih" ka tih leh chuan " ni e, ka inthiam thei thlawt lo a, rilru nuamin ka awm thei thlawt lo a tinni, mahse bawihi khapa kha chu ka hre ngailo takzet, khawngaihin min ring rawh" a ti a, call Ka ti tawp nghal bawk.













Hun rei tak a ta, ka hriat duh em em hriat theih si loh, hmalam ka pan a, chhungkua ka din a, kan hlim ve laitakin ngati nge hetiang thil hi a rawn thlen leh si, ka hlim hi a rem ve lo ami, chuan tunge chupa chu ni ta ang le, engvanga kan chhungkua min thah tum nge a nih le, Damian-a a tah avang chuan ka nu chuan a rawn pawm phei a, lo la vatin hnute ka pe nghal bawk.











Ka hmel lo ngui deuh bar chu ka nu chuan a hmuh hmaih hauhlo min zawt ta reng bawk a, "bawihi, i nuamlo deuh ami,ngati nge a" a rawn ti a, "dam e, nu ka tha lutuk, ka chau ve deuh niang" ka tih leh chuan "imm bawihtea kha hnute pe zo la, i mu hahdam rih dawn nia" a tih leh chuan ka lawm ru ang reng, tunah chuan engtih mah ka chak rihlo.













Jose-a alo haw chuan ka bulah rawn thu nghalin "bawihte, ka nu in i nawmsam loh thu alo sawi a, enge i an tawh" a rawn ti a, a in thlak pah mawlh mawlh bawk, "en teh pa, pu tlana khan min rawn call a sin" ka ti chuan a rawn hawi rang kher mai, "enge a rawn sawi a, a hrilh che em?" A ti leh a, "aih a ti tir tu kha a hriat bik loh thu a sawi a" ka ti a, a thaw hak, " a awmna i zawt tal em?" A tih leh chuan ka hrechhuak zawk zawh nachang ka lo hre miahlo, ka lu ka thing a, ka Kun daih bawk "bawihi, in thiam loh a ngai reng reng hleinem, kan la hre thuai dawn alawm" ka khabe a min kuai chho pah chuan a ti a, ka chal a fawp zeuh bawk.












"I chau em? Hawh eitur ka Siam ang che" ka ti a, choka lamah chuan kan chhuak dun ta a, Damian-a pawh a pi in alo paw mu diam tawh, ka nu hi chuan min chhawk thin khawp mai.











Jose-a eitur ka Siam sak lai chuan Damian-a a rawn tap deuh feih feih a, a tap ring ngailo thin hi ka khawngaihin letling zawk, ka nu chuan rawn pawm chhuakin ka lo la vat a, kut silfai sawk sawkin hnute ka pe nghal bawk, Jose-a'n ka thil siam zawh loh chu alo chhunzawm mai bawk, hepa hi chu tih hreh pawh hi nei lo, ka buai deuh chuan insuk pawh ni se, min tihsak vek thin.












A eitur siam chu dawhkana lo chhawp phei in a ei a, Damian-a ka barh ve zeuh zeuh bawk, ka ei ve hman lo tih hria in, Jose-a chuan min lo barh pah bawk, a felin thil reng reng tih nachang a hre thin viau.













Pawn hmun ka phiah mawlh mawlh lai hian, kan gate bul atang hian min en tu ni awm tak hi ka hmu phe zuaih leh thin, mahse mak ka ti tawh lem lo, Jose-a nen a kan in neih Kum 2 hnu atang khan hetia min enthla tu hi an awm daih tawh, a tir chuan ka hlauin ka chhungte ka hrilh hial a, mahse engtin mah min tih lem loh avangin ka enliam ve mai mai tawh.








Mahse ngati nge hepa hian min enthlak reng thin ni, tunge maw a nih chiah le, kutdawh ti dawn ila, a inthuamna en in a nih hmel bawk siloh, a hmel pawh hmu mah ila, tunge a nih ka hre tlat bawk silo.












Tizawng kha ni leh ta phawt a🥲 ka reh rei deuh a sorry u regu hi chu ka tum ve thei lutuk, mahse Kan buai ve thin lutuk aa min hrethiam hram hram rawh u a theih chuan lo comment ve hram hram ru aw, phurna nasa tawkkk mai min pe ka tih tawh kha aw🥰





Comment leh ads click kha aw mifel ho


Show post links
Top

[Ngaia]

MITTUI NEN HRINGNUN







By-Puipuii Khiangte









Chapter-10












Ka pa hna bang lo haw chu Damian-a pawn a lo lawm ve thiam reuh hle, a theih ang anga ringin a lo chhawn ve ziah a, chauh pawh sawi lo in an in pawm leh lawp lawp zel, bawihtea hian eng em em mah la khalh thei lo mahse ka pa hian a toys tur hi alo hawn ve ziah bawk.













Ka pa chu tui in tur ka pek pah chuan a bula thu Turin min ti a, ngawi rengin ka thu ve mai bawk, "englo ania, bawihi hman deuh atang khan ka hna lo bang hi gate bulah sawn mipa dum veka inthuam hi ka hmu thin a, hman a i sawi kha ala ni thei mai angem?" A ti a, "imm pa ni chuan ka hria, enge awmzia hetia min enthlak reng chhan hi ka hrethiam lo", ka ti ve leh niap niap a, ka pa chuan "imm tihian ngawi reng ila, thil hrilh duh che a nei anga, ala in peih lo te pawh a niang, mahse bawihtea hi pawnah chhuah tir Suh aw" a ti a, bawihtea'n min ban avang chuan pawmin room lamah ka phei pui ta a.













Jose-a chuan lehkhabu lo chhiarin a bulah chuan nau hnute pek pah chuan ka thu a, ka pa thu sawi te kha sawi ve lehin a ngaihtuah muk hmel hle bawk, chuan Jose-a hian ka thusawi lai chuan eng hna pawimawh pawh nise, min ngaithla hmasa phawt zel bawk, a ngawih vung vung hnuah "imm,ka pa sawi ang chuan awm zel phawt ang" a ti a, "ee taka Siamtei te kha chaw eiah ka sawm a, ka nu pawh ka hrilh tawh, tha iti em?" Ka lo ti daih thung "imm a tha lawm, kan in neih hnu hian vawi 1 an lo kal bak kha chu an lo la kal leh lo tak, lo ei rawh se, thil te kha an lo keng leh ange a ngailo nia, hrilh rawh" a ti a, ka lo nui vur vur, kan pa hi chu Pathian min pek ka tilo thei lo.













Siamtei te chu phone nghalin kan pa in sawi rawh a tih ang chuan ka sawi a, an ni pawh an lo kal theih tep thu a sawi ve bawk.


Siamtei te hi, a hma a an tih ngai ngawr ngawr kha chu ti tawh bik lo in, dawr te an siam ve a, ngaihzawng nghet an nei vek tawh bawk, ruata erawh nupui nei tep tawh a ni thung, dawr lama an buai thin em avang hian lo kal pawh hi an tan a harsat thin a, phone lamah erawh Kan in be reng thung.















Rawng ka bawl mawlh mawlh lai chuan Siamtei te an rawn ri lut hat hat hlawm a, Damian-a an rawn lawm nghal chung chung, toys an rawn hawn hram, felfeli chu ka bulah lo pheiin min lo tih pui sawk sawk a, a hma ai khan a cher daih tawh, mahse a pian a ti lang nalh a, a mawi zawk tawh takzet.













Ka nu leh pa te chuan in thlahrung lo tur a tiin Chaw chu kan ei mawlh mawlh hlawm a, kei ai mahin ka nu leh pa te chuan an be tam bawk, an felin an rilru tha ka tih tawh kha, keima lam a mi te ho pawh tumah min biakchhiat sak ngailo a, mi pangai tak an ni, Damian-a a te leh thin avang chuan walker atang chuan la in ka mal chungah ka thut tir a, ka chaw ei min tih buai leh thin avang chuan ka pa chu kham vatin min rawn lak chhawk vat a, ka thiante mak ti hmel chu ka hmuh hmaih hauh lo, ka lo nui hak thung.












Zanriah ei kham hnu chuan kan ei na vel felfeli nen kan ti fai zung zung a, thleng te pawh min sil chhawk vek, Siamtei leh ruata te erawh living room lamah ka nu leh pa te nen an titi a, kan pa erawh ka la hman loh avangin Damian-a tap alo awi bawk.








"Ka rin aiin Jose-a leh a chhungte hi an fel" felfeli chuan melh leh zeuh zeuh pah chuan a ti a, "fel e, an zau a, fanu ang tak takin min en a, a nuam a sin aw, Jose-a lahin min duat a, min ngai pawimawh bawk a, an ni ang hi chu tumah dang ka tawng tawhin ka ringlo" ka ti a, ka chhuang ve thin em a sin.







Damian-a a tah rei tak em avang chuan Jose-a chuan thlan hluam hian kan bulah alo paw phei a, felfeli alo nui vak vak thung, Damian-a chu la in hnute ka pe a, gas ka la hruk zawh loh deuh chu Jose-a chuan a tih chhunzawm nghal mai bawk, felfeli chuan min lo en zukin a nui khur char char a, ka lo melh hrawk bawk.









Siamtei chu lo lutin Damian-a hnute hne zo chu a rawn la a, min duat pui hlawm lutuk hi ka hahdam phah sawt, Damian-a pawn duh loh em em a hre lo bawk.












Zanah chuan ka inbual sawk sawk a, Damian-a a pa'n a mutpui bawk, Siamtei te pawh an haw na ala reilo, bathrope nen a ka awm lai chuan ka Phone a rawn ri leh ral ral tawh, tinge number hriat lohin min lo call apiang hian ka zam em em zel ni.










Ka en vang vang hnu chuan ka pick ve ta a, "hello"
"Aw, Simby maw"
"Tunge aw"
"I hriat duh ka kawl, keima thil tih vek a nih kha"
"Enge I sawi awmzia, ka nu leh pa chungchang I sawi em?"
"Aw, sawi e, i nu leh pa kha keima thah tir a nih kha"


Ava han rapthlak thin tak em! Ka ding khur ngawt ngawt a,engmah sawi nachang pawh ka hre tawh lo, Jose-a chuan min lo hmu in ka phone chu min chhuhsak hmak a, lehlama mi chuan call chu alo ti tawp hman.



"Shitt, bawihte i tha em?" "Jose, pa-a i nu leh pa kha ka thah tir a ti" en ngai en rengin ka ti chhuak sap sap a, ka mittui a luang ngiai ngiai bawk.



Khumah chuan min mut tirin ka phone chu ala nghal vut a, min lo call tu number chu a dial nghal zat bawk "hello, tunge i nih Kan hmuhah rawn inlan rawh" a tih that that lai chuan ka lo en reng ringawt, lehlama mi chuan a chhang lemlo a niang phone chu dawhkanah dah thuai in a thaw hawk hawk a, a thin a rim tawh hi chuan kei pawh ka ti dek zel, mahse ka hlauh a awm chu a duh ngailo.












Kei aiin ka nu leh pa te that tu hi hriat chhuah a duh a, hetianga min lo ti an awm a nih chuan a thinrim tun a, engmah an rawn sawi zawm nga silo, chhui zui theih pawh an ni ngailo kha nia.












"Jose, khapa kha ni thei mai angem?" Amah en kar pah chuan ka ti a " tu maw" alo ti hu thung "aww kha min enthla thin tupa kha" ka tih leh chuan ngawi deuh vang vangin a tho hlut a "ka pa ka'n hmu lawk ange aw" a ti a, a chhuak zui nghal.












Damian-a lo harh avang chuan ka pawm a, hnute pe nghalin min en kar a, ka hmai a mittui luang ngiai ngiai chu a kut te reuh te chuan a khawih niap niap a, a changin hnute phawi meuhin min en kar a, min nuih ver ver, ka rilru hahna hria in, min tih hlim ve a tum a ni ngei ang, ka nui hak hak a, a awmah ka hmai phumin "fing reuh lutuk mai" tih pah chuan ka lu ka thin hnan a, a nui uarh uarh a, ka fapa leh kan pa ka bula an awm hi chuan engmah dang ka van mamawh biklo tak.












Rei deuh fe kan lo infiam lai chuan Jose-a alo lut a, kan lo en kar thung, bawihtea chu pawmin a fiam a, bawihtea pawn a pa pawm hi chu nuam a ti ve thin Chiang alawm.





"Jose, ka pa nen chuan enge in sawi a" ka ti a, "ka pa pawn a ring ve tho a, a thianpa Police alo biak tur thu leh an chhui zui tur thu a sawi a" a tih chuan ka thla a muang nghal sawng sawng thei, keimahin ka tuar ngailo a, ka chhungte hian min tawrhpui vek zel bawk.











Karhnih thum a liam leh meuh chuan kan thil tawn pawh Kan hre Chang mang pawhlo, mahse ka pa kâ atanga ka hriat dan chuan an la chhui zui reng thu a sawi bawk a, kan la hrechhuak thuai turah ngai ang.









Ka pa leh Jose-a an office hlan hian ka nu nen dawr siam a, eng eng emaw zawrh ve mai mai kan rilruk a, Damian-a pawh a tlei chak ve tawh viau a, awm hi a hahthlak ngailo hrim hrim reng a ni.











Ka nu nen a dawr siam Kan tum chu Jose-a leh ka pa pawn rem an tih thu an sawi ve mial a, kan in kawt mai hi a nih vang pakhat a ni.









Zinglamah chuan kan dawr luah tur chu ti faiin hma takah ka tho a, Damian-a ala mu bawk nen, rawngbawl nan ala hma tho bawk a ti a tifai ka ni.




Ka rin aiin alo fai sar a, a hma a dawr lo siam thin te khan alo tifai diam tawh tih hriat a, chhuar paw leh chhuat bal ve deuh te chu ka ti fai a, ka phur tawh takzet.






In lama ka let leh chuan ka nu chu lo tho tawh a, rawng alo bawl malh malh bawk, "nu,ilo ti duh nih kha, ka phur tawh lutuk a, ka lo va ti fai e ka tia" ka ti a, ka nu chuan "thil harsa ni lo a, vawiin hi office chawlh a ni bawk nen i pa te pahnih pawn min pui thei ang, kha thingpui kha in la, Damian-a a harh tep ang, in room lamah lo va phei rih rawh" a tih chuan hnial lo in a sawi ang chuan ka awm ve mai a.








Room a ka lut chu Damian-a leh apa an lo in chheih/chhaih nui leh har har tawh, "saw a nu a lo kal, biru ang" Jose-a chuan a ti a, puanin an in khuh daih bawk, nuih vak vak pah chuan khumah chuan lawnin "Damian-a ka man dawn, apa pawh ka man dawn" aw thum tak chuan ka ti a, Damian-a alo nui her her bawk.









"Jose vawiin inchawl ami?" Ka tih chuan "imm in dawr thar tur te pawh ka pa nen Kan lo tlawh ve ang chu" a ti a, Damian-a a fiam pah reng bawk, "awle that chu" ka ti a, ka chhuah leh chuan chaw ei a lo hun leh thuak tawh.










Tukthuan te chu eiin ka pa pawn dawr lama alo kal ve tur thu te chu a sawi ve a, min phur pui lutuk chu ka nu nen chuan Kan nui leh vur vur zel, "englam nge zawrh in tih hrim hrim a" ka pa bawk chuan a ti leh a, ka nu chu enin a tawng hun ka ngaichang a ni mah "thawmhnaw te makeup te niang,ka thiannu bulah kan chah thleng diam tawh, bawiha nakinah min lakpui ang che aw"Jose-a en pah chuan a ti leh a, Jose-a alo bu nghut thung.














Jose-a, ka nu leh pa te kan bungraw la turin an kal a, kei erawh Damian-a lo awm turin min ti thung, bawihtea walker ah chuan tirin a tei kual vel chu hmuhnawm ti takin ka en reng a, a hmuhnawm ve thin a nia.











Ka phone ri chu la in ka pick a, "hello" ka ti a, a ngawih reng avang chuan "hello" ka ti nawn leh, "aw Simby, ka thu sawi tur hi ngun takin lo ngaithla ang che" a tih leh chuan ka lo aw Liam ve mai a, " kei hi i û Malsawmkima ka ni e" a ti chu mak ka ti kher mai, in siam tha vatin "ehh...engtin maw i tih, kei hian û ka nei hleinem" ka tih leh chuan "i nei kei hi i û ka pa fa hmasa ka ni e" a tih leh chuan thil hriatchhuah zawk ka nei, ka pa dairy ka chhiar tum a thlalak lo awm tel, ka tetlai a min pawm tupa mipa naupang kha ka hrechhuak zawk.




"A van mak em em, engtin nge nih theih, ka pa khan engmah min hrilh ngai silo a" ka ti leh a, "ni e ka pa khan kei leh ka nu kha min duh ngai hleinem, ka nu rilru na taka siamin kei min ngaihsak ngailo bawk" a tih leh chuan a thin a rim tih ka hre thei mai, "a nih chuan engvanga min lo bia nge i nih a" ka ti leh a, a thaw halh ri ka hre pha "kei hian ka inchhirna tur leh inchhir lohna tur thil tih ka nei a, chu chu hrilh che ka duh, bakah ka nau neihchhun ini a, ka thisen zawmpui" a ti leh a, "khawnge i nu chu" ka tih leh chuan " min boral san tawh" a ti hmuk bawk.








Mak ka ti takzet, ngati nge ka pa khan tiang thil hi a tih le, enge a chhan niang le, chuan ka û niba in sawi hian enge sawi a duh niang, keimah leh keimah chu ka in bia ni ber.

"Hello" rawn ti tu avang chuan harh chhuak zawkin "aw, ka hria e" ka ti a, "imm nakinah Kan la in be leh dawn nia, chuan ka thil hrilh tur che avang hian min ngaidam dawnlo mahla min theihnghilh ngai Suh" a tih leh hnu chuan mak ka ti leh zual call chu kan dah ta a.










Eng thil nge ni ta ang, ka hlauthawng takzet, inchhungah chuan ka tei kual sek tawh, Damian-a te that that ri chu ngaihsak vatin alo tlu chu niin, a chal a sawh pawng deuh, ka rilru buai lutuk nen ka fapa tap bawk nen, a ngaihna hrelo lutuk chu kan nufa chuan kan tap a, chhuat laiah chuan thu in kan tap vak vak a ni ber.













Tizawng kha ni leh phawts🥲 ka story min lo chhiar sak a, ngaihnawm te min lo tih sak thin avangin ka lawm takzet e, min lo chhiar sak zel ru aw






Comment leh ads click kha aw mifel ho


Show post links
Top

[Ngaia]

#MITTUI NEN HRINGNUN





By-Puipuii Khiangte









Chapter-11

















Ka harh leh chuan room ah ka lo mu der tawh, ka bulah kan pa thu in, kan khum sirah ka nu leh pa an lo thu ve bawk, Damian-a ka nu in alo paw bawk.








Ka harh tih hria in Jose-a'n min tung tho in tui in tur min pe pah bawk, Jose-a bawk chu rawn tawng leh in "bawihte engtin nge i awm a, kan lo haw kha, chhuatah sawn i lo mu tawp a, Damian-a tap pawh i lo ngaihsak lo a" a tih leh chuan Damian-a ka melh zawk bawk, ka khawngaih takzet, "ka tihpalh lutuk Jose" ka kun daih bawk, "a pawilo, mahse tinge khatiang khan i awm a" a tih leh chuan phone a ka mi biak leh Kan in biak dan zawng zawng chu ka sawi a, chu tah ka pa chuan "Malsawmkima ahh, ka hria lawm chupa chu, kan company min er a min tei reng tu te pafa a nih chu, an hausa in thil an ti thei a, US lamah pawh thawhpui an nei nghe nghe a sin, mahse an fa lak an ti ve tlat" a tih leh chuan ka û a nih rinna ka nei lian hle tawh.














"Nih chuan ka pa, ka û a ni thei tak tak mai angem?" amah en kar pah chuan ka ti a, "ka hrelo le bawihi, saw tiang mihring saw i û a nih hi ka ring phal lo a sin" a tih leh chuan Damian-a a rawn tap a, ka lo la nghal vat, ka fapa chu en in ka mittui a hnai leh pur tawh, ka khawngaih reuh emai.













Ka nu chuan "imm a tlai ang reng tawh sia, rawng te ka'n bawl sawk sawk ange,bawihi nang chu ti khan lo mu hahdam rih la, nakinah thu Chiang chu ala rawn lang chhuak mai ang" a ti a, ka pa nen chuan min chhuahsan ta a.












Jose-a chu rawn thu hnaiin min kuah leh hle hle a, a thlamuan thlak bik ka tih tawh kha, "bawihte, Malsawmkima chu misual tak, tih hreh neilo a nia sin le aw" a ti a, chunglam a en vung vung bawk.






Ngati nge le, ka thisen zawmpui awm chhun te hi an rapthlak theih em em mai le, ka pasal leh a chhungte tih loh hi chu in nghahna tur engmah ka nei ve dawn ta lo a nih hi.









Bawihtea chuan hnute hne pah hian min en ve ker a, ka hmai a khawih leh neuh neuh tawh, hnute phawi zawkin min en chiang leh a, ka lo fiam ve avang chuan nui uar uarin hnute a in barh leh nawk nawk a, a duhawm thin ngawt mai, Jose-a chu ka en a, ka dar nghengin alo muhil daih, ka nui suk a, fapa pahnih enkawl hi ka ang thin a nia.











Damian-a pawh a muthilh ve takah chuan mut rem tirin apa nen chuan an mu dun rial a, an duhawm dunin hmuh hi an nuam thin takzet, an in chhun pafa ropui si, nuih tet tet pah chuan ka chhuahsan ta a.











Ka nu pawn rawng alo bawl zo der tawh, a tuan hi a rang thin a nia, ka nu hi la thalai tak a ni a, a inchei deuh phei chuan a mawi thin viau, ka pa pawh hian a fak ve chawk thin reng a ni.












Malsawmkima ka û ka la ti ngam chiah lo, chu ka call let a, in hmuh pui a sawm a, engkim hriat vek ka duh a ni, rei tawk fang kan in biak hnu chuan inhmuh chu rem a ti ve ta a, tlailam dar 3 a in hmu tur a in rem siamin call chu kan ti tawp ta a ni.











Jose-a chu râwn in rem min tihpui a, mahse keimah a kal erawh rem a tih loh avangin amah nen a kal a, Damian-a ka nu bula dah kan tum a ni.











Keimah ni mai a ruahmanna siam ai tiin ka nu leh pa te pawh kan hrilh thlap, ka nu chuan fimkhur turin min ti a, ka pa pawn " a ruahmanna a ni maithei, fimkhur ula, ka thianpa ka chhui tir tupa kha ka rawn tir dawn nia" a ti a, kan titi zawh meuh chuan kal alo hun der tawh.














Kan in hmuhna hmun tur a kan sawi ah chuan ka thu a, Jose-a leh erawh ka pa rawn tirhpa nen chuan ka hnung lamah an lo awm thung.











Rei deuh fang kan nghah hnu chuan kan nghah mi ni tur awm tak chu a lo lut a, ka lo en ha chu min rawn hmu in, a ban a vei zeuh a, ka lam pan a a lo kal chu ka lo zam ru hle, a thut fel hnu chuan tui te a in leh tete a, ngawi rengin ka lo en thung.









Ka'n en vung vung takah chuan ka pa an na riau a nei ten ka hria, ka ngaihbel vang nge pawh ka hrelo, Malsawmkima chu rawn tawng chhuakin "Simby, i û ka ni tak tak a sin", tih leh thlalak pakhat hi a rawn phawrh a, lo en vatin ka pa dairy a mi nen khan a in ang chiah, amah chu ka en a, min khawngaih hmel tak hian min lo en let thung.












"A nih, phone a i thil sawi kha enge awmzia, i nu leh pa te thah tir tu ka ni i ti a, chuan ka û i nih thu i sawi leh a, nih chuan i nu leh pa te i that tih i hria em?" Ka ti a, ka tah loh nan ka insum hram hram bawk, "ni e, a dik alawm, ka nu leh pa te kha ka hua a, ka nu,i nu kha ka nu a ni velo a, i nu khan ka nu lanin,nang a pai che a, a nei tep tawh nghe nghe che, ka pa khan min lo bum rei khawp mai,chuan ka pa chuan min hnawtchhuak ta a ni". A ti a, "chuan sawi zel rawh" ka lo ti leh thung.




"Khatia engmah neih neilo a kan chhuah khan ka thin a rim in naupang te mai ka ni si, ka nu lah kha a hriselna a thalo em em a, ka nu thiannu te inah lutin kan awm ve tawp a, mahse karkhat vel a liam hnu khan ka nu chuan min boral san ta a, chu chu ka pa khan hria in a inah khan min hruai haw leh ta a, i nu khan a tir chuan min duatin min ngaihsak thin, mahse nang ilo piang chiah tih ah min duhsakna te kha a reh tial tial a, ka pa bulah min hekin ka pa lah khan ka thlavang a hauh ngai silo a, kha tih hunlai khan Kum 7 mi chauh ka nia sin, chuan nang ilo lian ve zel a, Kum 3 mi i nih khan ka pa chuan he thla hi min laksak ta a, ka duat che a, ka awm nitin zel che, school pawh ka kal ngailo bawk, chuan ka nun kha hrehawm ka tih em avang khan in kha Kum 10 mi ka nih in ka chhuahsan ta a".










Ngawi leh datin a thaw halh a, a hrehawm a tih hmel takzet, tui chu in leh khawlh khawlhin a sawi chhunzawm leh a, keiin ngawi rengin ka lo ngaithla thung.







"Simby, naute kei hian ka haw ve miahlo che a sin..." A tih leh chuan "keipawh min thah i tum ve tho kha" ka lo ti leh hrawk, kun dak in "ni e, mahse i thi lo hi ka lawm lutuk, ka thil tih kha a diklo takzet ka ti na che a, ka thinrimna in ka rilru a thunun tawh tlat avangin min ngaidam ang che aw, tichuan in ka chhuahsan atang khan ka thiante inah awm in in hlawhna tur te pawh ka zawng ve thin a, mahse naupang Kum 10 mi chu tuman hlawhfa ah an lo duhlo nasa mai sia, chutia khawlai a ka tei ka tei lai chuan nu pakhat tun a ka nu nita nen hian kan in tawng ta a, kawngsir a ka lo thut lai tak hi a ni a, a thil khai lai ka khaipui a, an inthleng thlah thlapin ka chanchin min zawh avang chuan ka hrilh fai vek bawk, chu nu chuan min khawngaih viau aniang, an inah chuan min hruai lutin fa a min lak tur thu a sawi a, kha ta ka hlim ve zia kha aw" a ti a, a nui deuh suk suk bawk.











Kan ei tur chah ve te chu alo thleng a, kan ei mawlh mawlh a, ka û ti tawh mai ang, chuan min en in min thlakhlelh hmel ngawih ngawih, ngaihsak duhlo luiin eitur te chu ka ei San daih bawk.








Amah bawk rawn tawng lehin "Naute tunah chuan i û hi ka hausa ve tawh a sin, US ah te kalin hna te ka thawk thin a, tuna ka nu leh pa te sawn min hmangaihin min ring em em a, chuan nau ka nei tih hi hre ve se chuan an lawm ve ngei ka ring a sin" a tih leh chuan ka melh vat, "ka duhlo, ka la ring ngam chuanglo che, engtin nge ka nu leh pa te kha i thah theih, tunge i tih tir" ka ti leh a, ka û chuan "ni e, engtik lai pawhin ka enthla thin cheu a, chuan in Driver Tlana pawh kha pawisa a thlemin ka tih tir a nih kha, chuan ila dam tih ka hriat khan i chhui dawn tih ka hria a, Tlana kha pawisa pek belhin ka kalbo tir ta a nih kha, naute, i nu leh pa te kha ka haw em a, phuba lak ngei ka duh a, mahse thah kher kha ka duh miah lo, kawngthlangah khan in tlak bik ka ring lo a ni, i nu khan fa ah tak tak min lo en ve thin chu nise, tiang thil hi a thleng hauh lo tur, keichuan ka nu ka Chan tawh a, i nu kha ka thlahlel ve thin lutuk a sin" a ti a, a mittui a tla tih ka hmu thei.












Ka khawngaih lutuk chu ka tap a, ka nu kha tinge tiang chuan alo awm le, ka pa pawh mi tenawm ber a ni, ka tap tih hria in kan hnung lama thu Jose-a chu kan bulah lo phei vatin min rawn kuah a, ka bulah chuan thu thla ve "i thusawi te kha thudik a ni em?" Ka û chu a en pah bawk chutah ka û chu lo buk nghut pahin "aw ni e, thudik vek ka sawi, ka nau hi ka thlahlel a, chuan nang a pasal ini hi ka lawm a ni, Jose keini hi in chhungkaw tan kan thalo tih ka hria, khawngaihin min ngaidam ang che u" a ti a, a mittui a tla ve zawih zawih bawk, ka û chu ka lai nat kher mai.












Jose-a bawk chuan "kha chu i pa leh ka pa inkar ni sela, a nih kan in bula bibi-i lo enthla thin tu hi nangmah ini em?" A tih leh chuan ka hawi chhuak a, keipawn chu chu ka hre chak takzet, ka û chu a mitmengah mak tihna ka hmu thei "nilo, chu mi chu ka ni lo, tunge a nih ka hre miahlo" a ti leh chu mak kan ti hlawm kher mai.









Ka û hi min enthla thin tu a nih si loh chuan tunge ni ta ang le, kan haw dawn chuan ka û chuan min kuah vawng vawng a, keipawn ka lo kuah let ve bawk, haw tur ka nih laiin ka lainat tlat thung si, Jose-a pawh chuan min lo en ve tawp bawk.







Ka û chu kan thlahliam hnu in ka pa rawn tirhpa chu Kan bulah a lo kal ve chauh a, engtin nge ni zel dawn a tih chuan Jose-a chuan "a tawk tawh e, ka pu min hawsan la, hei chu kan chhungkaw thil lam a ni tawh e" a ti a, a kal ve mai bawk.











In lam pana kan tlan chu Jose-a chuan ngawi rengin car a khalh a, a in ngaihtuah muk hmel hle, "Jose enge i ngaihdan" ka ti mawl ve tawp a, "ka hrelo le bawihte,i û kha a tih tak hmel ka ti a, chuan ring ila ka duh" a tih leh chuan nuih suk pahin pawn lam ka en daih thung.










Guys current kan neilo a, inverter a ka charge zuaih zuaih hnu in ka rawn type leh nghal sawk sawk a, in prepare na hun pawh ka neilo, dah hman loh ka hlau bawk sia, dik lo a tam viau maithei nia aw, khawngaihin min lo hmuhkan sak leh hram hram ru aw, chutih rualin min hrilh hrehlo bawk ula aw🥰 mutchhuak tawh lutuk🥺



Comment leh ads click kha aw mifel ho



Goodnight All


Show post links
Top