Damdawi-a BY Kimkimi tlau (Completed)

[Ngaia]

lh8dz9am.jpg (11.35 KiB) Viewed 6170 times

Damdawi-a
CHAPTER-1(Kimkimi tlau)



" Mu vum thur lo khan, i u chu va menpui ve rawh " Room lemlam aṭanga kanu'n alo ti leh ṭhin chu ning zetin ka thaw chhuak hak a




" An fanu alawm, kei nula hi tinge min tihbuai reng " Thawh tumlo zetin ka inlet thawka ka chhing leh nghal vang vang




" Lalnuntluang, ti khawp sawn naute a ṭapa engtin nge i mut theih " alo la ti hram a, ka muttheih aring bik em maw ni mahse, thawh ka tumlo kar hnih dawn ka thawh chhawk tawha min ring lutuk hi ka duhlo, ka chau a chhunah ka mu thei ngai silo ka taksa te hi achhe ngawih ngawih ka hmai abawl pheuh pheuh bawk


Ka hming chu Lalnuntluangi ania kum22 ka hmang ve mek, Unau panga kan ni a Mipa pahnih leh hmeichhia Pathum kan ni. Thingtlang khuaa piang leh seilian nun mawlmang tak zawh chho mek ka ni a, Boruak dang ka hip ngailo a kan khuaah hian ka ṭhian pathum keimah ang tho a ngaihtuah mawlmang ve tak ho nen nun hlimawm an tih chu kan hmang ve mek a, ka kum chu upa ve tawh mahse, ka ngaihtuahna erawh ala naupangchhia em em thung, chhungte hauh bur ka ni tawp. Upa lamah mipa pahnih an awm a kei hi naupang ber dawttu ka ni, ka u chiah hi nula senior lam ani tawh a, kan inmillo tih kan sawi tel kher ange, kan upa ber dawttu hian nupui anei tawh a, fa pahnih annei tawh tuna kan buai mekna pawh hi an fanu thla2 pawh la tlinglo ṭahbelh lutuk vang ani. Apianhlim aṭangin aṭap nghal char char







" Iva han sual tak em " Kanu phun hlak hlak chu Earphone in hla ka ngaihthlak san ta daih a, kalo muhil ve ta aniang




" Ani " Ka puan lo sawi paha ka vahpa in min ko ri chuan min ti harh deuh a, ka inkhuna ka la sawn vat ka vahpa chuan nui vur vur in min lo en a




" Iva tho hmave ka naute " ka ti tham deuh ṭiak a, Ka u fa tho chu ani a heipawh atetlai chuan ṭahbelh tak ani, ka u hian fa fel anei ve dawnlo aniang. ka vahpa bik phei hi chu anu arai leh hmat avang khan kan la hrang hmaa ka duat bik bawk kum2 na ahmang ve mek a, ṭawng athiam chakin anghal over bawk






" Api in tho rawh ati " atih leh hnuah ka lukham bula ka phone chu a ban zat a




" Het.. ka phone kha charge angai " ka tih chuan inla khawngaih thlak zetin min lo en a




" Ka va charge ang aw " Ka nuih tawp



" Angailo, ka charge mai ang " Ka tih chuan ahmui ati pawrh a, min chhuahsan nghal daih








" Zanah pawh meng hleilo tho tlai thei hlawm si " Room ka chhuahsan rualin kanu'n alo ti nghal a, ning zetin thawk kala




" Usiami pawh ala tho lo, zana ka men chang pawn ani aiin ka tho hma ziah. Zanah ameng ve tawh em " Mut ka kham viau bik turah angai em maw ni




" Nangmah pawh katilo che, min chhang pung pung zel suh " Ati leh hmarh hmarh a





" Min hmuh veleh anih kha i sawi, min hauh hi nuam iti ve hrim hrim " Bathroom ah ka luhsan daih a, ka lung hi a awi bik ṭhin lo, kan unau zingah ka zia adang a ka unau dangte anglo takin ka thawvengin ka zia aharh a, kei ai mahin ka nau pawh a puitling zawk, kanu hauh bur ka ni a engpawh ti ila kanu lung hi ka ti awi zo derlo, achang chuan ka thin hi arim ve ngawih ngawih zel. Bathroom aṭanga ka chhuah hnuah choka ah lutin thingpui siamsa chu ka inthlit a, Usiami alo tho chhuak ve chhet chhet





" Ulawma fa te ṭahbelh zia hi " ati bul bul bawk, kan khaw school ah hna anei ve a, kan upa ber erawh ran vulh atui a kan huan ah Ar leh vawk vulh in a tui chilh khawp mai, Kapi in Puanṭhui khawl anei a kuthlei nafam chu ka khawih nasa, kapi min hrilhna zarah zirna pangaia zir lemlo in inṭhui chu ka thiam ve a, min ṭhui tir te pawh an awm ve nawlh nawlh. Ze harh tak ni mahila ka kut hnu amam a sawisel tura ṭhui ka tumlo ka uluk viau ṭhin





" Ni ngawt mai, zanah pawh hian minti mu theilo " Kanu in alo belhchhah vat, kei erawh ka ner ka ner a




" Fa i neih ve hunah phei chuan, zing aṭanga zan khua in an ṭap ṭhin ang " Ka ti leh kher chu arun leh khawp a




" Ngawi mai mai ṭhin teh, i aia upa ka nih hi " ati fak a, kalo nui hak engmah phei chu ka sawi zawm tawhlo. Khawsak harsa kan nilo kan hausa tihna erawh ani chuanglo







...

" Vawiin ah Kan health worker thar alo thlen dawn kha, chaw lo chhum kep ang che u " Kapa'n chaw ei laiin ati a, khual thleng chhungkua hi kan nia mikhual kan nei thei si kapu in hmelhriat angah tih nak laiin kapa in ala ngah ve leh chhawng a





" Khual thleng chhungkua hi kan ni ringawt, VCP pawh an awm a, kan in ah kher " Antui hawp rik hraih pahin ka ti a





" Hmelhriat ngah chu rualpawlna anti ngai, mikhual thleng thei miahlo chhungkua nihte hi thil zahthlak tak ani zawk" Kapu'n ati dap dap a






" Kan inchhak khi en rawh Sub centre anih khi, VCP te in chu vengchhak tawp ah a awm, puitlingin kan sawi tawh chuan lo hnial vat zel suh " ka ngawi ngal tawh, ka chaw ei pawh atuilo achang chuan he inchhung ah hian ka hrang bik tlat zel a, inthlahrung deuha awm chang lah ka ngah. Ka kham thuai a Umary Ulawma nupui naute lo awi lam chu ka pan





" Kalo la ang, chaw va ei rawh " Naute chu ka ban a, ka pang si thlapa pawmin ka awi hliau hliau




" I puar ami? " Min ngaihtuah zeta alo tih chuan kabu nghat a




" Nizan khan ka chau ve deuh a, ka lo thawhpui lo che anih kha " Insawithiam titih chuan kati a




" Apawi hleinem, min hliamna pawh azia tawha ka chettheih loh chhung i tho char char alawm " Ka nuih a, ani pawh chaw eitur chuan min kalsan, thawveng halh si hian ka thaw hi apik ve ṭhin. Thil tam tak ka ngaihtuah phei chuan ka thi dawn hialin ka hre ṭhin






.....

" I rei thei " Kan ṭhian ho spot ka thlen chuan min lo hau tliar tliar a




" Kanu a ang tui leh laklawh a " ṭhen sakin kati




" Inu hi chu aw " Anti deuh vang vang a, kalo nuih liam mai, Meizial leh kuva Dildar te nen an lo inchhawp leh thlap tawh a, ka ban nghal zat hmeichhe fel tak ka nilo tih inhrethiam mai em






" Rsa te anlo zin dawn " Ti tu Beiseia chu ka melh vat, Beiseia ni mahse keini chuan aṭawng theih êm avangin Bawrhsaibe kanti mai ṭhin a





" Engtik ah " Williama keini'n Ui-a tia kan koh mai chuan alo ti vat





" Kar leh velah aniang " Ati leh a, tuna kan sawi lai hi ka first love ani, kum3 kan in ngaizawng a school ka chawlhsan laiin ani chuan ala kal thung, hmun dangah a awm deuh char char zela kan induh ve viau chuan ka hria. Kei phei chuan ka vei deuh tawp amah ah khan ka luangliam a, azir chhuah hun kha ka nghak hlel ve lutuk mahse, thawk leh khatah thil adanglam dawrh a, hna ahmuh hnu khan azia adang chho a, pangai taka in biak kan neih awm ka hre tawhlo. Kan inkar chu ahla tial tial a keiin hnaih mahila ani ahla zel si ka tan tih ngaihna a awm lemlo. Inṭhenna thu sawi silo in areh vang vang a, vawikhat chu thil duhawm lo deuh ka hria a, Ka nun ti danglam dawrh thei thil ani, chu chu Rsa'n nupui aru tih tih ani, chuthil ka hriat rual chuan Rsa hnen aṭangin Inṭhenna thu ka dawng nghal bawk, engtia tawrh tur nge ka hrelo a ka ṭhiante tih loh in ka thiltawn kha an hrelo, kum khat dawn kha chu ka mizia ka hlauh titih a, Rsa nupui ruk chu alo rai lawk alo ni, ka ṭhiante hi awm lo se zawng tun ang hian ka awm thei tawh in ka ringlo






" Bawrhsaibe, kan boruak iti cool vek " Zoremi'n alu a ben chawrh pahin ati a, keichu zalo zetin kalo nui




" Aho emai, engah mah ngai su ka theihgnhilh tawp thei ngai dawnlo ka tih kha mahse, keichuan hmalam ka pan tawh " ka ti nghet charh a




" Aw, kan ṭhian Lalnungtluangi tuna mi ang kha alawm kan duh " kan nui ho dar dar, an bula awm hi a hahdam thlak ber mai







..


" Khawnge chaw i ei? " Inchhung ka luh rualin kanu'n alo ti nghal a





" Chaw ka ei hleinem " Pangai deuh chuan kati veleh mai a, mikhual kan neih dawn chuan ṭhiante inah chaw ka ei anih loh leh ka nghei tawp zel






" I u in chaw hmeh achhuan lum hma sawn va ei la, chhuang lum vek ang che " Ati leh a




" Aih, chhuang lum rawh se ka ei dawn lo " Ka ti sep, kanu chu ka kal pel nghal, Rsa te lo zin tur chuan min la mawlh deuh thei maw le, a awmlo hranlo khati khawp khan ka duh ve a, hmalam ka pan thei hi mak ka inti zawk hial






" Hei alo hawng alawm, Hei hi kan fanu naupang ber dawttu chu anih hi " Sitting room ka kalpel dawn chuan kapa'n ati hluai a, ka ding a ka inher nghal zat bawk, kan sofa ah chuan Kan health worker ni ngei tur chu alo ṭhu ran a, a palian ang reng ahmel chu afelfai thlap asam erawh abuk lam lek lek ani





" Anih chu " Ati thum sup a, kalo ner nak thung




" Lalnungtluangi ania, Mampui hei hi zinga ka sawi kha anih hi Nathan Lalruathlua " Ka nui lui ve ngial a




" Aw le " Tih leh room a kal ka rual, min chibai atumlo a tinge polite tawka ka lo chibai bik ang




" Hetah riak maila " Pawn lam thawm chu ka khuma mu chungin ka ngaithla kar




" Ka lawm e mahse, ka riak chho zawk ang " ati bul bul a




" Anih leh, chaw chu kan lo chhum kep ang che aw " Kanu chuan ati a



" Aw le " Thawm chu areh duk mahse, areilo ka vahnu alo ṭap leh nghal a





" U " Ti pahin ka nau alo lut a, ka khumah alo ṭhu tharh




" Ilo luh dawn tho chuan min ko vak kher suh " Ka ti niah niah a





" Chaw chu eila, ka siam ang che " Ka chaw eilo hi alo helh ber zel




" Ka rilṭam lo alawm " Phone en reng chung chuan kalo ti mai a




" I taksa chhiat tawh zia hi aw " Ka nuih mai a, ahma chuan ti em em hian ka nun ka thlahdah ngailo, ka rilru chhungril natna khan min ti danglam ti ila ka sawisual kherin ka ringlo, ka na te thup nan mi thawveng tak angin ka lang lui tlat a mahse, anilo ka pawnlam landan ngawt hi ka nilo chu chu ka ṭhiante tih loh chuan an hrethiam kherlo ang. Zanah chuan angaite bawkin ka meng leh kar tawh Ka vahnu erawh reilo te aṭap tih loh chu a ṭap lo ve tehmial a amak ngawt mai, ka che sek a atawp ah chuan thaw hak chungin ka khum chu ka thawhsan leh nge nge, dim deuhin kawngka pui chu ka hawnga ka chhuak zal zal. Thla a eng viau a boruak pawh anuam hle, thawk kala ham ham zan muttheih loh hi ka nei zeuh zeuh a, ngai ah ka nei tawh hmeichhe ṭahbelh lutuk ka ni ngailo bawk, engmah ti lemlo chuan ka ding deuh vang vang a rei tawk fang ka din hnuah luh tum chuan ka in her a mahse, ka inher paha ka thil hmuh chuan ka inher tur min ti tawp deuh chat, Sub centre varanda thim chinah chuan mi an ding tih chiang zetin ka hmu thei, hmeichhe dang chu nise an hlau viau maithei kei erawh chuan ka hlau lemlo a ka hmuh tirh kha chuan ka phu ve ngei mahse, Mikhualpa a awm tih ka hrechhuak leh thuta ka hlau talo. Hmuchiang lo mahila ataksa ruangam aṭang chuan amah ngei aniin ka hria, chiang lo viau mahse, kan in lam alo hawi thla tih ka hre thei, en reng lo chuan ka luhsan ta daih a, ariahna hmun asawn avang in amuhil theilo te pawh ani mahna.




Zanah mu tlem viau mahila ka harh laklawh leh a, zingah ka harh leh hma a mu nawn tawh lem lo chuan ka tho ve mai, ka chhungte thawh hma chuan thingpui ka chhuanga ka siam zawh hnuah exer la turin ka chhuak a




" Good morning, iva tho hma ve " Sub centre ka kalpel chiah tihin ka hnunglam aṭangin Mikhualpa chuan alo ti a, ka hawi let vut





" Morning, ka harh hmaa " Ka ti ve mai a Ka bulah chuan alo ding ve khap a; Hmeichhe te lam kani a te chhe over ka ni lemlo Nathan hi a palian reuh a mahse, tenawm khawp ang kha chu anilo hmel nelawm loh deuh ang kha ani velo bawk a






" Nizanah pawh ka hmu che " Ati sup, kal turin min mitmei zeuh a ka kal ve mai, ala hmaa tu vak mah anla tho lo





" Nia, ka mu theilo a, nangpawh i mu theilo ami? " ka ti veleh mai a, atir khan ṭawng mawh deuh turah ka ngaia mahse, alo ni biklo anih hi




" Mutna sawn hian mut hi ka harsat deuh ṭhin a " Ati mai a, ngawi reng chuan akal chhunzawm a kei erawh zawi tete in ka tlan tawh thung





Cont..


Ka post tawh ka delete leh kha ania, tunah chuan ka completed tawha, zantin Pathian zarah kan dam chuan kan dah ang.


Show post links
Top

[Ngaia]

Damdawia
Chapter-2 (Kimkimi tlau)




" Thingpui i in ngai em? " Kan in ka luh dawn chuan ka ti sep a, chutia kalsan deuh tawp chu nuam kati chiah biklo, nung deuh thawr thawr mahila ṭawngkam hi ka thiam lutuk bik lo a





" Min sawm dawn ami? " Ka insum hmanlo ri meuh in ka nui hak a



" Umm, i in ngai chuan " Ka ti a



" Ka hnar phal nang " Kan inah chuan kan inzui lut ta a, kapu leh pi anlo tho tawh, Mikhualpa nen min hmu dun chu mak anti ve deuh a ang




" Kapi zanah i mu ṭha thei maw? " Tlangnel zetin kapi te bulah chuan aṭhu thlaa, keipawh thingpui siamsa thli turin choka ah ka tlang nghal




" Pi, Thingpui in in tawh em? " Ka ti deuh lang lang a



" Nathana hi kalo inpui ang e " kapu in ati a, kapi chuan aduh tawh loh thu asawi thung, kapu leh Nathana thingpui tur keng chungin ka chhuak a, an epah ka ṭhu thla ve nghal, kapu chu alo titi tui leh tawh khawp mai




" Kan khua sub centre hi ka dil chhuah ve liau liau ania, Health worker kan han neilo mai kha ka rilru hi ana ve khawp mai a, Pa mawlmang mai mah ni ila Sub centre nei tur hian Aizawl tlang ka thlen phah ve tlat, kan khua hmasawnna hi ka ngaihtuah ka ti ve a, VCP te hi sawisel thil an nilo khua leh tui hi an hmangaih lo an hlawkna lo ah chuan engmah anti duhlo " Ati chuar chuar a, kapu hian damdawi lam hi a training ve tawh a sub centre pawh ama dil chhuah ani ve a, nikum lam khan Health worker kan neilo a tuman hma anla lo. kapu rilru pawh ana ve reng bawk, Khaw ṭhenawm a thawkin min vil paha dam loh thut leh inchiu ngai velah kan buai ṭhin khawp mai. tun hnai khan VC lam pawh mipui lamin kan nawr nasa a ti hian kan nei veleh thei chauh anih hi




" Kapu, Damdawi lam i training ve tawh ami? " Nathan chuan ati sup a




" Aaa, tun ang lai ang em em hi chu nilo e kan hunlai kha chuan Comunity Health worker anti a " Ati leh dap



" Anih chu mahse, inthiamna aril zawk daih ang chu " Tar kawm pawh athiam viau hi a




" Ni e, nih te pawh ani ang " ati mai a



" Anih kapu, engtik nge sub centre hi in neih " ati leh a, kapu sawi nuam tih chi tak ani bawka kapu pawh aphur hmel viau





" 1980 vel nita in ka hria, ahminga training chhuak kan nih na laiah sub centre dil ka sawi khan min itsik ta hlawm a 'mimal hlawkna tur mai mai a, khawtlang buaite chu ' anti a dil pawh kha an duhlo a, ka thawh kha an hlau ti teh ang mahse, keichuan khawtlang ka hmangaiha nakin hun ka dawn ve bawk, kan khawtlang mamawh anih avang chauh in ka ti lui a, Nikum lama Health worker kan nei lo maite kha diktak chuan ka rilru ana ve alawm, Hmasawnna hi an ngaihtuah lo mahni hlawkna atan chauh nihna hi an duh a " Ati leh chuar chuar a, anin ka rin teh lul nen uluk zetin alo ngaithla ve a




" Tiang hi chu khawi khua ah pawh hian an awm ve zel kapu, i rilru a puitling kati " Ati ve duah a, ka phone ka khawih san daih, kapu nen chuan eng eng emaw an sawi a, kanu pawh phak deuh alo tho kan lo ṭhu deuh ṭhap chu mak ato deuh aniang ading chawt a





" Inva tho hma hlawm ve " tih pahin min kalpel a, kanu hi chu chhan vak angailo, thil sawi se akal nulh zel a zawhna min zawh pawn ani tho, min au se awm hmun aṭangin eih ila engmah asawi zawm ngailo, hman vak loh phei hi chuan thin hi arim hlur zel




" Nini " Ka vahpa pawh mit nuai chat chat chungin chapal pawh bun lo chuan ka bulah alo kal a, kalo pawm vat




" Morning my world " Abiangah ka fawp zeuh a




" Exer la ang " Nathana nui ri hawk chu ka en vat a, kapu nen an titi mial mial emaw tih laiin min lo en ve reng





" Atlai tawh emai, tlai lamah kan la dawn nia aw, Ipa te valleyball beng kan en ang a " Ka tih chuan alo bu ve lap lap a, ka va han hmangaih tak em





" Keipawh, thlan rim ka nam ka han inti fai teh ang kapu " Din hluai pahin Nathana'n ati a




" Ahnawk viau lo maw, hmun vel chu an phiata an tifel lemlo a " Kapi in alo ti thung, Alo thlen hmain kan phiat tawh




" Hnawk lutuk lo mahse, file hlui bakah paih tur thil atam ang reng " ati leh mai a




" Mampui, eirawng i bawl leh peih chuang dawnlo han tihfai pui la " an tih ka rinsa mah nise an sawi chiah chu mak kati tho, ka peih biklo asin le Mikhualpa pawh angailo te atih ve ka ring ania engmah asawilo, min lo phut viau pawh ani maithei






" Duatte, Damdawia hi in ka han tihfai pui lawk anga, thingpui lo in rawh aw " Ka vahpa chu ka hrilh sep sep a




" Kalo kal ve duh " Atih ka ring reng a, thlem buai tawh lo chuan ka ding a Duattea ka pawm bawk, Nathana chhuah hmain ka chhuak deuh hmawk hmawk a





" Apu Damdawi, ivan sek em em " Duattea chu ka melh dawrh, Nathana ka melh leh a min lo melh ve chiah




" Keimah maw " Nui ro hawk in ati a, kalo ner nang nichina ka sawi kha ka vahpa hian alo hre leh kar anih hmel




" Umm,, Ninii'n Damdawia ati che a " Ka lo nui hak ringawt, min puang fai leng zel, Nathana chu arum hawk a




" Damdawia intih tawp mai chu " Ati halh, aho mai mai e; Mi reng reng hi an hming pangai aia hming lem phuahsak nuam ti tlat mi ka ni pek a





" Duatte, awm hle hle rawh " Ka vahpa tei kual nasa lutuk chu ka khap leh ṭhin, awmzia erawh a awm lemlo khawp mai




" Awm tir mai mai rawh, engmah tih chhiat tur pawh a awm hrih loh hi " File keu mual mual pahin Damdawia'n ati a, kei erawhin damdawi hlui ho chu kalo paih ve mawlh mawlh





" Damdawi ho chu ka van ui e " Ka ti leh zeuh ṭhin, ti hian a exper a kan paih vek dawn chu ani sia




" Athih dawn hnaih chuan sem mai tur ania " Damdawia pawn alo ti teh mial




" Inchhung vel hi chu ala thar a, tih fai em em angailo mahse, luah lum ani ngailo a, chhuat vel hi chhunah Cross in kan nawt anga " Ka ti leh mawlh mawlh a




" Engtika an sak nge " Ka bul set ah alo ding ve a, damdawi chu alo en ve, tawlh hla hretin




" Nikum khan mawle, Thawktu pawh awm silo in sub centre ṭha deuh kan nei a " Ka tih chuan anui ve suk a




" Ka luahlum thur thur tawh dawn alawm " Afiamthu ve ngei em maw ni, zalo zetin ka nui ve mai a





" Remruatsak, kha tah tah eng nge itih lo chhuak rawh " Damdawia room ah alo lut vel maw le, ava tlangnel tak ka vin takah chuan thuawih hmel deuh alo chhuak ve hna hna a, damdawi paih tur ka tifel tawh a tih tur vak a awm tawhlo bawk nen




" Chhunah chhuat vel chu kalo nawt ang, Aharh sia ka zu chhuk ang e chaw eitur chuan ilo chhuk dawn nia " Ti zung zungin ka chhuahsan nghal daih a, ka vahpa ka kai deuh dawr dawr bawk




....



" Eng nge itih dawn " kanu'n atih avangin ka ding leh hrih




" U nathana chhuat ka nawh sak dawn, arim atuilo deuh a" Ṭha deuh chuan kati ve mai a




" Han ti thuai thuai rawh, Pangpar min sawnpui angai dawn nia " Ati zui mawlh mawlh





" I ner elaw, hmeichhia i nih ve kha Pangpar te hi ngaina lo viau suh " Ati nghal hlak hlak, Pangpar leh hnim hi chu ka mitah chuan an in ang reng mai





" Ilo kal tawh elaw " Alo inchhawp darh ang reng a, kum khat dawn thawktu awmlo ang ania, abuaithlak ve viau ang




" Umm,, i awm lohna lam ka va nawt ang " Silhmun ah chhuatnawhna ti huh in Cross chu ka pawlh a, a awm lohna lam chu ka nawt surh surh




" Tlaiah chuan eirawng ka inbawl hran tawh ang aw, i nu te hrilh mai la " Ka hnunglam aṭanga alo tih thut chuan, ka phu dawrh lo chauh ani




" Aw le, Bungbel i nei ami " Ka ti ve ngial a, akutin choka lam a kawk zeuh, bungbel tam vaklo mahse, mipa khat tana tawk vel tur chu alo awm ve ngei, nichin khan ka hmulo rere





" Mamawh i neih chuan ilo sawi mai dawn nia " ka ti leh sep a, alo bu nghat. In ka tihfel zawh hnu chuan ka hawnga kanu pangpar ka sawnpui zawh ah ka ṭhiante hmu turin ka lengchhuak a. Inchhung chet hi chu ka nau a awm avangin ka ring deuh tawp zel




" Bawrhsaibe " An inkawt ah dingin ka au deuh lang lang a mahse, ka rin loh leh beisei loh zawk Ursa alo lang nawlh min nuih sang a kei erawh mak ka tihzia chu ka thup hleithei lo





" Kanu'n ar atalh tir a, lo lut rawh " Ati dam thlup a, ka inthing harh vat




" Aih, lokal ve mai rawh se min lo hrilhsak dawn nia " Pangai deuh a ti in ka kalsan a





" Tluangi teh mial chu, iva vang ve " Uthlawka nen kan la intawk nawlh zui, ka biak peih loh ber mihring ani




" Min hmuh ngai loh vang mai mai anih chu " Ka ti a, anui deuh huah huah




" Zanin ah hla kan zir dawn kha, lo tel ve ang che aw Kohhran i hlat lutuk adiklo, ipu leh ipa Kohhran hruaitu an nia, hetia i awm hian an hming iti chhe thei tih hria la " Ama nun in en lek lo hian thil hi asawi phawng phawng zel





" Kohhran kawr a hmanga thil sual tih bansan lo te ai in tuna ka nun hi ka duh daih zawk. Miin Pathian aring takzet anih chuan anun ah alang in awhawm khawp nun anei turah ka ngai, ka hmuh danah che u chuan innei lo. min zilh chiam zel suh " Kei aiin a upa daih mahse, ka zah buai peih tawhlo zah tlak chu ka zah ve mai, min chhanletna pawh ngaithla tawhlo chuan ka kalsan daih a, Ṭhalai ah pawh ka inhmang ve tho hla zir ka peih loh avang hian ka zir ngailo ani mai, Kohhran kher hi chu ka hlat tak tak ngai biklo. Ka active lo tih mai loh chu






" Khawnge Bawrhsaibea" Ui-a leh Zoremi te bul ka thlen chuan min lo zawt vat a




" A u te anlo thleng a, ar atalh " Ka la sawilo tak e, Bawrhsaibea leh Rsa hi unau anni





" An va lokal hma ve " Zoremi'n ati a, sawi chhunzawm tawhlo chuan thildang kan sawi ta hlawm a, rilru pawh azangkhai sawt. Uthlawka nen kan inhmuh thu leh kan inbiak dan kan hrilh chuan awmhmun ah duhtawk an ngah dun leh viau





" Pathian ringtu, midang khei reng ṭhin an awm ngai pawh ka hrelo " Zoremi chuan ati deuh hmarh hmarh




" Ani hi chu ngaih khatah ka nei tawh mahse, ngawih tawp hi har kati aia upa mah nise " Ka ti sep a




" Mi pangai nise pangai takin kan bia ang chu, mi tihzah ahrat si ka fiam alawm hi atia miin an hlimpui theih loh hi fiamthu ani ngailo " Athinrim tak tak dawn a ang, Zoremi hi tlema thau lam pawl mah ani a Uthlawka hian mi zinga 'i thau sia ' tih vel a fiam ahrat a, chuvang ania Ṭhalaia in hman vel pawh nuam atih loh. Miin kan bula awm an hreh anih chuan kan dik tawhlo tihna ani mai





" In thinrim dawn, thildang sawi ang u " Ui-a'n ati hluai a, Ui-a kan tih hi alawm tehchiam ngailo, ahming lam tawiin kan ko ve miau a mahse, mi bulah chuan kan ko ngai biklo kan ṭhianho a kan awm chiah in kan ko ṭhin






" Ni e, Taka Tluang Health worker thar kan nei ami? " Zoremi bawk ani




" Nei e, Sub centre ka tihfel pui vang alawm kalo kal har " Ka ti zung zung a




" Ahmelṭha em? a chhelo viau lo maw? Tlangval ala ni ang tiraw? " Ka hi avan nei tak




" Khawi ber nge ka chhan dawn che " ka tih chuan ka hnung ari pawp a, ka lo ṭe ṭhat




" Avai khan " Ati hmuk a, ka nui hak hak Ui-a chu games akhel a min lo ngaihven ve lem lo




" Ahmelchhe lo chuan, achhelo em tih chu mit a in anglo a mahse, achhia tiin tuman an sawi ka ring chuanglo chutin, Tlangval ngei ala ani bawk e " Ka tih chuan aṭhen ṭha a, kalo nuih vur vur




" Hmu turin lo len angai anih chu " Lays ei zeuh zeuh pah chuan ati a




" Awi, lerh viau suh " Ka ti hlak a, alo nui vur vur




" Zoremi te chu star angah thei e ngaihzawng anei ngai lem chuanglo a, hmani ah pawh venthlang ami Ro-a khan abem a, achhan dan i hre duh em? " Ui-a chuan ati a, phur zetin kalo bu nghat nghat mahse





" Chutiang engmah tinge ka hriat veloh, nangni ho hi insual e " Ka ti leh hrih a, ka tum zui bar bawk



" Ka hrilh dawn che hi " Atih chuan ka hre chak ve tho a, tih tauh hrih ka tumlo





" Sawi vat " ka tih chuan za zetin anui leh phawt a, min ti hrechak zual sawt





" Keipawn duh ka ngah lutuk, ka duh apiang te ka bem biklo. Ngawi rengin a in duh theih, ṭawngtheih thlak ' ati anih chu " Nui hawk hawk chungin ati a, keipawh za zetin kalo nui vak, Zoremi sawi anih chuan a awmlo hranlo, Zoremi chu anuilo a athinrim hmel chuang loh, abawn ve hrim hrim. Kan nuih vak vak lai chuan Ui-a phone alo ri a





" Umm " Atih hnuah angaithla vang vang



" Kalo hrilh ang " Min en pah a atih chuan ka chhungte'n min ko tih ka hrethiam, huiham ṭhiante bula awm hi ala nuam asin le







" I u in lo hawng rawh ati " Peih lo tak kani mahse, hawn loh ngawt thu a awm bik silo a, Zanah kan lo leng ang an ti ve ngei a keipawh peihlo zet chuan ka hawng





" Lo kal ka tum ve chiah asin " Bawihsaibea nen an inkawtah kan intawk a




" Anla awm, Phunṭihi'n min ko leh tawh a " Ka tih chuan anui vur vur a, khawn chawrh ka chak mange




" Ka kal dawn, min nuih khanglang lo mai teh " Ti hlakin ka kalsan a




" I koh hlau hi phone i keng duh ngailo reng reng " Inchhung ka luh rualin kanu'n alo ti nghal bawrh bawrh, A ka hi na ta se athi daih thei ang, aka nat vang nilo in aphun loh avangin adaihrei lo ang Kanu em em hi chu




CONT.


Show post links
Top

[Ngaia]

" Nang chu " ti nang nang chungin ka lut a




" Nang chu ti suh, i nau ai pawh hian i nep. I kum mil te hian nung ve teh, in ṭhian ho hian in mawl kum tin a, in hahthlak lulai emai " Zan thleng aphun leh ka ring




" Kum 22 ho hi engtin nge an nun ka hre hleinem, kum 22 kala ni ngailo a tunah ka ni ve chiah alawm, engtin nge ka hriat bik ang " Ngawi mai duh lo chuan ka ti leh hram a, a ṭek ṭha leh ang chu aw






" I hnial hrat si, hnial khan i hre si, Pu chhun " Ati hmarh hmarh a, ka nui mai mai tawh thung




" Buati lah hi min perh tel leh ṭhin " Kapu in alo ti ve chuar chuar a, ka nau leh u te anlo nui hak hak




" I u ahmanlo Vawk chaw zu pek sak rawh, Ar pawh i lawi sak dawn nia " Ati leh tawh avan ninawm tak




" Min hau reng a, tihtur a awm chuan keimah min burbun vek zel Chhungkaw chhehchhel han nih tawp mai hi chu " Ka ti deuh vak a, ka sawi zo deuh chiah Damdawia alo lang hlawl





" Inchhungah i ṭangkai lo emai, Nathan lokal rawh " Ava han tlin famkim tak




" Awmlo ila min zawn ruai zel hi " kal tau deuh sawk sawk chung choka ah ka lut a, Damdawia chu ka chhungten an be ṭha viau, mi an be chhe ngai hleinem





" Vawiin tlai chu ka inbawl hrang a, Tluangi khan ahrilh che u em? " Ehe! ni tak lo hrilh rawh atih tak kha, ka theihnghilh chiang lutuk choka aṭanga ka chhuah chuan kanu'n min melh no lo teh e




" Ka theihnghilh daih alawm " Zawi te in kati sep a




" Apawi loh chu mahse, i inbawl hrang duh kher anih chu in thlahrunna tur engmah a awmlo ania " Kapu'n alo ti dap a, vawk chaw pe turin ka chhuahsan daih thung






" Invan ei per thei tak, tinge maw inpu pawh hi abuai reng ni, ka ngaina lo che u asin " Vawk in duhtawka chaw an hap lai en chu a ṭihawm rum rum dawn alawm, min hap ve mai se tih te ka ngaihtuaha ka ngaihtuahna chu ho ti deuh in ka nui leh hrih. Mahni pawh hian kava tlei tawk ve tak





" Vawk chu i hlimpui hle mai " Lo ti thut tu chuan min ti phu chiang lutuk




" Awii kapu! " Inher dawrh pahin ka rak deuh chiam a, ka awm ka dawm vang vang bawk, Pawisawilo zetin Damdawia chu alo ding reng a





" Mi te chuan ' Awi kanu ' te an ti ṭhin ngai a " Ati leh sup, inthingharh in ka melh deuh nek a, awmzia erawh a awmlo, kei min enlo in vawk chaw ei lai chu a en daih tawh




" Mite nilo in Lalnuntluangi alawm ka nih " Ka ti nghat a




" Ni e " Ati leh mai a, vawk chaw ei chu kan thlir dun reng ava han ṭhing full tak





" Vawk che eilai en reng te chu a " Ngawi reng theilo chuan kati leh ta nge nge a, min chhan atum lai takin ka ṭhiante'n min lo ko a, kan hawi chho




" ehhh ehh " an lo ti anih chu, an van mawl fuh tak






" In mawl fuh emai, barel tui kha lo khai thla teh u, vawk ho hi chaw an ei berh lutuk " Ka ti deuh lang lang a, min fiam zuk zuk pahin tui chu an khai chhuak a, an lo chhuk ve mai






" Damdawi, eirawng chu i bawl tawh maw? " Ka ke a vawk chaw kai chu tiang in ka thai thla a




" Bawl diam tawh " Ka koh dan chu asawisel ka rin teh lul nen pangai tak chuan min chhang ve mai a, hmeichhia aia mipa kawm tam tih takah mipa hi chu biak nuam kati hrim hrim. Zoremi tih loh hmeichhe ṭhian ka neih pawh ka hrelo






" Hei hi mi Damdawia chu " Kan bul an lo thlen rualin Bawrhsaibea'n ati nghal zung zung a




" Aw, tlemin i ṭawng kha ti muang deuh teh pause ṭhen hlek hlek loh phei chuan isawi tum hriat ahar " An tui lo ken chu laksak in vawk in chu ka leih fai a




" Tluangharh ngawi mai mai teh " Kan ṭhian ho chu kan ri hlut a, Ṭawng kan inchuh leh deuh nak nak tawh







" Lo bengchheng ru, ka han chho ange " Damdawia a awm ve tih ka hre veleh chiah, min lo en kher avang chuan kalo bu nghat a, engmah sawi zawm tawhlo chuan achho deuh nul nul




" Awii, i sawi uar lo e " Ka banbula ben pahin Zoremi'n ati hluai a, Damdawia pawh ahmuh theih tawh loh





" Eng chu maw, i kut hi lek pah ziah ṭhin suh " Ka ti hlak hlak




" Ahmelṭhat zia leh chhiatloh zia te awi a aw te kha " Ati deuh chiam a, ka sawi dan bak kha chuan sawi uar dan ka thiamlo hrim hrim alawm





" Khatiang bakin ka sawi thiam hleinem " Ka ti deuh nang nang




" Bawrhsaibe, i u te chu anlo va kal hma leh sive " Thudang daih asawi leh tawh, vawk in sir theihai kung hnuaia ṭhutna ah chuan kan ṭhu a





" Nia, ka u in chawlh anei hma leh thut a " ati ve mai, ahma ang em em chuan Rsa hian min nghawng tawhlo, engtin mah ka awm lo chu ka tilo mahse, ahma ang a duhna kha ka nei tawhlo, thinlungin atawp tih achian chinah chuan alo tuar dam ve theih khawp mai. Kum3 chhung inlaichinna siampui tawh chu inhmuh leh in eng emaw a awmlo theilo a mahse, chu chu kala duh vang lam ani tawhlo thung






" I u nupui chu afel em? " Ka zawhna avang chuan min melh deuh ṭhup a




" Fel ve e, an fanu pawh zawng siar siar, ahlei lutuk " kan nui ho leh dar dar




" Min vengthawng tawh su, keichu lungdam takin ka dam tawh. I u hmelchhiat pir per nen " Ka ti chiam a; atir khan Bawrhsaibe hian min rilru natpui ve a, rei tak chhung chu a u abe duhlo. An inneih ṭhat pawh khan atello nghe nghe mahse, thisen chu tui anglo takin a taka in huat reng thu a awmlo, ka dem reng reng lo bawk





" U, kapa'n chhung in khawm hmang ang u ati " Tukverh aṭangin ka nau in min lo au lang lang a




" Aw, ar pawh ka la lawi lo asin " ka ding a, ka ṭhiante pawh anlo ding ve vat



" Keini pawh kan hawng dawn, zanah chuan kan lo kal leh ang " Kan inzui chho dial dial a, ṭhian hi ka hlut a ka ṭhiante tan hi chuan ui em em hi ka neilo, anni pwh hian ka tan ui an nei ngailo hrim hrim. Chaw eitui in tiin kan inthlah leh thlap hnuah inchhungah ka lut a, Ka vahnu alo ṭap ve chiah




" Sawmtluangi lah hi Setani ani ringawt, ṭawngṭai dawn veleh aṭap ziah " Kanu chuan ngawi mai mai lo in alo ti leh a, an lo nui hak hak




" Chhun tur anei ṭha alawm Nu " Muang fan raihin kati lui leh kher a, min lo melh rang leh teh e



" Khutah i zu awm reng a, i rei teh lul nen engtin nge ar ilawi loh theih " ati leh tawh



" Kan ṭawngṭai dawn kha, insum rawh " Ka tih chuan angawi ve tehmial, Ka vahnu pawh abang a, ka ṭhu thla deuh chiah ka vahpa in min lo pan leh nghal chat a




" Awm ṭhat tur aw " tiin ka bulah ka ṭhuttir a, kapa ading chhunzawm nghal



....

" Tluang, i in peih tawh em? kan zu chhuk chhung ang aw " pawn aṭangin Ka ṭhiante'n min au lang lang a




" Inva bengchheng leh dawn ve " Usiami'n ati hlak




" Ṭhian inkawm ngawi renga awm i hre tawh ami? " ka ti a




" Chaltlai deuh hian min chhang ṭhin lo mai teh, i nung ho lutuk pawh hi sim rawh, azahthlak i upa ve tawh " Ka ner nung



" I nundan vawikhat mah ka sawisel ngailo, ka awm mai mai pawh hi min sawiselna tur i hria, ka awmdan avang hian vawikhat pawh i chaw ei atui loh phah chuanglo " U te han zawt zawt hi ka duhlo, ka u mipa te pahnih hi chu aṭul tawpah lo chuan ka chhanglet ngailo reng bawk mahse, Usiami hi chu min khak fek fek a keiin hetiang hi kalo ngaithei bik silo a, kan in hnial leh hrep zel. Atawpah erawh ka ngawi leh zawk tho a






" In awmdun hian in in hnial ziah, in mak e " Ka nau choka lo lut chuan ati nang nang a, alu ah kalo tuai sak zeuh




" Senior hri anih hi " Ngeiawm tawk lekin ka nui pah bawk a, choka aṭangin ka chhuak nghal vang vang bawk




" Mampui, Guiter kha dim rawh u aw " Guiter keng chunga ka chhuak tur chu kapi'n alo ti dam thluam a




" Aw le " thu ka awih ve hmel lutuk, kawmthlang ah chuan ka chhuk a, ka ṭhiante lo ṭhutna ah chuan ka ṭhu thla ve nghal zat. Guiter chu Williama ka pe nghal zat a




" Eng hla nge kan sak ang " Guiter tih rik pahin Williama'n ati sup a




" Lengdang dar ang achhai anti che' tih hla kha " Bawrhsaibea'n ati mauh a




" Keichu ka thiam chhuak lo " Zoremi'n alo ti a, Keipawn phone ah lyric ka search nghal




" I zawng hmu em? " Kalo bu nghat a, thla a eng a vawk in bula light kan chhit nen kan awmna chu athim lem lo, Kan zai a uang zetin kalo hril ṭhin chu an lawm a, za zetin an nui phawt a, an zai leh mai ṭhin ' Lengdang dar ang achhai an ti che, tuai leh thar nghakin kan vangkhua ah, lawmlo ten laitual ka leng hne hne' Kan sa ho dial dial chu amawi ve lutuk, thingtlanga awm a zana hetianga zai mai mai hi, thilnuam leh tih ṭhan tlak tak ani. Tu pawi mah kan sawi chuang silo a, kan zai zawh chuan kut kan han beng leh dar dar a





" Intur kanlo ken kha, in phawt ila " Bawrhsaibea'n Energy drinks alo phawrh a, min hawnsak deuh thlap




" Pawisa min dil ve silo a, in pawh kan in ngam dawn ami?" Ka tih chuan



" I chhe thlawn " Anti rual a, alawmawm rual hian alawmawm loh




" Kan lung load na min pe a, kan money lai tak mahse, naktukah chuan kan da leh nghal ang " An mahni an insawi sa chhunzawm a, kan nui leh hawk hawk ṭhin




" Kapi phone thar nei chu, thil min zawt peih sia ahre rei thei silo a, ahahthlak " Wiliama'n ati bul bul a




" Awi kapu pawh abuaithlak rapthlak, Hmani ah call hman alo tum ve a, Number kan chhut luh ṭhin kha ahre ve sia, mangang zetin zanah ' Bawihpui, mi ka phone theilo ' atia ka enpui a, atihdan asawi mai chu e, hrilh lam alang lo ka nuih nghek alawm " za zetin anui pah a, anuih zatthlak ve ngang aniang




" Engtin nge, mahni chauha nui lo khan min hrilh ve ta che. I uikawm lutuk " Bawrhsaibea'n alo ti hmanhmawh



" Aw, ka hrilh dawn reng che u alawm, ka nui ala za a ka sawi lawk theilo anih mai kha. Eng nge ka uikawm kher na" Ati leh hrih, avan hahthlak e aw




" Nangmah chauh in i nui a, i uikawm " Kan nui leh vek tawh



" Kapu chuan Calculator ah zawk Number alo chhu a, mi call chu atum ve ani sia, acall tlang har viau ang " Williama'n athil in aphuh deuh ṭhawt a, kan lo ṭe chiam



" Awi, Ui-a iva han ṭawp e " Zoremi'n ati vak a




" Tinge min nuih tir thut, awi ka hnar ana lutuk " akhuh zui bawrh bawrh a, tui ka ken thlak chu ka pe vat, Bawrhsaibea'n ahnungah achum sak bawk





" Ipu chu " Anui leh a, kan lo nuih pui ve hak hak, alawm ve ngang ani





" Kanu pawh hmani ah Sawmtluangi thla laksak atum ve ngei a, Camera ah pawh alut ve vek tawh thlalak dan alo hrelo a, a screenshot deuh thlap alawm " Ka tih chuan, an lo lawm leh em em a




" Inu anih chhung chuan amak chuanglo " Zoremi'n alo ti hmanhmawh bawk a




" Kan nui nasa lutuk, kan aw achhe vek ang zai leh ang u " Williama chuan ati a, kan lo bu nghat nghat kan thil in na bur ruak chu kan dahkhawm a, aw kan thian deuh kharh kharh




" Eng hla nge " Ka tih chuan


" ka lo zai anga min lo zawm dawn nia " Ati mai a, kan lo ngaichang ṭhap chutah ' Aw aduh lo che anih kha ' atih chuan keinin ' A d atawng bik nem chhawrhthlapui pawn ' kan lo tih zawm nghal a, chawrthlapui a eng em em a, kan hla sak nen, lungleng mi chu ni ila ka lungleng viau ang




" Ka mittui aper sawk alawm le " Kan zai zawh chuan kati a, an lo awihlo nasa lutuk




" I hmelchhia " an ti hluk hlawm a



" Insual ve e " ka ti deuh nui nui




" I single rei tawh, Damdawia hi achhiat hran loh hi, kan be ṭha dawn ami? " An tih chuan Bawrhsaibea ka beng deuh lawl




" Single hi ahrisel, rilru natna kan neilo a " ka ti hap a, Damdawia hi hetiang lam zawngin kala ngaihtuah lo hrim hrim, abula awm chu anuam reng mipa ṭawng thei deuh ang kha anilo a mahse, sawi tur chu ahre ve viau thung. Mipa chut deuh ang kha ani leh chuang lo bawk




" Ui-a Vengthlang nuthlawi nen khan in in ṭhen ami? " thudang ka sawi ta daih a




" Nuthlawi ngaihzawn chu ka tlinlo " Guiter kuah ṭha sauh pahin aṭhutdan asiam rem a




" Tinge, pawisa a hek deuh ami? " Zoremi'n alo ti a



" Chulam anilo, a in todelh lutuk mahse, afate an harh lutuk a, ka tlin ngang lo ani " Kan lo nuih a, ani pawh anui ve tho, Uzawmi Williama bialnu nuthlawi hi misual ani hranlo fa pa2 anei tawh, nikum khan apasal nen an inṭhen. Hmeichhe luhlul an tih kha ani ve hrim hrim a, a pasal in alo koh pawn a hawng duh tawhlo hrim hrim, Williama sawi ang khan ataima in a intodelh ve viau bawk





" Ala naupan nen, tunah chuan nuthlawi ani ve ta ringawt sia " Uzawmi hi keini aiin kum2 vel bakin a upat ka ringlo, Pasal anei hmaa mahse, vanduai thlak takin apasal kha mipa lerh chi alo ni a, anupui alo thlim zeuh zeuh ṭhin aniang chiang zeta aman hnuah achhuahsan a, ahawi kir leh tawhlo hrim hrim. Tumah hian kan nun hi kan duhdan thlapin kan kaltir theilo, Nuthlawi te pawh hian duhthlang dawn se Nuthlawi nih an duh miahlo ang, tumah hi dem tur kanlo nilo, aṭhen hi chuan Nuthlawi annih avang hian kan han hmu pelhe nghal ngawt a, he ngaihdan ṭhing zet hi chu sim tawh ila aṭha khawp mai



Cont...


Show post links
Top

[Ngaia]

" Kha, Damdawia han suah rawh " kanu chuan Dawhkanah plate a nghat chawrh a



" Tunah khan, Damdawia iti elaw " Damdawia lo awm aṭang pawn karkhat dawn ani veleh tawh, Damdawia ti a ka ko tih kanu'n ahriat tirh chuan min hau nasa leh khawp a mahse, ka sim chuang lemlo. Damdawia nen pawh kan innel viau tawh a rin aiin kawm anuam, kan ṭhian ho bulah tumah an awm peih ngai loh laiin ani erawh ahunawl ah chuan kan bulah a awm ve ziah zel, midang pawn an ngaina ve viau



" Damdawia iti ziah a, rilru ah iti awm renga kan sawisual nawk nawk tawh anih hi " Ati ve ngei a, ka nuih ati za zawk




" Chutia sawi duah pawh angaih loh kha " Ka phone en lai hmet thim in ka kekawr ipte ah ka ak a, dawhkana plate chu ban in ka chhuak nghal





" Chawhmeh minlo suah leh dawn alaw? " Min hmuh rualin alo ti var a, nui vur vur chungin kalo bu nghat




" Hei hi chu i ei ngaiin ka ringlo " ka tih chuan lo kal hnaiin ka plate ken chu alo bih ve a




" Eng nge a " atih chuan ka nui hak




" Tuaiterek anih kha " Ka tih chuan abu deuh nghat nghat




" A tuai hnuah chiah kan ei ve ṭhin alawm, hetiang hi chu kan ei phalo hrim hrim " ati ve ngial a




" Awi, i over " Ner nawng chunga ka tih chuan ka sam min tuai thur sak a




" Nimin ah khan inva zawng ami? " Chaw hmeh chu ka chhin sak a, chair apawtchhuak aṭhu nghal bawk kei erawh ka ding thung





" Umm, thlam apa ten an sa a, tuaiterek chu ala vang lutuk " Ka ṭawnglai a min en ngar ṭhin chang hian ka lai lek lek ṭhin, chiang deuha in en reng chungin tu mihring mah hi an confi reng thei bik awmlo emai





" La kalve angai anih chu, nimin kha chu Report kan ziak a, ka hmanlo a " a insawifiah ve ngei tihna ami




" Lokal lo mahla kan dem miahlo che, kalo zawn kep char char ang che " Ka tih chuan anui a, keipawh ka nui tho




" Thingtlang awm nuam ka tihna alawm, heta kalo awm hma hian thingtlang ah tho ka awm a, eng kan nih loh nen mite hian min duhsak ve ṭhin a " ati ve duah a, kalo bu nghat nghat han chhan mai dan tur ka hrelo, kan ngawi dun reng a





" Chaw lo ei vela " Atih sup chuan ka melh vat, min lo melh ve reng a anui pah bawk





" Aih, ka ei thei lutuk " Ka ti fiamthu a, a ka a an zuai laiin kawngka an lo kik




" Lo lut rawh u " Ati thum deuh dut a, kawngka pawh chu alo in hawng riai riai, chutah ka hmuh beisei loh lutuk te anlo lut a, ka hmelah ka mak tihna ka thup miahlo ang, Rsa'n an fanu chu alo pawm lut ahnungah anupui alo lut ve bawk. Kan pahnih min hmu chu mak anti ve tho a ang, kei chu ka insiamṭha vat a pangai deuhin ka awm leh tawh.




" Eng nge nita " Damdawia chuan alo buaipui nghal a




" Nizan aṭangin a khuasik a, aluak chiam bawk a " Naute nu chu amangang tih hairual anilo, a aw chu a khur dar dar mai



" Hetah lo hruai lut rawh u " atih hnuah




" Lo awm rawh aw" min lo melh in Ati sup a, kalo bu ve nghat a, room pakhatah an lut ta dial, hawn ka tum tawh nen lo awm rawh ati ve ngei bawk sia




" Eng nge hetah itih " Rsa chu alo chhuak leh a, ka be chak lemlo asin




" Engmah " ka ti liam puat a




" Mipa in a len luh reng te hi thil mawi ani ngailo " atih chuan ka nui hak a, ahman leh remchang apiangin min zilh reng hlawm mai. An hahthlak lutuk




" Eng rilru pu a sawi nge inih " Ner nak pahin kati a




" Ka duhsak avang che a sawi kani, mite sawi i kai ṭan em hi " Ati leh a, ani thei lutuk ang mi chanchin sawi hi an bansan hleitheilo, kei ngat phei chu an sawi ṭhin no1 ka nia min sawilo theilo hrim hrim




" Kan ṭhian ho kan lo inhrilh pung dawn nia " Ti leh puat in




" Ka hawng dawn nia, Ka hawng tih min lo hrilhsak mai rawh " tih leh chhuah ka rual a, ahma ang em em kha chuan abulah ka zam tawhlo, ngeiawm zeta ka chhanglet thei chu ka lawm. Ka hua anilo ṭha deuh a min biakin chhe deuhin ka be ngai bik lo







..

" Iva rei em em ve " Inchhung ka lut chiah alo ti lehnghal




" Nia, ka rei anih hi " ka ti chu sawi tur ahre tawh biklo nge angawi ve hmak a, kanu kal pelin sitting room ah ka va ṭhu ve tharh



" Nizan chu Nopuii pawh bei uar veleh khawp mai " Kapa'n ati a kan nui tawp. Na anei pawh anilo zanah hian asual em em a, miin thla3 anih hunah azia mai ang an ti ṭhin mai hi chu, bei hi adawng hluah hluah zel





" Naute tetzual chhung hi chu Au in vawkin tur asak ah khuan awm hrih se " Ka tih chuan an nui hak hak a, Ka u in alo belhchhah ve vat bawk. An chhungkua hi kan nuih bur anni ve a




" Ka lo hawng " Ka vahpa pawh alo hawng champion leh khawp mai, atet tet nen akut vai kak hah hah in alo lut leh tawh




" Khawnge i len " Min kalpel tur chu kalo pawt ding a




" Api mawii tein ah " Ṭha deuh chuan ati ve mai




" An lo hau che em " ka tih leh chuan lu athing a, ka chelhna aṭang chuan atal chhuak nghal bawk




" Kan tlangvaltea chu zingah atho hma si aleng hma bawk si " Kapi'n ati hlut a, kan chhungkaw naute ani hrih a, kan duat lutuk hi a in la no leh tlat ṭhin





..


" Vawiin chu quary ah hnathawk zu veng ang che " Kapa in min en chungin ati a, keimah kani tih hairual anilo




" Keimah maw " ka ti nawn leh kher a



" Nangmah inih loh in, nanglo Quary vil tura rin zawh ka nei hleinem " Ati mai chu'h ka ṭahkhum lo chauh, min rin zawhna te lah hi a turu thei si






" Pa, min rin zawhna te hi aturu thei emai " Ka ti nang nang



" I ṭhiante kha sawmla, Williama te pawh an inhlawh duhlo ami? Vawiin te chu lung phur an awm nual dawn a " Ati leh zung zung



" Ka hrilh chhin ang " Ka ngaihtuah ṭhin a ka phurlo lutuk, ka kham tau daih a keimah bak ka hreawm leh dawn chuanglo tih hre mahila, ka chhungte bulah hian chaw ka ei peih tawhlo





" Quary em em ven tir te chu " Ka chhuah dawna ka nu thusawi chu ka hre hman hram, ve ngei chuan min lainat ve deuh em maw ni




" Hna thawk turin i tih ziah kha " Kapa'n ati sup a, athu sut chu atumlo ve hle mai. Ka ṭhian ho group ah Quary chungchang chu ka sawi a, an lo peih veleh mai hlawm a tlem chuan ka phur veleh deuh




" Iṭhiante chu i bia em? " Sitting room ah kapa alo lut ve a, thatchhe zet leh kawisawi deuh a ka ṭhu chu ka insiamrem vat




" Aw an peih, engzat nge an hlawh dawn " ka ti zat a




" 500 an hlawh ve ang chu " atih huan kalo bu nghat nghat a, lung load chu a hahthlak e 500 pawh hian keichu ka peihlo ang





" Anite, ka kal ve duh " Ka vahpa chaw eikham chu a berh ṭha leh khawp mai, akawr awm ah dal akai leh nuai tawh





" Ni ila vui zolo, kal ve lo ang " Ka tih chuan ṭah atum nghal ngawt a, ahmel asiam chhe nasa





" Ka vui zo e " Ati deuh ṭiau bawk, Damdawia pawh alo lang ve leh hlawl tawh




" Tlangvala chu tinge alo ṭah a " Alo ti lut lung lung a, Bike aneih avangin Ka vahpa pawh hian anel nghal em em mai ani





" Anitei'n Quary ah kalve aphallo alawm " Ati bui bui a, choka aṭangin kanu'n ' Nuntluang, i vahpa kha akawr lo thlaksak rawh ' alo ti leh lang lang tawh





" Ṭap tawh suh mipa chu an ṭap ngailo hrim hrim, kan pahnih in kan kal ve dawn alawm " Room ah Rindika(Ka vahpa) kawr ka laksak a, an ṭawng chu kala hre pha tho





" I kawr kha hlip rawh " Ka ti a, an lo hlip ve vat, kawr chu ka hak tir mawlh mawlh a




" Ani, Apu damdawia nen kan lo kal ve dawn tho " Inti thei zetin ati a, kalo ṭhenchhiat khum a, anui leh iar iar tawh





" Chaw i ei tawh ami? " ka ti sep



" Kham leh diam tawh, ilo hawng daih a " Ati sup, Dika a infiampui pah reng tho a, an ep ah chuan ka ṭhu





" Nia, chaw ei an duh tawh sia " Ka ti veleh mai, min chhang tawh lemlo





..

" Ipa te hi chuan an ti duhdah ve che e " Zawi deuh in kan kal a, kan ke pawh kan khai ṭha peih lo




" Chhungkaw chhehchhawl diktak kani " ka lo ti ve a




" Tinge Damdawia i sawm ve loh " Williama'n ati a



" Abuai ve ang chu bakah, ka sawm duhlo " Woofer kan keng a, kawngah kan ri deuh hlut kan awmna chin hi chu ahriat ve ania aw




" Eitur chu in lo lei ang tiraw " ka tih chun mipa pahnih an bu nghat nghat a






" Tluangi, Vawiin chu ka load ve anga ipa hnenah hlawh min lo dilsak ve teh " Zoremi'n ati hluai a




" I hah lutuk palh ang " kalo tih chuan aner nak




" Lallawmi'n Damdawia hi a star " ati leh daih a




" Khuallawmi alawm " Bawrhsaibea'n alo ti hlut a, kan ṭawng anlo ngaihven lo emaw tih laiin




" Engtin nge i hriat " Kalo ti thung a, A hmelchhelo a star tu anei dawn tih ka chiang, kan khua phei hi chu mikhual kan ngaisang ṭhin







" Ka nau nen an inkawm a, Nimin ah kan inah anlo leng a. Asawi alawm " ati sep a





" Lo star ve mai mai ang hmiang, aho emai " Nisa lutuk chu men pawh ati nuam lo e a, ka hmai a kang vek dawn alawm






" Zah ahrelo reuh si, chhuanlam fahrah tete siamin alo kal fo ania ka rin " Ati leh hram a, Ti hian ti hlut ṭhin mahse, arilru achhe lo a, aṭawngkam hi a rapthlak ve hrim hrim






Kapa sawi ang ngeiin lung phur an tam ang reng a, Bawrhsaibea te pawh an hah mawlh mawlh hle, an mahni bakah mipa4 lung load tur an awm bawk a. Zoremi nen erawh lum kan tih avangin Quary chhak a tui an khuap ah chuan kan han chho daih a, hnathawk ho an hmuh theih tho, Zoremi nen kan selfie chiam a thla pawh min laksak tam leh tawh viau



" Nangni pahnih kha, lo chhuk ru in eipuar ve tawh ang u " Kan lam lo hawi chho ran chungin Williama'n ati a, hnathawk dang pawh an chawl aniang an reh ṭhap mai, Dar1 ari tawh a aawm ve tawh viau ani




" Lo chho zawk ula, helai hi adai nuam asin " Kan tih chuan



" Aih aih, kan chau lutuk khatah kan lo lawn thei tawhlo " An aw te chu a ṭial ruai thei mawle, Motor lian pathum ah an load a an hah loh chuan a mak zawk ang





" Aw kan lo chhuk " Kan chhuk ve maia, lungpher hlai zet chungah anlo ṭhu a, Eitur kan ken chu anlo ṭhet pah mawlh mawlh



" In chau sia, ka va khawngaih che u " Ka ti a, an chau tih an sawi vek tawh sia in chau em lo la tih ṭalh chi ni bik heklo, biak mai dan tur ka vai






" Sawitur hriat loh thlak emai " Ṭha deuha min chhan mai awm, an ngeiawm ve e, hla kan play a Mipa pahnih in hmeichhe chungchang hlir min sawipui a, ngaihthlak tui ahar viau, Kan in eipuar hnu chuan kuva leh dildar anlo phawrh leh a, meizial nen nuam ve tak chu ani kuva leh mezial hi chu a in rem ve e. Hla kan play ring sia thawm pawh kan hre thei tak taklo, Hawikual zuk zuk pahin meizial ka zu a, hnathawk ho an la reh ṭhap bawk a ka ngampa ang reng




" Eng nge intih " Ti dut ri avang chuan ka phu zawk a, ka meizial ken lai chu Bawrhsaibea hmaah ka theh phei a, ani lah alo buai nasa



" Nuntluang, i mawl ami " Ti vakin meizial chu ala sawn a, Zoremi'n a ka alo hup sak bawk, tim daiin ka leh hawi a Ka vahpa leh Damdawia anlo ding ran, Kan hla play arin avangin anlo kal lai kan hrelo mai mai ani, an piah deuh ah bike pawh an hung ran



CONT..


Show post links
Top

[Ngaia]

" Inlo kal ve alaw " Williama a harhchhuak hmasa ber a, keini pawh kan ṭhutdan kan siamrem ve thuai, Ka ka meizial rim nam huam avang chuan kala ṭawng duhlo tlat a, dildar chu ka ei leh ta ngawt a




" Umm " Ka ngaihbel nge Damdawia hmel chu nidang anglo takin arum deuh al a, ka hnungchhawn avang khan meizial ka zu ngei em tih chu ahre thei kherlo ang mahse, ahre thei tho, min ngai khawlo viau in ka ring bawk. Tinge maw min ngaihdan tur te ka care vak




" Lokal suh ka tih kha " Kan ṭhutna lungpher zau duai ah chuan anlo lawn kai ve a, ka bulah anlo ṭhu kher mawle, avan nuam lemlo tak





" A mu tho tawh " Ati sup a, kalo bu nghat



" Eitur kan eibang nual asin, in ei ve duh em? " Bawrhsaibea'n ati hluai a, Zoremi nen chuan kan ngawi dak, nichina ka ṭawng bak ka ṭawng leh tawhlo





" Kanlo kal hmain kan in eipuar tawh " ati leh nghat, athinrim ami le mahse, thinrim chhan tur aneiin ka hre silo a






" Apu damdawi, khitah khian tui a awm asin " Ka vahpa chuan phur zetin ati a




" Kan han kal dawn ami? " Dam dup in ati leh lawi a, Dika chu a bu nghat nghat a. Tho vutin Dika chu zo deuh in apawm deuh lawp bawk a





" Khawi lai aṭangin nge kal tur " Ka melh chho a, min lo melh chhuk ve run mai




" Tuang, han hruai rawh keini pawh kanlo chho ang " Zoremi chu ngei zetin ka melh a, min hmulo der hmak mawle, abula awm an hreh ang chiah in ka hreh ve hrih tho a, thil tisual hlim hlawt kani lehnghal




" Aw le " Phur lemlo tak chuan ka tho ve ṭuah ṭuah a, ka kal hmasa a ka hnungah inbe nuap nuap pahin anlo kal ve, tuikhuah kan thlen chuan Dika arak ṭeng ṭung a




" Apawn ah te sawn va ṭhu rawh, khawi i thawmhnaw hlip ang " Ti pah mawlh mawlh in thawmhmaw ka hlih sak a





" Atui viau ami? " Dika tui cheng ka en reng lai chuan alo ti leh thut a, min ti phu thei lutuk




" Eng chu maw " Eng ber nge min zawh ka hre tlat lo ani







" Meizial kha " Ner nawk pahin ati a, zah chem chem na tham ani, ka zak ve reng bawk ka lu pawh hi sintex tiat vel lawih ani in ka hria





" Kuva kan eiin kan zu ve zawk mai mai alawm, kan zu tam ngailo " Insawifiah zetin kati zung zung a





" Tlemte pawh nise, aṭhat loh dan angai reng " Damdawia kha ani miau a, hriselna ngaipawimawh chi Amah pawh hian zuk leh hmuam atih ka hrelo hrim hrim





" Nia " Ka ti sep, sawi belh tur ka hre tawhlo kalsan daih ka chak zia chu




" Sim daih rawh " Nui suk pahin ati a, anuih veleh takah chuan tlemin ka awm pawh anuam leh ta deuh, Meizial hi ka heh ngailo hrim hrim ṭhianten an zuk hian arim atui ka tia kuva nen alo inrem phian bawk a





" Aw " ka ti sep, ka tan sim chu aharsa dawnlo




....


Ka hah ve deuh bawk aniang zanah chuan ka mutui khawp a, ka vahnu ṭap pawh ka hre miahlo Quary ah eng em em mah ka tilo mahse, lung hmuh hrim hrim pawh a chauhthlak anih dawn hi. Thawm ri leh nawk nawk ṭhin chuan minti harh a, khua alo eng ut tawh min kaitho lo chu amak tih loh rual anilo, inti harhin ka tho chhuak a





" Kan theihai khu akim lo reng reng " Room aṭangin ka chhuak a, kapi chuan tukverh aṭangin huan lam athlir dauh dauh





" Engtin nge akim leh kim loh i hriat " Kapu in awih lo deuhin alo ti a, kapi hi chu thil chik peih deuh mai hi ania, azaidam lemlo bawk




" Ka chhiar alawm " Tho chiah e tilo chuan ka nui leh hak hak, achhiar leh tak tak ka ring, huanah hian theihai kan ngah a kan in hmalam ah pawh kung3 vel a awm




" A rah tam em khu, uikawm viau lo teh " Kapu in ati chuar chuar a




" Ei ka phallo ka ti hleinem, Biakin a kan thawh hma chu tuman ei su ka ti mai alawm " Ati deuh hlak a, kapu pawh angawi ta daih, Hetiang lam hi kapi hian angaipawimawh a, thlai thar hmasa pawh biakin ah kan thawh hmasak phawt loh chuan kan ei ngailo





" Pi, i theihai abo ami? " Nui vur vur chuan ka ti a, abulah ka ding ve nghal bawk




" Akimlo, tun Pathianni ah ka thawh ang ka ti ania, nangni ṭhian ho hi inlo ei ru leh anilo maw? " Ringawt chuan, thil kimlo leh bo ah hian kan ṭhian ho hi min puh hmasa ber zel, polite deuha kalo zawt ta chu ka inchhir hle ani





" Ringawt a, Hmana i lakhuih kan ruk tawh avang maiin, tuna i theihai bo hi kan ru leh tihna anilo " Ka ti deuh chiam a, min melh ram in theihai bawk chu a en leh
abulah pawh ka awm duh tawhlo e a, min puh chhe thei emai. Choka ah ka luhsan daih a





" Nuntluang, I u in vawk chaw azawng a, Zoremi nu in chaw nawi lo la rawh se ati bawk si. Han laksak ve rawh " Min va han ko duat lo ve ṭhin tak, ka nau chuan Zikhlum salad tur alo chan malh malh a





" Aw, call mai ula Zoremi te in chhak lamah ani lawm ni akal " Ka ti deuh niah niah, thingpui siamsa chu Nopui a thingpui chu ka in a




" Nizan aṭangin signal kan nei tawhlo han kal mai mai teh, Thingpui ala tam em kha tinge ilo in chilh leh tawp " Ka hnung abeng ri dawt a, ka na ti chu ka ṭhen vak





" Ana ve alawm maw le " ka ti vak bawk, ka hmai te ka phih zawh chuan hnial buai tawhlo in bucket khai chungin ka chhuak a





" Eng nge itih dawn, Chhehchhawlnu " Rum deuhin Damdawia chu ka melh a, anghal ve zia khi





" Ti kher kher khan min ko suh " Ka ti bui bui



" I inhmeh alawm " ala ti hram a, adik kei hi chu chhehchhawl diktak kani, Eirawng ka bawl ngailo tih loh hi chu inchhungah hian tih loh tak tak ka neilo





" Ni mai teh se " Ka ti hmuk a, ka inhersan leh daih





" Eng nge ilo tih ve dawn " Ka ruala alo kal ve avang chuan ka ti hmuk a, min nuih var var





" I kalna lam turah mi chiu tur ka nei a " Ati a, kalo bu nghat




" Khawnge ka kal dawn i hria ami? " Ka tih chuan lu athing a



" Hre chiahlo, khilam i pan sia " Chhaklam kawk zeuh pahin ati a, tui dawh hunlai ania khua aṭhal chho leh ṭan tawh bawka tuikhurah nu ho an phusa leh nuai nuai tawh mai, inhnial tawk lah bo lo, an vai hian cctv hlang annih hi. Damdawia nen kan kal dun te chu min en duh leh riau hian ka hria, aaa Lalnuntluang ani em em tawhlo ang







" CCTV hlang vek " ka ti deuh sup a, Damdawia alo nui hawk, kalpui ka nei tih ka hrechhuak veleh chiah ani





" I tha ui rawh " Ka ti hlak a, kapi avangin ka mood achhe hle ani mahse, ka mood off ka tihlanna mihringte hi chu ka nel tawh viau te anni mai, ka mi nel loh te lakah ka mood chhia ka leihbaw ngailo





" Nuih mai mai ah khan maw " Ati leh a, zawhna pawh chu ava ngah bawk ve maw le





" Umm, khua alum nuih mai mai nan chuan tha a uihawm" Ka ti leh a, kan nui dun leh ta nge nge





" Signal i nei em? " Signal hi abo ziah zel ninawm lutuk




" Ka inah chuan a awm " Mithmul min san khum zeuh a, ka rek chak





" Chhunah lo len angai anih chu " Ka ti liam puat a




" Lo leng rawh " Kan ngawi leh vang vang, Zoremi tein ah ka pensan a, ani erawh ala kal ami chiu tur te in hi Zoremi te inchhak ah an awm a, Bike anei reng sia a Bike ken ve mai awm. A taimak thlak lutuk




" Midang ka pe hman ṭep alawm " Ka luh rualin Zoremi nu in alo ti nghal tawng a, Zoremi pawh tum bur chungin eirawng alo bawl a, min hmuh chuan anui leh vur vur tho




" Chaw ṭhing vang mai mai khan ka zing mood ati chhe vek mawle " ka bengbulah ati deuh sur sur a, alo phun veleh viau aniang. Kanu leh Zoremi nu te chu phun lamah chuan mi pro alawm an nih, thil ho deuh aṭangin an phun ṭan a an phun reng peih bawk





" Anih chuan awmrei chi anih loh chu a " Ka ti let sar sar a, alo bu nghat nghat




" Hey, Sub centre tlangah khan Signal a awm ang em? Vawiin chu Net hman ngei ngei ka ngai " Chaw nawi chu ka bucket ken ah ka ruak a





" Damdawia'n ka in chhungah a awm ati, lo leng ula kan chho dawn nia " ka tih chuan phur zetin anui vur vur a


" Aṭhat hlauh chu " aphur dan chu ka ngaih ati ṭha dawnlo alawm le, an bucket chu ka sil fai leh phawt a, tukverh aṭang chuan Damdawia kalna chu ka han melh leh ṭhin




" Eng nge i melh a " Zoremi chu ka en dawrh a




" Min ti phu alawm, tumah ka melh lo Damdawia nen kan lo chho tlang a, ka nghak ang nge ka hawnsan an tih ka ngaihtuah " Ka ti deuh duah a




" Awii, ahlat tehlul nen Bike ken ve mai awm " atih chuan thlawp zetin kalo bu nghat




" Chu chu ania, han hawnsan daih pawh anuam kati lo mahse, nghah reng ka peih chuang silo a " ka ti niah niah



" Hawnsan daih rawh, Pi pari te chu inleng te thingpui intir lo in an chhuah ngai hleinem an zau ve a " ati sam leh mai a, keipawn hawnsan mai chu pawi ka tilo, min lo nghak rawh ati chuang silo a, chaw eitui tia inthlahin Zoremi tein chu ka chhuahsan a, kalkawnga min lo be tu an awm ve zeuh zeuh a chak deuh pawn ka kal theilo





" Iva rei ve, theihai chu inlo ru leh ami? " Hah deuhin in ka thleng a, inchhung ka luh hmain kawngka lo dak chungin kanu'n ati a, ka thinrim nghal hlur




" Kan awmna aṭanga zoremi te in hlatzia i hre reng ani lawm ni, khu theihai khu kan lawh lo bawk. Inmak ve emai theihai lawh ru tura min ngaih tlat, areng reng ah kan theihai anih khu ka duh chuan ka lawh ve mai ang, lawh ru azawngin min ti ziah su, ka ta ve tho anih khu " Hah bawk nen ka insum buai peihlo, pawn ah awm mahila ka ang deuh buan buan a




" Ani teh tak e, zing aṭangin theihai buaiin in buai a ka kih sak vek mai ang che u " Kapu in ati hluk hluk chuan tumah de ti ngam pawh an awmlo, chaw nawi chu pawnah dahin inchhungah ka lut a





" In ru lo anih pawn ṭha deuhin sawi ve mai ta che, kapu hriat tura sawi leh kher angai ami? " Usiami'n alo tih leh ṭalh chuan ka melh ram a, thinrim bengdaih tum ve naklaia leila deuh hian aṭawng ziah




" Ru ṭawngkam kha hmanglo mai teh, ka theihai anilo bik ami " Ti hmakin fridge ka hawnga tui bottle la chhuakin ka in a




" Ṭullo ah chhungkua min ti hlimlo leh vek dawn anih hi " Ati leh hram nia, ka hlim lohna lam an ngaihtuah ngailo




" A buaithlak Pasal neila chhuak mai teh " Ka ti puat a, choka aṭang chuan ka chhuak leh nghal daih. ka hnial zel chuan kan insual thei mai ang,rooom a ka luh hnu chuan ka ngaihtuaha kan buaina chu aho ka ti takzet mahse, mi hah lai lai a tianga lo inpuh kha chu ka thinrimna pawh awm ka ti leh tho a. Thinrim laia insum hi ahar a, insum thei te hi inthunun thei tak anni





...


Chaw eikham chuan kawr ṭhui tur pathum vel ka neih avangin ka buaipui ve zuai zuai a, Good friday ahnaih tawh a kawr ṭhui tur ka nei khat tawk ve reng tawh, kapu chu ka bulah alo mu ve reng a




" Mampui, i zia leh i tuina hi a in anglo tiraw? " atih chuan kapu chu ka en ha a




" Pu, eng nge i sawi awmzia " Ka ti sep, kapu nen chiah inah kan awm a midang chu thlam sa in kan huanramah an kal leh diak tawh




" Puanṭhui hi chu mi chimlim leh zezawi tak hian anti tlangpuia nang chu i harh si i phawsawlh si mahse, mite hian an fak ve phian bawk che sia " Atih chuan ka nui hak hak, ani ve reng ka zia leh puanṭhui chu a inrem lo ve alawm





" Vengmawng ami Ubethlehemi pawh kei aiin athawveng daih a aṭhui ve tho alawm " Ka ti ve leh ṭalh a




" Mite'n 'ati zung zung a, ṭawng asam ang chiahin aṭhui pawh asam mahse, aṭhui a nghet lo vawikhat kan ha a, a peh nghal zel' an ti reng alawm " khawi khawi aṭangin nge alo hriat ve ni, ka rin loh deuh deuh asawi



" Nunthawveng " Pawn aṭangin Zoremi alo au leh lawng lawng tawh, an lo luh tho dawn hi chuan au vak vak kher loh tur ania, sawi ang tak takin anlo lut leh dial hlawm sia




" Chho ang u " anlo ti nghal thawr a, ka thil ṭhui chu ka dahfel ve sawk sawk




" Ka rei hman dawnlo ania, Pathum ka zai lawk a ṭhui ngei ngei ka ngai " Din kan pahin ka ti a, an lo bu nghat hlawm an fel hmel lutuk




" Khatia i ṭawng khan, mi pangai i ang ve lutuk " anti anih chu! Mi pangai kalo ang ngai reng reng lo tihna ami






" Mi pangai kani lo ami? " Lungawi lo deuh chuan kati a, lu an lo thing leh tho sia, anva chhe chawl lo tak



" Pu, Unathana inah net kan han hmang lawk aw, kan rei dawnlo " ' Aw le ' ati dam leh thluam a, Damdawia in lam panin kan in zui chhuak leh dial a





" Tunge awm ve le " Inchhungah chuan thawm ari leh nak nak ṭhin a, inleng anei ve ngei aniang signal a awm loh chuan leng lut pawh awm se, a awmlo hranlo





" Inleng i nei ve ngei elaw " Zoremi'n ati lut bawrh bawrh a mahse, a inlengte kan hmuh erawh chuan kan ding nghal ṭhap. Hmel nung sarhin Damdawia chuan min lo en a, a inlengte mawlh chu Parmawii te ṭhian ho anlo nia, kan ṭhian ho chu kan in melh ralh ralh hlawm


Cont...


Show post links
Top

[Ngaia]

" Nangni chu! " Anlo ti zawk hlauh anih chu, kan sawi awm a mawi ani




" Lo kal ru " Damdawia'n ati vat a, an awm lohna lam choka ah kan inzui phei dial




" An nui zei lui vel te saw " Eilo zetin Zoremi'n ati a, Parmawii te ṭhian ho chu an nui ham ham reng a, an khek ti ila ka sawisual lo ang





" Kan hawng leh hrih dawn ami? " chair pawttawlhin ka ṭhu a, anni pawh anlo ṭhu ve




" Angailo, anni lakah sawn ka zam dawn lo reng reng " Ati tlat a, kan lo nuih hak hak. Damdawia pawh alo phei ve ka ring ania alo lang lo reng reng, ka ṭhiante chuan net an hmang thei a kei erawh in ka hmang hleitheilo




" Tinge, ka hmang ve thei miahlo " Eng berin nge ka thin tirim ka hrelo, ka thinrim ṭun a





" Han kalsawn deuh teh " an tih te chuan ka lung ati awilo vek nia mawle




" Hmang ru, ka hawng dawn " tih paha ka tho chu rang zetin min lo chelh hlawm a, mak ti zetin min en bawk





" Hey, hey eng nge i hriat " An ti deuh hlut bawk



" Kha net in hmang thei alawm, lo awm ru ka hawng dawn" ka ti leh hmak a




" Awi, i thinrim ami? Lokal rawh ka hotspot ang che " Ding hluai in Bawrhsaibea chuan min nem ṭhu a




" Ka duhlo, ṭhui tur ka ngah sia " Ka awmdan chu keipawn ka hrethiamlo, ka rilru ate ka ti bawk si diktak chuan an net hman avanga thinrim pawh ka nilo, net pawh hmang ve dawn ila tih tur ka neih em em ka hrelo bawk




" Buaina a awm em? " Damdawia ṭawng ri ka hriat rualin ka insangmar deuh at a



" Net kan hmang a, anei ve theilo a athinrim anih hi " nui hawk pahin Williama'n ati a, ngei zetin kalo melh thung




" Chhehchhawlnu chu i thinrim ve thei elaw " A mengkual lui vel chu ka melh rum nasa viau, anui duh lek chauh a angeiawm thiam ve thei e, kan ngawih ṭhap lai chuan Parmawii te chu an nui leh hawr hawr tawh





" Net hman chu mamawh hle lo ila chu ka awm reng lovang " Zoremi chuan ati leh ta nge nge, keipawn ka hne





" Net in hmang thei maw? " Atih chuan ka ṭhiante chu an bu nghat nghat a




" Anih chuan lo hmang ru, nang chu lokal rawh " Ka ban ah vuanin min kalsawn pui nghal a, ka ṭang deuh ṭung




" Hey, khatah ka awm peihlo, Zoremi ka in hostpot tir mai dawn alawm " Ka ti mawlh mawlh a ka thusawi chu hrelo ang hmakin a awm, Parmawii ten kan pahnih min hmu chu min lo en ṭhap a, kal pelin a room ah min luhpui ta daih a






" Eng nge hetah kan tih dawn " Hawi kual hu hu pahin kati a




" Helai ah hian a awm " Akhum chu abeng thak thak a, a room chu kalo enkual thung afelfai thlap a, mipa chefel tak ani tih pawh ahriat




" Ka ṭhiante pawnah an awm a, room a lo awm bikte chu anuam hleinem bakah, Pari te ṭhian ho an awm leh nghal. Nilo lo in thil an sawi leh anga i hmingchhe palh ang " Ka hlauthawng tak tak, keichu engtin pawn min lo sawise apawi ka ti tehchiam lo





" Hmingchhiat mai mai ka pawi ti vak hleinem " Hahdam zetin khumah ala ṭhu reng a, ka phone pawh msg alo thleng ta chiah ka en vat a




" Msg lo lut kim se min nghak law law rawh, kan chhuak nghal dawn nia " Ka tih chuan alo umm ve mai a





" Azo e " Damdawia ka en chuan aphone alo bih ve ngar ngar a, ka ṭawng ri ahriat veleh alo hawi chhuak



" Kan chhuak dawn mi? " atih chuan nui vur vur chungin kalo bu nghat a



" Net i hman theih loh lai leh tun chu indanglam hle mai " thutak zetin ati a, ka hmui kalo ti pawrh vak thung. Room aṭanga kan inzui chhuah chuan Pari te ṭhian ho pawh anlo la awm ṭhap




" Unathan, Nodles chhum ila " An lo ti a, kalpel in ka ṭhiante kava pawh leh vat a





" Ka rei em? " Ka ti sep




" Eng nge intih a " Mitko san ralh chungin Williama'n ati a, alu ah ka beng lawlh thung




" A room ah net ahman theih a, msg ka va luh tir story ngaihthlak tur ka dload bawk a " Phur sarhin kati a, ka mood inthlak danglam chiang vel lutuk chu keipawn mak kati





" Nodles in ei ve duh em? " Damdawia choka lo lutin ati dut a, lu kan lo thing rual vek ahmuh chuan anui suk a




" Keichu inah tihtur ka nei hawn hmat ka duh, kapu amah chauhin a awm leh nghal " Kalo ti thuai a




" Nia keipawh " Ka ṭhiante'n an lo ti ve tliar tliar




" Saw mi te awmchhung chu awm ve ru " Ka ning ti lo mahse, aning tih ka hrethiam reng mimawl anilo a, atilang lo mai mai ani, ahmel chu ka khawngaih deuh tlat a haw luih ṭalh pawh ka tum bik lo




" U tluangtluang, Nodles kan lei dawn asin induh ve em " Anlo tih chuan an hmuh loh in ka ner nak a, thawveng ve halh mahila anni ang tleirawl thawveng leh lerh inpawlh hi chu ka ti theilo




" kan duh lo, kan ei tlukin kan lawm e " ka ti ve mai a, min ngei hmel viau




" Miin a len in Nodles chhum kher tum hi sim ru " Bawrhsaibea'n phone khawih mial mial pahin ati a




" I ṭawngthei e a " Ti hmakin an chhuak a





" I luck e " Fan raiha ka tih chuan alo rum nghut a, ka ṭhiante anlo nui thung



" Naupang ang bakin ka enlo " Ati hmuk a, apawi ka sawi ta ang maiin min melh run run





" Aw, anih i luck lo " Ka ti leh hnuhnawh




Rin aiin Pari te ṭhian ho chu an leng rei a, Damdawia'n hawnglo tura min tih ve tlat avangin kan awm ve ta reng, Tih tur ka nei ve bawk nen ka awm pawh anuam tawhlo, vanneihthlak takin hawn an tum ve hlauh a, tihzia tak tak ani



.....


" Tluangtluang, ka kawr chu i ṭhui zo tawh em? " Upeki chuan alo ti lut bawrh bawrh a, nizan aṭang tawhin kawr ṭhuiin ka buai ve char char tawh a, sitting room ah ka indah hnawk niai mai




" Umm, zo tawh e lo nghak lawk aw " Ti let varin ka tho a, room a upeki kawr chu ka va la





" Ka nawt mar vek a, ha chhin la sawisel lai te i nei em? " Room ah chuan ava lut ve mai a, ka kawr zai lai bawk chu ka chhunzawm leh




" Aṭha lutuk, ka duh ang chiah chiah in i ṭhui alawm. I kuthnu amam si " alo ti chhuak hlut a, kalo nuih ve var var infakna hi chu tuman ' dawnsawn anuam lo ' anti lovang




" I duhzawng ani chu alawmawm " Ka lo ti ve vat a




" Kalo ṭhui tir ziah ang che, kan ṭhenawmnu Bethlehemi ka ṭhui tir ṭhin a, akut hnu amam silo ati zung zung a vawikhat hak pawh hi adawllo " Ati barh barh a, nuam kati chiah lo midang sawisel kherlo in a infak theih, midang hmer tel khera midang fak kan tum ṭhin hi chu ka helh ve ṭhin. Hetiang mi hi chuan mi bulah pawh keini min sawisel chungin midang an fak leh dawn tih lah ka chiang mai sia
Chhanglet tawh lemlo chuan kalo nuih mai a




" Engmah kha lo khawih suh " ka vahpa leng lo hawn rualin kalo ti nghal thawr, min tlawn zetin ka bulah alo ṭhu thak a




" Hei kalo khawih " tih leh bakcheh chu lak arual a, achhe zawk anih avangin ka hau lem lo, puan them chu pe telin



" Min lo tibuai suh aw " ka ti a, abu ve nghat nghat mai




" Iva han inchhawp hnawk leh em em ve mawle " Kanu inchhung lo lut in asawi hmasak ber ani




" Hetiang nuai lo chuan ka thiam hleinem " Kalo ti ve tlat a



" I maksak bawk si " ati a, choka ah aphei nghal daih choka ah pawh phun na tur ava hmu leh hrim hrim ang




" Tunge thleng hi chiah leh " ka tih reng kha, kanu hi chuan inchhung kil tin ah hian phunna tur ahria, aphunna ngai pawh nise style dangin aphun leh thiam tho




" Ka hrelo, nichin khan ulawma alo hawnga, an nu'n chaw ei chu asiam ve ngei kha " Ka ti lang lang a, Umary reng reng pawh Ulawma chaw eina te atam loh nen sil ve nghal mai tur ania. Kanu an ati tam leh dawn anih hi




" Mahni pasal te chaw eina pawh sil theih loh mai chu, Mo kan nih laiin hetiang hian kan awm ngailo, in unau misual ṭhah pawm chung hian inchhungkhur chet zawng zawng ka awl ngailo " Thleng ati ri bur bur a, athinrim veleh viau tawh aniang



" Sawmtluangi pawh tunlai te chu azia em hi " Usiami'n room aṭanga lo chhuah pahin ati a, asam aṭawn zui pah mawlh mawlh



" Ini te pawn an pawm chhawk fo, nau a pawm loh pawn tih atum lo reng reng, tunlai mo te han hahdam tawhzia hi chu. Mo ni ṭha leh dawn pawh ni ila pawi ka ti miahlo tiang hi chuan " ati leh hlak hlak asawi uar ve ṭhin si, Umary hi chu sawiselna tur ka hre ve ṭeuh mai, ka ip chawihna thil hi ati fo a mahse, ka be chhe ngailo achhan chu mo ka la ni ve dawn a, ka chungah ka pasal unaute an sual chuan nuam kati dawnlo tih pawh ka chiang. Chuvang chuan enliam harsa deuh pawh ka enliam ve ṭhin




" Khawi kalo sil ang " Usiami bawk chuan ati leh a


" Ka sil zo vek tawh, lo hawng teh se hauh angai " Ahau leh tak tak dawn tih ka hria, kanu hi mi rilru chhia ani lo a phun hluai ṭhin mahse ahre rei tak tak ngailo, Umary pawh hi a enhrang ngailo ahau bawrh bawrh a keimahni ang chiahin, ahaw chhunzawm ngai chuanglo. Mi bulah arel chiam ngailo a, kanu ka hrilh tam ber pawl ani ' nu, i thinrim viau anih pawn mi hnenah rel suh aw, mi hi kan in anglo a min duhsak tute anga lang pawh hi min er tute anni ' ka ti ve ṭhin, chu chu ka puitlin ve ber na ani hial ang




" Mampui " Usiami chu ka bulah alo ṭhu reng tawh, min ko ṭhut chu mak kati deuh, ani nen hi chuan ui leh kel thlunpawlh kan nia. In ngeih tak hian kan awm rei theilo, chhang lemlo chuan ka en a




" I puanthan chah chu alo thleng dawn tawh em? " kan khua pawh hi kan changkang ve tawh a, Goodfriday dawn te tiang hunpui dawn hian kawrthar neih ngei ngei tur emaw hi kan ti tawh a, chuvang chuan puanthan tlem ka chah a, nimin ah anlo phur tlang daih lehnghal




" Nimin a lo thleng tur ania, an phur tlang a Vawiin ah anlo phur let leh ang " ka ti ṭha ve mai



" Kan unau in kawr in ang ṭhui ila, aman kalo tum ang nangin aṭhui itum ang a " atih chuan kuah thlawp mai ka nap, hetiang thu te hi asawi khat ania




" Yesi, alo thlen hunah arawng chu kan duh ang kan thlang mai dawn nia " ka ti phur hurh a, ka nuih vur vur bawk




" I chhe vur vur lutuk " Ati a, min kalsan leh daih, Umary pawh nau paw chungin alo lut ve chiah a, kalo be lem lo. Motor chan ka ngaih dawn avangin ka thil tih lai chu ka dah a, chhuata ka tih hnawk niai pawh chu ka tifel zung zung




" Vahpa, motor chang ila " ka tih chuan alo ding ve nalh a




" I chapal bun la, Valleyball beng kan en pah dawn nia " ka ti mawlh mawlh a, ka kawr ṭhui zawh loh te chu room ah ka dah a, ka phone alo ri ve chiah




" Umm, zorem " Ka ti nghal tawp a



" Valleyball beng en ang, ka awm tawh ania " Alo ti lang lang a, kan kal ve tur thu ka hrilh hnuah adah





" Ini tein ah ka kal dawn ania, Vaimim chi te ka han dil teh ang. Atlai tawh a eirawngbawl lo ṭan rawh, Puii(ka nau) lo hawn hunah apui dawn che nia " Kanu chhuak chu kan zui chhuak ve a




" Eng nge intih dawn, Mary te kha pui ve ta che " ati a, arilru achhelo ka tih kha, thinrim chiam ṭhin mahse, angaihsak lo ngailo



" Motor ka chang dawn " Ka tih chuan engmah asawi chhunzawm lo




" Duatte, i pi Nemi tein ah ka kal dawn asin, ilo kal duh em " Ati leh daih a



" Aih, Ball ka en dawn " athil sawi hi a shorthcut thei ania aw, kanu pawh kani te inah min pensan a, ka vahpa pawn zawhna angah leh khawp mai, hei hi eng nge? saw saw eng nge ati leh reng tawh






" Apu damdawia " Vahpa in ati hlut a, Damdawia chu Valleyball alo beng ve reng anih khu, Pavillian aṭangin Zoremi'n min lo au a, hmanhmawh deuhin kan kal ve. Pavillian aṭangin motor kawng ahmuh theih a, ti hian motor chu ka chang pah mai ang, Kan ṭhiante pahnih Bawrhsaibea leh Williama pawh an din ve leh zuar tawh saw, an sang dun a an zawr dun bawk si min lo en chuan kalo nuih a, an kuttum min lo hmuh ve nasa. Grp conference ah tournament a awm dawn avangin an inbuatsaih ve nasa khawp mai, Hruaitu te pawn tlai tin an en thlap ṭhin





" Damdawia saw, athiam reuh lutuk " Ka bengbulah Zoremi'n alo ti sur sur a, Damdawia nen tunlai kan inhmu khat khawp mai, Vaccine pe in achhuak reng a kei lah ka hna ah ka intihbuai lai alo ni ve ṭhin a




" Bawrhsaibe, a aia na in " Bawrhsaibea'n avuak chuan kalo ti a, ka au ring bawk a ka bula mi te annui tet tet hlawm, Damdawia pawh alo hawi ve vut, min hmuh chuan anui suk a, keipawh kanui tho. Rsa pawh alo kal ve a thil hriatchhuah ka nei leh ṭhin, a hma chuan Valleyball beng turin min lo sawm ziah a, zingah te pawh exer lak pahin kan nam dun ṭhin ka tui a, ka peih bakah ka bialpa nen kan nih ṭhin avang khan nuam kati bawk mahse, kan boruak khatiang anih hnu khan Valleyball ka beng tawh ngailo a, en pawh ka en khawt khawp mai. Ball in min lo per chuan ka phu deuh zawk a, ka ngaihtuahna ram aṭangin ka harh chiang khawp mai





Cont...


Show post links
Top