Officer Gabriel BY Effy Roseanne (Completed)

[Ngaia]

Officer Gabriel
Chapter-7
By-Effy Roxane

Gabriel POV
"Thianpa chu nupui i lo nei hmeltha hle mai a" nuih paha ka tih chuan ka thianpa alo khi ve suk






"Niang chuu, ka phulo a ni tiro" a tih leh chuan annu ka va en a,a lo sen vek







"Duati, in pa hi a zei viau lo maw" ka tih chuan a tho thuta, a lut daih a, Tea nen kan nui hawk hawk.






Tea nen an inkawta thut paha kan titi bawrh bawrh laiin Teresai te thianho am rawn lang hlawl a, Amelia-i ka hmuh chuan ka thin a lo phu rang leh em em tawh.






Tinge henu ka hmuh apiang hian ka lungphu hi a ran em em mai le. Ka thaw hawk a, ka bula mi alo nui huk.







Teresain min rawn be hlut a, chhan pahin Amelia ka en char char a, a mit ko a rawn san uk chuan ka nui suk.







Amah ka hmuh apiang hian ka rilru ah 'Ka nupui tur' tih chiah a awm thin.







Bialnu ka nei, Amelia ka hmuh hma kha chuan ka tan khawvela hmeichhe tha ber a ni thin, mahse engtik atang khan nge Amelia hian Sangpuii aia ka thinphu a thin ran tak ka hre hauh lo.







Amelia pov
Engtin tin emaw ka lo muhil a, ka mutthilh lai khan ka khi thaw in ania ka rin ni.






A tuk nilengin ka mood a tha a, ka khi char char a, U Grace-i leh U nunuin min en leh zuk zuk thin a, mahse engahmah ka ngailo lui.







"Vawiin chu a mood a tha cher cher khawp mai" U grace-in chaw ei laiin a ti ta nge nge a, ka melh nghek "A chhan te" U Jacob-an a tih chuan ka nuih lui sang ringawt.







Ka û te nen hian an inhria in ka hria, sawi chhuah chi pawh a nilo. "Tikhan ti thin suh u, nula pangai a nih ve tawh hi" ka pa in a rawn tih chuan ka lawm ngei mai.








"Kan naute ala ni tho alawm le" nuih deuh pahin U jo-an a ti ve leh a,an nui hak hak hlawm. A nuihzatthlak na ka hre ve lemlo.








U Grace-i pawh a rai lian leh tawh hle a, naute a neih nan kar 2 vel bak a awm tawhloh avangin a che tha hleitheilo meuh tawhlo a, U nunui hian a chhawk hneh hle a, a zia. Kei hi chu a tul tul a an hman ang chi kha ka nia.







Vawiin sawrkar chawlh anih vangin ka chhungte pawh inah an awm thapa.







"Mama, dawrah kal ang" tih paha bawihpuian anu a pawh chuan anu a rai lian tawh si a, "Bawihpui keiman ka kalpui ang che aw" ka lo ti vat.








Dawra kal tura kan inzui chhuak tur chu ka nu in "Mami, kawnah te khan zuk chhuah thlak pui rawh" a tih chuan peih vaklo hle mah ila kalpui ngei chu angai dawn a ni.







"Nini" Bawihpuian a tih chuan ka en vat. "Awihah" ka tih chuan "Captaiñ America ka duh e" a tih chuan ka en chhuk hu.






Naupang kum 2 mi in Captain America a hria chu a mak la ti lek lek a, mahse tunlai ah te chuan kum 1 mi pawn an hre tak ang chu mawle.







"Nakinah i pa ilei tir dawnnia aw" la tih chuan "Apa maw?" Alo ti ve leh zel a "aw" ka lo ti sap. A tawng fiah lutuk hi a chang chuan amak ka ti thin.






Kawn lam pana kan inkaih thlak hnak hnak laiin kan chhak lam atang hian "Amelia" mipa awiin a rawn ti a, ka hawi chho chu Gabriela hi PHQ lam atangin a rawn chhuk a, a uniform aha a, a ipte a zen a, apa thlawt a ni.








"Khawnge in kal dawna" a tih chuan "Aaa, ih hei Bawihpuia hi kawnah ka kalpui lawk dawn a" ka tih chuan bawihpuia chu a en vut a.







"Rinrin, ani hian thil a lei sak dawn che em ni?" Dam thlapa a tih chuan ka nui sak, naupang biak dan vel pawh a thiam e.








"Nini chuan thil min lei vak ngailo a, eitur chu min lei tho" Bawihpuian a tih chuan a nui suk.






"Nini chu ava sual ve a" tih paha min rawn en chuan ka lo lai lehpek ringawt tawh.







"Nang khaw lamah nge?" Zahzela ka tih chuan ka biang rawn nul thuak pahin "Tah hian" a tih chuan ka hawi kual a, mi in velah a kal dawn a nih ka ring.






"Kan kal phawt ang" ka tih chuan Bawihpuia en in "Rinrin bye bye aw Nini kha thil zuk leitir teuh la" a tih chuan ka melh nghek. Rinsangkima hi a fing sia a hre leh kar dawn.







"Tikhan ti suh, a fing teh mai ania" ka tih chuan ka lu a rawn tuai a, nui sukin a kal daih a, ka ngei lek lek.









"Mawla" tih paha la sam ka siam tha chu ka hnung lawk atangin "Engmaw?" A rawn ti thut a, ka va han phu nasa tak.







Ka hawi let zawk a, "Kal rawh, kal ta che tinge i din reng" la ti bah nawk nawk a, Rinsangkima ka kai a, keimahni zawk kan kal daih a, a nui hak ri pawh ka la hre pha hram tho








"Lalpa" ka ti sep a, thawk ka la hawk hawk. Tinge hepa bulah hian ka lungphu hi a ran tak tlat le. Ka che buai thei em em zui.







Kawnah chuan mi an lo tam ang reng a. Chhelo deuh deuhin an vei suau suau a, bawihpuia chu kan kohhran upa te dawrah ka luh pui a, eitur kan lei a kan chhuak chiah chu Tea nupui duati nen kan intawk a, min nuih a, ka nuih ve sak.








"Dawrah i kal ami U Duat?" Ka tih chuan lo hawi let in "Aw nihhi" atih chuan"Tunlai chu in buai ve viau lo maw?" Ka ti leh sap







"Kan buai zo deuh tawh zawk a, hei mass a hnai tawh sia" nuih paha a tih chuan ka bu nghat. An vengah chuan nula fel an tih thin kha a ni ve a, a fel ka ti ve viau mai. A tawngtam lemlo in ka hria.








"Nangni khawnge in kal a?" Tih pahin Bawihpuia a melh zeuh a, a nuih sang mai. "Hei Rinrina hi ka chhuah harh pui zuai a" ka tih chuan a lo bu nghat.







"U tea a office ami?" Ka tih chuan "Aww, a haw tawh ang, chhungkaw chaw eikhawm an tia" a tih chuan "Ava nuam dawn ve" ka lo ti ve luam.






"Nia, mahse tihfel tur a tam deuh thin a" nuih hak hak paha a tih chuan ka lo nui ve hak hak






"Min lo chhawr la ka lo tihfel pui ang che" nuih paha ka tih chuan "Chhawr mai dawn che mawnle awww" alo ti ve zat.






"Tak takin Pasal neih hi a hrehawm em?" Ka tih chuan "A chang chuan. A hrehawm chu ka tilo, ka lawina te an fel em a, mahse chhungte lawm loh hlau reng rengin kan awm thin a heihi a hrehawm ber thin" a tih chuan ka lo bu nghat.







"Tunah lum 24 tiro" a tih chuan "Ni 31 ah 24" ka tih sep chuan "In la nau ve deuh alawm tiro, in la nula dawn chauh a, pasal te pawh ila nei ve ang chu tiro" a tih chuan ka lo nui hak.








Kan titi chho char char a, ka rin ai kan titi a rual phian.






Kan in leh Tea te in hi in ep a ni a, ka in bye bye a, kan kal hrang ta ve ve a





In kan lut chiah chu UGrace-in "Bawihpui enge i lei a?" Alo ti vat a Bawihpuian apa a pan nghal vat.







"U Tea nupui chu a fel saw le" ka tih chuan "Fel ee" U Joseph-an a rawn ti vut.







"Kan rawn intawk a, kan rawn titi chho char char alawm" ka tih chuan ka nu in "In chawlh chhung hi chuan a changin kawm ve thin rawh, i inkhawm dawn te pawn a fel ve reuh ania" alo ti ve vat






Inchhungah tihtur em em a awm loh avangin ka roomah ka tawm a, tlai ah eirawng bawl angai lo bawk nen kan awl viau.




Dar 5 velah chaw kan ei a, ka nu leh pa an in khawm duh thin avang hian chaw hi chu kan ei hma thin






Zanah chaw kan eina vel kan tihfel hnu reilo tehah kan doorbell a rawn ri a, ka va hawng chu Gabriel-a nen kan inhmachhawn nghal ran mai.



End Of Chapter-7
(Thil pakhat chiah
Ka user ka thlak a min lo hai ange chuan nakinah ka rawn thlak leh dawn a,chu bak chu ka thlak tawh dawnlo awww)


Show post links
Top

[Ngaia]

Officer Gabriel
Chapter-8
By-Effy Roxane


"Ehee" ka ti hluai ringawt a, a nui suk. "Teh hlawl che chuan" ka tih leh chuan "Lo luh i phal mial em?" Nuihza insum deuha a tih chuan ka tawlh sawn rawk rawk.








"Ekhai Thianpa, teh hlawl a" U Jacob-an alo ti ve hlut. "Ekhai a, Gabriel-a chu" kapa pawn alo ti ve hluai. Hei vang hian alawm hepa hi hnaih ka duh vak loh, ka chhungte nen an inhre tha si







"Nula rim tur i zawng a ni maw?" Nuih paha UGrace-in alo tih chuan mitmengin ka lo khap a, a hrelo der hmak.









"Niaa hei zanin chu in veng lam hipna hi a chak riau a" atih chuan ka chhungte an lo nui hak hak hlawm a, ka then lui sang ringawt.






Ka chhungte nen an titi bawrh bawrh a, ka bulah a thu run a, ka awm a nuam thei thlawt lo. A mi uap ana churh churh lutuk a, ka thawk te hi a hah vek in ka hria.






Dar 10 velah ka chhungte an mu ta duak aa, kan pahnih in ngawi rengin kan thu dun a, ka kuttin ka sik neuh neuh reng.







Ka inrin hmain ka kut chu a rawn hum thut a, ka lo phu zawk.








"Ka bialnu ini duh em?" A tih deuh tawl chuan phawk fe in ka en chho ha a, "Mawww?" Ka ti vak. "Ka bialnu ini duh ang em?" Fiah fek fawk a a tih leh chuan ka chil ka lem khawlh ringawt.







Ka ngawih reng avang chuan a tho nulh a, "ka va haw phei ange, i mu duh tawh ang" a tih chuan ka ding ve tual tual a, "Awle" ka ti ringawt.







"Awle chauh maw" a tih chuan ka em chho ha "Enge a dang?" Ka tih chuan nuih suk pahin ka chal a fawp zeuha, ka lo tawlh sawn deuh dawrh.







"Mangtha aww, Ams" a tih sup chuan ka lo bu nghat ringawt. "Min mangtha ve dawnlo ami?" A tih leh sup chuan "Mangtha le" ka ti leh sep a ka biang a rawn nul leh thuak.






Engmah sawi tawh lo in a kal a, ka en zui reng. Kawngkhar ka va khar sawk sawk a, ka room ah ka tlan chho nghal.






Ka chal a fawhna chu ka han khawih leh thin a, ka nui leh ringawt zel. Kei hi engemaw ka hriat chu le.







Ka inihfai zawh hnuah ka mu a, ka phone ka en chu "Muttui suk suk aw Ams, Mangtha tih kha chu a chatuan thu mah mah in ka hria" tihhi min rawn thawn a, ka nui chhuak hak







Engmah ngaihtuah lem tawhlo in "Muttui em em le" tih ka thawn let a, ka message chang char char awm hrimin a seen nghal a, ka khi var var remg ringawt.






Min chhang tawhlo a, ka hnual deuh rawh mahse, ka phone a rawn ri a, ka en chu UGabriel tih alo nia ka nghak vang vang phawt a, ka la ta chauh.

Gabriel pov

In ka thlen ve leh ka intlak sawk sawk a, ka mu nghal tawp. Amelia chu ka message leh a, a seen har lutuk chu ka thaw hawk hawk reng ringawt.





A tawp a tawpah a seen a, min chhanna ho te chuan min ti lawm veng veng thei nia.





Ka message a chhan hnu chuan text let tawhlo in ka call ta zawk a. "Hello" a rawn ti sep chuan ka thaw chhuak halh.





"Hello bawihi" ka tih chuan " tikhan min ko suh" a ti leh sep a, "Anih leh Ams aww" ka tih chuan a nui chhuak hak






"tuman Ams tiin min ko ngailo" atih chuan "Keimah chauhin ka ko ang che" ka ti leh sup a, a nui leh hak hak a, ka lo khi ve suk suk thei






"Ka bialnu ini duh angem ka tih kha" ka tih chuan a reh vang vang a a hnuah "a chiloh" tih chiah a rawn sawi






"Eng vang chuan maw?" Ka tih chuan "Teresa" a tih chuan ka lo pawt chat vat a, "Laldingpuii ngaihtuah angailo" ka ti hmuk






"Mahse i bialnu kha" a tih chuan mak ka ti lek lek. Engtin nge bialnu ka nei a ni tih a hriat.






"Kan inthen tawh" ka tih chuan "Awihawmloh" a ti leh sep. Ni e, Sangpuii nen kan inthen twh, mahse amah zawkin min then. Chupawh ka ngaihsak tawk tawhlo a a hriat avangin.






"Awih lo mahla, zanin atangin ka bialnu i ni tih hre tawp rawh. Mipa dang i hnaih tur a nilo ang" tih pahin min chhan hmain ka dah ta daih.


Amelia pov.

"Zanin atangin ka bialnu i ni tih hre tawp rawh. Mila dang i hnaih tur a nilo ang" a tih chuan ka chhan hmain a dah daih.






Rum zetin ka phone chu ka en a, a thu a duh hmel ka ti reng a ni. Hmela mai mai chuh.






Engtin nge ka mutthilh pawh ka hrelo. Ka harh phat atangin Gabriel-a bialnu tih chiahka rilruah ala awm zui.






Nilengin ka rilru ka kawm oa ti mai. Amah lah chuan min rawn biak zui a tum tawh lem silo a, awm nuam lo deuhin ka awm char char.







Tlai dar thum velah ka message tone a rawn ri rak a, ka en chu Gabriel-a alo ni. "Vawiinah enge ilo tih a, ka bialnu" tih alo nia, ka en vang vang a, ka bialnu tih lai chu ka chhiar nawn tluk tluk.








A hnu feah "Engmah, i chau em?" Tih ka thawn let a, zahloh der ka tum ve hram hram. Mahse, a bialnu ka ni duh em chu ka hre chuanglo. Nia nia nia ka duh tih ka hrethiam mahse, ka bialpa ni tur em chuan ka duh em ka hrelo a ni.








"Chau lo e, Ams ka ti lehlo ang che Bawihi ka ti ang che" a tih leh chuan ka chek tlak a, a message chu ka en leh vang vang phawt. Tiang reng a nih chuan ka zak reng thei ang.







"Amelia min ti ve tawp rawh a dang angailo" tih ka thawn chuan "Aih,midang anglo in ka ko duh che" tih a rawn thawn leh a, a thu a duh dawn hle mai.







"Mahni thu duh deuh hi ka ngaina lo" ka tih leh chuan a reh vang vang.







A hnu feah, "anih leh Amelia ka ti ang che nga, kan inneih hunah Bawihi ka ti ang che" a tih chuan ka thaw hawk







A nupui tur angin min lo ngai ve ringawt a nih hmel.







"I nupui ka lo nilo maithei asin" ka tih chuan "Ini dawn alawm" tih a rawn thawn leh a ka ner sak






"Lo ni duhlo ta ila" ka tih leh chuan a seen min chhang tawhlo. Mahse, a hnuah ka phone a rawn ri nghal a, amah bawk.







"Aw" ka ti deuh tawpa, a thaw hawk. "Ka nupui ini duhlo ami?" A tih chuan "inngaizawng pawh kanni hleihnem" ka ti hap. "inngaizawng chu kan nih mai hi" a tih leh chuan ka ngawi reng.







"Ka nei tho ang che engtikah emaw Amelia Lalrinhlu" a tih chuan ka la ngawi char char. Mahse,ka hmingpum teh bawla min ko chu ka rilru ana deuh tlat nia.






"Ka hmingpumin min ko kher suh" ka tih chuan "I hmingpumin ka ko che a mahse, duatna aw ki in" atih chuan ka nui ta nge nge.






Mipa vawt leh sual hmel deuh anga lang si hi ka rin ai a fel dawn a nih hmel.





"Anih phawt aw in ka thleng ve deuh chiaha, kan intifai ve ange. Zanah ka lo be dawn che nia" a tih chuan "Awle awle" ka lo ti vat a, ka dah nghal.


End Of Chapter-8
Awiiii, vawiinah chapter thar ka type laiin noti a rawn thleng a, fb ka lut a ka thil post ka en kha chapter 7 chiah ka lo la dah a.


Website ah chapter-9 thleng ka lo dah tawh sia tunah ka rawn dah ve chauh. Zanah chapter 9 ka rawn dah leh mai ang aww


Show post links
Top

[Ngaia]

Officer Gabriel
Chapter-9
By-Effy Roxane


Hun kal chak zia hi ka ti thin, U Gabriel-a nen kan inbe ve renga tunah chuan inngaizawng ang tak tak kanni ve tawh





Kan leng chhuak dun fo a, tum loh deuhin khawlaiah kan inhmu fuh fo bawka, ka thiante hian an la hriat loh avangin ka be ngailo a, a thinrim phah fo reng bawk.





Christmas dam takin kan hmang zo a, ka birthday pawh a hnai ta viau mai. Ka birthday ni a hriat atangin min lawm sak a tum thu a sawi fo a,mahse thianhoa plan kanneih sa vek tawh avangin a tul ka ti lemlo.





"Amelia-i a ni em awh" chu message chu ka en vang vang a, number hlang atangin a ni. "Aw ni e" tih ka thawn let a, a dp ka en chu hmeichhia ania a hmeltha viau mai.





"Gabriel-a hi lo tibuai tawhlo hram rawh aw, a fiam kual mai mai che a ni tih hria la, tunah chuan kan inrem leh tawh a, lo tibuai tawh suh" tih a rawn thawn leh chuan ka bing chuk chuk thei.





"Tunge awh" a hnu feah ka reply ve thei hram. "Sangpuii, thlaleh maiah kan innei dawn tawh a ilo inthiarfihlim dawnnia, i duh anih chuan inneih sawmna te pawh kan rawn pe ve dawn che nia" atih leh meuh chuan awm ngaihna ka hre tawhlo.






Chhang tawhlo in Gabriela ka call a, ala la theilo zui. Ka message tone bawk a rawn ri leh a "Lo call tawh bawk lo ang che, tunah kan awm duh a, a muhil" tih leh a hnuaiah thlalak pakhat hi a rawn dah tel a Gabriela khumah kawr halo a a mu lai a ni a, ka en tawp ringawt.





Chumi zan,zankhua chuan mut pawh ka muhil theilo a, ka inngaihtuah ngut ngut reng. 'A bawl kual mai mai che' atih lai tak khan ka rilru a ti na ber.





A tukah chuan ka lo muhil ve aniang ka phone riah ka harh a, Gabriela alo ni, lakloh ka tum zet naa, enge a rawn sawi ka hriat duh vangin ka pick up hram





"Hello, good morning" engmah thlenglo anga a rawn ti thei chu ka ngei nghal hlur thei. "Hello Amelia" a tih leh chuan "um" ka ti tawp.





"Tihsual ka nei em?" A tih chuan "i nupui neihnaah chuan min sawm ve dawn em?" Ngeiawm lek lek a ka tih chuan, "Hrep tak chuan" tih hluk pahin phone a dah daih a, a chiang viau in ka hria.






Nilengin min rawn be leh ta lo a, Teresa-i a rawn leng a, titi pawh ka titi pui tha peih meuhlo.





"I û Gabriel-an nupui a nei dawn ami a?" Ka tih chuan "mawww?" A ti hu. "Nupui a nei dawn ami?" Ka tih leh chuan "Aniang, an sawi deuhin ka hria" a tih takah chuan beiseina tlem ka neih pawh a bo nghal vek.






"Engtikah nge a?" Ka tih chuan "thla leh lam an tiin ka hria" ati leh a, khanu thil rawn sawi kha dawt anilo tih ka chiang ta.





"Engtin nge i hriat a?" A tih chuan "miin an sawi a" ka ti leh tawp a, a awih aniang a bu nghat nghat mai.






Tlaia kan chaw ei laiin ka phone a ri char char a, tunge tih ka hriat avangin ka la peih silo a,ka chhungten min en hrek hrek hlawm a,mahse ka hrelo der hmak.







"I phone a rik chu va la ta che" U Joseph'an a tih takah chuan Ka tho a, living room lam ka pan a,ka phone lah chu ala rik chhunzawm char char.








"Aw" ka tih deuh tawp chuan "Amelia, min lo ngaithla lawk rawh" atih chuan "ka la buai" tih pahin ka dah hmak a,ka thaw chhuak nghal hak.







"tunge ni?" Ka pain atih chuan "vai aniang" ka ti ta tawp. Ka chhungte chu chaw ei chhung an titi an titi a,kei erawh ka ngawi ngal a, ka rilru nen ka kawm leh char char tawh.







"hey hey hey, i puar thei tawh ang em?" UGrace-in a rawn tih chuan ka harh zawk a,tumah an lo awm tawhlo. "Khawnge midang?" Ka tih hu chuan "an kham vek tawh" alo ti sap.







Hmanhmawh zetin ka tho sawk sawk a, min lo nuih char char. Chaw eina vel kan tih fel hnu a chhuah mai ka tum chu UGrace-in min lo ko ding a, thu turin min duh tih ka hria,mahse ka ding reng







"Rawn thu teh" a tih chuan ka va thu thla a, "Min hrilh duh em?" Atih chuan ka mittui a rawn hnam nghal tiam tiam.







"Sawi la,ka ngaithla ania" atih chuan "Ih maw, i bialpa ilo duh ve em em tawh khan thla leh maiah nupui anei dawn tih hre ta la engtin nge itih ang?" Ka tih chuan "Chu chu ama hrilh che nge midangin an hrilh che?" Atih chuan "A nupui turin" ka ti sep.







"Nichina rawn call tu che kha amah chu nge a nupui tur chu?" A tih leh chuan "Amah" ka lo ti deuh tawp. "Thil hrechianglo in eng nga tinge i biak duhloh ringawt. Bia la, thil awmzia hre chiang phawt rawh" tih pahin a tho a, choka atangin a chhuak nghal nal nal.






Ka inngaihtuah vang vang a, min lo call leh ve leh ka pick up tawh ang ka ti rilru neuh neuh.







"Lalrinhlu,engvanga engmah hre velo nge kan nih?" Ka room rawn luh paha Teresain a tih chuan ka lo en ha. "Eng nge?" Ka tih chuan "UGabriel-a nen inni tih engvangin nge i sawi loh" tih pahin kawng dawm meuhin min en kal.








"Tuin nge ti?" Ka tih chuan "Chutiang hriat a tullo" ati hlak. "Niaa, a chiang bik rihlo alawm" then lui paha ka tih chuan "Nupui anei dawnlo" a ti fak a, ka nui lui sak ringawt.







"Mn awihlo ve khanglang alaw?" Atih leh hlar chuan "Bengchheng suh" ka lo ti ve hlar. "Arini pawh alo phei dawn" atih chuan "Van ho tak e aw" ka ti hluai.






"Enteh, ka lo hrelo a, hmanni kha chuan cousin te chanchin pawh hrelo nih ka hreh a, ka lo aw ve tawp a ka hre reng reng hleihnem" atih leh chuan "Thinga" tih chiah ka sawi a,a thaw chhuak hawk.







Ahnu deuhah Arini a rawn lang ve hlawl a, kan in melh kual hrek hrek phawt.







"Enge a?" Arinin a tih chuan "Enge?" Ka lo ti ve hmak. "Sawi rawh a awmzia" a tih chuan, a tir atangin ka hrilh fai vek






"Chuan rawn biak che a tum leh tawh em?" Atih lai takin ka phne a rawn ri nghal a,kan en thap.





Ka phone lek zeuh pahin ka dar ka san ak. "La rawh" an tih chuan ka hreh ngang mai mahse ka la tho.






Kan ngaithla thap a, "Bawhi" atih chuan Laldingpuii a rawn khuh thawt a,ka thaw hak. "Bawihi" a tih leh chuan "um" ka ti tawp.






"Min lo ngaithla lawk" a tih chuan "sawi rawh" ka ti leh tawp. "I thu hriat kha a diklo ania aww. Nupui ka nei dawn anih chuan nangmah chauh ka nei ang che" a tih chuan ka thaw hak.






"Enge ka thu hriat a dikloh na" ka tih chuan "Sangpuii chu ka bialnu hlui a ni tih i hria alawm" atih chuan ka ngawi ngal.





Ka ngawih vang vang hnuah, "chu chu enge a pawimawhna?" Ka tih chuan Teresain min rawn nghawk sawk.





"Zosangpuii nasat zia i hriat kha" atih chuan "Ka hrelo" ka lo ti leh hmak a,a thaw hak. "Duhsakna ka hlan mawlh mawlh cheu" tih pahin ka dah hmak.






"Heyyyy, sawi fel pui ta che amak eee nangmah bak i hrehawm dawn chuanglo" Arinin a tih chuan "ka hrehawm lo ang" ka lo ti ve nghat.



End of Chapter-9

CHHIAR NGEI NGEI ANGAI

-Thiante uuu, rawn regu viauu ka tum tawh ania, chhungkaw buaina kanneih avngin story ka type tha hmanlo a, min lo hrethiam leh hram hram dawnnia aww. Ka inthlahrung tawh viau aa,damlohna te a ni bawk siaa min lo hrethiam leh hram dawnnia. Ka hun awlah ka type anga Christmas hma chuan chapter 1 emaw 2 tal pawh rawn dah hram ka lo tum dawnniaa🫶


https://chat.whatsapp.com/IT8ikd2v15kDztYwZzPKPT
(Grp join duh in lo awm tak in aw
Grp thar kan siam ve aaa)


Show post links
Top

[Ngaia]

Officer Gabriel
Chapter-10
By-Effy Roxane


"Nupui aneih tak tak chuan aww" atih leh chuan "Dawt min hrilh tak tak tihna a ni mai alawm" ngaihsam hmel zeta ka tih chuan an lo ner nang




"Diktak chuan maw, ka nunah bialpa pahnih chiah ka la nei, min kawp ve ve a, kawp tlak ka ni pawh a ni mahna" ka tih hap chuan Arini ka hnungah alo chul hauh hauh.




"Nilo angg, an lerh ve hrim hrim anih kha" Arinin a tih chuan ka tap chhuak hawk. "Awiii" tih hluai pahin min rawn kuah a, Teresa-i lah a lo tap ve bawk.




Nileng deuh thawin ka room ah kan awm a, a chang leh kan tap a, a chang leh kan nui ho a. Anni ang hi alawm ka bula awm a, ka harsat lai leh ka hlimna min tawmpui theitu, ka bula awm reng tura ka duh chu.



"Kan haw phawt ang, lo tap lo la aw" Teresa-in atih chuan ka nui hak. "Tap lo e" ka tih chuan "Zaninah kan leng phei dawn alawm ka lo tim ang" atih chuan "Tullo,ka chungchang sawi pui angailo" ka ti hluai.



Gabriel Point of view:



"Hre rawh i duh a i kal, ka ngaihzawng neih leh neih lohah i lo inrawlh a tullo ang" ka tih hrawk chuan, min thamlo zetin min nuih sawng a, hmeichhia chu nilo se kut ka thlak tawh ang.



"Henu hi anih ka ring min ngaihsak tak em em loh chhan chu" a tih sap chuan ka melh chhuk run ringawt.



A sawi diklo hranlo, Amelia hi ka nunah rawn langlo se Sangpuii nen hian kan innei tak tak maithei.



"Tunah chuan ka inthiarfihlim ang, mahse in lo innei anih pawn in nuamsa biklo ang" tih pahin a bag a la a, a chhuak nghal nal nal a, ka thaw chhuak hawk.



Amelia-in min be duhlo ania,inneih chu khawi lam. Ka bula bang chu ka hnek thuai ringawt a, ka thinrimna a kiam phah chuanglo.



Zanah ka haw a, ka chhungten zanriah an lo ei mek. Ka pa in min melh vang vang pahin "Gabriel rawn thu teh" a tih chuan "Chaw ka ei tawh" tih nghut pahin ka kal pel nghal


"Û rawn chhuk rawh ati Ka pa in" tih paha ka room kawngkhara ka nau rawn dak chu ka lo melh vung vung ringawt.



"Heyyyy enge?" Nuih hak hak paha a tih chuan ka nuih let suk. "Rawn chhuk rawh U Tere-i te chhungkua an lo leng" atih chuan Teresa-i pawh ka hmu hreh rum rum mai dawn alawm mawle.



Inhnuaia ka chhuk chuan min lo melh thap a, Teresa-i min melh dan erawh thip tha tak a ni.



"U Gabri,lo kal lawk teh heihi ka ti theilo" choka atanga Laldingpuiin a rawn ti chuan ka thaw hak.



Chokaa ka va phei chu rum theihtawpin min lo melh kur a, ka nuih leh suk ringawt. "Enge?" Ka ti nghut chuan "Suala, hmela hey enge i hriat a, Zosangpuii then loin Amelia-i ngaizawng suh ka ti che ni lawmni?" Alo ti nghal hlar. Engmah hi a hre ve silo aa




"Zosangpuii inei dawn anih chuan Amelia be tawh lo ang che" tih pahin a chhuak nal nal. Ava buaithlak thin em.



"I hria em?" A rawn tih leh thut chuan ka lo phu ve uih thei, "Ninawm" ka ti hluk chuan min rawn ban a, "Laldingpui" ka lo ti nghut.



"Ti lui na teh,i hre viau ang" atih chuan "Kal mai teh" tih pahin keimah zawkin ka kalsan nal nal.



Amelia point of view:



"Amelia, Duat duati hi lo kawm ve thin rawh aw" Pi Hruaiin atih chuan ka hawi let zawk, an inkawtah Duati nen Tea nen an lo thu rûn.



"Awle tehreng mai, bazar ah ka kal dawn a, eng nge in tih deuh thap a?" Ka tih chuan "Engmah ti hranlo ee, hei kan thu thawveng anih hi" tih pahin a nui hawk hawk a, ka nui let sak.



"I bazar dawn em ni?" Duatin a rawn tih chuan, "Awww, mamawh tlem leh mamawh lemlo te pawh a ni leh maithei a ni" nuih paha ka tih chuan "Tha tawk tawk lei rawh" ati ve var a, kut vei zeuhin kan garage ah ka luh san nghal.



Diktak chuan bazar tum em em pawh ka ni hranlo, rilru tih thawven paha scooty a tlan kual vel mai mai ka tum a, Zorinkima vang hian ka rilru a nat loh leh a hah ringawt zel
'Nupui hi nei ta se engtin nge ka tih ang' tihte chuan kan rilru an ti hah hlur thei.



MC kawtah ka ding tawp a, dawr thenkhat an in hawng a, thenkhat an in khar thap thung. Krismas leh Kumthar inkar a ni bawk nen. Naktuk mai ka piancham alo ni ve reng tawh a, ka ngaihtuah chian chang chu ka hnuk a ulh thin. Gabrielan min lawm sak a tum nen khan.



Hepa hi ka duh satliahlo tih ka hria, ni e, ka hmangaih alawm. Nilo se Sangpuii ka thikin ka rilru hi ana em em reng lo tawp ang



"Amelia" rawn ti tu lam ka en chu Ka û thian pakhat U Lawmkima alo ni, ka lo nuih ve var var a, mahse a hnunga lo kal ka hmuh chuan ka nui tawp chawt.



"Enge itih a?" Atih chuan ka rilru a let but a "Naktuk ka piancham a ni ve tawh sia ka tia, thil eng eng emaw kan en kual ve anih hi" nuih luih sâng paha ka tih chuan a hnunga mi chuan min melh reng tih ka hria, mahse ka melh tha ve duh thak lo.



"Eee, a ni maw..... Advance in piancham chibai leee" tih pahin a kut a rawn phar chhuak a, nui sangin ka lo vuan let vat.




"Ka lawm eee..." Ka ti thluk duaii a.. a hnung ami ka melh zawk chuan min lo la melh ngar ngar a, a kekawr ipte ala zen tut zui



"I tha maw?" Engmah thlenglo ang chuan ka ti chhuak phawng a, a bu nghut. "Nupui i nei dawn tih ka lo hria a, ka lawmpui tawp cheu" tih pahin ka nui lui sang renga, min ngei ve tawh viauin ania ka rin.



"I hre sual aniang" a tih sup chuan "sual lo aniang an sawi sup sup tlat" ka ti ve talh. "An sawi diklo anih chua" atih hluk chuan ka nui chhuak hak. "Awle" tih pahin U lawmkima ka melh a "Anih aw" tih pahin scooty ka ti nunga ka tlan chhuak nghal




Ka ngaihtuah let a,ka nuih aza zawk aw ki ngai parhin ka sawi tluan zak thei a. Kalna tur bik pawh hreloin ka tlan kual ka tlan kual a, a tawpah Hangi lunglen tlangah ka inkhalh chho hlawl. Min an lo awm nual a,a tam zawk chu inngaizawng anni tih ka hria.



Gabriel-a nen hun rei tak la inngaizawng in la inpawh lo mah ila, ka duh ve tawh em em a, ka hmangaiha ka vei bur ka ti mai. A nupui neih tur thuah vawikhat pawh ala in sawifiahlo, baka ka ngaithla lo ve hrim hrim bawk a. Mipa hi ka ring hleithei tawhlo a, a chhan pawh ka bialpa hlui vang khan a ni. Min bum a, ka hnehah a insawifiah, hun pawh ka pe bawk mahse a tawp a ka chan chu natna tho a ni a, ka tan chuan a harsa ve a ni.



Ngaihzawng tam tak ka la neilo pakhat chiah ka la nei a, Zorinkima nen hian a pahnihna a ni. Mi thenkhat chuan over min ti in ti lutuk mah mah min ti dawn, ni e, ka hria mahse keimahah hian mawlhtu engemaw a awm thin a, mipa rinna hi ka tlachham ka ti mai.



Thutna lo awmah chuan ka thu vang vang a, darkar chanve zet ka thut hnuah ka tho a, Khatla lam panin ka inkhlah haw nghal.



Rilru mumal neilo zetin ka awm tawp a, hun ka hmang liam a ni tawp mai



Ka birthday chuan ka thianten min rawn surprise ve ngei a, ka hlim hmel phena ka natna thup ka tum hram hram tih erawh an hre kherin ka ringlo.



"I birthday anih hiiii" tih paha Teresain ka hmui min nuih tir tuma a khawih chuan Arinin "Unaute u, hlim rawh u atih kha Deborah pawn" a tih chuan ka nui hak.



"I rilru ka hrethiam kherlo,mahse U Zorinkima pawh ka zilh ve" Terein a tih leh chuan ka nui hak a, Û Zorinkima a tig lher vang chuan a ni.



"Aho ka rilru ana hranlo" ka tih chuan min eiloh hmel zetin min melh ralh ringawt. "Ka lo suangtuah dan ka hrilh ang cheu aw" ka tih chuan an lo bu nghat.


"Ka birthday ah kan ina kan lawmnaah lo kal vein Birthday thilpek min hlan se, hlim takin ka tana ni pawimawh tak chu hmang ho ila" ka tih chuan ka sawi zawm theilo, ka hnuk a ulh ringawt niA



"AWIIII" tih hluai pahin min rawn kuah a"Zorinkima chu ala chaklo ang" tiin Arini a inhrosa nasaa.



"Hringnunah chuan maw Amelia, kan tana mi pawimawh tak ni tura kan rin ngai hauhloh te kan nunah an lo lut a, an kalbo leh a, thenkhat chu kan tana mi tha an lo nihloh avang te a ni châwk. Thenkhat erawh kan tana an pawimawh zia leh an hlut zia kan hriat nana kal bo leh te anni thin bawk. Chuvangin U Gabriela pawh i tana mi thalo nge i tana Pathian ruat tih i hriat nan Pathianin a la hrang ah ngai mai rawh" atih chuan
"Mitthi sûn ka ang" ka lo ti sep.


"I ngai ho anih kha" ati hlak. "Ni e, nupui a nei tak tak anih chuan leh vawikhat mah zaninah a rawn be lo che a nih chuan i tan a Pathian ruat a nilo anga, mahse zanina a rawn biak che chuan i tana Pathian ruat a ni ang" Arinin a ti ve sep sep



Dar 11 velah an haw a mu tura ka in tintuah mek laiin ka phone a rawn ri a, ka en chuan Gabriela alo ni.


Ka bengah Arini leh Tere-i te thusawi a rawn lang nghal zut zut thei.


• END OF CHAPTER-10
• A hmawr kan va han bawk teuh tawh em.....

Naktuk zan ka awl anga, a tuk lehah Pathian zara dam chuan ka rawn dah leh dawnnia..


Show post links
Top

[Ngaia]

Officer Gabriel
Last Chapter (ch-11)
By-Effy Roxane



(A tawp a note khu khawngaihin min lo chhiar sak vek dawnnia aww)


Engmah ngaihtuah loin ka pick a, "hello" a rawn tih dut chuan ka mittui a hnam thei.




Dik tak chuan ka zaktheilo ka ti ve tho. A chhan pawh a insawifiahna ngaithla miahloin ka rilru ana ve em em a, ka lo thik ve em em ringawt te hi a ho ka ti ve thin.




"Amelia" a rawn tih leh chuan "Aw" ka ti sap. "Piancham chibai le...." A tih sup chuan ka in sut hrak. "I tap ami?" Atih chuan "Aih" ka ti hlak
A rawn nui hawk a, ka mittui alo luang thei.




"Kum 24 ini tawh ania, tap suh aww" a tih chuan "Mawla" ka ti vak a, a reh vangg vang...



"Tinge ka mawl?" A tih chuan a naupangchhia ka ti. "Ka duh zia che hi i hre miahlo ami aa.." a tir a ring viau mahse a tawp lam erawh a zuih ral viau.



"Ka lo kal dawn" tih leh phone dah a rual a, ka insut hlawp hlawp.




Rei loah ka phone a rawn ri leh a ka la chiah tihah "Lo chhuak laa" a tih chuan ka inha lum sawk sawk a ka chhuak thla nghal.




Pawn ka chhuak chiah chu alo vawt vur a, kan in piah deuha a car nghenga alo ding run chu ka va hmu nghal a, hreh leh hnuhnawh deuhin ka va phei chhat chhat.




A bul ka va thlen chuan engmah sawiloin min lo kuah thlawp a, kei ka lo in sut nghal hlawp hlawp bawk.
"Tipalh aw, tipalh" tih pahin nghet zetin min kuah a, rawl chhuah meuhin ka tap tawh



Minute2 vel chutia kan awm hnu chuan thenawmte step ah kan thu dun a ka kut a vuan run reng bawk.



"I birthday present ka theihnghilh daih a" a tih chuan ka ngawi reng a, min rawn thlek vut chuan "Pawilo" ka ti sep.




"Min la hua ami" a tih chuan "Aih" ka ti vat. "Ka thiamloh a ni" a tih chuan "keimah zawk, i insawifiahna ka ngaithla hleihnem" ka lo ti ve sap sap.




"Innei daih ila i duh em?" Atih chuan "Mawla" ka lo ti hlak. "Ania lawm ka ta i ni tawh anga,fa te kan nei anga, hmeichhia nangmah ang deuh kannei anga" a tih chuan ka nui hak.



"I nui taaa" a rawn tih hluai chuan ka hnual rawih thei. "Nupui atan min duh tak tak amaw ka lo ti hman asin" ka tih chuan "ka duh che alawm, ka hmangaih tawh bawk che" a tih sup chuan ka en vat




"Min hmangaih maw?" Ka tih hu chuan "kumkhuain" alo ti leh sup. "Mahse Sang" ati chiah tihah ka hmui a rawn hup thut a, phawk zetin ka en.




"Home ah a awm" a tih chuan "mawwwww....?" Thei leh theilo in ka lo ti vak.




"A thuak alo fel vaklo a, ka ring renga a chhan chu kan inthen khan ka then niloin aman min then a, Sangpuii ex ka ni nih chu" a tih chuan ka ner nang.




"Chuan" ka lo tih chuan "A hnua min rawn tibuai leh kha amak ka tia, tha takin kan inthen kha ania. A chhungte zawh a tha ka tia, ka va zawt ngei bawk a, a û in hun engemaw atang khan amah a buai thut thin thu a lo sawi a" a tih lai mekin "A tawk" ka lo ti sep.




Ka lo tah leh ka rilru ka lo tih natna zawng zawng kha alo van ho tak ka ti rilru neuh neuh.




"Inneih iduh tak tak em?" A tih chuan "hna ka la nei silo" ka lo ti sep. "Aho ka chawm ang che" a tih chuan "Ka zirlai pawh ka la zawh loh hi, kum khat chiah angai tawh" ka tih chuan "Kan inneih hunah i kal zawm dawnnia" a tih chuan a hnungah ka beng taih..




"Ka duhlo miin min sawi duh leh dawn emai" ka lo hlak
"Ka tan te chuan i tuar mai ang chu" a tih chuan ngei zetin ka melh ringawt



"Eng hna nge thawh i duh hrim hrim?" A tih chuan "Sawrkar hna ka duh velo a, Mahniin dawr lian deuh changkang deuh nei ila ka duh" ka tih chuan "Eng dawr" alo ti sup. "Thuamhnaw" ka tih chuan a bu nghut nghut.




"I birthday a pel tep Happy Birthday emem aw ka hmangaihnu muttui le" tih pahin min kuah vang vang. "Va lit tawh rawh lee..." A tih chuan hreh deuhin inah ka lut hna hna.




Zingah mood fu em em in ka tho a, chaw kan ei lai te chuan ka khi thaw reng ringawt.




"I ha hni a ro vek ange aw" UGrace-in k beng bula a rawn tih chuan ka nghawk sawk. "Min hrilh ve ang che" a ti leh sap a a pasalin "ei ru ei ru" a tih chuan "i zaklo" an ti ngawt a




U Jo-an "Zanah i hre khawp ang" a tih chuan UGrace-i a tho daih. "Mama a mak thin iti zak thei lutuk" a tih chuan alo nui ringawt.




Ka lo tawh em ka hrelo hmanni deuh kha U Grace-i te pawn naute annei a, hmeichhe hmeltha zet mai annei a, Rinsangkima pawn a duat thiam viau. A hming min phuah tir a, Ngurzikpuii ka tia a duhlo em em a, Ka û in Rinmalsawmi a ti ve ta thung a, chu chu a pu hlen dawn ta anih hmel.



3 yrs later(kan ti deuh dawrh angeee)



Gabriel-an palai a rawn tirh atanga a kar khatna a ni ta. Keipawh ka tum ang ngeiin Thuamhnaw dawr ka nei ve ta ngei a, Zarkawt kawnah 'Amelia's tih deuh tawp ania kan lun ve viau thin.



Bungraw lain Thailand ah ka kal fo a, ka zin chhung a min ngai ber thin tu chu Zorinkima bawk a ni thin ang tih chu in rin thiam mai ka ring.




"Ka ta iva ni teuh tawh emm!!" WhatsApp a a rawn tih chuan "I zaklo" ka va ti ringawt.



"Angai alawm" a rawn tih chuan ka bulah awm se chuan ka khawng ang. "Tlaiah ka haw pahin ka rawn kawi dawn ania" a rawn tih chuan ka chhang tawhlo, a nitin hna a ni tawp tawh a, ngaiah ka nei.



A chang chuan min hne lo amawni te ka ti thin, nitin kan inhmu a, ka inneih phei chuan kan inhmu zing leh zual anga min hne lutuk ang tih ka hlau ve thin.




Tlaiah chuan a sawi ang ngeiin a rawn kal ta ngei a a thu ngawi ngul a, keiin ka buai san char char, November thla a ni dawn chho tan a keini pawh November ni 23 a innei turin min sawifel diam tawh.



"I kawr tur chu" a tih chuan "Enge?" Ka lo ti haaa "I thuitir ami?" A tih chuan "Aw gown hak dawn ro ro chuan kawl reng tur ka duh a, ka thutir mai" ka tih chuan "tha lawm" a ti nghut. "Tunge i suit i thuitir?" Ka tih chuan "Sawtah" ati ringawt.




"Haw rawh" ka tih chuan "min ve hne awm ve" a rawn ti hluk. "Lo thu tum vuau suh" ka tih chuan "a tha alawm" tih pahin a tho nulh a,a kal nal nal.




Dar rukah kan inkhar a, ka scooty in kan in lam ka pan nghal vang vang.
"Nini" Sawmsawmin alo tih chuan "min lo ngai em?" Ka tih chuan a bu nghat nghat. "Khawnge i u?" ka tih chuan U tea te in lam a kawk a, ka bu nghat.



Anni pawh naute annei ve tawh a, Kum 2 a ni tain ka hria.




Chhung inkhawm kan hmang a ka pa in "Hei Bawihi te pawh pasal alo nei ve dawn ta reng mai aa, inu nen kan ngaihtuah hi chuan a Awihawmloh lek lek zawk thin a. Pasal nei ve tur pawha kan rin ngai lemloh kha ania mahse hei Pathian remruat te pawh ania nge, pasal tur tha tak Pathianin a pe a lawmawm viau a, lawmthu sawi mawlh mawlh a tha" a tih chuan ka mittui alo hnam thei.




Zanah pawh chuan Gabriela chu ka be hmasa duh miahlo a, a rawn kal khan lawmlohna a nei deuh thin ka hre reng. Keipawh tikhan ka ti kher kha ka inchhir ve tho.



A ni pawn min rawn be biklo a, thil dang ka tihsan a, mahse ka rilruah a awm ve reuh reuh thei.




Dar 10 velah chuan a thei ta ngang lo aniang min rawn call a, lak nghal mai ka tum chuan ka nghak leh deuh rih. Rei ve a ring hnuah ka la ta chauh.



"Iva rei ve" a rawn tih nghal hluk chuan ka ner nawng. "Ka ngai che" a rawn tih leh tak sup chuan ka aw ka thian kharh.




"Ka bulah awm tawh la ka ti" a tih leh chuan ka nui hak. "Kar khat chiah angai tawhh" ka tih chuan "kar khat pawh hi a rei ka ti ka duat" a tih chuan engtin emaw ka awm



"Min ngai ve em?" A rawn tih leh ruih phei chuan "A tawkk" ka lo ti hluai. "Min ngai em?" A tih leh ngat chuan "Aw aw aw ngai ngai ngai" ka ti hlawk hlawk.
.
.
.
Hun a kal duak duak a, vawiin hi a ni taa, ni eee, kan inneih ni tur a ni ve ta.



Ka ngaihtuah hian kum 4 kan inngaizawn hnuah kan lo innei ve dawn ta mai a, kan inngaihzawn chhung khan kan inthen a, kan inbe duhlo a, kan in ngei ve thin bawk



Mahse, Pathian zarah in kalsan hlen tih te, inkara midang tla zep tihte kan tawng ngai tawh lo a, kan nun chu a tluang pup ka ti mai.



Biakin chhungah U Jacob-an min kai lut a, ka chhungte ka en chuan an mittui alo parawl kuang hlawm mai.



Pastor-in thu min chham tir lai chuan ka mitah tak a en kar aa, min ti zam lek lek



Pawn kan chhuak chiah chu ka beng bulah "I mawi lutuk ka duat" atih sup chuan "Nangpawh" la lo ti ve sep.



Ka lawi dawn chuan lawichalin Gabriel-a chu zai turin a ti tlat pek a, a zai ngai pawh ka hre silo a, ka lo in pet ruh fan ringawt.



Mahse a zai chiah chu ka meng phawk vakk ringawt. 'Beautiful in White' Westlife ho sak ngei mai mawi fahrana a sak chuan ka mittui alo parawl kuang thei.



A zaithiam tih ka vawikhat hriatna a ni.



Keimah ber pawh chu lawichal chuan Gabriela nu leh pa chu 'Ka nu' 'Ka pa' min tih tir a, ka ti ve thei mai.



Ka lawi taaa.



Zankhua chuan ka mut a phallo ni berin ka hria, a tuk zingah pawh thawh ka hai a, ka va han zak tak.



A chhungte lah chuan min lo fiam min lo fiam lehnghal. Ka sawi hmaih chu thianah Arini ka hmang a, a chhan pawh Terei chu "Kan inchhung sia" a ti ve deuh tlat.




Hun a kal duak duak a, kan inneih kum khat naah ka rai tih kan hre taa... Ka lawm lutuk awm ngaihna hrelo chu ka tap zawih zawih ringawt.



"Gabriel" khuma a mu chu ka va au a, a rawn hawi vut. Ka test kit chu zam deuhin ka va pe a, a hmu chiah chu a tang ka ti mai a che miahlo a test kit chu a melh vung vung ringawt.



"Heihi" a tih chuan "ka rai a" ka ti sep. A rawn tho hluai a, min rawn kuah chawt. "Ka lawm e, ka hmangaihnu" a ti sup sup.



Kan chhungte leh thiante kan hrilh chuan an lo lawm ve hlawm ngang mai. Teresai lah chuan "ka fate chuan in fate an ngam dawnlo nihhi" a ti ve deuh sek reng



Gabe nau lah chuan Ni nih hun mawlh a nghakhlel a, Ka nu(Gabe nu) nen naute kawr tur an rawn in lei chhawk sek ringawt a ka nui tawp zel tawh.



Rai lian tawh viau mah ila, dawrah ka awm ve reng peih a, Gabrielan a phallo viau na chu ka ti lui ve tlat.



Ka rai no lai khan Gabriela hi ka hua a, ka hmu peih thlawtlo thin a, room khatah pawh kan mu manglo.



Ka hmuhin ka ngei hlur a, ka hmuhloh hlekin ka ngai zel tho bawk sii. Keimah pawh ka inngei thin.
.
.
.
.
Ka rai tih kan hriat kha December ni 23 a ni a, a kum leh August Ni 27 ah chuan fanu duhawm em em mai Charlotte Ngurzikpuii Sailo Pathianin min pe a, khani baka hlim kha kan nei leh tawh pawhin ka ringlo.



Apa hian a atchilh bur a,zingah pawh office a kal lo rum rum thin, alo lei kan deuh hnu phei chuan Office a hruai phet a tum thina Kanu ten an khap thei hram hram.



Charlotte alo fel bawk nen tupawhin an la thei a, ka nu te lamin an lak phei loh leh in ah pawh A ni leh api a pu te ho hian min awl hne viau mai.


Mahse a pa a awm chuan tuman an pawm ve hman thinlo.




"Ka sawi kha ila hria em?" A rawn tih sup chuan "Eng?" Ka lo ti vat "Fanu nangmah ang deuh kan nei ang ka tih kha" a tih sup chuan Ka birthday zan kha ka hrechhuak leh roh roh.



"A mitah hi chuan nangmah a ang" ka tih chuan "Keimah a ang velo hi a mak zawk alawm" a tih chuan ka sa vek. "I zaklo" kan ti ringawt aa.




"Duhawm nu ka hmangaih lutuk cheu" a tih chuan ka lo nui hak hak.



-The END

KAN THAWNTHU PAWH ALO TAWP VE LEH TAA, MIN LO CHHIAR SAKA MIN LO HLUTSAK TUTE IN ZAVAI CHUNGAH LAWMTHU KA SAWI MAWLH MAWLH E...




Chapter hi 20/30 vel thleng daih a ziah ka tum em em kha ania, mahse a remchang nganglo a ni mahna. A inkarah pawh buaina nasa bon ultra pro max te kha thlen tir ka'n tum vei nen. KA TIHPALH A, CHRISTMAS LEH KUMTHAR NUAM DEUH VEKIN AWWW.... PATHIAN HRE RENG CHUNGIN TIH KAN BELH HARM AMGE




KHRISMAS LEH KUMTHAR HLIM TAKA HMANG TURIN DUHSAKNA KA HLAN MAWLH MAWLH CHEU A, KUM THAR LAMAH PATHIAN ZARA KAN DAM CHUAN THAWNTHU THAR NEN KAN INHMU LEH VEK DAWNNIA


Show post links
Top