Lost and Found Love BY Becca Lnz (Completed)

[Ngaia]

Chapter-25


Audrey Zomuanpuii POV



Lucus te in chu kan thleng a, chhungkhat laina hnaite an lo kim khawp mai, Lucus chhuah lawm nan chaw eikhawm an rawt a, kan thawm a tha hlawm viau. Chaw te kan ei a, zan lamah chuan an haw ta hlawm a, keini chhung pawh haw turin kan intintuah tan a, Lucus lah chuan a phal lo nasa.... "Ka haw a ngai alawm, hriatthiam tum vela" ka tihchuan a tum deuh hmuk a.





"Ni e.. Kan han haw phawt anga, palai te rawn tir tha leh ula, in awmdun leh vat dawn alawm, tuna in awmchilh zawng thikmawi a ni hrih love" ka pa in a rawn tih takah chuan a phal ve hram. Kan haw tur chu pawn thlengin min rawn thlah a, motorah chuan thu lutin Lucus chu ka bye zeuh a, a lo nui sak.





In kan thleng a, ka room lam panin intifai turin bathroom ah ka lut nghal a, ka chhuah rual chiah chuan ka phone khuma ka thehthlek chu a ri koh a, ka en nghal thuai "Ka ngai nghak che, lo kal mai ka duh," Lucus chuan a lo ti a, "Min va ngai hma ve, reilote chauh a nihkha kan inhmuh lo atangin" tiin emoji nui lai chu ka dah tel a, "Chu min ngai ve moah lo animaw?" a rawn tih lehchuan ka nui hak "Ngai e.... mahse phone khawih reng kha i tan a la tha lo ania, mut hahdam i mamawh" tih ka va thawn lehchuan "Min be peihlo a nih te chuan chhuanlam siam kual lovin sawi mai ta che..... Min ngailo tih ka hre mai, muttui" a rawn ti deuh hmak a nihchu.





Tunlai a awmdan hi ka hrethiam lo, patling pui si hi tihtauh a ching em em mai lehnghal. "Ka ngai che alawm, ka ngaihtuah vang zawk che in ania ka sawi" ka va tih leh pawh chuan a seen duh tawh thaklo. A pawilo, naktuk lamah ka thlem mai ang ti rilru chungin khumah chuan ka mu a, reiloah ka muhil nghal mai.





Lucus te in ka va thleng a, room lamah a awm thu ka nuin min hrilh chuan ka kal nghal vat, room chhung ka lut a, min hmuh chuan a hmel eng sawt chu ka hmu hman hram a, mahse a hawi sawn deuh hmak a nihchu. A la lungawi lo tih ka hre mai.





"I la thinrim em ni?" ka ti a, a hrelo der hmak, "Khatiang mai mai a thinrim rual pawh i ni tawh lo i upa tawh" nuih chunga ka tih leh pawh chuan min la chhang duh chuang miahlo anih chu. "Ka haw mai ang, min be duh bawk silo" tihpah a ka thochhuak chu rang zet hian min pawt in a malchungah chuan min hlang nghak nawlh a, a mah hmachhawn zawng chuan min siamrem nghal zat bawk.





"Ka ngai che" a ti sup a, "Keipawn ka ngai che alawm,ahse titau bur bur tawh suh i inhmeh lo ania" nui hak hak a ka tih chuan ka nak a rawn tham salh a, za ka ti chu ka tal nghek. Khumah chuan min lehthlahin ka chungah a rawn bawk nghak zat a, a rawn kun hniam ruai ruai a, a hmui chuan ka hmui a rawn si nghal chat, duhthawh zetin min fawp ngawng ngawng a, keipawn ka lo changlet nghal vat.





Ka kawr chhung chu a rawn dap a, ka hnute a rawn tham nghak tawn tawn bawk, ka thawk a rang tawh hle a, a ni pawh a thawk dan a dik tawhlo. Ka kekawr lama zet thlak a tum chuan ka lo dang vat, "Duhtawk ang" ka ti bah niai a, "Bawihi" a rawn ti khur hluk a, zen a tum lehchuan ka lo dang leh vat a, "Nilo... Kan insum hrih tur ani" ka ti leh sep a, ka awmah chuan a hmai a rawn phum a, a thaw deuh hawlh hawlh bawk.





"Kan inneih vat a ngai dawn ani" a ti hrawk. Ka lo nui hak thung a, "Ka ti tak tak ania, ka jnsum reng thei dawn hauh lo" tiin ka biangah a fawp zeuha a tho chhuak nghal. Inhnuai lamah chuan kan in zui thla a, kawtzawl ah chuan kan thu vel mai mai a, tlai lam a nihchuan ka haw ta a.





Lucus duh ang ngeiin palai te an lo kal chuan kan inneih ni tur an ruat fel nghal vek a, puitham taka inneih ka duh loh avangin holam te in inneih na pawh kan ti dawn a, a chhan chu a hmain nupa ka lo ni tawh tho a, pui taka tih leh kha chu ka zak ani. Kan inneih ni tur pawh an ruat hnai vet vet hle, Lucus a hmanhmawh lutuk vang vek ani, kar hnih tha erh awrh bak inbuatsaih nan hun kan nei tawh lo, mahse awlsam taka kan tih dawn avangin a zia phian.




.
.
Lucus nen kan inneih na pawh a rei veleh tawh a, kan nupa kar a tha hle bawl nitinin min duat zual zel a, nuam ka ti em em thin. A hna bang hmuak turin pawnlam thutthleng an dah ah chuan ka thu a, gate a motor rawn tlan lut ka hnuh chuan ka nui nghak ver ver. Motor atang chuan ka pasal chu a rawn chhuak a ka lam panin a lo kal mek bawk.




Ka bul a lo thlen chuan ka chalah a fawp nghal vang vang a, "Vawin lam te i lo chau em? ka fapa hian a lo ti byai lo che maw?" tih pahin ka pum puar ve ak tawh chu a chul zeuh a, tunah hian kan fa tur ka pai mek a, thla li lai a ni ve tawh bawk, Lucus hian mipa a nih a ring tlat a, hmeichhia pawh a ni maithei asin ka tih lahin, mipa a ni dawn tih ka hria a ti tlat a, ka hnial duh ta lem lo.





"Chau love, ichau zawk em?" ka ti a, "Ka hmu vhe a, ka chauhna zawng zawng a bo vek tawh" a ti a "Tirawh le inchhung lamah lut ang pawn chu thli a tam emai" tihpahin inchunglamah chuan min kuah lut a.




Hun hi a kal chak khawp mai, ka nau neih thla ani a, inring rengin kan awm a, nau ka lo vei thut pawha kan buai lutuk loh nan kan mamawh ang tur chu ka nu nen ka pack fel vek tawh a, Lucus pawh hna atang a rawn haw hma ta ziah bawk. Vawin lam chu ka pum a nuam thei derlo a, ka chhungte bulah ka sawi duh lemlo, a la nat lutuk loh vang leh a sehsam vel mai mai a nih ka rin vangin.





Zanriah eikham sitting room a TV enna ka thut lai chuan ka pum chu a rawn na ta vak mai a, ka kap lamah thil lum pup ka hriat chuan ka tuibawm a keh tih ka hre nghal mai, Lucus chuan min rawn buaipui thuai a, ka nu pawhin kan nula chu au in kan thil pack fel sa ho chu room a han la turin a hrilh nghal thuai bawk, damdawiin lam ka pan lai te chuan a na lutuk a, a rum leh kawk kawk thin.




Damdawiin kan thleng a, Doctor leh nurse ho chuan min lo buaipui thuaiin nau neihna ward ah chuan min nawrlut nghal vat a. Ka sang vak vak a, na ka ti a, ka chau tawh hle bawk, Doctor in a lu a rawn lan tawh thu a sawi a nurse te chuan sang leh bram hram turin min fuih mawlh mawlh bawk. Ka theiptawpin kan sang leh vak a naute tap ri ngak ngak ka hriat chuan ka hlimna chuan van a tawng hialon ka hria.





"Fapa duhawm tak i nei e" Doctor in a rawn tihchuan ka lawm lutuk avangin ka biang ah mittui a luang a, ka fapa chu ka hmuh theih turin a rawn dah a, a hmelhha takzet ani. Naute chu nurse in a pawm chhuak a, an hnungah kei min nawrchhuak nghak bawk. Cabin a min dah hnuah Lucus chu ka bulah a rawn kal nghal a, "Fapa duhawm tak mjn hrin sak avangin ka lawm e, ka hmangih che", ti supin ka chal ah a rawn fawp a, ka lo nui seih, ka chau nen ka lo muhil daih a, ka harh leh chuan kan chhungte chu cabin chhungah an lo awm thup tawh a.





Lucus chuan kan fapa chu a lo pawm hlun bawk. Ka harh tih a hriat chuan naute chu Licus in min lo pe vat a, ka hnute ka hnek tir nghal zat. Ka en vang vang a, min chhunna lai a tlem hle, Lucus chiah chiah a nimai, kan chhungte pawhin apa a chhun thu an sawi sap sap a, intih theih hmel zetin Lucus a lo hawi vah thung.





Ka fapa hmingah chuan a pute pahnih chuan Caleb Lalmalsawma toh an puah a kan lungawi tlang viau. Tunah chuan kan fapa pawn thla ruk a tling ve tawh a, a pa in a fuat bawk nen , kei ai mahin a pa a duh zawk emaw tih mai tur ani. A fel em em a, atap ngai mang mang lo, zanlai a a tah te hian Lucus hian a pawm vat zel a, min awl hneh thin viau.




3 Years Later




"Tah khan ding char char angche, thu awih duh reng reng lo mai" tiin ka fapa kum thum mi chu ka hrem a, a tah a chhuak si a tap ngam silo chu a lainat awm letling viau. Ka pasal hna atanga rawn bang chuan "Buddy" a rawn ti leh lauh lauh tawh a, a pa aw a hriat veleh rang zetin ka dingtir na atang chuan tlansawnin pawn lam a pan nghal, ka kohna te chu a hrelo der hmak reuh bawk anihchu.




A pafa inkoki chhuan chunga lo lut chu rum zetin ka lo melh dun a "Anu chu a mooh a thalo animaw?" a rawn ti sup, chutah kan fapa chuan "Papa... mama chu sual, Caleb kha a hau val zel a, hau hrep rawh" a ti zat zat a, a pa a nui chhuak hawk hawk mai. "Hauh ngaiin awm lo la ka hau nang che" ka ti a, "Buddy a pi te pute khan thil tha deuh an nei ania aw, pawn lamah apite bulah va kal rawh le" hlang thlak pahin a ti sup a, phur zetin pawn lam chu a pan nghal.





"Bawihi kan fapa hi duat ve deuh la, naupanb mai a la nihhi" a ti a, ka lam panin a rawn kal nghal zat "A harh dan hi i hre velo em ni, hmun dang hawi sawn zawk hlan hian thil pawi a lo khawih hman ziah, duat theih ni heklo, amah ang rual naupangah chuan a harh ber ang" ka ti hlak hlak a, a rum nghut. A fapa chhan hi chu a ti na ve ania






Zanah chuan mut hmunah ka titi dun mai mai a, "Bawihi kan fapa hian nau neih a chak tawh thu ka bulah a sawi asin" a rawn tihchuan ka awih lo lutuk ka ner nang a, "I awihlo em ni?..A sawi tak tak ania aw" a rawn tih leh sup chuan ka nui hak hak ringawt.




Ka chungah a rawn lawn kai a, "Nau i nei vat dawn alawm ka ti vek tawh, chuvang chuan kan siam nghal a ngai dawn ania" tihpahin min rawn fawp nghak tawn tawn a, duhthawh zetin ka lo chhanglet ve vat. Ka kawr a phelh a ani pawh a inphelh ve nghal.....





An chungah chuan chau zatin ka bawk thlar a, a khabe ka khawihsak neuh neuh bawk. "Ka hmangaih che" a rawn ti a, "Keipawhin ka hmangaih che" ka lo ti ve vat.





Harsatna tamtak tawkin hreawm tamtak kan tuar a, rei tak chhung kan awm hran hnuah Pathianin hun tha min pe leh in kan awmdun leh thei ani a. He kan hlimna hi tuman an tihchhiat ka phal leh tawh ngai lovang.



A TAWP TA.


A tawp na te a ni bawk a click kha min hmeh sak theuh turin ka ngen hmasa a che u, ka story min lo chhiarsak tute chungah thinlung takin lawmthu ka sawi a, duhkhawp loh lai in nei tam ang tih ka ring, in hriatthiamna ka ngen ani. Chuan ka story dawt leh tur FABIANA tihkha a prologue ka dah tawh a, lo chhiar leh theuh tur cheu in ka ngen a che u. KA HMANGAIH VEK CHE U🤍


Show post links
Top