Lost and Found Love BY Becca Lnz (Completed)

[Ngaia]

Prologue

"Ka ta i nih hi,khapa kha hmu tawh suh ang che" a ti hrawk a.A niin a duh duh a hmuh theih laiin engvangin nge ka thian chu ka hmuh theih loh bik ang ni?..

"I ta ka nilo,ka duh duh ka bia in ka hmu thei" ka hlauhna tih lan hlau tak chuan ka ti a,engtik laiin nge ka bul a rawn thlen hman pawh ka hrelo.

Lucus Hmingthanzuala=Hmeltha leh pa tak,lian leh sang tak feet 6'3 a sang,mahni thuduh tak leh tawng tlem em em,mize vawt tak nei.

Audrey Zomuanpuii=Hmeltha em em,feet 5'8 a sang,chhelo leh mi hipna ngah,nula fel leh rilru tha em em,harhvang tak leh induhtawk thiam em em mai.


Chapter-1




Audrey Zomuanpuii POV




Interview turin ka tlai mai dawn, vawin ni ber kher a thawh ka hai chu ka ngei reuh khawp mai, hmanhmawh takin ka insiam a,,room atanga chhuakin ka nu leh pate bulah chuan ka kal tur thu hrilh in ka chhuak nghal a, taxi a vang phian lehnghal, ka tlai ang tih ka hlau nen ka thinrim ru tun tawh mai.



Taxi ruak lo tlan ka hmuh chuan ka phar ding thuai a, ka kal duhna hmunte hrilh in kan tlan chhuak nghal a, rei fe kan tlan hnu chuan ka thleng hram e, ka hmaa building lian tak chhungah chuan ka pen lut a, mi an lo tam khawp mai.



Ka hming chu Audrey Zomuanpuii a ni a, kum 22 a upa ka ni,fanu mal ka ni a pianpui unau neih ka chak thei em em a, mahse ka nu hrisel loh na avangin fa dang an nei thei tawhlo ani.Chhungkaw pangngai tak niin chhungkaw inlungrual tak leh hlim thei tak kan ni.


Hming lam tuin ka hming a rawn lam chuan zam tak chungin room chhungah chuan ka pen lut a, a chhungah chuan mipa panga(5) vel hi an lo thu a, an zinga la naupan hmel ber chuan min melh ngur a, a landan chuan he company lian tak neitu hi a nih hmel.


A hmel chu nelawm loh viau mahse a hmelthat dan chu sawifiam thiam dan ka hrelo, a mitmeng rum em em te leh a vun uk kharh mai te nen mipa tih hian a sawifiah berin ka hria,mipa a ni bik ngawih ngawih.


Zawhna chi hrang hrang min zawt a, Boss ber tur chu vawikhat mah a la tawng velo, min en ngur a, min ti zam chhe lo chauh ani.



Interview ka nei zo a, ka tling a nihchuan phone a min rawn hrilh tur thu an sawi a, room atang ka chhuak chiah chu thawk ka la vak a, khapa mi uapna na lutuk avang khan thawk pawh ka thaw tha theilo a nihkha.



Ka riltam deuh avang chuan haw tlang lovin ka thiannu dawr hawn thar Bam Retaurant Mualpui Falkland Road a awm ah chuan ka kal a(heihi hmani deuh khan an hawng thar a lo va kal ve theuh ru aw),an thil siam chu a tui hlawm em em a, ka inhnawh puar hnu chuan in lamah ka haw tlang nghal a.



In ka thlen chuan "Mate, i interview chu i ti tha maw?" tiin min lo be vat a, "Ka ti tha chuan ka hria" tiin ka lo chhang ve thuai a.




Ka room lamah chuan lutin ka intifai nghal a, ka zawh hnu chuan room atanga chhuakin ka nu eirawngbawl chu ka pui ve nghal a, ka pa hna atang a lo ban chuan eirawngbawl pawh kan lo peih fel chiah a, ka pa hi zirtirtu niin ka nu chu inlamah a awm thin thung ani.



Chaw te ka ei zawh hnu chuan chhungkua in inkawm khawmna kan nei a, dar 8:30 a rik chuan ka room lamah ka chho a, ka chhoh hnu reilote ah ka phone chu a rawn ri a, ka chhan chuan ka hna dil a ka tlin thu chu min lo hrilh a, ka nu leh pate bulah ka kal thuai a ka hna dil a ka tlin thu ka hrilh chuan min lawmpui khawp mai.



Next Morning

Vawin hi hna ka tan ni hmasa ber tur a ni a,ka phur rualin ka zam hle bawk, ka hnathawhna tur hmun ka thleng a, he Company liam taka CEO P.A tur hi ka ni, kha mipa hmeltha tak leh meng rum em em kha..




Reception Counter ah chuan kal hi CEO P.A tur ka nih thu leh ka ni hmasa ber a nih thu ka hrilh nghal a, a ni chuan hmeichhe pakhat hi ko in ka awm na hmun tur a min hruai turin a hrilh nghal a.




Lift-a kan chuan lai chuan lo tawng chhuak in, "Ka hming chu Angela a nia" a rawn ti a, min nuih var var bawk a, hmeichhe nelawm tawk a nih ka ring a duhawm em em bawk, "Audrey Zomuanpuii ka ni e" ka ti sep a, CEO room bul thleng chu min hruaiin, ka hnathawh dan tur tlangpui min hrilh hnuah a let lenghal mai, ka thutna tur hmunah chuan thuin hna chu ka khawih nghal mawlh mawlh a.




Reilote ah Boss chu lo thlengin a office-ah chuan a lut nghal a, ka dawhkan a phone a lo rik chuan ka la vat a, Boss chuan a room ah min ko lut a,room-a ka luh chuan min lo melh ngur mai.




A hmaah tak chuan ka ding ran a, "Audrey Zomuanpuii maw?" a ti nghut a, "Aw" tiin ka chhang sep a, "Tha takin thawk ang che, hna tha taka i thawklo a nihchuan ban nghal i ni ang, a chiang em?" a ti leh hmuk a, "Aw, chiang e" tiin ka chhang leh thuai a, " Vawin ka hun hman dan tur va en la, darkar chanve hnuah min rawn hrilh ang che, chhuak rawh" ti chhum hmuk in a dawhkana paper ho chu a bih nghal daih a, rang tak chuan ka kal chhuak nghal a.




Vawin a a programme turte chu ka en nghal mawlh mawlh a,darkar chanve ral hnuah Boss room-ah chuan ka lut a, vawin a hun neih dan turte chu ka sawi mawlh mawlh a, min en chik lutuk avang chuan zam tak ka ni, ka khur ru der der hial mai.




Chawhnu lam dar 2 ah chuan pawn lama meeting chhuahna tur a neih avangin kan in zui chhuak a,meeting-na hmun tur kan thlen chuan an lo thu khup a, Boss an hmu chu ding chungin zahna chibai te an lo buk liam liam hlawm a, Boss chuan lu bu zeuh zeuh chungin a thutna hmun tur chu a pan zel a, a thut rual chuan midangte pawh chu thu turin a ti a.





Meeting an tan a, pawimawh tura ka rin apiang chu ka lo chhinchhiah zel a, meeting a zawh hnu chuan Company lamah kan let lehnghal a, Company kan thlen chuan " I thil chhinchhiah ho kha print la, min rawm pe ang che" ti hmukin a office-ah chuan a lut nghal a.




Ka thil chhinchhiah ho chu print turin ka kal a, ka print zawh chuan Boss office-ah chuan luh dilin ka thil print ho chu a dawhkanah chuan dahin ka chhuak lehnghal a.





Nula chhelo tak mai hi lo kalin, Boss office-ah chuan luh tlang nghal mai a tum a, "Miss, tunge i nih aw?..A luh tlang ringawt theih loh a,Boss " ka sawi zo hman lo, "Nangnu hian min lo dang ngam amaw?..Tunge ka nih i hria em?" vin takin a rawn ti a, "Min hrethiam la boss chu ka biak sak ang che" ka ti leh a.






Min melh rum tawh ngei mai, " Nang ang class hniam lutuk hian min chhang let ngam amaw lo ngai reng rawh, i hna atang hian i bang vat ang" a rawn ti vin leh tuar a.




Ka chhang let hmain Boss chu a room atang lo chhuakin keini lo in din chilh ran chu min rawn melh a, ka bula hmeichhia chu nichin mai a min melh rum em em a min vin hrep tu kha a ang leh tawh lo lutuk.




Boss ban ah chuan kuah a "Babe, henu thing zet hian i office-a ka lo lut tur min dang a" a ti no hnap a, sawi ve tur pawh ka hrelo, ka ding ngawi ran ringawt a.





Min hau dawn emaw ka tih hnuah chunu chu kaiin a room-ah chuan a luh pui ta daih a, ka lo thaw huai mai.





Hmeltha in chhelo viau mahse ka ngaihsan loh zawng tak ani,a mizia chapo leh mi hmusit a pek nat em em te kha, a nungchangah khan entawn tur pakhat mah ka hmulo.



Dar 5 a rik chuan haw turin ka in tihtuah a, Boss te pawh lo chhuak in khanu a bialnu khan min melh rum leh em em a,a pawi ka sawi awm pawh ka hre silo a, a huat zawng tak te pawh ka ni a ni mahna le...




Keipawh ka bag te la in haw tur chuan Company chu ka chhuahsan a, taxi ka hmuh chuan phar dingin kan veng awmna te ka hrilh hnuah a tlan chhuak nghal a.




In ka thlen chuan ka pa thutkhawmna hmun a lo thu ka hmu hmasa ber a "I hna chu enge a an?" tiin min lo be thuai a, "Ka rin aiin nuam ka ti, thil harsa lutuk a awm love" tiin ka chhang thuai a.




Room lamah chuan lutin ka inthlak a, ka zawh hnu chuan inhnual lamah ka chhuk lehnghal a, chaw ei te siam nghalin kan ei nghal a, chaw ei lai chuan ka pa in ka hna thar chu tha tak leh rinawm taka thawk turin min fuih mawlh mawlh a, ka nu pawn a lo zawm ve leh zeuh zeuh zel, nu leh pa tha tak ka nei hi vannei ka in ti hluah hluah.




Chaw ei na vel ka tihfel hnu chuan chhungkua in TV kan en a, dar 9 a rik meuh chuan mu turin kan in mangtha a, ka room ah chuan lutin ka in tihfai hnu chuan ka mu nghal a.




Vawin chu ka hnaah pawh ka hma khawp mai, Company ka thlen chuan hnathawk tura kal chu tlem chuah an lo la awm a, ka awmna tur hmun ka thlen chuan vawin Boss hun neih dan tur te chu ka check nghal mawlh mawlh a, Boss chu lo thlengin office-ah a lut tlang nghal a, a hnu reilo ah chuan a room-a luh chu ka dil a, a hun neih dan turte chu ka sawi nghal zung zung bawk.





Chhuah ka tum chuan min ko ding in, "HK Company ah va kal la file va la ang che" a ti nghut a, ka kal nghal tur thu hrilh in ka chhuak nghal a.



HK Company ka thlen chuan Reception counter ah ka kal a J&J Company atanga kal ka nih thu leh file lam tur a ka kal thu chu ka hrilh nghal sup a.



An Boss office ah chuan min hruai a,office-ah chuan luh ka dil a, ka luh hnu chuan J&J Company atanga kal ka nihthu te chu ka hrilh a, an Boss chu Henry Lalsangliana a ni a, a nelawm khawp mai, tlangval a la ni a, Mizo mipa ah chuan vantlang pawl tak ani.





"Mr. Lucus-a chuan P.A a nei chhelo leh mai" tiin min lo fiam a, a bula awm a nuam a, a tawng duh em em bawk, "Modelling lamah te hian kal i tum em? tiin min zawt thut a, hetiang zawhna min zawttu hi chu ka tawng veleh zeuh zel a, Mizo hmeichhia ah chuan sang pawl tak ka ni ve a feet 5'8 a sang ka ni, ka kawng hi a fek rât reuh a, ka awm bawr leh mawng bawr hi a vawng lah bawk, mahse modelling lam hi ka tui lo a, tih tum na pawh ka la nei ngai miahlo.





"Ka tuina lam a nilo a, bakah ka zeilo lutuk" tiin nui chungin ka chhang a, coffee te in dun in thil chi hrang hrang kan sawi dun a, a bula awm chu Mr. Lucus bula awm nen a inang lo khawp mai, Mr. Lucus bula ka awm chuan ka zam em em zel a, Mr. Henry bula awm chu a thlamuan thlak bik ngawih ngawih.




"Mr. Henry ka kal tawh ange" tiin ka thutna atang chuan ka ding a, "Mr tello khan min ko la, nalh ka ti zawk ania, Audrey tiin ka ko thei ang che tiraw?" nui var var chungin a ti a, "Tehreng mai, a nihchuan Henry ka kal phawt ange" tiin a office atang chhuah ka tum a, "Ka lo thlah ang che" ti sup pahin a lo ding ve nghal a, pawn thleng min thlah a, "Kan inhmuh leh vat ka beisei Audrey" a rawn tih leh chuan, "Kan inhmu leh vat dawn nia" ka lo ti ve sup a.





HK Company atanga ka chuah hnu chuan kan Company lam rang takin ka pan lehnghal a,Boss office-ah chuan luh ka dil a engmah chhanna ka dawnglo,kawngkhar ka kik leh pawhin chhanna ka dawng silo a, kawngkhar chu ka pawt hawng a, a chhunga ka thil hmuh avang chuan che lovin ka ding khawng reng ringawt a.


Cont.



Heti zawng hi ni phawt rawh se aw...naktuk zanah ka lo dah lehnghal dawn nia,chuan like leh comment kha lo pe sap sap ula ka lawm viau ang...


Show post links
Top

[Ngaia]

Chapter-2




Audrey Zomuanpuii POV





Boss leh nimin a min vin hreptu nu kha an lo in kiss ngawng ngawng mai a nihchu.





Ka lut tih hria in ka dinna lam chu an rawn hawi rual a, hmeichhia zawk chuan thinrim hmel deuhin min en a, "Nangnu kha engvangin nge phalna dil hmasa lo a i rawn luh?, nungchang mawi i va hrelo ve"vin hlar chuan a rawn ti a.





Luh ka dil reng, min chhan theih loh vang a luttlang zawk ka ni. "Ka tihpalh lutuk, kawngkhar ka kik a, chhanna kavdawn siloh vangin ka lo lut tlang a, min hrethiam rawh u" tiin chhuah lehnghal mai ka tum a, Mr. Lucus chu lo tawng chhuak in " File kha ka dawhkanah hian dah la, nidangah chuan fimkhur tawh ang che" a ti khauh fur a.






Ka file ken lai chu a table ah chuan dahin thinrim ru tunin office atang chuan ka chhuak nghal a, an mahni kha fimkhur ngai zawk chu an ni reng si...






Ka thutna ah chuan thuin nichin mai a ka thil hmuh te chu ngaihtuah chhunzawm duh lovin hna chu ka thawk leh mawlh mawlh a, Boss leh a bialnu te chu lo chhuak in pawnlamah an inzui chhuak nghal a, a bialnu lah khan min melh rum thei em em a, enge maw min huat ve em em ni?..





Chhun thil ei a hun chuan thil turin restaurant ah chuan ka kal a, Angela-i chu amahin a lo thu a, a bulah chuan ka thu ve nghal a.




Kan thil chah kan nghah mek lai chuan "Nichin khan Boss leh a bialnu lo chhuak lai kha ka hmu a, diktak chuan a bialnu kha chu ka ei tlawt lo a chhelo tih a inhre lutuk a, a chapo lutuk te hi ka ngei" Angela-i chuan a ti hmawk hmawk a, "Niminah tunge a nih ka lo hre silo a, Boss office a luh a tum kha ka lo dang a" ka ti sep a, min melh phawk viau mai, "I van huai em em ve...a nasa sia, zah a hre bawk silo amaw, tuman kan dang ngam ngai hleinem" nui pahin a ti a, tawi tein ka lo nui ve ringawt.





"Tak takin amah kha i hrelo ami? tiin min zawt leh a, " Hrelo" ka lo ti a, "Lily Lalrinmawii a nia,apa hi MLA a ni bawk sia, apa nihna a chhuang sia, mi hmuhsit a pe na ania" a ti leh hlak a. Kan thil chah te a lo thleng a, kan ei nghal mawlh mawlh a, kan ei zawh chuan ei man te pe in kan hnathawh na hmun veve kan pan lehnghal.





Ka let leh chuan Boss chu a lo thleng tawh a, tih tur tul ang te chu ka ti nghal zung zung a, tlai dar 3 velah chuan Boss chu lo chhuakin "Ka chhuak dawn a thil pawimawh a awm a nihchuan mjn rawn hrilh ang che" tih nghut pahin a pen chhuak nghal pawk pawk bawk.



.
.
.
File ka remkhawm mawlh mawlh lai chuan mipa pahnih hi an lo kal a, "BI Group atanga lo kal kan nia,Mr. Lucus-a hmuh kan duh a" pakhat zawk chuan a lo ti a, Boss chu a chhuah lawk thu a ka chhan chuan "Min hrilh sak lawk mai ta che aw, a pawimawh si a" tiin an sawi leh a, " Kan hrilh lawk ange" tiin, Boss chu ka phone nghal.






Phone lo chhangtu chu Boss a ni miahlo, hmeichhia hian min lo chhang a, "Khawngaihin Mr. Lucus ka be lawk duh a, phone kha i pe lawk thei angem?" ka ti sep a, "Tunge i nih?" a rawn tih chuan, a PA ka nih thu ka sawi a, chutah "Aw...nanghi a PA thing zet kha maw i nih a,hun nuam tak kan hmang dun mek a,a be chak vak chein ka ringlo" a bialnu ngei kha ani.






"Company lamah hmu turin mi an lo kal a, a pawimawh thu an sawi a, khawngaihin phone chu lo pe lawk mai ta che" ka ti leh a, "Nidangah lo kal leh turin hrilh mai rawh, a lo kal dawnlo" tih pahin phone chu a dah ta hmak a.





Ka thinrim lutuk chu phone ka melh nghek ringawt, "Boss chu a lo let hman tawh dawn lo a, nidangah in lo kal leh mai dawn em ni" inthlahrung tak chuan ka ti a, anni pawh chuan "Awle, naktuk lamah kan lo kal tha leh zawk dawn nia, kan thiam loh ani, sawi hmasa lovin kan lo kal ringawt mai bawk sia" tiin an let lehnghal a.







Hna ban a hun chuan company atang chhuakin taxi chu ka chang a, taxi lah chu a vang bawk si, ruah a tla ser ser bawk nen ka hmanhmawh rilru tawh khawp mai, chutia taxi ka chan mek lai chuan ka hmaah car a lo ding a, Mr. Henry chu car atan lo chhuakin, "Lo kal rawh ka lo thlah ang che" a ti a, "A ngailo, taxi in ka haw mai ang" ka ti a, "Taxi a van hmel em hi lo kal rawh, ruah do i duh loh chuan" nui suk chung chuan a ti leh a, ka hawi kual chuan taxi hman mai tur pawh a van hmel em em lehnghal.






Ruah a tla seng seng tawh bawk nen, hreh tak chungin a car ah chuan ka chuang lut a "Thlamuang tak khan chu rawh ka seh lovang che" nui vur vur chung chuan a lo ti a, ka bu zeuh ringawt.





Kan veng awmna te min zawt a, a kal na lam tur tho a lo nia, tlem chuan nuam ka ti ve ta deuh, ngawi rengin a car ah chuan ka thu reng a.





"Ka bula awm hi nuam i ti chiah lo em ni?" a ti a, "Nilo e, nuam ka ti lutuk alawm" ka tih chuan a lo nui chhuak hawk hawk a, "I hmel ka en kha chuan nuam i tih hmel chiah lo, ka seh lovang che ka tih kha" la nui reng chuang chuan a ti leh sup a, " Nuam lo tih chhan tur ka nei hleinem" ka nui sang bawk.





"Pawi i tih loh chuan thian ni ang hmiang?" a lo tih chuan,"Awle" ka lo ti sep a, kawng lakah chuan kan ti ti duh ta mawlh mawlh a, a tawng duh em em a, a bula awm a nuam em em bawk, Mr. Lucus hi amah anga tawng duh leh nelawm hi ni ve se tih ka lo ngaihtuah, aa.....beisei lo phawt teh ang.





Kan in zawnah chuan a ding a, lawmthu te sawiin ka chhuk nghal a, ruah lah chu a buak in baw zawih zawih tawh mai, in lamah chuan lutin ka nu chuan min lo pan thuai a "Ruah a sur bawk sia,ka lo ngaihtuah lutuk che alawm" a lo ti a, "Ka thian pakhatin min rawn thlah a" ka ti a, "Han inthlak vat rawh, kha i kawr te kha a huh si, i hritlang palh hlauh ange" a ti leh vat a.






Keipawh chu pindanah lutin ka inthlak nghal a, ka chhuah leh hnu chuan ka pa TV en chu ka zawm ve nghal a.




Zan lamah chuan vawt ka tih deuh vangin ka mu hma a, ka muhil thei silo chu in let tawn sekin ka ngaihtuah na ka kawm melh melh a, ka tum loh deuh in Mr. Lucus chu ka ngaihtuah chhuak a, a mitmeng rum em em te, a hmeltha tak te kha, aaa....keihi bialnu nei lai a nihkha ngaihtuah tawh suh tiin ka in hau ru mawlh mawlh a.



.
.
.



Zing lamah chuan ka harh hma khawp mai, in phih faiin inhnuai lamah chuan ka chhuk nghal a, choka lamah chuan lut nghal in eirawng ka bawl nghal mawlh mawlh a, ka nu le pate pawh reiloah an lo tho chhuak ve thuai a, ka nu chuan min rawn pui ve nghal mawlh mawlh bawk.






Ka pa chu thingpui thlit chhuah sakin a chanchinbu chhiarna lam ah chuan kalin thingpui chu ka pe nghal a, dar 8 a rik chuan chaw te eiin, ka eikham hnu chuan insiam turin room lam ka pan nghal a.






Ka inpeih hnu chuan hna kal tura ka chhuah tawh dawn thu ka nu leh pate chu hrilhin ka chhuak nghal a, taxi phar in ka hnathawh na lam chu kan pan nghal mai bawk.





Company ka thlen chuan lift-ah lutin ka table lam chu ka pan nghal a, vawin Boss schedule te chu ka en nghal mawlh mawlh a. Ka en mawlh mawlh lai chuan Boss chu lo thleng in a office-a lut turin min hrilh a.





A office a ka luh chuan min lo en ngur a, a hmel ah chuan thinrim na nei a ang, a dawhkan hmaah chuan ka ding ran tawh mai.




"Engvangin nge niminah BI Group atangin mi an lo kal tih min hrilh loh?,, thil pawimawh tak ania sin, ka chhuah dawn khan thil pawimawh a awm anihchuan min rawn hrilh rawh tih ka sawi lovem ni?" a ti vin thawt a, " Boss, hrilh che tumin ka lo phone che alawm, mahse hmeichhia in min lo chhang a, i biak hman loh thu in min chhan vang ania" ka ti ve ngat a.





"Tu teh hrep in nge lo chhang?" a ti leh hrawk a, "I bialnu khan" ka ti sep, ka rilru chuan i bialnu rilru chhe deuh khan ka ti a, niminah khan a pawimawh thu leh biak ngei ngei ka ngaih thu ka sawi a, min ngaithla duh lo a nihkha maw...




"Chhuak rawh" a ti chang leh bul a, ka tlan chhuak a ni hawt, ka thutna ah ka thu thla nghal dawt a, ka thin phu ran dan mai chu.






Computer-a thil pawimawh ka chhut luh mawlh mawlh lai chuan Boss bialnu kha a lo kal leh a, office-a a luh hma chuan ngeiawm takin min nuih sak a, hmmm....engatan mah ka tilo.






Ka dawhkan a phone chu a lo rin a ka la thuai, Boss chuan a office ah min ko lut a, Office ah chuan ka lut a, an pahnih chuan min en dun ran mai.





"Niminah min rawn phone i ti a,Lily hian eng phone call mah ka dawng lo ati si, nang hian dawt min hrilh em ni?" a ti rum ul a, rang zetin Lily lam chu ka hawi nghal a, ngeiawm deuh in a lo nui sung a, ka phone ngei ani tih hrechiang ber tu ani.




"Boss ka lo phone ngei alawm, chuan ani hian a lo chhang ngei bawk" ka ti a, ka dikna ah chuan tlawm mai mai ka tum bik teuhlo.





"Dawt sawilo mai teh, niminah khan Lucus phone hi ka bulah a awm reng, i hnen atang call a rawn lut lo hrim hrim, call list kan en leh pawn i rawn call na hmuh tur a awmlo" ti fuh in ti zetin a ti a.






"Ka lo call ngei a ni tih hrechiang bertu i ni, a pawimawh thu pawh ka hrilh vek che mahse min biak chak loh thu i sawi a nihkha, phone pe lawk turin ka ngen che a, mahse a lo kal loh tur thu sawiin phone i dah bawk" ka ti leh ngat a, Boss chuan tawnglo in kan pahnih chuan min melh a.





"Haha...dawt sawi pawh i thiam e, nang nen hian niminah kan in be lo hrim hrim dawt sawi tawh lo mai teh, hna atang ban i hlauh vang a nilo maw dawt i sawi?" ngeiawm takin a ti leh a.





"Hna tang ban maw,,hah....dawt ka sawiloh avangin ban hi ka hlau miahlo..chutia ka lo phone lo i tih chuan ka call list kan en ve dawn em ni?" ka ti a, a hmel chu a pha nghal dui a.




"Chumai pawh nilo in kan inbiakna zawng zawng kha ka phone ah record in a awm vek bawk" ka ti leh a, nichina tawng tur hre hle si kha ka neilo ang hmak a ni.





Chutah Boss chu lo tawng chhuakin "Chuchu thudik ani em?" a ti rum ul a, Lily chuan "Babe, dawt a sawi anihhi a lo phone lo" tim daiin a la ti cheu nia.




"Audrey i phone chu va la rawh" Boss-in a tih chuan Lily chu a hlauhthawn hmel tawh khawp mai. Ka phone la turin ka chhuak a, phone chu la in office ah chuan ka lut lehnghal, Boss-in ka phone a en zawh chuan a hmel chu rum tha tak ani ringawt.





Lily chu en in "Engvang teh hrepin nge dawt min hrilh" a ti thawt a,ka lo phu nghek mai, " Ba...babe,, khathil kha" tiin a tawng bah nawk nawk a..Keichu min en in "I chhuak thei tawh ang" a ti nghut a, ka chhuak nghal nal nal a. Office atang ka chhuak chiah chu ka inhum ruh zia ka hre chauh.



Cont.





Changtunu hi dawih deuh ang kha a ni dawn lo aw..chuan advertisment hi min click sak ve hram ru aw...


Show post links
Top

[Ngaia]

Chapter-3



Lucus Hmingthanzuala POV




Ka hmaa hmeichhe ding chu ka melh ngur a, ani vang teh hrep hian deal lian tham lutuk kan chan phah.




"Engvanga dawt min hrilh nge i nih?" ka ti hrawk a, sawi tur a hrelo a ni ngei ang chhuat lam melhin a ding reng a.




Ani hi ka hmeichhe kawp satliah mai a ni a, mite chuan ka bialnu emaw an ti vek thung. Amah hian min ta chei em em a, hmeichhia min zar buai rengtu te hnar bo dan pawh a thiam hle bawk, chuvang chauh a engmah sawi buai lova ngawi ka ni.





"Chhuak rawh, i hmel hi vawikhat pawh ka hmaah lo lan tawh suh ang che" ka ti rum ul a, thlaphan hmel tak hian "Chutiang chuan i ti theilo" a rawn ti a. "Ka thei tih hrechiang ber tu i ni, chhuak vat rawh" tih nghut pah in ka dawhkan lam ka pan nghal.





"Kha hmeichhe class hniam zet vang khan kan inkar hi i chhu chat ang maw?.." a rawn ti vin ve ta tuar a, "Kan inkar chhu chat tur hian enge kan inkar ah chuan awm?" ka ti hrawk.






Rilru nat hmel takin min en a "Kan inkar a thil thleng tawh zawng zawng kha i tan chuan engmah lo mai maw ni a?" a ti sep a, "Tunge min rawn pan hmasa thintu zawk, nanghi i nilawm ni?..I lakah hian vawikhat pawh beiseina ka la siamsak ngailo che, chu thil chu nangpawn i hre chiang bawk" ka ti chhuak hrawih.





"Engpawh sawi rawh, kan kalsan dawn chuanglo che" tih pahin a chhuak nghal a.







Ka seat ah chuan thu thla dawtin mit ka chhing zui vang vang a, ka mitthla ah ka PA thar Audrey hmel a rawn lang nghal a, ka hmuh tirh atang khan ka ngaihtuahna a luah reng chhan hi ka hriatchhuah vat a ngai ani.






Ka dawhkan a file ho chu ka check mawlh mawlh lai chuan ka office kawngkhar chu a lo ri a, lut tura ka tih hnu ah Audrey chu lo kalin meeting a hun tawh thu chu a rawn sawi a, file te chu la in ka chhuak nghal, kan hnungah chuan min lo zui ve zel bawk a.






Meeting te chu tan in, an hmachhawp te chu an sawi liam liam hlawm a, ka sir a thu vang chuan ka ngaihtuah naah engmah a lut thei derlo lehnghal. Meeting rei ka tih tum ber a la ni hial ang. Audrey nen lift-ah chuan chuang dunin banga darthlalang atang ka melh reng a, ka bula awm nuam a tihloh zia a hmelah a lang thei vek.






Chhun thil ei a hun chuan pawn lamah chhuakin restaurant-ah chuan ka lut a, Audrey leh hmeichhe pakhat lo thu dun chu ka hmu a, min hmu velo a ni ngei ang, thil ei pah chuan a tawng siam siam a, a nui hak hak thin bawk.




Ka thlir reng a, sawtiang hmel saw ka bulah a pu ngai lo, ka bula a awm chuan a tang tung zel tih ka hria, a mizia a engkim hian a nitel in min hip telh telh.





Ka thil chah chu lo thlengin ka ei nghal a, anni thian dun chu an eizo tawh a ni ngei ang counter lamah kalin an thil eiman an pek zawh hnu chuan an chhuak nghal a.



.
.
.

Ka office tukverh atang chuan Audrey haw tur taxi chang mek chu ka thlir reng a, chutia ka en reng lai chuan mipa pakhat bike khalh hi Audrey zawnah chuan dingin a bia a, ka in hum ruh nghal teuh mai.





Audrey chu chupa hnungah chuan chuangin an tlanliam ta a, thinrim ru tun in an tlan liam thleng chuan ka thlir reng.




"Lo ngai reng rawh, nanghi ka ta i la ni thuai ang" ti sup in office atang chuan ka chhuak ve nghal a.





In ka thleng a, garrage ah ka motor ka dahfel hnu chuan inchhung lamah chuan ka pen lut nghal a. Ka nau te chu ka haw tih hriain min lo lawm thuai a, phir niin an inngai dun em em a, ka lakah an pangchang dun viau bawk.







"Ka nu leh pate an awm lovem ni?" ka ti sup a, Jennifer-i zawk chuan " Aw..damlo an kan a" a lo ti thuai a, "U,, enge min lo hawn?" Jasmine-i zawk chuan a lo ti thung.





Piang tawh lo tura kan ngaih hnuah piang leh an ni a, chhungkaw note an ni tih an in hrechiang bawk a, an kum phuloh in an la nopangchhia bawk.





"Ka tihpalh ani....engmah ka lo lei hman lo a, naktukah thil tha deuh ka lo hawn ang che u" ti supin ka room lam ka pan nghal a. Ka thawmhnaw te phelhin inbual turin bathroom lam ka pan a. Shower-a ka in phuh tir lai chuan vawin tlai a Audrey phurtu kha tunge a nih ang tih ka ngaihtuah a, a bialpa a ni angem?..,,tih ka ngaihtuah lai chuan ka thinrim lutuk chu bathroom bang ka chum bur a.





A bialpa pawh lo ni se a then vat angai ngei ang, ka ta Lucus Hmingthanzuala ta tur chauh ani.

(Mipa POV hi ka ziakthiam lo lutuk a,chhiar dan min lo thiamsak hram hram dawn nia aw...)



Audrey Zomuanpuii POV




Nizan lam ka mu tha lo nen vawin chu lu na bur in hnaah ka kal a, computer ka khawih mawlh mawlh laiin Boss a lo thleng a, a office a lut tlang lovin ka table bulah chuan lo dingin "Coffee min rawn lak ang che" a ti nghut a, office chhungah chuan a lut nghal.






Coffee chu la in, a office chhungah chuan luh ka dil a, kut tura min tih hnu chuan a dawhkanah coffee chu dahin chhuah lehnghal mai ka tum a, "Chhuak turin ka tilo che" a rawn ti sup a, hawilet lehin " Mamawh dang i la nei em ni, Sir?" nui lui sang chung chuan ka ti a.






"Nimin a phurtu che kha tunge?" a rawn tih chuan hrilhhai deuhin amah chu ka melh a, "Sir i sawi awmzia ka hrelo" ka tih sep chuan a thutna atang lo tho chhuakin ka lam chu a rawn pan a.






"Hrelo der suh..Nimina bike a phur haw tu che kha tunge sawi rawh" a rawn ti hrawk a.






Ka beisei loh lutuk zawhna min zawh vang chuan chhan mai nachang pawh ka hrelo, "Engvanga ngawi reng nge i nih zawhna ka zawt che, min chhang rawh" a rawn tih leh thawt chuan ka phu dawrh mai.





"Ka thianpa a nihkha" ka tih sep chuan thaw huai chung hian min en reng a, "Tu mipa mah hnaih tawh suh ang che" a tih leh chuan mak ka ti khawp mai.




Engvanga chutiang sawi ngawt nge maw a nih le..? "Lunch eiturin min lo nghak ang che, i chhuak thei ang" a tih chuan rang takin ka tlan chhuak nghal a.





Office atang ka chhuah pawh chuan mak ka tihna a la reh theilo, engvanga khatia awm kha nge anih?





Chhun thil ei a hun chuan Boss chu a office atang lo chhuakin "Min rawn zui rawh" a ti sup a, keipawh chuan ka zui nghak thuai a. Company tang kan chhuah lai chuan hnathawk hoin zahna chibai an lo buk liam liam a, a bu zeuh zeuh ringawt.





Company kawt kan thlen chuan a car a lo ding ran a, "Lut rawh" a ti nghut a, engmah sawilo in ka chuang lut nghal a, motor chu rawn kal hual in driver side lamah chuan rawn thu lutin kan tlanchhuak nghal.






Rei fe kan tlan hnu chuan car chu ti dingin ka chhuk nghal thuai a, kan hmaah chuan restaurant changkang leh nawm hmel tak hi a lo ding luah a, chulam pan chuan Boss chu a kal a, a hnung ah chuan ka zui ve det det a, a pen hlawk si, a tlanin ka tlan titih a ni.





Boss chuan table a lo hauh lawk sa diam tawh a, chulam pan chuan waitress chuan min hruai a, engvanga helai hmuna min hruai nge a nih tih ka hrethiam lo.





Menu chu min pe in "I duh duh chah rawh" ti supin a menu ken lai chu a bih a, ka riltam tawh em vang chuan ka thil ei duh zawng chu ka chah ve nghal a, kan thil chah kan nghah mek laiin Boss chuan min melh ngur a. Ka zam lutuk chu ka khur ru der der mai.






Kan thil chah te a lo thlen chuan ka i nghal a, ka riltam tawh zia chu...."Zawi muang khan ei rawh tuman an ei zawh khalh lo angche" a ti a, ka bulah a awm tih pawh ka lo hre tawh derlo, ka zak lutuk chu khuk ral daih ka chak rum rum mai.





"Ka tihpalh lutuk ka riltam tawh lutuk a" ka ti sep a, "ei chhunzawm rawh" tih pahin a nui suk a, tunah khan a nui....a nui lai ka vawikhat hmuhna a ni, a hmeltha lutuk.





Thil kan ei mawlh mawlh lai chuan ka hnunglam atang chuan hmeichhe aw hian "Babe" ti ri ka hria a.




Ka hawi let chuan Lily chu ka hnung lawkah chuan a lo ding a, a bulah chuan hmeichhe pakhat a ding ve bawk.





Keichu min hmulo der hmakin, "Kan inhmu ta sa sa, min thlah rawh aw..." a ti no hnap a. "Ka hmanlo, taxi in haw rawh u" Boss chuan a lo ti hmuk a.





"Thinrim tawh lo la, ka thiamloh tih ka inpawm ka tihpalh, inngeih takin awm leh ang" a ti leh nar nar a. Boss chu ner sawkin "Ka bula ngaihdam dil tur i nilo in ka hria, Audrey bulah zawk hian ngaihdam chu dil rawh" a ti leh hrawih a.





Chutah Lily chu thinrim tih hriat zeta min rawn en in "Hetiang mi thing lutuk lakah hian ngaihdam ka dil ngai lovang" a ti vin tuar a.





Sawi tur hrelo in ka thu ngawi reng ringawt a, "A tawk a nihchu, vawikhat pawh ka hmaah hian lo inlan tawh suh ang che" Boss chuan a ti hrawk a, kei chu min rawn en in "Kal tawh ila" a rawn ti sup bawk.






Lily a biak dan leh kei min biak dan chu lei leh van ang vel a ni.





Ka thutna atang ka tho chiah tihah ka hmai ah chuan tuiin min rawn theh nghal thawt a, ka inring lo nen ka te that bawk.






Chutah thinrim aw vin tuar chuan "Nang hian ka bialpa hi i lo hnaih ngam vel amaw?" a rawn ti a, ka ngawi mai mai thei tawh biklo, thawngkam chhe lutuk in min tawngkhum reng chung pawn ka ngawi a, mahse tui a min theh man chu a hmu dawn chiang khawp.





Ka hmaa glass no a tui in hung chu la in a hmai ah tak chuan ka theh ve ta thawt a, a te tuar mai.



Cont.




Heti zawng hi ni phawt rawh se aw...hla zir ka ngai a, chuan click tur kha min click sak ve leh liam liam ula aw....


Show post links
Top

[Ngaia]

Chapter-4




Audrey Zomuanpuii POV




Ka hmaa hmeichhe thinrim hmai sen vek chu ka melh ngar a, "Na..Nang hian tuiin min theh ngam vel amaw?" a thinrim lutuk vangin a aw chu a khur deuh hlak hlak a.





"Min zawh ngai lovin ka theh ngam che tih chu i mitin i hmu reng a nilawm ni?....Chuan class hniam leh hmeichhe thing min ti a tiraw,, i nungchang hi a class bik vakin ka hrelo" aw dam dap in ka ti a. "Engthu maw i sawi a?" tih leh min rawn ben chu a tum a, ka lo awmsawn hman avangin dawhkan chu a bawh deuh rawk rawk. Boss lo che hrut chu ka mitsir in ka hmu ru reng bawk.







"Ka la tichhe vek ang che" a rawn ti leh nghek a, ka lo ner nang ringawt. Chuchuan a ti thinrim belhchhah te pawh aniang a kutzungchal a min kawk in "I la hre khawp ang, chuan ka bialpa hi vawikhat pawh lo hnaih tum tawh suh ang che" a ti leh tuar a. Boss chu a lo rum nghut mai.









"Mi awm tam na lai anihhi, insum deuh rawh, tiang chuan miten nungchang mawi hrelo leh hmeichhe thing an ti hloh/hlauh palh ang che" ka tih leh chuan, a mit atang lazer rawn kap chhuak tur ang mai hian min melh a, a tawng chhuak tawh em bik lo e.







Chutah Boss chuan LiLy lam chu hawiin "Ka hrilh chiang viau che in ka hria, nanghi ka bialnu i nilo, midang bulah i bialpa angin min sawi tawh ngai suh ang che" a ti hrawih a. Lily chu tap mai tur hmel a pu, ka khawngaih dawn lek lek mai.






"Kal tawh ila, hnathawh tur kan la nei tam ania" ti supin min en a, lu ka bu zeuh ringawt.






Boss chuan bill te tifelin restaurant chu kan chhuah san a, motor ah chuan lutin company lam chu kan pan nghal a.







Ka thutna ah thuin hna chu ka thawk zawm a, paper ka en mek laiin ka phone chu a lo ri a, screen chu enin min rawn call tu ka hmuh chuan nui har chungin ka la a, "I haw theih hunah min lo hrilh rawh aw, ka lo hruai ang che" thawven hmel zet hian a rawn ti a, "I hman lutuk, hna te thawk ve ta che" ka lo ti fiam a, "Ve che, ka lo hruai duh che chu lawm hle rawh" a rawn la ti ham ham zui....Ka haw theih hunah ka biak nghal tur thu hrilh in phone chu kan ti tawp a.








Dawhkanah ka phone chu dahin ka hawi chhuak chiah chu ka phu nasa lutuk, Boss chuan min lo melh kur a nihchu, "Tunge i biak kha?" a rawn ti hmuk a, "Ka thianpa a nia" ka ti sep chutah a hmel chu rawn rum zual sauhin "Ka office-ah rawn kal rawh" ti nghut in office-ah chuan a lut a.






A office chhunga ka pen lut chiah chu rum em em hian min lo melh a, a hmaah chuan ka ding ran, "Tu mipa mah be tawh suh ang che" a rawn ti hrawk a, mak ka ti lutuk chu ka meng bial kawk ngei ang le..






"Sir" ka ti sep a sawitur pawh ka hre chuanglo, a thutna atang rawn ding chhuakin ka hmaah tak chuan a rawn ding a, "Ka sawi chu i hrethiam em?..Tu mipa mah be lo la hnaih bawk suh" a ti leh sup a, ngawi rengin chhuat lam chu ka melh a.







"Hna banah ka thlah ang che, min lo nghak dawn nia" a tih leh a, "Ka thianpa khan min lo lam dawn a" ka sawi zawh rual rual chuan min thing deuh nawkin "Ka thil sawi kha i hrelo en mi...Tu mipa mah hnaih suh ka tih kha" a ti thawt a.






"Boss ngatinge hetiang hian i awm a?.." ka ti ta tawp, "I hrethiam lo amaw...Nanghi ka duh che" a rawn ti a, mak ti takin ka en reng ringawt. Tunah khan min duh thu a sawi, ka hriat sual emaw ka tia a, a hmel en tura ka hawi chhuah chuan min lo melh chhuk run a.






"Bialnu nei lai i nihkha, hetiang hian awm suh" ka ti leh hap ringawt. "Chu ka hriat miah lohin bialnu ka lo nei amaw?" kiai suk chung chuan a rawn ti a, chhan pawh ka chhang tawhlo.







"Banah chuan min lo nghak ang che" ti supin a table lam chu a pan a, ngawi rengjn ka chhuak ve nghal.







Ka thutna ah chuan thu in ka in ngaihtuah a, Mr. Lucus hian min hip tih chu ka phalo, mahse amah hnaih a awm ka duhlo, kan inkar ah engmah a awmlo chung pawn buaina ka tawk tawh chu ania, lo inngaizawng ta ila, aaa.....buaina ka hmachhawn char char a ngai dawn tih ka chiang, chuvang chuan a lak atanga inthiar fihlim hi ka ngai ani.




(Changtunu hian boss ti tawh lovin Mr. Lucus tih in a ko char char tawh ang aw..)



Hna ban a hun chuan hmanhmawh takin company chu ka chhuahsan a, Zorina ka be lawk sa tawh bawk a, gate pawnah a lo ding vang tawh mai.





A bike ah chuan lawn vat vat in tlan chhuak tur chuan ka hrilh nghal a, kan tlanchhuah dawnah Mr. Lucus thinrim hmel taka pawn lama a rawn pen chhuak chu ka hmu hman.







"Hey,, min chhang ve ta che!.." tih ri ka hriat chuan ka ngaihtuah na tang ka harh chhuak zawk a. "Engmaw i sawi?" ka tih deuh ha chuan chek tlak tlak chung chuan "Zomuani kha i la hria em?" a rawn ti deuh lang lang a, "Umm...College kan kal lai a i star druh thin duh velo tu che kha mi?" nui paha ka tih chuan "Kher a che...Ka star tih a hriat loh vang mai mai alawm" a ti a. Ka lo nui kur kur ringawt. Hnawl nih chu duhlo ve tak ani.







"Nizanah kan inbia asin" a rawn tih chuan " Eh...." ka lo ti fân ruih a. Zomuani hi hmeichhe fel tak a nia college kan kal chhung zawng khan ka thianpa ber bur hian a star thei em em a, mahse a hrilh ngamlo ngailo thung, "Thian ang in kan in bia a, mahse ka duh thu hi chu ka hrilh ve tawh ang, min pui a ngai dawn nia" a rawn tih leh chuan ka lo phur khawp mai.







"Tehreng mai" ka lo ti hluai a, kan in kawt ah chuan dingin ka chhuk nghal a, a lo lut ve dawn emaw ka tia, "He thu hrilh ka duh vang che ania ka lo lam che, ka lo lut lo mai ang" a ti a, in mangthain a tlan lehnghal a, keipawh inchhungah chuan lutin ka nu pangpar lo hung tha mawlh mawlh lam chu ka pan a "Nu, ka lo haw aw...room-ah ka han intifai anga, ka lo pui nghal dawn che nia" ka tih chuan "I chau ang, han mu hahdam zawk rawh" a lo ti thuai a, ka chauh loh thu te hrilh in room lamah chuan ka lut nghal.







"Nu, khawiah nge ka pa hi a awm a?" ka nu bul ka thlen veleh chuan ka ti a, "Thenawm te inah ka va lenglut lawk ange a ti a nihkha, a lo let tep tawh ang" tih pahin pot ho chu a hung tha a, ka pui ve nghal thuai.






Kan tih zawh chuan ka pa chu a lo haw ve nghal mai a, chaw ka ei nghal a.





.
.
.
.

Khumah chuan mu in vawin Mr. Lucus thusawi te kha ka ngaihtuah a, mut pawh ka muhil theilo, ka inlet tawn sek ringawt.





Nizan ka muhil har deuh bawk nen tuk dang aiin ka tho har a, thil ei in hmanhmawh lutukin ka in siam nghal zung zung, ka inpeih fel hnu chuan in atang chhuankin ka hnathawh na hmun lam chu ka pan nghal a.






Gate pawnah chuan ka ding a, ka lut hreh lutuk, nimin ka haw dawn khan Mr. Lucus khan min hmu a nihkha, a thinrim hmel si, hna tang min ban loh hram beisei ang.






Company chhungah chuan lutin, ka duty na lam chu ka pan a, ka thut fel hnu chuan hna chu ka thawk nghal a, dar 10 dawnah Mr. Lucus chu a lo thleng a, "Ka office ah rawn kal nghal ang che" ti hmukin a lut nghal.






Hreh tak chungin a office chhung ah chuan ka lut a, ka lut fel chiah tihah ban tha chak zet mai hian min man in bang mah cbuan min nawr bet nghal a. Mr. Lucus thinrim hmel lutuk nen chuan kan in hmachhawn ta ran mai.






"Engvangin nge nimina min lo nghal lo nge i nih?" a rawn ti hrawk a, a awm chu melhin ka ding ngawi reng ringawt, kan in awm hnaih lutuk a thawk pawh ka thaw tha theilo.







"Min chhang ta che" min thing nawk chungin a rawn tih leh hrawih a, "Sir min ti na ania" ka tih sep chuan a rum hak mai.






"Chuan khapa kha hnaih tawhlo tur chein ka ti bawk che, engvanga ka thu zawm lo nge i nih?..Min chhang rawh" a ti thawt a. Engvanga min vin reng nge a nih le?...









"Sir,, ka hnathawh naah chuan ka boss i ni maithei, mahse ka nunah in rawlh theih na dan i nei lo" ka ti a, chutah ka tukhum samah rawn thamin ka kuai dak a, ka rin loh lutuk in min rawn fawp anihchu.







Ka hmui tuma la fawh ngai lohna ah chuan min hrem tum ang maia na in min fawp buan buan a, a awm ah chuan ka nam ve tang tang, mahse kan inlen hleih lutuk, ani mipa ah pawh palian tak hi kei atan chuan hneh ngaihna a awmlo.






A kut pakhatin ka kut chu a rawn man bet nghal hmiah, a kut lehlam zawk chuan ka tukhum a la dawm reng thung. Min fawh na na lutuk chuan ka mittui a ko chhuak hial.





Min fawp ngawng ngawng a, a inlakhran dawn chuan ka hmui chu a seh a, ka rak that mai.






"Nanghi ka hmeichhia i nih hi, tu mipa mah hnaih tawh suh ang che, i hnaih leh a nihchuan kha ai na khan ka che tawh ang" a ti hrawih a, engvangin nge ka chungah hetiang hian a chet?..Ka rilru na leh thinrim lutuk avang chuan engmah pawh ka sawi theilo.






Ngawi rengin ka chhuak a, ngaihtuahna mumal pawh ka pu theilo, rei tawk fang ka thut reng hnu chuan in thing harh in phur lo deuh chungin hna chu ka thawk a.







Chhun chawlh a hun chuan Mr. Lucus chu office atang lo chhuakin table hmaah chuan a ding run a, ngaihtuah loh hmel fe in computer lam ka melh lui char char a, "Thil ei a hun tawh, dah la rawn kal rawh" a ti sup a, nichina ka chunga a chet dan kha hria ang pawn a awmlo, chuchuan min ti thinrim hlur bawk.







"Ka ril a tamlo" ka ti a, hawi pawh ka la hawi chhuak chuang lo, "Ka pawm chhuah kher che i phut loh chuan min zui rawh" a ti hmuk.






Ka hawichhuak ta nge nge, mitmeng thim ruih in min lo melh chhuk run a, rang takin ka hawisawn lehnghal daih "Khawngaih takin keimah hian min awm tir mai mai rawh" ka ti hap a, ka dawnkanah chuan a kut pahnih chu rawn nghat in a rawn kun hniam a, ka eu dawrh mai "Ka theilo, chuvang chuan min zui rawh, tun chauh hi ka sawi tawh ang, pawm chhuah che pawh ka hreh lo ania" tih nghut pahin a ding mar leh vut a.



Cont.


Adds click tur hi min click sak ve hram ula aw...


Show post links
Top

[Ngaia]

Chapter-5




Audrey Zomuanpuii POV





A mitmeng atang chuan a ti duh tak tak dawn tih ka chiang. Muangchangin ka tho chhuak a, a hnungah chuan ka zui ve det det.






Restaurant ah chuan lutin inhmachhawn zawngin kan thu ran a, eitur chu a man a chah vek a, ngawi rengin ka thu a, sawi tur pawh ka hrechuanglo.





Eitur kan nghah chhung chuan min en reng tih ka hria, mahse ka en let ve duh lo thung. Ka phone chu ka bag atang la chhuakin ka hmet nghal mawlh mawlh a, chutih lai chuan kan thil chah ho chu lo thleng in Mr. Lucus chuan "I phone kha dah la, thil ei rawh" a rawn ti hmuk a.







Thuawih takin ka phone chu dahin ka hmazawna eitur chu ka ei nghal a, kan ei zawh chuan company lamah kan let lehnghal.







A office chhunga a luh hma chuan "Banah min lo nghak ang che, min lo nghak lo a khapa khan a lo lam leh che anihchuan maw Bawihi...Ka chet dan tur hi i rin phak bak a ni ang" ti nghutin a office chhungah chuan a pen lut pawk pawk a.






Engvanga min thlah pawh chu tum phet nge maw a nih le?.....







Ban hunah chuan a office atang lo chhuankin kei ka thutna atang ka lo ding fel ve chiah bawk "Kal ila" a ti sup a. Ka inzui chhuak a a car ah chuan ka thu lut a, ngawi rengin ka thu a.





Lucus Hmingthanzuala POV





Ka sir a thu chu ka melh leh zeuh zeuh zel a, "Ngatinge hetiang hian i awm?" a rawn ti sep a, "Engtinge ka awm?" ka lo ti let.






"I hria alawm" a rawn ti nghat, " Ka sawi tawh kha kei hian ka duh che" ka tih sup chuan "Bialnu nei lai i nihkha hetiang hian awm suh" a rawn tih hap chuan "Bialnu ka nei dawn anih chuan nang chauh hi i ni ang" kiai suh chungin ka chhang a.






"Ka duh ve lo che, hetiang hian awm tawh suh, ka Boss i ni a chu thil chu a danglam ngai dawn lo" a rawn tih chuan "Boss leh bialpa chu ka ni dun thei reng" rum nghut chungin ka ti a.






Min chhang tawh lo in pawnlam chu a melh daih a, an in zawnah ka motor ka tih din rual chuan chhuk nghal mai a tum a, a ban ah ka chelh hmiah "Theihnghilh suh nang hi ka ta ka hmeichhia i ni tawh, tu mipa mah hnaih ngai suh ang che, nangmah chuan i tuar lovang i mipa hnaih apiang ten an tuar zel ang" ka ti a, ka hmel ah chuan ka tih tak tak zia a hmu ngei ang.







"Ka boss i ni maithei mahse ka chungah hetianga tih theihna dan hi i neilo, chuan...nimina min rawn lam tu kha maw ka mipa duh awmchhun a nihkha" a rawn tih sak chuan ka thinrimna chu a so bulh bulh mai.







"Engmaw i sawi kha...Han sawi nawn leh teh" ka ti hrawk a, a mitmengah chuan mjn huatna bak engmah hmuh ka neilo, "Aw....nimina min rawn lam tu mipa kha ka mipa duh awmchhun ka tan a mi pawimawh em em a nihkha" a rawn tih leh chuan ka lama ka pawt hnai hrawk a, a inring hmanlo nen a rak that mai.






"Min thlah rawh" a rawn tih leh that rual chuan a hnuiah na thei ang berin ka fawp a, rawn tal phat mahse ka vuan bet hneh lutuk a tal chhuak mai mai lovang.






A ka chhunga ka lei ka hawl lut tur chu a ka a chip tlat, a hmui hnuai ah chuan seh sak zeuhin a rawn an lai tak chu remchangah lain ka lei chu ka rawlh lut a, a ka chhung thuk thei ang berah chuan ka lei in ka hawl a, rei ngial ka fawh hnuah ka in la hrang a, ka inlak hran rual chuan ka hmaiah a rawn beng nghal.








"Vawikhatmah min ti lui tawh suh angche, chuan nanghi ka duhlo che a ka duh ngai bawk lo ang che, i bialnu chauh kha ngaihsak la keichu i PA ang khan min en leh rawh" a rawn ti tuar a.






"Thei ni ila hetianga ka awm hi i ring ami ?..Ka theilo a nihhi nanghi ka duh che, engvangin nge min duh ve mai loh?" Ka ti vin thawt a, "Mipa dang duh ka nei nang hi chu ka Boss ang bakin ka en ngailo che, chuvang chuan hetiang hian ka chungah awm tawh suh...I hnuaia thawk sathliah ang in min en la ka duh zawk" a rawn ti leh a.







A tha e...Hetiang khawo a min duh lo tu hmeichhia hi engvangin ka umzui reng bik ang?





"I duh ang chuan ni rawh se, chhuak rawh" ka ti hrawih a, a chhuah rual chuan motor chu start in ka tlan chhuak nghal.








In ka thlen chuan ka chhungte min lo biak na pawh chu chhanglo in ka room-ah chuan ka lut nghal a, tunah chuan ka kawchhung thinrimna te hi tihdaih ka mamawh ber.




.
.
.

Company ka thlen chuan Audrey chu a lo awm leh vang tawh a engah mah ngailo anga awm in office lam chu ka pan tlang nghal daih a, hnathawh mood ah pawh ka chenglo, ka seat ah chuan thu in ka maimitchhing a, kawngkhar ri rak ka hriat rual chuan ka mengchhuak nghal chuta lo lut ka hmih chuan ka rum nghut mai.







"Babe, ka ngai lutuk che a ka lo kal" Lily chuan a rawn ti a, henu teh hrep pawh hi ka ning riau tawh, min zar buai hneh mah mah...."Engvangin nge i lo kal?..Chhuak leh nghal rawh" ka tih hmuk, mood fuh loh nen ani hi ka hmu tui hlawl lo ani.






Ner nang chung hian ka lam chu a rawn pan a "I la thinrim reng em ni?Ka tihpalh a nihkha?" Tiin ka malchungah chuan a rawn thu nghal a, nam sawn ka tum lai takin kawngkhar chu lo kikin Audrey lo lut ka hmuh chuan Lily kawngah ka vuan nghal chawt a.






A mitmengah chuan enge maw a rawn lang zawk a, mahse a bo lehnghal vat bawk, "Boss file ah hian i signature a ngai a" a rawn tih sep chuan ngaihpawimawh loh hmel zet hian, "Dawhkanah khan dah rawh, chuan tihbuai ka duh hrih lo bawk ang" a mah pawh melho chuan ka ti a.








"Boss hethil hi a hmanhmawh thlak a, khawngaihin i sign hmasa lawk thei angem?" a rawn tih chuan dawhtheihloh hmel fe hian "Theilo, hei aia pawimawh zawk tihtur kan nei nilawmni?" Lily chu melhin ka nuih suk bawk.








"Chhuak rawh" Audrey ding lai chu melhin ka ti hmuk a, rang takin a tlan chhuak nghal. Ani hian min duh lo angin la g mahse min duh tih hi ka hria ani...Amah leh amah hi inbum a tum mai mai chauh zawk.






Lily nen chuan chumi ni atang chuan kan inzui nasa lehzual ta a, Audrey thik nana hnaih mai ka ni bawk.





Mahse Lily chu thik ang pawn a awm ngailo, min enliam tawp ni mai hian ka hria, chuchuan min ti thinrim em em bawk, Audrey pawh chu kha mipa phiangsen khan a hna bang hi a rawn lam ziah a, hah.....kei aiin a ni kha a tlang zawk a nih teh hrep chu!...




Cont.




Ka chau reuh lutuk a ka thluak a chawl duh mai, hemi zawng hi ni phawt rawh se aw...a lehpekah thui deuhin ka lo dah dawn nia....


Show post links
Top

[Ngaia]

Chapter-6





Audrey Zomuanpuii POV






Mr. Lucus office-ah chuan a signature la turin ka lut a ka thil hmuh avang chuan ka ding chawt, Mr. Lucus malchungah Lily chu a lo thu a, a kawng ah Mr. Lucus an a vuan bawk. Ka chhungril chu a rawn na zawk a, engvangin nge ka lo nat ve ngawt ni?....








A dawhkana file chu dah turin min ti a, mahse a hmanhmawh thlak thu ka sawi chu a aia thil pawimawh zawk tihtur an neih thu a sawi a.







Engah mah ngailo ang chuan file chu dah hmakin ka lo chhuak nghal a, ka chhuah fel hnu chiah chuan ka zawi hnawk thei. Nie...ka thik ani.






A eng zawnga thlir chu ka tum hram hram a, min duh thu a sawi pawh kha dawt vek a ni tih a chiang nghal. Dawt a ni tih hrelo in lo chhang ta ila, min nuihzat ngawt ang chu...



.
.
.

Kar khat zet a liam leh tawh a, Boss leh Lily te pawh a hma zawng aiin an in zui nasa, ka thik thei em em bawk, mahse tihlan chu ka duh bau lo thung.







Hna ka thawh laiin Lily chu a lo kal a, office chhunga lut nghal mai lovin ka dawhkan hmaah chuan a lo ding a, "Hmeichhe khawngaih thlak....I nihna chu tikhan i chiang tawh em?..Lucus-a hi i phulo, lo tih buai tum tawh suh angche, nang ang hi chu enga tan mah a tilo" ngeiawm zeta nuih pahin a rawn ti a.






Vawikhat pawh hnaih ka la tum chhin ngailo tih hi hria se a a thusawi zawh chiah avang khan a zak ngawt ang chu..."Ohhh....Hnaih ka tum lai ka hriat miah loh laiin nangchuan i lo hre bik a nimaw...ropui khawp mai" tih pahin kut ka beng a, a huat tawk a tling leh hle tawh aniang a meng sala leh tawh khawp mai. Anni ang hmeichhia hi chu thinrim khum duh miahlo ila a huat tawk a tling em em tih ka hre ve tlat.









"Hre rawh i hna atang hian ban i ni thuai ang" ti leh in office-ah chuan a lut nghal a, ka hlauh a ring emaw ni...Min ban engang pawh nise he hna lo hna dang a tam emai, pawi ka tih loh zawng tak ani.






Ka dawhkan a phone chu a lo ri a ka la nghal vat, Mr. Lucus chuan coffe no hnih pe turin min rawn hrilh a, a ofgice chhungah ka lut peih vaklo asin le.....






Coffee no hnih chu office chhungah chuan ka keng lut a, Lily chauh ka hmu a, Mr. Lucus hmuh tur a awm miahlo. Table ah coffee cbu dahin chhuah lehnghal mai ka tum a, "Chhuah nghal mai i tum en mi?" Lily chuan a rawn ti a, "Tihtur ka nei tawh loh cbuan ka chhuah mai loh in" ka ti nghat. Engvanga min be reng nge maw anih?.






"La awm ve hrih rawh, coffee kan in zawhah i duh chuan i chhuak dawn nia" a rawh ti leh, "Engvangin nge in coffee in chu ka nghah ang che u?" Ka tih chuan, "Hah...kan in duat lai te pawh i hmuh chak ka ring deuh mawle" a rawn tih chuan nui sak chungin "Ka hmu peih lem lo e, chu lo ah mite angin hun awl ka nei velo hnathawh tur ka nei tam lutuk a, hun nuam tak lo hmang rawh u" ka ti a.







Couch atanga lo tho chhuak in table a coffe cbu a ban nghal bawk...Ka hmaah rawn ding in ka rin loh lutuk in a coffee ken lai chuan amah leh amah a inleih a nihchu, ka hrilh hai lutuk chu en mawl tawp ringawt, chutah tap chungin "Ka tihpalh khawngaihin min ngaidan rawh" a rawn tih chuan a chezia chu mak ti takin ka en reng ringawt.







Chutih lai tak chuan mipa aw khauh fur hian "Engthil nge thleng?" a rawn ti a, ka hnunglam ka hawi chu Mr. Lucus chuan thinrim hmel lutukin min lo en reng a, "Babe, hmani a ka thil tih vang khan ngaihdam ka dil a, a thinrim thut in coffee in min leih a, mahse a pawilo ania, heichu ka chan tawk reng anih hi" mittui tla pur chungin a tawng zawt zawt a.







Engmah sawi ngaihna ka hrelo, ka ding gawi reng ringawt, Mr. Lucus chu Lily lamah chuan a kal a, Lily chuan a lo kuah nghal, "Tu ah nge i ingaih hrep a, ngaihdam dil rawh" a rawn ti vin thawt a, Lily nui sak chu ka hmu reng. Engmah sawilo in ka ding reng a.






"Ka sawi chu i hria em?...Ngaihdam dil rawh" a rawh ti leh hrawk a, ka thinrim ve ta phat "Ka dil lovang, engmah tih sual ka neilo" ka vin lo mahse ka thinrim lutuk chu ka puak keh lo chauh.







"Babe...Ka thiam loh alawm, a pawilo ania" Lily chuan a ti a, lemchan thiam lutuk mai...






"Nilove, ngaihdam a dil ngei ang che" a ti a, duat hmel takin a en bawk, ka na vawng vawng mai. Chutak ka lam lo hawi in "Ngaihdam chu dil rawh" a rawn ti chang leh bawl a, teuhlo...








"Ka sawi tawh kha ka dil dawn lo, engmah tihsual ka neilo" ka ti leh a, min pawhsawm vek chak hmel takin min en a, "Ban i ni, he company leh a chhehvel ah hian i hmel rawn lan tawh suh ang che" a ti hrawih a.








Ka thinrim na leh ka i sum ve na zawng zawng chu a puak keh a ni ber "Awle...Hetiang company engmah hrechianglo a thutlukna siam thin dikna in ro a rel lohna hmun, min rilru chhe zet zet te awm khawm na hmunah hian ka thawk peih tawh biklo e, chuan i mi ban na chu lawm takin ka pawm e" ti ve sakin ka chhuak nghal vang vang.







In lamchu muangchangin ka pan a, min ngen lawm lawm pawh nise kha company ah khan ka let tawh hauhlo ang.







In ka thleng a, ka nu in min hmu chu mak a tih hmel ang reng hle...."Mambawih ngatinge i lo va haw hma ve, i damlo em ni?" a ti zung zung a, "Nu hna atang ka bang" ka tih chuan "Ngatinge a va mak teh thut ve" hrilhhai hmel tak chuan a rawn ti leh a, "Nu engmah ka sawi peih rihlo ka chau deuh sia ka mu hahdam lawk dawn aw...." ka ti a, min hrethiam takin mu turin min ti a.








Room chhungah chuan lutin khumah chuan ka letthla tawp a, ka thinrim rilru na bawk si chu ka tah a chhuak vek a, mahse kha mite vang mai mai khan ka mittui hi ka ti tla lovang tiin ka infuih mawlh mawlh a.







Tlai chaw ei hun velah chuan room atang ka chhuak a, ka nu in ka pa chu a lo hrilh tawh tih ka hre mai a, kan chaw eilai chuan ka pa in hnual nan hmanglo turin min ti a, engvanga bang nge ka nih tih min zawt lo hlauh a ka lawm takzet.







Ka room tukverh zawn a ka thut ngawi reng lai chuan ka phone chu a rawn ri a, no. hlang a tang anih vangin lak loh ka tum et et a, thil pawimawh a lo ni thei ti a ngaihtuah lehin ka pick up a, lehlam a lo tawng ri ka hriat vang chuan ka in humruh nghek a.







"A teuhlo, min ban tawh a, hna thawh tur ka nei tawh hleinem" Ka ti vak a. Mr. Lucus chu a rawn rum nghut a, "Naktukah hna thawk turin rawn kal ang che, tun bak hi ka sawi nawn tawh lo ang" a rawn tih chuan, ngeiawm zetin ka lo nui hak, eng angah nge maw min ngaih ni? A duh duh a tih kual tur ka ni love.







"Hnathawk tura min rawn sawm chu ka lawm viau rualin ka hnial mai ang che, i company a hnathawh kha ka phur teh chiamlo a, chuvangin ka hnawl ni rawh se" ka ti chang fak a.







"Zomuanpuii min hnial reng lo in rawn kal ang che, i rawn kal lo a nih chuan i inchhir khawp ang" a rawn ti hrawk, ka hlau lo ve chiang e,, ka chungah eng thu neihna mah a neilo.







"Awle, ka lo kal chuanglo ang" tih pahin phone chu ka cut nghal hmak a, min rawn be leh ngam ringawt pawh khan ka thinrimna a tizual.







Ka thinrimna tih reh tumin ka puan sin lai chu ka hmer vak ringawt, a reh lem hlei lova, mutthilh tumin khumah chuan ka mu ran a, ka muhil theilo, a bialnu nasat zet vang khan min vin a, haa atang min ban bawk, chuan hna kal leh turin min la rawn ti ngam leh ngat bawk a, zaklo lutuk mai.








Dar 3 dawnah ka muhil ve thei chauh a, zing lam pawh ka tho hma vaklo khawp mai, room atanga chhuakin choka lam ka pan nghal a, ka pa chu hna kal turin a lo chhuak tawh.






Ka nu chuan chaw ei nghal turin min ti a, keipawh chuan ka ei nghal mai.







Dar 11 dawnah Zorina a lo lang hlawl a ghawven hmel zeta rawn lutin ka thutna bul chhiah ah chuan a rawn thu thla dawt a "Hna atang i bang tih ka hria a, ka lo leng, vawinah engmah tihtur i neilo tiraw?" A tih chuan "Umm...nei lo" ka tihchuan "Tha lutuk chhuak dun ang, kan chhuak dun khat tawh lutuk, han insiam la ka lo nghak ang che, rei miah suh" a ti nghal ham ham.






Keipawh chu in tih thawven nan a that ka rin vangin hnial buailo in room lamah insiam turin ka lut nghal a, ka thawmhnaw hak turte chu la chhuakin ka in thawlh nghal a, make up tlem inbelin ka chhuak nghal a.








A bike hnungah cbuan ka thu vang a, "Khawiah nge kan kal dawn a?" Ka tih chuan street food ka ei dawn nia a tui deuh na ka hmuchhuak a, a rawn ti a.






A sawina hmun kan thlen chuan eitur vel chu a lam nghal a, kan ei mawlh mawlh lai chuan vawileh khatah hnung min pawt hnung hrawk tu an awm vang chuan ka te chhuak that a.



Cont.




Click tur kha min click sak ve hram hram ru aw....


Show post links
Top