Lost and Found Love BY Becca Lnz (Completed)

[Ngaia]

Chapter-13



Lucus Hmingthanzuala



Engtinge Bawihi rilru hi ka hneh sak theih ang, thlathar kan chuang kai leh tawh a, min biak pawhin a tul tawp lo ah chuan min be ngailo, ka thiamloh a ni tih ka hria, insawifiah a tum lai khan hniallo in lo ngaihthlak sak tur ka ni a, ka thil hmuh khan min tih thinrim em avangin engmah ngaihtuah chiang lovin thil ka ti a, ka lak atangin Bawihi chu hla taka a awm phah ta si a ka ngai a, kuah ka chak bawk, mahse ka bulah a awm duh tawh silo.





Ka in ngaihtuah mawlh mawlh lai chuan ka office kawngkhar chu an lo kik ri a, lut turin ka ti sup, kawngkhar chu lo inhawng in Bawihi chu a lo lut a a kutah lehkha a keng ran bawk, engthil nge tih ka ngaihtuah lai chuan ka dawhkanah lo dahin "Ka banna lehkha" a rawn ti sep. Ban a tum thu a sawi khan a tih tak tak ka rin loh vangin engah mah ka lo ngai lova, mahse a lo ti tak tak a nih hi, engang pawn ban tum mahse a bang dawn lo hi a ni tawp.





"A theih loh, i bang dawn lo" ka ti nghut, "Thei e, thla ruk ka thawk tling tawh chuvangin ka duh chuan ka bang thei" a rawn ti hlak a, "Ka phalna tello chuan i bang theilo tih i hriat ka ring, chuan he lehkha ah hian ka sign dawn hauh lo bawk" kiai suk a ka tihchuan min melh rum ngei mai, "Sign vat mai rawh, he company ah hian ka thawk duh tawh lo, nang hmuh reng che pawh hi ka peih tawh lo" a rawn ti tan tan a, "A teuhlo, nanghi ka bulah i awm reng ang, khawiah mah i kal dawn reng reng lo, chuan ban lam kha chu ngaihtuah pawh ngaihtuah duh tawh suh i bang dawn lo" ka tih chuan thinrim takin a chhuak nghal.




.
.
.

Ni a kal ve zel a Bawihi pawhin min la peh hel tluang zel, mahse min peh hel reng thei tawh lovang, HK Company te nen meeting tur kan neih avangin file pawimawh ho chu ka bag ah ka khung fel mawlh mawlh a, ka inpeih hnua ka chhuah chuan a lo in peih fel diam tawh, inbe lovin kan chhuak dun nghal a, company pawn lamah meeting hi kan nei dawn ani.





HK Company neitu Mr. Henry-a nen hian kan kum a inrual vel reng a, inkawmngeih lutuk nilo mah ila, partner kan nih angin kan in be chhe lemlo thung. A hmun kan thlen chuan an ni lam pawh an lo thlenh fel vel deuh chiah a, meeting chu kan tan nghak mawp mawp, meeting zawh lamah chuan Mr. Henry chuan Bawihi chu a rawn bia a, an inbiak danah an in nel tih a hriat ka thinrim nghal teuh a, keilo mipa dang nel taka a biak ka phallo.





"I no. min pe la" Mr. Henry an a ti chuan Bawihi chu a ngawi vang vang phawt a, a inngaihtuah te pawh a ni ang, "Awle" tih paha pek mai a tum chuan a kutah ka man nghal hmiah a, Bawihi chuan phawk zetin min rawn en a, Mr. Henry-a pawhin ka chet dan chu mak a tih hmel hle, "Kan kal tawh phawt mai ang" ti hmuk in bawihi chu ka kalpui nghal dawr dawr a, a tang tai reuh lehnghal.





Pawn kan thlen chuan "Tu mipa mah be tawh suh angche" ka ti hrawk a, "Lo buai lo mai teh" a rawn ti hlak, "Engvangin nge ka buai loh ang, nanghi ka bialnu nakin lawka k nupui nimai tur i nih hi, chuvang chuan mipa dang nel takin i be tur anilo, ka thu i zawm loh chuan ka chet dan tur hi i rin phak bak a ni ang" ka ti leh hrawih.





"Oh... Chu engtik atangin nge i bialnu chu ka lo nih leh a" tih pahin a nui ri hak, hna a ban ka phal loh ni atang khan ngeiawm taka chet a ching chho a, hetianga a chet hian ka bantir a ring te pawh a ni mahna, mahse ka ban dawn lo hi a i tawp mai. "Ka hriat dan chuan nang hian kan inkar i tih tawp atang khan i bialnu ka nihna kha chu a bo tawh in ka hria, chun nupui maw, ropui lutuk nanghi ka nei ngai hauh lovang che Mr Lucus" a rawn ti leh fak.






"Min nei ngei ang ka tiam a che... Nanghi ka nupui i nilo a nihchuan ka hming hi Lucus Hmingthanzuala a nilo ang" ka ti hmiah, a thinrim lutuk chu a hmai a tai tek ruah va, a lang duhawm zual ngawih ngawih, "Titeh Bawihi khatiang khan min en reng mah ta che, khawlai ah hian midang hriat chiloh thil ka ti palh mai ange" nui suk suk chungin ka ti leh a, "Hremhmunah kal rawh" a rawn ti sep, a thinrim hian tawngkam vin a hmang ve mai mai ngailo, a insum thei reuh zek a, hei tak hi amah min hip tir tu a ni bawk.






"Ka bula i awm dawn phawt chuan pawi tihna ka neilo" ka tih lehchuan a kalsawn hmak a, a thusawi engpawh thinrim lova ka chhan zel avangin a thinrim zual sauh a, a kal tau ngawng ngawng a, a hmunglam atang chuan nui uk suk chungin ka zui nghak vat.





Zan lamah ka thian te ho nen party na lamah kan kal a, Sangzela chuan "Mam... Nanghi i bialnu te nen khan in lo inthen daih em ni a?, in la inzui rei loh nen" nui huk huk chunga a tihchuan midang pawh an lo khi thaw hlawm a, kei ka phun hluk thung "Ngawi mai mai rawh" ka tihchuan a nuih a za zual ting ni mai hian ka hria.





A hnuah thutak deuh zawk hian "A hmeltha reuh sia, a pian lah mipa tan duhthusam chhuah reng reng suh" a rawn ti sup a, "Ka lakah a lungawi lova biak pawh min be duhlo, min peh hel char char lehnghal, engria han tih chi nge ka hrelo" ka ti ta hap a, chutah "Lungngai mah ta che hmeichhiq te chu maw kan tih huam huam chuan an in la ve tlat zel a, chuvang chuan ngaihsak lo ang deuhin han awm ila, min lo pan mai" a ti a, mahse Bawihi hi hmeichhe dang ang a ni tlat silo ani, " I hmeichhe hriat thin ang kha a nilo Bawiha" ka ti nghut.





"Amah ai hmeichhe dang ngaihsak zawk nei la, awmzia a awmlo maw" a tih leh chuan "tu hmeichhia nge ni ang a?" ka ti a, "I cousin te kha han be kual chhin la, hmeichhe dang zawn ai chuan a tha zawk i cousin tih a hre kher daw silo " a tih leh chuan tha dawn riau vin ka hre ta a, kawng dang ka bula a lo let leh duhna tur ka hre tawh miau silo a, thil atthlak tak chu ka ti chhin pauh a niang chu.





Audrey Zomuanpuii POV




Lucus chu a inchhir ve tak zet in ka hria a, keipawh hian ka haw tawhlo tih ka hria mahse awlsam taka let leh chu ka tum biklo, Lily chu a reh hmak a, company ah pawh a rawn kal ngai tawh lo, a lo kallo hi nuam ka ti a tawngkam chhe lutuk te kha hriattur a awm lo ringawt pawh hi ka tan chuan vanram a ni ringawt





Lucus-a company a lo thlen chuan amah chauh in a ni hauhlo, hmeichhe chhelo zet hi a lucus rual chuan a lo kal ve a, a banah a vuan bawk, ka thin zawn chu a na zawkin ka hria ka tawt nghal up up bawk, ka lo en reng a melh pawh min melh lovin office ah an lut tlang nghal daih bawk.





Ngaihtuah chhunzawm duh lovin hna thawh ka tum a, mahse ka mitthla ah a hmeichhe rawn hruai nu kha a lo lang a, mizo hmeichhia ah chuan chhelo tak ani, kei ai tlemin a te deuh a, a hmel a tha hle bawk.






Lunch ei hun ah chuan an rawn inzui chhuak a, "Kan rawn let tawh lovang" tih nghut pahin an chhuak nghal a, enge maw tih tur an neih le? Aa....hna thawh pawh ka tui tawh nek love, niminah lem tu mipa mah ka biak theih dawn loh thu te min sawikhum chamchi a, hmeichhe tello in a awm thei thlawt lo a nih hmel, lerhkawh lutuk mai.





Ka phone chu a rawn ri a, ka en chuan no. hlang atang ani, ka lak hnuah mipa tawng ri ka hria a tunge a nih ka hrelo, a insawi chuan ka nui tawi tak mai, Henry-a a lo nia, engtinge ka no. a neig theih ka hrelo, pek ka tum khan Lucus an pawnlamah min chhuahpui daih ta sia...





"Engtinge ka no. i neih teih a?" ka ti hluai a, "A harsa lo" a lo ti sam et, "Friday hi ka thianpa birthday ania, min kalpui la ka duh a" a rawn tihchuan "A...a chi loh emai, ka hmelhriat pawh a ni ve silo" ka lo ti thuai a, "Keiman ka hria alawm, min kalpui hram la" a rawn tih leh chuan "I bialnu hruai zawk rawh" ka ti a, "Bialnu ka neilo, chuvangin min kalpui hram rawh aw" a rawn ti leh.





"Ka lo inngaihtuah ang" ka ti ta ringawt a. Phone chu kan dah nghal mai a.




.
.

Friday a ni a, Henry-a lah chuan party naa kalpui turin min ring ringawt lehnghal a, hna ban hun chuan company kawtah min lo nghal ran tawh a, ka kalpui chu angai ngei dawn ani.





Inah haw lovin inthlakna tur te min buaipui sak vek a, ka inpeih meuh chuan a lo tlai duai tawh a, kan kalna lam tur chu kan pan nghal, ka chhungte pawh ka hrilh fel vek tawh bawk, a hmun kan thleng a, a chhunglamah chuan kan lut thlang nghal a, ka rin loh lutuk in Lucus leh kha a hmeichhe kawp thar nu pawh kha an lo awm ve a, thim deuh laiah an lo thu dun a, min hmu ve tih hriat takin min rawn melh rum em em bawk, ka tim deuh dawn dawn a, mahse enge pawi kan inkarah engmah a awm tawh chuanglo a, hlauhna chhan tur ka neilo.





Ka hmulo der hmak a, Heney lam chu ka hawi san daih bawk, kan awm rei tawh ang reng sia ka ning tawh, haw vat ka duh tawh ani. Lucus lah sawn min en ngur reng bawk nen ka awm a nuam thei derlo, music muang fan raih an play a, inngaizawng awm ang tak tak te chu an lam a, Henry-a chuan lam puiah min sawm a, ka lo hnial tlat thung, lam ka thiam lo hrim hrim.





"Ka zirtir ang che" a tih tlat avangin kq lampui ta nge nge a, ka zei silo a ke ah ka rap rap mai, Lucus te lam ka va hawi chu thinrim hmel tak hian min lo en a, a kut hum ruh tlat pawh ka hmu chiang viau bawk, Henry bulah chuan lam tawh lo ang ka ti ta tawp a, ani pawn a lo pawm ve mai.






Thutnaah te chuan kqn thu a, a fel bawk sia min care thiam em em bawk, thil ho te te a sawi a, ka nui leh hak zel, Lucus te kha ka hmu ta miahlo a, an haw tawh zawk nge ni....Rui an tam em avang chuan pawn lama chhuah ka duh thu ka sawi amin kalpui a tum chuan a ngaih loh thu in ka chhang vat. Min hnial bik lo.





Pawn ka thleng a thlifim chuan min rawn chhem heuh heuh a, enge maw ri rawk la hriat vang chuan thawm awmna lam chu ka melh vat mipa leh hmeichhia lo indin chilh ran mai hi ka va hmu a, tunge an nih erawh ka hrelo thung, mahse mipa zawk chu a taksa hrawl zet atang chuan Lucus a ang ka ti em em a, ka va kal hnaih deuh a Lucus ngei a lo ni hmeichhia zawk pawh chu a ngaihzawng nu kha ani.





A hnu deuh ah chuan Lucus chu a kun hniam a, hmu tha theilo mah ila an in kiss a ni tih ka chiang, ka bing mup mup a, ka rilru a na hle bawk, min hmu ang tih ka hlauh avang chuan inchhung lamah ka lut vat a, Henry chuan "Thil diklo a awm em ni?" a lo ti hlut.





Awmlo tih nan lu ka thing ringawt tawng pawh ka tawng chhuak theilo, ka thik a ka na takzet bawk, chutia ka thut ngawi reng lai chuan intur ka bula inhung chu la in ka in nghal pawp a, ka pum a sa thla rawih rawih mai, mipa ruangam lian zet mai hian min pawm nawlhin pawnlamah chuan min kalpui a, car chhunga min dah luh thleng chu chianglo riai in ka la hria, a dang engmah ka hre zawm tawh lo.




Cont.



Tunge a pawm chhuak tu hi ni ta ang le??....


Show post links
Top

[Ngaia]

Chapter-14



Lucus Hmingthanzuala POV



Bawihi thik nan ka cousin Rinkimi chu ka hmeichhe kawp anga tang turin ka ti a, min hnial deuh na chu ka tih luih tlat avangin a pawm hram a, company lamah chuan ka hruai a, Bawihi chuan kan pahnih kal dun chu min hmu ngei, ka mitsir ru reng a, a hmel a dang zawk a mahse a insiamtha leh vat thung. Hmu lo derin office ah chuan kan lut tlang nghal a, Rinkimi chuan "U...khanu kha mi?" a rawn ti nghal a, ka bu nghut ringawt.




"A hmeltha sia, chhuah reng reng suh" nui ver ver chungin a ti a, a khi ve suk. Rinkimi hi Mizo hmeichhia ah chuan hmeltha ve tak ani a, luck pawh a luck bawk, mahse mipa lam hi a la ngaihtuah vak lova, nutei te pawhin ngaihzawng nei turin an ti hial thin engah mah a ngai lem hlei lova ani lah hian, a fel a, a rilru pawh a tha em em bawk, ka nau a nih vanga fak ka nilo a, a nihna diktak a nih vang zawk ani.





Friday a ni a, zanlamah Rinkimi thianpa birthday party naah Rinkimi chuan kal turin min sawm lui tlat a, ka peih lo viau mai, mahse hnial thei ka ni tlat lo, min pui miau si a, kan kal ve ta poh a niang chu.





Party na hmun kan thleng a, mi an lo tam tawh viau, kil thim deuh laiah chuan Rinkimi nen kan thu dun a thil a sawi siam siam bawk, "U...ka bialpa angin awm rawh aw... Helai zinga mi tlemte chauh in ka u i ni tih an hria ania" a rawn ti sar sar a, a ngaihna ka hrelo hle "Engvangin maw?" ka ti hu, "Ka star deuh a lo kal ve dawn a, ka star tih pawh a hria a, min duh ve tho in ka hria, mahse engmah a la sawi silova, a thik che chuan a inpuang maithei" mit siai zeuh pah chuan a rawn ti a, ka nui hawk, mipa duh te alo nei ve hlauh a, a zia phian e.





Kan thut ngawi dun reng hnuah "A... sawsaw Audrey ni lawm ni" Rinkimi chuan a rawn ti hluai a, a hawina lam chu ka en ve nghal vat a, a ni ngei e, Mr. Henry nen an rawn kal dun a, ka inhum ruh nghal tun mai, an lo inhminhnai viau a nimaw?....Min hmu thut chu mak a tih hmel hle a, inngaihtuah harh thut ang maiin hmundang a hawi sawn nghal vat.






Ka en zui reng a ani chuan ka awm ve tih hrelo ang maiin a awm thei, chutah Mr. Henry nen chuan an la lam dun zui, ka thinrim lutuk chu ka puak keh lo chauh ani. Va kal a, pawm chhuah daih mai ka duh rum rum a, Rinkimi chuan min vuan bet hlauh zawk a, chuti nilo se chuan ka ti duh tak tak ngei ang.





An lam zawh chuan thut na lam panin an kal a, an thu dun lehnghal ka thinrim tih thei nei bwk silo chu ka tawt deuh tun thei. Einkimi chuan ka awmdan chu hrethiamin pawn lamah chhuah harh pui turin min kalpui a, "U.. heitia awm reng lo hian hmaichhanah sawi dun zawk ula, tiang chuan in in kar a chhe zual mai mai dawn ania aw" a ti a, biak ka tum thin alawm mahse a luhlul reuh em avangin ka thusawi engah mah a ngai silo ani.




Kawngkhar lam ka melh lai chuan Bawihi lo chhuak lai chu ka hmu a, Rinkimi chu kaiin a hmuh lohna turah ka kal pui a, pawn a rawn chhuah thlen hnu chuan mitchhingin a ding vang vang a, a sam chu thli in a chhem then delh delh bawk, thlir nin a har takzet, chutah thil ka ngaihtuah chhuak zawk a, Bawihi'n ka thawm a hriat ngei theih nan thawm chu ka siam lui a, Rinkimi chu bang lamah chuan ka nawr bet a, a hmaah tak amah khuap zawngin ka ding ran bawk, ka chetdan tehthut avang chuan a meng phawk hle bawk.





"Ka tih ang ang in lo awm tawp ang che" ti sup in ka kun hniam nghal a, bawihi'n kan in kiss anga a hriat ngei theih nan a ka ti ani. Rinkimi hmui chu si lo chiah chiah in ka kun hniam a, ka hnung lama tlan ri ka hriat hnu chuan ka inla hrang ve ta chauh, ka nui suk a, "Engthil nge maw i tih le?" a rawn ti hlak a, "Lo en tawp rawh" ka ti a, min melh ram ram mai.






"Lut tawh ang" tih paha luh a tum chuan mipa pakhat hian a banah a rawn man chawt a, ka che deuh phut "Inbe lawk ang" mipa zawk chuan a rawn ti a "Enge ni?" Rinkimi chuan a lo ti thuai, "Kan pahnih chauh in" a ti leh sup a, "Lo va lut hmasa mai la, kan han in be lawk ange" Rinkimi"n a tih sep chuan ka lut nghal mai a, a chhung ka va luh a ka thil va hmuh chuan min ti sa zak mai.





Bawihi chu rui tih hriat lutukin a lo thle deuh bak bak a, Mr. Henry-a chuan a lo veng ran bawk, an lam pan chuan ka pen nghal pawk pawk a, "I lo kal ve ani maw?" Mr. Henry chuan a lo ti a chhan pawh chhang lo chuan Bawihi chu ka ban nghal vat a, tan pawh a tang buai lo, nilo ani hi a chatthla zawk emaw ni...."Ka haw pui phawt mai ang" tih nghut pahin ka pawm kang nghal nawlh a, ka kal tur chiah chu "Ka kalpui a ni sia, keiman ka lo thlah zawk ang" a rawn tihchuan "A bialpa ka ni a, keiman ka thlah haw thei" ti hmukin ka pen chhuah pui nal nal.





Pawn kan chhuah thlen chuan Rinkimi leh mipa kha an lo lut tur chiah kan intawk a "U..ngatinge a? A rui elaw?" Rinkimi chuan a rawn ti a, "A nihhi, haw pui ka lo tum a, kan haw mai dawn em ni?" ka tihchuan "Lo va haw hmasa mai la hei Rick-a hian min lo thlah thei mai ang, min ngaihtuah duh suh" a ti a, rei awm chi kan ni tawh lo, ka pawmbeh mek hmeichhia hi a rui mah mah tawh ani.






Hetiang chuan an in lama haw tir chi pawh a nilo anu leh pa te hmachhawn tur chuan a nawi mah mah ani, a chhungte chu ka biak sak mai ang. Kan in lama hruai haw chi a nih loh avangin kan hotel lam chu ka pan pui ta ngawt a, ka private room kan thlen chuan khum ah ka nghat a, ka coat har chu ka hlip a, couch ah ka thehthla zui nghal.






Khuma mu chu ka en reng a thlamuan hmel takin a muhil a, a hmel lah chu a tha em em mai lehnghal, zanin chu hetah hian kan riah ngei angai dawn ani. Ka thawmhnaw te chu hlipin bathroom lamah chuan ka lut a, ka inbual zo chiah tih ah kawngkhar chu a rawn ri bur a, towel vengin kawngkhar chu ka hawng vat a, Bawihi chu a ka hup chungin rang takin a rawn tlan lut a, a uak vak vak a, ahnuah chauh hmel zetin chhuatah a thu thla hnawk a, a lamah chuan kalin ka pawm kang nghal nawlh, a ruih a la rehlo a nih hmel a mitmeng a phi chiai a, a landan sexy lutuk chuan min ti zauthau takzet.





Khum lam chu ka panpui a kumah chuan ka nghat leh a ka kalsawn tur chu ka kutah a rawn man vat a, ka hawilet nghal vut, a biang tai tek te a hmui vam ham leh a mitmeng phi chiai te chu a sexy ngawih ngawih a, ka en reng a nihchuan ka insum theih loh mai hlau vin ka hawisawn a, chutah min pawt thut a ka bawh rawk mai, "Kalsawn suh" a kut min vawnna phelhsak ka tum chuan a rawn ti sep a, ka en ngur mai.





Min fawh tumin a rawn awm kang ak ak a, ka lo dang vat "I rui a nihkha" ka ti a, ka aw chu a lawi rut mai, keipawh hian fawp lo turin ka insum hram hram ani. "Min duh ngai miahlo ani tiraw?" a rawn ti a a mittui a tling pam bawk, "Nilo ka duh lutuk che" ka tichuan "Min duhlo min duh nila ka fawh pawh i duh ang chu" a rawn ti leh a,"Inchhirna tur ka neilo" a tih leh chuan "I chiang maw?" ka ti sup a rawn buk nghauh nghauh takah chuan insum tumna ka nei ta biklo.






Ka fawp buan buan a, min chhang let ve tan tan bawk, a hnute chu a kawr hak chhanah chuan ka tham sak a a phu zawk, kei ka nui suk thung, a chhanah mai duh tawk lovin a tak ngei chu ka tham sak leh a, a eu awr a, thawmhnaw a la inbel kim vek a, kei erawh chuan engmah ka ha lo thung, a hmui a ka fawhna chu thlahin a hnute chu ka fawh sak leh a, a hmui a pet fan fan a, nuam a ti tih ka hria, a ai nuam a siam ka duh.





A kawrfual hak chu ka hlih sak a, a bra ka phelh sak nghal bawk, a panty ka phelh sak leh tur chu ka kutah a rawn vuan chawt a, a hlauthawng tih a mitmengah ka hnu thei, mahse ka tawp thei tawhlo "Min ring rawh" ka ti sup a, ka kut a vawn beh chu a thlah riai riai, ka nui suk.


(Thil thleng tur awm ang kha chu ngaihruat mai ru aw)




Ka kuahbeh mek hmeichhia thlamuang tih hriat zeta muhil thaw la sek sek chu ka en vung vung a, naktuk lamah chuan a rawl ve viau ang le a vawikhat na a ni si a. A tan mipa hmasa ber ka ni chu ka hlim em em a, ka nui leh vur vur thin.





Tunah chuan ka ta ka ta chauh a ni tawh ang. Zan a rei tawh avangin keipawh chu muthilh tumin ka mit ka chhing ta vang vang a.





Audrey Zomuanpuii POV




Ka muhil lai chu ka harh zawk a, ka mit ka khap fak fak mai, ka lu lah chu a la na em em zui, thawh chhuah ka tum a, ka taksa rawl them thum vang chuan ka tho chhuak lawk theilo zui, thawh ka tum leh a ka thei ta hram e, mahse ka bulah mu an awm, ka en nak chuan Lucus hi a lo nia a la muthilh tui hmel ngang mai, lawkin keihi ruak in ka awm, chuan nizana thil thleng kha Lalpa leh....






Rang taka kalsawn vat ka duh mahse ka kap lam na leh ka taksa rawl lutuk chuan ka duh anga rang pawn min chet tir thei lo, ka thawmhnaw te chu chhang khawm nghalin bathroom lamah chuan ka lut a, intleuh thuak thuakin kawr chu ka inbel a, ka chhuak nghal mahse ka chhuak chiah chu Lucus lo nui vur vur nen kan inhmachhawn siah mai.





Thawmhnaw engmah a la inbel ve hauhlo tih ka hre mai, khumah puan sin chungin a lo thu mu a, "I va tho hma ve, i chauh viau ka lo ring a" a ti sup. Engmah sawi lova kalchhuah ka tum chuan a saruakna zahpui map lovin a rawn tho chhuak nghal a, "Khawia kal nge i tum?" a tihchuan "Ka haw dawn" tih ringawtin ka chhang.





"I haw ringawt theilo, sawi dun tur kan nei" a tihchuan "Nizan chungchang kha chu engmah sawitur ka neilo, ka ruih vangah i ngai dawn nia" ka ti a, a thinrim hmel ngang mai, a hmel a chang nghak tawlh tawlh thei.



Cont.



Ka thluak a chawl...Heti zawnghi ni phawt rawh se aw...chuan engtin nge an awm zel in rin comment lamah khan lo sawi ula aw


Show post links
Top

[Ngaia]

Chapter-15



Audrey Zomuanpuii POV




Rum deuha min melh ngur chung hian "A teuh lo, nanghi ka ta chauh i ni tawh" a rawn ti hrawk a, "Ka haw dawn" inhnial ka peih hrih thlawt lo, ka taksa a na deuh thum lehnghal a, ka chau ngawih ngawih. "Ok... Mahse khapa phiangsen kha vawikhat mah hmu tawh suh angche" a rawn tih leh pawh chuan ka chhang lo, ina haw vat vat ka duh ber.




A car chhungah chuan ngawi rengin ka thu a, engmah sawi tur ka hrelo miau ani. Kan inkawt ah chuan motor a ti ding a, kawngkhar hawnna ka ban chiah tihin ka ban ah lo manin "Ka sawi kha theihnghilh suh angche, chuan vawin chu i chawl dawn nia, nizan vang khan i taksa a nat ka ring, vawikhat mai nilo vawi thum chuang.." a sawi zawh hmain "Sawi tawh suh" ka ti hlar a, a nui suk suk lehnghal.





Motor atang chuan ka chhuak a, kawngkhar chu na deuhin ka khar bur bawk, inlam pan chuan ka pen hlawk hlawk a, min em zui reng tih ka hnunglam za mer mer atang chuan ka hre thei, inchhung ka lut chiah chu ka thaw chhuak nghal hak, ka nu leh pate chu sitting room ah tv enin an lo thu dun a, min hnuh veleh "Bawihi i lo haw ta animaw, han inthlak la chaw kan ei nghal mai dawn nia" ka nu chuan a lo ti thuai a, nizan ka haw silo a, min ngaihtuah ka ring viau ania, mahse an lo hre lawk tawh a ni tih ka hre mai, Lucusa'n a bia a ni ngei ang.




Ka room lamah chuan ka lut nghal a, khumah ka let thla nghal tawp, ka zawi ngawih ngawih mai a, vawin chawlh min pe hlauh chu ka lawm viau, chaw eitura ka chhungten min nghah avang chuan rei mu lovin ka thochhuak a, inbual turin bathroom lam ka pan nghal, ka inbual pah chuan nizan thil thleng te chu ka ngaihtuah let a, min ngaihnep phah angem?...Engvangin nge maw zu ka lo in kher kher le, bialnu a nei reng a, chutah keiin sex ka lo hmanpui ania, ka zak a, ka inchhir hle bawk.





Ka inbual zawh chuan room atang ka chhuak a, ka nu nen chaw ei kan siam nghal malh malh a, ka pa chu chaw ei kan siam peih hnu chuan choka lamah a lo lut a, chaw chu kan ei chhunzawm nghal mai a, "Nu... vawin chu ka nuamsam lo lutuk a, ka chawl dawn ania aw.." ka ti a, min ngaihtuah hmel zetin min rawn en nghal "A va zialo ve, i englai nge na a?" a rawn ti a, "Chutianga na em em ka neilo ka taksa a rawl deuh thum a, Boss in chawlh min pe a" ka tih leh sep chuan a thaw huai a.





"I room lamah i hahchawl mai mai dawn nia aw ka fanu, i nawm loh chuang engmah tih a ngailo" ka pa pawh chuan a lo ti sup, ka bu ngauh ngauh a, chaw eikham lam chuan hmun hnawk vel te ka tifai hnuah ka room lamah ka kal lehnghal a, in lamah tih tur em em a awm lo bawk a, ka mu nileng mai aniang chu.




Khumah chuan phone khawih pahin ka mu a, call a lo luh chuan lak loh ka tum zet nangin ka la leh ta zawk a, "Enge i an?" a rawn ti sup, "Mihring ka ang" ka ti nghat a, a phun hluk ri ka hre zawm nghal, "I taksa na lai a la awm em?" a rawn tih lehchuan ka sa nghal hat hat thei, "Awmlo ka muhil duh ka dah dawn ania" ka tihchuan "Ka hnungzang hi a thip sep sep mai" nuihza aw ri deuh hian a rawn ti a, phone melh hrep pahin ka dah hmak.






Phone pawh khawih tawh lem lovin ka ngaihtuah na ka kawm melh melh a, ka lo muhil a ni ngei ang ka nu min ko ri ah ka harh a, darzat ka en nak chuan zanriah ei hun a lo ni der tawh, ka van muhil rei em em ve leh...Inhnuai ah chuan ka chhuk a, ka nu chaw ei lo siam mek chu ka pui nghal, ina ka awm ve tum pawn ka nu eirawngbawl ka chhawk lo ania, ka inthlahrung ru khawp, "Mambawih enge i an?" ka pa chuan chaw kan ei laiin alo ti a, "Ka tha tawh lutuk" ka ti sep.



Next Morning


Company ka thleng a, ka thut naah chuan thuin computer ka khawih nghal mawlh mawlh a, Lucus a lo thleng a, a bialnu pawh a bulah a rawn kal tel ve leh bawk, nuisangin keichu min en a, a fel hmel takzet, ka inthiamlo takzet bawk, Lucus chuan "Nakinah ka office ah lo lut rawh aw, tunah chuan Rinkimi nen hian thil pawimawh sawi dun lawk tur kan nei a" a ti sup a ka bu zeuh.




An luh fel hnu chuan ka thu thla hnawk a, eng thilpawimawh nge sawi dun tur an neih le..,, hmani zan chungchang kha hrilh a tim nge? Ngaihtuahna ka lo kawm melh melh lai chuan Rinkimi chu a lo chhuak a, ka ding vat, "In be lawk ang hmiang, i hman chuan?" nelawm takin a rawn ti a, huphurh ru zet chung chuan "Awle, ka hman alawm" ka ti sep. "Hetah nilo hmungdangah kal ila" a tih lehchuan "Boss in q room ah lut tur khan min ti sia" ka ti a, "Lungngai suh ka biak lawk duh thu che ka hrilh alawm, kal ila, a reilo ang" a ti a, ka bang chu lain kan inzui chhuak a.




Cafe ah chuan kan lut a "Intur te a chah hnuah "Ka sawi nghal mai ang, keihi Lucus bialnu nilovin a cousin zawk ka nia" a rawn ti a, mak ka ti hle, "A bialnu emaw ka ti che a" ka ti sep, a nuih hak hak a "A bialnu lem a chang turin min rawn sawm a, a tir ah chuan ka duh biklo mahse min ngen nasa em a, ka pawm ta ani, ka u hian a duh takzet che tih ka hria asin, nangpawh hian i duh em em bawk tih ka hria" a ti a, sawi tur ka hrelo ka ngawi reng a "A thil tih ah khan a inchhir takzet a ni tih hi hriat sak la ka duh ani, in in kar hi siamtha vat ula ka duhpui che u, hetia awm reng hian awmzia a awmlo ania, in in duh ve ve a, inngeih takin awm leh ula ka ti, mahse kha kha chu nangma thu nise, ka u hian a duh mai che ni lovin a hmangaih che ani tih ka hria ania" a ti leh sep sep a.




"Ka kal tawh ange, tihtur pawimawh ka la nei sia, ka inhmuh leh thuai ka beisei" nui chunga tiin min chhuahsan a, kei erawn ka thutna ngaiah ka la thu reng, a bialnu emaw ka tih kha a cousin a lo ni zawk a, ka hlim tak zet, nie...an inzui ka hmuh chang khan na ka ti takzet thin a, ka ti lang duhlo mai chauh ani. Rinkimi thilsawi a hmangaih che tih ka hria a tih kha ka bang ah hian a ri nawn tlut tlut mai.





Office lamah chuan ka let ah Lucus room ah ka lut tlang nghal "Bawihi" tih pahin min kuah nghal thlawp a, "Engkim i hre vek tawh tiraw?" a ti sup, "Umm" ka tihchuan "Min ngaidam tawh hram la aw...I tello chuan ka awm thei lo, khawngaih in" a rawn ti a, beisei nei hmel zetin min en bawk. "Ka ngaidam che" nui seih a ka tihchuan thaw huai chungin "Ka hmangaih che"a rawn ti a, ka lung chu phu nasa tak ani. Ani hian min hmangaih thu a sawi "Min hmangaih maw?" ka tihchuan "Aw... ka hmangaih lutuk che" a rawn ti leh a.




"Keipawn ka hmangaih che" ka tih sep chuan a hmel chu a rawn nung nghal sar a, chutah rawn che phutin min rawn fawp nghal siah. A duhthawh em em lehnghal, keipawh chuan ka chhang let ve tan tan a, ka awm a rawn tham chuan ka lo dang vat a, "A chi loh" aw lawi rat in ka ti a, "Tuman min hmuh loh hi" a tihchuan, "Nilo, kan theilo" ka ti a "Theih loh chhan tur kan nei hleinem Bawihi" aw khur hlukin a rawn ti a, "Aih...Nupa kan la nilo, chubakah office a nihhi" tih pahin ka in lahrang a, a thaw chhuak hulh mai.





"Ka chhuak dawn ania hnathawh tur a tam sia" ka ti a, "Hnathawk lovin tahhian kan pahnih chauh in inkhung nileng zawk mai ang" a rawn tichuan, atthlak ti lutuk in ka melh a "Tikhan min melh suh, ka ngai che alawm" a rawn ti hmuk, a nipui roh hi a titau emaw ni le....





"Hnathawh angai alawm, Boss ber i nihkha khatianga i awm te chuan i hnuaia thawk te hian engtinge hna an thawh that theih ang?" ka ti a, a tum nghak hmuk a, ka nuih a za ang reng hle, office atanga ka chhuah dawn te chuan min en duh tawh thak lo nui ru kur kur chungin ka chhuak a, tuna a awmdan kha ka vawikhat hmuhna a nia a inhmeh phian lenghal.




Hun a kal ve bek bek a thla khat lai a liam leh tawh, Lucus nen pawh kan inkar a tluang em em a, kan inlam ah pawh a rawn leng thin a, kan chhungte nen an inpawh tawh khawp mai, an ina chaw ei turin min sawm fo a, ka hnial ziah thung, ka ngam thlawt lo ani.





Tunlai chu ka awm a nuamlo thei em em a, ka luak a chhuak reng bawk si thil ka ei tha theilo bawk a, ka cher sawt khawp mai, Lucusa'n min ngaihtuah em em a, inentir tura min hruai a tum hian ka hnial ziah, damdawi in hi ka ngaina thlawt lo ani.





"Bawihi tunlai i awm dan hi a tha lo riau in entir lah i duh ngai bawk silo a, i cher vek tawh ania" min en pah chuan a ti sup a, "Damlo pawh ka ni hleinem, ka period dawn vang mai mai aniang" ka ti liam puat a, thil kan ei a, artui rim chuan ka luak a ti chhuak nghal em em a, ka insum theilo chu bathroom lamah tlanin ka uak nghal vak vak a, ka thil ei tawh ho chu ka luakchhuak leh vek, Lucus chu lo kal vatin "I awmdan hi a dik lo, tunah dawmdawi inah kan kal ang min hnial suh" a ti a, keipawh chuan ka hnial tawh biklo.





Damdawi in kan thleng a, Doctor bulah chuan ka awm dan zawng zawng chu ka sawi hma hauhin Lucia chuan a lo sawi zung zung a, ka ngei lek lek zawk, Doctor chuan "Heihi la la i zun va test rawh aw" a rawn tihchuan keihi ka rai tih na em ni?, khani zan khan invenna engmah kan hmanglo, hmanhmawh tak chuan bathroom lamah ka lut a, ka nghak vang vang a, en ka tim chuan ka tim deuh tlat avang chuan en pawh en lovin ka chhuak a.




Test kit chu Doctor ka pe a, a en hnu ah rawn hawichhuak in "Ka lawmpui a che u, nu leh pa in ni vat dawn e" nui sangin a rawn ti a, keihi ka rai tih a chiang ta, Lucus chuan mak tih hmel takin min enin Doctor chu a en leh a "Engmaw tunah khan i sawi?" a ti sup a, Doctor chuan "Pa i ni dawn la ti a nihchu....In nu hian nau thlakhat mi a pai mek" nui chunga a rawn tih leh chuan Lucus chu a ding zawk a "Pa ka ni dawn" ti sup pahin min rawn kuah nghal chawt a.




Cont.



An la buai nasa dawn ania aw...


Show post links
Top

[Ngaia]

Chapter-16



Audrey Zomuanpuii POV




Lucus chuan min kuah reng a, ka hlim nge ka lungngai ka hrelo, thil thleng hian min thawng em ani. Pasal ka neilo mai nilovin Lucus nen hian kan inkawp na a la reilo hle a tunah nau ka pai chu ani sia, nu tha tak ka ni thei angem? Ka chhungten engtinnge an ngaih ang?. "Bawihi ka lawm e" tih sup ri ah chuan ka harh zawk a, Lucus chu ka en a a lawm hmel hle, "Lucus engtinnge kan chhungten an ngaih ang?" ka ti sep. "Ka chingfel vek ang" a tihchuan "Mahse" ka ti leh chuan "Min ring turin ka duh che" a ti sup. Nie...ka ring tur ani, ka bu nghat a.




Doctor chuan damdawi te min chawh a, damdawiin kan chhuahsan hunah damdawi dawrah kalin damdawi te chu kan lei a, company lamah let tawh lovin kan in lamah chuan min thlah tlang nghal a, motor lah chu an khalh dim em em khawp a, in kan thlen chuan "Ih... ka chhungte hrilh tur chuan ka la inpeihlo a, nakinah kan la hrilh thei zawk angem?" ka ti a, "Awle, i inpeih hun hun ah kan hrilh dawn ania i chhungte
chu, kan inneih vat angai dawn bawk ania....Lungngai lo la, i bulah ka awm reng dawn ania" a ti a.





Motor atang chuan ka chhuk a, inchhuung ka luh hma chu a tlan chhuak lo tih ka hria, inchhung ka lut chiah a ka nu chuan "Mate..I lo va haw hma ve, i nuam lo em ni?" a ti a, "Nilo e, ka lo haw hma mai mai, mahse nu ka chau deuh a ka mu hahdam dawn ania aw" ka ti a, "Aw..engmah tihtur a awm lo ania chaw ei dawn ah bak lo chhuk duh suh" a lo ti thuai a, room lam chu ka pan nghal a.





Engtinge ka awm zel dawn ka hrethiam lo, a pum chu ka dawm a tah hian ka fa tur a awm mek chu ani sia, a tirah kha chuan ka rileu a hah a, tunah erawh ka hlim tak zet, nu ka ni ve tawh dawn chu ania....




Lucus Hmingthanzuala POV




In lam panin ka in khalh haw a, ka nui leh hawk thin, keihi pa ka ni ve tawh dawn chu a nia, in ka thleng a, motor chu park tha in inchhung lamah chuan ka lut nghal, ka nau te chu class an la kal vangin an lo awm lova, ka nu leh pate an lo awm thung. "Bawiha...I va lo haw hma ve?" mak tih hmel deuh a min en pahin ka nu chuan a ti a, nie.... hetiang hunah hian ka haw ngai miau lo a, mak chu a ti ang.





"Ka lo haw hma mai mai, nu pa, matei te lo haw hunah thil sawi duh ka nei ania aw...Tunah chuan ka han inthlak lawk ange" tih leh room lam pan ka rual a, ka thawmhnaw te chu phelhin bathroom lam ka pan a, shower hnuai ah chuan ka ding ran, Bawihi ka la be leh ta miah lova, enge a tih ang?, tih chu ka ngaihtuah a.





Bathroom atang chhuakin ka inthlak sa k sawk a, phone chu banin Bawihi ka call nghal a, a la tawh dawn lo emaw ka tih hnuah a rawn la ta hram a, mutchhuah hmel tak hian "Hello" a rawn ti tham chhel a, a aw chu a mawi takzet ani. "I muhil lai ka rawn ti harh che em ni?" ka ti sup 'Umm" tih ringawtin min chhang a, raino tir a ni a, Doctor khan mut a duh hle maithei tih khan min hrilh lawk sa a, "Ka chhungte hrilh ka tum a" ka ti a, "Ka hlauthawng e, min duhlo tase" a rawn tihchuan ka nui chhuak hawk hawk.





"An duh dawn che tih ka chiang lungngai suh" ka tih chuan a thaw huai ri ka hria "Ih...dah phawt ila, ka ril a tam a" a rawn ti leh sep. "Awle, zanah ka lo kal ang, ei chak i neih chuan min lo hrilh rawh aw" ka ti a, "Aw" a rawn tih hnu chuan kan inbiakna chu kan ti tawp a.





Ka hmeichhe hmangaih em em in ka fa tur a pai mek chu a nisia, mumang te a ang lek lek, ka nupui a ni vat bawk ang, chuan hlim takin siam ka tum ngei bawk ang a, nuoa hkim tak kan ni ngei bawk ang. Ka ngaihtuahna avang chuan ka nui suk a, ka nau ten min rawn koh takah chuan inhnuai lamah chuan ka chhuk thla a, chaw ei an lo siam peih vek tawh chu niin dawnkan chu ka kil ve nghal a, chaw kan eikham chuan sitting room ah kan chhungkua chuan kan thu thap a.






Ka pa chuan"Bawiha enge i sawi duh chu han sawi la" a ti sup a, ka nu leh ka nau te pawh chuan min lo ngaichang ve ran a, "Audrey in ka fa a pai" ka tihchuan an hamhaih lutuk chu tumah tawng nachang an hrelo, chutah ka jennifer chuan "Tak tak maw?....Awii ni ka ni dawn anihchu" phur hmel zet hian a rawn ti a, "keipawh ni ka ni dawn awii a nuam e" Jasmine pawh chuan phur zet hian a rawn ti a.





"Engtia awm nge in tum?" ka pa in a tih leh chuan "Neih ka duh ani ka pa" ka ti a, a hmelah chuan engmah a lang chhuak lo, a hlim nge a thinrim tih tak ngial pawh, heihi ka pa ka chhun fuh em em na pakhat a ni bawk. "Awle, i thutluk na chu hnial ka tum lo, pasal tha tak nih tum angche" a ti a, ka nu pawh chuan "Monu kan nei ve tawh dawn ania, chutah nau a rawn chhawm tel nghal dawn zui a" a ti a a hlim hmel ngang mai, ka pa pawh a nui suk suk.





Ka chhungte hian Bawihi hi an iai lo tih ka hria, an monu ni turin an duh em em bawk a, an duhthusam ang ngei chuan an monu a ni dawn bawk a, an lawm tlang ngang mai.





Zan lamah chuan bawihi te ina kal turin ka insiam a, a chhungte pawh kan hrilh vat angai ang, kei chuan a rang lama inneih ka duh a, bawihi pawhin min hnial ka ringlo bawk. Ka chhungte bulah chuan Bawihi te in lama ka kal tur thu ka hrilh a, ka naute lah chuan min lo fiam zuk zuk lehnghal.





Motor chuan ka inkhalh chhuak a, bawihi te jn zawn ka thoen chuan motor chu kawng sirah ti dingin an inlamah chuan ka kal nghal a, doorbell ka hmeh hnu reilo ah bawihi chuan kawngka min lo hawn sak a, min nuih sen sen bawk. "E....Kha i lo leng animaw, lo thu rawh " a pa chuan a lo ti thuai a, "Nie.... hei ka hman lai a lo ni hlauh a ka lo leng phei anihhi" tih sup pahin thutthleng sei ah chuan ka thu thla nghal a "I lo kal dawn vang hi animaw, mambawihi pawh ar mawng hawlh ang mai a a chet sek ni" bawihi fiam paha a pa in a tihchuan a lo ner nasa ngang mai, anu leh pa te chu an nui dun hawk hawk a.





"Mate thingpui va lum ta che" anu in a tihchuan a tho nghal tharh a, min lo en in "Lo kal ve la" a ti sep bawk, keipawh chu tho chhuak in ka zui nghal a, tui a chhuang lai chu a hni g lam atang ka lo en vung vung a, a, a hmuhnawm takzet ani.





"Ka chhungte hi hrilh mah ila pawi ka ti lo ania" a rawn tihchuan "Keipawhin a rang lamah in hrilh hriat kha a tha ka ti, inneih vat kha a tha ber a" ka ti a, a bu nghut nghut mai. Thingpui a siam zawh hnu chuan kan inzui chhuak a, anu leh pate thingpui a pek zawh chuan ka bulah a rawn thu nghal tharh





"Ka pi ka pu thil sawi duh ka nei a" ka tihchuan min rawn en rual a, "Enge nita?" Bawihi pa in a rawn tihchuan "Bawihi hi a rai a" ka ti a, bawihi chuan ka ban a rawn hmer vak a, "Engtin maw?" bawihi nu in mak tih hmel zet a a rawn tihchuan, "Nu keihi ka rai ani, ka tihpalh, in zak ang tih ka hria mahse" a pa chuan a ban rawn veiin "Min tawng khawp mai, hetiang a thlen hi kan ring ngailo a, mahse a nihtur ang ani vek tawh a, engtia awm zel nge in tum?" a rawn ti a, "In fanu hi ka nupui atan ka duh ani, khawngaih in rem ti hram rawh u" ka ti a.





A pa chu a bu nghut nghut a "Awle, chutiang a nihchuan palai te rawn tir la, nau in pai tawh bawk si nen han hnial vak ngaihna a awm tawh chuanglo" a ti leh nghut a.


.
.
.

Palai te ka tir tawh a, sawisel na em em a awm tawhlo bawk nen kan inneih hun tur pawh an ruat fel vek tawh a, Bawihi pum puar hmaa inneih kan duh avangin thlaleh ni 15 ah ka innei dawn ani. Bawihi pawh hna a rawn la kal chhunzawm ve reng a, kan inneih hunah erawh chuan a thawk chhunzawm tawh dawnlo thung, hna a thawh ka phallo a, ani pawhin hnialna a nei hran lo bawk.





Vawin lamah a kawr hak tur en turin kan chhuak dawn a, an inlam panin ka inkhalh
mek bawk, an in ka thleng a, a lo insiam peih vek tawh vangin kan chhuak lehnghal mai. Dawr ah chuan kan lut a, mo kawr nalh tak tak chu an rawn la chhuak nual a, bawih chuan a ha chhin zel bawk, an in hmeh em em hlawm vek a, a ha hnem tawh hle bawk, a tawp ah chuan a duhthusam ngei a thlan hnuah dawr atang kan chhuak a, a riltam thu a sawi avangin reataurant lam kan pan a.





Restaurant kan thleng a, thutna ah chuan thuin eitur kan lam nghal a, eitur a lo thlen hnuah a ei nghal mawlh mawlh a, thik a ei thei em em a, a ril a tam leh hma em em bawk, kan ei zawh hnuah bill te tifelin chhuah nghal mai kan tum chuan kan hnunglam atang chuan min ko tu an awm avangin ka ding a, kan inher rualin Lily kan hmu nghal.




"In inneih naah chuan min sawm ve dawn lo em ni?" nui sawng chungin a ti a, "I duh ohawt chuan i lo kal ve dawn nia" ka chhan hmain bawihi chuan min lo chhan khalh. "Hmmm....Nia ka lo kal ang mi inkara thlakzeh ching hi chu an tluang rei duh lo viau ania" nui har har paha a tih lehchuan "Tunge mi inkar a thlazep chu?" bawihin a ti a, "Oh...I hriat chian em kha, mahni nihna hrelo tur khawp chuan i mawl lo tih ka hria" a ti a.





"Ngawi hmak rawh bawihi hi tu inkarah mah a thla zep love" ka ti a, mittui tling piau in min rawn en "Henu nihna dik tak i hriat hunah chuan ka hnen ah i lo let leh tho ang" a ti a ka ner sawk "A teuhlo mai, min kalsan rawh, ka hun i ti khawtlai thik tih ngai ka la ngah" ka ti a, kan kalsan nghal a.



Cont.



Hei aw... click tur kha aw...


Show post links
Top

[Ngaia]

Chapter-17



Audrey Zomuanpuii POV



Kan inneih ni chuan mi an lo kal tam khawp mai, thlalak na te kan nei a, rei ka ti tawh khawp mai, ka ke a na em em zui nen, "Zan lam ka nghakhlel tawh" rawn kum hniamin ka beng bulah a rawn phun sup a, ka melh nghek "Tawng ring suh miin an hria ange" ka ti hlak.




Thlalak na te kan nei zo a, ruai te kan theh zawh hnuah Lucus te in lamah chuan ka lawi lut ta a, ka lung a chhe lek lek, a nu le pate ka nu leh pate ni ve tawh te pawh chuan min lo lawm thiam em em a, ka inthlahrung an hlau em em bawk. Zan a tlai deuh tawh bawk nen kan room lamah chuan kan lut a.





Inbual tumin bathroom lam chu ka pan nghal a, ka hnung lam atang chuan min lo kuah deuh thuk pah in "Enge i tih dawn?" ka beng rawn fawh zeuh pahin a rawn tih chuan "Ka inbual dawn, min thlah teh a lum si..."ka ti a, "No...kan in bual rual ang" a rawn tihchuan "Ka duh teuhlo mai, duh leh va inbual hmasa mai rawh" ka ti a, "Bawihi i zak ami?, zah a ngailo ka hmu vek tawh tho che alawm" kiai sukin a rawn ti a.




"Ka duh lo, va inbual hmasa rawh" ka tih leh chuan "A rei mai mai, lo kal rawh engmah zah tur a awmlo i pasal ka nihhi" tih paha min pawm nawlhin bathroom chhungah chuan min luhpui a, min dah thlak chuan bang nghengin ka ding ngawi kur a, "Inphelh la, nge ka phelh zawk dawn che em ni?" a rawn ti leh sup, "Ka inphelh dawn reng alawm" tih pahin ka thawmhnaw chu muangchangin ka phelh a, kan inbual chhung chuan a kit a hlei hle a, ka vin leh hlak thin.





Kan inbual zawh chuan bathroom atang chhuakin thawmhnaw hak ka tum a, "Ha duh suh, phelh leh vel kha ka peihlo" ti sup in khum lam chu min pan pui a, khumah chuan min bawhtlu in ka chungah a rawn zui a, min rawn kiss nghal tawn tawn bawk.



(An tihtur ang chu lo ngaihruat mai ru aw)




Zing lamah chuan ka harh hma ang reng khawp mai, ka rawl deuh thum lehnghal, thawh mai ka tum a ka thei thak lo, ka kawng zawnah Lucus chuan min lo kuah run a, a ban chu ka dahsawn sak them them a, a lam chu hawiin a hmel chu ka thlir vang vang, a hmeltha takzet ani. Ka pasal chu a nimai sia, awih a la har rum rum mai.





Chutia ka thlir reng lai chuan "Ka hmeltha viau em ni?" a rawn ti sup a, ka phu zawk mai "Tho ang, keimahin ka chhukthla ngam lo ania" ka ti a, nui suk in "Imm, nakin deuhah kan chhuk dawn nia, reilote mu leh lawk ang" tih pahin min kuah mu leh a, "A hma vak tawh lo ania aw, mut hun pawh anilo, kan thawh har lutuk chuan a mawi lo ania" ka ti a, "Awle,, ka nupuiin thawh i duh te chuan ka hnial ngam nang" tih pahin a tho chhuak a.





In phih faiin inhnuai lamah chuan kan inzui thla a, an lo thovhhuak vek tawh chu niin ka nu chuan min hmuh veleh "In va rawn tho hma ve" a rawn ti hluai a, "Bawihi hi a hmanhmawh lutuk a" pakhata lah chuan a lo ti a, ka melh nghek ringawt. Eirawngte ka bawl pui a, chaw te kan eikham hnu chuan inleng an rawn awm tan a, an felin min fak thiam hlawm em em bawk si a, an bula awm nuam ka ti takzet.






Ka thawmhnaw te chu Lucus nau ten min remfel pui a, kan zo hma phian bawk, ka vannei takzet hetiang chhungkaw tha lutuk a ka lawi lut hi, an zavaiin min ngaihsak em em a, nuamlo ka ti ang tih mawlh an hlau a, Lucus naute nen phei hi chuan thian angin kan inkawm vek thei a, kei ai kum 2 chauhin an nopang bawk nen kan titi pawh a inrual khat tawk viau mai.


.
.
.

Lucus nen pawh thla khat lai kan innei ve tawh a, min duat em em a, raino haw chi ka ni nen thil ka ei tha thei lova ka thinchhe zual em em bawk nen ka vin vak pawn min dawh hram hram a, min ti let ngailo, nitinin min duat zual zel ka timai, ka nu leh pate pawhin min duat em em a, ka ei chak zawng te min zawt reng thin, ka sawi chu min leisak nghal zel a, tam erawh ka ei thei ngailo thung.





Vawin ka in check up ni a ni a, Lucus an min kalpui a tum bawk, mahse hna lam hmanhmawh thlak a awm vangin a kal hmasa phawt a, kei inlamah lo awmin ka lo insiam lawk sa a, a lo kal mek thu nichin mai khan min rawn hrilh bawk. Phone call ka dawng a, ka en chuan Lucus a lo ni "I lo thleng tawh em ni?" ka ti sep a, lehlama an thu rawn sawi avang chuan ka bing nghal mup mup a, tih hmasak tur ber pawh ka hrelo.





In thing harh in inhnuai lamah chuan ka tlan thla hlawk hlawk a, ka nu ka ko nghal chul bawk, ka nu pawh lo chhuak thuai in "Enge nita mate?" a rawn ti thuai a ka hmel chi ai lutuk a hmuh chuan min rawn pan nghal vat " Nu...Lucus a accident an ti, tunah damdawi inah an kalpui mek" tap deuh pur chungin ka ti a, "Awle., kan kal ve nghal dawn nia lo kal rawh" hlauhthawn hmel tak chuan a ti a, kawnglakah te chuan ka tawngtai a eng ber nge ka chham pawh ka hre lo, damdawi in kan thlen chuan rang takin motor atang chuan ka chhuak nghal a, damdawiin chhung ah ka lut nghal vat.




Counter lamah chuan kalin ka pasal awmna ka zawh chuan min hrilh nghal thuai a, an sawina lam pan chuan ka nu nen kan tlan nghal a, "Bawihi i tlu sual palh ange, muangchangin kal rawh " a tih pawh chuan ka tlan zel tho, kan thlen chuan ka ding deuh chawt a "Lut ang le, engtun mah a awmlo ang, lungngai lo la" tih pahin ka nu chuan min kai lut a, ka pasal khuma engmah hreloa lo mu ka hmuh chuan ka pan nghal vat a, a hmel ka hmu chiah chu ka mittui a baw chawih mai.




Reilote hnuah Doctor a lo lut a, hlauhthawn awm a nih lo thu min hrilh pawh chuan ka hlauthawng lo theilo, ka pasal kut chu ka vawnsak reng a, a lo la harh miahlo, kan chhungte pawh an awmkim thap a, a lo harh hun kan nghak a ni ber, khum bawka ka thut reng kai chuan Lucus chuan min rawn ko a, a lam chu ka en nghal vat, chauh hmel takin min lo en a, "Na te i la nei em?" ka ti a, " Neilo, ka tha lutuk" tih pahin a nui suk.





"Ka hlauthawng hman lutuk alawm, tiang hian vawikhat mah awm tawh suh aw" mittui tling pam chungin ka ti a, "Awle, ka awm tawh miah kovang tap suh le" a rawn ti a, ka hlauhthawn lutuk a, ka tap lo theilo ani, ka chan dawn emaw ka ti hman hial tawh zawk kha ania.




Damdawiin kan chhuahsan tawh a, Lucus pawn in sawisel na em em a nei tawhlo bawk, hna a kal chhunzawm leh tawh a, a hna kal dawn apiangin motor khalh fimkhur turin ka hrilh ziah bawk. Ka nu pai pawn thla thum hmel ahmu ve tawh a, kan chhungkua ka pum pawh tlemin a puar ve deuh tawh bawk, Lucis chuan min la duat chhunzawm zel a, ka ei chak apiang min leisak a, thil ei ka theilo bawk nen tlem te chauh ka ei thin thung.


.
.

Tunlai Lucus awm dan hi ka hrethiam lo min hlat tlat a, min be khat em em bawk, rilru hahna a nei a ang thin hle a, ka zawh lahin engmah a nih loh thu a sawi mai zel bawk nen ka zawt lui duh tawh biklo.





Zan khat chu Lucus a lo haw tlai a, ka lo nghak reng, dar 9 a rik chuan a lo haw ve hram a, zu a in tih ka hre nghal, "Engatinge zu i in?" ka ti a, min chhanglo "Lucus" ka ti leh sep, "Ka duh a ka in animai, i buai a ngai lo mu rawh" ti hmukin bathroom ah a lut tlang nghal a, ka rilru no lai a ni nen ka mittui a tling nghal pam thei. A lo chhuah hnuah pawh min biak chu sawi loh melh pawh mon melh lovin couch ah a mu nghal a, ngawi rengin ka en reng ringawt.





Zing ka harh chuan Lucus chu a lo tho tawh a, nizan khan ka bulah a riak lo bawk, engvanga hetia awm nge anih ka hrelo, kei hian thil tihsual ka nei em ni?...




Inhnuai lamah ka chhuk a Lucus ka hmu lo, ka nu chuan "Bawiha chu hna lam an buai deuh vangin zingkar ah khan a chhuak a, i muhil tui sia a kaitho duhlo che anihkha " a rawn ti thuai a, ka bu nghat ringawt. Min rawn biak beisei in ka phone chu ka melh leh zeuh zeuh zel a, mahse a phone call reng reng ka dawnglo, zan lamah pawh chuan a rawn haw lova, a lo haw dawn loh chuan min hrilh ve tal tur ania, hetia a awm chhan ka hre bawk silo nen ina a rawn haw hunah engkim zawh ka duh ani.




Zingah chuan inlamah a rawn haw a, min biak a la tum chuanglo "Nizan i lo haw dawnloh chuan min hrilh tur che ania" ka tihchuan min rawn melhin "Ka be peihlo che, hmuh che pawh hi ka peihlo, ka awm awm hian min en liam mai mai rawh" a ti hmuk a, "Engvanga hetia awm nge i nih?, enge tihsual ka neih?" ka ti a, "Tuna i pun chhunga mi kha tufa nge?"a rawn ti anihchu ka hriat sual emaw ka ti zawk hial, min zawhna chu ka beisei loh lam daih anih avangin chhan ngaihna pawh ka hrelo "Hrelo der duh suh, ka fa anilo tih ka hre vet tawh zep tum lo mai rawh " a rawn ti leh hrawk a.




"I fa anihhi" ka tih chuan " Zomuanpui min bum tum suh...ka fa anilo, keihian fa ka nei theilo tih ka hre tawh" a rawn ti vin thawt a, "I fa ngei ani, tu mipa dang mah mutpui ka neilo" ka ti chang fak, ngeiawm lutuk a rawn nui chhuakin "Ka awih i ring em ni? Ka fa anilo tih ka hria" a rawn tih chuan "Awle, i faa i pawm lo anih leh he in atang hian ka chhuak ang, nang hian a pa nih i phu lo" ti vin tuar in ka thawmhnaw bawm lam chu ka pan nghal a, ka kut ah rawn manin khumah chuan min theh tlu tawp a, "Nanghi ka then ngai hauh lo angche, i nun hi hreawm takin ka siam hma chu ka kal tir ngailo angche, min bum pawi zia hi i la hrechhuak dawn khawp" tih thawh pahin min rawn bawh nghal a, hlauthawng lutuk chuan ka te chhuak that a "Hmeichhe fel ber ang khan awm tum lo mai teh, mipa tello in i awm thei lo ani tiraw?.. I duh chu ka pe khawp ang che tih pahin ka kawr chu a rawn pawtthler hrawk a, ka au chhuak leh tur chu ka hnui a rawn hup bet hmak nen tihtheih neilo in ka tuar tlawk tlawk a, ka rilru na lutuk avang chuan chet pawh ka che tha thei tawh meuhlo ani.





A duhtawk a ngah hnu chuan khum atang tho in keichu min rawn en a, ngeiawm taka min nuih suk pahin bathroom lam a pan nghal. Ka pasal ka hmangaih em em in min pawngsual ania, a rapthlak ka ti takzet, chechang lovin khum ah chuan ka mu reng a ka melh ngai ka melh reng ringawt. Bathroom atanga a rawn chhuah leh hnu chuan a inthlak mawlh mawlh a, a insiam zawh hnu chuan " In atang chhuah kha chu lo tum buai duh suh angche, i kalna apiangah ka umzui zel dawn che chu chu hre reng angche" tih pahin a chhuak nghal nal nal.




Khami ni atang khan kan nupa inkar chu a chhe chho em em a, kan inbe ngailo, khum khatah kan mu dun ngailo bawk, couch ah a mu mai zel a, ka sawisel ngailo, kan fa hi lo piang se a fa a nihzia a hriatchhuah hun tur ka nghah vang a chhuak lo mai chauh ka ni. Lily nen an inzui tam hle tih ka hria a, ka rilru a na em em a, mahse a duh duh danin awm rawh se, sawisel ka tum lo ka fa hi lo piang se, a fa a ni tih a hriat a, ngaihdam min dil leh a nihpawhin ka ngaidam hauhlo ang, ka ring tlat tawh angche a tih lai te kha ka ngaihtuah let a, a thusawi ka awih kha mawl ka in ti takzet, tunah inchhirin awmzia a nei tawh silo.




Zan a rawn haw lo zeuh zeuh thin a, enge a tih ka hre ngailo, Lily nen an riak dun te pawh a ni mahne, ka beiseina neih ve chhun chu ka fa chauh hi a ni, thudik engkim a hriat chhuah hunah chuan a tlai tawh ngei ang, ka fa lo pian hun ah ka chhuah san nal nal bawk ang, engang pawn ngaihdam min dil mahse ka let tawh hauhlo bawk ang.





Chhun ani a, engmah tih tur em em a awm lo bawk nen kan nupa room lamah chuan mu hahdam turin ka kal a, room ka thleng chiah chu ka phone lo eng va va hi ka va hmu a ka en nghat vat, No. hlang atangin "Zanin dar 7 ah Happy Hotel Room no. 56 ah rawn kal angche" tih hi a lo inziak a, tunge anih ka hriat loh avang chuan kal pawh ka tum hran lo.





Zan a lo ni a kal ka tum lo zet na chu ka rilru thlakin kal ngei ka tum leh ta zawk a, khua a vawh ve deuh tawh avang chuan thawnhnaw lum chu inbelin ka nu leh pate bulah kal lawk na tur ka neih thu hrilh in ka chhuak nghal a, Happy Hotel chu ka thleng a, room no. min hrilh na lamah chuan kal tlang nghalin room kawngka chu kik a, tuman min chhanglo, kik leh ka tum chuan kawngka chu tlem in a rawn in hawng a, ka lut nghal a, a zau tham ve reuh em avang chuan ka lut zel a ka thil hmuh vang chuan ka ding chawt. Ka kehchhe vek, ka pasal leh Lily chu khumah ruakin an lo mu dun anihchu!!





An muhil tui hle ani mahna ka lut tih hre lek lovin inkiah chialin an mu a, chhuah tum a ka inhre chu ka rilru buai deuh nuai nen dawhkana zu bur chu a su tla tawp a a keh nghal chuai, anni pahnih pawh chu an rawn harh duh nghal a, min hnu thut chu Lucus chuan mak a tih hmel hle. "Bawhi" tih pahin a rawn tho chhuak a min rawn ban mai a tum chuan "Min khawih suh" ka lo ti tuar a, a tawp chawt bawk, "Nanghian min phatsan. Ngatinge Lucus hetianga i awm?, ahma a ka chunga i chet dan kha chu ka la hrethiam tunah chuan a tawk tawh, kan inthen nghal ang, min dan han tum vaih teh, ka ruang i hmu nghak ang" tih tuar pahin Lily lam chu k en a a lo nui sak ka hmuh chuan "Nang hian he thil min hmuh tir i duh vangin tiraw he hmuna kal tur hian min tih?" ka ti leh thawt bawk, hriatthiam loh hmel taka min en chuan, "Hrelo der suh, he thil hi i tih vek ani tih ka hria, tunah chuan i chak tawh e, in pahnihin hlim takin awm ang che u" tih paha chhuah ka tum chuan "Bawihi lo ngaithla teh, i ngaih ang" a tih lai mek chuan "Ngawi hmak rawh, ka insawifiahna pawh i ngaithla duh bik em ni?... Chuan tunah i thusawi ka ngaithla ang maw? A teuhlo mai, khawih pawh min khawih suh ka ten lutuk che, ka thil tih tur hi min dan chu tum duh suh, i bula awm ai chuan thih pawh ka thlang zawk" tih tuarh pahin ka tlan chhuak nghal hlawk hlawk a.






Pawn ka thlen hnuah pawh ka la tlan zel tho keihi phatsan ka ni. Ka pasal ngeiin kei hi min phatsan, rilru na leh buai nuaih a ka tlan hlawk hlawk lai chuan motor horn ri tuar leh ka leng deuh lawp chu ka hriat hnuhnhng ber ani.



Lucus Hmingthanzuala POV




Kei hian fa ka nei thei lo chuchu doctor ngeiin a sawi bawk ka rinhleh vang chuan ka test nawn leh ngat a, chutah pawh chuan result a ngai chiah, anih chuan ka nupui pumchhunga naute saw tu fa nge ni ang. Ka thin a rim em em a, ka insum theilo in a lakah nunrawng takin ka che bawk. Phatsan nia ka in hriat na chuan tlawm em em angin min in hriattir a tunge a pum chhunga naute pa chu ni ta ang?




In lamah pawh ka haw lo zeuh zeuh a, ka ngai a, mahse a hmel ka hmuhin ka thinrim zel bawk nen ka haw duh ngailo ani. Ka rilru nat em avang chuan Lily nen kan inzui chhuak leh tan a, mahse ka mutpui ngai hauh lo thung. Zu ka in tam phah em em bawk, zankhat chu Lily nen ka hotel ah kan awm dun a, zu ka in nghek bawk. Bawihi ka mitthlaah a lo lang a, keilo mipa dangin a taksa an khawih vel tur ka mitthla ringawt pawhin ka thin a rim hlur a, zu ka in belh zel ringawt, chutia zu ka in nghek hnu chuan Lily chuan min zut dan dan a, ka lo kai ve deuh tawh bawk nen khumah chuan ka bawh bet a, chet ka lak zawm nghal. Ka zawh fel hnu chuan ka muhil chhunzawm nghal a, thil enge maw tla keh ri ka hriat vang chuan ka harh kawk a, ka thochhuak chiah chu Bawihi hmel ka hmu nghal.






Rilru nat hmel em em in min melh a, keihian engthil nge ka tih tak? Bawihi chu pan mai ka tum chuan hnaih lo turin min lo au khum tuar a ka tawp chawt bawk. A tlan chhuah rual chuan ka thawmhnaw ha sawk sawkin umzui nghal mai ka tum a, "Kal suh, tunah chuan nang leh kei a inkar ah hian tumah an rawn tla zep tawh lovang" tih pahin Lily chuan ka banah a pawt a, melh hrawk pahin "Nang hian bawihi kha heta kal tur hian i ko tiraw, engvanga ti nge i nih?" ka ti thawt, "Aw... ka ko a nihkha enge a pawina kan inkarah a in rawlh thuk tawh mah mah tunah chuan tumah an rawn inrawlh tawh ngailo ang, kan pahnih chauh in kan ni leh tawh ang" ti pahin ka banah chuan min man bet a, bangah rek chawt pahin "Nanghi enga tan mah ka tilo che, nangmah vanga bawihi engtin emaw a awm anih ngat chuan maw.... Hre rawh ka thil tih tur hi i rin aia rapthlak aniang" tiin ka thlah hnawk a, ngaihsak zui lem lovin ka tlan chhuak nghal.





Bawihi kawngpui a a tlan ka hmuh chuan ka umzui vat a, vawileh khatah motor pakhat hian a su leng dawt mai a, ka tlan phei nghal thuai a lu atang thisen a chhuak nasa em em a, mipui lo pungkhawm chuan ambulance an call nghal bawk, ka ko mawlh mawlh a, min chhang lo, ka hlauthawng takzet, ani hian min kalsan ta se, nilo a tello in ka nung theilo ang. Ambulance a lo thleng a, a chhung ah chuan an zawn lut nghal, damdawi in lam chu rang takin kan pan a, bawihi chu an buaipui mawlh mawlh a, ka mang vek engmah tih nachang reng reng ka hrelo, damdawi in kan thlen chuan an zawn lut nghak vat a, OR lamah an zawn lut nghal, Doctor chuan a chhungte ka nih leh nih loh min zawt a, a pasal ka nih thu in ka lo chhang ve vat bawk, "Lo lungngai lo la kan theihtawp kan chhuah dawn nia" ti supin a lut zui nghal a.





Ka chhungte chu ka hrilh vat a, Bawihi chhungte lam pawh ka hrilh hre bawk, an lo kal nghal tur thu min hrilhin kan inbiakna kan ti tawp a, pawn lamah chuan ka lo veitawn chhen, reilote hnuah kan chhungte chu an lo thleng kim thap hlawm a, an hlauhthawn hmel hlawm hle, bawihi nu chuan a mittui a hru zeuh zeuh a, hmuh hreawm ka ti takzet, hethil thleng chhan hi keimah vang vek a ni, darkar 3 vel hnuah chuan Doctor chu a lo chhuak a, "Kan theih tawp kan chhuah a, i nupui chu ka zei/zai hlawhtling chuan kan hria a, mahse naute erawh kan chhan thei talo ani" a ti sup a, "Doctor engtikah nge ka fanu hi a lo harh chhuah ang?" ka pu chuan a lo ti sup, a hmel atang chuan a rilru a na tih ka hmu thei, "Ka sawi thei mai lo ani. kar khat emaw thla khat kum hial pawh a ngai maithei alu a sawh na hi a na ang reng a, chuvang chuan a lo harh lawk lo ang, engpawh nise Pathian hnenah tawngtai ula, ka Pathian chuan tih theih loh a neilo ania, mihringin theihloh anga ka ngaih pawh hi Pathian chunga rinna ka nghah tlat chuan theihloh a awm lo ania" ti leh dap dap in a kalsan a.




Bawihi chu ICU ah a awm a, luh reng a theih loh avangin kan hmu zeuh zeuh chauh ani. Kar khat chuang damdawi inah a awm tawh a, engmah a la ang thei lo, ka inthiam lo em em a, a hmel pawh hmu ngam tur ka ni tawh lo tih ka hria mahse ka theilo ani. A lo harh hunah chuan hmu tawh lo turin min ti ngei ang tih ka hria, chuthil chu ka huphurh takzet bawk.




Company lamah hna tul a awm vangin ka kal lawk a, ka let leh lam chuan Doctor pakhat hian min lo ti ding a, tunge a nih ka hre mai lo mahse ka hmuh tawh hnu chu a ang viau lawi. "Kan inbe lawk thei angem?" a ti dan thlup a, ka bu nghut. "A office lanah chuan kan inzui chho a, "Nanghi Lucus Hmingthanzuala i ni tiraw?" a ti leh te te a "Aw..Ni e" ka lo ti sup. "Thil pawimawh tak hrilh duh che ka nei a, kan sawi thlang nghal mai anga, a rei veleh deuh tawh, Doctor Puia khan fa i neih theih leh theih loh a test sak che khan result thlak danglam a ni, nanghian fa i nei thei, Lily khan Doctor Puia kha a tham a, chuan i test result an siam danglam ani" a tih chuan ka ding chhuak rang khawp mai.





"I thusawi kha i chiang maw?" ka thinrim na thup tum hram hram chung chuan ka ti a, a harsa lam mah ani "Aw...chiang e, an inbe ru lai ka hria a, a tangkai takah tiin ka lo record vek bawk asin, heihi ania kha i mamawh ang" tih pahin pendrive min pe a, "Thudik min hrilh avangin ka lawm e" ka ti a, ka chhuak nghal, bawihi awmna lam chu ka pan a, darthlalang atang chuan ka en reng a chungah rawng takin ka che a, ka ring tlat tawh ang che ka tih hnuah a insawifiahna pawh ngaithla lovin hreawm takin ka siam a, a pumchhunga naute nie... Ka fa, tunah chuan kan fa hial kan chan tawh bawk tunah chuan min ngaihdam duh tawh hauh lovang le...




Rei awm lovin inlamah ka let nghal a, pendrive chu laptop ah chuan vit lutin ka play nghal Lily leh kha doctor inbe lai kha chiang takin a in record vek bawk a, chhuah tumna ka neilo, an thil tih man chu an hmu khawp ang. An inbiakna chu ka phone ah ka in thawn a Lily te in lam chu ka pan a, amah chauh in a lo awm, min hmuh chuan min nuih nghal var var a, kutthlak lo turin ka insum hram hram ani. "Nanghian ka in testna reault kha doctor i lo thlak danglam tir amaw?" ka ti hrawk a, hriatthiam loh hmel zet a min en chu ka ti thei thaklo, "Ohh ..ka hmaah chuan i lemchhan khan awmzia vak a neilo ang" ka ti leh hrawih, "Tumaw ka tham a?...Thil hriat fuhlo i nei a ni ngei ang keihian engthil mah ka ti lo" hlauhthawnna leh zamna nei miahlo chuan a rawn la ti ngam anihchu.




Cont.



Hei aw...type sual a awm dawn tih ka chiang a, ka check hman tawh tlawt lo ani e, min hrethiam dawn nia, chuan click kha han hmet keuh ula aw....


Show post links
Top

[Ngaia]

Chapter-18




Lucus Hmingthazuala POV



Engkhaw sawi set set lovin ka phone chu ka play a, a dang nghal sawp sawp thei, "Ni..nilo ka nilo" a ti chul a, mi dawizep tak ani tih ka hria, "Jail tang turin lo in ring angche" ka tihchuan "I theilo ka pa nihna i hria anilawm ni?...Ka tang ngai lovang" nui sak chungin a rawn a, "I pa nihna vang mai mai hian i tang i inring lo amaw, i lo mawl hle mai, i pa eiruk na finfiahna hi ka nei vek asin, i pa khan a hum thei lo angche, a eirukna mi hriat a tarlan ai chuan nanghi tang mahla pawi tihna a neih ka ring lo" ka ti a, a hlauhthawn hmel tawh khawp mai. Mahse ka thil tih tum hi thulh ka tumlo bur ani vang phaingsen ka fa chu anu pumchhunga a awm lai in a thi a, ka nupui thihna sualin natna khumah a mu mek bawk.





An in atanga ka chhuah dawn chuan hnunglam atangin min rawn kuah a, "Min thlah vat rawh" ka ti hrawk "Nilo, khawngaihin ti suh, ka hmangaih vang che a tiang a che hi ka nia sin" a rawn ti tiau a, ka ner sawk "Ka warning tawh che, mahse engatan mah i ngai duhlo a, i thil tih man chu i tuar mai tur ani" ka tih leh chuan "Aih, i nupui bulah chuan ngaihdam ka dil ang, khawngaihin thiang hi chu ti suh" aw khur hlawk hlawkin a rawn ti leh a, "Eng ang pawn ngaihdam dil mahla, awmzia a awm tawh lo, i thil tihsual man tuar turin lo in puahchah ang che" tiin a kut chu ka phih thlak sak hlawk a, ka chhuak nghal.






Police hnenah Doctor leh Lily chu ka report ta a, finfiahna tha tak ka nei bawk a, anni tan chhuanlam siam tur pakhat mah a awm lo, Doctor chu police te hnenah inpuangin Lily in a tham dan zawng zawng te chu a sawi ta vek a, jail an tang ngei bawk. Ka sawi tawh angin Lily pa chuan engmah a ti ngamlo. A fanu ai chuan a eirukna miin an hriatchhuah a hlau zawk miau.





Thlakhat lai a liam leh ta, bawihi chu a la harh miah lova, a la ngai reng a ni deuh tawp, ka ngai takzet, a bulah ka awm deuh chawt a, hna tul pawimawh a awm anih loh chuan ka kalsan ngailo, a lo harh chhuah hunah chuan a hmuh phak loha awm turin min ti ngei ang, chutiang a thlen hma tal chuan a bula awm ka duh ani. Kalsan tura min ti a nih pawhin ka thei dawn lo tih ka chiang.



.
.
.

Vawin chu damdawiin lamah ka awm hman lo a, meeting pawimawh tak a awm avangin kan meeting lai pawh chuan bawihi ringawt ka rilru ah a awm a, an thilsawi pakhat mah ka hrelo ka um e liam vel mai mai ani e, meeting chu rei ka ti takzet tawh, damdawiin lama kal vat ka duh ani. Meeting kan zo hram a, hall ka chhuahsan hnu chuan ka office lam ka pan nghal a, ka phone ka en chu ka chhungte hnen atang call tam zet mai hi ka lo dawng a, ka phone ka silent daih avangin ka lo hrelo ani. Rang takin ka nu chu ka call let nghal thuai a, "Bawiha, Audrey bawihi a lonharh tawh, tunah a rang lamin hospital lo kal vat rawh" a lak rualin a rawn ti a.





Ka thutna atang tho chhuakin hmanhmawh takin damdawiin lam chu ka pan nghal a, kan chhungte hi thil thleng kha engmah ka la hrilh lo, bawihi lo harh chu ka lawm rual rual in amah hmuh ka huphurh takzet ani. Engtinnge min lo dawnsawn ang ka hrelo, damdawiin chu ka thleng a motor park thain a chhunglam ah chuan ka lut nghal a, bawihi awmna room kawngkhar zawnah chuan ka ding chat, thawk ka la hawk a, kawngkhar chu muangchhangin ka nem hawng riai riai a, ka nu leh ka pi chiah an lo awm a, bawihi chuan a mit a lo chhing chial bawk.





"Nu.. alo harh tawh i ti ani lawm ni?" ka ti sup, "Aw...harh tawh e, Doctor in mutthilh na in a chiu a, a lo harh leh tep tawh ang" a ti sep sep a, thutthleng ah chuan ka thu thla dawt a lo harh hunah engtinnge ka hmachhawn ang ka hrethiam lo, ka nu leh ka pi hmel chu a eng deuh sarh a, bawihi lo harh chu a lawm tih an hmelah pawh a hriat, mahse an tu hmasa ber tur an channa khan an thinlung na takin a siam tih ka hria, Liky leh Doctor te thil tih pawh kha ka chhungte lakah hi chuan ka zep tlat a, bawihi'n a sawichhuak a nih loh chuan keichuan sawi ka tum lo bur.





"Khawiah nge midang hi an awm?" ka tihchuan "Thil pawimawh tihtur a awm vangin i pa te chu an chhuak lawk a, an lo let har tawh lovang" ka pi chuan a lo ti vat a, ka bu nghut nghut. Reilote hnuah bawihi chu a rawn harh a, "Nu... tui ka in duh" a rawn ti nghal chhal bawk. Ka pi chuan tui a in tir nghal vat a, a in zawh hnu chuan chauh hmel takin a mut na ngaiah a mu lehnghal, ka hawikual a kei min hmuh veleh chuan a mitah natna ka hmu thei, hreawm ka ti takzet bawk.





Hrechhuak thut ang mai hian a pum chu a dawm vat a, "Ka naute a tha em?" a ti a, tuman chhan kan tum lo, "Nu ka naute engtinmah a awmlo tiraw?" beisei nei zeta anu en pah chuan a ti leh a, "Bawihte" tah insum zetin anu in a lo ti a, "Nu nang talin min hrilh teh, ka naute a tha tiraw?" ka nu en pah a a tih leh chuan ka nu chuan miitui tling pama a kut a vawn sak chungin "Accident i tawh khan i pum i sawh tel vang in naute chu i chhiat ta ani" ka nu in a tih chuan bawihi mittui a baw zawih a, kuah a hnem ka duh mahse hethil thlen chhan hi keimah ka ni tlat si.





"Dawt dawt min hrilh ani, ka pumchhungah hian a la awm alawm, dawt in sawi" tiin a au vak vak a, a inhlimna a la damchiang loh vangin a intihnat ka hlau hle, a bulah chuan va kalin va kuah mai ka tum a, "Min khawih suh" a rawn ti tuarh a, hreawm ti lutuk in ka inhum ruh nghek ringawt, a tal nasa bawk nen amah a in tihnat kan hlauh avang chuan Doctor ka ko ta tawp a, an chiu dawn te chuan a la tal nasa hle, an chiu zawh hnu chuan a zawi tial tial a, a hnuah a muhil zui nghal.




"A thil hriatin a thawn lutuk vang anihkha engmah hlauhthawn tur a awm lo, a lo harh hunah chuan a pangngai leh vel mai ang" Doctor chuan ti supin min chhuah san nghak a, ka pa te leh ka nau te chu an lo thleng rual a, thil thleng vel chu ka nu te chuan an lo hrilh zung zung, kan vai chuan bawihi ko harh hun chu kan nghak thap a, mahse an awm lai chuan thil kan sawi fel thei dawna ka hriat loh vangin kan chhungte chu in lamah chawl hahdam turin ka hrilh a, min hnial nasa hlawm viau mahse ka tih luih tlat avangin an haw ta hlawm a.




Bawihi chu ka en vang vang a, kei hian na takin ka siam ani, ka fa ngei pawh keihian ka fa ah ka pawmlo a nia, hmeichhe dang nen kan awmdun lai min hmuh vangin accident a tawh phah a, nau a chhiat phah bawk min ngaidam duh dawn hauhlo, mahse kalsan chu ka theilo, min kalsan ka phal lo bawk, min ngaihdam theih nan ka theihtawpin ka bei ang, engtin pawn min ti mahse ka tuar zel mai ang, mahse ka hlatah chuan a awm tur anilo.




"Bawihi" tih paha a kut vawn sak mai ka tum chu a lo la sawn vat a, kei ka thaw hawk thung. "Ka nu ka pi Bawihi nen hian kan han inbe fal lawk ang chu" ka nute lam en chuan ka ti a, ngaihthat lohna pawh nei lemlo in an chhuak zui nghal mai. Bawihi ka en chuan mit a lo chhing tlat a, a muhil lo tih erawh chiang takin ka hre thung, "Bawihi in be lawk ang aw" ka ti a min chhanglo. "Min ngaidam hram rawh, mahse khawngaihin min kalsan suh, i tello chuan ka nung zo lovang" ka tih leh pawh chuan a a m ngaiin a la awm tlat a, "Bawihi enge maw tal sawi la" ka ti a.





"IN THEN KA DUH" a rawn ti sep a, "Nilo inthen lo ang, bawihi min ngaidam hram rawh, ka hmangaih che" ka tihchuan thinrim hmel takin min rawn en a, "Vawikhat pawh khathu kha sawi tawh suh angche, nanghian min hmangaih lo, min hmangaih nila mi thusawi ring hmasa lovin ka thusawi i ngaithla hmasa ang chu, 'ka ring tlat tawh ang che' i ti anilawm ni? I mi rinna chu a lo nghet khawp mai" nuih har pahin a. rawn ti a, ka i thiam lohna chu nasa tak ani.





"Ka tihpalh bawihi mahse min kalsan suh, i tello chuan ka awm thei lovang" ka ti a, "Ka nun a i lo lan renh chuan kei hi ka thi thuai ang, nanghi chuan natna bak min pe ngailo, engtinnge kalsan loh tur che a min la ngem ngam zawk? Nang leh kha i bialnu vang khan ka naute ka chan phah a, ka pumchhung ah ngei a thi asin, nun nuama nun in phu bik lo, ka la tichhe vek ang che u" a rawn ti vin leh tuar a. "Natna min pe tur talin ka bulah awm rawh, khawngaihin" ka ti sup a rawn nui hak thung a.





"A teuhlo mai, nang ang mi rinawm lo nen a inzawmna neih hi ka duh lo a, ka duh ngai tawh hek lovang, min chhuah san rawh, damdawiin ka chhuah veleh hian ka chhungte ka zui haw nghal dawn tih hria ang che, chuan sum kan rawn chhuah ang, lungngai suh, Lily nen in lo khawsak dan kha chu engmah ka sawichhuak lovang, ka nu ka pa, Jasmine leh Jennifer-i te ka ngaihtuah vangin, mahse min dan tum hlek suh angche, nanghian min dan theihna turin dikna pakhat mah i nei lo" ti chang fak in khum ah chuan min hnung chhawn zawngin a hmu nghal.



Zawmna



Lucus Hmingthanzuala POV




Zan a ni tawh a, Bawihi nen vawikhat mah kan la inbe leh lo, kan chhungte bulah lo kal tawh lo mai tura ka tih avangin an lo kal tawh lo a, Bawihi'n min be duh lo mahse thil sawifel pui ka duh ani, ngaihdam dil pawh ka duh, chuan ka lak atanga a kalbo ka phallo, engang pawn min then tum mahse ka then dawn lo bur.





"Bawihi" ka ti sup a, a muhil lo tih ka hria khumah chuan thu mu in a mit a chhing chial a, ka kohna chu hria ang pawh in a lang lo, "Bawihi ka thil tih avang khan ka inchhir takzet a ni, khawngaihin min ngaidam rawh" ka ti a, a rawn thaw chhuak hawk a, a la meng chuanglo, "Enge maw tal sawi la" ka ti lehchuan a rawn meng a, a mit ah chuan natna thuk tak ka hmu, min ti hreawm takzet bawk.




"Sawi tur enge la awm? Ka rilru ka thlak dawn lo, nanghi ka then dawn che, i bula awm ka duh tawh lo" a rawn ti chang fak a, "Khawngaihin, chutiang chu tilo hram rawh, i tello chuan ka awm theilo" ngen ngawl tak chuan ka ti leh a, "Nangmah chauh i inngaihtuah a nihhi, khatiang thil a thleng tawh chung khan i bula ka la awm duh i ring em ni? Nang ang mipa mi rinna neilo lutuk bulah hian reilo te pawh awm hi ka peih tawh lo asin, chuvang chuan min ti lui suh"a rawn ti tawn tawn a. Ka thiamloh a ni tih ka hria mahse ka la kal tir phal chuanglo ani.





A lamah chuan kal in khumah chuan ka thu a, a rawn che ve phat chu ka man bet nghal hmiah "Vawikhat tal chance min pe leh rawh, khatiang thil kha a thleng tawh ngailo ang, ka tiam a che" ka tih chuan a rawn nui hak a, "Nanghi ka rinna chhan tur che ka hrelo, chuan nang nen hian inthen vat ka duh bawk, naktukah kan chhungte bulah sawi ang che, i sawilo a nihchuan keiman ka sawi ang" a ti a, "Nilo, ka sawi dawn lo nanghi ka then dawn lo che" ka ti nghal hrawih "I sawi dawn lo anih chuan keiman ka sawi ang" a rawn ti fak.





"Aih i sawi lo ang, kan inthen dawn lo, ka thiamloh ka hria mahse ka kal tir thei lo che" ka ti a, ka hlauthawng ani. Nie..., ka hlauthawng takzet, min kalsan ka hlau, a tello a nundan ka thiam tawh lo, nilo ka nung thei lo ang.




"Nang ang mi rinawm lo lutuk, hmeichhe pakhat a lungawi theilo bulah hian ka awm thei lo" a rawn ti a, nilo a ni chauh hi asin ka mamawh chu "Nang chauh hi ka hmeichhe hmangaih awmchhun i ni, hmeichhe dang ka mamawh lo, khawngaihin min kalsan suh, kha thiang thil kha vawikhat mah a thleng leh ngai tawh lovang" rilru buai nuaih chung chuan ka ti a, "Vawikhat tal kha i hmei nen a in mutdun dawn khan kei i nupui ina i rawn haw hun lo nghak mek tu che kha min ngaihtuah em? Mawh, min hrechhuak em?" a rawn ti vin ta tuar a.





Chhan ngaihna ka hrelo, ka ngawi reng a "Sawi tur i hre leh si nange, khati chung khan keihi min hmangaih thu i sawi thei amaw, vawikhat pawh sawi ve tawh ngai suh ang che" a mittui a tling pam a "Bawihi khawngaihin vawikhat chauh chance min pe leh hram rawh, ka inchhir takzet tih hi min hmuhsak hram rawh" ka ti hawk.





"Nilo.... A hma pawhin i ti tawh, keihi min bum mai mai tawh lovang, nanghi hmuh leh che pawh ka duh tawh lo, naktukah kan chhungte kan hrilh anga, kan inthen nghal bawk ang" tiin a mu nghal hmak a, tunah chuan engpawh sawi ila a pawm dawn lo tih ka hrechiang, engmah sawi tawh hrih lovin couch ah chuan a thum a khuma ka nupui min hnungchhawn zawnga thu thu ka melh ngawt ngawt ringawt. Mahse kei hian ka then dawn lo tih ka hrechiang.




Doctor a lo lut a, Bawihi chu a that leh that loh te a zawt a, tha takin a lo chhang ve zel bawk, "Zanin lamah in sawisel na te i neih tawh loh chuan naktuk ah i chhuak thei tawh ang, mahse chawlh hahdam i mamawh a, eng hna mah thawh tum hrilh loh a tha ber" Doctor in a tih chuan bawihi chu a lo bu nghauh nghauh a. Doctor te chhuah fel hnu chuan bawihi chu a mu leh nghal a, vawikhat pawh min rawn en lo.



Next Morning



Nizan lamah bawihi'n insawisel na te a nei lo bawk a, vawin ah kan chhuah theih tur thu Doctorin min hrilh tawh a, kan chhungte pawh an lo thleng har tawh lovang.



"Bawihi, kan chhungte an lo thleng tep tawh a" ka ti a, min chhang lo "Keichuan then che ka tum hauh lo ania, kan chhungte bulah engpawh sawi la ka then dawn chuang lo che" la tih leh chuan mon melh rum ngang mai, ka lo nui suk a, thil sawi tuma a rawn ang zuai tihah kawngkhar lamah thawn a rawn awm a, a tawp hmak.




Kan chhungte ho chu an rawn lut a, an hmel ah chuan Bawihi'n damdawi in a chhuahsan tawh dawn avangin an hlim hle tih a hriat, ka farnu te chuan Bawihi chu an pan nghal vat a, thil an sawi nghal char char, ka en reng a, bawihi pawh a lo nui ve seih zel, "Mate, in in lamah kan rawn kal ve nghal dawn a, damdawiin lamah i awm rei bawk nen i chhuah lawmna ni pahin chhungkuain chaw eikhawm te kan nei anga ka ti ti a" ka pi chuan a ti a, Bawihi chuan min rawn melh vat, sawi turin min ti tih ka hria mahse engmah sawi ka tum lo.




"Ka haw dawn lo" Bawihi chuan a rawn ti a, kan chhungte chuan an melh nghal thap, "Damdawi in lamah i la awm duh em ni?" ka pi chuan a lo ti leh vat. "Nilo, thil hrilh tur cheu kan nei" tih pahin min rawn melh a, ka lo thaw hrawk. "Engthil nge ni mambawih a va pawimawh hmel ve" ka pu chuan a lo ti sup, "Lucus nen hian kan inthen dawn" a tih chuan kan chhungte chu an meng phawk hlawm khawp mai.



"Kan inthen dawn lo" ka lo ti vat. Ka lam an rawn hawi a, "Enge maw in sawi le?, engvanga inthen chu duh nge in nih?" Ka pa hi a rawn ti a "Kan inthen dawn lo ka tih kha" ka ti bul hmuk "Aih kan inthen dawn i bula awm ka duh tawh lo, min dan tum suh" bawihi chuan a rawn ti chang fak a, "Bawihi" ka ti hap ringawt.




"Khati khan mi ko suh" a rawn ti leh fak, "Ka nu ka pa ka tihpalh mahse Lucus bula awm hi ka duh tawh lo ani, khawngaihin min hrethiam rawh u" ka nu leh pa te melh chungin a ti a, ka thaw hawk, "Enge in buaina chiang deuhin han sawi teh u" ka pu in an rawn ti a, "Keima thiamloh vek ani, mahse in fanu hi then ka tum lo" ka lo ti sup.





"Mate, nupa inkarah chuan in tih thiamlohna te a thleng chawk a, inthen nghal ngawt hi a tha ber lo ania, puitling ve ve in ni tawh a, in pa pawhin a thiamloh thu a pawm vek a, nangpawh thiam lohna i nei ang, chuvang chuan hetianga thil tih rum rum loh tur " a pa chusn a ti leh a, tah insum zetin a pa chu a melh a, "Aih, a bulah hian ka awm thei tawh lo, inthen ka duh" a ti tiau a, kan chhungten an sawipui fe hnuah pawh a rilru a thlak duhlo.





"Kan in lamah awm phawt hrih mai se, a pawi in ti em?" ka pu in a rawn tihchuan ka chhungte pawh chuan an lo hrethiam khawp mai. Bawihi chu a nu leh paten an haw pui ta a, ka nu in bawihi chu engtinge ka tih min zawt reng a ka thiamloh a nih thu bakin ka chhanglo.



Cont.



A ngaihnawm vak loh ang tih ka hria...Tunlai chu ka chau ve deuh bawk nen thluak a chawl lutuk a, min hrethiam hram hram hrih mai teh u🥲


Show post links
Top