APRIL BY Omega Hmar Tlangte (Completed)

[Ngaia]

APRIL


Kawngkhar kik dawr dawt ri chuan pi Rami chu a tiharh hlawl mai, dar 11:00 p.m a lo ri kuau tawh a, ruah lah chu a si seng seng bawk. Pi Rami chuan a hlau ang reng hle a, a bula apasal pu Siama mu chu a sawi nawk nawk a, "Eng nge, i muhil leh thei lo a mi?" mit nuai nawk nawk chung chuan pu Siama chu a rawn tho a, pi Rami chuan a thil hriat chu apasal in a awihloh a hlauh em avang chuan a zun chhuah thu a sawi ta ringawt a, pu Siama pawh chuan a nupui chu bathroom-ah chuan a hruai ve mai bawk a, bathroom-bul an thlen chuan naute ṭap ri an hre ta tlat an veranda-atanga lo chhuak ngei a ni. Rang takin kawngkhar chu an hawnga, naute hmeltha zet hi bawmah a lo mu reng mai a, lehkha hi a bawmah chuan a lo awm bawk a, Siama chuan la vatin a han chhiara, Rami chuan naute chu thlêm a lo tum ve mek bawk a,



lehkhaah chuan "Naute hi ka enkawl theilo fa atan nei rawh u ka duh lo" tih te zawng hi a lo inziak a boruak a vawh deuh avangin inchhungah an lut thuai a, an mut reng a chhuak tawh lo naute lah chu a ṭap reng mai si a, Rami chuan bawnghnute a han pe ngawt a, a lo duh phian mai "A ril a ṭam a nih hi" tiin a phun sep a bawnghnute a pek zawh chuan naute pawh chu a lo tlei ta, Siama chuan lehkha chu a nupui a han chhiar tir ve a, a pasal ang lo takin mak tihna a neilo chutia zan reia an veranda-a naute lo awm ringawt chu Siama chuan a hrethiam lo hle a,Rami erawh chuan "Fanu ka awhna hi a rei tawh a, Pathianin enkawl tur fahrah min pe a nih hi " a lo ti sam et a,


Siama lung chu a awitheilo "Naktukah he naute nu diktak hi kan zawng chhuak ang" a ti hlur a, Rami ngaihdan a lo ni hauh lo, "He naute neitu hian a fanu hi a duhlo kan inah a rawn hnutchhiah a nih hi Dominic-a chiah fa kan nei chuan i nupui hian nau ka pai thei tawh lo i hre ve reng lo a mi" a ti hlur a, Siama pawh chuan a nupuiin chu naute a hmangaih nghal zia chu hrethiamin lungthlu ngang lo chuan a pawm ta ngawt a,


Rami chuan naute a hmuh zan chu a pianchamah a ring ta nghal a, naute hming tur phuah chu a lo ngai leh ta hming han phuah mai tur an van hle mai. Siama chu a han ngawi vang vanga "Awle, ka nupuiin duh takin he fahrah nausen hi a pawma zanin hi a tan chuan a piancham a ni nghal a, chuvângin a hming pawh April-par mawi hun lai tak a nih vangin April-LalSangpuii ni rawh se" a ti chuai raih a, Rami chuan a lo nuih var var a.


Siama hi Vety Doctor-a ni a, a nupui Rami erawh hi chuan engmah hna thawh a nei lem lo. Fapa kum 9 mi Dominic-Lalthakima an nei bawka, an fapa neih chhun liau liau a nih avang hian duat pawh an duat hle vanduai thlan tak maiin Rami chhul chu a cancer-hlauh mai a, Dominic-a kum khat a nih hian a chhul chu paihsak a ni ta ani. April-i an chhar zan hian Dominic-a chu Rami nuṭa Dawngate ina a riah lai tak a lo ni a, Dawnga hi middle school zirtîrtu niin Dominic-a chu an inah lehkha zirtirin a riah tir nghal a lo ni.


"Â nû pute Dawngan 'min lo be rawh se' a ti" ti a au lauh lauh chungin Dominic-a chu a rawn tlan lut a, Rami leh Siaman naute bawnghnute an lo pek lai tak a lo ni a, Dominic-a chuan a va pan a "Â nû tute naute nge a?" Tiin a va zawt a, Siama chu a ngawi renga sawi tur pawh a hre lo, Rami chuan "Bawihte he naute hi i nau April-i a nih hi" nui sang chung chuan a lo hrilh a, Dominic-a naupang kum 9 mi lek chuan naute chungchang chu hriatbelh tumna a neilo "Yessss nau hmeichhia ka nei ve ta" tiin a tlan kual zawr zawr ringawt a, Siama chuan a nupui chu a en a "A lo puitlin deuh hunah zawhna a ngah viau ang le chaw ei a hun ka tlai ang e" a ti a, a tho vut a.


KUM TAM RAL HNU CHUAN:


"Vanglai a rei lo vul lai a rual lo kawp zai a rem lo April" ti a zai rut rut pahin Dominic-a chuan a Doctor-thuam var nalh zet chu a han ha a, ngun takin darthlalangah a in en a, "Ka farnu a ni a, a ni reng dawn bawk ka rilru hi akim chiah lo a niang kum riat dawnin ka upa zawka school a lut lawk lo nen ka hmu naupang chhia tur a ni" tiin a han nui lui sak a, a thawhna damdawiin lam panin a chhuak ta a.



April-i pawh phur takin a college-ṭan ni hmasa berah chuan hmanhmawh takin a insiam sawk sawk a, tuna a khawsak na chhûngkua hi a chhûngte diktak an nilo tihpawh engmah hreloin hlim takin a rawn thang lian chho ve a, lehkha erawh thiam thei lo ve tak niin school-luh tlai nak laiin pawl sawmpahnih kum hnih a bei leh zui. Mahse, April-i chu a naupan lai atang rengin hlim tak a ni a, lehkhazir lama harsatna a tawh te chu engatanmah a ti lo a, a nui vur vur reng zel ringawt mai a ni.


Class-a reilo kher mai April-i chuan a tarmit bial lianpui chu a han hru fai nawk nawk a, a sam a chul thuak thuak a, thian a la neih loh avangin han thurualpui nei hek lo bus- lah chu vawikhat a han chuang dek dek a, a hne hian a hne nghal hluah hluah "Ka pa hi scooty-min lei ve mai tur a nia u Dominic-a lukira lah sawi nitin car-emaw bike-emaw a keng chhuak ziah bik" ti a phun nuah nuah chungin an college gate-bulah chuan a ding reng a.


"Kan naute damdawiin kalpui angai maw! Aw scooty-ka keng alawm ka rawn haw nghal" hmahmawh taka hmeichhe pakhat phone-hmang chunga, a scooty-pan mek chu April-i chuan a en reng a, "Mi fate" tiin a han phun sep a, April-i nui reng thin kha bus-chuan peih loh vang mai maiin a ngui nghiai a, hnuai lam bih chungin a ke bula fanghmir vak chu a en reng ringawt a,


hriatchhuah nei niawm tak hian a hawichhuak thut a, "Thiannu, min lo nghak teh naute damlo in nei maw ka u naupang specialist-alawm" a hma lawka scooty-a tlanchhuah tum mek hmeichhia chu a va pan hlawk hlawk a, "A nau ka nia lawm ka thuin in lut nghal ang ka tiam a che" a la ti deuh deuh.


chu nula pawh chuan remti ve maiin an inphur ta a, Zohmingi a nih tfhu leh an college principal-fanu a nih thu te naute chu a nu nau fa anih thu te a han sawi chuan April-i chu a zam ru hle a, achhan pawh college-lut thar hlim hlawl an principal-in a han luh nghal thâwr chu a zak ru em em a ni. Zak mah se, a kal tho tho angai.


An thlen chuan naute-chu car-ah an lo pawmlut fel chiah a, Zohmingi leh April-i pawh an lût ve nghal a, Zohmingi nutei pasal Dawnga chuan a khalh a, an tlanchhuak ta a, Zohmingi chuan April-i u naupang specialist- chungchang chu a hrilh mawlh mawlh a, April-i pawh chuan kawng a lo kawhhmuh zung zung bawk a, Zohmingi nutei fa hi kum nga niin fa thla hnih mi an pai leh mek a ni.


Damdawiin an thlen chuan April-i chuan pawna lo awm lawk turin a hrilh a, Dominic-a room-lam a pan nghal tumah an lo awmlo hlauh a, Dominic-an April-i a hmu chu a ang zuau hman mahse, engmah a sawi hman lo April-i chuan a tawngkhalh zung zung a "Lu kir naute serious lutuk ka rawn luhtir nghal dawn tuman an rawn lo chein ka hria, min hnial hlek suh ka rawn luhtir dawn" a ti nghal bawrh bawrh a, Dominic-a chuan "Serious-a hmanhmawh rawh se" a lo tih chuan khi ver ver chungin a chhuak nghal a, Dominic-a chuan chutia a unaunu a han awm chu a hrethiam lo hle a lu kir chu a han tuai hlek ringawt a.


Naute an rawn luhpui chuan Dominic-a chu a ka ho ringawt a, "Kha kha naute maw kum engzat nge? Nausen emaw tih a" a lu kir zet chu a han tuai nawn leh a, Zohmingi nutei chuan "Ka pu kum nga chauh a la nia a hnap hi a awm reng a, a khuh leh thin a min han en sak hram teh" ṭap titih deuh chuan a sawi a, Dominic-a chu a nuih a za zawk nui insum tih hriat tak hian naute chu a han en vel a, lehkhaah chuan engngemawni a ziak nghal mawlh mawlh bawk a.


Zohmingi chuan kawngka bul atang hian mittla leklo hian a lo en ngawih ngawih bawk a, "A hritlang anih kha chuan a âwm a na bawk a nih kha hei damdawi hi lei ula pe ula a dam mai ang" lehkha chu a pe a, Zohmingi nutei chuan "A tha tak tak maw a serious lutuk emaw ka lo ti asin ka pu kan lawm e" an chhuak nghal a.


April-i chhuah ve mai tum chu Dominic-a chuan a banah a lo man a, "Tu te nge an nih a? Ka pu te min la ti zui naupang hritlang mai mai" za lutuk hian a nui huah huah a, April-i chuan a melh rum kher mai, a lu kîr buk taka kek zauh pah chuan "Lukir i rûi a ni maw ka pa ka hrilh dawn" tihleh tlan chhuah a rual nghal a, "Zu ka in ngai tawp silo a" ti a phun nuah nuah chungin a lu kir chu a tuai leh hlek a.


April-i chu Zohmingi chuan pawnah a lo nghak reng a, "April-i tiraw i nih kha Doctor-kha i u maw tunge a hming? Awi a chhiatloh zia kha minl biak inkâwm char char tawh ang aw" a lo phi nghal chung mai April-i lah phakar lo chhuah ve "I scooty-khan nitin min lo sawm thin la kan ngaihtuah ang",a lo ti vei than a, Zohmingi chu Dominic-a zunah a uai nghal der avangin "Aw..aw..aw a ti nghal zung zung a" nui sang chung chuan ke in an inzui haw hnak hnak a.


CONT......


Show post links
Top

[Ngaia]

Zanriah an kil lai chuan pu Siama chuan April-i chu an college-nuam a tih leh tih loh te a zawt luam a, April-i chuan phur fahran hian thianthar a neih chungchang leh a thiannute naute Dominic-a thawhna damdawiin a an kalpui chungchang te chu nuisang chung chuan a sawi mawlh mawlh a, hlim taka April-in nui chunga thu a han sawi chu Dominic-a chuan a lo en reng a, hmeltha a ti hle niin a lang.


"Ka pa u Dominic-a hi amah lo pan tute a nuih vak vak ania aw" April-i chuan a han ti lehkher a, Dominic-a pawh a phuzawk chhum bul zet hian "Ka nuihlo" a ti hmuk a, pi Rami ngaidan a nihloh hmel kher mai "I nihna avanga i chapo a nih vaih chuan Pathian lung a awilo hle ang" tichungin a tho daih a, pu Siama pawh a tho ve nghal thuai a.



Dominic-a chuan a kut fai lam chuan a lu kir chu ahan hui leh zauh a, "I va chimawm reuh e aw January, February, March, April, thla hming i nih kha daktheinu tarmit lian" nem lo tak hian a han ti kher a, April-i chu a kun tlat a, a hawi chhuak ngam tawh lo hrim hrim Dominic-a hi fel viau mah se a duhdan anih loh chuan thinchhe tak a ni ve thung a,pu Siama kut hru mek chuan a lo hre pha vek Dominic-a chu a ko hrang nghal daih a.


April-i chu rilru no tak anih avangin chutia Dominic-an nemlo fahrana a han tawng khum chu a tuar na hle a,
"Ka u diktak chu a ni ve sia sual reuh lutuk mai kan naupan laia min duat theih nen a tlangval a, a mizia a thlak hlawk" ti a phun nuah nuah chung chuan thleng chu a seng fel a.


Pu Siama leh Dominic-a pawh pindanah an lo indinchilh reng mai pi Rami erawh a chaw eikham kha an thenawm pitar damlo kan turin a chhuak nghal daih a, Dominic-a chuan a pa thusawi tur awm ang chu a lo ngaihtuah neuh neuh a, "Thu ngai bawk aniang" ti rilru nuah nuah chung chuan a pa ke zungpui nalh lemlo tak chu a en reng ringawt a, pu Siama chuan a aw a han thian deuh kharh a, "I rilru tur chu ka hrethiam alawm keipawhin April-i hi ka pawm bik lo i nu hi hmangaih hle lo ila chu i nau atan ka pawm hauh lo ang thisen inzawmna neilo kan nih avang hian i nauah i pawm theilo tih ka hria" a ti a,


Dominic-a chuan a pa thusawi chu mak a ti kher mai April-i hi a unaunu dik tak a nilo fahrah a ni tih chu hre vek mah se chutia a pa a rin em em in April-i chungchang a han sawi chu rinloh lam daih a ni. Tun hma te chuan April-i hi a chhan zel a ni si a,
"Ka pa engmaw i sawi zawh chiah kha?" Tiin a zawt let nghâl vat a.


Pu Siama chuan "Lo lungngai lo phawt rawh a nu leh a pa dik tak ka hretheilo a ni maithei mahse, thawnbo dan ka ngaihtuah ang college-hi zo phawt se" a ti a, a fapa darah chuan a beng thak thak a, pindan chu a chhuahsan ta a. Dominic-a mak ti lutuk chu a hawi â vek "Ka pa kha leh chen kha nang hi ih..ih..tihpalh April" pindan atang chuan a tlan chhuak nghal a, a pa kal chhuak chiah a hmu bawk nen a insum zo lo chuan April-i thlengsil lai chu a hnunglam atangin a va kuah thut ringawt a, April-i chuan a hrethiam lo kher mai a thleng sil lai chu a tawp chawt a "Ka u" tiin a phun sep a,


Dominic-a chuan "Che tawh suh April-ka nau duhtak ka tihpalh lutuk min ngaidam rawh ka thin a chhe lutuk a khatiang mai mai haw tur ka ni lo asin" a ti a, April-i pawh chu a khisuk a, a rilru in "Ka pa ka lawm e" a ti a, engmah thilthleng reng a hre si lo. A kut a sil fai a, Dominic-a kut chu a la sawn a, a lam a hawi thuai a, "A ho lutuk" tiin a nui sen sen a, Dominic-a chuan chutia April-i hmui senno nalh lutuk leh a mitmeng fiah kak mai chu a en tlawk tlawk a, a biang tai hlarh chu dawm a fawh vawng vawng a chak kher mai engmah sawilo chuan an inen reng ringawt a. Chutah April-i chuan "Aw ka ngaidam che kal tawh rawh thleng ka sil laklawh" ti pah chuan a nam sawn nawk a, Dominic-a chuan a harh zawk hian a hria engmah sawi lo chuan a kal hrang ta daih a.


Thisen inzawm tak tak an nilo tih hrereng chunga unau ang a en chu harsa a ti lutuk; a tleirawl chhuah tirh te atanga, a thinlung atanga hmangaihna rawn chhuak chu a ringhlel buai peih tawh lo "April-i nen hian thisen inzawmna kan nei lo a, ka tan chuan ka hmeichhe duh em em a ni" tiin ama hriattham lek hian a sawi a, April-i erawh chuan Dominic-a awmdan chu rinhlelhna chang reng reng a hre lo a nu leh a pa te chu a thisen zawm diktakah a ngai hmak a, Dominic-a pawh a u diktakah ngaiin fahrah a ni tihrêng hreloin hlim takin hun a lo hmang ve chu a ni si a.


Pu Siama rilru chu Dominic-a chuan a pa mahnise a ten em em a, hei leh chen a lo enkawl tawh a, hmangaihna thinlung a neilo chu a haw so bawrh bawrh a ni ber mai April-i venghim tur chuan a intiam ta hial a.


Zohmingi pawh a mut hmunah Dominic-a chu a lo ngaihtuah nasa mai "Doctor hmeltha" tiin a nui vur vur a, April-i atanga Dominic-a bialnu nih chu a tum nghet bur. Zohmingi hi college Principal-Sawma leh Rinpuii college LDC te fanu neihchhun a ni a, an hausa bawk a, sum leh paiah chuan a buailo khawp mai lehkha pawh a thiam thei hle a, April-i ang lo takin athiam thei hle a, lehkha pawh a zir peih April-i aiin kumkhatin a upa zawk a, college-ah pawh senior most-a ni hial tawh a Political science la in an departmen-ah pawh a thiam chungchuang hle a, a pa Sawma pawh hian a chhuang hle a ni.



April-i college-kal tur insiam chu a phur khawp mai an college bus-in an in a rawn tlan pel lai chu nui vur vur chungin a lo thlir liam a, Dominic-a chuan ka ho chung hian a lo en a, "April-ngatinge bus- i chân loh a ka thlah i phut a mi" tiin a khi suk a, April-i chuan Dominic-a chu a han en vang vang a, "I va han sawi tlai ve midangin min lo hruai dawn" a ti a, a sawi zawh rual chuan door bell- a rawn ri ral ral a. April-i chuan a hawn sak vat a, Zohmingi chu a rawn inhnawih nasa kher mai


a bengbeh lah fual tha bawk a sam te chu a rawn tikir vel a, kawrfual chhing zet a rawn ha bawk a, Dominic-a chu nuih insum zet hian a room-lam a pan daih a, Zohmingi chuan a en zui vawng vawng a, "Thiannu kan tlai ang e" April-i chuan a han sawi deuh a, Zohmingi chu a phu zuk "Awi ka lungphu ka chhelo lutuk a, a lai anih kha awi hmeltha lutuk" zawi sap hian a sawi a, April-i nen chuan an inzui chhuak ta a.


April-i chu a hlim kher mai chutia bus-a chuang tawh lo chu thlifîm thaw heuh heuhin a han chhem tw chu nuam a ti kher mai. "April-ka scooty-ke hi a thep in ka hria workshop-kan hlat vak tawh lo a, kan tlai lo ang pump-tir lawk ang aw" Zohmingi chuan inthlahrun hmel takin a sawi a, April-chuan engmah a sawi lem lo workshop-lam chu an pan ta a.


An va thlen chuan tlangvâl sang tha zet palian lampang,a bek chu a lehkam lehlam a ziat kawlh , vun ngo lampang hian car-pakhat ke a lo pump-mek a, a ban bul a len em a vang chuan tha angah hmel hle. Zohmingi chuan a han hrilh ru zauh a, "Ka ex-a nih hi Muanzuala ania a fel lutuk a chhelo tehmai ania" a ti zauh a. April-i chu a lo ner nûng a, "Hey bawih ka scooty-ke hi pump lawk teh kan hmahmawh ania kan tlai ang" Zohmingi chuan a ti a, a va beng chiam a, a ex-mah nise a ngam bawrh bawrh khawp mai. A rawn hawi chhuak a, a han ding mar a hmelchhe lemlo tak a ni April-i chuan a lo chhoh en ha a, Muanzuala chuan a la rawn pan zui April-i chu a chiai kher mai Zohmingi lah a scooty-ke a lo buaipui daih a, a ex-Muanzuala chuan pump ta lo chuan midangin an rawn pump a.



April-i chuan hnuai lam a bih vat a, "Chhelote ka va hmu ngai lo che ve ka ex-thiannu i ni ang maw i hmeltha reuh zek a, tunge i hming?" Tiin a han zawt a, April-i chu a buai vek tawh a thin a phu dawt dawt a, chhan ngaihna pawh a hre lo "Tunge i hming ka tih chu?" Tiin damthluap hian Muanzuala chuan a han zawt leh a, "April-i" chhumbul zet chuan a chhang thei hram a, Muanzuala chuan "April-par mawi tak ka tan vul reng tur chu" a han ti kher a, Zohmingi chuan scooty- chu a han ti nung a, April-i chuan Muanzuala chu a kalsan nghal vat a, Zohmingi hnungah chuan a va thu ta at a, Zohmingi chuan Muanzuala en pah chuan " Bawih kan kal aw" a ti a, Muanzuala chuan a lu a bu nghut a, college-lam pan a an tlan chu a thlir zui vawng vawng a "Ka ta i la ni dawn khawp April" tiin a phun sep a,a nui vur vur bawk a.


Show post links
Top

[Ngaia]

Zohmingi chuan April-i nghak pah chuan thelret a thial nuap nuap a, rei a ti tawh kher mai Dominic-a a duh em avang chuan April-i thu thu a, a awm angai tlat bawk si ning hle mah se April-i class-zawh hun chu a lo nghak ngat ngat a.


Dominic-a a ngaihtuah char char lai chuan a phone-rawn ri thut; a phu chiang kher mai rinloh deuhin a bialpa hlui Muanzuala a lo ni reng an inthen atang khan call-in an inbe ngailo hrim hrim a, workshop-a an inhmuh bak hi chu an inhmu ngai lo bawk inhaw em em lo mah se an inthen tawh miau a, inbiak nachhan tur an nei tawh lem lo.

"Hello Muanzual eng nge ni?"

"Workshop-ah rawn hruai leh teh i thiannu kha chhelo ka ti tehmai a nia"

"I zak theilo, April-i u hi ka star-lutuk a lung ka ti awilo a nih vaih chuan ka chân a ni mai"

"Dear ex- i rawn hruai lo a nih chuan i bialpa thar atan i lo hual chu i chân zawk ang" phone a dah nghalhmak a.


Muanzuala hi Zohmingi te senior-ni thinin a pa hi Minister-a ni a, politics chungchangah an college-in a pa chu an diriam em avangin leh an sel nasat em avangin Muanzuala chu college-atangin a la chhuak a, engmah thawklo a awm mai mai chu a pa in rem a tihloh avangin workshop-ah nitin a thu ve ta a ni.


Zohmingi chuan a hlau kher mai Zohmingi pa hi principal-a nih avangin Muanzuala ngaihzawn hi phalsak a ni tawh lo a,chuvanga inthen chu an ni. "Zohming min lo nghak rei em?" April-i chu a rawn nui sâng a, Zohmingi chuan bah nuai chung hian "Ih..ih workshop ah ki..kir leh lawk ang paw.. pawisa ka..ka la pe lo a" a ti a, April-i chuan awlsam zet hian a lo remti ve mai a. Workshop-an va thlen chuan Muanzuala chu a lo chhuak vat a, April-in Muanzuala a han hmuh chuan a lungphu chu rang riau hian a hria; hlauh vanga lungphu rang niloin amahah chuan tha tihna thinglung hi awm tlatin a hria a, an kal lam khan a zam lutuk kha hlau angin a lo awm vel mai mai niin a thinlung awmdan chu a hrethiam lo hle "He pa hian min duh ve emawnile kan kal hmasak a, a tawngkam kha" a ti rilru nuah nuah a, Zohmingi chuan pawisa pe ni awm tak hian workshop-chhungah a lut daih a, April-i chu a zam nasa kher mai Muanzuala chuan a rawn pan leh a, tun ṭum chu bawm lian lutuk lo hi a pe a, "I haw hunah hawng ang che" a ti a, a kalsan daih a. April-i chuan a hrethiam lo kher mai a ngawireng ringawt a, Zohmingi chuan scooty-ti nungin April-i hmaah chuan a rawn ding a, kawngkawia an liam thleng chu Muanzuala chuan a thlir leh vawng vawng a.


A bula vai pakhat melh ru pah chuan " Keimah chu nula chhai dan thiam tiraw" a han ti kher a, vaipa lah chuan var zeta then thaw hian a lo en a, chumi hnuah "Pu chu thiam hle mai nangmah nula ni hrim hrim" a lo ti ve bawk a. April-i pawh in a thlen velah engdang sawi loin a room-a pan nghal a, pi Rami chu angaih a tha chiah lo a fanu room-kawngkhar chu a va kik karh karh a, "Ka fanu i va hmanhmawh ve eng nge thleng a?" Tiin a zawt a, April-i chuan a lum em avanga inthlak vat a duh thu a lo hrilh a, pi Rami pawh chu a kal sawn ve mai bawk a, April-i chuan inthlak mai lo chuan Muanzual thil pek chu a hawng vat a, a chhungah chuan zungbun nalh zet to tih hriatreng hi a lo awm a lehkha te a lo awm bawk a, nalh a ti kher mai workshop-a thawk mai maiin chutiang zungbun man to a lei thei chu mak a ti angreng a han bun chhin vel a, chumi hnuah lehkha chu a han chhiar a, phone-no leh Muanzuala tih hi a lo inziak a, lawmthu sawi angai lo tih a lo inziak bawk a.


April-i chuan number-chu a han save-nghal a, call mai chu a tum tawh mahse, a thei thlawtlo lawmthu sawi a ngaiin a hre bawk si chubakah zungbun a pek ngawt chhan chu zawh a chak takzet "Min duh ani chiang" a han maimitchhîng vang vang,a kutzungpui a tiche kual a tiche kual tawh han call-mai chu a tum a sen awp awp hian a hria "April-thingpui ka peih tawh ania" a nu chuan a lo ko a, a zungbun chu a thukru sawk sawk a, a chhuak nghal a.


Pi Rami chuan mak tih hmel zet hian "I la inthlak silo a, eng nge thleng a i nu ka nih hi engkim min hrilh rawh" a ti a, April-i chuan a nu mit takah chuan a en a, zep chi-ah a ngai lo thil thleng chu a hrilh ta vek a, Muanzuala laka feelings-a nei a a inhriat thu te thleng chuan a sawi vek a, pi Rami chu a nui suk a, "I lo nula ve tak tak tawh anih hi mahse, i nun uluk la Pathian rawn zel ang che" a ti a.Muanzuala chungchang chu hre mah se a fanu rilru anat ahlauh avangin engmah a sawi duh lo; Muanzuala pa hi a haw em em zawk a, a nulat lai a rim fo tu a ni a, inneih thleng a an sawikai tawh hnuah a kawp ani tih a hrechhuak chauh a, chu nu chu a rai avangin an inthen angai ta a ni. A kawp man a tel nge an naupai chu a la chhiat zui a.



Dominic-a leh pu Siama pawh in an lo thleng rual chiah a, ui note duhawm deuh hi pu Siama chuan a rawn hawn a, April-i chuan a lo pawm nghal vat "Ka duh lutuk ka pa khawi a mi nge" a ti a, pu Siama chuan nuichungin " Ui nu mawle a parvo-a an lo entir tlai lutuk a, a thi a, a note zinga pakhat ka han lei sak ve a nih kha" a ti a, Dominic-a chuan mak a ti kher mai April-i thawnbo duh tu kha a ni si a, a duat leh em em tho sia inthlak turin room-lam a pan san daih a, pi Rami chuan a pasal chu ko vatin Muanzuala leh April-i chungchang chu a hrilh vat a, pu Siama chuan a hmui chu a han tuai vut vut a, "Muanzuala pa hi a tlangval laiin sual hle mah se tunah te chuan a zia tawh lawm Innei vat se ka duh" a ti a, a kal daih a, inngaihzawn pawh an la inngaihzawn hma a pu Siaman inneih a han sawi nghal mai chu pi Rami chuan mak a ti hle a, a umzui nghal vat a.


"I fanu tak anihloh vang maiin khatiang khan sawi suh kei chuan rem ka tilo inngaihzawn pawh an la inngaizawng lo a, inneih chu a teuh lo" a ti vin hlur a, Siama ngaihdan a ni vak lo "Dominic-a i fapa diktak zawk hi i ngaihsak lo sawt riau kan fanu tak tak a nilo a, pasal neiin chhuak tawh zawk se...." A sawi zo hman lo pi Rami chuan a beng hawi sawk a mittui tling teuh hian "Nang mi tenawm pa a hming pawh nangma phuah ngei a nih kha" a ti a.



Pu Siama chuan engah vak a lo ngailo "A nu leh a pa tak tak hi an la dam ve ngeiin a rinawm chuvangin i fa tak anilo tih pawm a hun tawh viau Dominic-a hi ka fa neih chhun a nih hi" a ti vin tuar a, pi Rami chu a ngawi reng a,


Dominic-a leh April-i chuan an nu leh an pa te inhau lai chuan ui note duhawm zet chu an lo chhaih kual vel a, Dominic-a chuan chutia April-i hlimhmel a han hmuh chuan a hlim kher mai a hmeltha em em mai bawk si; a duhna te chu a zual sawt sawt hian a hria a, April-i chuan a rawn en thut Dominic-a pawh a phu zawk hnai setsawta en chung hian April-i chuan "Ka u bialnu i nei em?" Tiin a zawt phawng mai Dominic-a chuan a biang lehlam lehlama dawm chung chuan a sawi deuh nawk nawk a, "Ka naute bialnu nei hmanin ka khawsa lo" a ti a, April-i chu a rawn nui chhuak awr awr mai


"Star deuh tu che ka hria sin" a ti a, Dominic-a lah a ngaihsak thlawt lo nui chung hian "I thiannu inchei parh zet kha mi" a ti a, April-i chuan mak a ti kher mai "Engtin nge i hriat" a ti hû a, Dominic-a chuan a sam kir tuai vut pah chuan "Min en dan atang khan ka hre vek min bem thluk theih leh theihloh ni mai" a ti sam et a, April-i chu a tho thut a, uite chu pawmin a room-ah a lut hmak a.


Dominic-a chuan a lu hiat nuah nuah pah chuan "Min bem thlu awmlo em mai April-i ka duh chhûng chu" a ti a, a ner sak a, "Dominic-lo kal teh" pi Rami chuan choka lamah a ko a, Dominic-a chu a kal ve mai a, a nu hmel a en chuan a ṭap tih a hre thei a mit te chu a lo bui vek a, a ngaihtuah kher mai "Ka nu eng nge a awmzia?" A zâwt vat a, pi Rami chuan muangchang hian "Dominic-ka fapa April-i nu leh pa diktak hi zawn chhuah a ngaiin ka hria hun heileh chen liam tawh mah se zawng ang che a ti a" Dominic-a chuan a hrethiam lo kher mai "Ka nu engvang nge?" Ti a a zawh pawh chuan a chhang lo a kal daih a,



Door bell a rawn ri ral ral a, Dominic-a chuan a va hawn chuan a phu zawk Zohmingi a lo ni reng a, a zak deuh "April-i kan ko ang e" a ti a, a lai hle mai Zohmingi lah chu zah a hre vak lo aniang Pu Siama chhuak tur chu "A va tlai tawh ve khawnge i kal dawn?" Te a lo ti vel a, pu Siama lah chuan a chhanglo a chhuak daih a dar li a ri tawh a, "April-i pa a ni ngei ang" a ti nuah nuah a, "Zohming i lo thleng maw lo kal rawh ka room-ah" April-i chuan a kai lut sawk sawk a. Dominic-a ngaihtha zanlo chu sitting room-ah a tei a tei ringawt a, phone-a rawn ri thut April-i phone charge-a ni tih a hria, a thiannu nen an inkawm laklawh em avang chuan a phone chu a la kâng a, "Muanzuala maw" mak a ti kher mai a han la a, a ngawi reng a.


"Hello, chhelo te i phone number-hi maw ka ex Zohmingi ka dil a, min rawn be mang silo a, zungbun chu a mawi viau lo maw Zohmingi a lo thleng tawh em? A inphaman chho dawn e"

Dominic-a chuan phone-a dah hmak
"Zohmingi,Muanzuala,ex,zungbun, April-i" a mak ti lutuk chu a hawi ruai a, a nu leh a pa pindan lamah glass-keh ri chhuai a hriat avang chuan a tlan nghal a, a nu chu khum bulah a lo tlu reng a, a bulah chuan tui a lo baw nuai bawk a, "Ka nu" Dominic-a chuan a pan vat a, thawm an hriat vangin Zohmingi leh April-i pawh room-an lo thleng ve nghal a, pi Rami let reng an hmuh chuan an thin a thawng khawp mai.


Show post links
Top

[Ngaia]

Damdawiinah chuan thin phu dep dep hian an thu thap a, pu Siama pawh a rawn lang nghal thuai a, Dominic-a hnenah chuan "I nu chu engtin nge a awm a tha em sawi vat rawh" a ti khur hlawk hlawk a, Dominic-a chuan a chhang lo. Pawr zet hian a han zawt tha leh a, Dominic-a chu a âng zuau hman Doctor-pakhat hi a lo kal a, "Dominic- pu Siam a mak ka ti khawp mai pi Rami hian thin cancer-stage 3 a vei mek a ni" a ti chuai raih a, pu Siama chu a thuhnawk a, Dominic-a chu a meng phawk khawp mai "Ka nu chu ka hmu duh, ka nu chu ka hmu duh" a ti chiam a.


April-i pawh a ṭap nghal pur a, Zohmingi erawh chuan mak tihna vak pawh a nei lo.Mahse, Dominic-a rilru na hmel a hmuh chuan hrehawm a lo ti ve em em a, an vai chuan pi Rami khum bulah chuan an ding thap a, rei vaklo hnuah chuan a mit a rawn meng diar diar a, pu Siama chuan a lo ko vat a, "Duhtak, ka thiamloh a ni i pasal hi ka nep em a ni" a ti a, a ṭap pur a, Dominic-a pawh in la pa viau mah se a insum thei thlawt lo. April-i pawh a insut reng a, pi Rami chu muangchangin a rawn ṭawng a.


"Ka cancer-tih ka hriatna a rei tawh mahse April-i hlimna tihchhiat ka duh lo a ni" a ti a, pu Siama chu a thinrim thut "Mâwli ka hmangaihna che hi a thlawn a nih chu i natna aiin April-maw" a chhuak daih a, Dominic-a chuan a um chhuak nghal a, April-i chuan a hrethiam lo hle mai a nu bulah chuan a va thu a, "Ka nu Pathian kan nei alawm keimah vangin ngatinge i damloh thu i sawi loh" a ti a, a ṭap zawih zawih a, Zohmingi pawh a bulah a rawn thu ve a.


Pi Rami damloh hnu karhnihna velah chuan a boral ta mai a, April-i leh Dominic-a chuan an tuar thiamlo kher mai pu Siama erawh tuar thiamlo hle mah se April-i a huatna chu a inṭan sauh a, "He fahrah hi enkawllo ila chu ka nupui a thilo ang a ti rilru nuah nuah a."


Karhnih zenzawn April-i te chhung an chawlh hnu chuan an hna an ṭan veleh ta a, tûnhma angin a hlim thei tawh mawlhlo. Zohmingi nen chuan an inkawmngeih zual sauh a, Dominic-a pawhin damdawiin a nutling damlo admit-chu a en ngawih ngawih a, a nu damloh thu lo hre hma nise chu reitak a la dampui thei tur a nia,


April-i class-bang pawh haw tlang ta mai lo chuan Zohmingi nen thingpui dawrahan thu dun a, April-i chuan engmah pawh a ei tha theilo a mittui hi a hnâm reng a, "April-ka hrethiam lutuk che nangmah hmangaih a hnem theitu tur che ka hria a sin" Zohmingi chuan April-i kut chelh chung chuan a sawi a, April-i chu a ngawi reng Zohmingi vek chuan "Pathianin i harsatna te a hriatsak che a, i hlim theih nan mi tha tak a pe che lawm" a ti leh a, April-i chu a rawn hawi chhuak a, "Nangmah" tiin a phun sep ringawt a, a mittui chu a rawn luang leh zawih zawih a, Zohmingi chuan a phone-chu a han hmet neuh neuh a, April-i chuan muangchangin a hma plate-a soup-chu a hawp a.


Pu Siama pawh chuan a hma lawka nupa thu ten an ui duat taka an lo chul dun chu a en reng a, a nupui a ngai khawp mai "April-i vang vek" tiin a phun leh bul bul thin a. A nupuiin April-i a hmuh tirh a, hlim zia te a han ngaihtuah let leh chuan a hnuk a ulh hle mai April-i chu haw viau mah se a nupui hlimna a ni tih a hre kar bawk si hrehawm a ti lutuk chu a haw ringawt a.


Zohmingi leh April-i thil eizo pawh la haw ta mai lo chuan park-ah an thu dun a, April-i chuan nin hmel zet hian "Ka ṭah i ti chhuak zual haw vat ang" a ti a, Zohmingi chuan a phone-a bih sek a, a khat tawkin "Reilote" a ti sek bawk a, April-i chuan a ngai thei viau tawh lo animahna vin deuh ti tih hian "Ka nu a boral i nu a boral ve lo ka haw dawn" a ti a, Zohmingi chuan dan chi a nilo tih a hria April-i kal tum chiah chu car-var nalh em em hi a hmaah a lo ding a, April-i chu a ding chawt mai Muanzuala ngei mai chu chhelo zet hian tarmit dum nen hian a rawn chhuak a, Zohmingi chu a lo khi var var mai "Na..na..nang hi" April-i chuan a ti bah nawk nawk.


Muanzuala chuan Daisy-pangpar hi a car-atang chuan a rawn la chhuak a, April-i hnenah chuan "I nu a boral laiin ka rawn lang thei silo a, ka tawrhpui lutuk che" tiin pangpar chu a pe a, April-i chuan a hrethiamlo kher mai Zohmingi chu a rawn inrawlh vat a, "April-la rawh hepa hi lawm hnem tu tur che chu a fel lutuk i tan a awm reng dawn alawm zungbun pe tu che kha" a ti chiam chiam a, Muanzuala chuan a lo khap vat "I nu niloin April-i nu a boral khatin lo chimlim vak suh" a ti a, Zohmingi pawh a ngawihmak April-i chuan chutia a tawngkam ang chiah chiah a, Zohmingi a hau a han hmuh chuan mak a ti kher mai "Tu..tu..nge i nih?" A ti tham ṭiak a.

Muanzuala chuan inngaihtlawm hmel zet hian "In lamah chuan Minister fapa lal tak mahse, khawlaiah chuan ka pa pawisa duhlo a inhlawhfa" a han ti ngat a, April-i chuan pangpar chu a la ta a, chutia mahni pa te hausakna sum pawh it lo a, ama thawhchhuah rin tum mipa chu a ngaihsan zawng tak a lo ni a, van lam en chungin "Ka nu min lo thlir reng tiraw" a ti a, a mittui a luang nghal zawih zawih a,
Muanzuala chuan a lo kuah vat "Ka awm tawh hi i nu pawh thlamuang takin a chawl ang" a ti a.


April-i hawn tlai lutuk avang chuan Dominic-a chu a mangang kher mai zawn a tum hial a, pu Siama chuan lo dangin "Chhia leh tha hriatna neilo a ni lo a, a nu thlanah a kal aniang" a ti sam et a, Dominic-a chuan a melh rum kher mai "Ka nu vang tal pawhin thawnbo lampang kha ngaihtuah tawh suh ang che a chhungte kan nih hi" vin zet hian a ti a, pu Siama pawh chu a han maimitchhîng vang vang a, " A lo haw mai ang eirawng i lo bawlpui dawn nia" nem zet hian a ti a, room-lam a pan san ta a. Dominic-a ngaihdan a ni lo kher mai ama hriattham lekin "Ka unaunu mai a nilo ka hmeichhe hmangaih a ni" a ti a, chhuahluih a tum a, chhuah a tu chiah chu April-i rawn lut ve nghal a.


"April" Dominic-a chuan a lo kuaj chawt a, April-i chuan rinloh deuh hian "Ka tha alawm ka u ka nu vhu chu thlamuang takin a chawl ang ka hlim alawm" a ti a, Dominic-a chuan a thlah vat April-i chu a lo nui sang a, "Ka tihpalh eirawng kan bawl nghal ang e" tiin choka lam a pan nghal a, a hma ang a nui sâng chung a ei a siam a han hmuh chuan Dominic-a chuan mak a ti khawp mai; thil hriatchhuah a nei thut phone call-kha April-i chu a pan vat "April-ka nu tluk hma lawk khan mipa pakhatin a lo phone-a Muanzuala tih emawni" a lu chu a hiat pah nawk nawk a, awlsam fe hian "Aw ka bialpa a nih kha kan inhmuh vang alawm ka lo haw tlai" a ti a, Dominic-a chu a barakhaih khawp mai "Bialpa a engtik atangin"
April-i chuan "Ka la hrilhfiah ang che ka nu kha chu ka hrilh tawh a, mahse, min boralsan ta si" a ti chuai raih a.


Dominic-a chu ngawi rengin bathroom-ah a kal a, a hmai te a va phih nawk nawk a, "Ka nu ka chân tawh a, April-i leh zel a theihloh" a ti a, Muanzuala chu biak a duh hial bathroom-ah chuan a awm reng a "Muanzuala kan minister-fapa kha maw chapo si engtin nge April-i hi alo bum a châklo ngaw ang" a kut a hum ruh a, a vei thuak thuak a. "Lukir i e a mi chawei a hun" April-i chuan bathroom-kawngkhar a rawn chûm a, a phu deuh zawk "ka rei viau mawnile" tiin a phun sup a, a chhuak ve ta a.


A tuk alo inher chhuah chuan Dominic-a chu damdawiin pan lo chuan April-i te college-a pan ta daih a, an college bul bûng lianzet phenah chuan biru in April-i leh Muanzuala chu a enthla ta reng a, a chhuah hmat em vangin April-i leh pu Siama pawhin mak an ti angreng hle nghe nghe a, darkar chanve a nghah hnu chuan car-var nalh zet hi college gate-bulah chuan a rawn ding chat a, Dominic-a pawhin a enthla uluk kher mai, a rin lâwk ang ngeiin April-i leh Muanzuala chu an rawn chhuak a, Muanzuala chu a hawi thuak thuak a, chutah April-i bulah chuan a phun sep a, a fâwp ta mai a, April-i pawhin a chhang let tih Dominic-an a hmuh chuan a sa kher mai a thinrim lutuk chu a puakkeh lo chauh "In va hmanhmawh ve" Zohmingi chu a scooty-nen a lo thleng ve chiah a.


Dominic-a chuan a la enthla reng a, a rilru a na kher mai a kut a hum ruh a "Lalmuanzual Minister chapo fapa nangpawh i bang chuanglo i châklo ang" a ti a, a kut hum ruh a, Muanzuala let leh hma chuan a bike awmna lamah chuan chak zetin a tlan phei a, Muanzuala chu a lo chân a tum ta a. Muanzuala pawh April-i a thlah zawh chuan ngaihngam zetin a tlan chhuak a, rei pawh a tlan hmanlo kawng laiah tak chuan Dominic-a chuan a bike a lo tiding a, Muanzuala chu car-atang chuan a chhuak nghal "Nâua tunge i nih a? Minister-fapa ka nih hi awmsawn rawh" a ti vin tuar tuar a, Dominic-a chu bike-atang chuan a chhuk nghal a, "Tunge ka nih a pawimawh lo April-i hi kalsan rawh" a ti vin ve hlak a, Muanzuala pawh lo duai bik lo a pan hnai a khi suk chung hian "Tupawh nila min cho sual ang" a ti a, Dominic-a nen chuan an indin chilh ta reng a, Muanzuala chuan Dominic-a kawr nghawnga tham chung chuan hnek a han tum a, car horn-ri vang chuan a thlah thut a, car-lo tlan lam chu an hawi ve ve a.


Show post links
Top

[Ngaia]

Muanzuala chuan eiloh hmel zet hian car-chu a lo en a, Dominic-a erawh chuan a hre ngai lo. Car-atang chuan pa zahawm zet thau lampang hi a rawn chhuak a, college Principal-Sawma ngei chu a lo ni Muanzuala en raw chung chuan car-chu a khar a, Muanzuala lah lo duai bik lo "Zohmingi pa inhmuhlohna a va rei ta ve i lo dam maw" eiloh hmelzet hian a bia a, Dominic-a chuan a hrethiamlo kher mai "He pa hi Zohmingi pa maw" a ti rilru nuah nuah a, vai ramah zirna a chhunzawm vangin April-i te college chungchang hi hriat a nei mumal lo hle a.Muanzuala hi chu Minister-fa a nih avangin a hria a, mahse, he college-nen an inzawmna a hre lo thung.


Sawma chuan no lo zet a melh chung chuan "I la chapo hle mai maw ka fanu i la hlat na cheu nge chuan hetah buaina siam ka duhlo ania" a ti khur khur a, Muanzuala chuan zam lo zet a melh lêt chung hian "I fanu kha ngatanmah ka ti lo chuan he mihring nena kan buainaah hian inrawlhna chhan tur i neilo" a lo ti ve hmak a, a hmui ti zum pût chung chuan Sawma chu a hel kual thuak thuak a, Sawma ngaihdan a nilo a thinrim kher mai Dominic-a lam a pan vat a, Muanzuala chuan kekawr ipte zen meuh hian a lo en a, "Tunge i nih tih leh inbuaina hriat ka neilo mahse, Muanzuala saw mi awmthaduhlo ania kalsan zawk la i tan a tha ang vatin ka lo ching fel ang" Sawma chuan a ti zung zung a, Dominic-a chuan rum fê a Muanzuala melh chung chuan bike-chu a han ti nung a, chak zetin a tlan ta a.


Chutah le Sawma chuan Muanzuala chu a pan ding leh chat a, "Zohmingi hi hnaih pawh rawn hnaih tawh suh ang che" kut zungchal nen meuh chuan vin zetin a sawi a, car-a luh a tum chu Muanzuala chuan a la rawn chhâng hram a, "Hey,Nang putar kha nupui nei reng chunga uire kha" a han ti lehkher a, Sawma chu a ding chawt thinrim tih hriat tak hian a hawi phei a, "Nang naupang" tih leh Muanzuala chu a hmaiah a va hnek chawrh a, Muanzuala chu a thle ve sawk a, muangchangin a rawn hawi chhuak leh a, a kam sir pem chu a han hru thuak a, Sawma lah chuan a lo la melh rum kher mai Muanzuala lahin a hlau chhete eih lo za lo taka nui chung chuan "I nupui sum duh lutuk leh hurherh lutuk saw veng tha ang che" a ti leh a, Sawma thinrim chuan hnek a han tum leh mahse, Muanzuala chuan a kut a lo man chat a, "Putar mai i nih tawh kha, i uire vangin i nupui kha accident-in a boral tih ka hre vek a nia" a ti a, a kut chu a paihsawk a, car-chhungah lutin Sâwma chu a tlânsan ta a.


Sawma chu a han ding vang vang a, a hun kaltawh college Principal-a nih hma thil thleng te chu a ngaihtuah a, a nupui hmasa an college canteen-nghaktu ei siam thiam tak nena an inngaihzawn lai te reiloteah an innei zui nghal a nih kha naupai lamah harsatna a tawh deuh vangin an fa pahnih ngawt an chhiat a, chhiat leh an hlauh vangin an indang char char a, a nupui chhûngte lah an khawsak a lo harsa ve si, a nupui hrisel loh nen Sawma lah tlangval khamlo chuan an college LDC Rinpuii sum duh lutuk chu a thlem lungawi a ni si a, a ngaihtuah chhunzawm ngam tawh lo a lu a thing vak vak a, Muanzuala pa Minister-in sum tak tak a pek chungchang te a mitthlaah a lang zuai zuai a, chutah a phone-ri chuan a ti harh zawk a, la lem hleilo chuan a off daih a, a lo ding rei angreng tawh hle college-lam chu a pan ve ta a.


Dominic-a pawh damdawiin a thlen chuan a lo tlai ruih tawh naupang damlo thenkhat chu Dr.Mamuani chuan a lo en a, Dominic-a a hmuh velah a tho hluai a "Dr.Dominic call-i la thei silo i va tlai ve tunlai naupang damlo an tam a, kan indaihloh naklaiin i nu i sûn tih chu ka hria mahse, i sûn rei tawh lutuk" a ti a, a ang hlawk hlawk a, Dominic-a chuan a phone-chu a han en a, a lo silent-chu niin miss called vawi sawmpahnih zet a lo awm reng mai a, "Ka tihpalh" a ti ringawt a, Dr.Mamuani nen chuan naupang damlo te chu an en dun ta a.


Dr.Mamuani hian a rukin a duh hle a, an indaihloh em em vang pawh niloin Dominic-a lo thleng har lutuk chu a mang a ang a, a lo call-sek hi a lo ni a, Zohmingi aithlawt chuan Dr.Mamuani hi a chheloin a hmel pawh a tha fe zawk a, Dominic-a ai hian kum ruk in a upa zawk tihmailoh chu sawisel tur a awm meuhlo Dominic-a phei hi chuan senior-tih hlirin a ko thin a, ngaihzawn chu sawiloh kawm pawh a kâwm tha ngam lo zawk ania, thawk dun an nih vang chauh hian a be zeuh zeuh chauh a, Dr.Mamuani hi mipa ngaihsaklo chi a ni ve hrim hrim a, luck-pawh a luck mahse, amah be tute a ngaihsaklo. Dominic-a a thawh tirh hian naupang deuh mah se, a mit a la thlawt a, a vei zui ngawih ngawih a ni.


Class-banah Zohmingi leh April-i pawh thingpui dawrah an chawl dun leh a, April-i bân hun a nghak ziah chu Zohmingi chuan a ning ve ta deuh a ni mahna " April- Lalsangpuii Dr.Dominic-a i u ngei kha engtikah nge min sawipui dawn anihloh chuan nghah che hi ka ning tawh bakah Muanzuala inhruai tir mai rawh" a ti a, April-i chu a nui suk a "Ka u chuan engkim a hre vek tawh lawm a ngaihsak vaklo a nih kha" a ti sam êt a, Zohmingi chu a meng phawk chiang ngang mai "Engtin nge a hriat i hrilh a mi ka zak ê tunah min duhlo mah se min la duh hrim hrim ang" a ti a, tui a in a in ringawt a.


"Ka duat ka rawn lam che a" Muanzuala a lo ding reng mai April-i chu a hawi vat a, a hlim kher mai Zohmingi phi cheng pawh chu a reh nghal Muanzuala chuan April-i eiman chu a pek sak a, Zohmingi chuan a beisei ve kher mai mahse, Muanzuala chuan pek a tumlo Zohmingi be lo chuan April-i chu a kai chhuak daih a, Zohmingi chu a hrilh hai kher mai a ei man te chu a han pe ve a, a um chhuak nghal a, "Muanzual bialnu i nei ta chêng a, i va induh ta ve" a ti a, Muanzuala chuan ngeng zet a en chung hian "April-i hi hnaih tawh suh i pa fanu duat i ni lawmni kan inkarah engmah a awm tawh lo" a ti a, April-i chuan a lo hrethiam lo kher mai Zohmingi chuan a pa nên buaina an nei leh tih a hrethiam nghal biak buai chi-ah a ngailo a scooty-chu a ti nung a, a tlansan ta daih a.


"Muanzual ih..."April-i chuan a sawi zo hmanlo "Car-ah lut rawh" Muanzuala chuan a ti chang fak a, April-i chuan engdang a sawi belh lo car-ah chuan a lût a, Muanzuala chu biak a tum thin "Engmah ka sawi peih lo" a ti hmuk zel mai si a, April-i chuan a hrethiamlo kher mai chutah April-i thlah ta mai lo chuan an farm house-ah a hruai daih mai a, darkar hnih vel lek tlan a ni a, hla lo tê a ni. April-i chuan a hrethiamlo tulh tulh; a pa leh Dominic-a hriatloha farm house-ah a bialpa nen lehnghal kal chu hlauhnain a man mahse, Muanzuala chu a ring bawk si. In chhûngah an lut dun a,
Muanzuala chu a han thaw hak a, tukverha dak vang vang pah chuan "Keimahlo hmangaih dang i nei a mi?" Tiin a zawt thut;a tawngkam leh a hmel chu a nelawm loh em vang chuan April-i chuan a hlau hle a, "Ka neilo nangmah chiah" a ti khur dar dar a, Muanzuala chu a rawn hawi thut "Mipa pakhat lukir bike R15 nei kha kawr bantlawn dum ha Jeans rawng tak zet ha kha tunge" a tih chuan April-i chuan Dominic-a a ni tih a hre nghal a chhuah dawna a inthuam dan zawng zawng leh a lu kir dan R15 bike- a nei bawk Dominic-a nen chuan eng buaina nge an lo neih tih a ngaihtuah nghal "Tunge ka tih chu?" Vîn zet hian a han zawt leh a.


April-i chu a mittui a tla zawih zawih
"Ka u nen chuan eng buaina nge inlo neih a?" Mittui tla zawih zawih chung chuan a zawt lêt a, Muanzuala chuan April-i mittui tla a hmuh chuan a nêm ta deuh "I û maw a va hauh che ve" a ti thlarawk a, April-i chuan "A unaunu neihchhun ka nia min duat em a ni" a ti mai a, hlauhthawnna eng nge maw tak chu a nei a mittui te chu a han hru thual thuak a, Muanzuala chu en pawh a en ngam lo chutah Muanzuala chuan a pan phei a, duat deuh hian a va kuah a, "Tihpalh i u a nilo emaw ka tia" April-i hmui chu a kut zungtang chuan a han tuai a,


"I hmui a nalh lutuk" a ti a, a fawp zui riai riai a, April-i chuan a lo chhang let a, an uar zual zel a, Muanzuala chuan a pawm thut khumah chuan a mut a, a fawp chhunzawm lehnghal a, April-i chuan a lo chhang let ve zel a, thawmhnaw phelh sak a tum chuan a duh ta hauh lo. Hlauhthawn hmel zet hian April-i chuan "Ka duh lo ka la thianghlim chu bakah Pathian thu a nilo" a ti a, Muanzuala chuan hriatthiam hmel zet hian a en a, a khi suk a, "I danglam bik hle mai" a ti a, nawr lui lo chuan an in lamah a thlah ta zawk a.


Pawnah chuan Dominic-a leh Siama an lo ding reng mai April-i ui te chu Dominic-a chuan a lo pawm a, a chul hliau hliau bawk a, April-i chuan a hlauthawng kher mai Muanzuala chuan "I chhungte hi biak ka duh" a la ti zui April-i chuan hnial han tum mah se a hnial thei der silo hreh tak chung chuan car-atang chuan a chhuak a, Dominic-a chuan a lo melh rum khawp mai April-i pa Siama erawh chuan tha tak hian a lo bia a, Dominic-a leh April-pawh an hrilhhai lek lek zawk. Inchhung an han lut chu Muanzuala chuan Dominic-a chu ngaihdam a dil nghal mawlh mawlh a, Dominic-a chuan a ngaihsaklo kher mai.


April-i thingpui lum chhung chuan Siama chuan Muanzuala chu a han kâwm a, Dominic-a erawh an bulah chuan a thu ngawi reng ringawt a, phone-a khawih nuap nuap a, "Muanzual ka fanu April-i hi nupuiah neih i duh em" Siaman a han tih chuan Dominic-a chu a lo meng kâwk a. Muanzuala lah mak ti hmel pawh a pu lo a nui suk a, "Phallo mahla ka nei tho tho ang" a ti a, an nui dun huah huah a, April-i thingpui rawn dah chu Muanzuala chuan a banah a lo man a, "Kan innei tep tawh" a ti sup a, April-i chuan mak a ti kher mai. Siama chuan "April-naktukah Muanzuala chhungte kan hmu nghal ang" a ti a, Dominic-a chuan "A theihloh" a lo ti vat a, April-i pawh chuan "Ka pa kan la inzui rei lo lulai em mai hna chhete tal ka thawh hunah" a ti a, Muanzuala chuan "Ka pa hi tunge a nih hre ta che college-i chhuah kher angai lo" a lo ti hmak a.


Dominic-a chuan April-i chu room-ah a kai lut nghal daih a, Siama chu a thinrim kher mai "Dominic-Lalthakim..." Muanzuala chu a rawn inrawlh vat a, "Inneih te chu i thu vek alawm an pa i nia ka haw phawt ang" a ti a, tha takin Siama chuan a thlah a. Dominic-a leh April-i pawh room-ah chuan an lo inhnem mawlh mawlh a, "Hetiang em em a inneih hmat chu ka duh lo" April-i chuan a lo ti lawm lawm a, Dominic-a chuan zawi tê a beng thak thak pah hian "Lungngai suh ka pa ka sawipui dawn alawm " a ti a, room-atang chuan a chhuak nghal a.


Sitting room-ah chuan Siama chuan a nupui thlalak chu a lo en vang vang a, Dominic-a a hmuh velah " I nu hian April-i hi a hmangaih khawp a, pasal hausa neih tir a, nuam tak a a awm chu la dam se a duh ve ngei ang" dam diai hian a ti a, Dominic-a chuan "Tumah a nei lo ang" nem lem lo tak hian a ti a, Siama chuan a fapa chu a en a, " April-i vang hian i nu chauh lo pawh nang pawh hi i buai ta a ni hi tunge a neih chuan ang tunah nei duhlo mah se a nei tho tho ang" a ti chang ve fak a, Dominic-a chuan a pa mit taka en chung chuan "April-i hi ka hmangaih ka thisen zawmpui a ni lo chuvangin nupuiah ka nei ang" a ti a, Siama chu a phu zawk Dominic-a en ran chung chuan mak ti zet hian "Nang hi ka fapa... Nang....nang" a ti bah nawk nawk a.


Show post links
Top

[Ngaia]

Dominic-a chuan kutkuangkuah meuh hian a pa chu a melh a, Siama chuan "I unaunu a ni a, chuta karah ka hmangaih te i lo ti a maw ka fapa i nih kha ka neihchhun harh rawh pasal ka neih tir dawn" a ti a, a kalsan daih a, Dominic-a chuan thudang a sawi hman lo April-i a hmangaih thu chu hrilh ngei a tum ruh ta tlat Muanzuala a neih ai chuan tlânbo pui hial pawh a duhta zawk a.


An ril a tam theilo a ni tawh ber mai chaw ei pawh an tum tawh lo Siama chu a inkhalh chhuak daih a, April-i lah a room-atangin a rawn chhuak duh teuh silo, Dominic-a chu a kun tlawk tlawk ringawt a, a tho vut; April-i chu thudik engkim hrilh a tum ta, kawngkhar chu a han kik dat dat a, "April-ka lo lut dawn ania" a han ti a, April-i chuan a chhang reng reng lo a han sawi nawn leh a, chhang tur an awm chuang lo.


A hawng tawp a, April-i chu a lo muhil a, a bulah chuan thuin a en tlawk tlawk a, a insum thei ngang lo a biang nem em em chu a chul a, April-i chu a rawn harh zawk a tho thut " Ka u eng nge awmzia?" Hlauhthâwn hmel zet hian a sawi a, Dominic-a chuan chiang takin zam eih loh hian a han en a, "April-tlanbo i duh em?"tiin a zawt a, April-i chuan a hriatthiamloh hmel kher mai " Tlanbo a, engvangin?" A ti tham tiak a, Dominic-a chuan lainat hmel zet a enchung hian "Muanzuala i hmangaih a, inneih hmat i duh silo mahse, ka pa hian..." A sawi zo hman lo "Chuvang Chuan maw ka duh lo" a lo tih khalh a.


Dominic-a chu a ang zuau hman a, April-i nu leh pa dik tak Muanzuala nena an inneih hma ngei a, zawn chhuah a duh ta zawk a, "Ka u mak ka tih deuh chu ka pa hi ka nu thih hnu hian a mizia a mak sawt em mai" a ti chuai raih a, kawngkhar inhawng ri rawk avang chuan Dominic-a chu a chhuak ta daih a.

Siama chu brief case-dum khai hian a lo lut a, Dominic-a chuan mak a ti kher mai "Ka pa eng nge a awmzia?" Tiin a zawt thuai a, Siama chuan ngawi rengin brief case-chu a han hawng a, pawisa a khat tlatin a lo awm a, "paw...paw..pawisa hi" Dominic-a chuan a ti bah nawk nawk a, Siama chuan ngui nghiai chung hian "Ka fapa nang leh kei chauh hi kan ni April-i hi i lo hmangaih a nih pawhin a awmlo hran lo mahse i unaunu tak tak angin ngaila hmundangah hna thawh tur kan zawn sak ang Muanzuala pa in rem a lo ruat vek mai ang" a ti a, Dominic-a ngaihdan a ni lo kher mai "A nu leh a pa diktak hi keiman ka zawng chhuak ang a, nupuiah ka nei ang" a ti vin hlur a.


Chhin khat pawh chhing loin an meng tlaivar zak a, Muanzuala leh April-i inneih chu Muanzuala pa in rem a tilo tih a hriat chuan a lawm rilru hle a. Siama chu rum fé hian a han melh a, "April-i hi khawiahmah a kal lo ang ka pa hmangaihna chhe te tal hi i nei ve lo a mi" tiin a han vin leh khur khur a, Siama chu a han thaw halh a, "Ka venhim duh vang zawk alawm Muanzuala hian a pa remtilo chung hi neih a tum dawn tho ka remtih na a ka thawn bo lo a nih chuan ka thi khawp ang April-i leh Muanzuala inneih chu i duhlo anilawmni" a ti a.

Dominic-a chuan April-i leh Muanzuala inneih ai chuan a pa thusawi chu a pawm ve mai angai a ni. April-i pawh ham bai bai chungin a rawn tho a, ngawirengin chokaah chuan eirawng a bawl nghal a, Muanzuala nena hma lutuk a inneih chu a duh lo tha te te a, Muanzuala sawipui leh chu a tum dan ber a ni a, Siama leh Dominic-a chuan April-i awmna tur vel an ngaihtuah mek thung a.


"Ei ka peih tawh e" April-i chu a rawn au lauh lauh a. Dominic-a leh Siama chuan April-i hlim taka a nui sen sen an hmuh chuan an hrilh a hai letling zawk hle a, ngawi reng chuan dawhkan chu an han kil ve ta a. "Ka pa Muanzuala chu tha deuhin ka sawipui anga inneih kan sawn hla ang min hmangaih a, a pawm em em ang" April-in a han tih chuan Dominic-a chuan a tui in lai chu a phuh tuar a, "Inneih ka remtilo ang engtikahmah" a ti hmuk a, engtham mah chaw eilo chuan a tho ta daih a.


April-i chu a inthiamlo hle mai "Ka pa sawidikloh ka nei em ni?" Tiin a men nghal pur a, Siama chuan zawi sap hian "Singapore-ah dah che kan lo rilruk a" a ti a, April-i chu a meng phawk hle "Singapore-a ka pa Muanzuala hlatah min dah i tum a ni maw" a ti a, a tap nghal a, Siama pawh chuan sawitur a haihchham hle mai ngawirengin a tho ta ringawt a.


Zohmingi leh a pa Sawma chu Muanzuala chungchangah an lo inhnial ve mek bawk a, thinrim tak hian Zohmingi chuan "Muanzuala hi maw duhna chhete mah ka nei tawh lo ka thiannu April-i bialpa a nih kha" a ti a, Sawma lah chu a meng rum nasa tawh mai si "Dawt min hrilh reng reng suh" tih leh ben a rual a, Sawma nupui Rinpuii bathroom-atanga a rawn chhuak chiah chuan thil thleng chu a rawn hmu ve hman vek a, Zohmingi chu a rawn buaipui nghal a, vin zet hian "I nupui hlui thi tawh hmangaih i that leh vang hian ka la tuar hram hram a i fanu kut i thlak erawh ka tuar theilo" a ti a, Sawma chu ngawirengin room-ah a lut hmak a.


Zohmingi pawh chu tum bur chungin a room-ah a lut ve bawk a, Rinpuii chuan zawi sap hian "I fanu a la dam tih hi i hre tur a ni lo; a awmna erawh ka hre bik lo" a ti a, a fanu Zohmingi hnem tur chuan room-lam chu a pan ve nghal a. Siama pawh a indawm Kun nasa khawp mai Rinpuii nen an inneih hnu lawka Muanzuala pa nen an lo inkawp ru reng a ni tih a hriatni te chu a ngaihtuah chhuak a, Rinpuii hian nau pai lo se chu a uire dawn tih a hrechiang khawp bawk a, a nupui hlui leh a fanu car accident-a an boral lai te ngaihtuah chhuakin a indawm kun ngawih ngawih a. "Ka nupui nen kan fa neihchhun liau liau Pathian malsawmna kan dawn a ni a sin, anî tal kha chu dam chhuak se" tiin a tap zawih zawih a.


Dominic-a pawh damdawiinah a lo thu leh vang tawh a hmel chu a hlimlo tih a hriat reng a kal hma khan a pa in April-i vin hrep chungin Singapore-lamah kal tir a nih tur thu a sawi lai te chu a mitthlaah a cham reng a, "Dr. Dominic, i va hlim loh hmel ve" Dr Mamuani chuan a dârah a rawn vuan a, Dominic-a chu a phu zawk mai Mamuani mit taka en chung chuan "Hmangaih i nei ve tawh ngai em?" Tiin a han zawt thut a, Dr. Mamuani chu a meng phawk nghal lutuk chumi hnuah a nui seih a, insawi luh ngei tum chuan a bulah a han thu te te a, "Mipa rintlak hi ka la hmulo mahse tun hnuah hian rintlak tur deuh ka hmu a, min duh ve ang em ka hrelo a duh chi ka nih ka ring lo" a han ti a. Dominic-a chuan a han sawi chhunzawm a, "Duh dang nei ta se ka bem dawn tho nge ka ngawihbo pui dawn?" Tiin a han zawt leh a Dr.Mamuani chu a phur khawp mai amah a nih ngei beiseiin "Bem tawp rawh duh dang nei mah se a chhang ang che" a ti a, a nui suk a, Dominic-a chu a han ngawi vang vang a, thil ngaihtuah chhuak thut ni awm tak hian "In entir an tlem tho ka haw lawk dawn" a ti a, rang lutukin a chhuak nghal a.


In lamah April-i chu ngui bur hian a thu a, Siama chuan Muanzuala pa thiltihtheihna hmangin ticket telloin Singapore-lamah Dominic-a awmloh hlanin thawn a lo tum a ni a "Muanzuala pa nen ka inbe zo chiah a, pawisa pawh a rawn thun tawh ka fanu Muanzuala hian a duh tak tak lo che a pa in inneih a phalloh hnu khan nula dang a buaipui nghal" a ti a, April-i chuan awihloh hmel tak hian "Ka pa i fanu tak tak pawh ka ang lo" a ti chuai raih a. Chu thu zet zawng Siama rilru a deng dawt mai "Ka fanu i ni hleinem ka fa lâk mai i ni" a ti rilru nuah nuah a, "Ka pa a tha e, i thu ka awih ang a mahse, ka lo let leh hunah Muanzuala chu min neih tir rawh aw" April-i chuan a ti leh a, Siama chu a bu nghauh nghauh a.phur vaklo chungin an inzui chhuak ta a, air port-an thlen chuan nula chhelo zet leh Muanzuala pa chu an lo awm reng tawh a, chu nula chu Maria-i a ni a, April-i chu a hruai dawn a ni. April-i chuan a kal hmain a pa chu a han kuah a, "Ka u lo hrilhfiah mai ang che ka pa min hmangaih tiraw?" A ti a, Siama chuan "Ka fanu i tan vek a ni ka hmangaih che kal tawh rawh" a ti a. An in mangtha fel ta a.


Dominic-a pawh in a thleng chiah a, a inkalh tih a hriat chuan a thinrim hle chabi spare-a kawl chuan a hawng a, inchhung chu a dap chiam a, April-thawmhnaw a awmlo tih a hriat chuan a thinrim zual kher mai. A pa Siama a call-nghal a, a la busy-char char zui thinrim zet chuan Muanzuala a call-a April-i vangin a number-pawh a nei thei a ni. "Hello, April-i u maw min haw hle khan ka hre si a, kan innei dawn tho US-ah Honey moon-hmanna tur ka enkual mek min lo tibuai suh ka pa remtihna thlap" a rawn ti vei zuah zuah a, Dominic-a chuan thinrim zet hian "Mi mawlpa i pa khan abum che a nih kha rawn haw vat rawh April-i Singapore-ah i pa leh ka pa in an thawn dawn" a ti a. Muanzuala chu a thinrim kher mai "Engtin maw nang hi dawt i sawi nilo maw..hello"
Dominic-a chuan a hmet tawp nghal daih a. A pa Siama rawn luh vang a ni rum zet hian a lo melh nghal a, "Khawiah nge April-i?" A ti vin nghal tuar a, Siama chuan "I thisen zawm nilo mah se i hmangaih hi ka remtilo i tlai hret ka thawnbo tawh" a ti a, Dominic-a thinrim lutuk chuan a pa kutthlak a tum a, mahse Siama chu lo indangin an pafa chuan an in melh reng a


Show post links
Top