KA ‘D' BY CHHEPHAKI MUANI (Completed)

[Ngaia]

KA ‘D'












CHAPTER-13












BY CHHEPHAKI MUANI










A karleh lawkah, exam tur kan nih vangin, zir leh nghal char char a ngai dawn sia, ka ning lawk, rilru hi han ti hah lo phawt mai ila, a dik vek a ni mai, class10 te kha in tih nulat hun lai, len hrat hunlai kha a ni ve a, testna leh in zawh tih vel ah kha chuan ka thiam ve thei lutuk, mahse board a nia, a bu pum vek a ni tawh thin sia, midang rilru a hah em em laiin, keichu ka thawveng tho.














Thiante ho nen, exam ni hma in, la leng chhuak kha kan nia, kan la hlim thei em em zui, mahse Pathian zarah ka tilo theilo, kan pass ve leh mai bawk a, college ka zawh hunah, training tur ka zawng daih ang ka ti rilru, tun ang laiah chuan lehkha thiam uchuak leh hmelhriat tha neih loh phei chuan hna hmuh a har tawh thin si, fair deuha tih ka duh bawk si nen.













Mahni in chawm theihna tur hna ka ngaihtuah a ngai tawh, engtik thleng nge ka nu leh pa in, min chawm theih anga, min dam pui dawn tuman kan hrelo, chuvang chuan mahni in tum chawp thei nih ka duh, zir zawm zel chu tha mahse, keini ang lehkha zir tha peih em em lo, thiam lutuk ni silo a, thiamlo lutuk ni chuang bawk silo, laklawh lutuk tan chuan zir san vak pawh hi a ni ber lo .












A bo lo tawk vel leh a changkang tawk vel in, ka zir tawh tho a, a bak chu pawi tihna ka nei tawh lo, ka tui na ber hair and makeup ah hian ka kal daih ang, dawr ka hawng anga, tun ang laiah phei chuan nalh an khel tawh a, pawisa in sen pawh pawi an ti lutuk tawh lo, a rethei anga kan ngaih te pawh hian an uar ve thei lutuk, quality tha kan hman phawt chuan a hlawk ve dawn a.













Bakah tianglam ti hi kan veng leh thenawm velah hian an awm lutuk lo a, kan vengah dawr hawng ila, kan vengthen awm ho neuh neuh an tam ve bawk a, pan chilh ang pawn ti ila ka hlawk tho ang, bakah hmeichhia chu pasal nei leh mai mai tur kan nia, in chhung chet vel bak, fa neih tawh phei chuan tih tur kan neilo, han zir San vak hi ka ngaihdanah chuan a ho ka ti.











Lehkha zir ka va ngaithah e, ka va ngai pawimawh lo e, ka tih na a nilo a, lehkha zir a tha lo e, ka tih na a ni heklo, hmeichhe tan chuan kan mo na in a, kan va hniam lutuk lih nana, a hminga hna neih emaw hna chhe te neih ve kha a tha ber, zir sang vak ila, pasal duh hma te phei chu fa an neih hunah, in chhung chet leh fa enkawl bak tih tur kan neilo a.













Mahni fate lehkha zirtir thiam tawk vel hian awm ila, han thawveng em em phawt ila dik vek a ni mai, "kha in ngaihtuah vung vung thin suh, I zir lai zir rawh" ka rin ang ngeiin, ka nu chuan ka room a rawn luh pah chuan a ti a, keimah a ka awm hi chuan ka ngaihtuahna ka lo kawm leh daih zel, Christa hi a rawn lut tlai sia, a pawimawh tur emaw, note a neih ka ring miah lo, ka lo la ngaihtuahchhuak miah lo a














"Nu tah khan dah mai rawh" tiin ka nu in ei tur min lo pek chu ka ti a, a ni pawh chuan ka lehkha zirna dawhkân ah chuan a rawn dah ve mai, "nu ka pa hi engtik ah nge, lunglei lamah a kal ang le" ka ti a, a hriat bikloh thu min hrilh, "naaa kan test zawh te hi ni se, ka thiante an awm a, ka kal chak sin le" ka ti nang nang a, "I zir that phawt dawn chuan ipa zin loh pawn, I va zin dawn nia" a ti chiah chu.














Phur tak hian "tak tak aw, yess ka ti tha ngawt ang" ka ti nghal sarh sarh a, a bu nghat nghat, " ka thu ber tih i hriat kha, I kal ngei ngei ang" naupang chhe chei bawl tak chuan min ti vel ngei ah, ka kal chak chuan lehkha zir min ti chak a, zanin tang tlaivar thak thak in, ka zir ang tih chu ka thu tawp a ni deuh tawp mai ni..













ka tum chuan ka thei lutuk, a tulna in min nan te chuan lunglei ka zin chakna a rei tawh em a ni, ka la kal ngai miah lo, bakah in awih lo maithei, ka pian a hnu lama, ka hriat chinah, ka la zin chhuah awm pawh ka hrelo, ka chhuah hlat ber chu, bazaar kan kal bak hi a ni awm lo e, han picnic emaw velah pawh ka la kallo, middle kal lai pawn, picnic an tih in ka kal ngailo.















Chu ai chuan in ah awm ila, mu hmak ila, tih chu ka duh dan hi a ni ber thin, lehkha ka zir malh malh a, chaw ei dawnah bak ka chawl lo ang tiin ka rilru ka siam, ka nu ei tur lo dah pawh chu ka ei chhangkhat viau, thei chi hrang hrang a rawn dah deuh nuah mai, coke nen, lehkha ka zir ngawrh ve tawh chuan a rawn dah thlap zel.












Christa chu ka kâ a kham deuh vang leh ka nghawng vel a sil deuh vang chuan chawlh ka la deuh a, call in, a ring rei vaklo, a la nghal zat "E ihh note vel i neih ka ringlo deuh a, ka rawn zawt che" ka ti sap, "ka nei alawm, Ethana khan min lo thawn a" a ti a, "e aw a that chu, zir tha hle ang che" ka ti nghal zat, "nang i zir tha em? " a tih chuan phur tak hian "umm ka nu in, ka tih that chuan lunglei a zin a phal a" ka tih chuan a thaw deuh hak.













"min theihnghilh ta em ni? " a rawn tih chuan ka hre chhuak zawk, " theihnghilh lo e, kan thianho in, kal ila ka rawn ti dawn a, midang an theih chuan" ka ti deuh zaih, " kei chu i kal dawn chuan ka thei, kan chhungte an awm tho a" a ti zat, ka lo lawm ru viau, "midang kan la rawn dawn nia, an theihloh leh kan pahnih in a ni mai" ka ti a ni pawh chuan nuih deuh hak pah hian "mimawl ho awmloh khan a nuam zawk ang" a ti deuh ngei.














A thiante hi a ngai mawl thei mai sia maw, "e taka, I zir leh hma in, Lalrini star pa kha, Puipuii unaupa kha tiro" a ti a, chutiang min zawt teh thut chu mak ka ti rilru hle, "aw ni e, ti nge? " ka ti deuh zat, "engmah nilo e, ka zawt mai mai che mawle" a ti tha ve mai a, ka ring chiah lo nangin, engmah chu ka zawt zui ta lem biklo, "okk ka dah kan zir leh tawh nge" tiin kan in biakna kan ti tawp a.













Kan dah hnu chuan ka zir leh char char, chutia rilru leh tih takzeta zir ta na na chu, ka thiam deuh nel nual tawh, kan tih hmasak ber tur hi science a nih vangin, beih ngawrh a ngai bik bawk nen, science phei chu phuah chawp vak vak kha a remlo bawk nen, mahni ngaihdan han ziah mai kha a dik thei bawk silo a, a har na em em a ni pakhat.












"Bawihi" tiin ka room bulah chuan ka nu chu a ding a niang, a aw a ring e mai "nu lo lut mai la aw" ka ti deuh vak, "vak vak zela che, nula pui si hi, I au vak vak zel mai" a rawn ti lut nghal a, "aw ka khalh lo tih i hre ve reng sia" ka ti deuh nang nang, "ipa leh i nau an lo haw rawh sia, chaw ei nghal mai ang u, ipa nen kan in khawm a ngai si, in khawm tan hun a hma bawk si" a ti a.












"aw ka lo chhuk ang, ka lehkha bu vel hi a zualpui kan rem tha lawk" tiin lehkha bu ka zir lai chu ka khup a, ka nu pawh a chhuak zui ve mai, ka rem reilo bawk nen, ka chhuk thla ve thuai, ka nau leh ka pa chu an lo in thlak fel vek tawh, kan Zodinsanga pawh hi, tunlai chu in chei deuh a len a hrat riau a, nakinah hman vek vawk ah, ka la zui ru ang mawle.













A bialnu hmelchhe zet nen an leng chhuak pawh a ni mai thei, A bialnu nasat dan chu hria ula, chuan in kuk fawk duh ang, kei aia nau mah nise, kei aiin a nasa zawk, Zodina ai pawn a naupang a nia, ngaihna awmlo, ti chung hian Zodina bula ka awm leh college kal min hruai ve chang te hian, mi hi lo melh rum ve hman ziah zel, nakinah ka la in then tir daih ang.













An in khawp zel a, nupui atana neih a duh a nih phei chuan chhungkaw ti keh darh Tu a ni dawn tih hi ka chiang, Zodina lah mi mawl ve tak hi a nia, achhaw zawng hi a ni tlat bawk sia hepa hi chu, hmeichhe tih dan dan a awm a ni bawk si, tunah rih chuan min zah viau mahse, a in la tlangval ve telh telh a, a rilru pawh a huai ve telh telh dawn, chutah chiah chuan ka nu leh pa hreawm na tur a ni, henu a neih chuan.













Bakah Zodina phei chu nupui neih har hi a tum loh hmel bawk nen, an in then loh chuan e, kei hi in atang hian an in nei te a nih ngat chuan ka chhuak a ni mai, an in nei ngei dawn e chu ka ti chuang miah lo, ka zual ve ma lam tak a nia, min huat chhan tur nei silo a, min lo haw ve ngawt kha, ka lai a na tlat alawm, kei aia nau chu nilo se chuan e, ka in sual pui duh ang.













Naupan deuh lai zawng zawng a, mi kawlh mipa chiah chiah tih kha ka ni thin a, nulat kan han hriat tanah kha chuan a reh ve ta, mahse kha mi min chhaih dan kha, a reh hlen thei tak tak lo nge, Rosangzela hi min ti leh nawlh zel, ka class mate hlui hmuh chu zahna hlir hi a ni mai, mipa tur hmeichhia ah a piang kha min ti thin, ka class pui te ka in sual kim pui vek zel.












Mipa erawh ka kawm tam theih em vang hian kan in sual ngailo thung, hmeichhia min lo melh rum leh min lo ngei ve deuh hlek kha chu in sualpui kha alang tlat zel thin, Christa awmlai tak maiin, ka tette atanga ka kawm, Rini leh Puipuiin an han sawi a nih kha, zak vaklo mah ila, mahni bialpa te bulah kha chuan lan perfect te kha kan lo tum ve thin sia, ishhh ka lai vel.








(a thui)




ADD CLICK KHA AW


Show post links
Top

[Ngaia]

KA ‘D'












CHAPTER-14













BY CHHEPHAKI MUANI










Christa chuan kan in kawtah min lo nghak leh der tawh a, ka phur hlawl lo a ni, kum dang ang chu nise, thiam em em ngailo mah ila, ka confi ve thei hle a nih kha, mahse tun kum chu sport vel vang khan ka zir tha theilo a, nihnih chhung lek a, zir kha chu thiam hman ngaihna a awm lo hrim hrim, tun tum a ka tih chhiat vaih chuan ka chhe duai a ni mai.












Exam hran kan nei tawh dawn lo a, tuna kan test na ah hian kan mark put that leh chhiat a hrilh a ni, test e tilo chuan a tam in, a har hlawm hle, Christa chu class reilote la ho mah ila, a thiam thei tih ka hre chiang tawh hle, a nu in kan in a, a rawn len khan a sawi vek bawk, "I thiam em? " a bul ka thlen rual rual chuan a lo ti nghal a.













Lu thing nak nak chung chuan "thiamlo rapthlak, ka ti chhe ngawt ang, zir mang ka neilo" ka ti hap a, ka thaw deuh hak bawk, "lungngai suh, I tih chhiat pawn, ka chawp tur tho I nia" thawveng zet chuan a ti deuh ngei a, ka melh rum hle, "ziah a che, I zir chhuah loh emaw kan lo in then hman takin, ka in chawm ve theihnana ka zir a ngai lawm" ka tih chuan a nuih a zat hmel hle.












"nuilo mai teh, I luck ropui si, chuta karah ila lerh tel bawk" ka ti deuh hlak hlak a, "eng nge ka lerh na? " a tih chuan chhan dan tur ka hre leh chuang miah lo, a lerh loh zia hre chiang ber Tu ka ni miau a, "I lerh tho ang" ka ti ta ringawt, "lo chuang la, kan tlai ang" a ti daih, keipawh chu ka chuang ve nghal mai bawk, "ka tih chhiat zirtirtute vang a niang" ka ti deuh nang nang.












A nui nghawr deuh dat a, "engvang chuan i thiamloh a ni zawk dawn lo mi? " a tih chuan "in exam dawn hnaih a, lehkha zir theilo tur khawp a, sports pawimawh an siam vat alawm, kum dang ang chu nise ka thiam ve deuh tur" ti fuh in ti zet chuan ka ti a, min chhang tawh lo chuan a tlan chhuak nghal zat.












Thiante ah in nghat leh phawt mai teh ang, an thiam dawn bik chuanglo, mahni chauh a, tih chhiat ai chuan a tha tho, text ka chhiar hnem tho bawk a, chuta tang chuan ka risk kual tawh mai niang chu pass dan a awm ve leh mai ang, school kan thlen chuan mi pawh an lo tam tawh hle, a then in, lehkha bu kengin, kal kual pah in an lo zir a.













Tlema thawveng chin leh thiam deuh ho erawh an lo in fiam deuh nak nak, kan tlan lut lah chu min lo en duh hlawm em em mai leh nghal a, hepa luck leh lutuk pawh hi, engtia tih chi nge mawni dawn ni, bike kan hun that rual chuan kan thianho thut khawm na ah chuan kan phei ta hlawm a, "khawiah nge Puipuii hi? " kan thlen phei rual chuan ka ti nghal.













"kan hre biklo, sport zawh atang khan a reh ta daih a" a tih chuan mak ka ti ru hle, a ni pui hi a damlo emaw ni dawn ni, "in call chhin em? " ka ti leh a, ka dinna ngaiah ka la ding reng, Christa erawh a thu thla tawh thung, "call e, mahse a chhang theilo, a phone a in off daih" Rini chuan alo ti a.












"a u emaw a nu call chhin mai tur cheu nia, a damlo pawh ni thei a" ka ti a, "an number kan neilo" an ti bawk si, ka neih thu leh ka call chhin tur thu ka hrilh a, "a u number ka nei lawm, kan call ang" tiin ka phone ka la chhuak a, u chu ka call nghal zat, ala tawh dawnlo emaw ka tih hnu ah, ala ta chauh "e u, Puipuii a awm em? " ka ti hmasa tete.














"Zeli i thiannu a awm tawh lo" a rawn ti ta mai, hrilh hai bawk si, mak ti bawk siin ka awm, a rawn tap aw deuh bawk si nen, ka in ngaihtuah harh hnu chuan ka tah a chhuak nghal et et, ka thiante leh Christa te chuan min melh thap a, "u in tihderna chi a nilo nia aw" ka ti tiau a, Christa ka bulah alo kal hnai nghal zat, "dawt a nilo, rilru hahna a neih awm kan hre silo a, engmah a sawi bawk silo a, in sport zawhni, tang khan a hmelah vei a nei run a, ka zawh in min chhang duh bawk silo a.













A chhan engmah kan hrelo, a room chhung, fen ah alo in khai ringawt a" harsa tih hmel tak chuan a ti a, ka zawi nghal vek in ka hria, Christa chu ka ngheng rawk rawk a, "Christ" ka ti tiau, ka thiante pawh chuan ka awmdan vang nge, an lo tho ve nghal sap sap a, Christa chuan thilawm dan hrilh zung zung in, Rini pawh a tap nghal hawk, mipa ho erawh an pachang thei khawp mai.














"kan kal vat a ngai a nih chu Rini ti khan, Zeli nen lo awm ula, bike kan va la lawk ang" tiin mipa pathum chu an in zui phei nghal vat a, kei ni erawh midang min lo melh thap pawh chu kan ngai pawimawh lo, in kuah in kan tap dun a, ngati nge tiang mai hi a nih theih, a rilru natna leh a rilru hahna min hrilh theilo a ka awm hi ka in thiamlo takzet.













Thian ni tlak pawh ka nilo, ka tlaw takzet a ni, whatsApp leh call tak ngial pawh in, khang nihnih chhung khan ka awmlo a, ka lehkha zir ringawt ka ngaihtuah a nih kha, ngati nge a tan ka awmloh, kei leh Rini chiah hmeichhia a tette atanga kawm kan awm a, chuti chung chuan atan kan awm theilo a nia.











Bike nen chuan an lo thleng thuai a, gate lama an awm daih vangin, kan phei nghal thuai, midang chu nakin lamah zirtirtuten an hriat ve thuai tho dawn vangin, tumah kan hrilh ta lo, Christa hnung bawh chuan ka tap char char a, kawng ngil deuh laiah chuan a kut leh lam chuan a kawng ka kuahna chu a rawn chul leh zeuh thin, ka in sut deuh hlap hlap hi a ni mai.














Ngati nge tiang kher a tih, a rilru hahna emaw, a natna te tuar tlang theilo tur khawp a, hmeichhe chaklo a nih ngai ka hrelo, ka ngaihtuah kual tam pauh leh ka bo hi a ni hawt bawk si, nizan te kha her that tir leh ka chak takzet, lo va bia ila, eng nge a an tih emaw, a mah be tur hrim hrim khan lo va call ni ila, a âw (voice) ka hriat hnuhnung ber ni dawn mahse, ka hriatloh tawp ai chuan ka hahdam deuh tur.














Zirtawpni kha a hmel ka hmuh tawpna ber leh a âw ka hriat tawpna ber tur a ni tih hria ila chuan a bulah ka awm reng tur, a kiangah a mah ti hlim tur emaw, a bul hnaia a mangan lai ber pawh a, awm tur talin a tan hun ka in siam thei silo, kan tana awm reng thin, kan harsatna leh kan rilru natna te kan hrilh ber thin leh min hnem Tu ber tiang hi a ni ta mai si, kan tan a awm reng a, mahse min mamawh lai berin, kan awm thei ve silo.














An in kan thlen chuan mi pawh an lo tam tawh hle, in chhung ah chuan kan lut nghal a, kan thianho chuan Puipuii khum fit3 vela an lo mutna lam chu kan pan nghal, a nu leh a u in min lo hmuh chuan "mamte, bawihte hei i thiante an lo kal a sin, hmanni ah pawh, ka ngai lutuk tia i hmuh chakte kha an lo kal a sin" tiin a nu chuan min lo tah khum nghal a, thenawm khawveng ruang thut hnaih tute chuan min lo kian thuai.













"Hei i thiante kan lo kal hi, harh la min lo lawm leh ta che, mimawlnu ti nge kan kiang a awm hi i chak tawh lo mi?, tiang hian ngati nge i awm?, kan tar kun thleng a, in then hrang lo tura kan in tiam kha" Rini chuan tih pah chuan a thutna tang chuan tawlh thla deuh in, Puipuii biangah chuan chul pah in, a kuah titih a, Puipuii nu chuan a fanu kuah deuh pah chuan Rini chu alo kuah ve bawk.













Puipuii u erawh, a nau ruang engmah hrelo a mu, chu a melh ngawt ngawt a, a mit sen ram danah, a tap ve hle tih a hriat, Puipuii kut chu ka khawih a, a lo vawt deuh thlar tawh, vawt ngaitheilo ber a ni thin a sin, "Pui i kut a vawt a nia, tih lum dan ngaihtuah vat rawh, I awm theih loh kha" tiin a kut chu ka chul a, "Christ enteh min chhang duh miah lo, a sual lutuk" tiin ka bula Christa thu chu ka melh a.














Hnuailam bih ngar chung hian, ka hnungah a chul dat dat, kan principal leh kan professor te an lo thleng a, kan bul hnaiah an lo thu ve zat, naupang dang erawh pawnah an awm a ni awm e, "mimawlnu, lo meng vat rawh a nih loh chuan ka thin a rim mai ang" Rini chuan a ti a, a tap nasa lutuk chu a khawng titih, Puipuii u chuan a thutna tanga tho chhuak in, a kuah sawn a.















Kei erawh ka mittui chu a tla nasa hle, mahse ka tap ri theilo, ka awm chhungah hian min hnawh tlat a, ka thawk te thleng hian a hnawh hial in ka hria, "Bawihi hmun dangah awm thawveng lawk ang hmiang" Ka awmdan a hre thiam leh vek tawh a niang, Christa chuan a ti a, ka lu ka thing ringawt thung, Puipuii pa chu a pachang thei hle a, a chhungte dang erawh an tap nasa hle.














An zai te chuan ka lung hi an ti na ngut ngut a, tiang hian a sawi thin a nih kha "kei chu Pathian zarah, mitthi hla an sak a, an zai khawm tih vel hi, ka tan an zai ve ngailo ang, ka tar thih hunah chuan ka hre chuanglo a" ti tu ber thin, damrei tum tak thin kha, tiang maia a tawp hi ka hre thiam theilo, lu men pui theih a nih loh vangin, kuang chhungah chuan dah an tum a.














A nu chuan a phallo viau, kuang chhung a an dah meuh chuan ka tap chhuak hawk, "Pui lo harh rawh, i hmun ngaihnat loh berah kalpui an tum che hi, lo tho la rawn hau rawh" tiin kuang chhunga an dah tawh chu a hmaiah chuan ka zuk khawih a, "ka la kham lo e mai, lo tho leh rawh, chuan i thusawi tur leh i rilru hahna, ka hnena i sawi duh zawng zawng i sawi vek dawn nia, ka lo ngaithla char char ang" a hmui duk deuh ruih leh a hmel dang deuh pap chul kual pah chuan ka ti mawlh mawlh.














Min chhang Tu tur a awm tawh silo, ka thawk hi tawp ve daih che ka ti lutuk, Rini te nen kan pathum a, unau anga in en a, in kawp sei lian kan ni a, tumah dang kan ngai ngailo a nih kha, ka nu leh pa an lo thleng a, Christa nu pawh a tel ve, Rini nu leh pa a u nen an lo lang ve leh bawk, ka nu chu ka pan vat a, "nu nang chuan han au tho teh a tho duh miah lo a nia, a lo riah chang pawn, I kaih thawh thiam em kha" ka ti mawlh mawlh a, ka nu kut chu ka vuan veve bawk.
















Ka nu pawh a tah a chhuak tih hai rual a nilo, a fanu anga alo en thin kha a ni ve miau a, "nu sang, I vin vak chuan a nuih nasat theih em kha, han vin leh vak la, alo nui chhuak leh mai ang" tiin Rini nu chu ka pan deuh ruak ruak bawk, mi â ang mai chuan ka awm a ni ber, Christa chuan min kuah in, a hma kan thutna bawkah chuan min thutpui leh a.













"Bawihi tuar hram hram rawh, engkim a tha leh vek mai ang" tiin ka lu ah chuan a fawp zeuh, Rini chu Puipuii u nen chuan an lo chhuk leh a, thlalak a hun a, kuang an chhin meuh chuan ka â lo chauh tawh, kum khua a hmu tawh lo tur leh a hlim hmel leh a nui ri ka hre tawh lo tur mawlh chuan min ti na, thihna tawp chian zia hi chu a tawng tuar tute tan lo chuan hriathiam a har ang.














Rini nen chuan kan in kuah a, rawmawl chuan kan in ru dun mawlh mawlh, a nu leh pa a u te chu an thu tluan dawn vangin a laiah an thut tir a, a chhung leh khat in an lak pui zawh chuan "A thian kawmte khan lak pui ve leh nghal se, hemi dawtah a school kalpui te leh an zirtirtute lo kal ve leh nghal bawk se" an ti a, kan thianho chuan kan va thu nghal.













Keini bak kawm a neilo bawk nen, keimah ni chiah kan ni, Ethana, Puipuii duh Tu leh bem tum mek Tu chuan a tuar fal hle, a hmelah chuan a na hle tih a hriat, ka khawngaih hle, a duhna a rei tawh a, a hrilh ngamlo mai chuah a ni, kan school pum a nih vang chuan kal khawm chhung a rei khawp mai, kan college kan tam ka tih tawh kha, kawngpui ah te a then an awm a, kan awm darh em vang a ni.














An in kawt a zau hrim a, kan leng tawk tawk a ni, kan lak zawh fel vek hnu chuan Puipuii chu Christa, Duhawma leh Ethanan kan section ho in kan lo zawn ang an tih tlat vangin an zawn a, thlanmual a hla lo bawk nen, kan section a mi pathum an lo tel belh a, an zawn nghal zat.













"Rin lo awm mai ta che" tiin Rini thawhah deuh ti tih chu ka ti a, a lu a thing tlat bawk si, Puipuii u chu lo kal hnaiin, "khawi ka lo buaipui ang" tiin a rawn kuah a, Puipuii zawn na hnungah an kal a, kei erawh Puipuii nu rawn chhuak chiah nen, kan kal rual thung, a tap char char a tih theih ang, a tuar thiamlo pawh hi a awm, an fanu neih chhun a ni a, tiang an rin phak ka ringlo.












An phum dawn meuh chuan ka â ni ber in ka hria, tap ri chu a ring hle bawk, an chhungte awm laia, lei chilh an phalloh vangin, pastor in a vui zawh chuan kan in zui chho nghal a, tlaivar pui tawk lo chiah chiah a ni bawk nen, Puipuii nu ka khawngaih tak zet, a duh ang in a fanu a thlah hman ta silo a, tlaivar pui tal se chuan a zia zia ala awm ve tur hi a nia, ka nu te chu Puipuii te in lamah an lo awm thung.














Christa chuan kan chho lam chuan min kai deuh chawt a, Puipuii u in Rini a veng deuh reng bawk, Rini thawhah tep tep zel bawk nen, leh lam takah chuan U Ruatfela tuar lutuk tur pawh a zia zawk ngei ang, Rini buaipui ngai reng lo se chuan a in ngaihtuah lungpuam dawn sia.












In kan thlen chuan mi pawh an lo awm lutuk tawh lo, an phum zawh hi chuan an reh deuh thin a, mahse awm tawk hi chu an awm tho ti hian zanah, an rawn tam leh anga, thalai len zan hian nu tan chuan an zai ngaihthlak te, an thawm hrim hrim hian nu thinlung a ti na zual an ti thin, ka hre chuanglo nangin ka hriat dan a nih chu.














"Bawihi haw lawk ila, va in thlak vel ila, kan kal leh nghal dawn nia" Christan a tih chuan ka hnial hranlo, college kal tura in thuam mai kha ka ni bawk sia, "pawi chuanglo" ka ti sap a, Rini pawh U Ruatfelan an in ah kal pui a tum ve chiah bawk, "khawnge Duhawma leh Ethan hi" tiin pawnah chuan ka hawi kual a, "an haw lawk a nih kha, an ni pawh an in thlak anga, an lo kal leh nghal ang" a ti sup.














"nu in haw dawn mi? " tiin ka nu pawna lo chhuak chiah chu ka ti nghal a, "aw kan va haw ange, zan lamah kan lang leh dawn tho bawk nen" a ti a, "Christ I nu hi phur haw nghal mai la, ka nu te rualin ka lo kal ang" ka tih chuan a lungawi hmel chiah loh, a lu a thing ringawt, "bawihi, Bawiha rual khan haw zawk rawh, ka chuang thiamlo" alo ti vat.












"kha kal vat ula, phei leh vat ru, Puipuii nu a khawngaih thlak awm e mai" ka pa chuan alo ti ve thung, kan tlan liam nghal thuai, in pawh kan thleng har em em lo, a tlan chak miau hek, a sim theilo reng reng tlan chak hi, in ah chuan kan awmpui chiah alo awm a, "e kha bawihi ilo haw maw" alo ti nghal vat, a hnu lawkah ka nu te pawh an lo thleng nghal mai.














"Puipuii nu sawi dan hmangah, in thian dun khan riahpui turin a duh hmel hle cheu in a lang, a mah hnem tur tal pawh a, rei vaklo chu in riah pawh a pawilo ang, in chhungah te in va pui pah anga, a mah chiah chuan a ni fanu lu sun nen, a hreawm lutuk palh ang, tlangval in riak an tam phei chuan tih fel tur a tam thin" ka pa chuan a ti sap sap a, ka bu nghat ringawt ka tawng peih thlawt lo.













Room ah chuan ka lut a, ka WhatsApp zirtawpni a ka la luh loh massage pawh ka la en loh chu whatsApp ah chuan ka lut a, Puipuii massage alo awm vang mai, a rilru natna ka hriat theih in beiseiin ka lut a, "Zel engtin nge ka hma chhawn ang, kei hi pawngsual ka ni tih leh mi tenawm pa fa ka pai tih hi, seen teh ka mamawh che nia " tih hi alo awm a, ka tap chhuak hawk, ka in chhir na a zual tulh tulh.














A tukah pawh min biak tumin a bei leh a ni mahna, call chu min lo call lo "a pawilo seen lo mahla, in sawi thawl ka mamawh a ni, Rini a awm silo, nang tal chuan min chhang thei la ka ti, tunah tak hian ka mal ngawih ngawih, keihi Ethanan sport kan zawhni a min thlah haw khan, kan in ka luh hma khan, call ka dawng a, chuan kan in piah hret a kal turin min ti a, a tir chuan ka kal duh lo a, mahse ka tana thil pawimawh tak a nih thu a tih tlat vangin, ka kal a,
















Chuta lo awm chu i hre duh em? kha Rini te in a kan kal a, pianpui a neih awm kan hriat siloh a, mipa pakhat lo awm ve ringawt a u tia in chhal pa kha a ni, a tir chuan u anga ka en vangin, tha takin ka bia a, mahse tiang rilru kha a pu daih thung si" tih te hi a ni, ka thinrim leh ka rilru na lutuk chu ka in hum ruh ngawt ngawt.















Kan thianho group ah chuan Puipuii te in a kan kal hma a, kan in a lo kal hmasa tur chuan ka ti ta hlawm a, Ethana ka call nghal zat, " Ethan kan in ah lo kal hmasa teh aw, I hriat tur thil ka kawl" ka ti sup, alo kal tur thu a sawi ve mai, Christa chu ka call leh nghal a, "Christ I hman tawh em? " hello pawh a tih hma chuan ka ti leh vut a hman tawh thu a sawi chuan kan in alo phei tur chuan ka ti a.















Christa chu alo thleng phei nghal mai, in siam sa thlap in ka awm tawh a, kawr fual dum leh pheikhawk kaih dum ka bum tawp bawk, puan bih chu tha viau mahse, ka chet pui peih rih lo, ka chau, midang an lo thlen rual chuan ka nu te ho nen sitting room lamah chuan kan in zui phei a, "Zodin min lo zui ve rawh" in chung chhoh a tum chu ka ti a, sitting room lamah chuan alo phei ve mai














"Midang chuan an hriat thiam loh hmel hle, " eng nge sawi vat la, kan kal leh vat a ngai a nia" Rini chuan alo ti a, ka thaw deuh hak, "Rin I cousin phawngpui khua atanga lo zin, tuna thla tam lo awm tawh, kan bula i sawi ngailoh, college kal tan leh hma a, kan hmuh ve chiah pa kha, kha pa kha" ka tih chuan "aw eng nge ka hriat loh ang, ka nu nau fa alawm" a ti sap.













"Kha pa kha a ni, Puipuii thih chhan chu, Khapa khan a pawngsual a ni, chuan Puipuii hian chuthil chu tuar chhuak zolo in, a mah ngei in a nunna a la a ni, nilo keima thiamloh zawk a ni, a mamawh laiin, a kiangah ka awm lo a, a biak theih leh a rilru hahna hrilh theilo in ka lo awm vang a ni" ti deuh tiau, "eng maw I sawi kha, chu zawng phiangsena mai mai chu le" Ethana chuan a ti nghal phat a.













A hmelah chuan a thinrim zia a hriat, a rilru a nat hmel hle bawk, midang pawh chu an thin a rim hmel hle, Christa taksa ka ngheng mek pawng deuh tawlh tawlh danah a in sum hmel hle, "Tenawm lutuk, a thi ve khawp ang" Rini chuan a ti deuh tuarh a, ka nu leh pa chuan mak an tih hmel mai bakah, an rilru a lo na ve hle tih a hriat, "kei mah ngei hian a phu tawk ka pe ang" Christa chuan a ti deuh hmuk a.















An thinrim chu a awm reng, in khawmna la reilo mahse, kan in ngam thlak hlawmin, hun rei tak atanga lo in kawm tawh ang chiah kan nih hlawm vang hian, midang pawh hian mak an ti thin, kan in chhan deuh tham hlawm bawk nen, fiamthu duh viau hlawm thin mah ila, a hunah thiantha hlut na kan ti lang thin, mahse ngati nge Puipuii min mamawh hun lai khan tumah kan awm ve loh.











(Feli khan tumah thih tir suh a rawn tiaka post hma hma in, ka rilru a hria)


Show post links
Top

[Ngaia]

KA ‘D'












CHAPTER-15














BY CHHEPHAKI MUANI












"Thil tih tut tut chi pawh a nih loh hi, kha pawh kha, finfiahna tlakah an ngailo mai thei a, chuvang chuan fing taka chet tum tur a ni, a phone hmanga tih chawp ah pawh an ngai thei tho" ka pa chuan a ti deuh chuarh chuarh a, kei erawh ka ngaihdan a nilo lutuk chu ka ngawi reng tawh, ka thiante pawh chu tumah an tawng tawhlo.















Misual tiang anga kan man ran ka ringlo a, mahse alawmawm lam a ni tho bawk a, ngaihtuah zui ka duh ta lo, Puipuii khan chhan awmlo in a tih ka ringlo reng a ni, kha mihring kha a chaklo khawp ang, keimah ngei hian a nunna ka la zawk dawn emaw ni, misual tak leh rapthlak tak chu ni ila, tunah hian khawvel eng a hmu tawh lo ang.













"Tunah chuan Puipuii te in lamah phei phawt ang u, thalai kal khawm hunlai a nia, tihtur a tam ang" Rini chuan puitling tak chuan a ti a, keipawh chuan Rini thusawi thlawp zetin ka lu ka bu vei nghat nghat, "phei ang u" ti hmuk in, Ethan chu a tho chhuak a, a kal nghal nul nul, "bawihi in kal hma in, puan han bih ve rawh, a mawi zawk ngai" ka nu in a tih chuan ka hnial dawn deuh nangin.













"Nia han bih rawh, keipawh ka nu in a ti tlat vang lawm" Rini chuan a tih tak vangin, "lo va kal ula, Christa nen kan rawn zui mai ang cheu" ka ti ta ngawt a, puan dum bih a, kawr tlema rawng thim lam hak tawp kha a ni mai a, a rei vaklo ang, pheikhawk ni si, a khaih ka bun sa chu bun tlang law law ka duh vangin, puan dum leh kawr grey lam rawng pawl mah hi ka la chhuak a.














Ka in hak zawh chuan ka sam chu chul mam thuak thuak in, in hnuaiah ka chhuk nghal vat, "nu kan kal aw" tia chhuah ka tum chu "kha hei pai rawh, zanah pawh riltam a awm ve thut thei" tiin pawisa min pe a, Christa kawngka bula ding chu melh in, "kal rawh kal ve nghal ang" tiin ka pan hnai a, alo la ding reng, chhuak hmasa turin min tihna ah ka ngai hmiah a.














Ka chhuak hmasa ta vut, "Christ engtin nge hma kan lak ang" bike bula a rawn kal hnaih rual chuan ka ti hap a, "kha chu ka kutah dah rawh, engmah ngaihtuah buai duh suh, Ethana leh Duhawma te nen kan lo ti fel ang, chuan i phone kha ka kawl rih a ngaih hmel, pawimawh atan, I duh chuan ka phone i kawl thei ang" a ti a, phone tello te chuan zan ka muthei teuh lo.














Hla emaw thawnthu ka ngaihthlak loh chuan mut ka harsat tawh a, ngaiah ka neih tawh vang a ni, "ka phone tello in ka muhil thei hlei nem" ka ti deuh nang nang a, min melh vut in, "eng vang" a ti ringawt, "aw thawnthu emaw hla ka ngaihthlak loh chuan ka muhil theilo" ka ti ve mai, "ka phone i kawl dawn nia ka tih kha, ka phone ah pawh a ngaihthlak theih" a ti sam et.













Ka hnial ta lemlo, a bike ah chuan a chuang chho a, puan bih nen chuan chuan har dawn viau mahse, a ngai bawk si, hahthlak zawk hian a, ka puan bih chu ti chhingin, a hnuaiah kekawr bul ka ha tho bawk nen, ka puan chu ka hlip ta law law, "I mal a lang thui lutuk, bih leh rawh" a ti deuh hmuk, hepa em em hi chu aw, "thlen hunah ka bih leh mai dawn lawm, zan a nih tho hi" ka tih pawh chuan tlan chhuah ala tum lo khawp mai.













"Ka sawi ngai min sawi nawn tir suh" a ti leh hmuk, " ka bih in, engtin nge ka chuan anga" ka ti vin hlar tawh, "hmeichhe thut mai rawh, ka tlan muang mai ang" a ti leh bawk si, huizz a duh anga ka tih loh chuan kan kal thei dawn lo tih lah chiang reng, a thu a duh dan chu pui tak a ni, a tih tawh chu sut tir leh tum eng ang mah ila, a theih loh hi a ni mai.












"Ninom khirh lutuk mai" ti nang nang chung chuan ka chhuk leh a, ka bih tha mual mual, "in ring rawh, hmeichhe thut dawn hian ka harsat a nia tiangah chuan" ka ti deuh hmuk a, a nui suk duh chauh leh nghal a, "ti pawh khan nui suh" ka chuan chhuah rual chuan ka ti hmuk, a tlan chhuak nghal a, a kawngah ka kut leh lamin, ka ku ah a, leh lamin hnunglama vawn tur ang deuh awm chu ka vuan tung bawk.














Puipuii te in kan thlen chuan bike kan hun tum na chiah ah, kan thiante an lo ding a, Rini chuan "kei chu ka unaupa mah nise, thah ve mai ka chak lutuk" a ti deuh hrawk a, hmeichhe awmnem ni mah ila, tianga thiante chunga a thlen meuh chuan khua kan hmulo a chha chu a ni e, "in sum hram hram rih ula, a mah hi kan tal awh tir a ngaih kha" Christa chuan a ti a, "Duhawm nang Ethana veng tha rawh aw, a in sum zolo ang tih a hlauh awm" ka ti a, Duhawma pawh a bu nghat nghat mai.
















A hmelah chuan a thinrim ve tho tih a hriat, Ethan erawh ala tawng leh lo reng reng, a awm ve tho e, thalai ho an zai tan tawh vangin, kan in zui lut ta hlawm a, Puipuii nu chuan Rini nen chuan min lo kuah leh chat tawh, a tah hla te chuan tah a ti chhuak ngawih ngawih, ka mittui chu a hnam leh sawk thin a, hru fai mah ila, awmzia a neilo, a rawn tling leh zel, Rini erawh a in sumlo a, a tap chhuak thei, kei erawh min hnawh tlat ka ti mai.















Christa leh kan thian dangte chuan tih tur awm ang ang an ti ve zung zung a, thingpui lumna lamah an va pui ve bawk, thalai tlaivar zanah kan hmang dawn a ni, ei tur siam tr a ngaih vangin, an ni chu an rawn lut leh tawh lo, thingpui sem pawh tiang hunah chuan mipa hian an ti mai thin, mahse no erawh hmeichhia in kan sil thung thin.













"Rin ti khan lo awm la, no kan sil pui ang nge aw" ka ti a, a bu nghat ringawt, kan college a, kan subject la ve ho te leh class dang ami pawh an awm nual mai, ka rin aiin an rawn kal tha daih mai, "E no ka rawn sil pui dawn cheu a" Puipuii te in a kan len thin laia, dawr kan kalna thin ber lo nghak thin tunu, nula nen chuan kan in hmu fuh a, "e a ni maw in zolo an la awm a, kan sil mai rih lo a nih hi, lo thu ve rawh" tiin a tawlh kiang deuh a.














Hmeichhia pawh an awm nual mai, college a ka hmelhriat pawh ka hmu nual bawk, "In chhungah lo awm mai mai tur che lawm, hritlang i kai hma nen" Christa chuan ka bula rawn kal hnaih pah chuan a ti a, min hrechiang tawh hle, ka nau tawngthei zet hian a hrilh vek zel vang a ni, "hritlang bik em nang, engmah a nilo ang" ka ti mai a.















"Lo kal lawk teh" tiin a kal sawn daih "in pa mi" ka bula thu ve ho chuan an lo ti nak nak a, ka lai hle chhan tumlo a, ka tlak dawn laiin, Lalduhawma rawn kal hnai chuan a nih thu alo sawi hman thawt thawt, "I va hung chhelo ve" an lo ti fiam nak nak, ka zak hle ka kalsawn nghal daih bawk, Puipuii te in ground chhung a zau bawk nen, midang in ti buai lo in, thingpui lumna vel pawh a tih theih a.















A zia viau, a piah thim lai deuhah hian alo ding a, "Ethan hi engtia tih chi nge ni dawn ni, a in sum zolo lek lek thin a, Duhawman veng hneh viaulo se chuan kan in dang hmanlo ang, hetah a awm ve bawk sia" a tih chuan ngaihsam zet hian, "sawisa hrep se a phu tawk chiah" ka ti hmak, him dam taka a awm reng hi a phu hlawl lo.













"chutiang ngawt a ni lo a nia" a tih pawh chu ka ngai pawimawh lo, "a ho e mai, thi ve law law se a tha zawk" ka ti a, ka ti tak tak, ka rilru a chhia pawh in ti mai thei, ka thiantha ber nunna la tu ah ka ngai hmiah, that lo mahse khatiang ti tur khan a nawr miau a ni, Pathian mite leh Pathian ngaihah chuan misual ber a nilo maithei, ngaihdam Tu tluka hlu a awmlo an ti a, mahse a tawngtu tan chuan a har em a ni.














Tha famkim kan awm lo a, misual ber ngaidam tu nih tluka hlu a awmlo an ti thin, mahse ka sual ka tih tawh kha, ka ngaidam ve theilo a ni, "I tawngkam fimkhur rawh" a ti hmuk a, ka melh rum hle, a thim em vangin min hmu theilo mai pawh a, "ka thiannu chunga khatiang a ti chung khan a mah ila tan zawk a maw, Ethana rilru put hmang i hre ve vek a, a tana a thinrim thlak tur zia i hrelo mi" ka ti deuh tuarh a, a tawng leh hma hma chuan.














"A nih ka chunga thil thleng ni ve ta se, I tan zawk tho angem" ka ti sup a, a rum deuh nghut, min pawt hnai hrawk a, " chutiang I chunga a thlen ka remti ngailo ang, ka venghim tlat dawn che lawm, khatiang tawngkam I kâ atanga I chhuah ka duh lo mai a ni, ka ching fel vek ang ka tih kha, ka thiannu ve tho a ni a, a tan ka ti ang" a ti sup a, min kuah nghet hle.














Thingpui lum na a ri deuh rum rum kan hriat chuan min kuah na chu thlah in, kan thlan phei vat, Ethana hian Rini unaupa ti mai ang, alo thut bet a, alo hnek chawrh chawrh hi alo ni, in chhung lam erawh in an hrelo, an zai ring em bawk a, Christa chuan a pawt hrang vat a, "min lo danglo teh, a phu tawk ala hmulo, ka thawn chho ve dawn" a ti hrawk hrawk a, mahse a man bet tu, tha a chak em a, a tal chhuak thei biklo.














Ramnunsanga chu a rawn tho chhuak a, a rawn pawr khanglang, ka thinrim in up bet chu ka puak keh ni ber hian ka hria, "nang mihring tenawm lutuk hian dam hi i phu hlawl lo, ka thiannu khan i eng pawi nge a sawi" tiin a hma ah chuan ka va ding a, midang ho pawh an lo pung khawm chak khawp mai, in chhung lama zai ho pawh, an reh thuap a, an lo chhuak ve hlawm bawk.














"Nang hmeichhia lo in rawlh suh" a ti hrawk a, ka nui hawk, mahse a zat vang a ni hauh lo, ka thinrim lutuk vang a ni zawk mah, thinrim lutuk hian a nuih theih tih ka hre chiah bawk, "ka sawi vek law law dawn nge?police hma ah i sawi chhuak zawk ang" ka ti deuh salh a, ka thiannu mualpho chu hlau lo ila chuan ka sawi piap piap tawh ang.













"iva tawngtam reuh e" tih pah a, min ben chuan engtik laiin nge Christa kan bul alo thlen phei ka hrelo, Ramnunsanga chu a hnek chawrh chawrh a, leiah thleh thlu in, a hnek leh chawrh chawrh bawk, thelh ka tumlo, a phu tawk a hmu a ni mai, midang ho chuan an lo thelh ta vat, ka lu chu a hai deuh chum chum hial, ka kam sir chu a al deuh puat bawk .














Mipa in a tha pui in, min beng miau alawm, mahse ngatan mah ka ngailo, ka thiannu tawrh ang a, na kha ka tawrh tir ve dawn khawp alawm, "eng nge thil awmzia ni ta ngai" Puipuii nu leh pa chu an lo kal hnai a, a u pawh a rawn lang nghal zat, "Nu police phone rawh" ka ringawt, midang ho chu in chhunglamah an luh tir hnu chuan Puipuii chhung hnai leh kan thianho chiah kan awm tawh.














Ramnunsanga chu a tho chhuak thei tawh lo thung, "nu police chu i phone em? " ka tih leh chuan a bu nghat a, an fanu an chan a, chuta kara tiang thil kan thlen tir hi ka duh lo viau nangin, tiang a thlen takah chuan fel law law se ka duh, reilo ah police pawh an lo thleng a, ka phone pe in, ka chhiar tir nghal zat, "awle hepa hi chu ka hria alawm, kar hmasa pawn ruk ruk thu buaiah a tang tawh, mikual a nih vang leh a awmna chhungte kan zah vangin, mualpho lo zawngin kan ti a, mahse tiang a tih takah chuan lungngailo ula, a phu tawk a hmu ngei ang, hei hian a ti chiang viau e" a tih takah chuan ka thaw huai.















"Phone hi kan kawl a ngaih rih hmel" a tih chuan a pawi loh thu ka sawi a, password ka dah vangin, password chu ka phelh a, mahse ka putea sawi thin, tumah ring ngai suh, i lam tang atanga i hriat te pawh hian, an phiar ru thei che a tih kha ka hre chhuak zawk a, Ramnunsanga an buaipui lai chuan , Puipuiii thusawi chu ka screenshot zung zung a, Christa ka thawn nghal zat, Christa chat chu ka screenshot ho a luh kim velah ka delete leh nghal.















Police kal liam hnu chuan ka thaw huai, " ngati nge, hei min lo thawn" tiin Christa chu ka bula a rawn kal hnai a, "ka hrelo le, lo kawl tha tawp rawh, ala pawimawh ang" ka ti ringawt, a chhan ka hre biklo a lang thut vang a ni, Rini hi kan thiantha ber leh rilru chhia nilo mahse, a nu leh pa te hian, an unaunu fapa hi an chhan ka rin vang a ni.














Thil ti thei viau mahse, lam tang kan nei tha ve tho a, Puipuii chhungte lah milian tak tak an ni a, ka pa hi sorkar a mi pawimawh a ni ve bawk, min namnul mai mai ka ring biklo, mahse sum hian thil a ti thei khawp a, engmah a hriat loh, kei chuan dikna a din chan hma chu ka bei dawn, mi thilti thei te chakna ringlo in, dikna ringin ka thiannu dikna hi ka lan tir ang..













"I hmui kha a thi a nih kha, ala na em? " Christa chuan a ti sup a, ka lu ka thing nangin, ka lu erawh ala hai tho mai, Puipuiii chhungte hrilh hai zia leh mak tih zia chu ka hmu reng "nu nakinah ka hrilh ang cheu" tih chiah in, ka chhang "in chungah bawihi room ah khan, pem thar damdawi a awm kha, in hmu mai ang, han kal rawh u" a ti a, in chhungah an lut nghal.














Puipuii u chu ala ding reng "thil awmzia min hrilh rawh u" a tih tlat vangin, "Duhawm lo hrilh la, bawihi hi ka han buaipui lawk ang, ti khan lo awm rih mai rawh u" tiin min kai nghal a, chutia kan thawm a reh takah chuan thingpui lum thenkhat ho chu an lo chhuak leh min melh hrek hrek tawk lah bo lo, mahse engah mah ka ngailo, chu ai chuan ka thiannu dikna hailan ka ngai pawimawh zawk.













Puipuii room ah chuan kan lut a, a hma a dam lai ang chiah khan, a room chu ala fel faiin, ala ngai reng, a duh ber thin Bts thlalak banga a thar te, a unaupa nena, an thlalak te, a nu leh pa nena an lakna te, kan thianho a, uang zeta kan lakna te, a tam mai, thlalak tar hian a khat a ni ber, chungte chuan ka mittui an ko chhuak thar leh "bawihi na i nei mi" tiin Christa chuan min zawt vat, ka lu ka thing ringawt.















Khumah chuan min thut tir a, side table a, pem damdawi leh labua chu a la a, ka hmui chu a dep zeuh, a thip lutuk chu ka phu zawk thei, "a na ami? " ati leh tawh, min zawt ngun ta hle mai, min ngaihtuah lutuk chu keimah zawk ka awmthiam lo lek lek dawn alawm mawle, a hnawih zawh chuan ka kut chu a hum vang vang a, "khapa khan a khawih hman che vangin sorry, tuman an khawih na leh tawh lo ang che" a ti nghet charh.














"I thiamloh a awm hlei nem, ngaihdam dil na tur pawh a awmloh hi" ka ti sap, "nilo tuman ka hmeichhe hmangaih leh ka ta an khawih in, kut an thlak thianglo" a ti rum al, a thinrim tha leh ngawt emaw ni, a hmel a rum deuh ul bawk si, a mah hnaih deuh tur chuan min pawt hnai a, ka chalah a fawp vang vang, "mu hahdam la i duh chuan nakin deuh ah kan chhuk dawn nia" a tih chuan ka hnial dawn na in, ka lu a hai em vangin, ka hnial duh ta lo.














Puipuii khumah chuan ka mu a, chupawh min ti tah belh tu tho, a rim ala nam chek chek a, a perfume hman thin rim chiah chiah a ni, "ti khan muhil la, tah hian ka lo veng ang che" a ti a, ka bu nghat, ka mit ka chhing vang vang a, ka mitthla ah lah chuan Puipuii nui hmel a lang nghal chuaih chuaih bawk si, ngati nge tiang mai hian a tawp theih, hma bak tamtak ala nei a sin.













CHRISTA POV*








Bawihi muhil chu ka thlir reng, a hmui vung deuh bar chu ka tuai zeuh a, tlem in a duk kual ruih bawk, khapa kha ka duh aiin ka sawisa na hmanlo kha a vannei tak zet, ka hmeichhia kut a thlak vanga in chhir rum rum tur khan ka siam hmanlo kha a vannei takzet, Puipuii room chu ka en kual a, kan thianho thlalak a tam khawp mai, a bikin Bawihi, Rini te nena an lak na.














An tleirawl laia an lak ni awm tak tak a tam hle, an tetlai thlalak an mahni zawna, an hming in ziak theuh pawh a tam mai, bawihin a tuar zia ka hmuh hian, keimah ka lo na tel ve ni mai hian ka hria, bialnu chu ka nei ve thin ngei alawm, mahse bawihi ang em em a, min hip Tu leh min ti hlim Tu hi ka la tawng ngailo, kan in tawnna la reilo mahse kei chuan a kut chelh reng a, thlah ka tum tawh lo bur.














Tu pawh a mah ti na emaw, an ti tap a nih chuan kei hi a hma ah ka ding zel ang, a rawn rum chhuah deuh tiah tiah vang chuan ka thlalak enna atang chuan ka hawi phei vut mang thalo a mang a ni ngei ang, a tal nasa in, a rak nasa hle, mahse a sawi ber erawh ka hre theilo thung, ka phei vat a, mu deuh ti tih chuan ka kuah nghal zat, " bawihi I bulah ka awm reng a nia, engkim a tha vek e" ka ti sup a, a chalah ka fawp vang vang.














A muhil zawm leh mai bawk, puan bih nen a mu bawk sia, a mutthilh theih ka rin loh teh lul nen, a muttui phian leh nghal, kawngka chu a ri rak a, Rini alo lut nghal zat bawk, "a muhil elaw" a tih chuan ka bu nghat a, a mit a bui luk a, a tap nasa hle tih a hriat, "a chau a nih dawn kha, a hrisel lo thei lutuk a, kan tetlai pawn, damdawii kan ti thin" tiin a nui suk a, mahse a zat hmel vakloh.















"Mahse a harh ber tho zel, Puipuii kha kan tan chuan thiantha tak leh unaunu tha tak a ni a, kan mamawh changin kan bulah a awm reng thin, mahse kan puihna a dil ve ngailo, mahse tunah kan puihna a mamawh ve laiin, a kiangah kan awm theilo a, Zeli tan tak hian a na ngawt ang, kei chu ka phone a chhia tih in hre vek a, Puii pawh khan a hria, mahse ka in thiamlohna a kiam phah chuanglo, a tan ka awm theilo a, chuta karah kan chhungkaw zinga mi thil tih vangin, a nun a chan bawk, a chhungte leh a u hmel pawh ka hmu ngam ka ring tawh lo,















Zeli chu a mah a in thiamlo reng dawn a, depression a neih mai ka hlau a ni, a rilru a no ru em em a, a damloh reng thin vang khan an duat thei hle, mahse a rawn thang hrisel ta hle, mahse ka ti dawn nge, a mah ah hrisel loh rukna a ngah hle a, hritlang leh khawsik pawh a kai hma in, a la na thei hle, a rilru a hah chang hian, a thaw a hah in, a buai nasa thei lutuk a, chuvang chuan nangmah chiahin i hnem thei, lo hnem hram rawh aw" a ti deuh duah.















Ka bu nghat nghat a, "chuan tuna thil thleng vang hian, ka chhungte ngei pawh kan beih a ngai maithei, a chhan pawh, tuna Ramnunsanga hi, ka nu leh pa fa dik tak a nih vangin, mahse an lam ka tang dawn hauh lo a nia, a tawp thleng in, ka thiannu lam ka tang ang, ka chhungte kalsan ngai mahse" a ti deuh sup a, a ti mai mai lo tih a hriat hle.













Hei vang hi a ni maw, bawihin a Puipuii thu sawi ho min lo thawn nachhan "ka chhuk phawt ang,ti khan muhahdam rawh se, a thawh hunah, in lo chhuk mai dawn nia" tiin a chhuak leh nghal daih, zawh duh ka neih tehlul nen a, biak hma hma a, a chhuah daih le, a rilru nat lai ber pawn a sawi duh sawi zawh a, kal daih ala ching tho a nih dawn kha.













Bawihi chu ka melh leh vang vang thin, a hmelah chuan hmeichhe dang ho nen a that falna emaw, a chungchuanna hmuh tur a awmlo, mahse ka thinlung in a thlan hmeichhia a ni a, midang nen chuan tehkhin phak an nilo, a mah aia tha an tam ang mahse a ni chiah hi ka thlang zawk si a nih hi, an sawi thin kha maw, I thinlung in a duh zawng a hmu a nih chuan hmelah te, pianah te, hausak leh retheih ah i en lo ang, an chhiat lai ber leh an famkim loh lai ber pawn a mah tho I thlang ang, an rethei pawh nise i vuan tlat ang an tih kha maw.











(a thuiadd click kha aw, chuan cmt ah in ngaihdan han sawi chhin ula, changtupa pov hi a tha em? )


Show post links
Top

[Ngaia]

KA ‘D'












CHAPTER-16













BY CHHEPHAKI MUANI









A rawn chet deuh tial tial ah chuan ka melh vat, a mu rei vaklo nangin, a mut loh tawp ai chuan a tha tho tho, "ka mu rei viau em? " in thlahrun hmel tak chuan a ti sap a, lu ka thing deuh nak nak, "reilo e, I mu reilo lutuk zawk" ka ti ve mai, "in hnuaiah chhuk ang, a in thlahrun awm" a ti sap a, "ila mu duh zawk lo mi, dar11 bak ala rilo a nia" ka tih pawh chuan a ngaihloh thu in min chhang tlat.












Ka tho chhuak nghal a, khumah ka thu rei lutuk chu ka hnung zang chu rin aiin a kham ve zek, mahse ka hai der hmiah, han ngaihven tham lua a nilo bawk a ni, in hnuaiah chuan kan in zui thla dat dat a, a puan chu a siam tha deuh mawlh mawlh bawk, zai chu ala ring khawp mai, thalai rual an ni bawk nen, zai a tui khawp ang le.












Kei erawh mitthi in ka vawikhat kalna a ni, nilo ka pu leh pi an thih khan loh theihloh in, ka tih tur kalsan in, mizoramah ka rawn haw a, a bak chu kan thiannu Puipuii thihna ah hian a ni leh mai, hla phei chu hriat ka nei lemlo, mahse tun atang chuan a theih theih in zir ka duh, mizo kan ni a, kan hnam thil leh kan tih dan phung te, hi a theih ang ang zir ka duh a ni.













"Thingpui lumna ah kan kal dawn nge, kan thu tlang ve nghal ang" midang min melh hrek hrek atanga hawi sawn in, min hrilh ru sar sar a, "pawnah awm rih mai ang hmiang, thalai an tam tho bawk a, tunah rih chuan nuamlo I ti palh ang" ka ti a, in chhungah chuan an lo en leh hrek hrek emaw a nia nga, hmeichhia phei chu thil sawi an peih bawk nen.













"Chhuak ang a nih" tiin kawngka lam a pan a, ka zui ve zat, thalai ho thu khawm a, zai hnung atangin a kal theih bawk nen, thalai zai ti buai lutuk hranlo mah ila, an thutna tanga, hnunglam rawn hawi an kât nuk mai, mizo tih leh hawkdak tih hi chu a in mil ve ngawt mai, mi sawi lah kan peih, an chhe lai sawi tur kan hre hman ziah a, a dik emaw dik lo emaw, a diklo pawh dik angin an sawi chhawng par par thei a, a dik ah lah dawt tlem a tel tawh thin.















Hei hi ni mizo mizia chu, thatna lai nei mah ila, kan thinna leh kan ram than mawh bawk alo lang leh thin, a bul berah chuan midik kan nih a ngai theuh awm e, ramdang mamawh miah lo a, kan awm theih na tur atan chuan sorkar diklo tih hre reng chunga thamna sum hmanga vote tlin te, tiang ang hruaitu tlakloh lutuk ti chung si a, in thlan hnaih hnu a, an sum sem it vanga, vote phah te hi kan sim a ngai, mahni ram hmangaihtu leh a thatna tur leh a in vur lenna tur chuah ngaihtuah lo, ram vei ngawih ngawih tu kan zawn a ngai.















Vai flim anga awlsam hi chu nise chuan kan ram chu khitah kan awm tawh ang, mahse a na mailo bawk si, harsa tur tak a ni, "Rin eng nge chanchin" pawna kan thiante lo ding reng a hmuh rual chuan Zeli chuan a ti nghal zat a, "tunah chuan jail ah a awm rih, mahse ka pa in min lo call a, dawt a nih thu sawi turin min rawn vo a, chuan ka u la chhuak turin engpawh a tih tur thu a sawi" a ti hap a.














Puipuii u, u Ruatfela chuan "chu mihring mai mai chuh, a fapa hi a duh chuan chhan tum rawh se, Kei ka awm chhung chu a thleng ngailo ang" a ti hrawk a, "chuan ipa chuan sawi dang a nei em? " ka ti ta zawk, "a neilo kan in hau a, dawt a nih thu leh an puh mai mai tur sawi turin min tia, ka duh lo a, min thlauh thlak a hreh loh thu a sawi" a ti chaui raih a.












U Ruatfela chuan a darah alo kuah vat, "i nu leh la ka beih a ngai maithei a, tin ipa pawh hnehna kan chang a nih chuan a tlu chhe ngei ang, chutiang thil chu ka tih ngei a ngai, chuvang chuan i nu leh pa te tan zawnga i awm dawn a nih chuan tunah hian in thiar filim la ka duh" a ti dam dap a, "ka theilo, ka thiannu, ka unaunu ang a ni a, a chunga thil thleng hi dik ka ti thei lo, ka u mah nise, engmah ka pawisa lo, keimah pawn ka in enkawl thei mai ang" a ri nghet deuh charh a.













Za vaklo in ka nui suk, Rini hi fanu neih chhun a ni a, an duat hle, tuna a u a rawn lam hma phei kha chuan a mah chiah fanu an nei ang kha a nia, an duat hle a nih kha, no pawh a no in, thiam a nei mang lo thin kha a nia, chutia a mah meuh in chawp a in huam chu mak rual rual in, nuih a za lek lek zawk..













"Lungngai suh, ka enkawl ang che, chawm i hau tak loh hmel e mai" kan boruak rit tak tih zangkhai tum tak chuan, Duhawma chuan a ti deuh sup a, ka lo nui hak, mipa ho erawh an khi suk ringawt, "kal teh nanga mahni ei tur pawh thawk chhuak zolo nu te chawm ngai khan e, min chawm lullo ang, ka in chawm zawk mai ang" alo ti hlar a, kan lo nui hak thung.











"mi te hi i ring lo ve sia maw, ka bialnu ni la chu ka tuk lawlh zel tawh ang che" a ti vei sup a, "I bialnu ka nilo hi ka lawm hle a ni" pakhat lah in a ti vei hmuk, Puipuii chu awm se chuan a phusa ber a ni leh awm sia, "sawhchiar an siam a, sem a ngai dawn a, 12 velah lut rih lo law law mai ang u, kinah duh leh 1 vel bawrah kan va lut dawn nia" U Ruatfela chuan a ti a, kan pawm tlang hle.















U Ruatfela mitmeng ah chuan khawharna leh natna thuk tak ka hmu thei, a farnu kha a duat in, a sawi tawh chu tih hlawhtlin sak a tum ngei ngei thin, a nu leh pa te ai mah in a duat tih theih a ni, Puipuii pawh hian a u hi a ti buai thei hle a nih kha, kan titi nak nak hnu ah, ei tur sem a hun ta reng mai, Kei erawh mi thlir rawn ka nih dawn vangin, ka sem ve talo.














Rini nen chuan kan awmna ngai kil thim laiah chuan Y. M. A thutthleng an hunah kan thu dun ran, "tiang kan thleng ta mai hi hriat thiam har ka la ti reng, ka mumang nise ka ti ngawih ngawih" Rini chuan tawt hmel zet chuan a ti a, keipawh chu ka thaw chhuak hak, "nia tiang thleng tur hian ka la suangtuah ngai lo, a bula ka awm theilo kha heng thil thlengah hian ka in ngai hmiah" ka ti hap a.













Van lam thiang kuk leh arsi pe tuarh leh thla lang deuh kalh chu ka thlir vang vang a, Rini nen chuan engmah sawi zai kan rel tawh lo, mahni ngaihtuahna veve kan kawm hi a ni ber, vana arsi ah khian Puipuii a awm ve angem le, nge ni a, kan hmuh phakloh atangin, min lo thlir reng zawk, "Keini pathum hi chu tu emaw ber thi hmasa pawh nise, arsi ah chang ang u aw, kan la in hmu tawn thei anga" ti tu ber, tunah tiang hian a awm ta mai si.














(Karkhat hnuah) cut duai ang aw











Mi pawh an tam tawh lo a, in leng eng eng emaw chu an awm nak nak tih mai loh chu, tlangval in riak turin kan thian mipa te pawh an in keng lut ve a, keini thian dun lah, Puipuii nu in, in tello chuan khua a har dawn emai, tiin min chelh tlat vangin, Puipuii room ah leh U Ruatfela room ah kan thiandun in kan mu a, kei Puipuii room ah ka riak.












Christa pawh a in pu lut ve a, zantin Puipuii nu nuteii hnemin, kan thu khawm thin, zantir hi chuan in leng an awm ve nual zel avang hian, pawnah thu in, kan titi ho thin, Ehtan erawh Puipuii thih atangin a tawng tlem hle a, biak loh chuan a tawng ngailo tih theih a ni, a khua a har tih ka hria a, han hnem dan vak ka thiam bawk silo.













chutianga karhnih vel Rini nena kan awm hnu chuan keini chu kan haw a, Christa te leh mi tlemte an la riak thung, mahse an ni pawh karleh lamah chuan an rawn chhuak dawn a nih hmel, bakah exam an sawn tlai a, sawn tlai reng ni thei bik heklo, keini pawh exam turin kan in buatsaih deuh mawp mawp a ni mai, Rini pawh an in ah a haw rih a, Ramnunsanga a rawn chhuak tih ka hriat chuan ka thinrim hle.













Ka phone lah ka rin ang ngeiin, a bo thu leh an zawn mek thu an sawi, tun thleng in hmuh ala nilo, an ruahmanna vek a ni tih a chiang reng, Christa ka lo thawn hman kha ka lawm hle bawk, in exam hi zo ila, ka awm hle hle hauh lo ang, u Ruatfelan hma ala reng a, Christa te ho pawn an pui reng tih ka hria, tunah rih chuan Christan in rawlh ve a phal rih lo a.













Tha taka in exam turin min duh vang a ni, kei pawh exam turah chiah ka rilru ka pe ta rih, an ni chu lehkha thiam thei tak an ni a, an ngaihtuah awm loh, Rini nen hian kan ngaihtuah awm ber, ka phone a rik vang chuan ka study table atang chuan ka tho chhuak nghal a, khum a ka phone nimin lawk a ka lei thar lo awm reng chu ka ban zat.












Number ngai bawk in, kan book leh a, mahse airtel kha voda ah kan thlak ta thung, "aw Rin enge ni ta" ka ti nghal zat a, "ila meng em?, kan in ah hian ka awm peih tawh lo, tiang ka chenpui thei tawh lo, in in ah ka rawn kal dawn" tiin a off nghal daih, mak ti bawk si, hrilh hai bawk siin ka phone chu ka melh reng ringawt.














Zodinsanga lehkha zir bengchheng lutuk chu cement bang kar atang pawn a hriat theih, chhiar ring thei lutuk hi kan in hau fo nangin, a sim thei chuanglo, in hnuaiah chuan ka chhuk thla nghal a, "nu Rini alo riak dawn a nia" sitting room a, ka nu leh pa lo thu chu ka hrilh a, "e aw a ni maw, lehkha zir dun in tum em ni" ka nu chuan dam zet hian alo ti a.













" aw tum deuh reuh, lo riah hrim hrim kha a duh a" ka ti ta ngawt, kan thianho a kan thil tawn hi, ka nu leh pa hrilh vek ka tum hranlo, nakinah ka hrilh mai niang chu kawngka an rawn kik chuan tu nge a nih ka hre nghal, kan thianho ah chuan Rini chiah hian doorbell a hmet ngailo, kawngka hawn tur chuan ka thut hma hauh chuan ka kal nghal a.












Ka hawn rual rual chuan Rini mitsen ram leh a biang sen deuh ruih chu ka hmu nghal zat, a chhungte nen an in hau thiamlo a nih ka ring thiam nghal mai, "lo lut phawt la, kan sawi tha dawn nia" ka ti ta ngawt sawi tur ber ka hre miau lo a, a ni pawh a rawn lut zat a, "nu in chungah kan chho aw" tiin sitting roomah pawh chuan kan lut kawi ta lo.












A tap tih an hre dawn a, a chhan an zawt ngei anga, sawi tur a vang dawn e mai, ka room ah chuan kan lut dun a, a in sut deuh fiah faih thin, " lee eng nge thleng sawi la, ka lo ngaithla ang " ka ti dam dap a


Show post links
Top

[Ngaia]

KA ‘D'











CHAPTER-17













BY CHHEPHAKI MUANI






"Ihh u Ramnuna vang a nia, ka pa in an puhna kha a diklo a, puh chhiat an tum vanga ti an nih thu sawi turin min ti a, ka duhlo a, chhuak turin min tia" a tih chuan ka thin a rim hle, "hetah awm rih la, tih dan a awm zel mai ang, ka awm chhung chu i mal lo a nia, chuan kan thiandang te pawh" ka ti sap.











"Chuan chawm huam deuh tu che tu emaw tete a awm bawk tak kha mawle" tiin a mah tih hlim tum chuan ka ti fiamthu a, a ni pawh a nui deuh hak, "sawilo mai teh kan in bia a, a rawn ril thei rapthlak" zak deuh tak chung chuan a ti a, ka nui hak "engtin nge alo ril" hre chak deuh chuan ka ti a, "chutiangte in zawh chi a ni mi" a ti deuh hmak bawk sia.












Hre chak deuhin min sawi hmuh thuak a, sawi leh duh bawk silo, rei pawh titi lo chuan ka khumah chuan kan mu dun than a, Christa nen kan in bia a, Rini chungchang chu ka hrilh ve malh malh, a ni lah in u Ruatfela a bia tih ka chiang mai si, a mu nui leh ver ver thin, "min i â lo emaw an tia nge, khi thaw reng suh" ka tih chuan min melh rum khawp mai.












"I chhe ve nih chu in pa be rawh" ti deuh hmak in, min hnung chhawn daih, ka nuih hak a, ka phone bawk ka melh leh vat, rei pawh kan in be lo, tih tur a neih lawk thu sawiin, min mangtha a, engtak tun ang zanah ti dawn chu ni maw, ngaihtuah zui peih lo chuan Rini chu ka kuah a, ka mit ka chhing nghal zat bawk.













"Rin ka mutsan ang che aw, ka mut a chhuak" ka ti sap a, "aw muhil rawh keipawh ka muhil a ni deuh mai" a ti tha ve mai a, engmah ka hriat zawm tawh lo, ka muhil nghal a niang, zing ka harh chuan Rini pawh alo la mutui ngang mai, a la hma em vang chuan mut that ka tum a, mut duh tih takah ka muhil leh nghal, ka harh leh chuan dar8 alo ri dawn tawh.













Rini pawh alo awm tawh lo, in hnuailamah ka chhuk thla ve nghal a, Rini leh ka nu an lo titi dun ve nasa mai, "kha ilo tho tawh maw, mut hi i duh thei bik em em lutuk, i thiannu hi entawn rawh" alo ti hmanhmawh a, ka nur nang ringawt, fel famkim thei tur chuan mifate nih a ngai thin hi a buaithlak khawp mai.













Min han hau sela, chumi fa chu a nih loh leh chumi chu entawn rawh hi a ni vek zel, an fel na lai chiah an hmu a, an sualna lai an hmu leh tawp silo a, han entawn ngat ila chuan ka rai tawh loh vek pawn, ruihhlo eng emaw tal chu ka ti tawh hrim hrim ang, "I hmai phih la chaw ei rawh, kan ei vek tawh" ka nu chuan alo ti a, ka ei peih loh thuin ka chhang.












"vawiin ah Ruatfela alo kal dawn a" Rini chuan ka nu choka tanga a chhuah rual chuan a ti a, "a that chu sawi ho tur pawh a awm" ka lo ti ve mai, engkim hi tawp vat se la, ka duh kan thiannu thlarau pawh a zahawm zozai tawh, thiannep tak a nei hi chu a in chhir ve ngawt ang, tiang a chunga a thlen hnu pawn.









A chunga thil sual titu hremna kan la pe theilo chu a nia, thian nep tak zawng kan ni, "Puipuii kha la dam se chuan, tunah te hian kan awm ho leh thei tur a nia" a ti deuh vang vang a, keipawh chu ka bu nghat nghat, "exam a hnai tawh sia, exam lamah rilru pe phawt mai trh ang" ka ti ta ngawt a, a ni pawh chuan alo thlawp khawp mai













Tlailamah chuan ka chhungte an lo haw khawm a, Zodina room a, a awm chu in chung lam pan pah chuan ka au a, a hrelo nge a hrelo der leh tawh zawk ni, a room kawngka chu ka chum ri nghal bur bur a, lungawilo zetin a rawn hawng "auh che hian eih tha ve mai thin rawh, chaw kan ei dawn rawn chhuk rawh " hmak in ka chhuk nghal daih.












"Christ ngalsanga bialnu sual dan hi chu aw" a ti pawh ka hre reng, ngahmah ka ngai duh lemlo, kan in ngaizawng tih kan chhungten an hre vek tawh tho a, engmah buaina tur ka neilo ve chiang e, a ni anga a ruka nei ka ni lo ve chiang e mai a, "Rin i thawmhnaw i rawn keng silo a, ila riak dawn nge ni a, I haw tawh dawn" ka nu chuan hre thiam lo tak chuan a ti a, a mak ve khawp ang.













A hrelo tan chuan bakah Rini te an rawn riah dawn hi chuan zan khat pawh riak dawn mahse, kawr pakhat leh kekawr pakhat hi ngei ngei hian an rawn keng thin a, "nu a riak rih dawn, eng emaw vangin, nakinah kan hrlh ang cheu" ka ti ta ngawt a, Rinin chhan dan tur hre tawh heklo, chaw ei kham chuan ka nau room ah a tawm leh tlat tawh a, ka nu leh pa lah, rei vaklo tv en in an mu daih a, a hnu lawkah, kan thiantr leh U Ruatfela an li thleng ve nghal zat.













Ka thutna bulah chuan Christa chu a rawn thu nghal chat a, kan in chhung chu en kual in, min kuah hreh si, chuan a kut a phar deuh zuk zuk bawk, chu chu Rini chuan alo hmu fuh a niang "khatin phar zuk zuk suh, an mu vek tawh" alo ti a, Rini thusawi a hriat takah chuan lawm hmel zetin, min kuab nghal, a che zia vang chuan kan nui nghal hal, "engtia chet lak nge in tum? " Rini chuan thu tak deuh zawk chuan a rawn ti a.














"Ka hre mai biklo le, kan chhungte hi kan hriat tir a tha tawh mai lo maw" u Ruatfela chuan a rawn ti sup a, " a ngailo ang, ka kut ah dah rawh u, ka thianpa, pa hi police offer hlui a nia, pension tawh hmelhriat tha a ngah alawm, police alo nih ve tawh na ah, bakah thil chinchang leh chet dan tur a hre mai ang, ka be tawh a, hma min lak pui dawn a nih hmel, pension tawh mahse ala thu pha ve a" Christa chuan a ti a.













"a hna thawh laia a nau, a hnuaia awm thin, police offer hna a pension hnu a, chelh ta a awm a, chu mi hnenah chuan alo sawi pui dawn a ni awm e, nghak rih phawt ila, chuta eng kan âng dawnlo a nih chuan kan chhungte chu kan hriat tir dawn nia, tunah rih chuan exam hma bak kan la ni si a, ka zo har vak dawn in alang lo a, zirlai an chan ve bawk nen, exam thulh chi a ni bawk silo a, kan zo har vak lo ang" Christa chuan a ti sup sup a.















A tawng puitling vel hle, a aw pa tak te chu ngaihthlak a nuam ka ti hle, a hahdam thlak ka ti, "bawihi thingpui chu kan phu in ka hria" Christa chuan ka beng bulah chuan a ti sa sa a, ka hre chhuak chiah "ti khan lo sawi ho ula, thingpui ka va siam ang cheu" tiin ka dimg chhuak nghal a, "nia keipawh ka va lum pui ve nge" tiin Christa alo tho ve zat, an lo nui hak a, Christa lah chuan a ngaih pawimawh hmel vaklo, keipawh chu thiante bul a nia, ka zak vak lemlo.













Choka ah chuan min lo zui phei ve zel a, eng tak a hria ni maw, thingpui min lum tir ve em em a, min lo zui leh tho sia, chaw ei na dawhkân bula chiar kan hun chu pawt tawlh nghal in, a thu nghal thak a, "engtia tih zel nge i tum, lo pui theilo ta che se la" ka tih chuan ka thusawi awmzia a hria tih ka hria, "ka hrelo le, mahse ka thianpa pawh khan apa alo sawipui tur thu a sawi a, thei turah ngai phawt ang" a ti deuh dut.


Show post links
Top

[Ngaia]

KA ‘D'












CHAPTER-18












BY CHHEPHAKI MUANI






(hnu chhuina lam a ni silo akal duai mai ang)








"Kha hei keng rawh, kan mamawh ang a tia, Rinin min rawn chah nasa lutuk a" tiin ka suncream chu Christa bag, a rawn kena khung tur chuan ka ti a, vawiin ah thianho picnic an ti a, tunah chuan mahni kalna kawng tur theuh kan zawh a hun tep tawh a, kan in hmu zen zen theilo hlawm mai thei, a then zir zawmloh thlang a, hna zawng duh an awm a, Rini hi chu kan in ah la awm tluang zelin, apa te in ah a haw duh tawh tlat silo nen, ti hian a awm ve ta vel mai mai ni.












Ramnuna pawh an man tawh a, Christa vang ka tilo theilo, engkimah a theih tawp a chhuah a, tih dan kawng a dap nasa hle bawk, police ten an man tak si ah chuan a hma a, lo man tute kha an hna atangin ban an ni nghal bawk, Rini chhungte pawn, an fanu thlengin min hua a, min tawn dem chang lah a awm thin, mahse ngah mah ka ngai lo, diklo taka ti tu te hi chu, him chang nei mahse, an thil sual tih a lang chhuak leh nge nge zel.












"Rini chu tih huk lam kan hnaih hmel tlat ka ti" Duhawma chuan tiin a chhiah fiam a, kan lo nui dar dar, "keipawh ka ring deuh a, Ruatfela ka zawh lah in, min chhang tha duh derlo" tiin Ethan chuan alo fiam zawm ve leh bawk, "ve cheu, ka sawm ve miah lo ang cheu kan tih hunah, hepa pawh hi eng chu a hria ni maw, a mah chiah kan nghak tawh tih te hi hriat ve tur a nia" a tih zawm hlak hlak.















A star lai vela, a biak nem theih nen, sawisel te kha a phallo vel ngei a, an han ni ta cheng a, a mah ber ber hian a sawisel leh reuh bawk sia, "hlak hlak zel a che, ka rawn thleng" Ruatfela chuan nui vur vur chung hian a rawn ti phei a, Zan hnih emaw zan thum riak a, ramhnuaia kal kan tum a, tent ai mah in, thlam a awm nghal a, huan a ni a mahse a thlang lawk ah, lui nuam zet chenna tur a awm.













Chumi hmun chu huan ti ila a ni tho a mahse, Christa te hian thla hmasa lawk khan an lei a, neih ve hrim hrim ah an ti a ni, Christa lah lehkha zir zawm tum a ni a, unaute lah, a u lah ramdanga hna thawk tur a ni a, computer lampang a nia, eng tak nge ka hre mai lo, a dil a, a tling ve hlauh a ni awm e, a nau lah lehkha zir lai pawl12 chiah ala ni bawk si a, a nu leh pa lah tar lam pan an ni ve tawh bawk nen, midang enkawl tir an tum thu ka hria, mahse ka chiang chuanglo.













"Tent kha kan lo keng zawk lo ni, riahna tur a that loh phei chuan" Rini chuan a ti deuh nang nang a, keipawh ka ngaihdan chiah a ni leh hnahnawh, "sawi har thei e mai a" Ethanan alo ti vei sup, a dik ve tho bawk sia, tunah kan kal tawh dawn a nia, tent kan hawh dawn emaw, kan lei dawn a nih chuan hun kan nei tawh lo, "pawilo a awm ve naw naw thei mai ang" Christa chuan a ti a, midang pawn engmah an sawi tawh chuanglo.














Ethan erawh ti hian bialnu neilo in a awm ta reng a, midang a ngaihsak tawh lo a ni ber mai, a tawng mawh thar em em a, kan bulah chuan a hma a zia ang kha pu tawh lo mahse, fiamthu a thawh ve peih a, midang bulah erawh tawngtheilo ang chiah hi a ni mai, Duhawma erawh bialnu a nei ve ngei a, mahse kan mil vak lo Rini nen hian, a chhan pawh Duhawma hi a kawp ngun em vang a ni.













Hmeichhe awm herh tak a ni tih kan chhui zawn thiam ve tlat, "awii Lalduhawm in nu a rawn kal ve dawn tih sawi tum miah suh" Rini chuan a rawn ti chhuak a, hrilh hai zet chuan Rini ka en, mahse a melhna lam ka melh chuan ka ner nawng, Ka bula ding Rini phei chu a meng rum khawp mai, "ka lo kal dawn ti tlat sia" in thiamlo zet chuan a ti a, Rini chuan a melh rum vak.












Kei erawh ka thaw hak thung, "ninom dawn ve" ka ti sup, tu mah phei chuan an hriat ka ringlo, "Christ kal ang, midang pawh kha kal tawh ang u" tiin ka kal nal nal, ka hnungah Rinin min lo zui ve nghal, Duhawma bialnu Sangsangi rawn thleng phei tep tawh pawh chu a ding dat, Duhawman a bul a thlen chuan a thawmhnaw kenna ni awm tak chu Duhawma a pe nghal.














Christa car ken tur bulah chuan eilo lutuk in ka lo ner deuh nawng, Christa ka bula rawn kal phei chu ka melh zeuh a, a nui deuh suk chu ka hmu reng, ka nuih peih thlawt lo, ka mood a ti uih vek henu Sangsangi hian, a chhan pawh Duhawma hi a duh tak tak lo tih leh Christ a en dan hi ka hre thiam vek, a hel a hel a, Christa hian a hre thiam lo mai pawh a.













Car ah chuan ka lut hmak a, Ruatfela leh Rini erawh kan bulah an chuang dawn thung, Ethana chu kan chuanna ah a thil vel a dah a, bike a keng thung, Duhawma te chu kan Lalduhawman apa car a keng ve bawk, mihausa thiau an ni hlawm bawk a, lehkha zir san chu tumlo hlawm tak an ni, Rini erawh hi chuan zir zawm lo a, hair and make up zir deih kha a thupui ber kha a ni reng reng a, mahse tiang an chhungkua an nih takah chuan sum lamah a buai a, mahse ka nu leh pa ten, tum sak an tum a ni, an fa ang tak tak in a hma tang rengin an en tawh a, en hranna an nei lo.















Kei aimah in an duat zawk a tih theih ang, a ni chu zingah tho hma in, tih tur awm ang ang awmpui kan lak a tih pui a, ka nu pangpar a enkawl pui bawk, kei ve erawh tlai mangkheng a thawh a, chaw ei a ni leh ringawt a, Kan Zodinsanga chu zir zawm peih tawh lo in, hna a thawk a, a ni hi zawng mi tawngthei leh mi hneh thiam tak mai a ni bawk nen, hna a hmu thuai reng a.















A mah chu a in chawm zo tawh khawp mai, kei erawh ka tum ka la hre mai theilo, eng ber nge ka tih ang, bakah thiam thei uchuak nihloh chuan zir zawm ringawt pawh ni ila, hna a vang tho, BA kal chhuak te pawn, house swiper mai mai pawh an dil duh tawh a nia, sorkar ah hian hna a vang ve em bawk a ni, Rini hian hair and make up hi training ila, dawr hawng dun ang hi a ti thin a, ka chak ve viau mai.















Mahse chupawh chu ngaihtuah that ah ka ti ta rih kha a nia, "thil dang hi ngaihtuah veng veng thin suh" tia Christan min rawn biak chuan ka melh phei vut, hnunglam chu a mitmei zeuh a, ka hawi phei vat, rum lutuk in Rini chuan min lo melh hi alo ni, "Biak reng reng chhang theilo mai" a ti deuh hluk a, U Rinfela alo nui hawk thung, "aw thildang daih ka lo ngaihtuah kual a" in thiamlo zet chuan ka ti a.














"Nge sawi la" ka ti leh zat, "kalloh leh mai te ka duh, saw nu saw e, a hmel pawh saw ka hmu peih thlawt lo" a tih chuan ka hrethiam nghal mai, "engah mah ngai suh, a ni awm vang mai mai a, thiante ho nena in ti hlim tura kal thulh te chu a ho e mai" ka ti a, a dam zawnga sawi loh chuan a thinrim zual mai mai.











Sangsangi te nen ngat phei chuan vawikhat kan in bakkaih tawh a, kan in hau hrep nghe nghe, mahse chuti chung chuan kan zinga tel ala zak miah lo, "kan van thleng har tawh em em" ka ti nang nang a, a lum bawk si a ninom, "kan thleng tep tawh tuar hram hram rawh, keite naute" a rawn ti kher chu Christa chu ka melh rum vak, hnunglama kan thiante anlo nui hawk.













Thinchhia hi mi ti em em a, kei ai fe chuan a thinchhe zawk reng sia, kan thleng ta, thui vaklo ke a kal a ngai, mahse kawikhat bak a zuk nilo"tih pah chuan motor a ti ding a, thlanglam ah chuan chhuk ve deuh mai hian kawng hi ka zuk hmu nghal, chhuk over chu a nilo, A thlang lamah chuan mizo in ang tak mai hian dî in chung ka hmu nghal zat, ka rak deuh chul mai.














"Awii a awmdan vel hi, a hmanlai e" ka ti deuh sap "Nuam dawn lutuk, tui cheng nghal ang aw" Rini chuan a rawn ti, ka chak keipawh a lum bawk si nen, in chiah diah mai mai a chakawm, "umm dawn chiang rap, ala hma bawk a, e enteh sangha naute man tur a awm hrim hrim" phur deuh hian ka ti a, khawi atan ka duh tlat pek, mahse tiang hi chu an damreilo an ti.














"I khawi nguarh ang" U Ruatfela chuan a rawn ti a, "ka khawi nguarh reng ang" ka ti vei hmak, mi nuih hi a peih ve ngawt mai, mi hi a nuih zat reng mai ni, kan thiante pawh an lo thleng tawh a, kan chhuk thla sap sap, Sangsangi in ti no thla khual vel lutuk chu kan lo eilo leh pek, keini pawh kan vawikhat kalna ve tho a nia, kawng chhia a nilo a, kan kal ve thei lutuk.












"Huizz ka beng a kiau thei tak ngial dawn, pawm thla ru" Rini chuan a ti hluk a, bengchheng ve em a ni, a aw rawl tawp in a au emaw tih tur a ni, ramhnuai a reh bawk nen, ring tha duh khawp mai, Sangsangi chuan engtin mah chuan a chhang chuanglo, Christa chuan ka tluk hlauin min veng thla reng a, a lum bawk si nen, "huizz Christ min veng deuh reng suh, ka kal hneh ve lutuk" ka ti a, a nui suk duh chauh.












Kan hma ah Ruatfela leh Rini an in chhawm a, kan hnung chiah ah Ethan a kal bawk, Duhawma leh a bialnu a hnung berah an kal thung, thlam kan thlen thlak chuan a zau tha in, alo tha khawp mai, room hran ang kha a awm ve loh vangin, khum ang reng deuh hian an kham ve a, chhuatah pawh a mut theih tho ang, bakah tiang a mut ve pawh hi a chakawm ve hrim hrim.













"Tah hian kan mu dawn maw, tent in keng emaw tia" Sangsangi chuan a ti deuh niah niah a, "teuhlo mai, keng dawn pawh ni ila, midang ken kep thu awm suh, khi a chung kham phei ah hian, I mutna tur kan suih mai dawn nia, tianga i mut duh loh chuan" Rini bawk chuan a ti leh a, midang ho erawh nuih in sum zetin kan ngawi thap.











In chung bana mutna tur suih chu har duh tur tak a ni, "Zel tirawh tui cheng ang" a ti nghal a, "ehee rawng in bawl dawn emaw tia" Ethan chuan a ti ha a, "dawn nang, in bawl peihloh leh kha sawmloh mikhual kha bawl tir ru, tui kan cheng dawn" a ti hmak a, min kai chhuak nghal daih, sual thiam ve tak a ni, Sangsangi mi ngeiawm zet leh mi tih fek fek ching pawh, Rini thinrim a cho chhuah meuh chuan a ngawi dak mai lawm.












Tui chenna tur chu alo awm tha khawp mai, lui mah nise a tuk vaklo chu hnai te ah alo awm mai a, rem tak a ni, kan dul lai chen vel hi a ni a, mipa tan chuan a thuk lo hret maithei mahse a nuam tawk tho chu ka ring, in thlakna kan ken chuan in thlakin, kan tuiah kan lut nghal a, ka dai deuh sawng sawng mai, "kawrawh, midang lo kal ve hma in, Ruatfela meizial ka ak, ka kawr hak hmasa ah, zu ve chhin ang" tui kan chen lai chuan a rawn ti sa sa a.













Enge ka hriat ni, ka chak ve tlat pek a, phur deuhin tui atang chuan kan chhuak a, tiau chungah chuan kan thu nghal zat, ni in kan awmna a rawn chhun na lo bawk nen, a nuam tawk khawp mai, "kan zuk zawh theihloh takin, pakhat chiah ti ang" ka ti a, a ni pawh chu a bu nghat nghat, kan han zu ve chiah mai chu vawihnih veve kan in tih chhawk a, kan khuh deuh bawrh bawrh.













Chumi lai tak chuan midang pawh an lo kal ve leh si, tih ngaihna kan hrelo lutuk chu tuiah chuan a vawm phei a, a rawn la lang zui, an rawn thleng chawp chilh tawh si, va chhar a, paihna hman awm heklo, mittui tling pam in, kan hrawk za si, khuh tha ngam silo in kan lo awm reng, kan bul an lo thlen chuan an Christa chuan "midang lo kal an awm em" a ri sup a, kan lu kan thing ringawt.













" A rim chuh" tih pah chuan min rawn hnim dun dun a, a ner sawk "engvanga mei zu nge i nih" a rawn ti chat, ka in thiamlo lutuk chu ka ngun ngar, a zu ka hmuh lai a, tih ve chhin ka dil pawn a phallo a, a thinrim lek lek zel kha a nia, min melh deuh run a, "ihh U Ruatfela ta kan âk a, kan ti chak thut a" ka ti deuh niah niah a, a thaw deuh hawk, "chin tawh loh tur, a thalo" dam zet hian a ti a, ka bu nghat nghat.














Ka lu ah chuan a tuai zeuh a, tha lutuk tiin a phun sap, "Nangni thian dun hi chu in hahthlak ngawt mai, vawikhat mah ka kawl tir tawh lo ang cheu, khawi Rini lo la rawh, I tih leh vaih chuan, nang pawh Kha ching tawh suh" min tih zawm zat, in thiamloh tawh sa naklaia, kha tia min tih erh le, Sangsangi ka melh zeuh chuan nuih sawh hmel tak hian min melh a, a hmui phun in, chawh min ti deuh sup bawk.















Lei ka chhuah zeuh a, a tum nghal hmuk a sin le, "thil sual hi tih a thalo sin aw, mei zial phei chu hmeichhe tan phei chuan a mawilo" Sangsangi chuan a rawn ti deuh kher chu ka tuar thei tawh lo, ngei tawh sa nen, kei kawlh ve tak, ngei zawng pe na ve tak chuan ka tuar thei thak lo, "khatia min zilh tur khan engvak i nih bikloh tawp kha, mipa kawp lawr tak nih ai chuan a tha zawk" ka ti ve kher a.











"Rosangzel ngaihdam dil rawh, khatiang in mi chanchin an sawi ngawt ngailo" Christa chuan a rawn ti hrawk a, mak ti zetin ka melh, aw kâ vin hian a thinrim ber lai pawn min tawngkhum ngailo, Sangsangi lah lo in hnit deuh hlap hlap bawk,ka ngawi reng chu "ngaihdam chu dil rawh" a ti leh deuh hmuk "aih" ka ti deuh hmak, a rum nghut a, "ngaihdam i dil hma chu min be suh ang che" a ti chiah chu Sangsangi vang mai mai a, chutia a ti chu ka lawmlo hle.












Tullo zetin ka mittui a tling deuh pam, ka thinrim bawk si nen, thlam lam ka pan hmak a, Rinin ka hnungah min lo zui ve tih ka hre nghal, "Rin keimah a awm ka duh" ka ti deuh hmak a, ka tap lai a hmuh ka duh lo" a ni pawh chu a reh hmak a, thlam pan ai chuan tiin, thlam pan chhohna a kallo chuan lui lu lam ka pan chho ta zel, ka thinrim lutuk leh rilru na bawk si chu ka kal hmawk hmawk a, ke lawnga kal ka ni bawk nen, ka ke chu a na tawh hle.














Ka chapal tak ngial pawh ka hre zo tawh lo kha a nia, kei a bialnu min tan lo a, a thianpa bialnu, rei pawh a la hriat loh a tan zawk chuan min ti na,min duh tak tak lo ah ka ngai a, min hmangaih thu a sawi te kha dawt vek tiiin ka phun chho bawrh bawrh, ngaihtuahna kawm chung leh tap deuh pur chunga kal ka ni bawk nen, ka kal chen pawh ka ngaihven lo, ka hma ah chuan ka kal mawp mawp hi a ni ber.














Hlauh pawh ka nei tawh lo, ka ke thip zawk vang chuan ka rak deuh that a, ka en nak chuan glass ti dawn ila, ni bawk silo keh them hi a ni a, ka ke phah ah chuan alo lut pawk hi alo ni, ka hawi kual a, ka rilru na kal bing lutuk vang khan ka kal chen ka hre miah lo hi a ni, a reh in sava hram leh rannung hram te, chhak lam leh thlanglama, hnim ro deuh lam tawh te, a hring deuh ho laiah chuan thil ri leh deuh rak rak hi a awm thin a, ka hlau ti tih der.













Khua lah chu a hnim deuh ruih tawh leh nghal, ka tah a chhuak leh em em tawh, ka ke lah in min tur ut ut bawk si, a thi duh phian leh nghal a, ka hawi kual a, reilote ah khua a thim dawn tih chu ka hre thiam ve thei, kal sawn dawn ila, ka ke ka chet vel zawngin a thi nasa zel bawk si, glass lut lah chu ka la chhuak ngam derlo, mahse chutia awm reng ringawt chu tiin, tui ka chen puina ro tan tawh lam chu ka pawt thler a.













Glass keh them lut chu na ti chung chung chuan lak chhuah ka tum, mahse a har reuh zek, a na bawk si chu ka sa chhuak vek tawh, ka thawk thlengin a sa, ka beih fe hnu chuan ka la chhuak thei hlauh a, tiang hawl tur zawngin ka hawi kual a, a vang khawp mai, mahse ka chhak pen sawm velah chuan thingkung tereuhtr chu ka ti tlaih theih mai ringin, ka tho taih taih a, ka ke leh lam rah ngam a nilo bawk nen, chapal bun bawk silo chu ka khawngkaw baina, ke chu a na lutuk tlat.













rei pawh ka kal hmanlo tih in, ka tlu deuh thlawrh a, ka ban chho vel chu a thip nghal hlur , ka phun deuh niah niah a, thingkung zawn ka thlen chuan rin ai takin a bung awlsam, hawl thei tur chuan a hnah awm ve chhun leh a zar te deuh tr chu ka ti bung leh te te phawt a, ti hi chuan ka kal ve theih mai ka ring mahse khawthim min man nang ngei ang, tunah pawh a thim deuh ti tih tawh a nia, hlau bawk si nen, ka hawi kual leh hrak hrak thin.














Ka thawk sa lutuk leh ka chau lutuk chu ka mut a chhuak ngawih ngawih, tah vak vak ka chak a, mahse ka tap thei bawk silo, ka mittui erawh a khat tawkin a luang reng, ka kalna ber ka hre tawh bawk silo, entin nge thlam ka pawh takang, lui lah leng hrang hranga awm bawk si, tiau sir ah chuan ka rin na lamah ka kal ve mawp mawp a, mahse khua chu a thim a ni zui der bawk si.







CHRISTA POV*




Rinin, Bawihi a zui chho chu ka melh vang vang a, khatia a tawng kha ka duhlo, ka hmeichhia a ni a, tiang khan tawng lo se ka duh, Sangsangi ka tan vang a nilo a, khatianga vin pawh kha ka tum lo, mahse ka in sum hmanlo a ni, rei vaklo ah Rini a mah in alo chhuk leh bawk si a, Bawihi awmna kan lo zawt vat, "A mah a awm a duh rih a, ka rawn chhuk leh thlam ah a awm" a ti a.













Chhoh ve ka tum lai in, "cheng rih lo mai ang u, chho phawt ang u" an tih deuh sap sap takah chuan kan chho ho a, mahse thlam kan thlen chuan a awm hauh lo, kan auh lah in a chhang thei bawk silo, "khawiah nge a awm ang le, motor dahna lamah a chho a nilo maw le" Rini chuan a ti a, ka hlau thawng nghal em em ringawt, khatiang khan lo vin lo ila chuan tiang hian hlauhthawn a ngai miah lo tur.















A chheh vel chu kan zawng a, Ethanan motor lam a han en bawk, rei vaklo ah a lo chhuk leh a " a awm chuanglo a bul bawr vel ka en a, ka auh pawn hmuh tur a awmlo" a rawn tih phei chuan awmdan tur ber ka thiam tawh lo, in thiamloh na chuan min zem a, lo zui ni tal ila chuan tih te ka ngaihtuah.


Show post links
Top