KA ‘D' BY CHHEPHAKI MUANI (Completed)

[Ngaia]

KA ‘D'












CHAPTER-19














BY CHHEPHAKI MUANI








Thlam atanga hla fe kan zawn hrep hnu pawn hmuh tur a awmlo, kan auh pah zel pawn a thawm ri engmah kan hre bawk silo, ka phi cheng tawh hi a ni ber, "lui kha a zawh chho zel a nilo maw" khaw thim hma hret a, kan in hmuh khawm leh chuan Duhawma chuan a ti a, a ni theih kan rin vang chuan "Rini ti khan lo awm ula, kan zuk zawng chhin ange, rawng lo bawl ru" Ethan chuan a ti a, kei erawh ka chhuk thla nghal.













Ethanan a, Duhawma hnen a, light keng tura a tih pawh ka hria, kan hmanhmawh tlang bawk nen, kan thleng thla thuai, a chhak lam chu tiau lui zir atang chuan kan zawh ta tawp a, a bak han kalna tur teh chiam a awm tawh lo, kan en hneh tawh tlat, "kan Lalrosangzeli lung lian lutuk hi chu aw" kal pah chuan Ruatfela chuan a ti hluk a, a ngaihtuah zia ka hria, a nau thih hnu phei kha chuan a duat zual hle kha a nia.














Kei chu tawng lo chuan ka kal chak sawt a, tunah khua a thim tawh dawn a, a hlauh tur zia ka hria, a dawih zia ka hre chiang bawk nen, a chungah thil tha lo thleng ta se tih mawlh chu ka buaina a ni, ka in thiamlo leh rilru hah bawk si chu, ka thaw leh hawk thin Tu mah kan tawnglo a, Duhawma phei chu Sangsangi a hruai a in chhir hle, Duhawma hian a duh em em vang nilo in, a hmeichhia zawkin a tih thiam em vang a ni.













Light chu kan chhi eng a, kan chhak lawk a, ri deuh khat khat thin chu kan hria, ka kal chak zual sawt bawk, mahse tiau kawng chhe tak a nih vang chuan kal chak chu a har ve khawp mai, helama a kal a nih chuan ka rin aiin kala thei deih, ka kawlh tei a ni miau lawm, "khawiah nge i awm le" tiin ka hah deuh chu ka ding dat phawt a, thawk ka la hawk, ka thiante pawh an chau deuh nge, ka bulah chuan lo dingin an thaw ve halh halh mai













ZELI POV*










ka thlang lawka light êng chu ka hmu nghal zat a, Christa te an nih ngei ka rin, vang chuan kal pawh kal peih tawh lo chuan ka thu thla hnawk a, ka chau tawh lutuk tlat, rei lo te ah, ka bul hnaih lawkah light chu a rawn êng tawh a, mahse lung lian vaklo ngheng deuh chunga thu ka nih vang chuan min hmuh mai ka ringlo, ka kawr lah chu ka dul a lang vek tawh, ka pawt thler bawk nen.













Ka zawn an lo thlen chuan an ri deuh hak hlawm a, "bawihi, bawihi I tha em? khawi lai nge na? ngati nge helai laiah i kal daih, ka ngaihtuah che lawm" ti deuh nawk nawk chunga, Christa rawn thu hniam chunga min kuah thlawp tu chu engmah tih zai rello chuan min kuahna chu ka dawh mawl tawp, a thin phu deuh dup dup ah chuan a hlauh thawn zia ka hre thei .













"Khawi lai nge na? " min kuahna tanga awm sawn deuhin, light êng kara ka hmel a hmuh chuan a ti sup a, ka rilru no a chhuak tlat pek, ka tap chhuak hak a, min kuah leh nghal vat, "engkim a tha tawh e, hlauh tur a awmlo, I bulah ka awm tawh a nia, hei kan thiantr an awm ve vek a nia" tih pah chuan ka lu ah chuan a fawp vang vang.












"Ka ke a na lutuk" ka ti tiau a, an en nghal vat hlawm, "kawlhrawng leh lutuk mai, kan ngaihtuah zia che i hrelo mi? vawikhat mah ching tawh suh, I ke kah chuh" U Ruatfela chuan a ti hluk hluk a, ka melh chho rawm rawm, "I ninom min hau nghal vak vak su" ka ti hlar a, "ninom keimah in ka kal dawn, chhuk leh ru" ka ti hmak a, ka ding chhuak vat.













"Khawi ka pua ang che" tiin Christa a rawn in dawh nghal, "nau hauh haw leh lutuk, chhuk ang u, Rini tr an mahni chiahin kan dah bawk si" U Ruatfela chuan a tih zawm zat, ka chauh ve tho vangin, Christa hnungah chuan ka bawk thla a, min din pui nghal zat, rit pawh min tilo a niang min zo e mai, kan kal lai chuan ka mutthilh lai ka hre lo, tawng nak nak thawm ka hria a.











Rini aw ngei a ni, "engtin nge kan tih ang, a khawsik hi a reh thei miah lo, damdawi kan keng bawk silo" a tih ri chu ka hria, dolo ang chi hi ka mak deuh mai in ka ngeih lo em em a, ka luak vak thin, a chhan pawh ka hrelo, ka ngeih lo ve tawp a ni mai, ka naupan laiin, ka khawsik vangin ka ei a, ka khawisik kha chu a reh a, mahse rei vaklo chu ka luak reng, vawihnih vel ka awm atangin ka ngeih lo tih ka chhungten an hre chuah.













"Tui kha a so tawh chuan lo la ru, a ke hi tuam that vat a ngai ang, ka rin aiin a thuk zek a, ala thi reng bawk sia, a chau lutuk ang" U Ruatfelan a tih chu ka hre leh ka mit ka meng chhuak a, ka taksa sil leh ka lu na ngut ngut chu ka hre nghal zat, ka dawm vang vang a, ka lu a hai deuh chhalh leh nghal.












Ka ke na in min tur ut ut pawh ka hre nghal zat bawk, ka awmdan hreawm lutuk chu ka tah te lam lam a chhuak, "bawihi a hreawm viau em? " duat taka ka sama chul pah chuan Christa chu ka bulah a rawn thu hnai nghal vat a, engtin mah ka chhang lo, vawh tihna chuan min tham deuh er er a, "kha tui lum hian a ke hi hru fai ula, a zia mai ang, damdawi Sangsang i keng a ni lawm ni? " Duhawma chuan a ti a, "aw keng e, dolo ka keng" a ti a, ka ei theihloh chi a ni.














"Khawi lo la rawh" Christa chuan a ti a, "ka ei theilo" ka lo ti vat "bawihi a kawi zawngin awmlo teh, I khua a sik a nih hi mawle" a ti hluk a, ka mittui a tling leh pam tawh, midang chuan engmah an sawilo, keipawh ka ngawi nghal hmak, "Christ ei tir suh, a luak leh anga a chau zual palh ang" U Ruatfela min hre chiang tak chuan a rawn ti vat.












"Dolo hi a ei theilo a, a pum in a hua nge pawh kan hrelo, a ei chuan a luck vak zel a" a ti a, Christa chuan inthiamlo zetin mjn melh, melh pawh ka melh duh tawh lo, mi chuan dolo kher kher ka ngeih lo chu over vangah an ngai fo thin, mahse a chhan tuman kan hre bik lo, ka ngeih lo ve tawp mai ni, a bak in ka hre bik lo.











"A nih chuan chaw ei fel ila, mu daih rawh se, tih tur a awm em em chuanglo" a ti ta ngawt, ka ke an tuam that lai tr chuan ka heh ka pet fan fan, a na lutuk tlat a sa bawk si nen, a ti na zual hial hian ka hria, "nang chu khumah hian mu mai la, midang zawng chhuat ah kan mu thei mai ang, khum ang reng deuh bulah hian hmeichhe pahnih mu se, keinie rawh tihdan a awm mai ang" an ti a, khum lamah Christan min hlang chho zat.












Chaw ka ei peih lo chung chu Christa chuan min barh a, Sangsangi min melh rum lutuk leh midang lo ehem lui der vel chu ka ning lek lek a ni, chaw ka ei zawh chuan ka mu hmak a, ka ke pawh tui lum a an deh vang kha nge, a zia viau ka buaithlak bik lutuk thin hi a buaithlak, midang ho chu chaw ei kham chuan pawn ah mei chhem an tum a, kei erawh ka tho chhuak peihlo thung.















Christa chu alo lut leh nghal vat a, ka phone singnal chhe tak mai chung chuan ka lo khawih san daih, ka mutna ah chuan a thu ve reng a, "I phone kha dah rih rawh, I mit a thip vek mai ang, I khua a sik bawk si" tiin min laksak nghal a, engmah pawh ka sawi buai peihlo, a mah hnung chhawn zawng chuan ka let thak a, ka puan sin chuan ka in tuam khawr nghal hlun bawk.














Khum ang reng deuh a, a phah a an hman hi dap a ni bawk nen, a che rawk rawk a, a rawn in rawlh ve ringawt, a lam hawi chuan in let nghal vat in, " tho rawh, rawn mu ve ngawt suh" tiin nem thlak ka tum a, ngah mah ngai lo zet hian min kuah khawm vek, "thinrim tawh lo la, ka hlauh thawn vanga thinphu pawh ala pangai lo nia" tiin ka chhip ah a fawp vang vang.
.














Engmah sawilo chuan ka awm mawl tawp tawh, a awmah chuan ka bei deuh kak hi a ni mai, a thinphu ri te, a thaw ri te chu ngaihthlak a nuam takzet, rei vaklo ah ka lo muhil a ni mahna, ka harh leh chuan khua alo var vek tawh a, midang tawng nak nak chu ka hria, pawnah an awm tih ka hre zawm zat, ka tho nuam viau a, ka zang hawk mai.














Mahse ka ke erawh ka la hman theih loh hmel viau, bakah tiang ang glass keh them ât vel leh in tih pem hi a na duh zek a, a dam harlo tur ah ngai ang, mahse a thuk reuh zek bawk nen, nat chu na ve tak a ni, ka bulah chuan Christa alo mu tawh lo a, tho chhuak be nghal in, ka ke na lam ke artui chu ring tha ngam chiah lo in, ka ring tel deuh bawk.















Pawnah chuan ka chhuak ve a, midang chu eng eng emaw sawiin an lo thu thap mai, tui chen an duh thu te an sawi, ka kal thawm an hria ni mahna, an lo hawi thap a, Christan min hmuh chuan "Ilo har tawh ni maw, chaw kan ei thei tep aw, eng nge i an? na te ila nei em" a lo ti zung zung a, thlam varanda deuh hlek a ka awm chu, min pawm nghal nawlh, mi hi chu a zo nawlh nawlh mawle.















"Rin ka phone a thi deih, I phone khan ka chhungte ka lo be lawk" ka ti a, zanthum lai riah kan tum bawk sia, midang ka tih buai mai ka hlau, chuvang chuan in hruai haw tir mai ka duh, a hla over chuanglo bawk nen, "kha I nau chiah ka nei" a tih chuan a pawiloh thu ka sawi vat, Christa chu min thut tirna bulah chuan alo thu ve nghal zat bawk.














"Zodin, I hre thei em? " ka ti lang lang a, midang chuan ka thusawi tur ngaichang ni awm hrim in, min melh deuh thap leh nghal a, "aw hre thei sawi vat rawh, ka mut ala chhuak" a rawn ti hluk zui, nau lakthlak loh lutuk neih hi chu aw, "ka ke ka tina palh a, min lo hruai mai thei ngem?, midang ka" ka tih lai mek in, Christa chuan phone min laksak lawp a.














"Zodin keimah, I u Christa I u chu kan rawn haw pui ang" a ti sup, a dah nghal daih leh nghal, "enge I hria a, ka haw mai dawn lawm, a hla over chuanglo a, bakah zanthum riah tum kan nia, hun hman nawm in tum em kha" ka ti deuh bal bal a, "kan pahnih in kan haw ang, midang chu an duh leh la awm sela" a ti hmuk, hepa khawlh kham lutuk hi chu aw, ka lungawi mai mai lo ang.














"kei pawh Zeli leh Christa awm loh chuan nuam ka tilo" Rini chuan a rawn ti ve nghal, "kei pawh kan nu tello chuan ka awm peih lo" Ruatfela chuan a rawn ti vei sup over leh lutuk, an nu tello pawh hian a tlei tih hi ka chiang ve e, "Keipawh a vaw hot tutur te, Rini leh Zeli haw an duh si ah chuan ka haw ve dawn" Ethanan alo ti leh bawk si, Duhawma lah chuti bawk.














Sangsangi erawh chuan min melh rum khawp mai, ve ngawt ngawt a, kan thianho thil tih khawmna ah a rawn tel a, a mah vangin buaina kan nei bawk, "a nau in hruai tir a tum tho chu haw sela, keini chu nge a mah vanga, kan in tih buai ve ngawt ang" alo ti khanglang, ngei tawh sa nen, ka tawng tep a ni, mahse ngawih ah ka thlak ta ngawt.














"E nia nang chu i duh leh in tih buai tirlo mai la, lo la riak mai rawh, I duh leh nithum hnuah emaw, kan ei tur ken hi kan dah sak che nga, I hne rawk thleng ilo awm dawn nia" Rini chuan a rawn ti, ka nui chak bawk si, nui hreh deuh bawk siin Sangsangi chu la melh a, a meng rum tawh khawp mai, "in siam ila, chawhnu lamah kan haw mai dawn nia, lui ah sangha leh chakai vel man pawh a chakawm lawm" Ruatfela chuan a ti a, mipa ho chuan rem an lo ti viau.














Rini nen erawh thlama awm kan thlang, kal ve duh pawh ni ila, ka thei miau lo, bakah chakai man tur pawh a awm ka ring hlawl lo, zanah an chhuak thin tlat, an zawng fe nih loh chuan "Chakai man tur a vang awm e" Ka lo ti sup a, ram kal ngailo ho tih takah, "nge a awm loh ngawt ang" an lo ti, ka nuih za chu ka nui ta ringawt, "huizz zanah bak an chhuak ngailo, an tawm bo thin" ka lo ti a, an hawi hai khawp mai.















Lui lamah chuan an in zui thla ta tho a, sangha pawh kha man ve hrim hrim an chak a niang, a manna tur lah chu an nei awm der silo a, mahse he lai neitu hmasa te khan an lo dah hlauh a, chu chu an ken thlak tak kha, Sangsangi chu thlam chhuk varanda thlang lamah chuan a thu tum hmuk tawh, Rini lah chuan ka setana thlah te an rawn chhuak tlat" tiin.














"Sangsang, khawngaihin i hmel kha min hmuh tir tawh lo hram aw, a bikin Christa te ho nena kan awm khawm in, hmanni ah pawh, Christa bulah a chhe zawngin ka thiannu ilo sawi tih kan hre leh vek, a number khawi khawi atang nge maw ilo neih ni, ilo be buai chhen bawk a, engkim hi kan thiannu hi a hrilh leh vek tih hria la, lo fimkhur tawh ang che" a ti a, tul ka tilo viau a rawn ti hmasa pawh a nilo a.













"Ka ta ah ka la siam vat ang, tun atanga reilo ah, Christa hian min pan dawn, in thianpa mawl zet, Lakduhawma hi ka hmanrua ah ka hmang bawk ang" a rawn ti chiah chu ka sa deuh zak ni mai hian ka hria, lungawi tawh loh sa nen "nanga pawh then chi rual an ni tawh lo" pakhat lah in in ti thei zetin alo ti bawk, "bakah kan thianpa Duhawma te chu i hrelo nih kha, nangin a hmanrua a I hman mai mai theih a nilo, nang hi chu one night stand emaw a duh duh huna a pawh kual theih mai mai I nih kha, a bialnu te chu a khawih chhe phal reng reng hlei nem, a duh ve hlarh hlarh khawp" a ti leh henu sual thiam zia hi chu aw.















(a ngaihnawm pawn ka ringlo)



ADD CLICK KHA VE LEH HRAM ULA AW


Show post links
Top

[Ngaia]

KA ‘D'












CHAPTER-20














BY CHHEPHAKI MUANI









Tlai lamah chuan kut ruak bawkin an rawn chho leh a, chhun thil engmah eilo an la ni bawk nen, in ei puar tete in, an ei zawh ah chuan motor kan dah na lam kan pan nghal a, kei erawh ka kal chak theih loh vangin, tiang hawl chungin, Christa chuan min chhawm chho hnak hnak a, midang pawh an kal chak em em bik hranlo, min ngai chang tih ka hre reng.












Mahse Sangsangi ai thlawt chuan kei a ke na zawk pawh ka kal chak zawk, a au leh deuh reng tawh, a tlu ngun bawk nen, sual vang nge pawh ka hrelo, nuih a ti za thei khawp mai, a tlu posi a chhe thei bawk nen, a thiante bul chu nise nuih za in sum a kan awm hi min hmu se chuan a thinrim leh tawh khawp ang, a ni hi zawng thiante awm lai chiah a, tawngthei a ni ve leh tlat, a thiante awm chuan a sual thiam ve khawp a.













"Khawi ka lo pua ang che, tiang ringawt chuan i tih nat belh mai mai, I ring hnem tawh si" tiin ka hma ah chuan kal vutin, a thu hniam nghal vat, "a ngailo keimah in tian ka kal ve thei tho lawm, khi kan thlen tep tawh tho khi" tiin kan hmuh theih chen mahse kual ve fe la ngai tho si a, kan motor ken ho kan hun chu ka melh a, engah mah zuk ngai duh lo a.













Hreh deuh chuan ka in puak tir ta ngawt, chutiang em em a kawng chhia a nilo a, a hma a neitute kha par ve lam tak an nih vangin, kawng pawh pangai takin a awm, min zo lawp lawp khawp mai, chutia min puak takah chuan kan kal pawh hma kan sawn chak khawp mai, kan thiante pawh min ngai changa kal a ngai tawh lo bawk nen, an kal chak ta khawp mai.












A hmun thlen nan kawikhat chiah kawi an ngai tawh, keini pawh a hnung pen 10 vela in hlata kal kan ni baek a, kan thleng ve thep tawh, Duhawma leh a bialnu pawh an rawn in hau chho hluk hluk ri ka hria, Duhawma hian duh em em chu nise hne hmel hi a pu reng lo ang, mahse engvanga la in kawp reng nge tih erawh an mahni chiah in an hria ang, a hmeichhia zawkin a duhlo tih lah a tawngkam hmang leh a chezia mitmeng thlengin a hriat bawk si.















Hemite pahnih hi zawng an hahthlak a nih hi, motor bul kan thlen chhoh chuan Christa chu a hah deuh ka rin vangin, min chhuk tir hnu chuan ka melh leh zeuh thin, mahse hahhmel a put awm pawh ka hrelo, ka bulah a ding ngawi reng ringawt a, Duhawma leh Sangsangi rawn in chhawp chho kan nghak deuh thap, "nakinah Zeli ke dam hun ah kal leh ang u"Rini chuan phur tak hian a ti a.













" Nia a hmun kha rin aiin a nuam zek, sangha lah kan man thei mang silo a, ka kal nawn leh hun ah chuan ka thei tawh awm e" u Ruatfela chuan a ti a, Christa te ho an lo nui hawk, "ka hrilh ang cheu, kan chhuk thla kha, Ruatfela phur fal lutuk in, a kalna a en lo a, sangha lian vaklo tui thuk lo te ah a hmu nghal a, chu chu thlan phei pah in va man a tum a, ke vawr suau in a tlu a, a posi chu hmu ve ula chuan e, in nuilo thei biklo qng" Ethan chuan a ti a, ala nui huk huk reng.














U Ruatfela erawh chuan a lu thak lo pui chu a hiat deuh nauh nauh, "rei vaklo han hahdam ula, kal nghal ang u" Christa chuan Duhawma te lo thleng chho hnenah chuan a ti a, "Christ ka lo chuang ve thei ngem? " Sangsangi chuan in la no zet hian a ti a, Christa chuan min melh zeuh mahse engmah ka sawi duh lo, hmun dang ka hawi daih, "kha in pa pawn car a ken reng kha, chuang mai rawh, kan chep tawh lutuk, Hei Ruatfela te an chuang dawn" alo ti tha ve mai a.















"Duhawma carah hian chuang mai sela" ala ti talh, enge maw Christa motor ah pawh chuan a chuan chak em em mai ni, mahse engmah ka sawi ve duh lo a, ral leh lam chu ka thlir reng ringawt, sawi theih ka nei ve tlat lo, "A in ang reng, khawiah pawh chuang la, in pa in khalh pawh a khalh thiam zawk " a ti leh a, tawngkâm tha van hmang peih mai mai tak, ka sual ve na lam tak a nia, an pa in motor a keng ve reng a, a leng tawh lo chuan dil chu nise thuhran, an pa in tumah phurh tur a nei tawp silo a.
















Engmah sawi tawh lo chuan min rawn melh rum vei ngawt a, ka phal lo pawh ka ti ve tawp silo a, leh ngawt zela, Duhawma car ah chuan a hnungah thut luh a tum a, " ahma ah lo chuang rawh, i driver emaw min ti palh riau riau ang, ka duh lo" alo ti then bawk si, engmah sawi ta hlawm tawh lo chuan kan chuang lut thuai a, Ethan in hma a hruai a, a hnungah kan thlan ve thung.














Ethan erawh kawng chhe ngama tih takah a tlan chak vei phian a, "kan kawngchhe ngama chuh, a hnung berah kan lo tlan tir zawk lo ni" Rini chuan a ti a, a nui deuh hak hak bawk, Hla an play pah a, a nuam dangdai reuh khawp mai, "Training chu i tum ve ta em?, Zel" Rini chuan a rawn ti chhuak phawng a.













"Ka hrelo e a, ramdanga lehkha zir zawm ka duh deuh a" ka ti a, mipa ho chuan an hrethiam lo tih ka hre mai, mahse Rini ka chhan dan vang chuan an hrethiam ni chek ang chu "Rosangzel i thil tum kha a tullo khawp ang" Christa chuan a rawn ti hluk, a thinrim vang a nilo tih ka hria a, a lungawi chiah loh vang mai a ni tih ka hriat vang chuan fiam ka chak tlat pek.















"Chutia nangin a tullo tih rik ngawt te chu a, ka pa in khu lama zir zawm turin min duh lawm" ka ti fiam a, midang chuan ka fiam tih an hria, kan mimawla hian hre thiam ve leh tawh lo tawp a niang, a tum leh bur tawh mai, biak. chu huphurh awm tak a ni chiang khawp mai, ramdanga i kal loh thu i sawi vanga, helamah pawh luhna ti fel vek tawh ka nia" a ri deuh hmuk a, nuih ka in sum char char.















"Tak takah ka ti mai mai nih kha" ka ti a, ka nui hak bawk, kan thiante lah chuan min ei loh dun hmel hle bawk, "e taka, zanthum kan riah tak siloh ah chuan naktuk zanah, Rini thawmhnaw leh bungrua va la ila" ka ti a, tha an lo ti khawp mai, "bungraw lian tham a neilo hawk a, a thawmhnaw leh a in cheina kha a ni mai a, a pheikhawk kha a tam ber tur a ni" ka ti fiamthu zawm zat, Rini lah chuan a duh lo khawp mai.















Duhawma leh Ethana lo hrilh mai turin Christa kan ti a, a lo bu ve nghat ringawt, tawng mawh tih takah hepa em em zel hi chu aw, thiante bulah pawh hian a tawng duh ve tawh viau emaw tih pawh hian, ngawih tlat chang zuk han nei a, a chiang vaklo ti dawn ila, mahni bialpa te lo ni ve bawk sia, huizzz tih ngaihna awmlo a ni ringawt.














Khawpui chhung chu kan thlan lut ti tih tawh a, ka ke chu hlang kangin, ka en chiang chu a kâk lai phui tawh chu hnai alo la hi alo ni, a na ka ti reng a ni, Christa chuan a rawn melh zuk a, khawih khawih suh, in kan thlen velah kan tuam tha dawn nia, hlang thla rawh, kha i kut khan thai thai a ngailo" a tih zawm leh zawt zawt lawi a, a duhna ah hi chuan a tawngthei ve tho mawle.














"A mak zung zung thin" ka ti sap chuan ka tawng hria ang pawn a awm leh tawh lo, bialpa hahthlaka hi a ni ringawt, "In pa hi chu boring ve ngawt mai" Rini chuan a ti deuh nang nang a, Christa a then suk ringawt, "tak takah engtia awm zawm zel nge in tum hlawm a" Ruatfela chuan a ti a, "keichu ka zir zawm tawh lo ang" Rinin alo ti vat, "keipawh Rini nen dawr hawn kan tum, kan training anga" ka ti a, a lo nui hawk zui, mi hi chu a ringlo ve mawle.












"Christ kan va chhang chhe dawn ve chu" a ti chu ka ngei reuh hle, an nu in a thum leh tawk tawk a sinle, "Christ nang eng nge i tin ang" tiin a zawt leh "ka hre lo le, mahse zir zawm ka la tum deuh, college ringawt hi chu engmah a ni tawh silo a, hei ka chawm tur lah hi a hautak hmel sia" tiin a nui deuh suk, ka ngei tak tak a ni.














Min chawm ngai hian ka va han awm awm lo tak e aw, kan lo in nei ta nih pawn, hna ka thawk awm e, khatia tih aiah, ka chawm zawk nghe nghe emawni zawk ni, "kan thleng ta, mu hahdam veng veng teh ang" Ruatfela chuan car atanga chhuah pah chuan a ti a, "ka haw tlang mai ang, nakinah ka thil vel chu ka rawn lam leh mai ang, ka chau ka mu duh tawh" tiin Ethan chu kan in zawn kan thlen rual rual chuan tiin a tlan chhuak leh daih.















Duhawma te pawh an rawn thleng ve nghal mai a, an ni pawh an tlang nghal tur thu sawi in, an tlan chhuak ve leh kan in chu alo in kalh a, chahbi dahna ka hriat tho vangin, kan inlam chu kan pan a, an ni mipa pahnih pawh haw nghal lo in, bungrua kan ken ang ang vhu an la lut a, khaw nge maw ni an awm vek ni, kan awmpui nu pawh hi in ah a awm reng zel sia, thil eng emaw a thleng emaw ni le, ka ngaih a tha lo nghal ngawt pek a.















(ADD CLICK KHA AW)


Show post links
Top

[Ngaia]

KA ‘D'












CHAPTER-21












BY CHHEPHAKI MUANI











Ruatfela chu a phei nghal a, Rini lah a room lamah a chho nghal daih bawk si, kan pahnih chiah in kan awm tawh, sitting room lamah chuan ka thu a, a ni erawh choka lamah chuan a phei nghal vut, engtak tih tum ni maw, a rawn phei leh chuan puan leh eng emaw hi a rawn chawi phei bawk, tui a nih ka ring ber.













"khawi i ke kha ti fai ila, kan tuamna pawh kha thlak a ngai ang, a thianghlim vak ka ringlo" a ti a, engmah ka sawi buai tawh lo, tawng ka tum lo deuh bur mai ni, min ring lo lutuk hi ka lungawi hlawl lo, a hmel te hi ka ngei zo vek, chhut fawk ka chak, het Rosangzel i nasa lutuk dawn, ka ti rilru nghal zat.













ka ke a buaipui mawlh mawlh lai chuan ka melh reng a, ka melh tih a hria nge maw ni, a rawn hawi zuk a, hmun dang chu lai zetin ka hawi sawn nghal zat, a nui suk chu ka mit sir chuan ka hmu reng, min hmu hman tih chiang reng, "ka zo e, ti khan ring lutuk lo la, a dam vat mai ang" a ti ve ngei, in ti doctor reuh lutuk chu ka eilo leh pek.












"haw tawh rawh ka mu duh" ka ti hmak, ala nui suk zui, ka ngei leh zual vek, ka melh rawn rawm a, "a mak ti khan mi melh rum vak zel suh, hmeichhe ho thinchhe lutuk hi chu aw, enge lungawilohna i neih? " tr chu a rawn la ti zawk za mah, engmah sawi duh lo in, ka tho nalh a, "kawngka kha khar phui nghal mai rawh aw" ka tih san hmak..













A phun deuh nuah nuah chu ka hre reng, ka bai deuh aih aih a, ka ring zeuh chang a awm lo thei silo a, ka ke leh lam a tan zawng tr chuan a na deuh zawk hian ka hria, ka then leh sawk thin, ka hnung mai a thaw deuh hak chunga min pawm lawp Tu chu ka hre chiang hle, ka rak deuh that nghe nghe, "I mawl a mi min dah thla rawh" ka ti vak a ka ke leh lam chu ka leng vak vak bawk.













"Che che suh, ka thlauh che chuan a hma aiin i na leh anga, I na hmel hmang a chhe si, I thinchhiat ala ti zual zui, ka tuar zo nang" a rawn ti khanglang, "I kal vang vang thei, duh leh thinchhe lo chu zawng mai rawh" ka ti deuh hmak, ala nui ang vur vur zui a, mi lo mah a, thinrim ve naklaia, "ka pawm mek thinchhe deuh hi lawm ka duh, midang thinchhe lo deuh nei ila, chuan a kawlh ber ber i ni leh dawn sia" a tih chuan ngei lutuk ka melh











"I in dah sang a nih mai chu a" ka ti deuh hmuk, engtin mah min chhang tawh lo, ka khumah chuan min mut tir a, in tih fai pawh ka in ti fai ta lo mai, ka chau lutuk mut hahdam phawt ka duh, "ti khan mu hahdam la, i zia hawk mai ang, keipawh ka va phei tawh nge" tiin ka chal ah min fawp zeuh a, min mangtha in a chhuak deuh nulh.













Ka bula a awmlaiin ngei viau mah ila, a kal chiah chuan a reh deuh ruih hian ka hria, mahse rei pawh a nilo, kawngka a rawn in hawng leh zat, "awiii Zel i in bual dawn nange" Rini chuan a rawn ti lut lawng lawng, puana ka in lu khup tawh chu ka keu leh a, "dawn teuhlo, bal viau mah ila ka mut a chhuak tawh lutuk" ka ti awlsam êt.













"tiang kha chuan i muhil thei dawn mi? " a ti deuh nang nang a, "thei rapthlak eng anga hreawm ah pawh ka muhil thei, mut hi chu ka theih ve zawng a nia" ka ti mai, min eilo lutuk chu a ner deuh nang nang, "tak takah, thei lutuk tiang velah hian ka buai lutuk lo" ka ti tha leh bu nghut chung chuan a hak tur ka thawmhnaw ah chuan a hai nghal zat.












Kei erawh ka mut a chhuak tawh bawk nen, ka ngaihsak hman tawh lo, ka mit ka chhing nghal hmak, "mut duh lutuk" a tih ri chu ka hre reruai chauh tawh a ni, ka nu te lah an awmna ka hre der bawk silo, call lah an la thei bawk silo, an leng pawh a ni mahna, mahse tiang em em a rei an len ngai awm pawh ka hre silo a.













Zodinsanga lah hi leng reng bawk a, a ni awm lo se thu hran, zan leng chi, kan tih zan chaw zawng kan tih hi a ni ve reng reng a, hna a neih hnu atang phei kha chuan an in la puitling khawp a, ka ngei tawk hi a tling thei khawp mai, "hei Zeli tho tawh rawh, a tlai tawh lutuk" Rini chuan min sawi deuh nawk nawk pah hian a ti a, "ka nu te ni zan khan an lo haw har em? " ka ti sap.













"An lo haw lo reng reng, ka ngai chang deuh a, mahse zanlai vel thleng pawn an rawn la haw lo" a tih chuan ka ngaih a tha chiah tawh lo, ka tho chhuak vat a, ka khum bula ka phone let reng chu ban vat in, Rini chuan ka che zia chu min lo en reng, Zodinsanga ka call vat a, ala taeh dawn lo emaw ka tih hnu ah ala ta hram, "ngati nge nizan khan call ka nu te khan an lak theih loh a, engvanga li haw lo nge in nih" ka ti nawlh mawlh.














"E ka pu kha a zual deuh thut a, a mah lah in damdawiin kalpui a duh der silo a, kan va riak phei a, ka nu leh pa te chuan phone an en hmanlo ang, ka pu an la buaipui char char" a ti a, ka pa pa a ni tih ka hre thiam nghal mai, kan in nel ve hle na in, in khata cheng ho lo ta chu han in nel tak tak hi a har ve a, mahse ka pa pa a nih vang nge, in hmu khat viau mah ila, nelna khawi emaw lai atang hian alo chhuak ka ti mai.













"okk kan han in ti fai anga, kan lo phei ve ang" ka ti a, chumi hnu chuan kan dah ve ta hram, ka pu hi a tar ve tawh em a, natna eng eng emaw hi a kai ve nual a, a tar ve tawh em vang hian a mah pawh hian a kal thei tawh mang lo, mahse a dam that laia a chaw ei that khan ala chelh ve a ni, tunah pawh hian tih tham eilo mahse, chaw ei a thulh ngai chuanglo, a damlohna hi chu a rei tawh, pathian zarah min la dampui ve hram a nih hi..














Zingah chuan kan tho hma dunlo zawk zawk bawk nen, rawng te kan han bawl chawp leh ang nawk nawk a, awlsam chi veve ta chu, chaw kan chhum a, artui kan kâng a, hmarcha leh antui tur, antam kan tlak bawk a, a tawk der mai ni, chaw kan ei fel meuh chuan 11 a ri thuak tawh, ka la in ti fai ve lo bawk nen, bai deuh auh auh chung chuan in chung kailawnah chuan vawn ban chu ka vuan chho a.















Rin ai takin zingah chuan ka ke pawh a zia tawh hle, han chet pui vak vak kha a rem lo tih mai a ni, ka pu te in lamah kal kan tum bawk nen, scooty Rinin khalh mai se, taxi chuan a buaithlak tiin, Rini kha ka hrilh a nih kha, mahse thlamuang chuan ka chuan ka ringlo, ka in bual zawh chuan ka ke chu a thar chuan ka tuam leh a.













in thlak sawk sawk in, in hnuailam bawk ka pan leh hun chu a duh rei ve khawp mai, a hma zawng a, tlan thla ti tih a ka kalna ah khan, ka bei rei zek, choka ah Rini ala awm a nih ringin ka lut a, a lo awm ngei, mahse Christa alo awm ve, min melh nghal run run a, keilah in ka melh duh der tawh lo, "enge i an? " alo ti vat a, "ka tha " tih chiah in ka chhang.













"In kalna tur Rinin alo sawi a, ka hruai ang cheu" a tih chhuan "keimah ni pawn kan kal thei ve reng, scooty pawn kan kal thei" ka ti hmak a, a thaw hak "Rinin a thiam chiang rih loh em kha, nang lah khalh thei i nih loh kha, mjn hnial suh, ka rawn phei leh vat ang, min lo nghak ang cheu" thu pe aw zet hian a ti hmak a, ka hnial buai peih tawh lo, tih buai hi chu a phu ve hrim hrim bawk.














"Be tha ve em em la, a ngaihtuah em che kha" Rini chuan Christa chhuah velah chuan a ti a, "ka ngei tlat lawm, ti hian a hrem theih chhung chu ka hrem dawn" ka lo ti vei hmak a, a nui deuh hak "ti khan nangmah bawk a awm theilo hmasa zawk i ni leh si nge" a tih chuan ka ner deuh nawng a, a sawi dik viau bawk si, chhan ngaihna ka hre der lo.











(hei thleng hi ni rih mai teh se aw, nizan lamah mitthi in ah kan meng rim bawk nen, ka mut a chhuak lutuk)


Show post links
Top

[Ngaia]

KA ‘D'











CHAPTER-22














BY CHHEPHAKI MUANI








"Kal leh lo mai ang, a zia deuh tawh tho a, ka nu tr pawh an lo haw dawn nih chu" Rini a room a, a in siam mek bulah chuan ka ti a, Christa ka call nghal zat, a la rang em em mai leh nghal, "kan kal leh dawn lo a nia, ka nu te an lo haw dawn" tiin ka dah daih, ti hian a theih chhung chu tih tauh ve reng reng a tha, a lakah chuan ka thinrim tawh lo, mahse ka ngei tlat pek a.












Min rawn call back leh nghal zat a, lak loh ka tum zet na in, a thin a rim ka hlau leh sia, a thinrim hi na phian leh nghal a, in sum lam hi a theilo hle, "a nih chuan vawiin chu leng chhuak ila" a rawn ti a, in a tawm reng ai chuan tiin ka aw ve ta tho, han tih tauh tum viau mah ila, hmeichhe thu hla em a, "okkk ka rawn lam ang che" tiin a dah nghal zat.












Kan in leh an in a in hnaih teh lul nen, ka lo lam ang che han in tih, pen sawm pawh tling lo turah an in a awm a nia, ka rawn phei dawn tr tih ve lam awm hi a nia, ka pu te in lama, kal tum in siam lawk sa vek kha ka ni bawk nen, han in siam leh dan tur vak ka hrelo bawk a, sitting room ah chuan ka thu kar, Rini pawh chu alo chhuk ve nghal a.













" A nih chuan vawiin chu leng mai mai teng" a rawn ti thla ham ham a, "ringawt a che ka tum hmasa" ka lo ti hmanhmawh a, "nge ka len vanga in len theih loh na tur" a rawn ti ha a, "ka hre nang, min sawi khalh a nih kha ka sawi tum" ka lo ti ve vat, kawngka pui kan hawng bawk nen, kan awmpui lak chu a rawn lut hlawl a, "min hre thiam mai teh u, ni zan pi te chhuah hnu lawk khan, kan khaw lama, ka nu in entir tur a rawn thleng a, kan buaipui leh a" a ti a, a in thlahrun hmel hle.














"A pawilo kha, ka nu te an lo haw lo a, keini ei tur lek bak han tih tur a awm lo a, kan bawl ve thiam tho lawm" ka lo ti sawk sawk, a in thiamlo lutuk chu ka khawngaih let ling zawk, a hmel en in a upa ve deuh tawh tih chu a hriat, a nu ala dam a nih chuan a nu pawh chu a tar ve tawh viau ang le, "tak tak ah, Christan leng turin min sawm a" ka ti sap a, a mah zawk zawk alo phur leh tawh.













A hnu rei vaklo ah Christa chu a rawn phei a, ka nu te an lo la haw hman silo nen, Rini bulah a chhuah hma a, an lo haw hman chuan lo hrilh mai turin ka ti ta ngawt, nakinah pawh ka call tawh mai niang chu, "I ke chu enge a an? " a ti leh a, tukin ah pawh min zawt tawh, "a zia lutuk ka ring ngam deuh tawh" ka ti tha ve mai, kal pawh tlemin a nuam deuh.














"A dam chak chu i vannei hle mai, tiang kha chu an ring ngamlo rei a sin aw, i uluk loh chuan a vung anga, a huai sual mai ang, fimkhur la" a ti vei sup sup a, ka bu deuh nghat ringawt, a car khalh ah chuan rilru a pek hmel hle, a changin a rawn hawi leh zuk thin, "khawiah nge kan kal dawn? " tiin ka zawt a, "khawiah nge i kal duh? " tiin min zawt let daih.











Park lampang a ka kal duh thu ka sawi chuan mizoram ah park han lenna mai tur a vang hle tih ka hre zawm zat, awm hi chu awm ve nual mahse kan awmna tang chuan a hla ve khawp mai, "kalna tur ka hria, hlimen park khan kan va kal dawn nia, hla mahse, a nawm thu an sawi sek tak kha maw" a ti a, kan awmna tang chuan tlan ve fe a ngai ang.













Bakah tunah 12 a ri tawh a nia, kan awm rei hman pawn ka ringlo, kan tlan muang lemlo bawk nen, kan thleng ve mai lawm, gate bulah chuan duty an lo awm a, ei tur a bul lawkah an lo zuar bawk, ei tur neuh neuh ka lei chhung in, a nin luhman alo pe thung a, kan awm rei hman lutuk dawnlo bawk nen, ei tur ka lei teh chiam lo.












Kan kal kual kan kal kual a, lei kan zawh ve ngei a, a den vei reuh phian zui a, a chhak fe ah, thutna a awm thu a sawi chuan lei kan zawh chhoh zawh rual chuan ke in kan kal leh nghal char char a, a hahthlak reuh hle, khaw lum bawk nen, a in rem teh chiam lo hle, mahse a hmun han thlen chhoh chuan a nuam phian a, thutna an siam chhak lawk, a zawn a ni mah ang chu ah kross a awm bawk.













A hmun thlen chhoh meuh chuan thli a thaw nuamin, a leh lam ral lam tlang thlir chu a nuam hle, min si deuh thaw in a rawn thu a, kan ngawih dun vang vang hnu chuan "ramdangah ka kal a ngai dawn a" a rawn ti sap, a mah chu ka melh nghal vat a, "engtik ah? " hnual deuh rawih chung chuan ka ti chuai deuh raih, "thlahnih hnu ah a niang" a ti sap, la hla viau mahse ka lunghnur nghal ngawt.













"A nih engtik ah nge ilo haw ang? " ka ti deuh sap, "ka hrelo le, kum5 hnu ah emaw, aia rei pawh a ni mai thei, khulamah basketball khel turin contract ka sign dawn a, ka awm char char maithei a ni" a tih chuan ka tah a chhuak deuh ti tih ringawt, "ka kal hma in in nei mai ila, chuan khulamah kan awmdun anga" a tih chuan ka ngawi vang vang.














A mah ah hi chuan sawisel na tur ka hmu lo, pasal tha tak a ni ang tih pawh ka hria, neih pawh ka duh, mahse ka chhungte leh midang mitmei ka venglo theilo a ni, min sawisel dan tur te, mi min en dan tur te nen lam ka ngaihtuah kual a, "mahse" ka ti hap ringawt, "mahse enge, kan in nei anga, chuan kan awmdun zel thei dawn lawm" a ti chuan ka chhungte ka lo biak tur thu ka sawi ta nge nge.














Kan in kawpna ala reilo tih ka hria, a chhungte phei chuan an hre thawi chauh ka ring, mahse ka chhungte lam erawh chuan an hre chiang hle thung, kan in neih chuan in nghah na tlak a nih zia leh ka tih sual ka ring lo hle bawk, mipa dik tak a ni a, a ko a tla chu hlen ngei tum mi leh sawh sawn ngai lo a ni, rei pawh awmlo chuan kan car dahna lam kan pan a, mi kal chu an tam em em lo na in, an awm ve leh nawk thung.















Vai an tam hle bawk, khawi atanga lo kal nge pawh ka hrelo, an fang ve nasa hle, car bul kan thlen meuh chuan alo tlai ve deuh ruih tawh a, kei erawh ka ngaihtuahna ka kawm leh vang vang tawh, engtin nge ka chhungte ka hrilh ang, an remti angem ka pa leh ka nu hi chuan Christa fel thu hlir an sawi thin a, an fak nasa hle bawk, mahse an fanu pasal atan an duh ang nge an duhlo ang, tih hi ka ngaih ruat thiamlo.














"Kan thleng tawh a nia, kawngtluan in ka biak i chhang theilo a, I in ngaihtuah char char a nia, ka sawmna che kha ila duh lo a nih chuan ka nghak thei che, ka rawn haw hunah pawh kan in nei thei tho a nia" a tih chuan chutiang lam a nih loh thu in ka chhang mai, in mangtha in in chhungah ka lut nghal a.











Ka chhungte pawh an lo awm thap tawh, "e kha ilo haw a ni maw, Rini thawmhnaw la tura kan kal a ngai dawn a, I thiannu hi a mah chiah a rawn tel a hreh deuh sia, kan vai in kan va kal mai dawn em ni? " ka nu chuan choka ka luh rual rual chuan a ti a, ka bu nghat, vawiin ah va lam tura kan in ti kha a nia, mahse ka chhuak leh ta daih sia.











"A nih chuan chaw ei hma ila a tha ang, vawiin lamah lak in lo va tum tih kan hria a, mahse in la lo chu a tha zawk, puitling kan tel ve na chi a ni, tiang ah hi chuan puitling kan tel ve a ngai a nia" ka pa chuan a ti a, chaw ei kan siam zawm zat, kan awmpui aawm leh tawh lo a, a nu kha a buaipui a ni mai thei.












Chaw kan ei lai chuan hreh zet chuan ka sawi a, an ngawi vang vang, Zodinsanga pui reuh chuan "ehe kan mi lara chu rin aiin a che rang deih" a rawn la ti zui a, ka nu a nui chhuak tep chu ka hmu hman, "lo ngawi rawh, fiamthu na hun a nih loh hi" ka pa chuan alo ti vat, chaw chu kan ei mawlh mawlh hlawm a, ka pa chuan "nangma ngaihdan a pawimawh ber, kan neih tur a nilo a" a tih chuan ka thaw huai.
















In ngaihzawnna kawng leh tiang kawngah hi chuan ka chhungte hriat tir hi ka hreh thin a, Zodinsanga vangin, Christa nena kan in ngaizawng tih pawh an hriat phah a nih kha, chhungte sawi pui hi ka hreh tlat thin, Rini chuan chaw ei lai lai chuan ka beng bulah, a phur zia thu a rawn sawi reng a, kan in nghawk leh ang sawk sawk thin, awmzia a awm der lo.










Chaw ei kham chuan ei na vel chu kan ti fel mawlh mawlh a, Zodina erawh a room lamah a tawm leh deih tawh, ka nu te erawh sitting room ah an titi a, kan tih fel zawh hnu chuan kan thu phei ve vat, "rei vaklo in thu khawmuang ila, kan kal zui mai dawn nia, a tlai chhist hma a, kal a tha " ka pa chuan a ti a, keini pawh kal hma tiin, in chunglamah kan chho nghal.














"Zodina sawm ve ila a tha ang" ti sap in, a room ah chuan kan lut a, a dan ngaite in games alo khel leh tawh, "Zo lo kal ve la, chuan Tu emaw tete number chu ka pe ang che" ka ti kual vela, sawm nawn a ngailo chiang a sin aw, a rawn in perh tho rang ngang mai, computer class kal that a duh thu a sawi a, computer class zirna ka hawng ang te a tia, hepa hi chu a nghet thlawt lo.















Christa nau hi a star a, a number a mah ngei a dil ngam silo a, min dil reng a, Rini lah in, ka pek loh chuan pek a tum bik silo a, Christa a dil ngam bawk silo a, min dil reng zel, "tak tak maw, ka lo kal ang, kal ang u, chuan khawk a number chu" a ti nghal zung zung a, "a mak teh chawng lutuk, nakin deuh ah kan kal dawn, a number chu whatsApp ah ka lo thawn ang che" tiin ka chhuak nal nal..














Rini nena an in biak zawk hnu chuan Rini pawh alo chhuak ve nghal mai, "ka room ah kan lut leh lawk" tiin a room lamah a lut phei nghal a, keipawh vawiin a ka chhuahna ka la thlak loh vangin, in thlak turin ka room ah chuan ka lut nghal, ka phone ka kekawr ipte a ka ah chu a ri nghal zat, ka en nak chuan Christa alo ni "aw hello" ka ti nghal lang lang a, "chaw I ei tawh em? " a rawn ti thawm sap, ka ei tawh thu in ka chhang ve mai














"Zanah kan rawn leng ang, Duhawma te nen" a tih chuan kan tih tur vel chu ka sawi a, " a nih chuan kan theih tak leh bungraw ken pui tur cheuin kan lo kal ve dawn nia" a ti a, ka lo aw ve mai, " e chuan ka sawi a" ka ti sap, a hre thiam tih hriat zet hian " chuan engtin nge an tih?, min neih chu an phal em? " a aw atang chuan a zam ve hle tih a hriat, "ka pa in, nangma thu a nia, a nei tu tur kan nilo a ati" ka tih chuan a thaw huai ri ka hre zawm zat.


Show post links
Top

[Ngaia]

KA ‘D'











CHAPTER-23













BY CHHEPHAKI MUANI










Rini te in ah chuan kan thu thap a, Zodina pawh a thu ve kur bawk, hepa hian tih tak zeta, a vei pakhat na a ni ngei ang, kan bula chhuah ai chuan a thiante nena awm khawm emaw, in a awm kha a thlang zawk a ni ngai a niah, ka ei thlawt lo "Rin I thawmhnaw chu han pack la, kan haw leh nghal vat loh chuan" ka pa chuan Rini nu leh pa te tawng hma chuan a ti a.














Rini pa chuan thinrim zet hian "fanu lak tlak loh lutuk mai, ka mamawh hrep lo che, I thawmhnaw chu la la, chhuak rang ang che, mahni unaupa pawh tanlo a, a bei zawnga khawsa fanu ka mamawh hrep lo, ka sum chhe te mah hi, rawn beisei suh ang che, I in chhir a, harsatna I tawk a nih pawn, keini hi chu thi tawh angah min lo ngai ang che" a ti phiarh phiarh a.














Ka pa, pa zaidam tak mai leh tawng zen zen ngailo pawh chuan mahni fa te ngei tih dan atan chuan na a ti deuh nge, " e kan fanu a ni tawh a, nang ni in a, khatia in tih tur a ni reng reng lo, ka duh hauh lo bawk, in duh lo a, in tui thlar tawh bawk a, thu leh hla rawn neih tum bawk suh ang cheu, ka enkawl anga, kei nin in duhloh in fanu chu kan duh alawm, a harsatna leh a tawrhna pawh kei nin kan lo tuam hlawm ang" a ri hmak a.














Tumah an tawng tawh lo, a nu chuan nu te nge nge an lo nia nge, chutia a fanu thlahthlam chu a har a ti ve deuh nge, "bawihi I pa hi ngaihdam dil rawh" a rawn ti a, mahse Rini lah mi luhlul leh a duhloh zawng a nih tawh chuan a rilru thlak theih loh chuan "mahni fate pawh an diklo na ah pawh diklo taka thil an ti tih hre vek chung chhan tu pa ka mamawh lo, a fapa chu a duh leh jail atangin va chawm mai rawh se" a ti vei hmak a.














"Ti rawh ka in pack pui ang che" tiin Rini tawng leh hma chuan ka ti ta zawk a, Zodina pawh a rawn ding chhuak ve vat, "A nihna khu a hrelo nge a hrelo der zawk ni, ka pa a ni hi ka zak takzet, kohhranah lah upa a ni a, hna zahawm tak a nei bawk, chuti chung chuan tiang hian a awm thei a nia" a ti niah niah a, a room kan thlen tak vangin kan ngawi ta hlawm.











A thawmhnaw chu alo tam vei phian a, a pheikhawk nen, a in cheina zawng zawng nen, kan pack nghal vek a, motor kan keng tho bawk nen, Zodinan bike a keng bawk a, tih dan dan a awm mai tur ah ka ngai, motor hnung lamah chuan Zodinan a thiar thla mawlh mawlh a, a te nawi ho erawh a bag ah chi ho ah kan khung a, bag lian ve deuh pakhat ah kan khung khawm.












In rem len dan dan a awm ve mai bawk, a album kan thianho in a, kan tet te atanga tun thlenga kan thlalak kan nei album a kan siam tir chu a keng a, Puipuii thih ni a, kan pahnih chiah a kan lak pui na leh, mipa ho te nena kan lakna te kha kan dah leh bawk kha a nia, Puipuii kha chu la dam se chuan a thinrim pui ber ber Tu ah a tang awm sia.











"Christa nen chuan engtin maw ni ta a " Zodina chuan in hnuai kan pan thlak lai chuan a ti a, ka nghawk sawk, sawi hun hi a hre thlawt lo, a mah lah chu ala nui ang huk huk zui a, "tak takah, ka phur haw dawn che nge, Rini ka phur zawk dawn" a tih chuan Rini phur zawk tur chuan ka ti a, Rini nu leh pa chuan engmah an sawi leh tawh lo, thlah pawh min rawn thlah lo.












A tha ka ti zawk, an hmangaih loh zia lang chianah ka ngai, ka thin a rim hle nangin tawng ka tum lo, ka pa te an awm a, puitling kutah ka dah hmiah, in kawt kan thlen rual rual chuan Ruatfela te in atang chuan Christa te thianho leh Ruatfela an rawn chhuak nghal zat a, kan haw hun lo ngai chang ran ang mai, "nang ni teh thawm chuh" ka nu chuan tiin a nui hawk a.













Ka pa erawh a tawng leh tawh lo, a hmelah chuan a lungawi zanlo tih ka hria, a awm ve reng, a fanu ang tak tak a lo en tawh, naupang tet atang tawh a, keini nena min en dan dangli kha a nia, chutia a mah a hring tupa ngeiin a ti chu a lawm hauh lo tih ka hre thei mai, ka pa hi chu dik ni a, a hriat ah chuan mi chhan pe na tak a ni ve reng reng bawk.











"In rawn thleng thei maw, tu emaw za deuh cheng hi tih ngaihna kan hrelo a, kan lo nghak deuh tawp mai cheu" thawveng zet hian Duhawma chuan tiin min melh deuh kher leh nghal a, ka ngei tak tak a ni midang chuan hre thiam lo mahse, kan thianho chuan kan hre chiang hle thung a, an nui hawk reng hlawm...











"Lut hlawm ila, pawna din reng ai chuan" tiin ka nu chu a lut zui nghal a, ka pa in a hnungah a zui ve nghal bawk, "awii ipa kha avan lungawi loh hmel em em" Duhawma chuan a rawn ti nghal su su a, "nia nakinah kan sawi dawn nia" ka ti ringawt, "kha mipa ho kha hei thiar lut ru, ka room bul chiah in chung a room tawp ber ah khan dah ang cheu" ka nghal zat.













"Awiii Lalrini thawmhnaw ngah zia hi" Duhawma chuan a ti deuh duai a, hepa hi eng tak a hria ni maw, a rawng duai duai reng le, Chirsta nen an hnungah kan zui lut a, "Duhawma hi enge a hriat a, a tawng tuai ta em em ve" tiin ka zawt a, a ni chuan nuih hawk pah hian, "Sangsangi a then nan, tuai angin a awm der dawn a, a ti chhin vel a nih saw" a ti a, ka nuih a za hle, a hmel leh a awmdan vel chu a in hmeh hle bawk.













"Kan va la hahthlak tlang vele" ka ti sap, "a rang thei ang bera in neih ka duh, chuvang chuan palai ka rawn tir vat ang, ka nghak rei tawh che" a ti chu ka awih lo lutuk chu ka ner nasa mai, kan in ngaihzawnna pawh thla a vei chauh a ni a, kan la naupang viau nangin, khulama a awm chhung lo nghak ta ila, a cham chen tur a













Zingah chuan Rini nen chuan hma deuh takah kan tho dun a, kei pawh keilo ang takin, ka tho hma ve hle, "enteh Christ hi nei ta ila, ka tih sual hi i ring em? ka hre thiam lo "ka ti hap a, ka chhungte chuan min duh pui tho tih ka hria, mahse hmeichhia chu vawikhat tih sual tawh chuan kumkhaw hming chhist a ni bawk nen, ka hre chiang viau angin in hre mah ila, mipa rilru hi chu a hriat tak tak siloh.















Kan thenawm nu pawn, an pa nen kum5 an in ngaihzawn hnuah an in neih thu a sawi a, zu a in thin awm ka hre ngailo a ti, in nghah na tlak ah ka ngai a, zu in lo mi an vang tawh tiin, ka chhungte pawn min duhpui hle, mahse kan in neih atanga reilote ah, zu a in tih ka hre ve chiah a ti, a awm viau, keini phei chu kan in zuina la reilo si, "ka hrelo mate, mahse a ni hi chu a zia hi chu ka hre chiang tawh viau chuan ka hria,













Misual a nih ka ringlo, zu in chu nise thian chuah kan nih laia, kan thianten an in a, in tura an sawm te khan alo hnar tawp nang" a ti a, dik ka ti viau, zu hi ka haw ber a, an bula awm ringawt pawh ka hne, "ka hlauthawng alawm" kan ti leh ngawt thin, "chutiang in ngai mah ta che, mipa tha tak alawm a nih" a ti leh chuan ka bu nghat nghat.













Christ a hmanhmawh bawk nen, naktuk zanah palai a rawn tirh tur thu a rawn sawi kha a nia, thenawm lawk atangin palai a rawn tir dawn a ni mai, "eheee Ramnunsanga mai mai chuh" Rini thingpui in pah a, phone en chuan a ti chhuak thawt a, "enge" ka lo ti hu thung, "a tlan chhuak jail atangin" a rawn ti hlar a, ka meng phawk ngang mai.















"An va han veng tha awm lo em em" ka ti vat a, "an veng tha awm e mai, saw lai jail ve reng ruang ah, tlan chhuahna tur pawh a awm mang loh saw, an ruahmanna bak va ni suh, ka man chhuak leh khawp ang" a ti deuh hmuk a, engtak chu hria chu ni maw, rawng a bawl a, kei in ti rawh a tih ka lo ti ve zel, rawngbawl pawh hi zir ve ngai ni.













"Rin engtik atangin nge rawng hi i bawl thiam" ka lo tih chuan "keichu kan awmpui te bulah ka zir, kan awmpui tr rin tawp ai chuan ka tia, bakah keini phei chu pasal neih hma bak kan nia, zir ve vek a ngai lawm" a ti ve ngei, ka eilo lutuk chu ka ner nawng a, ka melh ralh bawk, "Christ alo leng dawn a" ka ti a, alo eilo teh a sin "keipawh kan pa te in ah ka va leng teh ang, in in ngai ber awm e, zanah lo leng tha duh mang silo" a ti hmarh hmarh.















Nia zanah hi chuan ka chhungte an kim thin sia, a rawn leng tha ngam ngailo, ngam ve tawh viau mahse ka pa hi a hlau deuh tlat a, a rawn leng tha vak duh ngailo, an awmloh a chuh that zel, vawiin lah ka nu mitthi ti ila khawhar in ah, kan veng mawng lamah a kal dawn a, Zodina hi chu ngah mah a ngailo ve tawp, ka pa lah hna kal a ngai bawk.













"Kan awmpui nu hi engtik ah nge alo haw dawn le, awii a hming hi ka theihnghilh leh thin, ka hre rei theilo reng reng, ka pi ka ti leh ngawt zel" ka ti a, a dik reng bawk, ka pi tiin a mah ka au mai zel a, midang a awmna ka zawh hi chuan ka pi ka tih hian an hriat mai loh vang hian, kan awmpuinu hi ka ti mai thin, mahse chutia ka han ti chu nuam ka ti chiah thinlo.













"Naktukah a tiin ka hria, zir ngei ngei ang che, pasal nei tawh dawn pui si hi" a ti leh chiah chu kan in melh rum a sin aw, Puipuii awm ve se chuan a nuam a tih tur dan ka ngaihtuah kual mai mai a, ti hian a sawi thin "keichu ka hmanhmawh lo, pasal nei vek phawt ula, ka nei ve ang, thianah ka tang veve anga, chuan in harsat laiin in kiangah awm theilo mah ila, ka chin fel pui thin loh cheu leh phone atang talin ka hnem phawt cheu nga, in upat deuh hunah ka nei ve ang" a ti thin kha a nia.















Ka mittui a hnai leh kuar tawh, ngati nge a kal hma bik em em, kei tal zawk hi nise a ni chuan khawvel ah hian tih zawh loh tam tak a nei si a, ti ten ka ngaihtuah a, mahse thil thleng lo tur mai a ni si, ka nu te rawn thawh hnu rei vaklo ah chaw ei ka rawt chuk chuk a, ka ril a tam tawh em a ni, Zodina pawh phak tawk in a rawn chhuk chhet chhet bawk.















Zanah chuan Christ palai tirh te pawh an rawn leng lut zan zan a, keilah ka thiannu ka unaunu ni bawk, Rini chiah ka lo la hrilh si, ka lo hre leh tawh lo chu niin, ka pa leh ka nu chuan min melh hrek hrek mai, in thlahrun awm duh tak a ni, ka mawl leh lutuk hi chu aw, engtia tih chi nge mawni dawn ni, an bulah chuan Rini nen ka nau nen kan thu ve ran a.













hawi pawh ka hawi chhuak ngamlo, Rini thingpui lum a, a tho pawh chu puih tum a thawh nachang pawh ka hrelo, ka awmdan chu a lai vel vek hian ka hria, ka ni deuh huih mai, Zodina chuan min nghawk pah hian " thingpui va lum pui ta che" a tih chuan ka harh zawk hi a ni ber, ka tho zawk a, choka lam ka pat vat, "awii ka nu te kha i hrilh tawh emaw ka tia" a ti zawi su su a, ka theihnghilh thu ka hrilh ve mai.














Mawl min tih hmel lutuk chu ka lo ner pui sawk, mahni lo mah a, in thlahrun tawh nak laia, ka phone notification a rawn luh vang chuan ka kekawr ipte tang chuan ka phawrh nghal zat, Christ alo ni "enge chanchin a rem" tih chiah ka hmu thei, WhatsApp ah lut vat in, a mah ah chuan ka lut nghal a "enge chanchin a rem an tih hmel em, I chhungte chuan" tih hi alo ni.











"Ka lo hrilh lawk silo a, mak an tih hmel rap, in neih kan duh thu kha chu ka hrilh tawh a, mahse tun tut tut a nih an ring vaklo niang" tih typa in ka thawn nghal a, thingpui Rinin alo siam peih vek tawh chu chhang nen kan chawi phei dun a, an hma a dawhkân lian over silo, sofa kuala kan dah ah hian kan chhawp nghal a.












Ka pa tr chuan chhungkua kan lo in rawn khawm ve ange, tiin alo chhang a, an chhuah hnu chuan ka pa chuan "in va hmanhmawh hmel ve? " a rawn ti ta reng a, "nia, ihhh a mah hi ramdangah contract an sign pui dawn a, a rawn haw tawh loh vek pawn, kum5 emaw kum6 velah chiah alo haw dawn sia, a kal hma a in neih a duh a" ka ti sap sap, ka in thlahrung viau.













"In nupui pasal neihna turah hian ka dang hauh lo ang cheu, chu chu a tha e, ka tan a tha ang, kumkhua in kan in kawp thei ang in ti a nih a, in nei duh a nih chuan in nei ang, in hmanhmawh dan em em hi, I rai lawk a nilo maw" a ti chiah chu ka meng phawk ngang mai, "paaaa.... a mak, dankhatna kan la tlin rapthlak" ka ti hlar a, midang kei tih loh an nui nghal vek, "tak tak a, kan han fiamthu hlut na in, Christ chu sawiselna tur kan hre hranlo, mifel tak a ni a" tiin a dang pawh tam tak a sawi teuh, thu tha tr pasal neih tawh hnu a awm dan te, a tam khawp mai.














Rini leh Zodina lah chuan min chhaih zuk zuk reng a, kei ka lo thinchhe bawk nen an ri leh awk awk zel, nitin in ka pi bulah rawngbawl ka zir a, ka thiam ve tawh khawp mai, a tir kha chuan ka beidawng khawp a, Christan a hman chang changin, min rawn len chilh thin a, ka rawngbawl zir lai min hmuh fuh chang a awm, a hman leh lutuk hi kan in vin leh thin.












"Duati khawnge i nu tr" zan alo len chuan a rawn ti a, "an awm lo, ka pa chu alo haw lo ang, a night tlang dawn a, ka nu chu thenawm dawr ah sawn a leng, ka nau chu ka hrelo, Rini chu in chung berah, ehem nen an awm" ka lo ti a, a nui hawk "okkk... palai an rawn kal leh hunah chuan a rem tawh angem le" a ti vawng vawng a, thil a hre thiam lo thei lutuk hi ka nuih a za.













"Rem tawh ang, enge ilo tih dawn reng reng a" ka lo ti ha, "tak tak ah, Ruatfela te ho nen, sawi ho ngai kan nei a, an in a ka luh hma ka lo kawi e ka tia, mahse hei a mah zawk ka kawina in ah alo leng leh deih sia" tiin a nui tel hawk, kei pawh chuti tho "rawn kal rawn a ti ve em em a" ti chung chuan a phone a phawrh nghal a, hawi kual deuh zuk zuk chung chuan ka hmuiah a fawp zeuh, ka melh rum tha kher mai.











(phawt mai uka kut a kham tawh, add click kha aw)


Show post links
Top

[Ngaia]

KA ‘D'












CHAPTER-24












BY CHHEPHAKI MUANI








CHRIST POV*








Palai vawihnih an kal hnu chuan a ni nen an rawn sawi rem thei a, ka pa chuan kan la naupang nghak deuh rih ula, ilo haw hunah pawh a theih tho alawm, ti mahse a kiangah ka awm reng thei dawn lo a, a hma ang khan lehkha zir ho in, nitin deuh thaw kan awm dun thei dawn lo a, chuvang chuan hlau thawng reng reng a awm ai chuan neih mai a, ka kianga ka kal na a, kal tir ve reng ka duh zawk.














Midang min neih san ang ka tihna a nilo a, mipa dang a biak emaw a hnaih ka duh loh vang a ni, khu lama ka chhuk hunah phei chuan a tan hun ka nei reng thei dawn lo a, chuvang chuan hruai ve zel thei turin neih ka duh mai a ni, kan thiante lah chuan min chhiah reng leh nghal a, Ethan thianah ka hmang dawn a, a nin Rini a hmang thung ang, Duhawma han hmang dawn ila, a duh teuh bawk silo.













Dan khatna a ni bawk nen, mi tu pawh chuan min lawmpui a, kohhranah in hmang em em lo mah ila, min lawmpui tu leh min rawn len chilh a, min fak der ve tu an tam ve khawp mai, ka nu a phur khawp mai, ka thiannu fanu i nei tur hi a mak a tih loh leh awii ka fanu tur chu rawn lawi vat se a ti chhen a, engkimah ka hriat loh thlengin a buaipui vek hi a ni mai.











Mokawr ha tura kan tih lah in, kan duatin a duh bawk silo, kan hahthlak a nia hak a har si a fual bawk si, pheikhawk sang bun a ngai bawk anga, ka peih lo ti tlat a, mahse a chhungten an hrilh fiah fe hnuah, lungawi zanlo in a pawm ve hram, thla thar ah kan in nei dawn a, a thlaleh lawk ah kan chhuk nghal a ngai dawn bawk nen, kan buai deuh nak nak nghal a, buaipui tur a tam ve zek bawk nen, duati nen pawh kan in be hman lutuk lo.














Man hlanna chu thla thar phat nikhat ah an ti a, an ni lam pawh an buai khawp mai, an fanu thlah nan, thenawm khawveng chaw hlui kil pui an duh bawk nen, kan in be hman meuh lo a ni, zanah erawh, phoneah kan in be mai zel, ka pa in an in a va len kha a mawi rih lo a ti tlat bawk sia, in hnaih viau e tilo chuan kan in hmu thei meuh lo.












Ka unaute lah an phur khawp a, hmeichhia ka ngaihsak loh zia an hria a, bialnu ka neih kha an ring ngailo a, min lo duh der ve tute pawh ka hau let hrep zel a, hei vang tak hian hmeichhe hlaua min tih phah kha a nia, an rin loh deuhin ka nei hmasa ber dawn chu a nia, ka u ai pawn ka nei hmasa zawk tur chu kan naupang ber in mak a tih thu leh nuihzatthlak a tih thu a sawi zeuh thin.













Ka room ah chuan in bual turin ka lut a, naktuk hian mo thuam en tumin kan kal dawn a, Ethan pawh kan in lamah a tam tawh hle, Duhawma hmuh tur a awm tel ziah bawk, a ni hi chu Ethan mei deuh reuh kha a ni miau a, "bro engtin nge Ramnunsanga kha an tih tak? " ti chung chuan Ethan a rawn lut a, Duhawman a rawn zui zat bawk, ka kawr ka phelh tawh chu ha ta lemlo chuan.













" Ka hre mai biklo, an sawi dan kha chuan hmuh tur a awmlo a ni awm e, ruahmanna tha tak hmanga chhuak pawh a ni mahna" ka ti sup, Duati te in lam atanga hmeichhe rak tuarh tuarh thawm kan hriat chuan kan in melh kual thap a, an in lam chu ka tukverh atang chuan kan en nghal vat, mahse engmah a hmuh theih chuangloh, ngaihtha zan lo chuan ka kawr chu ka ha leh nghal a.












Thawm lah chu a reh deuh hmak bawk si nen, "a va mak ve, kan va kal chhin dawn mi? " Duhawma chuan a ti a, keipawh ka ngaihdan chiah a ni, "nia tiru ka en fiah kha a sual miah lo ang" tiin Ethan chu ka khum a thutna tang chuan a tho chhuak a, keipawh chu kawngka lam ka pan nghal zat, pawn kan chhuah chuan thenawm khawveng an lo awm nak nak a, tam erawh an nilo.














Kan awmna hi tlem a, in a khat deuh tawh vang pawh a ni mahna, an rawn rak dan tang khan ngaihthatna chi a ni miau lo a, "bawiha mipa pakhat a lut an hmu a ni awm e, Rini leh Zeli chiah in ah an awm an tia" a tih chuan ka ngaih a tha tlat lo, Ramnunsanga a nih ka rinna chu alian khawp mai, kan va lut chhin ang" tiin Ka thiante chu ka mitmei a.













Kawngka pawh kik lo chuan kan lut nghal a, ka rin dan chiah a ni, Ramnunsanga chuan hmeichhe pahnih chu chem hian alo tin a, sofa lam a nih vangin sofa a hlauh hmel taka thu te pahnih pawh chu kan hmu chiang khawp mai, Ramnunsangan min hnung chhan zawnga a din vangin, kawngka ri ah chuan alo hawi phei vut a, ngeiawm zet in a nui suk.













"Hmeichhe pahnih kha rawn kal tir rawh" ka ti hrawk a, ka thin a rim hle, "henu hi ka chhuah ang maw, teuh lo a mah vang hian jail ah ka tang a, henu" tiin Rini chu a melh tih kan hrethiam mai "unaunu lakthlak loh, mahni unaupa lam pawh tang duh lo" a tih lai mek chuan Ruatfela alo lang ve nghal zat bawk, a hmelah chuan a thin a rim ve fle tih pawh a hriat.












"Nang ang unaupa ka duh reng reng hlei nem" alo ti ve bawk, "hmeichhia khatia vo vo lo khan, kan sawifel zawk dawn em ni? " ka ti hrawk a, a rawn hawi vut a rawn hawi lai tak chuan duati (Zeli aw, duati tiin kna auh tir tawh ang) chuan a ke in sofa rin chhan chuan a chemte kenna lam chu alo tlawh sak chawrh a, chu velah ka thlan phei vat.












Ka thiante pawh an rawn phei ve nghal tih ka hria, Chemte a chhar leh hma chuan a banah ka herh sak a, hnunglamah ka nem bet chat bawk, "nep lutuk" ka ti zui hluk, "avan tha em em, flim lo en nasat pawh hi a tha nih hi" thawveng zet chuan duati chuan a ti leh tawh, a va han hlauthawng reilo ve ber tak, hemite thianho nihna chiah a ni, "keipawh ka hria a, tih ka tum chiah a I rawn ti bawk sia" tiin an nui dun hak hak.












Ka vawn beh pa chu a tal deuh fat fat na in, ka vawn ngheh em vang in a tal chhuak theilo thung, "in va han thawveng dun ve chiang tak, ngaihtuah deuh cheu a, in tha em? na in nei em? te tih ve kan tum teh lul nen, in mawl e mai" Ruatfela chuan a ti deuh bui bui a, hmeichhe pahnih lah an nuih a za khawp mai, "hepa hi jail a kan khung leh a nih chuan a hnawksak leh dawn tlat, tih dan ka hria" tiin Duati chuan ti fuh in ti deu chuan














"Mi â dah khawm na ah dah ang u, a tlan chhuak tawh miah lo ang" a rawn ti a, Ethan alo nui hawk, keipawh ka nuih chu za viau mahse ka nui ta em lo, "I ti mak ve bawk e a" Rini chuan nuihza in sum tak chuan a ti a, "nge a nia lawm, a tha dawn em a sin, jail ah dah leh ni ila, hei ai hian kan buai thei" a ti a, adik viau bawk nen, kan remti tlang ta mai.











Ka man beh mek chuan chutia mi â dah na a dah chu a duh vak biklo nge, a phun hluk hluk a, a tal nasa sauh bawk "tal tal lo mai rawh, I chhuak dawn chuanglo" ka tih hmuk lai chuan midang thenawm khawveng pawna lo awm tr chu an rawn lut khawm a, an hlauh thawn thu a rawn sawi deuh sap sap mai, "Zeli tih dan takah, mi â dah khawmna a, a enkawl tute kan be nge" a ti a, kan nui ta vek.













A hnu rei vaklo ah an rawn thleng a, duati lah dawt sawi chu a hneh khawp mai, " hei kan thiannu unaupa hi a nia, a ât a chhuak ngun lutuk a, mi tih nat duhna a nei bawk nen, kan him tlan zawk nan, kan tia " an ti kual vel chu an awih khawp mai, "ti kha chuan a fel vek tawh a ni mai, hahdam thlak mange, a hmel te kha vai a ang si" Duati chuan an hruai chhuah hnu chuan a ti vei nang nang.













A awm lo viau nain, police ho tr nen in thu rualin, a tlan chhuak leh lo ang tih tunge sawi thei, ti khan a awmna chen an hrelo anga, mi â dah khawmna ah kan dah tih pawh an hrelo anga, a tha vek a ni mai, sum hian engkim a lo ti thei a nih hi, dikna aiin sum in lalna a chang thin an ti thin, mahse sum hian in thil sual tihte, in thil tih te, mi tham nan te hmang mah ula, he khawvel Pathian ta leh a kut a awm ah hian zep hlen theih engmah hi a awm ngai lo, hai lanin a awm leh nge nge thin.














ADD CLICK AW)


Show post links
Top