KA ‘D' BY CHHEPHAKI MUANI (Completed)

[Ngaia]

KA ‘D'













CHAPTER-25











BY CHHEPHAKI MUANI







WEDDING DAY




Christa nena kan in hmangaihna kawng zawh dun zel tur leh hlim taka kan nun kan hman dun zel theihna tur atana kumkhua kan awmdun a, tumah in min then hran theihlohna, tur in biakin dar ri kan pahnih tan chiah a, dar ri chu a mawi takzet, ka phur a ka zam bawk, ka taksa zawng zawng hi a sa chhuak vek in ka hria, ka awmdan ber chu naupangin an phur zawng deuh tih tum a, ti hreh si, ang khan ka awm.












Biakin chhungah ngei chuan mipui tam tak kal pelin, ka pa chuan Christa kunah min hlan a, ka pa in Christ kuta min hlan dawn a a thusawi chuan ka hnuk no a kai chhuak lek lek, a hmun in zir chu nise ka tap ngei ka ring, "ka fanu hi mawl mang ve tak, kan duat leh engmah kan tih tir phal ngailoh naute en taka kan enkawl seilen a ni a, engmah a thiamlo anga, a che pawh a ri phawr phawr thin, thil a ngaihtuah tawiin a thin a chhe em em a, a nu hi chuan thinrim chuang silo in a hau leh thin, mahse kehthei dawm tak neuh meuh in kan dawm a, tha takin I enkawl dawn nia, dawhthei la, a tah belh hle vangin, I dawhthiam dawn nia, I kutah ngaihngam takin ka hlan che a nia" tiin a chah a.















Ka pa kan chhungte thutna hma lama a phei chu ka en vang vang a, ka mittui rawn tling tur chu hruk theih ni heklo, ka khap let fak fak a, Rini ka bula ding pawh a mittui a khap let sak sak, ka pa hmela lunglenna leh min ngaih tur zia ka hmu a, kalsan hreh viau mah ila, bo hlen tur ka nilo a, kan dam chuan kan tlawh zeuh zeuh dawn tih chuan ka in hnem na ber a ni.











Christ chuan ka mo thuam hak chu a melh vung vung a, ka in hmeh thu ka beng bulaha sawi sup, ka lo lai leh hman viau bawk, pastor in thu min chham tir lai te chuan thinlung takin ka chham a, Christ pawh chuan a thinlung takin a chham tih kan in hmachhawn laia, a hmel awmdan leh a aw ri chuan ka hre hneh hle.













Kan hma hun chu ka sawi theilo, kan nun hman chhoh turah enge kan tawh ang tih kan hrelo a, tunah chuan kan la naupang a, hmangaihna awmzia pawh hre fiah lo tur rual kan ni, mahse chiang takin ka hria a ni, kei hian Christopher hi ka hmangaih tih hi, mipa a ni a, mipa rilru ngheh loh zia hre chiang hle, kan nun lo hman chhoh tur ah, hmeichhe dang duh a neih chuan ka dang lo ang, ka tuar mai ang, tunah rih chuan a ni ka nei hi ka in chhir lo, ka in chhir ngai bask heklo ang, ka hmangaih hmasak ber a ni a, a theih chen chen chu ka chelh tur a ni, ka theih tawp ka chhuah anga, hmeichhe dang apan loh nan kei hian hma ka la zel ang.















Ni e a dik Christ mitmeng ah hian min hmangaihna, min duatna te pawh ka hmu thei, mahse hmangaih dang a nei ang tih hlauhna neih chang ka nei a, mahse ka in hnemna ber chu a ni chuan a thil tih tawh leh a ko a tla sut leh emaw hlen loh a nei ngailo tih hi, pawnah chuan in neih a zawh hnu chuan thla tr kan la a, ka rin aiin min tawiawm tu leh min lawmpui tura lo kal an tam hle a.












Kan ni ropui bera tiang ang khawp a min hlimpui tu leh min lawmpui a lo kal an tam te hian hnuk a ti ulh lek lek hial a ni, "Duati i va chuah tawh hmel ve? " tiin thla kan lak zawh hma hret thla min lak pui tur te in siam rem lai chuan a rawn ti su su a, ka pheikhawk sang bun ber hi ni ka buaina ka bun khat bawk nen, ka ke chu nat na men lo in a na tawh, "ka ke hi a na tawh lutuk" ka ti deuh sar sar a.













"Kan zo tep tuar hram hram rawh, kan lak zawh ah, i bun tur kan la dawn nia" a ti ve mai a, lak zawh lamah tr chuan haw a in thlak a ni tawh mai a, hepa ber bur hi chu aw, thil tr hi a mual bo hian a bo emaw ni dawn ni, tleirawl leh nula kal an tam em em a, a chhan pawh mizoram basketball player lang sar ber leh sang ber a ni miau a, duh tu a ngah in, ngaisang tu pawh an awm nuk mai.













Mizoram mai pawh anilo, mizo chuan min lawmpui tu an awm rualin, min sawisel tu an awm tih ka hria, kan in neih hma tang tawh reng in, Instagram te, Facebook leh internet hrang hrangah min sel tu an awm nuk, ka hmu nual bawk, mahse ka dawh hram hram a ngawih ka chuh thin.













In lamah chuan kan phei nghal a, kan Lalethana lah chuan mo hruai hnai ber kan la ni ang, a ti deuh reng mai bawk, a phusa ber ah Lalduhawma leh Rini an tang bawk, min tih laih phet an tum a, hemite pahnih hi chu awmdun chi pawh an nilo, an awmdun tawh hi chuan zahna bak kan chang ngailo reng reng mai ni, Christ te in kan thlen chuan mi an lo awm ve nak nak a.















Tlai chaw ei tur an rawn kal khawm tan tawh bawk nen, fatu lam pawh an che nak nak mai, an kawt a kawngpui hnaih a ni bawk nen, an in lian viau mahse a chep ve tho mai, mihring kan tam vang pawh a ni mahna, an in hnuai an la sak zawm loh ah chuan rawng an bawl a, an ri le lu mai, tiang ang ni khua hi chuan veng chhung pa ho deuh leh zu in ve ho hian nuam an ti thin a, kan zurui reng a pawh a tel ve leh tawh khu.















Patling zurui deuh kai deuh phual ho pawh fatu na lamah an in daih zai khawp mai, an tawng ring bawk a, in kan luh thleng pawn ala hriat ruai ruai theih, in chhung an beng chhen nen, "bawihi kha hei i ni Sanghmingi pek che, alo kal thei silo a, thupha chawi pah in a tia" tiin keima nu zawk thut khawmna lama lo thu kan lut tih a hriat ruala min lo pan pah chuan a ti a.












Sarang dum a, a khung deih vangin enge a nih ka hre theilo, "enge a? " ka lo ti hu, ka ni Sanghmingi hi chu an khawsa thei bawk a, a chhiat vak ka ring lo, "kha puan chei leh in pa ta tur kawr a rawn pe cheu a nih kha" a ti a, en lemlo chuan ka khai tha ve mai, nakinah ka en mai ang chu, kan thian ho chuan in chungah kan in zui chho a, ka kawr hak hi ka hlih chak tawh dan chu pui tak a ni.














"ngawiteh keichu, kan zu ruirenga ka zuk bawl teh ang, ka rawn chho leh vat ang" tiin Duhawma step kan chhoh lai lai chuan a ti thut a, a chhuk leh deih, hahthlak lutuk hepa hi chu aw, Rini erawh mothiana ka hman vangin, ka bulah in thlak turin kan kal chho tlang a, "Duati lo in thlak ula, in chungah kan han chho lawk" tiin Christ chuan in chung ber a nu in pangpar vel leh tui dahna an dah na ah chuan an chho a.













"Khamite pahnih kha thil tum an nei chiang mai, han chhoh chhan tur an neilo hrim hrim" a ti hlak hlak a, Christ an a in ka rin loh vangin ka nui ringawt thung, kan in ngaihzawn atangin a in awm pawh ka la hrelo, bakah in fiammi a ni a, a taksa tana tha lo tur chu a tih duh ka rilo, kan in thlak zawh chuan in hnuai lamah midang pui turin kan chhuk leh nghal a.














Han tawm bo reng kha a mawi loh vang a ni, thuam chhawp pawh kan in hnaih bawk a, mi rem hnuah an ti khan ka hria, midang min lo be ve nak nak Tu an awm ve reng a, Christa nu ka nu a ni ve tawh mai ang chu midang nena kan in be zo chu kan thian dun chuan min au a, a lam chu kan pan vat, "bawihi khawnge in pa hi" a tih chuan ka lai ringawt nia.














"In chungah Ethan nen an awm rih a nih kha" ka ti sap, midang lo thu khawm ve upa lam deuh ho chuan ka hmeltha thu leh ka fel an tih thu sawiin min fak sap sap hlawm a, ka lai lutuk chu awm dan tur pawh ka hre mai lo, ka lai kual vel vek a ni ber, an bulah chuan thutna remin kan thu ve ta reng a, Christ chu a bo rei ka ti tawh hle.














Tiangah te chuan han bo vang vang mai ni, "chaw ei lam kan hnaih dawn em niang, hun serh a ngai hran tawh lo turah ngai ila, a tlai tawh bawk nen, hei upa lam kan tam bawk si nen" tiin Christa pa chuan a ti deuh chuarh chuarh a, "an dawh tan tawh a, upa lam dawhna tur an siam ah khan kan dawh nghal mai dawn nia" ti leh in midang ho pawh chu an tho sang sang, Christa ka bula rawn ding chu ka lo melh rum nghal ringawt a, ala nui suk zui a.
















Chaw te kan ei fel meuh chuan tlem a awm khawtlai deuh chhungkhat leh thenawm hnai an awm tih mai loh chu tu vak an awm mang tawh lo, in leh a vel kan tih fai pui thuak thuak hnu ah, in chunglamah ka thawmhnaw rem turin kan lut bo a, ka chhawm luh tur ang pawh, chaw ei kham rual khan an rawn dah tawh bawk nen, room chu a hnawk hle.














"I thawmhnaw hi rem phawt ila, chuan present vel hi chu nakinah kan buaipui mai dawn nia, chhungkua a tih pawh a tha" Rini chuan a ti a, ka lu ka bu nghat nghat, ka nu leh pa keima nu leh pa zawk pawh biakna hun ka la nei meuh lo, ka chau lutuk hi leh tawp ka chak tawh, ka thawmhnaw vel kan rem zo chiah tih in, Christ a rawn lut a.














"Rini chu ila awm elaw, haw deih rawh" a rawn ti fiamthu a, kan pakhati lah chuan alo haw ngang mai, "ka haw tak tak palh ange a, mi lo mah a, mut chak tawh nak laia" alo ti hlar, pakhat lah a nuih a ti za tawk lek ni tur a ni, a nui deuh hawk ringawt, "ka nu in lo chhuk lawk teh a ti, Rini" a tih chuan Rini chu a hawi hai deuh hman na in, "Duati nu zawk" alo ti vat.














"Enga tan nge maw min tih le, ka zuk kal phawt tih tur em em a awm tawh loh hi, bungrua lah rem dan vak a awm rih chuanglo" a ti a, ka bu nghat nghat Christ chu a mitmeng ah eng emaw chu a kai deuh tih ka hriat vangin, melh pawh ka lo melh duh lo, zu ka huat zia a hre vek a, zu bak kha a tih ka ring lo.












"Ti tau kan awm a mi? " a rawn ti vei sup a, ka va han ngei tak ka be awm lo e mai, chaw ei hma a, a rawn chhuk atang khan ka be duh tawh lo hrim hrim, ka zah zia kha tiang ang hunah in hun lo lutuk, nidang chu nise ka ngaidam thei mai e, mahse tiang ni ber kher ah, "Duati" a rawn ti dut dut pawh chu ka tih ngai, present ho chhuat a mi chu kil khat ah ka rem mawlh mawlh.













"Tlem bak ka in lo tak tak a nia, sorry i duh lo tih ka hrelo a" in thiamloh hmel zet hian a rawn ti a, chupawh chu ka la chhang duh chuanglo, "hei Duati ka in tawh miah lo ang" a tih chuan thaw hak in, ka hawi phei a chhuat a ka thu chu thu tung chung hian ka hnung atangin min rawn kuah deuh thak, "khawmaw i rim kha a chhe si, ka hne a rim kha" ka lo ti hlar a, a nui suk duh chauh te chuan ka thin an ti rim zual.















"Ka zah zia kha i hria em?, tiang ang kan hun pawimawh kher kher a I in, chulo ah, zu ka huat zia i hre vek" ka ti deuh hmak hmak a, ka tah a chhuak ringawt chu ka haw hle "sorry ka ti tawh lo ang" tiin min kuahna thlah in a beng a pawt zeuh, engtin mah ka chhang tawh lo, present ho chu ka rem leh mawlh mawlh a, ka hnung ah bei deuh chung chuan min kuah deuh hlu hlu bawk.











(huizzz a thui)



ADD CLICK KHA AW☺


Show post links
Top

[Ngaia]

KA ‘D'













CHAPTER-26












BY CHHEPHAKI MUANI










"Zanin chu chau viau mah la, kan zan hun hlimawm tak tur a ni tlat, i mutthilh hma in tih tur kan nei" rawn ti su su tu chu rum theih tawp in ka melh hrawk a, ala nui ang vur vur zui a, kan thiante nen in chungah kan la awm khawm nak nak a, kan thianho kan tam lo bawk nen, a nuam phian Duhawma erawh a bialnu Sangsangi bulah a awm nge, a rawn la kal ve lo.












"Kan mihringa chu enge a tih em em a, tiang ang hunah, min phatsan thei a nia" Rini chuan a ti deuh hmak hmak a, Ruatfela chuan alo khap vat, Ethana pawh chuan "nia a mak ngawt mai, hmeichhia alawm leh lutuk hi lawm" alo ti bul bul, chhuatah zampher ang hi kan phah a, ei tur eng eng emaw leh drinks nen kan in chhawp ve nuk mai.













In chung ber a ni bawk nen, thli chu a dawng tha khawp mai, vana arsi pe deuh tuar chu ka thlir vang vang a, Christ kap kara thu ka ni bawk nen, a mah chu ka ngheng pah ar ar bawk, "guyss sorry ka rawn tlai deuh a" tih ri ah chuan ka ngaihtuahna tangin ka harh chhuak zat, Lalduhawma chu a mah chauh a ni dawn emaw ka tia, Sangsangi te thian thum an rawn tel ve chu ni in.












Vawiin ah pawh an thian ho hian an over ber an ti, vawihnih vel chiah ka hmu a, chupawh thlalak dawn in, kan thianho ah an rawn tel ve khanglang a, Rini ngei lutuk khan kan thianho bik chiahin la tha ang u, a rawn ti ta mai, in thlahrung tawkin, an kalsawn a nih kha, Rini hian a ngei em em chhan pawh, Ruatfela an thian zinga mi hian alo va bia a niang, chuan Rini bulah chunu chuan Ruatfela hi then turin alo ti niang, a ngei tawh sa bawk nen, kan Lalrini a huat zawng ten a, zah an hriat loh chuan zah vakna chang hre bik lo hian, mipui tam tak karah tiang khan a ti ta a ni.













Kei leh midang kan nuih chu a za hle nangin, mipui hma a ding kan ni bawk nen, kan in sum nasa hlawm hle, Duhawma ber ber a hnu ah a nuih za za ah ala tang zui a, Sangsangi duh miah silo hian engvanga kawp reng peih nge maw a nih ni, "kan lo tel ve a rem em ang chu maw? " tiin midang pawh ngai chang lo chuan Sangsangi tr thianho chu kan thut phah ah chuan an lo thu thla nghal a.












Hla an play chu ka lo ngaithla deih thung, "Christ chu ka rin aiin i duh hma deih sia, aia tha i hmu awm tho sia, Zeli a tha lo ka tihna nilo se" Rinawmi, Sangsangi thiannu pakhat zawk chuan a ti a, ka chhang tep ka kâ ka âng zuai tawh chu "A ni aia tha ka hmu teuh lo, ka phu lo lutuk zawk a, kan in hmu te ram ram zawk laia, bakah a tlinlohna lai hi ka hmangaih vang nge, ka mitah chuan midang aia tha ka hmulo chu a nih hi" huat tur awm miah lo hian a ti sup sup a, a nui deuh suk bawk.













An rawn thleng ve chiah a, an rawn la zam lo ham ham zui a, kan ei tur dah ho chu titi a nuih deuh har har pah hian an ei zat zat, Rini nen chuan kan in melh leh ralh thin ringawt a, mipa ho an ngawi thap a, an thianho chuan an titi a ni ringawt, "Zeli bialpa i nei hnem tawh viau lo maw, i ex kha kan hmu a" Nanai chuan a rawn ti a, ka nui hawk.













"Ka ex ti duh tan chuan ka ex te a ni mai ang chu, mipa hi ka kawm tam zawk a, hmeichhia thianah chuan Rini leh Puipuii chiah kha ka nei, a bak chu mipa vek" ka lo ti mai, "Puipuii kha chu aw, awmtha sela chuan tiang kha a chungah a thleng miah lo ang" a rawn ti chiah mai chu, a u a awm ve bawk nen, kei leh Rinin kan la sun em em laia, chutia a rawn ti kher chu min khei zak bawk nen, ka ding deuh phat, an thianho an nui deuh hak hak ngat phei chu ka run takzet.















"I tawng tam mah mah in ka hria, Puipuii kha nang ni nena teh khin chuan e, angel ang vel a ni tih hria ang cheu, a duh vanga thleng a ni bik lo, nang ni ang mipa mit lak loh hlau leh engpawh khawi hmunah pawh awm ula, mipa mit lak reng reng tum a khawsa ai fe kha chuan a tha zawk, nangni te chuan pawngsual emaw, khawih chhiat pawh in hlau nek nang, nilo in thiamhlim tawh lo zawk ang chu mawle, a hriat vek miau hek, mihausa mutpui a, an pawisa la leh ang in ni tih ka lo theihnghilh tep a ni" ka ti hrawk a.















Ka thin a rim bawk a, ka sawi hnem hman hle, midang chu an ngawi thap a, an nui lai pawh a tawp chiang khawp mai, Rini chuan an thian thum chuan a melh rawm rawm a, a mit a sen deuh ram bawk, a tap tih a hriat hle, Ruatfela chu a melh ngai a melh run run a, ka khawngaih takzet, "heta tang hian chhuak rawh u, kan thianho hnaih ah emaw, kan hmuh ah rawn in lan tawh suh ang cheu, e ni leh lo ka mit hmuh ah hian rawn lang lo zawk rawh u, ka khawih na lutuk mai ang cheu" ka ti leh tuarh a.













Christ pawh chuan min dan a tum lo bawk a, ka thinrim em vang chuan ka sawi loh tur thleng thleng ka sawi mahse pawi tihna ka mei miah lo, an ni pawn kan mitmei veng miah lo in an sawi ve tho alawm, a pawi vak na ka hrelo, "in chhuak dawn nge ka kek chhuak dawn cheu" ka ti leh a, Sangsangi chuan Duhawma chu a melh a, a men deuh pur bawk, "A sawi kha in hrelo a mi, tun atang chuan kan in then ni rawh se" a ti hmuk chu ka nui deuh suk.













Ethana thinrim chuan a khawih duh mai ka hlau khawp mai, tawng chhuak lo ngat ila chuan a khawih duh ngei ang, a in hum ruh ngawt ngawt chu ka hmu thei, light an dah bawk a, a hmuh fiah theih khawp, an thian ho chuan an chhuak zal zal hlawm a, ka thaw deuh hak, "Duati lo thu tawh rawh" tiin min pawt thu leh ka lung hi a awi thei thlawt lo, tumah chuan tawng reng kan tum lo.












"Ti rawh Ruat kan haw dawn em ni? " tiin Rini chuan Ruatfela hrethiam tak chuan tiin an tho chhuak zui nghal a, in mangtha in an chhuk thla nghal, Duhawma leh Ethan pawh chuan haw mai an duh tawh thu sawiin, kan in mangtha ta hlawm a, in chhung chu en fel vel in, kei tur kan ken chhoh kan ei zawh loh chu Christa chhungte khaw danga lo kal te fate ho ei atan chhuar ah chuan ka dah lut a, room lam kan pan ta chauh.














RINI POV*







U Ruatfela chu in atang chuan ka chhuah pui a, "khawi ah emaw thut rih i duh em? " ka ti sap, a lu a bu nghat a, Duhawma te haw tur an rawn chhuak ve chiah bawk, in mangtha leh tete phawt in, bike a an tlan liam hnu chuan kan piah deuh lawk a, school naupang te nawi luhna in fiamna an dahna hmunah chuan kan phei dun a.










"Ka nau kha ka kianga a harsatna pawh hrilh theilo tura ka lo khawsa kha ka in thiam theilo, a mah an puh vekna te hi tuar daih a harsa takzet" a ti deuh hrawk a, mipa ah pawh in la pa ve tak thin kha tunah hian a na hle tih ka hria, hnem dan ka thiam lo a, tawngkâm ka thiamlo lutuk chu ka pawi tih ber thum a niang, "Puipuii kha mi tha tak a nia lawm, khawvel kan cham chhung hi chuan sawi chhe tu an awm anga, tan Tu an awm bawk ang, chutiang chu a ni khawvel nih dan chu, chuvang chuan keini in thudik kan hriat chuan a tawk' ka ti sap a, min melh zawk in a nui suk.













Street light a eng bawk a, thim lutuk nilo mahse a eng vak hran chuanglo, in hmuh theih tawk chuan a éng deuh tho, "ka nau khan tih puitlin duh tam tak a nei a, chu chu pan tur neilo, chan hai te chenna in neilo leh kutdawh te chhawm dawlna tur in sak a, tampui kha tum ber a ni thin, tih hlawh tlin sak ka dub a ni, min nei duh angem, ka nau thil duh min tih puitlin pui turin" tiin min melh a, ka bu nghat nghat.













Ka lamah in her remin, ka hmui ah chuan a fawp zeuh a, "ka dawr siam pui tur nu lah chuan thei leh lo in, pasal min neih san deih bawk sia, ka thulh leh ta mai, kan han rel thui ve tawh hman nen" a mah tih hlim tum tak chuan ka ti a, a ni pawh a nui deuh hawk "min star lai kha chuan ka nau chu nilo la ka vel tawh ang che, tiang em em hian i zun ah ka uai ang tih ka ngaihtuah pha miah lo" a tih chuan ka lo lai hle.











ZELI POV*









Ka in bual fai zawh rual chuan Christ chuan a bula ka kal hnai chu min kuah in, a ding chhuak ve nghal a, ka hmui ah engmah sawi lo chuan a bur nghal chat, chhan let lawkna chang ka hrelo a, mahse ril leh zawi muanga a rawn chet takah chuan ka chhang let ve nghal zat, ka kawr hak lai chu hlim in, ka kawr hnuai hak zawh chiah chu a phelh leh nghal a, ka hnute chu a hum nghal chat bawk.












Khumah chuan min mutin, a kawr leh a kekawr chu a hlip a, ka lo melh reng ka kekawr bul hak chu nin hmel zet hian a pawt phelh a, engmah ha lo chuan kar lo ah kan awm ta der, ka chungah chuan a bawk run a, ka melh chho kar thung, ka vawikhatna vek a ni bawk nen, awmdan tur ka thiamlo in ka zam hle, ka thawk te chu a sa deuh hat hat thei hial.











Vawi leh khat ah a rawn lut deuh riai riai a, a na lutuk chu ka er deuh nawng nawng, "Duati a na reilo ang" ti sup in, ka hmui ah chuan a fawp vawng vawng a, (cut cutawi keimah zawk hi ka in rap lek lek) kan zawh rual chuan ka chungah a rawn bawk thlawp a, ka sir a let thla in, a mah hma chhawn zawnga min kuai her in, ka hmuiah a fawp zeuh, ka zak lutuk tawh bik lo.













Puan chu min sin that tir a, kei erawh ka che peih meuh tawh lo, ka chau ngawih ngawih ka mut rawn chhuak chu men luih pawh a theih tawh meuh lo, a chhuah dan chu pui tak hi a ni ringawt, ka mihil nghal a niang, ka harh leh chuan ni alo sang tawh tih hriat zetin, tukverh parda zar loh atanga ni rawn lut chuan ka hrethiam nghal, meng deuh kawk in, dar zat ka puan la sin deuh run chung chuan khum bul light hunna a ka phone la dah chu la ban nghal a.













Dar8 alo ri tawh, awii mo thar tukah thawh ka hai nghal chu a nia, ava han zahthlak tak, rang mang kheng chuan bathroom ah towel nizana ka hman, khum bula la let reng chu ka la vat a, bathroom ah chuan ka tlan lut vat, in tleuh deuh thuak thuak in ka chhuak leh vat, reina chi pawh ni tawh heklo, ka in ti mualpho der hi a ni ringawt, in hnuaiah chuan ka chhuk vat a.












Tumah sitting room ah chuan an lo awm lo, choka lamah chuan an ri deuh nak nak a, pawnah naupang mikhual la awm ho an in fiam nak nak thawm ka hre bawk, choka ah chuan an tam ve hle tih a hriat theih, choka ah chuan ka lut ve nghal a, ka rin ang ngeiin an lo tam ve reuh khawp mai, Christ cousin te ho pawh an lo la awm nak nak.












"e kha ilo tho peih maw, I chau dawn sia kan tia, kan au tho duh lo che a nih kha" Christ nu ka nu ni ve ta chuan alo ti var a, ka awmdan chu a hreawm ka ti hle, ka zak bawk si chu awm ngaihna pawh ka hre tawh lo, ka hawi kual hrek hrek a, Christ ka zawng deuh a, hmuh tur a awm miah lo, " Christ chu gass thuk lian kan hawh rawngbawl nana kan haw, kohhran ta kha ava dah lawk a nih kha, thingpui i in duh em? " ka nu chuan alo ti leh vat.












"aih duhlo mai ang, in tho nuam hlawm maw" te chu kan ti khawmawi ve a, midang pawh chuan min lo chhang sap sap, "kha rawngbawl an peih tawh a, lo thu mai mai rawh, engmah tih tur a awmlo" tiin Christ cousin ho thil tih ka pui tur chu, ka pa chuan alo ti ve bawk a, lai ang reng tak chuan an bulah chuan ka thu ve ta ngawt, kan chhungkaw chanchin te min zawt vei luam a, tha tak chuan ka chhang ve mai.










(a thui)







ADD CLICK KHA AW)




(ZAWMNA)







KA ‘D'











CHAPTER-27













BY CHHEPHAKI MUANI







Karkhat vel chu kan in nei ve ta reng mai, hun hi dam chuan alo kal chak khawp mai, zirtawpni ah delhi lamah kan chhuk dawn vangin, kan bungkaw ken tur ti ila, kan thawmhnaw vel kan pack lawk vek tawh a, ni tin in ah kan nupa in in kan nghak thin a, ka pasal chhungte ah han sawisel tur emaw, han milloh na tur ka hmu em em lo, an fel em em vek a, engkimah ka tlin lohna laiah min hre thiam in, min khuh hneh em em bawk.













"Duati, Duati" Christ chuan room a, a ma thawmhnaw ka pack mek lai chuan mi au deuh lung lung a, "room ah ka awm" tiin ka thut hmun atang chuan ka au let ve leh "naktukah kan kal thut a ngaih hmel, thianho khan thlah na ni pah fawmin an tia, chaw ei an rawt pawh kha kan theih hmel loh" a rawn ti lut a, ka hawi hai hle "ngati teh thut nge" ka lo ti hu a, thawk la hawk in.













"Khulamah in tih siakna lian tham a awm dawn a niang, tel turin min duh bawk sia, ka awmna team hian min beisei ve sia, keimah ka khelh lohna a rei tawh bawk nen, ka in fit tawk loh ka hlau deuh a, karkhat chiah hun a awm tawh bawk nen, practice hun a tam dawn silo a, chhuk thla nghal turin min beisei a" a tih chuan ka lo hriat thiam pui khawp mai.












A nupui ka ni a, a thil tih tum leh a hna pawimawh ah chuan lo duhloh emaw, lo sawisel sak kha ka duhlo a ni, engkim ah support ka tum a, mihring nih chhung hi chuan duhloh zawng awm chang a awm ve a, chutiang ah chuan ka hre tawh biklo le, mahse a theih phawt chuan sawisel sak ka tum lo.













"A nih chu chutiang a nih si chuan vawiin lamah kan in pack fel a ngaih hmel hle mai" ka ti sap a, a ni pawh a bu nghat nghat "duati chhuk thlak chu i hreh viau em? " tiin min zawt a, ka thutna khum atang chuan ding chhuak in, a darah chuan a mah hma chhawn zawngin, ka kut leh lam leh lam chu ka nghat a, kan in melh run mai, ka pasal a nih tawh vang nge, ka lai tawh em em bik chuanglo.













"hreh lo e, i nupui ka ni tawh a, I kalna leh i tih duh apiang ah chuan ka tawiawm in, ka support zel ang che, bakah delhi khawpui vawikhat chiah ka la hmu bawk a, hawi zau na ni pah fawmin a ni mai a" tiin ka nui ver ver a, a ni pawh chu a hmelah alawm tih ka hmu thei, ka hmui ah chuan fawp zeuh in, " I hreh chuan sawi la, helamah pawh hna thawh tur ka zawng mai ang" a tih chuan ka lu ka thing nak nak a.














"ka hreh miah lo a nia, I bul a nih dawn phawt chuan khawi hmun pawh a nuam vek" ka ti sap, a tet te atanga a dream a ni a, basketball player lar tak nih kha a tum dan a ni, tunah a ti puitling a, a lar thawkhat hle tawh bawk, keimah vanga a chawlh San ka duh lo a ni, "ka nei lo ang che tih hi ka hlau" a ti vei sup, "Rini chu a lungawi lo ang chu aw" ka ti sap a, a ni pawh a nui deuh hawk.














Thawm a rawn bei ring leh khawp ang, kan in ah ala awm reng a, ka pa in 'kan fanu lah in pasal min neihsan ta daih si a, ti hian kan fanu pakhat zawk a ni leh mai a, lehkha zir zawm rawh se, fanu pakhat ka hralh tawh a, pakhat chawm tur ka la nei a ni mai" tiin lehkha a zir zawm tir miah a, Rini lah, in thlahrung tho mahse, tet te atanga nu leh pa anga alo en ve tawh tho nih vangin, a in thlahrung lutuk pawh a reh.













Rini a awm tawh hi chuan kan in saw chu a reh ngailo hrim hrim a, Ruatfela lah chuan neih a tum ve tawh bawk si, ka pa lah in zir zawm tir hmiah bawk si, a tih ngaihna hrelo in, a lu thak lo pui a hiap deuh nuah nuah ringawt a nih kha, a chhungte bulah pawh alo sawi tawh a, mahse zir zawm leh tak si ah kha chuan ala theih hmel loh viau, bakah a nau thih kum alo ni bawk nen.












Keini lam lah, ka pa in tun kum lawk ah, ka fanu pakhat zawk kan hralh a, han neih tir leh ngawt chu khua a har dawn e mai, ti khan la in ngaizawng mai ru, tiin fiamthu in Ruatfela alo va fiam ni awm tak a ni, a chhungte nuih alo za hle, "Ticket kan ngaihtuah ange" tiin room bathlar lamah a chhuak a, keipawh ka tih ngai ka tih zawm leh vat.













Muangchanga in siam tura ka lo in ruahman nen, ka che hmanhmawh hle, neuh neuh pack tur ka ngah bawk si, hun hi a duh zek zel mai sia, tlai lam a ni dawn der tawh a, rawngbawl nen, zan lamah lah keima nu leh pa te va tlawh ka duh bawk si, haw leh meuh chuan mut ka duh dawn sia, tiin ka rilru chu a in hi sap kual nasa khawp mai.











DELHI






Delhi ah chuan in a awm lo bawk nen, hotel ah kan in nghat phawt a, bungrua erawh hotel duty ho in, kan mamawh zualpui lo chu an lo chungfel rih dawn a ni, in luah tur zawn ngei pawh a ngai mahna, kan awm chen tur a hriat loh a, contact ah kha chuan kum5 chhung a ni a, contact a tawp hun a, thil awmdan a zir in, pawh sei leh theih tur ang khan an ti bawk nen.












"Duati luah tur chu ka be fel vek tawh, ka practice na bul hnaih ber ah ka hmu a, naktukah kan va in suan thei ang" a tih chuan tih zia ka ti hle, a hmun chu a nuam hle nangin, motor ri bengchheng lutuk chu ka hne lek lek a ni, hotel chhungah chuan a thawm a awm lo hlauh a, tih zia tak hi a ni ringawt.











"va in bual hmasa la, chuan i in bual zawh ah ka in bual ve nghal ang" tiin khumah chuan ka let tawp a, a nui hawk ri pawh ka hre reng, ka ngaihven peih rih loh, ka chau lutuk tlat a ni,


Show post links
Top

[Ngaia]

KA ‘D'












CHAPTER-28











BY CHHEPHAKI MUANI







"Duati a rei mai mai lawm, kan pahnih in kan in bual rual thei reng a nia" mitmeng nghal zeta min melh pah chuan, a ti vei sup a, melh rum tha tak ka ni, mi tih laih hi a tum ve ziah, "va in bual mai mai rawh" ka lo ti hlak, chu a nui vur vur a, khum a ka thu chhuak tawh chu engtik laiin nge a chet hman ka hrelo, min pawm deuh lawp in, bathroom lam min pan pui deuh vut.















Ka rak deuh chul a, a nui hawk hawk ringawt, ka leng vak vak chung pawn, mipa tha na na chu hneh ngaihna awm heklo, min zo zetin min pawm dan a ngai reng, bathroom ah chuan min nghat in, ka kalsawn tum chu ka ban bula min man bet in, shower chu a on nghah zat, "hei Christ tiang hi chu a chi loh a nia, khawmaw teh" tia kal kian ka tum chu min vuan nghet sawt.














"Duati ka hmuh hnu vek a nih tawh kha, zah tur a awmlo" a ti chiah chu a awm ah chuan ka beng deuh thlawp, a nui hawk hawk ka kawr leh a kawr chu ka chet ngai hauh lo in a hlip vek a, a chakna vanga a thisen zam pawng deuh tawlh tawlh te chu hmuh nawm ti zetin ka lo melh vung vung, a kekawr a hlih zawh hnu chuan ka khabe ah chuan dawm in, min fawp nghal chawt a.














kei pawh chuan rang zetin ka chhang let nghal zat, ka taksa chu a chul kual ruai a, ka za chhuak vek a, ka sa deuh hat hat bawk, (cutcut) kan duh ang tawk a kan chet hnu chuan ka chau deuh hnawk thei, shower chuan kan in tleuh thuak thuak a, tui a sa tha bawk nen, ka zia huai huai in ka hria, ka chet peih meuh loh vang chuan a mah bawk chuan towel a min tuam in, min pawm chhuak leh a.













khuma min nghah hnu chuan ka thawmhnaw dahna lam a pan nghal zat, ka thawmhnaw ka hak duh zawng a hre chiang tawh bawk nen, ka thawmhnaw chu a rawn keng phei nghal a, min hak tir leh thlap hnu ah, ka hmui a fawp zeuhin, a thawmhnaw a ha ve ta chauh, ka sam chu hru ro deuh mawlh mawlh in, a in thlak lai chu ka lo en reng.













A pian hi chu a dik ve mawle, basketball khel thang tih takah a sang tha in, a taksa pawh a in phut mawi tawk hle a, hmeichhia te duh thusam hi a ni hawt e, ka ngaihzawng mai nilo, ka bialpa a ni mai hi mang a ang rum rum hial, a hmel a chhe lo bawk nen, vei zui ngawih ngawih tham hi chu a ni ve lawm, "Duati khatia min en reng chuan ka che leh duh mai ang" hnunglam hawi reng chung a a rawn tih chuan ka meng kawk.
















Engtin nge ka en reng tih te a hriat theih ni, hnunglamah mit a nei emaw ni zawk ni, "ka en lo bawk che" hawi sawn vat pah chuan ka ti vei hmak a, a nui hawk ringawt, hepa hi chu aw, tawngtam lo ve ngawt mai, ka sam chhem ro na ka ken tel chu ka la a, darthlalang hma ah chuan thu in, in en chung chuan ka chhem ro tir a.














Ka ti tan chiah tih ah, Christ chu lo kal hnai in, ka sam chhem ro na chu a ka kut atang chuan a rawn la a, ka sam chu a chhem ro tir nghal zat bawk, nuam ka ti hle tiang reng hi ni thei se ka ti, "Duati tlai lamah ka chhuah lawk a ngai dawn a, nangmah in ilo awm hreh em? " tiin min zawt a, ka lu ka thing deuh nak nak.












" hreh na tur a awm chuanglo, mahse enge i tih dawn? " ka lo ti hu a, "ka practice ve tan a ngai dawn a, ka tih loh na a rei ve tawh bawk sia, ka tih tawh kha chuvang chuan a tam thei ang ber practice ka duh a, hun ka nei lo deuh a nih pawn, tauh awihlo aw" a tih chuan ka hmui ka ti pawrh vak a, ka dak vak bawk, "ka tauh hrat hmel e mai a" ka ti deuh hluk, "tau hrat lo mi? " tiin mit ko a kân ak ak a, ka ner nawng ringawt.














Chunglam zawnga ka la dah reng vang chuan ka hmui ah a ka sam chhem ro tir lak lawh lai chuan a rawn fawp zeuh, " a hun hi hriat tur" ka ti hluk, a mah lah chu ala nui ang suk suk a, ka sam ka chhem ro tir zawh hnu chuan khum ah bawk chuan ka let thla leh der, ka chau ngawih ngawih hi a ni mai, ka chuah leh ka sil a reh hma hauh in, chauh lawih na tham turin, kan zin chhuak leh bawk nen, ka chau thei hle.













"dinner ei hman in ka lo haw thei ang aw, tv emaw, kan thiante emaw kha va bia la, an hman em kha, tih tur i neih loh deuh a I hriat chuan" a ti a, ka bu nghat nghat, "lo haw har suh aw" in la naute tak chung chuan ka ti a, "ka reilo ang, enge i ei duh ka lo hawn ang che" a tih chuan ka in ngaihtuah vang vang a, khum atanga thu chhuak chung chuan chunglam chu ka melh chho ran bawk, "pizza ka ei chak" ka ti sap.














Ka ngaihtuah zawng ringawt pawn ka ei chak tawh, "okk fine ka lo hawn ang, I chau lutuk ange, lo mu hahdam rawh, zanah khatiang bawk kha ka beisei leh dawn sia" tiin mit min siai zeuh a, lukham pakhat chuan khum sir lama ding chu ka vawm a, ala man chat zui, "I ngaihtuahna kha ti hmul hlek suh" ka ti hlar, "ka kal Duati ka niangno" nghal zeta ti leh in, ka hmui a fawp zeub in a chhuak nal nal.












(buaina is tan chho dawn he)






Unkown pov*






"tunah Christ chu a chhuak chiah, hmeichhia kha a mah chiah in a awm" ka mi rawih pa in a rawn tih chuan ka nui suk, "a tha e, ti khan bum chhuak ula, ka hnenah in rawn hruai ngei ngei tur a ni" ka ti leh hmak a, kan in biakna kan tih tawp hnu chuan Christ leh a nupui thlak, mizoram a mi, tu nge kha aw, aw Feli mi rawn thawn ngei mai chu ka melh a.













"tunah chuan nang hi i thil tih sual ka hriat tir khawp ang che, i mipa pasal atana i neih hi tu ta nge a nih tih ka hriat tir dawn che, hreawm takin ka siam phawt che anga, chu mi hnu ah" tiin a ma lanna chen chiah chu chep thla in, ka hal a "phum" ka ti deuh sap bawk, ka phone bawk a rik leh takah chuan "kan bum chhuak zolo, a duh tlat lo" a rawn ti ri chuan min ti thinrim kher mai.













Ka rak deuh that a, "engti kawng zawng pawn ka hnenah rawn hruai rawh u" ka ti deuh tuarh, phone chu ka dah hmak a, Christ a awmna, a awmna team tur te practice na hmun vhu ka pan vat, Christ hi heta a lar hma daih atang tawh a, ka duh tawh leh ka vei a ni a, in hliam an awm takah tia doctor awmchilh tur an zawnna a, ka thawhna hospital neitu min tirhna tanga hria ka ni.












Ka hmuh tirh phat atangin ka vei em em a, ka bia a, a mah hnaih ka tum thin, mahse a ni chuan melh khat pawh min melh ngailo, vawikhat a ke hliam deuh hlek vangin, ka enkawl a, kha tah khan thianah siamin, kan in kawm ngeih chho ve hle, mahse ka biak hmasak loh chuan min be ngailo tluk a ni, chuti chung chuan ka bansan duh lo a, tet te atanga ka duh apiang leh ka awh zawng apiang nei thin, ka ni a Christ pawh hi ka ta a ni ngei tur a ni tih chiah hi ka thu pui a ni.











DUATI POV* (DUATI TI TAWH ANG AW)





Ka awmna room chhungah chuan ka tawm deuh chawt a, mahni mai chuan ka chhuak ngam tlat lo, a chhan erawh ka hrelo, nichin a mipa pahnih vang kha a ni tlat hian ka hria, ka thinlung chuan chhuak lo tur in min ti deuh ut ut hian ka hria, an in sawi dan kha chuan Christan a mah chiah a a awm, a ngaihtuah vanga hruai tura a mi tirh te a nih thu an sawi a, mahse ka awih tlat loh vanngin, ka kal duh ta lo kha a nia.













Christ chu ka call a, a la lawk theilo leh nghal a, vawihnihna ah chuan a la ta hram, " Duata " ka ti ve rawih, a rawn nui deuh suk ri ka hria chu chhungrila hlauh deuh nen, a in rem lo tlat zet, "engtin maw Duati min auh kha" a rawn ti a, ka thaw hak, "'chutiang a ho, min hruai turin mi i rawn tir a mi? " ka ti a, "tirlo hei tunah kan practice na hmun turah ka awm tawh, Duati kawng kha hawng miah lo la ka duh, chuan eng emaw a thleng tura i hriat emaw, room kawngka an rawn kik leh a nih chuan i hawn hma in, min lo call hmasa rawh aw" a rawn ti zung zung.














A aw ah chuan a hlauhthawn hmel hle, ka lo zawt kher kher chu ka ti rilru leh hna hnawh, "awle ka lo ti dawn nia, tu emaw zu rui ho mai mai an niang" a ngaihthat nan chuan ka ti a, "okk ka rawn haw harlo ang, a rang thei ang bera rawn haw ka tum dawn nia, chuan ka thusawi kha aw" a tih leh chuan ka tih tur thu hrilh sep in, ka off a ka ngaih erawh a tha zan lo khawp mai.















Ka phone chu ka bih deuh sek thin, han call leh erawh ka hreh si, a thil tih laiah a rilru a pek loh ka hlau bawk si, ngaih that deuh nan ka thiante chu ka call ta ngawt a, Duhawma leh Ethan lah phone an la thei silo, Rini ka call leh a, ala ta hram "aw in lo thleng tawh mi? " a rawn ti vei lang lang a, "aw thleng tawh, kan thlen tirh khan kan in bual nghal sia, ka rawn call hman chiah che" ka ti sap a.















Engmah hrilh erawh ka tum chuanglo, bakah engmah a thleng lo a, ka hlauh deuh ringawt vanga, han tih phili chiam kha ka hlau ve deuh a ni, ka nu leh pa te a hrilh leh emaw kha a nia nga, min rawn ngaihtuah dawn lutuk a, awm nuamlo deuh a awm tir kha ka hlau a ni, chutia Rini ka biak takah chuan ka hlauhna te kha an reh ta vek ni mai hian ka hria, kan nui duh leh hawk hawk tawh.














(Add click kha aw)


Show post links
Top

[Ngaia]

KA ‘D'











CHAPTER-29 LAST












BY CHHEPHAKI MUANI








"Duati keimah lo hawng la" Rini nena kan in be zo chiah, Christ call a rawn lut nghal zat chuan a rawn ti a, rang zetin kawngka lam chu ka pan vat, ka hawng nghal rawk rawk a, a rawn lut fel awrh tih ah, ka lo kuah nghal vat, "ilo van haw har em em" ka ti nghal sap, ka in la nau vel lutuk chu keimah ngei pawh chuan ka in hria.











"Duati tu te nge an hmel i hmu thei em" a ti a, a awm a la bei reng chung chuan "aih mask leh cap an khum tlat a" ka ti a, a ngawi vang vang ringawt, "le hahdam la, eng mah a thlen loh hi, i ngaih diklo mai mai a niang" a ti a, ka hre thiam lo ngati nge ka chhung ril a hlauhna hi a reh theih miah loh chhan hi ni ta ang "ka hrelo hlauh ka nei a, mahse chu pawh chu eng ber nge ka hre chuanglo" ka tih chuan "okk engmah a nilo ang, I bulah ka awm reng dawn lawm, le mu ang aw, I chau lutuk ang" a ti a.













"mihil rih la, chuan ilo thawh hunah, chaw kan ei dawn nia" a ti a, mahse ka ril tam tawh vang leh chaw ei a hun dawn tawh tho vangin, "mut hma chaw ei zawk ang, ka ril a tam" ka ti nang nang a, a ni pawh a nui hawk, nge maw tukin zinga chaw ka ei bak ka la ei tawp silo a, "okk kan bia nge, enge i ei chak" a ti a, "ka hrelo duhloh ka neilo, ka ei thei vek" ka ti chu a nuih a zat hmel viau.












Khumah chuan ka lo thu a, a benga phone chep pah chuan a thawmhnaw dahna chu a hai a, kekawr bul a la chhuak nghal zat, leh lam a mi ho chuan an la a niang, a chah deuh mawlh mawlh a, tam ka lo ti ru khawp mai, pahnih chiah kan ni bawk sia, "khawnge i pizza hawn chu? " ka ti hu a, "sorry bawihi, ka ngaihtuah lutuk che a, kan practice zawh velah ka lo ha nghal sia" a ti a, a hmelah chuan a in thiamloh hmel hle.












"pawilo chaw ei nghek ila a ni mai" pawi tih loh hmel tak chuan ka ti a, ka ei chak viau rualin, keimah min ngaihtuah vang a ni bawk sia, han tih chiam chhan tur lah in, ei tur rawn lei theihnghilh vang mai mai a ni bawk nen, ei tur an rawn dah chu ka ei mial mial a, hawi pawh ka hawi chhuak lo, ka ei turah ka bur deuh ngur a.










Ka hawi chhuah nak chuan, Christ hian uluk fe leh hmuh nawm tih hmel zet hian min lo melh reng a, a ei tur ka en zeuh chuan engmah ala eilo, " Christ ei rawh, a tui lutuk, min en reng lo khan" ka ti hap a, nui suk chung hian "I ei lai ka hmuh khan ka puar" ava in la romantic tak, a in hmeh lo bawk si, a mizia nen phei chuan in ang lo tak a ni.















Kan hun hman dan chu a ngai renga tih theih ang, chhunah Christ practice in a kal reng a, kei erawh kan in luah thar ah chuan ka tawm reng thin, zanah Christ hian min len chhuah pui a, fan kual vel min neih pui thin a, kan hlim thei hle, luck chhuak ka nei reng bawk nen, chaw ka ei theilo a, ka ei chhun lah ka luck chhuak leh zel bawk si, a chang chuan Christ hi alo hlau thawng thei lutuk hi kan in vin leh thin.












A chhungte ti ila, ka chhungte a ni ve tawh ang chu pawisa kan neih loh hlauin rawn thawn hi an ching thin a, mahse Christ hlawh tuna a khelhna tura a hlawh atang leh a contract sign na tang te pawn kan la nei nual a, kan la khawih che miah lo, an rawn thawn ang hi chu kan dah tha rih a ni ber, bakah Christ hian a duh vaklo hrim hrim a.










Ka dam ve chhung chu nang chawmna tur chu ka thawk chhuak thei, ka nu te ti buai lo in hi a ti thin, a ngai te bawk in, in ah chuan kawngka kalh in ka awm leh reng tawh a, kan awmna lai hi a lun nangin ka in khalh khum reng tho, mizoram ang in an in tlawh pawh vak silo a, kalh reng mah ila eng henu ah mah an ngai chuanglo, sitting room lamah ka phone dah a rik vang chuan choka tang chuan ka chhuak nghal a.











Rini alo ni, henu hman dan em em hi chu aw, ka pa in zir zawm tura a tih tlat vang khan a zir zawm a, lehkha zir nuam a ti thar tih ka nu hnen atangin ka hria a, Ruatfela lah in neih duh tawh bawk si, ka pa hnial ngam bawk silo in hun a hmang a ni ber, Ruatfela pawn dawr computer zirna dawr chang tlung tak a nu leh pa in an hawn sak a, mi hausa chhungkua an ni bawk a, a changtlung nghal hmel khawp mai.













Duhawma leh Ethan erawh chhungkaw fapa neih chhun veve tih takah, zir zawm lem lo in, an tei kual vel ta mai mai, Rini lah chuan an hman dun zia thu hlir a rawn sawi thin, a chang hian min rawn biak hi an ching a, kar khatah vawikhat tal, kan nupa a Tu emaw zawk zawk hi min rawn biak an ching thin, an rawn nghal dun thei khawp mai.











"Awii ka biak loh che hi chuan min rawn biak hi i tum ngai miah lo mai" a rawn ti hlak hlak a, "awii ka buai ve thei lutuk alawm, in a awm reng e tilo hian, chetna tur hi a tam ve thei lutuk a, kan awmna lah hi pahnih chuah a cheng e tilo chuan a zau ve sia" tiin ka in sawi fiah mawlh mawlh a, "hmmm... a nih thu lawmawm lam te" a tih chuan ka ngawi vang vang, a rawn sawi takah chuan thla hmasa khan ka period miah lo.













Kan in neih atangin, thla1 a ral ve tawh a, kan chhuk thlak hma nachhan ber, lah an sawn hla bawk nen, Christ pawn duh ang tawka practice na ho an neih theih phah a ni a, "thla hmasa khan ka awl a, mahse tun thla hi ka la hrelo, ka neih chu a hun tawh" ka ti a, a rawn rak deuh chiam a ni ber, " awii in test chhin rawh, thut hi a awm thei a nia, engtin emaw I awmdan a danglam ve em? " in ti hre zeta mi zawh chuan ka nui hak.













"Nei em em lo, mahse luck chhuak hi ka nei reng a, ka thil ei a tuilo a, thil ka ei theilo a ni ber, ka luck chhuak leh zel ka ei chhun pawh, in entir kan tum deuh a, Christ ngaih a tha theilo a" ka tih phei chuan a rawn phur em em ringawt, ka rai a ring te pawh a ni mahna, "testkid an zuar hnai em? va lei la test chhin teh" a rawn ti var a, a phur lutuk chu ka nui hawk ringawt.











"I phur sual ange, " ka ti hap, ka ti dik ang a rawn ti vei ham ham, min tur cheng cheng takah chuan thenawm lawk a damdawi dawr lam chu kawngka pawh kalh lo in, ka khar ringawt a, ka va pan ta ngawt, ka lei zawh hnu chuan in lamah bawk ka phei leh a, kawngka ka kalh nghal zat, a hma tang khan ka fimkhur zual hi a ni mai, kan ram a nilo a, ka ngam patna hmun a nilo bawk nen.












Bathroom ah chuan ka thu ran a, ka zun a chhuak bawk silo, avan buaithlak tak, Rini bawk chu ka call leh a, a lak rual rual chuan "pawngi ka zun a chhuak theilo " ka ti hlar, a rawn nui hawk hawk a, "I zun a chhuah hun ah, ti mai rawh ka lo ngaichang ve ang, awii min lo hrilh ve vat rawh aw" a rawn ti phur ngang mai, henu ching cheng thin hi chu aw.









Test kid pahnih lai ka lei chu bathroom ah chuan ka dah tawp a, ka chhuak nghal ringawt, chawhnu lamah chuan ka zun chu a rawn chhuak tan a, kei pawh ka vei run reng vang in, ka ni leng ngaihtuah ngut ngut a ni ber, ka test kid pahnih ken chu ka en kawp ran a, a ruala test hian a tha ber, rin sen pahnih ka hmuh chuan ka tah nuih deuh hak.











Rini chu ka call vat a, ka lawm leh hlim lutuk chu ka za cheng ni ber hian ka hria, "Awiii Rin ka rai" ka ti teh tawp a, ka phone call ngai chang ang mai a, a in ring rual rual a la nghal chu ka hrilh vat, a rawn lawm lutuk leh rak nasa lutuk chu ka hlim bawk nen, ngah mah ka ngai lemlo, a bengchheng pawh hauh en ah ka en lo, "awii ka lo zin nghal dawn, a rai hmasa zawk zawk in treat kan tih kha" a tih chuan Puipuii bawk ka hre chhuak leh ta.












Tunah te hian awm ve se chuan a lawm ber ber a ni ngei ang, "Rin ka lo be leh ang che, ka nu leh pa te chu nakinah ka hrilh ang lo la hrilh suh aw" ka ti a, a ni pawh chuan alo la hrilh loh tur thu in min chhang ve mai, Christ chu alo haw har ka ti thar em em a, nghak hlel deuh in, thutthleng ah chuan ka thu ran, a chang in kawngka lam ka melh leh zeuh thin.











Ka call zawk dawn emaw ni le ka ti leh thul, mahse phone atanga han hrilh chu a hmel awmdan tur ka hmu chak bawk nen, a ho tham ka ti bawk si, thim dawn thleng pawh chuan alo la haw theilo a, eng em em nge maw a tih le, vawihnih vel kha ka zui ve tawh a, an rei em em ngailo a, chawhma dar11 velah a kal a, dar2 velah chuan alo haw leh der tawh thin kha a ni sia vawiin hi enge maw a chhan ni.












A chungah eng emaw thleng nge ni dawn ni, ka phone massage a rawn luh chuan ka en nghal vat, whatsApp ah number hlang ringawt ah hian thlalak eng emaw hi a rawn lut a, eng tak chu ni maw ti chung chuan ka open a, ka meng deuh kawk, thlalak pahnih hi a ni a, pakhat ah chuan hmeichhe pakhat a hmelah chuan a hma a, Christ ka zui tum a doctor ngei kha a ni a, Christ an a pawm a, hmeichhia chu a nui deuh var var bawk.












Pakhat ah chuan in hnai taka an in din chilh lai hi a ni, a sir zawng a ni bawk nen, an hmel a hmuh chian theih loh, Christ kawr hak chu vawiin a, a hak tura ka dah chhuah sak ngei a ni tih ka chiang bawk, Christ hi ka ring a, min phatsan ka ring ngailo, tiang a min phatsan tur hian ka ring ngailo bawk, mahse hei hi ngaihtuahna a ti kal thui hle, ka out hma hma chuan chumi number a tang bawk chuan.












"I pasal hi then rawh, hmeichhe dang duh a nei" tih te hi a ni, a number a chu ka call a mahse a call tlang leh theih tawh bawk si loh, a dp lah engmah a hmang bawk silo a, Tu nge ni ta ang, Christ chu ka call a, mahse kawngka lam ah a phone ri ka hre nghal zat, ka dah nghal hmak a, a rawn lut nghal zat bawk, ka lo melh run a, ka thin a rim lo mahse ka na a ni.












Ka rilru no thar ta em em te, ka tah rawn chhuak nghal em em te chu mak ka ti hle, tiang hian ka awm ngai hauh lo, "Duati ngati nge thil thleng a awm a mi? I hmel a dik lo riau" a rawn ti lut nghal a, ka chhang lo engkim ka sawi tlang nghal dawn nge, ka zep anga, a sawi hun ka nghak zawk ang.












Ka bulah chuan a rawn kal hnai a, ka thutna hma zawn ah chuan thu hniam in, min hma chhawn vat, ka mit ah tak chuan min melh a, ka mittui tling deuh pam chu a ngaihna hrelo zet leh min ngaihtuah hmel takin min melh bawk, "Duati enge thleng sawi la, min ti mangang a nia" a ti leh chuan ka phone a an thlalak chu ka hmuh a, "Hei vang hi maw" a ti sap, a aw chu a zawi hle.












"Kan team enkawl tura an rawh dah, doctor a nih kha, a lu hai a tlu a, kan tih harh hnu ah a room lamah ka pawm phei a nih kha eng mah a awmlo, nang lo chu hmeichhe dang ka mamawh lo, ka kianga i awm chhung chu tu mah ka nei ngailo ang, nilo min kalsan pawh ni la, ka zui zel ang che, ka hmeichhe hmangaih i ni ka tih tawh kha' a ti sap, mahse ka la ngawi reng.











"Ka mit ah chuan nang bak an awmlo, engmah kan in karah a awmlo, le tah nghal tum ngawt loh tur thil hriat chian loh chuan ka ril a tam viau a nia" a ti sap a, keipawh chu engmah ka sawi tawh lo, biak erawh ka la tum chuanglo, "ti teh Duati a nuam lo nia, tianga i awm chuan ka buai thin a nia" a ti a, "ngati nge i pawm kher, midang pawh an awm ve reng" ka ti hmak a.












"Duati " a ti hap a, sawi tur a hre leh chuang lo, ka hmai kan phih lawk nge, tia thawk la hawk in, bathroom lamah a lut nghal daih, kei pawh choka lamah ka lut phei nghal a, thinrim na emaw lungawi lohna ka nei tawh miah lo, mahse ka rai no vang nge ni, kha nu a pawm kher kher kha ka lawm lo a ni, a hma in tiang hi ka ni ngai miah lo, "duati hei enge awmzia" tia choka a, ka test na kha a rawn keng phei a.













"I hmuh reng kha" ka ti hap, "chuan i rai a" a ti sap, ka lu ka bu leh mai, a hmelah chuan a hlim zia a lang chawp chilh nghal, ka bulah rawn kal hnai in, ka thil tih lai chu min dah tir a, "kei hi pa ka ni tawh dawn, duati ka lawm e" ti in, ka hmui ah a fawp vang vang, kei pawh chuan ka lo chhang ve vat, a duh thawh leh pek hle, chaw ei kham chuan khumah mu in, kan chhungte kan call a, an rawn phur khawp mai, Ka nu Christ nu leh pa phei chu rawn chhuk an tum.











Rini lah chuti bawk, Christ hi tawng lo in, a hma ka nun ngai, khan nung ilang chuan ka hlim tho anga, mahse tun anga ka vanneih na leh ka hlimna tawng buak ang hi ka nei hauh lo ang, a ni chu ka tan ka engkim a ni a min ngaisak a, nitin min hmangaih thu min hrilh thin, mipa rinthlak a nih zia nitin in ka hre chiang a, a ni nena hringnun kan zawh tur chu tun atang chuan kan fa lo piang tur te nen hian kan hmachhawn tawh ang.













In hauh chang nei ve thin mah ila, min dawh zawk ah tang in, tlawm zawk ah a tang fo thin, ka lungawi theihna a nih phawt chuan engmah tih hreh a nei ngailo, kan khawvel chu nulat hmang tha hman lo in, kan nupa in kan hmachhawn dun dawn a ni a, kan in thlah hlam ngai lo ang, hma hun kan sawi theilo nangin, a ni nen hian tar kun thlenga cheng dun tura khuanu ruat kan nih ka ring tlat thin.











Christ chu pa a ni tawh tur chu a za cheng a, engmah ka tih phallo in, a man a ti vek a, mizoram haw a, hna thawh tur an mahni dawr lian tak tak mizoram chhung a mi chu enkawl a duh thu a sawi thin, mahse keiin a duh ber ti tlang turin ka ti thung a, chutia engmah ka tih a phal takloh ah chuan awmpui tur pakhat a la ve ringawt a, a che over ka ti hle nangin ka sawisel chuanglo, min ngaihtuah vanga ti a ni bawk nen












Hmangaihna chu a tluang purh ngailo a, karah hmelma an awm leh thin, hun harsa tak tak an tawk thin, tih kha kan chungah a thleng ve lo a, a thleng kher ngailo nge kan la tawng baw lo tih erawh khua nu remruat ah nghat ila tih hi ka ngaihdan a ni, tunah chuan chhungkaw hlim tak ni thei turin, hun leh ni kan chhiar mek zel a ni.










A tawp ta~





Lawm thu sawi na, ka thawnthu a tir atanga a tawp thleng a, min lo ngaihhlut sak Tu te leh ka regu vaklo chung pawh a, min lo nghak hram hram tute chungah thinlung takin lawmthu ka sawi bawk e, tin a ngaihnawm lo chung chung a, a ngaihnawm tia in rawn comment na te hi ka tan chuan a hlu tak zet




A tawp ber te ni bawk a, add click leh cmt kha aw🥰


Show post links
Top