KA ‘D' BY CHHEPHAKI MUANI (Completed)

[Ngaia]

KA ‘D'











CHAPTER-1











BY CHHEPHAKI MUANI












"Roi" tia ka hming pum a ka huat bera min au tu chu thinrim zet hian "Zodinsang rawn lut rawh, ka kek lut duh mai ang che" ka ti vin hlar a, nau nghal deuh neih hi chu a hahthlak thin a ni, Rosangzeli ka ni a, Ro tih hi ka hming zinga ka huat ber a ni, "u Ro ka thiante an lo leng a, thingpui min lo lum pliss" a rawn tih leh lek phei chuan.













Thinrim tawh tak ka ni, a thiante ah zahna tur vak ka hre tawh lo bawk nen "Zodinsang khatin mi au tawh suh ka tih kha" ti chungin hmun phiah nen ka chhuak a, Zodinsanga nen hian kum1 chiah in kan in thlau a, min u ngai lemlo mahse a chang hi chuan min u ve khuah zel, U Ro tih hi a hrat ber thung, ka ngei thei nia aw, tunah college hi 2 sem a ni a, kei 3 sem ka ni thung.
















"tak tak ah u Ro hei thenawm thar kan nei a" tiin thawveng zet hian an thiam thum chuan an rawn lut a, dawt bak a rawn sawi leh tawp nang, hepa hi chuan e min tih buai bak hi thiam a neilo, "Zodinsang dawt dawt sawilo khan, rawn lut tha mai mai ta che" ka lo ti vin hlar a, "a ni lawm mawle aw, fapa an nei chhelo lutuk, i star dawn chiang sa, ka chiang" Zodina thianpa pakhat zawk chuan a ti a.















Ka lo melh rum nghek, "nia u Ro hna tha deuh a nei nia aw, phih awh ngei ngei chi" Zodina bawk chuan a rawn ti ve leh heng ho ka ngei theih dan em em hi, ka zahna bulpui te an nia, "tiang mai mai ngaihtuah lo khan test in nei dawn a ni lawm ni, zir ta cheu" ka lo ti leh a, an ngawi chiang a sin aw, lehkha zir sawi lan tawh chuan an ngawi dek zel.
















"tak takah, saw lai in sak thar lian deuh kan tih ah khan an rawn in sawn lut alawm, an fapa kha basketball player a nia, a lar ve tawh lutuk, ramdang ah pawh a khel ve ziah, a thiam lutuk an ti, mahse college ala zolo a an tia, hetah a zo phawt anga, ramdangah in khel turin a chhuk leh dawn an ti" an ti leh a, ka ngaihven vaklo, hmeichhia ang mai, lo hre kim hman leh lutuk.














"in lo va han hre hnem hman em em" ka ti ta thlawt, "ele kan nu in a sawi alawm" Zodina lah chuan lo ti then a, a thianpa pakhat la tawng ve miah lo, Biaka chuan "tiru i room ah han awm ang u, helai chu tek a tlak duh hmel e mai" tiin an tlan chho daih, an upat ve tawh nen hian, a ngaihna hi an awm thlawt lo.














Kawngka an rawn kik vang chuan ka thingpui chhuan lai chu kalsan in, kawngka chu ka va hawn a, nupakhat ka la hmuh ngailoh, cher tih tur ni silo, hmel fai sar leh nung sar hi alo ding a, a nui deuh vur vur bawk, "e ka pi eng nge ni ta? " ka ti vat, " e in tui in turin kan rawn dil tawp cheu, tui hi ala lut tlat lo a, hna thawk ho leh kan in tur kan lo keng silo a" a ti a.















Tui te chu kan hausak na zawng ve tak a ni bawk a, "e awle lo lut la, ka rawn la ang" tiin choka lamah chuan ka phei leh nghal a, tui bottle chu panga vel la chhuak in, ka pawm bawr tung a, " hei aw in mamawh belh leh min rawn ti buai hreh lo ula" kan tih ve ngei kha, a ni pawh lawmthu sawi chungin a chhuah leh tak kha, Tu te tak ni ang maw, a hmel atang khan mi khawsa ve thei tak chu an ni chiang sa.















Mizoramah pawh hian hausa tak tak hi an lo tam tawh khawp a, thingpui chu siam in, ka siam zawh chuan in chung lama awm te chu ka au lauh lauh, "u Ro zanin chu assignment min tihpui rawh aw" Zodina chuan thingpui kan in lai chuan a ti a, ka lo aw ve mai, Zodina hi chu lehkha a thiam thei, a tih that leh that loh in kar hi a hla ve a.














Kei rilru chak vaklo, zir peih ang kha ka ni ve thung a, a hma high school kan kal lai phei chuan board kha a ni tawh sia, tan alo na ve bawk sia, ka rilru chak silo, ka tap tawp zel, hei tak hi nia, Zodina pawh in a min chhiah ziah na, ka thinchhe bawk nen, ka thiam theihloh deuh hi chuan beidawng si, thinrim siin, ka tap tawp zel.















"Kan va haw tawh nge, naktuk chu aw" tiin an in mangtha hlawm a, ka nu leh pa rawn haw har lutuk chu ka phun leh nang nang thin, khawsak awlsam viau lo mahse, harsa lutuk tih tur kan ni chuanglo, kan mamawh engkim nei theilo mah ila, midang awt lo tawk vel chuan kan nei ve thei mai zel, tuna kan in luah hi, ka nu nu leh pa te in a ni a, an thih hnu khan kan awm ta daih a ni, ka nu in unau pianpui a neilo bawk nen.
















Rawngbawl ka thiam over loh vangin, ka rawngbawl an ei leh peih dawn chuanglo tiin sitting room lamah, tv ah YouTube ka en ta daih a, movie recap hi hmuh nawm ka tih vang hian, ka duh aiin ka lo en tui leh thin, ka rin ang ngeiin, rei pawh ka en hma chuan ka nu chu a rawn lut a, ka nu hian puan dawr a nei ve a, a zau em em lo na in, a in hrilh thei ve fu, ka pa erawh sorkar ah a thu pha ve pawl a ni ve tawh a.
















Tunah hian in thlan a hnai leh tawh bawk nen, an zin chhuak reng thin, a hnuaia a naute ho nen an kal kual a, thingtlang leh khawi emaw lai lai ah an tlan kual ve reng thin, kan nufa hian kan awm rawk rawk zel, a hma kum in thlan khan an tlin phak takloh vangin, an tang zual hle a, eng eng emaw ngai an sawi reng mai ni.















Ka pa lah a hlawh leh tlem a zawng kan chan tih loh chu vengchhung tan a hmang vek zel a, in chhungah hian han hman em em a nei ngailo, engkim a hna hmuh chhuah an pute atanga a hmuh ve pawh, vengchhung tana ta tur ang in a hmang zel a, a hlawh hi a ni deuh tawp mai kan chan hi chu, ei ruk tih vel a duh lo mi a lo ni bawk nen, kan retheih pui ka ti dawn chuan dawt chu ka sawi deuh anga.
















A thiante hausak ang aiin kan rethei bik hle, mahse a tha zawk a nia nge, "ipa alo haw dawn a, I nau kha han au teh, dawrah va kal lawk teh se" ka nu chuan a ti a, Zodina pawh chu ka au ve nghal mai, kan unaua kan awm tawh hi chuan chhuah ngaihna ah hi chuan ka nau zawk zel hi an tir thin, tun ang laiah sualna a tam ve tawh sia, khua alo tlai ve tawh bawk nen.
















A kalna tur lah chu ka nu chuan a dawr ah chuan a tir ta daih, a phone a theihnghilh hi alo ni, "uRo lo kal ve rawh, mahni chuan a ninom" a ti nang nang a, uRo hi min ti thla zen ringawt mai, tum bur chung chuan ka tho chhuak a, "tlan chak suh ang che" ti leh tete in, ka chuang nghal a, bike te hi a nei ve a, a duh pa bawk nen, a khân pawh a sang tha hle, chuan te hi a har a nia.















Mahse a bialnu chu a chuang zei khawp mai, a bialnu lah hian min ei vaklo a, kan in melh no lo thei khawp mai, ka nu dawr chu hla over lutuk a nih loh vangin, kan thleng thuai a, dawr chahbi ala ken theihnghilh zui a, ka nu chu kan phone a ringawt a, mahse vanneih thlak tak in, chahbi a bul lawka in ah chuan a lo dah hlauh a, a chhan pawh a thiannu in puan a lak a ngaih vang alo ni.
















Dawr chu hawngin, phone chu kan la a kan chhuak leh nghal mai, "Zoa zanin chu leng chhuak suh aw, ka pa alo haw dawn kha, lehkha zir ang che" ka ti a, bike ah chuan ka chuang nghal zat bawk, mi hi a hunah hi chuan a hlau thiam ve a, ka thusawi pawh hi a awih ve mai zel, tunah pawh engmah sawi lo mahse a buk vei nghat nghat hi.















"chhuk la nge la round kual ila chak" tiin min fiam leh zeuh a, ka ngei tawk alo tling leh tawh hle, ka thinchhiat zia hi a hria a, min chhaih thinrim vel hi chu a hneh sawh tawh lutuk, in kan thlen chuan ka nu chuan chaw ei siam zui mai tur in min ti a, ka pa erawh zan dar8 velah chiah a rawn thlen a rinom bawk nen, nghah ringawt chu nghah sual a awm ve thei a, an thawhpui te ho nen hian an ei khawm leh keuh zel bawk nen.















Chaw ei ka siam zawh hnu chuan Zodina a room lama chho leh hman tawh chu ka nu chuan a au vak a, a mak thei chawng chawng a nia aw, a room hi a vanram hi a ni mai, in a a awm ve tawh hi chuan, a room ah hian a lut reng, eng hi nge a tih thin ni, "em em lutuk a che, I u chaw ei siam rawh ka tih kha i hre ve reng a ni lawm ni" tia ka nu in a hua ri bawrh bawrh pawh ka hre thei.
















A ni hi zawng sualna lai han sawi tur nei miah silo hian, hauh ve te hi a ngai reng mai ni, unau hi pathum kan ni thin a, mahse kan upa ber hi a thi tawh thung, hmeichhia tho a ni awm e, engvanga thi nge a nih tih an sawi ngailo a, ka u kha chu ka hre hman lutuk, min awm ziah tih pawh ka hria, mahse a thihchhan ka hre tlat lo, naupang â kan la ni a, a thihchhan han hriat chian tumna kha kan la neilo ve bawk nen.















A thi kha ka tuar ve em em ringawt a, Zodina hi chuan a hre phak lutuk lo ang, ti ila a hre tho anga, kei ang tho in, a thih chhan han sawi tur a nei bik chuanglo ang, "I u chaw ei na tih fai pui ang che, zanin chu han ti ve reng reng teh" tiin ka nu chuan Zodina tirh dan phet a ngaihtuah a, a phun nang nang "apa lo haw hunah ka hrilh vek ang" a tih chuan ka nu chuan.















"Hrilh rawh hrilh rawh, apa pawh kha ti duai tawh suh, bialnu khawlaia an bianga fawp ngam tawh leh kai ngam tawh chuan ka pa ti tawh rawh" a ti chiah mai chu in sum hman lo in ka nui hawk hawk, ka nu chuan hei vang hi ni maw, tirh kual dan phet a ngaihtuah ni, Zodina lah chuan engah ngai lo hian a, dawhkân tih fai lai chu a ti fai mawlh mawlh.
















Fapa tlangval ka lo nei tawh reng a, dawhkân te ka lo la ti fai mai mai a, huizz vawiin tlai atang chuan a nupui a rawn lawi luh tir hma loh chu a ti char char tawh ang" a ti leh chu kei nuih in sum tumlo tih takah, ka nui char char, pakhat lah chuan min melh rum em em khawp ah, thleng ka sil zo chiah tih in, door bell a ri tlang tlang a.














Ka nu chu hawng turin choka a chhuah san vat, Tu emaw nen a an in be lawng lawng ri chu ka hria, hmeichhia a ni tih a hriat theih a mi biakah chuan "zanin a rawn en pui deuh cheu ka tum deuh a, mahse hei nangni zawk in rawn kal ta daih sia, khaw nge in pa pawh i rawn hruai ve lo a, hmuh a khat teh reng nen" ka nu chuan a ti a, "awii hei i fapa elaw fa iva nei tha ve" a tih zawm zat.















Ka nu bawrh bawrh hi chu aw, thu tur te chuan a sawm zawm zat a, "nia hei an tlangval ve tawh a, min zui kual te hi an duh thathum tawh lo, hei pawh ka ti lui a, a duh ve hram a nih hi, kan fanu te ber exam lai a ni bawk nen" hmeichhe pakhst chuan a ti ve leh "thingpui te kan lum dawn nia, bawihi hian thleng a sil mek a, a zo tawh ang, kan hrilh ange" a tih takah chuan ka chhuak phei a.















"e hei alo kal alawm, hei i nu Ziri te an nih hi, ka tleirawl laia ka thiannu, kan thenawm ah hian an lo awm dawn a" a ti a, ka bu nghat, " bawihi thingpui va lum ta che, kan lo in ang nge" ka nu chuan a ti leh a, a fapa ni awm tak chu ka melh zeuh, a pian en chuan cher tih tur ni silo, sa in phut mawi tawk tak, sek han ti dawn ila, chuti lutuk silo, a mawi tawk leka, sek mawi ang kha a nei.














A sang hle ang tih chu a thu chung pawn a hriat, a hmel chu a tha hle a, a khabe ruh chu a in fuah fuh hle a, a hmel chu a hriam deuh hrak bawk, hmui hmul ala nei deuh siar siar zui, a sam chu tunlai thalai tih dan in, a bek zawng ti kawng deuh in, a chhip lam buk deuhin a zuah a, a ti kir bawk, a hmel chu kei tak ngial pawn tha ka ti, ka phih awk khawp ang.















Kei hian min duhlo mahse ka duh a tawk der, midang pawn an duh hle dawn tih lah chiang reng, a lar chak khawp ang le, chan loh tur d ka ti tawp, a mah hi a hnamdang ruih mai, mizo pawh a ang lo, ti dawn ila a vun ngo lutuk rilo a, uk sen deuh kharh ah chuan mizo a ang bawk si, tin a mitmengah pawh mizo tho, naaa ngawi teh, thingpui chhuan chiah ngaihtuah rawh.















Tiin ka lu ka thing nawk nawk, thingpui chu siamin, ka chawi phei nghal zat a, a fapa chuan nin hmel zet chuan a thu ngul a, ka thawm a hriat vel ah, min melh nghal run, thingpui ka pek zawh ah chuan ka nu bulah ka thu thla ve a, ka hriat ngailoh ka nu thiannu fapa chu ka mit sir leh zeuh thin, min la melh run zui, eng nge maw a hriat ni.














(ka post hun tura ka tih ah, ka rawn post thei ta silo a, min hrethian dawn nia, kan damlo khan min ti chau ve deuh a, ka type peih ngang loh vangin, ka rawn dah lo ta kha a nia, min hre thiam hram dawn nia, eng nge in ngaihdan ni le?)
V day pualin hlan ve ang aw


Show post links
Top

[Ngaia]

KA 'D'










CHAPTER-2












BY CHHEPHAKI MUANI









A mi melhna chu story ang a mi em em Chuan na lo mahse, mi chu a melh zam lek lek, awmdan tur mi ti haih chham lek lek a, ka che chu a ni huih hian ka hria, ka melh loh lai te Chuan min melh reng te hian ka ngaih ruat a, keimah hi ka sa chhuak ve vek thei nia mawle, ka phoneah Chuan ka thiante chu bia in, kan hrilh vel a.














An rawn phul hlut, a chhan pawh kei hian long distance a, kum18 ka nih laia ka neih bak kha, bialpa ka la neiloh vang a ni, nei tur hian min duh hlawm hle, ka thianten rawn call an tum takah chuan "nu room ah ka chho dawn sin" tiin ka tho chhuak a, "aw I duh chuan han chho la, I nau kha rawn chhuk tir lawk rawh aw, i pa damdawi a zo leh tawh, va lei teh se" a ti a.














Nichin a phone kan lak te khan sawi ve nghal mai sela, tun ang lai ah mi an sual tawh si, an ruih phur vang ringawt ami sawisak ching an tam tawh si, "aw ka fapa hi tir ta mai la aw, kan la haw dawn pawh nilo, bakah thenawm lawk a ni tho sia" step ka chhoh lai chuan ti ri ka hria a, ka nu chuan bawiha a awm reng thu leh, a tirh chak ve hrim hrim thu a sawi a.














Ka nui chhuak teuh kher mai, step tawp ka thlen dawn Chuan ka leh hawi hram a, sitting room a hmuh theih nghal vek avangin, kha pa bawk kha ka zuk melh fuh leh ngawi reng Chuan a nu thil tih lai chu a nghak tawp ringawt, in la ngeng ve tak a ni, in la class deuh a ni ang tih chu a chiang mahse a mah.












Ramdanga awm reng a nihna nen chutiang mai Chuan sim chu a har ve ngei ang, " khawi maw, in leng chhelo chu" tiin call ka lak rual rual chuan an ti nghal a, vcall a ni bawk nen, an han ri bengchheng khawp ah, "in bengchheng ka dah leh daih mai tur sin, ri vak vak su" ka ti hlar a, an chek hlak hlak, "I thinchhe lutuk sim rawh" an han ti ngeiah.















Kei aia thinchhe ve si hi, "in hnuaiah a awm, in leng chiah pawh an nilo, ka nu thiannu te an nia, kan in bul lawkah an rawn in suan dawn a, chu zawng chu" ka ti awlsam et ringawt "awiii naktukah in in ah kan rawn leng dawn, college kal hma chu kan rawn leng reng ang" tiin Puipuii chuan a ti a, ka hmui ka ti pawrh nasa.














"nia keipawh Puipui min lo sawm rawh aw, ka lo kal ve dawn" tiin Rini chuan alo ti ve leh "aw rawn len a ngailo, in lerh lutuk, basketballer a nia, chuan ramdangah a kal leh nghal dawn, helamah a awm ve dawn lo" ti deuh hmak in, ka off daih, nge maw chutia an tih pawh chu ka lo thinrim pui deuh titih ringawt mai ni, chutih rualin thinrim tak tak ka nilo a.
















An hmuh ve kha ka phal lo ni mai in ka hria, "bawihi hei lo chhuk leh lawk mai teh" tiin ka nu chuan min lo call a, in hnuai atang hian min au mai zel a, in leng ala nei a ni tih min lo call mai danah a hriat, "eng nge" chhuk pah chuan ka ti ta ngawt a, khapa pawh kha alo la awm, "I nau kha ka tir chhuak sia, hei thenawm in thar hi kan en ve nge, in hnuaiah hian lo awm lawk mai teh" a ti a.
















"thenawm han tih kher" nu hmelthai chuan a ti vei sup a, a mah lah chu a nuih za za ah ala tang zui, "aw thenawmnu nihte kha i in hmeh ve lawm" ka nu chuan tiin nui hawk hawk chung chuan an in zui chhuak a, "nu ti khan a tawk em? kal duh na ka nei a nia" tiin a fapa chuan ning tih hriat zet hian pawn chhuah hma chuan a ti a, a nu lah chuan hre chhuak thut ni awm tak in.















"E aw bawiha kal tawh rawh, mahse rawn haw harlo la" a ti dam dap a, an chhuak ta chu a reh thiap mai, phone ah chuan khawih tur hre heklo, thiante an la in vcall tih hriat tak in join mai theih in ala awm kiau, tih tur nei ta lo chuan Facebook ah video vel ka en kual mai mai a, ei siam lam hmuh nawm ka tih vangin, ka en mai mai.















Tiang ka en hian ka mut a chhuah tlat vangin, ka ham bai bai a, ka mutthilh leh mai ka hlauh vangin, ka mit chu ka meng phawk vak a, awmzia a awm leh tawh lo, ka mit vun hi a rit bur thei tawh, ka khap te chu a sak talh tawh, ka nau alo la haw silo, ka nu lah thenawm ah a kal bawk si, han mitthilh daih lah ka hreh ve si.















Ka thin a rim deuh hlur tawh zawk, ka nu pawh hi, nge mi an rawn leng ve nana, han kal chhuah pui leh kher ni, in lah en thlak ala ni dawnlo tih chiang reng, room chiah an la tih fai thu a sawi kha maw, chutiang ngawt en ai chuan an luah luh tak tak huna en kha a hlawk fe zawk ang, bakah han en em em tur pawh a awm ka ringli ve hrim hrim bawk a.















'Tu nge a hming niang aw, hmeltha in chhelo hle mahse ka star nghal em em a, mahse tih lan ka tumlo, tian a rukin star ila, han vei ve em em ila dik a ni mai, bakah ka star tih a hriat chuan a in chhuang lutuk palh ang, chuvang chuan zep ka duh ta zawk, bakah ka lar lutuk palh ang













.

College chawlh pawh a zo tawh a, final year atan, kum khat chiah ka hma bak tawh bawk nen, college ka chhuah hunah, training tur ka zawng daih ang ka ti kha a nia, nurse hi ka nu hian min duh pui hle mahse a hahthlak e mai, kan hna thawh tur ang leh kan hlawh a in rem ngailo, "Zodin i rualin ka kal a ngai a nia, ka thiante an hman lo a" tiin Zodina a room atanga a rawn chhuak, kei ka room atanga ka chhuak ve chiah nena kan in tawh chuan ka ti a.
















Engmah a sawi buai lem biklo, lirthei khalh hi ka chem kalna a nilo nge, ka thiam thei der lo, scooty chu nei ve mah ila, ka khalh ngailo, ka nau hian a chang chawt a nia mai, a bike in petrol a neih loh ni la la hian, ka scooty hi a hmang a, a awm zawk zawk a hmang a ni mai, mahse tunlai tak chu ka pa a tlawn deuh bawk nen, ka pa zin chhung zawng pawh khan a nghei miah lo.
















A phakar a nia, ka nu hi chuan thun sak tawh loh chuan a chhuah tlem ve mai a ring thin a, ka pa pawh ka nu hian a hau fo, mahse ka pa lah chuan thil sual an va ti pawh a nilo a, ti khan awm tir ve mai mai rawh, tlangval an ni ve tawh a, khuahkhirh leh lutuk a tha lo zawk a ti thin, a dik na lai a awm ve tho, Zodina hi chu nghal in, chimawm viau thin mahse ruihhlo han tih vel hi a ti ngailo a.















Meizial pawh in chhungah ala zu ngam lo a, meizial zu ho in, an thian li in, game pawnah an khel thin a, chuzawng chu a ni mai, an bengchheng hle tih loh chu, mahse nu te chu nu nge nge an lo nia nge, ka nu chuan hum sual a dai hi a hlau thawng tho a, thu tha han hrilh malh malh tr hi a ching thin, pakhat lah hian a beng lehlam ah a luh tir a, leh lamah a chhuah tir leh ang vel hi a nia.















"U Ro lo kal rawh ka kal dawn" pawn lama ti lang lang ri ka hriat chuan thinrim bawk si, hmanhmawh bawk si in, ka chaw ei lai chu ka dah sawk sawk a, tih pawh ka ti fel hman lo, hepa hian mi hi chu a ti buai ve lawm, a nghal dan em em hi, min chaw ka ei tih hre ve reng si, nghal leh lutuk mai, "kal rawh U Ro tih khan min au leh na teh, I chaklo ang" tiin lawn pah chuan a hnungah ka beng thlawp a.
















Na a ti deuh nge, a er ngawng ngawng na in engmah a sawi chuanglo, a tlan chak bawk nen, kan thleng hma viau, a bialnu ve em em pawn, kan thlen rual rualin, a rawn pan leh chat tawh hi, min la melh rum ve em em ringawt, ka hlau lo nasa sia e, ka pawi hi han sawi chhin se nia ka tih ni, min ti buai hmasa lo tu ka ti buai hmasa ngailo ang bawk in, Tu mah hi ka ti hmasa ngailo, mahse min ti ve dek dek a, ka huat zawng a nih chuan ka nasa hle thung.















Mihring fel famkim kan awm lo a, keipawh sualna lai leh dikloh na lai, thatloh na lai ka nei ve ang, chu chu mihring nih phung a ni, tha famkim an awmlo ang bawk in, chhe famkim an awm chuanglo, that ber pawh tum mah ila, keini aia tha an awm ve leh zel tho a, chutiang bawkin, chhiat ber pawh tum ila, a chhiat ber theih chuang loh.















Khawvel dan leh kalphung nihna kha a ni miau, an ni chu kalsan in, class room lam chu ka pan nghal a, ka thiante lah chu an rawn la thleng lo emaw ni, pawnah min lo nghak silo, room chhung kan class lakna turah lah an awm bawk silo, huizzz ava buaithlak mahni a awm ka peihlo sin mawle aw.














Thutna hnunglam deuh chu pan in, bangkil lam, a hnung ber dawttu ah chuan ka thu thla hnawk a, ka thiante call tumin, ka phone ka phawrh zat, Puipuii phone la thei zawk chu ka hmet chhuak a, a la tawh dawn lo emaw ka tih hnu ah, a la ve ta hram hello pawh a tih hma chuan "in lo thleng dawn tawh em" ka ti nghal zat, lehlam chu a ri deuh rawk rawk thin.
















"hei kan lo thleng dawn, a tlan in kan rawn tlan, traffic a zam nasa sia, scooty kan rawn ken loh ni ni in, a zam nasa a, ka ngei tak tak, ka hah ka dah dawn kan rawn thleng tep" a ti zung zung a, a aw atang ringawt pawn a hah hle tih a hriat, engmah pawh ka sawi hma chuan a dah daih, "awii kha mizoram ai awh pawh a chhuak tawh, basketball khel thin, a that em vanga ramdangin a, an lak tak kha" an ti sar sar a.















"Kha Christopher kha hetah a rawn lut dawn sin, awii a nuam dawn e, a mah hi mizoram ah a awm khat a, a awm ngailo ang tluk a ni, tunah pawh apa vang chauhin a rawn chho an tia, awii a chhelo sia, kan subject ang hi la hlauh se, a in an loh pawn, a awmna class ah ka va thu duh hial ang" pakhat chuan a ti par par a, a phur hle tih a awm dan atang pawn a hriat.
















Ho hi kan ti mai mai khawp ah, kei hi taka hmeichhe lian ni lo mah ila, a hniam chu ka ni vak biklo 5'5 vel ka ni, a chhan pawh volleyball leh football ka khel thin a, nuam ka tih a ni bawk, bakah sport hi nuam ka ti ve hrim hrim a, kan college ah pawh a thiam bet ka ni, ti ila ka sawi suallo ang, mipa ah hi chuan han thiam filawr em em an awmlo.















An thiam ve deuh vek, mahse a nu apa an tih ang kha an tam ve a, an in tih hmuh emaw tih mai tur a ni chutiang bawk in, patil pawh an tam hle, ka thut atanga rei vaklo ah, ka thiante pawh an lo thleng ve mai, ka thutna lam chu an rawn pan nghal a, thutna hi pali thut theihna a nih vangin, an ni thutna atan tiin, a kil ber bang lamah chuan ka tawlh phei a.















Ka thiante hi chu kei aiin an hniam ve ve, an ni chu 5'4 pawh an tling pha manglo tih tur vel an ni, mahse ka sang over biklo, mizo hmeichhia chu kan te tlangpui nangin, kei erawh ka tet te atanga, betminton leh volleyball tui a khel thin ka ni a, kum12 ka nih vel atang khan football hi ka tui thut bawk.












Football hi chu a mipa tih chi deuh a an ngaih vang hian, ka khelh thin lai pawn, mipa hlir an ni thin sia, patil emaw min ti tawk lah an tam, mahse ka ngai ho thei hle vang khan ngatan mah ka ngai duhlo lui zel a, tunah phei chuan an sawi peih tawh lo zawk, a ho e games a nia, mipa leh hmeichhe tih tur a hrang lo ve chiang e.













CHRISTOPHER POV*







Ka pa thu hnial hreh siin, ning zet chuan ka bike chuan ka kalna tur college lam chu ka in khalh chhuak nghal a, ka nu reng reng pawh hi, ka pa te lo sawipui ve tur a nia, khu lamah pawh ka in khelh ti buai lo in, ka kal zawm thei reng sia, helai kher a han kal pawh kha a tangkaina vak ka hrelo a ni, mahse ka pa thu ka hnial ngailo a, hnial ka tum bawk heklo.















A ham daih atang tawh in, ka pa thu ka hnial angailo a, a tul fe a nih loh chuan ka hniallo bawk ang, tunah pawh ka hnial hreh vanga pawm mai ka ni, nilo se chu hei aia sanga in vawrh theihna chance kha ka pumpelh hauh lo ang, mahse tunah chuan midang in an khelh a ngai ta si, ka thaw hawk, chak zetin ka tlan zel a, ka thleng harlo hle bawk .














Thian siam tih vel ka thiam lo, min rawn kawm a nih ngawt loh chuan kum15 ka nih in, mizoram tan naupangte in ka in lan ve tan a, kum20 ka tlin meuh chuan contract min sign pui duh in, min be awllo ti ila a ka sawi suallo ang, ka thil tih apianga ber nih na chang duh mi leh chang thin ka ni, chuvang chuan tlawm leh hnihne ka duh loh vanga tundinhmun hi ding thei ka ni.













Ka pianpui thiamna alo ni bawk nen, ka tangkai pui khawp mai, tunah hian ka awmna a, a thiam ber ni pha ka ni, tin hlawh pawh a tam tham tawh hle, sum lamah chuan harsatna kan chhungkua chuan kan nei lo, ka pa hlawh ringawt pawh kan kham tawk, mahse ka thawh chhuah ngei a, in tundin ve ka duh a ni.














Nakinah nupui fanau kan la nei ve anga, tuna ka thil tih basketball hian chhungkua a chawm thei meuh mai, mahse tiang nilo hna ka in tundin theih nan a ngai a ni, ka vawikhat in khelh a, ka hlawh ringawt pawh hi, kum chanve lai ka daih ngei ang, a chhan pawh khawvel huap em nilo mahse basketball thiam pawl ber ka nih vangin ka hlawh pawh a nep lo hle.














Kan team ah captain ka ni bawk, mahse thu han neih vak kha ka ti ngai lemlo a, bakah an zingah ka naupang ber a, thu han pek kual a, tih dan han hrilh kual kha a nuam chiah lo a tin ni, "bro thian ni ila, Ethan" tiin a kut a rawn phar chhuak a, hang lam mah, hmel erawh chhe hran lemlo tak hian a ti a, a nui ang vur vur zui, ka bu nghat a, a kut chu ka vuan ve mai.













(a ngaihnawm em han sawi teh u lem? )


Show post links
Top

[Ngaia]

KA ‘D'












CHAPTER-3













BY CHHEPHAKI MUANI











"Christopher " ti zeuh in, ka kut ka pe ve mai a, a nui ang vur vur zui a, a mah a in chei dan atang chuan khawsa thei pawl tak chu a nih ka ring, a thawmhnaw pawh mizorama awm changkang pawl tak a ha miau a, "engtik nge mizoram i rawn haw reng reng a, ka lo ngaihven loh hun lai tak a ni sia, engmah ka lo hrelo a" a tih chuan thlahmasa lam a nih thuin ka lo chhang ve mai.














Eng eng emaw kan sawi a, kan titi luam mai, a hma pawlah kan thut a ngaih tak vangin, a hma lam ah chuan professor rawn luh hma tiin, eng eng emaw kan sawi a, a tawng duh phian mai, kei tawngtam vak peihlo pawh, ka tawngtam ve hle, a hnung lam chu a hawi zuk zuk a, eng tak a hria ni maw, "a hnung ber dawttu a thu ho khi i hria em? " tiin hnunglam chu a hawi leh a.















Ka han hawi ve nak chuan nizana ka nu in leng tura min hruaina a, an fanu leh a thiante kha an lo ni, a thusawi ka man loh em vang chuan ka melh hu a, "chuan engtin" ka tih deuh hu bawk, "a kil ber a mi hi, Rosangzeli a nia, chuan a thiante khi Puipuii leh Rini te an nia, an thawveng teh mai nia, mahse sports lam an thei hle, chuan Rosangzeli a kil bera thu khi, lehkha thiam thei tak a nia, kan class ah a thiam ber zel" a tih chuan eng nge a sawi chhan ka hre miah lo.















"chuan chu chu eng vanga sawi nge i nih" tiin ka melh a, a thaw hak "a hmelthat em khi, kan college miss hi chu a khum zak, tel suh sela chuan a mah khi chu chiang sa" a ti deuh ngei a, a sawi dan ki atang chuan a star deuh emaw ni aw ka ti rum rum, a hmel chu a tha reng, a pian pawh mizo pianah chuan a nalh pawl tak a ni, a sam a sei hniang bawk nen.














Mahse a in chei duh dan, tha viau mahse a sam a colour kher khian a mah a ti zaawm loh ka ti, ka sawi theih a awm miah lo nangin, han tih var han tih dawn a, ni silo var pawl lammah, dark deuh tho si hi a ni a, a rawng chu sawi thiam a har hle, a nung chang a sam kha nilo mahse, mi tam tak kan tehna a ni ve miau mai si.















En zui vawng vawng tham a ni a, kei ngei pawn khawdang ka hawi sawn theilo a nih kha, a hmeltha reuh zek a, baby face ala nei bawk nen, a mah a ti lang duhawm takzet, eng chu ka hria ni maw, chutiang ngaihtuah mai mai hman pawh i nilo, ti rilru chung chuan ka phone ka phawrh a, khulama ka team puite ho nena group kan siam ah chuan massage alo awm vangin, ka lut zat.















Mizoram rawn kal ve an chak thu leh kan rawn kal thut dawn tih ang reng alo ni hlawm a, an kal chakna a rei tawh khawp a, kum4 dawn chu kan in hrawn ho ve tawh a, an kalchak thu kum4 chhung ka ngaithla tih na nih ber chu, ka nu leh pa ka chhungten an lo call changte hian, an mahni ho nena an in biak a tam zawk.














Kan te ber phei chu an nel tawh hle, kan te ber lah, la â deuh phuang a ni bawk nen, cute hi an ti thei khawp a, a kum phu lo in a naupang chhia ka ti mai, kan naupang ber a nih vang pawh a ni mahna, engkimah buaipui ala ngai a, hmeichhe dang a rualpui ah chuan rawngbawl leh engkim an thiam vek tawh laia, ka nau in chaw chhum pawh ala thiamlo hi chu a mangan thlak a ni.
















Tih thiam hi a neilo reng reng, kan upa ber lah chuan ti hian a ni hi chu kan naute khawi ni rawh se, tiin tuman an tir phallo a, ka duat in ka hmangaih ve tho, mahse tlaw lutuk a awm bik hi ka dub ngailo, kei chuan ka awm tawh hi chuan ka tirh loh leh tih tur ka pe thin, min hnial ngamlo bawk nen, a ti ve mai zel, ka chhungte hian ka thu hi an ngai pawimawh ve a, ka u tak ngial pawn, a tih tawh chuan a hnial ngailo.

















Ethan chu nileng in ka bulah a awm a tih theih ang, a tawng duh bawk nen, eng eng emaw min zawt reng a, keipawh chuan tha tak chuan ka chhang ve mai, mizoramah thian tia han sawi tur ka nei lo bawk nen, a mah chiah hi a ni deuh tawp mai, a star chungchangte sawiin, a chang leh a phul hlut a, class kan la tha vaklo bawk nen, room chu a bengchheng hle.















Sports lam an sawi a, thlathar ah hian college mizorama awm hrang hrang in elna neih a ni dawn a ni awm e, professor ho huai hawt a ni awm e, an in hmuh khawmna a, an rel chawp ni awm tak a ni, lut thar ka ni a, engmah an kal phung ka la hrelo, college dang ang chu nise ka kal an phal tawh lo mai thei ni, mahse hemi neitu hi ka pa hmelhriat tha a lo ni bawk nen, bakah in sawi theihna nilo in, mi hriat ka lo hlawh ve tawh bawk nen.















An lo pawm viau kha a nia, class chhung chu ka ning hle, a bengchheng bawk si, hmun reh deuh leh thawm awm tamloh na hi ka ngai na a, chuvang te pawh a niang Ethan tawng reng pawh ka ning ru tawh hle, mahse han sawisel erawh ka tum chuanglo, "thil zuk ei ang hmiang, a siamtu in a siam thiam teh mai nia" Ethan chuan a ti a, pawi ka ti lemlo, zingah engmah ka eilo bawk nen.















Aw ka lo pawh ve mai a, kan hma chiah a, hmeichhia chhuak pathum chu nichin a, Ethanan min hrilh hmeichhe ho kha an ni, an bengchheng em em leh nghal a, an nui ang uarh uarh leh nghal, thawveng ve hlawm tak an ni, an nuih lah chu a ho em em leh nghal, kan professor tarmit ringawt nuih in an nui a, a ho ka ti lutuk chu ka nui ve leh tawp zel.














"Saw ti reng saw an ni mai, mi an rel ngailo nang hian, ngei tu an ngah teh mai nia, an khing ngailo mai pawh a, fiamthu ah an la zel, mahse Rosangzeli ber saw a kawlh a, an pawisawi ve tawh dek dek chu a ti let nek zel, bakah kan school ah hi chuan an lar ve deuh hat alawm, chhia an ni silo a, an nung chang lah sawisel em em tur a awm silo a, kan college miss pawh hian Rosangzeli saw a er thei lutuk" Ethan chuan a ti leh malh malh a.















Engtin mah ka chhang chuanglo canteen kan thlen chuan mi pawh an lo tam tawh khawp mai, thutna awl kan zawng deuh a, avang hrep leh nghal a, "Ethan hetah lo thu ve mai ru" tiin Rosangzeli te thian zinga mi chuan alo ti a, Ethan pawh chuan a pan vat, eng sawina hun ni heklo, ka zui ve ta tawp, in hre tha tih hriat zetin, kan thut thlak rual rual chuan an in be bawrh bawrh hlawm a, canteen a awm ho lah chuan min en in, an in hrilh ru ang sap sap a.
















Ka hne tawh hle, tiang tur tih hriat a, ka pa thu pawh kha lo hnial ila tha tur, ka thlen tirh atangin, ka la hne tluan zak a tih theih ang, ei tur chu kan chah a, hmeichhia ho ber lah chuan an chah hnem khawp a, ei lamah chuan ka u te vek ni awm an ni, em em lutuk a, hmeichhia ve si, "eheee milar kan thut pui reng a nih hi" an thian zinga pakhat Ethan lo au tu khan a ti hu a, "Tu mi lar maw" Rosangzeli lah chuan alo ti ve hu bawk.















"Ele hei hi, ila hrelo tih sawi tum miah suh" tiin Rosangzeli chu a thiannu chuan tiin a melh khai a, "engvangin nge ka hriat ngawt ang, kan thenawm ah a awm tih chiah ka hria, a lar chhan pawh ka hriat siloh" pakhat lah chuan lo ti awlsam et a, chek hlak chungin a thiannu chuan "nang hi chu entir i ngai tak tak a ni, mizoram tlangval chhuan vawr a nih hi" ka awm tih hre tawh lo lek chuan an thian dun chuan ka chanchin an sawi ka ti mai.















An thian pakhat awm ve chuan ning zetin, "a tawk, Rosangzelin a hriat in a mak lutuk zawk ang chu, khatiang mai mai ah in hnial reng su, a ninom" alo ti hlak hlak a, Rosangi lah chuan "ve che ka mi lar hriat chanve pawh i hrelo" alo tih khalh hmak, "korean bak a ni leh tawp nang" a ti ve leh, tlawm chu hreh hlawm tak an ni, Ka ning ta deuh, ka thaw hawk, Ethan pawh chuan an bula kan thu chu in chhir hmel tawh tak a ni.
















Thutna tur dang a zawng ruai mai, "in va han ninom, ngawi tawh teh u" Ethan chuan a ti ta thlawt, chutia nih takah chuan an ngawi ve ta hram, ei tur alo thleng zawm bawk nen, engmah chu an sawi leh ta chuanglo, ka thawveng hawk mai, an thian ho bula awm dawn chuan dam angai dawn hle mai, "in thian ho bula awm chu ka sim" Ethan chuan a ti hluk a, "okk go" Rosangzeli lah chuan lo ti hmak.















A tawngkam leh a hmel in hmeh lo lutuk chu ka nuih a ti za hle, ka melh zeuh a, min lo melh ve chiah bawk nen, a lai deuh nge a hawi sawn thuai, "tun tum sports pawh best player la leh rawh aw" tiin Rosangzeli chu Ethan chuan a melh a, "ka peih tawh lo, ka kal dawn lo, mut nan hun ka hmang dawn" alo ti hmiah, a thiante lah chuan an melh rum nghal hle.














"hmeichhia kan tla mai dawn sin, kan tel loh chuan i tel loh chuan kan tel peih bik silo a, in la no deuh deuh khan an tel anga, kan college chu mualpho emaw tlak a ni mai, hmeichhe tan chuan, tel ang u" an lo ti ve bawk, pakhat lah chuan ngaihsak tawh leklo in, a ei tur chu a ei mial mial, an chah hnem bawk nen, an ei zawh theih pawh ka ring lo.















Titi pah chuan an ei zo ta vek, keini thian dun erawh, kan ei zawh velah kan tho a, ei man pe in kan chhuak ta daih, hmeichhe ho lah chuan min en duh em em hlawm khawp a, an la phun ang sar sar zui, hei hi lawm ka nin a, khu lama kal ka chakna chhan, min zar buai tu chu awm tho mahse a tam zawk an nilo a, a hahdam thlak.













Eng em em tilo in, vawiin chu hun kan hmang a, chawhnu lamah professor rawn lut in, sports chungchang sawi ho tur a nih thu leh luh khawm tur tiin a chhuak leh nghal a, hall lam kan pan ta zawk, hall ah chuan professor ho an lo awm vek tawh a, kan kim hma viau, "awle kan ti zung zung anga, sports na ah hian, naupang chhe sports tur kan nilo bawk nen, volleyball, football, basketball, in tlan siak, tennis game te a awm dawn a, football tih loh chu mipa leh hmeichhia a hrangin a awm vek ang" a ti a.
















"college pum a nih dawn vangin, captain thlan kha chu zurtirtu lamin kan lo siam mai anga, chuan naktuk atangin kan zir tan ang, karkhat awrh chauh a awm tawh vangin, hemi ah hian best player thlan a awm anga, mipa leh hmeichhia ah lak a nih dawn vangin, kan school in lak veve kan tum tur a ni, chuan hmeichhe lamah chuan Rosangzeli science lam a mi, kha hmeichhe captain a ni ang, chuan mipa ah chuan kan new commer kan basketballer neih chhun, ram dang pawh a hming lo chher tawh, mizo in sports lamah kan chhuan em em, Christopher a ni ang" an tih chuan peih lo tak ka ni.
















A hma pawn captain te chu an nei sa awm reng sia, nge maw kei ka luh tak vang mai a, ka khel thei tho awm reng sia, captain ka nih vanga, kan tih that em em chhan tur ka hre der silo a, Ethan lah chu alo in ti thei ve em em ringawt a, a kum phulo in a naupang chhia a, nuih a ti za zawk hle, alo hawi sang khawp mai.


Show post links
Top

[Ngaia]

KA ‘D'











CHAPTER-4













BY CHHEPHAKI MUANI










A tuk atang chuan sports zir an tih vangin kal loh mai tum viau mah ila, captain berah min ruat tawh bawk si, peih lo tak chung chuan khum atang chuan ka tho chhuak a, ka room bathroom lam chu ka pan vat, ka room hnawk lutuk chu en in, ka rum nghut, engvanga nimin lama la ti failo nge maw an nih hrep ni.













Ti tur khan ka hrilh chiang viau khan ka hre sia, ka in phih fai zawh chuan sports zirna a hak nuam deuh tur ka ha a, in hnuai lamah ka bag ah tur nen chuan ka chhuk nghal vat, "nu, nu " tiin step ah chuan ka tlan thla hlawk hlawk a, a hrelo nge mawni, choka lamah chuan ka lut a, choka ah chuan awmpui ho nen an lo buai khawp mai, "nu ngati nge ka room khi, ka thawmhnaw pawh a ngai ngai in ala awm" ka ti lut bul bul a.














"E bawiha an la hmanlo a nih kha, nimin khan i nau room an ti hmasa a, i u room nen, I nau leh i u chu i hriat kha" ka nu chuan a lo ti vat a, a nui hak bawk, thawk la hawk in, a pawiloh thu chuan ka chhang ve mai, "nu ka kal" tiin a lu ah chuan ka fawp zeuh a, kan awmpui te pahnih chuan min en duh leh tawh khawp mai.













Kan awmpui te hi an la naupang a, kan in rual khat tlang vel mai thei a ni, thingtlang lam mi an ni awm e, mahse ngatan mah ka tilo, an mitmeng atang khan suallo mahse ka duh zawng an nilo, bakah hmeichhia hi chu sum chiah an duh, chuvang chuan kan chhungkaw hausakna vang nilo a, min duh tu ka hmuh hunah leh ka duh zawng ka mit la zawng ka hmuh hunah, bialnu chu kan la nei ang chu.














"mate vawiin ah lehkha zir that tur aw, chawlh lai mah nise, exam a hnai tawh tih hria la, ka college kalna a I kal duh chuan i pass that a ngai a nia, I room an tih fai vek tawh khi" tiin pawna, kan ui tomtoma nena lo in fiam chu ka bia a, phur tak in " u ka tih that chuan i kalna ah ka kal ve thei tak tak ang maw" a ti a, ka bulah a rawn thleng rang ngang mai.














"lutuk i tih that phawt chuan ka pa ka dil sak ang che, bakah i hriat kha ka pa chuan ka kalna a kal chu a phal dawn tih" ka tih chuan phur zetin, a zir that tur thu a sawi a, kha kha a ni mai, a lehkha zir that tir dan chu, tlawn hmasak a ngai, thiam theilo a nilo a, a peih lo thei lutuk hian a tih chhiat thin vang a ni.














A lu ah tuai sak zeuh in, ka bike lam chu ka pan a, gate chu matei bulah min hawn turin ka ti nghal zat, security tur kan la hmuh mai loh vangin, an awm lemlo a, mahni in hawn chawp a ngai, matei gate hawnah chuan tlan chhuak in, ka speed chu muang lutuk lo mahse, a chak vak theilo, mizoram kawng a ni a, kawi a tam in, a kual kawi dan lah a den em em a, kawng a chep in, motor tlan an tam ve tho bawk nen.














Kawng kual a tam vang hian duh ang in a chak thei lo, khu ta kan awm lai kha chuan kawng zau tak leh kawi tamlo tak a ni a, a kil in kawng a tha bawk, traffic light a awm bawk a, an zawm tha hle, mizoram ah a awm ve chhun pawh hmang tangkai lo tak kan ni, aizawla awm te saw, a awmna a mak si, chuta karah an dahna hmun kher kher saw chu a pil ril em em leh nghal a, an dahna saw a chep in, hmuh mai a har ka ti.















Hmang tangkai lo tak kan ni, vai tak ngial pawh kan tluk tawh lo a chhah chu a ni e, changkan ah ngat phei chuan kan tluk tawh lo, a thring lai chiah kan hmu a, mahse an ramah zuk kal ila, kawng leh a hmun hma reng reng tha tak tak a tam tawh, college ka thlen chuan mi pawh an lo tam tawh hle, ka tlan lut lah chu min lo en duh leh tawh hle.













An mawl emaw ni zawk hial, an ninom min bawr luai luai lo a zia tak a ni, hmeichhia ka bialnu nilo in emaw, ka hriat loh in, min kuah emaw, min vuan tih vel leh min bia vel hi ka ngai thei ngailo a, tunah pawh hian ka duh lo leh zual, tiang ang in feng chhing lutuk leh in hnawi over leh lutuk ho hi chu hnaih vak loh ka duh ber thin.













Bakah mipa tan chuan kan chhungte min hmangaih telpui theih an tha ber tawh, hmeichhe nasa deuh leh kan chhungte min hmangaih telpui theilo Tu chu kan chhungte kan ti rethei a ni mai, chutiang bawkin hmeichhe tan pawh, mipa sual neih chuan retheih leh mualpho kha an hma bak ve thei tho, kawppui thlan kawngah hian fimkhur a ngai takzet.














Rosangzeli kha eng emaw zawng tak chuan a lawmawm ka ti hle, a mizia zawng zawng khan nuih tur a tam in, a hmuh nawm ka ti em em ringawt, nimin chiah a ka hriat ni mahse, a hmel leh a chezia hmuh a nuam in a hahdam thlak ka ti, makeup hmang lo tih tur ni silo a, simple taka a hmang te, a hmui senno chek te kha, a baby face nen zawng zawng khan a in hmeh ka ti.














"Eng nge i ngaihtuah vung vung, saw Sangi te bulah sawn kal ang" tiin Rosangzeli te awmna chu a kawk a, peih tawh lo viau mah ila, Rosangzeli vang erawh chuan ka phur ru em em tho, an thianho zinga awm a hahthlak tih mai loh chu, mi rel leh an chhiatna lai sawi nilo mahse, an mahni tawngkam leh an in hnial peih lutuk hi a ni ber.














"Kha in lo dam maw" tiin Ethan chuan a be nghal bawrh bawrh a, an thutna thingkung hlim hnuaiah chuan puan phah in an lo thu chu ni in, "dam tawh lo ni ila, hetah kan thu kur nang" an thiannu pakhat Puipuii an tih chuan alo ti vei hmak a, ka nuih huk chu, "nia ni ve tho, mahse nang hi chu lu bung chung pawn I kal vu vu duh hmel ka lo tia" Ethan chuan tiin a fiam zeuh a.














Pakhat lah chuan a run hmel kher mai, an in tin uaih uaih hnu ah, an thu tha ve thei hram, Rosangzeli chu a ngawi leh kar tawh a, kan la in melh fuh thei em em zui, mipa ka ni a, han laih tih vel ka nei hranlo, a mah ber chu a lai tih hriat zet hian kan in melh fuh apiangin, a hawi sawn vat zel, hnuai lam a melh run zel leh nghal.















"Vawiin chu ava ninom dawn tak" tiin Zeli chu a phun nang nang a, (changtunu hi zeli kan ti tawh ang aw) "chutiang te sawi, captain thachhang dawl tu I nih kha, ning nghal ngawt suh" Ethan bawk chuan alo fiam leh tawh, he mihring hi ka rin aiin a nghal zek mai, alo hnial zel leh nghal a.















An puan phah ah chuan kan thu bial deuh laih a, hmeichhe ho chu an tawng leh barh barh tawh, kan bul hnai kan awmna tanga pennga vel bawr ah, hmeichhe ho an awm deuh nak nak a, an va han hman hlawm tak, kan awm hma a awm hlawm mang tawp silo, "mi lar awmpui chu hmeichhe rim hrang hrang kan bul velah a leng chuaih chuaih mai lawm" Ethan bawk chuan Thawveng zet chuan a ti leh a.
















A lu ah chuan ka khawng deuh fawk, a lu tuai vut vut chung hian "kal khawm an ti in ka hria, phei ve tawh ila" a tih zawm zat, kan tho sang sang hlawm a, "tennis ah khan hmeichhia ah khan tel ngei ngei ang che Zeli, nang i thiam ber" Rini chuan alo ti a, pakhat lah a ner nasa mai, "ka peih tawh lo, a hahthlak si, peih ni ila, hman a hmanah khan ramdanga kal tura min sawm pawh khan ka kal daih tawh ang" alo ti hmiah mai si.
















"I khelh loh in Tu nge khel anga, kan college ah thiam an awm hlei nem, i va han tel awm chiang e, ka thianpa hi captain a ni tih hria la" Ethan chuan alo ti vei pang pang, nuih hi a ti za let ling zawk thin hepa hi chu "I tawngthei mipa ve si, saw tah va kal teh i ninom" pakhat in alo ti hluk hluk a, a nui duh chauh leh nghal.













ground kan thlen chuan an lo in line thap tawh a, an hma ah dai hlim deuh laiah chair ah professor ho an lo thu thap bawk, kan subject la ve tho ho bulah chuan kan in line ve nghal a, "awle nangmah ni, practice in in lo ti phawt anga, a tel tur anga in thliar ho leh midang pawh khan captain tura kan ruat leh hmeichhe lama, assistant tura kan ruat te thu kha awih ula, in awihlo a nih a, complain a awm chuan hrem in ni ang" tiin thu dang dang a sawi a.















"he thil hi a pawimawh dawn hle a, college hming that theihna leh nangmah ni ngei pawh in fiam lama tui te tana, hna tha hmuh theihna a ni dawn a, college in chhuah velah, in duh phawt chuan an sawm cheu a nih chuan chumi lamah chuan an lo kai hruai thei nghal dawn cheu a ni" a ti leh a, midang chu an phur khawp mai, eng eng emaw midang in an sawi hnu chuan kan tih tur ti turin kan in ruahman nghal a.














(ti zawng kha ni leh phawt teh se, add click kha aw)







ZAWMNA





KA ‘D'











CHAPTER-5













BY CHHEPHAKI MUANI









ROSANGZELI POV*






Tennis a tel tur pahnih an ngaih avangin, kei leh hmeichhe pakhat, Ruatsangi an tih emaw ni nen chuan min ti a, ka peih lo hle nangin, midang awm heklo, kan in zir nghal a, mipa in football an zir a, vawiin atan chuan chu bak kan zir dawn lo a nih hmel, Ruatsangi lah chu a thiamlo em em leh nghal a.













Han sawi buai leh dawn in, midang an awm bawk silo, mahse minute tam fe kan tih hnu chuan a thiam theilo bawk nen, Puipuii hian thlakhat chhung kha a rawn kal ve tho bawk nen, a thiam zawk ringin, thutna tlang zir kuala an dah a, thu Puipuii chu ka au a, "Ruatsang hei hi tel zawk mai rawh se, nang chu volleyball ah kan mamawh dawn tho che a" ka ti a, a ni pawh chuan tha a tih zawk thu a sawi ve mai.














"Pui tel zawk mai rawh, a ngaihna a awm lo, ka beidawng" Ruatsangi kal hnu chuan ka ti hap a, a bu nghat kan zir tan nghal mai a, Ruatsangi ai chuan thiam tak a ni, bakah a kalphung vel leh a tih dan a thiam nghal vek tho a, a hma lo zir ve deuh tawh a ni bawk nen, harsatna em em a awmlo, hei chu kan ti ngun deuh anga, a thiam ve mai ang.













"In lamah lo zir ve la, i u in a thiam tho kha, lo in zirtir la, I thiam tho nangin, I bel leh zual nan" tiin ka thiannu chu ka melh a, a bu nghat, volleyball ball ah kan thian ho a kan tel a ngai bawk si, hei chu kan college ang ringawt pawh a, kan tih pawh a, a thiam pawl kan ni bawk nen, kan tel ngei angai dawn vang a ni.













Telloh tum mah ila, professor ho in min tel leh dawn tho vang a ni, bakah midang han laktlak em em hi an awm thlawt lo, thiam chu an thiam, mahse in la no reng reng kha an ni bawk nen, kan hahthlak viau, science subject la ho hi kan pangai ber a, in la no uchuak em em kan awm lo a, a hun leh hmun kan hria ka ti mai.













Hmeichhia chu kan no sa a, in lak no chawp leh kan ngailo, hi ka thu pui ber a ni mai, "in zo tawh ami" Christopheran a tih chuan ka bu nghat, "umm Ruatsangi kha a thiam vak silo a, Puipuii hi ka ti ta mai, khatiang kha chuan kan bei rei dawn lutuk a, a dang zir leh ngai nen" ka ti a, a ni pawh a bu nghat.













"kha chu i thu thu a ni mai, basketball leh volleyball kan zir anga naktuk lamah, chuan a bak chu a chawp in kan ti dawn nia" a ti a, kei pawh chuan tha ka lo ti ve mai, midang haw hnu pawh chuan kan pahnih chuan professor ho in min hmuh duh vangin, kan awm hnu fual a, office lam kan pan dun hnak hnak, a tawng tlem si, a hmel lah biak a huphurh awm ropui si.















A meng rum lam lek lek leh nghal a, ngawih reng hi chu a ninom bawk si, kan kal chhungte chuan sawi tur ka hre zut zut leh ta nghal, mipa dang ang a ni silo, midang ang chu nise an ngaithla peihlo chung pawh ka rak vak vak leh awm sia, mahse a ni hi chuan mi hipna mak tak a nei a, a hmel leh a bul hnaiha awm hi chuan ka zam lek lek thin.
















"i sawi duh kha chu nakinah i thiante bulah aw, tawngthei lutuk hi ka ngaithei lo" a ti deuh hmuk a, hmmm in la fing ve lutuk, ka tawng tawp silo a, "a bik in hmeichhia" alo ti leh khanglang, ka in sum theihna a ti chhe chiang a sin aw, ding meuh a melh rum in, "a ve lutuk a che, I bulah ka tawng peih teuh lo mai" ka ti vei hmak a, a kal lai chu ding deuh dat in, "okk chutiang a nih chuan a that nasat chu" a ti ve leh chu ka run leh zual.
















"Lo lut rawh u, kha tah khan lo thu ula, kan school hi blue kan nih dawn vangin, kan hak tur hi a blue in kan siam tir a, chu chu in lo va lam mai dawn em ni?, hei chhuahna tur pawimawh nei leh in chhung a nu ber te kan ni nawk sia, kekawr bul leh kawr a nia, a number kan chhut tir vek a, in duh duh kha in thlan tir mai dawn nia, mahse in khel ho kha, a tir lam number kha ha thei se a tha" kan sir chuan a ti leh a.
















"Awle sir alam na tur sawi la kan lo va lam nghal mai dawn nia, naktuka ken theih turin" Christopher chuan a ti a, sir pawh chuan alam na tur vel in kawh hmuh in, a man an pek tawh thu a sawi zawh hnuah kan chhuak leh nghal zat, "i duh chuan lo va haw la, ka lo lam thei tho a, nge ilo kal ve zawk ang" a tih chuan a mah chiah a kal tir chu nuam ka ti ziah lo.
















Kan pahnih in min tir a, a mah chiah kal tir bik kha chu a nuam ka ti chiah loh vang a ni, "ka lo kal ve zawk ang, hmeichhe lam ka hawn anga, nangin mipa hawn mai rawh" ka ti ta tawp, chutianga ka tih takah chuan a hmelah engmah danglam awmlo hian "okk fine a nih chuan kal ang" tiin a bike ah chuan a lawn a, a khan a sang bawk si.
















Keini ang tan chuan beih fee hi a ngai thin, harsa chung chung chuan ka lawn kai thei ve hram a, ka chuang fel awrh tih ah, a phit vak a, ka eu awrh leh nghal, ka tla teuh lutuk chu ka thin a phu nghal dup dup thei, a hnung lam chu rum theih tawp in ka melh a, kan tlan chhuah tan tirh a, a phit thut bak kha a tlan chak lutuk em em tawh lo.
















Thawk khat chu a veng deuh hawk ngei e, thui ang reng tak kan tlan hnu chuan thawnhnaw thui na dawr kawtah chuan kan ding chawt, "hei hi a nih hi, chhuk rawh" a ti deuh hmuk, leh ngawt zel hian a aw, ka khawng fawk zawk dawn emaw ni, mahse damlo em kha chu tiin a hreh ve deuh bawk nen, a hau..


Show post links
Top

[Ngaia]

KA ‘D'












CHAPTER-6













BY CHHEPHAKI MUANI











Kan sports zir pawh rin ai takin a tluang a, Christopher nen pawh kan in pawh tawh viau, bakah captain a ruat kan ni bawk nen, in rawn ngai leh in hmuh ngaina a tam ve bawk nen, kan in nel ve tawh viau, mahse a huhang hi ka zolo lek lek thin, ka zam ni ber hian ka hria, ka tawng laia min en vung vung te hian ka lai chhe thei khawp mai.















Mi lar sa alo ni bawk nen, college ah chuan karkhat chhung lek pawn a lar hman viau, mi tupawn an hre nghal vek a, hmeichhe ho lah in a thutna a, ei tur emaw present an dah lah a tam thei khawp mai, lehkha ziak ang te a pe pawh an awm nual zel, kan thian ho lawmah tla in, kan lo ei sak thin a, a ni lah chuan ti khan ei zel mai ru, ngatan mah ka tilo a ti mai sia.
















Kan lo tlei pui khawp mai, thil tha tak tak an pe a, chung te lah chu min pe hmak hmak bawk si, keilah in thlahrung thin tak hi ka ni, ka lak loh chuan a paih tho tur thu a sawi vang chauh a, la thin ka ni, nau pawh a nei a, u pawh a nei ve reng a, pek mai tur a nia, a sual ka ti dawn nge, kei kher min pek chhan hi ni ang ni, "karleh lawk a ni tawh sia, tennis chu in thiam tawh maw a kal phung" canteen a kan awm lai chuan Christ chuan a ti a.














"umm Puipuii khan au alo in zirtir ve zel bawk nen, kan thiam tawh ve tho, mahse keimah ber hi nia, ka buai leh ka hlau ber a" ka ti sap, ka in thlahrung viau, ka lu hi a hai thin a, a buaithlak tak tak a ni, tennis kan khelh apiang in chutiang chuan ka awm thin a, mahse awm loh chang chu a nei tho, "lu hai damdawi a awm kha, ei la a tha mai lo maw" a ri sup a.














Midang chuan kan thusawi an ngaithla lem lo, ei tur nghah pah in, Ethana in sawi theihna ngaithla in, Puipuii leh Rini chu an thu a ni ber, tih der tawk te te, te hi an awm ve nia nge, ka thian mawl ve tak tak pahnih lah chuan an awih khawp a, kei awih lo lutuk chu kan in biak lai chawl meuh in, ka lo ner nawng a.














"ka zawhna che kha" ka beng bula rawn ti sup ah chuan ka phu chiang hle, Christ chu ka melh vut a, min hnai mang tara ah min lo melh reng chu ni in, "ahh ihh, ka hrelo ka la ei chhin ngailo a" ka ti sup, a bu nghat nghat a, "in enkawl tha la, chaw ei tha la, i thil ei hrim hrim ti tha bawk la, tiang chu a thalo hrim hrim a nih chu, damdawi chu ka lo keng dawn nia" a ti sup a, ka hnial lemlo.














"Pui i thiam tawh em? " tiin Puipuii chu ka melh a, in la confi fahran hian "nang ai pawn ka thiam tawh maithei, mahse kan tluk chuanglo che anga" an ti vei sup sup a, a hmel hi a ni ringawt, mi hi a ngaisang a nia aw, "ve che, in ti confi viau zel suh, thiam leh miah lo ang" Rini chuan alo ti a, ka thaw deuh hak, "uan hun hi hre teh u" ka ti ta thlawt.

















"hmmm" an lo ti dun ringawt nia, eng eng emaw sawi chuan kan ri deuh nak nak a, kan college ah hi chuan sports ti thei ve tak tak kan awm ve bawk nen, kan thawveng hle, han zir em em pawh ngai kan ti hranlo, an tang lo ve hlawm mai sia maw, bakah nitin a hun awl a awm apianga, basketball emaw football ti ngei ngei an ni a, hmeichhia lah volleyball bawk a ni bawk, han harsa em em kha a awm hranlo .
















Hall a luh khawm tur an tih vang chuan lunch zawh chuan kan lut khawm a, thil ti zung zung mi kan professor te an nih vang hian, kan thu khawm reilo, kan professor te an lo lut ve thuai reng bawk a, "awle karthar mai hi a ni tawh a, tang takin kan college ti hming tha tu nih tum theuh tur a ni, chuan bus in kan sports na tur field kan pan dawn vangin, college kawtah zing dar 9:30 ah kim thap tawh tur a ni ang" tiin a ngawi dat a.

















"Chuan in hriat tur chu college dang leh an professor te mit ti kham thei zawngin Tu mah awmloh tur a ni ang, in ngaizawng ho pawh kha ka hre ve hlawm teh ngai cheu nia, kan college chhung anga, lo in ngaih vel te kha ching lo ula, a bik in senior lam khan in ching" tiin kei ni ho senior ho chu min fiam zeuh, kan lo nui hak hlawm, a dil ve reng in ngaizawng hi an tam ve a.

















"Ti khan kan bang zui mai anga, sports na ah pawh, captain tura kan ruat te, nangmah ni ho khawm tura kan ruat te kha zah thiam takin, in awm dawn nia, an thu zawm ula, ti tura an tih cheu zawm bawk ang cheu, keini chuan kan ho hman reng dawn lo cheu a, kan lo thlir ringawt dawn cheu vangin, an thu in zawm tur a ni" a ti leh a, chumi hnu chuan kan chhuak sap sap hlawm.















"Ethan enteh i bag kha lo keng teh a, a lian tha deuh kha kha, nimin a ilo ah kha, thil ei paina turin ka duh e" Rini chuan a ti a, kan Ethan mi nghala lah chuan a phalloh thu alo sawi deuh hmak bawk si, "hmeichhe ho lah hi, a nalh nalh in duh a, te deuh deuh hi in âk a, ti khan a tul hunah in hmang leh thei tawp silo" a ti deuh hmak hmak a, nuih hi chu a ti za thin, a rawn keng leh dawn tho vang in, Rini chuan a chhang tawh lemlo.
















Ti hian a hnial a hnial a, hmeichhia chu a ngaihsak leh viau ang lawi a, a hun a hria ka ti mai, Kan Christophera pawh a dan ngaite bawk in, a ngawi leh reng tawh, i tawng chuan ka sawisa ang che an ti pawh ni hlei lo, tawng a hreh ka ti mai, a ngawi run zel a, a hmel lah hi biak hi a peih awmloh ren run thei ropui si, "bro naktuk chu bike in kal ila" Ethan chuan gate kan chhuah dawn chuan a ti a.
















Pakhat lah chuan tawngkâ a chhang lo in, alo bu deuh nghat ringawt, "eng vangin nge nangni ho kha min lo kalsan" tia rawn au lauh luah Tu chu tu nge a nih kan hre chiang hle, Ethana thian kawm ve ber thin, Duhawma alo ni, a hma khan a damloh vangin alo kal lawk theilo a, nihnih vel chu alo kal lo, ti hian alo kal hnu hian kan in kawm khawm ta hlawm a.
















Thian kan ni ta ber, kan paruk hian kan in kawp deuh chawt a, Ethana ang chiah a thawveng a ni a, Christopher erawh ngawi run run chi, engmah sawi ve ngailo mahse, kan bulah hian a awm reng peih ve tho ka ti mai, a ngawi reng a, kan bulah a lo ve kur tho zel, a tul fe lo ah chuan a tawng zen zen lo, "naktuk chu bus ah chuanglo ve mai ru, kan rualin in kal dawn nia, Zeli leh Christa thenawm an ni tho a, kal rual sela, keiin Rini ka phur anga, Duhawman Puipuii phur mai rawh se" a ti zat zat a.


















Tuman an sawi buailo, kei ber hi, hepa hi ka in phurh tir ang maw, awii hi ni ringawt, a bul hniah deuha ka awm ringawt pawn ka lungphu a rang a, ka zam tawh lai lai a, engtin nge ka awm anga, min phur tur phei chuan a bike lah khân sang chi alo ni bawk nen, "kei chu bus in ka lo kal mai ang, harsatna a awm hlei nem" ka ti sup a, min en thap, in kawm khawm hlawm mah ila, haw lam kher hi chu Christa nen hian kan la haw ruallo a.
















Taxi hian ka haw mai thin, a bike a chuan chu ka hreh hle, "a tullo ka rawn sawm ang che" Christ chuan a ti deuh hluk a, engmah ka sawi tawh lo, "bro kan kal duh angem" Duhawma chuan Christ melh pah chuan a ti a, "kal ila a ni mai lawm, an duh phawt te chuan" pakhat lah chuan alo ti sap êt a, heng mite in sual peih lutuk hi a mak.














Semester 1 atang tawh khan Duhawma leh Ethan hi chu in sual lama lar kha an ni thin a, Christ lah chutiang bawk in sual peih tak a ni tih a hriat hle bawk, "a tullo a ho mai mai, in mak leh lutuk in sual ti reng su" ka lo ti hlak hlak a, ka thiante angah ka ngai tawh a, tianga thil tha lo an tih hi ka duhlo, "kan na dawn hlei nem, an mahni zawk alawm na tur" Duhawman alo ti chu ka melh rum vak a.














Engtin mah min chhang let ngam tawh lo, hmun dang a hawi daih, "in in sual chuan ka khawng hle ang cheu" tih bik pawh neilo chuan ka ti a, Ethan leh Duhawma hi chu a hma daih atang tawh a, in kawm vaklo mah ila, ka hriat kha a ni a, ka ngam thlak ve a ni, "I khawn nat loh hmel si ka hlau" fiamthu chuan Ethan chuan alo la khanglang.
















"Mawla ka fiamthu a mi, chhaw heh huh lutuk mai" tih pah chuan pan hnai deuhin, a lu ah tak chuan ka kuk hrep a, a na ve deuh nge, ner nawng nawng chung hian a lu chu a tuai vut vut, "kal ang u a nih" tiin Rini chuan min kai a, keini hmeichhe ho chuan kan kalsan ta ngawt, eng ang pawn sawi ila, an kal tho dawn tih lah chiang reng.

















"Hrilh hrilh hian awmzia hi a neilo reng reng, hengho hi chu aw" taxi kan chan lai te chuan ka la ti hlak hlak a, kan in a hlat ber vangin, ka haw na tur kan chang hmasa ber, an ni hi chu a hnai fu, ke pawn kal se rei kal a ni lo "a nih bye u, monday ah kan in hmu leh dawn nia" tiin ka thiante chu ka bye a, taxi ah chuan ka chuang lut vat.
















In kan thlen chuan ka chau deuh ruih thei, ka room ah chho tlang in, ka pa lah a zin leh tawh bawk si, thingtlang lamah vote zawngin an chhuak a, in thlan a hnai tawh ka tih kha, in ah a awm hman meuh lo, khumah chuan ka bag chu ka theh thla a, ka phone ka hum reng chu ka hmet êng zat, massage alo awm nual a, thian ho group Ethana rawn siam ah chuan an lo rak nak nak hlawm.
















An ni hi in sual tur chuan an kal ta lo emaw ni le, Christa tih atang chuan private massage a rawn lut hlawl a, mak ti zet chuan ka lut nghal zat, "I duh ang ngei chuan in sual tur chuan kan kal lo" tih te mai hi alo ni, han chhan let dan tur ka van viau, kan ngaihtuah vang vang a, thian kan ni ve tawh tho a, han biak zah vak na tur ka hriat loh vangin.
















"Good boy kinah mamate ka la lei ang che" tiin ka fiam pah zeuh a, group a massage rawn thleng thar chu ka en ve leh nghal zat, "Kan lalthuduhan, mi tê thinchhiai thu a awih a nia" Tiin Ethana chuan a rawn sawi a, a awmzia chu ka hre chiang ngang mai, "ehh an lo ni reng tr hi nilo maw" Rini ve thung a ni, henu mai mai chuh, ava han chak dawn lo tak.















"in va han hman hlawm tak e aw, mu ru" ka va ti hlak a, "ehh hei a changtunu alo thleng" Puipuii chuan a lo ti hmanhmawh, ka ngei mai mai zia chu "a changtupa pawh alo thleng tep ang" Duhawma chuan alo ti ve leh eng nge an hriat chu le, an in sual leh tak loh vang mai mai a, kei leh Christa chu min hmeh bel ngawt ni.


Show post links
Top

[Ngaia]

KA ‘D'













CHAPTER-7












BY CHHEPHAKI MUANI








A tuk inrinni a ni bawk nen, ka rin aiin group ah chuan ka rak rei ve hle, ka thiante ho kha an rak rei khawp ang, ka mutthilh khan, 12 a ri va va tawh a nia, zing ka harh chuan thawh ka hai chiang hle, ka chhungte lah chuan min kaih thawh nachang an hre derlo leh nghal nge mawni, dar10 alo ri daih tawh lawm, em em an na, zanah ka mengrei tawh lo chiang khawp ang.















Tho vat in, ka room a bathroom ah chuan lut in, ka in phih fai a, ka hâ te nawt in, in hnuailamah ka chhuk vat, ka phone chu chaw ei na dawhkân ah dah in, chawhmeh vel ka en deuh mawlh mawlh, ka duh chi a awm loh vang chuan artui kan dahna chu hawngin, artui pahnih chu ka la a, bowl te chi chu ka la chhuak leh zat.














Gass ah chuan artui kân na tur thirbel chu ka chhuang kai a, awmpui pakhat lak kan rilruk tan a, ka nu hian mahni a chet vek duh mahse, kei college kallai ka ni a, ka pui hman thin silo a, a mah a taksa a chak tawk chiah tawh lo bawk nen, awmpui pakhat chu ka college kal chhung chu chhawr ngei a ngai tawh ang.














Ka nu pawn a hnial tawh biklo turah ngai ila, a mah upa lam pan mek a lo ni bawk si, ka nau chiah a neih hian a hrisel loh vang khan thi chunga a hrin mai an rin laia, ka nau hi dam chhuak a ni a, ka nu pawh khan a nunna hial a tawrh an hlauh pui hle a nih kha, kha vang khan a chaklo zual a, tun thleng hian ala tuar ka ti mai.














Ka nu rualpui te an chak that viau laiin, ka nu erawh, chauh thut nei thin leh hah vak chi a nilo, a mah a chet tlat in chhung velah hian a duh tlat vangin, Tu man kan ti lui lo a nih kha, mahse tunah chuan a theih tawh loh hi a ni tawp mai, ka thu in ka la tawp ang, midang chuan ka nu thu an pawm leh mai dawn tih chiang reng.














An ngaihtuah loh vang nilo in, a thu an hnial hreh vang a ni, ka pa hian ka nu hi a hmangaih ve hle a, a lungawiloh na leh a duh loh zawng tih a duh ngailo, hei vang tak hian a nia, keimah in a ka ti ang ka tih chhan pawh, Zodina te chu sawi lo zawk ang, a ni hi chu e, a nung ve tawp hi a ni mai, tunlai phei chu zu in zeuh a ching a, in tam lo leh in ngun nilo mahse, a tha lo hi ka ti tawp mai ni.














Nakinah chuan no khat in, no hnih a hring tih kha alang anga, a ngawl vei bak hma bak an neilo, min zah der thiam ve a, nakinah ka la hau ang, chaw te chu ei fel in, sitting room lamah chuan ka thu phei a, ka phone bak khawih tur awm heklo, midang an chhuak vek bawk si nen, keimah bak ka awm bawk silo, whatsApp ah ka lut a.













Christa tih atangin, private massage ka dawng hlawl mai, pakhat chiah a rawn thawn a, morning le, vawiin tih bak ka hmu theilo, en chak tawh si, la en mai duh silo, eng nge a rawn sawi hre chak si, chuan ka hawng a, 'morning le, vawiin nuam deuh in I hmang dawn nia" tih hi alo ni, keipawh chuan Morning le, nangpawh nuam deuh in le tr chu kan tih ve kha.













"vawiin chu Zeli te in ah leng ang u, an in a nuam ber" group ka luh chuan massage 1000 chuang alo awm, ka chhiar thla malh malh a, "a tha lawm, leng ang u, Rin ka rawn lam ang che, Duhawman Puipuii lam se" hmel ho mai mai chuh, min mention a, kan lo leng dawn a nia, an tih te pawh ka hmu, ka mu leh hmak zawk dawn e.















Christa an mention a, lo kal ve rawh, Zeli te in ah kan leng dawn, an tihna ka hmu chu Engtin nge a chhan ang hre chak deuh in, ka thai thla zel a, thui fe hnuah "okk.. ka hman hunah ka rawn kal ang" tih hian alo chhang, mahse thenawm lawk kan nia, mahse an in ka hawi phei chang pawh hian hmuh tur hi a awm ve ngailo.













A chhungte dang chu ka hmu zeuh zeuh thin, bakah keipawh hi in a ka awm chuan pawn chhuak vak lo leh room leh choka kartawn bak ka tih ngai meuh loh vang hian ka hmulo pawh a ni ve thei tho, "rawn len a ngailo, ka mu dawn" fiamthu chuan ka ti a, tu man an ngaithu tak leh dawn lo tih ka chian vang a ni.













"okkk... lo muhil mai rawh, mahse kan lo leng tho ang" awii ka thawn zo chiah emaw tia, min chhan lawk ka rin loh nen, Lalduhawma a ni, a hman dan em em hi aw, nizan an men rei rei nen, "kan lo kal dawn mek a nia, lo awm rawh in ah" Duhawma bawk chuan a ti leh a, ka thaw hak, thawveng hlang kan awm khawm leh dawn a nih hi.













Ka nu pawh hi khaw nge maw a awm ni, tih tur a neih awm ka hre silo a, thenawm te in ah bawk hian emaw ni le, a hun awl chang leh a hman deuh tawh hi chuan thenawm hi a ni mai, thenawm nu lah ka nu ang tho a, in a awm chawt a ni bawk nen, a hman hmasa zawk zawk an in len pawh reng mai ni, ngaihven ta chuanglo chuan in thlak turin ka room lamah ka chho a.













Ka mutpui thin kawr ka la thlak lo tih ka hriat chhuah chiah vanga chho pawh ka ni pakhat, ka room parda ka thawh vela, ka keu ên pawh chu ka ngai pawimawh lemlo, Tu mah an in atang sawn an rawn dak ngai chuanglo a, kawr chu ka hlip a, kawr ka ha tur chiah chu thenawm te room pakhat ka room tukverh zawna, awm ve tho chu en a lang tlat a.














Awii ka thi, ka hawi phei chu Christa hian min lo melh run chu ni in, ka rak vak vak a, ka in hup chawih chawih bawk, tukverh atanga ka lan theihlohna ah ka ding thuai, awii ka nu ka zak lutuk hi a ni ringawt, ka sa nghal hat hat, awii ka zak lutuk, ka zak lutuk hi awmngaihna pawh ka hre tawh lo, keimah chuan ka rak vak vak a, ka sam te chu ka tuai thur bum bawk.














kawr chu ha in, kekawr pawh chu ka thlak nghal a, vawikhat mah parda hi ka in thlakin, ka keu leh tawh ngailo ang, awii ka zak lutuk, ka thawk te hi a sa pup pup thei hial, ka zah zia thu leh a mah demna tur te chu ka phun pui leh thin, ka room a awm pawh chu ka tuilo zo vek bawk nen, in hnuailamah ka chhuk thla leh ta daih.













"in rawn leng dawn tak tak a mi" tiin sofa ka thut hnu chuan Private chuan Puipuii chu ka va zawt a, a online bawk a, min chhang rang hle, "aw dawn, Dubawman min lo hruai dawn a, Rini tr pawh an lo thleng trep ang, Duhawma tih tur a nei lawk a, kan lo la kal theilo deuh, mahse a reilo ang" a ti zung zung a, aw ka pawh hnu chuan ka dah ta daih.













Christa hmel pawh ka hmu hreh zo vek, a huhang nat tawh teh reng nen, ka zahna tur thil bawk a thleng leh bawk si, awmngaihma pawh ka hre tawh lo e a, chutia ka lo zah viau lai chuan door bell a ri ral ral a, ka thiante an nih ngei ka ring, kawngka ka hawn chuan ka rin ang ngeiin, Rini leh Ethan an lo ni, "in va rinhlelh awm reuh ve" kan ti deuh vang vang a.
















An lo duhlo dun nasa mai "I zak em? zak rawh, min lo eng emaw duh suh, kan eng emaw lo" Rini chuan alo ti hlar a, ka nui hak hak thung, "Christ kan phone teh ang, kan thlen tawh hnu leh, lo phei ve tur in" a ti chiah chu ka in ring hmanlo, "a tullo ber ang" ka lo ti nghal chiam a, Rini nen chuan mak tih hmel tak chuan min melh dun a.














Ka hre chhuak leh si, "ahh ihh ka tih awmzia chu a lo kal dawn chuan alo kal ve mai ang, va phone kher kha a ngai mi? " kan ti khawmawi leh hnahnawh a, "ka phone tho ang, hepa hi chu a ngeng ve sia e, lo kal a tum leh tawp lo ang, hrilh lawk lo chuan" ala ti fan, awii hepa ka khawn chak zia hi pui tak a ni, "call rawh, thil sawi ho mai mai te nuam ve lawm" Rini lah chuan alo ti sam et mai si.
















Mi lo mah a, hmuh hreh naklaia, chuta kara phone lo tum tlat, ka ngei dun lutuk chu ka melh rawm rawm tawh, min hmu chuang bawk silo a, awmzia erawh a awm lutuk lo, rei vaklo ah, Duhawma leh Puipuii an lo thleng ve nghal zat a, dar11 a ri der tawh, Ethan chuan a call ngei a, ka vanneihna ala kal tluang nge, chhuah na tur a neih thu a rawn sawi hlauh mai chu e, hlim vur vur tak ka ni.
















"Thil chhum ang u, khawnge midang hi" tiin Rini chu a hawi kual a, "ka nu chu thenawm ah, ka nau erawh a dan ngaite in, a leng leh tawh, ka pa chu a zin" ka lo ti zung zung, " I nau hi chu aw, a hahthlak a ni, a nghal ve bawk sia e" eilo der vel chuan Rini chuan a ti vei pang pang a, kan in a rawn riah changa, a kawm ngeih ber kha a ni reng sia.















"ka chhum thiam lo a nia, nangman i chhum ang" Rini melh pah chuan ka ti a, ka chhum thiamloh zia hi chu Rini leh Puipuii hian an hre chiang ber, a hmin dan a in ang lo ziah a, a ro hle bawk, a then a âl em em a, a then âl miah lo lai a awm bawk, ka thiante pawh hian 'Zeli thil chhum tir chu, a âl leh a âllo in vawikhat ah a siam nghal thiam' an ti thin.
















Rawngbawl te chu thiam ve mah ila, chhum chu kher hi chu e, ka chem kalna ni miau heklo, "chhum chi kan dahna chu i hriat kha, lo en mai rawh, ti khan lo awm ru, drinks kan nei tawh lo, chips nen ka va lei lawk ang" choka lama ri deuh rak rak, Rini bulah chuan phei in ka ti a, alo aw ve mai, sitting room lamah phei leh in, "ti khan lo awm ru, ka reilo ang, drinks leh chips kan lei lawk ang" ka ti a.
















"ka va kal zawk dawn em ni" Duhawma chuan in la polite zet hian a ti a, a ngaih loh thu in ka chhang tha ve mai, ka room lamah chho leh in, ka pawisa chu ka la a, in hnuailamah ka chhuk leh vat, tumah be tawh lemlo chuan ka chhuak nghal a, a hnai bawk nen, ka thleng thuai, drinks leh chips vel chu en kual zung zung in, ka duh ka lak zawh chuan a man pe fel in, in lamah ka phei leh vat.
















In chhung ka luh chuan choka lamah thawm a awm vangin, an phei vek tih ka hre thiam nghal mai a, "awii Lalzel tianga in nuam in nei tih hriata, a hma daih tang tawh a, lo len thin tur a nia" Duhawma chuan alo ti vei hluai a, "ve lutuk a che, a hma te kha chuan i in duh lutuk a, min biak duh ngailoh kha a" ka lo ti ve vat a, a ner nasa mai.















Duhawma te nen hian college kan dai tirh atanga, kal rual ho kha kan ni a, in hriatna satliah chu rei ve tawh mahse, kan in pawh lutuk lo a, han in tawh palh chang leh eng emaw chang a kan in be zeuh thin kha a ni mai a, bakah Ethana te nen hian in sual vanga lar leh hmelchhe tih tur ni silo kha an ni ve bawk nen, an lar ve hle.















Mahse Christa a rawn lut a, a lauh lan ka ti mai, mihring kan ni a, tha famkim kan awm ngailo, chuvang tak reng chuan han chhelo fal em em bik leh tha fal em em an awm bik lo, in thluk tlang tak kan ni, a hmel eng deuh hi chu hmeichhe ho hian an hre khawp a, in sual an hrat na te kha an han hmu pa thei khawp a, Christa rawn lut a, college leh a vel chu Christopher a ni deuh tawp kha a nia.


















A thil chhum chu kan han ei a, rin aiin a tui phian, sports tur chungchang te kan sawi a, kan ri nak nak mai, ka nu chu thenawm ah alo kal lo a lo nia, alo bazaar daih hi alo ni, thenawm a, dawr nghak tu khan min hrilh lo se chuan ka hre miah lo ang, "ei zo vek ang cheu, tu man an ei leh dawn miah lo a nia" tiin ka ei kham hnu chuan ka ti a.















Drinks chu ka in zeuh zeuh a, chips an hawn loh ho chu ala awm nual, pawilo an ei ban leh zana ei a ni mai lawm, movie en ila a tha vek a ni mai, "sneakers tha vaklo lei turin kan lo zawng lo a ni, ka pheikhawk hi a tha vek a ni sia, ka ui e" Rini chuan a ti chhuak hlawl a, keipawh chu lam reng ka lo ngaihtuah lo, "awii ni dawn tak" ka tih laiin, Puipuii chuan "ka theihnghilh keipawh" alo ti ve hluai bawk.















"E taka, nuteiin pheikhawk bell a hawng alawm, kan va en dawn nia, sunday ah" ka ti a, an thawven hmel huai mai, "ka pheikhawk ka ui a keipawh, ka duh ve dawn a nia" Puipuii chuan a ti a, sports a bun tur chi kan lo ngaihtuah ngai miah lo a, a tha vek nei tlang kan ni bawk nen uihawm ve dawn em a ni, kan in kawm lek nek nek chhungin, a lo tlai deuh duai tawh a.

















Dar 2 vel chuan haw an rawt ta hlawm a, an haw fel deuh chuah tih in, ka nu alo thleng ve chiah bawk, a rawn in khai bawr khawp a, "tukin ka au tho dawn che a, ila tho thei silo a, ka kalsan tawp che a nih kha, thenawm khawveng an awm deuh vek bawk sia, ka kalh ta lo mai a nih kha" a ti zung zung a, ka tho theilo chu mak hranlo, nizan kei leh keilo ang in, mu har pek.


Show post links
Top