ZUZUAR FANU BY Rebec Colney (Completed)

[Ngaia]

Zuzuar Fanu





Chapter -13






"Nghaka"




Ka lak rualin a rawn ti nghal diai a ,





"U Ramnghaka chu a inbual lawk a "




"E ,aw a lo nih chu , ticket ka lak fel tawh thu rawn hrilh ka tum maw le , nakin deuh ah ka lo be leh mai ang " ti in a dah vat ,eng ticket nge maw ni a sawi chu ,a inbual zawh hma in phone chu a ngai ah ka dah leh thlap a ,a rawn chhuah hnu pawn Rosyin a rawn biak thu pawb ka sawi chuang lo ,ka be hmasa tim tlat a , min biak hmasak pawh in keimah ah nuam tih chiah lohna a awm zel , chuvang chuan a hnaih lo thei ang ber a awm hrih ka duh .






Rinlo tak in Sangzual an min rawn be ve teh hlawl a ,inchung lam ah chho in kan in be ta reng





"I thiannu kha a tawng duh par par khawp mai " a rawn tih chuan ka nui hak a , hmanni deuh lawk khan Rinengi no ka pe a , keini ang tho a naupan lai a inhria an ni ve tho nen,an inbe nel nghal thuai .




"Rilru hah na te hi a hre ve lo a ,a tha reuh a sin " ka ti a , a nuih a rawn za viau mai ,thil tak tak te zing a mi a ni ,han vei vak thil te hi a nei lo reng reng ,a rilru a awm ang in a ri chhuk phawng phawng a ,rilru hah deuh a a indawm kun te hi ka la hmu lo reng reng .





Eng emaw sawi in kan inbe rei phian , Rinengi chanchin a sawi a zar ah ka nui ka nui ve mai ,an dawr a leng tur a min sawm leh ngial hnu in kan inbiakna chu kan duh tawk ta chauh .





Ka hnung lam ah thawm a rawn awm avang chuan ka hawi phei ,"Hetah maw i lo awm "U Ramnghaka chu rawn kal phei in ka kiangah a rawn thu ve .





" I chhuak leh daih a niang chu ka lo ti hman a "a nui suk a ,a awki pangngai viau mahse ,min tih el na tawngkam a ni tih ka man thiam khawp mai ...





Tawng lo in kan ngawi dun reng a ,hma lam a khawchhung eng uar chu ka melh vang vang ,boruak a thiang nuam bawk nen ,arsi eng pe un te nen chuan hmuhnawm tham tak a ni.




" Thawnthu pakhat ka hrilh ang che aw "zawi sap in ka ti a ,U Ramnghaka chuan min rawn melh vat ,keipawn melh let ve in ka then sak ,mak ti hmel a pu deuh.







,Zan thla eng mawi tak hnuai a a hmel lan dan chu hmuhnawm tham tak a ni ,a mitmeng thuk lam lek lek a min melh vawng vawng chang phei chuan ka taksa a sa chhuak hat hat thei thei thin ,chuti khawp chuan ka lakah a tla na tawh a ,tunah tak phei hi chuan a awm lum nuam em em mai ah sawn eng dang ngaihtuah lo a bei hle hle tluk a chak ka nei lo .Mahse thil tih theih a ni si lo.





Hma lam bawk chu thlir zawm leh in " naupang te,nu nei tawh lo ,a pa in a a enkawl , hmangaihtu leh duattu mamawh em em hi a awm a , a naupan tet atang harsatna hrang hrang a tawng baw chho ,retheihna,hmuhsitna ,diriamna tam tak a tawk chho ,mahse naupang mai kha chuan a hrethiam phak lo thin ,lo hrethiam pha pawh nise hnungtawlh nan a hman ka ring chuang lo ,lo thanglian chho zelin, a dinhmun chu a khirh tawrh tawrh a ,eizawnna atan a tawp ber mai thil an zuar ta bawk nen , khata tang chiah khan a ni, insitna a rawn neih chhoh tan a ,mi te ang a nung thei leh nuam tak a khawsa thei a nilo tih a inhriat tan na ,mahse chuta pawh chuan beidawnna ai in beiseina a la nei sang zawk a nih chu "ti in ka nui hak a ,URamnghaka erawh in ngun lutuk in min lo melh reng thung .





Ka rin loh deuh in ka dar ah rawn dawm in a lam ah min hnuk hnai a ,insi chat in kan thu dun ta reng mai ,a hmui sa ham ham a ka biang a rawn tawh zeug chuan ka thu ngil nghal awt a ,ka rinloh dan deuh deuh hlir in a ni a chet ni .





Ka dar ah chuan tuai heuh heuh in " sawi zawm leh la " a rawn tih chuan lu ka lo thing vat a .




"Nakinah hun tha a la awm leh ngai a nih chuan ka hrilh zawm ang che " ka ti ta thung ,



"Zanin chu i chhuak dawn lo a mi " ti a ka zawh chuan a rum nghut ,.



"Chhuak bo tur chuan min va duh awm ve " a rawn ti hluk , amah melh in ka then sak sak a ,zan dang ah te chuan a chhuak bo ziah thin a ni si a ,a chang phei chuan a rawn haw lai ka hre ngai lo kha nia ,zanin chu in ah a tawm ve reng hi mak tih loh theih pawh a ni hlei nem.





"I ngai kawi nih kha ," ti in,ka rilru a ka pai reng thil chu ka ngaihtuah vang vang a.





"Zep lo ah chuan ngaihzawng nei ang deuh reuh a ka insawi kha thudik a ni lo a " ka ti sep a ,eng ang chiah in nge a lo dawnsawn dawn ka hrethiam lo ,mahse a hmasa berah chuan thudik hi hre ve hrim hrim rawh se ,ka rilru pawh a nawm phah zawk ang.




"Umm " a lo ti nghut ringawt a ,ka thil sawi te khan a lak ah awmzia a nei vak chuang lo.




Zan dang ang a rei tak tak len chhuah te kha a ti ngai tawh meuh lo ,a hna thawk pawh dar li dar nga bawr velah chuan a rawn haw hman ta ziah .






"Bawiha te leh Rosyi te nufa an zin tur kha i hria em " lu ka thing vat a ,ngaihven vaklo ang in ka awmna chu a ruk in ka ngaihtuah khawp mai.



"Karleh kar tir lam ah an tum ,Delhi ah Nuntea en tir pah in ,i hnenah a la sawiloh hmel bawk a ,a hrilh hunah che pawh lo hnial lo in i lo phalsak dawn nia " ka nu chuan a rawn ti leh a ,nu mak ve tak chu a ni , min engtin nge a thusawi an dawng sawn ang tih lam ngaihtuahlo in a tawng chhuak phawng phawng ziah , a bik tak in a ai a hnuai hnung zawk a a hriat te chung ah .




Rin ang ngei in URamnghaka chuan an zin tur thu chu a sawi a ,ka hre lawk sa vek tawh chung in hre ve chauh ang in ka awm lui tlat,.





"I lo kal ve duh em ,lo kal ve la " ti a min sawmna erawh ka hnial thung , a mawi ah min sawm mai mai a ka hriat vang a ni .





Ka thil hriat chak em em ka zawt a ,hmanni zing a ka phone a Sinthia in a lo lak nawlh dan kha a ni ,tha deuh in min chhang ve hlauh





"Bawihpuia nuamsam lo tih Rosyin min rawn hrilh a ,zing hma takah hotel atang ka va phei ,rei vaklo ka awm hnuah ka let leh kha ka phone ka theihnghilh tih ka hrechhuak ,phone ka va lak chuan Sinthiai pawh a lo awm vang tawh , " a ti a ,a nih chuan URamnghakan a theihnghilh lai vel khan amah biak ka tum lai kha nia nga ,Sinthiai khan phone call kha a lo chhang tihna ni maw.






"Vawiin chu ka chhuak lawk dawn nia aw " ka tih chuan URamnghaka a chuan min rawn melh nghal vut a ,ni hnih liam ta atang khan inhauh thinrim bur bur ang kha kan nei hrih lo ,mahse a lak a rinna nghah erawh ka tum tawh lo.




A kawr hak lai chu thlak in t shirt dum a inthawlh nghal zat hnu in "khawiah nge i kal dawn " a ti nghut a , ka chhuak tur thu ka sawi chu a lawm hmel chiam lo khawp mai.




"Ka thianpa piancham a nia ,lo tel ve turin min sawm a ,zanriah ei nghal tur a nia " ka tih chuan chal ti chuar tap chung a min en in "tu nge i thianpa chu " a va dil chhut reuh tak .




"Sangzuala kha " ka tih sep chuan a rum nghut a ,a phal ring lutuk lo sa a dil kha ka nia ,kal suh pawh ti se ka lungawi loh hran ka ring lo ,mahse Rinengi a rawn zin a ,Sangzualan a sawm tel ve nghal bawk nen inhmuh a remchang dawn tih thu a dil ve chauh ka ni ..




"Rinengi pawh a tel ve dawn ,a rawn zin a " ka lo ti leh zung zung a ,ka lam ah rawn kal pheiin min melh run .





"Va kal rawh "ti in ka rinloh deuh in min rawh hruai tur thu a sawi bawk .





Rinengi nen bazar pui ah kan innghak a ,a thlenna in leh kan in hi a in hlat mai bak ah a inperhsan viau.



Kan han inhmu chiah chu a dan ngai te bawkin tawng na hun mang pawh ka chang lo ,kan khaw chanchin sawi in ,a hnu ah aizawl a rawn chhuk motor rui a chauh thu te a sawi leh a ,a duhtawk a sawi hnu chuan



''Ka hah vek " ti hliai in a thaw halh halh a ,a sawi hnem hman ve bawk em a ni.




"URamnghaka eng nge a tih a "a tih chuan hna a kal thu in ka chhang ,chaw ei tur a a sawm tih ka sawi lan chuan



" Awi ha ,ka phur tawh tawp ,a , uNghaka pawh ka hmu chak ,a chhungte pawh ,mahse i sawi dan hmangah kha chuan a nu chu a fel teh chiam hmel loh,ka rawn kal a nga ,ka rawn zilh hrep ang"ti in a nui uar uar a ,a thusawi hi a mah ber hian a lawm ziah .




"Aizawl awm i ngeih nih hi ,i no sur mai ,i vun pawh a nung tawp " ti in min han enkual vel a ,kei in danglamna ka neih kan hriat loh nen




"Zak rawh ,ka ngai reng " ka ti hlar a ,




"Hmm ,i ngai reng lo a ka sawi a lawm ,i ngo deuh sawt tawh ten nia ka hriat ni ,e tak a ," ti hluai in "Sangzuala chu ka hmu chak tawh e ,phone ah chuan a thlalak hmu thin tho mah ila ,hmaichhan ngei a inhmuh nen hi chuan a dan a dang a " a rawn tih zawm leh zat zat ,




Dawr ah kan in ei puar a ,kan thil ei lai pawn Sangzuala chanchin ngawt a ni a sawi ni .






Sangzuala te dawr ah kan kal phawt a ,an in kan hriat miau loh avang in Sangzualan rawn kal mai ula kan phei rual dawn nia a tih avang a kal kan ni ,chawhma lam chu ani pawn class a la a





In nel tawh sa tih tak ah kan va thlen chuan Sangzuala nen chuan kan in be nghal bawrh bawrh mai a ,Rinengi erawh tawng duh tak thin kha a la ngawi reng ,naupan lai a an inhmuh bak kha tun hi hmaichhan a an inhmuh leh hmasak ber a nia ,Sangzuala mi a ni hek lo ,tlangnel deuh in a be nghal sawt sawt a.





Naupan lai te sawi in pathum chauh inkawm e ti lo in kan ri ve hluai a ,dar 3 vel ah an in lam kan pan ta chauh .Kan va thlen chuan awm an lo awm nual tawh a,nula leh tlangval thah an ni hlawm ,Sangzuala thian te vek an niang ,an institute a thawk ho pawh ka hmu nual .



Sangzuala nu leh pa in min lo lawm thiam viau a ,kan khaw hming te kan han sawi hnu ah phei chuan kan ti ti a rual tawh khawp a ,a khat tawk in kan khua an ngaih thu an sawi an sawi bawk .






Chaw ei kham a haw nghal ngawt chu a mawi loh avang in kan la thu khaw muang ve rih ,Sangzuala thiante titi kan ngaithla char char tih theih a ni ang ,han tawng ve dawn pawn an thil sawi ho chu keini zir sang vaklo chuan kan hre thiam fum fe lo ,a mawi ah an nuih rual in kan lo nui ve tawk,ka thiani pawn nuam a tih teh chiam tawhlo tih a hawi hrek hrek dan atangin ka man thiam .UNghaka chu biain minlo hruai tawh mai tur in ka va ti ta ngawt .



"Sangzual ,hei hi tu te maw ,ka la hmu ngai lo" mipa zing a hmai fang tha deuh ber chuan a ti a,a hmel chu sawiselna tur awmlo kan tih thin ang kha a ni ,a mit meng leh hawiher chu ka hlauh chi tak a ni thung ,hmeichhe lawm ve tak a nih ka ring nghal bur .



Sangzuala chuan an khaw hlui a a thiante kan nih thu in a chhang a ,eng chu hria ni naw Rinengi nen kanin karah chuan chu pa chu rawn inrawlh lut in a rawn thu fel than ,



James a ni in ,phai a lehkha zir a awm reng thin ani ,mizoram a a la awm na a la rei rei lutuk hmel loh.



URamnghakan kawtah a awm tawh thu min rawn hrilh avangin "kan va haw phawt mai nge aw ,i piancham lawmna ah te min sawm ve a i ti lawmawm si ," ti in ding chung in Sangzuala bu lah chuan ka ti a




"Thlah in ngai em " James an a rawn tih chuan ngaih loh thu in ka lo chhang vat ,min thlah luih tlat a tum avang chuan



"Ka pasal in min lo hruai dawn a ," ka ti ta ringawt , a lu thak lo pui chu hiat nuah nuah in"hmm ,nihleh ka lo thlah lo mai ang che u ,nula emaw ka ti che lawm mahse pawilo i nuthlawi hun ka lo chang tawh mai ang "ti in a khi hui a ,a fiamthu ni a ka hriat vangin keipawn ka lo nuih pui ve mai .




A thian ten an lo nuih ruh ruh pawh chuan zak awm ang pawn a awm lo , keiman nuam ka ti lo ta zawk daih.






Sinthiai lah kha kan khua ah zirtirtu hna la thawk reng a maw ni tih lai in helam ah a lo awm leh deuh reng tawh a ,Rinengi ka zawh khan ai kal a lak thu a sawi a ,a la thawh rei loh tehreng nen mak ka ti ru viau mai.







" Ka hna kal rualin rawn kal ve mai rawh "a tih avang in a rualin ka kal ve ta nge nge a, bike ken tum khan car zawk a ken phah bawk ,ka pa damdawi lei tur in ka chhuak dawn a ,kan khaw lam ah ka thawn chho nghal bawk ang



" Engtin nge i haw ang ,i lei zawh ah min lo bia la ,ka va dah leh ang che in ah "a tih chuan ka hnial vat a, lungni lo deuh in





" I laka that chhuah tum pawn ,i lo inkharkhip tlat zel hi k hrethian lo ,nge ka bul a awm hi i lo ning ru viau"a ti nghat a ,chhang lo in car tukverh lam chu hawiin pawn lam chu ka hawi ta daih chu a phun hluk mai.





Tlai a hna bang rawn haw pawh chuan kan inbe lo hrim hrim .A chang hi chuan a mizia hi ka ngei ru thei khawp mai.





Zanah Rosyi te nufa an lo lang a ,an inchei lutuk chu mak ka lo ti ,mahse a hnu lawk ah U Ramnghaka pawh chu inchei deuh in a lo chhuk bawk .




Chutiang bawk in Ruatkimi pawh ,min ti hawi lawl lawl mai a lawm .




A hnu ah chuan Sinthiai hna thar hmuh lawm na ni pah fawm in dine out an lo tum a ni tih ka hre ve leh ta chauh .


"In nu hi i hruai ve dawn lo mi ?"




"I lo kal ve duh em " ti in tlai khaw hnu ah U ramnghaka chuan min zawt leh te te a ,min biak lai tak ngial pawn min melh tha duh lo .




Duh loh thu in ka chhang ta mai a ,min sawm nawn leh pawh tum chuang lo in an in zui chhuak ta dial chu rilru tawt deuh chung in ka thlir liam ta ringawt .





Kan room ah chuan keimah te in ka awm a ,rinai an rawn haw har phian leh nghal ,dar 10 dawn ah Sinthia in min rawn bia a ,an awm na address min rawn thawn ringawt chu a ngaih na ka hre lo viau ,reilo ah min rawn call zui ,



"Thil hmuh tir tur che ka nei ,i rawn chhuak lawk hman em ,car ka rawn tir ang " a rawn ti nghal thawr a ,ka hnial deuh pawn a ti lui tal , a pawimawh thu a sawi nasa bawk nen aw ka pawh ta ringawt ,U Ramnghaka pawh a la awm thu a rawn sawi tel hram bawk .




Inhnuai a ka chhuk chu Ruatkimi leh Nuntea an lo awm a ,an rawn haw na a rei tawh em tih ka zawh chuan a rei tawh thu in min chhang mai si a ,a u awmna ka zawh leh chuan a rawn la haw ve loh thu a sawi leh mai bawk.




Ka chhuah lawk tur thu ka sawi hnu ah chhuak zui in, kawt ah car chu ka lo nghak a ,ka car nghah pawh chu a lo thleng har lo .




Car chu Hotel chawngthu kawtah chuan a ding dat a ,driver chuan hotel room no min hrilh hnu cuan ka lut chho ta .Room min hrilh zawn ka thlen chuan a lo kau deuh sa avang in,ka hawng nghal pawp a ,mahse ka tisual chiang lutuk




Ka kut chu a khur dar dar a ,ka thawk a sa huam huam bawk ,room chhung a awmte pahnih lah chuan ka thawm an la hre lo nge khum chung ah thingthi in an inla infawp ngawr ngawr,a hmeichhia zawk kut chu a hlei khawp mai ,chutia ka melh reng chu Rosyi zawk chuan min rawn hnu a ,a meng phawk teh a sin ,





" ,engtin "ti in a phun sup ,U Ramnghaka pawh rawn hawi phei in min rawn hmu chu a hmel a buai nak ,mahse a rei lo ,thil tihsual nei lo ang mai a min melh in a hmui chu a tuai fai a ,khum atang a chhuk in





"Hetah eng nge i rawn tih " a ti bul hmuk a ,a chezia hrim hrim chuan min ti na takzet ,ka kawchhung hi a rawn sa chhuak chho a ,ka hrawk ah hnawh tu awm ang maiin ka tawngchhuak lawk thei lo,
Rosyi chu a insiam tha mawlh mawlh a ,kawr bah pan te chauh a hak avangin puan in a inkhuh tha a , nuam lo tihhmel deuh a min en na te chu a ti der bak a nih ka ring lo.



U Ramnghaka bawk chuan min melh run in "he tah hian eng ti tur a lo kal nge i nih ,eng in nge i lo kal " a lo ti vin hlur thung a ,a mitmeng a inthiamlohna hmuh tur a awmlo ringawt te mai bak ah thinrim tur zawk ka nih lai a min thinrim khalh daih te chu rapthlak ka ti,




"Tenawm " tih bak sawi tur ka hrelo ,ka mittui rawm luang thla chu hru tawk in room chu ka chhuah san a ,ka ngaihtuahna chu a chawl thup ,ka thil hmuh in min thawng lutuk chu rilru fim pawh ka pu thei lo , ka vai ruai a ,ka tawt up up bawk,anhmel hmuh chak na pawh ka nei tawh lo ,an pahnih khan ka haw dun takzet.





Pawn ah chuan ding in ka thaw chhuak hawk a ,eng tiang chiah in nge ka rilru a hrehawm dawn tih pawh ngaihtuah lo a kha tia an lo awm ta mai kha engtik ah mah ka theihnghilh hi karing ngai tawh lo .



Kal lam a min hruaitu motor lah chu a lo awm tawh lo a ,ke a han haw na chi zia zang a ni tawh bawk si lo.



Ka kut a rawn vuan a ,rawn hmer vak tu chu ,ten zet in ka lo melh "min khawih suh " ka lo ti hlar,ngaipawimawh lo zet in motor parking lam ah chuan min hruai phei a ,motor chhung ah min nem lut in a ni pawh a rawn lut zui nghal .




"He lai hmun ah tu nge rawn hruai che " he zawhna bawk chu ,chhan ka tum loh dan chu



"Eng nge ,i zan hun hman nawm tur ka rawn tichhe sia i lawm lo a mi ," a rum nghut a ,ka la duhtawk reng reng lo "kha hmeichhe kha,i mutpui chak tih ka hria ,eng nge hetah i rawn tih ,va let leh ta che " ka au khum tawn tawn a,tiang em em a rilru natna hi ka la hmachhawn ngai lo ,ka pasal chuan hmeichhe dang a lo tawm pui chu a ni si a ,tiang ang tawk ve hmeichhia te hian engtin nge an lo tawrh a, an lo paltlang theih bik ni .




"I tawng kam kha fimkhur rawh,chuan i rawn hmuh ang leh i ngaihtuah ang kha kan awm lo " tunah pawh a la tan zawk tho a ni maw ,a lo la hmangaih tak zet a nih dawn hi ,engvang pawh in ka chelh lui tlat ang ka ti thin a mahse tunah erawh chuan tiang ang rilru kha ka pu tawh lo ,engtiang chiah in nge kha hmeichhe lak ah khan min tih tlawm tih pawh a hrethiam pha nang .




"Kan inkar hi tihtawp ka duh ,tiang reng a nih chuan inthen mai ang ,ka thlah zalen ang che,i kiang ah hian ka hlim tluan tling tak tak dawn lo nih hi,nang pawh i hlim ka ring chuang lo ''zawi tak si in ka sawi a ,inthen tih ka sawi lai a harsa ka tihzia chu ka thinglung chauh hian a hriatthiam ka ring





A rawn chet duh dan chuan min thawng takzet ,ka thutna shed lam ah rawn awn phei in ka ka khabe a hmer vak a " vawi engzat nge ka lak atang in ka kalbo tir dawn loh che tih ka sawi ,i hretawh lo em ni ,mipa dang eng zat a tam pawh hmangaih mah la ,ka thlah zalen ngai dawn lo che tih hi hre rawh "a ti chhuak hrawih a , a thimrim lutuk avang in a meng sen rum a,a hmel a chang tawlh tawlh bawk.



" Zahna i nei lo hle mai "ka ti let salh ,ka thusawi ngai pawimawh lo zet in ka mal chu a tham a ,thinrim in thunun tum tak a thaw kawk chungin " ka thusawi kha hre reng ang che ,vawikhat pawh i ka atang inthen tih thumal hi a chhuak tawh tur a ni lo ,a chhuak leh a nih chuan ka duhloh dan in ka che chhuak ang "thum chhak in a rawn ti ,motor chu tinung in ,in kan thlen hnu thleng pawn kan inbe tawh lo ..



Ka rilru natna te ka ti langchhuak tawh lo a ,inthunun tlat ka tum tawh ,ka na anih pawn keimah in hria in ,tuar ila ,midang in hniam tak a min en loh nan .



Nupa tih thumal hian thil tam tak ken tel a nei ,rinawmna ,lungngaihna ,inrintawna leh thil dang tam tak ,hlimna thleng pawh in ,mi pahnih min suih zawm tu a ni bawk , inngaizawng satliah awlsam te te a inthen nghal mai theih ang inlaichinna kha a ni ve lo tih ka hrethiam chiang em em a .



Nupa tam tak inthen awlsam tak tak te pawh an awm na meuh mai ,mahse a tlangpuiin inthen a awm hrang ta te pawh hian natna tam tak an tuar hnu ah beidawn san in ,an tawrh theih loh tawp ah an inkar an chhu chat ta thin .Tun ah hian kei pawh in thutlukna harsa tak chu ka siam tawh ,ka beidawng tawh a ,ka tawrhtheih piah lam thil a ni tawh bawk.





####A mood ah ka cheng lo guyss #A chapter dawt tur hi ka rilru ah awm reng a ,tun chapter pawh rilru pe tak in ka ziak thei lo ,naktuk zan chu a nuam ngawt ang 🥲


Show post links
Top

[Ngaia]

Zuzuar Fanu




Chapter -14




Kar leh lam ah Ruatkimi pawh a u bulah a kal tawh dawn a ,fashion designing lamzir tur in a rilru a siam fel tawh ,an sawi dan hmang ah ka nu leh pa in Rinhlua tlawh pah in zuk dah an tum ni





Chhun lam ah Sinthiain min rawn bia a " Inhmu lawk ang hmiang" a rawn ti dam dap ,nizan thil te avang in ka lo hnial duh ta lo ,nizan a hotel a kal tur a min tih chhan leh thil dang tam tak zawh chian duh ka ngah ,ani pawh hian rilru tha tak a put ka ring chuanglo.




Ka nu leh pa chu inchung lam ah an awm leh daih tawh avangin U niangi chu kachhuah lawk tur thu ka hrilh a ,Sinthiaii thawh na bul te a cafe ah in hmuh kan ti a .





"Le ,lo kal rawh le " ka hma a bike rawn ding chu ka melh reng a , nui sang in min lo melh leh tawh .





"Eng tin nge ka chhuak dawn tih i hriat ,min en thla mi " ka ti chu a nui chhuak hawk a ,a mak ve bawk em a lawm, kan in kawt bus chang tur a kal ka tum lai imek in a lo lang nawlh a .



"Mi enthla du du reng turin hun ka ngah lo " a ti hlak ,a lawm chiah lo in ka hria..




Ka inngaihtuah a ,a bul a kal mai chu tha in ka hria ,Jamesa bike ah chuan ka chuang ta nge nge ,,kan inhmuh na hmun tur ka hrelo nen Cafe hming te chu sawi in ,chuta min thlah mai tur chuan ka ti a .



"Lo hruai leh i ngai a ngem "




"Ngai lo k,lawm e " duh ai in min nel mah mah tawh ,chu chu ka duh lo .Ti hian zan ah min rawn biak zawm leh ngei ka ring a ,min rawn biak pawn a tam zawk chu ka chhang let ngai lo .




Ruatkimi thiante zing a mi a ni a,ka tan chuan nel lo a tha ber.




Sinthiai a lo awm vang tawh a ,Jamesa chu a hmu hman tih hriat tak in pawn lam chu a thlek leh thin ,rinhlelh hmel deuh a min en te chuan ka nuih a ti za zawk .



"Nizan khan eng vang a hotel a kal tur a min rawnhrilh nge i nih "he mi chhanna hi ka hre chak tak zet ,a thiannu leh ka pasal awmdun chu ka hre lo ang tih hlau ang maiin min rawn hrilh kha a nia ,zep sak awm zawk tak si





" Hmeichhia ka nih na ang in ,khatiang thu kha zep chi ah ka ngai lo a ni , i pasal leh midang awmdun lai ka hmuh khan ka lo nat pui che a ,ka lo khawngaih bawk che ,chuvang a rawn hrilh che pawh ka ni"a rawn ti zang vah a, a rilru chhiar tum zet in melh reng mah ila ,eng ang rilru nge a put ka hrethiam pha lo.




A sawi ang tak a min khawngaih vang a min rawn hrilh hria a nih lah rinna chhe te mah ka neilo.


A thiannu phatsan in min rawn nat pui ngawt chhan tur pawh ka hrelo bawk.




"Tiang thil i hmu tawh chung pawh a ,i la kalsan lo hi a mak ka ti "min tih lai a mawlh tih hmel zet a min en na chu ,engah mah ka ngai duhlo lui tlat a ,ka pasal chung a ka awmdan leh chet dan ah hian he nu thurawn leh min khawngaih der na hi mamawh in ka inhrelo.Ka thil tih tum chu keimah chauh in ka hria a, a hun lo a sawichhuah tumna ka nei lo.





" I thiannu in ,a chung a i rilru put dan hi a hria em ,hria se a thinrim viau lo maw "ka tih chuan a nui sak a ,a ngaih ho hmel viau mi.




" A lawm daih zawk ang ,khatiang a an awm i hmuh hnu ah khan ,i pasal hi i chhuahsan a ring ngei a nga ,keiman ka rawn hrilh che tih a hriat phei chuan ka chungah a lo lawm viau zawk lo ang tih pawh a hriat loh ,i rin ang a hmeichhe tha chu a ni lo tih kha lo hre ve mai mai rawh "a ti duh lek a ,tiang hi thian te chung a rilru put dan tur a ni thei e maw ni .




Sinthiaii te ang mi hi ,thian tha hming ka put tir ang tih ka hlau khawp mai.






Ka rilru ka siam fel tawh a ,tiang reng a nupa hlim lo deuh a awm reng ai chuan inthen na tihfel a ,kan khaw lam a haw mai ka rilruk ta .





He khawvel ah hian a ni tluk a min ti na tu hi ka tawn leh ka ring tawh lo a ,a ni ang a hmangaih ngawih ngawih ,tlawm ral thak pawh huam a ka duh ang hian tu mipa mah ka duh ka ring hek tawh lo.





Mahse ,ka engkim ah ka beidawng zo tawh ,a bul a chen chakna pawh ka nei tawh hek lo.





Hringnun bul thar tan a keima tan a nun ka duh ve tawh a ,ka thil tawn zawng zai hian min ti na hle mahse ka puitlin na tur kawng zawk a ni tih ka hre fiah tawh ,harsatna hian mihring a lo siam pui tling theih zia ti lang chiangtu chu keimah Ngurnunsangi hi ka ni ngei ang




Sitting room a kan thut thap lai in ka sawi chhuak ta a,





"U Ramnghaka hi then ka tum a ,tiang reng chuan nakin hun thleng pawh in kan awndun kumhlun thei dawn chuang lo ,kan inhrethiam tawn bawk si lo ,nupa ni lo tur ngawih ngawih kan lo innei te pawh a niang " ka ti chhuak hap a ,khawi atang in nge huaisenna ka neih ni tiang zat sawi tur hian .




Mi dawihzep hna ang mai a an hriat loh a kalbo san daih kha ka duh lo ,ti hian thuchiang deuh in hria se ,eng ang pawn an ni ho hian min ngai rawh se ka ngaipawimawh tawh lo.




Ka sawi kha ,keima thu thu in,ka nuam tih zawng in nun hman ka tum ve tawh .



Mak ti deuh in min en deuh thap a ,tiang thu ka sawi an ring lo te pawh a ni mahna




"Chutiang ngawt te chu " tih bak ka pa pawn sawi tur a helo,ka nu erawh a tawng ve lo thung .





Ka pasal erawh in min melh ngur a ,a ngaihtuahna a buai hmel takzet,kei erawh mahni inrintawkna in min chenchilh nasa tawlh tawlh thung.





"Inbia ang " ti nghut in U Ramnghaka chuan min phih tho lawp a ,ka kut ah vuan in chak deuh in kan room chu min pan pui.




"Engthil maw i sawi kha " ti hrawk in a vei tawn sek ,min melh in a thaw leh kawk kawk thin .






"Inthen ang ka ti ,i tan pawn a nuam zawk a nga ,ka tan pawn a nuam zawk ang ,tiang inlaichinna buar chuar deuh a tan remg hi i ning ve lo em ni " ka ti hmak ,engvang pawh in ka thutlukna hi sawh sawn ka tum tawh lo .




"Hman zan i thil ..." a sawi zawh hma in ka lo tawngkhalh vat




"Hman zan thil thleng ka hmuh vang mai pawh ni lo in ,ka chung a tawngkam i hman chhuah tui hnai lo tak tak te kha i hre tawh lo a mi ,ka sawi lan tawh ngai loh avang in ka hre tawhlo tihna a ni lo ,ka damchhungin i thu sawi ho kha chu ka theihnghilh ka ring tawh lo." min tawngkhum na dengkhawng tak tak ho kha ka beng ah a rawn ri nawn tlut tlut a,





"Ka duh lo ka then dawn lo che " a ti hmak ,a bul a khawsa leh tur a ka inngaih tuah chhin ringawt pawh in ka thawk a pik hluah hluah thei,tiang khawp hian a ni maw ,amah a rinna ka lo nghah tawh lo




"Thutlukna ka siam fel vek tawh ,engmah in min sawh sawn tir lah ka ring tawh lo ".....



" Inthen ka duhlo ka tih chu "a rawn ti vin vak a ,a meng sen rum ,mai bakah a hmel chu chang ta tawlh tawlh ,engvang a inthen pawh chu duh lo teh tlat nge a nih le.





" I duh leh duh lo in awmzia a nei lo ,duhlo eng ang mah la ,ka rilru sawh sawn ka tum tawh lo ,ka thutlukna hi min zah sak ngei ka beisei "tawngka dam dap in ka ti a ,a lak a thinrim pawh hi ka duh tawh lo ,a tangkai lo e mai.





Ka pa bia in thil awmzia ka sawi a ,chutiang bawkin ka nuhrawn pawh ka be bawk , thu rawn sawi tur teh chiam an hre lo " I thutlukna ang kha kan pawm vek ''tih bak sawi dang an nei lo .Rinengi bia in thil awm zia ka sawi leh zung zung a ,a rawn thinrim khawp a ,kan in lam ah va leng a ,rem va ruat fel pui tur in ka ngen a ,engmah chanchin ka hrilh ngai loh avang in min thinrim khum a chak tur zia ka hria ,hun a awm lo mai mai a ,hun awm chu ni se phone atang ringawt pawn min rawn vin chiam tawh in ni ka ring.





Inthlahrung takin Sangzuala puihna ka dil a ,tlem tlem chanchin ka sawi lang bawk ,min lo hrethiam khawp a ,reilo ah a rawn kal tur thu a sawi vat .




U Ramnghaka ka hmu lo a ,a awmloh lai chuhin ka thil neih ang ang ho chu ka khungkhawm a ,lak awlsam turin ,





Bungrua ka ngah lo bawk a ,ka buai vak lo.Kan nupa pindan chu ka thlek kual vang vang a , kan inhauhna hmun ,kan hlimna hmun ,leh lungngaihna hmun a ni thin a ,engkim mai chuan min ti lunghnur tak zet .




He pindan ah ngei hian hun rei tak ka khawsa ve tawh ,ka han kalsan dawn tak tak chuan he room chauh pawh hian min ti lungleng nghal thei.





Kan inneih zungbun chu tuai in ,ka chhing vang vang a ,kan inneih tirh te , kan khua a kan inluah ve thin a kan pahnih a kan chen dun thin lai te ,nupa inlungrual tak kan nih hun lai te ,kan kar ah midang an la tlak zeh hma zawng zawng atang a helai hmun kan thlen lai ,hmuhsitna, diriamna ,ngaihsaklohna ka tawh lai zawng atang a tun hun tleng chuan ka hmu zut zut a ,ka hmalam hun ngaihtuah pawh in hlimna tawn tur ka neih ka inring chuang lo ,mahse ka lo hlim ta lo viau a nih pawn nun tha tak a nun ka tum ruh hle tawh a.




Ka nu leh pa chu kan room ah rawn chho in"Nguri ,tiang ringawt tur chu a ni lo ,Nghaka nen sawi tha leh teh u khai "ka pa in a ti charh charh a ,min ui der ve zia ka hre thei ,keitak pawn ka pa hi chu sawisel na tur ka hre lo ,a mi ngenna chu zahawm viau mahse ka pawm thei si lo.




Ka nu erawh in " An pahnih thutlukna a nih chuan a tha lam ah ngai zel phawt ang ,fa an lo la neilo pawh hi tiang a thlen dawn vang a niang "a ti mai a ,





" Ringzo,khatiang thu kha vawikhat pawh sawi tawh suh "ka pa in a lo khak vat ,ka nu pawh lungni lo deuh in a kal chhuak hmak.





" A bul ber chu keima thiam loh a ni ,chhungkua hi ka uap zo lo lutuk thin a ,kan inneih tirh atang chhungkaw khawsak nawm nan ti in ,in a awm hman mang lo in ka thawk rim a ,inchhung enkawl chu kan nu kutah ka dah tawp mai thin ,an ro rel ang ang chu tha te te in ka lo pawm ve mai zel bawk ,ka thawhrim rah chu hei tun a i hmuh ang hian in lian tak ka din a ,sumdawnna lian ve tak nen, mahse chhungkaw enkawl ah chuan ka fail chiang khawp mai"ti in a thaw ham ham a ,han sawi ve tur lah ka hrelo ,khawngaih deuh in ka melh ta ringawt .






Ka dar ah rawn beng thek thek in ''i thutlukna ang ang chu ka pawm sak ang che ,ka fapa in i nun a tih buaina zawng zawng ah ai ngaihdam ka dil che ni rawh se ,hei erawh hre reng in vawng reng la ka ti hle mai ,ka fapa nen hian inthen hlen suh u aw "ti in a chhuak ta a .Vawiin ka thil tawn ho zet chuan min ti chau tak zet thei .





Sangzualan min rawn bia a, inkawtah min lo nghah tawh thu min rawn hrilh, chhuah tum a ka pen tur chiah chu U Ramnghaka a rawn lang nawlh ,Ka kiang a bag ka thawmhnaw dahna chu en in ,min rawn en leh a hmel chu a chi ai tawh tak zet .




" I chhuak tak tak dawn tih sawi suh "ti sup in khawngaih thla la zet in min melh a ,a awmdan chu ka duhdan a ni lo ,ka chhuak dawn tih a hriat chuan a hma a mipa pawisak nei lo ang mai khan awm leh se ,ka chhuah hma in a man min pet chhuak zawk se ka rilru pawh a dam zawk ngei ang ,a mah theihnghilh pawh ka awlsam zawk ang




" Ka tawng kam na tak tak avang khan min ngaidam rawh "





"Tiang khan awm suh ,mipa chapo tak leh engmah pawisak nei lo ang khan awm leh rawh " ka vin vak a ,a thinrim hmel ai a inchhirna hmel ka hmuh te chuan min ti thinrim zo vek ,





Vawi tam kan inkar siam tha a ,nupa hlim tak ni thei tur in ka bei ,mahse engmah a sawt lo a nih kha ,beidawng in ,tiang thutlukna siam ta pawh ka ni ,tun ah a sawt tawh loh ve leh a ngaihdam min dil nge maw a nih le ,hman ah ,hman ah khan min dil in insawifiah chu ni se tiang thutlukna pawh hi ka siam lo tur .


Mahse ,Tunah chuan a tlai tawh





"Pasal in a nghaihsak tur ang che in ka ngaihsak tawk lo che tih ka hria ,mahse maw chuti chung pawhin ka thinlung ah hian hmun thuk ber i chang pha a sin ," chhuat melh ngur in harsa tih hmel zet in a sawi a ,insum lo a tah chhuah vak vak tluk a chak ka nei lo .




"Nupui ching i duh a mi " ka ti chhhuak hap ,hmuhsitna ka tawrh zawng zawng ah "ching " in tih tluk a tawngkam na leh nat pui tur ka hrelo.





Rawn hawichhuak in min melh vat a ,ka mittui luang zawih zawih a hmuh rual in chhuat ah a thingthi thla hnawk a "Min ngaidam rawh " zawi te a a sawi ri pawh ka beng ah chun ri ring rak a ni




"Tho rawh ,khatiang khan awm suh ,nat hmel tak khan awm der reng suh ,i rilru tak tak chu ka hre chiang tawh a sin ,mipa rilru le lo tak i nih hi ,tho rawh ka tih chu ....tiang a awm kha nang ang mipa thu duh lutuk chuan i inhmeh ve lo a nia " kun in a dar ah chuan ka chum vak vak a ,min dan pawh a tum lo ,ka khawih ang ang chuan a lo in dawh mawl tawp .




Min rawn kuah in a khur der der a ,"Ka tihpalh ,ka tihpalh tak zet ,khawvel a mipa laktlak loh ber ka ni ,i hria ti raw,ka a takzet "ti sup in min kuah tha sawt sawt .





" Engtik ah mah ka ngaihdam theih che ka ring lo ,i bul a chen leh pawh ka duhlo "ti tuar in min kuah na atang chuan ka awmsawn a ,a ni erawh ka hma ah a la thingthi reng .




" Fapa ka nei tih ka hriat khan mak ka ti a,ka pawmthiam mai lo tih i hriat kha ,mahse a hnu ah erawh ka fapa chu ka hmangaihin ,a hlimna tur apiang chu ka tihsak thin,a hrisello in ,a nu kiang lo ah chuan a tlei rei ngai lo ,chuvang in Rosyi pawh ka hruai tel ve zel thin,kan in lam ah pawh chaw an rawm ei ta zeuh zeuh kha nia ,mahse maw ,Rosyi ah hian rilru ka pe tawh lo a sin ,nang ka nei che a ,nang chauhin ka rilru i luah ,Rosyi lak ah eng rilru mah ka put tawh loh avang in ,i ngaihdan tur leh i tan a nawm loh tur zia pawh ,ka lo manthiam thin lo a ,min ngaidam nawn mawlh mawlh rawh ,ka tan a ni chu a thih na a rei tawh "ti khur dar dar in min rawn melh a ,a mitmeng sen ram kar a a mittui tling pam chu hmuh hrehawn ka ti tak zet ,mahse rilru ka sianlm fek vek tawh hnu ah, insawifiah that hian ka thinlung lo sak takzet tawh hi a chiah dai zo tawh lo .





" Bialpa nei ang a ka hriat lai a ka buai ruk zia kha i hriatthiam ka ring lo ,mipa ka ni a ,i hnen ah tih lan kha tlawm ah ka la a ,ka nat ang a na a ,i rilru tih nat ve kha ka duh ber ,chuvang a tawngkam na tak tak a ti che pawh ka ni ,mahse maw ,ka thusawi ho zawng zawng ka sawichhuah lai khan maw ka na lutuk ve tho a sin ,ka thu lawi lo sawi zawng zawng te pawh kha ka thinlung tak a sawi ka ni lo a sin ,"amah bawk chuan a rawn ti leh ,mittui luang zawih zawih in amah chu ka melh ngawt ngawt a ,a inchhir takzet zia hmu mah ila amah ah rinna ka nghat ngam tawh lo a, kan pahnih hian hringnun hlimawm kan hman dun theih lah ka ring tawh hek lo .





Car a ka chuan lai chuan ka chhuah dawn a a thusawi kha ka ngaihtuah let a "tun ah chuan ka kal tir ang che ,i rilru ka hliam nasa em a ,ka bul ah chelh lui tlat che pawh ni ila ,ka tihnat na zo zai che avang in nuam ka tih chuang ka ring lo ,hei chauh hi min lo hriat sak reng dawn nia " ti in a thin zawn chu a dawm a "hei hian a lo nghak reng dawn che " ti in min thlah liam kha a nia.



"Kan inlam ah aw niang " Sangzuala rawn tawng ri ah chuan keimah chiah in ka awm lo tih ka hre chhuak chawp chilh a, ka ngaihtuahna ka lo vah kual tir nasa hman hle mai.




"Kan sumo chhuahna thin lam ah min dah mai rawh ,an la chhuah a hun lo deuh " ka tih chuan ,min hnial vat a .




"Ka nu in rawn hruai rawh a ti che ,zan khat emaw zan hnih tal riah i ngai ang " a ti than a ,nuam lo ti viau mah ila ka hnial ta lo ,engtik ah mah ka chung a a thatna hi ka rulh sen ka ring tawh lo.




An inchhung kan lut chu ka tim deuh dai a ,ka hreh ru tak zet mahsele a nu leh pa te chuan tha deuh in min lo chhawn vat a ,Sangzualan ka chungchang tlem chu a hrilh tawh tih ka hrethiam mai bawk.




"Lo kal rawh ,i bungraw ho kha helam ah lo dah rawh ," ti in Nu muanpuii chuan pindan ruak chu min kawh hmuh a ,ka bag pawh Sangzualan a lo khai bawk.




An nufa a pindan an chhuah san hnu chuan Rinengi ka bia a ,"vawiin ah i rawn chho nghal dawn em ,in inlam ah pawh ka va kal a,i pa in ininthen chhan awm ang tur te min zawt a ,engmah tak tak thu chiang ka he bawk si lo , min han hrilh teh tunah "a rawn ti zung zung ,




" Hmaichhan ah ka hrilh zawk ang che "ti in " Naktuk lam ah rawn chhoh ka tum a.."ka tih zawh rual deuh thaw in "khawiah nge zan ah riah i tum " a rawn ti vat a ,ka riah na tur hmun ka sawi chuan





"Awi ,Sangzuala kha min lo biak dawn nia ," a rawn ti var a ,a la ngaizawng reng a niang ,Sangzuala hming sawi in a phur thei e mai.




Ka kutzungtang chu en in kan inneih zungbun ka lo la bun reng tih ka hmu a, hreh tak chung in ka phawi ta zal zal ,paih bo mai leh tih thang ral mai mai ka duh lo a ,ka bag ipte peng te ah chuan ka dah tha ta daih .




Ka phone ri ra ral chu ka en a ,"I AWM LOHNA HMUN CHU A REH RI A RING KHAWP MAI '"tih chu U Ramnghakan minlo thawn hi a ni ,hawrawppui vek in a rawn la type ngat zui.




Chhang let lo in ka dah ta daih , a theih hram chuan amah ngaihtuah ka duh tawh lo a, tiang a ho te te min rawn biak pawh hi tul ka ti lo ,khawharna leh amah ngaihna min pe mai mai.




Room a awm reng chu nuam ka ti lo a,room atang chuan ka chhuak phei , thutkhawmna lam ah chuan tumah an lo awm lo ,choka lam ah thawm ka hriat tak avang in ka va phei a ..




"Mu hahdam mai mai ta che 'Nu Muanpui in min hmuh rual chuan a lo ti var a ,an ni chung ah hian ka lawm takzet tih bak sawi tur ka nei lo ,tha deuh in min dawng sawng a ,ka lak ah lah an fel em em leh nghal




"Zan lam ni lo a mut hi ka ti thanng lo a ,ka thiam vak lo " ka ti a ,ka damlo te a nih ngawt loh chuan chhun lam a mut hi ka nei khat khawp mai.




"Sangzuala chu hna lam ah a let leh nghal a nih kha ,a ni hi zawng inchhung a awmna hun mang pawh a nei lo " ti in a chek tlak tlak a ,an fapa mal a ni bawk a ,an thlahlel in ,an ngai ve ngawih ngawih reng dawn tih a lang reng .




Thinngpui leh chhang rawn chhawp pah in "hmeichhe lam te hi a ngaihtuah lo lutuk a,nupui neih te chu a hun ve tawh maw le ,a pa nen hian mo leh tu kan awt dun ngawih ngawih tih te hi a hrethianm lo " a ti bawrh bawrh a ,hmeltha vur si in hmeichhe lm chu a ngaihtuah lo ve hle a nih hi a, Rinengin hria se a lawm leh vur vur ang chu.





"Hmeichhia in rawn luh khung tawp se ,chuti chuan nupui chu a nei ve chauh ang " Nu muanpuin a rawn ti leh chiah chu ka nui hak a , a ni pawh a nui zui ve tho.




Tlai lamah Sangzuala lo haw chauh a ,Jamesa rawn kal te ve bawk ,a eng a mah hma chuan min nuih ang vawr vawr a ,




"Ka lo rim dawn che " a rawn ti nghal pang ,



"James " Sangzual an a lo ti let hluk te chu a ngaipawimawh lo reng reng .




"Ka phal lo chung min rawn zui haw lui tlat " a ti leh a ,Ruatkimi atang chanchin a hria a nih ka ring ta ber .




"Nuthlawi thar lam rim te chu ka chak a lawm " a ti than ,Sangzual inthlak tur in a room lam ah a chho tawh a.




"I zaklo e a" ka ti hlak a ,thawveng zet in a nui suk duh chauh ,vawm zui pawp mai a ni ka duh ni.





Kan khaw lam a chhoh ka tum ni chuan Sangzualan sumo chhuahna hmun thleng min thlah a , Rin loh lutuk in U Ramnghaka lo awm ve bawk ,Sangzuala chu rum zet in a melh a ,sumo a lo la thleng chiah lo nen ,min kalsan tawh mai tur in Sangzuala chu ka hrilh a ,ka tibuai hnem tawh lutuk a, ka inthlahrung zo zai tawh.




"Eng nge i rawn tih dawn " U Ramnghaka lo din na ka thlen phei chuan ka ti nghal hmak ,tawi te, inthlahrun hmel zet in min nuih lui var a.



A mu tha bik lo a niang ,a mit khur a thuk raih a ,nidang ang lo takin a lang fai vur lo bawk .




"I rilru a dam fel hun ah ka kiang ah lo let leh rawh aw ,i tello chuan eng tin nge nunkawng ka zawh dawn ka hre thiam lo ,ka thil thlakhlelh ber chu min ngaihdam hun a ni" ti in a mitmeng a min thlakhlelhna thup miah lo in min melh vung vung.




"Eng thil avang pawn i kiang ah rawn let tum na ka nei tawh lo tih hria ang che,ka nun atang ka paih chhuak tawh che a ,nang pawh in i nun atang min paih chhuak tawh rawh ,nang ang mipa laktlak loh bul a awm leh tur chuan ka in phal tawh lo " ka tih khum sak a, pawisak neih loh hnel zet in ka melh lui tlat bawk .




A kut a humruh nasat zia chu ,a hmel a inchhirna tam tak lang zut zut te chu hman a thil thleng tawh ni zawk se ,tiang dinhmun teh hrep kan tawng baw lo tur .




"I rilru i sawh sawn thei lo ang bawk in sawh sawn ka tum bik lo ," nghet cherh chawrh a ti in ,ka chal ah rawn fawp zeuh ,ka tawng khum leh hma in a kal ta daih .




A hnung lam pang chu en zui vang vang in "i luhlul ang bawk in ,keipawh ka luhlul tawh tih hria ang che ,a hma a i hmeichhe hriat thin ang kha nih ka tum tawh lo ''keima hriat tawk lek a ti in ,ka en zui ta lo .





Kan khua ah chuan thla khat erh awrh ka awm leh tawh a ,ka awm tirh lam ang em em in nuam lo tihna pawh ka nei tawh lo ,a tir kha chuan khawtlang ho titi ti tam tu ber ka ni ve ,pasal then a ka let leh chhan hre chak a ,hmaichhan a min zawt nawlh nawlh tawk lah bang lo.




Mi tam tak min sawi dan te chu a zawng a za hre ve kil kel lo mah ila ,a then a zar hriat tawk chu ka nei ve tho ,




" Inzirtirna tha dawng ngai lo ania,a pasal hlui te chhungkua lah chhungkaw zahawm leh hung tak an ni , a ni ang zu zuar fanu,enkawlna tha dawng ngai lo tan chuan ,a pasal hlui te chhungkaw zing a khawsak ve chu a har ang ,thenkhat in an sawi dan phei chuan an dawh hram hram zawk thin an ti "




"A pasal khan bialnu a neih san " tih te ,a dang pawh a tam mai .Chung zawng zawng zing a na ka tih berchu ,uire chhuah a min chhuah chu a ni ,a tam zawk in min hmuh dan pawh a ni a .





Tiang kar ah hian thiam tak a thu diklo lo vaivirtu an awm ka ring a ,chu erawh tu nge rindan ka nei thiam lo thung .







Min khawngaih a,min fuih tu tlem te zar ah chauh hetiang a tha chhuak leh hi ka ni ,ka ti lo thei lo .An ni chuan harsatna beih let dan te min hrilh a ,natna tam tak hneh let dan thleng in ,beidawn na chuan mihring a tih chhiat theih zia te thleng in .




Chung ho zing ah chuan ka tan a mi pawimawh bik zual pahnih an awm ,Ka thian tha ber Rinengi leh kan pastor fapa Siamthara te an ni.


Show post links
Top

[Ngaia]

Zuzuar Fanu




Chapter -15






Chhun lam chu lo lam a feh nitin chu ka hna a ni ta mai ,Ka pa a hrisel lo bawk a ,ka nuhrawn nen chuan kan feh dun mai thin .Sikul chawlh an neih in Lengi kan hruai ve thin bawk





U Ramnghaka chu ,thla khat chhung a reh vang vang a ,tun hnai te erawh message a min rawn biak a ching thar riau .A rawn thawn tam ber pawh "Ka lo nghak reng ang che "tih thu a ni ,ka en ringawt a ka chhang let ngai lo .




Theihnghilh tawp chu ka thei bik lo ,a tir kha chuan amah ka hriat chhuah loh na tur kawng ka hriat ang ang ka ti zel ,mahse ka thei lo ,arsi eng pe uar ka hmuh in amah bawk ka hrechhuak a ,thla eng kalh ka hmuh lah in a mah tho ,kan feh na kal kawng thleng te chuan a mah min hriat chhuah tir zel tho .




Khaw vawh in a pangti lum nuam tak ,sa huam te kha ka ngai thin .





Tun ah erawh amah hre reng chung a nat loh dan te ka zir thiam tan a ,ka ngaih deuh chang pawh in ka ngai a ni mai ,a bak a awm tawh lo.





Sangzuala leh Rinengi pawh an la in be reng a ,hma erawh an sawn lo dun khawp mai.Jamesa erawh a reh ta hmak, chu pawh chu ka duh dan a ni ,a mah hrim hrim kha ka mipa ngainat theih tur chi a ni lo..Mahse mi rilru chhia erawh a nih ka ring lo.





Kan thlai lak kan phurh haw ho chu ,hralh tur in kan siam fel zung zung a ,zanriah eikham ah ka nuhrawn in thlai la tu te ho hnen ah a va hralh nghal ,kei erawh Lengi homework ka tih pui a ,


" U ,U Nghaka i ngai em ?"ti in a nui kar kar a ,achang hi chuan a hnung a ben sak pawp hi ka chak thin .



"Chutiang sawi lo in,ziak vat mai rawh "



"I ngai chiang " a rawn tih leh chuan ,a hnung ah beng in"ziak rawh "ka ti vak a ,min la nuih ang thaw zui a .





" I nau kha tin ti mah ta che "ka pa in min rawn melh in a ti var a .




Nulat a hre chhoh tan a ,tiang ang thu ni lo pui pui min zawh thut te kha a ching thar nen lehkha kan inzirtir chuan a ri leh dawt thin.





Rinengi te in lam ah chawlhni inkhawm ban in ka lut kawi a,a theih hram chuan Pathian lam a tluk luh hram ka duh tawh ,hun harsa tak tawng pawh ni ila a mah ah chuan ka theihpatawp in rinna nghah luih hram ka tum bawk ,rei lo ah Siamthara leh a thian pa pawh chu an rawn lut ve bawk.





"Chawhma inkham ban veleh haw nghal ziah suh u,ka tih kha " rawn nui lut vur vur in ka kiang a rawn thut thlak pah chuan a ti a, Chawhma inkhawm ban ah KTP Felloowship na hun a awm thin a ,tel ve chu tha ti viau mah ila , ka la ngam rih lo ,ka thiannu lah ka telloh chuan a kal peih bik si lo nen chawhma inkhawm ban rualin a rang a rang in kan haw vat thin.





"Chawlhni leh ah a nimai " ti bawk in kan chhang leh a,Felloship a sawi apiang a kan chhan dan a ni thin.




U Ramnghaka hian ka account ah thla tin pawisa a rawn la thun thin tih ka hriat chuan ,loh theih loh na avangin ka va bia a ,





"Pawisa rawn thun tawh suh ,ka mamawh lo " a lak rual in ka ti pawr nghal hle ,a pawisa min rawn thawn zo zai hi ka hmang dawn lo ,hman na chhan tur pawh ka nei tawh hek lo,eng rilru pu a min rawn la thawn ziah nge a maw a nih le.




"I aw ka hria a, ka hahdam sawng sawng mai " a lo ti daih a ,ka insehruh ta ngawt mgawt ,min namnul vel mai mai ni in ka hria .





"Zak ve deuh rawh ,khatiang min sawi khum thei dinhmun ah lah i ding tawh lo,sum kan rawn chhuah na lah a rei tawh ,i nupui ka nih loh zia chu i chiang tawh em " ka ti let sak ,a ni ka biak hi chuan ka thin a rim in boruak a tang nghal at thin min tihnat na zo zai avang khan na tak a siam let ve duh chang lah ka ngah ,mahse ,kei ma a thatna la awm chhun ten min la dang tawk tawk .




Pathian a in nghah a ,ama thu rin chhoh ka tum a ni a, a ni chuan phuba reng reng a ma lak tur a dah tur in a ti bawk ,kei mihring tha famkimlo hian ka mihring pui lak ah phuba la tur in dik na ka nei bik lo,chung lam kut ah ka nghat ta tawp.





"Rawn thawn tawh suh ang che ,i sum leh pai ,ka mamawh lo ,i sum tello pawn ka dam khawchhuak thei " ka tawng khur hlak hlak .





"I mamawh vang a rawn thawn che ka ni lo,i lak a ka thil tihsual zo zai te avang in ka rilru a na a ,i nat dan tur lah ka hre fiah zo lo ,ka tihnat na zawng zawng leh ka chhungte atang a i dawn thin natna zo zai ai ah pawisa ka rawn thawn thin mai che a ni,thulh tum na ka nei lo,ka rilru a nawm phah tih min hriat sak la ,nangpawn tangkai tak a i lo hman ngei ka ring " a rawn ti duah a ,a ni lo ang ai in a aw chu tham tuak a ,a fiah kak lo bawk.





"I pawisa rawn thawn thin avang hian ka ngaihdam phah che i ring tihna ni maw " ti in ngeiawm zet in ka nui ri kher a ,a rawn rum nghut ri pawh ka hre zawm nghal.




"Tiang thil i rawn tih hian ka haw zual zawk che tih hre rawh " ti in phone chu ka dah hmak ,ka natna zo zai kha tun a bo a ,reh nghal thei tur a ni lo ,a kum a kum ,a nih loh pawn ka damchhung pawn a la damfel lo maithei bawk a sin.




Ka thusawi chu a zawm chuang lo ,thla tin a rawn thawn ziah tho a ,kum a ral meuh phei chuan a tam tham tawh tak zet .Mahse vawi khat mah, la chhuak in ka la hmang lo a ,ka khawih che ngai lo hrim hrim bawk.




Kan thlai chin ho an tha hlawm a, harsa lo takin kan la nung chho ve zel ,kan inchhung pawn engkim ah hma a sawn a ,in hauh emaw in khak ,buaina ri ten hmun an chang tawh lo.




Ka Hringnun a par vul tan a mahse keimah a kim lo a awm si ,ka nunhlui tam tak te khan min la chenchilh loh thei lo a ,ka hringnun a kim lo thil lah chu ka hrechiang si a ,mahse ka haider lui tlat thung.





Hmangaihna avang a natna tam tak lo tuar tawh tu hmeichhia hian,hringnun ah hian hlauh tur ka nei tawh lo ,harsatna te chu rilru dam deuh a pawm thiam dan ka zir fel tawh a ,kei chu tumruhna ,tuarchhhelna leh huaisenna ten min chen chilh tlat tawh .





"Kohhrab hnatlang a nih kha aw ,ka rawn sawm ang che " Rinengin a ti a ,tunah chuan kohhran a inhman pawh ka inthlahrung dui tawh lo ,min sawisel tawk awm mah se ,min hmangaihtu te hian min ti chak ka tih kha .





Romawii leh Siamthara te nen min rawn sawm in kan kal tlang a ,hnatlang pawh an lo tam khawp ,biakin kan sak thar dawn avang hian hnatlang pawh an ko zing khawp a ,kohhran mipuite lah in sawisel nei lo in ,thahnem ngai tak in kan thawk lawp lawp mai thin.




Siamthara Pastor fapa a ni bawk a ,a ni chu a tlangnel nghal em em mai thin ,keini pawh amah avang hian nuam kan tih ve phah thin .




"Pathian belh hi a inchhir awm ngai loh a nia ,hmangaihtu nei lo a maw kan in tih lai pawh in a ni chuan hmangaih tawp lo in min hmangaih thin a, nupa inkar ah pawh Pathian dah pawimawh hmasak na chang hre lo te kar ah chuan hlimna tluan tling ai in harsatna a tam zawk thin ," Siamthar an ka hnen a asawi thu chu ka ngaihtuah vang vang a .




U Ramnghaka nen kan inkar ah khan ,buaina tam tak kan tawk a, tih tak zet in Pathian hming kan lam ri ngai lo,kan hma thil awm leh harsatna lo thleng ah kan buai em em ringawt ,fa pawh lo nei hman teh reng i la ,fa te tan kawng dik kawh hmuh a ,Pathian lam a hruai tur in eng mah kan nih dawn loh zia te ka hrechhuak a ,tiang a kan lo inthen ta pawh hi a that na lai tam tak a awm zawk ngei ang .





"I pasal hlui in a rawn la be thin che em " tih min zawt leh a, chhun chawlh lai a ni a,centenary hall hnung a thuthleng an dah a kan thu dun a ,midang ho erawh thil an la ei thung.




"Be ngai tawh lo " ka ti mai a ,min rawn biak leh zeuh a ching a ,chu pawh a tam lo ,vawi hnih vawi thum bak a tam ber ah a ni lo .Min rawn biak chhun ah pawh min la nghah reng thu a sawi ziah thin .




"Theihnghilh a hmalam pan san theih i inring em " ti a min zawhna chu chhan thiam a har ka ti takzet,theihngilh tum in ka bei ve mek zel chu a ni a.Tun ah mai hi chuan mipa dang han kawp a ,han ngaizawng leh tur chuan ka la inzuam lo .Chuti a nih rual erawh in a hnen a let leh a pawm leh tur in huaisenna leh inrintawkna ka nei tawh lo thung.





Ka hnung ah rawn beng thek in "mi dang ngaidam thei lo tur khawp a mi tha he lei ah hian kan awm lo tih hre rawh ,i thinlung duhna zui ngam lo khawp a mi dawihzep ni ve suh " a ti sap a ,hlim sang in min melh bawk.





Tlai dar 5 dawn ah kan bang chauh a ,a tawp thleng awm chu tlemte bak kan ni tawh lo .In ka thlen in Lengin eirawng a thiam ang ang in a lo bawl ve a ,ka nuhrawn erawh a feh hawng a lo la inbual chauh thung.





"U ,U Nghaka ang deuh mai ka sikul ban khan ka hmu a sin " a rawn tih chuan ka thin a phu rang nghal em em ringawt a ,lu thing vak in





"I hmusual a nih chu " ti in maian chu ka hih pui ta daih , ka pa awmna ka zawh chuan thenawm te in a a len thu a sawi a.






*Kum khat a ral ta der mai ,i rilru i la thlak tawh em em lo a mi ,a nghaktu tan chuan kum tam tak ang mai a ni a,tiang te chuan ka tello a nundan i zir thiam thuai dawn a sin,"tih ka dawn chu ka en vang vang a,,a ngai te ang bawk in ka chhang let leh lo.





Sangzuala nen kan inbiak chuan thu thin thawng tak ka hria a ,Rosyi car accident a thih thu a ni ,kawngthlang ah tlan liam thla in ,an zawn chuan a lo chat thla fel der tawh tih thu a rawn sawi lai te chuan ka thaw dep dep a.Ka rilru ti na tu te zing ah tel ve thin mahse he tiang a thihna rapthlak tak an tawng mai chu ka khawngaih ve hle ,a thlarau thlamuang tak a a chawlh theih nan ka dil sak nghe nghe .






Nuntea chu U Ramnghaka te lam in an enkawl hrih thu thleng in a rawn sawi ,Nuntea tak pawh chu ka lainat in ka khawngaih tak zet .Naupang te in nu neilo a ni ve mai dawn si a.




Nu hmangaihna dawng reilo tak te zing a mi ka ni ve a,chu vang chuan nu tello hringnun khawharthlak zia leh hrehawm zia hrechiang tu ka ni ve ,ka tawrh ang kha tu mah hian tuar ve lo se ka ti thin .




Rinengi pawh Rosyi boral chungchang te chu ka hrilh a ,rinai tak in a lo ngai thutak lo





"I lak a an thil tihsual man an hmu mek zel a nih hi ,hrem loh in kan Pathian hian a dah ring suh " a ti duh lek chauh a , a tawngkam hman avang chuan kan han inkhak leh hlak ,.A rilru ang hi pu tur zawk ka ni ,mahss ka thei ve tlat lo.




Vawi khat chu February thla laihawl khaw vawh vin tuk lai in U Ramnghaka kan in ah a lo chuang lut hlawl ,ruah a tlak sep sep reng avang in inchhung lam ah kan tawm deuh chawt lai a ni a.




Jacket lian lam leh high neck dum a in bel a ,mufler a awrh hnun bawk ,amah tawp chu a dum suit a ni mai ,a pheikhawk bun te thleng chuan a dum vek.



"Eng nge i lo tih dawn " ka lo ti leh hman hmawh, ngun em em a min melhna chu ka laih pui lek lek mai, thlakhlelh hmel zet hian min melh thuk ruih a .




Kan inhmuh hnu hnun ber ai khan a cher leh tawh ,a sam lah chu a buk khawp ,a hmel pawh a tla dawk a ,a ki rut bawk ,mahse a inhmeh pui leh em em tho.




"Mamte,helamah lo thut tir rawh " ka pa in a rawn tih tak hnu ah chuan ka mit la sawn in be lo in thuthleng ah chuan ka va thu ta daih .A rawn lang thut chu kei mai ni lo ka chhungte pawn mak an tih hmel khawp mai.




"Teh nawlh che chuan ,helam lam ah eng nge i rawn tih a " ka pa in a bia tih loh chu ka nuhrawn nen chuan kan ngawi reng a .




"In khaw thenawm ah hian scooty leh motor part kan rawn dah a ,dawr hawng thar tur an awm a " ti in tha deuh in a chhang ve zel mai bawk a, min rawn melh pah leh zawk zawk thin.




Ka pa in thingpui siam sak tur a min tih tlat avang in ,phur lo tak in ka siam sak a, thingpui ka va pek chuan ka pa te chu an lo awmtawh lo.Ka hawi buai deuh ha chu a hmu a niang ,thingpui rawn ban pah in




"Damlo kan tur in an chhuak chiah " a ti a ,chaw ei lai khan an sawi dun tak kha a, kan kawmchhak lawk ah hian ka pa kawm ve thin ber a damlo a ,chu chu an kan dawn a niang.




"I lo hmeltha zual hle mai " min en reng in a ti sup a ,a thut na ah pawh thu lo in a piah thuthleng ah chuan ka thu daih .



A reh tlawk tlawk hi a ni ringawt a thingpui lem ri leh khawlh thin bak thawm dang a awm lo .




"Ka ngai che,Ngurnunsang " a rawn tih khawl chuan ka en dawr a ,min lo nuih suk ,a hmel lang thim zual lutuk leh a taksa cher ve ta luuk chu a mak zawk .




"I in zawh tawh chuan kal tawh rawh " tha deuh a biak ka tum ve pawn ka thei lo ,a lak ah ka tlawm thin lutuk te kha ka ngaihtuah chhuak zel a ,thinrim na in min rawn luah khat vat thin.




A kut chu a tuai zeuh a ,chiang tak in kan inneih zungbun kha a la bun reng tih ka hmu thei ,a paih bo daih tawh ka ring a sin .



Kei chuan ka bun tawh lo mahse ka la dahtha reng thung.




"Kum khat a ral ta der mai ,tun a ka hmuh dan ah che hi chuan ,kum khat dang ka la nghah leh che a ngaih hmel " a ti awlsam than a ,thinrim thei lo mihring ang maiin a nui var reng bawk .




"Min nghak tur in ka ti lo che " ti in ka melh ve kar ,ka thu sawi hre lo ang maiin




"Ka thei em em ang " ti in a thinzawn chu a dawm leh a, min bia pawh a ang lo ,amah leh amah in hrilh a ang ber.




"Rosyi a boral thu ka hria a,ka tuar pui hle mai che " ka ti ta daih ,a rum nghut a .



"Tawrhpui ka ngai lo " a ti bul hmuk a, min melh leh run tawh .




"I dam tha tih ka hria a,ka hlim hle mai ,i hmel tha tak pawh ka hmu leh thei bawk a, ka lawm hle bawk " ti in a ding a ,ka thut ngai a thu reng in a che zia chu ka melh reng ,ka lam ah rawn kal phei in ka sam chu a rawn tuai deuh thuak ,dang ka lo tum chu ka kut chu man bet hmiah in ka chal ah dim te tak tak in a fawp vang vang a




"Ka hahdam na i nih hi " ti sup in ,a inla hrang a "ka nghak reng dawn che ka tih kha " ti in a kal chhuak ta a .




Ruak ta huai in ka in hria a,kan pahnih chauh a kan awm dun chhung a kan in sanmar nasat zia chu ,a chhuak chiah chu ka thawk lak pangngai in ka la leh thei chauh .




Ka pa te rawn haw chuan U Ramnghaka haw tawh leh tawh lo min zawt vat ,a haw tawh thu in ka chhang mai ,ka pa chuam min melh leh vang vang thin a .




Lengi sikul bang chu, polythene ah hian eng emaw hi a rawn khai haw a,"U ,hei U Nghakan min lei "ti in chaw ei dawhkan ah chuan a rawn dah hnawk ,kan en nak chuan eitur chi hrang hrang ,in chi thleng in a lo awm nuk mai




" Ka duh lo ti tlat ta che ,eng nge i lo hawn ve ngawt"ring lam lek lek a ka tih chuan tim dai a min en in "ka duh lo ka tih pawn min hawn luih tir tlat a lawm" a ti sep a ,thawk ka la ta hawk ringawt pawisa min lo thawn lui pawh ka duhlo mah nak laiin tun ah thil a rawn lei leh teuh bawk a .




"Ka duh lo ti tlat la ,rawn tlan haw daih mai ta che ,i duh loh tak tak pawh ka ring lo " ka nuhrawn in a lo ti ve bawk ,ka pa erawh in boruak tih zangkhai tum tak in




"Khaih khaih,ti khan ti vak mah ta che u ,thilpek te chu lak loh a nuam hlei nem ,i nu leh i u te chuan an ei ve lo ang ,kan pahnih in kan ei daih dawn nia aw Lengi " a lo ti vat a ,Lengi pawh in min rawn melh dai in a nui leh var var tawh.




Ka thinrim ta bik lo mahse U Ramnghaka erawh biak ka tum hle thung , a duh leh tul a tih dan ang ang hian a che chhuak a .Thil tullo tak hlir a ni a tih ni.






##Naktuk zan ka dah hman lo mai thei aw ,###


Show post links
Top

[Ngaia]

Zuzuar Fanu






Chapter -16






Rinengi nen chuan secondhand pheikhawk lak a ,zawrh chhawn kan rel a ,han lak na mai tur lah kan hre lo ,mahse Siamtharan a cousin nupuiin a lak thin thu leh bazar ah a thutpui thin thu a sawi chuan ,min biak sak tur in kan ngen nghal chung chung a.





Siamthar an a biak zawh chuan ,Rinengi nen min en in "Khar chhawn tur a nei nual a nih chu ,china lam atang a a lak luh ho pawh hralh zawh loh a la awm nual a ti " tih thu min hrilh chuan kan lawm tak zet a ,Rinengi nen inen in kan nui leh thin.





"Pawisa pek lawk vek kher loh pawh in a lak theih a ,mahse chu mi tur chuan an vawikhat lak na tur ah a hmun ah an kal kher a duh thin a " a ti leh erawh phur viau si in ,ngaihtuahna a ti buai duh khawp mai.





Kan vawikhat tih na tur a ni a ,kan zam dun em em a ,pakhat a kal tlawng chu a tu a zawk zawk pawh in kan ngam dawnlo ,mahse sen so harsa lo zawng a tih kha a tha bawk si.






"Naktuk ah aizawl ka chhuk dawn ,ka rual in rawn kal ve ve ula a ni mai " Siamthara chuan a ti sup a ,a remchang dawn viua in ka hria, chuan man chawi a ngai lo ang a ,sum khawhral lohna a ni mai






"Hnial phal chi a nih loh tawp chu " Rinengi chuan ban phar hliaiin a ti hluai ,kan han nui tlang leh rih .A mawi ah lo hnial der pawh tha viau mahse Rinengi sawi ang tak tak in hnial phal chi a ni lo.






Ka chhungte bul a ka sawi chuan an remti a niang ,eng mah sawi kawi an nei lo .Lengi thung chuan thil min chah leh nghal chiam tawh,kal hma hma in .





Kan inkhawm bang chu Siamthara a lo lut kawi a ,mi dang ho erawh an haw tlang thung .Kan inkar ah inngaihzawnna lam a awm lo a,thian tha ang tak tak bakin kan in en lo tih hrechiangtu chu kan pahnih hi a ni.Mi thenkhat in min dem fiam an ching viau thin a ,thalai ho zing ah pawh inngaizawng ang a min sawi tawk lah bang lo.






Ka chhungte ho chu an lo mu der tawh ,zan lam pang hi chu tih tur tul a awmloh chuan ,kan mu hma tlang thei khawp mai.





"Thingpui kan lum ang aw " ka tih chuan a bu nghat a ,mi hian min sawi neuh neuh peih a ,mahse a ni hi chuan eng ah teh vak a ngai lo ,a kal liam pui vel mai mai.




"Aizawl ah chuan eng nge tih i ril ruk a "






"MZU lam ah te form fill up te ka ngai a ,Ka pa hian MA tal chhuak tur in min duh tlat bawk si a " a ti a ,BA a zawh hnu hian damlohna avang in kum li zet a chawl a ,kum li zet chawl tawh mahse tunah zirna lam chhunzawm a tum leh ta a niam







"Ka rualin in chho leh thei nghal ang chu " a ti leh a ,a pu te in lam a innghat ve tur in min sawm zui bawk a,chu erawh ka hnial thung .





"Hmanni khan i pasal hlui a lo kal a ni awm a " ti in min melh a ,ka lo bu zeuh .





"Eng nge i hmuh dan " tih min zawt leh ,thil mak deuh deuh min zawh hi a ching leh thut zel.






"A hma ai in a cher a, kum tam tak mu tha tawh lo ang mai in a hmel te kha a tla kuar thei ,a mah pawh a fai vung tawh lo a ,kan inneih lai a a hmel nen chuan inperhsan tak a ni " tha deuh in ka chhang ve mai bawk ,a ni hnen a thil sawi te hi engmah hi a chhuak ngai tawh lo a ,diary rinawm tak ang hi a ni mai.





"In inthenna chuan nangmah chauh a nghawng lo che a nih chu ,nangpawh dam kim tawh ang in lang viau mah la ,i rilru chhungril ser te chu a la dam kim loh ka ring a ,chutiang thawi dam hlen tur chuan tu nge i mamawh tih i hriat chiang kha ,mahse i rilru leh i thinlung pawm pui na ngei chauh in ni rawh se " ti in ka kut chu a hum vang vang a ,a ni tluk a mi ngaihtuah na nei leh Pathian dah pawimawh hmasa ber thin mihring hi he lei ah hian tawn ka in ring tawh lo a ,a ni chuan mi hmuh a mawi chauh a zawng lo ,a nun chhungril thleng hian a nun pui vek.





"Mi zawng zawng hian chance vawikhat pek chu kan phu i ti ve lo em ni " a ti leh a ,a sawi chu dik ti viau mah ila ,ka rilru a chapona la awm ve te hian min la luah khat hneh zawk tlat.






Siamthara rual in kan chho a ,Rinengi te chhung te in ah kan in nghat lut ve rawih ,rinai takin an fel leh nghal a,inthlahrung dui lo in kan awm ve theih phah .




Aizawl kan thlen tuk ah Siamtharan an monu te dawr lam ah min kal pui nghal a ,kan duh ang en in kan la ve nual .A man pek lawk vek kherr a ngai lo bawk a ,a chanve man chauh chu kan pe hrih phawt ,Phone no te in pe in ,zawrh leh duh hun a inhrilh a,sumo a inthawn tawp tur in kan inbe fel nghal vek bawk.





Kan thlenna lam ah haw nghallo in bazar ah chuan kan kal kual a ,kei ai in Rinengin nuam a ti zawk daih ,a te chul reng mai.Kan tum dan chuan naktuk lam a khaw lam a let leh nghal kan tum a,Siamthara erawh a la cham rih dawn thung.





Beisei loh deuh in U Ramnghaka bazar ah ka hmu hlawl amah chauh ni lo in Nuntea leh Sinthiai nen an ni ,ka thiannu pawn a hmu a niang min rawn kheuh zeuh a ,eng emaw kawng zawng tak in chhungkaw hlim tak an ang in ka hria.





"Saw saw kan khua a zirtirtu hna rawn thawk thin kha a ni ti raw " Siamthara chuan Sinthiai te lam melh in a ti a ,a nih thu in ka lo chhang ve mai .Ka pasal hlui pawh a hmu tel tih hriat zet in min rawn melh zawk zawk .





"Kal ang u " ti hluai in an mahni hnungchhawn zawng chuan ka inher pui ta daih ,mahse min rawn hmu hman hram




"E he ,Nguri chu " ti lawng lawng tu chu Sinthiai ni ,han kal luih tal chi ni tawh hek lo ,peih lo ru tak chung chuan inher in ka nui lui sang a,ka kiang ah Rinengi te an awm bawk.






"I nih kha ka ring reng a ,ka rawn chiang ngam lo che a " ti in min nuih var ,U Ramnghaka erawh in ka kiang a ding Siamthara chu a melh run reng .Rinengi lah chuan U Ramnghaka a lo melh rum nasa
.



"Chu ti maw " tih bak sawi tur ka hrelo ,eng emaw min zawt nual a, tha deuh chuan ka chhang ve mai bawk mahse a ninawm ka ti takzet tawh .





"In be lawk ang " rawn ti thum dut tu chu ka melh a,chiang deuh in min lo melh let ve bawk ,Nuntea chuan min lo nuih sen sen a ,ka nuih let ve bawk .Ti hian a nu a chan mai tawh chu a ni si a ,a lainat awm ka ti takzet .





"Kan hmanhmawh deuh a ,kan kal mai zawk ang " ka tih lai chuan Siamthara zawk chuan "va inbe lawk ru ,kan lo nghak ang che u" ti in ka lu a rawn tuai zeuh a ,U Ramnghaka chu a rum nghut mai,ka kut ah min rawn kai in mi awm lohna lai deuh ah chuan min din pui a.





"Aizawl i lo chhuk dawn tih te chu min hrilh ta che " ka nui sak ,eng ah nge maw ka hrilh ngawt ang ni .





"Hrilh na chhan tur che ka neih ka hrelo" ka tih khum hmak a ,a sam chu tham thuak in ,





"Min ngaidam tawh rawh ,ka nunah lo lut leh tawh rawh aw ,enkawlna tha ber ber ka pe tawh che a nga ,engkim ah ka dah pawimawh hmasa ber tawh ang che ,ka chhungte pawh i lak ah an sual in ,tawngkam na tak tak an hman khum tawh lo ang che ,i rawn let thuai loh chuan ka nun hi a chhe tawlh tawlh dawn a sin " a ti ngui riai a, tiang tak hian ka lak ah a inphah hniam chung hian ngaihdam a,a kiang a chen chu ka duh tawh chuang lo.





Zu a in nasa tih a hriat hluah hluah a,vun nung sar pawh a nei tawh lo ,a hmel chu a thim khuk mai a ni.





"Tiang lam kha sawi tawh lo tur che in ka tih che kha ,ka kal dawn ," ka tih chuan rang zet in ka kut a rawn man bet vat a ,a fawp zui vang vang bawk ,hahdam ta huai ang hian a thawk a la zui ham ham .




"I lak ah tlawm ral thak a ngai dawn a nih pawn ka hreh lo ,ka kiang ah i lo let theih nan chuan " ti in ka kut chu a hum nghet zual tawlh tawlh ,a ni ang mipa thu duh lutuk thin tan chuan a thusawi kha sawi chhuah a harsat tur zia ka hriat thiam pui pha lo,a rilru chhungril ah chuan tlawm a in ti ve tlawk tlawk mai theii a ni.




Kawng kal ho in min melh leh zawk zawk thin avang chuan insiam tha in ,a hmel chu ka en a ,beiseina sang tak nei chung in ni min lo en ve reng .





"Tun ah hrih chuan ,engmah i hnen ah sawi tur ka nei lo , hahdam deuh a in ngaihtuah phawt ka duh " ka tih chuan beiseina a lo neih ve chhun chu a bo a,kun lap in a bu nghut .





Kan haw lam chuan Rinengin eng chungchang nge kan sawi hriat chakin ,min zawt chhen ,a chang in min vau thul ,keilah chuan engmah ka hrilh tha duh si lo.






Zan ah U Ramnghaka chuan min rawn be leh a "engtik ah nge in khaw lam ah chhoh in tum " tih min rawn zawt , engtia han chhan tur nge ka hrethiam ta lo ,tha deuh a han chhan lah ka hreh tlat a, chhan loh ringawt lah a mi pangngai hna lo ka ti bawk si .





Ka phone keng a ka thaw leh hak thin chu ka bul a mu ka thiannu chuan phone chu rawn la nawk in ,a en a ,a nir nasa ngang mai.





"A rawn la be ngam che hi a zak lo ka ti ," ti in a chek tlak a,phone lak sak ka tum lah chuan a lo dahsawn zel , thil engkim ka hrilh ve na anih avang hian huat tak te in U Ramnghaka hi a haw ve bur a ,ka bul ah phei chuan a chhiatna hlir hi a sawi thin ,a sawi duhthawh lutuk na lam ah hian thil awm ang lo deuh deuh a sawi tel ziah leh nghal.





Eng emaw chhu in ,a thawn a ,a in thawn hnu ah ka hmuh theih loh tur in a delete daih lehnghal .





"Eng nge i va thawn ''ka tih chuan a nui var a, puan sin in a in lu khup zui daih .Che ngeiawm thiam ve thei khawp mai.





Hun chep tak kar ah Sangzuala kan va hmu zuai a ,an in lam a len pawh a tha viau na chu hun in min daih thlawt lo ,a ni pawn an in a chaw ei tur te chuan min sawm ngial mah se ,chawhnu lam kan khaw lam a kan chhoh a ngai dawn si a,kan hnial ta thung.Zin leh hmasak ber ah an in a rawn innghat tawh tur in min chah thlap bawk .A ni hi zawng ka unaupa ang mai a ni a ,ka chung ah hian that a chhuah awl lo chu a ni.







Kan khua kan thlen zan in pheikhawk kan lak ho chu Rinengi te in ah rem dal in ,hmelhriat thenkhat en tur in kan sawm a, a tam zawk in min dawr lo mahse mi pathum ,pali vel in min dawr thung .Chu chauh pawh chuan min ti lawm tawk rih viau.





Kan kawt ah motor a rawn ding tih hriat zet in a ri a tawp chut a ,reilo te hnu ah U Ramnghaka a lo lut nawlh,bag te lutuk lo a khai ran bawk





Kei chu min en zawk in ,ka pa lam ah chuan a phei a ,


" Ka pu thil dil duh che ka nei a "ti in ka pa chu hawih hawm thei ang ber in a bia a, thin phu dep dep in a sawi tur ka lo ngaichang ve reng bawk.





" Kar khat chhung min lo mikhual thei a ngem "a tih zawh rual in " thil theih lo a nih chu ,chhuak leh vat zawk rawh"ka ti vin vak,eng nge a thluak ah hian awm thin ni ,naupang luhlul deuh ang mai hian a duh zawng chauh a awm kual a tum a ,eng tin nge midang in an hmuh ang tih hi a ngaihtuah ngai lo reng reng .





Tu nge nupui hlui te in ah mikhual ah tang ngai ,a zah te pawh a zahthlak e a.



Ka pa lah chyan tha deuh in "i rawn mikhual duh a hnu ,mikhual lo hnar haw ngawt thu a awm lo" a lo ti than .



"Pa ,eng nge maw i hriat le ,thil tih chi pawh a ni lo " ka ti leh ,mahse a ngai pawimawh lo khawp mai.





Ka nuhrawn chen in U Ramnghaka rawn chet dan chu mak kan ti hlawm a ,ka pa erawh thil thleng tur hre lawk sa ang mai in a hawi buai ve lo reng reng .





Eirawngbawlna lam a a lo phei chu thinrim ru tun in ka lo en a "Eng thil atthlak nge i rawn tih leh tak" ti in ka ban ka phar hluai ,min ti bang bo thei khawp mai .




Ka chhungte an awm hnai avang in duh ang tak pawn ka vin chiam thei lo






"Tha ka tih ang in ka rawn che chhuak ta a nih hi ,ka hlatah kum khat chuang i awm tawh a ,hmasawnna tur thil hmuh ka nei lo ,ti hian i kiang ah ka rawn khawsa a nga ,nun thar hlak a ka nun tawh zia ka hmuh tir che a nga ,ka duat in ka hmangaih em em reng dawn bawk che,tih nitin ka hrilh hria in ka lan tir bawk a nga ,i rilru pawh i thlak awlsam zawk ang " a ti duah a ,tawng lo in a mah chu ka en ngar ringawt.





Eng ang pawn kan in ah rawn mikhual phal lo mah ila,a hmel a tumruhna lang atang hian a haw leh nghal mai dawn lo tih a hriat hluah hluah mai bak ah ka pa in phalna a lo pe fel thlap tawh bawk si.





Ka rilru hneh tur ringawt a lo awm kha a nih ka ring lo sa reng a ,kan khaw thenawma dawr thar siam tur te nen khan eng eng emaw tihfel ngai ti in ni hnih ngawt chu a chhuak phei tawh.





Zan ah hian thuthleng sei ah a mu mai zel a ,hrehawm ti hmel a pu ngai lo.Ka pa nen an titi tui dun thei khawp mai.





Thenawm khawveng titi ti tam tu kan ni leh tan tawh a,inhruai leh ang ten min sawi thul ,chhuah na apiang a insawi fiah zel ngai chu a hne awm khawp mai .






Rinengi zantin a rawn leng a ,U Ramnghaka a tawngkhum na thei hle ,han khap dawn lah hian rum theihpatawp in min melh ang ker thin a.





"Nupui hlui te in a mikhual a han tan " ti in a ner nawk a ,a tan leh dawn ta tih chu ka rilru a lo awm hmasa ber a ni.





U Ramnghaka chu a nui lui var a ,a tukhum tuai in a thaw ham ham ,ka lo khawngaih ve ringawt leh nghal.





"Rosyi a boral tak hnu a lo in lan thar leh " a la rawn ti leh hram ,hahthlak hian ,a ka hi a kal mai si.





"Rineng " ka lo ti vat ,U Ramnghaka pawh a rum nghut mai ,a mah ka va melh fuh rualin a hmel ah chuan zah na leh insitna tam tak ka va hmu a ,chu thil tluk a hmuh harsa tih ka neih ka hre lo.





Rinengi haw hnu chuan ,a lak ah inthlahrung dai chung in ka thu ve reng a ,ka chhungte erawh an mu tawh thung,U Ramnghaka kan in a lo awm hrih hi Lengi hian nuam a ti khawp a,zanah pawh a homework te a intihpui tir vek zel.





"Ka thiannu ai ngaihdam ka dil che ni rawh se ,a duh duh hi a sawi ve ngawt zel a,mahse a rilru a chhe lo tih chu i hriat kha " ka ti sep a ,kan boruak tang tun reng chu a hahdamthlak lo tak zet.





Thaw chhuak hawk in a nui suk a "ka chan tawk a lawm ,i chung a ka thiltih zo zai avang khan khatiang thu dawn chu ka phu hliah hliah tih ka in hria ,kha ai nasa tawn pawh ka phu ngawih ngawih zawk a lawm ,ka lo tawngkhum dan tuihnai lo zet te ka hriatchhuah hian i hmel hmu ngam tawh lo tur zawk ka ni tih ka in hre vek ,mahse ka thei lo ,he lei a ka awmchhung a ka mamawh ber leh ka thlakhlelh ber hmeichhia i ni tlat si a " ti in ka lam ah a rawn tawlh hnai hret hret a, ka kut chu tim dai a rawn la kang in a vuan vang vang .





"Ka hlat ah i awm zel chuan ka tello a nun hman dan i zirthiam thuai ang nga ,min theihnghilh thuai bawk ang ,chutiang thlen tir chu ka phallo ,kei chuan i tello a nundan ka zir thiam thei ve dawn si lo " ka kut chu hum nghet sauh in a hmai a nawr tir vang vang a .





"I hnen a chen leh a khawsak ka ngaihtuah chang hian maw ,keimah a hlauhna nasa lutuk a lo piang chawp chilh thin ,i lak ah rinna nghah leh hi a har ka ti tawh hle a ni "Ka ti ve sap a ,tun hi thinrim a inbiak na hun a ni lo tih ka hria a,thinrim chakna pawh ka nei hrih hek lo.






Ka sam chu tuai in ,harsa zet in a nui lui a " ka hria a lawm ,ka hrethiam takzet che ,ka lak a rinna i nghah ngam theih nan chuan ka kiang ah i awm a ,ka nundan te i hmuh a i hriat a ngai lawm ti raw ,hmangaih leh duat tak in ka enkawl che a nga ,tlem tlem in ka lakah rinna i nghat tial tial mai ang"a ti nghet charh a ,






"Ngurnunsang ,ka hnen ah lo let leh la ,i thinlung ka lo hliam tawh na zawng zawng kha a ti na tu bawk hian ka tuam dam leh min phal sak rawh " ngenngawl zet in min melh zui a .Ka thinlung na rum ngawih ngawih thin hi a ni bak in an tuam dam thei lo tih chu keimah mai bak ah a ni hian a hre chiang hle.




Siamtharan ka bul a a sawi "Tu pawh hian chance vawikhat neih chu an phu,vek ,mihring famkim lo kan nih zia lan na chu thil kan tihsual thin na ah te a ni a, ngaihdam na hi a hlu in mihring nun ah thil a tih theih zia chu i lak a thil tisualtu te i ngaihdam atang in i hrefiah thiam chauh ang " a tih kha ka thinlung ah a ri ring em em a , ka mihring pui ngaidam thei lo tur khawp a tha ni in ka in hre hek lo.





Ngaidam thei lo tu nih ai chuan ngaidamthei tu nih chu a ropui in a ril zawk daih a.





Huatna pai reng thin mi chu a nun a hrehawm thlawn a, ngaihdamna erawh in mihring nun a ti zalen thin.





##Ka rawn dah leh si e ,han comment sap sap teh un ###


Show post links
Top

[Ngaia]

Zuzuar Fanu





Chapter -17







Lo lam a kan k tur chu U Ramnghaka chuan kal ve a tum a ,tlai khaw hnu ah a insiam leh rih ,hmanhmawh nen a in mil lo khawp.Ni a rei tawh lo a ,chuvang chuan kan feh tur hi kan chhuak hma viau thin.






Hman zan kan inbiak atang khan ni a kal leh duak tawh ,nupa lo ni tawh thin mah ni ila ,kum khat erh awrh han in then tawh chuan a hma ang a awm leh mai kha a har khaawp .Kan lai hu mai a ni






Siamthara pawh a rawn chho leh tawh a ,kan in ah pawh a rawn leng leh vang tawh ,a rawn len zan a kan in a U Ramnghaka a hmuh thut khan a hawi buai ve khawp mai ,a hnu ah erawh ka thutlukna siam dan tur a man thiam ni hmiang ,hmel hlim sar in min nuih suk mai.






"Lo kal ve kher a ngai lo a sin ,min ti khawmuang zo vek leh nghal " kawng kal lai chuan ka ti hmarh hmarh, ka nuhrawn phei chu a kal na a rei tawh .A hma ai a kan boruak tha ta hi tu pawh in an man thiam mai ka ring a ,kan inkar zawng zawng tha pumhlum vek tur ah min ngai nghal ngawt hlawm bawk.






Mahse a ni lo ,thinlung keh chhe tawh mihring chu vawi leh khat a chhawm that ngawt theih a ni lo ,hun a liam ve duai a ngai.






"Nguri , tawng lo khan kal rawh ,chu ti lo chu i inpal thlu hlauh a nge "a ti mai a ,a hmuh loh lam ah ka nir nasa ngang mai.






" Ka nupui i rawn nih leh vat a ngai tawh a nih hi "a thlan hru in a ti chhuak hiai a ,ni a sa reuh bawk a ,thlan a chhuak tha duh lutuk tlat.






" I tello hian hmachhawp ka nghah lutuk , chung ho chu tha deuh a tihfel hmasak phawt ka ngai"ti in ka chhang let a ,a ni reng bawk a ,sumdawnna kal pui in pheikhawk te kan zuar a,ka thiannu a eng a mah hma a han ban san nghal leh daih te chu ka tum lo ,thlawh hma lah ni se kum dang ai a zau kan vat bawk,awlsam te a a nupui a va tang leh nghal thei ka ni lo.





" Ngurnunsangi ,ka hriat thin kha i ang tawh lo hle mai "a phun sup a ,ka hriat loh tur a sawi a nih ka ring .






" A hma a mi i hriat thin Ngurnunsangi ang a min hmuh i tum tlat chuan ,min kalsan rawh ,hman a mi ang kha engtik ah mah i hmuh beisei buai duh suh "ka ti fiah leh kak ,min nuih ruh ruh in






" Tun a mi hi ka duh zawk "a ti fel leh than tawh ,min ti hawi lawl lawl reng mai.





Mangkhawh tur a kal kan ni ber a ,kei phei chuan thlai chi theh tur engmah ka keng lo ,ka nuhrawm erawh in tlem a keng thung.





Kan haw lam chu ,thawmhnaw a dum rang nei nuai mai ,ni a sa tha bawk nen chauh a na zual takzet ,U Ramnghaka tak pawh tawng lo in a kal thaw huam huam mai.





Zan ah rinloh tak in U Ramnghaka nu in min rawn bia a, ka chung ah a lo tha teh chiam thin lo nen ka be huphurh ru khawp a






" Nguri ,kha tah khan Nghaka awm em "a rawn ti hmasa ber a ,U Ramnghaka awm tih chu a hriat sa tho ka ring .





A awm thu a ka lo chhan hnu ah " I lak ah ngaihdam dil ngam tur che ka ni lo tih ka hria ,mahse i chung a ka lo chet tawh dan leh ka tawngkam hman thin a vang te khan min ngaidam mawlh mawlh rawh aw ,"a rawn ti hnawk niai a , .





Mi in ngaihdam min dil ngawih ngawih hian awmdan ka thiam thin lo ,kei ni ai a upa daih an nih phei chuan.






"Kan mo ah i rawn tang leh duh a nih phei chuan ,rawn let duh tawh loh na chhan ah min lo hmang ringawt a nge , i lak ah theihtawp in that chhuah ka tum tawh tih min lo hriat sak dawn nia " a rawn ti leh lawm lawm a .





Kan inbiakna kan tih tawp hnu thleng chuan ka ngaihtuahna kawm in pawn ah chuan ka thu ta reng .


Ka lak ah Lalpa that zia hi tih bak sawi tur ka hrelo ,a ni chuan ka nun ah ro a rel a ,harsatna te chu a kiam phei duak duak a ,ka chung a thalo thin mihring te pawh a ni chuan ka lak a ngaihdam an dil theih nan thatna in a chen chilh tlat a, belh tlak Pathian a nih zia min hriat nawn tir leh thin






U Ramnghaka bul ah chuan ka nu in min rawn biak thu leh a thusawi ho chu ka hrilh chhawng a,ka ban bul chu rawn tuai in "a tih tur dik tak a ti a nih chu ,i lakah khan tihsual tam tan tak kan nei vek a ,i hnen a ngaigdam dil hi kan tih mak mawh thil a ni a lawm " a ti mai a ,





Hun rei tak hnu a thla eng hnuai a han inkuah leh te chu a dan a dang riau a ,lung te lam a chhe dawn a lawm.





Kan pheikhawk zawrh tur a kan khar chhawn ho pawh kha kan hralh deuh vek tawh a ,a la bang ho pawh U Ramnghaka khaw thenawm a a hna tifel tur a kal chu kan zui a ,hna a thawh chhung in an bazar ve ah chuan kan lo thut pui ve ran ,kan hralh zo ti tih chu a ni ta mai.





Rinengi pawn U Ramnghaka chu a tawngkhum fek fek tawh lo ,an inbe tha leh tawh lutuk tlat.






U Ramnghaka pawh aizawl lam ah a phei leh tawh a ,zui phei ve nghal tur in min ngen nasa viau mahse ka lo la hnial thung.






Nuntea chungchang ka zawh khan a nu chhungte ho in lak an phallo tih a sawi a ,Rosyi boral dan kimchang tak in ka zawt bawk .




"Zu a in ngai lo tih theih a ni a ,motor lam phei chu a khalh thiam ve viau ,kha tia kawngthlang a an tlan liam mai kha a mak ka ti ,motor dang nen an in sul pel lai a nih loh mai bak ah ,kawng kha a free em em si a "a sawi dan hmang ah chuan accident pangngai a nih a ring lo deuh in ka hria .






Aizawl a awm leh hnu atang ninawm khawp in min rawn be buai ngun a ,a chang phei chuan chhan loh in ka ring ral tir thak thin.





Thla khat ah vawi hnih vel chu kan khua ah a lo zin chho ta ziah a ,a rei ber ah ni thum vel a cham thin.A rawn zin chang hi chuan min kal hlat san meuh lo ti ila a dik ang , ka bul hnai ah a lo awm ve kur zel.




Ka lak a a sawi ngun ber pawh in hruai that leh a,aizawl a amah zui chhoh leh chungchang a ni ber thin ,a duh ang chhan na erawh ka lak atang in a la dawng lo thung .





A dawhtheihna enchhin nan pawh a that khawp ka ring a,eng ang chiah in nge kei min nghah a huam dan te,eng rilru nge a put tak tak hriat nan pawn a tha viau ang .






" Ei tur rawn keng vak zel suh ka tih kha "a thil rawn keng ho dawhkan ah phawrh chhuak in ka ti hap ,ka sawi ngun tawh viau na in ,a ngai te bawk in a rawn keng chho leh tawk thin.





" Kan khua ah pawh rawn lang khat tawk reng suh ,mi hmuh atan pawn a mawi lo reng reng "ka ti leh a ,a rawn chhoh lah hian hmundang ah a thleng duh ngai si lo ,ka chhungte lak ah pawh ka inthlahrung zo zai tawh.






" Tiang a rawn zin reng ngai lo hian ,ka rualin lo let thla ve mai rawh "a ti a ,hetiang thil a sawi apiang in ka awm a nuam lo ziah.






" I rilru i la siam fel thei lo a nih kha ,"ka rilru buai zia a hrethiam ni hmiang a mah bawk a rawm tawng zawm leh nghal a.





"Ka chhungte pawh kan lo rawn ve phawt a nge " ka ti ve ta nge nge .





Tiang a awm reng chu tha in ka hre ta bik lo, zan ah chuan ka pa chu ka bia a ,a ni pawn U Ramnghaka bul a let leh tur chuan min lo duh hle zawk hi a nia.






"Tiang khawp hian a ngaihtuah che in ,i lak ah a tlawm tawh bawk ,a nunhlui a a thil lo tihsual tawh te ngaihtuah sak tawh lo in ,in hmalam hun ah nun duhawm tak leh ,nupa lungrual tak in nih theih na kawng tur ngaihtuah tawh zawk rawh " ti in ka pa chuan min hrilh dap dap a .






A nun a lo hman tawh dan a a inchhir ber na thil ni ta chu zu a lo zuar ve kha a ni a,ka hnenah pawh a inchhir thu a sawi fo thin .Tun ah pawh a ni pawh in nun tha zawk a tawng chho ve mek zel a, a hrisel chho mek bawk.





Rinengi nen kan pheikhawk zawrh dawn khan hlep kan hmuh ang ang chu insem kan ti kha a nia ,mahse ka tih chhublnzawm pui thei tawh dawn lo tak ah chuan pawisa pawh tam ka lak sak duh lo a ,ti hian a pawisa hmuh ang ang te hi a dang lak zel nan hmang se ,a taihmak phawt chuan a la hlawhtling viau pawh ka ring .





U Ramnghaka te pawn palai ang deuh reuh rawn tir in ,tha deuh in kan insawi rem thei a ,naktuk ah amah ngei in in min rawn hruai a tum ruh viau bawk.





"I phakar ngawt mai ,dam te in kan awm a nga ,kan sumdawng dun ang kan ti vek sia " Rinengi chuan a ti nuah nuah reng a ,kan awm bo leh daih tur chu a hrerhiam tjei tlat lo ,ti hian min phun khum reng mai a ni.





"Nangmah pawn i sumdawng thei a lawm ,mahni phei chuan a hlawk daih zawk ang " kan tih ve te chuan ,min melh nasa khawp mai.





"Mahni te chuan a " a ti hlak a ,a awmdan chuan ka nuih a ti za reuh khawp a ,han nuih san chi lah a ni silo..






"Mu daih ang ,zan in bak chu kan riak dun leh khat tawh dawn nia " ti in ka va kuah than a ,naktuk ah aizawl lam ah ka chhuk tawh dawn avangin riak tur in ka sawm a , ka sawm urhsun bawk a ,hnial buai lo in a lo riak ve mai a.




U Ramnghaka chu dar 10 ah a rawn thleng chho a ,nidang ai in a hmel hmuh a nuam in a hlim sar bawk ,min nuih var var reng mai a ni.






Ka thiante ho in min rawn thlah hlawm a ,Siamthara pawh rawn kal in ,pawn lam ah kan in bia a,






"I hmel pawp kha a eng sawt sawt mai a lawm " ti in min fiam ve ngei .






"Awihawm loh e a ," ti in ka nui hak ,Siamthara hi U Ramnghaka hian a thik deuh tlat in ka hre thin a ,tunah pawh pawn lam ah rawn chhuak ve in ka bul ah a rawn ding leh chat tawh hi .




"I thawmhnaw te i siam fel tawh em " tih min zawt in ka dar ah chuan a ban a rawn nghat a ,Siamthara pawh chuan a hrethiam nge ,lu thing in a nuih san suk a .






Nichin lawk ah a bul ah ka siam peih vek tawh thu ka hrilh daih tawh sia .





Ka siam peih vek tawh thu hrilh in ,Siamthara chu ka biak zawm leh ta daih.



"Aizawl a i rawn chhuk thlak veleh ,chaw rawn ei rawh aw 'ti in ka sawm a,U Ramnghaka pawn a lo sawm zawm ve bawk.






" Chawhmeh in neih that viau chuan ka lo tum ang "ti nui vur vur in inchhung lam ah chuan min luh san ta daih .





" Ka rawn thlen tirh atang min la be mumal lo reng reng "ka bul a mi in a rawn tih chuan ,amah chu ka melh chho vat a ,lungawi loh hmel deuh in min lo en ve run bawk.




Ka thaw hliai ringawt , sawi mai tur ka hre tlat lo a ,mo thar in hruai tur ang mai in lai ru tlat hek ,amah pehhel na tur a rawn thlen hlim atang khan ka zawng reng tih theih a ni.






" Zan in atang chuan khum khat ah kan mu leh tawh dawn chu a ni sia ,ka mumang te pawh a ang rum rum mai "ti in ka dar chu a beng thek thek ,kei ang tho in awih harsa a la ti ve tho te pawh a ni mahna.





Kan inthen kha chuan a bul a let leh tumna kha ka nei tawh lo hrim hrim a, ngaihtuah pawh ka ngaihtuah ngai lo ,kan in hmu leh ngai te a nih pawn kum tak tam liam tawh hnu ah a ni hial ka ring thin ,mahsele ,ka tum loh ang hlir in ka awm ta si ,ka tan tak phei chuan a tak ai in mumang ram a ang hial zawk.






Lengi ber chuan ka awmlo tur chu a ngai ngam meuh lo a , ka thawmhnaw ka siam lai zawng pawh in ka bul ah awm in




" I awmloh te chuan tu nge homework min tih pui tak ang ,"a ti reng a ,tah em chu a duh bik lo ,mahse tah chhuak insum tih hriat zet in a meng sen ram reng a ,a mittui a tling pam reng bawk.





Kan han kal dawn tak tak meuh chuan a insum thei tawh lo a niang ,hmui hup ina tap ta par a ,a awmdan chuan min ti lungchhe ve hle .




U Ramnghakan min biak pawn tawi te te bak in ka chhang lo ,a ni pawn min hrethiam tak in min be zui tawh bik lo .Hla hlui lam play in a sak pui rut rut reng a ,kan imneih tirh leh tun a a mizia leh nungphung te chu inthlau tak hi a ni tawh .




Engkimah a tha lam zawng zel in hma a sawn in ka hria a ,ka lawm hle bawk.





Zu pawh a in ngai tawh loh thu min hrilh bawk ,a zu in ta lo chu a taksa in a ngeih a ,a hmel pawh a eng leh tan tawh .





"In ei puar lawk ang aw " ti in thingpui dawr ah min chawlb puia ,ka motor chuang ka chuang fu lo deuh a ,riltam viau si in ka ei hlei thei der lo.




Thingoui dawr a min chawlh pui bak kan chawl tawb lo a, kan tlan chak pangngai bawk nen kan thleng har lo khawp mai.




Inchhung kan lut chu nunhlui tam tak ka hrechhuak zui zut zut a ,ka ding chut ,ka din tak tlat avangin U Ramnghaka pawh a ding ve chut tho.





Ka rilru a awm ho zawng zawng a hria emaw tih mai tur in ,ka kut chu la in a hum vang vang a,"tun atang chuan nun thar hlak in aw ,nupa hlim tak leh nuam tak kan nih reng theih nan theihpatawp chhuah ka tum "ti sup in ngainat awm zet in min nuih var a .Min pen sawn pui nghal bawk..





Ka pa chuan hlim zet in min lo.kuah nghal a ,ka nu pawn min lo nuih sang ,a mitah min enhniamna leh min hmuhsit thinna hmuh tur a awm tawh lo ringawt te chuan min ti hahdam in min thlamuang tak zet.



U Niangi nen kan ban inhmu leh chiah chu engmah sawi lo in kan inkuah vang vang ,U Niangi phei chu a mittui a tla hial.



Zanriah te ei in kan in ti fai a ,ka ril atam tawh a niang ka ei hnem khawp mai.




Kan chaw eina vel tih fel kan tum pawh ,an phallo a,mu hahdam tur a min tih tam tlat avang in ,kan nupa pindan ah chuan kan lut chho a ,ka luh rual a ka mit la hmasa ber tu chu bang a mokawr ha chung ngei a ka thlalak lian zet lo in tar kulh chu a ni.




Mak ti zet a ,U Ramnghaka ka en chuan ,hmui phun in" i tan a ka tih tir a nih kha ,,nang ka ngaihzual chang che apiang in i thlalak hi en in ka be ziah thin "a ti a, ka hnung ah rawn ding in min rawn kuah a ,hahdam deuh in a rawn thaw chhuak hak,






" I engkim hi ka ngai tawh , thlamuang tak a i taksa kuah te hi ka chak thei lutuk "ti in min kuah nghet sauh a , min kuah chiah khan keimah ah famkim in tih hliah hliah na a awm ,hei hi a ni lawm ni ka mangphan fo thin ,khawvawh chang a ka thlakhlelh ruk thin em em a pangti lum nuam tak te pawh a la ngai reng.





Tang tung tawh bik lo in ka ngheng hnai ve sawt sawt a ,a taksa ka tawh hian hahdam na nasa tak ka nei thin.






Ka nghawng chu rawm fawp zeuh zeuh in " zan in hi kan tan zan chhinchhiah tlak tak ah ka chan tir dawn "ti in min kuai her a ,ka khabe chu hmer deuh salh in a chawi kang a ," he zan hi i theihnghilh tawh ngai lo ang ,"ti in ka hmui chu a rawn fawp ,min fawh dan zet chu a ril tak zet a ,a hmui in ka hmui duhthawh ru tak a a fawp tih bak ka ngaihtuahna ah a awm lo.






"Ka nupui " ti a in la hrang hlek in hmel tak run in melh vang vang ,ka hmui huh deuh hliam chu awmze nei tak a tuai kual in , a phun leh sap thin.







"Ka lo lawm a che ,ka nupui duhtak " ti in min fawp zawm leh ,nichin ang ngawt kha chu a ni tawh lo ,a duhthawh in ,a kut a vah kual tir ruai a ,a duh leh mamawh thup tum buai lo in chet a la zui mawlh mawlh .A nupui ka nihna chu thuchauh ni lo in chet zia in a lan chhuah tir ta zawk.





A sawi ang ngei in zanin kan hun hman hi ka theihnghilh mai ka ring tawh lo .





Tawngtai na kan hman dun leh thlap hnu ah kan muhil ta chauh .A vawikhat na a ni bawk a chham tur ka la haihchham khawp ,chutiang bawk in a ni pawn ,mahse zan tin kan tih chuan kan tim lutuk tawh lo a nga ,ngai a kan neih chhoh theih mai ka ring.





Engkim ah Pathian dah hmasak kan tum tlat tawh a ,mahni duhdan a kal mai lo in amah ah kan inghah ngam phawt chuan nupa hlim tak kan nih reng theih ka beisei a ,a hma ang a inthen mai mai lah kan tum tawh hek lo.




Damchhung a nupa nih reng chu kan nun a thil tum lian ber a ni , eng ang harsatna nge kan tawh chhoh dawn kan hre lawk lo ,mahse chutiang hunah pawh intawiawm tlat a ,in vawn reng kan tum.





Kan hun kal tawh ah chuan nupa entawntlak lo leh inlaichinna tak tak hrethiam lo mi kan ni ,mahse mihring chu inzir reng tur kan ni a,keini nupa pawh ngei pawh nunhlui duhawm lo tak nei kan ni ,mahse kan nunhlui a kan thil tawn tam tak atang in kan in zir chho ve zel a ,hmuhtheih khawp a nupa inlungrual leh hmangaih na in a hual vel mihring nih ngei tum in tan kan la sauh sauh dawn a ni.








##Ka tlin tawh ngang lo ,zam dang ai in a tawi zawk ang ,zan in zet zawng keima tawk ah ka buai ve lutuk a min lo hrethiam dawn nia🥲🥲🥲🥲🥲


Show post links
Top

[Ngaia]

Zuzuar Fanu





Chapter -18







U Ramnghaka dawr lam ah ka kal ve deuh ziah thin a ,engmah phei chu ka va ti ve chuang lo ,amah pui hian kal ve tur in min beisei theih thin em avang a zui ve ka ni pakhat bawk.






Kan inchhung boruak pawh nuam tawh tak a ni ,ka nu ber mai hi ,nitin in a inthlak danglam zia ka hmu thar thin ,chutiang bawk in ka pasal ngei pawh ,kan inhruai that leh atang inhauh emaw in khak zeuh tih vel kan la nei lo a.






Han tihtauh san chang hi chu ka nei zeuh thin a,e ho te te a lungawi loh deuh chang pawh ka nei leh thin ,ka period dawn hian a zual thin bawk ,chutiang hunah pawh min dawh hram hram a ,min duat tu ber a ni .





"E kha in awm maw , kan lo lang rawih mai a sin " Rosyi nu chuan Nuntea kai in a rawn ti lut a ,he ta ka awm leh atang ka vawikhat hmuh leh na chiah an ni a ,Rosyi nu chu a fanu thihna a in a nghawng zia ,a taksa leh a hmel atang in a lang chhuak thei hial a ni.






"Nuntea hian i bul a rawn kal a ngen nasa lutuk a,i pa hna ah a buai ang kan tih pawn ,kan indang hlri thei lo ,tah a tum zel mai si a ,i hnathawk kan rawn tibuai em lo tur ah kan ngai " rawn ti lut bawrh bawrh in ,office chhung a sofa kan hun ah chuan an pi tu in an rawn thu thla a, .






Chair a ka thu chu min lo en in "Inlo inhruai tha leh tih te ka lo hria a ,ka lawmpui lutuk che u nia ,nupa chu han inhau buai nawk nawk ila ,han inthen leh zeuh thin bawk ila a tha a nia ,kan nupui ,kan pasal te tel lo a kan awmtheih loh zia hriat nan a tha lutuk ,vawi hnih vawi thum inthen tawh hnu a inhruai tha leh ngat ngat thin ho pawh an in then zawm tawh ngai reng reng hlei nem " a ti fiamthu a .






"Awi ,ni ve thei deuh tur a ni ka ti"ka nui hak a ,Nuntea chu a pa malchung ah a lo va thu fel leh than tawh a ,rei tawk tak an awm hnu in haw an tum ta a ,mahse Nuntea chuan a pi a zui haw duh rih tlat lo a ,a pi chuan a hawsan ta tawp .






" I ril a tam em ,ka nupui "ti in Nuntea pawm chung chuan a rawn phei a ,sofa ah thutpui in an kiang a thu tur in min mitmei zawm zat bawk.






Midang an awm vak loh hi chuan ka nupui hi min ti kher thin ,a tir kha chuan tullo ti deuh mah ila ,tunah erawh ka nupui ti a min koh te hian nuam ka ti tawh a,a nun a mi pawimawh te zing a mi ang in min inngaih tir thin.





" Eitur i chah dawn mi "ti in ka thu thla hnak a ,ka ril a tam ve lek lek mai.Nuntea chu kan inkar ah thut tir in ,a be sup sup a .






Nuntea pawh in a pa bul a awm chu nuam a ti in ,a tawng ve barh barh reng mai .Keipawh min rawn nuih leh var thin.Naupang na na chu inhmu lo rei deuh hlek tawh pawh ,min nel leh rang khawp mai.





" Eng nge in ei duh ang ,han sawi
ula "ti in a kut chuan ka hnung lam chu a rawn chul thuak thuak a.






Duh leh ei chak em em ka neih hran loh avang in a duh duh chah mai tur in ka ti a ,Nuntea erawh in hamburger a ei duh thung.





Ka pum rawn ri raih chu a hria a niang a nui suk a ," i ril a tam tawh te chuan,thil in ei duh em ka tih hma khan sawi daih tawh ta che "a ti zang vah a ,Nuntea chu a pa phone khawih in nuam a ti khawp mai.






" Kha tih lai kha chuan tun ang em em in a la tam lo "ka lo ti let zat zat a ,chek tlak in " a tam tho a ni lawm ni "ti in mit ko a san zeuh a ,tawngthei sawt lutuk mai.





" I ninawm a , ka ril a tam tawh nia min be chhen suh ,ka thin te hi a chhe zo vek tawh in ka hria "ka ti leh khar khar chu aw rawl chhuah meuh in a nui huk a .






Thil chu a lo chah hnem ngang mai a, a tui hlawm bawk nen ei hnem tak ka ni ,tlai lam ah chaw ka ei thei lo hial maithei a ni.





A hna thawh chhungin Nuntea nen kan lo in awm a, a chang in nu min tia ,a changin nute ti in min ko bawk .Ka pasal fa pawh ni se nu tih vel a in auh luih tir ka tum lo a , eng ang pawn min ko se pawi ka ti lo ,mahse a ma duhthu ngei a nu ti a min koh theih chuan ka lawm ve viau ka ring.





U Ramnghaka chu nidang ai in hna a bang hma dawn a ,a haw hma in workshop lam leh two wheeler zawrhna lam a tlawh zawh hnu in kan haw ta chauh,Nuntea kan thlah kawi bawk a ,a pi a ngai leh tawh zawk a niang ,kan tlan chhuak tur pawh fel deuh in min bye bye lauh lauh mai






" Nimin in i pa damdawi tur ka thawn chho tawh a nia aw "a mah chu ka en vat a ,engmah nimin in a sawi bawk si lo ,karleh lam ah lei in ka thawn chho ang ka lo ti rilru a.





" Engmah i sawi si lo a "ka ti sep ,damdawi chauh a thawn chho dawn lo tih lah ka hrechiang ,ka inthlahrun thin avang hian ka pa damdawi tur chu ka pawisa khawl sa ang ang atang in ka lei a ,ka thawn thin.





" Nimin kha a remchang em a "a ti mai a ,ka chhung te hi min ngaihtuah pui ve takzet tih ka hria ,mahse nuam lo ka ti thin ,thla tin hian eng eng emaw ei tur ,leh chakkhai zual pui tel ,chi tih ang reng te hi a thawn chho ziah thin a ,ti tawh lo tur a hrilh pawn a bu nghut a ,thla a thar rual in a ti leh tho zel ,ka pa inthlahrung pawn a rawn be tawh a ,a sawt chuang lo.





" Damdawi chauh a mi i thawn a"ka tih chuan ka tawng hre lo ang deuh in motor a a hla play chu a sak pui ta daih a ,motor khalh lai ni lo se chu ka va chum pawp duh hial ang .





In kan thlen veleh U Niangi eirawngbawl chu ka pui a ,"Ka pi fel ta thut hi a nuam , min hau vak khat tawh bawk si "a ti siam siam a ,he ta ka let hnu atang ka nu ang thawm hriat tur a la awm lo reng reng





"Inin then hlim khan maw ,kan buai nuai a ni mai ,Ruatkimi a u bulah Delhi ah a chhuk ta vat bawk si ,Nghaka lah biak hleih theih in a awm lo ,a rui deuh reng a ,ka pi leh pu pawn Ruatkimi an thlah theih loh phah a lawm , hna te kha a thawk lo rei a sin ,ka pu in a va thli thlai leh zeuh thin a a ni mai " a ti bawrh bawrh a ,sawi ve tur ka hre lo ,khatih lai kha chuan keipawh ka rilru a na takzet tih bak hriat ka nei lo ,harsa takin hmalam pan tum in ka bei lui tang tang thin a nih kha.





"Thil mak deuh chu maw in inthen khan Rosyi te nufa ai in Sinthiai kha a rawn lawr ngun zawk ,ka pi te hi a be tha thei lutuk ,a chang in Nuntea hruai chungin a rawn leng thin bawk a " a ti leh hmarh hmarh a ,






Sinthiai chet duhdan ka ngaihtuah nghal zat a,a hma a Nuntea dam lo tlawh a kal U Ramnghaka phone theihnghilh lo chhang in ,zan hun hmang dun ang a ngaih theih tur deuh reuh in ka lak ah thil sawi a nei tawh a ,Rosyi leh ka pasal room a an awmdun lai hmu tur in min ko chhuak tawh bawk .Kan inthen hnu lawk ah in chhung ah a chuang kai lut ngun hle bawk ,a nih chuan U Ramnghaka hi a a duh tihna a ni mai thei ,mahse thiannu te fa neihna pa chu a lo duh ve ngawt ka ring si lo .






A lo duh ve a nih tak tak chuan a thiannu kha a lo thik thei awm hi ka tia ,an ni pathum phei chu kei ai an in hre hmasa vek hlawm leh nghal a, a lo duh ve tak tak te a nih chuan a duhna a rei tawh viau te ka ring.







"Sinthiai leh U Ramnghaka hi an inhriat na a rei tawh em ," tih ka zawt a ,ka hre chak tlat a ni.Eng emaw in min mawlh run lehnghal.






U Niangi chu a inngaihtuah vang vang a "Ka rin dan chuan an naupan lai atang in an inhriat tawh ka ring ,ka pi leh Sinthia nu hi an inkawm thin a,chuan ka pi sawi dan chuan Nghaka leh Rosyi pawh kha ,Sinthiai atang a inhria an ni a lawm " a ti leh a, ka rilru a ti buai tual tual mai .






U Nghaka a lo luh tak ah chuan kan sawi zawm ta lo ,





"Thingpui hang min lo siam teh a" ti sup in ka thutna bul ah chuan a lo thu thla a ,flash a thingpui kan dah chu no ah thli in ka pe a




"Kurtai i duh tel em " ka tih chuan lu a lo thing vat .





"Zanin chu chhuah lawk na tur ka nei a " a rawn tih chuan ,mak ka ti reuh khawp a, zan lampang hi chu a chhuak ngai lo tih theih tluk a ni a.




"Eng ti in maw " ka ti nghat a ,zan ah inkhawm dun kan rel vek tawh a ,ka lung a awi chiah lo.





"Thil buaipui lawk tur ka nei a lawm maw le " tim dai in a rawn ti a, ka biang ah a rawn piai pah zeuh.







Ka tawng zawm ta lo hmak ,thingpui in pah in min melh leh zuk zuk thin a a lu a tuai leh thuak thuak thin ,a che zia chuan ka nuih a ti za khawp mai a ,nuih ka insum na lam ah ka pum a na vek thei hial.





Zan lam inkhawm kan duh hlawm avangin chaw kan ei hma hle a ,inkhawm tur a ka insiam na bul ah a lo ding run reng a ,





"Min dip run reng lo teh " ti hlak in ka kawr hak tur chu ka la chhuak zui a ,ka kawr hak lai chu phelh in ,kawr dang ka ha leh tur chiah chu rum nghut in ,min rawn hnaih chilh nghal ,





"Min ti khawmuang zawng in lo che lo teh " ti in ka tal deuh phat a, ka tal chhuak lo nasa lutuk .





Kawrhnuai nen chauh a awm ka ni bawk si , a ni lah in min kuah bet zual tawlh tawlh ,





"I lungawi lo deuh em ni " ti sup in ka kawng lai tak chu a rawn hmer salh ,a na lek lek a ni ,a hnung ah ka ben rik dawp chuan a nui huk a





"Zan ah kan inkhawm dun dawn nia kan tih vek kha " pangchang ru tak leh lungawi chiah lo in ka ti nuah nuah a.Ka chal leh a hmui chu insik tir vang vang in a thaw lum hak a .





"Ka hria lawm ,mahse zanin chu ka hman lo tak tak ,thil pawimawh tawk tih tur in min tlak buak tlat si a ni ,zanin chauh chu min hrethiam rawh aw ka nupui ,ka hmangaihnu " ti in duat zet in ka lu chu a tuai hauh hauh a ,






"Eng thil pawimawh nge i tih dawn tih pawh min hrilh duh lo " pangchang zet in a awm khauh tang chu ka lu in ka ngheng chial a ,ka inla pangchang vel lutuk chu ka in ten deuh e a .






"Ka rawn haw hun ah thil awm zia zawng zawng ka hrilh fiah ang che ," ti sup in a tawlh hrang a ,ka awm bawr vel chu en in ,hmeltha lutuk in a khi sak ,






"In ha vat rawh le ,ka la insum theih lai hian ,ka nupui,chu ti lo zawng ''hnawk tuak a ti in nghal daih in min melh kual leh kher






" Nang hi "ti hluai in a rang a rang in kawr chu ka inthawlh vat vat.A nui ruh ruh mai.





Ka nu leh U Niangi te nen kan inkhawm ho a , inrinni zan inkhawm hi chu a rei vak ngai lo a ,kan bang hma leh khawp mai.





Tlem a kohhran lam kan belh atang hian hmelhriat tha tak tak te kan nei ve nuk tawh a ,min lo hre tu pawh an awm ve nual ta mai.




U Ramnghaka ka pasal a ni tih hre lo ho hian ,nula pangngai emaw min ti in KTP lam a hla zir tur a min sawm leh nulh tawk thin te hi an awm a ,kan hlimpui viau thin .U Niangi phei chuan min chhaih nan tak a hman a ching thin.





Inchhung kan luh chuan ka pa in TV a lo en a , a mah te in in ah a awm a ,a reh tlawk tlawk khawp ang.





" In va bang hma ve "ti in bang a sana in tar chu a melh zeuh ,thusawi tu in a sawi rei loh avang in zan dang ai a kan ban hma thu in ka chhang a.




" U Nghaka a chhuahna a rei tawh em, pa "





"Rei lutuk lo , khawi ah nge a kal dawn ni kha ,ka zawh lah in ,tih tur pawimawh a neih thu chauh a sawi a " a ti charh charh a ,tu man zan a chhuah chhan kan hre lo chu a ni si a ,.





Dar kua a pel tawh a ,U Ramnghaka a lo la haw lo ,lo mutsan bik ka duh loh avang in ka lo la nghak char char a ,





Biak ka tum lah in a la thei miah lo leh nghal ,ka ngaihtuah tak zet tawh a,lo mutsan ta reng pawh ni ila ,ka mutthilh theih ka ring chuang lo.





Message ka dawng a ,amah nih ring in ka en vat ,mahse number hlang a ni ,thlalak min lo thawn chu ka en a ,






Sinthiai leh ka pasal thu dun lai a ni tlat ,hei hi thil pawimawh a sawi chu maw ni a ,mai mai chuan ,mahse amah a rinna ka nghah nghet tawh em vang a niang ,thil hrechiang hmasa lo a chet buan buan lam ka rilru ah a awm lo.





Mahse tlem chuan ka rilru chu a na ve emaw ni.





Dar 11 pelh ah kan pindan kawngka chu a rawn ri rak a ,khum a ka mu chu ka tho chhuak vat ,ka lo nghah chhung zawng chhin khat pawh ka chhing thei lo






"E he, i va mengei ve ,min lo nghak a mi " ti in a thawmhnaw hak chu phelh sut sut in ,boxer nen chauh chuan khum ah a rawn lawn kai zui nghal a,dim deuh a min nam mu riai riai in a awm ah chuan lu min nghah tir a.




"Dawt i sawi ,dawt min hrilh " ka tih sep chuan bangbo zet in min melh a ,a hawi buai kual nasa rapthlak .




"Thil pawimawh ti tur in chhuah i ngai i tia ,mahse Sinthiaii nen a nih kha in chhuah" ti a tal hran ka tum chu min vuan bet in a nui hawk hawk a nih chu,





Min nuih san a daih a nih chu ,a lu buk zet ah hian ka keh sak hial dawn maw ni le .





"Kan inhmu ngei a lawm " a awm a chum pawp ka tum chu ka ban rawn chelh in "mahse i rinloh thil lam daih a nih ka ring" ti in a thaw chhuak hawk a ,a phone chu la in min en tir a ,vedio a lo in play nghal






Sinthiai leh Rosyi inbiak lai a ni a ,vedio a lo lak ruk a ang khawp mai





"Engkim ka hre vek tawh ,i pindan a i diary ka chhiar atang in,ka rinloh ang daih mi i lo ni ,pawn lam that hmel viau si in,i chhungril erawh bawlhhlawh hlawm lian a ni ringawt ,mihring in thup thei ber chu i lo nih hi " Rosyi chuan a ti lang lang ,Sinthiai erawh a nui suk a ,vedio a a nui hmel lan dan atang chuang eng mah pawisak nei lo hmel hi a pu ngawih ngawih.






Sinthiai a rawn tawng chhuak ve a ,a thusawi chuan min thawng ve tak zet ,U Ramnghaka ka va en chu ,za lo deuh a nui suk in a thaw chhuak hawk a ,a ni pawh hian a hre ngai awm der si lo ,






"Ka thil tih a ka la in chhir ber thil chu maw Nghaka nen khan ka lo inhmelhriat tir che u kha a ni ,ka naupan lai atang a ka mipa vei leh duh em em nen ininkawp atang khan maw nang chu ka thian i ni tawh lo nghal ,ka tan chuan hmelma lian ber i ni,in inthen theih nan khan theihtawp ka chhuah a ,ka hlawhtling bawk " ti in a kut a beng a,






Sawi zawm leh in "A hnathawhna hmun thleng in ka zui a ,mahse nupui a neih thu ka hre leh ,a vawihnih nan ka kehchhe leh a sin ,thingtlang khua ah ka awm ve phah reng a ,a nupui lah chu thingtlang nula satliah lehnghal ,a hnu lawk ah aizawl ah an rawn chho leh ta si , rei lo ah ka rawn zui chho ve nghal bawk a nih kha ,an nupa inkar chu nang leh i fap hmang in tih chhiat dan ka ngaihtuah leh a ,kha zan ka hna thar hmuh kan lawm zan khan ,i dose ai sang in tur ka pe che a ,Nghaka room ah hruai chho tur che in ka ti a ,a ni pawn a lo hnial bik lo , khatih chhung khan Nguri bia in ,in awmna ka hrilh ta a ,thil thleng chu i hrethiam zawm tawh mai em " ti in Rosyi chu a nuih sang a ,vedio chu ka ti tawp ta daih ,ka en chhun zawm peih tawh thlawt lo .Thil kal kual dan tur chu ka man thiam ruak tawh







U Nghaka nen kan inthen veleh a hnaih chat dan ah a thil tih tum chu a chiang ,U Nghaka rilru neih sak a tum a ni.



Zanin a thlalak min rawn thawn tu pawh ka hre nghal mai bawk.




Rosyi chu a tan a hnawksak pha lo tih pawh a chiang a ,a thiannu chu a nihna lem mi tha tak hmang in a bum kual a ,a thuhnuai ah a dah hmak thei ,a mamawh na ah a hmang tang kai em em ang a, a mamawh loh hun ah erawh a kalsan tawh mai dawn a ni .





Hmeichhe rapthlak tak a ni tih bak sawi tur ka hre lo






U Ramnghaka en in"Rosyi thihna ah hian a in hnam hnawih em "ka tih chuan a bu nghut , ka rindan sa ni deuh mahse ,mak ka la ti viau mai.





Vedio hi khawi atang a a hmuhchhuah nge tih ka zawh chuan " Sinthiai te awmpui nula in a lo la ru a, vedio hmang hian Sinthiai chu a vo let , Rosyi cousin mipa Zomuansanga hi police a nia ,chu chuan a en thla reng a ,zan in a in hmuh leh an tum a tih kan hriat in Sinthiai chu zan chhuah pui ah ka sawm a ,ka rin ang ngei in min lo hnial lo khawp mai ,chu mi hlan chuan Zomuana chuan nula chu a lo hmu thung ,"ti in min hrilh fiah dap dap a .







"Tunah khawi ah nge Sinthiai chu " ka tih chuan police ho in an lak thu min hrilh a ,






"A inhnamhnawih ngei a ni tih finfiahna in nei a mi " ka ti leh ,min nuih var in min en a,zawt chik min tih hmel khawp a .





"Motor brake ti fel tur a a rawih pa an man a ,an dawp fe hnu ah a in puang ta a " ti in tha deuh chuan min hrilh a .





"Rosyi chhungte ho an rilru a na awm e " ka ti leh ,a nu hmel ka mitthla a ,Nuntea hmel nen ,ka khawngaih tak zet.






"Na khawp mai " ti sup in ,ka chhip chu a fawp vang vang .





An fanu chu a thiannu ni a an ngaih in a that chu a ni ringawt si a ,pawm thiam mai pawh a la har khawp ang .Sinthiai te chhungkua thleng in ka ngaihtuah na ah an rawn lang a ,a nu leh pa zah tur zia te chu tuman kan va hriatthiam pui lo tawp ang.





Kan han mut dawn tak tak chuan dar khat a lo hnai kuar tawh , kan tawngtai rual dun leh thlap a.Rosyi te chhung tan pawh kan tawngtai bawk.





Ka pum chu rawn tuai in "tah hian eng tik ah tak kan fa awm ve ang maw " a ti sup a , chu thil chuan ka ngaihtuahna a ti thui khawp mai.





Rai tur ang pawn ka la awmchhin si lo ,kei hi ka rai thei lo tak tak te a nih hial ka ring tawh a ,ka bei a dawng tan tawh hle .


Show post links
Top