ZUZUAR FANU
CHAPTER -19
Damdawiin a kan inentir na pawh a rei leh tawh a ,nau kan pai lawk loh avang a kal kan ni ,mahse doctor chuan that loh na eng mah kan neih loh ve ve thu min hrilh a ,dawhthei tak a la nghak rih hram hram tur in min chah a ,kan ngaihtih that nan hrim hrim damdawi eng eng emaw min chawh ve nual bawk
Nghah tawp lo chu tihtheih dang kan nei lo ,kan nupa kar nawmloh phah nan kan hmang lo a ,Pathianin tul a tih hun ah chuan min pek ve mai kan ring .
"Zan in chu vak chhuak ang hmiang ,kan pahnih in ,hun nuam deuh kan hmang dawn a nia " ti in khum ah chuan a rawn thu thla ve a ,phur deuh a ka lo melh sang chu min nuih khum var a .
"Khawiah nge kan kal ang " a ban bul ah chuan ka kuah vang a ,ka phur lutuk chu min nuih san leh suk thin
"Hmun nuam deuh deuh ah " a ti mai a ,insiam tur in min ti nghal vat bawk.
Motor pawh keng lo in ke in kan kal kual dun a, ka kut a hum run reng bawk ,zan boruak chu a nuam hle a ,a boruak hrim hrim pawn min ti harh sawng sawng thei.
Hmun nuam leh changkang tih hriat zet ah min luh pui in ,thil kan ei a,an dawhkan rem dan chu a in hlat tha hlawm khawp a ,midang awm ho nen chuan in hmu phak tho si in ,thusawi erawh a inhriat pawh lutuk theih loh thung.
"Ei teuh a har e " ka ti chhuak hawlh a ,a ni reng a ,zanriah kan ei na a la rei lutuk si lo ,tui viau mahse ei tam theih lo .
A ei tur plate a mi chu suak in a hmawm zeuh "zanriah ei lo in kan lo kal zawk lo a ni ti raw" a rawn ti dam thluam a ,a thusawi chu ka pawm khawp mai
Haw lam ah Nuntea kan tlawh kawi leh zawk ,min lo hmu chu a phur khawp a,a pa nen kan malchung ah chuan a thu kual sek.
Rosyi nu pawh a hmel hmuh a nuam tan chho leh tawh hle,kan bul ah chuan Sinthiai thil tih duh dan chu mak an tih zia an sawi bang lo bawk .Nuntea chungchang ah hian U Ramnghaka te nen hian an in be fel vek tawh a ,A pi te hian a theih hram chuan enkawl chhoh hram hram an tum a ,ka pasal pawn an thutlukna chu a lo pawm ve bawk.Nuntea'n a pa a ngaihchang chuan ni hnih emaw vel te a rawn awm phei ve mai thin.A tu a te pawh kan inpawh tlang tawh tak zet a ,Rosyi nu phei hi chu ka lakah a tha zual in ,min fanu chei deuh ten ka hre thin.
Hun chu a kal duak duak a ,kan inhruai that leh atang kum khat a tling ve leh tep tawh .Kan khua ah pawh kan zin chho leh tawh a ,ka pa a hrisel tha tawh in ,a hmel te pawh hmuh a nuam tak zet tawh , lo hi an eizawnna a ni ve mai tawh a ,sum tam tham han lut tur vak awm lo ,mahse an eikhawp chu an la thar ve ziah thin.
A damdawi lei te hi ka pasal hian a kutah a dah deuh tawp a,u Nghaka nu leh pa pawn sawi buai an nei lo .Thla tin hian eng eng emaw an mamawh tur a a rin ho hi a thawn chho ziah bawk .Ka pasal chungah an lawm in ka pa phei chuan ka vanneih zia thu a sawi ziah thin.
Lengi hian an khua a ti har lo ve a ,ka nuhrawn ai mah in ka pa nen an inpawh zawk emaw tih mai tur a ni .
Ruatkimi leh a u Delhi atang an rawn chhoh dawn avang in midang ho chu va lam tur in an kal vek a ,kal ve tum deuh in ka awm ve reng nachungin tukin zing lam chu ka thawh nawm thlawt loh avang in ka thulh leh ta kha a nia.
Ka pum hi a no nghulh reng a ,tukthuan pawh ka ei lo tawp ,ka pasal in min ngaihtuah leh viau ,tlai lam ah doctor min rawn pui a tum ruh viau bawk ,tullo han ti mah ila awmzia vak a awm leh dawn chuang loh avangin ka hnial buai peih ta lo law law.
Ka pumpui lam a nih ka ring ber a ,pumpui lawng te ka neih ka ring viau bawk .Riltam reng si in engmah tak tak ka ei theih loh na hi a rei ve leh tawh a,na lampang a a thawh loh avangin ka ngaihthah viau .
U Niangi chen a an kal vek avang in mahni a in a awm ruk ruk chu a reh duh khawp mai ,ka ril a rawn tam deuh avangin chaw ei ka tum a ,baibing chhum rim kan hre chiah chu insum hman lo lek in ka uak that ,bathroom ah ka tlan lut ta vat ,engmah luak chhuah tur awm si lo in ka uak that that a ,riltam nen ka pum a thip veng veng thei .
Chaw pawh ei leh ta chuang lo in sofa ah chuan ka mu thla hnak a, ka chau ngawih ngawih mai a ni.
Ka lu a rawn tuai tu an awm tih ka hriat chuan ka mengchhuak riai riai a,U Ramnghakan hnai te ah hian min lo en reng ,
Nui suk in "a va chhuak awm ngang ngang ve a " ti in min kai tho a ,ka bulah a lo thu ve ,thawm ri nak nak hriat tur a awm dan ah an lo thleng kim tawh tih ka hria a.
"In rawn let na a rei tawh em " ka tih chuan a la rei loh thu in min chhang sup a, ka nu chu choka lam atang a rawn chhuak phei in ,"chawhnu lam chu va in entir tak tak teh u ,kha i cher riau ,chaw i ei tha theibawk si lo "rawn ti in ,ka pang chu a rawn khawih ," khawsik i nei bawk si lo "ti leh sep in ,U Ramnghaka chu a melh a" I nau in a hmu duh lawk che han kal teh "a tih leh hnu in an pindan ah a lut phei a.
" Kan pindan lam ah han mu rawh ,tlai lam ah kan inentir dawn nia "ti in ka sam chu a tuai thuak thuak,ka hmuiah rawn fawp zeuh in a kal sawn a
Tlai lam ah chuan inentir tur chuan kan kal ta nge nge ,ka ril atam tawh avangin kawngsir a momo an zawrh chu min leisak a ,ke ei hnem khawp mai.
Doctor chu ka awmdan vel ka hrilh chuan nau ka pai a rin thu a sawi a ,U Ramnghaka chuan ka kutah rawn vuan chawt in ,hmel hlim sang in min lo melh nghal ,kei erawh ring ngam chiah si lo in ka awm a .
A hnu ah erawh ka rai ngei a ni tih kan chian ta ,ka hriat chian hnu ah ka nui thei ve ta chauh
Beisei reng si a ,kan beisei ngam loh thil a ni a ,kan nupa kar ah phei chuan naute chungchang a ri chhuak zen zen ngai lo ,naute lo nei lo pawh ni ila tawrhdam dan tur kan pahnih hian a ruk in kan in zir ti ila ka sawi sual lo ang ,kan chhunte lam pawh in naute chungchang kher hi chu kan dinhmun hria in an sawi chhuak ngai lo .
Rinloh lutuk thil kan chungah an thleng chu a ni a ,ka mittui te chu a tling pam ,chutiang bawk in ka pasal pawh a meng sen rum a ,ka kut ah a hmer leh ngawng ngawng thin, kan mittui tla te chu hlimna vang a va ni chiang em.
Kan chhungte kan han hrilh ve chuan a tu a te pawh an hlim in ,min lawmpui em em a ,kan khaw lam a ka pa te pawh bia in min rawn lawmpui ve hlut bawk ,Lengi pawh a rawn ri chel chul mai.Naute kan neih veleh a rawn zin min rawn dil nghal ringawt chu ka nuih pui ta hal hak a.
Nau ka pai tih kan hriat atang a ni hnih hnu ah chhungkaw chaw eikhawm an buatsaih hluai a ,U Ramnghakan a thian thenkhat a sawm bawk ,keiin Sangzuala leh Siamthara ka sawm ve bawk , U Ramnghaka te chhung lampang kan sawm ho chuan nau pai lawmnan ti in thil min pe nual a ,a lawmawm in ,a hlimawm tak tak a ni.
Ka pasal ber hi a lawm fal a ,a hna bang rawn haw te hian thei te hi a rawn hawn leh rui thin , min duat zual belh em em a ,doctorin motor chuan tam loh tur tih kha a la fuh laileng khawp ,dawr lam a ka zui ve pawh a phal tawh lo.In a engmah ti lo a awm reng chu ka ning ve bawk nen ,U Ramnghaka hnathawh hlan in ka nu pangpar ka enkawl thin a ,a rawn haw hun awm ang ah erawh intifai vatin ka lo thu hle hle tawh thin.
Mahse ,ka nu emaw U Niangi chhun lam a ka thil tih a zawh leh ziah thin avang in ,min hrechhuak leh nge nge zel tho thin.
Ka nau paiin thla ruk hmel a hmuh chuan ka pum pawh a puar lian tawh khawp a ,chet vel pawh a harsa lek lek thin ,midang naupai puar ai hian ka pum hi a lian daih zawk te in ka hre thin.
Ka thil ei eng pawh chu ka ei tui em em vek thin a ,ka thil ei reng reng hi mi pahnih ei ang zat zet a ni thin .
Ka pasal leh ka nu chuan thil chin thar an nei leh ta tlat ,naute thawmhnaw hi an chhuah hlek chuan rawn lei ngei ngei tur emaw an ti tawh mai a ,ka pa meuh pawh in a khap hial.
Ka nu hian hmeichhe thawhnaw lampang hi a lei uar deuh a ,ka pasal in mipa lam .
"Mipa i awt chiang " khum a thu a ka pum chul heih heuh tu ka pasal chu nui var chungin ka zawt a .
A ni pawh ka pum a chulna chu tawp in ,a then suk '' hmeichhia pawh ka duh tho a lawm, "a ti ban charh a ,
" Chuti si ,mipa thawmhbaw deuh hlir i lei si a "ka tih chuan " ka nu in hmeichhe thawmhnaw lampang hlir a lei a, kei in ka lo lei veleh zel te chuan a tam dawn a sin,mipa a lo nih thut chuan ka nu lei ho kan hak tir a ngai awm sia a zia lo duh awm e ,chuvang a lawm ,mipa thawmhnaw lam hlir ka lei"a ti mai a ,ka nuih a za ru viau a.A lo ngaihtuah thui ve khawp mai .
"Enteh, rai hi nuam viau tur ah kan ngai a ,kan tleirawl lai chuan ,mahse a nuam miah lo ,kan
pian a thing in ,min ti buar a,duh ang in a chet zung zung theih si lo ,kan hmel te hi a dang vek in ka hria " ka ti hap a ,tun ah phei chuan ka chawn te hi a vung bur a.
Naupai ninawm ka tihna lam leh peih loh vang a ni lo a, mahse kan naupan lai deuh a ,nu naupai kan hmuh te hian rai ve a,fa neih te hi kan chak ve em em thin ,a harsa zawng zawng hmuh kan in a nuam lai chiah kan thlir vang a ni mai in ka hria .
Rawn mu thla ve in a lam ah min kuai her a ,min kuah nghal hlun chung in"hmeichhia te tuarchhel zia lanna pakhat a lawm, "ti sup in ka hnar hmawr chu a rawn piai zeuh
" Thil pakhat ,mahni i in dahhniam na hi dah bo daih rawh ,kan fa tur i pai avang a i pum lo lian ta ringawt te kha,hmuh a nuam in ,pasal tan chuan kha tluk a hmuhnawm leh hlimna kha a awm lo aw "a rawn tih zawm leh zat a ,uang zet in ka hmai te chu a fawp kual thul ,kei che tha thei vak lo chuan lo dan ngial pawh tum ila,ka thei si lo .
Kan pahinh chauh in awm e ti lo in kan inchhaih nui ar ar reng mai a ni.
" Naute a rawn che leh tawh a nia "ka tih hluai tak ah chuan a tawp ve ta chauh ,a rang a rang in a kut chu ka dul ah a nghat leh tawh .A che zen zen lo na chu a chet chhun ah kan naute pawh a rawn che na thei khawp mai.
" Apa kha a harh lutuk a ,i ning a mi "ka tih chuan aw ti ve awm hrim in a rawn che leh dat tawh ,Ka nui ver ver ,U Ramnghaka erawh a rum nghut a .
An biak ve leh ngial pawn naute chu a rawn che leh duh tawh lo ,a tir ah vawi hnih vel a rawn che dat dat thin a ,a hnu deuh ah vawi khat a rawn che leh thin .A bak chu an che zawm tawh ngai em em lo.
" Awm hle hle tawh ang che "ti sep in pha leh pha lo a kuah ka tum chu ,nui nghawr dat in ,hnung lam min hawi tir in min raw kuah ta zawk ,
" Naktuk chu arsa bawp hem hmin lo hawn teh a "ka ti a ,nidang a ei tha peih vak lo khan ka ei chak ve tlat.
A kut chuan ka awmbawr chu dap ruk ruk in "awle ,mahse chu mi ai ah chuan hei hi ka tih a ngai ang " ti in mitmeng chimawm zet in min melh a ,a thil duh lah chu a sawi buai ngai lo in ka chiang si .Hnial pawh ka tum lo ,nidang a ka tih loh dan deuh in thei leh thei lo in chet ka lo lakpui ve mawlh mawlh zawk a ,ka chet dan phut phut chuan a nuih a ti za a niang a nui leh suk suk thin
"Zawi muang in ,aw ka nupui ,kan fa tur i pai mek tih ngaihtuah reng la " a ti khur deuh hlak hlak a, ,nupa kan nih zia kan lanchhuah tir leh ta ,min dim in ,engkimah min ngaichang reng a ,Nupa ten inhrethiam tak a kan duh kan inpek tawn tluk a thil hlu hi a awm ka ring lo .
Ruatkimi te chhuk pawh a hun leh tep tawh ,kan la inbe tam em em hran lo a ,mahse naute a hmuh chak zia erawh ka nu bulah a sawi awl lo thung.
U Niangi eirawngbawlna bulah chuan thu ve ran in ,hmarcha a rawt tur te chu ka lo then pui a ,pindan a mut reng chu ka ning tawh lutuk vang a helam a chhuk pawh ka ni.
"I naupai hi i puar lian bik ngawt mai ,phir te hi i pai a ni lo maw le " ti in min rawn nuih sang a .Kan chhungkhat hnai te pawh in min ti fo ,midang ai hian puar lian hi min ti bik thei khawp a ,hriat lawk theih dan awm mah se ,ka pasal hian tul a ti lo a, doctor hnen ah pawh a hrilh lawk thlap bawk.
"Mipa leh hmeichhia han ni se " a tih leh vang vang a ,hlim deuh in ka lo nuihpui ta ringawt
Naute lo pian chhuah hun hi nan nghak hlel hlawm tawh khawp ,kan chhung kan han thut khawp tawh hi chuan naute chungchang lo hi chu sawi tur kan hre tawh lo.
U Ramnghaka rawn haw chuan ka chah ang ngei in arsa bawp hem hmin chu min rawn hawn a,pathum lai a rawn lei,tengtere den leh grape a rawn hawn tel bawk.
Coffee siam in arsa bawp chu ka ei a ,a tui ngei mai "Khawi a mi nge i lei " ka tih chuan ,MC kawta mi a nih thu a sawi a ,tiang tak hian arsa a lo tui tih ka hre ngai lo.
"Ei ve la " ti a ka bul thu U Ramnghaka lam ah chuan ka lek phei a ,lu lo thing in ''nangmah leh i pumchhunga naute hmeltha lutuk tur nen khan ei vek ru "ti sup in ka sam hma lam lo uai thla hniang chu ka beng ah a rawn zep tha a ,
Nuih var var in" naute in apa fel a ti ber a rawn ti a nih chu "ti a arsa bawp ka keih thlak chuan ,min nuih hawk a ,ka pasal hmel de sat sat leh a mitmeng hlimna a khat te hi kei a nupui hian hmuhnawm ka ti in ,piang nawn leh dawn pawh ni ila ani tho hi ka thlan leh chat ka ring .
Ka inzo lutuk tawh lo chung in Pathianni hi chu ka la inkhawm ve ta ziah thin a ,ka pasal hian min veng run reng thin ,ka kut chelhin ka kawngah dawm pah in muangchang in min kal pui thin a ,ka tluk sual te hi a hlau thei khawp ,thil ti hlek ila , min en zui nghal chat thin.
Ka nau neih thla tur kan chuang kai ta der ,naute mamawh ang chi chu kan lei kim tawh khawp mai , U Ramnghaka pawh dawr lamah a kal tawh lo a ,nitin kan hun hman dan ber chu kan nupa pindan a awm a ni tawh mai .
Mahni in engmah ka ti thei tawh lo ti ila a dik ber ang ,khum atang a tho tur pawh ka pasal puihna ka mamawh zel tawj a ,chutiang in zung tur te leh thil ti dawn reng reng ila midang puihna ka ngai tawh .Zan rei a ka zun a chhuah te hian inthlahrung tak in k pasal ka kai tho thin a ,chutiang hunah te chuan hmel hlim loh min hmuh ngai lo,min nuih sang reng thei zel .
Dawhthei leh dimdawi tak in min enkawl reng thin a, ka tan chuan he lei a ka hlimna ber leh ka innghah ngam na awmchhun mipa a ni ,Nitin hian min hmangaih thu a sawi chhuak ziah thin , lunghlu tha mi ni awm ang mai in hlut hmel deuh in min melh leh thin bawk, chu chuan chakna min pe in ,ka hringnun chul rup tawh ,beiseina awm tawh lo kha a rawn ti par vul chuk a, nun duhawm leh tha zawk min siam sak ta a ni.
August ni 1 thawlehni zan ah chuan nu nihna ka nei ve ta tak tak ta ,chu zawng ai a hlimawm leh lawmawm chu ka pasal nen hian naute pahnih mai ni lo pathum te nu leh pa kan ni tawh dawn.
Pathian a kan innghah tlat na leh amah kan rin tlat avang in ,kan Pathian chuan lawmna nasa tak min tawng baw tir a ni ka ti lo thei lo.
Kha chen kan inneih hnu ah nau kan pai lawk lo a, beidawn lek lek chang pawh a tam mai ,mahse tunah erawh naute pathum ngawt kan nei chu a ni si a ,awih mai pawh a la harsa tak zet ,mumang ram a mi ang mai a ni.
Naute te hmel pawh ka hmu chiang thei tawh lo , taksa na nen ,ka chau tak zet a , ka meng hlei thei thlawt lo chu a ni ,a hnu ah phei chuan ka muhil ta nge nge .
"Ka nupui ,lo harh tawh rawh le " ti a ka hmui a rawn fawp zeuh tu avang chuan la chhing reng chung in ka nui sak .
"Muhil der tawh suh ,i harh tih ka hre thei " a rawn tih chuan ka meng ta riai riaihnai zet ah ka pasal in min lo melh reng a .Hlimna a khat mitmeng in min lo en ran bawk.
"Tuarchhel lutuk nu " ti in ka hmui ah a rawn fawp leh,nau te te ka zawng a kan room chhung ah chuan ka hmulo
"An up rih a ,ka lawm nawn mawlh mawlh e aw ,ka nupui duhtak ,vawilehkhat ah a rual a naute pathum te pa han nih chu a dangdai tak zet " a rawn ti leh a ,kei ang tho in a hlim zia leh mak a la tih ve zia ka hre thei .
Mitin chung a thleng zen zen lo ,kan nupa chungah a thleng miau a.
Ka nu leh pa phei chu an lawm tak zet a, U Ramnghaka ni te ,a nutei te leh a cousin thenkhat ho pawh damdawiin lam ah lo kalin lawmpuina min rawn hlan awl lo a.
Ka pa leh ka nuhrawn te pawh bia in ,an rawn lawm ve khawp mai ,Lengi pawh biain Aizawl rawn kal bawk chu a rawn sawi leh nasa .Ka chhunte chu Ramnghakan naute te thlalak a thawn thlap tawh bawk.
A piang hmasa ber mipa chu keima pa in Lalrinzuala a ti a ,a dawt chiah mipa chu ka pasal nu in Malsawmzela a a ti bawk ,a hmeichhe awm chhun chu ka pasal in a hming sa ve thung in Lalrinsangi a ti ve thung .
Naute te nen in lam a kan haw theih atang kan chhungkua chu kan buai thei em em a,a bik in ka pasal ,naute pathum ngawt han enkawl chu a hautak hle bawk ,mut mu pawh kan tuah tha hman meuhlo ,hnute an kham loh vang hian an tap zing em em leh nghal a, U Ramnghaka hian muhil lo hian a veng tawp thin ,mu tur a tih lah in a duh bau si lo .Kei a chau tawngkhawnvg chuan ka lo mutthilh san leh nge nge zel.
Nuntea pawh a nau te ho lo en tur in a pi in a rawn hruai a ,rinai tak in a lawm ve phian ,a pi bul ah chuan "kei ma nau te vek ,api ,an hmeltha hlawm si " a ti chhen a , a nau te mutna ah te chuan a mu ve thul ,haw te chu duh lo a, kan bulah zan khat chu a rawn riak ta nghe nghe
Ka nu leh pa hian Rinzuala hi an chang deuh tawp a , a piang hmasa ber a nih vang te pawh a niang a naute ai hian a tlei in ,a fel zawk daih .
"Induat na hun pawh kan nei hlei thei tawh lo chu a nih hi " ti in sofa ah chuan a rawn thu thla ve a ,min kuah zawm zat bawk.
Rinsangi rawn te that chu kan melh a ,mahse a lo harh loh hlauh ,a hmeichhia ber hi a sual in ,a harhvang reuh em em lehnghal a, bengchheng deuh hlek ah chuan harh thuai in a tap vak thin ,a u te pahnih hi a ti harh tel ta ziah thin a ,ka fanu chu ni lo se ka ngei reuh khawp ang.
"Ka fanu saw a u te ai pawn a la khirh ngei ngei ang "a tih chuan ka nui pat pat a ,a fanu nen hian an in kuah hnem fal a ,tahbelh a ti ve hle bawk.
" Eng nge fa pathum a rual a enkawl chu a an "ti in nghal ru zet in ka melh a ,naute pathum enkawl a ngai chung pawh hian ,min la duat in eitur nise ka tan a tha leh min ti chak thei thil ho chu a ngaihtuah vat vat thin a ,kan pindan ah te hian eitur a inhung dul mai ,Rasgulla bur phei chu a tam khawp.
" A hahthlak "a ti hawk a ," mahse , a hlimawm tho bawk ,nang nen a kan inlaichhinna ti nghet zual tu tur te an nia ,ka hmangaih hlawm hle bawk ,hahthlak leh buai chang awm mahse ka nun ti hlim em em tu te an nia ,eng thil hlu mah in thleng ka phal ngai lo ang "a tih zawm leh a ,a hmui ah ka han fawh sak zeuh a, ka inla hrang leh nghal tur chu a rum nghut ,duhthawh leh min thlahlel tih thup tum buai lo in min fawp zawm ta mawlh mawlh .
Ka hringnun hmasawn na awm ngai lo kha ,tunah chuan hma sawn in ,a par vul chuk tawh a ,zuzuar fanu ti a mi in an hriat thin ngei kha tun ah chuan nun awhawm tak nei tu ka lo ni ta .Chutiang nun min pe tu chu ka pasal hi a ni ,Ani tello chuan pangpar zing a hnim ang mai ka ni a,khawi hmunah pawh mi tan a hnawk sak ka ni thin ,Mahse tun ah chuan ka pasal vang in hnim mai mai kha pangpar mawi tak ka lo tawh thung .
Hlimna hei ai nasa ka hma hun ah pawh ka la tawn zel ka ring a ,chutiang tur chuan Pathian hnen ah pawh ka dil bang lo.
####A TAWP ZAN TE A NI TAWH BAWK A, COMMENT THEUH ILA 🤍🤍##
Show post links
Top
ZUZUAR FANU BY Rebec Colney (Completed)
ADVERTISEMENT (A hnuai a milem hi a nia hmeh zeuh tur chu)