ZUZUAR FANU BY Rebec Colney (Completed)

[Ngaia]

Zuzuar Fanu




Chapter -7




Tlai khat chu ka pa te in lam ah chaw ka ei phei a ,nidang ang lo tak in an inchhung chu a fel fai ve phian a ,luh rual a zu rawn nam hawk ang te kha hriat tur a awm lo .





Hmanni deuh lawk atang khan an zu zawrh thin hi a hma ang em em in an kalpui ta lo deuh a ,tun ah phei chuan an zuar tawh lo tih theih a ni ,ka lawm ve viau ,mahse vawikhat thil thu a han nghei tawp erawh har an la ti aniang ,an la thlawr an la thlawr tho .





Tun kum tak phei chu kum dang a an tih ngai lo ang in ,lo te an nei ve a ,thlai eng eng emaw an tuh ve nasa a ,an pahnih ei khawp chu awlsamte in an thawh chhuah ve theih mai ka ring .





Ka nuhrawn nen erawh kan inbe tam lo khawp a ,eirawng ka bawl pui pawn inbe lem lo in kan tih tur ang ang kan ti mai a ,tih than thil anih avang in hrehawm kan tih dun pawh ka ring lo .




"Ei teuh rawh ,ka hmu cher riau mai che " chaw kan ei mawlh mawlh lai in ka pa in a ti ban charh a ,zan ka mu tha lo nen ,chaw ei a har a ,chu tia min tih pawh chu a awm ka ti viau .Kei ngei pawh in ka rihna tlahniam chu ka haibiklo.Ngaihtuah tam tak ka nei a ,rilru tibuai tu thil ka ngah hle bawk ,chung thil zo zai te chuan nun nuam in min nung tir thei lo chu a ni.





Ka pa min ngaihsak na hi ka hre khat tawh khawp a ,awm dan tur ka thiam meuh tawh lo ,min ngaihsak loa ka hriat lai zawng zawng pawh khan a fanu a thisen ka nih ang chuan min ngaihtuah chu ka ring ru ve tho thin.





Chhang lo in ka ei zawm leh nghal a ,mahni a chaw ei ai chuan kei pawn ka ei tam ve phian ,kan hmeh in a lo zir bawk nen ,ka puar ve khawp mai.





"Nghaka chu engtik ah nge lo chhoh dawn a ,a va awmrei zek ta ve " ti a ka pan min zawh chuan dawt sawi in sikul lam thil tihfel tur a la neih thu in ks chhang a ,a nupui ka nih na ang in ka pasal chinchin ka hrelo lutuk te chuan ka rilru a ti na .






Ka beisei loh deuh in zan ah a min rawn bia a ,"Biak tlang i va har ve"lungawilo tak chungin ka lo chhuah chhal nghal a ,thil tam tak zawh chian tur ka nei a ,mahse eng in nge bul ka tan ang tih ka hrethiam lo .





Dam dup in "ka phone a chhia a lawm maw le " a lo ti mai a ,ka lung erawh a awih zo thlawt lo ,midang phone hmang pawn a duh phawt chuan min rawn be thei tih ka chiang ,min ngai pawimawh tak tak loh zia chu ,chu chuan a ti chiang hle in ka hria.





Tawng lo in ka ngawi reng a ,amah zawk lo tawng hmasa leh in "naktuk ah rawn chhoh ka tum a ,duh ai ka awm rei mah mah a " a rawn insawifiah nge min hrilh liam satliah tih pawh ka hrelo ,amah chu ka ngai diklo kual vek tawh.






"Sinthiai hmanni ah lo kal a ,nau ....." Ka sawi zawh hma hma in "chunu thawt thawt chu " a rawn ti hluk a "naktuk ah ka lo chhho a nga ,ka hrilhfiah vek ang che ,phone ah nilo in hmaichhan ah ,tunah chuan ka sawi peih hrih lo " lawmbloh na nasa tak nei tih hriat takin a tawng nghut nghut a ,ni e ,phone kaltlang a sawi lo in hmaichhan ah ngei sawi fiah vek rawh se ,ka lung a tih awi loh zia te hi hmaichhan ngei a sawi a, ankhum bawrh bawrh ka chak tak zet .





Ka zawt zawm tawh bik lo a naute chungchang chu ,a hnu a "ka ngai tawh khawp mai che " a rawn tih leh erawh ka ner sak mai ,ka awi thlawt lo ,a sawi tur hrelo vel min rawn ngai ve satliah mai mai bak va ni suh ,min ngai tak tak chu nise a phone chhe chung pawh in midang phone hmangin min rawn biak a tum awl lo vang ,mahse chu tiang chuan a ti lo ,a reh vang vang ringawt a nih kha .






Rei pawh kan inbe ta lo ,ka be phur hrih lo tlat a ,a ngaih erawh ka ngai viau tih chu ka hria ,a bul ah thlamuang tak leh engmah lungkham neilo a a taksa lum ham ham si chugng a mut te kha ka chak em em a ,zing a lo thawh a thingpui pek pah a inchhaih dun hawk hawk te kha ka ti leh chak a ,a hmui chhah tup a zei em em a min fawh na te kha ka thlahlel hle bawk .





Zanin chu kei mah in ka riak dawn a ,Rinengi a hman tlat lo ,a pa a nuam lo deuh a ,a nu in zanin chu riak lo tur a a rawn tih vang a ni a ,a rawn inthlahrung viau ,ka thinrim leh rim loh te min rawn zawt a ,lo thinrim chi ah ka ngai lo damlohna thil a ni miau a ,keimah a riak ngam lo tawp ka ni bik lo bawk nen a pawi loh thu ka hrilh a , a rawn inthlahrung vel lutuk chu ka nuih te lam a tiza ,a mize thawveng tak nen a inhmeh hlawl lo.






U Ramnghaka chu zing chhuak sumo ah a lo chho a ,dar 11 vel ah a lo thleng ,a hmel chu chiang tak a ka en chuan ,a pawr deuh faih tih ka hmu ,a biang pawh a lang ki rut a ,a mithnuai a val raih bawk ,ka ngai lutuk hi ks thinrimna hre lo lek in ka kuah ang tih ka hlau a ,ka insum tang tang a ni.





A zin bag ken chu chhuat ah dah in thuthleng ah a thu thla nghal dawt a ,a chauh hmel kher mai , a kiang ah va ding in "rinai in rawn thleng hma ,i chau em " a mawi ah te chuan kan ti ve sih sah a ,a chauh loh thu sawi in inbual nghal a duh avang in ,bualin lam ah rei lo te a thut hnu in a lut a .





Kei in a bag te chu pindan lam ah ka lo dah phei a ,thei eng eng emaw a rawn hawn nuk bawk a ,apple a lo hawn chu sil faiin ka ei mial mial a ,ka thei duh ber a ni bawk a tui ka ti khawp mai.




A thawmhnaw erawh zan lam a dah fel tur in phawrh pawh la phawrh chhuak lo in ka la dah tawp a.





"Mut ka duh khawp mai ,ka mit men a nuam lo " rawn ti dut in ka bul ah a rawn thu ve a .





"Va mu la " ka lo tih chuan a rum nghut a ,"min ngai vak lo a va ang ve ,ka rawn thlen veleh min hmuh rual in min lo kuah vawng vawng ka ring a nia "ti in a nui suk a ," i lungawi lo viau tih ka hrethiam mai e "rawn ti leh in ka kut chu a hum vang vang a .






Min rawn melh vang vang a ,a sawi hreh hmel tak zet ,mahse a sawi vat loh chuan rilru nuam tak in ka awm thei lo ,hriatchak na in min tur et et reng a ,ka nat phah na tur thil pawh ni se hriat vat tho ka la duh fan .




" Fapa ka lo nei reng a "a rawn ti chiah chu ka meng phawk hra a ,thil rit lutuk in min rawn deng dawt ang mai in ka nghing lawih ,ka rin dan sa deuh reuh ni mahse aman an sawi tak ah chuan a mi den a na khawp mai .




Dawt thu mai a nih ka lo rinruk ve na te kha chu eng mahlo mai a ni .





" Ka rin ang mipa i lo ni lo khawp mai ,uire in fa hial i lo nei a maw ,eng tin nge i tihtheih ,min hmangaih lo mah la nupa kan nih hi ,duh leh kei min then hnu ah ngaihzawng chu nei mai ta che ,tiang a nunrawng lutuk a chet la lo hian ,i lo mak hlemai ,mipa nep tak i ni ,eng tin nge i tih theih "chi ai lutuk leh thinrim tak in ka ti piap piap a .





" Ka sawifiah thei ,min sawi zawh tir phawt la "a rawn tih rual in " khati khan min melh suh ,insawifiah na tur a awm lo ,i duh vang reng a he thil hi ti i ni ,eng insawifiah mah a ngailo "ka tih khum tuar a ,min khawngaih hmel deuh a min melh hian ka thin a ti rim zual ,ka mittui lah chu tla chak tih hriat zet in a rawn tling chhuak pam a ,mahse a hma ah hian ka tap tur a ni lo ,ka tap tur a ni mawlh lo .






Min rawn kuah bet chu duhlo lutuk in ka tal chiam a ,a koki ah te ka seh thul ,a rum nghut thin tihbak a che sawn duh lo ,min la kuah khawm zel ,ka thin a rim lutuk chu a chhip sam buk lam mah ah ka kek vak a ,na zet in ka kut a rawn man bet a ,mitmeng sen ram a in min melh in " ka thusawi ngaithla zo phawt rawh,ka tih kha ,ka uire ngai lo a ,midang ka pan san heklo che tih hi i thluak te reuh te ah khan vawng tha tlat rawh ,ka ti ngai dawn lo tih nen "ti hluk hluk in min nem sawn deuh a ,a hnel chu ka en duh lo lui tlat .






Ka biang chu a kut lum vang vang a rawn dawm in amah en thei tur in a kuai her a " Nang nen kan intawn hma thil thleng a ni a , keipawn tun thleng in ka la awih thei lo ,pawm thiam a la har bawk ,ka fa a nih ka rin loh em avang in test hrang hrang hriat theihna tur thil ka buaipui ,mahse ka fa ngei chu a lo ni "ti in a thaw ham ham a ,ka tawng ve hma in ,







" Eng tin nge i ngaih ang tih lah ka hrethiam hek lo che a ,kei tak pawn ka la pawm thiam lo,kha mihringnu khan pasal nei in kan inkar a ti tawp a ,fa hial a pai kha nia ,mahse kum nga an inneih hnu in a pasal in a fa a ni lo tih a hrechhuak a ,a then phah hial reng a ,a fa pa pa a ni lo tih a hriat in kei min rawn puh a ,a tir chuan thutak en ah ka en lo a ,min rawn bawl mai mai a tum ni in ka hria ,mahse ka fapa ngei chu a lo ni si ,"a ti zawi sup a ,a bialnu hlui hming erawh a la lam ri lo ,kha mihringnu ti in a sawi a ni a ,a hmel buai nak leh rilru buai hmel zet te chuan pawm mai a la har sat ve tho tih ka hrethiam.






Ka rilru erawh min uire san a hneichhe dang lak ah a mipa nihna a chelek loh tih ka hruat chuan ka thaw huai ,chutih rual erawh chuan ka rilru a dam kim thei lo ,han dem chiam chi a ni bik bawk si lo.





"Engtia tih nge i tum ?" Zawi zet in ka ti a ,a fapa a nih tlat avang in a thlahthlam thei ngawt dawn lo tih ka hria a ,engtia hmalak nge a tum ka hre chak khawp mai.





"A theih chuan enkawl ka duh a ,mahse a nu hian a phal tlat lo ,mahse thlah thlam a ,a pa nihna hlen lo a awm mai mai ka tum lo " a ti a ,ka rindan reng a ni ,mipa mahni thil tihsual pawm ngam ,harsatna tlan chhiatsan mai lo a hmachhawn tum ngei chi a ni tlat a ,a thuthluk na siam ah pawh hian uluk tak a a inngaihtuah phawt hnu a a siam a nih ngei pawh ka ring .






"Ka nu ten an hria em ,ka tih i nu leh pa ,i chhung ten " ti a ka zawh chuan a bu nghut a,a sawi dan ah fapa nu chuan a chhungte lam a lo be hmasa ni awm tak a ni ,a ni pawh a nu in a rawn hrilh avang a aizawl lama chhuk ta kha a ni reng a ,a chhungten eng rilru nge an put tih ka zawh leh chuan a sawi tha duh chiah lo a ,mahse tlem a sawi thuak atangin ka nu erawh a lungawi lo hran lo tih ka man thiam a ,tu a awh zia ka hria a ,a ni tan chuan a lawmawm letling phian maithei a ni .






Inthen chungchang ka sawi rik chuan min hnial bur a ,a awki pawh a vin tha khawp mai ,keipawn ka sawi ri nawn leh tawh lo ,inthen duh ta tak tak sela chu keimah zawk hi chan chhe tur ka ni tih ka chiang a ,a ni chu mipa a nih mai bakah hna nghet ,hna tha tak thawk a ni a,a chhungte an khawsa thei bawk ,kei chu engmah han chhuan tlak thil tha ka nun ah ka nei lo .




A tir lam chuan ka be tha tehchiam lo a ,ani erawh a danglam phah lo ,min duat in min dim dawi em em a ,ka mamawh pawh sawi buai ngai lo in a lei mai zel a ,ka period dawn hnaih te hian ka nungchang leh ka thil ei duh atang in a lo hre hmasa thin a ,ka mamawh tur ang chi a lo lei diam thin .





"Thla a tawp hnai leh tawh ni maw " ti dut in ka hnung lam atang min rawn kuah a ,fa a nei tih ka hriat atang in thla a kal liam leh duak tawh ,thla khat chhung vel kha chu pangngai tak in ka be lo ,a ni pawn min hrethiam a niang min thinrim khum let ngai lo .





A hnu lam ah erawh ka insiam rem ve ta zel chu nih hi ,"ummm ,ni e ,enge a "ka tih chuan " i period a hun leh tep tawh ,naktuk ah thei lei tur kalo zawng haw ang ,"a tih chuan ka nui var var a ,period dawn hnaih a thei chak ka pek bnat zia a hre tawh miau .





A kut pawh a hlei leh sawt khawp mai ,ka awm chu a tuai heuh heuh a "zanin chu ," rawn ti su su in min ti zauthau tur in a che tan chhho dam daih a ,ruah tla ri seng seng te nen lam chuan zan duhawm leh hlimawm tak a ni




"I insiam zo tawh em " ti in pindan ah a rawn lut a ,a ni pawh a lang nalh khawp mai ,t shirt var tha zet ha in kekawr dum dak zarh mai ,tawt lam lem lek a inbel te chuan a pian chu a ti lang nalh zual takzet






"Hman tep " ti in ka sam ka khuih zawm mawlh mawlh a ,vawiin ah a thawhna sikul ten thlahna an buatsaih sak dawn a ,a sawi ang ngei in aizawl lamah kan awm thla ta dawn ngei a ,ka hreh ruk na pawh a la ngai reng.





Ka hnungah rawn ding in min rawn kuah a ,a hmui lum thar thar in ka nghawng lang thei chin chu a nul heuh heuh a ,ka awmdan leh thawlak rang zual sawt a hriat chuan a nui ri suk a ,"min lo tibuai lo teh ,i hmanhmawh a ni lawm ni "ti hlak in ka che sat sat a ,ka nghawng ah rawn fawp tawk in min thlah ve ta hram .




A fa chungchang kan sawi dun leh zeuh thin ,a ni chuan a pawm thiam tawh viau a ,a fa a nihna ang in enkawl pawh a inhuam khawp ,keimah lam ve thung hi a ni ka buaina zawk chu ,pawm thiam har ka ti a ,a fapa chungchang a sawiin ka lo tim ru hle thin , thinlung dam tak a pawm ka la harsat rih khawp mai.




Sikul kan thleng chuan zirtirtu dang ho chuan min lo lawm vat hlawm a ,an zingah Sinthiai pawh a tel ,u Ramnghakan fapa a nei tih min hrilh atang in kan in ah a lo leng lut ngai ta lo ,U Ramnghaka pawh in a hma ang in a be tha tehchiam tawh lo ,thil mak leh deuh pakhat chu U Ramnghaka fapa nu leh Sinthiai hi thian an lo ni tih U Ramnghakaa hnen atang in ka hria a ,ka rinloh lam daih thil a ni a,a chhan pawh Sinthiai hian ka pasal a melh dan hi ngaihzawng melh in a melh thin a ka hriat vang a ni a ,ka lo ring sual te pawh a ni mahna.






Thilpek a dawng nual a ,an thlah ropui ve zek a ,zai tur te ,lam tur te an in ruat chhuak a hun kan hman chhungin chawhma chu a ral der ,chawhnu lam dar khat bawr velah sawhchiar kan ei a ,ka pasal a zar ah keipawh tha deuh deuh in min be hlawm a ,U Ramnghaka hi neilo ila ka nun hniam tur zia ka hrechiang in ,mi te min ngaihdan tur nen ,mi tan chuan zu zuar fanu tih mai mai kha la ni dawn si a ,tunah erawh ka pasal thiamna leh thawhrim a zar ah mi pangngai ang a en ka ni ve ta mai chu a ni a .





Bike a kal kan ni a ,haw lam leh kal lam chu kan inbawr hleih khawp mai ,naupang ho in inthlahna a tan thil eng eng emaw an pe khawm ve a ,chung ho chu kan inkarah dah in ka pawm deuh tung a .Ka pasal pawh in naupang te tan chithlum tam zet leh ,Waiwai an daih tur lei in a sem thlap bawk a ,an lawm thiam hlawm khawp mai .





Zan lam ah ka pa te in lam ah kan phei a ,ka nuhrawn nen te a awm an nih avang in hmanni deuh lawk khan ka nuhrawn fa khaw dang a,a pa te bul a awm lai chu an hruai phei a ,hmeichhia ni in kum 15 mi vel a ni a ,rinai tak in min nel phian ,kan va leng pawh chu ka bulah lo thu in eng eng emaw a sawi ve chiam a ,a tawng duh barh barh lutuk .





''Engtik hun a chhuk thlak nge in tih tak Mamte "ti a ka pa in min zawh chuan karleh thawhtan kan tum thu ka sawi thuai a .A mit a min ngaigtuahna lang chhuak zut zut chu rei en ngam lo in ka hawi sawn daih a .





Ka pasal nen ti ti in chhukthlak dan tur vel an sawi zui a ," he lai nen a in an loh na tam tak a awm dawn a ,a in an na lai pawh a awm tho bawk ang ,mihring insiam rem thei tak i nih phawt chuan buaina tehchiam tur a awm lo ,chutih rual erawh in an thil hman thin hman thiam loh tam tak i nei dawn ,an tihdan a ruk a en in thiam tum ran in i awm dawn nia "ka nuhrawn chuan a rawn ti duah a ,ka pa ang in min ngaihna hmuh tur a awm lo a ,min haw viau phei chu ka ti chuang lo ,hetia zu an in loh hnu hian an thinchhe lutuk leh a ancheh zual kha a bo duak a ,inkhawm em la inkhawm lo mahse an nun ah hmasawnna tlem tlem in hmuh belh tur a awm zel .





Mi dang ka atang in an nghei rei tak tak lo ang ,nakin lawk ah an zuar leh thuai ang ,tih hre teuh mah ila , hmahun kan hre lo a ,an in leh thuai thei a, an nghei hlen thei bawk chuvang in an nghei hun chhung tal hian diriam lo in mifel en in ka en tlat ang a ,mihring sual tak tak te pawh kan en dan a zir a pawng pawrh a sual zui tam tak an awm a,a tha zawng a kan hmuh phawt chuan an mahni a pawh that tumna tak tak a lo piangchhuak hlauh thei tlat



" U,aizawl in chhuk hunah chuan maw ,kawr nalh deuh min rawn lei la min lo thawn la "ti in Lengi chuan min melh kar a ,min tlawn pah bawk a.





" Lengpui ,hetah pawh a lei theih reng "ka chhan hma in ka nuhrawn in min rawn tih khalh a, ka nuhrawn hi naupang enkawl thiam lo tak a ni tih a fa a en dan atang hian a hriat a ,a rawn awm tirh khan Lengi hi a duat a a tih hliau hliau ka rin nen ,a vin phar hneh thei khawp mai ,mi han duat chiam ang kha a thiam lo a nih ka ring hial .






" He lam ai chuan ,aizawl a mi te chu a mawi daih zawk a lawm ti raw ,eng rawng nge i duh ,pheikhawk chawlhni a i bun tur nalh deuh nen kan lo thawn chho a nga "ti a u Ramnghakan a lo chhan chuan Lengi chu a phur hmel ta khawp a ,a nui sang a ,u Ramnghaka lam hawi in





" A eng ka duh ,a eng a langsar bera ,mi in an hmu duh bik "a ti mauh mai ,ka pa chu a nui hawk a ,chutiang bawk in ka pasal pawh ,kei pawh ka nuih a za khawp mai ,a eng rawng kher hi chu ka ngainat loh pawl tak a ni ,a rawng hi ka ngei .Ka nuhrawn in a rawn melh rum khawp mai ,a thluak hi a than san chiang a lawm ,bet but mai a .






Ka pa chu la nui thaw chung in " a eng chu rawn lei ngei ngei ru ,dumde rawng langsar deuh pawh kha a pawi lo "a rawn ti a ,Lengi lah chu bu nghut nghut in ''dumde rawng lar deuh ang kha ka duh leh zawk e " a rawn ti tha leh ,a va hahthlak ,tumah insum zo kan awm tawh lo kan nui ta vek .




"He nu mawl met mut lutuk hi chu " ka nuhrawn in a rawn ti hlak a ,Lengi lah chuan lei a la chhuah khum vak vak zui.



In a kan haw hnu chuan ka ril a tam em avang in thil ei tur ka dap a ,chhang a lo awm nual thingpui ka lum a ,u Ramnghakan a duh ve ka rin tho avang in ka lum kep bawk .





Chhang nen ka hmeh a ,u Ramnghak
a erawh in a hangin a in thung "ka nu ten bungraw phurh thlakna tur motor lian an lo tir chho a nga ,keini chu bike in kan kal dawn nia ,i zuam em " a rawn tih chuan ka bu zeuh a ,darkar eng emaw zat bike a chuan chu silna dawn viau mahse sumo a chuan ai chuan ka la duh zawk tho a .,a chhan chu ka rui deuh thin a ka chuan fuh vaklo hian ..






Khu lam ah eng hna nge a thawh dawn ,zirtirtu hna a la thawk zawm dawn em tih ka zawh chuan a la hriat mai loh thu in min chhang a ,a pa in an sumdawnna enkawl tur in a duh tih ka hria a ,mahse ka pasal tuina chi hi a ni vaklo nge ka bulah pawh hna dang thawh a duh thu a sawi ri zeuh zeuh thin.






Khum a mu in ,min kuah hle hle a "i fapa chu kum eng zah nge i tih kha " ka tih chuan min melh vut a ,kan inkar a that vakloh lai khan a sawi tawh a ,kei lo la lungawi zanlo nen ka lo chhinchhiah tlat lo .





A ngawih vung vung hnu ah "kum nga a tling tep " a ti mai a ,nih chuan a pa ni lo bulah a nu chuankum nga dawn a chenpui tihna a nia .





Ka dul rawn tuai in "hetah hian ka fa tur a awm har tawh e i ti ve em " a rawn tih chuan chhan mai dan tur ka hrelo a ,kum khat tha innei tling ve tawh a ,ka rai har lutuk hi ka ngaih a tha lo ve thin.






"Nau ka pai thei lo anih i ring em ,nupa nun hmang lo tawp lah kan ni lo a ,mi chu an vawi hnih vawi thum tihna a an pai mai zel a ,keini te chuan chu ai tam daih kan hmang sia " ka ti niah niah a ,a ni erawh a lo nui hawk thung ,mi thutak lai lai a lo nuih mai pawh chu .






"I hmanhmawh nih kha ,a hma ai in tan lak leh zual kan ngai tihna a ni mai ,zanin atang hma kan la tan nghal ang " ti in a nui ruh ruh a ,ka thusawi tum dan lo deuh in a ngaihtuah tih ka chiang reng .




Puan a min in khuh pui hlun in ka chung ah a kut hmang in a in nem kang a ,a hmel pawh chiang lo ruai bak in a lang thei lo ,a awm a ka nem lai lai in ka hmui a rawn fawp dek dek a ,a lei a rawn hawl luh tel rualin ka thaw chhuak hak ,eng nge kan tawp na tur chu ka hrechiang ngang mai ,puan chu ka lu khuh in a rawn nawr tawm chho a ,ka bawp lam pang a tan a lak hnu phei chuan ka nuam ti te ri leh ka pasal thaw hrawk hrawk ri bak thildang thawm hriat tur a awm lo .






Rei lo ah aizawl kan chhuk hun chu a lo thleng ta der a ,kan bungraw phur tur pawh ka nj ten an rawn tir chho ta ngei ,driver pakhat leh bungraw load tur pakhat an rawn kal a ,tukthuan an la ei loh avang in kan ei tir phawt hnu ah kan bungraw neih ang ang chu kan thiar tan a ,u Ramnghaka sikul a a thawhpui te leh zirlai naupang mipa pali vel in min rawn tih pui a, kan thiar zo harlo khawp mai.









Ka pa leh ka nuhrawn te pawn min rawn thlah a ,thenawm hnai vai zual ho te pawn inthlah nan kan nupa in min rawn chibai awl lo a ,ka thiante ho lah chu tap mai tur hnel an pu hlawm ,kei tak pawh hian ka ngai hle dawn tih ka hria,a bikin Rinengi ,ka unaunu ang mai a ka ngaih ,mi in ka chanchin chhe zawng a an sawi pawh a min tawng thlamuan tlat thin tu kha a ni a ,a tello a hmun dang daih a ka han awm mai tur chu ka zuam lo lek lek dawn a lawm le .




"Min rawn be reng rawh aw ,khawpui nu nih tawh dawn vang a induh nghal ringawt te kha han tum teh,ka nasa viau ang ,aizawlah ka rawn kal chilh che nga ,ka rawn tim hrep ang che " Rinengin ti in min rawn kuah a ,keipawn ka lo kuah let vat ,ka ngai dawn tak zet .

Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia



Show post links
Top

[Ngaia]

Zuzuar Fanu




Chapter -8



.



"In hman veleh rawn zin tum ru aw," ti in ka thian te chu ka thlah a ,an ni pawh lo bu tliar tliar hlawmin an hman veleh lo zin an tum tur thu an sawi ve sep sep hlawm bawk .






Dar 12 pelh hret ah bike in kan inphur chhuak ve ta a ,kan bungraw phur te erawh kan hma lam ah an tlan tawh thung ,kan khua kan han pel chiah chu ka mittui ka dang zo lo ,thei leh thei lo in ka hawi let leh thin





"I lung aleng nghal ngawt alaw ,kan zin deuh reng dawn lawm ,in ti lunghnur lutuk duh suh " ti in u Ramnghakan min lo hnem vat a ,a kawng ah kuah in a hnungah chuan tawng lo in ka bei hle hle am ,kal kawng ah vawi khat kan chawlh bak chu chawl lo in aizawl chu kan thleng ta der ,aizawl khawchhung kan luh tirh atang thingtlang nen a in an lohna tam tak ka hmu chawpchilh nghal a ,in lian pui pui, in tlar phei put te ,motor intlan pel zut zut te leh mihring vei vak suau suau te chu hmuhnawm ti a thlir tham tak thil a ni .





U Ramnghaka te in kan thleng chu a nu leh a pa te chuan kawt ah min lo nghak a, a unaute ho pawh ka hmu ,ka hriat ngai miah loh te pawh an awm nawk a ,an in chu a lian tha khawp mai ,kawt lah a zau tha in pangpar chi hrang hrang a in hung tlar tuar bawk a ,chutia ka lo en kual lai chuan u Ramnghaka chuan min rawn kai in a chhungte lam chu min pan pui a ,kan han in chibai leh lawp lawp hnu ah inchhung lam kan lut ta chauh .





An in chhung pawh a nuamin ,bungraw changkang tak tak a inhung fur a ,a fai nuam in a boruak a nuam hle bawk .





Thingpui te kan in hnu in kan pindan tur lam chu kan pan a ,bike ka chuan na kha maw ni ,ka bawp te chu a na thum a ,ka ngawng leh hnungzang lam thleng in a na ut ut mai ,inbawlh fai a mut bo pui daih ka chak ru tak zet.



"A nuam i ti em " ti a u Ramnghak an min zawh chuan uar lutuk in nuam ka tih thu in ka lo chhang vat a ,hetiang in lian leh nuam lutuk ah hian chen ka inring pha ngai lo mai pawh ni lo in ngaihtuah pawh ka ngaihtuah thleng pha ngailo .




Thla khat zenzawn ka awm hnu chuan an chhungkaw kalphung ka hre ve tan ta viau a ,bungraw changkang deuh deuh ho pawh ka hmang thiam ve tawh hle ,an frige hman dan thleng in zir a ngai a ,chutiang kawng ah chuan u Ramnghakan tihdan tur tha takin min hrilh zel a,engmah buaina awmlo in ka hmang thiam tawh ,kan khaw lam a kan hman nen a in ang miau lo a ,thiam loh pawh a awm viau .





Awmpui pakhat an nei a ,burma lam mi ni in U Niangi kan ti mai a ,kan inkawm thei phian ,hnathawh nei ve ta lo na na chu inchhungkhur chet leh eirawngbawl chu U Niangi nen kan hna a ni mai .



U Ramnghaka pawh thla khat zen zawn hna a thawh loh hnu ah an dawr chu a en kawl chhunzawm ta bawk a ,ka pa pawh a tul viau te nih loh chuan dawr lam ah a kal ngai ta lo .





"Vawin chu min rawn zui ve mai la " kekawr hak mawlh mawlh pah in a rawn ti a ,chak viau mah ila ka nu khan pangpar khawi na tur lei la khawm tur in min ti a ,chak viau mah ila ka kal lui ngam lo .






"Nidangah ti mai ang vawiin chu ka hman lo ni mai teh se " nui sang in ka ti a ,a bul a ka va din rual in lungchim zet in min lo fawp a ,hei hi chu a tihdan ve reng a ni ,hnathawk tur a a chhuah hma hian min fawp in nilenga nuam deuh a hun ka lo hman theih nan thu tlem a sawi tel ngei ngei bawk .




Hei tun ah pawh ,min fawh duhtawk hnu in min melh vang vang phawt a "min lo ngai viau lo la ,min ngai lo la ka tih avang khan min ngaihthah tawp rawh ka tihna ni chuang lo nia ,min ngaih pawn a a hlimawm zawng in ,tun a ka fawh dan ril zet te kha i lo ngaihtuah zawm dawn nia " ti in a kiai vei suk a ,min tih laih tum tih hriat zet in min melh lui reng chuan ka hawi sawn ta daih ,a rawn nui chhuak hawk hawk a ,ka hnar ah piai zeuh in "lai hma reuh lutuk "a rawn tih chuan " kal vat mai rawh ,i inla zei thei emai "ti in ka nem chhuak a ,a kal ve zel mai bawk a .





Ka pasal a kal rual in pangpar buaipui ngai ho chu ka buaipui zung zung a ,kawmthlang a lei UNiangi nen buara in kan chawi chho dun zel a ,ni a sa bawk nen a hahthlak zek ,Ka nu lah chu min veng emaw tih maitur in kan kiangah a lo ding kawisawi reng nen chawlh pawh kan chawl ngam meuhlo .





" Lei kha in dah tlem mah mah nih kha ,a nung chhuak zo lo ang ,dah belh ru "ring lam mah a rawn tih rualin kan dah belh sawk sawk a ,UNiangi chu a ner leh nung nung thin, rinai in a hahthlak mai bak ah a ninawm tawh takzet .




Chhhun thingpui in hma in kan zo thei ta hram ,inbual fai nghal sawk sawk in kan nupa thawmhnaw suk tur ho chu ka dah khawm a ,vawiin a suk ka tum kha nia ka hman hmel tawh si lo nen naktuk a tih a ka dah ta ringawt.





Tlai lam erawh boruak a dang ta zar a,nuam lo ka ti ru khawp mai ,zanriah lo ei tur in u Ramnghaka fapa leh a nu an sawm chu lo ni in ,a fapa nu kan hmu chu a hmeltha ka ti kher mai ,kei ai a sang zawk daih a ,a vun a no in a nung nalh em em leh nghal ,a fapa erawh natna nei ang maiin a derdep em em a ,mahse a hmel chu a nu leh pa te an hmeltha bawk a a tha ngang mai .




Ruatkimi chuan a lopawm vat a ,an inhmu ngun a niang, naupang pawn a lo nel ngang mai,Ruatkimi hi tun ah college a kal mek a ,an upa ber hmeichhia erawh pasal nei tawh in a khat mawi tawk bakin an rawn lang ngai lo tih theih a ni ,a naupang ber dawt mipa Lucas erawh Delhi ah doctor a zir mek thung . .





U Ramnghaka a lo haw rual in kan nupa pindan ah kan inzui chho a ,"naupang khu a hmeltha i ti ve em "ti a hlim hmel tak a min zawh chuan ka bu nghat a ,u Ramnghaka hmel a phawk fu chiang e a ni .




" A nu pawh a hmelthat khu "ka ti liam leh puat a,thik na avang a sawi kher pawh ka ni lo ,ka rilru a lo lang hmasak dan berin ka tawng mai a ,a hmeltha reng bawk a .




Nui kur kur chung in ka sam chu a tuai a" i tha daih zawk a lawm ,ka mit ah chuan nang tluk an awm miah lo "a rawn tih chuan " i daw lutuk a "ka lo ti khar a ,mahse ka lawm ,hmeltha e han ti vaih se zawng ka lawm dawn lo chiang ,ka thin a rim viau zawk ang maw le .




A intihfai hnu in kan chhukthla a ,naupang te a chu an lo infiam pui luih luih a ,he in reh thup thin pawh tunah tak chuan nui ri leh au ri in a khat a,hetiang tak hian naupang an ngainat ka ring lo a nia.



U Tamnghaka fapa nu chu Rosyi a lo ni a ,midang nen chuan an in be bawrh bawrh hlawm a ,kei leh ka pasal te nen erawh kan la in be lo reng reng ,U Ramnghaka pawh chhuatah thu thla in naupang te a chu a be mawlh mawlh a





" Nuntea chu a tlangval tawh hle mai ,i lo lenpui khat lutuk a ,amah te hi a ngaihawm reuh a sin "ka nu in a ti luam a ,kei min biak dan nen chuan inperhsan tak a ni .




Zanriah kan kil khawm lai te chuan an tawng bawrh bawrh hlawm a ,sangi leh a fapa chu chawhmeh tui tha tha te an suah a ,U Ramnghaka takngial pawn tun ah chuan Rosyi chu a be ve ta sup sup a ,Nuntea duh zawng leh ei duh zawng sawiin an hlim dun kher mai .




" Nangmah chiah chiah a ni mai ,a mah hi naupang te ni si in a ngawi ngul thin reuh a ,i chawhmeh duhzawng ang chu a duh vek ,i hrem chakai phei chu duh tak a ni "ti a Rosy in U Ramnghaka chu a hrilh siam siam a .




" Chakai te chu tui deuh a sin a nih "a tih chuan mak ka ti hle ,chakai hi a duh awm ka lo hre reng reng lo a, ka hrechiang viau emaw ka tih tawh hnu ah, ka lo la hriat chian tawk loh zia chu chu ka in hre thiam ta mai.





Chuang bik riau leh hla ta bik riau in ka in hria a ,mahni inkhawngaihna in min rawn luh chilh nen kan chawhmeh tui viau mahse chaw lem a sak talh a ,ka thleng a awmsa chu harsa ti tak a ka ei zawh luih hram hnu in ka kham ta daih





" I puar meuh maw ,i va ei tlem ve "ka pa in a rawn tih chuan ,ka puar thu in ka chhang a ,U Ramnghakan min lo melh ve chiah bawk nen ka hawi san daih a,a fapa leh a nu a buaipui na lam ah ka thawh lai tak ngial pawh a hreloo tih ka hre thei .





Living room lam ah ka lo va thu daih a ,naupang an lawm zia ka hmuh khan fa neih ve te pawh min ti chak tak zet ,lo rai ve ta ila he inchhunga ka dinhnun leh min melh dan te pawh a dang ve mial maithei a sin,ka chungah an sual chiam e ,ka tihna phei zawng a ni lo ,ka pa phei chuan tha deuh deuh in min bia a ,ka nu leh Ruatkimi te erawh min be ve thin mahse a mawihnai ah bak min be ngai lo,a pawimawh ber erawh tun thleng in ka la rai lo chu a ni si a ,thatlohna ka nei emaw ka ti hial tawh .





" I va ei kham hma ve ,i chaw ei a tui meuh lo em ni "lu ka lo thing mai a ,Nuntea pawmin ka bulah a lo thu thla a ,a nau pawm chu biak tlangnel tum in lo chhaih ve mah ila min en vunhlg vung in a pa awmah a bei nghal thak reuh a ,min ti zak lek lek dawn a lawm le .




" Midang an la ei hlawm em ni "ka tih chuan a bu nghut a, min melh vunh vung avang chuan mit ko ka san khum zeuh a ," lungawilohna i nei em "ka ngaihtuahna hmuh tlang vek tum ang maiin hmun dang hawisawn lo in min la melh ta reng .




" I duh duh min zawt ngawt lo teh "ka lo ti mai a ,ka hmel atang te ,ka chezia atang te thleng in ka awmdan danglam deuh hi a hre thei khawp ,dawt sawi ka ngaih phah ziah




" Ka zawhna chu ,i nei nge neilo ,i hmel a diklo reng reng ,hmel hlim sar hmuh tur a awmlo "ka tih reng kha ,min hrechiang lutuk tawh tlat .





"Engmah diklo a awmlo." ti a ka chhan chuan a ngaih a la tha zan lo tih min melh dan atang ka hria ,tawng tum a ang zuau hman tih ah a fapa chu a lo tah avang in a buaipui vat a ,rinai takin nau tih vel pawh a thiam khawp mai.




"Apa ,han ti teh le ,a thiam a nia aw le tun ah Nuntean a pa a lo ti ang " ti in a nuih var a , chezia dam dup leh hmel hlim sar te chu hmuh a nuam khawp mai .





Naupanh pawh chuan apa a lo ti ve mai a ,U Ramnghakan intithei deuh a min lo melh chuan ka lo nuih pui ver verva ,Nuntea hi kum nga tling tep tawh mahse thlakim lo a piang a nih vang te pawh aniang ,a bu chip reuh em em a ,amah pawh hi a no khawp mai ,chuta karah a nu te lam an khawsa thei bawk a ,an duat hle tih an sawi thin atangin ka hria a ,chutiang vangte pawh chuan a kum rualpui tam tak ai in a la naute hle .





A tlei tak loh rengah chuan a nu bulah a va dah ta daih a ,midang te pawhin ka tan a hriat nuamloh tur thil an sawilo bawk nen ,nuamloh k tih rukna pawh a kiang chho tulh tulh ,rinai takin Rosyi pawh a sual lo ,min be bawrh bawrh a ,mahse ka nel thei tlat lo thung ,ka pasal fapa nu a nih vang te pawh a niang .




Ka nu zing a a an tamna ber thin chu Ruatkimi a tho thei lutuk hi a ni a ,an inkaitho thawm a ring thei khawp mai ,mahse midang in an han hauh deuh hlek hian ka nu hian a lo tan hlur zel tho ,U Ramnghaka pawn vawikhat chu ka nu a kam khat tawh nghe nghe .





Nilaini chuan ka pasal hnathawhna hmun ka tlawh a , nuam kan ti em em khawp a ,motor chhe siamna leh part hrang hrang zawrh na hmun a nih mai bak ah ,two wheeler chi hrang hrang an zuar tel bawk a ,an sumdawnna hi a hlawk tih ka hre ru ve kar ,engzat a tam tak thla khat ah hian an hlawh chhuah ang ni ,





"Coffee nge thingpui i duh ang" a office ah awm in thil sign fel ngai ho a buaipui a ,kei erawh thu hle hle thei lo in bang a lemziak nalh tak tak in tar te chu khawih in ka en a .





"Coffee " ti sap in "i hnuai ah hlawh nei in min thawh tir ve mai la " fiamthu a ti in ka nui duh miah lo a ,min chhang tawh dawn lo enaw ka tih hnu ah "ti lo phawt tiang ,hna i thawhchuan i hah in i chau awm sia ,zan lam ah ka chanpual ka chang thei lo palh ang " a sawi zawh rual in a nui ruh ruh a .




"I tenawm lutuk a '" ka ti vak ,min nuih suk suk duh lek chauh.




Rei lo a coffee chu an rawn dah a ,in pahin Rinengi nen kan inbia a,




"I induh sawt riau mai ,biak hmasak loh che chuan min rawn biak pawh i tum lo " ti in a rawn vui der nasa mai ,ka inthlahrung ve khawp a ,kan inbiak chhun lah hian kei ka hman rei ngai lo a reilote te bak kan inbe hman mang ngailo .




"Ka buai ve lutuk a ," ka ti ngawt a ,U Ramnghaka ka kiang mai ah a thu ve nen ,inchhungkhur lam chu sawi lan vak chi a ni lo .




An rawn awih lo nasa khawp a ,min ngaihdan ah chuan awm mai mai tur ah min ngai tih ka hre reng ,a awm ve tho a ,ka pasal te sum neih zia a hre ve kar a ,mahse mi in renthiam tak an nia,an sum hman leh chawhmeh lei na nen lam a chhut thlap thlap a chhinchhiah thlap thlap zel ang kha an ni a ,chutih rualin thawmhnaw lamah erawh an inren teh chiam lo thung .





"Naute hmeltha hmuh a hnai tawh em ,thian te fa en te pawh a chakawm tawh a lawm " a nui kar kar a .





"I la hmu har deuh dawn nih chu " ka ti a ,Ramnghakan tu nge i biak a rawn tih sup chuan hmui phun in Rinengi ka ti sep a ,a coffee chu a inzawm leh mai bawk .




"I in zep " hram hram chuan a ,nau pai ila chu phur tak a la hrilh hmasak pawl tur te zing a mi a ni reng sia ,ka beidawng tan lek lek ta mai,nau pai te chu ka duh tawh takzet ,mahse kan thu a ni si lo .





"Tal tal che chuan " ka ti hlak a ,"a nih leh, a nih leh mipa hmeltha an tam viau lo maw ,pasal ka la rawn zawng dawn a nia ,kan khua ah chuan hmeltha an awmlo e mai "a rawn tih chuan ka ner nang a ,lerh viau tih tur ni silo hian mipa hmeltha chu a lawm tak zet .








" In thenawm pathlawi kha nei la nih chu ,in inhmeh em kha "ka chhaih zeuh rualin phone ka dah daih a ,chuti lo zawng a rawn thinrim khawp ang .



U Ramnghaka a rawn haw tlai dawn avang in ka lo va haw hmasa dawn a ,ka thutna atanga ka din chhuah mek laiin Rosyi te nufa an rawn lut ,





" E ,Nguri chu ,inpa hnathawh na i lo tlawh ve ni maw,keini chu kan kal zing khawp a ,bawihtea hian a pa ngai bawk nen nitin helai kan kal hi kan kan hna ni mai "nui var var in a rawn ti lut nghal bawrh bawrh a ,ka ding uai tawhpawh chu kan thu tha leh ringawt a .




Helai hmun ah nitin deuhthaw an kal thin tihte chu ka hre reng reng lo, ka pasal lah in eng mah a rawn haw in a sawi ngai lo bawk nen ,tiang a an inhmuh reng te chuan an in duhna dai tawh kha a lo thar leh lo ang tih pawh a sawitheih lo ,ka ngaihtuahna zet chu a ...



" Nia ,hei ka la tlawh lo a vawiin chu ka hman remchang ni a ni bawk a ,ka rawn kal ve zuai a nih hi ,nang ni nitin in kal chuan a khua te pawh a har lo deuh ang chu "ka sawi dan ki chu a ngei awm lam lek lek a ni ,mahse a hrethiam lo der nge a hrethiam lo tak tak tih pawh ka hrelo





" A fapa nen an han in chhaih vel chu hmuh an nuam a sin ,an inchhun pafa sia "a thil sawi hrim hrim chuan min ti lungawilo vek ,han huat tur viau a sawi loh nen ,mahse tunah tak hian ka pasal min laksak daih ang tih ka hlauh avang a, achhe lam hlir a ngaihtuah ka ni tih ka in hria .




A sawi ang ngei in Nuntea chuan a pa chu a ban nghal chung chung a ,a pan a pawm rualin " Pa "a ti chul bawk ,an sir ah Rosyii dingin a nui var var a ,chhungkaw hlim tak an ang takzet ,kei awmlo ila chu chhungkaw diktak an ni ngei awm sia .




" U Nghak ka kal aw "ka tih pawn ka lam rawn hawi zawk in a bu nghut ,tih loh chu eng mah a rawn sawi lo a lungni lo tun chung in ka chhuah san ta nge nge.




Pawn thleng ta min thlah ka rin nen ,a ngaihpawimawh te pahnih an rawn thlen chuan min hrechang tawh lo nasa chu a nih kha !!




A la hma tho bawk nen bazar lam ah bus in ka kal leh rih a ,kal lam erawh kha chu U Ramnghakan taxi rawn hmang rawh a tih avang in taxi ka hmang kha nia ,bus nen chuan senso pawh a in tam hleih deuh .




Lengi thil thawn tur ka lei khawm a ,U Ramnghakan thla tin tam lo te ka account ah ka hman tur a dah ziah a ,pawisa lam thu ah chuan ka buai lo khawp mai ,ka nu in hria se chu a lungawi lo khawp ang .




Ka thil ei na hmun ah ka hmelhriat ka hmu fuh nawlh a ,kan insawi ngial hnu ha chauh min hre ve leh chauh si nen ka zak tep ani .




" E ,i hmel i paih tawh lutuk a ka hre mai hlei nem che "a hnu ah chuan a ti hlut a ,dawhkan khat kil dun in thil kan ei pah a .





" Min hre chhuak tawh dawn lo emaw ka tia ,ka lo be ta kher kher che kha ka inchhir tep a lawm "fiamthu ti tih in ka ti a .




Min hre nghal mai lo paeh kha a awm ka ti tho ,kan inhmuh lohna a rei ve tawh em a ,kum 16 an nih in aizawl lam ah an pem ta kha nia ,keipawh Rinengi zar a hre mai chauh ka ni ,Sangzuala hi hmeltha ti in a duh thei khawp a ,kan khua an chhuah san hnu pawh khan Ig ah te follow in a thlalak dah thar a piang min hmuh tir ziah vang a hre nghal chat thei ka ni .





"He lam ah engnge i tih ,lehkha i zir nge hna i thawk " ka nui hmasa phawt a ,a nin ka chhanna ngaichang in min en reng thung ,"lehkha chu 12 thleng bak ka zirlo "




"Chuan ,hna i thawk a mi " a rawn tih lehchuan lu ka lo thing vat a ,"pasal ka nei a ,aizawl lam mi hi a nia "ka tih chuan " chulam daih chu maw lo ni a "ti in min nuih var var a ,Rinengi awm ve se zawng nuam a ti nasa dawn mai sia ,Sangzuala ka hmuh thu ka hrilh chak tawh ,a rawn phul hlut maithei ni .




" Nang eng nge itih ve tak ,hna te i nei tawh em "




"A hming in computer zirna ka hawng ve a ,tun ah tak phei chuan ka la hlawk lo khawp mai " ti in a thrn suk a ,mi fate hi zawng an chawr chhuahna in a zir bawk a ,hna tha tak tak an nei loh leh hma thlir duhawm zet an nei rup zel bik chu a nih hi.





"A va tha ve ,nakinah i la hlawhtling em em ang ,nang zawng i taima em a " ka tih chuan a pawm loh hmel khawp a ,mahse sikul kan kal ho lai pawn class ah pakhat na dinhmun hauh char char thei khawp a ,taima a lehkha zir peih kha a ni a.




Ka thil eiman pek ka tum chu a lo phallo tlat a ,keiman ka peksak ang che kan inhmuh hlawl lawm nan a ni mai a tih tlat avang in ka hnial buai ta lo




In ka thlen in dar thum a lo pel duai tawh a ,U Niangi leh ka pa chauh an lo awm a ,ka nu te awmna ka zawh chuan




"Pi khan bazar a ngaih thu a sawi a ,Ruatkimi nen an kal " a ti a,ka intih fai sawk sawk hnu in U Niangi eirawng ka baawl pui a ,ka pa erawh pindan ah a mu a ,a nuam sam vak lo a niang .






"Pi khan vawksa rep kha lo chhum ru a tia ," a rawn tih leh chuan ,chhum tur in ka buaipui nghal vat a,zikhlum thlak tur ka chan bawk ,vawksa leh zikhlum bak bak a thil inhmeh hi ka hrelo.




Eirawngbawl zawh hnu lam ah ka nu te bazar an lo haw a ,an rawn inkhai bawr nasa mai ,an hnung ah uRamnghakan a rawn zui lut ve bawk ,Ani pawn chawhmeh a maw ni a rawn khai lut teuh bawk a




"An bazar na ah i kal ve mi " a thil khai laksak pah chuan ka ti a ,"ka haw theih hun an lo nghak a ,bazarah ka va lam leh "a lo ti mai a ,vawin lam vang kha nge maw ni, nidang ka ang lo riau a ,ka be tui lutuk lem lo.




Tui dawhkan a kan dah chu no a thli chhuak in a in khawlh khawlh a ," Vawiun khan eng in nge i haw "ti a min zwh chuan ka then sak a ,ka lungawi lo thar leh em em mai ani .




" A pawimawh tawh lo ,hei himdam tak in ka thlen tawh a lawm "ka ti mai a ,ka chhan dan avang chuan a rum nghut a ,min en vung vung bawk .





" Han intifai rawh ,zanriah tur kan bawl peih vek tawh "ka thil sawi nen a inkungkaih lo deuh in " vawiin ah bazar ah i kawi mi ?"a rawn ti teh daih a ,eng chu hria ni maw ,min melh ang run leh nghal a



"Aw ,Lengi thil tur ka lei "




"Ka nu in mipa pakhat nen in in zui a hmu che u " min zawt fiah nge min hrilh mai mai tih pawh ka hre lo ,ka nu pawh chu khawiah nge min lo hmuh bik ni ,ka hmu ve der lo leh nghal .



U Niangi choka a a rawm luh tak ah chuan "ka han inbual lawk nga ,inbual zawh ah chaw kan ei dawn nia " ti in pindan lam a pan chho nghal a ,kei in an thil lo hawn chu ka lo dah tha thung .



Ka nu pawjh min hmuh te chuan min rawn auh awm tak ,ka pasal bulah mipa dang nen kan in zui tih a hrilh leh kher tho a ,eng hmuhin nge maw min hmuhni ,ka pasal hi mipa dang kawpsan tur ang ah te min ngaih chuan a tih chi lo khawp ang .




U Ramnghaka pawh khan engtin tak ngai ang maw ,mipa dang tih a sawi lai a a mit a thinrimna lang kha ka hmuh hmaih lo ,min ngai diklo ve mai ang tih ka hlau tak zet .


Show post links
Top

[Ngaia]

Zuzuar Fanu






Chapter -9








"Zan chhuah kan ngai dawn ,chaw ei siam tan tawh ru ''ka nu in arawn tih chuan, kan che nghal vat a ,ka pa chaw ei tur a lo chhuak chu






" Pa ,i zia deuh tawh em "lo ti vat in,a thutna tur ka pawh chhuah sak a ,tunlai chaw a ei tha lo nen a ni ve bam a ,a hmel hmuh a hrehawm ka ti ,a mitkhur a lang thuk zual in a che hlek hi a hah nghal em em mai zel a,





" Vawiin lam chu ka chau zual deuh a "aw tham tuak in a rawn ti a ,U Ramnghaka rawn chhuk pawn a pa chu a that leh that loh a rawn zawt hmasa ber a,ka nu hian a hmangaih bawk a,midang hi ka pa enkawl tur in min phut lo khawp mai ,aman a buaipui chawt, a tih theih ang .




" Bawiha ,zanin chu va kal rawh u aw ,Rosyi khan a rawn sawm nasat che u kha ,kei chu i pa dam vak lo nen ka thulh leh mai ang "ka nun chaw ei lai a atih chuan a sawi awmzia ka lo hre lo khawp mai .




" Thikpek ka thawn vek tawh kha ,va lan ve te chu a mawi pawh a mawi lo ang ,duh leh Ruatkimi kha kal se a tawk viau "u Ramnghaka chuan a ti nghut a ,a aw ki san lo mahse, a lung a awi lo tih ka hrethiam .




" I mak ,mahni fapa pancham lawm na a kal chu mawilohna tur a awm lo ,i nupui nen khan va kal ru "ka nu'n a rawm tih leh tak ah chuan an thil sawi chu ka man fiah nghal kuar ,Nuntea piancham a lo ni reng a ni maw ,vawiin ,mahse kal chakna ka nei lo reng reng ,saw ta kan nupa a kan kal chuan kei chu Rosyi chhungten min biak that vak ka ring lo sa a ,u Ramnghaka erawh an lo be tha viau maithei ,ka pasal lah in a fapa ngawt a buaipui leh nga, kei chu ka chuang leh nawlh ang ,saw ta mal tak a awm tur a va kal kha ka chak lo hrim hrim ,chubakah ka rilru natna tur thil hmuh te kha ka peihlo .




A theih hram chuan buaina lo hnaih theihna chi ang ho chu hlat hram ka duh .





"Nguri ,va kalpui rawh aw " min rawn tih chuan ,ka nawmsam vak loh thu in ka lo chhang vat a ,duhleh amah in va kal mai rawh se ,kalpui kher ngai pawh a ni tawh lo puitling ,chi thlah chhuak thei tawh ngat a lawm le a nih le .




"Tun a tak a nawm loh han tih " a rawn tih leh pawn ka ngawi kar a ,ka chaw chu ka ei zawm mawlh mawlh ,




''Mihring kan nih hi, eng emaw chang a nuam lo thei reng kan ni ,"U Ramnghakan a rawn ti hmak a ,kan chaw ei boruak chu a nuam teh chiam lo khawp mai ,ka pa a rawn tawng ve takah chuan tumah an tawng zawm ta lo .




"I duh leh va kal la ,i fapa pincham lawmna ah chuan " kan nupa pindan a kan awm hnu in ka ti a ,sofa ah phone khawih in a thu tung ut a, kei ve thung chu khum ah ka thu awn duai thung .




"Ka awmloh hnu ah ,mipa dang thlamuang deuh a i biak duh vang in maw " a ti hniam ruih a ,engtin tak an nufa khan dawt lo in fah ang maw .





"Min va ngai mak ve ,engtin nge i sawi ngam zawk ," ka ti hlak a ,ka tawng ring viau bawk .




"Ka kal chu i duh tak tak maw " thildang a rawn sawi leh daih .




"I duh leh kal la ,i thu thu lawm ,kei a ngaihdan a pawimawh lo " ka duhai ka vin a,




"Pawimawh ve e ,ka nupui lai te i ni ve a " kan boruak nen a in mil lo deuh in a nui ruh ruh a ,han thinrim viau dawn ila ,a thinrim tha leh duh ngai lo reng reng ,phakar thei lutuk.




Khum ah rawn thu thla in "i zia hawk tawh em " a rawn tih chuan min ti bang bo khawp mai ,ka hrethiam lo lutuk chu ka melh hau ringawt.





Ka sam rawn tuai zal zal in "tlai atang khan i awmdan a dang lam tawh a ,i rilru a tawt hmel in ,thinrim na i nei ni in ka hria a ,tia thinrim a in tawng vak vak khan a zia phah sawt ka ring a ,ka hnial thinrim mai mai che nih kha " a tih fel than rual in "I chhe lutuk " ti hlak in a dar ah ka beng dawt a ,a haw hranlo .




"Mahse " ti hluai in min melh ren rawn a "vawiin ah mipa i chhuahpui tak tak em " a nui hmel a awm tawh lo reng reng ,mihring mize in thlak thleng rang lutuk hi chu a ni chiang a ni .




"Chhuah pui pawh ni ila e nge ," kei a pawh chu chhan that mai tur ,a rilru kan tihbuai sak belh leh kher a ,hre ve sela ka ti ,hmeichhe dang bul a a awm lai a ka rilru tur ,a ni phei chu a fapa nu a ni leh nghal .




"Ka zawhna chu chhang mai rawh ,Ngurnunsang " thinrim tak phei chu a la ni lo a ,a ngaihdan erawh a nih tawh hmel loh khawp mai .




"Ka thian hlui a nih kha ,ngaihdan diklo neihna tur a awm lo " ka ti ve ta nge nge a ,thaw huai in ka khabe dawm in a chawi kang hlek a ,"ka nupui hi ka ring a ni ,ka hlimna ,ka lawmna ,ka damchhan i nih hi in hria ang che "ril ruih a ti in a mitmeng pawl ram ,mawi em em hmang chuan min thlir vang vang a ,min melhna avang chuan hmun dang ka hawi sawn thei lo ,min aikaih ni mai in ka hria .




A hmui hnuai lam chhah tap chu liak huh in a seh
zeuh a ,ka hmui lam a ni a thlir leh tak ,rawn kum hniam ruai ruai in a hmui leh ka hmui chu a ti si vang vang phawt a ,a rawn thaw chhuak ham ham .




A hmui a rawn tih chet rual in ka chhing nghal vang vang a ,engtin nge tiang ang em em a nuam a min siam theih ,engdang a ni lo a mi hipna hi a na takzet ,chu ta karah a la zei em em leh zel nen ka tan lo hnar chu thil tih theih loh tluk a ni .





Min tawhna lai tawh phawt chu a nuam em em vek zel a ,a lei a han chet chhuah tel tir phei chuan khawvel dang daih a ni ka awm ni .




" A lum i va tih hmel ve a, i thlan a tla dap mai lawm "a awm ah ka beng ri dat a ,chimawm lutuk mai .





" Ka nu kha a thinrim hrim hrim ang ,i kal si lo a "min chhang lo in a nui mai a ,a hnu ah erawh " ka va inlan kher kha tul ka ti lo a ,chumi avangin ka fapa ka hmangaih lo tihna pawh a ni lo ,thil mawi a ni lo tlat ani ,mahse a piancham lawm nan thil tha deuh deuh ka leisak a ,ka va thawn tawh a lawm ,lungngai suh "ti in ka chal ah a fawp zeuh a ,a la hma viau na chu ka mut a chhuak nen reilo a ka muhil mai a .



Nizan ka mu hma bawk a ka harh chuan dar ruk pawh a lo la ri lo ,la hma viau mahse mu peih tawh lo in ka tho chhuak a ,ka pasal erawh bawk khup in a la thaw sak sak mai .




Inhnuai lam ah ka chhuk thlak pawn tumah an lo la tho la a, thingpui ka insiam hnu ah pawn ah hawi thawthang tur in ka chhuak a ,zing kar boruak tha ,nuam zet mai pawh ka dawn lohna a rei tawh khawp mai .




Helam a kan awmrei ve tawh bawk a ,kan khua pawh ka ngai lo ve tawlh tawlh a ,mahse hriatchhuah loh tawp chu ka thei chuang der lo ,nunphung mawlmang tak in nung thin mah ila ka tleirawl lai leh ka naupan lai hun kan hman na ,hun harsa tak ka paltlang na hmun ,hlimna tam tak ka tawn na hmun pawh a ni ,chungte vang chuan kei ka awm chhung chuan ka theihnghilh ngai dawn lo tih ka hria .




Vawiin inrinni ni mahse u Ramnghaka te erawh an mahni sumdawnna a nih avang in an chawl ve ngai lo a ,a tan chuan chawlhni chauh hi hna a chawlh pangngai theih ni a ni.




Nileng deuhthaw in ka nu pangpar UNiangi nen kan buaipui leh a ,tiang em em hian pangpar buaipui vel a lo harsa tih ka hre ngai lo ,in kawt ah a in hung dul a ,a par a rawn chhuah hluah chuan a mawi ti in kan en liam mai a ,mahse a par mawi tak a a chhuah theih nan enkawl a lo ngaih nasat zia hi ka ti ta .




Lengi thil tur pangpar kan buaipui zawh ah ka va thawn zawk a ,sumo chu a lo tlan chhuak tep tawh a lo ni a ,tlem in muangchang deuh ila chu ka va nang hman lo chiang ang .





Ka pa va bia in ka thil thawn thu te ka han hrilh a ,"a tul teh vak lo a sin aw ,i lawina chhungkua te chungah pawh a inthlahrun awm ,tun bak chu lo thawn duh tawh suh "a rawn ti charh charh a ,a rui lo a ,harhfim taka awm chu ka lo lawm khawp ,sawi tawh ang in vawikhat a nghei nghal tawp kha chu a la thei lo a ,a theih na chin ah erawh a imsum ve tang tang tih ka hria .




An eitur chaw tha tak tak leh thei tui chakna pai tam tak tak te URamnghakan a lei a ,min thawn chhoh tel tir bawk .kei in eng eng emaw lei in ka thawn tel nual bawk .




" A hrehawm lo maw ,i pasal chhungte an fel lo e tihna lamni lo in ,nunphung in thlau lutuk kha a hrehawm tur ber lai a ni ang a ,zawi zawi in insiam rem hret hret la ,an tan zahpuiawm lutuk in awm loh hram i tum dawn nia "a rawn ti leh a.Min ngaihtuah ve takzet tih ka hria a, nuam pawh ka ti ru hle.






Tlai khaw thim tan tawh ah pawh U Ramnghaka a rawn la haw tlat lo ,inrinni te hi chuan a rawn haw hma ve thin a sin le ,engmah lah chu a rawn sawi bawk si lo ,rilru nuam lo deuh in ka lo nghak reng a ,ka nu pawn mi rawn zawt chhen tawh mai .




Ka call pawn a la thei tlat lo ,buaina te a tawk ta emaw ni ka ti hial .




''Nghaka chu Nuntea a khua sik a ,a tlun nasa lutuk a ni awm a ,hei Rosy in min rawn hrilh a ,damdawiin lam ah an awm mek a ti a nih chu "ka nu in a rawn ti a ,chu tia a rawn tih tak ah chuan ka hahdam ta huai a ,tawhsual a tawh ka hlauhna lamah ka hah vek thei a lawm .




Ka nu te pawh Ruatkimi nen zan ah an va kal ve a ,kei erawh in ah ka lo awm thung ,ka pa an pindan lam ah a mu lut daih tawh nen inchhung chu a reh viau mai,U Niangi tv a la en a ,keipawh kan pindan lam ah ka chho ta daih .





Tlai atang tun thleng in ka pasal in min lo la be lo a ,a la buai hle te pawh a niang ,lo mutthilh san bik ka duh loh avang in khum ah phone ka en kual mai mai a ,Rinengi nen call in kan in bia a




''Min lo biak hmasak ve teh hlawl a ,"a rawn ti a ,tawng ri nak nak leh hmeichhe nui thawm ka hre zawm zat .




" Enge in tih a ,in inkawm khawm mai mai nge "




"I bialpa hlui te inneihna tur vel ah hei kan buai nuai mai ,nakinah cheng khat in ka la ral hrim hrim ang che " a rawn tih zat zat rualin nui hawk thawm in a zui nghal a .





Dampuia te chu an innei dawn ta nge nge a ni maw ,an nu thuhnuai a a awm thiam chuan a nihlawh viau a nga,an nu a tihlawm thiamloh chuan chu ti duai a ni mai dawn si a .Rinengi te ho pawh hian thian a nihna zawn ah an duh pui vak lo tih ka hria a,a thian mipa ho te pawh tiam in , mahse a neitu tur ber in a duh si kha chuan tih ngaihna vak a awm lo





"I rilru te kha i lo ti na nge ,zan mu theilo in nangma tawk a lo tah karh karh te kha a tih chi miah lo ang " a rawn tih chuan "thla rawk a che ,thil mk pui pui lo sawi suh a " ka ti vat a ,a rawn nuih leh tak uar uar kha .




Ka rilru a sawinghing phak tawh loh zia hria a min rawn dem fiam a ,min rawn ti vak a ni tih ka hria a ,keipawn huat chi ah pawh ka ngai lo .U Ramnghaka hian ka rilru a luah hneh ber mai a ni tun ah rih chuan ,a ni lo chu ka ti ve tlat tawh .





"Khaw maw ka lo be ve " tih ri ka hriat hnu lawk ah "I pasal khan fa a lo nei mi ,mi in an sawi a ,ka awih chiah lo nen ka lo zawt che " Vanziki ani ,a rawn tawng zawi khawp mai ,chhan mai dan tur ka haih chham a,ka ngawih ren rawn hnu ah "Mi dawt sawi kual te lo awih reng reng ,kan khawtlang te chu dawt pawh thudik ang a sawi chhuak thei mi kan tam em hi ,in entir rawh mi thil sawi a piang lo rin nghal zel ,i chianglo deuh nih hi " Rinengin Romawii hnen ah chuan a ti nghek a ,ka lo ipchawi mai ,ka thiannu hnen ah tak ngial pawh ka pasalin fa a neih thu ka la sawi lo a ni a ,thudik hre ta se ka chung ah a thinrim loh vek pawh in a lungawi dawn lo tih ka chiang a ,U Ramnghaka thleng pawn a haw thei bawk .





"Nakinah ka rawn bia ang che, thil zawh fiah tur che pawh ka nei" ti in kan inbiakna kan ti tawp a,thil zawh fiah tur a tih pawh ka hrethiam nghal mai a ,engtin nge ka tih dawn ni ,thudik hrilh tawp mai lo chu tih theih a awm lo ,ka pa tak ngial pawh engmah ka la hrilh hre lo bawk a ,mahse ka inhnem na leh ka thlamuan pui ber ni ta chu kei nen a kan intawn hma thil a ni tih te chauh chu,








Rinloh takin Dampuian whatsapp ah inneih sawmna min lo thawn a ,U Ramnghakan kal a remti dawn lo tih hre mah ila ,kal ngei kan tum tur thu te chuan kan chhang let ve a .





Pindan khwngkhar ri rawk ah chuan ka hawi phei vat , "i lo la muhil na nge " ti in a thawmhnaw hak chu a phelh mial mial a





"Emge a an ,Nuntea chu a tha tawh em " tih ka lo zawh chuan thaw hawk in "a khawsik a reh hlei thei lo a ,doctor in a lo admit a lawm ,kei pawh ka intifai a nga, ka kal leh nghal ang " a ti zung zung a ,a hnanhmawh hmel khawp mai.





"Ka lo kal ve dawn em ni " ka tih chuan lu a lo thing vat a ,min rawn pan phei in ka chal ah a fawp zeuh , ,chutiang bawk in ka hmui ah ,rei lo te tak tak a ni .





Inla hrang dat in "cabin ah kan awm a ,pakhat ai tam riahpui a theih a ,zanin chu ka riahpui ve ang ka ti deuh a " min en reng a ,ka phal nge phal lo min zawt tih ka hrethiam,phallo pawh ni ila ,a kal lui dawn tho tih hre mah ila ,min rawn der ve thlap na chuan min ti lawm ,hmeichhia te hi chu kan lawmna ,kan hlimna te hi a ho maw le ,thil tam a ngailo.





"A tha lawm ,tu nen nge in riahpui dawn ?"





"Rosyi nen a niang ,a nu bul lo ah chuan a tlei tha duh lo a " a lo ti mai a ,intifai tur in bualin lam a pan nghal a ,damlohna vang chu nilo se ka kal tir dawn lo tih ka hria a ,mahse tun a mi chu a dan a dang tlat a,han phalloh na chi a ni lo.





A kal tur chu min ngaihtuah deuh a niang ,keimah a mut ka ngam leh ngam loh tur te chu min zawt deuh chhen a ,ngam loh tur thu a awm in ka hrelo ,inhnuai ah ka nu te an awm a inchungah lah Ruatkimi pindan a awm ve bawk a ,han ngam loh natur a awmlo .





Min zawt ngun lutuk chu a ninawm tep "kal tawh rawh ,puitling ka nih tawh hi ,chu lo ah keimah chauh a in a awmtur pawh ka ni lo ,midang an awm ve vek " ka ti ta nge nge a ,




"Aw le ,ka hria e ,ka hria e ,ka ngaihtuah deuh che mawle " ti a min rawn kuah vang vang hnu ah a kal chhuak a ,zan dang ang lo taka keimah te a ka mut vang a niang, ka muhil lawk thei lo ,ka tal kual chhen mai ,phone lah chu ka khawih duh tawh bawk si lo ,ka khawih leh chuan ka mut chhuak a um bo zo leh vek a nga ,tun ai hian mutthilh ka harsat dawn tih ka hria a khawih lo turin ,ka insum tang tang .





Ka zing tho chu ka mit a na thum a ,nizan khan ka mutthilh lai vel ka hrelo na chu ka mengrei hle tih chu ka hria ,inhnuaiah ka chhuk chuan an lo tho hlawm tawh a ,a inthlahrun awm duh ngei mai .





"In pa in a lo bia che em " ka nun a lo tih chuan min lo la biakloh thu in ka chhang a ,ka mut rei thu a sawi lang lo hrim hrim a ,ka thaw huai mai .





"Vawiin pawh hna kal lo mai se a tha ang ,a theih chen chen chu han awmpui rih rawh se ," a rawn ti leh a ,





Ka pa in "awm reng zawng mi in ngaihdan diklo an pu thei ,duhleh chaw ei tur in rawn haw se ,chaw eikham lamah an nupa in duh leh va lang leh zawk se ,zan riahpui kher chu a tul lem lo ka ti khawp mai ,Nuntea kan ngaihtuah loh vang ni lo in ,a mawi ka zawn a vang in kan sawi a nih chu ," a ti dam dup a ,ka nu ngaihdan ai chuan ka pa rilru sukthlek zawng hi ka rilrem zawng tak a ni mah zawk .



Ka rin ang ngei in "damlohna thil ah a mawi a tha, a zawn theih loh nih hi" ka nu in a rawn ti reng a ,kei chu ka lo inrawlh ve duh lo hrim hrim .





"Zanin te chu Ruatkimin va riahpui rawh se ,a ni a hman ber " ka pan a rawn ti leh a ,chu erawh ka nu ina lo hnial tawh lo thung ,a lung erawh a la awi hmel zanlo khawp mai .




Ka nu in va tlawh ve tur a min duh em avang in chaw eikham lam ah ka kal ve a ,U Ramnghaka a lo la haw lo bawk nen, kan haw rual theih mai ka ring a ,va kal pawh chu ka huphurh lem lo .





Zawt chawp tak tak in an cabin awmna chu ka thleng a ,




Cabin kawngka chu a lo in khar phui lo hlauh ,pawh zau belh a hawn mai ka tum chu ka thil hmuh avang chuan ka khar tha leh riai riai ,mahse ka khar phui lo thung ,ding chung a U Ramnghaka leh Rosyi in kuah chu ka melh reng



"Bawihtea hian i bul a awm a thlak hlelh zia i hmu in i hria ti raw ,i bula awm phei chu nuam a ti hle thin ,zaktheilo leh hmeichhe nikhua lo tak min ti dawn pawh ni la, hei hi chu ka fapa tan ka tih a ngai a ni ,kan kiang ah ,i fapa kiangah lo let leh ta che ,kan pathum in nunbul tan tha ang u " khawngkar biang ka vawnna chu a khur dar dar a,ka thuhriat khan min thawng tak zet ,ka thaw dep dep ringawt tawh





U Ramnghaka chuan a kuahna chu thlah in "thil theih a ni lo tih i hria a ni lawm ni,nupui nei lai ka nih hi " ti nghut in a thaw chhhuak hawk a .




A chhanna avanga lawm tur ka nih lai in ka lawm famkim thei lo ,a hminga a nupui ka la nih vang maia la awmdun tawk tawk ang maiin a lawm le a tawng chhuah .




Rosyi thil rawn sawi leh chu mak ka ti in ,mahni insitna lian tak min neih tir chawp chilh nghal



"In ineih dan vel pawh i nu hnen atang in ka hre vek ,i hmangaihlo a ni lawm ni ,fa lah a la pai lo bawk ,mi pakhat kal san nge mi pahnih kal san i duh, ani chu then pawh ni la hmeichhe pakhat, i hmangaih ngai miahlo i then a ni mai a, nuntea nen min kalsan ai chuan a la tha zawk ,i fapa i hmangaih em em hi i kalsan thei chiah ang maw ,chuan kei chu i nunhlui a i hmangaih takzet thin kha ka la ni reng ,kan awmdun a ,kan chen dun chuan kan inhmangaih leh vat mai ang " Rosyin a ti mawlh mawlh a ,a sawi chu diklo pakhat mah a awm lo ,ka kut chu hum nghet sauh sauh in harsa zet in ka thaw chhuak halh a .





U Ramnghaka hian vawikhat pawh a thawi in hmangaih thu a la sawi ngai lo ,kei erawh in chiang takin ka hmangaih tih ka hre thung .




Ka lut tawp dawn nge ?



Ka kal san leh rih dawn rei tak chu tawng tawh lo in an ding dun reng a ,Nuntea erawh a muhil ni in ka hria ,tunah lut tawp ila ka inthunun zawh loh ka hlauh avang in pawnlam ka pan leh rih ta tawp..
.




####Zanin chu a tawi deuh ##





































"


Show post links
Top

[Ngaia]

Zuzuar Fanu




Chapter -10








Reilo te ka thut khawmuan hnu ah ka lut ve ta chauh , U Ramnghakan a kiangah min lo thut tir vat a ,Rosyi pawn tha tak chuan min be bawk ,nichin thil vel vang te kha nge maw ni, kei chu ka awm a nuam thei lo ,an pahnih chuan ka hmu mak zo vek a ,ka pasal ngei pawh ka ring ngam tawh lo ,rinhlelhna nasa lutuk in min chenchilh hrih tlat a






Nuntea chu drip an khai a ,khum a a mu bel mai hmuh te chu a khawngaihthlak ngawih ngawih ,kan awm chhungzawng in a rawn harh lo ,URamnghak pawh ka pa in a lo be tawh a niang,kan pahnih in kan inzui haw dun a .






"Kan khum ngei ah mut ka va thlahlel tawh ve " ka lam rawn hawi zawk a ti in ,hma lam a hawi leh nghal vat a ,a ham zui bai bai bawk .A motor khalh te chu a nin tawh hmel tak zet ,kawng a kan tlan lai te chuan a thaw leh halh thin.






"I nuamsam lo a mi ? I va tawng duhlo ve " a motor khalh chu ka melh vang vang a ,ka en tih a hria aniang min rawn en in a mitko a san zeuh ,



"Ka tawng peihlo ,sawi tur ka hre lo " ka tih chuan a chet hluk a ,engmah phei chu a sawi zawm lo ,in thlen hma chu inbe lo in kan chuang ta reng ,min en leh zawk zawk thin tih chu ka hre reng a ,ka ngaihven duh lo .






Kan nupa kar chu a hla tial tial a ,keilah in biak that hmasak ka tum der si lo,tunlai tak phei chu Rosyi te nufa nen an inawmchilh tam tih ka hria a ,damdawiin atang a an chhuah hnu lawk ah ka nu in chaw ei tur in a sawm nghal a ,min be tha viau thin mahse a rilru tak tak a min ngaihdan leh hnawk min tih zia ka hriat atang kha chuan ka be tui tang tawh lo .






Chaw an rawn ei tih loh kha chu in ah tak hi chuan an rawn chuangkau tawh ngai lo ,mahse ka pasal hnathawhna lam ah nitin deuhthaw an kal thin tib ka hria a ,a changin Ruatkimi a kal tel ve thin bawk.






Ka nun hman dan chu a ngai pat a,a ho em em bawk, inah ka tawm tlawk tlawk tih theih a ni ,inchhungkhur a chet ngai zawng zawng UNiangi nen kan ti a ,an awmpui hlawh nei nen danglamna kan ngah lo khawp mai ,kei chu he inchhung a pasal nei a lawi lut ka nih na leh hlawh pangngai ka nei ve lo tih mai chauh a ni.






Kan khaw lam pawh ka ngai zual thei em em a ,ka nuhrawn pawh in min rawn biak ve leh zeuh hi a ching a ,zu an zuar tawh lo bawk a ,an eizawnna a harsa ta talh a ,an zu zawrh lai pawh khan pawisa lo dah that na chang an hre lo nen eichawp tak meuh meuh an thawk chhuak a ,kum upat hnu lamah hna an thawk thar leh chu tha an nei lo in ,an khawngaih thlak ka ti viau a,tihtheih vak ka nei si lo.




Damdawiin a ka in entir haw lam chu tum loh deuh in Sangzuala nen kan in hmu teh nawlh .





"Helai ah kan inhmuh hlawl chu a " ti in a ri hlut a , nui hmel a pu reng thei hi a mak ka ti ,mipa rilru tha tak a ni ang tih a chiang .






Damdawiin ka kal thu te chu ka sawi a ,ka kal chhan erawh ka sawi lang lo thung ,ka pasal lak ah tak ngial pawh ka zep a ni si a ,nau ka pai har lutuk chu hmeichhe lam doctor ka rawn a ,thatloh na ka neih loh thu min hrilh a, ka rilru pawh a veng hawk mai.




Engtik hunah pawh luahlan mai theih ka ni si a, in venna tur tal a naute neih vat ka duh dawihzep taka khawsak lah mahni intihhreawm na mai a ni tih ka manthiam tan a ,ka tan ,ka nawmsaknan,hnawl ka nih mailohnan huaisenna tam tak neih ka ngai .




"Nang pawh chu ,helai ah eng nge i tih a "" ka tih ve chuan kan dinna chhak lam a building var chu kawk in "ka dawr a nia ," a tih tak ah chuan kan en chiag a
SZ computer institute tih a lo in tar kulh .





"Lo leng lut vela " a rawn ti leh a ,chak viau mah ila ka lo hnar ta thung.






"Khawiah nge ikal " kan pindan a ka luh rualin U Ramnghaka chuan min rawn zui lut in a rawn ti hmuk a , ka chhang peih lo viau na chu, ani nen a kan intihthiam loh reng a ,kan inghirgho reng chuan ka tan a hreawm thlawn mai mai ,chu lo ah min then duhna chance ka tisang thei bawk.




Eng rilru nge a put ka hre der silo ,ka laka rilru chhe tak a pu lo tih chu min la then loh dan atang hian ka hrethiam ve thawkhat.



"Bazar ah ka tei harh mai mai " ti in dawt ka hrilh ta ngawt a ,a awih ve mai a niang min zawt zui lo in thil dang a rawn sawi ta daih




"Zan in chu kan pahnih in zanriah kan eichhuak dun dawn nia " a tih chuan ka melh vat ,"ka nu te pawh ka hrilh tawh ,eirawng min bawl kep lo tur in "a rawm tih zawm leh ,ka phur lo ka tih chuan dawt chiang tak ka sawi ,ka phur ru takzet .




" Umm ,a tha lawm "zawi lam mah in ka ti a ,ka phur ruk zia erawh ka thup tlat .




" Tunlai hi eng nge i awmzia min hlat tlat in ka hria "rawn ti in ka hmai tlang chu a chul riak riak a ,hmun dang ka hawisawn tur chu min dang tlat " ka ngai khawp mai che ,ka nupui te reuh hi a induh tlat a "ti in hnuai lam en in a nui suk a , a rawn hawi chhuak leh mitmeng ah chuan khawharna tam tak leh min thlakhlelhna ka hmu zut zut a





" Min induhsan tawh suh aw ,ka nupui "ti in min rawn hnaih chilh zawm nghal ,a mit thil tithei tak pawh in hmundang hawi lo lekin ka hmui chu a melh run a ,a mitmeng a thil rawn lang zut zut te chu sawi lan ngam chi pawh a ni lo ,ka tiril a za chhuak vek thei ,min thunun hneh lutuk tlat.





Ka hmui khur dar dar chu a kutzungpuiin a rawn tawk de de a ,tawng chhuak tur pawh ka awm tawh lo,ka hrawk chu thil lian tham tak in a hnawh ang mai in ka tawng chhuak thei lo a,ka dang te chu a ro huam huam bawk ,rawn kun hniam in hnai lutuk tak a kan inmelh a ,zam viau mah ila che sawn tur ka awm si lo



A thaw lum hak thin te chuan ngaihtuahna mak tak tak min neih tir thei hial ," zam suh i pasal duat lai ka nih hi " ti in a hmui zun nei zet leh lum thar thar chuan ka hmui khur dar dar chu a rawn si a ,a hmui duhthawh tak in a chet kual tir zawm zat bawk ,min tawhna apiang chu a nuam em em zel a ,ka lungawiloh ve na te zawmg zawng kha vawileh khat ah ka theihnghilh nghal vek ,kan pahnih khawvel siam chawp ah chuan hun kan hmang a ,a tawp kan khar dan pawh duhthusam piah lam daih a ni .Engtik ah mah ka theihnghilh ngai tawh lo ang .





A awm thlan in a bual huh dap atang a awm sawn ka tum chu nghet deuh in min lo pawm bet vat " muhil rawh ,i taksa dek reng chunga awm hi ka thlahlel teh a nia "zawi sup a ti in a chhing zui nghal vang vang a ,kan inkar reilo te chhung hla ta duai kha hrehawm a tih ve zia ka hre thei ,kei phei chuan be chak reng tho si in ,ka pawh tha ngam lo kha a ni a ,rinhlelhna lian tak in min lo chenchilh ve nen ,hrehawm kha ka ti tak zet thin .





" Zanriah chu kan ei chhuak dawn ta lo mi "chau aw zet in ka ti a ,ka ril a tam ru reng ,chhun ah eng thil mah ka ei bawk si lo.





" Ka va chau ve "ring lam mah a rawn ti hluai in ,a innghaihtuah a niang a ngawi vang vang phawt a.




" Reilote la mu ila ,chumi zawhah intifai in kan kal dawn nia "a ti a ,riltam tawh viau mah ila ka hnial lo thung .




Kan chhuah meuh chuan a tlai lam mah tawh ,min hruai a tumna a lo hla lo zawk hlauh a ,chuti ni lo se zawng riltam in ka chau let der thei hial in nia ka rin .




Kan eitur te chu an rawn chhawp nghal zung zung a,ka eihnem khawp mai ,U Ramnghaka ai pawn ka ei hnem zawk daih ,min nuih leh ruh ruh thin chu ka hrelo der tlat a ,a ruk tak chuan ei thei min ti ve ngawt ang .






" I la duh belh em "a la nui reng ,lu ka thing vat a ,ka puar lutuk tih bak sawi tur ka neilo .A dang ei belh leh tur pawh in ka pumchhung ah a leng tawh lo zawk hial ang .




" Ni tam chaw ei tur hmu tawhlo ang maiin lawm i ei ':a ti chiah chu teu hlar in ': nangmah vang ,thil nil o lo min tihpui hmasa lo la chu ,"ti in ka ngawi daih a .




"Sawi zo law law la "



"I chhe lutuk ," ka ti hlak a , a mitmeng in min la chhaih ang zuk zuk a.






Kan thil ei zo haw lam pawh eng eng emaw sawiin kan hlim dun khawp mai ,kan khua ah pawh kan zin thuai tur thu te min hrilh a ,a hna a tihfel zawh deuh hlek hun ah kan pahnih in kan kal tur thu te chu a sawi dut dut a.





A tuk lam boruak chu nidang ai in a nuam ta zawk daih ,a hma ang chiah kha kan ni leh tawh ,amah tak phei hi chuan min ngaihtuah zual hle in ka hria ,mahse keimah lam hi a ni ,engtik hunah pawh kan inkar a ti tawp mai ang tih hlau tak chung in ka awm reng a ,thil mak deuh deuh ka ngaihtuah chhuah thin te chuan min ti chau zo .





"Duh ai in thil i ei tlem thin " a hna kal tur ka insiam pui a ,a lehkha pawimawh ho a bag a thun mawlh mawlh pah in "ka puar ve thin khawp a sin ,tlem te ei mah ila " ka ti var a ,a ner deuh nung chu ka hmu hman .




"Len thur thur i duhlo mi ,chaw i ei teuh teuh chuan tun ai khan i lian thur thur dawn lawm " a thil sawi chuan a nuih a ti za aniang a nui zui huk a .





"Kha ti khan min ti suh aw ,naupang pawh ka nih loh hi " lawm lo fe in ka ti a ,min chhang zawm lo in a thawmhnaw a inbel mawlh mawlh a , min melh in a khi leh var thin.




Naupang chhe cheibawl a min cheibawl tum reng reng a,awmang lo lutuk.





Hna a kal dawn hian ka kal ve duh leh duh loh hi min zawt ziah a ,aw ka pawh khat khawp mai .




"Nuntea te an rawn kal leh dawn em " ka ti sep a ,a fapa hi thlauhthla tur in ka duhlo a ,inpawh tak in awm se ka duh em em zawk mahse a fapa a tel na apiang a Rosyi a tel lo thei silo hi a ni ka rilru ti hel tlat tu ,Rosyin a bula a sawi ang tak tak khan an lo inhmuh ngun a ,an lo chet tlat tam dun na na chuan hman a hmangaihna dai ta kha a lo tho leh ang tih ka hlau a ,chu chuan rilru hrisel lo tak tak min neih tir ka ti lo theilo .




"Ka hrelo le ,i hmu chak a mi " ti in min zawt let daih a ,kan thil ngaihtuah in an loh zia hi a.





"Hmu chak tho mai ,kal rawh i tlai dawn " ka ti ta daih ,inkawt thleng ka zuk thlah a ,a kal mai dawn emaw tih lai in a hawi kual zuai zuai a,a hnu ah ka kawng ah man in min fawp ta vang vang ,



"Buaina awm chuan min rawn be vat dawn nia ,enge ka lo hawn ang che " a inlakhran rual in a ti sup a ,a awm ah beng dat in "naupang ka nih loh hi a " ka ti hlak chu a nuih a za aniang vanvadak chung meuh in a nui hak a ,chutah lu thing nghut in "nih leh ,engmah i duhlo aniang ka kal " a ti zo awrh tih in ,"chocolate tam deuh "ka ti vat a ,naupang chhia ka nilo ka ti na chu ka duh ka sawi leh tho chu a nia





Ka ngaihtuahna a hria ni hmiang min melh in a kiai deuh suk a " i duhlo emaw ka tia "a tih hnu ah " ka kal ,ka lo hawn ang che "ti in a bike ah chuang in a in khalh chhuak a ,a lan theih chhung ka thlir ,ka hmuh phak tawh loh chin a thlen hnu ah ka lut ta chauh.




Choka ka luh rualin ka nu in Niangi a hau thawm ka hre nghal a ,thil a ti tla keh leh tawh a niang ,fel viau si hi chet chhiat khut hi a ching a ,plate pawh pathum lai a ti tla keh tawh .





" Che fimkhur deuh hlek thin teh ,hei phei chu a man a tam a sin "sawi ang ngei ngei in chhuat ah chuan plate ka nu roh em em chu a lo keh rum a .




Ka nun min rawn hmuh veleh " nangpawh ,enge pawnah i tih reng ,chaw ei na pawh inla tihfel zawh loh hi "ring lam mah chuan a ti hlak hlak a ,chhanglet lo in thil tih tur ang chu ka ti nghal zung zung ,chhanglet vaih ila chu ka chan a chhe dawn lutuk ringawt .



Chhunah URamnghaka nen kan inbia a ,hlauh ang ngei ngei in Rosyi te nufa pawh an awm leh tawh ,thinrim chiam chak viau mah ila, a hrethiam pha leh dawn chuang lo ,kan inkar tha sa ka tichhe leh mai mai ang tih a hlauhawm zawk .





" Nghak ,bawihtea hi a ril a tam a niang ,thil kan ei lawk dawn mi n"ti a Rosyin U Nghaka a biak na ri chu ka hria a .




" Nguri dah hrih mai ang aw ,chhun thil kan han ei lawk ang "a rawn ti ta reng a ,a fapa hi a duat hlum lo chauh a , Rosyi lah hian hma theh ber ah a nei emaw tih tur a ni a,tiang ringawg te chuan ka lungawilohna te hi ka up bet reng thei dawn a maw ni ,luahlan ka ni lo ang tih pawh ka sawi thei lo .





In lam ah lah ka nu tawngkam na tak tak bak dawn ka nei lo a ,lehlam ah ka pasal leh a bialnu hlui ,ka rilru hi a tawt mup mup thin ,a chang phei chuan ka ngaihtuahna hi a buai mup zel.




URamnghaka chu zanriah ei tur in a lo haw lo a ,hna khawih tur a ngah deuh a a rawn haw tlai tur thu a rawn sawi a,kan khaw lam a zin vat ka chak bawk nen ,a hna chu khawih zo vat se ka ti hle ,a tlai dawn thu min rawn hrilh pawn ka lunghnur hran lo.




Ka pa dam thalo pindan ah a awm deuh chawt nen ,UNiangi leh ka nu ,kei nen choka leh sitting room lam a che tla kan ni mai a ,Ruatkimi a pindan ah a inkhung tam zawk bawk nen a reh thei hle ,ka nu ang thawm hriat tur a awmloh phei chuan a reh tlawk tlawk hi a ni mai




Zanriah pawh ka ei tamlo leh khawp ,chaw chakna hi ka nei vak lo ,tunlai tak phei chu thil ei ka harsat ,it na reng reng ka nei lo ,pum ruak a dah ai ah ti in ka ei lui mai mai thin.





" In pa hi chu a lainat awm ngawt maj ,nupui lehkhathiam pangngai tak nei ve se la chu, hna chungchang thil ah te pawh a pui thei ang a ,ani tan pawn a hahdamthlak deuh ang "min sawi chhan a ni tih ka hrethiam mai a ,UNiangin ka nu a melh leh zuk zuk hnu ah min rawn melh a, ka lo nui lui suk .






" I fapa hi hrilh zawk rawh ,ngati nge maw thingtlang nula mai mai te a neih ,lehkhathiam lo ka ni tih hre sa vek in min nei a ,min iai phah lo a niang chu ,kei chu he thil ah hi chuan mawhphurtu ka ni lo "ka tih chuan min en rang nasa mai ,thinrim ai chuan mak ti hmel a pu zawk daih a .Awm ka ti viau nidangah ka chhanglet ngai miau lo a ,dik a ti ve deuh emaw ni , thinrim a min tawngkhum hrep lo in a ngawi ta daih ..






Mihring hi a tlawm reng theih bik lo chu a nih hi ,kan awmna hmun a zirin kan mizia pawh a tha lam emaw a chhe lam a her rem kual te hi a ngai thin ,mi zawng zawng in dawhtheih tawh loh hun kan nei vek ,in hmuhsitna lam phei hi chu pai daih mai mai hi a har takzet ,kan nihna ni reng mahse .





Dawhkan ka tifel zo ka chhuak tur chu ka nu thil rawn sawi avang chuan ka hawi let leh vat a " Mama leh Rosyi te nufa chu an chhuak ho a nih hi ,nuam an tih hmel khawp mai "ti in phone chu ka hmuhtheih tur in a rawn keng kang a .Hei hi ni maw a hna pawimawh ti a a sawi chu ,a lo pawimawh hle nih hi.


.

Ka nu hmel a min diriam chakna chu ka hmuh hmaih lo ,a fapa nupui tur atan hian Rosyi hi a lo duh ru hle te pawh a niang ,Rosyi leh U Ramnghaka an inneih chuan an tupa duat em em kha a rawn chawm tel dawn miau a ,kei ai chuan a thlan awm zia chu ka hai bik lo ,kei lehkha zir sang lo ,thingtlang khua a seilian eng mah chhuan tlak nei lo ka nih lai in Rosyi ve thung chu lehkha zirsang tak ,chhungkaw hausa leh khawsa nuam tak ,a nu leh pa mi thiltithei tak an ni a ,ani nen chuan tehkhin chi pawh kan ni lo.





Kei chu lungte tak te ,a hmu fuh apiang in an vawm phar mai mai thin ka ni a ,a ni erawh lungpui sawi nghing rual loh a ni thung .






Kan nupa pindan lam ah hmanhmawh tak in ka chho a ,Ruatkimi rawn chhuk mek pawh chu be lo in ka kalpel a ,mak chu min ti viau maithei .




Khum ah thu in ka phone ka phawrh a U Ramnghaka biak tum in ka call nghal ,a in ring ral thak ,vawi khat ,vawi hnih ,vawi thum ka tih nawn sek hnu pawn a la chuang lo reng reng,thinrim lutuk in ka phone chu khum ah ka dah sawk ,




Tunah tak chuan hmun fianrial a awm a ,ka thinrimna leh ka rilru tawt lutuk hi au chhuah pui vak vak ka chak tak zet .



Eng ka hria chu ni maw ka thawmhnaw hak chu thlak in ka insian sawk sawk a ,inhnuai lam ah ka chhuk thla ,ka nu leh Ruatkimi sitting room lam a lo thu chuan min lo melh dun vat a, ngaipawimawh duh lo in kawngka lam chu ka pan





Ka nu in " khawiah nge "sawi pawh a sawi zawh hma in " ka chhuak lawk dawn "lo tih khalh vat in ka chhuak zui daih a ,an ngaih a tha teh chiam lo khawp ang .




Kalna lam tur pawh hre lo in ka kal zel a ,motor tlan a la tam viau bawk ,boruak lah chu a nuam tawk em em a ,ka rilru hahna pawh a chhawk then khawp mai .




Aizawl a awmthang ni lo na na chu han kalna mai tur hrelo in ka awm a ,ka ngaihtuahna ah Sangzuala lo lang zawk ,a ni bak midanghan hmelhriat ka nei lo tih ka hria ,chu pawh hmelhriat tha lutuk a la ni lo




Ka zahtheihloh na zawng zawng sawm khawm in ka phone ta ngawt ,a lo chhang rang viau



" Enge ni ta "



"I buai em le ," ka ti hmasa te te phawt a ,a buailoh thu in min rawn chhang vat ,ka awmna te sawiin aizawl khawpui min fankual pui tur in ka sawm a , mak chu a ti ru ve khawp ang ,zakthei lo pawh min ti ru viau maithei bawk ,mahse chutiang lam ka ngaihtuah buai peih lo.




In a awm a ka pasal haw hun ka lo nghah mawl tlawk tlawk chuan awmngaihna ka hre lo mai ang ,rilru hah tak chung leh ,thin tawt tun in ka lo nghak ang a ,mu leh mal pawh nei lo in thil pawi ti in ka che chhuak ang tih ka hlau .





Ka awmna vel ka sawi a ,rinloh takin kan awmna veng bul lawkah an lo awm veleh ta zel a ,rinloh takin a rawn phur reuh lutuk chuan min in ti thlahrung ta lo deuh .




Bus stand a thuthleng nn dah ah chuan ka lo nghak a ,kawng kal min rawn melh zek zek tawk lah bo lo ,a mak ve bawk em a, hmeichhia mahni in bus stand ah ka thu ran a ,bus lah a tlan tawh lo nasa si .





Rei lo ah ka sir ah bike ri a rawn awm a ,ka hawichhuah chuan Sangzuala nen kan inmelh fu nghal .




"Lo chuang la ,zan a aizawl khawpui mawi zia ka hmuh tir ang che ," a rawn ti hlut a ,ka rinai daih in a fel in a thawveng hmel tak zet ,kan naupan lai kha chuan tawng duh tak kha a ni ngai hran lo ,mahse ngawi ngul ang chi kha chu a ni leh chuang lo ,a ma tawk a tawng duh ve tak a ni thin a, kan biak chuan tha deuh deuh in min chhang ve a ,biak loh erawh chuan tawng hmasak tum miah lo ang kha a ni thung .



"I buai lo tak tak maw " a bike hnungah lawn kai pah chuan la inthlahrung rilru tak chuan ka ti leh a.



"Zanlam te chu ka free thei lutuk" ti lang lang in a tlan chhuak zawm nghal a ,tun a ka thil tih hi pasal nei lai tan chuan a mawi lo tih ka hria,mahse ka pasal in rilru natna min thlen sak a ,tuam dam dan tur ka lo zawng ve a ni mai a,ka ngaihtuah tha duh lo law law .





A tlan chak lo a ,a tlan muang uchuak hek lo , chuan nuam tawk velin a ni a khalh ,thlifim in min rawn chhem heuh heuh te chuan rilru a ti fim sawng sawng thei ,tiang em hian zan boruak a lo nuam ngai tih ka hre hlei nem .




Khawthlir nawm na hmun deuh ah min hruai a ,aizawl veng hrang hrang eng uar te chu mawi tak a ni ringawt.




"A nuam i ti em ?ka bu nghat a ,duhthusam in a mawi a ,a nuam bawk .




"Hei lo hruai na tur chu ka hrelo ,ka hmuh dan che chuan hmun fian rial tak a awm i mamawh in i chak tih ka hre thei "a rawn ti leh a ,a sawi dk lutuk chu min ti hamhaih zawk lek lek a lawm .





" Nia ,eng thil nge maw ni ka tawk a ,in a rilru thlamuang lo tak a awm ngawt ngawt ka peihlo nen ,ka hmelhriat neih ve chhun tak meuh meuh i ni a ,ka rawn be tawp che nih kha"ka ti malh malh a ,ka inthlahrung in dik lo deuh in min ngai ang tih ka hlau ,mahse ka hlauh ang chu a thleng lo a ,ka buaina pawh min zawt zawm leh hek lo ,kan khaw chanchin leh thian te chanchin sawi in kan ti ti tui viau ,haw kan tum meuh chuan nula leh tlangval ,tleirawlte thleng thleng in an lo kal zeuh zeuh a , a tlangpuiin in ngaizawng an ni deuh fur in ka hria .




"I pasal chu eng hna nge a thawh " ring deuh tak ina rawn ti a ,bike ah kan in phur haw leh tawh a ,thli a thawt vuk vuk mai bak ah motor tlan bengchheng thawm nen ring deuh tak a in biak a ngai .





Motor part hrang hrang an zawrh na dawr leh a chhe siamna dawr a en kawl thu in ka chhang a ,two wheeler tlem an zawrh tel thu pawh ka hrilh leh ,a hming te min han zawt leh rih ,ka pasal hming kan sawi chuan rinloh takin a a lo hre ve a ,U Ramnghaka dawr ah, a bike a siam tir vel atang in a ni a lo hriat daih ni .




Ka phone chu a rawn ri leh thin a ,ka kawrlum ipte ah ka dah avang in ka phawrh chhuak duh mai lo ,mahse a rawn rik tak ngat ngat ah chuan ka la chhuak ta nge nge ,Ka rinang ngei in ka pasal a lo mi ,ka lak hma chu rawn call a tum emaw tih mai tur in reilote a tawp hnu ah a rawn ti nawn leh zel ,Sangzuala pawh a rawn hawi leh zuk thin





"In pa a ni maw " a hawi let leh nghal a ,kal lam ang tho in a tlan chak lo leh khwp mai ,chuan a hahdam ka ti .




"I la dawn lo mi ?" A rawn ti leh ,zawi te tak tak in "ka hrelo " ka ti sep a.




Sangzualan kan nupa inkar neuh neuh a hriat ka duh loh avang in phurna leh thathona tel miah lo in ka la ta nge nge





"Khawiah nge i awm " a rawn ti nghal vat a ,a vin ang reng viau mai.




Bike a chuang kan ni bawk nen tawng te chu hriat a har tak zet ,"khawilai ah maw i awm ,sawi rawh, ka rawn hruai ang che "aw ki sang zet in a rawn ti leh a ,ka haw mek thu hrilh in kan inbiakna ka ti tawp ta daih .




Ka ngaihtuah thin , ka hmahunah beiseina a awm lo lutuk te, hlawhtlinna tur thil leh hlimna tawn tur thil a awm lo lutuk hian min ti chau zo , retheihna in hringnun kal lai a tihbuai theih zia thleng in ka hringnun ah hian ka hmu chiang a ,chhungkaw inrelbawl dan diklo tak a chawr chhuak ka nih na pawn ka theih ang mahni induhtawkna min neih tir thei lo chu a ni si a .





Chapo na neilo ka ni biklo, mahse lan chhuah tir ngam tur in engmah chapo pui tham tur ka nei si lo ,roreltu rorel dan hi a mak ka ti thin ,mihring theuh theuh pawh dinhmun inthlau tak a min dah a , engtiang takin ka nun hi a la herh kual kawi chhoh dawn ni .






" Umm ,tah sawn ding rawh aw "rei lo ah kan in kawt kan thleng der , zan reilam a ni tawh a , a lo thim deuh khup tawh ,motor tlan vel erawh akhat tawk in hmuh tur a awm reng tho .




Bike atang in ka chhuk nghal vat a , " ka lawm e aw "ka tih cuan ka lu a rawn tuai zuai a ,




" ka kal a nge "ti in a tlan chhuk leh nghal ,hreh tak in keipawh inchhung lam ka pan a ,rinloh tak in meng an lo awm tawh lo ,kan room lam ka pan te chu ka khur deub dar dar a ,engvang a hlauthawng teh chiam nge maw ka nih le.

Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia



Show post links
Top

[Ngaia]

Zuzuar Fanu




Chapter -11






Pindan kawngka ka hawng chiah chu ka phu chiang a sin ,tukverh bul ah URamnghaka a lo ding run ,kawngka in hawng ri pawh hre awm in alang lo ,min hnung chhawn zawng in a ding ngul a ,tukverh bul ah a lo din reng chuan nichin a Sangzualan min thlah lai vel pawh kha a lo hmuh hman vek ka ring ,





"I lo haw ta maw " rawn in her in min melh run a , a mitmeng a sen ram bawk ,chiang tak in zu a lo in leh tawh tih ka hria ,





"Khawiah chuan maw i kal a " amah bawk in a rawn ti leh ,a kekawr ipte a zen run a ,hmun dang hawi lo in keimah hlir chu a ni min la melh , min zawhna chu chhanna ka pe thiam lo ,thudik tak sawi ila ni lo deuh a min ngaih ka hlau tho si ,dawt sawi lah chu ka duh der bawk silo.





"Ka rilru ipik lutuk ka vah thawven pui " ka ti a ,za lo tak in a then suk ,tun a a awmdan hi chu ka nel hlawl lo ,min ti zam chhia va a ni.




A kha be tuai zeuh in "eng in nge i rilru lo ti ipik ve a ,rilru hahna tur thil i neih loh nen " ngeng ngul in a rawn ti a ,a sawi ring lo na chungin ka beng ah erawh a ri ring na ngiang mai ,in diriamna tawngka ah ka ngai nghet hmiah ,in ah ka awm reng thin a ,hna hahthlak tak pawh ka thawk lo ,keima tawk ah erawh ka buai ve thei lutuk ,a ni ang a sum ka thawhchhuah loh avang leh in a ka awm tlat avang a rilru hahna hre lo tur leh nei thei lo tur a min ngai chuan ka rilru a ti na , min en hniam zia pawh ka hrethiam mai .





"Mihring ve tho ka nih hi ,mihring ah pawh hmeichhe derdep tak ,lungngaihna tuar na thin tak ka ni , eng ang in nge min ngaih hre lo mah ila lungpui ang mai a na leh sawi nghin theih loh hmeichhia ka ni bik hlei nem ,i lak ah engmah ka lungngaihna te ,hrehawm ka tihna te ka hrilh loh avang che hian khawvel a hmeichhe hlim ber ka ni tihna a ni lo ,ka mitmeng a hrehawmna ka tihlan te ,sawi kher lo a ka mitmeng atang a ka hrilh hriatna te hi nang chuan i hrethiam phak hlei nem ti raw ," ngawi reng in min melh run a, ka mittui lo tlak tum chu ka khap let sak sak ,ka tawng hnem in ti viau mah ila ka thawl hawk phah a ,hei lo pawh Rosyi nen a an chungchang pawh sawi teuh tur ka la nei ,chu erawh tunah chuan a tul ber hrih lo thung





"Ka chhungte ah tuan suh" a thu rawn sawi chhuah hmasak ber chu le ,a chhungte hming ka sawi lang lo na in ka thusawi dan ki ah a lo man thiam tih ka hre mai .





"Tun a ka thinrimna chu eng vang a mipa in lo thlah che nge a nih ,Ngurnunsang, i nun ah mipa dang i la lut hlauh a nih chuan i inchhir rum rum na tur in ka khawsa ang tih hria ang che " vau na a ni ,a chungah tiang thil ka tih chuan ka chungah thil tha lo tak pawh a ti duh tak tak dawn tih ka hria ,mahse tun ah tak hi chuan hlauhna ka nei lo thung .





"Lo buai suh ka nunah ,nangpawh i nun ah ka rawn buai biklo " ka ti leh chiah erawh min rawn kal hnaih in ka dar ah na tak in a hmer a ,a thinrim insum tum hmel tak ngur chu hlauh tham a ni.





"Eng in nge i rilru ti dang lam ,tiang a khawsa tur che hian ka ruat lo che a sin ,i pasal ka nih chhung chuan i nunah ka inrawlh ang ,ka la inrawlh zel bawk ang ,nun nuam in i nung lo ang ,ka dawhtheihna zawng zawng i thiat vek tih hre rawh " ti in min nam sawk a ,khum ah ka mawng ka sawh dawt ,min rawn ngaihtuah zawm lo in pindan atang in a chhuak ta vut .





Ka mittui rawn luang ngiai ngiai te chu hruk buai pawh ka tum lo ,tun ah chuan he in a awm nawmna leh thlakhlelh chhan tur pawh ka nei tawh lo ,ka tan chuan hremhmun te nau a ni ringawt tawh dawn a ni .





Chhuat ah thu thla in ka khup chu tawm in ka lu ka nghat a , ring lo tak in ka tap ta zawih zawih ,engtin nge ka awmzel dawn ka hre lo a ,eng tiang tak a buaina lian nge ka hmachhawn dawn lah ka hre lo .






Ngaihzawng nei ah min ngai a ni tih ka hria a ,insawifiah tur pawn a ni kher biak leh chakna ka nei lo ,a ni pawh Rosyi nen eng ang chiah a thui nge an kal leh tawh ang tih ka hre lo a ,,min ngaihdan diklo tak pawh ka ngaimawh zui duh ta lo .





He in chhung ah hian hlimna ka hmu tawh lo a ,ka pasal nen pawh pangngai tak a inbiak a awm ngai ta lo ,a ni chuan a nun khawhar hmem tu tur in a chhungte ,a fapa te ,a fapa nu te a nei a ,kei ve erawh keimah chauh ,tu bulah mah inbunruah na tur ka nei lo thung ,mahni in ka hrehawm tihna te ka tuar ngawt ngawt mai thin.





Ka nunah tha tho na leh phurna ten hmun an chang tawh lo a ,in chhung a ka tih tur ang ang te chu phun buai lo in ngawi reng in ka ti mai thin ,rilru a hah a ,mihring te kan lungngaih em em chuan chaw ei te a lo har a ,keipawh ka rihna hmuh theih khawp in a tla hniam tawh .




Ka in humhimna leh ka thlamuan na ber tur ka pasal in min hlat tlat a ,keimah ka intih chak a ,keimah leh keimah chu infuih phur chawp in harsa tak chung in hmalam ka pan ve tawk tawk a ni .






Zan dang ang bawk in URamnghaka chu a lo la haw lo leh a , call in min rawn be tawh ngai lo a ,message in min rawn hrilh mai thin ,hna a ngah nge thil dang a ti kawi thin tih ka hrelo na chu ,tun lai tak chu zan tlai tawh tak hlir ah a lo haw thin.





A rawn haw hma chu muhil lo in ka lo nghak thin a ,a haw thawm a rawn awm hnu ah erawh ka lo muhil der mai thin , a mut dawn ah, ka muhil tawh emaw ti a ka chal ah fawp zeuh a, min mangtha na te pawh ka hre vek zel ,zinglam ah erawh nupa kan ni tih hriat loh khawp in kan inhlat leh thung thin .





Ka pa pawh a hrisel chho tawh em em a ,pa ber uapna hnuai a han awm leh chu inchhung hrehawm tak pawh a kiam ve deuh ,ka nu nen han inbakhaih leh zeuh thin erawh a bang thei lo ,han inbakhaih zeuh chang lah hian tawngkam na tak tak a min tih a ching thin ,,ka pasal awm lai erawh in a in sum thei hle thung.





UDingi hi awmlo phei se chu ka khua a har zual ngawt ang ,a mah hi a tawng duh in a fel bawk a, min ti hlim ber tu a ni .Ruatkimi nen erawh chuan buaina kan nei ngai lo ,hmuh tur hi a tam lo ve em bawk a .





Rinengin min rawn phone a ,"whatsapp ah thlalak ka lo thawn che en teh "a rawn ti sawk sawk ,min ti bang bo khawp mai ,ngaihtha zanlo in ka en ve mai a ,Rosyi ,Sinthiai leh URamnghaka te an ni ,an thlalakna hmun chu tu te in ber nge ka hre lo .





Mak ti viau tur ka nih lai in mak ka ti hauh lo thung a,ka thiannu erawh in mak a rawn ti ngang mai , a hnu ah erawh URamnghaka fapa nu te leh Sinthiai chu thian an nih thu ka hrilh hnu ah erawh






" In pa te chu an va inpawh hmel ve "a rawn ti daih a , chhanna pek thiam a har tak zet ,ka thiannu ve tak meuh meuh a ni chung in ka harsatna te chu ka sawi hreh tlat a ,hmeichhe tan chuan a tlawm thlak em bawka ni .




" An fapa avang hian an in hmu leh zeuh thin "ti in ka chhang let a ,nuam chu ka ti lo ru khawp mai.




" I va phal zawk ve ,kei ni ila ka pasal leh a bialnu hlui ,bialnu hlui mai pawh ni lo a fa neihna nu nen a in nel tak leh inhmu reng a an awm chu ka duh lo hrim hrim ang,ka phal lo bawk ang ,inhmangaihna te induhna te hi ho lam te a lo piang chhuak thin a nih hi ,a ruk te in mi hriat loh lai in a lo thang lian chho thin ,an ni phei chu nupa ten an tih tur ang zawng zawng an ti dun vek tawh leh nghal ,nangmah khan i pasal kha i thunun a ngai nih kha "a rawn ti hlak hlak a ,a sawi chu a dik ka ti khawp mai a ,inbiak tawp dawn lam ah min rawn zilh in min rawn hau leh chiam.





" Thil hi i ngai tluang purh a ,i awm ang ang ang hian i nung mawl tawp bawk si nen ,rilru tluang lutuk put tlat te hi a thatlohna a tam zawk a nia ,i pasal lak ah i lungawi lo a nih chuan nangmah a pai tlat a in ti hrehawm lo in i pasal kha chhuah chhal la, thudik a lo nih loh phei chuan tha deuh in asawi fel pui mai ang che ,ngawih chawt chawt reng te hi a tha lo, diklo kan tih na lam ah chuan tumah mitmei veng lo in chet ve buan buan mai tur , midang in an hmuhdan che ngaihtuah lo in nangma tan bei ve rawh ,i hrethiam em ,i pasal lak ah i lungawi loh hunah pawh hre reng ang che "a rawn ti duah a ,thawveng tak si hian thu tha deuh deub phuh chhuah tur hi a nei reng zel ,.





" Nangma tan bei ve rawh "ka thluak ah chuan a ri nawn tlut tlut a , harsatna te hi en liam tawp lo in keima tan ka beih ve a ngai ,keima thatna tur a nih chuan hmasial tak pawn ka che chhuak mai tur a ni midang mitmei veng lo in .




Zanin pawh dar 10 pelh hnu fe ah a rawn haw a ,ka lo muhil der tawh bik lo ,khum ah thu in a rawn lut chu ka melh ngar a rawn luh lai a khum a ka lo thu ran a hmuh thut khan a hawi buai zawk tih loh chu min hre ngailo awm leh hmak tawh




" I va rawn haw tlai ve ,hna i ngah a mi "tawngkam dam thluam in ka ti a ,a thawmhnaw hak a phelh mawlh mawlh chu tawp chut in min rawn melh ,





" Ngah e " a ti mai a , zanriah a ei leh ei loh lam chu ka zawt duh hran lo a,a rawn haw tlai hi chuan hotel ah emaw thingpui dawr vel ah a in ei puar mai thin a,a chang in a order bawk thin .


.

"Va in tifai vat la i mu dawn nia ,chawlh hahdam i mamawh ang ,i towel ka lo lak dawn che mi niang ?" Ka lo ti leh zung zung a ,ka awmdan chu mak a ti tih pawh ka hre thei .





"Ngailo ,ka in lak ve thei ,mu rawh " a lo ti let hmak a ,tha deuh a ka biak te chuan pangngai deuh a min chhan bve mai awm ,ka chapona zawng zawng dah tha in ka be hmasa hram a nia .





A che reng reng chu a hmanhmawh in a ti hmawk hmawk a ,tiang tak hian a luhlul tih ka hre lo .





A inbual zo a rawn mu pawh ka la mutthilh loh vang a niang ka chalah fawp a min mangtha lo in min hnungchhawn zawng in a mu daih a ,muhil thei lo in chung lam ka melh reng a ,ka pasal erawh a muhil tawh nge tawh lo ka hre lo thung .






Zam lo tur a in fui mawlh mawlh ina kawng ah ka va kuah de de a ,a muhil tawh nge maw ni a che lo reng reng ,min ti ngampa sawt ,a ai nghet in ka kuah tha leh





"A lum khawp mai " a lo la muhil awzawng lo , a rawn tawng chuah chuan min ti phu zuk a ,a rang a rang in ka thlah nghal ,.




Ka chet dan thet thet chuan a nuih a ti za tih hriat tak in a nui hawk a ,



"Mipa dang emaw min ti thut a ni maw" a thil min zawh dan ki chu ka man lo khawp a,



"Zanin pawh kha tlangval nen khan in lo len chhuah leh ka ring a" a rawn tih leh hnu ah erawh a thu sawi awmzia ka man tawh khawp mai ,chung lam hawi in mit khap miah lo in a melh ngai a melh ngur a ,a chil a lem leh khawlh lai a a hrawk bawk che leh ralh thin chu hmuhnawm tak a ni ,tun lai tawng tak in a sexy tak zet .





"Leng chhuak leh tur in min duh a mi ," min rawn melh ngur a,a thin a rim leh tan tih hriat tak in a meng rum leh al tawh .




"Kei chu pakhat ah ka lungawi tawk em em a ,ka lungawina ber mihring ngei pawh chelh ding zo lo hian engtin nge a rual in mi pahnih lungawina ka thlen theih ang ,thinlung pakhat ka nei ang chiah hian pakhat ah ka lungawi tawk a ni " a mah melh reng chung in ka ti nghet charh a,ka sawi awmzia tak hrethiam se tih chu ka duh ber a ni .





Tawng lo in kan ngawi ta reng a ,eng nge a rilru ah awm ang tih ka hre chak tak zet a ,ka chung ah eng ang rilru nge a put tih pawh ka hre chak bawk




A ngai ang bawk in engmah kan sawi kaw leh chuang lo , mahse ka be lui hram hram ta ziah a , a hna kal tur pawh ka thlah leh thlap thin,chhun ah call in ka va be ziah bawk a ,ka be rei ngai lo viau thung ,a tawng tha duh lo tlat thin a .




Rosyi te nufa in a hnathawhna a kal chilh an la thulh lo tih pawh ka hre leh zel a,ka paidam thei tawh thlawt lo chu a bulah ka sawi chhuak ta nge nge a




"Ka fapa hlat tur in min beisei tihna chu a ni em lo maw ,eng ang rilru chhia nge maw i put le , fa min hrin sak thei lo a ,Nuntea a ka fapa ni tur a a lo piang hi lawm viau tur i ni zawk a sin ,nang in a min pek theih loh Rosyin min pe a , ka lawm viau zawk a sin ,i chung ah lah rilru chhia an pu lo tih chu i hre ve vek ang a ,nang in i lo ngaithei lo em em a " min chhanlet na chuan ka thinlung a ti na ngawih ngawih a ,eng ang chiah in nge min ngaih pawh ka hrethiam ta mai .




Hmeichhe tangkaina nei lo leh mi rilru chhe tawp khawk ah min chhuah chu a nia ,tiang em em hi chuan min rin chhiat ka beisei lo a sin le .




Sawi tur tam tak ka nei ,mahse sawi tur in ka tawng chhuak thei tlat lo ,ka thuhriat in min deng na lutuk kha ka a chhuh a ,mu leh mal ka hre lo ,ka ngaihtuahna a fim lo tak zet ,a chhe ber thleng in ka ngaihtuah kual hman vek .





Zah pawh dawn lo a kan inkar chhe tak siam that tum a ka lo beih na te chu a tham ral chawp chilh nghal vek ,mihring chapona nei ve lo ang mai in ka dawh hram hram a ,luhlulna nei ve lo ang mai in a thuhnuai rawlh tu ah ka tang thin a nih kha ,mahse engmah kha a sawt zo lo.





Mahni indahhniam reng a ka khawsak na te khan a ti luhlul zual a ni ngei ang ,





In chhungah Rosyi te nufa an rawn tlangnel chho ta em em a ,chaw pawh an rawn ei ngun dun mawlh mawlh khawp mai ,an ni an rawn kal tawh chuan ka chuang lel zel a ,keimah chauh in nuam lo ka ti ru em em thin ,tu ngaihsak na mah ka dawng ngai lo bawk .



Thla tin erawh ka pasal chuan ka account ah pawisa a la thun ziah a ,ka mamawh tur pawh min ngaihtuah sak a thulh chuang lo .Inhauh tih vel chu kan nei ngai tawh lo reng reng , in hau tur tak ngial pawn kan inbe tam lo miau a .





Zanin pawh Nuntea te nufa in zanriah an rawn kil leh dawn a ,Sinthiai pawh a tel dawn bawk ,ka nu ruahmanna ni awm taka ni ,a phur khawp a ,kan eirawngbawl lai ringawt pawn bawl vat vat tur in min rawn tur chhen reng a ,kan chemuang a ti deuh thin nge a phun leh chiam thin , UNiangi pawn ning tih hriat zet in ka nu chu a melh leh rawm rawm thin .



U Ramnghaka hna bang in a lam kawi a niang ,an rawn lut rual thup a , ka nu in a lo be nghal sawk sawk a ,A tupa a pawm nghal vat bawk .





"Awi ,nang ni thian dun chu ka sawm naa che u hnar lo in in lo kal thre a ka lawm ngawt mai ,in fel dun lutuk,Sinthiai nu nen pawh kan inhmu khat khawp tunlai chu" hlim deuh in a lo ti leh zung zung a , Nuntea a chhaih pah zeuh zeuh thin bawk .





"I sawm na kan lo hnar in ,nuam kan ti nang ,in chawhmeh siam tui tak tak te pawh ei a chakawmleh tawh a lawm le "
Sinthiain a ti a ,he nu hi chu thiam thil ropui tak a nei in ka hria ,hmel hlim leh ngainat awm tak mai hmel a pu reng thei zel a ,a ngaihtuahna a thil awm pawh a hmelah a tilang ngai lo , in thup thei tak mi a nih ka ring .





Rosyi ai in a tawng hnem mah zawk a ,a ti ti siam siam reng mai ,ka nu nen an sawi duh zawng a in ang bawk a ,an inbe tha na sa mai .




" In bawl zo tawh em ni "chawhmeh bel en in a kun du du a ,a lo inthlak fel diam tawh a lo ni ,kelawr bul a khup khuh pha lo hret a dum ha in ,t shirt mar lam lek lek a var a inbel leh a , hmuh a nuam khawp mai .




UNiangi chhan tur ah ka dah a ,ka tawng duhlo hrim hrim ,a chhang mai ang chu tih nak lai in a thutna atang tho in choka a chhuahsan ta daih



" Umm ,bawl zo tawh ,duh chuan a ei theih tawh "a mah pawh en chuang lo in ka ti a ,mihrang in be vel mai mai kan ang khawp mai .





" Min be tui tang vak lo a ni ti raw" a lam chu ka hawi phei a, min lo melh ve in a then sak ,chhan en ah pawh ka en lo .





Ka dinhmun min hriat thiam pui lo lutuk te hi a mak ka ti a , nuam lo ka tih dan tur zia dawn lo lek a Rosyi leh a thiannu chaw ei a an sawm ringawt te hi ka tan a tlawm thlak tur zia te ngaihtuah miah lo a tha deuh deuh a a be zel te hian min ti lunghnur thin tih a hrethiam miah lo te hi a mak in min ti na em em ,sawi theih lah chu ka nei der si lo .





"Ka biak che chu " a ti hmuk a ,tawngkam dam deuh a min biak khat zia ka hre chhuak,min thlakhlelhna nei miah lo ang tak te in ka chungah a khawsa thin a .





"Tiang ringawt chuan in khua ah pawh kan zin lo ang, a kawi zawng a khawsa tlat zel mai " a tawng pawh a rum lam lek lek tawh ,tawng duhlo in ka ngawi ta reng.




Ka chung a a lungawi loh vang mai a kan lo rel tawh sa a thiat leh chuan min tithin rim khawp mai ,ka phur zia a hre ve vek a ,.





Chaw ei chhung zawng pawh in ka tawng lo a ,ka nui hek lo ,





A sawi ang tak tak in kan khaw lam ah chuan kan zin lo ta ngei a , kan nupa inkar lah chu that lam ai in chhiat lam a pan ta deuh deuh .





Kei a pawh in a awm chawt chawt ta biklo in hunthawl tha ka insiam a ,ka leng chhuak ve ta zeuh zeuh ,ka pasal hian a hria nge hrelo tih ka hrelo thung





Kan len chhuah lah hian kal na tur hi kan hre lo thei khawp ,Sangzuala te dawr lam ah te ka va kal leh ngawt thin ,ka thian hlui a lo nih ve na ah kan inkawm nel nghal thuai a ,a bula awm te lah chu a hahdam zek a,fiamthu a duh in hmeichhe dimdawi dan a thiam tak zet .





An dawr a computer zir ve tur in min sawm min sawm thin a ,chu erawh a rem teh chiam lo in ka hria a ,ka peih chiah lo bawk nen ka la hnar hrih .






"Ka hna kal hlan a i mipa nen a inhmuh vel chu a nuam em " a thinrim zia chu a tawng kam bung vut atang in ka hre thei nghal mai ,ka leng haw kan nupa pindan a ka lut chu min melh run in a lo ding reng tawh a





A hna bang rawn haw a la hun si lo a ,mahse a lo inthlak fel diam tawh ,a sam la huh deuh chhap atang in a inbual fel der tawh tih a hriat a ,eng ti tih a lo haw hma viau chu nge maw a nih a .





"I tawngkam ngeiawm tak kha hmang hmang lo mai teh " min melh na tawh khawp a , mipa chu ni ila min hrawm nawk nawk duh tawh hial ang




"Khawiah chuan maw i lo theu leu kual , pasal nei lai i ni tih hi i theihnghilh fo mai a ,nitin hrilh nawn thar i ngai nih hi " ti in a mithmul a kan zeuh a ,duh chuan tawngkam huatthlala tak tak a lo phuh chhuak thiam ve khawp mai .




Hrilh nawn ngai zawk chu a mah hi a ni ,kan inkar buaina pawh amah vang ,a ni leh a bialnu hlui inkar thil avang in kan nupa pawh kan buai phah ,a chhe zawng zawng min bur bun leh vek chu ka ngaihdan a ni hlawl lo






"Nupui nei lo bik ang mai a ," ka ti let ve kher a , sawi zawi viau mah ila a hmel a siam danglam kual vel atangin ka sawi a hre pha tih ka hria .




"Vawikhat mah i kal na tur sawi lo in chhuak tawh suh ang che ,min hrilh hmasa zel ang ka tihna nih chu " ti hmak in a chhuak zui ta daih ,kan inbiak reng chuan kan inti thinrim tawn tawlh tawlh tih a man thiam ni hmiang a inthiarfihlim tak daih .





Vawiin ka chhuahna lam ni a sa tha bawk a ,thlan a tla duh in a lum em em a ,ke in ka haw leh kher bawk nen ka ban deuh chup a ,ka inbual tak hnu ah erawh chuan ka nuam huai mai.





Choka ah ka lut phei nghal a, sitting room kan en a U Ramnghaka awm lo ,choka ah pawh a awm chuang lo ,khawiah nge maw a lo kal hman ni .





Ka nute pawh hmuh tur an awm lo , inchung lam ah ka pa nen an awm leh tawh pawh a niang , U Niangi nen bawk chuan kan inbe leh bawrh bawrh tawh a ,inbiak pah in kan tih tur tul ang kan ti pah zung zung bawk



"Ruatkimii hi khawnge " ti a ka zawh chuan "a chhuak leh tawh ,a thian ten leng tur in an rawn sawm a " a ti mai a , hmeichhia ve si a vak chhuak tam ka ti ,ka lo sawihtheih phei chu ni lo mahse tiang ringawt a nula han awm mai chu ,a mak ka ti a .



Ka nu pawh hian a khap hran lo bawk ,chutiang bawkin ka pa pawn, ka pasal erawh in a khak leh zeuh thin a ,a bak a bawh zui lem lo in ka hria , tunlai tak phei chu zan lam ah eng eng emaw lawm tur sawi in a chhuak vak reng a ,thingtlang mi ka nih avang hian a niang ka hre thiam pha vak lo tiang hi ,mi hausa fanu te awm thin dan a niang ka ti ta vel ringawt .




Rei loah URamnghaka a rawn lang a ,choka a kan chet velna bulah a lo awm hnawk ve run reng a ,eng chu hria ni maw ,





"I phone a ri nih hi Nguri , Sangzuala tih hnen atang " U niangin a rawn tih zawh rual in ka pasal chu a hawi phei vut a ,va lak mai ka tum chu U Ramnghakan min lak khalh daih ,dawhkan a ka maian ka hih mek lai chu chawl in U Ramnghaka che zia chu ka em reng a





Ka phone chu a ri riai riai reng ,Sangzuala chu eng ti ti a min lo call ve mial nge maw a nih a ,min rawn biak tum hun lah chu a fu lo em em leh ta nghal .


Show post links
Top

[Ngaia]

Zuzuar fanu






Chapter -12





Phone chu dawhkan ah a rawn dah a ,tha te te in a chhang dawn a maw nih ka tih lai in a then sak a ,a hmet tawp hmak a nih chu .





"Ngati nge i hmeh tawp daih a " lungawi lo tak chuan ka ti a ,U niangi a awm ve nen ka tawng zawi sep sep khawp mai ,






"A thutna ngai ah bawk rawn thu thla leh in " I va be chak awm ve "a nir nasa ngang mai a ,min rawn biak tum tu pa chu a ngaih hniam hmel khawp mai .






" Hmeh tawp kher kha a tul lo ka ti , i ti mak hrim hrim a "ka melh ram ram a ,ngeiawm deuh in a nui suk duh lek chauh .







Chair ah thu in a kiu chu dawhkan ah a dah a,thil tam tak ngaihtuah hmel a pu.





" Kha ,purunsen kha lo chan ve teh "a hma ah purunsen bawm leh chem te ka va dah ri bur a , a zai a dahna tur plate ka lak hnu in a hma zawn ah ka thu thla a ,awihloh hmel zet a min melh run na chuan ka nuih a ti za lek lek.






Khi lam a kan pahnih a kan khawsak dun lai kha chuan eirawngte hi a bawl ve zeuh zeuh a ,a bawl chhun ah lah a tu thei em em mai lehnghal .Aizawl a kan awm hnu ah erawh a bawl tawh ngai lo reng reng .






" Enge min melh run a "a hmel chu en zawk in a hawi sawn leh nghal a ,thaw hawk in " i pasal ka nih hi ,i bialpa ni lo in ,duh duh a i tih kawi theih ka ni lo "lawm lo tih hriat zet in a rawn ti hluk hluk a






" Ka bialpa i nih loh avang chuan ti mai teh "thinrim duh miah lo in ka ti let a , Sangzuala nen inngaizawng tur ah min ngai tih ka hrethiam ruai ruai tawh.A ni pawn a bialnu hlui a hmu reng tho a , eng ang takin nge an lo kal thui leh tawh tih lah ka hre lo , awmhmun a lo ngaihtuh kual vak bak lah tihtheih ka nei si lo.






Tawng zawm tawh lo in a ti ve ta mual mual a ,purun chuan amit a ur a niang a meng sen ram tawh mai , ka hmuh loh hlau ni awm maiin min rawn melh leh zuk zuk thin tih ka hrereng a ,ka hrelo der lui ta tlat .







" Ehe ,Nghaka chu ngah nge i lo tih duh,tho rawh khawi ka lo ti tawh ang "U Niangi chuan a rawn ti phul hlut a ,





" Choka ah lo awm ve run reng sia , chu lo ah awm awl hi a ngai thei vak lo a ,tih tur a lo dap a lo dap a ,kha purun kha ka zai tir ta mai nih kha "ti in dawt ka lo sawi zung zung a , URamnghaka pawh chu, a tlawm ngai ta deuh nge tho lo in a tihzawm ve leh mai a ,rei lo te a tih leh hnu ah chuan a ti zo mai bawk .






U Niangi pangpar tui pe tur in a chhuak leh nghal daih nen a reh leh ta tlawk tlawk , nidang ang chu ni se sawi tur hrelo chung chung pawh in eng emaw mai mai ka sawi leh chiam tawh awm sia .






A duat nawm zia lo tem tawh tu ka ni a ,amah avang hian keimah ngei pawh inhlut na chang ka hriat phah a ,khawvel nawm na pawh thar leh in khawvel thar min din pui leh tu a ni bawk ,he lei ah kumhlun tur thil reng a awm lo ang hian mihring te hlim na ,lawmna te pawn hian hun rei a luah ngai lo tih a la ng chian tak zet.






Chelh din theih loh hun leh ni te chu a liam zung zung a , Aizawl a ka awm tirh lam nen chuan engkim a inperhsan tawh tak zet ,kan nupa kar chu ka sawithiam dan ber ah chuan taksa in si reng tho si in thinlung pahnih te chu an kal hrang a ,engtia kal dun tir leh tur nge tih ka hrethiam lo .








Ani min hmuh dan ah chuan pasal pawm lai nei reng chung a ngaihzawng nei ka ni a ,min rin dan diklo tak tak te hre mah ila dawt a nih zia hrilh ka tum ta ngai lo law law.






Ka sawi hmaih miah lo tur pakhat chu nupa hmangaih tak tak a innei te hi an hlim kumtluang kher lo tih hi a ni , keini hmangaihna hming pawh la lam rik ngai lohna ah hian engtin nge kumtluang atan kan tih theih ang ,.






"Rai lohna damdawi i ei em ni?atthlak i ti dawn tih hre reng chung in ka ring tlat si a ni ''khum a mut fel vek tawh hnu a a thil sawi chuan min deng na khawp mai , ka tawng lawk thei lo hial ,eng thu lawi lo nge a rawn sawi tak ngawt hi .






" Engtin nge chutiang ei duh tur ah chuan min ngaih theih,Vanramnghak ,"a hming pum a chiang fek fawk a ko in ka ti a , min rin dan mak zet chu awih har ka ti tak zet ,mahse a sawi ngai bawk a rawn sawi leh tak ah chuan a thil sawi in min den nat zia ka hrethar leh a ni ringawt .





"Bialpa nei in ka fa pai chu i hreh em em tih ka hriat loh ring suh ," a thinrim hle tih ka hre thei a ,mahsee tunah tak hi chuan a ai ka thinrim in ka na khawp mai .






"In chhungkaw nun tawp tak nen chuan a awm lo hran miah lo " ka inrin hma in ka mittui a rawn luang thla zawi a , ka chhungkaw hming hmer a min diriam kher chu ka la na em em bawk , nu leh pa chhuan tlak nun ka nei lo tih leh chhungkaw lam ah pawh sawi tlak ka nei loh zia chu ka hria ,mi zing a ka inhmuhhniam phah na leh ka awmnawmlohna thin a ni bawk ,mahse ka duh thu reng a ni bik lo tih tal chu min hriattthiam pui ka ring thin a sin .






Thiante nu leh pa fel tak tak inkhawm peih tak tak te leh mi in an ngaihsan thin ang pa neih te hi chak lo bik ka ni lo ,mahse eng tiang pawn bei ila pathian in ka chunga a duan thil te hi ka thlak danglam thei si lo .






Ka mittui tla a hmuh chuan a tawng thui hret tih a hre ve a ni mahna a hmel ah inthiamlohna ka hmu thei , mahse ka rilru nat na tur thu chu a sawi zo vek tawh , engtiang pawh in theihnghilh tum ila, ka theihnghilh tawh ngai dawn lo tih lah ka hming ka hriat chian tluk zet in ka chiang.




"I sawi zawh tawh chuan , pangpar tui pek ka ngai a," ti in pindan chu ka chhuah san nghal a ,pawn ah chhuak in pangpar tui ho chu ka pe kual nghal zung zung .






Thil tam tak ka ngaihtuah a ,mi ten ka hming an hriat a ,kan chhungkaw min hrechiang em em tu te a lo lang hmasa ber tur chu "zu zuar thin fanu kha " tih a ni reng tawh dawn ,ka nunhlui avang hian eng tiang tak in nge hmuhsitna ka la tawn zel dawn ni.





Hringnun rahbi duhawm zawh hi ka nun nen chuan thil theih loh te zing a mi a ni reng dawn a nih hi ,hlim tur hian mi te hian engthil tha tamtak nge an neih bik ,eng thil nge ka nun a neih loh ka neih bik ,harsatna hian min kiansan thei reng reng lo mai.






"Nichina ka thil sawi kha chu ngai thutak duh suh ,ka lo tawng tam hret a nih kha " URamnghaka chuan a rawn ti leh a ,ka lo uk sak lem lo .




Inhauh in peih at in ka awm a ,tiang a thupha rawn chawi leh vel ,min endan dik tak chu ka hre tawh .





"I thil sawi te kha ka ngaihtuahna a cham tawh tur a ni ,thupha chawi eng ang mah la awmzia a awm teh chiam lo ang " ka ti ve ta hmak ,min melh vung vung a, sawi mai tur hrelo niawm tak in a lu a tuai zeuh





"Kha thu kha sawi lo tur ka ni tih ka hria ,mahse naupai chungchang ah kha chuan ka tan na ngai leh ka rindan ah khan ka la ding tih i hre dawn nia ,mipa dang i pan kher erawh ka lawm viau ring suh " a ti nghut a ,a thluak a thil awm hi a dikloh zia hre nawn awn awn tur zawk a ni ,dawt a tan khawh tlat loh hian .






"Thinrim na tur zawn reng hi i hah ve em em tawh lo mi ,i duh chuan min then la , i fapa leh a nu chu hruai lut mai ta che "ka ti let ta zek a ,ka aw ki pawh a ring viau ,ka hun tawn zo zai hian min ti chaw mawl zo tawh , ka hmangaih in ka innghahna a ni , tiang mai a min ti hi chu ka bei a ti dawng ngawih ngawih .






Ka thusawi chu a ngai kawi leh daih ," in then chu i cho et et hle mai mahse hre rawh ka nupui i ni ,tunah leh kumkhua thleng in ,i mipa kawp lai hi thlah ang che,chuti lo zawng ka duh lo thil ka ti hlauh ang nge "a vau in ni min vo tak , a ni lo hi tu mipa mah ka hmangaih lo tih hria se chu tiang hian min ti miah lo ang ,tunah chuan ka thinlung thu awm te hi ka hmingchhiat leh mai mai nan a hnenah sawi ka tum reng reng lo






A chhe zawng zawng min bur bun ta sa sa ,he ka thil sawi avang a hmeichhe nasa min ti dawn a nih pawn ,pawi tihna pakhat mah ka nei tawh lo .






" I fapa leh a nu hi hmu tawh lo la ,kei pawh in ka mipa kawplai hi ka ban san ang "ka ti ve ta hmiah ,sangzuala ka bialpa a ni lo tih chu insawifiah chiam pawh ni ila awih dawnlo tih ka chiang a ,insawifiah buang bar vel kha ka tum tawh lo,ka tan a sawt na tur thil lo ah chuan ke ka pen chhuak tawh dawn lo .






" I dinhmun leh ka dinhmun a in ang lo ,ka fapa hmu lo tur a min tihna hi chu ka lo haider ange , i tan hnawk sak in an awm ngai hek lo "a ti khur khur a , nasa tih hmel tak a min melh na pawh ka hmu chiang na rawh ,ka eng ah mah a thawk lo thung .





" I theih loh chuan ka thei bik lo a nih chu ,ti hian thu chu tawp rawh se "ngaihsam zet in ngeiawm rawng kai lek lek in ka ti a ,a thinrim zia lah chu thup a tum der si lo ,min melh puak mai ang tih hlauhawm khawp in min melh rum.






" Eng maw i sawi kha "a ti thum chhak a , kut a thawh ang tih te pawh ka hlau ta lek lek





" Sawi nawn leh rawh ka tih chu ,eng maw i theih loh tur ,kha thu kha i pasal hma ah i sawi a maw ,kan inkar a midang tlak zep tir tu chu nangmah i nih hi ,chuti chung chuan thu min pek kual a i duhdan min zawm tir i tum a maw ,a thleng ngai lo ang ,fapa ni lo ,fanu pawh min pek theih loh hi ,nang hi i ching a ni hial lo maw "a ti vin hrawk a , min thing pah nawk nawk bawk .






Ching !!!chu thumal chu he khawvel a ka nun a tel lo tur a ka duh ber te zing a mi a ni ,kei hi ka la rai lo a ,nupa nun kan hmang in invenna ka hmang ngai hek lo ,a sawi ang hian ka lo ching ru reng mai te a ni lo maw.





Min thlah phawt teh" ka ti tham chhel a ,ka chau tawh tak zet ,a kut chu ka dah thlak sak a ,ka chezia chu hmaih nei lo in min en zui kar , inchung lam ah chuan ka chho a ,inchung a thuthleng kan dah ah chuan ka thu thla hnawk ,ka ngaihtuahna te chu a vir kual muai muai a ,a sawi ang kha lo ni ta se ,engtin nge ka tih ang.





Van a arsi de sep sep te chu thlir in ,ka taksa chau zet chu ka thut awn pui duai a .





"Ka chung a i remruat thil te hi mi pakhat tawrh atan chuan a lutuk i ti ve lo maw ,mi dawihzep te ang mai a ka nun beidawn san lah chu ka ngam der silo ,ka hma hun ah hlimna tlem tawn tur tal dah te aw ,tiang ringawt chuan harsatna ka tuar tlang zo lo ang ,Ka lawmna chu ho te a nih kha ,ka nunah pawh mi pakhat bak duh ka nei hek lo ,i hre vek tih ka hria ,Nang chu engkim chung a rorel tu i nih kha " zawi te in ka ti sep sep a, ka dilna hi min tih hlawhtlin sak ngei ngei ka ring tlag .





"Naupan lai atang ka hringnun ah hian hlim pui chiam tur thil ka tawng ngai lo ,ka hlim ve ber lai hun chu ka nu damlai eng mah tak tak ka la hriatthiam hma a ni mai a ,tunah hlimna tak tak ka tawng ve dawn chauh a ,i tham ral tir leh mai si ,eng tin nge ti hi chuan hmalam hun ka suangtuah ngamve tak ang le" ka mittui a rawn far thla pap a ,ka chau tak zet.





Kan pindan a chhuk thlak leh chu ka chak tawh lo khawp a ,mahse he lai hnun a awm zankhua lah thil tih chi a ni bawk si lo ,dar 12 dawn ah ka chhuk thla ta chauh .






Pindan chhng ka lut chu tumah an lo awmlo ,zan a rei tawh bawk nen khawiah tak vak chhuak ang .Rindan deuh chu ka nei a khawi lai hmun emaw vel ah zu a lo va in chhuak leh te pawh a niang .






Zing ka harh thleng in keimah in ka lo la mu ,U Ramnghaka chu zan lamah pawh a rawn haw miah lo tih na a nia ,a chung ah thinrim viau mah ila ka ngaihtuah tak zet tho ,a rui vel hian mi a lo tibuai anga an sawisa hrep te hi a lo ni lo maw tih te thleng chu ka ngaibtuah kual hman vek .






Inhnuai lam ah pawh hmuh tur a awm lo ,U Niangi a lo tho var tawh a ,a lo hriat tak mial in ka zawt dawn emaw ka ti na chu, tul ka ti leh hran vak lo a ka zawt leh ta lo .






Eirawngbawl pui hma pangpar ho tui ka va pe leh zuai zuai a ,pangpar enkawl hi chu ka nu hian ka kutah a dah deuh tawp tawh a ,rinai tak in neuh neuh a tam a ,a hahthlak ve phian zel.





"Khawnge Nghaka hi " tukthuan kan ei lai in ka pa in a rawn ti ta chiah a ,ka chhan hun min ngaichang thup leh nghal .





"Hna hmanhmawhthlak a nei a, zingkar hma deuh khan a chhuak tawh " ti in ka chhang a ,dawt sawi ka ni bawk nen ka tawng bah nuai mai .





"Ka thawh khan kawngka a lo in kalh bawk si a ,a va mak ve " U Niangin mak tih hmel deuh a, a rawn tih chuan keiman ka kalh leh thu in dawt dang bawk ka sawi leh ,min zawt zui ta bik lo.





Chaw eikham veleh kal hrang deuh in ka phone chu ka phawrh a ,biak ka tum ta




"Aw ,hello" rawn ti tu chu hmeichhe aw a ni ,mak ka ti khawp a ,a phone hi a kal hlat san ngai lo tih tur a ni a ,midang khawih sak lah a duh ngai hek lo ,chuvang chuan a buai deuh chang a rawn biak an tum pawn ka la dawn nge dawn lo ka zawt hmasa phawt zel thin.





"Tunge aw ,khawnge ka pasal " ka ti let hmak a , mahsela ka mi biak a rawn tawng leh tak ah chuan tu nge a ni tih a aw atang in ka hre ta chiah .





"A buai deuh a ,nakinah i lo be mai dawn em ni ,a hmanhmawhthlak em " zam na nei miah lo in aw ka nem diai in a rawn ti lang lang a , hemi te thian dun hi chuan min tibuai hneh khawp mai ,a hma zawng in Rosyi te nufa avang in ngaihtha lo tak leh hlauthawng reng reng in hun ka hmang ral a tun ah a thiannu Sinthiai rawn lang leh nawlh bawk ,rilru thlamuang tak pawn min awm tir hlei thei lo chu a nih hi .





"Khawi ah nge a mah a awm a ,eng ang pawn buai se ka be duh ,phone kha pe vat teh " ka tawngkam a mawi zan lo tih ka hria,mahse ka insum seng tawh bik lo





"A hna ah a kal daih tawh " a rawn ti leh ta daih , dawt min hrilh a tum ve khanglang a maw ni , nichin ah a buai thu a sawi zo chauh a ,tunah a thusawi a rawn thlak leh daih .





"Zing a kal dawn khan a theihnghilh a lawm ,hei a office lam a pe tur a kal ka tum lai tak in min lo bia a nih hi " a nui zui hak a.




"Zan ah in awm dun tih rawn sawi tum hlek suh "vin zet a ka tih chuan





"Amah lo zawt mai rawh " tih leh dah a rual nghal daih ,min ti hrilhhai letliing khawp mai .





Nizan a chhuak kha tlai ah a rawn haw ve ta chauh a ,hmel rum deuh leh tak ngul a a lo haw ka rin nen a lang dam ruih a , inbiak erawh kan la inbe lo thung ,tunah hi chuan kan inhmelhriat satliah melh vel mai mai ni ber in ka hria .





Zawh fiah erawh ka tum viau , rin thu thil mai mai ,a ni ngei tih kan hriat hma hawt atang a lo buai khuk chuk ang kha ka ti vak tawh lo ,a hnu ah keimahni bawk kan zak leh thin chuvang chuan thudik tak hriat phawt a in bakhaih ka duh zawk .





Eirawngbawl zawh veleh pindan ah ka lut thuai a , a rawn haw atang khan inhnuai lamah a rawn la chhuk thla lo reng reng a ,pindan ah a la tawm char char





"Nizan khawiah nge i riah chhuah " a bul a din rualin ka ti nghal thawr a ,min melh zawk in a hawisawn leh thuai ,min chhan tum hmel ang pawn a awmlo.


"Ka biak che chu ,hre lo der tlat suh " ka ti leh ngawr ngawr a , a phone en lai chu dah in ning tih hriat zet in min phun khum hluk a , a mitmeng rum ul ka hmuh leh takah chuan,ka hlau deuh ti tih ,mahse ka intipaukhauh lui tlat in , amah chu ka melh reng ,




"Hotel ah ka riak " a ti liam puat a ,ka duhkhawp lo nasa ,Sinthiain a phone a lo kawl ngawt nachhan tur awm ang kha hriat chhuah ngei ngei ka tum tlat dawn .





"Tu nen nge in riah ,zing ah rawn biak che ka tum a ,hmeichhia in a lo chhang " Sinthiai hming erawh ka sawi lang duh hrih lo ,engtin nge min ngaih ang tih lah ka ngaihtuah tawh hek lo .



Ngeiawm leh pai daih har tak tur thu in min tawng khum sak a






"Pakhat ah lungawina i hmu zo lo ang bawk in ,keipawh nangmah lak ah chauh ni lo, ka mamawh leh lungawina tur dang min pe thei tu tur ka pan ,pawi i ti viau mi " rilru natna thuk tak a ka melhna chu a hriaththiam mai ka ring ,nihloh pawn a hrethiam phalo zawk maithei bawk .





Tiang dinhmun kan thlenna kawngah hian amah chauh hi dem tur a ni lo tih ka hria ,keipawn thil tih sual ka nei, engvanga ngaihzawng dang nei ang a lo awm nge maw ka nih le ,a tawp khawk ah chuan kei bawk a ni na tuar leh zawk chu.





Tawng chhuak tur pawh ka awm lo ,makti tak in min melh reng a, thinrim tak a ka tawngchhuah a ring te pawh a ni mahna ,chiang tak in ka mittui rawn luang chu a hmuh ka ring ,ka hmai chu tuai sawk sawk in room chu ka chhuah san ta daih





Amah ka dem rualin keimah pawh ka indem ngawih ngawih.





Kan khua ah let leh ngawt ila naupangte a ,nuthlawi hming pu ni in a hma pawh a hming thatna leh inchhuan na tur thil ka neih tawh lo nak lai a ,a hma ai a dinhmun chhe zawk a let leh ringawt pawh ka zuam lo ,mahse tiang reng a nih chuan ka la haw lo ang tih pawh ka sawi thei ta lo. .





Sangzuala nen phei chuan kan inbiak pawh leh tawh loh na a rei tawh a ,mahse ka mamawh thil a ka va biak buai chang erawh in a lo inhawng em em zel .





Ka ngaihtuah thin ka pasal nen kan inkar a that loh mai bak ah ,a chhungten min ngaithei teh chiam lo bawk ,inthen a khaw lam a let leh duh chang ka nei zing ta tulh tulh.





Khatia min tawngkhum atang kha chuan keimah hi ka inveng deuh chawt ka ti mai ,a bul hnai a awmloh hram hram dan ka ngaihtuah ta ngat ngat a ,thil harsa tak chu ni ,kan boruak nuamlo zet hi ka nu hian a hrethawi a nih ka ring deuh a mei nei deuh a min tawng khum chang a awm leh zeuh thin ,inchhungah nihna leh pawimawhna ka neihloh zia ka hria a, ka dinhmun pawnlang dan thleng in chuvang chuan chhan pawh ka chhang let ngai lo .





Engtia rei nge ka hmel ah hlim hmel a lan tawh loh na chen pawh ka hre ta lo.





U Nghaka chu zan tlai tawh tak ah a lo haw ve leh chauh a ,zu rim a nam deuh bawk ,a intam chiam erawh ka ring lo, a mitmeng a buai lo emai, ka mutthilh theih loh mai bak ah ka lo nghak pah deuh bawk a



" Min lo nghak a mi "ti a min zawh chuan ka bu nghat a ," i va ti lawmawm ve "ti liam puat in a inthlak zui nghal daih ,.



Bathroom a lut chiah tih in a lehkhabu chhiarna thin dawhkan a ,a phone dah chu a lo ri a ,phone khawihsak tih vel a duhloh theih em avang in ka va uk sak duh lemlo ,mahse a rawn rik nawn leh tak chhen ah chuan va pan pheiin ka va la ta nge nge ,Rosyi bawk lo ni in.An ni thian dun awm dan te hi ka hrethiam zo zai tawh lo ,vawiin lam ah a thiannu in ka pasal phone a lo chhang nawlh tawh a ,tunah Rosyin zan tlai lam tawh ah rawn biak a tum leh bawk.







##Zanin chu thinrim leh rilru na deuh in han awm leh phawt mai teh u ,karleh atang chuan in nui var var thei tawh in ka ring


Show post links
Top