ZUZUAR FANU BY Rebec Colney (Completed)

[Ngaia]

##Mi te hian ka hnung lam ah engtin nge min sawi zui a nga ,eng ang mi ah nge min ngaih ang ka hre lo ,ka nun dan mawl mang tak , hmasawnna awm chuang si lo hringnun chu ka pal phei bawrh bawrh ti ila ka sawi sual ka ring lo .Mahse le ,ka nun a mipa pakhat a rawn lan atang erawh ka hringnun chuan tlem tlem in hma a sawn ve a .Chu pawh chuan eng thleng nge a daih dawn ka ring thiam lo !!!!!

Hmangaihna tel miah lo a nupa a insiam chu a hahthlak in ,hlimawm na reng reng a awm lo .

Kan dinhmun inthlau lutuk ka ngaihtuah chang in thawk harsa khawp a min hnawh tlat tu thil lian tham tak a awm thin .

Ka hringnun hian eng tik ah tak mi te ang a hringnun par mawi tak neih ni nei ve ang maw



ZUZUAR FANU





CHAPTER -1






Ka thinlung na vawng vawng leh baihvai tak ti zual leh chhawng tur in chhum chu a thim khup a,khua dur in ruah a tla sep sep bawk ,Khum ah mu in ka ngaihtuah na chu ka kawm mawlh mawlh a ,thil tul lo pui pui ka awih theih si loh thil te chuan min rawn chen chilh zui mawlh mawlh a .





Ka rilru buai leh tawt ru zet te chuan chet pawh min ti chet that tir thei lo ,Current a lo thim ve bawk a ,mahse eng han chhi tur tak ngial pawn ka tho chhuak peih lo. Zan in a current a chhia te hi thil na ran tak ,thil thleng zen zen a ni a ,kan khua te ve tak ang ah hi chuan current hian eng ai in thim hun a tam zawk miau a ni. Khua a chhiat a ,khawpui te a han rik dur dur tak chin ah phei chuan a rang a rang in kan current pawh a rawn thim nghal mai zel .






"A va thim ve le ,Nguri ,hmeh en khan min rawn en teh " ti lawng lawng ri chu in chhuih khut khut thawm nen a zawm zat a phur lo tak chuan ka mut na sir a hmehen chu la in pawn a ka pasal awm na lam pan in ka en phei a .





Inchhung a kan in zui luh rual in "tiang a thim khep khup hnuai a awm ,a mi pangngai loh thlak e mai " ti hluk in bati te chu a chhi eng zung zung a ,emergency light ni sa hmang a kan charge thin chu tih en an tum a ,reilote eng zawk a thim leh nghal chu a phun khum hluk a ,rum lam mah a min melh in eng em phei chu a sawi chuang lo .






"Va mu rawh ,kawngka chu ka kalh mai ang " ti nghut in pindan lam ah lut in a puan sin tur leh lukham chu a rawn pawm phei a ,thuthleng ah dah in melh pawh min melh tawh lo chuan kawngka chu a kalh tha mawlh mawlh a .






Ka dinna ngai a ka la ding reng chu "pindan ah lut la ,va mu rawh " chang lam mah a ti in ,min melh rulh a ,zanin ah chuan ka rilru a awm te sawi pui ngam chi pawh a ni dawn lo tih hrethiam in pindan lam pan in ka mu ve ta mai a.







Kan nupa inkar ah hian hmangaihna tih vel in hmun a chang pha lo ,a hming mai a nupa ,in ngaihsakna tel miah lo in a hual vel kan ni a .Engvanga inneihna hi lo pawm mai nge ka ni tih hi zantin mut hmunah ka ngaihtuah thleng ziah .






Mahse ,ka tan kha chuan a thlan hna awm ngawih ngawih a, ka nuhrawn leh ka pa ten kan inchhung ngei a zu an zawrh a, mi tin chi tang in an rawn dawr a, an rawn len luhna hmun kha kei nula tuai tir tan kha chuan ngampa tak leh thin thi chung a han chen zawm zel kha a ngam awm thlawt lo .Patling emaw pathlawi zu rui tak tak ten a an ngaihtuahna sual thup lo lek a min nelh na te kha haider chi ziazang va ni lo chuan.




A hming in nula te kan ni ve tawh a ,nula dang te ang in thalai inkhawm leh thil tih ni khua ah pawh ka lang ngai lo ,engtin nge ka hnung lam atang a min sawi zui thin dan ka hria a ,kan inchhung khur nuam lo viau mahse ka tan chuan pawn lam boruak a awm pawh a nuam chuang lo a ,pawn lam ah ka vahchhhuah chuan mi chhungkaw hlim tak a awm te , rilru hahna hremiah lo mihring te , nun pangngai tak a nung ho te hi ka awt thei em em thin .



Chu chuan mahni insitna lian tak ah min hruai lut thin a ,ka inrintawkna zawng zawng te min hlauh tir thin .





Eng ka nihloh tehreng nen min sawisel peih reng te ,min hmusit peih reng te hi mak ka ti thin ,naupan lai atang a zuzuar fanu ti a koh nawm nah tuar reng thin hmeichhe derdep tak mai hi tu te hnen atang mah in hmangaihna tak ka dawng ve ngai lo a ,min hrethiamtu ka mamawh nasat bik zia te hi tuman an hmuthiam ngailo.





Ka pasal ngei pawh hi kan in a zu lo la thin a ni a , mahse han buai chhe khawp in a in awm ka la hre lo .Sa tha nelh nawlh, tawng tam lo zet hi a ni ve a ,a khabe hmul to vel te chuan a ti lang hlauhawm lek lek em aw tih tur a ni a ,han inzuah buk chhup kan tih ang chu a ni hran chuang lo.






Khawpui lam mi ni in kan khua ah zirtirtu tur in kum lak lawh zet a an lo sawn a ni a ,a rawn awm tirh phei chuan a tawng mawh lutuk kha khawtlang ti ti a ni pha hial .Kan in a zu a rawn in zeuh chang pawn mi thawm bemgchheng karah a ma tawk in a in mai a ,tu mah a ngaihsak lem lo.






Zan khat zu rawn lam tur a a rawn kal chuan keimah te chauh in ka lo awm a ,a ni pawh chu haw ta mai lo chuan a awm ta reng a ,nidang ai in a in tam tawh tih hriat tak in a tawng ve ta suam suam a ,eng emaw sawi dun in kan inhnaih chilh ta viau ,a hnu lam ah phei chuan nupa kar chauh a hman tur nupa nun kan hmang dun ta hial a .






He zan tak hian zu in ngai mang hlei lo in a ka bialpa nen kan in then rilru na leh min hmuhsit em em vang a rilru na tak a awm a ,rilru a pai reng ning lutuk in ka lo in ve a ,boruak ngam tawk chauh in ka rui leh nghal .Ka bialpa in min then pawh ka la na bik em em a ,midang lak atanga ka dawn ngailoh lainatna ,hmangaihna ,duatna te min tem tir avang in ka tan chuan a hlu hle a ,ka nunna tluk zet a ka ngaihhlut mipa a ni bawk .



Kan thiltih te kha rilru harhfim lo tih tak ah a pawina ka dawn pha lo .Mahsele ,chutia kan lo mu dun lai ka chhungten min lo hmuh tak ah chuan han phat chiam a ,insawifiah ngaihna kha kan hre dun thlawt lo zawng chu a ni.







Han insawifiah tur pawn thil pawi zawng zawng kan ti fel vek tawh si a ,thil chu a nih dan tur ang a lo thleng chho zung zung in tun dinhmun hi kan chuang kai chho ta reng a .






Nupa ni ve ta fam chu nupa nun pawh kan hmang ve fo ta reng a ,mahse kan thiltih te chuan kan inkar ah inpawhna thuk zawk a chan phah erawh ka hre chuang lo .





Min ngaihsak teh hluak ngailo a ,min ngaihsak a min duat tur pawn ka phut hran lo ,kan nun dan leh kan khawsak phung chu ngaihtha takin kan in en liam mai thin a .Chuti ani na chungin eitur leh ka mamawh tur ang thil te chu min leisak awl lo thung .A hnen atang a thilpek ka dawn pawn aman min pe lo in kan chawei na dawhkan ah emaw khum ah te chuan a dah mai thin a ,kan inbe tam ngai lo hrim hrim






A chhungte nen pawh kan inneih dawn bawr vel leh inneihni a aizawla kan inhmuh bak kha kan inhmu zawm leh ta miah lo a , an fapa nupui ni mai tur atan chuan kei zuzuar fanu ve mai kha chu min pawm lo tih pawh mimawl ber pawn an hriat thiam theih ka ring .An in leh a vel en kha chuan hausa uchuak tihtur ang chi nilo mahse mi khawsa thei ve tak an ni tih chu a hriat mai a .An inchei na thawmhnaw ang te kha chu kumkhat ah kan lei pha ve tawk ang tih theih tur ang a nalh leh changkang a ni hlawm a,a nau hmeichhe ho te nen pawh tha deuh a inbiak a awm lo a ,min melh hrek hrek ringawt chauh a ni .






An naupang ber dawttu erawh a fel in a tawngduh phian a ,kan inrual khat viau bawk.An upa ber hmeichhia pasal nei tawh a awm bawk a ,tawng duh lutuk lo mahse a mawi ah chuan min be ve seuh seuh reng a .Mak ka tihdeuh chu heti khawp in an monu atan a chhungten min duhlo chung a U Ramnghak an min nei hi a ni ,kan mudun ngei a mahse naute ka la pai bawk si lo a ,min neih chhan tur hi ka ngaihtuah ngial pawn ka ngaihtuah chhuak zo lo .






Aizawl lam ah rei awm lo in kan khaw lamah kan chho leh vat a ,hnathawh lai a neih miau avang in rei awmtheih kha kan nilo hrim hrim reng a ,kei pawn he lam chu nuam ka ti in ka thlahlel zawk reng bawk a.



Ka pa leh ka nuhrawn pawh in U Ramnghaka ka nei tur hi chu engmah sawi buai an nei lo a ,min ning tawh viau a nih mai te ka ring hial a ,ka pasal tur atan hian min duh pui khawp a ,ka nuhrawn phei chuan U Nghaka chu be tha tak a ni ,a hming in zirtirtu te a lo ni ve bawk nen ,a pak hiam ti ila ka sawi sual lo ang .






Tihian kan pahnih te in kan khawsa ta rek rek a ,tunhnai te hi zu in a ching thar leh a ,amah ang lo takin phone a hmang peih thar zual hle bawk .
Eng emaw thil chhui deuh chu a nei in ka hria a,a thiante hi tu emaw chanchin lo ngaihven tur hian a chah leh mawlh mawlh thin a ,mak chu ka lo ti ru ve em em ringawt.







Ka mut na atang tho chhuak in kawngka chu dim leh thawm chhuah rin hlau zet chuan ka hawng de de a ,hnar ri suk suk thawm bak a awm tak loh ah chuan ka phei them them a ,a puan sin tur a lak chhuah pawh sin lem lo chuan a lo mu hil chu ni in ,khua a vawh ve deuh vur tawh avang in puan chu kai pharh in tha deuh a ka sin tir hnu in mu tur in pindan lam ka pan zawm leh nghal mai bawk .







Sikul hi an tan hma avang in zing lam hi chu ka tho hma in eirawngbawl vel pawh ka peih fel hma thin khawp mai ,eirawngbawl leh in chhhung chet tih loh hi chu eng han thawh tur em em a awm hran lo nen leh lam kawng zawng tak ah chuan ka pa te bul a ka awm lai ai in ka hahdam in nuam ka timah zawk reng a .






Awmawl lutuk ai ah tun hnai te hian in bul vel ah eng thlai thlai emaw ka ching ve e ka tia ,chhun lam ah ka khawhar lutuk pawh min hnem viau in ,nuam ka ti ve hle bawk.







A sikul kal tur a a chhuah hnu thleng pawn ka biakna chu tawngkam tha in min be lo tih theih a ni a ,tunlai tak hi a in la hrang thar em em in ,khum khatah pawh kan riak dun ngai lo .






Hmeichhia ,awmnem zawk tih takan a chang chuan nuam loh tih chang leh inthiamloh chang ka nei ve bawk thin ,hnathawh nei lo ka nih mai bak ah chhungkaw chhuanawm tak leh innghahna tlak ka nei lo leh ta zel a ,a ni hna sang nei leh mi te zah rawn hna nei tan chuan mualpho na thlen tu bak ka ni lo tih te chu ka chiang em em a ,chu maibak ah inhmangaih miah lo ah nupa bul tan kan la ni leh zel nen atan chuan min neih hi vanduai na a ni ve chiang viau a ni .






Chhun lam ah ka thian kawm ve ber Rinengi a rawn leng teh nawlh a ,thawveng mi toh tak ah a rawn ri lut bawrh bawrh reng a .Ani hi chu ka dinhmun leh kan chhungkua chanchin pawh a bo a bang awmlo a hre tu a ni a , eng ah a ngailo a niang hei kanla inkawm ve zel chu a nia .






"In pa hi veng tha rawh aw ,a sikul kal na lamah hian thiamna chauh va pe chhuak lo in ,naute te tak te hmeltha deuh te hi a lo pe chhuak hlauh ange aw " thutak ru deuh hian a rawn ti sa sa a, a sawi awmzia hre lo tak a ka melh hau chuan chek tlak tlak chung in






"I a sia maw ,in a I tawm ngut ngut a ,khawtlang ti ti te hi I hre lo nih hi ,in pa leh zirtirtu rawn awm thar nula hi an sawi zawm deuh a lawm ,in a tawm hmeltha vur lo hian vak chhuak ve deuh rawh ,tiang ringawt chuan I chut zo dawn " ti hlak in ka chal a rawn nem deuh kher a ,a thawveng ang bawkin sawi hreh hi a nei lem lo bawk ,a bul a awm tur chuan rilru zau tak put a ngai ,tawngkam te hi a nei na thak thak thei a nia.







"Mi thil sawi na zawng hi awih a rin chi a ni lo ,kan khua te chu thudik lo deuh deuh pawh an sawi chhawn leh zel chuan ,a ai mak leh awihawm loh tak tak in thu a inbvai vir kual vel nuai zel hi " ka tih chuan buaithlak min tih hmel zet a min melh in a lu a thing mat mat a ,a ner leh nung zel bawk.






Ka hnung ah min rawn beng dawt in "an lo inngaizawng lo a nih pawn ,an inhnaih hle tih chu a hriat mai a lawm ,sawi zawm tur in an awm dun thin tih lah chiang reng ,inpawh in ,in hnaih viau lo se chu tuman an pahnih in an sawi zawm ngawt lo ang ,pan lo ah tho a fu ngai lo tih nih kha " a rawn tih leh hlawih hlawih ah chuan ka rilru chu a dang ve ta deuh .






Ngaihtuah kual thuk zel phei chuan tunlai a khawsa zia nen a inrem vek ,zu a rawn in leh thin te ,phone a en peih thar thut te ,inchhung ah baik a har em em zel te thleng hian chhuizawm duh chuan hei lo pawh hi a tam mai .





Ka thiannu lah chuan "hmethat lam ah phei chuan nang ai a hmeltha em em hran lo ,mahse khawpui nula tih tak ah a vun a no nalh in ,a pian lah a pawng tur leh poh tur lai chu duham tak in a pawng vek a ,ka sawi thiam dan chuan mipa duh chi ,mipa tam tak te suangtuah thin ang hmeichhhia a ni " ka rilru tur dawn lo tih hriat zet in a la rawn ti ang deuh deuh a ,ka thiannu ni lo se zawng ka ngei ngawt ang ,tawngkam te lah hi a thiam in a sawi uar thiam thei bawk si .







Ka rilru danglam lo ka tih chuan dawt ka sawi chiang viau ka ring a ni ,hmangaihin va duh hlur lo mah ila a hming a ka pasal a nih na leh ka thianghlimna ka hlan na a nih avang in rilru chu a hnim ve ruih a lawm .Mahse ,tihlan a lanchhuah tir chu a hming mai a a nupui ka nih na avang chauh pawh in ka ngam ngai dawn lo tih ka chiang viau thung.






"Eng nge in lo lam chin chang ,buh in lak hun chu min sawm ve ang che ,buh in nghah leh nasa mai dawn si a " ti in thudang ah ka pen pui ta daih a ,a ni pawn ka sawi zawm chak vak a ring lo te pawh niang a rawn sawi zawm ta bik lo a ,an buh hmin that thu leh phur za dawn an neih theih mai theih tur thu te chu a sawi zawm ta mawlh mawlh a.






Tlai rawngbawl dawn ah a haw ta chauh a ,a haw hnu in keipawn eirawngbawl ka tan nghal a ,rilru leh ngaihtuah na lah chu a hnim ruih a ,thil tangkai lemlo leh sawngsawhlawt na awm lem lo ah ka rilru ka seng kual kawi nasa kher mai ,vawikhat phei chu ka bai siam lai bul a ding reng si in ka lo so liam tir zung zung hi a lo nia ,tih chi lo tak a ni .






Nidang ai hma in U Ramnghaka chu a lo haw ve khiah a mahse a mah mai in a ni lo ,a hnung ah hmeichhe pian dik leh hmelchhe lo zet hian a rawn zui haw ve a ,chu hmeichhia chu a thawhpuinu a lo ni ,naupang ho test paper check tur U Ramghakan in lamah a lo dah daih avang in a lo la dawn hi a lo ni .





Ka pasal pawh chuan nidang a a tih thin lo dan zet in "vawin lam te I lo hah em " ti sup in ,a thiannu chu lo thu hrih lawk turin a hrilh zawm leh zat a .





Ka chauh lo thu sawiin ka bai chhuan lai chu ka va off leh lawk hnu in an thutdun na lam ah pan phei pah in "thingpui ka lo sian ang aw " ka tih chuan hmeichhia zawk chuan a ngaih loh thu a lo sawi nghal vat a ,ka tih luih deuh pawn a in peih loh thu a sawi tlat avang in ja ti lui ta biko .U Ramghaka erawh thingpui hang a intur ka siam sak a .






An innel thaw khat tih chu an inbiak vel dan atang a chiang viau bawk a ,choka piah deuh lam a thut khawmna pindan kan tih mai zau hranpa lo tak ah chuan an in kawm a ,va pawh a va thut phei ve ka tum viau nachungin ka thulh leh ta zawk a ,an thil sawi duhzawng ang te chu kei lehkha zir sang lo tak nian ka man pha leh dawn chuang loh mai bakah ,eirawng ka la bawl zo chiah lo hrim hrim bawk nen ka tihtur te chu ka tih zawm leh ta daih a .






"Chaw kan la ei thei na nge " a rawn tih thum dut rualin hnung lam ka hawi nghal vat a ,bai gas a ka chhuan chu a hmin tawh vangin ka off nghal bawk .






A zawhna chhang ta lawklo chuan a thawhpuinu thutna lam chu ka hawi a ,a lo awmtawh tak loh ah chuan a haw tawh toh ka hrethiam zawm mai




Amah pawh en loa hnunglam ring fan ar ar a ka en chu "a haw tawh " ti sup in "chaw chu kan la eithei lo mi " a rawn tih zawm zat a ,a ban a a sana bun chu tuai heuh heuh in a dar zat a en zui a ,a rinai a la hma niang a ner suk mai.






Gas a thil in chhuang suan thlak pah chuan "peih chu ni mai ,chawhmeh thing hi kan chhuang lum zuai zuai a nga ,kan ei dawn nia,I ril a tam tawh viah a ni maw " ti in a hmel chu ka va en a ,a lo.bu vei nghut nghut mai ,lian viau e ti lo chuan a che zia chu tunlai tawng takin a duhawm hmun hmun reuh lutuk .






Nidang ang lo takin zu rim pawn a nam lo in a nui leh ang suk suk thin a ,eng thil tha tak tawng ang maw vawiin lam ah ,tang hian a awm ngai awm ka hre der lo .





A riltam tawh bawk a ka ei pui vat a, naupang ho papercheck in hun a hmang chhun zawm nghal a.






"Khum ah ilo mu ve dawn mi " ka zawhna avang chuan a ner nawk a ,min melh ngun viau bawk .Ka thil zawh chhan pawh zan danga thuthleng sei a a mut ziah thin vang a ni pakhat a ,tunah lem khumah mut a rawn tum ve leh bawk si a







Min chhang ta lem lo chuan puan chu sin tha zui mawlh nawlh in a mu fel than a ,ka la thu reng chu min rawn kuai mu in min rawn kuah zui hnun a ,ka pum leh awmbawr chu hnung lam atang chuan a chul kuai ruai a ,ka beng bulah a thaw lum leh hak zel bawk.






"Eng .eng ...nge thil awmzia " ka tawng chhuak te Chu a bah niai a ,hetianga min khawihloh na hi a rei tawh lutuk tlat a ,lo dawnsawng dan ka thiam lo chu a ni.,,






Nui ri suk in "he thil hi kan inkar a thlleng tur thil dik tak a ni ,I hrethiam ti raw ,hun nuam tak ka tawnpui dawn che ,kan inkar siam that a inpawhna tha zawk siam tu tur a nih hi " nghet charh a ti in ,a lam hawiin min kuai her a ,mitmeng thuk leh ril lutuk a min melh in a hmui chuan ka hmui chu khar chilh in hun nuam tak chu min hmanpui a.






A thil sawi awmzia tak kha hrefiah thiam zo lo mah ila ka thinlung leh ngaihtuahna ah chuan hring nun duhawm zawk leh nuam zawk ka tawng baw dawn tlat a inngaihna ka neih vang in tun kan thil tih zawh chiah avang pawh in inchhirna leh rilru nawmlohna neiloin thlamuang tak in ka muhil thei reng ani.


Show post links
Top

[Ngaia]

ZUZUAR FANU




Chapter -2






Hun a inher liam a,ni thar duhawm kan tawng baw chho zel ang hian kan nupa inkar pawn tlem tlem in hma a sawn chho zel a ,mi nupa te ang a inpawh leh inlaichinna thuk tak nei a khawsa dun ni pha ve chiah lo mah ila kan inneih tirh nen chuan inthlau tak a ni tawh thung .







"Zanriah chu min lo bawl kep suh aw "ka thleng sil chu tawp in U Ramnghaka chu ka en vat a ,a ni pawh ka kiang a ding in min lo melh ve ran a .






" Khawiah nge ei chhuah I tum a "ka tih sep chuan pangngai tak hian " hman ni mai a ka rawn hruai nu kha I la hria tiraw Sinthiai kha "a rawn tih chuan ka hria tih hrilh nan bu nghut in ,ka sil zawm leh nghal a






" A inluah lam ah chaw hlui kil ho pui tur in min sawm a ,sikul a lo thawh thar lawmna ni pah fawm in zirtirtu ho zawng kan tel ang,ka chak teh chiam lo na chu thawhpuite ho hian an ti tlat bawk si a ,han hnial tlat kha a nuam lo a "ti in a rawn sawifiah zawm nghal mawlh mawlh a ,a tawng tam ve lutuk chu mak ka lo ti zawk a, kan inneih hnu a ka kiang a thu a la sawi tam ber tum a nih hial ka ring.





Ka rilru nawm loh riauna chu ti lang duh lo in " a tha lawm va kal rawh ,intih thawven ve na te a ni mai lawm "ti in ka thlah liam a .





Ka thiannu thil min hrilh vang kha maw ni ,ka rilru a hah dam kim tlat lo a ,mahse an pahnih chiah a ei tur an ni lo a ,midang an tel ve dawn tho ti in ka in hnem ta ngawt a .





In chhung tihfai leh tul dang dang ti in keima tawk ah pawh ka buai nileng thak a ,zanriah chu u Ramnghaka ei bo dawn avangin eirawng pawh bawl lo in zing a chawhmeh thing ho chu rin mai ka tum a ,duh leh artui leisa kha ka kang a nga ,a tawk der ,eirawngbawl ngai lo nen kan in lamah ka va leng ta daih a .






In chhung ka luh hma atang in zu rim varanda lam a nam chu ka hre tan nghal a ,a chang chuan ka pa hi ka haw lek lek zel ,tiang khawp hian a nun a tlachhia a, hma sawn lam ai a hnungtawlh zawng a ke a pen tlat hi ,min hringtu nu ngei a la dam lai kha chuan tiang ang nun tawp leh zahpuiawm tak hi a nei ngai tlat lo a, tunah te chuan mahni in ngei pawh nawmsipbawlna leh zu hmun sa hmun ah a chhuah ta mai chu a ni sia.







" Nguri I lo leng ni maw "inchhung ka lut min hmuh rual in ka pa chuan alo ti vat a ,tawngka a chhang lo chuan ka buk khum nghut a ,rinai takin a harhfim zek ,rui khawpin a la in lo te pawh ni mahna,zan ah chuan biak tlak pawn a awm leh dawn lo tih ka chiang .






Thuthleng awl ah chuan thu in " eirawng in la bawl na nge "ti a ka zawh chuan " zing lam ah chawhmeh kan siam teuh a ,tlai lam ah ring leh ila kan tia ,rawng bawl tehchiam pawh ngailo "ka pa nupui chuan a loti vat a ,a thusawi chu ka awih tehchiam lo na chung in " a nih chu"ka ti tha ve mai bawk.






Khaw en lai a ni bawk a zu in tum a rawn dawr tur pawh an lo awm vak lo a, mi pahnih chu an awm ngei a rawn leng satliah mai mai an ang mah zawk .






Rei awm lo in ka haw phei leh vat a, kan in leh ka pa te in hi hla ti dawn a hla lutuk ni lo mahse a hnai lutuk hran chuang lo a,hah lutuk lo a inkal pawh mai theih a ni.





U Ramnghaka nen kan in neih tak hnu hian ka pa nupui hian min be tha sawt tlat in ,min tih tlangnel a tum thar tlat in ka hria a ,a hmingin U Ramnghaka te sawrkar zem zen pha chin an lo ni nen ,mahse ka nuhrawn hi chu min biak that a ka chung a that a chhuah pauh leh kei mah a nuam tihlohna a awm phah zawk hlauh zel .





Rinai takin U Ramnghaka pawh chu a rawn haw har a ,thuthleng ah thu a lehkha bu chhiar pah in a lo haw hun ka nghak deuh ran a ,phone kaltlanga va biak ka duh viau na chung in nupui thik thu chhe ber ang mai a va tih buai chhen ka duh bawk si lo ,ka lehkhabu chhiar ah pawh rilru ka pe thei lo ,a rawn haw har lutuk ringawt chuan ka rilru a luah hneh khawp mai .





Dar kaw dawn ah chuan a rawn haw ve ta hram ,eng dang a lo be hmasa lo chuan lawm lo aw ka deuh chuan "I va rei ve " ka lo ti nghal pang a ,tawng chhuak hmasa phawt loh chuan kawngkhar te chu an kalh tha nghal sawt sawt phawt a ,a che zia dam ruih chu thinrim in peih at chungin ka lo thilr reng a. .





Thuthleng a puan nuam sin chung a ka lo thu mu deuh chu min rawn melh in "min lo ngai tawh mi " hnuai lam hawi in a nui suk a ,chutah ka awm na thu thleng ah chuan rawn thu thla in "maw min lo ngai tawh viau mi ,ka tello a rei deuh awm chu ilo khawhar viau mai e law " ti a min zawt su su in a mitmeng in min chhaih pah kher bawk ,vel chuan a,inla zei vel lutuk .





"I zak thei lo e a " lai deuh tak chung in aw ki ring lam mah chuan kq ti hlar a , a ban bul nghet thlurh ah chuan kan beng sak pah kher bawk ,a nat tham phei chu ka ring lo.





Nui hawk hawk in "I mitmeng atang khan ka chhiar thei vek lawm " inti hre fahran in a rawn ti leh a ,ka mal an hmet pah kher bawk a ,a mitmeng kan en chian chuan a diklo tih ka hre nghal .





"Zu I in ni maw " ka ti nghat a ,a phat ka rin teh reng nen a kutzung tang pakhat ti kawm chung chuan "tlem te ,tlem te tak tak bak ka in lo ,"a ti a a mitmeng a thil in a vang a sen deuh ram leh mitmeng dul raih thim lam mah te chuan a ti lang pa zual emaw tih mai tur a ni.





" Hmmm"ka tih rual a a lo tih ve dut avang chuan ka ka mal a hmer chu ka ti sawn hret a a rum deuh nghut mai.





Eng ah mah ngai duh loh chuan "khum lam ah kan mu phei tawh nge ,thuthleng seiah maw I riah leh dawn hei I puan sin tur aw " ti zugg zung in ka puan sin chu a malchungah dah sawk sawk in ka tho tharh a .





"Hei ,enge I hriat a " ka pen tur chiah a malchunga min nghah thlawrh avang chuan ka ti chul ,min ti hlauh hman zia chu a.






Ka kawng ah kuah bet run in "ka rawn haw tlai avangin I lungawi vaklo ni maw " a ti sup a ,chhanglo in ka ngawi reng thung ,haw har lo tur ang a insawi si a rawn haw har leh em em avang a ka thinrim thu te chu kan hrilh a ,han zawhfiah ka duh teh reng nen ka ngam tlat lo a, engtin nge min ngaih ang tih thleng thlenv ten ka ngaihtuah kual hman vek ,zaklo min lo ti reng thei bawk a .






Amah chu a rawn insawifiah leh ta vek a "Chaw chu kan ei har hran lo ,mahse haw nghal kha thil mawi leh tihchi a ni bawk si lo a ,kan thu khawmuang leh ta reng phawt a ,kan haw hnu i pa te in ah ka peng leh zawk bawk a " a tih zawh rual rual in "enge ka pa te in ah i tih " ka lo ti vat a .






"Eng ti lo e ,ka leng lut mai mai ''atih chuan ka awih lutuk lo a, mahse ka zawt zui ta bik lo ,zawt zawt pawh ni ila a sawi duh dawn chuang lo tih ka hriat chiang em vang a ni .Nakinah ka pa ka zawt tawh mai a niang chu.






Min fiam min fiam in min chhaih leh zuk zuk thin a ,a tawp ah chuan ka nui leh ta nge nge , a mize mak lutuk hi hriat thiam hi a har thlawt a ni ,kan inneih tira a tawng duh loh zia leh a nelawm loh zia ka la hriat chian em avang in tun hnai a a mize inthlak thut nen chuan mak tihloh chi pawh a ni lo .





Tawng duh ta lutuk tih khuk chuk tur nilo mahse thu ho te te sawi a min fiam a min chhaih leh zuk zuk hi a ching thar riau a ,min ti lai chhe thei khawp mai .





" Thuthleng ah te min mut tir tum reng reng ,ti awm ang lo lutuk "ti khu khu in puan chu a pawm khawm a ,pindan lam a pan phei nul nul mai .





" Rawn kal ta che ,enge I din khawng reng mu ang "ti in min rawn la tur chhen a ,ka thin rim tawh lo nen lung awi tak chuan ka zui lut ve mai bawk .





Khum a kan mut tawh hnu pawn a la nghal chhunzawm reng a, ka taksa a zut kual leh ruai thin a,ka hmui ah fawp leh zawk zawk thin bawk nen keimah tak pawh chu ka pangngai tawhlo ,a pang ka ti za niang ka biang te chu a piai leh nawk thin a .






Zan lam ah kan mu hil har deuh bawk a, zing dang ai in ka harh har a ,U Ramnghaka erawh a la hnar ri suk suk thung ,bawk khup zawng in a mu hlun a ,ka tho chhuak che vel rak rak thawm pawn a ti harh lo zo lo ,a hnung ah na vaklo a ka bensak dat chuan rum tiah tiah a inlet thawkin a muhil zawm leh nghal mai bawk a ,ka kai harh zawm duh ta lo mai ,vawiin chu sikul a kal tlai hret a nga ni tawh mai .






Bualin ah ka in phih fai sawk sawk hnu in chawbel ka siam nghal a ,chawhmeh van lai tak ni bawk nen enge han siam tur mai pawh ka hre lo khawp a ,a hnu ah chuan dawrah alu va lei in kan ro tur in ka siam ta tawp a ,dal ka chhum hang bawk ,U Ramnghaka hian dal hang hi a ngaina khawp a ,an thur rep thlak zeuh hian a duh zual bawk , kan hmeh tuk tin ti theih a ni ,bai eng emaw leh hmarcha rawt te nen chaw ei chu rei lo a ka peih ta der mai.





Kaih thawh ka tum ril ruk lai tak chuan phak chuap hian a rawn tho chhuak a ,a meng bui deuh lak a mút a la kham hmel loh khawp mai.





Thingpui a in duh leh duhloh ka zawh chuan a duh loh thu a mìn chhang in ,a intih fai zawh ah chaw ei nghal mai a pawi tihloh thu a sawi zawm zat a, hmanhmawh awm reng pawh a ni dar riat a pel tawh tlat .





Chaw kan ei lai chuan "mìn kaihthawh vat awm " a rawn tih chuan melh kha kha in "nizan i thil in vang nih kha ,zing dang ah i thawh hma theih theih nen ,i hnungzang ah beng in tih harh che ka tum pawn I tho thei reng reng hlei nem " ti a ka chhan let chuan sawi tur mai a hre leh tawh lo niang nui suk in chaw chu a bar zawm leh mawlh mawlh a .





Dar kaw pelh hret ah sikul lam pan chuan a chhuak hman ta chauh a. Chhun chawlh hun lai vel a min rawn bia in naupang ho result vawiin lam a puan tur a ken loh thu min rawn hrilh in ,sikul ah kal a rawn dah lawk tur a min tih avangin ka thawmhnaw bal chu thlakin tlem a mawi hnai ve deuh ka inbel a ,hmun hla leh khaw dang ah kal tur ni lo mah ila ka nunzia leh ka in thuamdan hmelhmang te hian ka pasal a ti hmingchhia in a ti zahawm lo daih thei tih ka hre ve ran a ,ka in uluk ve khawp mai.






Mi tam tak ang in zirna lam ah chhuan tlak thiamna nei lo mah ila ,ka tihtheih thil leh ka phak tawk thil ah chuan pasal te ti hming tha tu nih chu ka tum ve tlat .




Sikul ka thlen chuan U Ramnghaka chu bia in ka thlen tawh thu ka hrilh a ,"rawn kal rawh office ah ,I la in eipuar bik lo ang ti raw ,rawn lut la sikul kiang a thing pui dawr ah kan chawl dawn nia "a lo tih avang in sikul office lam chu ka pan a ,sikul kawtah chuan naupang ho pawh a then lo in um kual in a then in ball an lo beng nak nak hlawm bawk a ,sikul kan kal ve hun lai min hriatchhhuah tir rum rum thei a lawm.






Office a ka va luh chuan zirtirtu ho chu lo ti ti khawm in ,ser hi an lo ei a ,U Ramnghakan min rawn hmuh chuan a lam a kal tur in min lo hui vat a ,midang ho pawn thil ei pah in min lo melh in ,an lo nui var hlawm a ,U Ramnghaka chu an thil ei na bul ah thu ve run mahse a ei ve lo thung ,thil thur hi a ngai na lo reng bawk a ,a thei ei lai ka la hmu lo kei tak ngial pawn .
..





A kiang a ka va din phei rual chuan ka thil ken chu ka pe nghal vat a ," rin ai i rawn thleng hma "a ti sup a ,midang ho chuan ei ve tur in min lo ti hlawm na chu ka chak lem loh avang in ka hnar ta thung a, ei chak loh mai bakah ka ril a tam deuh riai riai nen ei loh ka duh zawk .






" Ka ril a tam tawh nia "a dar ah vuan in zawi te hian ka tia ,kei chu ka din ngai in ka la ding reng a ,han thut khaw muan leh vel kha ka peih teh chiam lo.





Nui suk a min rawn en in " pumpui hi i nei lian bik ngawt mai ,nih chuan kal ila "tih pah in a ding zui zat a ,a thawhpuite bul ah chuan thil kan ei lawk tur thu a sawi zawh in kan in zui chhuak ta a .





Ka dar ah vuan in inhlat lo takin kan kal dun a ,kan thingpui dawr chawlhna tur chu a nuam zek a ,dawrtu pawh an lo awm ve nual mai.





" I duh duh chah rawh ,I rila tam tawh kha "a lo tih chuan " ka ei teuh dawn nia aw "kan ti nghal thawr a ,min en ren rawn in a nui ta huk huk mai





" I duh zat zat chah rawh ,i pasal hian pawisa te chu ka ngah lutuk "uang zet in a lo ti ve bawk .





Ka chah hnem thawkhat bawk a ka puar lutuk tak zet ,ti hi chuan tlai lam ah chaw pawh ka ei peih kher nang le.






Haw tlang nghal ka tum chuan a lo la phal lo ,rei lo te lo la awm ve rih tur a min tih avang in ka la awm ve a ,an thil sawi awm zia chu ka man phak loh mai bak ah eng lam hawi nge an sawi ka hriat loh avang in U Ramnghaka kiangah chuan ka thu ngawi kar a






" Nguri,i pa'n zu a la nei thin ti raw ,tun lai chu zu lak na vang lutuk a "mi pa pakhat hmel en reng reng pawh a heh ve hmel deuh chuan a lo ti a ,midang ho chu class la tur a an kal hlawm tawh avangin thil min zawt tu pa leh kei ni nupa leh Sinthiaii chauh chu office chhung ah kan awm tawh a .





A thil min zawh dan chuan ka awm a ti nuam lo nghal rawih thei a ,ka zak takzet bawk ,Sinthiai lah chuan mak tih hmel zet hian min lo melh kar bawk ,U Ramnghaka ka va en chu a zak nge a thin rim tih pawh hriat loh in a lo thu kun deuh ngul a .






" ih ,,,,,,ih ka hre lo,ka tlawh vak ngailo a "ka ti chhuak thei hram a ,min zawttupa hian rilru chhiat vang a min zawt chu a nih ka ring lo ,mahse thil hmun leh hun a hre lo ve thlawt chu a ni zirtirtu lai ni ve si ,ka rilru lam ngaihdan tur a dawn pha lo reng reng ,mahni insit na in min rawn luh chilh nghal a, awm nuam pawn ka awm thei tawh lo .





Chhungkaw chawrchhhuahna in a zirloh avang hian eng chen nge mahni insitna ,inkhawngaihna thil ten min la tihbuai reng dawn ni,mi tan a sawi chhuah awlsam tak leh sawi liam puat theih thil ni mahse kei atan chuan hriat reng tur thil a ni leh reng tawh dawn si.






Ka ngaihbel nge ka haw dawn pawn U Ramnghaka chuan min be tam vak ta lo a ,sikul kawt thleng chu a mawi ah min thlah ve a ,thil ngaihtuah run hmel hi a pu bawk ,,a tan a a lo zahthlak ve tur lah ka hriatthiam pui pha ve tho a ,mi te ngaihsan rawn hna zirtirtu hna thawk a ni a mahse a nupui chu engah mah in chhuan na tur nei ve lo ,zu zuar fanu mai ka ni si a .







Mahse la ,in a rawn haw chuan tha deuh chuan min be leh mai a ,ka lo hlauhthawn ang in thil a thleng ta lo ,a rawn haw hun ah min biak that peih lo a ,min thin rim khum ka ring a nia mahse a hmel ah lung awi lo hmel hmuh tur a awm lo ringawt pawh chu ka hahdam pui tak zet .





Zan kan mut hnu thleng pawn kan inkar chu tha tak a ni ,vawiin chung chang vel ka sawi siam siam lai chuan ,a awm ngheng chial thei tur a min mut that tir in "I rilru tih hnual nan hmang suh , i lo chawrchhuahna hmun zu hmun ni mahse ,duh vang reng a chu hmun a awm i ni lo tih hria la ,i nun a kawi zawng a hman phah lo in ,in enlet a inzir nan hmang hlauh zawk rawh ,chu chuan i nun a kaihruai a nga,eng harsatna leh retheihna tawp khawp ah pawh beidawng mai lo in hmalam i pan thei ang " a tih dap dap chuan a dik ka tih em vang leh ka thinlung a khawih tak zar vang chuan ka mittui a lo luang ngiai ngiai a .







A awm chu ka hmai a nawr in a kawng ah nghet takin ka kuah vawng vawng a ,a nin duat takin ka hnung a lo chul hauh hauh a ,pangchang na tur nei ngailo tih tak ah a ai nasa in ka mittui a luang ta zung zung a .





"Ka awm chhung chuan harsatna I tawk mai mai ngai lo ang ,ka veng in ka thlahthlam ngailo ang che nga ,rethei takin ka dah ngai hek lo ang che " a rawn ti leh a ,a aw chhuak nghet charh dam ru tak lawi si te chu hriat a va nuam tak .






Ka mittui luan na te chu min hruk fai sak in "Le,mu hil tawh ang aw ,mamawh viau che mah ila ,chet ka la lo mai ang ,zanin chu naupang ang mai a tahbelh I ni tlat hrih șia'' a awm ah chuan ka chum a,hmui ti pawrh tar in mittui la tling kiau chung chuan ka melh chho ar ar a.






" Mu hil vat ang ,ti lo zawng "ti thum dut in nghet tak a min kuah bet in a ching zui nghal a ,keipawh ka mipa duh em em leh min hrethiam em em tu pang si chat in ka muhil zawm ve ta a .





Inrinnni ni in ka thiannu te buh lak na a feh tur in kan insiam dun mawlh mawlh a ,a tir chuan keima a feh tum ka nia ,kal dawn a ruai ah a lo kal ve duh thu a sawi leh nen chaw fun te chu ka siam belh leh a ,a thawmhnaw hak tur kan han zawng leh nen kan tlai lam mah tawh chu a ni .Hnathawh kawr bik a nei lo a ,a thawmhnaw chhe deuh chu a ha ta tawp a ,pheikhawk pawh tlem a bun tlak vak tawh loh a bun ta tawp.







Rinengi chuan an inkawt ah min lo nghak vang tawh a ,U Ramnghaka a lo kal tel ve a hmuh chuan mak a tih hmel khawp a ,mahse insiam tha vat in " E ,U Nghaka chu ilo feh ve dawn law ,i kal thleng zo ngut dawn maw ni le ti raw Ngur "ti in nui var var in min rawn melh a ,kei lah pawm a thusawi tawm pui zet in ka lo bu deuh vak vak a .






Ka bul a dingpa chu rum nghut in ka chal ah a rawn pen kawrh nih chu ," a na "ka tihvak chuan ngaihsak lo deuh hian " nge maw ka kal thleng theih loh ngawt ang ni ,ti awm ang lo e mai "a ti hmuk a ,kal thleng thei lo tih chu duh bik lo lutuk .





Nui hak hak in Rinengi chu a rawng tawng leh a "nih chuan kal ang u ,midang ho pawh an kal na rei leh tawh lutuk ,nghah chhhuah in har si ,thil ni lo lo inti hmasa ni lo maw "






"Rineng rak rak suh " ka lo ti vat a ,U Ramnghaka a lo nuih huk chuan ka melh vak a ,lu thing nghut in a nui tawp ve mai bawk a ,a nuih chu a la zat hmel khawp mai.





Rinengi lah chuan nghal fahran in min lo la melh ang zuk zuk a ,he nu sawi hreh nei lo lutuk hi chu chum pawp hi ka chak thin ,zahna te hi Pathian in a siam lai khan a pe ve lo zawk hial a maw ni ka ti rum rum.





Rineng in hma hruaiin ,a hnungah ka zui a U Ramnghakan hnung a dawl thung ,ka hma a kal nu lah chu rawn hawi phei leh zawk thin in ,a rawn hawi phei a piang in ka zah na tur thil a rawn sawi ziah ,kan in nem bu lawp lawp zing teh e .






Hnung lam hawi a ding dat in "I hah tawh em " ka ti sap a ,ni a sa bawk nen a thlan te chu a luang ngiai ngiai a ,a puan te ken a hruk pah in ''mipa ka nih hi ka hah mai mai thei lo ,I hah tawh zawk mi ,puak te i duh em "an ti ngial a ,nui hak in " hah lo e mahse ni sa lutuk a "ka tihsep chuan ,ka thlan luang te chu min hruk sak in puan chuan min zap a .







" I hmai a tai tek mai ,i duhawm lutuk ,ka seh sawk sawk dawn che maw ni "ka lei ka chhuah khum zeuh chuan then sak in ka sam hmalam a lo tla niai chu a tuai mam thuak a .A hmel pa zet leh mitmeng dam ruih chu hmuh a nuam takzet .






" Rawn kal vat ru ,induat na hun leh hmun te hi awm nia "rawn ti lang lang rì ah chuan ka hawi sawn vé ta chauh .





''Kal zawm lêh tawh áng le ,ti lo zawng I thiannu'n a fiam lai chhe zô leh vek áng che ,chhan lét ngaihna i hriat miah loh kha " ti in min nam kal dat dat a .






"A nghal thei em a lawm ,chu lo ah min lo chhan ve awm che " ka tih nang nang chuan a nui hawk hawk a ,a nui rì hi hriat nuam ka ti ,midang vang a nui ni lo in keimah avang a nui ani si a. .






Rinengi kal lawh lawh chu en in "a nung vet vet khawp mai " ti in a then sak a, mìn lo auh nawn leh tak ah chuan keini pawh ding khawmuang tawh lo in in be zawm tawh lo chuan kan zui vat vat a .






Tun a kan nupa awmdan hi nuam ka ti ,tiang ang tak a hlimna hi kan tawn ka ring ngai lo mai pawh ni lo in, kan inkar ah a thlen ngai ka ring lo hul hual thin a ,mahse hlimna nasa tak chu kan tawng ve chu a ni der sia .He hlimna hian chatuan daih se ,lungngaihna leh harsatna in min tlak buak lo se tih chu ka thil duh thusam lian ber a ni .








##Regu tak a dah ka tum a ,mahse chumi tur chuan in mi fuihphurna ka mamawh in ,in mi tawiawm na ka mamawh tak zet a nia ,


Show post links
Top

[Ngaia]

Zuzuar Fanu





Chapter -3






Lo kan thlen thlak ve meuh chuan an lo bung tan tep tawh a ,a inthlahrunawm duh tak tak a ni ,vawiin a lak zawh an tum avangin an chhhung khat laina hnai te sawm in ,intih hlimna ang deuh reuh ni pah fawm in ,arsa siam tur te an keng bawk a .





Rinengi pa Pu Khuma'n eirawng lo bawl mai tur a min tih tlat avangin kei Rinengi leh u Ramnghaka te chuan eirawng kan lo bawl a ,ar chu a nung chung a keng an nih vang in talh in kan han puah fai sawk sawk a ,a rit in a thau phian mai.





"Zuk lakpui ve la "thlam nam thlak a thu veng blveng U Ramnghaka chu fiamthu ti tak deuh hian ka ti a .




Min melh run in " sawi lo mah la zuk tihpui ka tum reng ,"a lo ti hmak ,a lungawi lo der vel chu ka nuih a ti za ru khawp mai .





"A tullo e a ,eirawng I bawl vek tawh a ,I tang kai teh a nia ,buh zuk lakpui te chu a ngai tawh reng reng lo ,zau pawh a awm tawh lo hrim hrim ,I duh leh Nguri zuk lakpui rawh ,nang man " Rinengin a rawn tih chuan vawm pawp a nia ka duh ni ,nghal lutuk mai.




U Ramnghaka pawn nuihza insum zet a min melh in "I thiannu hi chu i ngamlo deuh chu a ni ''ka hriat phak tawk tur lek a zawi hian a rawn ti sup a ,ka lo chhiat khum nasa mai.






Buh lakpui tur a chhhuah a tum pawn Rinengin a dang luih tlat avangin lakpui lo chuan a thutna ah chuan a thu leh a ,eirawng ber kan bawl zawh tawh avangin tih tur vak awm tawh lo nen thlam namthlam ah chuan thu tlang a.






" E tak a ,U Nghak in sikul a rawn thawk thar ve,hmeichhia kha I hre sa mi "ka thiani chuan a rawn ti zang vah a ,rawn thawk thar a tih pawh hman ni a rawn leng a ka pasal nen sawi sep a awm a tih nu kha a nia.






" Tu chu maw "ti vang vang in " e Sinthiai kha maw "a rawn tih chuan aw tih nan a lo bu vat a ,keipawn a thil zawh kher chu ka hre chak a ,ka zawh ngam si loh thil a rawn zawh a vang chuan tun tum chu tawngthei pawh ka ti phal lo.





" Hre sa e ,aizawl ah veng khat a awm kan nia ,inpawh lutuk lo mah ila hmelhriat tha pangngai tak chu kan ni ve , a nu leh ka nu hi an inkawm thin bawk a "a rawn tih chuan ka thawl huai a , ka lo lawm ve em em ringawt .





Rei lo ah buh la ho pawh an lo zo ve ta a ,an vaiin sawm bawr vel chu an ni ve ang ,Rinengi cousin leh a pute a te vel an ni hlawm a ,chaw kan ei hma in an thu hahchawl hlawm phawt a ,thing pui sen hang te chu thli chhuak in kan lo pe a





" U Nghak in nu bialpa hlui ka hmuh tir ang che aw "nu kar kar a Rinengin a tih chuan " mawl mawl lo teh "ti in ka lo khap vat a ,ka tawng chu hria ang pawn zuk awm duh bau lo a.






" Saw ,saw lai pawn a thu palian lampang saw ,a lai a thu saw "ti in an kawk a,U Nghaka lah chuan en zawk in min rawn melh rulh a ka lo hawisan daih .






Kan tet zual lai khan thian sawi tur vak hi ka nei lo a ,Rinengi tihloh chu, an in ah pawh ka lut chhuak ngun khawp a , a nu leh pa leh a unau chen in kan in pawh in kan in nel hlawm vek a ,a cousin zing a pakhat hi tleirawl at lai in kan duh tak tak mai nih kha ,a chan chin te a thil tih ringawt te hi Rinengi ka zawt nitin thin a ,a nilah chuan ka phur na tawk in min lo sawi pui ve zel bawk nen ,vawikhat phei chu hmaichhan ah min biak nghe nghe a ,mahsela eng lem mah a thleng zui chuang lo.






Tun a a sawi pawh hi chu pa chu a nia ,U Lana kan ti mai thin a ,lian lampang hang lam pawl mah a ni a ,tun ah tak phei chuan han duh na ang kha ka nei tawh lo ,ka duh loh na a rei tawh zawk .





" Hei vang hi ni maw ,feh ilo phur em em "ka nui hak a ,mahse fiamthu hmel pawh a pu ve lo ,min melh rum em em ringawt chu a ngaihna ka hre lo khawp a ,a thik a maw ni ,a nih ka ring chiah bawk si lo .Rinengi dawt sawi te lo awih chu a .Ka nuih a za ru tlat.






" At lai thil ,hman a mi nih kha ,"ka tih chuan la tum hmuk in "a lo nih vel tak chu " a ti ngat a ,a duh na ah hi chuan a ngeiawm thiam thin a ni. .





"Kal ve lo phei ila chu "





"I zeldin thui mah mah aw " ka lo ti let vat a ,ka nuih lah chu a za zual tawlh tawlh lehnghal ,mahse nui ila chu a thinrim tak tak ka hlau bawk si.





Thlam chhungah an lo luhkhawm tak nak nak ah chuan kan in be zawm ta lo a ,mahse a lung chu a la awi hmel loh fahran khawp a ,a lungawi lohna ti zual tur in U Lana lah chuan min lo be vel luam nen nuam lo ka ti ru ve ta khawp mai .





U Ramnghaka lah chu ngeiawm deuh a min melh chung in a khi sak a ,ka chungah chuan a lungnih loh hmel tawh khawp mai .






Chhun chaw pawh chu tui ti tak pawn ka ei lo ,ka lo kal tir ve te chu ka inchhir rum rum nia ,chaw ei kham ah chuan u Ramnghaka arsa siam chu a tui thu an sawi sap sap hlawm a ,kei tak pawn tui ka ti khawp mai.






"I inbual ve nghal dawn em " min chhang lo in thu thleng ah a thu run a ,a thawmhnaw bal pawh ngai ngai in a la ha ,a la thinrim reng te pawh a niang ,ka rin ai in he pa hi a awm duh dan a mak dawn riau.A thik em chu ka ring si lo.







"Min chuang ve la ,ka in bual dawn nih leh nia ti khan thu reng rawh naupang chhua ang mai ''ka sawi zawh rualin ka duh ai in ka tawng hnem hret tih ka hre chaap chikh nghal.





" naupang chhia ka ni lo "





"I awmdan kha en la naupang sual lutuk titau ang chiah I nih kha " min melh rum teh a sin ,kut min thlak mai ang tih hlau awm khawp a ni.




"Ngurnunsang " a rawn ti vin vak a ,a rawn au ring bawk nen ka phu zawk a ,ka mittui lah chu lo tla zawm ve zat lehnghal .Khatiang a vin a min koh kha ka ring lo hrim hrim a ,ka phu nasa lutuk ber kha ka mittui a rawn tla nimai in ka hria.




"I mak lutuk " ti hlak in inbual tur chuan bual in lam chu ka pan sawk sawk a ,ka rilru no ta lutuk te chuan min ti thinrim hlur thei a lawm le ,ni reilo te chhung min duat ve a ,ka pangchang ta lutuk te chu ka in haw hlur





Ka inbual zo ka chhuak chu khawi ah nge a lo kal hman ni a lo awm reng reng lo a ,ngaihtuah zawm lo in eirawng chu ka bawl zawm mawlh mawlh a ,khati ang vak a ka hming a min koh vak te kha a tul a maw ni ,mahni ngaihdan leh hriat dan chauh hi a dik a maw ni a ti thin a ,a chang hi chuan a thu a duh lutuk hi ka ngei thin .






Dawr ah lo va kal a niang eng eng emaw ei tur hi a rawn keng lut a ,a rawn luh lai a ka lo melh zawk bak kha ka lo melh nawn tawh lo chiang a sin aw .





Dawhkan a a thil lei ho a dah tawp chu ka dahfel nghal a ,a ni erawh a inbual in ka hre thung .Kan buaina vel chu ho chu ka ti ve viau na chung in ka lungawi thei mai tawh bik si lo ,nge maw eng a mah hma in min be duh lo a ,min tih tauh khum vel ni ,ka be hmasa tawh bik miah lo ang.





A inbual zawh hnu chuan ,țhuthleng ah thu in phone a khawih a ,min rawn en leh zawk thin tih ka hre kar a, amah chu ka ngaihsak duh miah lo.




Tu in be lo thei thei ti ang mai in ,kan ngawi dun kar a ,kan pahnih chauh a cheng kan ni bawk nen ,in chhung chu a reh tlawk tlawk mai.





Chaw kan ei dun lai tak ngial pawn kan la inbe lo tluang zel a ,hreawm a ti ru deuh tawh tih chu min melh leh zuk zuk thin avang chuan ka hre mai a .Ka duh na leh dikna zawn ah chuan ka luhlul theih zia hi hre ve teh se .






A insum thei ta ngang lo a niang ka thleng silna bul ah lo ding ve in "I thinrim ve tih na mi " a rawn tih dut chuan ,hawi pawh ka hawi peih lo ,thinrim lo ila tiang hian ka awm dawn maw ni le.




"I inla tawng duh lo ve ngei a ni maw " a nghal a chhuah leh tan e ,tiang te chuan rei ka hmui ka chip thei nang ,min tih nuih phet a tum leh dawn tih lah chiang reng reng .





"I tum cute vel e " ti in ka hmai ah rawn piai deuh nawk bawk a ,ka thlengsil na kut huh chuan a hmai ka tuai sak nawk a ,a thinrim thar leh ka rin nen ,a thinrim tha leh duh tawh miah lo .




Ka mawng ah rawn beng in "I va che pa ve ,ka nupui " a rawn ti leh su su a ,amah nen a in awm lo pui pui tawngkam lah chu a chhak chhuak reng a .





Ka la ngawi reng a ,thleng sil zawh ve leh pindan ah lut in thawmhnaw suk thleh that tur ho chu khum kiang ah ding in ka thlep tha mawlh mawlh a ,kawng ka inkhar dawt ri ka hriat hnu deuh ah pindan ah chuan a lo lut a ,sir lam en in a nui suk suk a ,eng thil in nge a nuih lo ti za leh tawh bik ni.






Ka hnung chet ah rawn ding in min rawn kuah thut a ,tal chhuah ka tum chu a ai nghet a min lo kuah in "luhlul nu " ka bengbul ah ti sup in ka dul a tham tawk rualin a kut chu ka sih sak vak a ,na ti awm ang pawn zuk awm duh thak lo a .





Ka kuttin a sei a vang in a nat chu ka ring ve tho ,ka sih na hnu pawh a lang kulh a lawm.





"Kawlh hlik hlek nu ,thinrim tawh suh le ,keimah zawk thinrim tur ka ni zawk reng sia min thinrim khalh leh daih a " a tih chuan a lam ah hawi in ka melh vak a ,thinrim na chhan tur a awm lo hrim hrim ,a sual tukhum pawng vang bak va ni suh.





"Mipa dang I duh thin lutuk tih hriat kha ,I pasal ka nihna ang leh mipa ka nihna zawn ah a tlawm thlak ka tih lutuk avang in ka thinrim nih kha "





"Ha,,,I thik nih kha ,ka hre vek ," ka tih chuan a rum nghut a ,"ka thik mai mai lo ," hmuk hmuk thin a.






"Khaw maw ,I luhlul ngit nget si ,kan seh sawk sawk tiang che " ti in ka hmai chu na lo te te in a seh a ,kei a za lo ti lutuk chu thinrimna hre chang tawh lo lek in nui uar uar chung in ka tal laih laih a .





Khumah min nem mu in ka chung ah rawn bawk zawm zat a ,ka hmai te chu fawp kual nawk nawk in ka hnar ka chal te thleng chuan uang zet in a fawp leh zawk thin a, kan hlim dun leh ta viau mai






"Tun ah ka kham theih ngai reng reng loh " ti nui var in ka hmui chu a rawn fawp zawm mial mial a ,a duhthawh leh pek tawh khawp mai ,nuih pawh a za tawh lo chiang teh e ,a lei hmangin ka hmui rawn nawr kau tiar tiar in a lei lum tha zet chu a rawn hawl lut a , kan pahnih chuan khawvel dang daih ram chu kan fang dun leh ta a, kan thlan chhuak tiam tiam te chuan kan thiltih a lungawina kan inpek tawn zia a ti langchiang awm e.






"I chau em ,I la duh belh leh em " a awm ruak kang thlan in a bawh huh dap ah chuan ka beng thlawp a .





"I nghal thei lutuk a " ka tih chuan a nui suk suk a ,"muhil ang "a rawn tih chuan kawng ka a kalh tawh mi tih ka zawt vat a ,a lo kalh lo nih chuan kan thil tih zawh chiah thil ngaihtuah in, mi a ruk in an lo lut ang tih hlauhawm dawn lutuk .




" Ka kalh felna rei tawh ,hlau thawng suh ka nupui zei hir her te "




"I ninawm " ka lo ti hlar a ,tun lai chu min ti laichhhe reng mai a nih hi .




Kan intih fai leh phawt hnu in kan mu a ,a la hma thaw khat viau na chu vawiin lam kan feh chau nen kan muhil har lo dun khawp mai .Zing ka tho chu ka sil deuh thum a ,ka chawn te chu a na ut ut mai ,nimin kan fehna lam khani a sa sia , a hla ve deuh bawk nen ka engkim hi a na vek in ka hria.





Chawhma lam ah inkhawm dun in chawhnu lam ah tlang ah kan leng a ,inngaizawng leng pawh an kat nuk hlawm a ,a boruak pawh a nuam viau ,ei tur te min lei in min ngaihsak em em a ,nuam ka ti takzet .





Tlang kan lenna hi khawpawn a awm a ni a ,phul hmun ni in a hmun a rem em em a ,chu vang a nia kal tawk an awm reng thin ,tleirawl deuh phei chuan len nan tak an hmang thin.




Phul ah chuan thu in eitur min lei chu ka ei pah mawlh mawlh a ,a ni erawh in a ei ve duh lo thung , amah ngheng al al pah in "min nei hi I inchhir em " ka hriat chak em em thil chu ka zawt ta phawng a ,min melh deuh zawk in a hawi sawn leh nighal mai a, amah chu en in ka zawhna min chhan hun chu ka ngaichang reng a.




"Tun thleng chuan ka la inchhir lo a "ti sup in " mahse nakin hun tur chu ka hre lo thung "a rawn tihzawm leh a ,min chhanna avang chuan ka hlim in ka lawm phah lo a ,ka rilru a hrehawm phah bawk hek lo .





Nakin hun a sawi kha tawngkam pangngai ang in sawi liam satliah ringawt mahse kan hmahun ah tawpna duhawm loh tak kan nei dawn tlat a hriatna ka nei a ,chu thil chu thleng lul lo se ka ti khawp mai.




Ka kut chu vuan in a khal zui mawlh mawlh a ," nih chuan ka zawt ve ang che aw ,min nei hi i inchhir em "ka zawhna ang chiah min zawt ve in ,hre chak tak hmel a pu .





Tawng sual hlau tak leh inveng ru deuh tak chuan " ka nun hman dan leh ka seilenna zawng zawng , mitin in an hriatloh thil thleng in I hre vek a ,mahni in ngei ah pawh tlangnel tak leh nuam ti tak in ka khawsa ngai lo ,ka tan chuan hremhmun ai in a nep chuang bik lo ang ,zahna tam tak min thlen tu a ni bawk a ,chuvang chuan eng hmun pawh, saw in min hlat tir thei tu mi bul a awm chu a nuam in a hahdam thlak zawk ,I hrethiam mai nga nang ka nei che hi ka inchhir ngai lo a ,kan hun lo la awmzel tur thleng in inchhir ka tum lo bawk "ka ti nghet charh a , ka nun a ka tawn tawh zawng zawng zing ah chuan ka thlamuanpui theih ber mihring a la ni hial awm e .





Ka thil sawi chuan a hneh ve deuh a niang lung chim zet a min fawh tak ngial kha .





Dar thum rik hma in kan haw a ,ke a kal kan ni bawk nen kal chhung a rei ve duh khawp mai .In thlen ve leh in ti faiin ,ei rel ka tan nghal a. U Ramnghaka lah chuan min lo ti buai ve chhen nen,kan in melh rum tha thei khawp mai .





Sikul a kal hian zui ve tur in min sawm thin a ,eng nge ka lo tih ve ang tih ka zawh hian ,chhanna min pe leh thei ngai tawp si lo a ,lai deuh hian a nui put put thin ,a hriat loh in ka nui ru var var thin,min thlakhlelh na a tih lan ve dan ni mai in ka hrii a, chu thil lek pawh chuan min ti hlim thei khawp mai.





Mipa tih tak ah a thil ngaihtuah leh vei zawng te hi a sawi tam lo ve khawp a,a nghal a chhuah loh phei chuan inbe em em lo hian kan awm dun rak rak thin.





A chhungte ho nen pawh phone kaltlangin an in be ve deuh reng thin a ,kei nen tak chuan kan inbe pawh ngai lo thung, a chhan pawh an mo atan min duh vak lo a ,tun thleng pawh in an rilru a la dang lo.




Vawikhat pawh ka tum vang reng pawh ni lo in pindan a a insiam tur ,pui tur a ka luh dawn chuan anu nen an lo in bia a ,insiam pah in khum ah a dah a ,loudspeaker ah a dah bawk nen a nu thil rawn sawi duh dan chuan ka rilru a ti na viau a ,min hmuhsit leh min duh loh zia a rawn ti lang chiang viau bawk ,chu zawng ai a ka thin khei em em tu leh mak ka tih em em chu






"In then pawh ni ula ,he lam ah nang mah rawn vil reng tu leh kan khawsak phung nen a in mil tawk tak Rosyi I nei reng a , dinhmun nen a in mil lo lutuk chu in kawp rei te hi a har a nia " a tih ri ka hriat chuan pindan ah pawh lut duh lo in choka lam ah chuan ka phei leh ta daih a.



A hmeichhe sawi chu tu nge a nih hre ve lo mah ila ,ka lo ralkhat thik ve tawp a ,tiang em em a a nu in kan inthen a duh mai te chu ka rilru a na ve takzet .





U Ramnghakan eng tin nge a chhan let ang tih ringawt ka rilru ah a awm a ,a tan hian ka lo hnawksak viau a ngem tih te thleng in ka ngaihtuah ,hmangaihna vang a innei kan ni si lo nen ,min neih peih tawh lo hun ah min kalsan chuan ka chan a chhiat tur zia ka hre chiang a ,ka tan chuan beisei hi a bo ngawih ngawih.





"Naktukah ,ka nu te rawn zin an tum a " a rawn tih chuan ,ka rilru ah thil dang daih a lo awm a ,a nu chu hmuh ka hreh ngawih ngawih hi a ni mai.




"An rawn kal chuan in innel in in pawh phah sawt a nga ," a rawn tih leh chuan kei pawn a thil sawi chu thleng hram se ka ti.




"Tu tu nge lo kal dawn a ,engtia lo in puahchah chi nge niang "thing pui pek pah chuan ka ti sap a ,nui var in thing pui chu a lem hmasa phawt a.






" Inpuahchah vak pawh ngai lo nia ,aizawl lam
ah chawhmeh leh an mamawh tur thil chu an rawn lei lawk sa vek tawh "ti in " chuan tak a bawngsa kg 2 vel ka chah aw ,kan ei khat riau mai "a tih zawm leh zat a ,a nu te lo zin tur chu a phur zia a hmel ah a lang thei vek.





" I sawi na rei tawh bawk a "ti in ka nuih sang a .





Kan khua ah hian bawngsa lei tur hi a awm khat em em a ,vawk te ang in kartin ser tur a awm ve lo bawk nen U Ramnghaka hian a eichak thu a sawi ngun viau thin reng a ,vawi hnih vel chu a a nu te hian min lo thawn tawh bawk .






Mamawh leh awhzawng ka nei em tih min zawh leh chuan ka neih loh thu in ka chhang a ,hmeichhia ni si hian inchei tih te hi ka thiam hran lo bawk nen ka ngaina hran lo a ,,cream leh powder dip a awm a ,hnawihsen pakhat vel ka neih hian ka lungawi tawk em em thin.






Tun hnu hian URamnghaka hian min lei sak leh zeuh thin a ,pakhat ai tam daih chu ka nei ve tawh ,mahse khawlai ka chhuak tam lo bawk a ka hmang khat khawp mai






Zan lam ah U Ramnghaka leh a pa chu an inbia a ,khumah mu chung in a bia a ,a ban min kham tir in a a bawp hrawl zet in min khan pah bawk .Phone hmang reng chung chuan ka hmai ka hmui vel te chu a rawn fawp leh rih thin a ,a khabe hmul to siar siar chuan ka hmai a nawk leh thin bawk nen ,a za ti bawk si chu ka tal leh chiam thin a ,a za ka ti tih a hriat vang chuan an ti lui nasa zual kher thin nen ,ka tal na sat na lam ah khum a kan phah puan pawh chu a tawm pur tawh mai






"Be tha mai mai teh " ti hlak in ka melh kha kha a ,nui sak in a awm lum nuam leh hahdam na ka neih na hmun ah ngei chuan min pawnlm bet leh a ,tawng sup sup pah in ka chal lehbka chhip chu a fawp awl lo bawk .





"Hei ,muhil suh aw " ti a ka hnar anl rawn piai zeuh zeuh chuan ka harh a ,kan meng chiah chu U Ramnghaka nen hnai tak a kan in melh fu nghal chat a ,min lo thlek hnai lutuk chu lai deuh takin ka nuih sen sen a ,kiai suk in "mut hi I mlduh reuh lutuk mai " ti in ka hnar bawk chu a rawn piai leh ,hnar khawih mgaithei lo tihtakah a kut chu ka lo ben thlak sak a .




Phone a hman lai khan ka lo muhil hman a ni ngei ang ,an inbiak zawh lai pawh ka hre lo ,a nau a biak lai vel kha chu ka la hre riai riai hman .




"Min va cho deuh ve a " ti a chal ti chuar nang in ,min melh sar sar a ,a mitmeng mawi leh thuk tak chuan min aikaih a maw tih tur in hmun dang reng ka hawi sawn thei lo ,a mitmeng hmanga a thil duh min hrilh lah chu ka hre chiang mai sia.






"Min en nasa lutuk "




Ka chung lam ah rawn bawk chho in min melh chhuak run a,"naktuk zan a tang chuan tiang tih na hunthawl kan neih tawh hmel si lo a "sawi dik in ti lutuk in mit mìn siai zeuh a, ka tawng tur chu mi rawn fawp zawm nghal mawlh mawlh. Chhan let loh phal chi pawh a ni lo ,engkim ah hian a duhthawh em em vek zel mai zawng a nih hi





Zawi hnawk a ka awm a a lo bei chial rual chuan a sam chu ka lo tuai sak a ,indanna ka ei ngai lo a mahse kan vannei nge kan vanduai tun thleng in nau ka la pailo
.




Naute chung chang hi kan sawi dun ngai lo a ,rik pawn a la ri chhin lo .Eng rilru nge a put lah ka hre hek lo.





Naute chung chang kan sawi rik ngailo ang bawkin hmangaihna chungchang pawh tu ka zawk zawk atang mah in a la ri chhuak hek lo ,kei pawhin ka hmangaih leh hmangaihlo ka hriat fiah thiam loh laiin a ni phei chuan a thawi tak ngial pawn a ngaihtuah ka ringlo .





Mahse,ka duh hle tawh tih hi chu ka chiang em em thung .


Show post links
Top

[Ngaia]

Zuzuar Fanu




Chapter -4




A chhung te rawn zin tur chu a nu leh pa leh, a nau hmeichhia nen ,a cousin pakhat a rawn tel ve dawn bawk.Ka theih ang tawk tawk in inchhung ka ti fai a ,U Ramnghaka a pawh rawn bang hma khawp mai ,chawhmeh siam tur arsa a rawn lei haw a alu nen ,a chet vel rak rak dan ah aman a siam dawn a niang .





"I phone hnai em ,eng tik vel a rawn thlen theih nge an in beisei "ti in ka zawt a ,lo phur tehchiam lo mah ila ,ka rilru ah chuan an awm ve reng mai.





"Nichin ka biak kha chuan ,an sawi dan hmang ah dar ruk bawr velah an rawn thlen thei mai in ka ring " ti in sa chu a chan zawm leh a.




"An rawn chhuak har a ,chu lo ah Matein motor a rui bawk nen kalkawng ah an rawn ding phei leh zawk thin a ,an rawn thlen hma chu ka ring lo " ti a min rawn melh in"min lo leih lawk mai teh, ka kut a mawm vek " a tih chuan tui chu no a suak in ka leih a .






"Tawk tawh e ,a fai tawh " a tih chuan no chu dah tha in ,purun chu ka chan zawm mawlh mawlh a .A kut huh towel a hru thuak thuak in thingpui sen hang a in thlit a .




Thing pui te hi a duh a nia, a sen hang phei hi chu a in khat tawk reng ,kei erawh in ka intam lo khawp thung.




"In sawn ka dil dawn a maw ka tia "a rawn tih chuan min thawng khawp mai .Ka rinloh lam thil daih a ni a rawn sawi teh daih .




" Thingtlang lam ai chuan khawpui lam ah thil tih a awl sam zawk mai bak ah ,chhungte hlat deuh a awm zawng rilru hi a nuam duh zan lo a ,chu ta karah ka pa hi a hrisel tha tawh vak bawk lo nen ,han awm hlat san reng chu thil tha ni in ka hre lo "min melh vang vang a ,a thu sawi in min thawng deuh nge ni kei erawh tawng mai nachang ka hre lawk lo





Thingtlang lam leh khawpui nun inperhsan zia ka hre chiang a ,ka insiam rem thei nghal mai dawn lo tih la ka hre chiang mai si a .





" Transfer lehkha hmu lo ta la ,eng tin nge niang "tih ka zawt hmasa ber a ,hmel hriat hnai vai neihloh na a awm chu ka zuam thlawt lo chu a ni.





Rilru hah dam hmel zet hian " hmu lo pawh ni ila ,aizawl lam ah chuan kan awm thlak tho chu ka ngaihtuah dan a nia ,duh leh zirtirtu hna bansan in thil dang tih tur te pawh ka zawng mai tawh a niang chu "a tih chuan ka rilru hnual nghal rawih thei .




Inbpui luahlumtu tur ber a ni tih ka hria a ,a pa a hrisel that tawh vak lo nen a rilru chu ka hrethian lutuk tho na chung in ka chan tur leh ka thil tawn tur te ka ngaihtuah in a phurna tlem te ang zat tal pawh ka nei pha der lo .




" I rilru la seng thui duh lutuk suh,tun tut tut ah chuan insawn chu a la har ang "ti in a tho zui a ,a thingpui in na no chu sil fai in a dahna hmun a a dah zawh in inbual fai tur in bualin ah a lut a.





Kei pawh ka che nghal zung zung a ,an rawn thlen hma thut tak pawh a buai lo tur in ka tih tur ang chu ka ti vat vat hlawm a ,Chutia ka lo chet mawlh mawlh lai chuan ka pa hi a lo lang hlawl a ,a mitmeng pawh a ni leh lak tawh a ,a kal pai leh nawk nawk thin .





" Ngurte ,khawnge in pa "




"Eng nge I lo tih dawn ,kha, kal pawh I kal tha thei lo leh nghal " lawm lo ru tak chuan ka lo ti nghal vat a ,min rawn tlawh dawn hi chuan rui lo thei hram se ka ti ngawt mai .





Ani zurui a lo kal chuan in a thlen hun ah a mut bo pui leh nghal hmak thei a nga , hriat pawh a hre zawm lo chiang hle bawk ang ,kei erawh ka pasal lak ah inthlahrung ru tak in ka awm leh a nga ...





"Ka lo leng ve nih hi ,khaw nge ka makpa pawh chu " a rawn ti leh nghal thawr thawr a ,han zilh duh viah mah ila a ruih lai a zilh leh thu hrilh chu a sawt loh zia hre chiang ber tu ka ni leh tho .






"A inbual ,a inbual zo tep tawh ang ,harhfim a hmuh tur awm ngai reng reng lo mai a " ka ti zui leh mawlh mawlh a ,ka zahloh leh ka ngaihtheih loh avanga tawngkhum ka ni lo a ,a that na tur ka duh em thin avang hian aw ka vin hi ka hmang leh thin .





Eng ang pawn khawvelah sual rawngbawl mahse ka pa a nih vang hrim hrim hian ka haw pumhlum thei lo a ,dinhmun chhe tak a a awm phei chuan ka khawngaih in ,ka lainat tak zet thin .




U Ramnghaka inbual pawh towel chauh veng in a rawn chhuak a,ka pa hmel a hmu deuh thut chu a hmel a danglam zawk a ,mahse insiam tha vat in





"Ka pu chu ilo leng ni maw " ti in a be nghal vat a ,ka pa lah chu a makpa dinna lam pawh en chuang lo in a bu nghut thung .





"Ka va inthlak lawk a nge aw ,ti khan lo leng reng rawh ,thingpui te i in duh em "





"Duh lo mai " ka pa chuan a lo ti khat pharh a .U Ramnghaka pawh pindan lam ah inthlak tur in a lut zui nghal ,a rawn chhuak leh har lo a ,ka pa kiang ah thu in





"Vawiin ah ka nu te an lo zin dawn a ,hei ei rel te kan tan hma a ,lo awm ve reng rawh aw ,ka nu te lo thlen hma chu " ka pasal thusawi chu ka pawmpui teh chiam lo ,harhfim tak a rawn kal chu ni se ka hrethiam ,mahse tun a awmdan nen hi chuan ka pasal chhungtee chu hmu lo mahse pawi ka ti lo ,min hmuhsit belh leh na mai mai tur .





Ka pa chuan lo pawm in a awm ve reng ang tih ka hlau ru khawp a mahsele "nakin lam ah pangngai tak in ka rawn kal tha leh zawk ang ,kan phei phawt " a rawn tih chuan ka thaw huai a .





Rei pawh thu tawh lo in a haw nghal ta reng a ,eirawng kan bawl zo tawh bawk a ,ka intifai ve thuak a ,pindan a ka inthlak vel lai tak chuan ka pasal min rawn kauh in ,ka dar ruak kang chu a fawp vang vang a ,kekawr chu ka ha vek tawh a,mahse kawr ka la ha lo thung





"Khawi teh , kawr hi ka ha duh "ka nghawk deuh sawk rual a ka dar a rawn seh chuan " Vanramnghak "ka ti vin hlar a ,a lo nui mai mai a .Rinai in a seh na zek leh nghal .





" Eng ah nge min seh ngawt ,ka seh ve mai tur che sin ,i seh na zek em em leh nghal "





Ka thil sawi lai te chuan min lo fawp kual leh zuk zuk tawh ,ka nghawng a rawn fawh dawk dawk chuan za ti chu ka lo che sawn vat a,a mah hmachhawn zawnga ka inher rual in a hmel de sar sar leh a thil mamawh thup buai tum miahlo a min melh ngar chuan tawng chhuah ngaih na pawh ka hrelo.





"I ka a chih ta tlat mi" a nui var var a ,ka hmui ka pehsawi khum nasa mai.





Ka khabe ah rawn dawm in a kutzungpui in ka hmui chu a tuai zeuh zeuh a ,ka awmdan dik ta miah lo chu ka inhre rang hle





"Khawi teh ,i nu te pawh an lo thleng tep ang " ti a a kut ka vawn tlat chuan a thaw ham ham a .





"Hei tal ka tih loh chuan ,ka pangngai thei lo ang " ti sup in ka hmui sir chu a fawp zeuh a ,chutah ka biang chu lehlam lehlam in a rawn fawp leh zeuh a, a tawp ber ah zei leh dam em em in ka hmui chu a rawn fawp a ,nidang ang lo tak in muangchang leh rilru pe tih hriat zet in min fawp a ,a kut pawh a hlei tan khawp mai .





In la hrang dat in "kawr chu inbel rawh " a ti nghut a ,inthunun tum tak a a thawk lak zawng a a hrawk bawk che ralh ralh chu ka lo en reng a .
a hmuh chuan mit ko san euh in "i inha vat dawn nge ka rilru a awm ang hian ka che dawn " a rawn tih tak ah chuan rang mangkhengin kawr chu ka in bel a ..




Min nuih suk in "ka lo va chhuak nge " ti in pindan chu a chhuah san a



Ka biang sa hat hat chu dawm in ,ka nui var var a ,"tiang em em hian a zei ka ringlo a sin "ka phun sep a ,min fawh lai a nuam ka tihzia te, ka lo hnar lo pawh tih tawh mah nak lai a ,ka kham khawp lo leh zel te chuan min ti zak deuh reuh,mahni a awm e ti lo in ka lai ru tak zet.




Tlai dar 6 ah an rawn thleng a ,kei ni nupa pawn chaw la ei lo in kan lo nghak ve reng ,U Ramnghaka pa chuan min be nghal bawrh bawrh a ,




"In khua chu a nawm hi a ,mahse a lum deuh chu a ni " U Ramnghaka pa chuan a ti charh charh a ,a dik reng bawk a ni ,kan khua hi chuan khawlum hi kan tuar nasa bik emaw tih mai tur a ni.





"Chaw in lo la ei bik awm si lo a ,kan han intifai zung zunh a nga kan ei vat dawn nia " ti in a thuthleng a thu zawi hnap amidang te chu intifai tur in a tur a .U Ramnghaka pawn a unaunu te pahnih chu bualin awmna lam te kawhhmuh in in tifai zung zung tur in a lo ti ve chhen bawk.





Ka pasal nu Nu Ringzoi erawh in vel chu uluk fahranin a lo en kual thung ,in leh a vel vawiin lama ka lo ti fai chu ka inchhir lo chiang teh a sin.An rawn thlen tirh atang min la be miah lo a ,ka pasal erawh chaw a ei that leh that loh te leh thil dang tam tak a zawt nual tawh thung.






Zanriah chu nidang ai a tlai daih a kan ei bawk a riltam tawh nen chaw ei tam a awl khawp mai .Kan chawhmeh in a lo zir tel bawk nen.




Zan mut dawn ah chuan mutna tur vel ah kan buai ta tlat a ,a hming in pindan pakhat chauh a awm ve tawk a ni mai a ,khum ah han mut bik kha kan nupa chuan kan ti chiah bawk si lo ,a hnu ah erawh ka pa chuan a hnial ve tlat na chung in kan mut luih tir ta a,keini chu pindan chhuatah mut mai kan ti a ,aunaunu te pahnih erawh thuthleng sei dawh zawm ah an mu dawn thung .






"A hrehawm em i mutna chu ,i muhil thei a ngem " chhuat ah in si deuh chat un kan mu a ,khum nen chuan in nawm hleih viau mahse mut har lutuk a ni chuang lo.




"Tiang mai mai a muhil lo a te te tur rual pawh ka nih loh hi, chu lo ah hei ai hrehawm ah pawh ka mu ngun e mai " ka ti zat zat a ,






Nui suk suk hian ka chal chu a lo khawih zeuh a "awle ka hrethiam e ,mu hil tawh rawh ,min kuah duh chuan min lo kuah vat la ,nakinah chuan lum ka ti dawn a nia " a sawi zawh rual rual in a kawng ah kuah in a mal ka kham nghal bawk .





Ka muhil thei mai lo chu a hmai te chu ka tuai sak leh thin , a hnar pawh na lo te te in ka piai sak bawk a ,muhil nghet tawh a niang a harh lo reng reng.





"Tho tawh la, thawh i hai chuan nangmah bawk in nuam i ti dawnlo tih ka hria a nia "ka hmai ah chuan na lo te in a beng zeuh zeuh a ,harh reng tawh si in ka la meng chhuak mai thei lo .Nizan khan ka muhil lawk thei lo a ka meng rei zek vang te pawh a niang nidang ai in ka tho hreh .




Min sawi leh dat dat tak ah chuan rang deuh in ka tho chuak phut a ,




" Ngurnunsang "a ti thawt ,ka tho phut leh ani hnai deuh tak a min lo tihharh tum a lo bei mek nen chuan kan chal chu a in tauh ri bup a ,na tak a ni ,k mittui a tla dawn dawn a lawm .





" Kha ti teh vak a i rawn thawh phut "ti hmuk in a chal chu a dawm in a tuai leh zuai zuai thin




" I lo kun hniam tih ka hre hlei nem a"mahni dik in ti ve ran chuan ka ti a, a ner sawk mai .




"Mipa si tum bur lo teh a ,tho ang " ti in a dar ah ka nem nawk a,min melh rulh rulh hnu ah kan thawh dun tak kha.






A nau te kaihthawh a tum chu ka lo khap vat a ,nimin an motor chuang an hah deuh a niang an la hnar deuh suk suk a .






"Thingpui min lo siam la" a rawn tih dut rualin thingpui chu ka lo pe vat a ,ka hrechiang ve tawh bawk a ni ,zing thingpui in lo chuan a awm thei meuh lo a ,a lam hmasak pawl a ni ngei ngei ziah .





Ka eirawng bawlna bulah a lo thu ve run reng a, thil ho te te sawi in kan nui dun leh hak thin, thian inkawm ngeih deuh leh inpawh tak hi kan inbiak dan vel ah chuan kan angthin khawp a ,mi thenkhat ,nupa kan ni tih hrelo te chuan thian satliah a maw tur ah min ngai thin.





Ka nu te pawh kan thawh atang a rei vaklo ah an rawn tho a ,tun ah chuan min be ve tawh a ,rilru pawh a nuam huau mai,min biak that peih vak loh kha chuan hrehawm ka ti a ,awmdan tur hriatthiam a har






Chaw ei kham lam ah u Ramghaka thawhna sikul lam ah an zui ve dial hlawm a ,kei erawh in ah ka lo awm thung .




Inchhung hnawk leh tihfai ngai tur zawng zawng te ka tihfel hnu in ,kan inbul a huan chhe te ka siam a bawkbawn leh samtawk lo rah ve thliah thliah ho chu ka lo a ,phuihnam no chhum tur ka thliak bawk ,hnimte reuh reuh to te pawh lo awm ve twh a ,karleh lam law law thlo fai i la a tha ang .




An sikul va tlawh pawh dar hnih bawr vel ah an lo haw leh a, thingpui lo siam vat in chhang kan lei sa la awm ho nen chuan ka chhawp tel bawk .




"He lai hnai ah dawr a awm em le, " ti a Ruatkimin a tawn tih chuan a awm thu leh a awmna te chu ka kawh hmuh a ,Ruatkimi nen hian kan kum a inrual khat bawk a ,u tih vel kan inkoh na ah kan hmang tel hran lo aan rawn hruai ve tho an cousin Hlutei erawh kei ai a nau hret bawk a , min u thung .




Hlutei nen chuan an in zui chhuak a ,an va hmu aniang ei tur chi hrang hrang an rawn khai haw tun mai ,nula ve tawh viau si nepnawi neuh neuh an la lawm viau chu mak ka ti tep , a mahsele khawpui a awm duh duh a ei a lei thei tan chuan a awm ka ti hnuhhnawh leh ta viau.





An thil lei chu plate ah an bun khawm a an bawl nuai mai,keipawn tlem chu ka eipui ve ,mahse ka ei hnem vak thei lo thung ,a thak lutuk a.


.





"Chaw i chhum tawh em aw " U Ramnghakan a rawn tih dut chuan ,bu nghut in '''ka nu khan a chhuang tawh a ,eng nge ni a "ka ti let vat a ,ka biang a a rawn piai zeuh pah in " Sinthia kha ka nun chaw ei ah a sawm a ,ka nun chawbel a siam chuan a kep tur ah ngai ang "a ti mai a ,ka nu pawh chu min hrilh hriat ve reng reng tur a nia ,ka pasal hian sawi lo phei se chu a hmel ka hmuh hma chaw a lo ei dawn tih pawh ka hre tawp nang .





" Engmah sawi lo a ,a theihnghilh nge maw ni ,chawhmeh vak pawh ka siam hlei nem ,zing lam a sa kha a la tam lutuk a, ka ring leh tawp mai ang ka lo tia "ka ti ve niah niah a ,bu nghut in " chawhmeh siam thar leh vak pawh a ngai chuang lo ,kan ei ang ang chu a ei ve mai tur a lawm ,chubak ah ka nu sawm a lawm a nih "a ti hmak a ,Sinthiai hi ka thik tih hi a bulah sawi lo mah ila ka mit meng a tang a lo man thiam a nih ka ring a ,ka tan a nuam lo tur in a chanchin a sawi lang ngai lo hrim hrim a ,tun a a chaw rawn ei tur te pawh a rilru chhungril tak chuan a lo lawm phian thei a ,a rilru ka hrethei miau lo ,mahse a lang chinah erawh ngaihsak loh hmel tak leh a tibuai pha tehchiam loh tih hriat theih tur in tawngkam a hmang chhuak thin thu






"Thawk han la phawt teh ,i sawi hnem tawh emai " fiamthu ti tak deuh chuan a rawn ti deuh var a ,huan chungchang leh thlawh a hun tawh thu vel ka ka sawi in ka tawng mawlh mawlh a .





Thinrim tak tak chuang silo chuan kan melh rum der vel a ,ka thinrim tak tak lo tih a hrethiam tih hriat tak in "sawi leh rawh ,ka beng pawh a inpeih leh thlap tawh e ,nichin kha chuan i sawi hnem lutuk tawh a ka beng in a dawl zo tawh chiah lo a " a beng chu an khawih vel a ," I chhe reuh a "ka lo tih hlak chuan ,a hnar a tum dat a ,i chhe reuh tih ka hrat lutuk hi a ngaithei thlawt lo, al keilah in a duhlo tih ka hriat vangin runluih nan ka hmang thin.





" Nguri chaw ei siam tan ula ,hei a hma chhe tawh chuang hlei nem "ka nu'n a rawn tih tak ah chuan ,ka thutna a tang tho in ka siam tan zung zung a ,Ruatkimi leh Hlutein min rawn pui bawk .




Hlutein "U Ngur,Sinthia hi lo leng ngun thei viau lo maw "a tih chuan " leng ngun hran nang ,naupang ho test paper a lo lama ,chu chu ka vawikhat hmuh na ania a hnu ah ,vawi hnih vawi thum vel chu a lo kal leh in ka hria ,ka chiang tawh mai lo , a awm rei ngai lo a ''ti a ka chhan chuan tha deih chuan "a nih chu 'a ti ve leh mai a .







"Awi ,in sa siam dan chu tui ka tih chi tak ang kha nih hi ,Ramnghaka siam tih ka hre thiam nghal mai " Sinthiai chuan a rawn ti hlut a ,a awmdan vel hi ka lo ngei ru em em hi a ni tawp mai ,in la hre kual vel lutuk mai.





"I va hrethei chat chat ve " Ruatkimi chuan a lo ti a .




Sinthiai chuan "a tui em a ,ka vawikhat ei na atang ka hre hrang hlak nghal maw le " ti var in a a ei leh mawlh mawlh a .A mizia hi kum upa deuh hlek tan chuan ngainat awm chi tak chu a ni chiag a ni ,a nui reng thei bawk si ,rilru hahna tih vel chuan a nun a chawk buai pha lo tih a hriat khawp mai .






"Ramnghaka a chu insawn i tum hnai tih zirtirtu te ho khan an sawi thawi a ,an ui lawk khawp mai che "a ti leh siam siam a ,





" Kan han rilruk deuh chu a nia ,mahsela thu chiang erawh a la awm lo "ka nu chu a lo inrawlh vat " a pa a hrisel tawh lo nen ,helam ah awm reng ai chuan rawn in sawn thla se kan ti maw le ,khu lamah zirtirtu hnaruak te pawh a awm nual tho a ,zirtirtu hna a thawh peih tawh loh leh kan dawr a enkawl zawm thei bawk a "a tih chuan an rilru an siam fel thawkhat viau tawh tih ka hrethiam nghal mai a,ka pa pawn a pawmpui hmel khawp mai .





" Aizawl a chhuk thlak chu i duh ve tho em ni ,a ...i duh chu ka ring tho a helam ai a i lo tal tam na kha a ni sia " a rilru tak sawi chhuak ngei thei tur ang ber a ka hriat ang in ka tawng chhuak a ,midang an mutthilh hlawm tawh vang in ka tawng ring lo khawp a ,a hrethei tawk tawk chauh ang .





Ka thil sawi nen a inkaihhnawih lo tak chuan "i zuam meuh lo em ni " a lo ti tawi tak thung a ,eng kan tih thim a vang in chiang tak in a hmel awmdan hmu thei lo mah ila min en reng tih chu ka hria a ,reilote hnu ah min rawn kuah hlun bawk .





Insiam tha zui sat sat in a awm chu rem leh rem lo in ka hmai in ka va nawr vak a ,a nin ka hnung a lo chul hauh hauh thung "ka hrethiam bik lo ,ka huphurh na leh ka duh na hi a inzat vel mai thei khawpui ah chuan nundan te pawh a dang lam a nga ,khawsak phung a sang bawk ang ,engkim tak meuh meuh hrilh a,in zir chawp zel te ka ngai dawn a ,i dawhtheih viau a ngai ang " ka tih chuan "I ngai harsa lutuk a nih kha ,helai nen danglam na a tam lo " a lo ti mai thung a ,thlen thlak hlim chhawn lai bawr vel ah chuan nuam chu ka tih nghal chu ka ring lo a ,mahse la hun a kal fe hnu ah te chuan nuam ka ti chhoh thei ve mai chu ka ring a ,ka rilru erawh a la bui ru khawp mai.







"I rilru a kalthui mai mai nih kha ,thil hi a thim zawng a ngaihtuah mi leh a eng zawng, a tha lam zawng a ngaihtuah mi an awm a,tunah tak chuan a thim zawng leh i rilru hrehawm thei zawng in i ngaihtuah tlat a ,a zawng a za chuan ka ti chuang lo ,i bul ah ka awm reng dawn a ,ka duat zual zel dawn bawk che tih hria la, rilru nuam deuh in awm rawh ," ka rilru hah na min hnem tum tak in a ti dap dap ,ka chal ah rawn fawp leh zeuh in "muhil ang le " a rawn tih tak chuan ka kuah tha zui sat sat a.A ni chu a muhil nghal mai a ,kei erawh ka muhil mai thei lo .




Kar khat zen zawn U Ramnghaka chhunten min chen chilh pui hnu an haw ta a, an han awmlo ta diak chu inchhung a reh ve ruih thei mai ,kan pahnih teh tlawng kan ni leh tawh mai bawk a ,ani lah chhun lam ah chuan sikul a kal a ,dan ngaite bawk in keiin in ka lo nghak leh ngat ngat a ,huan a lo hnim tawh nen nihnih vel zet chu hmanhmawh lutuk lo in ka thlo ve tawh .






Tlai dang ai tlai fe ah u Ramnghaka sikul bang a lo haw a ,thup tum eng ang mahse a mitmeng sen ram , leh a chezia atang in a rui tih ka hre mai ,min be lo in pindan ah a lut tlang nghal daih chu mak ti rilru tak in ka awm a.





Zui lut ve thuai in "i va rawn tlai ve " a kamis kawr kilh na chu am a phelh mawlh mawlh a ,min chhang lo in a pheikhawk bun chu a phelh chhunzawm leh bawk .




"U Ramnghak ka biak che chu " min chhang mai loh avang in ,ring deuh tak a ka biak chuan thaw chhuak hawkin ,a pheikhawk chu na zet in a rawn vawm phei a ,min fu lo mahse a chetdan in min thawng em avang chuam awm dawm vung vung in amah chu ka melh ngar a ,ka mittui a tling nghal pam bawk .






"Tihpalh ,,ka rilru buai hrih a ,keimah a awm ka duh ,min lo chhuahsan lawk mai teh " a awki chu a la chang tha hle a ,tihpalh te pawh han ti khaw mawi mahse a rilru tak a sawi a nilo tih ka hre thei.



Zu in ngai tawh mang lo a rawn in te chu mak ka tih tawk tawh viau laiin ,khati khan ka chung ah a che leh a ,engvang a rawm thinrim haw ringawt nge anih tih chu ka hre chak takzet a ,mahse tunah zawt ila ka ti thinrim zual tawlh tawlh a ni dawn si a.




###A story hi a muang raih tih chu ka hria ,thil a thleng zung zung lo bawk ,a boring viau mai thei ani ,tlem ka type lawk sa tawh a nih avang hian a plot han thlak a ,han her danglam chuan ka type sa nen hian a in mil thei tawh dawn si lo a ,a boring hlek a nih pawn min lo chhiar sak hram hram dawn u nia ###


Show post links
Top

[Ngaia]

Zuzuar Fanu




Chapter -5






Rilru chi ai zet chuan pindan chu ka chhuah san a ,a awmdan kha ka hrethiam lo tak zet chu a ni ,nizan lam ah lah tha deuh in kan la in biak mai bakah ,zing lam a sikul kal tur a a chhuah thleng pawn hlim takin kan la inthlah kha a nia.Ka lak ah a lungawi lohna tur ang hannngaihtuah pawh in ka ngaihtuah chhuak zo lo.





Pindan lam a luh leh tumna rilru ka nei lo a ,zanriah pawh tlem te tak tak keimahin ka ei a ,thuthleng ah chuan mu in phone ka khawih ,pindan lam thawm pawh hriat tur a awmlo hrim hrim .





Dar 8 bawr velah Sinrhiai rawn lang hlawl a ,"khawnge Ramnghaka "a tih chuan a awmna ka hrilh hnu in " ka va ko dawn em ni ,a va pawimawh ve zan zan ah "a la ding reng a ,pindan lam melh zawk a min rawn en leh in " pawi i tih loh chuan ka va lut zawk dawn emaw ni "a tih liam puat chuan ,chhan lawk ngaihna ka hre lo a, kan nupa pindan a mihrang han luh tir kha thil mawi leh tha ni in ka hrelo a, luh tir loh a hnial tung lah thil tih chi a ni bawk si lo .





Mahsela, ka chhan hma chuan *" lo lut rawh "rawn ti nghut tu lam chu kan hawi phei dun vat a ,U Ramnghaka chu pindan kawngka bul ah ipte zen run in a lo ding up a ,kei min melh lo in Sinthiaa chu a melh run a





Pindan a an lut dun chu engmah tihtheih nei lo in ka en zui vang vang a ,thil tha lo tak ka ngaihtuah ang hi chu an tih chu ka ring miah lo a,a mak ve ngawt mai ,ka hriatchhuah belh leh tak chu U Ramnghaka ka lo rin zia leh amah a ka lo innghah thui zia hi a ni .





Rei lo te ah Sinthiai chu a mah in a lo chhuak a ,amah ka lo en reng a tih a hmuh chuan a hawi buai ve nak mai ,mahse hmeichhe fing tihtakah insiam tha zawm vat in a nui sak a ," in pa hi hrethiam hrih rawh aw ,a thil hriat hian a thawng in a nun a tibuai em a ni "a tih chuan a ngaihna ka hre lo khawp mai ,mahsele ka zawt duh bik chuang lo ,zawt pawh ni ila min hrilh ka ring lo hrim hrim .






A haw hnu thlemg pawn pindan lamah lut duh lo in thuthleng ah chuan ka la mu zui zel a .





" Nizan a ka chet dan kha min ngaidam dawn nia "choka ah lut in a rawn ti sup a ,nizan khan kan riak hrang a ,a ruk tak chuan ka mutthilh lai a min lo sawn phei ka ring deuh a mahse a ti lo chiang lutuk .






Chhang lo in a thingpui in tur ka lo pe vat a ,kan zing boruak chu a fu lo chho kual ta vek ,





" Ka biak che chuan min chhang rawh ,ngawi reng lo khan "a dawhtheihna in a tlin tawh ngang lo a ni tih ka hrethiam .





Min biak in ka chhang lo zel a ,ka tawng ve chuan kan inkar a chhiat tulh tulh ka rin avang a ngawih chuh tlat ka ni.Mahse a mah zawk hian tawng chhuak lo thei lo in min siam chu a nih hi.





" Eng nge sawi se min tih ,kan nupa pindan a hmeichhia i hruai luh kha a pawilo reng reng ,a ho ti a rilru dam tak a ka ngaihdam a ka enliam nghal mai theih i ring a mi ,eng ngaihdan teng hneng zet nge maw i pai bik le "thinrim tak chuan ka tihkhum sak a ,tawngkam mawi zawk leh aw ka dam zawk pawh ka hmang thei tawh lo .Khawlo tak a an awm chu ka ring lo ka tih tawh kha ,an awm lo reng bawk mahse kan nupa room zahna nei lo ang mai a hneichhia a luh tir kha chu ka pawm zam mai thei lo.




Tlawm in tihna nasa zet ka nei bawk ,eng ah mah min ngai lo tih nen lam nizan khan a tichiang viau ,a hmeichhia lah khan eng tin nge min ngaih ang tih nen lam ka ngaihtuah kual na lam ah ka chau zo .





" I ngaihdan ang leh i suangtuah ang kha eng mah thleng lo ,thil kan sawi dun mai chauh a ni "a hmak a ,ka thinrim chhan a hre lo lutuk chu ka nuih a za lek lek zawk .






" A lo nih vel tak chu "ti sap in ka chet zawm mawlh mawlh a ,ka thinrim tih hre reng in min biak na tur a dap chhen a ,eirang bawl min pui vek bawk .Ka thinrim tak tak dawn hian a thinrim tha duh tawh ngai lo reng reng .





Chaw eikham lam ah pawh sikul kal tur a a insiam mai loh avang chuan mak ka ti deuh a ,mahse ka zawt duh lem chuang lo ,chaw ei dawhkan chu bawh in ka thleng sil chu min en run a ,thil tam tak a ngaihtuah tih hriat tak in a thaw leh hawk zel ,a rilru a buai hmel viau bawk .





" Nguri ,"ti sup in a ka ban ah rawn pawt a ,a malchung ah ka thu fel der mai .





"I mak lutuk ,min thlah teh " a ai nghet in min la kuah bet zui zat





"Engtin nge maw ka tih dawn le, ka rilru a buai tak zet " zawi thum dut a ti in ka dar chu a chal in a nawr vang vang a .





Che sek tawh bik lo in kei pawh ka thu tha ta hle hle ,a sawi zawm leh hun tur ka ngaichang ta reng .A hnu fe ah "nangmah chauh a harsatna hmachhawn tur in ka kalsan thei si lo che ,ka kalsan che a nih chuan ka inthiam thei tawh ngai dawn si lo " ti in a thaw hrawk a .




A thil sawi awmzia zawt a tawng chhuak tur pawh in ka ka chu a in char bet tlat a maw tih tur in ka tawng chhuak thei thlawt lo .




He mipa ka innghahna leh ka rinchhan ber hian min thlah thlam a tum chu a ni em lo maw ?,ka ngaihtuahna chi ai vek leh keimah a hlauhna nasa lutuk lo awm te chuan min kalsan mai ka hlauh zia chu a ti chiang awm e .





"U Ramnghak eng thil nge maw i sawi le " a tawp a tawp ah chuan ka tawng chhuak thei ve ta lawm ,ka zawhna chu min chhan a tum lo tih hriat zet in min melh zawk hnu ah hmun dang a hawi sawn leh ta vat .




"Min kalsan tur ang mai a tawngkam i chheh te kha eng nge awmzia ,inhmangaih vang a innei kan nilo tih chu ka hria mahse kan pahnih hian kan hlim dun em hi ,eng dang nge ila beisei ,ka chawrchhuahna chhungkaw zahawm lo zet leh chhuan tlak awm lo zet te hian a ti zak che mi ,a ti zak che a nih chuan sawi theih ka nei si lo ,ka lo pian chhuah na tur hi ka duhthlan a ni si lo a" a tir lam chu pawr tha viau mahsela a tawp lam erawh a hrethei chang chang chauh ang.





Rilru buai nuai chung leh mittui tling pam chung chuan ka melh chho va ,"hrep chuan a "ti hluk in duat leh min dimdawi tih hriat lutuk in ka biang a rawn chul chuan ka insum theihna zawng zawng thiah in a awm ta ,ka mittui chu rawn baw chhuak hawk in ka insut ta faih faih a .





" Hei ,hei ,Ngurpui , tap suh le ,ka thlem thiam lo che a nia ,min ti mangang a nia, bang rawh le ,bang rawh le "ti in ka mittui te chu a tuai fai zung zung a ,chiai hmel zet a min en in a thaw leh hak thin .




Ka rilru no a chhuak laklawh ni hmiang, ka tap bang mai thei lawk lo leh nghal ,min kuah bet tawp in ka hnung chu a chul hauh hauh a ,a chet dan dam dup te chu ka mittui ko chhuak tu an ni ringawt ,tah bang mai chu a har takzet .





In la hrang in " inthen i duh em ni "rilru na thup zet chuan ka ti a ,ka mittui chu ka kut in ka hru fai nghal vat bawk ,khatiang em em a ka len hnu a tah vak kha ka la nei ngai lo ,a zahthlak zawk.




" Min thlah teh "ti hlak in a malchung atang ka tal thla a ,pindan ah lut in ka thawmhnaw dah khawmna lam pan in ka thawmhnaw chu ka theh chhuak a.




Rei lo ah rawn lut in min rawn kuah bet tlat a ," inthen ka duh thu ka sawi loh kha "ti nghut in ka thawmhnaw chu a dah lut leh sawk sawk a ,min rawn melh run in " ka thil sawi dan ki i man fu chiah lo ni in ka hria ,inthen ka duh thu ka sawi lo hrim hrim ,i ngaihdan atthlak zet kha dah bo rawh "ti hluk in min kai chhuak a ,thuthleng ah min thut tir in amah pawh chu min si chet in a rawn thu thla ve a .Tun ah tak hi chuan a ni ai inthen ka hreh zawk hial ang ,a rilru ka hriat duh vang mai a ka thawmhnaw ho la chhuak a, chhuah tum der mai mai chauh ka ni





" I tap leh dawn em ?"




Melh rum vak in "Vanramnghak " ka ti hlar a ,nichin kan boruak nen a inperhsan lutuk in kan boruak chu a zang leh hui tawh




Ka tap ringawt kha ka han ngaihtuah a, rilru fim han hman tak zel hnuah phei chuan ka zak thar zual hle a ni .





"Min then chu i hlau ve khawp mai " a la rawn ti leh tal ,min diriamna tawng kam a nilo tih ka hrethiam a ,ner deuh sak in ''nangpawh eng nge i nih bik ,chhuah ka tum tak tak hnu kha chuan ka thawmhnaw ho i rawn pawm lawk a almira chhung ah i dahlut zung zung mai a lawm "ti in ka hawi sang vah a ,sawi tur hre lo tih hriat zet in a ner nung nung mai




" I tawng ang fek fek a "a ti chhuak hluk a ,thinrim a sawi phei chu a ni lo .Sawi tur a haihchham tawh si min chhan let a duh ve si thinrim ang deuh in a tawng hluk hluk tih ka manthiam nasa mai.





Min rawn thut hnaih leh rual in " nizan nen i awmdan a va inang ta lo ve ,min hnaih i duh vaklo in ka hre sia "ka lo ti leh kher a ,nizan a zu rui in a a pheikhawk a min vawm te kha ka la hre kiau a lawm ,min fu phei se la chu a na ve viau ang .




" Chutiang ka hrelo ,ka ruih at lai niang "ti fel than in a nui ruh ruh a ,ka va han awih lo ber mai tak ,zawt zawt pawh ni ila a hre lo der leh char char peih dawn sa .







Sawi zawm tawh bik lo in " rilru hahna i nei mi ,ka sawi awmzia chu nangmah ti buai tu "ti in thildang ka sawi ta daih a ,min enchiang ngang mai mahse mawi deuh a nui in a lu a thing mai a ,nichin lem ah rilru buai leh min kalsan tur ang mai in a tawng a ,tun ah eng buaina mah a neih loh thu a sawi leh bawk si.




" I mak ve ngawt mai "kan ti ta ngawt a ,nui mai in ka chal ah a fawp zeuh a .





Zawt zawt mah ila a tul a tih loh chuan a sawi duh dawn chuang lo tih chu ka hre ve tho a " rilru hahna leh i rilru ti buaitu thil an awm chuan min hrilh ve dawn nia ,mahni a tawrh ngawt ngawt chu a hrehawm duh a ,midang hnen a kan natna te kan thlen hian a ziaawm phah ve thin a "ka ti ta duah ,naupang thuawih tak ang mai in a bu ve nghut a .




Harsatna leh mi hmuhsit na tam tak ka tuar a ,ka tawrhna te min hriat thiam pui a min tawrhpui tak tak tur mi ,inbunruah na ka nei ngai lo, tlem te ka thiannu hnen a ka sawi ve thin tih loh kha chu, a dang zawng chu ,keimah in kum naupangte ni chung in ka tuar chhuak a ,a chang chuan ka a mai dawn emaw tih chang lah ka ngah na rawh ,chuvang chuan rilru hrisel pu thei tur chuan harsatna te hi pai reng lo in midang kan mi rin te bul a inpaihthawl hi a tha in ,kan zia phah hawk thin tih tun hnu hian ka hre fiah zual .





"I sikul dawn lo em ni " ti in min kuah behna atang ka tal chhuak a ,a ni pawn min thlah tha ve mai .




Zawi sup in "dawn lo ,kan chawl a " ti in thuthleng ah chuan a mu fel hlun a ,a lu a dawm vung bawk .




"Ka lu na riau ,nizan ka thil in vang vek " thatchhe zet a tawng chhuak in a chhing siar siar a ,a lu a zuk tawk zeuh in "kha kha ni reng dawn sin ,thil tullo leh tangkai lo lutuk i in thin a " ka tih chuan a phun hluk a,ka malchung ah a lu rawn nghat in rei lo ah a muhil zawm nghal a ,a hmel chu chiang tak in ka en a,a chauh hmel takzet ,eng thil emaw tak rilru kap tu chu a neih ngei ka ring tlat a ,tul a tih hun ah chuan min la hrilh ve mai pawh ka ring .





Kan nupa pawh buaina leh inhauh em em awm lo in kan khawsa dun leh vang vang tawh a, khawsa a inchen chilh dubln reng na na chuan han inkhak leh zeuh te chu a awm lo thei lo ,lehlam kawng zawng erawh chuan kan inpawh phah hle thung .





Ka pa te pawh an haw thlak hnu atang in phone kal tlang in kan in be leh zeuh thin a, ka nu nen erawh u Ramnghaka chawhmeh duh zawng leh tih tur min rawn hrilh te nih loh chuan kan in be zen zen lo .





"Ninawm e ,ka mut a chhuak nia ,uRamnghak" ti bai bai bai in ka kawr chhung a a kut a rawn zen luh chuan ka lo pawh chhuah sak vat a ,zan a rei tawh nen, ka mut a chhuak takzet tawh .





Rum nghut in a ngai te bawk in a rawn che leh tawh "muhil rawh " ti dut in "engtin mah ka chet pui dawn lo che " ti in a nui huk a ,hetiang a min khawih reng te chuan tui tak a muthilh tum chu thil har tak a ni.





"A chhuak lutuk tawh lo mi " ti in min rawn kuah zui a .Ka la chhing lui tlat .




Nui lum hak in "muhil rawh ,i mut a chhuah kha chuan keipawh ka duhdan in ka lo che ang " a sawi zawh rualin ka nghawng chu a hmui lum ham ham leh nel thep chuan a ti si vang vang a ,ka thawk rawn danglam nghal chu hria ni awm tak in a nui che dat,a che zui nghal zung zung aa duhthawh thiam leh khawp mai,a hnu ah phei chuan mutchhuak reng a lang tawh lo,thil nuam tak si leh min ti phur em em tu thil chauh a ni ,ka thluak ah ka pai tawh .





"Tho tawh teh, khai ,delh hlum sa ei i tum a mi " ti in mi rawn sawi vak vak a , ka men chhuah tak ah chuan kan in melh hnai khawp mai .




"Nupui thawh na chang hrelo ka nei a ni maw " a rawn ti leh kher a ,a mah lah chu a nui zui kur kur a ,ner khum nawng in "zingkar atang in rawn in ti zei lo mai teh , " ka ti duh lek a ,mit ti zim sung a min en hnu ah, a biang chu ka hmui zawn ah a rawn dawh "tukin zing atang nileng a ka hun hman a lo nawm zual theih nan hmai ah chuk zeuh zel tawh ila a tha ang " a rawn tih chuan ka meng rang lui vak a ,ka lai deuh reuh bawk .





"Hmui ah i duh zawk pawn a theih aw " a rawn tih leh rual in "kal teh a ,ka duh lo e a " ka lo ti vat thung a ,min melh rum leh tan khawp mai .





A tawp a tawp ah erawh zak ru tak chung si in kan tih leh tak kha ,tih hma loh chuan min man bet in ka thawh chhuah phal hek lo ,a duh na ah hi chuan hnial a sawt lo khawp mai .A duh dan tak hian min chet tir leh nge nge zel .





Vawiin lam keimah a in nghak a lungleng tak a awmleh tur kha Rinengi a lo leng hlauh a ,a tawng duh barh barh bawk a a khawhar thlak loh ta khawp mai.




"In pa leh an hnathawhpuinu inngaizawng ang deuh reuh a ka sawi kha ,an inngaihzawn hmel leh tawh lo " duh dah deuh a thu duai chung in a ti zat zat a ,min rawn melh in min nuih var var a ,tiang a min nuih khum sawng tawh hi chuan min tlawn a ni tih ka man thiam nghal .




Ka tawng ve leh hma hma in "mi khan an sawi nasa sia ,an ni lah an lo inzui lang ve peih sia ,tak tak emaw tih a awl a lawm ,mahse kan lo a in lo feh ve tum a a endan leh a chezia atang khan ka rinhlelh na a kiam chho telh telh a ,tunah phei chuan ka ringhlel chhin tawh lo " a rawn ti leh nghal zung zung a.





Mihring hi kan lo mak a nih hi ,a tu a te pawh hian thudik hre hmasa lo in mi chanchin a chhe lam zawng in kan lo sawi hmanhmawh thin hi chu thil tha bul lo chawr chhuahna tur a ni lo chiang ang a,tu a te pawh hi thudik hrulah thil hre ber nih chak in kan lo hman hlelh thin zawng a ni si a ,a tha lam a hmasawnna kawng dai harh te zawng ,tun kan nun dan en in kan la hlat vah vah khawp mai.





"Naktuk zan kha aw ,in rawn kal lo a nge " ti in thu dang ah a pakai ta daih a ,a piancham lawm a tum ve ngei ni awm tak a ni ,a nu leh pa te chuan tul an tih pui vaklo tih a man a sawi a ,mahsela a ti lui dawn a niang .




"Vanziki te ,Romawii te pawh ka hrilh tawh ,vawiin ah pawh rawn len ve an tum a mahse lo lam ah an tul si a ,induhthawh a na deuh a niang an chhungten an feh tir leh daih a " a sawi zawh rual in tui vawt bur a mi chu a in nghal khawlh khawlh hnu in ,lehkha in a inzap zawm leh nghal mawlh mawlh a ,thut mai mai pawn a thlan a tla thei ,lum tak a ni. .





Vanziki leh Romawii a tih te chu kan khaw nula fel zet ,kohhran a inhmang tak hi an nia,keini ai an upa hret bawk ,Rinengi atang a inkawm nel chho kan ni a ,mahsele han inkawm tam lua phei chu kan ni lo ,an khawsak phung leh kan chet tlatna a inperhsan ta em a ,tun lai tak phei hi chuan kan inhmu khat khawp mai .






A piancham a lawm dan vel tur te sawiin a ri hlut reng a ,a nu leh pa in an remtih loh zia leh an tihdan te a sawi chuan ka lo nui leh vur vur thin a ,a unaute erawh in an thlawp tha viau te pawh a niang a nu leh pa te pawh in rem an tih leh hnuhnawh .




A awm rei phian a, u Ramnghaka lo haw hnu fe ah a haw ve ta chauh a ,a haw dawn te chuan "naktuk zan lo kal ve rawh aw ,i nupui hi a mah te in i lo kal tir nge ,a d hlui te ho pawh ka sawm nawk a nia " u Ramnghakaa bul ah thutak tawk a a tih hnu ah a haw fel ta chauh kha nia .




U Ramnghaka lah chuan a awih a maw ni min melh vung vung in "kan kal dawn nia " ti nghut in in thlak turin pindan ah pen lut zui pawk pawk a ,ka nui ta ngawt ,hmek hmuk thin hian a.





Zanriah eikham hnu hi chuan tih tur hi awmtawh lo thei khawp a ,ani in naupang test paper a check daih phei chuan phon ka lo khawih mai thin a ,Vawi khat thawhnaw secondhand ho ka zuar chhawng ve dawn emaw ti in ,a bulah a hlawk zia vel sawi duah in ,ka fak luam a ,min remtihpui mai ka rin viau lai in a phal tlat lo a ,tul a ti lo khawp mai .Sawi pawh ka sawi ri ngam tawh hrih lo .




"Karleh lam ah aizawl a chhuk thlak ka ngai a" phone dah in amah ka en vat .




"Thil pawimawh tih fel lawk tur ka nei a, ,ka cham rei ka ringlo,hruai che duh ve viau mah ila i peih vak ka ring lo a ,ka sawi lang ta lo law law nih kha " ti in a thiltih lai a tihzawm leh mawlh mawlh a .






Nia ,reilo te cham a haw leh nghal tur ang chuan ka peihlo ,lirthei chuan hi ka peih thlawt lo ,ka rui deuh thin leh nghal.





"Ka hrilh vat lo che a i lungawi lo mi "lu thing in " lungawilo hran lo e ,i thu nia ,nangmah zin chhuak tur i nia ,ka lo hriat hma leh hma loh in kawng ro a su vak lo "ka ti mai a ,thinrim na phei chu ka nei lo ,mahse tlem chuan ka lung chu a awi chiah lo a maw ni .





" Mei nei deuh khan tawng kher a ngai hlei nem ,tha deuh khan sawi mai la "a thinrim hmel loh na chung in ,a aw ki chu a rum lam tep a ni ,a test paper check chu a ti zo tawh a niang a dah tha nghal sawt sawt a .






" i ngaihthlak dan in a zirlo nih kha ,thingpui i duh em "ka ti ta daih a ,tangka pawh a min chhang lo in a bu nghut a ,pen fawk hi a chak awm thin .






Thingpui chu ka siam sak a a duhdan thin tak a hang ngat in ,siam zawh a ka va pe chu eng chu a hria ni maw a thlum in a in duh thu a sawi a,nidang ah a hang hlir in a in thin reng sia ,sawi buai lo in ka thlum sak a ,a thlum in ka siam bawk a ti in bawnghnute chu ka pawlh sak nghal bawk .





Tha te te in a in ang chu tih lai in bawnghnute tello a a induh zawk thu sawi in ,ka thingpui siam chu a leih baw vek a ,aman a siam tha leh kher nih chu .





" Paih kher a ngai hlei nem ,i induh loh pawn ka in duh lawm "lungawilo tak chung in ka ti a ,khatia a va leih baw kher kha a tullo lutuk .





" I sawi hlei nem "a ti duh lek chauh a ,min ngaipawimawh lo lutuk in thingpui chu a in zawm a ,tunlai a awmdan hi ka chik ru viau a ,ho te te thil pawh a la vung leh viau zel a ,,a phone a mi a biak te hian a thinrim thei viau zel ,han zawh ve lah hian thudang a sawi daih zel a,a chang phei chuan a thinrim daih zel .


























"


Show post links
Top

[Ngaia]

Zuzuar Fanu




Chapter -6






Rinengi piancham lawm tur in kan nupa in kan kal a ,nizan lam a kan in ba khaih zeuh atang khan kan la inbe tam lo khawp mai ,a tu ve vepawh kan thinrim tawh lo thung .





An in kan thleng chuan an lo awm ve nuk hlawm a ,tam erawh an ni lo ,a nu leh pa pawn an phur pui leh hnuhnawh viau mai.





Vanziki te nen pawh kan in be luam a ,ka kiangah u Ramnghaka a thu ve run nen duh ang tak pawn ka che sawn thei lo a ,a hnu ah erawh choka lamah ka phei san ve ta daih ,mipa awm ve ho te nen chuan an lo in kawm thung .





Choka ka luh ve rual rual in "Dampuia ka sawm ve nia ,han sawm loh bik kha a nuam si lo a ,thian vek kan ni bawk si a " Rinengi chuan a rawn ti nghal sar sar ,hmeichhe ho chu choka ah kan awm deuh vek a.




"A pawi lo, min vengthawng suh ,engmah nuam lo tihna chhan tur ka nei hlei nem ,tunah te chuan pasal tha deuh ka nei tawh a ,ani te chu ka hrechang tawh reng reng lo " a tawp lam ah fiamthu ka tel zeuh a ,thudik tak pawh a ni remg a ,pasal neih tawh hnu ah chuan bialpa hlui tih lam pang kan ngaihtuah hman tawh lo .





Nui ar ar in ka ban bula ah a rawn beng a "vel che hian, i inla pasal tha nei vel lutuk " ring deuh tak in a rawn ti chiam a ,midang awm ve ho in kan lam an rawn hawi deuh zuk zuk chuan "i tawng ring e a " ka ti vat a ,a ni lah a la nui mai mai thung .





Romawii chuan "Tu emaw, lo in la pasal nei bik an awm em ni "ti in min rawn melh kher a ,min la nuih sang zui ,Rinengi lam hawi leh in " pasal neih ve mai te ka duh tawh ,kan tar zo dawn ,tiang reng chuan khawhar lutuk avang in ka thi thei mai dawn "a rawn ti fiam na chu ,a ni tak tak reng a, a kum hi a naupang chhe lutuk tawh lo a ,duh chuan nei thei mai tur kum zat zet chu a ni ve tawh .






" Kei chu pathian hnen ah ka dil a ,a nin tha a tih zawng a la hmulo niang ,min la pe lo tlat ,han nghak leh rih ila ,kan nghak sual nang ,mahsela pathlawi dul kiar deuh hi min pe ang tih ka hlau nia "kan Rinengi pek chuan ,nui ar ar in a rawn ti vah a ,midang pawn kan lo nuih pui vek .





An thenawm ah pathlawi dul kiar luah ,kuhva heh zet hian a ngaizawng a ,zan ah te pawh a rim ve leh zeuh thin ,a tir phei chuan Rinengi duh lo lutuk in ,a len a piang in damlo der in a mutsan ziah a ,a hnu ah erawh amah tak hian fiamthu thawh nan amah hmer tel in a hmang ta zeuh zeuh thin a ,amah ber ber hi a nuihza ber ah a tang ziah lehnghal.






Dar 8 velah Cake te zai in kan hlim tlang hlawm hle a ,kei tak pawn nuam ka ti viau,,U Ramnghaka bul ah zel ka thu a ,nuam lo ti deuh a a lo awm kha ka hlau ruk deuh vang a ni pakhat ,a ni pawh rinai tak in nuam a tih ve hmel viau .Dampuia pawh a lo kal ve ta ngei a ,han inmelh fuh leh zeuh chang hian awmdan tur hriat a har khawp mai ,ka la duh tihna ni lo in thian ang tak a inbiak vel chu ka la thei lo ,ka la ni deuh hu a ,ani pawh ka awmdan ang a awm ve tho ka ring .






Cake lo eitur dang kan siam ho pawh kan ei tawh a ,tlem a bang tih loh chu kan ei zo vek a ,kan puar tih a hriat hlawm khawp mai tawng lo in kan thu hle hle hlawm mai a lawm .





Mipa zing a tawng duh ber Kitea chuan " Dampuia chu nunhlui i hrechhuak veng veng lo maw ,in in zui kual nasa sia ,tunah erawh mi nu a ni ta mai sia "rilru chhe tak pu a sawi a ni lo tih kan hre tlang bawk a ,huat en ah pawh ka en duh lo ,mahse han nuih pui uar uar chu har tak a ni .






Dampuia pawh keimah ang in a nui suk tih loh chu a awmdan a lai viau mai ,mahse ka ngai pawimawh hran lo,mahse ka bul a thu, ngawi run reng hian ka rilru a la peng zawk ,a lawm loh zawng tak a ni ni hmiang nui ve lo in Dampuia chu a melh leh run thin ,kan inneihna a rei ve leh tawh bawk a ,a thinrim nge rim lo ,a lungawi lo em tih te hi a hmel landan atang ringawt pawhin ka hrethiam thei tawh a ,tunah pawh hian a lungawi chiah lo in ka hria.




" Chutia tih ah te chuan kan Dampuia hi, mi pa a ni ve tep tawh lawm ,tih huk a hnai nia aw "Rinengin rawn ti in ,midang ho pawh an lo phul hlut a ,tuman kan inkar thu an ngaihtuah zawm tak loh ah chuan ka thaw huai mai .





An sawi dan ah kum tawp lam ah inneih an tum ve tawh dawn a lo ni ,Rinengi min hrilh dan in a bialnu hi mi fel leh taima tak chu a ni lem lo a tia ,sual phei chu a sual hran lo ni awm tak a ni ,a bialnu te chhungkua hi kan khua a hausa pawl an ni a, Dampuia pawn a thlang thiam khawp mai ,a nupui ber tur lah hmeichhe awm chhun a nih mai bak ah an pang ber nu leh pa ,u ten an duat rawn a ni a ,eizawnna lam thleng in a bialnu chhung ten an ngaihtuah pui thei vek ang a, a hlawk thlak khawp ang Dampuia tan pawh.






" Haw kan tum hnai dawn em ni ?"a rawn ti ta nge nge a ,nichin atang khan a awm a nawm hmel zam tawh lo reng a ,a thu ngawi ngul a ,an biak ve erawh in tha deuh deuh in alo chhang let zel thung .




"A la hma lawm ,hmanhmawh suh u ,keini phei chu kan la leng dawn chauh " an lo ti vat hlawm a ,zep lo ah chuan nuam ka la ti ve khawp mai ,tiang a thian thiltih khawm te hi a khat pharh a ,nuam ka la tih vang a awm reng lah thil tih chi a ni si lo .




Pasal ka neih hma in ka nuhrawn khuahkhirhna hnuai ah awm in ,thian ho thil tih khawm na a pawh ka tel tha ngam lo a ,tun ah pasal nei in thian dang te ang a awm ve zuai zuai a rem leh tawh si lo .





Mihring nun a ,hun duhawm leh vanglai nun hlim awm tak te hi ka tawng ve pha tawh lo tih ka hrethim a ,ka hringnun ah hian hun hlut leh hlim na in a bawh khah chuk hun te hi eng tik a tak tawng ve ang maw ......






Rei lo te tak tak kan awm leh hnu in kan in zui haw a ,ke a kal kan ni lo bawk a kan thleng hma khawp mai ,chhun lan a kan len vel te hi chuan a bike hi a hawl chhuak tam lo khawp a ,sikul kal nan a hmang ni mai a, zan lam pang ah erawh a tel ve tawh na ah chuan a keng tel ngei ngei thung ..





"Nuam i ti viau a nih kha ti raw , " inchhung kan luh rual a a sawi hmasak ber a ni ,tha deuh in "nuam ka ti ve lutuk ,tiang hun kha ka tawng khat em a ,tiang tak khan zalen tak a inkawm khawm a nuam a ni tih ka hre ngai lo " ka lo ti var a ,thian te nen a inkawm ho ve thin lai awm mahse ,haw hun a ka nuhrawn an hla ngaithla tur ni tih in hre kar a thian te zing a awm chu a nuam famkim tak tak ngai lo ,rilru thlamuang tak pawn a awm vr theih loh reng reng thin a nih kha .





Min melh in ngeiawm lam lek lek in a thle bak a "chu chauh chu maw " min tawng elh khum ni mai in ka hria ,a thusawi haider lui tlat in "a dang pawh a tam ,eitur te kha a tui hlawm bawk si ,ka puar tak tak, nang i puar em? "ti in a tawp ah ka zawt zeuh a .





Kei in thinrim a ka chhan let chuan kan tawp na tur ka hrechiang ,a thil sawi chhan ber lah aman sawi ngai lo in ka hrechiang a ,Dampuia a hmu kha a lawm loh mah nak lai in ,kan nkar thil hlui an sawi chhuak zeuh khan a ti lungni lo deuh tih ka man thiam na rawh bawk .Mipa a nih na ah a zahawm




" Puar "a tawi tek tawk viau mai ,kan haw atang in a nui hmel hmuh tur a la awm lo ,kan mut hnu thleng pawh in a hmel chu a la tak run reng mai .





Zan mutna ah pawh min rawn kuah lo in min hnungchhawn zawng in a mu hnun a ,ka insum thei tawh lo chuan a darah va tawk da da in " i muhil tawh a mi "ka va ti su su a ,a la muhil lo tih erawh ka hrechiang ngang mai .





" Muhil lo ,enge "hluk hluk thin chuan ''i thinrim a mi ? ka chung ah lungawi loh na i nei nge ,tiang hi chuan awm lo la ,ka awm i ti nusm miah lo a nia aw " a rawn la hawi phei duh thak nang ,ka thusawi erawh a ngaithla tih ka hria a ,"helam lo hawi la ,min hnungchhawn kher lo khan ''tiang tak a mi bul a ka tawng nem duai pawh ka hre ngailo .




"Lungawilohna tur a awm mi " rawn inlet in min rawn en ve ta nge nge lawm .




"Ka hre nang ,i awmdan hi a dang riau a " ka tih chuan "a dan em em pawh ka lo hre hlei nem ,i ngaihbel nih chu ,ka chau deuh hlek a " a ti na chu ka awih hran lo khawp a .





"Sawi mai teh ,tiang te chuan a nuam lo a nia ,min be tha peih bawk si lo ,ka dawhtheihna in a tlin lo tep tep a nia " ka ti tak tak reng bawk a ,thinrim a chhang let hrep te hi ka chak ve thut thin ,tunah erawh ka la insum thei zawk hlauh a.






"Engmah awm lo ka tih chu ," ti in min rawn kuah a ,ka hahdam kim leh ta sawng sawng mai ,"ka thil ngaihruat dan te kha a tak a ka chan tir a ,ka mood a ti chhe vek ,ka tawng tam peihlo a nih kha ,ka mawl reuh ti raw "a tawng tawp lam ah chuan a rawn nui ri suk a ,sawi lang duhlo mahse Dampuia kha a thik deuh ni ka hria a ,ka chiang viau lo thung.





Aizawl a a chhuk hun tur hma zan ah chuan chau hnep in hun nuam tak min hman pui a ,in hauh a inhmuhthiam loh a awm reng ai chuan hlim tak a awm hi a nuam in ,hlim chuan hun te hi a kal duak duak mai a ni.





A tir chuan a bike a kal tum kha a nia ,mahse sumo kan hauh leh ta zawk a, bike a aizawl thleng tlan chu amah chuan a peih leh vak lo a niang ,chu ta karah ruah a rawn sur deuh thut bawk nen sumo chuan a kal ta ngei a .




Mahni a in a awm chu a khawhar thlak duh khawp mai ,an thlen chin min rawm hrilh deuh reng a ,zing chaw eikham a chhuak an ni a ,dar 1 bawr vel ah min rawn bia in a thlen thu min rawm hrilh hnu ah kan inbiakna kan ti tawp a,keimah a ka awm tur chu min rawn ngaihtuah ve khawp mai.





A kal hma in keima a awm ka hlauh a ring a niang ,ka pa te in lam ah riak phei hrih tur in min ti na chu ka hlauh loh thu sawiin ,keimah a ka riah ngam thu ka sawi a ,a ngaih a la ngam thei lo a niang





"I thiannnu Rinengi kha riah pui tur in sawm la ,mahni a hmeichhe awm zawng a ngaihthat thlak loh ,ngaihtuah i na zual " a tih avang in Rinengi min rawn riahpui tur in ka sawm a ,a ni pawh a lo remchang hlauh ,a nu leh pa pawn an lo remti khawp mai , amah ber lah chu a phur fal ,zanriah an eikham veleh a ,rawn phei nghal a tum chuk chuk a .





Mahni te in zanriah ka ei a ,tlai an thleng tih min rawn hrilh atang in U Ramnghaka nen kan la inbe leh lo a ,rinai tak in ka ngai riau lehnghal ,va biak hmasak tur emaw ka ti hial a ,mahse a buai ka ring deuh si ,min lo biak hun tur chu ka ngaichang reng a .





Rinengi nen chuan khum ah mu in phone kan khawih a ,Ka ngahhlel em em U Ramnghaka chuan min rawn be ta nge nge





Ka lak rual in "i mu tawh em ,ka buai deuh a duh ai ka rawn be har che " a rawn ti nghal vat a ,a tawng kar lak ah naupang aw te ka hre leh thin ,an thawm a bengchheng khawp mai .




"Mu tawh mahse ka la muhil lo ''ti in ka nui var a ," chimawm e " thluk duai a ti in a rawn nui zui huk a .





"In thawm a va la tha ve ,nangni chu " ka tih chuan a unau te ho an lo len khawm thu a sawi sup sup a .





"I tello chuan ka ni deuh hui mai " a rawn tih chuan ka nui kar kar a ,kei ang chiah in min ngai ve tih ka hrethiam mai .





An lo koh sek tak ah chuan kan inbe rei ta lo a, kan inbe zo ka thiannu lam ka va hawi chu min lo melh in , a mithmul a san zeuh zeuh a "in pa chu i ngai nghal der a ni maw ,zan hnih zan thum vel i han nghei chuan ,a rawn haw hun ah i tuah duh awm " za em em in a nui a ,"Lalrineng ,i mak ,chutiang "ka ti hlar a ,amah lah chu a thusawi lawm ber ber ah tang in a nui ring nasa mai .





Muutthilh nghal lam chu a hnai lo eng eng emaw kan sawi chhung in a lo tlai duai tawh a ,zan lam ah kan muhil har bawk a ,zing lam kan mu rei dun ngei mai .




Vawiin nileng in U Ramnghakan min rawn be lo a ,ka lungawi lo lek lek a ni ,biak tum in ka phone a ,a chang thei hauh lo lehnghal .





Rilru nawm tawhlo nak lai in Sinthiai a rawn kal a ,lo biak chhiat ngawt thu awm hek lo ,tha te te chuan ka lo be ve mai a ,a thil sawi duhdan erawh ka ngaithei hran lo khawp mai




" In pa chu vawiin lam a buai viau ka ring a ni ,in in be hnai em "ti ve mahse a buai tur zawng zawng hre lawk sa vek a min zawt kher a ang riau a .




" Nichin deuh lawk khan kan inbia a "dawt kan sawi ringawt a ,kan la inbe lo tih vel hmang a mahni intih mualpho kha ka tum lo ." eng ti tur a lo leng lut nge i nih hrim hrim a "tih ka zawh chuan ,sir lam hawi zawng a a ner ru nak chu ka hmu hman ,ka lam a rawn hawi leh erawh a nui leh sang tawh a ,duh duh hunah nui hmel hi chu a pu chawp reng thei hial a nia ka rin ,thiam thil dangdai tak chu a ni .






" Sikul kan bang hma a ti in ka rawn peng kawi zawk a nih hi ,a dang leh ah chuan thil hrilh tur che ka nei a,chu mi hma in thil ka zawt lawk ang che" a ti a ,amah bawk chuan "U Ramnghaka nen hian in inneih na a rei ve tawh tho sia,i la rai lo em ni ?''a rawn tih leh chuan ka hawi a heu a ,ka rinloh lam daih a ni min zawh ni .





''La rai lo " ka lo ti ve mai a ,tiang thil min zawt ve ringawt hi a zahtheihloh thlak ka ti ,ka thian hnai pawh a ni tawp si lo.




Rai leh rai loh chungchang thil ah kher hi chuan dawt phuah chawp in ka sawi thei tlat lo ,keipawn mak ka ti ,kan inneihna a rei ve tawh hle bawk si a ,ka la rai lo hi ,invenna ka hmang si lo ,mahse u Ramnghakan a la sawi chhuah chhin ngai loh avang in rilru nawm lohna em ah ka hmang ngai lo thung .





A ni lah chuan awlsam te in "a that hlauh chu ," a lo ti fel than a ,rum deuh chuan ka melh ta reng ,a tawngkam hman duh dan chu ka ning riau ta mai ,ka inthunun theihna ka hlauh tial tial bawk.





A tawng kam hman chu a inthiam leh ta chiah lo nge ,ka lo melh rum deuh avang chuan "ka sawi awm zia zawk chu ,harsatna leh hrehawmna i hmachawn lo zawk a nga ,ka tihna nih chu " ti in thil tam tak sawi tur a nei tih hriat zet in min melh ran a ,a thil sawi tur chu a tha lam a ni dawn lo tih lah ka chiang .




"I sawi tur chu sawi vat la " a la ngawih leh reng si avang chuan ka ti a ,a chhe lam a ni dawn tih hre mah ila ka hriat chak na in min tur et et mai




Aw thian leh kharh kharh in "U Ramnghaka hian fa a nei " a ti chiah chu khawvel kal lai te chu an ding ta thup in ka hria ,ka bing deuh chuk chuk bawk ,eng thil chiah nge a sawi hi ,dawt ni lul rawh se ,ka kut chu ka hum vak a ,ka thaw leh hawk thin .




"I awih lo a nih pawn ka hrethiam che ,mahse he thlalak i en hnu hi chuan i awih lo thei tawh lo ang " ti in a phone a thlalak chu min en tir a ,dawt a ni lo chiang e ,eng tin nge a theih ,thlalak ah chuan hmeichhe hmel tha zet ,sap ang a ngo em em mai in nau a pawm a ,an kiang ah uRamnghakaa a thu ve bawk a ,nupa te pawh an ang zawk a lawm .





Ka rilru natna te dah tha hram hram in "ka pasal ka zawh chian hma chu ka awih dawn lo " ka ti ve leh ta ngat a ,mawl min tih hnel deuh a min melh hnu ah , "zawt pawh ni la thudik a hrilh duh che i ring a mi ,mipa ningkhawng i hre lo tak zet a nih hi ,bum nuam tak tur hmeichhia ,lehkha thiam bawk silo ,pianpui finna nei chuang bawk si lo " a rawn ti leh chiah chu ka thutna atang tho in a kawr ah ka tham nawk nawk "chhuak rawh ,min rawn diriam tur hian tu nge maw i nih le " vin tak a ti in ka pawt tho lawp a ,chutia ka che thut chu mak min tihna ,leh hmeichhe rapthlak tak melh in min melh a .A duh ai in a ka a kal ,ka insum tang tang na te kha a ti chhe zo vek .






A kawr ka thamna chu rawn paih thla hmak in a siam tha zui mawlh mawlh a ,"i pasal in thu dik a hrilh loh che a nih chuan ,thudik kimchang tak a i hriat duh chuan min rawn be dawn nia "ti in a chhuak zui a ,chhuat ah thu sawpnuaiin ka mittui chu a rawn luang ta zung zung ,hruk pawh ka tumbuai lo ,thluak nei lo ang mai in ka ngaihtuahna zawng zawng nen lam a ngawng chhuh ni mai in ka hria ,chhuat ah let bam in chung lam chu ka melh reng a ,ka rilru buai lutuk tih zia awm nan ka rilru in number te chu kan chhiar leh thin ,a sawt lem lo khawp mai.





Ka rilru hrisel lo tak pawh in thil mak deuh deuh a suangtuah kual nuai a ,thil thleng thei hrang hrang ka ngaihtuah kual te chuan ka thluak a ti mang zual a ,





I awi nge awilo tih min zawt ta se ,hei hi ka chhan na tur chu a ni ,awihlo na chen ka neih rualin a tam zawk ah erawh ka awih lutuk thung ,thlalak rinhlelhawm tak nen a ka hmuh hnu ah leh zel phei chuan .





Zanriah pawh ei lo in ka awm ta reng a ,URamnghak a lah chu ngaihbel ting tur in a reh ve hmak bawk ,ka insum thei ta ngang lo chuan ka phone ta tawp a ,vawi khat na ah chuan min chhang lo ,a vawi hnih na ah erawh a rawn la ve ta hram a lawm





" Ka buai lutuk a lawm le ,sikul thil ah sawrkar lam dawr a lo.ngai nen "a rawn ti nghal vat a ,ka rilru a kal sual laklawh bawk nen ka awihlo khawp mai .




" A nih chu "chubak sawi tur ka hrelo ,ni lo zawh tur leh hriat chak tam tak ka nei ,ka beisei ang chhanna ka dawn loh ka hlauh lutukna lam ah eng mah ka zawt ngam lo a ni .Hmeichhe dawihzep leh nep tak chu ka ni .






Ka mood nen a inmil lo zet in a rawn nui hawk a " i mood chu a va uih hmel ve "ti a min rawn fiam na te chu ka haw hlur mai ,ka be zawm thei tawh thlawt lo chu ka dah ta daih a ,Rinengi min riahpui tur a rawn kal pawh ka be tha peih hrih thlawt lo ,mak tih hmel zet in min melh leh zeuh zeuh thin tih chu ka hre reng.





U Ramnghaka pawh in min rawn biak tum in a rawn phone leh ngei a ,ka lo la duh miah lo thung ,whatsapp lam thleng pawh in a rawn che a ,ka ngaihven chuang lo ,ka rilru a la buai hrih em a ,naktuk lam ah chuan tlem in ka lo zia ve tawh a nga ,naktuk lam a biak ah ka khek ta ngawt a .





" I rilru a va hah hmel ve a ,i melh ngai i melh leh tlawk tlawk thin "





Nui lui tak chung in "chutiang a ni lo, ka awm a nuam chiah lo deuh a ,chu vang mai mai maw le ,min ngaihtuah suh ka tha nia " ka tih chuan a awih a niang min zawt zui ta bik lo a .





Ka thiannu tawng leh bawng bawng thin te ,fiamthu a thawh lai te chuan ka nui lui tak meuh meuh a,rei inkawm lo in kan mu ta vat ,mutthilh ngial ka tum pawn ka thei lo ,ka phone lah chu a ri deuh chhen a ,tu nge a nih lah ka hrechiang si a ,a tawp ah phei chuan ka switch off ta daih .






Zing ah chuan ka tho pangngai ta deuh a,kan thawh hnu lawkah Rinengi pawh a phei nghal a ,chaw ei tur a sawm luih ngial pawn ,chaw ei kher kher hi chu a hnial ve tung tlat zel ,Nimin tlai lam a chaw ka ei loh vang a niang ka ril a tam em avang in tukthuan pawh ka ei vat a,riltam viau e ti lo in tlem te bak ka ei lo.





Phone kan ti nung chu U Ramnghak an vawi sawm chuang zet zawt min lo call hi a nia ,whatsapp lam ah lah




*Call la ta che Ngurnunsang ,i nuam lo em ni ,min ti mangang a nia *tih vel leh a tawp lam message ah phei chuan a rawn thinrim tih a hriat hle bawk ,Tlem chuan ka inthiam ta chiah biklo ,ka chet dan chu a naupang chhia ka ti thar viau bawk ,tha te te in nizan te khan sawipui ila ,thudiklo a nih chuan tiang a rilru hrehawn lutuk ka pu reng awm si lo ,lehlam ah erawh thudik a lo nih si chuan hei ai a hrehawm dawn tih ka chiang bawk si avang a dawihzep tak a awm ta kha ka nia .





Thawk la ham ham in a number hmet chhuak in ka phone ta a ,mahse a in ring ral thak ,a chang in busy a in ti bawk a ,whatsapp lam a a last seen ka check chuan a lo online kur ,






"Lo biak che ka tum kha ,lo la ta che ," tih ka va thawn a ,online reng si in a seen duh miah lo tih ka hriat chuan ka thinrim khawp a ,chiag tak in a dawhtheih tawh loh thleng thleng in ka che tih ka hrechiang a ,phone a lo lak duh bik loh danah.






A kal hma a a sawi dan kha chuan vawiin hi a rawn chhoh hun tur a ni a ,engmah chinchang min rawn hriattir loh dan ah a lo haw loh a nih ka ring mai a ,tlai lam ah biak tum in ka che chhuak leh a ,a lo inla ta ngei mahse u Ramnghaka ni lo in a nu zawk a lo ni a




"U Ramnghaka awmlo mi ?" tim dai in ka zawt a ,min rawn chhan dan erawh in ka lo rinhlelh na a ti belh zual sawt ,



" Awmlo, Sini khan engkim a rawn hrilh tawh che em, hrilh hriat tawh tho che chu ka ring a ,tiang nei nuaih kha kan ni ta sia ,nang pawn lungdam deuh a pawm thiam dan i lo zawng hram hram dawn nia "a rawn ti zung zung a ,nidang a kan inbiak dan lo ang tak in min ngaihtuah na tawng ka te a lan chhuah tir ve a lawm ,mahse ka lawm mawlh lo engkim chiang tak a zawh fai vek ka duh a ,zawh ka tum lai tak in an lo koh tak ah chuan ka zawt hman ta lo .




Eng thil chiah hi nge thleng a ,ka lak a an lo zep hlawm ni ,U Ramnghaka a lah chu biak theih in a awm lo reng reng ,ka phone apiang in switch off a in ti bawk si a, ka beidawng ta hluah hluah .






###Naktuk zan awmloh zan aw ##


Show post links
Top