I Ninawm BY Cck Lalchhuanawmi (Completed)

[Ngaia]

I Ninawm
Chapter-13
Ziaktu: Cck Lalchhuanawmi

Venpuii pov...
Khua a var a, bengchheng pawh a awm ta lo. Ka chaw ngheina a rei tawh avangin, ka ei ṭeuh duh lo a, minute thum danah, tlem têin ka ei zel.

"He club hi i ta em ni?", ka tih chuan, a bu zeuh. "I lei tihna nge, i din?",

"Zawhna i ngah hmel tawp", a ti a. Ka nuih sak. Ngah tih piah lam a ni, mahse, ka chhanna duh ang erawh, ka hmu meuh lo thung.

"Ngaia nen, engtin nge in intawn?",

"Khuanu Samsuih kan nia", ka ti sap a. Ani pawh, a khi suk. Intawn dan sawi dawn chuan, a kual thui dawn êm mai.

Ka uin, u Ngaia ka neih nan, kut hial min thlak a nia. Chungte chu, ka sawi chhuak ngam teuh lo mai, tunah chuan, a zahthlak tawh zawk.

"Thil pakhat ka zawt thei che ang em?",

"Awl deuh aw",

"U Ngaian a dan che khan, ngati nge, i kal luih?", inngaihtuah ni awm takin, a ngawi vang vang a. A chhanna beisei takin, ka ngawi ve reng bawk.

Puitu nei lo angin a inngai a, mipa a ni tih, hrilhtu nei lo angin a inngai a, u Ngaian a hrilh chamchi tih, a hre hauh lo. Engtiklai pawhin, a kiangah u Ngaia a awm a, chuti chung chuan, a kal lui tho a nih kha.

"Runluih ka duh alawm, hmeichhia tia min kâwk tu te kha, runluih ka duh. An fapa, an nuṭa te ngaihzawn kha, ka duhthusam ber a ni.

Anmahni vangin, ka nih tur ang pawh ka ni thei lo. Zan tin, ka ṭap muhil ziah a. Khawlaia chhuah pawh kha, ka tan chuan, thiang ve lo ang mai a ni.

In chhungah lah, ka hahdam thei lo a. Ka âw avanga, hmeichhia min titu te zawng zawng kha, runluih ka duh ta a. An duh ang ngeiin, hmeichhia ang chuan ka awm ta a nih hi",

"Mahse, i hlim chuang hleinem", ka lo ti a. A ngawi leh vang vang. Engmah a sawi tawh lo a, a ṭhu ngawi reng tawh.

Keipawhin, engmah ka sawi leh tawh lo a, kan pahnih chuan kan ngawi ta reng. A hnu rei vak loah, bathroom hman ka duh thu ka hrilh a, min hruai ve mai bawk.

Tlai lam a ni a, an ri leh ṭan bung bung. Pawn lam aṭang min kalhhnan ṭhin a, chhuah duh viau pawh ni ila, a theih loh. Mimi ka hmu ta miah lo a, hmeichhe dang an zawng a nih ka ring ve ringawt.

Mipa aiin, hmeichhia kan sual zawk emaw tih hial a awl rum rum. Mahse, mipa ho an fihlim tihna a ni chuang lo. Kan inbuk tawk vel ang.

Hmeichhe thuam inbel a, sam lem vuah chungin Shynrang a lo lut a, a inbun sâng ve lutuk. Ei tur min lo ken chu, banin, muangchangin ka ei a.

Ka en ṭhin a, a hlim hlawl lo. A hlim lo takzet, hetia a awm hi, a duh dan a nih loh ang takin, nuam a ti miah lo.

Ka hmaa chair-ah a ṭhu a, "Zaninah an chhuahpui dawn che", a tih chuan, ka lûngphu a rang nghal dup dup. Dubai lamah chuan mile?

"Shyn-",

"Ka ṭanpui thei lo che",

"Anni ho nena thawh ho a ṭul reng reng lo nia, hmeichhe thuhnuaia awm tur i ni lo. Mipa i nih kha", ka ti dap dap a.

Tlem chuan, ka thinrim tawh. Mipa a ni a, a inhre vek. Tumah runluih a ngai lo, atan kawng harsa a insial mai mai zawk a ni.

"Police hoin, night club pawh an zuah tawh lo, helai hmun hi, an lo thleng ṭep tawhin ka ring", a ti a. U Ngaia ka ngaihtuah nghal, ka lawm lutuk chu, ka mittui a hnâm ṭiam ṭiam.

Min chhuahpui hma hian, lo thleng hlauh ta sela tia, ka ngaihtuah laiin, Mimi leh mipa pahnih an lo lut!

Ka chil ka lem dâwk dâwk a, an palian si, kei ve mai chuan, ka hneh dawn lo lutuk. "Police hoin, night club zawng zawng pawh check tur tiin, thu chhuah an siam si a, kan insawn a ngai dawn. Zanin aṭang chuan, Dubai lamah, i thlawk liam tawh ang", za em emin, a nui zui uar uar a.

Tho lawkin, "Zanin aṭang chuan, jail-ah i awm ve tawh thung ang a, kei erawh, ka zalên tawh thung ang. Dubai-ah chuan, engtikah mah, ka thlawk liam ngai lo ang", ka ti hlak hlak a.

Nui sângin, a meng mual rak rak. Ka thusawi a ring lo tih hriat takin, "A lawmawm zawk ngawt ang", a ti a.

Mipa pahnih te chuan, min man tumin min lo pan hnai. "Lawkin, tawlh hnung rih teh u", ka hmaah, Shynrang a lo ding thuai a, a hnungah a kut dahin phone a keng a, ka hmaah a lo dah hnai.

A tiche dat dat a, la turin min duhah ngaiin, ka la a. Ka bra hakah ka thukru nghal hmiah. A kut chu, hmalamah a dah ve leh nghal mai bawk.

"Pawisa min pek ve a ngai, ṭha takin ka lo enkawl a, a chaw eina man tal pawh", Shynrang chuan tiin, Mimi chu, hahthlak tih hmel deuhin, a thaw halh halh.

A mengkual rak rak a, "A ṭha lawm", sehchilh nawkin a ti a. A bag aṭang, pawisa tam tham tak, phawrh chhuakin, Shynrang chu a pe a.

Shynrang chu kalsawnin, room aṭang a chhuak nghal a. Mipa pahnih te chuan, ka kut pahnih chu hnung lamah an phuar a. Ka ke an phuar êm lo.

Ka tal lo a nih vaih chuan, an ngaih a ṭhat ka ring si lo. Ka tal a nih zawngin, ka bra aṭanga ka thuhruk phone a tlak ka hlau bawk si.

Phone hi, hlai lutuk lo mah se, a tla emaw a nih loh pawhin, min dap ang a, an hmu ang tih ka hlau! U Ngaian ka awmna a hriat theihna tur a ni tlat, Shynrang phone a chhui thei a.

Puana ka kâ khuh hnana suih an tum chuan, ka lo ṭang deuh a. Mahse, ka ṭang nâ lutuk ngam tawh lo. An ngaih ṭhat tawkna tur lek chauhin, ka tal laih laih.

Min kalpui hlawk hlawk a, Night club chhunga awm te ho pawh chuan, mak ti deuhin min thlir chuang lo. An hmuh ṭhan(ṭhang) a ang tawh zawk mah.

Min kalpui hlawk hlawk mah se, ka ke pên ka dim lutuk ringawt. Motor chhungah min luhpui a, "Kan hmanhmawh a ngai, hmun tinah, Police an awm ṭhup lehnghal", Mimi chuan a ti a.

Mahse, ka thla a muang tawh lutuk ringawt. Hemi te ho hian, man an tawk vek ang a, an phu tawk hremna an hmu ngei ngei bawk ang. An sumdawn dan hi, sumdawnna tenawm ber a ni.

Kan hma zawnah kan tlan zel a, Police hmu mah ni ila, kan ding lo a. Chubakah, motor check-na an nei lo reng reng.

Kan kalna tur chu ka hre ta, kan dinna aṭang Airport a hla tawh lo. Security paltlang a ngai ngei ngei dawn a, passport pawh a awm lo. Engtin nge, min tih dawn?

Motor aṭang min pawt chhuak a, Airport sir lamah min kalpui hnak hnak. Bawm lian tak hi a lo awm a, a bul velah, an tei suau suau, an han hawng chu, hmeichhia ṭhahnem tak, an lo tlim hmur mai!

He bawm chhungah hian min khungin, khualzin phur thlawhna ni lo, bungraw phur ṭhin thlawhnaah, chutah ngei chuan, min thlawhpui dawn tihna ni maw?

A chhunga min khung tuma min nawr chu, ka tal nasa lutuk, ka ke ka lêng vak vak a. Luh ka tum lo bur.

Ka kawr chhung aṭang phone a tla ta, ka lo hrechang tawh lo, a pawi zo ta vek e. "Min bum te i tum ve khanglang elaw?", ti pahin, Mimi chuan min beng chawrh.

"Engtin nge i khawih ngam zawk a?", silai lek kang vû u Ngaia hmel ka hmuh rual chuan, ka ṭap nghal tlawk tlawk.

Min chelhbettu te chuan min thlahin, an tlan nghal sup sup a, u Ngaian an ke-ah bahlah miah loin a kap pawp pawp, an let phung hlawm a. Police dangin an phih tho nghal sang sang bawk.

Mimi tlanchhiat tum pawh chu, Police hmeichhiain a man a. Leiah ka ṭhu sawp nuaih. U Ngaian min lo pan thuai a, ka kut an phuarna a phelh rualin, ka kuah nghal vat.

"Ka tlai lo tiraw?", a ti sup a. Ka lu ka thing nawk nawk. Ka kâ phuarna a phelh rualin, keimah zawkin ka fawp a. Ka kuah leh nghal vawng vawng.

Ka sawi thiam phak bakin, ka hahdam a, ka thla a muang huai huai. Min din pui a, min la kuah reng tho.

Bawm aṭang hmeichhe ho an lo chhuak sup sup a. An phuarna an phelh sak nghal mawlh mawlh.

Chutah, hmeichhe pakhat chu, "Pa", ṭap ṭuau chungin a lo ti chhuak a. Constable pakhat nen chuan, an inkuah vawng vawng. An ṭap dun hawm hawm a.

Keipawh, ka mittui ka dang zo bik lo. U Ngaia chu, ka tha tawpin ka kuah a. Lo tlai ta se, kan inṭhen vang vang dawn chu a ni sia!

"Venpui, i him tawh a nia", ka hnung a chul hliau hliau a. A âwmah ka hmai phumin, ka ṭap tlawk tlawk. Ṭah tawh loh ka tum a, ka tum nasat poh leh, ka ṭah a chhuak zual ting.

Mimi chuan, min en kar a. A mitmengah, zamna pakhatmah hmuh tur a awm lo. A hlau lo tih hriat takin, a la nui zawk zamah.

"I beng let ve duh em?", u Ngaian a tih chuan, hmeichhe ho lam chu ka en. An insut hlawp hlawp a, an la naupang hlawm si, hma hun êng tak, nei vek an ni.

"Hlauh tur a awm tawh lo a nia", anmahni en chungin ka ti a. Constable fanu chuan, Mimi pah hnaiin, a hmaah a ding a, "Hmeichhia ve tho i nih kha, mahni hmeichhiatpui pawh, hralh duh chu, mahni fa hrin ngei hralh angah ka ngai che", ti hlak hlakin, a beng a, vawithum lai a beng.

Hmeichhe dang ho pawh, an insum thei tawh bik lo. Mimi bakah, a thurualpui ho chu, an bêngin, an chum a, an pet vel thul.

"I ngawi reng a",

"Ka ai an awh vek alawm", nui varin ka ti a. A âwmah min kuah betin, ka chal a fawp vang vang a.

Airport chu, an check hmasa leh tê tê. Chumi zawhah, kan thlenna Hotel panin kan kal a. A dârah, ka lu nghatin, ka thaw huai huai.

Ka mittui erawh, a tlak deuh reng avangin, ka hru leh zeuh ṭhin a. Ka hmai a belmang vek tawhin ka ring.

Khatiang khan, Dubai-ah min kalpui an tum a ni a. Kan hmaah, mi engzat tak lo hruai tawh ang maw? Mihring hmanga, sumdawn reng reng te chu, Pathian an hlau lo nge mawni le?

Shynrang-a phone chu, couch chungah ka dah a. Tuilum herh hawin, ka inphuh tir seng seng. Ka inbual lohna a rei tawh bawk a, ka taksa pawh, a zâng hawk.

"I inthlak zawh veleh, chaw i ei dawn nia aw", a ti sup a. A phone a rik avangin, a kalsawn a. Ka inthlak sawk sawk, towel-in ka sam ka hru a.

"Venpui, i hman tawh em?",

"Aw, hman", towel zarin, ka sam ka hui ṭha ringawt. Lu tuam bur chunga, chaw ei chu, a nuam chiah lo.

Tlem tê chauh ka ei a, vawikhata ei ṭeuh theih ka la ni lo tlat. "Midang ho kha, engtin nge an awm zel tak ang?",

"Hmun himah an awm e, naktukah, an in lamah ṭheuh kan haw tir ang", a tih chuan, ka bu nghat. A phone a ri leh a, thoin tukverh bulah a va ding.

Kan chaw eina seng hawitu tur a lo lut a, a chhuak leh nghal vat. Ka hâ ka nawt a, ka hâ balhzia chu(h), ka nawt ṭha leh ngat.

Bathroom aṭanga ka chhuah pawhin, a lo la be char char. Khum chungah ka ṭhu a, Shynrang-a awm zel dan tur ka ngaihtuah.

Mimi-te nen, an inthurual bawk si a, Mimi man a nih takah chuan, a hming a ri tel ve ngei ngei ang. Man a tawk ve thei reng tihna.

U Ngaia hian a hria ang em le? "Venpui", ka phu zuk. "Eng nge i ngaihtuah?", a lamah min pawtin, min kuah leh a. Min kuah hnem tawh lutuk ringawt.

"Ka ngaihtuahnaah che, ka thâwk a tawp thei dawn alawm", a ti zawi sup a. Ka khawngaih lutuk ringawt. "Ka tihpalh lutuk, i thu awihin, Hotel-ah lo awm zawk ta ila, i buai a ngaih phah dawn si lo a",

"Hna ṭha tak i thawk thung alawm, nangmah vangin, mi tam tak chhanchhuahin an awm a. Hlau reng renga an awm a ngai tawh dawn lo a, ka chhuang lutuk che", a ti dap dap a.

Min fakna a ni tih ka hria, nuam ka ti lutuk ringawt. Mahse, mahse tih hi a ngai leh ṭhin.

"U Ngai, Dubai-ah min kalpui hman ta se, i hre dawn si lo, min la zawng char char tho ang em?", ka ti a.

Zawhna awm ang lo a ni tih pawh ka hria, mahse, a chhanna ka hre duh. Shynrang phone vang chauhin, min rawn nangching thei a.

Shynrang phone awm lo se chu, ka ngaihtuah ngam lo. Chubakah, chhungte avang chauha innei ve mai chauh kan ni a, u Ngaia phei chuan, min hmangaih bawk si lo.

"Ka hmuh hma che chu, ka zawng zel ang che. Ka damdawi i nih hi, min kalsan turin ka duh lo che. Mitthi ni mah ila, i mamawh ang chu, pek zel che ka tum ang", ka âwmah a hmai phumin, chhuatah a ṭhu thla riai riai.

"U Ngai, engtikah mah ka kalsan dawn lo che, mitthi i ni reng reng lo. Vawikhatmah mitthi inti tawh reng reng suh, Venpuii mipa i nih hi, theihnghilh ngai reng reng suh", ṭhu thla ve nghalin, ka kuah a.

A thusawi chuan, awmzia a nei pawhin ka hre lo. Engtikah mah, ka kalsan dawn lo reng reng.

"Venpuii mipa hian, engmah a thawk thei lo", kun ngaih chungin a ti a. A awmdan mak lutuk chuan, min tihrilhhai lutuk.

"U Ngai, min en teh", a biang tawn tawnah ka dawm a. A men sen rum al ka hmuh rualin, ka fawp nghal tawp a, mahse, min fawp let ve miah lo.

Rei tawk fang ka fawh hnuin, ka tawp a, "Ka hmaah ngei an hruai bo che a, kut an thlak che a, hrehawm takin an awm tir che. Shynrang nen in awm dun tih ka hriat phei kha chuan, ka taksa pum hi, mei alh ang mai, a sâ chhuak vek. Shynrang ka thah châk ṭum ber a ni ang",

"A bula ka awm vangin maw?", ka tih chuan, "Aw", a ti thuai. A bulah ka awm tih, engtin nge a hriat theih le? Mahse, zawhna hun a la ni lo.

"Mipa ve tho a ni a, hmeichhia angin awm mah se, mipa hna a thawk thei tho alawm", a thik tih ka hrethiam ta nghal.

A thik chiang alawm, thikna rilru a pu hial ta! A thinrim a, a hlauthawngin a lungngai a, a mangang êm êm bawk. A thisen a lum, a tawpa tawpah.

A mal chungah ṭhuin, a biang dawmin ka tuai heuh heuh a, "Ngati nge i nuih a?",

"Ka lawm êm a ni",

"Engvangin?",

"Ngaia hmeichhia ka ni thei hi ka lawm, Ngaia hmeichhia ka nih tlat avangin, tumahin min tinâ thei lo. Tumahin min khawih thei lo bawk, Ngaia hmeichhia ka ni tih an hriatin, an tlanchhe zel.

Ngaia tih chu, an hlau êm êm a ni. A chhan chu, mipa dik tak a ni a, a koa tla mawhphurhna ṭha takin a hlen a, a hna ṭha taka thawkin, mi tam tak a zalên tir a. Ngaia tih hming an hriat tawh chuan, misual ho an tlanchhia a, misual ve lo te, an hahdam sawng sawng zel ṭhin", ka ti dap dap a.

Min en kar a, a beidawng hmel lutuk pawh chu, a inthlak ve tial tial. "Mahse, i duh ang pawhin, ka awm thei si lo", a taksa si chetin, min kuah bet a, ka âwmah a hmai a phum vang vang.

Hei hi a sawi ve ziah, inkiltawih nan a la hmang zui ziah bawk a. "Ka duh ang hlirin alawm i awm",

"Ni lo, treatment ka lak laia an thil min hmuh ang practical-in ka ti mai chauh a ni. Nuam pawh i tih loh kha",

"Ka awm bo chhung khan, tu mipa mahin min khawih lo, ka puan hmawr pawh an dek lo, chuan maw, engtikah mah, tumahin ka puan hmawr an dek ngai lo ang, nangmah tih chauh lo chuan", ka ti a.

Beidawn hmel takin, a thaw ri hrawih. "Hnaah ka kal a ngai lawk a, nangmahin i lo awm thei ang tiraw, a hlauhawm tawh lo a nia aw, ka rei lo ang", a ti a.

Pawn lam aṭang a kalh a, ka ngaih a ṭha thei thlawt lo. Thil ṭha lo tak te, a va ti reu reu ang tih ka hlau, ka vengthawng tawh zawk.

Khumah ka inlet ka inlet a, thinrim ṭun chunga chhuak a ni si a. Ka awm a tinuam thei lo.

Tv ka en ta tawp a, chanchinthar ka hmet fuh hlauh. English-in a ni bawk a, ka ngaithla chiang zel a, Police hoin, a rualin India ram pumah beihpui an lo thlak chu niin.

Ka bo zan aṭang an lo thlak tawh a, man tam tak neiin, hmeichhe naupang leh nula tam tak State tinah chhanchhuahin an awm bawk, zanin hi a tawp zan a ni bawk.

U Ngaia thiltih a nih ka ring ringawt, kei min zawn piah lamah, zawn dang an lo nei tihna a nia. Tawktarhah min hmang deuh tihna mawni le?

Chutiang chu a ni êm bik lo ang, min rukbo thu tumah hrilh ngam loin, hetiang beihpui thlak hi a rawt pawh a ni mahna.

Ka mumang avangin ka harh hlawl a, mangchhia ka neih phah dawn tlat. Tui in tumin khum aṭang ka tho a, couch-a u Ngaia mu ka hmuh chuan, ka phu zawk.

Chau tih hriat takin a thaw halh halh a, chhuatah silai leh a mu let phung a, Uniform nen a bawkkhup zawngin a la mu zui.

Puan engmah a sin loh avangin, khuma mi puan pakhat lain, ka sin tir a. Lukham erawh ka kham tir ta lo, ka tihharh ka hlau.

Tui ka in a, khum lam ka pan leh ṭhem ṭhem. Muthilh tumin ka mit ka chhing a, mahse, ka muhil thei tawh lo reng reng, ka mit ka chhing satliah ve ringawt tawh.

Zawhna ka ngah a, ka ngaihtuah chian poh leh, ka bo tawlh tawlh. Min ruk aṭanga tun hun thlengin ka chhui a, beihpui an thlak theih nan, u Ngaian min ruk bo tur hi an hre lawk em ni aw te ka ti.

Chutiangin, tawktarha min hman ka ring chiah bawk si lo. Ka buai zo vek hi a ni mai.

"Venpui, Venpui?", min sâwi nawk chu, ka meng a. "Venpui, tho rawh le, kalna tur kan nei a nia", dam diai hian a ti a. A lu a hnawng deuh a, "I inbual em ni?", ka tih chuan, a bu nghat.

A thawm ka hre lo reng reng, min kaitho a, ka thawmhnaw hak tur a lo dah fel vek. "Dar engzat nge?",

"Dar thum leh a chanve, kan tlai lo chiah chiah ang", a ti sup a. Ngaihna hre lo zetin ka en mawl tawp. Khawiah nge maw, kan kal dawn le?

Bathroom lamah min hruai a, ka hmai phihin ka hâ ka nawt a, chung ho pawh chu, a khung fel leh vek. Ka inthlak leh sawk sawk a, ka thawmhnaw ho pawh, a khung fel leh vek. Ka ngaih a tiṭha lo rum rum.

Hlauthawng ru tak ka ni, min thawn haw a tum êm lo ang chu a! Hotel aṭang kan tlan chhuak a, Police pahnih khat ka hmu leh zeuh ṭhin.

Motor tlan a awm lutuk lo a, u Ngaian a khalh chak em avangin, car kawngkhar ka vuan nghet sauh sauh. Ka ṭawng chhuak ngam bawk si lo, accident kan tawk ang tih mawlh ka hlau, ka thâw tawh pawhin ka hre lo, ka mit ka chhing tawp ringawt.

A tawpa tawpah, car chu a ding ta chawt. Ka meng chhuak hliai a, ka thaw halh halh. "I hlau em ni?", a lo tih chuan, ka bu nghat nghat.

"Ka tihpalh lutuk, kan thleng tawh a nia", a ti dam thlup a. Nui sukin, ka biang a rawn piai zeuh. Ka hawi chhuak a, Tuipui kamah kan lo awm reng!

U Ngaia chu chhuakin, kawngkhar min hawn sak a. Nî a chhuak er er ṭan chauh hi a ni a, Tui a ên sen phut a, a mawiin a nalh dangdai lutuk ringawt.

"A mawi i ti em?",

"Ngati nge hetah hian kan kal a?", âw khûr deuh titih hian ka ti a. Hmalam min hawi tirin, ka hnung aṭang min kuah a. "Nizanah, ka sawi loh tur tur ka sawi tih ka hria, ka tinâ che a nih chuan, min ngaidam dawn nia",

"Min tinâ lo reng reng, ka lawm zawk daih, i rilru hahna te, i thinrimna te leh i lungawi lohna te min hrilh a, khatiang tur kha lawm, kan inpui tawnin, kan tuar tlang thei dawn a", a kut vawn hnanin ka ti a.

Tuipui kama awm kan nih vang nge ni, a vawt deuh sûr. "Tak tak maw?", a tih chuan, ka bu nghat.

Ka dârah a khabe nghatin, a ngawi vang vang a. A hnu rei vak loah, "Ti rawh, a vawt êm mai, car chhungah awm rih ang", ti supin, min kalpui nghal.

"U Ngai, engtin nge kan awm zel dawn?", a sir zawngin min pawm a, car kawngkhar kan khar loh avangin, a âwmah min kuah betin, Tuipui ka thlîr vang vang.

"Thubuai min siam sak a", a tih chuan, ka lu kân ka tum a, mahse, ka lu dawmin, a âwmah a nghat bet tlat.

"Court-ah inlan turin, Delhi-a kal a ngai dawn", a tih laiin, "Ka haw duh lo, ka zui ve dawn che", ka lo ti hmanhmawh.

"Ka hria lawm, i haw dawn lo, i lo kal ve dawn alawm",

"Keimah vang a ni tiraw? I thu ka awih loh vang vek",

"Ni lo e, nangmah vang a ni lo. Thubuai min siam sakna hi a rei tawh alawm", a ti zawi sup a. Ka hrechiang ṭan dawn chauhin a lang.

Zawhna ka ngah leh sawt, mahse, ngawih ka thlang ta zawk. Ka kuah nghet sauh sauh a, a thubuai chu fel thei loin, jail-a a tân ngai ta se.

Kan pahnihin kan ngawi dun reng a, nî pawh a sâng ve tial tial, mahse, a la vawt vûr tho.

"Venpui, a vawt i ti em?", ka lu ka thing nar nar. Dar engzat nge ni reng reng tawh le? Hun hi tiding thei ila ṭha tur.

"Venpui, i beng a vawt vek a nia",

"Tuipui kamah kan awm hi", ka ti a. A nui chhuak hawk. Ka beng a hup a, "Ti khan, a lum deuh em?", a tih chuan, ka bu nghat nghat.

Ka lu tikangin, ka en a, "Engtik nge, Court-a inlan hun tur chu?",

"Naktuk khi, Delhi thlen veleh, Station-a ka kal nghal a ngai dawn a. Mizoram House-ah, Ngheti nen in lo awm dawn nia",

"Court-ah ka lo kal ve thei ang tiraw?", ka ti a. "Ka lo kal ve duh, ka lo Venpui ang che, nangmah chauh chuan, ka kal tir thei lo che", ka ti sap sap a. A nui suk.

"Venpuiin min Venpui dawn tihna maw?", nuih insum deuh tak hian a ti a. "Dawn chiang, i duh chuan, Judge pawh thamna ka pe thei", ka ti hlak a. A nui hak hak.

"Ka en che hian, ka khawngaih ṭhin che. Inneihna kha, lo hnial ṭang ṭang ila ṭha tur. Minung lo bula chên reng chu, a hahthlak ngawt ang",

"Khatiang kha sawi tawh suh",

"Ngaithla zo ve phawt ṭhin rawh",

"Ka duh lo, thil ni lo pui pui i sawi ziah mai", ka tal chhuak a, Tui lam panin ka kal hnak hnak.

Min ko zui pawh chu, ka chhang duh tawh lo. Inthlahrung reng rengin a awm a, inthlahrunna tur a awm lo reng reng. A ngaihtuahnaah hian, eng hi nge awm ṭhin ni.

"Venpui", min kuai her lâwp a, "Ka tihpalh lutuk, ka sawi tawh miah lo ang, ka tihpalh lutuk", min kuah chûng chûng a. Hlauthawng leh hle si, a rilru hi, a harh tawh tak tak a ni!

"I ngawi reng a, nuam ka ti lo nia", ka biang tawn tawnah dawmin, a tisâwi nawk nawk. "Venpui, ngati nge i ngawih reng?", a hmelah, hlauhthawnna ka hmu thei.

"Ka sawi tawh miah lo ang, Venpui, han ṭawng teh, min hauhna thu tal pawh, han sawi teh", a ti bah nawk a. Ṭawng ka tum lo reng reng.

Nam sawnin, ka kalsawn a. Min man leh vat tho. "Venpuii mipa ka nih hi, Venpuiin a kalsan thei lo", a ti zawi sup a. A dâr veilamah min pu uai hnawk nghal.

"A la ṭawng duh lo ka ti", ti pahin, ka mawng a ṭham vak a. Au chhuak lo turin, ka kâ ka hup vat. A thaw ri hrawih a, min kalpui hlawk hlawk.

Tuipui kan hlat tial tial a, car awmna lam min panpui tih ka hre thei. Engtin nge min tih zel dawn ka hre lo, ka awm dan chu, a naupangchhia ka ti lutuk ringawt.

Car hnungah zawk min dah a, lo kun hniamin, "I ṭawng khawp ang aw", a tih zawh rualin, min fawp a, ka hmui hnuai a seh zeuh.

Ka âng zuau a, remchangah la vatin, a lei a hawl lut nghal rawk rawk. Ka samah a kut rawlh lutin, min ṭham dâk awrh a, chuti chung chuan, min fawh a ṭhulh chuang lo.

Seat tithlain, ka mal a tikau a, a inzep lut vat. La ṭhu reng ka nih vangin, ka kut pahnihin ka innemkhalh ṭang ṭang. Ka rilru a mang vek.

Min thlah chuan, ka thaw kâwk kâwk, hmui huh dup chunga min enin a khi suk zui. "Min, min thah i tum em ni?", ka ti ṭawk a. A nui chhuak hawk.

"I ṭawng ve ta alawm, lo kal teh", a tih chuan, ka hnung lamah ka tawlh hrut hrut.

"Vawikhat Practical tihnaa thiam chak ber i ni ang", ka ti hlak a. A hrethiam ni ngei tur a ni, a nui hak hak.

"Practical notebook-a inziak pawh ka hre ṭeuh asin", intithei tak hian a ti a. Ka kein ka tlawh chawrh a, a lo man hman. A lamah min pawt a, min kuah bet leh tlat.

"Ka awm loh laia khawhar taka i lo awm tur hi, ka ngai ngam lo",

"Sawi tawh suh", ka ti zawi sap a. A lûngphu ri ka ngaithla a, a phu dup dup. "A tawp nan, Venpuii mipa min nih tir leh rawh",

"Ka duh lo", ka lo ti vat. "An tân tir che a nih chuan, ka thlawh bosan vang vang ang che", ka ti a. A nui hak.

Car kawngkhar a hawng a, thli a thaw heuh heuh, taksa khuhtu nei lo mah ila, a lum lutuk ringawt.

Ka hnung lam aṭang min kuahin, a mal inkarah min ṭhuttir a. A kut pakhata ka âwm khuh bo vekin, a kut pakhatin a tihtur a tihtir mial mial.

Ka en chho a, lungawi tih hriat taka min en chhuk ve run chu, ka nuih saih. "U Ngai, ka hlau", thaw halha ka ti chu, a tawp chawt.

A kut ka vawn hnan vat a, "Tawp suh, tawp suh", ka ti a. Mak ti deuha min enin, a tihzawm leh nghal. Sawi zawm rawh ti niawm takin, a chek hlak zui.

"Kan hma hunah eng nge thleng dawn kan hre si lo a, hmeichhe dang an lo lang ang tih ka hlau. A chhan chu, Ngaia hmeichhe nih hi, a nuam ka ti. Ngaia hmeichhia nih zel ka duh", ka hmui hnuai ka seh niah niah.

Mittui parawl kuang chungin ka en a, "Ngaia hmeichhia nih reng ka duh", ka ti leh a. Ka hmui a rawn kharchilh nghal.

Ṭha takin kan infawp thei chuang lo, kan hmui a insi chang chang si a ni ber. Ka hmelchhe ngawt ang.

A kut ka vawn hnan a, a hrethiam ni tur a ni. Ka hmui khar chilh leh hmakin, a kut tihchet a tirang a. Ka kâng awk awk, kan awmna seat ka beng vak vak a, a tawp nan, a sam ka ṭham tawk a.

"Venpuii mipa ka nih hi, tu hmeichhia mah an leng tawh lo",

"Ngaia hmeichhia ka ni reng dawn maw?", ka ti a. Nui sukin, a bu nghat. Ka inher deuh a, "I, mal chungah a kai a nia",

"A pawi lo", a ban phaka awm, a tshirt chuan, min hrufai a, a mala kai pawh chu a hru. Muangchangin min bawhthlu a, ka sam hnawk nuaih siam ṭhain, "Venpuii mipa ka nih hi",

"Ngaia hmeichhia ka nih hi", ka lo ti a. Ka lu kânin ka fawp zeuh. Ka lu ka nghah thlak rualin, min fawp a. A duhthawh thiam thei lutuk hi, keimah zawkin ka dawngsawng ṭha lo ṭep ṭhin.

A hnungah ka ke pahnih a khehbeh tir a, ka tisâ nêm lai, a sâwk leh tawn tawn. Eng hunah pawh, ka taksa hi khawih se, an tuiral zawih zawih nghal zel hi, a mak ka ti.

A chawl deuh hlek a, a kut la sawnin, a kut pahniha ka biang tawn tawn dawmin, min fawp bawrh bawrh a.

Remchangah la vein, ka kut pahnihin, a âwm vel ka chul kual riak riak a, a dul hnuai chul kual leh riak riakin, a tawpah, ka kut pahnih inkara dahin, ka tiche ve dat dat a.

Rei tawk fang hnuah, a rum nghut. "Venpui", tiin, ka tiche leh dat a, a rum leh nghut.

"Tawp suh", a tih sak a. Ka kut ka tiche dat dat. Âng zuau zuauin, a thaw leh halh ṭhin a, "Venpui, ka lûngphu hi a rang lutuk, ka kawchhung hi, a mur sung sung mai", a tih zawh rualin, a rawn ṭang awk awk!

Keipawh, min tihamhaih lutuk ringawt, "Venpui, tawp lo teh", thaw halhin a ti a. A mitmeng a danglam ṭan a, a thâwk pawh a rang ṭan.

Chubakah, a taksa a ṭang nasa lutuk. A âng phuau a, a mitmeng aṭang ka hre thei, a danglam nasa lutuk ringawt, danglam tak a ni.

"Venpui, engtin emawni ka awm", a tih zawh rualin, a zawi hnawk a, ka taksa chungah a bawk thlawp. Ka kut a huh dup a, engtia awm tur nge, ka hre ta mai lo.

Nui hakin, a inbengkang a, "Kha kha maw, mitthi ka ni lo, ka ni lo tiraw? Minung ka ni tawh tiraw?", ka bu nghat nghat.

A ṭhu ngil a, a kut pahnih phar chhuakin, "Mipa ka ni, mipa dik tak ka nih hi, mitthi ka ni lo, mitthi ka ni lo. Minung ka ni, mipa ka ni, Venpuii mipa ka nih hi", a tha tawpin a au vak vak.

Car kawngkhar hawng mah ila, a khâwk rum rum thei. "Mipa ka nih hi", nui sângin a au a. A lawm tih hai rual a ni lo. "Minung ka ni ta", a au leh a. Ka mittui a hnâm ṭiam ṭiam.

Tuna a hmel ang hi, ka la hmu ngai lo. A hma zawng aiin, a hmelṭha sawtin ka hria, a nui hmel ṭha deuhin min lo en a.

Min lo bawhthla leh riai riai, "Venpuii chuan, min Venpui chiang khawp mai", nui sukin a ti a. Ka lu a tuai heuh heuh.

"Ngati nge i ṭah a, bang daih rawh", ka chal a fawp a. A kut lum ham hamin ka tisâ nêm lai tawkin, "Venpui, han sawi leh teh, tu hmeichhia nge i nih?",

"Ngaia hmeichhia ka nih hi",

"Venpuii mipa ka nih hi, Venpuii mipa dik tak chet a hun e", min nuih saih a. Tuipui kamah keimahni chauh kan la awm bawk a, ka ngawi hle hle thei bik tawh lo.

U Ngaia chet dan chu, kan thil duh deuh kan hmuh a, miin min chhuhsak hlau deuha kan hauh tlat ang mai hian a che buan buan a, thuawih takin ka awm tawp ringawt.

Ka hlauhthawnna a inṭan leh ta chiah, engkim a hriain, a pangngai vek tawh a. Kei aia ṭha hmeichhe dang lo lang ta se, min kalsan duh mai ka ring hial tawh!


Show post links
Top

[Ngaia]

I Ninawm
Chapter-14
Ziaktu: Cck Lalchhuanawmi

Court Ni khatna:
Prosecutor- "Your Honor, Senior Superintendent (of Police) Lalzahngaia hi, kum 2016-ah khan, Dubai rama kan ram hmeichhia te chhan chhuak tura tirh niin, a zu hlawhtling ngei bawk a. Mahse, kan ram hmeichhia te bumtu te khan, India ram leilung an lo rap tawh lo.

Khami avang khan, a chungah thubuai siam sak a ni tawh a, mahse, thiam changin SSP-ah kaisân tir a ni ta zawk a. Your Honor, tunah hian, a chungah thubuai siam sak a ni leh ta a ni.

Senior Superintendent Lalzahngaia chunga thubuai theh lut tu te hi, Mumbai mipui chanve lai an ni ang. Your Honor, nî nga chhung tehmeuh, Mumbai khawpui chhungah, a sapatal a.

Hotel, Slum Area, Night Club, tin, Sawkarin a hriatpui thlap, K.S hmun te pawh, a chingphar a. Your Honor, anni ho chuan, FIR an thehlut a, hetah, India rama Rorelna khawl lian ber awmna, High Court-ah a chungthu ngaihtuah turin kan inhmu khawm a nih hi",

Lawyer- "Your Honor, min lo hrethiam la, Prosecutor-in a sawi tel hauh lo chu, ka Client chauh hian, Mumbai khawpui a ching phar lo. Tin, ama thua chingphar a ni lo bawk.

Prosecutor, nangpawhin i hre ve ngei ang a, nî nga chhung tehmeuh kha, chhun zan zawmin, State hrang hrangah, Force hoin, Mumbai khawpui chauh ni loin an chingphar zawk a ni tih hi.

Tin, Your Honor, he beihpui an thlak hi, PM meuh pawh hian, hming a sign hnan a ni.

Tichuan, Your Honor, hmeichhe naupang tam tak, nula tam tak, ruihhlo ṭhahnem tak, dân loa India pawn aṭanga bungraw lo lut te, Your Honor, zan khata an man ringawt te kha, chhiar sen pawh a ni lo.

Your Honor, Hotel leh Night Club te hi, misual ho tawmna ber a ni tawh. Chutah chuan, kan hmeichhe tam tak an hreng a, zawrh an ni ta ṭhin a ni-",

Prosecutor- "Lawkin, lawkin, Pu Lawyer, kan rel tur ber azawk chu, i client hian midang eizawnna a tichhia hi a ni. Chumi vanga FIR thehlut an ni bawk asin",

Lawyer- "Min hrilh avangin ka lawm e, Your Honor, ka sawi tawh angin, Hotel, Night club, K.S hmun te hi, an tawmna ber leh, hna an thawhna ber a ni a.

Chuvang chuan, chung misual ho zarah, eizawnna atana hmang mi fel tak tak te hian, an tawrh phah ta a ni.

Mahse, Your Honor, chumi avang ringawtin, ka client hi hrem theihna dan a awm lo. Tin, High Court meuha inlan atan chuan, chhan ṭha tak a tling lo.

Police Station-ah a sawifel theih reng alawm",

Prosecutor- "Pu Lawyer, i hre sual, FIR an thehluh avanga helai hmuna awm ringawt kan ni lo, ni ngâ chhunga beihpui an thlaka a chet dan insawifiah tura tih a ni asin",

Lawyer- "Chuti a nih ahnu, Court-a insawifiah hi a ṭul em ni, Force lamah va insawifiah ta zawk sela?",

Prosecutor- "Force lama insawifiah ringawt a tawk lo, keini pawhin kan hriat a ngai",

Lawyer- "Your Honor, SSP Lalzahngaia chunga thubuai thehluh hi thil ṭul lo tak a ni. Tin, Court-a ngaihtuah phei hi chu, Hight Court meuha ngaihtuah atan chuan, a tê deuh a ni.

Your Honor, beihpui thlak laiin engtin nge a chet ka hre lo. Mahse, Your Honor, hei chauh hi ka hria, tupawhin kan hria. Fanu chân tur ten an chân lo a, an farnu te chân tawh tura inngai ten an chân lo bawk.

Your Honor, FIR thehlut tu ten, an eizawnna tiṭhuanawmtu-ah an puh a. Ngati nge, an lo helh ve vak, an Hotel, an Club aṭang mihring emaw, ruihhlo emaw pawh man an nei ni si lo.

Nge ni a, Your Honor, heng FIR thehlut tu te hi, an lo fihlim famkim ve chiah lo zawk?",

Prosecutor- "Your Honor, Pu Lawyer, khawngaihtakin, minute khat lek hun min pe ve thei tawh ang em? Ka lawm e.

Your Honor, mi pakhat koh ka duh a.

India ram puma Force ho beihpui thlak hi, i hriatpui reng em?",

Defence Minister- "Your Honor, hriatpui tehreng mai. Tin, he beihpui thlak hi, kan rel thlukna a rei tawh lutuk",

Prosecutor- "A nih, chet chhuah in tum nî puanzar chi a ni ang em?",

Defence Minister- "Ni chiah lo, mahse, kumin erawh a ni lo thung. Khami zan khan, SSP hian min lo call a, hmanhmawhthlak taka beihpui thlak a ngaih thu min rawn hrilh a, min ngen ngawl viau bawk.

Tichuan, khami zan la la khan, inbe kualin Emergency-in kan che chhuak ta rup mai a ni",

Prosecutor- "A nih, Hotel, Night Club dap ang chi te hi, in rel reng reng em ni?",

Defence Minister- "Hei tak hi chu, kan rel zingah a tel lo tlat",

Prosecutor- "Aa, Sir, engah tak nge, beihpui thlak in tum deuh? SSP thiltih hi i hriatpui reng em?",

Defence Minister- "Beihpui thlak kan tumna hi chu, dân lo anga bungraw lo lut leh, Tuipuia sumdawng ho endik hi a ni a. Chubakah, ruihhlo chungchangah hian, North East lam thlûrbing kan tum bawk. Hotel endik tih vel hi chu, ka hriatpui hauh lo. Mahse, chanchintharah ka lo hria a, chuta ṭang chauh chuan, phalna kan inpe ṭha leh chauh a ni",

Prosecutor- "Your Honor, kha zawng kha ni e, zawhna ka nei tawh lo",

Judge- "Lawyer-in zawhna a nei em?",

Lawyer- "Your Honor, zawhna a awm lo e",

Prosecutor- "Your Honor, kan hriat ang khan, kan Force-te hian, Beihpui thlak an tum nameuh mai. Mahse, kuminah ni loin, Hotel leh Night club tih te, endik an tum zingah a tel tlat lo.

A nih chuan, SSP hian, Force ho te, ama thuin thu a lo pe ve ringawt tihna a ni a. A chunga awm te thu a awih lohna ringawt pawh hi, hremna pek tham chu a ni tawh. Tin-", (Sana a ri tleng tleng a)

Judge- "Naktukah chhunzawm a ni ang", toboh a chhu ri boh boh a.

U Ngaia chu, Police pahnih inkarah kalin, mittui pawrawl kuangin ka en a. Kan hma zawn an lo thlen chuan, a ding a.

Ka kuah nghal thlawp, handcuff bun tir lo mah se, Police Custody-a a awm a ngaih tho avangin, ka hlauthawng lutuk ringawt.

"Chaw ei ṭha la aw", ka ti zawi sap a. Nui saihin, a bu nghat. Misual ang mai a ni, tihsual engmah a nei bawk si lo.

Kan chhungkaw hnih chu, kan kim vek ti ila, u Ngaia û te chhungkua an lo kal thei lo a, a ni mai.

U Ngaia nu leh pa, ka nu leh pa leh ka u, Ngheti nen kan kim ṭhap. Hmeichhe ho zawng, room pakhatah awmin, mipa ho zawng room dangah an awm a.

Intipachanga ka chhungte hnêm tur ka nih laiin, keimah zawk ka chhungte hnêm ngaiin ka awm, zahthlak lutuk!

"Chaw i ei tlem thei lutuk, chak taka i awm a ngai a nia",

"Ka tum alawm, ka hrawkah hian a tâng tlat zel a", ka ti a. A ner salh salh. "Hrehawm ka ti ee, man ta se, dam chhung tâng turin han ti mai sela!",

"Chutiang ngaihtuah suh, i mak thei lutuk, u Ngaian hna ṭha tak a thawk zawk alawm. Real Life Singham-a an tih luai luai hi", a ti dap dap a.

Engmah a hre ve bawk si lo, min ru bo khanglang lo se chu, hmanhmawh taka a chet a ngai lo ang a, a hun takah, manhla takin a che chhuak thei zawk dawn si a.

Court Ni hnihna:
Prosecutor- "Your Honor, bul ka'n ṭan hmasa leh ang e. Niminah khan, Defence Minister-in SSP thiltih a hriatpui loh thu leh, a nih tur ang a nih vek tawh hnua a hriat chauh thu a sawi a.

Chumi avang ringawt pawhin, hrem a phû tawh. Tin, Emergency takin, an tum ai hmain beihpui thlak ta tehreng pawh nise, eng nga tinge, Mumbai-ah a awm tlat.

SSP post chu, Punjab daih a ni a, engvangin nge, Mumbai-ah a awm char char? Your Honor, hei pawh hi, chhûi tham fe chu a ni",

Lawyer- "Your Honor, Prosecutor hian, SSP hi thiam loh chantir ngei ngei a duhin ka hria. Your Honor, rem i tih chuan, FIR thehlut tu te zinga mi, Hotel Divya neitupa Mr. Mahesh Kumar Rajput koh ka duh e.

Mr. Mahesh, thil pakhat min han hrilh teh, i Hotel hi, Mumbai-a a lâr pawl nge, lâr lo pawl?",

Mr. Mahesh Kumar Rajput- "Lâr pawl chu a ni ve e",

Lawyer- "Mr. Mahesh, eng nga tinge, FIR i thehluh?",

Mr. Mahesh Kumar Rajput- "Kan sumdawnna a tlakhniam phah nasa lutuk, Khualzin thlen tamna ber a ni ve ṭhin a. Tunah chuan, Khualzin pawh sawi loh, khawchhung mi takngial pawh, an lo lêng lut duh tawh lo",

Lawyer- "I thinrim hle ni maw?",

Mr. Mahesh Kumar Rajput- "Thinrim ele, a tisual lo puiin kan tuar a, eng dan nge ni ngai? Ka pu aṭang tawha kan sumdawnna a ni a, he Hotel hi, ka pu din liau liau a ni bawk asin",

Lawyer- "Pu Kumar, ka hriatthiampui lutuk che, mahse, FIR thehluh a ngai kher em ni, ka sawi awmzia chu, in Hotel aṭang engmah an man lo a ni lawm ni, chuti a nih chuan, hlauhthawnna tur a awm hleinem. Nge ni a, in lo fihlim ve chiah lo zawk?",

Mr. Mahesh Kumar Rajput- "Eng a? Chutiang eng zawhna nge ni ngai?",

Lawyer- "Pu Kumar, in fihlim nge fihlim lo ka zawt mai che alawm. FIR thehlut zingah a huaihawttua sawi i ni a, in dik tho a nih chuan, hetia FIR thehluh kual a ngai dawn em ni?",

Prosecutor- "Ka hnial e, Your Honor, Pu Lawyer hian-",

Judge- "Chhunzawm rawh",

Lawyer- "Your Honor, Ka lawm e. Pu Kumar, ka zawhna che kha, min la chhang miah lo. In Hotel hi, ruihhlo leh hmeichhia-ah in fihlim chiah em?

Pu Kumar, chhan a har deuh i ti em ni? A pawi lo, keima'n ka'n chhan sak mai ang che.

Your Honor, kum 1998-ah khan, Hotel Divya aṭang, damdawi ṭhahnem tak man a lo ni tawh a. Chumai ni lo, kum 2007 kum tir lamah, Hotel basement aṭang, hmeichhe naupang sawm lai chhan chhuah an ni tawh bawk. Your Honor, hei hi finfiahna a nih hi.

Mahse, Your Honor, damdawi leh hmeichhe naupang vang pawhin, Mr. Mahesh Kumar Rajput chungah, FIR thehluh a ni lo a, ni khat chu sawi loh, a rei berah darkar khat pawh, Police Station-ah a awm lo.

Your Honor, tunah, chu thil chu a ti ngei e tih finfiahna pawh awm lo, Kan sumdawnna min tihchhiat sak tih avang ringawta FIR thehluh hi, awmzia a awm lo.

Tun lawkah, FIR thehlut zinga mi chu, ka client aiin a lo che bawn daih zawk tih, kan hriat kha.

Finfiahna awm ngei aiin, finfiahna pawh awm lo chunga FIR thehluh chu, Your Honor, hei hi, India ram dik tak chu a ni e".

"Awiii, vawiina Prosecutor-a chawh dan kha, Pu Lawyer-a kha ka lo ṭan lutuk a, ka hah zo vek. Ka ṭang nasa lutuk a, ka taksa te a nâ vek alawm. Tuiluma inbual ka mamawh", Nghetin a ti lang lang.

Keipawh, vawiin chu ka hlim lutuk ringawt, "Pu Lawyer-a khan, a dah nil chiang lutuk, Prosecutor-a ka khawngaih dan kha ah", a ti a. A nui vak vak.

"Lawyer rawih man hi engzah nge ni ang le?", ka ti sap a. Ka pa, u Ngaia pa zawkin, "Chutiangah i rilru tihah suh, Ngaia'n pawisa a ngah lutuk ringawt, a kutah dah tawp rawh", a ti a.

Bu nghatin, ka nui var var. "Lawyer atan chuan, Pu KD Pathaka a ṭha ber. Amah rawihna tur nei lo pawh, a thlawnin a dinsak a, a la chakpui ziah zui. Chubakah, a case buaipui tawh chu, ni khatah a zo ngei ngei bawk a", ka uin a ti chharh chharh a.

Mak ti deuhin kan en ṭhup, helai hmun a lo thlen aṭanga a ṭawng nasat ṭum ber a ni hial!

"I u hian, khawia mi nge ruih tur a hmuh leh hman a?", ka beng bulah Ngheti a lo phun sap. Ka u chu ka en a, a rui lo tih ka chiang lutuk tlat.

Mahse, a khûr deuh der der thung. In tur a mamawh hle tih ka hriatthiampui lutuk ringawt. Chuvang chuan, a duh duh sawi ve rawh se.

Chawlhni a nih vangin, Court-ah a kal theih loh a. Kan tawm nileng. Naktuk hi, a tawpna tur a ni tawh a, u Ngaian thiam a chan theih nan, kan ṭawngṭai nasa lutuk ringawt.

Delhi High Court-ah ni thumna(Final):
Lawyer- "Your Honor, ka client, SSP Lalzahngaia hi, hriat theih chin ata, a hna ṭha takin a thawk a.

A koa mawhphurhna tla tawh phawt chu, a tihlawhtling ngei ngei ṭhin bawk. Chuvang chuan, Dubai rama kan ram hmeichhia te hruai chhuak tura tih a ni reng bawk a.

Kan ram hmeichhia te, him takin an in a lo thlenpui. Misual ho erawhin, India ram leilung an rap ve lo tih mai mai, misual an ni a, eng vangin kan ngaihsak vak ang?

Your Honor, mi hausa fa te an ru boin an pawngsual ṭhin em? Police te hian, mi hausa eiru an hriat ngawih ngawih te pawh, eng vanga man ngam lo nge an nih?

A chhan chu, Police rinawm tak, an duty hlen chhuak tura ke pên te, kan dan(dang) ṭhin vang a ni.

Your Honor, eiru thubuai chinfel loh tam tak a awm, inruk bona thubuai chin fel loh engzah nge awm? Pawngsual thubuai engzah nge awm?

Your Honor, India hi, a ṭha zawnga hmingṭhat kan neih awmchhun chu, Millionaire, khawvela in lian tak nei thei leh Actor hausa tak tak kan neih vang chauhin a ni.

Han hawi zau hlek ila, Slum Area hi engzah nge, India ramah hian awm ang le?

Chumi tleng fai turin, kan Police-te an thawk chhuak a, kan ram hi naupang aṭanga upa thlengin, a bikin hmeichhia te tan a, him lehzual turin siam an tum.

Your Honor, mahni inah, ṭhutthlengah ṭhuin, Chanchinthar ngaithlain, kan ke kan thluang a.

Singham leh Police rinawm tak tak an channa film kan en a, "Kan Police-te hi, anmahni angin awm ve se aw", kan ti vawng vawng.

Mahse, Singham-a ang chiah chiaha kan Police-te che chhuak tur erawh, kan dang leh si. Your Honor, he ram hian Police nei tlak a ni lo, India Force hi ṭhiah ni rawh se.

Mahse, engtikah mah, India Force hi ṭhiah a ni ngai lo ang. A chhan chu, SSP Lalzahngaia te ang, mi ṭhahnem tak an la awm reng avangin.

Your Honor, kan Police-te hi, Singham-a i nih tir ang u".

Jurys- "Jury-te chuan, SSP Lalzahngaia chunga thubuai an siam sak hi, hlip turin a ti e".

Judge- "SSP Lalzahngaia chu, Court-in ngaihdam dilin, a chhuah zalên a. Tin, a phû ang ngei chawimawina hlan ni bawk rawh se. Chubakah, Mr. Mahesh Kumar Rajput leh, SSP Lalzahngaia chunga FIR thehlut tu te zawng zawng, chhui chiang turin, Court chuan thu a pe bawk e", tuboh a chhû ri boh boh a.

Ka ṭhingṭhi thla hnawk a, ka hmai hupin, "Aw Lalpa, ka lawm e", ka rilruin ka ti mawlh mawlh.

"Venpui, u Ngaian a en che nia", Nghetin a tih chuan, tho lawkin u Ngaia awmnaah ka tlan phei a, ka kuah bet nghal thlawp.

Ka thlakhlelh zia ka hre chhuak uar uar, ka hahdam sawng sawng nghal ni maiin ka hria. Ka ngai tawh lutuk ringawt.

"I va cher ve",

"Nangmah zawk, hmuihmul te i nei", ṭah âw ṭuauin ka ti a. Ka kuah leh nghal vat. Lawyer-te nen pawh, kan inchibai sap sap a.

Tunah chuan, engmahin min tibuai tawh lo se ka duh ber. Court-a inlan ngai tawh lo bawk sela.

"Kan hawsan tawh mai ang che u, lo dam zel ula", kan in bye bye hlawm a. Ngheti nen phei chuan, ṭap pur chungin kan inthlah.

U Ngaia chu a inbual fai a, bathroom aṭanga a lo chhuah chuan, a fai veng mai. A hmuihmul a tifai bawk a, tlangval leh tawh tak a ni.

Engmah ka sawi puiin ka zawt lo a, thildang char char ka la sawipui. La ngawih rih vang vang a ṭha zawkin, ka la hre rih.

"Venpui, tun thlenga engmah min la zawh loh avangin ka lawm e",

"A chang chuan, hriat tam lutuk pawh hi, rilru hahna mai a ni an ti a, rilru hah deuha awm ka duh lo alawm", ka ti a. A nui hak.

In beng kangin min en a, "I hmel duhawm zet hi, ka ngai tawh lutuk", sehchilh nawkin a ti a. Ka chal a pen tai tai.

"Venpui, thil pakhat min tihsak thei ang em?",

"Engpawh, ka tihtheih zawng a nih phawt chuan, ka tihsak zel ang che",

"Zanin chu, insum ka tum hrâm a nia, mahse, ka thei thlawt lo. Ka en che hian, insum theihna nei ve lo ang mai ka ni", a ti a.

Ka lo lawm ru veng veng, a chhan chu, a awmdan min hrilh ve zel a, ka lo hnar ngai dawn si lo. (Tawi rih mai rawh se)


Show post links
Top

[Ngaia]

I Ninawm
Chapter-15
Ziaktu: Cck Lalchhuanawmi

India Gate hmaah dingin, thla min laksak a, thla min laksak ho, min hmuh tir tawh ngai lo reng reng, thla lak a thiam turah ka ngai ve ringawt.

A thla laksak duh ve mah ila, phone ka nei tawh si lo a, ka phone ka siam ṭhat tir hrâm hrâm lah, siam ṭhat theih pawh a ni tawh lo.

Kan pahnihin, midang kan lak tir a, chumi erawh, min hmuh tir ve hrâm. "Ka nu te ho kha, an haw hma êm a ni, kan leng ho tur a nia", a ti a.

"Haw vat vat rawh se", ka lo ti a. Mak ti deuhin min en hû. Ka nuih saih ringawt. "An hnawk mai mai", ka ti a. Min en vung vung, a tawpah, a nui sak.

"Ngheti phei chuan, nuam a ti ngawt ang", a tih leh chuan, "I van ngaihtuah bik, keipawhin nawm (nuam) ka tih êm hi", tum deuh barin ka ti a.

"Chutiang lam a ni lo", ka kut a rawn vuan nghal a, a kut ka lo thing thla sawk. Ka kal nul nul a, ka nui var var. Engtin tak, min thlêm ve ang maw?

Ka kut rawn chelh emaw, min tiding lo chu, ka ding chawt, ka kal nul nul mai bawk sia, ka hnung lam ka hawi vat a, u Ngaia ka hmu ta hauh lo!

Kan kalna lamah hmanhmawh deuhin ka let a, ka hawi kual pah reng bawk. Ka bo, ka bo chiang lutuk! Call turin phone ka nei lo a, ka mittui avangin khua ka hmu vâi ruai tawh lehnghal.

"U Ngai", tia, han auh lâwm lâwm mai ka duh tawh. India Gate ka thleng leh a, ka mittui ka hru tawk tawk. Ka insût faih faih a, tihtauh ve loh tawp tur hi ka nia.

Mipui an zi mur mur a, tumah chuan, min ngaihsak lo. Mumbai ang khan, bo leh ka duh tawh lo reng reng.

"Venpui", ka ding lamah ka inher a, lapawchini zawrhna bulah a lo ding. Ka thaw chhuak hawk a, a la nui sâng zui. Min lo hui chuan, kal loh ka tum zet naa, ka kal leh ta zawk.

"Eng rawng nge i duh?", a ti nghal vat a. Amah zawk chuan, a thlêk kual dû dû. "Eng rawng mah", ka ti deuh hmak a.

Mi pawh en loin, ka dârah min kuahah, a lamah min kuah hnai a, "A pawl khi aw", a kâwk zeuh a. Ka duh loh thuin ka chhang thuai.

"A var ka duh zawk, lapawchini-ah chuan a var ka duh ber", ka ti a. A chek hlak. "Nghetin, rawng bawl i ngainat ber thu a sawi bawk sia", a tih chuan, ka nuih sak. Rawng pawl ka ngaina ber lem lo a.

Rawngah chuan, ngainat tih ber tur ka nei lo a, rawng var hian ka mit a la zawk tih mai chauh a ni. Nghetin a fiam ve ngei ni maw, a la awih zui.

"I ṭap em ni?", a tih chuan, "Ṭap lo", ka ti vat. A var pali a lei a, eng nga tan êm êm nge ni?

Chu loah, ka bo angah ka inngai a, ka hlauthawng nasa mai sia, ani lah, lapawchini zawrhna bulah a lo ding ngawi reng.

Ani pui roh hi, min zui tawh lo tih ka hriat ve leh, India Gate bula ka let ngei a ring ni maw? A ni ngei ngei ang.

Lapawchini man pe pahin, "I ngaihtuah ang kha ni e, i lo let dawn tih ka hria alawm", tiin, a nui suk zui. A hahthlak mang e.

"Kan titau ve êm êm a", ka ti sap a. "I titau maw?", a la ti bô zui. "Titau lo", ka ti hlak a. Lapawchini pahnih la chhuh a, "Kal ang", ka ti leh hlak.

Min lo zui nge zui lo chian nan, ka hawi let a, ka hnungah a lo kal hnak hnak. Ṭhutna tur ka hmuh hmasak berah ka ṭhutpui a.

Lapawchini chu, a fawhin a fawp. Muangchangin a fawp a, "Min en reng lo khan, ei ve rawh", a tih chuan, "Ka en reng lo che", ka ti a. Pakhat chu hawngin ka ei ve mial mial.

Hmalam a en ngur sia, chuti chung chuan, ka en reng tih a la hre tho. Mit a ngah awm bik ṭiah ṭiah.

Keiin pakhat ka ei laiin, u Ngaia erawh, a pahniha hawngin a ei dun a. Ka ei loh pakhat ka la ei tir zui.

Ka ngaihtuahnaa lut ta ber chu, a rilru a harh tawhin, feelings leh emotions-te a nei tawh si a, nau piang hlim ang mai a niin ka hria.

Chutih rual erawh, a puitling leh êm êm zel tho si a. Tui lai rap an tihah hian, a la awm ni berin a lang.

"A van tui, tah hian lo awm rawh", tih leh, kal a rual. Rei vak lo hnua a lo let chu, lapawchini a lo pawm ṭun, a la khi vur vur zui a, Real Life Singham-a an tih vei nen. Mahse, mihring ve tho a ni a, a hlimna pawh a ho ve tur a ni.

"I duh ve leh em?", a tih chuan, ka lu ka thing nawk nawk. Ka lo phelh zel a, u Ngaian a lo ei zel. A hmawm ṭun ṭun zel a, a hmuhnawm letling zawk.

Fa han nei tawh phei ila chu aw, lapawchini ngaina tak han ni hlawm sela, an pafa hoin han hmawm ṭun ṭun zel hlawm sela, an hmuhnawm dawn lutuk!

"Ngati nge i nuih a?",

"Ngati mah",

"Naupangchhia min ti em?",

"Ti lo e a, puitling pawhin kan ngaina vek alawm, upa lam tan phei chuan, ei a nuam zawk", ka ti a. A bu nghat nghat. A buk nghat nghat zel tawh hi chuan, mipa naupang thuawih thei deuh ang ka ti tlat zel.

Hmawlhtê leh sarang chu hlawm khawmin, ka bag-ah ka khung a, bawlhhlawm bawm ka hmu mai lo.

"Ka kut a ban vek, ka kam sir nen", a tih chuan, rawmawl leh tui bottle ka phawrh a, rawmawl chu tihuh deuhin, a kut leh a kam sir ka hru a.

A dawh hle hle, a ro lamin ka hruhul leh vek a, "Nangmah chu fel ve", a tih chuan, ka beng hlak. "Khatiang khan, vawikhat mah ṭawng leh tawh suh ang che", nui varin ka ti a.

"Aw le, Pi ber", a ti sup a. A khi suk zui. A chimawm ṭan dawn tlat. "Zan riah eina tur hmun zawng ṭan ila",

"A la hma êm hi, dar engzat?", a sana bun ka bih zeuh a, dar thum a lo ri heu. Hun kal chak dan hi, nî lah, a la tlangsâng viau bawk si.

"A pawi loh hi, zawng ṭan mai ang", ka ti a. Ka ding hluai, a ding ve hluai a, chutah, "Min lo hrethiam lawk, Zahngaia kha i ni tiraw, Real Life Singham-a an tih kha?", Mizo ṭawng ngei maiin, a rawn ti a.

U Ngaia a en kar a, u Ngaian, "Singham chu ni lo e, Zahngaia erawh ka ni e", a tih chuan, chunu chu, a nui sun sun a. Ka lo ei lo nghal ve ringawt, a inla nô kual vel lutuk chu, ka kek bu lâwp châk lutuk ringawt.

Mahni Zo pui ngei lakah pawh, thikthu a chhe ṭan dawn tlat. "Thla ka lak pui thei che ang em, ka lawm ngawt ang?", inthiam lo hmel tak hian a ti a.

U Ngaia chu nui sakin, "Min hrethiam la, thei lo tlat mai, kei aia thlalak pui tur an tam lutuk", a ti a. "Nangmah ka duh che lawm, Mizo min tihmingṭhatu i nia, ka hmu fuh hlauh che nen, khawngaihtakin min lakpui hrâm, ṭhiante zinga insawitheih nan tal pawhin", a ti leh nuah nuah.

"Min hrethiam zawk mai rawh",

"I ho em mai", chunu chuan, a la ti ta deuh deuh. Ngawi rengin ka en mawl tawp a, vawikhat mah ka lamah a mit a lo la lên miah lo, u Ngaia nen insi thuakin kan ding a, u Ngaia a en char char thung.

"Thlalak pakhat chauh a ni mai, ṭhiannu, khawngaihtakin min lo hmeh sak mai aw, lo kal rawh", a phone min pe a, u Ngaia kut a chelh nghal.

Mahse, u Ngaian a kut a la sawn rang lutuk. Ka kuta phone chu lain, kan hmaa ding chu a pe let a. Min kuahin, a kut veilam a hmuh a, "A theih loh ka tih chhan a nih hi, chuan hei", min sâwi datin, nui sângin min en a.

"Ka thinlung enkawltu a nih hi", a tih chuan, ka thin a phu dup dup! U Ngaia chu ka en chho a, "Zan riah eina tur kan zawn dawn kha, kal ila?", a ti sup a, ka bu nghat.

"Min hrethiam mai rawh, kei lo, Mizo min tihmingṭhatu tam tak an awm ṭeuh alawm. Kan kal phawt ang e", u Ngaia chuan a ti a. Min kalsawn pui nghal.

Ka lawm dan chu, pui tak a ni. Khatianga a ṭawng kha, ka ring lo reng reng, 'ka thinlung enkawltu' tiin, min sawi!

Chubakah, thlalakpui a hnial bawk a, an thla laksak turin min la ti zui. Bawrtu a nei ṭan dawn niin a lang, kei aia ṭha deuh deuh leh, zei deuh deuh an lo lang ṭan zut zut a nih phei chuan e, ka dâwng chiang khawp ang le?

"Venpui, chaw kha ei rawh, chawk chawk lo khan", a lo ti dam diai a, "Aw le", ka ti sap. Ka ngaihtuahna ka kalthui tir lutuk ringawt.

Ka hriat tam tak chu, an inhmangaih tawn avanga innei an ni ṭhin a, ka nu leh pa te pawh, inhmangaih tawn chunga innei an ni a.

U Ngaia nen erawh, a dang hlak thung. Kan pahnih anga innei te hi an awm ve ang em le, awm ve ta se, engtin nge an awm zui zel?

An hmangaih tur tak hmuin, an inṭhen nge, nge ni a, an nupa inkarah hmangaihna chharin, an damchhungin an innei zel?

"Venpui, chaw i ei miah lo nia, eng nge i ngaihtuah?",

"Aw, aa, ka ei alawm",

"Bawngsa te kha ei ṭeuh rawh, Punjab-ah chuan, ei tur a awm dawn lo nia", a ti a. Ka bu zeuh. Punjab chu, Sikh hmunpui a ni miau a.

Bawngsa rim takngial pawh hriattur a awm ṭhin lo, Bawng chi reng reng chu, thianghlimah an ngai tlat a. A tui tehreng nen.

"Ei ṭeuh rawh", plate a lo nawr hnai a. A ei ve duh ṭhin lo nge ni, min ei tir nghek zel. "U Ngai, Bawngsa i ei ngai lo em ni?",

"Ei ngai e",

"A nih, ei ve rawh, keimah ringawt min ei tir loin",

"I ei lai ka en che hian, ka puar zawk e", nui varin a ti a. Ka nui sen sen a, min tilâi lutuk ringawt. Ka ei ta ṭeuh a, duh aiin, ka puar ta mah mah zawk.

Nimbu tui, cheng sawm man lek chi leiin, min intir a, ka pum pawh a puar dan a zia ta deuh.

Shynrang phone ka kawl reng a, on ka tum pawhin a êng thei lo a, switch off a nih ka ring tawp. A chhia chu a ni thei lo, chhia nise chu, Shynrang-an min pe dawn lo.

U Ngaia pawhin, min zawng hmu thei dawn lo a. Mahse, ka buai lehna chu, switch on ka tum hian, a êng thei chuang lo.

Battery a low ti dawn ila, u Ngaia charger ka hman hian, a lo êng chuaih a, a thim leh hmak zel a, switch on ka hmet thuai zel a, a thim hmak zel tho.

U Ngaian min lo zawn hmuh dan te, zeldin a ngai. La ngawih vang vang ka duh rih zawk a, Shynrang lah, u Ngaia pawhin a sawi chhuak lo a.

An inhmu tawh ang em? Shynrang phone hmangin min lo zawng hmu pawh nise, engtin nge, Shynrang phone chhui nachang a hriat ang? Ka buai vek.

"Venpui, muhil rawh",

"Ka muhil thei lo",

"Ngati nge, nâ i nei em ni?",

"Nei chuang lo", ka ti zawi sap a. "I mit chhing la, i muhil thuai mai ang", a ti dam thlup a. "Aw", ka ti ve mai.

Mahse, ka mit ka chhing chuang lo. Ka puar ul hi chuan, mut chhuakin min zem nghal ṭhin kha a nia, zanin erawh, mut chhuak pawhin min zem lo.

Shynrang zeldin hun a zo a, vawiina kan hmeichhe hmuh zeldin turin min man leh nghal.

Ngaihtuah lo tumin, ka mit ka chhing a, chiang lutukin a hmel ka hmu, ka meng chhuak chiang lutuk!

Ka tho a, u Ngaian ka kut man vatin, ka kalna tur min zawt a, bathroom-a ka kal lawk tur thu hrilhin, khum aṭang ka chhuk nghal.

Bathroom-ah pawh, ka ngaihtuahna a kalbing ngar ngar tho. A hrehawm lutuk. Engti zia nge mawni, ka hlauthawng êm êm ringawt a, hlauthawng tur ka ni miah lo.

'Ka thinlung enkawltu' tiin, min sawi tlat, hmeichhe dang thlalak dun pui pawh a duh lo a, amahah rinna nghat tawp ila, ka tifuh ber ang, ka tihsual loh hrâm ka beisei!

"Venpui, i awm rei tawh lutuk a nia", bathroom kawngkhar a lo kik kar kar a, ka chhuak thuai.

"I pum a nuam lo em ni?", min ngaihtuah hmel zet hian a ti a, ka chal a dek nghal. Pum nuam loa chal han indehsak chu(h).

"Nuam alawm, ka ṭha", a kut ka la thla a, "A nih, ka'n zung ve nghal ang e", tih leh, bathroom-a luh a rual a.

Khumah ka lo mut fel san thân, tlem chuan, ka awm pawh a nuam ta deuh. Ṭangkaina awm miah loa, lo intihhah ve vak vak, ṭul lo lutuk.

'Ka thinlung enkawltu' tih mawlh mai chuan min tihlim a, khawi aṭanga a hriat ni maw? A irawm chhuak a nih vaih chuan, u Ngaia chawpin ka ei zo duh hial ang, zahthlak em mai ah!

"I mu hla lutuk", a lamah min pawt hnai a, "Zinga thawh a ngaih kha, muhil tawh rawh", a ti sup a. Ka biangah a fawp zeuh.

Dam takin Punjab kan thleng ta phawt, u Ngaia nen, mahni Office ve ve kan pan leh ta a.

Ka Office-ah phei chuan, u Ngaia a lâr lutuk ringawt, an fakna thu vel an sawi te chuan, ka lo lawm thei lutuk.

Mahse, "Min duh se chu aw, ka hmin sa", an tih erawh chuan, ka lo thinrim vak zel. Jennifer leh Manav ka hmu dun nasa a, an hlim tih hai rual a ni lo, hlim reng rawh se.

Doormat hnuaiah chahbi kan dah tawh a, a haw hmasa zawk zawkin in kan hawng ta mai ṭhin.

In ka thleng a, u Ngaian kawngka a lo hawng dawn mek. "U Ngai", a lo hawi a, ka kut ka lo vai.

A bul ka thlen chuan, a kut pilh pheng phung ka hmu nghal. "Ngati nge, in insual em ni?", a kut vuana en chungin ka ti a. A lu a thing ringawt.

A hmaah ṭhuin, damdawi ka hnawih sak a, insualna vamg chu a ni lo deuhin ka hria. "U Ngai, insualpui i nei em ni?", ka ti sap a.

Ngawi ngulin min en chhuk run, min tihlau lek lek, a thinrim zo chiah tih ka hrethiam ta mai.

Ka hnawih zawhah, "Tihian, a dam mai ang, ṭap miah suh aw", ka nuih sun sun a. A nui ve duh ṭhak lo, a thutak ṭun.

Chutah, ka biang a rawn dawm a, "Mitthi ka nih lai huna let leh kha ka duh, mahse, nangmah vang chauhin, minung nih reng ka thlang zawk", a ti a.

Ka ngaih a tiṭha lo dawn, "Vawiinah eng nge thleng?",

"A thleng hman ṭep zawk", a tih chuan, a mal chungah ka lawn kai thuai. "Sawi rawh le", ka ti a. "Hetiang chung hian maw?", a tih chuan, nui ver verin ka bu nghat.

"Nu pakhat hian, Station chhungah a pasal a lo hruai lut a, a psal chu ngaihzawng neiah puhin, a ṭawng char char a. Mahse, amah zawk chuan, mipa dang a arukin a lo be ṭhin zawk sia", ka lo nuih saih.

"Chuti chungin, A insawi thiam char char a, a hmaia ben(beng) chawrh kha
Ka duh a. Ka taksa a sâ chhuak nghal vek",

"I thin a tirim a ni maw?", ka lo ti vat. "Ka thinrim maw? Ka kalsan hlawm a, engtin nge an insawifel ka hre lo",

"A nih, i kut chu?",

"Bang ka hnek vak vak a",

"Engvangin?",

"Tukverhah ka dâk chhuak a, Sava hi ka hmu a, ka ko a", inthlahrung deuh hian a ti a. "Engtin nge i koh?",

"Hey ka ti", a tih chuan, ka nuih vak vak. "Hey tiin, Sava i ko maw?", ka ti a. A bu nghat.

"Nui tawh suh",

"Sava koh dan dangdai tak a ni", ka ti a. A inthlahrun hmel lutuk, ka nui tawp riai riai a, "A nih, i ko eih ta em?", nuih insum zet hian a ti a.

Ka nui chhuak hawk hawk, hmeichhe tan nuih vak vak mawi lo tho mah se, a nuihzatthlak em a ni.

Sava koh nana 'hey' han tih, a awm ang lo lutuk. Mahse, a kut hliam chhanah ka la ngai thei chuang lo, min hrilh duh lo a nih ka ring.

Chuvang chuan, a Sava kohin a chhan duh loh vang leh, nu pakhat chunga a thinrim vanga bang a hnek angah ka ngaihsak mai ang.

"Venpui, nui tawh lo teh",

"Aw le, ka nui tawh lo e", a hmuiah ka fawp zeuh. Police ho hian, thuruk an ngah ngawtin ka ring.

Singham-a pawhin, a chhungte engmah a hrilh ṭha duh ngai lo a, chutiang chiah chuan, tuna a kut hliam chhan pawh hi, u Ngaia hian thildangin a khuh mawi mai mai a ni.

Ka tho tur chu, min pawt ṭhu leh, "Ka thil hrilh che kha, i awih em?",

"Sava kha maw, awih chiang e", nui varin ka ti a. Min ringlo tih chu, a hmelah a lang reng.

"Tak takin, ka awih alawm",

"I awih lo", a nui hak hak a. "Dawt ka hrilh che a nih kha, hman zana kan ina lo luta kaptu che kha i la hria em? An lo bail chhuak a, ka thinrimin ka room bang ka hnek vak a nih kha, inhrosakna tur ka nei si lo a", a ti dap dap a.

Ka kuah nghal vat, "Rapthlak min ti em?", a ti zawi sup a. Ka khawngaih lutuk ringawt.

"Ti lo e, mihring nihphung alawm a nih, mi kutthlak ai chuan a ṭha zawk. Mahse, bang hnek lo turin i la inthunun thei cheu a nia aw", ka ti sap sap a.

Mi kutthlak ai chuan, bang hnek vak chu a la zia tal alawm. "Venpui, i hlau lo tiraw?",

"Misual chu maw, hlau lo e. Police nupui ka ni a, hmeichhia, ruh hlanga siam ka ni bawk a, misual mai mai ka hlau lo nasa lutuk", ka ti hlak hlak a.

A nui sûng, "Ih, u Ngai, zirna chawlhsan ka rilruk a",

"Ngati nge?",

"Anisha angin, inah ka lo awm ang a, chuan, i lo haw ve leh", kun deuh ngaihin ka nui phawt a, "Kan pahniha fate nen kan lo hmuak ṭhin che ang a", ka ti sap a.

Ka zak lutuk ringawt, a sawi chhuak hmasatu zawk ka ni leh nghal.

"I inhuam em ni?",

"Huam tehreng, ka duh tawh zawk bawk a", ka ti a. Ka sâ pup pup mai, sawi chhuak kher lo mah se, fa a duh zia ka hriatpui.

Mi fa awt taka a thlir reng ka duh tawh bik lo, "A ṭha lawm", tiin, min fawp a. "Hna thawk nghal ila", a ti leh a. Room-ah min pawm phei a, ka dang duh ta bik lo. Mahse, ei rawng ka bawl tir thung dawn.


Show post links
Top

[Ngaia]

I Ninawm
Chapter-16
Ziaktu: Cck Lalchhuanawmi

Peih lo tawkin ka insiam a, niminah kan sawifel vek tawh nen. Ka muangchang lui ve ngat, pheikhawk bun loin, chapal ka bun ngat dawn mawni?

Tûm barin ka chhuak a, ka hnungah dingin, min nam kal dawr dawr. Motor chhungah min nam lut a, ka bula a lo ṭhut luh fel hnuin, driver hnenah kal turin a hrilh a.

Ka kut vawn a tum chu, ka lo la sawn, 'i kut ka vawn theih loh aiah' ti ang hrimin, ka lu dawmin, min kuah bet nghal vat.

Ka tal laih laih a, min chhuah a tum lo nasa lutuk. "School kal leh rawh", a tih aṭang, ka la be leh lo reng reng.

Ka lu chul heuh heuha a fawh vang vang chuan, ka tal tawh lo a, ka awm hle hle tawh. Min bengdai dan a hriat chhun a ni mahna.

University kan thleng a, lungawilo hmel hmuh tira thlah liam a ṭhat ka rin loh avangin, Campus chhunga ka luh dawnin ka hawi let a, a kut a lo vai zeuh chu, ka nuih saih.

Keipawh chu, ka thawl hawk a, ka thaw huai huai, ka awm a nawm phah zawk bawk. Tihtauh thlêm a la thiam chiah lo a ni.

A nupui ni lo phei ila chu, thlêm chu khawi lamah, a demawm chuang loh. Tihtauh chhen a ṭul ber lo tihna a ni mai.

"Venpui, thla tharah Manav nen kan inhual dawn asin",

"Tak tak maw?", ka ti hluai a. Ṭawng ring lo turin min hrilh nghal. "SP nen in lo kal ngei ngei a ngai dawn nia aw", Jennifer-i chuan a ti zawi leh sap a.

"Kal dawn chiang lutuk",

"A la hla sia, ka hrilh ru che nih hi, khawiah mah sawi suh aw",

"Sawi dawn lo, sawina tur pawh ka nei hleinem", ka ti a. A nui ver ver. "Jen, a nih chuan, zirna i chawlhsan a ngai ang tiraw?",

"Ngai dawn, Venpui, kan inneih zawhah, US-ah kan kal daih dawn a",

"Ngati daih daih nge?",

"Kan pahnihin kan duh zawk a, chubakah, kan chhungten an phal chiah lo nen, kan inneih zawh ve leh US-ah kan kal ang kan tih vang chauha phal an nia", a ti dap dap a.

US-ah an tir liam dawn tihna ni maw, an chhungkaw hnih inkarah eng boruak nge awm le?

"Jen, chuti a nih chuan, ka khua a har dawn e, keimah chauhin ka awm ve mai mai dawn chu a ni sia", ka ti nang nang a.

Jennifer-i awm chung pawha khawhar ka intih tawh vei nen, Jennnifer-i awm loh phei chuan, ka khawhar a zual dawn lutuk ringawt.

"I ei zawh tawh chuan, class-ah kal daih ang", a ti a. Ka lo bu nghat. Kan ding a, chutah, thawm lian deuh a lo awm.

Angela-i chu, hmeichhe pakhat hian a samah kekin a lo luh pui a, mipa pakhat hmaah a phih thal tawp. Chupa pawh chu a beng chawrh a.

A âng ta buan buan, a râwl a ring êm êm a, chu loah, a thinrim lutuk ringawt. "Angela tih pawh hi i hming a ni lo, mahni hming pawh zahpuia, English hming invuah kher hi a ṭul lo", English-in a vin hrawk a.

Chumi chauh a sawia ka hriatthiam chhun, warning pe niawm takin a kutzung chal a hmuh tawn a, a kalsawn nghal nal nal.

Jennifer hnenah, zawi tein a awmzia ka zawt a, "Mipa saw a bialpa a nia, Angela nen phone-an intext-na a man chhuak a", a ti sap.

A bawn ka ti lutuk ringawt, a bialpa pawh chu(h), bialnu nei lai reng sia, hmeichhe dang han biak.

"Jen, a ṭhen nghal em?",

"Ṭhen e, a ṭhenna thu a sawi nghal alawm, tiraw, i chhuak daih ang", Jennifer-in a tih chuan, kan chhuak ta daih a.

"Amrita-i hi chu, nula fel tak a ni asin mawle, ka khawngaih ngawt mai, mi ṭha tak tawng turin ka duhsak ngawt mai",

"Kei chu, Angela ngawr ngawr ai chuan, a bialpa kha ka lo dem zawk asin. Angela-in mi bialpa a ni tih hre reng chunga va bia pawh nise, a mipain a lo biak ṭhat ve zel chuan",

"I sawi dik chiah, mipa aiin hmeichhiain hmingchhiat kan hlawh awl zawk. Mipa thiam loh pawh nise, mipa a nia an ti leh nge nge zel", Jennifer pawhin a ti chharh chharh a.

Angela ai mah chuan, Amrita bialpa ka ngei zawk. Manav nen te khan an inzui deuh vuai vuai a, Angela nun hi, a hrehawm ru ngawtin ka ring.

Ei rawng bawl pahin ka ngaihtuah rauh rauh a, hmeichhe pakhatin thlalakpuia u Ngaia a sawma, u Ngaian a lo hnar kha, min tihlim ta tual tual.

Hnar loin thla han lakpui se chu aw, an pahniha thla latu turin min la ti zui a nia, ṭap chungin an thla ka laksak thei ngei ngei ang.

"U Ngai, thil pakhat ka zawt thei che ang em?", tim dai hian ka ti a. A bu zeuh. "Engtikah nge, chawimawina an pek dawn che?",

"Eng chawimawina maw?",

"Judge-in a sawi kha",

"Pe dawn lo e", a tih chuan, "Ngati nge?", ka lo ti thuai. Judge-in a sawi vek a, pek ve mai awm.

"Keima'n ka duh lo, Force zawng zawng hnathawh a nia, ka hming chauh a lang thei hleinem, chawimawina dawng vek tur alawm kan nih", a ti a.

Ka lu tikang deuhin, "Ka lawm e", ka ti sap a. Mak ti deuhin min en, "Min zawn avangin ka lawm e, lawmthu ka la hrilh lo chein ka hria, tunah te hian, Dubai ramah, eng hna emaw tak chu ka thawk tawh awm si a", ka ti a.

Ka ngaihtuah zawng ringawt pawh hian, ka hmul thi a ding thei! "Lawmthu sawi a ngai lo, nangmah hi, ka chawimawina No lian ber i ni e", a ti zawi sup a.

"Tak tak maw?", ka ti ṭuau a. Ka âw chu, ka duh lo lutuk ringawt. "Ni chiang e, muhil tawh rawh le", min kuah ṭha sauh sauh a, muthilh ka la tum lo nasa mai.

"A nih leh, u Ngai, eng case nge i kaisânna tur i hnawl kha?", ka ti leh a. "Zawhna eng zat chiah nge i neih?", min ti daih.

"Tam tak", tiin, ka chhang ringawt a, a nui hak. "Manav-an a pa chhûi turin min ti a, chumi chu mawle", a tih chuan, ka lu kân(kâng) lehin, "Ngati nge?", ka ti hû.

"Hriat tam lutuk pawh, rilru hahna i tih kha",

"Hei tal hi chu, Manav leh Jennifer-i te pahnih inkar pawh", ngen ngawl tak hian ka ti a. "Manav leh Jennifer-i te pahnih inkara i hriat tur zawng chu, an chhungkaw hnih inrem loh vang a ni mai",

"Inneih an tum pawh, an ṭhulh leh daih kha",

"Kha chu, an chhungkaw hnih inkar thu hla a nia, keini lo inrawlh ve vak chi a ni lo",

"A nih, i kaisânna tur case chu, Manav-a pa chhûi maw?",

"A va mak ṭalh", a ti a. Ka nuih tlawn ringawt. Mi hre châk ve te. "Ngati nge, i chhûi mai loh?", ka la ti hrâm.

"Pafa inkar a ni tawh alawm",

"Chu pawh nise",

"Manav-a kutah, a chhungkua chu a awm. Nangpawh, mi chanchin hre châk reng rengin khawsa lo la, an chhungkaw hnih inkar chu, an kutah dah tawp rawh", a ti a.

Ka zak chu, ka sâ pup pup, "Ka tihpalh", kun ngaih chungin ka ti a. Ka mu ṭha leh nghal daih. "Tihpalhna tur a awm lo, rilru hah reng renga i awm ka duh loh vang zawkin, i hriat tur chin chauh ka hrilh che a nih kha, i lungawi thiam a ngai",

"Aw le", ka bu nghauh nghauh. "Muhil tawh rawh", nui sûngin a ti a. Min kuah bet nghal, a kein min khan a, ṭawng tawh lo tura min duhnaah ka ngai.

A sawi dik ve reng tho mai, a kil kelin min hrilh ve vek ta se, hre ve kur ta ila, ka rilru a hahdam theih ka ring miah lo.

Ka kuah nghet ve sauh sauh a, a chau hle ni ngei tur a ni, a muhil nghalin ka hria. Police a ni a, thuruk tam tak a neiin ka ring, ka zawh sek chuan, a riru ka tibuai palh ve thei tlat.

Tun aṭang chuan, ngawi mai mai tawh ila, a ṭhat zawk ka ring e. Nupui ṭha nih pawh, ka hlawh zawk ang.

"Venpui, Venpui?", ka biang a beng hlak hlak a, ka meng hliai a, min tung tho lâwp. Ka hawi â hru, "Venpui, intiharh rawh le", ka chhing duar duar a, ka meng ṭha hleithei lo.

"Eng nge kan tih dawn?", phak chuapa ka ti chu, "Exer kan la dawn", a ti a. Ka harh nghal kâwk.

Ka beng bial kâwk a, "Exer lak a, ngati nge?",

"I hrisel zawk nan mawle, tukin aṭang ka rualin i tlan ve ziah tawh ang",

"Chutiang ka peih lo, ka peih lo, ka tlan dawn chuang lo", ka ti nang nang a, puanin ka inkhuh daih.

Puan a rawn pawt hawng a, min tung tho leh nghal. "A theih loh, intiharh la",

"Min rawn hmasak ve tur che alawm",

"I duh dawn lo tih ka hre sia", a tih chuan, ka thaw halh, ka ner salh salh a, hnial hneh theih a ni dawn lo tih ka hre chiang mai bawk sia.

"Venpui, tirawh le",

"U Ngai, naktuk aṭang ṭan mai ang, tukin chu, ka la mu duh",

"Tukin aṭang ka tih kha", ti pahin, min pawt tho. Room kawngka biangah ka inham tang ve ran.

"Venpui", beidawn hmel zet hian, a thaw ri hrawih a, "Tukin chiah, chuan, naktuk aṭang chuan ka hnial tawh miah lo ang che", ka ti nang nang a.

Zingtin tlan te chu ah, ka taimaknain a tlin dawn lo lutuk, a tlin chi a ni lo bawk. U Ngaia chu, mittui parawl kuangin ka en a, a beidawn hmel takzet zet.

"Ni mai rawh se", a tih chuan, ka bu nghat. Khum lam ka pan leh a, ka nui ver ver.

Kawngka inhawng leh khar thawm ka hre zui a, inthiamlo nain ka khat ve tho. Mahse, zingtin tlan tur chuan ka peih lo, misual pawh ka ni lo.

Ka mut fel tak tak hmain, bathroom-ah kalin ka zung a, ka hmai phihin ka hâ ka nawt leh phawt.

Mu leh tur ka ni a, ka harh leh meuh chuan a tlai tawh dawn si a, ka intifai hman tawh lo mai thei.

Khumah ka lawn kai chiah tihah, kawngka inhawng thawm ka hre zui, puan sinin, ka mu ṭha vat.

Room lo pana ke pen thawm ka hre zui a, a lo hnai zel, a tawpah, ka hma zawnah a tawp chawt. Ka hmaah a ding reng tawh tihna.

Ka meng duh miah lo a, ka mit ka chhing lui tlat. A lo let a la hun miah lo, nge ni a, a tlan miah lo zawk le?

"I va rimtui ve", ka hmai zawnah tak a ti sup a, a ṭhu hniam tihna mawni? Muhil angin ka la awm lui ngat ngat tho, ka va han sual ve chiang tak.

Thaw halhin, min rawn fawp a, ka meng phar awk. A inla hrang leh thuai a, ka mit ka chhing ve leh vat.

"Venpui, i meng dawn nge dawn lo?", a ti a. Ka meng chuang lo, muhil angin ka la awm, mahse, ka muhil lo tih chu a hria.

Chutah, min han piai vak mai nih kha, "A nâ", ka ti vawng vawng a. Nui sûngin min en, "Min thlah rawh", ka ti a. Min thlah ve mai bawk.

"I muthilh der man a nih kha",

"Chu pawh ni se, in piai vak a ngai kher lo, a nâ lutuk", ka biang dawm chungin ka ti a. A thlan chhuak hmuh tur a awm lo a, a tlan lo a ni chiang mai.

"I tlan nange?",

"Tlan lo",

"Ngati nge?",

"Nangmah nena tlan ka duh zawk", a tih chuan, "Naktuk aṭangin ka tih kha aw", ka lo ti thuai.

"Ka hria lawm", a khi suk zui a. Chhuatah a ṭhu sawp nuaih a, "A nâ viau em ni, i biang i la dawm char char a?",

"Nâ e, mahse, ka muhil ang a, a dam vat mai ang", ka ti a. Mutthlak ka tum chu, ka mal dinglam a rawn man chat.

A lamah min kuai her a, ka ke pahnih chelhin a lamah min pawt hnai ṭual ṭual. Night dress ka hak ka kâwngah a tawm chho vek a, ka underwear hak a lang chiang lutuk.

Ka mal inkarah a awm a, min nam âwn deuh a, ka kut pahnihin ka hnung lamah ka innemkhalh.

Silaiin min kahna lai bawr vel, a hmuiin a nûl thuak thuak a, a hnuah, silai kahna ser chu a fawp dâwk dâwk a, ka lo phu uih uih. Min pawt hnai leh sauh sauh a, ka m*wng hnung lam dawmin, ka underwear chhanah, a kâ leh lei a chettir a.

Lo chho zelin, ka nâk nêm lai a seh ner ner a, a zâ nuam lutuk ringawt, ka nui leh hak ṭhin a, a tiphur nimaw, a seh uar sauh zel leh nghal.

Ka night dress-in a khuhna ata chu, a lo chhuak a. Chhuatah, min pawt thlain a mal chungah min ṭhuttir kak tir a, a hnungah ka ke min kherh beh tir.

A inher a, khum tlâng a ngheng pah ar ar. Ṭhu ngilin, ka night dress hak chhanah bawk, ka hn*te a hmuam a, a hm*r a seh leh ner ner.

A nghawngah ka kut ka suih a, a changin a sam ka ṭham leh nghek zel. A tawpah, night dress chu a phelh a, duh aiin ka âwm a kawh mah mah a ni.

Keimah chauh ni loin, ani pawh a thisen lumnain min do ul tawh mai.

Ka hn*te inkara khuavang a thlêk vang vang a, "He thil hi, a dangdai lutuk ringawt, ka ngaina", nui suk chungin a ti a.

A lei thap hrupin, a liak kual dû dû a. A kâ lum huam chhunga ka hn*te awm chu, a seh ner ner a, ka kâng awk awk. Ka hnung a chul kual riak riak pah a, ka ir nô lai lo fawp chhoin, ka hmui a thleng ve thei ta hrâm.

"U Ngai, ti leh rawh",

"Engtin?",

"Tuipui kam ami ang khan", ka tih zawh rualin, min kek dâk leh awrh. Chhuatah min nghat a, ka mal inkarah ṭhingṭhiin, a kut leh lamin ka biang a dawm pah a.

"Venpuii mipa ka nih hi, Venpuii mamawh chu ka pe zel ang", a ti a. Ka hmui a khar chilh nghal hmak. A nghawngah ka uai hi a ni ringawt.

Min thlah dawn lo tih ka hria a, ka ring nghet hmiah. Hetiang hunah chiah hian, keimahnia a ṭha lo lai leh, kan ṭawp rukna leh sual rukna zawng zawng kan phawrh chhuak ta vek ni berin ka hre ta!

Ka biang a dawmna chu, la thlain ka hnungah a nghat ta zawk a. Kan inthlah chuan, kan thaw dun halh halh, a chal leh ka chal sik tirin, a nui deuh saih zel a.

Keimah bakah, a lungawi tih ka hmuh hian, ka lawmna a zual. "Ngaia hmeichhia nih hi a nuam ka ti", ti sapin, ka fawp zeuh.

"I sawi hun ka lo nghak char char asin",

"Ngaia hmeichhia nih hi a nuam ka ti", ka ti nawn leh. Ka khabe hmerin, min fawp a. A dam dup a, Practical notebook nei ṭha tak a ni.

Kan inthlah leh hnu chuan, "Ka hmelchia i ti ṭhin ngawt ang", ka ti a. Hmelchhe satliah pawh ni loin, ka hmelchhe dawn chiang sa.

"A nihna ang angin i lan tir a, i hmelchhe love", a ti a. Ka nui ver ver. Khumah min nghat a, a thawmhnaw a hlip mual mual a, a taksa ṭang ṭung ka hmuh te chuan, ka lo ip chawih chawih.

Ka sirah a lo mu thla a, "Tukina i thuawih lo man", nui saihin a ti a. Ka mal tikauin, ka underwear chhanah min n*ai sak vak vak. "Venpui, i ke chip suh", a tih chuan ka bu nghat.

Bedsheet ka ṭham tawk tawk a, ka taksa pum hian ka kâng leh awk awk zel. Engtin nge ka hmel a awm dawn tih lam reng ka ngaihtuah thei tawh lo.

"U Ngai, min fawp pah rawh", ka ti a. Min fawp ve mai bawk. Mahse, kan infawp tak tak thei chuang lo, kan hmui a insi chang chang ringawt.

A hnu rei vak loah a ban ka vuan chat, a hrethiam nghal mai bawk. Underwear chhungah a zen lut riai riai a, ka mang nghal ruai ruai.

A ban ka thlah a, ka thaw halh halh, a âwm ka zût thla a, "Kei chu a ngai lo", tiin, a tho a, ka underwear phelhin, muangchangin ka taksa chhungah a lut a.

A lo âwn hniam riai riai, a mitmeng a phelh ve lutuk. "Venpuii, vawikhat sawi leh teh", a tih chuan, "Ngaia hmeichhia ka nih hi", ka tih zawh rualin, a che nghal buan buan.

A che nghal buan buan zel a, tlema insumna a nei mang ṭhin lo. A chang chuan, a nawmna ai mahin, nâ ka pawh mah zawk zel.

Mahse, keimah chauh ni loin, tunah chuan, kan pahnihin nawmna kan pawh ve ve tawh a, nâ ka pawh tam zawk mah se, ka sawi duh ṭhin lo. Insum hi, a har ve ṭhin bawk êm a ni.

Phone dawrah min luhpui a, ka duhzawng min thlan tir, thlan tur ka hre lo a, "I phone ang kha ni mai", ka ti tawp.

Motor chhungah engkim min set fel sak vek a, a number chu, a hmaa ka save dan, 'Lalzahngaia' tih tlawngin a save a, a hmaa ka save dan kha, a hmu nge ni dawn.

Professor thusawi ngun deuhin ka ngaithla a, an English lam dan hi ka hrethiam lo lek lek ṭhin.

Chubakah, ka awmbo rei lutuk a, min lo zirsan thui hman tawh lutuk. Mei kawh meuha ṭan ka ngai dawn.

Zanah pawh, extra-a ka zir ṭhin a ngai dawn a ni. U Ngaian inah min awm tir mai sela chu aw, thi leh thau pawlha ka zir a ngai lo mai tur!

Taxi chan pahin, Ngheti ka call a, min hau nghal char char, "Phone thar hi i nei reng, i intithei lutuk em mai", a ti lang lang a.

Ka intihtheihna pawh ka hre lo, ka nu leh pa chanchin te ka zawt a, "Pathian zara an dam ṭhat lai a ni e, mahse, u Zaua erawh a ṭha chiah lo",

"A chungah eng nge thleng?",

"Zu kan nghei tir a, tunah pawh, drip a la inkhai, Delhi aṭanga kan haw kha, i pain nghei tlang tum rawh a ti a. Drip-in kan enkawl ta char char a nih hi", Ngheti chuan a ti a.

Ka âwm ka dawm vang vang, ka u zu nghei tum ka hria chu, min hnawh ṭun mai.

"Drip bakah, thei lam ei tam sela, nu number min lo thawn aw",

"Aw le, takah, Venpui, thil pakhat, kan vengah u Ngaia chanchin an sawi nasa mai, kan veng makpa te an tia, mahse, thiktu che chu an awm tho, ka hrilh kil kel lo mai ang che", a ti lang lang.

"Pawi lo, i training chu i zo dawn tawh em?",

"Zo ṭep, ka zawh ve leh dawr ka hawng nghal dawn a, min la fak sak dawn nia aw",

"I thu vek lawm, fakna man min pek ṭhat erawh a ngai ang",

"Kal mai teh", a lo ti hlar. Ka nuih hak hak a. Kan pahniha kan inbe leh thei chu, ka thaw huai huai.

Ngaih loh pawh duh viau mah ila, sûai a neih reuh tlat vang hian, ngaih loh theih loh pawh a ni lo.

In ka thleng a, u Ngaian min haw khalh. Naktuk aṭang exer kan la ṭan dawn, ka peih lo lutuk ringawt.

"Venpui, intiharh rawh le, tukin chu a ṭhulh theih tawh lo", min tung tho a. "Ka hria", ka ti hlak.

Darthlalangah ka inen a, ka lu a thur bûm mai. Track suit hi min hak tir a, kan hak rawng a la inang zui, a design erawh a dang deuh thung.

A sirah min tlan tir a, a tlan dan ang zela tlan turin min ti a, ka tlan ve mai bawk. Mahse, thui pawh kan tlan hmain ka chau der.

Ka thâwk a tawp dawnin ka hria, ka dang a ro hulh a, ka tui a hâl lutuk. Ka tlan thei tawh lo a, leiah ka ṭhu thla hnawk.

"U Ngai, ka dang a ro lutuk", ka ti a. "Muangchangin boruak hip lut la", a tih chuan, ka hip lut a, ka thaw chhuak leh hawk.

Ka chil ka lem dâwk dâwk ringawt, "Ka tlan thei tawh lo",

"Aw le, tukin atan chuan kan duhtawk dawn nia", min kaitho a. Muangchangin min kalpui.

Mahse, zing kar boruak chu, a thiang nuam lutuk ringawt. Keimahni chauh lo pawh, tlan an awm ve a, a ṭhen chu an kal hlawk hlawk a.

A ṭhen erawh, muangchangin an kal thung a. Kum upa lam hlir an ni deuh zel thung.

In chhung luh rual rualin ka ṭhu thla hnawk, ka mu lo chauh zawk. U Ngaian theitui min lo pe a, ka bulah lo ṭhu thla vein, theitui chu a in khawlh khawlh a, kei erawh, muangchangin ka in.

"Nau hring tur chuan, i kumkuruh a kau ṭhat a ngai a, chumi tur chuan exer lak hi a pawimawh. Chubakah, naupai tur pawhin i hrisel ṭhat a ngai.

Tuna i lo inlak fit hian, nau i pai hunah bed rest chawh i ngai lo ang a, naupai fual tih ang te i nei dawn lo a, tlai khawhnua naupai laia inenkawl vak a ngai lo bawk ang.

Chuan, thil pakhat leh, i period ṭan nî leh tawp hun min hrilh thlap bawk ang a, chumi ang zelin sex pawh kan hmang tawh ang", a ti dap dap a. Ka khap fap fap.

"Engtin?",

"Hmeichhe period tawp aṭanga chhiara ni li aṭanga ni ruk inkar hi, naupai theihna chance a nia, a bak nî leh hmeichhe period inṭan inkar erawh hi chu, naupai theih lohna chance a ni thung(hemi chungchang hi, kan hriatsa tawh mah nise, chapter remchang hmasa berah ka lo sawi zau ang).

I hrethiam tawh em, i period tawp aṭanga ni li aṭanga ni ruk inkarah a nih chu, sex pawh kan hman dawn?",

"Chu chu, nautê insiam theih hun lai maw?", a bu nghat nghat.

"A nih, a bak chu?",

"Kan chawl ang, zingtin, Pathianni tih loh chu, kan pahnihin kan tlan dun ziah bawk ang",

"Engtin nge, nautê insiam theih hun leh period chungchang i hriat a?",

"Science leh Math-ah, mark 94 aṭanga 97 inkar hmu ziah ka nih hi", intithei deuha a tih chuan, "Science leh Math-ah, pass mark hmu chang chang nupuiah i nei tho alawm", ka ti a, ka nuih sen sen.

Chek hlakin, min kuah a, a dârah ka lu a nghah tir hle hle.


Show post links
Top

[Ngaia]

I Ninawm
Chapter-17
Ziaktu: Cck Lalchhuanawmi

Chek hlakin, min kuah a, a darah ka lu a nghah tir hle hle.

Science leh Math-a mark 94 chunglam hmu ziah leh, pass mark hmu chang chang nupaa han insiam chu(h), class-11 aṭang Science leh Math ka la drop hmiah zui.

Fa kan neih hunah, tu tak chu chhun hlawm ang maw, kei min chhun hlawm vaih chuan, an thawveng chang ringawt dawn a nia, an pa an chhun hlawm erawh chuan, nupui pasal an nei har ngawt ang.

"Ka hman, form i ha dawn lo em ni?",

"Suk a ngai tawh a",

"Ka lo hre hleinem, ka'n su nghal ang aw",

"Ka su thei alawm, i tlai ang", a ti a. "Vawiin chu, ka kal tlai dawn deuh", a ti leh a. A form lam reng ka lo ngaihtuah tawh lo.

Police motor-in school ka kal a, school a ni tawh mai ang chu, pasal neih hnua school kal awm chhun ka ni mai thei a ni.

Campus chhunga ka luh dawnin, "Venpui", ka hnung lamah ka inher leh a, Jennifer-i a lo thleng ve chiah. Kan pahnihin kan lut rual a, class kan pan ding nghal.

Tlar laihawl chuhin kan ṭhu nghal a, "SP-a chu, engtikah nge chawimawina an hlan dawn?",

"Amah bik a ni lo, Police ho zawng zawng hlan tur alawm", ka ti a. U Ngaian amah chauh hlan bik kha, a duh chiah loh nen.

A lansâr chhan nia ka hriat chu, an rel thluk ni miah loa min zawn nana, Hotel leh ilo vel dap chhuah a tih vang leh, Mumbai-a a awm tlat vang a niin ka hria.

"Takah, Venpui, Mizo ṭhian ka nei asin, Aizawl mi ve tho a nia, kan inhriatna a la rei bik lo", a tih chuan, ka lo phur ru lutuk.

"Mipa nge hmeichhia", ka ti a. "Mipa", a tih chuan, ka phurna a bo deuh. Mipa ai chuan hmeichhia ni zawk se ka ti.

A hming ka zawt a, "Mawia", a tih chuan, ka lûng phu hi a tawp dawnin ka hria. Ka mi hriat Mawia chu ni lo hrâm se!

"Eng nge a tih?",

"Hna ka thawk a ti mai a, a hnathawh tak ka hre bik lo. Mahse, biak a nuam reuh lutuk. In zin chhung khan, kan lo inchhar a, i chanchin pawh hi ka hrilh asin, nakinah, ka la inhmelhriattir ang che u", Jennifer-i chuan, a ti dap dap a.

A nui sâng reuh a, ka nui ve thei ṭhak lo. Ka mi hriat Mawia chu ni lo hrâm rawh se. Chu loah, pasal nei tawh ka nia, Mizo pawh nise, mipa a nih chuan, biak a ṭha vak lo zawk ang, hmeichhia pawh a ṭha chuang lo.

A rukin ka thaw deuh halh halh a, Jennifer-i Mizo ṭhian thar chuan, min tibuai. Ka lu thing nawkin, kan zirlai ngaihtuah ka tum ta zawk a.

Mawia tak tak pawh nise, buai tur ka ni tawh lo, ani ai u Ngaia ka thlang tawh zawk lawm le, eng nge ni vei, buai loh lohna turah ka buai ziah mai.

Class zawh ve leh, thingkung hnuaiah ka ṭhu a, helai hmun hi, he school-a ka hmun ngainat awm chhun a ni, Library nen.

Ka phone la chhuakin, ka nu ka call a, ka u chanchin ka zawt. A ṭhat ve zel thuin min chhang a, "I u tan hi chuan, nghah a la ngai ang, damlo tur hi chuan darkar khat pawh a ngai lo, dam tur erawh chuan, kum chuang te a ngai alawm",

"Ka u chu a tuarchhel a, a hneh thei ngei ngei ang",

"Ni e, i lo ṭawngṭaipui ve ṭhin dawn nia, zu hi a nghei hlen theih tak tak chuan, ama tan paw'n a nuam zawk ang. Zu a duh luat vang hi nia, nupui tur pawh a hmuh zawh loh", ka nuin a ti lang lang a.

Ka lo nui ver ver, ka u kan sawisa a, kan venga mi pakhat, a duh thu a hrilh ve khan, zu in mai mai a duh loh thuin a lo chhang a.

Khata ṭang khan, rilru harha nghei daih tawh tur a nia. Zu a in tih mai chauh a ni ka u chu, a bakah chuan a fel lutuk ringawt, keimah hi kut min thlak a ching deuh tih mai a nia.

A thu ka awih lo hian, a kut hi a veng zo lo ṭhin a. Ka u vangin, mipa ṭha deuh bulah ka awm theih phah bawk a, ka haw(hua) lo reng reng.

Inah ka haw a, u Ngaia ka haw khalh ve thung. Khumah ka bawk thlawp a, ka ke a kham lutuk ringawt.

Naktukah chuan, ka thawh theih pawh ka ring lo, ka rawl a zual dawn lutuk ringawt.

Chair-ah ṭhuin, ka ke ka hmet niap niap. Gas alh chuan, ka mut te a tichhuak dawn. Ei rawng ka bawl zo, u Ngaia form ka seng a, thawmhnaw suk tur kan neih ang chu ka su leh rih.

U Ngaia form nawtin ka khai a, room aṭanga chhuakin, sofa chungah ṭhuin tv ka en a. En ber tur ka hre lo ka hmet kual ka hmet kual chu, Kal Ho Na Ho an pek chhuahna ka hmet fuh hlauh.

Remote keng chungin ka en a, fakna a awm pawhin ka hmet sawn tawh lo. Hindi-in ni mah se, Mizo ṭawnga an leh kan en tawh avangin, an sawi zawng zawng ka hrethiam vek.

Ngheti awm leh phei se chu aww, "Lalpa, Amana ang Vantirhkoh min lo pe rawh", a ti leh reng dawn a ni.

Ka ke ka tawm chho a, ka insût hlawp hlawp a, ka mittui tla zawih zawih pawh chu ka hru seng lo. Ngheti ngaih nen, a film-in a zir bawk nen.

Aamana lûng a ṭha lo tih, changtunuin a hriat chho bawr aṭang phei chuan, engkim chu, mittui tlakna tur hlir a ni tawh.

"Aaman, Vantirhkoh khawngaihthlak, Vanah chuan hlim deuhin thlawk chho rawh aw", ti chungin, Nghetin min kuah bet tlat zel a.

Kan pahniha inkuahin, kan ṭahpui tlawk tlawk zel. Ka nuin min hmuh hian, "In zahpuiawm lutuk", ti pahin, min beng dun hlak hlak zel bawk.

A lo rei tawh e, mahse, a ngaihawm lutuk. Khatih hun lai kha chuan, kan pahnih chauh pawh khan, tumah dang reng kan ngai lo ve chiang alawm.

Nuam kan tih theih ang berin hun kan hmang ve a, ani engmah pawisa lo ta nâ nâ nâ chuan, school kan kal lai te khan, min va han bunk pui nasa thei tak.

A dawih chi ni bawk nen, ka thi lo chauh zel kha a nia. Ka ngai lutuk ringawt, ka film en ai mahin, Ngheti ka ngaih vang zawka ṭap ka ni tawh zawkin ka hria!

Lalnghetpuii vang vek, ka la hau dawn, amah vangin ka ṭah vak phah. Aamana a thih chuan, ka hmai ka hup a, ka ṭap tlawk tlawk.

"Lalnghetpuii vang vek", ka ti ṭuau a. "Min ngai ni maw?", tih thawm ka hriat chuan, ka hawi chhuak zawk.

Ka hnungah u Ngaia ding ka hmu nghal a, phone a kenah Ngheti ka hmu leh bawk. "Venpui", a rawn ti ṭuau a. Ka kuah châk lutuk ringawt.

"Ka tel loin Aamana Vantirhkoh i lo en elaw?",

"I awm si lo alawm", ka ti a. "Ka ngai lutuk che", ka ti leh. U Ngaia pawh ka zah zo tawh lo.

U Ngaia chuan min ṭhuttir a, a phone min pe. "Lo haw daih mai rawh, ka ngai lutuk che", a ti a. "Naktukah ka lo haw nghal ang", ka ti ve a.

Kan pahnihin kan ṭap nui dun hak hak, "Ka ngai thei lutuk che", ka ti sap a. A mittui a hru tawk tawk, keipawh, ka mittui ka hru tawk tawk a.

"Ṭap tawh suh, min tiṭap ve zel a nia", a tih chuan, "Nghetpui, ka ngai tawh lutuk che", ka ti a.

"Venpui",

"Nghetpui", kan inko tawn chhen a, ṭhian ṭha tak hi chu, an lo va hlu tak. "Venpui, inkuah ang",

"Engtin?",

"Phone kha i âwmah dah la, keipawhin ka dah ang a, kan inkuah a ni mai dawn lawm", a tih chuan, ka dah nghal vat.

Ka âwmah mit chhing chungin ka pawm vawng vawng a, kan pahniha kan nuih dun lai te, ka mitthlaah an lang zut zut. A bikin, kan inkuah lai, tunah pawh, kan inkuah angah ka ngai!

Kan inbiakna kan tihtawp chuan, bathroom-ah ka tlan lut vat. Tui ka herh haw a, "Pasal kan neih hunah ṭhianah inhmang ang aw", tiin, kan intiam a.

Kei, pasal nei hmasa zawkah ṭangin, ka ṭhianah ka hmang ngei a. Mahse, kan lo suangtuah angin hun hlimawm tak kan hmang leh si lo.

Ka thinrimna khan min hneh lutuk a, ngaihtuahna fîm ka hmang thei thlawt lo a ni, ka inchhir ngawih ngawih.

Ka hmai phihin ka chhuak a, room-ah lutin ka inhru sawk sawk. Naktuksh chuan, ka haw tak tak daih dawn mawni?

"Venpui, i hman tawh em?",

"Aw, hman tawh",

"Chaw ei tawh ila?", a ti dam thlup a. A kalsawn lehnghal. A sawi dan takah, engmah min zawt lo a ka lawm.

Ṭap zo chiah ta chu, chaw ka ei thei ṭhak lo. Ka hrawkah min la hnawh ṭun a, chaw lem a harsa. Mahse, u Ngaia ngaihṭhat nan tal tiin, ka ei lui hrâm hrâm a, ka thlênga awm chu, ka ei zo ve mai.

Lehkha ka zir a, ka rilrua Ngheti a lan pawhin, ka lu ka thing nawk nawk a, lehkha ka chhiar daih zel.

"Venpui", room kawngkhar a lo kik a, "Mu tawh rawh le, a tlai tawh nia", a ti a. A thu awihin ka lehkha zirna ka sengfel sawk sawk.

"U Ngai, i lo la mu dawn lo em ni?",

"Aw, hei ka zawh hunah ka lo mu ang",

"Lehkha ka zir zo tawh tho a",

"Keyboard ri keuh keuh a bengchheng i ti palh ang, ka lo mu har lo ang", a ti a. Ka hnial ta lem lo, a inthlahrung e.

A hnathawhna bula awm a châkawm vei nen, a pawi chuang lo. Keyboard ri keuh keuh bengchheng ka tih a hlau vang a ni ve mai a.

Ngheti ka text a *u Ngaia nen kan inneih nî-a ka awm ṭhat loh avangin, min ngaidam rawh aw, nuam deuhin hun kan hmang thei si lo a, mahse, i pasal neih nîah thung chuan, kan che bawn dun dawn nia* ka ti a.

A la online chiah lo bawk a, ka nghak ren rawn. Mutchhuakin min zem ṭan avangin ka mangṭha ta ngawt a, a thinrim lo ang chu ah.

"Venpui, intiharh rawh le",

"A chawlh theih em?",

"Theih loh", a ti hmuk. Thu tawp a ni chiang e. Din ka tum chu, ka khel bawr leh, chawn nâ ṭhum chuan min ṭhuttir leh chawrh.

"Ka rawl lutuk, din pawh ka ding ṭha hleithei lo",

"A vawikhatna a nih vang nih kha, a vawihnihna atan tukinah tlan leh la, a rawl tawh lo mai ang. I rawl chhan pawh, i taksaa Glucose awm a keh ṭhat loh vang a nih kha-",

"I ninawm", ka ti hlak a. Ṭhen sak sak chungin bedroom aṭang ka chhuak. Glucose keh ṭhat leh ṭhat loh te han sawi, chutiang ka hre ve lo, inti Science zir em mai.

Nimin ai chuan, kan tlan thui ta ve hlek. Kan ding a, thawk dan tur min hrilh thlap angin, muangchangin boruak ka hnarin ka hip lut a, ka kâ aṭang ka chhuak leh hawk.

"Let tawh ang le",

"Tui kha", a tui bottle ken chu ka kawk zeuh, min pe a, in tur chin min bitusak leh, a tlem mai bawk sia.

Haw lam erawh, kein kan kal a, ka rawl pawh a zia deuh. "U Ngai, Glucose i sawi kha, eng nge awmzia, Glucose ei ang chi hi, kan taksa chhungah a awm tihna em ni?",

"I hriatthiam dan tur berah chuan, kan taksa, ni lo, kan ruh chhungah hian thlîng bakah, Glucose a awm tel a.

Hetia kan kal pawh hian, Glucose chu a keh reng, a keha kha a lian lo tihna nia. Exer kan la thut emaw, kawng chhuk chho deuha kan kal te hian, tha kan hmang hnem a.

Chu chuan, Glucose ho.chu, lian deuh deuhin a keh tir a, mahse, a keh darh vek mai lo, chuvang nia, tukinah pawh, ka rawl i tih.

Tukinah leh, naktukah nen, i tlan i tlan ang a, Glucose pawh a kehsawm ve zel ang a, a keh sawm nuaih hunah phei chuan, taksa rawl i hre tawh lo ang",

"Chu chu, Physics nge, Chemistry nge Biology?",

"Biology",

"Chemistry niawm tak zawk a ni", ner sawkin ka ti a. A nui sun sun. Scientist ho tak hi chu aww.

Thei tui in zawh ve leh, rei lo te ka chawl a, inbual turin min tir liam nghal. Ka inbual zawh ve leh a inbual ve nghal a, a ei rawng bawl ka lo chhunzawm.

"Venpui, Shampoo a zo",

"Maw, Awihawm loh, nichin paw'n ka hman kha?",

"A zo lawm, hei", bathroom kawngkhar a hawng a, ka va en. A lu-ah chhete a lo kai a, a kutah bun chhuah a lo tum nasa mai.

A zo zawk bur a hmang a ni chiang mai, "A zo zawk i hman te chuan, zo reng tur alawm a nih, a zo lo bur a awm reng kha", ka kawk pah a.

Inthiam lo zetin min lo nuih, "Khawi, ka lo paih daih ang", ka ti a. Ka kalsawn. A inbual rei ngai lo a, a inbual zo hma thei tak tak a ni.

"Bazar a ngai dawn ni maw?", chaw ei laiin a ti a. "Ngai lo ang, shampoo-te chu a la tam em kha", ka ti a.

"Inrinlawk hi a ṭha ngai", a ti hmuk a. Thu tawp leh thupek a ni leh chiang bal. Kan chaw eina ka tihfel chhungin a insiam a, pahnih chauh eina chu, tihfel rei a ngai lo.

University thleng min thlah a, motor aṭang a chhuk duh ta tlat lo, kawngkhar bulah a ṭhu bawk si.

"U Ngai, kan thleng tawh nia",

"Ka hria lawm",

"A nih, ka lo chhuk ang",

"Harsatna i tawk a nih chuan min lo hrilh vat la aw", a ti a. "Nangmah lo tu nge ka hrilh chuan ang", ka ti a. A nui saih.

Pawnfeng ka feng a, ka ngal chen lek a ni a. Pawnfeng ka feng ngai lo a, chumi vang nge ni, min en duh hlawm riauin ka hria, ka inngaihbel nge ni dawn?

Library-ah ka kal a, Jennifer-i leh Manav ka hmu mai lo, an bazar a nih ka ring ringawt. An inneih a hnaih ve zel si a.

Jennifer-i awm lo chu, keimah te chauh ka ni tlawng mai. Khawhar a zual duh lutuk. Library aṭanga ka chhuah ve leh, classroom-ah ka ṭhu a, break lai a ni bawk a, pathum panga vel bak kan awm lo.

Ngheti chawlh lailawk a ni ve nen, kan intext char char a, ka nui nasa mai. Niminah min tiṭap hrep a, vawiinah min tinui nasa leh êm êm a.

*chawlh a zo, a nih leh phawt aw*

*ṭha deuhin aw* ka ti a. A out ta! Amah zawk hi lo zin mai se ṭha tur, a tlawngawl ber a ni tho sia.

Last class off a nih thu an rawng puang chu, an ṭe chel chul. Bengchheng ṭha tak an ni, chawlh kan lo thlehlel tlang mang e, a nuam ve bawk êm a ni.

A la hma tho tiin, kein ka kal a, naktukah chuan, hei ai hian ka rawl pawh a zia tawh hrim hrim, rawl ka nei tawh lo zawk ang. Rawl ṭhem ṭhum chu, a hrehawm êm mai.

Kal thui tawk tawha ka inhriat avangin, kawng sirah dingin taxi ka chang a, rin aiin a vang ta phian. Auto ruak pawh hmuh tur a awm lo.

Mamawh laiin hmuh theihin an lo inlar lo a, mamawh lohah erawh, amaka mak tam hmuh theihin an lo inlar leh suau suau bawk sia.

Chutah, palian sa ṭha nelh nawlh pathum an lo kal a, ka hnungah an ding. An titi thum bul bul a, an nui te chu, kei min nuihah ka ngai leh tlat.

An thusawi te chu, min sawi emaw tih awl tak a ni. Ka hlau ṭan ta riau. Ka inher a, min rinhlelh loh nan, muangchangin ka kal.

Ka mit sirin ka melh ru zeuh zel a, min lo zui ve hlawm zel. Ka ding a, an ding a, ka kal ṭan a, an kal ṭan ve leh.

Ka ding ta tawp ringawt, mi awm tamna lai a nih avangin ka thla a muang ta deuh.

"Venpui", tih thawm ka la hre zui. Jennifer chuan mi pakhat hi a lo kal pui a. Ka hriat hnu a ni.

"Class a zo tawh em ni?", Jennifer-in a tih chuan, ka bu nghat. "Ka sawi kha, Mawia a nih hi, hei Venpuii", min inhmelhriattir a, min inchibai tir, ka kut ka lasawn vat.

"Vawiin chu ka lo kal lo ta mai, tunah pawh, ka kal mai ang. Lo inkawm r'u, a nih u aw", nui sângin a ti a. An driver-in motor kawngka a lo hawn sak.

Mawia nen chauh kan ni ta a, sawi tur ka hre ṭhak lo. Jennifer hmaa inhre lo anga kan awm erawh, ka inthiam lo, ka la hrilh ang.

Min zuitu te pawh, an awm tawh lo, hmun hla deuh takah an lo ding tawh. Min man an tum chu a ni lo phawt ang a?

"I dam ṭhin maw?",

"Pathian zarah ka dam alawm",

"A nih ka ring, tun hma aiin i hmelṭha sawtin ka hria", a tih chuan, ka melh ralh. "Hetah, eng nge i tih reng, haw ta che?",

"Hnathawh lai ka nei alawm",

"A nih chu, ṭha takin thawk rawh. Ka hawsan mai ang che",

"Hawna tur pawh i neih loh hi, lo kal rawh, ka thlah ang che", tih leh, ka kut vawn a rawn rual a, a kut ka thing thla sawk nghal.

"Mawia, a tihchi loh êm mai, pasal nei tawh ka nih hi, khatia invawn ringawt te chu, a ṭha lo êm mai", ka ti a.

"Pasal neih hi nuam i ti mah mah ni",

"I duh dan danin i ngai thei", ka ti ve sak. U Ngaian min lo thlir leh reng ang tih, ka hlau lutuk. Kan inhmuh tawpna lah kha, a ṭha bawk si lo.

U Ngaian kah thluk mai a duh thu a sawi hial a, tunah pawh, min hmu leh ta se, a la duh thoin ka ring.

Taxi ruak a lo tlan ta hlauh a, Mawia chu ka kalsan vang vang. Eng nga ti nge maw, ṭha taka a awm theih loh le? Thil pawi engmah, ti lo hrâm se!

In ka thleng a, ka thaw huai huai. Pasal ka neih tawh avangin, ka be chhe tur a ni lo tih ka hria,,mahse, a awm dan khan a zir ṭhin êm a ni.

Pawnah ka ṭhu a, mi kawngkal ka chhiar dan dan, ka taimakna pakhat. Police motor ka hmuh chuan, ka nui ver ver a.

U Ngaian min hmuh chuan, "Ngati nge pawnah i awm?", a lo ti thuai a. Ka hmuah(hmuak) thuin ka lo chhang let.

"In chhungah lut ang le", a ti zawi sup a. A inthlak chhungin chaw ei ka lo siam, a insil hmasa leh te te phawt.

"Chaw ei khamah kan bazar dawn nia aw",

"Aww, bazar a ngai lo ka tih kha, shampoo pakhat vang mai maiin",

"Shampoo lo pawh, lei ngai kan nei tawh ang chu",

"A la ngai lo, thla thar daihah a ngai ang", ka ti a. A bu nghat nghat. "I thla a phang lutuk", ka ti a. A nui suk.

Chaw ei kham ve leh, hmun te ka tihfel zawh hnuin, rei lo te tak tak chiah min ṭhut chawlh tir a, lehkha zir turin room-ah pawn lam aṭang min kalh khum hmiah.

Ka phone a la daih zui, ka khawih awm tawp si lo. Ṭan ka ngai tih ka hriat ve kur avangin, Ngheti thluak nen ka zir a.

Note vawn vak vak a ngai tawh lo hi a zia, lehkhabu chhiar a ni tawh mai a. Note siam nen, note pawh a diak diaka siam a ngai tawh lo.

"Duhtawk tawh rawh le", a lo tih chuan, hniala han zir lui ka châk tawp, mahse, ka ti ta lo, ka hahna mai mai.

"Naktuka chawlh i duh em?",

"Eng chawlh?",

"Zingah",

"Duh, ih, ka chawn te hi a sek ve a nia aw, hmeichhe tan chuan a mawi lo si. Chawn sek deuh hmeichhia chu, an nuih ṭhin", ka ti lang lang a.

Duh ai chuan, ka phur mah mah a ni. "Chhuanlam i va nei ṭha ve", a nui hak a. "Chhuanlam pawh a ni lo", ka ti hman pek.

"A nih, chawlh hlen i duh em?",

"Duh lo e, naktuk chauh ka chawl mai ang",

"I duh reng kha",

"Ih, ka duh", tim daiin ka ti a. Min chawlh hlen tir tak tak ka ring miah lo. "Mahse, thawh hma ṭhin tho tur aw", a ti a.

"Ka chawl hlen dawn maw?", a bu nghat nghat. "A nuam ka ti asin le", ka tih chuan, a chek hlak.

Ni hnih chauh kan la tlan a, a beidawng nghal mawni? "I va han phakar tak em", a ti a. Ka nuih ver ver. Phakar chhuah hun te pawh, awm ve tur alawm.

Ka kut la kangin a fawp a, "A lum nuam lutuk, i ti duh ang tiraw?", a tih chuan, ka bu zeuh.

Keima'n ka chettir pawh a ni lo, ka kut chu a hming ve chauh a ni. A duh tawk hnu chuan, ka kut berh nuaih chu a fawp leh zeuh.

"A lum nuam lutuk", nui suk chungin a ti a. Ka lo lawm veng veng. Min kaithoin a mal chungah min ṭhut kak tir a, a hnungah ka ke ka kherh bet.

Night dress phelhin, min fawp kual dû dû a, a hnuah min nghat thla chawrh. Ka underwear a phelh a, a inphelh ve nghal mawp mawp.

Ka sirah mu thlain, "A luh theih nghal mai dawn hi ah, duh aiin a hnâwng mah mah a ni", a ti a. Ka nuih sak. A tuai né né a, ka rin loh lutuka a beng thlerh chu, ka rak ṭhawt!

Ka kâ ka hup vat, "A pawi lo, a phurawm zawk", ka kut la thlain a ti a. Ka chalah a kut nghatin, ka tisa nêm lai chu, a sâwngbawl a, min en kar.

"U Ngai",

"Aw, sawi rawh",

"Ka, a ai rangin", ka hmui a khar chilh nghal vat a, a che rang leh lutuk a, ka sawi zawh hnu lawkah ka kâng awk awk.

Muangchanga tuai né néin, a hup bet a, a hup bo vek hialin ka hria. Min bawhin ka hmui a leia nawr kauin, a chhungah a duhthusam ang takin a che leh a.

Inla hrangin, hmui huh dupin min en a, "Hmeichhe mawina ka hmu thar zel a nih hi", a ti sup a. A sawi awmzia ka hre miah lo.

Min fawp thla den den a, ka tisa nêm a thlen chuan, a lei a chet kual tir leh rak rak. "U Ngai, helai hi",

"Khawilai maw?", a tih chuan, ka hn*te ka kawk a. A pahniha ṭhamin a sâwk tawn tawn. Rei tawk fang hnuah, "Ka duhtawk", ka tih chuan, muangchangin ka chhungah a lut a.

Ka taksaah bei thlawpin, "Venpuii mipa ka che dawn e", a tih chuan, ka lo nuih ver ver.

Khum ka beng vak vak a, a rei tawh lutuk, chubakah, a nâ lutuk ringawt. Ka mittui a luang ngiai ngiai a, a thaw hluam hluam.

Vawithum lai ka zal hman, chau tawh tak ka ni, ka kawchhung hi a nâ ngut ngut mai bawk. Hah hre lo angin, a tawp ṭhak lo a, "U Ngai, duhtawk rawh", ka nam ṭang ṭang.

Chhe te tal pawhin ka nam sawn lo, "U Ngai, duhtawk rawh", ṭap chungin ka ti a. Khum ka beng vak vak, ka taksa hi bung tur angin a awm.

A vawi li nana ka zal hnu chuan, a tawp ve ta chauh. "Venpui, i ṭha em, ngati nge i ṭah?", hlauthawn hmel zet hian a ti a.

"A nâ lutuk",

"Eng maw?", a inbengkang thuai a, "Aw, Venpui, min ngaidam rawh", ka inbengkang ve a, thisen ka hmuh chuan, hlauhnain min ṭham er er nghal.

U Ngaian min hrufai nghal mawlh mawlh a, a inthiam lo lutuk chu, a che khawr leh ṭhin. "Venpui, min ngaidam rawh, a thleng nawn tawh lo ang", a ti a.

Chu thu ringawt a sawi, min mut ṭhat tir a, puan min sin ṭhattir sauh sauh. "Venpui, a thleng nawn tawh lo ang", ka chal a fawp vang vang.

"I hlauhawm lutuk",

"Ka hria, min ngaidam rawh, a thleng nawn tawh lo ang", a ti sup a. En pawh min en lo. "A la nâ em?",

"Umm",

"Damdawi ei rawh aw",

"Ka duh lo, ka bulah hian awm rawh", ka mittui a hru a. Puan chhungah pawh a awm lo, puan chungah a mu.

A nâin min tur et et a, period laia tâi nâ ang chiah a ni. Ka kap bawr vel a nâ em em bawk, ka private part, pawn lam leh chhung lam nen, a khei hian min khei.

Chet pawh ka che sawn ngam lo, ka mit ka chhing a, puan chungah u Ngaian min kuah tlat bawk. Ka mittui a hru leh ṭhin a.

Muthilh ka tum a, mahse, ka muhil thei lo, a nâ tih pawhin ka sawifiah thiam lo. "Venpui, damdawi hi min ei sak hrâm teh", ka ei a.

"Ka thisen lum ka dang zo lo a ni, Venpui, min ngaidam mawlh teh", ka beng bulah a phun leh sup ṭhin a. Damdawi ka ei vang nge ni, nâ ka hre lo tial tial.

Ka harh leh chuan khua a lo var tawh, thawh kan ka tum a, ka thei der lo. U Ngaia lah ka hmu mai bawk si lo.

Inchung ka en kar a, muangchangin ka thaw huai huai. "Venpui, i harh tawh maw?",

"U Ngai, khawiah nge i awm daih a?",

"Ka awm char char alawm",

"Ka zun a chhuak",

"I inbual nghal dawn nia", a ti a. Muangchangin min kaitho a, ka ṭhen sak sak. A nâ tawh lo emaw ka tia, a la nâ lutuk.

"A la nâ em?",

"Tlemin", ka ti a. Puan dah sawnin, min pawm kang a, bathroom-ah min luhpui. Tuilum a lo inchhawp sa vek.

"I ṭhu thei dawn si lo a, tihian, ding chungin zung mai rawh", a ti a. Chhuak tura ka tih chuan, "Ka bual dawn che lawm, i zun zawh ve leh kan silfai hmasa phawt dawn nia", a ti a.

Ka mittui a hnâm ṭiam ṭiam, chutiang chu ka duh lo, ka zak. Ka pasal mah nise, chutianga min buaipui tur chuan ka duh lo reng reng.

"Aih, ka duh lo, keimahin ka ti thei alawm",

"Venpui, a zahthlak loh, ka tihtur alawm, ka mawhphurhna i ni a, ṭha taka enkawl tur che ka ni", a ti dap dap a.

A âwmah min kuah bet, "Zung rawh le",

"Ka zunkhum dawn che sin",

"A pawi lo", a ti a. Ka insût faih, zun ka tum a, ka zung chhuak thei lo, zun ka tum zawng lahin a nâ zual emaw tih tur a ni.

"U Ngai, ka zung thei lo",

"Hmanhmawh suh, muangchang khan zung rawh", ka mit ka chhing a, ka zun a far fep fep a, a tawpah, pangngai deuhin ka zung thei hrâm.

Dim thei ang berin min bual a, amah pawh a huh vek. Min din kak tir deuhin, tuiluma chiah lapuain a dep a, a sâ thip vawng vawng. A pilh nasa ang em le, ka hmu ve thei si lo a?

Bedsheet hlipin a thar a phah a,,khumah min ṭhuttirin amah a inthlak hmasa phawt.

Bra leh underwear min hak tir lo a, tshirt lian hnep hnup min haktirin, pawnfen min fen tir a, ka sam a chhem ro leh thlap.

Kan inpeih fel hnuah, chokaah min pawm phei a, chair-ah min ṭhuttirin chaw ei a siam a. Chaw ei kham aṭanga minute khatah damdawi min ei tir.

"Engtin nge maw, ka chet le, mahse, Sakawlh chu ka ni lo nia aw", a tih chuan, ka khawngaih reuh lutuk.

A duh vang a ni hauh lo tih ka hria, engtikah emaw, a la inthunun thei hrim hrim ang.


Show post links
Top

[Ngaia]

I Ninawm
Chapter-18
Ziaktu: Cck Lalchhuanawmi

A duh vang a ni hauh lo tih ka hria, engtikah emaw, a la inthunun thei hrim hrim ang.

Station-ah rei lo te kalin, a bak chu inah a awm char char a. Nâ lutuk ka ni tawh lo nain, min mut tir char char. A khat tawkin, tuilumin min sil reng bawk a.

Ka zak lutuk hi, ka sâ chhuak vek zel. A hmelah inthiam lohna namên a hmuh theih a, chuvang pawh a ni mahna, min en ṭha duh vak ṭhin lo, ka khawngaih zawk.

"Venpui, i dam lo em ni?",

"Dam chiah lo a, ka lo kal lo ta mai",

"A van pawi tak, dam ṭha vat rawh. Naktuk tuk lehah khian, ka ṭhian pakhatin Manav-a nen kan pahnih pualin Party min buatsaihsak dawn a, SP-a nen in lo kal ngei ngei a ngai",

"Party maw?",

"Aw, kan inneihnaah an awm hman dawn si lo a, chuvang a nia", Jennifer-in a tih leh chuan, "Aw le, kan lo kal dawn nia aw", ka ti a.

U Ngaia ka hrilh a, a bu ve nghat. Party-na hmun tur text-in ka zawt a, *kan inah, SP khan kan in a hria* a lo ti a.

Tlai lamah chuan kal thei tawh tak ka ni, ka kal zawnga min kalh leh zawk ṭhin tih lohah chuan. A nuam ka ti chiah lo bawk, a mipa zawk inchhunga che reng chu.

Ka chet a phal bawk si lo, vawiinah a nui hmel ka la hmu lo reng reng. Kan inneih tirha a awm dan ang chiahin a awm leh, a ngawi reng a, ka biakin a rul tawk lekin min chhang.

Chaw eina ka tihfelpui a, thleng sil ka chuh thei hrâm. Chu pawh, min thlithlai reng tho, min ngaihsakna a lantir vena pakhat a nia, a nuam letling zawk.

*ka u eng nge a an zel?*

*a ṭha tawh lutuk, mahse, hmanni-ah a lo in leh pek a, i pain a vaw(vua) lo chauh mawle* Nghetin a tih chuan, ka nui kur kur.

*chanchin lawmawm min hrilh tur i nei tawh em?*

*eng chanchin maw?*

*hre lo der khanglang, u Ngaia ka zawt mai ang*

*i ngam phawt chuan zawt rawh* ka ti a. A zawt ngam dawn lo tih, kan pahnihin kan hrechiang lutuk. Chanchin lawmawm a tih pawh, nautê lek.

Ruahmanna fel tak hmanga nautê neih kan tum tih hrilh ila chu aw, engtin tak ti ang maw?

"Zirna chawlhsan chu i duh tak tak em?", a ti chu, ka thaw huai. A tawpa tawpah, a ṭawng ve ta nge nge.

"Kei chuan ka duh, Jennifer-in pasal a nei dawn sia, ṭhian tur ka nei dawn lo, mahse, i thu thu", ka ti a. "A nih, chawl ta che",

"Admission fee a to sia, ka ui deuh reuh",

"Ka phal lai hian 'aw' ti ṭha hle hle rawh", a tih chuan, "Aw, ka duh", ka ti thuai. A rukin ka nui ver ver a, a thu hi a thupek thei lutuk mai.

Zinga ka harh chuan, a lo mu tawh lo. A tlan leh a nih ka ring a, khum aṭang ka tho ṭhem ṭhem. Ka dam tak tak tawhin ka hria.

Chawbel ka chhuan laiin, a lo haw a, a thlan nasa lutuk ringawt. "Ngati nge i thawh?", ti ang hrimin min en a.

"Ka dam tawh lutuk, ngaihtuahawm ka ni tawh lo", ka ti thuai a. A bu nghat, a hmel pawh a zângkhai vah tawh.

"Venpui, i hman tawh em?",

"Aw, ka hman ṭep", ka au lang lang a. Rei lo te hnuah, ka insiam zo ve mai bawk, a hmanhmawh thei lutuk a.

University-ah kalin, ka chawlhna kan buaipui a. Kan tihfel zawh hnuin, Station-ah kan kal leh lawk.

A Office-ah ka lo ṭhu a, a ṭhutna chu a lir thei chi ni bawk a, motor khalh ang tein ka lo inchan. A hming leh a nihna chuanna chu ka thlêk vang vang a, ka phone phawrhin thla ka laksak a, ka han in selfie ve leh.

Station aṭang kan bazar a, ka tâi bawr rawn nâ zawk zawk.chu, a rukin ka dawm leh ṭhin a. U Ngaian a hriat chuan, a phi chung ka hlau. Lapawchini kan kal pel thei ṭhin thlawt lo bawk.

"Naktuk zana i hak tur thlang rawh", a ti a. "Nangman min thlansak zawk la", ka tih chuan, "Han ha chhin la", a ti sup a.

Ka han ha kual a, a lu a thing nar nar zel. Keimah pawhin nalh ka tih deuh ka hak zawha, a hmaa ka din chuan, "Puan bih nge nge chu, tluk theih a ni lo", nui saih chungin a ti a.

Ka lo nuih sen sen, a sawi dik lutuk. Mahse, ka hak lai chu min leisak ta tho a, Jennifer-i te inah chuan, puan bih chungin kan kal dawn a nih hmel.

Tuilumin ka inbual a, tuivawta inbual a phal teh tlat lo. Shampoo pawh, a thar bur thum lai a intlar, a zawh thut a hlau êm mai.

"Eng nge i an?",

"Ka ṭha tawh lutuk",

"Kawr ha vat vat rawh",

"Aw le", room-ah ka lut a. Kawr ka hak hmain, lotion ka inhnawih leh te te, tuilumin ka inbual si a, ka vun a ro vek palh ang.

Ka inthlak zawh ve leh, ei rawng ka bawl pui a. A bulah dingin, a che chu ka lo en tawp ringawt.

Kei aia ei rawngbawl a thiam chhan ka hre tawh, amah chauha awm ṭhang a nia, ei rawngbawl thiam lo se chu, a mak zawk ngawt ang.

Apple ei pahin tv kan en a, inkhel ka enpui. Inkhel en a hrat ve ṭhin sia, a inkhel lai ka en châk ngawt mai, ball a chang ve hmanin ka ring lo, hria se chu, sual min ti ngawt ang.

"U Ngai, Footballer-ah tunge i duh ber?",

"Keimah", a tih chuan, ka nui hak. "I van thiam awm em em, keipawhin ka duh ber che", nui sun sunin ka ti a. A bu nghat nghat.

Apple kan dahna plate ka dah fel a, a bula ka ṭhut thlak leh chuan, a dar a beng thek thek a, ka bei leh hnâp.

Ka kut a khal nuap nuap a, a chang leh a elh ri thul. A harh ru zek. Mi inkhel en chu, an bengchheng hluai ṭhin a nia, u Ngaia erawh, a ngawi reng.

A ṭang lo ti dawn ila, a ṭang ve tho chuan ka ring. A tawpah phei chuan, keimah zawk ka ṭang lutuk chu, ka au hluai zel a.

Ball an inpek dan tur te sawiin, ka ṭhu mai mai thei lo chu, dingin ka zuang thul. Inkhel ka ena ka ṭan ber ṭum a ni hial ang.

"I chau em?",

"Chau lutuk ringawt", lâwi rat hian ka ti a. Tui ka in khawlh khawlh, ka thlan te a tla vel. Mu turin kan insiam a.

A ban min khamtirin, a âwmah ka hmai ka phum a, ka hnung a chul hliau hliau. Ka hahdam lutuk ringawt, hetiang hian, phone inkhawihsan loin, inkuah chialin mu reng thei ila!

Zing kar aṭang Station-ah a kal a, zan lamah Jennifer-i te Party naah a lo kal ve thei lo ang tih ka hlau. A buai thei bik lutuk hi, ka lo thinrimpui ṭhin.

Ngheti nen kan inbia a, lehkha zir ka chawlhsan tawh thu ka hrilh a, ani pawhin ṭha a tih zawk thu min hrilh dap dap.

"Zanin chu, nalh deuhin inchei rawh aw, Vai ho chu an nalh thei si, chubakah, in kalna tur te an hausak phei chuan, engkim mai kha a changkang vek dawn tih hria la. Chung zingah chuan, Mizo nula i nalh ber tih lan tir ngei ngei ang che",

"Mizo nula ka nih tawh loh hi",

"A ho, Mizo kan duai bik lohzia hmuh tir ngei ngei ang che, u Ngaia inchhuan lawih theih turin i che dawn nia", a ti a.

Ka nui ver ver, a ngaihtuahna te lah hi aww, "Engtin nge, che vak se min tih le, keini te chu, a hming chauhin lawm kan kal dawn, kan langsar pha ve teuh lo", ka ti a.

"Awihawm lo ber, North East in nih vang hrim hrim pawhin, in langsar dawn sa, u Ngaia lah, an hre hlawm dawn a, chutah, Mizo in nih thu in han sawi ang a.

Eng nge har, nang lah, Mizo nula i nih lai pawha duai lo i nia, pasal i neih hnu pawhin i la nalh reng a, Mizo nih a nawm dawn bakah, u Ngaia tan paw'n a nuam lehzual dawn lutuk", a ti nuah nuah a.

Hnial dan tur ka hre tawh lo, a ngaihtuahna hi a ṭha ve thlawt a ni. "Lo zin thuai thuai r'u aw, ka dawr fak i ngaih kha", a lo ti leh.

"Hollywood Star anga min chhuah a ngai ang aw",

"E, e, eeee, lungngai mah ta che, Hollywood chu sawi loh, Earthywood bakah, Universelywood-ah alawm ka chhuah dawn che", a ti a. Kan nui dun hak hak.

Ka kawr hak tur leh puan bih tur ka thlang a, ka keng tlem chu thuhran, bih chhuahna hun a awm lo lutuk a, an rim pawh a tui chiah lo. Ni sâah ka pho a, an rim a tui deuh ang.

Motor ri ka hriat chuan, kawngka ka hawng vat a, Puanchei hi a lo keng vâ vâ. Khawia mi nge le?

"Khawimi nge?",

"Ka chah alawm",

"Engtikah?",

"Ka chahna a rei tawh, vawiinah a lo thleng a nih kha", a ti a. A thar a la ni zui, Puanchei te chu, ka keng reng sia.

A thar min leisak tihna ni maw? "Ka lawm e", nui sângin ka ti a. A thar rim te chu, a tui lutuk ringawt.

Dar riat daiha ṭan tur a ni bawk a, kan hmanhmawh lo dun lutuk. U Ngaia phei chu, a muhil leh phawt.

Party tih ang velah ka la kal ngai si lo a, film-a ka hmuh bak hi a ni mai. Chu aia pui zawk, Mumbai-ah night club-ah ka tâng tawh a, hmu diak diak lo mah ila, a ngaihruat thiam theih mai.

Jennifer-te in panin kan kal a, taxi-in kan kal. Puan ka bih avangin taxi driver chuan, North East lam kan ni tih a hrethiam nghal.

U Ngaia chu, tshirt leh cotton jeans vur rawng a ha tlawng ringawt. A mawipui em em tho.

Jennifer-i te in kan thleng a, Gate lian tawk pawnah Security a lo awm a. Motor chi hrang hrang inhung hmuh tur a awm bawk.

Kan lut a, Vai film-a an in lian leh ropui deuh, Gate chhunga compound zau deuh ang kha a ni mai, ka sawithiam dan ber.

U Ngaia nen kan invuan tlat a, keimah zawk hian ka vuan nghet lutuk, ka bo ka hlau zawk. U Ngaian doorbell a hmet a, Jennifer-in a lo hawng.

In chhung pawh, pui hem hem tak a ni. Êng chi hrang hrang leh, ei tur leh in tur chi hrang hrang a tlim hmur.

"Ka pek loh che, engmah eiin in suh aw", ka beng bulah, u Ngaia a au a. Beng bulah pawh au a ngai, ka bu nghauh nghauh.

Ka hriatchhuah tak chu, thilpek kan keng lo tih. Leina chang pawh ka hre lo reng reng, a ṭhenin an pe a, a ṭhenin an pe lo bawk a.

Mahse, a inthlahrunawm ve hrim hrim, min sawm ve duh a, a lawmawm lutuk ringawt.

U Ngaian sofa dup nuam deuhah min ṭhutpui a, sofa pawh a ang lo, khum a ang zawk. Lal khum a ni mah zawk ang.

"A nuam i ti em?",

"Ka hre lo",

"Haw i duh hunah sawi rawh aw", ka bu nghat. Tunah hian haw pawh ni ila, pawi ka ti lo. Ka zo dawn tlat lo, a bengchheng ka ti lutuk, ka lu te a nâ dawnin ka hria.

"I tui a hal em, in tur ka va lak ang che aw", min fawp pah zeuh, phakar thiam ve reuh lutuk.

Jennifer-i leh Manav-te ka lam pana an lo kal ka hmuh chuan, ka ṭhutna aṭang ka tho thuai a. An lo thlen chuan, Jennifer-i nen kan inkuah.

"In lo kal thei a, kan lawm lutuk e", Manav-a chuan a ti a. Min chibai ngei. Jennifer-i chu mawi chheng chheng lutuk. A incheina chu, a ruk takin a ning ve thoin ka ring.

Puan bih Hnâm kan ni hi chu, ka lawm hliah hliah. U Ngaia a lo thleng a, theitui min laksak. Mahse, a in ve tur erawh chu, a rim a dang ta bik tlat!

"Real Life Singham kan nei chhung hi chu, a thlamuanthlak ngawih ngawih", fiamthu titak deuh tak hian, Manav-a chuan a ti a.

Kei erawh, u Ngaia no ken ka en char char. A in ang tih ka hlau lutuk ringawt, fîm ker mah se, a rim aṭang eng nge tih a hriat lutuk, ka uin nghei tumin a bei a, u Ngaian a ṭan ve dawn chu ni lul suh se!

Jennifer-i te kalsawn hnu chuan, min sâwi dawt a, ka phu zuk. Min ṭhutpui leh a, a no ken lai char char ka en.

"Midang no a nih hi, ka in tur a ni lo", a tih chuan, ka mittui a hnâm sawk. "Ka uin a in ṭhin a, a hrehawm thei lutuk, nang chuan in ve miah suh aw, zu nena inkungkaih ka duh tawh lo", ka ti a.

Min kuahin, ka hnung a beng thek thek. "Serthlum tui a nih kha, in rawh", a ti a. Ka in chu, a tui lutuk ringawt, a khal lutuk lo a, a thlum vel dan pawh a tawk lutuk.

U Ngaia ka intir ve a, tui a ti ngang a niang, no khat a va lam leh ngat. Mipa pakhatin u Ngaia no ken chu a lo la a, lawmthu sawi supin a kalsawn leh nghal.

"Haw i duh tawh em?", ka lu ka thing nawk nawk. A hrehawm pawh ka ti tawh lo, u Ngaian min uapna hmun apiang chu, a hrehawm thei lo hrim hrim.

Music a tawp a, palian ve tak, a lu tuam bur pain thu a sawi a, Jennifer-i leh Manav-a te tana Party buatsaihtu a nih ka ring ve ngawt.

A ni ngei bawk a, u Ngaian Mizo ṭawngin min hrilh ve vek. A thusawi tawpah, lam vek tur a ti a. Music muang chi play-in, Sap lamin an lam dual dual.

Manav-an kan nupain lam ve turin min lo ti a, ka lu ka thing nawk nawk. Sap lam dan ka thiam teuh lo.

"SP, lam ve teh u, kan tan tal pawhin", Manav-a chuan a ti a. U Ngaia chu a bu nghat. U Ngaia chuan min thawhpui a, an lamna hmunah min dinpui.

"U Ngai, ka thiam lo a nia",

"Ka ke hi rap rawh", a ti a. A ke chu ka rap, ka kâwngah a vuan a, a darah ka kuah thung a, kan kut dinglam ve ve chu inchelh tawnin kan tichhuak a.

A ke rap ka ni bawk a, a chet ang apiangin ka che. Min tivir pah bawk a, bo hû chungin ka nui ver ver pah ṭhin a. Ka tan chuan, thil thar vek a ni, hetiangin ka la lam ngai lo.

"Engtin nge i thiam zawk a?",

"Kan inneih dawn khan, ka nau te hoin min zirtir nasa alawm", a ti a. Ka nuih sen sen. A zir lai ka hmu châk lutuk.

"I zirlai ka hmu chak",

"Hmu lo zawk la, i tan a ṭha zawk ang", a tih chuan, ka nui hak hak. A taksa a khawng tlat dawn a, a nau te ho an phun nasa thei ngawt ang.

A ding a, "Helaia awm zingah i mawi ber", a ti sup a. Kan hmai insi lo chauha indinchilh kan ni bawk a, a hmui phun ringawt aṭang pawhin ka hrethiam.

"Min timawitu chu, nangmah i ni thung alawm", ka ti a. Lo kun hniam deuhin, min fawp vang vang, min fawp rei chuang lo.

Kan lamna aṭang kalsawnin kan ṭhu leh a, Jennifer-i leh Manav-te pawh, an lam nasa lutuk. Manav chu, ria deuh lam a ni a, Jennifer erawh, ria lo ve thung. Mahse, an inhmeh lutuk ringawt.

"Ngati nge i en reng a?",

"An inhmeh lutuk a", ka tih chuan, "Keimahni kan inhmeh ber", a ti a. Ka nui hak, thikthu a tichhuak ngei a.

"Umm, keimahni kan inhmeh ber", a biang piai hlak hlak chungin ka ti a. A lungawi ta deuhin ka hria.

"In van hlim em em", Jennifer-i chu ka en a, "A nuam lutuk a", ka ti a. "Ka Mizo ṭhian kha, a lo thleng chiah a, SP i hrilh tawh em?",

"Tu Mizo ṭhian maw?", u Ngaia chuan, mak tih hmel deuhin a ti a. Engtin nge, hrilh se min tih reng reng le?

"I la hriat loh chuan, a pawi chuang lo. Mawia", Jennifer-i chuan a ko nghal a. U Ngaia ka en ngam tawh lo, engtia awm tur nge lah ka hrethiam lo.

"SP, hei, ka Mizo ṭhian ka tih chu nih hi, Mawia a nia, a fel lutuk", Jennifer-i chuan, a ti lang lang a. U Ngaia chu thoin, ṭha takin a chibai a, a be luam.

"Hei, ka nupui, Venpuii a nih hi", ti pahin, u Ngaian min dintir a. Mawia nen min inchibaitir ve leh. Ani lam reng ka lo ngaihtuah tawh lo.

U Ngaia hian, tunge a nih a hrechiang lutuk ringawt. "Lo inkawm bawrh bawrh rawh u aw, ka kalsan dawn che u, Mizo ṭawng khan, lo inbe zuah zuah rawh u", a ti a. Jennifer-i chu, a kalsawn nal nal.

U Ngaian Mawia chu, a titipui siam siam a, ka khûr der derin ka hria. U Ngaian ka kut a rawn vuan a, a hum bo hmak. A khup chungah a dah a, tlem chuan ka hahdam ta deuh.

"Ka tui a hâl ṭan tlat, ka kalsan phawt ang che u", Mawia chu a ding hluai a. Ka hnial lo chiang teh asin. A kalsawn hnu chuan, a rukin ka thaw huai huai.

U Ngaia chu a ngawi reng a, keipawh, sawi tur ka hre tawh bik lo, boruak a chhe vek, ka kut a hmer leh salh ṭhin bawk.

Chutia ngawi renga kan awm lai chuan, u Ngaia an lo ko a, "Va kal rawh, hetah ka lo awm char char ang", ka ti a. Bu nghatin a kal ve mai.

Pawnah ka chhuak lawk a, bengchheng a reh deuh a, ṭhutthlengah ka ṭhu a, u Ngaia mawlh ka ngaihtuah, min zawn loh nan in chhunga ka luh leh vat a ngai a ni.

Ka hmai tuai puatin ka thaw halh halh. "Inbia ang", tih leh min pawh tho a rual a, ka kut ka la let rang lutuk. "Venpui, engtinmah ka ti dawn lo.che", a ti a.

"Hetah sawi mai rawh, tumah an awm loh hi",

"Ni lo, Gate pawnah",

"Ni lo, hetah, in chhungah zawk", ka ti a. Ka inher chu, min kuai her lâwp ngjal. Ka dar a hmer salh salh a, "Gate pawnah ka tih kha", meng rum alin a ti a.

A pawi ka sawi tawp si lo, ka zui dawn lo hi a ni ringawt, min rukbo duh hmel a pu. "In chhungah ka tih kha", ka ti ram hmak a.

A kut ka thing thla sawk, ka kut chelhin min pawt a, ka lo inpawt leh ve ṭang ṭang. "Lalvenpui, ka hruai haw dawn che, ṭang vak vak suh", a ti vin ṭhawt chu, ka beng chawrh.

"Min beng ngam elaw?", min thing nawk nawk. "Lalvenpui, min beng maw, hruai tur chea helai hmuna ka lo kal hi, kha kha maw min thungrul dan?", a ai nasa mahin min thing nawk nawk.

"Venpui", u Ngaia âw fiak.ṭhat ka hriat rualin, ka thaw hawk. Mawian min thlah chawrh a, ka hnung lamah ka pai chawn chawn.

U Ngaian min lo chelh a, min din ṭhattir, "Ka nupui chunga i chet dan chu, ka duh lo khawp mai", thinrim âwka ni si lo, mahse, chang fek fawkin u Ngaia chuan a ti.a.

Mawia a nui hak, "Nupui ah, ka uite ni ṭhin a nih kha", a tih chuan, u Ngaian a kawr nghawngah a ṭham nghek nghal.

A uite anga min sawi.chuan, ka thin a tirim lutuk, u Ngaia chu ka dang dawn nge pawh ka hre lo, ka ding mawl tawp.

"Min neih loh hlauin, ru turin min ngen asin", Mawian a tih leh chuan, u Ngaian a hnek thal tawp.

Ka kâ ka hup a, ka lûngphu a rang lutuk ringawt. U Ngaian a ṭham tho leh a, "Duh takin a hmuiah i fawp ve ngawng ngawng awm sia, ka fawh chul hrep tawh a nih kha", nui vara Mawian a tih chuan, u Ngaian a hnek thal leh tawp.

U Ngaian a ṭham tho leh, "A z*hm*wh te saw, ka sâwngbawl hnu vek a nih saw, a hn*te te, a kut lum ther ther te khan, ka mip*tna hi a hum hmasa ber", intithei fe hian a ti a.

Awmngaihna ka hre tawh lo, "A taksa pum sawn, ka sâwngbawl kual hrep tawh, ka sawisak hnu vek a nih saw, ka chul hrep tawh hnu, duh takin i chul ve mai mai a ni", Mawia chu a thal leh ṭhuai a.

U Ngaian ṭhutbetin a hnek chawrh chawrh, tho vutin, a chhir leh hrep a. A kutah thisen a kai nasa lutuk. Muangchanga lo inherin, rilru nâ tih hriat ngawih ngawih hian min en vang vang!

Ka âng zuau zuau a, engmah sawi tur ka hre lo, en pawh ka en ngam lo. Ka tlan chhuak ta daih a, Jennifer-i te in aṭanga hla tawk tak ka thlen hnuah, ka ṭhu thla hnawk.

U Ngaia nâ tih hmel mawlh khan, min tinâ lutuk. Engtin nge maw ka tih tak ang le? U Ngaia hmel ka hmu ngam tawh lo, a tan chuan, hmeichhe bawlhhlawh ber ka ni tawh!

Ngheti ka call a, dar sawm ri tawh mah se, a la muhil lo tih ka hria. Ka call a lo chhan chuan, "Nghetpui", ka ṭap nghal hawm hawm.

Engkim ka hrilh vek a, "Nghetpui, u Ngaia hmel ka hmu ngam tawh lo, min ngaidam thei bawk lo ang, ka inchhir lutuk, i thusawi lo ngaithla tur ka nia. I thu ka awih theih nan, min vuak tur che hi nia", Nghetpuii pawh ka chhuahchhal tawh.

Mahse, tumah dem thei ka ni lo, keimah vek ka ni, hetiang dinhmuna min dintirtu chu, keimah tho ka ni, ka thiltihina min dintir vek a ni.

Zankhuain ka mu lo a, ka ṭap tlaivar ṭhak. Mawia thusawi tenawm lutuk leh, u Ngaia nâ hmel ka mitthlaah a cham reng a.

Keiin nâ ka tih ai daihin, u Ngaian nâ a ti dawn lutuk. A nupui chanchin chhe lutuk hrilhin a awm tlat a, ani a thianghlim tehreng nen, kei lah!

Ka thawmhnaw ka siam a, Ngheti thlawhna ticket ka laktir vek tawh a, engmah u Ngaia hrilh lo turin ka ti a, ka chhungte pawh, ka thlen hunah keima'n ka hrilh zawk ang.

A thawmhnaw suk ngai ka su vek a, in ka tifai vek bawk. Kawngka kalhin, doormat hnuaiah chahbi ka dah a.

Station-ah ka kal a, u Ngaia hmuh ka duh thu hrilhin, a Office-ah min luhtir a. U Ngaia chu hnung lam hawiin a lo ṭhu a, a dawhkana kan inneih zungbun ka hmuh chuan, ka mittui a tla nghal!

"U Ngai, ka haw dawn a, ih, ngaihdam ka dil ngam lo che. Chuan, min hmusit turin ka duh bawk lo che.

Engkim avangin ka lawm a, kei lo, hmeichhe ṭha tak tawng turin ka duhsak che. Ka chungah i ṭha em em a, kei lahin, chhe deuhin ka thungrul si che a, pawi ka ti lutuk.

Lo inenkawl ṭha rawh aw, chuan, u Ngai, ka hmangaih che", ka tlan chhuak nghal vang vang a, taxi-ah ka ṭhu lut thuai.

Ka zungbun ka tuai heuh heuh a, a lo la thla fel der tawh. Mahse, kei chuan, ka la thla ve miah lo ang, ka bun reng ang.

Hmeichhe dangin Ngaia hmeichhe nih nawm zia an tem dawn tihna a nia, tunge a nih hre lo mah ila, ka thik lawk sa.

Ngheti thu hnialin, Mawia nen lo inngaizawng pawh ni ila, mawihnai deuha awm tur ka ni asin mawle. Tunah erawh, a tlai zo ta vek ta!


Show post links
Top