I Ninawm BY Cck Lalchhuanawmi (Completed)

[Ngaia]

I Ninawm
Chapter-25
Ziaktu: Cck Lalchhuanawmi

Ka u te chuan, Sumo counter thleng min thlah a, Ngheti nen inkuah vawng vawngin, Shillong lam panin kan liam ta a, ka va han ngai leh dawn tak em!

Tluang takin Shillong chu kan thleng a, tlem chuan ka chau ve deuh. Thawh hai ka hlauh em avangin u Ngaia hnenah hma deuha min kaitho turin ka hrilh a.

Dar ruk rik hma deuhin min kaitho a, "Dar ngaah ka tih kha", ka phun deuh sap a. "A tawk.chiah lawm", a lo ti.

Hmanhmawh deuhin room aṭang ka chhuak a, u Mahlimi lo tho ve chauh ka hmuh chuan ka thaw huai huai.

"Venpui, i va tho hma ve, la mut tur alawm", a tih chuan, "A hma loh em hi", ka lo ti a. Kan la cham ve reng dawn avangin, a che chu ngun deuhin ka en a.

Buhfai dahna leh bungbel dahna te, chi leh soda tih angreng dahna te, chaw chhum zat tur nen lam ka lo en kar a, u Mahlimin min hrilh ve zel bawk.

U Ngaia bakah an lo tho sang sang hlawm a, u Mahlimin chaw ei a siam chhungin naupang ho tiffin ken tur ka lo siam ve bawk.

U Mahlimi chu inah a awm chawt a, u Muana erawh wholesale dawr lian ve tawk tak.a nei a. Ka pa pawh, min hringtu ka pa ang thoin pension tawh a ni a, ka nu nen a changin inah an awm a, a changin u Muana dawrah an kal ṭhin bawk.

U Muana dawra an kal chang a tam zawk. "Ina awm reng chuan e, tihtur a awm reng zel, a mak lutuk", u Mahlimin a ti lang lang a.

U Mahlimi nen inah kan awm a, u Ngaia leh ka nu leh pa te chu u Muana dawrah an kal a. U Mahlimi nen in kan tifel a, "Mi pahnih tha chu a zia deuh alawm", a ti leh ṭhin a, ka lo nuih ver ver zel ringawt.

"U Mahlim, u Ngaia te hi Shillong-a awmsa nge an nih a, Mizoram aṭanga pem thla?",

"Shillong-a awmsa hrim hrim hi an nia, keipawh, Manipur-a awmsa hrim hrim", a nui sen sen a, "Kan pi leh pu te aṭang tawha Shillong-a awm hi an nia. Mahse, a tu emaw ber chu Shillong-ah hian a pem thla ang a, chumi kal zel a nih ka ring", a ti dap dap a. Ka lo bu nghat nghat.

A mo tirha a chetchhiat dan te a sawi a, kan pahnihin kan nuihpui uar uar a, thingpui a siam dawn a chini aia chi a lo pawlh daih te, bathroom kawngkhar a bawh chhiat thu te a sawi a, u Muana inthiar laiin a la ni zui.

Ka nui nasa lutuk a, ka pum te pawh a na vek. Chetchhiatnaah pawh, bathroom kawngkhar ber kher, "I u Muana a inthiar tih ka hre hek lo, ka zun a chhuak tawh lutuk bathroom ka pan kha, ka thlen hmain ka inchhuih mawle", nui huah huah chungin a ti a.

Ka pum ka dawm vang vang, a zahthlak dawn bakah a nuihzatthlak dawn lutuk. "Kar khat chhung i Muana phei chusn min be duh lo", a ti leh a. Ka nui nasa zual sauh.

U Muana pawh a phawk chi a ni ve pah nen, u Ngaia nen chuan inang lo tak an ni. Mawimawii te School bang an lo haw a, inthlak sawk sawkin an inbual hlawm a.

Mawimawii u te ho hi chuan, u Ngaia an chhun hlawm a, an ni zarh lo. Mawimawii erawh, ṭawng duh ve tak a ni a, a harh hle bawk, mahse, kan hlimpui ber a ni thung.

Chaw ei lai pawhin Mawimawii ṭawng kan ngaithla a ni ringawt. U Mahlimin ngawi hle hlea chaw ei turin a hrilh ṭhin a, mahse, ka nu leh pa ten ṭawng mai mai turin an lo ti ve bawk a.

Mawimawii lahin chhantu a nei ṭha tih a inhria a, a ngawi hle hle mai lo. U Muana chu ka en leh ṭhin a, u Mahlimi sawi ka hre chhuak ziah bawk a, a rukin ka nui ka nui mai.

"Pate, Math-ah min lo pui lawk teh", Mawimawii u chiahin a ti a. U Ngaian a room-ah a luhpui a, Topper nih theihna turin an inzirtir ka ring tlat.

"Khaw'nge Venpuii chu?", nui sângin min lo pan a, u Mahlimi nen zawngṭah mu kan kheh a, kan bulah a lo ṭhu ve nghal.

"Ka dawr min fak sak rawh aw", a ti nghal thawr a, ka bo lutuk ringawt.

"A mak, i hming te hrilh ve la, khatin an mawl biak tawp ngai lo", u Mahlimin a lo ti vat a, a lei seh zeuh.

"Sorry, Rinfeli ka nia, Ngheti nen khan kan inbe ṭhin a, Venpuii model-ah hmang rawh min ti a, ka ring tawp che", a ti lang lang a. U Mahlimi a nui hak hak.

"Venpui, fakna man tam deuh intuk rawh", u Mahlimin a ti leh a, "Pawisa ka nei lo, ka neih zawng zawng sawm khawma ka hawn a nih ve saw aw, dawr luah man lah a to ropui si", Rinfelin a ti nang nang a.

Min lo enin, "Venpui, ka ring che nia, College Miss ni pha ngat i nia, i taksa pawh a nalh dawn tih ka hria, pawisa pek tur che pawh ka nei lo. Mahse maw, min fak sak thei a nih phawt chuan maw, u Ngaia video ṭha deuh ka pe ang che", a phun sar sar a.

Midang hriat hlau awm takin a hawi kual zuk zuk bawk. "Venpui, College Miss i ni maw?",

"Ni e, kan monu hi a namai lo nia, a hmelṭhat dan te hi, tu emaw ang lo takin", Rinfelin a ti sap a. U Mahlimi a khuh kharh. "Ka sawi chhan lo che", Rinfelin a ti leh a.

An inkawmngeih hmel lutuk ringawt, "Nghetin a hrilh che em ni?",

"Min hrilh vek zel, inKut Suih ni khan ka lo kal ve thei lo a, Ngheti nen inhmuh kan intiam ve em em a", Rinfelin a ti leh nang nang.

"Venpui, maw, min fak sak dawn ta em?",

"Duh miah suh", u Mahlimin a lo ti ve leh. Rinfeli chu a thaw halh, "U Ngaia ka lo rawn ve phawt ang", ka ti chu, a ner salh salh.

"Rawn rawn a ngai lo",

"A phalna loa ka tih chuan, min hau dawn asin", ka ti a. "Sawtiang Samuang sawn thinrim nachang pawh a hre dawn em ni?", a ti vah.

U Ngaia chutianga an sawi ziah chhan hi ka hrethiam lo lek lek ṭhin, ka bulah chuan a ṭawng duh ve ṭhin tehreng nen.

"Venpui, a hreawm em?",

"Engah chuan?",

"A ṭawng ngai awm si lo a, i biak pawhin a lu a thing emaw a bu nghat zel awm sia, fa te hi in neih har ka ring, kum sawm hnuah daih in neih ka ring", Rinfelin a ti lang lang.

Ka nui sak ringawt, fa a awt tih lah an hre bawk si lo, "Kha, ṭawng ṭawng lo khan kheh ve teh", u Mahlimin Rinfeli hmaah zawngṭah mu a dah phei ve a.

Rinfeli pawhin a kheh ve mai bawk, "Kum khat tlin hma pawhin kan nei mai thei asin", ka ti sap a. Dawhkanah a kut nghat chawrhin a âng phuau.

"I, i, i ti tak tak em? A englo ve tho mi, ih, englo, englo ang kha?", a ti bah nawk nawk. "Lalrinfeli ṭhin hi chu aww, i u saw, khawl angah em ni i ngaih, mihring a nia, mipa a ni bawk a", u Mahlimin a ti lang lang.

"Ka, ka hre ve tho lawm, khawl ka tih loh chuu, nautê siam dan a thiam ve mi?",

"Lalrinfel, bialpa i neih a ngai takzet a nih kha", u Mahlimin a lo ti vat. "Bialpa tur pawh ka hmuh zawh loh hi,,mipa hoin en pawh min en duh loh hi",

"Kawrfual hlir ha la, mipain an en tawh mai ang che, tuna i inthuam dan te kha, mipa chiah chiah a nih kha",

"A awihawm lo eee, tomboy an ti lawm",

"Boy a tel tho, patil emaw an tih ṭhin vang che nih kha",

"Nih chu ah, Ka Lalfapa tur a lo lang ve em em ang, nghah peih a ngai ve lawm",

"I ṭawngthei bawk sia aw", u Mahlimin a tih chuan, Rinfeli a ner sawk ringawt. Rinfeli pawh chu, a tomboy em a ni, a sam tihdan te thlengin.

"Eng dawr nge ni reng reng a?", ka lo ti a, "Mo kawr mawle", Rinfelin a tih chuan, "A hlawhtlin hi ka ring lo mawle, cake te kha ur mai mai rawh", u Mahlimin a lo ti vat.

"Cake i ur thiam maw?", ka ti a, Rinfeli chu bu nghatin, "Thiam e, ka ur a tui ber zel bawk, zir chhuak ngat ka nih hi", intithei zet hian a ti a.

"Chuti, cake dawr hawng zawk la",

"A hlawk lo, cake dawr a tam lutuk, Mo kawr dawr hi a common lo bera ka hriat vang a nia", Rinfelin a tih chuan, ka nui sak.

Rinfeli bulah u Ngaia ka rawn ve phawt turin ka hrilh a, u Ngaian a phal a rin loh vang nge ni, rawn lo turin min ti deuh sek reng bawk.

Rinfeli haw hnu lawkah, u Ngaia pawh a lo chhuak a, ka lo nuih ver ver. Ka bulah a lo ṭhu a, ka nu leh pa te an awm ve avangin min ṭhut hnaih lutuk lo.

Mu tura ka insiam pahin, kan room-a lawmman inhung fur te chu ka thlêk kual a, Science leh Math Competition-ah a tel tam tih a hriat, a lawmman dawn pawh chutiang Certificate deuh vek a ni.

Sports Certificate erawh, pakhat mah hmuh tur a awm lo. Sports lamah chuan, pachhe ve tak a nih ngei dawn hi.

"Hreawm i ti em?",

"Engah chuan?",

"Kan in hi mawle", a tih chuan, ka nui sak, "Ka in a ni ve tawh a, engvangin nge hreawm ka tih ang, chubakah, nangmah i awm a, ka bula i awm chhung chuan eng hmun pawh a nuam vek", ka ti a.

Ka inbeng kang deuh a, inchung a lo en kar, "Eng nge i ngaihtuah a?",

"Eng ngaihtuah lo e", a ti sup a. Mahse, a hmel erawh chuan dawt a sawi tih a tilang thung. "I nupui ka nih hi, i rilru tihahtu chu min hrilh la, ka lo hnawtbo ang", ka ti a.

Min lo enin a nui suk, ka ṭhu chhuak a, kun hniam deuhin ka innemkhalh a, u Ngaia chu a kut pakhat a kham a, a kut pakhatin ka kâwng a lo vuan a.

"Shynrang ka ngaihtuah mawle", a tih chuan, ka harh chhuak zawk. Ni dawn tak e, kan ṭhenawma mi a tih tak kha mawle, ka lo hre tawh lo reng reng.

"Hei vang hi nia, ina haw ka duh chiah lo chhan pawh, Shynrang ka hre chhuak ziah a",

"Tuna a awmna i hria em?",

"Hre tawh lo, amah chhuina tur a phone number ka nei tawh si lo a, ka ngaihtuah ngawt mai", a ti zawi sup a. A ngaihtuah ve hle tih a hriat.

A biang dawmin ka kutzungpuiin ka tuai heuh heuh a, "I ngaihtuahna avang tal pawh hian, him deuhin a awm dawn tih ka hria alawm", ka ti sap a.

A nui deuh sun sun a, ka nuih sen sen. A ṭhian ṭha tak a chân bakah, a tleirawl aṭangin a rukin Doctor a hmu ṭhin a minung nih tumin.

Tumahin an hriatpui miah lo, a rukin a tuar nasa tih hi. Beidawng taka a indawmkun ṭhin tur ka ngaihtuah hian, ka lainat ngawih ngawih.

"Ka hlauh ber i hre duh em?",

"Sawi la",

"Fa neih", a tih chuan, ka meng bial kâwk.

"Ka faten ka nihna ṭha lo tak hi an lo chhawm ka hlau, an pa angin an ṭha chhuak thei lo a nih phei chuan, chu thil chu ka hlauhpui", a ti a.

A faten a Syndrome hneh tak an chhawm a hlau, tuin nge an chhawm dawn ti reng reng?

"Ngati nge i hlauh a, an chhawm lo mai thei asin",

"A hmasa ber ka ni, ka pi leh pu te ka chhui nasa a, keimah hi a hmasa ber ka niin ka inhre ta a ni. Ka fatea ka thlahchhawn hi ka hlau a ni",

"Pathian kan nei alawm, hlau tawh miah suh",

"Keimah ber kher tih ka ngaihtuah nasa, i hria em, khang video leh thlalak tam takin min huala an thawm ngaihthlak kha, khatiang kha ka faten an tawn ve ka duh lo", a ti leh dap dap a.

Fa neih a duh ta loah ka ngai, mahse, ka mawh chuang miah lo, demna tur a awm lo reng reng. A dinhmun hi hriatthiampui a ngai zawkin ka hria, nawr luih chi pawh a ni lo.

"I thinrim em?", a tih chuan, ka nuih sak, "Thinrim lo e, ka hrethiam lutuk che, engtiklai pawhin i lamah ka ṭang reng ang", ka ti a.

A biang ka dawmna ka kut vawn hnanin, "Fa neih ka duh ta lo tihna a ni chuang lo a nia, engkimah an nu hi chhun em em vek mai sela a ṭha a ni mai", a tih chuan, ka nui hak.

A âwmah min kuah bet a, ka sam chul hliau hliauin ka hnung a beng thek thek a. Eng nge a ngaihtuah ka hre hauh lo nain, a rilru a buai ngawt ang.

Nghet takin ka kuah let a, engmah ka sawi pui tawh lo. U Ngaia pawh a ngawi hle hle a, achang chuan, ngawi renga awm te pawh hi a ṭha ve tho, kan thinlung pawh a inpawh zawk mai thei a ni.

Dim tein a kut ka dah sawn a, "La mu rawh", ti pahin, ka hnute a hup ṭha leh hmiah. Min kuah ṭha sauh sauh bawk.

"U Ngai, thawh a hun tawh alawm",

"A la hma lutuk, dar rukah i tho dawn nia",

"Dar ruk a ri tawh", ka lo ti a, lukham hnuai dap rak rakin sana a la chhuak a, min en tir. Dar nga pawh la ri lo, a tlai tawh ka rin nen, ka va'n harh hma reng reng.

"Exer i la dawn lo em ni?", ka ti a. Min chhang tawh lo reng reng, Punjab-ah te kha chuan, a ngaihpawimawh tehreng nen.

Min lo khan a, chet pawh a harsa,,ka thaw halh ringawt. Chawlh a hmang tak alawm, a duh chen chen mu rawh se.

Chaw ei kan siam a, ka pa pawna awm Mawimawii kan koh tir a, an lo luh chusn, "Shynrang chu, a lo haw a nih saw", ka pain a ti a. U Ngaia ka en vat.

U Ngaia pawhin ka pa chu mak ti deuhin a en ve tho, "Engtikah?", u Muana zawkin a ti a. "Niminah a lo haw tawh alawm, ka lo hre miah lo a", ka pain a ti leh a.

U Muanan, "Kum engzah tehmeuh nge a lo haw tawh lo, a van tiṭha ve, hmeichhia angin em ni?", a ti a.

U Mahlimin min lo kheuh a, "Tunge a?", a ti sap a, "An ṭhianpa, nakinah u Muana zawt rawh", ka ti ringawt a, u Mahlimi pawh a bu ve nghat, u Muanan a hrilhfiah thei zawk ang.

Chaw kan ei a, u Ngaia chu ka en leh zeuh ṭhin a, a hmel chu a chi-ai deuhin ka hria. Ka pain, "Hmeichhia ang chu a ni lo,,mipa deuhin a awm", a tih pawh khan, a hmel a chhiar theih loh.

Shynrang chu, hmeichhia angin a awm tawh lo tihna a nih hmel, mipa deuhin a awm a nih chuan, a thawmhnaw hak bakah a lu te, mipa a nih ang takin a awm tawh tihna a nih hmel e.

Tukverhah ka dak chhuak leh ṭhin a, Shynrang-te in hmu thei mah ila, amah tak erawh ka hmu thei lo.

U Ngaia lah a ngawi vung vung mai bawk sia, a ngaihtuah em em kha a lo lang tawh a, hmachhawn dan tur a hre leh tawh loin a ang.

A bul hnaiah ka awm reng tho, Shynrang chu ka hmu chak, engtiang chiahin nge a awm ang tih mawlh ka ngaihtuah.

Keimaha va kal ngawt pawh a tihchi chuang loh, u Ngaia nghah phawt a ngai. Tun dinhmunah chuan, u Ngaia biak hmasak ka hreh.

A tawpah, "Venpui", u Ngaian min ko a, ka chhang rang chiang asin. "Leng ila", nui saihin a ti a. Ka lo bu nghat.

Ka insiam a, Ngheti nen kan inbe pah, speaker-a ka dah avangin u Ngaian a hre thei ve vek a, "U Ngaia khan bike emaw car emaw te lei ve sela, hlawh a nei reng a, hman dan a thiam lo em mai", Nghetin a ti lang lang.

U Muana pawh hian lirthei a nei miah lo a, kan in kawtah pawh hian eng motor mah a inhung lo, a mak ve ngawt mai.

Shillong min fanpui hi a ni ringawt mai a, mahse, taxi chusn man pek zel a ngai a, chuvsng chuan, kan theih chin chin chu kein ka kalpui a, a nuam letling zawk.

Thawhchhuah ka nei ve bawk si lo, a inthlahrunawm thei ngawt mai, u Ngaia hi ka ei da tawh ngawt ang.

"Zanriah ei nghal i duh em?",

"Duh lo, inah haw ila ei zawk ang", ka ti a. Min hnial bik ta chuang lo. Kan inneih tirh kha chuan, kan inbe ṭawk zel kha a nia, tunah erawh, inbe ṭawk chu sawi loh, inkai chungin kan leng chhuak tawh vel a nia.

"Takah, Rinfelin a dawr fak sak turin min duh a, ka rawn phawt tur chein ka hrilh a, i phal lo a nih chuan ṭha deuhin ka hrilh ang a",

"Ka phal alawm, i fak sak dawn nia", a tih chuan, ka nuih saih. A phal loh ka ring mah zawk a nia.

"Eng dawr nge hawn a tum a?",

"Mo kawr mawle",

"Eh", a ṭhen sak nghal. "Ngati nge?", ka ti a. "A va inhmeh lo, cake siam mai mai se a hlawk zawk ang mawle", a ti a.

U Ngaia pawhin cake siam turin a duhpui ve tho tihna. "I phal tihna tiraw, ka hrilh ang aw", ka ti a. A bu nghat nghat.

"Mahse, vawikhat chauh, tun chauh hi ni rawh se",

"Tehreng, chubakah, fakna tih vel hi ka la ti ngai lo a",

"A ṭhat chu", a ti zawi sup a. Camera hmaa ka inlan hnuhnun ber chu, Kut Suih nî kha,,phone camera tiam loin. Chu loah, inpose chusn, GAC Miss thlan kha ka inpose hmasak berna leh hnuhnun berna.

Chu loah, TV advertisement-na velah ka lang dawn tihna chu a nia, a nawm dawn tho rualin a zahthlak lam mah zawk.

In kan thleng a, ei rawngbawl a la hun lo bswk nen ka inbual sawk sawk a, u Mahlimi pawh dawr aṭang a lo haw ve chauh bawk.

U Mahlimi chu ka inbual tir a, chaw chhum zat tur ka hriat ve vek tawh avangin chaw bel ka chhuang a, alu kan(kang) tur ka vel leh mial mial.

"Venpui, i nauin Model-ah min ṭansak thei dawn em a lo ti a nih hi", ka nuin a tih chusn, "Thei dawn", ka lo ti a.

Tarmit vuah ṭha sauh sauhin phone a chhu keuh keuh a, a hrilh a ni hrim hrim.

"Ka nu, khawngaihtakin engtikah ni dawn tih min lo zawhsak", tim daiin ka ti a. "Aw leee", a ti dam thluam a, rei vak loah, "Naktukah a ti a nih hi, ka hmanhmawh tawh a ti bawk", nui ker kerin ka nu chuan a ti a.

Ka lu ka thing nar nar, keimah vang zawk te hisn a inhralh thei lo ang tih a hlauhawm.

Kawngka a inkik kar kar a, thleng ka sil laklawh avangin u Mahlimin a va hawng a, âw nô deuha, "Ngaia a awm em?", tih ka hriat chusn, Shynrang a ni tih ka hre thei nghal.

"E he, Lo kal rawh, i lo lan ve teh mial", ka pain a lo ti a. An ko lut tih a hriat theih, thleng ka sil laklawh em avangin va en dú dú a rem si lo a.

U Ngaia chu Mawimawii room aṭang an ko chhuak a, Shynrang nen chusn an inzui chhuakin ka hria. Ka thleng sil pawh chu ka ngaihtuah ṭha thei vak hleinem maw.

Rin aiin an inbe rei phian a, Mawimawii lehkha zir enpui turin a room-ah ka lut a, naupangtê siin, lehkha zir tur an tuk tam em em mai lehnghal.

Dar kua a rik chuan mu turin ka ti a, a ennawn mai mai tawh zawk. A zung a, a hâ te a nawt a, a room-ah kan inzui lut leh.

A bulah ka ṭhu a, puan ka siam rem mawlh mawlh, "Nute, patea hi i hmangaih em?",

"Hmangaih e, tinge min zawh a?",

"Ka hmangaih che i ti ngai si lo a, anu hi chusn apa bulah 'ka hmangaih che' a ti ṭhin",

"Engtin nge i hriat?",

"Anuin apa necktie a awrh tir hian a hrilh ṭhin a, apa pawhin 'ka hmangaih che' a ti ve ṭhin. Nute,,patea hian a hmangaih ve che em?", a tih leh chuan,,ka nuih sak rimgawt.

Zawhna chhan har tak a ni, "I nu leh pa chu an va tiṭha em em, lo inhmangaih thur thur zel rawh se",

"Nute, patea nen chuan",

"Ih maw, i patea nen paw'n kan inhmangaih lutuk alawm, keini chu zing thawh veleh hian 'ka hmangaih che' tiin, kan inhrilh ṭhin alawm",

"Tak tak maw?", a tih leh chuan, ka bu nghat nghat. Naupang dilchhut, zawhna ngah lutuk leh thil an chik zia hi aw. A thuhrimah, amah chauhin a mu a, a hlau lo nge mawni.

Mawimawii room aṭang ka chhuak a, ka nu leh pa te pawh mu turin an ṭhutna aṭang an tho fel tawh.

Kei erawh, u Ngaia ka nghak a, "Venpui, mutsan daih mai rawh", u Mahlimin a lo ti a. Ani nen pawh chuan, kan inmangṭha zui.

Kawngkhar phen aṭang ka bih a, an inkuah ka hmuh chuan ka lo lawm veng veng. Shynrang pawh chu, mipa tak tak a ni tawh.

U Ngaia lo luh a tum chuan, ka kalsawn thuai a, sofa chungah ka ṭhu fel than, ka va phakar thiam ve tak.

"Venpui, i la mu nange?", kawngka a kalh pah a. "Ka lo nghak che", nui varin ka ti a. Ka bulah lo ṭhuin, ka mal chungah a bawk thla nghal zan.

A tho a, "Mu ang hmiang", chauh hmel zet hian a ti a. Light te off-in room-ah kan lut a, mu tura kan insiam fel zawh hnuin, khumah kan lawn kai a.

A âwmah min kuah bet leh a, a lûngphu ri ka lo ngaithla, "Venpui, ka thian ka hmu let leh e", a ti zawi sup a, a lûngphu ri aṭang a hlim tih ka hre thei, ka va han lawmpui tak.

Ka inbengkang a, "Ka lawmpui lutuk che", nui sângin ka ti a. Shynrang pawh mipa a nihna ang takin hun a hmang tawh dawn a.

U Ngaia pawh a hahdam thei tawh dawn, min kuaikunin min fawp a, "Ka thawl hawk hian ka hria", a ti var a, ka nuih sen sen.

"I inha hnawk thei lutuk a", ti pahin, ka night dress hak a pawt hlip a, reilote ka hmeichhiatna n*aiin, muangchangin ka taksa chhungah a lut a.

Min bawh a, kan awmdan a siam rem a, a nghawngah ka kuah a, min fawp leh phawt, chutah, muangchangin a che leh ṭual.ṭual a.

Mawimawii sawi ka ngaihtuah a, kei chusn ka hmangaih tih ka pha hauh lo, mahse, u Ngaia hian min hmangaih ve ang em le?


Show post links
Top

[Ngaia]

I Ninawm
Chapter-26
Ziaktu: Cck Lalchhuanawmi

Mawimawii sawi ka ngaihtuah a, kei chusn ka hmangaih tih ka pha hauh lo, mahse, u Ngaia hian min hmangaih ve ang em le?

Inrinni a nih avangin Mawimawii te ho nen, Rinfeli dawr awmna lam kan pan a, a lo inring tawh lutuk ringawt.

"U Ngaia chu khaw'nge, a lo kal ve turah ka ngai a?",

"Kan hnungah an lo kal", ka ti sap a. "Ṭan nghal ang u, a rei dawn chuang lo a", Rinfelin a tih chuan ka lo bu nghat.

Dawr chhung chu kan chei hmasa te te phawt a, thlalatupain camera angle dik thei ang ber turin min lo hrilh pah zel bawk a.

Ka hak tur pathum lai kan thlang chhuak, a design a nalh hlawmin a ropui hlawm lutuk. Dawr kawngkhar lam ka thlêk leh zeuh ṭhin a, u Ngaia leh Shynrang-a te an lo lang har tawh tak tak a ni.

"Khawngaihin han nui deuh teh", thlalatupain a tih chuan, ka nui deuh sen sen a, "Khatiang loin, i lungngaih hmel lutuk, hlim deuhin,,i pasal neih ni-ah ngai la, nui deuh sâng rawh", a ti a.

Ka mit ka chhing a, thâwk ka la vang vang phawt, u Ngaia nena kan inneih ni ka ngaihtuah a, muangchangin ka meng a, u Ngaian nui sun sun chunga min lo en reng ka hmuh chuan, ka nui ver ver.

"Kawr kha chawi deuhin han vir teh", min ti a, a sawi angin ka ti a. Thlalatupa thu ang zelin ka awm a. Video tawi te a la bawk.

"Hmun danga kal a ngai ang em?", Rinfelin a tih chuan, "Ngai lo e, tihian a tawk, tuna i hak kha i inhmeh hle mai, nei daih rawh", thlalatupain a ti a. Ka nui sak.

Rinfelin a phal teuh lo mai, u Ngaian min lo pan a, "I duh em?", a ti zawi sup a, ka lu ka thing nar nar. Kan inneih laia ka hak kha kan hawh a ni a, zep loah chuan mahni puala mo kawr neih chu ka duh reng.

"I chiang maw?", a tih leh chuan, ka bu nghat nghat. "A nih, va inthlak tawh rawh", a ti a.

Inthlakna room aṭang ka chhuak a, kan thlalak ho chu an lo en hlawm a, ka lang ṭha ang e ṭha lo ang tih ringawt ka ngaihtuah.

Ka lang ṭha lo a nih vaih chuan, a zahthlak dawn lutuk. U Ngaia bulah ka ding a, min en tir ve.

"A va han nalh mai mai tak, Venpui, kan monu i ni lo ang tih ka hlau ngawt mai", Rinfeli chuan nui ver verin a ti a. A lawmawm rualin ka zak zawk, nalh an ti tak tak lo mai thei a.

"Studio-ah ka lo siam ang a, a lam theih hunah ka lo hrilh ang che, pasal i nei hma chu ka uipui ngawt mai che, modelling lamah kal la i tihfuh ka ring", thlalatupain a tih chuan, "I sawi dik chiah", Rinfelin a ti a.

U Ngaia a awm ve reng tih hre chhuak ni awm takin,,"A dik leh lo", Rinfelin a ti leh a. Ka nuih sak. U Ngaia an hlau hlawm sia, kei lahin ka hlau bawk si lo.

Thlalatupa a kal dawn chuan, "Model i ni ṭhin em?", min lo ti leh hrâm. Ka âng zuau chu, "Ni lo", u Ngaian a lo ti ram hmak.

Thlalatupa chu dawr aṭang a chhuak rang teh asin. "U, i tihlau ringawt alawm", Rinfelin a ti thlarawk a, "Hlau leh lo", a tih zawm leh, hahthlak mang e.

"Ka lo thleng, in zo tawh em, in la zo lo tiraw, khaw'nge Venpuii, ka hmu ve duh", thaw hlawp hlawp chungin a lo tlan lut a.

Ani pawh chuan u Ngaia a hmuh chuan, "Awi", au tuarin a phu nghek. "U Venpuii ka tihna, u Venpuiii",,a ti bah nawk.

U Ngaia nghawng tih ka hrethiam mai, dawr chhunga u Ngaia a awm ve vang nge ni, Rinfeli ṭawng duh tak pawh, a ngawi hle hle.

"Feli, he building lsc hi a fel em?",

"Aw fel", u Ngaia chu a bu nghat. "Ka tlai em?", Shynrang pawh chuan a lo ti lut. Ka hmu chu, ka hamhaih lutuk ringawt.

"E heee, u Shynrang kha i ni em?", Rinfeli chuan a ti a. Shynrang chu a bu nghauh nghauh. Rinfeli leh midang ho chusn an kuah a, Shynrang pawh chuan a kuah ve hlun hlun.

Shynrang chu a inthuam dan mai bakah, a chezia te thleng chuan mipa chiah chiah. "I dam maw?", min lo ti a. Nui varin ka lo bu nghst.

Mahse, a âw hi, a âw hian a tibuaithlak. Mahse, ngaipawimawh duh loa, hetia mipa a nihna ang taka a lo pên chhuak hi, a huaisenin a chhuanawm lutuk ringawt.

Mawimawii kan hawpui a, Mawimawii pawhin nuam a ti lutuk ringawt. U Ngaian a pawm a, a ṭawng zet zet a, lehlamah chuan a nuam zawk phian.

Jennifer-i te pawh an innei ta a, Christian tan an inneihnaa kal a rem loh thu leh a mawi loh thu u Ngaian a sawi a.

Chubakah, Shillongah kan la awm a, Jennifer-in kir tawh turin min lo sawm ve nasa bawk a, engtin tin emaw ka thlêm lungawi ve zel mai.

Rinfeli dawr fakna chu a chhuak ta a, tv hmaah kan ṭhu ṭhap a, kan chhungin kan en. Ka rin ai daihin video chu a nalh. Mahse, ka en ṭha ngam lo, ka zak tlat.

"Nute, tv-ah i lang a nia", Mawimawiin a ti chûl bawk a, ka en ṭha ngam lo, ka zak lutuk ringawt.

"A tawp ta", an ti a. Ka thaw huai, "Rinfeli chu aww, han hralh thur thur teh se",

"Hawh theihin a ti em kha?",

"Ti e, model-in a zir bawk a, a hausa har tawh lo ang", an ti liam liam a. An nui tliar tliar pah bawk a.

Kei ai pawhin an phur zawk mahin ka hria, u Ngaia erawh a ngawi reng a, a nui ve bawk si lo,,ka hrethiam lo e ah.

Shynrang a lo leng a, Rinfeli dawr advertise bawk chu a lo sawi ve leh, u Ngaia erawh chuan engmah a sawi ve lo a, nuam lo ka ti tawh zawk.

Ka nu leh pa te mu tura insawiin an kalsawn a, an mut pawh a la chhuak miah lo tih ka hria, nu leh pa te nge nge.

Naupang ho pawh, an room-ah ṭheuh an awm tawh a, lehkha zir an awm loin ka hria, inrinni a nih vangin an chawl ve pawh a ni mahna.

U Ngaia ngawi reng chuan ka awm a tinuam thei lo. U Muana leh u Mahlimi pawh an room lamah an kal daih a, kan pathum chauhin kan awm tawh.

Shynrang chu hmelṭha tak a ni reuh a, a âw nô lo phei se chu aw, hmeichhe hoin an bawr luai luai ang.

U Ngaia chu ṭawng pawh a ṭawng lo, keimah nen kan titi siam siam a, Night club aṭanga ka chhuah hnua a awm zel dan ka zawt a.

"Night club kha hralh daihin hmun dangah ka kal a, tumahin min hriat lohna hmunzh, chutah chuan mipa awmdan leh nih dan ka zir leh a", a nui deuh sak a.

"Chuan, ka awm bona a rei ve tawh nen, ka lo haw a, in lo haw lai a ni leh zel bawk a, ka vannei ngawt mai", a ti lang lang a.

"A ṭha lutuk, Mumbai-a i awmna kha chu a ṭha lo em mai, hetah awm reng tawh rawh",

"Nun hi a inang lo ṭhin ngawt mai, mi ṭhenkhat kawng erawh a tluang a, ṭhenkhat tan erawh a tluang chu sawi loh, a buai chuar nuaih reng mai sia", Shynrang chuan a ti nang nang a.

Mi ṭhenkhat kawng tluang a tih chuan u Ngaia a sawinaah ka ngai ve ringawt, a ni lo mai thei bawk a. U Ngaia kawng pawh hi a tluang reng bik lo tih hi hre ve ta se, engtin tak ngai ang maw?

Mi ṭhenkhat kawng tluang bik anga kan ngaih te pawh, a tluang reng bik chuang lo, an thup theih em avang zawkin, tluang turah kan ngai ringawt zel mai a ni.

U Ngaia phone a rik avangin a kalsawn a, Shynrang chuan ka kut vuanin, "Ka ṭhianpa hi hriatthiam a ngai ṭhin a nia, nangmahah hian ka rinna ka nghat, enkawl ṭha viau ang che", ngen ngawl zet hian a ti a.

Min tihlau lek lek, u Ngaia chungah thil ṭha lo a thleng nge le?

"Ih, engkim a ṭha em?",

"Ṭha e, ṭha lutuk", Shynrang chusn a ti a. Ka awih dawn nge dawn lo ka hre lo, ka kut ka la sawn a, "Ngaia leh nangmah chauh hian mipa ka nih thu min hrilh a, chumi vang chauha hetia awm hi ka ni.

Mipa nih leh tuma ṭan lak kha, a har lutuk ringawt. Mahse, ka nihna min hrilhtu te ka mitthla ṭhin che u a, chuvang chauh chusn a ni", a ti zawi sup a.

Ka lo khawngaih zawk, a harsatna tawh hrang hrang te min hrilh ve dap dap a, ngawi rengin ka lo ngaihthlaksak. A chang chuan min ngaithlatu tur hi kan mamawh ṭhin reng a ni.

U Ngaia lah a lo let har si, thu pawimawh deuh an sawi tur ni ngeiah ka ngai. Shynrang chu kawngka thleng ka thlah a, "Naktukah leng ang u hmiang", a tih chuan, "U Ngaia ka lo hrilh phawt ang aw", ka ti a.

Kawngka kalhin, kan ṭhutna lam ka pan a, u Ngaia pawh a phone en vung vung chungin a lo ding vang tawh.

"Mu tawh ila", ka ti sap a. Min lo enin a bu nghat. Light off-in kan room lam kan pan a, mahse, a mu mai lo.

Lehkha eng eng emawni te a hai a, a phone a bih leh zuk zuk ṭhin bawk. Saisirin ka mu a, ka en reng. Zawhna lo zawh sek ka duh lo a, ka tihbuai zawk ka hlau.

Khumah a lo ṭhu thla a, puan min sin ṭhattirin, ka chal a lo fawp a, "Lo muhil rawh aw, computer ka'n hmang lawk ang e", nui saihin a ti a, ka lo bu nghat.

Ka muhil mai chuang lo, chawlh a lak ve pawhin hna a la thawk tho chu a nia. Ka lo thinrimpui, chawlh an pe a nih chuan chawlhtir hle hle mai awm hi a nia.

Shynrang lah khan, hriatthiam a ngai a tia, a hnaa a buai thei lutuk a sawina hi a ni ngei ang. Hriatthiam chu a ngai takzet a ni, kei lo hrethiamtu dang an awm dawn chuang loin ka hre ta, ka chenpui reng tur a ni a.

Zinga ka harh chuan, u Ngaian min lo kuah khawm chial a, ka che thei lo lam zawk, a lo mut lai ka hre lo reng reng.

Che loin ka ngawi reng a, a muttui hmel em em lehnghal. Chawlh a hmang chu a ni ve sia, a hah zual emaw tih tur a ni.

Inkhawm turin kan insiam a, necktie a awrh lai hi ka la hmu lo reng reng, chubakah necktie hi a wardrobe chhungah pawh a awm lo, school necktie hlui tih loh chu(h).

"U Ngai, nizana i lo mut lai ka hre miah lo",

"I mutui em alawm", a ti a. Enin ka nuih ver ver, "Ih, u Ngai, Feli dawr advertise-na kha, engmah i sawi ve si lo a, i thinrim em ni?", tim daiin ka zawt a, a thinrim thu a sawi ang tih ka hlau lutuk.

Biak in panin kan kal mek a, inkai rialin kan kal a, min hmu apiang hian min en zui ziah zel bawk.

"Thinrim ve deuh", a tih chuan, a chhan ka zawt vat, "A tir chuan ka thinrim chuang lo, a hmasa ber leh a tawp nan ka tih kha", a tih chuan ka bu nghat.

"Cameraman mitmeng kha ka duh lo, modelling lam te a sawi lehnghal a, a en dan che leh camera a ken kual dan te kha, Feli vang chu ni lo se, ka man duh ngei ngei ang", zawi tak si hian, a ti chang fak fak a.

Biak in kan thlen chawpchilh nghal mai avangin, engmah sawipui a theih tawh lo. Mahse, a thinrimna a thunun tih ka hriat erawh chuan, ka lawm lutuk ringawt.

Biak in bathlarah kan ding rih a, min lo chibaitu an awm ve neuh neuh zel bawk, u Ngaian ṭha takin a chhang hlawm a, sawi thui a ngaih chuan min lo en a, keima'n ka sawi zel.

A ṭawngmawh pawh ni loin, ṭawng hi a thatchhe ve hrim hrimah ka ngai tawh. Ka bulah a ṭawng theih tehreng nen.

"In van nalh dun, thla ka lo lak ang che u", Rinfelin a ti a. "U, nui teh", a tih chuan, u Ngaia chu a khi suk. Ka lo nuih hak a, tunhnai tea a awmdan hi mak ka ti.

Inkhawm banah pawh inkai rialin kan kal dun leh a, ka ngaihtuahnaah thil tam tak a lut, ka sawifiah thiam lo, thup a ngah thei lutuk a, keimah zawk hi ka lo hah, hriat ve zel ka duh bawk si a.

Shynrang nen kan intawk a, "Leng ang u",

"I inkhawm lo elaw?",

"Kan inkhawm ngai lo", a tih chuan, ka nui sak ringawt. U Ngaia ka en a, Shynrang-an leng tura min sawmna ka hrilh theihnghilh tih ka hre chiah.

"Naktukah zawk le", u Ngaian a ti bul hmuk a, "Vawiinah zawk le, naktukah te chuan mi an tam dawn em mai", Shynrang zawk chuan a ti leh a.

U Ngaian min lo en ve leh, "Leng ila", ka ti zawi sap a, a bu nghat. Shynrang chuan hma a hruai a, u Mahlimi call-in kan len lawk tur thu ka hrilh a.

"Leng rei lo ang u aw", ka tih chuan, "Dawn lo e, Ngaia nena kan tawm rukna hmunah ka hruai ang che", Shynrang chuan a ti a.

Mak ti deuhin u Ngaia ka en chho a, a nui suk suk. Thuruk hi a ngah riau, Thuruk bawm liana a ni ringawt dawn alawm.

Khaw pawnah kan kal tawhin ka hria, mahse, bike-a tlan an awm ve reng reng tho a, car te pawh. Kan thleng har tawh nen, ka ke a kham ṭan.

Ka ding a, pheikhawk phelh ka tum chu, "Ngati nge a?",

"Ka ke a kham tawh lutuk a, hmun hla deuhah kan kal dawn tih hre lawk ila chu ka inbun sâng miah lo ang", ka ti nang nang a, pheikhawk hrui ka phelh pah mial mial.

Chutah, u Ngaian min dinṭhattir a, ka pheikhawk bun hrui siam ṭha leh mawlh mawlhin, ka puan bih lai chu siam ṭha sauh sauhin min pua a, Shynrang-a hnungah zel kan kal.

"Ka rit em?",

"Rit lutuk", chauh hmel zet hian a ti a, "Ka chhuk dawn miah lo nia aw", ti pahin, ka kuah nghet sauh sauh. "I va'n rit em em", ti pahin, a kal pai leh chawn chawn ṭhin a, kei lah tlak hlauin ka kuah ṭha sauh sauh.

"In va han bengchheng", Shynrang chuan a lo ti lang lang a, ka lo nuih sen sen, kan infiam ve a ni mai a, a ho e.

A tawpa tawpah Shynrang chuan, "Kan thleng ta e", a ti a. Kham kotlangah kan ding a, thli a thaw heuh heuh a, hnuai lam chu thing hlirin a khat a, Vaube kung te ka hmuin ka hria!

"Guitar kenga hla kan sak vak vak ṭhin kha", Shynrang chuan a ti a. U Ngaia pawh a khi suk. Ngaihtuah zui vawng vawng niawm takin an ngawi dun reng a, an thaw leh halh ṭhin.

Ka tawlh hnung a, an pahniha ding dun chu ka thlir a, an ṭhian dunin tu hriatthiampui si loh harsatna an tawk ve ve a, mahse, tunah chuan, anmahni bawkin an hneh leh tawh.

Ka bag aṭang phone phawrhin thla ka laksak a, an lo hawi a, Shynrang nen inkuahin an nui sâng a thla ka lak sak leh.

An titi pah siam siam a, an nui suk suk zel bawk a, an nui lai chu thla ka lo laksak zel bawk. Shynrang hla duh deuh 'Durbha brew' tih te an sa a, Police nih tuma zingtin an tlan thu leh, Police Station an thlir reng ṭhin lai te an sawi a.

An hmuhnawm lutuk ringawt, Shynrang pawh Police ni ve thei reng tur a ni mawle!

"I chau em?",

"Chau lo e, ka ke a kham deuh tih mai lo chu, a hmun kha a nuam reuh",

"Hnimin a bawh vek a, kan pahnih chauha kan hriat theih nan chhinchhiahna kan siam a. Tunah erawh, midang pawhin an lo hre ve ta a nih kha",

"Thingkung par chi te an awmin ka hria, an par hun a thlen chusn a mawi ngawt ang", ka ti a. A nui saih.

"Naktukah khian kan haw tawh mai dawn em ni?",

"Khawiah, Punjab-ah maw?", ka ti a. A bu nghat, "I tihdan dan a ni mai, mahse, naktuk teh thut chu, ka nu leh pa te hrilh phawt ila, a tuk lehah pawh kal ila a pawi chuang dawn em ni, hrilhhriatna pawh awm lo a, kal teh thut chu", ka ti dap dap a.

"Aw le", a ti nghut ringawt. Sawi zui zel ka chak lutuk, a chang chuan ka dawhtheihna hian a tlin lo dawn ṭep zel, hauh vak vak a chakawm, ka pasal mah nise, ka ngei lek lek zel.

Chaw ei laiin u Ngaia chuan a sawi ta a, thla khat hi a lo rei lo ngei mai. Ka nu leh pa te pawhin, "In ngaihawm dawn hle mai", an ti ve a.

Min ngai tak tak dawn nge dawn lo pawh ka hre lo, min ngaih tak tak chu ka ring ve deuh. Keipawhin ka ngai hlawm ngawt ang, a bikin Mawimawii, hruai ve mai ka duh.

U Mahlimi in ka tihfel pui a, a ngui ruaiin ka hre mai, "In awm rei lo e", a ti leh ṭhin a. Ka hriatthiampui lutuk ringawt.

Inchhung sekrek khawihtu a ni a, hetia ka lo pui ringawt pawh hi, a thlakhlelawm dawn tih pawh ka hria, a hah leh ngawt ang.

Dawr aṭang ka nu leh pa te an lo haw a, a hnu rei vak loah u Muana a lo haw ve leh a, u Ngaia lo haw hun chauh kan nghak tawh.

Ka call lahin a ri ral ṭhak zel bawk sia, a kalna chin ka hriat loh miau avangin ngaih ṭha taka awm a theih ngawt bawk si lo.

Ka pa lahin, Police ho nen an inhmu lawk thu a sawi a, a reh zui ta vang vang chu ni sia, "Chaw i eisan mai ang u, Police ho a pui pawh a ni mai thei a ni", ka pain a ti a.

Chaw chu kan eisan a, ka ei a tui miah lo, Police ho a pui a nih chuan, an che bawn turah ngai ila, a inhliam êm lo ang chu ah.

DDK chanchinthar puan kan en a, Champhaia damdawi ṭhahnem tak msn a nih thu an puan chuan ka chek hlak. Loh theih lohin u Ngaia ngaihtuah a ngai, ka u nen zanah a chhuak ṭhin tih ka hria a, an thiltih a ni ngei ang.

Kawngka a inkik a, u Ngaia a nih ringin ka va hawn thuai a, a lo ni ngei bawk. Mahse, naupang hi a lo pawm a, chu naupang chu a ṭap tih hriat takin a mittui a parawl kuang a, kum khat emaw kum hnih emaw vel ni tur a ni.

U Ngaia chu a lo lut a, a hnungah Police pahnihin an lo zui ve bawk. "Eng nge awmzia ni ta ngai?", mak ti deuhin ka pa chuan a ti a.

Keimah hlei hlei hian msk ka ti, u Ngaia chuan min lo en zeuh a, ka pa lam hawi lehin, "Ka fanu a nih hi", a ti sup.

Ka lûngphu hi a chawl tain ka hria!


Show post links
Top

[Ngaia]

I Ninawm
Chapter-26 Chhunzawmna
Ziaktu: Cck Lalchhuanawmi

Keimah hlei hlei hian msk ka ti, u Ngaia chuan min lo en zeuh a, ka pa lam hawi lehin, "Ka fanu a nih hi", a ti sup.

Ka lûngphu hi a chawl tain ka hria!

Ka ding khawng reng ringawt, sawi mai tur pawh ka hre lo, ka fanu a ti, a rukin fanu a lo nei reng!

Chutiang a ni thei lo ang, fa a nei thei lo, a nei thei lo tih hriatpuitu ka ni. Kum hnih mi lai fanu a nei thei lo!

"Fanu a! Eng thu nge maw i sawi le, ṭha deuhin han sawi teh", ka nu chu a vin hlur a, ka pa pawhin ṭha deuha sawi turin a ti ve bawk.

Ka tlu lo chauh tawh a ni e, u Mahlimin min lo vuan a, ka vuan let rang lutuk, u Mahlimi rinchhanin ka ding ve hrâm hrâm tawh.

"A pain tlanbopui a lo tum a",

"Engvangin?",

"Ruihhlo an lo zuar ṭhin a, man tumin kan veh tih a hria a, tlanbo an lo tum a mawle",

"Tichuan, an fanu chu i lo hawn ringawt a?", ka pain a ti hmuk a, "Chhungte a nei lo em ni? A thuhrimah, chawlh i hmang a ni lo em ni, a ruka hna i thawh char char? Nautê kha enkawl i tum tihna nge, i fanu angin i sawi ringawt a",

"Ka pa, fa atan ka la alawm, lehkha pawh ka tifel vek tawh", ka mit ka chhing sawk a, hnuai lam ka bih ngur. Hei vang chiah a nih dawn hi, a buai thei em em, a hma aṭang tawhin a lo remruat lawk vek tawh tihna.

"I nupuiin a hriatpui che em, lehkhaah a hming sign a awm ve a ngai",

"Hriatpui lo, ka sawipui thei mai ang, ka hming sign chu a awm tawh a, Venpuii hming sign chauh a ni tawh", ka pa chu a rum nghut.

"Venpui", ka pain a tih fiak ṭhat chuan ka hawi chhuak a, "I thawmhnaw siam la, i nu leh pa bulah let nghal rawh, inṭhenna lehkha pawh la chhuak la, i hming sign-in i lo thawn thla dawn nia",

"Ka pa",

"Tlangval i nih loh hi, pa i ni tawh, i nupui hriatpui loin engvangin nge thu i lo tihtluk ve rikngawt, i zak lo em ni? Keini chu min rawn lo mah la a pawi lo, mahse, i nupui pawhin a hriatpui lo che chu nih hi.

I nupui hnenah a chanvo pawh i pe thei lo a nia, kha nautê hnenah khan pa chanvo i pek theih i inring em ni? Pasal mawhphurhna pawh hlen loin, pa mawhphurhna i koah i la nghat ta deuh deuh.

Tunah hian, i nupui zahawmna i tibawrhbang tih i hria em? A rang thei ang berin, kha nautê kha a awmna hmunah dah la, i nupui hnenah ngaihdam dil ang che", ka pa chu a âng hlawih hlawih a.

Ka pain ka thlavang a hauh tih ka hriat chuan ka mittui a hnâm ṭiam ṭiam, u Ngaia te chu engmah sawi leh tawh loin an chhuak a, rilru nâ deuhin ka thlir ringawt.

"Naktuka Venpuii hawna tur lo ngaihtuah rawh",

"Aw le, ka pa", u Muana chuan a ti a. Ka âwm hi a tâwt lutuk ringawt, ṭah vak vak ka châk lutuk.

"Venpui, in room-ah kal la i thawmhnaw han siam rawh, laktlak lo lutuk", ka nuin ka kut vuanin a rawn ti a, ka bu nghat.

Mittui tla zawih zawih chungin room lam ka pan a, room chhunga ka luh rualin ka ṭhu thla hnawk, ka thinrim lungchhe lutuk hian min ti â thei mai dawn.

Ka mittui hru thuak thuakin ka thawmhnaw ka siam a, u Ngaian ngaihdam min dil dawn lo tih lah ka hre vek.

Intiluhlul lutuk khan, engtikah mah ngaihdam min dil lo ang. Phone ka ban chiah chu a lo êng nghal pup a, ka chhang nghal vat.

"Venpui, tihngaihna ka hre tawh lo, kan hrilh duh lo che a, mahse, kan mangang tawh lutuk",

"Nghetpui, eng nge ni ta a?",

"U Zaua hi, i la hria em, kan venga lo awm tharte nulain a duh tih kha, khanu nen khan an lo inkawm ṭhin a, a rukin damdawi an lo zuar reng a, u Zaua hi a lo pe ṭhin a. Tunah chuan, a thlah thei tawh lo, inah kan khung tawp, tih ber tur pawh ka hre tawh lo", ka hmai hupin, chhuatah ka let tawp tawp.

Ka âwm ka chum a, ka ṭap chhuak ngam bawk si lo, ka âwm hi a puak thei takngial dawn, a nâ ti hian ka sawifiah thiam lo, ka thinlung hi, ka thinlung hi a nâ a, a rûm ngawih ngawih!

"Aw Lalpa, ka kawng zawh tura min thlansak hi, zawh a harsa êm mai, hei lo kawng dang min thlansak thei lo em ni?", khum bulah ṭhingṭhiin, khum chungah ka kut ka nghat a, ka rilruin ka ṭawngṭai mawlh mawlh.

Tu tan nge ka ṭawngṭai pawh ka hre tawh lo, ka u leh u Ngaia ten min tithinrim a, ben chu sawi loh, vuak hrep ka châk dun lutuk.

Lukhamah ka hmai ka phum a, zawi tein ka ṭap chhuak ngam ṭawk. Keimah chauh lo pawh hi, kawng harsa zawh an awm ve tho ang em le?

"Venpui, i ṭha em?", chhuatah ka ṭhu sawp nuaih, "Venpui",

"U Ngai, ngati nge min tihnât, nangmahah ka rinna zawng zawng ka nghat a, nangmahah ka innghat tawh asin",

"Venpui",

"Ngati nge i nupui anga min en ve theih loh, milem ka ni lo a, khâwl pawh ka nih loh hi. Inhmangaih saa innei ni lo mah ila, ka pasal i nihna ka pawm a, ka hmangaih thu che pawh ka hrilh che kha", a kawr nghawngah ka ṭham a, ka au tawn tawn.

Ka sâwi nawk nawk pah a, "Ka pasal i nih angin nang chuan min hriat vek kha, ka chanchin ṭha ber leh chhe ber thlengin, nangmahah ka inpe pumhlum tih pawh i hriat vek kha.

Tun thlengin ka la hrechiang thei lo che, hriatthiam i har lutuk, ka dawhtheihna hian chin tawk a nei ve asin", ka thlah a. A kun ngaih, a ngawi reng a, eng emaw tal sawi turin ka duh leh lawi bawk si.

Ka hmaah a ṭhingṭhi a, ka kut rawn vuanin, "Venpui, min ngaidam rawh, min pawmpui ka rin vang a nia, engmah ka hrilh duh lo che",

"Chutiangin ngai mah la, min hrilh ve tur che alawm, ka pawmpui em em ang che, mahse, i nupui ka nihna angin min sawipui ve tal tur i ni.

Chutiang ti loin i thu i kaltlangpui a, i nupuiah min ngai lo tihna a nia, kei chuan, ka thiltih tur ho te pawh nise, ka hrilh chein ka sawipui thlap ṭhin che kha.

Fa i awt tih pawh ka hria, keipawhin i thisen ngei hrinsak che ka duh tih pawh i hria, fa neih tumin ṭan kan la mek a ni lawm ni, ngati nge i nghah theih loh?

Fa nei thei lo pawh ka ni hleinem, thlatin a hunah chuan pangngai takin ka period ṭhin tih pawh i hriat kha, fa nei thei lo tur pawh ka ni hleinem", a tawp lam chu a zawi tawh lutuk ringawt.

Min lo pan hnai sauhin ka beng hnung lam tawn tawnah a dawm a, "Venpui, min ngaidam rawh", min fawp nghal a, ka lo chhang ve vat, min fawh te hi alawm ka lo thlakhlelh ṭhin.

Mahse, ka inla hrang leh thuai, "Venpui, i haw lo ang tiraw, min hawsan dawn lo tiraw?", mittui parawl kuangin ka en a, muangchangin ka lu ka thing nar nar.

"A mah mah tawh em mai, tun hi chu a lutuk a ni. Engmah min hrilh loh pawh nila, ka ngawi reng zel a, ka enliam mai zel ṭhin che. Mahse, tun erawh, i hna chungchang a ni tawh lo, hei chu, chhungkua a ni tawh, kan chhungkuaa midang hruai luh i tum a, i fahrin ngei angin i la sawi zui.

I hria em, ka pasal i nih angin i hna chungchang te min hrilh ve turin ka duh che, a zawng zawng chu ka ti lo, Police chauh hriat tur a awm tih pawh ka hria.

Mahse, a him chin tal, a him chin tal chauh chu, kan pahnihin, nupa kan nih angin kan sawi dun ve ṭhin ang a.

Champhaia kan kal chhan te kha ka hre vek, hre lo anga awm te kha a har ve asin. Min hrilh ve la, tihtheih ka nei lo tih pawh ka hria, ka u leh Ngheti hruai kher ngai loin, zana i chhuah hunah pawh keimahin ka lo awm thei tho alawm.

I buai hle chung pawhin engmah ka zawt ngai lo che a,,mahse, tuna ka hriat loha i thiltih erawh, a liantham lutuk. Aizawla i lo kal chhan te kha,,hna i thawh duh vang a ni tih ka la pawm a ngai em?",

"Ni lo, ni lo, nangmah vang liau liauin ka lo kal, nangmah vang chauhin. Ka lo kal dawn tih an hriat avangin thu min pe mai a ni, Venpui", a chalin ka chal a si a, min fawp leh zuk ṭhin.

A kut la thlain ka awm sawn a, min man vatin a lamah min pawt hnai a, min kuah bet tlat, ka darah a khabe nghatin, ka nghawng a nawr chap chap a. Lo hnar hi a har ṭhin lutuk.

"Min thlah rawh", ka ti zawi sap a, min kuah nghat sauh sauh. Tlawm ka tum tawh lo, ka tlawm zing tawh em mai!

Ka pasal mah nise, ka tlawm zing tawh lutuk, mihring thinlung nei ve tho, nâ ve thei ka ni. Milem a duh loh thu a sawi a, mahse, milem ang chuan min cheibawl a nih ber mai hi maw!

"U Ngai, min thlah rawh, Mawimawii room-ah ka kal duh a nia",

"Venpui, khawngaihtakin, haw suh, Ngaia hmeichhia i nih kha",

"Ngaia hmeichhia hi amah Ngaia ngeiin hawsan turin a siam a nih hi", ka ti a. Min thlah riai riai. Ka tho thuai a, ka bag leh phone lain ka chhuak a.

Mawimawii room-ah lutin, a bulah ka inthawlh ve nghal. Engmah hre ve ta lo chu, a mutui lutuk ringawt.

Min rawn hmasa loa thutlukna a lo siam ṭhin ka pawmpui mai zel a, tun ṭumah pawh ka pawmpui leh mai a ring a.

Mahse, tun ṭum chu, a lutuk a ni, ka pa ka lam a ṭang hlauh a, chuti ni loa u Ngaia thlawp tura min tih vaih zawngin ka haw(hua) tel ngei ngei ang.

Ka mittui a tla reng a, ka meng ṭha thei lo ṭep tawh. Ka ṭap tlaivar ṭhak a, lehlamah ka u ka ngaihtuah a, zu a nghei fel chiah tihah damdawi a lo ei ṭan.

Ngati nge hmeichhe ho pawh hi kan lo sual em em le, damdawi pe lo se chu ka uin ei nachang a hre dawn lo, ka thinrim bawk a, ka nâ bawk. Awmdan tur ka hre lo, hmachhawn dan tur ka thiam lo.

Mawimawii room inkik thawm ka hriat chuan, dim tea thoin ka va hawng a, ka mittui ka hru thuak thuak, "Zing ṭicket ka la a, kal a hun dawn", u Muanan a ti dam dup a.

Ka bag nen Mawimawii room aṭang ka chhuak a, u Mahlimin thingpui min lo siamsak a, chhang nen kan in leh phawt.

"Venpui, hei la rawh, kalkawngah rilṭam deuhin i awm palh ang e, chaw ei ṭhulh lo la, i ei ṭeuh dawn nia, Ngaia ngaihtuah lo la, i rilru aṭang khan i paih bo daih dawn nia", ka kuta pawisa hmehbel pahin, ka nu chusn a ti dap dap a.

"Ka nu, keimsh vangin chhungkua a buai phah ta si a, ka inthiam lo hle mai",

"Inthiam lohna tur a awm lo, Ngaia thiam loh vek alawm, tluang takin i han thleng dawn nia", a ti dam dup a.

U Ngaia ka zawng ru deuh nain, hmuh tur a awm lo. Room-ah a la awm nge, room aṭang chhuakin hmun dangah a kal leh tawh zawk ka hre mai lo.

"Venpui, ka nau aiawhin ngaihdam ka dil e, a thu a duh leh lutuk ṭhin a, a u ka nihna angin ka hrilh ṭha lo ve bawk em atin ni, pawi ka ti lutuk",

"Keimah zawk hi thiamlo ber chu ka ni alawm, ka lo awm aṭang chhungkua pawh a buaiin ka hria",

"Ni lo e, i awm aṭangin chhungkua a buai lo reng reng, kan hlim em em zawk alawm. Mahse, Venpui, ka nau hi i ṭhen lo ang tiraw?",

"Ka hre lo le",

"Kei chuan ṭhen lo turin ka duh che, Ngaia hian a duh dawn miah lo bawk a, nangpawhin i duh lo tih ka hria, rei lo te han awm hrang lawk ula, mahse, inṭhen hlen tur ni loin aw", u Muanan a tih chuan, ka nui lui sak a.

U Muana nen chuan kan invai liam a, Shillong khawpui pawh chu kan tlanpel vang vang.

Kawng tluanin ka ngaihtuahna a chawl lo a, u Ngaia ka la ngaihtuah fan. Ka haw dawn tih pawh ka chhungte ka hrilh miah lo, Ngheti pawh ka hrilh miah lo.

Kalkawnga kan chawlh pawhin, zunram bak ka thiar ngai lo a, chaw ei ṭeuh chu sawi loh, tui pawh ka in thei ṭawk.

Ngaihtuah loh tum mah ila, ka mitthlaah te a lang a, ka rilruah a lo lang zel tho, ka zep lo, reilo te ka awm loh san pawh hian, ka ngai lutuk ringawt.

Tlai lam deuhah Aizawl kan thleng a, taxi ka hmuh hmasak ber biain, kan in lamah kan tlan nghal a.

Ka nuin kawngka min lo hawn a, min hmu chu lungchhe em emin min kuah nghal thlawp.

"Venpui", min ṭahkhum bawrh bawrh. Inchhungah kan lut a, ka pa leh Ngheti pawh chuan mak ti deuhin min lo en.

"Lo chho turin ka tih kher lo che kha", Nghetin a ti bah nawk a, "Ka lo chho duh alawm", ka ti a. U Ngaian a hriat leh hriat loh min zawt a, a hriat thuin ka lo chhang.

Ka room-ah ka lut a, khum sira ka u lo ṭhu kun ngaih ka hmuh chuan ka ṭim sawk. A hma aiin a cher lehzual a, ruhkawl hlang hi a ni ringawt, a vunin a khuh ve chang chang.

A bulah ka ṭhu thla a, min en duh loin a hawisawn hmak. "U", a kut ka vuan a. A â phual mai.

A khûr deuh dar dar leh nghal a, a mit khur a thûk a, a hmui a roin a dâng bel a, thisen a nei lo tih a hriat ngawih ngawih.

A sirah ṭhingṭhiin a lu ka tuai a, "U, chaw te i lo ei ṭha em, Damdawi te kha i lo ei ṭha maw?", ka ti a.

Ka mittui ka dang hrâm hrâm, a biang ti tla dâwk te chu, hmuh a harsa lutuk, damdawi hnathawh lo rapthlak zia hi!

Ka kuah a, "U, keimah vang tal pawhin ṭha deuhin awm tawh rawh aw,,nangmah lo.chu belh tur ka nei lo a nia.

Ka nuṭa neihchhun i ni a, he in enkawltu tur leh, kan chhungkaw kal zel tur atana mi pawimawh tak i ni bawk a.

Pasal min neitirin hetia i awm daih chusn a ṭha lo, nakinah, ka pasal nen lo inṭhen ta ila, khawiah nge ka kal ang a, tunge ka belh ang, khawlaiah vakvai turin min duh tihna em ni?

U, khawngaihtakin keimah vang tal pawhin, ṭha deuhin awm tawh rawh aw. Min khawngaih ve lo mi, min venghimtu tur leh min enkawltu tur i nih hi.

Kan pahnih chauhin kan ni a, tumahin ei tur min pe dawn lo a, min ṭanpui dawn hek lo, kan pahnih chauhin kan awm a, inṭanpuitawn tur kan ni.

U, ṭha deuhin i awm tawh dawn tiraw? A nih loh chuan dam reng hi ka peih lo a nia, a hreawm êm mai, dam reng ka duh lo", ka u chu, kuah chungin ka ṭahkhum bawrh bawrh a.

Ka insum duh tawh lo, ka thinlung hi a rit lutuk. Ka u room aṭang ka chhuak a,,ka nu leh pa te bulah ṭhuin, engkim ka hrilh a.

Ka pa zawkin haw tura min tih te ka hrilh a, inṭhenna lehkha a sawi erawh ka hrilh lo thung.

"Ka u awmpui ni pahin a ni mai", ka ti a. Ka u ṭanpui ve ka duh, a bulah ka awm ang a, puih a ngaih apiangah ka pui bawk ang a.

A ṭha chhuak em em ang, a thau kung kung mai ang.

"A nih chuan, i pa sawi angin awm phawt mai rawh", ka pa chuan a ti ta a. "A va han pawi ṭhin tak em!", ka nuin a ti vawng vawng.

"U Zaua hi a dam ve leh, u Ngaia hruai turin keimah ngei ka thawk chhuak dawn alawm", Nghetin ka hnung chul hliau hliau pahin a ti a.

Ka ṭah nui hak, ka thaw halh a. A dik ang, u Ngaia chu a inenkawl thei em em anh, tunah rih chusn ka u hian min mamawh.

Ka u bula awm hi a ngaih vang te pawh a ni mahna, hetia u Ngaia nen pawha kan buai, engkim a ṭha leh vek mai ang.


Show post links
Top

[Ngaia]

I Ninawm
Chapter-27
Ziaktu: Cck Lalchhuanawmi

Ka u bula awm hi a ngaih vang te pawh a ni mahna, hetia u Ngaia nen pawha kan buai, engkim a ṭha leh vek mai ang.

Ngheti nen tv hmaah mutna kan siam a, ka u room bul chiah a ni bawk. Ka nu leh pa te an lo mu char char tawh a Ngheti hoin.

Engtin nge a ṭhatna hi ka rulh ang aw, ka rulh zawh theih pawh ka inring lo, ṭhian cial lutuk hi, ṭhian cial lutuk ka nei a, ka lawm tak tak a ni.

"U Ngaia chuan nautê a lo hawn a, ama fanu angin a sawi maw?",

"Ka khawng nghal vek mak ka ti lutuk a, khatianga sawi lo khan ṭha deuha sawi tur a nia",

"Fa atana lakna tur pawh a rawn si lo che a, a mak ka ti e. A rilruah eng nge awm ang le? A nupui pawh a rawn hmasa lo che a, a thuin a tifel ringawt a, ka thinrim thar thutin ka hria", Ngheti chuan a ti zawi sap sap a.

Ka lo nuih ringawt, "U Ngaia pain haw turin ti lo che sela, i thua lo haw i tum ang em?",

"Tum lo ang, ka rilru kha a chawmawlh ka ti mai, an thusawi ka ngaithla ringawt, a hnuah pawh khan lo haw ka duh chiah lo deuh a, mahse, ka u chanchin min lo hrilh leh ka inngaihtuah lungpuam khan ka pa thu awihin ka lo haw ringawt",

"Lo haw chho i duh chuang lo maw, kei chu ni ila ka ṭhen nghal vang vang ang, ka hriat loha thil lo tihruk, a liantham ropui lehnghal.

Fa lak te chu tih mai mai a ni hleinem, nautê pawh ni mah se, a lo ṭhang lian zel ang a, chhungkaw chhiat rupna pawh a thlen lo ang tih tunge sawi thei, a mak em em lutuk ah.

U Ngaia leh i u hi chu, an ngeiawm ngawt mai, mahni thu duh lutuk hian, thu ṭha hrilh pawh zawm duh reng reng lo, ka haw(hua) so bawrh bawrh", lungawilo tih hriat tak hian, zawi tein a âng hlawih hlawih a.

U Ngaia chungah ai mah chuan, ka u chungah a lungawilo zawkin ka hria. "Ka u te chuan, Bawihte tiin a koh ṭhin che kha",

"A sawi pawh sawi suh, Champhai aṭanga kan haw hnu aṭang khan hmun dangah a leng char char alawm, en pawh min en duh tawh lo, ina ka lo kal chang pawhin min hawisawn san hmak hmak, ka beng chak ṭhin a nia", ka lo nuih sen sen.

Ka u chungah a lungawilo chiang a ni, "Ka lo thleng tawh alawm, nang chu i chawl char char thei tawh", ka ti sap a. A ner salh salh, chutia ka ti leh chu a ngaihdan a ni leh lo.

"Lo thleng pawh ni la, ka chawl char char bik awm lo em mai, nangmah zawk khan chawlh i mamawh, u Ngaia nen ṭha te tein in awm dawn emaw tia, ngati nge maw buaina in neih leh ṭhin ni?",

"Nghetpui, pasal neih te hi a lo namai lo khawp mai, ka ngaihtuah a, u Ngaia nen hian inhmangaih deuhin lo innei ta ila, tun ang hian kan la awm tho ang em le tih ka ngaihtuah", ka thaw halh a.

"Inhmangaiha innei pawh ni ula, buaina te chu in nei dawn tho a, nangmahni pahnih inkar a ni tawh alawm", Nghetin a ti a. A sawi dik viau chuan ka hria.

Nupa kan ni tawh a, kan inkarah eng thuruk mah awm lo se tih ka duh ber, kei chuan a tê ber aṭanga a lian ber thlengin ka hrilh thlap thlap a, u Ngaia erawh chuan, a thuin thutlukna te a lo siam thung a!

Nautê pawh kha ka lainat lutuk ringawt, a nu leh pain damdawi an zuar a, Police-in an la man zui, kum engzah nge an tân tir ang aw?

A lo puitling chho zel ang a, a nu leh pa chanchin a hre ngei dawn a, engtin tak awm ang maw? Tunah hian, khawiah nge a awm ang le?

"Venpui, thildang daih, in inneihna a rei ve tawh sia, englo pawh in tih tawh ka ring, nau i la keng miah si lo a, i indang em ni?",

"Dang lo, ka hre bik lo, mahse, kum khat êm pawh a la liam si lo a, tuna nau ka keng a nih chuan puk lawkah min ngai dawn asin",

"Engvang ngawtin nge an ngaih ang che, tunlaia inneite chuan indanna an ei nghal alawm, kei chu pasal ka nei a nih chuan indanna ka ei miah lo ang, naupai ka châk, mahni fa ngei han pawm ka châk, a nuam dawn e", a nui sun sun pah a.

Naupai te chu tupawhin kan duh ang, mahse, Pathian thu a ni tlat, kan duh hun huna neih tum ngawt pawh a ni lo.

Mahse, nautê neih tuma pawisa tam tak seng chunga nei thei lo pawh an awm laiin, an duh reng vang pawh ni loa zan khat hun an hman ringawt avanga naupai nghal te an awm a, a ṭhen lahin an la titla zui lehnghal, an vanneihna an hre lo a ni.

Nau ka pai vat loh avanga u Ngaian fa lak a tum chu a ni êm lo turah ka ngai, a ni miah lo ang.

"Eng nge i ngaihtuah?",

"Ka hre tawh bik lo, mu mai ang, naktukah kan sawi ṭha dawn nia", ka ti ta ngawt a, zawhna mai bakah, sawi tur a ngah tih ka hria, mahse, mut hahdam vang vang phawt ka duh rih.

Ka vei lamah ka inlet a, ka mittui a tla ringawt, ka ngai nghal vawng vawng mai si a, engtin nge a awm ve ang aw?

Min ngai ve ang em le? Ṭhingṭhia ngaihdam min dil lai te khan, min dil hma pawhin ka ngaidam daih tawh. Mahse, a thiltih kha a ṭha lo em a ni.

A rukin, ka hriatpui lohin a duhdanin thu a lo kal tir ringawt a, thildang chu ka pawiti lo, fa lak chungchang ber kher, ka hriat lohin a lo tifel vek a, a nupui ang pawh ni loin, milemah min ngai tihna a nia, hei kher hi chu ka rilru a na lutuk.

Ka kâ ka hup a, tho vutin bathroom-ah ka tlan ringawt, kan bul ṭanna kha a ṭhat tehreng nen, bul ṭan nan inKut Suihna hun kan hmang a.

Bul ṭan ṭha chu a chanve zo an tih vei nen, a chanve pawh kan la thlen hma hauhin, kan awm hran leh a ngai a.

Ka hmai phihin bathroom aṭang ka chhuak a, Ngheti a lo ṭhu chhuak a, min ngaihtuah tih hriat tak hian min lo en a.

"Ka zung lawk a, ka hmai ka phih nghal mawle", ka ti a. Ka hmai hru hulin kan mutnaah ka inthlawlh nghal a.

"U Ngaia i ngai ni maw?", a tih chuan, "Ngai teuh lo mai, misual deuh ka ngai peih lo", ka ti a. A ner sawk, a awih lo tih a hriat lutuk, kei ngei pawhin ka thusawi chu ka awih lo.

"Mu ang", ka ti a. Ka mu thla nghal, Ngheti pawh a mu ṭha leh a, ka veilam ka hawi leh. Ka mittui erawh a tla tawh lo.

U Ngaian min kuah khawm chial zel sia, a tel loa mut pawh a har dawn alawm le! Ka mit ka chhing a, u Ngaia bawk ka hmu. Ka muthilh theih loh ang bawk hian muhil ve thei lo tak ang maw?

SSP Ngaia pov...
"Ka sawi i hria em?", ka pain a tih chuan, ka bu nghat. "Ngaihdam i dil tawh em?", a tih leh chuan, ka bu leh nghat.

"Inṭhen tir chu i tum tak tak em ni, Venpuii pawh a khawngaihthlak alawm le, i ngaihtuahnaah khan eng nge maw awm le?", ka nuin a ti hlak a.

Venpuii an ṭanna thu ringawt an sawi, tumahin min ṭan lo reng reng, min hau char char. A thiam lo ka ni zawk tlat a, thinrim thei pawh ka ni lo.

"Chawlh an pe che ni lawm ni, eng nge Police ho ka pui e te i tih, nupui lo neihtir lo tawp che ila a ṭha tur a nia, i hnaah i bur leh chat ang a, a ṭha zawk ang", ka nuin a tih chuan, ka en zeuh a, ka kun leh daih.

"Nautê chu khawiah nge a awm tak?",

"Hnuchham inah",

"Chhungte dang a nei lo em ni?",

"An enkawl duh si lo a, Hnuchham ina a awm a ngai alawm", ka ti a. Ka nuin min lo beng dawn emaw ka ti hman, ka hawi chhuak a, ka nuin min lo melh ralh.

Ka pain, "Naktukah chuan em ni i kal dawn?", a tih chusn ka bu nghat. "Aizawlah kal miah suh ang che", a ti leh hmuk a, ka ngawi reng tawh.

"Ka sawi i hria em?", ka pain a ti leh a, muangchangin ka bu nghat. "Ka room-ah ka kal thei tawh em?",

"Kal rawh", ka pain a tih rualin ka ṭhutna aṭang ka tho nghal vat. Ka inkalh hnan hmak.

Khum chungah ka tlu nghal, phone ka hmet êng a, Venpuii number ka hmet chhuak a, ka kutzungpuiin call-na a tin uaih.

Call loin phone ka dahsawn leh ta nge nge a, ka tinâ a, keimah vangin a ṭap a, lungchhe takin a ṭap!

Nini a pawm duh loh ka hlauh avang chauha, khatianga ti ta mai ka ni. Mahse, ka tum loh deuhin thil a thleng a, min la hawsan daih zui.

Engtikah nge a lo haw ang aw, ka tih loh tawp tur ka ti a ni. Min ngaihdamna tur chuan, vawi sângsawm pawh ngaihdam dil ka inhuam, ka inchhir lutuk, ka ngai takzet bawk!

Venpuii pov...
Ka pa nen kan inbia a, u Ngaia chu Punjab-ah a kal tawh a, Aizawla a lo kal leh kal loh min lo zawt.

"Venpui, i rilru dik tak han sawi teh, i la thinrim reng em?",

"Ih, ka hrethiam lo, ka thinrim nge rim lo pawh ka hre lo",

"A nih, Ngaia bulah i kal duh em?", ka pain a tih leh chuan, "Tunah tak hi chuan ka la duh lo",

"A ṭha e, thla khat a liam hma chu i kal ka la phal lo a nia, i pa pawh ka bia a, ti khan, hahdam deuhin lo awm la, Ngaia ngaihtuahin i hun lo hmang lo la, lungleng reng rengin lo awm suh aw", a ti dam dup a.

Kan inbiakna kan tihtawp hnuin, thawk ka la kâwk kâwk a, thla khat a liam hma chu min kaltir ka ring lo bawk.

Kan awm hran rih hi a ngai pawh a ni mahna, pawi ber mai chu, a nupui anga min en lo leh, min ngaihpawimawhna a lantir lo kha a ni.

Punjab-a a kal chhan pawh, hnathawh a hun tawh tih ka hria. Aizawlah a lo kal lo a, Punjab a ban tlang a nih ka ring.

A last seen ka en a, ka hawsan zan kha a la ni char char, a la online leh miah lo tihna. A dp erawh, kan inneih thlalak kha a la ni reng.

Thlak ve tawh em em se aw, a chhan chu, kan inneih thlalak ho ah hi chuan, make-up vanga mawi mai mai chauh ka ni si a. Engpawhnise, a dp aṭanga a la paih lo pawh, a lawmawm tho tho.

Chokaah kalin, buhhawp ka suak chhuak a, bawnghnute no-ah thli chhuak lehin,,tray-ah ka dah a. Ka u room-ah ka chawilut.

Drip kan khai leh a, Vitamin chi hrang hrang leh calcium-te, khum bula dawhkan têah a intlar dul.

Thuawih takin ka pek ang ang a ei a, in aṭang a la chhuak meuh lo a, thiam leh thiam loin a dawrah ka va kal ṭhin a, engtin tin emaw chuan nî ka hmang liam ve zel mai.

Naktuk aṭang ka u pawhin dawra kal theih a inring tawh a, inah la awm se ka tih viau rualin, chhuak harh turin ka duh leh zawk.

A taksa pawh tlem tlemin a nalh chho leh tial tial a, thau tur erawh chuan hun a la duh deuh ang. Buhhawp pawh, a hawp thei ṭawk ṭawk a nia, fian thum aṭang a sâng chho ve zel bawk.

"Engtikah nge i haw dawn?",

"Khawiah, ka lo haw tawh hi",

"Ngaian a lo nghakhlel tawh ang che, haw vat rawh",

"Ka duh lo,,ka la hrem ve deuh dawn",

"In awm hran rei lutuk chuan in inkar a zau zawk ang, a ṭha lo", kun ngaih chungin a ti a.

Nui sakin, ka haw vat tur thu ka hrilh mai a, a dam ṭhat hunah chauh ka haw ang, thla khat aia rei pawh nise, heti mai hi chuan ka la kalsan thei lo.

Tukverh ka hawng darh vek a, ṭhenawm lawka hnathawk ho hla play chuan min deng dawt dawt.

Celine Dion-Its All Coming Back To Me tih hla a ni a, u Ngaia nena kan hun hman dun zawng zawng ka hawl kim hman vek.

Ka lu thing nawk nawkin ka kalsawn a,,tun thlengin message emaw call pawh a lo la thleng lo a, ka beisei ruk deuh vang nge phei chu ka hre lo.

Message leh call-a min lo umzui ka ring deuh hlek a nia, min lo umzui ngam lo pawh a ni mahna, khami zan khan ka ṭawng hnem ve bawk atin ni.

"Venpui, chaw a ei tawh em?",

"Ei zo chiah, tukin chu a ei ṭeuh mai",

"A lawmawm a nih chu, damdawi a ei tawh maw?",

"Ei tawh e, vitamin bur pakhat saw a zo ṭep tawh a, lei a ngai dawn", ka ti a. Lei a inpeih at tih a sawi nghal zat.

Ka nui hak hak,,ka u hi min ngaihtuahpui ve si a aw, pasal ṭha deuh ka la zawn sak ang.

"Venpui, u Ngaia hnen aṭangin eng thu emaw tal i dawng tawh em?",

"Dawng lo, ngati nge a?",

"Ka lo kal lamah, Pi Thangi sawn u Ngaia a hmuh thu min hrilh a, in hi a lo thlîr doh doh a ni awm e", Nghetin a tih chuan, ka ngawi chet chet.

Ṭhutthlengah ngawi rengin ka ṭhu a, chutia kan in a lo thlir a nih chuan, Aizawl a lo kal ngei tihna a nia.

"Pi Thangi chusn a hmusual a niang",

"Ka zawt alawm, mahse, ni hnih lai ka hmu a ti. Dawt a sawi ka ring lo, a ṭang na ve reuh lutuk",

"Punjab-a a kal hmain a lo kal zawk a niang", ka thaw halh a, "Ka u hi, dam vat rawh se", ka ti zawi sap a.

Min hmuh a ngam lo chiang a ni, pawn aṭanga a lo thlir. Keipawh a bula awm ka chak, mahse, a la hun lo.

U Ngaia nena kan thlalak ka neih ho, mu chungin ka en a, ka mittui a ko chhuak, ka va han ngai tak!

Kar khat lai a liam a, ka u pawh pangngai takin a dawr a luahlum leh thei ta a, a bulah ka awm reng tho.

Amah chauha la thlahfal kan la duh rih lo a ni deuh ber,,ka nu pawhin ka u bula awm tlat turin min ti a, inah pawh a room-ah awm daih ṭhin mah se, a room pawnah kan lo duty char char.

Kan veng YMA hoin, lo awm thar te chu an zilh a, an lo awm thar a, damdawi an zuar nghal ringawt a, a dik thei lo reng reng.

"Nachhawkna ka ei mai dawn mawni, ka tâi a na e",

"Ei lo ang, tuar hrâm hrâm rawh",

"Tun ṭum ka period chu a na tak tak a ni, eng nge a chhan pawh ka hre lo", Nghetin a ti leh nang nang a.

Tun thla ka la period miah lo tih ka hre chhuak zawk, ka awl dawn a ni hrim hrim ang.

"Venpui, bawngsa siam loh kan la neih kha, han kang mai teh, chawhmeh a awm lo em mai", ka nuin a ti a.

Ngheti kaithoin choka lam ka panpui a, na a ti ngang a niang, chair pawt chhuak sauh sauhin a ṭhu nghal hmak.

Fridge aṭang bawngsa ka la chhuak a, ngati nge mawni a rim chu ka ngai theih ta ṭhak lo.

Ka pum a inlet but but, thleng silnaah ka dah thuai a, a rim chuan min ngei lutuk. Ka kalsawn a, Nghetin, "I ṭha maw, i va ner nasa ve?", a lo ti a.

"A rim hian min ngei",

"Van mak ve, i sa duh ber a nih kha",

"Nia, ka hre bik lo, ka pum hi a tinó nghulh", ka sawi zawh rual rualin ka uak ṭhawt.

Bathroom-ah ka tlan lut nghal a, tuiril tlem azawng ka luak chhuak. Ka uak leh ṭhawt a, ka pum ka dawm vawng vawng, a hreawm reuh lutuk.

Bathroom aṭang ka chhuak a, ka nu leh Nghetin min lo en kar. "Min tihlau dawn alawm, ka ṭha tawh, bawngsa rim kha ka ngei thut alawm le", ka ti a.

Min la en kar, min tihlau tak tak dawn,,"Venpui, ih, pregnancy test kit ka va lei ang aw", inthlahrun hmel deuhin Nghetin a ti a.

"Ngatan?",

"Ka va lei ang aw?", Nghetin a ti leh. Ka pum ka khawih a, ka nu leh Ngheti chu âng zuau zuauin ka en, "Ih, ih", ka ti a.

Sawi mai tur ka hre lo, Ngheti a tlan chhuak nghal a, ka nuin chair-ah min ṭhuttir. Bawngsa chu fridge-ah a dah leh daih bawk.

(Zanin chu tawi leh tawh)


Show post links
Top

[Ngaia]

I Ninawm
Chapter-27 Chhunzawmna
Ziaktu: Cck Lalchhuanawmi

Sawi mai tur ka hre lo, Ngheti a tlan chhuak nghal a, ka nuin chair-ah min ṭhuttir. Bawngsa chu fridge-ah a dah leh daih bawk.

Ngheti a lo thlen ve leh, a tihdan tur min hrilh zung zung a, bathroom-ah min nam lut vat bawk.

Zun chhuak lo pui chu, zung turin ka han insangmar a. Tum nâ nâ nâ chu, ka zung ve leh mai bawk.

Pregnancy test keng chungin ka chhuak a, "Rei vak lo nghah a ngai", Nghetin a lo ti thuai. Rin pahnih a awm a ngai a, nau ka pai dawn nge dawn lo?

Darkar khat a liam a, ka la keng reng. "Venpui, paih tawh rawh", Nghetin a lo ti a. Muangchangin ka lu ka thing. Pregnancy test kit chu ka thlêk vang vang, rin pahnih a awm ngei ngei tur hi a ni ringawt.

"Venpui, paih tawh rawh",

"Nghetpui, a dang lei leh ila, hei chu a chhia a niang", ka ti a. Nghetin beidawn hmel deuha min en te chuan, ka thinrim dawnin ka hria.

Vawi sawmpahnihna atan test ka nei leh a, negative tho a la ni. Chhuatah ka paih thla a, ka hmai hupin khumah ka mu zangthal a, ka ṭap tlawk tlawk.

"Venpui, ka tihpalh lutuk, beiseina ṭha lo deuh ka pe che a, ka tihpalh lutuk",

"Keimaha awm rih ka duh", ṭap ṭeuh chungin ka ti a. Kawngka rik danah, Ngheti chu a chhuak tih ka hre thei.

Ka ngaihtuahna a bing mup mup, a fîm thei lo. Ka beidawng takzet zet, nau ka pai a nih chuan, engkim a ṭhat vek ka ring a, mahse, beidawn lehzualnaa min hruaitu mai a ni.

Ka ṭhu chhuak a, chhuata test kit ho let reng chu ka chhar khawm a, ka zungbun phelh lawkin lehkhaah ka tuam a, bawlhhlawm bawmah ka paih hmak.

Ka kut sil faiin, fridge aṭang bawngsa chu ka la chhuak leh a, kan(kang) turin ka siam mawlh mawlh.

Ka pum a la tinô nghulh a, mahse, ka luhlul ka chhuah a, ka khawih mial mial tho. Chawhmeh dang te ka siam zel tho a, bawngsa nen kan indo a ni ringawt.

Chaw kan ei a, ka la ṭawng leh miah lo tih pawh ka hria, ka ṭawng chhuak a nih chuan, ka ṭap nghal a ni mai.

Bawngsa chu ka ei ṭeuh a, nge maw, beidawng taka min awm tir tu a nia, ka ei ṭeuh tur hi a ni ringawt.

Ka u damdawi ei tur ka enpui a, ka u pawh a ngawi reng. A taksa a ṭha chho zel erawh, ka lawm lutuk ringawt.

"Venpui, han inbual fai ta che", Nghetin min lo ti a. Ka bu nghat a, inbual turin ka chho hnak hnak.

Room-ah lutin khumah ka ṭhu ren rawn a, ka pum ka dawm vawng vawng. Naupai hun chu a la ni lo deuh a ni mahna, thla khat chauh a nia period ka la awl, thla khat dang nghak leh phawt ang.

Ka inbual zo inthlak sawk sawkin, room aṭang ka chhuak leh thuai a. Nghetin ka u room aṭang puan te lo la chhuakin, mutna tur a lo siam mek a, ka pui ve vat.

Ka nu leh pa te chu ṭhutthlengah an ṭhu a, Ngheti nen erawh, kan mu a, mu chungin tv kan en. A hnuah, ka nu pawh a lo muthla ve leh.

Chanchinthar puan a hun chuan, ka pain LPS-1 a hmet chhuak a. U Ngaia hming an lam rik chuan, ka phu zawk.

Press Conference an neih lai video tawite an tilang tel a, u Ngaia ka hmu chu, ka mang vekin ka hria.

"A va han cher em em", Nghetin a ti lang lang. Ka hawisawn daih. "A lu a kawlh si, a cher bawk si, a va han chhe tak", Nghetin a ti leh.

"Aaa, a ngaihtuahna a seng nasa a nih dawn saw", ka pain a lo ti a. Kan ngawi vang vang hlawm.

Ngheti sawi dan takah, a lu a kawlh a, a cher bawk si, a chhe tak tak a ni. A chhe reuh lutuk, a chhe tak tak. In a dah hnawk ngawt ang le, chhuat te a nawh peih loh chuan, a bal ngawt ang.

Inchung ka en ngawt ngawt a, Ngheti pawh a ngawi hle hle. Hna ṭha takin a la thawk tal a, a zia e. Hnathawh loh phah nan tea a hman kha, a ṭha lo zawk.

Ka mit ka chhing a, kan awm hran te hi a ṭha zawk pawh a ni mahna. Kan hmaa awm chu, han pal ve pawp pawp teh ang.

Kan mutna thlep felin, ka u room-ah ka dah a, a lo la mutui nasa mai. Puan ka sin ṭhat tir a, ka u hi awm lo se, engmah ka nih dawn lohzia ka inhrechiang lutuk.

Sual chang nei mah se, a tawpa ka pan tur ka u kha a ni ve tlat. A lu chul tuma ka kut veilam ka phar chhuak chu, zungbun ka bun lo tih ka hrechhuak chiah.

Bawlhhlawm bawmah ka paih tak e, thawm dim thei ang berin ka u room aṭang ka chhuak a, ka paihna bawlhhlawh bawm ka en bat. Engmsh a lo awm tawh lo.

"Nu, khawiah nge bawlhhlawh ho kha?",

"Paih turin Nghetin a ken chhuah kha", ka nuin a tih zawh rualin ka tlan chhuak nghal vat.

A tlanin ka tlan, Ngheti ka hmuh chuan, "La kal lo", a ti a. Ka tlan leh thuai. "Venpui", Ngheti min lo au zui pawh chu, ka ngaihsak hman tawh lo.

Bawlhhlawh paih motor chu a lo tlan chhuak ṭan chiah a, "Ding lawk teh u", tiin, ka au rawng rawng. An ding a, lawnkai ka tum chu min lo pui a.

Kan bawlhhlawh bag ka zawng ruai, bawlhhlawh ho chu ka hai chiam. Kan bawlhhlawh bag pawh chu ka hmu ta thuai.

Ka hai leh rak rak a, lehkha intuam ka hmuh chuan ka nui ver ver. "Venpui, eng nge maw i tih le, lo chhuk thuai rawh",

"Ka hmu, ka hmu tawh", lehkha chu ka lek kang vû, "Lo chhuk rawh", Nghetin a lo ti leh a. Zungbun chu ka bun leh a, hrilhhai deuha min en tu te chu, "Ka lawm e, ka lawm lutuk e", ka lu ka bu zeuh.

Ka chhuk a, a tawp nan lawmthu ka hrilh leh, "A ho lutuk, keini pawh kan lawm e", an lo ti a.

Ngheti nen in panin kan kal hnak hnak a, zungbun ka kuta a awm leh chuan, min tihlim lutuk ringawt.

"Khi ṭhaw suh, mi â i ang lutuk", Nghetin a ti hlak. "Aw le", ti sapin, ka tûm hmuk nghal. In kan thleng a, inbual fai turin min ti vat bawk.

Ka u, a dawrah ka kalpui a, Ngheti erawh, a hna thawk turin a chhuak a, kotu a nei ve zel a, a lawmawm lutuk.

Ka u chu, hna tak tak a la thawk thei lo a, amaherawhchu, a hnathawk te ho a vil reng a, lo kal an awmin a lo be lumlam vat zel bawk.

Ka phone ka thai ka thai a, group message delete vekin, ka dp thlêk vang vangin phone ka off a. Ka bag-ah ka khung daih.

Haw dawn hnaih lamah Ngheti a lo lang a, "A chauhthlak tawp", ka bulah a lo ṭhu thla a, "Ei tur a awm em, ka ril a ṭam", a ti leh.

Biscuit kan ei ban ka pe a, a ei zo nghal thuai. "Dawrah kan va chawl lawk dawn em ni ang?",

"Ngai lo mai, biscuit pawh kha ka puar lutuk tawh tho", a ti a. Ka sawi zui ta lem lo, ka u a en a, "A ṭha chak i ti em?",

"Ti e, ka awm vang a nia, power ka nei alawm", ka ti a. A ner salh salh. Tui bottle lain ka u bulah va dingin a pe a, ka u pawh chuan a lo in ve mai.

Ngawi rengin an ding dun a, an chetla chu ka lo en reng. Inhmeh dun riaua ka hriat pek chu.

"Kha, Zaua i awm maw?",

"Awm e, lo kal rawh u, Aizawlah eng nge in lo tih a?",

"Kan lo kal mai mai, tunge hei hi, nupui i lo nei tawh elaw?", chupa chuan a ti a. "Zu in ka phal tawh lo aw", Nghetin a lo ti thuai.

Nghetin a melh ralh pah dawn tih ka hria, chupa chu a nui hak a, "Ka lo tlawh kawi mai mai alawm, zu inpuiah ka sawm dawn lo", a ti lang lang a.

Nghetin a ring lo tih ka hria, keipawhin ka ring lo. "Ka'n kal phawt ang e, kan inbe leh dawn nia", a ti a. Dawr aṭang a chhuak zui nghal.

"Tunge?",

"I hriat ve zel a ṭul lo", ka u chu a hawisawn hmak a, Ngheti a nui hak, "A nih tak chuh", a ti hlak a. Ka bulah a lo ṭhu tau nghawng.

Kan haw kawngah pawh, an inbe duh ṭhak lo, en pawh an inen lo, an awmdan hi ka hrethiam tawh bik lo, a rukin ka nuih ka nuih, an intihkhauh khum vel nge mawni.

Mahse, intihtauh khumna tur an nei pawhin ka hre si lo, a buaithlak tawp. Engtin nge an awm zel dawn, thlir phawt ang. Inngaizawng tur em chuan, ka ring phal bawk si lo.

Ngheti kan thlah a, kan in panin kan tlan leh thuai. "U, motor thar ngaihtuah la",

"Hei hi a ṭha alawm, a tlo em hi",

"Ka tih awmzia chu, hemi hi tiral turin ka ti chuang lo che a, motor dang ngaihtuah zawk turin mawle",

"A ho mai mai, hei hi a ṭha ber", a ti leh a. Ka sawi zui duh ta lo, ka u tan paw'n a awm ve tho.

In kan thleng a, kawngka bula u Ngaia ding ka hmuh chuan, ka mit vâi emaw tiin, ka mit ka chhing sawk.

"I chhuk dawn nange, ka lo hung ṭha lawk ang", ka uin a tih chusn, ka chhuk a. U Ngaia chu hmu lo angin in chhungah ka lut a, in chungah ka chho tlang nghal.

Room-ah lutin ka kalh nghal hmak a, khum chungah ka ṭhu hle hle. "Venpui, ka be duh che, khawngaihtakin min lo hawn lawk teh", a rawn kik kar kar.

Ka va hawn a, "Eng nge i duh?", ka ti hlak. Ka thinrim thar thut lehnghal, en pawh ka en duh lo.

"Venpui", khum chungah min ṭhuttir a, ṭhingṭhiin ka kut pahnih a vuan, "Venpui, min ngaidam rawh, ka dik lo tih ka hria a, ka inchhir lutuk ringawt. Ka tih loh tawp tur ka ti a ni, lo haw tawh rawh", ngen ngawl zet hian a ti a.

Ka hawisawn char char, "Ka lo haw tawh dawn lo, inṭhenna lehkha-",

"Chutiang sawi suh, Venpui, khawngaihtakin, i lo haw vat tur thu sawi zawk rawh. Venpui, ka tihpalh lutuk, min ngaidam rawh,,khawngaihtakin",

"Nangpawhin ka hriat lohin lehkha i tifel ve tho alawm", ka ti a. Ka kut a vawn chu a hmer salh.

"Engvanga ti nge i nih, ngati nge i nupui anga min en ve theih loh? I hriat kha, ka pasal i nih angin ka zawng zawngin nangmahah ka inngat a, ka ring bawk che. I laka lungawi loh chang ka neih pawhin ka ngawi mai zel a, keimah leh keimah ka inhnem ringawt zel.

Chuvang chu em ni, milem lek anga min ngaih? U Ngai, milem i duh loh thu i sawi a, mahse, milem ang chiahin min en tih i hria em?",

"Milem angin ka en ngai lo che, Nini chungchang kha chu, awmna tur a nei dawn si lo a, nangin min pawmpui ka rin loh vsng zawk a nia",

"Engvangin nge ka pawmpui loh ang che, ka pasal i nia, i thutlukna chu pawmpui zel tur che alawm ka nih. Mahse, thutlukna i siam hmain, i nupui ka nih vena angin min sawipui ve tur i ni.

I fanu angin i sawi a, ka hriat loha lehkha i tihfel thu i sawi bawk a, min hmin theih mai tur thu i sawi leh bswk a.

Ka mopui, u Mahlimin engtin nge min ngaih ang, u Muana te, Mawimawii unau te paw'n, chubakah, ka nu leh pa te pawh khan, Police an la awm leh ta nghal.

Anni ho zawng zawng khan, engtin nge min ngaih ang? An hmel pawh hmu ngam loah min siam a nih hi", ka ti hlak hlak a. A kun ngaih.

Ka inkhawngaih hluah hluah, zahna tehna hi awmin min teh ta sela, a tehna hmanrua pawh a chhe thei ngei ang.

A zahthlak tihpiah lam a ni, "Vai ho bulah i awm nasa lutuk a, Vai ho rilru i pu zo tawh a nih kha. Pasal chuan nupuite zahawmna an hum ṭhin a ni ngai a, nang erawh chuan, i nupui zahawmna hum chu sawi loh, mi zawng zawng hmaah i hlim chhuak a", ka rilru nâ thar lutuk chu, ka mittui a tla zawih zawih.

U Ngaia chu, mipaa chan(chang) thuta, sawisak hrep ka châk lutuk. Ka kut a vawn chu ka la sawn a.

"Kal tawh rawh, inenkawl ṭha la, chaw ei ṭha ang che", ka ti a. Ka ding hluai chu min pawt ṭhu leh.

Ka kut lakhawmin, a hmuiin a nawr vang vang. "Venpui, i tel lo chuan ka kal duh tawh lo, ka rualin lo haw rawh, maw, khawngaihtakin. Min ngaihdam theih nan chuan, engpawh ka ti ang",

"Engpawh maw?",

"Aw, engpawh, min ngaihdam theihna tur a nih dawn phawt chuan",

"A nih,,khami zan kha ko kir la, nautê kha a nu leh pa in man avanga i lo hruai haw thu i sawi dawn nia, chuan, ka ngaidam ang che", ka mal chungah a lu a nghat a, ka kut a hmer vawng vawng.

"Kal tawh rawh",

"Kan inṭhen dawn lo tiraw?",

"Mai thei", ka ti a. A thaw ri hrawih. Tunah rih chuan,,ka ngaihtuah chhuah apiang hian namên loin ka thin a rim ziah.

"Venpui, inṭhen ka duh lo ka tih tawh kha, ka lo nghak ang che, kum sawm pawh nise, ka lo nghak ang che", a ti a.

Ka la en duh lo reng, "Venpui", ti supin, ka kut a fawp leh vawng vawng. A chhuah hnu pawh chuan, ngawi rengin ka la ṭhu a.

A duh dan ang hlirin thu a kalpui a, kan pahnihin kan tuar ta a nih hi.

U Ngaia a lo kal aṭang kar khat dang a liam leh tawh a. Hma ka sawn chho hret hret. U Ngaia ka theihnghilh ka ti hauh lo, kan pahnih inkara thil thleng duhawm lo zet kha, ka hre chhuak zen zen tawh lo zawk.

Ka u pawh, a taksa a ṭha tawh a, cher lutuk ni tawh lo mah se, a mawi tawk chsuhin a thau a. Ngheti nen paw'n, ka rinhlelh theih tura inchhaih an ching zeuh zeuh.

Chiang deuhin ka la man thei si lo a, tlema an lo induat deuh hi ka nang leh ṭhin a, mahse, an insiamrem ṭha leh vat zel a. Ngheti lahin engmah min hrilh duh si lo, ka la dawp chhuak ngei ngei ang.

"Bawihte, i va han nalh dawn tak em, i va mawi dawn tak", ka lo nui kur kur. Nghetin ka u, nailpolish sennô a hnawih sak a, ka u lah, meng rum alin a ṭhu hle hle ve mai bawk.

Hemi te pahnih hi an inhawlo chisng alawm, "Bawihte, pawnah chhuak miah suh aw, i nalh dawn ropui si, i bo palh ang", Nghetin a ti a.

Ka u insehruh nasa lutuk chu, a hmuhnawm letling zawk. Engtin mah Ngheti a ti duh bawk si lo, an inngaizawng ngei ngei ang, ka man chhuah hunah chuan aw, an va chak dawn lo tak.

"Bawihte, kan zo e, Bawihte, i nalh lutuk, Bawihte, pawnah chuan chhuak miah suh aw", Nghetin a ti lang lang a, a nui ver ver bawk.

Chutah, ka uin min lo en a, "Venpui, he nu hi petchhuak rawh,,a nih loh chuan keima'n ka thehchhuak dawn a nia", a ti chang fak a, a insehruh nasa lutuk a, a bek te chu a pawng ṭawlh ṭawlh.

"Min theh chhusk a ngai lo, keimahin ka chhusk ve thei, zawrchhe si, la thinchhe ve ta khanglang zui", ka u chu a rum nghut nghut. A tho vut a, Ngheti chusn a hlau leh si a,,ka bulah a lo insawn daih.

Mahse, ka u chu a room-ah a lut zawk a, "Min tihlau hman alawm",

"A la damkawr chauh a, ṭha deuhin be rawh, i ṭawngkhum nâ thei lutuk", ka ti sap a. "Ni ve tho,,mahse, ka insum thei ṭhin lo alawm", Nghetin a ti a,,ka nuih sak ringawt.

Mutna kan siam a, "Room-ah mu tawh zawk ila, a pawi tawh em ni? U Zaua pawh a ṭha tawh a",

"Ka hre lo le,,zanin chu mu leh phawt mai ang", ka lo ti a. Mutna kan siam zo kan mut fel hnu chuan, "Venpui, thla khat a liam dawn, engtin nge ni dawn ta?", Ngheti chu ka bo deuhin ka en.

"U Ngaia nen chuan, in inṭhen dawn ta em ni?", a ti leh a. Ka u nen ka ngaihtuah dun nasa lutuk a, chutiang lam reng ka lo ngaihtuah leh tawh lo.

"Ka hrethiam rih lo, hetia la awm phawt ka la duh", ka ti a. Lehlam ka hawi a, ka zungbun chu enin, ka tuai heuh heuh.

Ka kut aṭanga lakthlak ka duh miah lo a, ka la bun ngat ngat. Inṭhen tur chuan ka inngaihtuah ngai lo a, inṭhen chu ka duh lo.

Chaw ei hma deuhin ka pain min lo call a, "Venpui, thla khat a liam tawh a, kei chuan thu ka nei tawh lo, i kutah a innghat tawh aw. Kei chuan, inṭhen hlen turin ka duh lo che u a, mahse, inṭhen i duh a nih chuan kan hnial lo ang che", a lo ti a.

Chhan dan tur pawh ka hre mai lo, chaw ei naah ka sawi leh a. Ka chhungte pawhin, ka pa lo sawi ang tho an sawi a.

Ka ngawi reng, inṭhen ka duh lo tih keipawhin ka hria, "I kutah a innghat, kan duh danin kan awm tir ngawt thei lo che", ka pain a ti a.

"In inṭhen dawn lo a nih chuan, inrem leh vat rawh u, nupa nih tawha awm hran reng chu, in inkar a zau ting a ni mai", ka uin a lo ti ve bawk.

Ka u dawrah a kal a, vawiin chu ka zui ta lo mai, Nghetin a zui tho. Ka nu leh pa te nen inah kan awm a, min en zui reng tih ka hria.

Ka room-ah chhoin, ṭhutthlengah ka ṭhu a, ka phone ka hum ran. Chutah, u Ngaia call-in min la chhang thei lo zui.

Ka call ngat ngat tho, a tawpah min chhsng thei ta hrâm, "Khawiah pawh awm la, tunah lo kal nghal rawh,,ka vuakna tur che tiang lo inken nghal bawk la", ka ti a. Phone ka off nghal hmak.

Tiang nen chuan lo kal tak ang maw, a lo kal a nih chuan, ka thinrimna bo ṭhak khawpin ka vua ang.

Ka u te an lo haw a, zin chhuah a ngai tih a sawi chuan, "Khawiah?", kan lo ti vat a. Zin chhuak tur chuan, ka la ring ngam chiah lo, u Ngaia lo kal turin ka ti si a, ka zui thei dawn lo.

"Champhaiah, mahse, karleh daihah khian", a ti a. Ka thaw huai maiin ka hria. "Nghetin a lo zui che sia, khawiah nge a?", ka ti a.

"A lo kal reng reng lo, hna a nei ve alawm,,a tê si, ṭawngthei si, min tihah", ka uin a ti nang nang. Ka lo nuih hak hak a, an lawmawm dun e.

Chaw ei kham hnu feah Ngheti a lo lang a, vawiina a awmdan report a pe zung zung. "Ka hausa ṭep tawh", intithei fahran hian a ti lang lang.

Ka u a awm lo bawk a tiin, "Ka u hi nei mai la", ka ti a. Min melh ralh, "Ka u hi, nangmahin i enkawl ṭha thei ber ang", ka ti sap a.

A ner salh salh, "Thu awihawm lo pui pui sawi suh, pasal ka neih dawn hunah, u man ei tir ṭeuh ka tum laia, thil ho mai mai sawi ṭhin suh", a tih chuan, "U man pawh a ei tel dawn tho alawm", ka ti a, min beng hlak.

"Zanin chu, ka lo riak thei dawn lo, i room-ah mu rawh aw", a ti a. Ka lo bu nghat. An in lamah pawh a buai ve thei dawn lutuk.

Chuti chungin min riahpui a ṭhulh chuang lo a,,ka u nen chusn innei se, ka va han duat lehzual dawn tak.

"Pawn thleng min lo thlah rawh", a ti a. Pawn thleng ka thlah a, zan a la rei lutuk lo bawk nen, mi veivak an la awm tho a, a haw ngam hun vel a ni.

Zi mar ar ar chungin room aṭang ka chhuak a, ka u pawh a room aṭang a lo chhuak ve chiah.

"Venpui, Venpuii tho tawh em?", Ngheti lo tlan lut chu, "Eng nge ni ta?", ka lo ti thuai a, a thaw hlawp hlawp.

"A lo thleng ṭep, a lo thleng ṭep", a ti a. "Eng chu?",

"A lo thleng ṭep", Nghetin a tih zawh rualin, kawngka a lo inkik a, inhawng nghalin u Ngaia a lo lut, tiang a lo keng bawk. Tiang nen a lo kal tak tak! Shynrang pawh a lo kal tel.

Inthlahrun hmel deuh hian min lo en a, min lo pan chharh chharh. Ka hmaah tiang a lo lek a, ban lawkin a bân bulah ka vaw nghek a, a lo indang duh miah lo, a dawh mawl tawp.

Tiang paihthlain ka kuah thlawp a, min kuah let ve vat, a taksa chu a sâ vur lehnghal. Min ṭhutthlakpui riai riai, a pang ka dek a, a sâ lutuk ringawt.

"U Ngai, i ṭha em, I dam loin ka hria?",

"Venpui, min ngaidam rawh", thaw halh chungin a ti a. Engmah a hre zui tawh lo, a tlun nghal hluah hluah.

"Pawnah a ṭhu char char zel a, "Venpuii ka nghak", a ti ṭhin a. Zanlai thleng ṭhakin a ṭhu ṭhin. A luhlul si a, ka dang zo ṭhin lo a ni",

"A bulah i awm char char em ni?",

"Awm char char e, ka ngaihtuah alawm, chaw a ei ṭha si lo, chaw a ei ṭha lo chu thuhran, zanlai thlenga pawna a ṭhu ṭhin kha ni buaithlak chu", Shynrang chuan a ti dap dap a.

U Ngaia chuan ka kut a vuan tlat a, a chal ka dek a, damdawiin a chhawk tawh a ni ngei ang, a dâi deuh ṭan.

Ka vuakna lah chu, a duk deuh churh lehnghal a, ka khawngaih leh hnuhnawh. A bulah mu thlain ka kuah a, a changin, "Venpui", tiin, a phun leh sup ṭhin.

Ka biang za mer merah ka harh a, u Ngaian min lo en reng, "Khawmaw", tiin, a chal ka dek leh a, a dâi tawh lutuk ringawt.

"I dam tawh a nih hi", nuih saih chungin ka ti a. Ka kut la kangin a fawp a, a âwmah a nghat a, "I dam tawh zawk em?", a tih chuan, ka bu nghat.

"Min ngaidam tawh dawn em?", a tih leh chuan, ka bu leh nghat. Ka âwmah a hmai a phum a, "Ka ngai thei lutuk che", a ti zawi sup a. Ka kuah nghet sauh sauh.

Inbengkangin min en a, "I lo haw tawh dawn tiraw?",

"Duh lo ta ila",

"Venpui", min fawp nghal a, ka hmui a seh vak, "A nâ lawm", ka ti hlak a. A nui suk ringawt.

"I cher lutuk, chaw i ei ngai lo ni maw?",

"Ka ei ṭeuh ṭeuh zel alawm",

"Chuti, i va thau si lo ve", ka ti a. Ka âwmah a hmai a phum leh vang vang. A thaw ri hrawih hrawih a, sawi tur tam tak a neih ka ring, a sawi chhuak thiam lo pawh a ni mahna.

"Venpuii mipa ka la ni reng em?",

"Engtiklai pawhin, Ngaia hmeichhia ka la ni reng em?",

"Engtiklai pawhin", ka nui hak. Ka chhan dan khera min chhan ve chu. A khat tawkin min ngaih thu a sawi deuh reng a, ninawmah ka la duh lo reng reng.

"Min ngai ve em?", inthlahrung deuha a tih chuan, "Ngaia te chu, tumahin an Ngai peih lo", nui sak chungin ka ti a.

"A pawi loh chu", lungawi vak lo chung hian a ti reuh a. Ka nuih ringawt, min ngaih let ai pawhin ka ngai zawk ang.

Tlun tawh lo mah se, a khawsik erawh chuan a la kalsan chiah lo. Zanlai thleng thlenga pawna awm reng te chu, âtthlak ṭhin lutuk.

A vuakna tur tiang keng turin ka ti a, a lo la keng tak tak zui. Ka vuak duh tak tak a ring lo nge ni, ka lo vaw tak tak reuh sia.

A muhil lai chu ka en a, a biang ti te chu a tla dâwk. Mahse, a la thau kung kung mai ang.

"I chiang maw, Venpui, keimah vang chu a ni lo tiraw?",

"Ni lo e, kan sawifel vek tawh kha",

"Mahse", u Ngaian a tih leh chuan, "Lo kal mai mai rawh", a banah ka kai a. Pawna ṭhutnaa ngawi renga lo ṭhu chu, kan va pan a.

U Ngaia chhuak tur chu, Nini nen kan thlah ṭhin a, "Papa, bye", kan ti a. Nini chu a nui nasa thei lutuk.

U Ngaian min fawp zeuhin, Nini pawh chu a biangah a fawp zeuh ṭhin bawk a. Hlim tak hian kan inthlah ṭhin a.

Nini lo awm aṭang kan in chhung pawh chu, a phuisui zual sawt. Zanah hian, a phu leh zuk ṭhin tih leh, hlauthawng taka a ṭap chhuak leh ṭhin tih loh chu, harsatna em em kan nei hran lo.

"Nini, inbual ang le",

"Maa-i", tiin, min ko ṭhin. Ka pawm a, bathroom-ah hruaiin ka bual a, inbual hi a nuam a ti thei lutuk a, Varak lem nen a infiam pah nen, inbual chhung pawh a rei.

Inbual zawha a mut a chhuah leh mai ṭhin avangin, ka thlak zo chu chokaah ka pawm phei leh a.

Ṭhutthlengah ṭhuttirin, Pancake ka siam a, bawnghnute fridge aṭanga la chhuak tura ka hawng chu, u Ngaia Sangha lei chuan ka luak a pawt tlat.

Bathroom-ah ka tlan lut thuai a, Nini a lo ṭap vsk vsk bawk. Ṭhutthlengah a lo ding a, a lo ṭap vak vak.

Ka pawm kâng thuai a, "Maa-i vua", a ti ta reuh a. A mittui hruksakin, "Nini, tuma'n min vuak loh hi",

"Papa, Maa-i vua", a ti a. A ṭap a bâng mai lo. "Nini, Papain Maa-i a vua maw?", ka ti a. "Papa, Maa-i vua", a ti leh.

"Bâng tawh rawh le, Papa kan hau hrep dawn nia aw", ka ti a. Nautê duhawm lutuk hi, engtin nge nu leh pa damdawi zuar karah a lo pian theih zawk le?

Pathian rilru hi a nâ ṭhin ngawt ang!

Kan inhrâipuar hnuah, dawrah kan kal a, pregnancy test kit pathum lai ka lei. In kan thlen ve leh,,Nini ka âwi mu a, ka mut fel tir hnuah, test nei turin bathroom-ah ka lut vat.

Test kit pathum te chuan, positive an thlawp vek tih ka hmuh chuan, ka mittui a hnâm ṭiam ṭiam.

***Sam 127: 3 Ngai teh, fanaute hi LALPA laka kan ro chan an ni a, Rîla rah hi a lâwmman min pêk a ni***


Show post links
Top

[Ngaia]

I Ninawm
Chapter-28
Ziaktu: Cck Lalchhuanawmi

Test kit pathum te chuan, positive an thlawp vek tih ka hmuh chuan, ka mittui a hnâm ṭiam ṭiam.

U Ngaia hrilh hlan mawlh ka nghakhlel. Nini mut hlanin, in ka tifel zung zung a, fridge erawh, a tawk pawh ka tawk lo, Sangha paih bo ka duh ṭum ber a ni ang.

Mahse, Sangha vangin nau ka pai tih ka hriat phah theih a, a lawmawm letling zawk.

Pawnah Nini nen u Ngaia lo haw hun nghakin kan ṭhu a, Anisha fate leh kan ṭhenawm fate an ri chel chul a, Nini nen kan lo hlimpui ve thei lutuk.

Police Motor kan in kawta a lo tlan luh chuan, "Papa", Nini-in a ti var a. A khêk zui. Papa kan hmuh hi chuan, kan hlim thei a nia aw.

Nini chu ka chhuk tir a, u Ngaia panin a tlan ter ter. U Ngaian a lo pawm chat a, Nini chu a nui uar uar.

Ka ṭhutna aṭang ka ding a, u Ngaia chuan min kuahin, ka biang a fawp zeuh. In chhungah lutin, a inbualna tur ka siamsak a, a inbual chhungin chaw ei ka lo siam.

A inbual rei ngai chuang lo, "Hmeichhia ka ni hleinem", a tithla zen bawk a. Mipa inbual rei pawh an awm ve ṭhin thoin ka ring.

Chaw kan ei a, Nini pawh, amahin chaw a ei thiam tawh a. Kum hnih mi chauh hi, a changkang lutuk ringawt.

U Ngaia thau thei lo hian ka mang a tiang ṭep tawh. A kuta thisen zâmte an lang kulh a, hei chu a dan pangngai tur a ni tih ka hria. A biangti tla dâwk puar thei lo hi ni.

A hma kha chuan, a puar ve ṭhin kha a nia, khawsikin a damlo lo tawh bawk si lo. Inentir tura hruai mai te ka duh ṭhin, chaw lah ei tlem thei si.

Nini chu u Ngaian pawmin tv a enpui a, Dragon fruit phel zoin, an bulah ka ṭhu thla a. Nini pawhin a ei tuam tuam.

Nini awm aṭang Cartoon kan en char char zel a, Chanchinthar takngial pawh kan en thei lo. U Ngaia hian Nursery Rhymes thiam pakhat mah a nei lo!

"Maa-i, tui", Nini-in a tih chuan, tui ka laksak a, "Keipawh", u Ngaian a lo ti ve a. An pahniha in turin no-ah thli chhuakin ka pe a.

Plate leh no chu dah felin, an bulah ka ṭhu leh a. U Ngaian a dar a lo beng thek thek, a bânah kuahin ka lu ka nghat a. A hnuah, min kuah pah a, ka lu a lo tauh leh dat dat zel.

"Thla la ang u", tiin, phone ka la nghal zat. Centre table-ah rem deuhin phone ka dah a, timer set-in, u Ngaia bân kuah lehin a darah ka lu ka nghat a.

Ka nui sâng a, u Ngaia leh Nini erawh chuan camera pawh an en lo. Hahthlak ṭhin hian.

"U Ngai, Camera en ve teh", ka ti a. A bu nghat. A la nui chuang lo chu, "U Ngai, nui la", ka ti leh a. A bu leh nghat.

A nui tawi tak ringawt, a ṭha tho e. Min kuaha ka lu ka nghat leh chu, camera a dê zeuh. Vawikhat ka set leh a, u Ngaia chu nui sukin Nini pawh chuan camera a lo en.

Chumi chu Status-ah ka hmang a, "Phone kha dah rawh", u Ngaian ka kawr tlâng a lo pawt. "Lawk aw", ka ti a.

Nghetin lo en hmasa berin *in ṭhing chhungkua* a lo ti a. Kan han inhnial leh rih. U Ngaian ka kawr tlâng a lo pawt chhen chu, "I ninawm", ka lo ti hlak a.

Min lo pawt tawh lo reng reng, Ngheti chu *naktukah kan inbe leh dawn nia, ka lo call ang che* tiin, ka thlah ta ngawt a.

U Ngaia chu ka en a, a lo bu lâwp lâwp. Nini pawh chu, a lo muhil chiah chiah. "U Ngai, Nini a muhil tawh a nia",

"Ka hria lawm", a ti sup a. A lungawilo deuhin ka hria. Nilêngin a chhuak a, ina a awm chhunah lah, phone ka khawihsan leh daih sia, a awm ve tho mai.

"Nangpawh, i mut a chhuak tawh a nih kha",

"Ka hria lawm", a ti leh. Ka kuah a, "I lungawilo em ni, Ngheti nen kan inbe lawk a", ka ti a.

"Lungawilo lo e, a ṭha alawm, mu tawh ang u", a tih chuan, "Aw le", ka lo ti vat. Tv off-in kawngka ka kalh a, bathroom-ah ka lut leh phawt.

Nini bulah u Ngaia chu lo ṭhuin, a lo thlîr veng veng. Bathroom-ah va lut ve lehin, light a lo off phei a. Pregnancy test kit ka lo hum a.

U Ngaia a lo luh chuan, a hmaah ka lek a, room kawngka kharin, "Eng nge ni ta?", a ti zawi sup a. Ka lo nuih ver ver.

"En chhin la", ka ti a. Ka kut phelha, test kit postive sa vek a hmuh chuan, a en vung vung. Ka kut chu a hmer vawng vawng bawk.

"U Ngai, i duh lo em ni, ngati nge i ngawih reng a?", a âw a thian kharh. "Ka lawm lutuk a", a ti zawi sup.

A kun ngaih chu min en turin ka ti a, min en loin min kuah nghal vawng vawng. "Venpui, ka lawm lutuk, i hah hle dawn a nih hi, mahse, ka lawm lutuk", min kuah nghet leh lutuk a, ka thaw ṭha thei lo lek lek.

Test kit chu a dah ṭha a, paih tura ka tihin a paih duh tlat lo. Ka kawr hlimin, ka pum a fawp a, "Venpuii hlir sawm lo awm rawh u aw", a tih chuan, ka lo nuih ver ver.

Damdawi inah kalin, kan inentir a, "Nanaua", Nini-in a ti lang lang a. Mipa nge a nih dawn hmeichhia tih kan hre miah lo. Doctor-te chuan an hre thei a, mahse, an sawi chhuah a thiang bawk si lo.

An sawi chhuak a nih vaih chuan, man an ni dawn. U Ngaia Police a nia, han zawh tir ila chuan, min hrilh duh ka ring deuh reuh. Mahse, u Ngaia hian a zawt duh miah lo ang.

Kan haw kawngah restaurant-ah kan chawl a, Nini chu u Ngaian a pawm char char. Pawm chhawk ka tum lahin, "I rit lutuk palh ang", min ti ṭhin a.

Dawhkana pangpâr an khawi rawng chuan, ka mit a tikham leh ta tlat. Ka melh ngawt ngawt.

"Venpui, eng nge ni ta?",

"Pangpâr hi, ka mit a tikham",

"Tihian a ni mai lawm", ti pahin, pangpâr chu a dahsawn a, a la intithei em em zui. A nui var.

Lapawchini kan lei ṭeuh bawk a, in thlen ve leh Nini nen an ineisiak emaw tih turin, an ei tuam tuam a. Ka lo en reng a, an hmuhnawm lutuk ringawt.

U Ngaia chuan Station-ah min kalsan leh a, Nini nen kan inawm leh. Nau ka pai thu Ngheti ka hrilh a, a lo au vak.

Ka phone ka dahsawn rang lutuk, "Tak tak em?",

"Tak tak e, Damdawi in aṭang kan lo haw chiah",

"A va lawmawm, buaina engmah tawk tawh loin, awm dun reng tawh teh u",

"Buaina kan tawk tawh dawn hleinem", ka lo ti a. "A ṭha, in buaina tawh kha a kaltluang em a, tunah chuan a bo tawh bawk a, hlim reng ang che u",

"Thutawp siam i va ang em em, min pui turin i lo kal ang chu", ka ti a. A lo phun bul bul, "Phun phun suh, nautê nei vat tura min titu i nih kha",

"Aw, pui tur chein ka lo kal dawn alawm, i mangang hma em mai", Nghetin a ti lang lang a, ka nui ver ver.

Kan inentirna lehkha te chu ka dah fel a, hun bi neia, nau neih hma chu inentir tura kal a ngai ṭhin dawn a, a peihawm lo dawn riauin ka hria.

Tlai lama u Ngaia haw chu kan lo hmuak leh a, nakinah chuan, Nini nui ri bakah, nautê dang nui riin min la belh dawn chu a nia, kan va phuisui zual dawn tak.

Kan inkarah Nini a mu a, u Ngaia nen kan kut kan beka dawmin, Nini chu kan thlîr leh veng veng ṭhin.

"Tun kar bak chu kan kawl thei tawh dawn si lo a",

"Kan ngaihven reng dawn tho alawm?", u Ngaian a tih chuan, "Kan fanu a la ni reng dawn em?", ka ti a. A bu nghat nghat.

Ka biang lo dawmin, a tuai heuh heuh a, "Pasal zei lo deuh i neih avangin i buai ziah a",

"Pasal zei deuh ka neih vang zawk lawm, ka buai ziah", ka ti a. A khi suk. "Ka bulah lo mu rawh",

"Nini hi",

"A tla lo ang", a ti zawi sup a. Min kaithoin, a taksa chungah min bswh tir a, ka lu chul hliau pahin, "Ka ngai thei lutuk che kha, hmun reh laiah kalin ka au vak zel", a ti a.

"Tunah pawh hian, ka ngai che", a hmuiin ka lu a lo nawr vang vang. Shynrang pawh khan, a au vak vak zel a ti bawk a.

"Inṭhenna thu i titlu mai ang tih kha, ka lo hlau thei lutuk a, ka ngai thei lutuk che kha, i thlalak ka en a, ka be mawlh mawlh zel", a ti dap dap a.

Ka nui saih, ka lu tikangin ka en a, "Tunah pawh hian min ngai em?",

"Engtiklai pawhin", a tih chuan, keimah zawkin ka fawp a. A lo duhthawh nasa mai.

Nini kan awmpui theih hun a tlem tawh si a, chuvang chuan, hriatreng tlak turin leh, nuam a tih theih ang ber turin hun kan hmanpui a.

Nini kal hmaa nau ka pai hman hi, ka lawm asin aw. "Maa-i, Maa-i",

"Nini, cake ka siam dawn alawm, tv lo va en la, nanau te bulah lo va awm rawh", ka ti a. "Maa-i, pua", mittui parawl kuang chunga tiin, a kut a lo phar chhuak a.

Puakpuan lain ka paw(pua) ta a, pancake ka siam lai chuan a lo ṭawng ve zet zet reuh a, a lo kâwk kual ve zut bawk.

Tv-ah Cartoon ka tihchhuah sak a, a infiamna tura kan leisak ho, Barbie, Tea-set leh Teddy bear te ka chhawp sak a, chuti chunga ka puak a la ngen chu, a lawmawm mah zawk.

"Maa-i, papa haw", a zuang ter ter a, a khêk chûl bawk. "Nini, Maa-i thu lo awih em?", u Ngaia chusn a pawm kâng nghal a. "Awih lo", Nini chuan a ti a.

U Ngaia a nui chhuak hawk hawk, "Maa-i thu i awih loh chuan, Lollipop ka pe lo mai ang che", a tih leh chuan, "Awih, Maa-i thu awih", Nini chuan a ti vat.

Nini muhil chu kan thlîr dun leh doh doh, naktukah chuan, hmun dangah min awmsan tawh dawn si a.

U Ngaian a chalah a fawp vawng vawng a, ani pawh hian a ngai dawn tih ka hria. A kut tê reuh tê chu, a chelh a, a tuai heuh heuh a, a fawp leh vang vang zel.

Nini thawmhnaw kan siam a, a nutêi te pawh an lo thleng ve nghal mai bawk. Nini chu ka pawm a, thingpui te kan intir leh phawt a, u Ngaia hoin an titi siam siam.

Nini nu nau te hian fa an nei thei lo a, hetia a nu leh pa te msn an nih takah chuan, fa an nei thei lo bawk nen, Nini enkawl an tum ta a ni.

Nini nu nau pasal hi Zirtirtu a ni a, Nini an kuta kan dah hmain, u Ngaian enthlak phawt a ṭha a ti a. Tunah chuan, ngaihngam takin an kutah, Nini kan dah thei tawh.

"Nini, Maa-i hian a haw(hua) miah lo che nia aw, Maa-i hian a hmangaih lutuk che", a beng bulah ka phun sap a, a biangah ka fawp vsng vang.

Mittui parawl kuangin min en a, "Maa-i", a tih chuan,. "Nini, fel deuhin awm rawh aw, i len hunah, hetah i lo awm leh dawn nia aw", ka ti zawi sap.

Nini chu an kalpui a, u Ngaia nen inkuahin kan thlîr vawng vawng. Kan bulah rei lo te awm mah se, hun hriatrengtlak tur min hnutchhiah a.

Fanu fel leh duhawm tak, thuawih thei tak a ni. Tunah pawh, ṭap buai miah loin, thuawih deuhin a kal a, ka ngai dawn lutuk.

"Venpui, ngati nge i ṭah a?",

"Ka ngai dawn lutuk",

"Ṭap tawh suh le", ka mittui a hru thuak thuak a, in chhungah min luhpuiin, ṭhutthlengah min ṭhuttir a. Nini Barbie pakhat ka hmuh chuan, ka nui sak, a bag-ah kan lo khung hmaih.

Nini awm tawh lo mah se, ka puma nautê hian inchhung a tiphuisui a, u Ngaia pawh, zan lam duty a la ṭhulh zel bawk.

Min ngaihsak ṭha em em a, inchhunga chet te hi a phal ṭha lo. Awmpui lak a rawt hian ka lo hnial vat zel.

Ka pum a la lian lutuk lo a, inchhung hna chu ka la thswk thei ve reng. Zingkarah, a ni thlakin, min kalchhuahpui a, muangchangin kan kal ṭhin.

Damdawi ina inentir a ngaih pawhin, a hna chawlhsan meuhin min kslpui ṭhin a. Zanlaia rilṭam ka neih ṭhin avsngin, ka ei duhzâwng min siam sak ṭhin bawk.

Nini pawh, kan ngaihven reng a, a nutêi ten an duat bawk a, nuam a ti lutuk ringawt.

Tlemin ka pum pawh a puar lian ta deuh a, nautê a lo chet hian, u Ngaia a meng phar kâwk zel.

"I lo chhuak duh tawh em ni?", u Ngaian a ti ṭhin a, nautê lah chusn, 'aw' ti ang hrimin, u Ngaian a sawi zawh rualin a lo che leh deuh kher zel bawk.

Mutnaa ka hnung kham thei lutuk te hi, dim te tein a chum ṭhin a, inher ka duh pawhin, min siam rem zel bawk.

Chhun lamah hah hle chungin, inah ka lo tibuai ve zel nen, a chawl hahdam hman meuh lo hian ka hre ṭhin, a chau tih hi sawi kher lo mah se, a hmelah te hian a lang ve ṭhin a.

Tihbuai loh ka tum ve pawhin, u Ngaia zawk hi a inring em em zel a, ka tihbuai dan a hre tawh lutuk. Zanlaiah te pawh hian, kaihthawh loh ka tum pawhin, ka harh rual hian a harh ziah, ngaiah a nei tawh.

"Venpui, naktuk hi, i piancham a nia",

"Tak tak maw?",

"I hre lo em ni?",

"Hre miah lo, a van mak, engtin nge ka hriat loh zawk?", ka ti a. Ka thiam tawkin ka chhût ve rauh rauh.

Ka piancham ka theihnghilh chu ka awihlo lam mah zawk. "Chhût duh suh, i chhût chhuak zo dawnin ka hre lo",

"Belh leh paihte chu ka thiam ve tho", ka tig chuan, a nui hak hak.

"Naktuk zan chu, chaw kan ei chhuak dawn nia, midang angin pui taka lawmsak che ka thei dawn si lo a, min hrethiam a ni ang chu",

"Hrethiam lutuk, kan pahnih chauha lawm ka duh zawk, nautê nen, kan pathumin, chubakah, ka piancham i hria a, ka lawm lutuk",

"Hre lo ila chuan, min vaw leh hrep duh zawk ang", a ti a. Ka nuih hak hak. "Duh mai thei", ka ti a. A khi suk ringawt.

Mu turin kan insiam a, khumah hian lukham a tam a nia aw, nautêlem pathum vel nen, chung ho chu ka khamin ka delh ṭhin.

"Zanin chu, min lo nghak la aw, ei rawngbawl pawh a ngai lo ang aw",

"Yes Sir", ka lo ti vah. Min lo fawp zeuh. A lukhum khumin in aṭang a chhuak a, ka kut ka lo vai lauh lauh.

Ka piancham ka theihnghilh laiin, a lo hria a, pasalṭha dik tak a ni e. Zanin chu, khawiah tak min kalpui ang maw?

Chawhnu lam aṭang muangchangin ka insiam a, ka khi ṭhaw reng a, ka biang a kham vek.

Ngheti nen kan inbia a, chaw ei chhuah kan tum te chu ka hrilh ve vek.

"Venpui, i mood tih off ka duh miah lo naa, i hriat ve a ṭulin ka hria a",

"Eng nge ni, han sawi la",

"Mawia kha, fa an nei tawh asin, mahse, a nu kha, nau a hring zo chiah tihah a boral nghal a. Mawia chuan fapa a nei a ni chu, Mawia chuan a enkawl a, ka khawngaih reuh asin aw, mahse, a puitlin phahin ka hria", Nghetin a ti dap dap a.

Ngun deuhin ka lo ngaithla, Mawia chu, a va vanduai tak, fapa a nei a, a lawmawm e. A nu pawh chu aw, a fapa hmel a hmu hman awm si lo, ka va lainat dun tak.

"Aw Lalpa, awmpui rawh aw", ka rilruin ka ti a. Mawian puitlin phah nana a hmang a nih chuan, a ṭha hlei hlei.

Ṭhutthlengah ṭhuin u Ngaia ka nghak a, ka insiam zo vek tawh a, dar sarih a ri hem tawh.

U Ngaian min lo call lo a, message lah min lo thawn hek lo. Ka call lahin min chhang bawk si lo a, ka mangang ru tawh lutuk.

Ka rilṭam chu ka pum a ri ruih ruih tawh. Chhang kan neih chu ka ei a, ka ei ṭeuh ngam lo.

Ṭhutthlengah ka ṭhu hle hle a, ka rilru a hah tawh lutuk, dar sawm a ri tawh. U Ngaian ka call a chhang thei bawk si lo, switch off a inti zel.

Chutah, kawngka a lo inhawng a, "Venpui", hawi chhuak vatin, u Ngaia lu tuam bur ka hmuh chuan, ka ding chhuak nghal vat.

"Ngati nge i lu kha?", ka ti zo hman ṭawk, min lo pan thuaiin min fawp a. Rei tawk fang min fawh hnuah, min thlah a, "Ka tihpalh lutuk, min ngaidam rawh aw, tunah pawh hian a la tlai lo a nia, tirawh, i chhuak.ang",

"Lawkin, ngati nge i lu kha, ka call i chhang thei si lo a",

"Engmah a ni lo, case pakhat kan buaipuina lamah, accident tenau ka tawk a",

"Accident tenau a, i lu an tuam a nih hi, engtin nge tenau i tih theih, lian thamin lo thi palh ta la, nautê nen engtin nge kan lo awm ang?", ṭap ṭeuh chunga tiin, ka en a.

A âwmah min kuah bet nghal vawng vawng, "Engtin mah ka awm dawn hleinem, nautê nen ka kalsan miah lo ang che u", a ti dam dup a.

Ka tiril a khûrin ka hria, "U Ngai, ka ṭhu duh, ka ding thei lo, ka khûr nasa lutuk a", ka ti zawi sap. Ka âw te pawh chu a khûr.

Ṭhutthlengah min ṭhuttir a, ka hmaah a ṭhu hniam. "I ṭha deuh tawh em?", ka bu nghat. Thâwk ka la halh halh a, ka thawl deuhin ka hria.

"I form te kha a thlerin ka hria",

"A ṭhui ṭhat theih alawm",

"I ngai ho lutuk, i tan a ho pawh a ni mai thei, ka tan erawh a ho miah lo a nia",

"Ka hria lawm, ṭap tawh suh, engtin msh ka awm lo, a ṭha em, i bulah ka awm hi. Ka thusawi hi ngun deuhin lo ngaithla rawh, ka sawi nawn tawh dawn miah lo nia", a tih chuan, ka insût faih a, ka bu nghat.

Ka kut pahnih a vuan a, ka mitah tak enin, "Venpui,,ka hmangaih che", ka lûngphu hi, a vawihnihna atan a chawlin ka hria!


Show post links
Top