I Ninawm
Chapter-7
Ziaktu: Cck Lalchhuanawmi
Motor aṭanga ka chhuah rualin, Campus chhungah ka tlan lut thuai. Zing ka thawh hlim aṭang, a pehhel zawngin ka la awm char char a, mak min ti ngawt ang.
Ka zah êm avangin en pawh ka en ngam lo, nizana kan awmdan ka ngaihtuah hian, ka hlim tho na chu, ka zak ru tlat!
"North East girl, nope, North East Wifey", Manav chu, ka melh hrawk. A nui huah huah a, min lo pan hnaiin, ka hmaah a ṭhu a, "Ei rawngbawl i thiam em?", a khi ṭhaw zui nghal.
Jennifer-i a lo lang har tawh miah lo ang, "Thiam lutuk ringawt, i ei châk zawng sawi ka, ka lo bawl ang", nui varin ka ti a.
"Ka ei châk zawng maw, Nangmah", sexy zetin min en nghal. "Fiamthu i thiam e", nui lui sakin ka ti ve a. Mahse, a nuihzatthlak miah lo.
"In pa pawh ka dil vek tawh",
"Eng, eng chu?",
"Zan khat chauh ka bula hun i hman mawle, chu pawh, a phalna thlapin", a kut pahnih a phar hluai nghal a.
U Ngaian chutianga a tih duh ka ring lo, Manav chu ka melh rawm rawm a, ngeiawm zet hian a nui khi sak.
U Ngaia ka dem dawn nge, dawn lo pawh ka hre lo, Manav-a hian, dawt a sawi ka ring zawk mah.
"I man atan hian, pawisa tam tak ka chân dawn chu nia. Mahse, pawi ka ti lo, i sexy lutuk a, ka insum thei ngang lo a ni", nui sukin, min en kar a, a hmui a seh sâwi kual nûng.
Tho lawkin, "Tenawmpa", ka aukhum nghek a, ka bag-in ka vaw chawrh. A nui duh chauh lek, ka thinrim lutuk.
Tho phutin, ka khabe a rawn hmer vak, "I man atan ka inseng ṭeuh dawn ka tih kha, in pa phalna thlap ka tih bawk kha, thu i awih lo viau chuan, a lehpek a awm zel ang", sehchilh nawkin a ti a.
Ka khabe a hmerna lah chu, a nâ êm êm lehnghal. "Dawt i sawi, u Ngaian engtikah mah phalna a pe ngai lo ang che", ka ti ve sak.
Hnai set sawta inmelh ralh kan ni bawk a, a mitmeng thip zeta, nâtna thûk tak pawh chu, ka hmuh hmaih lo nasa lutuk.
"Ka hmeichhe hmuh tawha sexy ber i ni, engtik emaw, kan pahnihin hun kan la hmang dun ang, ka duh chu, ka nei ngei ngei zel",
"Jen leh kei chu, engtikah mah min nei thei ngai lo ang", ka ti zawi sap a. A mitmeng chu thinrima inthlak thutin, chhuatah min theh thlu chawrh.
An ding suau suau tih hriat lutukin, Canteen-a chair ho a ri nghal ruih ruih. Ka hawi chhuak tur chu, ka chhip samah a lo ṭham vak a, a kut man vatin, "Manav, min thlah rawh", ka au tuarh.
Min ṭham tho a, "Nichinah khan engmaw i sawi?", a mit a sen vek. Sakawlh chiah chiah, sawi loh tur ka sawi avangin, ka chhaihkawlh ta chu nia!
"Manav, min tinâ nia, min thlah rawh",
"I cho loh tawp tur i cho a ni e",
"Ka tihpalh", ka ti zawi sap a. "Thlah nghal rawh", ti fiak ṭhak ri ka hre zui. Manav-an chhuatah min paih leh chawrh.
Ka hawi chhuak vat a, a rei loh tehlul nen, u Ngaian Manav kawr nghawng a lo ṭham a, bek pawng ṭawlh ṭawlh khawpin a en kar. Manav lah, a nui suk suk duh chauh lek.
Ka tho a, ka sam te chu ka hui ṭha mawlh mawlh. Ka ṭawng hriatthiam loin, an inbe sû sû, u Ngaian a nam sawn dawrh a, min lo pan.
"I ṭha em?", ka lo bu nghat nghat. Ka sam ṭha tawh chu, a siam ṭha ve leh mawlh mawlh. Engtin nge, a lo kal theih zawk le?
Kut beng thawm lo chhuahna lam kan en vat a, ngeiawm zeta nui chungin min lo en a, a kut a la beng hlak hlak zui.
"Chinese hi chu, kan ramah kan lo lawm vak lo che u sin, haw pawh ni ula, chân tur chuang ka nei lo", a ti a.
Beidawng zetin, u Ngaia chu a thaw hrawk. Anni pahnih inkarah pawh hian, awm chu a awm chiang a ni.
"Manav, duhtawk hun i hriat a ṭha aw", u Ngaian a tih chuan, inhrosa ngheka au vakin, dawhkan leh chair te chu, a pet thlu rem rum.
"Thu min pe turin tu nge i nih? Punjab mai ni lo, India rama sumdawng hausa fapa neihchhun ka nih hi, Asia-a sumdawng hausa pathumnaa lang pha ngat, fapa neihchhun liau liau ka nih hi, thu min pe turin tu nge i nih?", a vin khar khar.
Hlauh ai mah chuan, ka lainat lutuk ringawt. A thinlung zawng zawngin a sawi, a thinlung a rûm nasa takzet a ni!
"Manav", Jennifer-i a lo lang ta, a lo lang har mah mah a ni. Manav pawh, a zawr nghal dâwk, a ngawi hle hle.
Kan vai mai chuan kan ngawi ṭhiap, tumah ṭawng kan awm lo. Professor ho an lo kal a, boruak a rit zual sawtin ka hria.
Thingkung hnuaia ṭhutnaah min ṭhuttirin, a ṭhu hniam a, ka kut ka suihkhawm chu, a vuan a, a tuai heuh heuh.
"I hlau em?",
"Hlau lo e, mahse, engtin nge i lo kal theih zawk a?",
"Spy kids ka ngah alawm, i hlau lo tak tak maw?", a ti zawi leh sup. "Chemtea intin leh, silaia inkah ai kha chuan, a zia zawk", ka ti sap a. A nui sak.
"Ina zir i duh zawk em?", a tih leh chuan, ka duh loh thuin ka chhang thuai. Ka duh phawt chuan, ina ka zir theih thu a sawi a, min ngaihtuah tih hriat taka, min en te chu, inthiam lohnain ka khat nghal mawp mawp.
"U Ngai, ka tihpalh",
"Engvangin?",
"Keimah vangin i buai reng a",
"Buai lo e le, nui rawh le", ka biang a rawn piai zeuh a, ka nui tawi tâk. Nuam lo ka tih em avangin, Manav-a hnenah ngaihdam ka dil a.
Min ngaihdam chu khawilamah, Angela phurin, an tlan chhuak daih. Khawiah tak chuan, kalpui ang maw?
Jennifer hming lam ri tur kha ka ni miah lo, ka deusawh te pawh a ang zawk alawm. Ni lo, ka deusawh a nih kha, a chak lohna kha, hmanruaa hmang miah lo tur ka ni.
Canteen-a ka hmuh hnu aṭang, Jennifer pawh ka hmu tawh lo. Manav-a leh, Jen-i chungah ka inthiam lo lutuk ringawt.
"Venpui, i ṭha em?",
"Umm", ka hnung a beng thek thek. Hriat duh tam tak ka nei a, mahse, ka zawt ngam bawk si lo.
Vawiina thil thleng ringawtah pawh, zawhna ka ngah lutuk ringawt. Manav nen an inhre ṭha a nih chuan, Jennifer nen pawh, an inhre ṭha ngei ngei ang.
"U Ngai?",
"Um",
"Ka bulah i mu ziah tawh ang em?", ka hnung a beng thek thek. Tunah pawh a mu a, chuvang a nia, a lûngphu ri ka hriat theih.
"Venpui, min mamawh thu min hrilh rawh", a tih chuan, ka meng bial kâwk. "Min mamawh thu sawi rawh", a ti leh a, ka bo lutuk ringawt.
A sawi hmasa tu zawk, nih ka duh lo nasa, hetiangah kher chuan, a sawi hmasa tu zawk nih ka duh lo ve tlat. Hmeichhia ka ni a, nupui pawh ka ni a.
Ka pasal lakah chuan, ka tlawm tawh ngawih ngawih, mahse; ka mamawh che tih chu, pasal te lakah mah nise, tlawmah pawh, kan tlawm ngawih ngawih ka ti!
"Venpui", ka beng kawm a seh ner ner a. Sawi turin min nawr ni mai hian ka hria. "Ka mut a chhuak", ka ti sap a.
A tawp ve mai bawk. Kan pahnih chuan, kan mut dan kan siam ṭha leh a, min kuahin a âwmah ka hmai phumin, ka mit ka chhing a.
Mahse, min kuah chung chuan, ka hnung lamah a kut a tiche kual hrut hrut. Night dress a dum ka ha a, bra ka hreng lo a, underwear chauh ka ha.
Ka underwear pawt thla deuhin, a chul kual a, hma lam thlenga a kut a tihchet chuan, ka ke ka tawm chawih. Awm sawn ka tum a, a âwmah min kuah bet nghet lutuk ringawt.
Duhtawk ta mai lo chuan, min mut zangthal tir deuhin, ka underwear hma lam chhanah, a sâwk tawn tawn.
Ka thâwk a rang a, ka lûngphu lah a phu dup dup. Tawp turin ka duh a, hrilh pawh ka duh, mahse, ka thei lo. Ṭawng chhuak lo turin, min thunun hneh lutuk.
Ka underwear chhung zen lutin, a ai nasain a sâwk a, ka ṭang rei thei ta lo. A kut ka zu vawn hnan a, "Min lo en rawh", a tih chuan, ka en ṭawk ṭawk.
"I hmelṭha sawt a nia", a tih zawh rualin, ka zal der. A kut hnâwng chapin ka hmui a khawih a, nawr kau deuhin a kut a zen lut.
A kut la chhuak chuang loin, a fawh hnan a. Eng emaw kawng zawng taka, a zei ṭhin lutuk te hi, ka ngaih a ṭha lo thei hial.
"Venpui, min mamawh thu sawi rawh", a ti leh a. Ka underwear-ah chhungah bawk, a kut a zen lut leh.
Muangchangin a tiche a, awm dan tur ka hre tawh lo. Ka mamawh thu sawi ka duh lo tluk zetin, sawi turin a thiltih hmangin min nawr ve chhen bawk.
"Mitthi ka nih hi", a ti sup a. A awmzia ka hre lo. Tho kangin, muangchangin ka dress hak a phelh a, ka mal nawr kauin, a karah a inrawlh a.
Muangchangin ka underwear a phelh, ka lu kân deuha ka thil hmuh chuan, min ṭhawng lutuk. Mipa chu, thisen lum zawk an niin ka hre ṭhin a, mahse, a boxer hak a puar miah lo.
"Mitthi ka ni ka tih kha", a ti a. Ka ngaihtuahnaah, hmeichhia it ngai miah lo, 'Tuai' tih chu, a lang nghal vat.
A kâwngah, ka ke a kherh beh tir a, ka tisa nêm lai, a kutin a sâwk leh tawn tawn. A hma angin, ka ngaihtuah thei tawh lo.
Khang hun chhung zawnga ka lo chenpui leh, hmangaih theih ka lo inrin chu! Ka rilru nâ lutuk chu, ka mittui ka dang zo lo.
"Min en teh", ka en chho a, innemkhalhin, inthlahrung tih hriat zet hian min en chhuk run a. Min tawpsan turin ka hrilh mai dawn em ni?
Keimahah, beiseina a neih avang zawka, hetia awm hi em ni a nih ang? A saltânna ata a chhuah theihna tura, ka ṭanpuina min dil a ni thei ang em?
Vawikhat dang leh chu, ka tlawm leh a ni mai ang chu.
"U Ngai, ka mamawh che", a tawp chawt. "Han sawi leh teh", thâm chhalh hian a ti a. Ka mamawh thu ka sawi leh.
"Ka mamawh che", ṭap ṭuauin ka ti a. Ka tlawm lutuk, ka tlawm ngawih ngawih.
"Lalvenpuii'n tu nge a mamawh?",
"Lalvenpuiin Lalzahngaia a mamawh", ka ṭap chhuak tlawk tlawk. Hetiang anga tlawmna hi, ka la tawng ngai lo.
"Venpui, min en teh", ka kut pahnihin ka inbeng kang a, a káwngah ka ke ka la kherhbet reng.
A kawr hak phelhin, a boxer leh a underwear a pawt thla a. "Mitthi", a ti sup a. Ka ṭah nuih hak.
A lamah min pawt hnai a, virgin ka inti thei dawn ta lo. Ka phalna nghak niawm takin min en a, ka ngawih ren rawn hnuah ka bu zeuh. A pawi lo, ka pasal alawm a nih, ka pasal, mipa dik tak!
"Mipa ka nih hi, mipa, Venpuiin mipa a mamawh",
"Umm, Venpuiin mipa a mamawh, Ngaia a mamawh, misual ho pawhin an hlauh kha", thaw halh halhin ka ti a. A mit sen rum chuan, thil tam tak a sawi.
A thawk a pangngai a, a lûngphu lah a pangngai. A engkim mai chu, a pangngai vek. Danglamna chhete mah a nei lo.
"I chau dawn lutuk tlat, duhtawk ang", thlan tla phungin a ti a. Kan taksa inzawmna ata chhuah a tum chuan, ka lo dang.
A chungah ka bawk a, kan taksa a la inzawm reng. "I duh chuan, i haw thei a nia, engtik hunah pawh i haw thei", a ti dap dap.
Ka rin loh lam daiha a nihna ka hriat chuan, min ṭhawng lutuk ringawt. Lawm tur nge, thinrim tur pawh ka hre lo.
Mahse, mipa a nih thu a sawi khan, hrehawm a ti tih ka hre thei, a taksa pianphung aṭang mipa a ni a. Mahse, a mipa nihtirtu ber!
Ka duh hun huna ka haw theih thu a sawi a, a hmaa hlauhawm chhuanlama haw tura min tih pawh kha, hei vang hi a ni ngei ang.
Zankhuaa kan taksa inzawm reng lahin, danglamna a thlen lo a. Thil ni theiin ka hre thei tawh lo, zankhuaa kan inzawmna chuan, danglamna tlem tal chu, a neihtir ngei ngei ang.
Nge ni a, ka hriat ve chin hi a pawnlang lutuk zawk, ka hriat loh hian, a lo rilin a lo thûk lutuk zawk ni ang?
Ka phone ri chu ka ban a, amah a ni.
"Zanin chu, ka lo haw thei lo ang aw. Mahse, hlauh tur a awm lo a nia aw",
"Aw le, fimkhur la aw", amah zawkin call a titawp a. Hawsan êm tur chuan ka duh lo, beisei tur a la awm mial mai thei asin.
A dik ang, u Ngaia pawh a beidawng tih a hriat. Ka ṭanpui thei mial mahna, ka hawsan hauh lo ang.
Pumkhat kan ni tawh a, inṭanpui tawn tur kan ni, a tawpah, kan hlawhtling mial mai thei asin, tu'nge hria?
***Lang thei chin, taksa dam ṭhaa hrisel ṭha vur si hian, lang thei lo chin, chhungril dam ṭha si lo, a awm theih ngei ang. Tumah, inmawhchhiat tur kan awm love***
Show post links
Top
I Ninawm BY Cck Lalchhuanawmi (Completed)
I Ninawm
Chapter-8
Ziaktu: Cck Lalchhuanawmi
Library-ah kalin, kil khatah ngawi rengin ka ṭhu a. Thil tam tak ka ngaihtuah a, hmasawnna tur erawh, ka ngaihtuah chhuak zo lo, ngaihtuah dan pawh ka thiam lo.
"I va inngaihtuah nasa ve", ka bulah a lo ṭhu ve a. Ka hmu cher sawt lehnghal. "Jen, i dam ṭha maw?", ka ti sap a. A ṭhat thuin min chhang ve mai.
Library a nih miau avangin, ṭawng rin a rem lo a, Jennifer nen pawh, kan phun sar sar.
"SP nen in inhau em ni?",
"Hau lo e, ngati nge a?",
"I nguai dei duai lutuk a, chuvang mawle", a tih chuan, ka nuih sak. Kan pahnih chuan kan ngawi ta vang vang a, ka rilru a buai ang chiahin, a rilru pawh a buai ve ka ring.
"Canteen-ah khan, ka lo thleng har si a, Manav-ah i samah te a kêk sia, a aiawhin ngaihdam ka dil a nia, a â thei lutuk a",
"A ho lutuk, a thiam lo zawk alawm ka nih, ka sawi loh tur ka sawi a, mahse, ka thinrim ve êm a ni",
"Ka hrethiam lawm, sexy a tih thu che a sawi ni ngei ang maw?", a tih chuan, ding chawtin kâ hoin ka en.
Engtin nge a lo hriat ve zawk le? "Jen, u Ngaian a bula zan khat ka awm theih nan, pawisa a pek dawn thu a sawi a", ka tih chuan, a nui hak hak.
"Awih reng reng suh, chutiang chuan hrilh che mah se, SP-a khan a phal dawn lo hrim hrim. Mahse, sexy a tih che kha chu, a dik a nia, University pumah hian, i sexy zia ringawt an sawi ṭhin", Jennifer-i chuan a ti dap dap a.
Ka nui hak ringawt, "Jen, nang leh zel chuan, dawt min hrilh lo teh", ka ti a. Ka zak zawk, ka sexy lo lutuk zawk hi, ka manganpui nak alaia.
"I inngaitlawm a nih chu ah, an sawi nasa thei lutuk. I fimkhur a ngai tihna nih chu, SP-a tan i rinawm tlat a ngai a nia aw", a ti a.
Nui varin ka bu nghauh nghauh. Campus pawna kan chhuak chiah tih chuan, ka phone a ri a. Ka bag aṭanga la chhuakin, ka en a, u Ngaia a nih ka rin nen, company lek.
Phun zui hlakin ka off a, ka bag-a dah luh ka tum leh chuan, tu emaw hian min rawn su chawrh.
Ka phone a keh darh nuaih a, ka tlukna lamah ka khup ka la tauh zui. "Venpui, i ṭha em?", Jennifer-in min kaitho a.
Min sutupa pawh chu, inthiam lo deuhin ka phone a chhar a. Min lo pek pah chuan, ngaihdam min dil nghal mawlh mawlh.
Jennifer-in a kuta phone darh nuaih chu, phih sawk pahin, a âng hlawih hlawih. Min sutupa chu, a khawngaihthlak zawk e ah.
"Jen, phone siamna i hria em?",
"Hria e, lo kal rawh", min kai a. Phone siamna dawr panin, driver chuan motor a khalh a.
A ṭhat ka duhzia te, thlalak paih phal loh ka kawl thu te, Jennifer-i chu ka hrilh dap dap a. An siam ṭhat vat tur thu leh, amah pawhin a rin ber te an nih thu a sawi ve nuah nuah.
"A chhe hneh lutuk a, siam a hautak dawn lutuk",
"A theih ang angin ni mai, sum sen ngai ṭeuh dawn pawh nise, a pawi lo. Min siamṭhat sak ngei ngei rawh", ka ti a.
A beidawn hmel lutuk. U Ngaia thlalak a awm ṭeuh a, a bo thiang lo hrim hrim.
Jennifer chuan, kan in thleng min thlah a, leng lut ve tura ka sawm ve ngial pawhin, ka sawm hlawhtling zo ngang lo.
Anisha hnenah chahbi ka la a, u Ngaia te an zin dawn thu a sawi ta mai! "An kalna a rei ve deuh tawh, i lo haw hma lawk khan an chhuak a", Anisha chuan a ti a.
In chhunga ka luh a, dawhkan chunga lehkha ka hmuh chuan banin, ka chhiar thuai. *ni thum chhung zin lawk ka ngai a, engmah hlauh tur a awm chuang lo aw* chair pawt chhuakin, ka ṭhu thla hnawk.
Min lo call ve tal tur a nia, a nih loh pawhin University-ah lo kal se, min lo hmuin min hrilh thei reng awm tho sia.
Room-ah lutin, ka inthlak a. Ka rilruin ka phun nuah nuah a, u Ngaia thla ka hau char char.
Ka phone a chhiat avangin, thil awmzia zawt duh pawh ni ila, ka call thei lo phawt.
Khumah ka mu zangthal duai a, keimah chauh ka ni dawn bawk a, ei rawngbawl pawh ka hmanhmawh peih vel lo.
Ka lungawi lo chu, ka insawh tau nghawng nghawng ringawt. Ka phone an siam ṭhat ngei ngei a ngai tihna ni mai, chu pawh, a rang thei ang berin.
Tum burin ka ṭhu chhuak a, chutah, "Venpui?", ka hawi chhuak zawk. "Venpui?", room aṭang ka tlan chhuak a.
Min hmu chu, min lo panin min kuah nghal vawng vawng. "Ngati nge, call i chhan theih loh?", âw khûr lam lek lek hian a ti a.
"Ka phone a chhia a, dawrah kan siam tir alawm", ka ti a. Ka kuah let ve vawng vawng. Ka va ngai dawn tak.
"Ka ngaihtuah lutuk che", a ti zawi sup. A lûngphu ri ka ngaithla a, a phu rang lutuk, a sawi angin a hlauthawng takzet a nih hmel, a hlauthawng tak tak!
"I zin dawn em ni?",
"Aw, ni thum chhung ka zin chhuah lawk a ngai a",
"Engthilah?",;
"Hna thilah, ka va chingfel lawk ang", inla hrangin min en a, "Hlauh tur a awm lo nia aw, misual an lo lut tawh lo ang", a tih chuan, ka nuih saih.
"Aw le, va fimkhur la aw", a bu nghat. ATM card min pe a, password min hrilh nghal thlap.
A tawp nan, min kuah leh vawng vawng a, ka chalah a hmui a nawr vang vang. An kal tur ka thlah a, ka lung pawh a dam ta deuh.
Eng hna nge, chinfel tur a neih aw, buaina engmah tawk loin, va chingfel se ka ti!
Phone khawih tur ka nei si lo a, tv leh lehkhabu hmaah ka inṭhut chhawk ringawt. A tawpah, lehkhabu hmaah ka ṭhu hlen ta zawk a.
Tv en pawh, English emaw Hindi emaw en a ni mai. Punjabi channel a awm ve a, chu erawh, Hindi hriatthiam tawh lo nak laiin, ka hrethiam lo pawh ni lo, khuarkhurum mawng nei loah min thlak ka ti mai.
U Ngaia ka ngaih tluk zetin, Ngheti pawh ka ngai. Min lo biak a tum hunah, min be tlang thei dawn si lo a, a thinrim ngawt ang.
Zing ka tho, kawngka ka hawn chuan, step-ah ṭhu a, bang nghengin, Police pahnih an lo muhil bawrh bawrh.
Ka kaitho duh lem lo a, u Ngaian a duty tir a ni leh ngei ang. Ka phone mawlh chu, vawiinah, an siam ṭhat thu han hre mai ila aw!
Police motor, kawta ding ka hmuh chuan, ka meng phawk hru. "Pi, puin hruai ṭhin tur chein min ti a", English an thiam zawng zawng leh, Hindi leh zaizirin an ti a.
Anmahni tak hi chu, Punjabi ni mah se, kei ai thlawt chuan, Hindi an thiam. Campus chhunga ka luh dawn chuan, Jennifer-in min lo ko a, ani pawh a lo thleng ve chiah.
Manav leh Angela an lo thleng ve leh chiah bawk, timing lo ṭhin a nia. Angela chu, intithei tak hian a meng kual rak rak a, Manav pawh chuan, min hmu lo ang hmakin a awm.
An pahnih chuan an kal ngho ngho a, Jennifer ka venthawnna lamah, ka hah vek thei.
"Jen, engah mah ngai suh", ka ti sap a. "A har ve ṭhin khawp mai", nui sakin a ti a. Ka hriatthiampui lutuk ringawt. Angela nen, engtin chiah nge an awm, kan hre si lo.
Ka rin dan anga an awm ka ring phal chiah lo, an awm a nih vaih zawngin, Jennifer-i a khawngaihthlak dawn lutuk.
Jennifer-i pawhin, Manav nen an inkar ka hriat thu a hre tawh a. Ka hrilh lo thei lo, hre lo anga awm ka thei ṭhin thlawt lo.
A sawi ang takin, enliam mai mai chu, a har ngawt ang. Manav lah, a sual chiin a awm bawk si.
"Hetiang mi hi a ni ngai lo asin, good boy over a ni ṭhin", a ti sap a. Ka nuih sak.
"Jen, innei thei ta ula, in thlen chin eng nge ni tawh ang?",
"Ka hre lo le, nangmah nen kan inhmelhriat thei dawn lo phawt a", nui varin a ti a. Ka khi ṭhaw ringawt. A sawi dik ve tho.
A sawi chhunzawm tawh lo a, sawi zui zel a duh loh a nih ka ring a, ka zawt nawn leh ta lo bawk.
"Dawrah peng ila, i phone chu kan va en dawn em ni?",
"Aw le", dawr panin kan tlan leh a. U Ngaian atm card min pek chhan chu, phone siam man pek a ngaih dawn vang a ni ngei ang, a rilru a chak ṭhin mang e.
Dawr kan thleng a, Jennifer-in a bia a, "Venpui, an siam ṭha thei hrâm nih chu", a tih chuan, ka âng phuau.
"Awiii, ka lawm lutuk, ka lawm lutuk e, ka lawm lutuk a nia", ka zuang tawr tawr lo chauh. Siam man erawh, a to ta thung.
"Phone thar lei zawk la, i tifuh tawh zawk ang", a ti a. Bu nghatin, lawmthu ka hrilh nawn leh.
Jennifer hnenah pawh, lawmthu ka hrilh nasa mai. "Vawiina lak chhuah theih tura, siam ṭha vat turin ka hrilh alawm", a tih chuan, ka kuah chûng chûng.
In chhunga ka luh rual rualin, phone ka on a, Ngheti missed call a intlar thla dul. U Ngaia erawh, nimina min lo call-na bak a awm lo. Ka phone a chhia tih a hre tlat a.
Ngheti ka call a, "Awii, ka ngaihtuah zia che hi i hria em? I thi ta emaw ka ti alawm, u Ngaian, i taksa te chan sawm vekin, lui kawrah a paih ta emaw te ka tia, Police a nih vangin an man thei dawn si lo tih thleng tein ka ngaihtuah hman",
"Saavdhan India i en nasa lutuk a, min ngaihtuah dan pawh chu, pui miah miah hle mai", ka ti a.
"Ngawi mai teh", ti bak hlarin, min hau nghal char char. Ṭawngna hun ka chang tawh lo reng reng.
"U Ngaia kha, message min reply thei si lo, call ka ngam chiah lo nen, ka buai zia chu ah",
"A zin daih lawm, a hna thilah a nia, Hotu sâng zawk te nena, chinfel tur hna an nei a", ka ti a.
"Chuvang nih dawn chu, a nih, in pahnih inkar eng nge a an?", a rawn ti ta daih. "Ka sawi duh lo e ah",
"I uikawm a nih mai chu ah, a hek phah dawn tih pawh ni hleilo", a lo ti hlak. An hnathawh awl lai a nih avangin, sawi vat vat turin min lo ti.
A eng ber nge maw, hriat a châk em em ni? "Eng nge ka sawi dawn?",
"In infawp tawh em?", a lo ti sap. Ka hmui ka hup a, ka nui kur kur. "Maw, sawi vat teh", a rawn ti leh.
"Fawp tawh", ka tih chusn, a au hluai. "A nih, a dang?",
"Eng nge a dang?",
"A dang a ni tawp mai, inneih hnua tih ang chi kha?", a rawn ti leh. Ka ngawi deuh vang vang a, ka ṭhian leh unaunu ni mah se, engkim hrilh erawh, a mawiin ka hre ta hauh lo.
"Nghetpui?",
"Eng nge? A ṭha lawm, mahse, indang miah suh aw, u Ngaian indang tura a tih che pawhin, nang chuan duh miah suh, nautê nei vat vat rawh u aw", a ti nang nang.
"Nau awmtu-ah ka ruai chiang khawp ang che", ka ti a. "I ngam phawt chuan le, ka sawi chu, indang miah suh aw", a lo la ti hrâm.
Ka mit chhingin, thâwk ka la vang vang a, nautê neih chu, hmeichhia, pasal nei tawh phawt chuan, kan duh vek ang. Mahse, kan duh ang hûin, kan thu a ni si lo a.
U Ngaia call ka tum ut ut naa, ka ṭhulh leh ta zawk. Ngheti pawhin, a message a reply loh thu a sawi a, keipawhin, message-a tihbuai chu sawi loh, call pawh ka ngam lo.
Thu pawimawh an rel laia, a phone a rik tleng tleng chuan, a ṭha lo zawk ang.
Bar bulah dingin, u Ngaia nu ka call a, ka huaisenna zawng zawngin ka call. "Ka, ka nu, Venpuii ka nia, in dam ṭha maw?", ka kaihza tha a sâi hlawk hlawk.
Ka ṭhu ringawt, u Ngaia nen kan inneih aṭang leh, kan awmhran aṭanga kan inbiak vawikhatna. Ka taksa pum hian, ka khûr.
U Ngaia nu bakah, a pa nen kan inbia a, ka nu leh pa an ni ve tawh tho. Sawi tur vak phei chu ka hre lo, u Ngaia kan rel char char chu a ni mai.
Jennifer-in min thlah leh a tum chuan, Police ho chu kâwk zeuhin, "An khawngaihthlak tawh em mai, u Ngaian a hauh an hlau hlawm bawk sia", nui varin ka ti a.
Nui hakin, "Ni e, chhawr char char rawh", a ti ve mai bawk. Lu thing nar narin ka pan a, an lo khi ṭhaw, Jennifer ruala ka haw lo tur chu, an lawm zawk.
Zingah min lo hruai ziah a, zanah Police dang pahnihin min veng bawk a. U Ngaia hnenah, lawmman pe turin ka la hrilh ngei ngei ang.
Bathroom aṭanga ka chhuah chuan, a la hma bawk a tiin, ka mu ṭha leh, night dress nen ka la awm, ka la inthlak peih thlawt lo.
Zing lamah hi chusn, chaw ka chhum ngai lo a, bawnghnute leh chhang a ni deuh tawp mai, ka thatchhe tak tak a ni.
Ka mu leh tak naa, ka muhil tawh chuang lo. Phone ka en a, dar ruk chauh a la ri. A tlai tawh viau turah ka ngai a nia.
Phone ka dah thla chiah tihah, a ri nghal. Ka en a, 'Lalzahngaia' tih lang kul chu, min tihrilhhai chiang lutuk.
Ka ṭhu chhuak a, "Venpui, kawngka bulah ka ding", room aṭang ka tlan chhuak nghal.
Kawngka ka hawng thuai a, eng khaw sawi set set loin, ka kuah nghal thlawp. "In chhungah min luhtir ve phawt la", a ti dam dup a.
Ka rilru hi chu, ka hmang lo ve ṭhin chiang alawm. Min en ren rawn a, a chek hlak. "Ka la tho lo hrim hrim alawm", kimki chial hian ka ti a.
A khi suk. "I chau em? Zanah emaw, naktuka i lo haw ka ring a", ka ti a. "Awm reina chi a ni lo, kan inbakkaih dawn tlat a, ka lo haw ta daih, aia upa an nihnaah, hnial hnial ka hreh si a", a kamiz phelh pahin a ti a.
Chutiang te, eng nge ni ang aw? Engmah min hrilh ve duh si lo. "Min lo ngai em?", a nui suk zui a.
"Ngai lo rapthlak, thla khat chuang te hi, zin la ka ti", ka ti a. "Eng maw i sawi?", ti pahin, min dek a. Ka nâk nêm lai a piai hlak hlak.
Khumah min bawh thlu a, a kut pakhata a bek dawmin min en chhuk run a. Ka biang a chul kual rak rak.
"Min ngai lo tak tak maw? Kei chuan ka ngai che", a tih chuan, "Ka awih lo", ka lo ti a. A rum nghut.
Min ngai ve tak tak roh mawni le? Kawr a ha si lo a, ka biang mai ni lo, ka kawr hak chhana ka taksa a chul kual te chuan, min tizauthau.
"I chau awm si, lo mu hle hle rawh, ei rawng ka va bawl ang", tia, ka tho chu, min nam mu leh dawrh.
"Tho lo ang, min ngai lo tak tak maw?", a ti leh. "Min ngaih ai nasain, ka ngai che lawm", ka ti sap a. A lung a awi ta deuhin ka hria.
Min fawp a, a tih leh tur ka hai hauh lo, ka hnial duh ta bawk lo a. Mahse, keimah chauhin, nawmna ka chang pumhlum erawh, a nawmna a famkim lo.
"Venpuiin tu nge a mamawh?",
"Venpuiin mipa a mamawh", ka lo ti a. Ka khawngaih zawk, a nawmna a pawh ve theih nan, a rilru zawng zawng a seng ni ber.
Ka zal hnu pawhin, min la chhuahsan lo a, a hmela inthiam lohna leh beidawnna chu, hmuh nuam lo tak a ni.
A thaw halh halh a, a thlan te pawh a tla. Mahse, hei chu, a feelings vang a ni lo thung.
Muangchanga chein, ka taksa mil zelin a che rang tial tial a. "Venpuiin tu nge a mamawh? Venpuiin mipa a mamawh", amah leh amah a inbia.
A vawihnihna atana min tihzal hnu pawhin, min la chhuahsan lo a, "Tihian, darkat khat i awm lawk ang", a taksa chungah min bawh tir a. Ka mit ka chhing a, ka chau deuh nen, ka muhil zui mai chu ni mai.
A lûngphu rang te chu, thildang vanga rang ni zawk se aw. Hetia, ka chhunga a awm reng chung pawh hian, danglamna a neih phah loh reng reng.
Canteen-ah ei tur ka lam a, an siam chhungin ka lo ṭhu. Ka ṭhutna ep chiaha titi chuan, ka beng a verh zar.
"Lilly Singh video pakhat kha, in en tawh em? A nu leh pa, Sex Therapy-a an kalna kha",
"An ruh nâ vel entir an tum a, a ni lo zawka an kalna kha maw, en chiang lutuk",
"Singh hi chu, kha kha ni mai. Takah, Sex Therapy sawi takah chuan, Punjab-ah a lo kal alawm, Miss Priyanka. Ahmedgarh-ah hian, niminah a lo thleng. Hetiang lama expert hi a nia", an ti a.
An nui bâwk bâwk pah, a awmna Damdawi in an sawi chu ka lo chhinchhiah khiau.
Ka order chu lain, ka chhuak nal nal a. Miss Priyanka an tih chu, ka search nghal char char.
A bikin, nupa bika harsatna nei ten an pan a, Psychiatrist a ni pah bawk. Upa lam a ni ve tawh a, expert tawh tur pawh a ni.
A rukin Campus aṭang ka chhuak a, University aṭanga hla tawk ka thlen hnuah chauh, taxi ka phar.
Damdawi in ka thlen chuan, Miss Priyanka awmna ka zawt vat a. Ka rin loh deuhin, tlawhtu a nei miah lo.
Hmuh ka duh thu ka sawi mek laiin, a lo chhuak hlawl. "Amah saw nih saw", a tih chuan, ka va pan a.
A hmaah dingin, "Mam, ka be duh che, khawngaihtakin, minute khat tal hun min pe rawh", ka ti a.
Min thlêk vang vang, "Ngawi teh, ka hre tlat chein ka hria. Ngaia nupui kha i ni em?", a tih chuan, mak ti deuhin ka bu nghat.
"Aw le, kum hnih liam hnuah a vawikhat nan, hmanniah min lo bia a, a beidawnthlak duh khawp mai, Syndrome huatthlala tak a ni",
"Eng Syndrome maw?", ka ti a. Inhmatawnin kan ṭhu a, ka hmela zawhna tam tak awm chu, a hmuh hmaih lo nasa ang.
"Restless Genital Syndrome a neih kha",
"Restless Genital Syndrome a?",
"Engmah i hre ve nange?",
"Hre lo, engmah ka hre lo. Chu chu, eng syndrome nge? Nangmah hmu tur chein ka lo kal a, mahse, ka pasal bakah kei min hre tel bawk a, chuan, syndrome mak deuh i sawi bawk a", ka ti bah nawk nawk.
Ka rin loh lutuk thil ka hre dawnin ka hria. U Ngaia nen an lo inhre ṭhin tihna maw? Mahse, Miss Priyanka hi chu, chuan, eng syndrome nge maw a sawi kha le?
"Engmah i hre lo tak tak a ang khawp mai a, Ngaian a hrilh lo che ni ngei ang. Ngaia hi, a tleirawl chhuah hlim aṭang ka enkawl tawh. I pasal hian, sex feelings a hre ve lo",
"Maw?",
"Restless Genital Syndrome tih a ni a, mihring tungchho pangngai ina, kan neih ṭhin, sex feelings ang hi a hre ve thei tlat lo. A nei lo a ni mah zawk. Video leh thlalak hmangtein, ka enkawl nasa lutuk, eng a ang thei chuang lo, Ngaia bikah hi chuan, ka beidawng ṭhak",
"Ka hrethiam lo", ka lo ti a. A sawi kual nasa lutuk a, ka hrethiam thei lo.
"Feelings kan tih, nuihna te, ṭahna te, lungngaih manganna te, hlimna leh lawmna te leh zauthauna, hetiang ang chi, kan tleirawl chhuah hlim aṭanga kan neih, kan hormones-ina a pek chhuah ang hi, Ngaia hormones hi chuan, a pe chhuak ve tlat lo a ni.
Feelings hrang hrang kan neihna tura, hnathawk tu ber chu hormones hi a ni a, Ngaia hormones erawh, a muhil tlat a ni. Chumi vang chuan, sex feelings ai mah chuan, emotions(nuihna, ṭahna, lungngaihna, hlimna, mood-on, mood-off te pawh ni ang chu) a nei thei lo hi, a buaithlakna chu ni", ka muttui a hnâm ṭiam ṭiam.
A sawi kual nasa lutuk a, ka hrethiam thei lo, a sawi tum tak ka hrethiam thei lo. Eng nge sawi a tum?
"A pa thei lo i tihna em ni?", ka ti chhuak ṭawk. "A ni mai ang chu, a thisen a lum thei bawk si lo", a tih chuan, ka mit ka chhing sawk.
"Hetiang Syndrome hi chu, treatment pe eng ang pawh ni ila, an dam thei lo. Tihdamna a awm lo", ka mittui luang ka hru tawk tawk.
"Mahse, Ngaia erawh a dam ka rinna chu, a rilru tihharh hian a ni",
"I ti tak tak em?",
"Tak tak e, treatmen pek theih ang pek pawhin, an dam thei ngai lo a. Chuvang chuan, an rilru kaihhruai nan, Psychology class neihpui ṭhin a ni a. Mahse, Ngaia chu a danglam, Syndrome nei tho mah se, a rilru hi tihharh theih a nih ka ring tlat.
A hormones tihnun theihna chance a sâng bik tihna nih chu, mahse, chumi tur chuan, a zung aṭang exam neih a ngai",
"Chu chu engtin?",
"Mihring kan puitlin hnu pawha min daltu lian ber emaw, min hruaitu emaw ni ṭhin chu, naupan laia kan hun tawn hi a ni ṭhin. Ngaia pawh, a naupan lai hun eng emaw berah khan, engthil emaw tak, a rilrua awm reng tur tawn a nei ngei ngei ang", a ti dap dap a.
Keimah zawk hi, ka buai nuaih ni mai hian ka hria.
"Tuai tihna chu, a ni lo tiraw?", tim daiin ka zawt a, a nui hak. "Mipa dik tak a ni e, emotions emaw, sex feelings a neih loh avang maiin, mipa ni lo turah ngai ngawt suh. A mipa nihna hi, i hmuh hmaih hlauh ang e.
Ka sawi tawh angin, keipawh ka beidawng ṭhak a. A chhan chu, amah bik hi chu, a dam theih ka rin vang a nia. Hmanniah, kum hnih hnuah min lo bia a, nupui a neih thu leh, i thlalak min lo thawn a", a tih chuan, ka nui tawi tak.
"Zankhuaa ka chhunga a awm pawhin, danglamna a nei miah lo",
"Nei lo ang, sex feelings neih tir tuma bul ṭan ai chuan, a emotions hi buaipui hmasak a ngai zawkin ka hre ta.
A hormones, a rilru tihharh hmasak a ngaiin ka hria",
"Engtin?",
"A nui ngai lo a, a thinrim ngai hek lo, a pian hlima a ṭah bak kha chu, a ṭap leh miah tawh lo ang, chutiang ang chu, a feel, a hre ve thei tlat lo.
Hlauhthawn dan pawh a hre lo, lunglen a hre hek lo. A Syndrome chu, engpawh nise, a rilru a chawmawlh tlat hi a ni. Tichawmawlh tir tu, eng emaw tak chu, a awm ngei ang",
"A nih, a rilru chu harh ta se, sex feelings a hre thei dawn tihna em ni?",
"Tehreng mai, a chhan chu, a hormones a nung tawh dawn tlat a", a ti a. Ka hrethiam ta uar uar.
Tuai a ni lo a, hmeichhia it ngai lo, mipa chauh it chi a ni lo bawk. A enga mah mah a ni lo.
Chubakah, Syndrome-in a ken tel, chauhna, zawi ngawih ngawihna a keng tel ve leh tlat bawk.
Min hrilhfiah zel a, ngun deuhin ka lo ngaithla. Keimah ka pawimawh ta berin ka hria.
"Hmannia min lo biak chuan, a awmdan te a sawi a, mi khawngaihthlak tak a ni. Lungngaihna chang pawh a hre lo", a ti leh a.
Room aṭanga kan chhuah chuan, "A chhungte tumahin an hre lo a, nsngmah i pawimawh ta ber a ni e. I hah- E he! Ngaia chu", ka hnung lam ka hawi nghal thuai.
U Ngaian mak ti zetin min lo en, sawi mai tur pawh ka hre lo, keipawhin mak ka ti.
Inherin a kal hlawk hlawk a, ka umzui vat. Damdawi in kawtah umphain, a hnungah ka kuah a, a dul zawnah ka kut pahnih ka suih nghet sauh sauh.
Ka kut a vawn hnan a, "A zahthlaka nia", a ti zawi sup.
Ka kut phelhin, a hmaah ka ding a, "Haw ang", a tih chuan, a kutah nuih saihin ka vuan a.
In thlen hma chu, kan ngawi dun reng. In chhung kan luh rualin, tui a in khawlh khawlh.
A bulah ka ding a, sawi tur mai ka hriat loh avangin ka ngawi tawp.
Bottle, dawhkanah a nghat chawrh a, "Min hmusit viau lo maw?", a ti a. Ka hmuhsit loh thuin ka chhang thuai.
A hmaah ka ding a, min en duh ṭhak lo. Kalsawn a tum chu, ka pawt a, dingdihlipin a biang tawn tawnah ka dawmin, "Min en teh, min en teh, ka hmusit reng reng lo che, nang chu, Venpuii mipa i nih kha, a dik em?", ka ti a.
Keimah zawkin ka fawp, dawhkan chunah min ṭhuttir a, "Min hmusit lo turin ka duh che",
"Ka hmusit ngai lo ang che", ka ti a. Ka samah a kut rawlhin, dam zet hian min fawp a, keimah zawk hian ka duhkhawp lo, zahthlak hian.
Doctor khan a sawi dik, a rilru tihharh hmasak a ngai dawn. Mshse, a rilru a harh ṭan tawh.
Min ngaihtuah êm avangin, ka tan hmun hlauhawma a hriat avangin haw turin min ti a. Hlauhthawnna a hria!
A thinrim êm avangin, bek pawng ṭawlh ṭawlh khawpin, Manav-a kawr nghawngah a ṭham a. Thinrimna a hria!
Min call tlang theih loh avangin a hlauthawng êm êm a, hlauhthawnna a hria!
Kan infawh pawhin, a duhthawh thiam leh tlat zel a, a rilru a harh ṭan reng tawh zawk!
Show post links
Top
Chapter-8
Ziaktu: Cck Lalchhuanawmi
Library-ah kalin, kil khatah ngawi rengin ka ṭhu a. Thil tam tak ka ngaihtuah a, hmasawnna tur erawh, ka ngaihtuah chhuak zo lo, ngaihtuah dan pawh ka thiam lo.
"I va inngaihtuah nasa ve", ka bulah a lo ṭhu ve a. Ka hmu cher sawt lehnghal. "Jen, i dam ṭha maw?", ka ti sap a. A ṭhat thuin min chhang ve mai.
Library a nih miau avangin, ṭawng rin a rem lo a, Jennifer nen pawh, kan phun sar sar.
"SP nen in inhau em ni?",
"Hau lo e, ngati nge a?",
"I nguai dei duai lutuk a, chuvang mawle", a tih chuan, ka nuih sak. Kan pahnih chuan kan ngawi ta vang vang a, ka rilru a buai ang chiahin, a rilru pawh a buai ve ka ring.
"Canteen-ah khan, ka lo thleng har si a, Manav-ah i samah te a kêk sia, a aiawhin ngaihdam ka dil a nia, a â thei lutuk a",
"A ho lutuk, a thiam lo zawk alawm ka nih, ka sawi loh tur ka sawi a, mahse, ka thinrim ve êm a ni",
"Ka hrethiam lawm, sexy a tih thu che a sawi ni ngei ang maw?", a tih chuan, ding chawtin kâ hoin ka en.
Engtin nge a lo hriat ve zawk le? "Jen, u Ngaian a bula zan khat ka awm theih nan, pawisa a pek dawn thu a sawi a", ka tih chuan, a nui hak hak.
"Awih reng reng suh, chutiang chuan hrilh che mah se, SP-a khan a phal dawn lo hrim hrim. Mahse, sexy a tih che kha chu, a dik a nia, University pumah hian, i sexy zia ringawt an sawi ṭhin", Jennifer-i chuan a ti dap dap a.
Ka nui hak ringawt, "Jen, nang leh zel chuan, dawt min hrilh lo teh", ka ti a. Ka zak zawk, ka sexy lo lutuk zawk hi, ka manganpui nak alaia.
"I inngaitlawm a nih chu ah, an sawi nasa thei lutuk. I fimkhur a ngai tihna nih chu, SP-a tan i rinawm tlat a ngai a nia aw", a ti a.
Nui varin ka bu nghauh nghauh. Campus pawna kan chhuak chiah tih chuan, ka phone a ri a. Ka bag aṭanga la chhuakin, ka en a, u Ngaia a nih ka rin nen, company lek.
Phun zui hlakin ka off a, ka bag-a dah luh ka tum leh chuan, tu emaw hian min rawn su chawrh.
Ka phone a keh darh nuaih a, ka tlukna lamah ka khup ka la tauh zui. "Venpui, i ṭha em?", Jennifer-in min kaitho a.
Min sutupa pawh chu, inthiam lo deuhin ka phone a chhar a. Min lo pek pah chuan, ngaihdam min dil nghal mawlh mawlh.
Jennifer-in a kuta phone darh nuaih chu, phih sawk pahin, a âng hlawih hlawih. Min sutupa chu, a khawngaihthlak zawk e ah.
"Jen, phone siamna i hria em?",
"Hria e, lo kal rawh", min kai a. Phone siamna dawr panin, driver chuan motor a khalh a.
A ṭhat ka duhzia te, thlalak paih phal loh ka kawl thu te, Jennifer-i chu ka hrilh dap dap a. An siam ṭhat vat tur thu leh, amah pawhin a rin ber te an nih thu a sawi ve nuah nuah.
"A chhe hneh lutuk a, siam a hautak dawn lutuk",
"A theih ang angin ni mai, sum sen ngai ṭeuh dawn pawh nise, a pawi lo. Min siamṭhat sak ngei ngei rawh", ka ti a.
A beidawn hmel lutuk. U Ngaia thlalak a awm ṭeuh a, a bo thiang lo hrim hrim.
Jennifer chuan, kan in thleng min thlah a, leng lut ve tura ka sawm ve ngial pawhin, ka sawm hlawhtling zo ngang lo.
Anisha hnenah chahbi ka la a, u Ngaia te an zin dawn thu a sawi ta mai! "An kalna a rei ve deuh tawh, i lo haw hma lawk khan an chhuak a", Anisha chuan a ti a.
In chhunga ka luh a, dawhkan chunga lehkha ka hmuh chuan banin, ka chhiar thuai. *ni thum chhung zin lawk ka ngai a, engmah hlauh tur a awm chuang lo aw* chair pawt chhuakin, ka ṭhu thla hnawk.
Min lo call ve tal tur a nia, a nih loh pawhin University-ah lo kal se, min lo hmuin min hrilh thei reng awm tho sia.
Room-ah lutin, ka inthlak a. Ka rilruin ka phun nuah nuah a, u Ngaia thla ka hau char char.
Ka phone a chhiat avangin, thil awmzia zawt duh pawh ni ila, ka call thei lo phawt.
Khumah ka mu zangthal duai a, keimah chauh ka ni dawn bawk a, ei rawngbawl pawh ka hmanhmawh peih vel lo.
Ka lungawi lo chu, ka insawh tau nghawng nghawng ringawt. Ka phone an siam ṭhat ngei ngei a ngai tihna ni mai, chu pawh, a rang thei ang berin.
Tum burin ka ṭhu chhuak a, chutah, "Venpui?", ka hawi chhuak zawk. "Venpui?", room aṭang ka tlan chhuak a.
Min hmu chu, min lo panin min kuah nghal vawng vawng. "Ngati nge, call i chhan theih loh?", âw khûr lam lek lek hian a ti a.
"Ka phone a chhia a, dawrah kan siam tir alawm", ka ti a. Ka kuah let ve vawng vawng. Ka va ngai dawn tak.
"Ka ngaihtuah lutuk che", a ti zawi sup. A lûngphu ri ka ngaithla a, a phu rang lutuk, a sawi angin a hlauthawng takzet a nih hmel, a hlauthawng tak tak!
"I zin dawn em ni?",
"Aw, ni thum chhung ka zin chhuah lawk a ngai a",
"Engthilah?",;
"Hna thilah, ka va chingfel lawk ang", inla hrangin min en a, "Hlauh tur a awm lo nia aw, misual an lo lut tawh lo ang", a tih chuan, ka nuih saih.
"Aw le, va fimkhur la aw", a bu nghat. ATM card min pe a, password min hrilh nghal thlap.
A tawp nan, min kuah leh vawng vawng a, ka chalah a hmui a nawr vang vang. An kal tur ka thlah a, ka lung pawh a dam ta deuh.
Eng hna nge, chinfel tur a neih aw, buaina engmah tawk loin, va chingfel se ka ti!
Phone khawih tur ka nei si lo a, tv leh lehkhabu hmaah ka inṭhut chhawk ringawt. A tawpah, lehkhabu hmaah ka ṭhu hlen ta zawk a.
Tv en pawh, English emaw Hindi emaw en a ni mai. Punjabi channel a awm ve a, chu erawh, Hindi hriatthiam tawh lo nak laiin, ka hrethiam lo pawh ni lo, khuarkhurum mawng nei loah min thlak ka ti mai.
U Ngaia ka ngaih tluk zetin, Ngheti pawh ka ngai. Min lo biak a tum hunah, min be tlang thei dawn si lo a, a thinrim ngawt ang.
Zing ka tho, kawngka ka hawn chuan, step-ah ṭhu a, bang nghengin, Police pahnih an lo muhil bawrh bawrh.
Ka kaitho duh lem lo a, u Ngaian a duty tir a ni leh ngei ang. Ka phone mawlh chu, vawiinah, an siam ṭhat thu han hre mai ila aw!
Police motor, kawta ding ka hmuh chuan, ka meng phawk hru. "Pi, puin hruai ṭhin tur chein min ti a", English an thiam zawng zawng leh, Hindi leh zaizirin an ti a.
Anmahni tak hi chu, Punjabi ni mah se, kei ai thlawt chuan, Hindi an thiam. Campus chhunga ka luh dawn chuan, Jennifer-in min lo ko a, ani pawh a lo thleng ve chiah.
Manav leh Angela an lo thleng ve leh chiah bawk, timing lo ṭhin a nia. Angela chu, intithei tak hian a meng kual rak rak a, Manav pawh chuan, min hmu lo ang hmakin a awm.
An pahnih chuan an kal ngho ngho a, Jennifer ka venthawnna lamah, ka hah vek thei.
"Jen, engah mah ngai suh", ka ti sap a. "A har ve ṭhin khawp mai", nui sakin a ti a. Ka hriatthiampui lutuk ringawt. Angela nen, engtin chiah nge an awm, kan hre si lo.
Ka rin dan anga an awm ka ring phal chiah lo, an awm a nih vaih zawngin, Jennifer-i a khawngaihthlak dawn lutuk.
Jennifer-i pawhin, Manav nen an inkar ka hriat thu a hre tawh a. Ka hrilh lo thei lo, hre lo anga awm ka thei ṭhin thlawt lo.
A sawi ang takin, enliam mai mai chu, a har ngawt ang. Manav lah, a sual chiin a awm bawk si.
"Hetiang mi hi a ni ngai lo asin, good boy over a ni ṭhin", a ti sap a. Ka nuih sak.
"Jen, innei thei ta ula, in thlen chin eng nge ni tawh ang?",
"Ka hre lo le, nangmah nen kan inhmelhriat thei dawn lo phawt a", nui varin a ti a. Ka khi ṭhaw ringawt. A sawi dik ve tho.
A sawi chhunzawm tawh lo a, sawi zui zel a duh loh a nih ka ring a, ka zawt nawn leh ta lo bawk.
"Dawrah peng ila, i phone chu kan va en dawn em ni?",
"Aw le", dawr panin kan tlan leh a. U Ngaian atm card min pek chhan chu, phone siam man pek a ngaih dawn vang a ni ngei ang, a rilru a chak ṭhin mang e.
Dawr kan thleng a, Jennifer-in a bia a, "Venpui, an siam ṭha thei hrâm nih chu", a tih chuan, ka âng phuau.
"Awiii, ka lawm lutuk, ka lawm lutuk e, ka lawm lutuk a nia", ka zuang tawr tawr lo chauh. Siam man erawh, a to ta thung.
"Phone thar lei zawk la, i tifuh tawh zawk ang", a ti a. Bu nghatin, lawmthu ka hrilh nawn leh.
Jennifer hnenah pawh, lawmthu ka hrilh nasa mai. "Vawiina lak chhuah theih tura, siam ṭha vat turin ka hrilh alawm", a tih chuan, ka kuah chûng chûng.
In chhunga ka luh rual rualin, phone ka on a, Ngheti missed call a intlar thla dul. U Ngaia erawh, nimina min lo call-na bak a awm lo. Ka phone a chhia tih a hre tlat a.
Ngheti ka call a, "Awii, ka ngaihtuah zia che hi i hria em? I thi ta emaw ka ti alawm, u Ngaian, i taksa te chan sawm vekin, lui kawrah a paih ta emaw te ka tia, Police a nih vangin an man thei dawn si lo tih thleng tein ka ngaihtuah hman",
"Saavdhan India i en nasa lutuk a, min ngaihtuah dan pawh chu, pui miah miah hle mai", ka ti a.
"Ngawi mai teh", ti bak hlarin, min hau nghal char char. Ṭawngna hun ka chang tawh lo reng reng.
"U Ngaia kha, message min reply thei si lo, call ka ngam chiah lo nen, ka buai zia chu ah",
"A zin daih lawm, a hna thilah a nia, Hotu sâng zawk te nena, chinfel tur hna an nei a", ka ti a.
"Chuvang nih dawn chu, a nih, in pahnih inkar eng nge a an?", a rawn ti ta daih. "Ka sawi duh lo e ah",
"I uikawm a nih mai chu ah, a hek phah dawn tih pawh ni hleilo", a lo ti hlak. An hnathawh awl lai a nih avangin, sawi vat vat turin min lo ti.
A eng ber nge maw, hriat a châk em em ni? "Eng nge ka sawi dawn?",
"In infawp tawh em?", a lo ti sap. Ka hmui ka hup a, ka nui kur kur. "Maw, sawi vat teh", a rawn ti leh.
"Fawp tawh", ka tih chusn, a au hluai. "A nih, a dang?",
"Eng nge a dang?",
"A dang a ni tawp mai, inneih hnua tih ang chi kha?", a rawn ti leh. Ka ngawi deuh vang vang a, ka ṭhian leh unaunu ni mah se, engkim hrilh erawh, a mawiin ka hre ta hauh lo.
"Nghetpui?",
"Eng nge? A ṭha lawm, mahse, indang miah suh aw, u Ngaian indang tura a tih che pawhin, nang chuan duh miah suh, nautê nei vat vat rawh u aw", a ti nang nang.
"Nau awmtu-ah ka ruai chiang khawp ang che", ka ti a. "I ngam phawt chuan le, ka sawi chu, indang miah suh aw", a lo la ti hrâm.
Ka mit chhingin, thâwk ka la vang vang a, nautê neih chu, hmeichhia, pasal nei tawh phawt chuan, kan duh vek ang. Mahse, kan duh ang hûin, kan thu a ni si lo a.
U Ngaia call ka tum ut ut naa, ka ṭhulh leh ta zawk. Ngheti pawhin, a message a reply loh thu a sawi a, keipawhin, message-a tihbuai chu sawi loh, call pawh ka ngam lo.
Thu pawimawh an rel laia, a phone a rik tleng tleng chuan, a ṭha lo zawk ang.
Bar bulah dingin, u Ngaia nu ka call a, ka huaisenna zawng zawngin ka call. "Ka, ka nu, Venpuii ka nia, in dam ṭha maw?", ka kaihza tha a sâi hlawk hlawk.
Ka ṭhu ringawt, u Ngaia nen kan inneih aṭang leh, kan awmhran aṭanga kan inbiak vawikhatna. Ka taksa pum hian, ka khûr.
U Ngaia nu bakah, a pa nen kan inbia a, ka nu leh pa an ni ve tawh tho. Sawi tur vak phei chu ka hre lo, u Ngaia kan rel char char chu a ni mai.
Jennifer-in min thlah leh a tum chuan, Police ho chu kâwk zeuhin, "An khawngaihthlak tawh em mai, u Ngaian a hauh an hlau hlawm bawk sia", nui varin ka ti a.
Nui hakin, "Ni e, chhawr char char rawh", a ti ve mai bawk. Lu thing nar narin ka pan a, an lo khi ṭhaw, Jennifer ruala ka haw lo tur chu, an lawm zawk.
Zingah min lo hruai ziah a, zanah Police dang pahnihin min veng bawk a. U Ngaia hnenah, lawmman pe turin ka la hrilh ngei ngei ang.
Bathroom aṭanga ka chhuah chuan, a la hma bawk a tiin, ka mu ṭha leh, night dress nen ka la awm, ka la inthlak peih thlawt lo.
Zing lamah hi chusn, chaw ka chhum ngai lo a, bawnghnute leh chhang a ni deuh tawp mai, ka thatchhe tak tak a ni.
Ka mu leh tak naa, ka muhil tawh chuang lo. Phone ka en a, dar ruk chauh a la ri. A tlai tawh viau turah ka ngai a nia.
Phone ka dah thla chiah tihah, a ri nghal. Ka en a, 'Lalzahngaia' tih lang kul chu, min tihrilhhai chiang lutuk.
Ka ṭhu chhuak a, "Venpui, kawngka bulah ka ding", room aṭang ka tlan chhuak nghal.
Kawngka ka hawng thuai a, eng khaw sawi set set loin, ka kuah nghal thlawp. "In chhungah min luhtir ve phawt la", a ti dam dup a.
Ka rilru hi chu, ka hmang lo ve ṭhin chiang alawm. Min en ren rawn a, a chek hlak. "Ka la tho lo hrim hrim alawm", kimki chial hian ka ti a.
A khi suk. "I chau em? Zanah emaw, naktuka i lo haw ka ring a", ka ti a. "Awm reina chi a ni lo, kan inbakkaih dawn tlat a, ka lo haw ta daih, aia upa an nihnaah, hnial hnial ka hreh si a", a kamiz phelh pahin a ti a.
Chutiang te, eng nge ni ang aw? Engmah min hrilh ve duh si lo. "Min lo ngai em?", a nui suk zui a.
"Ngai lo rapthlak, thla khat chuang te hi, zin la ka ti", ka ti a. "Eng maw i sawi?", ti pahin, min dek a. Ka nâk nêm lai a piai hlak hlak.
Khumah min bawh thlu a, a kut pakhata a bek dawmin min en chhuk run a. Ka biang a chul kual rak rak.
"Min ngai lo tak tak maw? Kei chuan ka ngai che", a tih chuan, "Ka awih lo", ka lo ti a. A rum nghut.
Min ngai ve tak tak roh mawni le? Kawr a ha si lo a, ka biang mai ni lo, ka kawr hak chhana ka taksa a chul kual te chuan, min tizauthau.
"I chau awm si, lo mu hle hle rawh, ei rawng ka va bawl ang", tia, ka tho chu, min nam mu leh dawrh.
"Tho lo ang, min ngai lo tak tak maw?", a ti leh. "Min ngaih ai nasain, ka ngai che lawm", ka ti sap a. A lung a awi ta deuhin ka hria.
Min fawp a, a tih leh tur ka hai hauh lo, ka hnial duh ta bawk lo a. Mahse, keimah chauhin, nawmna ka chang pumhlum erawh, a nawmna a famkim lo.
"Venpuiin tu nge a mamawh?",
"Venpuiin mipa a mamawh", ka lo ti a. Ka khawngaih zawk, a nawmna a pawh ve theih nan, a rilru zawng zawng a seng ni ber.
Ka zal hnu pawhin, min la chhuahsan lo a, a hmela inthiam lohna leh beidawnna chu, hmuh nuam lo tak a ni.
A thaw halh halh a, a thlan te pawh a tla. Mahse, hei chu, a feelings vang a ni lo thung.
Muangchanga chein, ka taksa mil zelin a che rang tial tial a. "Venpuiin tu nge a mamawh? Venpuiin mipa a mamawh", amah leh amah a inbia.
A vawihnihna atana min tihzal hnu pawhin, min la chhuahsan lo a, "Tihian, darkat khat i awm lawk ang", a taksa chungah min bawh tir a. Ka mit ka chhing a, ka chau deuh nen, ka muhil zui mai chu ni mai.
A lûngphu rang te chu, thildang vanga rang ni zawk se aw. Hetia, ka chhunga a awm reng chung pawh hian, danglamna a neih phah loh reng reng.
Canteen-ah ei tur ka lam a, an siam chhungin ka lo ṭhu. Ka ṭhutna ep chiaha titi chuan, ka beng a verh zar.
"Lilly Singh video pakhat kha, in en tawh em? A nu leh pa, Sex Therapy-a an kalna kha",
"An ruh nâ vel entir an tum a, a ni lo zawka an kalna kha maw, en chiang lutuk",
"Singh hi chu, kha kha ni mai. Takah, Sex Therapy sawi takah chuan, Punjab-ah a lo kal alawm, Miss Priyanka. Ahmedgarh-ah hian, niminah a lo thleng. Hetiang lama expert hi a nia", an ti a.
An nui bâwk bâwk pah, a awmna Damdawi in an sawi chu ka lo chhinchhiah khiau.
Ka order chu lain, ka chhuak nal nal a. Miss Priyanka an tih chu, ka search nghal char char.
A bikin, nupa bika harsatna nei ten an pan a, Psychiatrist a ni pah bawk. Upa lam a ni ve tawh a, expert tawh tur pawh a ni.
A rukin Campus aṭang ka chhuak a, University aṭanga hla tawk ka thlen hnuah chauh, taxi ka phar.
Damdawi in ka thlen chuan, Miss Priyanka awmna ka zawt vat a. Ka rin loh deuhin, tlawhtu a nei miah lo.
Hmuh ka duh thu ka sawi mek laiin, a lo chhuak hlawl. "Amah saw nih saw", a tih chuan, ka va pan a.
A hmaah dingin, "Mam, ka be duh che, khawngaihtakin, minute khat tal hun min pe rawh", ka ti a.
Min thlêk vang vang, "Ngawi teh, ka hre tlat chein ka hria. Ngaia nupui kha i ni em?", a tih chuan, mak ti deuhin ka bu nghat.
"Aw le, kum hnih liam hnuah a vawikhat nan, hmanniah min lo bia a, a beidawnthlak duh khawp mai, Syndrome huatthlala tak a ni",
"Eng Syndrome maw?", ka ti a. Inhmatawnin kan ṭhu a, ka hmela zawhna tam tak awm chu, a hmuh hmaih lo nasa ang.
"Restless Genital Syndrome a neih kha",
"Restless Genital Syndrome a?",
"Engmah i hre ve nange?",
"Hre lo, engmah ka hre lo. Chu chu, eng syndrome nge? Nangmah hmu tur chein ka lo kal a, mahse, ka pasal bakah kei min hre tel bawk a, chuan, syndrome mak deuh i sawi bawk a", ka ti bah nawk nawk.
Ka rin loh lutuk thil ka hre dawnin ka hria. U Ngaia nen an lo inhre ṭhin tihna maw? Mahse, Miss Priyanka hi chu, chuan, eng syndrome nge maw a sawi kha le?
"Engmah i hre lo tak tak a ang khawp mai a, Ngaian a hrilh lo che ni ngei ang. Ngaia hi, a tleirawl chhuah hlim aṭang ka enkawl tawh. I pasal hian, sex feelings a hre ve lo",
"Maw?",
"Restless Genital Syndrome tih a ni a, mihring tungchho pangngai ina, kan neih ṭhin, sex feelings ang hi a hre ve thei tlat lo. A nei lo a ni mah zawk. Video leh thlalak hmangtein, ka enkawl nasa lutuk, eng a ang thei chuang lo, Ngaia bikah hi chuan, ka beidawng ṭhak",
"Ka hrethiam lo", ka lo ti a. A sawi kual nasa lutuk a, ka hrethiam thei lo.
"Feelings kan tih, nuihna te, ṭahna te, lungngaih manganna te, hlimna leh lawmna te leh zauthauna, hetiang ang chi, kan tleirawl chhuah hlim aṭanga kan neih, kan hormones-ina a pek chhuah ang hi, Ngaia hormones hi chuan, a pe chhuak ve tlat lo a ni.
Feelings hrang hrang kan neihna tura, hnathawk tu ber chu hormones hi a ni a, Ngaia hormones erawh, a muhil tlat a ni. Chumi vang chuan, sex feelings ai mah chuan, emotions(nuihna, ṭahna, lungngaihna, hlimna, mood-on, mood-off te pawh ni ang chu) a nei thei lo hi, a buaithlakna chu ni", ka muttui a hnâm ṭiam ṭiam.
A sawi kual nasa lutuk a, ka hrethiam thei lo, a sawi tum tak ka hrethiam thei lo. Eng nge sawi a tum?
"A pa thei lo i tihna em ni?", ka ti chhuak ṭawk. "A ni mai ang chu, a thisen a lum thei bawk si lo", a tih chuan, ka mit ka chhing sawk.
"Hetiang Syndrome hi chu, treatment pe eng ang pawh ni ila, an dam thei lo. Tihdamna a awm lo", ka mittui luang ka hru tawk tawk.
"Mahse, Ngaia erawh a dam ka rinna chu, a rilru tihharh hian a ni",
"I ti tak tak em?",
"Tak tak e, treatmen pek theih ang pek pawhin, an dam thei ngai lo a. Chuvang chuan, an rilru kaihhruai nan, Psychology class neihpui ṭhin a ni a. Mahse, Ngaia chu a danglam, Syndrome nei tho mah se, a rilru hi tihharh theih a nih ka ring tlat.
A hormones tihnun theihna chance a sâng bik tihna nih chu, mahse, chumi tur chuan, a zung aṭang exam neih a ngai",
"Chu chu engtin?",
"Mihring kan puitlin hnu pawha min daltu lian ber emaw, min hruaitu emaw ni ṭhin chu, naupan laia kan hun tawn hi a ni ṭhin. Ngaia pawh, a naupan lai hun eng emaw berah khan, engthil emaw tak, a rilrua awm reng tur tawn a nei ngei ngei ang", a ti dap dap a.
Keimah zawk hi, ka buai nuaih ni mai hian ka hria.
"Tuai tihna chu, a ni lo tiraw?", tim daiin ka zawt a, a nui hak. "Mipa dik tak a ni e, emotions emaw, sex feelings a neih loh avang maiin, mipa ni lo turah ngai ngawt suh. A mipa nihna hi, i hmuh hmaih hlauh ang e.
Ka sawi tawh angin, keipawh ka beidawng ṭhak a. A chhan chu, amah bik hi chu, a dam theih ka rin vang a nia. Hmanniah, kum hnih hnuah min lo bia a, nupui a neih thu leh, i thlalak min lo thawn a", a tih chuan, ka nui tawi tak.
"Zankhuaa ka chhunga a awm pawhin, danglamna a nei miah lo",
"Nei lo ang, sex feelings neih tir tuma bul ṭan ai chuan, a emotions hi buaipui hmasak a ngai zawkin ka hre ta.
A hormones, a rilru tihharh hmasak a ngaiin ka hria",
"Engtin?",
"A nui ngai lo a, a thinrim ngai hek lo, a pian hlima a ṭah bak kha chu, a ṭap leh miah tawh lo ang, chutiang ang chu, a feel, a hre ve thei tlat lo.
Hlauhthawn dan pawh a hre lo, lunglen a hre hek lo. A Syndrome chu, engpawh nise, a rilru a chawmawlh tlat hi a ni. Tichawmawlh tir tu, eng emaw tak chu, a awm ngei ang",
"A nih, a rilru chu harh ta se, sex feelings a hre thei dawn tihna em ni?",
"Tehreng mai, a chhan chu, a hormones a nung tawh dawn tlat a", a ti a. Ka hrethiam ta uar uar.
Tuai a ni lo a, hmeichhia it ngai lo, mipa chauh it chi a ni lo bawk. A enga mah mah a ni lo.
Chubakah, Syndrome-in a ken tel, chauhna, zawi ngawih ngawihna a keng tel ve leh tlat bawk.
Min hrilhfiah zel a, ngun deuhin ka lo ngaithla. Keimah ka pawimawh ta berin ka hria.
"Hmannia min lo biak chuan, a awmdan te a sawi a, mi khawngaihthlak tak a ni. Lungngaihna chang pawh a hre lo", a ti leh a.
Room aṭanga kan chhuah chuan, "A chhungte tumahin an hre lo a, nsngmah i pawimawh ta ber a ni e. I hah- E he! Ngaia chu", ka hnung lam ka hawi nghal thuai.
U Ngaian mak ti zetin min lo en, sawi mai tur pawh ka hre lo, keipawhin mak ka ti.
Inherin a kal hlawk hlawk a, ka umzui vat. Damdawi in kawtah umphain, a hnungah ka kuah a, a dul zawnah ka kut pahnih ka suih nghet sauh sauh.
Ka kut a vawn hnan a, "A zahthlaka nia", a ti zawi sup.
Ka kut phelhin, a hmaah ka ding a, "Haw ang", a tih chuan, a kutah nuih saihin ka vuan a.
In thlen hma chu, kan ngawi dun reng. In chhung kan luh rualin, tui a in khawlh khawlh.
A bulah ka ding a, sawi tur mai ka hriat loh avangin ka ngawi tawp.
Bottle, dawhkanah a nghat chawrh a, "Min hmusit viau lo maw?", a ti a. Ka hmuhsit loh thuin ka chhang thuai.
A hmaah ka ding a, min en duh ṭhak lo. Kalsawn a tum chu, ka pawt a, dingdihlipin a biang tawn tawnah ka dawmin, "Min en teh, min en teh, ka hmusit reng reng lo che, nang chu, Venpuii mipa i nih kha, a dik em?", ka ti a.
Keimah zawkin ka fawp, dawhkan chunah min ṭhuttir a, "Min hmusit lo turin ka duh che",
"Ka hmusit ngai lo ang che", ka ti a. Ka samah a kut rawlhin, dam zet hian min fawp a, keimah zawk hian ka duhkhawp lo, zahthlak hian.
Doctor khan a sawi dik, a rilru tihharh hmasak a ngai dawn. Mshse, a rilru a harh ṭan tawh.
Min ngaihtuah êm avangin, ka tan hmun hlauhawma a hriat avangin haw turin min ti a. Hlauhthawnna a hria!
A thinrim êm avangin, bek pawng ṭawlh ṭawlh khawpin, Manav-a kawr nghawngah a ṭham a. Thinrimna a hria!
Min call tlang theih loh avangin a hlauthawng êm êm a, hlauhthawnna a hria!
Kan infawh pawhin, a duhthawh thiam leh tlat zel a, a rilru a harh ṭan reng tawh zawk!
Show post links
Top
| Link: | |
| BBcode: | |
| HTML: | |
| Hide post links |
I Ninawm
Chapter-9
Ziaktu: Cck Lalchhuanawmi
Thingkung hnuaia ṭhutnaah ṭhuin, ka nu leh pa ka call a, ka u nen kan inbiak lohna a rei êm avangin a chanchin ka zawt pah a.
A dam ṭhat thu leh, ngaihtuah lo turin min ti a, ka unau neihchhun a nih ve miau avangin, ka ngaihtuah lo thei lo.
"Nangmah pawh kha, inenkawl ṭha la aw",
"Aw le, nangni pawh", ka ti a. Ka mittui a tla thei takngial dawn, ka ngai tawh êm mai.
Kan inbiak zawh hnu chuan, class ṭan la hun lo bawk nen, ka ṭhu ta reng a. Naktukah, test kan la nei dawn zui. Lehkha ka zir ṭha lo tih, ka hre chhuak zawk bawk.
Classroom-ah ka lut a, tlar hma lamah ṭhutna ka chang hrâm. An lo ṭhu khat hman vek, an ṭuan a rang thei tak tak a ni.
Biang veilam duk churhin Manav a lo lut, mak ti deuhin ka en a. Tlar hnung lamah a kal nul nul. An insual a ni hrim hrim ang.
Taxi changin Campus kawtah ka ding a, a ṭhen chu, Bike tea inphurhin an tlan chhuak sup sup.
Rei loah, hawna tur taxi ka hmu ve mai bawk. In chhunga ka luh rualin, phone a ri a, u Ngaia a ni.
"Venpui, zanin chu ka lo haw thei dawn lo aw, case hmanhmawhthlak deuh buaipui tur a awm a",
"Aw le, fimkhur la aw, silaiin inkah tir miah suh ang che", ka ti a. A lo nui hak. "Zingah ka lo haw thei ang", a ti a.
Chhang leh Bawnghnute a ni leh mai, mahni chauh chuan, ei rawng bawl hrep hi, a ninawm duh ve êm a ni.
Chaw chhum, chawhmeh siam, mi pakhat chauh ei tur lehnghal chuan, ka thatchhia nge pawh ka hre tawh lo e ah.
Ngheti nen reilote inbiain, lehkha ka zir zui a, kan room-a tukverh pakhat chauh ka hawng a. Khar theih chi zawng zawng chu, ka khar vek.
U Ngaian hlau lo turin min hrilh ṭhin mah se, mahni chauh chuan ka la hlau tho tho. Test tur ka zir zawh hnuah, extra-in ka zir leh nual a, ka mu ta daih.
Tho ṭhem ṭhemin, bathroom-ah ka lut a, ka period tih ka la hre chauh zui. Room-ah ka tlan lut a, bedsheet-ah a kai lo hlauh.
Mahse, ka hlip a, ka inbual zawh ve leh ka su nghal. U Ngaia a lo haw dawn avangin, ei rawng ka bawl a. Mi pakhat chauh ei atana ei rawngbawl ai chuan, mi pahnih ei tur atana ei rawngbawl, a la phurawm zawk.
Chaw ei hun thleng pawha a lo la haw loh avangin, ka phone ka tuai ka tuai a. In chhungah tei sekin, pawnah te ka chhuak thul.
Ka call ngam bawk si lo a, u Ngaia thawm lah, a reh vang vang. Phone bih ngun tak ka ni.
Sofa chunga ka ṭhu thla chiah tihah, kawta motor ding thawm ka hre ta. Hlim lutukin, kawngka ka hawng a, u Ngaia hmel erawh, ka hmu lo.
Anisha pasal chu lo kalin, "A lo haw thei rih lo, nimin tlaiah ruang kan chhar a. Chumi chu, a kutah an dah pek a, phone pawh a khawih hman lo, lo hrethiam rawh aw", a ti a.
Ka hnual nghal rawih nachungin, ka hriatthiam a ngai tlat. "Aw le, a inhliam êm lo tiraw?", ka tih chuan, a bu zeuh.
"Inhliamna tur a awm hleinem, a kaisânna tur case aṭanga a inhnukdawk kha, ka uipui khawp mai",
"Eng, eng nge i sawi awmzia?", ka ti bah nawk. Anisha pasal pawh chuan, mak ti deuhin min en, "Eh, i hre ve lo em ni?", amah zawk chuan, mak a tih hmel zawk.
"Hman kara, kan zin chhuah kha, kha kha a kaisânna tur case va hnukdawk tura kal lawm kan nih. Kha case kha, chingfel sela chu aw, khiiitah a awm dawn asin le, kei ngei pawhin ka ui", a ti dap dap.
Anisha pasal kalsawn hnu chuan, sofa chungah ka ṭhu thla a, u Ngaian a kaisânna tur case a hnukdawk chu, ka hrethiam lo reng reng.
A thuhrimah, eng case nge ni ang aw? Engvanga hnukdawk nge maw a nih ang le? Min hrilh duh loh chhanah, case namai lo tak chu, a ni ngei ang.
Test kan zo a, canteen-ah ei tur lamin, thingkung hnuaiah ka ṭhu daih a. Eggroll ei chungin, test question ka en ṭha leh.
Ka duh ang zân chuan ka chhang vein ka hria, ka pass êm ang chu a. Mark an ren lo turah ngai ve phawt mai ang.
"Venpui, i chhang ṭha em?",
"Chhang ṭha lutuk, nang zawk?",
"Ṭha lutuk e a, mark an ren ang tih ka hlau ber", Jennifer pawhin a ti a. Mark ren a hlau ve ber chu, ka thaw huai thei.
Jennifer-te driver a lo thlen chuan, min hawsan a, min thlah inhuam mah se, keima'n ka duh tlat lo.
Kein muangchangin ka kal a, Punjab pawh hi, Mizoram ang chiah a ni tih ka hre ta. Ruang an chhar nawlh nawlh a, chu loah, rukruk case lah a tam ve êm êm tho a.
School naupang lubuk te, College leh University pawh nise, a sual fal leh fel fal te, an kat ve nuk tho.
Manav-a aṭangin, hausa nazawng an hlim kher lo tih a hriat. Manav phei chu, ka hre ril lo naa, a nun hman dan hi, hahthlak a ti ve ṭhin ngawt ang.
"Venpui", ka ding dawt. Hun rei tak hnuah pawh, chu âw chu, chu âw chu ka la hre chat thei nia!
"Venpui, Duati", hnung lamah min kuai her lâwp. A nui suk suk a, "Nangmah i ni, Duati, nangmah i ni", min kuah a tum chu, ka lo namsawn.
"Duati, ka ngai tawh lutuk che", a la ti zui. "Ka ngai ve lo che", ka ti a. Ka dâr tawn tawnah vuanin, min kuah a la tum fan.
Kawngpui lunlai a ni a, min en hrek hrek hlawm. U Ngaian Spy a ngah dawn tih ka hria, an hrilh a nih vaih chuan aw!
"Min thlah rawh, miin min en ṭhup a nia", ka ti a. A kut ka thing thla sawk. "A ṭha e, min ngai ve miah lo a nih dawn hi, ka zawng nasa lutuk che asin",
"Min zawnna chhan tur ka hre lo",
"Duati, ka hmangaih che tih i hriat kha, engvangin nge ka lo zawn loh ang che", a ti a. Sexy zetin min en a, mahse, ka thengthawngah a lut tawh lo reng reng.
"I fa tur chu, a piang ṭep tawh em?", ka ti daih a. A nui hak, "Chutiang tur a awm lo reng reng", a ti a. A hmel erawh, a tlanchhe nasa lutuk.
"A nu nen i inah hruai haw ang che, i fa tur a nia, i fa tur paitunu nen, hlamchhiah miah suh ang che",
"Duati, eng nge maw i sawi le? Chutiang an awm lo, lo hruai tur zawk chein ka lo kal a nih hi",
"Ka zui chuang lo ang che", ka ti chu, rum nghutin, a ke a per chhak. Min lo pan hnai a, "I pasal neih nî-ah pawh ka lo kal a, i u mawl zetin Police ho, min hrentir ve khang lang a", sehchilh nawkin a ti a.
Ka u, mawl tia a sawi chuan, ka thin a khei zak. Ka u mawl ti turin, eng fakaua fing nge a nih bik?
"Ka u a mawl lo", ka ti hlak. "Duati, ka tihpalh lutuk. Min ngaidam rawh, tunah chuan, i awmna ka hre tawh a, kan pahnihin hmun hla takah kal ang", a ti nuah nuah.
Ka duh tawh tawp si lo, "Ka lo kal lo ang, i hriat kha, pasal ka nei tawh",
"I hmangaih chuang hleinem, i hlim chuang lo ang, min la hmangaih reng tih ka hria alawm. Ka bula awm i duh kha, khami nî-a haw i duh loh thu i sawi pawh khan, haw tir lo che ka duh lutuk, mahse, ka la inpeih lo a.
Pasal i neih dawn tak takah chuan, ka rin phak bakin ka hmangaih che ka hre chhuak a, chuvang chuan, hruai tur chein ka lo a, Police hoin min hruai daih lo se chu, tunah te hian, kan pahnih chauhin hlim deuhin kan awm tawh ang", ka biang lo khawih a tum chu, hnung lamah ka tawlhsawn dawrh.
"Duati", beidawn hmel zet hian a ti a. A sawi dik lo, a sawi dik miah lo. Hlim takin ka awm ngai miah lo ang.
Min hmangaih tak tak chu nise, keima'n ka sawi ngai loin, ka haw a phal lo zawk ang. Chuta karah, biak tlang theih lohin a awm char char a.
Inneih nî-ah a lo lang leh ringawt a, a hmeichhe awmpui tum tu emaw takin lo hnarin, kei min lo panah ka ring, ka ring sual lo bawk ang.
Ka u kha, hnial lui tlatin, pan ta ila, Mawia hian min tirethei dawn lutuk. Tunah, engvanga lo lang leh nge a nih, a fa painanu nei turin an ti ang a, a nei duh loin, kei min lo pan leh ta a ni ngei ang?
"Ka lo zui lo ang che, ka zui ngai bawk lo ang che, pasal ka nei tawh a, ka hlim êm êm bawk. I bula ka awm aiin, ka hlim a, ka thla a muang bawk",
"Duati",
"Khati khan min ko tawh suh",
"Police ni ve ila, min zui ang em? Pasal ka nei i tih chhan pawh, Police a ni a, hlawh tam tak a nei bawk a, chuvang chuan min zui duh lo tiraw? Mi danglam bikah ka ngai che a, nangpawh hian sum chauh i lo hmangaih a nih hi", a ti chharh chharh.
Min puhchhe lutuk chu, ka nuih a tiza zawk. Sum chauh hmangaih min ti maw, a sawi ang chuan, ka hmangaih ni mai rawh se.
"Hmeichhe ho hi chu, in lo inang vek a nih hi", beidawn hmel zet hian a ti a. A thaw halh halh. Hmeichhia kan inang vek lo.
"Kal rawh, i pasal bulah chuan kal rawh. Min hmangaihtu awm chhun ni-ah ngaiin, ka lo pan vang vang che a, nang lah chuan, sum i lo hmangaih hman tawh si a", a ṭawng duh dan chu, ka thin a tirim zawk dawn.
"Haw la, i fa painanu chu, nupuiah nei la, chhungkaw ṭha deuh din ang che", ka ti a. Ka inher chu, u Ngaian min lo en reng!
Ka tha a khûrin ka hria, ngaih loh lamah ngai lo hrâm se. Ka bag hrui ka hmer ngawt ngawt a, ka chil ka lem dâwk. A thinrim ka ring deuh reuh, thinrim lo turin ka duh tho bawk si.
Ka ding ngawi reng ringawt, ka rilru a buai nuaih nuaih. Mahse, u Ngaian a kuta min lo hui takah chuan, rilru tawt ṭun chungin ka pan a.
U Ngaia dinna ka thleng dawn tihah, "Venpui, Duati, ka hmangaih che", ka hnung lam ka hawi rang lutuk.
Lalrammawia chu va dinchilh a, vih sawk sawk ka châk ṭum ber a ni ang. Ka haw lutuk, ka haw so bawrh bawrh.
"Venpui", dam dupa u Ngaian min lo koh chuan, ka mittui kar aṭang ka en a. Ka hawisawn leh thuai, u Ngaia hmel pawh ka en ngam lo.
"Ngati nge, i din reng a, tirawh, haw ang", ka kut a lo chelh a. Min kuahin, min kalpui a, ka zak lutuk ringawt.
Ka ngawi reng a, ka hawi chhuak ngam tawh lo hrim hrim. Min hmangaih thu, tlangaupui kher kha a ngai lo asin.
Min hmangaih tak tak a nih chuan, min tihmualpho a duh miah lo ang. Mizo ṭawng hrethiam an awm lo hlauh zawk a.
U Ngaian a hre phak tih, tupawhin an hai lo ang. Ka bialpa a ni tih, a hre ngei ngei dawn bawk, khawlaiah lehnghal. Ka zak lutuk chu, khûk ral daih ka duh rum rum.
In chhunga kan luh pawhin, ka la hawi chhuak ngam mai lo, engtia awm tur nge ka hre bawk si lo.
U Ngaia chu, ngaihdam ka dil tawp dawn mawni? Chutiang tur pawhin, ka huaisen thlawt lo.
"Venpui, i inthlak dawn lo em ni?",
"Aw, ih, ka'n inthlak lawk ang e", ka ti a. Room-ah ka lut vat, mittui parawl kuang chungin ka inthlak a.
Ka khûr a reh thei lo, room aṭanga chhuakin ngaihdam chu ka dil tawp dawn mawni.
Room aṭang ka chhuak a, form nen sofa chungah a lo ṭhu a, a sana a lo bun ṭha mial mial.
Ka kal din den a, "U Ngai, ih", ka kut ka sik niap niap. Ka hlauthawng lutuk ringawt.
"Nichin mi kha chu, sawi ka duh miah lo nia", mi pawh en loin a ti a. "Ka tihpalh", ka ti zawi sap.
"Ka bulah lo ṭhu rawh", ka la ding ren rawn. "Venpui", a tih leh chuan, ka ṭhu a. A dâr a beng thek thek, ka lu ka nghat nghal a, ka kut vuanin a chul heuh heuh.
Engkim a ṭha vek e, "Ka tihpalh lutuk", ṭap ṭuauin ka ti a. Ka mittui a rawn hru a, sum ka hmangaih chhan tur a awm lo reng reng.
"Ka kawchhûng a tawt up up mai", a tih chuan, a chhan ka zawt thuai. "Kah thluk tawp mai kha, ka duh nghal a", a tih leh chuan, ka ip chawih.
Nupui te bialpa hluiin, kawng lunlaia hmangaihna thu, tlangaupui te chu, tu pasal tan maha palzam mai mai chi a ni hauh lo ang.
Mahse, a thîk tihna mawni le? "Tunah, engtin nge i la awm?", tim daiin ka zawt a. "Ka ka tawt up up mai", a ti leh.
A thinrim a ni chiang mai, thinrimna chang a hria tihna, thinrimna awm takah a thinrim!
"Mahse, i kal duh chuan, ka kal tir ang che, kei chu, mitthi ka ni ka tih tawh kha", ka kut a hmer salh.
A tharin ka mittui a hnâm ṭiam ṭiam a, ka kut a hmer danah, kal turin min duh miah lo.
"Khawiah mah ka kal duh lo", ka ti ṭuau a, "Khawiah mah ka kal duh lo", ka ti nawn leh.
"Venpui",
"Aih, i bulah chiah ka awm duh", ka kuah nghet sauh sauh. "Venpui", ka lu ka thing nawk nawk.
"Min en lawk la, i hmel ka la hmu miah lo a nia", a ti zawi sup. Ka khabe a dawm a, muangchangin ka en chho.
"U Ngai, khawiah mah ka kal duh lo", ka ti a. Ka kun leh daih, amah zawk chuan min kuah a, ka hnung a chul hliau hliau.
"Station-a ka kal leh a ngai dawn a, chaw ei turin ka lo haw zawk", a tih chuan, "Chaw ṭhing a awm, tukinah chaw ka ei lo a",
"Chaw ei lo ringawt zel suh", min beng hlak. "A nâ, min beng nâ lutuk", ka ti nang nang.
A nui suk a, "Chaw ei lo ringawt zel tawh suh ang che", a ti leh a. Ka bu nghat ringawt.
Chaw kan ei a, a case buaipui lai ka zawt, "Damdawi in lam aṭang result nghah chauh a ni tawh, acid-in a taksa hmun ṭhenkhat leh a hmai an leih a, tu nge a nih kan la hre zo lo",
"Id hmuh tur a awm lo em ni?", ka ti a. "Chutiang engmah hmuh tur a awm lo", a ti a. Min lo enin a nui suk a, "Police i ang ve ṭan ta riau mai a", a tih chuan, ke nui sak.
"Hah deuh deuhin thawk lo la aw", ka ti a. Min rawn fawp zeuh. Ka hmuh theih chhung chu, ka thlir char char.
Khawiah mah ka kal dawn lo reng reng, u Ngaia bulah chauh ka awm ang. Ka hlim êm êm a, ka thla a muang bawk.
Sum vanga nei ka ni lo a, a dik, ka hmangaih tawh chiang a ni!
Show post links
Top
Chapter-9
Ziaktu: Cck Lalchhuanawmi
Thingkung hnuaia ṭhutnaah ṭhuin, ka nu leh pa ka call a, ka u nen kan inbiak lohna a rei êm avangin a chanchin ka zawt pah a.
A dam ṭhat thu leh, ngaihtuah lo turin min ti a, ka unau neihchhun a nih ve miau avangin, ka ngaihtuah lo thei lo.
"Nangmah pawh kha, inenkawl ṭha la aw",
"Aw le, nangni pawh", ka ti a. Ka mittui a tla thei takngial dawn, ka ngai tawh êm mai.
Kan inbiak zawh hnu chuan, class ṭan la hun lo bawk nen, ka ṭhu ta reng a. Naktukah, test kan la nei dawn zui. Lehkha ka zir ṭha lo tih, ka hre chhuak zawk bawk.
Classroom-ah ka lut a, tlar hma lamah ṭhutna ka chang hrâm. An lo ṭhu khat hman vek, an ṭuan a rang thei tak tak a ni.
Biang veilam duk churhin Manav a lo lut, mak ti deuhin ka en a. Tlar hnung lamah a kal nul nul. An insual a ni hrim hrim ang.
Taxi changin Campus kawtah ka ding a, a ṭhen chu, Bike tea inphurhin an tlan chhuak sup sup.
Rei loah, hawna tur taxi ka hmu ve mai bawk. In chhunga ka luh rualin, phone a ri a, u Ngaia a ni.
"Venpui, zanin chu ka lo haw thei dawn lo aw, case hmanhmawhthlak deuh buaipui tur a awm a",
"Aw le, fimkhur la aw, silaiin inkah tir miah suh ang che", ka ti a. A lo nui hak. "Zingah ka lo haw thei ang", a ti a.
Chhang leh Bawnghnute a ni leh mai, mahni chauh chuan, ei rawng bawl hrep hi, a ninawm duh ve êm a ni.
Chaw chhum, chawhmeh siam, mi pakhat chauh ei tur lehnghal chuan, ka thatchhia nge pawh ka hre tawh lo e ah.
Ngheti nen reilote inbiain, lehkha ka zir zui a, kan room-a tukverh pakhat chauh ka hawng a. Khar theih chi zawng zawng chu, ka khar vek.
U Ngaian hlau lo turin min hrilh ṭhin mah se, mahni chauh chuan ka la hlau tho tho. Test tur ka zir zawh hnuah, extra-in ka zir leh nual a, ka mu ta daih.
Tho ṭhem ṭhemin, bathroom-ah ka lut a, ka period tih ka la hre chauh zui. Room-ah ka tlan lut a, bedsheet-ah a kai lo hlauh.
Mahse, ka hlip a, ka inbual zawh ve leh ka su nghal. U Ngaia a lo haw dawn avangin, ei rawng ka bawl a. Mi pakhat chauh ei atana ei rawngbawl ai chuan, mi pahnih ei tur atana ei rawngbawl, a la phurawm zawk.
Chaw ei hun thleng pawha a lo la haw loh avangin, ka phone ka tuai ka tuai a. In chhungah tei sekin, pawnah te ka chhuak thul.
Ka call ngam bawk si lo a, u Ngaia thawm lah, a reh vang vang. Phone bih ngun tak ka ni.
Sofa chunga ka ṭhu thla chiah tihah, kawta motor ding thawm ka hre ta. Hlim lutukin, kawngka ka hawng a, u Ngaia hmel erawh, ka hmu lo.
Anisha pasal chu lo kalin, "A lo haw thei rih lo, nimin tlaiah ruang kan chhar a. Chumi chu, a kutah an dah pek a, phone pawh a khawih hman lo, lo hrethiam rawh aw", a ti a.
Ka hnual nghal rawih nachungin, ka hriatthiam a ngai tlat. "Aw le, a inhliam êm lo tiraw?", ka tih chuan, a bu zeuh.
"Inhliamna tur a awm hleinem, a kaisânna tur case aṭanga a inhnukdawk kha, ka uipui khawp mai",
"Eng, eng nge i sawi awmzia?", ka ti bah nawk. Anisha pasal pawh chuan, mak ti deuhin min en, "Eh, i hre ve lo em ni?", amah zawk chuan, mak a tih hmel zawk.
"Hman kara, kan zin chhuah kha, kha kha a kaisânna tur case va hnukdawk tura kal lawm kan nih. Kha case kha, chingfel sela chu aw, khiiitah a awm dawn asin le, kei ngei pawhin ka ui", a ti dap dap.
Anisha pasal kalsawn hnu chuan, sofa chungah ka ṭhu thla a, u Ngaian a kaisânna tur case a hnukdawk chu, ka hrethiam lo reng reng.
A thuhrimah, eng case nge ni ang aw? Engvanga hnukdawk nge maw a nih ang le? Min hrilh duh loh chhanah, case namai lo tak chu, a ni ngei ang.
Test kan zo a, canteen-ah ei tur lamin, thingkung hnuaiah ka ṭhu daih a. Eggroll ei chungin, test question ka en ṭha leh.
Ka duh ang zân chuan ka chhang vein ka hria, ka pass êm ang chu a. Mark an ren lo turah ngai ve phawt mai ang.
"Venpui, i chhang ṭha em?",
"Chhang ṭha lutuk, nang zawk?",
"Ṭha lutuk e a, mark an ren ang tih ka hlau ber", Jennifer pawhin a ti a. Mark ren a hlau ve ber chu, ka thaw huai thei.
Jennifer-te driver a lo thlen chuan, min hawsan a, min thlah inhuam mah se, keima'n ka duh tlat lo.
Kein muangchangin ka kal a, Punjab pawh hi, Mizoram ang chiah a ni tih ka hre ta. Ruang an chhar nawlh nawlh a, chu loah, rukruk case lah a tam ve êm êm tho a.
School naupang lubuk te, College leh University pawh nise, a sual fal leh fel fal te, an kat ve nuk tho.
Manav-a aṭangin, hausa nazawng an hlim kher lo tih a hriat. Manav phei chu, ka hre ril lo naa, a nun hman dan hi, hahthlak a ti ve ṭhin ngawt ang.
"Venpui", ka ding dawt. Hun rei tak hnuah pawh, chu âw chu, chu âw chu ka la hre chat thei nia!
"Venpui, Duati", hnung lamah min kuai her lâwp. A nui suk suk a, "Nangmah i ni, Duati, nangmah i ni", min kuah a tum chu, ka lo namsawn.
"Duati, ka ngai tawh lutuk che", a la ti zui. "Ka ngai ve lo che", ka ti a. Ka dâr tawn tawnah vuanin, min kuah a la tum fan.
Kawngpui lunlai a ni a, min en hrek hrek hlawm. U Ngaian Spy a ngah dawn tih ka hria, an hrilh a nih vaih chuan aw!
"Min thlah rawh, miin min en ṭhup a nia", ka ti a. A kut ka thing thla sawk. "A ṭha e, min ngai ve miah lo a nih dawn hi, ka zawng nasa lutuk che asin",
"Min zawnna chhan tur ka hre lo",
"Duati, ka hmangaih che tih i hriat kha, engvangin nge ka lo zawn loh ang che", a ti a. Sexy zetin min en a, mahse, ka thengthawngah a lut tawh lo reng reng.
"I fa tur chu, a piang ṭep tawh em?", ka ti daih a. A nui hak, "Chutiang tur a awm lo reng reng", a ti a. A hmel erawh, a tlanchhe nasa lutuk.
"A nu nen i inah hruai haw ang che, i fa tur a nia, i fa tur paitunu nen, hlamchhiah miah suh ang che",
"Duati, eng nge maw i sawi le? Chutiang an awm lo, lo hruai tur zawk chein ka lo kal a nih hi",
"Ka zui chuang lo ang che", ka ti chu, rum nghutin, a ke a per chhak. Min lo pan hnai a, "I pasal neih nî-ah pawh ka lo kal a, i u mawl zetin Police ho, min hrentir ve khang lang a", sehchilh nawkin a ti a.
Ka u, mawl tia a sawi chuan, ka thin a khei zak. Ka u mawl ti turin, eng fakaua fing nge a nih bik?
"Ka u a mawl lo", ka ti hlak. "Duati, ka tihpalh lutuk. Min ngaidam rawh, tunah chuan, i awmna ka hre tawh a, kan pahnihin hmun hla takah kal ang", a ti nuah nuah.
Ka duh tawh tawp si lo, "Ka lo kal lo ang, i hriat kha, pasal ka nei tawh",
"I hmangaih chuang hleinem, i hlim chuang lo ang, min la hmangaih reng tih ka hria alawm. Ka bula awm i duh kha, khami nî-a haw i duh loh thu i sawi pawh khan, haw tir lo che ka duh lutuk, mahse, ka la inpeih lo a.
Pasal i neih dawn tak takah chuan, ka rin phak bakin ka hmangaih che ka hre chhuak a, chuvang chuan, hruai tur chein ka lo a, Police hoin min hruai daih lo se chu, tunah te hian, kan pahnih chauhin hlim deuhin kan awm tawh ang", ka biang lo khawih a tum chu, hnung lamah ka tawlhsawn dawrh.
"Duati", beidawn hmel zet hian a ti a. A sawi dik lo, a sawi dik miah lo. Hlim takin ka awm ngai miah lo ang.
Min hmangaih tak tak chu nise, keima'n ka sawi ngai loin, ka haw a phal lo zawk ang. Chuta karah, biak tlang theih lohin a awm char char a.
Inneih nî-ah a lo lang leh ringawt a, a hmeichhe awmpui tum tu emaw takin lo hnarin, kei min lo panah ka ring, ka ring sual lo bawk ang.
Ka u kha, hnial lui tlatin, pan ta ila, Mawia hian min tirethei dawn lutuk. Tunah, engvanga lo lang leh nge a nih, a fa painanu nei turin an ti ang a, a nei duh loin, kei min lo pan leh ta a ni ngei ang?
"Ka lo zui lo ang che, ka zui ngai bawk lo ang che, pasal ka nei tawh a, ka hlim êm êm bawk. I bula ka awm aiin, ka hlim a, ka thla a muang bawk",
"Duati",
"Khati khan min ko tawh suh",
"Police ni ve ila, min zui ang em? Pasal ka nei i tih chhan pawh, Police a ni a, hlawh tam tak a nei bawk a, chuvang chuan min zui duh lo tiraw? Mi danglam bikah ka ngai che a, nangpawh hian sum chauh i lo hmangaih a nih hi", a ti chharh chharh.
Min puhchhe lutuk chu, ka nuih a tiza zawk. Sum chauh hmangaih min ti maw, a sawi ang chuan, ka hmangaih ni mai rawh se.
"Hmeichhe ho hi chu, in lo inang vek a nih hi", beidawn hmel zet hian a ti a. A thaw halh halh. Hmeichhia kan inang vek lo.
"Kal rawh, i pasal bulah chuan kal rawh. Min hmangaihtu awm chhun ni-ah ngaiin, ka lo pan vang vang che a, nang lah chuan, sum i lo hmangaih hman tawh si a", a ṭawng duh dan chu, ka thin a tirim zawk dawn.
"Haw la, i fa painanu chu, nupuiah nei la, chhungkaw ṭha deuh din ang che", ka ti a. Ka inher chu, u Ngaian min lo en reng!
Ka tha a khûrin ka hria, ngaih loh lamah ngai lo hrâm se. Ka bag hrui ka hmer ngawt ngawt a, ka chil ka lem dâwk. A thinrim ka ring deuh reuh, thinrim lo turin ka duh tho bawk si.
Ka ding ngawi reng ringawt, ka rilru a buai nuaih nuaih. Mahse, u Ngaian a kuta min lo hui takah chuan, rilru tawt ṭun chungin ka pan a.
U Ngaia dinna ka thleng dawn tihah, "Venpui, Duati, ka hmangaih che", ka hnung lam ka hawi rang lutuk.
Lalrammawia chu va dinchilh a, vih sawk sawk ka châk ṭum ber a ni ang. Ka haw lutuk, ka haw so bawrh bawrh.
"Venpui", dam dupa u Ngaian min lo koh chuan, ka mittui kar aṭang ka en a. Ka hawisawn leh thuai, u Ngaia hmel pawh ka en ngam lo.
"Ngati nge, i din reng a, tirawh, haw ang", ka kut a lo chelh a. Min kuahin, min kalpui a, ka zak lutuk ringawt.
Ka ngawi reng a, ka hawi chhuak ngam tawh lo hrim hrim. Min hmangaih thu, tlangaupui kher kha a ngai lo asin.
Min hmangaih tak tak a nih chuan, min tihmualpho a duh miah lo ang. Mizo ṭawng hrethiam an awm lo hlauh zawk a.
U Ngaian a hre phak tih, tupawhin an hai lo ang. Ka bialpa a ni tih, a hre ngei ngei dawn bawk, khawlaiah lehnghal. Ka zak lutuk chu, khûk ral daih ka duh rum rum.
In chhunga kan luh pawhin, ka la hawi chhuak ngam mai lo, engtia awm tur nge ka hre bawk si lo.
U Ngaia chu, ngaihdam ka dil tawp dawn mawni? Chutiang tur pawhin, ka huaisen thlawt lo.
"Venpui, i inthlak dawn lo em ni?",
"Aw, ih, ka'n inthlak lawk ang e", ka ti a. Room-ah ka lut vat, mittui parawl kuang chungin ka inthlak a.
Ka khûr a reh thei lo, room aṭanga chhuakin ngaihdam chu ka dil tawp dawn mawni.
Room aṭang ka chhuak a, form nen sofa chungah a lo ṭhu a, a sana a lo bun ṭha mial mial.
Ka kal din den a, "U Ngai, ih", ka kut ka sik niap niap. Ka hlauthawng lutuk ringawt.
"Nichin mi kha chu, sawi ka duh miah lo nia", mi pawh en loin a ti a. "Ka tihpalh", ka ti zawi sap.
"Ka bulah lo ṭhu rawh", ka la ding ren rawn. "Venpui", a tih leh chuan, ka ṭhu a. A dâr a beng thek thek, ka lu ka nghat nghal a, ka kut vuanin a chul heuh heuh.
Engkim a ṭha vek e, "Ka tihpalh lutuk", ṭap ṭuauin ka ti a. Ka mittui a rawn hru a, sum ka hmangaih chhan tur a awm lo reng reng.
"Ka kawchhûng a tawt up up mai", a tih chuan, a chhan ka zawt thuai. "Kah thluk tawp mai kha, ka duh nghal a", a tih leh chuan, ka ip chawih.
Nupui te bialpa hluiin, kawng lunlaia hmangaihna thu, tlangaupui te chu, tu pasal tan maha palzam mai mai chi a ni hauh lo ang.
Mahse, a thîk tihna mawni le? "Tunah, engtin nge i la awm?", tim daiin ka zawt a. "Ka ka tawt up up mai", a ti leh.
A thinrim a ni chiang mai, thinrimna chang a hria tihna, thinrimna awm takah a thinrim!
"Mahse, i kal duh chuan, ka kal tir ang che, kei chu, mitthi ka ni ka tih tawh kha", ka kut a hmer salh.
A tharin ka mittui a hnâm ṭiam ṭiam a, ka kut a hmer danah, kal turin min duh miah lo.
"Khawiah mah ka kal duh lo", ka ti ṭuau a, "Khawiah mah ka kal duh lo", ka ti nawn leh.
"Venpui",
"Aih, i bulah chiah ka awm duh", ka kuah nghet sauh sauh. "Venpui", ka lu ka thing nawk nawk.
"Min en lawk la, i hmel ka la hmu miah lo a nia", a ti zawi sup. Ka khabe a dawm a, muangchangin ka en chho.
"U Ngai, khawiah mah ka kal duh lo", ka ti a. Ka kun leh daih, amah zawk chuan min kuah a, ka hnung a chul hliau hliau.
"Station-a ka kal leh a ngai dawn a, chaw ei turin ka lo haw zawk", a tih chuan, "Chaw ṭhing a awm, tukinah chaw ka ei lo a",
"Chaw ei lo ringawt zel suh", min beng hlak. "A nâ, min beng nâ lutuk", ka ti nang nang.
A nui suk a, "Chaw ei lo ringawt zel tawh suh ang che", a ti leh a. Ka bu nghat ringawt.
Chaw kan ei a, a case buaipui lai ka zawt, "Damdawi in lam aṭang result nghah chauh a ni tawh, acid-in a taksa hmun ṭhenkhat leh a hmai an leih a, tu nge a nih kan la hre zo lo",
"Id hmuh tur a awm lo em ni?", ka ti a. "Chutiang engmah hmuh tur a awm lo", a ti a. Min lo enin a nui suk a, "Police i ang ve ṭan ta riau mai a", a tih chuan, ke nui sak.
"Hah deuh deuhin thawk lo la aw", ka ti a. Min rawn fawp zeuh. Ka hmuh theih chhung chu, ka thlir char char.
Khawiah mah ka kal dawn lo reng reng, u Ngaia bulah chauh ka awm ang. Ka hlim êm êm a, ka thla a muang bawk.
Sum vanga nei ka ni lo a, a dik, ka hmangaih tawh chiang a ni!
Show post links
Top
| Link: | |
| BBcode: | |
| HTML: | |
| Hide post links |
I Ninawm
Chapter-10
Ziaktu: Cck Lalchhuanawmi
"Pasal kan nei a nih chuan, kan hmangaih sa a ni emaw, ni lo emaw, pasal te kuta tluk luh a ṭha ber.
Mawia kha, i lo zui haw ringawt ang e, i la hmangaih a nih pawhin, zui reng reng suh ang che, i retheihna tur mai mai.
Hmuh pawh hmuh tawh suh, be lo bawk la. Hmeichhia chu, kan mualphona a ho si. U Ngaia a thinrim dan tur, ka ngaihtuah thiam lo zawk. Sum vanga nei ti che mah sela, 'e' 'aw' tihsak mai mai rawh", a ti dap dap a.
A changin, thu puitling deuh deuh hi a sawi a, a changin, thu holam mai mai, thutaka khûkpui theih loh, a sawi ang lawi a.
"U Ngaia kha, kan rin anga fel deuh a nih loh a, kutthlak hmang deuh te a nih chuan, lo haw daih mah la, a pawi lo. Mahse, Mawia hnenah chuan, i kir tawh tur a ni lo",
"Ka hria lawm, ka kir tawh miah lo ang. Ka ngaihtuah hian, ka zak ngawih ngawih. A tir aṭanga i thu ka awih lo kha, ka inchhir lutuk. Ka thlalak mawi lo tak tak te, a rukin a lo kawl ṭeuh ang tih, ka hlau tawh zawk", tun hnuah, ka lo awmpui ṭhin dan te khan, min tizak.
Ka duh luata khua ka hmu zo lo te kha, a hunlaia zak map si lo khan, tunah, zah luat avangin, khua min hawi chhuah ngam loh tir ṭep a ni.
"A kawl lo ang, lungngai suh. U Ngaian kut a thlak ṭhin che em?",
"Thlak ngai lo, kan inhau mang ngai lo. A hnaah a buai thei lutuk a, tunah pawh, case hautak deuh a kutah an dah a",
"A ṭhat hlauh chu, ka thaw huai mai. Mipa chu, ngawi chet chet mah se, thinrama kutthawh mai te hi an ching a",
"Kutthawh a ching lo, a fel lutuk. Nghet, keimah zawk hi ka inthlahrung, ani chu, ngaihzawng a nei ngai lo a, mahse, kei chu, bialpa ka nei a, chutah, kan awmdan a mawi vak ṭhin lo nen. U Ngaia ka en hian, ka inthlahrung ngawih ngawih zel", ka mittui a hnâm ringawt!
Ka ngaihtuah zawng ringawt pawh hian, ka mur sung sung thei. Ka hmangaih tih chhuanlamin, Mawia thu thu khan ka awm ringawt zel a.
Chu loah, Ngheti hian, u Ngaia dinhmun hi hre ve ngat se chu, a lo thlawk thleng nghal duhin ka ring.
"Hun kal tawh a nih kha, ngaihtuah tawh lo la, a fel vek a ni mai. I tun hun leh, i hmalam hun chauh kha, ngaihtuah tawh rawh. No turning back a ni tawp mai", a tih chuan, ka ṭah nuih hak.
"Nghetpui, kan inneih aṭanga kar loah, Mawia hre chang tawh loin, u Ngaia ka duh nghal a, ka rilru lê lo i ti em?",
"I va ho set sut tak, a hnua duha, hmangaih leh tho tur chu, induhkhum hmasak ngai loa khatia, i duh nghal tluka ṭha a awm lo. I tan paw'n a nuam zawk ang. Chuan, u Ngaia pawhin a hmangaih let ve vat mai ang che", a ti a.
Experience ngah ber ang hrimin, eng eng emaw a sawi nuah nuah a. Ṭawngna hun ka chang ṭha lo leh tawh.
A tawpah, "U Ngaia nerd i tih kha maw, a ṭawng duh ve reuh lutuk", tiin, ka lo pawtchat a. "A ṭha hlei hlei nih chu, nerd kan tih te pawh hi, an thinlung zawng zawnga an pawh te bulah chuan, an ṭawng zuah zuah ṭhin alawm.
U Ngaia pawhin, a duh ṭan che niang. A thusawi te ngaihthlaksak ṭhin la, hnial zawt zawt lo la, i bula a ṭawng duh a nih chuan, a thla a muang tihna nih chu. Awiii, in lawmawm dun vel e", a nui zui uar uar.
A nui te lah hi, phone aṭang pawhin, ring ṭha tak a ni. "Ka ngai tawh lutuk che, lo zin vat rawh u aw", a ti leh.
Inrinni a nih avangin, inah ka awm a, Ngheti pawh, a chawlh theih ve avangin, kan pahnihin kan inbe char char.
Video call-in rei lo te kan inbia a, Ngheti zawkin signal a neih chhiat êm avangin, call pangngaiin kan inbe zawk a. Chuti chungin, a thusawi paha a hmel awm dan tur, ka ngaihtuah thiam vek tho.
Ka period tâi bawr vel nâ nen, ka mu tlawn zuarh a, ka che peih thlawt lo. Ka mut a chhuah êm avangin, Ngheti hnenah mut phalna ka dil a, "Mu rawh, mu rawh, keipawh ka mu dawn", a lo ti a.
Ka mit ka chhin aṭanga rei vak loah, ka phone a lo ri leh, Ngheti bawk. "Eng nge ni?",
"U Ngaia status en vat rawh, tunah, hmanhmawh rawh, Venpui, hmanhmawh rawh", a rawn ti nghal zung zung.
"Aw, ka en dawn", call ka titawp chuang lo a, WhatsAap-ah lutin, u Ngaia status chu ka en.
Park-a kan kal laia, thla min lak sak zinga mi pakhat, ka hmuh chuan, ka âng phuau. Caption engmah a dah lo a, ka lawm lutuk chu, ka mittui a tla thei hial!
"A nuam awm bik", Nghetin a lo ti a. Ka insut ri hrawih, "I ṭap elaw?", a lo la ti zui. "Ka off dawn, min ti ṭap ve thei takngial dawn", Ngheti pawh chu, a insut faih. Lalnghetpuii tak hi chu aww!
Status chu ka screenshot a, gallerry-ah lutin, ka thlêk vang vang. U Ngaia number pawh, 'Lalzahngaia' tih tlawngin ka la save. Nakinah, nalh taaawkin ka la thlak ang.
Lu nâ bur chungin ka tho a, ka muthilh hun kha, a tlai ve tawh bawk êm a ni. Khua pawh a thim deuh titih hial.
Ka lu dawm vung vung chungin, room aṭang ka chhuak a. Choka ka pan nghal. Cooker ka khawih chu, a lo sâ ṭha ngang mai.
Ka kut ka la sawn rang lutuk, chaw chhum ka tum a, mahse, a lo hmin fel der tawh zawk. Chawhmeh bel intlar te chu, ka dek dû dû a, an lo sâ vek.
Ka lu ka dawm vung vung, "A van mak ve", ka ti chhuak sap a. Bel ho chu, ka khawih leh ngat, suan hlim tih hriat lutukin, an sâ ling hlar.
"Ka mumang mawni le?", ti sapin, vawikhat dang ka khawih leh. Ka mumang a ni lo, tuin nge, ei rawngbawl le?
Ka inher chu, ka phu nghek. U Ngaian min lo en reng, amah hi a ni ngei ngei ang, ei rawngbawl.
Ka âwm ka dawm a, "Min tihlau alawm", ka ti a. A khi suk. Min lo hmu reng tihna ni maw, â min ti ngawt ang.
"Va intifai la, chaw kan ei dawn nia", a tih chuan, ka bu zeuh. Ka hmai ka phih a, ka kam sirah, ka chilthli thla a la lang zui, chi loh lutuk.
Bathroom aṭanga ka chhuah chuan, chaw ei a lo siam mial mial. Room-ah lutin, ka hmai ka hru sawk sawk a, ka chhuak leh thuai.
Ka rilru nô a chhuak a, ka ṭah a chhuak tlat pek. Ka ṭah chhuah chhan pawh ka hre lo. Bawngsa ka ei châk thut.
Ka thlengah ka mittui a far, "Venpui, ngati nge?", ka kut a lo tiche dat dat. Mittui tling piauin ka en a, "Bawngsa ka ei châk", ka hmui hnuai ka sehchilh vat.
"Kan ngaihtuah dawn nia, ṭap lo la aw", ka mittui a hru a, thoin, thleng dang min laksak a. Chaw thar dahin, chawhmeh dang min suah sak a.
"Ei rawh le", a ti dam thluam a. A âw dam tak te chuan, ṭah hawm hawm min tichâk lutuk.
Kei ai daih pawha, chawhmeh a siam tui thei lutuk te chuan, ka rilru nô kaichhuakin, mittui pawrawl kuang chungin ka ei mawlh mawlh.
"I helh ang e", u Ngaian a tih zawh rualin, ka helh nghal. Ka sirah dingin, ka hnung a chum dat dat a, tui in tur min pek chu, ka in khawlh khawlh.
Inlak nô tum kual ang vel ka ni, zahthlak lutuk. "I ṭha tawh em?",
"Aw", ka ti a. Chaw pawh ka ei mumal tawh lo. Chaw eina ka tihfel zawhah, ka hâ ka nawt a. Chhun lama Ngheti thusawi ka ngaihtuah rauh rauh.
A dârah ka lu ka nghat a, hetiang a nih tawh chuan, ka hahdam lehzual. A dâra bei tura min tih phei chuan, ka hahdam sawng sawng pawh ni lo, ka tuiral zawih zawih zel.
Kan tv en pawh ka ngaihsak lo, a kut veilam leh ka kut veilam chu, ka thlêk sek ringawt, zungbun a awm tlat a!
Ka thinlungin, a zawm hmaa pumkhata min siamtu a ni tlat atin ni. Tun hun leh, hmalam hun chauh, ngaihtuah a ṭha ta berin ka hria.
Ngheti hi, a lo fing ber mai, nakinah, ka la muah hlup ang. U Ngaia ka en a, kun ngaihin, a lo muhil bawrh bawrh.
A muthilh lai ka hre lo reng reng, tv ka ti zawi a, kaihthawh ka hreh deuh bawk si. A chau ngawt ang, chau tur tak pawh a ni.
Dim tein, ka dârah ka bei tir a, a che eih lo reng reng. A muhil nghet hmak a nih hmel. A hnu deuhah, ka mal chungah ka mut tir a, a lu ka chul heuh heuh.
Nautê a ang reuh lutuk, ka phone ka zawng ruai a, room-ah ka dah tih ka hre chhuak zawk. Thla laksak ka duh tehreng nen.
Sofa hnung ka nghêng a, ka mut a chhuak dawn, ka mut nasat tehreng nen. U Ngaia chu, ka en leh ṭhin a, kan inneih nî-a Mawia hmel ka hmu ve ringawt te kha, a âtthlak zia ka hriat hian, ka nuih a za.
Mahse, khatih lai kha chuan, a nâ ve êm a ni. Ka theihnghilh pum hlum thei chuang lo ang, mahse; ka nuna mi pakhat ni ve ṭhin ti bakin, ka hre tawh ngai lo thung ang!
"Venpui, Venpui", thaw hlawp hlawp chungin ka meng hliai a, "I ṭha em?", ka chil ka lem dâwk dâwk.
"Mangchhia i mang a nih kha, i ṭha nia", ka biang a chul heuh heuh a, ka dang a ro hulh. Eng mumang nge ka neih pawh ka hre lo, mahse, ka hlau.
A âwmah min kuah bet a, khuma kan mu ringawt chu, ka hrethiam lo lek lek. Ka hnung a beng thek thek a, ka muhil ang a, amah harh siin, khumah min chawi a ni ngei ang.
"Muthilh tum leh rawh", a ti dam thlup a. Ka hnung a beng thek thek. Ka mit ka chhing leh vang vang a, boruak hip let kâwkin ka thaw chhuak hawk a, ka thawl ta deuh.
Inkhawmna a awm mai loh avangin, kan pahnih tein inkhawmna kan nei ve ṭhin ac, Bible tawi te chhiarin, kan pahnihin kan ṭawngṭai ṭhin.
A riin a ṭawngṭai ve ngai lo a, ka âw chauh a lang, mahse, a ṭawngṭai ve tho tih ka hria.
Dil tur ka hre ngai lo hi, Pathian hnenah lawmthu ka sawi leh tawp zel. U Ngaia nen kan pahnih chauhin ni mah ila, Ka khûr nasa thei lutuk.
Ka ṭawngṭai zawhah, "Amen", ring tawkin a lo ti ṭhin a. A chang chuan, ka haw dawn dawn ṭhin.
Nakinah, amahin ka la ṭawngṭai tir ang. Mahse, keimahah, hmasawnna tam tak ka chhar ve thung.
Christian tam tak awm lohnaah kan awm a, Pathian ka rinna te hi, a nghet sauh ni mai hian ka hria.
Chawlhni hi chu, khua a har duh thei lutuk. Kan ṭawngṭai zawhah, Pathian hla kan play ṭhin a, sofa chungah ṭhuin, kan hmalam hi kan en ngar ngar zel.
"Takah, guitar ka va hawh ang aw, kan zai dawn nia", a chhuak a. A hnu rei loah, guitar nen a lo lut.
Chhuatah kan ṭhu a, sofa kan nghêng pah tho. Hla thu enin, kan zai dun a, zaithiam tak nih hi lawm, ka duh ṭhin.
"Mut a chhuak duh tawp", a tih chuan, ka nuih sak. "Thingpui in zawhah i mu dawn nia", ka ti a. Thingpui lum turin ka tho a, choka lam ka pan.
Noodles lei sa kan neih avangin ka chhum a, a puar lutuk theih ve tho. Mu turin a insangmar a, a chauh thu sawi lo mah se, a hmelah a lang chiang lutuk.
Room kawngka ka khar a, kan thingpui inna kan sil zawhah, chhuat ka nawt leh te te. Pawn lamah erawh, an ri chel chul mai. Bike ring tak taka tlan te.
Khawi ram mah hi, famkim a lo awm theih loh a nih hi. Nuam tura kan lo ngaih te leh, buaina awm ve lo anga kan ngaihah pawh, a lo ni vek bik lo.
Dim tea room kawngkhar hawngin ka lut a, thawm dim thei ang berin ka khar leh. A bulah ka mu ve a, a muhil lai chu ka thlir doh doh.
Tun ṭum erawh, a muhil lai thla ka laksak thei ta. A biangah ka fawp zeuh a, ka lâi lutuk ringawt. Min hre thei lo mah se, ka zak tho.
"I harh thei maw?", ka ti a. A bu nghat. Inphih harh turin bathroom-ah a lut a. A harh kâwk ang chu.
Vawiin chu, tibuaitu nei loin kan awm nileng ve ṭhak. U Ngaia pawh, file-ah a bur chat lo.
Kawng hnaih lo lam tukverh bulah sofa kan nawr phei a, chhuatah puan phahin kan ṭhu leh.
Guitar, ṭingṭang a perh a, ka rin aiin a thiam zek. Pathian hla ngawr ngawr kan sa tawh lo a, English hla hlui ho te, Country song kan tih te kan sa a.
Country Road kan sak lai phei chuan, Aizawl lam ka ngaihtuah a, ka hnuk a ulh thei. Zoram ngaih hla mawlh mai chuan, ka mittui a titla tawh.
Nui saihin, ka mittui a hru a, "Ka hming lama, ka tana ka hriata i ṭawngṭai te hi, a nuam ka ti, ngaihthlak nuam tak a ni", a ti sup a. A nui var mai bawk.
"A lawmawm lutuk", ka ti ṭuau a. A hriata ka ṭawngṭai ai mahin, a ruka ka ṭawngṭai hian a hming ka lam nasa.
A hna avanga a inhliam loh nan leh, a thih loh nan a ni ber. Police hna hi chu, thlêmna a tam ve dawn reng. Chu zawng ai chuan, misual an umna lamah te, lo kap letin, min boralsan ta sela.
Chutiang a thleng a nih vaih chuan, ka tuar thei miah lo ang. Sex feelings a neih nan ka dil ngai lo bawk a, ka dil ngam lo bawk. Mahse, a rilru a harh theih nan erawh, Pathian hnenah ka dil nasa.
"Eng hla nge kan sak leh ang?",
"I duh duh a ni mai",
"Durbha brew aw niang", a tih chuan, ka bu zeuh. He hla hi chu ka hre ve, a hla thu hi, nula hmelṭha fakna a nia. Ngheti nen chuan, Shillong Hlapui kan ti tawp, kan hla hriat hmasak ber a ni ve a.
U Ngaian a sa chu, ka lâi chem chem. Min lo en zeuh zeuh ṭhin a, min sak chhanah ka ngai.
"I tan aw", ti supin, a bul aṭang a sa ṭha leh. Ka hmul thi an ding sung sung, a va nuam tak. Ka mit ka chhing a, ka thlawk del del ni mai hian ka hria.
A ngawih tak avangin ka meng a, a mittui luang ka hmuh chuan, ka meng phar kâwk. "U Ngai?", a dârah ka sâwi a.
Muangchangin ka lam a lo hawi a, a ṭap! "U Ngai?", ka ti sap a. Hmalam a hawi ṭual ṭual. Ka ṭhut hnaih sauh sauh.
"Venpui, ka lûngphu a rang lutuk", a tih chuan, ka hrethiamin ka hria. A lungleng emaw, a rilru emaw a nâ chiang a ni.
Ṭap tur khawpin, engin nge siam ta ang? A mittui luang ka hruksak ve a, a insut ri hrawih.
"Kan, ka ṭhianpa khan, he hla hi a duh thei lutuk, kan sa reng zel",
"Durbha brew hla hi maw?", ka tih chuan, a bu zeuh. A inphawrh chhuak dawnin ka hria, ka ṭhutna ka siam rem sauh.
"Kan pahnihin Police nih kan tum a, kan dream ve ber a ni, Police Station hmaah ṭhuin, an awm dan te kha, kan thlir reng peih. Police kan ngaisang fal nalh bawk a, Police nih kan tum ruh êm êm bawk.
Ka ṭhianpa chu Khasi a nia, kan ṭhenawma mi an ni bawk. Mahse, ani chu, a âw a sin a, hmeichhe âw ang chiah a ni. A rilru leh pumrua erawh, mipa tak a ni thung.
A nuin, kan tet laiin hmeichhia angin a chei ṭhin a, hmeichhia a nih thu te a hrilh fo ṭhin. Chutianga ti tawh lo tura a tih pawhin, a nuin a tilui tlat zel tho, a pa pawhin, fiamthuah a ngaihsak tlat zel bawk.
Kan inah a awm tam phah reng bawk a, an ina ka kal chang te hian, keipawh, hmeichhia angin min chei ṭhin a. Ka nu leh pa bula sawina chang pawh ka hre ngai lo.
Ka ṭhianpa chu, a chhungte mai bakah, mi zawng zawngin hmeichhia angin an cheibawl a. A âw a sin tlat avangin, 'Baby' tiin, an ko ṭhin.
School-ah pawh, an fiam nasat ber a ni a. Hrehawm a tih thu min hrilh chamchi zel, kan inkawp deuh chawt avangin, inngaizawng ang tein min sawi ṭhin a.
Ka ṭhianpa chu, a âw sinin, hmeichhia tia chhaih ṭhin ni mah se, a rilru erawh a mipa tlat thung. Khawtlanga mipa thiltihnaah pawh, a thawhhlawk ber a ni ṭhin a.
Mahse, hmeichhia tia chhaih leh, mipa thiltih naa tel ve lo turin, fiamthu te hian an hrilh zel tho.
High School kan kal lai hian, school danga mi duh ruk deuh a nei a. Ṭawng thei lo anga awmin, a duh ruknu pawh chuan, a lo hnial mai bik lo.
An inngaizawng ta a, mahse, kan classmate ṭhenkhatin an lo hriat khan, a tet laia a nuin hmeichhia anga a cheina thlalak leh, a âw chu, hmeichhia ang mai a nih thu te, a bialnu chu hrilhin, a thlalak te chu an hmuh a.
A bialnu chuan, a ṭhen nghal. Ka ṭhianpa rilru nâ lutuk chu, intihhlum hial a tum a. Mahse, a ṭhulh leh. Chuta ṭang chuan, hmeichhia ang tak takin a awm ta a.
Ka dang zo ta lo a ni, hmeichhia anga a awm aṭang kan inbe tawh ngai lo a. A hnuah phei chuan, hmun dangah a kal daih nghe nghe.
Ka ṭhian neihchhun a ni a, Police nih tum ve ve kha kan nia", a ti a. Ngun deuhin ka lo ngaithla.
"Venpui, engtin nge ka awm?", a mittui hruk sak pahin, "I ṭhianpa i chân avangin i rilru a nâ a, i ṭhianpa kha, i ngai êm êm bawk. Hmeichhia ni lo tura i danna, a tlawlh avangin, pawi i ti a, siam ṭhat leh theih i la inbeisei fan", ka sawi zo thei lo.
"A ni maw?", a ti a. Ka sawi angin a awm ngei tih, ka hre mai bik lo. Mahse, a ṭhianpa a ngai a, a rilru nâtpui tih erawh, ka hre chiang hle thung.
A sawi hmangah, ṭhian inkawmngeih tak an ni phawt a, an inzui reng dawn tih a hriat. Police nih an la tum ve ve zui.
A ṭhianpa chu, a âw a sin avang maiin, hmeichhia angin an cheibawl a. Cheibawl loin, mipa a nih ang takin, chhawmdawl zawk ta sela, u Ngaia nen, Police han ni ve ve phei se chu.
U Ngaia pawh, hetiang lo deuh hian a awm ngei ang. A hnung ka chul heuh heuh a, a lu-ah ka hmui ka nawr leh vang vang zel.
"Venpui, ka rilru a nâ, ka thiam loh vek a ni",
"I thiam lohna a awm lo reng reng",
"Ka mit aṭang tui a luang reng a nia", thâm ṭiak hian a ti a. Ka nuih sak, Ponyo ka hre chhuak zawk.
"I ṭap tihna nih kha, ṭap bawrh bawrh rawh, a pawi miah lo nia",
"Mipa ka ni sia, ṭap tur ka ni lo",
"Mipa an ṭap tur a ni lo tih, khawi lehkhabuah mah a awm lo. I mit aṭang tui luan tir reng rawh", ka ti sap sap a.
A zawm a ni chêk ang, a insut ri leh hrawih zel. Ṭapin bul kan ṭan a, a chanve zo tlukah ka inngai.
Mitthi chu, a ni lo chiang alawm. Ngaih a nei a, a rilru a nâ êm êm bawk. Ka kuah vawng vawng a, a mittui ka hru leh zeuh zel bawk.
"Venpui, ka ṭha tawhin ka hria", a tih chuan, inla hrangin, a chalhah ka fawp zeuh. "I mit aṭanga tui luang kha, dang char char la chu, i puak darh a ni mai", ka ti a. A nui sak ringawt.
"In inbe lo ta char char em ni?",
"A kal bo aṭanga kan inbiak hmasak berna leh hnuhnun ber chu, IPS(Indian Police Service)-a ka tlin khan, lawmpuina min lo hlan a.
Hmeichhia angin awm mah se, a mipa rilru a bo loh avanga, hmeichhia thoin a rilru an luah zawk leh, hrehawm a tih thu min hrilh a",
"A nih, tuna a awmna i hria em?",
"Hmannia A number ka trace(chhui) kha chuan, Mumbai a nia",
"Va hruai chhuak ila", ka tih chuan, a chek hlak. He thil hi, a ṭangkai dawn tlatin ka hria.
"Venpui",
"Tun hi, i puih hun awm tak a ni. Hrehawm a tih thu a hrilh che a, chumi awmzia chu, i chhanchhuah a duh tihna nih chu. Pui turin a duh che a, i puih ngei ngei a ngai, puih i duh ve tho a ni lawm ni?",
"Ka duh alawm, puih ka duh, mahse, nang-",
"I hnung ka lo dawl zel ang, tunah chuan, nangmah chauh i ni tawh hleinem, kan pahnihin kan ding dun zel tawh ang", ka ti a. A hnuah, a bu nghat nghat.
Ka sawi theih ni miah lo mah se, khawtlangin min hnualsuat mah sela, chhungkuain min chhawmdawl hi a va ngai nasa tak.
U Ngaia ṭhianpa pawh, khawtlang thiam loh ni tho mah se, a nu leh pa, a chhungte'n, a âw sin mah se, mipa a nihna angin dawmkang char char zawk se.
A tum loh deuhin, hmeichhia angin a awm hauh lo ang. U Ngaia ringawt chuan, a dang zo lo a ni.
Mahni chauh chuan, thil ṭha lam pan ṭang ṭang mah ila, thil ṭha lo lama pên kawi mai pawh, awl tur tak a ni.
A ṭhianpa chanchin a sawi chhuah aṭang, ni thum lai a liam leh tawh a. A la sawi chhuak leh miah lo, a hnaah a bur leh chat a.
Keipawhin, ka sawipui duh rih lo, tawktarha hmanga, sawipui zui chiam a ṭhat ka ring lo. A buai phah ka hlau zawk.
Rilru nâ leh, lunglên a ni tawh mai ang chu, a hre ṭan a, a ṭap hial! Zawi zawiin, muangchanga kal hi a ṭha ber mai.
Tv ka on a, Punjab Chanchin puanna ka en a, ka tlai lo chiah chiah. U Ngaia hming an lam ṭan chiah.
A case buaipui chungchanga, Press Conference an neih lai a ni a. An ruang chhar kha, State dang ami a ni a, amah hriat theihna tur awm lo chung pawhin, a thattu nen lam a chhui chhuak vek.
A bawn êm asin, ka chhuang hle bawk. Ka pasal duhlai a ni tlat a. Ka sâ pup pup, ka lâi lutuk ringawt.
Ka bulah a ṭhu ve tlat atin ni, 'ka pasal duhlai' tih chuan, ka thinlung hi, a thlawh chhuah tir lo chauh.
"I ṭap a nia",
"Ka hlim lutuk a", ṭap ṭuaua ka tih chuan, "Tv-a ka lan vang chu ni lo tiraw?", a ti sup a. Ka bu nghauh nghauh.
"Hahthlak mang e", a ti thum dut. A hahthlakna a awm lo reng reng, a nuam zawk alawm.
Chanchinthar channel hrang hrang a luah khat a, Mizoram-ah pawh, a lâr ngawt ang. Nghetin min lo call ṭep ka ring.
Ka rilrua ka ngaihtuah zawh rual rualin, phone a lo ri, Ngheti a ni chiah reng bawk.
Chokaah ka phei pui a, "Tv-ah, u Ngaia kan lo hmu a, a va han bawn êm êm. Saavdhan India-ah an tarlang ngei ngei ang, a form zawng zawng nen, a va inhmeh tak. Nang ai pawhin, ka luangral, ka luang ral zawih zawih", a lo ti lang lang.
U Ngaia chu ka va en ṭhin a, Chanchinthar channel chu, a hmet sawn chuang bik lo.
"Nang chu, i luanral ka phal, hmeichhe dang luanral erawh ka phal lo. Ka that hmiah hmiah a ni mai", ka ti hlak hlak a.
Ngheti a lo ri hlut, "Lalvenpui, rapthlak suh. Kei lo, luangral ka hriat chuan, i tan phuba ka lo la zel ang", a lo ti ve leh tho.
Kan pahnihin kan nui dun hak hak, "Kan zak thei lo e", ka ti a. Ka zak hnunhnawh, "I ho thei e ah, zahna tur a awm reng reng lo", a lo ti a.
Kan inbe rei lo, "Nghetin tv-ah a hmu che a, min lo biak rawh a ti a", ṭhu thla pahin ka ti a. A bu nghat nghat.
"Tumah i that lo ang tiraw?", thutak fe hian a ti a. Ka sawi a lo hria ni hrim hrim.
Ka lu ka thing nar nar, "A ṭul chuan, ka that hreh miah lo", ka ti vei hmak. "India-a hmeichhe ho zawng, an rem dawn tihna ni maw?", a chek hlak zui.
A insawi thei tihna mawni le? "A pawi ka ti lo, kei ka awm dawn tho a", ka ti sap. India-a hmeichhia zawng zawngin an duh vek tih, a sawi tumna a ni ve a, a hai theih loh reng reng.
A sawi ta lem lo a, Chanchinthar channel tawh phawt chu, ka enpui zel. A tawpah, a ning ta deuh a niang, "A dang en tawh ang", a ti a.
Hnial ka tum ut ut naa, ka hnial duh ta lo. Remote ka pe a, "Ka channel duhzawng ka thlang thei em?", a tih chuan, nui sakin, "Thei chiang e", ka ti a.
Star Sports channel a thlang, inkhel a la ni zui. U Ngaia chu ka melh ralh. "Khi chu, a hlui nih khi, Barcelona-a Messi awm lai, a va rei tawh ve", a ti nang nang.
Min kuah a, tum burin ka en ve tho. Inkhel en hi chu, ngaina ve lo tak ka ni. Mahse, Messi chu ka hre ve tho. Ka muthilhsan daih dawn.
"Venpui, Manav nen kan inrem leh tawh a",
"Maw?", ka ti hluai. "Mak i tih ka ring reng a, in pain min sawirem a", Jennifer-i chuan, a ti leh sap. U Ngaian a sawi rem maw?
"Min lawmpui dawn lo em ni?",
"Aw, aa, ka tihpalh. Ka lawmpui lutuk che u, inṭhen tawh miah s'u aw",
"Tehreng, mahse, paltlang tur hi kan ngah lutuk. Kan chhungte ve ve hi, buaina a ni mah zawk", a ti a. Jennifer chu, ka thiam ang tawkin ka hnem ve.
Ei rawng bawl zawh ve leh ka inbual a, ka inthlak mek laiin, u Ngaia a lo haw. Khum chungah a ṭhu a, ka inthlak zawh hun min nghak.
Ka inthlak zawh chuan, a bulah ka ṭhu thla a, "Mumbai-a kal i duh em?", a tih chuan, ka lo nuih var.
"Duh lutuk ringawt, vawikhat pian ve mana Mumbai hmuh loh te chu ah", ka ti nang nang a, a nui chhuak hawk.
"Naktukah, Chaandichok-ah kan kal ang a, a tukah Mumbai-ah aw niang",
"Chaandichok-ah eng nge kan tih dawn?",
"Hmana Restaurant-a ka ṭhianpa kha i la hria em?", 'Satel' tia kotu kha ni chiang. Ka hriat thuin ka lo chhang thuai.
"An fapa piancham lawmnaah min sawm a", a ti a. Inthlakin a inbual ve a, a inbual zawh meuh chuan, chaw ei a hun titih.
Kan bazar a, kum sawm mi tana piancham thilpek lei chu, a har duh tawp. Car remote control kan lei ringawt.
Pawnfen fual taawk, arh ṭha bawk si ka feng a, ka âwm lah a lang thui em em. Ka âwm a khuh ṭawk a ni mai, ka kâwng leh ka âwm inkar chu, a ruak huai.
Puan hlai ve deuh hlek ka bat ṭawk. Puanchei rawng bengbeh ka beh a. Ka sam thlah hnuangin, ka chala uai thlak tir tur min pek chuan, ka lo hnar.
An thuam mah, ka hak ṭawk laiin. Zonu tan chuan, a hnawk sak a, Puanchei leh Kawrchei kha, a tawk chiah.
Cake zaiin, music ring tawk an play a, in lian tak an nei lo a, an ṭhenawm ami te zawng zawng an kim vekin ka hria.
In kawtah pawh an awm ṭhup. Cake zai zawh chuan, in chhungah pawh kan awm tawh lo. In kawtah kan awm tawh, naupang an lâm hawr hawr a.
Uang tawk lah an awm, naupang nâ nâ nâ hi chu. Nula leh hmeichhe tleirawl lâm pawh an awm.
Mi hausa ho thil lawm leh, hausa vak lo te thil lawm chu, inthlau tak a ni. Chubakah, kan Mizo khawtlang aia hlimawm ka hre ta hauh lo bawk.
Mizo hnâm tihdan phung emaw, kal dan emaw kha, a lo nuam ber mai. Kan Kût te, a lo nuam vel vek. Mizo nih a nuam ber.
U Ngaia ṭhianpa chuan, an hla play titawpin, mike-in eng eng emaw a sawi a. U Ngaian a lo khak vat zel.
"Miss Lalvenpuii", a lo tih chuan, kut an beng hluah hluah. U Ngaia chu ka en vat a, a dâr a chhin hak ringawt.
Ka hrethiam lo reng reng, "English-in ka'n sawi ang e, College Miss i ni tawh tih kan lo hria a, nangmahni hnâm lâma lâm tur chein kan duh che", a lo ti ta mai.
U Ngaia ka en leh vat, "A ti mai mai nih kha, lâm kher a ngai lo",
"Hnâm lâm a tia, ka Chheih dawn tihna em ni?",
"I Chheih kher a ṭul lo, thil ni lo lo hi a sawi a", u Ngaian a tih zawh rualin, "Dance, dance", tiin, an lo au.
Ka pheikhawk bun phelhin, kawng laiah ka va ding a, kut an lo beng hluah. Music play tupa lo kalin, H Vanlalhlana-Thanglunghnemi Zai chu play turin ka ti a.
Ka'n Chheih tak tak mai nih kha, keimah ber chuan nuam ka ti. An thuam nen ka Chheih kher bawk nen, an lawm lutuk chu, pangparin tein min lo theh thul.
Pawnfen a fual lutuk a, Chheih har ṭalh ṭalh tak a ni. Mahse, ṭha takin ka tlingtla ve mai. Naupang hoin min lo zawm phawt a, hmeichhe tleirawl leh nula ho pawhin min lo zawm ve leh.
Thiam lo chung chung pawha, an Chheih ve te chu, a hmuhnawm letling zawk. Thlawitenali hla te, ka play tir zel a. Punjab State-a, khaw pakhat ve maiah chuan, Mizo Hla ngaithlain, kan Chheih ta hut hut.
Nuam ve tak chu a ni. Ka thlan a tla phung a, ka nuihna lamah ka biang a kham vek bawk. "I va thiam êm êm", u Ngaia chuan a ti sup a.
Rawmawlin ka thlan tla te chu, a hru mawlh mawlh. Inchei ve pawh, awmzia awm lo teh e.
"Satel-a leh Miss-te kha, in lo lâm ngei a ngai aw", tiin, an lo au a. Bombay Vikings-Wahchali a ri nghal zat.
Âng phuauin u Ngaia ka en a, a lu a thing nawk nawk. A kutah chelhin, ka kalpui dawrh dawrh.
A ding khawng reng ringawt. A kut pahnih chelhin ka ti che a, tihian, a lâm a ni ve mai.
A lamah min pawtin, "Venpui, ka lûngphu a rang lutuk. Nangmah anga taksa tihchet ve ka duh", a ti a.
Dingdihlipin a hmuiah ka fawp zeuh, "Ka tihdan ang zelin lo ti rawh aw", ka ti a. A taksa a khawng tlat avangin, a dik thei ṭhin lo.
Khawng deuh deuhin a taksa a tiche a, Robot lâm danin ka lampui ringawt, a hnehsawh phian zawk lehnghal.
Ka nui nasa bawk a, ka chau vek thei, ka kuah thlawp a, a nui ve sâng a, a hlim ve takzet a ni. A hlim leh ta phawt!
U Ngaian a ṭhianpa leh a fapa inpawm a lo thlir ngawih ngawih tih ka hmuh chuan, min deng dawt. Ka hawisawn ta daih a, ka en ngam tawh lo.
Fa neiha, han pawm kual lâwp lâwp a, piancham lawmsak te, a duh ngawt ang le. "Venpui, han en teh", a ṭhianpa te chu, min en tir a.
"Saw tiang saw, a thleng ang em?", beisei tak hian min zawt a. "Thleng dawn e a, thleng lo chi a ni lo", ka ti a.
Min kuahin, "Thleng vat vat se", ka beng bulah a phun sup. "A thleng vat dawn alawm", ka ti a.
Min chawi kangin, tu te emawni a ko a, inchung aṭang Pangpâr an lo theh thla, kan dinnaah tak a la ni zui.
U Ngaia chuan, min vir kual pui a, Pangpâr a lo tla chum chum bawk nen, Film vela mi ang chiah chiah, Film chu a ni si lo!
Nui varin, ka en a, a kawr hlipin a lo ṭhu thla a, "I hlim em?", a tih chuan, ka bu zeuh. A lâm ve nasa lutuk a, a nuihzatthlak bawk si.
"I chau em?", ka lu ka thing nawk nawk. "Naktipah kan chhuah dawn kha, Mumbai khawpuiah, ka'n bopui teh ang che", a tih chuan, ka beng hlak.
"Ih, u Ngai, zanin chu, ka hlim lutuk, chuvang chuan, hei hi", ka lu kânin ka fawp zeuh a, ka mu thla lehnghal.
A nui suk a, lo kun hniamin, "Venpuii mipa dik tak nih ka va châk tak",
"I ni reng alawm, Venpuii mipa dik tak i nih hi, Venpuii thlamuanna i ni a, chubaka mipa dik tak nihna a awm lo", a biang tawn tawna dawm chungin ka ti a.
"A nih, naktuka tho tlai turin aw", a tih chuan, ka hmai ka hup ringawt.
Ka kâwng achin chung lamah, a che hmasa phawt a. A nghâwngah ka kut pahnih suihin, min fawh te chuan, duhthawh takin ka lo fawp let ve zel.
"Ka duhtawk", ka thaw kâwk. Muangchangin ka underwear chhung a zen lut a, hmanhmawh tura hrilh mai ka duh hial.
A che muang lutuk chuan, ka thin a tirim thei dawn. A kut ka vawn hnan a, ka en ṭawk. Chuta chin chu, a kut a tiche rang tawlh tawlh.
A ban bulah ka vuan tawh a, "Venpui, min mamawh tih sawi rawh", a tih chuan, ka mamawh thu ka sawi vat.
A ban ka hmer ngawt ngawt, a aia nasain a tiche a. Kâng awkin, ka thaw halh halh.
Ka underwear phelhin, ka mal a tikau a, a laiah a inzep. A hnungah ka ke pahnih ka kherhbet thuai.
Eng ka hria ni maw, a chet leh hma leh, a boxer hak a hnawl thlak hma chuan ka lo dang a, ka kut ka rawlh lut vat.
Innemkhalhin ka mitah tak min en a, "I hmuhnawm lutuk", a la ti zui. A rei telh telh a, a mang tawlh tawlh emaw tih tur a ni.
Ka chawl det a, ka ṭan leh thuai tho, "Ngaia hmeichhia ka nih hi, Ngaia hmeichhia chauh", ka ti a. Keimah zawk hi, ka chiang dawn lo ṭan.
"Venpui, han sawi leh teh",
"Eng maw?",
"Tawp suh, tawp chuang loin han sawi leh teh, tu maw i nih?",
"Ngaia hmeichhia ka nih hi, Ngaia hmeichhia chauh", ka ti a. Ka chiang dawn lo takngial.
"Venpuii mipa ka nih hi", a tih chuan, "Kei chu, Ngaia hmeichhia", ka lo ti a. A âng phuau.
"Venpui, ka, ka awm dan hi a mak lutuk", a thaw halh. "Tawp suh", a ti hlak. A boxer leh underwear a hnawl thla a, ka kut pahnihin ka ṭang kawp tawh.
"Ngaia hmeichhia ka nih hi", ka ti pah reng a. A awm dan chu, a sawi ang chiah, a mak ṭan.
Ka kut pahnih inkara awm pawh chu, a sak ṭanin ka hria. Ka kut la sawnin, ka chhungah muangchanga lutin, "Venpui, tu nge i nih?", a tih zawh rualin, a che buan buan.
Thaw kâwk kâwkin, "Ngaia hmeichhia ka nih hi", ka ti a. "Venpui, sawi leh rawh",
"Ngaia hmeichhia", ka tih zawh rualin, che buan buan tho siin, min fawp a. A chang leh, ka nghâwng a fawp dâwk dâwk.
"Venpuii mipa ka nih hi", a ti awl lo bawk. "U Ngai, ka, ka", a sam kêkin, a hnung ka ṭham tawk.
"Ka tihpalh lutuk, ka dang zo lo a ni",
"A pawi lo, a pawi lo", tissue lain min hru fai a. Ka bula a lo mutthlak chuan, "Vawikhat chiah ti leh ang",
"Ni lo e, i chau lutuk ang, zin chhuak tur kan nih kha", a ti zawi sup. Ka inthiam thei thlawt lo.
"Min ngaidam rawh, ka tihpalh lutuk",
"Ngaihdamna turin tihsual i nei lo, ṭap miah suh", a ti dam thlup a. Lungawi hmel tak min la hmuh te chuan, ka inthiam lohna a tizual sawt.
Show post links
Top
Chapter-10
Ziaktu: Cck Lalchhuanawmi
"Pasal kan nei a nih chuan, kan hmangaih sa a ni emaw, ni lo emaw, pasal te kuta tluk luh a ṭha ber.
Mawia kha, i lo zui haw ringawt ang e, i la hmangaih a nih pawhin, zui reng reng suh ang che, i retheihna tur mai mai.
Hmuh pawh hmuh tawh suh, be lo bawk la. Hmeichhia chu, kan mualphona a ho si. U Ngaia a thinrim dan tur, ka ngaihtuah thiam lo zawk. Sum vanga nei ti che mah sela, 'e' 'aw' tihsak mai mai rawh", a ti dap dap a.
A changin, thu puitling deuh deuh hi a sawi a, a changin, thu holam mai mai, thutaka khûkpui theih loh, a sawi ang lawi a.
"U Ngaia kha, kan rin anga fel deuh a nih loh a, kutthlak hmang deuh te a nih chuan, lo haw daih mah la, a pawi lo. Mahse, Mawia hnenah chuan, i kir tawh tur a ni lo",
"Ka hria lawm, ka kir tawh miah lo ang. Ka ngaihtuah hian, ka zak ngawih ngawih. A tir aṭanga i thu ka awih lo kha, ka inchhir lutuk. Ka thlalak mawi lo tak tak te, a rukin a lo kawl ṭeuh ang tih, ka hlau tawh zawk", tun hnuah, ka lo awmpui ṭhin dan te khan, min tizak.
Ka duh luata khua ka hmu zo lo te kha, a hunlaia zak map si lo khan, tunah, zah luat avangin, khua min hawi chhuah ngam loh tir ṭep a ni.
"A kawl lo ang, lungngai suh. U Ngaian kut a thlak ṭhin che em?",
"Thlak ngai lo, kan inhau mang ngai lo. A hnaah a buai thei lutuk a, tunah pawh, case hautak deuh a kutah an dah a",
"A ṭhat hlauh chu, ka thaw huai mai. Mipa chu, ngawi chet chet mah se, thinrama kutthawh mai te hi an ching a",
"Kutthawh a ching lo, a fel lutuk. Nghet, keimah zawk hi ka inthlahrung, ani chu, ngaihzawng a nei ngai lo a, mahse, kei chu, bialpa ka nei a, chutah, kan awmdan a mawi vak ṭhin lo nen. U Ngaia ka en hian, ka inthlahrung ngawih ngawih zel", ka mittui a hnâm ringawt!
Ka ngaihtuah zawng ringawt pawh hian, ka mur sung sung thei. Ka hmangaih tih chhuanlamin, Mawia thu thu khan ka awm ringawt zel a.
Chu loah, Ngheti hian, u Ngaia dinhmun hi hre ve ngat se chu, a lo thlawk thleng nghal duhin ka ring.
"Hun kal tawh a nih kha, ngaihtuah tawh lo la, a fel vek a ni mai. I tun hun leh, i hmalam hun chauh kha, ngaihtuah tawh rawh. No turning back a ni tawp mai", a tih chuan, ka ṭah nuih hak.
"Nghetpui, kan inneih aṭanga kar loah, Mawia hre chang tawh loin, u Ngaia ka duh nghal a, ka rilru lê lo i ti em?",
"I va ho set sut tak, a hnua duha, hmangaih leh tho tur chu, induhkhum hmasak ngai loa khatia, i duh nghal tluka ṭha a awm lo. I tan paw'n a nuam zawk ang. Chuan, u Ngaia pawhin a hmangaih let ve vat mai ang che", a ti a.
Experience ngah ber ang hrimin, eng eng emaw a sawi nuah nuah a. Ṭawngna hun ka chang ṭha lo leh tawh.
A tawpah, "U Ngaia nerd i tih kha maw, a ṭawng duh ve reuh lutuk", tiin, ka lo pawtchat a. "A ṭha hlei hlei nih chu, nerd kan tih te pawh hi, an thinlung zawng zawnga an pawh te bulah chuan, an ṭawng zuah zuah ṭhin alawm.
U Ngaia pawhin, a duh ṭan che niang. A thusawi te ngaihthlaksak ṭhin la, hnial zawt zawt lo la, i bula a ṭawng duh a nih chuan, a thla a muang tihna nih chu. Awiii, in lawmawm dun vel e", a nui zui uar uar.
A nui te lah hi, phone aṭang pawhin, ring ṭha tak a ni. "Ka ngai tawh lutuk che, lo zin vat rawh u aw", a ti leh.
Inrinni a nih avangin, inah ka awm a, Ngheti pawh, a chawlh theih ve avangin, kan pahnihin kan inbe char char.
Video call-in rei lo te kan inbia a, Ngheti zawkin signal a neih chhiat êm avangin, call pangngaiin kan inbe zawk a. Chuti chungin, a thusawi paha a hmel awm dan tur, ka ngaihtuah thiam vek tho.
Ka period tâi bawr vel nâ nen, ka mu tlawn zuarh a, ka che peih thlawt lo. Ka mut a chhuah êm avangin, Ngheti hnenah mut phalna ka dil a, "Mu rawh, mu rawh, keipawh ka mu dawn", a lo ti a.
Ka mit ka chhin aṭanga rei vak loah, ka phone a lo ri leh, Ngheti bawk. "Eng nge ni?",
"U Ngaia status en vat rawh, tunah, hmanhmawh rawh, Venpui, hmanhmawh rawh", a rawn ti nghal zung zung.
"Aw, ka en dawn", call ka titawp chuang lo a, WhatsAap-ah lutin, u Ngaia status chu ka en.
Park-a kan kal laia, thla min lak sak zinga mi pakhat, ka hmuh chuan, ka âng phuau. Caption engmah a dah lo a, ka lawm lutuk chu, ka mittui a tla thei hial!
"A nuam awm bik", Nghetin a lo ti a. Ka insut ri hrawih, "I ṭap elaw?", a lo la ti zui. "Ka off dawn, min ti ṭap ve thei takngial dawn", Ngheti pawh chu, a insut faih. Lalnghetpuii tak hi chu aww!
Status chu ka screenshot a, gallerry-ah lutin, ka thlêk vang vang. U Ngaia number pawh, 'Lalzahngaia' tih tlawngin ka la save. Nakinah, nalh taaawkin ka la thlak ang.
Lu nâ bur chungin ka tho a, ka muthilh hun kha, a tlai ve tawh bawk êm a ni. Khua pawh a thim deuh titih hial.
Ka lu dawm vung vung chungin, room aṭang ka chhuak a. Choka ka pan nghal. Cooker ka khawih chu, a lo sâ ṭha ngang mai.
Ka kut ka la sawn rang lutuk, chaw chhum ka tum a, mahse, a lo hmin fel der tawh zawk. Chawhmeh bel intlar te chu, ka dek dû dû a, an lo sâ vek.
Ka lu ka dawm vung vung, "A van mak ve", ka ti chhuak sap a. Bel ho chu, ka khawih leh ngat, suan hlim tih hriat lutukin, an sâ ling hlar.
"Ka mumang mawni le?", ti sapin, vawikhat dang ka khawih leh. Ka mumang a ni lo, tuin nge, ei rawngbawl le?
Ka inher chu, ka phu nghek. U Ngaian min lo en reng, amah hi a ni ngei ngei ang, ei rawngbawl.
Ka âwm ka dawm a, "Min tihlau alawm", ka ti a. A khi suk. Min lo hmu reng tihna ni maw, â min ti ngawt ang.
"Va intifai la, chaw kan ei dawn nia", a tih chuan, ka bu zeuh. Ka hmai ka phih a, ka kam sirah, ka chilthli thla a la lang zui, chi loh lutuk.
Bathroom aṭanga ka chhuah chuan, chaw ei a lo siam mial mial. Room-ah lutin, ka hmai ka hru sawk sawk a, ka chhuak leh thuai.
Ka rilru nô a chhuak a, ka ṭah a chhuak tlat pek. Ka ṭah chhuah chhan pawh ka hre lo. Bawngsa ka ei châk thut.
Ka thlengah ka mittui a far, "Venpui, ngati nge?", ka kut a lo tiche dat dat. Mittui tling piauin ka en a, "Bawngsa ka ei châk", ka hmui hnuai ka sehchilh vat.
"Kan ngaihtuah dawn nia, ṭap lo la aw", ka mittui a hru a, thoin, thleng dang min laksak a. Chaw thar dahin, chawhmeh dang min suah sak a.
"Ei rawh le", a ti dam thluam a. A âw dam tak te chuan, ṭah hawm hawm min tichâk lutuk.
Kei ai daih pawha, chawhmeh a siam tui thei lutuk te chuan, ka rilru nô kaichhuakin, mittui pawrawl kuang chungin ka ei mawlh mawlh.
"I helh ang e", u Ngaian a tih zawh rualin, ka helh nghal. Ka sirah dingin, ka hnung a chum dat dat a, tui in tur min pek chu, ka in khawlh khawlh.
Inlak nô tum kual ang vel ka ni, zahthlak lutuk. "I ṭha tawh em?",
"Aw", ka ti a. Chaw pawh ka ei mumal tawh lo. Chaw eina ka tihfel zawhah, ka hâ ka nawt a. Chhun lama Ngheti thusawi ka ngaihtuah rauh rauh.
A dârah ka lu ka nghat a, hetiang a nih tawh chuan, ka hahdam lehzual. A dâra bei tura min tih phei chuan, ka hahdam sawng sawng pawh ni lo, ka tuiral zawih zawih zel.
Kan tv en pawh ka ngaihsak lo, a kut veilam leh ka kut veilam chu, ka thlêk sek ringawt, zungbun a awm tlat a!
Ka thinlungin, a zawm hmaa pumkhata min siamtu a ni tlat atin ni. Tun hun leh, hmalam hun chauh, ngaihtuah a ṭha ta berin ka hria.
Ngheti hi, a lo fing ber mai, nakinah, ka la muah hlup ang. U Ngaia ka en a, kun ngaihin, a lo muhil bawrh bawrh.
A muthilh lai ka hre lo reng reng, tv ka ti zawi a, kaihthawh ka hreh deuh bawk si. A chau ngawt ang, chau tur tak pawh a ni.
Dim tein, ka dârah ka bei tir a, a che eih lo reng reng. A muhil nghet hmak a nih hmel. A hnu deuhah, ka mal chungah ka mut tir a, a lu ka chul heuh heuh.
Nautê a ang reuh lutuk, ka phone ka zawng ruai a, room-ah ka dah tih ka hre chhuak zawk. Thla laksak ka duh tehreng nen.
Sofa hnung ka nghêng a, ka mut a chhuak dawn, ka mut nasat tehreng nen. U Ngaia chu, ka en leh ṭhin a, kan inneih nî-a Mawia hmel ka hmu ve ringawt te kha, a âtthlak zia ka hriat hian, ka nuih a za.
Mahse, khatih lai kha chuan, a nâ ve êm a ni. Ka theihnghilh pum hlum thei chuang lo ang, mahse; ka nuna mi pakhat ni ve ṭhin ti bakin, ka hre tawh ngai lo thung ang!
"Venpui, Venpui", thaw hlawp hlawp chungin ka meng hliai a, "I ṭha em?", ka chil ka lem dâwk dâwk.
"Mangchhia i mang a nih kha, i ṭha nia", ka biang a chul heuh heuh a, ka dang a ro hulh. Eng mumang nge ka neih pawh ka hre lo, mahse, ka hlau.
A âwmah min kuah bet a, khuma kan mu ringawt chu, ka hrethiam lo lek lek. Ka hnung a beng thek thek a, ka muhil ang a, amah harh siin, khumah min chawi a ni ngei ang.
"Muthilh tum leh rawh", a ti dam thlup a. Ka hnung a beng thek thek. Ka mit ka chhing leh vang vang a, boruak hip let kâwkin ka thaw chhuak hawk a, ka thawl ta deuh.
Inkhawmna a awm mai loh avangin, kan pahnih tein inkhawmna kan nei ve ṭhin ac, Bible tawi te chhiarin, kan pahnihin kan ṭawngṭai ṭhin.
A riin a ṭawngṭai ve ngai lo a, ka âw chauh a lang, mahse, a ṭawngṭai ve tho tih ka hria.
Dil tur ka hre ngai lo hi, Pathian hnenah lawmthu ka sawi leh tawp zel. U Ngaia nen kan pahnih chauhin ni mah ila, Ka khûr nasa thei lutuk.
Ka ṭawngṭai zawhah, "Amen", ring tawkin a lo ti ṭhin a. A chang chuan, ka haw dawn dawn ṭhin.
Nakinah, amahin ka la ṭawngṭai tir ang. Mahse, keimahah, hmasawnna tam tak ka chhar ve thung.
Christian tam tak awm lohnaah kan awm a, Pathian ka rinna te hi, a nghet sauh ni mai hian ka hria.
Chawlhni hi chu, khua a har duh thei lutuk. Kan ṭawngṭai zawhah, Pathian hla kan play ṭhin a, sofa chungah ṭhuin, kan hmalam hi kan en ngar ngar zel.
"Takah, guitar ka va hawh ang aw, kan zai dawn nia", a chhuak a. A hnu rei loah, guitar nen a lo lut.
Chhuatah kan ṭhu a, sofa kan nghêng pah tho. Hla thu enin, kan zai dun a, zaithiam tak nih hi lawm, ka duh ṭhin.
"Mut a chhuak duh tawp", a tih chuan, ka nuih sak. "Thingpui in zawhah i mu dawn nia", ka ti a. Thingpui lum turin ka tho a, choka lam ka pan.
Noodles lei sa kan neih avangin ka chhum a, a puar lutuk theih ve tho. Mu turin a insangmar a, a chauh thu sawi lo mah se, a hmelah a lang chiang lutuk.
Room kawngka ka khar a, kan thingpui inna kan sil zawhah, chhuat ka nawt leh te te. Pawn lamah erawh, an ri chel chul mai. Bike ring tak taka tlan te.
Khawi ram mah hi, famkim a lo awm theih loh a nih hi. Nuam tura kan lo ngaih te leh, buaina awm ve lo anga kan ngaihah pawh, a lo ni vek bik lo.
Dim tea room kawngkhar hawngin ka lut a, thawm dim thei ang berin ka khar leh. A bulah ka mu ve a, a muhil lai chu ka thlir doh doh.
Tun ṭum erawh, a muhil lai thla ka laksak thei ta. A biangah ka fawp zeuh a, ka lâi lutuk ringawt. Min hre thei lo mah se, ka zak tho.
"I harh thei maw?", ka ti a. A bu nghat. Inphih harh turin bathroom-ah a lut a. A harh kâwk ang chu.
Vawiin chu, tibuaitu nei loin kan awm nileng ve ṭhak. U Ngaia pawh, file-ah a bur chat lo.
Kawng hnaih lo lam tukverh bulah sofa kan nawr phei a, chhuatah puan phahin kan ṭhu leh.
Guitar, ṭingṭang a perh a, ka rin aiin a thiam zek. Pathian hla ngawr ngawr kan sa tawh lo a, English hla hlui ho te, Country song kan tih te kan sa a.
Country Road kan sak lai phei chuan, Aizawl lam ka ngaihtuah a, ka hnuk a ulh thei. Zoram ngaih hla mawlh mai chuan, ka mittui a titla tawh.
Nui saihin, ka mittui a hru a, "Ka hming lama, ka tana ka hriata i ṭawngṭai te hi, a nuam ka ti, ngaihthlak nuam tak a ni", a ti sup a. A nui var mai bawk.
"A lawmawm lutuk", ka ti ṭuau a. A hriata ka ṭawngṭai ai mahin, a ruka ka ṭawngṭai hian a hming ka lam nasa.
A hna avanga a inhliam loh nan leh, a thih loh nan a ni ber. Police hna hi chu, thlêmna a tam ve dawn reng. Chu zawng ai chuan, misual an umna lamah te, lo kap letin, min boralsan ta sela.
Chutiang a thleng a nih vaih chuan, ka tuar thei miah lo ang. Sex feelings a neih nan ka dil ngai lo bawk a, ka dil ngam lo bawk. Mahse, a rilru a harh theih nan erawh, Pathian hnenah ka dil nasa.
"Eng hla nge kan sak leh ang?",
"I duh duh a ni mai",
"Durbha brew aw niang", a tih chuan, ka bu zeuh. He hla hi chu ka hre ve, a hla thu hi, nula hmelṭha fakna a nia. Ngheti nen chuan, Shillong Hlapui kan ti tawp, kan hla hriat hmasak ber a ni ve a.
U Ngaian a sa chu, ka lâi chem chem. Min lo en zeuh zeuh ṭhin a, min sak chhanah ka ngai.
"I tan aw", ti supin, a bul aṭang a sa ṭha leh. Ka hmul thi an ding sung sung, a va nuam tak. Ka mit ka chhing a, ka thlawk del del ni mai hian ka hria.
A ngawih tak avangin ka meng a, a mittui luang ka hmuh chuan, ka meng phar kâwk. "U Ngai?", a dârah ka sâwi a.
Muangchangin ka lam a lo hawi a, a ṭap! "U Ngai?", ka ti sap a. Hmalam a hawi ṭual ṭual. Ka ṭhut hnaih sauh sauh.
"Venpui, ka lûngphu a rang lutuk", a tih chuan, ka hrethiamin ka hria. A lungleng emaw, a rilru emaw a nâ chiang a ni.
Ṭap tur khawpin, engin nge siam ta ang? A mittui luang ka hruksak ve a, a insut ri hrawih.
"Kan, ka ṭhianpa khan, he hla hi a duh thei lutuk, kan sa reng zel",
"Durbha brew hla hi maw?", ka tih chuan, a bu zeuh. A inphawrh chhuak dawnin ka hria, ka ṭhutna ka siam rem sauh.
"Kan pahnihin Police nih kan tum a, kan dream ve ber a ni, Police Station hmaah ṭhuin, an awm dan te kha, kan thlir reng peih. Police kan ngaisang fal nalh bawk a, Police nih kan tum ruh êm êm bawk.
Ka ṭhianpa chu Khasi a nia, kan ṭhenawma mi an ni bawk. Mahse, ani chu, a âw a sin a, hmeichhe âw ang chiah a ni. A rilru leh pumrua erawh, mipa tak a ni thung.
A nuin, kan tet laiin hmeichhia angin a chei ṭhin a, hmeichhia a nih thu te a hrilh fo ṭhin. Chutianga ti tawh lo tura a tih pawhin, a nuin a tilui tlat zel tho, a pa pawhin, fiamthuah a ngaihsak tlat zel bawk.
Kan inah a awm tam phah reng bawk a, an ina ka kal chang te hian, keipawh, hmeichhia angin min chei ṭhin a. Ka nu leh pa bula sawina chang pawh ka hre ngai lo.
Ka ṭhianpa chu, a chhungte mai bakah, mi zawng zawngin hmeichhia angin an cheibawl a. A âw a sin tlat avangin, 'Baby' tiin, an ko ṭhin.
School-ah pawh, an fiam nasat ber a ni a. Hrehawm a tih thu min hrilh chamchi zel, kan inkawp deuh chawt avangin, inngaizawng ang tein min sawi ṭhin a.
Ka ṭhianpa chu, a âw sinin, hmeichhia tia chhaih ṭhin ni mah se, a rilru erawh a mipa tlat thung. Khawtlanga mipa thiltihnaah pawh, a thawhhlawk ber a ni ṭhin a.
Mahse, hmeichhia tia chhaih leh, mipa thiltih naa tel ve lo turin, fiamthu te hian an hrilh zel tho.
High School kan kal lai hian, school danga mi duh ruk deuh a nei a. Ṭawng thei lo anga awmin, a duh ruknu pawh chuan, a lo hnial mai bik lo.
An inngaizawng ta a, mahse, kan classmate ṭhenkhatin an lo hriat khan, a tet laia a nuin hmeichhia anga a cheina thlalak leh, a âw chu, hmeichhia ang mai a nih thu te, a bialnu chu hrilhin, a thlalak te chu an hmuh a.
A bialnu chuan, a ṭhen nghal. Ka ṭhianpa rilru nâ lutuk chu, intihhlum hial a tum a. Mahse, a ṭhulh leh. Chuta ṭang chuan, hmeichhia ang tak takin a awm ta a.
Ka dang zo ta lo a ni, hmeichhia anga a awm aṭang kan inbe tawh ngai lo a. A hnuah phei chuan, hmun dangah a kal daih nghe nghe.
Ka ṭhian neihchhun a ni a, Police nih tum ve ve kha kan nia", a ti a. Ngun deuhin ka lo ngaithla.
"Venpui, engtin nge ka awm?", a mittui hruk sak pahin, "I ṭhianpa i chân avangin i rilru a nâ a, i ṭhianpa kha, i ngai êm êm bawk. Hmeichhia ni lo tura i danna, a tlawlh avangin, pawi i ti a, siam ṭhat leh theih i la inbeisei fan", ka sawi zo thei lo.
"A ni maw?", a ti a. Ka sawi angin a awm ngei tih, ka hre mai bik lo. Mahse, a ṭhianpa a ngai a, a rilru nâtpui tih erawh, ka hre chiang hle thung.
A sawi hmangah, ṭhian inkawmngeih tak an ni phawt a, an inzui reng dawn tih a hriat. Police nih an la tum ve ve zui.
A ṭhianpa chu, a âw a sin avang maiin, hmeichhia angin an cheibawl a. Cheibawl loin, mipa a nih ang takin, chhawmdawl zawk ta sela, u Ngaia nen, Police han ni ve ve phei se chu.
U Ngaia pawh, hetiang lo deuh hian a awm ngei ang. A hnung ka chul heuh heuh a, a lu-ah ka hmui ka nawr leh vang vang zel.
"Venpui, ka rilru a nâ, ka thiam loh vek a ni",
"I thiam lohna a awm lo reng reng",
"Ka mit aṭang tui a luang reng a nia", thâm ṭiak hian a ti a. Ka nuih sak, Ponyo ka hre chhuak zawk.
"I ṭap tihna nih kha, ṭap bawrh bawrh rawh, a pawi miah lo nia",
"Mipa ka ni sia, ṭap tur ka ni lo",
"Mipa an ṭap tur a ni lo tih, khawi lehkhabuah mah a awm lo. I mit aṭang tui luan tir reng rawh", ka ti sap sap a.
A zawm a ni chêk ang, a insut ri leh hrawih zel. Ṭapin bul kan ṭan a, a chanve zo tlukah ka inngai.
Mitthi chu, a ni lo chiang alawm. Ngaih a nei a, a rilru a nâ êm êm bawk. Ka kuah vawng vawng a, a mittui ka hru leh zeuh zel bawk.
"Venpui, ka ṭha tawhin ka hria", a tih chuan, inla hrangin, a chalhah ka fawp zeuh. "I mit aṭanga tui luang kha, dang char char la chu, i puak darh a ni mai", ka ti a. A nui sak ringawt.
"In inbe lo ta char char em ni?",
"A kal bo aṭanga kan inbiak hmasak berna leh hnuhnun ber chu, IPS(Indian Police Service)-a ka tlin khan, lawmpuina min lo hlan a.
Hmeichhia angin awm mah se, a mipa rilru a bo loh avanga, hmeichhia thoin a rilru an luah zawk leh, hrehawm a tih thu min hrilh a",
"A nih, tuna a awmna i hria em?",
"Hmannia A number ka trace(chhui) kha chuan, Mumbai a nia",
"Va hruai chhuak ila", ka tih chuan, a chek hlak. He thil hi, a ṭangkai dawn tlatin ka hria.
"Venpui",
"Tun hi, i puih hun awm tak a ni. Hrehawm a tih thu a hrilh che a, chumi awmzia chu, i chhanchhuah a duh tihna nih chu. Pui turin a duh che a, i puih ngei ngei a ngai, puih i duh ve tho a ni lawm ni?",
"Ka duh alawm, puih ka duh, mahse, nang-",
"I hnung ka lo dawl zel ang, tunah chuan, nangmah chauh i ni tawh hleinem, kan pahnihin kan ding dun zel tawh ang", ka ti a. A hnuah, a bu nghat nghat.
Ka sawi theih ni miah lo mah se, khawtlangin min hnualsuat mah sela, chhungkuain min chhawmdawl hi a va ngai nasa tak.
U Ngaia ṭhianpa pawh, khawtlang thiam loh ni tho mah se, a nu leh pa, a chhungte'n, a âw sin mah se, mipa a nihna angin dawmkang char char zawk se.
A tum loh deuhin, hmeichhia angin a awm hauh lo ang. U Ngaia ringawt chuan, a dang zo lo a ni.
Mahni chauh chuan, thil ṭha lam pan ṭang ṭang mah ila, thil ṭha lo lama pên kawi mai pawh, awl tur tak a ni.
A ṭhianpa chanchin a sawi chhuah aṭang, ni thum lai a liam leh tawh a. A la sawi chhuak leh miah lo, a hnaah a bur leh chat a.
Keipawhin, ka sawipui duh rih lo, tawktarha hmanga, sawipui zui chiam a ṭhat ka ring lo. A buai phah ka hlau zawk.
Rilru nâ leh, lunglên a ni tawh mai ang chu, a hre ṭan a, a ṭap hial! Zawi zawiin, muangchanga kal hi a ṭha ber mai.
Tv ka on a, Punjab Chanchin puanna ka en a, ka tlai lo chiah chiah. U Ngaia hming an lam ṭan chiah.
A case buaipui chungchanga, Press Conference an neih lai a ni a. An ruang chhar kha, State dang ami a ni a, amah hriat theihna tur awm lo chung pawhin, a thattu nen lam a chhui chhuak vek.
A bawn êm asin, ka chhuang hle bawk. Ka pasal duhlai a ni tlat a. Ka sâ pup pup, ka lâi lutuk ringawt.
Ka bulah a ṭhu ve tlat atin ni, 'ka pasal duhlai' tih chuan, ka thinlung hi, a thlawh chhuah tir lo chauh.
"I ṭap a nia",
"Ka hlim lutuk a", ṭap ṭuaua ka tih chuan, "Tv-a ka lan vang chu ni lo tiraw?", a ti sup a. Ka bu nghauh nghauh.
"Hahthlak mang e", a ti thum dut. A hahthlakna a awm lo reng reng, a nuam zawk alawm.
Chanchinthar channel hrang hrang a luah khat a, Mizoram-ah pawh, a lâr ngawt ang. Nghetin min lo call ṭep ka ring.
Ka rilrua ka ngaihtuah zawh rual rualin, phone a lo ri, Ngheti a ni chiah reng bawk.
Chokaah ka phei pui a, "Tv-ah, u Ngaia kan lo hmu a, a va han bawn êm êm. Saavdhan India-ah an tarlang ngei ngei ang, a form zawng zawng nen, a va inhmeh tak. Nang ai pawhin, ka luangral, ka luang ral zawih zawih", a lo ti lang lang.
U Ngaia chu ka va en ṭhin a, Chanchinthar channel chu, a hmet sawn chuang bik lo.
"Nang chu, i luanral ka phal, hmeichhe dang luanral erawh ka phal lo. Ka that hmiah hmiah a ni mai", ka ti hlak hlak a.
Ngheti a lo ri hlut, "Lalvenpui, rapthlak suh. Kei lo, luangral ka hriat chuan, i tan phuba ka lo la zel ang", a lo ti ve leh tho.
Kan pahnihin kan nui dun hak hak, "Kan zak thei lo e", ka ti a. Ka zak hnunhnawh, "I ho thei e ah, zahna tur a awm reng reng lo", a lo ti a.
Kan inbe rei lo, "Nghetin tv-ah a hmu che a, min lo biak rawh a ti a", ṭhu thla pahin ka ti a. A bu nghat nghat.
"Tumah i that lo ang tiraw?", thutak fe hian a ti a. Ka sawi a lo hria ni hrim hrim.
Ka lu ka thing nar nar, "A ṭul chuan, ka that hreh miah lo", ka ti vei hmak. "India-a hmeichhe ho zawng, an rem dawn tihna ni maw?", a chek hlak zui.
A insawi thei tihna mawni le? "A pawi ka ti lo, kei ka awm dawn tho a", ka ti sap. India-a hmeichhia zawng zawngin an duh vek tih, a sawi tumna a ni ve a, a hai theih loh reng reng.
A sawi ta lem lo a, Chanchinthar channel tawh phawt chu, ka enpui zel. A tawpah, a ning ta deuh a niang, "A dang en tawh ang", a ti a.
Hnial ka tum ut ut naa, ka hnial duh ta lo. Remote ka pe a, "Ka channel duhzawng ka thlang thei em?", a tih chuan, nui sakin, "Thei chiang e", ka ti a.
Star Sports channel a thlang, inkhel a la ni zui. U Ngaia chu ka melh ralh. "Khi chu, a hlui nih khi, Barcelona-a Messi awm lai, a va rei tawh ve", a ti nang nang.
Min kuah a, tum burin ka en ve tho. Inkhel en hi chu, ngaina ve lo tak ka ni. Mahse, Messi chu ka hre ve tho. Ka muthilhsan daih dawn.
"Venpui, Manav nen kan inrem leh tawh a",
"Maw?", ka ti hluai. "Mak i tih ka ring reng a, in pain min sawirem a", Jennifer-i chuan, a ti leh sap. U Ngaian a sawi rem maw?
"Min lawmpui dawn lo em ni?",
"Aw, aa, ka tihpalh. Ka lawmpui lutuk che u, inṭhen tawh miah s'u aw",
"Tehreng, mahse, paltlang tur hi kan ngah lutuk. Kan chhungte ve ve hi, buaina a ni mah zawk", a ti a. Jennifer chu, ka thiam ang tawkin ka hnem ve.
Ei rawng bawl zawh ve leh ka inbual a, ka inthlak mek laiin, u Ngaia a lo haw. Khum chungah a ṭhu a, ka inthlak zawh hun min nghak.
Ka inthlak zawh chuan, a bulah ka ṭhu thla a, "Mumbai-a kal i duh em?", a tih chuan, ka lo nuih var.
"Duh lutuk ringawt, vawikhat pian ve mana Mumbai hmuh loh te chu ah", ka ti nang nang a, a nui chhuak hawk.
"Naktukah, Chaandichok-ah kan kal ang a, a tukah Mumbai-ah aw niang",
"Chaandichok-ah eng nge kan tih dawn?",
"Hmana Restaurant-a ka ṭhianpa kha i la hria em?", 'Satel' tia kotu kha ni chiang. Ka hriat thuin ka lo chhang thuai.
"An fapa piancham lawmnaah min sawm a", a ti a. Inthlakin a inbual ve a, a inbual zawh meuh chuan, chaw ei a hun titih.
Kan bazar a, kum sawm mi tana piancham thilpek lei chu, a har duh tawp. Car remote control kan lei ringawt.
Pawnfen fual taawk, arh ṭha bawk si ka feng a, ka âwm lah a lang thui em em. Ka âwm a khuh ṭawk a ni mai, ka kâwng leh ka âwm inkar chu, a ruak huai.
Puan hlai ve deuh hlek ka bat ṭawk. Puanchei rawng bengbeh ka beh a. Ka sam thlah hnuangin, ka chala uai thlak tir tur min pek chuan, ka lo hnar.
An thuam mah, ka hak ṭawk laiin. Zonu tan chuan, a hnawk sak a, Puanchei leh Kawrchei kha, a tawk chiah.
Cake zaiin, music ring tawk an play a, in lian tak an nei lo a, an ṭhenawm ami te zawng zawng an kim vekin ka hria.
In kawtah pawh an awm ṭhup. Cake zai zawh chuan, in chhungah pawh kan awm tawh lo. In kawtah kan awm tawh, naupang an lâm hawr hawr a.
Uang tawk lah an awm, naupang nâ nâ nâ hi chu. Nula leh hmeichhe tleirawl lâm pawh an awm.
Mi hausa ho thil lawm leh, hausa vak lo te thil lawm chu, inthlau tak a ni. Chubakah, kan Mizo khawtlang aia hlimawm ka hre ta hauh lo bawk.
Mizo hnâm tihdan phung emaw, kal dan emaw kha, a lo nuam ber mai. Kan Kût te, a lo nuam vel vek. Mizo nih a nuam ber.
U Ngaia ṭhianpa chuan, an hla play titawpin, mike-in eng eng emaw a sawi a. U Ngaian a lo khak vat zel.
"Miss Lalvenpuii", a lo tih chuan, kut an beng hluah hluah. U Ngaia chu ka en vat a, a dâr a chhin hak ringawt.
Ka hrethiam lo reng reng, "English-in ka'n sawi ang e, College Miss i ni tawh tih kan lo hria a, nangmahni hnâm lâma lâm tur chein kan duh che", a lo ti ta mai.
U Ngaia ka en leh vat, "A ti mai mai nih kha, lâm kher a ngai lo",
"Hnâm lâm a tia, ka Chheih dawn tihna em ni?",
"I Chheih kher a ṭul lo, thil ni lo lo hi a sawi a", u Ngaian a tih zawh rualin, "Dance, dance", tiin, an lo au.
Ka pheikhawk bun phelhin, kawng laiah ka va ding a, kut an lo beng hluah. Music play tupa lo kalin, H Vanlalhlana-Thanglunghnemi Zai chu play turin ka ti a.
Ka'n Chheih tak tak mai nih kha, keimah ber chuan nuam ka ti. An thuam nen ka Chheih kher bawk nen, an lawm lutuk chu, pangparin tein min lo theh thul.
Pawnfen a fual lutuk a, Chheih har ṭalh ṭalh tak a ni. Mahse, ṭha takin ka tlingtla ve mai. Naupang hoin min lo zawm phawt a, hmeichhe tleirawl leh nula ho pawhin min lo zawm ve leh.
Thiam lo chung chung pawha, an Chheih ve te chu, a hmuhnawm letling zawk. Thlawitenali hla te, ka play tir zel a. Punjab State-a, khaw pakhat ve maiah chuan, Mizo Hla ngaithlain, kan Chheih ta hut hut.
Nuam ve tak chu a ni. Ka thlan a tla phung a, ka nuihna lamah ka biang a kham vek bawk. "I va thiam êm êm", u Ngaia chuan a ti sup a.
Rawmawlin ka thlan tla te chu, a hru mawlh mawlh. Inchei ve pawh, awmzia awm lo teh e.
"Satel-a leh Miss-te kha, in lo lâm ngei a ngai aw", tiin, an lo au a. Bombay Vikings-Wahchali a ri nghal zat.
Âng phuauin u Ngaia ka en a, a lu a thing nawk nawk. A kutah chelhin, ka kalpui dawrh dawrh.
A ding khawng reng ringawt. A kut pahnih chelhin ka ti che a, tihian, a lâm a ni ve mai.
A lamah min pawtin, "Venpui, ka lûngphu a rang lutuk. Nangmah anga taksa tihchet ve ka duh", a ti a.
Dingdihlipin a hmuiah ka fawp zeuh, "Ka tihdan ang zelin lo ti rawh aw", ka ti a. A taksa a khawng tlat avangin, a dik thei ṭhin lo.
Khawng deuh deuhin a taksa a tiche a, Robot lâm danin ka lampui ringawt, a hnehsawh phian zawk lehnghal.
Ka nui nasa bawk a, ka chau vek thei, ka kuah thlawp a, a nui ve sâng a, a hlim ve takzet a ni. A hlim leh ta phawt!
U Ngaian a ṭhianpa leh a fapa inpawm a lo thlir ngawih ngawih tih ka hmuh chuan, min deng dawt. Ka hawisawn ta daih a, ka en ngam tawh lo.
Fa neiha, han pawm kual lâwp lâwp a, piancham lawmsak te, a duh ngawt ang le. "Venpui, han en teh", a ṭhianpa te chu, min en tir a.
"Saw tiang saw, a thleng ang em?", beisei tak hian min zawt a. "Thleng dawn e a, thleng lo chi a ni lo", ka ti a.
Min kuahin, "Thleng vat vat se", ka beng bulah a phun sup. "A thleng vat dawn alawm", ka ti a.
Min chawi kangin, tu te emawni a ko a, inchung aṭang Pangpâr an lo theh thla, kan dinnaah tak a la ni zui.
U Ngaia chuan, min vir kual pui a, Pangpâr a lo tla chum chum bawk nen, Film vela mi ang chiah chiah, Film chu a ni si lo!
Nui varin, ka en a, a kawr hlipin a lo ṭhu thla a, "I hlim em?", a tih chuan, ka bu zeuh. A lâm ve nasa lutuk a, a nuihzatthlak bawk si.
"I chau em?", ka lu ka thing nawk nawk. "Naktipah kan chhuah dawn kha, Mumbai khawpuiah, ka'n bopui teh ang che", a tih chuan, ka beng hlak.
"Ih, u Ngai, zanin chu, ka hlim lutuk, chuvang chuan, hei hi", ka lu kânin ka fawp zeuh a, ka mu thla lehnghal.
A nui suk a, lo kun hniamin, "Venpuii mipa dik tak nih ka va châk tak",
"I ni reng alawm, Venpuii mipa dik tak i nih hi, Venpuii thlamuanna i ni a, chubaka mipa dik tak nihna a awm lo", a biang tawn tawna dawm chungin ka ti a.
"A nih, naktuka tho tlai turin aw", a tih chuan, ka hmai ka hup ringawt.
Ka kâwng achin chung lamah, a che hmasa phawt a. A nghâwngah ka kut pahnih suihin, min fawh te chuan, duhthawh takin ka lo fawp let ve zel.
"Ka duhtawk", ka thaw kâwk. Muangchangin ka underwear chhung a zen lut a, hmanhmawh tura hrilh mai ka duh hial.
A che muang lutuk chuan, ka thin a tirim thei dawn. A kut ka vawn hnan a, ka en ṭawk. Chuta chin chu, a kut a tiche rang tawlh tawlh.
A ban bulah ka vuan tawh a, "Venpui, min mamawh tih sawi rawh", a tih chuan, ka mamawh thu ka sawi vat.
A ban ka hmer ngawt ngawt, a aia nasain a tiche a. Kâng awkin, ka thaw halh halh.
Ka underwear phelhin, ka mal a tikau a, a laiah a inzep. A hnungah ka ke pahnih ka kherhbet thuai.
Eng ka hria ni maw, a chet leh hma leh, a boxer hak a hnawl thlak hma chuan ka lo dang a, ka kut ka rawlh lut vat.
Innemkhalhin ka mitah tak min en a, "I hmuhnawm lutuk", a la ti zui. A rei telh telh a, a mang tawlh tawlh emaw tih tur a ni.
Ka chawl det a, ka ṭan leh thuai tho, "Ngaia hmeichhia ka nih hi, Ngaia hmeichhia chauh", ka ti a. Keimah zawk hi, ka chiang dawn lo ṭan.
"Venpui, han sawi leh teh",
"Eng maw?",
"Tawp suh, tawp chuang loin han sawi leh teh, tu maw i nih?",
"Ngaia hmeichhia ka nih hi, Ngaia hmeichhia chauh", ka ti a. Ka chiang dawn lo takngial.
"Venpuii mipa ka nih hi", a tih chuan, "Kei chu, Ngaia hmeichhia", ka lo ti a. A âng phuau.
"Venpui, ka, ka awm dan hi a mak lutuk", a thaw halh. "Tawp suh", a ti hlak. A boxer leh underwear a hnawl thla a, ka kut pahnihin ka ṭang kawp tawh.
"Ngaia hmeichhia ka nih hi", ka ti pah reng a. A awm dan chu, a sawi ang chiah, a mak ṭan.
Ka kut pahnih inkara awm pawh chu, a sak ṭanin ka hria. Ka kut la sawnin, ka chhungah muangchanga lutin, "Venpui, tu nge i nih?", a tih zawh rualin, a che buan buan.
Thaw kâwk kâwkin, "Ngaia hmeichhia ka nih hi", ka ti a. "Venpui, sawi leh rawh",
"Ngaia hmeichhia", ka tih zawh rualin, che buan buan tho siin, min fawp a. A chang leh, ka nghâwng a fawp dâwk dâwk.
"Venpuii mipa ka nih hi", a ti awl lo bawk. "U Ngai, ka, ka", a sam kêkin, a hnung ka ṭham tawk.
"Ka tihpalh lutuk, ka dang zo lo a ni",
"A pawi lo, a pawi lo", tissue lain min hru fai a. Ka bula a lo mutthlak chuan, "Vawikhat chiah ti leh ang",
"Ni lo e, i chau lutuk ang, zin chhuak tur kan nih kha", a ti zawi sup. Ka inthiam thei thlawt lo.
"Min ngaidam rawh, ka tihpalh lutuk",
"Ngaihdamna turin tihsual i nei lo, ṭap miah suh", a ti dam thlup a. Lungawi hmel tak min la hmuh te chuan, ka inthiam lohna a tizual sawt.
Show post links
Top
| Link: | |
| BBcode: | |
| HTML: | |
| Hide post links |
I Ninawm
Chapter-11
Ziaktu: Cck Lalchhuanawmi
Mumbai kan thleng a, film star nih tum te tana hmunpui ber. Vawikhat pian ve manah, Mumbai leilung ka rap ve ta reng mai!
Rin a harsa zawk, mumang emaw tih mai a awl lutuk. Mipui an phu suau suau a, Airport-ah mah, hetiang a nih chuan, Rail Station-ah chuan, mipui engzah tak awm ang maw?
Mumbai kawtthlêr pakhata mihring awm zat hi, Mizorama mipuiin a hen lo an tih ṭhin kha, a dik tak takin ka hria. A bitin an bit alawm.
"Car kan hawh duh ang em?",
"A to lo ang maw?",
"To lo ang, lo kal rawh", taxi-ah chuangin, Showroom pakhat kawtah kan ding a. Rentrip Car Rental a ni nghe nghe.
Travel suitcase(ke nei, lir thei ang chi), Medium kan keng a, kan pahniha thawmhnaw leh, laptop kan khung a. Thawmhnaw kan keng tam lo hrim hrim.
"Khawi Hotel-ah nge i thlen duh?",
"Fantasy deuhah", ka ti a. Khi sukin a bu nghat a. Kan Car hawh man lah chu, min hrilh ve duh si lo. Darkar khatah, engzah nge ni ang aw?
Thimhlima thleng kan ni bawk a, zan boruak chu, a dang awk mai. Glass tihniamin pawn lam ka thlir doh doh a, mipui bitna ber a ni bawk a, mipui ringawt pawh, a hmuhnawm tham.
Traffic jam-ah kan tang a, u Ngaian kan thlenna tur Hotel a phone-ah a en a. Kei erawh, pawn lam hmuhnawm ka ti lutuk.
"Venpui, mask hi vuah teh", mask dum min vuah tir a, ka bengah ka sam chhawllêng a zep ṭha mawlh mawlh.
"I sam hi, hnawk i ti lo em ni, ṭawn daih ang hmiang?", a tih chuan, samṭawn ka keng lo tih ka hre chhuak nghal.
"I keng lo a ni maw?", a tih chuan, ka mit ka chhing sawk. A rawmawl phawrhin, ka sam a ṭawn a. "Tikha chuan, hmuh i nuam sawt", a nui saih a.
U Ngaia pawhin, mask a vuah ve a. Pawn lama ka hawi chhuah leh chuan, mask kan vuah chhan ka hre chiah. Motor khu chu, ṭhahnem tak a ni.
Kan thlenna tur Hotel parking lot-ah, kan car dahin, Hotel chhungah kan lut a. Receptionist Counter hmaah dingin, u Ngaian online-a room a book vek tawh thu te hrilhin, chahbi min pe a.
A hnungah ka kal ve chhet chhet, elevator-ah lutin, u Ngaia ban ka vuan tlat. Elevator(live kan tih, inkhai chho chhukna) hi ka hlau.
Kan room awmna floor kan thlen chuan, a ding chat a, u Ngaian kan suitcase nawrin, ka kut a chelh a. Ka kut a chelh loh lamin, a ban bulah ka vuan.
Room-a kan luh chuan, mask ka phelh a, ka thaw huai thei. "I duh chuan, i mu thei", a ti sup a. A thu ka awih chiang asin, couch-ah ka ṭhu âwn duai a, zawi zawia insiamremin ka mu meng kur.
"I tla ang a asin", min pawm kang a, khumah min nghat. "I rilṭam em?",
"Ṭam ve reng mai", ka ti a. "A nih, intifai zung zung la, ei tur ka lo chah ang", min pawt tho leh a. Suitcase ka hawng rak rak.
Suitcase hmaah ka ṭhu ngawi reng, ka mamawh tur ang ka khung kim ve vek emaw ka tia.
"Ngati nge a?", a lo tih chuan, muangchangin ka en chho, beisei a bo chiang asin.
"Tihpalh", ka ti sap a. A thaw ri hrawih, "I bag la la", a tih chuan, tho vatin ka bag ka la a. Kan ei tur min lo la pe rih lo turin a hrilh leh.
Dawr pakhatah lutin, cart(dawr chhunga kan thil lei dahna tur bawm) khai chi u Ngaia chuan a la a, "U Ngai", amah si chetin ka ding.
"Mask hi, ka phelh thei em? Boruak a thiang tho a", ka ti a. A bu nghat. Phelh ve a tum erawh chuan, ka dang vat thung.
"I phelh ve kher a ngai lo", ka tih chuan, a nui hak. Thikthu te chu, pe chhe ve tak ka ni. A zau phian lehnghal a, bo a awl dawn, cctv lah, kil tinah hmuh tur a awm.
Facewash tih ang reng te, inbualna sahbawn tur nen cart-ah ka dah zel a. Hotel sahbawn ka hmang duh miah lo. Ka facewash te kha, ka keng emaw ka tia.
"Saw saw, a ngai dawn lo em ni?", pads(stayfree) awmna lam min kawhhmuh, a ngai dawn mawni le.
"A la ngai lo ang, ka period zawhna a la rei lutuk si lo a",
"Inven nan a ṭha alawm", a ti a. Amah zawk chu, pads awmna lamah a kal nul nul. Ka zui ve vat tho.
Pads ka hman ṭhin te a lo hre vek, pathum lai a la a, pantyliner panga nen. "Cosmetics Department lamah, insawn leh ila", a tih chuan, ka nui sak.
Cosmetics Department lamah kan kal a, inah ka ngah tho a, a lungdam nan tiin, hnawihsen sen ṭha taaawk pakhat leh, tin hnawihsen sennô ṭha taaawk pakhat ka la a.
"Sam ṭawnna kan la mamawh", chek hlaka a tih chuan, "A ho lutuk, lei a ngai tawh lo, pawisa a uiawm êm mai",
"Heimi tan alawm, hlawh ka neih", a ti sup a. Min kuahin, min kalpui hnak hnak. Ka ṭang duh ta lem bik lo.
Sam ṭawn pakhat lain, ka sam a ṭawn nghal a, a rawmawl chu a ak ṭha leh hmak. Ka sam ṭawnna bakah, pahnih chu a la leh hrâm. Bakilha ka duhzawng en leh turin min ti a, a thu angin ka awm zel mai.
Bakilh pakhat, ka mit la deuh ka hmuh chuan, ka ban thuai a, nui varin u Ngaia lam ka hawi a. Kan bul lawka mi te a lo thlir vawng vawng.
Hmeichhe naupamgtê, kum thum vel ni tur hi, a nu leh pate'n bakilh an kilhsak vel a. A sam an ṭawn kak sak a, a lawmawm reuh lutuk.
Rei pawh en loin, ka hawisawn leh daih. U Ngaia rilruah eng nge awm ka hre lo nain, hrehawm erawh a ti dawn lutuk.
Hman zan khan, a thleng ṭep, mahse, keimah vangin, keimah vang liau liauin, a buai zo ta vek!
"Venpui, i duhzawng i hmu em?", ka dâr a sâwi dat a, ka ken lai chu ka hmuh. "Pakhat chauh maw?", a tih chuan, ka bu zeuh.
"Kal tawh ang", ti sapin, ka kal hmasa a. Ka mittui tlak loh nan, ka khap fap fap. Nghaktu tan hi chuan, a rei mah mah ṭhin.
Dawr kawtah, kan thil lei khaiin ka ding a, car nen ka hmaah lo dingin, "Lo kal rawh le", a tih chuan, ka ṭhu lut vat.
"La lên i la duh em?",
"Ka mut a chhuak", ka ti a. Nui suk chungin min lo en. Ka mut a la chhuak lo nasa, zan lama lên chhuah hi, a nuam zawk dawn mahin ka hria.
Hotel kan thlen chuan, ka inbual a. Bathroom ka luh hmain a endik hmasa thlap. Ka inbual zawh veleh, a inbual ve nghal a.
Bathroom mai bakah, room chhung zawng zawng hi, ka inbual chhungin a lo endik vek ka ring.
Bell a lo rik chuan, ka va hawng a. Bawngsa rim ka hre thei nghal, u Ngaia inbual zo pawh a lo chhuak ve chiah chiah. Chaw kan ei chu, ka mukbang hi a ni ringawt.
"I puar em?",
"Puar lutuk", ka ti sap a. Min tichau, u Ngaian Bawngsa a ei ve miah lo, keima'n ka ei zo vek.
"A nih, muhil daih mai rawh",
"Aw le", ka nuih sun sun a. Ka chal lo fawp zeuhin, a âwmah min kuah bet a. Ka mit ka chhing a, ka puar bawk nen, mut chhuakin min zem chiai chiai nghal.
Zinga ka harh chuan, u Ngaia a lo mu tawh miah lo. Tho thuaiin ka zawng a, tukverh bulah a lo ding vang.
A kekawr ipteah, a kut pahnih a zen lut a, a inngaihtuah nasa tih a hriat. Hnaih duh loin, khum lamah ka phei leh a, ka inthlak nghal zung zung.
Zing dar ruk chauh a la ni a, a tho hma ṭhin tih chu ka hria. Mahse, tun erawh, a muthilh ka ring miah lo, a tlaivar a ni ngei ang.
A tawpah, ka va pan ta nge nge, a hnung lam aṭang ka kuah a, a hmalamah min kuah phei thuai.
A hnung ka beng thek thek a, a lûngphu ri ka ngaithla a, hlauhna phu ri a ni! A hlauthawng takzet a ni.
A ngaihtuah nia ka rin chu, a ṭhianpain a puih lo duh lo ta se emaw, a ṭhianpa chu, hmuh tur awm loin, hmun dangah lo kal leh daih ta se.
Mahse, Police a nia, a awmna a chhui vek thei dawn a, Mumbai-ah hian a awm ngei tihna a ni phawt ang.
"Tah hian, lo awm zawk ta che, i lo kal ve ka duh chiah lo",
"Ka lo kal ve duh, hlauhawm lo tawng palh ta la, chhan tur chea ka awm a ngai alawm", ka ti a. A nui nghawr dat. Amah chauha kal tir ka duh lo reng reng.
Kan inkhalh chhuak leh ta a, kan kalna lam ka hre miah lo. A ṭhianpa awmna lam a nih ka ring tawp ringawt.
Ka ring dik e, u Ngaia chu a thaw hawk a, ka kut lo vuanin, "Mask kha phelh miah suh aw", a ti a. Ka bu nghat. Amah pawhin, a vuah ve tlat.
Hmeichhia an intlar phut a, Mizo ang deuh deuh te ka hmu lehnghal. Chhun pachangah pawh, hetiang hi nia, zan lamah phei chuan, ka ngaihtuah ngam lo.
U Ngaian min chelh tlat a, amah ai mahin, keimah zawk hian ka chelh nghet. Ka bo ka hlau.
A ṭhen chu, an pindan aṭang tea lo inzui chhuak te an awm a, inzui lut mek te pawh, zu rim lah, a nam chum chum.
Min en hrek hrek hlawm a, mak an tih vanga min en nge an nih a, min beisei vanga min en an nih pawh, ka thliar thiam lo.
In pakhat hi kan thleng a, helai hmun erawh, tlemin a reh deuh. A class sâng deuh awmna a nih ka ring ringawt, a chhan chu, inzui lut leh lo inzui chhuak an awm ve tho.
Kum upa tawh lam, nu pakhat hian kawngka a lo hawng a. U Ngaia nen Hindi-in an inbia a, ka ngaihbel nge chu ka hre lo, chu nu chuan, min lo en leh zeuh ṭhin.
"Kal ang", u Ngaian a tih chuan, ka bu nghat. Ka tukkhum a za mer mer a, ka thau-ah min man ringawt, ka khûr titih lehnghal!
"Venpui, eng nge ni ta?",
"Ka hre lo, u Ngai, ka hlau lutuk", ka kaihza tha a khûr a, ka kal thei tawh lo. Hotel-a awm tura min tih lai khan, lo zawm hle hle ila ṭha tur.
"Hlauh tur a awm lo, i bulah ka awm alawm", a silai pai ruk min hmuh zeuh. Mahse, ka la hlau tho, ka hnung lam ka hawi ngam lo.
Ka hnungah kalin, ka kut a chelh reng tho a, kan kalnaah kan kir leh. Kan chhuahsan fel tih ka hriat rualin, ka thaw huai huai. A hrehawm lutuk, ka ṭang nasa lutuk a, ka ruh te hi a nâ vekin ka hria.
"I ṭha tawh em? Ka tihpalh lutuk, ka hruai che a", ka hnung aṭang min kuah a, ka thla a muang sawt.
"I ṭhianpa chu, a awm em?",
"Awm lo, hmun dangah a awm tawh a", a ti zawi sup a. A beidawnthlak ka ti. Car kan dahnaah kan kal a, a hmalam ke pakhat a lo thep.
"A va zia lo tak", a ti hlak. U Ngaia hnungah ka ding a, kan car ke lo tithep tu chu, ka haw hlur ve ringawt. An vit pawh ni mai lo, an zai thler kher. An va han sual tak.
U Ngaian, "Lawk aw, Car Rental Office ka'n be lawk ang e", a tih mek laiin, ka hnung lam aṭang, ka kâ hupin, motor chhungah min pawt lut!
U Ngaia kawr ka pawt a, mahse, min man hman lo. Ka kâ tape-in an char a, ka hnungah ka kut pahnih an ṭawn bet tlat bawk a, ka ke an la phuar zui.
An hmai an tuam avangin an hmel ka hmu thei lo. Ka phone a rik chuan, bag chawpin tukverhah an paih chhuak daih.
Ka tal vak vak a, pakhat chuan ka hrawkah min rek. A ṭawng bul bul a, ka hrethiam der si lo. Ka thâwk a tawp dawnin ka hria.
Ka mittui a luang ngiai ngiai a, ka mitthlaah u Ngaia a lang zut zut. Min thlah chuan, ka thâw kâwk kâwk. Ka kâ an char tlat avangin, thâwk harsa ka ti lutuk. Boruak ka kham lo lam lek lek.
Kawng sirah dingin, motor dangah kan insawn a. Kan kalna lam tur ka hre lo. Ka tal leh vak a, silaiin min tin nghal!
"I chet leh chuan, kan kap ang che", ti niawm hrimin, a ṭawng thum dut a. A meng sen rum al. In pakhata nu pakhat tirh an nih ka ring ta ngawt, an nih ngei pawh ka ring, kha nu min en dan kha, a dik lo alawm.
Kan tlan hla tial tial a, ka hlau telh telh. Min hruaina tur ka hrechiang lutuk. An hna thawhsak tura min duh a nih ngat chuan!
Ka rilruin u Ngaia ka ko mawlh mawlh. Min lo zawng ngei ngei ang, ka awmna pawh a hre vat ngei ang.
Ka mittui avangin khua pawh, ka hmu tawh lo. Silaiin min tin reng a, min phuar bet tlat bawk nen, ka tal leh vak a nih chuan, min kap duh ngei ngei ang. Thih ka la duh miah lo!
SSP Ngaia pov...
An hruaibona Van-in, number plate a neih loh avangin, a buaithlak lehzual. Venpuii bag ka hmuh chuan, ka chhar vat a, an paih chhuak a nih ngei hi.
A let zawngin an lo tlan lo a, hmalamah an tlan zel tihna. Nawhchizawrhna hmuna an hruai a nih vaih zawngin aw, an nuamsa hauh lo ang le.
"Sir", motor chhungah ka lut nghal a. Kan tlan zel, ka hawi chhuak pah reng bawk. Kawngsira Van ka hmuh chuan, ding turin ka ti a.
Van chu hawngin, ka lipse a, hmeichhe sam zai pakhat ka hmu hlauh, Venpuii sam a nih loh vaih. Van dangah an insawn, hrep tak ah!
Hmalamah an tlan zel nge, an lo tlan let tawh zawk. Ngawi renga dingin ka hawi kual a, ka duh loh dana ka chet a ngai dawn ta tlat.
Shynrang-a awmna hlui panin kan kal a, kawngka tlawh hawng ṭhuaiin, silaiin ka tin nghal. Venpuii awmna ka zawh chuan, a hriat loh thuin min chhang.
Pangpâr khawina bel ka kap a, silaiin ka tin ṭha leh ngat. Venpuii a en dan kha, a dik tawh lo hrim hrim.
"Khawiah nge, ka nupui kha?",
"Ka hre lo, i nupui awmna ka hre lo. Chuan, ka in chhunga luh phalna nei loa in lo luh avangin, ka thinrim khawp mai",
"A tawp nan, khawiah nge ka nupui?",
"I duh chuan min kap thei ang", a tv hun ka kap vak vak. "Sir",
"Inhnamhnawihna i nei ve a nih chuan, dawt min hrilh man nen, êng i hmu leh tawh ngai lo ang", silaiin a lu ka khawng kar kar.
Venpui, khawiah nge maw, an kalpui che le? Lo hlau miah lo la, tu mipa mahin, an khawih che ka remti lo.
"Sir, warrant kan la dawn em?",
"Defence Minister hmu zawk ang".
Uniform ka inthawlh a, he form hnathawh theih ka lantir dawn alawm.
"NSG(National Security Guard-khawchhunga awm ho) lam an inring tawh maw?",
"Aw, Sir",
"Air Force(India Sipai,,Van lama thlawk ho sawina)",
"An inring vek tawh e, Sir",
"Armed Forces(India rama lei lam Sipai ho sawina)?",
"Aw, Sir",
"Navy(India Sipai tui lama awm ho te) leh Police ho?",
"Inring rengin an awm tawh e, Sir", mit chhing vang vangin, Venpuii ka ngaihtuah.
Boruak hip let kâwkin, ka meng a. Mitthiin rilru an nei lo!
Venpuii pov...
"Pasal nei lai maw i nih a, i va la nalh si ve, nula ang mai lawm i nih. Pawisa engzah tak min thawh chhuah sak ang che maw?", ka khabe dawm kangin, min thlêk kual dû dû a. A English thiam chhun chhunin a ṭawng zuah zuah.
A kuhva eina a hâ a sen suah a, Saavdhan India-a kan hmuh ṭhin, hmeichhia te inzuar tura nawrluitunu ang chiah chiah.
Min mantu te nen an inbia a, pawisa chu a surin a sur. Zungbun min phelh sak tum an phelh thei si lo chu, zungbun ka bunna, ka kut zungû min elh sak a.
A nâ lutuk ringawt, chuti chungin ka la bun tho. Ka phelh dawn lo reng reng, tumahin min phelh sak thei lo bawk ang.
An inbiak naa 'North East' an lam rik tel zeuh chuan, ka beng a verh nghal zar. Chutih mek laiin, nui awr awr chungin hmeichhe pakhat hi a lo lut a, Mizo a ang lutuk ringawt.
Min mantu te pawh, pawisa lain an chhuak fel chiah. Chu nu chuan, min lo en a, tu nge ka nih a zawt ni ngei tur a ni.
Min lo pan hnai a, "Mizo i ni em?", fiah fel fai lutuka min zawt chu, ka meng bial kâwk!
"Mak i va ti awm ve?", a nui hak a. A sawi dik chiah, mak ka ti lutuk ringawt. Mizo ni tur chuan, ka ring thei thlawt lo, ka ring phal lo zawk.
"Mizo ka hmuh tawhah chuan, a nalh ber i ni ang a, pasal nei lai an ti che a, i pasal chu a vannei dawn hle mai", a nui sak.
Ka hmai khawih a tum chu, ka lo thle sawn. A nui zui hak, "Nang chu, helai hmuna awm ve tur i ni lo, Hotel lama awm tur i ni. Zan khatah, mi pahnih zel, mi pakhatah, cheng nuai sawmpanga, ṭha dawn lutuk", a nui zui nghal uar uar.
Min râp lutuk ringawt, an thu angin ka awm hauh lo ang. Tu nupui nge ka nih an la hre mai ang.
Kil khatah min awm tir a, ka kâ charna phelh tawh mah se, ka kut leh ka ke erawh an la phuar reng.
Tv an en a, 'Lalzahngaia' an tih ri ka hriat chuan, ka mittui a tla nghal zawih zawih. Min zawng turin, a che chhuak tawh chiang a ni.
"U Ngai, ka nghak reng che nia, hmanhmawh rawh aw", ka rilruin ka ti a. A lo thleng har tawh miah lo ang, lo thleng har thei a ni lo!
Show post links
Top
Chapter-11
Ziaktu: Cck Lalchhuanawmi
Mumbai kan thleng a, film star nih tum te tana hmunpui ber. Vawikhat pian ve manah, Mumbai leilung ka rap ve ta reng mai!
Rin a harsa zawk, mumang emaw tih mai a awl lutuk. Mipui an phu suau suau a, Airport-ah mah, hetiang a nih chuan, Rail Station-ah chuan, mipui engzah tak awm ang maw?
Mumbai kawtthlêr pakhata mihring awm zat hi, Mizorama mipuiin a hen lo an tih ṭhin kha, a dik tak takin ka hria. A bitin an bit alawm.
"Car kan hawh duh ang em?",
"A to lo ang maw?",
"To lo ang, lo kal rawh", taxi-ah chuangin, Showroom pakhat kawtah kan ding a. Rentrip Car Rental a ni nghe nghe.
Travel suitcase(ke nei, lir thei ang chi), Medium kan keng a, kan pahniha thawmhnaw leh, laptop kan khung a. Thawmhnaw kan keng tam lo hrim hrim.
"Khawi Hotel-ah nge i thlen duh?",
"Fantasy deuhah", ka ti a. Khi sukin a bu nghat a. Kan Car hawh man lah chu, min hrilh ve duh si lo. Darkar khatah, engzah nge ni ang aw?
Thimhlima thleng kan ni bawk a, zan boruak chu, a dang awk mai. Glass tihniamin pawn lam ka thlir doh doh a, mipui bitna ber a ni bawk a, mipui ringawt pawh, a hmuhnawm tham.
Traffic jam-ah kan tang a, u Ngaian kan thlenna tur Hotel a phone-ah a en a. Kei erawh, pawn lam hmuhnawm ka ti lutuk.
"Venpui, mask hi vuah teh", mask dum min vuah tir a, ka bengah ka sam chhawllêng a zep ṭha mawlh mawlh.
"I sam hi, hnawk i ti lo em ni, ṭawn daih ang hmiang?", a tih chuan, samṭawn ka keng lo tih ka hre chhuak nghal.
"I keng lo a ni maw?", a tih chuan, ka mit ka chhing sawk. A rawmawl phawrhin, ka sam a ṭawn a. "Tikha chuan, hmuh i nuam sawt", a nui saih a.
U Ngaia pawhin, mask a vuah ve a. Pawn lama ka hawi chhuah leh chuan, mask kan vuah chhan ka hre chiah. Motor khu chu, ṭhahnem tak a ni.
Kan thlenna tur Hotel parking lot-ah, kan car dahin, Hotel chhungah kan lut a. Receptionist Counter hmaah dingin, u Ngaian online-a room a book vek tawh thu te hrilhin, chahbi min pe a.
A hnungah ka kal ve chhet chhet, elevator-ah lutin, u Ngaia ban ka vuan tlat. Elevator(live kan tih, inkhai chho chhukna) hi ka hlau.
Kan room awmna floor kan thlen chuan, a ding chat a, u Ngaian kan suitcase nawrin, ka kut a chelh a. Ka kut a chelh loh lamin, a ban bulah ka vuan.
Room-a kan luh chuan, mask ka phelh a, ka thaw huai thei. "I duh chuan, i mu thei", a ti sup a. A thu ka awih chiang asin, couch-ah ka ṭhu âwn duai a, zawi zawia insiamremin ka mu meng kur.
"I tla ang a asin", min pawm kang a, khumah min nghat. "I rilṭam em?",
"Ṭam ve reng mai", ka ti a. "A nih, intifai zung zung la, ei tur ka lo chah ang", min pawt tho leh a. Suitcase ka hawng rak rak.
Suitcase hmaah ka ṭhu ngawi reng, ka mamawh tur ang ka khung kim ve vek emaw ka tia.
"Ngati nge a?", a lo tih chuan, muangchangin ka en chho, beisei a bo chiang asin.
"Tihpalh", ka ti sap a. A thaw ri hrawih, "I bag la la", a tih chuan, tho vatin ka bag ka la a. Kan ei tur min lo la pe rih lo turin a hrilh leh.
Dawr pakhatah lutin, cart(dawr chhunga kan thil lei dahna tur bawm) khai chi u Ngaia chuan a la a, "U Ngai", amah si chetin ka ding.
"Mask hi, ka phelh thei em? Boruak a thiang tho a", ka ti a. A bu nghat. Phelh ve a tum erawh chuan, ka dang vat thung.
"I phelh ve kher a ngai lo", ka tih chuan, a nui hak. Thikthu te chu, pe chhe ve tak ka ni. A zau phian lehnghal a, bo a awl dawn, cctv lah, kil tinah hmuh tur a awm.
Facewash tih ang reng te, inbualna sahbawn tur nen cart-ah ka dah zel a. Hotel sahbawn ka hmang duh miah lo. Ka facewash te kha, ka keng emaw ka tia.
"Saw saw, a ngai dawn lo em ni?", pads(stayfree) awmna lam min kawhhmuh, a ngai dawn mawni le.
"A la ngai lo ang, ka period zawhna a la rei lutuk si lo a",
"Inven nan a ṭha alawm", a ti a. Amah zawk chu, pads awmna lamah a kal nul nul. Ka zui ve vat tho.
Pads ka hman ṭhin te a lo hre vek, pathum lai a la a, pantyliner panga nen. "Cosmetics Department lamah, insawn leh ila", a tih chuan, ka nui sak.
Cosmetics Department lamah kan kal a, inah ka ngah tho a, a lungdam nan tiin, hnawihsen sen ṭha taaawk pakhat leh, tin hnawihsen sennô ṭha taaawk pakhat ka la a.
"Sam ṭawnna kan la mamawh", chek hlaka a tih chuan, "A ho lutuk, lei a ngai tawh lo, pawisa a uiawm êm mai",
"Heimi tan alawm, hlawh ka neih", a ti sup a. Min kuahin, min kalpui hnak hnak. Ka ṭang duh ta lem bik lo.
Sam ṭawn pakhat lain, ka sam a ṭawn nghal a, a rawmawl chu a ak ṭha leh hmak. Ka sam ṭawnna bakah, pahnih chu a la leh hrâm. Bakilha ka duhzawng en leh turin min ti a, a thu angin ka awm zel mai.
Bakilh pakhat, ka mit la deuh ka hmuh chuan, ka ban thuai a, nui varin u Ngaia lam ka hawi a. Kan bul lawka mi te a lo thlir vawng vawng.
Hmeichhe naupamgtê, kum thum vel ni tur hi, a nu leh pate'n bakilh an kilhsak vel a. A sam an ṭawn kak sak a, a lawmawm reuh lutuk.
Rei pawh en loin, ka hawisawn leh daih. U Ngaia rilruah eng nge awm ka hre lo nain, hrehawm erawh a ti dawn lutuk.
Hman zan khan, a thleng ṭep, mahse, keimah vangin, keimah vang liau liauin, a buai zo ta vek!
"Venpui, i duhzawng i hmu em?", ka dâr a sâwi dat a, ka ken lai chu ka hmuh. "Pakhat chauh maw?", a tih chuan, ka bu zeuh.
"Kal tawh ang", ti sapin, ka kal hmasa a. Ka mittui tlak loh nan, ka khap fap fap. Nghaktu tan hi chuan, a rei mah mah ṭhin.
Dawr kawtah, kan thil lei khaiin ka ding a, car nen ka hmaah lo dingin, "Lo kal rawh le", a tih chuan, ka ṭhu lut vat.
"La lên i la duh em?",
"Ka mut a chhuak", ka ti a. Nui suk chungin min lo en. Ka mut a la chhuak lo nasa, zan lama lên chhuah hi, a nuam zawk dawn mahin ka hria.
Hotel kan thlen chuan, ka inbual a. Bathroom ka luh hmain a endik hmasa thlap. Ka inbual zawh veleh, a inbual ve nghal a.
Bathroom mai bakah, room chhung zawng zawng hi, ka inbual chhungin a lo endik vek ka ring.
Bell a lo rik chuan, ka va hawng a. Bawngsa rim ka hre thei nghal, u Ngaia inbual zo pawh a lo chhuak ve chiah chiah. Chaw kan ei chu, ka mukbang hi a ni ringawt.
"I puar em?",
"Puar lutuk", ka ti sap a. Min tichau, u Ngaian Bawngsa a ei ve miah lo, keima'n ka ei zo vek.
"A nih, muhil daih mai rawh",
"Aw le", ka nuih sun sun a. Ka chal lo fawp zeuhin, a âwmah min kuah bet a. Ka mit ka chhing a, ka puar bawk nen, mut chhuakin min zem chiai chiai nghal.
Zinga ka harh chuan, u Ngaia a lo mu tawh miah lo. Tho thuaiin ka zawng a, tukverh bulah a lo ding vang.
A kekawr ipteah, a kut pahnih a zen lut a, a inngaihtuah nasa tih a hriat. Hnaih duh loin, khum lamah ka phei leh a, ka inthlak nghal zung zung.
Zing dar ruk chauh a la ni a, a tho hma ṭhin tih chu ka hria. Mahse, tun erawh, a muthilh ka ring miah lo, a tlaivar a ni ngei ang.
A tawpah, ka va pan ta nge nge, a hnung lam aṭang ka kuah a, a hmalamah min kuah phei thuai.
A hnung ka beng thek thek a, a lûngphu ri ka ngaithla a, hlauhna phu ri a ni! A hlauthawng takzet a ni.
A ngaihtuah nia ka rin chu, a ṭhianpain a puih lo duh lo ta se emaw, a ṭhianpa chu, hmuh tur awm loin, hmun dangah lo kal leh daih ta se.
Mahse, Police a nia, a awmna a chhui vek thei dawn a, Mumbai-ah hian a awm ngei tihna a ni phawt ang.
"Tah hian, lo awm zawk ta che, i lo kal ve ka duh chiah lo",
"Ka lo kal ve duh, hlauhawm lo tawng palh ta la, chhan tur chea ka awm a ngai alawm", ka ti a. A nui nghawr dat. Amah chauha kal tir ka duh lo reng reng.
Kan inkhalh chhuak leh ta a, kan kalna lam ka hre miah lo. A ṭhianpa awmna lam a nih ka ring tawp ringawt.
Ka ring dik e, u Ngaia chu a thaw hawk a, ka kut lo vuanin, "Mask kha phelh miah suh aw", a ti a. Ka bu nghat. Amah pawhin, a vuah ve tlat.
Hmeichhia an intlar phut a, Mizo ang deuh deuh te ka hmu lehnghal. Chhun pachangah pawh, hetiang hi nia, zan lamah phei chuan, ka ngaihtuah ngam lo.
U Ngaian min chelh tlat a, amah ai mahin, keimah zawk hian ka chelh nghet. Ka bo ka hlau.
A ṭhen chu, an pindan aṭang tea lo inzui chhuak te an awm a, inzui lut mek te pawh, zu rim lah, a nam chum chum.
Min en hrek hrek hlawm a, mak an tih vanga min en nge an nih a, min beisei vanga min en an nih pawh, ka thliar thiam lo.
In pakhat hi kan thleng a, helai hmun erawh, tlemin a reh deuh. A class sâng deuh awmna a nih ka ring ringawt, a chhan chu, inzui lut leh lo inzui chhuak an awm ve tho.
Kum upa tawh lam, nu pakhat hian kawngka a lo hawng a. U Ngaia nen Hindi-in an inbia a, ka ngaihbel nge chu ka hre lo, chu nu chuan, min lo en leh zeuh ṭhin.
"Kal ang", u Ngaian a tih chuan, ka bu nghat. Ka tukkhum a za mer mer a, ka thau-ah min man ringawt, ka khûr titih lehnghal!
"Venpui, eng nge ni ta?",
"Ka hre lo, u Ngai, ka hlau lutuk", ka kaihza tha a khûr a, ka kal thei tawh lo. Hotel-a awm tura min tih lai khan, lo zawm hle hle ila ṭha tur.
"Hlauh tur a awm lo, i bulah ka awm alawm", a silai pai ruk min hmuh zeuh. Mahse, ka la hlau tho, ka hnung lam ka hawi ngam lo.
Ka hnungah kalin, ka kut a chelh reng tho a, kan kalnaah kan kir leh. Kan chhuahsan fel tih ka hriat rualin, ka thaw huai huai. A hrehawm lutuk, ka ṭang nasa lutuk a, ka ruh te hi a nâ vekin ka hria.
"I ṭha tawh em? Ka tihpalh lutuk, ka hruai che a", ka hnung aṭang min kuah a, ka thla a muang sawt.
"I ṭhianpa chu, a awm em?",
"Awm lo, hmun dangah a awm tawh a", a ti zawi sup a. A beidawnthlak ka ti. Car kan dahnaah kan kal a, a hmalam ke pakhat a lo thep.
"A va zia lo tak", a ti hlak. U Ngaia hnungah ka ding a, kan car ke lo tithep tu chu, ka haw hlur ve ringawt. An vit pawh ni mai lo, an zai thler kher. An va han sual tak.
U Ngaian, "Lawk aw, Car Rental Office ka'n be lawk ang e", a tih mek laiin, ka hnung lam aṭang, ka kâ hupin, motor chhungah min pawt lut!
U Ngaia kawr ka pawt a, mahse, min man hman lo. Ka kâ tape-in an char a, ka hnungah ka kut pahnih an ṭawn bet tlat bawk a, ka ke an la phuar zui.
An hmai an tuam avangin an hmel ka hmu thei lo. Ka phone a rik chuan, bag chawpin tukverhah an paih chhuak daih.
Ka tal vak vak a, pakhat chuan ka hrawkah min rek. A ṭawng bul bul a, ka hrethiam der si lo. Ka thâwk a tawp dawnin ka hria.
Ka mittui a luang ngiai ngiai a, ka mitthlaah u Ngaia a lang zut zut. Min thlah chuan, ka thâw kâwk kâwk. Ka kâ an char tlat avangin, thâwk harsa ka ti lutuk. Boruak ka kham lo lam lek lek.
Kawng sirah dingin, motor dangah kan insawn a. Kan kalna lam tur ka hre lo. Ka tal leh vak a, silaiin min tin nghal!
"I chet leh chuan, kan kap ang che", ti niawm hrimin, a ṭawng thum dut a. A meng sen rum al. In pakhata nu pakhat tirh an nih ka ring ta ngawt, an nih ngei pawh ka ring, kha nu min en dan kha, a dik lo alawm.
Kan tlan hla tial tial a, ka hlau telh telh. Min hruaina tur ka hrechiang lutuk. An hna thawhsak tura min duh a nih ngat chuan!
Ka rilruin u Ngaia ka ko mawlh mawlh. Min lo zawng ngei ngei ang, ka awmna pawh a hre vat ngei ang.
Ka mittui avangin khua pawh, ka hmu tawh lo. Silaiin min tin reng a, min phuar bet tlat bawk nen, ka tal leh vak a nih chuan, min kap duh ngei ngei ang. Thih ka la duh miah lo!
SSP Ngaia pov...
An hruaibona Van-in, number plate a neih loh avangin, a buaithlak lehzual. Venpuii bag ka hmuh chuan, ka chhar vat a, an paih chhuak a nih ngei hi.
A let zawngin an lo tlan lo a, hmalamah an tlan zel tihna. Nawhchizawrhna hmuna an hruai a nih vaih zawngin aw, an nuamsa hauh lo ang le.
"Sir", motor chhungah ka lut nghal a. Kan tlan zel, ka hawi chhuak pah reng bawk. Kawngsira Van ka hmuh chuan, ding turin ka ti a.
Van chu hawngin, ka lipse a, hmeichhe sam zai pakhat ka hmu hlauh, Venpuii sam a nih loh vaih. Van dangah an insawn, hrep tak ah!
Hmalamah an tlan zel nge, an lo tlan let tawh zawk. Ngawi renga dingin ka hawi kual a, ka duh loh dana ka chet a ngai dawn ta tlat.
Shynrang-a awmna hlui panin kan kal a, kawngka tlawh hawng ṭhuaiin, silaiin ka tin nghal. Venpuii awmna ka zawh chuan, a hriat loh thuin min chhang.
Pangpâr khawina bel ka kap a, silaiin ka tin ṭha leh ngat. Venpuii a en dan kha, a dik tawh lo hrim hrim.
"Khawiah nge, ka nupui kha?",
"Ka hre lo, i nupui awmna ka hre lo. Chuan, ka in chhunga luh phalna nei loa in lo luh avangin, ka thinrim khawp mai",
"A tawp nan, khawiah nge ka nupui?",
"I duh chuan min kap thei ang", a tv hun ka kap vak vak. "Sir",
"Inhnamhnawihna i nei ve a nih chuan, dawt min hrilh man nen, êng i hmu leh tawh ngai lo ang", silaiin a lu ka khawng kar kar.
Venpui, khawiah nge maw, an kalpui che le? Lo hlau miah lo la, tu mipa mahin, an khawih che ka remti lo.
"Sir, warrant kan la dawn em?",
"Defence Minister hmu zawk ang".
Uniform ka inthawlh a, he form hnathawh theih ka lantir dawn alawm.
"NSG(National Security Guard-khawchhunga awm ho) lam an inring tawh maw?",
"Aw, Sir",
"Air Force(India Sipai,,Van lama thlawk ho sawina)",
"An inring vek tawh e, Sir",
"Armed Forces(India rama lei lam Sipai ho sawina)?",
"Aw, Sir",
"Navy(India Sipai tui lama awm ho te) leh Police ho?",
"Inring rengin an awm tawh e, Sir", mit chhing vang vangin, Venpuii ka ngaihtuah.
Boruak hip let kâwkin, ka meng a. Mitthiin rilru an nei lo!
Venpuii pov...
"Pasal nei lai maw i nih a, i va la nalh si ve, nula ang mai lawm i nih. Pawisa engzah tak min thawh chhuah sak ang che maw?", ka khabe dawm kangin, min thlêk kual dû dû a. A English thiam chhun chhunin a ṭawng zuah zuah.
A kuhva eina a hâ a sen suah a, Saavdhan India-a kan hmuh ṭhin, hmeichhia te inzuar tura nawrluitunu ang chiah chiah.
Min mantu te nen an inbia a, pawisa chu a surin a sur. Zungbun min phelh sak tum an phelh thei si lo chu, zungbun ka bunna, ka kut zungû min elh sak a.
A nâ lutuk ringawt, chuti chungin ka la bun tho. Ka phelh dawn lo reng reng, tumahin min phelh sak thei lo bawk ang.
An inbiak naa 'North East' an lam rik tel zeuh chuan, ka beng a verh nghal zar. Chutih mek laiin, nui awr awr chungin hmeichhe pakhat hi a lo lut a, Mizo a ang lutuk ringawt.
Min mantu te pawh, pawisa lain an chhuak fel chiah. Chu nu chuan, min lo en a, tu nge ka nih a zawt ni ngei tur a ni.
Min lo pan hnai a, "Mizo i ni em?", fiah fel fai lutuka min zawt chu, ka meng bial kâwk!
"Mak i va ti awm ve?", a nui hak a. A sawi dik chiah, mak ka ti lutuk ringawt. Mizo ni tur chuan, ka ring thei thlawt lo, ka ring phal lo zawk.
"Mizo ka hmuh tawhah chuan, a nalh ber i ni ang a, pasal nei lai an ti che a, i pasal chu a vannei dawn hle mai", a nui sak.
Ka hmai khawih a tum chu, ka lo thle sawn. A nui zui hak, "Nang chu, helai hmuna awm ve tur i ni lo, Hotel lama awm tur i ni. Zan khatah, mi pahnih zel, mi pakhatah, cheng nuai sawmpanga, ṭha dawn lutuk", a nui zui nghal uar uar.
Min râp lutuk ringawt, an thu angin ka awm hauh lo ang. Tu nupui nge ka nih an la hre mai ang.
Kil khatah min awm tir a, ka kâ charna phelh tawh mah se, ka kut leh ka ke erawh an la phuar reng.
Tv an en a, 'Lalzahngaia' an tih ri ka hriat chuan, ka mittui a tla nghal zawih zawih. Min zawng turin, a che chhuak tawh chiang a ni.
"U Ngai, ka nghak reng che nia, hmanhmawh rawh aw", ka rilruin ka ti a. A lo thleng har tawh miah lo ang, lo thleng har thei a ni lo!
Show post links
Top
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
I Ninawm
Chapter-12
Ziaktu: Cck Lalchhuanawmi
An chaw min pek ka ei duh lo a, tui pawh ka in duh lo. Ka zun a chhuak êm êm a, ka tâi a nâ vek tawh.
Ni khat chauh la ni mah se, ni sângkhat ang vel a ni. Min phuarna an phelh duh lo a, chhuatah ka mu hlawm reng mai.
An ṭawng bul bul reng a, khi ṭhawin min lo en leh zeuh ṭhin. Min dah ṭha ni-ah ka ngai tawh, Hotel an sawi ri reng bawk a. An sawi zawng zawng hrethiam vek lo mah ila, Hotel-a min dah an duh fur hlawm.
"Bathroom hman i duh em?", hawi sawnin, ka chhang duh lo. Bathroom hman ka ngai tawh lutuk ringawt, mahse, ka intiluhlul ve tlat thung.
"Lo kal rawh", ka ke phuarna phelhin min kaitho a, min kalpui hlawk hlawk. Ka kut phelh lehin, "Tlan chhuah tum hlek suh ang che", a ti a.
Bathroom-ah min nam lut a, intiluhlul tlat thei ka ni ta bik lo. Rim chhe viau mah se, Ka zung a, ka thawl hawk. Ka zun zawhin ka hawi kual a, âwng pakhat mah a awm lo.
Ka hmai ka phih a, ka kut zungû nâin min tur ut ut a, a vung lian tawh lehnghal. Zungbun phelh theih pawh a ni tawh lo.
"Thuawih deuha i awm chuan, a nuam i ti zawk ang. Pawisa lah a tam a, putar ho mai mai awmpui te chu, a har lo. Chu bakah, an daih rei ngai chuang lo",
"Pawisa ka chang ve dawn chuang hleinem", ka tih chuan, a nui sak. Lo kun hniamin, ka mitah tak a en a, "Chu, inremsiam i duh deuh tihna ni maw?",
"Chutiang a thleng ngai lo ang", ti ram hmakin, ka hawi sawn a. Inremsiamna dukdak lo lutuk, ka inremsiampui ngai hauh lo ang.
"Pasal nei lai ni lo ta la, i duh tho ang em? Mizo ka thlêm tawh ho hi chuan, min hnar ngai lo asin",
"Pasal nei lai ni lo pawh ni ila, ka hnar tho ang che. Mizo ka thlêm tawh i tih ho pawh chu, Mizo an ni lo. Chutiang bawkin, nangpawh Mizo i ni lo",
"I chiang maw?",
"Nangni, Mizo pawh ni lo, State danga awm, Mizo ṭawnga in ṭawng theih avang ngawta inti Mizo-a, in inzuar ṭhin avang hian alawm, Mizo nula tam takin an tawrh ṭhin", a mita en kar chungin, ka ti ve sak a.
North East lam hi chu, kan inan êm avangin, Mizo tak tak ni lo pawhin, "Mizo ka ni", inti mah sela, an chhui tak tak ngai si lo. Hei vang hian, Mizo dik tak ho, kan mualphona a ni ṭhin.
"Dawt i sawi thiam hle mai, thil hrechiang loin i sawi ngawt a, Mizo tam tak, ka puihna hmanga pawisa thawk chhuak an tam asin",
"Ni lo e, ka ring lo che, ka ring ngai lo ang che",
"A ṭha lawm, i thu vek a ni e, mahse, North East ho chu, ṭangrual tur kan nia, inpuitawn vek tur kan ni",
"Sual lam kawnga kal tura inpuih hi, a ṭhatna ka hre ve lo e", ti ram leh hmakin, ka hawisawn a.
A insawithiam ka ti mai, a insawithiamna min hrilh leh zut zut a, ka chhang lo a, ka ngaithla liam mai mai tawh thung.
Mizo ṭawng âwl lutuk hi, a neitu Hnâm te hian kan tuar nasa lutuk. Mizo an inti ringawt a, kan hmaifang te lah, a inang tlang bawk nen.
'Mizo' 'Mizo' tih a nih vek tawh avangin, kan tih ni lo puiah, kan hming a chhia a. Mizoram pawna lehkha zir emaw, hnathawka awm te emawin an tuar chu sawi loh, Mizoram pawna awm miah lo te pawh, rinhlelhna mitin min en ṭhup lehnghal!
Kil khatah ngawi rengin ka ṭhu a, ka kut leh ke an phuar tawh êm lo. Tui in tur min chhawp sak lah chu, a nawi êm êm a. Ei tur min pek lah, paratha per hnih chauh, pân tak a ni, a hlai ṭha bawk si lo.
Ei tur min pek hnar thei mah ila, tui erawh ka hnar thei ṭhin ngang lo. Lei bela an tui dah chu, nawi viau mah se, ka in leh nge nge zel.
Zan a inṭan leh ṭan a, he zan hi a ral leh a nih chuan, ni hnih a ni dawn ta! "Eng nge i lo an?", nui varin a ti a. Mizo a ni lo hi, ka lawm.
Mimi a inti ngei a, amah avangin Mimi tih hming pawh, ka haw hlur tawh. An titi siam siam a, an nui leh vak vak ṭhin. Tv an off bawk si lo, bengchheng tak a ni.
Chutah, "Police, Police", tiin, mipa pakhat a lo au a. Ka hawi chhuak rang lutuk. "U Ngaia", ka ti zawi sap a. A lo thleng tawh a ni hrim hrim ang.
An phi chung hlawm a, min ngaihsak loa an lan avangin, petek dan tur ka ngaihtuah nghal ve vat bawk.
Mimi chauh a awm tihah, a samah ṭham thutin, chhuatah ka phih thlu a, ka tlan chhuak nghal vawn vawn.
Pawnah pawh, an phi chung hlawm a, Police ho man chu, an hlau ni ngei tur a ni. An hlau a nih chuan, hetiang hna ṭawp lutuk hi, thawh loh mai tur a nia.
A ruk thei ang berin ka tlan a, a changin, room-ah te, ka biru leh rih. Mimi khan, min man turin a hrilh vek tawh ang.
In aṭang ka chhuak a, Police siren ri ka hre phak tawh, a êng sen vâ vâ a, a vir kual ngai ngai mai bawk. Ka thla a muang huai huai tawh a, mahse, bihruk ka la ngai tih ka hria.
"Sawta saw", tih ri ka hriat rualin, ka hma lamah ka tlan ringawt. Ka tawk zawngin, Police an lo tlan tih ka hre bawk a, ka tha tawpin ka tlan ngar ngar.
Police ho nen, kan intawk ṭep tihah, ka veilam aṭang min pawt thut a, ka kâ hup nghalin, ka kut pahnih ka hnungah an khirh nghal.
Motor hi a lo tlan nghal a, Mimi-i ka hmuh chuan, ka ke ka lêng vak vak. Ka kut leh ke phuarin, ka kâ tape-in an char leh a.
Chak mangkhengin an tlan chhuak nghal a, Police motor lo tlan hmasa bera u Ngaia ka hmuh chuan, ka au vak. Ka lu puanin an khuh bo nghal.
Ka tal vak vak a, ka theihna zawng zawng sawm khawmin ka au vak. Mahse, âw reng reng a chhuak thei lo!
Puana min khuh avangin, duh angin boruak a hip ṭhat theih si loh, ka thâw kâwk kâwk. Ka awm lo tih a hriat a, u Ngaia mangan dan tur ringawt ka ngaihtuah.
Min khuhna puan hlipa, ka kâ an charna tape an lak thlak chuan, ka kâ leh hnarin boruak hip lutin, ka thaw vak vak.
"Kan awmnaa an lo kal ka ring lo asin le, mahse, kan vannei tho e. Hotel-ah lah kan kal thei lo a, engtin nge ni ang aw? Ni tak, Dubai lamah, Asia hmeichhia tawh phawt an duh thu min lo hrilh a, chu lamah kal zawk la, a ṭhat ka ring", ngeiawm zet hian a nui zui a.
Rapthlak ti zetin ka melh rawm rawm, hmeichhia angin ka chhal thei lo. A hmeichhiatpui ngei chungah, nunrawng takin a che a.
Laizâwn a nei ve ngei awm sia, a laizâwn chungah, midangin min tih angin ti ve ta sela, a enliam theih ka ring miah lo.
Hmun tinah, Police uniform ha hmuh tur an awm a, Police uniform lo pawh, uniform ha an tam lutuk ringawt.
Motor an check pah reng a, chuvangin, keini pawh kan tlan chak thei bik lo. Min check hun a thleng a, min thukru dawn emaw ka tih laiin, min thukru miah lo.
Police pakhat hi a lo kal a, Mimi a hmuh chuan, "Aww, Madam ji", nui sângin a ti a. Motor chhung lam lo bihin, min hmu a, Hindi-a Mimi biain, Mimi-in Dubai a lam rik chuan, ka hrethiam ta chiah.
Police ho nen paw'n an lo ṭangrual vek tihna, kal turin Police pa chusn a ti a. A hmel ka chhinchhiah kar, nakinah, u Ngaia ka la hrilh vek ang.
"Sawi tur te i nei em?", Mimi-in a tih chuan, ka hawisawn hmak. A nui zui hak a, "I pasal chu ka khawngaih hle mai, mi naran ve mai a ni ang maw? Fa te in neih tawh phei chuan, a pawi ngawt mai. Mahse, lungngai miah suh, an inenkawlna tur, pawisa kan thawn ve zel dawn nia", a ti nuah nuah.
A nui ri te chuan, ka thau-ah min man. Ka pasal mi naran te a ti a, second rei lo tê chhunga, a taksa kap darh vek thei a ni tih hre ngat se chu, a inluling hauh lo ang.
Night club pakhatah min luhpui a, ka lu a puak thei takngial dawn. Room pakhatah min nam lut a, ka kut leh ke an phuarna phelhin, min chhuahsan hlawm a. Pawn lam aṭang an kalh hmak.
Bengchheng ka la hre thei tho, a rimchhe êm êm bawk a, ka u zing tho rim aiin, a chhe zawk.
Min phuarna a thak lutuk chu, ka hiat mawlh mawlh. Ka kut zungû vûng pawh, a zia ta deuh naa, min la tur ut ut tho. Hei te zawng, engmah a ni lo.
Chu ai chuan, u Ngaian min zawng hmu thei lo ang tih mawlh ka hlau, Police hoah pawh, rinawm lo tak tak an awm si a, an awm ṭeuh ngei ang.
U Ngaia pui anga awm a, pui hauh si lo, u Ngaia pawhin a hriat theih miah loh, an kat nukin ka ring.
"Ka ngai tawh lutuk che", zungbun ka fawp zeuh. Kawngka a lo inhawng a, Mimi leh mipa pakhat lo lutin, min kâwk a.
Chupa chuan, min thlêk vawng vawngin, a nui suk a, a bu nghauh nghauh. "Dubai kal hmain, test kan nei lawk ang", ka lu khawiha Mimi-in a tih chuan, tho lawkin, a biangah ka beng chawrh.
Thinrim alin min en a, "Nang hi, min beng ngam elaw? I hre-",
"Ka ben(beng) ngam lohna tur che ka hre lo, kha ai nâ pawhin ka la beng zel ang che. Tu-ah nge i inngaih, hmeichhe ropui takah maw, hmeichhe laktlak loh ber leh, hmeichhe timualpho tu i nih kha', ka ti hlak hlak a.
Insehruh ṭeuh chunga, min ben ve tuma a kut a lek chu ka lo man hman. "Tunah tak hi chuan, ka kutah i awm tih theihnghilh reng reng suh ang che", a ti hlak.
"Ka chhuahsan ang che, a vawikhatna nia, a vawikhatna ho enkawl dan chu, i thiam êm kha", Mimi chu ka nam dawrh.
Chupa chuan min lo pan a, a khi ṭhaw zui, ka ten lutuk. Dul kiar luah, khabe hmul buk si, dum si, ka ten tih bakin ka sawi thiam lo.
"Min hlau suh", a nui var a. Ka hnungah ka tawlh zel. "Ka chhuak e", Mimi-in a tih chuan, "Min khawih hauh lo ang, tumahin min khawih lo ang, Ngaia hmeichhia ka nih hi, Ngaia bakin tumahin min khawih lo ang", ka hmaa dingpa chu, ka kut zungchal hmuhin, ka au tawn tawn a.
"A tawk ta khawp mai, engmah ni si loin i inla ngeng ve êm êm a tiraw?", Mimi-in, banga min nawr beh chuan, ka tha tawpa namin, a tawpah, ka nam sawn lâwp.
"Ka sawi kha, Ngai hmeichhia ka nih hi, ka pasalin a la man khawp ang che", ka hmaa ding ngawi rengpa chu enin, "In vaiin a la man dawn che u", ka ti fiak ṭhak.
"Eng maw i sawi, tu hmeichhia maw i nih?", mi pakhatin a lo ti lut. A hmel chu, a rorum a, make-up vang leh, thawmhnaw vang chauha hmeichhia anga lang thei ve mai a ni tih, a hriat. Mahse, a âw erawh a sin thung bawk si.
"Tu hmeichhia maw i nih?", a ti leh. Mimi chu thoin, "Nakinah chuan, mipa sâng tam tak hmeichhia a la ni dawn alawm",
"Chhuak r'u",
"Eng maw?",
"Chhuak rawh u ka ti", a ti vin ṭhawt a. Mimi leh a lo hruai luhpa chu an chhuak a. Kan pahnihin kan inhmachhawn ta ran.
"Han sawi leh teh, tu hmeichhia maw i nih?",
"Ngaia, Lalzahngaia hmeichhia", ka ti a. Ka hlau duh bik ṭhak lo, hlau tur pawh ka ni lo. Anmahni zawkina min hlau turin ka duh.
"Baby, ka bag ka lo la lawk aw", Mimi-in a tih chuan, ka meng phar kâwk. 'Baby' tih chu, u Ngaia ṭhianpa a ni thei mai ang em?
"I ni em?", ka ti thlarawk. "Tu maw?", a lo ti a. "Baby tih kha, i hming a ni lo", ka ti a. "Engtin nge i hriat?",
"Khasi i ni tiraw?",
"Engtin nge i hriat? Ngaia hmeichhia maw i nih, Lalzahngaia, IPS hi maw?", a tih chuan, ka bu nghauh nghauh.
Chhuatah a ṭhu thla hnawk, amah ngei a ni. A sam vuah a la thla a, a lu chu, mipa sam meh dan dik tak a ni.
"Hruai tur chein kan lo kal asin", a bula ṭhingṭhi thlain ka ti a. "A ngaihtuah thei lutuk che, a rilruah i awm reng a, 'ka dang zo lo' ti ṭhinin, a rilru a hah thei lutuk, a ṭhian neihchhun bakah, a unaupa i ni asin", ka ti dap dap a.
A mittui luangin, "A theih loh, chutiang chuan a ti lo ang", a ti a. A hmai hupin, a ṭap khûr zawih zawih.
"A lo kal tak tak maw?", ṭap ṭuaua a tih chuan, ka bu nghat nghat. A hmai cheina chuan, hmuh tlak loin a chiah nuaih.
A bag hawngin, tissue ka zawng a. La chhuakin ka pe a, a hmai a hrufai mawlh mawlh.
"Ngaia chu, a lo kal tak tak maw? Min ngaihtuah ṭhin tak tak em ni?",
"Kal tak tak e a, i number aṭanga chhui chein, i awmna a ngaihven reng zel alawm",
"Tak tak maw?", a ti leh. Ka khawngaih lutuk ringawt. A pianphung engkim mipa a ni a, a âw erawh, hmeichhia a ni thung. A rilru mipa vek a ni a, a âw vang chauhin a ni, mipa nih tir thei lo tu chu.
"He lai hmun aṭang hian chhuak ang",
"Ka chhuak thei tawh lo",
"Engvangin maw? I chhuak thei, i duh hun hunah i chhuak thei alawm, mipa i nih kha, tumahin an dang thei lo che",
"Ni lo, ka chhuak thei lo, mipa ka ni lo, mipa ka ni lo", ti bah nawk nawkin, ṭap chungin room aṭang a tlan chhuak a, pawn lam aṭang a la kalh daih zui.
Kawngka sâwi dat datin, ka chum a, chhangtu reng ka nei lo. Kawngka nghengin ka ṭhu thla riai riai, beiseina kâwl a êng ṭan tawhah ka ngai a, mahse, Ruahthimpui inṭanna lek fang a ni zawk si!
Engtin nge ka awm zel ang, Dubai lamah ka thleng thla dawn nge, engtin nge ka awm zel dawn ni maw? "U Ngai", ka ṭap chhuak hawm hawm a.
A bengchheng lutuk a, tumahin min hre thei dawn chuang lo. Night club tih takah, anmahni buai buaiin an buai dawn a.
U Ngaian, Night club lo enna chang han hre hlauh sela aww!
SSP Ngaia pov...
Bang ka kap vak vak a, silai mu a zawh chuan, bangah ka vawm ṭhuai, a keh sawm vek a.
Ka hmai tuai puatin, boruak ka hip let kâwk. Hetah pawh a awm lo, he khawpui zau lutuk khawilai emaw berah hi chuan, a awm ngei ngei ang, awm ngei tur a ni.
"Sir, Chennai lamah chuan, North East lam an awm lo",
"Sir, Navy lamin, Tuipuiah ramdanga hruai tum lawng an man a, North East pathum an awm, thlalak min lo thawn", ka en a. Venpuii a awm lo.
Aww, Venpui, khawiah tak chuan, awm che maw? I hlau awm si a, ka lainat chein, ka bei a va dawng ta si êm!
"Sir, hmeichhe naupang zathum lai, chhanchhuah an ni",
"Sir, NSC lam nen",
"Sir, Navy lam nen bawk",
"Sir, North East an awm lo",
"Sir, Nagpur Police Station",
"Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir",
"A tawk, a tawk, chawl lawk ang, minute khat, minute khat chauh, min chawlhtir teh u", ka kalsawn a.
Ka thluak a puak mai dawn, tui bottle lain ka lu ka leih a, tlemin ka zia ta deuh. Leiah ṭhu thlain, tui ka in khawlh khawlh a.
Ka khawchhung a sâ pup pup a, ka âwm lah, hnawhtu awm ang maiin, a tâwt reng mai bawk.
Khua a var a, ka hna a muan(muang) ṭum ber a ni ang. Mahni nupui pawh, ka zawng hmu vat thei lo chu a nia, nep lutuk.
"Aw, ka pa?",
"Khawiah nge i awm? Venpuii kan be tlang thei miah lo a, a dam ṭha em?",
"A phone kan siam tir a, Ngaihtuah a ngai lo e",
"Hnaa i buai lai a ni sia, Venpuii tan a hlauhawm lutuk ang, lo haw tir mai ta che",
"Ka lo ngaihtuah ṭha dawn nia", phone ka off a. Hlauhawm a hmachhawn tawh reng si a, dawt ka sawi phah ringawt.
Hre chhuak ta thut mai se, engtin tak min ti ang maw? "Hello, long lost brother", ka hawi chhuak a.
Ka hmaa ding ka hmuh chusn, ding chhuak nghal vatin, silaiin ka tin nghal. "Ṭhian hlui, min lo lawm dan chu le",
"Nangmah vangin, ka nupui nun derthawngah a awm, nangmah vangin",
"Nupui a? Nupui i nei tawh maw? Ngati nge, min hrilh ve loh?",
"A awmna i hria em?", a lu a thing nawk nawk. Hmeichhe thuam a inbel a, a sam te chu, a zuah sei nge mawni?
"Mumbai-ah hian, hnathawk turin em ni i lo kal, nge thildang vang zawkin?",
"Hnathawk turin ka lo kal, hnathawk tur chauhin", amah vanga kal ka ni tih, ka hrilh hre hauh lo ang.
A hnual nghal rawihin ka hria, "Hnathawk tura lo kal i nih chuan, thawk mawlh rawh, hlawhtling ngei bawk ang che",
"Shynrang",
"Silaiin min tin reng a, ka hlau che, ka kal tawh mai ang", a nui sak a. "Ngaia, ka awt ṭhin ngawt mai che", tiin, a inher a.
Ka kut ka dahthla riai riai, chhanchhuah pawh a ngaiin ka hre lo. Amah aiah, Venpuii chhan chhuah ngaiin a la awm zui.
"Sir, hmu duh che an awm",
"Lo kal tir rawh",
"That rawh, that vek rawh, that chimit vek amg che. Ka fanu ru boin, an hralh a, ram danga hruai tuma an kalna lamah, thatin, tuiah an paih a. Ka fapain phuba la tura Police-a inziak tlingin, ani pawh, an that a.
Misual ho hi, that hmiah hmiah rawh, ui reng reng suh ang che. Ka fa te sûn reng rengin, ka nupui a boral phah a.
Kum sawmkua ka ni tawh, anni ho thah châkin, ka thisen hi a la lum pap pap thei. Hmeichhia te zuara hralhin, sumdawn nan an hmang a. An nawm an makin an cheibawl ṭhin bawk.
I chungah rinna ka nghat e, i ti ta sa sa, a tawp thlengin, ṭang ang che. Thil pakhat leh, Night club ang te hi, en chhuak vek rawh.
Misual i hmuh tawh phawt chu, that zel ang che. Man mah la, an chhuak leh zel tho ang. Anni ho hremna ṭha ber chu, thah hmiah zel kha a ni.
An thisen mawh leh, i thah man chu, keima'n ka tuar ang. Pawi tihna ka nei lo, misual ho hi, ka fa te min thah sak tu te chungah, phuba min lak sak rawh.
Ka nuipui, hrehawm taka boral tirtu te chungah, phuba min laksak rawh, that vek ang che", min kuah a. A rum ṭuah ṭuah.
Tiang rinchhanin a kal ve ṭawk ṭawk tawh a, a lu pawh, a ṭuak var vek tawh. Chuti chung chuan, a thisen a la lum thei!
Phuba la turin min ti a, ka la khawp ang. Phuba la tura thawk chhuak lawm ka nih.
Show post links
Top
Chapter-12
Ziaktu: Cck Lalchhuanawmi
An chaw min pek ka ei duh lo a, tui pawh ka in duh lo. Ka zun a chhuak êm êm a, ka tâi a nâ vek tawh.
Ni khat chauh la ni mah se, ni sângkhat ang vel a ni. Min phuarna an phelh duh lo a, chhuatah ka mu hlawm reng mai.
An ṭawng bul bul reng a, khi ṭhawin min lo en leh zeuh ṭhin. Min dah ṭha ni-ah ka ngai tawh, Hotel an sawi ri reng bawk a. An sawi zawng zawng hrethiam vek lo mah ila, Hotel-a min dah an duh fur hlawm.
"Bathroom hman i duh em?", hawi sawnin, ka chhang duh lo. Bathroom hman ka ngai tawh lutuk ringawt, mahse, ka intiluhlul ve tlat thung.
"Lo kal rawh", ka ke phuarna phelhin min kaitho a, min kalpui hlawk hlawk. Ka kut phelh lehin, "Tlan chhuah tum hlek suh ang che", a ti a.
Bathroom-ah min nam lut a, intiluhlul tlat thei ka ni ta bik lo. Rim chhe viau mah se, Ka zung a, ka thawl hawk. Ka zun zawhin ka hawi kual a, âwng pakhat mah a awm lo.
Ka hmai ka phih a, ka kut zungû nâin min tur ut ut a, a vung lian tawh lehnghal. Zungbun phelh theih pawh a ni tawh lo.
"Thuawih deuha i awm chuan, a nuam i ti zawk ang. Pawisa lah a tam a, putar ho mai mai awmpui te chu, a har lo. Chu bakah, an daih rei ngai chuang lo",
"Pawisa ka chang ve dawn chuang hleinem", ka tih chuan, a nui sak. Lo kun hniamin, ka mitah tak a en a, "Chu, inremsiam i duh deuh tihna ni maw?",
"Chutiang a thleng ngai lo ang", ti ram hmakin, ka hawi sawn a. Inremsiamna dukdak lo lutuk, ka inremsiampui ngai hauh lo ang.
"Pasal nei lai ni lo ta la, i duh tho ang em? Mizo ka thlêm tawh ho hi chuan, min hnar ngai lo asin",
"Pasal nei lai ni lo pawh ni ila, ka hnar tho ang che. Mizo ka thlêm tawh i tih ho pawh chu, Mizo an ni lo. Chutiang bawkin, nangpawh Mizo i ni lo",
"I chiang maw?",
"Nangni, Mizo pawh ni lo, State danga awm, Mizo ṭawnga in ṭawng theih avang ngawta inti Mizo-a, in inzuar ṭhin avang hian alawm, Mizo nula tam takin an tawrh ṭhin", a mita en kar chungin, ka ti ve sak a.
North East lam hi chu, kan inan êm avangin, Mizo tak tak ni lo pawhin, "Mizo ka ni", inti mah sela, an chhui tak tak ngai si lo. Hei vang hian, Mizo dik tak ho, kan mualphona a ni ṭhin.
"Dawt i sawi thiam hle mai, thil hrechiang loin i sawi ngawt a, Mizo tam tak, ka puihna hmanga pawisa thawk chhuak an tam asin",
"Ni lo e, ka ring lo che, ka ring ngai lo ang che",
"A ṭha lawm, i thu vek a ni e, mahse, North East ho chu, ṭangrual tur kan nia, inpuitawn vek tur kan ni",
"Sual lam kawnga kal tura inpuih hi, a ṭhatna ka hre ve lo e", ti ram leh hmakin, ka hawisawn a.
A insawithiam ka ti mai, a insawithiamna min hrilh leh zut zut a, ka chhang lo a, ka ngaithla liam mai mai tawh thung.
Mizo ṭawng âwl lutuk hi, a neitu Hnâm te hian kan tuar nasa lutuk. Mizo an inti ringawt a, kan hmaifang te lah, a inang tlang bawk nen.
'Mizo' 'Mizo' tih a nih vek tawh avangin, kan tih ni lo puiah, kan hming a chhia a. Mizoram pawna lehkha zir emaw, hnathawka awm te emawin an tuar chu sawi loh, Mizoram pawna awm miah lo te pawh, rinhlelhna mitin min en ṭhup lehnghal!
Kil khatah ngawi rengin ka ṭhu a, ka kut leh ke an phuar tawh êm lo. Tui in tur min chhawp sak lah chu, a nawi êm êm a. Ei tur min pek lah, paratha per hnih chauh, pân tak a ni, a hlai ṭha bawk si lo.
Ei tur min pek hnar thei mah ila, tui erawh ka hnar thei ṭhin ngang lo. Lei bela an tui dah chu, nawi viau mah se, ka in leh nge nge zel.
Zan a inṭan leh ṭan a, he zan hi a ral leh a nih chuan, ni hnih a ni dawn ta! "Eng nge i lo an?", nui varin a ti a. Mizo a ni lo hi, ka lawm.
Mimi a inti ngei a, amah avangin Mimi tih hming pawh, ka haw hlur tawh. An titi siam siam a, an nui leh vak vak ṭhin. Tv an off bawk si lo, bengchheng tak a ni.
Chutah, "Police, Police", tiin, mipa pakhat a lo au a. Ka hawi chhuak rang lutuk. "U Ngaia", ka ti zawi sap a. A lo thleng tawh a ni hrim hrim ang.
An phi chung hlawm a, min ngaihsak loa an lan avangin, petek dan tur ka ngaihtuah nghal ve vat bawk.
Mimi chauh a awm tihah, a samah ṭham thutin, chhuatah ka phih thlu a, ka tlan chhuak nghal vawn vawn.
Pawnah pawh, an phi chung hlawm a, Police ho man chu, an hlau ni ngei tur a ni. An hlau a nih chuan, hetiang hna ṭawp lutuk hi, thawh loh mai tur a nia.
A ruk thei ang berin ka tlan a, a changin, room-ah te, ka biru leh rih. Mimi khan, min man turin a hrilh vek tawh ang.
In aṭang ka chhuak a, Police siren ri ka hre phak tawh, a êng sen vâ vâ a, a vir kual ngai ngai mai bawk. Ka thla a muang huai huai tawh a, mahse, bihruk ka la ngai tih ka hria.
"Sawta saw", tih ri ka hriat rualin, ka hma lamah ka tlan ringawt. Ka tawk zawngin, Police an lo tlan tih ka hre bawk a, ka tha tawpin ka tlan ngar ngar.
Police ho nen, kan intawk ṭep tihah, ka veilam aṭang min pawt thut a, ka kâ hup nghalin, ka kut pahnih ka hnungah an khirh nghal.
Motor hi a lo tlan nghal a, Mimi-i ka hmuh chuan, ka ke ka lêng vak vak. Ka kut leh ke phuarin, ka kâ tape-in an char leh a.
Chak mangkhengin an tlan chhuak nghal a, Police motor lo tlan hmasa bera u Ngaia ka hmuh chuan, ka au vak. Ka lu puanin an khuh bo nghal.
Ka tal vak vak a, ka theihna zawng zawng sawm khawmin ka au vak. Mahse, âw reng reng a chhuak thei lo!
Puana min khuh avangin, duh angin boruak a hip ṭhat theih si loh, ka thâw kâwk kâwk. Ka awm lo tih a hriat a, u Ngaia mangan dan tur ringawt ka ngaihtuah.
Min khuhna puan hlipa, ka kâ an charna tape an lak thlak chuan, ka kâ leh hnarin boruak hip lutin, ka thaw vak vak.
"Kan awmnaa an lo kal ka ring lo asin le, mahse, kan vannei tho e. Hotel-ah lah kan kal thei lo a, engtin nge ni ang aw? Ni tak, Dubai lamah, Asia hmeichhia tawh phawt an duh thu min lo hrilh a, chu lamah kal zawk la, a ṭhat ka ring", ngeiawm zet hian a nui zui a.
Rapthlak ti zetin ka melh rawm rawm, hmeichhia angin ka chhal thei lo. A hmeichhiatpui ngei chungah, nunrawng takin a che a.
Laizâwn a nei ve ngei awm sia, a laizâwn chungah, midangin min tih angin ti ve ta sela, a enliam theih ka ring miah lo.
Hmun tinah, Police uniform ha hmuh tur an awm a, Police uniform lo pawh, uniform ha an tam lutuk ringawt.
Motor an check pah reng a, chuvangin, keini pawh kan tlan chak thei bik lo. Min check hun a thleng a, min thukru dawn emaw ka tih laiin, min thukru miah lo.
Police pakhat hi a lo kal a, Mimi a hmuh chuan, "Aww, Madam ji", nui sângin a ti a. Motor chhung lam lo bihin, min hmu a, Hindi-a Mimi biain, Mimi-in Dubai a lam rik chuan, ka hrethiam ta chiah.
Police ho nen paw'n an lo ṭangrual vek tihna, kal turin Police pa chusn a ti a. A hmel ka chhinchhiah kar, nakinah, u Ngaia ka la hrilh vek ang.
"Sawi tur te i nei em?", Mimi-in a tih chuan, ka hawisawn hmak. A nui zui hak a, "I pasal chu ka khawngaih hle mai, mi naran ve mai a ni ang maw? Fa te in neih tawh phei chuan, a pawi ngawt mai. Mahse, lungngai miah suh, an inenkawlna tur, pawisa kan thawn ve zel dawn nia", a ti nuah nuah.
A nui ri te chuan, ka thau-ah min man. Ka pasal mi naran te a ti a, second rei lo tê chhunga, a taksa kap darh vek thei a ni tih hre ngat se chu, a inluling hauh lo ang.
Night club pakhatah min luhpui a, ka lu a puak thei takngial dawn. Room pakhatah min nam lut a, ka kut leh ke an phuarna phelhin, min chhuahsan hlawm a. Pawn lam aṭang an kalh hmak.
Bengchheng ka la hre thei tho, a rimchhe êm êm bawk a, ka u zing tho rim aiin, a chhe zawk.
Min phuarna a thak lutuk chu, ka hiat mawlh mawlh. Ka kut zungû vûng pawh, a zia ta deuh naa, min la tur ut ut tho. Hei te zawng, engmah a ni lo.
Chu ai chuan, u Ngaian min zawng hmu thei lo ang tih mawlh ka hlau, Police hoah pawh, rinawm lo tak tak an awm si a, an awm ṭeuh ngei ang.
U Ngaia pui anga awm a, pui hauh si lo, u Ngaia pawhin a hriat theih miah loh, an kat nukin ka ring.
"Ka ngai tawh lutuk che", zungbun ka fawp zeuh. Kawngka a lo inhawng a, Mimi leh mipa pakhat lo lutin, min kâwk a.
Chupa chuan, min thlêk vawng vawngin, a nui suk a, a bu nghauh nghauh. "Dubai kal hmain, test kan nei lawk ang", ka lu khawiha Mimi-in a tih chuan, tho lawkin, a biangah ka beng chawrh.
Thinrim alin min en a, "Nang hi, min beng ngam elaw? I hre-",
"Ka ben(beng) ngam lohna tur che ka hre lo, kha ai nâ pawhin ka la beng zel ang che. Tu-ah nge i inngaih, hmeichhe ropui takah maw, hmeichhe laktlak loh ber leh, hmeichhe timualpho tu i nih kha', ka ti hlak hlak a.
Insehruh ṭeuh chunga, min ben ve tuma a kut a lek chu ka lo man hman. "Tunah tak hi chuan, ka kutah i awm tih theihnghilh reng reng suh ang che", a ti hlak.
"Ka chhuahsan ang che, a vawikhatna nia, a vawikhatna ho enkawl dan chu, i thiam êm kha", Mimi chu ka nam dawrh.
Chupa chuan min lo pan a, a khi ṭhaw zui, ka ten lutuk. Dul kiar luah, khabe hmul buk si, dum si, ka ten tih bakin ka sawi thiam lo.
"Min hlau suh", a nui var a. Ka hnungah ka tawlh zel. "Ka chhuak e", Mimi-in a tih chuan, "Min khawih hauh lo ang, tumahin min khawih lo ang, Ngaia hmeichhia ka nih hi, Ngaia bakin tumahin min khawih lo ang", ka hmaa dingpa chu, ka kut zungchal hmuhin, ka au tawn tawn a.
"A tawk ta khawp mai, engmah ni si loin i inla ngeng ve êm êm a tiraw?", Mimi-in, banga min nawr beh chuan, ka tha tawpa namin, a tawpah, ka nam sawn lâwp.
"Ka sawi kha, Ngai hmeichhia ka nih hi, ka pasalin a la man khawp ang che", ka hmaa ding ngawi rengpa chu enin, "In vaiin a la man dawn che u", ka ti fiak ṭhak.
"Eng maw i sawi, tu hmeichhia maw i nih?", mi pakhatin a lo ti lut. A hmel chu, a rorum a, make-up vang leh, thawmhnaw vang chauha hmeichhia anga lang thei ve mai a ni tih, a hriat. Mahse, a âw erawh a sin thung bawk si.
"Tu hmeichhia maw i nih?", a ti leh. Mimi chu thoin, "Nakinah chuan, mipa sâng tam tak hmeichhia a la ni dawn alawm",
"Chhuak r'u",
"Eng maw?",
"Chhuak rawh u ka ti", a ti vin ṭhawt a. Mimi leh a lo hruai luhpa chu an chhuak a. Kan pahnihin kan inhmachhawn ta ran.
"Han sawi leh teh, tu hmeichhia maw i nih?",
"Ngaia, Lalzahngaia hmeichhia", ka ti a. Ka hlau duh bik ṭhak lo, hlau tur pawh ka ni lo. Anmahni zawkina min hlau turin ka duh.
"Baby, ka bag ka lo la lawk aw", Mimi-in a tih chuan, ka meng phar kâwk. 'Baby' tih chu, u Ngaia ṭhianpa a ni thei mai ang em?
"I ni em?", ka ti thlarawk. "Tu maw?", a lo ti a. "Baby tih kha, i hming a ni lo", ka ti a. "Engtin nge i hriat?",
"Khasi i ni tiraw?",
"Engtin nge i hriat? Ngaia hmeichhia maw i nih, Lalzahngaia, IPS hi maw?", a tih chuan, ka bu nghauh nghauh.
Chhuatah a ṭhu thla hnawk, amah ngei a ni. A sam vuah a la thla a, a lu chu, mipa sam meh dan dik tak a ni.
"Hruai tur chein kan lo kal asin", a bula ṭhingṭhi thlain ka ti a. "A ngaihtuah thei lutuk che, a rilruah i awm reng a, 'ka dang zo lo' ti ṭhinin, a rilru a hah thei lutuk, a ṭhian neihchhun bakah, a unaupa i ni asin", ka ti dap dap a.
A mittui luangin, "A theih loh, chutiang chuan a ti lo ang", a ti a. A hmai hupin, a ṭap khûr zawih zawih.
"A lo kal tak tak maw?", ṭap ṭuaua a tih chuan, ka bu nghat nghat. A hmai cheina chuan, hmuh tlak loin a chiah nuaih.
A bag hawngin, tissue ka zawng a. La chhuakin ka pe a, a hmai a hrufai mawlh mawlh.
"Ngaia chu, a lo kal tak tak maw? Min ngaihtuah ṭhin tak tak em ni?",
"Kal tak tak e a, i number aṭanga chhui chein, i awmna a ngaihven reng zel alawm",
"Tak tak maw?", a ti leh. Ka khawngaih lutuk ringawt. A pianphung engkim mipa a ni a, a âw erawh, hmeichhia a ni thung. A rilru mipa vek a ni a, a âw vang chauhin a ni, mipa nih tir thei lo tu chu.
"He lai hmun aṭang hian chhuak ang",
"Ka chhuak thei tawh lo",
"Engvangin maw? I chhuak thei, i duh hun hunah i chhuak thei alawm, mipa i nih kha, tumahin an dang thei lo che",
"Ni lo, ka chhuak thei lo, mipa ka ni lo, mipa ka ni lo", ti bah nawk nawkin, ṭap chungin room aṭang a tlan chhuak a, pawn lam aṭang a la kalh daih zui.
Kawngka sâwi dat datin, ka chum a, chhangtu reng ka nei lo. Kawngka nghengin ka ṭhu thla riai riai, beiseina kâwl a êng ṭan tawhah ka ngai a, mahse, Ruahthimpui inṭanna lek fang a ni zawk si!
Engtin nge ka awm zel ang, Dubai lamah ka thleng thla dawn nge, engtin nge ka awm zel dawn ni maw? "U Ngai", ka ṭap chhuak hawm hawm a.
A bengchheng lutuk a, tumahin min hre thei dawn chuang lo. Night club tih takah, anmahni buai buaiin an buai dawn a.
U Ngaian, Night club lo enna chang han hre hlauh sela aww!
SSP Ngaia pov...
Bang ka kap vak vak a, silai mu a zawh chuan, bangah ka vawm ṭhuai, a keh sawm vek a.
Ka hmai tuai puatin, boruak ka hip let kâwk. Hetah pawh a awm lo, he khawpui zau lutuk khawilai emaw berah hi chuan, a awm ngei ngei ang, awm ngei tur a ni.
"Sir, Chennai lamah chuan, North East lam an awm lo",
"Sir, Navy lamin, Tuipuiah ramdanga hruai tum lawng an man a, North East pathum an awm, thlalak min lo thawn", ka en a. Venpuii a awm lo.
Aww, Venpui, khawiah tak chuan, awm che maw? I hlau awm si a, ka lainat chein, ka bei a va dawng ta si êm!
"Sir, hmeichhe naupang zathum lai, chhanchhuah an ni",
"Sir, NSC lam nen",
"Sir, Navy lam nen bawk",
"Sir, North East an awm lo",
"Sir, Nagpur Police Station",
"Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir", "Sir",
"A tawk, a tawk, chawl lawk ang, minute khat, minute khat chauh, min chawlhtir teh u", ka kalsawn a.
Ka thluak a puak mai dawn, tui bottle lain ka lu ka leih a, tlemin ka zia ta deuh. Leiah ṭhu thlain, tui ka in khawlh khawlh a.
Ka khawchhung a sâ pup pup a, ka âwm lah, hnawhtu awm ang maiin, a tâwt reng mai bawk.
Khua a var a, ka hna a muan(muang) ṭum ber a ni ang. Mahni nupui pawh, ka zawng hmu vat thei lo chu a nia, nep lutuk.
"Aw, ka pa?",
"Khawiah nge i awm? Venpuii kan be tlang thei miah lo a, a dam ṭha em?",
"A phone kan siam tir a, Ngaihtuah a ngai lo e",
"Hnaa i buai lai a ni sia, Venpuii tan a hlauhawm lutuk ang, lo haw tir mai ta che",
"Ka lo ngaihtuah ṭha dawn nia", phone ka off a. Hlauhawm a hmachhawn tawh reng si a, dawt ka sawi phah ringawt.
Hre chhuak ta thut mai se, engtin tak min ti ang maw? "Hello, long lost brother", ka hawi chhuak a.
Ka hmaa ding ka hmuh chusn, ding chhuak nghal vatin, silaiin ka tin nghal. "Ṭhian hlui, min lo lawm dan chu le",
"Nangmah vangin, ka nupui nun derthawngah a awm, nangmah vangin",
"Nupui a? Nupui i nei tawh maw? Ngati nge, min hrilh ve loh?",
"A awmna i hria em?", a lu a thing nawk nawk. Hmeichhe thuam a inbel a, a sam te chu, a zuah sei nge mawni?
"Mumbai-ah hian, hnathawk turin em ni i lo kal, nge thildang vang zawkin?",
"Hnathawk turin ka lo kal, hnathawk tur chauhin", amah vanga kal ka ni tih, ka hrilh hre hauh lo ang.
A hnual nghal rawihin ka hria, "Hnathawk tura lo kal i nih chuan, thawk mawlh rawh, hlawhtling ngei bawk ang che",
"Shynrang",
"Silaiin min tin reng a, ka hlau che, ka kal tawh mai ang", a nui sak a. "Ngaia, ka awt ṭhin ngawt mai che", tiin, a inher a.
Ka kut ka dahthla riai riai, chhanchhuah pawh a ngaiin ka hre lo. Amah aiah, Venpuii chhan chhuah ngaiin a la awm zui.
"Sir, hmu duh che an awm",
"Lo kal tir rawh",
"That rawh, that vek rawh, that chimit vek amg che. Ka fanu ru boin, an hralh a, ram danga hruai tuma an kalna lamah, thatin, tuiah an paih a. Ka fapain phuba la tura Police-a inziak tlingin, ani pawh, an that a.
Misual ho hi, that hmiah hmiah rawh, ui reng reng suh ang che. Ka fa te sûn reng rengin, ka nupui a boral phah a.
Kum sawmkua ka ni tawh, anni ho thah châkin, ka thisen hi a la lum pap pap thei. Hmeichhia te zuara hralhin, sumdawn nan an hmang a. An nawm an makin an cheibawl ṭhin bawk.
I chungah rinna ka nghat e, i ti ta sa sa, a tawp thlengin, ṭang ang che. Thil pakhat leh, Night club ang te hi, en chhuak vek rawh.
Misual i hmuh tawh phawt chu, that zel ang che. Man mah la, an chhuak leh zel tho ang. Anni ho hremna ṭha ber chu, thah hmiah zel kha a ni.
An thisen mawh leh, i thah man chu, keima'n ka tuar ang. Pawi tihna ka nei lo, misual ho hi, ka fa te min thah sak tu te chungah, phuba min lak sak rawh.
Ka nuipui, hrehawm taka boral tirtu te chungah, phuba min laksak rawh, that vek ang che", min kuah a. A rum ṭuah ṭuah.
Tiang rinchhanin a kal ve ṭawk ṭawk tawh a, a lu pawh, a ṭuak var vek tawh. Chuti chung chuan, a thisen a la lum thei!
Phuba la turin min ti a, ka la khawp ang. Phuba la tura thawk chhuak lawm ka nih.
Show post links
Top
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)