I Ninawm BY Cck Lalchhuanawmi (Completed)

[Ngaia]

I Ninawm
Chapter-19
Ziaktu: Cck Lalchhuanawmi

Khumah ka mu meng kur a, ka chhungril natna hi ka taksain min tuarpui ka ti mai, ka taksa a rit lûk a, thir hlawm hlang hi ka ni ringawt.

"Venpui, ka thawhsan dawn che aw, tikhan lo mu rawh", Ngheti thawh hnu pawhin ka la mu reng a. Nimina thleng chauh tih takah, ka la chauh vang nge ni?

Mahni ina haw pawhin ka inhre tawh lo, ka in hluiah ka let zawk! Inngaihtuah ngut ngut loin, ka riltu tihharh ka mamawh tih ka hria.

Muangchangin ka tho ṭhem ṭhem a, bathroom-ah lutin, darthlalangah ha nawt pahin ka inen a, u Ngaian rilru nâ tih hriat deuha min lo en lai chiang deuhin ka hmu a.

Ka hawisawn vat, darthlalang chu ka tikeh lo chauh. Ka awmdan mawi lo avangin, kei chauh ni lo, ka bul hnaia awm ten an tuar ve bawk.

"Venpui, i tho tawh maw, chaw a ei theih tawh asin", bathroom aṭanga ka chhuak chu, Nghetin a ti lang lang a.

In hnuaiah kan chhuk a, ka nu leh pa bakah ka u te an lo ṭhu fel tawh. Ka uin ṭawngkam khat pawhin min hau lo a, a ngawi reng, min hau vak vak zawk se ka ti.

"Venpui, Ngaia pa nen kan inbia a, inṭhen hlen êm chu, a ṭha kan ti lo a, tihian, rei lo te inngaihtuah nan hun in hmang dun dawn a ni. I lo haw chhan chiang takin i sawi duh si lo a, Ngaia lah kan be ṭawng zo bawk si lo, ngun deuhin inngaihtuah ula, Pathianin a suihzawm tawh che u, inneih thutiam pawh in tiam vek tawh kha, inṭhen hlen a ṭha ngai lo e", ka pain a ti dam dup a.

Kun ngaihin chaw ka ei a, ka ngawi reng. U Ngaia an be ṭawng zo lo a nih chuan, a tuar takzet a nih dawn chu, keimah vang vek.

Ṭap lo turin ka insum hrâm hrâm a, ka hrawkah min hnawh ṭun tho. Ka u vanga ka haw thu ka sawiin an awih duh si lo a, ka duhthua hawsan ka nih thu ka sawi tawp.

Thudik tak ka hrilh thei lo, ka nu leh pa ten bialpa ka nei laia kan awmdan an hriat ka duh lo, ka sawi zakin ka sawi chhuak duh tawh lo.

Ka pain, u Ngaia pa a be vat a, an pahniha thutlukna min hrilh zo chiah. Mahse, u Ngaian min pawm leh duh tawh kher lo ang.

Inhmangaih loa innei pawh ni mah ila, hmeichhe hminghliauna tur nei ve lo u Ngaian a phu ngawih ngawih.

"Venpui, niminah chauh lo haw mah la, i cher chhe chak lutuk a nia",

"Ka thau em hi", ka ti a. Ka nui lui sak, "I lo haw chhan hi, i u tal hrilh ve la, chuan, jail-ah khung rawh se, a nih loh pawhin sawisa hrep sela, ka haw so bawrh bawrh",

"Ka u pawhin a hriat ka duh lo, a rilru a nâ mai mai zawk ang, nangmah chauhin min hriatpui mai rawh", ka ti sap a. Ka âw pawh, tichhuak turin chakna ka nei lo ṭep ṭep.

Ka room-a tukverh bul ṭhutthlengah kan ṭhu a, "I ngai em?", a tih chuan, ka bu nghat nghat. Ka ngai lutuk ringawt, in ka chhuahsan aṭang khan ka ruak nghal huai.

"Venpui, engtin nge Mawia chu a lo lan theih reng reng?",

"Ka ṭhiannu Jennifer-i kha ṭhianah a lo siam a, an Party naah Jennifer-in a sawm ve bawk sia",

"A ṭul lo e, Aizawlah awm mai mai se a tan a ṭha zawk ang mawle. Tunah, mi ṭha taka awm dun hle hle lai a pawt ṭhen ringawt a nia, u Ngaian a kap thlu loa a vannei ngawt mai", a ti lang lang a.

Kei ai ai pawhin a thinrim hmel zawk, "Min hruai tura lo kal a nih thu a sawi a",

"Awiii, chupa mai mai chu(h), a awihawmlo ber ang he khawvel ram zauah hian, a lo hruai ngawt chhan tur che a awm lo.

Hruai duh che ni se chu, in inneih hmaa che daih tawh tur alawm a nih, ka thin a tirim lutuk, Aizawl a lo thleng ve tawh ang em? Va kalchilh riap mai nia ka duh", a ter at at a, a hmuhnawm letling zawk.

"Ka hre lo le, ka haw tih a hriat loh chuan Punjab-ah a la awm veng veng ka ring",

"Ka thin a rim lutuk, tuna taka ka hruai dawn che han tih, a awihawmlo thei lutuk em mai ah", a ti hlak hlak a.

Ngheti thinrim phun âng chuan, tlemin ka awm a tinuam deuh. Tukverhah ka dak chhuak a, tihian, pasal ṭhen, nuthlawi ka ni ta reng chu a ni sia. Nuthlawi ni tura kum khat pawh nghah a ngai lo chiang khawp!

Tuilumin ka inbual a, ka zâng hawk. Ka inthlak zawh ve leh inhnuaiah chhukin, ka u room-ah ka lut a, vawiin hi a drip khai tawpna chiah chiah.

A ning tawh ngawt ang, dim tein kawngka ka hawng a, a lo muhil chiah chiah. A bulah ka ṭhu a, IV chu, a chanve ai sâng hret a la awm, a tikal muang ve êm bawk.a ni.

Ka u chu ka en a, ka hmu thau ta deuh, thla khat hnu velah chuan, a hmelṭha tawh sawt sawt ang a, a taksa pawh a mum nalh tawh ngawt ang.

A sumdawnna aṭang a lalut ve ṭeuh a, nula ho chuan, an inchuh luai luai tawh zawk mai thei a ni.

Ka room-ah ka let leh daih a, Ngheti an in lamah a haw zawk a, zana min riahpui tur chauhin a lo kal tawh ka ring.

Ka phone ka hmet êng a, u Ngaia message hmuh ka inbeisei ve ringawt chu, âtthlak ti zetin ka nui sak a.

A dp ka en a, kan pahniha inneih thlalak kha a la ni reng, a zungbun a lakthlak rualin a delete nghal ka ring deuh a nia.

A last seen erawh, Party zan kha a la ni char char, a thinrimin a vawmchhia emaw a nih ka ring ringawt tawh.

A pawi tih bak, sawi theih ka nei tawh lo. Ngaihdam dil eng ang mah ila, min ngaihdam theih pawh ka ring lo, a hmaah ngei, inchhuang takin a nupui awmdan hrilhin a awm a.

Nun hlui mah nise, khatiang em em kha chu(h), a lutuk ve bawk a ni. "U Ngai, khawngaihtakin min ngaidam rawh aw", ka rilruin ka ti mawlh mawlh.

A rilru nâ hmel mawlh kha, rilru nâ taka min en kha, theihnghilh harsa ka ti ber. Khatianga nâ hmel kha, ka la hmu ngai lo. Ka lainata, ka inhaw ngawih ngawih bawk.

"Venpui, eng nge ni ta?", Nghetin min kuah vat a, "A pawi lo nia, ṭap bawrh bawrh rawh", ka hnung a chul hliau hliau.

Rei tawk fang ka ṭah hnuah, ka insum thei ta hrâm a, ka hmai ka phih zo chu, khumah kan ṭhu dun a. Min hnem bakah, min fuih pah mawlh mawlh.

Tunah tak chuan, infuih ai chuan hauh hrep hrep ka duh zawk. Min hau vak vak hlawm se, ka rilru pawh a nawm zawk ka ring.

"I ṭha deuh tawh em?",

"Min hauh vak vak ka lo ring zawk a?",

"Hau tur chein chakna ka nei lo, u Ngaia nen ka ngaihtuah che u hian, ka khawngaih che u. I nat tluk zetin, u Ngaia pawh a na dawn lutuk, in inpawh ve tawh asin le, ka ui", a ti a.

"Ka lo kal hmain, ka hmangaih thu ka hrilh a", ka ti zawi sap a. "Chhahi", min beng hlak pahin a lo ti nghal.

"Inah a lo haw em?",

"Haw lo, Station-ah a awm a nih ka ring. Station-ah amah hmu turin ka kal a", ka ti a. A chek tlawk.tlawk, a beidawn hmel lutuk.

"I hmangaih a nih chuan, ngaihdam dila awm lui ngat ngat tur alawm",

"A chang chuan, hmangaih tak chung pawha kalsan a ṭhat chang a awm alawm. A hmuhah awm reng ta ila, tunah te hian, kan boruak tawn tur a hriat miah loh",

"Ni ve tho mai, mahse, in chhungte pawhin inṭhen an phal chuang lo a, ṭhen hlen tum reng reng suh ang che. U Ngaia pawhin, a pawm hun che a awm ka ring tlat",

"Kei te chu, ka laktlak tawh lo em mai, min pawm duh tawh lo ang, chubakah, zungbun a la thla tawh alawm", ka zungbun bun en chungin ka ti a. Kan pahnihin kan ngawi dun vang vang.

Ka nu nen ei rawng kan bawl a, eng phei chu ka ti lo, ka awm ve mai mai a ni ringawt. U Ngaia ei rawngbawl lai ka hrechhuak lo thei lo.

"Ngaia nen in inbe tawh em?", ka uin a tih chuan, ka lu ka thing nar nar. Ka be ngam teuh lo mai.

"Ka lo be dawn em ni?", ka uin a tih leh chuan, ka lo hnial vat. "Thil han zawh fiah te pawh a ṭha ve lawm, kut a thlak ṭhin che em ni?",

"Thlak ngai lo, a fel lutuk", ka lo ti vat. "Chuti, engvangin nge i lo haw?", ka uin a ti leh. Ka u pawh chu, ka en ngam lo. Ngawi rengin ka kun ngaih.

Ka nuin chaw ei turin ka u nen min ti a, ka u pawh a ngawi kar tawh. Chaw ei kham, hmun ka tihfel zawh hnuin, ka room-ah ka chho daih a. Min titi pui vak ang tih ka hlau hnuhnawh.

Nghetin min lo call a, mi lu a suknaa kal ve turin min lo ti. Mi lu han suk mai bawk chu(h).

"Intihharh nan a ni mai, kan inah lo kal rawh", a ti a. Ka insiam a, ka nu leh pa ka hrilh ve phawt. "Ni e, kal ve rawh, intihhrah pah a ni mai", an ti a.

Kan veng mawng lamah kan chhuk a, bungrua a ken ṭeuh ka rin nen, a keng tlem phian.

Kan thleng a, u Mahruaii lek a lo ni. A sam chu damdawiin a chiah phawt a, a chiah chhungin tih tur a awm ta lo. Ngheti nen an titi siam siam a, kan veng pawh, ka awm loh chhungin a lo danglamin a lo changkang sawt tawp.

"Venpui, engtikah nge in pa a lo kal ve dawn?", u Mahruaiin a tih chuan, "In pa ka hrilh mai tur asin", Nghetin a lo ti hmanhmawh.

"Ka hmu ve châk tawp, Vanglaini-ah ka lo hmu a, a pa bawk si, i vannei e, lo kal tir ve vat vat rawh", u Mahruaii chuan a ti leh dap dap a.

"Tuma hmuh theih loh tura thuhruk ka lo tum asin", ka ti chu. A nui uar uar, "A intihtheih dan hi", Nghetin a ti a.

U Mahruaiin nen min sawisa chhunzawmin, an nui bâwk bâwk. U Ngaia chanchin an sawi avang ringawt pawh chuan, ka hlim takzet.

Damdawi chiah chhung a zawh chuan, Nghetin a su a, a chhem ro leh chuan, u Mahruaii sam chu a ngil zûl. Ka sawi thiam lo, a sam chu a hma aiin a ngil.

Mahse, damdawi kha a rimchhia ka lo ti. A hnathawh erawh, a ṭha phisn bawk si. Sam tihngilna man an inpek zawhin, reilo te ṭhu lehin, kan haw a.

Kan inah kan tlang nghal tawh, ka chhungte an lo mu fel diam tawh a. Kawngka kalhin, dim tein inchungah kan chho.

Inchungah ka nu leh pa te nen kan room a awm a, in hnuaiah ka u room a awm thung zau deuhin, a nupui neih hun kan ngaihtuah tel pah tlat a.

"Khatiangin sam an tingil ṭhin tih ka hre lo reng reng",

"A mak tiraw, keipawhin ka hre ngai lo. Kuttin tihsei theih te hi",

"A tihsei theih maw, zuah kher ngai loin?",

"Theih e a, i hre lo nih kha, hmui, hnute, mawng thlengin tihlenna awm vek", a ti a. Ka âng phuau, a man a to ve zia a la sawi zui.

"Chutiang ai chuan, keimaha awm sa hi ṭha ks ti zawk, hmui tihlen te chu ah",

"I va han over tak, i hriat hnu vek nih chu ka sawi",

"Mizoram-a a awm ka ring hleinem",

"Khawvel hi e, a changkang tawh lutuk", a ti a. Mu tura kan insiam fel chusn, kan mu nghal hmak.

"I meng tlaivar leh ang e, muthilh tum rawh", a ti a. Muthilh tumin ka mit ka chhing a, u Ngaia kuaha muhil ṭhin ka ni sia, muthilh a har lutuk ringawt.

Ka mittui a luang ngiai ngiai, "I bula mut leh ka chak", ka rilruin ka ti a. Tui takin a mu ang e, mu lo ang? Min ngai ve tho ang em le?

Ka lu bakah, kâwng kham ṭhumin ka tho a, bathroom-a ka luh chuan, ka period reng niin!

"I inkhawm ve dawn em?",

"Khawm lo mai ang, inah ka lo awm zawk ang",

"Inkhawmsan i ngamawm ang maw, lo inkhawm ve zawk mai rawh",

"Min ngaihtuah suh, va inkhawm rawh", ka ti a. Inkhawm turin kan inthlah liam thei hrâm. Ka u nen kan awm a, drip khai a zo chu, a chau hnup zawkin ka hria.

Mahni room ve veah kan awm a, eng nge a tih ka hre lo, mahse, zu erawh a in lo a, a rui tawh lo tih ka hria, a ruih reng lai kha chuan a hreawm thei em mai.

Google-ah u Ngaia Dubai kalna ka zawng a, a lo intlar dul, he thil hi, khatih hun lai khan kan hre ve lutuk. Ngheti nen paw'n kan sawi ve nasa.

Mahse, u Ngaia a ni ang tih rin ngaihna reng ka hre lo. Chanchinbu te kha chhiar loin leh, chanchinthar pawh ngaithla loin,,kan chhungte sawi zarah kan chhunzawm ve mai kha a nia.

U Ngaia hmel pawh hmu daih tawh tur khan, kan inneih nî-ah chauh ka hmuh phah, a hahthlak teh e.

Misuala thih dan chu, an chuanna lawng chhiaa pil kha a ni a. Mahse, u Ngaia leh a thawhpui te ho chu an him vek a, misual ho erawh, tui hak avangin an thi hlawm a.

Hemi vang chiaha insawifiah tura tih a nihna leh, a kaisânna zawk kha a ni a. A che Singham riap riap lutuk.

Ka room kawngka a lo inkik a, ka u a lo lut. Ka bulah a lo.ṭhu thla a, a chauh hmel lutuk ringawt.

"Venpui, inṭhen i duh em?",

"U", ka ti chuai raih a. Inṭhen chu ka duh miah lo, mahse, beisei tur a awm tawh chuang si lo. Ka hrethiam tawh bik lo.

"I kal nî aṭang rilru nuamin ka awm ngai lo, hruai haw daih mai che kha ka duh ṭhin a. Tunah, i lo haw ta bawk a, i duh chuan Ngaia ka bia ang a, in inṭhen dawn nia", dam diaiin a ti a.

Ka u thusawi chuan, min tilungngai zual, keimah vangin rilru nuam lo deuhin a lo awm ṭhin a.

"U, inṭhen hlen chu ka duh miah lo, mahse, u Ngaia nen chuan kan awmdun a rem lo a ni ang", ka ti a. Sawi chhuah pawh har ka ti.

"A nih, ka bia ang aw",

"Ka hre lo", ṭap ṭuain ka ti a. Inṭhen tih thumal pawh chuan, min tinâ tawk tawh a, inṭhenna tur han sawi a, mitthlaa inṭhenna lehkha han hmuh nghal mai pawh chu(h), a va namai lo tak.

Ka u chhuah hnuin, puanin ka inkhuh a, ka ṭap tlawk tlawk. Ka uin a bia ang a, u Ngaian a lo duh ngei pawh ka ring!

Ka harh chuan, khua a lo thim fel diam tawh, ka ṭap muhil nge mawni dawn. Ka hmai phihin inhnuaiah ka chhuk a.

Ka chhungte ka hmu zo lo, ka u room-ah ka kal a, chaw an ei tawh thu leh, inkhawm tura ka nu leh pa kal tawh thu min hrilh a.

Chaw ei ka châk lo bawk nen, thingpui thlum tawk, bawnghnute tak tawkin ka siam a, chhang nen ka ei.

Rei vak loah Ngheti leh u Telawma an lo lang a, "Nuthlawi tharlam rim tur min kawhhmuh rawh a tia, ka lo lenpui a nih hi", nui varin Ngheti chuan a lo ti lut a.

U Telawma a nui hak hak, "Ka tlai em?", Mimi a lo tlan lut, "Ṭhenawm ui lian deuh saw ka hlau", a ti leh a.

Ṭhutna ka lo kawhhmuh hlawm, "An fel asin, an zaidam bawk a, mi bauh te hi an ching ve ngai lo", u Telawma chuan a ti a. Mimi a ner salh salh, kan ṭhenawmte ui chu, u Telawma te ui a ni tlat a.

"An lian a ka hlau alawm, uite-ah chan tir daih rawh", Mimi chuan a ti leh a. U Telawma chu a nui hak ringawt.

"Takah, Venpui, in pa lo kal ve em?", hawi kual dû dûin Mimi chuan a ti zawi sap a. "Va han lerh tak", u Telawman a lo ti.

"Lerh vang pawh ni lo, Venpuii pasal tumahin kan la hmu hleinem",

"An inneih nî khan i kal duh lo vei nih kha, kan Kohhran KṬP aiawhin Venpuii chanchin ka han sawi kha, a nuam e", u Telawman a tih chuan, "I va han sawi peih tak, in inneih ni kha a sawi reng zel", Mimi chuan a ti a.

Ka lo nui ver ver, mi zawng zawngin nuam an ti a, keiin nuam ka ti lo thung a, keimah leh keimah hi ka invaw chawrh chawrh châk.

"Naktuk zanah, YMA Chhang ho intihhlimna kan neihpui dawn a, lo kal ve rawh aw",

"Aa, a zahthlak awm e",

"Zahthlak loh, YMA Senior ho pawh an lo kal dawn, kha, Senior ultra promax te pawh", Ngheti kawk zeuh pahin, u Telawma chuan a ti a.

"Kan la Nula dawn chauh a, chutianga han intih chu ah", Nghetin a ti lang lang. "Venpui, in pa lo kal ve hman se chu, in pa nen in lo kal tur a nia", Mimi-in a ti sap.

U Telawman, "Kan khawvel chhiat tawh zia hi, mi pa lo, Arsi tur i hre lo mi le?", fiamthu titak fe hian a ti a.

A rukin ka nui kur kur, "In pahnih hian ka ngaihtuah ngawt mai che u, tunah pawh hetiang in nia, in inneih hunah phei chuan aw, in invaw darh vekin nia ka rin", Nghetin a ti lang lang.

Mimi chu, a nui uar uarah a ṭang. Ka nu leh pa te pawh an lo thleng a, Mimi leh u Telawma pawh, rei vak lo ṭhuin an haw a.

"U Telawma leh Mimi inhnial peih dan hi chu aw",

"U Telawma hian a runluih pah ve ṭhin a", ka lo ti a. "Mimi pawh hi a fel ngawt mai", Nghetin a ti a. Mu tura kan insiam zo chu, kan mu leh nghal hmiah.

U Ngaia ka ngaihtuah leh char char, a khua a har ve tho ang em le?

Ngheti training-na hmuna a awm chhungin ka bazar a, Thawhṭan a nih vang nge, bazar chhung a thawl huau mai.

MSR Market-ah ka kal a, Ngheti thawhna dawr ka bih dek dek, amah a awm lo tih hre tho mah ila, a thawhna dawr ka hmu ve châk hrim hrim.

Kan vengah chuan a lâr ve tawh lutuk, kotu a ngah ṭhin bawk a, chubakah, pawisa ama ta tur a ni vek a, dawr hming ni loin ama hming a ni tlat a, ama pualin dawr hawng vat se, a ṭha ber ang.

Kawngpui reh lai deuhah ka kal a, ka hnung aṭang, "Duati", ka ding chawt a. Hawi let loin ka kal leh nghal nul nul.

Ka inrin hmain min kuai her lawp, "Min thlah rawh", a kut ka thing thla sawk. Kalsawn ka tum chu, ka dar a vuan.

"Min ngaithla phawt rawh",

"Ka ngaihthlak chhan tur che ka hre lo", ka ti ram hmak. Engtikah nge a lo phei hman, ka hmaa lo inlan tur pawh a ni lo.

"Duati",

"Khati khan min ko tawh suh", ka tal laih a, min thlah. "Ka thusawi ngaithla phawt rawh", a hmel la duk cherh churh en duh loin, hmun dang ka en daih.

"Duati", a tih leh chuan, rum deuhin ka melh, "Venpui, tunah chuan, i lo haw tawh a, bul ṭan ṭha ang, i tel lo chusn ka awm thei lo",

"Ni lo e, pasal ka nei tawh, chusn, ka pasal hi ka hmangaih em em bawk",

"Pasal ah, a pet chhuak che a ni lo em ni? Ka hmangaih che tih i hriat kha",

"Min pet chhuak reng reng lo, ka pasal a la ni reng bawk", ka kuta zungbun chu ka hmuh a, a rum nghut.

"Ka hmaah lo inlan tawh suh, kalbo rawh",

"Venpui, min la hmangaih tih ka hria, keipawhin nang lo chu hmangaih ka nei lo, bul ṭan ṭha ang",

"Ka ring thei tawh lo che",

"Min ring rawh, tun chauh hi",

"A theih loh, ka kal dawn", tih leh, kalsawn ka rual a. Min lo umzuiin, ka kut a la man hrâm.

Chutah, eng emaw sawi tuma a âng zuau chu, "Mawia, khatah i lo awm law, Nanui Damdawi inah an kalpui, a pum a nâ lutuk a, nautê a ngaihtuahawm lutuk", bike-a chuang pakhatin a lo au lauh lauh.

"Va kal rawh, nautê leh a nuin a mamawh che", ka ti a. A kut ka dah thla a ka kalsawn leh. Thui pawh ka kal hmain min nangching leh.

"Duati",

"Khati khan min ko tawh suh, ka lak aṭang hian eng nge i duh? Engmah pek tur che ka nei tawh lo, ka pasal hmaah mualpho takin min siam a, ka kalsan a ngaih phah a,.chu chu i duhdan a ni lawm ni?

I hlim tawh em? I hlim tawh ngawt ang, zu in la, i duh zah zah hmeichhia mutpui leh rawh. Kei chu, min tibuai tawh suh", ka bag-in ka vaw chawrh chawrh pah.

"Eng nga tinge min rin theih miah loh, ka hmangaih che",

"Engtikah mah ka ring thei tawh ngai lo ang che, ka hmangaih che avangin engmah ngaihtuah loin i duhdanin ka awmpui che a. Mahse, nang chuan min hmuhsit nan i hmang a, ka ring thei tawh ngai lo ang che, chusn, ka hmangaih tawh bswk lo che", ka ti vei tawn tawn a.

Min umzui leh ka hlauh em avangin, a chak thei ang berin ka kal hlawk hlawk. Ka hmangaihna te kha, engah mah a ngai lo. Intihtheih nan leh min hmuhsit nan bak a hmang ngai lo, ka mit a del rei mah mah a ni.

"Universelywood-in ka'n chei ang che aw",

"Zolywood tak zawkin le", ka ti a. A ner sawk. "I duh leh, nangmah khan inchei ve mai rawh", a ti a. A inchei nghal mial mial. Ka nuih ver ver, a thinchhe ve si. "Nang aiin ka nalh zawk dawn", a ti a. Ka lo nuih hak.

YMA Chhang an kal ṭha em em a, Chhang lo pawh an tam. Kan zai nasa a, hla zir pah nghal ni fawmin.

U Telawman fuihna thu ang deuh reuh te a sawi a, thusawi a thiam si, kan nui dual dual a.

A sawi tawp dawnah, thusawi turin min ko chhusk! Ka chhuak duh lo chu ka kun tlat a, Ngheti leh Mimi-in min pawt chhuak, ka va han ngei tak.

Sawi tur ka haihchham lutuk ringawt, inbuatsaihna pawh awm si lo, ka hmaa ṭhu, tleirawl ho chu ka en a.

"Bialnu bialpa neih hi, thilsual a ni miah lo, kan inngaizawng tur pawh a ni. Mahse, kan inngaihzawna kan hriat tur chu, Social media-ah hian, kan ngaihzawngte nena kan inkar hi, a tawk chauhin kan pholang ṭhin tur a ni.

A chhan chu, tuna kan ngaihzawngte tam zawk hi chu, kan nupui pasal tur te an ni vek kher lo. Kan hmangaih tak te nupui pasala kan neih hian, social media-a tawk chin awm lo a, kan pholanna hmuh hun an la nei dawn.

Chutah chuan, nupa inhmuhthiam lohna emaw, inṭhenna pawh a awm thei. Chubakah, kan ngaihzawngte nena kan awm dunin, mawihnai takin i awm ṭhin ang u.

Mawihnai taka awm reng a theih loh hun pawh a awm ṭhin, ka hria, nangni pawhin min hriatthiampui tih ka hria. Kan duh leh hmangaihte tan chuan, kan engkim hi hlan kan duh ṭhin.

Mahse, nupui pasal neih hma hi chu, hlan lo ang u. Ngaihzawng ṭha lo tak i tawng fuh a, a tan i engkim i hlan chuan, intihtheih nan leh, hmuhsit nan a hmang ang che.

Chuvang chuan, inngaizawng tih kan la put chhung chu, kan fimkhur ṭheuh dawn nia", ka ti dap dap a.

Ka mittui tlak loh nan ka khap fap fap a, ka thinlung tak meuh meuhin ka sawi. Ka hmangaih tana ka tihte kha, intihtheih nsn leh min hmuhsit nan a hmang a.

Tunah, ka hmangaih thar nen kan inkarah khi min siam sak leh a, kan inkara khi pawh, a chat ṭep tawh.

"Ka mittui ka lo dang zo lo, i thinlung takin i sawi tih ka hria, Venpui, ka rilru i tihah em mai",

"Ka sawi ṭha nge ṭha lo pawh ka hre lo, ka khûr nasa bawk si",

"I sawi ṭha lutuk a nia", ka hnung a a beng thek thek.

In thlen hma chu kan ngawi reng a, ka ṭah a chhuak leh ringawt zel. Ka insût leh faih zel ṭhin bawk.

Kan in kan thlen hma deuhin Ngheti a ding a, "Ngeti, ngati nge i din a?", ka ti a. Kan hmalam a kawk chu ka en ve vat.

Ka âng phuau, min hmu chu a ding hluai a, a kekawr ipte-ah a kut pahnih a zen lut nghal.

"Nghetpui, ka mit vai a ni lo tiraw, u Ngaia ka hmu a nia", ka ti zawi sap a. Ka kâ ka hup tawp.

"Va kal rawh, ngaihdam va dil rawh, a ngaihdam hma che chu, ngaihdam va dil char char rawh", ti pahin, min nam a.

Ka kut la thlain ka hmaah ka suih a, ka sik niap niap, muangchangin ka kal a, a bul ka thlen dawn hnaih chuan ka ding tawp chat.

"U Ngai, nangmah tak tak i ni em?", âw khûr deuh titihin ka ti a. "I va lo haw har ve", nui sângin a lo ti.

"Ngati nge i din reng a, lo kal rawh", ti pahin a kut pakhat a lo phar chhuak a. "Venpui", a ti leh chu, tlan pheiin ka kuah thlawp.

"U Ngai, min ngaidam rawh, ngaihdam dil ngam tur che ka ni lo tih pawh ka hria, mahse, min ngaidam rawh aw", ka ti mawlh mawlh.

"Min ngaihdam theih nan chuan, engpawh ka ti ang", ka ti a. Ka insut hlawp hlawp, ka mittuiin ka hmai a chiah hneh tawh lutuk ringawt.

"I lo haw har em avsngin ka ngaidam che, ka thu loin khawiah mah kal tawh suh aw", ka hnung chul hliau hliauin a ti a.

Ka bu nghauh nghauh, "Min ngaidam em?",

"Ngaihdamna turin engmah i ti hleinem", ka dar tawn tawnah a vusn a, mittui parawl kuangin ka en.

"Rei lo te tal min nghak tur kha i ni asin, min hmangaih thu sawiin i kalbo daih a", a tih chuan, ka ṭah nui hak.

"Ka tihtur hriat chhun alawm a nih",

"Hmeichhe dang te i sawi a, Ngaian hmeichhe dang a duh reng reng lo, Venpuii chauh a duh, i hria maw?", a tih chusn, ka kuah leh nghal thuai.

"Hmeichhe dang zawng tur chusn min duh em?", a tih chusn, "Aih, duh lo, Ngaia hmeichhia chu keimah chauh", ka lo ti thuai a, a nui hak hak.

"U Ngai, ka tihpalh lutuk",

"A tawk, bang tawh rawh, inchhungah pawh kan lut thei dawn lo", a ti a. Ka mittui hru thuak thuakin ka luhpui a, ka chhungte an mu fel vek tawh a, kan pahnih chsuhin kan ni tawh.

Bathroom aṭang ka chhuak a, tukverh bula a ding chu, a hnung aṭang ka va kuah, ka kuah leh thei a, ka lawm lutuk ringawt.

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia



Show post links
Top

[Ngaia]

I Ninawm
Chapter-20
Ziaktu: Cck Lalchhuanawmi

Bathroom aṭang ka chhuak a, tukverh bula a ding chu, a hnung aṭang ka va kuah, ka kuah leh thei a, ka lawm lutuk ringawt.

Ka harh a, a la mutui nasa mai, ka thlir doh doh ringawt. A biangti a tla deuhin ka hria, chubakah, a cher ve deuh hlek bawk.

Chaw a ei tlem nge, a ei thei lo hrim hrim zawk ni ang? A veilam ka en a, zungbun a bun ka hmuh chuan, dim tein ka chul a.

A kutphah a intuam bawk, Station-a ka hmuh kha chuan, dawhkanah zungbun kha a awm si a, hnunglam min hawisan daih bawk a. Tunah, amah zawk a lo kal a, ka hrethiam lo lek lek.

Ka beisei sâng nge chu ka hre lo, nizan kan inhmuh aṭang min la fawp miah lo! Kei lahin, ka fawp hmasa ngam si lo, min kuah ṭawk a ni mai.

Ka beisei sân vang nge, ka ngaihbel phei chu ka hre lo. Mahse, ka vui chuang lo, a harsa dawn tih ka hria, a rilru a la inpeih chiah lo te pawh a ni ang a, ka nghak thei ang.

Tihharh hlau takin ka tho ṭhem ṭhem a, ka insiam fel hnuah inhnuaiah ka chhuk a, ka nu leh pa an lo tho tawh. Ka nuin Sangha lei turin min ti a, "A lo thleng teh thut lutuk a, chawhmeh kan nei ṭha si lo", a ti a.

Phur takin Pi Ngaii te dawrah ka kal a, Sangha lu lam chauh an lo nei a, "Pi, a mei lam a awm lo em ni?",

"Zaninah a thar a lo thleng dawn chauh a",

"Aw, a pawi lo mai", nui varin ka ti a. Sangha dahna freezer a hai rak rak a, "A, hei, Venpui, a mei pakhat a awm a nih hi", a tih chuan, ka lo lawm lutuk.

"Ka lawm lutuk e", ka ti a. Ka khai haw khi vur vur mai. In ka thleng a, kan turin ka buatsaih nghal vat vat.

Ka nuin, Hall-a kan kal hnu rei vak loah a lo thlen thu sawiin, ina ka haw hun min nghaka pawna a ṭhut reng thu te min hrilh dap dap a.

"I pa nen an inbia a, inṭhen a duh bik lo thu a sawi a, chubak engmah a sawi tawh lo, a pawm zawng a nih chuan a bu nghat a, a pawm zawng a nih loh erawh chuan a lu a thing leh nawk a", ka nuin a tih chuan, ka nui kur kur.

Ka bulah chuan a ṭawng theih ve reuh nen, ka pa chuan mak a ti ngawt ang, lu bu nghat leh lu thing ringawta inbiak chu, thutak sawi a har ngawt ang.

"Nu, u Ngaia a tho tawh em, i hria em?",

"Tho tawh, engmah a sawi lo na chu, a zawng ru deuh che a, ka hrilh duh der lo. Mahse, ka khawngaih leh deuh a, dawra i kal thu ka hrilh a, min nuih ringawt a, i u lo tho chiah ve nen an inkawm ta a nih kha", ka nuin a tih chuan, ka lo nuih sak.

Ngheti a lo thleng chawpchilh ve nghal mai bawk a, "Khaw'nge, khaw'nge?", a lo ti nghal chûl. "I u room-ah a awm", ka nuin a lo ti vat, kan inman hlawm teh e.

"Chaw ka lo ei dawn nia",

"Kan chhum kep lo che", ka ti a, ka hnungah min chum chawrh, ka er zawt a, ka ṭhen sak. A na lutuk ringawt.

"A ngaidam ta che em?", a lo phun sap, ka bu zeuh a, "A va lawmawm tak, ka ngaihtuahna lamah che u nizan ka mu ṭha thei lo alawm, in inhauh vak ka lo hlau lutuk a", a phun sar sar a.

Ka nu hriat a hlau tih ka hria, keipawhin ka hlau tho, "Hey, duat ngawt ang che, a thu te awih la, hnial bung bung zel suh ang che", a ti sap sap a, ka lo bu nghauh nghauh.

Thaw huaiin a ṭhu a, "Nu, u Ngaia chu engtik khan nge a lo thlen?", ka nu a zawt a. Ka nuin a hrilh a, an pahnihin an titi leh siam siam.

U Ngaian min ngaidam nge ngaidam lo ka hre lo, ngaihdamna tur engmah ka tih loh thu a sawi a, ka rilru a nuam ringawt a, min ngaidam ngei turah ka ngai. Ngheti sawi dan takah, ka duat ngawt ang.

In chungah ka chho lawk a, puan a lo inthlep fel vek a, khum pawh a lo mar thlap. Che fel thlip thlep lutuk mai, a lo thleh fel ka rin loh tehlul nen.

In hnuaiah ka chhuk leh a, ka u room ka thlêk zeuh, eng nge an tih dawn ni, an awm rei tawh em mai.

"Chaw ei in peih tawh em, ril a va ṭam tawh ve?", ka pain a tih chuan, "Peih tawh lutuk, a ei theih tawh reng", Nghetin a ti thuai a, min lo en a, a dar a chhin hak, nuam hi a ti thei e.

Ka u te koh a chuh a, a kal vat reng bawk. Chaw ei ka nu nen kan siam a, khi vur vurin Nghetin hma a lo hruai a, ka u te pahnihin a hnungah an lo zui.

"U Ngaia chu, i lo kal hma lutuk a, Venpuiin nuithlawi tharlam nih nuam a ti ṭan dawn chauh a",

"Chhuat nawh ka peih hleinem", u Ngaian a lo ti thum bul nghal a, ka uin a chaw hmuam a phuh chhuak ṭhawt.

Ngheti tih loh chu kan nui kur kur, "Chhuanlam i siam thiam lo em mai, ka ngai tawh alawm ti ve mai la, i chalah a inziak kul tho a", Nghetin a ti leh lang lang.

Ka mitmeiin ka zilh a, a nui tawi tak ringawt, u Ngaia a zak ngawt ang. Nakinah, a rukin ka la hau ang.

U Ngaian ama thuin Sangha mei lang reng chu a suak dawn lo tih ka hria, chaw pawh a bar ngam ṭawk a nia.

Sangha plate ka ban a, ka pain,,"Venpui, tun ṭum chu a mei kha ka lo ei teh ang, min lo suah teh", a ti a. U Ngaia ei tura ka hual liau liau chu, ka pa thlengah ka dah a, ka inthiamlo lutuk ringawt.

"Ei ṭeuh rawh aw, kha hei", ti pahin, ka nuin u Ngaia chu Sangha a suah a, "Vawksa kan lo ei zo daih alawm le, a zialo tak tak a ni", ka nuin a ti leh a.

"A pawi lo", u Ngaian a ti zawi sup. A ṭawng dawna a inbuatsaih nasa lutuk hman chu ka hmuh hmaih lo nasa.

"Chuan, engtin nge in awm zel dawn?", ka pain a ti a. Chutiang ka lo ngaihtuah lo reng reng, engtin nge kan awm zel dawn, ka hre bik lo.

U Ngaia ka en a, min lo en ve chiah, a hmel chu a bo em em a, keipawh ka ni chiah ang. A hnuah, "Thla khat chawlh ka la a, ka zin kualpui dawn mawni ka ti deuh", u Ngaia chuan a ti a.

Ka meng phar kawk, thla khat chawlh a la tih pawh ka hre lo reng reng. Ni tak e, engmah sawina hun a la awm lo atin ni.

"A ṭha alawm, han zin khawtawng ula in boruak pawh a ṭha deuh ang, inngaizawng saa innei in ni si lo a, in zin chhungin in pahniha inkarah hmangaihna chhar chhuah in tum dawn nia", ka pain a tih chuan, ka chaw ka lo helh.

Ka khuh bawrh bawrh a, Nghetin ka hnung a lo chum, tui in turin ka tho a, ka hrawk a thip. Tukin chu, a chet chhiat theih ngei mai.

Nghetin min hawsan a, ka u pawh a dawr lama a kal dawnin, "Ngaia, workshop lamah lo kal ve ta che", a ti a.

Ka nuin, "Kalna hun a la tam dawn, vawiin chu chawlh hahdam tir ve rawh", a lo ti a. Ka u pawhin a lo pawm ve mai.

U Ngaia chu a inbual fai a, a inbual zawh ve leh a thawmhnaw ka su a, tihtur a nei si lo a, ka Album a en mai mai.

In ka tihfel zawhah ka inbual ve a, ka inthlak zawhin a bulah ka ṭhu thla a, ka sam ka hru mawlh mawlh pah.

"Chhem ro mai la",

"Punjab-a inah khan a awm daih", ka ti a, a bu nghat. Towel ka zar a,,u Ngaia bag aṭanga a thawmhnaw dang ken phawrh chhuah tuma ka hawng chu, silai leh eng lehkha mawni te a awm a, Police a nihna batch leh wallet te a awm.

File ruak ka nei tih ka hre chhuak zawk a, Zirlaibu hlui ka dahna haiin, bal paw niaiin ka hmu a. Hru faiin, a lehkha ho chu ka dah a. "U Ngai, Wardrobe chhungah ka dah a nia aw", ka ti a.

A bag chu ka su leh hnuhnawh, "I rilṭam tawh em, thingpui in ang", ka ti a. Min zui ve mai bawk.

"Venpui, noodles chhum zawk teh",

"A nih, ka va lei lawk ang",

"Lawk, ka lo kal ve", a ti a. Kan pahnihin dawrah kan kal, min hmu apiangin min en zui zel si a, nuam a ti chiah lo nge ni, min chelh tlat a, ka hnungah hian a biru pah deuh ṭhin.

Dawr hnai berah kan lut a, "Ka pasal kha a nih hi", ka ti a. "A nih chu", ti pahin a chibai a, u Ngaia chu nui deuh sak turin ka mitmei a, muangchangin a hmui a tiche.

"In inhmeh dun lutuk, nupa niawm tak in ni", a ti a. Ka pi chu titipui rei vak chi a ni lo, u Ngaia chu a ei duhzawng ka thlan tir a, ka chhuah pui thuai.

Ka pi te kha chu, Ngheti pawhin, "Hman veh vawh taka thil lei tur pawha kal a ngai", a ti ṭhin.

Ka nu leh pa chuan an ngainat ve vak loh avangin, chhang an ei zawk a. Thawm nei miah loin a ei mual mual. Satel chiah chiah.

Kan eina ka tifel a, ka nu te ho nen tv an en a, an ngawi diak. Ka va kal ve a, tv an lo bih ngar hlawm, Merlin an lo en chu niin.

An bulah ka ṭhu a, "Tlai-", ka ti chiah chu, "Shhh", an pathumin an lo ti. Ngawi rengin ka enpui ve ta tawp, hmuhnawm an ti kuang kuang hlawm lutuk.

Ngheti nen ei rawng kan bawl a, a ban ve leh an inah pawh kal loin a lo tlang nghal.

"Engtikah nge zin in tum,,khawiah nge ni dawn?",

"Ka hre bik lo, min la hrilh miah lo",

"Naktukah leng ila, kan chawl dawn a",

"U Ngaia hrilh la", ka ti a. A bu nghat, "A ngaih vang chea lo kal chu a ni lo phawt a, chhuat a nawh peih loh vangin a lo kal chu a nia, ka khawngaih che", a ti a. Ka melh ralh.

A nui hak hak a, lei ka chhiah khum zeuh. Chhuat a nawh peih loh vang pawh ni loin, min ngaih vanga lo kal a ni ve tho ang.

"Takin, i u hi a mak sawt e zu a nghei aṭang hian",

"Engtia makin maw?",

"A ṭawng tlem, min hau ve ziah ṭhin sia, ka ngaih a tiṭha lo zawk",

"A la nghei tir em a, a taksa pawh a la chak ṭha lo nia,,nang hauh nan tha a la nei lo a niang", ka ti a. A nui ver ver.

"Thuruk ka hrilh ang che, kan venga lo awm thar chhungkuaa an nulain, u Zaua hi a englo deuh tia an sawi ka hria asin",

"Awm thar an awm maw, a fel em?",

"A mak, a hmelṭha em te ti ve la",

"Fel ka duh zawk lawm, ka u bakah, ka nu leh pa hmangaih thei tur ka duh. Kei chu, pasal ka nei tawh sia", ka ti a.

"Ni ve tho, a fel leh fel loh hre turin an lo awmna a la rei si lo a, ka hre lo", a ti dam thlup a. "Ka u hi nei duh mai la ka ti, kan chhungkua min hrechiang ber a", ka ti chu, min melh rum ngang mai, ka nuih sen sen ringawt.

A duh lo tih chu, kan pahnihin kan hrechiang lutuk, zu a in ṭhin pawh tih laiin, ka u kut ram zia hre ve vek tu a ni a, engti kawng mahin ka u neih chu sawi loh, a dera ngaihzawn pawh a duh lo sa.

Chaw ei khamah rei lo te ṭhuin, Ngheti chu a haw a, ka uin a kamkhat miah lo chu mak viau mah se, a awm lo chuang lo. Ka u pawh, a la chak ṭha lo em a ni.

A dawrah te hian kan hmu phak tawh ṭhin si lo a, a in leh ang tih hi nia, ka hlauh tawh zawk chu.

"Khawia zin nge i duh, Mizoram chhungah hian?",

"Ka van hre mai lo",

"Champhaiah i duh ang em?",

"Champhai maw, duh e", phur zetin ka ti a. Rih Dilah min kalpui hlauh mai se.

"A nih, naktipah kal ila?",

"I tih dan dan, chuan, Champhaia kan kal zawhah khawiah nge ni leh ang?", ka ti a. Kan awm zel dan tur ka hre lo.

"Kan haw tawh ang chu, haw i duh tawh lo em ni?", a tih chuan, ka lu kânin, "Haw duh chiang e",

"A nih, engvanga lo haw lo nge i nih?", inchung a en kar a. A rukin ka ṭang nasa lutuk. "I lo haw leh mai ka ring a, pawnah ṭhuin ka lo nghak ṭhin che, i lo haw thei bawk si lo a, lo call che lah ka duh bawk si lo.

Rei lo te tal kha chu, min nghah ka ring a, i haw tur thu min hrilh ta mai bawk sia, min tithinrim zawk",

"Ih, u Ngai-",

"Ṭawng suh, ka sawi ngaithla rawh. Nupui te chanchin khatiang ang zawnga hriat kha chu, tu mipa mahin an beisei ngai lo ang.

A tir kha chuan ka thinrim a, in pahniha phuar hlawm che u a, Mizorama thawn che u kha ka rilrua awm hmasa ber a ni", ka mittui a luang ngiai ngiai a, a awm ka tihpui lutuk ringawt.

"Ih, u Ngai-", ka hmui a hup vat, "Ṭawng lo turin ka hrilh che kha", a ti zawi sup a. Mittui tling pamin ka en. A kut la sawnin, inchung a en leh kar.

"Mahse, ka ngaihtuah a, kan inneih hmaa thil chu, i duhthlanna a ni a, i duh dan danin i awm thei. Ka lawmna ber zawk chu, a laka i intlak ral lo kha a ni", ka mit ka chhing vang vang.

Keipawh, tuna ka lawmna a ni tawh, "Chubakah, kan inneih hnua thil thleng pawh a ni lo a, mahse, thleng turun ka duh chuang lo.

Police hna hi ka thawhna a rei ve tawh, housewife( nu, ina awm tawpa, inchhung enkawl tawp, hnathawk lo) tam tak tena complain a lo neih fo chu, an awmpui te leh an pasal te chhui tur hian a ni.

A ṭhen te chu a dik lo pawh a awm a, a ṭhen erawh a dik te pawh a awm. Chumi awmzia chu, uirena a ni. A chang chuan, mipa te pawhin, an nupuite chhui turin min lo ti ve fo bawk.

A tawnga ten an chhiatpui a, a natna zia hre tura tawn ve kher ka duh", min kuahna ka dar a vawn chu a hmer salh.

"Nang chu ka ring che, kan inneih hma thil chu kan inneih nî aṭang khan bo tawh rawh se. Min phatsan turin ka duh ve lo che, tumahin min nei duh dawn si lo a, nang lehzelin min phatsan chuan, Khawvel hi ka hâl duh palh ang", a ti a.

A tawp lama a thusawi chu, a fiamthu nge thutak pawh ka hre lo,, a rukin ka nuih ver ver.

"Ka sawi tur ka sawi zo, ti khan, kan mu thei", min kuah ṭha a, min khanin ka chalah min fawp zeuh zeuh a, a âwmah min kuah bet nghal.

Ṭawng lo turin min la duhah ngaiin, ka ngawi a, engmah ka sawi ve lo. A thusawi ngaithla turin min duh tih ka hrethiam.

A sawi tur sawi zo tawh mah se, la ngawih reng a ṭha zawk ang. Sawi chhuah leh pawh, a ṭha tawh lo zawk mai thei.

Ti khan, ka tihtur chu ka hre ta mai. A sawi ang takin, nupui pasal thubuai bakah, inbumna chi hrang hrang ngaihzawng inkarah pawh nise, ka hriat ve lohin case tam tak a nei dawn tih chiang sa.

Hlauthawng mah se, anni ho angin ka phatsan ve dawn si lo a. Amah zawk hi ka hlauthawng, mahse, keimah zawk hian, ka chelh tlat ang, hmeichhe dang lo lang pawh nise, ka chelh tlat ang.

Chaw ei khamah Ngheti a lo kal a, bazar turin min lo sawm, u Ngaia ka hrilh theihnghilh daih.

"U Ngai, Aizawl ka fanpui ang che", a ti lang lang a. U Ngaian min lo en zeuh a, ka dar ka lo chhin hak.

MSR Market-ah min vah kual pui a, a thawhna dawrah a lut lawk a, pawnah u Ngaia nen kan lo nghak.

Naupang bakilh an dah khawm ruih chu, a thlir vawng vawng tih ka hria,,ka hre lo der zawk.

"Min lo nghak rei em?",

"Rei, ka ke a kham vek", ka ti a. "I phun peih", min la ti zawk zamah. A zahthlak thei tak tak a ni.

Lapawchini kan hmu a, u Ngaian lei rawt a hreh tih ka hrethiam mai, Nghetin a fiam a hlau a ni ngei ang.

Keimah zawkin lei ka rawt a, "Lalvenpui, nu i ni tawh kha, naupang pawh i ni lo",

"I ei duh loh leh ei lo tawp la, keiman ka duh alawm",

"I ei tur chsuh lei rawh, u Ngaia pawhin a ei duh lo", Ngheti chu melh ralh pahin, "A ei awm e, a ei tur ka pek apiang chu a ei tur a ni mai", ka ti vei hmak a.

Lalnghetpuii a ner salh salh, lapawchini chu pali ka lei a, ei duh lo anga insawi Ngheti pawhin a ei zawp tuam tuam.

U Ngaian a ei zawh chuan, a palina chu ka pe a, ama tana ka lei liau liau kha a nia, Sangha mei a chang tawh si lo.

Kawnga theitui an zawrh te chu kan in a, lakhuihtheih leh vaimim rawh te leiin kan ei a. Lapawchini hi kan kal pel thei ngai lo bawk.

Lapawchini zawrhna kan thlen tawh chuan, u Ngaian a rukin min kheuh ziah zel.

Ngheti nen chow satui leih kan ei fona dawrah kan lut a, he dawr hi KFC dawr angin changkang lo mah se, chow satui leih tuina ber dawr a ni ve tlat.

"I pum kha ngaihtuah rawh", u Ngaian Ngheti bowl-a hmarcha sen lung a hmuh chuan, a ti muang ban raih a.

"A tui dan ber a nih hi, chow satui leih tituitu ber lawm", Nghetin engah mah ngai loin a lo ti sam et.

"Hmarcha ei ṭeuh suh aw", min lo ti a, ka bu zeuh. "A ei tam ngai lo hrim hrim, a dawih lutuk", Nghetin a lo ti. "Ei mai mai rawh", ka ti a.

Rin ang ngeiin, Nghetin a chah nawn mawlh mawlh, a kham thei thlawt lo. U Ngaian Lassi a chah a, Ngheti nghah chhungin lassi no hnih kan in hman.

A tawpah, a kham thei ta hrâm a, "Chhuak vat ang u", tih leh din a rual nghal. Ka nui hak a, u Ngaian Nghetin a chah leh a hlauh hmel lutuk.

U Ngaian kan ei man a pe vek a, "A tam ropui si a, ka inthlahrung e",

"Insum ve deuh tur alawm",

"Ka insum thei ṭhin hleinem, i hriat vek kha, chow satui leih hi chu, ka insum theih lohna lam tak", Nghetin a ti lang lang.

Kan hmaah Ngheti a kal a, kan pahnihin kan zui ve zel. U Ngaian min chelh tlat a, Punjab-a kan bazara ka bo hlaua ka chelh tlat ang vel kha a ni.

Nghetin secondhand min thinpui a, u Ngaia pawhin nuam a ti reuh lutuk. Ngheti nen an inchuh thul, an insual lo chauh.

"Branded ai thlawt chuan a ṭha zawk",

"A ṭha lo tunge ti?", u Ngaian a tih chuan, ka nui chhuak hawk. Ngheti nen an inhnial peih ve tawp.

Secpndhand pawh kan lei ṭeuh, a buaithlak ṭhin a nia, chu pawh, ka kawr hak tur hlir a la ni zui. U Ngaian a duh kha chu, a la hmiah hmiah mai bawk sia.

Kawr kan thinna piaha kekawr ka hmuh chuan ka kalpui a, mipa kekawr a la ni zui. U Ngaia tan ka thing ve leh.

Secondhand hi chu a tlawmin a ṭha si a, u Ngaia kekawr hak tur te chu, ka leisak ve thei lutuk, chu pawh, ama pawisa thoin.

Kan hnung lama ṭawng bul bul kan hriat rual.chuan ka thin a phu nghal dup dup, tunge a nih ka hrechiang lutuk.

"Venpui, intiharh rawh", ka beng bulah u Ngaia a lo phun sap a, ka harh chhuak zawk. "Ih,,hmun dangah kal ang u", Nghetin a ti a. Ka lawm zia chu(h).

Kan kalsawn nghal a, u Ngaia kekawr hak tur pakhat ṭha deuh ka hmuh kha, ka ui lutuk ringawt.

MC lam kan pan ta daih a, u Ngaian bathroom hman lawk a duh thu sawiin a kal nghal a. Ka thaw huai nghal.

"Ka thi thei takngial dawnin ka hria",

"U Ngaia nen Aizawl hi chhuahsan vat rawh u", a ti a. Champhaia kan kal tur thu ka hrilh chuan, "Vawiinah kal nghal daih rawh u", a ti vat.

U Ngaia lo let chuan, "MC nawmna chhan ber, 5D en ila, kan haw dawn nia", Nghetin a ti a.

Show an la neih mek.avangin pawnah kan lo nghak, a tawp ṭep tawh tho a. U Ngaia chu ka en leh zeuh ṭhin a, Mawia a hrechiang tawh si a, ka hlauthawng ru lutuk.

"Tuna mi ai chuan, i ex pasal nei ta kha a ṭha zawk asin le", kan ep chiaha dinga inbia te chuan, ka lûngphu an ti tawp thei dawn.

"Nia, a ṭha asin, pasal a nei daih a, ka duh em em ṭhin chhan kha chu maw, a rak h*r thiam tlat a", Mawian a tih chuan, "Lalrammawi", Ngheti a au nghal ṭhawt.

U Ngaian Ngheti Mawia te lam pan a tum chu a dang a, "Awm tir mai mai rawh, engtin mah ti suh, mipa an nih loh saw, mipa dik tak chuan, a ex pawh nise, hmusit takin a chanchin a sawi ngai lo ang", u Ngaia chuan a ti dam thluam a.

Ka ṭhutna aṭang thoin, ka kalsawn daih. U Ngaian min lo umzuiin min kuah a, a âwmah ka hmai ka phum nghal hmiah.

"Hetah chuan awm tawh lo ang, haw ang, Punjab-ah haw tawh mai ang",

"Um, kan haw dawn nia', ka hnung a chul hliau hliau a. Ngheti koin, MC kan chhuahsan a.


Show post links
Top

[Ngaia]

I Ninawm
Chapter-21
Ziaktu: Cck Lalchhuanawmi

"Um, kan haw dawn nia', ka hnung a chul hliau hliau a. Ngheti koin, MC kan chhuahsan a.

In kan thlen chuan, tlai lam ei rawngbawl a hun chu a ni mai. Engtin mah ka tih duh loh avangin, Mawia hian min zuam tawh tlatin ka hria.

Hmusit taka kei min ṭawngkhum chu ka tuar dam thei, mahse, u Ngaia tana hreawmna a thlen duh zel erawh ka tuar dam thei lo.

Chau zetin ka u a lo haw a, a inbualna tur tui sâ ver vawrin ka siamsak a. Inah la chawl hahdam mai mai se ka ti, mahse, a dawr hi a ngaihtuah ve ṭhin bawk si a.

"Venpui, khawmaw sawda",

"Eng nge bai i tum a?",

"Mautuai rep",

"Khawimi nge in neih, min lo suah ve teh, ka ei ve duh", ka ti a. Sawda dahna bawm ka pe a, mautuai rep khawi mi nge an neih nih?

"An lo zuar a, ka nuin a lei a, a tlem lutuk, suah tham a awm dawn lo, chaw lo ei mai rawh",

"Mak ṭhin, suah tur a awm dawn loh chuan a pawi chuang lo. Ni tak, u, a inbual theih aw", ka u ka ko nghal a.

Towel batin a lo kal chharh chharh a, a cher lutuk chu a khawngaihthlak zawk. Zuin a ei chhe nasa tawh lutuk a ni.

"Ka kal nia aw",

"Aw le", kawngka thleng ka thlah a, u Ngaia inbual zo pawh a lo chhuk ve chiah. Choka lamah a lo ṭhu phei a, Maian tel chu hik turin ka ti a, a hik thiam turah ka ngai.

Bawkbawn bai ka chhuan fel hnuin u Ngaian maian a hik zawh leh zawh loh ka en a, kuang hnihna a lo hik mek. Muangchangin a lo hik a, a uluk hi a ni tawp.

Ka tibuai duh lo a, thildang ka tihsan leh daih. Ka nuin a hmuh chuan puih a tum a, pui lo turin ka hrilh ru,,ka nu pawh a nui sen sen.

Maian chu, chaw ei dawn teah hmanhmawh deuhin bai ila, a tui duh ber, ka nu sawi.ṭhin dan. Maian hi, bai zawng zawnga ka bai thiam loh ber a ni ang.

Ka u inbual zoin a pui ta a, ngawi rengin an hik dun a, u Ngaia chu uluk tih hriat reng a ni a, ka u erawh, a uluk vang ni loin, a zawi vangin a muang.

Chaw kan ei a, ka u chu ka en leh zeuh ṭhin a, a ei tlem lutuk ringawt. Drip khai zawh aṭang hna a thawk lehnghal si a, inentir a ngai dawn tlatin ka hria.

Tv hmaah kan ṭhu ṭhap a, Merlin a chhuah chiah bawk avangin Merlin-ah kan bur chat. U Ngaia pawhin mit tla lek lekin a en.

Ka u erawh, a ngai tein thatchhe zetin a ṭhu a, room-a va mut hahdam daih a inthlahrung a nih ka ring.

A chauh thu sawi lo mah se, a chau tih a hriat ngawih ngawih, nuih pawh a nui peih lo, a ṭawng peih chang chang a ni mai.

"Chaw in ei kham tawh em?", Ngheti a lo au lut nghal a, a hnungah Mimi-in a lo zui. A lo in ak puar a, eng tak chu lo ti ang maw?

"Ei tawh e a, lo kal rawh u", ka nuin a lo ti a. Dawhkanah a bag nghatin, Ngheti chuan, "Nu, tui in nei ṭha maw, Mimi sam kan pawt dawn a, u Ngaia lo rim pahin", a ti lang lang a.

Mimi-i zak chu, Ngheti a sik sawk. U Ngaia hmuh a châk thu a sawi tak kha maw. "Kan ngah lutuk, in hmang zo a nih pawhin i u Zauan a lei mai dawn alawm", ka pain a lo ti ve leh a.

"A uikawm em mai, kan hmang zo lo mai ang", Nghetin a lo ti vat. Ka u ka en a, a chek hlak. Dam ṭha ver vawr se chu aw, tuna mi te kha, ka uin engtin emaw takin a chhang leh tawh hrim hrim.

Mimi leh Ngheti an lo phei a, Mimi-in u Ngaia chu a en ngam ṭawk. A hmai a sen vek a, a lâi ngei bawk. U Ngaia erawh, tv a en char char, engmah a hre tawp lo ang.

Ka nu leh pa chu mu turin an chho a, an mut a la chhuak miah lo, Merlin an en ve duh tih ka hre kar.

"Mi, ṭan ang, a tlai hmain",

"Lawk, en lawk.ang, Morgana a sual ṭan dawn", Mimi-in a tih chuan, "Morgana sual hnu aṭang hi chuan, kei chu ka en duh tawh lo", Nghetin a ti a.

Mahse, tui ti takin a en ve leh tho, ngawi rengin a en ṭhin lo hi a buaithlak ta ni, a ṭawng zet zet a, ka u a thaw ri leh hrawih zel.

A tawpah, "Ṭawng lo khan en ve rawh", ka uin a ti ta nge nge. "I thu lo", Ngheti lahin a lo ti hmuk. "Ṭan tawh mai ang", Mimi inthiam lo chuan a ti ta ngawt.

Choka lamah kan phei a, Mimi sam chu Damdawiin a chiah leh phawt, a rimchhia ka ti, a hrisel miah lo ang.

"Venpui, thla la ang u, in pa telin", Mimi chu a phun sap, "U Telawma ka ko mai tur asin", ka ti a. "Ho e, Telawma bak ka thinlung luahtu an awm chuang lo a", Mimi-in a ti sap a.

"In va chhe dun tak, in intihtheihna a ho em mai", Nghetin a ti hlak. Mimi nen kan nui kur kur a, "Ngheti tan hian zawn sak ve ang, amah lah hian zawn a tum bawk si lo", Mimi-in a ti lang lang a.

Ngheti a ner salh salh, "In ninawm reuh e ah, duh ila chuan e, zawn ngai loin ka duh duh ka thlang thei, bialpa neih ka duh loh vang mai mai alawm", intithei fe hian a ti a.

"I hmuh zawh loh vang nih kha", Mimi-in a ti leh a, Ngheti chu thaw halhin, tukverh panin a hawng a, "U Telawm, u Telawm", tiin, a au ta mai.

Mimi nen kan lo nuih ver ver a, u Telawma lah a lo eih ve mai bawk. "Mimi-in lo kal ve rawh a ti", Nghetin a han ti mai chuh, "Lalnghetpui, ka beng dawn che", Mimi-in a ti hlak.

"Ka ko a ni ve mai a", Ngheti lahin a lo ti sam et. Rei loah, u Telawma a lo lang ve nghal, "Hei, i pawisa hmanga intihnalh a tum ringawt a nia", Nghetin a ti a.

U Telawma chu nui sukin, "A man phu loin chhuah nalh ang che", a ti a. Kan bulah a lo ṭhu a, "Saw, tv va en ve rawh, Venpuii pasal a lo kal a", Ngheti chuan a ti a.

U Telawma chu meng phar kâwkin, "Engtikah?", a ti a. Nghetin, "Nimin lawkah, va phei ve rawh", a ti a.

U Telawma chu thoin, Mimi a en a, "Heta i awm chhan ka hre ta e", a ti sup a. Ka u te ṭhutna lam a va pan a, engtak va sawipui ang maw?

Group hnihah kan inṭhen phawk chu a ni ber, mipa lamin eng nge an sawi kan hre miah lo a, tv an en char char nge ni dawn?

Keini lam erawh, hmeichhia tih takah, "Ngheti, make-up zawrhna group-ah chuan min lo add tir tawh rawh",

"E, aw, lawk aw, ka'n hrilh nghal ang e",

"Keipawh ka duh ve nia", ka ti a. "Aw, ka hria", Nghetin a tih chuan, "A tê ber lah hi thu thei lutuk mai", Mimi-in a ti sap.

"Ka hre thei vek a nia", Nghetin a lo ti hlak. Mimi nen inenin kan nui ringawt. Bengbeh leh ṭhi zawrhna group.bikah te min add zel a, ka phone pawh a phuisui tawh angreng.

Mimi-in nen number kan inpe a, a awmna group hrang hrangah min add ve leh. A ṭhen chu, Pathian thu post-na te a ni a, Status inshare tawnna leh, uanna group te a ni hlawm.

"KṬP Group vela ka awm lai ka ngai", ka ti sap a. Ka ngai lutuk ringawt, "In lerh lutuk a, pasal ka nei hma e in ti nih kha", Ngheti chu ka melh ralh, ṭawngthei lutuk mai.

"Hrethiam rawh, single zia a nia",

"A single reng chhan pawh hi a awm.viau asin", ka ti a. Mimi nen kan nui kur kur. Ngheti pawh chu, "Sawi peih tawh lo, in ninawm sia e", ti hlakin, a nui hak hak.

Mimi lu suin a chhem ro a, a bungrua ka lo khung fel sak. Ka kut fai takin ka sil a, damdawi a khawih dawn hi chuan, kutkawr bun tawh ṭhin se a ṭha ang.

Kan inpeih fel meuh chuan, dar sawm a hnai kuar. "Nghetpui, hei ka lo inhnawih, a nalh reuh lutuk", nailpolish sennô kengin Mimi chuan a ti a, Ngheti a bu nghat.

Tv en turin kan phei ve leh a, Merlin a lo tawp chiah. "Aaa, in lo phei a, in titawp ringawt alawm", u Telawma chuan a ti a.

Ka u pawh, a hmel ka hmu nung sâra ka hriat chu(h)! "Merlin en turin kan lo kal ve em em a", Ngheti chu, vûi âw takin a ti a.

U Telawma bulah Mimi a ṭhu a, kei u Ngaia bulah, Ngheti chu ka u bulah a ṭhu duh si lo a, kan bulah ka ṭhuttir ringawt.

Mimi chuan, nailpolish a inhnawih a, a bur u Telawman a kensak. U Ngaia ngheng deuhin phone ka en a, Merlin zanin atan a tawp ta si a, inkhel bak en tur an nei dawn chuang lo.

"Khawi remote kha, hmet sawn zut reng mai",

"I thu lo", ka uin a ti ve hlak. Ka group awmna thara bengbeh thleng thar an post chu ka en kual a, an nalh hlawm lutuk ringawt.

Mimi thil zawh tuma ka va hawi chu, u Telawma nen an inbe tui lutuk a, ka ṭhulh leh ta ngawt.

Bengbeh pakhat chu ka en ngun deuh a, ka zoom thul, ka mit a la ngang. "Engzah man nge?", u Ngaian a tih chuan, a man ka en a, ka âng phuau.

"A to thei e", ka ti a. "I duh em?", a tih leh chuan, "Duh lo mai, beh sen loh ka nei tho", ka ti a. Dik tak chuan, ka duh reng, a to em a ni.

U Ngaia ka ngheng ar ar a, inkhel a en thung. Inkhel en nuam a ti thei ve e. "Inkhel lo te hi, en tur dang a awm lo mawni?", ka nui hak.

Ngheti chu a ṭhu tûm luau a, ka u remote a dil lahin, ka uin a pe duh bawk si lo. "A va tlai tawh ve, haw a hun der tawh nih hi", u Telawma chuan tiin, a ding hluai a.

Ngheti pawh a ding vat, "Mimi nen min thlah teh u, chow ka ei nasa lutuk a, ka pum a nuam lo ṭan", a ti nang nang a. Keini pawh kan ding a, pawn thleng kan thlah.

"Pum nuam lo tur reng a ni", u Ngaian a ti zawi sup a. Ngheti a ngaihtuah tih a hriat lutuk, ei thei a ti ngawt ang.

Ka u mangṭhain mu turin kan chho dun hnak hnak a, mu tura kan insiam fel hnua lukham ka deh rualin ka chatthla nghalin ka hria, zanin boruak a nuam lutuk a, chhun lama thil duhawm lo thleng pawh ka hrechang tawh lo.

Zinga ka harh chuan, u Ngaia pawh a harh ve chiah, phelh phangin min en a, ka nuih saih. Tun hnaite hi, ka thawhkhalh ve ziah.

"Ngati nge i nuih a?",

"Mut i kham loh hmel lutuk a", ka ti a. A nui suk ringawt. Min lo kuah a, "Mu ṭha leh mai ang", a tih chuan, ka nui sak ringawt.

In la hrangin ka ṭhu chhuak a, ka sam te ka hui ṭhs mawlh mawlh. "U Ngai, khawngaihtakin naktukah Champhaiah chuan kal zawk mai ila, vawiin chu ka u Damdawi ina hruai ka duh a, a la chak ṭha si lo a, a chau chhe mai ang tih ka hlau", ka ti nang nang a.

U Ngaia pawh lo ṭhu chhuakin, "Aw le, naktukah kan kal zawk dawn nia", a tih chuan, lawmthu ka hrilh a.

"Mahse, thil pakhat i hriat tur a awm",

"Eng?",

"Keipawh, ngaihsak ka mamawh ve tho nia", a ti zawi sup a, ka nui hak. "Chuti, Damdawi inah nsngpawh, inentir turin ka hruai ve dawn che nia", ka ti chu, naupang thuawih thei deuh angin a bu nghat.

Ei rawngbawla ka phi buai laiin, an lo lengkhawm ṭak.ṭak a, u Ngaia an bawr luai luai.

Ka pa a awm a, ka ngaihtuah lutuk lem lo, ka pain a sawisak vek mai ang. Ka u lo tho chu, "U, vawiinah Damdawi inah kan kal dawn nia aw",

"Ngaia nen maw?",

"Aw, nangpawh i tel, nangmah ber kha inentir tur i ni", ka ti a. A lu a thing nawk nawk. "Kan kal dawn tho tho, i chau chhe mai dawn, chuvang chuan, inentir i mamawh", ka ti a.

A thaw halh halh, a chalah 'ka peih lo' tih a lang kuau mai bawk. Chaw ei laiin ka pa bulah ka sawi a, "A ṭha tak ang, va kal rawh u", a ti a.

Ka pain a phal miau chusn, ka uin a hnial thei lo hrim hrim. Thleng ka sil zo chiah tihah, Ngheti a lo lang a, "Vawiin chu, in kal tawh dawn sia, thlah tur chein ka lo kal vang vang", a ti a.

Tui a in khawlh khawlh, "Naktukah zawk kan kal dawn?",

"Ngati?",

"Vawiin chu, Damdawi inah kan kal dawn, ka-",

"I rai maw?", ka pum a rawn khawih. A kut ka la sawn a, "Ka u ka entir dawn, rai lam pang a ni lo", ka ti zawi sap.

A ti zahthlak thei tak tak a ni, "I rai maw ka ti hmsn alawm, a thuhrimah, raina turin in awm reng reng em?", a ti leh.

"Chungte chu, Pathian thu thu alawm", ka ti a. A ngaihtuahna hi a tawi nge a thui pawh ka hre lo.

"Venpui, lo kal lawk teh", ka uin a tih chuan, "Nghet, va kal lawk mai teh, gas hi ka lo hru lawk ang", ka ti a.

Phun bul bulin a kal ve mai, "A chhiat chhiat nen, paih daih rawh", tiin, Ngheti chu a au zui rawng rawng. Engtak chu ni leh ang maw?

Gas ka hru zo a, Ngheti lo chhuak har leh, an thawm a reh lutuk chuan ka ngaih an tiṭha lo a, ka u room ka va pan.

Kawngka a inhawng deuh a, ka va bih dek dek.chu, ka kalsawn rang chiang lutuk. Inchungah ka tlan chho daih.

Ka âwm dawm chungin khum chungah ka ṭhu vat, ka u leh Ngheti kha an infawp chiang lutuk!

"Venpui, i ṭha maw, engtizia nge?",

"Engmah a ni lo, ka lûngphu hi a rang deuh thut a", tiin, chhuanlam ka siam a. U Ngaia ka hrilh dawn nge dawn lo ka hre lo.

U Ngaia ngaih tihṭhat loh ka hlauh avangin, pangngai thei ang berin ka awm a, ka insiam ve nghal mawp mawp.

An duhthu ngeia infawp an nih ka ring chiah lo, a chhan chu, Ngheti khan ka u a bawh a, an hmui pawh a insi chang chang chauh.

Nghetin a haw sa nen, ka u lahin a ngeih chiah lo nen, insual an tumna lamah an chesual a nih a rinawm ta ber.

Chutiang ni loin, a rukin, ka hriat lohin lo inngaizawng ta se, mahse, chutiang a nih ka ring chiah bawk si lo. Nghetin ka u a huat zia leh, a der pawha a ngaihzawn duh lohzia, kei tluka hrechiang an awm kher lo ang.

U Ngaia nen kan chhuk a, ka u room ka thlêk zeuh, engtin nge an awm zel ang le? Ka u ka ko a, phak chuapin a lo chhuak.

U Ngaia nen kum inrual reng an nia,,mahse, ka u a upat hmel ngawih ngawih zawk.

Ngheti ka hmuh loh avangin a awmna ka zawt a, "A haw", thatchhe zet hian a ti a. A hmelah, danglamna hmuh tur a awm tehchiam lo, a hmel ngai reng, chau hmel reng a la pu tho.

Ngheti chu, engtin nge a awm ang aw? Ka u Maruti-in Damdawi in kan pan a, he a Maruti hi a sumdawnna bul.ṭanna a ni ve a, motor thar loin, a Maruti hi a khalh ve ngat ngat.

Ngheti ka call a, min chhang thei miah lo. A hnungah ka ṭhu a, a hmaah u Ngaia a ṭhu a, ka uin a khalh thung. U Ngaian khalh chhawk.a rawt a, "Hei hi chu, keimah tih loina an khalh ka remti lo", ka uin a ti bur.

Ngheti ka call leh a, a vawi linaah min chhang thei hrâm, "Ngati nge i lo kalbo daih a, ka zawng nasa lutuk che",

"Tihtur pawimawh deuh ka nei thut a, ka hrilh hman tawh lo che nih kha",

"Ka u chu, Dam-",

"A sawi pawh lo sawi suh, nakinah ka lo call ang che", ti lang langin, phone a off daih. "U, Ngheti i hau leh em ni?",

"Hau e, a ṭawngthei em a nih kha",

"Chu pawh nise, hau vak zel tawh suh", ka ti a. A rum nghut ringawt. Ka u hi chu, engtinmah a awm ve lo a, Ngheti erawh kha chu, an awmdam hi ka hrethiam miah lo.

Pawnah u Ngaia nen kan lo nghak a, a insawi kaw thei em ang chu a. U Ngaia kut tuamna ka phelh a, a dam chu a ni tawh mai.

"Ka tuam leh duh ang em?",

"A dam tawh em hi, ngai tawh lo mai",

"Engtin nge, i zai theih a?",

"Ka zai pawh a ni lo", a ti a. Bawlhhlawm bawmah ka va paih. "Engtikin nge i zai a?", ka ti leh hrâm.

"Manav-a te Party neih zan tuk chhunah khan", a ti a. Ka ngaihtuahna a harh zawk, Station-a ka kal khan, a kut a lo buaipui tihna ni dawn nimaw, zungbun a phelh anga ka lo ngai pawh kha!

"Venpui, eng nge i ngaihtuah?",

"Ih, Station-a ka lo kal khan, dawhkanah kan inneih zungbun i dah kha ka hmu a",

"Thisen a kai sia, phelhin ka hrufai a nih kha, tuam ka tum a,,bandage ka ti tla a, ka chhar lai takin i lo lut a, ka hnungchhawn ta reng che nih kha", a ti dap dap a.

"Zungbun i hmuh vang chu ni em, i lo haw loh?", a ti leh a. Inthlahrung deuhin ka bu nghauh nghauh.

Inneih zungbun hi chu, a hlu ve em bawk a ni. A bikin, ka tan phei chuan, a hlu lehzual. Ka kut a rawn vuan a, hahdam turin a mitmeiin min ti a,,ka thaw huai.

Ka u pawh a lo chhuak a, damdawi a chawh ho kan lei a, a en a, a ner salh salh. Vitamin vek an nia, a tui zawk hlawm ngawt ang.

"Dawrah chawl ila",

"Ina haw ka duh zawk", ka uin a lo ti vat. U Ngaia ka en a, a bu nghat. Inah kan haw ta zawk a, ka u a mu hle hle.

Ei tur leh chawhmeh te kan lei haw pah avangin, a hranpaa dawr kal a ngai lo hlauh.

U Ngaian naktuka kan awmdan tur ka nu leh pa a hrilh a, Champhai aṭangin Shillong kan ban tlang nghal ang a, chuta ṭang Punjab a ni leh tawh ang.

"In awm rei lo ti viau mah ila, hna in nei bawk si a, in kal poh a ni ang chu", ka nuin a tih chuan, "Nia, Pathian zarah han dam zel phawt ila, in lo la zin leh dawn nia", ka pa pawhin a ti a.

Ka ngai nghal ngawt nia, ka nu leh pa pawh chu, an hnual rawihin ka hria! Chaw ei kham aṭang ka u leh u Ngaia chu, tv hmaah an ṭhu leh nghal.

Ka pain committee a neih avangin ka nuin zuiin, an chhuak a. Kei erawh, Ngheti ka nghak ngar ngar thung.

A lo kal tur hi a ni ringawt, a lo kal lo a nih chuan, an inah ka kal chilh tho ang. Naktuk zingah kan chhuak dawn a, zanin pawh, riak se a ṭha ang.

A tawpah, kawngka a lo inkik a, Ngheti, Mimi leh u Telawma te an lo inzui lut. Ei tur leh in tur an lo keng a. Ka ngaihbel vang nge ni, Ngheti chu a ṭi dakin ka hria.

Merlin la chhuah hun a nih avangin, kan vaiin kan en a, Ngheti a ṭawng zuah zuah. Ka u ka va en ṭhin a, thatchhe zeta a ṭhu chu, Ngheti ṭawng a ning tih hriat nen, a hlauhawm lek lek zawk.

"Morgana fel laia a thawmhnaw inbel ṭhin ho kha, a nalh ka ti, a changkang si", Nghetin a ti lang lang a.

"Hmeichhia chu kan vannei e, incheina kan ngah bik. Kawr, puan, kekawr, pawnfen, pheikhawk, tlereuh, make-up, aaa, a tam e", Mimi pawh chuan a ti a.

"Ṭawng tam lo ula, a ṭha a ni mai", thatchhe zetin ka uin a lo ti a. Nghetin, "Eng maw i sawi ah?", a ti vah a.

Ka uin, "Engmah", a ti bul hmuk. "Remote kha ka lo keng", Nghetin a ti a. Ka uin a phal loh ka rin nen, Ngheti chu a pe!

Ngheti lah chu, a che khawr lehnghal. Anni pahnih hi aw, ka ngaih an tiṭha miah lo.

Ei tur an lo ken kan ei ṭan a, in tur nen. "A pair pahnih kan awm sia,,a pair lo ve ve te hi, han inpair thut mai ula", u Telawma chusn a ti a.

A sawi chhana te chu kan en hrek hrek,,"In chhe zeh zuah e ah", Nghetin a ti hlak a, "Ka hnial miah lo", ka uin a ti a.

Nghetin a melh rum ngang mai, kan nuih hak hak.a, ka u pawh a nui suk. Zaidam takin Ngheti chu ka uin a en a, Ngheti erawh chuan, meng ling hlarin a en thung. Ka hrethiam ta ruai ruai.

Mimi duh angin, thla kan la ho a, Mimi-in Status-ah a hmang hmasa ber bawk. Pawn thleng kan thlah a, min thlah turin zingah lo kal turin Ngheti chu ka hrilh a.

"Tumteleki chu, a ngaihawm dawn hle mai",

"Nun hi a tihlim ve a",

"Mahse, zanin chu a ngawi lutuk a, a nuam chiah lo",

"A chau ve pawh a ni mahna, a thawkrim ve ṭhin a", ka ti a. U Ngaia pawhin, Ngheti ngawichawi chu nuam lo a ti ve tho.

"Naktuk chhuah a ngai sia, muhil ang aw", a ti a. Ka hnung a beng thek thek a, min khan tlat bawk, ka tlan chhuak awm tawp si lo.

Ka mit ka chhing a, "Venpui, i muhil tawh em?",

"Muhil lo",

"Meng teh", a tih chuan ka meng a, min fawp nghal, ka meng phar awk! U Ngaian min fawp, helai hmun a lo thlen aṭanga min fawh vawikhatna.

"Venpui, ngati nge i ṭah a?", ka lu ka thing ringawt. Ka mittui a hru a, ka biang dawmin min fawp leh a, min fawp dam lutuk ringawt.

"Champhai thleng phawt ang aw", a nui suk a, min khan leh hmiah. Ka mittui a hnâm ṭiam ṭiam a, ka lawm lutuk ringawt, min fawh hun ka nghak char char a, ka nghak chhuak ta hrâm!


Show post links
Top

[Ngaia]

I Ninawm
Chapter-22
Ziaktu: Cck Lalchhuanawmi

"Champhai thleng phawt ang aw", a nui suk a, min khan leh hmiah. Ka mittui a hnâm ṭiam ṭiam a, ka lawm lutuk ringawt, min fawh hun ka nghak char char a, ka nghak chhuak ta hrâm!

Hmâ taka thoin kan insiam a, ka mut a la chhuak lutuk ringawt. Ngheti ka call a, min chhang thei ṭhak lo. Ka u pawh, ham bai bai chungin a room aṭang a lo chhuak a.

Pawnah kan awm ṭhap tawh, "Ngheti chu, a va lo kal har ve", ka nuin a tih chuan, "Ka call nasa lutuk, min chhang thei lo reng reng", ka ti a.

Ka sawi zo chiah tihah, "Kan lo thleng", thaw hlawp hlawpin a lo thleng. "A tlanin ka lo tlan", a ti a. Kunin a khupah a innemkhalh a, a thaw hlawp hlawp.

"Muangchangin thaw rawh", ka ti a. "Inah phone ka dah a, Zing ṭawngṭai inkhawm ho nen kan intawk a, min be buai alawm le", inthlahrung deuh hian a ti a.

A pawi loh thuin ka hrilh a, a thaw halh halh tawh. "Kal ang u", ka nuin a ti a. Ka u Maruti-ah kan inhnawh khawm ṭun.

A hmaah u Ngaia a ṭhu a, a bak.chu a hnungah kan inhnawh. Ngheti ka pawm a, "Tunkar chu, in cham ka rin vei nen, a nih loh pawhin, thla khat chawlh in nei tho a, hetah chawlh hman mai awm, Champhaia hman kher, a intih Celebrity chawlh hman thlak lutuk", Nghetin a ti nuah nuah.

A banah ka sik hlak a, "A nâ", a rak ṭhat. "Ṭha deuhin min thlah rawh, kan tluanh lo mai ang e aw",

"In tluang awm e, Champhai aṭang lo let leh dawn ula chu ka hrethiam. Mahse, kan inhmu ṭan chiaha in kalbo leh nghal daih dawn a, thil dik a ni lo reng reng", a ti leh nuah nuah.

Ka chhang duh ta lo, min chelh a duh tih ka hrethiam mai, ka thu chu nise, kum khat chuang cham pawh ka pawi ti lo. Mahse, u Ngaia a thu tawh zawk a, keiin thu ka nei tawh lo.

"Nghetpuii tan, pasal tur kan zawng ve mai dawn mawni aw, a khua a har ṭan tlat", ka pain a tih chuan, "A teuh lo mai, pasal neih ka duh teuh lo, ka duh lo nasa", Nghetin a ti lang lang.

Ka pain, "Engvangin maw, Venpuii pawhin pasal a neihsan tawh che hi?", a tih leh chuan, "Ka duh lo a ni tawp mai, vanduai phei chuan, zu in mi leh kutthlak ching te an nih phei chuan, chutiang pasalah ka nei ang tih ka hlau, ka duh teuh lo", Nghetin a ti leh bawrh bawrh a.

Ka rilruah ka u a lo lang nghal vat, ka u hian Ngheti a duh deuha hriatna ka neih vanga ngaihbel nge ka nih phei chu ka hre lo. Mahse, zu in mi leh kutthlak ching a tih khan, ka rilruah ka u a lo lang vat.b

Ka u hian, Ngheti hi a va chhâi ṭan ang a, Nghetin a lo duh dawn si lo, chumi vanga a duh lohzia ka u hriatthiam theih tura sawi pawh a ni mai thei a ni. Ka ngaihtuahna vakvel mah nise, a dik dawn riauin ka hria.

U Ngaia phone a ri a, "Aw le", a tih rualin, a dah leh nghal a. Ka u bulah ding tura hrilhin, kawngsir remchang laiah a ding a, "Chhiat an tawk a, vawiin leh naktukah an chhuak thei dawn lo a nih chu", u Ngaia chusn a ti a.

"A van pawi, mahse, tun kar chu cham rawh u, u Ngai, a pawi lo tiraw?", Nghetin a ti nghal vat. Min tizak lutuk, a rukin ka sik leh hlak, tun ṭum erawh, a rak tawh lo e.

"I lei zit zet kha thunun rawh", ka uin a lo ti hlak. Ngheti chu a titau bur nghal. "Chuti a nih chuan, let leh phawt ila, kan sawi ṭha dawn nia", dam deuh zawkin ka u chuan a ti a. In lam kan pan leh.

In kan thlen chuan ka pain, "Engtin nge ni dawn ta, a va buaithlak ve aw", a ti a. Ngheti ṭawng tum leh chu, ka dang vat. Ngawih hun a hre lo ṭhin hi ni buaithlak, a ṭawng a nih leh vaih chuan, ka u thin a thawk a ni mai.

"Vawiin leh naktuk kan awm leh rih a ngai tihna a ni mai", u Ngaia chuan a ti a. Inthiamlo hmel deuha min lo en chu, nuih deuh saihin, ka dar ka chhin hak.

"Sumo counter dang pawh a biak theih tho alawm,,a man ka peksak dawn che u nia", ka uin a ti a. Kan inngaihtuah vung vung hlawm.

A tawpah u Ngaian, "Ngai lo mai rawh se, tun kar chu, Ngheti sawi angin kan awm leh rih mai ang, chaw kan heh chuang lo", a ti zawi sup a. A inthlahrung lutuk chu, ka khawngaih zawk.

Ngheti a au hluai a, ka uin a melh nô lo teh e. "Makpa fel neih man", u Ngaia chu enin, a kutzungpui pahnih a tipir vah a, Lalnghetpuiin min tihzah ṭum ber a ni ang.

"Chutia awm in duh chuan, in duh chen chen in awm thei alawm, chaw pawh ei ṭeuh ṭeuh rawh u, Pathian zarah kan nghei bik êm lo ang", nui kur kur chungin ka pa chuan a ti a.

"Ka'n mu ṭha leh teh ang", ka pain ti lehin, inchungah a chho nghal a. Ka u pawh, mu ṭha turin a kalsawn ve leh.

"Chaw ei khamah ka lo kal ang", Ngheti pawh chuan a ti a. A chhuak nghal nal nal. "Nangni pawh, han inthlak rawh u", ka nuin a ti a.

U Ngaia nen kan chho hnak hnak a, inenin kan nui leh hak ṭhin a, kan dinhmun chu a lâi lutuk ringawt.

U Ngaia chu, ka uin a dawrah a hruai a, Ngheti lo kal chu, a lo thlen tirh aṭang ka hau nghal char char.

"Ka rilrua awm ka sawi ve a ni mai lawm",

"Rilrua awm sawi chhuah hun te a awm, a hun leh hmun thliar loin i ri phawng phawng ṭhin a, hei vsng lawm ka u pawhin a hauh ṭhin che",

"I u sawi kher a ngai mi, i u te chuan min haw(hua) sa hrim hrim",

"A haw(hua) sa hrim hrim lo che, tunah chuan, ri phawng phawng zel tawh suh, ka duhsak vang zawk chea hrilh che ka nih hi, i hria maw?", a bulah ṭhuin ka kuah a.

A la tum bûr, "Nghetpuii hmelṭha phuk phuk, tunah lo nui rawh se", ka ti a. A inla ngeng lui tlat, "Ka monu hmelṭha nui-", ka ti chiah chu, "Kal rawh", ti hlakin, min nam sawn nghal dawrh.

"Khati khan vawikhat mah min ti tawh suh",

"Eng chu, monu hmelṭha kha maw?",

"Lalvenpui", lukham la lawkin min vawm chawrh. Lukhama invawm te zawng, a na lo em mai.

A la tûm deuh bûr si a, ka va kuah leh hlun hlun, "Engmah lah hi i hre ve si lo a", a ti chuai raih a, "Eng chu maw?",

"Ka ngai thei lutuk che tih pawh i hre lo,,ka sawi duh ngai lo a, nang lah, min ngai ang pawhin i awm lo. I lo thlen takah chuan, a hma anga kan awm leh ka ring a, mahse, u Ngaia char char i buaipui a", a ti nang nang.

A vûi âw chu, hriat hmaih theih a ni lo, a lungawi lohna nen. "Ka tihpalh lutuk, keipawhin ka ngai thei lutuk che, ka ṭhian pawh ni loin ka unaunu i nia. Pasal ka nei tawh nen, Nghetpui, ka tihpalh lutuk a nia", ka ti a.

Chutiang lam reng ka lo ngaihtuah tawh lo, ka inhaw ngawih ngawih, ka ngaih ṭhin tehreng nen.

"A ho lutuk, u Ngaia aiah min ngaihsak rawh ka tihna a ni chuang lo, keimah vanga u Ngaia i ngaihsak loh kha a ṭha miah chuang lo. Pasal i nei tawh a, a hma ang tak taka awm kha chu, a theih tawh lo hrim hrim alawm",

"Ka hria alawm, ka ngaihtuahna tuiek ṭhin hi lawm, buaithlak",

"A ho ka tih kha,,mahse, in cham rei chu ka la duh reng a nia aw", a ti a. Ka bu nghauh nghauh. "Takah, ka sam hi, min pawhsak ve ngai ang, mahse, a thlawnin aw",

"I va han phakar tak, in pa hausak nen nen",

"A hausa lo, a la rethei dawn chauh",

"Engvang ngawtin, a hlawh hnem e",

"Police hlawh hi a tam lo nia, chubakah, nautê kan neih hun ami tur khawl a ngai alawm", nui ver ver chungin ka ti a. "Va han chhe tak", ti hlakin, lukhamin min vaw chawrh chawrh. A nui nasa ber berah a ṭang.

Kan pahnihin kan inawm nileng a, kan inhmuh leh huna kan awmdan tur a suangtuah ang te min hrilh dap dap a.

Kei ai mah pawha, a khua lo har ṭhin zia ka hriat chhuah phah. A sawi pawh a dikin ka hria, rilru nâ deuhin ka lo haw a, Ngheti ka ngaihtuah hlei thei lo a.

Tunah, u Ngaia a lo thleng ve leh a, ka ngaihtuah lo leh a, mahse, Ngheti erawh ka bulah a awm char char thung a, ka ṭhian Rohlu tak hi chu ah.

"Nghet, training i peih tawh loh chuan, nangmahin bul ṭan daih ta che, dawr hawn te i sawi kha",

"Dawr luah man te hi e, a to lutuk, ka rilru hahna ber a ni alawm",

"Kan veng aṭang pawhin i lalut ṭeuh thei ang chu, kan veng pan ber i ni ṭan tawh a, an koh theih turin i number dah chhuak la", ka ti a. A ngawi ren rawn a, a inngaihtuah vung vung.

A hnuah, "Nia, a ṭha ngawt ang, i awm chhunga kohtu ka neih chuan min pui ang a",

"Pui dawn ele, kan inak bawr luah ang a, kan kal chhet chhet ang a", ka ti a. Kan pahnihin kan sawi zui zel a, kan nui vak vak.

Tlai lama chaw ei tur erawh chuan, kan insawm hlawhtling thei ta lo thung. Zan lamah erawh, a lo len tur thu a sawi a. Ngheti haw hnu rei vak loah, u Ngaia leh ka u pawh an lo inzui lut.

Chaw kan ei a, ka pain ka u dawr chungchanga a ngaihdan te a zawt a, muang cherh chawrh, sawi sual hlau leh inthlahrung takin a fakna thu a sawi a, ka lo hah vek thei.

Ngheti a lo kal a, ṭhutthlengah a ṭhu âwn duai nghal, "Ka chau lutuk", a la ti zui ham ham lehnghal. Nilengin inah a awm reng sia, nui ver verin ka lu ka thing a, buruak hi a hap ve chiang em.

Ka nu leh pa te mu tura an chhoh fel hnuin, ṭhutthlengah a mu thluang zuarh nghal. Ngheti mutna ep chiahah u Ngaia nen kan ṭhu a, a laia ṭhutthlengah, thatchhe zetin ka u a ṭhu ve bawk.

Mut a tum ut ut a, u Ngaian mu lo tura a hrilh zel avangin a la ṭhu ve hrâm hrâm. Damdawi ei ṭan chauh ni mah se, ka hmu thau ta riauin ka hre leh nghal.

"Merlin hi a hmuhnawm ka ti reng,,mahse, changtunu atan midum an hmang leh, Morgana an tisual kher hian ka thin an tirim, rilru nâ deuha en tawp ṭhak a ngai ziah", Nghetin a ti lang lang.

U Ngaian, "Morgana te chu, thawnthuah pawh a sual alawm", a ti a. "Chu pawh nise, Khawnglung Run pawh, thawnthuah te chuan changtunu a thi lo a, film-ah an tithi tho lawm", tiin, Nghetin a lo hnial.

U Ngaia chu a ngawi ta daih a, a hnial hneh dawn lo tih hi, ka hrechiang em. Ka u chiahin a tukzal thei. Ka u lah, tunah rih chuan, a kulcho chhe der mai sia.

"Mordred-a te saw, a naupan laia a ṭhat tehreng nen, a upaa changtupa lah, a chhe lutuk a, ka thin hi a rim ngawih ngawih",

"Chu chiah,,Mordred-a kher saw ka ngaidam thei lo, a naupan lai ang chiah zawn tur a nia",

"Chuan, Freya an tithi pawh kha", Nghetin a tih chuan, "Aw, kha kha, Freya kha, Merlin ka khawngaih dan kha, amahin a phum a nia, oh, aa, a phum chu a ni tho", ka ti a.

Merlin scene-ah chuan, Freya thi kher hi, ka tuar dam thei lo, "Kan en hmasak berin, Freya sûn nana ni thum chhung thawmhnaw dum kan inbel kha i la hria em?", Nghetin a tih chuan, ka nui hak.hak.

"Hre chiang e, awii, a lo âtthlak e, school kan chawlh phah kha nia",

"Zan khat kha, kan la ṭap tlaivar khanglang zui, ka ngaihtuah hian ka nuih a za tlat", Nghetin a tih chuan, "Tv hmaah puan phahin kan la mu zui", ka lo ti a. Kan pahnihin kan nui vak vak.

Âtthlak lutuk, a zahthlawk zawk alawm le. Naupang chhe zawk.zawk kan ni pawh a ni lo, kan tleirawl chhoh tirh, nula rilru put ṭan hun deuh reuh vel a ni a, mahse, naupang rilru kha la pu tlat hek.

"Merlin leh Freya love story a hrana kan ziah ngat kha", Nghetin a tih chuan, "Aw, kha kha, kha kha", ka ti hluai.

"Aw, kha kha, kha kha", Nghetin a lo ti ve leh, "Lalramênga ker kur kha, tun thlengin ka la ngaidam thei lo, khatih laia ka lo that nghal lo kha ka inchhir",

"Jail tân i duh em ni?", u Ngaian a tih chuan, "Ka hlau thlawt lo", Nghetin a lo ti vat. "Chubakah, in nu kha class CR sual berah an thlang ṭhin a nia aw", Nghetin a tih leh chuan, "Lalnghetpui", ka lo ti hlak.b

"Nge, i sual reng alawm le, class CR sual ber han nih tawp mai chuh, i sual sual nen, class bunk i la hlau ve tumhrang a",

"Class bunk te chu, fine a tam a CR sual ber nih tawh mak nak laia sual chikima sual te chu ah, chubakah, bunk pawha bihrukna tur a awm loh kha",

"A awm avang nih kha, ka bunk.pui ṭhin che, khûr beuh beuh tê khan min han zui ve a", a nui nghal uar uar a. Ka va han vaw(vua) châk tak.

CR sual ni mah ila, class bunk kher kha chu ka huaisennain min support lo, ka thau-ah min man tlat zel.

"Kei ai pawhin i sual zawk tih an hre lo reng reng",

"I thaw ve nih chuh, tu nge meizial zu ru hmasa zawk?",

"Lalnghetpui", ka ti nghal tuar a, a nui huah huah, "Meizial bakah, sahdam hmuam te kha", a tih leh chuan, ka tho lawk a, ani pawh tho thuaiin a tlan a, ka um.b

"Lalvenpuii, CR sual, meizial heh", a ti pah a, "Lalnghetpui, ka hnek dawn che", ka ti a. Ka um kawi zar zar.

"Pi Thangi te dawra waiwai i ruk zin nen", ka ti a. "Tui ti taka i ei ve ṭhin tho kha", a lo ti a. Ka um kawi zar zar, a ngal a chak si.

"Lalnghetpui, ding rawh",

"Lalvenpui, ka ding lo ang", a ti a. Nui hak hakin chhuatah ka ṭhu thla hnawk. Ka pum ka dawm a, "Pi Thangin a man che a, a insuk tir che kha", chhuat bengin ka nui a.

"Darthlalang a nawh tir ve tho che kha", kan pahnihin kan nui vak vak a, kan chet chhiatna lai kan sawi zel a, zan a rei nge rei lo pawh kan ngaihtuah lo.

A hnuah, ṭhingṭhi chungin kan inpan hnai a, ṭap chungin kan inkuah, "Venpui, ka ngai thei lutuk che, nang lo chu sual rawngbawl pui tur pawh ka nei lo",

"Nghetpui, keipawhin ka ngai thei lutuk che",

"I sual lutuk, pasal min neihsan daih a, pasal pawh kan nei rual ang a, fa pawh kan nei rual ang kan tih vek kha",

"Lo kal rawh, kan naupan lai hunah khan let leh daih ang", ka ti a. Kan ṭap dun hawm hawm.

Kan pahnihin tet tê aṭangin u Ngaia nen kan inneiha, hmun danga kan awm hma chu kan awmdun char char a. Ka ngai lutuk ringawt, tun hma ang tak takin kan awm thei tawh si lo.

Naupanlai hun kha, a lo nuam ber mai, rilru hahna tur reng reng a awm lo a, engmeh lungkham leh engto tur a awm bawk si lo.

"Engtikah mah kan let thei tawh lo", Nghetin a tih chuan, "Ka rilru a nâ lutuk", ka lo ti. Kan insût hlawp hlawp a, kan inen a, kan ṭah nuih hak hak.

"Mu turin han chho rawh u, zan a rei tawh", u Ngaia chu insût faih chungin kan en a. Ka u nen ding chungin min lo en dun reng tihna chu a ni sia, ka zak hnuhnawh.

"Zan a rei tawh ka tih chu", u Ngaian a ti leh a, "Ka'n haw ang e, min lo thlah ula", inthlahrung zetin Ngheti chusn a ti a.

Kan pahnihin kan la inkuah reng, kan hmel a bûi dûk ngei ngei ang. "Zanin chu, Venpuii bulah riak rawh, mahse, zan dangah chuan ka phal tawh dawn miah lo nia", u Ngaian a ti dam dup a.

Ṭap ṭeuh chungin,,"Ka lawm e", Nghetin a ti a. Thoin inchungah kan chho a, ka khup a hik mup mup.

"U Ngaia lakah ka inthiam lo e",

"Keipawh,,mahse, i hnial ang tih kha ka lo hlau zawk",

"Ka hnial phal teuh lo, i bulah nge a mut ve ang le, nge ṭhutthhlengah?", a tih chuan, ka ngaihtuah vung vung.

"Ka uin a bulah a muttir ka ring", ka ti a. A bu nghat. "A fel e, kan dinhmun a hrethiam tawp mipa ve si, mi hriatthiamna a ngah ka ti, fa duhawm deuh deuh, tam taaawk hrin sak ṭeuh ang che",

"Lutuk, nangma'n min awmsak char char bawk ang", ka tih chuan, "Lutuk", a ti a. U Ngaia fakna thu Ngheti kâ aṭanga chhusk ka hriat chuan, min tihlim lutuk ringawt.

Tun chauh lo pawh, kan dinhmun chauh lo pawh, mi zawng zawng chunga hriatthiamna a ngah ka ti mai. A bikin, ka chungah.

Ngheti nen pawh chuan kan muhil thuai mai lo, kan titi siam siam reng a, kâ hupin kan nui khûr leh dar dar zel bawk.

Zinga ka harh chuan, Ngheti ke ka pumah a awm a, khum mawngah ka lo awm. A hahthlak ṭhin a nia.

Ngheti ka kaitho a, rum ṭuah ṭuahin a tho. Zi mar mar chungin bathroom-ah ka lut a, Ngheti a lo lut ve thusi.

Ka hâ ka nawh zawh ve leh, ka hâ nawhna a chuh thuai a, a hman zawh veleh, a paih nghal.

Inhnuaiah kan chhuk a, ka u a room aṭanga lo chhusk nen kan intawk, "U, u Ngaia khawiah nge?",

"Inchungah a lo chhoh kha", inchung en chho pahin a ti a. Kan room-ah a lo lut miah si lo.

"Chaw in ei tawh em?",

"Ei loh a hun tawh em ni, dar kua a rik tawh hi", ka uin a ti vah a. Ngheti a ner sawk. "Mi'n ṭha te tein kan zawt ve a, khatia inchhan kher a ṭul em ni?", a ti hlak.

"Thawh hlim aṭang inhnial lo teh u", ka ti a. Ka kalsawn daih, an inhmuh zat apianga inhnial reng mai.

"Venpui, ka kal aw",

"Aw le", ka kut ka vai zeuh a, "Venpui, ka va haw ve nghal teh ang, in lamah an lo buai lutuk palh ang",

"Call mai la, chaw pawh kan la ei loh hi",

"Ka lo kal leh zawk ang, u Zaua ka inthlah tir teh ang, nih aw", a ti a. Kawngka hawngin a chhuak zui.

Motor chhungah an inhnial buai loh hrâm ka beisei. Chaw ka ei a, thawh chiah vang nge ni, ka ei tui lo reng reng.

Hmun ka tifel a, "I mutui em?", u Ngaian a lo ti thut chu,,ka phu nghek. "Min tihlau alawm", ka ti zawi sap.

"U Ngai, nizan kha, tihpalh lutuk aw", tim daiin ka ti a. A nui suk, "Ka sawi kha, zan dangah chuan ka phal tawh dawn miah lo, nizan kha a tawpna aw", a ti dam thlup a, ka bu nghauh nghauh.

In ka tihfelnaah min pui a, Ngheti nen nizana kan sawi ho min zawt a, ṭha takin ka hrilh ve mai.

Nui chunga ka hrilh a tam mah zawk, min ngaithla kar a, Ngheti nen hi chuan, chet ṭhatna aiin chet chhiatna kan ngah zawk tlat a, chuvang chuan, chet chhiatna hlir bak chanchin sawi tur kan nei lo.

"Venpui, veng dangah min lo ko a, zanah pawh ka lo leng hman lo mai thei a ni",

"A ni maw, a va lawmawm, tikhan, a ṭhiante hrilh ve zel turin hrilh la",

"Nia, ka lo ti ang, u Ngaian a hau che em?", a tih chuan, ka nui sak. "Hau lo e, mahse, nizan bsk chu a lo riak thei tawh lo a ti", ka ti a. A nui hak.

"Lo kalpui che i duh em?",

"Duh lo mai, u Ngaia nen induat rawh u, nizanah a muttuina ka chhuhsak daih sia, ka inthlahrung", a ti a. Nui ver verin ka lu ka thing nar nar, a ngaihtuahna tak hi chu aw.

Thingpui kan in a, ka nu leh pa te ka Paliana te ina kal turin an chhuak zui a. U Ruata leh a nupui an inhau deuh a, zilh turin an kal dawn pawh ni mai thei ni.

U Ngaia nen chauh kan awm a, tv ka en tir a, kei ka inbual daih. Bathroom aṭanga ka chhuak chu, khum tlang nghengin a lo ṭhu âwn a, inkuangkuahin a mit a lo chhing.

Ka va pan a, "U Ngai", ka sâwi che dat a, "Ka muhil lo", a lo ti. Ka inthlak a, ka inthlak zawh ve leh, a bulah ka va ṭhu. A meng a, a lamah min pawt hnai.

"I van rimtui", nui sukin a ti a. "I sam erawh, a la huh deuh a nih hi", ka sam zût pahin a ti a. Mi la inbual ve te.

"Ka tiro peih tawh lo a", ka ti a. A khi suk. "Ka u bulah em ni i mut?",

"A mang a chhe lutuk",

"A ni maw, chuti, i muhil ṭha miah lo ang",

"Mu ṭha tho", a ti a. Ka awih lo reng reng, darkar khat pawh a muthilh ka ring lo. A sana bun ka bih a, "I la muhil hman",

"I mu ve dawn em?", a tih chuan, a bu nghat. Min kuah khawm vek a, min khan bawk a, ka kawr hnung lam zen lutin a chul kual riak riak a.

A hnuah, kawrhnuai kilhna a phelh,,muthilh chu khawilamah. "Kan chhungte awm loh laiin", a khi suk.a. ka biang dawmin min fawp a, a tir chuan min fawp dam viau mah se, a dam reng thei bik ta lo.

Ka hmui a tikau a, ka thâwk a phal lo ni ang hrimin a lei a chet kual zuk zuk a. Min bawh a, ka hn*te a hr*wm nawk nawk bawk.

A hnuah, ka kawr hak leh kawrhnuai min phelhsak a, ka hn*te pakhat hupin, pakhat a hm*am a, a kâ lum ham ham chhunga awm tih takah, a leiin a hr*al kual pah reng bawk a.

Ka tuar thei ṭan dawn lo, ka hn*te pakhat zawkah lo pakai lehin, a hnuah, ka ir nô chho lai te nen, a hmuiin a nûl kual den den.

A fawp thla leh zel a, ka dul chu a nûl kual thuak thuak a, ka kekawr tlang pawt thla deuhin a fawp kual a, a kut vuanin, "U Ngai, period a zo", ka ti a. Min lo en chho ha.

"Tak tak maw?", a ti a. Ka bu nghat. A hmelah lawmna ka hmu nghal thei. Min lo fawp a, "Venpuii mipa mamawh a ni e", ka ti chu, meng bial kâwkin, a nui suk.

Min fawp zeuh a, "Kha thu kha ka hriat lohna a rei tawh lutuk", a ti zawi sup a. Ka nuih sak. A nghawngah ka kuah a, ka kâ chhungah a lei hna a thawhtir a.

A kutin ka hn*te a ṭham nawk nawk bawk, a dawngsawngtu hi ka insiamrem hman meuh ṭhin lo, engtin emaw min ṭhawng thut zel. Ka hn*te a ṭham reng emaw tih laiin, ka tisa nêm lai a zu ṭham leh nghel zel.

A nih loh pawhin, ka kekawr chhanah a t*ai leh né né zel. Kan inthlah hnuin, kan thaw dun halh halh a, a hmui a huh nasa lutuk ringawt, chutiang bawkin keipawh.

Ka kekawr phelh a tum chu ka lo dang a, tukverh lam ka hawi. Nui sukin a tho a, parda a zat ṭha mawlh mawlh.

A thawmhnaw phelh chungin a lo phei a, a lo thlen chuan a inphelh fel dim diam tawh. Ka kekawr leh underwear a phelh a.

Ka sirah a kiua innemkhalhin,,ka lu a tuai heuh heuh pah a, amah en tlat turin min ti. "Venpui, min en rawh", thei leh thei loin ka en ṭawk ṭawk.

Ka taksa a lum ṭan a, u Ngaia chu min fawp pah turin ka hrilh, keimah zawkin ka fawp. Ka thâwk pawh a pangngai lo ṭan a,,ka lûngphu pawh a rang tawh lutuk.

U Ngaia hmui si ché chéin ka awm a, ka thaw halh halh, lukhamah ka lu ka nghat a, ka nawr chho tawk tawk, "Venpui, meng rawh", thei leh thei loin ka meng a, ka en ṭawk. Lawm hmel taka min en avang hian a nât thu ka sawi ngam lo.

Mahes, hei ai thui hi chu ka kalpui ngam dawn lo.


Show post links
Top

[Ngaia]

I Ninawm
Chapter-23
Ziaktu: Cck Lalchhuanawmi

Mahse, hei ai thui hi chu ka kalpui ngam dawn lo.

A bân bul ka vuan a, ka hmer vak vak, lo kun hniam lehin ka hmui a khar a, hetia a bân emaw a kut ka vawn tawh hi chuan, a hrethiam tawh lutuk ringawt.

A tawp nan, muangchangin a tuai né né a, nui sukin min en a, ka hmelchhe dawn lutuk ringawt.

Ka chungah lawn kaiin, ka chhunga luh a tum chu ka lo dang, "Ka tihpalh lutuk",

"A pawi lo, a la dam fel chiah lo a nih kha",

"Thisen a chhuah leh ka hlauh avang a nia, pawi ka ti lutuk",

"A pawi lo ka tih kha, la nghak leh deuh mai ang", ka chalah a hmui a nawr vang vang a, ka inthiamlo lutuk ringawt.

Min khawih ringawt pawhin, hetian ka awm a, a tak ram lamah min hruai lut phei se chu, thisen a chhuak leh hialin ka ring. Ka chhung lam a la dam fel chiah lo a nih hmel!

Ka insil ṭha leh ringawt a, bathroom aṭanga ka chhuah ve leh, inbual turin a lut ve a, a inbual zawh ve leh, a âwma min kuah bet chungin kan mu a.

Nizanah a mu ṭha lo a ni ngei ang, a muhil fel derin ka hre mai. Hmeichhia a zawnga chak lo ber ni maiin ka inhria, pasalte lawmna pawh ka tipuitling thei si lo a.

Tihharh hlau takin ka tho ṭhem ṭhem a, dim tein kawngka ka khar a. Ka nu leh pa te pawh an lo haw tawh. U Ruata te chungchang ka zawt a, "An inhauhna a ho lutuk, an ri hlut zel a, pui tham deuhah an chhuah mai mai vang a nia", ka pain a ti.a.

U Ngaia nen kan inhauh hun a la awm ve ngeiin ka ring, chumi a thlen hunah engtiangin awm ang maw? Kut min thlak ang e, in aṭang chhuak turin min ti dawn?

"Nupa chu inhauh chang awm tur a nia,,mahse, inṭhen cho ar hi chu a ṭha lo. Chubakah, nupui zawk te pawh hian ngawih hun hriat a ṭha, nupui tan phei chuan a tlawm zawka ṭan hi hreh miah loh tur", ka pain a ti leh a.

Ka nuin, "Hmeichhia puh vek tur pawh a ni chuang lo, mipa ho pawhin inthunun theihna te hi neih ve ngai", a lo ti a. Ka pa chu a nui hak, "A ngawi zawkah ka'n ṭang mai ang e", a ti a.

Ka nu nen kan inen a, kan nui ver ver ringawt. Ka nu leh pa te inhau thawm ka la hre miah lo, a chhan chu, an room-ah an sawifel daih zel.

Khua a thim ṭan a, u Ngaia pawh a lo chhuk a. Ka u chauh kan nghak tawh. Ka nuin ka u call turin min ti a, min la chhang thei lo zui.

"Kan eisan mai dawn mi le aw, ril a ṭam tawh alawm le", ka pain a tih chuan, "Nia, a pawi miah lo ang", ka lo ti a. U Ngaia pawh a rilṭam tawhin ka ring.

Chaw ei ka siam a, u Ngaian min lo pui ve leh, "U Ngai,,lo ṭhu rawh,,ka ti thei alawm", ka tih pawhin, a lu a thing nawk.ringawt.

Chaw ei tura kan ṭhu fel chiah tihah, "Hey, khati khan min ko tawh suh", tih thawm, pawn lamah a lo awm nghal. Ngheti âw a ni tih ka chiang bawk.

"Kal rawh", a ti hlak a, kawngka hawngin bawr deuhin a lo lut. "Ka chau lutuk", a bungrua chhuatah a nghat chawrh.

A hnungah ka u a lo lut ve nghal mai bawk, "Bawihte", ka uin Ngheti chu dam deuhin koin, "Khati khan min ko tawh suh ka tih kha", Nghetin a ti hlak a, a pheikhawk a phelh lawk a, ka u chu a vaw nghek nghek.

"Nangmah vangin ka zak lutuk, i thiltih kha a ṭul lo ber ang, vawikhat mah Bawihte tiin min ko tawh suh, i hria maw?", ṭap ṭuau chungin Ngheti chuan a ti pah a.

Ka u chu a indang mawl tawp a, a nui suk suk lehnghal, "Bawihte, i-", ka uin a tih leh chuan, "Zawrchhepa", Ngheti a au tuar a, ka nui chhuak hawk. Ka kâ ka hup rang lutuk.

Mahse, ka u chu haw(hua) ang pawhin a lang lo a, a lawm zawk emaw tih tur a ni. "Kal sawn teh", Ngheti chusn a ti leh hlak a,,ka u chu a su chawrh kher. A chhuak daih a, hrilhhai deuhin ka lo en tawp.

Ka u a khi vur vur a, min hmu chiah chu, a nui lai tawpin, a tukkhum a hiat nuah nuah ringawt. "E, kha, kawngah ka tawk a, ka lo phur haw ve ta mai anih kha", a ti bah nawk a.

Ngawi rengin kan lo en kar hlawm, kawngah an intawk thei lo hrim hrim. Ngheti khan, ka u vanga a zah thu a sawi a, khawiah emaw, mi tamna laiah an awm a ni ngei ngei ang, ka uin dawt a sawi chiang lutuk.

"Ka va inthlak ang a, ka lo kil ve nghal mai dawn nia", a ti a. A room panin a kal nal nal. A zak deuh nge ni, a lo chhuak har phian zui.

Ka pain, "I ei thuai thuai ang u, a lo chhuak zak a nih dawn saw", a ti a. Kan ei thuai thuai,,"Kan hriat loh hian an lo inhmelduh reng te hi ni lo maw le?", ka nuin a ti a.

"A ni lo ang, Zaua hian chhaih kawlh a hrat em mai", ka pain a tih chuan, "A hrat tih chu ka hre tho a, mahse, zanin kha chu a dang alawm", ka nuin a ti ve leh.

U Ngaia ka en a, a rukin a nui ve suk suk, ka ringhlel ṭan ta riau lehnghal, ka u nen an inkawm nasa ve a, engthil emaw hriat chu a nei hrim hrim ang.

"Kei chu, an lo inhmelduh a nih pawhin ka hnial miah lo a nia, inneih te hi duh hlei hlei sela ka ti. Zaua pawh a insiam ṭha chho ve zel ang a, chubakah, Nghetpuii chu kan fanu ang tho a nia, he in chhung enkawltu ber atan a ṭhat ber ka ring. Tunlaiah, mo sual an tam tawh si,,keini chhung chu, heti kan ni si a", ka nuin a ti dap dap a.

Ka nu chu ka en a, Ngheti mo atan a duh tih ka hriat chuan, ka lawm ru veng veng. "Leh ngawt ṭhin a, thuchiang engmah a awm hleinem, Nghetpuii rilru kan tikhawlo mai mai zawk ang", ka pain a lo ti a.

Ka pa pawhin a duh ve thoin ka hria, mahse, Nghetpuii tan ka u hi chu, a iai pui ve deuh a ni mahna.

Chaw kan ei kham fel ta maw tihah ka u a lo chhuak a, a inthlahrung lutuk chu a rukin ka nuih kur kur. Tam pawh a ei lo, vawithum vel a bar a, a kham daih.

"Venpui, tuilum a awm em?",

"Awm chiang e, ka lo siamsak ang che", nui varin ka ti a. A nui tawi tak. A inbualna tur ka siamsak a, "U, ka siam zo aw", ka ti a. A lo bu nghat.

Ngheti bungrua chu hmun dangah ka dahsawn a, a kalsan lui nge,,a thinrim luatah a hrechang tawh lo zawk nge ni?

Ka u chu, a inbual zo room-a a luh aṭang a lo la chhuak miah lo. Ka nu nen kan thlêk leh ṭhin a, "Awm mai mai teh u, in tiṭi zo ang e", ka pain a lo ti ṭhin a.

Ngheti lah a lo lang thei reng reng lo, min lo call bawk si lo, inchungah ka phone a awm daih a, ka chho peih tawh miah lo.

Dar riat a rik chuan, ka nu leh pa te mu turin an chho a. U Ngaian a bulah ṭhu turin min ti vat. Ka nu leh pa awm lai kha chuan ṭhut dun a zak ve deuh a ni.

Ṭhutthlengah a ke pakhat hlang chhoin, a kap karah min ṭhuttir a, ka hnung aṭang min kuah a, ka darah a khabe a nghat, ka dul zawnah a kut pahnih a suih bawk a, ka lo vawn hnan.

"Ka ngai lutuk che", a ti sup a. Ka bo chiang lutuk, "I bulah ka awm reng hi", ka ti a. "Min kalbosan lai khan mawle", a tih chuan, ka lei ka seh zeuh.

A inphawrh chhuak dawnin a lang, "Min hmangaih thu i sawi kha, i ti tak tak em?", a tih chuan, a hmaah ka inher a.

"Ka mitah hian chiang tawkin en la, i hre mai ang", ka ti a. A biang dawm pahin, ka tuai leh zeuh ṭhin a, ngawi rengin min en a, keipawhin ka en ve kar.

Kan pahniha rei tawk fang kan inen hnuah, a nui suk a, "Ka lawm e", a ti zawi sup. Keimah zawkin ka fawp hmasa a, lawmthu sawi a ngai lo reng reng.

Ka bengah ka sam a zep ṭha a, ka sam chu a khalh niap niap. "A nêl ṭha reuh hle mai",

"Ngheti pawh ngil tir ka tum ve asin",

"Ngil pawh nise, in pawt kir leh tho zel a", a ti a. Ka nui hak, a sawi dik ve tho. Kan sam a ngil lahin kan pawt kir a, kan sam a kir lahin kan pawt ngil leh a.

"Aa, ka pawhtir ve hrim hrim duh, tihbuai ve reng reng ka châk", ka ti a. "Damdawi chuan inchiau lo hrâm rawh aw",

"Damdawi a,,eng nge awmzia?",

"Botox an tih ṭhin hi, kei chu, original hi ka duh zawk", ti pahin, ka âwm a ṭham a. Ka hrethiam.ta chiah, "I engmah tihlen nan damdawia inchiau duh reng reng suh", a ti a.

"Ka hmui tal", ka tih chuan, "I ngam chuan le", a ti hmuk nghal. Ka nui sen sen a, phal pawh nise, ka duh lo reng reng.

Midang ti erawh ka sawisel lo thung, an duhthlanna a nia, keia lo va sawi theih pawh a ni lo. Mahse, keimah tan erawh chuan ka duh lo thung.

"Lungngai suh,,keipawhin ka duh hleinem",

"Plastic bula chen(cheng) reng a, milem fawh reng ka duh miah lo, mutphei chu-",

"A tawk, a tawk, ka hria e", nui huah huah chungin ka ti a. Ṭha takin sawi ve mai sela aw.

"Mahse, milem duh zawk pawh an awm asin",

"Milem ai chuan a tak ka duh zawk, mihring lumna nei lo te chu ah", a ti hmuk a. Ka hrethiam chiah lo, ka ngaihtuah rauh rauh a, ka hrethiam leh ta chiah.

Ka nui kur kur a, a ngaihtuah ve nasa hle a ni. A ngaihdan pawh chu, a dik ve tho. Mihring lumna nei lo leh, lûngphu ti pawh hriat tur awm lo, rilru leh thinlung pawh inpawh theih loh tur nena khawsak chu ah!

Ka ngheng ar ar a, a kut pakhatin min kuah a, a kut pakhatin ka sam a khawih a. A changin, ka nghawng a thâwk khum leh ham ham ṭhin a, a chang leh, ka biang a fawp thul.

Punjab-a kan pahnih chauha tv kan en lai ka hre chhuak a, ka lung te lam a chhe dawn. Zanin chu, nuam a ti ve tih a hriat, kan pahnih chauha tv en kan ni bawk a, a awm hle hle thei lo, a che sek.

Mahse, ka khak duh miah lo, a chezia aṭang a hlim tih a hriat ngawih ngawih, a nui hmel hmuh a ngai chuang lo, ka hlim angin a hlim lutuk ringawt.

"E hem", ka hawi chhuak rang chiang lutuk. Khi vur vurin Nghetin min lo en, "Thawm nei ta che", ka ti hlak a, a ner salh salh.

"Ka kawngka hawng ri te kha in hre lo em ni?", a la ti zui. Kawngka inhawng ri ka hre lo reng reng. U Ngaia ka en a, a nui sun sun, a hria ni maw, ka thaw halh ringawt.

"Ka haw leh dawn, min lo thlah teh u",

"I lo thleng chauh a, awm ve rih rawh",

"Mut hahdam ka duh alawm, ka ni hman a nuam vak lo, zah avangin ka khu ral lo chauh", a ti nang nang. Ka u nen an chungchang a sawi tih ka hrethiam mai.

U Ngaia nen kan thlah a, rei lo te kan ṭhu a, min kawmtu tur ber Nghetin mut a duh tlat si a, kan haw leh thuai.

Kan haw kawngah, Ngheti nen kan chanchin min zawt leh a, "Kan pian kum a inang a, kei aiin a thlain a upa hlek. Kan veng a inang bawk nen, Kan inkhawm theih tirh aṭang kan pahnihin kan inkawm chawt a ni ber, ka nu sawi dan a nia, a bak chu i hriat vek tawh kha",

"Merlin te kha maw?", a tih chuan, nui varin ka bu nghauh nghauh. "Zaua nen in kum a inthlauh em em chhan hi eng nge? Ngheti chuan unau dang a nei nual a, nang erawh, Zaua nen chauh in ni sia",

"Ka nuin ka u a hrin khan a hrisel lo lutuk a, chumi vang chuan a indang char char a, mahse, a hunah chuan, ka lo piang ta mai", ka ti a. A nui hak.

"A nih, ngaihzawng lam", a tih chuan, ka nui tawp riai riai, ka hnual nghalh rawih mai bawk.

Min dinpui a, ka dar tawn tawnah vuanin, "Venpui, nangmaha a ṭha ber aṭanga a chhe ber thlenga hriat ka duh. A ṭha ber ber ka hre tawh a, a ṭha lo tlem tlem ka hre tawh bawk a, CR sual ber tih te, tunah", a ti a.

"Min hmusit turin ka duh lo che", ka mittui a hru a, "Engtikah mah ka hmusit ngai lo ang che, min enkawltu i nih hi",

"Ih, Mawia kha, ka bialpa hmasa ber a nia, amah kha mipa ka ngaihsak hmasa ber a ni bawk. Chuan, kan awm ṭhin dan pawh i hriat vek kha",

"Chumi hma chumi hnuah, an awm em?",

"Chumi hmain an awm lo a, chumi hnuah erawh, nangmah", kun ngaih chungin ka ti a. Ka hawi chhuak ngam lo reng reng. Ka mittui chu leiah a far fap fap.

Engtin nge min tih dawn ka hre miah lo, a âwmah min kuah bet a, ka hnung a chul hliau hliau. "Kha kha ni mai alawm", a ti dam dup a.

Engtak sawi tum ni maw? "A nih, pakhat leh chiah, kan inneihna kha, tihluihna vang a ni tiraw?", ka mittui a surin a sur ni ber,,zanin a awmdan teh thut hi ka hrethiam lo.

Min ṭhen a tum nge le? "Venpui",

"A dik alawm, Mawia kha neih ka duh zawk a, a hnenah pawh min ru mai turin ka hrilh hial, mahse, ani chuan hmeichhe dang min kawpsan a.

Chuti ni mah se, neih che kha ka duh lo reng reng,,mahse, ka uin min nawr nasa lutuk a. Chumi vang chauhin, Biak in chhungah pawh ka lo lut. Mahse, tunah chuan engkim a danglam vek tawh", ka kuah let a.

A âwmah ka hmai phumin, ka insût hlawp hlawp, ṭap tur ka ni lo tih ka hria, ṭap lo thei lo dinhmunah ka ding tlat a ni.

"U Ngai, min ngaidam rawh, khawngaihtakin min ṭhen suh aw, i tel loa awm harsa ka ti tawh, ka tihsual ni mah se, ka siamṭha vek ang", mittui tla ṭeuh chungin ka en chho a. Min ṭhen turin ka duh miah lo.

A thaw ri hrawih a, dam zeta min enin ka sam a hui ṭha a, "Ngaihdamna tur engmah i ti lo, ngaihdam dil a ngai lo, tuin nge ka ṭhen dawn che ti reng reng?", a ti dam thlup a.

Ka insût faih, chhangchhiatthlak theih lutuk mai, "Hmangaih nei chung leh, tihluihna avang chauhin min nei a-",

"Mahse, a danglam tawh ka tih kha",

"Ka hria lawm, ka sawi ngaithla phawt rawh. Kan inneih nî-a i mitmeng leh chezia aṭang te khan ka hrethiam nghal vek. Make-up khan, i hmela hlauhna leh manganna kha a hliah mai mai a ni.

Chuvang a nia, milem ka duh lo ka tih. Ka sawi tum tak zawk chu, tunah a danglam tawh a nih chuan, a tharin, make-up phena hmel lungchhiatthlak tak awm tawh loin.

Bul ṭan ṭhat nan, Kut Suihna hun nei ang hmiang, nangpawhin min hrechiang tawh a, ka nihna ang anga min pawm duh a nih chuan", a ti dap dap a.

Inṭhenna thu a sawi dawn emaw ka ti a! "Ka nihna ang angin min pawm a, ka chanchin hriat tlak loh i hriat hnu pawhin, min la pawm duh a, engvangin ka pawm duh loh tehlul ang che, ka lawm e", ka ti a.

Inṭhenna thu aia, bul ṭan ṭhatna tur a sawi chu ka lawm lutuk ringawt. Keimaha a ṭha ber leh a chhe ber hre chung pawhin, min ngaihsak a ṭhulh bâng lo a.

A nihna ang anga pawm chu, ka tih ve tur a ni, ka pawm fel der tawh zawk. A muhil lai chu ka thlir a, a biang ka chul heuh heuh.

Kei chu, Pathianin Aamana Vantirhkoh min pe tawh bik bik, ka vannei lutuk ringawt, min kalsan loin ka bulah a la awm reng dawn zui!

U Ngaian ka nu leh pa a sawi pui a, Shillonga kan nu leh pa te pawh phone kaltlangin a sawipui a. A hnuah, kan nu leh pa te ve ve an inrawn a, Aizawka Kut Suih chu an remti tlang.

"Ka va lawmpui tak che, i vannei e",

"Khawvela hmeichhe vannei ber ka ni hrim hrim ang",

"Ni lo e, keimah zawk alawm, nang ang ṭhian ka nei a", Nghetin a ti a, ṭap ṭeuh chungin kan inkuah.

"Kan pahnihin kan vannei ve ve", a ti leh a. Ka bu nghat nghat. Kut Suih kan tum chhsn te ka hrilh ve vek a, hriat hi a phu ve ngawih ngawih.

Shillong aṭang an lo thleng ṭak ṭak hlawm.a, u Ngaia nu leh pa te nen paw'n kan innel nghal thuai.

U Ngaia u te chhungkua pawh an lo kal thei a, a u nupui nen paw'n kan inbe nghal bawrh bawrh thei, kei ai mahin a fel zawk, fa an nei hmelṭha hlawm si.

Kan Pastor a zin chhuah dawn avangin, hmanhmawh a ngai a, rei deuh nghah a ngai lo hlauh, ka lawmzia chu ah!

U Ngaia an pawt peng tlat a, Kut Suih Nî thlen hma chu khum khata kan mut an phal tawh lo. Ngheti nen kan mu ṭhin a, u Ngaia u fa naupang ber Mawimawii hian min ngaina tlat pek.a, ka bulah hlir a mu.

A tuk Kut Suih Nî thlen dawn zan chuan, u Ngaian min hruai chhuak a, "In tlanbo ang e aw", min lo au zui rawng rawng a, ka zak lutuk ringawt.

"U Ngai, khawiah nge kan kal dawn?",

"Kan thleng ṭep", ti ringawtin min chhang a. Thil ṭha lo a thlen loh hrâm ka beisei. Kan in aṭanga hla ve tawk tak kan thlen hnuin kan ding a, kan hmalam a kawk a, Mawia ka hmuh chuan, u Ngaia ka en vat.

"Biak che a duh a, thinrim loin, ṭha deuhin in inbe dawn nia", a ti a. Hmalamah min nam a, ka hawi let a, min nuih sukin kan lo kalna lamah a let a.

"Duati, Venpui", Mawia zawk chuan, ka dinnaah min lo pan a. "Lo biak hmasak che ka ngam si lo a, ka lo be tawp a nih kha, thinrim miah suh",

"Eng nge i duh a?",

"Inthlahna thu mawle, chu chauh chu ka duh. Naktukah, in inKut Suih tawh dawn si a, Kut Suih satliah mai mai a ni lo tih ka hre bawk a nia", za vak loin a nui zui a.

"Chuan?", ka lo ti. "Mawilo taka ka chet avang khan ngaihdam dil che ka duh a, ka ngaihtuah a, ka lo tirethei ṭhin lutuk che kha, tun hnuah ka inchhir. I lo let duh tawh lo pawh ka hrethiam tawh. Venpui, min ngaidam thei ang em?", ngen ngawl tak leh, beisei takin a ti a.

Ka ngawi reng ringawt, a tawpah, "Ka ngaidam che, keipawh ka thiam bik lo, ngaihdam ka ngai ve tho",

"Ni lo e,,thiam lohna pakhatmah i nei lo. A tir aṭanga tun thlenga thiam lo.chu keimah vek ka ni. Hlim i phu ngawih ngawih, hmangaihna nen",

"Ka lawm e",

"Tihian, mihrang kan ni tawh dawn chu a ni sia, ka ngai thei khawp mai, min hmangaih lai te,,min ngaihsak lai te. Khang kha hrethiam loin, ka tei kualsan mai mai ṭhin che a, hun ko kir thei ngat ila chuan, khang hun kha ka ko kir ang a, i tan mipa ṭha ber ka ni tawh ngei ngei ang",

"Hun a koh kir theih si lo a", ka ti a. A khi suk. "Ka sawi duh chu, ka lawmpui lutuk che. Min kalsan hnua ka tana i hlutzia hre chhuak chauhin nei let leh che tumin ka ṭang a, mahse, ka ṭang chhuak zo ta lo a ni.

Hlim deuhin awm la, Khawvela hmeichhe hlim ber leh,,nupui hlim ber ni ang che",

"Nu pawh", nui sun sunin ka ti a, "Khawvela nu hlim ber pawh", a ti zawi sup a. Ka nuih sen sen. Min en vang vang a.

"I hmelṭha lutuk ringawt, ka tlai avang hian ka inchhir reng dawn a nih hi",

"Ni lo e, hmangaih i la tawng ve dawn alawm, inchhir reng renga hun hmang turin ka duh lo che, Pathianin i Vantirhkoh a la hung ṭha khiau zawk a ni mai thei asin", ka ti a.

A nui suk suk, "A tawp nan,,ka kuah thei che ang em?", a tih chuan, ka lu ka thing nar nar. "A nih, chibai tal", a tih leh chuan, ka bu nghat.

Ka kut ka phar chhuak a, a lo vuan vat a, a hmer nghal vawng vawng. A mittui tla ka hmuh chuan, ka ṭek chhawk, a mittui tla hi ka la hmu ngai lo!

"Venpui, ka hmangaih che tih ka hriat meuh chuan a tlai tawh si a, ka theihnghilh theih che ka ring tawh lo, mangṭha le",

"Mawi, mangṭha le", a inher a. A helmet khumin bike a tinung a, lo hawi let tawh miah loin a tlan nghal vang vang.

A hma ang thoin, ka ngainat ṭhin ang deuhin a sam a tipir a, a bike dum nena inchawih turim thawmhnaw a inbel leh a. A hmel pawh, a la ṭha reng.

A hnungah ka ṭhu ṭhin a, Urlawk zana min tlankual pui lai te chu, ka mithlaah an lang zut zut.

Tikhan, kan pahniha thawnthu chu a tawp tihna, a tawp ta der! Amah nen suangtuahna ka neih nasat nen, kan thawnthu a inṭan hmain a tawp ta der.

Ngaihtuah zui duh tawh loin, ka mittui hruin ka inher a, kan lo kalna lamah muangchangin ka phei a.

"Aw Lalpa, Mawia tan i Vantirhkoh zinga mi Duati kha lo chhukthlak tir tawh rawh", ka rilruin ka ti a. Keipawhin, ka theihnghilh hlen bik chuang lo ang.

Mahse, ka hriatchhuah pawhin, ka nuna mi pakhat ve mai tih chauhin a ni tawh thung ang.

Kan in kawta u Ngaia ding ka hmuh chuan, ka tlan phei a, ka kuah nghal thlawp.

Ka en chho a, "Ka hmangaih che", ti sapin, ka kuaikun a ka fawp. Min chawi chho a, a hnungah ka ke ka kherh bet.

Ka thlah hnu chuan, "I tizahthlak thei lutuk", a ti sup a, a hawi kual rak rak nghal a, nui varin ka beng hlak..

"I over em mai", ka ti a. A khi suk, "Lut dawn ang hmiang, an lo hlauthawng nasa vel ang e", ṭhen sak nghal chungin a ti a. Ka bu nghat.

Zing thawh hlim aṭang kan insiam ti ila ka sawi sual lo ang, Ngheti phei chu a buai lutuk ringawt.

Inneih ang tak taka lak thutak dawnin a rem chiah si lo, namnûl dawn lahin, a rem leh bawk.si lo, a lâi ka ti lutuk ringawt. Mahse, ka tan erawh, inneihna tluk tho a ni.

"Ngati nge min en reng a?",

"Vawiin chu, make-up hnawih vak chi pawh i ni lo",

"Ngati maw, nalh ka duh ve tho lawm?",

"I hlim lutuk a, make-up i mamawh lo",,a ti a. A mittui a hnâm ṭiam ṭiam. U Ngaian kan inneih nî-a make-up-in ka lungngaihna a hliah mai mai a tih kha ka hre chhuak zawk.

Mittui parawl kuangin Ngheti ka en a, "Natural deuhin kan ti zawk mai dawn nia,,i hlim hmel kha make-up chi khat a ni tho", a ti thâm chhalh a, ka hnial lo lutuk.

U Ngaian Puanchei min leisak ka bih a, vawiin hian a hlu lehzualin ka hria. Pastor thusawi ngun takin ka ngaithla a, "Pathianin a zawm tawh chu, mihringin ṭhen suh se", a tih chuan, ka thinlung a deng dawt!

Inneih ang tak takin Kut Suih zawh chuan, hun a hman theih tawh si lo a, mahse, in lamah kan ri chel chul.

"Bawihte, tui in tur min lo pe", ka uin a tih chuan, "Hey", Ngheti.a au vat. Kan lo nuih kur kur hlawm a. Ka u hisn, a chhaih fiam nge, a chhaih tak tak pawh ka hrethiam tawh lo.

"Kan inneih nî ang maiin ka ngai,,ka thinrim em avang khan engmah kha hriat mumal pawh ka nei lo, mahse, vawiin chu, engkim kha a ṭanna aṭanga a tawp thlengin ka hre fai vek", ka ti dap dap a.

Nui saih chungin, ngawi rengin min en a.

Ka biang dawmin min fawp a, "U Ngai,,kan inneih zan ang tho a nia",,

"La nghah a ṭha rih zawk ang",

"Ṭha lo ta se", ka ti a. A nui hak.

Khuma a innemkhalhna kut ka vuan a, bedsheet ka ṭham tawn tawn. Hmana thisen chhuah aṭang kar hial liam tawh mah se, a la dam fel chiah lo deuh a ni.

"Venpui, tawp mai ang", a tih chusn, ka lu ka thing nar nar. Ka tuar chhuak thei em em ang.

Min vengthawng leh min tihnat hlau takin a che a, a changin chawl lawk turin ka hrilh pah.

A tawpa tawpah, kan tlingtla thei hrâm. Ka mittui a luang ngiai ngiai a, inneih zan dik tak.a ni!

Min la bawh reng a, ka biang dawmin min fawp pah reng a, a changin min en vang vang phawt zel. Mahse, ka hlim ang tho hian a hlim tih ka hria.

"Nautê insiam nghal se ka ti",

"Tak tak maw?",

"Nautê tam tawk nise, an pa hoa lapawchini an ei lai ka hmu chak", ka ti a. A nui suk suk.

Ka pasalin fa a âwt tih hre reng chungin, nî hman liam ka duh tawh lo. Naktukah te hian, ka pum hi lo puar nghal mai se, mahse, kan thu ni loin, Pathian thu a ni a, a kutah ka inkawltir mawlh mawlh!

Story kan chhiar zawh rualin a hnuaia ads hi kan click theuh dawn nia aw, ads kan click hian writer ten hlawh an neih phah ve zel a nia



Show post links
Top

[Ngaia]

I Ninawm
Chapter-24
Ziaktu: Cck Lalchhuanawmi

Ka pasalin fa a âwt tih hre reng chungin, nî hman liam ka duh tawh lo. Naktukah te hian, ka pum hi lo puar nghal mai se, mahse, kan thu ni loin, Pathian thu a ni a, a kutah ka inkawltir mawlh mawlh!

U Ngaia nen a tho hmasa berah kan ṭang a, dim deuha kawngka hawngin pawnah kan tei kual a, u Telawman min lo hmuh chuan, "A tho tlai ber tur in nih kha, va mu leh rawh u", nui sâng chungin a lo ti a.

"Mu leh mai dawn mawni", nui varin ka lo ti a. Rei inbe loin, in chhungah a lut leh daih. U Ngaia nen hun min pe ve pawh ni mahna.

Sawi tur a hriat loh theih ngei mai, ka lâi em em leh nghal mai a, ka ding hle hle thei lo,,ka che sek mai a, ka khawr deuh ṭun leh nghal.

U Ngaia pawh a ni ve thoin ka hria, min lo en zeuhin a nui leh suk ṭhin a, chu chuan, min tilâi lehzual.

A tawpah, "U Ngai, lut ila, tho an awm tawh mai thei asin", ka ti a. A bu nghat a, inchhungah kan lut a, a la reh diak.

Ka u room-ah u Ngaia nu leh pa te leh a u te chhungkua an mu a, ka nu leh pa te an ni tawh tak. Ka u erawh, ṭhutthlengah a mu thung.

Kan chhung dangte chu, nimim tlaiah a liam thla hlawm, Zirlai te an ni nawk hlawm a, min ngaipawhmawha an lo chhoh vang vang a, kan inKut Suih an tihlu lehzual.

Bawngsa a tam em em a, u Ngaia Bawngsa ei pawh ka hmuh theih phah, a heh viau dawn emaw ka tia, hrangkhat a puar pui thei!

Sangha a duh ber a, Sangha a tel ngei ngei bawk, Sangha-ah pawh a mei ngat. Sangha mei a ei theih chuan, sa dang a ngai lo reng reng, a lungawipui hliah hliah.

Chaw bel chhuan tur ka buaipui laiin Mawimawii room aṭang a lo chhuak a, "Nute, i bulah ka mut leh duh tehreng nen, ka nuin a phal tlat lo a", a ti nang nang.

"Nakinah, ka lo hau ang aw", ka ti zawi sap a, a bu nghat nghat a, a nui ver ver. "Pate, kan rualin in lo haw ve dawn em?",

"Haw lo ang",

"Ngati nge?",

"Kan lêng dawn", u Ngaian a tih chuan, "Khawiah?", a zawt leh vat. "Lehkha zir chauh ngaihtuah rawh", a ti hmuk a. Mawimawii chu a kalsawn daih.

U Ngaia chu, "Ṭha deuhin chhang ve la", ka ti a. Mi pawh en chuang loin, "Aw le", a ti bul hmuk ringawt.

Fa kan neih hunah, khatianga bul deuh deuha chhang turin ka duh miah lo, a u fate pawh a fate tho an nia, bul deuha inchhan kha chu, a ṭha miah lo.

Kan fate bul deuh deuha a chhang ṭhin a nih vaih chuan, ka vaw nek zel ang. Nakinah, ka la hrilh bawk ang, a nau te ho pawhin an be ṭha ngam mang hleinem.

An lo tho sang sang hlawm a, Ngheti lo lang har tawh lutuk chuan, ka ngaih a tiṭha chiah lo deuh. Min lo kaithotu tur zawk a ni asin mawle.

"Ngheti a va lo lang lo em em", ka pa, u Ngaia pa zawkin a ti a. "A lo lang ṭep tawh ang, an in lamah a buai deuh a ni mai thei a ni", ka pain a ti ve leh a.

Ngheti an lawmzia te an sawi a, an nui leh dar dar ṭhin a, ka u ka en a, nuam a ti chiah lo deuh. Mahse, Ngheti an sawi vang hrim hrim erawh chuan, a hlim deuhin ka hria.

Mawimawii nen kan inkawm chawt a, class-4 lai a zir ve tawh a, mahse, a la intinautê lutuk ringawt. A pi leh puin an duat ve bawk nen.

"Ka tlai em", ka thaw huai huai. A tawpa tawpah a lo lang ve thei hrâm. "I tlai chhe hman ṭep a ni", ka nu, u Ngaia nuin a lo ti a.

Ngheti chu a nui ver ver ringawt, "Kan ina pawimawh ber ka ni tlat si a", a ti lang lang. Boruak hi chu, a hap ve chiang alawm.

U Ngaia u nupui, u Mahlimi sam a pawt a, a mithmul te a pawhsak a, U Mahlimi pawh a lawm thiam lutuk.

"I zarah, ka va nalh haih haih em, ka lawm lutuk ringawt. Sam pawhna turin hun pawh ka nei ngai lo a, ka va han lawm tak", a ti dap dap a.

A sam chu a zût leh heuh heuh ṭhin, Nghetin nailpolish a lo ken te chu, pathum lai a leisak a, Nghetin a ngai lo a tih pawhin, pawisa a pe lui tlat a, hreh tak chungin a laksak ve ta mai.

Rei lo te kan leng bawk a, Mawimawiin nuam a ti ber, a u te ho erawh chu an puitling ṭan ve tawh bawk nen, nuam an ti tih an tilang ṭha duh vak lo.

"Naktuk pawh hi la cham ula a ṭha lo maw, in ngaihawm dawn em mai?",

"Pathian zarah dam han hauh ila, la inhmuh khawm leh hun a awm leh mai ang",

"Ngaia leh Venpuii inneih ṭhat tir leh mai ila a ni mai alawm", kan pa te pahnih titi chu kan lo ngaithla a, kan nui dar dar.

Inneih ṭhat leh te chu ah, a hautakin hun a uiawm tawh dawn em mai, chubakah, inKut Suih pawh, inneih ang tho alawm.

"Ka hria e, kan Nghetpuii leh Zaua te innei thuai sela, kan inhmu khawm leh a ni mai", u Ngaia pain a tih chuan, Nghetin, "A teuuuh lo", a ti nghal tuar.

"Ka haw daih dawn, in sual em mai", a ti a. A ṭhutna aṭang a tho ta uaih mai. Ka uin a lo tibelhchhah bawk a, "Bawihte, la haw suh", a ti a.

Nghetin, a chapal a la lawk a, a vawm chawrh. "Khaih, khaih, khatin mipa an ti ngai lo", u Ngaia pain a ti dam dup a. Kan nui nasa bawk nen, Ngheti chu a ṭap ṭepin ka hria.

Ka bulah ka ṭhuttir a, "Kan fiam mai mai che a nih kha, lak thutak tur a ni ngai lo e", u Ngaia pa bawkin a ti a. Ngheti rilrua awm ka hre mai, sawi chhuak lo mah se,,"Duh lo tih hre renga inchhaih lui ṭalh", tih a ni tlat.

Ka u leh Ngheti chu an sawi tawh lo a, chokaah Ngheti nen kan awm daih nghe nghe, Mawimawiin min fin bawk a, u Mahlimi pawhin min fin thuai.

"U Ngaia chanchin te zawt la", ka beng bula Ngheti phun sap chu, "A ho em mai, zawh zawh a ngai lo",,ka ti let sap a. A ner sawk, u Ngaia chanchin sawi tur hi a awm vakin ka ring lo.

"U Mahlim, u Muana nen hian engtin nge in intawn ve?", Ngheti chusn a ti a. U Mahlimi chu a nui sen sen phawt, "Kan intawn dan a ho lutuk, College kan kal ho ṭhin a, Final exam zawh zanah kan ṭhian hoin kan leng a, anni ṭhian ho nen kan inhmu khawm thut a.

Tichuan,,kan leng ho ta a, chumi zan chuan, kan fa u ber kan siam ringawt alawm le", a ti sap sap a. Kan nui kur kur, "A va han ho", nui huah huah chungin Nghetin a ti a.

"A ho ka tih kha", u Mahlimin a lo ti ve bawk. "Chuan, in inhmangaih chho zel mi?", Nghetin a zawt leh.

"A ni mai ang chu, chubakah, ka nu leh pate saw an fel êm a, a tir chuan kan inhau reng zel a, min hnawh chhuah te a tum a. Mahse, ka nu leh pate sawn min sawirem zel a, ka lam an ṭang tlat bawk a, tun thlengin kan la innei tluang zel chu a nih hi", u Mahlimi chua a ti leh dap dap a.

U Ngaia ka nei thei mah vannei ka intih tawh nak laiin, nu leh pa fel deuh ka nei tih ka hre thar leh bawk a,,vanneihna thuahhnih a ni ringawt.

"Mizoram mi i ni em?",

"Ni lo e, kei chu Manipur, College kan kalna pawh chu, Chennai daih alawm",

"A nih, u Ngaia hi i hrechiang ve em, eng ang mi nge a nih ve a hmain?",

"Ngaia maw, Venpuii hian a hrechiang zawk ang", nui sun sun chungin min lo en zeuh, "A ngawi chet chet naa, a fel reuh lutuk. Mawimawii tet lai phei hi chuan, ngawi rengin a ṭap te hi a thlêm a, a timuhil thei berah a ṭang ṭhin. Kan fate thawmhnaw leh an school fee te hi ama tum vek alawm.

Mahse, Venpuii nen an inneih dawn takah chuan, ti tawh lo turin kan hrilh a, thawmhnaw leina tur tia min lo thawn a tum te hi kan lo dang ṭhin a, a chang chuan kan dang thei a, dan theih loh chang pawh kan nei. Fa a neih hunah chuan aw, a duat leh dawn lutuk hi a duat sual ka lo hlauhpui tawh zawk", a ti a.

Ngheti nena an titi chu ka ngaithla ringawt, u Ngaian Mawimawii te unau thawmhnaw leh school fee a tum sak ṭhin tih ka hre miah lo.

"U Mahlim,,ngaih loh lamah ngai lo la, kan inneih hnu hian a lo thawn ṭhin em?",

"Naupang ho school fee maw, vawihnih kha chu a lo thawn, ka hau hrep nghe nghe alawm. Khata ṭang kha a lo thawn tawh ngai lo a", a ti a. Ka lungawi dawn lo nge lungawi mai dawn tihah ka buai.

A fate school fee va tumsak ṭhin chu a pawi miah lo,,mahse, ka hre ve miah lo erawh, chu chuan min tihnual deuh. Kan inneih hma mi chu ka sawi tur a awm lo a, mahse, kan inneih hnua mi erawh!

U Ngaia nen Ngheti kan thlah a, ka u a lo kal ve chak tih ka hre reng, mahse, ka nu leh pate a vengthawng a, a lo kal ngam chiah lo.

Rei lo te kan ṭhu a, inmangṭhain kan haw leh thuai. Inkai chungin kan kal a, innei thar hlim kan ang ngawih ngawih.

"U Ngai, nakinah kan inhauh hunah, min beng ang em?", ka ti a. Mak ti deuhin min en, "Ka sawi chhan chu, inhauh hun te a la awm dawn a, ka hnial zawt zawt phei che chuan-",

"Min hnial zawt zawt chuan hetiang hian ka ti ang", a sawi zuah rualin min lo fawp. Ka hmui hnuai a seh vak, ka bêng hlak hlak a, min thlah duh mai lo.

Ka hrethiam ta chiah, a sualthiam dawn riau, ka sualthiam let a ngai ve dawn tihna a ni mai. A kekawr kap dapin ka'n ṭham mai a nih kha, min thlah chiang asin.

Ka nuih ver ver a, "Chuan,,khatiang kha ka tihdan ve tur", ka ti a. Ka tlanchhiatsan daih. Min lo umzui a, min man chawt, ka kut ka hnungah a suih a, "Police lak aṭanga tlanbo theih inring miah suh", ka beng bulah a phun sup.

Ka nui hak a, "Thui lo te ka tlan hman tho kha", ka ti a. A nui chhuak hawk hawk a, "A nih, han tum leh la", ti pahin min thlah a, ka hmalamah ka tlan leh vawn vawn.

Ka hnungah muangchangin min umzui tih ka hria, tlan ka theih vak loh avangin min lo man vat thei tih pawh ka hria, kei aiin a tlan chak zawk daih.

Inchhungah ka lut a, "I va hah hmel ve, ngati nge a?",

"U Ngaia nen,,kan intlansiak a, ka lo thlen khalh a nih hi", thaw hlawp hlawp chungin ka ti a. Ka âwm ka dawm vang vang. Ka hah lutuk ringawt.

"Pakhatna lawmman a ṭha ang em aw?", u Mahlimin a tih chuan, ka mit ka chhing sawk a, nui varin ka dar ka chhin hak.

U Ngaia pawh a lo lut ve nghal mai bawk. Kan inmangṭha hlawm sup sup a, ka u leh u Ngaia te erawh an la inkawm rih, engtak chu sawi ve ang maw?

Ka sam ka bawk khawm a, ka thlan a chhuah avangin ka intleuh zuai zuai. A remchan em avangin ka ha ka nawt nghal a.

U Ngaia bathroom kawngka kik ka hawng a, towel venga a hmaa ka ding chu mak ti deuhin min en.

"Ka thlan a chhuak sia, ka ban chep chep a", ka ti a. A bu nghat a, a lo lut ve. A ha te a nawt ve a, ka hnungah a ding a, darthlalangah a lang ve vek thei a, darthlalangah kan inen kar..

A lâi duh ṭhak lo lehnghal, keimah zawk ka lâi chu ka mit ka lasawn daih. Ka kam ṭhuahin ka chhuak daih a, night dress leh underwear ka la chhusk.

Hak ka tum chu u Ngaian min lo dang, min pawm kâng lawp a, "Police lak aṭangin i tlanbo thei lo ka tih kha", a tih chuan, ka nuih sak ringawt.

A thawmhnaw phelhin boxer nen chauh ka taksaah a lo chuang kai a, ka towel ven a hlip a, lo kun hniamin ka nghawng a fawp den den a, "I va'n rimtui", a hnar a len ruai ruai.

"Hun ka ngaih deuh i hre duh em?",

"Eng hun?",

"Ka thisen a lum theih nana hna i thawh lai kha", a tih chuan ka nui sak. A awmanglo ka ti lutuk ringawt. Mahse, atan chuan a awm ve hliah hliah tho.

"Khatih hun lai kha ka ngai ber, a chhan chu, i hmelṭhat lai ber leh, i ṭawngkam mawi lai ber a nia", a tih chuan, ka beng hlak a,,khum aṭang ka namthla daih.

Nui hak hakin a lo tho a, a âwmah min kuah bet a, a taksa chungah min bawh tir ran. "Zak thei lo min ti em?",

"Engvangin?",

"A hmeichhia zawk hi, ka lo phur ve thei lutuk a", ka ti sap a. A thaw ri hrawih, "Ka duh daih zawk, mitthi i ni lo tihna a nia", a tih chuan,,ka ṭhen sak ringawt.

Ka lu a fawp vang vang a, a boxer chhan aṭang a taksa ṭang ṭunin min do ul mai bawk.

A taksa chungah min bawh ṭhattir sauh sauh a, "Muhil rawh aw, tui deuhin", ka sam a chul hliau hliau a. Ka hrilhhai lutuk ringawt. Mahse, engmah ka sawi chuang lo.

Ka nu leh pa te leh ka u te chhungkua kan thlahliam a, an ngaihawm nghal vawng vawng.

In kan thleng a, ka pain kan awm zel dan tur min zawt a, u Ngaian Champhaia kal bawk a sawi a, tun ṭum erawh, Ngheti leh ka u an tel ve thung tawh!

Ngheti nen mak ti deuhin kan inen hú ringawt. Champhai aṭang Shillong-ah kan tlang dawn a, hei chu hmana kan tum sa tho a ni. Mahse, ka u leh Nghetin min zui ve tur chu!

Ka u Maruti-in kan la kal dawn zui. Nizana ka u te inbia kha, hei hi ni maw? Ngheti nen kan insik hlak hlak a, sawi tur ber kan hre lo.

A hnuah, "I lo kal ve dawn a, ka lawm lutuk",

"Venpui, ka lo kal ve chhan tur hi ka hre lo reng reng, ka hlauthawng zawk",

"Shillong-ah kan tlang daih dawn sia, u Ngaian i hauh a hlau a niang", ka ti a. A hmel chu, a buai tawlh tawlhin ka hre mai.

"Nghetpui,,kan pahnihin hun tam zawk min hmantir a duh pawh a ni mahna, i hria em, Punjab-ah kan awm leh char char dawn sia, kan inhmu lo leh vang vang dawn tihna a nia",

"Chu pawh nise, ka lo kal chhan tur a awm lo, in pahniha hun hlimawm hman tur ka dal ang che u tih ka hlau, chubakah", a thaw halh, "I u a tel ve dawn zui, amah nena room khata awm ka duh miah lo", a ti nang nang.

U Ngaian ka u nen room khatah a awm tir miah lo ang. Kan pahniha min awmtir ka ring tlat.

Zanah kan insiam lawk a, kan thawmhnaw ṭhenkhat ka nu leh pa te kan hawnthlak tir tawh a. A bag-ah fimkhur thei ang berin, a lehkha file-a ka dah leh a silai a khung a.

Kan thawmhnaw ṭhenkhatin a dah hnan leh. Ka mu a, ka ngaihtuahna a kal ding mah mah a ni. Champhaia kal mai mai tur kan ni loin ka hre leh nghal.

Kal chhan eng emaw tak chu a awm chiang a ni, Police ho thuruk leh bawk a ni ngei ang. Eng thuruk nge ni a, eng nge Champhaiah kan tih dawn?

"Venpui, muhil rawh, zingah kan chhuah dawn kha", min sâwi dat pah a. Ka mit ka chhing nghal, ka ngaihtuahna erawh, a harh lutuk ringawt.

Ka nu leh pa te nen kan inkuah vawng vawng a, kan inhmuh tawpna tur a ni leh ta!

Ngheti nen a hnungah kan ṭhu a, u Ngaian a hma lamah ka u a ṭhutpui. Ngheti nen kan titi siam siam a, kalkawnga kan hmuh apiang chu kan sawi zui zel.

Sunhlu kung kan hmuhin kan zeldin zawm a, Pangpar kan hmuh lahin kan zeldin zawm leh nghal mai bawk.

"Venpui, Nghetpui, kan thleng tawh a nia", ka meng diar diar a, u Ngaian nui sângin min lo en.

Room pahnih kan book a, ka rin ang ngeiin Ngheti nen room khatah kan awm dawn. U Ngaian kan room tur chu a endik chhuak vek.

"Tui deuhin in lo mu dawn nia, pawn lam aṭangin ka kalh dawn a, harsatna in neih chuan min lo call la aw", min fawp zeuh a. "In piah lawkah kan awm dawn a, hlauh tur a awm chuang lo", a ti leh a.

Rei tawk fang kan infawh hnuin kan inmangṭha a. Nghetin a inthiam loh thu min hrilh mawlh mawlh.

"A ho lutuk, hahdam deuhin awm rawh", ka ti a. A thaw halh halh, "Aw le, awmdunna hun in la ngah dawn tho", a ti a.

U Ngaian engmah sawi lo mah se, a rukin a Police hna a thawk dawn tih ka hria. Court-a beihpui thlak an rel kha,,kha ngei kha, Champhaiah hian a thawk dawn.

Ruihhlo an ti ngei bawk a, North East bitum an tum bik bawk kha. Champhai hi Mizorama ruihhlo luhna kawng pakhat kha a ni ve tlat a ni.

He hna thawk tur hian an thlang a, ka va han fing sawt tawh tak. Kum a ral meuh chusn, case puitling tak pawh, ka chingfel thei tawh ngei ngei ang.

Pawnfen ngal chen thleng ka feng a, Converse ka bun a, top ka ha bawk. Ngheti pawh a nalh lutuk ringawt.

Kan paliin kan leng kual a, u Ngaia leh ka u ten an chau hmel thup an tum hrâm chu ka hmuh hmaih lo nasa lutuk, zanah an chhuak chiang alawm. U Ngaian Ngheti a kaltir ve chhan pawh ka hre ta e.

Mahse, chung chu ka haider tlat thung a, u Ngaian ka hriat a duh lo ang bawkin, keipawhin ka hre ve a ni tih a hriat ka duh lo.

Ni thum zet ka cham hnuin, a ni linaah Ngheti nen paw'n kan inthlah leh a hun ta.

"Naktuk aṭang chuan kan inhmu lo leh vang vang dawn chu a ni sia, i lo va ṭap pur leh ang e aw",

"Ka ṭap pur ngai lo e a",

"Min ngaih avangin i ṭah ṭhin kha", a tih chusn, ka beng hlak. U Ngaia leh ka u chu, an muthlu bawrh bawrh, mut chhusk tur reng pawh an ni.

"Kaitho ila, va mu mai teh se", Nghetin a ti a. Ka bu nghat. Kan ko a, an hmaiah te kan beng thek thek a, an harh thei lo reng reng.

"Tihian, puan sin tir tawp mai ang", ka ti ta ngawt a. Chhuatah chuan kan muttir a, puanin kan khuh ringawt, an mulum em em tho ang. Keini pawh khumah kan mu nghal a.

"Champhaia thlalak ka ngah tawh bawk a, a nuam ee, ka va han intithei dawn tak", a ti lang lang. Ngheti nen paw'n, kan muhil zui chu a ni mai.

Ka u te chuuan, Sumo counter thleng min thlah a, Ngheti nen inkuah vawng vawngin, Shillong lam panin kan liam ta a, ka va han ngai leh dawn tak em!


Show post links
Top