BENJAMIN LALHRUAIZELA BY CHHEPHAKI MUANI (Completed)

[Ngaia]

BENJAMIN LALHRUAIZELA












CHAPTER-7










BY ZOMUANPUII TLAU







"Bawihi ka necktie kha min lo lak sak lawk mai teh" huizz a lak theih reng pawh hi mi tir kher zel, "la ve mai la, kha lai lawk kha a awm reng a, i hak theih turin ka dah chhuak vek tawh a, laksak leh kher hi i ngai" ka ti hlak hlak a, bathroom ka chhuak fel chiah a, milo tir nghal ringawr.









"i tet ve nen hian i âng ve hlek hlek reuh a" mi la ti khanglang, "ka te thlawt lo" ka ti nghal hlak, "okkk mi lo awrh tir la" tiin a rawn kun hniam nghal zat a, sawisel lo chuan ka awrh tir ve mai, "rawn haw har lo la, tunlai phei chu ka pum a nuamlo bawk sia" in la pangchang tak chuan ka ti a,.









"Okk haw harlo ang, zingah chaw i ei tha silo a, chhunah lo ei ngei ngei tur, eng emaw tal chhun thil i ei hma in, ei bawk la" tiin ka chalah a fawp zeuh, " meeting kan nei a, ka thlen hma a ngai bawk sia, ka kal ange, naktuk lamah kan in entir tawh dawn nia, thil i ei thei bawk silo" a ti leh tawh, karhnih lai engmah ka ei mumal tawh lo a, ka pum lam in a hnar zel a tin ni.












Ei luih theih loh reng reng, "kal tawh rawh, a mak thei e mai" tiin ka hmui a, a rawn fawp leh talh chu ka nem dat dat a, a nui hawk "okk ka kal, engmah lo ti suh ka tih che kha, chuan" tia a sawi zawh hma hma chuan "chhunah chaw ei ngei ngei tur, chhun chaw ei hmain, thil eng emaw tal ei tur" ka lo tih khalh a.










A ni pawh a nui ve tawp, pawn thleng thlah in, a kal liam fel hnu chuan choka lamah ka phei a, kan awmpui nu Vuli chuan dawhkân bawhin phone alo khawih, "Vuli grape leh thingfanghma kha lo vel ta che, ka lo ei ang chu" ka ti a, mi melh hraw ringawt, "lo siam mai rawh ka hman lo" a ti deuh hluk a nih chu ka va han ngei mai mai tak.










Benji awmlaia a in tih fel nen, engmah sawi lo chuan ka siam ve mai a, "i phone kha dah rih la, tlai rawngbawl hma pawn khawih na hun a awm, in chung kan room khi lo han ti fai teh" ka ti a, ka ngei ve deuh vang a ni, keimah in a tih fel ka tum nen, a tawngkam kher kher kha, ka ngaithei hauh lo, pahnih lek kan nih vang hian kan chet hnawk na hi a awm mang ngailo a.











Karkhata vawikhat in khawih chhuah hi a ni mai a, a bak phei chu kan room keiman ka ti fel a, rawngbawl leh in suk bak tih tur em em a nei ngailo hrim hrim, a tir tang Khan ka mil vaklo hrim hrim, Benji an an retheih em vangin tiin a thawh tir a, mi melh rum ve thei si, mi millo ve khanglang a, Benji a awm lai erawh chuan tha theih tawp in a awm a.










"In room te chu ti fai ve mai la, ka tih tur vek ah i dah a" min la ti khanglang a nih chu a zak lo lutuk chu ka nui tawp, a khawsak dan zawng zawng ka ngawih bo pui zel vanga min zuam a nih ngat chuan a ti sual chiang viau ang, tunlai phei chu ka thinchhe zual ropui bawk si.









"Iva han zak lo ve, han ti ringawt rawh, kan hnathawk I nih kha, tih tur chu ka sawi ngailo a ti tur i ni, han ti la, I tih zawh ah huan a pangpar ka khawi ho saw tui pe ang che " ka ti khuah fak a, min melh rum vak in a kal ve mai tho,ka thaw deuh hak, nileng chuan tih tur em em hreloin tv te ka en ta vel mai mai a.











Nileng in in khat a awm siin, Vuli nen pawh kan in hmu tam lo hle, ka be peih meuh lo, ka sual ve na lai tak a nia, lang a kan in a hma a, pasal ka neih hma pawh khan langa kal awmpui kan la ve tawh, tiang hian min be ngailo hrim hrim,min zah viau rawh se ka ti hauhlo, mahse tiang leh lutuk hi chu ka ngaitheilo.











Tiang reng a nih chuan a dang zawng zawk ila a tha daih zawk, tlai lamah chuan kawt ah pangpar hnah ro vel en kual pah in Benji hna bang ka lo nghak mai mai a, tlai dar5 emaw dar4 velah hi chuan alo haw ngei ngei zel, an tlai deuh dawn hi chuan a rawn call mai zel thing, "bawihi i va en tui awm vung vung veX tih thawm vang chuan ka phu zuk.









" awii lo kal teh, ka pangpar duh ber a tliak daih, ka ui lutuk" tiin a rawn thlen hma a, ka lo thlir vung vung chu ka la melh reng "khawi maw, ngati nge a tliah ngawt theih a" tiin a rawn bih ve a, ho ti viau thin mahse ka tui pui em vang hian min tuipui chawp thin a, min enkawl pui tu ber a ni.








"Ka hrelo naa ka ui e, engtin nge a tliah ngawt ni" ka ti nang nang a, "umm engpawh nise, lut phawt ang, a dang kan lei leh mai dawn nia, emaw a rawn thang tha leh mai ang" a ti a, ho chu a ti ru hle tih ka hre mai, engmah ka sawi tawh bik lemlo, "vawiin lam enge i ei " a tih chuan zep lo in, zinga thei ka ei bak ka la ei loh thu ka sawi a..









A lung nih loh hmel viau, "chaw ei turin ka ti che" tiin ka ding chhuak chu min melh run, lei ka chhuah tet a, "bawihi naupang chhia I ni tawh lo, i tana tha tur chu hre tur i ni, i cher chak tawh zia hi i hria em, lut ila chaw i ei ang" a ti hmuk, ka chhang ngamlo hrim hrim, a thinrim hi chu a hlauhawm ve reuh lutuk.









In chhungah min kai lut a, choka lam kan pan nghal, "Vuli i phone kha dah la, chaw ei min lo siam ta che, i pi nen hian kan han ei ange" tiin Vuli phone lo khawih lai bawk chu a bia a, ka ngei ve reuh tawh em vang chuan "phone ringawt hi khawih thin suh, tih tur a tam" ka ti hlar a, "bawihi chaw ei siam bak a ngaih tawh lo hi mawle, naupang an la nia, hre thiam rawh" a ti chu ka melh rum vak











A naupang tawh thlawt lo, kei aiin a upa reng, "lo tan suh, kum lamah phei chuan kei aiin a upa" tiin in thlahrun hmel deuh a, ding reng chu "khatiang khan in thlahrun hmel deuh khan awm lo mai teh, a hma ang nung chang kha pu leh law law zawk rawh" ka ti hmak a, ka thinrim thut chhan ka hrelo, mahse ka ngei tih zawng ka hria.









A in sut fap a, ka nui hak "Lalrinzual" ti vin hrawk tu vang chuan ka phu zawk, ka thinphu chu na men lo in a rang nghal dawt dawt, ka tah a chhuak nghal em em bawk, melh hrawk in, in chunglamah ka chho daih a, room hmanloh ah bawk ka lut leh ka thinrim emaw ka tih tauh apianga ka awm na a ni ber.










Kawngka chu ka kalh leh hmak a, kawngka a rawn chum a, min auh pawn ka che sawn duh eih lo, thutthleng hman loh kan dah ah chuan ka mu hmak a, a duh leh a tan deuh nen chaw ei se, ka va han hawng awm hlei lo, mi vin ve vak ringawt a, engmah hre tawh mang silo, ka tah a rawn chhuak ringawt a, ka rilru no ta em em mai te hi ka hua.











Kawngka chu a chum ri vak vak a, min au reng bawk, hawn ka tum chuanglo ve chiang e mai, ka tah na vangin ka hnar a ping vek tawh lehnghal, a duh chen chen chum rawh se, muhil hmak ang, remlo deuh ah pawh ka muhil mai thei zel a, tunlai phei chu mut ka awlsam bawk nen, reilo ah ka muhil nghal mai a, ka harh leh chuan kan nupa room ah khumah ka lo mu der tawh.














Min kuah tu chu tu nge a nih tih ka hriat chian em vangin, a kut chu ka dah sawn hmak a, ka lungawi mai mai dawnlo, ka phone ka en chuan ka mu reilo tih ka hre nghal mai, tunah dar7 vel chiah ala rik vang a ni, ka tho chhuak a, "khawnge i kal dawn, engmah ila ei silo, zuk ei lawk ang" tia Benji rawn tawng chu hrelo ang hmakin ka awm.











A thaw hak pawh ka hre reng, "bawihi tiang hian awmlo teh, ngati nge maw" a ti ringawt a, melh pawh melh lo chuan bathroom lam ka pan hmak, "enge i tih dawn" a rawn ti leh chu ning lutuk in, "bathroom ah enge an tih thin, ka zung dawn ninawm lutuk" ka ti hlar a, thawk a la hawk ringawt.










"Reilo la, chaw kan zuk ei dawn nia" a ti ri pawh ka hre reng, ka ei awmlo e, ka ei pawn a rual kher chuan ka eilo ang tunah tak hi chuan ka ngei hluah hluah a hmel pawh ka hmu peihlo, ka zun zawh chuan ka chhuak ve nghal mai a, "chhuk ila chaw zuk ei ang" khum a lo thu chhuak pah chuan a ti dam dap.








"Zuk ei rawh, ka ei peihlo" ka ti hmak thung "bawihi vin che kha ka tum a ni miah lo nia, khatianga I tawngkhum a nuam lo a tih zia kha, a tap lek lek a nih kha" a tih chuan ka mu tur chu lak lawh deuh a tawp chawt in, ka melh rum vak a, "I awmloh hnu a mi tawngkhum Dan I hria mi, hmai hnih nei a nih khu, phakar lutuk mai, I duh leh chaw chu zuk ei rawh, ka ei peihlo" ka ti vin hlar a.












Thawk la hawk in, "okk sorry engtin nge a tih che sawi la, ka hau ang" a tih pawh chuan tawng tawh lo in, puan chuan ka in lukhup hmak a, khumah chuan rawn in thawlh ve sat sat in "sorry vin che kha ka tum a ni miah lo a nia, khatianga i tawng kha ka duhlo a, hmeichhe nasa tak tihdan a nia, ka hmeichhia Lalrinzuali hmeichhe nungchang tha tih atan amawilo" ati a, ka la tawnglo ka mut ngai chuan ka la mu reng.












"Bawihi" a ti leh chu ning lutuk in "tawng reng suh, a hneawm" ka ti bak hlar a, a nui ri ka hre zawm zat, chung te hlei hlei chuan min ti thinrim, ka puan sin chawp chuan min kuah nghet churh a, tal sawn ka tum lah in, min kuah hneh bawk nen, mipa tha na na chu hneh heklo, ka ngawi hmak a, ka mit ka chhing zui hmak, ka awmdan chu naupang chhia tih ka hria, mahse ka lungawi hlawl lo a ni.











Ka muhil leh nghal a niang, bathroom tui hmang ri vang chuan ka harh hlawl a, ka mutna bul chu a lo ruak huai tawh, ka sam tawn sawk sawk in, in hnuaiah ka chhuk hmak a, a thawmhnaw hak tur pawh a duh leh a man la rawh se, ka lak tawh awm hlei lo e mai, Vuli chuan rawng alo bawl a, biak pawh belo in, tv ka thut chilh nghal miah













En tur hre em em lo chuan ka hmet kual ka hmet kual a, step atanga rawn pen thla thawm chu ka ngaithla kar, kar ka hnung chhawn tlat vangin, a mah ka hmu theilo a, tunah rih hi chuan ka hmu peih thlawt lo, nizan vang khan ka la thinrim reng, "bawihi i lawm nan enge ka tih ang, tia i awm reng hian nuam ka tilo a nia, ka vin tawh miah lo ang che" tiin ka hnunglam atang chuan min kuah a, ka ngawi reng, "min vin leh vaih chuan ka tlanbo san daih ang che" ka ti a, ka tum bar bawk.











Nui vur vur chungin, i tlanbo kan phal silo a, ka vin tawh lo ang che, le chaw ei ang aw, ni zan tang engmah ila eilo, vawiin ah hna ka kal lawk angai a, chhunah ka thianpa ka be fel tawh a, kan in entir dawn nia, lo in siam la, ka rawn hruai ang che" a ti a, ka hnial lemlo, tiang reng chuan ka chauh pui mai ang, tih ka hlau ve tho thei lam ka ei thei hlauh zawk a.









(ADD CLICK KHA AW)


*******
ZAWMNA

BENJAMIN LALHRUAIZELA












CHAPTER-8









BY ZOMUANPUII TLAU







"Bawihi ilo in siam em? " phone meng mang lo a, ka lak ruala Benji an a rawn tih chuan ka thu chhuak zawk, "awii ka hre leh tawh hleinem, ka muhil a mi rawn phone a, ka tho chiah" in thlahrung zet chuan ka ti a, lehlama mi erawh a nui hawk thung, "ka nupui mut duh te, ka rawn haw dawn chiah lo in siam la, chhun thil ei chu pawn lamah kan ei mai dawn nia" a rawn ti a.











Kan in biakna kan tih tawp hnu chuan kan nupa room a, bathroom awm chu ka pan vat, ka hmai te phih sawk sawk in, ka chhuak leh vat a, ka thawmhnaw bawmah chuan ka hak tur ka en nghal vat, ka hmai pawh hru ta lo chuan ka thawmhnaw chu ka han ha hmasa tete a, ka hmai chu hru leh in makeup ka hmang thuak thuak a, hei chu ka dan ve hrim hrim, hmang nasa em em lo mah ila, ka hmang ve ziah.













Ka che rang ve thawkhat a niang, Benji alo thlen chuan ka lo in peih daih tawh, "kan kal nghal mai dawn em niang" kan room a rawn luh pah chuan a ti a, ka lo bu nghat, "lo phone lo che ila chuan tui ti takin ila muhil awm sia" a ti chu ka melh rum vak, "ka duh thu a ni bik a mi, a chhuak ve a ni mai, kal ang" ti hmak in, ka chhuak daih a.












Ka hnungah chuan min zui ve leh hnuk hnuk tho, a lum sia ka va han peih lo tak" ka ti deuh nang nang a, car ka luh hma chuan ka hnunga ding reng Benji chu ka melh a, "nidangah ti mai ila, ka mut ala chhuak a sin le" ka ti hram a, a remtih loh hmel nasa mai, "lut la kan kal dawn tho, min hnial lo la, a fuh zawk ang" a ti hmak mai.












Tum burin ka lut ta ringawt a, seat belt hi chu mizo hi chuan kan uar lo lutuk a, a nawl pui a chhutin kan hmang ngailo ti ila, a dik ber ang, nachang kan hrelo pawh a nilo, kan taimak loh vang a ni ka ti, kei a sawi tu tak ngial pawh hian ka hman awm ka la hrelo, "seat belt kha hmang rawh" a tih chuan "a ho ka piantirh atangin ka la hmang lo, ka peih lo" ka ti hmak a..












"I himna tur a ni" ti pah chuan a rawn awn hnai a, seat belt chu rawn pawt in, mi hren tir nghal hmiah, "kan tawrh tur natna khuanun a ruat ah hi chuan tiang pawh hian min chhamhim zolo" ka ti hap a, "dan theih ve deuh e, kan in ven thiam a, kan in siam that chuan khuanun alo duan lawksa pawh hi a siam danglam theih, nilo se hremhmun leh vanrama kal tur hi duan lawk vek a ni ve ngei anga, tianga khawvela sual leh fel thliar hranna hun tur emaw, mi sualte tana hun tha a pek i ring a mi" a ti ve khauh.













A sawi dik ve tho bawk si, ka hnial peih tawh lo law law, a tawngthei ropui si, "kal vat mai rawh, haw leh vat a mutthilh ka chak a nia" ka ti hlar ringawt, mi hnialna tur lah hi a hre thei em em khawp a, damdawiin kan thlen chuan ka lo muhil leh tep hman a, mahse motor ding dat ah ka harh hlawl, ka chhing sek hman a ni ngei ang.











"Tah hian min lo nghak la, motor kan hung fel lawk ange" tiin parking lam ah chuan a khalh phei nghal a, ground a zau tha bawk a, duh tawkin motor dahna an siam thei ang, rei pawh ka nghah hma in a rawn let leh nghal a, a pian hi chu a dik ve mawle, sawisel na lai tur ka hrelo reng reng.











A sang tha in, a hmeltha tih tur ni silo in , hmeichhe hip theihna riau a nei a, tunlaia tleirawl leh nula ho in pa an tih tur ang chi kha a ni, workout a ngai pawimawh em vang te hian a sa a in phut mawi tawk em em a, hei tak hi a nia, hmeichhia pawn an duh rawn ve em em chhan a mah alo hausa sa bawk nen.










"I ngaihtuahna hi kawm vung vung zel suh, kawng en rawh i tlu palh hlauh a nge" a tih vang chuan ka harh zawk a, a mah ka ngaihtuah a ni tih hria se chuan tiang Khan a ti miah lo ang mawle, chhawng hnih lamah kan chho a, step kal ngai a ni bawk nen, ka hah hman hle ringawt, chhawnghnih a sak a ni a, mahse a sei zawngah a thui hle thung, ward leh cabin ringawt pawh a tam in a zau tha hlawm hle.












"Eheee thianpa chu iva in duh ve, nupui I nei dek dek a, reh nghal em em ringawt" tiin room pakhat a kan luh rual chuan doctor pakhat pa lian lemlo tak mai leh sa tha ve lam hian alo ti hlut a, "ka buai ve thei khawp a, hunawl hi ka nei thei meuh thin lo, min lo hauh sak tawh maw" Benji chuan a ti a.










Chupa chuan "aw doctor Nunui a nia, a rawn thleng tawh a, mahse kha damlo enlai a nei a, a zawh velah min rawn call mai ang" a tih hnu chuan a room chhungah chuan thu in kan in kawm a, ti ila Benji nen chuan thil an sawi ringawt a, keiin ka lo ngaithla thung, hna bak sawitur an hrelo.










"Doctor ka lo lut thei angem" hmeichhe aw nalh ve tak chuan kawngka kik pah hian a rawn ti a, kawngka lam kan hawi vat, doctor thuam ha ve tho hmeichhe pakhat cher sang lam, ngo ai mah a, hang lam pawl mah tur hi alo ni, a hmel erawh belh chian dawl kan tih ang kha a ni thung, "e doctor Nunui hi min lo call mai tur a nia" tiin Benji thianpa chuan alo ti vat a.











"Nia ka tum uk a, mahse hei hi en lawk la ka ti a, entir pah che in ka rawn kal a nih hi" ati ve mai, doctor Nunui an tih nu chu a nui sang reng thei a, doctor ni awm tak a ni, "eng chu mae" alo ti vat a, "nia kan pu in ramdang atanga khawl tha zawk a chah chungchang kha a nia, kan pu in Rosanga a ni ramdanga a kum a kum thawk in a hria ang, va endik sela, a tha em tih, a tia hei hi en se, a thlen huna en fiah turin a ti che" doctor Nunui chuan a ti a














"Ka va han peih ve mawle chutiang ka hriat bik ngawt tur thu va awm suh" alo ti nung nung a, mahse file chu ala ve tho, "nang mahni hi em ni, ka en tur chu" tiin min melh a, ka lo bu nghat "a nih chuan min lo zui ula, ka room lamah" a tih chuan ka lo aw thuai a, "ka rawn zui ve ang ve I duh em" a tih chuan ka duh lutuk mahse a pasal a in zui kual tir reng tih hlawh ka duh bikloh vangin.











"ngai hranlo ang" ti mah ila, a hmel atang chuan a kalpui ka duh ve zia a hre thiam a niang "ka rawn zui ang che, kal ila" a ti thum dut a, ka bu nghat ringawt, room atanga kan chhuah rual chuan "min lo zui zel mai ru" tiin Doctor Nunui chuan hma a hruai a, "tunlai chu tlang hrileng vangin in entir an tam thei khawp a, a buaithlak thin khawp mai" a ti phei bawrh bawrh a.












Keini nupa erawh chuan sawi tur vak kan hre ve lo, "lo lut ru" tiin a room ah chuan kan lut a, "enge I in sawisel na ber" tiin min zawt nghal a, a thut na ah chuan a thu thla nghal, keini nupa pawh a mah hma chhawn zawng chuan kan thu ve nghal a, kan kal chhan leh ka awmdan vel ka sawi a, "kha hei hian va in test chhin phawt teh" a tih chuan testkid chu ka melh a.













A awihawm loh lutuk chu ka nui hak, "ka rai i ring a maw, a nilo ang" ka ti chung pawh chuan ka hma ah a lek vu tho, "ba test phawt la a hriat mai ang" tiin a nui vur vur a, keini nupa erawh kan in melh dun ralh ringawt, ring vaklo chung chuan ka la ve mai a, bathroom awmna min kawhhmuh na lam chu ka pan a.











Awihlo viau mah ila, thlahmasa ka period loh te ka ngaihtuah chuan ni thei in ka hre tho bawk si, awih ngam chiah silo chuan ka test a, a hnu rei vaklo a, rin sen pahnih in rin chu hlim zetin ka melh a, ka chhuak nghal vat, ka chhuah rual rual chuan Benji chuan min lo pan nghal a, ka thil ken ka pek chuan a hmelah a lawm hle tih a hriat.













"Pa ka ni ve tawh dawn, ka lawm e bawihi ka lawm e" a ti mawlh mawlh a, ka kut a vuan nghal chawt bawk, "thla engzah nge tih te hriat in duh em, a hrisel leh selloh te pawh" doctor nu chuan alo ti var a, a hmelah chuan min lawmpui tak tak na hmel ka hmu, in a kan haw hnu thleng chuan Benji chuan in dim turin min ti reng a.











. A phi cheng hi a ni mai, a hneawm lek lek a ni, a chhungte a hrilh nghal a, trul ka la ti lo viau na in, a phur em vang chuan ka khap duh talo, "mu hahdam la, doctor pawn hahdam turin leh mu tam turin a tih che kha, engmah i ti tawh lo ang, huan pawh khu midang kan enkawl tir ang, i enkawl duh tlat a nih chuan" a ti nghal ringawt a.











"Hahdam rawh eng mah ala nilo, indim over pawh ka la ngailo" ti mah ila awmzia a neilo hrim hrim, kan awmpui Vuli hnenah pawh indim ka ngaih thu leh engmah tih tirlo turin a ti nghal thlap a, room ah min hruai lutin, mu turin min ti a, ka hnial lo ka mut a chhuak lutuk tlat " meeting kan ngai a, zanah ka nu leh pa te leh ka pi leh pu te ho an lo kal dawn" a ti a..











Ka pi leh pu a tih hi ka nu te an ni tih ka hre nghal mai, a hrilh hman vek a ni pek ang, em em lutuk hian "lo muhahdam mai mai ang che, i ei tur ka rawn dah tir ang, meeting ngei ngei ka ngai bawk si, ka reilo ang, ka rawn haw leh vat ang" tiin ka chalah a fawp vang vang a, a chhuak nghal vut, ka sawi thiam dan ber chuan awm ngaihna a hrelo ni ber in ka hria, a hlim lutuk chuan min ti lawm.














Ka hriat loh karin ka lo muhil leh a pek a, ka harh leh meuh chuan khua alo tlai duai tawh, Benji alo la hawlo a nih ringin in hnuaiah ka chhuk a, ka rin ang ngeiin alo la awmlo, choka ka lut a tumah an lo awm bawk silo, Vuli pawh hi khaw nge maw a awm chu ni, thlanglam varanda lam chu ka pan a, thawng thawm ka hriat chuan ka tum huah loh in a tawng chu ka hre hman a.












"Aw tunah chuan a rai tawh a, Bena pawh hian a duat hmelin, a hmangaih hmel tawh hle, engmah a tih a phal ngailo a, tunah phei chuan huan pawh midang ti fai tur lo zawng turin min chah" Vulin a ti thawm chu ka hria a, phone a hmang tih ka hre nghal, tu nge a biak chu ka hrelo, lehlama mi chuan eng emaw a sawi a ni ngei ang, "awle ka lo tum zel dawn nia, a theih ang ang chuan ka sual thiam ve a, mahse " tiin a ngawi a.













"Awle" a ti leh ringawt a, "a ei tura ka pawlh a nih chuan kei bak min ringhlel dawn lo a, a tih chi loh kha chu" a ti a, "awle chanchin ka rawn hrilh leh vat ang che" a tih hnu ah a dah ta a niang, a thawm a ri rak a, ka kal sawn nghal vat, tu nge a biak kha ni ta ang, chuan ka chungah hian enge tih an tum ni ta ang, ka hre thiam ta hauh lo mai, fimkhur leh zuala ka awm phawt a ngai a ni, enge an tum tih hi ka hre chhuak khawp ang.











Vuli hi hnaih vaklo ila a tha rih ber, tunah phei chuan keimah chiah ka ni tawh lo leh nghal a, he hmeichhia hian enge a tum ni ang, tu nge a thu rualpui a biak kha, zawhna tamtak a awm a, chhanna erawh ka nei thei hauhlo, ka hlau ru riau a, Benji hnenah awmpui dang emaw kan in a awm ve tur ka dil ngei a ngai, emaw ka nu leh pa Benji nu leh pa te zawk hnena awm a ni mai.












(a ngaihnawm vakloh maitheichuti chunga min lo chhiar sak a, minlo tuipui tute zawng" chungah ka awm em em vek e)



ADD CLICK KHA AW


Show post links
Top

[Ngaia]

BENJAMIN LALHRUAIZELA











CHAPTER-9









BY ZOMUANPUII TLAU.






"Benji ka nu te hnenah awm rih mai ang" ka ti chu mak a tih hmel hle, "ngati nge ka nu ten chutianga ti tur che in an ti mi" a tih chuan lu ka thing nawk nawk a, "aih nilo, kei man ka duh zawk alawm, helam te chu duh leh naute tha taka kan neih hunah te kan awm leh zawk anga" ka ti a, ka nu leh pa te bula awm ka duh chhan erawh ka hre hauh lo.











Mahse keimah ah hian min tur tu lian tak leh ngaihthatlohna ka neih vang pawh a ni, "i thu thu a ni mai, ka nu te ka lo sawi pui dawn nia" a ti tha ve mai a, mahse a hmelah chuan a ngaih a tha zan lo tih chu ka hria, han hrilhfiah duh viau mah ila, sawi mai tur ka hrelo a, kei ngei pawn engvanga ka nu te bula awm chu duh nge tih a chhan ka hre bik lo a ni.











"Bawihi in ngaihtuah kual vak vak thin suh, naute tan a tha lo thei a nia" hmm naute ringawt a ngaihtuah a, "engmah nghawng a nei lo ang" ka ti hmak, a nui vur vur duh chuah zui, nileng chuan kan nupa in room ah kan awm hi a ni mai, hna kal a tum bawk silo a, phone ah games kan khelh loh leh ka hmuiah a fawp reng a, chawhnu lam phei chuan kan muhil daih.











In a awm a, tih tur neih loh chuan mutthilh hi awl duh tak a ni, Benji phone hmang thawm ah ka harh hlawl a, a ni chu kan room pawn varanda lamah ralleh lam thlir chung hian a lo ding reng a, a tawngdan hmangah chuan ka nu ni ngei tur a ni, "ka pa kha ka lo be lawk ang chu" a ti thum dut a, a hnu reilo ah ka nu chuan ka pa chu phone a pe a niang.











"Pa kha lama rawn awm phei kan tum a, hei kan nu hian a ti deuh tlat bawk sia" a ti a, a ngawih vang vang hnu ah, "ka hre biklo, umm... karleh lam velah kan rawn in sawn dawn nia" Benji chuan a ti a, a kekawr ipte chu a zen tat bawk, "kei tak chuan ka hnial hran lo, mahse helamah hian awm se, awm hahdam se ka duh a, khalamah kha chuan tih tur neuh neuh alo awm ve reng dawn sia" a tih leh chuan ka lo ner nawng hepa over thei lutuk hi chuh.












Pawh ta mai lo chuan an thu sawi chu ka ngiathla reng a, "umm awmpui lak tur chu ka hre mai ang, tuna kan awmpui pawh hi a tha khawp mai a" a ti chu ka lo ner nawng, a mah vanga in chhuahsan duh pawh ka ni pakhat a, min la zui zel dawn maw, teuh lo mai a, a dang a zawng dawn lo a nih chuan duh leh Vuli nen ka nu te in lamah in sawn mai rawh se.











A rual kher chuan ka va han in sawn pui awm hlei lo, in khata chen dun a, ngaihtha vaklo chunga awm kha ka peih lo, "bawihi ilo harh tawh a ni maw, ka nu in min lo be rawh a tih che kha, i hman hunah be rawh aw" a tih chuan ka bu nghat a, "nakinah ka be mai ang, ka ril a tam rih" ka ti nang nang a, ka tho chhuak nghal vat.










"okkk ei tur kan zuk siam dun dawn em niang" a tih chuan ka phur khawp mai, ka bu nghat a, in hnuailama kan in zui thla hnak hnak a, "enge i ei duh leh, naute khan ei duh deuh te a nei em" a ti chu ka lo ner nasa, mahse momo ka ei chak zia ka hre chhuak zawk a, ka mitthla zawng ringawt pawn ka chi a put.










"momo ka ei chak" ka ti var a, a ner deuh nang a, "bawihi chu kher chu siam a har awm ve, leina mai tur a awm hmel siloh a" a ti vang vang a, "awii ka mitthla zawng ringawt pawn ka chi a ti put" ka ti leh chu a nui hawk, "okkk lo nghak rawh, kan chah dawn nia" a tih chuan ka nui var var, a banah ka kuah a, mahse sitting room a lo thu vang chuan ka nui tawp chiang hle.









Ka nu leh pa ka phirpui ngei mai chu an lo thu thap a, an bulah Vuli a awm bawk, Benji ka vawnna kut chu ka thlah riai riai a, a ni hawi chhuak ve chuan a hmu a niang a rum nghut a, "enge helai hmunah hian rawn tih in tum" a ti hmuk a, "Benjamin ka lo kir tawh i hnena awm turin" Cindy chuan tap lek lek chuan a ti a.










Benji ka melh a, Cindy chu alo melh reng, kei min thlah thlam in a pan mai ang tih ka hlau hle, ka thaw em tih tak ngial pawh ka hre tawh lo, "engvangin" Benji chuan a ti bul hmuk a, "i nupui tur chu kei hi ka ni, chuan i hmeichhe hmangaih pawh keimah hi ka ni" a ti chu Benji chu a nui hawk a, "i confi mah mah lo maw, ka nupui dinhmun chu i unaunu bak hian a nei hauh lo, ka hmeichhe hmangaih a ni bawk" a ti ro hak a.











Cindy erawh chuan rum zetin min melh thung, "chhuak rang rawh, I hmel pawh hi ka hmu peih nek lo e" Benji bawk chuan a ti leh hluk a, "Bawihi i unaunu pasal tur a nih hi, chuvang chuan kan rualin lo haw la, Cindy hi a pasal hi pe let leh rawh" a ti chu mak ti lutuk in ka melh kawk, "sawi sawi a ngailo ka nu leh pa te an lo thleng anga, a dik vek mai ang" Cindy chuan alo ti.










"Rawn thleng pawh nise, ka thuthluk na leh ka dinna chu a ngai reng ang, ka nu leh pa ten min dang thei heklo, tin nang ang hmeichhia hi an pawm leh mai che ring suh, mualpho taka i chhuah hma hian chhuak rang rawh" a ti deuh hrawk a, sawi ang tak tak in, Benji nu leh pa an lo thleng ve nghal thuai.











Kan thut thap hnu chuan "hei in fapa nupui tur dik tak chu a lo haw ta bawk a, kan fanu hian a pasal kianga lo let a duh a" a ti chiah chu "kan fapa nupui chu hei ta hi a awm reng alawm, nupui dang a neih awm ka hre ve hauh lo" ka nu chuan alo ti a, chutia min tan zawnga a tawng chu ka lawm hle.









"Tin tianga in Rawn che leh dawn a nih chuan kan report tawh ang cheu, in fanu ve tho a ni a, kei pawh in ka fanu ang chiah in ka en bawk, tianga a rilru ti na tur zawnga in rawn che hi chu in ti mak ve khawp mai, in fanu pawh rawn hmasa lo leh nghal in" ka nu bawk chuan a ti leh hmarh hmarh.








"Ka nupui in a sawi tawh ang khan, keini chuan mo leh fanu pakhat chiah kan nei, buaina kan duh lo a, tah hian kan buaina chu tawp mai rawh se" a ti dam dap a, mahse a aw erawh a khauh tha hle, engmah sawi tawh lo in ka nu leh pa te chu Cindy hruai chhuak in an chhuak a, nu leh pa nei tawh lo ang mai ka ni, a hma zawng pawh aka biak hreh tawh nen, tunah phei chuan.











An fanu lo ang mai in vawiin khan an che a nih kha, "bawihi hahdam rawh aw" a tih chuan lu ka thing nak a, ka chau ngawih ngawih nang in, ka nu leh pa an la awm ve bawk nen, han mut bosan daih chu nuam ka ti chiah lo, "nia han muhahdam rawh, keini pawh kan haw ange" ka pa chuan a ti a, mahse ka che sawn chuanglo..










"Tah chaw ei ve teh ang, kan fate in a chaw kan la ei awm pawh ka hrelo, hawh ti teh bawihi in nupa room lamah I han in kawm daih teh ang, mut hahdam pah in" a tih vang chuan ka lo aw ve mai a, ka ding chhuak nghal, in chung lamah ka nu nen kan in zui chho a, room kan luh rual chuan khumah kan thu dun a.










"Hlau thawng miah suh aw, ka fapa hi ka hre chiang a, ka pum atanga lo chhuak ka chawm seilen a nih vangin ka hre chiang a ni hian a hmangaih che tih hi ka hmu thei a ni, hlauthawng lo la, a thlahthlam hauh lo ang che" a ti a, ka nu mitmeng chu ka en a, thu dik a sawi zia ka hre thei, min lainatna ni awm tak ka hmu bawk.










"Chuan ngati maw, kan bula awm I duh chhan chu, kan bulah lo awm lo tur cheu in kan duh lo tihna nilo, kan bula in lo awm duh hi kan lawm lutuk, in in neih tirh atang khan kan bula awm turin bawiha kha kan hrilh a, mahse nangmah a ngaihtuah vang che in, a duh lo a, a ni pawh kan bula awm I duh chu a lawm zia min hrilh a" a ti dap dap a...










"Muhil rawh kha I dang vek, I chauh hmel lutuk a nia, chaw ei dawnah ka lo au tho ang che" a tih leh chuan ka hnial tawh lo, ka lu a hai bawk si, ka lu na bawk nen, hnial lo tak ka ni, "ehee a khua a sik a nih hi, bawiha achal deh na tur kha zuk la la, damdawi rawn keng chho nghal rawh aw" ka nu in a ti ri chu ka hria.











Mahse ka meng chhuak theilo, ka mit ko hi a rit lutuk, "bawihi harh te i khua a sik a, damdawi I ei a ngai a nia" tiin ka nu chuan min sawi a, ka meng chhuah rual rual chuan "i khua a sik dawn tih te i mut hma khan sawi tur che nia" a ti hlak hlak a, mahse ka haw lemlo, min ngaihtuah hle tih a awmdan atang ka hriat vang a ni.










"Ka hre lo alawm, ka lu a na a, ka lu a hai ringawt a" ka ti niah niah a, "mawl lutuk mai, I nawm loh deuh chuan emaw i lu a na emaw a hai pawn min hrilh vat tawh ang che" ati leh hlak, ka hrilh tawh tur thu ka hrilh, a hahdam hmel huai mai, "I va rei ve, a khua a sik tih i hre ve reng a" ka nu chuan Benji lo lut chu alo ti leh nghal hluk.









(athui thei rih lo a ni e)
9


Show post links
Top

[Ngaia]

BENJAMIN LALRHUAIZELA









CHAPTER-10









BY ZOMUANPUII TLAU







"Bawihi, Vuli hi ka nu te in a kan awm dawn chuan kan hruai tel ve mai dawn em ni, saw lamah thawk turin hruai ve mai ila" a tih chuan a va han awm awm lo chiang tak, "thawhna tur dang zawng mai rawh se, saw lamah thawh kual vel a ngailo a buaithlak" ka ti daih a, mak a tih hmel hle, "bawihi I hriat kha, an harsa tih" hei pawh hi a sawi ngun lutuk.











An harsa a, thawhna tur a duh a nih chuan thawh tur pe tute zahlo takin a bia emaw, an tirh hnial loh tur a nia, phone ringawt leh mi melh rum bak tih theih a neilo, engvanga Benji hian Vuli hi ngaihsak tlat nge a nih, "i duh leh hruai phei rawh, a rual kher chuan ka kal lo ang, a awmna apiang chu kal ngailoh na tur a ni zel tawh ang, i tan hlur reng ringawt mai" ka ti hlar a.









Ka rai no thinchhia leh rilru no nen, Vuli chu ka ngei hlur ringawt mai ni, "i pawi enge a sawi a, tiang taka i huat" a ti hmuk a, a dawhtheihna in a tlin ngang tawh lo a ni mahna, "ka sawi buai peihlo, ka thuthlukna chu a ngai reng, i duh leh hruai tel rawh, kei chu duh leh tah hian keimah in ka awm mai ang" ka ti hmak a.










A hahthlak min tih hmel zetin, a thaw deuh hawk a "okk a tha e, a ni chu a thawk zawm lo ang, a tha em" tiin ka dar tawn tawn ah chuan a rawn vuan a, ka hmai zawnah tak a rawn ngun hniam bawk, ka ngawi reng a, melh pawh ka melh duh lo, "ti teh bawihi i tih tauh hian ka awm a nuam theilo a nia, kan hruailo ang ka tih kha, tha em" a tih leh chuan ka bu nghat ringawt.











"Leee i khawsik chu ange a an" tiin ka pang a rawn dek a, "tunah chuan a awm rih lo" ka ti tha ve mai, ka nu te chaw rawn ei atangin ni thum a liam leh tawh a, ka khua a sik reng a, damdawi ei tawp mai loh chu mahse thawrh har khawp a, ka nuam samlo a nih loh chuan damdawi ka ei mai mai lo, naute ka ngaihtuah vang a ni.









"Naktukah bungrua la tur an rawn kal dawn a, zanin ah Vuli ka hrilh tawh a, thawmhnaw pack turin, ka cousin Siamsiami a rawn kal bawk anga, lo enfel pui la aw, mahse lo tih pui lo la, i nawmsam loh kha" a tih chuan ka bu nghat nghat, Siamsiami chu ka hre ve deuh reuh, kum20 awm vel tur hi a nia, a felin biak a nuam hle, kan in neihni te khan nuam ti ber ber a nia, mjn be siam siam zel.











"Zanin chu ka chhuah a ngai a, meeting neih ngei ngei ka ngai a, ka rawn haw har lutuk lo ang, mahse kan thusawi a zir in ka rawn haw har a nih chuan Siamsiami kha riakah lo sawm la, in lo mu daih dawn nia, nakinah a in a rawn dah ang " a tih hnuah an meeting tur a hmanhmawh tawh vangin, ka chalah leh ka hmuiah fawp zeuh in a chhuak nghal a.









Ka ngai nghal veng veng mai, in a awm ve te hian a nuam ve a, keimah chuah chuan a reh thei si, Vuli lah ka mil bawk silo, bakah a mah pawh hian min pe peihlo hrim hrim, a thawhna pi ka ni tih hi a hrelo nge ni, mi melh rum thei hle, kan in khing lek lek zel.








"Awii kan naute chu alo lian tawh em" Siamsiami leh au rawn lut chuan a rawn ti nghal lang lang a, "kan va ti buai dawn cheu ve, I u hi lawm ka hriat loh laiin a rawn bia che a, nilo se chuan kei pawn ka ti thei lutuk mawle" ka ti hluai a, "a pawilo tih tur hi a neilo lutuk a, lo tir hrep rawh, kei chu tih tur ka nei a, ka kal leh nghal mai ang" tiin a u chu a chhuak leh nghal a.









Siamsiami chu alo ner nasa mai, "khawnge meng rum deuhi kha" tiin a hawi kual a, hre thiam lo zet chuan ka melh hu a, ka hrethiamlo tih a hria aniang, "Vuli kha in awmpui kha, a hma in ka pi te in ah a thawk tawh a, hei tuna U Benji nu te in ah hian, kha mi lai khan an in ah ka awm zuai a, mi melh rum thei rap" a ti a, a nui deuh hak bawk.











Ka nuih liam ta vel mai mai, "i thawmhnaw chu pack ila, Vuli chu kan au ange, ka u lah in engmah lo tih tir chu a ti meuh mai sia" tiin a phei nghal daih a, nghal ve tak chu a ni, Vuli chu auh that ve mai awm "in ti feltunu i pi thawmhnaw khung a ngai rawn kal tawh rawh" ava ti kher a, nuih hi a ti za thin, "awii khatia tih kher i ti khawngaih thlak " a rawn phei chu ka lo ti vat a.












" a ho e mai, a phu ve hrim hrim, u Benji bula kan awm hian min melh rum thei rapthlak, ka millo zo vek, tih tur a hre lo thei si, api leh u Benji te an awm lai chiah in tih tur a hria" a ti hmak hmak a, ka lo nuih tawp tawh "a phakar ropui si, ka mil thei thlawt lo, awii kha nangmah vang Benjamina hi, Benji ka ti ve ziah" a tih zawm zat.











"In room hi in in neih ni bak khan ka hmu leh ta miah lo a, avan nuam em em, helai hi kan rawn kal ngai hlawm lo a, ka u khan a phal thin lo a, hei chu ka tan a hlu a, kal pawh vaklo in tiang hian enkawl ila ka duh a tia, ka pu hei U Benjamin a, pu hian a thih hma in a pe a, ka pu nen khan an putu bik a, u Benjamin pawh hian a thih khan a tuar alawm" a ti a.










"Tian a sa tha a, luah loh khan a awm reng a, awmpui ho hi la in a enkawl reng thin a, tia in luah ta mai te hi mak kan ti sin aw" a ti a, mak chu ka tih rual rual in, nupa kan ni tawh a, in hrang luah a duh a, kan luah mai loh in, mi in luah ngawt thu a awm lo ve e, "i ti mak e a, a mak vak loh chu in dang luah tur a awm silo a, mi in luah ringawt thu a awmlo a, a man in a nei ve reng bawk nen" a ti chu hrethiamlo min tih hmel zetin min melh a.











Thawmhnaw chu suitcase ah chuan a khung mawlh mawlh, Vuli chu ava rei ka tih rilruk laiin a rawn lut a, "eng hi nge khung tur i thawmhnaw hi a tam sia, u Benji thawmhnaw kan khung na ang ah chuan a leng lo ang, ip ah kan khung mai dawn mi" a rawn ti phawr phawr a, ka lo ner nawng, u Benji te ti ve leh ta nghal.












"A hmasa ber in i u Benji tur a nilo a maw, pu ang che, chuan khatianga i pi i ti leh a nih chuan keiman ka u ka hrilh tawh ang, ip ah chuan nangni ang awmpui mai mai thawmhnaw kha khung zawk ula, thawmhnaw te kha lo khawih ve pawh a ngailo, thil dang lo zuk ti teh, i hnawk" Siamsiami chuan a ti let nek a.










An in melh rum khawp mai, "ka sawi i hria, chhuak rawh, ka u ka hrilh khawp ang" siami chuan a ti hmak a, thawmhnaw chu a khung leh mawlh mawlh, thlep sa veka kan dah a ni bawk a, khung a har hranlo ang ka ring kan ngawi reng hlawm a, Siami erawh a zai deuh hlarh hlarh, Benji thawmhmaw chu a khung zawh rual chuan ka bulaha rawn thu nghal chat a.











"Zan in chu i u a rawn haw hun tur ka hre silo a, lo riak rawh aw, khumah hian kan mu dun mai dawn nia" ka ti a, a phur khawp mai, "yess ka chhungte kan phone ange, mahse khumah kan mut daih chuan U Bena lo haw hunah khawiah nge a mut anga" a tih chuan "ele in hnuaiah thutthleng a awm a, lehlam room pawh a awm" ka ti awlsam et a, kan nui dun hak hak.













"Bawihi ka necktie hi min lo suih sak ta che" a theih reng pawh hi mi tih tir phet hi a tum a, mi au reng mai ni "nangmah in khatiang te chu lo ti ve mai la, thawmhnaw suk ka thlep ti mawlh mawlh pawh in" pan phei pah chuan ka ti hlak hlak a, "i âng ve hlak hlak te hi lawm, lawmawm chu I duhawm lutuk " tiin ka biangah a fawp zeuh, ka lo ner nang..











"Vawiin chu ka nu nen in haw pah in ka office ah rawn kal ula, ka rualin in haw dawn nia" a tih chuan ka nu thu thu a nih thu hrilh in, ka nu in a rem ti a nih chuan kan kal kawi tur thu ka hrilh a, vawiin ah ka in entir dawn a, ka nu in min hruai a tum nghe nghe, ka chhungte Cindy te nen an rawn la lang leh lo a, thawm an rawn la nei hek lo.











Tunah chuan ka nu leh pa te chu tuna ka pasal nu leh pa te chiah hi an ni tawh ang, ka tan chuan min hringtunu leh pa hi chu ka tan an thi tawh, ka phirpui Cindy thleng in, tiang khawp a ka chunga an nunrawng a, min ti duh hi ka pawm zam mai mai thei lo, ka tan chuan ka hmelhriat satliah ang baka en ka tum tawh lo.










A hna a kal hma chuan min thlah kawi turin ka ti a, alo aw ve mai "kan in siam anga, kan kal nghal dawn nia" tiin ka melh zeuh a "ka nu kha lo zuk hrilh la, ka lo in siam ang" ti mah ila kalsawn pawh a tum lo, in kuangkuah in min lo melh reng a, ka awmdan zawng zawng chu hmuh hmaih tum lo ang hrim hian min melh run.









"Tah Khan ding reng lo khan lo zuk hrilh rawh, a lo muangchang lutuk anga, i tlai phah ang" ti mah ila ka thu sawi hria ang pawn a awm lo, "I mak e" ka ti ta thlawt a, a awm reng chuan in thlak pawh ka in thlak thei dawn lo, "I mak hlik hlek reuh e" a ti a, a mah chu a nui vur vur bawk, min ban thut in min pawt hnai dawrh a, duh thawh lutuk in min fawp nghal tawn tawn, ka dang lo kei pawh chuan ka chhang let ve nghal zat










(chhunzawm leh vat ang, add click kha aw)


Show post links
Top

[Ngaia]

BENJAMIN LALHRUAIZELA










CHAPTER-11










BY ZOMUANPUII TLAU



(A THUI DAWN LO AW, NAKTUKAH LAST KAN TI ANG)




Ka nau neih thla pawh kan chuang kai leh ta reng mai, nau ka pai chhung khan ka pasal leh a chhungte ah harsatna leh hreawm tihna ka nei ngailo, ka tan ka chhungte dik tak ai pawn ka ngaihlu tawh zawk a, min hmangaihin min duhsak a, ka tan chuan an ni tluk a hlu hi an awm ka ringlo, ka tan ka pasal a awm reng a.









Nupa nih chuan in hauh leh in tih thiamloh chu a awm ve thin, mahse dawh tu zawkah tang in, ka thinrim âng vel leh ka hauh vel pawn, min enliam tawp zel, ka nu leh pa hian an fapa thiam na ngeiah pawh hian an tan ngailo a, an zilh a thu tha an hrilh in min chhan na tawngkam an hmang daih zel, mahse chu chu sual chhuah nan leh in lu lin nan ka hmang kher ngailo.









"Bawihi damdawiin ah lut tawh mai ang u hmiang i duh em, nei thut thei i ni tawh tho bawk sia" ka pasal min ngaihtuah em em reng tu chuan a ti a, ka lu ka thing ringawt "tunah chuan ala hma deuh alawm, ka pum pawh ala na lo a, a ngai rih lo ang" ka ti mai a, a ni pawh chuan a sawi zui tawh lem lo, Cindy kan nupa in ngeia ka nu leh la te nena an rawn kal bak kha thawm an nei tawh lo a.










Mahse phone a min rawn biak a, a pasal tur ka chhuh sak thu leh a dinhmun tur ka luah tiin a rawn tawng thin, mahse chutiang chu chhan enah leh huat en ah ka en tawh lo, a chianglo ni ber hian ka hria, Benji an a thlan zawk chu kei ka ni a, ka ni reng bawk ang kan hun kal tur ka sawi theilo mahse tunah chuan ka pasal mitmeng leh a chezia ah hian min hmangaihna ka hmu thei a ni.











"Nau neih dawn hnaih tawh ah, thil ngaihtuah kual vak vak zel suh ka tih kha" tiin ka pasal Benjamin chuan kan room thlang lam bathlar a ka awm chu ka hnung tang chuan min kuah hlun a, kei ka te bawk nen, a rawn kun deuh du mai "kan fa lo piang tur hi mipa nge hmeichhia a nih i rin" ka ti sap a, "ka hrelo le, mahse tu pawh rawn chhuak se ka hmangaih tho ang, ka duh veve chuan hei nen hian" tiin ka bekah a fawp zeuh.











"Le tunah chuan mut a hun e, zingah thawh hma a, excer lak i ngaih kha" tiin room chhungah chuan min kai lut a, khumah min muttir hnu chuan "ti khan lo mu la, hna khawih fel tur ka nei a, ka reilo ang' tiin ka chalah chuan a fawp zeuh,a hna thawhna dawhkân lam chu a pan nghal a, keipawh chuan min hnung chhawn zawnga thu chu ka melh reng, ka nui var var a, a ni hi kha tih hun lai khan ka lo nei lo ang tih ka hlau takzet











A ni chuan hmangaihna in min enkawl a, ka neih ngailoh tur hlimna, kawppui te lak atanga hmangaihna leh hlimna an pek thin ang min pe bawk, a ni hi neilo ni ta ila chuan tunah pawh hian kawppui neilo in ka la tal mai mai awm si a, ka lo in ngaihtuah muhil leh tawh a ni ngei ang, min kuah sat sat tu an awm vang chuan chiang lo ruai hian ka harh a.










A ma lamah chuan tawlh hnai deuh in, ka kuah let ve nghal hlu hlu a, nui ri suk pawh ka hria, mahse ka meng thei thlawt lo, ka mit hi a rit lutuk tlat, ka muhil zawm leh a niang ka harh hlawl a, khumah chuan Benji alo awm tawh lo, banga sana kan tar ka en chu ka meng kawk thei, thawh hma a excer lak ka ngai ti tu ber in min au tholo tib chiang reng.










Tunah dar7 a ri tawh a, an tho vek tawh chiang sa, dar6 ah hi chuan an tho tawh thin hlawm a, kei hi mut ka duh ber ti ila ka sawi suallo ang, nulat lai pawh a mut duh kha ka ni miau a, chuta karah nau ka la pai zui bawk nen, "min lo kaitho lo a" in hnuai ka chhuk rualin tv en chunga lo thu chu ka ti nghal a.










"I muttui sia, ka au tho duh ta lo che a nih kha, i muttui bawk maw, ka nu leh pa pawh an la tho biklo" a ti chu mak ka ti hle a hre thiam a ni mahna, "sorkar chawlh a nia, mut rei ni an ti ve a nih kha" alo ti awlsam et a, a ngaih te lah hi a Sam thei mai sia maw, "awmpui ten rawn an bawl a,lo thu thla rawh, an peih hunah ka nu te chu kan au tho dawn nia" a tih zawm zat.










"ka va pui ange, tv kha lo en maj mai rawh" tiin choka lam pan ka tum a, "a tullo a ho lutuk, kha ti tur an awm reng, i tih ve angailo, rai puar leh nghal, tei tei a tha lo rawn thu mai mai rawh" Benji chuan a ti bui bui a, tunlai a tawng tam ve lutuk te hi a mak, "chutiang ngawt ka pui khat si" ti mah ila, "i puih tur an ni hlei nem, an tih tur alawm, i che sual vel ang, rawn thu teh" tiin a kut a phar duai a.











Ka pan ve leh ta nge nge, a bulah chuan ka thu thla a, in khel bawk a en leh tawh a njh hi, a tui ve em em a in khel ngai hlei lo hi, " a awmzia pawh ka hrelo " tiin kan tv en chu ka melh ve ran tho, "i damdawi i ei tawh em" a tih chuan ka ner nawng, doctor khan damdawi naute leh keima tana tha tur min chawh a, chupawh helai pa vang vek hi.











"Eilo nakin deuhah ka ei mai ang" ka ti awlsam et a, "bawihi i tan leh naute tana tha tur chu hre rual I ni tawh" tiin min melh ran a, lei ka chhuah tet ringawt, "aw ka ei dawn lo pawh ka tih loh kha, ka ei dawn reng, nakin ah ka ti mai lawm" tiin ka tum bar a, "nakin tih a ngailo, ka va la anga ei nghal ang che" tiin a tho vut a, damdawi ka dahna choka eng eng emaw, bungbel kan hun mawi kan hman loh kan dahna a, damdawi ka dah chu ava la a.












Tui bottle nen a rawn let leh thlap, hepa hi chu aw, "ka nei tep tawh tho a, ei pawh a ngai tawh dawn ami" ti mah ila, hrelo ang hmak in a awm" damdawi chu banin tha tak chuan ka ei ve mai a, "kha kha a ni mai lawm, a harlo lutuk" ti sup in ka bulah bawk a rawn thu thla leh a, "chaw ei dawn hnai ang u, ka nu te kan au ange" tiin room lam a pan a.











A hnu deuh lawkah ka nu leh pa te nen an rawn in zui chhuak leh a, "vawiin chu mut rei ni kan ti ve a, duh aiin zan lamah kan meng rei deuh a, kan mu rei mah mah a ni" ka nu chuan choka kan pan lai chuan a ti a, an tar ve tawh a, mu hnem mahse a tha zawk, "e taka, hmanni khan ka sawi theihnghilh a, i nu ten min lo call a, Cindy zawk hi in monu tur chu a nia, harsatna a awm vanga kalbo a nih thu tr a rawn sawi luam a, kan in hau deuh ti tih a" ka nu chuan chaw ei lai chuan a ti a.












Ka chaw bar ka thulh thak, ka nu chu ka melh ran a, "an va han ngam zawk ve, an duh tawk mai dawn emaw ka tia" ka pasal Benji chuan a ti hluk a, "ngaih khatah ngai mai rawh u, ralkhat atanga rawn biak bak cheu an ti ngam tawh bik nang, an fanu pakhat zawk kan monu a ni miau mai a, chutiangin buaina lian tham an rawn siam duh lo ang" ka pa chuan alo ti mai a.










Ka pa hi chu thil reng reng a dam zawnga ngaihtuah thin leh ti thin a ni, "Muansangi kha rawn haw rawh se, a unaunu pasal tur a chuhsak a, kan fanu veve an nia, a u zawk hian a rawn ti duh lo hrim a, te kha an rawn tia, eng rilru hi nge maw an put le ka ti" ka nu bawk a ni, chutia ka nu min hring tunu ngeiin a ti chu ka na takzet.









"Benji ka pum hi a nuam thei miah lo mai, a na telh telh" tiin khum tlang a thu chung chuan ka pum chu ka dawm vang vang a, a in siam mawlh mawlh chu tawp in, ka bulah a rawn kal nghal vat, thawk leh khat ah a rawn na vin tawk ka ti mai, "ka nu te zuk au vat rawh" ka ti chul a, a ni pawh rang zetin ka nu tr au turin a chhuk nghal vat, a hnu rei vaklo ah, ka nu leh pa te an rawn in zui lut a.












"Bawiha pa motor lo zuk la chhuak rawh, a vei tan a nih hi, bawiha nang Muansangi kha rawn pawm thla rawh" tiin ka nu chuan naute kan neih thut taka tia kan mamawh tur kan pack sa vek ho chu a la khawm zung zung a, motor ah chuan min nghat lut in, ka bulah Benji a rawn thu lut ve nghal zat, a hmaah chuan ka nu leh ka pa chu an thu a, a na lutuk chu ka thlan fim te a chhuak tuam tuam thei hial a ni.











Damdawiin kan thlen rual chuan nau neihna ward ah min nawr lut nghal a, "vawi khat chiah sang leh rawh a lo chhuak tep" tiin nurse leh doctor tr chuan min ti mawlh mawlh a, a na bawk si chutia an lo tawng reng te chu ka thin a rim tung thei, "mipa in nei e" tih ri ah chuan ka mu zawi hnawk a, thawk ka la nghal vang vang.











ward pangaia min sawn hnu chuan ka nu leh pa Benji te nen chuan kan awm thap a, naute chu pawm an in chuh nak nak mai, an naute pawm in chuh chu ka lo thlir reng a, ka nui var var, tunah chuan ka fapa vang hian ka nu leh pa ka unaunu te pawh in buaina an rawn nei tawh huah lo ang, in remna siam tu leh chhungkaw tana hlimna thlen Tu a nih ngei ka ring.











Benji an ka harh tih a hriat rual rual chuan, ka bulaha rawn kal hnai nghal a, "bawihi ka lawm e, tunah chuan fapa kan nei ve ta" tiin ka chalah min fawp vang vang, tunah chuan hlimna hlir kan nei a, lungngaihna leh buaina in hmun an chang lo, ka tana pathianin a ruat ka kawppui tur tha tak leh chhungkaw tha tak min pe a, hei baka hlimna hi a awm leh tawh chuanglo ang.










"Benjamin i fapa kha ti khan seh ziah suh, a ban pawh a sen vek tawh kha" kan fapa apu leh api in Timothy Lalhruaisanga tia kan nupa hming chawi a phuah chum biang mai apa in a mutpui lai chuan ka ti hlak hlak a, "bawihi a tah chuangloh hi a na lo a niang" a ti awlsam et ringawt leh nghal a bana seh hi a ching lutuk a, a buaithlak thin.











Ka phone a rik vang chuan an pafa chuan kalsan in, varanda lamah ka chhuah San ta daih a, Cindy alo ni "hello" ka ti ringawt a, biak pawh ka chak hranlo, "Muansang ka tihpalh aw, i chunga ka thil tih vangin, tunah chuan ka sual man mahni unaunu ngei te chunga ka thil tih sual rah ka seng a, nau ka pai a sin, mahse apa in a pawm duh lo a, ka dem lo, kei ang chu min pawm lo a ni mahna, tha taka ka naute hi enkawl ve ka duh a nu tha tak angin, tunah chuan in lak atanga hla takah nun bul ka tan tha dawn a, tha takin lo in enkawl ula, lo dam tha rawh u aw, ka lo let leh hunah chuan unau in ngeih tak, a hma anga in ngeih tak kha kan nih leh theih ngei ka beisei" tiin ka chhan hma hma chuan a off daih.











"Bawihi tu nge ilo biak a" tiin ka hnung a tang chuan Benji chuan min rawn kuah a, "ahh ihh Cindy a nia, a kalbo tur thu min rawn hrilh a, chuan ngaihdam min dil bawk a" ka ti sap a, a ni pawh chuan sawi zawm tur a hre lo a ni mahna a ngawi vang vang, kan fapa uar mang khenga rawn tah tak ah chuan ka nghawng a nul thuak thuak na tang a awm sawn a, a phun deuh hluk "va ngaihven rawh" tiin ka nui tet tet, tunah ti buai tu awmlo in, hlim takin kan awm a, Cindy ber in ngaihdam min dil tawh bawk, kan hringnun chu kan chhungkua te in kan zawh tawh ang.











(a tawp ta thut sia, a tawp danah leh ka ziah danah ngaihnawm loh viau ang, a tawp Dan a ho viau bawk ang, mahse rinawm taka min lo chhiar sak tute in zavaia chungah ka lawm takzet a ni, ka story dawt leh tur, Lalchhandama tih a rawn chhuak leh vat ang, min lo ngaihchan sak leh theuh dawn nia, whatsapp lam thlan a nia, a kal hmang tur chu group a awm ho chuan in hriat tawh ka ring )


Show post links
Top