THUTIAM BY TINKER JENNY (Completed)

[Ngaia]

Alex-a lo haw aṭangin thla khat a liam leh tawh a..a phone ka en sak tawh ngailo a..chuvangte pawh chu a ni mahna inhauhna lian tham kan nei lo a..kan hlim viau rih.





Min thlakhlelhna mit meng a mit a ka hmuh ve te chuan min tihlim a..min duh ve tawh a nih te ka ring rum rum ṭhin..ka ring sual thei tho bawk...ka dul pawh a lang ve ṭan tawh a.. Alex-a hian a chul hliau hliau a..keiai mahin a lo chhuah hun a nghakhlel zawkin ka hria.





Ṭum khat kan mu erawh fiamthu in kan inchhaih a 'ilo mu ve lo tawp mai tur a nia' a tihkha kei a raino rilru kawi hma bawk si khan ka haw ta tlat a..tho tau sawk in thawmhnaw bawm a ka bedsheet dah ka la a..chhuar a puan sintur ka rem zing a mi pakhat ka la leh a.





Alex-a erawh ka chet dan naupangchhia lutuk avang chuan a lo nui kur kur, 'ka fiam che a nihkha' a tih pawn ka chhang lo a..kan room a khum te kan hun zawkah chuan bedsheet chu phahin ka mu hmak...ka mut rualin lukham ka la tello tih ka hre chawp chilh nghal a.





Rei fe ka nghah hnu ah ka tho ṭhem ṭhem a kan khum awmna lam ka pan a, tui em em ka pasal muhil chu ka melh rum vak phawt, lukham ka ban de de a... Alexa'n ka ban rekah a lo man chawt a muhil tawh emaw tih naklaiin a lo muhil der lek chu niin, rang lutuk a lak let ka tum chu a vuan nghet sauh.





Kan inpawt ṭang ṭang ti ila a dik ber ang..a nin khum a min pawh kai a tum a..keiin ka duh bik silo a, ka tha tawpin ka lo in pawt let ve ṭang ṭang.. kan chhungte'n min lo hmu thut se chu insual emaw min ti dâwn a nihhi. Chutah min vuan reng chungin a rawn tho chhuak a.





Keiin na zetin ka kut ka pawt leh a..min manna aṭangin ka tal pit thei hram..rang lutuk a ka mutna lam pan ka tum chu ka kawngah min man leh hman a..ngawirengin kan inbuan tawh a ni ber..a khat tawkin 'i dul kha i sawh a nge' a ti reng bawk a..min thlah erawh a tum hmel loh.





A mipa zawk na na na chuan hnehna changin ṭha te te in khumah chuan thlan tla hluamin kan mu a..ka thawk a rang ngang mai...ka lo hah hman hle nih ka ring.





Zingah ka nu in "naktuk chu Lungleiah in check up turin kal ila a ṭha ang" a tih chuan "ka pa nen mi inkal ang" ka lo ti thuai "nimai..kei chu in entir ka ngailo..nangmah zawk kha a nia ka tih..damdawi pawh engmah ila eilo a, motor kal rem chan lai kan chuh loh chuan" a lo ti thuai a..

"Bawihpuia leh i Usangpuii chu in ah lo awm se, vawk chaw te an lo pek loh chuan.. I pa te nen kan pathumin kan kal dawn nia" a ti mial mial a.





Ka pa in "duhai kan tlai tawh zawk a..kan khua chu a buaithlak tlat a..sub center kan nei bawk silo....kan health worker an sawn daih bawk si" a a ti charh charh a...nilengin in ah kan awm a...chawhma lamin in ka ti fai a..chawhnu lamah erawh tih tur a awm tawh loh avangin phone ka en a.





Ka mutthilh lai reng reng ka lo hre lo...ka phone ri in min ti harh a..ka en nak chuan ka nu min hringtu zawk call a lo ni..la vatin "aw nu" ka ti hnawk ṭiak..ka aw te chu ka thian leh rih a..ka nu in 'i va nawmsam loh hmel ve' min tih chuan ka ṭhat thu leh ka mutthilh thu in ka chhang mai a.





"Nangmah in em ni i awm a" a tih chuan kan awm vek thu in ka lo chhang a "kalsawn lawk teh" a tih leh chuan ngaih ṭha zan lo in pawn lamah ka chhuak a, kan balcony ah chun ka ding ran "enge ni ta" ka ti zawi sep "englo a nia...i pa hian a ngaihzawng kha a la thlah fel lo a, nizanah an in text na ka chhiar a" a rawn ti zawi sep.





Thawk la leh hâkin "i u phei chu ka hrilh ngam lo" a rawn ti leh a..thawk a lak sek danah a rilru tur awm ang chu ka hre thiam mai, "engtin nge an in text a" ka tih chuan "i pa zawk hian in hi ka sa ṭha phawt ang a, ka sak zawhah kan nu hi ka ṭhen ang a..kan innei dawnnia a ti" a ti leh sep a.





"Chuan eng tia awm nge i tum....nu ṭhen che a tum pawn duh reng reng suh..eng thil mah kha ka pa ta bik a awm lo..inpahnih a inthawh chhuah a nihkha...ṭhen luih che a tum a nih pawn engkim..ram,sum,leh inhmun thleng khan zah leh zahin insempui rawh..nilo..ka pa chuan a chang tam theilo ang..kei leh ka nau bakah U Angela-i hi i lamah kan awm vek dawn...ka pa leh a bialnu khan chan an nei thiang lo zawk..fing deuhin awm la tuar hram hram rawh" ka ti ve sawk sawk.





Rilru a hah duh takzet a ni...kei lah pasal ka nei fuh lo a..kan buaina ang chiah ka nu leh pa inkarah a tla zep ve bawk a..thawk ngaihna pawh hi ka hre tawh lo..ka ipik a, ka chau tawh takzet a ni...





"Nu ka pa chuan a ṭhen phallo ang che..a ngaihzawngnu chu i hre hrim hrim em" ka tih chuan "umm..nuthlawi a nia, fa tleirawl a nei" a rawn ti zawi sep a..ka khawngaih lutuk chu ṭahpui mai ka duh..mahse mittui hian engkim a siam ṭha lo tih erawh ka hre ve kar.





Ka nu nen kan inbiak zawh chuan inchhungah ka lut a.. Alexa'n chanchin min zawh chuan dawt ka sawi ringawt..kan buaina hi hre lo se ka duh a ni..

Kan pa nu te nen Lunglei lam kan pan a..ka nu nau te in ah kan thleng a..a tuk a ka va in entir chuan damdawi min lo chawh ṭeuh a.





Ultrasound kan ti nghal bawk a..naute a ṭhat thu min hrilh chuan hah a dam ve sawng sawng thei...ultrasound a ka naute hlim thla chu ka en a..keimahin ka nui leh var var ṭhin...ka beiseina kengtu ka neih chhun tak meuh meuh..chakna min pe tu ka tilo theilo..thla la in Alex-a chu ka han thawn a "a lu a van lian em em" a rawn ti reuh a.





Keipawn lu ang deuh lian pui awm kha mak ka ti ve tho a...min chhan dan avang chuan lungawi a har ṭhin teh e...mahse status kan en kual chu Alex-a status chuan ka mit a la nghal chat kan en nak chuan status ah a rawn hmang ve ngei a nih chu, a caption ah 'ka naute duat lulian' tih a nui per chuai emoji leh love sen hi a dah ve ngei, sawi lang vaklo mahse a hlim ve hle a nih dawn hi.





Tlai chaw ei kham a thleng kan sil chuan kan pa cousin Tetei nen Alex-a chungchang kan sawi a...kan nui leh kar kar ṭhin "mahse heta hna thawh lai a a lo awm khan hmeichhe pakhat hi a rawn hruai ṭhin a..khanu kha a rui reng ṭhin in ka hria" a tih chuan ka en deuh haw.




Ṭawng leh tum a a ang zuau chu a sawi sual tih inhre chawpchilh nghalin min rawn en vut a "ahh eng lo..ka ti mai mai ngaihkawi tur chi pawh a ni kherlo" a ti ban charh, han sawi mam leh dan kha a vang ve bawk em a ni. Ka lo nui tawi tek.





Kan khaw lam a kan let leh hnu pawn ka rilru a nuam thei der tawhlo...tunge a phur chhuah ziah nu chu ni ang le.. eng inzawmna nge an neih ang aw...Alex-a hian min phatsan tawh a ngem tih thlengin ka ngaihtuah a..min phatsan a uirena sual a a tlu a nih ngat chuan Pathianin ngaidam thei mahse kei erawh chuan ka ngaihdam theih ka ring tawh lo a ni. Keh chhe nawn leh tur hian ka thinlung hian a tlin ka ring tawh lo.





Alex-a phone khawih sak hun ka chang reng a..ka thil tum hria ni awm takin a phone lah chu a ak zel tawh bawk si a..kan haw aṭangin kan inbe tlem leh viau tawh...min tih nuih tum nasa ṭhin mahse a hmel ka hmuh hian ka rilru a na tlat zel a, ka nuih theih loh mai bakah ka be lumlam vak thei tawh lo.





A hmelṭha tak phen a..a leplerhna hi ka hai mawlh bawk silo a..mahse le vanduaina chauh hian min umzui lo tih ti chiang turin a phone charge a len san hlauh a..keiin a phone ka check sak leh nghal hmiah..rin ang ngeiin hmeichhe biakna a lo tam leh ngang mai...video call pawh a ngah khawp mai.





Message pakhat a chung ber a mi chu ka hawng a.. Lunglei a hna a thawh lai a an in text na vel te, a lo haw hnu pawn an la in be chhunzawm zel bawk a nih hrep hi.


Alex-a chuan 'ka lo hruai ang che'
'inru ang'
'innei ila ka nupui ni la' tih angreng a thawn ṭeuh a..mahse a hmeichhia zawk chuan a chhang nawi thei viau zel, ka thil chhiar mek avang chuan ka bing mup mup mai.





Eng nge keimahah duh khawp loh a neih..eng fa ko nge kei hian tih sual leh tih dik loh ka neih ka ngaihtuah a..ka hre bawk silo..pasal ka neih aṭangin ruih hlo ka thlah a..ka mipa thiante pawh ka kawm tawh ngailo..min lo be hmasa a nih loh chuan tumah ka be hmasa ngailo bawk.





Nupa nunah pawh a lungawi loh hlauin zak chung chung a a sawi ang a tih chang lah ka ngah..tichung chuan lerh san ka ni a...hmangaih loh ka ni bawk a..ka pasal lak a ka phut hi a tam lutuk zawk nge..beiseina ka nei sang lutuk zawk...ka tha thlengin a khur thei...khanu kha la lut se kei hi min pet chhuah a tum tihna em ni..chuti khawp chuan ani maw ka pasal ka hmangaih a ka thlakhleh em em hian min lo nin.





A lo haw chuan ngawirengin ṭhuthlengah ka lo ṭhu a..ka bulah chun rawn mu in alu chu ka malah a rawn nghat nghal zat..thaw hakin a chhip samah ka lo ṭham nghal "i va chauh hmel ve" a tih chuan ka ngawireng..rawn dak chho vutin "tinge a" min ngaihtuah hmel zet hian a rawn ti a.





Ka ṭah mai loh nan ka insangmar ṭeuh "inhnuaiah chhuk lawk teh ang" tih leh thawh ka rual a...a lo kal dawn tih ka chian avangin hawi let eih lo in inhnuai lam ka pan nghal..khumah ka ṭhu nghal bawk.




Ani kan room a dawhkan inhung chungah a ṭhu thung "i phone i rawn keng em" ka tih chuan ka hmuh turin a lek kang zauh a "hawng teh" ka tih leh chuan min en zuk zukin a hawng ve mai "lo la teh" tih leh phih thlak ka rual a "eng nge a" a lo ti let hu.





En pawh ka en peih tawh lo e..ka beng duh mai dawnin ka hria a phone chu hmet mual mualin Zosangi tih nen a an in text na chu a hmaibul chetah ka va ti lang a "i sawi fiah thei a ngem" ka ti fiah fak..




A ni erawh a ngawi leh nghal kar chu ka dawhthei leh tawh lo "sawifiah ta che..vawitam duh tawk tawh turin ka ngen che..i lakah hian eng em em nge tih sual ka neih..tinge min tih nat reng" ka mittui ka dang zo tawh lo..hruk buai lah ka tum lo.





"Alex..min khawngaih ve em em tawh lo a mi...hetah nang lo tunge ka neih..ka chhungte pakhat pawh an awm lohna khua ah hian nang lo neih ka neih loh laiin nang erawh chuan ani telin min tina chu a nih si hi...I hmeichhe biak ṭhin ho hi ka hriat loh i ring em ni? Alex..min duh thei hlawl lo a nih chuan sawi rawh ka haw ang..khang i hmeichhe biak ṭhin ho kha i duh a nih chuan nei rawh ka chhuak ang" sehchilh nawk nawk a ka tih chuan ka hma a ṭhu ka pasal chuan "duh ila nang ka nei dawn che em ni" a lo ti khauh.





"A nih si chuan khang hmeichhe inzuar ṭhin ho kha engvang a neih tum a be ṭhin nge i nih..mutpui tur che in i sawm tih hi ka hriat loh i ring lo ang chu tiraw" rilru na fe a ka tih chuan hnuai lam bihin a ngawi leh ngal bawk si.
"Tun chiah..tun chiah hi ka hrethiam leh ang che....a leh pek a awm a nih vaih chuan duh i thlang angah ka ngai tawh bawk ang" ka ti nghet charh..ka na lutuk hi ka mittui tak ngial pawn luan ngaihna a hre tawh lo zawk a ni.





Engkim hi an chawl duk nimaiin ka hria..ka hah a ka chau tawh takzet "Alex khawngaihin min tina nawn tawh suh..ka tuar zo lo mai ang...i fa lo piang tur hi kei ang bawkin fahrah nih tir i duh lo ang tiraw..khawngaihin naute vang tal pawn" ngen ngawl zet a ka tih leh chuan ka "tihpalh" a rawn ti zawi sup..a ṭawng ring hran lo a..ka bengah erawh ring tak a ṭawng ang maiin a chiang hle thung. Nidangah chuan engthil pawh tisual mhse ka tihpalh tih hi a ka aṭangin a ri chhuak ngailo hrimhrim a, tun ṭum erawh a mitmeng a inchhîr na leh pawi tihna ka hmuh tel avang a nimahna, thu tawi te 'tihpalh' tih chuan keimah ah awmze thui tak neiin ka chhûng ril hi min fan rawih rawih ni berin ka hria.



(Notes: nizâna ka rawn dah theih loh avangin zanin chu tlemin ka rawn dah thui ve deuh e aw
)


Show post links
Top

[Ngaia]

Hun chu a kal ve bek bek a... Alex-a nen pawn tunah chuan a hma aiin kan ṭha tawh zawk a..zan a leng a lo haw tlai deuhte hian ka lo titau hman ṭhin a..min thlem leh nge nge zel. Min duatna aw thlum zet hi hriat fo ka duh a... Ani nen hian dam chhung hun hman ka duh a ni.





Christmass a hnai leh tawh viau a, ka dul pawh a puar lian ve viau tawh...chutih laiin world cup khelh kum a lo ni leh zel bawk nen..dul puar luah chungin Alex-a nen kan ṭhenawmte in ah zantin kan ṭhut chilh ve reng a, zing lama kan haw chang lah a tam.





Kan ṭan lam a in an loh avangin kan inhnial fiam leh bap bap ṭhin...A nin Argentina a ṭan laiin kei Brazil fan ka lo ni bawk si...Neymar ka duh zia a hria a..min chhaih thinrim nan a hmang ziah leh nghal...world cup kan en zo zing dar 2 velah kan haw a.





Ka pa leng haw in kan haw kim tawh emaw tiin kawngka pui min lo kalh hnan a..inhnuai kawngka aṭanga luh tumin inhnuai lamah kan inzui thla leh a..chhunah kawngka chhunglamah ka kalh daih tih ka hre chhuak leh hnuhnawh.





Alex-a ka hrilh chuan "lo kal rawh..Umama te inah riak mai ang" a ti a..kan kal leh hna hna.
Kan TV enna te in kan thlen chuan a lo thim ṭhiap tawh, kawngka pawh a lo inkalh vek tawh a, an la mut loh takin tiin Alex-a chuan a han kik dat dat a, tumah chhangtu an awmlo.


A beidawn thlak asin aw, zanlai ti ila, zingkar darhnih leh a chan ve vel ri thuak tawh a mi in kawt a ding reng lah a fuh bawk silo.





Alex-a bawk chuan a tawp nan tiin a kik leh hrâm a, tuman min chhang leh tak siloh avangin kan in lam pan bawka let leh tumin kan in her a, mahse kawngkhar rawn in hawng ri kan hriat avang chuan kan inher leh a, Umama chu a rawn tho a ni ngei tûr a ni.





Phawk zet hian min rawn en dun zak zak a..a hmel chuan ka nuih a ti za tlat pek.. Alexa'n "zanin chu khum kan lo sawn teh ang" a tih chuan Umama'n nui pat patin "riak mai ru ka tih lai khan riah hle hle tur a nia.. Puitei rai lian tawh i hnuk kual reng mai..in vak den den reng ringawt mai" a tih chuan kei ka lo nui hak hak.





Chutah uang zet hian "zanin chu kan in hi a nghing dur dur ang tih ka va hlau ve..Lex-a rai puar a nihkha dim rawh aw ..missionary style chu apply chi loh ang" a tih chuan ka lo nur nang.. Alex-a lam hawi a "eng nge chu chu" ka tih chuan..a tukhum hiat nauh nauhin "ahh..khup thuk khup thuk" a tia, kei ka lo ner nasa.





Umama lam hawi leh nghalin "innu nen intih dan hi mi hma ah puang zar fo suh...khawiteh a vawt tawh kan lo lut dawn..saum kan dil loh che hi" tih leh Umama kawngka hma a ding chu nek sawnin inchhungah ka inthawlh lut nghal zat.

"Te si, dul kiar si, ṭawngthei zit zet si" nui huk a Umama'n min tih chuan leh hawiin lu ka thing mat mat.




Mahni in a kan riah loh vang nge ni..muthilh mai ka tum ṭhin a..ka harh tulh tulhin ka hria.. Alex-a erawh a mutui ngang mai...var tianah ka mu hil ve chauh a.





Zing a kan haw chuan an lo tho vek tawh a, pawn aṭang a kan lut chu min lo en phawk ngang mai..ka nu in "khawnge inriah a" a lo ti thuai a.. Alexa'n a chhan lawk loh avang chuan "Umama te in ah...nizanah kawngka min kalh hnan daih a" ka ti zung zung.




A inthlahrun awm zawk..ka nu bawk chuan "i pa leng haw in a kalh a nih dawn chu" a ti sam mai a..kan riak chhuak chu engah vak a ngailo niin an lang..




Hun a liam duak duak a, christmass thlen nan karkhat vel chiah a awm tawh a..kei erawh ka lung a leng a..hunpuiah hi chuan ka chhungte kiangah hun hman ka duh ṭhin avangin hmun dang a ka awm pawn ka haw hram hram zel kha a nia..tun tum erawh...a vawikhat nan ka chhungte, ka unaute tello in ka hmang dawn a ka huphurh ru khawp mai.





Alex-a lah zan tin a leng chhuak a, ka lunglen leh len loh chu a ngaihtuah vak hmel loh. Ka dul a len ve tawh avangin zanlamah ka chhuak vak ngai lem lo..in ah mahni chauhin ka awm a...ka nu te biak sek lah a nuam bawk silo, whatsapp-ah erawh biak lai ka nei a....ka tleirawl chhuah tirh a ka star deuh ṭhin David-a hi a nia.





Kar hmasa deuh khan min lo be hlawllo a, pasal ka neih tawh thu ka hrilh chuan min star ve ṭhin thu a sawi a..a tir chuan ka be ṭha vak duh lo a..mahse ka pasal berin ka lunglen hnem turin ka kiangah a awm ngailo a..keiai a ṭhiante lo haw kawm kha a rilru ah a tla na zawk a, ka thiam dan in ka lungleng hnemna tur ka zawng ve a ni ber.





Mahse ngaihzawng ang in ka be lo thung a...ka pasal lak a ka lungawi lohna te ka hrilh a..chumi rualin ka hmangaih thu pawh ka hrilh tel bawk...ani chuan dawhthei takin min ngaithla a..ka tan hun a ngah ṭhin.





Zan khat David-a nen kan inbiak chuan "a lo la haw lo ami?" a rawn tih chuan tunge a sawi ka hre chiang viau "immm" tihte in ka chhang....zanrei lam a hnai tawh a..ka pasal nghah pahin David-a ka be pah a ni.




"A va lo haw har ve, ṭhen mairawh..a hmangaih lo che a nihkha" a tih chuan ka na vawng vawng thei, ka pasal hian min duh lo tih leh min hmangaih lo tih hi ka hria a, ka pawm vek bawk, ka hai der lui ṭhin zawk mai a ni. Mahse, miin chiang zeta min hrilh chuan min ti na in, midang pawhin chutiang khawp a an hmuh thiam chuan ka hai der luih rêng pawh hi thil ṭha a ni rêng dâwn em ni le.





"Nia, ka hria lawm..mahse ka hmangaih bawk si a" ka tih leh chuan a thaw hak "khawvela ka hmeichhe hmangaih ber mittui hi a ti tla a nih ngat chuan keihi min hma chhawn a ngai ang" a rawn ti chang fak "David" ka ti sep..sawi leh maitur hre lo in ka ngawi vang vang.





Mahse inchung lam a ka pasal ṭawn thawm ka hriat avangin "David a lo haw..ka dah aw..muttui le" ka ti nghal sawk swwk a..phone ka off zui nghal..step a rawn chhuk thla thawm a awm takah chuan inlukhup in amah nghak lo ang takin ka lo muhil der a...reilo te ah ka mutna khum chu a hniam sulh a.





Dim deuh a ka biang rawn tuai thuak pahin a thaw deuh halh "Duati hmangaih che ka tum pauh leh ka hlawhchham a" a ti sup a, a nui nghawr dat..a thusawi avang chuan ka inhum nghet sauh..chutah rawn thaw lum leh ham hamin "min zui haw miah lo tur i nia asin" a ti leh a.





Ka hmai rawn lum pap pap avang chuan "i ṭap" a rawn ti sup..a aw a mak tihna chu ka hai lo nasa...meng diar diarin "Alex" ka ti tham ṭiak "shhhh...i lo hre vek a ni maw..ka tihpalh, ka tihpalh, Duati" tih leh min kuah a rual a..kei erawh rilru na zetin ka inhnit nghal hlawp hlawp.





Thei leh thei lo a ṭawngin "tinge nei tur che in thu min tiam tir a..tinge..min tihnat reng..beidawn san tawh tur che in min duh em ni? Ka na lai hmel hmuh hi nuam i ti viau em ni?" ka tih chuan a lu a thing nghut "ka hre lo..keimah hi ka inhrethiam tawh lo" a tih leh chuan a lak aṭangin ka tal hrang vat..a mitah chiang zetin ka en a.





A ni erawh a mitmeng a buai hle thung..a ruih vangah ka ngai...min hnaih tirh khan zu rim ka hre tawh tlat "hmeichhe dang min kawp san a ka hrethiam che..tawngkam mawilo tak tak a min tih pawn ka hrethiam zel che..vawitam min tina chung pawn i kiang a awm hi ka la thlang fan a..engtikah emaw a la inthlak danglam ve mahna tiin keimah leh keimah ka inhnem a, ka infuih a...naute ka pai hnu in beiseina ka nei sang chho a..mahse nang erawh chuan maw..natna min pek i ban san chuang lo..khawngaih ka dil fo che a..ka thiamna ah tlawm zawk ka ni fo.

Tunah erawh ka beidawng ve tawh...ka ṭhen lo ang che
mahse i lakah hian ka beidawng tawh..engtin pawn awmin tu pawh bia ila..sawisel lo la..min enliam tawp dawnnia.

Rui la, bialnu neila, engtin pawn awm rawh ka sawisel tawh ngailo ang...mahse i nu leh pa hmuhah erawh i lem chan kha chhun zawm zel la..chuan keipawn.
A ṭha em..i lawm em?" ka tih chuan chik zetin min lo melh let ngur.





Ka sawi hnem bawk a....ka sawi zawh chuan ka thaw deuh ham ham..chutah amah en in ka dul chu ka en leh a "ka fa ti ngai suh ang che, ka ta chauh a nih hi..ka khawvel tur" ka tih pawh chuan a la ngawi reng.





"Mu dun tawh lo ila a ṭha ang" tih leh thawh ka rual a..a hma a mutna ka phanna ngaiah bawk ka va phah leh a..ani pawn min dan buai a tum tawh lo..zanrei tak thleng ka meng a..ka muhil theilo chuan Youtube ah PC hras thlahrang thawnthu chhiar ka ngaithla a.





Ka hlau leh sia..thil ri hlekah ka hawi hra ringawt zel... Alex-a mutna lam ka va melh a..ani erawh tui zetin a mu thung a..rum zetin ka va melh a..a harh phah lem hlei lo a..ka huaisen ṭhin nen..ka rai hnu hian ka dawih thar a...ka ti thei tawh ngang lo chu thawm dim zetin ka puan sin lai leh lukham ka la te te a.





Alex-a sirah tih harh hlau zetin ka va inthawlh leh hnuhnawh a..ka chet dan chu ka zak bawk sia..ka nuih a za bawk sia..mu hrang tur a thu thlukna siam zawkin ka pan leh daw daw chu nia..a lo harh vaih chuan ka zak dawn lutuk.





Ka mu fel awrh tihah Alex-a chu ka lamah rawn inletin min rawn kuah nghal a "mu hrang tawh lo la..i muhil thei mai ang" mut chhuak aw zet hian a ti a..a thimvek avangin a meng nge meng lo ka hre lo..kei erawh ka beng a sa hat hat thung.





(Notes: keipawn story ka chhiar nasa ṭhin a, an regu theih loh chuan hrehawm ka ti ṭhin hle. Keipawn regu deuh a rawn dah zantin chu ka chak ve ṭhin tho a, mahse mihring ve tho nih na laiah damloh chang te ka lo nei ve ṭhin a, kan chhungkuaah buaina neuh neuh kan nei ve zel bawk sia, ka fapa lah a lo dam lo ve bawk nen.. heihammm a buaithlâk a nihhi.

Mi mo nih hi chuan awl takin a awm theih ṭhin bawk silo a, kan pa chhûngte an fel pauh leh a inthlahrun awm ṭhin sia.

Min lo hriatthiam hram hram ṭhin tute leh dawhthei taka min nghak tlattute chhungah ka lawm takzet. 🤍🤍

Ee chuan a true story ah chuan changtunu hian changtupa hi a ngaidam zêl sia tlemin kan her danglam deuh anga Alex-a hi hrem ve deuh angu aw a sual tukhumpawng emai)


Show post links
Top

[Ngaia]

Ka hlauh luat avangin ka ti ril a khur dar dar a.. Alex-a tak ngial pawn min thlamuan zo lo..ti em em a ka dawih mai hi mak ka in ti, ka rai hmain tiang emem hian ka dawih ngai pawh ka hre silo a, ka rai vangah ka ngai nghet hmiah. Kan muthma a ka thu sawi ka ngaihtuah let chuan ka chhing nghal sawk, min zuam sawt dawn a nihhi..ka thusawiah ka ding lo miau a ni.





Ni leh thla a ral a...ka nau neih hun pawh thla thar a ni ve reng tawh.. Alex-a nen kan inkar erawh a hma zawng aiin a chhia a..a mawi ah kan inbe ve a ni ber. David-a nen erawh kan inbe ngawrh hle thung.





Alex-a ṭhen tur a min nawr a ching a..mahse chu erawh ka nuih liam pui mai thung, ṭhen ta ila midang hi ka nunah ka seng luh theih tawh ka ring lo a ni.





Usangbawihi nen nau nei turin Lunglei ah kan chhuk a, in kan luah ve avangin ka nu nau te in ah erawh kan in nghat ta lem lo...zantin Usangbawihi bialpa a lo leng a, a rawn riah chang pawh a ngah. Ka mal a, ka khua a har ṭhin hle, Alex-a erawh biak buai ka tum ngailo thung a ni pawn min rawn biak w tum ngai chuang biklo.





Duhin hmangaih viau mah ila..mihring ka ni a..ka tlawm theih piah lam thlengin tlawm ka inti tawk tawh, famkim lo khawvelah famkimna neilo kei hmeichhia ah pawh a der dep ber hian chapona chhete ka nei a..chu chu tun a chakna min pe tu a ni bawkin ka hria. Ka chapona tlemte hi keimah zawkin ka phatsan anih teh chuan tho chhuak leh tur ka awm tawh lo mai ang.




Clinic a in checkup turin Usangpuii nen kan kal a, mahse chawhma lam kan nan tawh loh avangin hming kan ziah tir a..bazar hmasa turin leh SBI dawr turin Bazar vengah ke in kan kal a..hah ngat ngat tak ka ni..Usangpuii lah chuan nau neih dawn hnaih chuan exer lak ṭhat tur, fa hmasa ber tur a nia..ke a kal tam a ṭha a ti mauh mai sia.





Kawr fual kerek chen ka ha a..nulian zawk zawk ka nilo bawk nen..mi chuan min en duh viau ten ka hre pek a...nuam lo ka ti dawn dawn mai a..mahse kei aia te veleh chhawng ka hmuh chuan ka hahdam sawng sawng thei, bazarah kan tih tur ang ang kan tih zawh hnuah Chanmari lamah ke bawkin kan let leh a.





Emanuel clinic ah lut zuiin counter a lo ṭhu nu bulah chuan 'hming an lam tawh em' tih kan zawt a...ani chuan doctor a thlen chiah thu leh a lam vat tur thu in min lo chhang thuai...kan piah a ṭhutna ah chuan thu in hming an lam hun chu kan nghak ran a..ka hawi kual a, raipuar in checkup tur dangte chu an pasal ten an kalpui deuh fur a.. Alex-a min ti ngai ve veng veng thei.





Chung an pasalte'n a an kalpui leh an nupuite an ngaihsak zia an mitmeng a an duatna leh an hmangaihna ka hmuhte chuan ka thik a..keimah nena ka intehkhin chuan ka tê rawih rawih in ka inhria, mahni inkhawngaihna bawk chuan min rawih luh chilh leh tawh avang chuan hawi chhuak duh tawh lo in ka hma a chair chu ka melh ran ringawt.





Ka hnuk a ulh ringawt leh nghal, ka hming an rawn lam ve takah chuan ka tho nghal tharh..doctor in damlo a enna room-ah chuan lutin ka in entirna lehkha ka pe a...a en mial mial hnuah kan hnung lam a mutna chu kawkin "tah sawn lo va mu rawh le" a tih chuan ka hawi buai deuh a..mahse insiam ṭha vatin ka va mu a.





"Inphelh rawh" a tih leh chuan ka kawrfual hnuai a..ka kekawr bul hak chu ngaih ṭha fahran lo in muangchangin ka hlip a "i panty pawh" a rawn tih leh chuan ka mangang viau tawh, phelh mai lo in amah chu ka en ran a "ih..engtin nge min tih dawn...panty phelh chu a ngai ami..englo..ka" tim dai a ka tih mawlh mawlh chuan doctor-in "ka zen dawn che" a rawn ti dam thlap.





Zen dawn che a tih pawh chu ka la hre thiam lo..a kut zawng zawng saw a thun lut vek dawn tihna mawn le...ka hlau bawk si..chu ka thlan te tla hial in ka hria..Usangpuii ka lo zawt chiang hmasa lo chu ka inchhir ngei mai.





Doctor-in glove a bun zawh hnu in min rawn pan a "ka zen lawk ang che nau a hnaih tawh leh tawh loh ka en ringawt ang..a na dawn lo..kutzung tang pahnih chiahin ka zen ang" a ti a..a aw ah chuan min thlamuan a tum tih ka hria...ngawirengin ka panty chu ka phelh a..ka kawr chu ka dul zawnah rawn hlim chho in a rawn zen a..ka phu uih..na chu nilo..mahse a thip.





Ka zak lutuk hi ka â muai muaiin ka hria..min zen zawh chuan nau a la hlat deuh thu min hrilh a damdawi eitur min chawh leh bawk. Usangpuii bulah damdawi leitur vel chu ka hrilh a..kan lei zawh hnuah in lamah kan haw a...min zen dan vel Usangpuii ka hrilh chuan a lo nui ṭah ṭiah, ka ngaihtuah let zawng pawn ka la zak chem chem thei.





Ka nu kan han phone a..kan in entirna chanchin vel ka hrilh luam a... Alex-a lo chhuk ve tur thu a sawi chuan ka lungphu hi a su dup dupin ka hria.. ka phur a, chutih rualin ka huphurh tel bawk. Awmve se tih ka duhna leh awm ve lo se ka tihna chu a inzat vel mai thei a ni.





Zanah Usangpuii bialpa a lo len leh avangin kan inluahna inchung zawlah ka chho a..khawpui eng tuarh lam chu ka thlir a, heta Alex-a nen kan din dunlaite leh thlakhlelh hmel tak a min enlaite ka ngaihtuah a...amah kha ka ring a..hetiang dinhmun min thlenpui hi ka beisei ngailo. Ka beiseina mit tawh chhem nungtu a nih avang khan ka tan a hlu a, tun thleng pawn mahse thuthlukna ka siam tawh a..sawhsawn leh erawh ka tum lo bur.





A tello a ka nun ve theih zia hi hmu se ka duh ber...ka mittui rawn tla turin dan kir ka tum lo a, tuman ka thawm an hre theilo tih hria in insumna awm hauh lo in ka hlimna tur emaw ka tih ka nun bul ṭan ṭhatna ah ngei chuan mittui nen, beidawnna thinlung pu chungin tih tak meuhin a ni ka ṭah.





Tun ṭum Alex-a lo kal chu ṭum dang ang lo takin ka bulah a tap deuh reng a, ngai viau mah ila induh hun a ni tih ka hre ve kar..Davida'n min rawn call chuan Alex-a ka melh zawk a min lo en ve ran, call chu chhangin "eng nge ni ta" ka ti thawp sat a..pawnlamah ka chhuak zui nghal.





Davida'n "Lungleiah ka lo phei a..naktuk chhuak lawk ila ka ti deuh a" a tih chuan Alex-a a lo chhuk thu in ka chhang a..min hrethiam a niang chu, remchang a chhuak dun turin remruatna kan siam ta ringawt a.





"Ka ngai che" a rawn tih chuan chhan dan tur hrelo in ka ngawi kar "min ngai ve em" a rawn tih leh chuan "ahh..imm...i ngaihawm alawm" tih chauhin ka chhang...ka thil tih hi a dik ber em ka hre lo...ngaizawng lo mah ila Davida hian min ngaizawng hle tih ka hria a...beiseina pawh ka hriat miah loh laiin ka siamsak ngei.





Keimahah nuam lo tih chang nei fo mah ila.. Alex-a lak aṭang a ka inlak hran theihna leh ka inhnemna a ni ve tlat a..keimah leh keimah chu thiam inchan tir chawpin rilru nuam vak lo chuan in ah ka lut a.





Alex-a chu ṭhuthlengah chuan lo la ṭhu in ka lut chu min lo en kar dar ka san khum âk ringawt "tunge a" a rawn tih chuan ngaihsam hmel fahranin "mi" tih chauhin ka chhang.. Ka chhanna chuan a ti lawm vak lo aniang a ner zui sawk...chutah chiang kel kawl a ka mit a min rawn en pahin "ka nupui i ni tih hi theihnghilh ngai suh" a ti chang fak.





"Ka nupui" fiah fak hian a rawn ti nawn leh a..amah en let ve karin "min enliam tawp rawh, chu bak tih theih i neilo" pawisak neih loh hmel fe in ka ti let zui. Ka mize hmasa a chawk tho tih hi inhre rawh se, ka kalsan tawh ik chu inher lehin "Alex hmeichhia i biak nawn leh chuan duh i thlang angah ka ngai ang ka tih che kha, min fiah hi tum kher suh.. I hriat loh chu maw.. dawh thei tak ka nih rualin luhlul tak ka ni a...thinlung nem tak hi lung ang a sak a chan tirtu i ni tih hi inhria ang che" cho zet a melh chungin ka ti fak fak.

A ni erawh a ngawi leh ran tawh...ni e..sawi tur a nei lo alawm..diklo chu kei nilo in a mah zawk a ni miau a lawm..




BONUS:

Zanah pawh a hrangin kan la mu chhun zawm zel a..kei khumah mu in a ni room a thuthleng sei ah a mu thung..Usangpuii erawh sitting room chhuatah abmu dawn a nih hmel. Zanrei ah kawngka kik thawm ka hriat avangin ka harh hlawl ..room a thim vek sia, ngaih ṭhat lohna in min tuam nghal.





Alex-a lam ka va en a..a thim chhah mup si a, ka hmu theilo phone light tih en ka tum a..ka phone awmna lah chu ka dap fuh lawk theilo. K thaw sa vek tawh, chutah a rawn kik nawn leha Usangpuii a tho niang ari zui sat sat a..kawngka inhawng thawm leh phun ser ser thawm ka hre zawm zat...ka lo thaw huai thung.




Aw ka thian kharh a Usangpuii'n tu emaw thawm dim turin a hrilh zawm zat a..ngaihdan ka lo nei fel leh der tawh..a bialpa nen an riak dun ngun miau a.





Zingah tho in chaw ka chhuang a..chaw ṭhing a tam avangin chaw ṭhing pawh paih lem lo in ka chhum hnan tawp...rawng ka bawl fel rualin Alex-a a rawn tho a "enge i an" min tih chuan "ka ṭha" ka ti bul hmuk.



Usangpuii mutna lam chu a thlek a, a hmel rawn chang nghal rat chu ka lo hmuh hmaih loh nasa. A farnu awm dan chu a ngaihdan a ni vak lo a nih hmel..mahni pawh eng nilo chuan.




Chhuah a tum avangin chaw ei a rawt zui a, chaw kan ei chuan ka chaw chhum a sawi sel nghal pang kei ka sa ve phat "chaw ṭhing paih suh i ti nilawmni..i duh ang takin a nih hi ka chhum" ka ti ve hmak. A ngawi dawn emaw tih laiin a rawn ṭawng leh a, thinrim a sawi a ni tawh..a thinrim ve ngawt chhan lah ka hre der lo..hnial zui peih tawh lo in chaw chu ngawi rengin ka bar mial mial.





Nizan aṭang tawhin thinrimna tur a zawng tawh...ve ringawt hian ah. A chhuak dawn emaw tih laiin room ah a tawm tlat a..a hnu reilo te ah kan kawngka rawn in kikin ka lo chhawn vat, Lianzuala a rawn lut hlawl.





Ani hi Alex-a te khua mi niin Christmass bawr vel aṭang khan kan innel chho ve a..kan in fiam bawrh bawrh ṭhin. A bulah chuan nuihna tur hi a tam ṭhin a nia,fiamthu duh tih takah "kha nang te chu ila puar elaw sweet ka lo keng..thlem chhuak tawh mai ang" a tih chuan ka lo khi ve sak "uluk deuh a lo chhuah a duh a..sweet mai mai a thlem chhuah ka duh lo a ti nih chu" thlek deuh ha a ka tih chuan a nui hawk.





"Khawnge inpa a ti nghal thuai" room ah a awm thu leh va lut ve nghal mai turin ka ti a..ngawirengin room lam chu a pan nghal vut..a hnu rei vak lo ah lo inzui chhuakin Alexa'n ka lo haw tlai ang tih leh pawn lam a chhuah an rual a chhan pa2h ka chhang buai peih lo.





A sawi ang tak takin thimah pawh a lo la haw lo a..nilengin in ah ka awm a Usangpuii erawh a ṭhiante inah a leng thung. Ka nu te nen inbia in ka ṭhat leh ṭhat lohte min zawt a..min rawn fuih luam hnu ah call a dah a.. Alex-a a rawn lut ve chiah "chaw i ei tawh em" a tih chuan ka melh rulh duh chauh.





Ka phone chu la in David-a ka call nghal zat runluih ka duh pah a ni..thil ho te te sawiin ka nui leh hak hak a Alex-a erawh ka bulah ngawi rengin a ṭhu a..a thaw leh hak ṭhin..a lungawilo a nih ka ring zawk mah, ka ngai pawimawh peih vello..a cho a, a cho chhuak ta a nih hi, nupa hlim lo ber kan ni hial ang.





Call ka dah rualin "chaw chu ei rawh ka ei tawh" ka tih san a..a lo bu nghut ringawt Lianzuala nau Puipuii rawn lutin an in a leng turin min sawm a. Anni hi unau pali niin Lianzuala hi upa ber an mipa neih chhun a ni a, Puipuii hi a naupang ber dawttu chiah "chhuk ila" tih leh thawh ka rual a kan inzui chhuak nghal.





Lianzuala pawh alo awm a min lo fiam leh zuk zuk tawh..ani hi diet ah a training a tlangval fel ve tak chu a ni...ka haw chuan Alex-a ka mutna khumah a lo ṭhu a..ka phone a lo hmet mual mual ka lam a rawn hawi chuan a mit a sen vek "Zosangzual" a tih chuan "enge" ka lo ti bak hlar.





"He thil hi sawifiah rawh" tih leh Davida nen kan inbiakna chu ka hmai zawnah a rawn lek a..dar chhin akin "i hmuh ang kha animai lawm" ka ti then. Chutah thinrim tih hriat lutukin ka phone chu chhuatah a vawm a...keh chiang tak a ni..ka dar leh lam leh lam a vuanin "ka nupui i nih hi hre rawh..ka nupui..ka ta i nih hi...he mihring hi i be leh a nih ngai chuan...ka zawng chhuak ang a, ka that ang" a ti hrawk.





A hmel chang rat leh a mitmeng sen ram ka hmuh chuan a ti tak tak dawn tih ka hai lo nasa..chutah kan kawngka bawk chu rawn in kikin David-a aw ngei mai chuan "in awm em..Puitei te in a ni em aw" a rawn ti lang lang...kei erawh Alexa chet dan avang chuan ka thinphu a rang a..ka tha thlengin a khur thei..


Show post links
Top

[Ngaia]

Hlauh luat avang a tha khur der der chungin "Alex" ka ti tham ṭiak...Alex an ka kohna ngai pawimawh lo fe a "in leng kan nei dawn a nih hmel" room kawngka melh zeuh pah hian a ti a.





Keipawh insiam ṭha vatin room ka chhuah san a kawngka ka va hawn chuan hnai zetah David-a nen kan in melh nghal ran, chik fe a min en vang vang hnu ah "eng nge thleng" a ti chang bal tawi te a nuihin "ka nuam lo deuh mai mai a...eng nge ilo tih dawn? engtin nge kan inluah i hriat" ka lo ti var.





"Zawn chhuah a har lo in in luahna neitu te hi ex minister a lawm" a lo ti sam mai a..inchhung aṭang a Alex-a aw in "Duati tunge a" a rawn ti lang lang. David-a a lo nui huk a, min koh dan avang chuan ka lo ner nang nang, a kâ chiah hian min au duat a a tak ram thleng mang silo.





"Lo lut ta che" tih pahin ka tawlh sawn hret a..ka hnung lam chu melh zeuhin "nidangah le" mit min siai zeuh chung hian a ti a. A ngaihna hrelo zet a hnung lam hawi ka tum chu ka darah Alexa'n min rawn kuah than..a lamah min hnuk hnai nghalin Davida chu a melh nghal ngur bawk.





Davida'n a kut a rawn phar chuak a "David Zoremsanga ka nia..Puitei pasal i niang maw" nui var var chung hian a ti a.. Alexa'n Davida kut chelh sak pah in "Alex Rochansanga" a ti ve sup... Davida'n min rawn melh chuan lu bu nghutin "naktuk chu ka lo kal dawnnia" ka ti zui a, a nui nghal var var.





A thusawi avang chuan Alexa'n min rawn en vut..keiin David-a ka melh ngar thung, ban vai zauhin inchhungah ka lut a.. Alexa'n kawngka kalhin min rawn umzui thuai "Usangpuii a lo la haw lo kalh suh" ka tih chu engah mah ngailo tih hriat zetin min rawn kal pel thuak a..room kawngka zawnah kan inmelh nghal ngur.




"Naktukah eng nge ani nen khan intih dawn" a tih chuan dar chhin akin "bazar pui turin min sawm" ka ti sam et...ka chhanna chu duh khawp lo tih hriat zetin a rum nghut "chu lo" a tih chuan ka lo ner leh nawng "chu lo eng nge tihpui se min tih" a mit a en kar chung chuan ka ti a..a ang zuau a..a hmui a chip leh nghal..sawitur hrelo zetin a hawi lawl lawl ringawt.





Kal mai ka tum chu ka ban a rawn vuan lehin "ka nupui i ni tih inhria la mipa dang zuam turin awm suh" min ti leh ringawt chuan ka lo nui hak.

"Nangin i duh duh hmeichhia i biak a..i chhuahpui theih laiin ka theilo bik ang maw, mipa ka chhuahpui leh pui loh chu ka thu a ni e...duh i thlang tawh a nilawm ni, ka thil tihah leh ka tih turah hian lo phi ve sek suh..ka kham lutuk che...i duh leh min ṭhen la, pawi ka ti hleihnem. Nupuite zah lo tu leh nupuite pawh duh khawp lo a hmeichhe dang biak ching mipa thusawi hi ka zawm bikna chhan tur ka hre miah lo" ka tih chuan a hmel a chang nghal run.





"Zosangzual ngawi rawh" a rawn ti vin thawt..keiin cho zetin ka melh chho ha a ka din hnaih leh zual bawk "thu dik chu a kha fak ṭhin" ka tih leh chuan a inseh ruh nghal ṭeuh..a mitmengah chuan kut min thlak chak zia ka hmu...a kut inhum ruh chu melh zeuhin "mu rawh muttui" ka ti sup a, khum lam ka pan nghal.





Ani erawh thinrim tih hriat lutukin a thaw ri hrawih a..room aṭangin a chhuak a..reilo ah a bike tinung thawm ka hre zawm zat..chumi rualin ka mittui a rawn luang ve nghal ngiai ngiai..kan inruk tirh phat aṭangin ka ngaihtuah a, vawi tam hmeichhe dang min biaksan a.




Ṭawngkam ngeiawm zet zet min hman khum chang lah a tam ka sawi seng lo zawk..chuti chung pawn ka dawh hram hram zel kha nia...mahse tunah min tih ang chiah a tih let ve ka tum a..ka rilru lah a nawm phah chuang silo...ka ngai a, ka thlahlel a, ka hmangaihna a kiam eih lo bawk.





Mahse a mizia ka en a..engtikah nge hnawhchhuah ka nih ang..engtikah nge ka ai awhtu tur hi a rawn lak luh ang..tun aṭang a ka lo inven lawk loh chuan ka tuar zo lo ang tih ka hlau a ni.




Ka dul ka chul a, ka pum chhung a naute chu ka be mawlh mawlh...a lo piang ang a..mahse hringnun awmzia a hriat hma hauhin hmangaihna in a chen chilh ve ngai loh te bulah a seilian dawn si a..ka lainat lutuk chuan ka mittui a rawn luang nghal ngiai ngiai.




Ka muhil chu phun sep sep thawmin min ti harh a..Usangpuii phone hmang ri a nih ka rin avangin ka meng duh lem lo..mahse "ka fapa i nu thinlung sak lutuk hi engtin nge ka tih ang..i nu hian min haw mek a, ka thiam loh vek a ni" titu chu Alex-a ngei a ni.




Meng lo in ka ngaithla chiang leh deuh a..a thaw leh ham ham ṭhin..tunge maw a biak le ka tih rilrûk laiin ka dul a rawn khawih de de a "my boy...a pa hi nep min ti em" a ngawi dat a...ka pum chhung a mi chuan a pa thusawi chu hrethiam ni awm takin a rawn che zawk zawk mai. Alex-a nui ri hawk ri ka hre zawm zat...chumi chu rem changah la in ka meng diar diar a.





Alex-a mit meng de sawr sawr pawh chu ka hmuh hmaih lo nasa..ani erawh chuan ka dul ngawt melhin a la nui var var "ilo haw tawh a" ka tih chuan min rawn en vut..ka zawhna pawh chhangta lem lo in "Duati a che...min rawn pet..ka bia a, min pet" a ti nghal chul.





Naupang thil thar nei te pawh a ang a lawm mawle..a aw a phurna lang pawh chu ka hriat hmaih lo..ka ṭhen ve sak chutah tho tharhin a kekawr a phelh a..a t-shirt a hlih leh rual chuan "enge i tih dawn" ka lo ti chul "ka lo mu ve tawh dawn, mut hran ka peih tawh lo...ka fapa hian 'a pa lo mu rawh' a ti" ka dul melh pah zauh a a tih chuan ka lo ner nang.




"Awih awm loh a nih chu" ka ti let hlar...ngawi rengin ka sirah a rawn inthawlh sat sat a..ka dul kiar ve zet chu a kutin a chul pah riak riak bawk..a khat tawkin a rawn che leh zeuh ṭhin a..a chet rualin Alex-a a nui nghawr leh dat ṭhin.




Min dehna chuan ka hmulthi a ti ding leh sung sung ṭhin..tiang tak a inhnaih a kan awm tawh lohna hi thla engzah nge nitawh ang le...min deh chiah hian ka thlakhlelh zia pawh ka hre thar uar uar a...a tello a nun ka suangtuah ve te kha vawi leh khatah pawh ṭhiahin a awm leh vek tawh.





Chutah a kut chu ka dul aṭangin zawi muangin a sawn chho a..ka awm a rawn hum chat..a hmer salh hnuah sawn chho lehin ka hmui ah a tawp a..a khawih niap niap hnu ah inbeng kangin muangchngin min rawn fawp, dan ka duh a..mahse chu ai a chak zawk hmangaihna leh ka thlakhelhna te chuan rem an ti silo.





Ka indaidanna te engkim amah hlat tur a ka inpuahchahna te chu thawk leh khatah a rawn ṭhiat ta vek..ka huat ve na te kha khawnge an awm zawh pawh ka hre lo..hlate khua ah an thlawk bo ta vekin ka hria...min fawhna chu a duhthawh tial tial a..keipawn ka chhang let ve zel.





Mahse ka hmeichhiatna rawn khawih a tum chuan a kut ka lo man chawt hamhaih lutuk a min rawh melh pawh chuan a mit ko a ti che zeuh "a tih chi tawh dawn a mi" ka ti hap...ka aw a khur dar dar ka thup seng lo a ni.





"Duati ka mamawh che" a rawn ti tham ṭiak "naute tan a pawi ang" ka tih takah chuan a inthlah dul ve ta chauh..a insum nasat zia, a hmai sen tawlh tawlh te leh a thisen zam phu dut dut te ka hmuh chuan ka khawngaih kher mai..a thaw leh halh ṭhin.





"Min ngaidam thei tawh em" min kuah ṭhat sauh pah a a tih chuan ka ngawi ran...engkim kha ka theihnghilh thei ngai dawn lo..tunah tak phei hi chuan ka ring thei rih lo ang..chutah a chhuah hma a kan inhnialna te chu ka ngaihtuah a..kan inhnial khan a titau a, a chhuak ta kha nia..mahse zu rim erawh a rawn nam tawh miah lo thung.





Tunge a va hmuh anga tu nen nge an awm ang, hmeichhe dang a va hmu leh a ngem tihte chuan ka ngaihtuahna a rawn luah leh a..chawpchilh lutukin thinrimna leh huatna in min rawn tuam nghal..chutah inring hman lek lo in ka che lawk a..a hnaiah ka ham a..ka kut lo man beh ve a tum chu ngaitheilo in ka tal a..a samah ka kek leh nghek bawk.





"Enge i hriat a" tih hluk pahin ka kut pahnih chu a man nghal hmiah "tenawmpa ka haw lutuk che i hria em..i ngaihzawng i hmuh zawh hnu in thianghlim ber awm fahranin ka bulah i rawn mu leh a..duhtawk rawh. Ka hah, ka chau tawh ka tihkha...nau ka nei zo ang a..i bialnu chu neila keipawh ka haw ang" ka ti a..ka au khum a ni mah zawk.





Ani erawh ka thusawi avang chuan a lo ner sawk "khawiah mah inkal lo ang...tu hmeichhia mah ka hmu lo bawk" a ti nghut "dawt a nih chu" sehchilh zet a ka lo tih chuan a nui hawk " Duati" a rawn ti thawp zui sat "ti pawh khan min ko suh" ka ti ṭeu hlar "i ngaihtuahna velah khan min dah misualpa a ni maw" nuih zat hmel zet a a tih te chu ka run tawk a tling em em.





"Ka hmangaih che" nui var var a..a tih chuan ka nui hak hak "hmangaihte chu i ngah a lawm" ka ti chuan a lo chek hluk "i mawl emai...muhil rawh, muttui" ti pahin a insiam rem sat sat a..a ban chu ka kham turin a lo phar duai..mahse kham duh lo in a ban dahna thlangah ka lu ka nghat lui a..a rum nghut..min rawn kuah leh nghal chial.Thil hrechhuak thutin "khawnge Usangpuii" Alex-a lam hawi chho a ka tih chuan "a riak chhuak leh tawh" a ti a..a lungawi hmel viau lo.





Phone ri dar dar leh mipa aw in "hello" tu a ti ri chu ka hria kar tu dang niloin Alexa'n ka phone a chhang mek a ni. Ka ngaithla nghal kar "a la mu" leh lam a mi chuan enge a sawi ka hre theilo...Alexa'n "a la mu" a tih leh "a chhuak hman lo" a tih bung nghut nghutte chu ka hre reng...ka ngei hle bawk.





A biak dan aṭang chuan David-a a nih hmel ṭhu chhuakin "tunge" ka ti a..ka lam rawn hawiin "i enchim loh David-a" a sawi zawh rual chuan a ner sawk... Aw nitak David-a hming kha..whatsapp a a indah dan ang tawp khan ka save a.. Enchimloh Davida inti tak..ahh pawilo turah ngai ang...dar engzat nge ka ti leh a dar 9 a rik tep thu in min chhang.





"Ehe chhuah kan ngai tak..ka inbual ang a..ka va chhuahpui lawk exer lak pah a nimai" ti a thawh mai ka tum chu Alex thusawi avang chuan ka ṭhu leh nghal "i chhuak hman lo..min awmr rawh" at ia nih chu...ban phar hlaiin "nang hi awm i ngai hlawl lo" ka ti vak ringawt.






"Ka lu te hi a na leh vung vung a" tiin a chal a dawm pah bawk "i dam lutuk a kan buai zo a nih zawk hi" ka tih chuan khawngaih thla la deuh hian min lo en a "ka dam lo dawn" a ti leh mauh mai "damdawi ei la mu rawh ka lo haw har lo ang" ka ti leh a.





"A nih chuan in entir pahin i rualin ka lo kal ve ang" a rawn tih leh chuan ka hnial duh ta bik lo..inbual pahin ka rilru ka kawm a.. Alex-a mize danglam ta lutuk chu ka ngaihtuah a ka nui leh pat pat ṭhin..tun a mi hi chu kan inhriat tirh a a mizia ka duh em em kha ni.





A ngainat awm a..a bul a awm kha nuam ka ti ṭhin bawk..mahse thawk leh khatah hlam chhiah ang mai ka nita nihkha...ka ngaihtuah a..nupa hi awm dun tam hian hmangaihna leh induh tawnna a lo pung a nih hi..midang chu ka hre lo..keini erawh hmangaihna avang a innei kan nilo a..chuvang chuan midangte aiin kan pahnih hian hun hman tam kan mamawh ni berin ka hria.





Ka inbual zo ka chhuah chuan chaw ei dawhkanah chaw ei mai theih turin a lo awm diam a..a bulah Alex-a a lo ding bawk "naute tan khan chaw ei loh mai mai a ṭhalo..lo ei la" a tih chuan ka hnuk a ulh lek lek..nau ka pai ṭan tirh aṭang a nimin thleng khan tiang tak a min ngaihsakna leh duhsakna ṭawngkam hi ka dawng tawh ngailo a nihkha.





Ka hamhaih a, amah chu ka en vung vung ringawt..ka lamah rawn pheiin ka banah min kai a...chair a min ṭhut tir thleng chuan Alex-a ngawt chu ka en char char..a tho â zawk emaw ni "tinge a" ka sawi tur hrelo lutuk chuan ka ti ngawt a.





Min rawn enin dawhkân a ka kut chu a hum vang vang a "Duati i lakah thil tam tak ka tisual a..i rilru ka hliam a, kan fa lo piang tur thleng pawn. Hmeichhia ka biak nasat zia chu ka sawi ngailoin a hre chiang bertu i ni..mahse kan inhriattirh aṭang a tun thleng hian tu hmeichhe dang mah ka mutpui leh tawh lo...lu a thing nghut a..nilo..ka tum ngei..mahse ka theilo" a ti a.






A thusawi avang chuan ka ṭhu ngawi reng..sawitur hlawl ka hrelo a ni..ka rilru zah ve chuan ngaihdam a duh a..chumi zah veleh chuan ngaidam lo turin a duh bawk a...ngenngawl zet a min entu chu ka en let a..a mitmeng a inchhirna awm chu ka hmuh hmaih lo nasa.





Dawt a sawi ka ring lo bawk "chaw ei phawt ila..zanah kan sawi ṭha dawnnia" ka tih takah chuan lu bu nghutin ka bul chiah chair ah chuan a ṭhu a..ngawi rengin chaw kan bar dun mial mial..kan rilru ve ve kan kawm a nih hmel.






Davida ka call a..phone a lak rualin "khaw nge i awm kan lo kal dawn chiah" ka ti a "kan a..tunge lo kal ve dawn" a rawn tih chuan Alexa melh zeuhin "kan pa" ka ti sup..chutia ka sawi lohna chu rei tawh tak a ni..ka lai hu mai.. Alex-a kiai suk chu ka mit sirin ka melh zawk.





"Civil hospital thlangah" tih nghut pahin phone a dah daih a "ehe" ka phone en pah a ka tih chuan Alexa'n "enge a" a lo ti chuan "phone a dah daih" hrilh hai hmel zet a ka tih chuan "kha pa khan a ngaizawng che anilo maw" chik zeta min en pah a a tih chuan pawn chhuah pahin "mai thei" ka ti liam puat.



(Notes: tizawng kha ni rih mai teh seee.. naktuk zanah chuan kan complete thei tawh tur ah ngai ang aww min lo nghak hram hram tute ho chungah khân ka lawm tak zet. Comments te in lo hnutchhiah ṭhin a, ka story in lo nghak ṭhin a, min ngaihhlut sak tih ka hriat hian a lawmawm takzet.
Muttui suk suk u)


Show post links
Top

[Ngaia]

Ka ban a min rawn pawt her sawkin "ka nupui i nih hi" a rawn ti leh tawl "ka hria" ning zet a ka tih chuan "hnaih tawh hauh suh ang che" khauh leh fiah zetin a lo ti bur..ka hmui ka ti pawrh tarh ringawt "chhuak ang" tih vut pahin min kai a..bike lak chhuah a tum chuan "ke in kan kal dawn lo mi..bike ka chuang theilo" ka ti nghal chul.




Ka lam rawn hawiin min en a..ka dul lamah a mit a len a "rawn chhuak thuai thuai se aw" ti bui buiin a tukhum a hiat nauh nauh. Kawng a kan kal lai chuan call ka dawng a..min lo call tu ka en chuan chhang vatin "aw David kan lo thleng ṭep" ka ti nghal var "Puite ka hman leh lo..haw leh lawk ka ngai a..sorry lutuk" a rawn ti sawk sawk.




Hamhaih zet a "tinge" ka tih chuan "Aizawl lamah phei lawk ka ngai" tih chiahin min chhang a..phone a dah zui nghal.
"A haw leh" Alex-a lam hawi a ka tih chuan "tu maw" a lo ti hu. "Davida a haw leh daih" ka ti nawn leh a "pawi loh chu" a ti sam et.




Chumi nileng chuan Alexa nen hun kan hmang dun a..naute thil tur pawh kan lei nual...in ah chau zetin kan haw a.. Usangpuii pawh sofa ah mu in phone a lo khawih mial mial "i va leng rei ve" fiamthu a ka tih chuan a lo nui hak hak "Nutei lawm min chelh tlat a" a ti sam et a.




Intifaiin khumah Alexa nen kan mu a Usangpuiin rawng a bawl thung. Ka phone khawih mial mial lai chu rawn phih thutin "tunge i biak" a ti a, Nonoa nen kan inbiakna chu a hawng zui nghal zat..a chhiar thla nghauh nghauh a..uangthuang zet a Nonoa'n "bawihte" min tihte chuan a tithinrim ni ang hmiang a mitmeng a rum leh ul tawh.




Phone ka kut a min hmeh bel pahin "hmangaih chu keiai ilo ngah zawk a nih dawn kha" a ti hluk....rum zet a melh letin "tuai a nih hi" ka lo ti hlar, a awih duh tawh bawk silo...Usangpuii rawn lutin "enge ni leh ta.. Lex-a innu hi nau nei thei reng din hmunah a ding tawh, vin pung pung reng suh" a rawn ti a.




Alexa erawh a ngawi ngal "lo en rawh kal sawn hlek suh kan call a nge" ka ti a..phone chu a ring ral ral..chutah no zetin Nonoa'n "hello" a rawn ti pherh duai.. Alex-a a lo ner sawk "Bawihte nangmah star tu che ka hria" phur hmel zetin ka ti a.. Alex-a ka va melh kher bawk "aii nimaw tunge..a hmeltha em..a sek em..awi enteh bawihte keichu maw h*r deuh chu ka duh lo" a rawnti nem leh duaih a.




Alexa lo ner lo ner chu ka en a ka nui sak Usangpuii pawh nui ri ngam lo in ka bulah a lo nui dir char char "aih chutiang mi a nilo...a mah chu maw sapan lam chersang a nia..biangsum a nei bawk. I duh chi ang kha a ni tawp mai" ka ti a ka nui ar ar.




Alex-a erawh a tho a room aṭangin a chhuak nal nal..tuai a nihkha tih mawlhmawlh pawh a awih duh lo chu kha kha nimai.. Nonoa nen chuan reife inbia in kan nui leh hak hak ṭhin a..call kan dah meuh chuan khua a lo thim fel der tawh.




Usangpuiin "lo kal rawh chhuak ila chaw ei ang" a tih chuan ka tho zui vat..sitting room a kan chhuah chuan Alex-a chu sofa ah a lo ṭhu tum bar..ve bar bar hian in maw, chaw ei kan siam a...chaw ei laiin Alex-a ka fiam zuk zuk reng a..tum lian tawh tak a ni.




Chaw ei khamah tih tur em em a awm loh avangin room ah ka lut a..vawin a naute thil vel kan lei chu ka en ka en a..ka en ning thei hlawl lo..ka phawrh a ka dah lut a ka phawrh leh a..Usangpuiin "tinge khatia i tih sek a" min tih chuan "a hmuhnawm ka ti" ka ti a..a lo nui var var.




Alex-a ṭhuthlenga a mu chu "tah khan mi i riah dawn" ka ti a..chhang pawh min chhang lo..a la titau a nih hmel Usangpuii nen reife ti ti in kan nui dun leh hak hak a..kan mut fel meuh chuan dar 11 a hnai kuarh tawh. Ka pum na lutuk chuan min ti harh a..ka vial nghal ngawih ngawih.




Alexa lam ka va hawi chuan a lo la mutui ngang mai..ka ko ṭhin a a harh thei silo a..lukham chu la lawkin ka tha tawpin ka vawm a..a rawn ṭhu chhuak hlawl. Ka lam a rawn hawi chuan a tal buai nghal vek a puan sin lai chu paihin "Duati" tih leh rawn kal phei a rual a "ka pum a na lutuk" thaw hlawih hlawhin ka ti thei ṭawk na tak a ni, ka ṭawng zawng ringawt pawh khan a na thei, ka thawk ringawt te hian a na in ka hria.




Usangpuii kai tho in damdawiinah lam min pan pui a..nurse in ka kumkuruh a en a..mahse "a la inhawng lo" a ti bawk si...nurse ho chu inbe rawnin a hnu ah Usangpuii nen min ko a "i kumkurih a kau theih loh avangin zai i ngai" min lo tih chuan ka huphurh ngang mai. Lehkha velah hming sign felin inzai turin min puah chah nghal a.




Usangpuii'n Alex-a call in mamawh vel la turin leh lo lut chho turin a hrilh a kei pawh zai turin min buatsaih nghal..inzaina pawnah ka mu a..ka pumna lutuk chuan khum tlang ka hmer ngawt ngawt. Muangchang a Alexa ka mutna lam a a lo luh chuan mittui tling pamin ka lo melh ngawt ngawt.




Min rawn nuih sang a mahse ka hmel awm dan a en chian hnu chuan a nui hmel a ral riai riai..a mitmengah chuan min ngaihtuahna leh min khawngwihna bak ka hmu lo.

Ka bul a lo thlen rual chuan "i ṭha em..enge na..i pum chu a na viau em" tih ang reng min zawt a..mahse ka ṭawng theilo ka pum a na lutuk ringawt. Tun ang hunah i ṭha em te la in tih ka ṭha lo tih chu a hmu thiam reng lo a mawni.m rum zetin ka melh a..a hrethiam lutuk chu a hmel a buai nak.




Inzaina room an peih fel hnuah keipawh min nawr lut a..ka bp te check in ka hnungah min chiu bawk..ka kawr an phelhte chu ka hre rei ruai..hmeichhe pakhatin "a zai theih e" a ti a..ka mit ka chhing leh siar siar ṭhin..ka mut a chhuak lutuk ringawt.




Naute ṭap ngak ngak ri ka hriat chuan ka lung phu hi a su dup dup thei hial nurse pakhatin "fapa i nei " a rawn tih chuan ka ṭah nuih hawk.. Alex-a ka hre chhuak nghal, mipa a nih kha a ring bur a...mipa a awt a..a duh ang tak mipa ka hrinsak a..chu tluk a lawmna chu ka dam chhung hian ka neih leh tawh pawh ka ring lo.


• • • • •


Damdawiin a kar khat kan awm hnu in kan chhuak a... Alex-a pawn thiam leh thiam lo in kan fapa chu a lawm ve ṭhin a..an pafa inpawm lai tluk a hmuhnuam tih hi ka neiin ka ring lo. Mahse kan fapa a chhaih apianga a aw sin vek zel erawh ka nuihpui nasa ṭhin.




Usangpuii lahin a atchilh a..keimah ber chuan pawm pawh ka pawm ve hman manglo... Zan khat Alex-a tlai leng thimah pawh a la rawn haw lo a..chaw ei dawn a ka biak khan ka lo haw nghal a tia..mahse rawn thlen a hun daih tawh bawk si..biak leh ka tum lahin a phone a in switch-off tlat a. Ka mangang lutuk chuan tawhsual a tawk a nih te ka ring a.




A chang leh hmeichhia a chhuahpui a niang a tiin ka insawh tau a..ka thinrim ṭun bawk..midang a ṭhiante ka biak lahin "a lo kallo" an ti zel bawk si. Ka fapa Zakaria Lalrinsanga chu ka en ṭhin a..a nu leh pa te hi chhuan tham kan nih loh zia ka hre chhuak rum rum mai.




Alexa mizia leh awm dan ka ngaihtuah phei chuan ka fapa ka lainat lutuk avangin ka mittui a rawn luang a.. ṭawngṭaiin Pathian chu zawhna bawk ka zawt a..mahse a ngai ang bawkin a reh leh vung vung ṭhin. Dar 12 ah Alexa pawh a rawn haw a..khuma ka lo ṭhu min hmuh chuan a meng deuh kawk.




"Mela ah kan kal a" inthlahrun hmel deuh hian a rawn ti a..ka bul a lukham chu la lawkin ka vawm pawp "mi mangangin kan awm a..chungte chu i sawi lawk theilo a mi..dawtsawi a ngai kher a mi" ka tih chuan "i phal ka ring lo a" a ti leh a..ka ngei zia chu pui tak a ni.




"Tute nen nge inkal" lungawi vak lo in ka ti leh a..a ṭhiante nen an nih thu a sawi a..zawhna zawt lui tawh lo in "bawihtea hi rawn awi rawh a muhil duh lo" ka tih chuan thuawih deuhin a paw ve mai a..a insawi leh hliau hluau a..sin zetin a zai rat rat bawk.

Ngaihsak lo ang a langin ka mut san a an thawm erawh ka hre reng..dar 2 thleng an in awi a..zawimuang a bawihtea a rawn mut riai riai pawh chu ka hre reng.
Ka chhipah min rawn fawp zeuhin a mutna lam a pan ve nghal.




Kan khua ah kan let chho leh tawh a..Alexa erawh inhlawh a duh avangin Lungleiah a la cham zui a, zantin a rawn video call a..whatsappah min rawn be reng bawk "min ngailo" a rawn tih chuan ka nui hak...tunlai chu pangchan a rawn zir a...ka nui ka nui mai, inhmeh lo lutuk.




Zan khat erawh ka mi rin loh lutuk hnen aṭangin message ka dawng hlawl...Remlala a ni..a ngai te bawkin ka dam leh dam loh min zawt a..min ngaihthu a rawn sawi zui zat bawk "nangpawh i ngaihawm" ka va ti ve. Alexa nen kan inkar a chhiat lai khan Remlala hi ka hre chhuak fo ṭhin.




Kan nun hluite sawiin kan inbe reng a "min kawp tiraw chuan kei min thlang lo in ani kha i thlang a" a rawn tih chuan a nih loh thu leh min rin zawh loh avanga inṭhen kan nih thuin ka chhang a.
"Kha mi ni khan ruilo hailo ni ila ka ta ila ni ve tur..ka ngai reng ṭhin che..ka kal tir che avang khan min ngai dam rawh..tun thleng hian nang lo hmeichhe dang ka nunah ka la lut leh thei tawh lo..nghah chhuah tur awm silo nghak lo ngam silo che in keichu ti hian i hlimthla thlirin i phenah i hlimna ka lo ṭawmpui ve zawk ang che" a rawn tih chuan tlemin min ti hnim ve ruih mai.




Reply duh tawh lo in ka phone chu ka mutna bulah ka dah a..chung lam ka en vang vang. Ani khan tlem tal pawn min ring se.. Alex-a hi ka neilo ang a..chuan ka bul a mu ka fapa duhawm tak pawh hi a lo piang lo ang..mahse hringnun hi a mak a..kan duh loh dan deuhin a inher a maw kan tihlai hian nghak deuh fan fan ila..thil duhawm tak min lo hmuaktu hi a lo awm tel leh tho zel.




Ka fapa leh ka hmangaih lo ni ta ka pasal duhtak tiamin ka tan chuan anni ai a duhawm leh thlakhlelhawm hi ka hrelo a ni.

Hmangaihna avang a thinlung hliam tuar chau tak kha..kha hliam min pe tu hmangaihna bawk khan kar lo ah a rawn thawi dam leh a..a ngaihdam min dilna leh inphah hniamna te chu hmangaihtu tan hai der sen a ni lul lo.




A bul ber erawh kha thutiam kha a ni ngei bawk ang..thutiam avangin hmangaihna khurah tlu lutin hling hmun tam tak ka paltlang a..chawl lo in muang changin chu hling hmunah chuan ka kal a. A chhan chu chumi hling hmun piahah chuan phaizawl nuam tak a awm dâwn tih ka hriat vang a ni.

•• •• •• ••

Alexa pawh a rawn haw tawh a...ka fapa Zakaria Lalrinsanga mawlh chu Alexa'n a atchilh a...lawm hre rual a nih tawh hnu phei chuan hnute ka pek lai ten apa hian alo chhaih a..hnute hnek ṭhulh ṭhak hian apa hi a en kiau a a nui leh sen sen ṭhin.




Ka fapa ṭap ri in min ti harh hlawl a..apa in lo pawmin an lo in awi a..ṭhu chhuak vatin hnute ka pe a..reilo ah a mu hil leh nghal mai..keini erawh muhil tawh lo in kan ti ti a "Duati" zawi ang reng tak a Alexa'n a rawn tih chuan a lam ka hawi vat.




Chutah thuk ruih a min lo melhin "min kalsan ngai suh aw" a rawn ti..a lam hawi a amah kuah sat sat pahin "engtikah mah..nang hian he inchhungah hian hmeichhe dang ilo hruailut te a nih ngawt loh chuan ka kalsan ngailo ang che..kan fapa nen i kiangah kan awm zel ang" ka tih chuan nghet zetin min rawn kuah a.




"Kalsan che ka tum nasa..hmeichhe dang pawh ka be kual nasa..ka duh chuan i hriat miah lo in ngaihzawng ka nei thei a lawm...mahse i hmuh turin langsar takin ka dah a..midang ka biakna pawh ilo hmuh ṭhin kha..tih nat che ka duh lo a. Mahse Didiki kha..ani kha ka theihnghilh theilo a chuti chungin ka ṭhen thei bawk silo che a" sawi zawh harsa tih hmel deuhin a thaw chhuak ham ham a.




"Ka lakah hian beidawng la..min ṭhen la nun tharin bul ṭan la ka duh ṭhin..mahse min kalsan loh avang leh chhel tak a ka bul i awm reng avangin ka lawm e. Ka hnen a i thutiam chu i hlen chhuak a, tunah chuan kha thutiam vawn him puitu che kha ka ni tawh ang" a tih chuan ngawi rengin ka melh ngawt ngawt.




Zawi muanga ka hmui a a rawn fawh chuan chhang letna chang ka hre lawk lo chu min thlahin ka hmui bul setah ah rawn ṭawngin "ka hmangaih che" a rawn ti sup..chutah min rawn fawh nawn leh a tum lai takin ka bul chiah a mu ka fapa chu uar lutukin a rawn ṭap chhuak ta mai Alex-a chu a phun hluk.



A fapa melh ralh ralh chuan "a va hun lo e" ti nui nuiin Alex-a chu a mu ṭha a keiin kan fapa chu ka pawm nghal hlu hlu. Alex-a hian min hmangaih zia hi a kâ mai niloin thil tih nen a tih lan tawh miau avangin a thu sawi zawng zawng leh a chet dan te chu ka ringhlel chhin hlek lo



A chhan chu a mitmeng thûk ruih ah khan min hmangaihna leh kan nufaa min thlakhlelhna bak ka hmu miau lo a ni. Ni e Alex Rochansanga ka pasal, thutiam avang chauh a min neitu khan min hmangaih a nih chu. Ka dam chhung pawh a thleng ngailo tura ka dah leh min tina reng tutur emaw ka tih mipa hian min hmangaih ve tawh a nihchu...





Hringnun hi a reilo a...mahse hringnun reilo te ah hian ṭahna leh nuihna tur thil tam tak kan tawngin kan tawk a..a changin ka tun hun hi mumang nise chuta ṭang a harh chhuah tawh chu kan duh a..a chang erawhin ka lo piang hi vannei intih chang lah ka ngah...a lakah khan Thu ka tiam a..a tir chuan harsa viau mahse, a harsatna tam tak karah pawh a THUTIAM a ding tlat mi chuan hnehna a chang leh nge nge ṭhin..a lakah khan THUTIAM lo ta ila..hringnun awmzia hi ka hrefiah ngailo ang


A TAWP TA...



(Notes: Alex-a hi hrem vak kha ka tum a nia, mahse Puiteii rilruhi a nem lutuk a duh ang pawn a hrem hleih theih lohngaidam mai ru.. Alex-a thiam loh pawh a nilo a hmangaih tih a inhrethiam har em a ni

Story dang nen ka rawn comeback leh dawn a... min lo chhiar sak leh hram hram turin ka sâwm nghal vek cheuuu)
🤍

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/