THUTIAM BY TINKER JENNY (Completed)

[Ngaia]

Bathroom aṭang a ka chhuak chu Alex-a leh Alex-a u nupui UAngaihteii chuan min en phawk nasa lutuk chu in thlêk thuak thuakin "enge" ka tih chuan UAngaihteii zawk chu insiam ṭha vatin "i ṭap ami" a tih chuan "aih ka mit a thip, shampoo ka ti lut a" ka tih chuan thaw huai hmel an pu ve ve.




Eng nge an hriat ni...ka hriat ve chi loh thil an sawi dun a nih ka ring "UNgaihte sahbawn a awm lo" ka ti zui nghal a..tho vatin room-ah a lut a, khawr tat in batroom kawtah chuan ka ding reng.. Alex-a chu naupang pahnih infiampuiin ṭhutthlenga mu chungin a ke te a leng vak vak, a zak ah an dek sak bawk si a za ti lutuk chu a inthing deuh vak vak ringawt.




A naupang zawk chuan ṭhutthleng bân a sahdah fun lo awm chu la in a hawng a "kha damdawi" tih leh Alex-a nui ang chiap chiap lai chu a va barh hmiah... Alex-a meng phawk nghal hra hmel chuan ka nuih a ti za kher mai ..a tuilo ve viau ang, "eng nge a" a rawn tih vin hluk chuan naupang pahnih chu inthlahrung dek hian an lo ṭhu fel hman vek tawh.




Ungaihteii rawn chhuah chuan 'kha sahbawn aw' tih pahin Alex-a te ṭhutna lam a pan zui a Alex-a ṭhu tum bur chu "tinge i va tum nasa ve" a ti nghal lang lang...thil thlen dan vel an inhrilh lai chuan nui hak hakin bathroom ah ka luh san a.




Ka inbual zo ka chhuah chuan Alex-a chu ṭhutthleng seiah lei chhuah hluiin a mu zawi ngiai..midang hmuh tur an awm lo thung..va pan pheiin "tinge i lei chu" ka tih chuan lei chhuah hlui hian fiah lo zetin thil a sawi a, "engmaw" ka tih leh pawn a ngai ang tho in a ṭawng "i lei kha dah lut la sawi rawh" ka tih takah chuan pangngai deuhin "sahdah ka rui a, ka lei a pilh bawk a nih hi" a ti vin hlur.




Ka nuih a ti za bawk si, nuih dawnin a thinrim hmel bawk si, ka nuih ṭha ngam lo chuan uang zet hian "sahdah hmuam ṭhin chu pasal ah ka nei duh dawn miahlo a nia" ka tih chuan a nui ve hawk.




Inchhung rawn luh pahin Ungaihteii'n "Bawihpui i nu in min lo phone rawh se a ti" a tih chuan Alex-a chu a phun hluk "va inbual harh la i zia mai ang, chuan ka nu te chu ka lo be dawn nia" ka tih chuan a bu nghut, a tho ṭuah ṭuah a..a uak zui that bawk.




Chaw kan ei lai chuan Ungaihteii'n a fate awmdan mawi a hrilh mawlh mawlh a, keini pahnih erawh kan ngawi reng a, chaw ei lai a ṭawng hi kei ka ti ngai vaklo, a mawi loh mai bakah ka duh loh thil ve tak a ni. Alex-a erawh a sahdah rui a ṭawng peih lo a nih ka ring zawk mah..zu ruih nen chuan in ang vak lo a niang a tum lian emai.




Chaw eina vel kan seng fel zawh hnu ah rei vak lo ṭhu in mutna kan siam nghal a..mut hma a zing thawh hma hi kan duh dan zawk a ni hrim hrim....kan mutna ah chuan Alexa'n Ungaihteii bul a a thilsawi 'ka nei leh lo deih mai tur asin' a tih kha ka ngaihtuah rauh rauh...eng emaw ti zawng tak hian min vit ngut ngut ka ti mai. Ka hrehawm tih na leh ka rilru natna chu an inzat velin ka ring.




Min neih loh chu a lo tum tak tak zawk nge a fiamthu tih lah chu ka thliar hrang thiam der lo leh nghal...eng nge ka lakah hian a beisei ang le, min neih duh ta tak taklo ta se, ka taksa mawina a beisei vang chauhin em ni ka nei ang che min tih, a duh a hmuh tawh avangin min neih leh a tum ta lo zawk nge, thil thleng vang khan a rilru chiai in ka nei ang che min ti ve ringawt zawk.



Engpawh thleng se kei chuan neih ngei ka tum bur...keimah chu indah ṭha ila ka chhungte zah lehna tur eng thil mah ka ti dawn lo...ka hna aṭang a ka ban tawh hnuah pasal ka um leh a, chutah ka pasal um in min neih leh duhloh chuan keimah mai niloin ka chhungte zawng zawng nên kan muanpho dawn lutuk ringawt ,ka awm dân chu a lai kual vel vek tawh.




Chung thil ka ngaihtuah avang chuan ka tawt up up chu ka muhil mai theilo ka in let ka inlet ringawt... Ka phone te en leh rih in instagram video te ka en vel mai mai a..a tlai tawh viau..whatsapp a ka luh lai takin message ka dawng hlawl Remlala hnen aṭangin a ni nghe nghe.



"I dam em?" tih te mai hi.. ṭha deuhin ka dam ṭhat thuin ka reply a... "ka ngai che" a rawn tih chuan "i rui a nih kha" ka ti hmak..a zu rui lungpuam bak a nih ka ring lo hrim hrim "pasal chu i nei ta ami" a rawn tih leh chuan reply lo in ka out san nghal daih.




Min sâwi nawk nawktu an awm avangin phak chualin ka meng a hnai lutuk a Alexa'n min lo bih ngur chuan ka maimitchhing leh nghal hmak a, puan chuan ka inkhuhzui zat, zing kâra hnai fahrana inbih te chu tunge duh bik ang "tho rawh kal a hun dawn" a tih chuan "kalsawn phawt rawh" ka lo ti ve nghal chul... thaw hluaiin a kalsawn ve hram.




Tho nghalin mutna ka thlep a...ka insiam zui nghal mawlh mawlh...dar 6 velah kan tlan chhuak nghal a kan tluan chuan dar 11 velah kan thlen ka ring... Dampui kan tlan pelh hnu aṭangin kawng a chhe tan a..kan tlu lek lek zel..nizanah ruah a lo sur bawk nen..kawng a nal lutuk chu ṭang ṭungin ka ṭhu.




Bike mawng a sang si chu ka ang leh hlak hlak ṭhin a.. Alex-a erawh ngawi rengin min hnial miah loin ka ang a ngaithla char char, a khat tawkin a nui nghawr leh dat zel. Khua kan thlen chuan 12 a ri dawn tawh a..ka pa in min lo hmuak a...ka hmu chu ka ngai thar riau..mahse ka nauiin bialnu a nei a tih kha ka hre chhuak thut chuan ka en leh vang vang ṭhin ..ka la ring theilo a ni.




Ka pa hi ka tan chuan ka hero a ni a, ka ngaisang ṭhin lutuk...a lo dik a nih chuan ka na ngawt ang...ka awmna hmun apiang a vanduaina in min zui zel hi ka thaw a ti ipik ṭhin..Pathian hian eng chiah hi nge ka tan a ruat a eng vang a min hliam fo nge a nih ang le, eng hi nge ka lakah a beisei ni ang le.




Tunah rih chuan engmah hi ka hrethiam hlawl rih lo..pawngsual tawkin chhungte puihna tel miah lo in ka bei let a..ka bialpa in bum hmang min tih hunah min ṭhen a...ka pasal tur lah chu hmeichhe lawm zet a la nizui. Ka hma hun hi ka thlir lawk peih tawh lo, chhum chhah tak kawng kalna lai tur pawh hmuh theih loh khawp a chhah ang vel nen ka tehkhin ber.




Chuvang chuan a nih nih ka ni anga ka pal palin ka pal leh mawp mawp tawh mai ang...ka pa min lo hmuahna a kan inhnawh puar hnu in kan khaw lam bawk chu kan pan leh a..khawpui hlat lo te a nih avangin kan thleng har tawh lo thung... Alex-a erawh kan thlen aṭangin ka pa'n a biak bak kha a ṭawng leh tawh miah lo, a zak ve nih ka ring.




Kan inchhung a kan luh hnu in ka pi te ho an lo phei a..ka pu tel ve tawh lo chuan hnuk a ti ulh mai dawn dawn a...ka ngai thar khawp mai..kan buai buai a kan buai mawp mawp avangin Alex-a pawh ka buaipui lemlo a, thingpui pek tum a ka zawng chu ka hmu ta hauh lo.




"Alex-a hmu in lo awm em?" tia ka chhungte ka zawh lahin tuman an hmuh loh thuin min chhang a, a leng chhuak ti dawn ila tumah hriat a nei dawn bawk silo..min ti mangang zawk...zawn tum a pawn a ka chhuah rualin ka putea nen kan intawk a "khawnge i kal dawn" a tih chuan "Alex-a ka hmu lo, kan zawng lawk" tih leh kal pelh ka rual a.




"Kan in ah a mu" a tih chuan ding dâtin ka leh hawi a, ka mak ti lutuk chuan "engtin maw" ka ti hu..a mak ka ti em a ni. Tumah ka chhungte ka la hmel hriattir hauh lo a..engtin nge nachang a lo hriat zawk ni.




A chau a niang "ṭhuthlengah a muhil a" a tih leh chuan "ka han chho hrim hrim a nge "ka ti ve thuai..ka putea a buk nghut takah chuan ka kal ve nghal a..ka han thleng chho chu mu tawh lo in a lo ṭhu a..thingpui sen a lo dawm ran bawk..ka pitein a lum sak a nih ka ring.




"He tah i lo awm daih a" ka tih chuan a chauh thu leh mutthilh a duh thu in min chhang ve mai a... Piteiin a haw hun tur a lo zawt ve nghal thuai, "ni khat ka cham ang" a tih chuan "karkhat vel tal cham la" a ti thuai..keipawn chuti tut tut a a haw tur chu ka hre miah lo..karkhat vel tal a cham ve ka lo ring a.




Mahse engmah erawh ka sawilo thung "chhuk ila, zu intifai ang" ka tih chuan a no ken lai dahin kan inzui chhuak nghala...kan in kan luh leh chuan ka pute an lo haw tawh a..keini pawh kan intifai zui nghal...ka intih fai zawh chuan ka nu rawngbawl ka pui a...ka pa leh Alex-a erawh lui kal chung chang vel an sawiin ka hria.




Kan khua hi luiin min hual a..tui kan hniang hnar ngang mai...rawng kan bawl zawh chuan chaw ei kan siam zui a..ruah a rawn tla phiar phiar, current a thim nghal hmak bawk...ka pa in "electric ban pawh a huh kim hman dawn emaw ni" a tih chuan ka nuih a za ngang mai, sur hlek a, a thim nghal zel hek.




Zan kan mu chu Alexa'n "Duati" a rawn tih chuan a lamah ka in her vat "hmangaihna hi i ring em" min tih chuan "tinge" ka lo ti ve thuai..nui hawkin "ka uang" a ti leh deih "hmangaihna chu ring e..vawi tam tak hmangaihna vang hian na in hmangaihtu neilo ang hial pawn in ngai mah ila hmangaihna chu ka la ring zel ang...kan khawih chhiat phal hauh lo, kan duat a kan chul hliau hliau hi eng thil pawh nise kan hmangaih a kan duh vang a nia..mahse Agape hmangaihna erawh Pathian aṭang a chhuak bak hi chu a awm thei ngailo ang" ka ti zui duah, ka sawi thiam lo lutuk chu ka inhaw hlur zawk...a bo hle niin ka hria.. kawng sah ên sak tu nih theih ka chak a ni.




(Notes: Inrinni leh Sunday zan hi kan awl ṭhin ang aw, zanin erawh ka dah mumal loh ṭhin em avangin ka rawn khilai zuai cheu a nihhi)


Show post links
Top

[Ngaia]

Zingah phak chualin ka tho a..Alex-a chu a la mutui viau..ka nu erawh zingkarah dawr hawngin a chhuak leh tawh a nih hmel...dawr chhete kan nei ve a..thingtlangah chuan hawn hma a ngai viau zel.




Ei rel ka peih hnu chuan ka nu te pawh dawr kharin ka pa nen an lo haw zawk a, "chhunah dawr lo nghak la..in pa te nen luiah kan zuk kal ange" ka nu in a tih chuan ka kal ve chak thu ka sawi nang nang...mahse ka pa in "a dawt leh ah i kal ve dawn a nia" min tih chuan ka hnual nghal rawih.




Alex-a a haw dawn tih an la hrelo a nih ka ring..a rualin luiah ka kal ve chak nen...chaw ei kham rualin ka pa te chu an in siam zui nghal a... Alex-a pawn ka pa hnathawh thawmhnaw a ṭawm ve a, keiin kan chaw ei na ka lo tifel nghal zung zung.




"Tu te nen nge inkal dawn" ti a ka nu zawk ka zawh chuan "i nutei te nupa nen" a ti ṭha ve mai...ka chhungte an chhuah vek hnu chuan dawr lamah phur lo fahranin ka phei a...khiangbawih ipte ka nu 'in ak rawh pawisa ka dah' a tih chu ka ak hnak hnak a...dawr nghah pah a thawnthu ngaihthlak nan wooffer ka khai hnak hnak bawk.




Zâwi zetin ka kal ti ila a dik ber ang...zan lama ka pa in ka hnathawh chungchang min zawh khan ka riat nawi ta vel mai mai kha a nia...ngaihtuah chian chuan ka ui ve reng.. Alex-a lah hnathawh mumal a neilo a..amah avangin hna ka bang a...ka tifuh lo a nih vaih chuan ka chan hian maian chan pawh a tluk lo ang.




Nilengin RC Chhangte leh PC Hras thawnthu ka inngaihthlak chhawk a..dawrtu pawh a khat tawkin ka nei ve reng, min ngam tlak ṭhen khatin min fiam leh zuk ṭhin a..ka lai lek lek zel...tlai lam ei rel a hun dawn tawh a ka nu te chu lo haw har ka titawh ngang mai.




Dawrah ka pi rawn lut hlawlin "Puite i nu te pawh an lo haw tawh kha...i nutei te nupa pawh an lo thleng daih tawh" a tih chuan "an man ṭha em" ka lo ti ve thuai... "kg hnih ṭheuhin an insem" a tih chuan an man ṭha tih ka hre thiam nghal mai...ka nu chu a inbual zawh hunah lo phei a tum a nih hmel..




"Pi thlanah kal i tum ami" ka tih chuan... "ahh i pu khua a har ang ka va tlawh zuai a nge" tih leh kal chhuah a rual a..kalpui ka duh viau na chu dawrah midang an awm silo a..a lo va ṭap leh vak ang tih ka hlau..tar hnu a inkalsan tih takah ka pi lungleng hi a reh hleithei lo a..ka pu ngai hi a lo ṭap leh vak ṭhin a..a mah pawh a cher vek tawh.




Kan ti nek nek a hun a liam ve zung zung mai.. Alex-a pawh a haw aṭangin karkhatna a ni tawh a..kan la inbe ve rengna chu a mizia hi a inthlak tial tialin ka hria..kei chuan kan inneih ni tur ka lo chhut nitin thung.




Tlaiah Alexa'n min rawn be hmasa ve teh mial a "eng nge i tih" a rawn tih chuan "hlo ka thlo a..ka zo chiah" ka ti mai a "i thil tih ṭhat ṭum ber a niang" tihpahin nui lai lem emoji a rawn dah tuar..ka va han ngei mai mai tak "ka ti ṭha thei lutuk, i hre lo mai mai a nihkha" ka ti ve ngat...ka thatchhe lem lo bawk a...uang viau mahse ka ngei lak lawh tlat.




"Rawngbawl i thiam bawk silo a" a rawn tih leh phei chuan uar fahran hian "ka thiammmm lutukkk..rawng ka bawl zo a inbul hnim ṭo ho ka thlo aw" ka va ti kha kha...nuilai emoji kha a hma ai a tam rawn dah tuarhin "ka zak lutuk, lo ah hlo i thlo emaw ka tia" a rawn ti kher..ka reply tawh lo hmak.




Mi mah hah ve nak lai a..ka tum bur ringawt...chaw ei laiin ka pa in "tunge mo ṭhianah i hman dawn" min tih chuan "UAngela-i hi ka hmang dawn a mawni le ka lo tia" ka ti vat..a lo haw lai a nia..hmun dangah collage kalin a awm daih a...kan inhmu khat ang reng.




UAngela-i ka hrilh chuan "ka duh lo ka zak" a ti nghal chul...ka nu in "unau a din kha a mawi a lawm" a tih pawn "aih midang sawm rawh se ka duh lo" a ti tlat chuan hahthlak ti deuhin ka thaw hak.



Zanah ka ṭhiannu hospital ka thawhna hmasa a mi Felfeli ka va bia a..pasal ka neih dawn thu leh ṭhianah hman a rem leh rem loh ka va zawt pah a ni..rinai daihin a lo phur a..ka thaw huai mai, ṭhian ka nei tam lo a..ka neih chhunte erawh ka hlut viau zel..mahse Hmingmuanpuii erawh thilthleng avang khan kan boruak a dik thei tawh lo a, hrilh en ah pawh ka en lo.




Remlala nen chuan engtin tak awm zel ang maw...phone ka khalh neuh neuh lai chuan thil hre chhuak thut in fb ah ka lut a, fake account siamin, pp ah hmeichhe chhelo leh khal deuh ka hmang a, Alexa chu ka va bia "bialnu i nei em?" ka tih chuan a lo single vel a nih chu..zawnga hi, thiam tak a ka biak hnuah "Puitei ṭhiannu ka nia, kan inbiak dan hi ka hrilh dawn" ka tih chuan Alex-a chuan "Puitei bialpa emaw min lo ti a nge, a cousin ka nia" a rawn ti leh.



Hmela mai mai chuh...min bum theih a in ring emaw ni...a hnuah school ka kal lai a ka kawm ve ṭhin Zomuanawmi ka va biak tir leh a..chutah pawh chuan a lo single leh...lerha hi, number an inpek hnu ah Zomuanawmi zawk chu a inpuang fai kelh a..ka tih tir a nih thu thlengin a hrilh fai vek




Alex-a chuan min rawn call zui zat..min rawn chhuah chhal a..kan inhau hrep...mahse a hma a a phone a hmeichhia a biakna ka hmuh vel erawh ka sawi lang lo thung "ka ṭhiannu in a rawn bia che a, in inbiakna ka hmuh avangin ka rawn tih nawn tir a nihkha" ka ti ve tlat.




Alex-a vêk chuan nelawm loh deuh hian "innei lo ila ani mai..inneihna a thleng dawn lo" a rawn tih chuan "i rinawm loh avangin min neih loh i tum a maw" ka ti vin nghal tuarh "i rai em" a rawn tih chuan "ngatan nge i tih" ka lo ti ve nghal zat "min chhang mai rawh, i rai em" chang zet a a rawn tih chuan "aih" tih zawngin ka chhang.




"A ṭha, kan innei dawn lo..ka chhungte ka lo hrilh ang" a tih chuan ka thinrim ve zawk "thih ka thlang zawk...ka chhungte an mualpho nawn leh na tur thlen ai chuan ka thi zawk mai ang" ka ti hmiah..tih mualpho nawn leh ka tum tawh reng reng lo...kan inhauh hrep hnu ah phone kan dah a...inneih leh loh a duh chuan min ṭhawng hran lo.




UNgaihteii bul a a thusawi kha ka hre hman a..a uang a nih ka ring a..mahse a lo ti tak tak a nih dawn hi...ka rilru a luah ve reng avangin zan ka mu thei lo a..khaw en rualin biakin lam ka pan nghal...Pathian ka auh khat zia ka ngaihtuah a..ka hnuk a ulh ṭun mai..ka beidawng emaw ka tihlai khan Pathian lakah ka lo la beidawng lo tih ka hriat phah a.




Biakin chhung ka luh chuan a lo reh ṭhuap a...lam tual lai takah chuan ṭhingṭhi in "Lalpa min pui rawh" tih bak sawi tur erawh ka hre lo..ka hul a ni..ka buaina puang chhuah a ngaihdam dil a min pui tur a sawm ka duh a..mahse chham ber tur ka hre lo...ka mittui erawh ka dang zo lo a luang zung zung mai, hruk pawh ka hruk buai peihlo.




 ka in ti a...ka tun hun hi phu ka inti bawk...ka nundan ka chhui let a, Pathian min thungrulhna ah ka ngai a..mahse ka lung a awi thei bawk silo...biakin aṭang a ka chhuah hnu in dawr lamah ka peng a..ka nu chauh a lo la awm.




Rem changah la in ka pa ngaihzawng neih chungchang zawh ka tum a... va ṭhut hnaihin "nu zep lo in sawila ka pa hian ngaihzawng a nei a mi" ka ti sap..ka nu chuan min en vang vangin "nuthlawi a nia..ka man chhuahna pawh a la reilo, ṭhen dawn ila i u zirna a buai bakah i pasal tur chhungte'n an hmuhsit che ka hlau bawk si a" a ti mial mial.




Ka rilru a na sa bawk nen..ka nu chu kuahin ka ṭap hlawp hlawp a..ka nu pawh a ṭap ve tho..kan vanduai a ni..ka pa erawh ka la ringhlel phallo cheu a..ka hero ka tih tawh kha..ka ring chhe phal hlawllo a ni....chutih rualin ka nu thusawi pawh chu ka ring a, ka khawngaih viau bawk.




Kan ti nek nek a...ka man hlan hun a thleng a.. Alex-a te erawh fur lai a nih avangin ruah tui a tla tam a..a ni ah tak an lo thleng thei dawn lo thung...a chhungte bulah min neih a duh leh lo thu chu a sawi ngei a..mahse a nu leh pa in rem an ti silo a..inneihna chu a thleng dawn tho a nihhi.




Tuna ka dinhmun leh ka thuthlukna siam hi keipawn nep ka in ti, ka dinhmun ṭha in ka chhungte mualpho hlau miahlo ila chuan Alex-a hi ka nei miahlo ang, mihring hi kan dinhmun in a zir loh chuan kan tih ngai loh tur a kan rin pawh kan lo ti fo an tih ṭhin hi ka hrethiam ka kuar mai, ka pa ngaihzawng neih avangin chhungkua kan mualpho ṭan a..chutah a fanu pawh a pasal turin a nei leh duh lo min tih leh chuan kan tan hawi ngaihna a awm dawn silo a, hei bak hi kawng dang a awm thlawt lo a ni.




Monu ṭhiannu tur Felfeli pawh a rawn thleng tawh a..ti ti a thiam bawk a ka nu te chuan an ngaina thuai...khawdanga awm ka pa u chiah hian 'kan fanu in pasal a nei dawn sia' tiin vawk min thawhsak bawk a..hmingchhe lutukin ka lawi bik dawn lo a, a zia phian.




Man hlan ni chuan ka man ei tu ten ka tan a an thil lei min pe sap sap a..lawmawm ve duh tak tak a ni...ka en a ka ennawn leh ṭhin..kan neih phak tawk a lawm thiam hi a lo va han hlu tak em...tlaiah ruai kan ṭheh a..kan tlei viau turah ngai ang. Alex-a te pawh a tukah an lo thleng a.. a u shillong a puan ṭhui a awm pawh a lo tel ve bawk a.


Show post links
Top

[Ngaia]

Alex-a te khaw lam pan turin kan inbuatsaih a..ka nu erawh motor rui nasa chi tih takah a lo kal ve thei dawn lo a..ka nau exam lai a ni bawk si nen, kan chhungkua aṭangin ka pa leh UAngela-i chiah an lo kal thei dawn a, leh lam takah chuan a huphurh awm ang reng, ka nu tal chu lo tel ve thei se ka ti viau na in ka khawngaih ve tho sia ka ti lui ta biklo.




Motor a ka han ṭhu lut tur chu kan khua ka en let a..ka ngai thar vawng vawng mai...engtikah nge ka zin leh ang..a kham phei zawngin ka haw dawn nge tihte chuan ka ngaihtuahna an luah a..ka pi leh ka nu inhnit leh feih feih ṭhin chuan ka hnuk a ti ulh dawn dawn mai..ka nu in "Bawihte kan khua a va har dawn ve" hui deuh pap a a tih te chuan ka ṭah loh nan ka insum fan fan.




"Fel deuhin han awm la, mi in a kan mo chuan chhiahhlawh ang ah in ngai tawp ila...an fel viau ang tih chu ka hria a..mahse phone khawih mai mai te kha chin tawh loh tur a nia..kohhran bel tlat la..i pasal zah la, a chhungte ṭhianah i siam dawnnia, harsatna chhe te i tawhin i chhûngte pun vat ching loh tur aw, tlan mai mai te kha tih miah loh tur" ka kut vuan chhung chuan a ti leh mial mial a.




Ka pa in "kan kal hman em" a tih chuan "nu ka kal ang aw" mittui tling pam a ka tih chuan..bu sawk sawkin "kalrawh, kalrawh chanchin min lo hrilh ve zel dawnnia" a tih hnuah motor-ah ka lut a... Felfelin " i ṭap e law?" a tih chuan ka mittui hru hul sawk sawkin ka nui hawk.




Ka mal chunga ka kut dah chu hmer salh palhin "insum suh keipawh ni ila ka ṭap tho ang..ila ṭap nasa lo zawk e" min thlek vang vang chung hian a ti reuh a, ka lo ngawi reng ringawt.. "khawnge Alex-a a ṭhut a a tih chuan "a hnung ah" tih chauhin ka chhang.




Alex-a nen pawh a hmaa thil thleng vêl kha engmah kan sawi nawn tawh loh mai bakah biak pangngai pawn kan la inbe leh tawhlo hrim hrim a, tihian in pawh tlanglo deuhin kan innei ringawt dawn chu a ni sia a huphurh awm ang reng.




Kan khua aṭangin tlai dar hnih bawr velah kan chhuak a..a tuk zing dar sarih velah Lunglei kan thleng... Alex-a te in luahah in nghat tawh lo in a nutei te in ah kan in nghat a...eirawng min lo bawl lawk sak tawh avangin reilo te kan hah chawlh hnu ah chaw kan bar nghal a.




Kan ei kham hnu ah ṭhuthlengah Felfeli nen kimki dakin kan ṭhu.. Alex-a pawh kan piah sofa ah ṭhu in a unaute ni awm tak te nen inchhaihin an nui uar uar a..keichu a tir aṭangin min ngaihsakna a lantir ve tawh lo hrim hrim..a awm dan chu hrehawm ka tiin ka rilru a ti na takzet.




An lam ka hawi reng lai chuan Alex-a nutei chu ka lamah lo kal pheiin "in lo thlen hlim khan lo hip tir nghal tur che a nia..khawi ang rawh" tih leh min kuai dak a..artui hel ka kâ ah a rawn bun hmiah..ka hmui ka chip zui hmak..thang tak a ni. Ka rilru in 1 2 3 ka chhiar a..a vawi thumna ah ka lem khawlh..ka uak zui that a..ka ner nghal nang nang.




Felfeli'n "tui va inrawh" a tih chuan an filter dahna lam chu ka pan nghal vat...ka in nghal khawlh khawlh...tui ka inzo ka let leh chuan Felfeli'n " vawin bak i nula tawh dawn lo a..nulat ni hnuhnung ber chhin chhiah nan thla la ang" tih leh min kaih chhuah a rual a.. Alex-a nutei te in sir deuh thing hmunah chuan pheiin uang thuang deuhin thla kan la a kan hlim ve em em tawp mai ni.




Ka ṭhian-in zei hmel deuhin awm rawh nui pat pat a a tih chuan..ka lo nui hak..ka thiam lo tih leh ka bul a thing chu kuahin ka ke lehlamin ka kherh bet a..chumi rual deuh thaw in "kal a hun tawh a" tih leh ka dar ah mi tu emaw hian a lo khawih a..ka leh hawi nghal vut.. Alexa'n chik fahran in min lo melh ve nghal ran.




Bu nghutin "Feli kal ila" ka ti a.. Alex-a pawh ngaihven duh lo in ka kalsan nghal hmak..ka hnungah min lo zui ve nghal vat..motor kawngka ka hawng tur chiah chu ka kut rawn vuanin "ka bulah lo ṭhu la" a ti sup..a lamah thle bakin a mitah tak ka en a "i awm dan ngai ang khan awm tawp rawh i ngaihven nih ka ngailo" ka ti chang fak.




Felfeli'n hriatthiam loh hmel zet a min lo en pawh chu ka hmu reng...engmah thil thleng ka hrilh lo a....kan awmdan a hrethiam lo lutuk pawh hi ka dem hran lo..mo turin mo neitu huat hmel fahran a a melh chu engmah hre velo tan chuan amak ve bawk ang.




Ka pa leh UAngela-i te rawn chhuak chu rem changah la in "kal ila" tih leh ka ban a min pawh a rual a...ka pa te an lo chhuah ve tawh miau avangin lung dam lo zetin min kaihna lam apiangah chuan i he lo in ka kal ti ila a dik ber ang.




Motor hnung lam kan thlen chuan "lawn la" a ti dam dap...leh hawi zeuh zeuh chungin motor hnungah ka lawn a..a awm dan vel chu mak ka ti deuh...min ngaihsak thar thut vel a..a mit meng dam dup te hian ka ngaih a ti ṭha lo dawn dawn zawk..




A awm awmin awm leh tawp se, min ngaihtuah lo khan awm leh se ka awm a nuam zawk ang ti ila..min ngaihsak miah lo ang a a awm khan hreawm ka ti leh lawi bawk si...tun a a awm dan hi mak ti viau mah ila nuam erawh ka ti lawi bawk si, a lakah hian beiseina ka neih san vak chuan ka na leh mai mai dawn tih hre mah ila ka duhna hi chuti maiin a reh thei mai bik silo. Alex-a te khua kan thlen chuan tlai lam dar 5 a ri tawh a..ruah a la hmi seng seng zui.




Ka nu zawn te in ah in nghatin ka bungrua tur vel kan rem ṭha a..kan zawh hnu ah chaw ei an rawt zui avangin kan ei zawm nghal a..chaw ei khamah hmun hnawk vel kan ti fel a...kan zo fel kan ṭhu hahdam hnu reilote ah Alex-a call ka dawng zui a..



Ka lak rualin "kan in ah lo phei teh" a rawn ti zang vah..a aw zang khai lutuk chuan ka awm a ti nuam lo leh hman pek, kan pahnih inkârah chuan engmah thleng lo ang maiin a awm hmak, kan boruak a la ṭha chiah bawk silo a..nge ni a min ṭawng khum dan vel kha a hre tawh lo zawk.




Kei chuan theihnghilh harsa ka ti ngang thung..a hmeichhe biakna ka lo hmu kher bawk nen, ka phei nghal tur thu hrilhin phone ka dah a Felfeli ka au zui zat.. Alex-a te in a min kal pui turin ka sawm a..a ṭhutna aṭanga a thawh tharh rualin "Rinpui lo kal ve rawh" a ti zui zat, Rinpuii hi ka nu zawn fanu a ni.




Khaw fan pah ni fawmin kan khua a ka ṭhiante leh kan chhungte an lo kal tel nual a...lawichal a tan ka nu u pasal pa George-a lo kal bawk... Alex-a te in kan va thlen chuan amah a lo awm lo a..ka call zui nghal zat, phone a lak rualin a awmna ka zawt a..adinpui tur a cousin Uduhawma te in a a kal lawk thu leh a lo chhuk nghal tur thu min hrilh a..phone kan dah zui nghal.




Rei lote ah a lo lang thuai a... Min hmuh rual chuan a kutin min hui zauh, inhnuai lamah min chhuk pui nghal a,a kut ah chuan eng emaw hi a hum tat a..inhnuai kan chhuk hnu ah a thil hum chu a lek kang a bawm sen nalh zet mai hi a lo ni..hawng nghalin a chhung a zungbun chu a rawn la chhuak a "bun chhin teh i size ka hre lo a, ka lei risk tawp" tih leh min pek a rual a.




Ka bun chuan ka lo tawk chiah..hetiang hian mi hian an inbun chhin tir ve ngai a ngem le..keini erawh kan inhlat avangin kan bazar dun thei lo a, chuvanga a duh duh lo lei pawh chu a ni. Inhnuaiah chuan reife inkawmin haw kan rawt meuh chuan dar 10 a ri dawn tawh.




Mut hmunah chuan ka ngaihtuahna ka kawm neuh neuh a...naktuk aṭangin nupui nihna dinhmun ka chelh tawh dawn a...ka chhungte an haw vek hnuah hetah chhungte ti a sawi ve tur pawh ka neih lohna hmunah hian ka dam chhungin ka cham a ngai tawh dawn a..ka ngaihtuah thui phei chuan ka thawk a ti zing dawn dawn a..ngaihtuah rei duh lo in muthilh tumin ka insian rem sat sat. Ka bul a Felfeli mu hnar bawrh bawrh chu ka en a ka nui sak...a puan sin lai chu siam ṭhat sakin keipawh mit ka chhing zui nghal daih.




"Inchei chhung a rei si ti vat vat ang u" Alexa U te pahnih U Sangbawihi leh ULatei lo kal chuan an rawn ti lut bawrh bawrh a...makeup artist kan hruai loh avangin an ni pahnih hi ka inchei tir dawn a ni.. Usangpuii'n "Puibawih lokal rawh, i ṭhiannu saw Lateii'n lo chei se" a ti zung zung a, khumah ṭhu in min chei zui nghal.




Eng eng emaw hi ka hmai ah a tat kual a..reife min chei hnu ah ka taksa ah thil tle deuh lampang hi a rawn hnawih leh a..eng chiah nge a nih pawh ka hre hlawm ve vak lo..make up hi ka uar lo a, sunblock leh lip balm ka nei a ka duh tawk viau.



Reife min chul thuak thuak hnuah an zo ve hram a, darthlalang a ka in en chuan ka nalh ve phian, hetiang taka nasa a ka la inchei ngai loh vang nge tlem chuan ka hmai hnawih ho chu ka duh aia tak lam hret a ni hlawm.




Min chei zawh hnuah khum a pharh diai a mo kawr dah chu an la a..min hak tir leh thlap a..ka sam an siam chhung ringawt pawn hun a duh ngang mai...darthlalang a ka in en chuan nalh ka in ti ve hle a...mokawr var sar ka hak chu ka nu leh ka pi in mit ngeiin min hmu ve se ka ti takzet, nalh min ti ve viau chuan ka ring.



Hall a innei tur kan nih avangin biakin dar a ri lo a....mo hruai motor a lo thlen veleh motor-ah lutin hall lam kan pan a..tlemin kan tlai deuhin ka hria, hall kawtah moneitu ṭhian a lo ding a...motor kawngka min hawn sakin min kai chhuak a...hall lam min pan pui zui nghal.




Kan luh dawn chuan ka zam deuh a..ka tawi leh hrut ṭhin...inhum ruhin hall chhungah chuan kan lut a..mi tin mai chu ka chungah an mit a fu ṭhup tih ka hria...ka zam takzet.. Alex-a bul a ka va ṭhut chuan ka thinphu a rang nghal dawt dawt..a hriat loh hram ka beisei..






(Note:Inneihna thil vel vangin kan buai lutuk a..duh ang pawn ka ziak thei lo a..tun a mi phei hi chu a ngaihnawm hlawllo ang tih ka hre vek...🥺Mahse min chhiar sak ve hram hram tu te in zahawm em a..ka thai nawk nawk a..ka lo dah tawp next ah chuan hei ai hian a pangngai turah ngai ang aw...naktuk zan hi ka dah dawn em tih ka sawi chiang thei lo a..ka chhungte hi shillong lamah innei turin an chhuk vek dawn a..kan pa leh ka fapa nen chiah kan awm dawn a..ka fapa lah hian mi dang pawm a duh rei silo a...A pa pawh tiamin...ka regu theih hma chu min hrethiam hram hram turin ka ngen leh bawk cheu)


Show post links
Top

[Ngaia]

Inneih thutiam chham turin pastor in min din tir a "kei Alex Rochansangi" a tih chuan mipui lam an thum hak a..kei ka kun nghal daih..nui lo turin ka hmui ka pet ngar ngar a Alex-a ka va en chuan nur nangin pastor lam a lo va melh a,a lungawi hmel teh chiam lo.




Felfeli'n ka kawr a lo pawt dat dat bawk..aw thian kharhin pastor in "Rochansanga tih tur zawk a nih hi" a tih leh te chuan mipui lam an nui leh dar dar.



Engtin tin emaw inneihna chu kan tluan ve thei a..kan thutiam mawlh chuan ka rilru a luah a..A nuamah pawh a hreawmah pawh tih lai te chuan...mihring hmaah ka thutiam vawng nung mah ila Pathian leh mipui hma a ka thutiam hi ka vawng him thei kher a ngem.



Alex-a lah hmeichhe mi tak a ni tih ka hre ru kar bawk si..thinlung kehchhe vek a min siam hun a lo la awm thei a chutah chuan ka vawng nung zel thei a ngem tih ka hre lo a ni. Mahse kan hma lam hunah eng nge lo thleng ang, ka rin ang hi a ni kher a ngem..nge ka rin phak bak a nasa zawkin.




Thla lak pui tu kan ngah a..ka ke a na ṭhum tawh...hall lam a kan tih tur ang kan tih zawh hnu in in lamah inthlak turin kan let a...ṭawngtaina leh thusawi tawite kan ngaihthlak zawh hnuah Alex-a te in lamah ka thuam chhawm nen kan phei a.



Felfeli'n zawi si fiah zet a "ka kawr hma lam tur hnung lamah ka dah, engtin nge ka tih ang" a tih chuan ka en sak vat a..a lo ni tak tak..kawng kam a in lo awmah chuan kan lut a a in ha ṭha sawk sawk a "khawnge mo kha" an rawn tih lang lang chuan "kan lo kal" tih leh tlan chhuah kan rual nghal.




Alex-a te chhung pawh in bulah an lo intlar ṭhap a..lawichalin an hma ah tak sawn va ding rawh min tih avangin thu awih deuhin ka ding mai a "le mo neitu leh a chhungte khan mo hma ah khan lu ko ki khup leh ke action nen sa ru le" a tih chuan kan nui dar dar.



Alex-a nu leh pa thlengin lu ko ki khup leh ke an sa a 'mit beng ka leh hnar' tih turah Alex-a pa in 'mit beng hnar leh ka' a ti pek a..a bul aṭangin lawichal bawkin a tih nawn tir a, kan nui hnem tlang a ni.




In lam a hun serh kan hman zawh hnu in tlaiah ruai kan ṭheh a...rin aiin ei kan tam deuh ani mahna sa lam kan inchan lo a..vawksa an kg tawh chu siam turin an buatsaih zui nghal bawk..thingtlangah hi chuan sawm bik hi a neih theih loh ang tluk a nia..sawm loh ei an awm nual mai.




Kan ei khamah photo shoot nei turin kan inbuatsaih a...mahse le..khawpui ri dur durin ruah a rawn sur zui nghal a..ka u in admission tih hma a duh avangin ka pa ten zan haw an rawt vei nen..kawr lah U Angela-i ten an hawn daih dawn bawk sia...ruah sur avangin photo shoot chu kan neilo ta ngawt a..pawi erawh ka ti lem lo,mi hma a han in post vel hi ka zei vak lo a.




Ka pa te haw tur chu mittui nen meuh ka thlah a..an rual a haw ve chu ka duh nghal rum rum mai..Alexa'n ka darah nghet zetin min kuah a "ṭap suh le" a ti sup a..min hnem thiam hlawl lo, ka ni in "ṭap suh i pa rilru i ti nuam lo mai mai" min tih takah chuan hmui pet fan fanin ka pa lo kal chu ka en a, ka kuah zui zat.




Pasal ka neihna a hlat tham bakah duh ang a motor lut a tam loh avangin Felfeli pawn min cham pui thei lo a...motor a an tlan liam chu ngawi rengin ka thlir liam a..Ka pa chu ka ngai nghal vawng vawng..In lamah kan let a, kan pa u uLatei'n "inhnuai ah i bungrua rem ang" a tih takah chuan ngawi rengin ka zui thla a.




Khum hnawk niah leh ka thuam chhawm ho lo awm chu a theih theih kan rem ṭha a..thil pek pawh kan dawng nual..kan mamawh lo tur leh ka duh vak loh chu Usangbawihi leh Ulatei ka pe ve a..an lawm thiam khawp mai..zan a kan mu tur chu ka khawr deuh tat a..ka lai ti tih der leh nghal a..zangthalin ngawi rengin ka mu a.




Ka pasal erawh leh lam hawiin phone bawk chu a en a..a kut chet sek danah tu emaw a bia tih ka hre thei. Kan inneihna a Saii lo tel ve lo kha mak ka ti deuh a..zing lam a ka hmuh pawh khan kan inruk lai a ka hmuh ai khan ka hmu cher a..a dawl dang em em bawk..a rilru a na mawni le..tih te ka ngaihtuah a..ka zel din a..chu chuan ka thin a ti rim hlur.




Ka thaw sek sek avang chuan Alexa'n "i damlo mi i va thaw rang ve" rawn leh hawi miah lo a a tih te chuan ka thinrimna a ti bel chhah a..ka ner nawng ringawt...ka chhang mai loh avangin a rawn leh hawi a..ka chal a rawn dek te chu ngei zetin a kut ka paihthla hmak a "ka dam" ka ti ram hmak.



Ka awm danah ka lungawi lo tih hria in a phone a dah a..ka lamah rawn tawlh hnaiin min rawn kuah a..min khan zui zat bawk....a kut dahsawn ka tum chuan a lo ṭang ve ṭung a "ka duat" a rawn ti sup..ka ner leh sawk ringawt...hmeichhe dang a ti lawm zo chiah a..min tih lawm a tum ve nghal a nih hmel, hmeichhe ral a ni ringawt.




Ka hmui a min rawn fawh chuan ka thle sawn vat..chutah tho kang uaihin ka biang leh lam leh lam rawn dawmin ngen ngawl zet hian min rawn fawp leh a..chu erawh ka hnar thei ta bik lo..ka taksa a deh rual a keimah a danglam awm ṭhin hi a hrethiam tlat a. Ka hnar theih loh zia hre chiangtu a ni bawk.




Zing hma zet ah ka tho a, thingpui chhuan pahin chaw chhum ka siam a..ka thawh hnu rei vak lo ah ka a nu Alex-a nu lo tho ve in "Puibawih i va tho hma ve..i chau awm si va mu leh rawh" a rawn ti nghal bawrh bawrh a...ka lo nuih san mai...ka nu nen rawng kan bawl dun a...Usangbawihi leh Ulatei chu ang hlak hlak chungin a kai tho a..inhnuaiah Alexa kai tho turin ka chhuk ve nghal zat.




Chaw kan ei lai chuan ka nu in Usangbawihi bulah "i fapa hian meizial a zu ru nasa a nia..ngaihsak ve rawh" ti a ang chungin ka thlengah vawklu chhawhchhi nen a siam hi mi rawn suah a...kan ei chu eng emaw sak deuh hi ka seh fuh a.



Engthil nge le ti a chhak chhuak a kan en nak chuan vawk ha a lo ni "ehee..vawk ha ka ei" phawk hra a ka tih chuan ka chhungte ho an nui dar dar..an vawklu siam chu ka ei zawm lo chiang teh e..ka ei tuilo zo vek..vawk ha ber kher..ka nu in nui hak hak chungin "ka thian fai hneh hle emaw ka tia" a tih chuan a ma siam a ni tih ka hre chiah.




Kan mut hnua a siam a nih ka ring..zing lamah a siam lai ka hre lo reng reng...ka nu leh pa lo lamah an ṭul tawh em avangin an kal a..keini erawh in ah kan awm thung.




Ṭhuthleng a mut pahin phone ka khawih mai mai a..ka ṭhiante ho in kan inneihna status vel a an hman chu ka en a..ka nui leh hak ṭhin..a ṭhenin zu bur emoji ka lu chungah an dah a..a ṭhenin meizial, pasal i nei law rawn ti tawk lah an awm reng bawk a, mak an ti hlawm nasa.




Mak vak tur pawh ka hre lo 'Remlala nen inni maw ka tia' an rawn tih chuan kan inthen tawh thu ṭha deuhin ka hrilh ve mai... Hmingmuanpuii nen an reh hmak a... Jacob-a hnen aṭangin Hmingmuanpuii rai thu ka hria a, Remlala fa erawh a ni lo thung.



Hun a kal ve bek bek a...Alex-a pawn Lunglei a a hna dil a hmu a...Usangbawihi nen an chhuk a ka zui ve rih lo thung...Ulatei erawh Aizawlah Ungaihtei bulah a awm a..phone in kan inbe zeuh zeuh... Alex-a nen pawn kan inbe deuh reng ti ila keimah ka bia a ni mah zawk.




Zan khat ka call chu a chhang thei miah lo a..vawi sawm dawn ka call tawh a la theilo reng reng..a online a message a chhang thei lo bawk a..ka thinrim hlur tawh...a tawp nan tiin vawi khat ka call leh a busy a in ti..off leh nghalin ka call nawn leh a..a ring ral leh ṭhak.



Ka mittui a rawn hnam ṭiam ṭiam a..ka ngaihtuahna chuan thleng thei zawng zawng a dap kual a, a accident em tih thlengin ka ngaihtuah hman vek, a accident em chu ka ring chiah lo... Hmeichhia a awmpui nge thil dang zawk tih te...hmeichhe dang nen an awm dun tur ang a ka ngaihtuah phei chuan ka na ngut ngut a..ka inseh ruh ṭeuh bawk.




Ka mittui lo luang tur chu dan kir tumin ka khap fak fak a..mahse le..ka dang zo lo, ka mittui te pawn min phatsan vek zawk a lo ni, duh lo deuhin ka mittui luang ngiai ngiai chu ka hru sawk sawk.



Reife ka nghah hnuah min rawn call ve ta hram a..zanlai a hnai thuak tawh....ka lak rualin a rawn insawifiah nghal a "ka ṭhiante nen kan awm a..phone ring ka hre lo a" a rawn ti zat zat awihlo lutukin ka phone chu rum zet in kan melh ringawt..awmzia lah chu a awm der silo.



"Ka rawn call lai che pawn midang i bia a..busy a intia a hnu rei vak lo ah ka lo call leh che a..mahse ila thei chuang lo..i hmu reng i hre bawk..i la duh lo a nihkha" ka ti ve fak.


A ngawi reng a, ka dawhtheihna in a tlin leh tawh lo "diktak chuan maw lo be ṭhin lo che ila nang hian min biak i tum ve ngai lo ang...kan inkar hi a chhe tawh ngawt ang, min ngai pawimawh ni la min rawn be ve fo ang..keiai a pawimawh an tam lutuk a min hre chang ve lo a nihkha" ka tih chuan "ṭawng suh..i va ṭawngthei ve" a rawn ti hluk, chhang let lo in phone ka dah hmak.




Zan khua in ka rilru ka kawm a..khawvar hnuin ka muhil ve chauh....zingah ka nu in min rawn kai tho a "in pa pawh naktuk a lo haw a tum kha" a tih chuan phawk hra in "eng nge a lo tih dawn" ka ti a..ka nu in min rawn en nghal vat ka sawi sual tih hria in "ahhh englo..chawlh a la mi ka tihna" ka ti nawi niah. "Umm..a thawmhnaw rawn lak belh a duh bawk a" a ti a, kei chu chhuk tir min la tum lo a nih hmel.




Alex-a a rawn haw chuan ngawi rengin sitting room-ah ka lo ṭhu a..ka be chak hlawllo...ka nu in "hei in pa a lo thleng a nia..a bag hi lo phawrh sak rawh" a tih chuan ka che chang ve chauh...thingpui ka lum sak hmasa a..bag chu la in room lam ka pan zui nghal.



Min fiam zuk zuk reng a kan inhauhna vel kha chu engah mah a ngai tawh lo a nih hmel..kei erawh ka la tum lian viau..phone a charge hnuah inbual turin bathroom lam a pan zui nghal a..keiin a phone charge na lam ka pan vat bawk.




Whatsapp-ah ka lut a...hmeichhe chi hrang hrang a biakna a lo awm ṭeuh a 'ka ngai che' tih te...ahh a tam mai..inhmu tur a insawmna tih ang reng vel, Isaac ti a a save nen a an in text na chu ka en a..chupa chuan "Ramdinpuii lo sawm la t*h rawn ang" a tih chuan ka ner nak, tenawm hlawm lutuk.



Alexa'n nuilai emoji thawn ṭeuhin a chhang a..chhiar pawh ka chhiar zo duh lo tenawm lutuk...massenger-ah leh ig ah pawh hmeichhe sexy deuh..inphelh kung kung ho a be nual a..a text dan chu sawi pawh ka sawi chhawng peih lo, ka ten a ni tawp.




Alex-a hi ka rin aiin a tenawm daih, a inbual zo room a a luhthlak chuan thinrim zetin ka zui thla a..a phone chu khum a theh thla in "sawifiah rawh" ka ti nghal hmiah "engmah ka zep tawh dawn lo..a vawi khatna chu nise ka ngawi ang..mahse a ni tawh tlat lo" hre lo ang deuhin "engmaw" a rawn ti hu a.




"I hmeichhe biak ho hi ka hre lo emaw ti suh..avaiin ka hre vek" ka tih chuan "tumah ka be lo" a la ti ve ṭang ṭang ngei lutuk a enin "ve ṭang ṭang che hian a..i be chiang emai, kan enbdawn em ni" tih leh ama phone bawk chu la in ka hawng a..whatsapp-ah lutin an in text dan vel chu ka chhiar thla nghauh nghauh.




Alex-a erawh luhlul zetin a ngawi reng...ka ten lutuk hi ka luak dawnin ka hria... Zodinsangi a tih nu nen a an in text dan phei chu eng kim ngial ngan lutukin an sawi a..chhiar pawh ka chhiar zo duh lo.. ṭap lo turin ka insum ngar ngar bawk.



Alex-a mita en chung chuan "i duh a mi..anni ho kha i duh em ni" ka tih khum tuarh..kan thawm hria in ka nu a lo tlan thla thuai a, ka mittui rawn luang thla ngiai ngiai chu ka hru nghal tawk, ka nu chuan phawk hra in min en tawn zak zak "eng nge in awmzia" a rawn tih chuan a tu a zawk amah chuan kan chhang lo ve ve.





(Notes: Alex-a hi ka ngei lutuk nangni pawn in ngei ka ring mahse sawi leh sawi hnu based on true story a ni sia duh duh in a tih kual theih silo a, mi hrethiam teh u ka duh dan danin ti kual thei ila chu a chawh tawh ngawt ang mawle

Tunlai chu Remlala pawh a inchhîr ṭan a, heii damlai lusûn an tih ang khân a awm mek.... (heipawh a taktak a nihhi aw)

Alex-a hi ṭhen se Remlala nen hian innei daih se tive in awm chuan comments lamah in lo sawi ṭheuh dâwn nia aw)


Show post links
Top

[Ngaia]

"Sawi rawh u eng nge in au chiam chiam a" a rawn tih vin ṭhak takah chuan ka nu lam hawiin Alex-a chu ka kawk vah a "hei hian" ka ti zet chu lu thing nawk nawkin "i fapa hi zawt ta che..ka nu ka zah cheu a,i hah ka hlauh avangin ka theih tawp piah lam ka chhuah chu mai nilo..nupui ṭha tak ka nih theih nan ka thiam ang tawkin ka ngaihsak ve..mahse i fapa duhtak hian maw" sawi zawm thei lo in ka ṭhu hnawk.





Ka nu chuan thil awmzia chu a hrethiam nghal a niang chu nu fing tih takah a fapa lam chu hawiin "Alex eng thil nge Puibawihi chungah hian ilo tih...hre rawh ani lo hi chu mo a tan ka duh lo, vawi sang sawm pawh piang nawn mahla Puibawihi ang hi chu tun ang khawvelah hian i hmu lo ang...hmeichhe dang kha ka duh hlek lo a nia" a tih charh charh hnu ah inchungah a chho a, keini pahnih erawh kan ngawi reng.





Rei vak lo ah Alex-a pawn min chhoh san a..keimah a ka awm chiah chuan mal ka in ti a...a hming ka lam ngai tawh loh Pathian chu ka au a...a hnen a ka thutiam ka vawng him theih nan harsatna min thlen tawh lo turin a ngenin ka ngen a ni ber.




Ka mittui tla te chu ka hru buai peih lo a...a khat tawkin ka thaw leh hak ṭhin..ka nun buai chuar nuaih hi engtik aṭang a lo in ṭan nge ka ngaihtuah a..chhanna erawh ka hre lo..siamtu'n hetiang tur reng a min lo duang a nih chuan ka dem mai thei..a harsa ṭhin em a ni.





Zan kan mut chuan in sik hlau takin sir tawkah ve ve kan mu a... Alex-a ke in ka ke a rawn tawh fuh chuan rang deuhin ka dah sawn thuai ..mahse ka lam a lo inherin ka bulah a rawn tawlh hnai a "Duati" a rawn ti thum dut..chhang lo in ka ngawi reng thung.





Ngaihdam min dil se ka ngaidam ang..nilo ka ngaidam fel leh vek tawh zawk...ka hmangaih a ka pasal a ni bawk a..min hmangaih ve lo mahse ka tan a mipa awm chhun a ni tawh tlat a "ka lam lo hawi la" a ti zawi leh sap a, a aw a inthlahrunna chu ka hai lo nasa "i duh leh i hmeichhe biak ho kha va kuah la, i lam chu va hawi tir rawh" ka tih chuan a nui nghawr dat, ka aw a vuivaina lang ri tel chu a hria a ni mahna.




Ka hriat chian ang bawkin min hre chiang a..tunah hian ka thinrim tawh lo a ka titau ringawt tawh tih pawh a man thiam leh vek tawh ang...a lamah min kuai herin ka bawp leh lam chu chawi kangin a mah min khan tir a..a chul kual pah bawk..a beisei ka hria..hnar ka duh a, mahse harsa erawh ka ti hle.




Ka duh a, ka thlahlel a, ka ngai a..chumi piah lamah ka pasal a ni a..keimahah hian a mamawh tawk hmu se a duh khawp hmu se ka duh bawk..min sawmna chu ka hnar loh zia ka ti lang a..chu chuan a ngam pat tir a..a tawp kan thleng leh ta reng bawk.




Zing hma takah ka tho a..a ngai ang bawkin ka thawh hnu rei vak lo ah ka nu a rawn tho leh a "Zosangpui phone kha khawih reng suh..ka phone zawk hi ka chang hman lo reng reng" tia ka nu ang hlak hlak chu Usangbawihi fapa chuan "api chu pitar i ni tawh a..engatan nge hman ve i tum" ati niah niah a, i putea te pawh ka be duh a..pawimawhah pawh ka biak theih loh" hi a ti leh bawrh bawrh.




Nu an cheh tih takah tuk pumin a ang thei a..mahse a rilru erawh a ṭha... Alex-a lo tho chhuak chu thingpui ka lo siam vat a...a phone bawk chu en pahin thingpui a in a...a nui leh suk suk ṭhin. Nuimawi ti viau mah ila phone en pah a lungawi hmel zet a a nuih hi chuan ka thinrim hlur zel.




Ka mood a chhe vek thei..hmeichhe dang a bia tih ka chiang ṭhin em a ni "phone kha khawih reng suh..ka awrh tir dawn zawk che nge, va charge rawh" ka tih hlak hlak takah chuan "thinchhe si" tih leh phone charge a rual a..rum zetin a hnung lam ka lo melh zui hlak.





Kan inneihna pawh thla thum a ni ve tawh a...nau ka pai har tawh ka in tia.. Alex-a chhungte'n min zawt reng bawk si, hreawm ka ti takzet. Tuk khat ka tho erawh ka uak deuh reng a..ka nu in "i rai anilo maw" a tih chuan ka period hun a hnaih tawh thu leh ka period dawnin ka luak a chhuak tel ṭhin tih ka hrilh a.




Min en danah erawh a ngaih a ṭhat hmel viau loh. "I pa chu han call teh chaw ei a hun dawn" tih leh "Zosangpuia pawh chu a la tho na nge"

"Sanga" tih ri in a zui nghal zat a..ka lo thaw hak thung...tiang reng hi kan ni tuk tin mai ni..ka pa chu ka call a..kan kawt a "hello" tih ri ka hriat avangin ka dah leh a..ka pan phei nghal thuai..a mak a nia ka pa chu han call ila inchhung a lo luh tawh pawh hian a la hram zel.




Ka period hun a pelh tawh hnu ah pawh ka la period chuang lo a.. Alex-a pawh Lungleiah Usangbwihi nen an chhuk leh tawh a..ka tel ve erawh an la phal chuang lo a nih hmel.



Alexa'n ka nu te lo bia in "Sanga nu hi rawn ko chho ru, engmah tih tum silo....zingah pawh chaw ei hmanin ka awm lo..Puitei kha rawn chhuk zawk rawh se" a tih chuan ka lawm ru ve deuh..a chhuk aṭang khan tlemin kan inkar pawn zia lam a pan a..kan inhau reng bik lo a..nuih dun chang hi kan ngah mah tawh zawk.




Mahse le..sawi leh sawi hnu a thil chin ṭha lo zet ka man chhuak leh ṭhin hian kan inkar a ti chhe leh ṭhin a..nupa ah chuan rilru hi a na hma a..a dan a dang riau zel a..mahse Pathian hma a ka thu tiam bawhchhe turin rilru erawh ka la siam lo thung, nep intih chang leh kalsan duh rum rum chang ka neih pawh a ka kalsan theilo tlat ṭhin hi indem chang lah ka ngah.




Usanghbawihi rawn haw dawn chuan ka nu in test-kit chah tur a min tih avangin ka zu text a..a lo lei hawn tur thu a rawm sawi nghal a...Zanah Alex-a nen kan inbia a..hna an ban tlai ṭhin avangin dar 10 dawnah te kan inbe ve thei chauh ṭhin a.




"Zu i in em?" tia ka zawh chuan "ka in lohna a rei tawh" a ti ṭha ve mai a..eng eng emaw sawiin kan ti ti luam a..kan nui dun leh hak hak ṭhin..ril ruih a ka duatnu a tih tawh hi chuan ka tuiral a..ka luangliam a ni mah zawk..kan inbiakna kan dah chuan ka ngaihzia te ka hre thar leh a, inhau tawh lo in tihian hlim deuhin awm reng thei ila tih hi ka duhthusam a ni.





Usangbawihi a rawn haw a, test kit pawh min lo hâwn ngei a mahse zing zun kher an tih avangin ka nghak leh rih a...a tuk zing karah tho in ka zun chu ka test a...ka nghah deuh vang vang hnuah fiah lo zet hian rin sen tak bula lo inrin ka hmuh chuan ka lung phu chu rang tak a ni.





Ka lawm bawk si..ka ringhlel bawk si..test nawn duh leh mah ila pakhat chauh a lo hawn a ASHA-a an kawl lah a expired tawh bawk si..ka pa ka zu call a, a lak chuan sawi ka tum uk a..ka zak leh deuh bawk si "eng nge ni bawihte" aw dam dup a a tih leh chuan "ka rai a" ka ti ban charh.





"A va lawmawm ve...malsawmna i dawng nasa a nih chu..i chhungte i hrilh tawh em" a tih chuan an la thawh loh thu in ka chhang a..ka pa in phone kal tlangin Pathian hnenah lawmthu min sawisak a..ka hahdam sawng sawng thei...ka thla a muang tel bawk.





Chutih rualin Akex-a lakah pawh beiseina ka nei sang leh a..naute ka pai tih a hriat chuan a hmeichhe biak ṭhinte pawh a sim ve ang a..a lawm ve ngawt ang tiin ka ngaihtuah a..hrilh hlan mawlh chu ka nghak hlel..a la tho dawn lo tih hre mah ila, test kit thla chu ka la a, a thla lak chu thawn in "hei enteh, ka rai ve" ka zu ti tlawng.





Han sawi vak dan ka bang bo teh tlat a...bathroom aṭang a ka chhuah chuan Usangbawihi fapa Zosangpuia a lo tho tawh a..phur zetin "Bawihte hei enteh" tih leh test kit hmuh ka rual a..a la naupan leh naupan loh lam ka ngaihtuah tawh lo reng reng.




Min en deuh haw haw chung chuan "pute eng nge awmzia i khua sik ami" a rawn ti reuh a, min ti ham haih letling zawk chu sawi mai tur pawh min ti hrelo lek lek "nilo en ta che..rin sen pahnih a awm hi..ka rai tihna a nih hi" ka tih chuan a khi ver ver ringawt..ver vur hian a...midang an lo tho khawm nak nak a.




A lo tho hmasa apiang ka hrilh ti ila a dik ber ang..ka helhhawlh ani ber...nau pai tawh phawt chuan ka awm dan hi min hriat thiam pui ka ring..ka ringhlel a, ka ringhlel phal chuang silo a, a nuam ka ti lutuk chu ka phi deuh cheng mai





Alex-a chu dar 9 velah ka call leh a, a lak rual rual chuan "ila tho lo a mi..hna i kal dawnlo ami" ka tih nghal thawr "vawiin chu chawlh ka dil a..ka dam lo a" a rawn ti ve mial "message ka lo thawn che kha i en tawh em" ka tih chuan "imm" tih chauh a min chhan chuan min tihnual rawih thei.




"I lawm ve lo mi" lungawi vak lo a ka tih chuan "eng nge ka lawm loh ngawtin" a rawn ti hmuk a...a awm dan hi ka hrethiam lo, min ti hnual vek. Ka beiseina te kha khawiah nge an thlawh bo hman pawh ka hre lo, sawi mai tur ka hrelo chu ka ngawi rei a ti deuh a niang "i la ngaithla em" a rawn tih nawn leh chuan "ka dah a tih leh dah ka rual nghal.




Room-ah ka lut a..ka mittui rawn hnap nghal tiam tiam chu duh lo in ka khap let fak fak ...ka pum chu zuk heuh heuh in "bawihte kan nupa inkar siam ṭha tu lo ni rawh aw, ka neih chhun tur i nih hi min kalsan miah suh, keiman hmangaihna in ka enkawl ang che.. I pa nun dan hi lo thlak danglam rawh aw" ka ti sep sep, ka innghahna chau rau lutuk chuan ka hnuk a ti ulh ṭun mai.




Tunah chuan ka nau pai chiah hian ka rilru a luah a, ka beiseina meichher kengtu a nih hi. Nau ka pai aṭangin thla khatna a ni ve tawh a, damdawi ka la ei lo a..sub-center kan nei ve bawk silo...raino lah chu ka haw em em a, chaw pawh ka ei ṭha derlo leh nghal.




Thingpui leh chhang ka ei reng a..a bak chu engmah ka ei theilo "nu Alex-a hi i be ve tawh em... call a pick up thei lo a..message a chhang duh bawk silo..a en reng tho sia" ka ti niah niah a. Ka nu in "kan call a nge" a ti a..mahse ka nu call pawh a la duh lo.




Nilengin call a la duh lo a..zanah pawh chuti tho..a tuk nileng pawn a la duh chuang lo, ka thinin a tuar ta biklo chu ka block ve hmak... raino lai a lo ni ve bawk nen rilru a kal thui duh ngang mai. Nupui te raino pawh ngaihsak peih hleilo, min biak a tun hma chu ka be awm lo emai...a duh dan danin awm rawh se..nuam a tih danin awm phawt rawh se ka ti ve hmak.


Show post links
Top

[Ngaia]

Ka unblock leh hnu pawn min rawn la be chuang lo fo a..Va text leh ngatin "i mak ve e" tih tlawng ka va thawn "eng nge mak chu, min block a nilawmni??min block ngam zawkte kha lawm mak..i pasal ka nih hi hre rawh" tih leh

"haw rawh..i pa ka bia ang a..haw ang che" tihte
"i ngaihzawng hlui te ang mai mai ka nilo a nia..hmeichhe dang bia ang te khan min lo ring leh vel a nge" a rawn tih chuan ka sa ve phat.






"Ka ngaihzawng hlui i rawn sawi a ngailo..nangai chuan a letin an ṭha..ni khat pum hlum tawp call i chhang duh lo a..i lakah hian phut ka ngah lo..min ngaihsak la chu chu a tawk..min hmangaih rawh ka tilo..i ngaihsakna tlemte kha ka phut ve a nimai"

"ka haw i duh chuan ka haw ang..ka haw khawp ang" ka va ti let ve hrep..mai mai a,chutiang khawp a min lo ning a nih chuan ka haw khawp ang.





A messenge dang rawn thleng leh ka en chuan ngei lutukin ka melh nghek "haw rawh, i cho chhuah a nihkha, zungbun pawh hi ka chhu chhe vek dawn" ti leh "chutiang khawp a haw chak chu haw mawlh ang che" a rawn tih leh chuan chhang pawh ka chhang peih tawh lo.






Hetiang em em a mipa nasa leh ṭawngthei hi ka la hre ngailo... "Aw bawihpui" ka nuin a tih chuan Alex-a a ni tih ka hre nghalin room aṭanga chhuah chu ka rual ve nghal zat "enga enge awmzia" ka lam hawi a bangbo tih hriat lutuk a ka nu in min rawn melh chuan "ka haw dawn" tih leh inhnuai a chhuk thlak ka rual a.





Ka pa in "eng thil nge" a lo ti ve vat..ka nu in min rawn umzui nghal a..ka pa leh Alex-a chu an inbia a ni mahna le...ka thawmhnaw ka khung mawlh mawlh lai chuan ka nu in "Puibawih haw suh, haw a ngailo..ani thu anilo" tih leh ka thawmhnaw ken lai chu min chhuhsak a rual a.






"Naute i pai kha ngaihtuah rawh..kar kawng a ṭha silo...i chhiat mai ang" a rawn tih chuan ka dul ka khawih vat..ni e..ka naute..ka beiseina kengtu...i awm loh chuan engtin nge ka awm ang..ka nu in ngen ngawl zet a min dan chuan ka thutiam ka hre chhuak chawp chilh nghal.





Ni e ka thutiam.. Alex-a bul a ka thutiam leh Pathian hma a ka thutiam...tun hi a hreawm lai..a harsat hunlai chu a ni ngei ang...mahse ka tuar zel thei dawn em ni..engtik thleng nge ka tawrh la ngai dawn..vawi engzah chiah nge ka rilru leh thinlung hi hliam la ngai dawn..ka beidawng a ni.





Ka nu in inchungah min chhoh pui a..ka pa in "i chhuak lo ang..ka hauh hrep kha, a zu kam nam lungawi lo a nihkha, a hna thawhna ten eiru ah an puh a..a hlawh an pe kim duh lo a..a lungawilo i chungah a rawn ṭuan a nikha" a tih chuan ka sa leh phat.





Ṭawng ka tum zuai a..mahse ka nu in "Puibawihin thiam lohna a nei hleihnem...ani zu kam namin a duh duh a chhuahtir a lo tumni, a zak lo lutuk...zilh rawh, hau rawh ka ti fo che a..ka thusawi i awi lo a..i ngawireng zel a..i fapa hian mihring nundan phung a hloh zo tawh a nih hi. Khawpui awm an zo lo ka ti fo a..min ngaithla ta che..sial rangin sial rang a hring an tih kha..i tlangval lai chiah chiah a nih hi" a tih chuan ka pa a ngawi kar.





Keimah zawk ka inthiam lo leh a..chutih rualin Alexa nen kan inhauh apiang a ka nu ten ka lam an ṭang ṭhin erawh ka thla a muang ṭhin...ka mu chu muhil theilo in ka inlet sek a...raino ka haw bawk a..ka cher tawh takzet.




Ka rilru a chawllo a..ngaihtuahna mak pui pui ka nei fo..a chang chuan thi silo in..engmah hre lo in awm ila..tun a ka nun hman hi mumang chauh nise..chu mumang aṭang a harh chhuah tawh chu ka chak a ni.





Ka nun a beiseina meichher la eng ve ṭang ṭang hi chhem mih a nih rualin keipawn fam ka chang ang a..min hmangaih ngailo tu ka pasal hian a vawi khat nan keimah avanga inchhirin a mittui a seng ve bawk ang a..ka ngaihtuahna mawl zet chu ka nuihpui hak.





Min hmangaih lo na na na chu eng vangin nge a inchhir ang a..a mittui a tlak ngawt ang. A lawm zawk hial ang chu, a nun aṭanga min paih bo vat vat a, ka tello a nun hman a chak tawh zia lah ka hre chiang ngang mai, hnawk min ti em em tu ka nei lui tlat hi mawl ka intiin, mahni insitna min neih tam tir hle.






Ka muhil thei silo chuan phone bawk chu ka en leh a..zanlai a pel tawh a..online pawh an awm vak tawh lo...Remlala'n min rawn be ve teh mial a "i dam em" tihte mai hi "dam e" tih chiahin ka chhang a "ka ngai che" a rawn tih leh chuan "i rui a nihkha mu rawh, a reh mai ang" tih leh phone off ka rual nghal.





Ka lung a leng a..mahse ka lunglenna hi mipa dangin an hnem zo lo a.. Remlala ngei pawn..ka pasal hi ka thlahlel a ka ngai bawk a...a mi duatna dawn ka chak a..a kiangah hahdam taka mut ka chak a ni.





Zing ka thawh chuan Usangbawihin min lo thawh khalh ve mial a..sana ka en chuan dar 8 a lo hnai kuar tawh..inthlahrung deuh a a bul a va kal chungin "nizan ka mu theilo a thawh ka hai vek..ilo buai em" ka ti nghal sawk sawk..nui sangin a buai loh thu in min lo chhang a..mahse ka inthlahrunna a nep phah lo..mi hmaizah pe na chi ka lo ni vei nen.





Dawh kân bulah ṭhu in kan ti ti a..kan ngaihzawng hlui chanchinte sawiin kan nui leh bawk bawk a.

Alex-a chung changah kan pakai a..Didiki nen an inṭhen aṭanga a nun a hloh vek thu te min hrilh a keiin "tunge Didiki chu" ka lo ti vat "kan ṭhenawm te in piah chiah a dawr te nei saw a nia..tleirawl chhuah tirh aṭangin an in ngaizawng a..mahse Didiki nu in Bawihpuia hi a duh lo a...bakah cousin kan nia..kan inchhung dan erawh a inhnaih lutuk tawh lo thung a"





"Tinge an duh loh ngawt a, an fanu an ti khawngaih thlak a lawm le" ka lo ti chu min pawt chatin "dik tak chuan an inṭhen hi ka lawm zawk...Bawihpuia hi Shillong-ah school kalin kan upa ber te in ah a awm ṭhin a.. Shillong a chhuk hlanin kan cousin ve tho Tluanga nen an in kawp a..Bawihpuia a lo haw veleh Tluanga zawk ṭhenin Bawihpuia a nihpui leh a..Bawihpuia'n a atchilh bawk si a..sawi mah ila Didikin' a hneh tawh a..a ṭan hlur zel a..mahse tunah hei Tluanga nen zawk an innei a.. Bawihpuia bulah min siam nuamsa thei zawk a lo ti a ni awm e" a tih chuan Alexa chu ka khawngaih ang reng.





Usangpuii'n "duh ni sela chuan Tluanga awm loh lai hian Bawihpuia hian a duh duh hunah a la mutpui thei ang chu...Didiki hian a la duh reng a lawm...pasal nei chung a ngaihzawng neihte chu enga tan mah a ngailo..tunah pawh ngaihzawng a neih avangin an pa nen an inṭhen a..sum avangin Tluanga a nei a, an hlim rei lem chuang lo" ner nag hian a ti a.A tihdan vel chu Didiki ka ni ang tih ka hlau..a ten hmel nasa.






" A nih nang tinge Duata pa nen hian in inneihloh a" ka tih chuan za zet hian a nui hmasa a "awi khatih lai kha tleirawl at lai a nia..min duh thei sia..tuibur min lei chhuan lamte hian kan inah a lo kal vang vang zel a. School hnaih zawk si kha min sawm duh vangin a hla zawngin a rawn kual ṭhin a nihchu..kan vawi khat tihna ah ka rai ta mai sia, Duata pa hi a inti thei a sin aw..a khat tawkin a ṭhiante bulah 'keichu pa ka ni tawh dawn' te a lo ti ṭhin a..mahse ka haw ta tlat a...naute ka neih zawh hnu phei kha chuan ka hmu peih ta lo a. Naute entur a a lo kal pawn keichu room-ah ka tawm tlat zel..ka luak ati chhuak tlat a...tun thlengin ka haw hlen ta a" a ti a.






A mah lah chu a nuih za za ah a ṭang leh nghal a..a ngaihtuah let a ni mahna, chutah "keichu maw ka inthup rei a lawm..thla 6 a nihin nau ka pai tih an hre chiah..ka hrilh ngam lo a..Stayfree te hi thla tin ka lei a..hman loh hian ka zial a..ka paih zel a..min hrechhuak ang tih ka hlau a, mahse ka nu in ka stayfree paih a lo en a engmah thi kai a lo awm silo a, a thinrim a sin aw" nui uar uar chung hian a ti a.





Keipawh ka nuih a za ngang mai "i haw ve lo mi raino te" ka tih chuan "haw lo..min hriatchhuah ka hlauh luatah khan engmah ka chik lo a, raipuar vaccine pawh ka la ve hleihnem" a ti a..ṭawng leh ka tum lai mekin ka nute an lo haw a "Puibawih inpa nen in inbe tawh em" min tih chuan la biak loh thu in ka chhang mai a.





"Be rawh..tunah chuan amah zawk a inthiam lo leh tawh zawk ang...a tihdan ziah a lawm...a vo pung hi a na ve ringawt a..tukverh ah te lawm min thlak a tum" nui hak hak a a tih chuan ka lo meng phawk hra a..mahse a mizia ka ngaihtuah a..a nih duh hmel ka ti.





"Pawngvina ni tawh se a ṭha ang, Pawngvina pawh kha lo tho leh se chu ngawirengin Bawihpuia hi a entawp ka ring" Usangbawihin a tih chuan ka pa meuh pawh insum zo lo in a nui a nui ve mai.





Tunah chuan ka nau pai pawh thla thum a ni ve tawh a..raino huat a reh chho ṭan a, Alex-a nen erawh kan la inbe mumal lo viau, inhauh erawh kan inhau tawhlo thung a, ka nu sawi dan takah Alex-a chu a inthlahrung a nih ka ring. Lo haw chhoh a heta awm a tum tawh a...tlem chuan ka thla a muang deuh..awmdun tam chuan kan inpawh a..bakah inhauhna tur a awmlo zawk ang chu, engkim hi kaltluang tawh se ka ti a ni.





(Notes: Sawi leh sawi hnu Alex-a
hi in ngei tih ka hria lawm..keipawn ka ngei mahse Puibawihi a hmangaih ve ṭep tawh aw Kan Pawngvina hian.

Tunlai chu induh ang pawn ka dah regu theilo a...ka chhungte an zin vek sia.kan chhungkaw thumte in kan awm a..vawk leh ui pahnih kan vulh bakah ka fapa diaper ka lo hren tir nasa deuh nge ni..a tilte hi tlem alo pilh a..a sual tawh nen..a sual belh chhah a.

Thla thum lek si hi midang a pa pawh tiamin a duh silo a..ka buai ve lutuk a... Monday ah ka chhungte an lo haw tawh dawn a.. wednesday vel aṭang chuan nau lakchhawktu ka nei tawh nga..thui deuhin kan ziah bakah bonus kan dahtel dawnnia )


Show post links
Top