THUTIAM BY TINKER JENNY (Completed)

[Ngaia]

"Mambawih tho la i buaina kha hmachhawn rawh...tun hi khawvel i chhuah san hun a la nilo...bei la, bei let rawh" aw dam thlap a ka puin a tih chuan "pu ka lo kal ve duh,min hruai ve mai rawh, i bula awm ka duh" ṭap ṭiau in ka ti a.






"Puite, khawvelah hian hlim chang kan nei ṭhin ang hian lungngaih chang pawh kan nei ve tur ani lawm ni? kan tawrh zawh loh tur buaina leh harsatna Lalpa'n kan chungah a thlen tîr in i ring em ni?" dam thlap a ka puin a tih chuan "ka hrelo" ka ti sep. "kan hmachhawn theih loh tur buaina kan Pathian in min pe ngailo, kan tana ṭha tur vêkin ani a ruat ni" ka sam chul hliau hliau pahin ka pu chuan a ti leh a "mahse, pu" ka tih chuan min pawt chat vat in "mambawih, tho rawh le" ka puin a tih chuanka harh zawk. Ka hawi chhuah chuan thlanmualah ka lo la awm reng...ka pu thusawi chu hre chhuak thutin, ka pu chu hmuh tumin ka hawi kual ruai a...mahse hmuh tur reng reng a awm tawhlo, thim chhah tak ka hmu a chu zawng chu.






Ka phone light on in ka én kual a...thil eng de zeuh pawh hmuh tur a awm lo...ka awmna hmun hi thlanmual nimahse ka hlau hran lo...hmeichhe dawih zawk zawk ka ni ngailo hrim hrim bawk a. Vân lam ka hawi chhoh chuan arsi a lang tuarh a, thawk la ham hamin ''pu ka ngai emai che'' ti zauhin ka mittui ka tuai nghal thuak.






Ka phone rawn ri dar dar avang chuan harh chhuak thutin ka en a, Alex-a a lo ni... la nghalin 'hello' ka ti zawi sep "khawnge i awm, engvang a ka message reply lo nge i nih" a tih chang fak chuan "ka thu thu" tih chiahin ka chhang...kan mut dun avâng ringawt khan a bialnu ka nilo a, a duh duhin min ti kual theilo hrimhrim "khawnge ka pawisa tur" ka tih chuan "khawnge i awm" a rawn ti ve nghal.





Ka awmna ka hrilh chuan a lo kal tur thu a sawi zui zat "in tur lo keng rawh" ka tih chuan min chhang lo in a rum nghut ringawt...phone chu dahin van lam ka thlir vang vang, reife ka ṭhut hnu chuan kawngpuia motor ding thawm ka hria a... Alex-a a nih ka ring nghal hmiah.






Ka awmna lam panin a lo phei a..ka bul a rawn thlen chuan hawi kual zak zakin "i hlau lo a mi" a ti phawk hra chu chhan pawh chhang loin "pawisa chu..chuan khawnge in tur chu" ka lo ti daih thung... chek hlakin "kan innei dawn tho a..pawisa chu a chanve ka pe ang che, ka bagah hian in tur chu a awm" tih leh phawrh a rual a...pawisa pawh chu min pe zui nghal zat.






"A zah ve chauh ka tih loh chuan min nei leh lo palh ang" hmui pet sawi zauh a a tih chuan lo ner nangin "ka nei leh lo mai thei che" ka ti chu a duh lo ngang mai ner sawkin "i hre tawh lo em ni, i thui tiam laia naupang chhia zeta min in pinky promise pui kha, bakah nupui neih ka hun viau tawh bawk" nuih za hmel pu hian a ti nghat.





Thlan lunga ṭhut thlak paha "In phawt ang" ka tih chuan a ṭhu tha ve mai bawk a..um khat kan inzawh meuh chuan kan kai tawh lutuk tlat. Alex-a chu ding thutin vân lam hawi chung hian "thla leh arsi te u ka bul a ṭhu hi ka nupui tur a nih hi, ohhh a hming ka la hre miah lo, mahse min nei turin thu a tiam a...nangni hian min hriatpui rawh u" a tih chuan ka nui hak..ka hming ka la hrilh lo tak..ka fake account a ka hming lah kha, ka ner sawk tuitang lo lutuk.






A bulah chuan ding ve nghalin vanlam chu ka hawi chho a "Lalpa, pasal ka nei dawn asin..a chhan chu maw nang hian ka hmangaihte min laksak a..ka nun i ti chhe vek, i duh angin ka nun chu hei a chhe vek tawh..i lawm tawh em" tiin ka au vak vak.. Alexa'n min rawn kuah thlawp chuan ka insut nghal hlawp hlawp, aw rawl chhuah meuhin ka ṭap zui nghal hiam hiam, innghahna tlak ka neih loh em avâng te pawh a ni mahna ka hriat ṭhat miah loh bulah pawh ngaih ngam deuhin ka ṭap hiam hiam thei a nia.






Kan haw lamah Hmingmuanpuii'n min rawn call a ka reject zel..engvang a dawt a min puh nge a nih ang...ka hrethiam thei lo, ka ṭhan ṭha ber leh ka neih chhun tak meuh a nia, phone hmanga sawi fel mai mai pui ka tumlo hmaichhan a engkim sawipui ka duh zawk. Alex-a erawh car kan chuan chhûng chuan engmah a sawilo a, zawhna pawh pakhat mah min zâwt heklo.







Ka cousin te inah bawk min thlah leh a, in kan thlen chuan car aṭangin a rawn chhuk thlap in min zui ve zel a, kawngka chu ka pawt a, kawngka chu a chung lamah a inkalh a, ka kik dat dat chuan ka cousin Felfeli'n
a lo hawng a "Aupuite call i chhang theilo a" inthlahrun hmel deuh a tiin ka bula ding Alex-a chu a melh zeuh a, "Alex a tlaitawh sia" ka tih chuan min en vung vung in a lu a bu zeuh a "Ka kal ang e" a tia a chhuak zui nghal a.





"Felfel khawnge midang" ka tih chuan an mut tawh thu in min chhang nghal vat a, keipawh room lam panin ka a kal a, bathroom-ah lut in ka intifai a, ka zawh meuh chuan dar 11 a pêl thui tawh viau mu nghalin ka phone chu ka khawih mial mial, message rawn a thlen chuan ka en nghal vat Alex-a a ni, "i hming" a tih chuan "Zosangliani" ka ti a.





"Inru ang" tih message a rawn thawn chu minutes hnih vêl ka chhiar nawn tlut tlut, a uang emaw tiin "ka duh taktak ange aw" ka va ti zat "ka thutak" tak run a a tih leh chuan, "eng nga ti" ka va ti let hu "ka duh che a, nupui a neih pawh ka duh che, chuan vawi khat pian ve man a nupui rûk ve miah loh te chu" a tih chuan chhan let dan mai ka hriat loh avangin ka reply lawk lo a.






Alex-a vêk chuan "in ru ang aw" a rawn ti ṭha leh a "tûnah maw?" ka tih chuan "naktukah" a rawn ti leh a "a ṭha alawm" ka ti ve nghal thawr....ka ngaihtuah chian erawh chuan dik berin ka hre biklo...mahse thu ka tiam tawh a,hlen chhuah ngei ka duh a ni. Duh thlan tur dang chu nei ila Alex-a hi neih kher ka tum lo ang, ka duhthlan tur leh ka beiseina neih chhun a nih avâng pawhin ka neih ngei a ngai a ni.






Damdawiin ka thlen chuan Hmingmuanpuii pawh a thleng tawh a, min hmuh chuan a meng khup zul a, biak pawh min be lo, min be ngam tur a nilo reng ani...a bulah chuan va ṭhu tharh in "inbiak kan ngai lo maw" ngeiawm fe a nui in ka ti nghal hmiah...meng kual zuk zukin "enge thleng" a tih chuan ka nui hak..a hrelo der vel nge mawni. A ban rekah vuan in ka kai chhuak nghal dawr dawr a, garrage ah ka kalpui nghal... "eng nge Remlala bulah i sawi" ka tih chang fak chuan "eng" ṭi daka a tih chuan za lo zetin ka nui hawk.






"I pha dawn em ni...Hmingmuanpui engtin nge hetiang thil hi i tih theih zawk..midangin min hnung chhawn vek mahse nang chu ka lamah i ṭan tlat ka lo beisei a" rilru na fe a ka tih chuan za lutuka rawn nui uar uar in "i hria em..hmangaihna ah hian thiang lo a awm lo...kan hrilh tlang law law ang che hostel aṭang a chhuah tir tu che kha keimah ka nihkha" a tih chuan mak ti zet hian ka en a.






"Chuan Remlala bulah enge ka sawi i hre duh em" a tih chuan "duhtawk rawh" ka tih vin tuar chuan a nui hak....hetiang em em hin engtin nge Hmingmuanpuii hian ka lakah rilru a lo pem chhiat theih, mak ka ti lutuk chuan rilru nat ngaihna pawh min ti hrelo zawk. "Remlala kha ka duh hmasa zawk..nangai ka hre hmasa zawk..mahse min chhuh sak a, nang hian..ka rilru tur i hrethiam lo zawk ang. Ka ta sa chu lak let leh tumin theih tawp ka chhuah tihna a ni mai" a ti fak fak, za lo zetin ka nui ro hak.






Ka mittui tla te chu hruk pawh ka hru buai peih tawh lo... Hmingmuanpuii mit a chiang deuh a melh kalh chung chuan "I ta a nilo...i ta a ni ngai lo reng reng zawk...i duh a, mahse duhthlangtu chu Remlala a ni...a tir khan i duh thu min hrilh la inzawmna ka neihpui hauh lo ang..min duhpui awm ang takin i awm a, lem i lo chang char char a" kut beng thak thakin "ka tlawm e, i chak e....vawinah hian hna aṭangin ka bang dawn a... Remlala chu nei la, ilo in enkawl ṭha dawnnia" tih leh kal ka rual nghal.






Alex-a message ka dawn ka en chuan "ka nghak che" tih te mai hi..reply lo in ka ak leh tawp... Ka ak chiah phone call a rawn thleng leh nghal a thaw hakin ka la chhuak leh a...min lo call tu ka hmuh chuan ka la dawn nge dawn lo tih ka in ngaihtuah chhungin a la tawp hman zui... A rawn rik nawn leh chhuan lo chhang vatin "enge i duh" ka ti chang fak, leh lam a mi chu thaw chhuak ham hamin a ngawi vung vung "sawi tur i neih loh chuan ka dah dawn" ka tih chuan "Puite" a rawn ti sup.






"Remlalfak engthil nge i duh" ka ti nawn leh ka aw pawh nelawm loh tak a ni... "vawikhat chauh inhmu ang" a tih chuan ka chhang let lawk lo "vawikhat chauh" a ti nawn leh sep chuan "aih, inhmuhna chhan tur kan nei tawh lo, vawikhat mah min rawn be leh tawh ngai suh ang che" tiin phone ka dah a..ka block zui nghal hmiah bawk.
Min ring lo tu leh min diriamtu hi hmuh nawn leh pawh ka duh tawh lo e.





Hlawh a rawn lut a..banna ka theh lut nghal zat.. N.S in a chhan min zawh chuan "ka thawk zawm thei tawh lo" tih ringawtin ka chhang a ka chhuak zui nghal... Ka bungraw ṭhenkhat pack in ka haw nghal a, ka haw pahin hostel ah ka peng a. Alex-a min pêk pawisa chuan ka hostel fee ba ka pêk hnuah insiam zuiin ka chhuah tawh tur thu kan warden bulah ka sawi a, ka chhuak zui nal nal.






Bungrua ka ngah lo a..taxi la in Alex-a min lo nghahna lam chu ka pan zui nghal a, sumo bula min lo nghak ka va hmuh chuan min lo hmu ve nghalin min lo hui vat, ka va thlen phei rualin "lut ang le" ti supin motor kawngka chu a hawng a..a hnung berah ka ṭhu lut zui nghal...a rawn luh ve dâwn chuan a kalna tur ṭhutna ka lo kuai kau a..ka bulah a rawn ṭhu ve zat...ka kut a hum vang vang a kei erawh earphone vuahin ka phone ah hla ka ngaithla daih thung. A VAWI HNIHNA A TAN NUNBUL KA ṬAN ṬHA LEH ANG ANI NEN HIAN tiin ka bul a ṭhu Alex-a chu ka en zauh a...mit ka chhing zui leh nghal daih, tun aṭang chuan keimah chiah ni tawhlo in engkimah ka pasal tih a ngai tawh ang a, kan nun bul ṭan ṭha tûrin nakin lawk a ka pasal la ni tur nen Leitlangpui lam panin kan tlanchhuak zui nghal a.




(Notes: changtupa tur pawh nizan aṭangin a rawn in lar ṭan tawh kha aw changtupa hi misual pa tur a nihhi ehhh comments lamah khan inngaih dan ho kha lo sawi leh hrâm hrâm ula, comments a tam chu a ziaktu tan pawh an phur awm ve ṭhin a)


Show post links
Top

[Ngaia]

Kan tlan chhung zawng chuan thil tam tak ka ngaihtuahna ah a rawn lut a...engtin nge ka hringnun hi a inher chhoh ang..enge ka la hmachhawn zel dawn, ṭahna bawk nge hlimna, chuan engvang a la thi lo nge ka nih...khatiang zat a tam damdawi ka bar chung pawn ka la thi miah lo hi thil mak a ni.





Lalpa eng thil nge keimahah hian duh i neih...min hahchawlh tir thei tawh mai lo emni?..chu zawhna chu ka rilru in Pathian ka zawt mawlh mawlh a.Thil ei tur a kan ding zawk bak kan ding leh tawh lo a..ka bul a Alex-a mutthlu lawp lawp chu ka en leh zeuh ṭhin "ka ring ngam che ngem" ka ti sep..a hriat erawh ka ring lo thung.






Tlai dar 5 velah Lunglei kan thleng a.. Alex-a chuan rickshow pharin kan bungrua vel kan dah lut a..kan chuang ve nghal zat...mualte pengah tlan thla in in lian tak pakhat zawnah kan ding a..kan chhuk zui nghal..ngawirengin bungrua kan la chhuak a...fare pe in kan kal zui nghal.





Alex-a hnungah chuan ka zui a, in lian takah khan kan lut dawn emaw ka tia..a kal pel daih chu a ngaihna hre lo deuh a ka lo en chuan a lo leh hawi vut a min mit mei zeuh a a bula kal tura min tih chuan ngawirengin ka zui mawl tawp.





Chu in nen a inzawn tho in te tak te ah kan lut a..bathroom pakhat leh bedroom pakhat chauh a awm a..a zau viau lo, te tak te a ni...nula pahnih an lo lut a, a ngaihna hre lo deuhin pakhat chuan min en tawn zak zak.. Alex-a bulah chuan "in in ru a mi" a tih phawk hra chuan ka bula ding chuan a chhang dawm emaw ka tia a nui suk duh chauh.





Ka bula a insawi hausak em avâng te pawh an nih mahna ka lam lo hawiin inthlahrun hmel deuh in a rawn nui ṭha... Hmela hi min bum nghal ringawt..kei lah pek chuh, sumumi ka ni ringawt...lungawi vak lo in an thing ṭhuttlengah chuan ka ṭhu tum bar a..a hausa lo a nih pawn ṭha deuha sawi mai tur a nia, in lak hausak kher a ngaih loh nen,min bum chhuak ka tilo theilo.





Nula awm ve pakhat zawk chuan "Alex-a te ang i lo inruk tir duh..hetiang mimawl, engtin nge a bum chhuah che a" a tih chuan za lo zetin ka ṭhen ka ṭhen ringawt.. Alex-a chuan chu nu melh vak pah chuan "i buaina tur a nih loh chu" a ti deuh hluk a ..ka lo inthlahrung dak tawh,ṭawng pawh ka ṭawng ve lo.. Ka thinrim a, ka zak bawk si chu ka kuttin ka khalh niap niap.





Nula min lo be hmasa tu kha Alex-a u hi a lo nia..an khaw zirtirtu kha a ti ve sia..dawheh lutuk..a u lah chuan "ka ṭhianpa nen kan lo kal i ti sia" Alex-a bulah chuan a ti phawk hra a..a nau in nupui a ru chu mak a la ti tih lah a chiang reng...kawng lak a thil kan ei khan a ti tak tak a lawm..ka ṭhianpa a lo kal tel ve a vawksa lo siam rawh a tih tak kha... Dawtbura a ni ringawt..huiham..tihian nun thar zawh chu ka tum ve chu a ni sia.





Kan intihfai zawh hnu chuan chaw kan ei zawm nghal a..chaw eina thleng ka sil a...ka tleuh zawh tawh sa ho chu ka la ti tla vek zui...ka va han zak zo zai tak,tuman engmah an sawi loh takah chuan ka chhar leh nghal sawk sawk a...tih tur tul kan tih zawh chuan inchung ah kan nupa chuan kan chho a... An inchung chu a zawl nuamin pangpar a a awm tlar phei dal a, kan piah lam tlâng pawh chiang takin ka hmu thei, khawpui eng phe tuarh te chu hmuhnawm tling a ni.





Alex-a lam hawi chuan "engvangin nge dawt min hrilh" ka tih chuan a ṭhen ṭhaw ringawt...hepa pui hi ka ring ngam dawn a mawni...ka innghahna tur chu a nive sia..ka beidawng nghal...ka haw san leh dawn zawk emaw ni.




Vân lam ka hawi chho a arsi lo eng tuar chu ka thlir vang vang...ka hnung lam aṭangin Alexa'n mi rawn kuah a..a taksa lum thur thur chu ka lo feel rang hle...a awm ah ka tukhumin ka tauh dat dat a "khawikhuaah nge in awm" nuihza insum zet a ka tih chuan ka ngaihtuahna hria ni awm takin a nui hawk.





Kei pawh ka nuih a za...kan inru ve a..kan la in hre chiang lo nasa si... Kan bul ṭan phat aṭangin dawt kan inhrilh nghal chu a ni sia... duhthlan tur ka neih loh avanga zui ka ni bawk nen, haw leh ringawt dawn ila kalna tur ka neih tawh loh mai bakah, ka hna aṭangin ka bang ve laklawh tawh sia.. tûnah tak hi chuan tih theih dang ka nei tawhlo hrim hrim Alex-a bula awm bak lo hi chu, a nih nih kan ni phawt mai a niang chu.





Mu tura chhuat a puan kan phah lai te chuan ka lai deuh huih a..eng ka hria chu nimaw...innei thar humsual dai miah lo te pawh kan ang a lawm mawle...ka nu ten min lo call reng a..ka ring ral tir zel, pasal ka um tih hi hre rih lo se ka duh rih.





Hma deuhah ka harh a... Alex-a erawh a la mutui viau..a hmel chu ka thlir a..mipa hmelṭha tak a ni..hang lam aiin ngo lam a pawl zawk a..a palian a..a sang hle bawk..a khabe velah hmul a ṭo siar siar a..chu erawh inhmeh ka ti lo..mipa hmul ngah hi ka ngaina lo hrim hrim bawk.




Ka en reng lai chuan a rawn meng siar siar a..a hmai bul chet a en ka ni bawk a..kan inmelh chiang ngang bawk..nur nangin a inlukhup daih chuan "heyy tho ang" ti pahin ka sawi nghal dat dat...rawn inlet thutin "khatiang a hnai a lo in melh te chu a" a ti zui hlak...a aw a pangchanna ri tel chu ka hai der hmak "awiii tho mai teh...tho rawh rawngbawl ang" ka tih leh chuan phun hlukin a hmaikhuhna a la thla a..a rawn ṭhu chhuak nghal.





A sam thur seng sung te chu a inhmeh viau lawi a..tep chuap chuapin pawisawi loh hmel zet a min melh kiau chung hian "thingpui" a ti sup..lum sak a beisei a nih hmel, "intifai la, ka lo siam sak ang che" ka tih chuan tho vutin bathroom lam a pan nal nal, a mize naupang chhia zet chuan ka nuih a ti za deuh tlat.





Rawng kan bawl mawlh mawlh laiin Alex-a u rawn tho chuan "Bawihpui ka nu te ka hrilh a, 'lo haw chho nghal rawh se kha tah champui reng reng suh se' an ti" a rawn tih chuan ka lo huphurh ngang mai..a nu te chuan min duh lo in min dah let leh te tum ta se aaaa ka ngaihtuah buai peih tawhlo e a, anih nih nih huamin alawm kan in ruk le.Kan N.S kha a u emaw ka tih kha a lo nilo nasa...a ṭhianpa u zawk a lo ni reng a nihchu, hepa pui hi a dawheh riau.





A tukah a an khaw lam pan tur a kan sumo biak dinna kan va thlen chuan an lo khat vek..."pakhat chu an la leng ang...inpawm mai ula" an tih chuan kan dawheha lah chuan a duh bau silo "sumo dang a awm lo ami" ka tih lahin "hei bak kan khaw sumo a awmlo" a ti bur a...a la titau bur bur zui, keimah hi ka lo zak zawk.





"Ke a kalna lamah khan kal mai rawh u" Alex-a u Usangpuii'n a rawn tih chuan keimah min rawn en in "i hreh em" a rawn tih sup chuan a rang a rangin lu ka lo thing dat dat... Zin dawn a ke a kal te chu ka peih teuhlo,a awm in a ang lo hrim hrim chutiang ngaihdan neih pawh chu a mawl thlak emai a, ke a kan kal dawn ai chuan kan khuaah ka hawsan daih zawk mai ang.





A tawh a tawpah chuan kan kalna lama kal tur pick up min biak sak a, kan pick up chuanna tur a rawn thlen chuan kan bungrua te kan thiar lut a, a driver bul zawkah chuan Alex-a zawk a ṭhu a,kei tukverh lamah ka ṭhu thung, Usangpuii nen chuan kan in mangṭha ve luam hnuah Alex Rochansanga te khaw lam panin kan tlan chhuak nghal a.





Dar kar hnih vêl kan tlan hnu chuan ka zun chhuah tawh em avangin Alex-a bulah "din tir teh ka zung duh" ka tih chuan "kan thleng tep" a ti mai a, tih luih chi niin ka hre bawk silo ka cheh lo chauh tawh bawk si, ṭang ṭung a ip ngar ngarin ka chuang a..nuam pawh ka ti lo.. A chhuk tawh lutuk chu ka cheh loh nan ka ṭawngṭai tawp tawh.





Rei vak lo kan tlan hnu chuan kan kal na tur khua ngei mai chu kan thleng a, dawr pakhat kawtah chuan min drop a, tea stall tih lo in tarnaa kan lut chuan a rang a rang a an bathroom awmna zawt nghal vatin ka zung a, ka zung zawh te chuan ka zang huaiin ka hria ka awm pawh a nuam sawng sawng thei hial.





Kan chawlh na ah chuan chana leh atta kan ei a..a la tui lo em em zui, "khawi aṭangin nge kan kal dawn" ka ti sar sar chun chhak lam kawk zeuhin "khiti lai aṭang khian" a tih chuan a kawhna lam ka en nghal vat ka peih lo lawk sa nghal em em ringawt. Kan thil ei man pe sawk sawkin bag chu a ak tharh a, kan kalzui nghal.





Kawng chho lo awm ah chuan kan kal a, thui pawh kan kal hmain zawl a ni leh a...mi huan ang deuh kawng tereuhte lo awm kan zawh leh, kan kal ngat ngat,ka hah tawh nasa..eng khua tak ni ang maw..sumo pakhat chauh tlan awmna khua chu...ke a kal na tur a la awm zui...khaw ropui tak a nih chu beisei lo phawt ang.





Kawrte tui hna lo luanna hi kan thleng a..tui te in in kan chawl leh te te..rei vak lo kan ṭhut chuan kan kal leh a...mi lo vahna kan pawh hlawl... Alexa'n "kan khua chu khi ti lai khi" a tih chuan "khawikhi" tih pahin chung lam ka hawi vat..chek hlukin "khitah chuan planet dang a awm ang..ka kawhna zawn hi en rawh" a lo ti nghut..a nur nang leh nghal.





"Saw ti lai saw ti ve mai ta che" ka lo ti vin ve hlar..."en rawh" a lo ti leh nghut..a kawhna lam ka hawi chuan ral hla fe a mual let liam a tlang chung a in ang deuh lo ding chu ka va hmu chuan "a van han hla em em" ka ti deuh hluai....a hlat zia chu pui tak a ni.. tûnah hian dar 3 vel awrh a nia zanlai ah bak kan thlen ka ring lo, ka lo zui ta kher kher chu ka inkhawngaih zawk e a.





Nui sukin "lo kal mai mai rawh..kan kal tluan chuan dar riat velah kan thleng ang" a ti hem mai..peih lo zetin ka ner ka ner tawh mai... inhnialpui zui bap bapin kan kal leh ngat ngat a...rei fe kan kal hnu ah lui kan zu pawh hlawl. L




Lei a indawh a,a rinawm vak hmel tawh lo,thing hmang a siam niin a mawih tawh hmel rapthlâk sia,a tla bal pêng phung bawk nen ka kal ngam teuhlo mai."Tui hi kân zawk mai ang" ka tih chuan "i hlau lo ami" a lo ti daih a "hlau nang..i tlak chuan ka chhan dawn che nia" uang zet a ka tih chuan tum hmuk mai a pawi ka sawi tawp silo a.





Pheikhawk phelhin tui chu kan dai ṭan a..a thuk lem lo a..ka dai thei fu..ka hnunglam ka hawi chuan Alex-a nen kan lo in kal hlat tawh nasa "i va muang ve, lo hmanhmawh ve rawh" ka ti hlak hlak chuan "ka hman hmawh theilo a nih hi" a ti vin hlar a. A hriat theih loh turin "thinchhe si, tawngthei si, dawheh si" tiin ka phun nuah nuah.





Lui kam ka thlen chuan Alex-a pawh nghak lo in kan piah a lungpui lam panin ka kal nghal..ka ṭhut fel hnuah ka bag a cigrette chu phawrhin ka ṭan zui nghal zat a..fawp zui nghal hlat hlat in Alex-a lo kalphei chu ka lo en ngur...dawt min hrilh tam viau mahse ka haw thei tlat lo,beiseina min pe tu ani ve miau sia.





Ka bul a lo thlen chuan rawn ṭhu thla ve nghal in "i va chhe pawt pawt ve" a tih chuan ka nui hak ani pawh a nui ve tho.. a ip te zen rak rakin churut a lo phawrh chuan "khawi ami nge" ka lo ti var "i phun bul bul lai khan ka va lei" a ti then a...zuk ve chhin ka dil a..min pe ve mai bawk...a lian lutuk chuan ka nuih a ti za tlat,ka kut zung pathum vel dah khâwm ila a inchen vel ka ring.





Zuk tumin ka hmuiah ka pet vu a..ka fawp lut kawk, ka khuh zui nghal tharh tharh,a khu ka hak a lawm le..ka sim nghal hmak...khuh bawrh bawrh chungin ka pe let vat. A phone a rawn rik ral ral takah chuan a mei zuk lai chu paihin a rap hlum nghal hmiah a, a ip aṭanga a phone la chhuakin a reject nghal hmiah.





A rawn rik ṭhat leh pawh chuan chhang loin a reject leh a, a rik zin em avangin lungawi vak lo chuan "tunge" ka ti nghat... "ka cousin" a tih rualin a rawn call leh a, "i cousin maw" tih pahin rawn call tu chu ka en a... Jenny tih a lo ni.. a rik zawh rual chuan message a dawng zui zat, a bih ngur a, ka lo bih ve nghal a.





Jenny tho kha a lo ni "i haw ta a mi?" tih ringawt hi, kan intawn dan a fuh loh vangte pawh a nimahna a cousin a nih chu ka ringlo nghal hmiah.... Tu emaw a hmeichhe tawmpui ṭhin a nih ka ring zawk mah ka ngaihtuahna chuan ka lungphu a rawn ti rang nghal dawp dawp.




(Comments kha aw)


Show post links
Top

[Ngaia]

Ngai pawimawh lo fe hian a hmui a ti sawi zeuh a...phone chu a ak leh nghal daih..ka awm dan a hriat hlau zetin ka insiam ṭha vat a, "tinge i reply loh" amah en chung a ka tih chuan min rawn en let ve nghal zatin "tumah a nilo" a ti sup..a mitah tak ka en a..mahse danglam ka hmu lo thung.






Tho tharhin "kal ang, ni a tla dawn kan tlai lutuk ang" ka ti nghal zung zung a...rawn tho ve ṭuah ṭuahin bag chu a ak leh tharh a...hma ka hruai zui zat...kawng te tak te chho zetah hian kan kal chho a..rei kan kal hma in ka hah nghal der...lui kan pawh hma kha chuan kan kalna kha tlemin a chhuk a..tun a mi erawh chho deuh ngar ngar a nih duh hmel.






"Inkhaw nula te hi an van in fit awm hlawm em em" hah thaw hlawp hlawp chung a ka tih chuan a nui hawk...hawi let a nur nang a ka en chuan "pitar ho pawh an la kar full vek thei" uang zeta a rawn tih leh chuan lehlam ka hawi san leh nghal hmak.. mahni lo mah an hah tawk nak laia a la uang ve khanglang te chuan ka thin a ti rim hlur tawh. Ka lungawilo kal hmawk hmawkte chuan a nuih a ti za zual a niang a nui hawk hawk, keipawh ding meuhin ka nui ve leh tho.






Hepa bulah hian ka thutak rei thei thlawt loh...zawi muangin kan kal bek bek a...ka hah tawh lutuk a ṭawng pawh ka ṭawng peih tawh lo..a thimvek tawh avangin phone light in kawng kan en a...mau hmun nuam zet hi kan thleng hlawl...kawng sir leh lam leh lamah mau a ding ngil sung a..awmze nei deuh a phun a ang mah zawk..a bul a fai em em bawk a..a ler lam chu thli thaw in a chhem ri leh sung sung.






Kan tlai tawh em avangin rei chawllo in kan kal zui leh nghal a...zan dar 10 velah rin loh lutuk in khawchhung kan thleng hlawl ka ti mai..a khat tawkin mi in kan kal pel leh ṭhin a..kawng chho ve deuh kan thlen chuan ka hah lutuk chu ka ṭap lek lek tawh.. "kan in chu he mi chhuah chhoh tirhah hian a awm tawh" a tih chuan rum lutukin ka melh hrawk.






Pawn light eng zawn a ka din avangin min hmu thei tih ka hria..inthlahrun hmel deuh hian mi melh a...a kal nghal daih chu "heyy Alex..min lo nghak rawh" ka tih chuan hre lo ang hmakin a kal nghauh nghauh...a va han titau hma tak mipa ve si...ring zet a "Ka pasal duhtak" ka tih chuan ding vutin a rawn leh hawi rang nasa, rang lutukin ka um chho nghal..a bul ka thlen rual rual chuan thaw hlawp hlawp in "min lo nghak ve ta che" vin hauh lovin ka ti nghal thawr.






Kawng awih chho kan chhuah chhoh chuan hneichhe pakhat hi an in aṭangin kawngpui lam hawi chuan lo dak fan nasa... Kan han thlen chhoh chuan pitar kum 60 vel mi dawn hian Alex-a chu lo be nghal thuaiin "Bawihpui in lo tluang maw..ka ngaihtuah lutuk che a" ti pahin min rawn en a..nui var var in "heihi a mi ka fanu thar tur chu..i chau em..in chhungah lut ang u" nui hak hak chung hian a ti a Alex-a nu chu a nih dawn hi nu vanglai deuh hmuh tumin ka hmu a, ka rin ai daihin ka hmu pitar.





Min lo dawnsawn dan avang chuan keipawh ka thaw veng huai thei ka huphurh ang emem an ni lo chu ka lawm takzet....inchhung kan lut chu mi an lo tam ang reng...inthlahrung dek in an choka bul ṭhuthleng ah chuan ka ṭhu a.. Alex-a erawh an chaw ei dawhkan hnung a thuthlengsei ah chuan a ṭhu thung..a mawl ka ti tak tak tiang hunah te chuan ka bulah thut awm.





In chhung a lo awm ho chu rawn pheiin min lo be sawk sawk hlawm a..ka nuilui nasa ngang mai...inhmu thei ngat ila chu ṭap tur ka ang ngawt ang.. Alex-a vang vek..inleng an haw rem hnu chuan keini pawh intifaiin chaw kan ei sawk sawk a kan mu zui ve nghal.






Ka chau lutuk chu ka lu in lukham a deh rualin ka muhil nghal nimaiin ka hria...zingah dar 5 velah ka harh hlawl..hma viau mahse ka tho nghal deih..mo thawh hre lo min tih ka hlau vang a ni pakhat...thingpui ka lum a..ka lum zo fel awrh tihah Alex-a nu chu a rawn a..mu leh rawh min ti na in ka duh bik lo, awm leh mawi hrelo rual ka ni bik lo a.






Alex-a nu chu nu fel leh zahawm tak ka tilo thei lo,a fanu ang chiaha min en mai bakah min duatin,min tîr ve bawrh bawrh a, chu mi avang ringawt pawh chuan ka nel phah viau, nu tih in ka koh ve nghal bawrh bawrh theihna chhan pawh hi amah a fel in a nelawm em avâng a ni.






Rawng kan bawl zawh hnu in Alexa pa leh naupang kum 13 vel tur hi an lo tho chhuak a..thingpui ka lo lum sak nghal sawk sawk...Alexa erawh a la mu thlurh thlurh... Kan mut pian dan ah chuan lutin ka kai tho a..a rawn tho ve nghal mai..chaw kan eina kan ti fel zo a, tih tur ṭul ang ang hnuah ṭhut khawmna pindanah kan inzui phei a...a hran ve ve ah kan ṭhu tharh.






Phone phawrh nghalin ka ṭhiante message lo awm hi chu ka en thuak thuak a Hmingmuanpuii ka rilru ah a rawn lut thut, engtin tak awm ang maw...Remlala nen khan an tluan ngei ka ka beisei, tûnah chuan an nunah ka inrawlh ve tawh lo a hlim takin a awm tawh turah ka ngai hmiah.






Ka rilru a thil ka ngaihtuah melh melh lai chuan hmeichhe pahnih hi an rawn lut a pakhat zawk chuan Alexa chu ngam tih hriat zet hian a bula va ṭhut pah chuan "Mithun engtikin nge ilo thlen" a tih sar sar chuan a koh dan avang chuan ka lo nui hak..Alexa pawh ri zui nghal hlutin "ehee Saidingi chu min lo nghak rawh ka tia tinge min lo haw san" chhuahchhal aw deuha ti pah hian a mal chung a beng thek thek a.




Saidingi a tihnu chu nui ver verin Alex-a mal chungah a lawn kai tharh a, a bawp pahnih chuan Alex-a mal leh lam leh lam chu a kherhbet a, an in chhaih a, a ṭetur tuar mai mai, Alex-a pawh nuam tih hmel deuhin a nui bawk bawk, an awm dân avang chuan ka nuih a za ta hauh lo...thil hmuh nuam tak a nilo miau a ni.






Chhuanlam ah ka nu te auh tum a ka hawikual lahin anlo chhuak bo vek bawk si...ka awm ve tih ngaihven miah lo in an inchhaih zui bawk bawk a...Engtin emaw hian ka hriat thiam siloh hian ka thin chu a na veng veng mai, chemtê zum hriam tak a chhun sawk ang vel hian a na ngut ngut... Saidingi ṭhiannu chuan nuam lo tih hmel deuh hian min lo en chuan za lo zetin ka
nui lui a.






Chunu bawk chuan ka awmdan chu hrethiam zetin lu a bu nghat a "Saii kal ang... ṭhian pawh ni ula a nupui tan in awmdan kha hmuh nuam ani miah lo" tih leh Saii banah a chelh a, a phih kang lawk a.. Saii ṭawng tuma a ang zuai chu a ṭhiannu bawk chuan "kal ang" a tia a kal chhuah pui nghal hlawk hlawk... Saii chu rawn hawi letin thip zet hian min rawn melh hram.






"Puite" tih ri avang chuan ka lehhawi nghal a..chiang zet a Alex-a mit a en pah chuan "kha nu kha tunge" ka ti chang ve fak, ka aw ah te chuan ka lawm lohna te chu a lang chhuak thei hial, tunge khatiang a an pasal tur leh hmeichhe dang in pawm lawp lawp lai kha hmuh nuam titak in thlir thei bik ang chupawh an inruk tûk lawkah leh nghal, tuman in theih ka ring biklo.






"Ka cousin" a ti leh chuan ka awih lo lutuk chu ka nui hak... "Cousin i ngah hle mai" ti leh kal pel ka rual a, bathroom ah ka lut tlâng nghal deih, a awm dan leh khanu awm dân aṭang kha chuan cousin maimai an nihna ring hauh lo, khanu mitmeng aṭang pawh khan Alex-a a duh tih lah a chiang reng , a cousin nen a inpawm in nuam titakin an rak chel chûl a nia, hahhh kan la hre chho zel ang chu.






Ka nu leng pawh a rawn haw har lo a, tlai lam deuhah chuan ka nu chuan "Puite i pa nen huanah kan va kal zawk ang aw, chaw lo chhum tawp la chawhmeh ka rawn siam dawnnia" a tih chuan ka lo aw liam ve mai a..ka nu te hmuhah erawh ka thinrimna thupin ka nui sang thung..ka nu te chhuah hnu ah ngawirengin phone ka khawih leh mial mial a.






Ka bul a Alex-a rawn ṭhu chu ka mit sir zeuh a..phone ka ensan leh nghal daih "i titau a mi" a rawn tih chuan hawi chhuak lo in "ti tau lo" ka lo ti hmuk..a nui nghawr dat a.. "umm titau suh" a tih leh ringawt chuan ka hawi chhuak ve ta nge nge.... "enteh Lexa keichu mi tu pawh inzawmna ka neihpui chuan ka fair ṭhin, midang bum ka duhlo a, midang pawn min bum lo se ka duh, kan la inhrechiang lo a..ngaihzawng i lo nei a nih pawhin i kawp thei a lawm..mahse ka mit hmuhah chuan ni suh se" ka tih chuan "bangah hian ka khai mai ang che" a ti nih chu.






Mak ti deuh a ka en haw lai chuan a nui suk, a lo uang leh hman pek a nih hi... "ka uang lo" thutak zet a ka tih pawh chuan "tukverhah hian ka theh chhuak che nga ar ka chuk tir mai ang che" nuihza aw zet hian a ti leh chuan tihngaihna hrelo zetin ka thaw hak ringawt "lo kal teh, ka lo kuah ang che " thutak zet a, a ban phar hluai a a tih chuan ka kuah ṭha ve mai a, ka hnung a beng thek thek chung hian "all is well" a tih sup chuan ka nui ve ta nge nge.



• • • • • •



Kar khat lai kan inkawl tling ve ta der a, ka nu te phone call erawh ka la pick lo zel thung...kan chhoh tirh khan Alex-a nu ten palai tirh lam an sawi a...mahse kan khua a inhlat em avangin kan khaw bul a, an chhungte awm an tir dawn ani awm e... Alex-a pawh a u nen interview turin nimin piahah Aizawl lamah an phei a..a ngaih awm ve reuh tak tak a ni.... Alex-a nu in i chhungte'n an lo hruai deih palh ang che min tih avangin ka kal ve a phallo tlat a, ka kal lui duh ta biklo a, tihian Alex-a nu leh pa te nên chauh a awm chu a khawhar thlak zualin ka hria.






Ka nu(Alex-a nu) nen a in a kan awm laiin ka nu min hringtu hnen aṭangin call ka dawng a..ka la ngam lo chuan ka ring ral tir ṭhak a, a rawn call nawn leh chuan mangang lutukin "nu ka nu in min lo phone ka la ngam lo'' ka tih chuan "ngah tinge i lak ngam loh..khawi han la teh ka lo bia ang" a ti nghal zat a.





Call chu pick in speaker ka on nghal a... "ngati nge kan call i chhan theih loh" ka nuin a rawn tih chuan Alexa nu zawkin "hello Puitei nu ka nia" a lo ti ve nghal zat... ka nu in "keimah alawm Puiteii nu chu, min bum i tum alaw" ka nuin a tih chuan Alex-a nu vek chuan "palai an lo la kal na nge" a ti leh a, ka nu chuan "eng palai maw" a rawn ti leh hu a.






"Heii ka fapa naupang ber nen an rawn inru ve a nihhi" Alex-a nu in nui hak hak a a tih chuan "a va mak bawk ve..phone call a chhang duh silo a..Apa nen a bo niang kan tia kan lo hlauthawng hman lutuk a..ahh anlo inruk tawh chuan tih theih dang a awm lo nih chu..kan hahdam huai zawk..kan hmu tawh dawn lo maw kan lo ti hman alawm" nui hak hak chung a ka nu in a tih chuan thawm chhuah hlau zetin ka lo ṭhen ṭhaw ringawt.





An inbiak zawh chuan ka nu in phone min pe let nghal a..ka chhungte a fak luam a..a nuam ve tak tak..whatsapp ah lutin ka nu chu ka text nghal zat "nu i thinrim em" ka tih chuan "thinrim khawp mai" a rawn tih chuan ngaihṭha deuhin ka awm thung...a thinrim tak tak lo tih ka hrethiam, chu loah ka nu leh pate hian pasal nei rual ka nih ve tawh avângin nei turin min ti fo ṭhin zawk a, keimah hian ka la zuam loh em avânga la neilo mai mai pawh ka ni.






Alex-a te zin pawh an rawn haw tawh a...a mizia erawh tlemin a dang deuh, ka ngaih bel nge pawh ka hrelo, zanah a ṭhian ten leng tura an rawn sâwm chuan ka phal leh phal loh min rawn thlap a, chutia min rawn thlap lo phal sak loh chu a niin ka hre bik silo a, ka lo aw ve ringawt a, a chhuah dawnah chuan phone a charge thu min hrilh zeuhin an kal chhuak ṭhem ṭhem chu ka thlir liam a.






A len hlan a, a phone charge lai message tone a rawn rik chhen avâng chuan ka phawi a..a pattern ka hriat vangin ka hawng nghal mai... A message dawn en tumin whatsapp ah ka lut a....khaiiii, hmeichhe a biakna chu turu tak a ni..pakhat chu nuthlawi a nih ka ring "i fapa mut hunah ka lo leng ang" ka pasal ngeiin a tihna chu ka chhiar sual emaw tiin ka chhiar nawn tlut tlut, ama thawn ngei chu a ni sia.






An intext dan dang phei chu ka ner sawk, ka thin chhung chu a na nghal ngut ngutin ka hria...fb ah ka lut leh a, chutah pawh hmeichhia a lo be nasa... 'chumi zat chu ka pe che nga ka bulah mu la' tih te... a tam lutuk ringawt, ka tha khur der der avang chuan phone chu chhut ah ka thlauh a ka ṭah chhuak lutuk te chu ka ṭah loh hram nan ka hmui ka pet fan fan.
A message thawn ho pawh chu mi 20 chuang daih, chhiar zo duh loin phone chu ka charge sak leh nghal a, min man chhuah hlau zetin history pawh ka clear nghal vek..






Kan nupa mut pindan kawngkhar a lo lut ka pasal Rochansanga lo kal phei mek chu ka dinna zawn aṭangin rilru na deuhin ka en ngawt ngawt a.


Show post links
Top

[Ngaia]

Ka ang zuai chu ka chip leh nghal hmak...enge ka sawi ang...a hmingin a nupui ka ni a..ni e a hming chauhin ka ni..min duh thu a sawi ngailo a chutiang keipawn ka duh thu ka sawi chuanglo a...min hmangaih thu pawh.




'Ka ta i ni' min ti ringawt a...kan bul ṭan dan lah sex hmang chauhin...ka thutiam vangin ka zui a...ani erawh chuan a chakna hrikthlakna tur chauhin...ka thil ngaihtuah avang chuan ka inkhawngaih letling zawk.




Thutiam vang chauh a nei emaw ka intih laiin ka thutiam avanga nei ka nih loh zia tuna thil thlêng aṭang hian ka hre chiang hle, ka duh a ni..ka pasal hi ka duh tawh tak zet chuvang te pawh nimahna ka rilru hi a nat emem ni.




"Enge i ngaihtuah teh hrep a" ti vin hluk ri ka hriat avang chuan mangang zetin ka hawi chhuak a, ka hma a dawhtheih loh hmel fe a ka pasalin min en chu chil lem khawlhin "enge ni" tham chhel hian ka ti thei ṭawk, hnuai lam ka bih zui nghal daih.




"Engvangin nge i ṭah" a tih chuan ka hawi chhuak a, chik zet hian min melh ngur mai "ka...ka tap a maw" ti bah nawkin ka biang ka khawih a...ka nui hak..ka lo ṭap ngei a nih hi..ka thil hmuhte khan min ti na em a..ka hriat lohin ka mittui a tla tih ka hre chiah.




Min la en reng chung chuan "tunge tina che" lungawi loh hmel tak hian a tih leh chuan 'nangmah hian min ti na..min ti na tak zet i hria em' ti a au khum nghek ka chak zia chu pui tak a ni...mahse hawi sawn vatin "ka lung a leng a" ka mittui hruk hul pahin ka ti sep ringawt.




Ka lam ah chuan rawn pen hnaiin "min en teh" min kuai her paha a tih chuan ka hmai bul setah rawn kun hniamin chik fahran hian min en chung hian "dawt" a ti sup "aih Alex ka lung a leng ka chhungte ka ngai tawh a lawm" ka ti nghal sawk sawk.




Ka duh takzet tawh tih leh amah vangin ka ṭap tih hrelo se ka duh ber rih, kan inneihnaah hian in duh tawnna a tello a, Alex-a pawh hi min duh tûrin ka nawr lui thei heklo chuvang chuan k duh tih hi hrelo se tûnah chuan a ṭha rih ber...




A mit a ka en nghal avang chuan ka thusawi kha a awih a ni mahna thaw huaiin "ka pa ka lo bia ang a palai an kal zawh veleh ka dah dawn che nia" a ti dam thlap... Ka lu a chûl heuh heuh pah chuan "mu ang le..naktukah ka pa kan bia nga kar tharah ka dah dawn che nia" tih pahin khumah a bawk nghal thlawp.




Keipawh mu tur a ka insiam tawh avangin a sirah chuan ka mu zui ve nghal zat...a lamah hawilo in bang kil lam pang ka melh ran a "Duati" a tih pawh chuan ka chhang lo.."i lungawilo a mi" a tih pawn ka la ngawi reng... hneh lutuk a a lam a min kuai her pahin "induh hun hrenu" nuihza insum zet a min en chungin a ti sup.




Ka hmui ka tih pawrh khum vak ringawt.... "tunge hau che kan vel dawn a mi" uang zet a a tih leh chuan ka nui ve hak..a mizia hi ka hrethiam ṭhin lo..a changin min fiam a peih a..a chang leh a thinchhia in dawhtheihna ngah loh hmel zetin a awm leh ang lawi a...min thlakhlelh hmel zet a a awm rualin midang a mamawh tel tho bawk si.




Min rawn fawh thut chuan hamhaih deuhin ka nemsawn dawrh... a hrilh hai hmel ka hmuh chuan ka nuih a za angreng, chek hlukin "ka bul a i awm lai a biak hre lo khawp a thil i ngaihtuah leh chuan kha ai thui khan ka che ang" a tih chuan ka lo ner nawng ringawt... A mit A kan euh euh avang chuam "i rapthlak e a" ka tih chuan a nui ve hawk hawk.




Ka kut a a biang ka va dawm chuan nui tawp riai riaiin min lo en nghal ngur a... a hmui sexy zet chu ka lo melh daih thung...zawi muangin ka hmuiin ka han si de de a..thaw hawkin a lam a min kuah hnai leh salh pahin duhthawh lutukin min fawp nghal buan buan.




Ka awm rawn dap leh chatin a kut hrawl zet chuan a zen lut nghal hmiah a...ka hmui a min fawhna thlahin ka nghawng a fawp kual dun dun a..chhuk hniam zelin ka hnute ah a bur nghal bur..kei erawh a thil tihin ka taksa a nghawng a siam nasat em vangin ka thaw hlawp hlawp ringawt.




Thei leh theilo in ka melh thla a... "Alex" zawi lutuk a ka tih sap chuan phurna ka pe tih hriat zetin ka kawr hak a pawt hlim nghal hmiah...duhthawh lutuk a ka hnute a fawh laiin a kut leh lamin ka hmeichhiatna a rawn hup nghal chat a, ka ṭek nghal sawk, thaw hakin a chhip samah ka lo tham ve nghal zat.




Ka hmeichhiatna dim map lo a a nuai takah chuan tum loh lutukin ka rum chhuak ve hak...chu thil chuan phurna a pe tih hriat zetin a hma ai a uarin a che zui zat...ka kut la in a mip**na khawngtha zet chu min hum tir a "hr**t rawh" a tih chuan ka tihtur hrilh nawn ka ngailo chiang kher mai....a boxer hak chu ning tih hriat zetin a pawt hlim a...ka chungah a rawn bawk leh nghal hmiah. Ka hmeichhiatna a nuai hnawm chap tawhah chuan dim lo lutukin a mipatna chu a rawn nawr lût zui tawk,, chawl vang vangin dim zetin ka hmui ah a rawn fawp zui vang vang hian "i duhawm lutuk" a tih chuan ka nui ve suk.



• • • • • • •



"Bawihi, Puite...Zosanglian..harh teh i ṭha em? Duati" ti mawlh mawlh ri chu ral hla tak a min au ang maiin ka hre ruai ruai... "Zosanglian tho rawh ka ti che a ni lâwm ni" ti hrawk ri ka hriat avang chuan ka ṭhu chhuak hlawl..ka thin phu dut dutin chu tihreh tumin ka kutin ka awm ka dawm vang vang a.



"I ṭha em" min ngaihtuah hmel zet a Alexa'n a rawn tih chuan ka phu dawrh...chiai zetin ka melh nghal... "Duati keimah hlau suh keimah i pasal" ti mawlh mawlhin a awmah min pawm bet a..keipawh ka inthlah dul nghal riai riai.




Ka mumang ka ngaihtuah let a..ka chhing sawk rualin ka mittui a rawn luang thla nghal ngiai ngiai...Ka mumangah Caleb-an min lo bawh bet a....a nun ka tih chhiat vek thu sawiin min reh hlum a tum a..a mit meng a min huatna nasa lutuk mawlh kha "ka hlau" ti ṭiauin ka inhnit zui hlawp hlawp "shhittt Duati mangchhia a nihkha i bulah ka awm reng a nia hlau suh" ka dar a beng dat dat pahin a ti sup




ALEX-A POV:

Duati taksa khur der der chu engvang teh hrep nge ka hre hauh lo...mangchhia a neih a nih ka ring..emaw a hun kal tawh a mangphan a ni maithei...engin nge ti hlau tih hre chak viau mah ila a taksa ṭang teuhah chuan a la hahdam lo tih ka hria...a taksa te ve tak che awk khawpin thawk ala ve hluai a "dar 3 chauh a la ri mu leh ang" a ti zawi ve sup reuh chuan lu ka lo bu nghat.




Insiam rem zui sat satin ka sirah a mu tawm chal a..ka lam a hawilo chu ka ngaithei leh pek lo..kuai herin a mitah tak ka en nghal ngur...min lo en ve nghal a..engmah ka sawi loh avang chuan a mit ko a ti sang ve euh euh reuh a...a chet dan hian ka nuih a ti za fo...tunah pawh ka nuihza hmel a hmu a nimahna a hmui a ti pawrh leh tarh tawh.




A biang a chul sak heuh heuh pahin "i chanchin min hrilh la" ka tih chuan...chunglam melh vang vang pahin "thawnthu sei tak a ni" a nui hak..a mitmengah erawh natna ka hmu thung..he hmeichhia ka hmuh hmasak ber khan enge maw zawng takin min hip a..a hnu ah tum lawk miah lo in kan inhmu leh a..chu erawh a dan a dang thung.




Khami zan a a chetdan kha a zeiloh em avangin a virgin ka ring a..mahse alo thianghlim tawh miah lo..kha khan min ṭhawng viau bawk...hmeichhe inzuar leh zu in mi a nih vangin duh ka tum hran lo..a taksa erawh chuan min hip tlat a..hmeichhe dangin phurna min pek ai a nasa in phurna min pe a..ka hnaih hian ka danglam a..a na hmel ka hmuhin hreawm ka ti bawk a, chu erawh ka duh lo viau thung.




Ka hmai bul set sawt a min lo enin "enge i ngaihtuah ka bul a i awm laiin thil dang ngaihtuah suh" zantir a ka tihdan ang chiahin Duatin mi rawn ti ve nghal zat...nui hawkin a chalah ka fawp a... "muhil rawh le" ti pahin ka kuah nghal hlu hlu a, amah awih nân deuh ti a a hnunga ka ben sak thek thek chuan a rawn nui nghak uar uar.



(Notes: changtupa hi Misualpa aw)


Show post links
Top

[Ngaia]

Zing hma takah ka tho a..thingpui lum pahin chaw chhum tur ka siam nghal... Alex-a nu te hi lo nei mi an nih avangin ramah an kal hma duh ṭhin a..chuvang a tho hmanhmawh pawh chu ka ni pakhat.




Ka thingpui in lai chuan ka phone a rawn ri a..ka nau ka pi te bul a khawsa a ni..."hello" zangkhai vah hian ka ti a.."u" a rawn ti thawp sat chuan "nobawih thil thleng a awm a mi" ka ti nghal vat..a aw kha a dik tlat lo a lawm.




"Anu in pasal i nei dawn a tia" lunghnur hmel fe hian a rawn tih chuan ban charh hian "nia" ka ti tawi tak. "U thianghlimgin pasal i nei ang tih min tiam kha" a tih chuan a thu rawn sawi vang chuan hamhaih deuhin phone chu ka hum ngawt ngawt ringawt.




"U thutiam chu bawhchhiat loh tur apu in a tih kha" a rawn tih leh chuan mit ka chhing sawk...ka rilru chuan 'ka naute i u hi sual luihin a duh lo chung a thianghlimna laksak a ni tih hria la min dem viau a ngem? i u hian mipui leh kohhran bum thei mah ila van Pathian erawh ka bum thei silo a' ka ti rilru mawlh mawlh.



Ka nauin "U ila ngaithla em" a tih chuan harh zawkin "engmaw" ka ti let hu..thawk la halhin "a pa in bialnu a nei" a rawn tih chuan min ṭhawng lutuk chuan sawi mai tur min ti hrelo hial ka nau bawkin "u" a tih leh chuan "tinge..nilo..engtin...ahh engtikin..engtin nge i hriat" ka ti nghal mawlh mawlh.




Ka nau chuan "ih hmanni" a ti hman ṭawk tihah thawm a ri set set a, ka pi aw ni ngei turin "nobawih dawrah va kalrawh" a tih avangin nakin a sawiṭhat leh turin phone kan dah nghal a.



Ka pa hi a pianthar hma khan ka nu hi ler san ve zauh a ching ṭhin a..ka nu erawhin kan unau vangin a tuar hram hram a..ka pa a piangthar a kohhran upa hial a ni ta a..mahse kan khua a te a..ka pa a la upa lo bawk a...ka nu ai mahin a lang naupang zâwk a...hmeichhia in pa kan tih tur chi hi a ni reuh bawk nen,a lerh ve ṭhin pawh hi tehna dang tak aṭanga teh chuan a awm ti pawh an awm nual ang ka ring.




Engpawh nise tunge a ngaihzawng chu ni ang le..ka nu ka biak vat a ngai dawn a nih hi..ka rilru kawm a phone hum ran a ka din laiin ka darah tu emaw hian a rawn khawih chuan ka phu nasa lutuk a min rawn khawihtu ka banin ka lo vai fua..ka vai rualin "a na lutuk" ti a ṭe thawn ka hre zawm zat.




Kan en chian nak chuan Alex-a pa a lo ni..sawi tur ka hre silo inthiam lo bawk si chuan "awiiii" ka ti hluai a "Puibawih ding reng lo khan ka mit hi han enteh" a tih takah chuan ṭhu hniam nghal thuaiin a mit chu ka en sak a..engtin mah chuan a awm lo..a mittui erawh a tling pur mai.




Ka tih ngaihna hre lo chuan "ka van nikhua lo e aw" ka ti vang vang ringawt...bathroom aṭangin ka nu a rawn chhuak hlawl..an lo thawh chhuah lai ka hre miah lo chu nikhualo ka in ti tak tak.




Ka pa awm dan a hmuh chuan rawn kal hnaiin "ngati nge kha tia i men kalh vak vak" a rawn ti nghal bawrh bawrh..thil awmdan inthlahrung tak a ka sawi chuan "i pa ve hi chu mi tih phut hi a ching hrim hrim..thawm nei miah lo a kal te hi a thiam a" a ti nghal hlak hlak.


• • • • • • •



Alex-a u Usangpuii pawh a rawn chho ve tawh a... taka Usangpuii hian fapa a nei a..pa tello in a chawi lian nghe nghe a, a fakawm ka ti..keipawh Alex-a nena kan inneih ni tur an ruat fel tawh avangin naktukah hian Alexa'n kan khua ah min dah thla dawn a..tlem chuan ka huphurh ve deuh.




Duati ti a Alexa'n min rawn auh chuan "enge" ka ti vin hlar...haw ka hreh a..ka nu te ka ngai tho bawk sia ka thinchhe zo vek "lo kal teh, hmanhmawh rawh" a tih avang chuan ka thleng sil lai dah nghal sawk sawkin a ṭhutna bulah ka va ṭhu ve a "enge a" ka ti nawn leh chuan a phone bih lai ka lam a rawn lek pahin "enteh i pa nen an in ang eee" nui kar kar chung a a tih chuan phone chu ka bih ve nghal thuai.




Zawng lo insiam chhe vak vak lai video a en chu niin..rum tawk a Alex-a melh vak pah chuan "mi buai lai laiin, ka pa hi ti khan tive ziah suh" ka ti ṭeu hlar..ka pa hi thla lakah chauh a la hmu a..a ngo vak silo a... Alex-a hian a sawichhe hneh thei khawp mai, mahse fiamthu vek a ni tih ka hriat vangin ka huatpui hran lo.




Ka nu pawn Alex-a thlalak min dil a..whatsapp-ah ka va thawn ve ngei a "Sahbawnsen hmuam a va ang ve" a rawn ti tho a.



Zan kan mu tur chu ka hreh tlat pek..kan inneih ṭhat hma chu a bulah hian ka mu tawh awm silo a tih ka ngaihtuahna chuan min ti lungchhe deuh tlat,ka ngai thar riau...thlamuang tak a a muhil thaw sak sak chu ka en a..a hmelṭha takzet...a zunah hian ka uaiin ka duh tawh takzet tih hi hrilh ta ila engtin nge min ngaih ang le.


Ka pasal tur hmangaihna in bul ṭan lo mah ila THUTIAM leh BEISEINA vang a bul ka ṭan pui..ka hmangaih lo ni ta...chumi ka ngaihtuah rual chuan ka rilru ang a pu velo tih ka hriatna chuan min ti na a..ka na nawn fo pawn ka ring...a phone ka check sak tawh ngailo a...mahse hlauhthawnna erawh ka ngah hle thung, amah a rinna nghah tlat chu duh viau mah ila tuna ka dinhmun angah hi chuan a harsa ve deuh a ni,khatiang message zozai ka hmuh aṭang ngat phei kha chuan.




Kan khaw lam pan tur a kan kal laiin ka nu in min lo call a Aizawl inlo lut dawn tawh em a tih chuan chek hlukin "khua aṭangin kan rawn chhuak dawn chiah a lawm" ka tih chuan "i pa Tawia a thi a" a tih chuan tlemin min ṭhawng ve deuh "nu Mercy pasal hlui maw..engtin nge" ka ti hap..nu mercy hian ka pa hi nuṭa angin a rawn zawng ve a, kan inpawh viau bawk.




Ka nu chuan "a ram kal kha thi in a luak vak a..a chat thla zui nghal" a tih chuan mak ka ti vak lo zu a duh ve a..in lo in a awmthei lo a..a thin a chhe tawh a nih ka ring "kan kal dawn mi" Alexa'n a rawn tih vang chuan ka nu bulah kan kal dawn chiah thu hrilh nghalin phone ka dah a.. Alex-a pa te nen kan in mangṭha hnu in bike ah ka lawn a..kan tlan chhuak zui nghal.




Motor kawng pangngai a kal kan nih tawh avangin ke a kal a ngai tawh lo a.. Alex-a te Aizawl an kal khan bike a la a..a zia phian..ke a kal kha chu ka zuam tawh lo hrim hrim...tlai lamah Lunglei kan lut a... Alex-a te in luahah zanin kan riak ang a a tukah aizawl lam kan pan nghal dawn a nih hmel.




Intifai nghalin rawng ka bawl sawk sawk a..kan ei tam lo dun viau...room a Alex-a lut rawn chhuak chuan sarang a thil infun a rawn keng chhuak a..ka pan hnai vat..fun te a lo ni (local sarang a pack ang kha oo) "in suh" ka ti hman ṭawk thawk khat nghal papin no min pe a in rawh i chau lutuk ang min ti nghal zat.




Mi fel zawk zawk ka lo ni bik lo nen, ka in chak ve tho sia, no chu la in ka tlak nghal pap, pack khat a tlem bawk a kan inzo rang nasa... Ka kham loh deuh avangin a la neih leh neih loh ka zawt a, a nei tawhlo nain ka kai pha tho..ka in lohna rei tawh vang animai thei.




Alex-a kap karah ṭhu in ka ti ti zat zat a...ka ṭawngtui lai chu min lo kuai dakin min rawn fawp nghal buan buan...ka lo chhang let ve nghal zat..a lamah inherin duhthawh zetin kan infawp a, kan thil in a thawk deuh aniang kan duham dun ngang mai min fawh na chu thlahin ka hmaibul setah a rawn thaw lum ham ham,keipawh ka thaw ve ham ham tho "ka duh che" zawi lutuk a a rawn tih chuan ka thinphu a rang nghal dawt dawt.




Ka khabe ah dawmin min rawn fawp leh nghal a.. a nghawngah chuan ka kut pahnihin ka lo kuah ve nghal thuai.. Alex-a chu tho kang vutin min pawm tho ve nghal thuai..min rawn fawp leh nghalin room kawngka a nek hawng zui nghal zat...muangchangin khumah chuan min nghat thla riai riai..




(Notes: Mipa POV ka rawn ziah chhan chu story pangai angin kal se ka tia..based on true story ka tih tawh kha...mahse khang hunlai a a pasal rilru tur kha ngaihruatna in ka ziak a...mipa pov hi ka dah chhun zawm don nge dawn lo lo sawi ula...a thu laimu erawh khawih danglam ani dawn lo a..a ngai angin a thu laimu bo chuang silo in mipa pov hi kan dah don mi... ṭullo intih chuan in lo sawi dawnnia)


Show post links
Top

[Ngaia]

Zing ni chhuakin ka mit a rawn chhun chuan ka meng siar siar a..ka bul a tui zet a ka pasal tur muhil chu ka thlir reng a..a nuimawi tak hi ka theihnghilh thei tawh ngai dawn lo a ni tih lah keimah ka inhriat chiang tluk zetin ka chiang lutuk tlat..




Dam chhungin a kiangah hian hun ka hmang dawn nge kei hi nakin lawkah pawnchhia ang mai a paih bo ka ni dawn tih hre lo mah ila ka tun hun hi ka duh tawk a..a theih chen chen chu a kiang a awm a hlim taka hun hman ka duh a ni.




Nizan khan min duh thu a sawi na a beiseina erawh neih zui ka tum lo thung...a harh fim lai nise chu thu hran...a muhil lai ka en reng lai chuan a rawn meng ve siar siar a..min rawn kuah ṭha zui sat sat..a hnungah beng thakin "ka tho dawn, chaw chhum ka ngai..kal tlai thei kan nih loh kha.. nangpawh tho rawh" ka ti nghal sawk sawk.




Thawh tum a ka inbeng kang uaih tawh chu muang changin ka mu thla riai riai.. Alex-a ka en chuan a mit ko lo ti sang zeuhin zawhna mit meng hian min melh nghal ngur bawk "engmah ka ha lo" a awm melh ran a ka tih chuan a nui nghawr dat.




Kei erawh kan vawi khat mut dunna ang maiin ka lai ṭut ringawt..min duh thu a sawi kha ngai ho lam dawn viau mah ila amah ah hian duhna rilru ka neih miau avangin ka thei der lo... Alex-a zawk chu tho hmasa ah a ṭang a..khum bul a ding runin min rawn chhuk melh nghal run bawk.




Engmah inbel lo a ka hmaa a din chuan kei angin a zak ve lem lo niin a lang... chil lem dawkin ka puan sinlai chuan ka lu ka khuh nghal riai riai..a mit meng a min nuihzatna lang chhuak pawh ka hmuh hmaih lo nasa...room aṭang a a chhuak thawm ka ngaithla ran a..kawngka inhawng thawm leh inkhar thawm ri ka hriat rual chuan thaw huaiin "ka zak lutuk" tih vak pahin ka ṭhu chhuak nghal a.




Kawngka lam ka hawi chiah chu ka phu zawk mai, kawngka nghengin Alex-a chu in kuangkuah than a lo dingin min lo melh ngur a nihchu..ka meng phar nasa viau ang, nur nangin min lo la melh chuan rang zetin ka kutin ka hmai ka hup nghal..ka kut kar ka ti kak a hnuai lam ka bih thlak chuan puan a lo veng tawh.




Eng nge maw ka hriat le..ka zak thar em em ringawt..hahthlak tih hmel fe a min en in "a vawi khatna pawh a ni tawh lo" a ti sup...hmui hnuai seh zeuhin "nia" ka ti fan raih...inthlahrung dek a hawi chhuakin "chhuak la" ka ti sep..min en ngur ngur a a tawpah nui chhuak hawkin a chhuak zui nghal.




Keipawh a lo luh leh thut hlauin a chhuah rual chuan room kawngka ka kalh sawk sawk...in ha nghal mawlh mawlhin room aṭang chuan ka chhuak ve nghal a..bang a sana intar ka en chuan dar 7 a lo pel thui viau tawh..hman hmawh lutukin chaw chhum ka siam sawk sawk. Chaw hmin hunah..artui ka kang leh tawp a, ka che nghal sawk sawk, dar 9 ah chuan chhuah ngei ngei kan ngaih vang a ni.




Alex-a bathroom aṭang a a lo chhuah hnu ah ka lut ve leh nghal a.. Alex-a chu au zuiin chaw chhum lo vil turin ka ti zui zat...ka inbual nghal sawk sawk a..rilru hmanhmawh nen ka phi cheng ti ila a dik ber ang..ka inbual zawh hnu chuan room-ah lutin panty leh bra ka ha nghal.




Darthlalang hma ah ka in thlek chuan nizan a Alex-a sulhnu ka taksa a thil duk te tak te a awm thluah chu ka khawih nghal den den, nui sakin lotion ka inchulh nghal mial mial.




Aizawl lam kan pan mek lai chuan Lunglei khaw dai ah Vai motor leh bike an insu bur mai..an insu ka ti tak na in vai motor khan sut tum ranin a khalh a ang ka ti zawk mah, kan awm na a in hlat lo em a, ka hmu chiang ve bawk em a ni. Bike khalhtu chu a leng nghal lawp a..a bike pawh chuti tho..helmet fullface khum mahse a pian aṭang chuan hmeichhia ni tih ka hre thei mai.




Mi an pung khawm nghal a..kan piah lawk a dawr nghak tu te pawh an rawn tlan phei nghal a... ka hlauh deuh avangin Alex-a bulah chuan kal vat turin ka tur chhen tawh...ka thusawi hre lo ang hmakin accident thlenna lam chu ngun zet hian a en ngal a, a hnung a ka beng dat dat pawh chuan a hre lo der hmak a nihchu.




ALEX-A POV:

Kan bul a bike leh truck insu chu ka en ngur a...bike chu hmeichhe khalh a ni nghe nghe..a helmet an phelh sak lai chuan chik zetin ka lo en ngur thung..ka hmuh hnu a ang takzet..khawiah emaw ka hmu tawh mai thei..nge ka hmeichhe dawr zingah a tel ve zawk.




Ka thil ngaihtuah avang chuan ka nui chhuak teuh kher mai.. "i beng a ngawng em ni" ring fahran a Duatin hnunglam aṭanga a tih chuan harh chhuak zawkin hnunglam hawi chuan ka beng ka hup nghal a... "kal ang" a tih hluk takah chuan nui che dawtin ka tlan chhuak nghal..ngawi rengin ka tlan mawp mawp a.




Ka hnung a mi tereuh pawh chuan a ngaihtuahna a kawm ve a nimahna a ngawi ve ngal mai...a ni hi neih tak tak ka tum lo...nawm chen nan ka duh a chu zawng chu... eng emaw chang hian min hip leh riau zel a..nizan a a mitmeng phelh phang kha sexy ka ti hle bawk.




Engvang a ka duh thu hrilh ngawt nge ka nih tih lah ka hre der lo...ka nunah chuan hmeichhe pakhat chiah a awm...mahse kei aiin sum a thlang a..chuti chung pawh chuan ka la bansan thei lo, pasal a nei tawh chung pawn kan la mu dun fo..a pasal lakah erawh ka inthiam lo ṭhin.




Ka hmangaih miau avangin hnar harsa ka ti thung a...ani kha ka la nghak a...midang chu ka tan chuan game ang lek an ni..ka duh min pe a an mamawh ka pe ve bawk a...ka fair viau chuan ka hria..ka hnung a ka hmeichhe phurh erawh hi chuan tlemin ka rilru a chawk buai leh zeuh ṭhin.




A na hmel ka hmu theilo ṭhin lutuk erawh ka duh lo ṭhin viau...rei tawk fang kan tlan hnu chuan Thenzawl kan thleng a...inhnawh puar zung zungin muang changin kan tlan leh a...thim dawnah Aizawl kan lut hram..ka u te in lam kan pan zui leh a.




Kan thlen chuan ka u Nupuii'n nuisangin min lo lawm vat...chau zetin sofa ah ka ṭhu nghal hnawk a..an fate pahnih Dominic leh Alice chu ka mal chungah rawn lawn ve nghalin an school kalna chanchin min hrilh nghal mial mial a.. ka duat ve ṭhin sia, mi hi an ngaina thei viau.




Duati lam ka va hawi chuan inthlahrung dekin a ṭhu a..a bet hlawl lo tih ka va hmu nghal...a kun chal a, nuam lo a tih hmel viau, khawngaih viau mah ila ngaihven loh luih ka tum thung,hetiang huna ka khawngaih tlat ṭhin te hi a lawm ka duh loh ṭhin em em chu.




Dah thlak a ka chhoh leh hunah ka nei leh dawn lo tih ka chhungte hrilh ka tum reng tih chu hria se min haw viau mai thei a ni. Nupui neih ka la tum lo chu thuhran ka hmangaih miah loh nupui a neih chu ka tum lo hrim hrim.




A rilru ka ti na mai mai dawn a..ka thinlung hi hmeichhe pakhat ta chauh a ni tawh a mi dang ka dah theilo..sual erawh ka in ti viau..ka u Nupuii'n thingpui min pek pah a "ngaihven ta ch"e zawi si lungawi lo tih hriat zet a a tih chuan ka hrelo der tlat, ngaihven a beiseina lem siam sak hnua kalsan ai chuan ngaihsak miahlo a kalsan kha ka duh zawk miau a ni.




Duati thingpui a pek ve lai chuan "Puite i chau em in ti fai la chaw kan ei zawhah i mu nghal daih dawn nia aw" tiin a be nghal bawrh bawrh a... Duati pawh rawn dak chhuak ve in rilru nat hmel zet hian min rawn en chuan nuam lo ka ti ve deuh.




Ka u Nupui lam hawi leh vatin a nui sang a..mahse a hlim hmel erawh a pawn lang khawp mai...intifai hmasa tur a ka tih chuan lu bu nghatin inthlakna tur keng lutin bathroom lam a pan a... Duati awm loh lai chuh niawm fahranin ka u Nupuii chuan ka banpuamah mirawn piai hlak.




"Mawla ngaihsak ve ta che..i ti khawngaih thlak lutuk a lawm" zawi si fiah zeta a tih chuan ka nui nghal hawk "ka neilo leh daih mai tur asin" ka tih chuan ka hnung zang ari nghal dawt.."awi i â lutuk hi tih ngaihna pawh ka hrelo..nei ang che..i ti hmingchhe tawh i u ngaihdan pawh anilo ang...a thu hrimah in in ngaizawng a mi? engtik khan nge" a ti leh zung zung.




Chhang tum a ka ang zuau chu bathroom kawngka a rawn ri rak avâng chuan ka ngawi zui nghal daih zawimuang hian Duati a rawn pen phei chhat chhat..a mittui a tling par a..rilru nat hmel zetin min en tlawk tlawk.


(NOTES: Nizan khan ka rawn dah hman thlawt lo, zanin pawh rawn dah loh mai ka tum a ka inthlahrung ve tawh sia ka type sawk sawk a ka rawn dah a nihhi aw🥲🥲 a tawi sia in lo ti mai thei a,dar 8 aṭang khan ka type ṭan chiah a rawn dah loh aia ka rawn dah ang khan min ngaihsak mai ru aw,,,

A boring ti pâwl leh changtupa hi ka duh lo tihpawl pawh in lo awm mai thei ka sawi tawh ang khân based on true story a ni sia tih danglam vak kha a rem tawh si lo a, ngaihnawm ti deuhin chhiar lo tum mai ru mipa POV erawh ngaihruatna hmangin kan ziak a, ngaihnawm tur deuhin kan hre rem a, a dik vek lo mai thei, hei chu NGAIHRUATNA a ni tih kha min lo theihnghilh sak lo mai dawnnia)


Show post links
Top