THUTIAM BY TINKER JENNY (Completed)

[Ngaia]

*Progolue 1*

"Engvang a pawisa chu mamawh em em nge i nih" a tih rual chuan duhthawh lutukin ka va fawp nghal chawt. Ka chet dan avang chuan a hamhaih deuh nge ni min chhang let lawk lo chu hre chhuak thut ni awm takin nui suk chung hian ka nghawng hnung lamah a kut rawn rawlh lut in a ai a uarin mir rawn chhang let nghal zat. Ka awm bawr a dap lai chuan keiin a mipatna chu ka lo chul sak thuak thuak chuan rum nghutin ka t-shirt thawl hnek hnawk tak chu a pawt hlim nghal a,, kei ka lo insiam rem ve zel (A bak chu hemi chapter thlen hunah oo..)

*Prologue 2*

"I hmeichhe biak ṭhin ho hi ka hriat loh i ring em ni Alex, min duh lo a nih chuan sawi rawh ka haw ang, khang i hmeichhe biak ho kha i duh a nih chuan nei rawh ka chhuak ang" sehchilh nawk nawk a ka tih chuan ka hma a ṭhu ka pasal chuan "duh ila ka nei dawn che em ni" a lo ti nghal vat "a nih si chuan khang hmeichhe inzuar thin ho kha engvang a bia nge i nih, mutpui tur che in i sâwm tih hi ka hriat loh i ring lo ang chu tiraw" rilru na fe a ka tih chuan hnuai lam bihin a ngawi ran thung.


Pasal atan ka mi hriat chian loh ka nei a. Ni e thu kan tiam lai khan hetiang hi ani ang tih ka ring pha tlat lo ani, rilru fim hmang thei ni ila thu ka tiampui lo ang a, tunah hian thinlung kehchhe vekin ka awmlo tur...ka mittui tla tur chu dan ngial ka tum a, mahse ka hlawhchham chiang teh e, ka inhnit zui hlawp hlawp a, ka pasal erawh ngawirengin inchung lamah a chho nghal thung.

Hringnun hi a reilo a, mahse hringnun reiloteah hian lungngaihna leh hlimna tur thil tam tak kan tawngin kan tawk a, a changin ka tun hun hi mumang nise chuta ṭang a harh chhuah vang vang ka duh a, a chang erawhin ka lo piang hi vannei intih chang lah ka ngah. A lakah khan thu ka tiam a, a tir chuan harsa viau mahse harsatna tamtak karah pawh a THUTIAM a ding tlat mi chuan hnehna a chang leh nge nge ṭhin tiin ka infuih ṭang ṭang ṭhin. A lakah khan thu lo tiam lo ta ila hringnun awmzia hi ka hrefiah ngailo ang.


"Saw anlo thleng kal ang a" hmanhmawh lutuk a Hmingmuanpuii'n a tih chuan kan hma a scooty pahnih dingte chu chik deuhin ka lo en thung.. Ka ṭhiannu bawk chuan "Jacob Puiteii hi phur la keichu Remlala hian min phur mai rawh se, Puite chuang vat vat rawh khawvel tlan bo sanin Jacob-a te in ah chuan kal vat teh ang u" nui har har pah a a tih chuan ka khi ve suk ringawt,,,,, ka ṭhiani thawveng lutuk chuan min chawk phur tlang khawp mai.





Jacob-a a tihpa hnungah chuan bet lo deuhin ka ṭhu ran a, kan tlan chhuak nghal zat,,, ehe!! an scooty ri zet chuh le helicopter thlawk chhuak tur te pawh a ang alawm le a ri ṭawk ṭawk lehnghâl a,a zahthlak duh tak tak. Bawngkawn kan thlen te chuan ka hawi chhuak ngam tawh lo hrimhrim. Kan hnung a tlante lah chuan ring leng lawng hian min rawn au deuh chhen leh nghal a zahthlâk duh tak tak a ni. Scooty a ka chuan chhung chuan ka zak kuit thak dawn a nih hi.






Kei hi Zosangzuali niin ka ṭhiante chuan Puite tiin min ko mai ṭhin. Kum 23 ka hmang mek a, ka hming Zosangzuali tih hi ka puin zaithiam thi ta Zosangzuali a ngaihsan em avang a a hming chawi a min phuah sak liau liau a ni.Tunah hian hospital lian vak lo pakhatah ka ṭhiannu Elena Hmingmuanpuii nen nurse kan ni ve mek bawk a, ka sawi hmaih theih miah loh pakhat chu kohhran upa fanu ka ni, kohhran upa fanu anga ka awm ngai miau loh avâng hian ka sawi loh chuan tuman kohhran upa fanu angin min ngai chhin ngai lo hrimhrim mahse ka dem hlawm hran lo ka awm danin a zir miau lo a.





Rei ngial kan tlan hnu chuan în pakhat zâwnah kan ding nawlh a lan danin Jacob-a te în a nih hmel, mi rethei zawk zawk chu annih dâwn loh tawp hi an în aṭang hian a hriat reng mai, ka ngaihtuah na avang chuan ka nui leh hak.





Scooty a ṭang a ka chhuk tur chiah chu hmanhmawh lutukin Remlala a rawn tlân phei nghal fua a min pawmthlak tum ta mai, min kuah run a, kei lah mak ka ti si chu a ngaihna hre lo lutukin ka lo en heu ringawt, ka mawl hmel ngawt in nia ka rin, chutia min pawm a tum tlat chu hnial chi niin ka hre silo a ka remti ve mai,min pawm rual chuan phun sup hian "I tlu palh ang" a rawn ti vel.





Ka nuihza lutuk insum chu ka hmui ka pet ṭang ṭang, lei a min nghahthlak hnu thleng chuan nuihzat hmel deuhin ka la en a, a lai ve deuh a niang "a ho" tih nghut pahin kawngka a hawng a, a la inchhuih lut khut zui inchhung lamah chuan mi an awm ni ngei tûr ani Remlala chu a ṭhat leh ṭhat loh an lo zawt thuai a "tha" ati bul hmuk reuh a nih chu, a palian si ava inhmeh lo tak.





Keini erawh za em em hian kan lo nui dir ngat ngat. Ka ṭhiani ka va en chu mittui tla phungin mit hnawih pherh vêkin a lo nui duai duai. Kan nuihza a reh fel hnu ah kan lut ve thei chauh. Jacoba te în kan luh chuan awm pui annei ni ngei tûr ani. Hmeichhe pakhat hian eirawng a lo bâwl turh turh a, nuthau lam pang a chal lah chu an ngalh ṭha phian leh nghal saw tiang em em te chu Zoramthanga chal ai pawn a thui hrim hrim ka rap zawng tak a ni.





Sitting room ah chuan kan lut tlâng nghal vek a couch ah chuan kan ṭhu hnawk hlawm, kan mipa te pahnih chuan an bag ah puar zet mai chu an zen rak rak a Jacoba'n Stag pakhat leh whisky pahnih alo phawrh hem mai.





Remlalan a seh hmeh tur a rawn phawrh zui bawk a. "A thlitu" ti pah in Stag pakhat chu ka la nawlh chu Remlalan chuan a hrethiam lo deuh a niang min en he haw avâng chuan "ka chin ṭhan a nia" ka lo ti vat. Ka ṭhiannu lam hawi a "Hmingmuanpui Sting nge beer i pawlh don" ka tih chuan "engmah" tih leh stag pawlh dal loh chu a tlak nghal pap, a meizial ken lai chu a hip lut nghal kawk bawk.





Kan mipa pahnihte chuan ka ṭhiani chet dan nui pat pat chungin dawhkâna an in tur chu an ban ve nghal a an tlak zui pap, kei erawh ka tlak ve ngai miau loh avangin ti ti pahin ka lem zeuh zeuh , bottle chanve kan in chuan kan rui tawh hlawm ngang mai.




Remlala chuan ka lam rawn hawi in "Puite inchungah kal lawk ang" ti pah a Jacob-a a signal zeuh chu ka hmu hman hram mahse ka zui ta tho thil thleng tur chu ka hre chak tlat.




Inchung kan thleng chu sitting room lo awm lehin a piah hretah balcony view nuam deuh alo awm bawk a, en ang ai daihin Jacob-a te în chu a lianin a phuisui daih a nihhi.






Balcony lamah chuan pheiin kan piah ral lam chu thlir vang vangin thawk ka la ham ham, thil tam tak ngaihtuahin engtin nge hetiang nun bawraw lutuk ka hman chhoh tak dan te, kohhran Upa fanu ve meuh hetia ka awm tak dan te, mi tam takin fel tura an ngaih hliah hliah kohhran upa fanu pawh hi eng kan nih bik loh zia te ka ngaihtuah neuh neuh lai chuan ka kawngah kut phah hrawl zet mai rawn in rawlh luh avâng chuan ka harh zawk ka ip nghal chawih mai.




A lamah chuan thlebakin a mitah chiang zetin ka melh a, ani pawn min lo melh ve ngur bawk. Ka inrin hma hauhin ka khabe ah chuan dawm in uar lutuk min fawp zui nghal ngawr ngawr chu ka hamhaih em avanga ka chhang let lawk lo chu harh chhuak thutin ka chhang let nghal zat ka thil in chu an thawk ṭha deuh a niang ka mipa hriat chian lutuk pawh nilo ka fawp tawp thei tawh nia.




Hmeichhia hi chu zu kan in ve tawh hi chuan kan easy tlat zêl an tih hi ka pawm thlap tuna ka chet dan aṭang pawh hian a chiang lutuk tlat, koham lutuk min fawh mawlh mawlh pah chuan min chûl kual dun dun takah chuan ka nun hlui tuna keimah khawlo taka min siamtu nunhlui duhawm lo zet ka hre chhuak zawk chu ka inla hrang nghal vat, thawk leh khata kha nunhlui ah khan ka cheng leh ni berin ka hria ka tha khur dur dur chu a hriat loh nan ka inhersan nghal daih chu hriatthiam loh hmel fe a Remlala'n min enna pawh chu ngaihven tawh lo in inhnuai ah ka tlan thla nghal hlawk hlawk. Ka ṭhiani au paha ka hawi kual chu sitting room a ka mi hmuh avang chuan phawk lutukin ka meng zau nghal kawk, mak ti lutukim ka melh ngawt ngawt ringawt, ṭek a den sawk ang vêl ka ni.



Engtin nge hetah a awm theih, hetiang taka ka nun bawlhhlawh taka siam tu hi engtinnge ka awmna inchhung ngei a hian a awm theih???


FLASHBACKK**

Ka thawmhnaw bawm a kawrfual Maroon colour sexy zet inkhai chu en in ka la chhuak nghal zat, dar bah sin te niin a awm chu duhaiin a zau lam hret chu a ni. Ka pian erawh a nihna tur dik takin a lang thung, cher lam aiin khal antih ang chi hi ka ni.





Ka insiam mawlh mawlh laiin ka phone a rawn nghawr dar dar, screen a hming lang ka hmuh rual chuan ka ṭhen zui sak. Darthlalang hmaah chuan ding leh ren rawnin ka in en leh tete, duhaiin ka sexy mah mah a nihhi mahse ka inhmeh phian ka kawr hak chuan ka pian a ti lang nalh zual hle.





Inennawn leh in ka Cluch ka la a ka chhuak zui nghal, pawn a min lo nghaktu ka bialpa Caleb-a lam chu panin ka nui nghal var var vawiin pawh rin ang ngeiin a chhelo leh tak zet a coat dum hak lah chuan a pian a ti langsar in a inhmeh emem leh nghal.






Ani pawhin chik lutukin ka lam a lo hawi ngur mai. A bul ka thlen rual a "ka nalh em" ka tih chuan a khi suk, rawn kun hniam in ka beng a rawn nul zui thuak "mipa dang melh khap bur" a ti nghut. Ei loh hmel lutuk a ka en chu ka hmuiah a rawn fawp thut, rang lutuk a tawlh hnung dawrh pahin "ka lipstick i ti reh dawn a sin" ka lo ti ṭeu hlar chu za zet hian a nui hawk in car chhung a lut turin min mitmei nghal bawk.






Zanin hi kan ṭhianpa Suraj-a birthday a ni a, party a awmtel dawn vangin mi sawm pawh a ngah khawp mai, an hausa bawk a, a nuam dawn tih ka chiang. Rei lo teah Suraj-a te în pawh chu kan thleng chawpchilh ve nghal a.






Inchhung kan luh dawn chuan Suraj-a chuan min lo welcome nghal vat a, mi a lo dawngsawng ṭha angreng hle, hman pui tih takah Suraj-a pawh hi an bul a awm a nuamin a zau thei hle. Ka sawi hmaih miah loh tur chu Hindu mipa ka hmuh tawhah chuan ani tluk a hmeltha tih hi ka la neilo, hnamdang chutah pawh ring lo mi a nih vang erawh chuan hnaih tumna ka neilo thung ṭhianah hian ka duh tawk viau.





'Cicaro' lo ti sup tu vang chuan ka leh hawi a, ka bialpa Caleb-a ngei mai chuan intur keng chungin mit thim ruih hian min lo melh ngur tih ka hmuh takah chuan a lamah pheiin ka mit ko ka ti che zeuh, nuisuk pah a lu thing nghutin in tur chu min pe a, rawn kûn hniam in ka beng bulah "zanin hian thil surprise tur che ka nei" tihpahin ka beng chu a rawn nul thuak, nui var var in a mah chu ka en a, "engthil nge" ka tih chuan 'thuruk' tih chiah in min chhang duh a nih chu min ti hre chak zo vek.





Hre chak lutuk a ka melh chhoh ha takah chuan mit siai zeuh pah hian "in zo la, inchungah lamah" a tih vang chuan keipawn ka inzo thuai a, ka hmaa kal chu ka zui ve nghal zat inchung kailawn a kan chhoh chuan ka lu rawn hai thut avang chuan Caleba'n min lo chelh vatin ka ṭhat leh ṭhat loh min zawh chuan ka ṭhat thu ka hrilh hma hma in i tlu palh ang tih leh min pawm a rual nghal zat kei ka lo nui hak thung.




Ka chal a fawp vang vangin ka mitah tak melh chungin 'ka hmangaih che' a tih ri chu zawi tak a ni ka hre thei ṭawk, ka chau lutuk chu chhang let pawh ka chhang let peihlo ka taksa a zawi vek a, Caleb-a awm ah chuan ka bei hle hle, ka thil hmuh erawh a pangngai hle thung, ka awmdan mak lutuk chuan chhungrilah min ṭham a, harsa tizetin thawk ka la hak ringawt.




Inchung room kan thlen chhoh takah chuan khumah min nghatin duhthawh lutukin min rawn fawp nghal buan buan. Kei erawh ka taksa awmdan vang chuan ka tha te khur vek tawh, chet ve ngial ka tum chu ka che thei der lo ka chung a thil thleng mek chu ka hrethiam derlo. ,Caleb-an duhthawh lutuk a min fawh ngawr ngawr na avang chuan harh chhuak zawkin a hmuiah ka sehsak vak, phun hluk chungin a inla hrang ve nghal mai.




"Caleb ka che theilo, ka engmah a che theilo" mangang lutuk a ka tih chuan a mit meng rawn danglam nghal ka hmuh chuan hlauhthawnna in min luhchilh nghal, a hmelah chuan engmah pawisak a neih loh zia ka hmu chawpchilh nghal zat bawk "come on, Cicaro ka duat em che hi he thil hi hnehchhuh kher ngailo in min tih sak mai la a tha tur" nui sak chunga a tih chuan mak ti lutuk leh rilru na zetin ka melh ngawt ngawt "Caleb nilo.. engthil..ka..aih Caleb ti suh" ka mangan luatah ka sawi tum ber pawh ka sawi lawk theilo.




Caleb-a erawhin it hmel lutukin min melh kual dan dan thung, ngeng ngawl zet a en in "min hmangaih kha" aw tham zet a ka tih chuan nui huk chung hian "ka hmangaih che a,ka it bawk che nang pawn min hmangaih a ni lâwm ni, i mi hmangaih ber tan i inhlanah i ngai mai dawn nia" pawi sak neih loh hmel fe a a tih chuan ka nghilh dup thei. Ka rilru nat em vangin ṭawng pawh ka ṭawngthei tawh lo, min tih dan dan chuan ka awm tawp a ni ber.




Duh viau mah ila engtin mah ka ti thei dâwn lo tih a hriat avâng pawh chuan a ni mahna hetiang taka pawisak neilo a min tih chhan hi. Min phelh ruak vek hnuah ngun deuhin min enkual dan dan a "i nalh lutuk" tisupin a rem chang lai lai chu a fawp kual dun dun a, kei erawh au chhuak tur pawn chakna ka neih tawh miau loh avangin min tih ang ang chu ka dawh tawp a ni ber, a mipatna ka taksa a a luh rual chuan ka mit ka chhing sawk ka mittui a luang nghal ngiai ngiai. Ka na..ni ee..ka na ani..ka thianghlimna ka pasal tûr tan a ka mo thuam hlu ber tur ka lo inchhuan ve na ṭhin ka duhthlanna vang ni hauh lo a laksak ka ni hi ka hrethiam lo chu pawh tudang nilovin ka kawppui ka bialpa leh nghalin.





"Min that law law rawh" ti a ka phunsup chu a thiltih lai chawl meuhin min rawn en a, a mitah tak melh chungin "min that law law rawh ka tih chu misualpa" tiin ka au khum nghek. A ni erawhin ngaipawimawh lo fe in "shitt...Cicaro..chu chu ka tilo ang" a tih chuan ten lutukin ka lo melh tawp, a duh tawk a ti zawh chuan a tho a a thawmhnaw in bêl zung zungin min melh pah hian "Cicaro i nalh takzet zanin a thil thleng hi ka hre reng tawh ang" tih leh chhuah a rual nghal.





Kei erawh rilru mang vekin chunglam chu ka melh ngawt ngawt a, ka kap kar na lutuk chuan engthil nge ka chungah thleng zo chiah a sawifiah a ni ber, ni e..keihi pawngsual ka ni. Ka chunga a thlen ka rin ngailoh kha, ka mipa hmangaih em em hnen a tangin..ka ngaihtuahna chu duh lo zetin mit ka chhing sawk, ka ral riai riai nimaiin ka hria.

**END OF FLASHBACKK**


(Notes: inngaih dan dik tak kha comments lamah lo sawi ru aw,siam ṭhat ngai a awm chuan a leh pek zela kan insiam ṭhat theih zel nan)


Show post links
Top

[Ngaia]

Ka hmaa ṭhu ka bialpa hlui leh ka nun zawng zawng min tih chhiat sak vek tu Caleb-a chu awm velo ang maiin
"Jacob khawnge Hmingmuanpuii" ka tih san nghal daih.. ka aw khur chu a hriat loh hram ka beisei...




Nui pat pat chunga thlang lam bathlar a kawh chuan engmah zawt zui tawh lemlo in ka pan nghal thuai....an ṭhutna ka kal pel tur chiah chu ka hmaah tak Caleb-a chu rawn dingin "i dam maw" a rawn tih chuan rum lutuk tak maiin a mitah tak ka lo melh salh takah chuan amah vêk chuan a dar a kân zui uk ringawt, chhang lemlo in ka kal pel nghal nal nal .





Jacoba'n 'bawiha i hria em ni?' a tih chu ka la hre hre phak Caleba chhanna erawh ka hre tawh lo thung...bathlar ka thleng chu Muanpuii a lo awm reng reng lo, Hmingmuanpui ka tih vak vak pawh chuan min chhang tu an awm reng renglo a reh zui hmak.




Khua a thim thet thet tawh avangin phone light chu on in ka kal phei deuh a....parcel lo indah ṭeuhna phen ka va bih dek dek chu sam thur bumin alo ṭhu nuai a..." eheee..Hmingmuanpui enge khatah khan i tih, ka au nasat zia che kha I hre lo em ni" ka ti nghal bawrh bawrh chuan zawi hniang a lo hawi chho in "Puite khawnge ka chapal khing a bo daih a nia"men pur a a tih chuan a ke lam chu flaslight in ka lo én thuai ka nui hak..




A chapal lehlam chu an bun reng a, a leh lam erawh a kutah a keng daih thung... nuih insum zet hian "tho rawh..a tlai tawh haw toh ang" ka tih chuan "ka chapal khing"..tiin a ṭap a nih chu mawle,a va han buaithlâk e aw, a ruih apiang hian a ṭap ve ziah leh nghal a, ka han thlem te chuan a hma ai in a ṭap uar sauh leh nghal.





Kan thawm hria in Jacob-a te chu hmanhmawh lutukin an rawn kal nghal vat ka ṭhiani an hmu chiah chu za emem hian an nui hawk hawk... Hmingmuanpuii lah hmui kawh luau in a hma ai uar a a ṭap chu Remlala'n "hmuichukchuriduninu a va ang ve" a tih chuan Jacoba'n "i hmu tawh mi ?" nghal zet hian a ti reuh a... Remlala'n nuisuk pah a "ka mitthla ah ka hmu tawh Muanpuii nen hian an in ang chiah chiah, an hmui zum dan thlengin" a tih a rum lutuk tak mai a ka lo melh takah chuan ngawi nghal dâkin Muanpuii chu a rawn sawi zui nghal dat dat a,a harh thei tawhlo hrim hrim a chatthla chu a ni nghal der mai.






Caleb-an a aw rawn ṭhian kharh pah a "sawtah kal ka ngai tho a..ka lo thlah ang cheu" a tih chuan hnial ka tum hman zet a mahse Remlala'n "i hreh em..scooty chuan Hmingmuanpuii hi a chatthla sia a buaithlak tawh ang" a tih tak ah chuan hreh deuh chungin ka aw ve hram.. ka ṭhiannu chu seat hnungah min dah sak thlap a, keipawh a bulah chuan a nghen tûrin ka ṭhu ve ran nghal bawk






Car a kan chûan chhûng zawng chuan Muanpuii te in awmna min zawh bak kan inbe leh lo hrim hrim avâng chuan ka lawm ru hle, hepa nen hi chuan a biak chu sawi loh a hmuh pawh inhmu tawh lo mah ila pawi ka ti teuhlo.




Muanpuii kan thlah fel hnu chuan a hmaa insawn thla tûr a min tih pawh chuan luhlul zet a inher hmakin turverh lam chu ka hawi nghal daih chu ngai thei lo fe a thaw hawk chung hian "Cicaro inbe lawk" ang tiin kawng sirah car chu a park ṭha a.. pawnah a chhuak nghal vut.. Kei erawh kut thlak inpeih at in car aṭang chuan ka chhuak zui ve nghal a.





In hma tawn a kan din takah chuan cho zet in ka melh chho nghal ha, Caleb-an 'bul ṭan ṭha ang' a tih chuan za zet hian ka nui nghal hak ... "Cicaro,hun ṭha dang min pe leh rawh min la hmangaih tih pawh ka hria" a tih chuan na deuh a a kap a pet chawrh a keh nawk nawk ka chak zia chu pui tak a ni insum lo phei ila chuan ka ti duh hrim hrim ang.




"I zak theilo mai pawh nilo in zahna hi i pianpui thlawtlo a nihhi" ka tih chuan a nui suk.. " video kha i thiante hian hmu ve ta se" a tih chuan ka insum hman tawhlo ka kut chu a phe nghal fua a, a hmaiah tak chuan ka hnek nghal chawrh... 'zawngi' tih pah a min ben a tum chu cho lutuka lo melh chung hian "tirawh, min beng rawh...min beng ta che tenawmpa" ka tih khum nghal tuarh...




Ka thinrim lutuk chu ka khur nghal hlawk hlawk thei...tûnah hian hepa aia huat leh thah chak hi ka nei kher lo ang, zak theilo lutuk mai, a kut lak let pah a min hnaih hrut chuan "i lo danglam ta hle mai" ti pahin ka kawngah a vuan zui nghal chawt chuan engtik lai pawh a ka pai ṭhin ka chemte chu bag aṭang chuan la chhuakin a hrawk bawkah tak chuan tin in "nang hian min vo beh tum tawh ngai suh...ka that hreh hauh lo che tih hi hre reng rawh" kha lutuk a ka tih chuan ka kawng a vawnna chu thlah in a dar a kán uk ringawt ..




Ngawi reng a inherin car chhungah a lut zui nghal hmiah...kei erawh ka dinna ngaiah ka la ding reng thung... "lo lut rawh" a tih chuan nui sakin ka kun hniam a....ka sir a lung kut tum tiat vel chu la in car hma ah tak chuan ka ding a.. Caleba'n mak ti fe a min rawn en chuan ngeiawm fe in ka nui leh sak... vawm tuma ka kut chu ka la kang chiah chu rang lutuk hian "ti suh, ti miah suh" a rawn tih ṭhawt rual chuan a glass chu a khi nghal tuarh....thinrim lutuk a "zawngi thah i duh em ni" a tih chuan nui hakin " ka laka i thil tih tenawm tak nena tehkhin chuan heng te chu engmah a nihloh hi a la nep lutuk tlat....min tibuai reng a nih chuan keiman video kha ka thehdarh ang" pawisak neiloh hmel fe a ka tih chuan rapthlak ti zetin min melh tlawk tlawk nuisak a in her in ka kal nghal nal nal.




A ni motor ah khan second khat pawh ka chuang peih tawh teuh lo...kan hostel awmna a hnai tawh a..ka hlau hran lo.....




Zing ka tho chu ka lu a rit luk a.... Ka pum lam fel loh avangin bathroom-ah ka lut zui nghal... ka phone rik chhen vang chuan inphih fai zung zungin ka phone awmna lam chu ka pan vat a...ka la kang chiah a tawp ve nghal zat......a rawn ri leh nghal zat screen ka en chu Hmungmuanpuii alo ni.




Ka la chiah hello pawh ka tih hma hma in "i va muang ve...sana i en thiam lo ami..kan tlai don" a rawn ti vin hlur a...sana tarna lam kan en chu minute 10 pawh hospital thlen nan hun kan nei tawh lo..ka uniform chu bagah khung sawk sawkin ka chhuak zui nghal a..kawngpui ka chhuak chho chu Muanpuii alo thleng ve nghal zat..a helmet phelh rual a..thusawi tuma a ang zuau chu phawk lutuk a mi rawn en chuan..a ngaihna hrelo zet in "enge'' ka tih chuan nui uar uar chungin "lo chuang phawt mai teh" a tih chuan ngaihtha vak lo in a hnungah chuan ka bet ve nghal run bawk....




Rei loteah hospital kan thleng ve nghal a, garrage bul lawk a inthlâkna lam pan tum a ka hawi phei chuan mipa khat hian hmeichhe inthlak lai chu enthlak tum a a lo bih dun dun ka hmun chuan Muanpuii scooty dah fel pawh nghak lem lo in muangchanga pan phei in ka veh ran ran a...housekeeping ho chhuatnawhna chhia bang a lo intung chu la in ka hum ran bawk....a bul ka thlen chuan ka bag dah leh te te in ka kut khing hnih a chhuatnawhna chhia a stick chauh awm chuan na lua awmlo in kan hlap nghal zawt zawt na a ngang a niang a er nghal ngawng ngawng mai..




'Mi tenawmpa' tih pahin ka vaw leh nghal pawp pawp... Muanpuii a rawn thlen phei chuan hlauthawng hmel fe hian 'tinge' a rawn tih chuan "mi enthlak ching a nih hi" ti a hlap leh ka tum chu chupa chu rawn ding chhuk zawtin ka kut chu a rawn man a..rum lutuk a min melhin hian "tunge maw i nih le" chang fak hian a rawn tia..chhan tum a ka ang zuau chu N.S (Nurse superintandent) hian "Alex tah khan a nimaw ilo awm..khawnge ka nu" a rawn tih chuan phawk lutuk a ka hma a mipa ding ka en chuan nui sukin mit min siai zuk..ka va han ten tehreng e aw.




N.S chuan "enge thleng a rawn ti ve nghal zat a"..... "ahh..ih..englo...Mam"..ka ti nawi niah a...Muanpuii ka va melh chu a lo hawi sawn daih leh nghal .. ka va ngei tak...Ka hma a ding mipa bawk chuan min en reng chung hian "ka nu chu bathroom-ah a kal lawk..tah hian a bag a dah" tih pahin inthlakna room chu a melh a..kei erawh ka zak lutuk chu ka sen tawn tawn ang ka ring..zak tak ka ni...Muanpuii'n thawk lak hak pahin zawite hian 'life is hard' lo ti sup a,a nui a nui pawh chuan ka nui ve thei tawhlo life is stop ti se a dik zawk ang..


(Notes: changtupa hi ka thup rih dawn aw tikhan rilru buai deuhin lo inngaihtuah ve rih ru,, inrin loh deuh pawh kha a ni thut thei ania)


Show post links
Top

[Ngaia]

Ngawi rengin ka hma a ding pa leh Kan N.S chu ka en tawn zak zak, kan N.S unau pa a nih chuan he damdawiinah hian thu neihna an nei sang dawn tih lah a chiang reng bawk si.. hepa hian nichin a thil thleng kha a sawi a nih vaih chuan min ban dawn chiang...awiii nula hna neilo ka ni dâwn nihhi..



"Inthlak ula...chho nghal ru..night ho an hah, duty ṭan hun a pel nasa tawh" tih pahin min kal pel a..kan hma a mipa ding chuan a zui ve nghal bawk, ka lawm zia chu pui tak a ni. Khapa khan a hrilh ang tih mawlh ka hlau...


Muanpuii'n en zui vawng vawng chung chuan "awiii,, khapa pian nalh zia kha..a sang ṭha si..ka tui ral... a hmui te kha I lo hmu em?? a sexy zia kha" a lo ti leh hmanhmawh.... "inthlak vat teh ang" tih pahin ka bag chu ka la a,inthlâkna room-ah lut zui nghal in kan inthlak nghal zung zung..


Kan ward kan thlen chuan night ho chuan min lo melh no lo teh e....enga tan mah ngai lo in kan hna kan ti nghal zung zung an ni pawh tho in an kal nghal nal nal...nilengin kan phe buai a..phone pawh kan khawih hman meuh lo..naktuk zan hi ka night hun tur a la nizui..ka phur hlawllo...kan damdawiin hi chu damlo kan ngah thei ve hrim hrim,awl lai em em hi kan nei ngai meuh lo.




Night tur an lo thlen hnu chuan haw turin kan inzui chhuak nghal a..phone ka hmet eng nghal zat bawk..number hriat loh aṭang hian 'ka lo rim dawn che tlangval angin' tih massege ka dawng a.. 'tunge' ka tih chuan seen nghalin typing a inti nghal a... 'Pathian anchhe dawng a famkim lohna khawvel a lo piangin, ka pi duhtakin ka hming hnai sai lo zet phuah a..a rem emaw rem lo emaw lal tih tel hram a tum hi ka hrethiam lo' a rawn tih duah chuan Remlala a ni tih ka hre nghal..nui hakin 'lo leng rawh mahse ilo kal hma dawn nia..gate kan khar hma ṭhin a' ka ti ṭha ve mai a..




Kan hostel ṭhat ve na chu strick deuh si hi nula kan nih angin inleng neih an phal a..room a tawmpui an phallo thung..sitting room kan neih vangin tah chuan kan inkawm mai ṭhin..a tha reuh tak tak.


A ngai te te in Muanpuii nen kan haw dun leh a...kan hostel kawtah scooty ti dingin a helmet phelh pah hian "naktuk chu ka lung a leng dawn e" a ti ve nang nang a...ka lo nui a hmuh chuan chimawm zet a min melhin "kherh thlu rawh..patil i nih loh zia lantir rawh" a ti sar sar reuh a..mi hian patil emaw hi min ti ṭhin a..a zia lo ka ti tak tak a ni patil emaw min tih vanga min ngaizawngtu hmeichhia pawn an awm veleh nawlh zel.



Kan inthlah fel hnu chuan hostel-ah ka lut a.. bathroom-ah lût tlangin ka inbual a, inthlak zung zungin ka in tih fel thuak thuak hnu chuan khum a ka phone dah chu rawn nghawr dur dur a...number hlang a nih chuan rindan ka nei thiam mai..ka pick up rual chuan Remlala'n 'pawnah ka awm a' aw hniam ruih a alo tih chuan ka zam ve lek lek..ka lo chhuak tih leh phone dah ka rual a..room a tangin ka chhuak zui nghak bawk..



Pawn ka va thlen chuan bike chungah alo thu run a..ka lai lek lek mai..a bul ka thlen chuan ngaihawm deuh hian min lo nuih a... "kal ila" a mah pawh en ṭha ngam lo chuan ka ti a, bu nghutin a bike chu a hung ṭha a min zui ve nghal zat...




Sitting room-ah chuan ngawi rengin kan ṭhu run a...sawi tur ka ngaihtuah ṭhin a..engmah ka ngaihtuah chhuak thei bawk silo chu Remlala chuan min rawn ṭhut hnaihin.. 'Puite' a ti sup a..amah pawh en lo chuan ''sawila'' ka lo ti ve nghal vat.. "englo ka thiante bulah ka bialnu ka ti che a" tih chuan phawk zetin ka en a..a ni erawh hnuailam bihin a tukhum a hiat neuh neuh a,a inthlahrung hmel ang reng.



"Min bem ta che..ohh...kan inhre ve chauh a" ka tih bah nawk nawk chuan nui hawkin "bem i duh" a tih chuan ka dang chiang lutuk chu ka ngawih zui daih avâng chuan min rawn melh leh pah hian "Puite ka duh che" a tih chuan "thla khat inhriat chian nan hun min pe la" ka lo ti zeuh...diktak chuan chhelo ka ti..a fresh a...a palian a..a sang ṭha in a zaidam bawk a... duh pawh ka duh theih mai ka ring mahse inhre chiang lo a inngaihzawn tawp chu ka duh bik lo.



Nui chung hian 'a tha lawm' a lo ti ve mai bawk a....thingpui te kan in leh tete hnu ah a sana bih zawkin 'ka haw dawn..assignment tih tur ka nei' tih leh din a rual zui zat a...pawn thleng ka thlah a,a tlan liam hnu thleng a ka thlir leh thlap hnu chuan keimahin hostel lam panin ka nui lut ver ver... Hre chhuak thutin Muanpuii call nghalin chanchin ka hrilh a...min rawn chhaih zui nghal chiam.


Caleb-a kha ka tan chuan ka mipa hmasa ber a ni a, amah lo chu inzawmpuina midang ka la nei lo hrim hrim bawk...ka ngam lo ani mah zawk..Nurse ka training tirh khan ka la naupang a...mahse ka chungah khatiang thil a thlen vang khan mipa hi hnaih tumna ka nei tawh lo a...sangha ang mai a vawt a nihkha min ti tu lah antam..engvang nge tih min chhut pui silo in min dem a.. min rel a..mahse ka dam theih nan hian a beih tak meuhin ka bei tih erawh min hriat pui lo thung..
Ka tan an pawimawh lo a..ka ngai pawimawh duh bik lem lo.

•. •. •.

Kan ti bek bek a thla khat chu kan hmang tling ve leh der a...khang hun kalta chhung khan ka tan Remlala hi a ṭha em em a..a bialnu angin min cheibawl a..inngaizawngte tih ṭhin ang chu kan tive vek,,, a bialnu anga min treat miau avangin keipawh a bialnu ang chuan ka awm ve mai, ka bialpa a nilo chu ti ila a rilru ka tina viau ang.... Remlala hi ka hriat chian pauh leh amah hi mipa fel leh dik ani tih ka hre chiang a ka duh zual sawt zel...min nawr lui ngailo a, engkimah min ngaichang a...tawnsual leh ka hlauh em vangin ka fimkhur viau bawk.



Zing ka ka harh rual chuan ka tih ṭhin dan ngai te in lukham hnuaia ka phone dah chu la chhuak in Remlala message chu ka enzui nghal vat 'Good morning Bawihi🤍' tih te mai chu, ka nui var var..a tih ziah ṭhin dan a ni. Zingah kei aiin a tho hmasa ziah a min lo morning ngei ngei zel, hei vang pawh hi a ni mahni Remlala hi ka duh sawt em em ni.


Dar zat ka en chuan ka inperh tho nghal vat...dar 9:30 a lo ri tawh a nih chu, kei hi ka tlai leh dawn a nihhi, ka mamawh tur bag ah khung sawk sawk in bathroom ah ka lut a, ka inphih thuak thuak hnuah ka phone leh bag la in ka tlân chhuak nghal dawr dawr..



Engvanga Muanpuii pawh chuan min sawm lo nge a nih le...ka call a ala theilo zui...kawngpuiah chhuak chho in taxi ka phar nghal a..hmanhmawh lutuk a ṭhu lut in ka kal duh na hmun ka sawi nghal zung zung, Muanpuii ka phone leh a, a la chhang theilo zui.




Hospital ka thlen chuan inthlak leh zung zungin...kan ward a ka va luh chuan station a thut pahin "Hmingmuanpui tinge min kalsan" chhuahchhal awka zet a ka tih chuan "i day off ani lawm ni "a rawn ti hu.."maw..min tih der nge" ti a duty in charge lam ka hawi chu min la nuih pahin duty roaster chu min pe a..kan en nak chuan vawiin leh naktuk chu ka lo off reng... "awiiii ka hre lo reng reng" ka tih chuan ka bul ami te chu a ai uarin an nui leh rih a..infiam zui nak nak in keipawh reilo te ka thu khawmuang leh a.




Taxi bawk chu la in ka haw leh nghal...Remlala call in 'ka day off a nia'...beisei nei zet a ka tih chuan 'kan leng chhuak dawn nia' a rawn ti ve nghal zat..




Hostel ka thlen chuan ka inbual sawk sawk a, ka thawmhnaw hak tur pawh ka thlang uluk ngang mai...darthlalang hma ah thu in ka inchei zui mawlh mawlh..ka khabe phir leh biangsum hi inhmeh tih ka hloh fo..ka pa ka chhun a mitmeng zahawm tak ka neih thu min hrilh thin bawk..



Ka phone a rik chuan rang lutuk in ka chhang nghal vat 'ka nghak che' Remlala'n a tih chuan "ka rawn chhuak ang" tih pahin phone ka dah zui nghal a, in en leh thuakin ka chhuak zui a...Remlala chu a rawn chhelo leh nasa...keimah ang bawkin biangsum a nei a...a rimtui in kah rim chu a fresh tak zet amah nên hian a inhmeh emem leh nghal.



'Chuang la' tisupin bike chu ati nung nghal a..kan tlan chhuak zuizat bawk...."Ka pu te resort ah kan kal dawnnia" a tih chuan ka lo 'aw' liam ve mai...a hnungah betin thil tam tak ka ngaihtuah a..ka rin ang mipa lo ni leh ta silo se..ani hian Caleba ang khan ka taksa ringawt hi lo duh ta se ti a ka ngaihtuahna chu duh lo zetin lu ka thing mat mat..




Ka phone ka bag a ka ah chu a rawn nghawr dar dar avângin ka la chhuak a...number hlang chauh a ni..ka pickup rualin leh lam a mi chuan 'whatsapp ah lut rawh' ti pahin phone a dah zui nghal daih....a aw kha ka hriat hnu a ang viau na chungin ngaihtuah chhunzawm duh lo in whatsapp ah chuan ka lut a..number hlang hian message min lo thawn a..ka open rualin Caleba nen kan video ngei chu min lo thawn a..a hnuaiah 'i pa kha kohhran upa tiraw..hei hi a fanu duatlai ani tih hre ta se?' tih message ka hmuh chuan "Remlal ding rawh" ka ti vak a..ka awmdan chu a hria ang tih hlau zetin "ding lawk ang" ka ti leh sep..kan din rual chuan bike aṭang a chhukin kan piah deuhah chuan ka kal phei nghal a,min rawn thawntu chu ka call back nghal, ka tha te a khur vek tawh...phone a pickup rual chuan "Caleb engthil nge ka lakah hian i duh? Min tibuai lo turin ka hrilh chiang viau che a nilawm ni?" ka ti nghal thawr lehlam ami chu a rawn nui nghal hawk... "I pa ka thawn i duh lo a nih chuan ka rawn sawi zât pawisa min pe ang che" tih leh phone dah a rual nghal zat,min blackmail a tum a nih hmel.


Show post links
Top

[Ngaia]

Thaw hakin message min lo thawntu number bawk chu ka call leh, 'hello' a tih rualin "A ṭha lawm...Hotel Galaxy-ah zanin dar 8:00ah kan inhmu dawn nia" awki dam dap hian ka ti a...phone ka dah zui nghal bawk.





Ka hma a tlâng lo lang chu ka thlir zui dauh dauh...

"a bulin ṭanna tur nge a tawpna tur..a tawpna ni hram rawh se..."

ka hnunglam a thil ri rek ka hriat vang chuan ka harh zawk ...Remlala chuan min rawn kuahin ka darah khabe nghat chung hian "i ṭha em?" awki hniam ruih a a tih chuan nuisakin lu ka bu nghut...a lam a inherin Remlala mitah tak chuan ka en a, ani pawn min lo en ve kar....





"Engthil pawh thleng se min ring ang tiraw?...ka kiangah i awm reng ang tiraw?" ka tih chuan hriatthiam loh hmel zet a min en hian "thil thleng a awm em?" a rawn ti nghal..lu thing mat matin.. "aih, sawiteh min ring tiraw" ka ti nawn leh sap..a awm a min kuah betin "ka ring che,nangmah i nih chhung chuan ka ring tlat bawk ang che..chu chu hrereng rawh" chiang deuh a min en pah hian a ti sup.






"Englo..haw mai ang hmiang..zaninah tihtur ka nei leh sia" inthlahrung deuh a ka tih chuan hrethiam zet hian lu a bu nghut a,ka banah min kaiin bike awmna lam chu min panpui nghal..





Kan tlan chhung zawng chuan ngawirengin Remlala hnungah chuan ka bei hle hle a...hostel kan thlen chuan a sana a bih zeuh hnuah "ka lo lut kawi tawh lo mai ang Jacoba te în ah peng lawk ka ngai" a tih hnuah inherin a tlan zui leh nghal a..a tlan liamna lam thlir chung chuan thawk ka la leh te te a..gate hawngin hostel-ah ka lut zui nghal.







Ka room kawngka ka hawn dawn lai tak chuan 'Puite' ti ri ka hriat avangin ka leh hawi a..kan warden UZuala chuan nui var var hian "i chhuak elaw"a rawn tih chuan buk nghut pahin "enge nita" ka lo ti vat.. "ahh eng nilo e...miin i thil tur an rawn dah a" ti pahin ka hmaah a thil khai lai chu rawn lek kang a.. "Tunge" ka tih chuan lu thing mat mat chung hian "naupang anlo dah tir" a tih chuan hriathiam loh hmel zetin ka en a, ṭhen sakin "nangmah star tu che lo dah tîr a niang" a ti vêl maimai...a hriat chian hmel vak bik lo..






Nui sângin "ka lawm e aw" ka tia in mangṭha in keipawh ka room-ah ka lut zui nghal..ka bag chu dahin Paper bag Uzuala min pek chu ka en a, chhunga bawm intuam mawi chu la kangin ka hawng nghal a..a chhung a thil awm kan en nak chuan thlalak chi hrang hrang Caleba'n min hrai ruih zana a lak ni awm tak leh pendrive hi a awm a....pendrive chu la in ka laptop-ah ka vuah nghal zat....






*CICARO* tih lo awmna folder chu hawngin video lo awm chu ka play a..ka chhing sawk....play rei duh lo in ka titawp nghal bawk....ka mittui rawn luang ngiai ngiai chu hruk pawh hru fai duh lo in ka mitthla ah Caleba nui hmel a rawn lang chuan chawp chilh lutukin thinrimna nasa takin min rawn tuam nghal hlup hlup...inbengdaih tum zetin thawk ka la leh vang vang..






Khum a ka phone dah a rik avâng chuan inherin phone screen chu ka en a, ka nu a lo ni....ka aw thian kharh kharh a pick up nghalin...'hello' ka ti zang vah ka nu in zawi sap a "bawihte" a rawn tih chuan zawh nawn ngailo in thil thleng a awm tih ka hre thiam nghal.. "aw nu..enge thleng" ka lo ti vat...





"I u Mama'n Pu denga ke bai kha a su a" a rawn tih chuan min ti mangang ve nghal.... "engtin nge" ka lo ti hap...ka nu chuan "truck in a nia..naupang a phur kual a..an bengchheng sia..a back tur kha a hnungah truck hnungah Pu denga chu a kal a" a tih chuan lo pawt chat in "a rui em?" ka lo ti nghal vat...ka nu thaw hak ri ka hriat chuan ka u chuan harh fimin motor a khalh lo tih ka hre chawpchilh nghal..





"Hetah anlo phur chho ang tiraw" ka tih chuan a lo 'aw' thuai a.. aw thian kharh pah hian "i va kán ve dawnnia....pawisa annei silo a...sangnga chu ka pe a..mahse an damdawi leina khawp pawh a daih lo ang..pawisa lak chhuah sa kan nei bik silo a..ilo buaipui dawnnia" alo ti nghal zung zung 'lo mangang lo tur leh engkim ka buaipui tur thu' hrilhin phone ka off zui nghal zat..





Pu Deng Kebaia te hi an rethei a, a enkawl bertu A u a thi tawh a..a u fapa leh a nupui in an enkawl leh a...anni lah inhlawhna tur awm loh chuan pawisa annei dawn bik silo,an rilru a hah ve viau ang....inbual sawk sawkin chhuak turin ka insiam zung zung a..ka mamawh vel ka lak khawm hnu chuan ka chhuak zui nghal...





Taxi pharin ka kal duhna ka sawi a...thil ngaihtuah chhuak thutin taxi chu bawngkawn lam a tlan tlang turin ka hrilh a...ka kalna tur ka thlen chuan taxi khalhtu bulah min lo nghak lawk turin leh ka let har loh tur thu ka hrilh a...ka chhuk zui nghal vut...ka tih tur ka tih fel hnuah taxi awmna lam chu panin Zarkawtah kan tlan let leh nghal a hotel bul ka thlen chuan, chûan man pe in ka chhuk zui zat..





Hotel chu thlir vang vangin 'Lalpa tum tum chu min pui ang che' ka ti sup...lut nghalin reseptionist bulah room ka hauh lawk tawh thu hrilhin room number ka hrilh nghal a..chahbi min lo pe ve nghal vat...room ka thlen chuan ka bag a Wine la chhuak nghalin engkim chu Caleba rawn thlen hma a peih hman a ngaih vangin ka che nghal zung zung...





Ka zo fel hnu lawkah Caleb-a pawh chu a rawn thleng ve nghal a nuisang a en in ṭhu turin ka mitmei zui nghal....a ṭhut fel hnu chuan a bulah pheiin ka wine thlit sa chu ka pe nghal a...a mal chungah ṭhu nghal zâtin a kamiz kawrkilh chu pakhat te te in ka phelh sak a..kun hniamin " ti zawng hian kan inrem mai dawn em ni??" ka tih avang a, a mit meng a tisa chakna lo lang chuan ka rawtna chu a pawm tih ka hre thiam nghal..





Tho kang vutin ka wine in tûr chu ka ban nghal a..."in phawt ila" tih pahin ka nui ver ver..min rawn en a nuisuk pahin a in nghal zat...a in lai chu melh ngurin ka rilru in number ka chhiar thung..a lu a hai a niang lu thing nawk nawk, a mit meng a vai ruai tawh number five ka chhiar tlin ve meuh chuan a no ken lai chu thlauhin a hma a dawhkan chu zawi zetin a bawh ngiai nguai..





Chet la ve nghalin ka bag a hrui ka pai chu phawrhin ka phuar mial mial a..ka zawh fel hnu ah bathroom a ka tui dah sa chu a bucket chawp a la chhuakin camera chu a hma ah ka dah leh te te hnu chuan bucket a tui awm chuan ka theh pawp, a rawn meng zau nghal kawk..che vatin a hrawk ah chuan ka chemtê ken hriam zetin ka tin nghal siah.






"Suraj-a birthday kan lawm zana ka chung a i thil tih dan kha sawi rawh le..zep ṭhen tum hlek suh...a nih loh chuan" tih leh chemtê chu ka nawrna sauh...a rawn thi nghal ser ser.. "zawngi, bum hmangnu" tih ṭhawt pahin a tal zui nghal a...dam dap hian "come on, Caleb au vak vak mahla tuman an hre theilo...room hi sound proof vek a nihhi" ka nui nghal hak..





"Nang mi hur herh..thianghlim ber awm faran khan awm tum suh..i engkim kha ka sulhnu vek a nihkha" tham loh hmel fe a min tih chuan thinrim thutin khum lam ka pan a..khum hnuai a ka stick dah chu ka phawrh zal zal...a ngalah na lua awmin lo in ka hlap chawrh....a au ṭhawt rualin chair chawp chuan a tlu nghal..tung ding leh nghalin a hnung zang a ri leh pawp, a na tuar thawm chuan ka thinlung ati hlim thung. Vuak leh tum a ka stick ken lai ka la kang chiah tih ah "a tawk..ka sawi ang..ka sawi vek ang" a rawn ti nghal chul.. "sawirawh" ka tih rualin camera ka on nghal...kei erawh a inpuanna vang chuan ka thawk a sak leh vek tawh...a in puan zawh hnuah police ka call a, a hma a engkim ka lo hrilh tawh vangin an rawn thleng thuai...Inspector hnenah camera chu hlanin 'finfiahna' ka ti zawisap..buk nghut rualin a naute bulah 'hruai nghal ru'....a ti zui zat....keipawh victim ka nih miau vangin an rual chuan police station-ah ka kal ve nghal bawk...tih tur ṭul te ka tih zawh hnu chuan ka haw theih thu min hrilh a...ngawi rengin station chu ka chhuah san nghal....

FLASBACK

Bawngkawn police station-a ka luh chuan constable pakhat hian 'Ka pi enge i duh' a lo ti var... duty incharge hmuh ka duh thu ka hrilh chuan amah nghak lawk tur a min hrilh hnuah an pu room-ah chuan a lut nghal vat a...lo chhuak leh nghalin, 'ka pi va lut rawh le a tih chuan bu nghutin a luhna room-ah chuan ka lut zui ve nghal...ka hma a ṭhu police chu en in 'min pui rawh' ka ti nghal thawr..a mit meng rum lutuk chuan min ti tim ve deuh..mit ko ti che ralhin 'sawi rawh' a ti bung nghut..





Pawngsual ka ni tih ka sawi chuan phawk zeta min en chung hian 'Ka pi fiamthu thawhna hmun a nilo' nui hawk hian a ti a...'fiamthu thawh hmel ka pu em ni' a mit a en kar chung chuan ka ti chang fak...ka inthuam dan leh ka thusawi chu in mil a tilo deuh nih ka ring....chik zet a min en hnu in 'engtikah nge? ngati nge a tirin report i theh luh loh' min ti nghal a, min chhuahchhal a nimah zawk.... 'kum nga kal ta khan' ka tih leh phei chuan a ding hluai a..a ka a ang zuau a..chip leh in a ṭhut na ngaiah chuan a ṭhu leh nghal a, 'sawi vek rawh' a tih chuan Suraj-a birthday kan lawm zan a ka chung a thil thleng chu zep ṭhen nei miah lo in ka sawi a..ngawi rengin a lo ngaithla thung...








'Fin fiahna i nei em' min tih chuan zanin a ka neih tur thu hrilhin a phone number ka dil zui zat...number min pek zawh hnu chuan 'misual dawp nan hian eng pawh ti ila a pawilo tiraw' ka ti sup chu a ngaih dan nih loh hmel fe hian a ner sawk,rum nghutin "nangmahin engthil mah lo ti suh"tih pahin rum deuh hian min melh a, hepa hi a meng rum ve hrim hrim nge a ti lui pawh ka hre lo e a,nui sak in 'lungngai suh a thi dawn lo' ka lo ti nghal..min hnial a tum rualin rang zetin 'he thil hi news a chhuah ka duh lo..a ruk thei ang ber a kalpui ka duh' ka lo ti nghal.. lu bu zeuh hian 'ka lo buaipui ang, mahse misual kan man zawhah news a ka chhuah loh tur chhan tha tak min hrilh ka beisei' al o ti sup..lu ka buk nghut rualin 'i call ka lo ngaichang dawn nia' a tih chuan ding nghalin amah en chung chuan 'i chungah ka rinna ka nghat a nia' ka ti leh hrâm.

END OF FLASHBACK


Show post links
Top

[Ngaia]

Caleb-a pawh an man aṭangin kar khat a liam leh tawh a, kum sawm lungin tang tur a tih ani bawk.. Jacob-a nau a nih miau avangin Remlal-a pawn a hre lo theilo a..mahse a sawi ang takin keimah ah rinna a nghat a..kan inkar a chhiat phah lo thung.




Pu Laldenga te pawh va kân ve in cheng singhnih ka thla khat hlawh leh tlem ka lo khawl ve sa chu ka pe fai vek ringawt..keiai an mamawh tih ka hria a...tam tak pek tur ka neih loh vang erawhin ka inthiam lo hle thung..an inzaina sen so ringawt pawh a tam dawn vei nen.




Dam lo pakhat ka buaipui zo kan station a ka va ṭhut chuan Hmingmuanpuiin engtin maw i fb chhass chuan a block che a..nui pat pat hian a rawn ti... "oii kha pa kha maw, vawk farm ka siam dawn a ti reng a..status ah vawk no te hi a rawn hmang a..ka va comment a..'i fa te chu an va ṭha hlawm phek phuk ve' ka va tia...'min va hmusit ve..vawk ka vulh dawn vang a min iai dawn a nih chuan inṭhen ang..min hmusittu bialnu ka nei peih lo' a tia min block daih" ka tih chuan an nuih a za hlawm ngang mai. Hmingmuanpuii nui uar fal leh bikin a bul a ward boy ṭhu chu a hnungah a beng dawp mai, "Remlala hrilh chi miah loh aw" ka lo ti ve chhen.




Zanah Remlala'n min lo call chuan în tur a neih thu a rawn sawi a..hostel-ah ruihhlo ken luh an phal miau loh vangin Hmingmuanpuii ka va bia a..a chhungte zin lai a nih thu a sawi chuan 'kan lo kal dawn' tih leh phone dah ka rual nghal.



Remlala'n hostel aṭang min lo lam leh thlap hnuah Hmingmuanpuii te în ah chuan kan kal a, kan thlen chuan an inhnuainu a lo awm ve avng chuan "UZoi chu ti ve ṭhin a mi" ṭhut thleng a ṭhut pah a ka tih chuan nui uar uarin hian "awi hla play tur ka rawn intum" tih pahin wofer a lek kang zauh .



Amawii bottle khat kan inzawh chuan ṭawng duh tawh tak ka ni.."hetan riak ang" Remlala bul a ka tih chuan a nu phone in "dam lo ka riahpui dawn a ti daih"a nu thusawi kan hre thei silo a Remlala vek chuan "ka thiante zawng zawng i hre hleihnem" a ti hluk hluk...ner nang a no khat ka tlak leh chuan ka uak nghal that..chu chu remchangah la in "nu hei a luak dawn ka dah" tih leh phone off a rual nghal rum zetin ka lo melh thung.



Zing ka tho chu ka lu a rit luk mai, Remlala kawr phelh a sofa a a mu chu kai tho in "i mutui em" ka ti nghal sap..min en a, a ner sawk ringawt "tinge" ka tih hu chuan "ka kawr saw su ang che" tum bura a tih chuan "ngati" ka lo tih leh hu chu ngaitheilo zetin "i luak" a ti hmuk "awii, engtin nge nizanah ka awm, kan mut hnu khan ka tho leh ami" inthlahrung fe a ka tih chuan "ka luak a chhuak i tia i mu lai i tho a..tukverhah luak tir che ka tum a...min rawn pawm bet tlat a, ka lu ah i luak"a tih lai chuan ner nawngin "ka awihlo e a" ka lo ti hluai.


Rum deuh a min rawn melhin "min bawh beh hnu ah ka kawrah, ka nghawngah i luak vek" nizan thil thleng ngaihtuah let tih hriat zetin a ner zui sawk...dek pawh ka ti ngam tawh lo..a mengrum emai dawt a sawilo ang...ka zak lutuk chu keimah leh keimah ka insik vawt vawt ringawt, drinks kan in hian ka rui lutuk ngailo asin le nizan kha chu ka duh ai a ka phur mah mah vang vek.




Muanpuii pawh a rawn ṭhu chhuak hlawl, min rawn en in a ang zuau lo mitmei vatin Remlala ṭhu tum bur chu ka va melh eh zeuh chuan za zet a nuiin "nizanah buaina siamte kan awm a" ti pahin min rawn melh kher, ka tho thut a Remlala pawt tho ve nghalin "haw ang hna kal ka ngai"ka ti sawk sawk..ka pen ṭawng vanga ka tho hma chu a tih zia tak tak. Kan kal hma in fridge hawngin tui bottle khat ka inzawh sak hram..ka rilru in kan hostel a anṭam tlâk kha ka hre chhuak rauh rauh,pen ṭawng chuan anṭam tlak dai dak mai hi in ila a tui berin ka hria.



Hospital kan thlen chuan kan thawhpui ten hlawh a luh thu an sawi sap sap..phone ka check ve nghal vat a lut tak tak..ka lawmzia chu..pawisa kawl lai ka nei tawh lo hrim hrim a nia a tih zia taktak. Ka message tone a rik chuan ka ipte a ka áh ka phone chu la chhuak in ka fb message dawn chu ka hawng zui zat a...Lawma ka fb chhass min block ta khan "enge i tih?" a tih chu reply lo in ka dah tawp.



Messenger ka hman avangin a rawn video call deuh chhen a, la lo in ka reject hmiah hmiah, a chang leh ngaidam min dil a, min tih buai chhen avâng chuan bialpa ka neih thu ka hrilh pawn "ka la ṭhen lo che" rawn tizui zat.. "min block khan ka ṭhen daih tawh che" ka tih pawn "chu pawh nise ka ngai che" a la rawn tih leh chuan "bialnu dang nei rawh ka zawn sak ang che" ka ti leh a "aih nangmah bak ka duh lo" a rawn ti zui zat thinrim zet a"bialpa ka nei" ka tih leh chuan "min kawp mai rawh" a la ti hram, ka hne lutuk chuan ka block hmak ringawt.



Chhun chawlh laiin ka nu hnen aṭangin call ka dawng a ka lak rual rual chuan "bawihi i pu in entir turin alo chho dawn a, pawisa an nei silo a..lo buaipui mai rawh aw, singkhat chu kan ken tir tho a" a tih chuan "a enge na" ka lo ti daih thung "a khua sik reng a,a dang hi a pilh a..a dam a..a pilh leh thin a"a rawn tih chuan tlemin ka hlauthawng ve deuh..hrawk cancer ani ve thei a..mahse anilo thei bawk.



Kan inbiakna kan tih tawp hnu chuan kan N.S hmuturin 3th floor-ah ka chho a..chawlh ka dil nghal bawk..ka harsatna te ka hrilh chuan a lo rem ti ve mial a. Ka bungrua te siam felin ka chhuak zui nghal.



A tukah chuan ka pu telo thleng tur chu hospital kawtah ka lo hmuak a, sen so a tam lutuk kan hlauh avangin civil hospital an pan nghal dawn a, kei ka lo awm ran tawh thung, an lo thlen chuan engmah ti kual tawh lovin an entir nghal a, biopsy ti nghal turin an lo ti a...test ngai neuh neuh an test zawh chuan ka pu chuan haw a ngen tlat sia an haw leh rih a, an tar tawh a, mipui zi mur murna hmun hi nuam an ti tawh tlat lo a.



Ka pu test result a rawn chhuah chuan ka pu chu a lo cancer ngei a, ka rin ruk reng nimahse a cancer tih han hriat taktak meuh chuan rilru a dek na bik. Ka pa pa hi a thih tawh avangin ka nu pa hi kan pu neih chhun ani tawh a..min duat hle ṭhin a tuteah hian amah ngaina lo kan awm lo reng bawk.



Cancer hospital-ah kan admit nghal a, stage thumna a ni tawh nghe nghe...ka pu, mi tuarchhel lutuk tak mai a dam loh pawh a nachhawkna ei a ram a kal leh mai ṭhin a ni a...tunah pawh dam lo ang a enkawl chu ala duh teh chiam lo..mahse tar chak lo a nih bakah natna nei a ni a..duh angin a che thei tawh lo tih ka hmuh hian rilru a ti leh zual.



Ka pu pawh damdawiinah kar thum zen zawn kan enkawl tawh a, ka hlawh lak ve chhun chhun pawh ka pu damdawi lei nan leh a mamawh lei nan ka khawh ral zel a..mahse a inthlahrun ka hlauh avangin engmah sawilo turin ka chhungte ka ti thung..ka hlawh ringawtin a daih sen loh avangin ka pi in ram hralh a rawt a...an hralh reng bawk a.



Heng hun kan tawn chhung zawng hian Remlala chuan min buaipui nasa in min hrethiam em em ṭhin a, kan inbe khat ṭhin na chungin engmah a sawi sel ngailoh avâng pawh hian a chungah ka lawm ṭhin hle. Hostel awm man ka la bat avangin hostel neitupa Pu valtea bulah ka pek theih loh thu leh kan chanchin chu ka hrilh ve luam a, hrethiam emem a ka neih huna pe tûra min tih chuan ka lawm takzet.



Ka pu chuan zia lam a pan theih loh avangin doctor ten damdawi în a inenkawl nge kan duh în lam a in enkawl an tih avang chuan în lamah ka chhûngte chuan an haw pui a kei chuan ka zui ve lo thung.




Inrinni a ni a, ka hna bang Remlala'n min lo hruai a tum chuan police station a ka kal tur thu leh zan a lo leng zawk tura ka hrilh chuan a rem ti ve mai bawk... Police station-ah hian kal nawn leh duh tawh lo viau mah ila kan police pa ber bur hian ka pu damdawi în awm lai aṭang tawhin, min lo phone reng a, engvanga Caleba'n min pawngsual chungchang kha news a chhuah duh lo nge ka nih min zawh sek avanga kal dawn ka ni.




Kan police pa nên chuan kan in hma tawn ran a, ka duh loh chhan kim taka ka sawi chuan a lo bu nghut nghut a..ka sawi zawh hnu chuan min en deuh vang vang chung hian "a va ho ve" a ti sup....ngei zet a melhin "ho i tih chuan engvang hriat chak em em nge i nih" ti bar hlar chung a ka chhuak tur chu a nui ri avâng chuan ka hawi let zeuh, melh rum vakin ka chhuak nghal nal nal.



Taxi phar tur a kawngpui a ka din lai in Jacob-a ka hmu hlawll..keimah avangin a nau jailah a tang a inhmelhriat ṭha lo mah ila nuam lo chu ka ti ve deuh..biak hmasak ka hreh tih a hria niang "i ṭha maw" a tih chuan "tha e..nang" ka ti ṭha ve mai tawitea nuiin "ka nauin i chung a a thil tih kha pawi ka ti takzet" inthiam lo tih hrit takin a ti zui sup...kawngpui lam chu a en vang vang a, sawitur ka hriat loh em avangin "nia" ka ti ringawt. Kan zawn a taxi lo tlan chu phar nghalin "ka kal a nge" tawitea nui chung a ka tih chuan min chhang tawh lemlo in a lu a bu zauh.



Zanah chuan Remlala chu a rawn leng a..rei vak lo a awm hnu chuan haw a ngaih thu min hrilh a, a haw dawnah chuan min kuah vang vangin "tunlai chu ka ngaih a ṭha lo..min kalbo san dawn tlat a hriatna ka nei" nui hak a a tih chuan uang zetin "ka hruai ve zel ang che" ka lo tih chuan min kuah na thlah in ka biang a dawm vang vang a, thuk ruih a "ka ngai che" tiin dam dapin min fawp zui leh vang vang.




A inlak hran rualin min kuah leh nghal hlu hlu a ka chhip ah a fawp deuh vang vang a,ka dara a lu nghatin "min kalbo san suh aw" a ti sup, ṭawngzawi hle mahse ka beng bula ṭawng a nih miau avangin ka hre chiang hle thung... "ka hre lo le, hma hun kan hre lawk silo a" muang ban charh a ka tih chuan inla hrang vutin min en deuh vung vung.. "haw tawh rawh..i nu in a ngaitawh ang che" nui var var a ka tih chuanka fiamthu tih a hrethiam aniang nui sukin "ka lo bia ang che" a ti zui zat.




A tlan liam thleng a ka thlir hnuah hostel-ah chuan ka lut a...ka pu cancer a aṭangin thla khat a liam leh tawh a..ka hostel awmna ba lah chu ka la pêk zawh theih loh avangin Pu Valtea'n min dil chhen tawh a, vawi leh khat a pek vek tur ka neih loh vangin min nghak leh tura ka tih chuan a lawm hmel tawh viaulo.



Khum a ka mu fel deuh chiah tihah ka nu min rawn call na ka chhan chuan "bawihte i pu hi ka khawngaih emai..tui tak ngial pawh a lem hleithei tawh lo..enge i ei chak kan tihte hian bawkbawn bai thak deuh leh tui inkhawlh khawlh a ti ṭhin a" ṭap pur a a tih chuan ka thaw ve hawk... Sawi mai tur ka hrelo chuan "nu" ka ti sup.."i pi lah a ṭap reng bawk si,...eng..." a sawi tur pawh sawi zawh tir duh lo in "ka dah dawn" tih leh phone off ka rual zui zat, ka ngaithla zui thei tawh hlawllo.



Hmingmuanpuii call in ka va inbun ruak a..min lo hnem ve malh malh, a tawpah "i pu chu thi ta se a hran i ring em" a rawn tih chuan lungawilo zetin "i mawl emai" tih leh phone dah ka rual zui nghal zat..he nu thutak rei theilo lutuk hi chu buaithlak.



Ka zan mu lai ka phone nghawr dar dar avang chuan ka harh hlawl..ka en chu ka pa a lo ni "mampui i pu hi zanin pawh a daih ka ring lo" a rawn tih chuan "naktukah ka rawn chhuk nghal ang..a na viau tawh mi..a thawk a muang nge..biak a la hria em" ka ti zung zung..a awmdan vel min hrilh luam hnu ah phone kan dah a..ka pa meuhin min lo biak tawh chuan a damrei tawh dawn lo tih ka chiang...ka pa pa a thi tawh ka tih kha..ka nu pa hi a hringtupa ang maiin a en a, a tuar ve viau ang ka ring. Remlala be nghalin kan khua a min chhukpui turin ka ti zui a, sawi buai miah loin a lo" aw "ve mai a, Hmingmuanpuii pawh message in chanchin ka hrilh ve nghal zat.




A tuk a chhuk tur a ka insiam laiin ka nu in min lo phone a "i pu chu a zia leh tawh zawi te te in a tawng leh thei tawh" a rawn ti a.. " a nih chuan ka lo kal dawn lo mi" ka ti nghal "lo kallo mai rawh hna i nei bawk si " a tih chuan "awle chanchin lo sawi rawh aw" ka ti a, eng enge emaw kan sawi luam hnuah phone kan dah a.. Chawlh ka dil vek tawh avangin ka thawmhnaw pack vel pawh chu ka dah fel ta lo law law a.. Remlala chu phone in kal leh a ngaih loh thu ka hrilh vat.


Dar sawm velah chaw ka ei a..ka eikham chiah tihin ka nu bawkin mi rawn call leh a.." bawihte i pu hi mihring kan inchan zo dawn lo takngial lo haw mai rawh" ṭap pur a a tih chuan ka haw nghal tur thu hrilhin Remlala ka biak leh chuan "I va chiang lo e aw, ka rawn lam ang che" a ti bui bui.



Dar sawm pakhat velah min lo lam a, bike in kan inphur a "ka pu chawlhni pheikhawk tur lei sak ang" ka tih chuan "tinge" a ti he haw "ka lo haw hunah enge ka lo hawn ang che ka tih khan chawlhni pheikhawk a tia" ka tih chuan a bu ve nghat, mahse kawngsir vel a in pho an awm mai loh avangin lei sak lo in ka haw ta ringawt a, kan hmanhmawh bawk a dar li velah chuan kan khua chu kan thleng thei hram a, inchhung kan luh chuan ka pi leh pute room ah ka lut tlâng nghal a, ka pu zawi ngiai a khum a lo mu bam chu ka thlir deuh vang vang.


Show post links
Top

[Ngaia]

Ka piin min hmuh veleh min lo kuah nghalin "mampui, Puite enteh i pu hian min kalsan a tum a nih hi..kallo turin han hrilh ve teh" ṭap hlawp hlawp a a tih chuan keipawh insum zo lo in ka inhnit ve hlawp hlawp..ka piin min kuahna a thlah rualin ka pu mutna bulah chuan ṭhu in a kut cher riak chu ka la kang a "pu ka lo haw tawh, keimah Puitei" ka ti sup.







A kut ti che zeuhin thei leh theilo a min lo en chuan ka ṭah mai loh nan ka hmui ka pet fan fan...ka nu in i ṭhianpa hi a rilṭam ang va inhnawh puar rawh u min tih avangin kan in ah kan kal nghal a..ka ril a ṭam lo viau na in eitur ka siam ta tho.. Remlala pawh ka bulah ngawirengin a ṭhu ve reng a. Eitur ka siam zo, eitura kan intin tuah laiin ka nu unaupa, putea nupui lo lutin "i pu a thi" phawk hra a meng chunga a rawn th chuan ding hluaiin "maw..engtin..pi dawt tiraw" nui ro hawk chungin ka ti bah niai. Ka putea nupui hmel ka va en leh chuan a mittui alo tling pam tih ka hmu nghal a....chu chuan dawt a nilo tih leh min bum lo tih a finfiah nghal bawk..'pu' tisepin ka tlan chhuak nghal hlawk hlawk.





Ka pu te înah tlan lut nghalin room-ah ka lut tlang nghal a..tlangval ṭhen khatin bang an lo ṭhiat ve mek bawk..ka pu engmah hretawh lo mitchhing tlat chu ka en ngawt ngawt a, ka mittui a tla theilo a..ka mang vek nimaiin ka hria...Remlala'n 'bawihi' a rawn tih sup takah chuan harh chhuakin ka biang a rawn lum thla nghal ngiai ngiai.






Ṭhu thla ve nghalin a kut ka chelh nghal a..a pangti lumna reng reng nei tawh lo chuan he khawvelah hian ka pu damlai ka hmu tawh ngai dawn lo ani tih min hrilh nawn nimaiin ka hria, ka thin chhûngah chuan hnawhtu lian tak awm ang mai hian min hnawh a, a na ngut ngut mai, ka ṭap hleithei der lo, ka pi ṭah hla mawlh chu "Umawi ka tello chuan zin pawh i zin chhuak thei silo a...i khua a har dawn lo em ni...huanah keimahin ka kal hnek hnek tawh ang a, min khawngaih lo em ni.. ka la ngai che a ka la thlahlel che asin, min ngai ve lo emni? aw ka van ngai dawn tak che em engtin nge i tello in nun ka hman tawh anga" a ṭah hla chuan ka lung a ti chhe zual tak zet.






Ka pu an vui zawh hnu chuan thlan a phum turin tlangval tlawmngai hoin a kuang an zawna..ka nu leh ka pi in lungchhe taka an zui chu ka thil hmuh tawh a hmuh nuamlo ka tih ber a ni hial ang.





Kan hmangaih ngawih ngawihte lei hnuaia a zal tur zui leh kan hmangaih ten lungchhe tak leh ui tak si..ui beh theih an nilo tih an hriat avang a lungchhe tak a ṭap chung a an zui chu thil hmuh nuam anilo reng a ni. Ka bulah Remlala a awm reng a..min hnem thiam lo mahse ka thla erawh a ti muang tak zet, a tuk mai a let leh tûr a nih avangin kei erawh ka ngui hle thung.






Remlala haw hnuah karkhat ka cham leh a..ka pi erawh ka pu ngaiin tuk tin a ṭap a..hriat loh karin ka pu thlan a lo va thleng leh hman ṭhin..chhuah harhpui tumin ramhnuaiah hruai mah ila, 'khiti lai khi i pu nen kan lo neihna a nia..aw Umawi, ramhnuaiah pawh i sulhnu hlir ka chhui mai chu a ni sia..ka lung i va han ti leng ve mawle' tiin a ṭap leh nge nge zel.






Aizawl a ka chhoh thleng chuan ka pu ka sunna a la reh theilo a..phur lo takin hna pawh ka la kal ve zel...tlai khat ka hna bang chu hostel neitu pu Valtea'n kan warden bulah tun kar chhung a hostel fee ba ka pek loh chuan ka chhuah mai a ngaih thu a lo sawi a, ka hna chu kal reng mah ila ka pu damdawiin awmna man kan bat avângin rulh a ngai sia,ka nu te lahin pawisa ka nei emaw an tih avangin ka kutah an dah vek a, hostel fee ka ba tih pawh an hrelo,ka pu ka sunna nen ka rilru a hah a ni.





Hmingmuanpuii va bia in pawisa puk tur a neih leh neih loh ka va zawt a..a lo nei bik silo a..Remlala lakah erawh ka la zep ve ṭang ṭang..an exam dawn avangin kan inbe khat a..a rilru tih hah ka duh lo a ni. Ni a liam a hostel fee min ṭhing reng a..puk tur ka dap lahin ka hmu bawk silo.






Ṭum khat ka mangang chuan group pakhat sum lak luhna ṭha tak an tih ka join chuan inzawrhna group hi a lo nia, fake account siamin chutah chuan post ka siam a..min lo private tu pawh an tam..mahse pawisa ka mamawh hnem miau avangin min hnar leh ṭhin... fake account pakhat ve tho chuan min rawn private in zankhuaa a bul a hun ka hman theih chuan ka duh zat pawisa min pek tur thu a sawi a...kawngdang ka hriat tawh miau loh avangin ka lo remti ve tawp .






Remlala lakah erawh tenawm ka inti in ka in haw hle thung, zanah chuan ka mi biakpa hotel sawina lam chu ka pan a..ka call zui nghal zat, hotel kawt a lo awm tur a ka chah hnu in phone ka dah leh a. Naktuk hi ka duty ni tur a nia, chhuanlam ka siam tawh mai a niang chu..hotel kawt ka thlen chuan mipa pakhat cap khum leh mask vuah hian min lo panin "nangmah tiraw" a ti zui zat..lu ka lo buk nghat chuan ka kut chu la kangin hotel chhûngah ah min luh pui a, room chahbi a lak leh te te hnu ah a room book sa ah chuan kan lut a.





"Intur i nei em?" ka ti nghal thawr, a chhan chu he thil hi harhfim a hma chhawn ka duh lo..ka theilo ani mah zawk..chupa chuan stag a awm tih pahin a cap leh mask chu a phelh nghal a keiin phawk lutukin ka lo en thung "nang hi...kan hospital kan N.S nau kha i ni" phawk hra a ka tih chuan keiai mahin a phawk zawk, mask ka vuah ve tho avangin ka hmêl a hmu biklo a, min hmu chu mak a tive hle a niang.






"Min vaw hreptu hmeichhia kha" mit zim sûn a a tih chuan ka kut ka hum ruh vak ringawt, sawitur ka ngaihtuah lai mekin "in phawt mai ang" tih sup pahin a stag chu a hawng mial mial a, a thli zui zat, zawhna pawh inzawt emem lo in kan hmaa in tur chu kan in pawp pawp, no thum kan in chuan ka kai leh viau tawh..ka no ken melh vung vungin "tunge i hming" zawi zeta ka tih chuan "Alex Rochansanga" a lo ti hniam ruih.






Min en vung vungin "engvang a pawisa chu mamawh em em nge i nih" a tih rual chuan duhthawh lutukin ka va fawp nghal chawt..ka chet dan vang chuan a hamhaih deuh nge ni..min chhang let lawk lo chu hre chhuak thutin ni awm takin nui chung hian ka nghawng hnung lamah a kut rawn rawlh lutin a ai a uarin mi rawn chhang let nghal zat..ka awmbawr a dap lai chuan keiin a mipatna ka lo chul ve thuak thuak chuan rum nghutin ka t-shirt thawl hnek hnawk chu a pawt hlim nghal a, kei ka lo insiam rem ve nghal zat.






Dimte in khumah min nghat a "bialpa i neih chuan ṭhen nghal ang che..tûnah chuan ka nula i ni tawh ka ta chauh" tih pahin duhthawh lutukin min fawp nghal buan buan, a thil tih lai chu a chhun zawm mial mial bawk, a tih ang ang chu ka dawh mawl tawp. "Bawihi ka zo dawn" a tih rualin "a chhungah titla suh ka rai ang" nawi niah hian ka lo ti ve chul..ka chal a rawn fawp vang angin "a pawilo..ka nei ang che..innei ang aw"a rawn ti sup..kei erawh ka taksaa a mipatna la awmrun chuan tlemin min ti zam thung.."inneih maw" ka ti sep.





A lu a bu nghut a "bialpa i nei em" a tih leh chuan ka neih thuin ka chhang vat "ka hriat laiin ṭhen rawh..tu ta mah i nilo..ka ta chauh i ni" tih pahin a rawn nawrna sauh a.."min nei rawh aw" a tih leh chuan kei a rilru fim la hmang thei lo chuan "ka nei ang che" ka lo ti ve nghal a, rang lutuk a rawn dak chhuakin "min tiam rawh" a tih chuan "ka tiam che..ka nei ang che..khawi pinky promise ila" ka kut zung ti pir va a ka tih chuan nui hawkin a kut zungte a rawn tipir ve a, tikhan innei tûrin thu in ti thlu chu a nia kan awlsam dun ngawt mai.





Zing a ka harh ruala ka bula mu mipa thaw sek sek ka hmuh chuan, hrilh nawn ngailoin nizan a thil thleng ka hriat chhuah chuan ka thutiam chu ka hrechhuak nghal a ka thaw hak ringawt, engmah inbel lova ka awm avângin ka bula mu chu a harh hlau zetin ka tho ṭhem ṭhem a, ka thawmhnaw chhuata awm nuai chu la in ka inthlak zui nghal mawp mawp.





Ka inthlak zawh hnu chuan ka kai tho ve nghal a, a rawn harh rualin "morning" hmel nung sarh a a tih chuan "ka haw dawn a sin" ka ti zui zat.. "bawihi lokal teh..nizan a thil thleng kha ila hria tiraw" a tih chuan za lo zet a nuiin lu ka bu nghat ringawt.





Hostel-ah kallo in ka cousin te in ah ka kal nghal a... Hmingmuanpuii'n min lo call-na ka hmuh chuan ka call back nghal a "tinge ilo kal loh" a rawn ti lang lang a..hostel aṭang a ka chhuah thu ka hrilh a "N.S a thinrim teh a nia" a tih chuan "chhuanlam min lo siam rawh monday ah ka lo kal ang" tiin phone ka dah a..whatsapp message ka en chuan Remlala'n inṭhen a duh loh thu leh engvanga inṭhen duh nge ka nih tih min zâwh na message chu ka en vung vung a, chhan let erawh ka tumlo thung. Nizan khan rilru fim hmang loin ka ṭhen ve ringawt a, mahse ka ṭhen hlen a ngai..ani ang mipa hi kei ang hmeichhe tenawm lutuk hian ka phulo tlat a ni.





Remlala'n min lo call nghal chuan ka chhang vat a "engvang a inṭhen chu duhmaw i nih, a chhan dik tak chauh ka hre duh" a tih avang chun engkim..ka u in pu Denga a sut thute,hostel fee ka neih loh avanga hnawh chhuah ka nih tur thlengin ka inzuar tih loh chu mittui tla zawih zawihin ka hrilh a..ni e ka lung chhe tak zet, ka pu thihna pawh ka la sun zo lo a..hostel aṭangin chhuahtir ka ni vat dawn bawk a...ka chhungte engmah ka hrilh thei bawk silo..nilo ka hrilh thei..mahse tih buai kha ka hreh a ni.





Remlala'n ka chanchin a ṭhiannu bula a sawi chhawn lai chuan ngawi rengin ka ngaithla a..a ṭhiannu chuan min lo be ve nghalin "ṭhiannu i harsat viau chuan kan in ah lo awm mai ta che..pawisa pawh i puk dawnnia, ka nu nen chauh kan awm a" a tih chuan " a ngailo, kawng dang ka hre mai ang" ka tih chuan an in a awm tur chuan a sâwm tak tein min sâwm a. Ka hnial ve ṭang ṭang chung pawn min sâwm lui tlat a Remlala'n min nawr ve tak sek avangin hreh deuhin ka lo aw tawp a.




Nizan thil thleng ka ngaihtuah chhuah chuan Alex-a hnên aṭang khan eng pawisa mah ka la lo tih ka hre chhuak thut. A hnena ka thutiam chu hre chhuak nghalin kha thutiam teh hrep kha...ka pa in mi tupawh thu i tiam a nih chuan hlen chhuah chu i mawhphurhna a ni...tute mah hian phatsan an phu lo a tih chu ka hre rauh rauh... Remlala nen kan inbiak zawh hnu darkar pawh a liam hma in message ka dawng a..whatsapp ah lutin ka en zui nghal zat.






Remlala tho a ni mahse a thusawi chuan min ṭhawng tak zet "dawheh nu.. I dawtsawi ka man chhuak vek tawh, engtiang a thui nge min bum i tum. Ka lo ring hman che a" a tih chu mit sulh in ka chhiar zo hram amah vêk chuan "engkim Hmingmuanpuii'n min hrilh vek tawh,dawt a nun kha sim ang che" a rawn tih leh na pawh chu chhang lo in ka en ngawt ngawt.





Number hlang ringawt aṭangin call ka dawng zui zat ka lak chuan Remlala ṭhiannu kha a lo ni "enteh ṭhiannu ka lo khawngaih hman che nen i lo va dawthei ve..kan in ah pawh lo awm leh suh hetiang kan in a awm a tan kan duh lo" a rawn ti nghal bawrh bawrh... thaw ham hamin "in in a awm kha ka dillo che a ka awm chak hek lo...i lakah hian insawifiah ka ngaihna ka hrelo bawk" ka ti chang fak.





"Pawngsual pawh kha i tawh ka ring lo nang" a tih chuan thinrim zetin phone ka off a Remlala ka call zui zat,a lak veleh "ka ring che asin..ka bum tawh che em ni...tunah chuan ka rinna che i ti chhe vek tawh, inchhir ngai suh ang che" ka tih chuan a ngawi zui vang vang avangin phone chu ka dah a, sofa chu bawhin ka ṭap zui hawm hawm....ka phatsan hmasa tih chu ka hria..mahse dawt erawh ka hrilh hauh lo thung






Ka cousin Rempuii room-ah chuan lutin a khum sir a mutna damdawi awm chu ka la a..thlanmual lam ka panin ka kal nghal ṭhem ṭhem, khua a thim tawh bawk a mivei vak vel hmuh tur an awm vak tawhlo, thlanmual hi a hlat deuh avangin kal ve fe a ngai a,a kawng pawh a reh ṭha hle. Mi thlan a ṭhu chungin damdawi chu tui tello in pakhat te te in ka ei a..a kha lem lo bawk a lem a nuam fu..ka ei zawh hnu chuan thlan lung chu zawi ngiai in ka ngheng a, mut chhuakin min rawn zem avangin ka meng ṭha thei tawhlo,, ni e, mut ka duh ani... hahdam takin..harhchhuak leh tawh ngailo tur a mutthilh vang vang ka duh a ni.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/