CHAPTER-20
BY ZOMUANPUII TLAU
Mathew chu a awm hnu reilo teh ah, an rawn call leh nghal a, a buai awm awm nen a rawn kal ringawt leh nghal a, min ngaihtuah viau mahse keimah in a, kal rawh ka tih tak tlatah chuan a kal ve ta hram a, a rawn kal har loh tur thu a sawi leh hram bawn, hepa em em hi chu aw, phone en chuan ka tui khawp mai, tlai alo nih meuh chuan rawngbawl tur ka dap kual a.
"Mathew zanin chu rawn riah kher pawh a ngai lo ang, eng em a thleng lo ang, tleirawl rual thil tih mai mai pawh a ni maithei a ni" tlaia hna a khawih zawh huna a rawn kal tur thu leh Zuala chu a rawn kal mek thu a sawi chuan ka lo ti vat a, "bawihi ka thu hnial suh, hmun dangah in riak duh bawk silo a, heng thil hi tu emaw thil tih a ni tih ka hria, a ti tu pawh kan chhui chhuak thuai ang" a ti chang fak a.
"Ka rawn haw, Zuala alo la thleng nange" Remi chuan a rawn ti lut nghal a, "Zuala ti reng mai" ti hlutin ka lo fiam suk "hmm ka ti reng thlawt lo" tiin a pha ve nasa mai, "e taka Hlimi hi a kalna chin i hria em" ka lo ti vat, "engvangin nge ka hriat ngawt ang, a duh a, a kal alawm, ka ngaihven chhan tur a awm lo e mai, ka pawisa min rawn gpay tawh bawk a, ngaihven ka tum lo" a ti hmaka.
"Chutiangin an ti ngawt ngailo, i thian ve tho a nia, bakah ala naupang ve a, kan hriat thiam a ngai lawm" ti mah ila, a hmel ner nawng atang chuan a ngaihdan ala ngai reng tih ka hre mai, "kei aiin a upa, hriat thiam kual vel kha a tullo ve chiang e mai, a rilru sual kawih vang zawk a nih kha" a ti hmak mai, "okk a nih chuan duh tawk ang, va in thlak la rawngbawl dun teh ang" ka ti ta daih.
Bai tur chu a awm awm ka pawlh nuaih a, phuah chawp deuh hian a tui duh nge nge an tih kha, "kha iva siam rimtui ve" rawn ti thut tu vang chuan ka phu chiang lutuk chu ka fian ka bai chawhna pawh ka thlauh chiang hle, rum tawkin ka hnunga lo nhi deuh thaw, Zuala chu ka melh a "hmela thawm te nei ve hmasa ta che" ka ti hlar a, a nui hawk hawk duh chuah
"rawngbawl vat ru ka ril a tam tawh teh mai nia" a rawn la ti ham ham zui, "khawnge Remi a rawn thleng tawh Khan ka hre sia" a rawn ti chu min tih phut vang hrim hrim in kan tih der ve nge tih rilru pu chung chuan "a rawn la thleng lo reng reng, ka phone a, a chhang thei silo a" hrelo awm ang deuh chuan kan ti kual vel a.
A hmelah chuan a ngaihtuah tih ka hre mai, "han phone chhin teh i bulah in a thleng tawh thu a sawi mi" kan ti kual vel a, mi chhan dawn lai tak in, "I va rawn thleng hma leh si, kal kawina tur i nei emaw tia" Remi chuan choka rawn luh pah chuan a ti a, Zuala chu thaw deuh huai in, mi rawn melh rum vel a, ka hlau lo mai siah
"Nia thu khuah tawk ka dawng a, a rang lama in in a kal turin a rawn order hmiah mai mawle, mi a hmingin mi zah kan kai ve em em a, in pa hi chuan min ti rethei khawp mai" a ti deuh bui bui a, nuih a ti za ang reng khawp mai, "zanin ah maw palai an kal nawn leh dawn" Zuala bawk a ni, ka lo bo khawp mai, "chutiang engmah kan la sawi dun lo reng reng" ka ti halh a.
Mi hrilh ve mai awm a nia, "patea kha chuan naktuk lamah an kal leh dawn kha a rawn ti mai sia" a ti mai a, ka chhang tawh lo, "I bai chhuan en rawh" Remi a ni, ka lo theihnghilh leh pek chu ni in, ava han haihawt theih tak em, "chaw kha lo chhum lawk la, chuan ka peih a ni mai, kân kha chu Mathew lo thlen hunah kan kâng mai dawn nia" ka ti a
"Zanin chu Remi nen kan mu dun anga, nangni Remi room ah leh Hlimi room ah pawh a hran veve in in mu thei" ka ti a, Zuala lah ta pek chuan "a him lo thei, kan bulah kan karcheh ang cheu" tiin min la fiam zui hepa hi chu chhuih tawk mai te nia ka duh ni, "uang uang lo mai teh, ka haw tir leh daih nghal loh che" ka ti hluk a, chimawm zetin min la melh zui
"In pa chu call chhun teh ava rawn thleng har ve mawle" Zuala chuan a ti bui bui tawh a, chaw ei hmasa mai tura ka tih pawn a duh bik silo, "nangmah chuah a i ei hreh leh Remi nen hian ei dun mai rawh u, Mathew lo haw hunah kan ei ve nghal mai dawn lawm" ti mah ila, ei rual kha a nuam ve lawm ti tlat bawk si, kan pakhata lah a rawn la haw mai thei lo zui a
"Mathew hna ila thawk a mi" tiin phone a lak rual chuan ka ti nghal a, "hei ka rawn tlan mek" a ti thum dut, "umm awle chaw ei ah kan lo nghak ang che, fimkhur la aw" tiin a motor khalh lai a ni bawk nen, ka be buai rei duh ta lo a, " a rawn thleng tep a nih chu chawhmeh kân tura ka tih hi kan kang lawk ange" tiin tel ka chhuang nghal a.
"Rem chawhmeh lo ti sa lawk mai la, kân ka siam chhung" dawhkân bula chair a, a thu chu ka tir a, hniallo in a kal ve leh mai, "tunlai chu khua a vawt deuh bawk sia, kan sam khawihna vel ka kut hi a ro hruap mai" Remi chuan a ti nang nang, "chutiang te chu bansan hmak rawh" Zuala chuan alo ti vat, ka nui hak
"Chutiang ngawt a ni thei bik hlei nem, Esi hian pasal a neih daih phei chuan ka u bulah ka awm angai anga, ka u chawm nen hna thawh ka ngai lawm" pakhat in alo ti a, Remi chu ka khawngaih ve ang reng viau, "ka chawm ang che ka tih kha" pakhat in alo ti ve bawk, ka awm tih pawh an hre tawh lo a ni chek ang chu, "ka u saw enkawl la ngai a nih saw hre ta che kei ringawt ka in ngaihtuah thei bik hlei nem" pakhat in alo ti ve bawk.
"aw kha chu nakin lamah aw, Remi i u sawi takah chuan enge a an" ka ti thuai a hma ka tlawh bak kha, chanchin pawh ka la zawt leh miah lo a, "a tha chak lutuk a zu in nasa leh chaw ei mumal lo chau a taksa in a tuar a nih kha, pathian hi chu a tha khawp a, khatiang khawp a, zu in nasa si kha, natna thih pui tham a neilo ringawt pawh lawmthu sawina tur hlir a ni" a ti ve malh malh a.
Puitling ka ti viau, "a nih i u hian engthleng nge a zir" ka ti leh a, ka hre chak miau a ni " a zir sang ve ang reng, a hma chuan tlangval fel tak a ni thin a, ka nu leh pa an thih chiah Khan a nun a kal diklo zo a ni ber, zirtir hna a chelh thin a, mahse a mah a bang tawp a, ti hian ho deuh in a khawsa ta ringawt a nih hi, tha deuh chuan han nung se chuan nupui tha tak leh nun nuam tak a nei thei mai tur a nia" a ti nguai raih a, kan Zuala meuh pawh a ngawi kar mai.
"Pathian remruat dan hi a mak a nia, keini in a vanduaina kan tih hi a ni tan chuan kan tana tuna kan tuarna hi hlimna leh malsawmna a ni thin, kan tuar a phal a, kan nat a phal bawk, mitin tana a ruat a ni bawk, mahse kan tawrhzawh loh leh kan thihpui tham tur khawp natna min pe ngailo, a hnen kan pan theih nan chuah a, ti a ni zawk thin a mah kan dil a, kan biak a duh vang leh kan hnaih a duh vang a ni thin, i u te chu midang nun beidawng leh beiseina nei tawh lo anga mahni nunna la a nilo a, ala siam that theih a nia, pathian nen chuan theih loh a awm miah lo a nia, mahni nunna la te hi chu an harsatna leh an tuarna paltlang ngam lo an ni tlangpui" ka ti deuh duah .
Ka thu tak ve teh lul nen Zuala chuan kut ben pah hian "sawi tha dup dup hle mai, kan unaupa nupui tur nge nge" a rawn ti a, nuih a in sum theih thlawt loh, Remi nen chuan kan in en a, kan nui ta ringawt, ka phone a rik avang chuan ka ding chhuak a, "Mathew rawn thlen hma room ah ka va awm lawk ange" tiin room ah chuan ka luh san nghal a, Hlimi a nih vanga lut pawh ka ni.
Remi hian pawisa chung chang vel vanga an in hnial buai atang khan a mil thei tawh thak lo a, eng nge a chhan pawh ka hrelo, an pahnih hian an in be thei meuh tawh lo, "hello enge ni ta" tha tak chuan ka be ve mai, kei nen tak phei chuan in huat na kan nei lo a, a chhan tur lah a awm hek lo, a mah hi a in la hrang tlat zawk a, kei chuan kha leh chen ka lo chenpui tawh a nihna angah, ka haw em em hranlo.
"Esi in dam tha maw" a aw atang chuan a chauh hmel hle, "umm kan dam tha e, nang enge i an zawk, i dawr lam te I tluang em" tha tak chuan ka bia, "tluang ve viau mai, ka rawn biak chhan che chu chhan vak pawh a awm lo, ka beve chak mai mai che a" a rawn tih leh chuan eng emaw ni riau hian min mawlh a, a aw vang chu nge ni anga, eng thil tha lo thlengthut tur ang mai a, a aw a hlauhna leh zamna ri chuan min mawlh tlat ka ti dawn zawk.
"I duh hun hunah min be thei alawm, in huatna kan neilo a, bakah Remi pawh hian a haw tak tak lo ang che, a hlim chhawn a nia, a haw rih mai mai che a nih hi hrethiam rawh, a ni chu kan naupang ber ang a nia, kan pahnih ai pawn ala naupang ve leh chhawng a, hriat thiam hram tum la" ka ti a, nia ka lo be dawn nia, ka thiamloh tih chu ka pawm mahse khati taka a thinrim ka ringlo a tiin min chhang.
A biak chu ka ring hauh lo thung, a aw atang reng pawn, "umm chaw kan la ei silo a, ka dah phawt ang aw, nakinah kan in be leh dawn nia" tiin choka lama Mathew aw ka hriat vang chuan ka ti ta daiha, a ni pawh chuan "aw a nih mangtha mai" tiin ka dah hma in a dah daih, room atang chuan ka chhuak a, Mathew chuan min zawng a ni ngei ang, a lo hawi kual nasa mai, kan mi pahnih te lah chuan hrilh pawh an tum hmel loh.
"Ilo van thleng var ve, kan ril a tam tawh lutuk" Remi chuan alo ti vat a, kei pawh ka tam ve raih tawh, "umm siam ula, ka thihdan hma hian" Zuala chuan alo ti ve hmanhmawh, "umm Rem chawhmeh lo chhuang sa la, chhawp ngai ho hi ka lo chhawp ang" tiin thleng te nen chuan ka chhawp nghal mawlh mawlh, Zuala leh Mathew erawh thutthleng seiah tluang duai chungin an thu thung.
"Awii sawpa saw ka ei hlawl lo, a in lak patlin zia saw" tiin thutthleng a thu chu a melh vak a, a ner nang bawk "engtin vak nge a in lak patlin " nuih in sum zet hian ka ti a, "ka sawi kual peih lo e a, ka ngei a ni tawp mai ni" a ti leh hlak, ka nuih liam San mai ringawt, "enge in awmzia hi" ka ti halh a, "thla khat kan ni ve tawh, mahse a mah hi maw a mawl lutuk a, min thian en hian ka hria, bro te min tia maw, a hahthlak a nia" a ti deuh hlak.
"a tha daih zawk lo mi, in nel deuh a in ngaihzawn chu a lerh San che pawh a nilo a" ka ti mai, ninawm sawi tawh lo teh ang a ti ta daih, mipa pahnihte kan auh phei hnu chuan chaw chu kan ei a, eng eng emaw kan sawi pah reng bawk, "tu tih nge ni ta ang le" Remi bawk chuan a rawn ti chhuak leh hlawl, "ngaihtuah hahvak duh suh u, kan kutah dah ula, hahdam deuhin awm rawh u" Mathew chuan a ti mai, hre chak viau mah ila, he mite hian an sawi duh dawn lo tih a hriat reng.
WEEDING DAY
"Awiii pasal min neihsan daih dawn sia, ka khua a har dawn e" Remi chuan a ti reng a, hnuk te pawh a ti ulh ve dawn dawn alawm, ka man kha ka nu leh pa dik takin an dawng a, an in ngei atangin ka chhuak bawk, chhawm luh tur pawh ka pa min enkawl seilian tu nu leh pa ten, hei hi chu kan ti ve ang chu kan tih tur alawm tiin an in buatsaih vek thung...
naktuk lawk hi kan in neih ni chu a ni ta der a, a tu a te lam veve pawh kan in buatsaih nasa khawp mai, dankhat na a nih vang in a ropui thei ang ber kha Mathew chhungte lam khan an duh a, ka hnial hranlo an fapa neih chhun a ni ve a, a awm pawh ka tih pui viau.
MATHEW POV*
Hlimi, bawihi thiannu an in in luah tawm atanga a chhuak nghal hmak kha mak ka ti hle a, an in a khatianga vo na leh thisen an dah nuai khan han rin mai tur pawh ka hre thiam lo kha a nia, mahse khatianga Hlimi hlauhthawn hmel taka, a awm leh a chhuak nghal daih te khan a mah rin hlelh na mak tak min neih tir a, zui ru tu tur leh a mi hmuh te, phone atanga a biak zawng zawng enthlithlai vek turin mi ka ruai bawk.
Kan in neih a hnai tawh a, tiang thil hi chu chinfel vat ka duh ber, Maruati ka nupui hlui nena an in be lai leh phone atang pawh a, an in biak pawp reng thu ka hriat chuan rindan ka nei thiam nghal mai, Maruati chuan engmah a sawi duh dawna ka hriat loh vang in, Hlimi a dawr hawnna lamah ka kal chilh nghal a, pehhel miah lo chuan ka zawt tlang nghal tawp, a tir chuan hlauhthawn hmel tak in a hriat loh thu leh engah mah a in rawlh loh thu chuan pha ve mahse, a awmdan atang chuan a chiang hle.
"I sawi chuan ka ngaidam ang che, tu tih nge" ka ti hmuk, " aw a dik alawm, keimah leh Maruati thil tih a nih kha, a chhan chu Remi leh Esi hian ka neih loh leh hlimna engkim an nei bik a, an ni chu unau ang chiah an ni a, kei chu an thian ve mai chuah ang ah ka in ngai thin, ka mipa hmangaih ber in min kalsan a, mahse an ni chuan an ni chuan kei lo ang tak in, mipa tha tak nangni thian dun hi an tawng bik cheu a,.
Chhungkua an nei veve bawk, kei chuan tumah ka nei velo a, min en hrang anga ka ngaih vang a ni, an ni pahnih saw ka haw hluah hluah, ka mal em em laiin an ni chuan engkim an nei thung vang a ni" pawi tih loh hmel tak hian a ti a, "chuan kha thil kha i tih tih na maw" ka tibul hmuk, "nilo e, ahh aw a ni ve thei tho ang chu nang hi Maruati hian a duh che a, neih let che a tum bawk, kei in saw mite pahnih saw an neih zawng zawng laksak a, tih chhiat ka duh ve bawk, chu vang chuan kan in thurual ta a ni" tiin a nui hak.
"Pawi in khawih em lo a, ka ngaidam ang cheu mahse ka ti chhe vek ang cheu, lo in ring reng ang cheu, chuan he I dawr te ve tak pawh hi ka ti chhia ang, Maruati i tih i chhuan ve em em ah sawn ilo in nghat ange, apa saw ka hnuaia awm a ni tih hria ang che" ti hrawk in ka chhuak nghal nal nal, a au deuh tuarh tuarh pawh chu ka ngai pawimawh lo, "Hlimi dawr tih hi lo lei ang che, chuan khawi hmunah mah dawr a siam leh theih loh nan siam bawk ang che, chuan Maruati te company ho nena kan thawhho na kha ti tawp rawh" ti hmukin ka off nghal.
Ti kha chuan an chhe vek tawh ang, kei leh ka hmeichhia min beih vang hian thu chunga ka thlir liam mai mai an rin chuan an ti sual hle ang, bawihi chu call in "ka thil rawn thawn che kha i hmu tawh em" ka ti nghal vat, "aw hmu e, a rawn thlenna ala reilo, nge i rawn tih duh kher a" a rawn ti nang nang, naktukah chuan ka nupui i ni tawh dawn hi ka la awih thei lo" ka ti thawp ruih.
"Hmm enge a awihawm lohna" a rawn ti chu ka nui hawk, he hmeichhia nei tura ka hun tha ka khawhral hnem sia leh ka beih rei sia hi, tunah chuan ka nupui a ni dawn ta mai sia, Inkawp remlo chung khan ka veiin a kiang hnai awm kha ka chak hle thin a nih kha, a hlata ka awm kha chuan ka khua a har a, ka hmu chak em em thin.
Tunah chuan ka duat theih leh in thup ngailo in ka nupui a ni tawh anga, ka dam chhung in ka kawppui ka duhlo chunga min nawrluihna ni tawh lo in, ka duhthlanna ngeiin, ka hmeichhe hmangaih chu ka vuan tawh ang, a ni nen chhungkaw hlim tak kan din dun ngei theih nan, he kan thawnthu lo chhiar a lo hmu te zawng zawng in min siamtu hnenah min lo dil sak teuh dawn nia
(a tawp ho viau ang mahse min duhsak a, min lo chhiar sak hram hram thin tute leh min fuih phur tute zawng zawng chungah ka lawm em em vek e, chuan Zohmangaiha thawnthu ah kan in hmu leh vek dawn nia
A TAWP ZAN A NI BAWK A, ADD CLICK KHA HMET VE LEH HRAM ILA, bonus chapter naktuk zanah kan dah ang aw*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/