KA THIANNU PASAL BY CHHEPHAKI MUANI (Completed)

[Ngaia]

KA THIANNU PASAL











CHAPTER-13










BY ZOMUANPUII TLAU






"nangni pahnih hi, a rawn kal tur in hre lawk tiro" tiin ka thiante pahnih lo haw chu ka melh rum dun khawp mai, " in in be tluang thei ta em? a thusawi ngaithla hmasa rawh ka tih che kha" tiin Remi chuan min melh ran a, "be mai mai lo, a tawngthei ropui si, ka hmu peihlo ka tih tawh kha" ka ti hlar a.











An pahnih chuan ka thinrim âng kual vel leh ka che lai chu min thlir reng "Esi a thusawi ngaithla ve phawt la, ila in chhir ange" Remin a rawn ti dek dek chu "a teuhlo mai, hmuh leh pawh ka duh tawh lo" ka ti hmak a, hmuh chhan tur ka nei tawh lo, ka thiannu a hma a, ka engkim ka hrilh ngamna ka thian tia ka lo chhal ve ngam pasal hlui chuah a ni tawh.










"Hmmm I thu lah hi i duh siah" tih bak sawi tur ka hre tawh biklo, ngaih pawh ka ngai thla peihlo, "chaw ei ang u, ka ril a tam tawh teh mai nia" ka ti ta daih, choka lamah lut in, chawhmeh ho chu ka suak a, an ni pawh chuan min rawn pui ve vat, "run weekend chu picnic ang u" chaw kan ei lai chuan Hlimi chuan alo ti










"Nia ka thianpa Zuala mizoram ami pawh alo kal ve a, ka sawm anga" Remi chuan alo ti nghal, "tu Zuala" ka lo ti hu "i hrelo ang khi lama ka kawm ve thin a nia" a lo ti sam et a, "advocate kha a nilo maw" ringhlel tak chuan ka ti a, a hmel chu a pha deuh dui, "nilo nilo" a ti deuh hlar, a nih ka ring hmiah, a hmel atang hian a hriat vek miau.












"Duhawma helama awm ve tho, hotel lama thawk ve tho, ka bialpa ka rawn sawm ve ang, Esi a single bik dawn sia, a nuamlo e" an ti nang nang a, pawi ka ti lemlo, "a ho e mai, in duh chuan hruai ru" ka lo ti mai thung, "tu emaw kha" Hlimin a ti dek dek chu ka melh rum vak.









"Ka sawi lo angah ngai rawh" lei chhuah tet chung chuan a ti a, engmah sawi tawh lem lo chuan chaw chu kan ei zawm melh melh, "naktuk chu ka hna chawlh ka dil mai a ngaih hmel" tia Remin a sawi chuan a mah chu ka melh a, "ka thianpa bazaar pui a ngai a, ka chhuah lawk a ngai a" ka zawh ngailo chuan a rawn ti nghal.











Nileng chuan in tih fai nan hun kan hmang a, chawlh kan nei chu a zia phian, hmeichhe hlang awm e tilo chuan kan he hnawk thei thin khawp mai, nileng in hna ah kan kal a, kan haw hnuah kan lo chau ve bawk nen, kan che tha peih leh thin lo a, ti fello bawk hian kan awm leh thin a.









A tukah chuan hna kal tur chuan zing hma takah in siamin, rawngbawl hi chu Remi leh Hlimi kutah ka dah hmiah, tlai lamah hi chuan keimah hian ka bawl mah zawk thin, kei chu zingah kal hma ka ngai thin a, an ni erawh a ngai lemloh vangin, an bawl dun mai thin.









"" Kal hma ka ngai sia, chaw ka eilo mai ang, office ah thil dang ka ei mai ang" tiin ka chhuak nghal a, mahse pawn ka chhuak pawna lo ding vang chuan ka ding chawt, a car ngheng chung chuan alo ding nui deuh vur vur, melh run chung chuan "enge ilo tih dawn" ka ti hmuk a.










"Ka rawn hruai ang che ka tih kha" tiin a kut chu a dah thla a, car kawngka chu a hawng nghal zat bawk, mitmei a, lut tura min tih chuan sir lamah chuan kal in, ka kal pel ta daih, chak deuh chuan ka kal a, mahse ka muang hret, ka banah chuan vuanin, "chuang mai rawh, i chuan duh loh leh ti hian kan ding reng mai ang' a ti tlat.











Hepa luhlul dan em em hi chu aw, " haw rawh ka rawn chuang dawn chuanglo" ka lo ti hmak a, ka thusawi hria ang pawn zuk han awm lo a, "bawihi mi pehhel reng hi tum suh, I tum nasat pauh leh ka hnaih zual ang che, car ah sawn chuang rawh" ti chung chuan a car lam chu min pan pui a.










Han hnial hman pawh a nilo, a carah chuan a hnawh hian min hnawh lut ka ti mai, "kha kha ni mai lawm" tiin a nui leh vur vur tawh, ka melh rum hrawk ringawt, driver seat ah chuan a rawn thu lut a, "i hna thawh na hmun " tiin mit ko a san ak ak a, ka kut kuangkuah in, ka thu tum hmuk.









"Okk a nih chuan ti hian ka duhna ah ka kal pui mai ang che" nghal zet hian a ti a, ka melh rum tha tawh khawp mai, "tlan la a kawng ka hrilh mai ang che" ka ti hmak, dar chhin deuh ak chung chuan a tlan chhuak ve mai, "ka thusawi vawikhat tal min ngaihthlak sak la, ka beidawng dawn chuanglo tih i hriat kha, i tello a, mizoram haw ka tum hauh lo bawk" a ti nghet charh a.












Chhan pawh ka chhang peih tawh lo e a, a luhlul ropui si, "kha tiang chung chang i sawi dawn a nih chuan car hi ti ding la ka chhuk ang" ka ti hmak, thawk a la hawk a, "bawihi ka hmangaih vanga nei ka nilo tih i hriat kha, ka pu vang chuah a nei ka ni tih pawh i hria, ka then a nih chuan ka pu in a thatlai hun a khawhral na leh tha leh zung alo sen tawh na, a ri ral mai loh nana, nei ka ni" tiin min rawn melh zeuh tih chu ka mit sirin ka hmu reng.












" i tello chuan ka awm theilo ka tilo, mahse a har takzet, khang hun te kha ka hun hman tawh a, rei ber ala ni hial ang, ka nun kha i tello chuan a ho ka ti a, nuam tihna leh hlimna ka hmulo, ka bialnu emaw ka nupui I nilo chung khan I kianga awm ka chak a, ka thlahlel hle si, bawihi i awihlo maithei, ka hmangaih che" a tih chuan ka khawng deuh awt.












A mah chu ka melh nghal zawk a, hma lam alo melh ngur thung, "i thusawi ka awih i ring a mi" khatiang tawngkam a neih vang maia, rin emaw ka tumlo, "min fiah tir rawh, kawngkam ka thiamlo a, i rilru hneh tur khawp in thu ka thiam lo, mahse min pawm la, vawikhat tal hun min pe la, ka hmangiah che tih i rin theih nan, ka siam ang che" a ti thum dut.












Ka ngawi vang vang a, han chhan mai dan tur ka thiamlo, rin chu ka duh mahse min fiam mai mai ni ta se, "ka hrelo... ka hrethiam lo takzet, ka ring thei che ngem tih hi" tiin thawk ka la halh a, ka sawi tum a nilo, mahse ka sawilo a nih chuan ka tawt ut ut hi a reh thei dawnin ka hrelo a ni.











Motor chu kawng sir ah a ti ding a, "min ring rawh, ka hmangaih che ka venghim che nga i rin theih turin ka che ang, ka kalsan ngailo ang che, tunah chuan a harsa maithei, ka tum ang, ka kiangah awm rawh aw, ka ta chauh ni turin, umm... bawihi I mittui ka tla lo ang tih ka tiam theilo che, mahse chu mi huna, I muttui hru hul tur leh thawi dam tur che in I kiangah ka awm zel ang" a ti a, kan ngawi vang vang.












"Ka tlai dawn a nia" ka ti ta ringawt, a ni pawh chuan motor chu startin ka kut a vawn chu a a kut lehlam chuan ala vuan reng, lak sawn ka tum biklo, ka hmangaih a, ka tan chuan min lo pan a, min hnaih a tum hi Dan a har em a ni, hmeichhia chu kan nihna chiah a ni, min hmangaih tu thlang lo in, kan hmangaih te na leh tur chung pawn kan pan leh chawk thin.













"I hna I zawh hunah min lo call la, ka rawn lam leh ang che" a tih chuan chhanglo in, kan office lam ah chuan ka luh san ta daih, a hma a, hnaih duh lo a, a hmel hmuh pawh hmu duhlo khan, ka kianga a awm hnaih meuh chuan a ma duat nih chakin ka awm a, a awm a bei a, kan hma hun tur thlir dun ka duhna a zual leh thin.












A beidawng hmel te, ka hmuh hi chuan ka khawngaih leh thin, chu chu ka thil duh loh ber a ni, pawm chu ka duh, mahse miten engtin nge an ngaih ang, a thiannu pasal hlui nen an in ngaizawng tiin mi chuan min sawi ngei ang, nilo chu ai mah chuan mal taka kalsan ka nih leh ka hlau a ni, ka nu in ka hlim ve dawn lai takin, min boralsan a.













Ka pa la pa a zawnga pa nep ber ni chung a, ka hmangaih tho si, a awm ve chuan engmah nilo mahse ka thlamuan pui ve em em in, min kalsan tawh bawk, tunah ka chhungte diktak tiin, pu Ruata te chhungkua an lo lang a, mahse thinlung takin ka la pawm chuanglo, a hma ang bawk khan kalsan nih leh ka hlau ber tawh.











Ka nu leh pa chhungte ah belh tur emaw belh tlak ka hmulo a, nilo ka hrelo a ni zawk mah, ka nu chhungten ka pa a neih vangin an tui thlar a, ka pa chhungte lah belh tlak an awm heklo, ka pa hi fahrah ve tak a nih vang a ni, "pi hei hi a nia, hmanni a lo buaipui tura min tih kha" tiin lehkha hi min rawn pe a, a hming ka hre rei theilo, ka hre leh tawh mai lo.











"awle tah Khan lo dah tawp rawh" ka ti mawl satliah tawp, ka thawhna ala rei over silo a, hming hriat loh ka nghah mai, ka hre vek senglo zawk mah, an hmel ka hriat pawlh loh leh an hming ka hrelo a, hriatchian fak hi chu pahnih thum bak an la awmlo, ka phone a rik chuan ka la vat a, Remi a nih vang a ni.











"Chawhmeh rawn lei kawi nghal teh aw, ka chhuak tho nangin, Zuala hian duh angah ve sia, ka rawn lei kawi hman lo, khawiah emaw kan kal lawk dawn" a rawn ti lang lang a, an awmna chu khawi lai emaw party na tih hriat reng, tun ang chhunah leh nghal, a bengchheng em em zui, dawt lah chu ala rawn sawi ang zut zut a, ka aw e liam ta vel mai mai..











Control ka tum lo, kei mah aia nau a nihna ang pawn, ka hre chiang a, a hun hma chuan mipa a mutpui dawn lo tih hi ka hre chiang em a ni, hmeichhe lepchhiah tak ang anilo a, zu leh mei hi chu a ti ve mai thei zel, mahse mahni in control zolo tur khawp chuan zu hi a in duh miah lo thung, mei erawh hi chu hmeichhia pawh hian an tih pawt pawt vang in, a zak lutuk lo.













"Okk rawn haw harlo la, kei pawh ka haw hma dawn" tiin ka off nghal hmak, ka thutna tang chuan ding in, chhun thil ka ei bawk silo, ka ril a tam deuh ruih tawh, haw mai ka rilruk tawh, ka lu na deuh ut ut chu nizan ka mutthat loh vang a nih ka ring, a reh thei der lo leh nghal.









Haw nan pawh hma zawk zawk a ni tawh chuanglo, ban a hun tep tawh tho vangin, room atang chuan ka chhuak a, " ka lu a na em mai, ka lo va haw hma mai ange" tiin ka chhuak a, mahse office kawt alo ding reng vang chuan ka ding leh chiang hle, ni a sa bawk nen, chutia a lo ding reng chu mak ka ti hle.










"I ban hunah min lo call rawh ka ti zet a, i luhlul ve sia, min lo call ka ringlo a, dar1 vel tang ka nghak rawh che" a ti heu mai, a mawl emaw ka ti zawk hial a ni, tih ngaihna hrelo zet chuan ka lu ka thing nar nar ringawt, "lut la" tiin car kawngka a hawn ah chuan lut turin min mitmei pah zeuh bawk.











Ka khawngaih ve tho bawk nen, ka thu lut ve ta ngawt, eng mah sawi lemlo chuan kan chuang dun reng a, "bawihi i thuthlukna chu" tiin mitko min san khum zeuh, melh duhlo ngat in, hma lam chu ka melh ran, ka ngaihtuahna a buai nuaih ni mai hian ka hria, pawm chu ka duh a kianga awm a, hlim taka hun hman dun ka chak.












"Ka sawi kha, keini chu awmdun tura ruat kan nilo, thil tam tak min dang tu a awm, chu chu kan paltlang theih a nilo" ka ti fa zawk, "kan pahnih in kan tum dawn alawm, min dang tu engmah a awmlo, a hma kha chuan nupui ka neih vang a ni a, tunah erawh engmah a awm tawh lo" a tih chuan a hrethiam duhlo nge a hrethiamlo der zawk.












An in thenna thlahnih a vei mek chauh a ni a, tuna kan in kawp leh a nih ngat chuan a hma a, Maruati thehdarh dawt kha, thudik ah a chang anga, mi pawn keimah vanga in then ah an ngai vek bawk ang, engmah hi a hre thiamlo, "tunah in ngaizawngin, kei hian lo pawm ta che ila, mi in engtin nge min sawi ang, in in then chhan pawh, keimah vangah an ngai anga" tiin ka ngawi nghal hmak.













Motor chu ti dingin "mi ah buai angailo, kei chiah min ring la, ka venghim ang che ka tih kha, midang a i buai chhung chu buaina tur hlir a ni mai, ka kut hi chelh a, ka kiangah awm rawh, a bak chu ka ti vek ang" tiin a mah hma chhawn zawng chuan ka der leh lem leh lamah min vuan ran, aw tia chhangtura min duh hmel zet hian min melh run, ka lu ka bu nghat ringawt a.













A hmelah chuan a hlim hle tih a hriat theih, "bawihi ka lawm e, ka venghim tlat tawh ang che" tiin remlo zet chuan min kuah bet hlu hlu a, heihi a ni lawm ni ka chak thin kha ka hahdam takzet, min kuahna tanga in la hrangin, ka hmuiah chuan duhthawh zetin min fawp a, hun lo ka ti viau khaw en lai leh nghal.











A duh thawh dan em em chu kei pawn ka chhang thiamlo lek lek a ni, keimah zawk chu ka in la hrang a, mi kawngkal awm hun lai a ni bawk nen, min hmu ang tih a hlauh awm, "mi in min hmu ang" ka ti sap a, a mah vanga ka lungphu pawh a la dik hlei thei lo, ka aw pawh a tham deuh chhal bawk, "ka zawng chhang dawn riau" tiin a hmui aliak zeuh a, a thu tha nghal zat, rum lutuk ka melh hrawk ringawt.







(zan danga chhunzawm ah aw ADD CLICK KHA AW)


Show post links
Top

[Ngaia]

KA THIANNU PASAL











CHAPTER-14








BY ZOMUANPUII TLAU






"Bawihi lo haw tawh la, i hriat kha ka hna ka rawn kalsan a, nangmah avang hian, kan ram ngeiah lo haw tawh la, ka rual in" tia, min be tu chu a awma bei reng chung chuan tv lam chu ka melh vang vang a, ka haw a nih chuan ka thiante pahnih hi engtin nge niang, ka chhungte ang tak taka, ka en an ni a, ka kalsan thei angem.












"Mahse " ka ti hap a, "ka thiante hi engtin nge niang, ka kalsan ngawt theilo" ka ti sap a, "min zui ve zel an duh dawn phawt chuan ka company ah pawh hna tam tak a awm, an thawk duh a nih phawt chuan i hlimna tur leh i kianga i thiante i ngaihhlut tak te an awm i duh a nih phawt chuan engpawh ka ti vek ang, Remi thawh tur chu ka zawn sak a ngaih loh hmel" nuihza in sum zet chuan a ti a.









Hrethiam lo lutuk in ka melh haw, "enge awmzia" ka ti hu, "advocate nupui a ni thuai mai thei a, chuvang chuan thawh hah vak a ngaih loh hmel" a tih chuan ka hre thiam ta chiah, Zuala a tih kha kan Lalzuala, a hma pawh a, bank alo thawk tawh kha a ni maw, nitin a hna chawl in a chhuak ka ti reng a ni, "dawt min hrilh char char a ni maw, ka thianpa a nia, in hrelo ang a ti vel a" ka ti hlak hlak a.








.




Mathew chuan ka kut chu a khalh niap niap a, tv kei in ka en thung, a awmah chuan ka bei kek a, a nin a kut leh lama, ka kut khalh chungin, ka darah min kuah deuh hlun bawk, a khat tawkin, ka chalah a fawp leh zeuh thin, Remi erawh chhuahna tur ka nei a tia, zan chaw ei kham rualin a chhuak a.










Hlimi erawh a mu tawh thung, kawngka in kik thawm vang chuan ka tho, kawngka ka hawng chiah chu Remi leh Zuala ngei mai chu an rawn in zui lut, "ehee nangni pahnih chu" tiin ka melh dun haw a, kan Lalzuala lah a khi deuh thaw bawk, "kan pi hlui te in a len chu a nawm dan a zahthlak dawn hle mai" a ti vel khanglang.










Thutkhawmna ah chuan kan in zui phei a, "bro zan tin kan lenna tur a in ang dawn ava nih hmel ve" a ti ham ham a, hepa hi chu boruak hi a ngam ve hrim hrim, eng eng emaw sawiin kan titi luam a, dar10 a rik tak vangin an thian dun chuan haw an rawt a, Mathew lah chuan mizoram haw puiah min sawm reng a, han chhan dan vak ka thiam rih lo, ka thiante ngaihdan lak ve phawt ka duh a ni.













An haw hnu chuan Remi nen chuan thut khawmna ah kan titi a, Hlimi pawh alo tho chhuak ve nawlh mai, a hmel atang chuan ala muhil biklo tih a hriat, "in be lawk ang u" ka ti sap a, a ni pawh a rawn thu thla ve mai, "ihh Mathew an mizoram a ruala haw turin min duh a" ka ti sap a, "keichu Zuala chuan duh lo mahla, ka rawn zin ziah mai ang a ti" pakhat in alo ti bawk.













Mathew te thian dun ngaihdan danglam lutuk chu ka nuih a za, "in tello chuan ka duh bik silo a, khitah pawh belh tur ka hre chuang silo a, mahni a in luah ringawt kha ka peih loh bakah nang mahni tello chuan a nuam dawnlo, Mathew an in rawn haw tel ve duh chuan hna lam kha chu ka company ah pawh thawh tur a tam ang a tia" ka ti a.












Dik tak chuan mizoram haw ka chak tawh reng, mahni ram lo hi chu alo nuam tak tak lo, "ka hrelo ka haw lohna a rei tawh si, mahse nang mahni thu thu a ni mai, kan ram ngei pawh ka hmuh lohna a rei tawh bawk a, mahni ram lo a, awm reng zawng that pawh a tha lo ve tho, eng pawh kan chungah thleng thei a ni ve tho" Hlimi chuan a ti a.












"Kei chu i hriat kha, i awmloh chuan ka awm duh biklo" Remi chuan alo ti vat, Remi hi chu kei aiin a naupanna tlem mahse min u en deuh reuh a, ka lakah pawh a pangchang ve thei hle, a hun ah thian kawmin min kawm a, a chang leh a u ang chiah in min ngai bawk, "kan meng ta sasa, naktuk weekend a ni tho bawk a, mutrei ni, bear in ang u" Remi chuan phur zet hian a ti a.













"Nia naktuk tih tur a awm lo bawk a, in ang u ven thawn tur an awmlo bawk a" Hlimi pawh chuan alo ti, naktukah Mathew nen len dun kan tum tih hre reng mah ila, ka lo phur ve khawp mai, fridge a kan dah khawl ve, weekend a nih apianga, kan in ve thin kan dah ve reng chu Remi chuan ava la chhuak a, "pizza kan ei bang kha ala awm treuh mai, pathum bak kan ei hman loh kha, ka va ti sa ang" tiin Hlimi a tho nalh bawk.














An phur lutuk chu ka lo nuih tawp, "Enteh Zuala hian maw, in neih pui ah min sawm reng a, mahse ka ring ngam chiah bawk silo a, rin chu ka duh lutuk tho a, zu a in ve thin tih ka hria a, ka u ang mai kha a nih ka hlau a" Remi chuan rui kai deuh tawh chung chuan a ti a, " mipa rintlak tak a ni in ka lo hria a sin" ka lo ti ve thung.













kar a vei leh meuh chuan mizoram haw turin kei, Mathew, Remi, Hlimi leh Zuala te chu airport ah kan awm vang tawh, hmeichhe ho chuan milar ho leh milar in ngaizawng ho kan sawi a, kan hlim hle, "awii bialpa ka zawng nghal dawn hi a ni tawp mai, hna thawh aiin ka dah hmasa dawn, kan ramah han haw ila, han lerh ber ila a ni mai lawm" Hlimi chuan vei neilo zet hian alo ti













"Hotelah thleng phawt ula, in awmna tur kan zawng dawn nia" tia Zualan min biak chuan ka bu nghat a, "Bawihi chu ka in ah a awm ang" Mathew lam chu kan hawi vut, tak ngur hian min melh a, hepa hi chu a mak thin a nia aw, "chutiang ngawt te chu" ka ti niah niah a, engmah sawilo hian min melh reng.











"Ka duh biklo, ka thiante bulah ka awm dawn" ka ti hmak a, trullo ti lutuk in a phun deuh hluk, "ka duhdana ka awm loh chuan ka rawn haw dawn lo" ti hmak in, ka hawi sawn hmak a, a ngawi hmak a sin le, reilo ah mizoram lam pan in kan thlawk chhuak a, kei erawh ka muhil tluan zak, lengpui kan thlen rual rual chuan ka thaw chhuak ham ham a.










"Awii engtin emaw ka awm, ka ni deuh huih in ka hria" Hlimi chuan a ti a, Mathew pawh a nui ve tawp, Hlimi tan hi chuan a awm ve lutuk, keini erawh thlahnih kan awm tling lo a, zin ang chuah kan nia, Hlimi erawh a awm na rei ve tawh bawk nen, "ti hi chuan Remi sam rawng ka thlak tir anga, ka lerh ang" a ti meuh mai..











"Bawihi I chau em" tiin Mathew chuan ka kut a rawn vuan a, lak sawn ka tum chu a vuan nghet zual sauh, "midangin min hmu ange" tiin ka hawi kual a, mahse mipui an tam em vangin, tumah chuan min ngaihven lo hlauh, "mi ah buai suh, min ngaihsak la chu chu a ni mai" a ti hmuk, a ti tau leh tawh emaw ni zawk le.











Mathew hnuaia thawk te ni ngei tur chuan car nen min lo nghak ran a, "Bro kan kal mai ang, hotel kawtah kan lo nghak ang cheu" tiin Zuala lo nghak tur car bula lo ding mipa pakhat bulah hian Remi nen chuan an kal hrang a, "bawihi i thlir reng dawn nge, kan haw dawn" ka beng bula ti sup thawm ah chuan harh chhuak zawk "ahh... aw haw ang u" ti bah nawkin.














A hnung lamah chuan Hlimi nen kan chuang a, a hmaah Mathew leh a driver ni ngei tur an chuang thung, "Mahni a dawr hawn ka chak, kuttin lam ka training a, ka training zawh khan, hotel management kha a free a zirna tur ka hmu a, training zawh a, ram danga thawh na tur vel pawh min buaipui vek theih vang khan, ka training ve tawp a.












Mizoram awm ai chuan tiin ka ti ve tawp kha a nia mizoram awm takah chuan dawr mahni ngeia hawn ve ka chak" Hlimi chuan a ti a, "awii hawng ngei ngei rawh a tha dawn lutuk" ka ti a, ka phur pui khawp mai, "mahse dawr tur hi a vang ve viau lo maw" a tih leh chuan a vang dawn tih ka hre nghal.










"awii nia avang ngawt ang, zawn fee angai ang, nail lam phei chu a lun lai a ngai bawk si" ka ti niah niah, " e taka Mathew hian hmelhriat a ngah ang chu dawr tur pawh a hre mai ang" tiin beisei nei zet chuan hma lamah thu a hma darthlang atanga min thlir kar tu chu ka melh a.











"Ka lo ngaihven dawn nia" a tih chuan ka lawm hle, "ahh angailo ang, keimah pawn ka hmu thei mai ang, in luah tur te han hmu phawt ila" Hlimi in thlahrung chuan a ti a, "Mathew kutah dah tawp rawh, a hmu vat mai ang" Mathew ring tawk tak chung chuan ka ti a, a hma a thu nui ri suk ka hre zawm zat .











"Hotel lam pan tlang nghal ang che, ilo book lawk tawh em" tiin motor khalh tu chu Mathew chuan a bia a, "aw sir ka be vek tawh e, harsatna a awm ang, room hran kha i duh silo a, pathum hmeichhe pathum lenna tur ka lo book tawp a, pathum chuan an chep deuh mai thei a, mahse a tha ber a ni a, a bak ka hmuh loh vang a ni" a ti zung zung.












"Bawihi ka in a awm chu i duh lo tak tak maw" tiin Mathew chuan min zawt nawn leh a, ka bu nghat "nupa pawh kan la ni em lo a, I in a chen ngawt te chu" ka ti hap, a nui ringawt a, midang chu awmlo se chuan atawngkam a nghal leh khawp ang, hotel kan thlen chuan Remi te pawh an lo awm vang tawh.











"hmeichhe hlanga hotel a awm chu a tha dawn mi" tia Zualan min ngaihtuah hlawm taka a tih chuan "ngaihtuah awm teuhlo, Delhi ah pawh hnamdang karah kan khawsa alawm le, hetah kan mizo pui te bula awm te chu hlauhawm tur a awm teuhlo" Remi chuan sawi fuh in ti zet chuan a ti a, Zuala a ner nawng thung.













"bawihi hna lama ka kal tlang nghal a ngai dawn a, zanah ka rawn hmu ang che, tih fel tur ka nei a, ka rawn let leh vat ang" tiin ka chhip samah fawp vang vangin, kal tura ka tih hnuah a kal liam ta nghal a, "keipawh in room tur thleng ka hruai cheu anga, hna ka nei tlat, ka let leh angai ang, zanah ka rawn kal dawn nia" a ti ve leh a.











A in thlahrun awm duh khawp mai, keimah ni vangin an hna an kal lo a, an buai dawn dawn nen, kan room tur chu a zau khawp mai, khum pakhat chiah a awm nangin, kan pathum chuan kan leng zan zan, a changkangin, a boruak a nuam khawp mai, "e bill vel hi engtin nge ni dawn" tia Hlimin min zawh chuan.







"Hei kan thiannu bialpa hausa hian, alo pe vek tawh alawm, Zuala ka zawt a" thawveng zet hian pakhat in alo ti, "awi a nuamlo e, chutiang ngawt te chu" Hlimi chuan ati niah niah a, "engah mah ngai duh suh, sum a ngah emai, renlo tawkin, thawh chhuah belh neilo mahse, kum tam chu a daih sa" henu over dan em em hi chuh.










"Awii em em lutuk a che, i over lutuk" ka lo ti hlak a, "enge dawt ka sawi hlei nem" te chu ala ti ham ham zui, "kan in bual hmasa ber ange" tiin Hlimi a lut nghal a, keini pahnih erawh zawi zetin, khumah chuan kan let bal thung, Mathew hi ka lo pawm lo ang tih ka hlau, tunah chuan ka in nghah na ber a ni tawh miau.










Mathew an a in a awm turin min ti reng a, a mipa zawk ala ti tau ziah leh nghal, kei ka awm duh bawk silo, a nin awm turin min ti thung, ka hnial a, hnial hian sawt lo thin tak hi a ni, ka thiante an awm a, hmun danga awm san deih/daih ka duh biklo, bakah nupa pawh kan la nilo a, mizo phei chu sawi neuh neuh tur kan ngah si.










"Engtin nge hna chu i tih dawn, hna a vang bawk si" Hlimi chuan a ti a, Remi erawh a leng chhuak deih thung, "ka hre tawh biklo ka in khawl nual a, ka zawn chhungin ka hmang mai niang chu, nang engtin nge ni ta" tiin ka melh a, "dawr tur chu ka hmu tawh a, duh thusam chiah nilo mahse, a tha lutuk tho" a ti a, ka bu nghat.











"in a awm chu a ninawm e, dawr ah thil va ei chhuak ang" Hlimi chuan a ti hap a, keipawh ka lo pawm viau, kan hotel atanga restaurant lian vaklo ah chuan kan chawl lut a, ei tur kan chah zawh chuan thutna bang kil lam chu kan pan a, "awii mizoram hi chu ka awmlohna a rei tawh bawk sia, nuam pawh ka ti chiah lo" a ti nang nang a, "ngaiah ila nei ve mai ang" ka ti ringawt, han sawipui vak dan ka thiamlo.














"Hei tu nge ka hmuh hi, mi pasal kawp ching" tih thawm vang chuan ka hnung lam chu ka hawi vat, luhna kawngka hnung chhawn zawnga ka thut vangin, Maruati te lo lut pawh chu ka lo hmulo chu ni in, "mi pasal pawh thliar lo a, kawp duh a nih hi" tiin a rawn hruai hmeichhe pakhat hnenah chuan a ti a.












Ka la ngawi reng, "enge i duh hetah buaina siam rawn tum hauh suh" ka ti ram hmak a, "ohhh ka pasal chuan a ti hlim zo che maw, ka khawngaih che a, ka thian ilo nih tawh na ang in, ka kian ta mai che a nih kha" tiin dawr chhung zim ve taka awm ho hriat tur chuan a ti a, ka ding chhuak zawk, "a ni maw..chutiang in min kian tih ka lo hre hlei nem, in duh vang leh in hmangaih vanga in nei in nilo tih hi ka lo theihnghilh a ni nge ni a, ka hre sual zawk, sum in duh chhungkua vang, ohhh sorry ka sawi chhuak palh" ka ti ve hmak.












Kut a rawn lek kang chiah chu a hmaiah tui chuan Hlimi chuan a rawn theh thawt, a rak ring khawp mai, "helaiah hian kan au lo che, kal sawn nal nal rawh, zahna chang hrelo lutuk mai" Hlimi chuan a ti hluk, dawra lo awm te chuan min melh thap tawh, a ni q zah loh chuan ka zah vak na chhan tur ka hre bik hauh lo




(a thui teh mai nia)

ADD CLICK KHA AW


Show post links
Top

[Ngaia]

KA THIANNU PASAL










CHAPTER-15










BY ZOMUANPUII TLAU







"hey lo chhuak rawh, Mathew alo kal a nia" tia ka muhil lai min auh thawh pah chuan Hlimi chuan a ti a, ka chau deuh ka lo muhil kha ka muhil tlang a ni maw, tlai chaw pawh ka la eilo, "aw ka lo chhuak ang ka hmai kan phih lawk" tiin ka tho chhuak a, tunah rih chuan in pakhat ruak kan luah tawp a, a zau em em lo, room pakhat chiah a awm a, tah chuan kan mu vek mai, sitting room leh choka a ni leh tawp mai













Ka hmai ka phih zawh chuan choka lamah chuan ka phei nghal a, "ehee ilo van leng hma" ka ti hu, min tih der ka rin rin nen, choka ah chuan alo thu kur tak tak, "ka lo leng hma nilo in, i tho har zawk a nih kha" nuihza in sum zet chuan a ti, Hlimi nen thingpui an lo in dun a, Remi erawh ka hmu lo thing "tunah dar8 a ri dawn tawh a nia" tiin Hlimi alo nui ve bawk,.











"Khawnge Remi hi" tiin ka hawi kual a, "Zuala nen Zuala cake an lam a nih kha" a tih chuan ka lo bo leh fal bik lutuk, "eng cake maw" tiin Mathew chu ka melh a, "aw nimin pawn kan sawi kan sawi kha, a birthday a nia, cake an lam, lawm ang u kan tih vek tawh kha" Hlimi chuan alo ti leh a, ka hre chhuak leh chiah "e aw ni dawn tak" ka ti mawl tawp.










"Ka ril a tam e, chaw in ei tawh em? " Hlimi bawk chu ka melh leh "eih loh a hun tawh em ni, bawihi" hepa ve hi mi nuih vel emaw ni chu "hun leh hunlo a awm kherlo e aw, duh duh hunah a ei theih ve chiang e mai" melh rum vak pah a tiin, thutna ah chuan ka thu thla ve nghal, "ei tawh e, ka rawn kai tho che a, ka ei peih rih lo i ti a nih kha" a tih chuan chutiang awm ka hre leh pek lo.











"Ka eilo rih mai ang, cake ka teuh mai ang" ka ti awlsam et a, Mathew in ah khan ka awm uk tawh a, mahse a lungawilo chung ka in sawn a, Hlimi ten in luah tur an hmuh ni in a ni nghe nghe, min be lo in a awm thei chuanglo a, a ti tau reilo ve chiang khawp mai, "engtik ah nge nang ni hi in tih huk dawn" tiin Hlimi chuan min fiam a, "kan ti huk tep tawh " ti zawngin Mathew chuan a chhang a, ka lo zak leh tawh hle, Mathew chu rum zetin ka melh a.












Hrelo ang hmak chuan zuk han awm a, in neih pui ah min sawm reng a, ka la hnial zel chu a nia, hna te han hmu leh phawt ila, hna neilo a mo leh hna neia mo chu in thlau ve tak a ni, kei phei chu ka nu leh pa te an thi tawh leh nghal a, ka nu leh pa dik tak la dam mahse, ka pawh lo em vangin ka chhungte ah ka chhiar theilo..










"Kan rei em" Mathew an ka kut a vuan ruala Remin a rawn tih luh chuan kawngka lam kan hawi vat, choka leh kawngka luhna vel leh sitting room hi a tlang vek a ni, "reilo e, ei tur te siam ve ila, patling pui mah nise" ka lo ti hlut, "ve lutuk a che, kei aiin I u" Zuala chuan alo ti a, a va han daw ve chiang tak, a ni ai hian ka naupang ve chiang e mai.












"Daw lo mai teh, cake ah pawh khan kum37 kan ti" ka lo ti a, a duhlo teh e, upat chu duh lo ve tak a ni, duhlo mahse a ni tho sia, " ei tur siam tur kan rawn hawn alawm, kan lo siam ang" Remi chuan a ti a, a phur khawp mai, "in nupa khan siam ru, keichu phone ka hmang lawk dawn" tiin Hlimi a kalsawn daih a.











Keini pahnih pawh pawn varanda ah kan in zui chhuak daih, Zuala phun deuh nuah nuah pawh chu ka hre reng, "bawihi in nei tawh mai ila, chhungkua nangmah nena din dun ka duh tawh, ka kum hi chhut ve la, putar I nei duh dawn a mi" a ti deuh hluk a, ka nuih a ti za hle, "tar hma i tum lutuk a nih kha, pathlawi ve lai si" ka ti chu duhlo teh e.










"Ka thlawi loh nan in neih vat kan ngai a nih chu" alo ti sam et, thu tak deuh zawk chuan "tak tak ah, in nei pawh ni ila tu nge ka man dawng ta ang, i hriat vek kha" ka ti chuai raih a, "i nu leh pa dik tak an la dam hi, I chhungkua i man an dawng chuan a tawk, a bak chu keiman ka ti fel vek ang, ka nupui ni la chu chu ka duh ber" a ti thum dut a.










Ka hnung atanga min rawn kuah in, a darah a khabe a rawn nghat a, a mah a sang bawk sia, a rawn kun deuh du mai, "ka hria lawm, mahse ka pawh thei tak tak lo, ka hre thiam biklo, ka chhungril ah hian nuamlo tihna a awm a, bakah an fanu ka ni a, kha tianga min hralh mai duh kha ka pawm dam theilo" ka ti a, ka rilru tak tak a ni ka sawi ni.











"Bawihi ngaihtuah chiang la, i pa dinhmun ah khan ding ni la, i kawppui thi mai tur kha i enliam mai mai theih i ring bik lo ang, an hmangaih loh vang che a nilo, an ni khan i nu leh pa thi ta hnenah khan hlan lo che se la, tundinhmun hi I thleng kherlo ang, i len hnu thleng in, nangmah vanga i nu thi kha i in dem reng bawk ang" a ti a, a dikna lai chen a awm reng.











"Ka tan chuan ka nu leh pa an thi tawh" ka ti hmak thung, thawk leh khat a, rin mai harsa ve em a ni, " okk ka nawr lui lo ang che, chhungte I neilo emaw, engmah neih neilo mah la, ka tan chuan nang bak an awmlo, ka nei ang che ka tih khan ka ti mai mai lo a, ka hmangaih che ka tih pawh ka sawi mai mai huah lo" a ti a, a aw leh a sawi nghet charh dan atang chuan a tih tak zia a hriat.












"Ka chhungte ka sawi pui vek tawh, I rem tih hun hunah, palai ka rawn tir ang, mahse min nghah rei tir lutuk lo la" a ti leh sup, "palai rawn tir pawh ni la, khawiah nge an kal chuan ang, chhungte tih thlak ka neilo tih I hriat reng kha" ka ti hlak a, "a nih chuan ka ruk che emaw, dan hmanga kan in neih mai a ngaih hmel" a ri awlsam et a nih chu.












A ngai awlsam lutuk chu ka ngei lek lek a ni, neih pawh pawi ka ti miah lo, ka tan chuan a ni baka in nghah na tlak ka hrelo, a rinawm a, a thusawi ah a ding nghet tlak thin, mipa in nghah na tlak tak a nih zia ka hre chiang a, ka ring tlat bawk, "a nih min hne anga min kalsan leh mai lo ang maw" ka ti hap a, "engvang ngawtin nge ka kalsan leh ngawt ang che, ka chelh tawh che a, thlah leh che ka tum tawh lo.











Ka duh ber kumkhua atana ka kawp pui tura ka thlan he khawvel hmeichhia zawng zawng zinga ka thlan I ni a, thlah leh mai mai tur che in ka vuan lo che, kan tar kun thleng in kan awm dun reng ang, min hne in min kalsan duh mah la, ka phuar bet tho ang che" a tih chuan ka nui hak, a la thu tak mai sia maw.











"Nangni kha rawn lut ru, thil kan ei dawn" Hlimi chuan a rawn ti thut a, ka phu zawk leh nghal, thawm te neih ve hmasak thin tur hi a nia, choka ah chuan ei tur an siam chu an lo chhawp hnawk a, a tam em em mai leh nghal a, "kan ei zo vek thei dawn mi" tiin an thil siam chu ka melh a.











"lutuk tlat, ei zawh theih loh tur thu a awm lo, khawnge in thianpa chu" tiin Remi chuan Zuala chu a melh a, Mathew a melh leh nghal zat, "a rawn thleng a ni mai, lo nghak lawk ang u, pawnah ka lo va hmuak a nge" tiin a Zuala a chhuak nghal a, "tu nge lo kal dawn a" tiin Mathew chu ka melh a.











"Rinfela, Zuala thianpa" tih zawng a sawi a, a ngawi leh daih, a in ti tawngtlem leh tawh a niang hepa pui reuh hi, "hei alo thleng mai alawm" tiin mipa pakhat nen hian an rawn in zui lut a, a hmel ka en chiang chu ka hriat hnu a ang takzet, ka en vang vang a, ka hre chhuak mai thei silo.











Dawhkân kan kil lai pawh chuan ka melh leh zeuh thin "bawihi sawpa I melh dan saw ka duh hauh lo a nia" rawn ti hmuk tu chu ka melh rum vak, "awii ka hriat hnu i ang e, awii ka hre leh si, Lalrinfela i ni chiang lutuk Rindawla" ka ti hluaia, a ni pawh chuan thil hre chhuak thut ni awm tak hian "ehee Esi lek chu ni in, ava mak teh hlawl ve" a ni pawh chuan a lo ti ve hluai.













"in in hria elaw" Zuala chuan alo ti hu a, "hria e, school middle atanga high school thleng kan kal ho alawm" Rinfela chuan alo ti a, "enge I tih zawm tak zel, kan in sawn ta daih sia" a tih lai chuan ka bula thu chu alo rum deuh nghut, ngahmah ngai duh lo chuan " bank ah manager ka chelh ve thin a, hmanni deuh khan, ka chawlh san rih" ka ti tha ve mai..












Dawhkân hnuaia ka kut chu Mathew chuan a rawn hum vak a, a na lam mah a ni "nang enge i tih zawm ve tak zel" ka ti let ve thung, "high school ah maths teacher in ka awm ve a, nuam ka tih zawng tak a ni bawk a, nuam phian mai" a ti a, chumi hnu chuan nupui a neih tur thu te, rawn kal ve ngei ngei tur te chuan min chah hlawm a, ei tur kan ei pah bawk.












Cake te zaiin, kan ri ve deuh laih laih mai, Mathew erawh a tum deuh hmuk tawh a, a tawng mawh ta em em bawk, a thu tum bur reng mai ni, a chhan ka zawh lah in mi melh rum vak ringawt a, a mood a dik leh chiah tawh lo pawh ni mahna, "haw dawn hnai ila a tha ang, hei a tlai tawh si, kan hmeichhia te pawh an mu duh ang" Zuala chuan a ti a.













"Nia haw teh ang u, thlaleh a nih kha aw, in neih sawmna pawh a hranpa in kan la in pe dawn nia" tiin Rinfela chuan a ti mawlh mawlh a, keini pawh chuan kan kal ngei tur thu kan lo sawi ve liam liam, "kan haw, mu nghal ang che, ka thlen velah ka lo bia ang che" ti hmuk in, a chhuak daih Rinfela kha a thik leh tawh tih hriat reng, nupui a nei dawn tih a hre awm reng sia..












"Awii Mathew kha, Rinfela rawn thlen hnu tang khan a thinrim hmel e, a mitmeng a rum sa si, ka melh tha ngam lo reng reng" nui hak hak pah in, Remi chuan a ti a, keipawh ka ti tho, mahse ka hre chiang ve tawh a, ka hlau over tawh lo, a thinrim tak tak ka la hmuh loh vang pawh a ni mai thei.











A thlen awm ang velah pawh chuan min lo be ta chuanglo, ka bula mu pahnih tui taka muhil chu ka melh leh zeuh thin, a thim avang erawh chuan ka hmu fiah thei lutuk chuanglo, ka phone chu ka hmet eng reng a, a thlen tawh te chuan mi biak ve vat awm, ka lo bia ang che a ti reng sia.











Aw min lo be lo tawp rawh se, a hre viau ang, ka be hmasa awm bik lo e, zingah pawh ka wish miah lo ang tia in zawh tau chung chuan mutthilh tum in, ka mit ka chhing a, ka ngaihtuahna ah lah chuan engdang alang theilo, palai rawn tirh a tum a, hnial zel ta ila, ka chan mai angem, rawn tir ta nise, tu nge lo dawngsawng ta ang, tih ringawt ka rilru ah a awm leh tawh.









(a thui, add click kha aw, in click that te leh in cmt te hian a nuam ve thin a nia)



********
ZAWMNA


KA THIANNU PASAL










CHAPTER-16









BY ZOMUANPUII TLAU






Ka in ngaihtuah chianga, a haw hnu a min lo be lo ringawt ka lo thinrim pui chu a rilru tet thlak ka ti rilru leh reuh reuh tho, hmeichhia a mipa a hauh nat em em, eng lai pawh a a biak reng duh ang hi ka ang ber, naaa ninawm ngaihtuah tawh lo teh ang, ka ning tlat, ka thluak a tih buai em em mai ni, tiin ka in kuk fawk a, mahse keimah bawk in na ka ti leh si.











Zing ka tho chu ka tho hma lem lo khawp mai, nizan ka muhil har bawk nen, bakah hna ka nei tawh lo a, tho hma viau pawh ni ila, mut bak tih tur ka nei leh dawn chuanglo, hna lah a vang si, ti hian awm hahdam ve pah a ni mai, nghei hlau in hna kan thawk a, kan chenna tur te, kan ei leh in tur ngaihtuah reng rengin hna kan thawk a.












Tiang chang a awm ve loh chuan a hne awm ve duh bakah a chuah thlak, "bawihi i tho tawh maw" ka phone ka chhan rual rual chuan Mathew chuan a rawn ti nghal a, alo hre leh vek tawh nia hepa hi chu aw, ka thiante pahnih tawngthei lutuk pawh hi a buaithlak, "tho daih tawh, i hna ah i kal tawh a mi" ka lo ti nghal daih a.












"Tun ang hunah kal loh a hun tawh em ni, chhun a ni tep tawh zawk" a rawn ti a, a aw atang chuan a nuih a za hle tih a hriat, "zanin ah hruai duh na che ka nei a, lo in siam la, dar7 leh a chanve velah ka rawn hruai ang che" a tih leh chuan ka lo bo deuh hu mai, "khawiah chuan maw" ka ti let ha a, "i hre mai ang, tunah rih chuan meeting kan nei dawn a, chaw lo ei ve phawt mai la" tiin a dah nghal daih a.













Ka melh rum vak ringawt, chaw chu ei in tih tur em em ka nei silo chu ka chaw ei na te ti fel in, in siam in ka chhuak ve daih a, kal na tur em em phei chu ka hre chuanglo, ka tei harh ve ang chu ka tih rilruk vang a ni, kalna tur em em ka hrelo chu ka hawi leh lawl lawl zel a, mahse thil hriat chhuah nei in, Hlimi dawr thar tur lam chu ka pan a.












A dawr chu awmna chu chutiangin bazaar tang ava hla lo a, a luah tu hmasa ten, a te e mai tiin an chhuah San a ni awm e, mahse Hlimi dawr atan chuan a tawk em vang in Hlimi Khan a be nghal thuai reng a, hna thawk tur pakhat a chhawr a, nula kum la naupang te mai a nih thu kha a sawi tel bawk kha maw.











A dawr ka thlen chuan a mah alo awm lo a, a chhawr nu chuah alo awm, "khawnge i pi hi" tiin ka zawt nghal a, a bawngraw chah alo thlen thu leh en fel pah a, a kal thu alo sawi a, thutna an siamah chuan thu in dawr chhung chu ka en kual a, chutiang em em a zim a ni huah lo, a hmasa alo luah tute kha an khirh emaw, an bungrua a lenglo emaw a ni ngei ang.











"eheee enge ilo tih in ah ilo awm dawn emaw tia" tiin Hlimi a bungrua tur mipa vai ang tak tak ho a rawn zawn luh tir lai chuan a rawn ti hlut a, min hmu chu mak a tih hmel hle bawk, "nia in a awm ka ning a, ka rawn pui dawn che" ka lo ti vat, "awii avan lawmawm, tih tur ala tam lutuk a, rem fel tur te, tih fai tur thleng in" a ti nghal bawrh bawrh a.











"Tlaiah haw hma ka ngai thung a, Mathew Khan len chhuah pui ah min sawm ti ila, zanah hruai duh na che ka nei a ti tlat a" ka ti nang nang a, mak a tih hmel lemloj rual in, a hmelah chuan a hlim hle tih a hriat, eng emaw thup nei ang riau a ka hriat tlat pek chu, ka hriat sual zawk nge "ti tan ila tih tur a tam si, ka tih pui tam hman lo ang cheu" ka ti a.











Phur tak chuan kan ti nghal zung zung, rin ai takin a hautak vaklo, a dawr chhung a fai sa a ni a, a bungrua tur lah a thar vek a ni a, mistiri naktuk lama a auh tur thu te a sawi a, siam that ngai awmlo mahse, tih tur neuh neuh hi alo awm ve leh thin, "karleh atang chuan ka ran char char thei tawh ang, kuttin hi mi hian rin aiin an hlut ve a" a ti a.










Ka ring keini mizo pawh fashion ah kan sang ve zel a, kan nalh na tur a nih chuan in sen pawh kan pawi ti tawh lo, sum lama harsa chhungkaw khawsak harsa ve tak pawh an duh phawt chuan an Sam siamna tur leh an in cheina tur chu an nei thei zel, "lo va haw tawh mai rawh" tiin Hlimi chuan chhun thil kan ei zawh chuan a ti q.










"Ala hma e mai, in a reh si, ka hne tawh teh mai nia" ka ti nghal zat zat a, a ni pawh a nui ve tawp, Hlimi hian hlim loh rukna a nei tih chu kei mi thil chik vaklo pawn ka hre thei, mahse min hrilh a tum te nih loh chuan zawh luih ka tum lo, a bialpa khulama kan awm laia, mi vang pawh kha a ni maithei, a rawn ti buai leh pawh a ni mahna.









Eng eng emaw kan tih leh hnu ah, nail polish ho chu kan rem a, rawng in ang pawh 20 chuang zet vek a awm a, chung ho chu a rawng in ang zelin hmun khatah a dahna tur a, chhuar an siam teuhna ah chuan kan rem a, kan pathum a kan beih chuan kan rei over hranlo, hla kan play a, kan titi pah bawk.










"Ka in seng hnem ve zek, a tih ro na ang kha te kha khu lama ka awm laia, ka hriat pathum ka chah a, dawr hi a zau tho a, hna thawk pahnih thum tal awm se ka tia, chuan chawi kan chawi belh lo a, kan in senna kan hmuh chhuah chuan a tawk ka tia, tia dawr ka lo nei ve ringawt pawh hi tha ka ti, mi tin in an pan ve theihna turin ka siam dawn" a ti a.











A ngaihtuah thui ka ti hle, "dawr tu ngah na na chuan kan hlawk tho tho" ati leh a, dik ka ti viau mai, mi chuan hlawk duh in to deuh deuh in thil reng reng an ti a, a man zat aia tlawma kan hralh tr a nih loh chuan hlawh chhe tr kan nei kha lawm mai zel awm hi a nia, to deuh deuh in an in chhiar a.









"Awii engtik ah nge in neih a, a sawmna che kha I chhan dawn" tiin Hlimi chuan min zawt a, chhan mai dan tur ka hrelo, Hlimi chhawr nu chu a tawng duhlo hle, "ka hre thiam tawh biklo, ka duh lutuk alawm, neih pawh ka hnial lo, mahse thil han sawi pui dawn in a ngai awlsam thei lutuk ber hi a ni, ka dinhmun a hria a, ka in peih hun a nghah theih thu min hrilh a, ka nu leh pa tak tak te, ka biak phawt an ngai ang" ka ti hap.












"I chhan vat loh chuan a lungawilo anga, midang a neih San mai tur che sin, mipa hi chu an ni chawk a nia, bakah a lerh hmel si" a ti nghal hlawih hlawih a, a lerh hlei nem, a nupui hmasa a neih chhan pawh thil dang vang zawk alawm" ka ti a, "awii a ni lul lo ang, dawt bak a ni nang, hmeichhe dang a mamawh leh tawh vang a niang chu, mi hausa ho tih dan alawm" a ti leh a, a tawng duh dan chu mak ka ti viau..













"E taka hmanni ah pawh hmeichhe pakhat nen an in kuah lai ka hmu" a ti leh a, a ner deuh nawng bawk, "i hmu sual a niang hna ah hmanni te chuan a buai lutuk alawm" ka ti talh a, ka awm erawh a ti nuam chiah ta lo hle, "sawi tawh lo teh ang, a ninawm" tiin a mah zawk chuan a ti leh lawi a, tunlai a awm dan hi a mak thin.











A hah lutuk vangah ka puh hmiah, Mathew sawiselna tur ringawt a zawng leh nghal Mathew han tan dawn viau ila, ka thiannu a ni bawk si, Remi hian min khuh hneh em thin zawk a, Hlimi ka haw San hnu chuan in ah rawng ka bawl nghal sawk sawk a, ka bawl zawh rualin in bual faiin, ka in tih felfai vel hnu chuan Remi pawh alo thleng ve nghal mai.










"Chaw ei lo siam mai teh, i in thlak zawh ah, chhuah ka ngai sia" Remi lo thlen rual rual chuan ka ti nghal a,"a chhan pawh dar 6:36 a rik tawh vang a ni, chaw ei chhung nen ka tlai ka hlau ve tho bawk si, "lo va in siam rawh, Zuala Khan a sawi alawm" alo ti ve nghal a..









Min kalpuina tur ka hre silo a, in thuam dan tur hriat a har viau, kekawr smart tak mai, mizing pawh a zahawm tur leh kawr changkang ru zek leh simple tak chu ka in bel ta tawp a, bag dar bah bag ka la chhuak a, ka mamawh tur ka khung nghal zung zung, zung zung tih tur pawn, ka purse te pawisa ka dahna leh phone leh romawl bak khung tur ka hrelo..













Ka Sam te chu ka thlah mawl tawp a, makeup hman loh ai ah ka hmang ve mai mai bawk, makup hman vak hi ka in hmeh ve lo a, ka hmelchhe vek hian ka in hre zawk hial in ka hre thin, ka in chei thiam loh vang te pawh a ni mahna,


Show post links
Top

[Ngaia]

KA THIANNU PASAL.












CHAPTER-17








BY ZOMUANPUII TLAU.








"Bawihi i hman tawh em" rawn ti hniam deuh ruih tu chu ka nuih sak, "umm hman a ni mai, ilo thleng tawh ami" ka ti let vat a, kawt a awm tawh thu a sawi chuan ka chhuah nghal tur thu hrilh in phone chu ka off nghal a, kawngka khalh na chu ban in, ka chhuak nghal a, kawngpuiah alo awm vang tawh, chahbi kan dahna thinah chuan dah in, ka pan phei nghal a.










"Khawnge kan kal dawn a" ka ti nghal zat a, min chhang lo chuan car kawngka chu a hawng a, "lut la, kan thlen hunah i hre mai ang" a ti thum deuh dut, sawi ve mai hi a har thin emaw ni, tum deuh bar chung chuan ka thu lut ve mai a, car a rawn luh pawh chuan ka lo melh duh lo lui ngat a, a nui suk suk tih erawh chu ka hre reng, a duh leh nui rawh se, a duh tawk in











"Bawihi i hre mai dawn alawm, a naupang chhia i ti ve mah mah lo maw" nuihza in sum zet chuan a ti a, ka lungawi lo tak tak lo, ka fiam vel mai mai a ni, "sawi ve mai awm"ka la ti talh a, a nui suk duh chuah tho, ka hriat chak tawh nen, " tak takah vawiin hi enge a nih i hria em le" a tih chuan ka bo hu mai, "aw ni 21 " ka ti mawl tawp ringawt.











Lu thing chung chuan a nui hawk a, "umm nih chu a ni, mahse lawm tur chhan erawh a ni hauh lo thung" a tih phei chuan ka bo leh zual khawp mai, "i birthday mawle, i birthday em em. chu hre ve la" a ti chu ka hre chhuak zawk, ni dawn tak ka birthday huizz ava han hai hawt theih ngai ve le, "awii ka hre tawh lo reng reng" ka ti hap a.










"vawiin atangin ka lawm sak Dan tur che ka ngaihtuah tawh, I lawm zawng leh duh zawng ka hriat chian loh zia min hriat tir a, ka hmangaih che ka ti chung in, i duh zawng te, i nalh tih zawng te, i lawm zawng leh i hlimpui tur tr ka lo hre hauh lo a" a ti sup a, a aw ah chuan a in thiam lo tak tak tih a hriat.









"A ho lutuk kum tam tak ka hmang tawh alawm, chu chuah pawh chu ka hlimpui a, ka duh zawng leh ngainat zawng chu nang mah hi i ni mai" ka ti chu a nui hawk hawk a, a hmel chu ka en zeuh, a hma lam chu a melh ran a, a hlim hmel hle a mood a fuh hi chuan a fel mawle, ka chungah chuan a fel in a dawhthei reng a, a thinrim ber lai pawn, ka tan chuan biak hreawm emaw, hlauh tur zawngin a awm ngailo.












"Kan thleng e, a tih takah chuan a mah atang chuan mit ka la sawn a, ka hawi chhuak vat, kan awmna lai hi ka sawi thiam lo, ram ngaw ni berin ka hria, car head in a chhunna zawnah chuan in tha ve deuh, chhawng khata sak hi alo awm a, a bul bawr vel chu en tho mahse, a thim chhah mup lai chuan mi rap hle.







"Enge helai hunah hian kan tih dawn a" ka ti hu a, a mah chu ka melh zeuh bawk, "i birthday kan lawm ang, helai hi chu ka chawlh hahdam na a nia, ka hman chang emaw, ka rilru hahchangin ka kal thin, a tir chuan in hi a ding ngailo a, mahse a hmun vel hi nuam ka tih em vangin, in hi ka sa ta a ni" a tih chuan huai ka ti khawp mai, kei chu ni ila, pawisa tam tak hlawh tur pawn ka riak duh lo ang.











"lut ila" a tih takah chuan car atang chuan ka chhuak nghal a, a ni pawh a rawn chhuak ve nghal zat, in lam pan chuan kan kal a, rannung hram tr thleng chuan a ti rapawm zual ngawih ngawih, "hlau suh ka awm hi, ka awm chhung chu tu man an ti na lo ang che" a ti thum dut a, ka darah min kuah in, min kal chak pui deuh bawk.











Chu ringawt pawh chuan min thlamuan hle, in chu a kalh lo a niang, a hawng tawp a, in chhung chu alo thim mup a, thawk leh khat ah a rawn eng pup chu ka phu deuh zawk nghe nghe, "happy birthday" ti hlut in, cake nen Zuala leh Remi an rawn lang a, mak ka ti lutuk chu ka meng phawk hra, bangah te chuan ka thlalak a in tar tuarh a, happy birthday bawihi tih lian pui in a in tar bawk.












Ka hawi kual vel a, mak ka ti in ka lawm lutuk chu ka mittui a tling deuh pam, choka lamah chuan hmeichhe pakhat hian rawng alo bawl mek bawk, Mathew chu ka melh a, lungawi hmel zetin min lo melh vang vang, "happy birthday ka hmangaih, i tan tling lo viau mah ila, ka kalsan phallo che a, hnaih che ka chak in i kianga awm ka chak a, ka ta ni tur in ka duh che, mi pasal ka nih lai pawh khan ka thlah phal chuanglo che a, hnaih che kha ka chak thin" tiin a thingthi a.









Hrethiamlo zet chuan ka tawlh sawn deuh, min hma chhawn zawng chuan a thingthi ran a, bawm tereuhtr hi rawn lek kangin "ka phu lo che tih ka hria, mahse kei hian ka thlah thei chuang silo che a, i biangah mittui ka luan tir lo ang tih ka tiam lo ang che, mahse i mittui a tlak leh i nat huna i kianga awm reng tur leh i pasal nangmah enkawl tur che in min du angem" tiin zungbun chu a a la chhuak a.












Mak ka ti leh ka hlim bawk si chu ka ding ngawi reng a, ka tap pur bawk, "aw ti rawh aw ti rawh" tiin kan thiante pahnih chu an lo hlim ngang mai, ka buk nghat rual chuan hlim leh lawm hmel zetin ka kut chu a rawn la a, min bun tir nghal zat, ka kuta zungbun chu ka melh vang vang a, tianga thleng tur hian ka suangtuah ngailo, ka ring pha lo hrim hrim bawk.










Kan thiante pahnih chu an hlim hle a, an in kuah deuh nawk nawk bawk, Remi phei chu a rak chul mai, nuam a ti hle "khawnge Hlimi angti nge alo kal ve loh" ka ti hu a, "alo kal ve duh hek lo, ka sawm char char a, a hnial fithla thak" Remi chuan a ti a, ngati nge maw tunlai a mizia hi hriat thiam a har em em mai le, "engpawh nise cake hi ei a hun" tiin cake chu a kawk zeuh a.












Ka phur leh tawh hle, "Mathew ka lawm e aw" choka lam kan pan lai chuan ka ti sup a, "lawmthu sawi angailo, min kalsan tum lo la, ka kiangah awm reng la, chu chu a tawk a ni mai" a ti duh lek chuah a, zanin chu ka pian a hnu lama, ka hun tawn tawh a, hlimawm ber leh nuam ber a ni, ka chhin chhiah reng tawh tur chu.









"Hlimi chu a chan ropui hle mai" Remi chuan a ti a, ka nui ringawt thung ka chhang let lem lo, "cake ei zawh ah, thil dang kan ei leh dawn nia, cake ei hmasa phawt ang u" Remi chuan a ti lang lang a, pali lek kan nia, kan bengchheng ve hle tho, "Nante rawn ei ve phawt rawh, kan ei zawh ah kan siam pui dawn che nia" Remi chuan in thlahrun hmel deuh a, rawngbawl nu chu a ti a.










Alo kal hreh hmel hle, Remi a hnial hreh deuh bawk nen a in kawp a ni mahna, "hei tih tur ka zo tep ei ru ka ti buai mai mai cheu, nakinah cake chu ka ei ve leh zawk mai ang" a ti sap a "hei an sawm che hi Nante lo ei ve phawt rawh" Mathew chuan alo ti ve leh a, chutia a chhawr tu in a tih takah chuan a rawn kal hnai ve a.










Cake te chu in tat in, kan ei bawk a, kan hlim hlawm hle, Mathew pawh a bang chuanglo, a hma mize cool deuh kha a nei ang tih ka ring pha ngailo "hmanhmawh lo ang u, zankhua a awm alawm le, tunah dar9 pawh ala ri lo a nia" Remi chuan a ti a, "nia zanin tr chu" Zuala chuan alo ti ve bawk, hemite pahnih hi thup rmaw chu an nei chiang a ni.











Chulai hmunah chuan kan bengchheng khawp mai, Zuala leh over fal kan tawng ri nen, kan music play ri nen, kan ri ve mam mam mai, dar9 bawr velah kan in lamah kan phei diak a, Hlimi erawh alo awm lo thung, a mu tawh pawh a ni mai thei, eng eng emaw kan sawi kham leh nak nak hlawm a, Zuala nuam ti fal bik lutuk hian nuih hi a ti za tawp theilo, birthday lawm tur a awm hnai leh tawh em ti deuh reng mai ni.










Zan dar11 rik dawnah an haw ta chauh a, Mathew pawh chu midang kal vek tawh hnu ah, a haw ve nghal tur thu a sawi a, pawn ah kan in zui chhuak, "naktuk chuan enge ihna ber tur" a tih chuan hna ka neilo bawk a, mut emaw in tih fel bak tih tur ka neilo "ka hrelo tih tur em em ka neilo" ka ti a, a nui leh suk tAwh, "kan hnathawhna te min lo hmuh pui ve la, ila rawn kal miah lo" atih chuan ka chak khawp mai.












"Naaa mi in min sawi duh lutuk palh ang" ka ti nang nang, "lungngai suh an pu ber ka nih hi" a ti ve ngei, mahse chu lam chu ka sawi zawm ta lo, le haw tawh rawh a tlai tawh, fimkhur la"tiin a biangah chuan dingdihlip ak ak chung chuan ka fawp zeuha, chutia ka chet chu a ring vaklo nge mak tih hmel takin min melh hu mai.











In chhunglamah chuan ka luh San ta daih a ka khar hma chuan ka bye zeuh bawk, ani pawh a nui suk tih ka hre thei, kawngka ka khar hma deuh chuan a motor chhungah a lut a, kei pawh kawngka chu kalh fel in room lamah ka lut ve nghal daih, Remi pawh alo awm tawh lo, a room ah a lut pawh ni maithei ni.











Muhil thei lawk lo in ka in let ka in let a, ka muthilh theih loh chhan ka hrelo, min mawlh tlat tu a awm a, eng emaw thil tha lo tak, thleng thut tur ang hian ka ngai tlat a, mahse engnge ka ngaih ti tha lo tu ber pawh ka hre chuang lo, tih ngaihna hre ta lo chu ka phone chu ban in, WhatsApp ah chuan ka online ta mai mai a, biak tur phei chu ka hrelo, bakah tun angah chuan an mu vek tawh ka ring.










"Online hun ava nilo ve, mu tawh ta che" tih hi Mathew tangin ka dawng nawlh a, a mut daih tawh ka rin nen, "I van meng rei" kan ti ngawt a, "hna ka khawih leh lawk alawm, chuan nang le" a tih chuan chhan mai dan tur ka hrelo, "ka meng laklawh mai mai" ka tih chuan call a rawn lut nghal zat, "men lak lawh chhan te a awm em" a rawn ti nghal vut ka thusawi kha a awih vaklo tih pawh ka hre mai.










"engmah a nilo tak tak, ka mu dawn muttui aw" ka ti ta zawk, a ni pawn min zawt lui tawh biklo,"okk a nih chuan mumangah min lo hmu la" tiin phone chu ka dah nghal a, mut erawh harsa ka la ti, ka mut hnu a, thil tha lo tak thleng thut tur ang mai hian ka ngai a, ka awmdan chu hreawm ka ti takzet.








(pavalai meet a, hla kan rem avangin ka rawn dah lawk theilo a, zanhnih ni ta in ka hria kan chawlh kha tironge zan thum zawk, kan regu tawh viau ang)


Show post links
Top

[Ngaia]

KA THIANNU PASAL










CHAPTER-18







BY ZOMUANPUII TLAU








Mut pah chuan thil ka ngaihtuah kual vel mai mai a, engvanga awm nuam thei miah lo nge ka nih ka in hre hauh lo, mahse hlauhthawnna in min tuam a, ka mutthilh chuan thil tha lo tak thleng tur ang mai hian ka meng ker ringawt, zing lamah ka lo muhil a niang, in hau thawm vang chuan ka harh hlawl a









Sana ka en chuan dar8 alo ri tawh, thawm chu kan in atanga lo chhuak a ni sia, Remi te ti dawn ila, an kal a hun daih tawh si, rang takin ka chhuak nghal a, "ngati nge min rawn hmasak phawt loh, min dil ni la chu ka ui hauh lo ang" Remi chuan a ti a, a thin a rim hmel hle, "hei i hriat tawh reng hi, nge maw I thinrim ringawt le" Hlimin alo ti ve bawk.










Thil awmzia ka hrelo lutuk chu ka ding ngawi reng a, choka ah an in din chilh ran a, ka thawm hrelo ang mai in an in melh ran, "enge in hriat a" ka in sum theilo chuan ka ti ta ngei ngei a, "Hlimi hian ka u enkawlna tura ka pek tum nimin lama, ka lak chhuah alo la a, alo hmang a" Remi chuan thinrim hmel tak hian a ti leh.










"Ka pe leh dawn tho che a, neih hlen pawh ka tum lo a, i thinrim vak a nih kha" pakhat chuan in thiamloh na pawh neilo chuan a ti a, Hlimi mizia chu mak ka ti hle, "tlaiah ka la chhuak anga ka pe leh vek ang che" tiin Hlimi chu a room lamah a kal daih a, "ngati nge hrim hrim in, hna i kal a hun tawh sia" Remi chu ka be ta vat.











"Kha vang kha mawle, a bo emaw ka tia, ka zawng hrep a, ka hmuh zawh loh vangin police hnena report ka tum uk tawh a, Hlimi khan a sawi chuah alawm" a ti a, a lungawi hmel teh chiam loh, "hre thiam mai teh, tunlai chu rilru hahna a nei a niang, a zia a dang khawp mai" ka ti ta zawk, a dam zawng a lak pui loh chuan thian an nia, an in hmu thiamlo reng ang tih a hlauhawm.











Engmah kan sawi zui ta lo a, rawng a bawl mawlh mawlh a, "vawiin chu ka chawl mai ang, Sam khawih tur a awm em em lo ang ka ring, bakah vawiin hi mo chei tur kan nei a, midang chu kan lak vak ka ringlo, vawiin a kan customer tur kha mi chal lang ve tak nupui tur a nia" ati a, "nia chawl mai rawh, i laklawh tawh tho, in ah kan awm nileng anga ni mai" ka ti a.











A ni pawh chuan a lo tui hnih ve nghal zat, "chuan i u chu ngati nge" ka hriat chhuah leh thut vang chuan ka ti a, "nia tunlai chu a hrisel lo an tia, enkawlna tur ka thawn ang ka tia, kan thenawm a mi, nu Sangi nen kan in hmuh in a sawi a" a ti a, hmelah chuan a ngaihtuah hmle hle, "tia awm reng lo hian va awmpui la ka ti, i unaupa a ni a, eng ang pawn sual mahse i mawhphurh na a nia" ka ti a.











A ngawi reng, "tianga i awm San reng chuan a, chungah eng emaw thleng thut ta se, i in thiam thei dawn miah lo a nia" ka ti leh a, "nia ka hre thiam lo vawiin lamah ka va tlawh phawt anga, a nupui ruk lah in a, a chhuah san daih a niang, nu Sangi sawi dan kha chuan" a ti leh a, "umm nia vawiin tih tur kan nei chuanglo bawk a, kan va tlawh phawt dawn nia" ka ti a.











Vawikhat chiah ka la hmu a, kan thenawm lawk a awm ni mahse, ka hmu ngailo tluk a ni a, pangai tak phei chuan ka la hmulo reng reng, "pawisa chu duh leh Hlimin a pek hunah che i thawn mai dawn nia, vawiin lamah chuan kan va tlawh phawt anga" ka ti leh a, a rem ti ve mai.









"Chaw a ei theih a ni mai, Hlimi au la ka lo siam ang" a tih chuan ka thutna tang ka ding a, Hlimi chu room ah alo awm daih chu ni in, "Hlim lo kal la, chaw ei ang" ka va ti a, mi melh rum hle, "ka rawn kal" ti hmuk in a ding chhuak a, ngatan mah ka ngai duh lem lo, ala lungawilo reng pawh a ni mahna.












"Vawiin i dawr lamah i kal dawn em" kan phei lam chuan ka ti a, chhan pawh min chhang lo, ka be zawm reng duh ta biklo, dawhkân chu kan dil ve thap a, kan dawhkân a lianlo bawk a, kan leng tawk hle "vawiin chu hei Remi u hi kan tlawh dawn a, dawr a i kal dawn loh chuan lo kal ve la" chaw kan ei lai chuan Hlimi chu ka be leh hram a.











Remi phei chuan a be miah lo "va kal ru, dawrah kal ka ngai" a ti mai a, chaw ei kham rual chuan a room lamah bawk a kal leh nghal daih, chaw ei na chu Remi nen chuan kan ti fel a, "chhuat hi lo phiat rawh, thleng ka lo sil ang" tiin thleng silna chu ka pan nghal a, zing atangin Mathew nen kan la in be leh maih lo.











Phone khawih hmanin ka tho lo bawk nen, "vawiin chu i duh chuan in ah lo awm daih la, i chauh chuan" a ti a, engmah tilo a chau ang a han in tih, "awii i ti mak ve e, hna pawh thawk hlei lo in ka chau ngawt bik lo a nia" tiin ka nui hak hak a, kan pathum lek eina a ni bawk a, ka sil zo hma hle.










"Kan in siam zawh ah, kan kal nghal mai dawn nia" tiin room ah ka luh san a, a hnu deuh lawk ah, a room a a lut thawm ka hre nghal zat, khumah chuan thu in ka phone chu ka khawih nghal zat a, Mathew massage alo awm vang tawh, morning wish na leh vawiin a a buai tur thu alo ni.








"Morning, zingah ka tho har lutuk a, chaw kan ei nghal sia, ka hman ve chiah a, keini pawh Remi u kan tlawh dawn, ni hman nuam awm" tiin ka thawn tawp a, emoji han hman vel hi ka tih vak loh thin vang hian, ka sawi duh ka type tawp a, ka thawn tawp zel.











A hna ah a kal lo emaw ni le, a seen rang khawp mai, ka massage chang ang hrim in, "awle fimkhur ula aw, haw har lo bawk ula" a rawn ti ngei, mi va han ngai naupang chhia tak, min an fate leng tur haw har lo tur leh fimkhur tura an chah ang mai, "awle hna ah ila kal lo mi" ka va ti fa tawp, sawi tur a vang ve em a ni.









"La kal lo, min chhang thei silo a, ka nghak che" ava han daw thei tak, "hmm ka in siam dawn" tiin ka dah nghal a, ka thawmhnaw bawm chu hai in, hak awlsam leh awm pui nuam tur ang chi ka ha a, ka nu leh pa dik tak te, chenna a hma a, ka naupan lai hun leh ka lo seilenna hmun ni bawk hnaih takah ka kal dawn a ni a, hreh viau mah ila, Remi a mah chiah a kal tir chu ka ti ve deuh bawk si.










U ang tak tak a min en tu, pu Ruata fapa kha ka hmu ang tih mawlh ka hlau, phone ah min rawn be fo mahse, a hmel ka hmuh hian ka awm a ti nuamlo thin, an harsa ve sia, kei a u tak tak hian ka pawm thei mai bik silo, enkawl ila a lehkha zirna tum sak ila tih chu ka duh ber a ni, mahse a harsa ve em a ni, nangni ni ta ula, in thei kher biklo ang.











Tunah chuan puitling ka ni ve tawh a, naupan lai chuan nise ka thei mai ka ring, ka nu leh pa tak tak anga en harsa ka la ti a, pawm mai harsa ka ti bawk, "I hman tawh em" tiin ka room kawngkaw pawn atang chuan Remi chuan min lo au a, "aw hman a ni mai, lawkss aw" ka ti let a, in hak pawh ka la in ha lo, ka ngaihtuahna ka lo kawm tui leh lutuk a ni.












In ha sawk sawk in, ka hmai chu ka tuai leh puat puat a, ka sam chu sang takah ka tawn a, ka hman der ka bag ah tur chu ban in, ka phone leh eng eng emaw ka mamawh tur chu ka ak lut a, ka pawisa dahna purse te chu banin, ka khung tel nghal zat, "Hlimi a chhuak tawh ami, kal nghal ila" ka room atamga ka chhuah pah chuan ka ti bawrh bawrh.











"A chhuak tawh a niang" a ti ringawt a, "aw ava mak lo va en tur che nia" ti hlak hlak in, Hlimi room lam chu ka pan a, "Hlim i awm em, Hlimi" tiin a room kawngka chu ka kik a, min chhan loh vang chuan a room chu ka hawng a, alo awm tawh lo "a kal tawh a nih hi, kal ve nghal mai ang" tiin pawnah kan in zui chhuak a.











"Chahbi hi khawiah nge kan dah ang, keini aia alo haw hma takin" ka ti a, "ka hre nang duh leh kan haw hun nghak mai rawh se" alo ti hmak a, ka khap vat heipawh mi rilru lian a nia, a lungawi reilo ve khawp ang, "a mak e ti Khan ti bawng bawng suh, thian in nia cheng dun leh nghal, tianga I awm chuan in in ngeihlo reng mai ang" ka ti mawlh mawlh a.











Hria awm pawn a awm duhlo, "kal ang, a ni chungchang ringawt, i rawn thawh hma a, tawngkâm te kha hria la e, khatiang Khan min ti awm lo e mai" a ti hmak a, "aw a tih dan che sawi la, kan hau anga, tha deuh in kan sawi thei reng alawm" ka ti a, a ngawi leh daih tawh, taxi la in a u te veng lam kan pan a, "hepa hi chu aw, lak tlak loh leh lutuk ngaihtuah dawn loh lah a, theih siloh" a ti hluk hluk thin













Kal kawng tluan chuan a u chu a thla a hau nge ni, a sawi char char, a phun a ni zawk mah ang, kan thleng tawh kal ang" tiin taxi tang kan chhuak a, an in chu a hma ai khan alo hlui hmel tawh hle, an kawngka chu alo in khar thap a, kalh erawh a in kalh lo thung, "lut ila" Remi ding reng hnenah chuan ka ti a.










Hma hruai in an in chhungah chuan kan lut a, kan in hlui lam pawh thlir pawh ka thlir duh lo lui tlat, "u I awm em" a ti lut lang lang a, hei hi a nia thisen in zawm na na chu a chak zawk thin nachhan, a ngaihtuah leh tho a, eng ang pawn sual mahse a hmangaih tih ka hria a, a thlah thlam thei biklo tih ka hria.











A u chu thutthleng seiah alo mu bam a, a cher hle bawk, a mah chu ka sawi thiam Dan ber chuan chaw kham khawp hmulo, chau deuh in tih fai nachang hrelo bawrhchhawr deuh a ang ka ti ber, kan thawm hria in a rawn meng chhuak a, a hmel chu a khawngaih thlak reuh hle, "ngati nge i va cher ta em em ve, khawnge i nupui ruk kha" tiin a hawi kual a.










A u chuan a chhang lo, a nau chu a melh ngawih ngawih a, a hmelah chuan rilru natna leh in thiamloh na te ka hmu, "in te chuh I va han ti tawp ve, tiang mai mai hian nung tawh suh, i dam hunah pawh tha takin nung ve tawh ang che " a ti leh a, "aw a tawk rih chaw ei tur kan siam dawn nia, a siam tur lo va lei la, chaw ka lo chhum ang" ka ti a, a ni pawh a tho chhuak ve mai.












"In hi kan tih fel sak nghal dawn nia, damloh chuan in te hi fel fai se, a nuam ve deuh a nia, tiang chuan awm pawh a nuam lo " ka ti leh rih a, a ni pawh chawhmeh lei tur in a chhuak zui nghal, in chu a rim chhe hle a, a hnawk rum bawk, "i nau hian a hmangaih che a, tha deuh in awm tum tawh rawh, tiang reng a i nun chuan i nau in nghah na i ni tih hria la, nang leh zelin tianga i awm san, chuan nakinah pasal te an la nei ve anga, a hreawm lutuk ang, tunah pawh a rilru i tih hahtawh em hi" ka ti ve a.













Tawngkâm ka thiam lo lutuk chu ka in ngei lek lek, ka thiam ang ang chuan ka hrilh ve tho a nia, chaw ka chhum zawh hnu chuan in chu a theih ang ang ka lo ti fai a, a hnawk rem rum lutuk a, tih fel hmasak ber tur pawh ka hrelo dawn dawn a ni, ka sawi thiam Dan ber chuan luah tawh loh duh tawka tangval zu rui ho an awm hnawk na a ang ber.







(a leh pekah chuan changtunu hian palai hmel ahmu ve tawh tur ah ngai ang awa ngaihnawm viau loh ang, mahse add click kha hmet ve hram amg aw)


Show post links
Top

[Ngaia]

KA THIANNU PASAL









CHAPTER-19








BY ZOMUANPUII TLAU







Remi u kan va tlawh atang pawn kar a liam ve leh reng tawh, zana Mathew rawn leng haw hnu chuan mu turin pindan lam ka pan a, Remi leh Hlimi erawh cheng dun reng si, in biak pawh an la in be tha hleitheilo, Hlimi chuan pawisa chu a pe ngei a, mahse a chanve chiah a pe thung, a bak chu nakina in pek ah an ti ta ringawt a nih kha.









Ka phone ri chu ka pick nghal thuai a, pu Ruata alo ni, (a pa te dik tak zawk kha aw) "hello enge ni ta, tun ang zan zan ah" ka ti nghal zat a, tunah dar10 a ri dawn tawh a nia, ngaih lam lam a tha lo dawn dawn alawm, "eng nilo hei Mathew te lam atangin palai hmel zanin khan kan hmu a" a ti chiah chu mak ka ti ngang mai.










"Maw engmah a sawi silo a, engtin nge in lo chhan" ka ti nghal vak, ka tawng ring ang reng hle, "ahh nangman i duh phawt chuan rem loh na tur a awmlo e, kan tia mahse a mawi hnai ah, chhungkua kan in rawn tlang leh phawt tur thuin kan thlah a nih kha" a ti chu ka thaw huai mai, ka nei duh lo a nilo, mahse a rang teh thut em a ni.










Kan in biakna kan tih tawp rual rual chuan Mathew chu ka call nghal a, in a thleng tawh a niang a la rang khawp mai, "i hre tawh tih ka hre mai, min hau miah suh ka nupui ni tawh la ka ti bawk sia, nangmah hringtute dik tak an la dam bawk nen, ka va tir ta ngawt a nih kha, sawi lawk ila chuan min hnial leh awm kha a nia" arawn ti nghal zat a nih chu.










Ka sawi hma hma a, chutia a rawn in sawi khalh zawt zawt chu ka thinrim tur ang pawn ka thinrim theilo, ka nui ta ringawt "in I thleng tawh mi" ka ti ta ringawt, "thlen na rei tawh, ka rawn be buai duh lo che a, i pa nen in in biak ka ring a, " a rawn ti chu ka ngei lek lek a ni, zanin te khan a rawn leng reng sia, sawi ve mai awm a nia










"Rem pasal ka nei dawn" tiin room leh lama mu Remi chu a tlai tawh em vangin massage in ka hrilh a, a seen rang khawp mai, "a ni maw, awii ka awih thlawt lo min tih der vel lo mai teh, Mathew pawn palai a tir tawh reng reng mi, awii lawkss nang hi tunah khan room ah i awm em" a rawn ti deuh duah, em em zel hian aw.








"Ilo in ruk tir a ni maw, awii rawn haw nghal rawh" a rawn la ti tak ang deuh deuh, "i mak e mai, ka sawi zawh hma hma in, zanin khan ka pa te in lamah palai alo va tir alawm, ka hriat miah loh in" tih ka va thawn a, nui uar deuh lai emoji a rawn dah tlar tuarh, "chutiang chuan sawi vat ta che, in in ru emaw ka ti hman tawh lawm" min la mawh puh zawk emaw ni, sawina hun pawh min siam tawp silo a.









A tukah chuan zing ka harh rual rual in, choka lam atangin au that thawm ka hria nghal a, eng tak ni ang maw tiin hman hmawh zetin choka lamah chuan ka phei thuai, choka ka lut chu kei pawh ka ding deuh chawt, "hei tu tih nge" ka ti ban charh a, Remi leh Hlimi chuan a ngaihna an hriat loh hmel ve tho.










Kan choka thlengsilna bul deuh reuh a, tukverh awm chu a darthlalang alo keh nuai a, chhuat laiah chuan thisen tih hriat lutuk hi alo kai nuaih bawk, mahse a thisen neitu erawh hmuh tur a awm hauh lo, lehkha them hi a zirah alo let ngat bawk a, "khawih sawn rih lo ang u, Zuala ka hrilh tawh a, alo thleng tep ang" a ti chu a call lai awm ka hre miah lo.









"engtik laiin nge i call a" ka ti hu, "ka tho hma a, choka ka luh Khan ka hmu a, ka hlau deuh reuh a, Zuala ka call tawp alawm, a rawn kal nghal tur thu a sawi a" a ti mai a, au vak kha Hlimi hi a ni maw, awii kan muhil tui awm hlawm sia, tu man room kawngka kan kalh awm bawk silo, ka mur sung sung thei










"Awii keichu ka rap e, in sawn daih mai te ka duh" Hlimi chuan a ti chung chung a, phili buai chi a ni ve bawk a, ka dem hranlo "eng em a nilo ang, mi in kan hlauh nana an tih mai mai a niang" tiin ka lo thlamuan thuai, ka hlau lo a nilo, a upa ber ka nia kei ber in ka hlauhna ka tih lang chuan an dawih sa bawk nen, ka ngaihtuah vang a ni.









"Enge thlenga, in tha em? " ti chungin Zuala a rawn lut a, "Bawihi i tha em, engtin nge i awm" tiin Mathew chu hman hmawh zetin a rawn lut a, mi rawn en dik ni tur a ni ka taksa chu a enkual vut vut bawk, "kan tha engmah a thleng lo, hei kan zing tho ti hian alo awm ringawt a" tiin chhuat chu ka kawk a, "ehee tu tih nge" tiin chhuat chu Zuala chuan a bih ngur a.









"Engmah in la khawih danglam lo maw" Mathew chuan a ti ve thung, "aw kan hnaih ngam lo a" ka lo ti vat, "Zuala tu emaw tak ruahmanna a nih ka ring" Mathew chuan a ti chu ka melh hu mai, Zuala pawh chuan thlawp tak in, a lu a bu nghat nghat, Mathew chuan min kuah reng a, "lawkss lehkha hlawm khu in dah nge a lo awm" Mathew bawk a ni.










"Ka hrelo ti hian alo awm tawp a" Remin alo ti vat, thisen awmlohna lai chin a, lehkha them in hlawm reng let reng chu Zuala chuan a ban vat a, "enge in ziak" kan lo ti thuai, "in vo na a nih hmel" tiin Mathew chu a melh a, sawi duh a nei tih ka hre nghal mai, lekha chu ka ban a, "Zomuansang nang hian ka neih min laksak a, ka ti chhe vek dawn che" tih hi alo ni.










Tu nge ni ta ang, mi pawi ka sawi turin ka nun ka hman ka hrelo a, chutiang tur khawp a hmelma ka neih pawh ka hre hek lo, "tu tih nge ni ang" ka ti chuai raih a, "kei chu ka awm duh tawh lo, ka chhuak dawn in awm awm in awm rawh u" tiin Hlimi choka tang chuan a chhuak daih a, dan ka tum hauh lo, a duh chuan chhuak rawh se.










"I chhuak ngawt theilo ang, tu nge hria ka pawisa kha min pe let tawh lo ang tih" Remin ngeiawm zetin alo tih khum, "lungngai suh ka rawn thawn ang che I account ah" pakhat pawn nui suk pah chuan a ti ve leh a hmelah chuan a hlau tak tak lo tih ka hmu thiam ve reng, a mah han ti dawn ila a ni thei bawk silo, glass kehthla them leh thisen vel kan tih fai zawh rual chuan room kawngka in hawng ri in a zawm zat.









Hlimi a ni tih ka hre reng, melh pawh ka melh eihlo, tianga min phatsan mai hi ka ring lo a, thian leh unaunu ang tak tak Khan ka lo en a, hei tunah ka kianga awm tura ka duh lai berin a tlan chhe hmak a niah, "kha nu kha enzui a tha khawp ang, chuan he thil ti tu hi chu tu dang vak an nilo ang, a harsa vaklo ang" Zuala chuan a ti a, "umm ka rin Dan chiah a ni, zanah pawh hetah kan riah mai a ngai ang, an ni pahnih ringawt chu an ngaihtuah awm, heng thil titu hian tih hreh vak a neih ka ring hauh lo" Mathew a ni












"Awii kei chu ka hlau e" Remin alo ti ve bawk, a hlauh ruk zia pawh a mitmeng ah a hriat vek, "bawihi i nu leh pa te bulah riah rih mai ta cheu, tiang a nih chuan" Mathew chuan a ti a, ka duh lo chu ka lu ka thing nak nak, thawk a la hawk a, "a nih chuan zanah riak turin ka rawn kal hma dawn nia" a ti a, ka hnial lo khawp mai, "keipawh ka rawn riak dawn nia, kan man hma loh chu ka rawn riak ve ang, bialnu te hmuh tei chance a ni mai" tiin Remi hlau deuh chu tih hlim tum in a fiam zui zat











An in chum thum leh ta dup dup e, "i kut thlak te hi a na siah" Zuala chuan a ti bui bui a, an in melh rum khawp mai, "hna kal ka ngai ka kal phawt mai ang, meeting neih ahun dawn" tiin Mathew chu a kal nghal mai a, Zuala erawh Remi hna kal tur thlah pah tum in ala thu thung, "nangmah in ilo awm ngam dawn mi" Zuala chuan a ti zeuh a, hepa hi aw.











Khaw en lai chuan hlau lo, a thim hunah chuan hlau maithei tiang vel chu ka ni, "hlau hran lo, mahse zanah hi chuan a mi deh Dan hi a dang ve a" ka ti mai a, a bu nghat nghat, "buaina eng emaw i tawk emaw, thil tha lo a thleng a nih chuan kei emaw Mathew min be vat dawn nia, kawngka in kalh hnan tlat la, chhun ah phei chuan hna thawk mi vek an ni si, a reh thei riau helai hmun hi chu" a ti.








Min ngaihtuah vanga sawi a ni tih ka hria a, ka bu nghat nghat, "umm ka rawn call vat ang cheu" ka ti ve mai, an kal hma chuan Remi chuan fimkhur turin min chah mawlh mawlh a, ngaihtha deuha kal tura in tiin kan in thlah thei hram, kawngka ka kalh nghal hmak a, choka tukverh hi lei atangin a hniam deuh hlek a, room lam erawh, in hi a chhawng a sak, a hnuai bungraw chhe dahna a ni a, lei atangin a sang khawp mai.











A khat tawkin Mathew chuan min rawn call reng a, a ninawm lek lek a ni, a thu sawi lah chu a ngai vek a ni mai, ka bel tawh hle chet pawh che peih lo chuan thutthleng ah chuan ka mu ta mai mai a, hna zawn ve ka ngai tawh a ni, in a awm reng ringawt chu a hne awm e mai, chutia ka in ngaihtuah lai chuan kawngka a rawn in kik a, ka hlau thawng nghal ringawt.











Thawm chhuah lo chuan ka ding chhuak them them a, "bawihi keimah" tia Mathew a rawn tawng chu ka thaw huai mai, ka ngei lek lek a ni, rang zetin kawngka chu ka va hawn a, "in sawi vat ta chr, ka hlauh hman zia kha, i va rawn bang hma ve" ka tih zawm zat, "ka ngaihtuah che a, ka awm thei tawh thlawt lo a, ka rawn kal tawp" tiin min kuah nghal chawt a.











Thuthlengah chuan a mah ngheng ar ar chung chuan ka thu awn duai a, "palai chung chang kha ka pa ten an rawn sawi a" ka ti sap, nizan khan a hre daih tawh tjh ka hre chhuak leh nghal zawk, "a rang teh thut lutuk a, dawn sawn Dan pawh ka thiam lo" ka ti niap niap, a kut mipa kut tih hriat taka, a kut hnung vela thisen zam lang ruih te leh lian bik em em mai chu a kut leh lam, ka dara kuah pah a, ka kut lehlam a hum tlat chu ka kut hnih chuan ka khalh pah











"Chu min nei duh lo i tihna mi" a rawn ti chu ka lu ka thing nak nak, "min rawn hmasa silo a, bakah a rang leh lutuk a, ka in ring hman lo a lawm, pasal nei tur anga ka in ngaihtuah hian, Remi hi engtin nge a awm tak ang, a u lah saw ti mai saw a ni tawh sia" ka ti hap a, Remi hi ka nau leh ka thian ka engkima ka ngaih leh ka chhungkua anga ka ngaih a ni a, ka ngaihtuah lo thei lo a ni, "i ngaihtuah thui lutuk a nih kha, kan in neih hnu meuh chuan an duh ve tawh maithei ni, Zuala hian nupui neih a hun ve tawh lawm, a chhungte pawh hian an nawr nasa tawh teh mai nia" a fi chu ka nui hak.












A dik ang, a upa ve tawh a, a nu leh pa tan chuan thu hmel hmuh a chakawm tawh ve viau ang, "bialnu a nei ngai maih lo mi" ka ti chu "nei ngailo a hlau zawk emaw tih mai tur a ni" tiin a nui hawk a, ka hriat thiam loh leh mak ka tib deuh chu ka zawt deuh phawng, "Zuala kha a hma khan bank ah khan a rawn thawk ve sia, tunah advocate a ni leh daih bawk sia" ka ti a, "kha kha maw, ka hrelo a sawi tha duh tlat lo, mahse ka hriat dan chuan nuam a tih vang leh a pa ai a kal ni awm tak a ni" a ti a, ka bu nghat ringawt.






(Add click kha aw🥰)


Show post links
Top