KA THIANNU PASAL BY CHHEPHAKI MUANI (Completed)

[Ngaia]

KA THIANNU PASAL











CHAPTER-7










BY ZOMUANPUII TLAU







Maruati chuan whatsapp ah leh call ah min block hmak kha a nia, mahse a sts ka hmu leh thei chu mak ka ti hle, thut a awm takin tiin, a number kha ka delete duh lo kha a nia, ka thil hmuh avang chuan ka thin a rim kher mai, an in neih hma a, mo thuam kan hak tawh hmu a kan lak dun na chu hmang in, "ka thiantha tak hi chuan ka kawp lai ngei ka pasal min hmangaih em em tu alo ngaihzawn duh ka ringlo a, a na takzet" tih a rawn hmang a.












Ka thinrim lutuk chuan ka call nghal a, lak pawh a la duh lo, ka hna khawih lai pawh khawih zo theilo chuan thinrim zetin office atang chuan ka chhuak a, tunah chuan ka dawh mai mai chhan tur ka hre tawh lo, media hi chu a chak khawp a niang, Remremin office ka chhuahsan fel chiah min rawn call a.











Hmeichhe pakhatin, Maruati sts chu screenshot in a post darh hi alo ni, mi pasal ngaizawng thanin ka thang ta a nih chu nuihzatthlak hian, ka thian alo nih tawh na ah leh mi pasal a nih tawh na angin, ka duhna te ka thup bo a, hlat ka tum bawk, mahse tiang renga a rawn chet takah chuan khang ka insum na te kha trullo mai a ni tih ka hre ta bawk.










Maruati te nupa in luah lam chu ka pan a, police ka call nghal bawk, in tih mualpho tumna a nih vangin, case ka file a nih ber chu tiang thleng thleng a kal ka tum bik hauh lo, mahse min nawr lui miau a ni, ka hna thlengin a tuar ka hlau bawk, an in ka thlen rual rual chuan ka helmet khum chu scooty darthlalang leh lamah chuan ka khai nghal a.










In chhungah chuan ka lut nghal zat, alo in hawng miau a, kik buai emaw ka tum hauh lo, " hmeli I thil tih hian pawi a khawih thui zia lo en ang che, ka thian ilo nih tawh na ang in, in pa in min rawn biak pawn hlat ka tum thin, mahse tunah chuan khangkha ka tum buai tawh hauh lo ang, tun atanga reilote a, police an rawn kal bawk ang, I mi puhna hi ka palzam mai mai hauh lo ang.











Hmeichhe mawl tak I ni, I pasalin a hmangaih che maw, hah nuihzatthlak zawk hian, tu zawk nge a thlan a, a duh zawk kan en dawn em niang" ka tih chuan a hmelah chuan a thinrim hle tih a lang chiang hle, "mi pasal ngaihzawn ching mi hur lutuk, tlangval pangai I hmu zo thlawt lo a mi" a rawn ti vin hlar a, ka nui ro hak, "hmu zolo pawh a ni mahna, kan in ngaizawng angin I ngai ta sa sa, ka in sum reng a trulna ka hre tawh hauh lo" ka ti vawt raih.












"Nang.... Nang hmeichhe zaktheilo" tia min rawn keh a tum chu, a kut leh lam chu ka lo man bet a, ka phih deuh lawp bawk, "I kut hmawr pawh hian min khawih hlek suh, i hriat thin hmeichhia kha ka ni hauh lo ang, tunah chuan ka chunga I tih ang apiangin ka che ve zel ang" ka ti ro hawk, tiang buaina hi neih a zahthlak ka ti a, neih ka duh ngailoh thil a ni, mahse a cho chhuak a, ka chapona leh ka dawhtheihna a cho chhuak a ni












Case lian tham ni dawnlo mahse, report ve hrim hrim kha a phu hlauh hlauh, tunah chuan media leh mipui ngaihah chuan mi pasal ngaizawng than in ka thang dawn a, ka mualpho hle ang, mualpho ta sa sa, ka thil hlauh ber a thleng ta bawk a, chupawh kan in ngaihzawn miah loh chung pawn, ka thil tih tumah hian min dem thei bik in ka ringlo.











Hna pawh kal zawm tawh lo in, ka haw nghal a, in ka thlen rual rual in, Matthew chu ka call nghal zat, "tiang renga in nu in min ti mualpho zawng emaw, min ti buai zawnga a che leh a nih chuan ka awm mai mai tawh hauh lo ang" ka ti thawr a, ka hrilh kher a tha angem tih ka hre thiam lo nangin, kei mi thinchhia leh dawhtheihlo zet hian hrilh ka thlang zawk a ni.











"Enge I sawi awmzia" bangbo hmel tak hian a ti a, " ka sawi peih lo zawk, in nu I zawt thei ang" ka ti deuh hmak a, ka off nghal daih, minute tam pawh a liam hma in a rawn call leh a, ka la ve mai bawk "tunah ka hre chiah, ka lo delete tir dawn nia" a ti deuh sup a, thawk ka la hawk, an hre vek tawh ang, tunah delete pawh nise awmxia a awm lo












"Bawihi rilru lo ti hahduh suh, ka ching fel vek ang, ka buai rih meeting neih ka ngai a, ka dah phawt ange" tiin a dah nghal a, thawk ka la hawk, bawihi min tih Khan engtin emaw ka chhungril hi a tham deuh er er a, ka mur deuh er er in ka hria, in bual hmasa tete in, Remremi alo la hawlo bawk nen, ka in bual zawh rualin rawng ka bawl nghal a.











Ka ngaihtuah thui pauh leh ka thinrim a zual, dar5 velah chuan Remremi pawh alo haw ve mai a, an hna hi a hahthlak thin ngawt ang, dar leh hnungzang a kham duh viauin ka ring, "in bual fai la, chaw kan ei dawn nia, hna khawih tur ka nei sia" ka ti a, a ni pawh mikhual room tura kan siam tir ah chuan a lut a, a room ah a hmang mai, ka pa te room hmang mai tura ka tih in a duhlo a.











Mikhual room chutiang in a zau bawk silo a, dik tak chuan thawmhnaw dahna tur pawh a awmlo a, kan hung chawp kha a nia, rei pawh a awm lo, a rawn chhuak leh nghal a, "ka in thlak ringawt rih mai, chaw ei khamah ka in bual mai ang, kei pawh naktukah kal hma ka ngai a, mut hma ka duh ve tho" alo ti a, chaw chu kan ei zui nghal mai, pahnih chauh kan ni bawk a, chaw lak na lo veveta chu kan ei pawh a tlem hle.












"Awii vawiin ah an sawi nasa rap che, ka thawhpui zingah Khan, Maruati thiannu a awm ve a, a thusawi ka helh Dan kha e, kan in hnial trep alawm, 'ka thiannu pasal hi chu mipa ngawi chawi tak a nia, hmeichhia a duh loh deuh pawh hnar thiamlo ang kha a nia, henu hi ka thiannu in in neihna pawh a, mo thiana a hman kha a nia, a ring ve em em a, Maruati pasal hi a zar buai hneh lutuk a, ka thiannu pasal lah hmeichhia a duh loh deuh pawh hnar thiamlo a lo nihna ah, in ngaizawng angin an ngaih phah alasm' te a ti vel a" tiin ngei hmel zetin a ner nawng.














"Chuan kan in hnial thui hma in, midang khan min lo khap a, nilo se chu ka in sual pui duh ang" a ti deuh hmarh hmarh a, ka nui ringawt, ka nihna anilo miau a, a tir kha chuan haw viau mah ila, ka nihna a ni chuang lo bawk a, tiin ka in sawi thiam chawp leh ta ringawt a, ka thin pawh a tir ang em em kha chuan a rim tawh lo










Ka room ah chuan chaw eina vel kan tih del zawh ah ka lut nghal a, khawih ngai chu la chhuak in, dawhkân ah chuan ka chhawp deuh nuai, ka in sawr bing dawn chuah tih ah, call ka dawng a, lo call tu chu tu dang nilo in, Mathew alo ni " hello, I sawi duh chu sawi vat rawh, tih tur ka nei a nia " tiin a rawnn tawng hma hma chuan ka ti zawt zawt a.












Leh lama mi pawh a nui tawp, "tu man an tawngkhalh dawn che pawh ni hlei lo, nge maw, bawihi min biak hi hreh tlat thin suh ka tih kha, tunah ka duh thu ka hrilh che kha min chhang rawh ka tilo, duh leh I in peih hunah min chhang la, a nih loh pawn, kum khat liam hnu ah chutih hunah chuan patlawi ka ni tawh anga" nuih za in sum zet hian a ti a, keipawh ka tum loh deuh in ka nui chhuak.










"Sawi duh i pawimawh I neih loh chuan ka off a nia" ka ti a, leh lama mi chu a thaw deuh hawk, "bawihi ka ngai che, tunah hian I bulah ka awm chak, mahse a theih rih silo a tiro, tun atanga reilote ah, chuan engkim a fel vek tawh ang, ka chinh fel vat anga, I kiangah ka rawn kir ang, min lo nghak thei ang tiro" a tih chuan enge ka hriat ka hrelo.











"Umm mahse rei suh aw" ka ti zawi sap, leh lamah chuan hlim em em a nui thawm ka hria a, chuvang ringawt chuan ka lo hlim ve hle ringawt, in thiamloh na ka nei tawh lo a, Maruatin a zirlo em a ni,kha tiang khan chelo se chuan ka hlat tum na kha ala ngai reng ni mai tur, hmeichhia ka ni a, ka hmeichhia pui te angin, duh ka nei ve a, hmel duh pawh ka nei ve.











Hmeichhia chuan kan duh kan neih theih nan tih hreh kan nei ngai lo a ni lawm ni, chutiang ang chiah chuan keipawh ka thil duh ka neih ve a thiang ni in ka hria, mahse mi in kawp lai pawh then a, beih a, chhuh sak ang kher chuan ka tumlo, ka tumlo chung leh hlat ka tum zawk laiin min hnaih a, ka mipa duh in chutia a tih miau chuan ka in sum zo biklo a ni, kan la in ngaizawng lo a, chhanna ka la pe lo.












Ka duh tih ka hailo, he khawvelah hian famkim leh mi tha chung chuang sawiselna tur awmlo a awm theihloh a,famkim lohna khawvel ah hian sualna leh felna kan nei vek a, chutiang chiah chuan keipawh min ngai thei ang, "Esi dawrah kan kal lawk dawn a nia" tiin ka room kawngka ah chuan Remremi alo dak a, a bialpa alo leng leh tawh tih chu sawi ngailo in a hriat.












"Awle reilo ula, e taka kha lai ka bag te ah khan, pawisa a awm zana ka ei mai mai tur drinks leh chips vel eng eng emaw rawn hawn teh" tiin khum bul a dawhkán te hniam ka hun, mut dawn a eng eng emaw dah ngai dah nana ka tih a ni, a ni pawh chu rawn lut in, a la ve nghal mai a, a chhuah rual rual chuan ka hna chu khawih ngial ka tum a, mahse Mathew bak a lang thei meuh lo














MATHEW POV*





Esi hnen atanga call ka dawn chuan mak ka ti khawp mai, min biak duh lo tu leh min hlat duh tu zawkin a, min rawn bia chu mak loh tih chi pawh a nilo, mahse a thu rawn sawi avang chuan ka rum nghut, Maruati mai mai chuh Maruati chu ka call nghal a, "I thil post leh i post tir nu nen khan in thil post kha in delete vat lo a nih chuan hmeichhia I ni tih ka theihnghilh hlauh ange, in thenna lehkha I hmu nghal bawk ang" ka ti deuh hmuk.













Ka pu in alo thawh rim tawh na zawng zawng hi alo thlawn a, chan tir mai pawh pawi ka ti tawh hauh lo ang, tunah chuan ka pu chu khum bet in a awm tawp tawh a ni a, biak pawh biak hleih theih a ni meuh lo, then mah ila engmah a hre hauh lo ang, mahse ka pu ang pa fing ve tak leh rem hre ve tak khan, a lawyer hnenah, a hun tiam hma a, a then a nih chuan tiin thlak danglam theih na thu a pe hmiah bawk si.














Eng vanga he in neihna hi kum khat hun chhung ti nge a nih ka hre thiam theilo, nupui ka neih duh viau hlawm ni ta se, kum khua a, in nei tur anga tilo a, kum khat ti nge an nih, ka la hre chhuak khawp ang, kum khat lek in neih tih aia rei ka duh vang a ni hauh lo, mahse a mak em vanga sawi mai ka ni.












Tlaiah chuan meeting kan neih vangin meeting na room ah chuan kan thu deuh reng a, kan sumdawnna huang zauh kan tum na kawnga hma lak Dan tur sawi ho kan ni, ngaihdan tha tak tak an thawh khawm a, kei erawh chu ka lo ngawi ran thung, thil dang ka ngaihtuahna ah a leng thei meuh lo.











Meeting chu naktuka chhunzawm mai turin ka ti ta tawp a, in lam pan lo in, Esi te in lam ka pan ta zawk, engvanga pan reng nge ka nih ka in hrethiam lo, ka duh tih chu ka hria, mahse khatianga min hnawl tawh chung leh nupui nei lai ka ni chung pawn min dang thei meuh lo, an in kawngka ka kik chuan hmeichhe pakhat hian min lo hawn a, "Esi a awm em? " ka ti mawl deuh tawp.











Chunu chu a meng kawk a, "ahh... aw awm e, a in bual lawk a, lo nghak rawh a reilo ang, thingpui I duh em? " a tih zawm nghal zat a, ka lu ka thing ringawt, tv chu a ni pawn min en San leh mai, min melh zeuh zeuh tih chu ka hre reng, kawngka chu an rawn kik vangin chunu chu a tho a, kawngka an tv en na tang a hmuh theih vangin, mipa pakhat lo ding reng chu ka hmu thei.










Chunu chuan lut turin a sawm nghal a, "u enge I rawn tih dawn, ka rawn haw dawn tawh lo ka tih kha" a tih vang chuan a u a ni tih ka ring thiam nghal mai, "helaiah tu ma puam lohna hnuaiah in awm a, duh duh mipa in kawp theihna hmunah hian ka awm tir che I ring a maw" a tih chuan ka en vut, a hmel atang chuan a rui tih a hriat hlw.












Kawngka bulah chuan an in din chilh ran a, ka lo en run, "Rem tu te nge" a ti chiah chu a tawp chat a, a room ni ngei tur atanga a rawn chhuak chu a ding chiang hle, min rawn en a, phawk deuhin min melh a, hmeichhe pakhat leh mipa pakhat in in chilh chu a en leh bawk, ngawi reng chuan a ding reng a, a meng phawk hle bawk.











"Aw hei i hur pui pawh a rawn chhuak alawm, rawn haw nghal ang che, I thawmhnaw la rawh" mipa chuan a ti nghut, a tawng duh dan chu ka thin a khei zak mai, mahse ka la ngawi reng thung, "ka rawn haw tawh dawnlo ka tih kha" hmeichhe pakhat Remi a tih nu chuan alo ti ve bawk.









"Mama haw tawh rawh, a rawn haw dawn lo a tih kha, a duh loh chuan ti lui suh" Esi chuan alo ti a, pangai takin a tawng dam thluam bawk, "nang hmeichhe lepchiahnu kha lo in rawlh suh" a rawn ti chu ka in hum ruh vak, "u mam haw rawh, ka rawn haw dawn lo ka tih chu" tiin Remi chuan a ti vin deuh tuarh.










Esi chu a phei hnaia, Remi chu a kai hrang nghal, " haw rawh, helai hi ka in chhung a nih hi" tiin Esi chuan a din chilh a, chupa chu a thin a rim a ni mahna, "nang...... i va han tawngtam vele, hmeichhia te te si" tia ben a tum chu " ti huah suh, i kut hmawr pawh a I khawih a nih chuan i nuam sa vak lo ang" ka ti deuh hrawk chu a tawp deuh chawt a, min melh vut bawk.










"Tu nge I nih, nang hi maw, an kawp mipa chu" tiin a nui hak a, engtik laiin nge ka thlen phei hman ka hrelo, a hmaiah chuan ka hnek chawrh a, a tlu nghal tawp, "chhuak nghal rawh" ka ti deuh hrawk a, Esi a tawngkhum Dan kha ka thinrim pui ber vanga tianga che mai hi ka ni, hmeichhe kut thlak ching thring lutuk, "helai in chhung a, ka hmu leh che a nih ngat chuan a pawi viau ang" tiin ka thram tho nawk a, kawngka pawnah chuan ka theh chhuak lawp.












"Nang pawh hi enge I rawn tih dawn" tia Esi meng phawk deuh chu ka melh a, ka nui suk "ele mipa in nula in ah enge a tih thin" tih ringawt sawiin ka nui deuh suk, a ner nawng a " haw rawh, rawn tih tur I nei thlawt lo" a ti deuh hmarh hmarh a, a mah tawp hi mi thinchhia ka ti mai, a tek ve thei khawp mai, "aw mi rawn leng tha ve hle hle te, khatia a thawk a phit a, haw rawh in tih ngawt" ka ti bui bui a.










(a thui ve teh a nia)



ADD CLICK KHA AW


Show post links
Top

[Ngaia]

KA THIANNU PASAL












CHAPTER-8










BY ZOMUANPUII TLAU






"haw vat mai teh, i nupui tawngkâm mawilo zet zet kha ka ngaithla peih tawh huah lo a nia" ning zet chuan ka ti halh a, kan in a alo kal ziah pawh hi mawi pawh a mawilo, a ni lah chu kan dinna tanga kalsawn in, haw tum lo zet hian thutthleng ah chuan a thu tak ang deuh deuh a, ka melh rum tawh khawp mai, "haw rawh rawh, Lalhruaitluang enge I hriat a" ka ti deuh hluk a.











A nui suk duh chauh, Remremi lah chu engmah hrelo ang mai hian tv bulah a thu leh hmak tawh, eng a hria chu ni maw, "haw rawh" tiin a thutna sir ah chuan ka ding ran a, "a mak e, bawihi in leng te an hnar haw ngawt ngailo, kei phei chu khual tha ka ni leh nghal, chaw ka rawn ei nghal loh ah" a ti duh lek, ka thaw hak a, nuih tur a awm loh tehlul nen, a nui a nui bawk si.











"Tiang renga I awm dawn a nih chuan ka kal bo hmak ang, i nupui nen khan buaina neih ka peih tawh lo" ka ti halh a, a hmel chu a in thlak hlawk, "khawiah mah i kallo ang, min lo nghak turin ka ti che" a ti deuh hmuk a, a ding vut bawk, "lo in enkawl tha la, kan in hmu leh vat dawn nia, chuan hre rawh kei min kalbosan kha tum buai duh suh, ka zawng hmu zel tho ang che" ti leh hmuk in a chhuak nal nal.











A awmdan teh thut vang chuan ka hawi lawl lawl a, ka dinna ngaiah chuan ka ding ngawi reng, "ava han pa rem rem ve, awii a chet Dan te kha, kha tiang mipa kha chu chhuah miah suh" Remremi chuan Mathew chhuah rual rual chuan a ti nghal par par a, ka melh zeuh a, " hmmm... mipa ngaizawng turin ka in phal bik teuhlo mai" ka ti ngat.










Reilo ah mu turin room lam kan pan ta veve, a unaupa rawn chet Dan teh tawp kha a rui mah nise, Mathew kha awmlo tase chuan keini hmeichhe pahnih lek tan chuan rui mai mai pawh nise, kan dang hneh in ka ring miah lo, mut pah chuan phone chu khawih tur hre silo in, ka thai kual ka thai kual a, ka mut ala chhuak bawk silo.











Ka thu chhuak leh tawp a, lehkhabu chhiar ka rilruk ta ngawt, ka lehkhabu chhiar tur ho ka dahna chu ka pan a, nunkawng tih lehkhabu chu la in, khum lamah chuan ka pan pui a, khuma mu chung chuan ka chhiar deuh melh melh, ka hriat loh karin ka lehkhabu chhiar chu ka lo mutthilh san a niang, ka harh leh meuh chuan khua alo var fel der tawh.











Nizan kan mu hma bawk nen, ka harh chuan alo la hma ang reng khawp mai, tho chhuak nghal in, rawng ka bawl nghal a, rei vaklo ah Remremi alo chhuak ve chhet chhet, "ivan tho hma thei tak, keichu nizan ka mut hma nen, thawh ka hai tho" a rawn ti nang nang a, ka nui hak "thawh I hai em bik loh hi, ala hma alawm" ka ti ve mai a, eng eng emaw sawiin, a bialpa chungchang bawk a sawi leh.











A bialpa chungchang hi chu sawi nuam hi a ti a, min hrilh ve neuh neuh zel, "vawiin chu kan pi in, mi pawimawh deuh Sam kan colour sak dawna, engkimah fimkhur ula, a Sam pawh a tihsak tuten uluk takin tih sak ru' a, tia ka peih loh Dan chu e" tiin a nui deuh nang nang bawk, a mizia hi ala naupang chhia ve a, a bialpa te hi a thian chei ka ti mai nuih hi a ti za thei khawp mai












"Vawiin chu pa Ruata hmuh ka ngai a, hna banah ka rawn haw har deuh ang aw, duh leh chaw min lo ei San daih dawn nia" ka ti a, nia ka pa thih ni bak khan ka hmu leh ta miah lo a, hmanni khan in hmuh a duh thu leh sawi duh a neih thu kha a sawi a, ka buai ve em vang khan hmu lo bawk in, ka haw leh thin kha a nia, vawiin lam chu va pan mai ka rilruk.











Jeans kekawr min phuar thei tur, a dum chu ka ha a, tshirt pangai a senno plain tawp ha leh in, ka bilh lut a, a chungah jacket ka mawng khuh thei ka ha leh tawp bawk, ka Sam chu ka thlah mawl tawp a, boot a brown rawng ka bun a, ka hman der, ka bag leh ka phone vel chu la in, ka chhuak nghal a, Remi pawh a room atangin a rawn chhuak ve chiah.











"vawiin chu kan hma bawk a, ka thlah kawi ang che" ka ti a, bus chan chawp leh kha a tan a buaithlak ve a, kei erawh ka kalna lam ah hian taxi tlan vel leh bus vel pawh a awm nual zel a, mahse scooty hi a khalh ngam tlat lo a, ka hman hma chang hi chuan ka thlah ve thin, "a buaithlak mai mai ang, kalna tur chu a awm ve leh mai ang" ti mahse ka thlah ta tho.










A hla ve reuh zek a, kan thleng hma em em lo, ka hna dar9 daih tran a nih vangin ka hmanhmawh em em lo, " ka kal leh nghal mai ang" tiinka scooty chu ka her kual a, "umm fimkhur la, ehem kha aw, lo hnawl maih suh, an nu vang hrim hrim pawh khan" tiin min siai zeuh a, ka chhang lem lo, ka nui hak ringawt.











Office ka thlen hnu chuan kal tawk an lo awm leh tawh tho, tunah 8:30 chiah ala ni a, an hman hma thei bik lutuk hi ka ngaisang letling zawk, kei in ah buai chhan tur nei em em lo chung pawn, ka hman hma theilo a niah, ka room a ka thu fel vel chiah tih chuan ka phone a ri nghal zat a, Maruati nu alo ni "aw hello nu" ka ti nghal zat, ka sawi tawp em, nu leh pa en a ka en te an ni ve a, mahse tia a fanu nena kan buai takah hi chuan kan in be pawp lo ngang mai.











"Awii bawihi iva han reh thei em em ve, ipa nen a, kan anniversary pawh I theih nghilh tawh lo maw" a rawn ti bawrh bawrh a ka hre chhuak chiah, " theihnghilh lo e nu, naktuk tiro khah, thil tha tawk ka pe ang cheu ka lo tia" tiin ka chhang ta zawk, dawt hrilh chu nuam tilo viau mah ila, an upa ve tawh a, an lawmna tura sawi mai ka ni, an fanu vanga biak duh loh emaw, biak chhiat ka tum hranlo.










"Rawn kal ngei ngei la a ni mai, i rawn kal loh kha kan hlau ber" a rawn ti a, ka nui hak "awle awle ka rawn kal ngei ngei ang, hna thrulh thrak khawp in" tiin ka nui hak a, a ni pawh a hlim hmel viau, "i rawn kallo mai mai ange, I pa ka rawn hruai tir tho dawn che a nia" a tih hnuah kan in biakna kan ti tawp zui nghal a, thawk ka la hawk, kalloh ka tum nghal a, mahse kei ve tehlul an fa anga min en a, min ngai pawimawh vang erawh chuan kalloh chu ka hreh viau..











Mahse Maruati te nupa an tel ve leh ngei anga, kha tak kha ka hma chhawn peih loh ber a ni, engpawh nise hun in la hrilh zawk teh se, "Esther meeting kan neih angai tunah kan pu a hmanhmawh tawh khawp mai" tiin kan thawhpui pakhat chu a rawn tlan lut a, a pawimawh hle a nih ka ring, a chhan pawh tiang hian meeting kan nei ngai meuh lo, ka tih awmzia chu auh chang awm mahse in hrilh lawkna an nei thin.











file pawimawh leh pen chu ka keng a, paper ka keng tel bawk, kan pu room lam chu ka pan nghal a, a room ka lut chu alo thinrim hmel ngang mai, stuff ho chu an lo ding thap a, tlema thu nei deuh ho chu an lo thu thung, keipawh chu thutna ah chuan ka thu thla a, "tunah hian pawisa a bo a, ruk chhuah a ni, tunah hian police te an rawn kal mek a, he thil titu hi helai kan hnathawk zinga mi hi a ni" a ti chiah chu mak kan ti tlang ngei mai.











MATHEW POV* (IN THLAK NGUN VIAU MAHSE LO HRETIAM RIH HRAM ULA AW)



Maruati a damloh vang chuan buaipui peih lo viau mah ila, ka nu leh pa an tel ve tawh bawk nen, phur vaklo chuan damdawiin ah ka awm pui a, a thisen an test a chhuah hunah a result a zirin an chhuah tir dawn ni awm tak a ni, ngaih pawh ngaihsak lem lo chuan phone ka khawih San a, ka phone ri chu pawn bathlar lamah chuan chhuah pui in.











"Sir I hmeichhe sawi ngaihven tura min tih kha tunah police in station lamah an hruai, ka hriat Dan chuan bank atanga pawisa bo ah puh a ni awm e, a mah hi pawisa khawih che tu ber a ni bawk nen" a rawn tih chuan ka meng phar nasa mai, Esi ka ngaihtuah hle bawk, "tunah station lamah ka lawyer te nen lo va kal nghal rawh u, keipawh ka rawn thleng thuai ang" ka ti deuh hrawk a











He thil hi ruahmanna fel tak a nih ngei ka ring, tu emaw in Esi talking awh theihna turin an ti tih ka chiang a ni, nilo se chuan man ngawt chhan tur a awmlo, chuan hei chu thu neitu sanglam zawk a mi tu emaw ber a ni ngei bawk ang, nilo se tianga ti ngawt thei turin stuff satliah mai chuan a thei hauh lo ang.









Maruati pawh ngaihsak tawh lo chuan ka chhuak nghal a, min auhna pawh ka hai der hmaih, station ka thlen chuan police constable chu ka be nghal a, "khawiah nge nichin maia, bank a pawisa ru tu a an puh in man kha" ka ti nghal vat, "sir kan lo thleng e" tiin ka nau te ho pawh an lo thleng ve chiah bawk, ka nihna an hre chiang bawk a, police officer pakhat chu rawn kal in.











" sir a ni chu thu an zawt fiah mek, mipa khat in, henu hi a ni, ka hmu chiang lutuk a la lai pawh tiin, kan thlen rual rual khan alo ti nghal a, thawk thar a ni awm e, stuff zinga mi a ni bawk" a rawn tih chuan chupa tu nge a nih tih ka zawt chiang nghal thuai, "tunah in hmeichhe man chu ka hmu duh a ni" ka ti nghut.









"Sir tunah rih chuan ila hmu theilo ang.. " a ti chiah chu ka melh Dan vang nge ka hmel awmdan vang chuan a tawp chat a, "min lo zui rawh" a ti dul deuh raih, a kalna lamah chuan ka zui a, "Bro chanchin ka lo hria a" tiin Zuala chu penhnih pawh ka pen hma hian a rawn thleng ve nawlh a, "a mah ka hmu dawn chiah thu chiang ala awm lo, chuan a tilo tih ka chiang hle bawk, helaia awm ve ai chuan mipa pakhat lo va hmu zawk ta che" ka ti a, ka melh deuh run bawk.













"Okk tu nge ni" a tih chuan ka assistant lam chu ka hawi a, ka sawi kher ngailo in a hrethiam tih ka hriat vangin ka kalsawn nghal, jail trawp leh tenawm zeta a ni ang hmeichhia nu deuh hnap mai leh kawlh ang taka lang a chhungril no em em mai a han awm tur chu ka thin a rim thun thei, a khup khuah run chung hian bang kil lamah alo thu tung a, kan thawm hria in a rawn hawi zawk.











"Bawihi lo lungngai miah suh ka la chhuak vat ang che, chuan I dikna pawh kan hai lang nghal thuai ang" ka ti thawp deuh sup, min melh kiau a, a bianga mittui luang ngiai ngiai chung hian hmun dang a melh daih a, ka thin zawn chu alo na vawng vawng thei hial, rum deuh hawk chung chuan "a rei tawh lo ang, lo nghak hram la, hmeichhe chhel tak I nih kha" ka ti a, min ngaithla hauh lo.













Tih hriat takin a melh ngai a melh run a, a rilru a buai hmel hle bawk, "Sir tuna kan man hi pawi khawih tu a nilo a ni awm e, mipa pakhat a puh tupa zawk kha ni awm tak a ni, cctv kha en nachang an lo hrelo a, an pu ber khan en rawt in, chuta tang chuan a pawisa la chhuak lai hmuh a ni" a rawn tih chuan police officer hmelah chuan a in thiam lo tih a lang nghal zut zut.











jail kawngka chu a hawng rawk rawk a, Esi chu in thing harh in, a rawn hawi chhuak chu a hma a, hmeichhe kawlh hmel tak, mahni in ring tawk tak hmel kha a pu leh tawh, a mit erawh a sen ve deuh ram mai, " engmah thu chiang pawh hre hmasa lo leh in hna in hriat chian loh vang te, pawi khawihlo tu zawk mualpho taka in siam avangin case ka file ngei ang, ka en liam mai mai huah lo ang cheu" ti deuh hrawk in, a chhuak nal nal.












Thil kal Dan reng reng hi a lem ka ti dawn nge, a kikawi ka ti zawk ang, ruahman lawk vek ah ka la ngai tho chu a mak ka ti, engvang a tira cctv kha sawilo nge an nih ang, mipui in an hriat darh vek tawh hnu ah, a nilo tih an hre leh tho bawk si, ngaihtuah zui duh lo chuan lu thing nawk nawkin ka chhuak ve nghal, ka nau te ho min lo nghak chu mitmei in pawnah kan chhuak a.











Esi erawh hmuh tur a awm tawh lo thung, tunah rih chuan ngaihsak vak ka tum rihlo, a him tih ka hriat chuan a tawk rih hnaih tum na ka la neilo, mi pasal a ngai zawng tia an hriat a, a rilru hah tur kha ka duh lo a ni, a ma nunah chuah pawh hian buaina leh harsatna a tawk hnem tawh em vang a ni, nu leh pa a nei tawh lo a, chumi a ringawt pawh chuan a ti na tawk tawh dawn lutuk











Car chhungah chuan thawk ka la leh hawk thin "damdawiin pan ang cheu" ka ti a, seat hnung chu ngheng in, mit ka chhing vang vang, jail chhung a, a na hmel kha ka mitthla ah a cham reng a, ka lainat hle, "aw sawi rawh" ka ti deuh nghut, "sir tunah I nupui q buai a nih chu" a tih chuan ngaihven lemlo chuan "engtia buai in" ka ti liam satliah, "thisen cancer a ni awm e, a pawm thiam lo a, a tal buai vak a nih chu" a ti a, mihring ve tho a ni bawk nen












"Khalh chak deuh rawh u, damdawiin thlen vat kan ngai" ka ti sawk sawk a, ka duh phah ta e ka ti hauhlo, natna hlauhawm ber leh dam thei tawh lo natna a vei meuh chuan ka huatna te kha dahtha in, ka ngaihtuah ve hle, nunna hlut zia ka hre chiang tawh a, chuvanga ngaihtuah viau pawh ka ni reng a ni, "Sir kan thleng e" a tih hnu chuan ka chhuak nghal a, a awmna room ka luh chuan a thianpa doctor khan alo dinchilh reng hi alo ni.












"e ilo thleng tawh a ni maw, tunah lawk khan mutthilh na in kan jection a, a muhil ve chiah alawm, " a lo ti zung zung a, "a natna hi a la tir bawk a, enkawl dam theih kan in beisei a, chemo khai kher ngailo in enkawl, dam kan tum phawt anga" a tih chuan "ngaihdan leh duh dan ka nei vaklo, i duh Dan Dan khan enkawl rawh" ka lo ti thung, "ngaihsak a ngai leh zual dawn a nia, a tuar thiam loh hmel si" tiin min chhuah San a.











(karhat hnuah) ti duai lawk ang aw.





Karkhat hnuah chuan a natna pawh a pawm thiam tawh viau a, in lamah kan haw tawh a, a chhungte leh ka chhungte an lo kal deuh reng bawk, a mah ah han danglam em em a awmlo chu mak ka ti ang reng, a chhan pawh a natna kha eng emaw ber atang lang chhuah awm tak a ni si, a hma ai zawng chuan ka ngaihsak ve ta deuh a, mahse ka hnaih em em hran chuanglo thung













A hma ang em em kha chuan ka ngahthah tawh lo, hmeichhe sual tak a nilo ah ka ngai a, a natna vangin ka khawngaih a, ka duh nilo in, ka nupui a hming maia a nihna angah ka ngaihsak ve a ngai bawk nen, "I damdawi ei a hun rawn ei rawh" tiin tv en chunga thu Maruati chu ka bia a, a ni pawh thu awih takin a rawn tho ve mai, choka lamah chuan kan in zui phei a, biak pawh ka be lem lo, a damdawi tur pe in, "ti Khan lo mu la, office ah tih tur pawimawh ka nei a, ka kal leh lawk a ngai" tiin ka chhuak nghal daih.















Min hnaih a, min biak a duh thin tih ka hria, mahse a ngam ngailo tih ka hre reng, a damloh tak vang ringawt a, duh emaw hnaih a, ka hmeichhia ka nupui anga en erawh ka tum hauh lo, Esi pawh khami ni tang Khan ka hmu leh ta miah lo a, a hna a kal zawm leh tih erawh ka hria, biak duh viau mah ila, min be tha duh bawk silo, a luhlul in a thinchhe bawk nen, ka ti thinrim zual ang tih ka hlau a, ka be lo a ka hnaih rih lo mai a ni.












A number chu ka hmet chhuak a, "khawiah nge I awm" ka ti deuh tawp, tunah a hna ban a hun tawh a, in ah bak a awm ringlo mah ila, ka zawt ta tho "khawiah mah" a rawn ti deuh hmuk, "thinchhe reuh lutuk mai" ti sup in, phone min dahsan nu hmel chu ka mitthla a, ka nui hak an in lam chu ka pan a, Remi bawk Khan min lo hawn.











"in chhung ka luh chuan mipa pakhat hi alo thu a, a bialpa a ni ngei ang, " Rem i thiannu hi ka be lawk duh a, min lo chhuah San lawk thei ngem, a reilo ang" ka tih chuan a bu rang khawp mai, "ka hria a nia aw" tiin mit min siai zeuh a, ka nui suk "dawrah kal lawk ang hmiang" tiin mipa chu a melh a, chupa pawh chuan a lo aw ve mai.












"A room ah sawn a awm, a mu tawh in ka hria" a ti a, ka bu zeuh an chhuah hnu chuan a room kawngka chu ka kik a, min chhang tu an awmlo, vawithum lai ka kik hnu pawh chuan min chhang tu a awm lo hrim hrim, a muhil tawh a nih ringin, kawngka chu ka hawng a, khum ah chuan alo mu deuh bam, ka pan hnai a, a mutui khawp mai











A hmel chu ka en deuh vang vang a, a hmeltha a ni hauh lo, a hmai fang a tha a, a ngo vur lo a, a uk lam a kai deuh lek lek nangin, uk deuh kharh ang kha a ni chuang hauh lo, a hmai tlang, a Sam in a hmaia zar na te chu ka tih kian sak a, a rawn meng thut a, min hmu chu mak a tih hmel hle, a tho deuh zawt bawk, "enge ka room ah i rawh tih, chhuak nghal rawh" a ti deuh hlar a.












A meng no lo viau bawk, "bawihi min hnar reng hi tum thin lo teh, ka laka i rilru put hmang hi ka hre vek a nia, kei ang tho hian min duh ve tih ka hria, ngati nge min hnar I tum reng" ka ti chung chuan a mitah tak ka melh deuh run, "nupui nei leh nghal ka ngaihzawn duh I ring a mi" a ti deuh hlar a, a sawi sual deuh nge, a hmui a hup chat.











Ka nui hawk, "okk kha chu dahtha ta ila, kum khat min lo nghak turin ka tih che kha, chuvang chuan... " "engvangin nge ka nghah kher ang che" ka thusawi tur ka sawi zawh hma hma chuan a rawn ti thawt thawt, "a mak ka sawi zo phawt ang, kan in neih chhan I hre ve vek tiro, chuvang chuan kum khat chiah min lo nghak la, a reilo ang, reilo te chiah a ni mai, min hlat tum tlat thin suh, chutilo chu ka ru bo che anga, ka nupui lem lem kalsan in, ka tlanbo pui daih ang che" thu tak zet chuan ka ti a, mi melh rawm rawm ringawt.














" mu leh tawh rawh, I mutthilh hunah ka haw ang, I hmel ka hmu chaka, ka rawn kal ve em em a, min vin vak vak ringawt a" ka ti deuh nang nang, a ner nasa mai, "haw rawh i awm ve reng in ka muhil thei lo" ti deuh hmak in, leh lam hawi zawng chuan a muthla daih, mahse chhuak duh chuanglo chuan a khum tlangah chuan ka thu deuh ran a.












I awm ve reng chuan ka muhil thei lo tu tu ber chu kar lo ah a muhil daih a nih chu, a puan chu sin that tirin, ka chhuak zui nghal a, Remi te pawh kha an lo thu leh ran tawh, "ka haw phawt ange, in biakna hun min pek vangin, ka lawm hle mai" tiin ka chhuak nghal a, in lam pan ta lo chuan ka thianpa, a mah chiah awm in lam chu ka pan a, ka thlen chuan party teh nau an lo nei leh tawh.












A hma ka thian kawm thin te ho pawh an lo awm nual a, chutia ka lut min hmu chu an lo phul deuh hlut leh nghal, zu ka in khat a mahse ka in ve thei tho, a awm chuan thiante nena tih ho te, eng emaw ni khuaah hi chuan ka in ve thin, hla nen an ri deuh mup mup hi a ni mai, thenawm khawveng an veng thawng lo khawp mai, an rawn sawisel biklo a ni phawt anga.













A hma zana, an in a ka va kal atang kha chuan chutiangin min hlat a tum tawh bik lo, tha takin kan in be ve thei tawh a, mahse a mah hi a in daikhalh thiam ve thin khawp mai, Maruati pawh a natna hi ka awih lo lek lek chang a awm mahse a mah a cher sawt in, a chauh hmel thei hle a, chaw a ei ngailo ti ila ka sawi sual hauh lo ang, a ei theih tur awm ang kan lei pawh a ei ngailo, han awih loh ngawt chi lah ni der mai silo a.













A nu leh pa an rawn kal awllo a, ka awm loh a tam zawk, hna ka nei a, ka buai thin ve hle, mahse Esi te in a kal chu ka thrulh ngai chuanglo, ka len chang pawn, min lo be ve duh tawh a, mahse a tawng bawrh bawrh ngai lemlo thung, kan in text reng a, fiamthu bak kan sawi ngailo, a mah biak hi chuan nuihna tur a tam thei hle.









(a thui ve a nia, ADD CLICK KHA AW)


Show post links
Top

[Ngaia]

KA THIANNU PASAL











CHAPTER-9









BY ZOMUANPUII TLAU





ESTHERI POV*


(a hmasa in, he thawnthu hi a sei vak dawn lo aw, 11 emaw 12 velah a tawp ang aw)




"Esi ihh ka bialpa khan in neih puiah min sawm a" tiin lai deuh tak chuan Remi chuan a ti a, ka lo phur pui viau "a ni maw engtin nge i chhan" ka lo ti vat, "aw ka tia mahse " tiin a thaw hak, " palai kalna tur leh ka man dawng tu tur hi tu nge ni ta ang" tiin rilru hah hmel zet chuan a thaw deuh hak, " kha chu lungngai duh suh, keiman ka lo dawng anga, palai pawh hetah a ni mai lawm, i u lah a rui reng bawk sia, pawi i tih loh chuan" ka ti a, a hlim hmel viau












"Tak tak maw, karleh ah ka rawn tir ang a tia, awii ka lawm lutuk aw" tiin min kuah deuh chung chung "zanin chu tu emaw kha alo kal dawn lo a ni maw" tiin mitko min San khum ak ak, ka lai ringawt leh nghal, kan awmdan hi in ngaizawng silo in, kan induh tawn veve a, kan in hnar lo veve tih chu kan hre veve, mahse daidanna bang lian tak a awm a, chu chu mi pasal a nih vang a ni.











Pawm ngawt ta ila, engtin nge niang, ka mualpho Dan tur te, mipa mualphona chu nep te, nihnih khat an sawi anga, an hre zui tawh lo ang, mahse hmeichhia erawh kum khua in, mi pasal ngaizawng thin kha tih than in ka thang ang, ka duh tih chu ka zep hauh lo, hnaih pawh ka chak mahse bang chhah tak, paltlang theihloh a awm si.










Ka phone ri chu pindan lamah ka luh pui a, Mathew alo ni, "hello bawihi zanin chu ka lo kal hman lo aw, Maruati a tha lo deuh a" a rawn tih chuan thawk ka la hawk, ka thik a, mahse sawi theih ka nei chuang silo, a nupui a ni a, kei erawh a tan engmah ka ni bawk silo, "Mat kan chungchang hi ngaihtuah that a ngai ni in ka hria.. nilo ngaihtuah that tur pawh a awmlo, lo kal tawh lo la, ti hian tawp zawk ang" ka ti hap a.










Lehlama mi chu a thaw deuh hrawk, "bawihi i lungawilo mi, ka lo kal theih loh vang a ni tiro, a nih chuan ka lo kal mai ang, ka sawi kha ka hlat theilo che" a tih chuan ka na zawk, a nupui then a tum chuang silo nge ni a, kei hi min fiam mai mai zawk, "engvang nge, kei hi min fiam mai mai a ni tiro, i nupui i then thei chuang silo a, kei min hnaih I tum tho si" ka ti deuh tuarh a.











Ka duh loh dan zetin ka mittui a tla ringawt bawk, "khatiang zawngin ngai suh, ka thei rih lo alawm, hriatthiam tum rawh, phone a sawi ai chuan ka rawn kal ang aw, umm ka sawifiah vek ang" a rawn ti mawlh mawlh a, a thusawi ka ngaihthlak loh a hlau hle tih pawh a aw atang in a hriat, mi nupa then hran hi ka duh dan a ni biklo, mahse ka in control thei biklo a ni.











"lo kal angailo, ti khan tawp rawh se, ka kal bo ang, min hlat theilo a nih chuan kei hi in hmuh phakloh ah, ka awm ang, kumkhua in ka rawn in lan tawh lo ang" tiin ka off nghal a, a tawp lam phei kha chu ka tahna vanga aw khur deuh chung nen a ring fahran lo ang, mahse a hre chiang hle tih ka hre thung.










Phone ka dah rual rual chuan a ri nawn zat a, a mah emaw tia dah mai ka tum chu Tluanga alo ni, Maruati a hma a, damdawiin a, a awmna damdawiin a thawk kha a ni, Maruati vanga in hria kan ni bawk ti ila, school kan kal laiin, Maruati nen an in kawm thin a, a hnuah kan pathumin kan in kawm leh a ni kha chu tlema sis deuh kha a ni.










"Aw hello" ka ti zawi sap a, "awii enteh mate, a mak tawp, ohh my goshh hi a ni tawp" a rawn ti phawr phawr a, tuna ka mood nen hi chuan in ang lo tak a ni, "I sawi duh chu sawi vat mai teh" ka ti deuh hmuk a, chek tlak tlak chung hian, "awii kan thiannu Maruati kha ka khawngaih ve hman nen, a natna vang khan, mahse a mah enkawl tu doctor nena an in be lai ka hre fuh a, a lo cancer reng reng hlei nem, awii ka hmuh Dan a dang vek" a rawn tih chuan mak ka ti hle.











Nichin lawka ka rilru na kha chu ka hre chang tawh lo ti ila a dik ber ang, natna thil ah leh nghal engtin nge dawt a sawi theih zawk, "nakinah ka lo be leh ang che" ti mawl deuh tawp in, phone ka dah nghal a, khumah chuan ka thu thla dawt, Maruati chu mak ka ti hle, "Es khutah kan zuk kal lawk aw" tiin Remi chu ka room kawngka ah a rawn dak a, ka bu deuh nghat.











In bual harh ka mamawh vangin bathroom lamah ka phei a, ka engtih mah hi a tui theilo, ka hringnun hman lai hi ka hne a, nun thara nun ka chak takzet, nu leh pa chhungkua min hmangaih tute kianga hun hman te, hlim taka ka hna kal min thlah liam tur te, ka haw hnu a, nu min hmangaih em em tu in a, min lo hmuah te ka chak thin.












A thleng ngai dawn silo, tunah chuan tumah ka kiangah an awm tawh lo a, ka mal ngawih ngawih ni ber hian ka hria, tunah ka nunah, Mathew leh Remi an lo lang a, pakhat chu ka chan theih loh tur mipa a ni a, Remi erawh ka chhungkua ka unaunu anga ka en a ni bawk, mahse a ni pawn pasal neiin min la kalsan vat dawn, kalsan nih chiah hi mi khawvel ka cham ve chhung a ka chan tur.











Kawngka kik thawm vang chuan ka in ha sawk sawk a, ka in thlak zawh rual rual chuan kawngka lam ka pan vat, ka mi hmuh duh loh ber kawngka pawna lo ding vang chuan kawngka chu khar leh mai ka tum a, mahse a lo vuan hman, "enge i rawn tih dawn haw rawh, engmah tih tur i neilo he lai hmunah hian" ka ti hmak a, ka aw pawh a nem fahran lo hle ang.











"Bawihi in bia ang" tiin a rawn lut thut a, ka lo in ring hman lo bawk nen, a che rang hrim hrim bawk, "sawi dun tur kan neilo" ka ti hrwk a, ka melh deuh run bawk, "ka nei alawm, tha deuh in sawi ang aw, ka sawifiah anga, chuan ka fiam mai mai hauh lo che " a tih chuan ner sawk in awihlo zet chuan ka nui hak, "chhuak rawh" tih zawng sawiin hmun dang ka hawi sawn hmak.












"Ka thusawi.. " tia sawi zawm a tum chu a phone a rik vangin a tawp chawt a, a benga a dah rual rual chuan "bawihi Maruati a tha vaklo a ni awm e, damdawiin ah an hruai a, ka kal nghal a ngai ka lo let leh vat ang" a ti chu ka nui hawk, tunah pawh dawt hmang bawk in a ni maw nun ala tum cheu ni, ka awih loh lutuk vang leh midang a bum hneh lutuk vanga nui ka ni.











"A hnena I kal a nih chuan kei hi min hmu leh tawh ngailo ang" ka ti sap a, ka aw a ring hranlo, mahse a hria tih hriat zetin a thaw hak a, "ka reilo ang... umm a chanchin ka va ngaihven lawk anga, ka rawn let leh thuai ang, chuan kan sawi dun dawn nia" a tih rual chuan chhuah a tum a, a ban vuan in, "ka sawi chu ka bo hlen tawh tak tak ang, i kiangah ka rawn kir tawh ngailo ang" ka ti ngang ngang a.












A ban ka vawnna kut chu la thla in, "a pasal ka la ni rih a, ka buaipui a ngai lawm, buaipui tu a neih lo" a tih chuan ka mitthui chu ka dang zo tawh lo, mahse ka nui hak hak, "a nih kei ve hi, ka nei bik chuang em ni" tiin a mit ah tak chuan ka melh kar, engvanga ka kianga awm tura dang tlat nge ka nih ka hrelo, mahse hepa hi ka hmangaih a ni tih ka chiang tawh hle.










"Tiang mi I nih ngailob kha, ka va buaipui lawk dawn chauh alawm" hahthlak min tih hmel zet chuan a ti hlah a, "a tha e, kal rawh, ka Dan buai avang che in, tihpalh ka nihna ka lo theihnghilh palh a ni" tiin ka room ah chuan ka tlan lut nghal daih a, ka kalh nghal hmak bawk, kawngka chu ka ngheng thlawp a, ka bengah chuan mi tawng ri chu a ri leh mur mur tawh.










Ka thawk a in hnawh a, thaw tha theilo ang mai hian ka awm bawk, ka awmdan chu engvang nge ka hrelo, mahse mahni nunna lak chakna ka nei a, ka bengah chuan chemte kha la la, kha mi hmang Khan I awmna aia hmun nuam zawka awm tur in in siam rawh' tiin min hrilh a, ka beng ka hup tawp.









Mal ngawih ngawih a in hriat chang te, ka rilru a nat chang te in tiang hian ka awm thin, ka awm chu ka chum dawt dawt a, min hnawh tu lian tak chu a reh theilo, ka tho lawk a, choka ah chuan lut in, chemte la in ka ban chu ka tin ran, ka duhdan a ni hauh lo mahse ka nu aw in a, ka hnenah lo kal rawh bawihte tia min biak chu ka hriat chian em vangin, ka nu ka ngaih em em kianga awm chakna ka nei leh tawh.












Min be thin tu ngei kha ka nu chu a ni, ka nui ver ver a, ka awmdan engkim chu ka hre chiang hle a, ka duhlo mahse ka in control theilo, min kalh kual tu awm ang mai hi a ni, thawk leh khat ah, ka kut thip zawk chu ka hre nghal a, ka tih lai ka hre lo, mahse ka hmuh meuh chuan thisen luang chhuak zur zur chu ka hriat leh a ni mai.












REMREMI POV*






Karkhat dawn ka bialpa nen kan in tih thiam loh hnuah, ka duh em vang bawkin, ka ngaidam a, in neih pui ah min sawmna pawh ka pawm ta kha a nia, zanah chuan Esi ka hrilh ngei a, alo phur viau, call a dawn vangin room lamah a luh pui a, a hnu rei vaklo ah, u Mathew thianpa u Zuala a rawn lut hlawl, "khutah min zuk kalpui teh kan rei dawn lo a nia" a tih vangin Esi ka hrilh hnu ah, kan chhuak a.













"Khawiah" tiin a mah chu ka melh a, "ka tihder che nih kha, chhuak harh ve mai mai ila ka tia" a ri ringawt a, lo len ve zeuh zeuh hi a ching a, a mah a fel in mi a be nghal bawrh bawrh bawk nen, ka ngai na ve thuai kha a nia, mahse kan veng kawn kan thlen thlak a, ka mi hmuh te vang chuan ka ding chawt, a ni pawn min rawn hmu ve chiah bawk.











Chutia ka ding deuh chawt chu u Zuala chuan mak a ti deuh a niang min rawn en in, ka enna lam chu a hawi ve a, a hma a bialnu tho kha a ni, in her vutin, "kal ang" tiin in lam chu ka pan nal nal, u Zuala pawh chuan min rawn zui ve mai, ka mittui luang chu duh lo zetin ka hru hul a "sawisa tur in min dub em" a rawn ti thawp sup, ka lu ka thing ringawt a.













Ti Khan a tawp chiang viau tawh ka ngai dam leh tawh ngailo ang, in kan thlen a, in chhung kan lut chu choka a Esi thisen nena lo let reng kan hmu chu ka rak tuarh, u Zuala chuan apan thuai a, "tunah ambulance call rawh, vat" a rawn ti deuh tuarh a, keipawh chuan kur dar dar chungin ka call nghal zat.









Thuthleng ah chuan a pawm phei a, a thi chhuak zel tur chu a hup bet bawk, "Mathew call vat rawh" Ambulance ka call zo chu a rawn ti nghal a, kur dar dar chungin, Esi room lam ka pan a, a phone ka zawng nghal vat, khum ah chuan alo let bal a ka ban nghal vat, password a dah loh hlauh vangin, Mat tih ah chuan ka call a, choka lam bawk ka pan pui leh.










"Kha nang man be rawh" aw khur deuh dar dar chung chuan ka ti a, ka tah a chhuak trun tawh bawk, "be mai rawh nangmah Khan a kut hi thisen a chhuak duh phian a, ka vawn reng a ngai" a tih vang chuan a in ring mek chu ka beng zawnah ka dah a, a la tawh dawn lo emaw ka tih hnu ah "bawihi ka lo let leh vat.. " a tih lai chuan "u Mathew Esi hi" tiin ka tah chhuak lutuk chu a tah aw pur tawh.













" Enge thleng engkim a tha maw" a rawn ti nghal sawk sawk a, a aw ah chuan a hlau thawng nghal hle tih a hriat, ka hrilh rual rual chuan "Ka rawn kal nghal ang, ambulance call nghal bawk ula" tiin a dah nghal hmak a, a hmanhmawh hmel hle a, a hlauh thawn zia pawh a hriat theih,, Ambulance lo thlen kan nghah chuan kan tlai hman ang, Mathew chu call leh rawh, rawn hmanhmawh rawh se" a ti zung zung a.












Car a awm bawk silo, tunah lah taxi a awm tawh bwk silo, car a rawn ken loh ni tak a ni bawk si nen "khawi keiman ka lo bia ang" tiin a kut a awl lo miau vang chuan a bengah ka hmet bet a, "bawiha lo hmanhmawh deuh teh, a mar phu a muang tlat, ambulance kan call tawh tho a, a rawn thleng har bawk si" tiin enge u Mathew chuan a sawi ka hrelo thung.











Esi chu a dang vek tawh a, a ban atamg lah in thi a chhuak reng bawk, ka hlauthawng si tih theih nei bawk silo chu ka tei kual sek a, kawngka lam chu ka melh leh sek thin, "u Zual tih dan ngaihtuah te, tiang chuan kan chan mai ang" ka ti tiau a, a ni pawh a rilru a buai hmel viau mai, "a ban tuamna tur hi rawn zawng rawh, a thi hi tih tawp tum phawt teh ang" a ti ta ngawt a.










MATHEW POV"








Hrep tak hian, lo kalsan lo zawk ila chuan tiang hi a thleng huah lo ang, ka pian a hnu lama ka speed san ber trum a ni hial ang, a thusawi atang te Khan tiang a ti ang tih kha ring thiam tur ka nia sin, tunah chuan engkim chan huam in, ka then anga, bawihi chiah ka enkawl tawh ang, ka pu sum dawnna tel lo pawn, ka awm thei lutuk a riral ka hlauh vang mai a, ka hmangaih ka chan ka duhli.












In ka thlen rual rual chuan hmanhmawh zetin ka lut nghal a, thuthleng a Zualan a, a ban rek alo tuam chu ka hmu a, nunna nei hmel reng a pu lo, a dang vek tawh hi a ni ber, "bawiha kan hmanhmawh a ngai, a mar ala awm" tiin a pawm nawlh a, keipawh chu ka chhuak leh nghal, ka kut khur chu ka duh Dan a ni biklo, mahse tianga ka hmangaih hmeichhia meuh a awm chuan in tih pachan a har takzet.













"A hnungah nangin thut pui rawh, Remi nang a hma ah chuang la, ka lo khalh ang" tiin ka awmdan hrethiam Zuala chuan a ti hlauh a, a hnungah chuan ka lut vat, bawihi chu a rawn thut luh tir a, ka lo kuah vat, "bawihi tuar hram hram rawh aw, kan thleng vat mai ang" tiin ka phun sap sap a.










Damdawiin kan thlen rual rual chuan hmanhmawh zetin damdawiin chhung ah ka pawm lut nghal a, a duty ho chuan an lo buai pui nghal vat, ka thiamloh vek a ni, "awi Esi chu engtin nge a awm ang le, lo chhuah San miah lo tur kha ka nia" tiin Remi chu a tap deuh pur a, Zualan a lo kuah vat, ka melh ngai chu ka melh reng.










A hnu rei vaklo ah, doctor te chu an rawn chhuak a, kan pan nghal vat " tunah chuan ngaihtuah awm a nilo e, mahse in ven that leh enkawl danah te, in biak danah te pawh fimkhur a tha ang, anxiety phei chu depression a, a in thlak chuan a hlauh awm thei a, anxiety ah hian a hrang hrangin a lang chhuak a, a ni hi chu mahni in tih nat duhna leh mahni in khawngaihna nei chi a nia, a rawn harh vat ang, ward pangai ah kan dawn sawn vat ang" tiin a kalsawn a.













Anxiety a nei a nih si chuan engvanga min hrilh lo nge a nih ang, nge ni a, a mah pawn ala hrelo zawk, "Zual Remi hi va thlah rawh, ka lo awmpui ang" ka ti sap a, bawihi an rawn nawr chhuah chu ka en vang vang, "ka awm ve duh" a tih tlat vangin tumah haw ta lo chuan bawihi an dahna room tur lamah chuan kan zui ta vek, a hmel chu ka en deuh vang vang a, a dang bei a, thlamuan hmel tak hian achiing deuh chial bawk.






( add click kha aw)


Show post links
Top

[Ngaia]

KA THIANNU PASAL










CHAPTER-10









BY ZOMUANPUII TLAU.







ESTHERI POV*






"Rem mizoram chhuah San ka duh, ka in hi chu lo enkawl rawh aw, a riral mai ka phal bik silo a" tiin damdawiin atanga ka harh rual rual chuan ka ti a, heng buaina hi tlanbo sana, hahdam ka duh a ni, "mahse engtin nge ka awm ang, ka lo zui ve dawn che" a tih chuan ka khawngaih ve tho, "I duh chuan min lo zui thei ang, kan in ah kal ila, Mathew rawn kal hma in, va in siam ang, ticket ka lo la ang" ka ti zung zung a.












Doctor bia in, ka awm man vel kan pek fel hnu ah, taxi la in, kan chenna in lam kan pan nghala, kan thlen rual rual chuan kawngka hawng in, kan thawmhnaw kan pack mawlh mawlh, he in hi engtin nge ka tih tak ang, ka nu te nena hlim taka kan lo chen tawhna in a ni a, han ti riral ngawt ka phal bik bawk silo, engpawh nise tunah chuan awm hahdamna ka mamawh ber.











A zual pui chuah kengin, choka lamah chuan ka phei nghal a, Remi pawh alo hman der tawh, "chhuak vat ang, damdawiin a kal hman chuan ka awm lo tih a hria anga, a rawn kal ngei ang" tiin chhuah ka tum a, mahse engmah sawilo a, kal ngawt chu ni thei in ka hre bik silo, room ah lut leh in, paper chu ka la a, 'lo dam tha la, I nupui tan pasal tha tak ni ang che, in nun atanga hla takah, ka kal anga, hlim takin nun bul ka tan ve tawh ang, ka tana khuanun a ruat mipa tha tak ka tawn ve mahna, hmaichhan ngeia, mangtha tih sawi chu ka duh viau na in, ti hian ka ti ta zawk mai, mangtha le" tih bak sawi tur ka hrelo













"Kal ang, pu Ruata te chhungkua in luah mai rih rawh se, ka chhungkaw neih chhun tak meuh meuh an ni tawh sia, an harsa ve tho bawk nen" tiin Remi chu ka hrilh ta ngawt, Ka hna pawh kan pu te lam ka be tawh a, bana lehkha ka sign hman dawn lo vangin, min pawm sak mai turin ka ti ta ngawt.









Flashback



Dawta min puh ni la La chuan a ti sual tu dik tak an hre nghal a, han dawn sawn mai dan tur ka hrelo, Mathew ka hmuh Khan ka rilru a no thar em em a, ka tap ta ngawt a nih kha, jail atanga ka chhuah rual rual chuan pu Ruata a scooty trawng ve tawh tak nena alo kal ka hmu a, in biak a duh thu sawi leh in, an in ah kan in phur ta ngawt.











A nupui leh fa nau an lo awm a, ka in thlahrung ru viau, a nupui leh a fapa tlangval tia la chhiar tham loh, kum17 mi tur lek nen hian a au a, "Esi ka thusawi tur hian a thrawng ngei ang che, mahse ka zep reng a nih chuan I hnena ngaihdam ka dil duhna leh ka in thiamlohna te hi a reh thei dawnin ka hre bawk si, mama nu ila hria em? kan fa hmasa ber kan chhiat ka tih kha" tiin an nu chu a en a.











An nu pawh chu alo bu nghat, pu Ruata tih loh chu kan bo vek ni in a lang, "khami Khan a thi lo a, tuna Estheri hi kan fa hmasa zawk kha a ni, kha mi lai khan ka nupui hi nangmah a hrin chhuah rual che khan a thi put nasa em em a, a hrisello sa bawk nen, zai a ngai an ti a, kan retheih em vangin, a mah zaina tur pawh kha kan neilo a, doctor nu khan nau alo nei ve chiah bawk nen, kar lo ah an fa lo piang khan a thih San ta mai bawk nen, nang hi pawisa nen ka in thleng pui ta che a ni" a ti chiah chu ka na takzet.











"Engmaw kan fanu thi tawh a kan ngaih kan vui liam kha a nilo maw" tiin a nupui chu a tap a, min melh ngawih ngawih bawk, an fapa chuan min lo melh deuh kar bawk, "kha naute kha chu kha doctor fa kha a ni" a ti chiah chu ka thutna tang hian ka tla mai dawn in ka hria, ka mitthui a hul vek a, awm ngaihna ka hrelo a ni ber.










Engmah sawilo in, in atang chuan ka chhuak vat a, pu Ruatan min auhna pawh ka chhang tawh lo, in ah chuan ka lut nghal a, ka ngaihtuahna buai zet leh ka awm chhung tawt lutuk te vang chuan thawk a har lek lek hial a ni.



End of flashback





pu Ruata chu call in, a la rang viau mai "pu Ruat mizoram ka chhuah san dawna, in tana ka tih theih hnuhnung ber ah min ngaihsak mai dawn nia, ka lo let leh hunah chuan in kiangah ka awm ve thei tawh mahna, tunah chuan rin harsa ka la ti em a ni, ka chenna in ah khan kal la, chahbi chu thenawm in ah khan ka dah a, kha tah khan in lo awm tawh dawn nia, ka unaupa lehkha zir zawmna tur pawh i bank account ah ka rawn thun tawh kha, tha takin lehkha lo zir sela, a zirna senso a daih loh hunah pawh min rawn be zel dawn nia" tiin ka dah hmak, a rawn call nawn leh pawh ka chhang tawh lo.













Ka pawisa thawn Khan rei tak chhung chu lehkha a zir zawm thei ngei ang, ka nu pawisa ka tana a dah zawng zawng ka pe vek a, ka hlawh ka lo khawl tawh hmangin nun bul keiin ka tran thung ang, Remi lah ngaihtuah awm a nilo a, a hlawh a khawl kha a nei nual bawk a, keini pahnih in chawmna tur chu kan tum ram kan thlen hunah a awm ve leh mai ang.












Pathian hi a awm ka ringlo a nilo a, a mah ka ringlo in, ka tana a awm ka ringlo pawh a nilo, ka be ve thin ngei, in khawm pawh ka in khawm ve thin, mahse ka nu thih atang kha chuan biakin ka hlat in, ka tawngtai ngai tawh lo, ka mangan lai ber chauh a ka hriat chhuah hmasak ber leh ka biak hmasak ber erawh a ni thin.










Mizoram atangin delhi lam kan pan a, tah chuan Remi thiante puihna in awmna tur kan hmu nghal mai a, a thiannu in luah ah kan awm ve rawih a nih ber chu, chuta tang chuan in luah tur te zawn kan rilruk a, a thiannu chu Hlimi ni in, hotel ah a thawk a, a awmna pawh a te chhe em em lo, "in rawn kal lo ang tih ka hlau tawp, mizo kawm tur awm mahse, in la ve tak tak an ni zel a" a ti siam siam a.












"Tian cheng ho mai ila a nuam diah zawk ang, a te in tih leh a dang kan zawng anga, keimah chuah chuan riah ngam loh chang ka ngah si, a dawih chi hi ka ni ve a" a ti vei siam siam a, a fel hmel khawp mai, kan chanchin te sawi ho in, uap lum tu chhungte neilo vek kan lo ni, hna han zawn tran mai Dan tur pawh ka vai hle, Remi erawh Sam lam a thiam bawk a, a hmuh nghal mai theih ka ring.











"Kei chu kan pi Khan, he lama ka thiannu dawr a awm tah chuan ka lo biak sak ang che, a awmna vel ka rawn hrilh leh che nga I va kal dawn nia min tia" Remi chuan a ti a, tha ka lo tih pui hle, ka phone chu a ri reng a, a rawn call tu pawh tu dang a nilo, Mathew a ni, haw thei ka nilo a, huat pawh ka duh hek lo, ka tan chuan ka mipa duh leh hmangaih ka chan theih siloh mi pasal mai a ni si a.










Karkhat kan awmna ah chuan hna thawh tur pawh ka hmu ve mai a, Bank manager ka lo thawh hrep tawh vangin, ka hna nihna ngai ah ka awm leh thei mai, tun atang ngei hian a ni, nun bul ka tran chho ve tawh ang, rilru hahdam takin ka awm ve tawh a, ka awmna chu nuam ka ti viau, Hlimi te nen chuan kan la khawsa ho zel a, luah man pawh a in thlahrun awm em vangin, a duhlo chung kan pe bawk.











A mah mihlim thei mi tak alo ni bawk a, Delhi lamah a awm na a rei tawh bawk nen, a ma zarah kan buai em em biklo, Remi pawh api in a sawi sak zarah a hna a hmu thei a, hna nei vek ta na na, chu sum lamah pawh kan buai em em biklo, Ka number thlak in, Pu Ruata te number chuah chu ka save a, Hlimi leh Remi number nen, a bak ka nei hauh lo.











Ka thawhna tharah chuan ka la mikhual ang reng na in, kan in be ve mai thei zel, "Awii enteh, hmanni ah, Mathew khan a rawn call a, engtin nge ka number te a neih theih zawk ni, a number ka lo nei silo a, midang emaw ka tia, ka la a, mahse a mah a ni tih ka hriat rual rual in, ka off a, ka block hmak alawm" ka hna bang ka in thlak zo, Remi lo haw chuan a rawn ti lut nghal a.











Ka lo hlau thawng hman khawp mai, "ka awmna I hrilh lo tiro" ka ti nghal sawk sawk a, a hrilh loh thu a sawi takah chuan ka hahdam huai, "Mizoram lamah ka haw a ngai dawn a, ka u kha a damlo a ni awm e" a ti a, ka khawngaih viau a hmelah chuan natna leh a u a khawngaihna ka hmu thei, "umm han haw rawh, mahse Mathewan a hmu che a nih pawn, ka awmna hrilh miah suh" ka ti nghal a.












Hlau thawng lo tur in min ti na in, ka awmna a hrilh mai ang tih ka hlau ru viau tho, a tukah chuan a chho nghal a, Hlimi nen chiah kan awm a, sawi tur a ngah thei bawk a, zanah pawh kan meng rei thei khawp mai, karkhat chiah la awm ho mah ila, in nel tawh tak kan ni, chhungte belh tur nei lo kan lo ni bawk nen, kan in pawh zual hle.








MATHEW POV*







Ward pangaia a awm hnu chuan a tha tawh tih ka hriat chuan ka thaw huai mai, a mah pawh hmu hman lo chuan ka nu ten min lo call vangin, ka hmu hman ta lo a, Maruati bawk a ni, in ah an awm tawh thu leh chhungkua in hmuh khawm a ngaih thu a sawi a, ka hnial viau na in, a pawimawh thu a sawi tlat vangin, Remi a thiannu chu hrilh in, lo enkawl tha tura ka chah hnu ah, in lam ka pan a.












Kan in ka nu leh pa te in zawk ka thlen chuan an lo awm deuh thap, Maruati nu te pawh an lo awm a, a mah ngei pawh kun lap chungin a lo thu ve ran bawk, ka pu pawh a hmela a chau tih hriat tak hian thinrim em em chungin alo thu ve bawk a, a bulah a lawyer pawh a thu ve ran bawk.









Mak ti deuh chung chuan ka thu thla ve a, "hei bawiha Maruati chungchang hi a nia" a tih chuan Maruati chu ka en a, a lo kun ran mai, "enge thil awmzia" ka ti hu, "a natna kha dawt vek a ni, a taksa a cher theih nan theih tawp an lo chhuah a, a mah enkawl tu doctor nen khan, Doctor Tlana in ti in a hei i pu hi a rawn hrilh a ni awm e" ka pa chuan a ti a.










Ka thin a rim kher mai, a hma kha chuan awih lo mah ila, a taksa a cher sawt em vang khan ka awihlo thei bawk silo kha a nia, "Tunah in then nghal ang cheu, tiang dawt sawi hmang" ka nu chuan a ti bawrh bawrh a, ka pan alo khap vat thung, "ka in rawlh tawh lo ang, bawiha I thu a ni e, ka sumdawnna leh ka neih zawng zawng pawh i kutah a awm vek ang" tiin ka pu chu muang chang hian thawh a tum a, kan awmpui a sira lo ding leh ka nu chuan an lo pui vat.










(ktp in khawm kan ngai bawk nen, ban velah khawhar in kan tlang bawk sia, dah loh ka tum zetna in, khawhar dalah aw) ADD CLICK KHA AW


Show post links
Top

[Ngaia]

KA THIANNU PASAL










CHAPTER-11








BY ZOMUANPUII TLAU.







Ka pu berin thuthlukna ka kutah a dah ta bawk a, Maruati te chhungkua chu en in, " in then ka duh tih chu in hriat chian kha, rawn haw leh pawh a ngai tawh lo ang, a bungrua chu in duh hunah in rawn la mai dawn nia" ka ti hmak a, in atang chuan chhuak leh in, Maruati rak tuarh tuarh pawh ka ngai pawimawh lemlo, damdawiin lamin min pawh nat miau avangin, ka kal leh nghal a.











Mahse an chhuah tawh thu min lo hrilh chuan ka bangbo viau, an mahni ber an awm tak lo ah chuan an in lamah ka kal ta ngawt a, an in lah alo la in kalh bawk si, hrilh hai zet chuan an in kawtah chuan ka ding reng a, an thenawm nu ni ngei tur chu an in kawngka tang chuan "nangmah hi mi Mathew chu" a rawn ti teh ngawt, ka nih thu ka hrilh chuan.











"Kha hei pe tur che in min tia" tiin leh kha in thlep chu min pe a, ka ban vat, paper chu ka en vat a, a thu ziah avang chuan ka beidawng hle, khawiah nge an kal ang, a number chu ka hmet chhuak vat a, a in ring reng mahse a la theilo, beidawng zet chuan Maruati nena kan lo chen tawhna in ah chuan ka kir leh ta ngawt










Ka assistant chu bia in, "thlalak ka rawn thawn ang che, lo zawng la, airport ah thlawhna vawiin lama chhuak zawng zawng ah zawng bawk la, in hmuh velah min rawn hrilh ang cheu" tiin call ka dah a, room lamah lut in, shower ka nei nghal zat, ka in bual zawh hnu chuan khumah chuan thu thla in, Estheri number bawk chu ka call leh tluk tluk a, mahse ala thei chuanglo.












Ka beidawng chuan khumah chuan ka mu thla hnawk a, khawiah nge a awm tak ang, a tello in ka awm theilo a, a mah hmu lo phei chuan ka awm theilo, a sawi ang khan nun bul tranin, a mah hmangaihtu chu a tawng angem, tih ringawt chu ka in zawt a, kei lo mipa dang a tawng tur anga ka suangtuah chhin ringawt pawn thinrimna leh rilru natna in min tuam hlup hlup a ni ber.










Call ka dawn chuan a mah a nih ringin, ka thu chhuak vat a, mahse ka assistant zawk alo ni, "sir a mah tur ang reng reng kan hmulo, a vang khawp mai" a rawn tih phei chuan kei mipa ah pawh in la pa ve tak, hmeichhia vanga nat tum lo leh buai tum ngailo kha, tunah hian ka buai in ka rilru a na takzet










Zawng hmu zolo in, bo hlen ta se, kal lo tura min ngen laia, ka lo kal lui kha ka tih sual lian ber a ni, a mah in tina in, chuta karah a harh chhuah rualin a kiangah ka awm lo bawk a, khatiang khan tilo ila chu ka kiangah a awm ngei ang, tunah pawh hian ka kiangah ngei a awm tur a nia, ka bialnu a nilo chung khan ka thlah theilo a, a ni chuan a thiannu pasal ka nihna vangin, min hnaih duh ngailo.










Dik lo taka a puh chung pawn, min hnaih tum na a nei chuang hauhlo, ngaihtuahna dang neiin, an in ah khan va changin a rawn haw leh thut anga tih beiseina nen, ka ding chhuak vut a, an in lamah ka in khalh phei leh ta ngawt, mahse a ngai ang bawkin, alo la in kalh reng a, ka thaw hak, a thiannu unaupa te in lam chu ka hawi a, tumah an lo awm chuanglo.











an in bul thutna an dahna ah chuan ka thu ran a, tlai thim dawn thleng chuan an thawm reng reng hriat tur a awm lo, thawk la hawk in, ka ding chhuak a, ka nu te in lam ah zawk ka in khalh leh ta zawk, bungrua an rawn lak hunah pawh ka awm peih ngang loh vanga, ka nu te in lama phei pawh ka ni reng, an mahni chuan in then lo a, nupa la nih tir min duh ngei, ka thlen tir hauh lo ang.










Thu thar hriat tur a awmlo a, hmun tin a kalna awm ang tur ka zawng char char ti ila ka sawi suallo ang, mahse a ni erawh awmlo zawn ang mai in a reh thung si, a thiannu number chu harsa tak chungin ka nei thei ta hram a, ka call vawikhat na ah chuan a la hlauh, an awmna ka zawt a, a thiannu awmna ka zawt mawlh mawlh bawk, mahse min chhanglo in a off nghal hmak.












Harsa ti tak chung chuan thawk ka la vang vang a, "chawl lo in zawng ang cheu, mizoram pawn thleng pawn zawng vek rawh u, in hmuh hma loh chu chawl tura ka tih hma cheu chuan zawng reng ula, a trul chuan keimah ngei pawh zawng turin ka thawk chhuak mai ang" ka ti nghut a.










Zu ka in nasa ta hle a, a hma zawnga thiante kawm hlim nan chuah a, ka hman thin chu ka in ngun ta hle a, zu ka ruih chuan ka kiangah a awm thin a, min nuih ver ver in, a hlim hmel a nui hmel mawi tak leh min hmangaihna mitmeng te, a kut te ka vawn theih phah thin, hun chu a kal zel a, a ni erawh hmuh tur renga awm thei lo.











Maruati te pawn bungrua an rawn la tawh a, a pa lah chuan min rawn bia in, in hruai leh turin min ti a, mahse ka duh lo hulhual, a dawt sawi vangin ka hmeichhe hmangaih ka chan a, a mah ka neih vangin, ka kianga a awm theilo bawk, neih nawn leh chu hnai lo tak a ni, ka nu chuan zu ka in reng chu min hau reng na in, sim ka tum chuanglo.











Hlim hmel ka pu ngailo a, a pawimawh tawp emaw min bia a nih loh chuan ka tawng ngailo, ka nu a mangang tih ka hria, a hma ka lo nun dan letling thawk in ka khawsa a, ka pu pawn hniam lam a pan zel a tih theih, ka ruih changa ka nu hnena, Estheri min hruai haw sak tura ka ngen chang a tam thin hle, ka kiangah a awm thei tawh lo tih hre reng mah ila, a mah zawn leh ka kiangah alo let leh ka rinna chuan min kian San thei chuanglo.












Ka hna pawn ham a sawn zel a, mitam tak chuan ka hlim hle turah an ngai, mahse ka hlimlo, ni e ka hlimna in min kalbosan vang in ka nun a ruak in, nun hahthlak tih chang ka nei, mahse lo let leh ta se ka kianga awm turin, tia ka ngaihtuah chang erawh chuan beiseina leh hlim na ka nei fo, "sir a awmna kan hre tawh" tia ka mu lai ka phone call ka dawn vanga thinrim zeta ka lak rual chuan ka assistant chuan a rawn ti a.











Ka thu chhuak rang hle, "khawiah nge a awm? a dam tha em? " ka ti nghal vat a, "sir tunah hian Delhi ah a thiante pathum nen hmuh an ni, an cheng ho ni in a lang, bank pakhat ah, manager in a awm mek a ni awm e, a number ka rawn thawn che kha, min zawn tir hmeichhia number kha a ni e" a rawn ti a, lawmthu sawiin ka dah nghal vat.











Whatsapp ah chuan a number min rawn thawn ngei chu engdang ngaihtuah buai tawh lo in, ka call nghal a, vawikhat na chu a la lo chiang hle, beidawng duhlo in ka call leh ngat a, a hnu reilo ah ala ta hram "hello tu nge aw" rawn ti tu hmeichhia chu hrilh nawn ngailo in ka hmeichhe hmangaih, thlakhat chhung teh meuh ka lo zawn ngei a ni tih ka hre nghal.











"Bawihi, keimah ka ngai che, engvanga kha ni tam tak chhung a reh vang vang nge I nih" ka ti nghal sawk sawk a, a reh vang vang, min hria tih ka hre nghal thei, "ka lo hruai haw ang che aw, tunah chuan dangtu awm lo in, ka kiangah ka venghim theih turin I awm tawh ang" ka tih chuan leh lama mi chu a thaw hak a.









"Mat ka sawi tawh kha, lo kir ka tum tawh lo, tuna ka nun hmanah hian ka hlim tawk a, ka lawm tawk em em bawk, nang pawh i nupui tan pasal tha tak ni rawh ka tih che kha, kan kawng zawh a hrang hlak a ni tawh, awmdun thei kan nilo" a rawn tih chuan ka pawm lo hle, "nupui ka nei tawh lo, kan in then tawh, tunah chuan kan awm dun thei tawh tih na, ka rawn kal dawn, ka nei let leh ngei bawk ang che" ka tih zawh rual rual chuan a dah hmak.











Ka phone chu ka melh vang vang a, ka thaw hawk, a awmna ber ka hre tawh bawk nen, a awmna hmun ngeiah chuan kal la tum hle, tu man min dang theilo bawk ang, ka thawmhmaw chu tlem a zawng suitcase ah chuan ka khung a, ka wallet leh ka phone chu ka ban zat, ka assistant bawk chu call leh in.









Ticket lo la tur chuan ka chah nghal a, company atanga airport rawn pan mai turin ka hrilh nghal bawk, in hnuaiah chuan ka nu in ka pu a room atanga a rawn hruai chhuak mek nen kan in tawk a, chutia ka thawmhnaw kenga ka chhuk chu ka nu chu a hrilh alo hai viau, "bawiha khawiah nge kal I tum a" alo ti ha.








"nu ka zin lawk dawn ka rawn haw hun tur ka chiang lo bawk, ka rei deuh maithei" tiin ka chhuak nghal a, ka cham chen tur ka hrelo miau engtik ah nge a rilru ka hneh anga, ka neih let dawn ka hre silo, ka car nen chuan airport lam ah ka kal nghal vat a..







Ka assistant chuan a hmuna a awm tawh thu min rawn hrilh chuan ka reiloh tur thu ka hrilh , ka hlim hle tunah hian ka hmeichhe hmangaih awmna hmun lam pan turin ka kal mek chu a ni sia, bawihi a awmna chen ka hriat loh lai khan a in kawtah khan ka awm reng thin.




Ni khat ka kal kha an in chu alo in hawng a, a lo in kalh tawh lo, a lo haw ngei a nih ring khan, hlim tak khan ka lut a, mahse midang diah an lo awm khan min ti hrilh hai hle a nih kha, an pa ber khan thil thlen Dan leh bawihin he in a pek dan min lo hrilh a nih kha, a chhungkua dik tak an ni tih ka hre nghal bawk.







Bawihi awmna an hriat ring khan ka zawt a, an hriat loh thu min hrilh kha ka awih lo a, nitin khan bawihi awmna zawt khan ka kal thin, mahse chhanna ngai bak ka dawng ngailo a nih kha





Airport ka thlen rual rual chuan ka assistant chu ka hmu nghal a, mi pawh an lo tam hle, "car hi hawn la, kan in ah ilo va dah mai dawn nia, ka awm loh hlan in, company i kutah ka dah a nia" tiin ka kalsan nghal a.






Thlawhna thlawh chhuah hun nghak chuan thlawhna chhungah ka thu ran a, hmeichhe pakhat in feng chhing ve zet, make-up hmang nasa deuh hi ka thut pui a, min be tha in, min be siam siam a, a chetdan leh a awmdan atang chuan min duh tih hai rual a nilo.








Ka hne em vang chuan mit chhing in, bawihi mitthla chung chuan ka chhing ta reng, chutia ka chhin reng takah chuan min biak zawm dan vak a hrelo a niang a ngawi ve ta hram a, ka chhang tha lo chung khan min be reng peih.






Muhil thei heklo, ka ngaihtuahna ka kawm ta mai mai a, engtin nge a rilru ka hneh ang tih te ka ngaihtuah kual nasa mai, min lo hnar ngei anga, beidawn san turin ka pan lo a, ka ta chuah a ni ngei bawk ang, tuman Mathew duh leh neih tum an dang thei ngailo.







Delhi kan thlen rual rual chuan a hma hna thil vanga kan kal ziahna a ni bawk nen, ka thlen na hotel lam bawk ka pan nghal a, a chenna hmun leh a thawhna hmun ka assistant in min hrilh tawh bawk a, tunah chuan a mah hmuh chiah a ngai tawh.








Ka chauh deuh em vangin, zan khawthim dawna kan thlen vangin, khum a ka mu chu ka lo muhil sek a niang, ka harh leh chuan dar8 daih alo ni tawh, ka hahdam ta huai hian ka in hria, a chhan pawh ka hre chiang hle bawk, ka hmangaih ngei mai, a tello a khawvel ho ti tak hi chu a hmeichhe hmangaih ngei awmna hmuna a awm tawh vang a ni mahna.









(naktuk zanah emaw zanin ah, khawhar in kal zawh ah, type zawm anga ka rawn dah leh ang aw)


Show post links
Top

[Ngaia]

KA THIANNU PASAL











CHAPTER-12









BY ZOMUANPUII TLAU




ESTHERI POV*






"Rem hetah hian Mathew rawn kal a tum a nia, engtin nge kan tih ang" tiin ka buai deuh chung a, ka buai em em chhan ka hrelo, a mah hmuh hreh chhan turin, ka engmah a ni silo, "a thusawi ngaithla ve phawt a, helai thleng thleng nangmah vanga alo kal a nih chuan a hmangaih tak tak che a ni mai lawm, tianga I awm zel chuan mipa pawh an rilru a kir tawh a nih chuan hmangaih che pawh nise, alo kir tawh hauh dawn lo a nia" Remi chuan ti mahse a mah hmuh chu ka hreh tho bawk si.












Hringnun mahse tih lo awm zelna khawvel ah hian, tunah hi chuan Mathew nena kan in karah hi chuan mahse tih hi a awm tlat a ni, "Maruati nupui ah a nei tawh a, a rualin hmeichhe pahnih a nei kawp thei si hlei nem, kei a tana nihna engmah neilo hi ka tlanbo a ngai alawm, an hmuh phakloh a hla takah" ka ti a, Remi erawh chuan â min tih hmel ngang mai, a u a that tak vangin, thlawhna a chhuah hma in, a rawn kir leh daih a, kal law law se, a u enkawl ngai enkawl se ka ti a, mahse a duh tlat lo.













"Tlan chhe tawh suh, hma chhawn la, I tana khuanu ruat mipa pawh a ni maithei a sin, he tia I tlanchhiat reng chuan I hlimna tur i um bo zel alo ni thei " a tih chuan ka chhang tawh lo, ka rawngbawl lai chu ka bawl zawm ringawt, engtikah nge alo kal ang, nge ni a, a tawngkam ringawt in alo kal ni zawk ang.







"Naaa ngaihtuah tawh suh, a ni chu i hun kal tawh a mi, liam tawh chuah a ni " tiin ka lu chu ka thing nawk nawk, "I lu i thing lu hai vek ange" tiin Remi leh Hlimi chuan min lo nuih a, ka tum hmak, "in tih lai kha ti mai mai ru" ka ti hmak a, an ni lah an lo nui ang hak hak zui a, Anxiety ka nei tih Remin min hrilh khan hmachhawn dan ka thiam lo em em a.











Lan chhuah chang a nei ka ti mai, a lan chhuah chang hi chuan na miah lo a, thihna a awm em tiin, ka thiante pahnih hi ka zawt thin, a hma kha chuan ka rilru a buai em vang khan mahni in tih nat duh na ka nei a, tunah chuan thih chak riau chang ka nei thin, mahse ka in tina ngam chuang bawk silo, a hahthlak in, a hreawm chang a tam mai, ka thiante pahnih ka kiangah awm tlat lo se emaw min dawh hram hram lo se chuan kei hi he khawvel ah hian ka awm tawh lo mai thei a ni.











Ka nau dik tak zawk, ka nu leh pa dik tak fa khan pu Ruata phone atangin min rawn be thin a, pa tih leh nu tia auh hi ka hreh tlat thin vang hian an hming hian ka au mai zel, Mama tiin ka unaupa chu ka au mai zel a, a phone atang ten min rawn bia a in, a zirlai chungchang te a rawn sawi thin, in pawh em em chu nilo mah ila, kan in nel ve tawh fu.










"Chakai ka ei chak e, naktuk chu lei a ngai a ni" zana tv kan en ho lai chuan Hlimi chuan a ti a, "ka office kalna kawngah sawn lui sa, thar lam an kawl reng zel alawm, ka rawn lei haw ang" ka lo ti vat, a phur khawp mai, " awii he mihring pa ka nin dan em em hi" phone en reng chung chuan Remi chuan a ti a.









A mah chu kan en dun haw, a bialpa nen an in then tawh bawk si, mipa biak a nei ngailo tluk a ni, "ehh a bialpa thar a ni chiang" chhiah ti tih deuh hian, Hlimi chuan a ti a, "a ni thlawt lo, advocate ve lai si tawngthei lutuk mai, phone tang pawn mi hnial dang thei" a ti hlak hlak a, ka hriat thiam nghal mai vangin, ka nui hawk.










"Zuala a ni tih ka hre nghal mai, in lo in be ril viau a nilo maw" ka ti chu a duhlo nasa mai, "a teuhlo, kei chuan tiang ang mipa hi chu e, a hna thawh tha viau in, fel viau mahse a tawngthei e mai" a ti hmarh hmarh a, a in sawi thinrim emaw ni zawk le, a hnu reilo ah a phone a ri a, a kal sawn nghal vat, Hlimi nen chuan in enin, kan nui ringawt.












Kan in luah kan sawn tawh bawk nen, room hran theuh ah kan awm thei tawh a, a luah man pawh a tlawm zawk zawk lo, room pathum chu awm ve mahse chutiangin a zau em em hran lo a, tawk hle mahse in remna a vang ve duh khawp mai, room erawh a nuam reuh fu a, choka leh sitting room a in zawm vek thing.











"Lawng a thawk turin min sawm a, mahse ka duhlo a, lawng a thawh dawn chuan hlawh tha zawk mahse zin chhuah reng emaw in sawn ngei ka ngai dawn sia, ka duhlo" a ti a, kan lo in kawm ngeih tawh hlawm bawk nen, kal chu a hreh ve a ni mahna, "aw chutia a hlawh a that zawk te chuan I duh lo mi? " ka ti deuh ha a.









" Duh chu ka duh a, mahse mahni te a awm leh rek rek kha ka peihlo, tuna ka hlawh pawh hi a tam tawk tawh tho a, ka in chawm zawh chuan ka duh tawk mai" a ti mai, eng eng emaw kan sawi zawh hnuah kan room lam veve kan pan a, ka phone chu mut pah in, ka khawih kual ka khawih kual, en tur a awm loh em vang chuan YouTube ah video vel ka en mai mai a.











Dar 9 vel bawr chuan ka phone chu a rawn ri a, chhan awm mang hlei lo in, ka thin a phu deuh dup dup ringawt, a lo call tu chu ka hre chiang hle, a number save lo mah ila, a hma a rawn call Khan ka hre chiang hman hle, "hello" ka ti sep a, lak loh chu ka duh, mahse a aw tal ka hre ve thei dawn a, tiin ka in rin hma in, ka la ta ngawt.









"Bawihi ka ngai che" a rawn ti thawp leh sup a, ka taksa chu a mur deuh er er thei, ka ngawi reng a, a ni pawn sawi tur a hre lo nge a ngawi ve reng tho, "naktukah in hmu ang aw, sawi tur ka ngah lutuk, engkim ka hrilh vek ang che" a ti a, ka la ngawi reng, ka tan chuan ka thian lo ni tawh thin, pasal a ni a, in then mahse a hma in an lo in nei tawh a, ka tan chuan pawm mai a harsa ve a ni.












"In hmu lo ila a that zawk ka ring" ka ti sap a, ka aw chu a tham lek lek bawk, "sawi tur ka nei alawm, in address sawi la, ka rawn kal ang" a ti a, chutia min be duh leh min ngen ta na na chu, naktukah ka rawn thawn ang che, ka ti ta nge nge a, ka dah deuh hmak bawk, ka hmangaih a, ka nem mai ka hlau, hmeichhe awlsam tak anga lan ka duh lo a.











Min ngaih nep phahna tura awm ka tum bik hauh lo, tunah chuan ka ngaidam theilo tih chiang takin ka sawi theilo, ka ngaidam a, ka pawm a nih dawn pawn, tunah mai chuan ka la pawm theilo a ni, ka tan chuan ka mipa hmangaih hmasak ber a ni, ngaihtuah zawm duh lo chuan ka mit ka chhing vang vang a, chutia ka mit ka chhing chu ka muhil daih a ni mahna.











Choka lama thawm ri rek rek vang chuan ka harh a, Remi leh Hlimi in be thawm ka hre nghal zat, sana ka en chu ka meng kawk, dar9 alo ri dawn der tawh, hmanhmawh tawkin, choka lamah ka phei a, an ni erawh hna an kal tlai thin vangin an hmanhmawh lo, kei erawh hunbi nei leh tan hun nei kan ni a, tlai ka duh ngailo.










"awii thawh ka hai dawn te chuan min lo kai tho ve mai tur a nia, ka tlai tawh lutuk" tiin hmanhmawh tawk chuan ka ha ka nawt a, "ehh..... vawiin te chu chawlh alawm, keini thlengin kan chawl vek" an ti hu, eng chawlh tak ni ang maw, ka room ah ha nawhna hmuam vu chung chuan ka lut a, ka phone a massage lo thleng ka en chu kawng an zawh dawn vangin chawlh alo ni.











Ka thaw deuh huai, muangchangin room atang chuan ka chhuak a, "awii hna kal tur emaw ka tia, ka chet buai hman zia kha" tiin muangchang chuan ha ka nawt, ka ha nawh zawh velah ka hmai chu ka phih leh a, room lamah ka hmai chu hru hulin, hmaia ka hnawih chi cream chu ka hnawih nghal zat, " Esi in leng I nei" tia Hlimi ka room kawngka a rawn dak in a tih chuan ka bangbo viau.












"tu nge a in sawi em? " ka tih chuan a in sawi loh thu leh mipa pakhat a nih thu a sawi a, tu tak chu niang maw, ti nuah nuah chungin, room atang chuan kan in zui chhuak a, mahse thuthlenga lo thu vang chuan ka ding chawt, "enge hetah rawn tih I tum" ka ti deuh hmuk a, tun ang zing zingah.









"Ka rawn hmu dawn che, in be lawk ang, reilo te, reilote chiah a ni ang" a tih chuan ka thaw hak, "ti khan lo in be rawh u, dawrah ka va kal lawk ange, Remi pawh a chhuak lawk a, a rawn let trep ang" tiin room ah a purse la in, a chhuak daih, a thutna sir a thutthleng dangah chuan ka thu phei a









"I sawi duh chu sawi vat rawh" ka ti ngat, " bawihi sawi tan mai dan tur pawh ka hrelo, min ngaidam turin ka phut lo che, mahse Maruati nen i kalbo ni khan kan in then a, reilote min lo nghak tura ka tih che kha ila hria em? khami ni khan i hnena lo kir turin ka rawm pan che a, mahse nang chu ilo bo daih tawh a, ka hmuh phak ah i awm ta silo a,









Ka zawng nasa che sin, khang ni tam tak chhung khan khawiah nge i awm ang, i dam tha angem, tih ka in zawt fo thin, ka in thiamlo thin, tunah min pawm theilo a nih pawn ka nghak ang che, i in peih hma loh chu ka nghak ang che, ka beidawng lo" a tih chuan ka thaw hak.








"Ka sawi kha, kan kawng zawh a hran hlak a ni tawh, in kawp thei kan ni tawh lo, nang pawn nangmah hmangaih tu che leh i hmangaih ngei hmeichhia chu zawng la, nei zawk rawh" ka ti a, ka thusawi chu a pawm ve mai dawn emaw tih laiin "ni e, ka tum mek alawm hei, ka hmeichhe hmangaih leh min hmangaih tu neih let tumin, kan ram ka rawn chhuahsan vang vang" tiin a nui suk a, mi melh ran bawk.











Ka run tawk alo tling leh hle "chu a nih si chuan va pan ta che, nge kei min rawn pan" ka ti a, ka melh ram ram bawk, "aw i hriat thiam reng kha bawihi, sawi duah tawh lo mai ang, ka nei let leh ngei ang che, kei Mathew hian ka duh chu ka nei ngei ngei thin, hun a duh rei hauh lo ang" a tih chuan ka ngei zo leh vek tawh, a in dah sang lutuk chu ka chum zawt chak.












" a thleng ngai dawn lo a nih chu haw nal nal rawh" ka lo ti hmak, ka in kuangkuah at a, hmalam ka melh San hmak, "ka nu pawn mo thar a duh tawh a, ka rawn hruai haw ang che tiin ka in tiam tawh " a tih chuan a mah chu ka en vat a, mahse alo nui sawng ka hmuh chuan a fiamthu tih ka hre leh nghal mai.











Min ti thinrim tura lo kal a ang mah zawk, ka mood a chawk chhe vek, "haw vat teh ka zingkar mood i ti down" ka ti hluk a, ala nui ang hawk hawk zui ngei zetin ka ner nawng a, "ka naute, haw te chu ka haw dawn alawm, mahse tunah rih chuan i bula awm ka la chak" a tih phei chuan ka nawr nawk chak tak tak a ni.








"Bawihi tunah chuan nangmah chiah ka nghak tawh che, pathlawi hi pathlawi a nih reng loh nan, i rilru siam fel vat ang che, a nih loh chuan " tiin min melh a, a tawng tawp hmak, " enge a nih loh chuan" tiin ka melh rum a, eng atan mah zuk han ngai duh lo a, "nangmah lo hmeichhe dang ka nei mai ang" a ti a, chutianga tih chu ka hlau ru viau lawi si, mahse tih lan loh tum chuan.










MATHEW POV*



"I duh chuan tunah la La khan va nei hmak rawh" a chhanna vang chuan ka nui lai ka tawp hmak, fiamthin rim a, a thinrim hmel ka hmuh chak chak nen, min chhanna vang chuan ka nui thei tawh der lo, "i tih aiah, ka nghak chhuak dawn che, naktukah i hna kal tur ka thlah dawn che nia" tiin ka ding chhuak a.











A ngaihloh thu a sawi rang hle, "bawihi ka thusawi ka ti ngei ngei thin, ka duh loh dana awm te hi ka ngaithei hauh lo bawk, nawr luih che ka tumlo, mahse kawng dang a awm ngang lo a nih pawn ka hreh hauh lo ang, naktukah chuan ka rawn lam dawn che nia, tui deuhin chaw kha lo ei la, i cher riau" tiin in atang chuan ka chhuak ta daih.










Ka chhuah hma a, a thinrim âng thawm pawh ka hre reng, ka tum loh Dan deuh a ka chet vang chuan ka in hau ru mawlh mawlh, kha ti kha chuan a hel zual ngei ang, ka in control zawh loh vang vek a ni, ka car chu khalh kual in, ka thianpa hotel ka thlen fo tawhna lam chu ka pan nghal a, Zuala rawn chhuk ve ngawt a tum kha a nia.











Tih tur a neih awm ka hriat loh nen, a pawimawh lutuk, a ti meuh mai sia, a hna vang ti dawn ila a ni awm teuh silo, a hmeichhe chhelo thlir duh bak a ni tawp nang, "Bro ka rawn thleng rang i ti em" tia hotel chhung ka luh rual rual a, min rawn be tu chu ka melh a, Remi, Bawihi thiannu nen an lo ding dun ran.










Mak ti zet chuan ka melh dun haw a, "nang ni pahnih hi" ka tiin ka melh tawn chhen, "I ngaih ang kha a ni thlawt lo" an rawn la ti rual zui, "kan pui dawn che a, in pahnih a, hun in hman tam theih nan" Remi chuan ti tha in ti zet chuan a ti a, a ngaihna hi an awm hlawl lo.









Lu thing nghut nghut chung chuan "engtia min puih maw in tum" ka ti leh ngat, ngaihtuahna tha chu an neilo tawp ang, "ele weekend emaw hna a chawlh apiangin, ka rawn len chhuah pui thin ang, chance kan pe ziah dawn cheu lawm, hna a chawlh chuan a chhuak ngai silo a, ka rawn hruai lui thin anga" Remi chuan ti fuh in ti zet chuan a ti a.











Hnial hnial mah ila, an ti dawn tho tih ka hriat vangin, ka hnial duh ta lo, "room ilo book tawh em? " Zuala chuan a ti ta daih a, ka bu nghat ringawt, " okk hei ka room turah chuan lo dah nghal la, Remi hi kan thlah lawk ange " tiin a bag a thawmhnaw a khaina chu min hmeh bel a, an in zui chhuak ta daih.










ESTHERI POV*






In sawh deuh sawk sawk chung chuan room ah ka lut nghal hmak a, ka ril a tam si, ka thiante an lo la haw bawk silo, thinrim sa nen, ka ri deuh bur bur hi a ni mai, ka thil khawih apiang chu ka dah deuh chawrh chawrh a, ka ke pen pawh ka pen deuh sawk sawk bawk, mahse ka ke chu a na deuh vung vung tawh.







(chhunzawm leh tur)
ADD CLICK KHA AW


Show post links
Top