The ambassador daughter BY Judy Chhak Chhuak (Completed)

[Ngaia]

Chapter-1

Aurora Malsawmzuali POV
"Miss Aurora heti lamah" an tih na lamah chuan ka phei ve vat a,midang ho pawh chuan min en duh khawp mai, Mizoram chauh nilo Bollywood movie ah pawh kalo chang ve zeuh zeuh tawh a,min hriat loh chuan mak ka ti viau zâwk ang,a ṭhen erawh chuan kapa vanga min hria an ni hlawm,tûnah hian New York ah sawmna ka dawng avâng in ka kal a, Mizoramah lamah ka let leh vat thung ang,"Miss Aurora kan sawmna te min tih hlawhtling sak thei avang in kan lawm e," min kawm tupa tur chuan ati sup a,akut arawn phar chhuah chu kalo chelh ve vat a.






Ṭhutna tur min kawhhmuh ah chuan ka ṭhu thla a,"miss Aurora a hmasa berin in hmelhriat tir na kan nei ve hrim hrim dâwn ami" atih chuan "aṭha alawm" ka tive sep a,camera ka lama an rawn her chuan ka ṭhu ngil a,zam anga lan ka tumlo hrim hrim hmeichhia mahni lu zo veh vawh tak ka ni a, camera hma ah mai mai ka zam tur anilo,"kei hi Aurora Malsawmzuali ka ni a,min hriat vek tawh ka ring," tih pahin ka nui suk a,"ka bula ṭhu hi actress lar tak mai Aurora ani a,Mizoram aṭang kan sawmna te ngai pawimawh in heti lai thleng thleng ilo kal thei hi lawmthu kan hrilh nawn leh a che" ati sup a.






Zawhna chi hrang hrang te min zâwt a,ka ning hman lek lek ani,kan zawh chuan ka thaw huai thei ,"kan lo va chhuak hmasa phawt ange tih tur kan nei sia,dinner chu kan inhmuh leh hunah kan ei ho mai dâwn nia" tih pahin chu Company lian tak aṭang chuan ka Assistant leh guard te nên kan chhuak a,"miss Aurora eitur i duh em vawiin atân chuan tih tur inei tawhlo" ka Assistant che paw lawh ve em em Ahmangaih-i chuan ati sep a,"angailo e,inah ka ei mai ang,chuan naktukah Mizoramah kan haw nghal ang,insiam ang che " ka tih hnuah car minlo hâwn sak ah chuan ka lut zui nghal a.






"Miss khawi lamah nge" atih chuan ka thaw hak mai,"ka appartment lamah " ka tisep a,ka hnuaia thawk te mah nise vin vak vak ka duhlo ani,mihring ve tho anni a,an rilru tih nat sak ka hlau ve tho,thil an hriatloh chu min zâwt tûrin ka ti fo a,vin vaklo mah ila ka duat hlur lo thung,"miss kan thleng tawh ania" tih ri ah chuan ka meng siar siar a,ka appartment kanlo thleng der tawh kawngka chu min rawn hâwn sak leh thlap a,khumah chuan ka bawk thlawp mai,ka hah ve thei em ani.






"Inthlak la dinner an peih tawh ania" tih ri ah chuan ka hawi chhuak vat a, ka guard Malsawmsanga alo ni,ka khum bulah a ding khawng luah a,a hmui a chip leh hmak tawh anui theilo amawni ka ti hial a nui hmel hi kala hmulo hrim hrim,"aṭha e kalo chhuk ang zu chhuk rawh" ka tih chuan engmah sawi tawhlo in a chhuak zui nghal a.






Thawmhnaw hak nuam thei tur t-shirt lian hnek hnawk leh kekawr bul ka ha a,inhnuaia ka chhuk chuan dinner pawh anlo siam zo vek tawh,"khawnge Malsawmsanga kha" hawi kual pahin ka ti a,"bathroom ah alut lawk a miss" inthlahrun hmel deuhin a ṭhianpa ka guard ve tho Rinawma chuan ati a,ka hnuaia thawk tur te uluk deuha kapa thlan vek anni a,hnamdang an awm miahlo bawk,ka hma a eitur chu ka ei mawlh mawlh a,ka ei zo ka tho tur chu Malsawmsanga nên kan intawk a,ading khawng leh run tawh,asang ṭha si duh se chuan min hmawm thawk theiin ka ring,kei ka lian vak siloa.






"Naktuk a haw na tur vel iti fel tawh em"Hmangaih-i en pahin ka ti a,"aw ti fel tawh e,puber in a private jet in a rawn hruai ang che" atih chuan ka bu ve nghut a,ka phone arik takah chuan kalsawn in ka chhang a,"aw hello pa" ka tisep a,"nubawih naktukah maw ilo haw dawn a" zawi deuhin ati sup a,"aw ni e pa "ka tih chuan a ri sawt sawt a,"nubawih nakinah kalo be leh mai ang che inu a dam ṭha lo a,kan buaipui lawk ange" atih hnuah call a tawp a.






Ka room a ka chho hnuah thawmhnaw vel ka dah fel mawlh mawlh a,inah hian hna thawk awm mahse ka roomah ka luh tîr zen zen duhlo,ka thawmhnaw vel pawh keima thleh fel ngei loh chu ka duhlo,insuk erawh machine in ka su thung,naktuk a hâwn tur vel ka tifel mawlh mawlh a,ka bag ka lâk dâwn chuan ka kiu ka tauh palh a,a ṭek chhuai mai,ka bag pawh a tla ri rum rum mai,chhuatah ka ṭhu sawp niai a,ka room kawngka a rawn in hâwng ri ṭhuai a,ka phu nasa lutuk,ka hawi phei chuan kawngka bulah Malsawmsanga alo din run mai,"ngatinge" tih pahin ka lamah arawn phei a.





"Bag ka lâk tumna lamah ka tisual palh mawle ka ṭha va chhuak rawh" ka tisep a,"eng ber khi nge lâk itum" tih pahin ka bag dahna chu a enkual a,"a maroon rawng khi ka duh a" ka tih chuan a kut khing khat in a la thla nawlh a,chak tak ani,"va chhuak rawh" atih chuan mak ti deuhin ka en reng ringawt a,minlo melh zeuh a.





"Ka room anih hi" ka tih chuan ahmui a chip leh hmak tawh ka bag sawi chu la thla in room aṭang a chhuak a,ka enzui reng ringawt,a che zia hi amak khawp mai,biak lah hian arul tawk te te in min chhang a,bag ah ka thawmhnaw vel ka khung fel zawh chuan khumah ka mu hnawk mai,nileng a pheikhawk sang leh thawmhnaw tight deuh hak reng chu a hreawm khawp mai,"miss" tih ri ka hriat chuan ka meng a,ka chhing leh rang khawp mai,ka mit chu men anuamlo takzet,a chhah tup mai in ka hria,"i Flight tur alo thleng tawh a,dinner pawh kan peih fel tawh e" ka assistant in atih chuan peihlo zetin ka tho ve a.






Ka thawmhnaw vel ka room aṭang ka guard te pahnih in an khai chhuah chu ka en reng a,"miss i hak tur pawh kan peih fel tawh e," ka assistant bawk in alo ti leh a,khum tlângah ṭhu chungin ka melh ngai ka melh ngawt ngawt mai,ka chau takzet ani,mi pangai anga nun hman ve ka chak,engmah lungkham neilo a hun hmang te nitin zantin pheikhawk sang tak tak leh thawmhnaw chhing leh tight zet hak reng te hi ngailo se,kapa Company hnuaiah ka thawk a,tûnah hian movie kal lai shoot zawh loh kan la nei bawk, Mizoram ka haw veleh kan chhunzawm leh bawk ang.






"Miss kan peih fel tawh e" room chhûnga rawn luh pahin Rinawm-an ati sup a, Malsawmsanga erawh ading ngawi leh ngul tawh,ka hmuh tirh ber chuan a ṭawngthei lo amawni ka ti hial,kapa hi ka sawisel na lam nilo se mi hausa be ṭha huam chi ani a, Malsawmsanga aduh viau erawh mak ka ti ang reng ka hmusit na nilo se ka guard ani a,kapa in mi a ngaina zen zen lo a,amak khawp mai,"kan insiam ange lo va chhuak rawh u" ka tih chuan thu awi deuhin an chhuak ve mai a.






Ka thawmhnaw zînga ka hak ngailoh ber kawrfual plain dum simple mawi zet mai chu ka la chhuak a,aman pawh a tlawm hranlo,flat dum ka bun a,ka hmai ka chei thuak thuak hnuah room aṭang ka chhuak a,"dinner chu ka ei lo mai ang,"tih pahin inchung lamah ka chho a,kapa private jet pawh alo awm va tawh,kawngka min hâwn sak chuan ka lut ve vat a,ka mu awn leh nghal duar duar mai,ka meng thei meuhlo ani.





"Miss eitur i duh em" tih ri ka hriat chuan meng mang lo in lu ka thing ringawt a,chaw eilo a ka chuan vang nge ka ni hu mai,a hreawm takzet,"miss miss kan thleng tawh ania" ka assistant in atih chuan "ninawm" tisep in ka meng a,kanlo thleng der tak tak tawh,plane aṭang a ka chhuah chuan "miss Aurora ipa in hruai tûr che in minti a," ka bul an rawn thlen rualin kapa rual vel tur hian ati sup a.





"Awle " ka tih hnuah ka kalsawn a,anni pawn minlo zui vat mai,inlam pana kan tlan lai te chuan pawn lam ka thlir dauh dauh a,plane a ka mut hnem tawh deuh avâng in ka mut pawh a chhuak tawh lemlo,kan inkawt kan thlen chuan hmanhmawh lo deuhin ka chhuk a,ka thlir vang vang a azau in a mawi takzet,"nubawih ilo thleng tawh maw" kapa in rawn chhuah pahin ati a.





"Aw thleng tawh anih hi" tih pahin inchhung lamah kan inzui lût a,"kanu chu enge a an" ka tih chuan a ṭhat tawh thu in min chhang a,"nubawih" zawi sup in kanu in ka lama rawn phei pahin ati a,kalo en reng ringawt,a chêr in a dawldang lutuk "nu i dam tawh tak tak maw" a kuta vuan pahin ka ti a,alo bu nghut nghut thung,hetiang em em a chêr hian ka hmuh ka ringlo,reilo te ka awmbo chhûng in tiang khawp hian a taksa alo chhe chak ania.






"I ril aṭam em nubawih " choka lama min kai phei pahin ati a,"ṭam e engmah kala eilo" ka tih chuan kan nula chu a koh a,"chaw ei lo siam sak rawh" atih hnuah min kai chhuak leh a,a tih ang ang in ka awm tawp,"nubawih acting lam hi i tui viau tih chu ka hria mahse kan fa neihchhun ini a,pasal nei vat la ka duh ani" atih chuan ka nui hak a,"nu nakinah kala nei ve dâwn alawm mahse tûnah chuan ala hma emai" ka tisep a,"tun thut thut ah ka tilo mahse nangmah hmangaih deuh tu che i tawng anih chuan nei hmak rawh an chhûngkua chu eng ang pawh lo nise kei chuan ka pawm vek" ati a.






"Nangman duh mah la kapa in aduh ve dâwn hleinem " ka ti a,"ipa chu ngai pawimawh suh kan fa neihchhun ini a a thlahthlam phal dawnlo che tih ka hria" atih chuan ka chhang tawhlo "chaw kava ei phawt ange" ka tita daih a,pasal neih a hma in a sawi ngai siloa arawn sawi thut kha mak ka ti deuh,chaw ei pawh anlo siam fel diam tawh a,ka ei chiah chu ka dam sawng sawng nimai in ka hria,ka ṭam chhawl lo chauh ani.





"Nubawih chaw eikham ah Company lamah i kal peih angem" kapa in atih chuan lu ka thing vat a,"pa chhuah na tur ka nei a,vawiin chu kalo kallo phawt mai ang" ka tih chuan min hnial bik lemlo,chaw eikham ah ka roomah chho in ka insiam sawk sawk a,ka chhuah leh chuan ka room kawtah ka guard te pahnih anlo awm leh der tawh.





"Mizoram anih hi a hlauhawm loh inlo kal kher angailo ang" ka tih pawh chuan min zui ṭalh a,engtin mah ka ti tawh bik lemlo,ka Company kal peihlo chhuanlam kha ania kalna tur em em pawh hrelo chuan bazar lamah ka kal vel mai mai a,ka hmai ka tuam tlat thung,ka hnungah ka guard te pahnih in min zui run bawk si min en duh khawp mai,mc lam panin kan inzui phei a.





Thawmhnaw vel ka en mawlh mawlh a,ka kalna tur pawh en lemlo in ka phei zel a,mi ka su dawt mai ,"ka tihpalh lutuk" tih pahin ka mask ka siam ṭha a,"fimkhur ta che " tih pahin min rawn pan phei ta mai,mipa rual anni bawk si akut arawn phar chhuak a amah zawk chu a leng ta nalh mai,"vawikhat mah khawih lo tum tawh suh ang che u" hnunglam aṭang Malsawmsang-an ati chang run a,a ban a a thisen zâm alang chiang khawp mai.





"Miss minlo hrethiam la mahse nangmah a ikal chu kan phal tawhlo" Rinawm-an ati sup a,"aṭha e" ka tih chuan min chhang tawhlo,dawr aṭang kan chhuak a,inlam pan a kan inkhalh chhuah dawn chuan "Aurora" tih ri ka hria a,thei leh theilo in ka dâk chhuak a,tleirawl ṭhenkhat in kut an rawn vai lauh lauh a,ṭhenkhat in thla anla bawk chumi kar aṭang a min koh tu chuan ka mit ala chat mai,kum tamtak ka nghah ka hmangaih em em ṭhin Lalawmpuia alo ni "kal vat rawh u" ka tih chuan an tlanchhuak ve vat a.






Ngatinge tûnah arawn lan leh kum tam tak ka nghâk a,mahse ani chuan min phatsan a,mahse tûnah arawn lang leh a,ka hmangaih tawh hauhlo keimah ah pawh nghâwng anei pha tawhlo mahse ka hmu thut kha mak ka ti em ani,in kan thlen chuan kawngka min hâwn sak thlap a,nileng a coat suit nen a inthuam reng chu a ninawm duh khawp ang,"Aurora" Malsawmsang-an atih chuan ka en vat a.





"Enge" ka tisep a,"nihnih vel chawlh ka la thei angem" atih chuan a chhan ka zawt vat a,naktuk leh atûk hi kan Company leh ka pa ṭhianpa te Company inhmuh khawm ni ani a,a chawlh lâk chu a hunlo takzet ani,"tih tur pawimawh lutuk ka nei a,chhungkaw thil ania" atih chuan "awle" ka ti ve sep a,midang an awm tho bawk a,poilo turah ngai ang,inchhung a ka luh hnu lawkah ka phone ari a,ka ṭhiannu high school aṭang a ka kawm tawh Rody alo ni "lar tak vang maia han induh" atih chuan ka nui hawk a.





"I dawheh emai aw nang alawm induh" ka tive a,"awi enteh nubawih Dorothy induh zia hi Sarahi pawh ani tho" atih chuan "nia" kalo tive sep a,ka ṭhian te vek ni mahse Rody nên hian kan inpawh deuh bik a,"ka hman veleh ka rawn kal ang" atih hnuah call adah zui nghal a,"nubawih naktuk kha i theihnghilh hlauh ange" kapa in room a rawn luh paha atih chuan "ka theihnghilh hleinem" ka tive sep a,a chhuak zui veleh nghal mai bawk.






Naktuk a hak tur vel ka enfel mai mai a,ka phone bawk arawn ri leh a,caller id ka en chuan ka assistant alo ni "miss naktuk a i hak tur vel chu i room bulah ka dah tawh e" atih hnuah call adah nghal a,room ka hâwn chuan box hi alo awm a Ahmangaih-i dah ani tih ka hre nghal mai bawk.





Khumah mu chungin thil ka ngaihtuah rauh rauh a,ka pawisa vanga min kawm der tu leh min hmangaih der tu tam tak karah hian min hmangaih tak tak tu engtik ah tak tawng ve ang maw,"nubawih tho tawh rawh" kanu in atih ri ka hriat chuan ka thu chhuak ve vat a,nizan khan kalo muhil tlang daih ani ngei ang,"insiam la kal hma kan ngai dawn ania" atih chuan washroom lamah ka lut ve vat a.





"Inlo thleng thei chu a lawmawm hle mai" kapa ṭhianpa chuan tih pahin min chibai a,"Aurora kan hre lutuk che alâwm,i channa hi enloh pawh kan nei manglo," kapa ṭhianpa nupui in alo ti a,a hming pawh kala hrelo,"ava lawmawm ve" nui sang in ka tive sep a.






"Khawnge Bawiha chu" kanu in hawi kual pahin ati a,"alo thleng ve tep ang," atih hnuah kan ṭhu thla a,"e hei alo thleng chiah alawm" tih pahin an ding hluai a,kei erawh phone ka khawih daih thung,ka ngaihsak lemlo,"nubawih i hriat tawh tho ka ring a Malsawmsanga " kapa in atih chuan rang deuhin ka hawi phei a.





"Malsawmsanga" ka tisep a,mak ka ti lutuk "ani te chu ka ka" ka sawi mai theilo,mak tihna hlirin ka khat "mak iti viau animo,i guard ni ṭhin Malsawmsanga anih hi nubawih ani hi ka mi rin lutuk ani a,hna alo zawng kher bawk nen nangmah veng tûr che in ka ti ta a,"kapa in atih leh phei chuan mak ka ti lutuk ringawt,hei vang hi ani ngei ang alo ngainat em em chhan.





"Nubawih in chibai ve ula" kanu in atih chuan ka kut ka phar ve vat a,ka kut arawn hum lum vung vung mai,"ṭhu ang u" antih chuan kan ṭhuthla ve vat a,puitling ho in thil an sawi khawm a,ka nin deuh avâng in pâwnah ka chhuahsan ta daih a.





"Mak iva tih hmel ve" ka bula rawn din pahin Malsawmsang-an ati sup a,a thil inkah rim chu kalo hip lût vawng vawng mai,"nia amak alawm " ka tisep a,anui suk thung,a dan ngaite bawkin coat suit dum hlap aha a,a inhmeh leh takzet,eng vanga hepa ringawt ngaihtuah nge ka nih,ka hmaah a ding run a,ṭawng miahlo in kan in en ta reng a.





A aw a thian kharh kharh hnuah a hawisawn a,"natinge engmah i sawiloh a ahma khan" ka tih chuan "ka sawifiah peihlo" ati sup a,a hmel hmulo ila chuan a thinrim amaw ka ti hial ang,"Malsawmsanga" tiin ka phûn leh sep a,"enge" arawn ti leh sup a,a hre pha ani ngei ang,a beng avan ṭha em em.





"Engmah mawle" ka tih chuan anui leh suk a,"nubawih " kanu aw ri ka hriat chuan chhan tumin ka kâ ka ang zuau a, Malsawmsang-an ka bânah arawn pawt a,bang chêp deuh kârah min luhpui ta daih mai,"bengchheng suh" ati sup a,keipawh ngawi rengin ka awm a,bang a chêp bawk si kan taksa a insi lo theilo.





Kanu ten min koh ri pawh chu kan hre reng,engvang a biru ve ringawt nge maw kan nih le,kan taksa a insi reng bawk si anuamlo duh takzet,hnuailam aṭang ka pumah min do run mai,"enge a" ka tisep a,ka enchho chuan hmun dang alo melh daih thung,"che tawh suh" atih chuan ka tawp ve mai a,ka kut a thak bawk si nen ka chelo theilo,a thaw hak a,"che tawh suh ka tih kha" atih chuan "ka kut a thak alawm" ka tive hlar a.





Ka kut ka hiah zawh hnuah ka in siam ṭha leh a,ka ban tawn tawn ah rawn vuanin min chawi kâng lawp a,ka hmuiah arawn fawp ta mai,ka khawng luah in ka hria,duhthawh zetin arawn fâwp a,engmah tih nachang ka hrelo,hnuailam in min do run bawk si anuamlo duh takzet,min chûl kual ruai a,ka taksa chu ka thunun zolo,min thlah hnuah bangah a kut pahnih in a in nem khalh run a,a thaw leh hak thin a,a sam aṭang a thlan a rawn fâr fep fep bawk.





"Theihnghilh rawh" atih hnuah a chhuak zui nghal a,ka ding reng ringawt,a rimtui inkah chu ka taksa ah akai ve hialin ka hria,kava chhuah ve chuan kanu te pawh anlo la awm a,"khawnge ikal daih a,kan zawng nasa lutuk che alâwm" kanu in min hmuh veleh alo ti a.




"Bathroom ah ka kal lawk a" ka tih chuan Malsawmsang-an ngunthluk zetin min en a,"kava haw hmasa phawt ang eitur ei ngei ngei la aw ipum in a tuar palh ang " kanu in atih chuan ka bu ve nghut a.




"Kan ṭan dâwn tawh ami " kapa in atih chuan ka bu ve nghut a,movie shoot na lam turah kapa te nên kan inzui phei a,"i scene tur hi lo en nawn rawh" kapa in script min rawn pek pah hian ati a.





"Awle ṭan tawh ang u le," kut ben thawk thawk pahin director in ati a,keipawh ka phei ve vat a,kan shoot chhûng zawng in Malsawmsang-an min melh run a,ka lak aṭang a mit a la sawn lo hrim hrim.





"Vawiin atân chuan kha zawng kha ni rawh se," director in atih chuan ka lawm takzet,ka ning tawh êm ani,"Aurora awi a takah hian ka hmuh che ka ring ngailo,khawngaih in thla min lakpui thei angem" hmeichhe tleirawl te pakhat hian alo ti a,"awle" nui sang in ka ti a.





"Ka lawm e" atih hnuah ka kalsawn a,"miss vawiin atân kha zawng kha ani e" ka assistant in atih chuan ka bu nghut a,"ila haw dawnlo ami chawlh i lâk kha" Malsawmsang-an min zui reng takah chuan ka ti a,"ka thlah phawt ang che" atih hnuah motor kawngka min hawnsak a,ka lut ve nghal mai bawk.





"Malsawmsang ding lawk teh" ka tih chuan a ding ve mai a,ka chhuk nghal rawk rawk mai,"Rody" ka tih chuan a rawn hawi ve vat a,min hmuh chuan mak tihna in a khat "awi!!! Engtin nge engtik ah nge ilo haw a" ati hluai a.




"Tih tur inei em" ka tih chuan abu nghut a"apawi e ka bialpa nên kan inhmu dâwn a" atih chuan ka nui hawk mai,ala ler reng anih dawn hi a bialpa hi kâr tin a thlâk ka timai "va kal rawh anih chuan keipawh kan kal ange" ka ti a,ka hmanhmawh ru takzet.





Hnunglam ka hawi chiah chu ka in tauh dawt mai,Malsawmsanga alo ding leh run tawh,"ngatinge engmah sawilo in i din ringawt zel a hahthlâk emai" ka tih chuan a ngawi leh ngul tawh nichin lawk a thil thlen vang nge a mitah ka en ngam miahlo.




"Lût la" motor kawngka hâwn paha atih chuan ka lut ve mai a,side glass aṭang min en leh zuk zuk ṭhin tih ka hre reng,ka en ṭha ve ngam tawhlo reng reng,in kan thlen chuan kawngka ka hawn hma in rang deuhin arawn hawng a.




Inchhung thleng in min zui lut ta zêl a,chawlh ka la dawn ati ve sia pawilo turah ngai ang,"nubawih ilo haw tawh animo,Malsâwm ilo kal ve a," kanu in ati a,Rinawma pawh ngawi ngul in a ding reng a,an ṭhian dun hi an mizia a in ang reng,"inchhung leh zêl ah chuan min vêng angailo ang"ka tih chuan an lo tiṭhang tawh bawk nen an lai vêkin ka hria an ṭhian dun in an in en leh ṭhin a.




"Ṭhu rawh u " kanu in atih takah chuan an ṭhu thla ve mai a,ka phone phawrh chhuakin min chei tunu chu ka call a,"Mahlim nail extention tih ka duh a in lamah rawn kal ta che" ka tih chuan alo aw ve mai a,a lo thlen har loh tur thu a sawi bawk.





Vawiin kan shooting kan zo hma bawk nen tih tur em em hrelo in ka vei kual sek a,tih tur a awmloh hian ka awm thiam tawhlo zawk, Malsawmsanga chuan min en leh ngur tawh,Mahlimi nghah pahin phone kalo khawih mai mai a, message pawh atam leh tawh khawp mai,ka en vak ngailo thung,mi biak hi ka peih hlollo ani.





"A haw theih tawh ania aw duh chuan" Rinawma te en zawk pahin ka ti a,anni pawh an awm rei hran tawhlo,an chhuah hma a Malsawmsang-an ka kut arawn tawk zauh chuan ka phu zawk mai,a tilui nge a ti palh tih ka hrethei lo,a hmel lah hi atum reng mai bawk si,rawn hawi let pahin anui suk a,a mizia hi amak khawp mai.




"Kalo thleng " tih pahin Malhlimi arawn lût a,a rawn pai lut nawk nawk mai,"awi awi awi kanu " tih pahin arawn tlu bawkkhup thlawp mai,Malsawmsanga nui hawk ri pawh ka hre pha.





Atawi viau mai,chapter-1 chiah na ni sia ka ti sei vaklo chuan cgapter-1 hi chu an boring deuh rih ang aw next chapter hi zan lamah emaw zing lamah kalo dah leh ang aw ka regu viau dâwn bawk nia


Show post links
Top

[Ngaia]

Chapter-2
Aurora Malsawmzuali POV
Ka nail leh eng eng emaw an tih zawh hnuah roomah ka chho a,ka phone arik chuan ka la vat a,Malsawmsanga alo ni "aw" ka ti deuh tawp a,"Miss ka hnaah hian ka ban angai,i hre tawh tho a kapa a dam ṭha lo a, Company hi ka enkawl angai a,naktukah paper nen ka rawn kal ang" atih hnuah call adah a,ka phone chu ka en tawp ringawt.





Zankhua chuan ka rilru ah Malsawmsanga ringawt a awm a,a chhan ka hre biklo, ngaihtuah loh ka tum pawn ka thei bawk silo,"pa ka chhuak lawk dawn ania" inhnuai a chhuk pahin ka ti a, "nubawih heti lamah lo phei phawt teh ipa nen hian sawi duh kan nei a" kanu in atih chuan ka phei ve mai a, a bula ṭhutna ben thak thak pahin "lo thu teh le" ati a.





"Enge nita a" ka sam sei tak hmalam a dah thlâk pahin ka ti a,kanu leh pa te chu ka melh zeuh zeuh bawk "nubawih acting lam hi itui in nuam iti viau tih chu ka hria mahse i upa ve zel a keini pawh tar lam hnaih ve zel kan ni a,tu hmel hmuh te pawh kan chak ve tawh a pasal nei la kan duh ani" kapa in ati dap dap a.





"Pa tunge maw ka neih ringawt ang le ka hmel duhzawng pawh kala tawnglo a,ka duh hunah te chuan ka neive mai ang chu hmuzo lo te chu ka ni bik hleinem" ka tive dap dap a,miin ṭha deuha min hrilh chuan vin ka tum hranlo,"nubawih ka ṭhianpa fapa fel dêuh mai a awm a,chupa nen chuan innei ula kan duh ani,in inneih ni tur pawh kan ruat fel vek tawh a,amah nên pawh inhmu ula kan duh ani" kapa in atih chuan ka meng phâwk khawp mai.





"Pa ka hmelhriat loh leh vawikhat pawh kala hmuloh chu pasal ah min neih tir ngawt theilo ang" aw lawi rât in ka ti a,pasal nei tûrin kala inpeih lo ani,ka mittui a tling piau tawh,"amah chu i hre lutuk alâwm nubawih mahse in inhmu anga inla inhre zel mai ang" atih chuan ka ding hluai a,"pa in tih dan hi ka lungawi miahlo min rawn hmasa lek lo in ka pasal tur inlo tifel vek a " ka tileh a,kanu in minlo khap pawh chu ka hmulo der hmak,"nu pa ka zah lutuk che u ka lei Pathian inni a ka tan chuan in hlu lutuk awm lo ula chuan khawvel eng pawh hi ka hmulo ang Mahse tuna in thuthluk na kher hi chu ka pawm theilo ani pa" ka tisep a.






"Nubawih tih theih a awm tawhlo,ipa te hian an tifel vek tawh si a.." kanu in ati a,ka roomah tlanchho in ka inkalh khum hmak a,khumah ka bawk thlawp mai,ka mittui bawk arawn hnam leh tawh ka hmangaih ber nen chhungkua kan din dûn ang tiin kalo suangtuah ve ṭhin asin Rody number chu hmet chhuakin ka call a,"aw nubawih" a lâk rualin alo ti a.





"Rody naktukah kan inhmu lawk dawn ami hrilh duh che ka nei a" ka tih chuan "awle khawiah nge ni ang" alo tive sup a,"ka hrelo kalo hrilh leh ang che mi tlemna lai tur velah animai" ka tih chuan alo "aw" ve mai a call pawh chu ka dah leh nghal a.






Hlimna ringawt ka nunah a rawn thleng thei biklo,lungaih chang leh lungawi loh chang te chu tu nunah pawh thleng tur ani mahse tûnah chuan ka nun pum nghawng thei thil ani dâwn a,engtia tih tur nge leh engtia hma lâk tur nge ka hrelo ani,pasal thlan uluk loh chuan kan nun pum hreawm thei thil ani tih ka hre ve a,ka chhûngte rorêl dan ah hian kava han lungawi lo tak em,mahse hnial in awmzia a nei dawn siloa.





"Nubawih inti harh la chaw tal chu lo ei teh nizan ah lah i ei tawh bawk siloa" kanu in ka sama rawn chul paha atih chuan ka meng siar siar a,nizan ah kalo in ngaihtuah muhil ani ngei ang,"nu ka ei chak lo emai,ei hmasa mai rawh u" ka tih chuan min khawngaih hmel deuh hian min en a.





"Nubawih kan fanu kan neihchhun liau liau ini a,tuna i pasal tura kan tih pawh hi mifel tak ani,i hmuh hunah chuan nang pawn mak iti maithei,inu leh pa hian itan a ṭhalo turin engmah kan ti duh dawnlo tih ihre dâwn nia" atih hnuah min chhuahsan a,vawiin shooting tur pawh chu phûrlo tak kani.





Ka insiam zawh ah darthlalang ah ka in en a,ka mit chu tlemin a bui deuh a,ka makeup in a hliah thei hlauh zawk a,vawiin chu makeup ka hmang chhah deuh bawk nen alang vaklo,inhnuaia ka chhuk chuan kanu in "eng emaw tal ei rawh i chau lutuk ang " atih chuan eitur ka hmuh hmasak ber chu ka ei hmawk hmawk a,ka puar leh puar loh pawh ka hrelo,"ka kal ania" zawi sap-in ka ti a.






Motor ah ka lut chiah tih ah ka phone ari a,Rody alo ni "aw dy" ka tih chuan "engtikah nge inhmuh chu iduh a" alo ti var a,Rody anga thawveng leh lungkham neilo nih hi ka chak,a nun chhûngril leh a harsatna te chu hriatpui kherlo mah ila a nun hi a awh awm ngawih ngawih midang hmuh ah hlim hmel apu reng thei te hi a fakawm ka ti zawk.





"Shooting zawh ah i hman chuan kalo hrilh leh ang che" ka tih chuan "vawiin chu ka free lutuk i duh hun hunah animai" alo ti a, Company kan thlen tâk avâng in call ka dah vat a,"ilo thleng tawh maw aṭha e,kan ṭan nghal mai dâwn ami Aurora " director in min rawn titih deuha atih chuan ka bu ve nghut a.






Shooting kan neih lai erawh chuan ka lungaihna ka lan chhuah tîr duhlo a positive zawng hlirin thil ka ngaihtuah a,shooting tih ṭhat theihloh ka hlau ani,kan zawh veleh hmanhmawh ru deuhin ka inthlak a,ka hnungah guard ho in min zui ve dat dat a,ka ropui ve hmel lutuk,Malsawmsanga arawn kal tawh lo va a aiah guard pahnih kan lâk belh a.





"Dy in inah ka rawn kal mai asin itan chhuah a buaithlâk ang" ka tih chuan "pawi hleinem ka nau te nên chiah kan awm tho a lo kal rawh" ati ve vat a,kal paha call hmang ka ni bawk nen ka kalna kalo en siloa ka tlu ṭhuai mai,ka khup ana ve vawng vawng thei,midang nui ri hawk ka hriat te chuan ka thin an tirim "mi chesual an nuih ngai ami,ka ban nghal vek loh ah che u " ka tih chuan an kâ an chip hmak a,ka mood a off bawk nen ka vin khur khur reng mai,"mi chesual leh tihpalh an nuih ngailo."






Motor chhûng a kan luh chuan ka thaw hak thei,ka chau vel vek mai,engkim hian minti chau,kalna lam tur vel ka hrilh hnuah kan tlanchhuak a,"miss khawilai tak nge" antih chuan ka dâk chhuak deuh a,"kawng thlang lamah chhuk rawh" ka tih chuan a chhuk ve mai a,"khatah khan ding rawh" ka tih hnuah hmanhmawh deuhin ka chhuak a,"ka haw dawnah ka rawn call leh dâwn che u ania in phone kha vawikhat call a lâk theih mai turin dah ang che u" ka tih hnuah ka kalsan a.






Kawngka ka kik kharh kharh a,mi inhnuaia awm an nia an in pawh aṭha em em lo,"ilo thleng tawh maw minlo hrilh siloa" Rody-in atih chuan "ka hre tho alawm " ka ti a,"lo lût la" tih pahin kawngka ka luh theihna ahawng zau a,"awi Aurora kan inah te ilo kal awi amak e" anau chuan ati hluai a,ka nui ringawt.





"Awi anuam e thla minlo lakpui" atih chuan ka bu ve nghut a,"ka duh zia che chu awi ka ṭhian te bulah ka inti thei ngawt ang" ati leh a,"amak emai ti khan ti chung chung zel suh Vanlalnghak Rody in atih chuan ka lo nui mai mai a.





"Lo kal rawh ka roomah " tih pahin min kai a,"enge min hrilh tur chu" atih chuan ka aw ka thian hmasa te te phawt a,"Rody pasal ka nei dâwn" ka tih chuan anui hak a,"ava lawmawm ve nang meuh in pasal ineih dâwn chuan fatu leader ah ka ṭang dawn chiang lutuk" atih chuan kalo khap vat a.






"Mahse ka duhlo kanu ten ka hriatloh in anlo zawng a tlanbo daih mai ka duh" tukverh a dah pahin ka ti a,thlifim in min chhem pawh chuan ka hahdam thei meuhlo,"ngatinge chutiang a an tih a,i pasal tur chu i hmu tawh hrim hrim em" atih chuan lu ka thing a.





"Hmu ve phawt la nubawih tlanbo chu aṭha ka tilo" atih chuan chhanglo in pawn lam ka en vawng vawng a,"nubawih mahse i thu thu ka tilui lo che" atih leh chuan ka thaw hak a,ka chhungte in nghahna ka ni ve bawk si a.





"Lo leng leh rawh aw chuan chanchin minlo hrilh leh la" Rody-in atih chuan ka bu nghut a,kan tlanchhuak zui nghal a,"ngatinge Malsawmsanga khan ban na a theh luh i hriat pui em" Rinawma en pahin ka ti a,side glass aṭang min rawn en zawk zawk a.





"Aih hrelo miss" atih chuan ka zawt zui tawh bik lemlo,in kan thleng a,kan in chu pawn lam aṭang ka en vang vang a,"nubawih ngatinge i din reng lut ta che" kanu in pangpar tui pekna khai pahin ati a,"nu hna thawk ve tawh suh ka tih kha nangmah lo pawh ti tur an tam lutuk" vin lek lek hian ka ti a,"aho emai tih tur a awmlo em a, ka pe ve mai mai alawm,engmah a dang tih i phal bawk silo" atih chuan inchhung lamah ka kai lût a.





"Mali" ring leng lawng a ka tih chuan kan nula pawh arawn phei vat a,"kanu hian eng pawh tih atum anih chuan lo dang zel tawh ang che,midang pawh lo hrilh rawh a tih luih pawn chhuhsak zêl ang che u" ka tih chuan "awle miss" ati ve sep a,"nu hetiang te chuan pasal pawh ka neih san ngam dâwn hleinem che" ka tih chuan anui hak hak a,"nubawih lungai suh pasal ineih phawt chuan engmah ka ti tawh lo ang" atih chuan ka en tawp ringawt.





"Ka han in tifai ange" ka ti ta ringawt a,ka pasal neih ni tur lah a hnai tawh ropui si thla leh ni 15 ah hian pasal ka nei ve tawh mai dâwn chu ani sia,shower in ka inphuh tir seng seng a,ka hahdam huai huai mai,chaw kan ei laiin kapa in "nubawih naktukah i pasal leh a chhungte zanriah ei tûrin kan sâwm a khawiah mah lo chhuak suh ang che shooting pawh naktuk ah in neih dawn loh kha" atih chuan ka hnial biklo,hnial in awmzia a awm dawn siloa,peihlo viau mah ila ka duhloh zia lantîr erawh ka tum hranlo,an sual te anih loh chuan.





Zanah movie vel laptop ah mut pahin ka en mai mai a,ka phone message tone pawh a ri deuh ngar ngar a,ka nin deuh avâng in ka silent ta ringawt a,number lawng aṭang a min be tawk lah banglo ka number an neih dan pawh hi ka hre hrep lo ve,sana ka en leh zeuh zeuh thin a,dar sawmpakhat thleng movie ka en a,ka mut fel meuh chuan sâwmpahnih a ri fel der tawh.





Ka alarm ri bengchheng zetin minti harh a,dar sarih ari der tawh,vawiin ah shooting na lamah kan kal dawnlo bawk nen muangchang in ka tho chhuak a,ka intih fai hnuah phone ka khawih leh te te a, bathroom ah lutin ka thawmhnaw bal ho machine ah ka nuai tîr a,room aṭang ka chhuahsan nghal a,amah in a in off theih avâng in ven reng angai lemlo.





"Miss chaw ei kanlo siam dâwn che ami"Mal-in atih chuan ka hawi kual a,"kanu te an ei tawh ami" ka tih chuan a bu nghut a "min lo siam rawh" chair pawhchhuah pahin ka ti a,phone ka khawih nghal zât bawk a.





Chaw ka ei mawlh mawlh laiin Sarah-in minlo call a,"hey misualnu ngatinge engmah min hrilh ve loh a,Rody ṭang vêkin kan hria a, vawiin ah kanlo kal dawn inah lo awm rawh" arawn ti nghal lawng lawng a.





"Awle lo kal ula ka hrilh dawn che u ania" ka tih hnuah call ka dah a,ka kut sil faiin roomah hmanhmawh deuhin ka chho a,ka thawmhnaw ka spin leh tête a,ka pho chhuak leh a,ka zawh meuh chuan dar sawm ari der tawh,ka room vel ka tifel thuak thuak a.






"Nubawih i ṭhiante anlo kal ania" inhnuai aṭang kanu in ati lawng lawng a,"kalo chhuk" tih pahin room spray ka kap leh phawt a,inhnuaia ka chhuk chuan "awi!!!i sam chuh" Dorothy-in ati nghal hluai a,ka sam arawn khawih chuan akut kalo dahthlak sak vat a,"i sam khawih ila duhlo reng animo,i ti danglam hi mak ka ti engtin nge itih theih zawk a,i sam tuma khawih i duh siloa i chhûngte lo chu" atih chuan ka nui hak a,"keimah in ka ti tihna animai alawm" ka tih chuan a ner nang nang mai.





"Roomah chho ila" ka tih chuan "awle" an tive mai a,ngawi rengin kan ṭhu deuh vang vang a,kan inhmuh lohna arei tawh deuh bawk nen sawitur kan hre mailo ,"engtin maw i pasal tur vel chungchang chu" Sarah-in ati a.





"Rody hrilh ang che u kha animai" ka tih chuan an bu ve nghut a,"pawi ka ti e mahse pasal neila ka duh pui tho che sia" Dorothy-in ati hluai a,"a hmel i hmu tawh em"atih leh chuan lu ka thing nar nar a,"a hmel te hmu ve phawt la i duhzawng tak pawh alo ni maithei a" atih leh chuan "hmu dâwn e tlaiah zanriah an rawn ei dawn alâwm" ka tih chuan an phur ru takzet tih ka hria.





"Thla lo la rawh aw kan hmu ve duh ania" Rody-in ati a,a phur zia a thup thei meuhlo,ka ṭhiante phur ang hian phur ve thei ila chuan hmuh pawh ka huhphurh em em lo tur ania,khumah mu thla hnawkin "kan inneih ni tur lah a hnai telh telh mai sia" ka tisep a.





"Lungai suh nubawih i nu leh pa hi ring tawp la i ṭhatna tur chiah an duh dawn tih hria la,an duhdan chu zawm tawp phawt rawh " Rody-in ati ve sep a,midang pawn an pawm khawp mai,ka lam a ṭang tura ka rin ve ber ten ka chhûngte lam an ṭang tlat bawk si.





"Kanva haw phawt ang hna thawh tur la nei kan nia sia,ṭhiannu milar neih hi anuam e" Dorothy-in atih chuan a mawngah ka beng thawk a,an tlan liam thleng chuan ka thlir ta reng a,kan school kal lai vêl kha mitthla ah alang uar uar mai,ka ngai ve takzet ani.





"Nubawih han inti fai rawh mikhual ho pawh anlo thleng tep tawh ang" kanu in atih chuan phur lo deuh chungin ka inti fai ve mai a,ka mood te chu a diklo vêkin ka hria,ka inbual zawh ah cream vel ka inhnawih thuak thuak a.





Inhnuaia ka chhuk chuan kan mikhual tur te niâwm tak chu kanu leh pa te nên anlo inkawm a,"nubawih heti lamah lo phei teh " kapa in atih takah chuan pehhêl reng theih ni tawh heklo,ka phei ve hna hna a.





"Nubawih heihi ka ṭhianpa leh a chhungte an nih hi" atih chuan a hawina lam chu ka hawi ve mai a,"ehe!!! malsawmsang" ka ti hluai mai,mak ka ti tulh tulh "nubawih heihi i pasal tur Malsawmsanga anih hi" kapa in atih leh phei chuan heart attack in ka tlu lo chuah ani.





Malsawmsanga erawh chuan mak atih hmel vakloh,min en ngur ringawt a,"awi Aurora a takah i hmelṭha leh zual anuam e,milar monu kan nei dâwn ania" hmeichhia la tleirawl hmel tak hian alo ti a,"heihi Malsawmsanga te unau zînga te ber anih hi,Judy-i" kapa bawkin ati leh a,"unau pali an ni ṭhin a,an upa berin nikum hmasa khan a boral san a, apawi tak tak ani"kapa bawkin ati leh a.





"Lo ṭhu la nubawih ding reng lo khan" kanu in atih takah chuan a bulah ka ṭhu ve mai a,a unaunu pakhat zawk erawh chuan melh pawh min la melh eihlo hrim hrim ,a phone bak a ngaihtuah lo,"in hriat ang in ṭhianpa Aurora-i hi kan fa neihchhun liau liau ani a,i fapa Malsawmsanga hi ka ring tawk a chuvang a neih tir duh pawh ka ni, ṭha takin inlo enkawl ngei ka beisei" kapa in atih chuan "tehreng mai ani te chu kan fanu ang mai alawm anih" Malsawmsanga nu in alo tive sep a.





"Zanriah pawh an peih fel tawh ang kan ei mai dâwn emni" kapa in atih chuan an hnial lemlo,chaw te chu ka ei hleithei meuhlo,eng vanga Malsawmsanga kher hi kapa in thlang nge anih ang,a unaunu Maria-i pawn min melh leh zeuh ṭhin a,min ngainat hmel vakloh,"Malsâwm nubawih nangni pahnih pawh in hre chiang zêl ula in pawh taka awm in tum hram hrâm dâwn nia"Malsawma pa in ati sup a.






Hetiang a innei tura min force tawh hnuah engtin nge in ngaih taka kan awm theih an rin reng reng ni,Malsawmsanga pawn inneih na hi a duh bik ka ringlo,engmah sawilo mahse a mizia hi ka hre ve deuh tawh ,ka hnuaiah a thawk rei ve em ani,a ngawi chet chet a,a ngaihdan a nihloh chinah erawh a nawrluih theih hauhloh,chaw kan eikham veleh bathlar lamah thlifim dawng tûrin ka chhuak a.





"Inneih na hi iduh loh chuan ka duhlo ti tawp rawh" tih ri ka hriat chuan ka hawi vat a,Malsawmsanga alo ni,"ka duhlo khawp mai mahse ka chhûngte ka nawrlui thei silo anih hi mipa zawk inia i thu pawh an ngai pawimawh deuh zâwk ang chu" ka tih chuan ka bulah arawn ding ve a,a dan ngaite bawkin a rimtui leh khawp mai.





"Ka thei biklo" ati sup a,hmalam melh ngur pahin a kut pahnih in kan hma a railing chu a vuan a,a kuta a thisen zâm pawng ṭawlh ṭawlh pawh chu ka hmuh hmaih hauhlo,"nubawih min nei mahla i hlim chuanglo ang" min en chuang miahlo in ati sup a.





"Ka duh vanga nei turah che min ngai ami" ka tih chuan anui hawk a,aza lo tih erawh ka hrechiang hle thung,"ka pawisa hi ami i duh a,actress lar tak ini a,ipa lah mi hausa Ambassador fanu ini a,mipa pawh duh duh i thlang thei ang chu "atih chuan ka en tawp ringawt.





"Nubawih in ngaihtuah chiang rawh, hmangaih ka nei Lydia-i lo chu ka thinlung ah tu hmeichhia mah an lenglo" ati leh sup a,"huh min puh vek tihna ami ka neih duh che i ring em pawisa ah lah ka buailo nasa mai sia i mizia lah hi ka type i nilo ropui si kapa vang chauh a hnaih lui hrâm hram che ka nih hi lo hre rawh" ka tih hnuah ka inher hmak a,ka kal dawn chiah tih ah ka bânah nghet zetin Malsawmsang-an arawn hmer a,ana lek lek ani.






"Malsawmsang min thlah nghal rawh iva zaktheilo ve" ka ti chuan anui suk a,"i hnuaia thawk thu i pek theih ka ni amaw ila ti ami,tûnah te chuan ka duh duh ka ti thei tawh ang chu" tih pahin min melh kual dan dan a,ruih nei a ang ka ti "zaktheilo lutuk" ka tisep a.





"Nubawih" ka nu in arawn tih takah chuan min thlah ve mai a,"hetah inlo awm daih animo " kan bul arawn thlen rualin ati sep a,"aw nu enge nita" ka tih chuan "eng nilo e, inbo ta daih sia ka rawn kal mai mai mawle" ati leh sep a.





Inchhung a kan inzui luh hnu rei vaklo ah Malsawmsanga te pawh an haw a,nizan ka mu ṭha theilo bawk nen ka thinrim bur mai,"roomah ka chho dâwn" ka tih hnuah kanu te min chhânna pawh nghak tawh lo in ka chho a,thla aral ve zel a,kan inneih ni tur pawh kar khat chiah in min dang tawh,mo kawr pawh designer Sangte-in ka pual liau liau in min ṭhui sak a,ka pasal nei tur chu a thang chak khawp mai Malsawmsanga nen pawh mi kawr kan en ni bak kha kan chhuak dun leh tawhlo.






"Aurora ka lawmpui a che mahse ka theihnghilh thei tawh ngailo ang che ka thil tih sual avang in ka inchhir a,mahse ka phu lo lutuk che tih ka inhriat phah" tih message Lalawmpuia ṭanga ka dawn chuan mit ka chhing vang vang a,hepa hi engvang in nge ka nun ah arawn in lan leh a message pawh chhanglo in ka seen ringawt a.





"Awi nuam e milar ṭhian neih hi chu" Rody chuan ati leh hluai ṭhin a,naktuk kan inneih ni anih tawh avang in kan ṭhian ho in kan riak khawm a,mo ṭhianah ka hmang dâwn bawk "nubawih pasal inei dawn tho tho a,in tih hlim tum hram hram rawh" Sarah-in ati dap dap a,"ahar em ani nimin te khan ka ṭap ṭep naktuk phei chu ka huhphurh leh zual,tun hun hi ral theilo se ka ti takzet" ka ti sep a.





"Nubawih a harsa ngawt ang mahse nangma tan vek ania Malsawmsanga hi misual ani in ka hrelo,ka duh pui viau tawh zawk che" Sarahi bawkin ati leh a,"mu hma ang u zing thawh hma angai dawn si" Rody-in atih takah chuan khumah ka lawn ve mai a.





"Awi monu ka hmuh tawh zawng zawng ah i hmelṭha ber " ka ṭhiante chuan an ti leh hluai ṭhin a,ka in en chuan keipawn nalh ka inti ve viau mai,ka hmangaih ber nen a kan inneih ni tur ni phei se chuan ka hlimna a va famkim dawn tak em,"awi ka fanu iva han nalh tak em angel ang mai alawm inih" kanu in ati ve sep a,a hlim zia chu hai theih rual anilo,kanu leh pa te hlimna hi ṭawmpui ve thei ila ka ti takzet.





Biakin lam pana kan kal laite chuan ka thin a phu dut dut a,mipui an tam dâwn si keimah vanga ram hrang hrang aṭang a rawn kal te pawh an tam khawp mai, min lawmpui tu te ṭha hnem viau mahse a monu ber hi ka hlim silo a,biakin ah kapa in min kai lût a,ka pasal nimai tur Malsawmsanga kuta min hlan te chuan ṭah vak mai ka chak,ka kutah nghet zetin arawn vuan a.





"Ka tiam e" ka tih lai te chuan ka mittui a tling piau a,midang chuan lawmna mittui emaw an ti ngei ang kan chhungte leh ka ṭhian te lo chuan ka harsat na te min hriatpui siloa,thla min lakpui tu chu ṭhahnem tak anni ka pasal Malsawmsanga te in a ka lawi luh te chuan tlanbo nghal rum rum mai ka duh,"nubawih i in ang chiah in i en dâwn nia aw" kanu(Malsawmsanga nu) in atih chuan ka bu ve nghut a.


Show post links
Top

[Ngaia]

Chapter-3


Aurora Malsawmzuali POV
Zing ka thawh chuan ala hma viau mai,nimin lam kan chau bawk nen mut a tui duh khawp mai, Malsawmsanga erawh sofa ah amu thung,Pathian leh kohhran hmaah thu tiamin nupa kan ni tawh a,bialnu pawh nei mah se ka ti buai tho tho ang,ka pasal ani a ka pasal chu ka ta chiah midang in min ṭawmpui theilo hrim hrim.





Inhnuaia ka chhuk chuan kanu pawh alo tho tawh a,"nubawih thingpui i duh em" atih chuan lu ka thing ringawt a,tui dawhkan a awm chu ka thli chhuak a,"Zari heihi Aurora-i i hriat tho chu ka ring" kanu in ati a,"nubawih heihi kan nula fel em em Zari anih hi" ati leh a,ka nuih sak ringawt.





"Duata ilo tho tawh animo" kanu in atih na lam ka hawi chuan Malsawmsanga sam thur bamin arawn step aṭang arawn chhuk a,kekawr bul leh t-shirt pangai tawp aha a,a lan dan chu a sexy reuh takzet,coat suit a hak lai hlir ka hmuh ṭhin vang nge alang danglam riau,kanu pawh chhang lemlo in min rawn kal pêl a.






"Hrethiam hrâm rawh aw nubawih Malsawma hi chu a ṭawngtlem lutuk a,a buaithlâk lek lek zêl," kanu in atih leh chuan ka bu ve nghut a,"chaw kan ei mai dâwn ami Zari chaw a ei theih tawh em" kanu in ati leh nghal zât a,zingkar aṭang aṭawng hnem hman khawp mai,inchhung ah pawh a inchei vur reng a,a hmelchhe hranlo bawk nen inchei a inhmeh phian mai.






Chaw kan ei lai chuan tumah kan ṭawnglo a,nuamlo ka ti ang reng kanu leh pa te nên chiah awm mah ila keini kha chuan chaw eilai hi chhungkaw titi nân kan hmang ṭhin kha ania,u Maria-i pawh a pasal te in lamah a phei leh tawh a,an upa ber mipa uJohn-a nupui leh a fanu te erawh an thawhna lamah an awm anih hmel a,an Khawngaihthlak nufa reuh khawp mai,an te ber Judy pawh nula hna nei ani ve tawh a abuai thei khawp mai.





"Ei ṭeuh rawh aw" kanu in min melh zeuh pahin ati a,keipawh ka bu ve nghut a,an chhûngkua hi an ṭawng tam em em lo anih hmel,room a kan chho hnuah ,"hna lamah ka kal dawn ania" Malsawmsang-an min hmuh veleh ati ve sup a.





"Awle keipawh shooting na lamah ka kal mai mai ang tih tur a awmlo emai" ka tih chuan a rûm nghut a,"mo inih kha in hre rawh i thil tih lai kha bansan ang che" atih chuan ka melh tawp ringawt ,"ka bansan i duh chuan i bialnu kha i bansan ve angai ang mi hmuh ah mawilo khawpin in awm tih ka hre ve reng ania,kan inneih ni zanah pawh in inhmu ru a,ka hrethiam hrâm che a mahse Pathian leh kohhran hmaah thu kan tiam tawh a,min uire san te ilo tum reu reu ange,chuan ṭhen che ka tum tawhlo,vawikhat bak pasal neih ka tumlo a,min mâ te anih ngawt loh chuan ka chhuak dawn miahlo ania" ka ti duah a,ka sawi hnem ati deuh aniang min en tawp.






A necktie a suih mawlh mawlh a,melh pawh min melh tawhlo,a phone rawn lâk atum chuan a hmaah tak kalo ding a,min en run mai "kalsawn rawh" atih pawh chuan ka ding lui ngar ngar a,"Malsawmzual" ati khur khur a,a thinrim a insum zia pawh ka hria,"min chhang phawt ta che" ka tih chuan ka dar tawn tawn ah arawn vuan a,min chawi kâng nawlh mai,"min nawr lui hauh suh i duhloh thleng rakin ka che palh hlauh ange," atih hnuah khum bulah min nghat a.





"Ka kal ania ka nupui duhtak" chimawm zeta a mit a siai zeuh hnuah a chhuak zui nghal a,ka hnuaia a thawh lai khan a ṭawng tlêm nen ava han ṭawngthei em em shooting na lamah pawh kal talo chuan room vel ka tifel a,kal pawh ni ila kapa in tel a phal tawh dawnlo hrim hrim tih ka hre ve miau hek.





Malsawma thawmhnaw leh ka thawmhnaw vel a hrang vêkin ka rem a,room vel ka tifai zawh meuh chuan chawhnu lam ani der tawh,khumah ka mu hnawk a,"U Aurora" room kawngka kik dat dat paha an tih chuan ka hawng ve vat a,"e Judy lo lût rawh" kawngka hâwn zau pahin ka ti a.





"Puih i ngai em" room enkual pahin ati a,"ava fai ve" ati leh sep a,"ka tifai vek tawh alawm," ka tih chuan nui sângin min en a,"a pawiloh chu tih tur a awm chuan min koh mai zel dâwn nia" atih chuan ka bu ve nghut a.





"Eitur kalo hâwn asin" a chhuah dawn ah rawn hawi let pahin ati a,"imm kalo chhuk ang noodles vel pawh ka ngah mai lo awm lawk rawh aw" tih pahin ka thawmhnaw bâwm hnuai ber ka hai rak rak a,zan rilṭam ka neih ṭhin avang in eitur ka kawl reng zêl ,"kha heihi lo zu keng thla rawh ka inthlak anga kalo chhuk ang" ka tih chuan min hnial lemlo.





Ka inthlak laiin ka phone ari a,kanu alo ni "aw nu" ka tih chuan "nubawih hreawm iti em" ati sep a,"ti em em hranlo e" ka tih chuan "i ṭawngkam fimkhur rawh ka tih fo kha aw" atih chuan ka nui hak hak a,"nu lungai suh kum khat meuh ka pasal leh a chhûngte nên kan chen ho chuan ka ṭawngkam ang vek hi an hmang mai ang"ka tih chuan "iti tak tak ange a chi dâwn miahloh ania " nui hak hak pahin ati ve a, kanu chu ka ngai takzet.





"Nu lo haw leh daih mai ka duh ka lung aleng ka room te kha ka ngai" ka tisep a,"nubawih naupang inih tawhloh kha ka rawn biak vang che a rawn haw iti reng dâwn anih chuan vawikhat mah ka rawn be tawh lo ang che" atih chuan ka thawk hak a,"ka dah dâwn ania ipa alo haw kan buaipui lawk ange" atih leh hnuah ka chhan na pawh nghak tawh lo in adah nghal a.





Inhnuaia ka chhuk chuan eitur alo siam zo diam tawh a "kalo ei mek mai asin ka ril aṭam deuh a in suah ve mai rawh aw" Judy-in atih chuan "awle" ka tive sep a,an inchhung hi lian hle Mahse a mi chêngte an tlem si a nuamlo lek lek ani,"khawnge kanu hi" hawi kual pahin ka ti a.





"Ka hrelo ṭhenawm te inah khan a kal lawk aniang" atih chuan ka chhang tawh lemlo,eitur ka insuah hnuah ka ei ve mial mial a,thil ei lai in Malsawma alo haw a,"roomah kava lût lawk ange" Judy-in tih pahin a thil eitur nen roomah alut daih bawk si,ka ngei tak tak ani.





"Ka duh ve" tih pahin ka hmaah arawn ṭhu a,"insuah ve mai la" ka tih chuan dawhkan a chahbi in a khawng ri kauh kauh a,ka suah sak ve mai a,a hmaah ka dah sak a,keipawh chuan ka ei zui leh mai bawk a,Malsawma a rawn khuh bawrh bawrh a,tui dehna lamah a tlân phei chuan ka zui ve vat a,tih ngaihna vak erawh ka hrelo,"ngatinge" a hnung a chul pahin ka ti a,a rawn luak ta vak mai a sen vek bawk si ka hlauthawng tawh lutuk.






"Ngatinge" ka tih leh chuan a lu a thing a,engmah a sawi theilo tui fridge aṭang ka la chhuak a,ka pêk chuan alo ban ve mai a,rei vaklo hnuah a zia awm tak deuh avâng in ṭhuthlengah ka ṭhut tîr a,"ngatinge a" kan ngawih vang vang hnu a ka tih chuan min melh zawk ringawt ,"ka damlo" ati deuh tawp a.





"Damdawi i ei em" ka tih chuan "ei na hun a awmloh hi ka rawn haw ve chauh hi" ati a,"roomah han chho la han ei rawh" ka tih hnuah kan thil eina vel ka seng fel a,thleng ka sil laiin inchung lamah a chho ani ngei ang a ri rak rak a,ka en duh miahlo thung.





"Awi ṭhenawm ten maia'n thar lam lutuk mai minlo pe a,a lawmawm tak tak ani" kanu inchhung a rawn luh pahin ati a,"ngatinge thleng i sil a khawnge Zari" kanu in atih zâwm nghal zât a.





"Kan thil eina te chu ka sil ve tûr alawm aho emai atam bawk siloa " ka tih chuan maia'n chu dawhkan ah adah a,a hîk zui nghal mawlh mawlh a,"duata alo haw tawh em" atih leh chuan "aw haw tawh e roomah inti fai tûrin a chho aniang" ka tive sep a.





"Malsawmzual" inchung lam aṭang a tih ri ka hriat chuan ka hawi chho vat a,"lo chho teh" atih chuan ka kut ka hru hul mawlh mawlh a,"ni e han chho rawh nubawih" kanu bula ka din tak rengah chuan kanu in ati sep a.





Inchung a ka chho chuan thawmhnaw dahna bulah kut kuangkuah run chungin alo ding a,ka pasal anih na ang in ka zah der ve a,engmah ka sawi hmasa duhlo,"khawnge ka thawmhnaw"a tih chuan "a dum ah sâwn ka thlak" ka tisep a,kut hmalam a suih atin ka ding a,a thawmhnaw bâwm lam panin min kal pêl a engtin mah minti bik lemlo.





"Ka mu lawk dawn ania chaw minlo eisan mai ru" atih hnuah khumah a lawn zui nghal a,"i damlo tak tak ami" ka tih chuan min melh zawk a,min chhang lemlo,pan hnai in a pang ka khawih sak a,asa vur mai,"damdawi ka rawn la ang" tih paha kal ka tum chuan ka kutah arawn vuan chawt a.





"Angailo" ati sup a,akut te chu asa vur mai,"vâwt itih em kha kalo la ang ngaihloh lamah ngai suh" ka tih chuan a thaw hak a,"nubawih" ka kal tur chu ka ding chawt mai,nubawih tih in vawikhat min koh na,"enge" tih pahin ka hawi let a.





"Muttui" ti sup in a in lukhup daih a,inhnuaiah ka chhuk san ve mai a,a damlo chiah chu a ṭawng nem duai duai khawp mai,kanu leh Zari eirawng ka bâwlpui a,kanu in maia'n chu amah ngeiin a bai a,a tui hmel khawp mai,"chaw a ei theih animai nubawih khawnge duata hi han koh la chaw ei hma ang u" kanu in atih chuan ka chho ve mai a,a thawh tawh ka ring vang ani.






Room a ka luh chuan alo la muttui khawp mai,apang ka khawih chuan adai vur tawh,"Malsâwm chaw i ei peih angem " ka tih chuan lu a thing a,"tlêm tê tal eila damdawi ei angai a" ka tih chuan a rawn tho ve ṭuah ṭuah a.





"Ka kawr saw min rawn ban lawk teh"atih chuan a ke lama a t-shirt chu ka pe a,azawi khawp mai,arawn din chuan a bânah ka lo vuan vat a,ka dârah min rawn kuah chuan alum vung vung thei,"avan sa ve" ka tih chuan anui suk a,"ka thlah ang che" ati zawk zamah a.





"Nangmah zawk anih hi thlah ngai " ka tih chuan ka samah arawn chûl a,kalo thle sawn vat thung,"awm ṭha hle hle rawh i rit si" ka ti vin hlar a,"min vin teivet suh,ka pum hmawm tham lek inih kha" atih chuan a pumah ka sik a,a er zawk mai.




"I mawl ami" atih chuan ka chhang tawhlo,inhnuaiah kan inkuah thla a,"awi ngatinge a" kanu in min hmuh rualin alo ti vat a,"a damlo hi a pangchang khawp mai" ka tizeuh a,ka kawngah arawn hmer a,alum vung vung thei,naupang chhe zawk zawk kan ni tawhlo bawk nen ka duh sawi pawp pawp ngam rual kani ve tawh a,ka zak em em hranlo.





"A damlo a!!" kanu in ati a,min rawn pui vat bawk,arit ropui si ka thlan a zawih zawih thei,"ka fate hi chu an hrisel lo lutuk a a buaithlâk tak tak ani" kanu in Malsawma en vawng vawng pahin ati a.





A hrisel lo tih ka hre miahlo, ka bula a thawh te kha chuan a hrisel hmel viau sia,"engpawh nise chhûng inkhawm hmang phawt ang u" kanu in atih chuan ka ṭhu thla ve vat a,kapa a ṭawngtai zawh chuan chaw ei kan siam zung zung a,kanu chu a hmanhmawh hmel reuh lutuk.





"Ei muang rawh khawnge kal itum iva hma hmanhmawh ve" kapa in ati ta nge nge a,"zanin hi ka thupui hâwn zan ania" atih hnuah a thleng chawiin a kham ta daih a,Malsawma pawh a hming in a ei ve mai maiin ka hria,engvang a ngaihsak thar riau nge maw ka nih le,Judy nen a tawp kan khâr a,chaw eina kan tih fel laiin Malsawma inchung aṭang arawn chhuk a,"ka chhuak lawk dawn ania" atih hnuah kawngka lam panin a phei zui nghal a.






"U Lydia-i bulah ikal dâwn ami" Judy-in ati a,a hmui rang deuhin ahup leh vat a,a sawi sual tih chu a in hre ve ngei aniang a sawi zo vek tawh sia "ka sawi tum pawh anilo,u Lydia-i bulah a thil a awm a ava lam lawk dawn aniang" amah bawk chuan ati leh a,ka hrethiam lo turah angai ani chêk ang chu" a pawi hleinem kan inneih dan i hre ve tho a,kan induh lo tih pawh i hriat ka ring" ka tive sak a,min chhang tawhlo in a ngawi reng a.





Room a ka luh hnu chuan tih tur em em hrelo in ka vei tawn sek a,ka phone ka phawrh chuan missed call alo tam ngang mai,Lalawmpuia hnên aṭang vek ani,a pawimawh anih ringin ka call let a,"Aurora khawnge i awm" thaw hlawp hlawp chungin ati a,minti hlauthawng vek,"inah ngatinge" ka tih chuan "pâwnah chhuak miah suh " ati a.





"Ngatinge ka chhuah loh ang" ka tih chuan "chhuak lo la animai i rilru natna tur i hmuh duh loh chuan" ati leh a,kan room tukverh ah chhuakin ka bih dek dek a,"khawnge i awm a," ka tih chuan a ngawi vang vang a,"i hrelo ang ka dah phawt ka buai " atih hnuah call a in cut zui nghal daih a.





Lalawmpuia thusawi vang nge pâwnah chhuah ka chak deuh tlat a,ka chapal bun sawk sawk in inhnuaiah ka chhuk a,alo reh ṭhuap mai,Judy pawh hmuh tur a awm tawhlo,pâwna ka chhuah chuan engmah ka hmulo,luh leh mai ka tum laiin Gate pawn lamah hmeichhe ṭap thawm ka hriat chuan ka ding chawt a.





Ka ngaithla deuh vang vang a,"ka duhlo i tello chuan ka awm theilo ngatinge min kalsan leh mai mai tur chuan inzawmna min siam pui a," hmeichhe aw hian ati a,Gate pawn lamah ka va dâk dek dek a,ka hawkdak ka inti ve khawp mai,mahse tute nge annih ka hre chak miau sia,"ngaithla rawh Lydia ka hmangaih lutuk che mahse nupui nei ka ni tawh a,bialnu ka neihsan theilo ani,kanu leh pa leh midang in hrelo mahse Pathian in a hre vek a,a rûk in inkawp reng mah ila kan hlim chuanglo ang" Malsawma aw ri ka hriat chuan Gate pâwnah kalo ding fel der tawh.






Aw ka thian kharh chuan anlo hawi phâwk dun nasa mai,"lung inva ti chhe deuh ve ka khawngaih khawp mai chu mahse tih theih a awm siloa,in thawnthu chu a sad ending dawn animo" ka tih chuan Malsawma chuan min melh rum khawp mai, Lydia-i kutah akai a,a hmeichhia pawh chuan min en kar a,zam ka tumlo hrim hrim anni pahnih melh mai mai ah "ka rawn ti buai che u anih chuan min lo hrethiam ru inṭhen ṭha leh rawh u kava lût ange ka pasal duhtak" ka tisep a,ka ngeiawm ve viau ang ani pawn nichin ah khatiang khan ati ve tho a,ka tihloh chhan tur ka hrelo,ka pasal ni mahse ka na hauhlo,ka duh reng reng hleinem.





Lalawmpuia sawi kha ka hrechhuak uar uar mai ka pasal hi ka hmangaih turah angai ani ngei ang,mahse ka hmangaih lo tih erawh hrilh ka tumlo thung,ka hmangaih lo mai nilo in ka duhlo hrim hrim,"u Aurora ila meng alaw kanu te anlo la hawlo ami" Judy-in atih chuan ka bu nghut a,ka mitah min en ṭha ngam tawh miahlo misual chu a ni hranlo a kâ aveng hmanlo ani ve mai a,keipawn tih sual chang chu ka neive ṭhin "Judy in thiamlo duh suh" ka tih chuan tawite in anui a.





"Nia kava mu tawh ange kanu te chu nghak kher duh suh" atih hnuah a room lam panin akal a,keipawh tih tur em em ka hriatloh avâng in room ah ka chho a,Malsawma te erawh ka rilru ah an awm reng thung,min hmangaih lo tu vangin ka mittui tih tlâk ka tumlo hrim hrim,keipawn a tan feelings ka neilo hrim hrim.





Room kawngka a ri rek a,Malsawma mit sen rûnin arawn lût a,zu rim a nam mang bawk siloa,"ka nunah vawikhat mah rawn in rawlh tawh suh nichin a i chunga ṭhat ka chhuah avâng khan min zuam ami " ati chang run a,ka melh kar ringawt",thudik ka sawilo ami,enge ka tihsual chu sawi ta che i nunah ka rawn in rawlh hauhlo" ka tih chuan a t-shirt a phelh a,"ka sawi nawn leh ang Malsawmzual min zuam hauh suh i pasal ka nih hi min zah ve deuh rawh" ati leh a,ruih nei a ang ka ti"ka zahlo che ami" ka tih chuan a kawng dâwm meuhin min en a.





"Min chhang tawh suh" atih chuan ka ngawi ve kar tawh, bathroom ah engmah sawi tawhlo in alut zui hmak a,rei vaklo a shower in on ri pawh ka hre thei,a mizia hi a inthlak danglam tulh tulh amak ka ti khawp mai,ahma ka hnuaia athawh kha chuan engtin pawn ti ila min chhang ngailo kha ania,a hmangaih ber nen ka ṭhen hrangah angai ani ngei ang,towel veng chungin arawn chhuak a,a taksa mawi tak chu alang chiang khawp mai.





"Ka nupui i nihna ang in i mawhphurh na chu i hlen tur ani lâwm ni" tih pahin min rawn pan phei a,khum tlanga ka ṭhu chu min pawm kâng nawlh a,khumah min theh thla tawp mai,"Malsâwm ti suh" ka tisep a, ka thusawi chu a bengah a lutlo hrim hrim ka kawr arawn phelh nghal mawlh mawlh a,indang ve mah ila a chak lutuk ringawt,"Malsawmsang" tih pahin ka kek ve ngar ngar a,phun hlukin min tung tho nawlh mai,a chak ropui si min dimlo bawk si nen ka inring hman ngailo reng reng.






"Ka duh chu ka ti dâwn tho tho" tih pahin bangah min nawr bet a,ka kut hnunglam ah a kut pahnih in a man bet a,ahmer na khaw mai,"Malsawmsang min thlah vat rawh" ka tih pawh chuan a chet chhunzawm mial mial a,ka thusawi ve te chu engah mah a ngailo,kapa hian a makpa atan a a thlan chu hepa hi ani ve sia,"ṭha deuhin awm rawh" tih pahin ka hnunglam aṭang min rawn kuah a,a thawk a rang lutuk,a thlan fim a fâr fep fep a.


Show post links
Top

[Ngaia]

Chapter-4

Aurora Malsawmzuali POV
Khumah chuan zawi deuhin ka mu a,engmah ka ngaihtuah naah a awmlo,Malsawma min tih dan ringawt ka ngaihtuah a,hreawm ka ti takzet,amah phei chu khawiah nge a chhuah leh tak pawh ka hrelo,kawngka in kik kharh kharh thawm in minti harh zawk a,sana ka en chuan zinglam dar sarih alo ri der tawh,thawmhnaw ha sawk sawk in kawngka ka hawng a,"u Aurora chaw kan ei dawn a" Judy-in ati sep a,"Judy lo ei mai ula ka pum anuamlo riau a ka ei rihlo mai ang" ka tih chuan "awle" ati ve mai a,a chhuk zui nghal a.





Bathroom ah lutin ka inti fai a,dathlalang a ka in en chuan ka pawr deuh fap mai,vawiin chu chhuah harh ka duh phallo mahse ka chhuak dawn hi ani ringawt room kawngka ari rak a,"chaw zu ei rawh" Malsawmsang-an ati sup a, dathlalang aṭang chuan a chevêl chu ka en reng a,"ka sawi chu i hria em chaw zu ei rawh" atih leh pawh chuan ka chhang duhlo.





"Nangmah leh nangmah i inhrem animai" atih hnuah towel veng chungin bathroom ah a lut a,thawmhnaw tlêm a tight ve lampang ka khup chung hret a chhing ka ha a,makeup ka inhnawih hnuah ka sam ka khuih zui mawwlh mawlh a, Malsawmsanga alo chhuah leh chuan rum deuhin min melh a"khawnge i kal dawn" ka thawmhnaw hak en thlâk dan dan pahin ati sup a.





"Ka chhuak dawn" ka tih chuan kut kuangkuah atin ka insiam lai chu min thlir reng a,"mipa i mamawh viau nge nizan ah i kham khawp ka pe lo zawk che" atih chuan ka ṭhu khawng nghal at mai,"i sawi dik ka kham khawp min pe lo a chuvang chuan midang kava zawng mai ange" ka tih chuan a towel ven lai a phelh a,min rawn pan ta mai "han sawi leh teh" chang run in ati a,a in seh ruh nasa bawk a, a khabe ruh a pawng ṭawlh ṭawlh thei,na zetin ka khabe ah arawn hmer a.





"Ka kham khawp min pe lo" thei leh theilo in ka ti a,min hnek pawp duh hmel apu zingkar aṭang amit asen leh rum tawh ngatinge mawni "aṭha e i kham khawp chu ka pe em em ang che" tih pahin min pawm nawlh a,khumah a theh in min theh thla a,kekawrte tih loh chu engmah a ha bawk silo a a ti leh duh tak tak ang tih ka hlau ru takzet,"ka fiam che anih kha Malsawmsang" tal laih laih pahin ka ti a.





"Ngawi hmak rawh" tih pahin ka kawr a rawn pawt thlêr hrawk a,a chak zia chu rapthlâk tak ani,tuna a chet dan hi chu ramhmuai nen danglam na a awmlo,"khawngaih in" ka ti ṭawk ṭawk a,ka chhunga arawn luh chuan ana takzet,ka thianghlimna hawng tu chu amah ka pasal ngei hi ani si a,mahse ka hmangaih hauh silo,ka chungah arawn bawk thlawp a,"ka mitah tak en rawh Nubawih" dam dap hian ati ang lawi a.





A thil tih lai a tawp chuang hauhlo,"nubawih ka mitah en rawh" atih leh chuan a mit ah tak ka en a,a mitmeng chu a sexy takzet,min koh duatna vang chuan kei hmeichhia der dep lutuk hi ka nem leh nghal a,"nubawih" aw khur deuh hlak hlak in ati a,ka bulah rawn mu thla ve in min kuah nghal run a,nichin lawk a in ngaihlo deuh si kha nupa nun kan hman chuan a dang zâr tawh mai,sex hi nupa in pawhna ṭha tak ani dâwn anih hi ka ti mai,Mahse nuam tihna pakhat mah ka neilo.






Tho chhuakin bathroom ah a vawi hnih nân ka inti fai a,ka drawer ka hai rak rak laiin "chhuak suh ang che" ati a,a aw pawh a nem leh tawhlo khawp mai,"in a awm reng ka peihlo" tih pahin ka kawr fual dum a sira kak chu ka la chhuak a,"Malsawmzual" ka kawr khai lai rawn lâk pahin ati a,avin em em hranlo thung.






"Enge Malsawmsang" ka tih chuan dawhkan lamah a phei a,"i chhuak dawn nge i thawmhnaw hi ka chep chhe vek dâwn" atih chuan ka thaw hak mai,a kutah bakcheh a keng run bawk si,"ka rawn haw tawh dawnlo pawh anilo a," ka ti a,a thil sawi chu a ti leh tak tak duh dawn bawk si "aṭha e ka chhuaklo ang" ka ti ta nge nge a,a kal hunah chhuah erawh chu kala tum tho thung.





"Ka rawn haw har lo ang" atih hnuah a insiam zui mawlh mawlh a,a chhuak ani tih chian nan inhnuai thleng ka zui thla a,"nu vawiin chu Company lamah kava kal ve lawk ang aw" ka tih chuan "awle awle va kal rawh in a awm reng chu a ninawm alawm" ati a,roomah ka chho a, hmanhmawh ru deuhin ka insiam a.





"Ngatinge mak inva ti awm ve" min en deuh ṭhup avâng in ka tisep a,shooting na lamah ka kal a,kapa in tel ve a phal tawhloh miau a vang in en bak tih theih nei heklo,"nubawih ilo kal dawn tih i sawi siloa" kapa in a ṭhutna ṭanga rawn din chhuah pahin ati a,"hrilh kher lo che in kalo kal theilo ami" ka tih chuan alu a thing a,"chawl rih rawh u" kapa in director te lama hawi paha atih hnuah Company chhung lamah kan inzui lût a.





"Eitur te i duh em" atih chuan lu ka thing a,"tunge keimah aia in hman kha" kapa en zawk pahin ka ti a,a dawhkan a file vel chu ka en thuak thuak a,"Candy anih kha" ati sup a,"khawi aṭang nge" ka tih leh chuan "hemi movie chang tura kan sâwm ania a vawikhat chan na tur ni mahse a ṭha khawp mai, chanmari ah tunah an chêng mek" atih chuan ka chhang tawhlo.





"Nubawih in hman veleh in nupa in rawn leng rawh u" kapa in atih chuan ka chhang lemlo,"nupa in ni tawh a,ṭha deuhin awm rawh u," kapa in atih leh chuan ka ding hluai a,rilru tih thawven nan tiin ka kal ve em em a,kan nupa chanchin bawk min sawipui leh a,ka ning tawh lutuk,"ka haw dawn ania" tih pah in ka bag kala a,haw talo chuan dawr vel ah ka kal kual mai mai a.





"Awi Aurora khawngaih in thla kanlo lâk pui thei che angem" tleirawl rual hian an rawn ti a,"pawi hleinem" ka tih chuan an lawm hmel khawp mai, lehkhabu chhiar tur vel ka lei nual a,mall aṭang a ka chhuah chuan Malsawmsanga ang deuh ka hmu a,ka chiang chiahlo thung,an rawn hnaih deuh takah chuan Malsawmsanga leh hman zâna Malsawmsanga bula awm nu kha an rawn kal phei a,an hmelchhe dun reuh tak tak ani.





An awmdan ka hriat zêl chak avâng in min hmuh hma in mall chhûngah ka lut leh vat a,ka bih thla leh dek dek ṭhin a,eitur an lei hnem khawp mai,ka lam pana an rawn kal avâng in bih rûk reng theih ni tawh heklo,ka chhuak ta nge nge a,min hmuh chuan mak an tih hmel ngang mai,"ehe" Malsawmsang-an ati sup a,"ngatinge mak iva ti awm ve hei vang hi ami ka chhuah i hlauh em em ka hmulo ah chu ngai mai rawh u" ka ti a,ka vin hauhlo ,"i ngaih ang kha engmah a awmlo" Malsawm-an atih chuan ka nui ringawt a.






"Ka ti buai palh ang che u" tih pahin kawngka lamah ka chhuak zui nghal a,ka sawi thiam siloh hian ka chhûngril ah nuamlo tih na ka nei,ka vâwt seng seng maiin ka hria "Malsawmzual" ka ban a rawn vawn pahin min kuai her nawk a,"ka ning " ka tih vin hlar tawh,min dimlo thei lutuk hi ka ning tlat alawm.





"Dawi ka sawi hauhlo eitur lei tûr a kal ka tum kha kawng lakah kan in tawk a,kan kal dûn mai chauh ani,kan kal tumna a in an avâng in" ati a,"anih chu in sawifiah kher angai hleinem" ka tisep a,"min ring rawh kan in kârah engmah a awm tawhlo" atih chuan ka nui tawp ringawt.





"In sawifiah vak a ngailo ka tih chu" tih paha kal mai ka tum chuan kan hnunglam a khanu rawn kal ka hmuh avang in Malsawma kuai kûn deuh pahin a hmuiah ka fawp a,min chhang rang khawp mai,a kal lai ding chawt in min en reng a,kan in awm hlat vakloh avâng in a ṭap tih ka hre thei mai,in thiamloh na ka nei hauhlo,ani pawn nupui nei lai a chhuah pui dun dun tho alawm.






"Haw ila" a banah in ti neitu taka kuah pahin ka ti sep a,Malsawma erawh chuan min en ngur thung,"in haw nghal dawn ami" khanu bawk khân arawn ti a,a ṭap amaw tih laiin alo bang leh hman daih tawh ani ngei ang,"la haw lo ang thlah i ngai em Lydia" Malsawm-an atih chuan "ngailo innu kha thlah angai zâwk ang taxi ka chang mai ang" atih chuan kalo nui hak a.





"Taxi a vang si ka thlah ang che i pumna a chhuak leh palh ang" Malsawma bawk in ati leh a,"in thlah tîr rawh Lydia thlah chak che in a za zêk zêk anih hi" Malsawma rum deuha melh pahin ka ti a,ka kalsan zui nghal nal nal a,taxi lo tlân hmasa ber chu ka phar a,taxi avâng si a ti ve sia a thlah chak chhuanlam bak va nisuh,kan in lama tlân tûrin taxi driver chu ka tisep a.





Kan in ngei ka thleng leh ta chu ka hahdam sawng sawng theiin ka hria,"nubawih ilo kal animo " kanu in min hmuh veleh ati a,"tun ang hunah te ngatinge ilo kal a,eirawng bâwl hun ani tawh sia mo inih kha hre reng rawh aw,chhuah zin lutuk te kha tih loh tur ania" kanu in atih chuan ka thaw hak a.





"Nu min ning ami ngatinge kalo kal ve em em a,min hnar haw in tum nghal zêl a," ka tih chuan kanu in "i mawl emai thil hrilh hian la kawi zêl suh" ati a,"i duh leh nangman va nei ve chhin la" ka tih chuan a lu a thing ta ringawt a,"lo ṭhu phawt teh" atih chuan choka lamah ka phei a.





Tuilum a awm sa avâng in cup noodles chu ka siam a,kanu bul a ka ṭhut thlâk leh hnuah ka ei zui mawlh mawlh a,"hmanhmawh suh rei tak eitur hmu tawhlo ang mai alawm inih le i hak ange" kanu in ati a,ka ril aṭam ve tawh em ani,"zing aṭang engmah ka ei hleinem" ka tih chuan "i zak nge i pasal chhungten an duatlo zawk che" ati a,"zak rual ka nih tawhlo hi" ka tive sep a,"ani bawk sia i pasal chhungten an hau che ami"atih leh chuan lu ka thing ringawt a.





"Min hrilh hreh suh sawi tawp rawh nubawih" atih chuan "nu chutiang engmah a awmlo,zing ah chuan thil ei a tuilo a," ka tih chuan "anih chu" ati sep a,a la awi hmel chuang loh "kan ei leh lawk" tih pahin choka lamah ka phei a,cup noodles pathum ngawt ka ei zawh chuan puar tak kani.





"Nu ka haw peihlo e.." ka tisep a,"i haw tho tho angai va haw hma zawk rawh harsatna i tawk emaw an hau che anih chuan min hrilh vat dâwn nia" kanu in ati a,"u Puia a awm em" ka tih chuan "Puia" tiin a au zui lawng lawng a,"aw enge kapi" room aṭang a rawn chhuah pahin u Pui-an ati sup a.





"Nubawih-i va thlah lawk ta che" kanu in ati a,"awle motor kalo va start ange" u Pui-an atih hnuah a chhuak zui nghal a,"nu haw pahin pasal dang ka um daih ang" pawn a chhuah pahin ka ti a,a kutin min tin uaih uaih mai.





"Kal mai mai teh" ati hlak a,kan in lam pana kan tlan laiin u Puia chuan min melh leh zawk zawk ṭhin a"u Pui nupui neih te hi i tumlo ami" ka tita ringawt a.





"Nakinah kanla nei ve ang chu" nui suk suk pahin ati a,a hmelchhe hranlo kuhva a heh tih mai loh chu,kan in ka pasal te in kan thlen chuan ka en vang vang a,ka lut hreh takzet,min duat hle Mahse nuam ka ti thei tlatlo,keimah hi ka diklo ve hrim hrim pawh ani maithei.





Inchhung a ka luh chuan areh ṭhuap mai,roomah ka chho tlang nghal a,light pawh alo la in on lo light ka on chiah chu ka phu nasa lutuk "awi kanu" ka ti hluai a,khumah ke khaw kherh atin Malsawmsanga alo ṭhu run anih chu "i mawl ami light te on ve ta che lung phu chawlin ka thi lo chauh anih hi" ka ti a.





"Ilo va haw har ve khawnge i pêng" atih chuan ngai pawimawh lo zetin inthlak na tur ka la a, bathroom ah ka luhsan ta daih a,ka inbual zo ka chhuah leh pawh chuan a ngai ngaiin alo la awm a,engtin mah ka ti duh lemlo,ka inthlak mawlh mawlh laiin "khawnge ikal ka tih chu i pasal ka nih hi min zah ve deuh rawh" ati a.




"Zah tlak in awm la chuan ka zah ang che mahse i englai ber kha nge ka zah ang" ka ti ve ngat a,"i kalna sawi chu ahar vak ami" atih leh chuan "ka duh duh naah ka kal ang chu i bialnu nen in in thlah fuh chiahlo ami" ka tih chuan min melh rum tawh lutuk.




"Inbual rawh" ka tih hnuah inhnuaiah hmanhmawh ru deuhin ka chhuk a,kanu te pawh anlo awm tawh "chaw a ei theih tawh a khawnge duata" kanu in alo tivat a.




"Ala inbual lo a a inbual zawh ah arawn chhuk ve mai ang" ka ti a,min koh tîr leh ka hlauh vâng ani,"chaw ei siam mai rawh u anih chuan ril aṭam" kanu in atih leh takah chuan choka lamah Judy leh Zari te nên kan inzui phei a.





"U Aurora" Judy-in atih sar sar chuan ka en ve vat a,"naktukah intih siakna ang deuh ani mai ang chu ka tel ve dâwn a ka chhûngte hrilh miah suh" atih chuan "eng intihsiak maw" ka tisep a,"nakinah ka hrilh ang che" ati a,a sawi duh rihlo anih ringin ka zawt nawn tawh bik lemlo.





"Enge in sawi rûk sep sep a" Malsawmsang-an dawhkan bula din pahin ati a,"mipa hriat ve chiloh" ka tih chuan a lungawi lo hmel chu a nuihzatthlâk zawk naute thil duhloh pêk lungawi lo hmel apu "chaw a ei theih nu pa" Judy-in atih takah chuan a bulah ka phei ve vat a.





"Hreawm iti em Aurora" Malsawma pa kapa in atih chuan "tilo e" ka tive sep a,"in în ang chiah khan awm rawh aw i duh leh mamawh chu i sawi tawp tawp dâwn nia" atih chuan "awle" ka tileh ringawt a.





Chaw eikham pawh chuan roomah kala chhoh mai duhlo,"Aurora min rawn pui lawk teh" Malsawmsang-an atih chuan kanu te an awm ve bawk nen hreh deuh chungin ka chho a,"enge" room a luh rualin ka ti nghal a,"enge" ati ve sup a,ben hrep mai ka duh,"ka mu dâwn ania puih i ngaih loh chuan" khum a lawn pahin ka ti a.





"Mu ila nimai lawm" tih pahin arawn lawn ve nghal a,"khumah mu rawh sofa ah kalo mu ang" thawh paha ka tih chuan "mu mai mai rawh a aia thui pawh kan tih vek tawh kha" atih chuan chhan enah pawh ka en tawhlo,phone khawih pahin saisir zawngin ka mu a,a kutin ka sam arawn khawih leh ṭhin a,min runluih ni deuhin ka hria,sam khawih ka duhloh zia ahre ve reng sia.





"Malsawmsang i ninawm khawp mai" ṭhut chhuah hluai pahin ka ti a,a mit a chhing hmak thung "ka mu sawn daih dâwn" thawh paha ka tih chuan ka bânah arawn vuan a,a lamah min pawt hnai hrawk a,kan in tauh dawt mai,"awi Malsawmsang enge i hriat a i hneawm em em a,ana lutuk" ka chal tuai pahin ka ti a.





"Khawimaw kalo en chhin" atih chuan ka dâk chhuak duh miahlo,"ka tihpalh anih kha" ati leh sup a,"e...kha a thi nasa mai chawhdawlh dawh angai" atih chuan ka nui chhuak lo theilo,"chawhdawlh ka hre ngailo chawhtawlh chiah ka hria" pum dâwm meuha nuih pahin ka ti a.





"Keimah hi chawhdawlh chu i hrethiam lo zawk anih kha" atih chuan a fiamthu ve ngei aniang "i fiamthu hi aho si a nuihzatthlâk hlol loh" ka tih chuan anui ve suk suk a,"i hlim tawh chuan mu tawh ila" ati sup a,keipawh ṭha deuhin kamu ve mai a,"Aurora atîr a kan innei dâwn tih ka hriat khan ka thinrim takzet,mahse ka ngaina tulh tulh tawh che i hnuaia ka thawh lai pawh khan ka ngaina lo che anilo ka be duhlo mai che ani,mahse tûnah chuan ka nupui ini tawh a eng harsatna pawh tawk la min hrilh zêl rawh hmangaih thei rihlo che mah ila ka nupui ini a ,nupui vawikhat bak neih ka tum lo hmangaih che ka tum ang" ati duah a.






"Keipawn kan in hauh khan hreawm ka tive deuh ṭhin a,mahse ṭha deuha kan awm hi chuan anuam pasal vawikhat bak neih ka tum biklo keipawn hmangaih che ka tum ang che " ka ti a,ka chungah arawn lawn kai a,ka hmuia arawn fawh chuan kalo chhang let ve vat a,"ka lawm e nubawih " ka bula rawn mutthlak leh pahin ati sup a.





"Tho tawh la ka chawhdawlh te" Malsawm-an ka beng bula arawn tih chuan ka nui hak a,zing thawh hlim pawh a sawi theihloh "avan ṭhing tak min koh dan mai mai chuh" ka tisep a,"a common lo alawm " tih pahin min pawm tho nawlh a, bathroom ah min nghat thla a,kan intih fai hnuah inhnuaiah kan chhuk dun leh a,kan awm dân chu anuam reuh takzet.





"Lalfamkim khawnge i kal dawn" Judy kawngka a chhuak ru dek dek chu Malsawm-an ati a,"kan ṭhian ho in camping kan nei dâwn a,u Aurora-i ka hrilh tawh " Judy-in min rawn signal zeuh paha atih chuan "nia nimin khan min hrilh alawm," ka tive sep a.





Malsawmsanga chuan min melh run run a kan in melh hnai ropui si ka zam lek lek ani,"dawt i sawilo maw chawhdawlh" atih chuan ka bu nghut a,"tikhan min koh ziah suh" ka tih chuan anui suk a.





"Kal rawh" Judy en zeuh paha atih chuan hmanhmawh deuhin a chhuak a,a in ak bawr khawp mai "in tho tawh hlawm em" kawngka lam aṭang a an rawn tih chuan room aṭang kanu in "awm e" ring leng lawng in ati a.




"Chanchinbu" tih pahin a chhuak leh nghal a,"ngatinge kha tah khan in din reng" kanu in min rawn en paha atih chuan step-ah kanlo la ding reng tih ka hre chiah "chaw ei hma mai rawh u aw,hna kal in ngai dawn sia keini chu nakinah kan ei mai ang ala hma emai" kanu in atih chuan choka lamah Malsawmsanga nên kan inzui phei a.





"Eive nghal rawh" atih deuh tlat avang in ka eive mai a,"vawiin chu ilo kal ve duh em" ati sup a,"khawiah maw" ka tih chuan "Company lamah" ati leh tawp a,"duh tho e" zawi ang reng takin ka ti a,kanu in chhuah reng a mawilo atih vang khan chhuah pawh ka hreh phah vek.





"Ilo kal ve dâwn nia in lamah tih tur a awm chuanglo" atih chuan ka bu nghut a,"acting lampang hi ti leh ta ila pawi iti angem" tim dai hian ka ti a,a thinrim ka hlau ve deuh ani,"pawi ti e angai tawhlo" a tita chiah reng a.





"I bulah ka rawn kal nitin thei dawn siloa in a awm reng chu a ninawm sia" ka tih chuan "nakinah chuan i ning tawh miahlo ang naute i awm tur kan siam vat vat dâwn nia" atih chuan ka chaw eilai ka hak lo chauh ani,fa neih lam ka rilru ah ala langlo hrim hrim.





"Zari bawngsa kha chawhtawlh ah khan lo dah rawh aw keiman ka duh dan takin kalo siam ang" kanu in atih chuan Malsawma nên kan in en zawk mai,"chu bawngsa chungah an dah dâwn che anih chu" atih chuan ka melh vak a,"thil te hi ka sawi ve e itia i sawi dik thei mang siloa" ka tih chuan anui ringawt a.





"Zari heta hi chawhtawlh a awm" min rawn melh zeuh paha atih chuan Zari pawh anui ve hak hak a,a fiamthu tih a hrethiam ani ngei ang "min fiam nan hmang ziah suh aw changkha i ang ropui si" ka tih chuan anui huah huah a.





Chaw eikham ah roomah insiam tûrin kan chho nghal a,tukin zing chu mood aṭha khawp mai,"nu vawiin chu Malsawma kava zui ve ange" ka tih chuan "awle awle aṭhat chu in inneih zawh khan honeymoon pawh in hmang mang siloa va lêng vak rawh u,keini chu kan inneih zawh khan kan zin kual a,anuam khawp asin" kanu in ati duah a.





"Kan kal" tih pahin Malsawm-an min rawn kai a,min chhuah pui nal nal mai,"sawi zawh tir ve phawt ta che" ka tih chuan "nileng in kan chhuak theilo ang a thui dâwn lutuk" ati sup a.





"Lût rawh" motor kawngka min hâwn sak pahin ati a,ka guard anih lai ka hrechhuak lo theilo,"ka hna thawh laiin enge ilo tih ang" atih chuan "ka hre nang" ka tisep a,"ka thawh pui ve mai ang che" ka tih chuan "ilo awm mai mai dâwn nia" ati sup a.





"Ka thiam ve tho alâwm" ka tih chuan "hna thawk tûrin ka hruai hleinem che" ati sup a,Company pawh kan thleng zui ve nghal mai a,kawngka min hâwn sak ṭhang vang nge a hâwn turah ka dah tawp tawh, Company chhung a kan luh chuan min en duh khawp mai,ka kutah nghet zetin min kai a.





"Ilo thleng tawh maw kalo nghâk deuh reng che a vawiin chu i tlai" rawn hawi chhuak miahlo in Lydia-i chuan ati a,an thawk dun tih ka hre miahlo,arawn hawi chhuah chuan ramhmuai hmu ang mai a meng phâwk khawp mai,"hlauthawng reng reng a hun hman ai chuan mi pasal ka beisei miahlo ang" ka tih chuan hnuailam abih ngur a,arawn hawi chhuak ngam tawhlo hrim hrim,mi pangai tan chuan zah na tham chu ani ve hrim hrim.





"Lût ila" ka kawng a a kut rawn rawlh luh pahin ati sup a,"awle," thawk la hak pahin ka ti a,hna a thawh laiin a room vel kalo en kual mai mai a,"ka chhuak lawk dawn ania Company chhung ah chiah ka kal kual ang" ka tih chuan a phal ve mai a.





Ka kal kual vel mai mai a,min hmu ho chu an phun ser ser a,"Miss Aurora khawngaih in thla kanlo lâk pui thei che angem" an tih chuan "awle" ka tive mai a, Malsawmsanga office lamah ka phei veleh mai a,office ka luh hma chuan Lydia-i dawhkan a file chuan ka mit ala chat mai.






Ka en chuan a profile alo ni Lydia Laltluangzeli kum 27 tih te mai hi alo ni,office chhûng a ka luh chuan hnai zetah Malsawma leh Lydia-i anlo in dinchilh run a,Malsawma chuan hnek mai duh hmel apu,"enge thil awmzia"Malsawma bula din paha ka tih chuan "engmah nilo e ilo let tawh maw" ati sup a,a thinrim hmel nen a ṭawng nem khawp mai,"aw.." ka ti fan deuh duai a, Lydia-i ka en chuan a mittui atling pam mai.





"Kalo va chhuak ange" aw lawi rât hian ati a,Malsawma kut a ka vawn chuan a inthlahdul ve riai riai a,"haw hma i duh em" ka kawng a rawn kuah paha atih chuan "ka hre nang " ka tisep a,"kan leng kual mai mai dâwn nia" atih chuan kalo hnial bik lemlo,office aṭang a kan chhuah chuan hnuah kan tlanchhuak nghal a,"ehe adik miahlo" atih chuan ka en vat a,"engmaw diklo" ka tih chuan "in vuan nghet rawh " ati sup a.


Show post links
Top

[Ngaia]

Aurora Malsawmzuali POV
"Nghet deuhin kawngka kha vuan rawh" atih leh chuan ka vuan a,motor a ti ding hrawk a,"chhe lutuk" ati hluk a,motor aṭang a kan chhuah chuan "ehe" ati sup a, a en na lam ka en ve chuan a ke alo thêp khawp mai,"a thar lâk angai dawn anih hi" a motor ke pet pahin ati hluk a,"haw rih phawt mai ang driver kan call dâwn nge taxi in" min rawn melh zawk pahin ati a.





"I thu thu" ka tisep a,taxi lo tlân chu alo phar a,kan in awmna a hrilh hnuah kan tlanchhuak nghal a,"ka hria che" taxi driver in side glass aṭang a min rawn melh zawk pahin ati a,"Aurora-i ini tiro" a tih chuan "ni e" ka tive sep a,"ka nupui Aurora-i" Malsawm-an atih chuan driver pawh chu anui suk a.






In kan thlen chuan "motor ri kava hrelo ve" kanu in ati a,"a chhia" Malsawm-an ati deuh tawp a,"anih chu" kanu in ati a,room a kan chho hnuah khumah ka mu a,"awi ka mut a chhuak lutuk" ka tisep a,Malsawma ka bula rawn mutthlak pahin min rawn kuah a,"muhil rawh" ka sam a chul paha atih chuan akut ka la thla vat a.





"Ngatinge sam khawih hi i duhloh em em a" atih chuan ,"ka hre biklo ka tetlai ṭang tawh in kanu in sam khawih ka duhlo atia,tun thleng in kala duhlo chho zel anih hi" ka tih chuan abu nghut a,ṭha deuhin kan titi dun zêl a.





Malsawmsanga POV
Ka bula tui ti taka mu chu ka en reng a,a hmel chu a ṭha takzet, hmangaih thei ila ka duh lutuk mahse ka thinlung hi ka duh duh dan a ka tih kual theih ani miau siloa,kan titi laklawh laiin a lo muhil daih chu niin,tunlai chu amut a chhuak reng mai,ka mut ṭhat tir hnuah bathroom ah lutin ka inti fai thuak thuak a,ka chhuah leh pawh chuan alo la harh mai lo.





Phone khawih chungin a bulah ka mu a, Lydia-i status ka en chuan "ka kal tîr ang che mahse tawrh thiam a har khawp mai" kan pahnih a thlalak kan lan chian deuha ahmang a,engah mah ka ngailo thung,"dar engzat nge" Aurora-in arawn tisep a,"ala hma dar thum ari ve chiah" ka tih chuan arawn tho ve ṭiah ṭiah a,"ka pum anuamlo riau mai ka rilṭam vang ti dâwn ila thil ka ei tawh bawk si"a pum dâwm vang vang pahin ati a.






"Pum damdawi eila" ka tih chuan min chhang lemlo,"chhuah lawk na tur ka nei a,ka rawn haw harlo ang"ka tih chuan "awle" ati ve mai a,ka motor a chhiat avâng in ka u bike ka roh em em chu ka khalh chhuah sak ta nge nge a,a thih hma hret a alei ani a,ka khalh chhuak zen zen phallo thung.






Ka ṭhianpa Nunsanga te inlam panin ka inkhalh chhuak a,in hlat vaklo mah ila traffic azam ve zeuh zeuh avâng in kal chhung arei duh khawp mai,Mizoram kawng hi chu a chep ani ka hne takzet,Nunsanga te in ka thlen veleh a room lamah ka lut tlang nghal a,amah in in aluah a,an khua tak erawh ka hre lemlo thung,"ila nei em" ka tih chuan mitmeng sen ram hian minlo melh a,akai tawh viau mai,"nei ang chu ka ngah lutuk alâwm" tih paha arawn lâk chhuah chuan kalo ban ve vat a.






Kan zu in ṭhin hi a tak ṭha thei khawp mai,"a tui pawlh pawh a awm" atih chuan lu ka thing a,tui pawlh chuan min hneh lo "hruai haw ngaiin awm miah suh ka peih miahlo ania" atih chuan ka nui suk ringawt a,"vawikhat mah hruai haw ngai khawp khawp in ka in ngailo" ka tih chuan min chhang tawhlo in a meizial a phawrh chhuak a,a phun leh hluk ṭhin.






Aurora Malsawmzuali POV
"Malsawmsanga mai mai chu han call leh teh a in siam ṭhat beisei in nupui kan neih tir a,"kanu in ati leh hlak hlak a,a thinrim khawp mai kei erawh chuan ka hrethiam ve vaklo,ka call nawn leh a,a la ve ta hram a.





"Aw hello nubawih" arawn ti thum dut a,"rawn haw.." ka sawi zawh hma chuan kanu in "khawi keiman kalo bia ang nubawih nangman itih chuan arawn haw duhlo ang" tih pahin phone arawn la a,"Malsawmsang rawn haw vat rawh,i u bike i khalh chhuak leh nghal a,i motor a chhia anih pawn i u bike kherlo nangmah pawn bike i nei ve reng a,khalh chhuah mai tur che alâwm" kanu in ati hlak hlak a.





"Hepa hi chu aw...adah daih ka ti" kanu bawk in phone min rawn pêk pahin ati a,"alo haw dawn tawh êm" ka tive sep a,"lo haw dawn chiah atia adah daih anih kha i rilṭam tawh em" atih chuan lu ka thing a,ka phone arik chuan Judy alo ni.





"Aw hello" kal hlat deuh pahin ka ti a,"u Aurora ka rawn haw dawn a kanu te kha an awm hnai em" atih chuan kanu awmna lam melh zeuh pahin "awm hnai e tûnah khawnge i awm" ka tisep a.






"In bul lawkah ka awm a inhnung lam aṭang rawn lut dawn ta ila min man angem" ati a,"manlo ang kanu choka lamah a awm daih lo phei rawh" ka tih hnuah ari sat sat a,"roomah ka lut tlang nghal ania" atih chuan ka bu nghut a,a dan ngaite bawkin abawr leh khawp mai.






Kanu in a rinhlelh loh nan zantin mut hun velah arawn haw a,zan reiah a chhuak leh mai ṭhin kawngka arawn in hâwng ri rak a,an chhûngkua hi an phe suau suau bawk sia awm dân thiam a har "lo phei teh hetah Malsawmsang" kanu in atih chuan a phei ve mai a.






"Vawi engzat nge ka sawi ka inlo ti miah suh a rim i nam thur thur alawm" kanu in ati vin hlar a,kalo en reng ringawt,"ka in" Malsawm-an ati sup a,"in e ka hria alâwm zu in nan ngatinge i u bike i hman la dam se hria sela chuan a lungawi in iring ami,i u i tluklo emai," ati a,a ṭap ṭep in ka hria.






"Ka u ania ka tluk thei nang" Malsawm-an ati leh sup a,anui suk suk leh nghal a,"pi thawm te pi thawm te" kanu nek zeuh zeuh pahin Malsawm-an ati a,kanu pawh arawn nui chhuak ve ta nge nge a.





"Hming mak deuh deuh hian min koh mai a" kanu in ati a,Malsawma ka bula rawn phei pahin ka bânah arawn vuan a,"chho ila chawhdawlh" ati sup a,"engtin a chawhdawlh-a chaw kan ei dawn chhoh angailo,ipa pawh alo haw tawh" kanu bawkin ati a.





"Pi thawm te-i tak hi chu aw imm awle chaw ei inring sa thlap in alawm kalo haw" tih pahin a chhuk thla leh a,arui deuh amawni,"chaw ei kan siam mai dâwn ami nubawih Judy pawh hi alo va haw har ve" kanu in ati a.





"Nichinah khan alo haw daih tawh alawm,roomah a awm aniang" ka tisep a,"i nau va koh rawh Malsâwm" kanu in atih hnuah choka lamah kan inzui phei a,Zari pawh alo che leh rak rak tawh,chawhmeh ka suah lai chuan ka pum arawn in let but mai,ka chawhmeh suahna tûr bawl ka thlauh keh ṭhuai a, bathroom lam ka chuh nghal rawk rawk a.





"Ngatinge nubawih i damlo ami" kanu in ka hnunga rawn chul pahin ati a,ka chhang thei lawk lo,"tunlai chu pum nuamlo ka nei reng mai," ka tisep a,ka zawi vek theiin ka hria,"ngatinge in entir tur anih chu" tih pahin min kaitho a,"chaw chu ei lui hrâm rawh aw" atih chuan ka hnial lemlo.





"Ngatinge a" Malsawma choka lama rawn luh pahin ati a,a hlauhthawn hmel em em leh nghal a,"ka ṭha ka pum nuamlo vel mai mai mawle" ka tih chuan min en vawng vawng a,"i chiang maw" atih chuan ka bu nghut a.






Chaw kan ei laiin kanu in Malsawma a zilh mawlh mawlh a,"a tawp nan kan in zuai mai mai mawle" Malsawm-an ati sup a,chaw pawh a ei hnem lemlo,"i ei thei em nubawih" kanu in atih chuan "ei thei e" ka tisep a,ka chaw ei erawh a tuilo takzet,ka thai vel mai mai ani,chaw eikham ah pawh chuan kala nibur mai,mut chhuak bawk nen ka inpawlh nawk a.






"Tinge ka mut a chhuah reng le ka ning emai hrai rui ang vel kani" khum a mut thlâk pahin ka ti a,"tlaiah i mut hnem hnem nen" Malsawm-an ati sup a,a inbual zo chiah anih hmel,ka mut lah chu a chhuak tulh tulh a,ka meng thei ngânglo meng luih te chu kan tum ve tak ṭhin a,ka thei derlo.





"Kamu mai dawn ania" Malsâwm-a en zeuh paha ka tih chuan "mu mai rawh" ati sup a,ka mut tur thleng thleng engvang a hrilh nge maw ka nih le,ṭha deuh chuan min chhang ve tho,thil tla keh ṭhuai riin minti harh a,kan room chu alo thim vek tawh ka mutna bul ka dap rak rak a,Malsawma ala mu tih ka hriat chuan ka thla amuang huai thei.






"Min thlah rawh" tih hnu lawk a hmeichhe ṭap ri ka hriat chuan Malsawma ka sawi a,a harh har zek leh nghal a,light kan khum bula mi ka on hnuah Malsawma bawk chu ka kaitho a"enge" zawi deuh hian ati a,"thawm te chu i hre ve lo ami" ka tih chuan "mu mai mai teh ka mut a chhuak ania" ati sup a.






A mut a chhuah em avang in keimah in room aṭang thâwm dim deuhin ka chhuak a, Maria-i Malsawma u chiah hi step bulah a ding a,a pasal a hmaah ading run bawk,"Mampuia tal hi chu ka la ang" a mipa zawk chuan ati a,kanu leh pa ten tih ngaihna an hriat loh hmel takzet.





"Ila lo ang ka fapa anih hi" u Maria-in ati ve a,a fapa a kuah bet tlat bawk,"hre rawh Maria engtikah emaw chuan ka rawn la la tho tho ang," a mipa bawk chuan ati leh a",i bialnu nen khan ka fapa hi min chhuhsak hauhlo ang," ṭap chungin u Maria-in ati a.






"Anu" a fapa in ati a,aṭap pur mai,tih dan tur ka hriat ve loh avâng in ka ding reng ringawt a,"hetah lo kal rawh Mampui" kanu in Mampuia ban a kai pahin ati a,"thawm dim rawh u i naute an mu tawh ania" kapa in atih takah chuan enzui reng duh lo in roomah ka luhsan a.





"A hmuhnawm bawk maw" Malsawm-an kut kuangkuah run a din pahin ati sup a,"awi i ninawm emai aw i mut a chhuak hle khan ka hre sia" ka tih chuan "chhuak e kamu dawn ania" ati sup a,khumah alawn zui nghal a.






Zîngah "tho tawh rawh le nizan ah mi inhau lai i entui sia thawh i hai animo" ka beng bulah Malsawm-an ati sup a,"ka van tho peihlo tak," ka tih chuan ka chungah arawn bawk run a,"mamawh kan inpe tawn dâwn ami anih chuan" min melh run pahin ati a.





"Ka tho dâwn " hmanhmawh deuha tih pahin ka inperh tho at mai,"ka ning engkim hi ka ning" lukham tla chhar paha ka tih chuan Malsawma a nui hawk a,tunlai chu ka awmdan hi ka hrethiam lo ho te te ah ka thinrim hlur reng a,a chang leh ka ṭap leh tawp ṭhin ka lung leng ti dâwn ila ani theiin ka hre bawk silo a.






"Ka kal ania" Malsawm-an arawn tisup a,ka bu nghut ringawt,"nubawih vawiin chu in entir tûrin kal ila " kanu in atih chuan "a pawi hleinem " ka tive sep a,zan mut theihloh te ka nei ngun bawk si nen pawi ka ti lemlo,a hreawm thei em ani.





"Ka han insiam ange" ka tih hnuah roomah ka chho a,kawr pangai tawp ka ha a,kekawr dum plain tawp ka hak hnuah mask kala chhuak a,ka insiam zo ka chhuk leh chuan phone khawih chungin alo ṭhu awn duai a.





"Nu ka hman " ka tih chuan arawn hawi chho vat a,"kan kal dawn ami,ipa in min thlah dâwn a," atih chuan ka bu ve nghut a,damdawiin kan thlen chuan lehkha lâk chhûng pawh arei lemlo,Doctor in ka awmdan vel min zâwt a,ka sawi chuan anui tut tut mai,"Aurora ka hre lutuk che alâwm,va in test chhin phawt teh" ati a,test kit min rawn pêk chuan mak ka ti ang reng.





"Bathroom sawtah sawn a awm" atih chuan ka phei ve mai a,ka in test zawh chuan ka nghâk deuh vang vang a, Doctor bulah test kit pawh en lemlo in ka phei leh a,"kava lawmpui che ve Aurora" ati hluai a,"enge awmzia"kanu in atih chuan "naute thar in nei dawn anih hi" Doctor in atih chuan ka phu zawk thei.






"Ehe!!!ava mak ve a lawmawm bawk si" kanu in ati hluai a, ka zak ve reng in duhlo deuh a innei kan ni sia naute kan pai hma minti lutuk ang tih ka hlau ani,"ava lawmawm tak ka lawm emai harsatna dang anei em" Doctor en pahin kanu in ati a.





"Neilo aṭha vek nau apai vang mai mai anih kha damdawi ka chawh ang che u anga aṭha vek mai ang naute ala lian lo a khatiang kha chu awm turah ngai tawp rawh u naupai i huat phei chuan a awm rei deuh maithei" ati sep sep a,"dawt i sawi lo maw harsatna dang a awm miahlo maw" Doctor en pahin kanu bawkin ati leh a,dâwp tum te pawh a ang ka ti,"kapi lungai suh a awm lo" Doctor in a ti a.






In lam pana kan haw lai pawh chuan asawi reng a,kan chhungte a hrilh kual hman vek tawh,"nu" ka tih pawh chuan a la ṭawng reng a,"a lawmawm hle mai" kapa pawh chuan ati ve sup a.






In kan thleng a room a ka luh chuan Malsawma bathroom aṭang arawn chhuak ve chiah a,"chanchin kalo hria a,i khua ahar tawh dawnlo tihna anih chu ka lawm lutuk ania nubawih" ati ve sup a,keipawh ka nui ve var var thei tawh, darthlalang ah ka pum ka en vang vang a.





Ka ṭhiante leh ka nute lam aṭang lawmpuina thilpek ka dawng awllo a,social media lamah pawh a darh chak khawp mai,min seltu kârah min lawmpui tu an awm bawk a,mihring hi chu alo in an theihloh anih hi ka timai,chaw ei dawnah kapa in naute kan pai avâng in lawmthu sawi ṭawngtai na anei thlap a,min lawmpui tu an tam vang nge keipawn ka pai lo ang tih ka hlau takzet tawh .






A tawi khawp mai minlo hrethiam hrâm ru Sunday hi chuan buai ana ve deuh a naktukah chuan kan ti sei tawh tak tak ang chuan tun chapter bik hi chu a boring anih pawn min ngaidam ru


Show post links
Top

[Ngaia]

Aurora Malsawmzuali POV
Chapter-6

"Engmah ti suh ka tih kha awm hle hle rawh" Malsawm-an atih chuan "anuamlo alawm mo ka nih hi engmah tih loh tawp te chu" ka tih chuan kawng dâwm meuhin min en a,"nau ipai kha hre ta che fimkhur angai engmah tisuh ka tih chuan tilo mai rawh" ati leh a,ka chhang tawh lo,"mu tawh rawh" ati leh tawp a.





Malsawma chhuah hnu lawkah ka phone ari a,ka en chuan number hlang ani,number chiah call ka dawn ngun em avang in la ta lo chuan khumah ka dah a,ka hmai vel ah cream ka hnawih thuak thuak a,ka phone bawk arik leh takah chuan a pawimawh nih ringin ka la ta nge nge a,"hello" ka tih chuan "hello Aurora-i ani em aw" hmeichhe aw hian ati a.





"Aw ni e enge nita" ka tisep a,"keimah Lydia-i" atih chuan ka ding hluai a,"enge iduh" ka tih chuan "inhmu lawk ila a reilo ang in în kawtah ka awm lo chhuak la" atih chuan "inhmuh chhan tur kan nei ami" ka ti a,"sawi duh ka nei a khawngaih in a tawp nan tak tak Aurora" ati sep a,a ṭawng pawh a ring hranlo,a tawp nan atih erawh a chhan ka hrelo.






"Awle" ka tih hnuah call ka dah a,chapal in thawlh sawk sawk in ka chhuak a,"nu dawrah ka kal lawk dawn ania" ka tih chuan "Judy hi hruai rawh" ati a,"angailo nu dawr a hla chuanglo a ka rei dawnlo" ka tih chuan a phal ve mai a,Gate pawn a ka chhuah chuan Lydia-i chu ka hmu nghal a,"sawi vat rawh" a bula din pahin ka ti a.





"Aurora Malsawma hi ka hmangaih lutuk mahse ka kalsan tawh a mahse amah hian min rawn biak leh zeuh aching a nuamlo itih phah nan a sawi ka nilo ania,nau in pai tih kalo hria a,hlim reng rawh u ka lawmpui lutuk che u ania keipawh hmalam ka pan ve zel a kar thar lamah ka putea te awmpui tûrin kan haw lamah ka phei dâwn a,ka awm reng tawh ang ka kal hma a hmuh ve hrim hrim che ka duh a," ati sep sep a,a sual ka ring hran tawhlo.






"Imm anih chu kan lawm e" ka tive sep a,"kava haw phawt ange ka tlai lutuk chuan ka chhungten min ngaihtuah ang" atih chuan "dawrah kal lawk ka ngai a thlah pah che animai" ka tih chuan min hnial lemlo,dawr pawh a hla vaklo,step chhuk tur a awm tih mai loh chu "ka pen san mai ang che aw" ka tisep a"eitur kan lei haw nghal ve law law ang" atih chuan kan chhuk dun a.





"Awi ka duhlo" Lydia-i in ati a,step ah chuan a lum thla ta mai,pheikhawk sang a bun nen ka hlauthawng lutuk "Lydia i ṭha em" tih pahin ka tlân thla ve hlawk hlawk a,alu aṭang thisen a chhuak a,a mit a chhing tlat bawk si tih ngaihna ka hrelo lutuk ,"Lydia" ka tih leh pawh chuan min chhanglo thisen ka kai nuai bawk si ka phone phawrh chhuak in Malsawma ka call a,"khawnge i awm ka zawng nasa lutuk che" call alak rualin ati nghal a.






"Malsâwm Lydia-i" ka tisep a,ka aw a khur thei hial "enge Lydia-i chu" ati a,"dawr bulah kan awm lo kal vat rawh" ka tih hnuah call a in cut zui hmak a,a thim lai takah kan awm bawk si a lu kak lai chu ka kut in a thisen chhuak leh zêl tûr dan nân ka hup bet a,light rawn eng thla de de ka hmuh chuan min puih theih ringin "min ṭanpui ru" ka ti tuarh a.





Light chu kan lam panin arawn chhuk thla zel a,tunge anih erawh ka hre theilo,"ṭhiannu enge nita ngatinge a"mipa aw hian ati a"ka ṭhiannu hi a ke a chhep sual palh a,step-ah hian alum a" ka tih chuan arawn en ve vat a.





"A thisen ava baw hnem hman ve khawi kalo pawm ang a eng laiah khian chhohpui ila kan in bawisawm dâwn nia Ambulance call la" atih chuan asawi ang ang in ka awm ve tawp a,Malsawma rawn thleng har lutuk te chu ka thin arim hlur tawh,kawngpui laiah Lydia-i chu a pawm tupa chuan amut a,ala upa vak bikin ka ringlo.





"Ambulance chu i call tawh em" atih chuan ka call tawh thu ka hrilh a,"ehe!!ngatinge a" kawnga kal te chuan an rawn ti ṭhin a,ka mal chungah Lydia-i chu ka mut a,adang chak khawp mai,mipui pawh an pung khawm hnem hman tawh takzet,min hre tawk anlo awm bawk nen a buaithlâk tak tak ani.






"Aurora" Malsawma aw ri ka hriatna lam chu ka hawi vat a,kanu leh Judy te pawh anlo ding ve reng,an hmel a mak tihna langchhuak chu ka hmuh hmaih hauhlo, Ambulance arawn thlen takah chuan Lydia-i chu an bawisawm zung zung a, Ambulance a an dah luh thleng chuan ka en zui reng a,min rawn hmu hmasa ber tupa khan a kalpui a,a chhûngte a biak tur thu a sawi bawk,"enge thil awmzia" Malsawm-an ka dar a rawn kuah pahin ati a.






Ka khur pawh ala reh fel thei meuhlo,"inah haw phawt ila kan sawiṭha dawn nia, Lydia-i pawh naktuk lamah kan kân mai dâwn nia azia lo tak tak ani" kanu in ati a,in kan thlen chuan ka thawmhnaw vel thlakin ka inti fai hmasa te te a,"sawi rawh le" Malsawma leh kanu te ka hma a ṭhut pahin an ti a,min en kar bawk si thil tisual dâwp tur te pawh ka ang lek lek ani.






"Lydia-i khan inhmuh puiah min sâwm a," tiin bul ka ṭan a,"sawi duh aneih avâng in ka chhuak ve mai a,dawr a kal ka ngaih avâng in kan kal dûn a,dawr a ka chhuk dawn khan thil lei tûr aneih ve tho thu a sawi avang in step-ah kan inzui thla a,pheikhawk sang a bun bawk nen ake a chhep sual a, step-ah alum a chuan chu chu thil thlen dan a nimai" ka tisep a,ka aw pawh ala dik chiah lo,kanu te ka en chuan an awih hmel vakloh.





"Nu ka ti tak tak pa min ring rawh u" ka tih chuan Malsawma ading hluai a,"i dawt phuahchawp bak anilo ang, Lydia-i nen chuan enge in sawi," ati chang run a,a thil sawi chuan ka rilru ati na ve takzet,"min ring rawh u chutiang ti duh tur khawp chuan ka rilru a chhe lo,ka naupai min lawmpui thu asawi a chuan Malsawm-an minla hmangaih reng a keimah zawkin ka kalsan ang ati" ka tih chuan Malsawma chu meng rum tawh tak ani.






"Dawt i sawi duh ka ringlo asin i haw hle ani lâwm ni" Malsawm-an min melh run pahin ati a,"aih" tih bak ka sawi thei tawhlo,ka rilru na hle Mahse ka chak loh na lan tirin ṭah ka tumlo,"damdawiin lamah ka kal dawn ania" tih pahin Malsawma a chhuak zui nghal nal nal a.





"Nu" beisei nei zetin kanu ka melh a,"ka ring che alâwm nubawih lungai suh i lamah kan ṭang zêl ang,inneih na hi kan thiamloh vek ani,duhlo chung chung in lo nawrlui lo che u ila chuan tiang hi a thleng miahlo ang kan thiamloh vek ani" ka kut rawn vawn pahin ati a.





"U Aurora lungai reng reng suh" Judy-in ati ve sep a,"ni e khatiang thil sual kha i tih duh kan ring hleinem Malsâwma kha hrethiam hrâm hrâm rawh nakinah chuan a theihnghilh veleh mai ang" kapa in atih chuan thawk khat chu a veng hawk thei mahse ka rilru erawh a hreawm lutuk thung.





"Zanin chu Judy hian a riahpui dâwn che ania" kanu in ati a,ka hnial biklo kan mut hnu thlengin ka rilru anuam theilo,mut pawh ka mu theilo, Lydia-i hmel ka mitthla ah acham reng a,eng vanga hlau êm em nge ka nih ka hrelo,ka hmul thi te chu ading sung sung thei,Judy lamah ka tawlh phei sat sat a.





"I mu theilo ami ka u chu ngaihtuah duh suh" Judy-in ati sep a,zan laiah ka lu na lutuk in minti harh a,damdawi thei leh theilo in ka dap a,kanu ka ngai takzet,parda thli in a chhêm te chu ka ringhlel vek ka hlau lutuk "min kalsan rawh" ka hriat phak lekin ka ti a,chhuat te chu ka hmu phîr vek,"ka duhlo" ka tileh sêp a,ka lu chu puak keh tûr ang mai hian ana.






"U Aurora ngatinge iṭha em nu" Judy-in atih ri pawh ka hria,"ka ṭha" ka ti ve tak na chu ka ṭhalo takzet,"nu lo kal vat teh u" Judy-in a awrawl tawpin kanu te a koh ri chu ka hre hla tial tial "nubawih i ṭha em damdawiin lamah kal vat ang u" kanu in atih ri pawh ka hre thei ka ṭawng chhuak thei tawhlo,ka mit ka chhing tawp a,ka mit ka chhing in Lydia-i hmel ringawt alang a.






"Aṭha vek e,naute pawh aṭha mahse damdawiin ah inla awm rih angai ang test chi hrang hrang neih a ngai dawn a," Doctor in ati a, Judy-in min awmpui dawn bawk "inu te chu chanchin kan hrilh vek tawh ania naktuk zing lamah anlo kal ang kan va haw thla leh phawt anga thawmhnaw leh adang vel chu kan rawn keng mai ang,rilru hahdam deuhin lo awm rawh aw" kanu in ati dap dap a.






"Judy Lydia-i nen kan awmna a in ang tiro tlawh ve ka duh" ka tisep a,"u Aurora ala hma emai mut hahdam i mamawh mu phawt la zîngah ka kalpui ang che" atih chuan "angailo tûnah ka hmu duh alâwm mu zawk rawh keimah in ka kal thei lutuk kamu thei dâwn chuanglo," ka tih chuan "anih kal mai ang" ati ve sep a.






Lydia-i awmna ward pawh ka awmna ṭang a hlat vakloh avâng in kan thleng har lemlo,ka kal châk vak theilo thung,tlêm a serious deuh dahna ah a awm a, damdawiin chu ka ṭih deuh tlat,"Mami a luh theih rihloh" nurse pakhat in rawn hawi chhuah pahin ati a,"Aurora" ati sep a,"enge hetah" ati leh sep a,mak atih hmel khawp mai,"a damlo a damdawiin ah hian a awm a,chuan a ṭhiannu dinhmun hriat lawk aduh a, khanwgaih in areilo ang" Judy-in atih chuan "awle mahse reilo te chauh" atih avâng in awlsam deuhin kan lut ve mai a.






Lydia-i chu alu a in tuam var lûk a,a hmai duk leh khem awmte chu ka hmu ve chiah ake a in tuam bawk,chuan anu ni awm tak leh ka pasal Malsawmsanga ngeiin an awmpui anih chu an bul kan thlen chuan Malsawma mak ti hmel chu ka hmuh hmaih hauhlo,"nang hetah engtin nge i rawn kal ngam zawk a" zawi si chang run in ati a,"u tikhan ti suh Lydia-i dinhmun hriat aduh vanga rawn kal mai kan nih hi,ani pawh damdawiin ah a awm ve tho alâwm,mahni nupui te ai a bialnu hlui te ngaihsak zawk te chu a zahthlâk emai,in hmangaih lo mah ula nupa in nih vang tal pawn i ngaihsak tur asin" Judy-in ati duah a, Lydia-i nu bathroom ah akal lai tak ani a,pawi ka ti biklo.






"Damdawiin a" ati sup a,"i ngaihtuah der angai lo kan buaipui thei u Lydia-i hi buaipui char char rawh,rawn haw pawh angai tawhlo,va luhkhung law law rawh mahni nupui te aia i thlan zawk chu"Judy bawkin ati leh a,"kal ang Judy" ka tisep a,"nubawih ka tihpalh nichin kha chu ka rilru abuai vang ania min ngaidam rawh" Malsawm-an ka bân a rawn vuanin ati sup a.






"Phei daih ang u Aurora " Judy-in ka kuta rawn kaih pahin ati a,keipawn ka hnial biklo,Malsawma mi â ang maiin ding khawng luah chu ka melh zeuh a,kan ward lama kan phei leh chuan ka hahdam deuh huaiin ka hria,serious over anilo bawk a,mahse Oxygen chu anla vuah,zing dar nga velah kanu keima nu te an rawn thleng a,an rawn kal zing khawp mai.






"Ka fanu awi ka van lainat tak che em, damdawiin awm ngai khawpin ilo na a,kan bula i awm lai kha chuan damdawiin ah i awm ngailo asin le" kanu in ati a,a mittui afar fep fep mai,"nu ka na lo ka ṭha test neih an duh avâng in kala awm mai chauh alawm" ka tih chuan "nubawih i englai nge na ber" kapa in ati ve sup a.






"Na ka nei tawhlo nizan kha chuan kalu ana lutuk a" ka tisep a,"naute chu aṭha tiro" kanu in atih chuan "aw ṭha e" ka tisep a,"bathroom ah kava kal lawk ange" Judy-in atih chuan ka bu nghut a,"cabin ah kan in sawn lût dâwn nia kava tifel lawk ange" kapa in atih chuan ka hnial biklo,min hre tu an awm nuk bawk si thu diklo deuh deuh a darh ka hlau ve deuh.






Kâpa rawn let leh hnuah Judy kan nghak leh te te a,cabin lama kan in sawn luh chuan dar sarih ari ve der tawh,kanu te pawh an rawn thleng har em em hranlo "cabin lam ngaihtuah na chang kanlo hrelo a,a pawi tak tak ani,kan chi ai ve deuh a" kanu in ati sep a"aho emai kan tih fel tawh hi,kan bul lamah reilo te a naupai chhûng vel chu rawn awm mai se apawi angem" kapa in râwn titih deuh hian ati a.






"Kanla ngaihtuah ṭha dâwn nia kan enkawl ṭha tawklo intih leh alo awm phei dâwn nia" kapa in ati ve a,an inkar chu a ṭhalo riauin ka hria,ka lu lah chu ana leh ut ut tawh,Malsawma cabin ah arawn lût hlawl a,kanu chuan a melh nasa khawp mai "enge i an" ka bula rawn ṭhut thlâk pahin ati sup a,"i hmuh ang hian ka ṭha" ka tih chuan a thaw hak a,amit asen rum a,a sam a pawr fap bawk a,zan a mu ṭhalo tih a hriat tâkzet.






Doctor arawn lût a, Judy-in au eiloh hmel zeta amelh chuan nuih ati za reuh,"kan va haw hmasa phawt ange kan sawi kha hre reng ula" kanu in atih hnuah "nubawih thil thleng a awm chuan ilo sawi zêl dâwn nia" kanu bawkin ati leh a,kapa nen an in zui chhuak nghal a.






"Test result reilo te hnuah a chhuak nghal ang aw" Doctor in atih hnuah a chhuak a,ka lu na lutuk chu ka mit ka chhing vang vang a,reilo te hnuah azia ve ta deuh,"apple hi ei rawh chaw kanu ten an order a,arawn thleng tep ang" Judy-in ati a,min duat khawp mai.






Malsawmsanga POV
"Ka sawi tûr hi ngun deuhin lo ngaithla rawh u, Aurora-i hian personality disorder anei a,a awmzia chu mize pahnih nei anih ber chu in ven hle angai ang a thil tih pawh a hre dawnlo a hetia a awm chhan chu hlauh anei tihna anih ber chu nau apai bawk nen veng hle rawh u" Doctor in atih chuan ka thaw hak a,ka tih sual vang vek ani,keimah tak pawh hi ka chianglo.






"Ka nei ve em" ka tih chuan kanu leh Doctor te chu an rawn hawi rual ṭhap a,"eng chu maw" Doctor in atih chuan "personality disorder chu ka chianglo riau a" ka tih chuan an nui hawk a kei erawh ka thutak hle thung.






"Neilo turah ngai ang" atih a, Lydia-i hi ka hmangaih hauhlo, Aurora-i hi a ni telin ka ngaina a,ka duh tawh in ka in hre hial,a thil eilai te chu ka en leh vang vang ṭhin a,diklo awmin ka hmulo,ka fa ngei a pum chhûngah a awm a,min hrilh tirh a ka lawm na khan vân atawng hialin ka ring mahse ka hlim lai tak hian harsatna kan tawk a,sual hna thawh vek ani.





"Naktuk ah chuan in chhuak thei tawh ang ṭhat loh na aneilo a in enkawl ṭha se rit chawi vak vak lo se aṭha mai ang" Doctor in ati a,"zanin chu ka riahpui ang Judy zu haw rawh" ka tih chuan Aurora-i a ṭawng lo hrim hrim room a ka luh tirh aṭang ala ṭawnglo hrim hrim zawk,"i awmpui thiamlo ang mipa ini bawk si" Judy-in atih chuan rum deuhin ka melh a, Aurora-i amelh chuan a hmui phun in thil asawi zeuh a,"awle mahse Lydia-i bula i kalsan anih chuan hre rawh kei aia nasa i hmu tawhlo ang" min vo ve khâr khâr pahin ati a,ka nuih aza ang reng.







"Chaw chu in order leh mai dâwn nia" kanu in atih hnuah an pathum in an inzui chhuak a,"ka tihpalh tak tak nubawih" ka tih chuan hmalam a melh char char a,min chhanglo,"nubawih ka duh che" ka tih chuan min en zawk a,phone a khawih leh daih thung,luhlul tak ani,"nubawih ka sawi chu i hria em" a phone lâksak pahin ka ti a.






"Ka hria e Malsawmsang i thusawi ka hria engtia ti turin nge min duh" ati a,a vin hauhlo,"min chhang rawh" ka tih chuan "ka duh ve theilo che naute a puan veleh kan inṭhen ang" atih chuan ka ding hluai a,"inṭhen sawi ri leh tawh suh naute hi i chang chuanglo ang chuan khawiah mah ka hlat aṭang i kallo bawk ang hre reng rawh" ka tih chuan min melh kiau a,amak ka ti takzet henu tereuh hi hreawm khawp a ka siam pawn a ṭap lai vawikhat mah kala hmulo.






"Eitur ka zu lam ang" ka tih hnuah ka chhuahsan a,ven ngai em em anilo bawk eitur ka lei hnu a ka let leh pawn a awmdan ngai rengin alo la awm a,"thil ei rawh" ka thil khai dawhkan a dah pahin ka ti a,ka la chhuak nghal mawlh mawlh bawk,"ka rilṭam lo" atih chuan ka thaw hak a,"luhlul viau lo teh " ka tih chuan melh pawh min melh lo,hetiang em em a hmeichhe luhlul ka vawikhat hriatna.






Eitur ka siam sak hnu a ka barh chuan a hawisawn hmak mai,"i titau tihna ami" ka tih chuan khum aṭang a chhuk a,a sam a khawih zui nghal mawlh mawlh a,kawr var aha bawk si a rapawm reuh lutuk,"nubawih" tih sup pahin a hnunglam aṭang ka kuah a,a pum ala puar lo na chu naute a awm tih ka hre ve kiau a,ka chûl hauh hauh a.






"Min thlah vat loh chuan case ka file ang" atih chuan ka nui hawk a,"i duh leh file la jail ah kan tang dun anga" ka tih chuan a rawn hawi a,"tan na chhan tur ka neive hleinem" atih chuan ka nui ringawt, Doctor in personality disorder anei a,a thil tih engmah a hrelo ang tih kha sawilo se chuan Lydia-i a nam chhan kha a haw tak tak ah ka ngai ngei ang.






Lydia-i rawn harh hunah ka zawt chiang mai ang,engmah erawh ka sawilo thung ang,"thil chu ei la" ka tih chuan thu awi deuhin min zui ve mai a,chaw ka barh mawlh mawlh a,"keimah in ka ei thei" ti mahse amah a eitîr ka tumlo,"mu hma la i taksa a chau ang naute kha ngaihtuah la" ka tih chuan ka sawi ang ang in a awm ve mai a,a muhîl har lemlo,a naupai vang hian mut a duh khawp mai.






A samah ka chûl a,a mut lai chiah in a sam hi ka khawih thei sam khawih a duhloh zia ka hria a,tih luih anuam ve hrim hrim asam anep thêp a,a dum hlak bawk, Lydia-i nu hnên aṭang call ka dawng a,"Malsâwm Lydia-i arawn harh tawh a" hlim tih hriat tak hian ati a.






"A ṭhat chu" ka tih chuan "ilo kal dawnlo ami a hmu duh ang che" atih chuan ka rum nghut mai,an nufa hian an hneawm ṭan riau,"ka nupui a damlo a,ka rawn kal tawhlo ang nakinah thu chiang zâwk ka rawn zawt fiah ang" ka tih hnuah call
Ka dah a, Maria-i ka u chiah pawh a pasal te inlam ah kapa in adah phei ani awm e,anni pawh hi kapa ten keimah ni ang bawkin an inneih luih tîr a,fa an neih hnu thleng pawn anla in be ṭha thei meuhlo,kan upa ber te erawh in hmangaih tak innei anni thung.







"Nu" Aurora-in ati sep a,"nu" ati nawn leh ṭhin a"nubawih hetah ka awm hlauthawng suh" a sama chul pahin ka ti a,rei vaklo hnuah a thaw sek sek a,a bulah ka mu thla ve vat a,ka kuah hlun a,hria se chuan a duhlo leh ngawt ang,"Malsâwm tho tawh rawh," Aurora-i aw ri ka hriat chuan ka meng ve vat a.






"Na inei ami" ka tih chuan alu a thing nar nar a,"ka zun a chhuak ka ke amu ka kal theilo" atih chuan khum a ṭang ka chhuk vat a,ka pawm nawlh a,"chhuak tawh rawh" atih chuan "nangmah in i zung theilo iti nilawm ni zung mai mai rawh ka hmu vek tawh" ka tih chuan ṭha deuhin a awm veleh mai a.







Bathroom aṭang a kan chhuah chuan ka phone ri ral ral chu ka ban vat a,"hello" ka tih chuan "duata mamawh in nei em" kanu in alo ti a,"neilo" ka tih chuan "nubawih-i kalo be lawk ang chu call a la thei siloa ala mu ami" atih chuan nubawih-i lamah ka phone ka lek phei a,loud ah ka dah nghal bawk,"aw nu" ati ve sep a,"nubawih mamawh ineilo tiro keini pawh chaw eikham veleh kan rawn chho ang,bill vel chu keimah niin kanlo tifel vek mai ang" kanu in ati lang lang a.






An inbiak zawh hnuah eitur kan order vel kan ei a,a ei hnem em em lo thung,"i inthlak duh em" ka tih chuan alu athing a, thawmhnaw hâwn tur vel ka khung fel a,ka hnawh lût tawp tawp anih ber chu "keiman kalo ti ang i thiamlo" atih chuan "angailo ka thiam" ka tive a, thawmhnawah khung kan inchuh kual vel laiin Doctor arawn lût a.






"Nizan lamah harsatna te a awm em" ati sup a,"awmlo" ka tih chuan a ziak thla nghal mawlh mawlh a"in chhuak thei ang aw," paper min rawn pêk paha atih chuan ka bu nghut a,"va mu rawh ka tilo ami" Aurora in khung fel mawlh mawlh en paha ka tih chuan a hrelo der hmak,a bânah vuanin ka pawt tho lawp a,"va mu rawh" ka ti chang run a,"i luhlul viau chuan rum deuh hlirin ka be tawh ang che i sual chuan ka duat dawn miahlo che ania" ka tih chuan ṭha deuhin a awm veleh mai a,naute ang tak tak a enkawl a ngaiin ka hria.



A kalhmang ka rawn thlâk deuh a mahse a buai em em tawh dawnlo ania aw chhungkaw lam buaina ani deuh tawh dawn a minlo chhiar sak hram hrâm zêl dâwn niachuan personality disorder khi natna chi khat a tak tak a awm ani bawk aw.


*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/