Perfect two BY Ruat Hlui (Completed)

[Ngaia]

Chapter~13


*


''In kal na tur te hi en ve thin ta che u'' ti hlar in ka hawi chhuak a ka ngawi chiang teh e...nui var var in 'hi....' Kan ti ngawt pek a.



''Tho ve em em ta che'' tih pahin sangkima pui reuh chuan min rawn kai tho a, ''nang mah vang vek a nih hi aw hmela'' ka tih sur sur chuan then thaw in, ''Hmingsanga lawm'' a ti a . Dik chiah mai Hmingsanga leu luau vang, ka mawng chu a....



''Ka...'' Ka tih chiah chuan Fred chu a kal sawn leh nghal daih a, ka sawi tur tal te chu ngaihthlak ve tur ania. ''Denny Hmingsanga chu..'' Sangkiman a tih leh chiah chuan, ''sawi suh!!'' A necktie hmawr ah pawt in ring zet in ka au a, ka kal sawn nghal nal nal bawk, a hamhaih ve ang chu... Hmingsanga de de dei dei tih vel ka hne.



''Tu nge ko che a?''

''Ka sawi peih lo'' dawh kan ah chuan ka bawk leh nghal zat a ka lawm lo re re Saktei lah chu a phun ve ang bul bul leh nghal. Ka mawng chu ka rin aiin a na daih lehnghal a ka thut zawng pawh hian a la sa ham ham thei.



''Corridor ah I thal a ni maw'' tih pahin min nuih vak vak a, kei ka tum hmak thung, ''Fred nen an insu an tih kha'' Saktein a tih leh zeuh phei chuan kut beng in a nui hawk hawk a, ''mahni star te hma ah an che chhe viau ngailo'' Jordana pui chuan a ti leh a, mi chu deu ve tak ani.



Kan haw kawng ah pawh chuan ka tawng ve tawh lo hrim hrim ka mawng in min tur et et bawks si ka 'D' lah kha a.....na........



Kan in peng kan theng chuan, ''Naktuk chu min nghak suh u'' tiin ka kalsan nghal a, min au eng ang mahse ka hawi let lo. Dawr a ka luh chuan Û Puipuiin dawr a lo nghak a min lo nuih var a nuih let ve in thuthleng awmah chuan ka thu thla nghal bawk. U puipuii hi kanu in dawr a nghah hman loh hian a rawn nghak ve thin. ''Mate, school a nuam em'' ka lam rawn hawi pah a a tih chuan, ''nuam lo..ka mawng ana'' ka tih chuan a nui hak a, customer an awm avangin min chhang tawh lem lo.



Lays ka ei mial mial lai chuan ka nu a rawn chhuk ve a, ''I rawn haw har tawh ka ti reng a, I lo tawm kuk vang a nih hi a'' a tih nghal zat chuan ka hmui ka lo ti pawrh tur a lays pa1 chu lain ka hmawm leh nghal zeuh bawk, ''zan ah in nu hriatin lo phei rawh se a ti'' a tih chuan, ''tu nge nu hriati chu?'' Ka lo ti zat a, hre hek lo le. ''Thenawmte'' a tih zawh rual chuan, ''teuhlo'' ka lo ti nghal hlar a, kal chak viau mah ila ka kal awm lo zahthlak in.



''Teuh lo te han tih che, ikal awm e mai'' a ti leh a chhang lo in ka chhuak nal nal a inchung ah ka chho daih. Ka nu pawh hi naupang ang mai min hnial ve ziah, ''û class I kal nange'' sofa ah hian a lo thu duai a, ''first chiah ka nei'' a ti a tv a bih leh bawk, a en tui hmel nasa mai si a ka va bih ve chuan inkhel a lo en lek chu niin.

*


Tv en in kan thu thap a zanriah pawh kan ei fel leh der tawh, ''mate va phei ta che'' ka nuin a tih chuan ka ner nag a ka chhang lo chiang teh e, ka ngaihtuah ringawt pawh hian ka thin a su dup dup mai, ''khawi ah maw'' ka û in a lo tih ve chuan, ''aw..I nu hriatin lo phei teh se a rawn ti a'' a tih leh chuan ka tum bar a, ''va phei ta che'' ka û in a tih pawh chuan chhang loin tv lam ka melh ngar ngar, ''mate....'' A tih leh halh chuan, ''a zahthlak'' zawite hian ka ti a ka nu nen an nui vak a nih chu. Hamhaih deuh a ka va en chuan, ''I zah theih loh ve piap piap em hi'' ka nuin a rawn tih chuan, ''ka mi nel te an nih kha'' ka lo tih hlar a, ''I nel theih em kha'' a tih leh zeuh chuan ''maw!!'' Ka lo ti hu a..ka û in a aw a thian khurh bawk.



''In mak ve thei e...ka chheh vel ami te hian thil mak deuh deuh hi in sawi thin a'' ka tih chuan ka nu hmel chu ka hre thiam lo, ani deuh nghulh mai, ''I tet lai in I ngen nasa thei em a lawm'' a ti leh zat a, tet lai chu ka hre tawhlo a a awm ve tho. ''Chuan I kal dawn em'' ka û in a rawn tih leh chuan, ''ninawm'' ka lo ti hlut a a nui thaw mai.



Door bell a rawn rik chuan ka nu a tho thuai a keichu lukham pawm in tv ka melh ngar ngar thung. ''Mate hei Kimtean a lo hruai dawn che'' ka nu in a rawn tih chuan ka hawi phei a dawt a sawi miah lo, kanu bulah a ding ve ran a ka en heu ringawt, '' va kal la'' ka û in a tih chuan ka ding nghal zawt a, ka hamhaih mai mai lutuk.



''Kal ila'' a rawn tih chuan ka bu ve mai a ka la kal phei ta chuang lo, ''va kal vat la I lo haw leh vat dawn nia'' ka nuin a tih chuan ka pen chhuak ve ta nge nge a ka bul a ding chu ka en leh thin, min lo hruai vel ania awi khawvel hi a nuam.



Pawn a kan in zui chhuah chuan dawr ah a va peng zawk a sarang khat tun in thil a rawn khai bawk, ''kal la'' a tih chuan ka kal ve leh mai a ka la tawng lo hrim hrim nia.



''Awii ilo kal dawn lo a maw ka lo ti hman a lawm Mate'' kan luh rual chuan nu Hriati chuan a lo ti var a ka lo nuih let ve sang bawk, mate min la ti vei thlap zui, ''thu teh ang'' a tih chuan ka zui ve thuai a Fred-a pawh kan piah ah a thu ve bawk. An in mawi rapthlak zia chu ka sawi thiam dan chuan a ni huai mai, ''kawr ka lo lei sak che a pek ka duh deuh che lawm'' a tih chuan, ''min lei maw'' ka lo ti haw a nui chung hian, ''thil ka lei loh na che a rei tawh sia, I tet lai kha a ni deuh mai bawk sia'' tiin a tho zui a, ava la dawn a nih mai hmel e. A rawn chhuah leh chuan paper bag hi min pe a ka en chuan a mah ka en leh thuai a min lo nuih var mai,



''Ka lawm lutuk aw nu hriat, a mawi hlawm si ka awh vek a ni lehnghal'' nuih sang in ka ti a, ka lawm tak tak bawk. A to chi tih a hriat nasa mai bawk si a, ''ei chak te I nei em'' a tih leh chuan lu ka thing mai a, anui var var reng bawk nen a nelawm tawp.



''Bawiha Matei nen hian I thil lei kha va ei ta cheu'' a tih chuan Fred chu ka en thuai a a thut na tang ding in min rawn en a, ''lo kal la'' a tih sup chuan ka zui ve thuai a kitchen lam ah min hruai a. Dawhkan ah a thil lei ho chu a bun ruih a, alei tam hem hem lutuk, ''eng nge I ei duh'' a tih chuan ka nuih ver ver a, ''spicy hi chhum ila'' ka tih chuan nui suk in ala a, tui a chuang nghal bawk.



A thil chhuan a vil lai chuan, ''ka hming I hria em?'' ka ti a, a hriat loh ka hlau bawk si nen chuan ka lo en ran a min rawn en ve zeuh in a bu nghat a, awi ka lawm zia mai hi, ''min ko ngai silo a I hre lo a maw ka tia'' ka tih leh chuan nui suk in, ''hria e'' a ti sup a, sawi leh tur hi a vang thei e....



Ei tur chu dawhkan ah kan chhawp ran a juice min chhawp bawk, ''ei teuh rawh'' a tih chuan nui var var in ka bu zeuh a, ''a tui zia hi'' ka tih hliai chuan anui suk ringawt, "ei ve la'' ka tih chuan lu a thing mai a, pawilo keimah in ka ei zo vek mai ang.



Ka thil eina vel tih fai ka tum chuan a phal tlat lo a ka tilo ta mai. Kan chhuah chuan nu Hriatin, ''I ei tui maw'' a lo ti var a keipawh ka bu ve nghat nghat. ''A nih nu hriat muttui phawt aw...ka lawm lutuk ania'' tiin kan in vai liam a kawngka a ka chhuah chuan ka 'D' pawh a rawn chhuak ve luau a min thlah dawn chiang mai.



''Naktuk ah I walk a ngem?'' ka peng hma chuan ka ti a, kan in hma chhawn ran a lu a buk nghat chuan, ''dar eng zah ah nge I kal thin?'' ka tih leh chauan," dar4 ah'' a ti sup a, ava han hma tak, ''I van tho hma keichu dar5 ah a nia'' ka tih ban charh chuan a ipte zen in min en ve reng a, a hmel hmu chiang theilo mahila ka lai.



''Min lo nghak rawh aw exer kan la rual dawn nia'' a in her chuan ka ti leh sup a, min chhang loin a kal nal nal tho. Min nghak tur ah ngai hmiah ang.



In a ka luh chuan tv an lo la en a, in leng kapa in alo nei bawk, eng vak mah sawi loin ka room lam ka pan san a ka in sil fai leh te te hnuah khumah ka in thawlh nghal a ka alarm pawh dar 4 ah ka set hmak bawk.

*


Ava han bengchheng tak, ka lukham sira phone chu banin ka hmet thim nghal hmak a, a hah dam thlak huai e. Ehe.. ka thu chhuak nghak zawk a dar zat ka en chuan 4:30 a ri dawn, awi ka hmanhmawh ka hmai phih sawk sawk in ka in thlak thuai a ka pheikhawk lah chu ka in tawlh hlei theilo leh ta nghal hmanhmawh nen a va han inmil lo thei tak.



Pawn ka chhuah chuan ka la hmu mai lo zui a, min lo nghak rawh ka ti ve reng sia. Ka earphone ka bengah ka dah dawn chiah ti ah, ''rawn kal rawh'' tihna lam chu ka hawi thuai a an garage ah alo awm a nih hi, nui ver ver in a awmna lam chu ka pan a ka thleng tep tih ah cycle rawn nawr chhuak in a chuang nghal a, ''eng nge I tih dawn'' hamhaih deuh a tiin a sir ah ka va ding ran a, ''pa1 saw va la la'' hnung lam hawi zeuh pah a a tih chuan phur deuh in ka la ve mai a, cycle nen kan la dawn a nih hmel, ava han nuam chiang tak.



Ka hma ah a tlan a ka zui ve zel bawk kawng ngil a ni bawk a a hahthlak loh khawp mai. Thui ve ang reng kan tlan hnu chuan kawngsirah kan ding a, bottle min pek chu ban vat in ka nuih var var a ka in nghal khawlh khawlh bawk, ''Awi a nuam siau siau'' ban ka phar hliai a, thli a thaw bawk nen a nawm zia chu a fim kak mai.



Kawngsirah chuan kan cycle nen kan awm ran a dar zat ka en lah chuan 5;30 pawh alo la nilo a. Ngawi reng a kan din lai chuan ka en vang vang a ava han tha chuang kuang. A jumper khawrlum inpte zen in hmalam a melh ngar a cool tak hi ni ringawt, ''Fred bialnu I nei em?'' Ka ti chhuak phawng a ka hre chak em ani.



Ka melh ran a min en ve chuang lo ka zawhna pui pawh chu a hrelo a mi le..tawng tum a ka an zuau lai chuan rawn hawi thla in a nui suk ringawt a, eng nge kha kha awmzia ni ngai a..!!!!



Bialnu chu a nei ngei neilo ni ta ang????

(Next chu a aia thu in kan ti tawh tak tak ang)



********************************************


Show post links
Top

[Ngaia]

Chapter~14

*


Ka rilru a buai nuai nuai mai, min chhan ve mai tur a nia aw..ka hre chak viau a sin mahse a lo neih chuan...ka ning e...ka rilru na sa.



Haw lam chu kan tawng tawh lo hrim hrim, a tawng hmasa zen zen silo a sawi tur ka thlachham zo vek ka thil ngaihtuah nuai nuai te nen hian. In kawt kan thleng chuan ding in, ''khaw nge ka dah ang'' ka tih chuan, ''tah khan dah tawp rawh'' a ti et a, a cycle chu nawr in an gate ah chuan a lut nghal daih a, ninawm duh leh la ve mai rawh se.



Vawiin chu form hak a ngai lo bawk a in pen parh ila nimai. Chaw kan ei kham chuan inti fai in tshirt sen kan house shirt hain kekawr dum tide ka ha a ka kawr chu ka thun ap ap bawk. Samkhuih leh rubber band lain inhuai ah ka chhuk thla a sofa a thu ka nu lam chu pan in, ''nu sam min lo phiar'' tiin a hma chhuat ah chuan ka thu thla nghal zat a, ka sam pawh a rawn khawih ve nghal mai bawk.



''A kak in phiar rawh aw'' ka ti a, phone ka hmet mual mual bawk a Saktei hi a online thei lo re re. ''Khaw maw lo hawi teh'' ka nuin a tih chuan alam chu ka hawi ve thuai chuan ka chalsam a khuih hliau hliau a ka nuih te pawh a ti za, ''Sakteiin a lo va sawm har che ve'' a tih chuan, ''chu chu lawm a online thei silo ka hmanhmawh tawh reuh e'' ka ti niah niah a, a message tur ka thawn chu ka melh tlawk tlawk ringawt, ''phone mai ta che, I tlai ang'' tiin a tho chhuak a room ah a lut dawn te pawh a ni ang. Saktei number chu hmet chuak in ka dial nghal a, ala la har zek zui.



''Iva lo thleng har ve'' a lak rualin ka ti nghal zat a, ''I va han mak tak'' a rawn tih chuan, ''kan tlai a nge..'' Ka lo tih san leh mai a chutah chek tlak in, ''nimin ah min ngah suh u I ti vel a ka kalsan daih tawh che, I mawl emai'' a sawi zawh rual in a off nghal a ka va ngei mai mai tak. Nizan zawng zawng nen ka mood fuh vel lutuk kha ka thilsawi ka lo hre tawh hlei nem. Ka bag laiin kanu te pocket money tur ka dil a, pawn ah chhuakin obawiha bike ti nung vut vut lam chu panin, ''û I hman tawh em'' ka bag hma lam ah ka pawm a, ani ve thung chuan kawng a dawm, ''khaw nge I thiante'' a tih chuan an kal daih tawh thu ka sawi a, a phone a lak lawk tur thu sawi in inchhungah a lut leh thuai a.



Thenawm te in lam a bike thawm ka hriat chuan ka hawi phei thuai a, hemi te thianho hi a..., ''Denny kan rualin lo kal ta che'' Ruatpuian a rawn tih chuan ka lu ka thing satliah a Fred an min melh ve kar a, amah pui sawn min sawm se chuan ka kal nghal nal nal tur hi ania. An tlan chhuah dawn chuan ban min la vai thlap zui.

*


School kawt kan thleng chuan ka chhuk nghal tharh a, ''vawiin ah eng nge in tih ang'' obawihan a rawn tih chuan a hmel en tumin ka hawi phei a, a hmel a hmuh theih loh hrim hrim, ''khua a lum em hi..'' Tih pahin a helmet ka beng zeuh a, a la thla ve nghal mai bawk, ''high jump te an tih ka ring'' ka tih leh chuan min en vang vang in, ''cap I keng lo ami'' a rawn ti khauh a, ''ah..ka theihnghilh daih'' ka tih chuan a bag atang cap var rawn la chhuak in min khum tir a, ''I lu ana a nge aw'' a ti leh zat a, ''na lo vang'' ka lo tih ve puat chuan, ''ni sa ah tei tei lo la ani mai'' tiin a helmet a khum nghal a, ''ka kal dawn'' a tih leh chuan ban ka vai a, a tlan chhuak ve nghal bawk.



Ka lut chu an lo zi nuai nuai tawh mai first day tur te ani ve bawk a an phur a niang. Kan class ah ka chho a tumah hmuh tur an la awm lo zui, khawih nge an awm le...kan class piah chiah la va bih pawh chuan tumah an awm ta chuang lo. Ground lam pan chuan ka chhuk leh hnak hnak a Saktei ka call chuan, ''sec 'A' ah kan awm'' a lo ti a keipawh chu mi lam chu ka pan ve nghal bawk. Ka va luh chuan an lo reh thap a lectern ah Vanfela a ding ran bawk a, ka lut a hmuh rual rual chuan, ''Denny 1,000 meter ah tlan la'' a lo ti nghal a ka pheih teuh lo, a rem rem ah khan tel tum ve mah ila tlan kher kher chu ka peih lo, ''ka peih lo'' ka tih chuan, ''lo phei teh'' a ti reuh a eng nge maw a hriat reuh ni. A din na atang a chhuk thlan in mipa ho thutna ah chuan a phei a ka zui ve mai bawk a, ''I peih lo viau ami'' a tih leh chuan ka ner nang a peih lo tak hi ka ni, ka tlan hah vak phei chuan ka lu in min tur leh ngei ngei a nga ka peih lo sa, ''a ngailo Denny kha chu'' Peteran hnung lam a tang a rawn ti a, ''dik chiah'' ka lo ti nghal vat a Vanfela a ner nasa mai, ''tel tur an awm lo a lawm, I tlan chak em kha'' a ti leh hram a, a va han mak e aww.



''Mimi te thian dun saw tel tir rawh'' ka sir ah rawn ding in Fred an a rawn ti a ka en heu mai. Mimi I te pawh chu a lo hre tak tak a nih dawn hi a, ''an duh ami'' a tih leh chuan ka bul a mi chuan min rawn en in, ''duh e'' a ti sup a, ka rilru a na..



''An duh loh pawn tel tur ti mai ta che cr I nia I tlaw e mai zawt kual vel lo khan an hming ziak tawp la, an tel a nimai'' Vanfela lam hawi chuan ka ti deuh hlar a, ka thin a rim ringawt, ''I tel duh bik loh kha'' a rawn tih chuan, ''a ho'' tiin ka kal sawn nghal a Saktei bulah ka va thu nghal bawk, ''I tel dawn em?'' Atlei in a tih chuan, ''teuh lo'' ka ti hlar a, ''I va han thinchhe ber'' Saktei a rawn tih chuan melh kur in, ''ka rilru a na det mai'' ka ti a, a hriat thiam loh hmel nasa mai, ''eng tin nge a nat net a'' nuih zat hmel deuh a a tih leh chuan, ''ka broke'' ka ti mawl tawp a Atlei nen a nui uar uar mai, ''field kan tlen hunah pawh hmun khat ah kan thu vek dawn a nia'' Vanfelan a tih zawh chuan kan chhuak nghal sap sap a Fred-a pawh kha ka hmu leh tawh lo bawk.



Assembly te neiin zirtirtu ten thu an sawi leh te te hnuah field lam chu kan pan a. Kei, Saktei, Atlei leh Lawmtei te nen kan in zui ho a kan kal pah te chuan kan nui tuar tuar a lung kham chu kan neih loh ve hmel khawp a mahse, Mimi te thian dun in min rawn kal pel chiah chuan lung kham ka nei nghal pang.



''Mimi I leh a bialpa kha an inthen tawh em'' ka tih chuan min en zawk in, ''tu Mimi I maw I sawi'' Lawmtei chuan a rawn ti a, ''sec 'A'' ka tih tawp chuan, ''an assistant kha'' Atlei in a rawn ti ve bawk a, ''Laduhsak I hria em'' ka tih chuan, ''ka hming pum kher a min han koh che, ka hria Zothansang'' a ti nghal zat a, ''chuan'' ka lo tih vat chuan, ''an inthen daih tawh lawm'' a tia, lo la inngaihzawn mai mai tur a lawm, ''eng a tan nge I tih a'' Lawmtei a ni, ''a star pa nen an ni maw a ti nih hi'' Saktein a tih chuan, ''an ni bawk lo aw'' ka lo ti a, ''tu nge I star chu!!?" Atlei nen an rawn ti rual nghal zat bawk, ''aw..Fred-a'' Saktein a tih chuan, ''tumah hrilh suh ang cheu'' ka lo ti ve nghal a, ''hrilh dawn nang'' Lawmtei in a tih chuan, ''awii a chhelo ve chiang e...hepa hi chu, a thiante an chhelo tel bawk si...a nuam e'' Atlei a ti nghal hliai a, Saktei leh Lawmtei pawn an sawi chhunzawm nasa mai.



Field kan thleng chuan kan house ho awmna lam ah chuan phei thuai in kan thu thla a, phone te phawrin thla te kan la ho a, an nui uar uar mai, ''I cap hi ka awt'' Lawmtein a rawn ti deuh tawng a, ''a mawi em a lawm'' ka lo tih chuan Saktei a ner nang a min ei lo leh tawh a niang chu. ''Min pe la'' a ti leh chuan, ''a û ta a nih hi'' ka lo ti mai a, ''tu nge I û?'' A tih leh nghal zat chuan, ''Denial Zothantluanga mawle'' Saktein a rawn ti a ka lo nui tawp, ''tu nge chu chu..'' A tih leh mek lai chuan Atleiin a hrilh ru a a rawn meng phawk nasa mai.



''Denial a College ami kha maw I û'' a rawn tih chul chuan ka bu nghat a, ''Lal Denny û ivan nei chhelo ka satr teh mai a nia'' a tih leh chuan nui vur vur in, ''min chhun a nih kha'' ka lo ti mai a, ''bialnu a nei em?'' Ka thil sawi pawh chu a ngaithla lo re re, ''ka hre bik nang'' ka tih chuan, ''I va han tlaw e'' min ti a, hmalam a hawi nghal bawk. Ve mai mai hian ka thian kawmte ho mak sak theih zia hi chu aw..''



''Saw saw!!!! Joel-a a tlan ve'' Saktein a tih chuan ka hawi thla a a tlan chak fal bik khawp mai, ''awi a chhiat loh zia khu'' tih pahin a tho a, ''Joel Joel....'' Mi dang ho au chu a zawm nghal zat bawk. Joel-a pawh hi kan class a mi Saktei star te zing ami a nih ve khu. ''Ahhhhhh....!!!!!'' an au tuar hlawm a 1,000meter race boys ah chuan gold kan la phawt e.

*

Luch break kan nei a ka thiante nen chuan field bul a thing pui dawr ah chuan kan lut ve a kan school mite pawh an lo tha hnem khawp mai, ''thutna a vang e'' hawi kual daeuh pah chuan ka ti a ka thiani te pawh thutna an zawng ve a niang an ring an fan awt awt mai, ''Denny hetah lo thu rawh u in pa4 khan in la leng'' min rawn hui zeuh a kan pan ve vat bawk, ''Matt I awm ve lo'' Mawimawii bulah a lo thu ve a amak ang reng, ''ka treat ang che a ti nih hi'' a rawn tih chuan ka thiante an lo 'ehhhh' dual a, mawimawii chu ka en thuai a alo nui sang mai, ''in ni chiang mai'' ka tih tawl chuan ka bula thu ber Atlei in ka mal ah min sik pawp a, ka va en nak chuan mawl min tih hmel nasa mai, ''Chutiang lam anilo'' Matthew a chuan min en ran chung hian a ti deuh sup a Mawimawii lam ka en lah chuan ka ring chiah lo deuh ani, ''I ei duh sawi rawh, break hun a zo tep'' Saktein a tih tak daih a chuan 'momo' ka lo ti thuai a kan ngawi deuh thap tawh.



''Ka mal nat zia hi a pilh ngei ngei ang'' dawr atang kan chhuak chiah chuan ka ti nghal nang nang a ka mal Atlei in min sih na chu ka tuai ka tuai bawk, ''kal ngil rawh I mawl hmel emai'' Lawmtei in a rawn tih chuan ka kal tha ve mai a, ''I mawl thei tet tut emai'' Atlei in a rawn ti ve nghal a, ''in thil sawi kha a hrethiam chuang lo ang'' Saktein a ti ve nghal zat a, eng chu nge an hriat thiam bik vak ni,



''Eng nge hriat thiam tur awm'' ka tih chuan thawk an la deuh huai a chutah, ''I mak thei Mawimawii khan a sawm lui a nih kha'' an tih chuan, ''Matthew a kha maw'' ka ti haw a chutiang lam ka lo ngaihtuah lo hrim hrim, ''ni e mawl lian a hmel te kha en ve ta che a tum em kha thil a ei zawh rual khan a chhuah nghal vut te kha I hre lo ami'' an tih leh chuan, ''chutiang ka hre hlei nem Mawimawii lah kha a nui deuh sang sia an ni amaw ka ti mai a lawm'' ka tih leh chuan, tuman min chhang tawh loin ka hma ah an kal nghal nal nal a keiin ka um leh nghal vat.



Uiiii.., ''kha ka bag hi lo han dah rawh u high jump saw ka en dawn'' ka bag pe sawk sawk in high jump an tih na lam pan chuan ka tlan phei nghal a, an tan na a rei tawh a nih ka ring an zuan kan tur a sang tawh emai. ''Ava han zuang thei tak'' ka zir ami chuan a ti a, ''a chhelo e...'' Tu chu nge maw an sawi leh niah niah ni.



'Red house' sir in a tih chuan Fred-a rawn zuang ta mai, ala zuan kan chiang rapthlak si, ava han tha ber...


''Ka bem ngei ngei ang'' an ti leh a, ka bialpa an lo sawi char char a nih hi.., ''na..a zuan chiah khan ka mur chuai mai'' pa1 zawk in atih leh chuan ka va hawi phei a an lo melh dun nasa mai, ka nuih te pawh an ti za a lawm le..



''I bialpa lem lem a tel ve vang a ni maw I hmanhmawh em em'' ka bulah a rawn ding zat a, ''a zuan theih zia chu, a thlawk a ni rigawt'' ka lo ti nghak siam siam a, nui hak chung hian, ''a chelo ve em a lawm, bem tu a ngah ang chu aw'' Saktein a tih leh chuan ka pawm khawp mai, an bem nasa chur chur khawp ang, ''chuvang chhuan in bem vat rawh'' a rawn ti leh nghal zat a, ''dawn chiang e'' nui sawng chung hian ka lo ti ve nghal zat bawk.



High jump kan en chhung zawng chuan ka lo au ve vak vak a, vawi1 phei kha chu kan in eye to eye chiang rapthlak, chhung lam ah ka lo za nghal chuai mai a lawm le..



First day a ni bawk a eng vak mah phurh hawrh na lam a la vang khawp mai. Kan bang tur zirtirtu ten roll call leh te te phawt in rules an sawi leh duah a kan tin ta dual mai.




''Khawiah nge in awm nilen a'' Saktein a tih chuan, ''buaipui tur a tam'' Jordanan a lo ti mai a, an in chhang leh fek fek mai. Ngaih sak lem loin am hma ah ka kal a Atlei I te nen a kan lak chu status ah ka hmang zeuh bawk, ''I lu ana lo maw'' Ka bul chiah a rawn kal ve a, ''na teh nang'' ka tih chuan, ''that chu'' a ti leh mai a. Ngah nge maw ka lu nat pawh chu an hlauh thei em em ni.



Kan thianho chuan ti ti pahin kan kal leh hnak hnak hlawm a kan in vin leh chiam zel bawk. Kan veng luh dawn a dawr pa1 a Jordana lut chu kan nghak deuh thap a alo chhuah leh chuan vur sen hi min rawn pe diat diat hlawm a, ''ka lawm bawn thuai'' ka lo tih chuan, ''ei thuai rawh'' a lo ti ve zat a kan nui dun hak hak a, reilo ah kan in peng kan thleng leh ta der a ban kan in vai liam chiah chuan ka sirah bike a rawn din a, ka lo en ran chuan a helmet chu a phelh a ka lo nuih nghal ver ver mai.




''Eng nge I tih dawn?''



''Kawng hnuai ah kan kal dawn'' a ti thawp sup a, min chhan ka rin loh nen min chhang ve hlauh chu ka va hlim zual e, ''James a te nen ami?'' Ka tih leh chuan bu zeuh in, ''an lo zu kal tawh a'' a ti leh sup a, awiii anuam e.., ''I la kal ve dawn lo ami'' ka tih leh chuan, ''ilo kal ve duh em'' min en ran hian a ti daih a ka lu ka bu rang lutuk.



''I phal a mi'' ka tih leh hnuhnawh chuan nui suk in, ''lo kal rawh'' a ti leh mai a, ''a nih leh min lo nghak'' ti sawk sawk in dawr ah ka bag ka dah a u puipuii bulah ka leng lawk tur thu sawi in ka tlan let leh nghal a, a bul a ka din leh rual chuan a helmet chu khum in, '' lawn rawh le'' a ti a. Huiham, ka khur thei vel ten ka in hriat chu, nuam ka ti bawk si, ka zam bawk si, ka awm thiam lo.



A bike hnung chu a sang reuh ngei mai, vawn tur a awm lo lehnghal a ka tlak deih te ka va han hlau e..



Bike a tawlh chiah chuan, ''lawks lawk ding teh'' a hnung ah beng in ka ti chul a a ding ve mai bawk, ''eng nge'' rawn leh hawi zeuh in a ti a kei in ka thut dan siam rem in, ''tlan muang rawh aw..ka tla palh ang'' ka tih chuan a nui ri deuh hawk a, ''ka tlan dawn a nia'' a ti leh chuan a kawrah ka vuan tai a ka hmer nghet tha khawp mai.



A hmun kan thlen chuan ka chhuk nghak thuai a ka chhawn ka chum nghal dat dat bawk. Ka tang lutuk a ka hah, waiting shed a a thiante awmna lam kan pan chuan, ''ve ngawt a che a'' Ruatpuian a lo ti thawr a ka nuih mai mai thung, ''ho e..ilo kal ve chak a ni mai a'' tih pahin James an ka darah a rawn kuah a, min naupang chhe chei riau mai, ''kan inrual a nia'' ka tih chuan, ''nang ain kan upa vek'' Rs an a rawn ti ve bawk a. Hemi te han in daih bik zia hi.



''I bem tawh em?'' ka beng bula a rawn tih sur sur chuan ka en vat a then thaw in, ''vawin ah pawh an bem nasa ania'' a ti leh zat a, ''tu chu maw I sawi'' tih pahin a ban ka dah thla a, a kekawr ipte zen in, ''I star chuai kha kan hre vek'' a ti leh reuh a, ninawm mang nge.



Eng em em pawh ti chuang lo chuan ei tur te kan bawl ho a, a nuam phian mai, Saktei a tel ve chak ang chu.., ''thla la ang u'' kan thil eina dispo vel an paih lai chuan ka thut hmun atang tiin ka phone ka lek chhuak nghal a, ''khawi in selfie ang'' Ruatpuian chuan ka phone chu a ban nghal zat a a bulah ka va thu ve nghal zat bawk. Camera ka melh chiah chuan cap ka la khum reng tih ka hre chiah.



In selfie ten kan nui ho dar dar a kawm an nawm zia chu, an thian ho ah hi chuan Fred a tawng tlem ber. ''Kan vaiin la ang u'' tih pahin phone chu Rs an a va tung a, ''lo in rem rawh u, time kan set lawk'' a tih leh chuan phur deuhin Fred-a bulah ka ding tharh James a ala rawn nui ri hawk zui, ''le....'' A rawn tih tak ah chuan ka bula mi ve ve te Fred leh James a te ban ah chuan ka kuah tung a ka nui nghal sang bawk. A rawn rik khep chuan kan kal hrang leh nghal a. Ka phone chu lain thlalak ho chu ka en kual a, ava han mawi hlawm tak.



''Min lo thawn ve rawh''

''I number ka nei lo'' Ruatpuian bul a ka tih chuan, ka phone chu la lawkin a save nghal mual mual a, ava han zak lo ham ham tak, ''I va zak lo'' ka tih chuan, ''kha min lo thawn teh'' ka phone min pek let pah chuan a ti a. *Ruatpuia bro* tiin a la in save zui a.


Midang ho nen pawh chuan number kan inpe sap sap a an hming tawp ah 'bro' ka ti tel vek bawk. ''Fred I number min lo pe ve'' a bulah ka ding a, ka va han zak lo e..James a te nen pawh kan in pe tho sia a ni chu a dang a dang zar mai, ''ka rawn bia ang che'' a tih chuan, ''ka number I nei ami'' ka ti let ha a min en vung vung ringawt.



Haw lam ah Fred an 'tih tur ka nei' a tih vangin James an min phur a. Fred a bike hnung a chuan nuam zawk mahse a khaltu en loh chuan James a bike a chuan a nuam zawk, a sang ve ur lo a, a hnungah vawn tur a awm bawk a, a hahthlak vak loh.



Kan in kawt kan thleng chuan ka chhuk nghak a, ''chaw ei tui'' ti a kal mai ka tum chu, ''Denny'' a tih vang chuan ka ding leh rih a, ''I hre tawhlo tak tak em ni?'' a rawn tih chuan ka en deuh vang vang a uang hmel a pu silo a eng chu nge maw a sawi awmzia chu le, ''eng maw?'' ka tih let ha chuan, ''Fred'' a ti thawp sup a, ''Fred te chu hria e'' ka lo tih chuan a bike chu rest in, ''Fred iti ngailo'' tiin a tlan chhuak nghal a ka en liam vang vang ringawt. Ti nge le thil mak pui pui hi an sawi thin le..eng tak chu nge ka hriat ve loh.



Ka lu in min rawn tur et et a ka tah a chhuak ringawt bawk a, ka awm dan chu a mak takzet, ''mate'' ka darah a rawn vuan a, ''û ti nge a?'' Ka tih chuan min en vang vangin, ''eng nge hetah I tih reng lut ang'' a ti a min kai kal nghal bawk.



Inchhung kan luh chuan ka nuin, ''I va lo haw har em em ve'' a lo ti vin hlar a ka melh chuan mak ti deuh a min en in, ''I tap em ni, I eng nge na a'' a ti nghal sawk sawk a chhang lo in ka room lam ka pan san nghal a. James a thil sawi ringawt kha ka rilru ah a awm a engmah lah chu ka hrethiam silo.
Ka ning lutuk!!!!


A thui ka ti teh mai ania
********************************************


Show post links
Top

[Ngaia]

Chapter~15

Zan riah ei lo chuan ka mu tlang nghal daih a, thil ka ngaihtuah nasat lutuk vang nge ka lu ana deuh bur bawk a khum atang ka tho chhuak peih lo hrim hrim. Ka kawngkhar ri khep ah chuan ka hawi phei a obawiha chu tray chawi chung hian a rawn lut a, engtak chu rawn keng chho maw?



''Zanlai ah I ril atam ang, hei hi ei rawh'' tih pahin ka side table ah chuan a nghat a buhhawp a lo keng a nih hi, ''I damlo em?'' ka en reng lai chuan a rawn ti a lu ka lo thing mai thung.



''Û, thil eng eng emaw hriat loh ka nei em?" Ka tih chuan ka lam a rawn hawi nghal vut a, a phawk em em mai bawk a, ''û...'' Ka tih leh tak ah chuan ka chal a dawm vang vang a, ''mate, ei phawt la'' a tih chuan ka ner deuh nang a, ''ka ei pheih lo'' ka tih chuan a rum deuh nghut a, ''ih maw û bialnu I nei em?'' Ka ti leh deuh tawp a nui sukin, ''chu chu em ni I hriat duh'' a tih chuan ka bu nghat nghat ringawt. A hmel en khan a sawi duh loh hmel nasa lutuk a ka zawt hreh ting tang, chu bakah a thil rawn keng chhoh hi ka ei hreh lutuk.



''Nei lo'' ka sam tuai zeuh pah a a tih chuan, ''tak tak'' ka ti leh hram a, nichin ai thlawt kha chuan a hmel hmuh pawh a hahdam a lawm le...., ''ka nei pheih hrih mai mai lo'' nui suk hian a ti leh a keipawh ka nui ta ver ver mai.



Obawiha chhuh leh hnu chuan status ka en kual vel a, vawin sport chu an hmang nasa ngei mai. James a te ho pawh in kan vai a kan lak na kha hmangin caption ah 'with her' an la ti vek zui a, phone en in ka khi vur vur reng mai ani.



*ehem* tih leh James a te status screenshot hi Saktei in min lo thawn a, *a nuam* ka va tih chuan * min hruai ve ta che* a rawn ti a emoji ka thawn tuar ringawt. Engtin nge an number a neih zawk a nenu hian.



*save tawh la* tih hi number save loh atang ka dawng a ka seen chuan a hma a min lo be tu bawk kha a ni tih ka hria, *tu nge aw..?* tih chu ka send ve tawp a.
*zingah I walk dawm em?* Ehe...
*Fred-a mi* ka va ti nghal thawr a ka phur zia hi
*immm* tih te mai hi minute 5 dawn ka nghah hnuah a lo thawn ve ta hram a, ka va han kham khawp lo ber.......
*naktuk chu ka walk peih lo a* tih ka va thawn leh chuan a seen nghal a, uiii ham a nuammmmm....
*ok* tih tawp hi min send leh a keipawh chuan la be chak viau mah ila ka reply tawh lo. A number chu 'ka Di em em' tiin ka save a, lawm loh in ka khi reng mai, ka tûm lui thei lo hrim hrim.

*

Phur sarh in ka insiam a cargo dum hain vans ka bun leh tawp a chhelo ka in ti em em bawk. In hnuaiah chhukin ka nu ka sam ka phiar tir leh te te phawt a, ''sport tak avang hian sam hi in phiar chuai kher a'' obawihan a rawn tih chuan kanu nen an nui ham ham a, ''In va ho e'' ka ti mai a Saktei a lo thleng ve chiah bawk, ''nute, kha ribbon hian a hmawr ah tawn sak rawh'' kanu bula rawn thut pah chuan a ti nghal a ribbon sen a keng ran bawk, ''in lerh ve sia'' tih pahin ka nu pawh chuan a tawn ve leh mai a, ka hman ta.



''Cargo ha ve rawh ka tih kha'' Saktei chu ka melh a, ''a bal'' a ti mai thung a, pawilo vans a bun ve tho.



Pawn a kan chuan chuan step kal a nin thu a sawi a athui loh nen hian aw...kawt ah Petera te pawh an lo awm ve a rin loh deuhin ka bialpa te pawh a thiante nen an awm ve bawk, ''field ah tlang tur an ti sia ke a kal chu a peih awm loh'' Jordanan a tih chuan ka bu ve mai a, ''chuan engtin nge kan kal dawn a?'' Ka tih chuan bike an ken thu a sawi mai a, ''scooty a nilo maw!!?'' Ka tih ha chuan, ''bike nei ve reng a scooty khalh reng ka peih teuhlo'' a lo ti leh hlar a, a bike pawh ni tawp silo a, ''kal teh ang u'' James a te ho in an tih chuan, ''Petera bulah ka chuang dawn'' tih leh Saktei chuan Petera bula kal a rual nghal a.



Vanruata bulah ka chuang duh bik teuh lo a tlan chak thei si.., ''keimah ka chuang dawn'' ka tih chuan, ''khawi maw teh'' tih pahin Petera a nam kal det det a bike zawn an thlen chuan, ''chuang rawh my friend'' a ti leh a Petera thut fel hnuah a lawn kai ve nghal a ka va han ngei mai mai tak e aw..an nuih a zat dun hmel nasa si.



''Bike dang a tam em hi I duh ber na ah lawn hmak rawh'' James a chuan a rawn ti leh a an awmna lam ka en chuan an lo thu kai vek tawh, ''vat la'' Saktein a rawn tih chuan Fred a chu ka en a ka nuih nghal ver ver a, ''aw..I chuan duh na a hriat sa, vat rawh Denny'' Jordana chuan a ti a keipawh Fred a lam chu ka pan ve thuai a, ''lawn la'' a tih sup chuan nui ver ver in ka lawn a kan thiante lah chuan aw an thian khurh khurh leh nghal a, a nawm dan a zahthlak.



Kan thian te an tlan chhuah hnu pawh chuan kan la ding ta reng a eng nge maw a nghah ni, ''ti nge a..'' kun deuh pah chuan ka ti a, ''I in ring maw'' a rawn ti let khauh a, a kawr ah chuan vuan leh te te phawrin, ''tlan ang le'' ka ti lauh a a taksa chet det danah a nui deuh suk a niang, awi..ka lo tim thei vel.

*

Field kan tlen chuan min lo en deuh haw haw hlawm a, eng nge maw an hriat chu le..a chhung ah luh vat vat zawk tur a nia. Chhuk thuai in Fred chu ka melh a ani pawh a rawn chhuk ve in Field chhung ah kan lut zui mai bawk. Ka thiante thutna chu ka hmu thuai a Petera te chu an thu hla khawp mai, ''ka kal dawn'' ka hawi chho a min en kar in, ''cap I keng lo emni'' a tih chuan ka bag ah lai chu ka en thuai a a awm miah lo nia mawle, ka thun lut ve thlap khan ka hre si a..ka ning e.



A cap khumlai chu phelh in min pek a tum ta mai a, lawm viau mah ila, ''nangman khum zawk rawh'' ka ti a ka ban lo hrim hrim bawk, chutah cap chu min rawn khum tirin, ''a dang ka la nei'' a ti sup a ka en reng ringawt. Rawn nui deuh suk in cap hmawr chu a tuk zeuh a a kal sawn nghal a, a cap min khum tir chu dawm in a kal chu ka thlir reng a ka hamhaih bawk si, lawm bawk si hi.....uiiii...ka tui ral zawih zawih mai.



Ka thiante awm na lam ka pan chuan min lo nuih thaw a, ''nuam I ti vel'' Lawmtein a tih chuan, ''rapthlak'' ka lo ti nghal a, ''I chhe ver vur'' Saktein a ti ve leh zat a, henu pawh hi a, ''ui..ka khum ve chak'' ka lukum lakthlak a tum chuan ka lo vuan bet tung a, ka phal lo hrim hrim, ''iva han hauh mai tak'' ti in Atlei chuan min beng tel kher a, ava han tul lo chiang tak.


*


Item kan nei lo bawk a kan en ngat ngat hi a ni mai, ''Denny, va phei lok ang'' Saktein a tih chuan ka phone hmet thim in ka en thuai a, ''saw..min ko'' tiin kan piah a Vanfela te awmna lam chu a kawk a, a kawhna lam ka en chuan min la nuih sawng zui a, ''eng nge kan tih a nga?'' Ka ding ve mai a, ''ka hrelo, min rawn ko sia'' a tih leh chuan ka zui ve nghal mai a Vanfela te awmna pawh chu kan thleng zui ve mai bawk.



An hma a kan din chuan a nui deuh sawng a, ''I chhe ver vur'' ka han ti hram pek a, ''nang I tha ver vur'' a rawn ti ve leh a kan in melh no vak tawh hrilh lo khawp mai, ''eng nge a?'' Saktein a rawn tih tak ah chuan, ''eitur hi kan house ho saw lo sem ula'' tiin eitur bawm chu a kawk a, lalipop leh appy a ni, ''kan pa2 chauhin kan sem vek dawn maw'' ka lo tih ve chuan midang pawh in an tih tur thu a sawi ve leh mai a. Lalipop pocket ka keng a Saktein appy a keng bawk.



Thil sem han ninawm zia chu a...'chu mi zawk chu ka duh' an lo ti ve sek hlawm nen a va han hneawm ber, appy saw lo keng zawk mai mai ila pe hlawk hlawk ila tha tur hi ania, hmeichhia ho phei hi chuan an duh khirh leh zual.



''Vawi1 mah min sem tir tawh suh ang che'' kan let leh chuan ka ti nghal a, ka ning ve bawk em a tin ni, ''I va ho tak'' a la ti mai mai zui a, a ho lo nasa lutuk, ''Denny I tlan peih lo viau tak tak em ni'' Vanruata chuan a ti leh a, ka sawi chiang tawh viau a sin, ''peihlo ka tih kha, chubak ah tlan tur an awm a ni lawm ni'' ka ti nghal zat a, ''2,000 zawk mawle, ka ziah vek tawh che a nia'' a tih chuan ka va han melh rum chiang tawk tak, ''a mak e, a thui dawn si..ka peihlo'' ka ti leh pawh chuan, ''ziak tawp la an tlan a nimai te I ti vel a ni lawm ni'' a ti leh hram a, ''kei mah ka in sawi tel lo'' ka tih hlar chuan a nui mai mai leh nghal a, ka peih lo tak tak a sin.



Kan thutna a kan let chuan kan thiani te pa2 pawh an lo tang khawp mai blue leh green house an in khel a, an star deuh te an tel ve leh a niang chu.



Green house an chak a naktuk lamah a dang chuan an ti dawn a nih hmel 1,000 meter race girls in an tlan chuan ka hawi tla eih lo hrim hrim a mahse, Mimi khan silver a la ta tho a, la lo law law pawh ni ila pawi ka ti vak lo a sin lee. Ka rilru chu chhe ve tak a ni.



Ka hawi kual lai chuan kan lam pana Vanfela lo kal ka hmuh chu ka phone ka bih nghal hmak, ''Denny'' ka va han hawi chhuak awm lo e.., ''tu man an peih lo ania'' a tih leh chuan, ''an tlan theih hlawm em kha'' ka lo ti a ka melh kar bawk, ''ava buaithlak'' a kawng a dawm a, ''an hah ve a lawm'' a tih leh pawh chuan ka chhang lo, ''yess...awii Ka va han star tak Joel-a khu'' kan sir ah an lo ti ve bawk a, hemi te ho pawh hi min va han ngaihtuah lo e.



''Khu an zo tawh ania'' Vanruatan a tih leh chuan, ''an zo a ni mai a lawm'' ka ti a, zirtirtu ten girls 2,000 meter race tlan tur an ko khawm mek bawk, ''Denny'' a tih leh halh chuan, ''a ninawm e..'' Ka lo ti nghal a, ''I mak chung chung thei, broken heart avangin an titau rigawt ngailo'' Saktei lah chuan a rawn ti a, engmah pawh hi a hre tawp silo a, ''I mak fe zawk zu tlan la I duh mi'' ka tih chuan, ''kan tlan chak ve hlei nem, tlan chak I lang chuan ka in sawi lut zut zut ang chu'' a rawn ti nghal zat zat a, ava han ninawm ber kher e..



''Vat rawh le'' min kai tho lawp a, ka phone Saktein a lo la nghal zat bawk, ''kekawr bul ka keng re re hlei nem'' ka tih chuan, ''Mimi ta ha mai la'' a ti a, ''a teuh lo'' ka ti nghal hlar a, ''a thul lo ber'' Saktein a lo ti ve bawk, ''a nih chuan lo kal rawh ka nau kekawr bul ha mai rawh, ala ha chuang lo'' min kai kal nghal a, ''ka duh daih zawk'' ka ti leh hram bawk.



Mala awmna ka va kal chuan Mimi thiannu a lo awm ve kur a, mipa kar ah ala thu kuk leh nghal a, ''Mal I kekawr bul kha lo hak tir teh'' Vanruata chuan a ti nghal a, ka nau te tih tur a lawm, ''maw!!?" Pa1 lah chuan a ti hu a ka kuk lawlh dawn a maw ni le.., ''vat teh khu pui an hman tep'' Vanfelan a tih leh chuan a bag atang a rawn la chhuak a ka lo ban nghal bawk, ''I chak chuan thil min lei thei'' a ti a, '' min û la ka lei ang che'' ka tih chuan a ner nasa mai, ''kan inrual'' a ti a ka nui tawp. In thlak tum a ka let chuan Mala chuan min au lehin 'all the best' tiin thumps up min pe a, a bula thunu lah chuan min melh no lo ropui si.



Ka chhuh chuan sir in ka din na tur min lo hrilh nghal a ka ding ve nghal vat a kan piah daih ah Vanruata te ho an awm ve bawk a min fuih nasa mai a mahse an sawi pawh ka ngaithla lem lo. Mala kekawr bul hi a tawi deuh mah mah a ni, ''muang chang in I tlan dawn nia'' Joelan a tih chuan ka bu nghat a, sir in ''ready'' a tih chuan hma lam ka melh kar a ka in ring rapthlak. Ka hawi phei leh chuan Fred-a alo ding ve ran a min lo nuih suk bawk, ka va han chak dawn chiang tak.



Whistle a rik chuan ka tlan chhuak ve nghal vat a, ka tlan muang tha khawp mai mahse ka hnungah midang an awm ve tho a nia. Ka pawlpuinu chu ka hma ah a tlan a, tan la lak vak na chi pawh a nilo..kan la thlan rei dawn rapthlak e mai.


********************************************


Show post links
Top

[Ngaia]

Chapter~16


*


Ka tlan ve char char a, chak tum viau mahila hamdam deuh a tlan ka duh bawk si mahse, hahdam chu a har khawp mai. An thut khawm na lam ka tlan thleng chuan an ri chuah chuah hi a ni mai, eng ber nge an lam pawh hriat loh. Ka tlan dan thlak in ka ti chak sauh sauh a ka hma ami te pawh ka pel ve pheuh pheuh a, ka hma tha hem hem tawp.



Round tawp ber a ni tawh bawk a ka dang a ro, ka thin a su dup dup a ka lu in min tur tan bawk. Ka thleng tep tih ah chuan ka hnung mai ah tlan an awm ve a min pelh mai chu ka hlau ve tho mai. Mahse e min pel bik teuh lo..., ''uiiiii..I tlan chak ber'' ka thlen rual chuan a ti nghal a tui bottle Saktein min pe bawk a kan sir ah Sir in ka hming min lo zawt ve bawk a Vanfela chuan a hrilh nghal zung zung.



''Kha kha nimai a tir atang te khan duh ve hle hle ta che'' Vanfelan a tih chuan thu sawp nuai in ka mit ka chhing vang vang a ka phe deuh riau mai. ''I hmai a tai tuk mai'' Saktein a tih ve chuan ka biang ka dawm a, a sa hem hem mai, ''I hah em?'' Ka va han melh chiang tak, ''a hah I ring em?'' Saktei chuan min lo chhang khalh a, hemi te hi chu aw.



In thlak na room ah kal in ka in thlak fel a chhuak nghal mai loin dawhkan leh thut thleng in hung ah chuan Saktei nen kan thu a, dawhkan ka bawh nghal bawk. Kan awna hi in thlak na room ai mah chuan bungraw dahna a ang mah zawk a, bungrua lah chu a awm vak der lo. ''I lu chu a na em ni?'' A tih chuan ka 'umm' tawp a mut hilh daih mai ani ka duh, ''dawmdawi I ei duh em?'' A tih leh chuan ka melh a minlo ngaihtuah ve hmel nasa, ''long jump en I duh kha va en rawh'' ka ti a ka mit ka chhing leh ngal bawk, ''eng nge tih I tum?'' A tih chuan mut hilh ka tum thu ka sawi a, a kalsawn duh bik thailo. A duh duh danin awm vel mai mai teh se.



''Nimin chu nuam em'' Saktein a tih leh chuan nui suk in ka lu ka ti che zeuh a, tawngna tha pawh ka nei hrih lo.


*******


Zai in play ri ah chuan ka meng diar diar a, Saktei a awm miah lo tih ka tum a ka piah ah alo va thu daih a nih saw, ''dar egzah nge'' ka va tih chuan a phone play lai off in, ''dar 3:30 ve ri dawn tawh'' a tih chuan zi mar al al chung in ka bu nghat a, ''ti nge tah khan I thut daih'' ka tih leh chuan, ''I harh te ka hlau ve a lawm, phone en ka duh bawk sia'' ka nui var var a, ''I va han in la fel'' ka tih chuan a nui ve vur vur mai, ''miss a lo kal a ilu nat thu ka hrilh a akal ve leh mai kha'' a tih leh chuan ka bu leh mai a ka ham ka ham mai.




Nizan ah Fred an min lo biak vel thu ka sawi chuan nui hak hak in, ''nuam I ti e'' min ti a ka lo bu nghat, a nuam em a sin, ''eng tin nge James a te ho number I neih a'' ka tih chuan, ''ilo kal loh zan khan kan inpe alawm'' a ti mai a a phone bawk a bih leh, ''uii a nuam reuh e..'' Nui ver ver a ka tih chuan, ''I duh tak tak hmel e'' min rawn melh zeuh a a phone bawk a melh leh nghal. A tir te kha chuan chelo ka ti mai mai mahse vei zui vawng vawng a awl em a sin, ''ka mumang ah ka hmu ngun mai'' ka tih chuan a nui hak hak a, ''ka hmu ngun tak tak a nia'' ka tih leh phei chuan a aia nasa in a nui a, ka uang lo a sin mawle..


******


Kan chhuah chhawh chuan football an lo khel a, naktuk lam ah maw tih nak a laiin mahse, kan house an la ni ve chuang lo, ''Jordana te awmna lam ah sawn phei teh ang'' a tih chuan ka bag lain Saktei chu ka zui ve nghal a, games khel in anlo ri chel chul a zirtirtu te hauh an hlau lo a maw ni. ''I lu a na a mi?'' Min hmuh rualin Peteran a ti nghal a Jordana pawn min rawn melh ve vut a mahse a phone a melh thla leh nghal, ''na nang'' ka thu tha nghal zat a Saktei lah chu vur a ei chak a lei turin a kal leh nghal daih.



A phone en lai ka va bih pui chuan a out nghal daih a, ''ehe AFK I hlau lo a mi'' tiin a phone chu ka laksak a, ml ah chuan ka lut leh nghal. Rank a nih phei chuan ka ui pui, ''I mit a sen rum ania'' Peteran a tih chuan ngaihsak lem lo in ka khel chhunzawm mawlh mawlh a, an lo chak tep zawk tawh a nih hi mawle, ''ka sawi chu I hria em?'' A tih leh chuan, ''victory'' ka lo ti a, nuisang a ka va melh chuan a nui ve lo chiang khawp mai.



''Ka lu ana lo'' ka han ti mawl tawp a, a phone a phih thla sawk mai. Saktei lo thleng ve chiah a vur sen min pek phah chuan, ''cheng 10 chiah ka nei a'' a ti nghal zat a, ka bul ah a thu thla nghal bawk, ''Jordan'' ka ti lauh a, ''Denny'' a phone bih pah chuan a ti ve lauh a, ''sawi rawh le, Peteran a hau che mi'' nui chung a arawn tih chuan Peteran a lu ah a khawng pawp a Saktei nen kan lo nuih hak hak mai, ''judy alo haw tawh em'' ka ti a, ''naktuk ah a lo haw ang'' a ti ve mai a, Judy hi a nau neih chhun a nia kum 2 in an in thlau a kei ai in kum 1 in a naupang a nih chu.



Kan thianho ah hian ka young ber a mahse kei ai in kum1 chauh in an upa. School hi ka lut hma ve a chuvang a nia tun ah hian pawl 12 ka nih tawh.


******


In a ka luh chuan a nawm leh nawm loh ka nuin min lo zawt nghal var a, chhuat vel ah chuan dawr bungrua tur a let nual bawk a, ''vawin ah nu, 2,000 meter race ah gold ka la a nia'' sofa ah thut pah chuan inti thei fe in ka ti a, min rawn melh nghal vut in, ''hah deuh deuh a thil tih loh tur kan ti ani lawmni'' a ti a, a lawm hmel viau loh, ''badminton pawh in phal tho a, kan hah dan a in ang reng'' ka ti ve tlat a, a hahthlak dan a in ang miah lo bawk. ''A hrim hrimin tinge ka lu nat in hlauh em em a?'' ka tih chuan bungrua ho chu a en fel a, ''han in thlak rawh'' a ti daih a, eng mah hi an sawi duh lo vel a ka la hre tho ang mawle.



Ka in bual lai te chuan Fred an cap min khum tir lai vel mitthla in ka nui vur vur a, ava han nuam tak mahse, haw dawn ah ka hmu tawh miah lo a Jordana bike hnungah ka chuan phah a in kan thlen hma kha chu kan in hnial char char hi a nimai.



Khumah phone en in ka bawk a inhnuai lam ah ka nu a ri rek rek reng bawk. A vawt deuh sung leh nghal a ka inbual vang te pawh a ni ang, rem deuhin khumah ka in thawlh a blanket ka sin hlan bawk, chhun ah ka mut nasat te reng nen tunah lah ka mut a chhuak em em bawk a ka phone en pawh ka thlauh lek lek tep zel.



Thil ri rek rek ah chuan ka meng chhuak hlol a ka lo muhilh daih chu ni in, ka biang lah chu a hnawm chap a chil thil ka thauh chiang mai. Ka lukham hnuai a rawmawl chu banin ka hru nawk nawk a dar zat ka en nghal zat chuan dar 8 a ri hnai tawh, ka chhung te hian in ti nge min rawn kaihthawh miah loh a. Tho chuak in ka hmai ka philh leh phawt a phone keng in ka chhuk thla a tumah ka la hmu lo zui, ''nu'' a va reh ve.., ''lal a û'' ring zet in ka ti leh a tumah lah chuan min chhang lo, a tawp nan ti in ka nu ka au leh vak a min chhang tak loh ah chuan ka hlau ta riau mai, ka room ah chho leh in shawl ka la a inhnuai ah ka chhuk nghal daih bawk.



Dawr a ka luh chuan, ''chaw I ei tawh em?'' Min hmuh rualin ka nuin a lo ti nghal a, ''ti nge min kaihthawh loh'' ka ti ve nghal bawk a, ''I mu tui em a'' a la ti mai zui a, ''Mate, chaw chu I ei em?'' Ka thut thlak ve rual chuan ÛPuipuiin a lo ti ve zat a, chaw a ei ve leh ngal a nih dawn hi, ''ka hlau a lawm le'' ka tih chuan an nui dun vak vak a, ''khaw nge aû leh apa hi an awm a?'' Ka tih chuan, ''I pa chu damlo en turin a kal a I û chu a leng'' ka nuin a ti mai a keipawh tho chhuakin cup noodles pa1 chu la in tui so chu ka leih nghal zat a sausages nen ka ei tawh mai aniang chu, ''I pum a na nge'' u Puipuiin a lo tih chuan ka nui mai mai a, anat pawh chu ka ring chiah lo.


******


Dar 4 ah chuan ka phone a ri ta chiah a, ri har ka ti zia chu nimin lamah ka mu nasa bawk a dar2 vel atang ka meng reng tawh. Tho chhuakin ka in phih fai a pawnah ka chhuan chuan thenawm te in chu ka thir leh te te phawt a, ka thir reng lai chuan an garage atang Ka mi ngah ka nghak tih pawh hrelo chu a rawn chhuak a hmanhmawh deuhin an gate bulah chuan ding in, ''good morning'' ka ti a min lo en ve chiah chuan ka lo nuih nghal sang bawk.



''Cycle I keng dawn lo ami?'' A lo chuah chuan ka ti leh nghal a, ''I duh em?'' Min en ve ran a, thil ka zawh apiang hian min zawt let daih zel mai a, lu ka thing tak ah chuan a rawn chhuak tlang in muang chang in a tlan zui nghal a a zawn ah ka va tlan ve nghal vat bawk, ''football ah I tel ve dawn em?'' Ka tih chuan a 'umm' ve dut a, zingkar atang a hetia ka awm chuan nun ava hlim duh dawn deuh ve.



Thui tlan loin kan let leh thuai a mi hi chu a be hmasa lo ve khawp mai, keilah pekin biak na tur ka van ve ting tang si a, lung lawm a kim hlei thei chuang lo a nih hi a...


******


Vawin pawh field ah bawk kan kal leh a zirtirtu ten cheng10 in hla a request theih an tia kan ri dum dum hlawm mai, ''awi awi awi 'ka di em em' ti a han save vel che'' Saktei kut atang ka phone chu ka la sawk a ka whatsapp a lo en leh vel a nih hi, ''I zaklo e mai'' ka tih chuan a zai pah rat rat a ka nui liam ta vel tawp mai.



''Class11 sec 'b' a mi in Fred Lalrinkima science class12 tan he hla hi a hlan e'' miss in a sawi zawh rualin woofer ah 'ka neih chhun' rebecca hla an rawn play a kut an beng nasa mai, ''chu an chuhpui che'' Saktein a rawn tih chuan ka nui ve tawp a, ''thlan sak ve ngei ngei chi'' Atleiin a rawn ti ve nghal a, ''dawn chiang'' ka lo ti ve mai a an phur hlawm khawp mai. Hla an thlan lah chuan thlan sak an nei hlawm zel a, kan thiana te hming pawh a ri tawh, ''Denny class12 science tan 'I mawi' tih an thlang leh e, a thlang tu hian 'min duh ve mai la' a ti bawk a nih chu'' Miss chuan a rawn ti ta mai phawk deuh in ka thianten min en a keipawh phawk tha tak ka ni kan hma a mi te lah chu rawn leh hawi in min nuih sawng hlawm a, a zahthlak e mai a.



Hla an play chhung zawng chuan ka thian ten min zai khum char char a, vedio ten an record a nuam an ti khawp mai.



''Tu nge niang le'' Saktei chuan a ti nuah nuah reng a, tu nge tih chu hriat a chak awm ve khawp mai, ''ehe..'' Ding chung in a rawn ti chhuak thawt a ka bula thu ani bawk nen ka phu na sa khawp mai, Atlei I pawn a tui in lai a phuh thawt a, a khuh zui nghal bawrh bawrh bawk, ''eng nge I hriat a'' Lawmtein a tih chuan, ''ka hre chiah'' Saktei chuan a ti a anui deuh sawng bawk, ''eng chu maw I hriat Lalduhsak, ka phu nasa lutuk a ka hrawk I ti khawlo dawn a lawm'' Atleiin a sir a tang a rawn tih ve chuan kan lo nui hak hak a, ''phur vang a hrawk khawloh daih chu'' Lawmtein nui pah a a tih chuan, ''tui ka hak a lawm'' a ti vin hlar a, nuih a za zual, kan piah vel ami te ho lah chu Inkhel an en a keini chu min hre chang lo tawp ang.



''I hriat chu eng nge?'' Atlei chuan a tih zawm leh nghal a, Saktei chuan a aw a han thian khar khar a, ''Hmingsanga thlan a ni chiang lutuk'' a rawn ti a, ava han ngaihtuah peih mai mak e aw.., ''Duh ve mai la a chhe bik chuang der silo'' Lawmtein a tih chuan, ''bialpa ka nei a lawm mawle'' ka lo ti nghal zat a, an awih loh hmel hlawm khawp mai.



Football an tan dawn chuan kan au ring hlawm khawp mai kan house leh yellow house an in tum dawn a. Nimin lam ah khan green leh purple an chak a blue an tla fel tawh a,hemi zawh ah hian final a lut tlang tur An captain theuhin an pawt dawn ani. Chuta lut chu an vanneih bik khawp ang.




A tan tir chu au na tur a vang lutuk an pet goal thei si lo a ka thut hmunah Fred-a tla ka lo la char char mai ni, ''A goal!!!'' an tih rual chuan, ''khawi lam nge'' kan ti hnuhnawh a, ka en loh lai tak a ni. ''Keimahni'' Saktein a tih chuan ding meuhin kan au ve chiam a ka thu leh vat bawk Saktei ka va en chuan min ei loh hmel khawp mai.



First half a zo a point 1 kan house in kan hmu tawh a, chuan nichin a pet goal tu kha James-a lo ni reng in mahse Jordanan a pass vang te an tia, ka hre thiam nuai nuai lo e, ''tui zu pe ang u'' Atleiin a tih chuan kan tho ve vat hlawm a, an chawl rei dawn lo ropui si a kan tlan thla hlawk hlawk mai, a ground chhung ah tak chuan luh an la phal lo teh ta nghal a an hual na bang atang kan bih ta ngawt a, tui bottle ka keng ve lo chu a zia phian mai.



Atleiin min rawn nek deuh chuan ka lo tawlh sawn ve mai a rawn kal hnai lehin, ''saw..I starte a lo kal a nia'' a tih chuan a melhna lam chu ka en ve thuai a, a rawn phei tak tak. Kan din na hma a a rawn ding chuan lo nuih var in, ''tui I duh em?'' Ka lo ti nghal a, a buk nghat chuan Atlei bottle ken chu ka la hlawk a, a kar atang chuan ka pe a, lo ban ve in a ín nghal a, a tui in ringawt pawh hi hmuhnawm tham chu ani.



An tan leh tawh dawn avang chuan kan chho thuai a ka thiante lah chuan hla thlang tur chuan min ti sek lehnghal a, ''in mak e'' ka tih chuan, ''nangman thlan itum kha'' an ti tlat pek a, ka uang tih teh chu an hre awm tho sia, ''a hre pha dawn chuang lo a ho'' ka tih tak tlat ah chuan an ngawi ve mai a, an duh hunah an rawn sawi chhuak leh tho ang chu.



********************************************


Show post links
Top

[Ngaia]

Chapter~17

*

Duh ang pawn ka awm ve theilo Lalhmain a vur leh nep nawi eng eng emaw a zawrh ho min ven tir a, ka thiante lah khawiah nge an kal tak pawh ka hrelo. ''Vur a la awm em?'' an rawn tih chuan chhan loh mai te nia ka duh, ''engzah nge I duh?'' Tih pah chuan ka hawi chhuak a, Matthew a lek lo ni in.




''Pa2'' a tih sup chuan ka pe thuai a poisa bang ka pek leh chuan ka bulah rawn thu in a vur pa1 keng zawk chu min pe ta mai a, ''ka ta tur maw'' ka tih chuan a bu nghut a ka la ve mai bawk. ''Ti nge I tel ve loh a'' ka tih chuan min rawn en vat a, a hriat thiam loh hmel kher mai, ''khu..'' Tih pahin ka thle deuh a, ka vur ken lai chu ka hmuam nghal zat bawk, ''I thiam ve lo em ni?'' Min chhan mai loh avang chuan ka ti leh a, a vur chu ei pawh a ei a maw ni, ''ka new em a'' ''eng maw? Ka new a!!'' Ka tih haw chuan ka mawl hmel ve khawp ang ka bo lulai e mai. A vur ken lai chu a sir ah dah in min en chung hian a nui deuh suk a, ''ka luh na a la reilo'' a tih tak ah chuan ka hrethiam ta chiah e, school a rawn kal tan khan sport a ni deuh nghal mai a mahse a va han ho tham tak.



Thil lei tur a rawn kal an awm zeuh zeuh chuan min lo pek sak zel a keipawhin ka vur ei kha ka ei zo diam tawh, Matthew a chu ka melh a ani ve thung chuan a phone a bih deuh ngur a, ''eng nge I en a?'' Ka va tih chuan min lo en in ''engvak mah'' a ti mai a, a thutna sir a avur dah kha a lo la awm nia, ''vur kha I ei na nge'' ka tih vut chuan a hawi phei a a then suk ringawt, ''I va han ti uih awm tak'' ka tih lai mek chuan a rawn keng a, a tui vek tawh, ''khawi ka lo in zo vek ang'' ka ban nghal a ka in zui bawk, ''a tui hem hem lutuk'' ti a ka va melh chuan min lo nuih suk suk a ka hmui ka hrui thuak thuak ringawt, ''eng nge a..'' Ka tih lah chuan nui suk sukin phone min bih san leh daih a ka awm ava han ti nuam lo e aw.



''Denny'' ka hawi phei vat a ehe..an lo inkhel zo daih tawh a nih dawn hi a.., ''maw!!'' Ka han ti deuh vak a, amah ka en lah chuan ball boot a la bun a, a thlan deuh hliam bawk. Ka tawng ring deuh bawk a niang kan chheh vel a mi te chu an rawn hawi deuh sap sap a, ka ngaipawimawh teuhlo ka hma ami khian ka hriatah vawikhat min koh na, uii ka thi mai dawn in ka hria. Nui sang a ka en lai chuan ka piah chiahah a rawn thu a ka va hamhaih, ka en reng lai chuan Matthew a chu a melh daih a keimah min rawn melh zawk tur a nia, Matthew a ka va en ve chuan a lo hawi ve a, nui suk a tho chhuakin, ''zanah kan lo kal ang'' tiin a kal zui nghal a ani pui pawh chu min va han ti hamhaih ve.




''Zanah chuan eng nge?'' A rawn tih chuan amah chu ka en leh thuai a, ''ka hre bik nang'' ka ti mawl tawp, hre miau hek lo le. Fred-a lah chu a khup ah a kiu nghat in a thu kun deuh a ava han man em em, a hawi na lam ka en ve chuan engmah an lo ti tawh lo, ''vur hi I duh em?'' Ka tih chuan min en lem loin lu a thing mai a, khawnge a thiante an awm ang le, ''Petera te I hmu em?'' Ka tih leh chuan, ''Tennis en tur in an phei'' a ti a min en chuang hek lo, ''chutiang te a lo tel a lo'' ka han ti ve vel a ka eng ah mah a thawk lo nasa ropui si, ''I en duh em?'' A tih chuan amah chu ka melh vat a min lo en ve chiah bawk, bu nghat in, ''a hla em?'' Kati veleh a, ''hla lo, kan thiante pawh an awm vek'' a ti ve leh a min la en ve kar avang chuan ka lai vel nia, zahthlak hian a.



Saktei te ho pawh an lo va phei vek a nih dawn chu, mi te pawh sawm ve awm hi ania a star te a hmuh hi chuan min thlahthlam hmak zel mai, ''kal ila'' a ding nghal a ka hawi kual vel chu min en reng a, ''hei hi...'' Tih pahin ka thil ven ho chu ka kawk zeuh a, a ner sawk mai. Lalhmai chu aw.. Ka phone lahin a chhang thei bawk silo, amah zawng a ka hawi vel lai chuan hmeichhe pa1 green house ami hi lo kal in Fred-a nen chuan kal sawn deuhin an in be luam a, hmeichhia zawk chu a nui deuh reng mai a eng nge an sawi ang? Ka va han hre chak ber kher e..



''Denny'' Fred-a ka en na atang chuan hawi sawn in Lalhmai nen kan in hmachhawn ran a, a hnungah a thian te pa2 an awm bawk, ''phone I chhan theih miah loh a'' ka tih chuan thu thla in a kut in a in zap hliau hliau a, ''ka hah lutuk, kan rawn tlan char char a lawm'' a ti a, ka awih ve reng. In lo kal vat loh chuan in thil zawrh hi ka kalsan dawn tiin message ka thawn a an hlau tawng ve viau a niang chu, ''khaw nge kal I tum a?'' A tih chuan ka sawi ve mai a rum tawk a min rawn melh in, ''sawi tel ta che, ahmunah kan awm reng a ilo keng phei mai tur a nia'' a ti reuh a, engtin nge maw keng vek thei se min tih re re ni, ''ka keng seng teuh lo'' tiin center fresh chu pa5 vel a bawm atang ka la chhuak a, ''ka hlawh'' tiin ka bag ah ka thun zui nghal a, an ni pawn an thil ho chu an khung fel mawlh mawlh a.



Fred-a te awmna lam ka hawi chuan a lo hawi thla ve a, hmeichhe nu bulah chuan eng emaw sawi in a rawn phei nghal a, ''I hman tawh em?'' A tih chuan ka lo bu nghat a, kan inzui ve nghal mai a, duh ber te nen a kal chu a nuam dangdai khawp mai, ''nichin ami kha tu nge a?'' Kan kal lai chuan ka ti a ka hre chak em ani, a hmel lah kha a tha ve reuh phian leh nghal a, a bialnu alo nih vaih chuan, ''tu mah'' a rawn tih sup chuan amah chu ka en chho a min rawn en ve zawk in hmalam a en leh nghal daih a. Hming te pawh a nei ve awm tho si a 'tu mah' chu anilo deuh ang mawle mahse ka zawt peih tawh lo, thil ka zawt nasa thei e mai min ning reu reu palh ang.

******


A hmun kan thlen chuan an lo awm tam ve khawp a, ka hawi kual chuan ka thiani te pawh chu ka hmu nghal mai a, an thil en chu an ngaihsak loh hmel khawp mai. ''Ka thiante bulah ka phei dawn a sin'' ka melh chho a, min en reng ringawt a min chhan a tum lo a mawni, ka bag atang center fresh pa1 chu lain a hma ah ka lek chhuak a, a en leh ringawt a vang chuan a kut chu lain ka dah a, nuih varin, ''kal kal'' ka ti leh hram a, a buk nghut tak ah chuan ka thiante awmna ka pan zui nghal bawk.



''Hmelho'' an bul ka thlen rual chuan ka ti nghal zat a, min rawn melh zawk in an thil sawi lai bawk chu an sawi leh a an va han over tak, ''min sawm ve ta che u'' ka tih chuan an nui ham ham hlawm a, eng nge maw an hriat ni. An thil sawi te lah chuh 'hmangaihna' lam vel ani, ''in lerh ve sia'' ka tih leh chuan, ''Hmingsangan a rawn zawng che a nia aw'' Atleiin a rawn ti a, ''a ho e mai'' ka lo tih san chuan, ''ka hrilh ve hram hram che a'' a la ti hram zui a, min hrilh loh mai tur hi nia. Saktei chu Fred-a nen kan phei rual thu ka hrilh chuan min melh ralh a, a nui sawng bawk, ''ka bem pui ang che'' a ti leh tawh a, duh duh hun a bem theih pawh hi an ni silo a, a buaithlak, ''Joel an min bia a'' a tih chuan a laih hmel nasa khawp mai. Atlei I te kha chu an kal hrang leh tawh, ''I ho e a'' ka tih puat chuan, ''a nawm zia chu aw'' tih pahin ka ban ah min beng hram a ka melh rum khawp mai. Nuam a tih ve apiang hian kut ka tuar ve ziah mai.



Fred-a te awmna lam ka hawi chuan tennis chu uluk fe hian a en a, a ballbooth pawh a lo phelh vek tawh, A bula James a chu a darah kuah in sawi deuhin a ding a, a hmui a che leh zeuh thin, ka thil pek kha a thial a ni hrim hrim ui...a nuam e. Ka bula Saktei chu ka beng thlawp a min beng let ve nghal pawp, kut thlawn tuar duhloi a nih hi.

******


Kan haw chu Saktei a lo peng lut ve nghal a kanu bulah, ''nute Denny in chaw a lo ei dawn ania'' a tih chuan ka nu in a lo phal chiah lo zui a, an in tlawn nasa mai, ''ka han inbual lawk dawn'' ka tih chuan a ban min vai khum a, ''zanah ka lo thlah leh ang'' kanu bulah chuan a la ti deuh deuh a, hahthlak thei. Ka chhuh thlak leh chuan amah tein a lo awm a apple a lo ei mial mial bawk, ''I racket han la rawh, zanah kan practise lawk dawn nia'' a tih chuan ka han la ve leh mai a, naktuk ah badminton a tel tawh dawn aniang.



Saktei te in kan thleng chuan nu Maremi chiah a lo awm pasaltha thawnthu uluk fe in a lo ngaithla bawk, ''nute chaw ka lo ei dawn'' ka tih chuan a phur khawp a, ''arsa kan hmeh dawn ania'' tiin lei tur in a chhuak nghal tharh bawk. Saktei hian nau hmeichhia phir a nei a an leng cheh zia mai chu, a û an chhun a anni pawn star an neih teuh mai tunah hian pawl 7 lai chu an ni ve tawh, ''tui min lo lak ngal'' a rawn chhuk chu choka lam ah a lut a ka au nghat zat chuan, ''mi tirh I hrat lutuk'' a ti nang nang a, min rawn ken tho sia, ''Joela chuan eng nge a sawi a?'' Ka piah a thut rual chuan ka ti nghal zat, kan haw chhung pawh khan nuam a tih zia a sawi a sawi si a ka zawt ve ta nge nge e.



''A nawm zia kha'' a han ti leh te te phawt a, ''badminton ah khan I tel ve dawn ti raw, min ti'' nui sawng hian a rawn ti a, ava han ho mai mai tak, ''a va han ho ber'' ka tih chuan min rawn melh vut tih ka hria a mahse ka va en lo hrim hrim, ka chapal phelh in ka ke ka hlang kang a tv in on sa chu ka hmet sawn nghal bawk.



''Hmet kual reng lo khan en tur zawng rawh'' Saktein a rawn tih leh chuan ka off daih a, en tur a awm thlawt lo. Ka phone phawrin whatsapp ah kan luh leh phawt a, be tu nei lo mah ila ni1 ah vawi1 tal hi chu luh ve hrim hrim a ngai thin, ''thlalak ka lo thawn che'' A tih leh rual chuan noti a lo lut nghal a, ka open chuan ka kuah thlawp lo chauh ani, Fred an cap min khum tir lai vel kha alo nia, a mawi si zia chu ka bialpa tak tak te pawh a ang.



''Wallpaper ah ka hman dawn'' ka tih chuan a nui tawp a mahse, ka hmang dawn chuang leh lo a chhan chu tun a ka hman hi ka thlak leh phal lo chuvang chuan whatsapp wallpaper ah kan hmang mai a nge. ''Joela number I nei em?'' Ka bulah a rawn thu phei a, ka phone chu rawn bih ve in min si chet in a la thu zui, ''I nei na nge'' tih pah chuan ka tawlh sawn deuh a, a phone a scroll mual mual a rawn hawi chhuakin, ''nei nang'' a ti a, a starte number chu a nei ziah sia, a ngaipawimawh loh bik a ni hrim hrim, ''class group ah khan en mai rawh'' ka tih chuan a Hmet leh mual mual a, a rawn khi ta vur vur mai. A hmu ta a niang.

******


Chaw kan ei kham chu sofa ah kan thu hlawm a Saktei nau te chu Ani te inah an riak dawn a nih hmel, ''ka puar zia hi'' ka pum ka beng thuk a, nu Maremi te nupa nuih a za ngei mai, ka puar lutuk a ka hah hlui mai. Rei pawh ka thut hma chuan ka phone ngei mai chu a rawn ri a ka en nak chuan ka thi dang lo chauh ani, ''Sakte!!'' Ka ti hluai a ka bulah a rawn tlan phei ve nghal a, an varanda ah min kai nghal dawr dawr mai, ''chhang rawh'' a tih chuan, ''ka ngam hlei nem'' ka ti a mawl min tih hmel khawp mai, ''I mawl e..a tawp daih kha'' a tih chuan ka thaw hluia a mak tak ani mak tak.

Biak chak thei viau mahila phone a biak te chu ka ai kaih a ni mai, ''a ri leh'' Saktein a tih chuan screen chu ka en ve nghal a, ka di em em tih hnen atang a ni leh, huiha ti nge min lo call le ava han mak em em ka a mai dawn..



''khawi'' ka phone chu la in a pick nghal a 'hello' a ti nghal bawk, ka lo melh ve kur lai chuan min en in a khi thaw a, ''awm e, ka bulah a ding zum zat mai'' a tih chuan ka sik vak a ala 'aiah' thawt zui, ati zahthlak thei e...ka ning. kalsawn daih ka tum chuan ka kawr hnung ah pawt in, ''ka pe'' ti leh ka beng ah phone a nawr nghal a, amah ka va melh lah chuan mit a la sia zui,



aw(voice) thian khar ri ka hriat chuan 'aw..' ka ti ve ngawt a, a nui ri suk a ka mur chuai nghal, ''zanah practice in tum em?'' a rawn tih chuan Saktei ka melh nghal vut a min lo en ve kar a, kalsawn a tum loh hmel khawp mai, ''ka hre nang'' zawi tha hem hem ve, ''kan lo sawm ang cheu'' a ti leh chuan, ''inah ka awmlo!'' ka ti vak a Saktei pawn a lung zawn a dawm ran mai. Zawi deuh in ka sawi leh ang tih ka hlauh lutuk vang vek ani.


Lehlam ami pawh chu a nui ri suk suk a ka va han zak tak, aw rawn thian leh kharin, ''ka hria lawm, kan lo sawm ang cheu'' a ti leh a anuih a zat hmel lutuk a tawng dan te chu, ''ka dah'' ka tih rual a anui ri hawk ka hriat chuan ka hmet tawp nghal. Ka biang ka kut hnihin ka dawm a, a sa hat hat mai, ka lung zawn ka khawih leh pawn a phu rang nasa, ''ava zam theih ngai vele'' ka tih chhuah hliai a, Saktei lam ka va hawi nak chuan a phone min tin va mai, ''eng nge?'' Ka tih lah chuan a then thu a, ''iva han zei lo tak'' tih pahin a phone a ak tha a ka ner nang nang mai, kha tiang ah zei dan vak a awm lo hrim hrim lutuk ringawt.



Inchung a kan luh phei leh chuan nu maremi te chu an lo leng bo daih a, ''ka kut a khur der der mai'' sofa a kan thut thlak rual chuan ka ti a ka kut ka lek kang bawk, ''I inti thei'' phone en pah hian a ti a, a khi deuh vur vur mai bawk sia thil thlalo a ti dawn a niang.



Rei pawh kan thut hma chuan Saktei chu a tho thut a a kalsawn nghal bawk, a mak thei a nia, ''tho rawh an lo thleng'' a ri nghal rawk a Saktei chu ka melh khui bawk, ''I va han dawih mai mai tak'' tih pahin ka phone paih bang bula mi chu a chhar leh a, racket pa2 a ak bawk nichin khan ava la a ni ngei ang. Status ka en lai in thlahrang a rawn lang thut a ani ka sir ah a rawn tawng ve thut nen ka phone ka paih daih phah a ka ui mai mai mang nge.



''A mak, tho rawh ka ti'' ka thawh mai loh avang chuan a ti leh a ka phone chu sofa ah a theh thla nghal bawk, ''An lo thleng tawh maw?'' awi ka phone chu a khi nasa lutuk, ''Ruatpuian min rawn text'' a tih leh tak ah chuan ka tho ve mai a, eng dang mah ka rilru ah a awm theilo ka phone khi mawlh chu ani.



Pawn kan chhuah chuan an lo thleng tawh tak tak a Petera te pawh an tel, amah pui sawn min rawn call zawk tur a nia.



Bike ah an thu deuh thap a James an Ruatpuia a phur a Jordanan Petera a phur bawk, Fred-a leh Rs-a bike chiah a awl a nih chu. An lam kan pan chuan, ''iva tè ring ve'' nui thaw hian James an a lo ti nghal a ka nuih a za ve lo nasa, ''dawih khawp'' Saktei lah chuan a ti nghal a, henu tawng theih zia mai hi chu ka nin hunah ka la khawng deuh pawp ang. Fred-a lam ka en chuan min lo en ve ran a, lawm hman pawh ka nilo ka phone a che nasa lutuk, ti nge kha ti vak vak a ka lo vawm kher kher ni.

******


Hall kan thlen hma deuh chuan a ding thut a kei lo in ring lo chu hmalam ah ka bu dawr a, ka mawng pawh a kang lawp a, ''ka thi thelh a nih kha'' thut that pah chuan ka ti a, ka aw te chu a khur deuhin ka hria. Kan thiante chu hall an thleng tawh ang mawle, ka lo haw daih lo ani, ''I damlo em ni a?'' Bike atang chuan a chhuk daih a ka awn thut nen ka sir a a rawn din chuan ka lo ban tung mai, ''ti nge I chhuh daih, ka tla a nge'' ka ti tiau a, bike hi tlan lo mahse ka hlau tunah tak chuan ka chet chuan a tlu mai dawn in ka hre leh nghal.



A hmel ka en lah chuan a hmui alo pet a, anuih a za a ni ang, ''hey..'' Ka tih lah chuan, ''hey ka nilo'' a ti thawp sup a sawi tur ka van, ''min lo hlang'' kan ti ngawt pek a, che sawn ngam tawh hek lo le, nichin a mi vang khan ka khur der der bawk si. A che deuh thut chu vuan bet tang tangin, ''kal sawn suh aw...ka tla ang'' ka ti leh hram a, lei lam ringawt chu ka bih bawk, ninawm e ka awmdan te chu a san loh teh reng nen ti nge ka hlauh tlat ni, a awn vang a niang.

Che thutin ka kang nghal a lei ka rap nghal bawk, ehe ka hawi a bike chu a tlu miah lo. Fred-a ka va en leh chuan min lo en ve ran a, kan awmna hi a thim lutuk lo bawk nen a nuihza hmel chu ka hmu reng. Ka dinna hmun ah chuan thu tungin ka phone ka han phawrh a, ka ak lut leh nghal, mood a fuh theilo ka phone a eng theilo lehngal a, bang den nan ka hman vang vek ani, ka mood chanve ka phone ah a in nghat a sin mawle.



Thil ka ngaihtuah neuh neuh lai chuan ka chal a rawn dawm a, ka hawi chawh chuan min en vung vungin, ''I dam ti raw?'' A ti nawn leh sup a.


(Lehkha zir ka ngai ve nasa lutuk a, duh angin ka regu theilo maithei ani)



********************************************


Show post links
Top

[Ngaia]

Chapter~18


*


Ka en reng a ka tawng dawn chiah ti ah ka la irh awk zui, ka hmui ka hup thuai a ka irh zel tho, a kut chu la sawn in hnunglam min chhawn daih a, ''I nuih a za nih kha'' ka va tih chuan a rawn nui ri hak a, ngaihthlak ava han nuam dangdai ve. Ka thawh chhuah rual chuan a phone a ri ve nghal zat a, ''aw'' a ti nghal sup a, mur chuai na tham ani.



A sir ah ding in ka kuangkuah than a, khawiah nge kan awm le..hall kan thleng tep amaw ka tih kha kan thlenglo nasa. ''An be duh che'' a rawn ti sup in a phone a lek chhuak a keiin ka lo en ran a, ''tu nge?'' Ban paha ka tih chuan a hoodie ipte zenin, ''saki'' a ti a, ka beng zawnah phone chu ka dah thuai, ''aw...'' Ka tih rual chuan, ''ehem...nuam awm vel'' a rawn ti lang lang a, ka khi sung ringawt, ''aho e..ka dah'' ka tih chuan rang mang kheng in, ''I nuin min lo phone a inleng in nei a nih chu, rawn haw rawh se ati, haw tlang mai rawh a pawi lo'' a ti nghal zat zat a, ''tu nge leng'' kei in ka lo ti nghal zat a, Fred-a ka en chuan min lo en ve bawk, ''aw..in chhungte a ninag ka hrelo, haw ang che'' a sawi zawh rualin phone adah nghal daih a, ka va ngei mai mai. Tu pawh lo leng se tinge maw ka haw kher a ngaih ni, ninawm e mai a.



''Haw I ngai a'' a tih chuan bu nghat in a phone chu ka pe let a, a ak tha leh nghal bawk, ''min thlah la'' ka tih chuan ka nui sang a, ''I damlo em?'' A tih leh a, a vawi3 na a ni tawh, ''ka dam var var'' ka nui sang a a khi ve suk, ''I damloh chuan min hrilh ang che'' a tih chuan ka va han lawm bawn let thuai thuai ve, ''tehreng'' ka ti lauh a min rawn en in a khi suk suk mai. A bike a ava thut chuan ka pan ve thuai a, ka va han chuang peih tawh lo ve, ''ka ding thut dawn lo'' a tih chuan ka lawn ve thuai a, a kawlum hmawrah ka vuan leh tung bawk, ''tu nge lo leng?'' Kan tlan chhuah hma chuan a ti leh zat a ka lu ka thing ringawt, ''ka hre bik lo le'' min hmu thei lo tih hria in ka ti tha leh a kan thlan chhuak zui bawk.



******


Inkawt kan thlen chuan ka chhuk thuai a, ''I kal leh dawn ami?'' Ti a ka zawh chuan a bu nghut a, a tawng leh duh tawhlo a ni ang, ''a nih chuan ka lut dawn, muttui'' tiin ban ka vai zeuh a, a tlan liam leh mai bawk. Dawr an hawng bawk lo a, step tawite chho te chu ka kal rei khawp mai, inleng awm vanga in koh haw te chu a hmanlai thlak e mai. Inchung ka luh chuan sitting roon lam chu pan mailo in kichen lam ah tui ka in leh te te phawt a, kanu in min au nghal zat, engtin nge ka lut tih te pawh a hriat re re ni.



An bul ka va then chuan nu sangtei te an lo leng a, vawiin chhun a Matthew an kan lo leng ang a tih kha hei vang a nih dawn hi, ''I lo leng daih a'' Nusangtein a tih chuan, ''nia...ka thiante inah chaw ka ei a'' kanu bula thut thlak pah chuan ka ti tha ve mai a, ''nu khawnge aû hi a awm?'' Kapa tawng mawlh mawlh lai chuan ka ti a, ''kha..matthew a nen khan inkawm rawh u'' a ti daih a, ''lalanu'' ka tih leh chuan, ''a roomah'' a tih chuan ka tho phut a kanu in min melh nghal zat, ''ah..ih ka han inthlak lawk dawn'' ka ti nuai a, ka kalsawn nghal, ngah nge maw ka kawm bik kher ang, An mahni ho vang sawn zanah ka vawi2 chhuah theih loh na a ni tawh, ka 'D' bulah te awm ka chak ve viau a sin mawle.



Ka û room ah ka va lut tlang thawr a û Rex-a nen games an lo khel nasa, ''eng nge mate'' min hmuh rual chuan a ti nghal zat a, ''nakin ah nimai'' tiin ka kalsawn leh nghal daih a, ka roon ah lut tlangin ka kekawr ka thlak a inhnuai ah ka chhuk leh nghal. Sofa ka thut chuan ka nu in phone a lo hmang mawlh mawlh a, ''aw aw lo kal rawh naupang ka lo hawng tir ang'' a tih chuan min tir dawn ngei a nih hi tih ka rilru ah a lut nghal a ka peih lo kher mai.



Phone a dah rual chuan, ''mate inu zikin dawr bungrua a lo la dawn a zu hawng mai ta che'' a ti ta reng a, tunge nu ziki pawh ka hre tawp lo, ''immm'' ti in ka tho ve mai a, puitling kara thut kuk ai chuan a nuam zawk tho ang, ''chahbi'' ka tih leh chuan rawn tho chhuakin room lam a pan a ka zui lut ve nghal, ''Matthew a kha sawm ve la, amah in a awm char char a nuam a ti lo ang'' a tih chuan ka ner nung a, ''ninawm'' ka tih chuan a nui leh mai a, nakin ah engvang a min ko haw nge tih ka zawt khawp ang.



Room atang ka chuah chuan Matthew a thutna bulah kal in, ''lo chhuk ve daih rawh'' ka han ti ngawt a, a phone en mual mual lai chu rawn hawi chho in min eu hu a, ka sawi awmzia a hrelo a mawni, ''kha..dawr zu hawn pui rawh'' tawng leh ka tum lai tak chuan nu sangteiin a rawn ti hlauh a kei ka lo nui sawng thung. A rawn ding chuan ka kal zui nghal mai a ka hnungah min lo zui ve zel bawk, ''enge in lo tih a?'' Ka tih chuan a nui suk a ka va en chuan aw thian kharin, ''kan lo leng chu I lawm vak na nge'' a ti a, ''chutiang pawh a nilo...'' Nui hak pah chuan ka ti a, ka ka rilru te te chuan 'lawm lo tak ka ni' ka lo ti hman hmawh.



Thu tung a tala ka hawn lai chuan ka sir ah dingin, ''kapa in len a ti thut mai mai'' a rawn ti a, bu nghat in, ''han theh chho thuai teh'' ding pah chuan ka ti a, a bang bo hmel lutuk chu ka nui hak hak a, a hmel chu..hrilhhai tak hi ni ringawt, ''he thir kawngkharpui hi mawle'' tih pahin kan dawr kawngka a hming pawh ka hriat loh tawlh chhoh tir ngai thin ang chu ka kawk zeuh a ka hrawk ka thiam kharh bawk. Dawr a kan luh chuan light ka on nghal a ani pawh thuthleng ah a thu thla nghal zat, lays, kurkure leh appy vel chu lain dawhkan te ah chuan ka chhawp a ka hawng nghal zat, ''ei ang'' tih pah chuan ka hmawm zeuh a, a phone bawk a phawrh leh.



Ka ipte ah ka phone ka ak ve ran a, min ti famkim tu tan. Engtin nge aw ka chhung leh kua te ka han hrilh ang ni. Saktei mawhpuh dawn ringawt ila a awmin a ang bawk silo. Huiha



''Ei ve la'' tih pah chuan appy pa1 chu a straw vuak sak in a hmai zawn ah ka lek a, ''in rawh, a tui'' ka tih leh chuan a la ve mai bawk, ''I phone ah khan eng nge awm'' a phone a bih reng a vang chuan ka ti ta ngawt a, a ninawm em a ni phone en tur ka nei ve silo a, ka ning mah mah, ''apps'' a la ti awlsam et zui a, ka be peih tawh lo.


Darkar chanve lai kan thut hnu chuan dawr bungrua tur chu a rawn la ve ta hram a, a hming pawh ka hriat tawh loh chu. ''Lalrinkima nen khan in inhria em nim'' deuh bawl bawl chuan, min rawn dawr tu an awm zeuh zeuh avangin khar mai loin kan nghak law law a, nu te kar a thut kuk ai chuan a zia tho e, ''tu nge?'' A phone min en tir daih a, ml a lo nei bawk nen khelh pah chuan ka chhang a, ka tang khawp mai.



''Fred-a kha mawle'' a tih leh chuan ka thi chiah, ''hria e'' amah en chuan ka ti a 'ka bialpa' ka ti tep ani. Lalrinkima ni tih ka lo theihnghilh a lawm, ''ti nge a..'' Ka tih leh chuan 'engmah' a ti mai a games bawk chu ka khel leh nghal a ''khawi maw teh'' tih pah chuan phone chu ala daih a, akhel chunzawm bawk, ''I phakar e mai'' ka tih chuan a nui mai mai a, a kut lehlamin ka chalah a la rawn beng hram zui. Ka rin ai in kawm a nuam daih lehnghal a mahse a ngei awm ve khawp mai.


******


''Tho rawh, ti nge tukin hi iva tho har ve'' ka khum bula ka nuin a ti hlak hlak a kei ka in let thawk, ka mumang ah Fred-a ka hmu sin le, ''tho rawh chaw kan ei dawn tawh'' ti leh hlak in ka rizai a pawt hlim pawp a, ninawm hian, ''tu nge kha ti chen chen inleng nei ngai a'' thut chhuah pah chuan ka ti ve zat a, ''rawn chhuk la nimai'' tiin a chhuak daih. Nizan khan dar12 dawn an leng a, ka men ve reng phah. 'Ninawm ka mumang kha ka ui lutukkk' step ah ka pen thla nghauh nghauh a.



Dawhkan ka kil chuan ka û in min lo nuih thaw a, ''ti nge nizan khan min koh haw kher a?'' Tum bur a ka tih chuan, ''ti nge I phone a tlang theih loh'' ka nu pui chuan a ti daih a, ka zawh na hi a chhang ngailo re re, ''a chhia'' ka tih chuan min en vut a chaw ka bar nghal daih, ''khawnge apa hi'' ti a ka en leh chuan min lo la melh reng a, ka hawi thla leh zal zal, ''zingah a kal tawh, I phone chu eng nge?'' A ti leh zat a, chhan loh chi nilo hian.



Chaw eikham a ka phone a hmuh chuan a chek tlak tlak a, siam ai chuan a thar ka duh ve ting tang sia ka neih vat hmel loh.


******
***Field***

Chu inkhel hmuhnawm loh zia chu, an pet goal thei bawk silo, ''i mut a va chhuah hmel ve'' Saktein a tih chuan ka bu nghat ringawt, ka ham bui bui reng a ka mittui a tla a tla mai, ''amak tlan ve ula'' a tih hlak chuan ka nui hawk, ''an um phalo nih kha'' ka tih chuan a phun nang nang a, a hmuhnawm loh ve em ani.



''Kha nu kha a damlo em ni?''
''Ka hre bik nang'' Saktei chuan a aw ki ang chiah chuan a chhang a.
''Zothansang'' ka biang ah a beng zeuh a, ka meng awm hlei lo, ka mit a kham lutuk. Saktei dar ah ka bei hlan a, anipui lah hi a che sek nen a muthilh theih meuhlo.
''A muhil a nih kha I mak'' Saktein a tih leh chuan a ri thlawrh a Jordana ban ah a beng a nih ka ring.

''Denny'' ka chal a dep nghal a Saktei chu chek tlak tlakin, ''ui in over lutuk, thu ngil nghal rawh'' ti hlak in ka lu nghah na a dar chu a ti che zawk zawk a, em em hian, ''amak thei, mut chhuah nen'' thut ngil paha ka tih hlak chuan, ''sport na a mutthlu ngun ber ini'' min la ti thawr zui hlawm a, ka awihlo ber e.



Jordana te an rawn phei bawk nen kan ri leh ham ham tawh a, kan house an tel ve lo bawk nen inkhel chu kan en tawh lo hrim hrim, niminah khan an lo tla nghal daih a, pawi tawps. ''Nizan ah chuan tu te maw lo leng a?'' Petera ni, ''Matthew a te'' Tih pah chuan a phone ka dil a ala phal lo zui, ''ehe eng nge an rawn tih!!?''

''I bengchheng thei lutuk Lalduhsak'' Jordanan a hnungah a beng ri thawk a, a lawm lo leh ang chu, ''zanah kan va len na te kha an nia, an chhung in an rawn leng'' ka ti mai a, ''phone min en tir teh u..'' Ka ti leh nghal zat chuan, Petera leh Saktei te chuan an bag ah an khung nghal hmak, anva uikawm e.., ''kha..games I khelh pawn classic ah chiah ka phal'' tih pahin Jordanan a phone min pe a, ka lo nuih var var. ''Phone neihlo hreawm zia hi'' ka tih phei chuan an nui hawk hawk hlawm a, atha vel vek mai e.



Rollcall zo chu kan in zui dam dam a, kan bang hma vawr vawt bawk nen dawr a chawlh kan ti a, chumi lam chu kan pan mek, ''eng nge ka ei ang aw..'' Ka bag hrui khawih neuh neuh chuan ka ti a, ''chow ei la kei in rice'' Peteran a tih chuan ka hawi sawn hmak, ''I duh leh a pa2in order rawh'' ka ti a, kan thiante an nui hawk mai. Dawr a kan chawlh ve a piangin chow hi a ti ve ziah a, thil dang a ei duh lahin chow order rawh u midang hi a tia, a phakar reuh tak tak.



Dawr chhung kan luh chuan Fred-a te thianho an lo awm ve a, Jordana ten an bula ei an tih avangin kan va thut chilh ve a, a va han nuam em, ''eng nge I ei dawn?'' Ruatpuian min rawn tih chuan menu ka bih vat a, paper leh pen keng chung in min melh ngar mai, ''momo'' ka tih chuan a ziak mawlh mawlh a. Ka bula thu ani bawk nen a thil ziah ka va bih ve chuan ka 'D' in momo a ei ve dawn, eheu couple eitur.



Thil ei lai te chuan an tawng bawng bawng hlawm a, pawnlam ah thu lo phei ila chuan min rawn hau tawh ang, ''nizan ah chuan tu te maw lo leng vel a, I haw chuk chuk'' James a chuan a rawn ti a, eng a tan nge maw a ti reuh ni, ''Matthew-a-a te mawle'' ka ei mial mial lai chuan Saktein a ti reuh a, an ri huk a, an hmel ka en hlawm chuan thil pawi ti hmel ka ang.



''Ilo hre tak tak e law'' James a bawk chuan a ti leh a, ''hria e..eng nge'' ka tih chuan min han melh rum ul a, ava ho reuh tak. Fred-a ka va en ve lah chuan min melh eih lo in a thil chah chu a ei ve mual mual a, ava han tha chiang tak, ''ti nge an rawn len a?'' James a bawk, ''I va han ninawm e'' ka lo tih sak chuan a nui ri hawk a, ava han sual thiam, ''I va han mak ve a..Denny Zothansang'' min ti bawl a nih chu. Awi ka ngei lutuk, ka melh rum ul a, a thil min la eisan daih zui bawk a, ''eng nge ka hming pum lawl a min koh kher a, Vanlaljames'' ka tih chuan a nui leh hawk a, hepa ngei awm thiam zia hi ka kek hrep chak lutuk.



Thil ei lo in ka hma a thu James-a pui chu ka melh ngur a, ka ngei lutuk hi nimai, ''Lalsangzela nih saw'' Ruatpuian min rawn hrilh ruk sur sur chuan ka nui ve hawk a, min rawn en haw hlawm. Ka bag atang pawisa la in Ruatpuia chu ka pe a, alo la ve bawk, ''I la chak lo khawp ang aw, James Lalsangzel'' ka tih chuan an nui hawk a, kei ka tho chhuak a, min melh ngar tu chu melh ve ngarin ban ka vai zuai a, ka chhuak nghal daih.



Puar pawh ka puar hlei nem le Lalsangzela vang vek ani, ka thil ei lai a ka thinrim lah hian ka ei tui lo vek zel nen ka va han ngei mai mai tak. Dawrah milkshake ka in lei a, ti hian keimah in kan haw hnak hnak a nge.



Kan nilam pan a ka kal hnak hnak lai pawh chuan ka phun bul bul a, ka lawm thei hlol lo, miin ka hmingpum in min ko ve fo mahse, ani pui kha chu....ka sawi peih lo, ve ringawt a, min la chhuahchal zui a, awi ka ngei lutukkk. Ka ke ka per pawp, nui ri hawk ri ka hriat chuan ka lehhawi a, ''eng nge he lam ah I tih dawn a?'' Matthew a chu melh in ka ti nghal zat a, nui suk sukin, ''ka thiante inah ka kal lawk dawn'' a ti tha ve mai a, nuihzat hmel lah chu a pu reng bawk a. ''A nih tak chu'' tiin ka kal leh nghal daih, ka tawng dan lah chuh, ho emai kha pawh kha Lalsangzela vang tho anih kha.



Ka hnungah chuan a kal ve zel a ka be lem hlei lo a, ''I thin a rim a ni maw'' hnunglam a tang a tih chuan za lo deuhin ka nui hak hak a, ''I thiante in chu a hla em" ka ti daih a, nui hawk in, ''ka theng chiah e'' a rawn tih chuan ding in ka leh hawi a, kan sir a inding chu a lo melh run bawk, ''lut ta che'' ka tih chuan, a phone a phawrh chhuak a, a call phawt dawn a niang.



Chutia kan din lai chuan horn a ri chiah chiah a, kawngpui lam ka hawi chuan ka thiante lo ni in. Rs an Saktei a phur a, Ruatpuian Jordana chuan Petera chu Lalsangzelan a phur. Fred-a lam ka en chuan a tlan chhuak leh nghal a, midang pawh an tlan ve mai a Saktein ban min la vai zui a, ham ham hian. Lalsangzela pui rawh chu kan dinna lam ah rawn tlan pheiin, ''ha Denny Zothansang'' ngei awm thei ang ber hian a ti leh kher a, Matthew a chu a melh ngur bawk, ''kal ang'' Petera chuan nui suk in a ti a, an tlan liam ve mai dawn a maw tih nak alai in f**k sign min la pe zui, awii ka haw so bawrh bawrh mai.


******


In ka luh chuan kanu in rawng a lo bawl a, ''iva lo haw har ve'' min hmuh rual chuan a ti nghal a, ''ke hlirin ka lo kal a lawm'' Sofa a thut thlak pah chuan ka ti ve a, ka chhawn ka chum dat dat bawk, ava han kham mai mai e..., ''I û rawn koh mai tur che lawm, zanah I ke na I mu theilo leh a nge'' a tih chuan, 'phone ka nei hlei nem' tih khum erh mai a nia ka duh, ka mood hi atha thei lo, hmelphak a vang vek ani.



Doorbell a rawn rik chuan ka pheikhawk ka lo tlawn hlim ve pawp pawp a, sofa ah ka mu zar mai, ''Nu Engte, Denny a awm em?'' Ka aw hriat than em em in a rawn tih chuan ka thu chhuak nghal zawk a, ''saw lam ah sawn a awm kha, va phei rawh'' ka nu pawh chuan a ti ve zat.



Rawn phei in ka piah sofa ah chuan a thu thla a ka lo melh ngar, eng nge a rawn tih dawn a, ''I phone a tlang theilo a'' a tih chuan min melh ve ran a, ka thinlung a su dup dup mai, ''ah nia..a che daih'' ka tih nuai chuan, ''zanah hall a kal an tia ka lo hrilh che'' a tih chuan Saktei ka rilru ah a awm hmasa ber, kanu a phone thei awm tho sia, ''ah..ka lo kal ve lo mai ang'' ka tih chuan, ''ti nge'' a ti nghal sup a, ka en nghal haw, min chhang rang mah mah. Nui var varin, ''mut hma ka ngai a'' ka ti ngawt pek a, adang sawi tur hre hek lo. Hmelphak a kha ka hmu peih lo a chu vang mai mai a ni.



Pawn a chhuak chu kawngkhar bul thleng ka zui ve a, ''zingah exer ila dawn em'' nuih var var a ka tih chuan a bu nghat a, ''min lo nghak rawh aw'' ka tih leh chuan a bu ve ta nghat a, ava han tha chiang kuang em, ''a nih leh chaw ei tui'' tiin ban ka vai a, a ni pawh step ah chuan a pen thla nghauh nghauh bawk.


(Whatsapp group siam in duh chuan lo sawi ula kan siam dawn nia, mahse tlem tham deuh ah kha chuan siam loh law law aw...a buaithlak mai mai ang)

********************************************


Show post links
Top