*
Khum a ka mut hnu pawh chuan ka ingaihtuah kual ngat ngat a, eng nge a thil sawi kha a awmzia ni ta ang. Ka phone message a rik chuan ka en vat a *muttui, ka De* tih te hi min rawn thawn a, ka wish let ve vat a ka chhing nghal diar diar bawk.
''Mut I kham meuh na nge'' kapa in a tih chuan ka nui mai a, mut ka kham a mahse ka ham ngat ngat mai, ''pa..tumah in hrilh lo ti raw'' ka ti a, ''Mate, kan chhungte chu kan hrilh ve bawk a lawm'' chawhmeh a suak a, ''a nih leh ka thiante chuan an hrelo tiraw'' ka ti leh chuan, ''hriat ka ring lo, Petera nimai'' a tih chuan ka thaw hawk a, tlem chuan awm a nuam deuh. ''Mate, I thiante I hrilh vat loh chuan an hriat hunah...'' Obawihan a tih mek lai chuan ka hrilh tur thu ka lo sawi zat a, mahse ka tum lo hrim hrim zawk.
Ka room ah chho in ka sam te ka khuih tha mawlh mawlh a, ka dawhkan a samkhuih ka dah chuan envelope var a kawm a 'Perfect two' tih ka ziah chu en vang vang in ka thaw halh a, ka bag lain ka chhuak nghal daih bawk.
***time skip***
Hun a kal ve zel a November thla kan chuang kai a, christmas a hnaih telh telh rualin board exam pawh a hnai ve zel a, a peihawm loh khawp mai.
''Subject cover nei te in awm tawh em'' Sir in a tih chuan ka hawi chhuak a, tumah an pharh tak loh ah chuan ka nui suk, ''engtin nge cover se min tih, a tam si'' tiin Atlei pawh a phun nang nang reuh a, dawhkan ah bawkin a rukin ka nui ka nui mai.
''I damlo a mi?'' Sir chhuah hnu pawh a ka thut ngil peih tak loh ah chuan Saktein ka chal dawm in a ti a, chhang lo in ka chhing reng ringawt, ''ka zung lawk dawn a nia aw'' a tih leh chuan ka bu nghut a, ka hnung lam atang a chhuak ve bawk.
''I dam lo em ni?'' Ka chal a rawn dawm vang vang a, min hmu lo mahse ka nui sei ringawt, ''I eng nge na?'' Fred-a chuan a ti leh a, min sik chet tak ah chuan ka bulah a thu tih ka hre thei. Ka meng diar diar a, ka khaw hmuh a phei ruai lehnghal, ''mut ka kham lo a'' thut ngil pah a ka tih chuan dawhkan ah a bawk ve nghal a min en vung vung bawk nen ka nui vur vur ringawt.
A kut a delh lo lam chuan ka kut chelin a hum vang vang a, ''kan anniversary ah thil tha deuh ka duh ania'' ka tih chuan a vei nuih suk a, ''I duh ber a nimai'' a ti ve sup a, ka nuih ver ver ringawt. Peteran pawn a min koh avangin ka chhuak thuai a, ka la hmu mai lo zui. ''Hey, khawnge Petera chu'' Vanfela chu ka zawt nghal zat a, amah hian a ko che a rawn tih vang a ni, ''saw tah, thingbuk hnuai ah khan'' a tih chuan ka kalsawn thuai a, a hmu ka then chuan a lo awm vang bawk, ''eng nge ni ta ka unaupa duhtak'' a bul a thutthlak rual chuan ka ti nghal zat a, ''sawi a hun tawh viau a nia'' a tih avang chuan ka ngawi kar a, kan hma a mi tei suau suau ho chu ka thlir reng a, ka awt takzet.
''An hriat hunah an dem palh che nge'' a tih chuan ka nui ri hak a, mahse a za thlawt lo, ''engtin nge ka sawi a nga?'' Zawi ang reng tak a ka tih chuan min en vut tih ka mitsir atang ka hre thei, ''ka hrilh thei, mahse Fred-a hi hrilh ang che'' a tih leh chuan ka bu nghut ringawt a, ''reilo te chiah'' ka ti a, ani pawh a bu ve nghat tho.
******
Ka haw chu ka nawm sam loh em avangin ka mu nghal daih a ka nu pawh room ah a lo lut zing mawlh mawlh khawp mai.
Zanah ka papuia te ho an rawn leng a, ka tho chhuak peih chuang lo, ka room kawngkhar a rik rek chuan ka hawi thuai a, ''I nuam deuh em?'' Petera rawn lut chuan a ti a ka lo nuih var ringawt, ''engtik ah nge ni ang?'' A tih leh chuan a sawi awmzia chu ka hre nghal mai a, ka ngaihtuah ringawt pawh hian ka huphurh zek mai, ''farewell day ah aw'' ka tih chuan a bu ve ngat. Karleh lawkah kan school ah farewell day class 12 tin ah kan hmang dawn a, a chhan chu tun kum a kan school ka hnuhnung ber tur a nih vang leh kan pass chuan kan kal na tur a hrang theuh tawh dawn vang a ni.
Ka phone a rik chuan ka en vat a, Fred-a message a lo ni.
*ka de*
Tih zawng hi a nia, ka nui vur vur tho.
*k...leng dun ila*
*nagmah te khan leng dun rawh*
Ka nui hak a, a awm ang lo e..
*naktuk chu dar4 ah aw*
Tih ka sent leh nghal zat
*imm, I nuam deuh tawh em*
*ka damlo hlei nem*
*ka ngai che*
*keipawn* ka va han zak ther ther.
*ka rawn leng nghal* tih ka chhiar chuan ka nui nghal vak vak a, a rawn kal awm der silo.
*muttui keima bialpa em em, K...*
*muttui ka duh ber nu*
Khi vur vur in ka chhing a, a bula ka awm hi chuan na lai reng ka neih ka hrelo.
***4:00am***
Ka in hak sak sak hnu chuan ka chhuak thla thuai a, ani pawh a lo ding leh vang tawh, ''morning'' a bul ka then rualin ka kut a chelh nghal a, ''morning'' a ti ve sup bawk a, ava nuam tak.
Muang changin kan kal dun a eng eng emaw sawi in kan nui hak hak bawk, ''ti nge ka biak che khan min chhang ngai loh a'' ka ti a, ka star tirh vel lai kha ka ngaihtuah bawk, ''mawh" min chang mai loh avang chuan ka en chho ha a, a lo nui suk suk ringawt a, a sawi leh dawn lo pawh a niang.
Kan chawlh thin na kan thleng chuan inkai chung in kan ding dun vang a, kan in be lem lo. Ka ngaihtuahna a vak kual a, ka natna avangin ka la tap hek lo mahse, ka tawp dan tur ka hre chiang em em thung. Ka bula ding chu ka melh zeuh a hnuai lam ka bih nghal run, a bul a awm nuam ka ti a ka duh em em bawk, engtin nge tu tan mah a ka phal loh hi midang bulah dah in ka kal ngawt theih ang ni.
Ka hmui a rawn fawp zeuh a, ''eng nge I ngaihtuah'' a ti a lu ka thing ringawt a chutah duhthawh lutuk in min fawp a, ka chhang ve tho.
Kan step awmna thleng min thlah ah, ''chho la'' a tih chuan a jacket nghawng ah kuai in a biang ah ka fawp zeuh a, ka thlan chho nghal hlawk hlawk a, a nui hawk ri ka hre hman tho. Inchung ka luh rual chuan ka lu a hai thut nen ka thu thla hnawk a, ka mit a vai em em lehnghal, ''mate..engtin nge I awm'' obawihan min pawm tho lawp a, sofa ah min nghat rualin min kuah nghal run a, ka thaw dep dep ringawt .
***Farewell day***
School kan thleng rual chuan an lo ri nghal nak nak a, ka lu tuai zeuhin Fred-a pawh a thutna lam a pan nghal. Guitar perhin an zai ho dial dial a, class ah chuan kan duh dan dan in kan in ti hlim a ni ber. Keini thian dun pawh kan thiante thutna ah kan phei a, Fred-a bula ka thut thlak rual chuan min kuah nghal hlun a, James-a te ho an meng kual ralh ralh mai.
Kan kamis ah chuan hming te kan in sign sak nuai a, a nuam khawp mai, ''khawi ka lo ziak ang'' ka tih chuan a bu nghat a ka nuih ver ver, ''inthliar hran na hi ka ti thei thak lo a nia'' James-an a rawn ti thum bul bul a, ngaihsak lem lo in Fred-a kamis ipte chung chiah ah chuan 'ka D em em
' tih leh love sign chu ka favourite colour in ka ziak a ka nui vur vur bawk, ''kawi ka han ziak ve a nge'' tih pah in ka colour ken chu Rs-an a pawt thla hlawk a, ''ka duh lo'' pa1 in a lo ti ve bawk a, an in chai ngat ngat mai, ''mahni bialnu te ziah chauh duh te chu a'' tiin Ruatpuia a ner a ner a, ka ben deuh pawp kha.Zirtirtu te an lo luh chuan cake te ei in 'Lawmi khiangte hla kan hlim lai ni' tih chu kan sa ho dal dal a, ka lung a ti leng nghal ringawt mai, ''ka hmangaih che'' ka beng bula a rawn tih thawp sap chuan ka mur chuai a, ka hawi chuan ka hmui ah a lo fawp zeuh a nui sukin hmalam a en leh nghal daih a. Hamhaih deuh in ka hmui ka hup a tuman min hmuh loh hram ka beisei, a hnuhnung ber ah kan thu hlauh zawk a.
Kan zai reng lai chuan min rawn tur et et a, thut ngil pawh hreawm khawp ani. Dawhkan bawk chuan ka chhing zui hmak a, ka biang rawn tawk zeuhin, ''I dam ti raw?'' A tih sup chuan ka nuih ver ver ringawt a, tunah tak hi chuan a hreawm lutuk, ka lu chhung hi a puak mai dawn in ka hria. A bengchheng bawk nen ka lu na chu a zual zel a, ka mittui a tla dawn hial in ka hria, ''ka zung lawk dawn'' thut ngil pah chuan Fred-a bulah ka ti sep a, alu alo bu ve ngat a min ngaihtuah hmel reuh khawp mai. Saktei zun puia ka sawm chuan a lo duh ve mai a, kan kal hma chuan a biang ah ka fawp zeuh a, ka rilru ah a awm tlat pek a lawm. Kawngka kan chhuah dawn chuan ka hawi let leh hram a, ban min vai zeuh a, ti nge pawh ka hrelo ka ngai duh riau mai.
Ka zun a chhuah tak tak loh avang chuan Saktei zawk chu nghak in darthla lang ah chuan ka in en vang vang a, ka handkie chu ti huhin ka biang vel chu ka dep vang vang a, a awmzia lo kher mai. ''Zothansang I lek chu ni in'' Kawngka in hawn rual chuan Tluangi leh Mimi an rawn lut zui ngal a, ka chhang lem lo, ''zak lo'' a ti chang let rat a, min sawi khum chiang a lawm. Saktei pawh chu ava han rei ka tih mek laiin a rawn chhuak a, ''Lalrintluangi te lek chu ni in'' ngei awm zet hian a ti ve a, an tawng ri kha a hre pha a niang. ''Denny kal ang'' a tih chuan ka phei ve thuai a, Tluangi ner sawk pawh chu ka hmu hmaih lo chiang, ''kan lo kal teh ang'' kan hma ah tak an ding avang chuan a ti leh a, kei chu ka tawng ve peih lo mahse, an hmel zawng zawng nen an ngeiawm khawp mai.
Tawlh sawm duh heklo le Saktei chuan a nek sawn deuh pawp a, Tluangi in pal nasa lutuk chu ka nuih suk a, a za ve bawk em ani. Ka kal pel chiah tiah ka sam ah a la rawn kek vak zui a, ka in ring lo nen ka the tuar a ka lu nat sa nen a belhchhah a ni ringawt a lawm, a hai chum chum a Saktein a kek ve pawp pawh chu ka hmu phe ruai mai. Ka lu na lutuk chu ka kut hnih in ka khawng dat dat a, mi in min rawn su bawk nen ka thu sawp nghal nuai a, ka lu chu a na takzet.
''Denny engtin nge I awm'' Saktein min rawn dawm chung chuan ati a ka chhang theilo hrim hrim, ka mittui a luang zung zung a, ka lu chu ka chu ka dawm ngur a ka thin a phu dawt dawt a, ka hrawk ah min hnawh ut ut bawk, ''Denny'' a tih leh chuan, ''ana lutuk'' ka ti tiau a, ana takzet ka thi mai dawn in ka hria, ''Saki''.
''Denny hi'' pawnlam atang an rawn auh chuan a ti chul a, a ri nghak rawk rawk a, ''engtin nge a awm'' tih te chu ka hre ruai ruai a, ''De'' ka biang tawn tawn ah a rawn dawm a, mit phe ruai in ka lo melh a, a phun mawlh mawlh a, a sawi ka hre theilo, ''ana lutuk'' ka ti leh sep a, vawileh khat ah thisen ka khuh chhuak thawt a, ka zawi nghal vek, ''min kalsan theilo ania'' tih ri chu a hla tial tial a, engmah ka hre chhunzawm tawhlo.
*
*
*
*
*
*
Ka harh deuh kawk a, ka thaw hlawp hlawp bawk, ''Mate, engtin nge I awm'' kanu in a tih chuan ka melh zeuh ringawt. Ka mumang ngai bawk ani ka mang mahse a chiang rapthlak lutuk tlat, ''kan lo nghak che nia, Lal De'' Fiona-in a tih chu ka ngaihtuah nghal ngut ngut a, ka lu na bawk a ni a chhuah leh ni.
''Engtin nge I awm le'' Doctor in a tih chuan ka chhang thei lo, ka ka(mouth) atang thisen ka khuh chhuak leh ringawt a, ka hnar thi a reh theilo bawk. Kanu in mittui tling piau a ka hmai min hruk sak lai chuan kawngkhar a ri rek a, ka thiante an rawn lut dual a ka lo nuih nghal sang a, an tum hmuk thung. Ka lu rawn na leh vak nen ka lu ka dawm nghal a, ''ana'' ka tih chuan kanu a chi ai nasa lutuk, ''De, khawiah mah min kalsan suh ka tih kha'' min rawn kuah chuan a ti sawi sap a, ka tap chhuak nghak hawk, ''ka hmangaih che k...'' thei leh theilo a ka tih sep chuan min kuah nghet sauh a, ana mah mah ani.
****** Daniela-a P.O.V ******
Doctor chuan in ring reng a kan awm a ngaih tur thu a sawi chuan ka khawng awt thei. Ka nu a in sut nghal hlawp hlawp a ka pa pawh tawng tur a awm bik lo, ngaihtuah tur ber hriat thiam a har takzet. Engtin nge ka farnu neih chun ka duat leh hmangaih em em hi a thih ka phal theih ngawt ang ni..
Rei lo ah ka nau pawh a rawn harh leh thuai a, a tawng lo hrim hrim a, a khat tawk in a ka tang thisen a chhuak reng a, ka nu mangang hmel zawng zawng nen hmuh a hreawm tak zet. A thiante an rawn luh dial chuan a lo nuih sang a, ka va han chuang tak em.
A lu na a chhuak leh ani ngei ang a in dawn kun ngal a, a na hmel hmuh bak a hreawm a awm kher lo ang tih theih lah ka nei der mai silo, ''ana'' tia a phun sep chuan Fred-an a kuah nghal a, enge an sawi ka hre thei lo ka nau chu a rawn tap chhuak hawk a, anat na a hriat hnu a vawi1 a tah chhuah na ani.
Khawl chu a ri nghal vawng vawng a, Doctor te rawn tlan lut in an buaipui nghal zung zung a. Kan Hmangaih tei chuan min peih lo san ta a nih chu.
*** Judy P.O.V (jordana nau) ***
Inchung kan luh chuan tap thawm tih lo hriat tur a awm lo, ana thut a a kal nghal si. Ka û te thutna ka en chuan an in dawm kun lap a, an tuar takzet tih a hriat. Û saktei phei chu ni khaw hrelo in a tlu ani awm e.
Denny chu mitthi a ang lo, a hmel a nung sar a, kawrfual senduk an hak tir a, a hmeltha takzet. Denny Zothansangi thihchhan- brain tumor tih chu ka melh vawng vawng a, ava nunrawng em.
Zai hriat tur a awm mang lo a, tap thawm in a khat a ni ber, nu Engtei tah hla mawlh chu a ni, ''Fiona bawihte ti nge I thiannu I hruai tak mai, kan la kham khawp lo a sin, ka phal theilo ka fanu neih chhun ka hmangaihte reuh te a theih loh, ka la inring lo ana e mai....engtin nge i tello in kan awm tak ang le..ka tuar thiam lo, ana lutuk, Lalpa min pe let phal mai lo emni.'' ..
Denny I rawn hmu ve ang tiraw I hmangaihte tuar hmel saw, besei nei takin I thiante sawn an thlir che a nang lah chuan thi leh tawh lo turin i muthilh san tlat si. Denny I hmu em I hmangaih saw, a thlir ngawih ngawih che a sin, a na tuar hmel te saw I hmu velo em ni, nui sang a in chhawn thin saw ti nge i nui hmel hmuh tawh loh tur a hla tak ah I kalsan mai ni.
Lei a an chilh hma chuan Û Rs-a chuan a handkie chu thlakin, ''I duh ang takin ka mittui chu ka hru e, Zothansang'' tiin a kal sawn nghal nul nul a, a thianten an zui bawk a, hmuh an hreawm ngawih ngawih.
*** 1 year later ***
Lalduhsaki (Saktei) P.O.V
Denny kal atang kum 1 na chiah ani, kan thianho pawh bord exam tha takin kan pass theuh a, college kan kal ve tawh. Tu a te pawh chuan an mizia an thlak vek a, fiamthu thawh a nui uar uar kha an awm ta mang lo a, an inkhawm awm ka hre ta ngailo bawk. Thla1 ah vawi hnih tal thlan kan thawh ho thin a, mahse kan rualin Fred-a akal tel ve ngailo.
A nui khat em em a, nilo a nui ngailo ang tluk a ni, tunlai tak phei chu meizial a zu nasa em em a tih vak ngaihna a awm lo. Denny a ngaih zia kan hria a, tuman kan sawi chhuak ngailo.
Petera te ho ina an rawn luh dial chuan ka phone leh envelope var chu lain kan chhuak zui leh nghal mai a, Denny thlan kan thlawh dawn ani. An vai mai chuan kawr dum vek an ha a, rose sen pa1 an keng theuh bawk, an tih dan ziah ani. Fred-a te ina kan kal chuan a nui in a chhuah thu alo sawi a, keini ho pawh thlan lam chu muang changin kan pan ve nghal a, tumah kan in be lem lo.
A hmun kan then chuan tlan hnunglam ngheng in Fred-a chu a lo thu a, van lam hawi in a chhing vang vang bawk a, kan awm tih pawh chu a hriat hmel loh. Kan rose ken theuh chu kan dah diat diat a, ''Lal De I lo dam maw?'' Thlan lung en chuan ka ti sawi sep a, ka mittui ka hru tawk bawk.
''Kan hmangaih em em, Denny Zothansangi, kum-18, thihni-17. 11. 20xx'' tih chu Jordanan a chhiar ri kauh kauh a, hei pawh hi a tih dan ziah ani. ''Denny, kan lo kal'' midang ho pawn an ti rual thap a, ka nui hak. Lal De, I induh khawp mai,
''Chho ang u'' rei tawk fang kan thut hnu chuan ka ti a, chuti lo chu zan thim thleng kan awm ani mai, ''bro, I lo chho dawn em'' James-an Fred-a dara ben pah chuan a ti sup a, ''rei lo te kan awm lawk'' pa1 chuan a lo ti ve mai bawk. A thutna lamah chuan pheiin envelope var chu ka lek va a min en run ringawt, ''I ta tur'' ka tih chuan lak mai pawh a tum lo, a kawm a in ziak 'Perfect two' tih ka hmuh chuan a ban nghal zat a, ''De'' a ti sup a, ka kalsan nghal bawk. Nikumah khan nute in min pe tawh a, mahse a rilru anat lutuk phah kan hlauh avangin ka pe ve chauh a ni. Thui kan chhoh hma chuan ka leh hawi vang vang a, ''i thil tih dan hi a fair hlol lo, Zothansang'' tiin ka in sut hlawp hlawp a, ka darah kuahin min chhoh pui pawk pawk a.
******
Fred Lalrinkima P.O.V
Ka kut a envelope var chu ka en vang vang a, a hawrawp ngei mai a, 'perfect two' tih a ziah chu en in ka khi suk. Kum khat min awmbo san na ani ta, ka ngaihna leh duhna a kiam phah lo a, ka ngai zual zel zawk ani. Ka bula a sawi hnuhnung ber ngaihtuah chuan ka thaw hawk a, ''ka ngai che, De'' tisupin chhunglam ka hawi vang vang a, ka biang a lum thla pup a, ka nui hak.
Envelope chu hawngin a chhung a paper chu ka la chhuak a, eng nge a ziah ang? Tih chu ni ka ngaihtuahni, ka zam a, engtin nge ka dawnsawn ang tih ka hre hek lo.
***Hi...Denny ka nia*** ka nui hawk a, chhiar chhunzawm lehin,
***Hi...Denny ka nia, he thil ka ziak hi mak ka ti mahse ka ziah ngei a ngai si. I dam em? I dam ti raw..lo damlo miah lo la, min ngai hek suh ka ti dawn lo a chhan chu ka duh miah hlei nem.
He thil I chhiar chuan hmuh tur ka awm ka ring tawh lo nilo min hmuh tawh ngai lo ang mahse, kei chuan ka thlir reng che ti hria la, nangmah biak chak em em che a ka hel thin ang khan ka hma a ilo lan hun ka lo nghak reng ang.
Ka ngai che, k...kan in hmuh leh hun ah chuan nangmah zawk in leng tur in min sawm ve tawh la, ka lo duhlo ve tawh ang. Hehe,
Min lo hre chhuak ziah la mahse min hre reng suh, ka awmna a I lo lan hun ka lo nghak reng ang. Nangmah hmangaih em em tu, I De***
Ka thaw hawk, ka ngai a ni, ka ngai tak zet.
Ka De min lo nghak rawh, kan in hmuh leh hunah chuan I kut ka chelh tlat tawh anga ka thlah ngai hek lo ang.
I bul ka lo thlen hunah chuan, ''De leng dung ang'' tiin I duh dan ngei in ka sawm ang che. Ka hmangaih ka De ka ngai che.
THE END A bul atang a tawp thleng min chhiar sak avangin ka lawm em em e
min comment sak theuh ru aw..
.story dang ka ziah leh hunah min chhiar sak leh theuh tur in ka sawm bawk a cheu.
🧸saranghae*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/