Perfect two BY Ruat Hlui (Completed)

[Ngaia]

Chaper~19

*


Kan chawlh na thin ah chuan kan ding leh vang tawh, thli a thaw sek sek a, a fresh ngawih ngawih, ka hip lut vang vang a ka thaw chhuak halh, ''a hit nuam'' ka tih hliai a, ''Lalnunsanga chu I hria em ni'' a ti ve sup a, min lo en ran bawk, ka thil sawi nen chuan ain perh san hle mai. ''Tu nge chu chu'' tih pah chuan ka ban phar hluai a, ka zi mar vel a ni mah zawk.



''Nimin a mi kha'' a tih leh chuan ka ngaihtuah vang vang a, ka hre mai lo. Lalnunsanga nimin a mi a nih chuan tu nge aw, ''Matthew a maw i tih'' a mah chu ka en chho a hmalam a melh leh ngar tawh, a jumper hmawr a ka pawh zeuh tak ah chuan a bu ta nghat a, ''hria e..ka pa le leh a pa te an inkawm thin a'' ka ti thuai a, ''zanah kha chuan ka haw na chhan ka hre bik lo'' min lo en thlak rual chuan ka ti leh nghal zat a ka melh ve kiau bawk.



''Let ang a tlai dawn'' a kal nghal a, ''min nghak ve thinla'' ti nui nui in a hnungah chuan ka zui ve nghal zat tho.



Kan in kawt kan thlen chuan chaw ei tui ti a luh ka tum mai chu, ''I racket theihnghilh suh ang che'' min tih avang chuan ka en deuh haw a, ''in khel tawh dawn'' a tih chuan ka hre chiah. Kei hian tha takin ka la practise re re lo, ''ehe naktuk amaw ka tia'' ka ti hluai a, ka hmel ah chuan ka huphurhzia a lang ang, ''nizan ah khan practise I duh silo a'' a rawn tih chuan, ''hmelchhe phak a vang a nih kha'' ka lo ti nghal hlar a, a hriat thiam chiah loh hmel kher, ''Lalsangzela'' ka tih leh hlar chuan a nui deuh suk a, ka hnung lam ah min nam in, ''lut tawh rawh'' a ti a ka kal zui ve mai bawk.


Kan in luh dawn ah hian compound zau ve deuh a awm a gate a awm lem lo mahse kan dawr chung, kan in luh dawn ah hi chuan gate a awm. Fred-a te in hi chu an compound hi a in hung deuh vek a, kawng chen vel in gate mawi deuh an nei tel bawk.



*ka rilru a hah tet tet mai* ka insiam pah mawlh mawlh a, obawiha phone in Saktei ka be pah bawk *ni zanah ilo kal dawn a maw ka tia*
*nangman min rawn sawm ta che* ka tih vin hlar chuan a nui hak hak a, min va han thla muan lo chiang tak *a pawilo...I thiam tho a, rilru hah na vak tur a awm lo* a rawn ti leh a, ka pheikhawk ka bun zo chiah.
*a ninawm min lo sawn hma la ni mai, ka dah* tiin ka off nghal a ka kekawr hak tur ka bag ah ka thun leh a, ka hman der.


******


Hall chhung ah kan awm a, tunah tak chuan mipa in an khel mek, ''naktuk hi maw indoor ka ti char char a'' ka vur ken chu ka ei pah bawk a, a tui kher mai, ''I mak ve thei e'' Atleiin a rawn ti a, a vur ei hak in a khur kharh kharh zui bawk, ''I mak zawk khawp a, kha I vur ei te I hak vel kha'' nui chung a ka tih chuan min rawn melh rawm a, a khuh na vangin a mittui a parawl bawk. ''Ka rilru a hah I ti zat zat a, ahah loh nasat hi'' Saktein a rawn tih chuan ka nui tawp hmak a, chu chu an lo hmu a niang chu an nui hak hak hlawm a, kan hma lawka in khelte chu kan ngaihven lo khawp mai.



''Lo kal rawh va inthlak ang'' a din chhuah rual chuan a ti nghal a ka phur loh zia hi, ''ninawm mang e'' ka phone pawh nilo ka nu phone ka ken sak chu ka off a, ka bag khai in ka ding ve nghal zat tho, ''single ah chuan nangmah lut mai la'' inthlak na room kan pan lai chuan ka ti a, min chhang eih lo, a hmel en tum a ka va thlek deuh chuan min chhiat khum nghal zat a, ''tel mai mai rawh'' tih zawng a la sawi zui.



Room pawnah kan thiante an lo ding a, min rawn hmuh chuan Jordanan ban min rawn vai zeuh a, ka lo vai let ve nghal, ''In huphurh em?'' An zawn kan thlen chuan a lo ti nghal var a, Saktei chuan a lu a thing mai a ka chhang ve peihlo. Zing a tang ka huphurhzia ka sawi ngar ngar a chhan kher a ngailo chiang e mai, ''nizan ilo kal lo a'' kan piah atang Ruatpuian a rawn tih chaun ner nawk in, ''sawi lo mai teh'' ka lo ti hlar a, abula ding pa chu ka melh rum tha khawp mai, ''Denny'' a tih chiah rual chuan, ''min be re re suh aw'' melh khui a tiin Saktei banah ka chelh a, ''lut tawh ang'' tih pahin room chhung ah chuan ka luhpui nghal zat.



''I tih tauhna a ho tham e mai'' Saktei in a tih chuan ka lo in siam chhe chiam a, ''awi awi awi...min tih dan kha ka lawm lo'' tiin ka bag ka hawng a, ''Ka bialpa a awmve lo ti raw'' ka tih leh chuan a bu nghat a, ''Rs-a nen ka hmu lo'' a ti ve a, ''I hakthuah em'' a ti nghal zat, ''hakthuah ila ka zui nang che, kekawr bul hak thuah te chu a hreawm'' ka lo ti nghal zat a, ''ka zawt ve mai mai che a nih kha mawle'' a ti pawr hlar a, chhang lem loin ka kekawr ka thlak. Kekawr chhan a kekawr bul hak thuah hi a hreawm ka ti, khua a lum phei chuan...thaw a ti chham dawn hial te hian ka hria, a pan chi a nih loh chuan ka ha peih lo a ni tawp mai.



Pawn kan chhuah chuan an lo awm tawh lo a keini pawh muang tawh loin hall lam kan pan nghal nal nal bawk, ''kan house leh enge in tum dawn'' kan thutna hmun kan thlen chuan Saktein a ti nghal zat a, ''green house'' Lawmtein a lo chhang ve thuai bawk. Atlei nen chuan kan tawng siam siam a, a bialpa chung chang min hrilh a ni mah zawk amah lah hi a thawveng ve sia bialpa a nei tih te a theihnghilh thin a abialpa Hmangaihtluanga a lawm lo thei khawp mai, ''enteh saw'' Saktei chuan min rawn nek deuh salh a, a hawi na lam ka en chuan ka tum nghal bur mai, ''em em a che I thik thu a chhia'' Atleiin a rawn tih chuan ka nui hak hak tho na in Fred-a leh saw nu a thutpuinu nen sawn an inngaihzawn ka hlau tlat a lawm. Green house ami tho ahma a Fred-a rawn be tu nu kha.



''A bialpa a nih hma hma hian a thikthu a pe chhe hlur a, a nih vaih phei chuan kan biak pawh a phal ve nang'' uang thuang deuh a Saktein a rawn tih chuan ka nui mai mai a, chutiang a thik na chhan tur ka neilo ve e mai a, ''Atluangtei a nih saw...kan veng ami'' Lawmtein a rawn tih chuan Saktei nen an inkar ah ka va in hnawh rawk rawk a, phun nang nang in an tawlh rem ve mai bawk. ''Enteh a fel em'' ka ti thawr a, ''fel ve tho e'' nuihzat hmel deuh hian min rawn en a, ''an ni lo tawp ang Lal Denny'' Atleiin a rawn tih chuan ka thut dan siam rem in, ''I bialpa hming nen a in ang leh nghal'' ka lo ti zat a, ner nawng in, ''an hmingpum a in ang chuang lo ang'' a rawn ti ve zat a, kan nui ta hak hak hlawm a, Fred-a te awmna lam ka va hawi leh zeuh chuan Atluangtei pawh chu alo la thu a, James a lah chu a la khi thaw leh nghal a ka ngei zual. Lalrinkima pawh saw ka bula a nuih duh loh teh reng nen a va han khi suk suk nasa deuh ve. Ka ni deuh nghulh thei a lawm le..



Boys lamin an zawh chuan girls lam pawn an tan ve nghal a, tunah tak hian yellow leh blue an intum a hemi zawhah green nen kan intum ve dawn thung, ''Denny I practise nasa maw'' Vanfela kan bulah a thu ve kuk a, ''nang lah hi I tang nasa si'' an lo tih chuan a nui mai mai a, ''football ah kan tla hma si'' a ti ve zat a, kan nui hak hak hlawm science la tih tak ah football vel ah kha chuan an lak tlak loh khawp mai, ''Fela Denny khan khang hun chhung zawng zawng ah khan vawi1 chiah a practise'' Saktei a tih chuan min rawn melh nghal vut a, ka lo khik khum thaw, ''a mak thei'' a ti hluk a, ''awi ka zam, ka kut a hit vek ania, Saktei nangmah chu lut maila'' ka tih chuan lei min chhuah khum zeuh a, ''I hming ka theh lut vek tawh'' Vanfela lah chuan a ti hluk a, ka tel ngei ngei dawn a nih hi.


''Blue house chak se ka ti sin le'' Saktei chuan a ti a, Sir in lehlam atang, ''red house leh green house a tel tur kha lo kal rawh u'' a lo ti ve bawk a. Vanfela chu a thutna tang tho in min kai tho nghal zat a ka racket te chu la in min pe thlap bawk a, captain nih chu a tlin khawp mai.


Sir bula ka va phei chuan Atluangtei pui chu a lo ding a, ka tui lo nghal pang mai, ka hming a min auh chiam na lam chu ka va hawi a kan section bik te an lo ni, nui sawngin ban ka vai a ka lehhawi leh chuan ka nui tawp nghal hmak. ''Tu nge tan hmasa ang'' sir in a tih chuan kan in melh tawn nghal a, ''pawt ila'' a tih chuan ka bu nghat a, Amah in 1 a pawh a vangin a service hmasa dawn.



Ka va han hah ting teng ve, kan house lah chu an aú ring nasa mai si, tang nen chuan ka ning lek lek a ni, ''Denny!!!! Tun chiah'' Ring fal lutuk a tih na lam ka hawi chuan ka nui lo thei lo. Vanfela pui chuan khuang fuakna kengin a ding vang a, a ban a vai lauh lauh bawk. Last point dawn ah chuan a lak thelh hlauh a, ka chak ta phawt e.



Ka va phei chuan tui min lo pe nghal a, a rawmawl in min zap hliau hliau bawk, ''Hepa over zia hi'' Saktin a tih chuan ka nui mai a, chhuat ah chuan thu sawp in tui chu ka in khawlh khawlh a, ka hah zek mai, ''round hnihna chu ka peih tawh lo'' ka ti zeuh chu ka hnungah min beng a tui ka lo in hman nen ka phuh thawt, an nui chiam a midang ho pawh chuan min rawn en thup in ka hria, ka va han zak ther ther e..Fred-a te lam ka va hawi chuan Atluangtei bawk kha alo thu a, an house ah te thut mai mai awm, ''ka broke'' ka tih deuh tawng chuan Saktei chu a hawi phei ve zeuh a ner nagin, ''an ni chiang'' a la ti zui, ''tu te maw'' Vanfela ni, a awm tawhlo maw tia.


''Mipa I nih kha I thiante bulah phei rawh'' tih pah chuan Lawmtein a nam rawk rawk a, Vanfela pawh chu a kal ve mai bawk, ''don't worry, an ni tawp lo ang'' Atleiin a tih chuan hmui ka ti pawrh tur ringawt a,''an nih vaih chuan'' ka tih leh chuan, ''sec-A nih saw Atluangan a hria ang chu..'' Lawmtein a rawn tia. Class12 sec-A ah hian ania Atlei bialpa chu a awm, an in classmate chuan ka zawt khawp ang, ''kan zawt dawn nia'' Atlei pawh chuan a ti ve mai a. Tan a hun leh tawh avang chuan ka phei ve leh thuai bawk.



10--8 ani a 8 score tu zawk hi keimah, ka ning tawh hle mai, ''Denny Zothansang tang ta che'' cock a chhiat avangin an zawng lawk a, kan ding mai mai hrih. Ka va hawi chuan James-a pui chuan min nuih sawng a kei in ka ner khum thung, ve lutuk hian a, ''Lalrintluang kan pawl nu a nih kha aw'' a tih leh chuan Atluangi chuan ban a vai khum a Fred-a chu a lo khi suk suk a, third wheel riau ten ka in hriat chu le..ka rilru ana. Atluangtei pawh ka ti ve lo ang tluangi ka ti zel tawh ang.


Kan tan leh thuai a kan house lam pawn min au nasa, point 1 in ka um pha lo zel a, pawi pawh ka ti lo. James a lah chu a au ring nasa si tu zawk nge a tan pawh hriat hleih loh, an lam ka hawi apiang lah chuan Fred-a chu a lo khi suk zel a Tluangi inkhel en chu nuam a ti viau a niang, ''kan tan ber che'' Saktei lah chuh...., ''Denny!!!!!!!” Lawmtei leh Atlei an ni ngei ang. Kan ti leh nek nek a, a tawpah ka chak hram a ka thaw huai mai.



Ka va phei chuan min lo au deuh vak vak a kan house ho mipa lah chu an au ring nasa, ''I va han hneh ve chiang tak em'' Saktei chuan a lo ti nghal a, ka nui mai mai, ''awi ka thaw a hah dawn a lawm le'' ka tih chuan, ''Fred-a pui khan in inkhel lai khan tu emaw zawk kha chu thla a lak sak chiang a lawm'' Lawmtei chuan a rawn ti a, ''ka ni chiang'' ka lo ti nghal var a, ka nih chu ring lo tak ka ni, ''Atluangtei zawk kha ni in ka hria'' Saktein nui thaw a atih chuan, ''ka broke'' ka lo ti nghal zat a, an nui hak hak a, kan in zui chhuak daih bawk.


******


Double ah chuan ka luh peih tawh loh avangin midang an zawng a, ka peih tawh hlawl lo ani. Saktei lah chu ka lu ana maw tiin a rilru a hah khawp a, ka tel leh chu a phal lo viau mai a a tha khawp e, mahse naktuk ah final a la ngai tho. Fred-a te awmna lam chu ka hawi peih tawh lo Tluangi kha a thu reng a mimi te pawh kha an thu bawk, Jordana leh Petera pawh an awm ve ran a, saw mi te pa2 saw ka be tawh hrih lo dawn a maw ni, min ti broke zual.


Haw kawngah te chuan ka tawng mawh khawp a Jordana lah chu eng nge maw a hriat ni min kuahin a kal deuh tlat a, a ban a dah thla duh der lo a, ka hau peih tawh lo. Kan in lam a ka lut phei tur chu ka chal ah a dep zeuh a, ''I dam loh hmel ve'' a tih zawh rualin Peteran a dep ve nghal a, ''In chhe dun e.'' Ka tih chuan an nui mai a, ''ka ngei cheu a nia aw..Sakte kal san daih rawh'' tiin ka lut phei nghal daih a, ka hawi let leh chuan Saktei chuan a lo kalsan tak tak a kan thiana te chu an ding naah an la ding reng a, an hamhaih hmel khawp mai.



Chaw ei lai te chuan ka ngaihtuah ngut ngut vel a, mak tak ani. ''I chaw ei a tui vak na nge'' ka pa in a tih chuan ka hawi chhuak vut a fian in chawhmeh ka lo hawlh reng chu ni in, ''ka puar tawh a lawm'' tiin ka tho tharh a, ka kut sil lehin ka room lamah ka chho nghal daih bawk.



Khumah chuan ka bawk thawp a ka thaw chhuak halh, vei nei tung a awm chu a nuam duh lem lo khawp mai,



Ka room kawngkhar inhawngin obawihan phone min rawn pe a ka beng ah ka dah nghal zat, *imm* ka ti a, *zaninah practise I duh em* Lehlam atang chuan Saktein a rawn ti lang lang a, ka duhloh thu ka lo sawi nghal pang, *i inla broke vel tak tak a law* tiin a nui zui kar kar a, ka nui velo chiang khawp mai.



******
Next day



Saktein min rawn sawm chuan kan in zui chhuak nghal a, Petera te nghah kan tumlo khawp mai, ''Kal hma in va tum ve'' kawngpui lama kan chhuah phei chuan Fred-a te inlam atang James an a rawn ti a, ''nia'' tih sawngin Saktein a chhang. Kan kal tur chu ka va hawi leh kher a, an thianho chuan pawnah an thu deuh thap a Fred-a lam ka hawi chu kan in melh chiang khawp mai, ''awi ka tek chuai'' ka tih deuh hluai chhan Saktein min rawn en haw a, ''aw..kan in eye to eye'' ka ti leh zat a, anuih a zat hmel nasa khawp mai, ''I ngei tawh nange'' a rawn tih zeuh chuan, ''ngei rei phal lo hrim hrim'' ka lo tia, ngei rei phal lo tak hi ka ni.



Dar10 a rik chuan zirtirtu te nen hall ah kan awm leh thap tawh a, boys in an tan hma in girls khelh hmasak an tih avangin Saktei nen chuan kan in thlak fel diam tawh. Phone en a ka thut lai chuan ka hmaah mi an rawn ding a, ka en lem chuang lo,



Ka phone hma tak a chocolate a rawn lang tak va ah chuan ka hawi chho a kan in melh nghal siah a, ka hamhaih em em laiin a ni ve thung chu a khi suk, ''tha deuh in ti rawh'' tih zawng sawiin chocolate chu ka kutah a hmehbel a, a kal leh nghal, a chocolate min pek chu kengin hnunglam atang chuan ka en reng a, awi....khawvel hi a.



''Nuam awm vel'' Saktein a rawn tih chuan ka nui deuh vur vur a, duh ber ten chocolate min pek te chuan a nuam lo thei lo hrim hrim, ka favourite ala ni zui.



''Khawi ei teh ang'' ti in ka kut a tang Saktei chuan a pawt thla a, ka lak let sak rang khawp mai, ''I mit a uihlit a nga sin'' ka tih chuan a ner deuh nawng a, ''I bialpa pawh a nih loh kha aw'' a rawn tia, ala ni awm e mai.



Chocolate chu thla kan lak sak leh te te a, ka sir ah Saktei a chek thlak thlak bawk a, ka ngaipawimawh teuh lo. Phone neih vat vat ka ngai zawk ani.



Atlei leh Lawmtei te zung zo lo phei chu ka lo in Tih theih khum chiam a, an nuih a za khawp mai, ''nimin lamah I broke vel nen'' an tih chuan ka khi deuh thaw a, broke vel lam kha chu a lang thei tawh meuh lo chu ani.


******


Purple nen kan in tum a, gold ka la la zui...ava han nuam dangdai ve. Ka thutna ah ka phei thuai a, ''red house'' tiin an au zui nasa khawp mai, ''iva lo bawn ve I practice tlem nen'' Saktein alo tih chuan ka mit hmul ka kan khum zeuh a, a ner leh nghal nawng,



Vanfela rawn phei in vur sen min rawn pe a, ''min la treat thei ania'' ka lo ti nghal zat chu a hrelo der vel a mawni Lawmtei chu a be deuh ngar ngar a, ka ngei tawk a tling em em thung.



Saktei te pawh chuan an tan leh thuai a, double ah chuan silver kan la a, kan ti tha em tho e.



''Hey Atluang, in class ah Lalrinthluangi I hria em?'' Ka tih chuan min rawn en ve ta chhiah a, a bu nghat bawk. Nichin ah khan a rawn phei a Atlei nen an in thut chilh ran a, kan biak pawn min chhang tha peih lo vel a a over khawp mai.



''Bialpa nei em'' Atleiin a lo ti ve zat a, ''ka nei chu a tih kha'' Atluanga chuan a rawn ti a, Saktei nen kan in melh nghal ralh a, kan ngaihtuah na a in an duh mai hmel khawp mai.



********************************************


Show post links
Top

[Ngaia]

Chapter~20


*


Atluanga rawn phei nen mood chu a che hlei theilo a ni ber e....fiamthu a thawh reng a, a khat tawkin Atlei nen an in khak reng bawk, ''ka ringhlel riau mai'' Saktein a rawn tih chuan an thutna lam pang chu ka hawi ve thuai a, kan in melh chiang leh lutuk avangin ka hawi let leh nghal, ''aw..khawvel hi'' ka tih chuan, ''a nuam I ti'' an rawn ti rual thawt a, nuam tak chu a nia lawm.



''Hepa tet tut hi chu thawveng leh lutuk mai'' Atluanga kalsawn rual chuan Atleiin a ti nghal a, kan lo nui thu hlawm, ''I duh em kha aw'' ka lo tih chuan, ''duh em pawh ni ila a zia, nang ve chu I bialpa pawh a nih loh kha aw'' a rawn ti zat zat a ka va han ngei mai mai tak, ''I hrelo ve e mai'' ka ti a, nui hak hak in, ''eng hi nge maw kan hriat loh ziah ni'' Lawmtein a rawn ti ve bawk a, ka hre bik teuh lo.



''Enteh u..Atluanga khan bialpa a nei ati sia, Fred-a te bulah a bet char char nimin atang khan'' Saktein a rawn tih chuan an thutna lam pang chu kan hawi deuh thap a, alo thu leh kuk tawh, ''a zaklo e'' ka ti ngawt a, ''I mood a off em'' Lawmtein a rawn ti ve zat chuan nui hak in ka lo bu nghat nghat, ''tu emaw ber nen sawn an ni aniang chu'' Atleiin a tih chuan thlawp zet hian, ''dik ve chiah mai ka bialpa nen saw chuan a theih loh hrim hrim'' ka lo ti ve nghal zat a, an ni tur hi ani lo tawp mai.



Vawin chu indoor lam ani leh bawk nen hall ah kan tawm deuh chawt a, a boring ka ti.



Jordana leh Petera kan bulah an rawn thu a, Saktei nen kan lo be tha peih lo chu an hawi hai khawp mai. ''Nangni pa2 hi eng nge in hriat ve ngawt'' kan inkar a rawn in hnawh pah chuan Jordanan a ti a, Saktein, ''kan duh duh kan hria ang'' a lo tih nghal zat chuan a ngei leh si a niang chu a thut na atang thoin Atlei nen kan in kar ah a rawn in hnawh a, ''I nin awm mai mai lutuk'' a tawlh rem sek lai chuan ka lo ti hlar a, Atlei pawh a phun nang nang mai. A lian ve bawk sia a ninawm em ani.



Petera lah chu ka hma ah a thu deuh run a, hmalam ah eng nge thleng pawh ka hre ve thei thak lo. Chhuat a kan thut sawp tawp a, mawng a hit duh khawp mai, ''vur lei ve rawh u'' Lalhmai te thian dun chuan vur bawm khai in an rawn ti a, ''a free in ka duh'' ka lo tih chuan min pe ve mai a, min pek loh kha chu ka ring lo reng ani, an vur dahna te hi ka hawh sak vek a nih hi, ''khaw maw ka duh ve'' tih pah chuan Jordanan an bawm chu a lak sak a, ''I lei loh chuan kan phal lo ania'' an lo ti ve bawk, ''henu pawh hi in pek tho hi'' tih pahin pa2 chu a la chhuak a pa1 zawk chu Petera a pe zat bawk, ''a dan a dang'' an lo tih pawh chuan, ''a dang thei lo, kal sawn teuh u'' a ti deuh tlat a, an melh rum tha khawp mai.



''Denny'' Lalhmai chuan a rawn ti hluai a nui vur vur chung in ka hawi chho a, ''Ka lo lei sak ang cheu'' tiin Atleiin pa3 dang a la a, Saktei te a pe bawk, ''Denny'' a rawn tih leh chuan, ka hma a thu kuk pa chu ka beng zeuh a rawn lehhawi in mit min la san khum zui, ''pe rawh u..'' Ka tih chuan Jordanan lah chuan 'uikawm' a ti bul bul a, a mawl thei tet tut a nia. ''Pe ula kalsawn vat teh se'' ka tih chuan Lalhmai alo in siam chhe vak a, Peteran a pe ve hram bawk.



''Hmingsanga hi ava reh rei ve'' Jordanan a rawn ti chhuak deuh phawng a ka bula thu a ni bawk nen ka nghawk pawp, a sawi hun lo emai, ''teh nang'' Lal Saktei lah chhan a rawn tia Lawmtei leh Atlei an lo nui zui kar kar bawk, ''duh ve mai teh'' ala ti ta deuh deuh a, eng nge maw a hriat ni.



''Ka duh ve mai lo ang, thu sawn tawh rawh u'' ka ti zat a min la rawn thlek dawk dawk zui, ''I mak thet thet'' tih pahin a tho nulh a, ''banah kan nghak dawn lo cheu'' Saktein a lo ti ve zat bawk, ''engvang chuan in maw'' tiin ka vur eina kawr chu min laksak a, Saktei te ta pawh chu a la in ava paih a, ''Denny ka tih tauh pui'' Saktei lah chuan a rawn then phei leh rual chuan a lo ti nghal a, ve ngawt ngawt hian in, ''I lo titau a lo'' tih pahin min melh vut a, Petera pawh a rawn lehhawi ve nghal, ''tau e..'' Ka lo ti awlsam then a, kanu phone ka keng bawk chu ka bih. Mahni phone ken theih loh chu ninawm ve.



''Tih tauhna hun a nih loh hi, pharvar siau tur'' Jordanan ka chalsam a pawh zeuh pah chuan a ti a, ngei viau mah ila ka nui hak tho, ''in kal tumna ah chuan kal thuai rawh u'' Petera din rual chuan Saktein a ti nghal zat a, ''khawi ah nge in kal dawn'' kei in ka lo ti ve bawk. Min chhang lem loin Petera chuan a bag atang ₹200 min pe thawr a, ''ka nu'' a tih takah chuan ka hre thiam mai, Nu Siamtein ka money tur in a ti nih dawn hi, ''ka lawm si zia hi'' tih pah chuan ka ak tha a, tawng tum a ka hawi chhuah leh chuan an lo kal thui tawh mai.



''Eng nge an tih dawn a'' Saktei bula ka tih chuan, a hriat loh thu in min chhang a. Nichin lem ah a hriat hmel hmel nen.

******


Mipa badminton khel chu a rei zek, an in hneh tawn bawk nen an hmuhnawm ve reng, ''lo thu phei tawh rawh'' Atlei va thlek pah chuan ka ti a min ngaihsak eih lo, a sir a thut hi ka ning a sin le... Saktei te nen an pa3 in games an khel a, thut tlang kher an tih avangin a sirah min thut tir luau a ka pawnlang riau in ka hria, kanu phone ah hian download ve ilang chuan a hrang nasa mai dawn bawk si, ka khel ve chak si, ninawm e mai.



Games khelh ve tur nei ta lo chu instagram ka scroll mual mual a, ''Denny'' an tih chuan ka hawi chhuak a Matthew a leh Mala an lo ni, ''in inkawm thin a law'' ka lo tih chuan Mala zawk chu a bu nghauh nghauh a, ava han mawl hmel mai mai e. Ka sir a an ding ve reng tak ah chuan han melh chho hawin, ''lo thu ve rawh u'' ka ti a, ka sirah an lo thu ve mai bawk, ''games ka lo khel'' Matthewa phone phawrh rual chuan ka lo ti nghal zat a, zaktheilo pawh ka inti lo ka nel ve laklawh tlat tawh, ''I addict ang'' a ti a, instagram ah a lut zat bawk.



''I ho emai, ka khel ve chak a lawm ka thiante sawn an khel char char a'' ka tih leh chuan ava thlek ve vut a.
''Kha kha..rawn kal vat rawh ka thi dawn...ka thi'' Saktei chuan a lo ti a, ''ka thi ve chiah'' Lawmtein a ti bawk a, an nuihzat thlak ang reng an tawng ring bawk si, kan piah a mi te pawh rawn hawin an nui an nui mai.
''An va han thawveng ve'' nui suk sukin a ti a, Mala phei chuan a nuih zat khawp mai, ''games chu'' ka tih leh zeuh chuan min rawn melh in, ''khaw nge I phone'' a ti a, a chiat thu ka lo sawi ve nghal zat zat a, min pe ve ta hram a keiin kanu phone ka pe a, ''instagram en mai mai rawh'' ka tih chuan a nui hawk mai.



''Rawn kal rawh khel tlang ang'' Malan a tih chuan a sir ah ka thu hreh nen an inkar ah ka thu kuk a, Ml ah ka login nghal zat bawk.



''Ka thi ngun e...Saber hian ka in rin loh lai in min khai zel a'' ka ti nang nang a, Matthew an a rawn bih chuan a nui deuh hawk, vawi14 ka thi tawh, ''a nuam lo e mai'' ka tih chuan, ''khelh I chak em kha out re re suh ang che'' a ti deuh tlat a, ka phone chu nise vawi 10 ka thih khan ka out tawh ang mawle....


''Kan chak tho kha'' Malan ti mah se ka ner deuh nawng, ''keimah chiah ka bronze hi mawle'' ka ti deuh hlar a min nuih min nuih mai. Matthew a phone bih chuan ka phun deuh bul bul a, claim ngai te chu ka claim sak vek a, ''lo tho teh'' tih an awm chuan ka che sawn lo, ''Denny'' a tih leh chiah chuan ka hawi chho a, ava han tum ve.. Keimah min be lo amaw ka tia, chubakah ka thil khawih hi ka bih deuh ngur nen ka lo ngaihsak lo ve hrim hrim bawk.



''Min bia mi'' ka han ti hnuhnawh leh a, a awih awm loh em a lawm le...Saktei te lam ka va hawi phei lah chuan min lo khik khum thaw a, ''lo tho teh'' Fred-an a tih leh chuan ka tho chhuak nghal zat a, Matthew-a phone ka pe nghal bawk, ''eng nge a'' ka tih leh chuan a thle zeuh ringawt a, ka va han hre thiam lo ber...
''Maw!!?'' Ka ti leh deuh hu a, ka awm thiam lo ka ni deuh hui mai vawi2 ka bula alo kal ve hmasak na.


A kut chuan kan awmna piah chu a kawk zeuh a, ka hawi phei nak chuan a thiante ho lek an nia Petera leh Jordana an awm ve bawk. Ka hawi an hmuh rual rual chuan min hui sawk sawk hi ka ti mai an ban hmang in phei turin min ti a, ka va han bo haih haih ve le, ''phei lawk ila'' a rawn tih leh chuan ka bu nghat a ka bag ka la kang nghal, ''Matt ka phone'' ka tih chuan a rawn lek chhuak ve mai a, ka ban hma in Fred-an min lo ban khalh daih bawk.


An bul kan va thlen nak chuan Jordana pui chuan ka darah kuah nawkin, ''in ingaizawng em ni a'' a ti nghal zat a, ka va han tui lo sa ve, ''Matthew a nen khan maw'' ka tih lah chuan, ''han ni vaih te u'' James a chuan a lo ti ve bawk a ka melh rum khawp mai, ''I mawl e ngah nge kan nih ngawt ang'' Jordana en chhoh pah a sawi ang reng tak a ka tih chuan rawn kun hniam in, ''ka ringhlel riau che'' ka beng bul ah ala ti zui a, ava han mawl bet bet tak. Min kuahna atang chuan tal sawn in, ''I hriat ve vek kha aw'' ka tia, a hre thiam ta aniang suk a nui nghak hawk hawk a, a sirah Petera lo nui ve bawk.



''I mawl e..min koh na chhan a ho si ka phei dawn'' ka tih chuan an bu dun nghat a, ''enteh Denny''


''Awi awi min be re re suh'' James a melh khui chuan ka ti nghal zat a, ka kalsawn nghal nal nal a.
''I ngei awm ve em a lawm'' Ruatpuian a tih ri pawh chu ka hre pha.


******


Saktei nen chuan kan haw hnak hnak a kan thiana te chuan Basketball an practise duh vangin kan nghak lo ta law law.


''Uii a chhelo ve em a lawm'' Saktein a tih chuan ka nui deuh var var a, chhelo tak hi ani ringawt, ''chocolate kha ei ang'' a ti leh zat chuan ka phawrh chhuak a, ''uii viau mahila ei zo vek ang'' tiin ka kheh a, a kawr hi chu ka dah tha tho ang mawle,


''En teh Matthew a te bula I thut khan an lo hawi nasa a lawm'' a tih chuan, ''tu te'' ka lo ti nghal vat a, chutia min lo en deuh haw haw te chu ka duh re re hleinem, ''midang ho hrim hrim kha, Fred-a phei kha chu a lo hawi deuh ngar ngar a'' a tih leh chuan awih lo viau mahila ka hit deuh chuai mai, ''ui a nuam vel khawvel hi a'' ka tih chuan kan nui dun hak hak a, ''a thik chiang'' ka han tih leh phei chuan kan nui nasa tawh mai.


Thik tak tak seng chuan nuam ka ti lutuk hi awm ngaihna ka hrelo ang mawle, a thik awm der mai silo a..



Inah ka luh chuan tumah an lo awm lo a, obawihan college a kal anga ka pa hnaah kanu lah inhnuai ah a awm der mai silo engtak chu ti ang maw. Keimah chuan ka awm melh melh melh a rawng bawl dawn a alo la haw loh a vang chuan ka bawl ta tawp a, ka ngaih a ti tha lo tlat tawh,



*aw..nu* obawihan call a chhan rual chuan a ti nghal a, *keimah* ka han tih chuan, *Mate* a rawn ti nawn leh sup a keiin ka nu alo haw theih loh thu sawi in, *û an rû bo aniang aa* ka tih chuan a rawn nui hawk hawk a mahni loh mah a lo hlauh thawn ve nen ka va han hnek chak tak

*tukin ah ka chhuak dawn a tih kha* a rawn tih tak ah chuan ka ngaihtuah let vang vang a, *chutiang a sawi lai ka hre lo* ka ti a ka hrawk a za lutuk nen ka khuh deuh kharh kharh bawk. Obawiha pawn alo haw nghal tur thu a sawi.


Mahni te a awm reng ka peih silo nen ka nu te reuh chu a. Obawiha pawn a rawn thleng har hran lo a, a room ah inti fai in a awm mek, ''dar 6 ari dawn tawh'' ka bula a rawn thut thlak rual chuan ka lo ti nghal a, min la nuih mai mai zui.


Kawngkhar ri ah chuan ka ding vat a kanu a ni aw zawng lo, ''matei chu min va nghah hleh hmel ve'' û Rj-an a tih chuan ka thu thla leh hnak a, kan lam a rawn pheiin, ''nu Engtei chu kan inah chaw a ei dawn'' a tih chuan ka lo ner nasa mai, ''rawn sawi ve eih tur a lawm'' ka lo tih hlar chuan, ''A bo a maw a tia'' ka û in a lo ti ve nghal zat a an nui dun hawk hawk mai.



Dar9 rik dawn ah chuan kapa nen an lo haw rual a, an hlim dun hmel khawp mai. U rj-a pawh kha a chhuak leh daih tawh,


Obawihan kanu abo emaw ka tih vel te chu hrilh in an nui ho dar dar a, ''college a ka awm lai min phone haw a lawm'' te a tia an nui nasa khawp a, ka nui ve duh teuh lo mai, ''pa vawin I hah em'' ka tih daih chuan a chauh loh thuin min chhang a, sitting room ah kan thu ho ran bawk, ''mate thil ka lo hawn che a'' kapa in a tih chuan abulah ka va thu phei tharh a kanu nuih a zat hmel khawp mai, ''eng nge min hawn a'' ka tih chuan paper bag hi min pe a ka en nak chuak ka aú thawt a, ''awi anuam ber'' ka tih hliai chuan an nui hak hak hlawm, ''na..a nuam e...engtin nge ka awt tih I hriat a uii ha'' tiin kapa phone min lei thar samsung-galaxy flip chu ka en kual vel a, mumang te pawh a ang a lawm le, ''ka lawm em em e'' ka tih chuan an nui hak hak hlawm a, ''a duh ber a hmuh chuan lawm thu te a sawi ve ta a lawm'' kanu a rawn ti ve bawk a, ka sawi khat ve em ani.




Ka mut hnu chuan ka phone en chuan ka nui ka nui a, ava han nuam chiang tak, sim card te thunin kan thianho group ah chuan ka call a phone thar ka neih thu vel te ka sawi chuan Saktein a hmu ve chak khawp a, kan thiana te chuan ho ti viau mahse min lawm pui ve tho chiang em.


Call kan cut hnuah status te ka view kual a, mahni phone ngei en hi chu a nuam ziai ziai khawp mai. 'Ka di em em' tih chuan status a lo nei ve a, a number ka neih atang a status vawi1 a up ka hriat na, chu loh ah a number ka neih tuk vel ah khan ka phone a chhe hrim hrim a hriat ngaihna awmlo.


a status ka view chuan thlapui(moon) thlalak hi hmangin a caption ah 'remember me' tih a hmang bawk a, tu a sawi na nge niang aw...

A status chu reply in *phone thar ka nei tawh a* ka va ti deuh tawng a, ka hrilh ve chak em ani.


*imm* tih zawng in min la reply zui.
*naktuk ah walk ang aw..''
*immm*
*ngaih I nei chiang mai* tih chu ka send leh tawp a 'imm' tiin min chhang zel sia ka ning tlat a lawm.

*nei e* a rawn tih tak ah chuan ka zawt kher kher ani ka ti hnuhnawh.
*tu nge I ngaih a?* tih chu ka send leh ta tho a, ka awm a nuam lo ve ngawt leh nghal a, ka message chu a seen kur a min reply a tum tawh lo em mawni.
Minute 5 dawn ka nghah hnuah *tu emaw* tih tawp hi a rawn thawn a, ka hlim ve na te kha chu hmuh tur an awm tawh lo ang, bialnu a nei tak tak em ni.
Reply tawh lem lo chuan ka mu nghal daih a, ka lo zawt kher kher ani tih chu ka rilru ah a awm tluk tluk leh nghal a. Ka duh ve reuh teh reng nen bialnu a neih tak tak vaih chuan....na..ninawm e mai khawvel hi.


********************************************


Show post links
Top

[Ngaia]

Chapter~21


*


Sport pawh kan zo fel leh tawh a, a pumpuiah kan house pa1 na kan ni bawk, outdoor lamah khan che chhe viau mahila indoor ah kan tha ve khawp a chuvang te pawh a niang.



Fred-a nen pawh tuk tin exer kan la dun thin a, kan hman dawn loh chuan kan in hrilh mai thin a kan in pawh ve tawh viau chuan ka hria. A rei telh telh a keiin ka duh zual zel bawk chuan sawi hmaih theih loh chu a thiante bulah chuan thawveng ve tak hi ani.


******



''Principal leh staff dangte nen kan rel danin 12 science student ho hi class khat ah in awm ho vek tawh ang'' Sir Lawman a tih chuan an phun nghal sup sup a Saktei nen pawh kan in melh ralh, ''in tam hranlo a invaiin 88 in ni'' a tih leh chuan kan tam ka ti khawp mai, ''pa2 in kan thu thei tawh dawn lo chiang'' Saktein a tih chuan ka bu ve nghat a, thawl huai chuan kan awm tawh lo ang.



Sir Lawma class atang a chhuah chuan hnunglam hawiin Atlei te nen kan ti ti leh ser ser a, kan nui hak hak bawk. ''Denny nuam ti vel lutuk tur hi ka peih lo'' Saktein a tih chuan ka melh deuh haw a, ''I bialpa lem lem te an lo in sawn phei dawn'' Atlein a rawn tih ve leh chiah chuan ka nui ta var var a, lehlam kawng tak chuan a nuam vei phian ang chu, ''ka bialpa lem lem a ni kher lo'' ka tih chuan, ''I bem tawh mi'' min la ti et zui a, ''bem kher a ngailo, ka star tih a hre reng'' ka tih chuan an han è..dual aa.



A hriat chu ka ring, a thiante pawn an hre vek a, ka be lui nasa thei si a hriatloh ngaihna chu awm lo. Mahse, ka hriat theih tak miah loh chu bialnu a nei em tih hi ani.



Zirtirtu te an lo kal loh avangin kan tawng deuh reng a, dar a rik chuan kan chhuak nghal tharh bawk, ''thil zu lei ang'' Saktein a tih vang chuan playground lamah kan inzui thla a, chhuak an thahnem ve khawp mai, ''eng nge kan lei ang?'' dawr hmaah tak kan ding tawh a kan hnungah ding an awm ve nen a in ngaihtuah rei rapthlak lutuk. A tawp ah hairep eng eng emaw vel a lei a, kan chho nghal mai dawn emaw ka tih laiin Arts ho awmna len ah min kai phei daih, ''eng nge kan tih leh dawn a'' ka tih chuan sec'A' tukverh zawnah kan ding tawh, ''Acid lei ang, Atluanga han zawng teh'' tih pah chuan a dak du du a, ka va han hne thei tak.



Dak ve ta lem lo chuan ka in her daih a mite che tla vel chu ka thlir vel mai mai, ''Hey'' ka tih chuan a ding ve mai a, ''enge'' a ti hlar bawk, ''I va han thin chhe e'' tih pah chuan Saktei chu ka kuai her a, Atluanga pawh chu alo la ding ve reng bawk, ''Atluang Acid kan lo lei dawn'' a hmuh rual chuan Saktein a ti nghal a, ''ka zuar ziah lo'' pa1 lah chuan alo ti bung nghut a, a mood a fuh vak lo a nih dawn hi, ''min lo zawn teh, a zuar tu kan hre hlei nem'' Saktei chuan tha deuh hian a ti leh a, Atluanga pawh chu tum burin class ah a lut zui ve mai bawk.


''Engzah man nge in duh'' tihna lam chu kan hawi a, Tluangi lek kha lo niin, ''₹40 man aw'' pa1 lah chuan a ti a, lei hnem ava han tum mai mai tak. Class ah chuan lutin ava la leh phawt a, Saktei nen an in pe fel kal mai kan tum chu, ''Denny I ni tiraw?'' A tih leh avang chuan ka bu nghat a, min ei loh hmel khawp mai.



Class ah kan chhoh chuan, ''sir ten class a awm an phal hrih lo'' an tih avangin bag nen hall lamah kan phei a, class an singsa dawn a nih hmel. ''Atluanga nen in inhau leh tawh a nimaw'' thil ei pah chuan Saktein a ti a, Atlei ka va en chuan a tum bar mai, an inhau tak tak a nih dawn hi, ''ve lutuk hian, mipa ve si ti tau bar bar reng mai'' a tih hlak hlak chuan kan lo nui chiam a, a lung awi lo khawp mai, ''a in hmeh e'' tiin ka nui hak hak a, ka thil ei ka la lem sual zui a ka khuh nghal vak vak bawk, ''ka hrawk a thip'' ka tih chuan tui min pe vat a, thip tak ani.



Hall chhung ah chuan kan awm deuh ngat ngat a, class kan la lo hrim hrim bawk. Sec'B' ho an rawn luh ve chuan an ri hlau a, a bengchheng ther ther lutuk, ''saw I D'' Saktein a tih chuan, ''khawi'' ka ti nghal thuai a, kawngkhar bulah daih an thianho in an thu a, an tawng tui hmel khawp mai. ''A chhelo chiang a lawm'' ka tih chuan an nui hak hak a, ''kan bem sak ang che'' an la ti rual thawt zui, an phur mah mah ani.



Ka hming a min auh rik lawng lawng na lam chu ka hawi a Jordana ni, Petera nen Fred-a te bulah an lo thu leh hman tawh, ''Lo phei teh u'' tih pah chuan ban min vai a, ka phei peih mai mailo e a, ''Sakte va phei rawh'' ka tih chuang ner nawng in, ''eng nge Vanruat'' a ti lauh bawk, ''phei la Fred-a awm saw..'' Lawmtein a tih chuan ka nui vur ringawt a mahse ka phei peihlo, ka thut dan hi a rem laklawh. Saktei chu tho tharh in ava phei nul nul a, a then phei rualin Jordana hnungah a beng hram a, thut hmun ah ka lo nui ver vur vur ringawt.



''E..ka sawi theihnghilh'' Lawmtein a rawn ti hluai a, a si hlarh hlarh bawk, ''eng nge a'' Atlein a ti vat a keipawn a thil sawi tum nghak in ka melh ve kiau bawk, ''Atluangtei leh Fred-a saw an inngaihzawn an ti ania aw'' a tih pah chuan min melh ralh a, ''awih awm loh emai'' ka ti nghal a, Atlei pawn a awih loh thu a sawi nasa mai bawk. Mahse, an in ngaizawng tak tak ang tih chu hlau tak ka ni, ''ani lawm le..in awih loh ve ngawt a'' Lawmtei chuan a tih leh a, ''a theihloh hrim hrim'' ka tih chuan min melh vut a, ''an sawi nasa em a lawm'' a ti leh hram a, ka nguai vek tawh.



''Sir ten a haw theih an ti'' an tih tak ah chuan bag nen kan ding sap sap a, ''Denny ka bag kha'' Ring zetin Saktei pawn a rawn ti lauh a, a bag nen an awmna lamah ka phei ve thuai a, an ni ho pawh bag ak in an lo ding thap. ''Lo kal ve ta che'' Ka bula ding in a tih chuan ka melh chho ha a, bialnu nei tur chuan ka phal theilo, ''khawiah maw'' ti in ka nuih ver ver a, chhungrilah chuan hlim lo tak hi ka ni, ''Rs-a birthday kan lawm dawn'' Saktein a rawn tih chuan Fred-a chu ka en leh phawt a, a buk nghat tak ah chuan, ''ehe..Happy Birthday, ivan in zep thei em em'' tiin Rs-a bulah chuan kal pheih a kut ah chuan vuan in ka thing nawk nawk bawk, ''gift ka duh ania'' a la ti zui, ''min sawm ve loh khaw aw..'' Ka ti ve nghal a, kan in zui chhuak nghal dam dam bawk.



Gate kan chhuah rual chuan, ''Rs-a rualin ka chhuk ang'' Jordana chuan a ti nghal a, ''keipawh'' Peteran a ti ve zat a, ke a an chhuh peih loh vang, bike bula an ding chu ner nawng nawng hian ka en a, ''an rualin chhuk ve daih ang'' Saktei pawh chuan a ti a, ''nia..Fred-a bulah I chuan dawn nia'' James a chuan a ti a, ''khawnge a mah pui hi'' tiin a hawi kual nghal thuak thuak bawk, a peng kawi daih a lawm. ''Khi tu emaw nen an rawn kal khi'' Ruatpuian fiamthu a a tih chuan a hawina lam ka en ve vat a gate atang a rawn chhuak ve chiah a, Tluangi nen an rawn kal tlang bawk, ''Eheu a nui thei tawh lo'' James a lah chuan lungte in min vawm zeuh zeuh a, ka va beng chawrh dawn a mawni.



Student dang ho pawh chuan an lirthei chuan an tlan liam sap sap a, Fred-a ten kan zawn an rawn thlen chuan, ''Enge I tih dawn a'' James an Tluangi bulah chuan alo ti nghal a, pa1 lah chuan, ''Fred-a rualin ka chhuk dawn'' nui deuh var hian a ti a, ka va ngei reuh tak.



''Eng nge in tih dawn a'' Ruatpuia pawh chuan a lo ti thuai a, Fred-an a bike a hung rem ve mek bawk a keiin ka lo melh ve ngar a, ka lawm lo ve tawp, ''kan inah a lo leng dawn'' Tluangi bawk chuan ati leh a min la rawn en kher zui, ''I rualin Denny chhuh a tum a sin'' James a bawk chuan a ti leh a, chuan ka tum tih ka sawi der silo a. Fred-a chuan min rawn en vut a, a bike ah a thu fel vek tawh, ''I sawi lo a'' a rawn tih chuan ka nui suk ringawt a, ''ka tum hlei nem'' ka lo ti ve bawk a, ka aw(voice) ri chhuak chu leh.



Eng emaw sawi a tum leh lai tak chuan, ''ka hmanhmawh tawh'' tiin tluangi chu a hnungah a lawn nghal tharh a, min en dan dek duk te chu ah, ''chhuk mai ang'' Saktei chuan ner nawng hian a rawn ti a, Rs-a leh Jordana te chu an in phur chhuak daih tawh, ''inpa2 in ka lo phur ang cheu'' Ruatpuia chuan a rawn ti a. Matthew a te rawn phei chu ka hmu ve chiah bawk, bike a keng ve a ni hrim hrim, ''a ngailo'' ka tih chuan Fred-a chuan min lo en ngar a, tlan chhuah daih tawh tur a lawm.



''Denny I bag kha lo la la'' Peteran a rawn tih chuan a ngaih loh thu sawi in Matthew a ka au nghal zat bawk, ''Sakte, Ruatpuia bulah khan kal mai rawh, Matt a rualin ka lo chhuk ang'' tih pah chuan ka va pan phei a, kan awmna a in hlat lutuk lo bawk.



''Min lo phur teh'' ka tih deuh tawng chuan, ''I thu ve thei siah'' min lo ti a, a phal tihna. ''Denny, kan kal dawn'' min rawn au leh chuan an lam hawin ka bu nghat a, an tlan liam nghal bawk. Fred-a ka va en chuan min lo en chhiang khawp mai, ''lo chuang vat rawh'' Matthew an a tih tak ah chuan ka lawn kai ve vat a, a bag hmalam ah a lo ak daih bawk, ''min tluk pui suh ang che'' ka thut fel rual chuan ka ti ve nghal zat.



A bike a tih nun chuan a kamis ah ka vuan bet nghal tung a, ''min lo kuah mai la'' ring vahran hian a la ti zui a, ''ka kuah tak tak mai tur che sin'' fiamthu a ka tih chuan a nui hawk a. Chak mang khengin Fred-a bike in min rawn tlan pel nghal fua bawk a, eng nge maw a hriat ni, a phurhnu saw tluk pui chawrh se a tha ang.


******


Kan in kawt kan thlen chuan ka chhuk nghal vat a, ''ka lawm em em e'' ka tih chuan a nui suk a, a bag a ak tha mek bawk, ''lo lut kawila, ka pe nghal ang che'' ka tih chuan, ''naktuk ah'' a ti deuh tlat a, ''chaw ei tui'' ti leh sup in a tlan leh nghal bawk



Ka inher chuan, ''khaw nge in kawi'' tih rikna lam chu ka hawi phei thuai a, an gate a lo ngheng dawr dawr a, Tluangi te inah a leng dawn a maw tia, ''maw'' ka tih chuan rawn chhuak phei in ka hman ah tak a ding a ka lo en chho ha a, a va rim tui chem chem ve, ''khawiah nge in kawi ka ti'' a ti nawn leh sup a, ava lawm hmel loh e, ''bazar ah'' ka ti ve tawp a, ka tawng thui peih bik lo e a, ''eng nge intih'' a tih leh chuan ka ner nung a, ''engmah pawh kan tilo e a'' tiin ka kal san daih bawk, ka ngei deuh thut tlat a lawm le. Matthew an pawisa a lo keng bawk nen Rs-a gift lei nan ka hman sak a, duhai chuan kan thang rei a mahse, rei over pawh anilo.



Step ka chhoh dawn chuan ka hawi let leh hram a, a ding na ah dingin min lo en ngur a, ka lai mai dawn a lawm le...vawin chu eng nge maw a hriat ni.



In ka luh chuan ringzet in hla alo in play a, chawhmeh kan rim a nam hum hum bawk, ''mate, iva rei ve'' kitchen atang obawiha chu a rawn chhuak a, apron a la hreng zui, ''thil ka lei kawi lok a, enge I tih'' ka ti nghal zat a, kanu in rawng alo bawl tir a ni awm e..



Ka intih fai zawh chuan ka phone duh em em mai chu ka en a, Atlei te nen a kan group ah chuan anlo tawng nasa khawp mai. A ngaite bawkin Lawmtein, Atluangtei te nih thu a sawi leh a, Saktei leh Atlein an awih loh thu in an lo hnial char char bawk. *lo ni ta se engtin nge I tih ang* tih chu Atlein a rawn send a, ka on9 tih a hria a ni nge ang. Ka ngaihtuah zawng ri ngawt pawh hian ka phal lo, ka duh ve em em lai a bialnu a lo nei daih chuan engtin nge ka awm ang tih pawh ka hre chuang lo, an inngaihzawn ka la ring velo tlat ani.


*Denny chuan a be zui tawh lo ang* ti in Saktei chuan a chhang a, a hre thei khawp mai.

*mi bialpa star reng kha a duh dawn lo a, star tawh loh a tum ngat ngat mai ang* a ti leh a, min hrechiang khawp mai.


*my bestie* tih chu ka send ve a, love emoji a rawn thawn chuai a, Atlei leh Lawmtein luak lai lem an rawn thawk ve chuai bawk a, keimah te in ka nui hak hak ringawt.


******



Saktei chuan Rs-a te ina kal tur chuan min rawn sawm a, a chhelo phuk phuk khawp mai, ''ehe..kekawr hak I tum vel a lo'' an thutna a ka phei chuan alo ti nghal hlur a ka bu nghat ringawt, ''kawrfual han ha rawh, kan tam ang'' a tih chuan hre thiam lo deuhin ka en ha a, ''ninawm...hunserh te a awm dawn, thianho lawm ang kha ani vak dawn lo'' sawi peih loh hmel deuh chuan a ti leh a, kei ka lo ner nawng thung, ''an va ti tha ve a, in thianpa chu kum egzah na tur nge?'' Ka nu pawh chuan a lo ti ve var a, lehkhabu leh pen a inchhawp hnuk bawk, ''kum 18 na tur a nia, a hmingpum ka theihnghilh daih'' tiin sangkhai vah in a chhang a, tiang sawn min chhan ve ngai pawh ka hrelo.



Room ah chuan chho leh thuai in ka inthlak sawk sawk a, ka kawrfual dum, khup chen, a ban tawi chu hain Airforce var ka bun leh a, ka sam ka thlah tawp bawk a hnawihsen te pawh ka in hnawih ve thlap. Rs-a thil tur ka lei chu paper bag ah thun in a khaina hmawrah ribbon pawl in ka suih thlap bawk. Ka chhuk tlak leh chuan Saktei pawh a rawn ding ve nghal a, a phone a hmet zuah zuah bawk, ''nu kan kal dawn'' ka ti a, haw har lo tur a min hrilh hnu ah kan chhuak zui ve nghal, ''loafers bun ve ta che'' a tih chuan ka ner nung a, ''kawrfual hak pawh tih tawh nak a laiin'' tiin ka phun hlak hlak a. Ani chuan loafers a bun thlap a kawrfual dum a khup khuh deuh hlek a ha ve bawk a, a sam a phiar zaih a, a chelo khawp mai.



Kan chhuk thla fel chu dawr atang Jordana te an lo chhuak ve nghal zat a, min lo nghak a nih dawn hi, ''ui in chelo ber'' nuih hak pah a ka tih chuan an han in post kual vel a, ''ti nge kamis in hak kher a'' ka tih chuan ka darah kuahin, ''hun serh te a awm dawn a nia aw...inkhawm ang vel a ni'' Jordana chuan a ti sup a ka bu nghat ringawt, hunserh a awm dawn tih te chu Saktein min hrilh daih tawh bawk. Cotton kekawr dum ve ve hain Peteran kamis dum a ha a Jordana a var a ha thung a, vans an bun ve ve bawk a an chelo khawp mai. Bike kenglo in scooty an lo ken ah chuan chuang in kan in phur chhuak nghal a.



Rs-a te in chu a nuam reuh ngei mai, ka hnelhriat te pawh ka hmu ve nual a, puitling lam pawh an tam. 'Happy Birthday to Remsangkima kum-18' tih in tar kalh chu Saktein a chhiar ri a, ''a hmingpum ka hre chiah'' a ti leh a, ''in lo thleng maw'' kan sir atang a an rawn tih chuan kan hawi phei dun a, James-a lo ni, ''guys..an lo thleng'' tih pahin Saktei nen kan darah a kuah a, kan thiante awmna lamah min hruai nghal, ''engtik lai khan nge in phei hman'' Saktei chuan Petera te bulah chuan a ti nghal zat a, an nui ringawt a keipawn an kalsawn lai ka hre lo re re.



''Ka gift tur khawnge in dah'' Rs-a pawh chuan a ti ve nghal a, a kut a la dawh kher zui, ''dar engzah ah nge hunser chu?'' Saktei chuan a ti ve leh phawt a, a gift ken ve kha chu gift an dah khawm naah khan a dah daih a, ka hming ka ziak ve silo nen ka dah ve lem lo.



''7:30 ah daih, khawnge gift chu'' a ti leh zat a, chung chung hian. An ni thian ho pawh kamis an ha deuh thlap a, birthday boy tih takah Rs-a chuan tie a awrh tel a, ka 'D' phei chu chhelo fia fia tak a ni. ''Saw tah khan ka dah ve daih'' Saktein a tih chuan, ''pawilo'' tih pahin ka thil khai chu a ban zui zat a, ''ka tur tih ka chiang'' a ti zui bawk a, ata tur nilo se ka lo ti khawp mai a mahse, a ni tih hre chiang ber tu ka ni bawk si a, ka ner nung ringawt.



An thianho leh kan thianho chu kan ding ho thap a, Fred-a pawh kan phei tirh a ka melh tih loh kha chu chiang tak pawn ka la en lo, ''ribbon in an suih ngei a'' tih pah chuan a phelh a, a lawm vur vur hmel khawp mai, ''eheu'' pawrh chhuak lem lo chuan a ti hluai a, ''sawi sel reng reng suh ang che'' kalo ti ve zat a, a thiante lahin phawrh tur in an lo ti sek bawk. Handkerchief set, chocolate leh keychain ka dah tawp a, thil dang dah tur ka hrelo hrim hrim.



''Min tih tah ila tum ani maw'' tih pah chuan handkie chu a rawn phawrh a, a thiante lah in, ''velh che a tum ani hrim hrim'' nui hak hak chungin an lo ti ve bawk a, keipawh ka nui ver ver ringawt, ''awih awm loh e mai, bialnu I neih hunah I thlem na tur a nih kha'' ka tih chuan a ner nasa mai a, kei ka nui hak hak thung,



''Mi handkie I pek chuan ila ti tap ngei ngei dawn tihna a lawm'' Ruatpuia chuan a rawn ti leh a, ava han awih awm loh tak e aw.., ''a va han lem tak'' ka tih leh chuan, ''ani reng a lawm'' Saktei pawh chuh. ''Awi..ka tih tah na tur che chu ka thih hunah a nimai, ka thih hunah ka thil pek che khan I mittui lo hru hul ngei ngei ang che'' fiamthu titak deuh chuan ka ti a, an la nui miah lo zui.




''Midang ho pawh kha ka pe vek ang cheu chuan ka thih....'' ka ti leh lai mek chuan, ''sawi tawh suh!!'' a rawn ti vin hluk a, Fred-a chu thinphu dep dep in ka en nghal haw, ka phu nasa em ani. Amah lah chuan thip zet hian min melh ngur a, a rilru anat hmel tawp bawk. Eng nge a!!? ka thiante ho pawh chuan rilru nat hmel lutuk in min en ve vek bawk a. Sawi sual ka neih ka hre silo, eng ka sawi khan nge an rilru tina vak a??




********************************************


Show post links
Top

[Ngaia]

Chapter~22



*



''Ih..englo....'' Sawi tur hrelo chuan ka ti nawi niai a, ka awm a nuam lo nghal em em ringawt bawk, ''sawi tur chin tawk hria ang che'' ti leh hmuk in Fred-a chu a kal sawn nghal nal nal a, hnunglam atang chuan ka en reng ringawt. Engvang a kha tia thinrim vak nge a nih ang?





Ka thiante ho ka en leh chhan min lo nuih khum suk suk ringawt a, ka awm an ti nuam lo zo a lawm, ''min pe let leh mai rawh'' Rs-a kuta mi chu ka va ban de de a nui hawk in, ''gift an inlak let sak ngailo aw'' a ti a, midang pawh chu an nui hak hak a keive erawh chu chhung lam ah hian ka awm a nuam lo em em mai ani.





Hunserh te an neih hnu chuan cake zai hun an tan nghal mai a, nuam pawh ka ti velo Fred-a leh Tluangi an awm tlang char char a, ka hmu hne nasa khawp mai, ''ti nge I sawm ve'' Rs-a bulah chuan ka ti deuh thawr a a hamhaih nasa, ''saw..'' Tih pahin Saktei chuan a kawh hmuh zeuh a an la nui dun ham ham zui. Rs-a te nen kan pa3 in kan ding ho a kan thian dangte kha khaw nge an kal pawh ka hre eih lo, ''ka sawm hlei nem'' nuih insum tak chuan a ti mai a ka va han awih lo tak, ''ti nge a lo kal ve a'' ka ti leh nghal zat a, ''i thik thu a chhe emai'' Saktein a rawn ti ve zat bawk a, thik thu lam a nih pawh ka hrelo e.




Dar8:30 a pelh chuan puitling lam chu an haw dar sang sang tawh a, kei mahni ang rual ve chiah a ni tawh mai awm chu. Ka phone a rik chuan ka en thuai a Jordana ni, ''imm''


''Inchung ah kan awm ania, induh chuan lo chho rawh u'' tih zawng sawiin a dah leh nghal hmak a, ka va ngei e. Saktei ka hrilh chuan choh a lo duh mial a pawi pawh ka ti hran lo, ''birthday boy inih kha lo chhoh ve a ngai lo nasa lutuk'' Saktei chuan a ti deuh hlak hlak a Rs-an a lo in siam chhiat khum chiam a, an sir ah ka lo nui char char thung, a tawpah, ''minute3 hnuah ka rawn chho tho ang'' tiin a kal sawn vut a, Saktei nen nui hak hak in inchung lam ah kan inzui chho nghal daih bawk. Mei chhem in an lo thut bial luah a, an va han in la christmas hmang vel tak, ''haw ka duh tawh e..'' James a leh Petera te inkar a ka thut thlak rual chuan ka ti nghal zat a, ''ka la duh teuhlo'' Jordana an rawn ti ve nghal a, guitar a pawm bawk.





''Denny'' thum sup a an rawn tih chuan ka hawi phei thuai a, ka hriat ngailoh mi pa2 an lo thu ve reng chu ni in, ''min va hriat loh hmel ve'' tiin a khiai deuh suk a, ka en deuh haw a tin ni, za lo lutuk chuan ka nui ve suk ringawt a, ''ehe hmangaihmawi'' Saktei chuan rawn ti hluai in a bulah a va thu phei deuh sawk sawk a, an in hre ngai a mi le, ''ka hmingpum hian min ko ziah suh'' tih pah chuan a nam bu deuh lawp a, mi dangin an nuih hawk hawk a ka nuih a za ve eih lo chu mak ve tak ani.





''I va han induh ve a, Zothansang'' Hmangaihmawia lo zawk chuan rawn ti sup in min melh deuh ngur a ka en nghal haw a, ''min hria mi?'' Ka ti ve sep a, ka hmel ah zawng zawng chuan mak ka tih zia a lang vek ang, ''nangnu kha min hrelo der ami'' Hmangaihmawia pui chuan ring farhan hian a rawn ti hluai a, ka phu deuh zawk mai kan thiante pawh chu an ngawi deuh nghal thap a, ''min hria mi a?'' Nuih luih sang a ka tih leh chuan an ner nasa, ''Zothansang!!'' Pa1 zawk khan tiin a ding nghal hluai a, ka thutna atang ka tawlh thla nghal zawk, ka phu nasa lutuk a lawm, ''Hriata eng nge I hriat a'' Saktein a ti deuh hlar a, James an min lo kaitho ve bawk. Hriata an tih pa lah chu ding chung in min melh ngar ngar a, ka awm ava han nuamlo tak.





''Mi ka hre rei thei vak lo'' ka han ti ngawt pek a, a rawn la nui hawk zui a, ka thilsawi chu a awih lo hle te pawh a niang, ''in lo zai tui hlawm maw'' tih pahin kan awmna ah chuan a rawn phei a, kan boruak chu a hre thiam ve aniang, ''Hriat eng nge I din hluai'' tih pahin Rs-a chuan a darah a kuah a pa1 pa lah chuan min melh rum khawp mai. Nui har har ri ka hriat chuan ka hawi phei thuai a, ka ni neuh nghulh mai, Fred-a leh tluangi bawk chu kawngkhar bulah an ding dun a, an la nui deuh sang zui.




Ka en reng lai chuan a rawn hawi phei thut a, ka hawi sawn rang khawp mai, mei alh hlat hlat chu ka en kar a haw ka va han chak tawh tak. Mipa2 leh Saktei leh Rs-a te kha engtik lai in nge an kalsawn ka hrelo, an thutna lam ka hawi chuan an lo awm tawh lo a Fred-a te pawh kan hma ah an rawn thu dun ve bawk a, ka ngei hlur thei nia.






''Denny nang ka birthday a ni bawk a hla han thlang teh'' Rs-a chuan a rawn ti lauh a, Saktei nen an rawn thu thla ve nghal a, ''khaw nge in kal a?'' kawngkhar lam hawi chuan ka ti a, ''chuan khawnge Hriata te kha'' ka ti leh zat a, ka melh dun ran bawk, ''An haw..'' Saktein a tih mek laiin, ''I hria em?'' Fred-an a rawn ti sup a, ''An haw tawh maw?'' Saktei melh kiau pah chuan ka ti leh a, ka chhang peih kher lo ka be peih lo hrim hrim zawk.





''Kan thlah a nih kha, hla chu thlang rawh'' Jordana guitar pawn lai laksak in Rs-a chuan a ti a min en ran bawk, ''ka hrelo'' mei alh chu ka melh leh daih a, a sa tha khawp mai, ''A hla duh ber 'Perfect two' bawk kha sa rawh u'' Jordanan a tih chuan an nui deuh hawk a, he hla hi lem an ti deuh tlat a lawm, ''Hriata te chu I hria em?'' Jordana ka melh rum lai chuan a rawn ti leh a, ''hria e'' a mah melh zeuh pah chuan ka ti a, Tluangi nen chuan an in si chial a lawm, ''Eng tin nge I hriat?'' Fred-a bawk chuan a ti leh hmuk a, ka va han chhang awm lo tak kan thlen tirh atang min biak ve chhun ah avin thei ropui si, ''zai ang u..'' Ruatpuian a rawn ti hluai a, midang pawn zai an duh tawh thu an sawi chhun zawm ve nghal a, kei chuan ka phone ka bih daih ka hma a thu hian min melh rum ul tih ka hre ve bawk sia ka awm a nuam lo.





Ka thiante ho chu an zai ho dal dal a nuam an tih hmel khawp mai, Tluangi pawh a tui hmel khawp mai Fred-a ban ah a vuan tunga ala ti che euh euh zui a, hmuh a nuam duh lo khawp mai.




Kei in nuam tihna pa1 mah ka neilo a ka thiante hla sak pawh chu ka hre mang lo ka phone chu ka scroll vel mai mai a en tur atak pawh chu ka hre chuang lo, ''zai ve la'' Min nek deuh salh paha James-an a rawn tih chuan ka nui mai a ka chhang lem lo.




Dar zat ka en chuan dar10 a lo pel tawh a, tinge Anu te hian min lo call miah loh ni, ''haw ka duh tawh e'' Petera beng bula ka ti sep chuan min rawn en nghal vut a, ka pang a dep nghal ringawt bawk, ''I lu ana mi?'' Atih chuan lu ka thing mai a, midang ho lah chu Petera thilsawi avang chuan an zai tawp deuh hmak a, ''Denny I va nguai ber bur ve'' Uang deuh a Ruatpuian a rawn tih chuan ka nuih mai a midang an nui ring fal khawp mai, ''haw ka duh tawh'' ka tih leh chuan an phone an han bih nghal thup a, ''ala hma'' ka bula thupa ber bur lah chuan a la ti zui, ''a hma tawh lo, min thlah phei chuan Petera a haw har lutuk ang'' ka lo ti thuai a, haw vat vat ani ka duh tawh.






''Fred-a rualin I phei dawn nia, an in bulah lawk I awm kha'' Rs-a chuan a guitar pawm lai ti ri zeuh zeuh pah chuan a rawn ti a, ka duh teuh lo mai a, ''Rintluang haw ila tum lo em ni'' James an a tih chuan Tluangi chu ka melh ve vat a, a mit a sen ram a amuthilh a chhuak tawh ani ang, haw vat vat tur a lawm le..., ''Fred min tlah la'' Fred-a melh kiau pah chuan a ti a, ka lo ei lo ve em em ringawt, ''nangmah in chhuk mai rawh'' pa1 pa in a tih lai chuan, ''thenawm lawk a nih kha, kal mai mai rawh'' Rs-a chuan a rawn tih sak a, a ngaih hoh hmel khawp mai, an thenawm nu a lo ni reng a nih chu.




Tluangi chu tum bar hian a ding a ka lo en ve reng a hmuh chuan min la ner khum nawk zui, ka ei bik loh teh reng nen hian, ''a nih ka haw dawn'' Fred-a melh pah chuan a ti leh kher a, ani a lo bu nghat, ''haw nal nal teh'' James an a tih chuan a hrelo der hmak aniang min rawn melh ralh in Fred-a biang ah chuan a chuk zeuh a, a tlan chhuak nghal daih a, Fred-an min rawn en nghal zawk chuan hnuai lam ka bih rang khawp mai.




Ka thin a phu dup dup a, ka na veng veng mai, ''in ingaizawng em ni'' James-an a tih chuan mei alh chu ka melh kiau a, ka mittui in tlak a tum ringawt bawk. Fred-a chuan tawngka in a chhang lo a niang engmah a sawi lo a, mahse an inngaihzawn chu ka ring hmak tawh. ''Denny...'' James-an a tih chuan ka phone a ri ve chiah a, ding nghal zawkin a thim chin ah ka phei a ka hmai ka tuai nghal thuak thuak bawk.




*aw nu* ka ti lawi rat a, ka tah a chhuak em em mai ani
*mate, haw in la tum lo em ni'' a ti dam diai a, ka hnuk a ulh zual,

Aw thian kharh in, ''nu....Petera te inah ka riak mai dawn* ka ti a, an thutna lam ka va hawi chuan Saktein min lo melh ran a, Jordan, Petera leh Ruatpuia te chu an tawng bul bul a games an khel a nih ka ring.


*riak mai rawh* kanu in a tih leh chuan hawi sawn thuai in ka 'imm' leh tawp a call ka cut nghal bawk.




Thawk la vang vangin an thutna lamah chuan ka phei a, Petera hnungah a mah si chet a dingin, ''haw tawh ang'' ka ti sawi sep a, min rawn melh chho nghal vut a, ''Fred-a rualin I phei dawn nia, Peteran in a thleng har lutuk ang'' Ka sawi a hre pha ninag chu Rs-a pui chuan a rawn ti ve nghal zat a. Ninawm reuh mange.




Fred-a ka melh zeuh chuan min lo melh ve ran a, ''kan haw dawn mi'' a tih chuan lu ka thing nghal a, ka lu thin chu a hmu lo der a ninag, ''lo kal rawh'' a ti leh sup a a thutna a tang a tho nghal bawk, ''kal la'' James-an a lo tih ve chuan, ''ka duh lo, Petera te inah ka riak dawn'' tih pahin Petera kamis ah chuan ka pawt zeuh a.




A phone en lai chu off in a rawn ding chhuak a ka chal a dep nghal vut a, ''I khua a sik e law'' a tih chuan, ''haw tawh ang'' ka ti leh sep a, ka ning tawh haw vat vat ka duh a sin le.., ''engtin nge I awm a'' Fred-an a rawn tih deuh hluai chuan ka melh zawk a, hluah thawn hmel te a pu nia, ''mei ka ai nasa a chuvang a nih kha'' ka ti mai a, mahse ka lu chu a na tet tet mai, ''a nih, kan haw dawn'' ti hluai in Peteran ka darah a kuah nghal a, haw vat vat ka duh.




Inhuai kan chhuh chuan a reh ruih a, an mu vek tawh a ni ang, ''Denny, kha hei ha la'' tih pahin Rs-a chuan hoodie lian deuh hi min pe a ka ban ve nghal a, ka han ha chu a lian khawp mai, ka mawng a khuh vek a ka kawrfual hak nen ka mak khawp ang, ''zanin hi iva nguai ve'' Jordanan a tih chuan Fred-a ka melh zeuh a min lo melh ve kar a, ka rilru a na thar. Tluangin a kiss lai kha ka mitthla zel a, a biang ah pawh anilo a hmui bul chet ah a ni.





Scooty ka chuan rual chuan Petera darah ka lu ka nghat nghal daih a, ''De naktuk ah I haw phei hmain ka lo kal ang'' Saktein a tih pawh chuan en lem loin ban ka vai mai a, ka hawi chhuak peih tawh lo, ''tap la'' A tih thawp sup chuan James-a chu ka melh nghal zawk a, midang ho chu an lut vek tawh a, kawngkhar bulah Fred-a alo la ding reng a, ''kal mai teh'' ti hlakin ka kun leh nghal a, ''haw rawh u'' tih pahin ka hnungah a la beng thawk zui, zanin chu a nuam lo khawp mai.




******





Ka tho chu ka lu ana bur mai a, ka sirah Petera pawh ala mu tui nasa khawp mai.



Kawngkhar ri rek ah chuan ka hawi phei a, nu siamtei chu a rawn lut a, ''Mate, I tho nuam maw'' tih pahin Petera mu chu a beng awk a, ka lo nui hak, ''Saktei a lo kal a nia'' a tih chuan ka phone ka hmet eng a, dar 11 a ri dawn, ''ehe, ka va mu rei'' tih pahin ka tho chhuak nghal a, Petera mu chu ka han beng ve pawp a, ka chhuak nghal daih bawk.




''Awi awi awi, inva mu rei ve'' Min hmuh rual chuan a ti nghal zat a, ka khi hui ringawt, ''papuia te hi an kal tawh aniang a'' ham bui bui a ka tih chuan, ''kal lohna hun pawh ani tawh mi'' Saktei chuan a ti leh hlar a, ka nuih tawp, ''I mood chuh'' ka tih leh chuan a chek tlak tlak a, eng nge maw a hriat ni.



''Nizan kha'' a ti dek dek chu, ''sawi lo mai teh'' ka lo ti hlar a, ''eng nge'' min la tih khum ve hlar zui, ''a tirah pawh bialnu a neih leh neih lo ka zawt a, ka nei te ti ve mai se tha tur'' ka sam ka tawn tha mawlh mawlh a, ''a la kiss zui'' ner nak pah chuan ka ti leh a, ka ei hlol lo,




''A tuai nghal nawk te kha I hmu lo a mi'' A tih pawh chuan ka ner nang a, ''Nu..Otluanga te hi eng nge an tih a'' Nu siamtei lo phei chu ka lo ti nghal var a, a apron hak phelh mual mual pah chuan, ''vawin chu kan picnic dawn an tia, in unau a in thawh hun an nghak deuh reng a'' a tih chuan ka nui hak a, kan tho tlai em ani Lalpetera phei chu alo la tho chhuak chuang lo. ''Kal ve ka chak asin'' ka tih chuan'' a nui mai mai a, intih thawveng deuh chu ka duh.




******




Ka kawrfual leh Rs-a hoodie chu paper bag ah ka khung mawlh mawlh a, ka pheikhawk chu ka la bun ta tho a Petera tshirt leh a kekawr te ber a hak tawk tawh loh ka hak sak a, ka thawl tho mai.



''Naktuk ka inkawm peih loh zia hi'' Inlam pana kan kal mawp mawp lai chua Saktein a ti a, ''I zak lo e mai'' ka tih sak chuan min beng thuk a ninawm thei, ''Hriata te kha I hre tawp silo a ti nge ka hria I tih?'' Min thlek deuh zawk a atih thut chuan, ''aw...ka ti ve mai mai'' ka ti mai a, chek tlak tlak in, ''Fred-a rilru a nat....'' A tih mek lai chuan a ngawi daih a ka va thlek chuan a hmu a lo seh a, sawi sual nei ang mai. ''Eng nge a?'' Ka tih chuan min en zawk in, ''enteh, naktuk chu kawr rawng inang ha ila'' ati daih a nih chu..




''I mak e..sawi mai mai teh'' ka tih pawh chuan a ngawi tlat a, Fred-a hming a lam ri tel kher kher bawk nen ka hre chak zo vek leh nghal a, Lalduhsaki chu ka ngei reuh kher mai.



Saktei pawh insuk a ngaih avangin min peng kawi san daih a, a sawi thelh kha ka la zawt leh tho ang. Kan in step ka rah chiah chuan min koh avangin ka hawi tla a, dawr atang Fred-a lo chhuak chiah a, ''eng nge?'' Ka tih chuan min en vung vung ringawt a, a va han tha chiang tak mahse bialnu a nei kher kher a, ''a ngai leh lo'' ka melh ve reng lai chuan ti leh sup in. a in her daih a.




''Fred'' a kal uk tawh pawh chu a ding leh a, rawn in her in a mit ko min san zeuh a, ''bialnu I nei e law?'' nuih sang chuan ka ti a, ka zawt chak thlat a lawm le. Ka en ran a min melh chiang khawp mai, 'ka nei' a tih vaih chuan ka ngei khawp ang ka tih rilru mek lai chuan, ''iva lo phei har ve'' tih pahin a rawn phei a, ''Denny, in in e law?'' Fred-a bula din pah chuan Tluangi chuan a ti leh zat a, bu nghat in ka chho nghal nal nal.





''I mu tui maw?'' Sofa a ka thut thlak rual chuan ka nu in a ti nghal a, ''tui khawp mai'' tih pahin ka paper bag khai chu chhuah ah ka nghat a ka pheikhawk ka tlawn phelh nghal bawk, ''nu obawiha kal ve mi a?'' Hawi kual pah a ka tih chuan kitchen atang a rawn chhuak ve chiah a, side table chu rawn nawr phei in thei a rawn chhawp hnuk mai, ''picnic na ah maw, a thiante nen an inzui ve duah duah kha'' tih pahin tv a on nghal zat a, vai film en tur a zawng leh ang chu.




Obawiha pawh an picnic chu nuam a ti viau a niang chu papuia te inah riah nghal a tum a, a picnic bik khawp mai. Chaw kan ei zo chu mu tur in ka chho nghal daih a kapa thiante an rawn leng nen ka thu ve peihlo hrim hrim bawk.




Whatsapp ka luh chuan ka group awmna ho apiang chu an lo active hlawm em em a, 'Stars' tih Atlei te nen a kan group ah chuan ka lut zat a, an lo in hnial leh tawh chu niin,


*Hmangaihtluanga hi ka then dawn*

*tih theih loh tur I sawi lo teh ang* tiin Saktei chuan a reply a, keimahin ka khi hui a. Atlei te hi chu an inthen ngun ve em, kar khatah vawi3 tal chu an inthen hman ngei ngei zel.

*Atluangtei te chu an ni em* Atlei bawk.

*I bialpa chauh ngaihtuah rawh* Saktei ni.

*Damlai lu ka sun a nia aw* tih ka send chuan min reply rang khawp a, ka chhang let peih lem lo. Ka awm dan hi a nuam hlol lo.



Status ka en lai chuan Fred-an a nei ve leh mial a, seen tum lo viau mahila ka thei der lo. Nizana kan mei ai kha a hmang a, a hnungah chiang lo riauin James a leh Petera nen kan lang ve bawk a, ka phone ka bih ngur mai, caption ah 'remember me' tih bawk chu a hmang leh a, eng a sawiin nge ni thin ang?



Reply lah chu ka chak khawp a, mahse ka reply ta lo mai. Bialnu nei pawh nise eng nge pawi vak an inthen leh mai dawn lawm miin ti thin mahse kei chuan ka duh ve der lo, mi bialpa ngaihzawn tlat te chu ka duhlo, kan duh zual zel phei chuan a hahtlak a, lehlam ah awm nuam lo thun in hun hman te kha ka peih ve lo, an inthen hun nghah tih vel phei chu ka tum lo chuvang chuan ka theih tawp in duh loh ka tum ang, mahse ka awm dan hi ka hre thiam bik lo e. Star thar neih a ngai a nih hi.



Ka ngaihtuahna avang chuan ka nui chhuak hak hak a, hmangaihna lana an tih ang hian ka awm in ka hria a mahse hmangaihna lana ho chu engtin nge an awm lah ka hre der mai silo. Ka data te chu off in ka mu hlan a, thil chi hrang hrang ka ngaihtuah kual a, nizan ka mumang kha a mak khawp mai.




Ti nge ka bul hnai a awm te hian ka damloh an hlauh em em ni ang? Nizana mite khan ti nge min hriat tlat! Ka hre ve der bawk silo, ka ning.....mit ka chhing vang vang a Fred-a nui hawk hawk hmel ka mitthla zawk a, a nui mawi kher mai mahse, ka thu chhuak hluai a anui hawk hawk hmel mitthla tur pawn ka la hmu lo hrim hrim. A nui suk bak ka la hmulo,



Ka thin zawn chu ka dawm vang vang a, phu dawt dawt mai.



Chian lohna riau ka nei nge, ka vei lutuk hi ka duh dan ber in ka mitthla zawk ni ang. Ka mu thla leh hnak a, ka chhing nghal hmak bawk.



********************************************


Show post links
Top

[Ngaia]

Chapter~23



*



Chaw kan ei mawlh mawlh a, ''tuk in I walk lo a'' kapa in a tih chuan ka bu nghat a ka chak hlol lo ani, ka harh lo hrim hrim zawk mawle ''I nuam lo nge?'' Kanu a tih ve nghal zat chuan ka chaw ei lai tawp meuhin ka en a, ''nu...ka damlo em ni?'' Ka tih chuan min melh zeuh a chaw a ei zawm mial mial a keichu ka ei thei tawh lo.




''Nizan ah ka thang harh thut a, ka mu thei lok lo a'' ka tih leh chuan, ''phone I en a ni maw'' obawiha chuan a ti a, a tho nghal bawk, ''ka mumang a mak em a, zantin ka la mang ziah zui'' tih pahin ka tho ve nghal zat a, kanu te in melh ralh pawh chu ka hmu reng.




''In mak ve e'' ka tih leh talh chuan kapa a nui hawk hawk a, ''I mumang chu han sawi teh'' a kutsil pah chuan min rawn melh zeuh a. Kitchen atang chuan chhuakin Sofa ah ka thu a, ala hma bawk nen inkhawm tur in ka la inpuah chah peih lo.




''I mumang chu sawila'' kapa chuan a ti leh a chanchinbu a bih run bawk, ''A mak lutuk, a tak a ang si a'' ka han ti phawt a, ka thin te hi ala phu dup dup thei, kanu pawh a rawn thu ve chiah a, ''ka lo accident a'' ka tih chiah chuan min rawn melh nghal thup a, ''Chuan eng nge Mate'' obawihan a tih chuan ka melh ran a, a zam hmel khawp mai kanu phei chu a meng buai lutuk.




''Û...car ah mi3 kan chuang a, truck nen kan in su'' ka mitthla ah a lang a ka tim chuai thei, ''Fiona-i leh û Andy nen'' ka tih leh chiah chhan kanu a insut ri hraih a, ka phawk khawp mai, ''bawiha nu...'' kapa chuan a rawn ti dam diai a, kanu chu a insum nasat hmel kher mai, ''tu nge Fiona-i chu'' tih pahin ka melh hlawm kar a, an hriat hi ka ring tlat a lawm.




''I mumang a I hmuh te kan hre ve ngawt nang'' obawihan nuih hak hak pah chuan a ti a, a nuih a zat hmel loh hrim hrim bawk, ''ti nge nu I tah ve ngawt'' ka tih leh chuan min en vung vung a, a insum nasa kher mai, ''mate''.




Ka melh ngar ngar a min chhan an tum hmel loh em avang chuan room ah ka chho ta daih a inkawm turin ka insiam bawk, puan bih hi ka thiam vak lo nen kawrfual hain heels sang vak lo ka bun tawp a, ka sam a half ka kilh bawk. Inhnuai a ka chhuh thlak chuan an lo inpeih ve diam tawh a, dar a rik na pawh a la rei vak lo.




Senior department ah ka la thu a, Saktei chu puitlingah a lut tawh a keipawh nakum ah ka lut ve tawh ang, ''I û a inkhawm em?'' Min zirtir lai chuan ka ti sep a, Judy pawh a rawn bu nghat a, ''kanu in hmunphiahin a tin a lawm'' a rawn ti ve sar sar a, ka nui chhuak tep ani. Jordana in khawm peih loh zia hi chu a mak hian amak.




Zirlai kan zir zo hma thei bawk a, kan bang leh der tawh, ''Denny biakinpui ban hun nghak ila'' Judy in a tih chuan ka bu nghat a, Biakin bul lawkah thingbuk hnuai thutna awm ah chuan kan thu dun ran bawk.



''Fred-a chuan bialnu a nei amaw'' a tih chuan ka bu nghat a, nizan khan ka hrilh ve a lawm, ''ka awih lo re re'' a tih chuan ka nui mai a, ka awih phal bik re re hlei nem. ''Bem vat vat la atha tur ania'' a ti leh a, ''Ninawm, Tluangi nen an awm tlang ngun lutuk'' ka ti hlar a ka sawi peih vak lo. Inkhawm ho pawh chu an rawn chhuak sap sap a, Fred-a pawh ka hmu a a chhelo ngei mai, kamis var te reuh te te a par aha a, smart pants nen a mawi zaih zaih lutuk, James a nen an in zui a, Ruatpuia leh Rs-a hi chu veng dangah an awm a, ahla hran lo bawk.




''In bang hma thei bik'' Saktei chu kan thutna ah a rawn phei a, ding ve nghal in kan inzui thla a Judy pawh anu bulah a kal chat, introvert diktak ani.




Kan kal mek lai chuan ka darah a rawn kuah pawp a ka tlu lo chauh a lawm, ''I thiannu I hmuh chuan min hre chhang tawh ngailo'' Jordana chuan a ti nghal zat a, ''mi hi kuah pawp pawp zel suh ka ning'' ka tih hlak chuan min en vung vung a ka ner nawng mai, ''I thinchhe e mai'' tih pahin a kut a la thla a, ''Kan ride dawn mi niang'' hnunglam a tang an rawn tih chuan ka hawi phei zawk a, Fred-a te pa2 leh Petera, ''tha..'' Tih pah chuan a khi vur vur a, ''lo kal ve ta cheu'' Jordana chuan ati leh nghal zat a, ka kal awm lo emai.




''Ka peih lo'' ti in ka kal chak zual sauh a, ''min nghak ve ta che'' Saktei chuan hnunglam a tang a rawn ti ve bawk a, ''ka hmanhmawh tawh'' hawi let zeuh chuan ka ti a, Fred-a ka melh leh kher kher nen min lo en ve kur a, ka kal nghal hlawk hlawk mai a lawm.





In ka thleng chuan ka ke a kham ut mai a, inthlak sawk sawkin khumah ka mu a phone ka hmet niap niap bawk. Saktein min lo call chuan ka pick thuai a.



*Denny, Jordana te bulah chuan kal ve ila* Hello pawh ka ti hman hlei nem

*ka peih lo*

*I mak e, ka kal ve chak a*

*aw..I chak leh kal la, bike a chuan ka peih lo hrim hrim bawk* ka tih deuh hlar chuan a ngawi hmak a, a off chuang silo a min ngei lawk a ni ngei ngei ang.

*Lalduhsak*

*ka hmingpum hian min ko ve ziah suh o, Zothansang* min ko ve tho sia.

*kan kal dawn nia..* ka tih chuan a te thawt a,

*ka insiam nghal* tiin phone a cut nghal bawk.

Kal chak lo viau mai ila chak na lai chu a awm ve tho a lawm, tho chhuakin Ka inthak ve a ka sam ka tawn sang vah bawk a, min lo sawm hun hun ah ka chhuak nghal tharh thei tawh ang.


Min20 hnu vel ah min lo call leh nghal a, ka chhuah chuan an bike ah theuh an lo thu ran a, Saktei chu Petera hnungah a thu leh a ka ngei lek lek a ni, ''Denny chuang vat la, kal vat vat ang u'' phur aw em em hian a rawn ti leh nghal a, chhut deuh fawk hi ka chak thei ngawt mai.



Jordana bike hnungah ka lawn chu mak an ti deuh nge min en thup a, nidang chu nise Fred-a bulah ka chuang ngei awm sia a mak hran lo, ''ka tlan muang dawn miah lo a nia'' ka thut fel rual chuan a ti nghal a, chhuh ka tum chuang lo, ''I duh leh tlan vawk vawk la ti nia'' tih pahin ka phone hum ran chu ka lek phei a, ban in a Jacket ipte ah a thun nghal bawk a, ka kekawr ipte a ka dah chuan a tlak palh ka hlau. A kawngah ka kuah nghal hlun a, tlak chu ka hlau ve tho a lawm le. A speed a sang thei bik ropui si, inring ran hian awm ila a fuh ber.




''A nih chuan kal ang u'' An tih tak ah chuan an ti nung nghal hlat hlat a, Fred-a a dawk chhuak nghal pawp a, a kawi lai ah chuan a liam rang khawp mai, ''Jordan leh..'' Tih pahin an tlan ve nghal siau a, ''chi loh khawp mai'' ti a phun sup in ka driver a pawh chu a dawk nghal zawk hi nimai, chak fiai fiai tak a ni kan hma a tlan pawh kan pel nghal pawp pawp a lawm le.




A ding rual chuan ka bu deuh lawp lehnghal a, ka chhung tawh lo ang ka hit chhuak vek a lawm. Sport laia kan kal na hmun ah khan kan kal a, Fred-a pawh waiting shed ah meizial zui in a lo thu kur a, mak ka ti khawp mai.




''Ehe..meizial a zu'' ka tih chuan a thlek ve zeuh a, ''chhuk mai teh'' min la ti zui a, ka thut char char nghal loh ah. Ka chhuh fel chuan kan thiante ho pawh chu an rawn thleng ve nghal a, Chawlh bukah pawh chuan ka la lut ta chuang lo, a meizial zu chu mak ti viau mahila a ti pa zual sawt leh nghal a, mahse a zu ve thin chu a mak ngei mai.




''Lalrinkim'' James an a tih lauh chuan ka mumang bawk ka ngaihtuah let leh a, ka luak a chhuak nghal hlui mai, ''lut ang'' Saktein a tih chuan ka bu mai a min kalsan nghal bawk. Chawlh buka thu te ho lam chu ka melh vang vang a, ka a thei mai dawn in ka hria.





''Lal de lo lut ta che'' Saktein a thut na tang mi rawn auh chuan ka en heu a, min lo en ve thap bawk.





Saktei rawn phei tum chu Peteran eng emaw sawi in amah zawk ka din reng naah chuan a rawn phei a, ''ti nge?'' A ti nghal sup a. Kan thiante ho awmna lam chu ka hnung chhawn nghal bawk, ''Peter'' ka tih chuan ka hmaah tak din in min en nghal vung vung a,





Melh chho ve in, ''Tu nge Fiona-i'' ka tih sep chuan ka dar tawn tawn ah chelhin, ''I hria em?'' A ti nghal a, a aw chu a khur ten ka hria, ''in hriat kha ka ring reng a'' tiin ka nui deuh hak a, ka tah a chhuak em em bawk.





''Denny'' a tih leh chuan a ban chu dah thla in, ''tu nge Fiona-i leh û Andy-a chu Zomuanpui?'' ka ti tiau a, min chhang ngei ngei se ka tih vang a ni a hmingpum a ka koh, ''ka hre lo'' thaw hak a atih chuan ka mittui a luang ringawt a, ka dinnna hmun ah chuan ka thu sawp nghal tawp bawk, ''ti nge engmah in sawi duh loh a'' tiin ka insut ri hraih a. Fiona leh Andy hming ka sawi chhuah hian ka rilru ana em em a achan lah ka hre der silo.





Ka melh chhoh chuan min lo en thla ve run a, ''tu nge Hriata te kha?'' Ka tih leh sep pawh chuan lu a thing nghut a, hmui pet fan fan in ka en tawp ringawt, ''Eng nge thleng?'' Ka hnunglam atang a rawn tih chuan ka che eih lo a, Petera chu ka la melh ngar ngar bawk, ''lo va pheila'' a tih leh chuan min en zawkin a kalsawn a, ka hma ah tak Fred-a chu arawn thu hniam a, ''tap lo la'' tih pahin ka biang tawn tawn ah a dawm a, ''tu nge I nih?'' Ka lo tih chuan hnuai lam bihin a thaw hawk a, ''De'' A tih thawp sup a, ka melh ngar ngar ringawt.






Tho chhuakin ka in tuai puat puat a, ka nuamlo a ni deuh tawp mai, ''min lo thlah'' a thu kun reng chu en in ka ti sep a, haw a ni ka duh ber mai chu, ''I dam ti raw?'' Rawn ding chhuakin a ti a, ka bu nghat a bike an dah na ah ka phei nghal daih bawk. Fred-a pawh chu waiting shed ah chuan lut zuai in a rawn phei nghal a, ''lo chuang rawh le'' dam deuh a atih chuan ka lawm kai ve vat, ka zawi bawk nen zak buai peih loin a kawngah ka kuah hlan a, ka be hle hle bawk, ''ka tlan aw'' min ngaichang deuh a arawn tih leh chuan ka lu ka ti che zeuh a, a hrethiam a niang a tlan nghal mai bawk.





A ding dat chuan ka chhuk thuai a, ''ka lawm e, chaw ei tui'' tiin ka kal nghal a, ''De..'' Ka hawi let leh zawk a, ''tiang hlir khan min ko rawh'' tiin ka nuih sang a, 'De' ti a min koh khan ka hlim ru veng veng a, eng emaw bik riau hian ka hria a lawm, ''bialnu ka nei lo'' a tih leh sup chuan ka melh nghal zawk a min en chiang khawp mai, ''imm, chaw ei tui'' ban vei zeuh in ka tlan nghal nal nal a,




In ka luh rual chuan thawk ka la ham ham a, ka lung phu ri chu a ring mah mah ani, obawiha lo kal phei chu a kawr ah pawt in, ''û min han sik teh'' ka tih chuan a ner nang a, min sih ka rin loh em avangin a shirt chhung ah zen in ka piai vak a, a rak thawt chuan ka nui hak hak a, room ah ka chhoh san daih bawk.




******
******



School pawh kan kal ve leh zel a, test neuh neuh kan nei thin bawk nen a hahthlak thei khawp mai. Sunday tlai atang khan kanu te chuan an tawng an veng fimkhur khawp mai a, mahse ka la hre vek dawn tho.



Petera ka be tha vak peih lo a, achhan chu ka ngei miau hek. ''Denny, saw enteh a rawn kal leh tawh'' Atlein min hrilh ruk chuan kawngkhar lam la hawi vat a ka ner nghal sawk. Tluangi chu nuisang hian a rawn lut a, Fred-a bulah a va kal nghal tharh bawk a, dawhkan ah ka bawk nghal daih.




Class khatah chuan kan awm ho vek tawh a, pa4 te te in kan thu bawk a, Atlei te nen thu hoin a kilah Saktei a thu a, a dawt ah kei, Atlei chuan Lawmtei a sirah a thu a nih chu.




''Chhuak ve daih ila'' atih chuan ka thungil ngal thuai a, ka sam tawn tha leh te tein ka ding nghal zat a, ''Saktei te zawng ang'' ka ti a, Fred-a thutna lam ka hawi chuan min lo en ve kur a, Tluangi pawhin min melh no lemlo khawp mai. Ngah nge maw min ngei ve ngawt ni?




''Bialnu ka neilo te a tivel a daw heh lutuk'' kan chhuah rual chuan ka ti nghal nang nang a, ''a bialnu chu a ni tawp lo ang, tluangi hi a zaklo ve hrim hrim a'' Atlein a tih chuan ka bu nghat nghat a, kan class ah te hian a rawn lut tlang tawp tawp zel a, zahna hi chu a neih loh hmel ve hrim hrim bawk.




Saktei te chu thingbuk hnuai ah bawk an lo thu a, ''ka tel lo chuan in hlei rei thei meuh na nge'' min hmuh rualin a lo ti nghal thaw a, ''broken heart kan awm a lawm'' tiin Atlei chu a thu thla ve nghal zat a, ''A mak thei e'' Lawmtei a tih chuan an nui ho vak vak a, ka ner ka ner ringawt.



******



Gate atang kan chhuak fel leh tawh a, school mangtha hi a lo nuam ber mai, ''min kuah ziah suh, a lum thei si'' ka tih hlak chuan min piai vakin, ''tunlai I thinchhiat reuh zia hi'' Jordana chuan a ti a, ka biang a thip hlar mai, ''zanah hall ah kan kal dawn a sin'' a ti leh nghal zat a, ka kal ve chuang lo ang, ''ka ve ang, De'' Saktei pawh chuan a ti leh reng a ka 'aih' nghal zat a lawm.




Ke a kan chhuh thlak them them lai chuan kan zawnah bike an rawn ding a, horn an la hmet vak zui, ''lo chuang ula'' Ruatpuian a tih rual rual chuan Jordana a lawn kai nghal a, Petera pawh James a hnungah a thu nghal bawk, ''lo kal rawh ka phur ang che, Sakte'' Rs-an a rawn tih chuan ka lo ner nang a, ''I duh leh chuang la'' min rawn thlek ha avang chuan ka lo ti zat a, ka kal thla nghal daih bawk.





''Denny, rawn chuang ta che mawle'' hnunglam atang chuan Jordanan a rawn ti lawng lawng a, ka peih teuh lo mai bialnu nei hnungah ka chuang awm lo rapthlak lutuk.




Min tlan peih chuan an horn an hmet tliar tliar a, ka lo ner nawng nawng thung, ''Denny, lo chuang la'' ka sirah muang chang in a tlan a ka melh eih lo, ''ilo chuang dawn em?'' A tih leh nghut chuan, ''bike ah ka chuang peih lo'' ka lo ti a, a ning deuh a niang chu a liam nghal puat mai a lawm. Hrim hrim in 'De' min ti rawh ka ti ve reng sia a ngaipawimawh lo ve khawp mai.



Bialnu ka nei lo a tih khan ka lawm ve hman teh reng nen a tuk zing ah min lo walk san daih a, a haw lam nen kan in tawk a, Tluangi nen an lo walk dun reng a ka ngei reuh khawp mai, khata tang khan ka la be vak lo hrim hrim a, a bialnu a nih tho te chu ka la ring a, lang si lo hian ka broke em em a ni.



******



Zan ka mu chu ka harh deuh kawk a, ka thlan nasa khawp mai.


Ka mumang ngai bawk ka mang leh a, ka hrethiam tawh bik lo ka mang nawn tluk tluk a, Fred-a ka hmu ve zeuh zeuh thin bawk. Ka dang ro bawk nen Inhnuai ah tui in tur in ka chhuk them them a, dar 2 a ri tawh.



Tui ka in zo choh leh nghal mai ka tum chu tawng bul bul thawm ka hriat a vangin ka han ding vang vang phawt a, ka hlau hman tep nain kanu te room atang a rawn chhuak a nih vangin ka kal hnai a, tun ang tlai tawh lutuk ah eng nge an sawi re re ni.




''Ka rilru a hah e mai'' a in sut ri hraih a, kanu a ni

''Engte, tiang a I awm reng chuan Mate hian....'' A sawi zo hman lo. ''Check up tur chuan hruai tawh mai ang, ka ngaih a tha theilo'' eng nge maw a awmzia ni nuai nuai ni?


''Mate'' ka bottle ken ka thloh pawp a, kanu te pawh an ngawi nghal a keipawh ka phu nasa lutuk, ''eng nge kha tah I tih?'' ka bottle thloh chu chhar in min en ran a, ''û..tui ka in mai mai''




Kanu te kawngkhar a rawn inhawngin chuan kan inhma chhawn nghal ran a, ''Mambawih'' kapa in a tih chuan, ''ka mu dawn, ka mut a chhuak'' tiin ka pen sawn nghal hlawk hlawk a, obawihan, ''sawi in nei em ni?'' A tih ri pawh chu ka hre pha.



Roomah lutin ka mu nghal a, bottle pawh chu ka keng ta chuang lo bawk. Check up ngai ka ni em tih chu ka ngaihtuah tluk tluk a, mut lam reng a lang thei tawhlo.



Thil ka ngaihtuah nasat poh leh ka lu in min tur thin a, ngaihtuah tam loh ka duh law law, chutih rualin thil awmzia hriat vek ka duh bawk si. Ka rizai sin lai chu ka tlawh hlim pawp a, thu chhuak in ka room tukverh lam ah chuan ka phei a, chair inhung ah chuan thuin pawn lam thim mup chu ka thlir vang vang a, thli thaw chu a vawt ver mai.




******




Fred-a nen a kan chawlh ziah na thin ah chuan ka ding vang a, thli in a hnah a chhem rik bak chu thawm dang hriat tur a awm lo.



Dar4 ah walk turin ka chhuak a, tui in tur a ka tho kha ka mu leh tawh lo hrim hrim bawk. Fred-a nen a kan walk dun lohna pawh thla1 lai a ni der tawh. Sunday tlai atang khan thla1 a liam leh tawh a nih chu.



Thil chi hrang hrang ka ngaihtuah lai chuan ka zawn ah a rawn ding a, ''tukin chu I tho hma hle mai'' a tih chuan ka nui suk a, min biak hmasak hi chuan ka khawvel hi a parchuai mai zel hian ka hria.



''Ka mu theilo a'' ka tih chuan min chang loin a ngawi reng a, ''kan let dawn em ni?'' A tih chuan ka bu nghoh a, a kal nghal mai bawk.



Zui mai loin a hnunglam atang chuan ka en ran a, ka ngai deuh riau te a ka in hriat vel chu.



''K...''(thluk deuh raih a chhiar tur) ka tih chuan a kal lai chu ding chawtin a rawn lehhawi a, ''eng maw I sawi kha?'' Ti sup in min en ran a, a zam hmel hle bawk.




''K..leng dun ila'' nuih sen sen a ka tih chuan engtik laiin nge ka bul a lo thlen hman ka hrelo, min kuah deuh thlawp a, thawk a la nghal suai suai bawk.



Min kuah reng chung chuan ka beng bulah, ''ka ngai che'' a tih thawp sup a ka lo tim chuai thei, mangram a cheng ang hial a ka in hriat chu le..



Ka mumang a ka tih thin dan bawk chuan, ''k...leng dun ila'' ka tih leh sep a.

Min kuah reng chung chuan, ''nangmah tein leng dun rawh'' a rawn tih ve leh ruih chuan ka nui chhuak hak hak a. A tak a lo ni chiang a lawm.



In la hrang in ka biang tawn tawn ah a dawm a, a hmelthat zia hi, ''De ka ngai che'' a tih leh sup chuan ka lo nuih ver ver a ka hmui ah a rawn fawp thut a nih chu.



(A tawp tep tawh bawk a comment theuh ang u aw..)



********************************************


Show post links
Top

[Ngaia]

Chapter~24



*



Ka za nghal chuai a, ka meng phawk khawp ang. Inla hrang hlekin kuangkuah hlun in min en a, a la nui suk suk zui, tha ti viau mah ila ka irh leh tawh.!





A rawn nuih chhuah hawk hawk chuan ka en reng a, ti nge le a that chiang kuang bik em em ni, ''kal tawh ang'' min rawn en rual chuan ka ti sep a, ka kalsan nal nal bawk. Thui pawh ka kal hman chuang lo ka hnung lam atang min rawn kuah thut a, tukin zing hi eng nge a hriat le.





''Khawi maw min thlah teh, min an lo kal ang'' a kut phelh tum chuan ka ti ngar ngar a, a che sawn eih lo, ''ramhuai bak lo kal tur a awm lo'' a ti a, ka darah a a lu a nghat a, a thaw hawk hawk bawk a, thaw ip pik lutuk hi ang ka ti ber.






''Na...ninawm'' ka tih sep chuan a ban a dah thla a thaw hawk in, ''ka bialnu ni ta che?'' a tih ril ruih chuan, ''tak tak maw!!!'' ka ti nghal thuai a, ka hmui ka hup rang khawp mai.




Ka hma ah rawn ding in, ''tak tak....'' Tiin a thluk deuh ruih chuan ka en chho ha a, a nuihzat hmel riau a ka hriat chu, ''I duh em?'' A tih nawn leh chuan, ''duh e'' ka lo ti nghal thuai a, ka duh miau sia lawm, ingaihtuah na hun tih vel kha chu ka mamawh ber a nilo.





Nui sukin ka hmui a fawp leh zeuh a, ka mur chhuak nghal chuai a nih chu......, ''kal ang le keima bialnu'' tiin ka ban ah a kai nghal a, ka hmui ka liak zeuh a uiii khawvel nawm rapthlak zia mai hi, bialpa ka nei!!!!



******




''Sawi chiang ve la'' lunch break ani a dawhkan ah bawkin ka khi vur vur ringawt, ''sawi vat rawh'' tih pahin Saktei chu a rawn bawk ve a, ka lo khik khum thu ringawt.




''Awii a nawm zia mai kha'' tiin ka thu ngil a, ani pawh a rawn thu tha ve nghal, ''bialpa ka nei nia aw'' khi thaw in ka melh a, ka sawi zawh rualin hmui hup in ka au vak bawk. ''Bialpa ka nei ka tih chu....'' Engmah a sawiloh avang chuan ka ti tha leh a chutah a rawn nui vak vak a, ''I va han rawp tak'' min ti hlauh a nih chu. Henu pawh hian a duh chin bak a awih ngailo re re mawle.







Tukin zing chung chang vel ka hrilh tak a chuan a te teng tung a, a over fal leh nalh mai a lawm, ''chuan Fred-a chu I hre tawh tih na naw?'' A tih chuan ka en nghal haw a, ''I lo hre char char zawk em ni?'' Ka ti a, min chhang loin a bu nghut ringawt, ''ka hriat thin lai ka hrelo a mahse ka mumang a ka tih thin dan a ka tih khan atak a nih Tih ka hre chauh'' ka thaw halh a, ''en teh, Sakte dik lohna ka nei em ni?'' Ka tih chuan min melh vung vungin, ''Lal de, I nu te tha tak in zawt rawh'' tih zawng a sawi a, hei chu zawh ka tum deuh sa reng pawh ani.






''A nih leh ti nge kan hmuh tirh khan hrelo ang a I awm'' ka tih leh chuan a nui hak hak a, ''ka hre mai bik lo a lawm, an thang dang em a'' tih zawng a sawi a, a thawven hmel em em bawk a, chhungril ah kei ka lo pik churh ringawt bawk a, tunah tak hi chuan kan rilru chu a inperh san khawp ang.





Gate atang kan chhuah chuan ka kut ah kai in, ''ka rualin haw la'' a ti a lu ka bu nghat, ''Denny nuam ti lutuk tur hi ka zo lo'' ring zet in James-an a rawn ti a, midang an nui hak hak a, ngei awm zet a min melh zek zek tu chu lungte chhar in ka vawm nghal pawp a, ala fuhlo zui.






Inah kan haw mai dawn a maw ka tih laiin a peng kawi daih a, engmah zawt ta lem lo chuan ka thu ngawi deuh khar a, a tlan na lai tak pawh chu ka hre chuang lo. Bike a tih din tak ah chuan ka chhuk thla thuai a, ka hawi kual chuan phul hmun nimai in ka hria, a thawveng em em a, a fai sur bawk a, ni(sun) dul ruih te chu a lang chiang khawp mai, ''De, I bag kha lo dah rawh'' a rawn tih chuan ka bag chu phelh ve vatin bike sir ah chuan ka hung nghal a, ka dah zawh rualin ka darah kuahin tlem a hla deuh hlek ah chuan min phei pui a, nuam ka ti vel lutuk hi ka ning riau. Hehe,






''Lehkha I zir nasa tawh em'' a tih chuan ka ner ngal nung a, ''nasa rapthlak'' ka ti ve nghal zat a, a awih vak lo nge a la nui hawk zui. First term exam kan zo diah tawh a, ka la fail zui bawk a, kan class atang mi pa8 chiah an pass a James-a leh Fred-a an tel tih lo chu kan thianho pawh kan fail vek kha nia, thla leh lawkah hian second term exam kan nei leh mai dawn bawk, ''I fail leh a nge'' a tih chuan a ban chu dah thla in ka thu thla nghal mai a, ''min be hmasa char char ania aw'' ka tih chuan min si chet hian a rawn thu a, ''ti nge?'' A ti sup bawk a, ''min biak hmasak ngailoh kha aw'' lawm lo awka deuh a ka tih chuan a nui suk suk a, that hi chu a tha chiang a lawm.





Darkar 30 vel dawn lai kan thut hnu chuan bike dahna lam kan pan a, ''eng nge min duh chan'' bike awmna kan thlen chuan a rawn ti thut a nuih nghal var varin, ''aw...kan inhmeh em a lawm, perfect two'' tiin peace sign ka hmuh a ka biang ah a rawn fawp zeuh a, ''nang ve?'' Ka tih chuan min rawn kuah in, ''ka duh ber che vangin'' a ti deuh tawp a, awmzia ka hrelo nasa mai.





******






Zan riah kan kil lai chuan kan ngawi deuh thap a, kapa pawh a lo haw hma ve mial bawk, ''nizan ah kan room bulah ilo kal emni?'' Kanu in a tih chuan kapa in alo khap vat a, ka kal tih te chu a hre kur awm sia min han zawh kher, ''pa...kan in check up dawn ania'' ka tih deuh thut chuan min en ngal thap a nuih var varin, ''chuan maw pa, tinge chechup ka ngaih a'' ka tih leh chuan aw a thian khurh ringawt a, ''ka puar tawh'' ti leh thawh nghal ka rual a, ''mate, ka hrilh dawn che nia'' obawihan a rawn tih tak ah chuan ka nuih leh var var ringawt a, diktak chuan ka hre huphurh nasa khawp mai, car accident nen khan a in zawm ka ring deuh tlat bawk a, hre chak viau mahila awm chu a nuam lo ruih mai a lawm.






''Mate, min lo zuila'' a puar rual chuan a ti nghal a, keipawhin a hnungah chuan ka zui ve dat dat a, a room a kan luh rual chuan a khumah ka thu kai nghal tharh a ani ve thung chu a study table ngeng in a ding thung, ''uiii vel a che, I Thutak hmel'' nuih sung a ka tih chuan a khi ve suk a, a hmel a sawi a huphurhzia pawh chu ka hmu thei.





A aw a rawn then khur khur tak ah chuan ka zam vel nia, ''sawi mai la mawle'' a ka(mouth) ang zuai tawh a chip leh hmak avang chuan ka ti ngal zat a, ka sir a rawn thuin, ''mate...eng atang a sawi tur nge ka hrelo a lawm'' a tih chuan, ''Fiona-i te tang khan tan rawh'' ka lo ti nghal zeuh a chutah, ''Fiona-i kha I thian tha ber a nia'' a tih chiah chu, ''Saktei a lawm'' kalo ti ngal thuai a, ''nia..Saki pawh a ni tho a, Fiona-i chu tun a I kawm ai hian a nasa ang, unau ang chiah chiah in nia, Saktei hi I chu class5 emaw 6 atang bak in inkawm hlei nem'' a chapal bun lai phelh in a rawn lawn kai ve a min rawn en zeuhin, ''in thawveng dun a, la naupang viau e tilo khan hlauh pawh in nei ngai mang lo, khawiah pawh kal dawn ula in insawm ngei ngei a, then hran theih loh tluk in ni. Tuna Fred-a te awmna ah sawn an awm thin bawk a, in sualna zawng zawng ah lah in in tan fai vek zel leh nghal'' a nui hawk a, lukham chu lain ka lo pawm ve ngal tung bawk a, ka thin a phu dup dup a, ka lu na riai riai pawh chu ka hre thei.





''Sawi kual duah dan tur pawh ka hrelo'' a tih leh chuan ka lo hrethiam khawp mai, tawngkam a thiam lo ve em a, ''James, Rs-a, Ruatpuia leh Fred-a te ho hi chu I hriat ka ring a'' a tih chuan ka lo bu zeuh a, ''Petera leh Jordana te hi nen hian an inkawm khawm vek thin a, Andy-a pawh kha'' a tih leh chuan ka meng kawk kawk in a nia ka rin, ''pawl7 vel in nih atang in inkawm khawm a, in inzui nasa thei hlawm khawp mai, chuan Fred-a hi I duh thei khawp a''






Sawi chhunzawm lehin, ''mahse in ingaizawng lo a nia, thil tih na re re ah in thian dun leh anmahni ho nen in inkawp deuh chawt a, pawl9 in nih chiah khan Andy-a leh Fiona-i kha an ingaizawng tan a, an nuihzat thlak thei khawp mai. Hun a kal ve zel a pawl9 in nih kum tho hian accident in tawk ta a'' ka lukham chu ka tham vak a, ka lo thaw hak bawk, ''engmah hriat ila nei chuang lo emni?'' A tih chuan ka bu zeuh a, engmah hriat ka neilo mahse Ka sawi tawh angin Fiona-i leh Andy-a hming ka hriat hian ka hnim ruih mai.






''Sunday tlai, dar 2 bawr vel ni in ka hria Andy-a leh Fiona-i te nen in pa3 in Forest lam ah sawn carin in lo ride a ni awm e. Khua a thim dawn thleng pawn in rawn haw thei lo a, call lah in chang thei silo nen kan ngaih tha loin kan rawn zawng che u a, kan hmu meuh cheu kha chuan dar8 a pel tawh. Hospital kan pan hmain Fiona-i leh Andy-a hi chu an lo thi fel tawh a, an taksa pawn lumna lai reng a nei tawhlo, hmanhmawh takin damdawin lamah kan hruai che a darkar nga dawn icu a in awm hnuin I marphu a pangai ve chauh bawk'' ka lo thaw hak a, ka mitthla ah truck nen kan in sut lai bawk chu a rawn lang leh nghal a ka tim chuai thei, ''mate..I hnar a thi a nia'' a tih chuan ka dak nghal vat a, a rawmawl in min rawn dawm sak nghal bawk.







''nu!!'' a tih chuan ko lo turin ka lo ti thuai a, a chiai nasa dawn e mai, ''a hma in a thi thin em?'' A tih chuan chang loin rawmawl chu keiman ka dawm a, ''a reh ve mai ang, sawi chunzawm la'' ka tih chuan a thu thla leh nghut a, ''sawi tur dang a awm tawhlo'' a tih chuan ka awih lo nasa khawp mai, ''hospital ah chuan ka awm rei em?''




''Tla5 vel chu I awm''

''Mahse û class 9 kan nih lai ka hria mahse Fiona-i te chu ka hrelo'' ka tih leh chuan

''Ilo harh khan I thiante tumah I hre tawh hlei nem, doctor lahin kan hrilh che chuan I thuak lam a nghawng a hlau nen engmah kan sawi lo. I hriatna I hlauh a nih ber chu''


''Saktei te ka hre tho sia?'' Zawhna hlirin ani ka khah.

''Nia..a then chauh, hospital atang I chuak a eng tin tin emaw hnufual loin class ah I thu leh thei mai bawk a, Fred-a te pawh Delhi lamah a pa an transfer avangin an chhuk zui bawk a, midang pawhin an school luhna an sawn vek bawk a, in keh darh anih ber chu'' a tih leh chuan ka mu deuh tawp a, ka hnar thi pawh a awm tawh lo.







Thil chi hrang hrang ka ngaihtuah kual a, ka û thilsawi chu awih tur a nih leh nih loh pawh ka hrelo a sawi chipchiar lo ropui mai bawk si. Ka nui hak a, kei hian ka hriatna ka hlauh a maw? ''Mate...'' Ka û a rawn tih chuan ka mittui chu ka hru thuak thuak a. Fiona-i te ka hre thei lo chuan hreawm ka ti a, thil dang erawh chuan min thawng teh chiam lo.




******
*** 2 months later ***




Hun hi a kal chak khawp a obawihan thil eng eng emaw min hrilh zan atang khan thla2 a liam leh tawh a, exam pawh kan zo leh tawh bawk a ka fail leh tho a ka thian te pawh chuti tho chu an ni.




Kapa nen pawh in check up tur chuan kan kal ngei a, min lo entu pa chu ka accident lai a min enkawl tu tho a lo nia, ''kum thum hnuah in rawn kal ve chauh a maw'' tiin min lo zilh hrep a, za lo lutuk in ka nuih ve suk suk kha, ka result a lo chuah khan min thawnglo chu ti ila dawt ka sawi awm si a, min thawng ve khawp mai a mahse tin dah vak ka hrelo a sawi chuah pawh ka tum chuang lo bawk.





''Engmaw I birthday ah chuan I dawng'' Saktei chuan a tih leh a vawin ah ringawt pawh vawi10 dawn min zawt tawh. Nizan ah ka birthday kan lawm a kum17 ka pum ve zan tawh a nih chu, ''bialpa neih tak avang a thuruk neih'' a tih chuan ka nui chhuak thawt a, ''Zothansangi leh Lalduhsaki kha ding rawh u'' ti in a zawm nghal zat bawk, ''chhuak rawh u'' kan din rualin miss malawmi chuan a ti leh nghal zat a, ber bur hian, ''sorry miss'' Saktein a tih pawh chuan chhuak ru min la ti talh a, chhuak ila ni mai a lawm.





Kan line atang kan chhuak tur hnunglam ka hawi chu Petera leh Jordanan min la rawn bye bye zui a ka va khawng deuh pawp dawn a mawni, ''nagmah vang a nih hi'' kawngka atang ka chuan dawn chuan ka ti hram a, ''let ula, ngaithla ang cheu'' miss te reuh pawh chuan a rawn ti leh a, chhuah ka duh tawh zawk a sin le.




Dar a rawn rik rual chuan an yess hluai a miss in a hrem leh phawt a, ka duh aiin a chhuak har daih, ''eng maw a pek che, Zothansang'' miss chhuah rual a atih leh chuan a hnungah ka beng pawp a, min beng let ve nghal thuai, ''kan zung dawn a sin'' Atlein a rawn tih chuan ka bu nghat a ka chhuak peihlo, ''keipawh ka chhuak peihlo'' Saktein a tih chuan Lawmtei nen an in zui chhuak ve nghal mai bawk, ''engvak mah pawh nilo'' ka tih chuan a ner nasa khawp mai, ''tak tak ah'' tiin ka han nui deuh hak hak a, ''ih maw, silver thi min pe Chocolate leh rose nen'' ka tih chiah chuan a au vak a, ''awi a nuam e'' a ti nghal chul bawk. Fred-a nen pawh kan la ni tluang zel a, a nuam rapthlak khawp mai.





''Saw le, ral lian'' a tih chuan a hawi na lam ka en thuai a, Tluangi a rawn lut chiah bawk a, kan thutna kal pelin Fred-a sir ah a va thu than a nih chu.., ''awi a zak lo e ka ning'' ka tih chuan nui thu in, ''I thik thu a che ve sia'' a ti mai a, ka nuih a za vak lo, Tluangi pui sawn a rawn be siam siam zel leh nghal a, ka ngei ber bur khawp mai, khawvel hi a ti nuam lo.





Tum deuh bur a ka thut lai chuan ka sir ah Mathew-a a rawn thu hlauh a, hepa pawh hi an chhung in an lo zin daih a ka hmu khat khawp mai, ''eng chu maw min lo hawn a'' melh pah a ka tih chuan dim tein ka chal ah a beng zeuh a, ''I tih leh chuan ka khuai nuai ang che ka tih kha'' ka tih leh pawh chuan a nui mai leh nghal a, ka ngei mai dawn in ka hria, ''hnung lan han hawi de de teh'' ka piah chiah a thu nu pawh chuan hma lam a rawn kun duk chung hian a ti zawi sap a, Matt-a alo nui deuh huk chu a han khap leh nghal zat bawk a.





Engmah ngaihtuah lem lo chuan Matt-a chu ka kut dinglam chuan ka han nem deuh a hnunglam ka hawi mai chu in melh rum vang a thih theih chu nise ka en rual khan ka puak nghal chuai ang mawle. Fred-an rum mang kheng hian min lo en a, a sir a thunu lah chuan Fred-a chu a be deuh siam siam bawk a, sawi hmaih theih loh ka hawi rual khan Lal Jordana te ho in min lo nuih thu bawk.





Ner zeuh nawng in ka hawi let leh a, ka lawm bik re re hleinem, ''ka hawi khan ka hmu thut nen ka hlau hman a lawm'' Saktei pawh chuan a sawi chhunzawm leh a, a meng rum rapthlak ve bawk em ani mahse a that loh pah chuang lo re re. ''Chuan eng maw min hawn'' ka tih that leh chuan, ''thil hawn ngam I ni lo'' min ti daih a hrilhhai deuh a ka melh chuan, ''I bialpa in min sawp nek duh ang'' a tih chuan ka awihlo nasa khawp mai, ''hawn lo ti ve mai ta che'' ka ti deuh hlar a, ''zial I zu ve em?'' Saktein a rawn tih ve phut chuan ka melh ve nghal a, ''teuh lo'' tiin a nui deuh suk a, a zu tihna. Fred-a zial zu pawh ka hmu leh tawh lo re re a, a nghei tawh a nih ka ring.






Dar3 a rik chuan bell a ri nghal zat a, ''thank you sir'' tiin kan bag kan ak sap sap a, kan chhuak nghal dial bawk, ''lo nghak ang'' Saktein a tih deuh tlat avangin Kawngkhar pawn ah kan thiante kan lo nghak a an rei zek lehnghal, ''vawin ah in inbia ka hmu miah lo'' a rawn tih leh chuan ka nui tawi deuh tuk ringawt. ''Nge a thinrim ngawt'' ka tih deuh hlar chuan a chek tlak tlak a, a tul lo ber e.





An rawn chuah ve hram tak ah chuan step ah kan inzui thla diah diah a, kan hnung daih a Rs-a nen an kal rual a, James-a nen kan inbe thla nghat nghat bawk, ''Matthew a bul ah nghah nge I thut dawk dawk a'' a tih chuan a bag hrui ah ka pawt deuh pawp a, ''ka thu dawk dawk lo chiang e'' ka tih chuan min en thla zawkin, ''lo thu mah se in nui duh nasa em..'' A ti leh vel a a thianpa chu ava han tan tak, ''I tan e mai'' tiin ka ka hnung a kal Saktei, Ruatpuia nen a lo in be ve mawlh mawlh chu kai lawp in ka pen thlak pui nghal hlawk hlawk a, ''Ka thlem dawn chuanglo che'' a la rawn ti leh hram a, hepa hi kei ai in sang viau mahse ka la chhip thlak duhlo ang tih pawh a sawi loh theih loh.






''Ui I mak thei e, ka hah'' gate kan then thlak rual chuan ka vawn na kut a thing thla lawp a, ''a sual em a nih kha'' ka lo ti ve hram bawk, ''be hmasa mai la'' te chu a la ti ta deuh deuh a, min tihtauh pui thei ngailo re re, ''min tan ve eih thin la'' ka tih chuan a ner nung a ka thiannu a nih pawh hi ka ring tawh lo e a. Tawng leh ka tum lai tak chuan horn a rawn ri deuh vak a, ka hawi phei chuan kan hma lawk ah Stephen-a bike ah thuin min lo nuih vur a, ka pan nghal thuai.




''Eng nge I lo tih dawn, kan van in hmu khat em em'' ti in ka nuih nghal var a, ''ka lo nghak che'' ka biang ah a piai vak, ''I mak e'' a kut chu ka beng thlak sak a, ''tak tak ah, in school bul ah hian thil ka lam a, I û in rawn lam haw tur che in min ti ngat ngat sia hei ka lo nghal che'' a ti a, a tukhum a hiat neuh neuh bawk a, a thak vang pawh a ni tawp lo ang.




''A nih chuan I rualin ka haw dawn'' tih leh lawn ka rual a, kan thiante lo chuak ka hmuh vang pa1 ani, ''helmet hi lo keng teh'' a rawn lek phei chuan ka lo la vat a ka khum nghal thek bawk. A tih nun vel laiin kan zawn an rawn thleng ve chiah a, ''lo chhuk rawh'' Stephena kawr ka vuan na ban rek ah chelin a ti sup a, ''Û stephen-a rual hian ka lo chhuk ang'' ka ti a, helmet ka khum bawk nen ka aw(voice) chu a thum huk a, ka nuih aza ang reng, ''Denny, bike kan keng loh vel ah ti nge min phat san'' James an a rawn tih ve zeuh chuan ka lo melh rum nghal ul a, niminah pawh an keng tawp lo. Ka hmel an hmu theilo tih hre chhuak thut in ka nui nghal vak vak a, an hamhaih nasa khawp mai.





''Vat la'' Fred-an a tih leh chuan stephen-a ruala ka chhuh tur thuin ka chhang leh a, ka ban a vawn na chu a na sauh mai, ''ana a nia''ka tih pawh chuan a thlah duh thak lo, ''Fred, Denial an rawn lam turin min tia, chuvang mawle'' Stephenan a rawn tih ve pawh chuan min melh ngur a, he helmet full face dum khup atang pawh hian ka hmu chiang khawp mai, ''Zothansang I rawn chhuk dawn em'' a tih leh hmuk chuan ka melh ve ngur a, min vawn na chu dah sawn pawp in helmet chu ka phelh a, ka melh no lo ve viau khawp ang, ''ka hmingpum khan min ko kher suh aw, Lalrinkim'' ka ti ve sak chuan a nui hawk a, ''kal tawh ang'' ka ti nghal zat bawk a. Fred-a pawh a kalsawn nghal nul nul a, haw kawng lam ah pawh a kal lo, ''rawn chhuk mai ta che'' Saktein a rawn tih chuan midang ho pawh chuan an lo tui hnih ve nghal zat a, ''In mak ve ngawt mai, engtin mah ka ti lo a ngah nge a thinrim ve ngawt, inla tan vek zui bawk a, ka thian in nih ve pawh ka ring lo. Fionai ka ngai'' tiin Helmet chu ka khum leh a, stephen-a hnung ah chuan ka beng deuh pawp a, ''kan kal'' tiin a thlan chhuak zui ve nghal bawk.




Kan veng kan tlan luh chuan, ''ti nge I thiante kha tiang khan I tih kher'' a rawn ti lang lang a, ka ngawi khar. Ka tum em em vang a sawi pawh ka ni hran lo, thil min sawi rem pui ai chuan min hau ve ringawt a, kha khan Fionai min hriat chuah tir deuh zawk nen ka sawi a pawi pawh ka ti em em lo bawk, obawiha thil sawi vang te pawh kha ani ang.





******



Tv en in ka thu kur a, eng nge ka en pawh ka hre chuang lo, Fred-a kha a haw hma a ngem tih ringawt ka ngaihtuah a, a on9 thei der silo a ka ning lek lek a ni, ''ui mate, I hnar kha'' ka nu in a rawn tih chuan ka dak vat a, hlapua min rawn pek te chuan a kut khur chu ka hre thei. Ka hnar hi zantin a thi deuh ziah a mahse a rei ngai lo thung, ''kal nawn chu I duh tawhlo tak tak emni'' ka nuin aw khur lek lek a a tih chuan ka nuih sang a, ''Lal anu chu I rilru I tih hah thei lutuk a'' ka tih chuan a nui ve suk a, tv a en pah chuan min rawn melh zeuh zeuh bawk a, a ngaih a tha lo hle te pawh a niang. Dawhkan a ka phone dah a rik chuan ka va la thuai a, ka nui nghal ver ver bawk.


*chaw in ei tawh em?'' A ti deuh sup a, awm a nuam nghal veng veng mai.

*imm, in ei tawh em?*

*imm, lo chhuak lawk la* a tih leh chuan ka nu va melh zeuh a, ''nu pawnah ka chhuak lawk dawn'' ka tih chuan a bu nghat a *ka lo chhuk* ka tih zawh rual chuan a off nghal daih bawk.



Kan dawr kawtah a lo ding vang a, tunlai tak chu dawr kan hawng khat khawp mai, ''min ngai chiang mai'' a hma a ka din rual chuan ka ti nghal zat a, ka nui vur vur bawk. Ka kut ah kai lawp in an inlam ah min hruai a, garage chhung ah min kal pui a, a thim reuh khawp mai, ''eng nge....'' Ka tih mek laiin min rawn kuah deuh tawp a, ''ka tihpalh'' a ti sup a, kuah let ve vatin ka lu ka ti che a, ka mittui a hnai kur ringawt mai.


''De, khawiah mah kal suh'' a tih chuan ka ngawi kar a, ''I hria ti raw, khawiah mah min kalsan suh'' ngelngawn zet a a tih leh chuan ka nui hak hak a, ''ngah nge ka kal ngawt ang'' ka tih chuan a ai a nghet in min kuah bet tung a. Ka awm a ti nuam lo khawp mai.




*******************************


Show post links
Top