THALUNGMAWLI BY Tluangpuii Cck (Completed)

[Ngaia]

Nula senior pawh ni mahla ka hmangaih tho che .. Nupui nei rual ni tawhlo ila chuan nuthlawi zun ah pawh ka la uai peih reng asin.


CHAPTER : 1




" U Zualte zanah kanlo leng tak tak tawh dawn" .... Heng naupang ho lah hi a , ka chhang chhang leh pawh rual lo tur lenghal nghal hlawm lutuk. " Lehkha te zir ve ta che u" ka chhan dan avang a nuam tilo hmel pawh an pu leh chuang miahlo. " Zualte, len tir ve mai mai la" ka thiannu Mapuii chuan a rawn ti sar sar a ,chhang buai tawhlo chuan Mapuii te inchhung ah chuan ka lut zui nghal a. Ka thiannu pawh chuan min rawn zui lut ve nghal thuai bawk a .


Zirtirtu hna ka thawh tantirh atangin he khua ah hian ka awm tan a , thingtlang ka lo hmuh dan leh ngaihdan letling thawkin he khua hi a nuamin a khaw mi te pawh an fel em em a ,a bik takin Mapuii te chhungkua hi. Mapuii pawh hi High school zirtirtu tho ni in kanin kawp chawt a ,kan thawhna hmun a in ang bawk nen kanin kawm tam phah viau bawk.



Ka awmtirh khan chhungkhat han belh mai tur ka neiloh avangin Mapuii te chhung hi ka bel a ,ka pa hmelhriat te an nih vang a in hre pawh chauh kan ni bawk. Ka beisei phak bak a tha in min dawngsawng a vawin thlengin, an fanu nen a danglamna awm hauh lo a min en thin chuan min ti lawm a ,keipawn ka theihtawp in ka duhsak in ka hmangaih ve bawk .



Mahni a ka awm hran dawn thleng pawn min ui der ve viau a , khatia han fin ve reng kha a zia ka tilo bawk nen an remti zanlo chungin an kawmthlang in ruakah chuan ka in bengbel ve a ,chu chu kei leh ka chhugte duhdan pawh ani. Mapuii te chhungkua hi an fel a ,an lakah vuina tur reng ka neilo mahse mihring ze diktak hriat a har a engpawh tawk dawn ila lo in ven lawk kha ka duh ani. Tun thleng chuan lungawilohna leh vui vaina tur ka la hmu hauhlo.




" Zualte.. Chaw I ei nghal ang tiraw" Nu Sangtei Mapuii nu chuan min hmuh rualin alo ti vat a , keipawn ka ei nghal tur thu ka hrilh ve mai bawk a . " I thiannu hi lo hau ve teh ... Sangzuala te ang tlangval fel lutuk kohhran leh khawthlang ah in hmang bawk si ,ka duhlo e te a ti kual a ... Thanpuia te hi alo zui kual leh mai mai ang tih ka hlau a nia" nu Sangtei chuan a ti zui bawrh bawrh a ,nuih in sum zet a Mapuii ka en chuan a lo ner nang nang a .



" I mipa duhzawng ngawt min ngaihzawn tir tum suh.... Sangzuala te chu a fel leh lutuk a bakah a pa lo emai" ka thiannu chuan a nu chu a chhang let ve zat bawk a . Nu Sangtei chu a chek tlak tlak a " pa leh pa loh mai mai a ho emai, pasal pa lutuk neih te hi hlauh zawk tur ".



" Pasal nei rual I ni tawh.. Zualtei te hi en ta che mipa in nghahna tlak a thlan chat mai hi" .. Min sawi tel avang chuan kalo nui mai a , mahse chutia min fak zauh rual chuan ngaihtuahna ah Ruatfela a rawn lut nghal zat a . " Kanin then tawh" tih mai ka duh a mahse a chhan min zawt leh ngei awm sia ka sawi chak rihloh em avang chuan ka ngawi ta zawk a . Ruatfela hi chu ka u nen an inkawm nasat avang hian ka hnathawhna hmunah hian alo zin ve fo a hei vang hian nu Sangtei te pawh hian an hre viau a ,an fak viau bawk.




Keipawn kum hnih liamta thleng kha chuan sawiselna tur ka hrelo ,pasal a tan a ka duhthusam leh ka mipa hnaih awmchhun a ni thin. Pasal nei rual ka nih ve tawh vangin neih ngei pawh ka duh a chutiang rilru chu a pu ve ni bawk in ka hre thin. Mahse min lo bumin midang nen a min kawp in a lo fawr kual nasa thin tih ka hrechhuak a , chumi tumah pawh chuan thiam tak a min dawi in ka awm loh san thut vang a a lungleng khawhar awm ngaihna hrelo a nih thu a sawi a ,kei a zun a uai laklawh tawh leh hmangaihna vang a mitdel laklawh kha chuan kalo hrethiam em em a nih kha .




Harsatna awmlo in kan kal tluang dun viau emaw ka tih laiin thla hmasa lawk a ka haw tumin a hmeichhe kawp kha alo la thlah lo tih ka hrechhuak leh a , a message kha chhiar fuh kherlo ila chuan vawin ni thleng pawh hian min la bum reng duh ka ring. Mipa rinawmlo leh ler lutuk lak a ka hun kalo khawh ral kha pawi ka ti a ,ka inchhir viau bawk .



A mizia leh a nihna diktak hrelo tan chuan tlangval fel leh smart em em ,hausa bawk si kha chu a ni ve ngei alawm mahse kei a hrechiang tawh tu hi chuan ka hmu tuitang tawhlo viau thung. A tello pawh hian ka hlim thei a hmalam pan ka tum lui viau bawk .



" Nichin lawkah khan rawlthar rual an rawn in tibuai a , Sangzuala nau te thian ho nen khan an buai ni ta in ka hria ... Sawmtea hi chu a pi hian a duat ve bawk sia a buaithlak anih hi, insual a hrat bawk si Sangzuala nen hi chuan an in ang lo ve ngawt mai" nu Sangtei'n a tih chuan kalo ngaihven vat a . A ni tak ang ,nichin a lo len a tum thu a sawi pawh khan a biang vel kha a sen deuh hlur tak kha .




" Malsawmzuala hi chu a hmeltha reuh ngawt mai .. Ka rualpui chu ni se ka try hrim hrim ang" Mapuii chuan min melh pah deuh kher a . Malsawmzuala hi chu a hmeltha reuh tak tak a ,mahse keini pawhin reuh kan tih dan ah ala naupang tih pawh a chiang reng a . Tlangval ala ni chiah pawhin ka hrelo rawlthar chauh ala niang , mahse thingtlang khaw te ah chuan khawhar in velah pawh a kal ka hmu ve leh zauh thin. Higher chauh a la kal a class 11 nge 12 a nih pawh ka hrelo, chutiang chung chuan kei nula kum 26 in la senior ve tan tawh hi tih takzetin min ngaihzawng ve ngam nia . " Naupang te te" ..




Lo len luh ve zuk an ching lehghal a an thian ho hian,mahse an lo len ve chhun hi chuan an nungchang a mawi in an hawihhawm viau thung a , khawlai a an nungchang an sawi thin dan nen hi chuan a inperhsan viau zel. Sawmtea hi chu a hmeltha a a rualpui tleirawl te lakah chuan tunlai tawng takin a luck viau in ka ring.



Mapuii te chhugkua an lo haw kim takah chuan zanriah kan ei zui a ,keipawh ka tlangnel tawh sa bawk nen inthlahrunna ka nei hranlo. Kanin tihfel meuh chuan alo tlai ve deuh tawh bawk nen inbual ka duh chhuanlamin ka haw thla zui deuh nghal mai a . Ka inbual zo ka inthlak mek lai chuan kawngka Kim thawm a lo ri karh karh a ,ngaihthat lohna pawh ka nei hranlo . He tak hi nia thingtlang nawm leh zualna hlauhthawnna pawh ka neilo,Mapuii emaw kan thawhpui Ruatpuia a nih kan ring ve ngawt a ka hmanhmawh phah hranlo bawk.



Ka inthlak zo ka chhuah lai pawh chuan a khat tawkin an rawn kik leh thin a , " lo lut rawh" ka tih chuan an phun deuh sur sur a pakhat mai chu a nilo tawp mai. Kalo en reng lai chuan Malsawmzuala te thian ho an rawn lut hlawl a ,ka lo melh reng vang chuan an zam ve deuhin ka hria . Kei tak pawh chuan chutia an rawn lenglut hlawl chu mak ka ti angreng ,an rawn leng khat tawh viau a sin mawle.




Ka inluah hi a zau hranlo a mahni chauh a khawsak nan chuan a tawk viau thung a ,an thian thum chuan thutthleng pakhat ah in si chetin an thu khawm deuh dal a ,in thlahrung tak tak hmel an pu. An hmel landan chu haiderin ka melh deuh ram ram a ' lehkha te zir ta che u" ka tih chuan an nui suk suk a . Tuman min chhan loh avang chuan" tlaiah te in insual ani maw?" Ka tih zawm leh hram a .



" Thapherha hi chu ka mil thei thlawtlo " Remruata'n a tih chuan " tunge Thapherha?" Ka lo ti vat a . " Thasanga .. Vengchhak a mi Muanthaua fapa kha " a ti zui hluk a ,a hmelah chuan a mil loh tak tak zia pawh a hmuh theih a . " Tlaiah khan lo hnek hrep tur ania tiraw Sawmte.. Mahse I u Sangtuaia hian a lo tim nasa leh viau lo che maw?" A ti zui leh bawrh bawrh a . Remruata leh Vanmalsawma chu an tawng bawrh bawrh reng a , Sawmtea chu a tawng tam vaklo .


" U Zualtei hi kan Miss ni ve hman la chuan ka u thiam tawh miahlo ang che" tih angreng an sawi a, an mahni chuan an lawm zawk za mah a an nui an nui mai. " Thingpui in duh em?" Ka tih chuan a sen hang an lam ve ngei a ,ka naupang chhe treat leh lutuk hian thingpui pawh an duh leh duhloh ka zawt deuh tawp zel a ,an ni pawn an duh chuan tha deuhin an sawi ve mai zel.




Thingpui an in lai chuan mipa pahnih chu an tawng reng a keipawh ka nui ka nui mai. Sawmtea chu tinge maw ni ka chik ru deuh tlat pek a ,a sam kir deuh leh a vun ngo lutuk lo mahse nung deuh sar te,a landan felfai leh fresh zet mai a hmel chu a lo tha takzet anih hi.



" Rema hei hi aniang, Ruatkimi bialpa chu a status a alo hman ni" Vanmalsawma'n a tih hluai rual chuan Remruata chu a hawi phei vat a , " khawi maw min hnawl tu zawngi chu .. Min la ti mualpho hrep zui" a ti zui phawr phawr a . " Munga i luck lo ve e , Ruatkimi chhiat ve nen ala hnawl ngei che aniah" tiin Sawmtea leh Vanmalsawma chu an nui kur kur a . Remruata lah chuan " a ho emai.. Ka bem dawnah pawh min duhloh pawn a pawilo ka tih sa vek kha , bakah ka duh tak tak lo " a ti liam puat a kan vai nuih ta ringawt a.




" Min duhlo pawh nise a awm ve reng , class 7 kan nih lai khan ka ti duhdah thei em ani" te chu a ti leh ang lawi a ,a lak nat hmel loh khawp mai. " Keichu ka bem tawh a min duhlo tu an la awmlo" Sawmtea'n a tih chuan ka lo ner ru deuh a ,zanin chu ka fuh thei meuhlo. Mapuii nen a Sawmtea chanchin kan sawi vang kha emaw ni ka chik ru deuh tlat pek a . " Ngawi mai teh ... Ruatpuii leh Sangzuali i kawp laiin an hrechhuak che a in inah anlo chhuahchhal che a ,I nu in a hau che a i pi te inah I tlan tauh kha a" Remruata chuan a ti kha kha a ,ka nuih a za lutuk chu insum theilo in ka nui chiam a . " Kan la mawl ve em alawm " Sawmtea'n a tih phei chuan ka nuih a za lehzual.





An haw dawnah chuan kawngka bul thlengin ka thlah ve thlap a ,zanin an lo leng chu ka hlimpui ang reng viau lehnghal. Kawngka kalh mai ka tum laiin Sawmtea chu alo let leh hlawl a zawhna mitmeng a kalo melh lai chuan, " ka lighter leh cigarette ka theihghilh a" tiin thutna lam chu a pan zui nghal a . A thil theihghilh a lak zawh chuan a kal mai dawn emaw ka tih laiin ka hma ah dingin " U Zualte.. U Mapuii'n a hrilh che em?" A ti sup a. " Eng maw?" Ka tih rual chuan Mapuii'n sawmtea hian a duh tak tak che a tih chu ka hrechhuak leh ang lawi a .




Mapuii hi nula naupang zawk zawk nilo mahse vei neilo leh phawk chi a lo ni bawk nen tlangval leh naupang thleng hian an ngaina a ,a bul a awm pawh nuam an ti thei viau a Malsawmzuala pawhin min duh thu a hrilh ngam kha mak ka ti hranlo. " Ka duh tak tak che a " .. A thilsawi chu ka hrechiang lutuk mahse engtin nge hmaichhanah awlsam lutuk a a sawi ngam zawk le?.




" Ka chhang chhang leh pawh rual lo hian engtin nge min ngaihzawn theih?" Ka tih hap chuan a nui deuh suk a , " muttui le" tiin a chhuak zui nghal daih a .




Mut hmunah chuan ka ngaihtuah a Malsawmzuala nghal lutuk chuan ka nuih te a ti za hnuhnawh. Ruatfela message pawh alo awm leh nual tawh a chhan tumna pawh ka neilo,muthilh mai ka tum lai chuan message a rawn thleng zui a " i muhil tawh em?" Malsawmzuala message chu ka chhiar a tha deuh chuan ka chhang ve mai bawk a . Malsawmzuala no chu ka nei ve reng a ,a hma deuh khan Mapuii'n ka no a lo pe a khata tang khan min lo be ve zauh thin a ,a no kalo save sak ve mai bawk a status update te chu kanin hmuhsak ve thin a mahse kanin be khat khawp mai.




" Ka duh tak tak che a?" A rawn tih leh chuan keipawh ka nui ve ta rigawt a . Rei ngial ka inngaihtuah hnu ah chuan " hraite i cho rual ka ni nem le" tiin ka chhang let ta ngat a . Hetiang a ka chhan tawh hnu chuan minlo biak zawm reng duh tawh in ka ringlo a ,nui var var chung chuan ka phone chu ka dah a muthilh tumin puan ka sin tha sauh sauh a.






End of chapter : 1


Show post links
Top

[Ngaia]

CHAPTER : 2





Ka harh rual chuan ka zi mar al al a ka men chuan khua pawh alo var chiang tawh viau a ,ka rilru ah Sawmtea rawn lang nghalin ka phone chu ka ban vat a , phur fe hian ka en zui nghal a . Malsawmzuala min chhan dan tur ka hre chak tlat pek a .


" Ka pi i zun ngai reng reng hian ka uai ti in biahthu ka hlan chu" ..... Min chhan dan vang chuan ka sa phat mai, " ka pi" a tih rual ka nilo hrim hrim nula hnahkhat pasal pawh la neilo kum 30 em pawh ka la tling hleinem,a pi rual chu ka ni aw kawng ka lo. Khawilai hla hlui tawh emaw a rawn copy tih hriat lutuk, " ka pi zun" tih hla te chu ka hre ve bawk alawm. Mai an ah pawh ala zam ve hma kum khan kan tleirawl chhuak hawklawkin kan lampui huai huai tawh.




" I pi ka ni aw kawng ka lo" ka sent zawh chuan tho chhuakin ka in phih harh sawk sawk a eirawng ka bawl zui a . Ka rilru ah Sawmtea min chhan dan tur mawlh chu a awm a ,enge maw ka hriat ni ka rilru ah a awm reng a a message chhiar mawlh chu ka rilru ah a awm a ,in thunun tum viau chung chuan ka room a ka phone dah chu ka va la ta nge nge a .




Ka rin leh beisei ang message erawh ka hmu ta lemlo a ,ka hnual rawih thei hial in ka hria . Sangpuia message zawk a lo awm va a, Sawmtea beisei ruk lai a a u zawk message ka dawng chu ka lawm lo dawn dawn alawm le. Phone dah mai ka tum lai chuan Malsawmzuala'n status a rawn update a ka tum ai rang chuan ka la en zui!


" Happy birthday my partner in crime" hmeichhe thlalak a rawn hmang a ," my partner" te chu a la ti zui a . Chu hmeichhia lah chu ka ngei zawng takin a la inchei zui a mahse Malsawmzuala te nen a inkawm tawk vel an ni in ka hria . " My partner in life" te ti ngat phei se chuan ka lawm lo ngawtin ka ring. Kei hi engvang a lo zeldin chiam nge maw ka nih le?



Mapuii nen chuan school lam panin kan kal dun a kawngah kan tawh apiang deuh thaw chuan minlo be siam siam thin a ,khua a lian lo bawk nen keipawn ka hre hlawm viau a min hrelo tu phei chu an awm mang tawhlo. " Sangpuia hian min zawt chik sawt teh mai ania " a tih chuan kalo nui hak a . Ka sawi hmaih tep Sangpuia hi Malsawmzuala u ania ,kan thawhpui ani bawk a hun enge maw lai vel atang khan Mapuii bulah ka chanchin te sawiin minlo ngaihven ve riau ani awm e . Ka thiannu Mapuii lah hian min duhpui em em a , mahse chutiang a kan titi mawlh mawlh lai pawh chuan ka ngaihtuahna ah Malsawmzuala nui hmel ngawt a cham anih chu.



School kan thlen pawh chuan ngaihbel tur tingin Sangpuia chuan min be tha em em a ,kei chuan nuam ka tilo viau thung a . Sangpuia hi chu a fel a kohhran leh khawthlang ah pawh an fak ve thin viau a,kei tak pawh hian sawiselna tur ka hre meuhlo mahse tinge maw ni ka pawh dawn tak tak hian ka tim leh deuh tlat zel a , ngaihzawng tur ang zawng phei chuan ka ngaihtuah thei hauhlo.



Malsawmzuala erawh Sangpuia letling thawk ani ringawt ,a hria apiang ten a kawlhrawng zia leh an thian ho nundah phung thatloh zia an sawi chamchi a,tu fakna aw ka mah an la dawn awm pawh ka hrelo a hmel ngawr ngawr en tu tan chuan ha hip a fak pawh a awmlo hranlo in ka hria . Chiang takin hei hi ka hre bawk ,hemi te unau ah hian duhthlang tur ni ngat ila chuan sawisel bo Sangpuia ai chuan tleirawl hawklak leh kawlhrawng Malsawmzuala hi ka duh fee zawkkk . Mahse chuvang chuan ka duh viau tihna erawh anilo,an unau ah duhtlang dawn ni ta ila ka tihna mai chauh ani .



Tlai a kan ban pawh chuan Mapuii leh Sangpuia te nen kan haw rual leh a , " Sangzuala chu enge i ngaihdan" Sangpuia chuan a ti leh thin a ,ka thiannu chu a lo ner deuh sak zel a ,ka thiannu hian fiamthu chauh nilo in a lo duhlo takzet tih ka hrethiam bawk. Sangpuia pen hran hnu chuan Mapuii nen in lam kan pan dun a , Sangpuia kha chu be tha deuh ila lo pen kawi a hreh pawh ka ring chuaglo a mahse han in ngainat viau kha ka hre tlat a .



" Sangzuala hi i duhlo tak tak a mi?" Ka tih chuan ka thiannu chu a thaw hak a ... " Zual... Hriatpuia nen a min hrethiam ber tur i nih kha" a ti hap a , ka khawgaih reuh .. A bialpa Hriatpuia hi a mizia hre chung hian a kalsan thei bik lo a , Hriatpuia pawn a kalsan hlen thei biklo in ka hria . Mahse a buaithlak ve a Hriatpuia lah ruihtheihthil ah a tal buai ve a , chutiang mipa chu tu nu leh pa mahin an fate kawppui atan an duh ka ring lo. Mapuii pawh hian thlah hlen a duhthu a sawi ri leh zauh thin ,mahse Hriatpuia hian a duh hneh em a kalsan a tum pauh leh an in hnaih sauh ni mai hian ka hria .





Hriatpuia hi chu misual a ni hranlo mahse fa te pa tur atan a ruihtheihthil ti mi chu ka awhpui viau hranlo. Mapuii te inah kan lut a tukverh a ka dah chuan field ah an lo awm nual a , field hi Mapuii te in thlang ah a awm a chutiang a in hnaih lutuk chu a ni hranlo na in sawi awlsam nan chuan field chhakah an awm pawh a tih theih. Keipawh Mapuii te in thlang lawkah ka awm avangin field chhakah tho ka awm tihna a nih chu.



Mapuii nen a kan lo awm lai chuan min ko thawm ka hre leh thin a , " an ko che in ka hria" Mapuii'n a lo ti ve chiah bawk a . Ka in lampang tukverh a ka va dah rual chuan Remruata leh Vanmalsawma ka hmu zui a , tukverh hi a sang lo bawk nen kanin be pha vek tho bawk nen " enge ni?" Ka va ti zui mai a . " Sawmtea a awm em?" Anlo ti vat a , " awmlo .... Keipawh inah pawh ka awm loh hi" tiin ka chhang let a , " Miss Zualtei inah kalo nghak ang che u a ti ve sia" tiin an phun nuah nuah a . " Miss min tih kher chu ka ringlo nasa mai.



" Nih hei hi kan lo dah lawk inkhelh zawhah kanlo lam ang " an ti leh a , ngaihsam zet chuan "varenda ah khan dah ru" ka ti leh mai a . " A bo ang lo chhuk mai la" an ti leh deuh tlat a ,phun hlak hlak pah chuan ka chhuk zui ve mai bawk a .



An bul ka thlen rual chuan an thil ken chu minlo pe vat a , kawr ani in ka hria ka pharh duh lemlo a . An kal hnu chuan ei relin ka buai ve viau a , ka phone chu ka zawng leh thin a ka hmu hauhlo . Ka tihbo em chu ka ring silo a , thildang a hmang duh pawh ka ni hranlo message dawn beisei pakhat ka nei tlat a . Ka phone zawn laklawh lai chuan ka alu kan chu ka va chawk leh thin a ,chhuat nawh ka duh bawk nen mahni in ka phun ka phun leh thin a . Kawngkhar rawn kik an awm pawh chuan " lo lut rawh" ka ti liam puat a ,ka chawhmeh chawh lai ngawt chu ka buaipui a ka phone ka zawn na lamah alo bet hman khanglang a lawm le .





Rinloh deuhin Malsawmzuala a lo lut hlawl a ,min ti hamhaih ve lek lek . A inkhel a niang a bal ve deuh a a khup chu a thi deuh a ,a thisen pawh a luang ve deuh ngiai mai. " Ka Bal emai" tiin chhuatah a thu a, " thutna ah khan thu rawh" ka tih pawh chuan chhuatah a la thu reng tho a .



" Thingpui in ila " ka tih chuan alo duh ve tehmial a , a thum nge a hang tih ka zawh chuan" a thlum " alo ti vat a , kan pahnih in tur chuan ka siam zui a . Thingpui kan in mek lai chuan a hmai chu a tuai leh thin a ,a thlan nasa bawk nen hreawm a ti deuh a nih ka ring. A hnu ah chuan ka rin ang ngeiin ka hmai kalo phih a hreawm lutuk, a rawn ti chhuak nge nge a . " Phone ilo keng em?" Ka tih chuan min en zawk a ,mak a tih hmel deuh. " Ka phone ka hmu lo a ,ka lo call lawk" ka tih zawm zat a . Remruata te thildang thutna a ka dah mai chu ban vutin a kar atang chuan a phone chu a rawn la chhuak a ,a phone alo tel tih ka hre lo reng reng.




A phone pattern chu hawngin min pe zui a ,a pattern lah chu an kual kawi mai mai khawp a . Bathroom lam a pan zui daih a , ka no a save dan ka zawt miahlo lehnghal. Ka no ka vawng tho a tiin ka no chu ka chhu zui a,no 4 vel ka hmeh rual chuan ka no chu alo lang va va a ,a save dan ka hmuh chuan ka ner zui nang nag a ,ka call zui nghal a .


Ka no chu " THALUNGMAWLI" tiin hawrawppui ngatin alo save kuau pek a.


Show post links
Top

[Ngaia]

CHAPTER : 3





Rei vaklo hnu ah chuan ka phone chu Mapuii'n a rawn chhang hlawl a ," hello " pawh ti tha ta mailo chuan " Malsawmzual ,lo be ve ziah suh" a ti zui hlak . " Keimah ka tih chuan" za deuhin a nui leh phawt a ,ka phone chu lo dahtha tur a hrilhin kan inbiakna ka ti tawp zui a . Malsawmzuala phone chu thutthleng ah chuan ka dah zui nghal zat bawk a .




Bathroom atang a Malsawmzuala alo chhuah leh chuan a hmai a huh deuh hluam a , kalo en reng tih a hmuh chuan a kiai vei deuh suk a .Room ah lutin face towel ka la a ,face towel chuan ka vawm zui a lo dawng chatin a hmai chu a hru zui nghal a . " Nge khatia ka no i save " ka tih chuan a meng buai ve deuhin ka hria ... Min thlek leh vung vungin " i hmeltha a mahse i mawl alawm" a ti bawl a ,mawl min ti chu ka lawm lo hle bawk.




" Ka mawl chuan lo leng tawh miah suh..... Khawi ka towel" tih pahin ka phih deuh sawk a ,ka lungawilo viau chu a chhan pawh ka hrethiam chiahlo. Min chhan mai loh avang chuan " enge ka mawlna " tiin ka melh zui ve ngar a . " Min duhloh hi" ka nui chhuak hak a ,ka duhloh vang che chuan maw ka mawl? ... Em em a !




" Ummm.... Nula ho pawn min star hlawm tehreng nen " a in sawithei kual vel ni tur ani. Hetiang mipa in sawithei deuh hi ka ngei zawng tak. " A nih chu a " ka chhan dan vang Chuan a nur deuh a " ka hmeltha a ka fel a ,kan hausa bawk a "...


" Ngawi mai mai teh,I felna chhete mah ka hrelo" ka tih chuan a chek deuh tlak a ," min belchiang duh hleinem..... Min hrechiang la chuan fel min ti ve viau ang, pawisa ka ngah a ka hmeltha bawk a " ...



" Naupang I nih hi" ka tih rual chuan a nui suk a , " teuhlo mai... Sangzuali nen pawh kanin ngaizawng tawh a ,Tetei nen pawh Ruthi pawh" a va han mawl ngawih ngawih tak... " Duhtawk teh" ... Ka thaw chhuak zui hawk a ,sawi mai tur pawh ka hrelo zawk alawm le .



" Kha kha ani mai.... Ka bialnu te ho ngaihtuah pawn naupang chu ka ni thei tawhlo hrim hrim" te chu a la ti zui ham ham a . " Nang ai chuan i u pawh a fel ka ti daih zawk" ka tih chuan a rum deuh nghut a " Sangtuaia khi sawi ve ziah su... Hmai thinghawng vuah anih khi" a ti zui leh duah a , chutiang a mahni unaupa te ngei pawh han sawi duh tih rilru kalo pu leh hmanhmawh a.




" Zanah kalo leng ang aw" a rawn tih leh chuan ka melh rum zual sauh a .... " Mawhhh... Chawthinga te pawn kan inngaizawng ah an ngai vek tawh" a tih chuan kalo phawk hra a ...." Tunge chawthinga?" Ka lo ti vat a , " Remruata hi chawthinga, Vanmalsawma hi Munga" tiin a nui zui suk suk a . A thiante hming a sawidan chuan minti bangbo nasa lehzual.



" Min duh rawh... Ka duat viau ang che , ka ex te pawn min ui thei lutuk" ka chhan leh hma chuan pawn lam atangin an rawn ko zui a , Remruata tawng ri ni in ka hria .... ". Zanah kalo leng tak tak dawn nia ,chaw ei tui " tiin a in her zui vut a chhan pawh ka chhang lemlo.



Kawngkhar bul a thleng tawh tih ah chuan rawn in herin ka lam a rawn pan leh a , theihghilh a nei emaw ka tih laiin ka hma ah dingin ka biangah a rawn fawp zauh a ,biak hman tawh hauhlo khawp a rangin a chhuak zui nghal nal nal a , a tlan ani mah zawkin ka hria .




Eirawng ka bawl mek laite chuan ka biang a fawhna kha khawihin ka nui leh vur vur thin a. Ka awmdan chu ka duhlo takzet, mak deuh maiin Malsawmzuala ngawt ka ngaihtuah a ka duh ngei bawkin ka hria . Mapuii te in a ka phone ka han lam te pawh chuan awm reilo in ka chhuk thla leh thuai a ,ka ngaihtuahna ah chuan Malsawmzuala ngawt a awm tlat a .


Phone ri ka hriat chuan ka hawi kual vat a,ka phone chu ka keng reng a a hnu ah Chuan thutthleng a Phone lo ri mek chu ka va hmu a , Malsawmzuala phone kha ani chiang lutuk.... Kal hnai a ka en chuan " keima pi bik bik" tiin a save a ,emoji sweet deuh deuh a dal tel nuai bawk a . Chhang lemlo a ka dah tawp hnu pawh Chuan a ri char char reng a ,a tawpah Chuan ka la ta tawp a .



" Hello"... Ka tih rual a lo nui hawk chu Malsawmzuala a ni chiang lutuk. " Enge ?" .... Ka ti vin hlar a , " zan a lo lenna chance anih kha?" Tiin a nui hawk a ,engmah sawi tawhlo chuan a dah zui daih a . .. A phone ka ken reng lai chuan message a rawn lut zut zut reng a , biak a ngah viau a nih ka ring.



Zanriah eikham leng len hun velah chuan kawngka lam ka bih khat tawk reng a ,ka rin ai takin a lo lang har a . Ka nghak rilru tlat chu mak ka in ti zawk , a phone lah chu a ri khat tawk reng bawk a . Dar 8 a pel awr tihah chuan ring zet a bike tlan thawm alo awm a ,hetiang bike thawm ring lutuk hi alawm ka nin a ka kham viau zel .



Kawngkhar a rik rualin Malsawmzuala te thian thum an rawn lut zui zat a, t shirt lian lampang leh kekawr bul mawza ngal chen vel , an inthuam dan te chu an in thurual emaw ni ?.... Rei pawh an thut hma chuan Remruata chuan " ka ngei ngawt mai kan vengah pawh min fiam sup sup, min duhloh te chuan min sawizui a ngai tawp silo a .. min duh ve tho aniang min la sawi zui peih" a ti leh lung lung tawh a , " i la na anih kha!"... A thiante an lo tih chuan a teu hlur mai.




"I bialnu chu rim ang?" Remruata'n a lo tih chuan Vanmalsawma pawh a ding hluai a , " bialnu I nei mi a?" Nui sang a kalo tih chuan a nui vur vur a , " nei ve ang chu.... Kan thian ho chu kan luck a " tiin Remruata a melh zuk zuk a .. pakhat lah chuan i bialnu hmelchhiat nen , a lo ti zauh a ... " Tu tak ngaizawng ve ang che maw?" Ka tih chuan " I hrelo ang ... Vengchhak ah pawh an awmlo ah , Bolero pawh an neilo .... Rinsangi pawh anilo ah" ti a nui vur vur chungin an in zui chhuak a ,a bialnu chu a chiang viau tho mai...




A thiante an chhuah hnu chuan kan pahnih in ka thu dun a ,nidang ang a han biak bawrh bawrh chu ka hreh ta tlat a .. " i phone hi hawn tawh ang che " kan ti ngawt a . Awlsam zet hian " hawn tawh dawn e , kanin be thei nang" a ti nghut a ... " Thingpui I duh em?" Ka tih chuan alo bu nghat a , " i bike ri hi a ring lutuk... Scooty chiah lo keng tawh rawh".... Ka tih chuan a nui suk a , " scooty ka nei hleinem" a ti a ," in hausak nen ka ti leh hram pek a " api min lei alawm ka bike chu... Khi in kawmchhak ami pi Thangi ,Thanghmelthai khi " a ti zui zat a .



Malsawmzuala awm lai chuan ka phone a ri reng a , Ruatfela call anih avangin ka chhang duh lemlo.. " message alo lut leh zut zut thin bawk a " call chhang teh .. ka ngai lutuk che , kalo kal dawn " tih angreng Ruatfela'n minlo thawn a ka chhang hranlo .. A bialnu Zorini hnen atang pawn alo awm nual a ,chhiar pawh chhiar lo in ka delete nghal hmiah thung. Ruatfela be tawhlo tur a min duhthu leh an chhugkaw khawsak in a phu loh thu vel bak a rawn sawi leh pawhin ka ringlo. Ni e ... Kan chhungkua hi khawsak nuam tak kan ni lo reng a ,hei vang tak hian tun hma pawh khan Ruatfela nen hian kanin hmeh vak lo tih chang ka ngah thin.




Rin ang ngeiin min kawp fo anih kha .... Kan dinhmun in thlauh vang ah ka puh ber rualin mipa rinawmloh vang a nat reng kha ka duhlo, chulo rengah ka lo hmangaih hauhlo ani ngei ang. Ni hnih thum vel a liam a ka natna chu sawiloh a mah Ruatfela pawh kalo hrechang tawh lo hrim hrim.



Min rinawmloh san hnu ah min la rawn biak ngam vang hrim hrim te pawh hian ka hua a , Malsawmzuala hun tha pek duhna nasa tak min neih tir bawk... Mahse kum hi ani , number mai mai chu ani ngei a mahse number hian mihring nunah thu neihna tam tak a nei ve bawk ani.



" Biak tur I ngah hmel emai ka va haw tawh nge " Malsawmzuala'n a tih chuan kalo insiam tha vat a , ka in thiamloh angreng... " Chutiang anilo" ka ti ve tak na in haw tur Chuan a kal zui tho a , kawngka bul thlengin ka zui a " i luck lutk a kan chang lo che anih hi" a ti leh kher a nuamlo ka ti zual sauh ... A mah ka va melh chuan alo nui vur vur a ,min fiam tih ka hre chiah . A nuih hmel ka hmuh takah chuan ka ngaih a tha ve deuh a ,ka chel lui duh ta biklo.





Mut hmunah chuan ka ngaihtuah nasa mai a , Sawmtea hi ka duh tih ka pawm tawh ... Naupang lak a ka luangliam mai chu pawi ka ti bawk .. ani chu nun hmang chho tan tur chauh ani a ,nakin thleng ngaihtuah chuan chan chhe zawk ka ni ngei dawn tih a chiang bawk. He khua a ka hming ka lo chher ve tawh pawh hi demna in a luah lan ang a , mahni ai a naupang fe ngaihzawn tiin min sawi fur tawh ang. Kan inkawp tluang zel anih te phei chuan zel theihloh hun a la awm dawn , lo in nei pawh ni ila fa te kan nei ang a ka kum alo tam a nga a ni chu a vanglai a ni chho chiah bawk ang, chung hunah chuan min kalsan leh lo ang tih tunge sawi thei?..



Kum hnih khat lek a inthlau chu ka hrethiam a mahse kan kum hi a in thlau deuh ani...



Ka ngaihtuah buai viau lai a ka message dawn chu ka nuih a za kher mai .." i pian a hma kei ka tlai si a , len lai a rual loh hi a sawi rem theih" ... " Engtik kumah nge i pian " ka tih chuan a seen reng khawp a . " 20's ... August 15" a rawn ti a , 2000 engzat ah ka tih leh chuan min chhang tawh mailo.




Ka muhil tep tawh tih ah chuan ka phone alo ri a ka en chuan Malsawmzuala lek alo nia , phur deuh chuan ka chhang zui a .. " hello... A pi te inah ka riak a ,kawtah khan lo chhuak chhin teh " a tih chuan " ka peih teuhlo" kalo ti hlak a . Tun ang hun tawh a ani hmu tur a chhuah kha ka tlawm la deuh a,bakah ka zak ve alawm...




" U Mapuii'n bialpa i nei tih a sawi a ?" A tih chuan ka ngawi reng a ,kanin then tawh tih ka hrilh mai dawn emaw ni? ... " Ka duh tho che a mahse bialpa i nei tih ka hriatloh vang ania" a tih chuan ka khawngaih lutuk... " Remruata pawn I bialpa kha a hmu tawh a , mahse keichuan ka hrelo tak tak" a tih leh chuan " kanin then tawh" kalo ti vat a ... A phur viau ka rin laiin a ngawi reng thung a .



" I la duh em?" Alo ti khauh a .. " duh ila kanin then dawn mi?" Ka tih chuan a ngawi reng a , " min hnar tho sia " a ti leh a ... " Ka duh tak tak che a , ka naupan vang a min hnar I nih chuan i tisual ang ... A chhan chu ka duat dawn che a " a nui ri ka hre zui a. " I rilru na hnem na tur nih chu ka duh lo a , ngaihzawng I nei tih ka hrelo bawk... Min duh chuan ka hnar theilo che a , mahse midang ngaihtuah chung a inkawp chu ka duhlo bawk" a ti zui leh sup a .



Chhan mai dan tur pawh ka hre tawhlo... " Lo inngaihtuah ve la .. ummm, mahse midang an tel ve ka duhlo" a ti hmuk a . In ngaihtuahna hun min pe bawk a , a ma sawi ang takin han kaltir ngawt chu ka ui ve tlat...






End of chapter:3


Show post links
Top

[Ngaia]

CHAPTER : 4




In ngaihtuahna hun min pe a ka in ngaihtuah bawk a mahse karkhat aliam hnu pawhin a la reh vung vung a , Mapuii hnen a kan chanchin ka sawi chuan alo phul hluai a a hlimpui viau lehghal. Ani chuan engmah ala thutak lo a a nun hi a nuam a a zalen bawk a , a hlim reng a chutiang takin Malsawmzuala chanchin pawh hi a la thutak hranlo, a nun hi ka awh chang a tam mai.




Ka nu in minlo biak chuan Ruatfela'n vawin lam a a lo va tlawh thu leh in neih chungchang alo sawipui tih min hrilh a ,ka thinrim tun mai.. ka nu bul a thinrimna tihlan chu a mawi chiahin ka hrelo a , ka u zawk la biak tho ka tum ruh hle ... Kanin then tawh a ka chhugte lo biakthat leh in neih thleng a alo sawipui chu ka lawmlo takzet. Chu lo rengah hmalam pan tur leh Ruatfela theihghilh hlen tur a thuthlukna ka siam vek tawh hi eng vang mahin ka sut dawnlo.




Ka thiltawn vang chuan ka mumal lo a diktak chuan Ruatfela hian ka chhugte a hmin hneh lutuk a, ka u phei chu ka sawi peihlo zawk.. kan chhungkaw harsatna hmang a a thuhnuai a min kun tir a tum tih lah ka chiang,kan harsa a kan dinhmun pawh a chhe ngei mai mahse chuvang ngawt a ani mi hausa fapa ler leh rinawmlo, kawplawr ... Ka ti mah mah mai thei ,mahse a nihna ani miau a min bum nawn tawh hauhlo ang.




Chaw pawh a hming in ka ei ve ngei a mahse ka puar em tih pawh ka chianglo... Ruatfela chu biak ngei ka ngai tih ka hria ,mahse a aw takngial pawh ka hre peih tawh thlawtlo ani. Malsawmzuala nen pawh hian bul tan mahila a theih ang ang a min pawh then a tum tho ang ,mipa ler leh duhkhawp neilo rinawmna chhete mah neilo ani tih hi ka chiang takzet.




Ruatfela ka call a a lak rual chuan " i thiltih tenawm zia hi I hria em?" Ka ti that a ,ka aw chu a vin angreng... " Enge ni ka tih a ?... Ka ngaihtuah che a chu zawng chu" a zakthei lo hle mai. " Ka pasal tur angin ka ngaihtuah chhin ngailo che , nang neih che ai chuan" sawizawm duhlo in ka ngawi daih a ... A nui ri ka hriat chuan ka sa phat a,ka in hum ruh nasa viau bawk ... " Engtin nge i tih chuan ang?... I bialpa nghet i chhugte leh nagmah ngei pawh nuamsa tak a siam thei tu tur che ka nih hi... Chutiang mipa chu tu nu leh pa mahin an makpa a tan an iai ngailo .. Aw,... An nuta te thleng pawhin" kan chhugkua thleng a minlo hrechiang hman lutuk hi a pawi ani.




A thusawi pawh ngaithla peih tawhlo in kanin biakna ka ti tawp a ,ka nu hneh ah a dam thei ang ber a kan chanchin hrilh dan tur ka ngaihtuah a , ka nu hi chiai chi leh pasal te zah chi alo ni bawk nen ka pa thusawi chu a hnial leh hauh dawn silo ..ka pa leh u mama chuan Ruatfela min duhpui zia leh a fel an tihzia an sawi chamchi a chutiang chung a chang dang kan chu ka ngam dawn em ni?..



Malsawmzuala ka ngaihtuah a kum naupang te chauh ala ni a , kanin hriat tirh atang a vawin ni thleng min duhthu a zep ngailo.. Naupang nghal tak ang chauh a ka ngaih thin kha hun a kal meuh chuan ka vei a ,a nui hmel leh a mize harhvang zet phen a thutak ran te khan min hneh a Ruatfela ngaihtuah tawh hauhlo in ka rilru a siam thei bawk... Chu chuan ka duh tih a ti chiang viau bawkin ka hria.




Liam tawh chu liam tir la ,kal tawh chu lungkham Suh... Ruatfela chu ka nunhlui hunin a kal liam pui tawh ani a, Malsawmzuala chu ka beiseina kengtu, a ni ka thlang anih chuan sawiselna te ,dodalna te tlangsawi kan Kai viau bawk ang ... Ni e ,hei hi hringnun ani miau a ,ka hlimna pan ngamlo tur khawp a midang mitmei ka ven hian tunge hreawm ber " keimah" hi ka ni lo em ni?.



Ka hringnun tawp thleng a ka hlim puilo a nih pawhin enge pawi? .. Tun hunah kan cheng a,tun a ka hlim pui ber ka thlang hi ka demawm viau bik in ka ringlo ,hmangaihna vang leh ka hringnun a in chan hian ka thlirna mit atangin min thlir pui ve bawk se .
Kalo tisual a ka hlimpui viaulo a nih leh ka thlangsual ani mai a ,keimah bawkin ka tuar ang .. Duhthlan theihna tur a chhiat leh tha hriatna ka neihte hi tun hun a tan hian a ni mai lo a ngem ni?



Hreh ru deuh chung leh zak deuh tak chungin Malsawmzuala chu ka call a, ka tih chu ka tih ti a in hum ruh chungin ka ngaithla reng bawk a . Ka ngaihtuahna a vak thui viau a , Ruatfela min vo na aw ri te ,a nui hmel tihbaiawm zet te chu ka hmuh chhawk zut zut bawk a ka ten lutuk chu ka so bulh bulh thei hialin ka hria ...



Malsawmzuala aw ngeiin min rawn chhan takah chuan ka thaw huai a , " i buai ami a?" Zah hmel loh tak leh zangkhai thei tur ang ber chuan kan ti a ka rilru chuan ka zam lutuk ringawt. " Buailo e , lehkhabu ka inchhawp ve mai mai ka room ah" a ti zawi ruih a,han biak zawm leh chu ka hreh riau tawh a .


" Lehkha i zir dawn chuan nakinah kanin be dawn nia" ka tawng zawi viau a , " ka zirlo" a lo ti hmuk a ." Kanin biak khat em hi" a tih sup ri chuan min ti danglam leh viau tawh.. " ih englo ania ,in ngaihtuahna hun min pe rigwt a mahse ka chhan na min zawt tawh silo a " ka ti deuh Khawl a ,ka sawizawh rual chuan ka lei ka chhuah nasa viau .. " i inpeih hun ka lo nghak ang ka tih kha" a tih leh chuan ka zak duh tawh biklo a , " ka inngaihtuah zo tawh a " ka ti ve thuai bawk a .




A thaw hawk a " ka ring reng ah .. hmeichhia chuan in nghahna tlak mipa in duh a nagpawn. .. Ka hmelthat nen mi bialnu ka lo chuhpui mai mai a " a nui zuk hawk a ,ka lo nui ve rigwt a ." Ruatfela te chu an fel a ,an hausa a bakah an naupang ve lo a a bulah chuan thlamuang deuhin I awm thei dawn a " a tih leh chuan thil awmzia ka hrethiam,he pa hian ka hnar tur ah a ngai a ni ngei ang..


" Mahse ka duh che lawm" ka tih chuan ka zak leh viau tawh.. a ngawi vang vang a a tawng tawh dawnlo emaw ka tih hnu ah " sawi nawn leh teh" a ti sup a ,chek tlak pah hian " ka duh che " ka ti let hlar a a nuih ve hawk mai ..



" Ka bialnu I ni tawh tiraw ?" A rawn ti leh hram a "umm ka bialpa i nia ,i bialnu ka ni bawk mahse ka thu zawk ang ka upa zawk" ka tih chuan " awle boss" alo ti vat a,kan nui dun leh rih a .


" Kalo leng nghal dawn" a rawn ti leh a ka lo khap vat a " lehkha i zir that loh chuan kanin then leh nghal ang " ka tih chuan a phun nuah nuah a " a van duplicate awm min duhna chu" te a ti in ka hria ." Zanah kalo leng dawn" a tih leh chuan ka hnial duh biklo a ,kanin biakna kan tihtawp hnu chuan phur deuhin eirawng ka bawl zui nghal a ,ka che reng reng chu ka phur sar a engkim min hual tu boruak te chu an thiangin ka hmu mawi zo vek mai in ka hria ..





End of chapter " 4


Show post links
Top

[Ngaia]

CHAPTER : 5




Zanah chuan alo leng leh ngei a ka chik viau chung pawn a hmelah han zam hmel leh zak hmel ka hmu lo. Thatchhe fe in a thu a a bul a ka thut ve lai pawh chuan thut that pawh a tum chuanglo a ,ka kut chu a khal neuh neuh a min en in a nui leh suk suk zel bawk a . " Naktuk zanah chuan lehkha zir ve tawh" ka tih chuan min melh zawk a , " bialnu ka nei thar ve chauh a " tiin a phun nuah nuah a .



A chezia chu ka lo mitmei ru reng a ,han chet mawiloh viau leh ka mitkham zawng thil tih a nei lo a ,a kut pawh a hleilo viau a ka hmuh chin a a nungchang chuan min ti lawm viau a. Ka ngaihnat phah sawtin ka hre bawk , " api te inah ka riak leh dawn a " a tih chuan kalo nui hak a ,phawk deuh a min en chuan " keichuan ka pi ka ti thin" kalo ti a ,a hmui a tisawi kual nasa mai.



" U Zualte" a tih hluai chuan kalo en vat a , " naktukah football kan khel dawn a minlo en ve la" a tih chuan ka lo nui mai a , midangin kanin kar an hriat hun tur mawlh ka ngaihtuah a ka huphurh ani. " Sawmte "



"Umm"



" Ka lo ngaihtuah mai mai a ,bul kan tan ve chauh a mahse in ngaihtuah chiang deuh la ka duh a" .



" Ka ngaihtuah chiang vek tawh....Min hnar tum tawh hlek suh" tiin min melh rum zui kha kha a ,ka nuih tlawn ta vel mai mai a .



A haw dawn chuan ka thlah ve thlap a kal mai lo chuan kanin din chilh ve ran a ,chet a lak ngam pawh ka rinloh laiin ka biangah a hmui in a rawn dek zauh a " muttui aw" a ti ve ngei a ,tha deuh a chhang letin ka thlah ve thlap bawk a . Mut hmunah chuan kanin bia a ,ka hun tawn mek chu ka ngaihtuah a min tihlim ru viau bawk a ,ka ngaihtuahna ah pawh Sawmtea ngawt a awm a a mizia naupang chhia tak te ,a nungchang zawiawi ni silo uchuak leh chuang hauh silo te chuan min hip thar viau a ... A bialnu ka ni tawh chung a min zah em em leh a ngainat awm tawk lek a min nel thiam em em te khan ka ngaihtuahna a luah hneh viau ... Mahse a tawngkam leh a chezia vel a tang chuan mipa hawiharh ve tawk tak ani tih chu a chiang mai.


Zing a ka harh pawn morning wish alo awm va tawh a ,phur deuh chuan ka chhang let ve thuai bawk a . School kal tur a ka insiam mawlh mawlh lai chuan Sawmtea'n minlo call a min thlah a tum thu a rawn sawi nghal zat bawk a , mahse Mapuii nen kan kal thin avang chuan ka lo hnial deuh tlat a min hrethiam tak chuan a lo remti ve mai a .




Kan la tlai vaklo bawk nen Mapuii nen muangchangin kan kal dun a , Sawmtea nen a kan chanchin ka sawi lai chuan a lo phul hlut a kanin khap leh rih a ... " Thiannu a ho lutuk khawvel alawm ,kum ah buai Suh" a ti duh lek chauh a ... Hriatpuia nen an chungchang ka zawh chuan a thaw hak a " min vei lo teh" a ti ringawt a ,a sawizui chaklo aniang a ngawi zui daih a ka zawt zui duh biklo.




School kan thlen tep ah chuan Bike in min rawn tlanpel a , ngaihsak lemlo a ka kal lai chuan ka sir ah a rawn ding zui a .. " Malsawmzual tlanchak viau zel suh, school naupang te te" Mapuii'n a tih hlak hlak chuan ka hawichhuak ve thuai a .. Minlo en ve chiahin " tlaiah ka rualin haw la , U Mapuii chu u Hriatpuia'n kalo hruai ang lo hrilh rawh a tia" tiin Mapuii nen min melh tawn a , Mapuii ka va en chuan " a chiloh ka nu in min hmu ang " a lo ti vin hlar a . Chhan mai dan tur pawh ka hre tawhlo" kalo nghak ang che" tih pahin min tlanpel a ,ka thlir zui veng veng mai.




A uniform fai sar leh a mah chu a in hmeh ka ti a ,a fresh in a ti lang thar var a ,a sam dum hlap chu a in hmeh viau bawk... A samkir deuh lek lek leh a ha var rual that chuan a ti lang tha lehzual ni maiin ka hria,a uniform chu a in hmeh in mahni invawng fel chi leh in uluk chu ani tih a hriat ngawih ngawih ... A berah chuan a hmeltha ka ti lutuk.



Tlai ah chuan a sawi ang tak takin school thlang ah chuan alo ding reng tawh a ,a bike chungah thu in minlo en reng a .. Ka thawhpui dangte awm lai chuan min be hauhlo a ,hreawm a tih ka hlauh avang Chuan ka pan phei vat thung a . Mapuii chuan ka hnungah min zui ve zel bawk a ,a khat tawkin ka kawr hmawrah a pawt leh zauh thin a .



" Enge ?" Ka tih hlar chuan hawi deuh zak zak pah hian " Hriatpuia " tiin a phun sar sar a ,a hawi na lam ka en chuan Hriatpuia kan piah deuh a alo ding reng chu ka hmu ve chiah. " Tinge ?" Ka tih chuan " a rualin ka haw duhlo, kanin then tawh min ngainep vek ang" .. A sawilai mek chuan kan lampanin Hriatpuia chu a rawn kal lehnghal, ka thiannu chuan min pawt dawr dawr a Sawmtea bul kan thlen rual chuan enge maw sawi ni awm tak hian Sawmtea a melh ngar a ,a awmdan chu a naupang chhia ka ni tak tak.




" U Mapuii enge ni?" Sawmtea'n a lo tih dek dek chuan " mawl viau Suh" a ti zui hlak a . Hriatpuia'n kan bul a rawn thlen rual chuan a nui sang a ,a mawi ah kalo nuih let ve zat bawk a , Sawmtea lo rum nghut pawh chu ka hrethei . Mapuii chuan " i rualin ka haw dawnlo " a lo ti nghal thawr a ,pakhat lah chuan thlah haw a tum hmel viau thung a .



Sawmtea bike a ka chuan tawh hnu pawh chuan an in pawt leh deuh thin a ,han kal san tawp chu ka hreh riau a . " Kalsan ringawt chu a chi dawn ami?" Sawmtea beng bulah ka va tih chuan a lo bu nghat a ," kan awm ve reng chuan kan hnawk daih zawk ang" tiin a nui suk a , chu chu ka ngaihdan chiah ani. An chezia atang hian an in hawlo tih a chiang em ani.




Kawngtluan chuan kanin be vak tawhlo a , midang in min hmu vaklo se ka duh avang chuan a tlanchak deuh pawn ka sawisel lemlo a ,kan thleng hma viau bawk ... Haw nghal mai lo in a lo lut kawi zawk a ,a awm rei lemlo thung a . " Hei zanah kalo lam ang?" Tih pahin a note book pakhat chu dawhkanah a dah zui a ,ka sawisel duh ta biklo a .. Mahse a zan len chhuanlam bak a nih ka ringlo.



Eirawngbawl pah chuan a note book chu ka keu kual chhin mai mai a ,an zirlai chhung ami vek a ziak a a hand writing chu duhthusam ani ringawt,hand writing mawi tak anei tih ka hmu thiam bawk ... Ka keu leh chuan " Christopher Malsawmzuala Chhangte" tih hi alo in ziak kalh a. A ziak a lian bawk nen ka hmu chiang viau a ,ka nuih a zat bakah a hming a maw ni le tiin ka ngaihtuah zawm nauh nauh a i



Zan a lo len pawh chuan a mood a that leh hmel viau a ,ka bulah thu in ho te te sawiin kan ti ti mai mai a ,ka ngaihtuah chhuah thut avang chuan a lam hawiin " Christopher" ka ti zauh a alo hawi rang ltk chu ka nuih a za zawk.. " eeee" a ti ringawt a , " hming ilo nei mawi hle mai" ti a ka fiam chuan a nui tha duh vaklo a " api hi lawm" a ti hluai rigawt a .




" Tinge ?" Ka tih chuan Christmass a ka pian vangin " Christopher" tih min phuah leh kher a a ti bul bul a , " a duat em che hi" ka tih chuan a nui suk a " duat lutuk... Bakah kan birthday in an vang alawm , a ni pawh Christmas ah a piang a chu vang alawm " Masthangi an tih" te a ti leh zel a ,a pi hmingpum chu ka vawikhat hriatna ani.




End of chapter


Link:
BBcode:
HTML:
Top

[Ngaia]

CHAPTER : 6




" U Sangzuala nen in inkarah enge awm?" A tih chuan amah chu ka en vat a , " tinge ?" Ka ti let deuh hu a .. " A ngaizawng che mi?" A tih leh chuan ka lu kalo thing vat a " kan thawk ho a kanin kawm ve thin" tihin tha deuhin ka hrilhfiah a, chutiang zawhna min zawh chhan ka zawh chuan " ka ti deuh mai mai" tih chauhin min chhang a ,ka zawt zui duh biklo an unau leh an chhungkaw chungchang a inrawlh thuk hi ka duh vaklo .




" Mi an lo kal palh ang?" Ka ti ve tang tang chungin ka mal khamin a mu a , a tul ka ti hranlo na in a phone password te chu min hrilh thlap a . Ka duhlo ti ve mahila ka chhinchhiah uluk viau thung a , " U Zualte, api in lo lenpui la a ti a " a tih chuan ka en vat a ... " A hria em ni?" .... " Aw , ka ngaihzawn tirh atang che khan a hre daih tawh" alo ti sam mai a .


" Engtin nge a tih?" Ka tih chuan " i hmeltha atia " a ngawi dat a ,nuih suk pahin " Sangtea thiannu emaw ka ti a" a ti . " Khaaa... A zahthlak e " ka zak ve tak tak , pi Thangi chuan min be tha thei viau a mahse a tu pa duat ngaihzawng tur atan chuan min iai ka ring ,bakah an tu pa hi ka bum tlu a maw an ti ngei ngei ang.




" Naktukah enge I tih ang?" Ka tih chuan " Pu Ruata te insak na ah kanin hlawh dawn a , Munga te nen " . " In hausak nen" fiam pah a ka tih chuan thu tak fe hian " in nghahna tlak a ka awm a ngai alawm" te chu a ti ve ngei a ,ka nuih a za reuh khawp mai.



A haw dawn chuan ka biangah a fawp leh mai dawn emaw ka tih laiin ka hmuiah a fawp a ,a kum ngaihtuah chuan aaa , ka nam sawn dawr a hamhaih hmel fe a min en chuan " khatiang khan tu nge I fawh thin?" Ka ti deuh khawl a .. " Tumah ka fawp lo"... Tun a min fawh dan zei zet leh zun ngah zet a hmeichhe dang hmui a fawp kual vel tur ang a ka ngaihtuah chuan ka na deuh riau a ..



" I tel ve hnu ah tumah ka tawk eihlo" ka tel ve hma a midang awm ve pawh ka thik rum rum hial mai.
" I ta ka nia lawm" te chu a la ti ta deuh deuh a, chutiang te chu sawi chi pawh ani a maw ni le? Pan hnai in a hmuiah chuan ka fawp ta zawk a ,a hamhaih reilo ka biang tawn tawnah dawmin duhthawh zet chuan min chhang let a,in fawh chu zei tak ani. Ruatfela lo mipa ka la fawp lo a ,tunah Sawmtea ka fawp leh a mahse ka dawnsawn dan chu dang tak ani, Ruatfela lakah khan feelings engmah ka nei miahlo nge ,tisa takin Sawmtea hi ka ngaina pawh ka hrethiam lo.




Mut hmunah pawh chuan ka ngaihtuah zawm zel a, chutiang tak a Sawmtea ka vei chu mak ka in ti hial zawk. In rinni a nih avangin ka tho hma peih lemlo bawk nen khumah ka mu reng a , muthilh leh ka tum laiin ka harh telh telh a , thenawm khawvengte an tho hma thin bawk nen tho tlai bik nih chu a nuam leh chuanglo. Thawh mai ka tum lai chuan Sawmtea'n minlo call a thochhuak mai lo chuan ka chhang leh rih a , " I tho tawh em?"


" Aii... Aw ,ka tho dawn chiah"




Alo nui suk a " vawin chu ka inhlawh dawn sia ,enge ka lei ang che?" A tih chuan kalo nui hak a .. " I hlawh chawp a i hman zel te chuan pawisa i nei dawnlo asin" ka lo tih chuan " I tan vek alawm" a ti leh ringawt a . " Chhunah hna ka thawk dawn sia ,ka chau ngawt ang" a tih chuan ka nui a za angreng. . Hnathawh a tum ruh em avang chuan rei pawh kanin be zuilo a , tlaiah an ban velah minlo biak tur thu sawiin a dah zui a .




A inhlawh ve tak tak aniang chhunah pawh chuan a reh viau a ,ka khua a har ru viau thung. Mapuii te inah ka chho a nu Sangtei'n min hmuh chuan " ka lo fak ve thin che nen ka thin i tirim emai... Mapuii pawh tih tawh naklai a " alo ti hlak hlak a ,ka bo deuh riau lehghal.. Mapuii ka va melh chuan " pi Thangi'n hmeltha a ti khawp che a , Malsawmzuala nen in chungchang alo hrilh a a thinrim ve hlur anih kha ... Pi Thangi'n a duh teh hawr lutuk che a " tiin a nui uar uar a ,keipawh ka nui tawi tak rigawt a.




Nu Sangte chu a lungawi thei ngang lo aniang a thaw leh hluai thin a ,a tawpah phei chuan " khitiang naupang a pian ve chuan i nula daih tawh ang.. I hmelthat nen i mawl tlat, Ruatfela te khan a hmangaih tehreng che nen" Ruatfela an hrechiang lo hlawm lutuk hi ka nuih a za zawk... " Zualte, i hmeltha a ,i fel a khitiang lo deuh pawh khi I hmu dawn lutuk... An thian ho lah hi fai zet zetin an leng a ,ai upa pawh tharum thawh in an sual let duh zel a an chhungte lah hian an duat ropui si, Malsawmzuala phei hi chu e a bike khalh te reng reng hi ka haw emai" a ti hlawih hlawih a ..




A khat tawkin Mapuii chuan " a hmeltha alawm" a lo ti leh zauh thin a ,chugte chu nu Sangtei an ti tui tu mai mai an ni in ka hria ... " I thu i awiloh chuan e nakinah pi Thangi'n duat hmel zet zet che in mi bulah , " mamtei chu a fel khawp a , duat hmel deuh che in a ti kual leh ang a ,sawmzuala nu lahin a khat tawkin a tawngtai duah hluah zel che u nga ,I chawh khawp ang" a tih leh chuan Mapuii nen insum theilo in kan nui chhuak hak hak a ,ani pawh insum theilo in a nui ve ta rigawt a .



Tlai thim dawn tep ah minlo bia a " I chau em?" Ka tih chuan " chau lutuk" a ti a ka nui chuan " duat viau ka ngai ang" a ti vel a . " I chauh chuan zanah pawh ilo kal peihlo ang a" fiam pah a ka tih chuan " kal dawn" a ti hluk a ,a pawr em em lehnghal. A la Inbual loh avangin a dah zui a , keipawh chaw te ka ei hma ta zawk a .



Harsatna nei em em lo in thla khat leh a chanve zen zawn chu kanin kawp ve tawh a ,kan chanchin hria pawh an awm ve nual a ,nitin school banah min thlah a khaw te ah phei chuan inthup tum chu a harsa a ,bakah ka zahpui ang ah a ngaih ka hlau deuh thin avang hian a duhzawng ah chuan ka khap lui duh bik tawhlo a , chutiang a hriatthiamna ka neih chinah chuan kanin laichinna pawh a nghet sawt a ,kan hlim dun viau bawk.


Chutih laiin Sangzuala'n min rawn biak a ching a,a nau hming sawitel si in min beisei tih lah ka chiang ropui. School ah nitin kanin hmu bawk nen min ngaihsak thar riau a ,thawhpui thenkhatte fiam pawh kan tawk leh zauh thin a ,han thinrimna kha a chi loh a ani lah in a lo pha ngai bik silo bawk nen a huangtau khawp mai.



Vawikhat phei chu ka duh ai a a ngampat avangin ka ngei deuh bawk nen " Malsawmzuala nen kan inkawp tih I hria em?" Ka ti tlang hrawk a . " Hria e ,mahse ka nau te chu i hmelthat na leh kum in a chal delh tawh avangin i duh duh a tih kawi atan bak anilo tih ka hrethiam" a tih chuan ka thinrim viau a .. " chutiang hmeichhia ka nilo " ka tih leh lai chuan nui sukin " ka monu i nih chuan kanin hnaih deuh thei tawh dawn ani mai a " a tih lai a a hmel kha ten tak ka ni.




Ka nu in minlo biak chuan engmah ka sawi hma hawtin Ruatfela bawk a rawn sawi leh a " i pa pawhin pasal neih a duh anih chuan harsatna ka nei tawhlo a ti a " a tih chuan ka lo teu hlar mai. " Pasal neih ka duh thu ka sawi ngai em ni?" Ka ti a ,dam thlapin " Ruatfela nen a inin zuina pawh a rei ve tawh a mipa tha tak ania"


" Nu . I hriatchian loh ah ngaihdan siam ngawt Suh. Ruatfela ka nei dawnlo kanin then na a rei tawh, ngaihzawng dang a nei a keipawhin duh dang ka nei" ka tih chuan ka nu chu a thaw hak a. " Tu hmel ka hmu tep tawh ang chu ka tia sin" tiin a nui . " Ruatfela'n engtin nge ka pa hnenah a sawi ? Ka tih chuan" i u bulah zawk alo sawi a ,a ti tha ve mai a.


U Johana nen hian kanin kawm tam sia dawt hrilh a alo fuih khawloh vek ka hlau ngawt mai,ka tih chuan ka nu chuan " chutiang mize nei mipa anih chuan hnai tawh hauh suh ang che , Ruatfela chu engmah thleng lo ang maiin palai tirh te kha a sawi a ,ka rin in anglo emai a " a ti leh ringawt thin a ,a rilru a buai tih a hriatreng. Chutih rualin chutia han lak thupui viau a tul in ka hre hranlo ,midang ang tho in ngaihzawng ka nei a kanin then leh a ni mai a . Ngaihzawng dang ka nei leh a chupawh mi fanu fapa te tihloh dan lah a ni heklo.



Sawmtea pawh tlai tin a inkhel a field a a kal hma in alo peng ziah a , a phone a lo dah thin a mahse ka khawihsak ngai lemlo. Tlai khat chu data a off lo a ,alo mute bawk silo nen message lo thleng reng avang chuan ka ensak ta nge nge a . A password pawh min hrilh kha alo la hmang reng a , message alo tam khawp mai. Sangzuali tih hnen atang chuan message a dawng nual a ,chu chuan ka mit ala khawp mai . Ka en chuan an inbiakna alo tam khawp a ,ka chhiar chuan ka nui chhuak rigawt a " ka duh che a nagpawn minla duh tih ka hria"


" I ngaihdan mai mai a nih chu... Bialnu ka nei"


" I bialnu pawh ka hria ,high school zirtirtu nu miss Zualtei kha ... Bialpa nghet a nei , a kawp mai mai che anih kha " .


" Duh leh minkawp se nangpawh mi kawp ching tho alawm I nih "


" Ka kawp lo che ka tih kha... An lo inngaizawng thin emaw ni an inbiak dan chu ka chhiar thla zel a .
Ka chungchang hmeichhia zawk chuan a sawi nasa viau a , " min theihghilh thei biklo tih ka hria ka thik tur atan chauh a kawp I ni bawk " te a ti bawl bawl a, Sawmtea chuan thudang sawi lo in " ka bialnu chungchang sawi Suh" tih chauhin a chhang a , message a reply tawhloh hnu pawhin " zanah lo kal ang che , sawidun ang" te a la ti deuh deuh a .



" Naktuk tlaiah chuan lo kal ang che " tih angreng a sawi a ,nizan a anin biakna anih ka ring. Ka en reng lai chuan " minlo lam ang che ka ring che ania" tih alo thawn leh a enge maw an tih dawn le?... Tlaiah hian tih tur an nei a ni awm a , Sawmtea lah a inkhel daih bawk sia . Sangzuali chuan alo call leh nghal a la duh lemlo chuan ka en reng a ,alo call nawn leh pawh chuan la lo in ka en tawp rigawt a .




End of chapter


Show post links
Top