FABIANA BY Becca Lnz (Completed)

[Ngaia]

Chapter-13



Fabiana Ramdinsangi POV



Jason bulah insawifiah emaw tumna ka nei tawh lo, mahse thudik chu hailan ngei ka tum nghet bur thung, kan nupa inkar pawn chhiat lam a pan telh telh a, lo theih lohah lo chuan kan inbe ngai lo, room chhunga kan awm lahin ka inhmu lo der ngat ngat thin a, kan mu dun ngai lova, kan room dawt chiah room ruak ah a mu mai zel.




Tun lai tak hi ka pa hi han in sawisel ve deuh hi a nei thin a, Delhi lama in chech up turin kal an tum a, ka nu pawh a hlauthawng hle, ka pa hi mipa chhel tak ani a, hetia na a tih tawh chinah chuan a na hle dawn tih ka chiang, naktip maiah an kal tawh dawn a, zui ve ka tum lahin 'inpa amah chauh a a awm chuan a lung a lo leng lutuk ang' an ti deuh tlat a, awm lo ila nuam a ti zawk daih ang tih an hre silo.





Vawin lamah ka nu leh pete chu an chhuak a, Jason nen airport thleng kan thlah a, haw lamah chuan inbe lovin car ah kan thu ngawi dun reng a, kan inhlat ta lutuk te hi hreawm ka ti, kan inneihna kum em pawh a vei hma hauhin buaina tamtak kan tawk tawh a, tunah phei chuan siamthat leh mai mai theih a ni tawh lo tih chiang takin ka hria, thudik hi hailang phawt ila tih hi ka innghah na chu a ni hrih mai.





In kan thleng a ngawi rengin ka chhuk a, a ni pawh lo chhuk ve nghal in, kan nupa room lam chu a pan zui nal nal a, choka lamah chuan tui inturin ka lut hmasa te te a, tui ka in zawh hnu chuan ka chho ve ta nghal a, thawmhnaw a lo ha mawlh mawlh a, a zawh chuan ngawi rengin a chhuak lehnghal.





Kei leh Vani chu inah chuan kan awm ta a, a khawhar thlak hle, ka nu leh pate an awm kha chuan kan ri ve hlut zel a, ka nu kha nu tawng duh tak a ni vangin khawhar pawh kan hre ngailo a, Vani a damthat loh vangin a room lamah mu hahdam turin a awm a, he in lian lutuk hi a reh deuh vawng vawng mai.





Tlai lamah chuan Vani chu a rawn tho chhuak ve peih ta a, mahse a la nawm loh hmel kher mai, eirawng bawl a hun tawh vangin chaw choka lamah chuan ka lut a, Vani pawh chu lo kal lut ve thuai a, min puih a tum chuan ka lo dang vat "Lo va mu hahdam rawh, kha I la nawmloh hmel si" ka ti a, min puih luih a tum pawh chuan ka lo dan tlat vang chuan a ti lui ta bik lova, dining chair ah chuan a lo thu ve reng a.





Ei ka peih hnu chuan Jason lo haw hun chu kan lo nghak dun a, a lo haw har phian lehnghal, zanriah ei hun a pel daih tawh bwk si ne ka phone chu ka la a, Jason chu ka call nghal a, a la thei lo, ka ti nawn leh pawh chuan a la la chuang lova, a lo haw leh dawnlo a nih ka rin vang chuan Vani hnenah chaw ei ka rawt ta ringawt a, kan ei zung zung a, kan ei kham chuan thleng sil nghal mai ka tum a min lo dang tlat, "Eirawng I bawl vek tawh a, thleng hi chu keiman ka lo sil ve tawh ang, chutiang a nuam lo em em pawh ka ni tawh chuanglo" a ti deuh tlat avang chuan ka ti lui duh ta biklo.





Zan a rei deuh tawh hnu pawh chuan Jason chu a la rawn haw lo cheu a, Vani nen in mangtha in room lam chu kan pan a, hmai te phih faiin khum lam chu ka pan a, Jason a rawn haw angem ka hrelo, ka rilru erawh a nuam theilo, Nancy nen an awm dun agem tih ringawt ka ngaihtuah a, ngaihtuah duh lo viau mah ila ka ngaihtuah lo thei silo.





Ka muhil chu thil ei rawk vang chuan ka harh zawk a, Jason chu rui deuh chhu in khum bulah a lo ding a, lidht ka off vek avangin ka harh tih a hrelo a nihhmel, muhil anga min ngaih ka duh avangin thochhuak lovin ka mut ngai chuan ka mu reng a, ani pawh che sawn lovin khum bulah chuan a ding ngawi reng bawk, a hnu ah chuan kalsawnin bathroom lam a pan a, a luh fel veleh chuan thochhuakin bathroom kawngkhar chu ka melh reng.




Jason chungah hian ka lungawi hauhlo, a nupui ka ni a min ring tur a ni asin, mahse a ni chuan kei aiin Nancy a ring zawk anihkha, thudik ka hrilh chung pawhin hmusit leh ten hmel zeta min enin min hnungchhawn hmak ani si a, ka damchhung zawngin ka theihnghilh leh theih ka ring tawhlo, thudik ka hai lan vek hunah chuan a inchhir ngei dawn tih ka hria, mahse lo awih a inngeih taka awmpui leh ka tumlo, a thusawi ka awih thin avangin tun dinhmun hi kan thleng ani a, hlim takin ka siam ang che titu khan hreawm takin min siam ta si a nihhi.





Bathroom atang a rawn chhuah chuan ka mutdan ngaiin ka lo mu fel leh vek tawh a, room atang chhuak lo chuan couch lam a pan a, a mu zui nghal, a lam chu hawiin ka en reng a, a ni erawh chu a muhil tawh a ni ngei ang, a thaw sak sak ri chiah ka hre tawh, ka mittui chu a hnai kuar a, fa neih vat hi keipawhin ka chak ve tho asin, railohna damdawi eiin fa ka pai loh nnka indang a ring a nia, na ka ti takzet.





Zing ka harh chu Jason pawh a lo la muhil tui khawp mai, bathroom ah lutin ka inti fai zung zung a, inhnuai lamah ka chhuk nghal. Vani a lo tho tawh a, eirawng a lo bawl mek bawk, min hmuh chuan "Morning" a rawn tih a ka wish leh ve vat "I zia deuh tawh em ni?" Ka ti a, "Umm.. hei ka zia tawh lutuk engmah insawisel na ka nei tawh lemlo" tiin a che zui vut vut a, ka pui ve vat.





Jason chu inhnuai lamah a lo chhuk a, inbual fai tih hriat zet hian a hmel a fai sar a, chaw ei kan peih tawh bawk en kan ei nghal mai, tawng lovin kan thleng a eitur chu kan ei mial mial hlawm a, Jason chuan dawhkan a thawhsan rualin "Zaninah party a awm dawn a, kan nupa in min sawm a, I peih angem?" A ti nghut a, Vani a awm vanga min rawn der vel mai mai a ni tih ka hria, midang hriat lai chuan nupa inngeih tak angin kan lang thin miau.





"Awle" ka ti sep, bu zeuh in inchung lam chu a pan a, hmun vel Vani ka tihfai zawh pui hnuah room ah ka chho a, a lo j siam peih leh diam tawh, "Dar 7 ah chuan lo inpeih hman I tum dawn nia" ka lut min hmuh rual chuan a ti bul hmuk a, ka bu ngauh ringawt.





Nileng chuan Vani nen kan awm dun leh kerh kerh a, ka sawi tawh ang khan in hi a liamtham ve bwk nen a khawhar thlak viau mai, ka nu nen kan inbia a, ka pa chu eng eng emaw test ngai vel a lo nei neih neih va, naktuk lamah a result a chhuak dawn a nih hmel. Rei fe kan inbia a, kan nui dun leh hak hak thin a, kan innel in ka nu ang tak tak a ka en vang hian kan inpawh bik riau in ka hre thin, an lo haw hun tur ka zawh chuan a la hriat mai loh thu in min chhang a, lo haw vat vat se ka ti ber, Jason nen kan inkar a tha em em silo nen ka nu leh pate an awm chuan nuam ka ti ve deuh thin a.





Party naa kal tur chuan ka insiam a, Jason pawh a rawn haw mek in ka ring, ka inpeih fel hnu deuh ah chuan Jason chu a lo haw a, melh pawh min melh eih lovin Bathroom ah a lut a, a lo chhuak leh chuan a thawmhnaw dah na lam pan chuan a kal a, a hak tur chu a la chhuak a a innel nghal zung zung, a inpeih fel hnuah kan nupa chuan in kan chhuah san a, party na hmun tur kan thlen chuan car atang ka chhuak a, ani pawh lo chhuak ve berin kan inzui lut nghal a.





Nancy pawh a lo awm a, kan lam chu rawn panin zamna tel hauh lovin ka pasal banah chuan a rawn vuan nghal chawt a, Jason pawn laksawn a tum chuang lo, ka chhungril chu a na vawng vawng a, "Fabbie i lo kal ve thei animaw?" Nui sawng chung hian min rawn melh ralh a, ban pawp tluka chak ka neilo, mahse tunah chuan chutia chet chu a finthlak ber loh tih ka hrechiang lutuk tlat ani.





Chhan pawh chhang lo chuan ka en reng ringawt, lo ngaireng rawh, I hlim rei hauh lovang ka rilru chuan ka ti a, party chu nuam tih hmel zetin a tawng siam siam a, a nui leh hak hak zel bawk, a hmel leh a tawng ti hrim hrim hian ka luak an ti chhuak, ka hawikual lai chuan Alawmi chuan ka banah min rawn chelh a, a bulah Hmingsanga a awm ve bawk, "I kal ve dawn tih Hmingsanga'n min hrilh a, chuvang chauh chuan ka lo kal ve anihhi" a ti a, a el a nung sarh bawk.




"Ka tawng peih vak loh vang chuan a thim deuh lai thut na tur awmah chuan kan thu dun a, Jason te chu midangte nen an inbe hlawm a, Jason-a bana Nancy in a vuan chuan ka ka mit a ti kham takzet. "Fabbie, I hlim loh hmel tawp enge I chungah thleng min han hrilh teh" Alawmi chuan a rawn ti a, ka thiantha ber a ni a, mahse a ni hnenah pawh hian engmah ka hrilh thei hrilh lo ani. Harsa tizetin ka nui lui hram a "Engmah a nilo" ka ti a, a awih hmel vak lo, mahse engmah min zawt lui tawh bik lo.





Hmingsanga chu kan lam panin a rawn kal a, a nupui a melh danah a duh hle tih ka hmuh thiam sak thei, "I ning tawh em?" Tiin Alawmi chu a zawt sup a, lu a lo thing nghat nghat a "Ok... Haw I duh hunah sawi la aw, saw kan thawhpui te an awm a ka va be leh lawk ange" tiin a kawsawn a, an nupa hian ka awt dun takzet ani, an inngeih in an in ngai pawimawh thiam em em a, keini nupa nen chuan in ang lo tak kan ni.





Ka sawi tawh em ka hrelo a, Alawmi hi a rai mek a, tunah hian nau thla hnih mi a pai ve mek, an chhungkua in an lawm em em a, ka thiannu pawh a hlim hmel thei hle, fa neih ka chak ve tawh em em a, mahse tun dinhmunah chuan ngaihtuah pawh ka ngaihtuah ngam lo zawk.





Kan thianduna kan thut dun reng lai chuan Puia hi kan hmaah a rawn lang hlawl a, kan bulah chuan a rawn thu ve nghal a, a rawn tawng nghal zawt zawt, a bula awm hi chuan kan nui reng zel, Jason te awmdan ngaihtuah hman lek lovin a tawng chu ka nuihpui a, ka lawm takzet zawk, ka hawi chhuah rual chuan Jason mitmeng rum lutuk nen kan mit a intawmg chat a, ka thin chu phu rang tak ani.





Ka hawisawn nghal thuai a, ka awm erawh a nuam thei tawh derlo. Jason chuan min en reng tih ka hria a, mahse ka haider luih tlat thung, Alawmi chuan a pa bula a kal lawk tur thu a sawi a, keini pawh pawnlamah chhuah kan tum thuin kan hrilh a, kan chhuak zui nghal, pawnah chuan thut hahdam a tur an siamah chuan kan thu dun a, boruak tiang hip chu a nuam takzet.





"Fabbie ka sawi tur a ni em chu ka hrelo a, mahse, I hlim loh hmel ka ti" a rawn ti sup a, ka thaw hak "Chutiang engmah a awmlo, ka hlim lutuk alawm" ka ti sep, ka aw a ti chang chang ani. "I tih tlat chuan le, harsatna I tawh chuan ka bulah I sawi thei ania" a ti leh a, thiantha tak ani.





"Pawn lam chu a vawt ve deuh a nihhi" a tihchuan ka lopawmpui khawp mai, a kawr chung hak a phelh mual mual a, ka darah a rawn bat nghal a, "Vawt I tih ve tho kha" tih paha pek let ka tum chuan a lo duh hauhlo, "A ngailo vawt ka ti hleinem"a lo ti deuh tlat a, pek luih ka tum tawh biklo. Chutia ka thut mai mai lai chuan kan hnunglam atang "Phiangsen hian" ti hrawk ri kan hria a, chutih rual chuan Puia chu a let nghal tawp.





Phawk lutuk in Jason chu ka melh a, "Ka nupui hi vawikhat mah hnaih tawh ngai suh angche" ti thawt in a lamah chuan min pawt hnai nghal hrawk a, chet mai nachang ka hrelo, Nancy chu Jason bulah lo dingin a banah chuan a ban a, "Jason enge maw I tih le?" A tih ri ka hriat chuan ka harh deuh thut a, Jason min kuahna atang chuan tal chhuah tumin ka che zui phat, ka kawngah chuan a hmer deuh salh a, "Min thlah rawh, Engthil nge I tih hi?" Ka ti hlar a, min thlah a la tum hauh lo zui.





"Min thlah vat rawh" tih pahin ka tal zui leh nghek, ka tal chhuak thei hram, Puia lamah chuan kalin kaihthawh ka tum a, "Ani kha khawih hauh suh angche" ti hrawk ri ka hriat chuan ka chawl deuh dat a, mahse ani thusawi mai mai awih ka tum ther te love. Puia chu ka kaitho a, a kamsir chu a thi deuh ser ser a, thinrim hmel emaw a pu hauh lo chu mak ka ti.





Min pawt her deuh nawk tu an a vang chuan ka te deuh that a, Jason thinrim hmel chang rut nen kan in hmachhawn nghal siah bawk. "Eng tiah nge I iinngaih a, ani hi khawih lo tur che in ka hrilh che anilawm ni?" A ti hrawih a, "Ka duhthlanna a nihchu, nang hmeichhe dang nen in awm theih laiin keiin ka thei lovang maw?" Ngeiawm tak chuan ka ti a, "Ngawi hmak rawh" sehchilh deuh nawkin a rawn tih lehchuan ka nui hak.





"Awle, chuan let tawh rawh, saw I bialnu pawhin a nghah che saw, chuan I rualin ka haw dawnlo, zanin chu inah ka lo haw lovang" ka ti a, "Ka rualin I haw ang, khawiah mah I riak Bo hauh lovang" a ti a, ka kutah a rawn man nghal hmiah a, min kalsawn pui nghal dawr dawr bawk, min vawn na chu ka thing nghek a engah mah ngailo in a car awmna lam chu min pan pui a, a car zawn kan thlen chuang eng khaw sawi set set lovin min hnawh lut rawk rawk.





Car khawngkhar chu a khar fawp a, rang zeta chhuah leh ka tum lai chuan rawn thu lutin ka chhuah theih loh nan car chu a lock nghal a, rum lutuk in ka melh a, hmalam melh ngur chungin car chu a ti nung a, Nancy chu kan lam ah rawn tlan pheiin Jason chu a rawn au va, engah mah ngailo chuan a tlan chhuak zui nghal daih, car kawngkhar chu ka sawi nawk nawk a, awmzia a awmlo.





In kan thleng a, a chhuak nghal vut, ka lam ah rawn kalin kawngkhar a rawn hawng a ka kut ah min kaiin min pawt chhuak a, inchhung lamah min kai lutin kan nupa room lamah chuan min kai lut a, ka kut a thlah chuan ka pai deuh nawk a, ka kut ka en chuan a lo sen vual deuh tut a, a hmer na em bawk ani. Kawngkhar chu kalhin ka lam chu a rawn hawi a, a mitmeng sen rum chuan ka thau ah min man hial thei.





"Khapa vang kha em ni nang hian ka fa pai duh lovin damdawi I ei?" A ti a, "I duh duh dan in ngai rawh, engmah in sawifiahna tur ka nei love" ka ti a, "Ka nupui I ni tih hre reng rawh, nang hian mipa dang pan han tum na teh in pahnih chunga ka thil tihtur chu I rin phak bak ani ang" a tih lehchuan ben sawk mai ka duh tawh.





"Nangin nupui nei reng chunga bialnu I neih theihaiin ka neih theih loh bik nachhan tur ka hre love, nang leh keitw chu a hming maia nupa alawm kan nih, chuvang chuan ka nunah rawn buai tum tawh suh" ka ti fak, "Nang hian ngaihzawng I nei ang maw?" Kauh fur a a rawn tihchuan "Aw... Nangpawn I nei alawm, ka neih loh bik nachhan tur ka hrelo, nupa tak tak pawh ka ni hleinem" ka ti a, a hmel chu rapawm tak ani, a bek a pawng deuh tawlh tawlh a.





"A tha e, nanghi tuta nge I nih ka hrilh angche, chuan tuma ka chet dan tur ah hian min dem hauh suh angche, I cho chhuah a nihhi" tih pahin a thawnhmaw inbel chu a hlip hmawk hmawk a, mak tihzetin ka lo melh, a zo chu ka lam panin a rawn kal a, ka kalsawn tur chu min man bet hmiah in khumah chuan min theh thla zui hnawk.




Cont.


Enge thlen in rin lee?


Show post links
Top

[Ngaia]

Chapter-14


(Zaninah chapter thar ka dah lehnghal maithei ani, ka type zawk hman chuan ka dah ang, hman loh tak leh natuk Sunday ni mahse kan dah tho ang)




Fabiana Ramdinsangi POV




Rang takin khum atang chuan thawh chhuah ka tum a, ka ke ah rawn manin min kuai zangthal in min rawn delh bet zui nghal a, a rawn kun hniam a, ka lo thle sawn vat thung, kan ban pahnih chu a kut khat chauh chuan ka lu chungah a nem bet hmiah a, ka ban a vawn lohna lam chuan ka khabeah rawn vuanin a lam chu min hawi tir a, dim lo lutukin ka hmuiah chuan a rawn fawp buan buan a, ka lo tal sek chu ngaithei lovin ka ke pahnih chu a khan bet tlat a, chet ngaihna ka tan a awm lo.




A hmui chu lasawnin ka nghawng ah a insawn thla a, "Tawp rawh" ka ti nghek a, engah mah a ngai duh lo, ka hnute chu ka kawr chhan ah chuan a tham a, ka tal na lamah ka kawrfual hak pawh a tawm chho vek tawh, ka rilru na lutuk chu ka thaw a chham mai dawnin ka hre hial.




Ka kawrfual hak hnung lam zipper chu a phelh a, ka theihtawpin ka lo tal leh nghek, mahse min vuan nghet lutuk, ka tal chhuak zolo, ka bra hak chu a phelh nghal zat a, ka hnute chu a rawn hmuam nghal zat. Ka taksa a zut kual ruai a, ka tal hah tawh bawk nen tang leh tur ka awm tawh meuhlo.





"Khawngaihin in hetiang hi tisuh" ka tih leh chuan ka hmai zawnah a rawn inmen khalh run a, "Ngawi hmak khawm awm rawh, min dan tum duh suh, nanghi ka nupui I ni tih hre reng angche" ti hrawkin ka panty chu a pawtthla hrawk a, ka tal leh chuan a ai nghetin min man bet a, a kut pakhat chuan a kekawr a phelh mawlh mawlh a, ka mal inkar ah rawn thla zepin dimna tel hauh lovin ka taksa chhungah chuan a rawn lut a, tang leh tur chuang ka awm tawhlo.





Jason nuam ti chu a rum hawk hawk a, ka mit ka chhing ngawt ngawt thung, ka na tih hian a sawi fiah zo lo, ka kehsawm vek nimai hian ka hria, ka kawchhung chu a rawn lum pap pap a, chumi rual chuan Jason chuan min rawn bawh thlawp a, che leh tur chuang ka awm tawhlo, Jason chu ka sirah letthla in inchung lam chu a melh vung vung a, puan chuan in khuh sawk sawk in ka thochhuak nghal.




Bathroom a ka luhfel hnu chuan chhuatah thu thla hnawkin ka tap chhuak hawk a, shower hnuai ah chuan ka thu tlawk thlawk a, darkar 1 dawn chuan chu ka awm tawh, ka tap tawh lova, ka â vek nimai in ka hria, kawngkhar chu a rawn ri dat dat a, hawn tumna ka neilo.





"Ramdinsangi rawn hawng rawh" Jason chuan a ti hrawih a, che chang lovin ka thut ngai chuan ka la thu reng "Kawngkhar ka ti chhiat hma hian rawn hawng rawh" a rawn ti vin leh thawt a, ka nui hak, min pawngsual zawh hnu lawkah min la vin ngam ania, migring pawh nilovin ramhuai diktak a nihhi. Bathrobe chu ha in kawngkhawr chu muangchangin ka hawng a, Jason hlauthawn hmel zeta lo ding nen kan in hmachhawn ran a.





Kal pelin ka thawmhnaw dah na lam chu ka pan a, ka hnunglamah min rawn zui zel tih ka hria, mahse biak emaw ka tum lo, a hmel ka hmuh hian ka na thar ngawih ngawih, ka chunga a thil tih hi ka theihnghilh tawh ngai hauh lovang. Ka hak tur chu ka la chhuak a, ka hnungah chuan ngawi rengin a ding a, bathroom lam chu ka pan lehnghal a, a hmuh laia inthlak ka duh lo, ka taksa a sik emaw a hmuh hi ka duh tawh lo bur.




Ka inthlak fel hnu chuan ka chhuak a, ngawi rengin khumah a lo thu a, min en ngur bawk, room chhuahsan ka tum chuan ka banah a rawn chelh vat. "Min thlah rawh" ka ti fak a, "Na I nei em?" A ti sup a nihchu, zaktheilo lutuk "Min ngaihsak ang khan lem chang kual suh, min thlah vat rawh, ka ten hluah hluah che" ka ti nghek a, min thlah a tum chuanglo, ka dawhthei tawhlo chuan min vawn na lai chu ka thing nghek a, min chelh ngheh tulh tulh vang chuan "I kut tenawm lutuk khan min khawih tawh suh" ka ti tuar.





Thaw chhuak hawlh pahin min thlah a, thil sawi tum ang deuh in a ka a ang zuai a, mahse engmah sawi lovin a chip lehnghal daih. Melh pawh melh peih tawh lovin room chu ka chhuahsan ta nghal a.





Jason nen chuan min hrang hlak ang mai kan ni tawh, ka chunga a chet dan vang khan hmuh pawh ka hmu peih lova, a hmel ka hmuh chuan ka nat thar leh thin vang ani. Ka nute pawh rin ai daih an cham rei a la ngaih hmel a, kan inchhung boruak chu hreawm tih piah lam ani.




A rawn haw tlai thei em em a, rawn haw loh chang lah a nei tam, ka chunga a thil tih vanga tlem taka inthiamlohna a neih ka rin nen a hmelah inthiamloh hmel pakhat mah a langlo, Nancy nen an la inzui tluang zel a, sawisel emaw ka natna tih lan ka tum lo, Alawmi pawh in min rawn bia a, an chungchang a a hre vek tawh tih ka hria, a hnenah ka lo inbun ruak a, ka thawl hawk nghe nghe.




A thinrim em em a, Jason leh Nancy chhuahchal a tum hial, mahse ka lo dang thung a, a chhan pawh a tlawm thlak ka tih vang ani, an duh duh dan chuan awmse keipawh ka duhdan zelin ka nung tawh ang. Vani pawn hian kan nupa I kar hi a hriat ruk ka ring a, mahse engmah a ti lang ngailo.





Zanriah ei dawn hnaihah chuan Jason a lo haw a, mahse amah chauh in a nilo, Nancy nen an rawn lut duh a nihchu. "Nancy hian chaw a rawn ei dawn ania" a ti a, ka ngawi reng, in em em a an rawn inzui luh ka ring ngailo, "Jason hian ei turin min sawm tlat a, a pawi I ti lo ang chu maw, Fabbie" tih pahin min rawn melh a, a hmelah chun min nuihsawk hle tih ka hmu, hetiang thleng thleng a an chet hi ka ring pha lo, tlawm ngawih ngawih in ka inhria, ka pasalin a hmeinu chu inah ngei chaw eiturin a rawn hruai lut ania, mahse engvangin nge ka chakloh na hi ka tih lan ang le...





"Tilove, I duh phawt chuan I lo ei dawn nia, chaw ka ei tawh a, ka eibang kha in pahnih in in la hmeh khawp vek ang, ka chau bawk nen room ah ka han hahchawl ange" ka ti sak a, a rin loh lutuk a ka chhan vang nge a hamhaih hmel kher mai.





Room lamah chuan ka lut a, kawngkhar kalhin ka thu thla hnawk, ka tah a chhuak a, mahse an ni vang mai maiin ka mittui tih tlak ka tum lo, pawnlamah chhuak tawh lovin ka mu a, ka rilru erawh a nuam theilo, Nancy kha rawn riah ve a tum nge, ngaihtuah tawh lo turin ka inhau ru mawlh mawlh a, mahse ka ngaihtuah lo thei silo.




.
.
Ka nawmloh em vangin inentir turin ka chhuak a, damdawiin ka thleng a, min koh hun tur chu changin ka thu ran, chutih lai chuan kha doctor nau paitheih lohna damdawi min pe tu leh Nancy ka hmu fuh a, rang takin ka zui nghal vat, cabin ah an inzui a, kawngkhar chu tlemin ka nem hawng deuh a, ka phone phawrh chhuak vatin video chuan ka la ta a.





Nancy chuan doctor chu pawisa a pe a, "I ti tha takzet ani, Jason an Fabbie a chhuah tir hun chauh a ni ka nghah tawh, indanna damdawi kha a duh vang renga lei angah a ngai tlat a, a phenah kei ka awm tih a hre huh lo, a hre ngai bawk hek lovang" tih pahin a nui har har a, "Jason ka pasal a nih veleh I lawmman chu I hmu leh ang, chuan hethu hi kan pahnih inkar chauh a ni tih hre reng angche" a ti a, doctor chu a nu zeuh a, Nancy chuan kawngkhar lam a rawn pan a, ka lo biru ta vat.





In entir lem lo chuan inlam panin haw nghal mai ka tum a, ka nu (keima nu) hnen atang call ka dawng a, "Bawihi I hman chuan lo leng phei ta che, I pa nen kan ngai lutuk che a" a rawn ti siam siam a, sana ka en a, a la tlai chhelo, Jason hna atang aban hun a la nilo bawk nen ka lenphei tur thu hrilh in kan inbiakna kan ti tawp a.





Ka nu te in ka thleng a, min lo ngai ngang a niang min kuah dun vang vang a, tunlai ka hun tawh nen ka nu leh pate ka hmu chu ka hahdam sawng sawng mai, thil chi hrang hrang sawiin kan titi a, kan nui leh bawk bawk thin, a tlai deuh tawh vangin haw ka rawt ta a, min lo dang biklo. Taxi chu hmangin inlamah chuan ka haw nghal a.





In ka thlen chuan Jason car a lo awm vang tawh, a lo haw tawh a ni ngei ang, inchhungah chuan ka lut a, Vani chuan eirawng a lo bawl zo vek tawh a, tlai lam dar 5:30 a pel tawh bawk nen ka pui hman ta lo anihhi. Vani hnenah chuan inchunga ka chhoh tur thu ka hrilh a, a hmelah chuan hlauhthawnna ka hmu thei, "Tinge I va hlauthawng hmel ve a" ka ti a, inchung melh zeuh chungin "Ih.. U Nancy a lo kal a, inchungah U Jason nen an awmdun mek" a ti a, "Awle ka han chho phawt ange" a ti sep.





A tha hlauh e, thudik chu a hmaah ngei hian ka pholang dawn khawp. Kan nupa roomah an awm ka rin loh vangin kan room dawt chiah a room awm chu ka hawng a alo ruak huai a, ka hmahaih lek lek, hetah hian Jason a mu thina, an awm lo a nihchuan khawiah nge maw an awm ang le....





Kan room lamah chuan ka kal a, kawngkhar ka pawt hawng chiah a, ka thil va hmuh avang chuan ka che lawih thei, Jason leh Nency chu kan khumah kawr ha mang lovin an lo awm dun a nihchu, duhthawh takin an lo in kiss a, kawngkhar inhawmg ri an hriat chuan an lo hawi rual thawt, Jason an min hmu thut chu a hamhaih hmel viau, engmah tih nachang hrelo in ka ding khawng reng ringawt.




Jason khum atang a lo chhuk a, min rawn pan chuan ka harh chhuak zawk a min khawih a tum chuan, "Min khawih hlek suh angche" ka ti tuar a, a ding chawt bawk "Fabbie" a rawn ti sup a, rilru na lutukin ka melh tlawk tlawk ringawt, "I ngaih ang kha anilo" a rawn tih leh rual chuan ka nui hak, "Ka mit ngeiin ka hmu phat tum buai duh suh", min rawn ban leh rual chuan ka lo tawlh hnung dawrh a.





"Tunah chuan ka tawrh theih chin a pel tawh, nupui nei reng chungin ngaihzawng I nei a, ka chungah rawng taka I che chung pawhin inthiam lohna I nei lo, ka tuar a, thudik a lo lang chhuak thuai ang tihin ka inhnem ve tang tang ve tang tang thin, mahse tunah kan nupa khumah ngei I bialnu nen hun in lo hmang a, ka tuar thei tawh lo, tunah hian emgkim tawp vek an tawh rawh se" ka ti thawt a, "A theih loh" a la ti cheu a nihchu.




Engmah sawi tawh lo chuan ka thawmhnaw bawm chu ka nu pan a, luggage la chhuakin ka thawmhnaw ho chu ka khung mawp mawp, Nancy chu room a tang Jason chuan a chhuah tir a, ka ngaihven lemlo, ka lam chu rawn panin ka thawmhnaw khung ho chu a la chhuak a, thinrim zetin ka melh a, "Min dang tum hauh suh" ti ti nghek, ka mittui lo tla chhen chu duh lo lutukin ka hru tawk bawk.





Ngawi ngul in ka thawmhnaw ho chu a la chhuak zel a, ka thinrim lutuk chuan ka awm ah ka nem nghek. "I duh ang ngeiin ka chhuahsan dawn che anih hi, min tibuai lovin I hmeinu kha va buaipui rawh" ka ti leh nghek a, ngawi rengin a ding thung, "Ka thawmhnaw a lak chhuah ho dah luh leh ka tum lai chuan ka kut a rawn man a, "Min dan han tum leh na teh, ka ruang hi he in atang hian a chhuak ang" ka ti tuar a, ka lut a vawn beh chu ka thing thla a, ka insiam zui mawlh mawlh min dan a tum tawh lo. Ka che vel chu ngawi reng in min en reng ringawt.





Ka insiam zawh hnu chuan room chhung chu ka en kual thuak a, Jason ngawi renga ding run ka melh chuan min lo melh ve reng, a mitmengah chuan hlauhthawnna ka hmu sak a, ka tihtum min thulh tir dawn chuanglo, ka tuar a, ka tuar zel a, mahse tunah chuan ka thei tawh lo ani, nie, an ni tan hian hnawksakin ka lo awm rei mah mah tawh zawk aniange, ka chhuk anga inneiawlh rawh se, ka finfiahna neih chhun pawh chu hmuh tir kher ka tum lo, mahse thudik chu ka la puang chhuak tho ang.





Inhnuai lamah ka chhuk a, Nancy lo nui sawng nen chuan kan in melh siah, 'I hlim rei hauh lovang' ka rilru chuan ka ti a, tunah chuan aduh ang thalin han hlim vel teh se, Vani chuan ka lam rawn pan vatin "Fabbie chhuak suh khawngaihin" tap ti tih chuan a ti a, ka hnuk a ulh tun thei, mahse chhuak lo thei ka ni tawhlo.





"Nilove, ka tuar thei tawh lo ani, ka kal ange" kuah vang vang pah chuan ka ti a, Kawngkhar lam ka pan lai chuan Jason chu a rawn chhukthla mawp mawp a, "Nilo, chhuak suh emgkim ka siam tha ang" a rawn ti a, "A tlai tawh, engmah hi siamthat theih a ni tawh lo, he in hi rawn rah leh pawh ka duh tawh lo, hlim takin in awmdun dawn nia" ka ti a,ka pen chhuak nghal. Taxi hmuh mai tur a awm tawh loh vangin ka pa ka call ta tawp a, min hruai tura ka tih chuan a chhan min zawt vat a, nakina ka hrilh tur thu hrilh in lo kal vat turin ka chah a, a rawn kal nghal tur thuin min chhang a, Jason an min rawn umzui ka hlauh vangin in atanga hmun hla deuh hlekah chuan ka pa ka lo nghak a.





Rei nghah a ngailo, a lo then chuan car ah ka lut vat a, luggage te nen ka nih duh rup vang chuan mak a tih hmel kher mai, ngawi re g in ka thu a, pawn lam ka thlir vang vang bawk, ka kehsawm hneh mah mah ani, kum em pawh kan inneih hmain pasal ka then nghal der chu a ni sia.




In kan thleng a, ka nu ka hmu be chiah chu insum thei lovin ka tap chhuak nghal hawk. Rei ngial ka tah hnu chuan thil awmdan te chu min zawt a, keipawh chuan engkim ka hrilh ta vek a, an fan in kehthei dawm ta meuh a an dawn thin na lai hmel an hmuh chuan ka nu leh pate chu an nat hmel khar mai.




Ka room lam chu ka pan a, ka nu leh pate chuan a hahdam tura min tiin room atang an chhuak thuai a, thil tamtak ka ngaihtuah a, himani lawkah pasal ngeiin hmalam hun te kan thilr lawk dun a, tunah chuan engkim a danglam tawh, ka mittui bawk chu a lo luangleh a dan tumna pawh ka nei lo, ka na em ani.




Ka nu leh pa (Jason nu leh pa aw) te pawh ka chhungte chanchin an hrilh hre tawh a, pawi an tih thu leh an lo haw hunah thutlukna siam turin min rawn ngen a, mahse ka thutlukna hi sawhsawn ka tum lo bur, Jason hnenah kir leh ka tum tawhlo.




Karkhat lai a liam leh tawh ka nu leh pate pawh an haw tawh a, ka thutlukna an pawm vek tur thu an sawi a, ka thutlukna ka sawi chuan an hniallo mahse an mitmengah ntna k hmuhsak vang chuan hreawm ka ti hle thung.





Ka bungraw la turin kan kal a, Jason chu a lo awm a, a bawrchhawr em em lehnghal, ka va melh chuan min lo melh reng a, ka hawisawn vat, bungrua ho an thiar chhuah mawlh mawlh a, an zawh fel hnuah in atanga kan chhuah dawn chuan ka nu chuan min kuah vang vang a, "Ka fanu I ni reng ang" tih pahin mittui nen min thlah a.




Thla khat lai a liam leh tawh a, in atang ka chhuak ngai meuhlo, tun hnai hian zing luakchhuak hi ka nei a, a hreawm thei takzet, chaw ka ei tha mumal thei bawk silo ka nu chuan in entir a rawn a ka hnial lo, ka adan a hreawm em vangin inentir vat ka duh ani.




Ka nu nenchuan kan in entir a, doctor chuan test kid min pe in "I awmdan atang hian rai I ang riau a, I zun va test rawh le" a ti a, ka harh kawk, hlauthawng ru deuhin bathroom lam ka pan a, ka zawh rual chuan en pawh en ngam lovin ka chhuak leh thuai a, doctor chuan nui sang hian "Nau I pai a nihhi, ka lawmpui lutuk che" arawn tihchuan ka che lawih thei, fa neih ka chak thin em em a, mahse tunah chuan pasal ka nei tawh silo.





"Ultrasound ti nghal ang aw" a tihchuan ka nu in a lo chhang vat a, naute chu thlakhat a upa a lo ni tawh a, haw lamah chuan ka ngawi reng a, engtin nge ka awm zel ang ka hrethiamlo, in kan thleng a, ka nu chuan ka pa chu chanchin a hrilh vat a, ka pa chuan Jason te hrilh ve tha a ti a, engmah ka sawilo ka rilru a buai hrih em ani.





Ka pa chuan Jason nu leh pate chu a va hrilh a, an lo lawm khawp mai, Jason an engtin nge a ngaihvka hrelo, bungrua kan lak atang khan vawikhat mh kan inhmu leh tawh lova, fa a awt thei em em tih ka hria, tunah chuan pa a ni tawh dawn a, mahse buaina tamtak a awm tawh thung.




Cont.


Show post links
Top

[Ngaia]

Chapetr-15



Fabiana Ramdinsangi POV




Ka nu leh pa te (Jason nu leh pa) chu kan in lamah an rawn chuang kai fo a, mahse Jason a rawn lang ngai lo thung, rai no ka haw em em a, thil ka ei thei silo, ka cher hle a, ka chhungte thil tha tinreng min leisak a, ka lawm takzet ani.




Ka room ah chuan ka awm a, ka phone Jason nen kan thlalak chu ka en vang vang 'Pa I i tawh dawn asin, fa neih I chak thin zia kha, mahse keini chu awmdun tura ruat kan ni silo, I hlim tawh ngawt ang tiraw, I hmangaih tak nen in awmdun tawh si a, mahse kei chuan ka la theihnghilh thei lo che, theihnghilh che a hnkon Nangmah ka hriat reng na tur che he ka pum chhungah hian a awm mek si a, min hrechhuak ve thin angem?.. Ka ngai lutuk che, mahse ka ngaih phak I ni tawh silo' ka ti sep sep a.




Ka fa tan hian nu leh pa tha tak ni ngei ka tum ang, pa tello a a awmtur ka ngaihtuah hian ka na a, hreawm ka ti takzet. Ka fa vang chauh a tun dinhmun thleng hi ka ni, Jason nen kan inthen tirh khan thi daih mai kha ka chak thin a, ka ngai lutuk kha ka thi mai dawn in ka inhre hial thin, mahse ka fa hian beisei na thar min pe a, nun hlimna ka tawng leh thei ani.




Ka naute pawh thla 6 a ni ve tawh a, ka pum pawh a puar ve ak tawh mai, mite chuan rai inhmeh min ti hle a, ka in check up tha a, doctor pawn ka naute a hrisel that thu min hrilh a, ka lawm hle.




Alawmi pawn min rawn thlawh zeuh zeuh thin a, nau a pai len ve tawh avangin dun ang in a lo kal thei tawh lo, leng turin min sawm fo a, mahse ka hnial tlat thin thung a pasal hi Jason nen thian tha tak an ni a, ka tan hmuh reng a nuam lo ani.





Jason nen kan inhmuh lohna pawh a rei ve tawh khawp mai, min hmuh tumin emaw a fa rawn ngaihtuah a tum ngailo, an hlim hle a nih ka ring ka nu leh pate erawh an rawn kal fo thung a, Jason chanchin an sawi ngailo, min ngaihtuah em em a, ka tan awm nuam lo tur zawngin an tawng ngailo.




Vawin hi ka in chech up ni a ni a, ka nu a buai deuh avangin keimah in ka kal dawn a, min ngaihtuah viau, mahse keimah a ka kal theih tur thu k sawi min ngaihtuah lo turin ka chah nghal bawk. Damdawi in lama kal tur chuan ka insiam a, kawrfual hak nuam zet mai ha in pheikhawk hniam bun nuam zet ka bun bawk, in atang chhuakin taxi in damdawi in lam chu ka pan a, damdawi in kan thlen chuan chuan man pein ka chhuk zui nghal.




Doctor in min hmuh chuan nui sangin min lo lawm a, kan innel tawh bawk a, kan inkawm ngeih viau, min check zung zung a, a zawh chuan chhuak mai lovin kan inkawm a, "I vun a nung bawk sia, I lo kal tirh ai khan hmuh I nuam daih tawh zawk ania" a ti a, ka lo nui hak hak, kan titi zui liam a, check tur a la neih nual vangin rei inkawm lovin ka chhuak thuai a.





Damdawi in pawn ka thlen chuan taxi ka chang a, a vang phian lehnghal. Ka ke a kham deuh vangin thutna tur an siamah chuan ka thu a, ka phone ka en a, chutih lai tak chuan ka hmaah car hi a lo ding a, ka hawichhuak lem lo, "Ka lo thlah angche" ti sup ri ka hriat chuan tunge a nih ka hre chiang lutuk tlat, ka thin a phu nghal dup dup a, hetah hmuh ka beisei lo lutuk vang chuan mak ka ti angreng viau bawk.




Ka hawi chhuak a, Jason chuan tak ngur hian min lo melh a, rei en duh lovin ka hawikual a, taxi hman mi tur a la awmlo, haw ani hi I thlah tir ka tum hauh lo thung. "A ngailo, taxi in ka haw mai ang" ka ti a, thinrim a vin chiam ka tum lo, ka tan engmah a ni lo tih hmuh tir ka duh vangin ka hmelhriat satliah ang chauh in ka bia a.




"Taxi a awm loh hi, ruah a sur hma hian car ah lo lut rawh" a ti leh a, "A ngailo ka tihchu, ka hmanhmawh chuanglo, taxi ka nghak zawk mai ang" ka ti deuh tlat.





A thaw hawlh a, ka hmaah chuan a ding run bawk, kalsawn emaw pawh a tum lo, ngaihsak duh lo chuan ka phone bawk chu ka en san leh , mahse enge ka phone ah chuan lang pawh ka hre chuanglo. Chutia ka thut ngawi reng lai chuan ruah a rawn tla siar siar a, Jason chuan ka kutah rawn kaiin a car lam chu min panpui a, "Enge maw I tih le?, Min thlah rawh" zawi te chuan ka ti hlak a, hrelo der hmakin a car chu a hawng a, min thut luh tir nghal hmak.





Car chu kal hual in a rawn thu lut ve vat a, engine ti nungin a tlan chhuak nghal, hnial duh eng ang pawh ni ila, a sawt dawn lo tih ka hriat Chuan em vangin ngawi rengin ka thu ta reng a, ani pawh tawng a tum bik chuang lo, ka pum chu ka dawm a, a pa nen kan awmdun tih a hre ve a ni mahna, a vawikhat nan , ka phu deuh zawk nghe nghe, ka nui chhuak har a, Jason chuan mak tih hmel zetin min rawn en a.




"Tunah khan a rawn tlawh, a vawikhat nan ka pum a rawn tlawh" tiin Jason chu hlim zetin ka en a, motor ti ding a, a kut chu la in ka pum chu ka dawm tir a, ka pum bawk chu a rawn tlawh che leh dat dat a, ani pawh a nui hak "Mipa anih ka ring, a rawn thlawh na reuh emai" ka ti a, "Nilo, hmeichhia zawk aniang" a rawn ti ve hlut, kan nui dun hak hak a.




Ka pumah chuan a kut chu a la awm reng, a nui suk suk a, ka hlim lutuk chu ka mittui a tling pam thei hial, Jason phone chu a rawn ri a, a phone screen a hming lo lang ka hmuh chuan ka hlimna te chuan min hlatsan tial tial a, ka harhchhuak zawk, a kut chu ka dahsawn sak vat a, a ni pawh a nui hmel a bo leh vek tawh.





Ka hlim lutuk vang khan enge ka tih pawh ka lo hrelo ani, a phone chu la lo chuan a ring ral tir thak a, a rawn tih nawn leh chuan a cut hmak, ka awm laia biak a duh chiah lo anih ka ring, keipawh hi enge ka hriat reng reng ni, ka awmdan zahpui awm zet vang chuan ka in hau ru mawlh mawlh a, tlan chhuak mai lo chuan ka lam hawiin min en vang vang a, "Haw vat ka duh ania" ka ti a, che chang lovin min melh ngur ngur a, ka chunga a thil tih tawh zawng zawng ka ngaihtuah in khatianga ka awm mai kha mawl ka inti takzet.





"I fa pai mek hi ka fa a ni em?" A rawn tih chuan mak ti zetin ka en dawrh a, tunah khan engmaw min zawh kha. "Maw... Kha I pum chhung ami kha ka fa ani em?" A rawn tih leh a, a fa lo tu fa nge ka pai a ring, thinrimutukin ka en a, "Engthil nge I sawi kha?" Ka ti fak.





"I fa pai lai kha ka fa a ni em ka ti a nihchu nge nia kha I ngaihzawngpa Puia fa kha" a tih leh chuan ka I sum hman lovin a hnaiah ka beng sawk a, "Ramhuai I nihhi" tih chauh ka sawi thei, amah zawk hian ngaihzawng a nei a, chuan kei hi min la pun chhe ngam zawk amaw, zaktheilo lutuk. "Aw.. ramhuai ka ni, mahse chu ramhuai a min siamtu chu nangmah hi I ni, ka nupui ni reng chungin mipa dang I kawp thei a nia, I lo ropui takzet" ngeiawm zetin a ti leh a, "I nihna kha min puh reng reng suh, nangzawk hian a nilawm ni ngaihzawng nei zawk chu" ka ti tuar a.





"I chet dan ang chiahin ka che a nihhi, enge I lak nat viau I thil tih man chu I tuar mai tur ani, ka nupui ni reng chung mipa dang fa I pai thei ania" a ti a, engmah sawi lovin ka bawh rawk a, a hmai ah chuan ka ham a, a rum nghut, ka kut man betin hnai zeta min en ngur a, "Min thlah rawh" ka ti tuar, "Tehreng mai, nang ang mi tenawm lutuk hi ka khawih peih reng reng lo che" ti hrawkin min thlah a, a phone a ri ve chiah bawk, a phone chu a la a, lehlama lo tawng chu Nancy a ni.




"Aw... Lo awm rawh ka rawn lam angche" dam zetin Jason chuan a ti a, ka na vawng vawng mai, "Imm hotel ah zanin chu kan riak dawn nia" ka hriat tur kher chuan a ti leh nghat a, ka mittui tla tur chu ka dang hram hram a, ruah sur pawh a han fel vek tawh. "Tihtur pawimawh ka nei, hetah hian chhuk mai rawh" a ti nghut a, "Awle, ka chhuk ang, mahse hre reng rawh, he ka nau pai lai hi a rawn pian hunah I fa angin rawn puh hauh suh angche, mipa dang fa anga I ngaih atangin I fa a nihna a bo tawh" ka ti fak a, rawn nui hakin "Ka fa a nihlo na na na chuan ka fa angin ka rawn puh hauh lovang" ngeiawm zetin a rawn ti a.





Car atang ka chhuah fel hnu ah chak zetin a tlan a, taxi lo tlan remchang a awm hlauh a ka phar ding thuai a, ka thut luh rual chuan mitchhing vang vang in Jason thusawi chu ka ngaihtuah a, a tha e, a fa a ni tih pawm lo tu a I a, min chuh thei hauh lovang, ka fa keima ta chauh a ni.





Ni a ral zel a khami ni bak kha chu Jason nen kan inhmu tawh lo, Puia nen kan inhmu a, chuta a thil min hrilh chuan min thawng takzet ani, Nancy in Jason bulah Puia nen inkawp reng angin min lo sawi a, thlalak edit in kan mudun lai ang tur tak chu mithiam tak a lo edit tir a, Jason a lo hmuh ani, chumi vang a nih chiah dawn chu Jason khan Puia nen inkawp angin leh a fa pai anga min ngaih, Nancy rawih pa kha Pui cousin thianpa a lo ni hlauh a, min puih a lo in huam em em mai mai a, ka lawm takzet ani.




Karleh hi ka pa (Jason pa) piamcham a ni a, chutah chuan engkim hailan kan tum a, finfiahna ka lo neih tawh sa leh Nency in a rawih pa kan lamah a tang tawh bawk a, atan chuan phat ngaih na a awm tawh hauh lo vang le, amah vanga ka tawrhna zawng zawng leh ka fa nu leh pa kara a paing lo tur hi amah vang vek ani a, hremna pek ngei pawh ka tum nghet bur.





Ka pa piamcham lawmnaah chuan kan chhungkuaa tel tura min ngen nasat em vangin ka nu leh pate pawh an kal a, Jason leh Nancy pawh an awmdun chawt bawk,. Nancy chuan min nuihsawng a, Jason banah in titatu takin a kuah tlat bawk.




Keimaha ka lo din reng lai chuan Nancy chu ka lam panin a lo kal a, "Ka sawi tawh kha Jason hi keima ta chauh ani, ka thusawi awih ni la hetiang taka hreawm hian I awmlo nimai tur, I fa hian pa a neilo tur hi ka khawngaih lawk khawp mai" ngeiawm zetin a rawn ti a, ka nuih liam mai mai thung, a thil tihsual zawng zawng hai lan a ni tep tawh a, a duh duh chu sawi phawt mai teh se.





Jason chu kan lam panin a lo kal a, Nancy chuan a banah a lo chelh vat a, min en ngur a, ka dul zawnah a mit a fu chat bawk. Nancy thil tih zawng zawng a hriat chhuah hunah engtinge a awm ang?... Pawm leh emaw ka tum tawhlo, ka thusawi awih duh lova Nancy thusawi awih tu ani a, ka thusawi awih hram tura ka ngen lawm lawm pawn min hawisan hmak anihkha. Chuvang chuan inchhirin ngaihdam min dil eng ang mahse ka ngaidam mai mai thei lo.






An ruahman dan chuan screen Lian takah chuan ka pa nopan lai thlalak thlir letna neih an tum a, chuchu kan tan remchang tak ani, Jason te chu an kalsawn a, screen lam chu mipui chuan an en vek, Puia chuan min rawn signal a, ka lo bu zeuh, chutah le, Nancy leh doctor te inbiakna chu a rawn in play ta a, mipui chu an ngawi thap.




Video chu a in play zo a, Nancy lam chu mipui chuan an hawi ta thap a, hlauhthawn hmel lutukin Jason a melh a, min hnungchhawn zawnga Jason a din avangin a hmel ka hmu theilo.





"Nang hian min bum amaw?" Ti hrawkin Nancy chu a rek chawt a, an lo dang vat bawk.




"Kha mai kha a la ni hleinem" tih pahin Puia leh thlalak a edit tir tupa khan an lo kal a, Nancy in thlalak a edit tir zawng zawng chu a sawichhuak ta vek a, chutah zet zawng Jason thinrim lutuk chuan Nancy chu a pan mawp mawp a, a samah a kek darh awrh a, "Ja..Jason" hlauthawng hmel takin a ti a, "Tu ah nge I in ngaih a, nang hian min bum ngam amaw" tiin chhuatah a pai thuai a.




Ka pa chuan mipui lam hnenah thupha chhawiin a chhuah tir ta hlawm a, "Police an lo kal mek, doctor pawh kha an man tawh bawk a, a hremna chu a nep lo khawp ang" Puia chuan ati a, ngawi rengin ka ding a, ka natna tawrh zozai kha a lo let leh zut zut nimai hian ka hria.




Reiloah police chu lo thlengin Nancy chu an la ta, Jason hnenah ngaihdam a dil nasa hle, an chhuah fel hnu chuan Jason chu ka lama rawn hawi a, a miah chuan inthiamlohna nasa tak ka hmuhsak thei, nem leh mai mi ka tum lo, Nancy bum kual theihin a awm a, ama sawi ang ngeiin a thil tih man chu a tuar tur ani.




Kan chhungte chu thil thleng dan chuan a thawng hle tih ka hria, kei ngei pawh hian lo hre lawk vek tawh mah ila, awih har ka la ti. Ngawi rengin kan awm hlawm a, chutah Jason chu ka lamah a rawn kal a, ka hmaah tak chuan rawn ding in min melh ngawt ngawt a, keipawhin ka en let ve reng bawk.




Ka pa chu a mit mei zeuh va, midang te chu an chhuak sap sap a, kan pahnih chauh in kan awm ta.





"Mate.." tih paha ka kut rawn vawn a tum chuan ka lo tawlh sawn vat a, na tuar ang maiin a rum hrawih bawk. "Mate" a rawn tih lehchuan "Khati khan mi ko tawh suh" ka ti a, a thaw hawlh hawlh, "Min ngaidam rawh, ka rin loh vang che in" a rawn ti leh sup a, a aw a khur deuh dar dar bawk.




"Awmzia a awm tawhlo" ka ti a, "Nilo,, khawngaihin ka thiamloh a ni, min ngaidam hram rawh, I tello chuan ka nung thei lo" tih leh min rawn kuah a rual a.



Cont.



A ngaihnawm vak lovang tih ka hria e, duhlhawp loh na lai inneih pawh ka ring, hmanhmawh lutukin ka type leh zung zung a, rawn dah leh hram ka duh bawk nen min hrethiam rawh u aw....


Show post links
Top

[Ngaia]

Chapter-16



Fabiana Ramdinsangi POV



"A tlai tawh" ka ti a, a mitmeng sen rum chu ka melh a, engkim a hrait huna a awmdan tur ka ngaihtuah fo thin, tunah ka hmu lem a keimah zawk ka na em em si a, a bula awm tluka chak leh thlakhlelh hi ka neilo asin, mahse ka chhungkam atang hian min dang tlattu an awm si.




Kawngkhar lam pana chhuah ka tum lai chuan ka hnunglam tang min rawn kuah a, "Mate, khawngaihin min ngaidam hram rawh" a ti sup sup a, ka inhum ruh nghek.




"Ka thusawi awih duhlo tu chu nanghi I ni, tuna inchhir leh hian awmzia a nei tawhlo, ka sawi kha thudik hrilh che ka tum a, mahse nang chuan min hawisan in Nancy I pan a ni lawm ni, ka ngaihdam theih che i ring em ni?" Ka ti nghek a, "Aih, khatih hunlai khan ka rilru a buai em a, enge tih er tur ka hrelo a tin ni, ka thiamloh a ni tih ka hria, khawngaihin ka tihsual ka siamthat leh theih nan ka hnen ah lo kir rawh" a ti a, ka ner sawk.




"I hnena lo let leh ai chuan thih pawh ka duh zawk, I hmel hmuh ringawt pawh hi ka duh tawh lo, min kalsan rawh, ka nunah hian vawikhat mah lo lang tawh suh angche" tiin min kuahna atang chuan ka talchhuak a, pawnlam ka thlen chuan kan chhungte chuan min lo melh thap, haw turin motor lam kan pan a, motor ka thut luh rual a, Jason hmanhmawh zawta lo tlan chhuak chu ka hmu hman hram.




In kan thleng a, kan chau bawk nen room lam ka pan nghal a, ka nu leh pate pawh thil thleng khan a thawng hle tih ka hria, kha hmuna awm zawng zawng kha chu a thawng vek a tih theih hial ang.





Jason chu a beidawng mai dawn emaw ka ti a, mahse beidawn a la tum lo nasa, kan inah pawh vawi hnih lai chu a rawn kal tawh, mahse room chhungah ka awm tlat a, ka nu leh pate mi mawl an ni lo bawk a, tha takin an lo bia a, chupawh chu tul ka tilo viau, engpawh rawn ti mahse awmzia a awm dawnlo, kir leh turin in ka chhuahsan lo.




Nizanah Puia'n min rawn bia a, vawin lamah rawn leng a tum a, ka lo ngaichang ran a, reiloah a lo thleng vat bawk. Eitur chi hrang hrang min rawn ken a, lawmthu ka hrilh ve luam bawk, ka nu pawh in tha takin a lo bia a, an innel tawh sa nen an pahnih in an inkawm a ni zawk mah, chutia kan lo thut ho mai mai lai chuan door bell a rawn ri a, tho chhuah mai ka tum chuan ka nu in min lo dang vat a, amah zawk chuan a va hawng a.





Jason chu a rawn pen lut a, Puia nen kan lo thu dun a hmuh chuan mit ti zim sunin min rawn melh a enga tan mah ka ngai love, kan hma chiah thutthlengah chuan a rawn thu thla a, min en ngur tih ka hria, ngai pawimawh lovin Puia chu ka en tlat a, ani pawn ka awmdan hria in thu ho te te sawiin min be ta reng a, ka lawm takzet, ngawi rengin a thu ve reng a, hna ah a buai lo emawni.




Puia chuan tihtur a la neih vangin haw a tum a, kawngkhar thleng in ka va thlah a, incchung ka luh leh chuan a thutna ngaiah thuin chik zetin min melh a, ngai pawimawh duh lovin room lam ka pan san hmak rawn kal sek lo se ka duh, midang hmuhin in kalpawh reng pawh hi a mawilo.




Tukvelh zawnah chuan thuin pawn lam chu ka thlir vang vang a, kawngkhar inhawng thawm ka hriat chuan ka hawi vat a, Jason chu ka room chhungah a lo lut a nihchu. Thinrim lutuk a enin "Engvanga rawn lut nge I nih, I va zak lo ve" ka ti hlar a, a mit meng chu a zuai deuh ruih a, a chauh hmel hluah hluah bawk.




"Biak lawk che ka duh a" inthlahrun hmel takin a ti a, a inthlahrun tak tak pawh ka ring hrep lo e, "Biak che ka duhlo chhuak rawh, chuan rawn kal leh tawh suh" ka ti nghek a, a thaw chhuak hawlh.




"Ka ngai che" a ti sup a, ka ner sawk thung "Thu lawi lo I sawi dawn a nih phei chuan chhuak rang rawh" ka ti a, "Khawngaihin min ngaidam hram rawh" ngenngawl lutukin a ti a, ka nui hak, ka ngaihdam mai mai theih a ring emawni.




"A tlai tawh ka tihkha, engmah a sawt tawh dawn chuanglo, chuvang chuan rawn kal chhen lo la, ka hmuh theihah rawn inlar sek lo bawk rawh" ka ti a, a hmel ka hmuh hian ka na ngawih ngawih nunna nei tawh lo ang maiin a hmai a dang bal a, ka khawngaih lutuk mahse a ni hnena let leh hi ka tum tawh lo bur.





"Ka theilo, I tello a awm ka theih loh ang bawkin nangmah hlatah ka awm theilo" a tihchuan beidawng lutukin ka en reng ringawt. "Khawngaihin aw... Lo let leh rawh, ka ring tlat tawh angche" a ti leh sup.





"Ni love, min ring turin leh ka thusawi ngaithla tura ka ngen lawm lawm chung che in nangchuan min hawisan a, tunah chuan engkim a tlai zo vek tawh, awmzia a awm tawhlo" ka ti a, a hmel ah chuan beidawn mai mai a la tum loh hmel hle, mahse keipawh nem mai mai ka tum biklo.





"Keimah vang a nih loh pawhin kan fa lo piang tur vang tal pawh hian lo let rawh, chhungkua tha tak neih a phu, khawngaihin chhungkaw tha tak pe turin ka hnenah lo let rawh, hlim takin ka siam tawh angche" a ti sup sup, a thu rawn sawi vang chuan ka sa phat a "Ngawi hmak rawh, I fa a ni lo, keima fa ka ta keima ta chauh a nihhi" ka ti tuar a, a hmaa a thusawi te kha a theihnghilh vek tawh zawk nge chutiang thu a rawn sawi ngam chu zaklo ka ti lutuk.




"Ka fa ngei a ni tih chu a hrechiang ber tu I ni tih kan hre ve ve" a ti ta hluk a, rum deuhin ka melh a, "I fa a nih I ring lo a nilawm ni, ka sawi tawh kha midang fa anga I ngaih atang khan a pa i nihna chu I bo tawh, naute lo pian hunah pawh min chhuh tum suh ka tihkha, vawikhat pawh I fa angin sawi leh tawh suh" ka ti nghek a, ka thinrim lutuk vangin ka aw a khur hlak hlak bawk.




"Mate" a rawn ti leh sup a, "Tikhan min ko tawh suh, chhuak rawh, mihring pangai te I nih ve chuan vawikhat mah rawn kal leh tawh suh angche, khawlai a kan inhmu fuh a nih pawhin in hre ngailo angin awm ka duh" tiin ka hawisawn hmak a, beidawng hmel zeta inher in room chu a chhuah san a, keipawh hian na ka ti ve tho, mahse ka chunga a chet dan zawng zawng te kha ka theihnghilh theilo ani.




Zan lamah chuan ka pa chu ka room lamah a lo lut a, a hmelah chuan thil sawi duh a nei tih ka hre thei, "Pa enge ni a, I rilru a va buai hmel ve" ka ti a, "Bawihi, in pa hnenah hian let leh I tum tawh lo tak tak em ni?" A rawn tih chuan ka beisei loh lutuk zawhna ka dawn vang chuan chhan mai nachang pawh ka hrelo.




"Pa chutiang te engtin nge min zawh theih zawk, ka chunga a chet dan zawng zawng hrechiang ber tu I nihkha" ka ti a, ka mittui a tling pam bawk, "Nie, mahse han inngaihtuah chiang teh, Jason pawh a inchhir zia kan hmuh sak vek a, karah fa a awm tawh bawk nen hetia I then hlen hi thil tha ber anilo ania" a ti sup sup a, chutiang thil a sawi vang chuan ka thinrim theuh tawh bawk.





"Aih ka let tawh dawn lo, ka fa chu keiman ka enkawl mai ang, pa tello a fa enkawl hi mi tamtak an awm alawm, khawngaihin chutiang thil chu min zawt tawh suh" tha in sum zetin ka ti a, ka aw pawh a lawi rut thei, "Awle, ka nawrlui lo che ania, fate tih fahrah ai chuan tiin ka hrilh che ania, ngaihkhawih tur a awm lo ania, I let du tawh lo anih pawhin kan hrethiam che ania" tih pahin a chhuak a.




Keipawh hian ka fa hi pa tello a seiloan turin ka phal bik lo, mahse ka hreawm tuar zawng zawng te khan min dang tlat si ani, Jason pawh a inchhir takzet tih ka hai lo, ka chunga a chet dan leh kan nupa khum hiala Nancy a lo awmpui ka mitthla let a, ka thei hlawl lo ani.





Hun te a kal ve zel a, Alawmi pawhin fa anei tawh a, hmeichhia a ni nghe nghe, an lawm em em a, a fanu lah chuan a chhunin ahmeltha em em a, ka lawmpui takzet, ka pum pawh a lian ve tawh em em a, kal leh chet vel ka harsat ve tawh, rai ka ngaihin ka thau em em a, ka vun pawh ahma zawng aia a eng thu min hrilh thin.





Jason chu vawikhat mah a rawn lang leh tawh lova, a beidawng te pawh a ni ang, ka lawm zawk, a lo kal sek khan ka rilru a ti buai a, hetia a reh hmak hian hahdam takin ka awm thei zawk bawk, ka nu leh pa leh Grace te erawh chuan min rawn be chamchi a, naute lo pian hun an nghakhlelh tawh thu an sawi reng a, keipawh hian lo piang vat vat se ka ti takzet.




Ka nu nen bazar lamah kan chhuak dun a, naute thil tur chi hrang hrang kan en kual a, ka lo dai Lian ve tawh bawk ne ka hah hma viau, ka nu chuan kal kawi lawkna tur a neih thu a sawi a, ka chauh deuh tawh bawk nen ka lo nghah mai tur thu ka sawi a, ani pawhin a reiloh tur thu sawiin a kal nghal a.





Kawngsir rem deuh laiah chuan ka lo nghak a, chutah ka hma lam a mipa leh hmeichhia lo kal te ka hmuh chuan ka hawisawn theilo, an ni chuan min rawn la hmu velo, Jason chu a hlim hmel hle, a hmeichhe duh tak a hmu ta ah ka ngai, na tur ka nilo tih ka hria, mahse ka na em em a, ka thik a ni tih chu chiang takin ka hre bawk.




An lo kal hnai zel a, Jason chuan min rawn hmu a, a ding deuh chawt, a hmeichhe kalpui chuan mak tih hmel takin a en chho va, chutah Jason melh na lam chu a rawn hawi ve nghal a, kei ka lo ding reng min rawn hmuh ve takah chuan mak tih hmel zetin min en a, ka hawisawn vat, "Kal ila" hmeichhia chuan a ti sep a, Jason chhanna erawh ka hre theilo thung.




En tawh lem lo mah ila, ka lam panin an rawn kal tih ka hria a, ka thin a phu dup dup a, min hre ngailo ang mai chuan min kalpel a, an hnunglam atang chuan ka thlir zui reng, keimah zawkin a nilawm ni inhre ngailo ang mai a awm ka duh thu sawi tu kha, mahse hmelhriat loh anga min en chuan ka na em em tho si.





Ka nu a lo let a, "Rin aiin a rei deuh zek a, I lo ning tawh em" a rawn ti nghal zung zung a, ka nin loh thu leh ka chauh deuh thu ka sawi a, haw ka rawt ta nghal chuk chuk a, min hrethiam zetin min lo hnial biklo.





In kan thleng a, inchunglamah chho in ka pindan ka thlen chuan ka mu nghal hnawk a, tunge a hmeichhe kalpui kha ni ang tih ringawt ka rilruah a awm, a hmeichhe kawp thar ani ngei ang, ngaihtuah tur ka nilo, eng inzawmna mah kan nei tawh lova, a tha zawk, ka fa hi keima ta chauh a ni anga, a tan chauh hian ka nun ka hmang bawk ang.





Ka nau neih thla a ni tawh a, ka nu chuan min vil deuh chawt tawh bawk, vawin lam chu ka pum a na riai riai a, ka awm a nuam lo bawk nen ka tho chhuak peih meuhlo, chawhnu lamah chuan ka pum chu nat na men lohin a rawn na ta a, damdawiin lam panin kan kal ta vat, nau neih na room ah chuan min nawr lut a, nurse te chuan tang fan fan turin min fuih a, a na ka tih lutuk vang chuan ka thi dawnin ka hre hial




Naute tap ngak ngak ri ka hriat chuan ka hlim na hian van a tawng hialin ka hria, "Fapa I nei e" an tih ri chu ka mang hriat ruai ruai a, a bak engmah ka hre zawk tawh lo.




Ka harh leh meuh chuan cabin ah ka lo awm fel der tawh, kan chungte chu an lo awm mim thap a, Jason pawh a lo awm vang mai, naute chu ka nu in a lo pawm a, ka harh tih a hrait rual rual in ka lamah naute chu a rawn dah vat a, a hmel ka hmu chiah chu ka hlim lutuk a ka mittui ka biangah a luang thla pap.




Ka natna tawrh zozai te kha min chhawk zangkhai hawk, a hmel chu ka en ning thei thlawt lo ani, ka fa ngei chu ka pawm ta mai ania, dam taka a rawn piang chhuak thei chu ka lawm takzet ani.




A hmel ah chuan Jason chiah chiah a nimai, min chhun na lai chu tlem te chauh ani, a khabe ah chauh min chhun thu kan chhungte pawh chuan an sawi liam liam a, an hmelah chuan an hlimzia a lang chiang viau hlawm, Jason ka ve en chuan rilruih hian min lo en reng a, a hmelah chuan min thlakhlelh na ka hmu thei bawk.




Cont.



Mood off deuhin ka type a, a ngaihnawm loh pawn min hrethiam hram hram ru aw, chuan click kha han ti leh hram hram Ula aw....


Show post links
Top

[Ngaia]

Chapter-17



Jason Lalchhanchhuaha POV



Fabbie nau a vei thu min rawn hrilh chuan rang takin ka hnathawhna atang ka chhuak a, damdawiin lam ka pan nghal, ka phur rual rual in ka zam em em bawk.



Damdawiin ka thlen chuan ka nu leh pa leh Fabbie nu leh pate chu an lo awm mim thap tawh a, chanchin ka zawh chuan nau neihna room a an nawr luh chiah thu min hrilh a, ka awm hle hle thei lo, ka vei tawn sek a, ka nu chuan thu hahdam turin min ti a, mahse ka thei hlawl lo ani.



Room chhung atang chuan naute tap ri ka hria a, ka thinglung ho a che rawih in ka hria, chung lam hawiin ka thaw chhuak deuh hawk a, tunah chuan pa diktak ka ni ve ta, nurse in naute a rawn pawm chhuak a, kan bawe nghal thup, "Ka lawmpui ache u, mipa a ni e" nuise chuan rawn ti a, ka fapa hmel ka en chuan ka lungawi hliah hliah ani.



Fabbie chu an rawn nawr chhuak, a chau viau ang le, a bulah chuan kal hnaiin a chal ah ka fawp vang vang a, ka hnenah in awm thuai ang, ka tiam ache hlim takin ka siam ang che u.




Fabbie chu cabin ah an sawn a, a la harh lo, naute chu ka pawm a, ka thlir ning thei lo, min chhun takzet, rei ngial ka pawm hnuah kan chhungte chuan an pawm ve a, min chhun thu an sawi liam liam a, ka pawm tlap, ka fapa a ni tih a chiang ngawih ngawih.




Ka pi in naute a pawm lai chuan Fabbie chu a lo harh a, a bula kal hnaiha ka hmangaih zia hrilh ka duh, mahse ka insum hram hram a, keimah vangin na takin a awm a, a bul hnai a awm turin min duh lo tih chiang takin ka hria, naute chu a pawm a, a en vang vang, min rawn en a, ka melh reng tih a hmuh chuan a hawi sawn vat.



Kan chhungte chu hun thawl min pein an chhuak diak a, Matei leh ka fapa nn chauh kan awm, an bula kal hnai in naute hnute a pe lai chu ka en reng, ani chuan naute chiah chu a en a, awm ve lo ang hmakin min ngai bawk.



"Mate,, ka lawm e, fapa duhawm tak min pek avangin" ka ti sup a, ka lam chu muangchangin a rawn hawi a, Chiang zetin ka mitah a en reng "Ka sawi tawh kha I fapa nilovin ka fapa chauh ani" a ti nghat, ka fa a nih ka ringhlel lutuk vanga ka tawngkam khan a ti na hle a ni tih ka hriat chian phah lehzual a, hreawm ka ti em em bawk.




Nihnih zet damdawiin lamah kan awm tawh a, ka awmpui deuh chawt a ni ber, hna ka kal lo a, an nufa bulah ka awm reng, ka fapa lah chu a fel em em mai a, a tap ngai meuhlo, vawin lamah damdawiin kan chhuahsan dawn vangin kan chhungte chu an lo kal dawn a, an lo thleng tep tawh in ka ring.




Kan chhungte an lo thlen chuan naute an pawm leh diat diat phawt a, damdawiin chu ka chhuahsan a, Fabbie te in lam kan pan nghal.




In kan thleng a, room lamah in tifai turin Fabbie chu a lut a, naute ka pawm chho bawk, bathroom a intifai tura a luh lai chuan ka fapa chu ka lo pawm a, a mitmeng fiah kak mai chuan min melh ve reng, 'ka fapa reilote hnuah Anu nen hian ka bulah in awm thuai ang, anu thinrim na hi ka tihdaih phawt angai a, chumi hma zawng chu lo nghak hram hram rawh aw' tiin ka be sup sup a.




Bathroom atang a lo chhuah hnu chuan naute chu hnute a pe a, an bulah chuan ka lo awm ve reng, nuam a ti chiah lo nge "Inhnuai lamah lo zuk chhuk rawh" a ti sep a, ngai pawimawh lovin an bulah chuan ka thu ve reng, min melh rawm rawm a, ka lo nuih suk.




Naute a tih muthilh hnu chuan khumah a mut a, "Chhuak ang, midang hriat a hetiang a awm fak reng hi a mawilo" a ti a, thawmdim takin kawngkhar lam a pan a, a hnunglam atang chuan ka kuah thut a, a phu zawk a, ka lo phun hluk thung.





"Mate, engtia rei nge ka lak atanga in lakhran hi I tum, tunah chuan fa kan nei tawh bawk a, chhungkaw hlim tak kan pe thei asin" a bengbula kun hniam chuan ka ti sup a, a tal eih eih a, a la damchian loh vangin ka thlah vat "Sawi pawh sawi tawh suh, engmah ka sawiloh vang hian ka ngaidam che tihna a nilo, chuan eng chhungkaw hlim maw I sawi a, kan awmdun chhung zawng khan ka hlim aiin lungngaihna leh hreawm ka tuar kha a tam zawk, chuti chung chuan I hnenah ka lo let leh duhin I ring amaw, ngaihtuah pawh ngaihtuah Suh, I hnena lo let leh mai mai tur hian in kha ka chhuah san lo" a ti fak a, ka thaw hawlh.




"Min ngaidam theihna a nih dawn phawt chuan engpawh ka ti ang" ka ti a, "Engpawh maw" a tihchuan "Aw.. engpawh" ka ti a, chutah, "ka hmuh phak ah awm tawh suh, chuan ka ngaidam thei angche" a ti a, "Aih chuthil chu ka theilo, khawngaihin" tiin ban leh mai ka tum a, a lo tawlh sawn vat.




"Chutianga I theih dawn lo a nih chuan ka ngaihdam che in beisei Suh" tiin a chhuak nghal nal nal, ka thlir zui reng a, ka fapa mut na lam chu panin ka en vang vawng, ka beidawng dawn hauh lo, engpawh tih ngai rawh se, ka nei leh leh ngei ang.




Inhnuai lamah chuan ka chhuk ve a, kan chhungte chu an lo hlim khawp mai, Fabbie pawh chu a lo thu a, naute hming phuah chungchangah an inhnial rap rap a, ka pa leh ka pu chuan an hming duh an sawi a, an thu a inhmu thei silo, an han inhnial leh a, midang ho chu kan lo nui dar dar thin a, a tawp ah 'Jonathan Lalhlimpuia'tihban sa ta a, kan lungawi hlawm khawp mai.




Fabbie te in lamah chuan ka va lang reng thin a, ka pi leh pute chuan tha takin min lo be thin a, Fabbie ber hian min ngaithei lovin min lo ankhim hrep thin a, thinrim ngam tur ka nih lo tih ka inhriat vangin ka ngaithla mai thin.





Hun a kal duak duak a, Fabbie rilru erawh ka la hmin theilo, an in lama ka va kal pawhin min ve ngailo va, hmelhriat loh angin min en ti ila ka sawilo lovang, hreawm ka ti em em a, Puia a lemglut ve fova, hlim taka an inkawm thin ka hmuh chang hian hreawm ka tiin ka thik thei hle.




Fabiana Ramdinsangi POV



Jason chu a rawn lang reng a, ka hua a, hmuh reng pawh ka peihlo, ka pai lai zawngin hreawm tihreng ka tuar a, ngaihdam harsa ka ti, ngaihdam ka tum apaingin ka chunga rawng taka a chet dan ka ngaihtuah chhuak a, ka thei thlawt lo.



Kum hial a vei ve dawn tawh a, ka fapa pawh a felin a fing a, kum khat a tling ve tep tawh, a kal ve seuh seuh thei tawh, a pa hi a hre em em a, a lo kal tawh phawt chuan tuman kan pawm thei tawh ngailo.




Ka chhungte pawn Jason ngaidam mai turin min ti a, ka chhang ngailo, min hauh phah thin a, chhan ka tum lova ka ngaithla liam vel mai mai a ni ber, a lo kal thin hi ka duh lova, mahse pafa an nihna a bo dawn chuan lo a, ka fapa lo thanlen hunah pawh a pa nen inhmuh ka phal loh vanga min dem lutuk loh nan a engtin mah ti lo ka ni.




Puia a lo kal a, ka fapa pawhin a hre tawh bawk a, a lo bawk nghal ruk ruk a, nui hawk hawk chung a lo pawm kang nghal a, an inchheih nui hak hak a, Bawihtea api in a pawnsawn takah chuan chiang taka min en in "Fabbie, Jason hnenah hian let leh I tum tawh lo tak tak em ni?" Thutak deuh chuan a ti a, "Tumlo, ka natna tawrh zawng zawng te vang pawh khan let leh hi ka duh tawhlo" ka ti tha ve mai.





"Inngaihtuah chiang la ka duh ani, fa innei tawh a, Jason pawh a inchhir hle tih i hriat kha, tumawh hian chance neih nawn leh hi kan phu vek a, nangpawh inngaihtuah chiang la ka duh" a ti sup sup a, chhang lovin ka ngawi reng, thil dang a sawi zui leh siam siam a, reilo te hnuah haw a duhthu a sawi a, pawn thleng ka thlah a, inchhung ka luh leh hnu chuan Bawiha a piin a luak chu lain room lamah ka mut chhoh pui a.




Mut hmunah chuan ka inngaihtuah a, Jason hi a inchhir hle a ni tih ka hmuhsak a, vawikhat chauh hun tha pek leh chu a pawina ka hre talo a, a lo kal leh velah thu pangngai zawka sawipui ka tum ta a. Zanin lamah a lo kal lo a, hnaah a buai a nih ka ring ngawt a.




Alawmi te nufa te nen chuan bazar lamah ka chhuak a, a nuam hle, kan nulat lai tih loh kha chuan kan pahnih a chhuah a hun kan nei tawh ngai lova, kan hlim viau, restaurant ah kan chawl a, thil kan ei nghal mawlh mawlh a, ka fapa chu ka hai pah bawk.




Ka ei zo chhuah kan tum lai chuan ka fapa chuan "papapa" tiin sir lam chu a hawi a, a hawina lam ka en nak chuan Jason leh hmeichhe pakhat hi hlim hmel deuhin thil an lo en dun a, ka na zawk mai, chhuah vat vat chu ka rawt a, ka en na lam Alawmi'n a en ve chuan min hniallo, kan chhuah dawn tep ah chuan ka fapa chu atap ta vak mai a, Jason pawh chu rang takin kan lam a rawn hawi nghal.




Ka fapa lah chuan apa lamah ban vai in a tap uar sauh sauh a, ka thlen ngial pawn a bang duh lo, Jason chuan a rawn ngaihsak mai ka rin nen a bula hmeichhe thu lam chu a hawisan leh hmak a, ka rilru a na takzet, rang taka chhuakin Bawiha chu ka thlen , apa a hmuh tak lohah chuan a tap bang ve mai, ka thil hmuh in a xirlo bawk nen haw ka rawt ta ngawt a, Alawmi pawhin min hrethiam khawp mai.




In kan thleng a, ka fapa chu a thawmhnaw phelh sakin ka bual a, ka bawlh zawh hnuah ka ti muhil leh a, a mitthilh vel hnuin inhnual lam panin ka chhuk a, ka nu eirawng bawl mek chu ka zuk pui thuai a, vawin lamah ka thil hmuh kha ngaihtuah zui loh hram hram ka duh ani.




Zanah Puia chu a lo leng leh a, rei lenglo in haw a rawt leh thuai a, pawn thlengin ka fapa nen chuan kan thlah a, a tlan liam hnuah inchhung lama luh kan tum chu Jason a rawn lang hlawl a, a hmel a chang rut mai bawk sia, enge maw a hriat ni.




"Khapa khan engthil nge a rawn tih?" A ti chang bal a,"A rawn leng" ngaih pawimawh loh hmel zet chuan ka lo ti liam phat a, a thaw hrawk hrawk a, "Hnaih tawh suh angche" atih leh chuan ben pawp ka duh hial tawh, zaktheilo lutuk, "Ka thu a nihchu, ka nunah thu neih rawn tum lo mai teh" ka ti fak a.




"A ni khan ka fapa hi hnaih vak lo se ka duh" a rawn ti leh a, "Ka fapa a nia, ka duh a nihchuan tupawh ka hnaih tir ang, lo buai suh" ka ti a, "I fapa chauh nilovin ka fapa a ni vetih theihnghilh Suh" a rum ul a, "Ka enkawl ani a, ka duh duh chu ka hnaih tir in ka hnaih tir lovang" ka ti vin tuar a, Bawiha chuan a hlau a ni ngei ang ka awm ah a hmai a phum a, ka insum theilo in ka aw rawh tawpin ka lo au chhuak a, ka inthiam lo leh hnuhnawh viau.




"Awle... I enkawl ani, tuna tang chuan keiman ka enkawl tawh ang, chuan kha mihring khan a hmu tawh hauhlo bawk ang" a ti ve hrawih a, "I enkawl hauh lovang" ka ti a, kiai suk chungin "Lo en rawh, enge k tihtheih tihhi, ka fapa kha ka bulah a awm thuai ang" tiin a kal nghal nal nal a, engpawh ti rawh se, ka fapa hi ka chan hauh lovang.



Cont.



Hritlang tur I tham angin ka awm a, ka lu a na a, ka khuasik deuh ser ser bawk a, dah lo ka tum zet nang in, ka type hram hram a ni e, a ngaihnawm loh pawh chhiar dan min thiam sak Ula aw....


Show post links
Top

[Ngaia]

Chapter-18



Fabiana Ramdinsangi POV



Kha zan Jason rawn kal zan atang khan a rawn lng leh tawh lo a, ka duh zawk, mahse ka rilru erawh a nuam thei derlo, ka fapa hi min chhuhsak a tum mai ang tih ka hlau ani. Ka fapa tello chuan ka awm theilo tih chiang takin ka hria.




Kar khat a liam leh hnu chuan court lehkha ka dawng a, Jason chuan ka fapa min chhuhpui a lo ni, ka thinrim lutuk leh ka mangang lutuk chu ka phone la in Jason ka va call nghal a, a lak rual rualin "Engthil nge I tih hi?" Ka ti tuar a, a nui suk ri ka hriat leh phei chuan ka thinrimna a nasa zual sauh.




"Ka fapa ka bulah awmtir ka duh mai ani" thaw ham ham chung a a rawn tihchuan "Nilo a theihloh ka fapa anihhi" ka ti leh nghek a, "I fapa chauh nilovin ka fapa a ni tih chu I theihnghilh em lo ang chu maw?" A rawn ti leh a, "Min laksak thei lovang" ka ti leh a, "Oh.. Mate laksak che ka tumlo, I duh hun hun ah I rawn hmu thei reng ang" a ti lehchuan ka puak keh mai dawnin ka hria.




"Khawngaihin ka fapa hi min laksak suh a tello chuan ka nung thei lo" ka ti tiau a, a hausa a thil a tithei em em bawk, a duh phawt chuan ka fapa hi min laksak thei tih kei ai hrechiang an awmlo, ka hlauthawng lutuk chuan a laka tlawm pawh min hreh tir tawhlo, ka fapa ka chan ang tih hlauhna hlir in ka khat a, ka thaw a chham mai dawnin ka hre hial.




"Ka fapa in pahrawn a hrawn ai chuan hetia ka tih hi a ngai miau si ani" a ti a, phone a dah nghal daih bawk, ka nu leh pate chuan hlauthawnglo turin min ti a, mahse ka hlauthawng lo thei lo, ka fapa tello in ka awm theilo ang.



.
.
"Janathan Lalhlimpuia chu a pa Jason Lalchhanchhuaha hnena awm turin court chuan thutlukna a siam e" tia an rawn puan chuan chhuatah thu thla hnawkin ka tap nghal hawm hawm a, ka fapa tello in engtinge ka awm theih ang, ka damchhan leh ka hlimna ber ani asin.




Pawnlamah chuan kan chhuak a, Jason chu ka hmaah tak rawn dingin min melh ngur a, "I lawm tawh em, tunah chuan ka dam chhan leh ka hlimna ber min laksak tawh a, I hlim em" ka ti a, min chhang lovin min melh reng ringawt.




Kan nu leh pate chuan min kalsan in kan pahnih chauh chuan kan inhmachhawn ran a, "Engvanga hetia ti nge I nih, ka fapa ka hrin chhuah ngei chu nang hian min chhuksak a, ahmaa ka chunga I chetdan kha a tawk I ti ve em em tawh lovem ni?" Ka ti khur hlawk hlawk a, "Hetiang thil hi tih ka duh bik lo, ka tihtheih engkim ka ti vek tawh, ka hnenah rawn let leh rawh, hlim takin kan awm thei reng asin" a ti a, chutiang a la sawi ngam chu rapthlak tizetin ka melh a.




"Hetiang zozai ka chunga I ti tawh chungin I hnena lo letin hlim taka ka awm theih I ring amaw?" Ka ti nghek, "A hmaa I chunga ka thil tih tawh zawng zawng kha ka inchhir lutuk asin, hun kal tawh kha koh kir leh theih se, hlim taka siam che ka duh mahse mihring ve tho ka ni a, engmah tihtheih ka nei tawhlo, kan hma hun awmzel turah erawh chuan hlim taksa siam che ka duh" a ti duah a, ka fapa min chhuhsak chung hian hlim taka min siam a duh thu a la sawi thei ania.





"Ka fapa nen min then hrang chung hian hlim taka min siam I duh thu I sawi amaw" ka ti vin nghek, ka thinrim lutuk vang chuan ka kut ka humruh ngawt ngawt tawh a, "Engvangin nge ka hnenah I lo let leh mai loh ang" a ti a, a hnena let leh maw teuhlo mai, chu ai chuan thih pawh ka thlang zawk.





"A teuhlo i hnena lo let leh ai chuan thih pawh ka duh zawk" ka ti nghek, "Awle, I duhthlanna ni rawh se, zanin chu Bawiha I bulah awm rawh se, nktukah ka rawn lam dawn nia" tiin a kal nghal nal nal a, ka en reng ringawt.




In kan thleng a, ka fapa chu ka kuah chawt a, ani pawn thil hrethiam ve awm ang takin ka kuah ang ang chuan a awm a, ngaihngam takin ka awm nghengin a thaw ve siai siai bawk, ka nu chu kan room ah lo kalin kan nupa inpawm chu mittui tling pam chungin min melh reng a, engmah a sawi biklo.




Zan a ni a, Bawihtea thawmhanw chu ka nu in a siam mawlh mawlh, engmah tih nachang hrelo in ka thu ngawi reng a, ka rilru a chawmawlh vek, naktuk a lo thlen chuan Bawihtea ka bulah a awm tawh dawnlo.




Zn mit hmunah chuan ka fapa ka bula muhil thaw sek sek chu ka en a, tih harh hlau takin ka tap khur ngar ngar, engtinge a tello in ka awm theih ang, zing khua hi var theilo maise ka ti takzet. Tunah lah khua a var titih tawh a, hun chu kalchak ka ti takzet ani.




Zing ani a, mit Bui lukin inhnuai lamah ka fapa chu ka pawm thla a, ka nu leh pate chuan ka fapa chu an la vat a, anni pawn Bawihtea awm lo tur chu an huphurh hle tih ka hria, tukin zing chu tumah nui hmel kan pu theilo a ni ber e.




Chaw eikham lamah Jason chu a rawn kal , bawitea chu a pawm a, ka fapa lah chuan engmah hrethiam ve hek lo, hlim hmel zetin ka lam chu a rawn hawi a, a ban a vei leuh leuh bawk. A thawmhnaw ka pack that ho chu inhnuai lamah an dahthla vek tawh a, ka nu leh pate chuan ka fapa chu an melh vawng vawng.




In atang an chhuah chuan ka umzui vat a, Jason pawmna atang ka fapa chu la hrangin ka pawm vawng vawng, ka tap chhuak deuh hawk a, ka bulah chuan Jason chu a lo ding ngawi ve ngul bawk.




"Khawngaihin Jason ka fapa hi min laksak lul Suh, a tello chuan ka awm thei lo ang" ngen tak meuh in ka ngen leh a, thaw chhuak hawlh chungin min melh a, "Ka sawi tawh kha, lo let leh la, tichuan engkim a fel animai" a ti a, ka fapa nen kan awmhrang tur chu hreawm ka ti tak meuh mai, mahse a ni hnena let leh hi ka duh chuang silo.





Ngawi rengin ka fapa chu ka pe a, a ding deuh vang vang hnu chuan car lam panin a kal pui ta a, car a thut luh hnuah ka fapa chuan min rawn hui zeuh zeuh a, tihtheih nei silovin ka thlitlr reng ringawt, car a tlan liam hnu chuan lei ah a thu sawp thla hnawk a, ka nu leh pate chu ka bulah lo kal in min rawn kai tho vat a, inchhung lamah min hruai a, khum a min muttir hnuah ngawi rengin min chhuahsan a.




Khuma mu reng chung chuan ka tap a, ka fapa kha engtinge a awm a, ka tello chuan rei a awm ngailo asin, min ngaih avangin a tap angem tihte chu ka ngaihtuah a, an diat dawn tih chu chiang takin ka hria, mahse ka hlauhthawnna chun min kiansan thei chuang silo.




Zanah chuan kan chhungkua in Bawihtea chanchin kan sawi a, ka hnuk a ulh deuh tun thei, ka pa chuan thu tha tak tak min hrilh a, 'Thihna avangin kan lak atang awmhrang anilova, I duh hun hunah I hmu thei alawm, hun te han kal sa, I hnenah a awm leh em em ang, Jason pawh apa ani a, a hnena awm ve a phu ani, kan chungah hian Pathianin thil tha lo tur chu a ruat ngailo ania' a ti sup sup a, zan ah chuan ka fapa chu ka ngai in ka ngaihtuah zual hle, ka tellovin a muhil ngai silo, a muhil theilo in a tap angem.




Ka insum zo thlawt lo chuan Jason chu ka call ta tawp a, rei a ring hamin alo la vat "Ka fapa ka be duh" ka ti a, "Lawkin a pi te bulah a awm a" tih pahin a ri deuh sut sut a, "Bawihte mama in a lo bia che nia aw" a ti a, "mamama" ka fapain fiah lo ruai a a ti lang lang chu ka hre thei, "Bawihte, ka ngai che" tih bak ka sawi thei, ka hrawk a inhnawh tlat.




"A mut a chhuak tawh aniang, hei a ham ham tawh mai, kan paw muhil ange" ka nu in a ti thawm chu ka hria a, "Hello" Jason chuan a rawn ti sup a, ka chhanglo mahse ka ngaithla tih chu a hriat tho ka ring.




"Mate.. ka thusawi kha ngaihtuah nawn leh la ka duh ani, ka hnenah lo let leh rawh chuan hlim takin kan fapa te nen kan awm tawh dawn alawm" a rawn ti sup sup a, ka rilru ka la thlek theilo a ni hnena let leh hi ka duh tawhlo.




"Ka sawi tawh kha I hnenah ka lo let thei tawhlo" ka ti a, ka aw pawh a nem lemo hle bawk. "Eng angin nge I theih loh, mawh nang hian min la hmangaih reng tih hi ka hria ani" a rawn ti nghek a, a dawhtheih chin a pel a nih ka ring.




"Eng anga lo let thei tawh lo nge ka nih chu nang tluk a hrechiang an awmlo, chuvang chuan engmah min zawt taw suh" ka ti ta nghek a, a thaw chhuak hawlh hawlh thawm chu ka hrechiang ngang bawk, "Ka thiamloh tih ka pawm vek, khawngaihin hremna min pe tur takin ka hnenah lo kir rawh" ati leh a, a beidawng mai mai dawn tih ka chiang.




Chhang lovin phone chu ka dah ta hmak a, zan chu ka mu mang lo a tih theih ang, zing lamah pawh ka tho hma em em a, ka fapa hmuh hlan ngawt ka nghakhlel tawh, vawin lamah Jason te in lamah kal ka tum a, ka nu leh pate rawn kal ve an tum viau nangin ka pa thawhpui hlui a boral vangin an rawn kal thei dawn lova, keimahin ka kal dawn ani.




Chaw te kan ei kham a ka nu leh pate chu an chhuak tawh, insiamin ka chhuak zui ve vat a, Jason te in k thleng a, kawtzawlah chuan ka fapa leh a pa chu an lo infiam a, ka fapa chu a lo nui hek hek reuh a, pawh mai lovin ka thlir reng, inthen lovin inngeih takin lo la awm ta ila, tiin ka ngaihtuah a, mahse inthing harh vatin gate chhungah chuan ka lut a, ka fapa in min hmuh chuan ka lam panin a rawn kal chhet chhet a.




Ka hnen a lo thlen chuan ka lo kuah nghal chawt a, ka ngai takzet, Jason chu kan nufa lamah chuan lo kal in chik zetin min en a, melh duh lovin ka fapa chauh chu ka melh lui ngar ngar.



Inchhung lam atangin ka nu chu a lo chhuak a, min hmuh chuan a rawn ri nghal hlut, "I lo thlenna a rei tawh em?" A tia , ka thlen deuh chiah thuin ka chhang a, "Tirawh u, ni a sa si a, inchhung lamah I lut ang u" tiin ka banah a rawn kai a inchhung lamah chuan kan inzui lut ta hlawm a.




Diktak chuan he in a kal hi nuam ka tilo, midang hmuhah pawh a mawilo bawk, mahse ka fapa ka ngaih lutuk vangin ka insum zo thlawt lo ani. Ka fapa chu ka malchungah chuan thu a, nui heu chungin min melh let ve ngar bawk, hnute a la ngei lova, min hmuh takah chuan ka hnute chu a rawn ban a, ka nui seih.




Ka nu chu thil tih laklawh a neih vangin choka lamah min luhsan a, Jason nen chauh chuan sitting room ah chuan kan awm a, a hmuh laia hnute pek chu ka duh chiah lo, min en ngur mai leh nghal a.




Mahse ka fapa a te deuh that that takah chuan tih ngaihna awm heklo ka hnute chu hlimin ka pe ta a, ka bul hnaiah chuan lo kal in ka fapa hnute tui hne deuk deuk mi chu a en a, hmuhnawm a tih hmel hle, hnute a hnek hnu reilo teah chuan a muhil zui nghal mai a, "Room lamah mut ila a tha zawk ang" Jason chuan a ti sup a, ka hniallo.




A pawm mai dawn emaw ka tih laiin "Nangman pawm chho law law zawk rawh, a harh palh ang" a ti a, keimah zawk chuan ka pawm chho a, ka hnung lamah chuan a lo kal ve zel bawk.




Bawihtea ka mut fel tir hnu chuan kan nupa room ni thin chu ka thil deuh vang vang a, kan inneih hlim a hlim taka ka hma hun tur khuma inkuah riala mu chunga kan sawi lo vel te chu ka mitthlaah a lo lang a, ka mittui a hman tiam tiam a, tunah chuan engkim a danglam vek tawh si.




"Mate" Jason aw ka hriat rual rual chuan ka mittui chu dan tumin inchunglam ka en vat a, "Khawngaihin I lo let leh thei mai lovem ni?" Beisei nei zet a a tih chuan ka melh reng ringawt.





Engtia kal tir zel nge in duh hlawm? Han sawi liam liam teh u, ka nuamlo lutuk a, hei ai thui dah ka tum viau nangin min hrethiam hram hram mai teh u...


Show post links
Top