FABIANA BY Becca Lnz (Completed)

[Ngaia]

Prologue:
Kha hmeichhia kha ka theihnghilh theilo, ka vawikhat hmuh naah ka vei nghal bur mai chu a nia. Ka zawng nasa, mahse hmuh tik reng ka nei silo, ka office ah chuan thuin mit ka chhing vang vang a, a hmel chu chiang zetin ka mitthlaah a rawn lang nghal, ka nui deuh suk a, engtikah emaw chuan ka la hmu leh ngei angche.
Ka phone ri avang chuan muangchangin ka meng chhuak a, ka nau Grace a lo ni. "U..Enteh vawin ah min tibuaitu an awm a, hmeichhe pakhatin min lo chhan a, Mizo ve tho a nia, a hmeltha bawk sia, ka star tawp" a rawn nui awr awr a, "Tute nge tibuaitu che chu?" ka ti a, US lamah college kal chhunzawm turin hmani deuh khan a kal a, ka nau neihchhun a nih angin ka duat viau bawk.
"Mipa thenkhat sual hmel deuh ho an nia, mahse min lo chhantunu chu an hlauh hmel lutuk an kalsawn nghal vat alawm, min tibuai tu an awm leh anihchuan hrilh nghal turin min ti a" a rawn ti lehnghal zat a, ka nau lo chhan tu chu hriat ka chak khawp mai.
__________________________________________
Min en reng avang chuan ka awmdan chu a lai deuh hu a, ka awm a nuam thei derlo, ka cousin chuan nuam a ti hle a, ka beng bulah thil min rawn hrilh sup a, ka nui hak, a kalsawn hnua ka hawichhuak chu ka tim uar thei, rum zetin min lo melh anihchu. A pawi ka sawi awm ka hre silo a.
__________________________________________
"Min nei ngei ang" ti tu chu rum zetin ka melh a, a chhelo hle a, hauhsak pawh a hausa viau bawk, kan inhmuh tirh dan in a zirlo bawk nen ka ngaina thei derlo.
"Ka nei ngai lo angche" ka ti sak a, min rawn hnaih chilh nghal ruak. "Min nei dawn khawp" tih leh min rawn kiss chu a rual a, duhlo lutukin ka lo tal ve nghek a, awmzia a awm lo.
__________________________________________
Kei a nupui zawk thusawi pawh ring duh lovin a bialnu thusawi zawk a ring a, a tha e... Tun atang chuan ka duh dan in ka nung ve tawh ang, mite chuan nupa hlim tak hmuhin min hmu ngei ang, mahse kan nupa inkar hi a buai ru em em thung a, kan inneih atanga kar hnih vel chhung kha chu kan hlim ve tak meuh mai, a hnu atang intihthiamlohna neuh neuh kan nei tan a, inngeih takin awm leh thin mah ila, buaina hian min kiansan ngai meuh lo, kan han hlim ve tan dawn chauh a, mahse a hmeichhe hmangaih hmasa ber vang khan keichu min ngaihthah ta anih hi.
__________________________________________
Jason Lalchhanchhuaha- Chhelo leh sang tak, Mizo hmeichhia te duh rawn, hotel tamtak a nei a, Mizoramah chuan tlangval hausa ber ani. A mizia te chu hmeichhiate duhzawng tak ani a, a cool a, a fing hle bawk.
Fabiana Ramdinsangi- Hmeichhe luzo veh vawh, inringtawk tak, fel leh chhelo tak, college queen hial a ni a, a luck em em bawk, hausa tak an ni a, ram dangah lehkha zirin a awm a, lehkha thiam thei tak ani.


Chapter-1


Jason Lalchhanchhuaha POV



Ka hotel lam pan turin ka driver Kima chu ka hrilh a, a tlanchhuak nghal. File ka en mawlh mawlh lai chuan motor chu a ding chut a, Kima chu enge thleng ka zawt nghal a, "Kan hmaah sawn pitar pakhat a tlu a, saw nula pakhatin a kai sawn mek e, kan tlan leh vat thei ang" a ti sup. Pawn lam ka hawichhuak a, nu upa lam tawh hi hmeichhe pakhat hian a lo kai a, ka en zui reng, chutah a hmel ka hmu chiah chu khawdang ka hawisawn thei tawhlo. A hmeltha takzet, motor a tlan dawn chiah tihah tlan rih lo turin ka ti a, a ding ve mai.





Mizo hmeichhia ah chuan a ni ai hmeltha saw ka la hmu ngailo, pitar chuan lawmthu a hrilh mawlh mawlh a, a nui seih a, engmah a ni loh thu hrilhin a thiannu nen chuan an kalsawn ta a. Tunge a nih hriatchian ka duh, car atang chhuakin an kalna lam chu ka pan vat a, ka hmu tawh lo lehnghal. Tunge maw a nih le?...





Ka hotel kan thleng a, ka secretary chuan ka schedule te chu min lo hrilh nghal mawlh mawlh a, engmah dang ka ngaihtuah thei lo, kha hmeichhia kha tunhe a nih ang tih hriat ka duh ber. A hming tak ngial pawh ka hre silo, tlai lamah chuan hna atang ka haw a, Kima chu haw hmasa tura ka tih avangin keiman motor ka khalh mai a, heihi ka tihdan fo ani, a tul tawp lo ah chuan driver ka nei khat khawp mai.





In la thleng a, ka nau neihchhun chuan a thil min chah chu min dil nghal a, ka lo theihnghilh pek a, "Mate... Naktukah ka ko hawn mai angche aw, vawin lam chu ka buai nen ka lo theihnghilh a" ka ti sup, "Umm, mahse theihnghilh tawh suh aw" tiin a room lamah a lut zui a, keipawh ka room ah lutin inbual turin bathroom lam ka pan nghal, shower a ka inphuh tir lai chuan kha hmeichhia bawk kha ka mitthlaah a lo lang leh a, ka hmu leh a nihchuan chhuah tumna ka neilo.






Bathrooma tang ka chhuak chiah tihin ka phone a rawn ri a, ka thianpa Hmingsanga a lo ni. "Hello" ka ti nghut a, "Thiana, helam chu engkim a fel vek tawh e, kan duh hunah engkim kan tithei vek tawh" a ri ti a, ka thaw huai mai, Champhai lamah Hotel sak leh kan tum a, Hmingsanga hi ka thian mai ni lovin ka unaupa leh ka thawhpui a ni bawk. "Awle,, khalam kha chu i kutah ka dah ania" tiin phone kan ti tawp ta a.





Keihi Jason Lalchhanchhuaha, kum 32 mi ka ni a, ka hmel hi chhe lemlo tak a nih bakah, mixo mipaah chuan a lian pawl tak ka nih ve avang hian hmeichhia min hel tu ka nei ngah ve hle, bialnu nghet pakhat ka tleirawh chhuau tirhin ka nei a, kan inthen hnuah bialnu tih em tur ka nei ngai tawh meuh lo. Mahse kawp hi chu ka nei ve deuh reng zel thung, ka pa hi bank manager niin a pension tawh a, ka nu hi inlamah a awm deuh chawt bawk.





Ka nu leh pate hi mi tha tak an ni ka tilo theilo, an fate hi tha takin min enkawl a, kan duhthlanna min zah thiam sak em em bawk, engmah ah min nawrlui ngailo, kan tuina ang chu min tuipui em em vek a, kan mimal nunah inrawlh an tum ngai heklo, an mahni vang chauh a tun dinhmun thleng hi ka ni a, ka zah em em bawk, ka nau Grace-i pawh hi zahpui awm takin a awk ngailo va, a aia upa te a zahthiamin a puitling em em bawk.





1 Months Later




Kha hmeichhia kha hmuh leh in beisei in khawlai ah ka zawng ru reng thin a hmuh tur reng reng a awm bawk silo, ka beidawng hle a, mahse hmuh leh chu ka la in beisei ru tlat thung. Vawin lamah metting kan nei a, meeting room ka thoen chuan Nancy chuan min lo nuih seih, engah mah ngailo chuan chuan ka seat lam ka pan a ka thu thla nghat zat, meeting kan zo a, office lam panin ka kal a, ka hnung lamah chuan Nancy chuan min rawn zui a, office ka luh rual chuan a awn lut ve nghal




"Jason, kan thawk ho tur hi a phurawm tawh khawp mai" a ti a, ka chhang lem hlei lova, ka thutna chu rawn kal hualin ka dar a rawn zut dan dan a, ka beng bula rawn kun hniam in "Ka ngai lutuk che" a rawn ti sep a, ka thutna atang ding chhuakin "Chhuak tawh la a thain ka hria" la ti hmuk. "Titeh, ka lak atang hian engtik thleng nge in lak hran i tum, ka lo kir leh tawh a, a hma ang khan kan pahni.." a tih lai chuan, "Ngawi la, chhuak rawh" ka ti nghut chuan "I tang rei thei chuang lovang, nang hian keihi min la theihnghilh lo tih ka hria" tiin a chhuak a.





Nancy hi ka tleirawl tirh a ka bialnu ani a, ka duh thei hle, kan inkawp rei em em a, mite pawhin kan inneih an ring vek thin, keipawhin nupui a neih ngei ka tum a, mahse a ni hian min bum in khami hunlai khan hotel nei turin ka bei a, ka thawkrim hle. Tichuan kei aia hausa zawk chu thlangin, min kalsan a, ka tuar takzet bawk, hmeichhia te rin harsa ka tih phah em em a, hetia ka lo hlawhtlin chhoh takah hian ka hnena rawn let leh tumin a bei nasa hle a, mahse a sawt tawh lo, tuna ka en liam nachhan pawh hi ka tan engmah a nih tawh lo vang ani.








Hun leh ni te a ral ve zel a, Champhai lama hotel kan sak tum pawh hma kan la tan tawh, ka pa hian thurawn te min pe nasa em em a, ka hlawkpui viau, vawin hi ka nau ni hmasa ni hmasa ber tur a ni a, ka ngaihtuah ang reng viau mai. Nancy pawhin ka mit lak tumin a bei nasa hle a, a hlawhchham dawn tih hi hria se chu a intihah duh hauh lovang le.





Kha hmeichhia kha ka theihnghilh theilo, ka vawikhat hmuh naah ka vei nghal bur mai chu a nia. Ka zawng nasa, mahse hmuh tik reng ka nei silo, ka office ah chuan thuin mit ka chhing vang vang a, a hmel chu chiang zetin ka mitthlaah a rawn lang nghal, ka nui deuh suk a, engtikah emaw chuan ka la hmu leh ngei angche.





Ka phone ri avang chuan muangchangin ka meng chhuak a, ka nau Grace a lo ni. "U..Enteh vawin ah min tibuaitu an awm a, hmeichhe pakhatin min lo chhan a, Mizo ve tho a nia, a hmeltha bawk sia, ka star tawp" a rawn nui awr awr a, "Tute nge tibuaitu che chu?" ka ti a, US lamah college kal chhunzawm turin hmani deuh khan a kal a, ka nau neihchhun a nih angin ka duat viau bawk.






"Mipa thenkhat sual hmel deuh ho an nia, mahse min lo chhantunu chu an hlauh hmel lutuk an kalsawn nghal vat alawm, min tibuai tu an awm leh anihchuan hrilh nghal turin min ti a" a rawn ti lehnghal zat a, ka nau lo chhan tu chu hriat ka chak khawp mai.






"Fimkhur la, buaina i taeh chuan min rawn hrilh nghat vat thin dawn nia" ka ti a, Aw tiin min chhang tha ve mai. Thaw chhual hulh in paper enfel ngai ho chu ka khawih nghal mawlh mawlh.




Fabiana Ramdingsangi POV





Fabiana Ramdinsangi ka ni a, thlaleh lawk hian 23 ka tling ve tawh dawn bawk, college ka rah tan atangin US ah zirna chhunzawm turin ka kal a, ka zo tep tawh bawk. Hmaniah chawlh hmangin Mizoram ah ka haw a, tunah chuan ka let leh tawh, vawin college ka kal chu kan college misual hovin hmeichhe pakhat lut thar tih hriat tak hi an lo tibuai a, an lam panin ka kal vat.





"Hei nangni kha engvanga hmeichhia lo ti buai leh nge in nih?" ka ti a, min rawn en rang teh asin, he college ah hian senior ka ni ve tawh a, tuna mipa buaina siam hohi chu ka junior te vek anih vangin engtin mah min ti ngam dawn lo tih ka chiang.





An lo tihbuai hmeichhia chu ka en a, Mizo a ang lutuk, ka thiannu chu ka lam panin a lo kal a, ani nen chiah hian he college a mizo awmchhun kan ni thin a, mahse Alawmi nau college rawn kal thar tur a awm ve tawh dawn bawk. Mipa pakhat hian chu hmeichhia kutah chuan a lo vuan a, "Thlah vat rawh" ka ti that a, a thlah nghal, ka lamah rang zetin a rawn kal phei a, ka hnungah chuana biru nghal daih bawk. "Vawikhat mah hmeichhia te tibuai zawngin khawsa tawh suh ang che u" ka ti a an kalsawn nghal tham tham.






"Thank you" a rawn ti sep, Mizo a ni chiang lutuk "Mizo i ni em?" ka ti a, a lo bu ngauh ngauh a, ka nuih nghal ver ver. "Ehe...Mizo veve kan nih chu, hei ka thiannu Alawmi ania, keihi Fabiana, Fabbie tiin min ko thin a i duh duh danin min ko dawn nia" ka ti nghal zung zung a, "Grace tiin min ko thin a, min ko ve mai rawh u, chuan ka lawm lutuk ania aw" a rawn ti sep, a aw chu ngaihthlak a nuam reuh hle. "Mizo te chu kan in tanpui tlang dial dial tur alawm, buaina i tawk leh anih chuan min rawn hrilh nghal dawn nia" ka ti nghal mawlh mawlh.






A subject lak te kan han zawt a, Alawmi nau Angela-i nen an lak a lo inang chiah a, a tha hlauh e, a class neih na tur lam panin kan kalpui a, Angela-i chu a lo awm tawh a, an inhmu chu an inkawm thei viau dawnin kan hria, a tih zia hlauh e, keini pawh chuan kalsan in kan class lam kan pan nghal a.




Class ban hun chuan kan hostel lam panin kan kal hnak hnak a, vawin chu ka mut a chhuak lutuk a, class ah ka muthlu char char a ni ringawt. Kalkawng a kan kal mek lai chuan Grace-i te thian dun nen kan in tawk a, kan haw rual ta hlawm a, kan infiam bawrh bawrh lai chuan, ka hnunglam atanga min ko tu ka hriat chuan ka leh hawi vat. Rosy-i a lo ni, min er em em a, buaina min siamsak tur reng reng a khawsa a ni.






"Enge ni?" ka ti sep a, "Ka bialpa hi lo tibuai tawh suh, college queen ni ve si, mi bialpa lo i hmuzo lo em ni?" a rawn ti a, a bialpa zawk hian min rawn tibuai reng a ni tih a hrelo zawk ani. "Enteh i bialpa kha e enga tan mah ka thiannu hian a tilo, college queen i nih loh vangin ka thiannu hi thik viau suh nang ai a tha tih mi zawng zawngin kan hre vek, kan college a chhelo ber Jack pawh a hnawl laia nang a bialpa uchang ang deuh kha chu a duh lo nasa" Alawmin a lo tihchuan a thineim hmel ngang mai, a hmai zawng zawng a sen vek.





"Nangkha rawn inrawlh suh, chuan Fabiana hi ka thik amaw, engah nge min tlukna a neih" tih pahin a nui vei sawng a, "Engah nhe a tluk loh che han sawi zawk teh, pian hmel leh lehkha thiam lamah pawh nang ai a chungnung zawk ziah tih hrechiang vektu kan ni" a ti leh hlak hlak a, ka tawng ve hman meuh lo ani. An kalsawn hnu chuan Alawmi chu a la phin mawlh mawlh a, kei ai mahin a thinrim zawk, ka lo nui chu min hmuh chuan "Nui suh" an ti leh ringawt zel a, kan vai chuan kan nui chhuak ta vek.





"College queen maw i nih?" Grace-i chuan a rawn ti hluai a, "Chiang e, kum hnih ngawt chu a ni tawh alawm" Alawmi chuan a lo ti leh zat zat a, "Awi ha, i van chang sang bik" a tihchuan "Nangpawh i ni thei alawm" ka ti mai a, hostel kan thleng a, kan kal hrang ta a, kan hostel awmna hi a in ang lo a, anni hostel hi chu kan hostel thlangah an awm ani.






Ni a ral zel a, Kan exam hun tur pawh a hnai leh viau tawh mai, kan tang hlawm em em a, class ka kal loh chuan lehkha kan zir deuh char char a nimai. Kan pass chuan Alawmi nen Mizoram a haw a, hnathawh te kan tum a, helama awm reng kan tum lo ve ve bawk.




Jason Lalchhanchhuaha POV





Thla ruk zet a liam leh tawh, ka la hmu lo ta fo mai. Ka nau pawh a awmna hmun nuam a tih thu chu min rawn hrilh nasa thin a, a thlanuam thlak viau mai.





Vawin chu ke in khawlai ka fang a, kawng ka kan dawn lai takin hmeichhe pakhat hian min rawn su a, a rak deuh that, kaihthawh tuma ka kut ka pek chuan a lo ban ve mai a, a hmel ka hmu chiah chu ka lo zawn ruk reng thin hmeichhia kha a lo ni a, ka hamhaih nen ka melh reng ringawt. A kut chu ka hmai zawn ah a rawn hmet ri khep a, ka harh chhuak deuh zawk, "Ka lawm e, chuan ka sut che avangin min hrethiam dawn nia" a ti a, kalsawn lehnghal mai a tum chu a kut ah ka lo chelh vat.





"Rang zetin a rawn hawi let a "I na lo maw?" sawi tur dang hre hek lo le..."Aw...na lo e, ka lawm lutuk" a ti a, a nui sang bawk a aw chu a nalh em em lehnghal, Mizo hmeichhia ah chuan a sang pawl tak ani ang, a inchei dan te chu a inhmeh em em lehnghal. "Jason" ti a ka hming lam ri ka hriat rual chuan Nancy chu ka bulah a lo ding nghal a, ka bula hmeichhe ding chu a melh nghal chat bawk.




"Enge hetah te i tih a?" a rawn ti sep. Ka chhan tak mai loh avang chuan "Heihi tunge?" a ti leh a, "Ka su palh a, ka tlu min rawn pui a" a lo ti sep. A thiannu niawm tak chuan a rawn ko va, a hming chu Fabiana maw, a nalh in a inhmeh khawp mai, "Ka kal phawt mai ang, thil tihtur ka la nei a" tiin min kalsan ta a. Ka en zui vung vung, "Lo kal rawh, thil ei ang" tiin Nancy chuan min nek deuh talh talh a, ka melh khui na chu a hrelo der hmak a, "Min tibuai suh" tiin ka kal nal nal a, min koh na pawh chu hrelo derin ka car ah chuan ka lut hmak.





Hotel lamah let tawh lem lovin inlam ka pan nghal a, ka chhungril chu a hlim ru veng veng mai, tunah chuan ka hmu leh tawh bawk a, chhuah tumna ka neilo.





Zanlamah chuan khumah ka mu a, Fabiana ringawt chu ka ngaihtuah, Nancy nen kan inkar tawp atanga ka hmeichhe ngaihsak leh hmasa ber ani. Amah ngaihtuah cgung chuan ka muhil zui a, zinglamah chuan nidanv ang bawkin ka harh hma leh pek khawp mai, insiam in gym tur chuan ka chhuak a, ka taksa hi ka enkawl uluk a, ka pian pawh a nalh viau reng, ka zawh chuan inlamah letin ka inbualfai a, hnakal turin ka insiam nghal.




Hotel ka thleng a, ka secretary chuan min rawn zuilut nghalin "Sir kar hnih chhung ka chawlh a ngai dawn a" a ti sep, pasal nei lai a ni a, a rintlak hle bawk. "Buaina i nei em ni?" ka ti sup.




"Aw...ka pasal hi check up tir turin Delhi lamah kal kan ngai dawn a, hna ka rawn zawm theih hma zawng chu ka cousin in ka ai a lo kal thei dawn a" a tih leh chuan ka lo phal ve mai, thil ho mai mai ah chawlh a la ngailo miau.





Hna ka thawh mawlh mawlh lai chuan Hmingsanga a lo lut hlawl a, "Thiana thil hrilh duh che ka nei" a rawn ti nghal tawng a, ka mithmul ka lo ti sang awk a, "Nupui ka nei dawn" a rawn tihchuan ka nuichhuak hawk. "Nanghi i uang em ni?" ka ti a, "Uang lo, a zirlai a la zawh loh vangin ka nghak tih chu i hriat kha, tunah a zo tawh a, a rang lama neih ka duh ani" a rawn tih lehchuan ka lo hrethiam khawp mai.





A hmeichhe duh em em mai hi ka bulah a sawi zing tawh, mahse vawikhat pawh ka la hmulo thung a, ramdangah lehkha zira a awm vang a ni pakhat.





"Nangpawh neih vat tum rawh, i senior tak tak hmain" a ti a, ka nui mai. "Min hmuh tir ve vat a ngai dawn a nihchu" ka tihchuan "Tehreng, e taka thiannu a nei asin a fel reuh lutuk, in inhmeh ngawt tak ang" a ti leh ham ham a, ka chhang buai peih lo, ka rilru ah hmeichhe pakhat chauh a awm miau va.



Cont.



A ngaihnawm hmel em...

[Ngaia]

Chapter-2



Fabiana Ramdinsangi POV




College te kan zo tawh bawk a, Alawmi nen pawh vanneih thlak takin kan pass a, Mizoram ah kan haw na pawh a rei leh tawh. Ka u nen chu an pa nen Delhi lamah kal an ngaih avangin a ai kal turin min rawn ngen a, engnah tihtur ka neihloh vangin ka lo pawm mai a, naktuk atang ka kal tan dawn ani.





Chuan vawin a ka mipa sut tak kha ka mitthlaah a awm reng a, a hmelthain a pa em em a, min en duh lutuk vang khan nuamlo chu ka ti ru viau a, mahse ka ti lang lemlo, amahah khan mi hip theih riau a awmin ka hria, mahse ka nel chi a ni vak dawnlo in ka hre thung a, a...., keihi enge maw ka ngaihtuah hi le, enge ka tan nel vak a nngaihna, kan inhmu leh dawn tihna pawh a ni silova.





Zing hma takah ka tho a, ka u khan a boss chu khirh ve tak a nih thu min hrilh a, hna tlai leh tihtur khek mi hi a ngaitheilo hle tih min hrilh bawk. Chuvang chuan keipawh chu ka hmanhmawh em em a, ka tlai palh hlauh chuan ka u in a tuar ka duh lo ani.





In ka chhuahsan chuan dar 8:30 a ni a, ka scooty chu khalhin ka hna thawh na lam chu ka pan a, a hmun ka thleng a, gate hmaah dingin building chu ka thlir vang vang, a lian takzet, a compound lah chu pangpar nalh tak tak a awm fur a, building chu chhawng 8 zet a sang a ni, hetiang hmun nalh lutuk hi Mizoramah a awm tih ka lo la hre ngai hauhlo.





A chhungah ka lut a, counter lam chu panin "Ka pi, ka lo tibuai lawk mai che aw" a ti a, ka tawngri hria in rang zetin min rawn en nghal a, a nuisang a, a hmel nelawm zet chu hmuh a nuam ngei mai.




"Enge nita?" a ti a, "Keihi Pu Jason-a secretary chawlh chhung a ai kal tur ka ni a, kal na tur lam ka hrelo a" ka ti a, nui seih chuangin "A nihchu mawle... Lo kal rawh ka lo hruai ang che" tiin a thutna atang a tho chhuak thuai a, lift ah chuan kan inzui lut nghal.




"Helai hi a nia, tikhan lo thu tawp la, Boss in tihtur a awm chuan a hrilh mai angche, ni hman nuam le" tiin a kalsawn lehnghal a, ka nikhat na a ni bawk nen tihtur ber la hrethiam lo khawp mai. Dar 10 a lo rik chuan Boss chu a lo thleng a, a hmel ka hmu chiah chu mak ka ti ngei mai, bazar a ka sut pa kha a lo nia, ani pawn min hmu chu mak a tih ve hmel khawp mai.





"Ah.. Keihi vawin atang i secretary ai ka lo kal dawn a, ka hming chu Fabiana Ramdinsangi a ni e" ka ti a, ka tawng chhuak che che nimai hian ka hria, min en reng a, ka lai deuh hu mai. "A that chu, vawin lam ka hun neih dan tur minute 5 hnuah min rawn hrilh ang che" tiin a office ah chuan a lut a.






A office ah chuan lutin a hmaah tak chuan ka ding ran a, a hun neih dan tur ka sawi mawlh mawlh lai chuan ching zetin min en run a, ka sawi zo chiah tihin, "Awle, dar 1 ah chhuak turin lo inring angche" ti nghutin a dawhkana a file awm ho chu a a keu nghal mawlh mawlh a, keipawh chu ka chhuak nghal vat.





Chawhma chhung zawng chu hna kan thawk char char a nimai. Dar khat rik dawn chuan a office atang a rawn chhuak a, "Kal ila" a rawn tih sup takah chuan ka bag chu lain kan inzui chhuak nghal zat.




A car ah chuan ka chuang dun a, a ninawm lek lek, tawng lovin ka thu ve ran a, a ni lah chu a ngawi ngul mai bawk si. Kan tlan rei tawh nen khawiah nhe maw kan kal dawn ni.





"Ih... Khawiah nge kan kal dawn" a ti sep, "Kan thleng tep" tih zawngin min chhang a, thaw hak chungin pawn lam chu ka thlir veng veng.




Restaurant nawm hmel xet mai kawtah chuan a car chu a ti ding a, a park fel hnu chuan a chhunglamah kan in zui lut a, Private Room ah chuan kan kaltlang nghal. Mi thenkhat an lo awm nuam a, Jason an hmu chu an lo chibai sap sap, an zingah chuan hmeichhe chhelo zet mai hi a awm ve a, Jason a en danah chuan a duh hle tih ka hre mai.





Meeting an tan a, ngawi rengin ka lo thu ve reng ringawt. Meeting an zova, Jason nen kan chhuah rual deuh thaw in hmeichhe chhelo zet khan Jason chu a ko ding thuai a, "Jason, heihi tunge?, lawkin, nanghi hmani ami kha i ni tiraw?" mak tih hmel takina ti a, a aw chu a nalh hle mai.





"Ka secretary a nihhi, Fabiana, chuan heihi Nancy, kan partner" a ti sup. Nui var var chungin a kut chu ka chibai turin a rawn lek chhuak a, ka lo vuan ve vat.





"Zanin kha aw" Jason nek deuh talh talh chungin a ti leh a, lo awm ve reng chu nuam ka tih chiah loh avangin pawnlama ka lo nghah tur thu sawiin ka kalsawn ta daih.





A va lo chhuak har reuh tak keimah te chuan ka lo phun bul bul a, "Kan kal thei" tiin a carah a chuang lut leh ta nghal.



...
Kar khat lai chu ka thawk ve tawh, rin ai takin Jason chu a sual lem lo, ka u pawh chuan chanchin te min rawn zawt thin a, tha taka thawk hram hram turin min rawn chah ngun hle.




Vawin ka scooty tlan loh ni a nih vangin taxi a kal mai ka tum a, rin ai a vang zek lehnghal, kein ka theih ang ang ka kal a, ka hnunglam atanga min ko tu an awm vangin ka hawi let a, Puia chu lo niin, a ni nen hiqn school kan kal rual char char thin a, college erawh kan kal hrang thung. A nui var var a, "Khawilamah nge i kal dawn a?" a ti a.




"Hna ka kal dawn a" ka ti a, "Hna i nei tawh maw?" a ti a, nui chungin "Ka cousin ai ka kal a, hei a pasal nen Delhi lamah an kal a, chumi chhung chu ka kalsak dawn a nihhi" ka ti a.





"A nihchu mawle, tirawh ka thlah angche" tiin a bike hnunga chuang tur chuan min signal zeuh va, hnial ka tum deuh uk na chu sana ka en a, a lo tlai ve deuh tawh nen a bike ah chuan ka lawn kai ta a, Hotel thoeng chuan min thlahin lawmthu la hrilh hnuah hmanhmawh zetin hotel ah chuan ka lut nghal.





Jason chu a lo thleng tawh a nih hmel. Computer chu ka lhawih nghal mawlh mawlh a, dawhkana phone chu a lo ri a, ka la ta vat. Jason-a chuan a room ah min ko lut a, ka lut a, tukvelh bulah chuan a lo ding ran a, pawnlam chu a lo melh ding ngur bawk.





"Boss enge nita?" ka ti a, diktak chuan a bula awm hi nuam ka ti lo, a mi uapna a na lutuk a, thawk ngaihna ka hre thinlo ani.




"Tukina lo thlah tu che kha tunge anih?" a tichuan chhan mai nachang ka hrelo, ka rin loh lutuk za hna ka dawn vang a ni. "Ka tawng i hre lovem ni?" a ti nghut a.




"Ka thianpa" ka ti sep, "Thian chauh maw?" ti hmukin a hmui a petsawi zeuh, min ring chiah lo a nih hmel, mahse enge a buaina tur awm?.




"Aw" ka tihchuan a nui suk. "Ok... I chhuak thei ang" a tihleh takah chuan rang zetin ka chhuak nghal. A chezia ngeiawm lutuk kha ka run tawk a tling viau.





Hna ban a huna taxi chu phar ding in inlam ah ka haw tlang nghal a, ka nu chu eirawng bawl pui zung zung in, ka peih fel hnuah ka pa a lo haw ve ta chauh a, chaw kan ei a, eina ka tihfel hnuah ka room lam ka pan nghal. Whatsapp ah ka thiannunnen kan inbiak mawlh mawlh lai chuan ka phone a rawn ri a, ka u a lo ni.





"Hello" ka ti a, "Fabbie, hei rin aiin kan lo haw hma leh thei dawn a, naktuk lamah kan lo haw dawn, chuan hna lam in buai em?" a rawn ti nghal zung zung a, kan buailoh thuin ka chhang a, an lo haw hma tur chu ka lawm rilru viau, diktak chuan Jason-a bula ka awm hian ka danglam tlat zel. Ka lungphu a rang a, ka thawk a sak tlat zel a nihkha.




A tuk hna ka kal chuan Jason-a bulah ka sawi a, a bu nghut ringawt, tawng mawh ropui si ka rilru chuan ka ti a, a bula ka thawh chhungzawng khan min hauh vak emaw min vin miah lova, mahse a tawngkam a bul tha hmek hmuk thei viau lawi.





He hotel a ka hnathawh tawp na ber tur chu a zo ta, ban a hun a, inlam pana haw ka tum chu ka banah Jason hian a rawn man a, "Engin nge i lo kal?" a ti sup. "Taxi in" ka ti a, "A that hlauh chu ka thlah dawn che nia" a tihchuan ka hnial nghak vat. Mahse awmzia a awmlo, amah chu a kal nghal nul nul anihchu, a hnunglam atang chuan ka melh nghek ringawt.






A car ah chuan kan chuang dun leh ta ran mai. "Khawi vengah nge in awm?" a ti a, kan veng chu ka hrilh nghal vat, kan veng thenawm lawkah an lo awm ve reng hi a lo nia, kan inzawn kan thleng a, ka chhuah hma chuan an lam chu hawiin a mitah tak chuan ka en kar.





"Boss, min thlah avangin ka lawm e" ka ti a, "Tunah chuan Boss min ti tawh lovin Jason min ti tawh zawk la a tha in ka hria" nui suk chungin a ti a, a hmeltha lutuk chu ka lo en reng, "Fabbie" a rawn tih leh takah chuan atthlak zetin amah chu ka lo melh veng veng a ni tih ka hrechhuah chiah, ka biang a sa nghal hat hat a.




"Awle... Ka kal phawt ange" tiin ka chhuak ta nghal vat. A tlan liam thleng chuan ka enzyi reng, Jason-a ka hmuh hmasak ber atang khan min hip tawh, a chhelo va, a inchei na lah a inhmeh thei em em mai bawk si, a hmeltha in a pian nalh tak te kha thlir nin a har thlawt alawm, mahse ka ngaina thei lo.






Zan a ni a, ka cousin Lalruata chuan party na hmuna kalpui atan min rawn sawm a, Alawmi pawh a lo sawm diam tawh chu niin ka peih lo ka ti mawlh mawlh pawhin min tilui tlat a, peihlo zetin ka insiam a, ka hman veleh chuan kan chhuak nghal.





Alawmi kan lam kawi leh a, a chhelo hle, ani hi pasal neih a tum hnai a, ka lawmpui viau rualin la nei hrilh lose ka ti takzet bawk, inkawm reng dawn tho mah ila, mi nupui a nih tawh dawn avangin a hma ang chuan kan inzui kawi thei tawh dawn lo ani.






Party na hmun kan thleng a, mi an lo tam viau, a chhungah chuan lutin thutna tur hmun an siam ah chuan kan thu thla nghal a, Ruata chuan beer a dawm a, keini thia. dun erawhin juice kan in thung. Zu leh a kaihhnawih velah hian kan fihlim a, tih tumna lah kan nei ngai heklo.





Chutia kan pathum a kan inkawm khawm mawlh mawlh lai chuan Alawmi bialpa Hmingsanga chu a lo lut hlawl a, Alawmi nen an awm dun nghal deuh chawt. Hmingsanga hi Hotel lamah ve tho a thawk tih ka hria a, mahse a takah vawikhat chauh ka la hmuh vang hian ka hrechiang em em lo, chuti chung chuan mi fel tak a niin ka hria.





Chutia kan lo inkawm khawm mawlh mawlh lai chuan Jason leh Nancy te an rawn lut hlawl a, kan lam panin an rawn kal a, Nancy chu a nalh khawm mai. Jason chuan mitmeng thim khapin min melh a, ka hawisawn vat. Nancy leh Jason te chu an thu dun a, mak tak maiin ka awm a nuam lo tlat mai a nihchu.





Alawmi leh Hmingsanga lam turin an kal a, Ruata pawh chuan lampuiah min sawm ve a, ka lo hnial tlat avangin amah chuan lam turin a kal a, a va lam nghal zawr zawr.





Jason te lam ka va hawi a min en reng avang chuan ka awmdan chu a lai deuh hu a, ka awm a nuam thei derlo, ka cousin chuan nuam a ti hle a, ka beng bulah thil min rawn hrilh sup a, ka nui hak, a kalsawn hnua ka hawichhuak chu ka tim uar thei, rum zetin min lo melh anihchu. A pawi ka sawi awm ka hre silo a.





Pawn lam panin thut hahchawphna tura an siam niawm takah chuan ka thu a, mitchhingin van lam ka hawi deuh vang vang bawk. Ka sir a rawn thu ve an awm vang chuan mengchhuakin ka en vat a, ka mi hmuh avang chuan ka meng deuh kawk.



Cont.


Hei aw... Naktuk chu Sunday a nih vangin ka awl ang aw, chuan comment ve leh sap sap ula, click tur kha khawngaihin min click sak hram turin ka ngen a che u...🥰


Show post links
Top

[Ngaia]

Chapter-3



Fabiana Ramdinsangi POV




"I kal ve elaw?" ka ti a nui chungin a bu nghauh. Puia ka hmu thut chu mak ka ti ru ang reng khawp mai. "Ka hmuhna che a rei tawh a, ka rawn pawh duh lawk lo che a nihkha" a ti nghal a, kan inkawm zui nghal bawrh bawrh a, a ni hi chu school kan kal lai atang tawha mi zawng zawng nel thei kha a ni mai va a bula awm a nuam takzet.





"Tirawh lut ila, kan awm rei tawh emai" a ti a, keipawh chuan ka hnial lemlo, chu lovah haw te ka duh tawh, a tlai tawh emai. Kan inzui lut a, kan thutna lam kan pan nghal, Ruata chu a rui nawi tawh hle a, ka thinrim ru teuh mai, a car in kan kal sia, heyiang anih chuan a khalh haw thei dawn hauhlo tih ka chiang, keiman ka khalh mai a ngaih hmel.





"Pui, i dam maw?" Alawmi chuan Puia a hmuh veleh phur zetin a rawn ti a, "Dam alawm, nang i dam maw?" a lo ti ve thuai a, "Yess... Dam chiang e" a ti a, Hmingsanga bulah chuan in hmelhriattirna te a nei nghal zung zung bawk.





"Kha bialpa i va nei tha ve" Nancy pawh chuan a raen ti a, hnial ka tum lai chuan Alawmi chuan "Nia, hei an inhmeh asin" a ti a, ka melh nghek ringawt, Puia lah chu a lo nui mai mai lenghal a, Jason ka va en chu rum zetin min lo melh a nihchu, ngemaw a hriat ni.





Haw ka rawt a, Alawmi chu an pa in a thlah dawn a, Pui nen chuan Ruata rui chu kan kuah chhuak bawk. Jason leh Namcy te erawh ka hmu tawh lo, khawiah emaw an inzui chhuak a, an lo let leh ta miahlo kha ania, mak tak maiin ka awm a nuam thei derlo lehnghal. Jason hian min hip em em a, ka duhlo ka tih chuan dawt ka sawi a niang, mahse hnaih erawh ka duhlo viau thung, a miazia leh a hawiher atang hian hnaih vel hi chu ka duh lo a ni tawp.





Zing ka harh chu ka lu a rit bur mai, nizan lam ka muhil tha lutuk lo bawk nen vawin chu ina awm hahdam mai mai ka tum ani. Chaw ka eikham a, ka nu leh pate chu ka patea damlo kan turin an chhuak a, keimahin inah ka awm a, ka khuma mut pahin phone ka khawih mai mai a, Alawmi'n min rawn call a, ka la vat.





"Inah i awm em?" a rawn ti deuh lang lang a, "Imm awm e" ka ti leh vat, "Ok,, ka lo kal dawn" tiin phone a dah ta nghal a, reiloah a lo thleng nghal vat.





"Awii, ka hah lutuk" tih pahin tui a in nghal khawlh khawlh, a inzo sitting room lamah a lo phei a, ka bulah rawn thuin, "Nizana Jason lo kalpui hmeichhia kha i hria em?" a ti a, "Umm... Jason-a assistant a ka tan lai khan vawikhat chu ka hmu tawh a" ka ti a, "A bialnu hlui anihkha" a rawn ti hlak. Engchu hria nimaw, a ngei hmel em em mai leh ta nghal a.






"A nihchu, a fel hmel reuh ka lo tia, a chhelo bawk si" ka ti sep, ka ki tak tak reng bawk. Kan inhmuh apiangin hmel nelawm zet a pu a, biak a nuam em em bawk a nihkha.




"A mizia a thup thiam alawm, a rilru chhungril hria la chuan maw, fel i ti lo tawp ang" a ti zui bawrh bawrh a. "Enge awmzia?" ka lo ti he haw a, a lu thing mat mat chung hian "Jason hian a duh thei lutuk a, mi zawng zawngin an inneih loh an ring ngailo, mahse Nancy khan mipa hausa tak lakah Jason-a kha a rinawm loh san a, chuta tang chuan Jason hian hmeichhia a hnaih leh tawh lo, hnaih lo han ti ila, kawp ngheh tak tak a nei lo a ni zawk mah.





Hmingsanga hian min hrilh a, khatih hinlai khan Jason kha a â dawn emaw an ti hial asin, mahse hlawhtlinna te rawn chang chhovin tun dinhmun hi a lo thleng ta a, tichian Nancy hian a zar buai leh ta char char a" a ti a, a thusawi chhung zawng chuan ka lo in humruh ngawt ngawt a.





"Chuan tunah hian an inkawp leh tawh tihna em ni?" ka aw a ri chhuak che che ani. "Ka hrelo, diktak chuan an inkawp niin ka hria keichuan Hmingsanga pawh hian an awmdan hi a hre chiah biklo, Nancy hian a zar buai hneh sia, Jason lahin a lo atchilh thin a ni bawk nen, a hnar zo lo te pawh a ni mahna" a ti leh hlak hlak, a eiloh hmel hle bawk.






A rhusawi chhung zawng khan ka thaw chhuak em pawh ka hrelo, Jason-a atchilh em em a ni a, a chhelo in a hmel a tha em em bawk a, a hnar theilo a nih pawhin awm ka tihpui viau mai, mahse enge mawni ka chhingril na deuh zawk a awm in ka hria, ka tawt up up a, thawk thlengin ka harsat vek. Ka awmdan chu Alawmi'n a hrethiam ang tih ka hlau hle bawk.





Nileng deuh thaw chuan a awm ve ta char char a, thil dang te sawiin ka nui bawk bawk a, mahse ka chhungril takin ka hlim thei derlo.




Jason Lalchhanchhuaha POV




Kha zan arty naa kan kal zanah Fabbie bula mipa awm kha a bialpa emaw ka ti a, a cousin a nihthu Alawmi'n min hrilh khan ka thawl deuh hawk a nihkha, pawn a chhuak umzui ka tum khan Nancy teh hrep vang khan ka chhuak leh ta lo kha ania, a rawn lut a mipa kalpui ka hmuh khan ka inhum ruh tawlh tawlh a, Alawmi thusawi vang te khan va kal a, ka khawih lo turin ka inthunun hram hram a, ka theilo thelh a nihkha.





Ka phone a ri a, ka en nak chuan Nancy a lo ni, ka la a, "Jason i lo kal dawn tawh em?" a rawn ti a, ka thlen har loh tur thuin ka chhang a, phone chu dahin ka insiam nghal mawlh mawlh. Vawin lamah kan thawh hona te kan en dawn a, rinai takin kan tluang ta phian a, a lawmawm hle.




Ka secretary nen chuan inzui chhuakin kan meetingna hmun tur chu kan pan a, chutah hriat chhuah zawk ka neih avang chuan ka thu tha a, Hmai lam chu enin "I nau kha enge a tih zawm tak zet?" ka ti sup a, mak tih hmel zetin min rawn en.





"Ah... Hmani khan Teacher hna a hmu ve hlauh va, a thawk ve tawh" a ti a, a aw ka chhuak tang chuan a nau a chhuan zia ka hre thei. Ngaihtuahna thar ka nei, ka nui suk a.






"A nihchu mawle, eng subject nge a lak a?" ka ti leh sup a, "Class 11&12. Science leh Mathematics teacher in a awm a" a ti tha veleh mai. Lehkha thiam thei tak a ni tih ka hria, a mizia kha chu ka hrechiang ve thawkhat tawh viau, a puitling ru zek a, a felin mi khawngaihna ngah tak a ni tih ka chiang viau bawk.





Meeting na hmun tur kan thleng a, ka tan nghal mawp mawp, ka zawh chuan ka chau ve hnawk mai, a rei ve reuh em ani. "Lucus, zaninah enge i tih dawn?" Nancy chuan ati sep, "Ka hrelo" ka ti nghut a, nui sen sen in "Kan inah lo kal la tumah an awmlo, ka chhungte an zin vek a" a ti a, a beisei ka hrechiang khawp.





"Ka hman lo" ka ti ta hmuk a, "Titeh, khatia khan awm reng lo la" no zet hian a rawn ti leh ta ner ner a, ani hi ka atchilh takzet thin ka phalo, mahse inzawmna siampui leh tuman erawh ka nei tawh bau lo. Ahma a ka lo sawi tawh angin tha taka ka biak nachhan hi chu ka tan engmah a nih tawh loh vang ani.





"Nancy min nawrlui suh, tha taka ka awm vang hian min zuam hauh suh angche" ka ti ta hrawk a, thinrim hmel zetin a chhuak a, engah ka ngai lemlo, ka mitchhingin Fabbie chu ka mithla ta a, ka nui suk, a hmel tha takte kha, engtik ah emaw chuan ka la nei ngei ang, ka hmuh tirh atang khan ka ta tur a ni tih chiang takin ka hre bawk.




Nancy leh Fabbie ka tehkhin a, Nancy englai mah hian Fabbie a tluk lo, hmel, pian leh mizia ah pawh nise. Nancy nen kan inzui lai khan ka zeplo, kan chesual dun zing hle a, pawi tih na em em ka neilo bawk, mahse khatia min phatsan hnu atang kha chuan ka kut hmawr pawn ka khawih leh tawhlo, khawih pawh ka tum tawh lo bawk.





Hmeichhe kawp chu han nei thin mah ila, kawp ngheh tak tak ka neilo a, ka rilru ka pe thei tawh lo a ni ber mai. Mahse Fabbie ka hnuh chiah atangin ka danglam ta vek anihhi. Nancy nen kan inngaihzawna min hip ai nasa khan Fabbie hian min hip nasa zawk.





Hun leh ni te pawh chelhdin theih ni heklo, Hmingsanga leh Alawmi te pawh inneih an tumna a rei tawh bawk a, palai te kalin an in sawirem vek tawk, naktip mai hi an inneih ni a ni tawh bawk a, a best ah min hman a tum a, ka hnial dawn zet nachu, Alawmi thianah Fabbie a tan dawn avangin ka hnial duh ta lo.





Alawmi nau leh ka nau te hi an lo inkawm reng chu niin an pahnih chuan chawlh hmangin an rawn haw dun a, kan nau nen kan inhmu chiah chu min kuah nghal chung chung bawk, nui vhungin ka lo kuah let ve ta thuai a, ka nau neihchhun a ni bawk nen ka ngai viau.





Naktuk inneih a nih tawh avangin vawin lamah a thawmh aw lei a duh thu a sawi a, athia nu nen kal dun a tum bawk. Min ngen tlat avangin an bazar tur chuan ka hruai dawn a, alawm viau. Car hnungah an thu dun a, a titi zar zat mai, thawmhnaw dawrah kan kal a, an ha chhin a, kei erawh ka phone khawihin ka lo thu a, chutah ka nau chuan "U Fabbie" a ti hluai a, ka hawichhuak vat.




Fabbie nen chuan an inkuah deuh chung chung a, ka lo thlir reng ka nau nen hian an lo inhria amaw, mak ka ti kher mai. "I dam maw?" a ti a, Angela-i Alawmi nau nen erawh nizan lamah an lo inhnu tawh a niawm e, "Umm...dan alawm nang i dam maw?, i zirlai te a tlaung em?" a ti nghal mawlh mawlh a, ka lo en reng a, ani chuan min la hmu ve lo thung.





Grace-i chuan a tluan thuin a lo chhang let ta vat. "E...taka ka u te nen ania kan kal, lo kal rawh ka hmelhriat tir angche" tih leh ka lam pana lo kaih phei a rual a, min hmu thut chu mak a tih hmelh ngang mai. "Heihi ka u a nihhi Jason, chuan u heihi U fabbie, Fabiana" a ti nghal zung zung a, "Kan inhre tawh alawm" ka lo ti sup.




"Nitak, monu leh mopa thian tur in nia, in in hre tawh tak ang" tih pahin ka nui hak hak a. Ka lo nui ve suk ringawt.




Haw lamah chuan Angela-i chu kan thlah haw hmasa a, kan inlam panin kan inkhalh haw mek bawk. "U amah kha lawm min chhan tu ka tihkha" ka nau chuan a ti a, ka melh zeuh. "A va ti tha ve" ka ti sup a, ka nau chhantu kha a lo ni reng chu ania, ka duh zual sauh in ka hria.





"U a hmeltha i ti em?" a ti leh a, ka mit ka kan uk. "A fel sia a hmeltha bawk si, nupui atan nei ve daih maila" a ti leh a, ka nui huk. Lungngai suh mate, i u a ni thuai ang ka rilru chuan ka ti a.





...
Chauh a na duh khawp mai. Hmingsanga lah chu a hlim hle tih a heiat a nui vur vir reng mai a, inneih programme a zo tawh a, zan lamah after party a awm leh dawn bawk a, tunah chuan chaw te eiin ka thukhawm dal a, vawin a Fabbie landan mawlh mai khan min hip ani.






Kan thut ho mai mai lai chuan Nancy chu lo kal in ka hnaih takah lo thu a, min nek leh talh talh tawh, Fabbie ka va en chuan min lo en ve reng a, mahse a hawisawn vat thung.






"Vawin chu monu leh mopa te aiin an thiante kha an inhmeh zawkin ka hria" Angela-i chusn a ti deuh lawng lawng a, midang ano nui dar dar mai, ka bula thu chu a tum deuh hmuk a, enga tan mah ka ngailo. "I lo ti ve tho alaw?, ka en ning thei hleinem keipawh, U, U Fabbie innei ve nghal daih mai rawh u" Grace in an rawn tih leh chuan Fabbie chu a hmai a sen deuh tawn tawn a, thlir nin a har takzet.





"Inngaizawng lovin an innei ringawt thei hleinem, chuloah duh pawh an induh tawn lova, chutia innei tura lo tih ringawt" Nancy chuan nuisang mahse thinrim ru tun hian a rawn ti a, "Hmm... an lo induh ru viau maithei asin, a hriat miahlo ania" nui hak hak chungin ka nau chuan a ti leh a, ani hian Nancy hi a ngai theilo hle a, a ti lang lem lo mai ani.





Zan lamah After party te chu neiin nuam kan ti hlaem viau, Namcy in min zui kual reng erawh ka hne lek lek thin. Fabbie nen lam tura min tih tlat avang chuan lam tual lam panin ka kai phei a mite chu an lo au dar dar a, a thenin min lo fial nak nak bawk, a kawngah ka khuah a, ka darah a ban a rawn suih thung, lampui lah chu a nuam phian.





Kil khatah Nancy chuan thinrim ti lang ngam chiah silo in min lo en ve ran a, ani lam ka ngaihtuah lo, tunah ka lampui mek ah chush hian rilru pek ka duh ani. Lo nghak rawh, rei a ni tawh hauh lovang, ka ta i la ni vat dawn ka rilru chuan ka ti a, ka ti mai mai lo bawk.



Cont.




Hei aw....comment han pe leh sap sap ula, click nen khan aw🥰


Show post links
Top

[Ngaia]

Chapter-4



Fabiana Ramdinsangi POV



Party a zo va, Jason chuan kan inlam ah min thlah a, ngawi rengin a kalh mawp mawp a, keipawh tawng lo in ka thu ve ran, sawi tur ka hre hlawl lo a niber. Party naa min chhaih khan ka zak ru em em a, ka sen deuh awp awp ka ring hial.




Chuan vawin a inchei na mawlh kha a inhmeh lo titu an awm hauh lovang le, "Vawin kha i nalh takzet ani" a rawn ti sup a, "Ka lawm e" ka lo ti ve sep.





Kan inzawnah chuan motor a ti ding a, ka chhuk dawn chuan mangtha in lawmthu ka hrilh nghal a, a bu nghut. Inlam pana ka kal lai te chuan ka hnungzang a za mer mer a, a la tlan chhuak lo a ni tih ka hre chiang viau bawk.





In ka lut chiah a duhthawh lutuk in thawk ka la vak a, ka chhungte chu an mu tawh a ni ngei ang, zan a tlai deuh tawh bawk nen keipawh chu ka room pam ka pan nghal a, ka thawmhnaw te hlipin inbual turin bathroom lam ka pan a, ka zawh chuan mut kawr ha in khumlam ka pan nghal, vawin lam thut hahchawlhna hun kan nei vak lemlo nen ka chau lutuk, mutthilh vat ka duh, naktuk lamah Alawmi te inlamah kal leh ka ngai dawn nen.





Zing ka harh chuan ni a lo tlang sang tawh khawp mai, in phih faiin inhnuai lam ka pan a, ka nu chu choka lamah a awm a kan nula nen ei an lo siam mek a,, ka pui ve nghal vat a, "Bawihi, vawin lamah Alawmi te inah kal leh i ngai tiraw?" a lo ti a, "Umm, a bungrua te remfel pui turin ka va kal ve leh ang" ka ti a, chaw ei kan peih chuan kan ei nghal vat a, inchunglamah chho in ka insiam nghal zung zung, a hma lutuk tawh lo bawk nen a lo buai viau ka hlau ani.






Alawmi te in ka thleng a, an chhungkhat laina te chu an la awm nual a, nimin lamah kan inhmu tawh bawk nen kan in be ve luam a, a hnuah chuan Alawmi te pindan lamah lutin a bungrua te chu ka remfel pui zung zung a, kan zawh meiu chuan chawhnu lam dar 3 a lo ri va tawh. Pindana awm reng theih ni heklo, inhnuai lamah chuan chhukin midangte chu kan zuk pawh ve ta thuai a, Jason pawh a lo awm vang tawh, ka hmu chu ka thinphu a rang zaih zaih a, midangin an hriat phak hial a nia ka rin. Min en reng lehnghal, en duh lovin midangte chu ka be ve luam a, ka awm erawh a nuam thei derlo.





Dar 4 a rik chuan haw chu ka rilruk ta a, ka tlai lutuk chuan ka chhungten min lo ngaihtuah ka hlau, chulovah ka scooty a chhe bawk si nen taxi a van hman ka hlau ani. Mahse haw ka tum thu ka hrilh chuan Hmingsanga te chhung chuan an lo phal hauh lo. Chaw ei nghal turin min ti a, haw na tur ka buai ka hlauh ka rin thua ka chhan chuan Hmingsanga chuan "Jason-a hiana. thlah thei angche, buaina tur a awmlo" a lo ti vat a, "A nilawm ni?" tih paha Jason a va en chuan a lo bu nghut mai bawk si, ka hnial viau chung pawhin min tih luih deuh tlat avang chuan ka chhungte hnenah Alawmi te ina chaw ka ei tur thu chu ka hrilh ta tawp a.





Chaw te kan ei a, nopang an tam bawk nen kan ri le lu mai a, a nuam viau mai. Chaw eikham chuan sengfel pui chu ka tum a, mahse min dang ta tlat, nuam ka tih chiah lovang in han tih luih ngial ka tum pawhin min hnial tlat vang chuan engmah toh ka tum ta lo law law a.





Inchung zawlah Alawmi te nupa, Jason leh keichu ka thu khawm a, thil ho tete sawiin kan hlim viau, ka thiannu chu ka en thin a hlim hmel hle a, chuchuan keipawh min ti hlim ve em em tawp mai ni. A lawina chhungte hi misual an ni dawn lo tih ka chiang lutuk tlat, mahse a hma angin kan inhmu in kan inzui dun thei tawh dawn lova, chuchuan tlemin min ti hnual ve deuh. Tette atanga inkawm kan ni a, thian dang chu kan nei ve theih a, mahse kan pahnih bik hian kan inkawm in kan in pawh bik a, ka hlimna leh lungngaihna thil engkim ka thlenna ber ani bawk.





Ka tan hian a hlu em em a, ka unaunu ang mai a ka en a ni, pasal tha tak a nei tih ka hriat hian ka lawm takzet bawk. Hmingsanga mit atanga Alawmi a hmangaih zia hi ka hmuh sak thiam ve tlat, Alawmi a en hian a mitmeng hi a de sawr sawr zel ka ti mai.





Ka ngaihtuahna ka kawm melh melh lai chuan ka hmai zawnah tu emaw hian kut a lo hmet ri khap a, ka en nak chuan Jason a chuan ril ruih hian min lo melh ngar a nihchu.





"Enge i ngaihtuah veng veng a, nanghi chu hman tangin i ngaihtuahna kawm hi i ching lutuk a" nui hak hak chungin Alawmi chuan a rawn ti hlut a, ka lo nei ve seih ringawt. Zan a tlai tak tak hmaa haw chu tha ka hriat vangin haw ka rawt ta a, Jason pawn pawi a ti lo, pawn thleng chuan Alawmi leh Hmingsanga chuan min thlah a, Hmingsanga leh Jason chu motor bulah an inbia a, Alawmi nen kawngka bulah kan la ding thung.





"Alawm, pasal i nei hi ka lawmpui takzet che mahse a hma angin kan awm thei tawh dawn silo a, tlemin ka lungngai deuh, ka ngai dawn che e" ka ti a, "Chutiangin sawi suh, kan la inhmu remg thei dawn alawm, keipawh hetia pasal ka nei mai hi mak ka ti a, ka la awih lo rum rum hial asin, i hria anga, Hmingsanga hi ka bialpa neih hmasa ber a ni tih. Chuan ka hmangaih hmasa ber a ni bawk a, hetia ka nei thei ta mai hi ka lawm takzet ani, chuan pasal lo nei pawh ni ila, i thiannu leh i unaunu ka la ni reng tih theihnghilh suh" a ti a, kan inkuah vang vang mai.





Jason te awmna lam chu kan pan a, motor chhunga ka luh dawn chuan Alawmi te nupa chu ka mangtha a, Jason pawh chu rawn thu lut ve nghak in ka tkan chhuak nghal. Alawmi sawi ang khan Hmingsanga hi a bialpa hmasa ber ani a, hetia a nei thei hi a awha takzet, kan thian dun hian mipa lam kan ngaisak vak lo a, kan awm awm in ka hlim ve em em thin, kum hnih kal ta khan Alawmi leh Hmingsanga hi an intawng a, an inngaihzawn chhung zawmg khan buaina em em an tawk ngailo bawk. Kei ve thung hi chu tun thlengin bialpa emaw han duh ruk ngawih ngawih hi ka la nei lova, ohh.... Jason -a ka hriat hma kha chuan.





Ka ngsir ah chuan motor a ti ding a, hrethiam lo zetin amah chu ka en nghal vat. "Thil sawipui lawk che ka duh" a ti nghut a, a tawngkam hi chu a bul tha tek tawk viau zel a, keipawh hian ngaiah ka nei hman hial tawh.





"Enge nita?" ka ti a, "Bialpa i neilo tih Alawmi khan min hrilh a" a ti sup. "Nia" ka ti tawi tak, Alawmi chu a zawt tihna nge ni anga, a hrilh zawk.





"Fabbie kei hian ka duh che ani" a rawn ti sup anihchu ka hriat sual a nih ka ring zawk hial mai. Ka mipa duh ruk em em in min duh thu a sawi a, awih a har ve em bawk ani. "Ih..." ka tih lai mek chuan min lo pawtchatin "Tunah min chhang nghal theilo a nih pawhin ka hrethiam angche, mahse i chhanna chu hriat ngei ka duh dawn ania" a ti leh a, ka lo bu nghauh ringawt.





In thleng min thlah a, mut hmunah a thusawi chu ka ngaihtuah zui rauh rauh, keipawh hian ka duh tih chiang takin ka hria a, mahse "aw" tia chhan ka la harsat tlat ani. A chhan pawh Nancy a awm vang kha ani, a atchilh em em thin tih ka hre tawh a, tunah pawh an thawk dun mek bawk, lo inngaizawng ta ila nakin zelah lan buai mai ka hlau ani.




...
Kar khat a liam leh tawh. Jason nen kan la inhmu leh ta miah lova, amah lahin min biak a tum silo nen a thusawi te kha ka ngaihtuah chhunzawm leh ta miahlo kha ania. Exam zawh chiah a ni nen school chawlh a nih vangin bazar turin ka chhuak a, ka riltam deuh tawh chuan restaurant ah chuan lutin thutna awlah chuan thuin eitur ka order nghal a, eitur a lo thlen chuan ka ei mial mial, chutah ka hawi chhuak a Jason leh Nancy chu a rawn inzui lut a, Nancy chuan Jason-a kutah a kuah chial a, Jason pawn a haw lem lo tih a hriat.





Ka chhungril a na zawk a, a thusawi te kha a ti mai mai a nih ka ring ta a, ka lo chhang hmanlo chu ka vannei takzet. Ka thil ei lai pawh ei chhunzawm lovin ka eina man pein ka chhuak ta nghal vat a. In lam panin ka haw nghal vang vang bawk.





Room ah chuan ka awm a, ka inngaihtuah vang vang bawk, Jason nen hian kan inhriatna a la reilo, a mizia tak ngial pawh, duh ru viau mah ila, ka ngaina thei derlo mai hi mak ka ti viau bawk, diktak chuan pawh har ka ti takzet ani.






Mut hmunah chuan phone ka khawih a, Jason ngaihtuah zel ka duh lo vang pakhat ani. Mahse ka phone a ka thil hmuh avang chuan ka tawt up up a, ig a ka lut chu Nancy hian thlalak a lo post a, chupawh Jason nen an lak dunna ani. Vawin a mi a ni tih chiang takin ka hre bawk, an kawr hak a danglam lo hrim hrim. A caption ah chuan love() a dah a, en zui zel duh lovin phone chu ka dah ta daih a.





Ka dah rual rual chuan ka phone chu a rawn ri a, en lem lo chuan "Hello" ka ti a, lehlam ami chu a lo nuichhuak hawk hawk a ka phone screen chu ka en vat a, Puia a lo ni "I mood a va chhiat hmel ve" a ti a, "Chutiang pawh a nilo, enge nita?" ka ti a, "Naktukah min chhuah pui lawk ta che" a ti a, "Ka hman ka van ring chiahlo ve" ka ti fan ruih a, "Daw suh, engmah tihtur i neilo tih ka hria ania, schhol chawlh lai a nihhi" a ti a, chhuanlam tur awm tawh heklo le, ka chhuahpui tur thu chu ka hrilh a, a lawm hle, thil kan sawi dun leh deuh nual hnuah phone chu kan dah ta a.





A tukah chuan Puia chuan min rawn lam ta a, a u fanu birthday a gift tur leipui turin min hruaichhuak a, ho ka ti angreng viau. Restaurant ah chuan lutin thil kan chah a, "Fabbie, sawsaw Jason kha a nilawm ni?, a rawn en char char che a" a ti a, ka hawi chhuak ve ta vat, chutah Jason mitmeng rum tha zet nen kan in melh siah a nihchu.





Mahse ka hawisawn leh ta vat a, engmah tihsual ka nei lo hlauh nachhan tur ka neilo. Thil chu ka ei mawlh mawlh a, a tui leh tui loh pawh ka hre lo, ei zawh vat vat a chhuah ka duh ani. "I helh ange" tih pahin Puia chuan tui min lo pe a, ka inzui khawlh khawlh. Thil kan ei zova kan chhuak ta nghal vat a, ka thinphu rang hman zia kha.






"Ka lawm lutuk ania aw" in thlengin min thlah a, engmah a nih loh thu hrilh ka chhuk a, inchhunglam ka pan nghal. Zanah chuan ka nu leh pate nen TV ka en thap a chutih lai tak chuan ka phone a rawn ri a, ka en chuan Jason a lo ni, chhang ta lo chuan TV chu ka en zui ta daih a, mahse ka entui thei tak tak tawhlo, message ka dawng a, ka en chuan Jason bawk. "Lo chhuak lawk teh" tih ringawt. Engah mah ngailo chuan phone chu ka hmet thin leh ta daih a, a hnu reiloteah chuan ka phone bawk chu a rawn ri leh khauh va "I lo chhuak lo a nih chuan ka lo lut ang" a rawn ti anihchu.




A rawn luh tak tak ka hlauh vang chuan ka chhungte bulah chhuanlam siamin pawnah chuan ka chhuak a, pawn thim lai deuh ah chuan motor chhungah a lo thu run a, ka kal min hmuh chuan rawn chhuak vatin passenger side lam kawngkhar chu a hawng a, ka thu ve mai, anipawh a rawn thu lut ve leh ta thuai a, ngawi rengin kan thu deuh ren rawn a.






"Khapa kha i tan enge a nih?" a ti a, Pui a sawina a ni tih ka hria "Ka thian" ka ti a, a awih loh hmel hle. A thle buk a, "Chuti maw?.." a ti hmuk, a chezia chu a ngeiawm a ni tawp, "Aw.. ni e, chumi i hriat duh vang chuan maw min koh chhuah a?" ka ti hlak. "Chhanna ka duh tawh" a rawh ti leh nghut a.





"Eng chhanna maw?" ka ti a, ka hrelo der ani. I hria toh ka hria a nia", a tih sup a, ka chhanna nghakin min en ran bawk chutah thaw dep dep chungin "Ka duhlo" ka ti a, ka sawi zawi hle bawk. A mithmul to kang awkin "Takzet" a ti a, ka bu ngauh.




"Keiin ka duh thung alawm" tih leh chet lak a rual a, min pawt hnaiin ka phui ah chuan a rawn fawp tawn tawn a, ka in dawh mawl tawp, ka mipa pawh hmasak ber ani, harhchhuak thutin ka tal ta nghek nghek a, awmzua a awmlo, a hnuah chuan in la hrangin "Tu miao mah hnaih tawh ngai suh, nanghi ka ta tur i nih hi. Chuan ka thilsawi hi ka sawi mai mai lo, ka duh neitur a min dangtu an awm chuan ka dim dawn hauhlo bawk" a ti a, rapthlak tizetin ka melh.





"Tikham min melh turin ka duh lo che" a ti a, "I rapthlak takzet ani" ka tih chuan nui sukin min chawi lawp a, a malchungah ka thu vang tawh mai, talsawn ka tum ve sateh nangin ka thei thaklo a nihchu, ka tukhumah vuanin zei lutukin min rawn fawp leh tawn tawn a, a awmah ka nam ve tang tang thung.





Rei ngial min fawh hnuah chuan ka inthlahdul ve ta tial tial a, chuchu remchangah la in ka kachhunhah chuan a lei a rawn rawlhlut a, zei zetin a lei chu a chetkual ngawng ngawng bawk. Ka a zo takngial dawnin ka inhria, engtik laiin nge ka chhan let pawh ka hrelo, ka thisn ang ang in ka lei chu ka ti che ve a, chuchuan a ti phur zual sauh tih hriat takin a hma ai duhthawh chuan min fawp uar sauh.






Ka taksa te chu a zut kual dun dun a, enge emaw ka la neih ngai miahloh feeling ka nei, ka chhungril hi a za mer mer a, ka mal te chu a zutkual dun dun a, nuam tihna hlirin ka lo khat thung. Ka hnute rawn khawih a tum takah chuan ka ngaihtuahna a fim tial tial a, a kut chu ka man vat.




Khawih luih a tum leh chuan "Jason a tawk" a ti sep a, a ni pawn tih luih a tum bik talo, ka awmah chuan hmai a phum vang vang a, hnuai lamah min kam run tu chu ka hrechiang hle bawk.





Ka thutna ngaiah chuan ka thu vat a, chutah ka phone a rawn ri kauh en tuma ka lek kang chiah tihah Jason chuan a rawn ban vut a. A bek a pawng nghak tawlh tawlh, phone chu ka kutah a rawn hmehbel a, ka en nak chuan no. hlang atang a lo nia, Mapuia a ni tih ka hre nghal mai, a ni hian hman atang tawhin min ngaizawng a, thu duk dak lo tak tak min rawn thawn thin a, ka block ngun tawh, phone no. dang atang a rawn ti reng zel tho.





"I ngaih ang..." ka tih lai mek chuan "Engmah sawi a ngai lo, chhuak rawh" a ti thum chak a, "Mahse" ka tih leh chuan min rawn enin "Tun lawka i awm dan atang khan i mizia tur chu ka hrechiang viau" a rawn ti a, ka hit chhuak vek nimai hian ka hria.





Engmah sawi tawh lemlo chuan ka chhuak a, ka chhuah rual rualin chak zetin a tlanchhuak nghal. Min ngaihdan vang khan ka rilru a na em em a, ka kehsawm vek nimai hian ka hria.



Cont.



An inngaizawng rei dawn lo, an innei vat anga, buaina a intan dawn chiah aw, ka sawi lawk sa nihchu.....


Show post links
Top

[Ngaia]

Chapter-5




Jason Lalchhanchhuaha POV





Khawilamah nge ka tlan pawh ka hre hrep lo, ka chhungril a thinrimna in mung chho up up chuan ka kawchhung a tisa huam huam a, ka thaw hrawl hrawk thin awmzia a awmlo, tunge rawn betu kha ni ang, khawih chakna chuan min rawn luah khat mup mup a, motor steering chu ka chum leh pawp thin a, awmzia a awm bawk silo.




Bar pakhat zawn ka thlen chuan chhuk in a chhungah ka lut nghal a, whiskey ka chah nghal zat min rawn pek rual rualin ka thlak nghal pap a, a bur chawp chuan chah in, thli chhuak lem lovin ka lem zui khawlh kawlh a, ka harhfim tulh tulh emaw tih mai turin ka thinrimna chu a zual sauh.





Vawin lamah khan ka rinloh lutukin ka hmu a chupawh kha mipa a thianpa Puia tih emaw ni nen khan, va kal a ka bula hruai daih lo tur in ka insum hram hram kha ania. Hetiang tak hian hmeichhe chungah ka thikthu a la chhe ngailo. Nancy nen kan inzui lai pawh khan mipa nen an inkawm a an inkuah te khan pawi tihna em em ka neilo, mahse Fabbie hi chu a danglam bik tlat ani.





Driver ruaiin inlamah chuan ka inthlah tir ta tawp a, rui chhe viau lo mah ila, ka lu a hai deuh muai muai a, motor ka khalh theih ka rin loh vang ani. In ka thleng a, an mut vek tawh a nihhmel, keipawh chu room lamah lutin khumah ka letthla nghal a, ka muhil zui nghal mai.





Kha zan atang khan Fabbie pawh ka hmu leh ta miah lova, biak pawh ka be ngai hek lo. Thlakhat lai a liam leh tawh a, ka ngai em em a, mahse ka chapo na hianbelo turin min dang thei hram hram ani.





Nancy nen kan inzui tam a thenkhat phei chuan inkawp tha leh ang hial ah min sawi tih ka hailo, sawibuai emaw ka tum leh lo, thudik a nilo tih keiman ka chiang a tawk ka ti mai. Ka phone a rik vang chuan en lem hlei lovin ka la a "Bawiha, zanin kha i theihnghilh ange" Hmingsanga chuan a rawn ti a, "Ka hria" ka lo ti hmuk.





"A that chu, ka dah dawn kan buai lutuk" tiin a dah lehnghal a, a nu leh pa te anniversary a ni a, min hrilh nasa ve nen kal ngei chu a ngai dawn ani. Inlamah let hmasa phawtin ka inbual a, thawmhnaw ka hak fel leh hnuin inhnuai lamah ka chhuk a, ka nu chuan lawmpuina hlansak turin min chah mawlh mawlh bawk.






Hmingsanga te in ka thleng a, min hmuh chuan min rawn pan nghal vat. Thil eng emaw ho te te sawiin ka titi luam a ka hawikual vel lai chuan Alawmi leh Fabbie chu ka va hmu fuh a, ka hmuh lohna a rei tawh nen a cher deuha hriatna ka nei. Ka en reng a "I en nasa lutuk" ka beng bulah Hmingsanga a rawn phun sup a, "Ngawi mai mai teh" ka ti hluk thung.





Hunserh te an hmang a, chumi zawh chuan thian dang te ho nen kan inkawm khawm a, Fabbie te lam ka va en chuan a lo awm tawh hauh lo, khawiah nhe maw a kal ang le.... Ka zawng rilru deuh va hmuh tur a awm tak siloh ah chuan Alawmi hnenah a awmna ka zawt ta tawp a, pawnlama mi a biak lawk thua min chhan chuan pawnlam panin ka kal ve vat.





Ka hawikual vel a ka hmu mai lo, luh ka tum lai tak chuan a. aw ka hria a, chumi lam chu ka pan vat a, phone ah tu emaw a lo hnial mek a nih hmel "Min tibuai reng suh" chang fak hian a ti a, lehlam ami thusawi ka hre thei lo thung. "Hmeichhe tam tak an awm alawm, keichuan ka theilo, ka hrilh chiang viau tawh che" tiin phone chu a dah a, hnunglam a rawn hawi chuan min hmu thut cgu mak a ti nge a meng phawk deuh hra a.





Insiam tha vatin min kalpelh mai a tum chuan a kutah ka chelh vat, "Enge i tih hi?, min thlah rawh" a ti a, a kut chu a thing zui a, ka chelh nghet sauh.





"Tunge hmani a rawn betu che kha?" ka ti nghut a, min chhan tumlo tih hriat zetin a ngawi ngal a, "Sawi vat rawh, tunge kha mihring kha" ka ti ta hrawk a.





"I tan rangkaina a awm lo, hriat tum buai duh suh" a rawn ti nghat. Ka thaw chhuak hawk, "Nang ang hmeichhia hi chu mipa pakhatah hian in lungngawi thei lo a nihhi, chhunlamah i thianpa tia i sawi Puia i chhuah pui a, zanlamah rawn be tu che kha, chutah keipawh min hnar lo bawk a, i lo ropui hle mai" ngeiawm zetin ka ti a, rilru nat hmel zetin min melh ngawt ngawt.





"Min hrechiang tawh bawk a, min hnaih tumna i neih tawh loh hram ka beisei, kei ang hmeichhia hi chu" a ti a, a ngawi zui ta daih "Sawi zo law law ta che, nge ni a i mualpho i hlau zawk" ka ti a, engmah a sawi tawh lo hnuai lam a melh ngawt ngawt a, chutah thawm a rawn awm a rang zetin inchhung lamah a tlan lut ta vat.






Pawnlamah chuan ka awm zui ta reng a, rilru na hmel lutuk a min en khan ka chhungril hi a na ve tho, mahse ka thinrim na ka thunun thei ngang lo ani. Reife ka awm hnuah inchhung lamah chuan ka lut ve ta chauh a, Fabbie chu ka en reng mahse min en let ve eihlo thung.





Zan a rei tak tak hma in Fabbie chu haw a tum ta a, thlah haw ka tum ru ran bawk, mahse a scooty chu a lo keng a, pawi ka ti ru viau. Fabbie haw tak hnu chuan keipawh awm reng chu ka peih ta chiah bik lova haw ka tum thu Hmingsanga te nupa bulah ka sawi a, pawn thlengin min thlah a, an hmaah chuan ka kal a, anni nupa lah chu chuan thil an sawi char char bawk a.





Mahse Alawmi thusawi pakhat chuan ka beng a verh zar mai, ka hawi let thuai a "Engthil nge i sawi kha?" ka ti sup. "Fabbie mawle, hma atang tawh a amah tibuai thin tu in tun hnai hian a rawn tibuai leh tawh a, zaninah pawh khan phone ah a vau nghe nghe alawm, tihngaihna a awmlo Mapuia hi chu, no. hrang hrang atang hian a be reng zel a, Fabbie pawh hian a block hnem tawh mai, mahse a bansan chuanglo" a ti a, ka thu hriat chuan min thawng lutuk tlat.





"Anih Puia nen hian eng inzawmna nge an neih?" ka ti leh hawlh "Puia nen hi chuan thian an nia, kan pathun hian nopan tet lai atang tawhin school khat ah kan kal ho vek zel a, inkawm pawh kan inkawm nasa viau" a ti leh a, engmah sawi nachang ka hre tawh lo.





Motorah chuan lutin an nupa chu ka mangtha sup a, ka inkhalh chhuak nghal. Fabbie ka tawng khum dan zawng zawng te kha, engthil nge maw ka tih tak hi le?... Hmeichhe lepchhiah lutuk ang maiin ka tawngkhum a, a mita natna ka hmuh te khan inthiamloh na nasa tak min pe ani.





In lamah pawh haw tlang lovin Fabbie te inlam chu ka pan a, an inkawt ka thlen chuan engine chu ti thi in an in chu ka en vang vang a, ka phone phawrh chhuakin a no. chu ka hmet chhuak a, ka call nghal zat. Min chhanglo, ka ti nawn leh a min la chhang chuanglo, mahse beidawn mai ka tum lo ka ti nawn zel a a la ve hram.






"Ka be duh che lo chhuak lawk teh" a lak rual rual chuan ka ti nghal a, "Ka lo chhuak dawn lo haw rawh" a rawn tihchuan ka thaw hawlh. "Khawngaihin" ka ti ta sup a, a ngawi deuh vang vang a, "Khawngaihin biak che ka duh" ka tih leh chuan "I duh duh huna i biak tur ka nilo, ka mu tawh ka rawn chhuak dawn chuanglo" a rawn leh a, "I rawn chhuah duh loh chuan ka rawn lut mai ang" ka tih rual rual chuan "Mawl lo mai teh, haw rawh ka hmu peih lo che" a rawn ti nghek.





"Awle ka lo kal" ka ti a, phone dah mai ka tum chuan "Ka lo chhuak ang" a rawn ti nghat a, ka nui suk. Pawn lamah a rawn chhuak chu ka lo thlir reng a, a hmeltha takzet a make up zawng zawng a tifai vek tawh a, a hmel a tha zual sauh zawk ani.





"Enge i sawi duh chu sawi vat rawh, luh leh vat ka duh ania" a rawn ti nghal a, "Ka tihpalh" ka ti sup, he thu hi vawikhatmah ka sawi ka inring ngailo "Engvang chuan maw" a tihchuan "Ka tawngkhum dan zawng zawng che leh, na taka ka siam vang che in" ka ti a, a ngawi deuh vang vang a, "A pawilo min ngaihdan diktak ka hre chhuak a, a tha zawkah ngai ang" a ti a, min en lovin hnuai lam a melh tlat a.





"Nilo, khatiang khan ngai suh, ka thinrim lutuk vangin ka tumloh puiin ka tawng a nihkha" ka ti a, "A pawilo ka tihkha, ka lut tawh dawn" tih paha inher mai a tum chu ka kuah bet vat a, "Engthil nge i tih hi min thlah teh" a ti a, "I tello chuan ka awm thei tawh lo, min nei rawh aw..." ka tih sup chuan a tal nasa zuap sauh.





"A teuhlo mai, nang nei tur che hian eng inzawmna mah kan neilo, chuthil chu nang ai hrechiang an awm lo bawk, thu lawilo sawi suh" a ti tan tan a, "Nakyukah kan sawi tha dawn nia, lut phawt rawh" tiin ka thlah a. Rawn hawi let tawh lovin a kal nghak a ka thil zui vang vang. Keipawh chu inlam ka pan a, khumah chuan muin Fabbie ka neih vat theih dan tur ka ngaihtuah a.





A tukah chuan Hotel ah kal hmasa lovin kan partner te nen inhmuh khawmna kan nei a, kan let lamah chuan Fabbie leh mipa pakhat ka hmu a, car chu ti dingin an lam chu ka pan vat. Eng sawi set set lovin Fabbie chu ka lamah ka pawt hnai nghal dawrh a, a te that.





Rum mangkhengin min melh a, "Engthil nge i tihhi min thlah rawh" a rawn ti chang fak a, thlah ka tum lo bur. A lo kalpui pa chuan ngaihtuah hmel deuh in a en a, engmah phei chu a sawi lo. Chupa lan chu Fabbie chuan a hawi a, hlauthawng lo turin a hrilh sup, chute hlei hlei chuan min ti thinrim zual.





Ka car lamah chuan ka pawt dawr dawr a a lo tang ve tlat, "Ngawi rengin min zui rawh, miin min en thup hi" ka ti a, a hawikual chu mite chuan min en reng tih a hria aniang a tang ngam tawh biklo, ngawi rengin min zui a, car kawngkhar chu hawngin ka thutluh tir nghal a, motor chu kal hualin ka thu lut ve nghal zat.





"Engthil nge ti nia i in hriat a?" a rawn ti fak. "I hre reng a ni lawm ni" ka ti nghut, "I duh duh a i tih kual tur ka nilo, kawngka hi hawng rawh" tih pahin kawngkhar hawnna chu a sawi nawk nawk a, "Mate... Tibuai duh suh, awmzia a awm dawn chuanglo" tiin motor chu start in ka tlan chhuak nghal a, ka hotel kan thlen chuan kai chhuak in ka office lam ka panpui a.





Office ah chuan lutin ka pindan thuhruk lamah chuan ka kailut a,kawngkhar ka lock ri nghal khap. A lam chu hawiin kan inhmachhawn ran a, "Khapa kha tunge?" ka ti nghut. "Tu khapa ber nge i sawi leh tawh?" a rawn tihchuan "Hrelo der lo mai rawh, nichina i bula awm kha tunge?" ka ti ta hrawih a.





"Ka nau a nihkha, chuchu enge tan nge i tih?" a rawn ti nghek, ka nui ta suk a "A that chu, chuan nizana ka thusawi kha ka ti mai mai lo ania" ka ti sup. "I va han zakthei lo ve a, nanghi ka nei dawn lo che ka ti ani lawmni" a rawn ti hlak a, ka nui chhuak hawk, lawmawm reuh lutuk mai.




Fabiana Ramdinsangi POV




"Min nei ngei ang" ti tu chu rum zetin ka melh a, a chhelo hle a, hauhsak pawh a hausa viau bawk, kan inhmuh tirh dan in a zirlo bawk nen ka ngaina thei derlo.



"Ka nei ngai lo angche" ka ti sak a, min rawn hnaih chilh nghal ruak. "Min nei dawn khawp" tih leh min rawn kiss chu a rual a, duhlo lutukin ka lo tal ve nghek a, awmzia a awm lo.



A inlak hran hnu chuan "Khatiang khan min fawp ringawt tawh suh" ka ti a, a thle buk. Min la kuah bet run zui, "Min thlah teh" ka ti a, a nui nghawr dat, "I mitmeng atang khan kut min thlak dawn tih ka hmu tlat, ka thlah theilo che" a ti a, ben chawrh ka duh tak tak ani.





"Min thlah mai teh" ka ti leh fak. Min thlah ve mai a, chhuah ka tum chuan "Min neih i duh hma chu i chhuak dawn lo" a ti leh sup a, "Ka nei duh lo che" ka ti a, "Oh... Keiin ka duh thung alawm" a ti lehchuan ka melh ngawt ngawt ringawt.





Chhuah tumin kawngkhar lam ka pan a, ka hnunglam atang min rawn kuah betin "Khawngaihin min nei rawh, hlim takin ka siam angche" a ti a, ka bengkawm a rawn fawp zeuh bawk.



Cont.



Hei aw....


Show post links
Top

[Ngaia]

Chapter-6



Fabiana Ramdinsangi POV



Chhan ngaihna ka hrelo, ka duh tak meuh mai mahse innei em tur chuan a la hma mah mah ani. Inngaihzawn pawh awm lova inneih ringawt mai chu thil awmlo lutuk a ni tlat, chutah ka la hrechiang lo em em bawk a, chuan thil pakhat sawi hmaih theih moah loh chu Nancy ani. An inzawmna hi ka hriatchian loh mai piah lamah an inzui nasa si a, nakin zelah kan buai na a ni ang tih ka hlau.





"Innei ngawt turin kan inhriat na a la rei lo tih chu nangpawhin i hrechiang a ni lawm ni" ka ti a, a lam hawi zawng chuan min kuai herin "Chutiang lam ka ngaihtuah lo, keichuan ka hrechiang lutuk tawh che, chuan neih ngei che pawh ka tum" a ti sup a.





"Lo inngaihtuah la ka duh, chuan tun atang chuan ka bialnu i ni tawh tih hria la ka duh bawk, tu mipa mah hnaih lo la, Puia phei kha chu ka duhlo lehzual" a ti leh sup a, "Puia te chu la thian ania" ka tihchuan "Shh.. Tunah rih chuan kan boruak hi tih chhiat ka duhlo ania, nanghi ka ta chauh i ni" tiin ka chal ah a fawp leh vang vang a, Ni e... Keipawh hian ka duh em em a, inngaihtuah te chu sual a ni dawn em ni?.





In thlengin min thlah a, ka chhuk dawn chuan ka kutah rawn man in "Zanin ah party a awm dawn a, min kalpui tur che in ka duh che, Alawmi te nupa pawh an tel dawn bawk, ka lo lam dawn che ania" a ti a, ka bu nghauh, Alawmi a awm dawn chuan hnialna em em ka neilo.





Party naa kal tur chuan ka insiam a ka nu leh pa te pawh ka hrilh vek tawh a, an lo rem ti khawp mai. Ka insiam zawh hnu chuan inhnuai lamah ka chhuk a, Jason a lo awm reng tawh chu niin ka chhuk min hmuh chuan min lo en reng a, ka lai ngei mai. Ka nu in min hmuh chuan "Bawihi i va nalh em em ve" a ti hluai a, ka zak nen ka nui seih ringawt, in kan chhuahsan dawn chuan ka haw tlai loh tur thu ka nu leh pate ka hrilh a, kan chhuak nghal.





Jason te hi chu an nundan atang hrim hrim hian party tih vel hi an uar a, an kal deuh reng tih ka hria. US ka awm lai khan vawihnih vel kha chu ka kal ve tawh, mahse nuam ka ti lemlo khawp mai,kan thlen chuan Alawmi te pawh an lo awm tawh a, kan inkawm nghal chat.





Ka hnunglam atanga min kotu ka hriat vang chuan ka leh hawi a, ani hian enge hetah a tih ve, Mapuia chu ka bulah a rawn thleng chawpchilh nghal. Alawmi chuan min rawn awm hnaih ve sauh a, a hmel ka en chuan a hlauthawng tih ka hmu thei, "I dam maw?, inhmuh lohna a rei tawh sia, nanglah i induh bawk nen, ka biakna che min chhan let i tum ngai silo" a ti vel ham ham a.





Jason te lah thil pawimawh sawi turin an kal hrang daih bawk si, chutah ka kut a rawn vuan a, rang zeta thing thlak ka tum chu a vuan nghet zual sauh "Min thlah rawh," ka ti chang fak a, a la nui ham ham zui. "Mualpho taka awm i duh loh chuan thlah vat rawh" Alawmi pawh chuan a rawn ti a, "Oh...Nangpawh chu i la danglam lo hle mai, pasal i nei tawh tihte ka lo hria a, hei i thiannu hian a mamawh ve tawh i tilo maw" nui sung chungin a ti a, ka ten hluah hlauh.





"Min thlah vat rawh, ka au vak hma hian" ka ti leh a, "Tang der vel duh suh, nuam i ti tih ka hre reng ania" a ti a, ka kawngah a rawn man nghal a, ka tal zui ta nghek. Chutah Mapuia chu a hrang ta hlawk a, Jason mit sen rum ka hmu nghal zat, "Tunge i nih a?" Mapuia chuan a ti vin thawt a, Nancy chu lo lang nghal zatin "Enge thil awmzia, Mapui i tha em?" tiin Mapuia rawn tho chhuak chu a pui nghal a, an lo in hria a nimaw....





"Vawikhat pawh khawih leh tawh suh angche" Jason chuan a ti a, ka bulah chuan. lo ding nghal a, ka kawngah a vuan nghak chat bawk. "Tunge i nih?, a ni tan khan a enge i nih hrep a?" Mapuia bawk ani, a tawng rin em avang chuan midangte pawh chuan kan lam an lo hawi thup tawh, ka zak lutuk chu hawi pawh ka hawichhuak ngam tawhlo.





Jason chuan Mapuia chu va kal hnaihin a san zawk avangin a kun deuh a, hlauthawng zetin ka lo en "I hre duh maw.., ani hi ka nupui hual a ni a, reilo te hnuah kan innei dawn bawk" a ti a, thawm a awm huk mai. Nancy chuan mak tihna a khatin Jason chu a en a, "Engthil maw i sawi kha?, nilo a ni thei lovang" a ti bah niai a, ka khawngaih viau mai.





"Thu dik ngei a ni e, Fabbie nen hian kan innei tep tawh, chuan nangkha i huang chin hria angche." tiin keichu mitmeng dam thlap hian mon en a, "Lo kal rawh le, sawlam ah sawn thu ang" tiin min kaisawn a, thutnaa kan thut fel hnu chuan Hmingsanga chu a nui deuh vur vur a, "Nge i nuih vur vur reng a?" Alawmi'n a tih chuan, "Ka hlim a nihhi, nangni pawh in va inzep thei ve" a ti a, chhan ngaihna ka hrelo ka ngawi reng a, "In hriat tawh tho kha" Jason chuan a lo ti sam et.




Rei fe kan thut hnuah "Kan haw tawh mai dawn em ni, i mut a chhuah hmel tawh emai" Ka beng bulah Jason chu a rawn phun sup a, ka hnial lem lo, haw kan tum thu Hmingsanga te bulah chuan a sawi nghal sup a, anni pawhin haw an lo duh ve tawh tho a lo nia, kan pali chuan kan inzui chhuak a, in mangthain kan inthlah fel ta a.





In thleng mjn thlah hnuah ani pawh chu a haw ve nghal mai a, mut hmhnah zanin a thusawi kha ka ngaihtuah let rauh rauh va, neih ka duh leh duh loh ka la chiang thei tlat lo, Nancy na hmel ka hmuh phei kha chuan keimahah inthiam lohna a rawn lut chawpchilh a, engtia awm tur nge pawh ka hrethiam tawh lo.




Jason Lalchhanchhuaha POV




In ka thleng a, inbual faiin khumah ka mu nghal, Fabbie nen kan inkar a tha a, ka thawveng huai mai, zanina ka thusawi kha ka ti tak tak bawk, nghah rei ka tum tawh hauhlo. Ka kum a nopanh chhe zawk zawk tawh lo bawk nen nupui neih vat ka ngai tih ka hre bawk.





Hotel ka thleng a, file pawimawh ho chu ka en nghal mual mual a, ka kawngkhar chu kik lemlo va lo lut an awm vang chuan ka hawi chhuak a, Nancy a lo ni, duh aiin a ngampa mah mah. "Engvanga rawn lut tlang tawp nge i nih?" ka ti hmuk a, "Ka ngai pawimawh lo, nizana i thusawi kha i ti tak tak lo ani tiraw?" a ti a, "Ti tak tak lo ila ka sawichhuah i ring em ni?" ka ti hluk.




"Aih nilo, nanghian min tih thinrim nan kha hmeichhia kha i hmang mai mai ani, i duh lo tih ka hria, nangchuan kei chauh hi min duh" a ti a, ka ner sawk, "Ka hun kal tawh ami mai i ni, chuchu nangpawh hian i hrechiang viau bawk" ka ti a, "Nilo, kei ai duh i neilo, ani kha hmanrua ah i hmang mai mai ani" a ti leh nawk nawk.





"Chiang deuhin ngaithla rawh, nang hi duh ne che chete mah ka nei tawh lo, Fabbie hi hmanruaah ka hmanglo bawk, ani hi ka hmeichhe duh awmchhun leh ka nupui tur ani" ka ti ta hrawk a, mittui tling pam chungin min melh a, "Engtinge hetiang hian ka chungah i chet theih?, nilo i nei ngai lovang, nang chan che ai chuan ani saw ka dahtha mai ang" a ti chiah chu ka thutna atang ka ding chhuak zawk a, "Nang hian engthil maw i sawi kha, ani saw i kut hmawr pawn han khawih teh ka chet dan tur hi i rin phak bak a ni ang" a ti hrawih.






"Chuan thil pakhat nang zawk hian ani lawm ni min kalsan, min dem zawng khan i tawngkam kha vawikhat pwh chhak chhuak leh tawh ngai suh angche" ka ti leh a, "Tunah i hnenah ka rawn kir leh tawh a, engbanga hmeichhe dang neih tum nge i nih?, kan pahnihin hlim takin kan awmdun thei reng asin" a ti a, a inhnit feih feih bawk.





Hmeichhe nasa lutuk, sum vanga kei min kalsanin mipa dang lakah min rinawm loh sana, tunah ka dinhmun a that tawh vangin ka hnenah a lo let anga kei hian ka lo pawm leh mai ang maw, teuhlo lutuk, ka damchhung chuan he hmeichhia hi ka nei ngai hauh lovang, a mizia ka hrechiang tawh lutuk tlat.





"Hmeichhe sum duh lutuk hi enga tan mah ka ngailo, i nihna chiang la min ti uai tawh suh angche, nang nen a inzawmna kan neih chu kan thawh ho na chauh hi a ni tih hrechiang angche" ka ti hrawk a, min melh ngawt ngawt ringawt. "Chhuak rawh" ka ti hmuk a, "Ka beidawng chuang lovang" tiin a chhuak zui ve leh nghal mai a.





Ka thaw chhuak hawk Nancy hi kan buai na a la ni thei tlat engtin emaw ka tih a ngai ani, Fabbie ka ngaihtuah a vawinh ka la belo, ka ohone phawrh chhuak in ka call nghal zat a, rei ring hman lovin a la vat.




"Hello" a rawn ti sep a, ka hahdam huai huai mai, "Class i nei lo em ni?" ka ti sup a, "Umm nei hrih lo, ka nei tep zawk a" a rawn ti leh a, "Ka ngai che" ka tihchuan a nui ri ka hre nghal zat a, lungawi lo deuh chuan "Min ngai ve miah lovem ni?" ka ti nghut a, "Ngai che e" a rawn ti a, a tawngkham hman avang chuan ka nui hawk, class a neih tawh dawn avangin rei inbe lovin phone kan dah ta thuai a.





Hna ban a hun chuan in lam panin car chu ka khalh a, zaninah Fabbie te inlama len ka duh vangin ka hmanhmawh rilru viau, in ka thleng a, room lamah tlangin ka intihfai hnuah inhnuai lamah ka chhukthla a, ka pa nen sitting room ah thu dunin hna chungchang te chu kan sawi dun a, ka pa hi hna lama ka rawn ber a ni a, ka ring em em bawk.





Ka nu rawn thu ve chuan "Bawiha hei i upa ve tawh bawk a, nupui neih lam te tum ve tawh teh, tu hmu hman lova kan thih mai te ka hlau rum rum ania" a rawn ti a, "I nghak rei tawh lovang" ka ti sup. Chutah phur zetin "Bial u i nei em ni? Tunge ni a?" a ti a, "I hre vat mai ang, chaw ei turin ka la rawn sawm dawn ania" ka tihchuan a phur ngang mai.





Ka chhungte hian Nancy nen kan inthen atanga hmeichhe lama ka rilru ka pek loh zia an hre ve vek a, an mangang thin tih pawh ka hria, hetia nupui neih lam kan sawi thei ta chu an lawm ngang aniange, ka pa pawh a hlim hmel viau, chaw te eiin kan eikham hnu chuan insiamin Fabbie te in lam chu ka pan ta nghal a.




An in ka thlen chuan door bell ka hmet a, Fabbie ngei chuan min rawn hawn sak a a nui seih bawk anu leh paten min hmu chu min lo be vat a, min fel tak an ni tih ka chiang. Fabbie chuan thingpui te lumin kan in ho va a a hnu reilo ah a nu leh pate chu mu turin an room lamah an inzui phei ta a.





In si chet in kan thu dun a, a lai nge mawni tawng pawh a la tawng leh lo, "Mate, ka chhungte bulah chaw ei tura ka sawm tur thu che ka hrilh a" ka ti sup a, "Naa... ka zak" a tih chuan ka nui nghawr dat. A la upa lutuk lo nen ka hrethiam viau bawk. "Engmah zah tur a awmlo" ka ti a, "Chupawh nise" a rawn tih leh chuan "Kan innei tep tawh tho va, ka nu leh pate i hmuh ve a ngai alawm" ka tih leh chuan ka ngawi zui ta daih a.





Ka ngaih thalo chuan ka lamah ka kuai her a, "Enge i ngaihtuah?" ka ti sup. "Ih... Nancy diktak chuan hmanzan a a na lai hmel ka hmuh khan keimahah inthiamlohna ka nei a, hreawm ka ti" a rawn ti sep a, a rilru that zia ka hre thar bawk. Nancy hi hrechiang sela chuan hreawm tihna tur a nei hauh lovang.





"Ani nen inzawmna kan nei tawh hleinem, ani chu ka nunhlui ami ani a, nang chu tun hun lah ka hmalam hun thlenga ka nun hmanpui tura ka duh i ni, in ti hreawm duh tawh suh" ka tichuan a bu nghauh nghauh a, nui sukin a hmui chu ka lharchilh nghal hmiah a, min chhang let ve tan tan bawk.





Fabiana Ramdinsangi POV



Jason chu kan inah a rawn chuangkai zing ve ta hle a, ka chhungte pawn kan inkar an hre vek bawk a, min duhpui viau, natuk tlai lamah an inah chaw eiturin min sawm a, ka huhphurh viau nachungin ka hnial hneh nganglo a, ka ei dawn ta nge nge a, ka nu chuan tha taka awm turin min chah mawlh mawlh bawk.




Vawin lamah Alawmi nen kan chhuak thawveng mai mai, an inneih atangin thla thum chu a liam leh tawh, an nupa ka hmuh hian pasal neih ve vat vat min ti chak thin, an inngaihsak em em a, midang hmuhin an induat hluak ngai miahlo thung, Hmangsanga hian a care bawk nen a nawm hmel ngawih ngawih.





Kan kal kual nasa ngang mai, a pasal neih atanga kan chhuah dun leh na hmasa ber ani a, nuam kan ti dun viau. Tlai lam a nih tawh vangin haw kan rawt ta a, "Tahhian lo awm lawk rawh, thil ka va lei kawi lawk ange" tih leh a thil lei ho chu min pek a rual a, dawr lam panin a kal nghal a, ka en zui reng, "Oh...hetah enge i tih a" tih ri rawn chhuah na lam chu ka hawi vat a, Nancy nen kan inhmachhawn ta ran mai.





"Ka chhuak vel mai mai anihhi" ka ti sep, ka sawithiam lo a hmel hi nui sang mahse min huat hmel takin min melh a, ahmaa ka hmuh thin a a hmel ang kha a pu ta hauhlo bawk. "Chuan Jason chu neih i tum a" ner sawk pah hian a ti a, ka chhang lo, "Thil pakhat ka hrilh ve mai mai angche, ani hian emga tan mah a tilo che, kei chauh hi duh a nei ka hrilh lawk sa che a nihchu" a ti a, a nui sawng bawk.





"A nih ka ring chiah lo, ka bula a sawidan chuan naghi chu a nunhlui mai i nih tawh thu leh a tan engmah i nihloh thu min hrilh" ka ti sak, tham lo taka min be hmasa tu a ni a, kei aiin upa mahse ka zah vak nachhan tur ka hre biklove. Thinrim hmel em em hian min en a "Khawngaihthlak, a thusawi i awih mai ania, mahse i hlim rei dawn lo tih hria angche" a ti a, chhan ka tum leh lai tak chuan ka hnu g lam atangin.





"I van han zaktheilo tak, ka thiannu khatianga tawngkhum tur khan tunge i nih a?" Alawi vhuan a rawn ti a, ka bul a rawn thleng chawpchilh nghal. "Hre rawh, i nihna hi kan hrechiang ve tawk, nang ni ila chuan hetiang hian ka awm ngam hauh lovang, mipa dang thlangtu chu nang i ni" a ti leh ta sak sak a.




"Rawn inrawlh suh" Nancy chuan a ti that. "Ka thu thu, i ngam chuan ka thiannu hi i lo tawngkhum leh dawn ania, Jason-a bulah a sawi dawn hauhlo tih ka chiang mahse keihian ka sawi ang, i tawng tam ang bawkin ka tawng tam ve thei tih hre rawh, chuan i nihna chiang rawh, ka thiannu hi chu a nupui tur a ni a, nang tunge i nihve" a ti leh a, Nancy chuan rum mangkhengin kan pahnih chuan min melh ngawt ngawt.





"Kal ang" tih leh Alawmi chu pawhsawn ka rual a, a ang hlak hlak a, " Zaktheilo lutuk mai, khatianga a tih leh che chuan Jason-a bulah sawi tawh rawh, i ngawi mai mai thin a" a ti a, ka nui mai, min melh rawm rawm zui.




Cont.




Hmanhmawh deuhin ka type aw, hla kan zir dawn a, dah hman loh ka hlau sia a ngaihna lutuk loh pawh min hrethiam hram hram dawn nia aw ...


Show post links
Top