LAVENDER BY Pysces Ferry Khawlhring (Completed)

[Ngaia]

LAVENDER

CHAPTER - 13

Thla aliam zel a, Zonunmawii pawh Delhi lamah phur thla tawhin khawl tha zawk leh changtlung zawk chuan a enkawl dam vat kan beisei pui a, mahse Delhi kan thlen thlak atang pawhin thla hnih leh achanve aliam leh tawha, hma kan sawn lova, kan dinhmun a ngai reng tho.


Rei tak In khata lo khawsa dun kan ni a, a han awm lo thut chu ka khua ahar ve veng veng mai, inhnialin in bak-kaih ziah mah ila, a thinrim rí ringawt hriattur awm ta miah lo te chuan min ti dul ruih a, Anita i nen pawh kan in be khat pharh tawh.


"Tun hun tak hi chetlak hun chu ani tih inhria ang maw, Sangthanga thuruk kan hria a, an neih thil hi pakhat te te in kan laksak tan tur ani, " Tiin ka pu chuan kan unau min thut khawm tirin arawn ti khuahva, ka en vata, ka rilru ah engmah a awm theilo. "Zodinpuia leh Jeremya te kha upa lam inni a, inpui tawn ang che u, " A ti leh a, ka chhang let lova, ka awm ngaiin ka awm reng.



Zan dar 11 velah In ah ka haw a, Zonunmawii nen chauhva kan awm khan a reh ka tiin, he in leh engkim hi ka hua a, ka hmangaih nen min pawt hrang tu anih vang hrim hrim pawh khan thiat darh vek ka duh thin. Mahse tunah chuan khawi hmuh pawh hi Zonunmawii sulhnu ang an ni tawha, amah awm lo mahse engkim hian amah ala awm ni ah min ngaihtir ka ti mai.


Ni e ka ngai ani, ka ngai takzet. Vawi khat tal inhauh pui leh theih ka chaka, vawikhat tal a kut ram tak te khan min beng in min khawih leh se ka duh. Hua in ngei viau thin mah ila tunah chuan dam takin rawn tha chhuak leh se ka duh ber tawh. In er kumkhua dawn mahila a nunna ka chelh theihna tur anih dawn phawt chuan pawi ka ti lo.


Ka phone ri chuan ka muhil lai chu min tiharh zawka, hospital atanga call anih avangin ka pickup rang ngang mai. "Kapu i nupui alo harh tawh e," Tih thu kan hria chu thawhphan reng ka neilo insiam zuiin car chuan ka tlan chhuak zui zata, zan arei tawh bawka traffic zam lova ka tlan chu misual tlanchhia an sawi ang maiin ka tlanchak viau bawk.


A hma a ka sawi sa anih avangin eng hunah pawh aharh chuan min hrilh nghal turin ka chah a, chuvanga zanlai pawh sawi lova min lo call annih ka ring. A awm lo hran love, thla 4 chhung teh meuh min muthilh san miau alawm le..


Cabin chhung ka luh ruala Zonunmawii hmel, mitmeng fiah kak leh harh tha hmel tak ka hmuh chuan ka ngaih angam thei chauh, kawngtluan khan ahmel ka hmuh hma chu awi harsa ka ti a, awi loh ngawt lah ka phal chuang silo. Engmah ngaihtuah lova kuah vawng vawng mai ka nap a,mahse chutianga ti ringawt turin huaisenna ka nei hauh lo, alungawi lo hlei hlei tur pawh Zonunmawii tho ani.


"rinai tak arawn harh chhuak tha a, keini pawh kan lawm khawp mai, tikhan zanin chu hahdam se naktuk lamah a ke lam kan endik dawn nia, hetiang anih chuan a ke pawh a hmang nghal theiin ka ring, nurse damdawi kha chu pe duh tawh rih suh, i chhuak phawt ang u" Tiin Doctor leh nurse lo awmte chu an chhuak zui a, ka rilru a min hnawh mup mup thin tu vawilehkhata ahan reh tawp mai chu ka boruak hip a dangzar mai hian ka hria. Hnara hlit phawi an sawi ang mai ka ni.


"Khawnge ka nu, nurse leh doctor te khan an hre lova," Tia Zonunmawii tawngkam chhuak hmasa ber ka hriat chuan min ti tawp chiang lutuk. Engtia han chhan tur nge pawh ka hrelo, tunah arawn harh chauhva, anu thih thu hrilh ngawt lah ka ngam der mai silo, mahse he hmeichhe luhlul hian ka chhan hma chu min zawt peih dawn tih ka hria. "Zodinpui, ka nu a tha em ka tih chu, " Muang fan raih hian ati leha, a taksa ala chak lo bawk nen tawng pawh ala harsat ve deuh tih ka hrethiam.



"Hahdam phawt la, naktukah kan sawi tha dawn nia, " Tiin ka thlem ti tiha, thuawi takin awm hram se ka ti takzet. Ngawi renga min melhin engthil mah asawi chhunzawm lova, mahse amitmengah chuan zawhna tamtak ka hmu thei. "Anih ka phone, " Rawn ti lehin arawn thu kang zawka, a hawikual nghal ruai mai.


"Zodinpui ka phone, " Ti leh drip an khaina phawi mai atum chu vuan bet nghalin inbengdai tura ka duh em avang chuan ka kuah zui thlawpa, a tal zui chu ngaihsak duh lovin ka kuah nghet sauh bawk, a chau hle aniang thaw halh halh chungin a zawi hnawka, keipawn ka thlah chhunzawm ve mai, mahse akut erawh ka la vuan reng tho "ka nu chanchin min hrilh rawh, " rawn ti tham tiakin min en reng a, aluhlul lutuk hi chu tih ngaihna ka hre thin lo.


"A tha tawh alawm, natna nei tawh lovin tunah chuan a awm tawh a, tunah pawh hian a ngaihtuah reng che ka ring, " Tiin ka en let kara, avawi khat nan bawk Zonunmawii mitmengah lawmna avanga mittui tling pàm chu ka hmu leh ta, amit khap zawnga a rawn luan thlak rual chuan a zak nge a hawisawn vata, keipawh akut ka vawn chu thlah in naktuk lama thudik tak ahriat hunah engtin tak nge a lo dawnsawn ang tih mawlh mai chuan min tibuai nghal ngawih ngawih.


" ka phone chu min lo pe " Tiin min rawn zawt leha, ahahthlak lam hret chu ani. Ka dawhtheihna hian atlin thin lo "Nanga phone awmna ka hrelo" Ka lo ti deuh hlur a, tawngkam pangai renga biak hi ahar thin.. "A nih tu in nge kawl, chu tal chu i hria ang chu, " Arawn ti leha, min melh kur na te chu kuk let fawk mai ka nap tawh.


"Chupawh ka hrelo, in accident na-ah khan i thlauh aniang chu, " Ka ti leh a, za lo zeta nui hakin Zonunmawii bawk chuan, "chutiang anih phei chuan kan bungrua te chu an la vek ang chu, nimin a nih kha kan accident " Arawn ti ta mai, chak tha pangai nise a vin leh tawh viauin ka ring. Chuan ka rinruk dan ang chiahin henu hian zankhat lek muhil ang-ah ain ngai anihhi thla 4 chuang fe a muhil tih hrilh pawh ni ila amizia nen a awih kumkhua in ka ring hek lo.


"Ka hrelo, naktukah i chhungte i zawt dawn nia" Ti hlukin ka ding chhuaka, ka in sum hram hram angai tih ka hria. "A tha, keimahin ka zawng mai ang, " Tia rawn thawh chhuah leh mai atum chu ka thinin atuar tawh ngang lo, hnaih chilh rawkin a drip khai phawi atumna kut chu ka man bet nghal a, tha anei lo bawk nen min sual let tur a awm lo. "Zodinpui, min thlah nghal rawh, " Tiin min melh rawm rawma, ka thlah dawn lo tihhi hria se a sawi buai peihin ka ringlo.


"Awm mai mai rawh, luhlul viau lo la, i tawng leh chuan ka fawp mai ang che, " Tiin ka mit ka san khum zuka, angei tawk atling hle tih a hmui chip hmaka min melh khui khui chuan ka hria. Tawng tuma arawn àng leh zuai chu hnaih zual deuh hrutin ka nuih saka, achip rang leh chiang asin, ka hrechiang a, henu hian ka fawh ai chuan ka thu ang in a awm hreh dawnlo tih ka hria.


"Thu i awi e, a tlai tawh muthilh tum zawk rawh, " Ka ti chiah chu ameng thip nasa ngang mai.. A awmlo hran lo hnai set sawtah bawhchilhin mu turin ka ti miau si ani. Nuih khum sukin a sirah chuan ka bawkthla chhunzawma, Zonunmawii chu che sawn theilo tura kuah bet nghalin ka taksa si chet chuan ka pawt hnai zuia, ataksa zàwi leh tha anei loh laia chutianga ka khawih chu alungawi thei tawh ngaiin ka ringlo, mahse a phone chungchang leh zawn phet atumna ka dan thiam dan ani ve miau a, thlah ka tum lo.


"Zodinpui tho teh " A rawn tih leh rual chuan inbeng kang zatin ahmui tawk ne ne khawp chuan ka hnaih chilha, a in ip nghal chawi mai, ngeiawm takin ka mit ko ka san khum hmak thung. A tawng leh chuan ka ti duh tak tak dawn tihhi hria se ka duh vang ani.


_________
Cabin kawngkhar chu a khat tawkin ka thlek leh thina, a chhungah sawn eng nge thleng tih ngaihruat thei ruau mahila Zonunmawii in anu a thi tih a hriata ahmachhawn dan tur chuan min tibuai takzet. Zing lamah ka hrilh vek tawh avangin ka pu te leh Zonunmawii pu te Pu Hlira te ho pawh an rawn thleng vata, Zonunmawii pa hnenah thudik engkim hrilhfiah tura kan tih avangin tunah pawh hian cabin chhungah an la inkhung mek chu anihhi.



Reitawk fang kan nghah thap hnu ah Pu Malsawma chu mitmeng dul zet nen rawn chhuakin Asangin alo buaipui vata, hawi pawh rawn hawi chhuak lovin, "hahdam hmasak tir ila, apawm thiam mai ang, " ti zawi supin Asangi nen chuan an inchhawm chhuak zui a, kapu te ho pawh chhuak sap sap nghalin kapu chuan min mitmei zeuh a ruala, zui turin min ti tih ka hmuh rual chuan ka zuive mai , hospitala awmna chhan tur a awm rihlo bawk em ani.


"heihi lo bawhzui ang che, " Tia ka pu in envelope chhah ve lampang min pek chuan ban nghalin ka bawhzui tur thuin ka chhanga, min ringtawk hmel fe a min thlek vung vung hnu ah an tlan chhuak zui ta nghal ."Bro, engthil nge ni a, " Tia Jeremyan min rawn zawh chuan chhang lovin envelope chu ka hawnga, Zonunmawii te ram chhungchanga thil pawimawh te alo ni reng mai .


"Adin, he thil hi chu kan ti theilo, ka pu duhdan ang zela kan khawsak reng hi a ngai lo ania, " Jeremya chuan arawn ti vei thawta, keipawhin sawi tur ka neilo, ka ti dawn pawh ka ti lova, ka ti dawn lo pawh ka ti chuang lo, ka ngaihtuah loh ang deih ka hmuh avangin ka rilru ah ka khung mai theilo tlat ani.


Nilengin office ah hna ka khawiha, min hmu tura lo kal te pawh tumah ka hmu peih hlawl lo, ka rilru chu a ni mup mup mai hian ka hria a, ka ipik lutuk chu hna thawkin intih harh ka tum thin, a ziaawm phah der mai silo, a tawp atawpah ka ning lutuk chu ka laptop khup chawrhin damdawiin lam ka pan leh ta ringawta, kalna tur dang ka hre hlawl lo, Zonunmawii hmel hmu ila thinrim takin min lo in hauhpui se, ka rilru a nawm phah mial mahna.


Cabin ka lut chu Ahmangaihi leh Zonunmawii chu an lo awmdun ve mial a, helai hmuna Ahmangaihi rawn kal ringawt chu ka hrethiam lo hle. A pum alian tawh bawk si nen chet ka harsat a rih reng thin avanga inhmuh pawh in hmu hlei theilo kan nih laia helai hmuna alo awm deuh thut chuan min ti hamhaih ve lek lek.


"Bawiha, kan lo nghak che a," Ahmangaihin mitmeng buai zet chunga arawn tih chuan ka melh vata, ahmela ka hmuh ngai hauhlo hreawm tihna leh hlauh thawnna hmel ka hmu tel tlat niin ka hria. "Hetah te eng nge i rawn tih dawna, in a awm tur ini tih i in hria em? " Tiin ka pan hnaia, Zonunmawii lam hawi vatin, "Adin, hrilhtur che ka nei, " Ti chhuak thatin Zonunmawij lam ala hawi reng avang chuan keipawhin ka en lo thei lo.


Zonunmawii lah chuan eng thil mah thlenglo ang maiin mitmeng fiah kak hian min lo endun ralha, alandan apangai vei thlap te chu a huatawm lek lek zawk. "Chhuak teh u, helai lo hmun dangah va sawi dun rawh u", tiin Ahmangaihi àng zuai tawh pawh chu Zonunmawii thu rawn sawi avang chuan atawp leh rih, Zonunmawii chu kan melh dun leh ralha, min ngeidun hmel viau hian ka hre leh tlat pek.


" Ai hetah hian ka sawi dawn, chuan Adina hian engtiang chiahin nge min lo hmangaih ve tih ka fiah bawk ang, keimah lo hmeichhe dang in an hnaih ve hi ka remti reng reng lo, "Ahmangaihin hriam hraka Zonunmawii melh chunga atih chuan angaihna reng ka hre tawhlo, hmeichhe pahnih inkarah hian eng buaina nge thleng ka hrethiam lo.


" Anih chuan hrilh ta che, nge keiman ka hrilhsak dawn che, Zodinpuia hrechiang viau ang khan awm tum duh suh, ka duh chuan i hnen atang pawh hian ka chhuhsak thei reng che ania, " Inringtawk fahrana Zonunmawiin arawn tih leh ruala thaw halhin ka melh vata, amit min lo siai khum duh lek chuah anih chu. "I zak lawm ni Zonunmawi, Adin ka hrilh vat loh che avangin min ngaidam rawh,i fa ka pailo, midang fa zawk ani", Ahmangaihin arawn ti chu ka hawi phawk nasa khawp mai.


Chiang takin ka en a, dawt asawi lo tih ka hria, chutah thil thlen dan engkim abul atang asawi chu amittui nen min en in ka chhanna anghak tih ka hria a, mak takin thudik a sawi hnu pawh hian ka haw em em phal lo, mahse ka lung erawh a awi bik chuang lo, tunah phei hi chuan ka hmuh phak lovah awm bo se ka ti takzet. "Ka hrethiam e, kan sawi tha dawn nia, " Tiin a mittui tla chu ka en reng a, henu hi ka lo hmangaih hman tawh ni ngeiin ka ring ta.



"Ka tih tur ka ti zo tawha tunah chuan i intiam angin itih tur ti ve ang che, mahni thutiama ding ka ni iti bawka, " Tiin Ahmangaihi chuan Zonunmawii chu a en leha, Zonunmawii lam ka en chuan a mitmeng chu ka hrethiam chiahlo, mahse hei erawh ka hria pawnlang takin min nuihsawh lui tih ka hailo, ka thinlung hian chu chu min hrilh tlat ani.


Zonunmawii pov.

Karkhat meuh aliam leha, rinai tak ka dinhmun athat chak avangin In lama in enkawl zawm mai turin min ti a, exercise la tha la ngai i awh vat mai ang min tih avangin Anita i nen tuktin kan workout dun ziaha, hna lam thawk thei rih lo mahila inchhung dungah erawh ka vei thei viau tawha, hetiang anih hi chuan ni tlemte hnuah Zodinpuia nen pawh kan in kawk leh siah siah thei tawhin ka ring.


"He thil hi enge? " Ti hriam hraka Zodinpuia'n inthenna lehkha ka siam tir ka hma a arawn lek chuan ka meng deuh kawka, engtin nge ka room ami alo va hmuh chhuah theih. "I hmuh ang khan inthenna lehkha anih kha, " Ka ti fel thena, awlsam takin chhang let mah ila ka chhungril hian nuam a tider lo. Zodinpuia chu thaw kawkin a hui deuh pap pap a, alawm lutuk vang nge, a hrilhhai lutuk vang zawk pawh ka hrethiam lo.


"He thil hi Ahmangaihi nen in intiamna kha ani tiraw, thudik min hrilh rawh, " Rawn ti vin thawtin paper chu arawn theh thla a, ka melh let kar nghal. "Lalhmangaihi chu rinai ava tawng theilo thiam ve a, adik alawm thu ka tiama, anaupai chungchanga thudik hrilh tur che in ka ti a, rinai a hrilh har zawk che anih kha.. Chuan thudik i hriat huna ila pawm thei anih chuan zalen taka in awmdun theih nan keimah ngeiin ka then ang ka ti anih kha, i thuthlukna-ah kan in nghat tihna anih chu, " Ka ti zang vaha, ka nuih khum sak bawk.



Mahse enga tinge nidang ang ka nih tak der loh, a dera nuih pawh harsa ka ti tawh chu ania, eng nge ka awmdan hi ni ta..... kumkhat dawn a hmingin nupa kan ni a, kan chengdun a, mipa thinlung neilo zawk zawk ani bikin ka hrelo, a dawhthei tih ka hai lo, bakah ka inhliam hnu phei hi chuan min ngaihtuah ve ni a hriat theihna tur hian a che fova,sawi chhuak kherlo mahse a thil tih hian min hrilh tlat si ani.


Zodinpuia chuan ngawi renga min en tlawk tlawkin rapthlak min tih hmel takzet lehnghal, ahrilh tihai zual turin a ko ah thlutlukna ka dah a,mahse a thuthlukna tur erawh amah leh kei baka hrechiang tur an awm lo, "i duh dan anih chuan atha e, lo nghak rawh engkim ka ti tawp ang, " Tiin a chhuak zui ta daiha, ka thawk ka chelh tung chu in thlah dul nghalin ka thaw halh halh nghal.


He thil ka tihhi ka inchhirna anihloh hram ka beisei, ahma atang daih tawhin Lalhmangaihi hi vo nan leh chhaih fiam nan ka hmang fo va, mahse thla tam aliam hnu ah pawh ala hrilh loh fo avangin keipawhin ka lo mangnghilh ti tih hmana, mahse kar kalta damdawiina arawn kal khan amah zawkin rawn sawi chhuak lehin keilah ka chapo na alo lian bawk nen inchawi chu ka lo ngam ar ar nasa mai si a, ka chungah engthil nge kapu in atihdawn ka hrelo, kut bengin min hnawtchhuak anih erawh chuan belh tur ka nei dawn hauh lova, chu thil ber chuan ka thla ati ngam thei lo.



Zodinpuia lah in ring reng ang maiin a chhuak fel der tawha, inthen ka duh thu ava tlangau pui ngei ang chu. Nilengin Anita i nen kan inkawm a, henu pawh hi ka rinai ka ngaina der tawh, azaidamin a nun a ngil em em a, a thinlung athianghlim takzet bawk. Sakhuana lam sawiin arin sakhua leh a hminga ka put ve mai Christian sakhuana te chu a sawi kai zela, keiai pawhin Christian sakhua kalphung leh awmdan te sawitur ahre zawk lek lek chu ka zak ru det thei.



Ka naupan lai atang tawhin ka tawngtai leh ka inkhawm a, Pathian lam ka hawi ka hre ngailo, mahse dawt ka sawi ngai lova ruk ka ru lo bawka, thil sual ka tih ngai awm ka hrelo bawk. An sawi thih hnu piahlam ram hi a awm anih chuan ka kal ve ngei ka inring ve tawp. "Pi hei i phone hi a ri a, " Tia ka muhil lai min rawn kaitho chuan ka nuih let deuh tawpa, sana ka en chuan tlailam dar 6 a pel fel awr , inrinni anih avangin Anita i la haw lo chu a mak ka ti viau.


Min rawn call tu chu kapi niin ka call back ve vata, a pickup rang ngang mai. "Mate, ka ngai lutuk che a, " Tiin arawn tah aw tiau nghala, han chhan mai dan tur ka haihchham chiang hle. "I nu thlan tawhin lo zin vat rawh aw", a rawn ti leh a, ka thin chu a tawt nghal up up hian ka hria, chiang zeta motor in su ri bur te kha ka la hrevek thei, ka nu in ring zeta, " Bawihte" Tia min rawn kuah lai te kha ka hre chhuak ruai ruai nghal.


"Mate, i lung ti na lo la, Pathian hian kan tana tha tur bakin ro a rel ngai lo ania aw, min hmangaih em avanga ro min relsak dan hi mihring te hian kan hrethiam lo chawk zel ania, ka messege rawn thawn thin che kha lo chhiar ziah rawh aw, khawngaihin bawihte, " Arawn ti leh a, chhang mai turin ka kha achih tlata, ka thawk thlengin asak talh tawh.



"Pi, kan dah phawt" Tiin ka off zui deih a, ka thin zawn na vawng vawng chu ka dawm vat nghal, ka inrin hma hauhva ka mittui rawn tla chu hruk pawh ka hru buai peihlo, ka nu ka ngaihtuah a, a tawp thlengin ka tan a inpumpek ve in ka hria, min kuah bet lo nise car atang khan ka in vawrh chhuak ngei anga hei aia na hian ka in hliam ngei ka ring bawk.


Ka phone ri leh ral ral thinah chuan ning zetin ka dap dun dun a, mengmang hlei lova ka pickup chuan, mipa thaw ri hak ri bak hriat tur a awm lo, "Eng nge" Ka ti deuh tawpa, ka la mengchhuak chuang lo. "Zonunmawi, kawngkhar rawn hawng rawh" Zodinpuia àw ngeiin arawn tih chuan ka in perh tho vata, keihi Anita i haw hnu khan kawngkhar ka lo kalh leh em ni tia inngaihtuah nauh nauhvin ka tho chhuak zui a, kawngkhar ka thlen chuan ka kalh hauh lo, Zodinpuia mai mai chu.


Ngei zeta kawngkhar ka pawh hawn rual chuan kawngkhar nghenga alo din vang nge Zodinpuia chu arawn pai lut chhawn chhawna, keilah ka lo inring lo bawk nen kan tlu ri dawp nghal, mahse kan tlu na hran lo. "Zodinpui, tho nghal rawh, i rim chhe lutuk, " Tiin ka nem sawn a, arui ngang aniang ka nem sawn ang ang chuan a awm a, ka tho chhuak zui nghal.


Kawngkhar in kalh hauh lo hawng tura min rawn call tho hrim hrim te chu ka ngei hlura, ben harh pawp mai ka nap. "Zonunmawi min kai tho teh, " Rawn ti tuah tuahin akut arawn phar chhuah chu ka lo vai per lawpa, azakdawma dawmin kaihthawh ka tum chu awi a rit lutuk ringawt. "Zodinpui, kawngkhar bula riah i duh loh chuan in tiharh ve rawh, i rim nen" Ka ti hlak hlaka, alo berah dar 12 chu apelh tawh ka ring, thawm a reh tawh emai.



"Zonunmawi, mipa ka nihhi, khawi maw keimah hian kan kal ange, ka room awmna te chu ka hre ve lutuk, " A ti nuap nuapa, bang vawn chhan zela kal atum chu a pai leh chhawn chhawn thin nen a thawm ri hrim hrim ah pawh ka muhil thei dawna ka hriat loh avangin a room lam pan chuan ka kuah lut tawpa, min uai lui nge, ain ti rit lui zawk pawh ka hrelo khuma ka paih thlak meuh chuan ka thlan hluamin ka hria.


Kawngkhar hawnga chhuah nghal mai ka tum chu Zodinpuia chuan min pawt let dawrin kawngkhar ngheng dawtin min nem chilh nghal a, Zodinpuia mitmeng fiah kak mai nen kan in hmachhawn chu ka hamhaih luatah ka meng deuh kawk ringawt.


"Nanghi i rui ani lawm ni? " Ka han ti hé hàw a, Zodinpuia chuan min nuih suka min melh ngar ngar phah chuan, "rui e, buaipui ngai khawp chuan ka rui lo, " A tih nuih vur vur chuan ka ngei lutuk chu nem dàwrin ka beng zui pawpa, min tihder kha ka lawm lo ani ber. "Iva han mawl ve Zodinpui, kha tianga min chhaih kual kha maw i thiam ve chhun ni a, Lalhmangaihi nen in phu tawk lek tur mize hniam ilo nei anihhi, " Ka tih that rual chuan min melh thip khawp mai.



Diktak chuan ka rilru ah min then tawh ni anga ngaihna ka nei chawt tawha, chuti chunga hetiang zawnga min fiam leh min ti fo hian awmdan pangai lova min awmtir ka hlauh em vang ani pakhat. " In inchhun nupa ngawt mai, " Ti nawn lehin ka chhuahsan zui hmaka, mahse thui pawh ka kal hman lo Zodinpuia chuan ka bana min rawn manin ka room lamah chuan min hnuk kal dawr dawra, tang ve teh mah ila ka tha ka la sawm khawm hleithei meuh lo.


"Zodinpui, min thlah nghal rawh, " Ka room min luhpui ruala ti thatin ka kut chu ka thing thla zui zata, Zodinpuia chu ka melh no lo ngang mai. "Khawnge inthenna lehkha kha", mitmeng sen ruma min en in arawn ti bul hmuka, chhang let lovin ka pe ve mai. Mahse a chetdan erawh chuan min ti hrilhhai takzet.


" Ka then dawn lo che, he lehkha hi a pawimawh tawh lo, " Tiin apawh thler nawi chu apaih darh leh vek a, ka awilo lutuk chu ka ding ngawi reng tawp. Mahse ka rilru chhungril khawi emaw lai chu a hlim veng veng tih ka hria.." Ahmangaihi nen kan inkar ka ti tawp, then che ka tum lo, i hria maw", tiin a thaw halha, ka hai lo Zodinpuia hian hreawm ative tih leh a rilru ana hle tih ka hmuthiam tlat. Duh reng chunga hmangaih then chu anat loh reng ka ring lo.


"Eng nge maw itih le, Lalhmangaihi nen awmdun baka duh dang i neih chuan loh kha, zalenna ka pe tur cheu hi lawm zawk ngawt ta che, " Ka tih chuan kawngkhar bula ading chu che zui hrutin kawngkhar chu a kalh ri khap a, ka thinphu a rang nghal dawt dawt thei. "Zodinpui eng thil nge itih kha, hawng rawh chhuak nghal rawh, " Tia kawngkhar ka pan chu min lo dangbet zuiin keipawh ka tal zui data mahse min man bet nghet lutuk chu awmzia a awm lo.


"Zodinpui, khawi maw min thlah teh" Ka tih rual chuan ka kut pahnih chu ka hnunglama herh kawp nghalin amah si chet chuan min pawt hnaia, azu rim chuan hnar averh lo thei silo, ka tal leh thina, mahse ka tal zawng chuan ka ban chu ana ting mai si.


"Awm mai mai rawh i in tina mai mai, " Tiin min en renga, ahmel chu naupang lainatawm deuh ang mai hian a inthlak danglam ka ti mai, a bialnu a then vang te pawh ani mahna le.. "Min thlah rawh, " Ka tih leh chuan alu thing mut mutin, "ka then dawn lo che, nangmah avang hian Ahmangaihi ka kalsan asin, i nunna hi ka kutah a awm tih i hria em", arawn tih leh chuan ka nui hawk ringawt, pasal atana ka neih chhan bak hi min neih chhan ani biklo tih ka chiang ve em.



" Dawheh pa min thlah mai mai teh, " Ka tih leh rual chuan thaw kawkin khum lamah chuan min nawr let nghal rawk rawka, tang teh mah ila ka tan chuan tih ngaihna a awm lo. "Zodinpui min khawih reng reng suh, " Tiin ka tal phata, mahse ka kut a vuan bet hneh em avang chuan ka tha ka seng thlawn ka ti mai, ka taksa in ngai ala awh chiahlo bawk nen ka chau nghulh thei tawh.


"Ti hian inkawm ngeih tum tawh mai ang, keini pahnih inkarah hi chuan induhna tak ngial pawh hi engtikah mah a thleng thei dawn chuang lo, chuvang chuan inkawm ngeih tal tum tawh mai ang, " A ti dul ruiha, ruichhe lutuk nilo mahse ain tam thawkhat tih chu a mitmeng ah leh a tawng kam chhuakah a hai theih loh.


"Hmelma an khawsa dun theilo, a tawpah tu emaw zawk zawk an thi thin, " Ka ti chuan alu a thing leh mut mut a, min bawhbet rúna awm anih avangin a mitmeng chuan min ti zam lo theilo, "i kianga ka awm chuan tuman an tina lovang che, min then i duh tal anih chuan nupui inihna zankhat atan min pe la, chuan ka kaltir ang che, " Arawn tih ruala min hnaih leh zual chuan ka ip nghal chawia,min awm hnaih em avang chuan chhang tur pawhin ka tawng ngam tawh lo.


Chutah rawn nui sukin, "i lungphu ri ka hre thei, keimah ang tho ani, " Tih leh min fawh a rual a, ka phu nasa lutuk chu ka dawh mawl tawp ringawt. Mahse Zodinpuia tha in thlah dul ka hriat rual chuan nemsawn deuhin alo chatthla der tawh hi ani.


Ka tum hauh lovin ka nui deuh sak a, a hmui tun maia min fawhna ngei chu chik zetin ka en reng bawk. A pu tu hian a zir em vang nge a hmui hrim hrim hi ahranpa pawhin a nalh zawk tih pawh ka hrethiam lo, mahse hmui mawi tak ani bawk si. Zawi tea a hmui chu tawk ne ne in, keimah leh keimah chu ka in ti laikual chawp vela,mipa hmui ka belhchian vawikhatna anih vangte pawh ani mahna..



Ka chau viau ani


Show post links
Top

[Ngaia]

LAVENDER - 14

"Eng nge itiha" Rawn ti dut thàwmah chuan ka phone chu hmet hlum nghalin ka hawilet nghala, Zodinpuia hmel fai sar mai leh a sam la huh hru mawlh mawlh nen chuan kan in hmachhawn a, kawr ahak loh avangin a taksa huh deuh hlap pawh chu ka hmuchiang ngang mai.


"Enge itih ka tih chu" Rawn ti lehin a lu ahrukna towel chu anghawngah a bat liam a, min pan hnai ruala hawi sawn nghalin, "engmah, " Ka ti bung hmuk ringawt. Ka kiang maia arawn din takah chuan a rim chuan hnar averh zar nghal, Lavender body wash a hmang ve tih ka hriat rual chuan ka khi suk a, ka rim ngainat leh duh ber anih avangin ka hai theilo, ka kiang maia adin reng vang nge kan chhehvel boruak thleng chuan ati rimtui veng veng maiin ka hria.


"Vawiin chu hna ah kal suh ang che, kalna tur dang kan nei, " A rawn tih chuan ka melh nghal kàwk a, pangai takin sawi mahse thu min pe ziah hi ka duh lo bur ani tawp. "Tu thu in maw hna ka kal loh ang, " Kiai khum sukin ka ti let a, ka melh ralh ralh bawk. "Keimah, i pasal in ka sawi chu i zawm mai tur ani", tia min hnaih leh ruak takah chuan tawlh hnung nghalin, " A tawk, min hnaih suh ka tih tawh kha, " Tiin ka kawk let va a, anui duh lek chauh lehnghal ka ngei tak tak ani.



"I pasal ka nia, ka duh chuan i taksa khawilai pawh hi khawih turin dikna ka nei, chu chu nangpawhin i hria, nizanah pawh ka fawp che ani lawm ni", tia rawn kun hnaiin chiang kek kawk chuan min en ngura, tum danga ka neih ngai hauh lo zàmna mak tak chuan min rawn tuam mup mup nghal, nge keihi ka lai zawk pawh ka in hrethiam tawh lo. Ka tih ngaihna hrelo chuan melh deuh nghekin chhan pawh chhang let lo chuan ka kalsawn zui daiha, ka thinphu ri dup dup te chu hriat loh der chi pawh anilo.


Khawilam panin nge kan tlan pawh hrelo chuan kan thu ngawi dun kara, biak ka tum lova, sawi tur pawh ka hre chuang lo. Zodinpuia pawh chuan min biak achak bikin ka ring hran lo. Car a ding tih ka hriat rual chuan ka hawi chhuak vata, restaurant ni maiin ka hria, lut leh chhuak an kat ve nuk reng nen rinthiam dan mai a awm. A chhungah lutin ka zui ve zel a, hnamdang mi ka hmuh tam tak em ah chuan ngaihdan pawh ka nei thiam tawh lo.


Room in ping dang bika Zodinpuia lut chu ka zui lut ve nghal a, dawhkan lianpui thut biala lo thu khat thup te chuan min lo lawm thiamin min lo be bawrh bawrha, mizo vek an nih avangin keipawh ka in thlahdul ve hret hret thei nghal. Zodinpuia thian tha te an nih rinawm takin an in be bawrh bawrh renga, kei erawh ka tawng tlem khawp mai, hmeichhia 3 an awm ve a, keimah nen 4 kan ni tihna anih chu abak chu mipa vek an ni thung a, atu amah lah chu ka hre der mai silo.


"Hreawm iti em? " Zodinpuia'n dawhkana ka kut nghah rawn vawn hnanin arawn ti a, midang lo 'êû' nghal thupah chuan ka zak lutuk ringawt. "Ti love, " Ka ti tha ve maia, helai hmun lehzela in hnialna chawhchhuah kher chu ka duh bik lo. Hun reilo te emaw ka tih laiin alo tlai leh zek hman tawh a, tlailam dar 2 pelh hretah kan haw thei hram ani. In kan thlen rualin ka room lam ka panding nghala, kan dam leh hnu a Cara ka long-ride na hmasa ber ani bawk nen ka sil them thum a, khumah chuan ka bawk thla zur nghal.


"Lo hawng teh Zonunmawi " Tia Zodinpuian kawngkhar arawn kik dawt dawt chuan ning zeta tho chhuakin ka va hawng deuh sawka, na hrethei se ka khawngkhar chu a t(r)e ring viauin ka ring. "Zanriah ei turin Pu Hlira te in ah kan kal angai dawna, dar 6 ah chuan lo in peih hman tawh ang che, " Tia a sana melh phah zeuhvin keiin ka ner khum duh lek chauha, vawiin ni ber khera chhuahna tur a hre lutuk te chu ka hne ngawih ngawih.


"Ka sawi chu i hria maw? " A rawn ti leh rual chuan ning zeta thawk kawkin, "ka hria, ka beng achhet lo thu min pe tawh suh, ka kallo zek tur asin, " Tih leh kawngkhar chu khar khum burin khumah bawk chuan ka bawk thla leh a, ka lo muhil ani ngei ang ka phone ri ral ral avanga in bengkangin ka pu call chu pickup ka rual nghal, "bawihi kan ram chungchangah khan ramneitu te nen inbiak felna neih that ava ngaih hmel ve,sawibuai deuh a awm tlat mai " Kapu in arawn tih chuan ka in perh tho at a, chutiang thil engtin nge athlen theih, fel fai takin kan lei vek tawh kha ani si a.


Kum lai aliam tawh lehnghal buaina nei dawn ni ila kan lei tirh lamah kan neih ka ring bawk si, thil thleng palh nge Zodinpuia alo in rawlh leh tawh zawk ka hriatchhuah vat angai ani.

...........
"Tho rawh, in peih sa turin ka hrilh che ani lawm ni? " Tia Zodinpuian min rawn kaih thawh chuan ning zetin a kut chu ka lo vai per lawpa, chhan pawh chhang lovin bathroom lamah ka lut nghal. Tih luih nan tak rei tawk ka in bual leh te te a, min lo kalsan daih se ka kal loh phah zawk anga, ka lawm viau zawk tur,reife ka in bual hnu ah bathrobe nen ka chhuak chu Zodinpuia thinrim hmaisen nen kan in hmachhawn rúna, alo la awm reng peih chu mak tih loh rual anilo, ka khum chunga thu in a khup chungah akut a nghata, kún deuh ngul chung chuan min melh na ngat ngat khawp mai.


"Minute 5 chiah hun i nei, i insiam zo hman lo anih chuan bathrooma i inkhung rei thluk zet kha ka khawsak pui ang che, " A rawn ti chher chher a, a mitmengah pawh pawisak aneih loh hmel takzet tawh, ka zam nghal em em ringawt a, hepa hian ati duh leh tak tak dawn tih hi ka chiang tawh em ani. A hmuha hmanhmawh anga lang duh silo chuan ka in thlakna tur chu ka la a, bathroom ka luh leh rual rual chuan theihpa lingkawh an tih te chu nep te, ka hmanhmawh luatah ka che buai zo vek zawk.


Ka sam towela hru nawk nawk chunga kawngkhar ka hawng chiah chu Zodinpuia kawngkhar bula lo ding rún nen kan in melh dun nghal pang a, " I tlai" Ti supin dar zat a phone a mi min en tir chuan dar 7 a pel fel der tawh. A thil tih tum a sawi kha ka hriat kar avangin ka in hum ruh nghal tunga, ka thinphu arang awp awp nghal. "chhuah lawkna tur ka neia, tun tum chu i him rih anih hmel, kawngkhar lo kalh suh ang che, " tih leh min chhuahsan aruala, abike tlanchhuak ri ka hriat tawp thleng chuan ka ding mawl tawpa, ka thaw chhuak kawk kawk nghal.


Chutia kan chhuah leh angaih tak si lohah chuan hnathawh tur ka ngah bawk nen ka in chhawp chhuak nghal zung zunga, hotel lam chu Asangi kuta ka dah deuh rih avangin ka buaipui rei lem lo, rinai tak a enkawl thei phiana, kei erawh Aizawl lama kan ram leh ka restaurant chanchin te chu bawhzuiin Gabriela lakah pawh lawmthu sawina tur atam ngang mai.


Kawngkhar kik thawmah chuan ka laptop khupin kawngkhar lam pan chuan ka tlan zui vata, kawngkhar ka hawng chu Jeremya lo niin tun ang huna arawn lang hlawl chu mak ka ti ve deuh, a landan maiah pawh ruih anei tih a hai thei loh. A kamis hak ban chu a kiau thlenga thlep tawm chho ve ve in a hmalam kilh chu a chunglam akilh kim lo nuai bawka, asam hnawk niai te chu a in hmeh letling zawk hian a hriat.


"Ka lo lut, i phal chuan" Tiin min nuih suk a, a rui bawk nen ka lawm teh chiam lo khawp mai. "Hetah te eng nge i rawn tih dawna," Tiin ka luhtir ve maia, min chhang lo chuan sofa lama kal pheiin a thu zui hnawk nghal. "Nunu," Rawn ti dutin a thaw halha, vanvadaka àwn duai anih avangin ahmel pawh ka hmu chiang lo. "Nunu, " Arawn ti leha, keilah a hmazawn daiha thu in ka laptop ka bih ngur a, chhang lemlo mah ila ka hming alam miau si avangin ka en leh zuk zuk thin.


"Nunu, pasal i nei hi hreawm iti tiraw? Adina hi i chungah asual viau em? " Tiin a thu tha sat sat a, amitmeng dul ruiha min en kalhin a khup chungah a ban anghat bawka, Zodinpuia nen in ang riau in ka hre tlat pek. "Engvangin nge chutiang te min zawh a, " Ka ti let hmaka, ka tawngkam hi chu abul ve hrim hrima, ka thinrim vang pawh ani chuang lo. "Ngati mah, englo.. " Tia ngawi datin a hmui aliak leh zeuha, min en reng avang chuan nuam pawh ka ti chiah lo.


Zodinpuia unaupa ni mahse ka thla amuang hleithei der lo lehnghal , amah Zodinpuia tal hi awmse ka thla amuang phah viauin ka ring. Engmah sawi ta lo chuan kan ngawi dun vung vunga, keipawh ka hna khawihah chuan rilru ka pe theilo, zahzel atan ka hmang mai mai zawk ani.


Jeremya pawh a ngawi renga, min en in athaw leh kawk thin tih ka hria, vei nei a ang ka tiin han biak deuh luam chu ka tum ve uk thin a, mahse Zodinpuia a awm bawk silo, min zuam phah ka hlau ve tho bawk si chu kan in melh kan in melh tawp mai ani. "Ka va haw tawh ange, a tlai tawh emai, Adina pawh alo thleng tep tawhin ka ring, " Tih leh din a ruala, aharh ve deuh tawh nge a pheikhai azang tawh khawp mai.


Kan lo awmdun rei deuh nge, nge a rawn kal tlai hrim hrim zawk ka hrechiah lo Jeremya haw hnua sana ka en chuan zan dar 11:35 chiah chiah alo ni a, hna khawih ka tui chiah tawh lo nen ka pi thil min rawn thawn thin chu hla ngaithla phahin ka chhiar zui leh ta mai mai a.

______
Hun leh ni in her zelin, sik leh sa chunga rorel tu nilo ta fam chu thlasik boruak arawn in her chhuak chho va, 'ber thla' tia miten an lo lawm thin ngei chu kan thleng ve leh ta reng mai. Keini pahnih erawh kan kal ngaiin kan kal chho bawp bawpa, Zodinpuia nen pawh ngai kan awh ti ila a sawi kim berin ka ring. Kan inneih tirh lai ang khan in khata cheng siin kan in hmu ngai lem lova, kan in pumpelh dun ni hian ka hria.



In khata chen dun na na na chu in hmuh loh tawp a theih lohva, mahse tumdang anglo takin kan in hnialin kan in bakkaih ziah tawh lo thung, kan in ngeih ta ni pawhin ka hre chuanglo, hunin arawn herchhuahpui vang maiah ka ngai. Bakah Pu Hlira property thilah thawhdun loh theih loh chang a awm fova, inhau miah lova kan tlingtlak pawh a awm ve ta fo mai, hai rual lohvin keipawhin nuam ka ti a, engtik lai pawha in hauhpui reng kha chu a hreawma, ahneawm em bawk ani.


Ka phone ri avang chuan kapi tawng mawlh mawlh chu a tawp chuta, Aizawla ka awmna pawh thla 2 dawn ani leh tawh, tun tum erawh Zodinpuia tel lovin keimahin ka chhova, vawite khatmah kan in be pawp ngailo, Ahmangaihin naute neiin hmeichhia ani a, a va thlawh zeuh zeuh thin tih pawh ka ringhlel lo, duhthlanna harsa tak ka pe a, khatih lai khan ka rilru chhungril tak chuan min then duh mai kha ka ringa, hlauhna in ka khat bawk.


Asangi nen kan in be zo chiah phone ka hmet thim tur chu whatapp a Zodinpuia messege rawn thleng avang chuan ka meng kang deuh zawka, rang takin ka open nghal. "I buai em, " Tih mai te hi ani, ka thinrim lova, ka lawm em em pawh ka hrelo, mahse chu thumal tlemte chu chhiar nuam ka ti tlat peka, hmuhnawm thlir tak te in ka thlir reng mai ani.


Hei kan mipa star deuh ten emaw min biak ringawt pawha kan laih a,nuam kan tiha ,kan khik ruk vur vur ang mai hian ka khawchhung chu a phur sarh ka ti mai, ka awmdan hi ka sawithiam chiah lo,min rawn be ngai reng reng lo tu in min rawn biak teh hlawl vang te pawh ani thei maithei.


A messege ka open tih a hmuh vang nge a phone call arawn lut zata,ka thinphu rawn phu ri dup dup leh pickup zah deuh tlatna ka nei lehnghal. Chil lem khawlhin ka pickup a, ka kalsawn zui nghal bawk. "Zonunmawi" Rawn ti thawp sapin a thaw zui halha, zu a in leh tawh tih ka hre mai. "Rui chung chuan min rawn be suh " Ka ti let khapa, ka hmui ka veng hman meuh lo.


Chutah Zodinpuia chu za lo zeta rawn nui hakin, "zu ka in tih engtin nge i hriat theih a? " Arawn ti daiha, thawm a reh duk nghal, chu zawhna chu engtin nge ka chhan dawn ka hrelo, kei ngei pawhin engtin nge zu a in a, a rui tih ka hriatthiam theih zawk ka hrelo, mahse ka hrethiam miau si, ka chik ngai pawh nisi lo hian ka lo chik viau thin zawk tihna em ni..


"Zonunmawi, ka biak che chu, " Arawn tih leh chuan ka hamhaih luatah nilo zetin ka vin let tuara, anui duh lek chauh leh nghal. Chutah ngawi vung vunga thaw chhuak leh hakin, "i ngaihawm, " Arawn ti leh sapa, asawi ring lo, mahse ka hrechiangin chhan mai ngaihna ka hre tawh lo. "Kan beng ti tlai tu ber i awm lo rei lutuka, ahreawm , " A rawn ti leha, anuih tel suk takah chuan a fiamthu tih ka hria, keipawh ka nui ve sak ringawt, khatiang baka fiamthu thawh dan dang ahre hlawl lo tih a hriat nghal vek.


Rei pawh in be lovin thut khawmna lamah ka pi chu ka va zawm leh vata, rangzet hian ka pi chuan, "Asangi ani em, i nui velin ka hria", arawn ti a, a Bible ken chu min bih san leh nghala, ka chhang duh lem lo, ka pi thutna atang hian ka va chhuahna bathlar chu chiang zetin darthlalang chhan atang a hmuh vek theiha, ka lo ngaihtuah miah lo, ka awmdan kha alo hmu vekin ka ring leh hnuhnawha, ka lai thar ta tlat pek.


"Khale min han chhiar sak leh la, " Tia Bible min rawn hmeh bel leh chuan phur lutuk lem lo chuan ka han chhiar sak ve leh maia, ka pi hi a tar ve tawh avangin amit hian lehkha han chhiar tur em chuan atlin tawh lova, abikin Bible ziak sin lutuk chu a hmu thei tawh lo hrim hrim zawk. Mahse chuti chung chuan engtik lai pawhin a kuah chawt a, keu in abih reng peih tho.


Lal Isua an khehbeh chungchang vel chu ka chhiar saka, akhat tawkin 'Amen' alo ti leh sap sap thin, dáwta an puhna leh Kraws lera a awm laia an deu sawhna tawngkam a chhanlet ngai huahlo na te chuan keimahah hian thu a sawi ka ti dawn nge, min hneh em em a, khatiang khan ka mihring puiin min tawngkhum ve nise chhanlet mai nilo, kut hial an chungah ka lek duh ngei ang.


A duhna lai thleng ka chhiar zawh hnu ah nidang ang bawkin tawngtaina ahmang leh a, hun rei lo te chhung ni mahse anuam ka tiin ka zangkhai vah zel,a hma zawnga ti duh ngailo kha ka nia, mahse hetiang dinhmuna ka pi a din tak siah leh a enkawltu ka nu berin min boral san takah chuan tiin ka han tihsak vel mai mai a,mahse engtik lai atangin nge ka hrelo tlem te tea a Pathian thu min rawn thawn ka chhiar tak atangte pawh khan aniang, Bible thu chu ngaihnawm ka tiin ka nun nen ngaihbel tur ting atam mai bawk si nen,ka chhiar leh nge nge thin ani.


"hetiang hian i nu nen khan nitin darkar khat tal hun kan hmang dun thin a, anuam thin asin aw, i nu kha ka ngai thin, " Ti vawng vawngin ka pi chuan ka kut chu min vawn saka, a hmai vun chuar tap tawh chuan a kum tam ve tawh zia ahril a, min tlin reiloh pui ka hlau thar em em mai ani.


"Pi, ka nu chungah khan tihsual ka nei tiraw, a thusawi ka ngaithla ngailo chung khan min hlat ngai lo tih ka hria, mahse enga tinge ka naupan lai, ka mamawh ber laiin ka kiangah a awm loh," Ka ti let tiau va, ka nu chu ka ngaiin ka ngei tel bawk si, ka lungchhe ringawt pawh chu ka in sum hman lo, haw viau mah ila he khawvela ahmel vawikhat mah ka hmu thei tawh lo tur hian min ti hnual em ani.


"I pu hi alawm, heng zawng zawng bul tan tu, hausak leh neihnun zawk a duh luatah a tu leh fate zawng zawng a hruai khaw lo zo cheuva, naupang te innih atangin hmelma cheibawl dan leh mi huatdan bak zirtir anei hleinem che u, keipawh ka thiam biklo, dang tur ka ni a, mahse keia thu ve te mai zawng a ngaithla duh silo, " Arawn ti a, he thu hi chu ka hre fo, ngaih khatah ka ngai tawh,bakah ka pu demna tawngkam hi chu ka ngaithla duh vak lo.


"Inu hi nu leh pa nei lovin a Nutei te bulah a seiliana, anutei te nen chuan burma kan awm lai khan inthenawm chiah kan ni thin. Chuta tang chuan ipa nen hian ipu hian a inneih luih tir alawm, Adina nena a inneih luih tir ang cheu hian, awi khang hunlai khan inu hlim hmel hi kan hmu ngailo asin, Mizoramah kan rawn chhuk thla a, tichuan tun hun hi kan thleng ta ani, inu kha hmeichhe tawrhchhelh tak ani, " A rawn ti dap dap a, ka nu chanchin ka hriat dan chuan min ti chak sawtin ka hria.


"anih pi,ka nu kha a uire tiraw," Ka ti deuh tawpa,thu han sawi mawi vak dan thiam miau hek lo, rilru a min kap tun reng ai chuan zawt chhuak vat ila a nuam zawk. "Bawihi chungte chu engtin nge i hriat a, thudik anih leh nih loh chu ka hrelo mahse ipu leh ipa khan uire chhuahin an chhuaha, a uire na pa pawh Adina pa hi ania lawm,mahse thudik ani em ka hrelo ," Arawn ti chu ka kang zawkin ka hria, ka hrilh a haiin,ka hamhaih vek bawk.


Ni thei turin ka duh lova,lo uire lo nise ka pu khan min hrilh thin ka ring bawk silo. "inu hian i pa hi mipa dang a hmangaih san daiha, chu chu uire an ti thin, hre reng rawh aw," Tiin nitin zantin min hrilh hre reng a,ka nu ka huatna bul in tanna nita berin ka hre bawk, chuan tunah ngei pawh ka thinrim thara, ngai tho mah ila ka haw thar lo theilo, chutiang bawkin Zodinpuia pa pawh ka haw thar bawrh bawrh hi a ni tawp mai, a fapa Zodinpuia thleng hian..


Aizawl lama khawsa reng thei nisi lo chu thlahnih leh tlem ka cham hnu ah ka haw a, Airport-a Asangi hmel ka hmu chu nidang zawng aia Asangi ka hmuh hmelthatna ber ani in ka hria, hmangaihtu leh ngaihsaktu, duattu neih tluka nuam hi alo awm lo tih ka hrechhuak tawh miau alawm.


In kan thlen chuan rawn lut kawi lovin alet leh nghala, inchhung ka lut chiah chu Ahmangaihi ka hmu hmasa bera, afanu hnute alo pe mek bawk. Ani pawn min rawn hmuhve nghal avang chuan a hamhaih ve hle tih ka hria. "Nunu,ilo haw maw" Arawn ti bah niai a, chutih rual chiah chuan Zodinpuia'n "I hman tep tawh em,hman hmawh ang? " rawn ti chungin aroom atang arawn chhuak ve chiah bawka,min hmu chu a meng kang deuh zawk tih ka hmu hman leh hram.

Ka ding mawl tawpa, ka bag chu hmer ngut ngutin Zodinpuia leh Ahmangaihi chu ka en reng ringawt mai ani. Sawi thiam siloh hian hmuh hreawm ka ti ta tlata. Zodinpuian kawr ahak loh danah te chuan ka rilru a vak kual zut zut bawk a,ka thin a rimin,ka taksa khawi emaw lai ber hian na ati veng veng ni mai hian ka hria.


Enga tinge hetianga ka awm tak tlat nachhan hi, mit ngeia Sex an hmang ka hmuh pawhin engtin mah ka awm lova, ka ten zawk hial kha ania,mahse tunah erawh ka thin an ti rim em em chu anih hi. In si cheta thu dun pawh an ni lova, an kuta lo invuan pawh an ni chuanglo mahse inchhunga an lo awmdun hrim hrim hi ka duhlo, hmuh dun hi ka duh tawh lo..


"I lo haw tur i sawi si lova, ka lo hruai thei che asin " Zodinpuia chuan rawn tiin a kuta aken chu sofa ah a dah thla a, nausen puan in thlep khawm ni berin ka hria. Engah mah ngailo àwm tak chung hian "Khawnge Anita i", tiin azawhna pawh chhang deuhlo chuan ka zawt let a, melh pawh ka melh duh lo. Ka tah te hial a chhuak in ka hria, ka awmdan hi ka duhdan pawh anilo asin le..


" Chawlh ala anih kha, tunkar chhung arawn kal lovang, i chau em?" Tiin min melh kara, Ahmangaihin min en kur bawka, mahse ka chhang hleithei der lo. Ka hrawkah hian eng emawin min hnawh ni mai hian ka hria..."Ka tha, " Tih leh ka luggage hnuk zuiin ka room lam ka pan sana, ka thaw chhuak kawk kawk nghal.


Kawngkhar in khar ri leh ahnu deuhva Car tlan chhuak ri ka hriat chuan ka thaw halha, ka chauh a zual ngei mai. Eng thil nge an lo tih dun anga, engtin nge an lo khawsak dun thin ang tih te ngaihtuah kualin room ah chuan ka vei tawn sek a... Engvang ber nge ka hre lo ka taksa chhung eng emaw lai ber hian nà a tiin pawm thiam harsa a ti em em ringawt mai ani. Ka thik tihna em ni??


Heiham

Like hi a tha, i uar zel ang u🥲


Show post links
Top

[Ngaia]

LAVENDER

Ka muhil ka harh leh chuan zan dar 7 apel awr a, In chhung reh ruihah chuan Zodinpuia alo la let lo tih ka hre mai, Lalhmangaihi nen an va khawsak dun vel awr awr bak ka ring nek love.


Inbual harhin t-shirt fual malte chung thleng vel tur chu ka ha mawl tawpa, vai ramah hi chuan thlasik pawh hi avawt thei tak tak hian ka hrelo, nge ber thla tan tir chauh ala nih vang zawk. Choka ah eitur ka melha, siam sa pakhat te mah a awm silo, Anita-i te chu ka ngei rum rum a, Zodinpuia lah pawn lamah nuam sa zetin ava khawsa zui bik dawn bawk nen, ka ngaihtuahna chu thinrim puiin ka in sawh nghawng nghawng hi nai ber tawh.


Lalhmangaihi nen vawiin a ka hmuh dun atang khan ka rilru ah an awm chawt a, ka eng tih mah an ti tui theilo. Chutia ka ngawih vung vung lai chuan Pawn lama car break ri leh car khawngkhar in khar ri rak thawm ka hria a, ka in bengkang ur ur nghal, sana ka en a, Zodinpuia lo let hun thin niin ka hre silo, tu nge lo kal dawn tiin ka lo ngai chang kar reng thung.


Kawngkhar ri rak leh pen thawmin inchhung arawn luh chuan ka rilru ah Zodinpuia pen thawm ngei ani tih ka hre leh chat a, ka thaw chhuak hak nghal. Chokah rawn lut zuiin, "i ril atam em, " Tih leh a thil rawn khai luh rim hmui veng veng chu dawhkanah a nghat thla, a coat chung phelhin a bul chair ah chuan abang liam phah bawk, a kamis ban kilhna chu phel leh zung zungin a kiau thleng ve ve athlep tawm cho nghal zung zunga, athil rawn hawn chu a khawih chhunzawm nghal.


"Anita i a awm si lova, eitur ka rawn lei sak che, " Tiin plastic box chu ka hma ah arawn chhawp hnaia, chicken biryani alo ni, arim tui takzet. "Thil ila ei lo tiraw, kha heihi i hmeh tur, " Ti lehin vegtable soup chu arawn nawr hnai leha, engtin mah ka la chhang lo, ka ngaihtuahna ah inchhung ka luh ruala ka thil hmuh te khan min vel ngut ngut a, thil dang aleng hlawl lo ani ber.


"Ei ang, keipawh ka la ei bik lo, i ril atam tawh ka ring sia ka rawn haw hma anihhi, " Tih leh thut thlak aruala, kei ka in perh tho at thung. "Ka ei chak lo, " Ka ti hlaka, Zodinpuia hrilhhai hmel chu ka hmu vuai hman. "I ei tawh em ni? " Tiin ei ta bik mai lo chuan min en let kar a, ka thaw halh ringawt, "ka ril a tam lo, " Tia kalsawn mai ka tum chu Zodinpuia bawk chuan, "mahse, ila ei loh chuan tlem tal eitum rawh, zan laiah hreawm iti ang, " Tiin pangai tak chuan min chhanglet a, a hmel leh Ahmangaihi hmel ngawr ngawr ka mitthla-ah alang chuai chuaia, ka pik luatah ka thin a rim tún ringawt.



Ngawi rengim athil rawn lei chu thleng sil na-ah ka dah luta, soup chu leih bua in rice pawh ka paih nghal. "Zonunmawi eng thil nge ti ni a i in hriata" Ti thatin Zodinpuia chu arawn vin thawta, keipawh puak kek mai tur angin ka lu ah hian min verh ngawt ngawt mai. Ka in sum zo lo anga, ka puah darh mai erawh ka hlau takzet.


"I hmuh ang khan ka paih anih kha, chaw-ah khan eng thil nge i pawlh tih pawh ka hre hleinem, min lo hraihlum te hi ilo tum reng theia, " Ti a nuih sakin kalpel mai ka tum chu ka banah vuanin, arawn ding chhuak zui nghala, a thinrim hmel kher lehnghal, mahse tunah tak hi chuan ani ai thlawt hian ka thinrim zawk fe ang.


"Eng nge i hriata Zonunmawi, tur ka telh te i ring amaw? " A tawp lam àwki sang lek lek chuan ati a, zawhna min zawt pawh nilovin tur telh tur anga ka puh kha a rinloh lam daih sawi ang mai hian a ni min chhan let ni. "Sawi dik loh ka nei em ni? Zalen taka khanu nena khawsak kha i duh tih ka hria, chuvang chuan ani lawm ni ka awmloh lai chuha nuam in lo chendun vela, " Ti thatin ka ban chu ka thing nawka, mahse min vuan nghet sauhin a hriatthiam loh hmel lutuk te chuan ka lungawi lohna an tizual ting lehnghal..


"Enga, tu chungchang nge i sawia, ", arawn ti he haw a, a in ti hrelo der vel te chu ka ngei hluah hluah hi ani tawp mai. "Zonunmawi min chhang rawh, tu nen maw nuam kan chen dun a?, " Ti leh fakin ka dar tawn tawnah avuan hmer rúna, a hmel chu alungawi tawh chiah lo tih ka hria.
"Min thlah mai teh, hriat loh der vel kha atul lo, tenawm dun ropui si, " Ti vin tuarin ka tala, chu veleh min nam let dawrin dawhkan ka ngheng dawt nghal.


Chiang kelh kawlha min en rúnin dawhkanah chuan min dang chep zawngin a in nem khalh nghal zata, keipawhin ka melh let kar bawk. " Ahmangaihi maw? Ahmangaihi chungchang em ni i sawia?," A ti thata, chu veleh vin let thawtin, "aw Lalhmangaihi chungchang ka sawi, vawiin a in lo awmdan vel te kha mi á lo chuan an hrethiam ang chu, kan inkar ka ti tawp iti a, mahse ka awmloh hlanin ilo khawsak pui tho ani lawm ni, tenawmpa, iva thlaha,iva ngaihsak hnu ah khatiang eitur hmanga min rawn tlawn kual vel kha a tul lo,ka mamawh lo" Ka ti tuar tuara, ka sawi zo chu ka veng hawk hian ka hria.


Thaw halh halha Zodinpuia ka melh reng lai chuan Zodinpuia chuan hahdam hmel zet hian.."chuvang chuan maw chaw te pawh kha i paih a,? " Arawn ti leh a, hawi sawn eih lovin ka mitah min en kur bawk. "Aw ni e, khang in duhsakna lem lutuk leh in ngaihsakna der kha ka mamawh lo, Lalhmangahi bula i awm laiin min hrechang ngai chuang lo, " Ka ti let leh tan tana, ka thinrim chu ka ka-ah ka thaw a leng meuh lo.


Chiang zeta Zodinpuia chuan min en vung vungin keiin thinrimna leh lungawilohna a khatin ka melh let kur thung a. Eng emaw tal sawi se,an inkarah engmah athleng lo tih vel te sawi se ka phut niin ka hria. "I thusawi dan chu.. Nang hi.. I thik em ni? ", mitmeng ti zim sûnin min awm hnaih hruta,tawlh hnun lehna tur chuang a awm silo, ka in ip tung nghal. " a teuhlo " Ka ti bah niaia, ka awki a vin thei tawh lo.


Zodinpuia nui suk chu rum takin ka melha, ka thik ngawtna awm ka hrelo. "Chuti maw, mitmeng tlanchhe zet leh lungphu ri pangai hauhlo chung hian i thik lo tih i sawi ngam chiah a maw? Thik silo eng vangin Ahmangaihi nen kan awm danah chuan ilo buai em em a, atira buai ngai silo, nge nang hi a tir atang tawh khan ilo buai ru fo tawh zawk? " A mit min san khum zeuh va, min melh rûn chuan ka dāng nghal vek.


"Zak rawh, thikna chhete mah ka neilo che u, mahse he in ah kher hi chuan Lalhmangaihi hmel ka hmu tawh tur ani lo, induh chuan pawn lamah in in hmu thei reng, min zahpah lo taka arawn kal nawn leh anih chuan, zak taka siamin ka theh chhuak hreh dawn lo ania, lo hrilh ang che, awm sawn rawh, " Tih leh a awmah nem ka ruala a, mahse rawn awm hnai zualin a rawn kun hniam leh zuala, min hnaih lutuka ka thaw dep dep ni berin ka hre tawh.


"Zodinpui awm sawn rawh ka tih chu" Tiin dawhkana in nem khalh rúna min dangchep tu chu ka ti leh hlaka, anui suk duh chauh lehnghal, ngeiawm tak hi ani ringawt. "Ka ngaih ve tehreng che nen, min ngaive miah lo ami? " Tiin a nui suka, a hmel chu thutak lo riau hian ka hmu tlat lehnghal,chu chuan awi tur nge tur lo pawh min ti hrethiam tawh lo. Mahse amitmeng erawh chuan thudik a sawi tih a pawmpui hmel viau lawi si.


"Awm sawn vat mai teh, " Ti leh thatin ka tha tawp chuan ka nem leh a, ka nemna vang pawh ni chiahin ka hrelo muang changa tawlh hnung datin a kekawr a zen leh tat tawh. "Hneawm lutuk, " Ti leh hramin room lamah ka pen phei hlawk hlawka, Zodinpuia chuan min en zui ngei ka ringa, ka kal thinrim lui sawk sawk mai ani.


"Nupui pakhatah ka lung a awi ania aw,a dang ka mamawh lo, thinchhe viau mahse zún chu a neive anihhi, ka ngai reuh e mai, " Tiin ring leng lawng chuan a rawn au va, ka pen lai tawp chawtin ka hawilet nghal, chutah Zodinpuia chuan a dar san uk a, min nuih sun sun chung hian.."min ngai anih kha..keipawn ka ngai che alawm", tih leh amit min siai a rual leh a, ka chhan ve hma hauh chuan a thil ei tur chu thutchilhin min hnungchhawn hmak a, tih vak dan pawh ka hrelo ka room kawngkhar vuanin ka en reng ringawt mai ani.


Phone ka biak laiin Zodinpuia bawk chu ka room ah arawn lut leh hlawla, kawngkhar ka kalh lo tih ka hrechhuak leh chiah. "Hetah eng nge i rawn tih dawn, " Ka lo ti nghal zata, Asangi nen kan in be mek tih ka theihnghilh thut chu rang zeta Asangi chu be chhunzawm lehin Hotela Swimming pool naupang tan deuh bika siam sak chungchangah a ruahmanna vel chu asawi leh zung zung a, ka rooma ding run pa avang chuan Asangi thusawi pawh ka bengkhawn hleithei der lo.


"Min tih luih nan phone hman rei kher kha atul ber lo " Zodinpuia'n ka kiang maia min rawn dinchilh runa arawn tih chuan ka en chho haw a, khum chunga thu in ka bawp ka khawkherha, ka laptop ka khawih mawlh mawlh lai ani bawk nen ka ngaihven hman lutuk lo.


"Nangni kha khum in in tawm tawh ani maw, " Asangin arawn tih rual chuan rang zetin, "a teuh lo, chutiang a thleng ngai lovang hepa nen hi chuan, " Ti let nghalin Zodinpuia chu ka melh ralh a, a taksa che datah chuan a thawk a thlah hak tih a hriat. Ka ngeiawm thiam ve na zawng ni miau hek le.


"Kha i phone biak chhung aia rei hna khawih tur kan nei, hun i hmang rei mah mah ania, " Tiin paper in kilh khawm chu khumah chuan a rawn theh thla a, rawn thut thlak a tum rual chuan ka laptop chu la kangin ka tin uai uai a, "tho rawh, rawn thu ve suh, " Ka ti nghal that bawk.


Zodinpuia chu lak lawh zeta awmin, "eng nge i hriata, nangmah zawk khumah i thu anih kha, " A rawn ti let a, engtin maha chang lovin khum atang chuan ka chhuk thla zui zata, thutna lamah ka in chawi phei nghal. "Zonunmawi, eng hi maw i hriat le" Ti nui nui chung chuan min rawn zawm phei ve leh maia, Pu Hlira hotel leh sumdawnna lam chu tih fel tur hlir hi ani ringawt mai, mahni hna lamah kan lo buai rei bawk nen a awm ve tho mai.



"I mut a chhuak tawh em?, " Zodinpuian ka ham buai buai laia arawn tih chuan ka melh zuka, ka chhang peih ngang lo. "Duhtawk ang, zanin atan chuan, " Tih leh a laptop chu khup thawkin paper ho chu ala khawm nghal zung zung a, keipawh vawiin lama thleng thla ve leh chauh ka nih avangin mut ka chakna chuan min uai rit hneh mah mah tawh.


"Lo va mu rawh, security chungchang hi ka en leh thuak anga, ka zo ani mai, " Atih takah chuan i he lovin ka khum lam ka pansan a, ka lu in lukham a tawk chiah chu mut ka lo mamawh zia rawn langin ka mang ramah ka cheng nghal derin ka hria.

........
Ka nghawng zàwna thli thaw ang tak akhat tawka rawn vawt leh thin chuan min ti harh a, ka nghawng ka khawih tur chuan eng emaw khawh fuh in, ka harh kawk mai, ka lehhawi rual chuan Zodinpuia chu tui zeta lo muhilin a thaw ri suk suk a, min awm hnaih em avang leh a hmai chu ka nghawng zawn vela awm anih avangin ka lo hrethei hi alo ni. Chutia ka phalna leh min rawn chhin eih lova alo mu ve ngawt chu ka lawm hauh lo, saisira a mu chu ka nem zangthala, ala harh loh avangin ka sawi chhunzawm nghal.


"Ka chau, mu mai mai teh, " Ti duh lekin ka lam hawi bawk chuan arawn inlet zata, keilah lo in bengkang ur ur in ka lo ngei theilo nasa ngang mai. "Ka dawhtheih lai che hian tho la, chhuak nghal rawh, " Ka ti hriam hraka, hrelo der hmakin zu awm thei a male . "Zodinpui, " Ti leh thata ka nem leh rual chuan rawn che phutin min bawh ti tih hian min nem mu dawr a, ka kut hman ka tum chu vuan bet nghalin pakhat zawk phei chu ka talna lamah min delh beh tir a, tal zui ngam lovin ka awm hle hle tawh.


"Khum khata mut tlan mai mai chu duh lo viau suh, i puan hmawr pawh ka khawih lovang, " Tia min melh ralhin ring turin min duh hmel khawp mai, mahse khum khat em a han mut tlan chu ka la pawm theilo chiah lo ani. "Room i neia, khum i nei ve reng, i duh chuan i room ah riak mai rawh, " Ka tih leh chuan thaw halhin a in siam rem a, ka kut min delh beh tir chu thlahin ka kut pakhat erawh ala vuan reng thung, min kuah hnan avang leh min hnaih chilh em avangin ka kut lehlam pawh chu ka chet leh thei chuanglo..


"Che sek suh ang che, kan inkara i kut hi a awm mai mai loh chuan khumpui kai i duh angah ka ngai dawn che ania, " Ka bengbula arawn phun sup chuan ngei lutukin ka en vata, alo maimit chhing daih lehnghal. Kuk fawk thei ila ka ti ngawt mai.

"Muttui le" Rawn tih lehin a reh zui duak a, muthilh chu sawi loh ka mut chhuahna zawng zawng pawh an kalbo zo tawhin ka hria, in sangmar tún leh thinphu dep depin ka mu meng kara, Zodinpuian min kuah beh tlat avangin ka che ngam der silo, lo che ta ila nichina asawi kha ati leh duh tak tak mai ang tih ka hlau si chu mu meng kurin ka thawk ka ip ngar ngar hi ani ringawt mai.

__________
"Nizan i mutui maw", nui put puta rawn ti lut tu chu tur fe hian ka lo melha, ka thingpui thlit chhuah chu rawn ban nghalin Zodinpuia chuan "min chhang duh suh, i muttui tih ka hria, " Ti fel leh thenin thingpui chu a in phah a, ka ngei lutuk chu kalsawnin thutkhawmna lamah thingpui no nen ka pheia, Zodinpuia teh reng chuan eng nge maw ahriat ni min zui renga, ka melh hrawk changin min lo nuih sun sun duh lek chauhva, min chhaih thinrim atum ni berin ka hre tawh.


"Nizan i mumang a tha ani maw, " Arawn ti leh chiah chu ning zetin ka no vawn lai chu dawhkanah ka nghat ri chawrha, Zodinpuia rawn nui chhuak hawk chu ngei lutukin lei ka chhuah khum leh ringawt. Hetianga min fiam chhan tur tak hian ka lo awm tih zing ka harh khan ka hrechiah, a dara ka lu nghatin keimah zawkin ka lo kuah chial a, a harh hmasa zawkah tangin ka tho nghala, mahse hepa hian alo hrevek tih min fiam reng danah hian ka hrethiam nghal vek .


"Zodinpui, eng nge i hriata, min ti buai reng suh, " Ka ti let hluka, chhan ngaihna reng ka hre tawh lo. "Nula leh tlangval awmdun chuan rilru zau put angai ania, keimah ang hian, " Ti duta mit a siai leh zuk chuan han chhaih let ve ka chak tlat peka, ka in sum buai peih lo.

Nuih let ver verin "A dikchiah, thleng theilo a awm lo, mipa zei tak an nih phei chuan a sawmtu zawk ka nih ngei ka ring, taksa nalh tak leh hrisel tha tak, vawi khat ka taksa a khawiha lungphu ti danglam thei leh ngaihtuahna luah nghal thei," Ti sap sapin a malchungah chuan ka thut chilha, ka thusawi phah chuan ahmai bul setah ka hnaih chilh zuia,ka kutin a awmbawr vel ka riat riat neuh neuh chuan Zodinpuia mitmeng buai nak leh chil lem hak chu ka hmu chhunzawm nghal.


"Phurna in pek tawn hi sual ani hleinem, taksa in a mamawh a, thinlungin alo pawmpui fel tawh lehnghal, " Tia nui hakin ka hmui ka pet zeuhva, Zodinpuia hmui chu ka kuta tawk ne ne in ka hnaih hret hreta, alungphu ran dan leh a thaw lum ham ham chu ka dawngsawng let thiam ta tlat lo, fiam mai mai tum si kha, a mitmeng ka hmuha a kutin ka mal bawr a hmer leh sak thinah chuan keipawh ka thawlak apangai tawh hauh lo.


Kan mit a in tawng chiang bawka hawi sawn hmasa tu nih ka tum lo,a chhan pawh ka hrelo, AC hnuaia awm siin boruak chu alum pup pup tawha, kan kar daidang tu chu kan duhthlanna ah chuah ain nghat tawh.

"Zonunmawi ka in venna zawng zawng i ti chhe vek alawm," Tih leh ka sam kara akut rawn rawlh aruala, chu veleh nem let deuh datin ka tho chhuak zui nghal, keimah ngei pawh ka danglam tih ka hailo, mahse danglam hi ka duh lo.

Biak hrep tum kha ka kha achih ka ti dawn nge ka tawng hleithei der lova sawi ber tur pawh hrelo chuan ka ang zuai a,ka awmdan laklawh lutuk leh mumal lo zet chu Zodinpuia hmuh atan ka duh lo, rang zetin ka room lamah ka kalsawn vata, ka hmai ka tawk chiah chu alo sa hat hat mai.


Hmeichhia leh mipa tisa thil taka inhip tawnna te hi chu a awm ngei tih ka hria, ka bialpa Stevena nen ngei pawh kan paltlang dun fo, mipa dang lakah hian ka neih theih ka in ring ngailo, mahse tunah ka huatber pa lakah insum ngai tur khawpin ka nei tawh si. Kum 1 dawn kan chengduna, a àwm ve reng tawh nge, khatiang taka kan lo in hnaih thin loh avang zawk mai khan ka lo nei ngailo zawk pawh ka hre tawh lo.


Zodinpuia pov.

Nileng zan khaw taireka hna khawih tur neih reng takah chuan taksa in alo tuar lo thei lova, nun anguai duhin tha hrui chakna reng ka nei theilo ani ber. Hotel lam ka ngaihsak hman meuh lo, kartluanin court ah ka in lan nitin a, ka pu hriat hauh lovin keima duhthu ngeiin case panga ka khawih tawh bawk, an dikna chanvo dawt tel hauh lova ka hmuhpui ni hmasa ber khan nidanga ka lo chak thin ai daihin ka nun chhungril kha a zangkhai zawk a, boruak rimtui tak hip ang maiin ka vek hawka, ka hmel ka hmu tha ngang asin.


Ka pu chuan hria se min kamkhat ngei dawn tih ka hria, mahse a zawng zawnga a thu awi diak diak tur hian chapo na ka neive tawh tlat, bakah mipa ka ni a, mahni pawha in enkawl thei tawh pu te thu ang diak diaka kal zut kha ani ber theilo.

A bul berah chuan Jeremya vang ka tilo theilo, ani erawh zawng naupang zawk si hian ka u zawk ani a, ka neih ve ngai loh huaisenna mak tak neiin ka pu duhdan ang diaka kal a tum ngai hauh lo, chu ahuaisenna chu engtik laiin nge ka lo neihve ka hrelo, mahse diktaka thil tha ka tihni ai baka nuam tih kha ka case ka chak tawhna ah ka la nei ngailo.

Ka phone ri ral ralah chuan ka en vata, Pu Lalmuana, Delhi mizo te zingah chuan an chung en ber tih theih tur Engineer pachal alo ni a, Zonunmawii nen chaw ei ah min sawm hi alo ni. Nupui ka nei tih an hriatna alo la rei lova, Zonunmawii an hmuh chak thu anupui nen rawn sawiin natuk tlai atan keipawhin 'aw ka lo pawh ve nghal mai bawk.


"Sir hmuh duh che an awm", ka secratary in arawn tih rual chuan kawngkhar atangin Ahmangaihi naute pa Hmingngaihawma chu arawn pen lut a, tlangval hnahkhat leh induhtawk ngang ani bawka, ahawi herah pawh min rualpui chei duh lek hian ka hria. " Hetah eng nge i rawn tih" Ka ti chang bala, Ahmangaihi leh afa em pawh pawm theilo mipa hian farnu ka neihve avangin ka thin no apal darh hneh em ani.


"I office ka rawn en mai mai, hei a nawm reuh hi.. Hmeichhe pakhat leh nausen chawm thei tur chu ini reng tho anihhi maw, chuvang chuan Lalhmangaihi nen kan chungchangah hian lo in rawlh buai tawh suh ang che" Arawn ti chu ka thin a sa phata, ka ding chhuak zui nghal.


"Nangni ho vang hian alawm mizo mipa hian ngaihnep leh bumhmang nih kan hlawh thin, mawh phurhna la ngam lo ho hi chu in sazu tana, pawnfen feng tlak lek in ni, " Ka ti let salha, ka kiai khum suk chu a thin thawk a chhuak ve nghal tih hriat takin min rawn ban buan buan aruala, tlangvala pumpa office chhungah kan in sual tak tak anih kha, kan in hnek na tawn thawkhat viau chuan ka hria.


Kan thawmah guard te lo tlan lutin Hmingngaihawma chu an rawn tham chhuaka, ani thinrim kal tluang laklawh chuan chaldelhna tawngkam chhe pui pui in min au zui phiar phiara, min en thuptu awmlo ngat se fair takin ka in sualpui duh ngei ang.


"Sir, damdawi in ah kan kal dawn em ni" Ka naute zinga pakhatin arawn tih chuan ka lu ka thing maia, ka hmai bawr vel bak anat loh avangin kal kher ngaiin ka hrelo ani. "Sir sir, kha damdawi hian tifai ang," Tiin damdawi chu an rawn chhawpa, keimaha ka tihfai theih thu hrilhin an chhuah darh hnu chuan washroom lamah ka pheia, ka biang duk deuh leh ka mit ko kak deuh tih loh chu na em em a awm ka hrelo, ka ka chhung thi erawh chhunglam anih avangin a lang em em hran lova, min hnek chilh ve tho avangin thisen chhuak erawh a tawp hleithei lo.


Ka ni hman dan arawn thlak danglam vek chu ka thinrim thar leh hnuhnawha, vawikhat na na na chu la insual pui leh ngei ka duh. "Eng thil nge thlenga, " Ka office chhung rawn pen lut chunga Tluangpuiin arawn tih chuan chhan let chakna mood ah pawh ka awm lo, "hetah enge i rawn tih dawn, " Ka lo ti hluka, ka inngaihtuah thinrim tulh tulh lehnghal, Tluangpuii zawk chu ka hnek tlu tawp mai ang tih te lam lam ka hlau tawh zawk.


"Zanin chu in rawn tel ve hman dawn em ka rawn ti", tiin min en kura, ka biak danah chuan alungawi chiahlo ani ngei ang, " Zanin ah enge tih tur kan rawn neih, " Ka tih let rual chuan tur fe hian, "vawiin hi pa puia piancham anih hi, kum tin hian i theihnghilh ve ziah" Arawn ti bui bui a, alawm lo hle tih chu hrilhfiah hranpa ka ngailo nasa, a awm lo hran lo mahni pate piancham hre ngai reng renglo ka ni miau a.


"Kan rawn tel kher aphut lovang, nangni in awm alawm, " Ka ti leh phei chu thaw hakin, "i mak em em lutuk, nupui i neih atang hian i in dah hrang lehzual ania, In nu hi i hmelma ani tih hre reng rawh, i danglam tawh si, zanin ah pawh papuian rawn telve se a tih kha, atel lovin kan hlim daih zawk awm sia, Papuia pawh hi a ti mak ka ti, in inchhun pafa ngawt mai, " Arawn ti hlawi hlawi chu dawhkan ka beng ri dawp nghal.


"Ngawi la, chhuak rawh", ka ti thawta, Zonunmawii nen hmelma kan nihna arawn sawi ri kher kha ka thinrim pui leh ni berin ka hria. Ka haw tawh lo chu ka ti ngam lo, mahse ahma ang kha chu ka ni tawh lo tih erawh chiang takin ka in hria, ni e Tluangpuiin sawi kha adikna chin a awm ngei alawm,ka danglam tihhi kei ngei pawhin ka phalo, Ahmangaihi vanga kan in bakkaih zan te khan thinrim ahnekin ka hlim veng veng zawk anih kha..


A thik leh thik loh chu ka hrelo na in,min hmuh dun kha hreawm a tive tih ahmelah leh a awmdanah khan ka hrethiam ve vek a, mahse han in sawifiah erawh ka tum buai duh ta lo kha ani..khami ni khan anaute pa Hmingngaihawmna nen buaina an neih avangin ka puihna arawn ngén a, Anitai la haw hma anih avangin keipawhin ka sawm lut tih ka phalo.

Mahse Anitain chhungkaw thil ah buaina neiin a haw angai thut ta si a, keilah naupang lawm mi tih takah ka lo in ti pawm khanglang a, a ek cheh avanga ka inbual tur khan Anita pawh chu ngaihsak zui lovin ka roomah ka luhsana, mahse ahnu leha thil thleng erawh a danglam ta hret anih kha...


"Ka chhuak em em ang, Zonunmawii pawh chu rawn hruai ve ang che, " Ti zui hlukin Tluangpuii chu a chhuak tau nghawng nghawnga, kawngkharte lah chu a khar ring em em lehnghal. Hna laklawh ka neih avangin duh ai ka haw tlaia, chhuak leh mai tur kan nih hrerengin ka che pawh a muang hleithei lo.


In ka thlen rual chuan Zonunmawii chu zawng nghal ruaiin a room lam ka pan nghala, mahse a room thlen hma room awl atanga rawn chhuak hlawlin, min hmu thut chu a hlauh hmel em em lehnghal. "Nang maw, " Ati halha, chutih rual chiah chuan chhunglam atangin mipa aw hian, "tu nge ni a?, " A rawn ti ri ka hre zawm zat bawk, mizo tawng ahman avangin ka hresual theilo.


Vawi leh khatah kawngkhar chu nem hawng rawpin Zonunmawii pawh aper dawra, chumi rual a mipa lo awm ve in, "Nunu,eng thil nge? " Arawn tih rual chuan nichîn atanga ka thinrimna in up bet , váwt tan mek tawh chu tlangkang rawn in phuh chhuak thut ang maiin ka dang hman lo ka hnek thal tawpa, duhtawk ta mai lovin chhuata a tlu in siam rem tum chu ka hnek zui chawrh chawrh nghal.


"A tawk, duh tawk rawh, " Ti tuarin Zonunmawii chuan ka hnek leh tur chu ka banah alo vuana, "khawngaihin duhtawk rawh, " Rawn ti leh tiau in a mitmenga hlauhna chuan min ti danglam nghal vekin ka hria. Mi inring lo lai khawih ka ni bawka, ahnar leh a ka, amitko atangte chuan thisen a chhuak nguai nguaia, ka kutah ngei pawh thisen a kai berh niai mai. "Eng nge i hriata, thah i tum em ni? " Tiin min nem deuh dawra, chupa angaihsak zawkna avanga amita mittui tling piau ka hmuh chuan a vawikhat nan ka thinlung a ti na takzet.


Engmah sawi lovin ka tho va, chupa chu buaipui nghalin kei erawh melh kat pawhin min melh tawh lo. Ka thinrim leh tih ngaihna hrelo chu rilru na takin ka chhuak zui hmak a, chuti lo chu khapa kha ka khawih leh duh mai dawn tlat ani, ka thawk arangin ka thinte chu a sahal huam huama, ka khaw hmuh a tawi tuk bawk, pawisak reng ka neilo.

Fridge atang beer cane chu abox chawpin ka chawi chhuak a, ka in nghal khawlh khawlh ringawt, ka kawchhung vawt thla sung sung te chuan min ti dai zo reng reng lo, box 1 chu ka in zo veka, ka thinrimin a bur ruak chu hmer khawrin bang vawm nan leh thinrim hrikthlak nan te ka hmang bawl bawla, darthlanglang pawh ka vawm keh tih ka hailo.


A thui lutuka ka luak achhuak thei


Show post links
Top

[Ngaia]

LAVENDER - 16

Ka phone rawn rí chu en pawh en hmasa lovin ka pick-up a, "bro rawn kal chu in tum em , Nunu nen chauh in kim tawh lova" Tia Jeremya aw ka hriat rual chuan vin zetin, "kan rawn kal dawn lo," Tih leh ka phone pawh chu vawm ka ruala, Zonunmawii hming arawn lam tel kher khan min ti thinrim ut ut ani ber.


Engtia rei nge chutianga ka awm ka hrelo, min rawn sawi dawt dawt tu awmah chuan phak chuapin ka meng chhuaka, Zonunmawii hmel ka hmu chu ka ding chhuak nghal, mahse ka ke chuan min zo lo chiang lutuk ka thu thla leh hnawka, ka lu hai mup mup chu ka hriat hmasak ber ani.


"I room ah va mu rawh, " Tiin pangai tak chuan min en kar a, a inbual zo hlim tih hriat takin Lavender rim anam chek chek bawk, asam la ro chiang lo chu thlah mawl tawpin a hmai fai sar chu hmuh anuam em em mai lehnghal "i eitur i nu in min hawn tir a, i ei hmasa duh em" Arawn ti leha, ka rilru chu a harhfim tual tuala, sana ka en chu zanlai alo ni der tawh, piancham lawmna ah ka kal lo tih ka hria, mahse tuna Zonunmawii sawi hmangah kha chuan ka tel lovin alo va kal tihna ani thei mai angem?.


"Tu nge khapa kha", ka rilru a riak reng chu zep buai ngaihna awm lovin ka sawi chhuak ta nge nge a, ka thinrim tan leh der nia male. "Lo ngaihven suh, " Tiin min en lem lo chuan min chhang fel then a, min tham lohna àw hre tel thana ka in hriat avangin ka ding chhuak nghal.


"Thudik sawi rawh, ka zaidamna enchhin tum reng reng suh, " Ka ti kha faka, ka aw chu a ngaithlatu tan pawh a nel awm hauh lo ngei ang. "Ka sawi chu, i buai lohna turah lo buai suh, i ei dawn nge dawn lo " Arawn tih leh then rual chuan ka thutna chair chu vai thlu lawpin Zonunmawii tawlh hla hret chu ka hnaih chilh nghala, a hnunglam bang ngheng dawt khawpin ka nawr bet nghal.


A ner sak ka hmuh chuan ka nem na thawkhat tih ka hria. A àwm lo hran lo ka tha ka thlah dul hman miau silo ani. "Zodinpui,eng nge maw i hriat le awm sawn teh, " Arawn ti thata, mahse thlah ka tum hauh lo, a ban bul ka vawnna chu ka hmerna zual sauhva, tlai lama ka thil hmuhte chu arawn thar zut zut leh ta nghal, ka sa chhuak leh vek tawhin ka hria.


"Tu nge khapa kha, " Hriam hrakin ka ti leha, min chhan hma chu ka thlah hauh lovang, "ka thian a nih kha, min thlah rawh, " Thaw halhin arawn ti let a, en pawh min en lo chuan min ti thinrim leh zual. Bakah nidanga thinrim hma em em kha tunah erawh tih thinrim theih loh ang hlauh ani leh te hian min ti lungawi lo letling zawkte hian ka hria..nge khapa khan insum turin alo hrilh hrep zawk ni. "Zonunmawi" Ti leh hrawkin ka sawi deuh nawka, ka duh ang chhanna ka la hmu miau lo ani.


"Anih leh room ah khan eng vanga awmpui nge inih, nang hi pasal nei ini tih i theihnghilh em ni? " Ka ti leh hrama, ka rilru ah zawhna a tam bawka, ka zawt chhuak lo anih chuan ka puak keh thei mai dawn tlat ani. "Min chhang rawh, " Ti leh nawka ka hmer nat leh zual chuan ner sakin, " Zodinpui, nang ang ka ni ve lo, nupuite awm loh lai remchanga la a, hmeichhe khawilut thin ang ah kha chuan min ngai reng reng suh, " Arawn ti vin ta phiar phiara, chu chuan min ti thinrim zualin, pawisak nei lek lovin min chet chhunzawm tir ka tilo theilo.


Zonunmawii chu ka room lamah pawt lutin khumah chuan ka paih thlu làwpa, pawisak ka nei zo tawh lova, ka ruih la reh bawk silo nen ka ngaihtuahna chu afim lovin, atawi tuk mai bawka. Zonunmawii min sual letna te chuan min ti phur ting zawk hian ka hria.


A dawt leh chu sawi zui ngaiin ka hrelo, mipa tih atana mawilo khawpin ka che a, hmeichhe duhlo chung ka khawih lui tihna anih ber chu, ka rin hauh lovin alo la thianghlim zui leh zela, chungte hlei hlei chuan hreawmna tinreng rawn keng tel zelin min hnawh khat tup tup hian ka hre tawh.


Kawng lehlamah chuan nuam ka tiin ka hlim ru viau ang lawi a, hnamdang ngaihzawng nei thin ani thu leh in khata awmdun fo an ni tih ka hria , athianghlim erawh ka ring pha tawh reng reng lo.

.......
Zinga ka harh chuan Zonunmawii alo awm tawh lova, sana ka en chu alo tlai viau tawh nghe nghe. Tho chhuakin ka han zawng kual deuhva, mahse pawn lama acar awm tawh lo ah chuan a kal chhuak tawh tih ka hre mai. "Pu, ilo tho tawh maw, ka pi chu a kal tawha, i muttui sia kai tho suh min ti a" Anitai bazar rawn haw chuan arawn ti lut bawrh bawrha, thil dang vang anih ka ringlo, min hmuh peihlo chhuanlam emaw athinrim in hrik thlakna tur a duh vang mai ni ah ka ngai.


Chaw pawh eilo chuan inbual faiin hna ah ka kal vata, case neuh neuh chinfel tur ka ngah em bawk ani. "Kawngkhar kik hrelo tur khawpin enge ilo tiha? " Rawn ti tu lam chu ka hawi chhuak vata, Jeremya leh ka pu an rawn in zui lut leh zan zan mai. A zawhna pawh chhang ta lem lo chuan ka pu landan lungawi hmel vaklo chu ka lo ngaihven fe zawk.


"Jeremy lo va chhuak rawh, i u hi sawipui tur ka nei, " Ka pu in a tih chuan Jeremya pawh chu thuawi takin achhuak zuive maia, ka pu awmdan teh thut avang chuan rilru pawh anuam zo tawh lo. "Enge ni a ka pu, ava pawimawh hmel ve, "ka tih rual chuan ka pu chuan, " I nupui hi i then thei tawh, i neih reng a ngai tawh lo, "arawn tih chu ka tawp dawt hian ka hria, ngaihtuah pawh ka lo ngaihtuah tawh ngai reng reng lo.


" Tun hma pawha kan buaipui ber Sangthanga silai mu tawlh ruk chungchang kha hei a finfiahna nen ka nei vek tawh, police hnena pek emaw kan kawng atanga in hnuk dawk tura tih ani mai, i kutah a awm aw, " Ti nghet charh charhin a coat chhung atang paper kilh khawm a rawn phawrha, en mai pawhin a silai tawlhna chungchanga an receipt vel leh thlalak, engkim an kalpui dan a awm vek.


Ka pu hnial ka duh silo, bakah pu Sangthanga lakah kher chuan tlawm zawka siam pawh ka duh hek lo, mahse he thil hi ka ti anih chuan tunai nasa hian Zonunmawii hian min haw ngei dawna, kan in kara in pawhna awm tan mek pawh hi a reh leh nghal vek ang.


"Zodinpui, ka thusawi chu i ngaithla maw... " Ka pu in fiah fek fawka arawn ti leh chuan ka lu ka bu nghuta, mahse ka rilru tak erawh chu abuai ru nuai nuai tho. Rilru mumal lo zetin ni ka hmang liama, Pu Lalmuana lahin min rawn call sek tawh. Zonunmawii lam turin a hotel lamah ka kal a, a peih dawn nge dawn lo lah ka hre der silo, nimin lamah lah sawi lawkna hun ka nei der mai bawk silo nen ka kal risk ti ila a sawifiah ber awm e.


Nizan thil thleng ngaihtuah chuan min lo hmuh duh ka ring lo bur a, mahse duhsak taka sawmtu kan neih ve vawi khatna ani a, kal lo tawp ni theiin ka hre lo ani.


A hotel kawt ka thlen chuan ka call hmasa leh te te a, rin ang ngeiin apickup lo chiang asin, mahse ka call nawn leh a, ala pickup chuang lo loh theih lovin ka luh ngei angai ta anih hmel khawp mai, hmeichhe lunglian leh tihmawh zet ani tih ka in hrilh nawn mawlh mawlh mai ani.


Top-floor ka thlen chuan an lo buai nak nak khawp mai, department hrang hrang hruaitu ni awm tak tak te chu an lo in hnial luih luiha, ka ngaihven hran lo, ka buaina tur anih loh bakah Zonunmawii hmu tur chauhva kal ka ni.


"Kapu, eng nge itih dawn khatah khan aluh theih loh, " Zonunmawii room luh ka tum chiah chu security pahnih hian min rawn dang nghal vata, lo inhnial luai luaite pawh chu an reh duak nghal. "Tu nge ka nih in hria em? " Ka han ti let er a, ka hawi sang vah bawk. Mahse chu mite pahnih chuan in melh tawnin ngaihdan an neih thiam loh hmel khawp mai.


Chungte hlei hlei chuan min ti lunghnurin ka lawm lo ru riau va, kum 1 dawn innei ve tawh si ah a pasal ka ni tih hrelo tur khawpin leh pasal anei tih hrelo tur khawpin akhawsa thiam tih a hriat nghal vek. Henu zet hi chu.."Tupawh chu lo ni la, ala luh theih loh " Pakhat zawkin arawn tih leh rual chuan ning lutukin ka thaw halha, Zonunmawii chu call lehin ala pickup thei chuang silo.


Luh luih mai ka tum chu min lo dang leh a,ka insum hman meuh lo pakhat zawk chu hnek tlu tawpin pakhat zawk chu a pumah ka tlawh chawrha, ka thin thawk khawih chu a nat loh vak ka ring lo. Thinrim túna khawngkhar ka hawng chu ka ke pen leh tur a sak talh nghal. Chutiang bawkin room chhunga lo awmte pawh chu an phu zui dawra, min hmu thut chu an hlauh hmel viauin ka hria.


"Boss , Boss min ngaidam rawh kan dang thei lova, " Ka hnunglam atanga guard pahnihin an rawn tih chuan Zonunmawii chu ding takin ka melh a, thinrimna arawn lut zut zut nghal. "A pawilo, lova chhuak rawh u, " Tia arawn chhan let chuan guard pahnih leh room chhunga alo awmpui, nimin tlaia room a alo awmpui pa ngei chu an chhuak zuia, a hmel hmai duk deuh ruih ah chuan ka lo khawihna thawkhat viau tih ka hre mai.


An chhuak fel ta maw tihah Zonunmawii chuan fel at hian, "hetah eng nge i rawn tih dawn ? " Tiin a thutna lam apan a, keipawh thinrim tún chung siin ka tawlh hnai ve hret hret tho. "Ila duhtawk na nge? Nimin lawkah ilo awmpuia, tunah pawh hna chhuan lamin ilo awmpui leh bawka, " Ka ti khur khura, keimah ngei pawh chu ka in hrethiam tawh nuai lo, hetiang em em hian ka thinrim lah ka la hre ngai lova, han in bengdaih dan leh han hmachhawn dan ka hrelo hul hual...


"Enteh, nimin thil thleng kha kan sawi dawn anih chuan chhuak rawh, ka huatna che hi anasa tawk tawh viau ania " Arawn ti dam thluam reuhva, mahse a lungawi lo hle tih erawh a landanah ain thup seng biklo. "Tunge kha pa kha, ka duh ang chhanna min la pe hauh lo ania" Tiin ka pan hnaia, ka thinphu dup dup chuan min nawr kal ka ti mai.


"Sawi pawh ni ila i hriat atan a pawimawh lo, " Ti bul nghutin a laptop chu min en san hmak thei anih chu, min ngai pawimawh lo zeta akhawsa chu ka thinin atuar tawh ngang lo, achair chu ka lam hawia pawt her lawpin ka kut lehlam chuan dawhkan ka nem bawka, thinrim dun ve ve ta chu kan hmel a chang dun rap rap khawp mai.


"A tawp nan ka zawt leh ang che, tunge khapa kha, " Ka ti ban charha, ka tawngkam chhuak chu tu pawhin hria se, nam nul mai mai chi anilo tih an hria ang. "Keipawhin ka sawi tawh, ka thianpa anih kha, i awiloh chuan i duh leh amah kha va zawt rawh. " Min ti let er a, zam map lovin ka mitah a en kar bawk.


Dawt sawi hmel ka hmu lova, thudik anih pawh ka ring chuang lo. "Anih leh eng vangin nge a fala i awmpui na chhan, in chhung thleng thlengin i hruai lut a, in inkarah eng thil nge awm? " Ka ti leh thata, tunah tak hi chuan khapa kha awm se ka sawisak hlum theih hial ka in ring.


"Zodinpui, i zak lawm ni, Lalhmangaihi nen in inkarah buaina ka siam ngai em? Ngailo, ka inrawlh ngai bawk heklo, eng vangin nge i awm thin anga ka awm ve chu i lawm loh viau a, nang ang em chuan ka la khawsak pui hleinem, hmeichhe àwm nemna remchanga hmanga min tih thaih reng hi duhtawh rawh, hei baka huat belh leh che hi ka duh tawh lo, " A rawn ti lawi rat a, a tawngkam chu vin mahse amitmeng erawh chuan thu dang daih a sawi tih ka hria.


A mitmeng dam zet kara natna niawm tak ka hmuh chuan in bengdai hlei theilo kha min ti dam riai riai a, hmeichhe pakhat, chutah pawh ka nupui ngei rilru na in ka siam tih ka hria, a luhlul na vang maia tilang duh ngailo hmeichhia hi, ka lo tina thin tih min hrilh tu ka chhungrilah hian a awm tlat.


"Ahmangaihi nen kan chungchang chu adang daih, ka then lovang che ka tihni atang che khan kan inkar ka tih tawp vek tawh, tun thlengin, ka hmeichhe hmangaih awm chhun ani tih nangpawhin i hria, ahming ka hriat ringawt pawh hian ka ná thin asin, mahse ka nupui ini tawha, duh lova hnawl che emaw, theh chhuah che ka tum lo,harsa tak chungin ka bei ve mek anihhi "ka tive ta nge nge a, Ahmangaihi ka sawi chhuak leh kher pawh chu rilru ah a rawn thar leh uar uara, hreawmna ka in siam leh hnuhnawh anih tak ber chu.


" Eng pawh nise in hauh chu duhtawk ang aw, Pu Lalmuana ten chaw ei ah min sawm a, nimin khan ka lo mangnghilh hman bawk nen, ka hrilh hman ngang lo che a, kan kal dun ngei an phut bawk si nen i thei angem? "Dam ruih hian ka ti a, ka thinrim hran tawh lo, kal duh hram se tih chauh chu ka rilru ah a awm tawh. " A tha lawm, " Ti maiin Zonunmwii chu arawn ding chhak zui a, ka rin loh dan lutuka min chhang chu ka meng kang zawk nghe nghe.


"Kal ta che, " A mit ko san zuka arawn tih leh rual chuan kan in zui chhuak nghala, nichina lo inhnial nuai nuai te pawh kha an lo awm tawh lova, security pahnih te erawh lo la awm ve ranin min en duh ngang hian ka hria.

____
"I ei puar meuh maw Nunu, " Pu Muana nupui Pi Sini'n nelawm taka Zonunmawii a biak chuan Zonunmawii pawhin alo chhanglet ve maia, kan awm ve nuk bawk nen thawm areh lo khawp mai. Hmeichhe ho leh mipa ho titi a rual hleithei bawk silo mipa leh hmeichhia kan inkawm hrang hi a ni ringawt.


Dar 10 pelh hretah in lam kan pan a, chuti chung chuan a haw hmasa ber kan la ni zui, athalai zawk fianrial hun mamawh tam zawk an ni alawm tiin min han fiam zui ve ngei hlawma, kan inkar an hriat loh lutuk vang zawk ani.

In kan thlen thlengin Zonunmawii chu angawi reng a, thinrimna nei hmel a pu lova, lungawilohna nei hmel pawh apu chuang lo, mahse kam khat mah a tawng loh avang chuan ka melh leh thin a, a in ngaihtuah nasa viau niin alang.

Inchhung kan luh rualin aroom lam apanding chawta, han biak ka duh viau rualin kan inhnial buai leh ngei ka ring sa bawk nen be zui duh lovin ka room lamah ka kal leh ta zawk a.

_____
"Inthenna chu i ti fel tawh em? ", ka pu in arawn tih chuan ka melh zawk nghal. Ni hnih aliam leh tawha, second tin hian min ti chau ngawih ngawih, Zonunmawii hi then ka duh nge duh lo pawh ka hrelo, mahse ka pu in ti suh ti rawh a tih tawh chu hnial chi niin ka hre bawk silo, engpawh a ti theia, ani ang mi sehhel,nunna hlut pawh ngai tilo, pawisak nei der silo ani bawk nen, ka duh ber chu kan in then emaw then lo pawh nise Zonunmawii hi dam tha se, him takin awm se tih chiah ka duh.


" Ka pu lo nghak rih deuh rawh, tunah chuan ala hma deuh, " ka ti ta ringawta, ka rilru suk thlek chuan then turin rilru ka seng thei lo ani ber. "A tha e, thlakhat hun ka pe ang che, chumi hun chhung chuan itih tur ang ang chu ti zo la, Sangthanga tei vet hi rah beh a hun tawh i hrethiam tiraw " Arawn ti khur khur a, 'aw leh ai pawhin ka chhang lo, ka ngaithla reng ringawt.


Zan dar 8 velah in ka thlenga, Zonunmawii erawh ala rawn haw lo tih ka hria, "pu i ril atam tawh em, i ei hmasa duh nge i in bual hmasa duh, " Anita in alo ti leh zung zung a, ka ril atam lem loh avangin inbual hmasak ka duhthu ka hrilh ve mai. Mipa e ti lovin ka inbual rei zek a, ka that chhiat a chhuak ka ti mai. Ka inbual zo choka a ka lut chu chaw eitur alo in chhawp diam tawha, Anita erawh ka hmu mai lo.


"Pu, ka pi chu alo haw tlai dawn a, a nau te piancham lawmna ah a awm anih kha, " Anita i choka a rawn lut chuan arawn ti bawrh bawrha, chutah sawi zawm lehin, "tunlai chu ka pi hian a awmdan tur hi min rawn hrilh ve zel thin tawha, a lo haw tlai dawn leh chaw a ei chhuah tur thu te hi, amah ah hian eng emaw tak hi a awm hian ka hria, a hmel te hi a zang vah mai hian ka hria, i ti ve em? " Tiin min zawt ta khuahva, zawh ka lo tum zawk tak anih avangin ka lu ka bu deuh ringawt.


Vin in, inhauh pui buan buan thin mah ila, a hma ang em em kha chu ani tawh bik lova hriatna ka nei thin. "Chu motor ri, alo haw aniang, " Tih leh tlan chhuah aruala, ka nui hak ringawt. Anita i tlan chhuah atang rei pawh ala nilo kawngkhar ah chuan an rawn ri lut rum rum a, mipui rawn in hnawh lut tup tup te pawh an ang zawk.


"Pu, min rawn pui hram teh, " Tia Anitai rawn au thawmah chuan ka chaw ei lai thawh sanin ka tlan nghala, Zonunmawii chu a rui hle tih en mai pawhin ahriat, lehlamah Anita in avuana lehlamah Asangin a vuan bawka, Asangi lah a harhfim lo hle tih a buk luk luk danah a hriat khawp mai, "pu, a rit lutuk, " Anita in dawm tang tang chunga arawn tih leh rual chuan pan vatin Zonunmawii chu ka pawm nawlha, Asangi pawhin pherh zeta min mangtha zuiin a chhuak zui nghal, riak turin ti mah ila aduh dawn lo nasa tih ka hria a, ka sawm buai duh lo law law.


"Thleng saw seng la, i mu dawn nia, " Tiin Anitai chu ka hrilh a, thaw hlawi hlawiin a lu abu ve dut nghal. "Min dah thlah rawh, Pasal ka nei tawh ania " Rawn ti nuap nuapin Zonunmawii chu a rawn meng siar siar a, ka nui sun sun nghal, tu hmel hmuhin nge min hmuh dawn ni. "Heti em em hi chuan in tawh suh ka tih kha, " Tiin bathroom kawngkhar bulah chuan ka nghat a, a pai luk luk chu dawm beh lo chuan tih ngaihna a awm lo.


"Ka rui lo, ka tha ania, " Ti bui bui in bathroom kawngkhar ah chuan thu in a ke lam chu bathroom chhung lamah a thluang lut duai a, kawngkhar biang nghengin a thu zawi hnuang bawk, hriat tham silo hian aphun nuah nuah reng bawk nen tlema tih harh deuh loh chuan tih ngaihna a awm lo, tab hnuaiah chuan ka thut tir a, tuia ka phuh tir hnu chuan aharh deuh chuan ka hria. A kekawr ke lamah chuan aluak ni ngei tur aberh nuai bawka, nichin zawng zawng khan ka lo hmu reng reng lo.


"I thawmhnaw hi ka thlak dawn ania aw, " Ka ti leha, chhan pawh min chhang chuang lem hleilo, chhanna pawh ka phut lo viau ani. A panty leh brazier thleng chuan ka phelh sak veka, harhfim tha nise a thinrim leh ngawtin ka ring, bathrob hak tir tawpin khumah chuan a dung tan (avang) zawngin ka mut tira, a sam ala huh avangin hruk ro hmasak ka duh vang ani pakhat.


"Nu, ka ngai lutuk che, " Rawn ti chhuak sapin a in sut zui hlap a, a sam hru mawlh mawlh ka nih avangin a mit sir atanga amittui rawn hnam tiam tiam pawh chu ka lo hmuchiang ngang mai. Chutah rawn tho thutin chiang em em hian min en kara, kei pawhin towel vuan tung chhungin ka lo en ve reng ringawt. "Thil ka hrilh ang che aw, " A rawn ti sap a, amit hnawm chhap chu hmuh anuam lem lo.


"Awle, mahse mu leh phawt la, i sam kha ala ro lo ania, " Ka tih chuan a lu bu lap lapin arawn mu thla leh a,thuawi ve tak chu ani.. "Ka mumangah hian maw ka nu kha ka hmu thin a, mahse abula kal ve aphal ngai miah lo, min hua aniang tiraw,", tiin arawn in nem kang leh a, min en leh kar tawh. " Haw lovang, ahmangaih che alawm, " Tiin ka chhang let ve mai.

Ka mut thlak tir leh hnu chuan zawi sap hian, "ka nu ka hmuh chuan maw, misual hmelchhe deuh deuh ho hian an lo sawisa thin a, chhan ka tum pawhin ka nu khan lo kal suh hetianga awm ve i duh loh chuan i awmdan kha sim la, tumah hua in hmelma en in en tawh suh min lo ti thin a. " Rawn ti lehin arawn in beng kang leh a, a rui mitmeng dul raih leh a hmel phleng phang chu a mawipui phian hian ka hre tlat pek.


"Chu chu min hmangaih tihna maw, " Tiin chiang em em in min en a, rui viau siin a mitmeng erawh a fiah lutuk mah mah ani. "Immm hmangaih e, ahmangaihzia che chu in accident tum pawhin nangpawhin i hriat kha, kan hmangaihte tan chuan kan nunna pawh kan hlan phal alawm, " Tiin ka mut thlak tir leha, ahahthlak lam hret chu ani.

"Nia, min hmangaih, min hrilh thin alawm, mahse ka sual lutuk a, ka lo be duh ngai miah lova, min la hmangaih tho ang tiraw, " Arawn tih leh chuan a thawh kàn leh mai ka rin avangin alu chu ka vuan bet ru ran a, ka rin ang ngeiin a lu chu a chet deuh hrut hmana,mahse ka vawn deuh tlat avangin a mu tha leh mai bawk.


A sam ka hruk ro hnu chuan a thawmhnaw ho chu zinga Anita in alo suk nghal theih nan tiin ka dah chhuak hmasa leh te te a, fridge atang tui bottle la leh te te in Zonunmawii room lamah bawk chuan ka let leha, a lo muhil tawh ngei niin ka hria, alo thaw sek seka, mahse khum kalh zawnga mu anih avangin ka siam rem leha, chutah Zonunmawii chu rawn meng chuak lehin min en kara, keipawh ka che lai ka tawp nghal.


"Muhil rawh le, " Tiin a lu ah ka chul a, arawn thangharh laklawh anih chuan buaipui leh fe angai dawn tih ka hria. Che chang lova kan in en reng lai chuan ka bianga rawn vuanin min rawn fawp thut anih chu..! chhan let ngaihna pawh ka hrelo. In la hrangin min en leh renga, ka hmel hmu ngailo ang maiin min en chik em em lehnghal, mipa mah ni ila ka lai ve lek lek tep ani.


"Zodinpuia i ni tiraw? " Tiin ka biang chu arawn dawm leha, a mit meng pangai lo leh akut lum thar thar chu ka dawngsawng thiam meuh tawh lo. "Imm ni e, i mit hi chhing la, muhil tawh la, " Tiin ka thlem ti tih tawh a,muhil vat se ka duh takzet tawh ani. "Ahmangaihi kha i la ngai em? " A rawn ti pherh niai a, amitmeng pawh a hai chhap tawh. "Tunah chuan ngai love, mu tawh rawh aw, a tlai tawh lutuk ania, " Tia in lak hran ka tum chu ka nghawngah min kuah betin a rum ngher ngher a, ka tih ngaihna hrelo chu ka nui hak ringawt.


"hrilh tur che ka nei a, i thinrim lovang tiraw, " Rawn ti leh niaiin thei leh theilo chuan min en tawk tawka, men luih phet tum ani bawka, a in hmeh letling riau hian ka hria. "Imm sawi la, thinrim lovang, " Ka ti tha ve mai, hmeichhe rui ka hriat leh ka hmuh tawhah chuan min la tihlim ber maiin ka hria. "Bialpa ka nei miah lo ania aw, khapa kha ka bialpa ani miah lo ani , pastor fapa anih kha" Arawn ti niai a,ka awilo hmel chu ahrethiam nge a landan chu in thlak nghalin tah a tum ta mai.


"Kha thil kha chu sawi lovang, khawi mu rawh,keipawh ka mut a chhuak" Tih leh a kut lak thlak ka ruala, puan ka sin tir leh ruala min lo vuan bet leh nghalin min en leh kar a, tah chhuak in sum hmel ka hmuh tawh azawngah chuan ala in hmeh ber awm e. Chutah rawn tho kang deuhvin hnar harsa zet hian min rawn fawp leh chawta, a ruih vang nge a duhthawh in arum hak haka, mipa pangai tan chuan in sum reng chu har tak ani, ka fawh let ruala ka nghawnga min kuah leh chialin duhthawh em em chuan min fawpa, ka harh chhuak zawk chu ka in la hrang nghal.


Tunah harhfim lo leh pawisak neilo, ngaihsamna rilru aput laiin hetiang thil hi ka ti pui theilo, a hreawm ti ber tur leh inchhir tur ber pawh amah tho hi ani leh dawna, bakah hmeichhe rui lai em khawih chu ka duhlo, a harhfim zawk ka ni a, in control tur leh a dang tur zawk ka ni tih ka in hria. Mahse ka khawchhung za mer mer leh ka lungphu ri dup dup chuan min pawmpui lo hle tih pawh ka hai silo.


"He thil hi a dik lo tih i hria em, ka theilo Zonunmawii, duhtawk rawh" Tiin min kuahna akut lakthlak sak ka tum chuan duhlo tih hriat takin min fawp leh chawta, a kut lum thar tharin ka nghawng bawr vel achul kualna chu dan harsa khawpin ka taksa chu a danglam chaka, ka thawk rang lutuk leh Zonunmawii thaw lum hiam hiam chu in chawih tak hi ani ringawt. "I in chhir ang, hetah hian kan tawp angai, " Thaw halh halha ka tih chuan min chhang lovin min en renga, ka taksa pangai lo zet chu bengdaih ka tum hram hram bawk.


"Kal suh," Arawn tih tham tiak chuan chiang kek kawkin ka en a, rui viau mahse a landan erawh in awm sawn lo turin min duh hle tih ka hre thei, a chil lem khalin, "ka duh alawm" Arawn tih leh phei chuan ka meng káng dawr nghe nghe,a nui sen sen a, chil lem khawlha min rawn fawh chhunzawmin ka kawr hmalam kilh a phel thlakrual chuan in sum tur ka awm tawh lo.


Chutah chuan Nupa kan nihna ang ngei leh kan duhthlanna ngeiin alehpek awm thei tawhlo tur khawpa nasa in khumpui chu kan kai dun ta ani.


Keimah hi ka eng emaw riau ta anih chu mawm, I ni ve tho em?


Show post links
Top

[Ngaia]

LAVENDER - 17

Ka phone ri ral ralah chuan phak zetin ka tho chhuaka, Zonunmawii pawh ala muttui khawp mai. A sam hnawk niai leh a nghawng bawr vel val kalh chuan nizan thil thleng te kha arawn tharchhuah pui nghal uar uar mai.


"Sawi rawh, " Ham buai buai chunga ka tih chuan Jeremya chuan zawi sap hian "Nunui pi a boral,ka rawn call nasa tawh lutuk che u, Nunu i khan ahre tawh em, ka call a apickup theilo, " Arawn ti zung zunga, zingkar atanga ka thu hriat teh nuk chuan min ti rit luk nghal.


"Ka lo hrilh ang, ala mu a, tlailam flight a awm chuan lo ngaihven rawh, " Ka ti zawm zata, mahse alo book fel thlap tawh tih a rawn sawi zui hnu chuan kan dah nghal, buaina ber nita chu Pu Sangthanga hian Zonunmawii hi kal ve aremti kher angem tih lam zawk ani. Zonunmawii chu hreh tak chungin ka kai thova, apentawng bawk nen, alu a dawm rang khawp mai.


Han sawi tan dan mai pawh hrelo chuan ka ang zuai zuai renga, mahse zep chi ni miau hek lo, "va in bual harh la, Aizawlah kan haw angai, " Ka ti thla vei ngawta, ner nanga min en in, ameng zau kawk a, a taksa leh ka taksa vel chu melh kualin thil ngaihtuah niawm tak chuan achawl vung vunga, chutah a landan chu rawn danglam tan tanin puan chu ahmer khawm tawp tawp nghal.


"nizan khan... " A rawn tih dek dek rual chuan lo pawt chatin, "kha chu nidangah kan sawi dawn nia, va in tiharh hmasa rawh...ipi kha.. A zialo khawp mai, an kai harh zo tawh lova, a hun hnuhnung nan hman i duh ka ring, " Tiin nuam lo ti tak chung chuan ka sawi chhuak thei hrama, kan hmelma leh huat berte pawh nise an chhungte an thi tih han sawi khum meuh chu a dan adang zar mai.


Ka rin lawk ang ngeiin Zonunmawii hmel chu adanglam awk awk a, min ringhlel hmel te aphu thul, ahrilhai hmel lutuk chu han tih vak ngaihna ka hrelo, khatiang baka mawi hnaia han hrilh lah ka thiam der lo lehnghal, mahse a phone ri apickup ruala, a mittui rawn hnam tiam tiamah chuan a aia chiangin an rawn hrilh tih a hriat mai.


Ka tirh nawn leh pawh ngailo chuan a tho chhuak zui nghal a, bathroom lam pan mai atum chu ading leh rih, aroom anilo tih a hrechhuak ni chek tur nge a chapal chhuata let reng chu chharin a tlanchhuak zui nghal.


Keipawh inperh tho ve nghalin ka inbual zung zung a, thihna meuh hi chuan boruak alo keng ngàn ngàn khawp mai, hmun hla tak atang pawhin boruak rit lukin min bawh nghal tup tup a, thihna zawng alehpek awm thei tawh lovin atawp tawp tawh mai si, kan dan theih leh kan her danglam theih lah ani bawk silo, tu te chungah pawh a thleng theia, chutiang bawkin keini te pawh la boral vek tur kan ni.


Tukthuan pawh ei lovin Pu Sangthanga in lam kan panding nghala, Zonunmawii nen pawh inbiak loh tur ti niawm hrimin a tu amah chu tawng tum kan awm lo, keipawh tawng chhuah chakna ka nei lem lo. A lusun avanga han hnem dan lah ka hre der lova, a sùn ang angin sûn se, lo nghah tawp kha ani mai ka thiam chu.


"Hetah lo awm zawk rawh, " Car atanga chhuah ve ka tum lai chuan Zonunmawii chuan min dangin inchhung lam pan aruala,an chhungkaw rorelna leh zela lo tel chu keipawhin ka chak chiah chuang lo. Chutia ka nghah deuh chawrh chawrh lai chuan Ahmangaihi hnen atangin call ka dawng nawlha, pickup loh ka tum zet na chu ka pickup leh ta zawk.


"Adin, englo min lo pui hman hram angem, bawihtei hi zingkar atang khan a tap abang thei miah lova, a khua a sik awm ka hre silo, apum lam hi a nih ka ringa khawngaihin damdawiin ah min kalpui thei angem, ka nu lahhi i hriat angin ala tho kang thei meuh lova, taxi chu awm tho mahse ka hlau deuha, kan veng lam hi thil thleng neuh neuh a awm reng bawk nen" Tah aw tiau hian arawn ti a, atawng mawlh mawlh laite chuan nuate tap ak ak ri chu ka hre renga, ka biak pawh min chhang tha fum fe hman lo.


Rangzeta tlan chhuak nghalin Zonunmawii te chu an la rei deuh ka ring a, bakah Ahmangaihi hi mahni a khawsa leh mahnia inchawm ve mai ani a, Pa anei tawh lova, anu in la dam puiin a nau neih chungchang vel atang khan anu chu arawn chhuk thla a, mahse vairam boruak azo lo nge, amu bet chawt renga, rawn awmpui tura rawn kal si kha buaipui let angai leh ta zawk si anih hi .


Ka tan chuan ka hmeichhe duh hmasak ber leh a awm chhun ani ala ni a, a nunhlui chu engpawh nise ka thian tha anihna abo lova, kan inkar ka tih tawp avanga hawisan ngawt lah a ni thei ber bawk silo, kan hmangaihte chu an hlim kan duh thin an tih kha, tuna ka awm dan sawifiah nan chuan atawk mai ka ring.


Ahmangaihi nen chuan hospital lam panin kan tlan zel a, naute lah chu hmui duk vek khawpin a tah nasa tawh mai si, nu thinlung atang chuan hmangaihna leh hlauh thawnna alo piang lo theilo aniang nge Ahmangaihi chuan mittui tling teuh chungin "bawihte tap tawh lo hram teh," A ti deuh reng a, keimah nen pawh kan in be meuh lo. Hospitala ka dah fel hnu ah let leh nghal turin min ti a, lawmthu min hrilh awl lo ani ber, heihi ani hmeichhe dangte nena an danglam lehna chu.


Vairam traffic jam chu abawn theih zia in hriat vek ka ring, rilru hmanhmawh nen motor tawlh chak thei miah bawk silo nen chuan thin a rin tûn tawh. Mahse Zonunmawii hnen atangin call ka la dawng lova, pawna arawn chhuah huna min hmu lo anih chuan min call ve mai ka ring deuh tawp.


Gate sir deuha Zonunmawii lo ding ran tawh lam pan chuan ka tawlh hnai vata, min lo nghah rei hmel khawpin ka hria, nge a pu nen an boruak atha chiah lo zawk alandan chu ruah thimpui sur tur ang hlauh ani. "Airport lam pan rawh, " Arawn thu fel chiah tihah fiah tak, hnial hlauhawm zet hian arawn ti chang fiah rat a, keipawh ka tlanchhuak zui ve leh mai.


"Engkim atha em? " Rei tawk fang in be lova kan tlan ngawih dun ngar ngar hnu chuan ka ti chhuak ta nge nge a,ngawih kur reng zawng ahrehawm em ani. "Tha vek, " Rawn ti chhum hmuk tu chu melh zawkin aphone alo bih daih thung, ala thinrim reng anih ka ring. "A that chu, " Ti deuh tawpin ka ngawi zui leh daiha, tun ang renga Zonunmawii bula awm hrehawm hi ala awm ngai pawh ka hrelo.


"Khawnge ilo kal hman a, " Aw ki dam deuh zawka rawn tiin min melh zawka, ka lo en ve chiah bawk nen kan mit a in tawng fuh khawp mai. " thil pawimawh a awm thut a, " Ka ti ta ringawta, a chhan diktak sawi tumna ka nei hran lo. Sawi pawh ni ila a engah mah a thawk pha eih dawn lo tih ka chiang em ani. Airport kan thlen thleng a tu amah kan tawng lova, akhat tawka kan boruak hip thaw chhuak leh hak hak thin bak thawm hriat tur zu awm lova maw le!


Thlawhna a thlawk chhuak ta maw tihah Zonunmawii chu a thaw halha, a landan chu a danglam leh vek tawhin ka hria. "Enga tinge ilo kal ve" Min en ranin arawn ti a, zing atang tawhin pawmrem pangang ang maiin ka la zui dul dul reng bawk si nen a awm lo hran lo. "Chhiatna ah chuan kan in tawiawm tawn tur a alawm, ni lawm ni? " Ka ti tha ve maia, dik tak chuan amah maia kal tir ka remti lo zawk ani.


Min en reng avang chuan biak chhunzawmin, "ipu te an haw tawh ami? " Ka ti leh a,chutah Zonunmawii chuan alu bu lap lapin, "imm ka pu leh Asangi chu an lo chhuak fel tawha, ka pu khan ka haw ve chu a ngai alo ti kher lova, " Rawn ti ve leh in a thaw leh haka, "anih midang Zonuna te unau te, " Ka ti leh a, min en zawkin, "aw anni chu naktuk lamah, " Za lo zeta kiai suk chung hian a ti a, amaimit chhing zui daih bawk nen han biak chhunzawm ngamna chi ani pawn ka hre tawh lo.


Chutia kan ngawih dun reng lai chuan zawi sap hian"Ka pu nen kan in hau a, ka hmel alo hmuh hunah engtin nge min tih ang ka hrelo, " arawn tih rual chuan ka melh leh nghala, mahse vanvadak deuha awmin amit pawh ala chhing reng tho. Chuvang anih ngei ka ring a landan danglam vek leh rilru hah hmel taka a thawk leh halh halh thin ni.


"A tha vek ang, ka ngaihdan dik takah chuan i kal hi a tha ka ti, chhiatna thilah hi chuan an hun hnuhnung tala telve loh chu mahni ah inthiamlohna leh hrehawm tihna kan nei kumkhua duh a, bakah a àwm hrim hrim alawm, a tha vek turah ngai ang, " Ka tih chuan nui hakin, "i sawi dik,ka nu tih lohah chuan min ngaihtuah em em tu ania, ka nu kha thlahliam ve theilo mah ila, ka pi erawh hi chu engkim huamin thlah liam ve ngei ka duh, " A rawn ti chuai raiha, apu hmel hmuh chu a chak fahran bik lo tih leh, ahuphurh ve hle tih ka hrethiam mai.


Putar khirh leh mahni hmasial, rilru bung zet leh a thusawi tawh hnial hlauhawm khawpa pa timawh leh lunglian ngeng ngul pu nei miau hek. Mahse a kiangah ka awm reng anga, engtin pawn tise Zonunmawii lam tan ngei ka tum rilru sa viau thung. Hetiang hian ka pu hian tive nise Zonunmawii tih ang hian ka tive ngei bawk ang.


Lengpui kan thlen rualin taxi la in kan tlan chhuak leh nghala, Zonunmawii pawh a awm mai mai thei tawh lo a phone chu abeng nen a in chuktuah kawng tluana, kei erawh driver nen titi phungleng vawrhin kan hmanhmawh vut vut chhan te chu kan sawi kai zel a, nu leh pa nei tawh lo, afarnu nen chauhva lo khawsa an ni tih te nen lam rawn sawi chhuak ve in kan titi tui phian mai, kum lamah lah keiai ala naupang zui leh zel nen, a puitling reuh ka tiin,a kawm tlak zek a, mi hawizau pianpui BA finna nei kan tih ang chi kha a ni ve hian ka hria.


Zonunmawii te inkawt kan thleng chu lirthei atamin, ding leh veiah a in tlar phei dul a, YMA nula leh tlangval lo phu suau suau te,nu leh pa, pitar putar te chena tawrhpui tura lo kal te an tamin,rilru pawh athlamuang lo theilo, mizote tlawmngaihzia a takin ka hmu ve ta ani.


Inchhung kan luh hma atang tawhin tap ri leh zai ri in min lo hmuak tawha, inchhunga ka pen lut tur chu ke pen a sak duh talh talh khawp mai. Zonunmawii meuh pawh insum tur a awm tawh lo, a tap rawi rawi a, Samueala leh Asangin an lo vuan nghal vat bawk. Kei erawh ruang kil tho siin, a sir lam deuhah ka thu a, Zonunmawii tap ri mawlh chuan thinlung a fan raih mai hian ka hria.


Pu Sangthanga pawh a mit a hnawm ve chhapa, kan in lan thut avanga ahmelah danglamna em em awm lo chuan min ti thlamuang ve deuhin Zonunmawii tan tak pawh a hahdam thlak ka lo beiseipui rilru hle.


Zonunmawii pov.

Kan lusun atang kar hnih meuh aliam tawha, mittui erawh ahul thei meuh lo chu ani. Nitin zantin ngaihtuah loh lai ka nei ngai lova, keimah lo ang takin ka mittui pawh ka seng nasa tawh viau bawk. Ka pu tan chuahva ka mittui tla tura ka lo rin thin kha alo ni reng reng lo, atak ngeia ka lo la tawn loh vang zawk mai ani.


"Bawihi, chaw i ei tawh em? " Rawn ti tu ka pa àw ka hriat chuan ka hawilet a, ka pa hmel ngui ngiai leh pawr niai chu hmuh nuam tak zawng anilo. "Bawihte, i tha maw, " Tiin min rawn pan hnaia, tun hma a min biak fo dan, ka ngainat ngai hauh loh thin kha, tunah erawh ka mittui koh chhuak tu ani tawh zawk a, amitmeng leh a tawngkama min ngaihtuahzia ka hmuh thiamna chu ka zah in, tun hma a ka lo awm khum thin dan avangte khan ka zakin, hrehawm ka ti ngawih ngaiwh.


He thil tak hi ani tun thlenga min la uap ngut ngut tu chu, ka nu lakah khan that ka chhuah ngai lo, mahse khati chung khan ani erawh chuan min ngaihsak a bansan lova, min ngaihven reng thin tih kha haider luiin ka mit leh beng ka chhu ngawng lui tlata, an thusawi te kha ka beng lehlamah ka chhuah tir nghal vek thin. Mahse ka nu erawh ka lakah beidawng duh lovin atawp thlengin min venghim a hlah hauh lo, tuna ka duh ber chu vawi khat chiah a thlarau chauh pawh rawn in lan se, ngaihdam dil a, ka khawsak khum thin avanga thupha chawi ka duh bawk.


Min hmangaih leh min ngaihsak a hlah ngai miahlo avangte khan lawmthu hrilh theih a, vawi khat chiah a kut vawna, kuah leh bak chak ka neilo. Mahse ka tlai tawh si.


"Pa, in chunga ka awmdan thin avang khan min haw viau em, " Ka ti lawi rata, ka pa chu ka kuah zui nghal thlawp ringawt. Sawi tur chu ka ngah mahse ka ngam ngang bawk silo, hrehawm ka tihna alianin ka zak em em hi ani tawp mai. "Bawihte, i tihsual a awm reng reng lo, keima thiam loh vek zawk alawm, i naupan lai atangin ka dah hrang che a, ngaihdam dil zawk tur che ka ni alawm, " Arawn ti a, a tawng a sak ve talh tih ka hria, ka naupan lai a rawn sawi chhuak chu zawh tur leh hriat duh ka ngah em avangin ka pa chu ka en nghal vata. Engkim abul atanga hriat vek ka duh.


"Pa ka naupan laia in bula ka awmloh chhan chu min hrilh rawh, chuan ka nu khan a uire san tak tak che em", ka ti sapa, ka tan pawh sawi nuam ani bik lo mahse hriatchian ka duhna in min luah khat hneh em a, eng thu pawh nise ngaithla turin ka in peih at tawh. Ka pa chu thaw halhin a tawlh hnung deuhva, pawnlam chu thlir vung vungin a landanah chuan sawi a hreh hmel ngawih ngawih hian ka hria.


" Pa min hrilh rawh, "ka ti leh a, zawh chhuah ngei ka duh. " I nu kha hmeichhe tuar chhel tak ani. Nu leh pa nei tawh lo achungte bula seilian ania, achhungte lah kha pawisak neilo, an pa ber phei chu dawi lam khawih thin ani nghe nghe, engtin nge ipu nen hian an in hriat ka hrelo, chuti chuan inu nen khan kan in nei ve tawpa, inhresa pawh kan nilo, mahse inu khan nupui nihna engkim a hlen veka, keimah zawk hi ani sual chu, inu ka huat em avang khan ruiin kut hial ka thlak thina, hmel pangai hi apu ngai lo tih theih ani, "tiin a tawp data.


A thaw lak asak talh danah hrehawm ati thar hle tih ka hria, keipawh min thawng takzet. " I nu kha Christian sakhua vuan tu ania, a tawngtai te kha ka phal ngailo, i hria anga Burma ah chuan dawi thil atamin sualna tinreng khan min hual vel ani ber mai. I nu kha achhungten haw let tawh ngailo turin an ti a, an tui thlar tihna anih chu, khati chung khan a tuar tlawk tlawka, kalna tur neilo fahrah ani tih ka hriat lek lek phei kha chuan ka ti duhdah zualin, chhiahhlawh en in ka en hi a ni tawp mai, sawi tlak pawh anilo, "arawn ti chu ka in sum thei tawh lo ka tap chhuak hawka, ka pa chu ka haw lek lek dawn te hian ka hria.


" Chuan engtin zel" Ti tiau in ka in hmer ngawt ngawt a, ka rin ang alo ni si lo, hrehawm ka ti tharin ka tawt ngawih ngawih a, boruak rit zet hian min delh ni mai hian ka hria . "Mizorama kan pem hnu khan, zawi zawiin ruihhlo ka thlaha, mahse vawi khat chu ka rilru tina em em tu thil ka tawng ta, chu thil chu inu ngaihzawng hmasa Adina pa i Pa Sawma saw mizoram ah an rawn pem thla ve tih kha ani.


I pu te inhuatna hi kan pian ve hma atang daih tawha lo awm tawh anih avangin khatia inu ka neih chhan pawh kha lehlamah chuan I pu Sawma nen an in ngaizawng tih ipu hian ahria a,keipawn ka hre tho,inbei tawn leh in kher tawn reng kan nih avangin keipawn ka nei lui a, ka chhuhsak tihna anih ber chu. An han in hmu leh kha in hmelhriat sa ta chu in biak loh ngawt a theih lohva, bakah in er tawn reng kan nih avangin kan in hmu zing ta em em a, kha hun kha remchangah la in inu kha uire chhuahin kan chhuah ta ani.


In chhungah khung betin ipi nen khan an awmdun chawt thina, an tawngtai fo te kha ipu nen hian kan zilh hau nasa thin. Mahse huaisen takin an ti lui zel tho, engtik laiin nge ka hrelo inu kha ka ngaiin ka hmangaih zia ka hre chhuak a, a tawngtaina rah ani tih ka hria.", tiin min nuih saka, ahmelah chuan ka nu a chhuanzia ka hmu tel thei, ka rinloh lam hlir a nih avangin han sawi mai tur leh, han zawh leh tur pawh ka hre tawh lo.


"I rawn pian khan inu khan Pathian kutah a hlan che a, keipawh ka hlim lutuk, mahse ipu kha ka hlau vin ka naupan lai atang tawh akut tuar leh azilhhau na kara seilian ka ni a, ipu zia chu i hriat hi.. Naupang rilru kha a sù hneh em a, benga ka hriat hnem ber kha anih thin avangin ka than lenpui lo theilo, thil sual leh tha lo tam tak min zirtir a, min sal chhawr ani mai, tichuan ipu kiangah kan dah che a, inu nen burma lama letin, ipu min tih tir ang ang kha kan ti thina, a rem tih hunah kan rawn hmu thei chauh thin che ani.


'Bawihte inu khan engmah tih sual aneilo, atih sual chu keini ang chhungkaw mo arawn ni kha ani, " ti sapin hmalam chu a thlir vung vung a, sawitur ka hre tawh lo, ka lungawi loh pawh ka hre lova, ka hahdam hawkna pawh ka hre chuang lo. Ka rilru amang veka, bawm ruak ang chauh ka ni tunah chuan.


"Ka rawn tibuai cheu em? " Tia Zodinpuia aw rí ka hriat chuan ka hawilet vut a, ka rilru a rawn lang hmasa ber chu apa leh ka nu kha in hmangaih tak, mahse ka pu leh ka pa thil tih avanga awmdun theilo, pawh then anni tihhi a hre ve reng tawh angem tih ani. "Adin, lo kal rawh, buai love pa fa in kan lo titi dun mai mai ania, lo kal rawh, lo kal rawh, " Tiin ka pa chu a chhuak zui daiha, ka pi boral buak velah Zodinpuia reng ka lo ngaihven lem hauh lo, hetah ka awm chawta, ani erawh an in lamah a khawsa thung.


Nitin arawn inlan ve thin tih chu ka hre tho na in kan in be lem ngai chuang lo , "Zanin chu kan chhuak harh dawn ami", arawn tih chuan ka hawina atanga ahmel en lehin a rawn luh khan ain thuamna ka lo enchiang hauh lova, chutia min rawn dinhnaih takah chuan a in hmeh zia ka hmu chiah.


Thlasik boruak anih avangin high-neck dum plan leh achungah pawh over coat dum plan bawk in belin a kekawr pawh adum tho a ha a, pheikhawk rah nat hmel em em a mah nena in rem zet adum tho abawn bawk. A dum veka a inthuam chu khawi emaw lai fianrialah hmu thut ila hlauvin ka rak tuar ka ring. "I peih em? " Tiin a sana bun chu amelh leh zeuhva, khua ala thim chiang lutuk bawk silo ka peih leh peih loh pawh ka hrelo, ka rilru ah engmah ala lut thei meuhlo ani.



"Chaw i ei tawh em? " Arawn ti leha, min en reng tih ka hriat avangin ka en let duh lem lo. Ka hmaizah thar em em ringawt mai ani. "Ei tawh, " Ka ti deuh tlawnga, ka chhang bul lutuk te chu nuam pawh ka ti chiah lo. "Thinrimna kan nei em? " Arawn tih leh chuan za lo lutukin ka nui hak ringawt. Hrehawm ka ti zawk tihhi a hrethiam hauhlo anihhi..


"Neilo, engtin mah ka awm hleinem, " Ka ti tha ve maia, alu bu lap lapin a thawk chhuak leh ham ham nghal "anih chuan vak harh ang, zanin atan ka bialnu ni la? " A kekawr ip zen tat chung chuan min melh karin mawi em em hian min nuih sen sena, amit ko min san khum a rual zat bawk. Keipawh chuan ka hnial zui ta lo, han chhuah harh pawh a pawi lova ka hriat vang ani pakhat a, in khung chawrh chawrh ai chuan pawnlam boruak te pawh hip ila ka veng ve hawk mahna le..


Zandar 7 velah Bike a in phur chhuakin ka in tuam lum tha viau a, zan ala rei chiah loh vang nge a vawh dan pawh ala tawrh theih viau mai hian a hriat. Khawilam nge kan pan ka hrelo ka sawi tawh ang khan rampawna awm tam zawk ka ni a, Aizawl leh Delhi ngei ngei pawh hi kan in awmna ka hria tih loh chu hriat mumal ka nei lem lo.


Bike ding data chuan ka hawichhuak vata, Zodinpuia chu thlek nghal vutin kan kianga bike dingte nen chuan an in hria tih an inbiak zawm danah alang reng mai.


Bike pahnih chu tlan chhuak hmasa in an bialnu te nge ka hrelo an phur ve ve a, angaihna ka bo takzet tawh, Aizawl khaw chhung fang mai maiin dar 8 velah kan let leh mai ka lo ring a, mahse chutiang erawh anih hmel pawn ka hre tawh lo. "Ding teh, Zodinpui ding lawk teh, " Tiin a helmet ah chuan ka beng thek theka, ading chhunzawm ve mai.


"Eng nge ni a, i pheikhawk i thlauh leh em ni? " Tih leh kan tlansan tak kan hnunglam chu rawn thlekin ka ke lam chu a rawn melh thla lehnghal a, hmàna ka chapal ka thlauh kha ala hre reng anih ka ring. "teuh lo, khawnge kan kal dawn, " Ka ti nghal tawpa, anui nghawr dat chu ka hre zui zat nghal. "Thil thlauh i nei emaw ka ti hman alawm, Chhana te Cafe-ah, kan kal thei em? " Tiin min rawn thlek a, amit chauh ka hmuh theih avangin a hmel awmdan tur ka ngaihruat thiam lo.


"Aw, mahse haw hma ka duh ania, " Ka tih leh chuan bike chu off thi zui hmakin a rawn thu ngila, ahelmet phelh thla in chiang fahran hian min en kur anih chu.. "Enge? " Ti haw in ka en ve kara, a hmel chu ka sawifiah thiam lo. "Thil dang duh ila nei em?, sawi hun lai tak" Arawn ti chuai ruiha, ka ngei lutuk chu alu ah nem bu lawpin ka melh rawm rawm nghal. Zodinpuia lah chu a nui suk duh lek chauh a, ka ngei hi ani tawp mai, sawi dan vak pawh ka hrelo.


"Haw ang, ka kal ve peih lo, i kal duh anih chuan min thlah let hmasa la, ikal leh dawn nia, " Tiin ka tum zui hmaka, aruala ka lo chhuak ve kher kher chu ka inchhir ru viau tawh, hepa tawngkam chimawm thei zet zet bulah hian awm tam lo ila ka hahdam ni mai tur. "Zonunmawi kan tlai viau tawh ania, " Tiin hahthlak min tih hmel niawm fahran hian athaw leh kawka,a àw chu a zaidam viaua mahse chungte hlei hlei chuan min ti lunghnur zual zel zawk.


"Anih chuan min dah let la, i kal leh mai dawn alawm, " Ka tih chuan min chhang tawh lovin a helmet akhum tha sauh sauhva, ka thu ding ur tawh chu ka kut a rawn manin a kawngah chuan min kuah tir a, ka phel leh rual chuan nghet zeta min man betin, "i tla ang, min kuah rawh, avawt bawk si, " Tih leh bike chu ti nunga thlan chhuah a ruala, min ti lui nge ahma zawng aia tlan chakin, boruak vawt kan nek phei tak tak chu ka hmai te hi vur hlawm nen a danglamna ka hre lo.


Cafe kawt kan thlen chuan pawnah lirthei inhung a lo awm neuh neuhva, zan ala reilo bawk nen customer an la awm tam viau ka ring. "Kha heihi awrh rawh a vawt iti anih kha, " Tiin Zodinpuia chuan a muffler awrh lai chu min rawn awrh tir a, min din hnaih lutuk chu ka zam ru tlat pek.


Cafe chhunglam light éngin min rawn kah pha lo deuh na in hmel erawh kan inhmu thei vek a, athawk zawnga boruak rawn khu chhuak ham ham thin te chuan ati lang pa ngawih ngawih mai hian ka hria. "Zanin chu in ve suh aw, " Tia rawn phun sapin ka kutah avuan a, bike khalh tu zawk si kha akut alum vung vung mai, nidanga ka awm thin ang lo takin nuam ka ti a, hnar ngaihna ka hrelo, ka rilru chhungril hi a hlim veng veng ti ila ka sawifiah berin ka ring.


Ka rin loh ang daihin cafe chu kan kalpel phei zel a, inchung panna step lama min kaih zel te chuan ka hawi hai lutuk ringawt. Inchungah chuan nichina a thiante ho kha an lo thu thap tawha, kan thleng chu min lo be bawrh bawrh in a in kawp te te chuan kan thu hrang vek a, dawhkanah in tur alo in chhawp diam tawh bawk.


Zodinpuia chuan a hmaa no in thli khat sa chu tlak nghal papin min rawn nuih suk arual a, ka beng bula rawn thle hnaiin, "zanin chu in ve suh aw, " Arawn ti leha, ka in chu ahlauh hmel ngawih ngawih hian ka hria. An ti ti ngaithla in akhat tawkin ka zawm ve leh thina, kei tih loh chu zu no an dawm far a,kei erawh theitui ka dawm reng thung, ka kut lehlam lah Zodinpuian vuan bet rúnin acoat ip chhungah a zen lut hmaka, kan in thut hnaih bawka tumah chuan an hriat ka ringlo, lo hre ta pawh nise keini pahnih aia in kuah uluk fe fe te an ni hlawm a, a tu amah kan in care lo.


"Toiletah ka kal duh, khawiah nge a awm? " Tiin Zodinpuia chu ka be ru sur sur a, ka zun chhuak lutuk chu ka za chuai chuai tawh. "Sawtah sawn phei la , alo awm mai ang kalpui kher i duh em? " Tiin nuihza insum hmel tak chuan arawn ti a, ka melh hrawk nghal.


Reilote emaw ka tih laiin alo tlai chak khawp mai, mahse kan thiante erawh an la phur thar dawn chauh tih an thawm athat danah a hriat, Zodinpuia pawn nuam ati tih ka hai lova, haw tura sawm chhen pawh nuam ka ti tawh lo. In chhung kan luh atangin vawi 3 lai ka sawm tawha, sawm nawn leh a nuam tawh lo em ani.


Muthlu chhungin ka edita a mawi hnailo viau in ka ring..


Show post links
Top

[Ngaia]

LAVENDER

Zonunmawii pov.

"Adin, Nunu in duh hunah mu ve tawp ru aw, keichu ka thei tawh lo, " Chhuana chuan rawn ti bui buiin a bialnu nen chuan room lamah an chho hrang daiha, he cafe house hi chhawng thum ani tih kan sawi leh hram ange.


A hnuai ber chauh hi dawr ani a, achung pahnih hi chu eng emaw changa riah nan zeuh zeuh chiah an hmang thung tih zanin khan Chhuana khan a sawi a, room hi avaiin 5 lai a awm ani awm e. "I mut a chhuak tawh em? " Tia min zawtin Zodinpuia chu ameng sí lapa, aruih hmel takzet, chutia min zawh lai chuan Lianzuala leh abialnu pawh room lam panin an chho ve nghal a, Zodinpuia nen chauh kan awm tawh.



Inhnuai cafe lah an reh thap tawha, a awm lo hran lo zanlai a ni tawha inkhar a hun tawh em bawk ani. "Chhuak e, haw ang khawnge chahbi keiman ka lo khalh haw mai ang, " Ka ti hlak hlaka, a awmdan en chuan haw a peih loh hmel ngang mai, tu hmel hmai mah ven thawn tur a awm tawh lo bawka, han rik hluai pawh ka in peih leh viau tawh.


"Duhtawk teh, aza ania, " Tia indangin akekawr ip vel ka dap bawrh bawrh chu alo duh lo nasa mai bawk si "Zodinpui, atlai tawh haw ahun tawh, helai hmuna riah hi ka tum reng reng lo ania, " Ka ti leh thata, ka àw pawh a zawi lem lo, inchunga awm te pawn an rawn hriat phak ka ring chiah lo. "In sum rawh, lungphu thalo ka nei ania, min vin leh chuan ka thi thut anga, i tal buai viau tur asin, " Tia min rawn din chilhin min nawk kual né né a, arim ana in a chatthla thei mai dawnin ka hria.


"Khawimaw awm sawn teh, vin i duh loh chuan chahbi min pe rawh, " Ti lehin ka melh kara, ka lungni tawh lo lutuk chu kut ka thawh mai loh nan ka in sum ngar ngar tawh. "Ai, hetah riak ang, kan haw chuan kan riak dun thei nang, " Ti nui nuiin min hnaih hruta,zãwi zeta min rawn kuahin a taksa lum vung vung chu ka taksa hian alo hre hmasa leh ber tawh.


"Heta min kalpui chhan hi, " Ka tih lai meka min rawn pawt chatin, "riah dun ka duh, ka ngai ve che alawm Zonunmawi, " A ti nuap nuapa, ka chhang let hman lo min pawm kang thutin ka hmuiah min fawp zeuhva, dan ngaihna leh in rin hmanna hun pawh min siam sak eih lo. Min thawn lutuk vang nge pawh ka hrelo dan tumna ka nei lova, min tih ang ang chuan ngawi rengin ka dawh tawp mai ani.


Khumah min nghat thla in min si chet hian arawn mu zui zata,ka tlan chhuah hlau ni awm takin min pawm bet tlat bawk. Ka la tawng hauh lova, chutiang bawkin Zodinpuia pawh a tawng chhunzawm tawh lo, amuhil nghal aniang tih turin a thaw ri sek sek a, a chau viau anih ka ring ve tawp.


"Min la hua em? " Rawn ti sup thawmah chuan ka meng chhuak zui nghala, kan ngawih dun rei em avangin amuhil emaw ka ti hman tawh hial kha ania, mahse alo la muhil bik lo anih chiah hi. "Ngati nge min zawh, achhanna tur chu i hresa lo ami? " Ka ti sapa, mahse diktak chuan hepa hi ka haw pum hlum tawh lo, mahse chu erawh a hriatthiam ka duh silo.


Ngainatawmna riau hi anei a, akianga awm pawh nuam ka ti tih ka in hai lo, ka duhin ka hmangaih chu ka la ti ngam lo, mahse ka tum hauh lovin ka danglam telh telh tawh tih ka in hria Zodinpuia vang hian..


"Min la hua tihna.. keipawh hian ka la hua che alawm, mahse ka ngaina tho che sia, hmuh che hi nuam ka ti a, min vin bur bur dawn mahla pawi ka tilo,min kalsan suh aw" Arawn ti bah niai a,peih lo chunga tawng lui hram hram hi ka chan ber. A tawngkam tawp ber avang chuan ka nui deuh suka, min kalsan dawn lo anih chuan kalsan hmasak tumna rilru ka lo nei ngai hauhlo tih nen lam ka in hrechhuak leh chiah..


"Kan inkar hi enge i ngahdan? " Rawn ti zui leh sapin alam hawi tur chuan min kuai her a, keipawh chu ka hawi ve mai. "Ka hrelo, atha ka ti", ka ti deuh tawpa, kan in en chiang bawka ka lai ru viau tih lah ka in hailo nasa. "Mipa leh hmeichhia in hip tawnna vang mai mai anih i ring em? " Ka biang nul kual chung chuan a ti sep sep a, chhan mai ngaihna ka hrelo, ani ti dawn ila amah ka ngainatna te hian awmzia a awm dawn lo tihna ani bawk si.


"Zodinpui" Ka ti hman awr min pawt hnaiin min fawp vawng vawng a, a àwm zawna ka lut chu rawn hum hnanin a rum zui tiah tiah a, a beisei ka hria, keipawh hian ka duh tih ka in hria, mahse kaltlang pui lo pawh nise pawi tihna ka nei chuang lo. A chhan chu harhfim tha pangai ka ni miau a, zahna leh zàmna in min hnawh khat mup mup bawk nen tui lai rap meuhin ka awm.


"I duh lo chuan nawrluih che ka tum lo ania, " In la hrangin a phun chhuak sepa, ka mitah pawh en lo chuan ka hmui lam ringawt chu amelh tlawk tlawk a,kanin hnaih em avangin a tawng zawnga boruak lum hak hakte chuan min ti za mer mer thei, ka hmui chu akutin a nul kual zui ne ne renga, tui hal ang maiin a chil alem ri leh khawlh thin.


"I duh em? ", rawn ti leh sapin min rawn bawh ti tih nghala, ka danglam tih ka pha lova, ka hnar theilo tih pawh ka fawh hmasak avang hian a hriatthiam nghal vek ka ring. Hetiang em em hian mipa leh hmeichhe in hip tawnna hi alo nasa ang tih rin ngaihna pawh ka hre lo, ka khur dar dar a, ka kawchhung chu a za mer mer bawk a, chawp leh chilhin thawk a rang nghal hak hak bawk.


A hnu leh engmah ngaihtuah theih ani lova, rilru a chawmawlh vek ka ti mai. Ramrí kham chin awm lo lekin kan khawsa dun ta nge nge a, a tu ve ve pawh in dang thei kan awm lo, kan ko ham dun ngat ngat khawp mai.


Ka thangharh chuan Zodinpuian min lo la kuah deuh chiala, a sam hnawk niai leh a hmel fai sar chu ka en reng a, sualna ka hmu huah lo, a mak ka in ti hetianga ka danglamna leh ka nun chhungril hahdam veng vengna hi tun hma khan ka nei ngailo, mahse ka nu ka chàna ka rilru hnual lai berin ka pi khan min kai hruai a, Bible leh tawngtai min zirtir a, kha thil khan min chàwm ka tilo theilo.


Engkim a éng zawnga thlirdan min zirtira, ka mit hi a del lo,mahse mitdel te hi vawi leh khatah rawn hmu vek thei thut ta se,chu tiang ang vel chuan ka khawvel thlir dan thin kha alo dik lo hle tih ka hmu fiah uar a, ka thil ngaihtuah dan leh hmelma ka insiam dan te, phuba lak chakna leh mi ka huatna so sang thei lutuk kha adiklo tih ka in hmu chhuak ka ti mai.


Mahse naupang tet atanga ka chhawm, ka zia leh ka nundana bet tlat tawh ani a, kalsan mai chu aharsa ka la ti fan, mahse engtik ni ah emaw chuan Pathian zarah ka la kalsan vek ang. Hmelma ka nei tawh lo anga, hahdamna nun diktak ka la nei ngei ngei ang tihhi ka beiseina ber ani tawh. Ka nu leh ka pi duhdan chiah pawh anih ka ring.


Ka in ha fel deuh chiah ka phone rawn ri avangin ka kalsawn deuha, room erawh ka chhuahsan lo thung ."Nunu, khawnge i awm ilo haw vat angai, papuia leh ka pu an in hau nasa lutuk, " Samuelan arawn tih chuan ka phu dawr a, sawi leh tur a awm lo, Zodinpuia chu kai tho nghalin thil awmzia ka sawia, thian dangte pawh hrilh hre hman lovin kan tlan haw nghal.


In kan thlen chuan hmanhmawh takin ka tlan luta, Zodinpuia lam ka hrechang tawh lo. Samuelan min hmuh rualin ka pu room lam chu alo kawk nghala, mahse va pawh dawt chu ka ngam bik chuang der lo. Kawngkhar ka vuan de de hman awr ang, ka pa chu thinrimna vanga hmaisen tawl tawlin arawn chhuaka, engmah sawi lovin a kalsawn zui nghal.


Tih hmasak ber tur ka hrelo, mahse ka pa awmdan kha a that hmelloh zawka ka hriat avangin ka pa kalna lamah chuan ka tlan vata, varenda kan siamah lo dingin vawn tur kan siam chu a vuana, ala thinrim hmel khawp mai.


"Pa eng thil nge thlenga, " Ka ti chhuak deuh tawpa, abak han zawh dan vak ka hrelo. "Engthil danglam vak mah nilove, kan pafa inkar bik ania, nizan chu in hmang nuam maw, Adina hi mipa tha tak ani' ati asin inu khan, adik in ka ring, i Pa sawma a chhun phei chuan mipa rintlak leh rilru nghet tak ani ngei ang, " Tiin a sawi kual deuh duaha, min hrilh a duhlo niin ka ringa, ka zawt lui duh bik lo.


Inchhung kan lut leh chu Zodinpuia leh Samuela an lo thu dun kur a, a rawn lut ve tih ka hre chiah. "Adin hetah chaw ei ve nghal rawh u aw, bawihtei pawh hi i hruai haw thei tawh ang chu, pasalte in lama awm loh reng zawng amawi lo e mai, hetah in awm rei thei awm silova " Ka pa in ka dara min rawn kuahin arawn ti a, eng eng emaw sawi zuiin tukthuan kan kil hova, ka pu hmel erawh kan haw dawn thlengin ka hmu ta lo.

Ka pa ka hmaizahna avangin Zodinpuia pawh ka zui haw a, an in kan thlen hma atangin ka huphurhna leh ka zamna nasa lutuk chu kir leh mai ka duh rum rum hial, mahse thil pangai ani meuh silo.


"Ehe Nunu i te chu, in lo haw dun thei tawh ani maw, " Pawna Pa Sawma lo ding reng chuan min hmuh rual rualin alo ti zung zung a, tawi zetin ka nuih let ringawt. A hmel ka hmu a, ka nu nen an thil lo paltlang zawng zawng avang khan ka khawngaih thar em em a, mahse ka pa sawi ang khan mipa rilru nghet tak ani tih chu ka pawmpui viau tawh.


Nu Rki pawn min lo lawm thiam in min lo be bawrh bawrh a, kan nu leh pa te inkar hi chu chuti em em a chhia ani lo tih atak ngeiin ka hmu leh ta. "Thil sawipui che ka duh" Room kan luh rualin ka ti chhuaka, Zodinpuia pawn min en rang khawp ngang mai. "I nu leh pa te lakah hian khati khan awm tawh suh, " Ka han ti bawl mai chu Zodinpuia landan a dang nghal awp awp mai.


Ka sawi dik nge dik lo chu ka hrelo, ka in rawlhna tur ani nge nilo pawh ka hre chuang lo,mahse tunah ngei pawh kam khat pawha be lovin room ah min hruai chho hmaka, kan in biak laklawh lai tak ala ni zui bawk nen, zan khat mitchhin tawk thei vek kan ni a, ka nu laka ka inthiamloh ang hi Zodinpuia hian nei ve lo se ka duhpui em ani.


Nun hi ahlu a, mahse dam hlen tur kan awm chuang lo, nu leh pa emaw pi leh pu emaw, u leh nau,chhungkhat laina hnaite leh thiante chunga lungawilohna nena nun hman hi mahni hreawmna kan insiam a, mahni leh mahni kan in sawh thinrim mai thin. A boruak vaw daitu nih tum hi mi puitling zia ani a, a harsa lutuk tih chu ka hria, mahse tum chuan kawng a awm an tih thin kha.


"Ka awmdan hi min hmu ani lawm ni? Hetianga awm ve tur hian ka duh lo che," Ka ti leha, ka thinlung tak takin ka sawi. "Engtin vak nge ka awm a? " Min melh khui khui chunga arawn tih bui bui chuan ka thaw halha, ka thin erawh a rim hran lo.


"Ka nu laka ka inthiamlohna, hreawm ka tihna leh mahni inhuatna ka neih ang hi nei turin ka duhlo che, mihring chu zan khat thil thu vek kan ni tihhi hre reng rawh, tunah an la dampui che a, i ngaih ala sam mai mai anihhi, " Ka ti deuh hrepa, hetiang thu ka sawi hi kei chang nilovin Zodinpuia pawh hian mak a ti tih ka hria, mahse engtin vak mah min chhang let lovin, "ni e" A ti deuh tawpa, a bak sawi leh tur pawh a awm chuang lo.


Nilengin dawrah ka awm a, Zodinpuia erawh eng nge a tih ka hre lo, Chrismas a hnai chho zela, mipui vei vak an tamin eng dawr pawh alun mup mup khawp mai. Keini phei chu restaurant anih avangin lut chhuak leh eitur lo order an awm renga, thutna changlo pawnlama lo ding an awm deuh nuk bawk nen ei man pe lova kal chhuak ru ta te pawh an tam ru viau ang, hmuh sen an ni lova, camera te chu dah ve mahila vil hman ani lo, mahni buai buaiin ka buai vel vek mai ani.


"Thiannu, ih i number min pe phal em? " Rawn ti dek dek tu chu ka en vata, ala naupan hmel khawp mai. Hmingtei nen kan thut dun avangin Hmingtei chu arawn nui chhuak hawka, "pasal anei tawh vala,i thiannu rual pawh kan ni tawh lo ania aw,ka fapa nen in in rual hial ang ka ti" Arawn ti let er a, ka lo zak ru chem chem mai, chupa lai leh a awmdan laklawh lutuk chu ka khawngaih letling zawk. Engmah sawi zui lovin a chhuak daiha, pawn lama athiante ni ngei tur ava pawh chuan eng emaw sawiin an rawn hawi let thapa, nuam lo duh tak ani.


Zan dar 7 velah ka haw a, Zodinpuia erawh alo leng chhuak hman leh diam tawh, Pa Sawma leh Nu Rki te nen kan in kawm mai maia, Nu Rki pawhin ka nu te nunhlui chu alo hriat vek tawh thu te rawn sawi chhuakin kan ti ti a tui khawp mai, ka nu ka chhuanna leh a tawrhchhelh zia ka hriat belh zel a, ka tap tawh lo, ka hlimin ka nu fanu a ka lo piang chu ka inchhuang rilru viau tawh zawk.

Zodinpuia erawh an la hrilh hre ngam ngang lo alo ni a, hrilh ni tawh ang se hetiang em em hi chuan anu leh pa lakah hian ahal ka ring chiah bik lo, rilru neilo ani bik lova, amah ngei pawh ahmangaih kalsan tura apu in a tih ani ve thova, apa nen pawh an dinhmun in anna lai a awm a, ahrethiam viauin ka ring.


Ka taksa rawn kuah tu leh ka beng bula rawn thaw lum hak hakah chuan ka mangram atangin ka thangharh a, "ka ti harh che mi" Tia Zodinpuian àw ka hriat rual chuan ka nui suk ringawt, ka kawr chhung arawn zen lut ruai ruaia, ataksa lum dan chu apangai pawhin ka hrelo.

"Nang hi, " Tih leh inher ka ruala, Zodinpuia chuan meng lui tawk tawk chung hian 'enge' Ti nawm in amit ko min san khum a,a pang deh ka rual nghal thung,a mit a meng diar diar a, zu rim a nam deuh na in a ruih viau erawh ka ring lo ve tawp.


"Nawm sam lohna i nei em, i sa lutuk" Ka ti tawpa, mihring pangti sa chu ani thei pawhin ka hrelo. Zawitea alu thing mat matin, "muhil ang ka chau lutuk, " Tih leh min kuah nghet sauhvin keipawh ka in let leh maia, ka dula a kut lum vung vung anghah reng avang chuan pangai pawhin thawk ka la theilo, min ti harh hmasa te te in ani erawh a muhil zui nghal mai tih a thaw lak muang fan raihah chuan ka hre thiam.


Tuna kan awmdan hi a ahma ai thlawt kha chuan a zia in, nuam pawh ka ti, inhnial, inbakkaih leh in nghir ngho renga kan awm thin kha reh tial tialin kum khat chuang meuh kan chendun takah chuan boruak a inthlak ve hret hreta, kan in duh tawnin kan in hmangaih tawn tihna ani chuang lo, nu pa tura ruat kan ni em pawh ka hrelo, mahse eng emaw vangin lo inthenin kan chhungkaw vangin lo in er kumkhua dawn pawh ni ila Zodinpuia ka ngainat ruk riauna leh amaha ka hmuh thil tam hi chu ka hre reng tawh ngei ang.


Zodinpuia pov.

Delhi kan let atangin ni 4 aliam leh tawha, dam chuan hun hi a kal chakin kan hmang liam zung zung chu anihhi, kan awmna hmunin a zir loh vang nge Chrismas boruak velin min khawih lutuk lem lova, hmeichhia ka nih loh vangte pawh ani ngei ang.


Delhi kan let atangin awm mai maina hun awm lek lovin ka buai nghal panga, ka pu lahin inthenna chungchang leh Pu Sangthanga chungchang ringawt min sawipui a, lehlam lehlamah rilru a buai ngut ngut hi nai tawp mai, zu ka in nasa zualin ka chatthla hmak hmak zela, zan khat phei chu haw theilo khawpin Jeremya bulah ka riak zankhua a, ka pu kamkhat ka dawng awllo hi ani ber.


In lam panin ka in khalh haw a, gate ka tlanlut fel deuh chiah tihah kawngkhar atanga Zonunmawii leh a causin zinga mi Siampuii an rawn chhuaka,chumi rual deuh thaw chuan khapa pastor fapa ati emaw ni kut hial ka thlak pa kha rawn chhuak zuiin kawngkhar bulah chuan eng emaw an sawi a, chupa ka hmu hrim hrim chu ka thin a thawk thut ka ti dawn nge horn pe ri tuarin car head light ka ti eng nghal uara, an pathuam hmela hamhaihna chu tuman an thup seng lo.


Siampuii leh mipa chu kalsawn zuiin Zonunmawii chuan min nghak tih hriat tak hian kawngkhar bulah chuan ala ding renga, a landan pawh ka sawi thiam tawh lo, ka thinrim nge ka lungawilo pawh ka hrelo, mahse khapa ka hmu leh hrim hrim kha ka lawm vak lo tih erawh ka in hria.


"Ka sawifiah ang, " A bul ka thlen rualin alo ti zang vaha, amitmeng lah chu ka hrethiam thei lo. "Lut la, " Ti ngawtin ka chhanga, alut chu ka zui lut ve nghal. "Siampuii kha a rai a, Duhsaka kha a fa paina pa ani bawk, " Inchhung kan luh rualin a rawn ti chhuak bawla, ka meng zau kawk ringawt.


Hlauh thawnna nei reng hmel aput thin te kha an chhungkaw chanchin bik anih avangin sawi hreh na chin a neilo thei dawn lova, keichu sawiloh apu hriatah tak ngail pawh an zep angai dawn tih lam nen ka ngaihtuah thiam nghal veka, heng thil te vanga lo in hmu thin an ni tih nen lam a sawi ngai lovin ka hrethiam vek bawk.


"Ka pu in ahriat chuan Siampuii lakah hian engtin nge a chet ang tih pawh ka ngaihtuah ngam lo, chuan in chhungkua pawh, ka hrilh na chhan che hi ka hrelo, a tir kha chuan min ngai dik lo tih pawh ka hria, mahse Siampuii hi ka nau ania, ka theih chhung chu venhim ka duh ani, i sawi chhuah leh chhuah loh chu ka dan theih che pawh ani tawh lo, " A ti zawi sapa, aruk tak chuan ka sawi chhuak ang tih hlau ber tur ani. Keipawh ni ila ka hlauh ber thil ani dawn hrim hrim.


"Engtin nge i tih dawn" Tiin sofa lam apan lai chuan ka zawt leha, ka in rawlhna tur anilo tih ka hria, achhungte leh ka chhungte hriat tir loh hram angai dawna, mahse hmeichhe raipuar chu tih ngaihna a awm miau silo "Ka hrelo, Duksaka kha pastor fapa ania, achhungte chuan an hre tawh, keimahni lam zawk hi ania buaina chu, apuar tan tawha, thup reng theih ani dawn silo. Nausen pawi sawilo in atawrh ai chuan ka pu hmachhawn pawh ka duh zawk, mahse hmachhawn lova tih dan te hi awm hram se, " Ti vawng vawngin a huphurhzia chu sawi vak ngaihna a awm lo.


A mitmengah chuan hlauhna a in hnawr khawm luih luih a, puih vak ngaihna lah ka hre der lo ka chhungten an hriat chhuah vat loh nan erawh ka fimkhur pui angai ngei ang. Nidang ang chu nise min hrilh rual rual khan ka pu hnen athleng nghal anga, engtin emaw tak kan che ngei tawhin ka ring, mahse chutianga chet chu ka duh lova, ka tum bawk hek lo, he ka mizia hi khawi atanga rawn kal nge engtin nge ka neih ka hrelo, mahse a theih chhung chu neih reng ka duh abikin Zonunmawii lakah hian.


"Thudang daih naktukah Pu Hliran chaw ei ah min sawm ania, i hre tawh em? " Tiin min zawt nghal a, ka lu ka thing mai, ka la hre miau lo ani. "Chaw ei rawh, keichu ka ril atam lo, " Tih leh ding zuiin akalsawn zui zata, arilru buai lai ani bawk nen han biak vak ka tum lem lo.


..............
"Morning ka pu, i van tho hma ve" Anita in min hmuh ruala lo ti zang vahin a mood a fuh hmel bik khawp mai. "I pi arawn tho tawh em? " Tiin ka zawt let khauhva, A room lam ka hawiphei zui bawk. "Aw a kal chhuak daih tawh alawm, hna ka ngah deuh atia, chuan zanin tlai hi chaw in ei chhuak dawn tiraw, " Rawn ti zawmin coffee athli chhuak zui a, hetiang ang zingkar em em a kal chhuah fo chu ka ngaihdan ani lutuk lo. Mahse ka hriatthiam angai tih ka hria.


"Pu naktuk hi ka nu an zai ni tur kha ania, i remtih chuan va awmpui ve ka duh a, ka pi kha ka hrilh a,ipu thu thu ani mai atia" Tia Anitain inthlahrun hmel tak leh zah tak chunga min dil chuan ka nui sak nghal, mahse ka nuih chhan erawh ahrethiam chiahlo tih a lang reng mai.


"Awle, tehreng mai, " Ka ti tha ve maia, ka rilru ah erawh Zonunmawiin min dah pawimawh vel lutuk chuan min ti nuihza a, ka nuihzat erawh ani hauhlo ania. Office ka thlen atang minute 5 pawh ala ral hmanin ka ringlo Zonunmawii chu rawn lut hlawlin, a chauh hmel ngawih ngawih hian ahriat.


"Tehdaih che chuan, " Ka ti deuh haw a, he lai daih daiha arawn kal hi amak lo tih chi ni hek lo. "Hun i neih chuan in be lawk ang aw " A rawn ti chuai raiha, amitmengte reng reng chu a nguai em em mai lehnghal, thil tha lo tak a tawk hial anih ka ring.


"inneihna hi ti tawp tawh mai ang, " Arawn ti chiah chu ka melh kawk a, ahmelah fiamthuna ka hmu lova, nuam ti taka sawi chhuak anilo ti pawh amittui tling piauah chuan ka hria. Ka rinloh lam daih a rawn sawi avang chuan han chhan let mai dan pawh ka hrelo.


Thu ka sawi leh dawn Pathian zarah he ka thawnthu bik hi chhiar in awm ve neuh neuhva, ka lawm takzet, mahse a chhiartu milin LIKE leh COMMENT ka hmu ngailo erawh rilru a kal thui duh khawp mai. Liker tam hian min ti phur a,Comment tha hian min ti hlim ve thei lutuk ania...


Show post links
Top