LAVENDER BY Pysces Ferry Khawlhring (Completed)

[Ngaia]

Zonunmawii pov.

"Boss, in leng i neia, " Ka hnathawk pakhatin ka beng bula arawn sawi rual chuan ka file ken chu dawhkanah ka nghat ri bur a, min en thap nghal. Meeting kan neih laia tihtur leh tihloh tur chin hi ka sawi ngun tawha, chung zingah chuan eng ang khawpa mi thil ti thei pawh nise ka meeting laia min rawn hrilh lo turin leh min lo nghak mai tura lo hrilh thin turin ka sawi ngun tawh lutuk, mahse he nu hian arawn ti nawn leh chu anih hi.


"Chhuak rawh" Ka ti hriam hraka, ka aw ki chu ring hauh lo, mahse a lo dawngsawng tu tan chuan a hlauhawm zawk hial ang. "Boss ka tihpalh ani, ka sawi a mahse tunah ka hmu duh a ti tlata, Lawyer Pu Adina kha ania, " A rawn ti khur dar dara, asawi zo hman awr ang kawngkhar chu rawn in hawng rawpin Zodinpuia chu mitmeng thip zet leh thinrimna anei tih hriat taka meng dur khupin a rawn lut a, ka hotel chhungah ngei chutianga arawn che ngam chu a huaisar ka tiin, kut vawi khat tal thlak lo chuan ka kaltir hauhlo bawk ang.


"Inbiak kan ngai" Min din chilh runin arawn thaw deuh kawk a, zu a in tih hrilh hranpa ka ngailo,a rim na lutuk chu chhun chunah chuan tawrh aharsa khawp mai, zinglamah ka lo pentawng ve khanglang bawk nen ka pum chu a inlet luk luk mai hian ka hria. "Nunchang mawi leh awmdan mawi hi i hre hlawl lo anihhi tiraw, chhuak rawh, nangnen hian sawidun tur pakhat mah kan neilo" Ka kut inkuah fel thanin ka melh kara, ka lungawi bik fa ko lo tih chu a hrethiam ngei bawk ang.


"Ngawi rawh, tawng tawh suh, " Ti nawk nawkin a ding bu deuh luk luk a, amit sen rum chu zan thilah hmu ni ila ka hlau ve maithei ani. Ka naute ho chu in sa seng vatin Zodinpuia nen tlawng chuan kan awm dun a, a mit la sawn lek lova min en reng te chu ka ngaihdan ani taeh lo..

"i sawi duh chu sawi rawh, nilengin hun ka neilo, " Ka ti leh faka, hepa bula ka awm apianga ka thinrim nghal tun thin pawh hi a chhan ka hre lo. Ka piantirh atanga ka neihsa te pawh ani mahna. Sawi ta mai lovin thutna awlah chuan a thu thla hnawk a, athaw leh kawk kawk thin chu ka ning ngawih ngawih tawh.


"Zodinpui, i sawi duh chu sawi vat rawh, " Ka ti vin ta thata, in sum tum viau pawh hian hepa bulah hi chuan a theih ngang loh, amah hian a zir lo em bawk ani. "Innei ang, " A rawn ti dut a, ka hresual emaw tiin, ka "maw" thawt nghal. "Innei ang ka ti anih chu, naktukah court ah rawn kal la, lehkha kan sign angai, "tiin akut pahnih dawhkana nghatin a chal tawn tawnah chuan a dawma, ahmel landan chiang tak pawhin ka hmu thei lo.


"Zodinpui, khawvel hi i duhdana kal anilo, chutiang bawkin keipawh hi, nimin thleng pawha inneih thulh tura min ti tu leh min nawr tu kha ini lawm ni, tunah innei ang irawn ti leh a, eng thil nge tih i tum ka hre lova, ka buaipui hek lo, mahse hei erawh hria ang che, engtikah mah ka nei dawn lo che, " Chiang leh fiah kek kawkin ka sawi dap dap a, ka thinrim mahse ka aw a vin hran lo. Nui hak haka min rawn en in min deu hmel em em a, min ngaihnep hmel lutuk te chu ka haw hlur mai.


"Duhthlan tur i neilo, ipu in anawr lui ve che tih pawh ka hria, min neih loh chuan chhungkua atangin i chhuak anga, dere khat pawh i chang dawn lo, i hotel leh dawr te ngei pawh tiamin, " Min tih el zeta arawn ti zawh rual chuan ka hma a glass tui inchhawp chuan a hmaiah tak theh nghal thawtin , "ngawi rawh" Ka ti vin tuara, ka khur dar dar thei.


Thaw halha a hmai chu tuai puatin asam chu a tuai chho leh a, mitmeng thip fahrana min en run in a hmazawna tui in chhawp chuan min rawn theh let anih chu.. Chet pawh ka che hman lo min rawn din hnaih nghalin, "i ngam chuan kut thawh zawngin han che leh teh, a let i tuar zel tawh ang, " Tiin a glass no chu alek kanga, dawhkanah angat ri chawrh zui.


"Chhuak rawh, " Tih leh a awma nem ka ruala, a tawlh ve hrut chuan ka hria. Nui hul haka a kawr awm chu beng thuak thuak chung chuan "a luhlul zawngin khawsak tum suh ang che, i hmahun hi ka kutah a awm tih hria la, thuawi takin naktukah chuan court ah rawn kal ang che, " Tiin a in her a, ka thin in atuar ngang lo, ka phone chu banin , "hremhmunah kal rawh" Tih leh vawm ka rual a, Zodinpuia rawn hawi let lai tak ani bawk nen a hmai khawi emaw lai berah chuan ka vawm fuh chiang asin, ka la duh tawk mai lo, ka sir lama glass no pahnih awm chu ban lehin Zodinpuia chu ka theh leh ngata, alo in siam rem hman lo chu a tihzia khawp mai.


"Zonunmawi" Ti thawtin a chil achhak pharh a, a kamsir a thisen tlem rawn lang chuan a hmui ka vawm chilh tih a hrilhfiah nghal, "ngawi renga chhuahdan i hriat tawh ngei ka beisei, " Tiin ke melh rawm rawm a, achet hrut ruala in siam rem zui ve nghal zatin ka Glass ken chuan ka tin kawh nghal vata,ka vawm leh duh tak tak dawn tih a hrethiam nge ka hrelo, a che sawn tawh lem lo, flima misual pawl lalnu leh a changtupa insual lai kan ang ka ti tlat pek.


"Court ah chuan rawn kal ang che " Tiin a chhuak zui a, ka hnathawk ten an en liam sap sap chu nuihza in sum zetin ka en zui ve renga, a Kamis var hak chu ahuh hneh ve em bawk ani.

.............
"Pi hetiang hi min lo thawn tawh lo teh, a ninawm ka chhiar ngai lo" Tiin ka pi messege chu ka reply vata, ka ning mai pawh anilo a kham hian ka kham ngawih ngawih zawk. Pathian thu chang khat vel lek leka inziak hi nitin min thawn ziaha, pakhat mah ka la chhiar ngailo, ka mamawhna ka hre lova, heng bible chang tello pawh hian ka la awm thei zel tho chu anihhi.


"Nunu, aní in a zawng che a, hetah ilo awm daiha, " Tia ka nau Rinnungin arawn tih chuan ka phone khawih lai chu ka bih zawm reng a, anî atih hi kanu ani. " Adina nen chuan inneih in tum leh lo ami, " Ka kianga rawn thut thlak phahin arawn ti leha, Zodinpuia arawn sawi chhuak kher kher chu ka mood ati cheh nghal vek. "Chhuak teh, ani chungchang ka sawi peih lo," Tiin ka thawhsan leh a, ka phone khawihlai pawh ka tui nek tawh lo.


"Naaa u keite chu thuruk ka zep thei alawm, " Tiin min la rawn zui fana, vin hrep ka duhna chu ka la in sum hram hram ani. "Ka sawi tawh kha, i duh chuan a in ah va kal la va zawt rawh, " Ka tih leh takah chuan a ngawi ve mai a, a tum nghal burin ka hria.

"Bawihi, biak lawk che ka duha" Kawngkhar atanga kanu in arawn tih chuan Rinnungi pawh a kalsawn zuia, kanu in en zui vawng vawng phahin, "i hau leh pek em ni, i naute hi duat ve ta che, reitak i awm bova, an nelloh sa che nen, an ngainat turin awm tum rawh, " Arawn ti bawrh bawrha, amak hi ka ti thin, tun hma zawng zawngah hetiang hian ka bulah akhawsa ngai lova, thu min hrilhin min zilh ngai hleklo bawk. Tun ataka hetianga ahan tha kual thiam vel lutuk hi chu oscar award pek hial tlak ani ka ti.


"Bawihi, min hua tih ka hria, mahse keichuan ka hmangaih che a, engtik ni ah emaw chuan nangpawn nangmah hmangaihtu te hi min la hriatthiam ve ngei ka beisei, " Tiin ka bulah arawn dinga, ka awm hla leh hret nghal. "Chutiang thu i sawi dawn ai chuan chhuak leh la ka duh zawk, ka tan chuan kapu chiah hi ka chhungkua leh min hmangaihtu ani, " Tiin amah pawh en peih lo chuan ka chhanga, ka bula a awm hi ka duhloh em vang ani ngei ang, ka thawk a ti ipik ru tak zet.


"Nizanah khan khawnge i awm, zankhua deuh thaw in kan zawng che asin, min ti mangang alawm, " Arawn ti leh a, Zodinpuia hrechhuak zatin, ka tawt leh zual sauh nghal.

"Enteh Bawihte, nizan khan Adina nen kan zawng nasa lutuk che asin, in inhualna chungchang avang khan ka hua a, ka fanu lam ka tanglo thei silo, mahse nizan khan a mizia tur ang chu ka ngaihruat thiam ruakin ka hria, nei suh, nei rawh ka tilo che a, keia tih danglam theih lah ani hek lo, mahse bawihte, Adina hi mipa thalo em em chu aniin ka hrelo, in in hmel makna hrechang lek lovin nangmah zawngin a tlan kuala, mihring leh mihring kan nihna ah khan angaihtuahna che kha ka hmu thiam asin, " Arawn ti chu ka en deuh tawpa, ka rindan chuan nizan khan Zodinpuian ka rui chatthla aroom ah min lo hruailut niin ka hria asin.


"I thusawi chu awi ka duh, mahse zingah khan a room ah ka harh asin, " Tiin ka ner khum nak a, Zodinpuia hmel ka mitthla phei chuan ka in ten thar riau leh nghal. "Ka hria lawm, i bag kan hmu zo lova, i room card kan nei silo, chuvangin keiman a rooma riah tir mai tur che in ka ngen alawm.. Keilah in lamah kir leh ngei ngei ka ngai tawh si a, nang lah kha engmah hre lovin i chatthla hmak bawk nen,tihdan tur ka hriat awmchhuan ani miau si ani,i pu leh ipa ten an hriat chuan kan buai zual ka hlau ve bawk si a. " Tiin a chawl data, keipawn ngawi rengin ka lo ngaithla ve kur tho.


, "zeplo chuan a room ka riah tir ngawt che kha chu ka duh chiah bik lova, mahse tih ngaihna dang a awm silo, chuvang chuan nangpawh khatiang em em a rui khan in tawh suh ang che, " A ti leh a, a phone a rik leh rualin a kalsawn zui nghal. Zanriah eikhamah ka roomah inkhung nghalin mikhual rawn theng tur list te chu ka ti fel zung zung a, an duh anga room kan lo cheibawl ve hi angaih thin vang ani pakhat.


Sana banin dar 11 a kawh meuh chuan keipawh in dah fel zuiin mu tur chuan ka in ting tuah chhunzawm a, tunlai te chu mikhual leh zin veivak an tam ve ang reng bawk nen in daih loh ana a,hun hian min daih meuhlo chu ani ber mai. Ka hmai ka phih zo ka chhuak leh chu ka phone eng thi chiah chu ka hmu hman a, pan hnai vata ka en chu Zodinpuia lek alo ni,chiang takin ahming ka save dan 'Lucifer' tih chu a lang kulha ka call back lo chiang asin, mahse rei arial lo arawn call nawn leh ngata,ka hangup leh hmak.


Mahse he mihring hi aluhlul nge min chhaih khawlh atum zawk pawh ka hrelo a rawn call nawn leh ngata, ka hangup chhung chu arawn call nawn peih dawn a ka hriat avangin ka phone chu ka switchoff zui hmak . Ti kha chuan min rawn call nawn tawh lul lovang.

........
Nunu, i va chhuak hma dawn ve, " Kapu in min lo biak avanga ding datin ka en vata, "nia hotel lamah tih tur a tam ang renga, tukthuan pawh pawn lamah ka ei mai ang chu ka lo tia, " Tiin ka nuih saka, kapu pawh akhive suk mai. "Hna chu thawh tur ania, mahse mahni hi in duat hmasak ber tur ka tih thin kha aw, " A rawn ti leh a, bu nghatin ka chhuahsan zui nghal.


Hotel ka tlen rual rualin department hrang hrang hruaitu te chu kal khawm tura ka hrilhsa avangin an lo awmkhawm thap tawha, F&b, Event-planning, Guest service, Accounts leh Security leh hruaitu dangte pawh an report tlangpui ngaithla zawr zawrin, tihdan tur leh an hmalak chhunzawm dan tur te, kan budget mila bungrua pawh order thar tur te in ka hrilh zui mawp mawpa, hun reilo te kan hmang emaw tih nak alaiin dar 10 alo hnai leh uar tawh, tukthuan ka la ei lo chu ka pum chuan ahre rang khawp mai.


Eitur order ka nghah phahin dawr lam chanchin ka en phah renga, ka in daihlo lam hret chu ani. Ka phone ri chu caller id pawh en hmasa lek lovin ka pickup a, Zodinpuian , "ka nghak che" Arawn tih avang chuan ka phone chu ka melh leh rih. "Ka buai, " Tia hangup zuiin ka silent hnan leh ngata, switchoff kher chu chhun lamah chuan a tih chi siloh avangin a vannei lel lawl ngawt mai. Hepa hian min chhaih thinrim hi a tum tak tak ani ngei ang, min call nawn ngat ngat a, a missed called a in thlar dul tawh hial ania ka rin ni.


"Enge? " Ka pickup rualin ka ti thawta, ka mood tha lai reng pawh a ti chhe zo leh vek dawn. "Zonunmawi court ah i rawn kal dawn nge, ka rawn hnuhchhuah che i beisei zawk, " A rawn ti a, a aw ah chuan alungawilo hle tih tupawn an hriatthiam nghal mai ka ring. Za lo zeta nuih let sakin, "ka sawi chiang viau in ka hria, nupui neih i duh chuan i arpui awplai a awm reng alawm, " Ka ti let sur sura, tih luih nan taka tawng zawi lui vel ka ni bawk.


"A tha, lo nghak rawh, "tih leh hangup aruala, ka ngaihsak zui lo. Eitur ka ei mawlh mawlh a, department tin atangin call ka dawng awllo bawk nen ka thutthleng ah chuan ka in char bet thei hial tawhin ka ring. "Sir, sir , lut suh, khawngaihin, " Tia au thawm leh ri rawk rawk ka hriat rual a ka office kawngkhar chu rawn inhawng zui rawpin, Zodinpuia chu landan hriatthiam har zet hian arawn lut a, akianga security duty chu ka melh nghek ringawt.


"Boss ka tihpalh ani, " Arawn tih ruala Zodinpuian nem chhuakin kawngkhar akhar hnan rawpa, duhai a thawm ana in, ka dawhthei lo lek lek tep tawh. "Iva han ngam zawk ve, helai hmunah te i rawn luh ngam a, " Ti khur hlak hlakin ka melh ran a, he mihring pa lakah hi chuan boxer hmeichhia Ring chhunga inring ran reng ang hi ka ni mai, chak loh ka duh lova, ka chak dawn lo anih pawhin ka theih tawpa beih let hmasak ngei ngei ka duh hrim hrim.


"Min chhaih thinrim lo la tha tur, " Tiin aphone chu ka hma ah arawn lek a, kapu no acall tih ka hmuh rual chuan ka ban nghal, mahse min nem let dawrin ka lo in bun sangve khanglang nen ka balance ka hlauh a, mawng sawh meuhvin nula a pumpa ka han tlu mai anih kha.


"Lawk Zodinpui Call suh, " Ka ti thata, ka la tho chhuak mai lo, ka thu sawp chiangve bawk nen ka lu te lam lam ahai chhapin ka hria. "Aw Pu Sang , " A tih ruala vin hrawkin, "lawk, innei ang, " Ka ti deuh thawta, ka thusawi chu keimah ngei pawh ka inring hman lo, tho zui nghalin phone chu ka va pawh tlak sak a, ka hangup zui nghal.


"Khati mai tur kha, " Tiin mitko min han san khum leh kher a, ka ngei tawk atling lutuk ringawt. "Kal ang,hun in min nghak lo, " Tiin a in her zui a, tunah kher hi chuan duhthlan tur pawh neilo khawpin he mihring hian min dang chep a, mahse a thil tum leh a duh neih theih nana a duhthlanna hi a thlan sual zia ka hmuh tir ngei ang, aneih rosum a mal te te a ka eiral sak lai hmu ngei turin a kianga ka awm hi angaive te pawh ani ngei ang.


Court kan thlen chuan lehkha sign turah te chuan tim ru tak leh thinrim ru tak si chuan ka sign a, Zodinpuia erawhin alo sign fel diam tawh. "Zanin ah Pu Hlira ka lo pe ang, tikhan hna chu kan zo, " Ti fel thenin file chu alek kang zeuhva, a kal nul nul chu ka zuive leh mai.


"Kalna tur ka nei taxi hmang rawh, " Ti hmukin taxi rawn tlan chu alo phar zui zata, min han tih kual dan mai mai chu ka ngai thei der lo. "I nupui thar chu min dah let angai alawm, nilawm ni " Eelhsen zeta tiin seat hnungah chuan ka thu lut zui zata, a taxi phar din pawh atlan chhuak leh nghal. "Zonunmawii, inhnial buai ka peih lo, chuan ka dawh theih lai che hian chhuak rawh, " A ti halh halha, ain sum ve he tih ka hria, mahse min that ngawt te anih loh chuan ka chhuak lul lovang.


"Buaina a awm lo, tlan la, hotel kawtah i sawi leh ngai tawh hauh lovin ka thlawk chhuak nghal ang, " Tiin ka nuih khum saka, car steering a hmer ngawt ngawt te chuan min ti hlim letling zawk. "A tha e, ahma ah hian rawn thu rawh, i driver ka nilo, " Hmalam en ngar ngar in arawn ti leha, a aw chu adanglam leh hlak nghal, amak thin teh e.


"Ka peih lo mai, in sualin kan accident palh ang, " Tiin ka phone ka en san zui hmak a, thaw kawka tlan chhuak ve maiin kan in be leh tawh lo. Hotel lam kan pan lo tih ka hriat chuan ka thu mar deuh at a,hmalam darthlalang atanga Zodinpuia hmel dur khup ka hmuh vang erawh chuan tawng lovin ka ngawi leh ta zawk thung. Pu Hlira in kawta a din rual chuan ka chhuak ve leh maia, car chhunga thut reng thu awm suh. "Rawn kal rawh, " Tiin a kal leh nul nula, vai sairawkherh ang kha awm se perh pawp mai ka nap.


"Inneihna hi hetianga ho lam taka lak tur ani lo, in thu thlukna chu min hrilh hmasa phawt tur asin, " Pu Hliran min melh dun ralh ralha atih chuan ka chang let nghal tep a, mahse ka mark a chhiat ka hlau ve tho nen Zodinpuia chu ka ngaichang ru ta zawk a. "Innei turin min duha, kha baka inneihna kha a awm lo, induh kan ti puitling tawh a, tun atang chuan kan awm awmin min enliam tawh ang che u, " Tiin Pu Hlira hma ah chuan tun maia kan sign hnan inneihna lehkha chu a lek kang va a, kei erawh ka la ngawi reng.


"Chuan chendun leh inneih lawmna tihvel kha kan duh lo, court a inneihna hi in pawm thei dawn lo anih chuan keini pawn inneihna hi kan ti tawp nghal ang, " Zodinpuia chuan ati leh ngata, atawng chhuah dan leh a landan chu thinrimna lian tak neia, lan chhuah tir remchang chiah silo hi a ang ber. A awm ve tho, tun mai minute tam pawh liam lo ah khan a mi huatber nen inneihna thutiam a sign miau a, athinrim lova, alungngai lo anih chuan amak zawk dawn em ani.

"Adin, thu phawt teh u, Nunu nangpawh, " Tiin Pu Hlira chuan angenin min ngén a, Zodinpuia ka en leh rih, tuna tan chuan ka in rawlh loh hi a him riha ka hriat vang ani.

"Enteh u, ka tan chuan ka ril arah, ka thisen nena in danglamna a awm lo asin, in inhuatna chhan pawh hi ka thiam loh ani,chuvang chuan siam thatna hun min pe rawh u, " Tiin Zodinpuia nen chuan min en dun a, amitmenga eng emaw lang chu ka hmu thiam ve in ka hria.


"Awle, tihian ti ang, in pute nen pawh kan lo sawidun anga, inneihna hun hman in duhloh anih chuan inchen dun tal chu angai, achhan chu in inneihna hi nakinah chuan mite pawhin an la hrechhuak vek dawna, zawhna kan chhang seng dawn lo, mi te mak tih rawn tura in khawsak hi ka duhlo, in tan liau liau IN ka lei thar a, chutah chuan in cheng ngei bawk tur ani, " Arawn ti khauh fiak a, a tir lam a athusawi àw ki nen chuan danglam tak ani.

Hanchhan mai dan ka hre lova, chhan ngaihna pawh ka hrelo, heng thil zawng zawng hi ahma atang daih tawh alo ruahmanna vek ani tih kan chenna tur nen lam alo peih diam tawh danah ka ring nghet hmiah tawh.


"A theih loh, kha lehkhaa sign tur pawh khan min tilui tawha, loh theih lohna vang chuahvin kan signa, chendun leh zel chu ka thei ve lo, " Ka ti vata, zam map lovin Pu Hlira chu ka melh reng bawk, Zodinpuia pawn min lo pawmpui viauin ka hria.

"Anih chuan inneihna hun kan hmang anga, in chengdun lo thung ang, " Pu Hlira bawkin arawn tih leh rual rual chuan Zodinpuia nen , "ai' kan ti rual thawta, kan in melh leh rih. "Anih chuan duthlang rawh u, hetia court lehkha hi rin in duh chuan inchengdun ang, anih loh chuan mi zawng zawng hma ah inneihna ka buaisaih thung ang, " Tiin Pu Hlira chuan aphone chu a lek kang zui zata, Zodinpuia chu mit sir zeuhvin, athinrim luat avanga akut hum khur dar dar chu ka hmuh hmaih hauh lo, a awm in sep dat datah chuan athaw lak a sak talh tih pawh a hriatthiam awm khawp mai.


" Kal tawh rawh u, upa zawk ten kan rawn chingfel anga, zanah chanchin in hre nghal ang, "tiin a phone bawk chu a en zui leh a, Pu Hlira khawsa zia chu putar mah nise ka run ngawih ngawih hi ani tawp mai. A thutna a tanga tham thawh nawka, chhui chawrh chawrh mai ka nap.

Engmah sawi zui tawh lovin Zodinpuia chhuak zui vut chu ka en deuh tawpa, zui mai tumna pawh ka neilo. " Nunu, nang tal chuan hriatthiam tum teh, kan nawr lui cheu tih ka hria alawm, mahse Adina mipa tha ani tih ka hria a, Adina tan pawh nanglo chu duhthlan tur ka hre chuang lo, in pu te hian an enkawl suakpak zo tawh che u a, awmze nei lovin inhuatna in siam chawp mai mai ani. Dik takin min hrilh teh, Adina hi a englai ber nge i huat chhan, a mimal takin i pawi a sawi tawh em ni? "Arawn ti khauhva, ka àng zuai na chu ka tawp leh rih, a chhan sawi dawn ila naupang chhe thil ang maiin a chhana puh tlak a awm áwm ka hre lova, mahse amah Zodinpuia hrim hrim hi ka haw em em ani tawp mai.


Pawn ka chhuak chu rinloh lutukin Zodinpuia chuan Car chhungah min lo la nghak ngar ngar a, ka awmfual rei teh lul nen,min lo hawsan daih tawh ka ring a,hepa mizia pawh hi ka lo la hrechiang lo hle ani ngei ang. "Kha aia chak khan pen la, rawn lut vat rawh, " Car kawngkhar ti hniamin arawn ti a, ahmel landan leh a awchhuak chu a in perhsan ngat ngat khawp mai. A hmuh loh lama ner khum nawkin ka rilru in ka rel so bawrh bawrh tih hi hria se, min tlan bo san nal nal duh ngei ang.


"Pangai takin thu sawi dun ang aw, thinrim lovin nangpawh inngaihtuah la, chhendun chu i duh angem? " Rei tawk fang kan ngawih kar hnu ah Zodinpuia chuan dam ruih hian arawn ti a, ka melh rang ngang mai, a aw dam lutuk vang nge, azawhna vang zawk erawh ka hre lo.


Car steering vuanin hmalam amelh ngur a, ahmel chang rúnah chuan min sawipui chak zawk zawk lo tih ka hria a, ka sawipui peih bik loh zia leh, hetia a car a ka thu ve ringawt pawh hi ka hne zia ahre lo mai pawh a.

"Ka lo inngaihtuah ang, " Tiin pawn lam chu ka en san daiha, min be tawh lo se ka ti ngawih ngawih, "in ngaihtuahna hun a awm lo, zaninah ipu hnen atangin an thuthlukna i hre ngei anga, kan duh dan an ngaih pawihmawh ve hi a hun tawh, mi hmuha inneihna hman i duhloh chuan kan chendun mai angai dawn a, i duh mai em? " Arawn ti leh a, thawk ala zui kawk phah bawk, ahmel landan ka hre lova, alam a hawilet pawh ka peih hlawl lo.


"Ka van ning tak, " Ti hluaiin, ka thaw zui kàwk a, chhan pawh ka chhang zui lo. "Zonunmawi" arawn tih leh ruala, melh hrawkin, "i ninawm , ngawi rawh ka sawi peih tawh lo, duhthlan tur ka nei em ni? Tih tawp kan tum laiin nangmah bawkin min vau bet a, chuan tunah duhthlang turin min ti leh a, ka ning lutuk che, atheih chhung chu ka hmuh phakah pawh hian awm lo la ka duh, i hria maw... " Ka ti that a, ka vin viau bawk.


Chhan ngaihna min hre lo nge, ka sawi dik lutuk vang zawk Zodinpuia chu angawi zui ta reng a, kan in kawt kan thlen ruala chhuk nghalin a car kawngkhar pawh ka theih tawp tak meuhvin ka nem khar zui a, ka hmuh leh tawh loh nan naktuk hian nithar rawn her chhuahpui se ka ti ngawih ngawih.



Thu tlem te kan sawi lawk,englo in duhdan te in lo sawi thina,min ti hlim thei lutuk,tuna ka story pawh hi a tak ang tura keima zia deuh nen ka phuah ve mai ania tu pawn duh zawng leh ngainat zaeng kan nei veka,ka
mipa duh deuh kha ka thiannu tan chuan engmah ani chuang kher lovnag, a hemlchhia emaw tha emaw thinlungin duh athlan tawh chu tu tan maha nawh reh mai mai theih anilo, chuvang chuan tuna ka story kal mek pawh hi a tak ram ang tur bera ka luhchilh ve liau2 ania, duhthua sam hauhlo tih ka hria..min hrethiam hram2 dawn nia. Leh chuan an naupang tet atanga an pu ten an enkawl dan kha hre reng chungin chhiar turin ka duh che u abak ka sawi thiam lo.


Show post links
Top

[Ngaia]

LAVENDER BY Pysces Ferry Khalwhring


Zodinpuia pov.

In thara kan chendun atang thla khat chuang aliam leh tawh a, Zonunmawii hmel erawh ka hmu ngailo ti ila ka sawi dik zawk ang, room kil tawp ve ve ah kan awm a, in pehhel tawn reng ta chu in hmuhna hun a awm meuh lo, inchhawng ani lova mahse belhchian dawl leh changkang ru tak si Villa ang taka sak hi ani thung, en reng reng pawh hian he in sak nan chuan sum a seng ve viauin ka ring ani kan Pu Hlira hian.


A hminga nupa chauh kan ni a, ni leh lo lehkha phek khat chauhin nupa kan ni tih a sawi a, kan rilru, kan taksa, kan thinlung leh kan hriatna zawng zawng hi chuan engtikah mah apawm thei ngai dawn lo ve ve tih chu khawvel amum zia kan hriat chian tluk hian a chiang tawk khawp mai. Ahmangaihi nen kan awmdun awl lova, anaupai thlahnih tha chauh ala nih avangin sex ah in sum buai ka la tum lo bawk. Thinlung a inzawm a, rilru a in pawh bawk a, a bak beisei leh duh dang ka nei lo.


"Bro, ilo thleng tep tawh em? Kapu hian a zawng reng tawh che ania, "Jeremyan arawn tih chuan ka nui hak nghal, an music play rin luatah a tawng rin chu thuhran chutiang hmuna a awm chu a mak ve bawk em ani. " Minute 5 chiah," Tiin speed ka san a, lehlam thawm erawh music bak ka hre zawm tawh lo..


"Nuam i va ti awm ve" Nui hak haka Ahmangaihin arawn tih chuan akut ka vawn chu fawp zeuhvin ka nui ve hak a, "Jeremya leh party maw.. A awm ang lo ve bawk em alawm, " Ka ti vur vur a, mipa e tilo hian huau huau hi Jeremya hian a ngaina der lova, atawng tlem leh a muk tulh ang hian mahnia awm leh fianrial hi angaina daih zawk a, tuna Party-na a aawm chhan pawh keimah min backup vang mai chauh ani tih ka hria.


"Ka lo lut hmasa ang, ipu in min hmuh dun chuan a tha lo, " Tia Ahmangaihi lift lam pan chu ka umzui vata, a kuta va vuan zui zatin, "ka awm hi, a seh lovang che, " Ka ti nui vur vur leh ringawt tawh, zanin ang baka ka mood fuh leh ka nuih reng mai hi ka la hre ngailo.


"Nang hi.. I tha maw.. Ipu in min hmuh dun chuan i chungah a tuan leh dawn asin, Nunu i a awm ve dawn lehnghal, " Tiin a kut chu laksawn tumin atal aih a, mahse vuan nghet zualin ka chhang zui ta lo thung. "In va rei ve, saw lamah sawn kapu in a nghak che, " Hall kan thlen chhoh rual chuan Jeremya chuan arawn ti vata, alu a thlekna lam chu ka melh zeuh na in dim light chiah an chhit vang nge ka hmu thui lem lo khawp mai.


"Va kal rawh, Jeremya bulah hian ka lo awm ang" Tiin Ahmangaihi chuan a kut ka vawn chu arawn tal pit a, min nuih ver ver phah bawk. "A awm em? " Tiin Jeremya chu ka zawt leh supa, ka sawi awmzia a hre bawka alu bu nghalin "Alo thlenna arei tawh, nangmah chiah ini mai", tiin a thle zui leh dat a, kapu te leh Zonunmawii ten min lo nghahna ni a Jeremya sawina lam chu ka pan phei a, pindan deuh reuh a an lo thut thapna lam chu panding nghalin Zonunmawii kianga thutna awlah chuan ka thu thla zui ve maia,a ngaite bawkin kan Lilith-i chuan ka awm tih pawh a ngaihven chhin eih lo thei nia male.



Chhungkua inkawm khawmna kan nei a, kan nei ti ila putar pathum te chauh chu an in bia ani zawk mah. Kanu leh pate ka kiangah an thu a, chutiang bawkin Zonunmawii nu leh pate pawh an awm ve bawk. Ka thlen atang minute tam pawh ala ral lovang Zonunmawii chu rawn tho deuh thutin, "min lo hrethiam lawk ru", tih leh kalsawn aruala, ka lo en reng avangin a mitmeng leh ahmel dik zàn lo kha ka hmuh sual niin ka hrelo.



" Bawihte, "tia Pi Muani tho uk chu a pasal Pu Malsawman lo dang vatin 'kal tir rawh' tih niawm hrim hian a melh a. Nu Muani chuan min rawn melh zeuhvin a mitmeng chuan ngaihven turin min ngén ni mai hian ka hria, bakah Zonunmawii landan dik zan lo kha achhan hriat ve leh tlat ka chakna chuan min tung tho ka ti mai. " Ka va en zui ange, "tiin ka tho zui ve nghal a. Zonunmawii lift chhunga alut chiah chu umzui vatin ka hminga min lo au tu awmna lam pawh chu ka ngaihven zui hman lo, kawngkhar ain khar hman tep ti-ah ka va in rawlh lut thut a, alo la phu zuk lehnghal.


Chuta Zonunmawii hmel ka hmu chu ka lo hmusual lova, ka lo hresual lo tih ka chiang nghal zat mai. A mitah mittui niawm tak tur a tling kiam a, ahnar sen vet leh a landan engkim chuan a hrilhfiah chiang em em bawk. "Eng nge i duh? " Thip fahrana min melh ram ram chung chuan a rawn ti a, in hmatawna ding kan nih avangin amita mittui tling te sar sar chu ka hmu chiangin tunah chuan adawh tu leh ngaithlatu zawka ka tan atha in ka hria.


Ka huat em em ni mahse keipawh rilru na ve thin leh tap ve thin tho ka ni a, hrethiam taka ka dawh angai niin ka hria. "Engthil nge thlenga" Tiin ka en let kar a, avawi khat nan Zonunmawii mitmeng tlanchhia ka hmu a, "engmah, " A tih sap ruala lift rawn in hawngin chhungkua ni ve awm tak chu an rawn lut zui a, han biak zawmna chi vak ni heklo kan ngawi dun leh reng a.


Garage kan thlen thlak chuan chhuak sap sap nghalin an ni chhungkua pawh an car awmna lamah an phei nghal diala, kei erawh Zonunmawii ka ngaihchan ruk deuh avangin a kiangah chuan a thlahlim ang maiin ka ding deuh ren rawn thung.


Chutah amah lo ang takin àw nem leh dam zet hian "Zodinpui, inhnial ka peih lo ania, keimahin min awmtir teh, " tih sapa a kalsawn rual chuan ka zuive leh zel a, eng ka hria nge maw ni amah te a awmtir chu ka ngaihtuah ve deuha, thil tha lo atih te pawh ka hlau rum rum zawk. A car kawngkhar hawng tur rawn leh hawi lehin, "min kalsan rawh ka tih kha, keimahin min awmtir rawh" Tiin a mittui arawn luang thla ngiai ngiaia , ain ring hman biklo tih a hruk ran danah leh ahawisawn nghal danah ka hrethiam, henu hian eng emaw buaina chu anei chiang alawm.


Driver seata athu lut chiah kawngkhar apawt khar tur chu va nangching in melh pawh min melh duh lo. "Eng nge thleng min hrilh rawh, engvangin nge itah? " Tiin ka melh chhuk rún a, ani erawh steering vuanin hmalam amelh ngawt ngawt thung. "Zonunmawi, " Ti thata a kut ka vawn hnan rual chuan rawn thing thla nghalin, "a tawk, kalsawn rawh ka tih kha , ilo buaina tur a awm lo", rawn ti vin let thatin min rawn nem let dawr dawr a, amah pawh car atanga rawn chhuak zuiin a mit hnawm chhap chuan min ti lainat lek lek tawh.



"I sawi hma chu khawiah mah i kal lovang, " Ka ti leh ngata, kan in melh tui hnailo dun ngang mai. Ka chetdan chu a awm anglo tih rukna chu nei lian viau mah ila henu mizia chu tihluihna tello chuan engmah a hriatchhuah theih tak tak loh atin ni. "Ka haw duh, " rawn ti lawi ratin a mitmeng ah chuan ngenna ka hmu tel tlat hian ka hria. " Awle, kan haw dawn nia, keiman ka lo khalh ang, "tiin driver seat lama luh chu ka rual a, Zonunmawii pawh ngawirengin arawn thu lut ve nghal.



Rei pawh kan la tlan hman lo Nu Muani call ka dawng zawm zata, ka pickup ruala ka thu hriat avang chuan car ka break ri tuar nghal. " Ka bulah a awm, kan haw mek lo ngaihtuah suh u "tiin Zonunmawii pawnlam thlir reng chu ka melh zeuhva, a bialpa thih thu ahriat vang anih ngei dawn hi hetianga alo awm ni. Ka lainat nge ka khawngaih ka hrethiam lo, mahse hetianga hmeichhe induhtawk ve tak mittui ti tla thei tu anih avang pawh hian thihna meuh hi chu tu tan pawh hian alo ná dawn hle tih min ngaihtuah tir ta hial zawk.


Keipawh ngaihzawng kawplai nei ka ni a, zankhat thil thu ah min han boral san nise ka tuar thiam hauh lovang, Zonunmawii phei chu kar hla an ni a, aruang pawh hmu lovin a thlahliam a ngai dawn si a, ka khawngaih ve reuh tak tak ani.


"I nu in achhan min hrilh a, pawi ka ti khawp mai, " Ti sapin alam chu ka hawi a, ka rilru tak pawhin pawi ka tihpui tak tak. Chutah insut hlap a, min rawn melh let nghal vutin, "pawi iti a maw, nangmah vang anihhi i hria em? Pasal ka nei tih ahriat avangin asin .. Amah leh amah.. " Tiin a tawp data, sawi zawm a harsat tih a ba-hlah nak danah ka hria.


"Ka haw lutuk che, nangmah nei turin min ti lui lo nila chuan tunah pawh hian ala dam ngei ang, engvangin nge ilo pian ve reng reng ni, ka haw lutuk che, kal bo rawh, min kalsan rawh.. Ka nun atang hian kalbo rawh, " Tiin min vin phiar phiara, tah insum chung leh thinrimna nen in pawlh ani bawka, a mittui erawh a dang seng bik lo, ka thu hriat zet chuan mipa pawh min ti hamhaih vekin min ti chawmawlh vek lo chauh ani.


Chhan ngaihna leh chhan dan tur engmah ka hre lova, keimah vang anih tak tak phei chuan mi thihna chunga mawhphurtu ka ni kumkhua tawh dawn tihna ani bawk nen In kan thlen thleng chuan in be zui tur kan awm lo, in chhung kan luh rualin Zonunmawii chu ngawi rengin a room lamah a kal a, keipawhin va pawh buai leh va umzui ka tum lo, ahun pawhin ka hrelo.

.....................
"Pu, chaw ei i tum lo ve tho ami? " Room atang a ka chhuak phei chu kan Anita-i chuan alo ti vata, insiam sa diama ka chhuah phei vang ani mahna.. "Ei ang, lo siam rawh " Ka tih chuan a che zawm ve leh mai nghal. "Kapi chu ei lovin akal tawha, zing karah khan, a damsam loh hmel lutuk asin, tlem tal ei turin ka ti a, mahse a duh lova " Eitur arawn chhawp phah chuan ati bawrh bawrha,ka rinsa thil tho ni mahse tun tum erawh ka ngaihtuah lo theilo, rilru natna leh keima min huatna nen zanah amuhil pawhin ka ring lo hrim hrim.


Anitai hian kan nupa in pawh lohzia hi a hreve vek a, a fing ka ti dawn nge zawhna min la zawt chhin ngai lo hauh lo thung. Kan awm awm hian min en liam tawpa, a tih tur chinah tha taka thawkin, kan tan tak pawh a nuama, ahahdam thlak zawk.



Case tenau chinfel tur ka ngah avangin office ah chuan ka tap chawta, ka zawh hma dan azirin hotel lama kal emaw kapu in lama kal ka duh avangin rilru hmanhmawh ru tak chuan ka ti mawp mawp a, nikhata darkar 24 chauh awm hi chuan min daih lo deuh chu ani.


"Sir, hmu duh che an awm a,? " Ka secretary aw ka hriat avanga hawi chhuak in ka ring kham lutuk chu ka han thle kual leh rih. "Tunge, lo luh tir rawh, " Ka ti zawm zata, Zonunmawii nu leh pate an lo ni. Mizo dana ka pu zawn te an nih avangin hna han khawihsan daih chi ni miau hek lo le, bakah tun hi an vawi 1 rawn kalna ani bawk nen min ti phu ve uih thei.


"I buai viau lo maw, engmah ngaihtuah chiang hlei lovin kan rawn kal mai sia, " Pu Malsawma'n inthahrun hmel fahrana arawn tih chuan ka buailoh thu in ka lo chhang ve mai. "Eng ti turin nge in rawn kal a, helai hmuna rawn leng lut tur khawpa thil pawimawh a awm em ni " Ka file keu lai khup thakin ka melh kar a, an hmel chu adanglam chuang lem hlei lova.


" eng vak chu ani hran lo, Bawihi nen in inneih takah chuan tiin kan rawn lang ve mai mai ani, " A rawn ti leh dap dapa, pa sual zawk zawk chu anilo tih ka hria, chutiang bawkin Nu Muani pawh nu thalo leh fello chu aniin ka hrelo, mahse an fanu erawh mihrang fa ang hlak ani thung si.


"In lo pian ve hma atang tawha chhungkaw inhal kan ni a, i awi angem ka hrelo, mahse i nu leh pate nen hi chuan in huatna em em kan neilo, kan pa te ve ve inhuatna kha anasat em avangin an thu kan zawm a, mahse kha khan kan fate hmalam hun thlengin alo khawih pha vek tawh a, a inchhir awm khawp mai, kan theih lai khan lo hmachhawn ngam ni ila chuan tun ang em em hi chu kan ni lovang, Nunu i nen pawh mahni hmangaih te ve ve nei thei tur in ni asin, apawi khawp mai. " A ti zawi ruiha, ahmelah te chuan pawi a tih ve hmel viau chuan ka hria, nge lemchanna zawk pawh ka hre lo.



Rei pawh awm lovin an chhuak a, an fanu chanchin tlem azawng min hrilh vei luam a, hman tangkaina tur ka neih awm ka hre silo, ngaihthlak a hahthlak lam hret chu ani.

Ahmangaihi nen kan chhuah avangin zan dar 12 pelh hretah in ka thleng thei chauhva, pawna Anita i lo la vei vut vut chuan min rawn pan chilh nghalin, "Pu, Kapi alo la haw lo ania, a riak chhuak ngai silo, zan a rei tawh si, a awmna chin i hria em? " lo ti zung zungin, tun thleng thlenga Zonunmawii lo la haw lo chu ka ngaihdan ani vaklo, hmeichhia ani a, achungah eng emaw lo thleng se an dem rawn tur leh a mawhpuh tur chu keimah bawk ka ni dawn.


"Ka hre lo, kan in be lo, " Ka ti bul hmuka, ka thin chu arim lova, khawiah pawh lo va khawsa se ka ngaihven lo, buaina a min hnuk lut tur atan erawh chuan hetianga a khawsak hi ka lawm lo bur thung.


In chhunglam pan mai tuma kawngkhar ka vawn rual chiah chuan Anita i chuan min rawn au lehin, "saw saw an ni tawh maithei, "Arawn ti a,kan kawta car dum rawn ding atang chuan Zonunmawii chu rawn chhuak zuiin, driver seat lam atanga tunge tih ka hriat hauhlo mipa hian arawn vuan nghal vata, Zonunmawii zu rui ding su lup lup chu thin nek a, pawna riah tir mai ka nap rum rum.


Anita in alo puih vat avangin ngaihsak zui lovin ka luhsan ta ngat a. Ka sawi tawh ang khan kan inkarah hian in duhna chhete mah a awm lova, induhna te chu sawi loh thikna tur tak ngial pawh hi ka la nei chhin eih ngailo. Ka nei ngailo bawk ang Zonunmawii lakah kher hi chuan.

"Pi fimkhur deuhin aw, " Tia rawn inchhawm lut thawmah chuan ka bottle in lai nen chhuak pheiin Anita in harsa tih hmel zeta Zonunmawii a kuah chu ka en deuh renga, an in len hleih reuh bawk nen Anitai rit tih hmel lutuk mawlh mai chuan ka nuih te lam lam ati za zawk.


"Awi, ka thei tawh lo,Pu Sofa ah hian ka muttir mai dawn, achatthla aniang a rit lutuk, " ti halh halha thaw zui hlawi hlawi chungin a mut rem tir phah bawk. "A kawr hi ka thlak sak dawn em, hei a luak khum nge a balin arimchhe lutuk a kapu, " Tia min rawn melh leh chuan ka dar ka lo san khum zuk ringawt, a bawisawm dan dan chuan bawisawm mai mai se, ka buai phah lova,ka buaina tur ani lo bawk.


Choka a lut leh in Apple pumkhat nen ka room lam ka pan san daiha, keipawh ka thlan nen ka la nih nuai avangin ka inbual zui leh rih, ka inbual zo ka in ha fel hman awr ang tihah thawm ri deuh rawk rawk ka hre leha, zan a rei tawh bawk nen enge tih chian tumin ka va chhuak phei chu ka thil hmuh avang chuan ka ding chawt ringawt.


Chhuatah luak leh tui alo kawi zúi a, kil khatah Anita in bungraw darh nuai lo chharkhawm mekin, "engthil teh hrep nge, iva bengchheng ve" Ka tih ruala phu dawrin a per nawlh lo chauh ani. "Ih Pi hi aluak nasa lutuk a, a khua a sik in ka hria a, damdawi zawn sak ka tum a, heihi ka chesual palh anihhi, ka tihpalh hei pawh hi ka ti keh a, pu lova mu rawh keimahin ka lo tifai vek ang, " Tiin a ding kun lap a, a glass no tih keh chu a darh hneh viau lehnghal.

"a pawilo helai hmun hi tifai la, i mu thei ang. I pi chu aroom ah ka va pawm phei zawk ange, " Tiin Zonunmawii mu zawi nuai chu apuan sin pante nen pawm khawm zui zatin a room lamah ka phei pui nghal a, a rim na lutuk chu zanrei tawha hriat atan chuan a duhawm lem loh khawp mai.


Nichina Anitai sawi kha adik nge, ataksa chu asa deuh vur a, a kawrchung alo hlih sak avangin kawrbah nen chauh a awm bawk nen khuma ka nghah thlak rualin a tawm nghal chial a, amit zawn leh ahnar sen deuh vetah chan a tap nasa tih ka hre mai. Khawsikah puan sin vak athalo an tih chu ka hriatve kur avangin Anita in alo sin tir sa tawh chu ka sin that tir a, damlo buaipui ngai ka nihloh avangin ka thiam azo der.


"Pu, hei tui vawt ka lo la a, apang asa sia ka lo deh sak ang, " Anita in arawn tih leh chuan ka en vata, a in thlahrun hmel ngawih ngawih mai hian ka hmu " i zo tawh ami? " Ka tih chuan alu thing mat matin Zonunmawii chu a melh zeuhva, a inthiamlo ve deuh te pawh ani mahna..


"Khawi ka lo ti mai ang, va ti zo la, i mu dawn nia, ipi chu keiman ka lo buaipui ang, " Ka ti ta nge nge a, zeplo chuan ka mut chu a chhuak ve reng, mahse awmpui anih avanga hahdamna hun siam sak lek lova chhawr fep chu ka duh bik lo . "Awle pu damdawi chu ka pe tawh ania aw, " Tiin a chhuak zui a,a tui rawn ken hmang chuan ka thiam ang angin a chal chu ka han dep ve a, a mu kawm tlat maite chu puan sin tir thawt mai ka chak.


Chutia ahmai bawr vel ka hruk sak lai chuan " Nu, " Tia rawn phun sapin amit atang chuan mittui arawn luang thla ngiai ngiai a, entur dang awm miau silo ka en deuh reng ringawt mai ani. "Steven" A rawn ti leh sapa, a mittui tla chu engvang nge ka hrelo, hmuh nuam ka ti tlat lo, ka hmeichhe huat em em , engtik lai pawha a chaklo lai hmel hmuh leh a beidawn luat avanga amittui tla hmuh te kha ka chak ber thin a, mahse hetia a mittui ka hmuh hian ka hlim leh hauh silo, nuam tihna pawh ka neilo.


Car chhunga amittui tla ka hmuh tum pawh khan nuam tihna ai nuam lo tihna ka nei lian zawk tlat a, atah chhan in azir loh vang nge ka hre lo thung. A mittui luang ngiai ngiai chu hruk sakin a hmai fai sar chu avawi khat nan chiang fahranin ka tawk a, amit amen a hmeichhe induhtawk leh chapo ve larh kha a maimit chhin erawh chuan a letling thawk ani thung, a hnar ngur dinglama akhuavang lang khalh te chu a in hmeh em em hian ka hre thar tlat pek nia male..

__________
"Pu, nizan i mu thei em? " Tiin Anita i chuan min hmuh rualin alo ti zang vaha, keiai mah chuan mut akham loh hmel zawk fe hian ka hria. Chhang mai ta lo chuan ka thu thla hnawk a, ka muhil lo ti ila a dik berin ka ring, "ehe Kapi hna kal i tum nghal ami? " Anita in atih leh takah chuan hawi chhuak vatin Zonunmawii choka a rawn pen lut chu ka lo en reng a, vawikhat pawh min melh chhin eih lo.


Tui vawt thli chhuakin a in khawlh khawlh a, Anita i chuan, "chaw ei ka peih ani mai, ka siam sak nghal ang che aw" Tih leh eitur chawp tuma in tingtuah arual a, Zonunmawii chuan hnial vatin, "pawn lamah ka ei mai ang, " a ti deuh hmuka, a khawsa zia chu mawi berin ka hrelo, nizanah a mah avangin kan buai hrepa, chuta karah duhsak taka Anita in eitur a siam sak a hnawl leh a, enliam mai ka tum na chu ka thei lo, ka ngaihdan a pel tlat, "i ei dawn lo anih chuan zan lamah emaw hrilh sa tawh ang che, nangmah enkawl tur chauh che a helai hmun a awm hi anilo, " Ka ti hmaka, a lo dawn sawn dan hmuh ka chak em avangin ka mit ka la sawn chhin eih lo.


Dawhkanah ano nghat thlain ain hum ngawt ngawt a, a insum ve hle tih ahriat. "Awmpui ani a, i pawisa chauhva i chhawr ani hek lo, angam anih chuan kan thu han zawm lo chhin se, engtinnge ka tih a hre mai ang, " Tiin min melh kara, amitmeng pawisak neih loh hmel zet chu hmeichhia e ti lova kutthlak mai chakna min pe rum rum tawh.


"A tha e, Anita engmah sawi sa lova tukthuan i siam sa a eilo anih chuan min hrilh dawn nia, asim hmak theih nan awmdan mawi ka zirtir ang, " Tia ding chhuakin Anita i chu ka melh zeuhva, aw leh ai pawhin min chhang ngam dawn chuang lo tih ka hria. Ka room lam pan tuma ka in her leh chiah chu Glass keh ri chuai ri leh Anitai t(r)é tuar thawmah chuan ka in her vata, Zonunmawii chuan a tui in na no chu a lo vawm keh leh hman chu niin henu zet hi chu insum tum hram hram pawh hian atheih meuh lo.


"I awmpuinu hna ka siam leh ta, i duh chuan iva pui thei ang, " Tia min rawn din chilhin ngeiawm zet chuan min nuih suka, kawngkhar lam apan chu va pawt let lawpin , "Zonunmawi, ka dawhtheihna hian tawp chin anei tih hria ang che, hmeichhia ini tih theihnghilh thak khawpin ka che duh mai ang, hmeichhe chapo leh in luling lutuk inihna hi nakinah chuan ila chhiatpui dawn khawp, " Tiin a kut chu ka theh lawpa, ka kal sawn zui nghal.


A sei ania aw


Show post links
Top

[Ngaia]

Chapter - 9

Sunday anih avangin In ah ka awm deuh chawta, nizan mut ka kham loh effect ka ti dawn nge, nileng deuh thaw in ka la muhil zui lehnghal, mahse tlem chuan ka zia deuhin ka hria, zanriah eichhuak tura ka nauten ruahmanna an lo siam tawh avangin inbual harhin ka nau Zodina Restaurant lamah chuan ka in khalh chhuak a, unau bil chauh kan ni dawn emaw ka tih laiin kapu leh ka nu leh pate pawh an lo awm thap tawha, athleng har ber ka ni leh chu a zialo ka ti khawp mai.


Zanriah kan eikham kapu nen kan awm hrang chu kapu chuan, "kha heihi i case laktur anihhi, tunah buaipui lai i neilo in ka hria, kha kha lo en la, i chakpui ngei ngei angai, " Tiin file pakhat hi min pe a, ka han en kual thuak thuak chu, naupang pawngsual leh ruk ruk, tualthahna thlenga lo in hnamhnawih tawh ani a, tunah police kutah a awm mek tih lehkha ah pawh a chuang kuau bawk.


Hnial ka tum lova, hnial ta pawh ni ila , ka hnial thlu dawn lo tih ka chiang bawk. "Sangthanga tunu chu ala pawngrawng viau em", a rawn ti leh a, kan awm hran vang nge a tawng pawh a ring tha khawp mai. " I rilru i thlak chuan ipu ka awm hi, i tan anih chuan ka kut ka thawh hreh lo ania, ani chinfel nan chuan sum tam angailo, "a ti leh duaha, Zonunmawii chungchang mah nise sawi nuam ka ti lo, anunna laksak ngat phei chu ngaihtuah pawh ka ngaihtuah chhin ngam lo zawk.



In ngeihin, in kawm tlangnel thei ngai dawn lo mah ila a nunna laksak duhna rilru chu ka pu thei ngai lovang. "Then ka tum lo kapu, haw viau mah ila khawvel mite hmuhah chuan nupa kan ni tho alawm, " Ka ti sup a, ka rilru diktak ka sawi bawk.


"A tha e, mahse i tihtur theihnghilh ngai suh ang che, i in chinfel ve leh Ahmangaihi nen inneih ka remti ang, " Arawn ti chu ka meng kang awk nghal, engtin nge kapu hian Ahmangaihi nen kan inkar hi alo hriat hman ka hrelo, kan theih tawp chuan kan in thup ve in ka hria asin, mahse kapu zawng a fing in a bula seilian kan ni a, min hriatchian pawh a awm viau e.


"Sangthanga ban dinglam innghahna hi tih tliah sak ila, a bak chu huphurhawm a awm tawh lo, hrereng la, i nupui zia leh a khawsak phung enthla reng bawk la, a chak loh hun laiah tak i bei chat tur ani, i hrethiam maw, i hlawhtlin hma chu Ahmangaihi nen in inkawp thei lo, " A ti nghet charha, kapu ngeiin ka thinlung duh ber Ahmangaihi ber a pawm tur thu min tiamna chuan phurna thar min pe a, a rang thei ang bera chet lak vat duhna ka neilian nghal em em bawk.


Chhungkua a inkawm ho na na na chu ka haw har zek a, Ahmangaihi ka tlawh kawi leh bawk nen in ka thlen chuan dar 11 a ri der tawh. Car atanga chhuak mai lovin inchhung eng ruih lam chu ka thlir deuh vung vunga, saw in ah sawn Ahmangaihi nen han khawsa zawk te ni ila chuan inchhung luh te pawh ka phur deuh tur tihte chu ka ngaihtuah a, car atanga chhuah pawh ka chak mawlh lo ani.


Maimit chhinga seat ka nghen veng veng lai chuan light eng zetin min rawn chhunin ka meng chhuak riai riai a, car pakhat chu min hmachhawn zawnga rawn dingin car head ligt eng uar avang chuan tu te nge tih ka chiang ngam mailo, mahse Zonunmawii a chuang ngei tih car chhung light eng vak lo ah chuan ka hmu thei.


Eng emaw sawiin a mipa zawk chuan a be mawlh mawlh tih pawh ka va hmu a, saw tianga Zonunmawii hmel dam ruih saw ka la hmu ngailo, chupa chuan akut lehlama kuahin a lu ah afawp a, Zonunmawii lah chuan ahaw derlo lehnghal zahpuiawm hian.


Ka mit an tihkham em avang chuan car head light chu ka on thut a, Car chhung light enga Zonunmawiin min rawn hmu chu aner zui sak tih ka hmu hman leh hram, enge ka hriat hrep ni horn chu pe vak in Zonunmawii chu ka en reng a, min huat hmel ngawih ngawih, amipa zawk chuan hriatthiam hmel loh zeta min entawnin Zonunmawii chu eng emaw azawt ngei tih a hmui phun danah chuan a hriat vek theih.


Chutia kan in ral sai ngar ngar lai chuan Zonunmawii chuan min tilui nge ka hrelo chupa chu a fawp thut anih chu, ka in hum ruh tung a, a zei zia min hmuh tir atum anih chuan ahlawhchham chiang ngawt ang. Ngaihsak zui duh lovin ka tlan luh san a, mahse hriat loh der zui hmak erawh ka thei ta tlat lo, ka tan engmah nilo mahse inkhata khawsa kan ni a, min zahpahna aneilo lutuk te chuan min ti tlawm a, ka inngaihtuah thinrim chawp ni berin ka hre tawh.


Car chhunga ka la thut reng avang chuan Zonunmawii inlam rawn pan chu ka lo en reng a, ka thin rawn thawk thut chu insum hman hek lo kawngkhar a hawng tur chu va hnaih chilhin ka hawng zui rawk rawk a, Anitai hmel ka hmuh takah chuan ka in bengdai ve leh deuh chuan ka hria.


Min ngai pawimwh lo zeta Zonunmawi kal tlang nul nul chu um zuiin aroom ah chuan a nawrin ka nawr lut a,a teu ngang mai. "Zaktheilo pa min thlah nghal rawh, " A ti vin thawt a, a bag pawh aper lawp thei. "Chhuak rawh" Ti leh thawtin kalsawn atum a, mahse a banah ka vuan bet nghal. "Zonunmawi, eng ang hmeichhia nge inih, nimin lawkah kha i bialpa thi ta avangin i tap a, tunah mipa dang leh maw" Ka ti ve ta ngata, hmeichhia anih pawh ka ringhlel rum rum tawh.


"Min thlah rawh,ilo in rawlhna tur pakhat mah a awm lo", tiin a ban chu tal chhuah tumin atang a, thlah mai ka tum lo,keimah avanga apuh tlat te khan nuam lo tihna te min neih tir hman hiala, nikhat pawh ala ral em lova hetiang mai maia min khawsak khum leh hi ka palzam thei bik lo ani.

" Ngaithla rawh, kha i bialpa a dawizep luat avanga mahni nunna pawh la ngam tu avang khan mahni inthiamlohna te min neihtir khanglanga, tunah chuan ka hre tawh nang ang hmeichhia hi chu tu mipa mah hian an kawp rei peih hauhlo ang che, hetianga i awmdan a hriat vang hi ani ngei ang kha hnamdangpa pawh kha a intihlum a, nep lutuk, "ka ti leh sak sak a, ka nuih suk chu a run ve hle aniang a kut lehlama min rawn beng letin ana hrep lehnghal, ka lo inrin loh vang zawk te pawh ani ngei ang.


" Hmela, kha i hmui bawihhlawh khan a chanchin pawh sawi ve reng reng suh, a chanchin sawi pha ve tur pawh inilo, "tia min rawn sual zuiin a chak hrep lehnghal, mahse mipa tha chu engti kawng mahin min hneh ngaihna a awm chuang lo. " Ngawi rawh, hmeichhia nge inih ramhuai tuna i mipa awmpui dan te kha zah pawh i zak chhin eih lo ani lawm ni?, vawi khat pawh he in leh a chhehvela ka hmu dun leh cheu anih chuan Lucifera nihna diktak ka hmuh tir ngei ang che, " Tiin ka thlaha, ka thinrim luatah ka thawk a sak talh talh thei.


Zonunmawii chu a thin ter a thawk laklawh ni chek tur nge ngawi zui ta mai lova min beng in ka awmah min nem dawr a, "hmela, ilo ngaihtuah buai ve angailo, ka thu thu in ka awm ang, thu min pe hlek suh.. Eng vangin nge ka mipa awmpui thu ah chuan ilo buai ve a, " Tia min melh in min din hnaih zual a, a mitmeng chu mei alh ang maiin a sen tup bawk.


Min en kar chunga, "nang hi i thik ani lo maw? " Arawn ti chu za lo lutukin ka nui tawp ringawt. "Khatia kan in fawp vel kha hmuh hreawm ilo ti em ni? Nge khapa ai khan nangmah ni zawk la iti, ka hriat loh ring duh suh, i thik anih kha," Ti a min din chilhin hnai set sawtah min melh ralh ralh a, tun lawka amitmeng thinrimna meipui alh ang mai kha a awm leh tawh lo.


Min hnaih chilh em avang leh amitmeng hriatthiam harsa zet avang chuan mipa ka nihna atang chuahva chhuak thei tisa thil tak chu ka dang hman lo a hmui fawh rem zetah chuan fawp chawtin a biang tawn tawnah chuan ka vuan bet a, a tal nasa lutuk chu ahmuia seh sakin ka in la hrang chiah chu Zonunmawii hmui hnuailam thi ser chuan ka mit ala hmasa ber nghal.


Chutah min ben leh atumna akut chu lo man sakin ahnunglamah ka kherh beh sak nghala, kan taksa in si cheta avang chuan a tal zui reilo khawp mai. "Min thlah nghal rawh, " Tiin a che hruta, achet nat leh a ban chu ana ting tih hreve karin a tal tha ngamlo chu ka lawmah atla ka ti mai, ka nui zui hak a, amah tilui pah ni fawmin abeng bul setah chuan ka kun hniama, alo thle sawn rang ngang mai.


"Ka thik leh thik loh chu ila hre duh em? " Ka ti sup a, ka thinrim tawh hran lo. "A teuhlo, chhuak nghal rawh, " rawn ti vin thatin keipawhin ka thlah zui mai bawk. Ka thlah ruala ahmui chu tawk chhin zeuhvin min melh khui khui a, keiin engmah thlenglo ang maiin ka lo en kur bawk nen lungni vak lo tih hriat taka in sawh deuh nghawng nghawngin Zonunmawii chu bathroomah alut zui daiha, keipawh chhuak zui ve nghalin ka room lam ka pan zui nghal .


Zonunmawii pov.
Inhnial thawm leh in vin tuar tuar lo chhuahna lam pan chuan ka kal zel a, ka dawr hi a len ve thawkhat avangin ka va pawh mai theilo, "Boss, he lamah hian, " Tia hnathawk pakhatin min lo kawh hmuhna lam ka pan phei rual chuan Zodinpuia nau Tluangpuii leh hmeichhe pakhat hi an lo in vin tuar tuar a, chhungkaw chungchang thleng thlenga an kai zel avangin security ho hnenah chuan thehchhuak ve ve turin thu ka pe a, Tluangpuii mita min huatna mawlh chu hmuh nuam tak hi ani ringawt.


"Tupawh buaina siam an awm chuan ka thupek kher ngaichang lovin thehchhuak zel ang che u, " Tia hnathawk ho ka hrilh hnu chuan ka office lam ka pan leh a, chutia engmah ngaihtuah lem lova ka kal chu khawilama tanga rawn lang thut nge ka hrelo Tluangpuii chuan min rawn nek dawrin ka petek na lamah dawr bungrua chu ka delh tlu rem rum a, thawhlawka khawilet chu ka duh , mahse ka nak thla vel rawn na ut ut avang chuan ka che chang lawk theilo.


"boss, boss, ina em? " Tia security guard pakhatin min rawn biakna pawh chu ka chhang lawk theilo, min rawn bawr laih laihin min tung tho va, ka nak bawr vel lo chu na dang em em ka nei hran lo.


"boss min ngaidam rawh, min nam thuta ka dang hman lo ani, " Tiin secutiry guard chuan Vantluangpuii chu ka melh ren rawn a, in tih cham hmel taka akhabe a pho vah te chu a nep zia a lantirna tih reng a in hrelo anihhi, henu hian, "helai hmun atang hian chhuak nghal rawh kut ka thawh ve hma hian, " Ti hriam hrawkin thawk ka la kawk a, min thlir tu an tam em avangin ka la insum hram hram ani. Ka hnathawk te chauh awm nise a thisen ka chhuah loh ai ah.


"Sawi lo pawh ni la ka chhuak ang, i in lak chapo viauna hi ka tan engmah ani ve lo aw, heng thil i neih ho muang changa kan laksak hunah che chuan bawk khupin ka hma ah hian ila kun ngei ang, " Tiin a nui suk a, vai tawnga eng emaw sawi zawm lehin mi zawng zawng mit chu ka chungah a fu thup tawh, eng thu nge a sawi ka hrelo, mahse thu pangai chu anilo tih ka hre thung..


Vantluangpuii a chhuak chiah tihah "eng thu nge asawi? " Ti vin thatin ka hawikual a, zawh bik pawh ka nei chuang lo. "Boss englo ih, a sawi chu henu hian ka u pasalah neiin kan ro leh sum te min chhuhsak vek tumin dawt ten min puh kuala, ka u chu mipa dang a kawp san leh bawk a, ka u ka lainat em avangin hetah hian thu sawipui turin ka lo kal a, mahse ani chuan min lo thehchhuak nghal anihhi 'a ti a, chu zawng chu asawi " tí daka hmeichhe pakhatin arawn tih chuan ka thinrim luatah ka nui tawi tak ringawt.


Mahse Vantluangpuii hian a let leh lam tur hi ngaihtuah thleng pha se khatiang khan min tawngkhum lo tur. Ka ngawih bo pui mai mai dawn hauh si lova.

Awm nuam zan lo chung chuan ni chu ka hmang zo ve leh hram a, ka nak bawr mawlh mai chu azual telh telh emaw tih theih tur ani. Kapu in zanriah ei tura min sawm avangin i he sawi lovin inlam ka pan a, kapi in min lo hmuh rual chuan min lo lawm thiam leh ber a, Asangi leh Samuela awm tawh lo erawh tlem chuan a hreawm ve deuh.


Samuela chu mizoram lamah letin kapi erawh min la champui reng a, mahse a awm rei tawh ka ring lo, "Nunu, nizan ka mumangah naute ilo nei asin, phir an nia" Nui kur kur chunga Biaksiaman arawn tih chuan ka melh thip nasa mai. Min fiam tih hre mah ila, chutiang zawng khera infiam chu ka duhlo. "A tawpna ni rawh se, fiamthu pawhin i sawi leh anih chuan helai hmun atang hian ka thawn bo ang che, " Ka ti bul hmuka, ka thutak zia ahmuhin anui lai pawh atawp chawt nghal.


Ka cousin Biaksiama hi engineering college ah zirlai a ni a, chawlh hmanga rawn haw zuai ani. Mi phawk tak leh bengchheng tak ani a, abulah tumah kan khawsa rei peih ngai meuh lo. "Ka zirlai ka zawh hunah chuan ka kalbo daih ang, " Phun nung nunga arawn ti leh chu ka hawilet rang kher mai. A ner suk chu ka la hmu hman leh hram bawk nen ka panding nghal a, min zah avang nge min hlauh vang ka hrelo a mitmeng akhup zal zal nghal.


"Eng maw i sawi kha, tun dinhmun i thlen theih nan hian kapu hian tihsak lo che a nei em? Midang zawng a duhthlan hna kan thawh laiin nangni unau erawh in duhthlanna in a kal tir cheu va, a thatna rulh let ahnekin tlanbo san te i lo tum ani maw.. Heihi hre rawh Lalbiaksiam i u ka awm chhung chu chutiang thil iti ngai lovang, iduh chuan min enchhin dawn nia, khawlaia kutdawh turin ka siam ang che, "ka ti khur khur a, thinrimna nei sa bawk nen Lalbiaksiama chu ka haw hlur hi ani tawp mai.


Zanriah kan killai te chuan kapu nen chauh kan titi dun a, midang zawng erawh an ngawi thiap thung. Ka haw dawnah kapi in thu tha pui pui ka beng lehlama chhuak leh vek tur te chu min han fah leh rih, ka hlawkpui loh zia te hi hria se aw min hrilh peih reng hi ka ring tawh lo.


In ka thlen chuan dar 8 a pel awr a, duhai chuan ka haw hma hretin ka hria, "Pi ilo va haw hma ve " Inchhung ka luh rual chuan Anitai chuan min lo be vata, chhang lovin ka melh ringawt. "Chaw i ei tawh em? Pu pawh zanin chu arawn haw hma lutuk, " Ti bawrh bawrhin bungbel vel a khawih ri nawk nawk a, "i thawm dim rawh, tuilum i nei em? " Ka ti ram hmak thung, awmpui mai mai ni si hi ka duh ai min palzam mah mah tawh in ka hria, kan dinhmun in thlau lutuk te hi hrilh hriat nawntir kher a phut zawk nge.


Kan chhiahhlawh kan sum hmanga ei leh bar hmu ve mai mai ani a, duhai a ngampa sawt riau. "Aw nei e, intur i duh ami? Ka lo thli chhuak ang aw " Arawn tih leh zawt zawt chuan ka melh deuh hrawk a, ka sawi hma hma hetianga min chhan a hmang thin hi ani ka huat em em leh bawk chu.

"Anita, keihi he in a hotu ka nihhi i hria em? Ban i duhloh chuan tawng tlem la, ka thusawi ngaithla hmasa thin tawh ang che, tuilum chu bowl lianah dah la, ka roomah rawn chhawi lut nghal ang che, " Tih leh room lam pansan ka rual a, vawiin ka hun hman dan teh hrep chuan nilengin min ti thinrim tun a, puak chhuah huk theihna awmse ka mamawh viauin ka hria.


..........
Ka kawngkhar chum dawt dawt thawmah chuan ka harh chiang ngang mai, khua ala varlo tih hriat takin ka turverh zawn te chu ala thim khupa, sana ka en chuan zinglam dar 3 a chu apel tawh. Ka kawngkhar ri leh dawt dawtah chuan in perh thoin ngaihtuahna mumal pawh hmang lo chuan ka hawng zui a, Zodinpuia hmel chang ul nen kan han in hmachhawn takah chuan ka meng fiah kawk nghalin ka hria.


Hmanzan thil thleng atang khan tun hi a zan li na chiah ani a, kan in hmuh lehna awm chhun ni maiin ka hria, "Heihi sawifiah rawh" Tih leh ka room chhunglama min nawr lutin kawngkhar chu a nem khar zui dawpa, a lehkha ken ka hmu chu ka nui zui hak nghal. "Zonunmawi fiamthu ka thawh emaw iti em ni? " Rawn ti lehin a thinrim hmel em em a, keilah in ka hlau der mai bawk silo lai nen a thinrim zual sauh nge tawngkham chhe zet phuh chhuakin a vei kual vut a, athawk leh kawk kawk danah chuan insum a tum tih ka hrethiam ve tlat.


Engdang anilo a nau , a hmangaih leh a enkawl seilen ve ngei Vantluangpuii lakah FIR ka theh lut miau alawm le, engtin nge a pangai theih reng ang ni. Vantluangpuii chungchangah kher hi chuan finfiahna leh thu hretu ka nei tha bawka, Zodinpuia chu cho ar ar tak hi ka ni ringawt mai a ni.


"Sawifiah rawh, " Tih leh min hnaih hrutin min melh ngur a, kanin san hleih lutuk lo na chu kei ai asan zawk miau avangin ka melh chho lo thei silo, "i hmuh leh i hriat ang kha ani mai, court ah kan in hmu dawn nia, " Tiin ka hmai ka pho khum vah a, court in hremna apek hun tura ka tihdan tur nen lam ka lo in ruahman fel diam tawh tih hre ngatse min sawisa hlum duh maithei ani.


"Chhuak rawh, mi hahchawlh laia tihbuai hi i hobby nge i pu zirtir chhuah zawk che, " Ti a ka mit san khum zeuhvin awm sawn tuma ka pen rual chuan kan ban bula vuanin min pawt let nawka, chutia ka taksa che deuh thut vang nge ka hrelo ka nak na chu arawn hen zawkin tum loh lutukin ka thu zui hnawk nghal. "Enga tinge? Tih leh Zodinpuia chuan ka nak veilam ka dawm mekna zawn chu ka in rin hma in arawn hlim chho pàwk a, kawrbah chauh ka ha bawk nen ka teu ngang mai.


"Kalsawn rawh" Ti thatin ka nem a, mahse a che sawn eih lo. Ka taksa sirlam chu a en reng a, ahmel landan chu ka sawithiam lo, pawi tihna ka hmu lova, mahse lawmna hmel pawh ka hmu chuang lo. "Zodinpui, kalsawn rawh ana ania, " Ka ti tha leh a, ka thutdan inherh deuh chuan ka nak chu a ti na tlat ani. Mawng hawlh ang maiin Zodinpuia chu a tho thlurh a, nichin atang khan engmah ala sawi lo, min en reng ringawta, ka finfiahna te hi engtin nge tihchhiat a tum dawn tihvel angaihtuah ani ngei ang.


"Chhuak rawh ka mu duh, chuan heihi hre rawh, ka phalna la hmasa lovin ka room ah hian rawn lut ve tawh ngai hlek suh, mihrangin ka thil an hnaih hi ka ngaina lo ania" Fiah tak mahse thupe aw tak si chuan ka ti a, min chhan tuma a ka ang zuaiin a tawp leh rih. "Mu rawh, naktukah kan in be dawn nia" Tiin achhuak zui a, ave lutuk hian a, inbiaka, min vo zam atum anih chuan amah zawk pawh hi ka khing let hreh hauh lo. Chuti nilova case hi sut let tura min ti anih pawhin sualna thup bo sak tuma puhin ka hek let leh thei tih ka hreve kar, tikhan rilru hah leh mangang khan hun va hmang mawlh teh se.


_______
"In bia ang, " Kawngkhar ka chhuak tur Zodinpuia àw ka hriat ruala ding datin ka lehhawi a, ani pawh chhuah inpeih diamin alo induang fel tawh. "Sawi tur ka neilo, " Ti leh ngatin ka inher a, mahse pen khat pawh ka pen hmanin ka hrelo min rawn dinkhalh zata, min en rengin "keiman ka nei, " A ti bul tupa. A bek pawng talh talh ah chuan inbengdaih atum viau tih pawh ka hria,mahse ngaithlak sak erawh ka tum bau lo thung.


"Ngaithla turin hun ka neilo, " Ti leh ngata neksawn ka tum chu ka hlawhchham chiang lutuk, ka ban bula min manin min nem let dawr a, chutih rual chiah chuan ka nak pawh arawn hen zawk nghal. "Huh, i hlau em ni? " Ka tih khum sak chuan mitmeng thip zet hian min en a, ka thusawi chu a dawnsawn a harsa ve hret ani ngei ang. "Anih i hlau lovah ngai ila, kan kaldun hial dawn em ni? Vawiin chu i driver ah ka lo tang anga, khati ber bura car i khalh chuan nangmah zawk hian case i awrh haw leh ang tih te pawh ahlauhawm zawk alawm, " Ka tih mek lai chuan a phone ri avangin a mit chu ala sawn ve hram a, mahse kawngkhar a a din tlat avangin chhuah erawh ka chhuak theilo...


"Ka hria e, ka kutah dah rawh, " Tia min melh runin a phone chu ahangup zui a, chutah thaw halha nui sukin, "ka driver chu han ni ta che, " Tih leh chhuah arual a, ka hamhaih lutuk chu kal mai na chang pawh ka hrelo..
Court kan thlen thleng chuan Zodinpuia chu angawi reng a, alandan erawh tifuh in tih hmel zet hian a inthlak a, ka zeplo ka awm ati nuam chiah tawh lo zawk.


Ka lawyer in thil thlen dan leh ka pem lai te, cctv camera footage te court hma ah chuan a phawrh vek a, Zodinpuia thu ngawi ngur leh tak rún chuan min la ti hamhaih reng tho, akut pakhat dawhkana nghatin pen chu a khalh neuh neuh a, ka lawyer thusawi lai chu ngaihnawm tih hmel zetin zu thlir renga maw le...


Chutah Judge in Zodinpuia sawi tur aneih leh neih loh azawh chuan Zodinpuia chuan min rawn melh zeuhvin amit min siai zuka, in thla zo zeta rawn ding chhuakin sawitur a neih loh thu leh a client chu thiamlo zawk ani tih a pawm thu chiang kek kawk chuan a sawi a, mahse ala duhtawk mai lo.

"Your honor chiang takin cctv footage kha en leh la, khatah khan ka client Vantluangpuii khan Pi Zonunmawii hi pasal nei chunga kawplai nei niin apasal rosum chhuhsak vek tum angin a sawia, khawngaihin Pi Zonunmawii hi thuzawh fiahna box ah hian rawn dingin he thu hi a dik nge diklo tih rawn nem nghet tura koh chhuah ka duh ani,ka client hian dawtin alo puh anih chuan ka tanna lam adik lo tihna ani a,mi dikna chanvo nei tura beitu ka nih ang ngeiin ka client ngei pawh hi case awrh tir a ngai anih pawhin dikna lam chu ka tang zel ang, "Arawn tih chuan mipui phun mur murin azui zata, Zodinpuia hmela khàkna lang chhuak chu lih sak ka chak ngawih ngawih.


"Pi Zonun, pasal i neih awm kan lo hre hauh lova, ka client thusawi leh apuhna ah che khan sawi tur i nei em? " Tiin Zodinpuia chuan min en kalh a, kan inneihna kha court lehkha mai chauh ani a, kan chhungte lo chuan kan innei tih pawh an hrelo, he mihring hian eng game nge khelh atum hrep hi. "Aw pasal chu ka nei alawm, a bak kha chu dawt vek ani " A mitah tak en let karin ka ti let ve a, Zodinpuia nui suk chu hnek pawp mai ka duh.


"I chiang maw.. Your honor heng thlalak te i han en la, thian satliah mai chu an ni in i hria em,. Mahse kha chu Pi Zonuni mimal nun ani a, kan sawi theih a awm lo, chuan video clip 1 i hma ah khan a awm a, khatah khan Pi Zonuni hian a customer te mawilo taka bia in security ahnuhchhuah tir a, chumi hnuah ka client Vantluangpuii kha an kai dawr dawr tih i hmu ang, khata an buaina erawh chhungkaw thil anih avangin sawilan erawh ka tum lo.

Chumi hnuah tlanchhe zuiin tikhan Pi Zonuni kha tihpalh liau liauin ava su tlu ta a, " Tia min rawn en leh zeuhvin , "your honor mihring hian thinrimna hmachhawn dan hrang hrang kan nei a, khatia tihpalh thila ka client in ava sut takah chuan a unaupa avang leh Pi Zonunin engmah thuchiang zawt hmasa lova a nawr chhuah avang khan alungawilohna leh a thinrimna te chu a lantir ta ah kan ngai thei ang.

Ka client pawh hi a thiam ka ti lova, a unaupa thlavang ahauhna lamah a tawngkam alo duhtui lo pawh ani thei. Ka duh chu ahremna tur hi chiang taka ngaihtuah turin ka duh che, kha zawng kha your honor, " Tiin athutna lam apan a, keipawh ka kalsawn zui nghal.


Mipui thut khawmna a Vantluangpuiin verther zeta min nuihsawh ka hmuh chuan ka puak keh mai dawnin ka hria. Judge chuan bungraw chhe ho man atan zangna dawmna pawisa chawi tura tiin rorel chu a ti tawpa, awi harsa ka ti ngawih ngawih. Zodinpuia lam ka hawi chu hnehtu chan chang ni awm taka hawi vahin min rawn pan hnaia, ka lo in hum ruh nasa lutuk chu ka ben mai loh nan ka insum hram hram.



"Pawnah ka lo nghak ang che, i puten hetiang thil itihna chhan hi an hre duh ania" Ti supin a kalsawn zuia, zui ve nghal mai loh chu tih theih ka nei rih lo. Ngawi renga tlanin Pu Hlira in kan thleng a, pawna kapu motor leh motor dang inhung thapah chuan an awm kim viauin ka ring bawk.


"A theihlai khan case la let la tha tur, " Zodinpuian car kawngkhar hawnga atih rual chuan umzui nghalin, "kha thil avang khan i chak ta tihna ani reng reng lo, thudik engkim hrechunga hetiang thil iti hi ila inchhir ve khawp ang,dikna tan ber ang te khan i in sawi ve a, zak ngawih ngawih rawh," Ka ti thata, ka thusawi te chu ngai pawimawh ang pawhin a awm duh huah lo. Mahse he thilah hi chuan ka dik zawka, engti kawng mahin ka dinna hi ka sawh sawn lo bawk ang.


Heiraww mit ava kham duh ve


Show post links
Top

[Ngaia]

LAVENDER ( CHAPTER - 10 )


Pu Hlira in kan thleng chu kan nu leh pate leh kan pute ho chu an lo awm thupa, kapu hmela thinrimna ka hmuh chuan ka zam chhe nghal der hian ka hria. "Thu rawh u, in khawsak dan chuan min ti zak khawp mai, puitling taka in awmdun theih rin laia, hetiang naupang chhe thil lutuk avanga court hial thlen hi ching nawn tawh suh ang che u" Pu Hlira chuan nghet churh hian ati a, athinrim ve viau chuan ka hria, mahse ani thinrimna ai chuan kapu thinrim hi ka hlau daih zawk.


"Nunu heng thlalak te hi eng nge awmzia ? In sawifiahna tur i nei em? " Arawn tih rual chuan dawhkana a paih dar thlalak ho chu ka en vata, ka thinrim chu awm ngaihna pawh ka hre tawh lo, Stevena nena kan thiantha em em, Stevena aboral thut avanga min ngaihtuaha rawn zin ve vang vang Andre a nena kan thlalak tam tham zet hi ani a, Andrea hi chu ka thianpa bik liau liau anih avangin kan in pawhin kan inkar pawh atha em em a, inngaihzawnna chu sawi loh induh chhinna pawh kan inkarah hian a awm ngailo.


"Ka thianpa anihhi, " Ti thei tawkin Zodinpuia chu ka en leh a, min hrelo der hmak tawh. In sawifiah tura min tih avangin a him chin zawng ka sawi vek a, mahse a tu amah chuan min rin hmel loh khawp mai, anni rinna ai chuan kapu hian min ring se, ka chungah thinrim lo se, chu bak beisei ka neilo.


"Engpawh nise, i thian tha alo nih pawhin pasal i nei tawha, thlah ang che, hetiang thu hi ka hre leh anih chuan ka ro suma i hming awmna hi ka nawt reh ang, chutiang bawkin Adina pawh.. Kal tawh rawh u", ti zui zatin Pu Hlira chu a tho zui hmaka, kapu chuan lungni lo fe a min melh in a kalsawn zui hmak bawka, ka rilru chu ana takzet ani.


" Bawihte, kal tawh rawh u, tap reng reng suh,ka fanu huaisen i nih kha ,ka ring tlat che ania," Kanu in a kalsawn dawna arawn tih leh bak chu tuman min be zui lova, ka awmdan chu sawifiah ngaihna pawh ka hrelo, ka taksa chhungril lam chu ana a, ka vai chulh mai ani.


"I ril atam em?" In lam pan a kan tlan lai cuan Zodinpuia chuan arawn ti a, ka thinrim leh ka lungawiloh em avang chuan hria ang pawhin ka awm lo, ka phone ka khawihsan hmak a, vawiina min tih thangtlawm lutuk leh nichin thil thleng te kha ka rilru ah hian acham renga, thawk a ipik ngawih ngawih.

"Zonunmawi i ril a tam em ka tih chu, " Nghet ban cherh chawrha arawn tih leh chuan na zeta ka phone chu dah thla in, "ngawi reng khan khalh rawh, " Ka ti vin thawta, ka thutna a in sawh nghawng nghawng bak tih theih ka nei silo, he mihring awm lohna hmun a khawsak bak chak ka nei tawh lo.


"Ka bulah lei ka hmang thiam zet i awm a, ka ngawi reng thei hleinem, " Ka àw ki millo zeta dam ruih chuan min rawn chhang let a, min nuihsawh tih ka hmuh phei chuan accident pawh pawisa lova sual mai ka duh rum rum tawh. "I lei kha tan la, khawtthler ui vakvai chawm nan ka lo hmang ang, " Ka ti leh fak chuan anui duh lek chauha, a awm lo hran love case ah chakna chang mah ila a lawm man dawngtu erawh ka ni silo. "An tawngthei lutuk anga, an zui reng dawn che asin, " Tiin a nui huk huk a, ka chhang buai peih tawh lo.


In kan thleng car atanga ka chhuh rual chuan Andre a call arawn lut zat a, nilenga a messege ka la seen loh avangin amangang ani ngei ang. "Imm Andre" Tih leh kawngkhar lam pan ka rual a, ka ngaihtuah ang ngei ngeiin zinglama a messege ka la open lo chu alo mangang hman hi alo ni.


Ka in sawifiah zung zung a, naktuk lam inhmuh a duhthu leh a haw tawh dawn avanga inthlahna ang reng deuh buatsaih sak tura min ngenna ka chhan let dawn lai chuan Zodinpuia chuan ka phone chu rawn pawt thla in a off zui hmak anih chu.


"Nang hi, hmela rawn la rawh, " Tiin laksak tumin ka ban a, ka ban lohna lam zela lo lek sawnin a kalsawn chu a hnungah ka zui dawt dawt a, ka vin tuar tuarna te chu angaithla nge ngaithla lo pawh ka hrelo. "Ngawi tawh rawh, bengchheng lutuk, kha thil vanga buaina neih leh kha i duh em ni?, nge i buaina tawh zawh chiah kha ila kham lo zawk", ati vin thawta, min din hnaih nghal ruakin a kekawr ip azen lohna lam chuan ka phone chu alek kang phah reng a, chhang lova ka ban leh rual chuan lek sawn arual nghal.


"zanin chuan ni love, i pasal ka awm ve reng lai chuan a theih loh, " A mit ko min san khum zukin a rawn ti leh a, chutia a in ringlo lai chu remchangah hmangin a ke ah chuan ka theih tawp tak meuhin ka tum chawrha, ana ti a talbuai lai chu chuhin ka phone chu ka laksak zui a,ka room lam ka pan san nghal.



Anita in chawlh alak avangin eitur siam sa a awm si lo, ka inbual zo ka sam pawh ka tiro hmasa thei ngang lo ka pum ruak tawh lutuk chuan min tur kal ani ber tawh, in hnawhpuar tumin choka ah ka lut vata, Noodle siam a awlsam bera ka rin avangin ka siam zui nghal mawp mawp bawk. "Kan vawknu chu aril alo tam hle ani maw,? " Ti ri ah chuan hawi pawh ka hawi peih lo, Zodinpuia pawh min be zuilo chuan a thawm zui rak raka amah hnungchhawn zawnga ding ka nih avangin eng nge atih ka hre lo .


"kiang lawk teh, " Tia min rawn din hnaih rual chuan ning zeta thawk chhuak hakin, "iva hneawm tak, " Ka lo tibak hlara, ka thil ei thak bawk nen thinrimna nen a in pawlh mawi khawp mai. "In hnial ka peih lo, ngawih hun hi hreve rawh, " Min ti let er in frying pan chu ala chhuak a, Gas hma taka ei ka nih avangin ka awmsawn ve mai. Rin loh deuhin Zodinpuia chuan eitur a siam mawlh mawlh a,a rim lah chu atui hrep lehnghal, ka thil ei lai tuina a bo vek dawnin ka hria.


In be lo chuan kan thil tihah kan bur dun mawp mawp a, ka ei na ka sil a, Zodinpuia bungbel hman erawh khawihsak ka tum hauh lo. Ka thleng sil zo dawhkana ka phone bana kalsawn ka tum chu chair pakhat lo pawng chhuak chu nek sawn dawrin ka tum hauh lovin ka palh tlu ri dawpa, ka tluk zawng a ka nak na zawk avang chuan ka ip chawi nghal.


"Fimkhur ta che," Zodinpuian arawn tih chuan chhan pawh ka chhang thei lo. "Tho rawh" Tiin min rawn kaihthawh atuma, ka ngei laklawh bawk nen akut chu lo beng sawn nghalin, "thawk bo rawh" Ka lo ti let er a, ka din chhuah rualin ka nak chu arawn hen leh zawk bawk nen ka kianga chair chu ka vawn chhan lo thei lo. " Ka lo en ang, ala na viau ami? " Tih leh ka kawr rawn hlim leh mai tum taka arawn kun hnaih rual chuan ka tum em em pawh nilovin ahmaiah ka vai ri thlawrh a, keipawh ka phu ve zukin ka hria.


"Min khawih suh, i nau kha ka khawihlet ve huna alo in rin theih nan veng tha la a tawk, " Tiin ka kalsan zui hmak a, ka room ka luh ruala dartlanglang hmaa ka in en chuan a duk nasa zual chu alo reh vek tawha, mahse ka sawhna lai vel tak chu la sen deuh chhalhin khawih fuh chuan ala na ve zek. Chutia ka in en mawlh mawlh lai chuan khawngkhar rawn in hawng thutin Zodinpuia chu akuta damdawi bawm keng chungin arawn pen lut pawk pawk a, he mihring hi duhai ka room ah hian a ngampa mah mah tawh.


"Ding rawh, ka room ah hian rawn lut tawh suh ka tih kha i hrelo em ni? I beng a chhet chu anilo maw" Tiin ka melh kur a, ka ngei zia leh ka hnezia hi engtin nge ka sawifiah dawn ni. "Damdawi hi hnawih ang, hna chungchangah inbiak kan ngai bawk, " Tiin ka khumah chuan a thu thla ngam anih chu, ani em em tawh lo.


"Zodinpui, chhuak rawh ka tih chu, ka hnezia che hi i hrelo em ni? " Ka tih hlawi hlawi chuan mit ko san datin, "hria e, i sawi chhuah phei chuan dawrzawn hnih ka dawng reng zawk, " A ti dut a, tawngkam ngeiawm tak taka min chhan phei hi chuan mipa niha thih thak thlenga insual pui ka chak ber.


"Anih chuan ka roomah pawh hian ka lawm vak lo che tih i hria ang chu, chhuak nghal rawh, " Tih leh akianga adah damdawi chu la lawkin ka paih darh a, chu ve leh Zodinpuia chu rawn ding thutin, "Lilith, ramhuaite lalnu, ka ngaihsakna i dawng hi vannei in ti viau zawk rawh, i hmel hmuh reng hi ka peih biklo tih hre bawk la, " Tiin damdawi tla darh chu a chhar khawm a, kei lahin chhuak turin ka lo vin tuar tuar reng bawk.



"A tawk, ngawih hun hre rawh ka tih kha, kut ka thlak duh mai ang che, " Ti vin thawtin min melh ngur a, a hmel chu a thim mup mup nghalin ka hria. A thinrim tur zawk leh lawmlo tur zawk ka niin ka in hre tlat pek. "Thu rawh, hnawih zo vat ila hna thilah inbiak kan ngai, tih tur kan nei bawk, " Tlema àw dam deuh zawka tiin khumah bawk chuan arawn thu thla a, thutve erawh chu ka tumlo bur.


"Naktukah hna chu kan sawi dawn nia, chuan damdawi pawh keimahin ka in hnawih ve thei, chhuak vat la ani mai, " Ka ti let ve leh a, vin pawh ka vin peih tawh lo. Zodinpuia thaw ri halh chuan min hnezia leh ka luhlulna ahmachhawn avanga kut min thlak a chakzia ati langin ka hria. "Hmeichhe luhlul lutuk, " Tih leh min pawt thu hnawkin ka kawr chu a hlim pawk a, chung zawng zawng chu second reilo te chhunga thleng vek ani.


"Che suh, dawh mai mai rawh" Awm sawn tuma ka chet rual chuan arawn ti thawt a, damdawi leh ka taka a indai zui zat bawk nen ka che ngam tawh lo hrim hrim zawk. "Xray tih i duh em, " Arawn tih leh dut rual chuan ahmel en tumin ka hawi vata, ani erawh chuan ka nak lam ringawt alo en kiau thung. "A tullo, i zo tawh em" Ka ti sek a, "Zonunmawi" Rawn ti hmuka min rawn en chuan amitmeng chu abuai deuhin ka hria, chuan nichin zawng zawnga ka lo hriat loh beer rim ka hre tel bawk.


"A tawk, i rui anih kha" Tiin ka in siam tha nghala, Zodinpuia chuan min en reng ringawt. Eng tak chu ngaihtuah leh dawn ni maw...", Pu Hlira hotelah buaina tlem a awm a, mahse mu rawh, naktukah kan ti mai dawn nia, " Tiin a chhuak zui daiha, hepa awmdan thin pawh hi chu hriatthiam theih amual pawh ka nei tawh lo.


...........
"Pi i mutui em? Coffee ka lo lak nghal ang che aw, " Anita in ka room atanga ka chhuah rul chuan alo ti vata, henu ka duh ve na em em pakhat chu a vengva lutuk leh a mawngzang lutuk ber hi ani. "Rawn la rawh, " Tiin thutkhawmna lamah kan phei dun a, Zodinpuia pawh alo in chhawp hnawk tawh viau tawh. A la hma tehlul nen khawihtur a tam phian anih ka ring ve tak tak thei chuah ani. "hnathawk ho hian hlawhsan te an rawn phut anih hmel a, ava buaithlak ve" Ngawi renga kan awm lai chuan Zodinpuia chuan arawn ti a, min bia pawh ani chiahlo, mahse kan buaipui tur zinga mi anih avangin ka lo ngaihven lo theilo.


"Department hrang hrang atang hian in duhkhawp lohna a nasa bawk si a, engtin nge ni ang aw, " Ti leh vung vungin a pen chu a tuk ri karh karh a, keipawhin thu thlukna siam mai dan ka hriat loh avangin ka chhang mai thei lo, ka hotelah pawh ka buai lai tak alo ni ve zel nen lu a hai duh khawp mai.


"Pi, hmu duh che an awm a, ka lo luhtir dawn em? " Anita in min rawn biak takah chuan hawi chhuak phutin kawngkhar lam chu ka thlek a, thutkhawmna atanga alan theih chiah loh avangin ka hmu thei mailo, "tu nge, " Tiin Anita chu ka zawt let a, ka bana sana ka en chuan dar 11:33 chiah chiah alo ni tawh. "Andrea a in ti a, athianpa ka nia ati, " Arawn tih leh rual chuan ka che phut a, mahse kei aia che rang zawk an awm.


"I hman lo " Zodinpuian min pawt thu hnawk phaha atih rual chuan ka melh hrawk a, Anita i pawhin tih ngaihna mai ahrelo nge,a la ding reng. "Min thlah rawh, eng nge i hriata Zodinpuia, " Ka tih vin thatah chuan Andrea arawn lang hlawl a, a hmela hlauhthawnna chu ka hmu nghal.


"Nunu, i tha maw, " Zodinpuia nen min melh tawnin a rawn ti a, Chinese ahman avangin Zodinpuia chuan ahrethiam dawn lo tih ka hria. Mahse ka kut a vawnna erawh ala thlah duh hauh lo thung, "Imm tha e, hetah eng nge i rawn tih? "Ka ti ti tup a, ka tawngkam ve reng anih avangin Andrea pawn ngaih khatah angai tawh.


" naktukah ka haw tawh dawn, nizanah pawh ka hrilh che kha", nui vur vura arawn tih chuan eng emaw beisei anei tih ka hre nghal. "Ka rawn inrawlh chu a pawi ka ti, mahse hna kan nei, khawiah mah a kal chhuak hman lo, " Zodinpuian Andrea melh kar chunga atih chuan ka kut chu laksawn ka tuma, alo vuan nghet lo nge ka la sawn thei tawh. "Lo inrawlh ve suh, Andre thu rawh, haw hma i va tum ve? " Ka tih chuan Andre a pawh rawn thu thla in anui leh vur vur thin chu ka hrethiam lo khawp mai.


"Heihi tiraw i pasal chu, Stefena nen chuan an zia adanglam hmel hle mai, " Tiin Zodinpuia chu a melh zuk a, ka in hmelhriat tir lawk loh vang nge Andre a bawk chuan akut phar chhuak phahin, "hello, Andre a ka nia, Bangkok ah hei Nunu nen hian kan inkawm thin a, pasal anei tih ka lo hria a , kan in hmu chu ka lawm e, " A ti fel thlapa, Zodinpuia lah chu inti eng emaw kual velin a chibai dawn lo emaw tih hnu ah chibai loh aiah tih niawm tawk lekin achibai a, a induhtawk lutuk chu ka ngei hluah hluah.



"Naktukah ka kir tawh dawn sia, zanin chu dinner kan eichhuak dawn ami ka lo ti a, thian dangte pawhin min thlah ve an duh a, rem itih chuan Nunu i hi lo kal tir ve la, i peih chuan nangmah pawh lo tel thei la chu duhthusam, " Tia min nuih sakin Zodinpuia bawk chu a en leh a, ka thiantha em em leh Bangkok ah chuan ka belh ve ber ani a, ka kal dawn ngei ngei hi ani tawp. Mipa smart leh polite tak ani a, Zodinpuia a dil thlap atang pawh hian alang vekin ka hria.


"Andre ka lo kal ang, mahse hna ka tih zawh phawt angai, " Ka ti vata, Zodinpuia min melhna chu en pawh ka en peih lo. "Awle, dar 7 ah kan in hmu dawn nia, dude nangpawh aw" Tih leh chhuah a rual a, a tu mah mah chu kan in be zawm lo chiang asin. Tlailam dar 5 rik dawnah kan zo fel thei a, Pu Hlira lehkha pek let ngai a awm avangin Zodinpuia akal mek thung.


"Pi, kanu a tlusual a, khawngaihin vawiin chu ka haw thei mai angem?," Choka a ka lut Anita in alo tihchuan zana ka eichhuah dawn tho avangin ka remti ve mai a, mak deuh chu hetia in hrana kan awm hnu hian ka tih ngaih loh leh ka tihduh ngai loh tur ka ti fo tawh, tuna Anita in min dilna ang te kha a hma chuan ka phal ngailo, khatiang a thleng anih chuan ban zui nghal ani mai. Mahse he nu erawh hi chu a hmel ka hmuh hian ka sawithiam lo, ka lainat ve pawh ani ang.


Ka sawi tawh em Anita i hnathawh dan hi kartluanin a thawk lova, inrinni tlaiah haw in sunday an mahni In ah a cham a, Mondayah rawn kal lehin a riak thung thin. In el na khawvel mi rethei leh hausa khawsak in an tawh lohna ah kan chenga, kan vawikhat mitkhap karah pawh hian thil tamtak a thleng thei tih hi ka zirchhuah ani, chuvang chuan eng kawng pawh zawh mah ila, second khat hlutna hi ka hriat chhung chuan hma ka sawn lo thei lova,ka tlachhe ngailo bawk ang tihhi ka hmachhuan ber thil ani bawk.


"Khawnga Anita-i", Zodinpuia aw ka hriat chuan en pawh en lovin fridge atang chuan Apple ka la chhuak a, dinner ei tura kal ala hun lo deuh avangin ka riltam pum ruak tan chu han hnawh khah deuh ka tum ani. " Zonunmawi, khawnge Anita i", arawn tih leh chuan ka hne lutuk chu thaw hluaiin, "i hmuh loh chuan a awmlo tihna ani mai alawm, a haw, " Tiin ka kalpel zui a, ka inbual zo sam tuam luk chunga awm ka nih avangin ka room lam ka pan ding nghal.


Rooma thil ei hi ka thil duh loh ber ni mahse Zodinpuia bula ei ai thlawt chuan ka lem thei zawk mahna.. Ka in siam zo ka chhuak phei chu thutkhawmna ah chuan Zodinpuia bawk chu alo in chhawp hnawk leh viau tawh a, a hmel hmuh ringawt pawh kham tawh nen, he in a a awm ve tih hriatna pawh hian min ti thinrim hlur thei.


Andre a leh midang pali te nen dinner kan kil hova, Andre a tih loh chu ka hriat lem loh avangin kam khat pawhin ka be lova, min biakna erawh chhan loh aiah ka chhang ve zel tho. Dar 10 pelh hretah Andrea nen kan in phur haw a, a hma ang chuan rilru a nuam chiah lo, Zodinpuia emaw, Pu Hlira emaw hian min enzui reng bawk nen rilru in mi tu emaw ka zawng kual ruai a, tunge ka zawn lah ka hre der lo.


"In pa kha, vawiin khan ava thinrim hmel ve, nangnu hi hman zana thil thleng kha i hrilhfiah em, " Andrea'n nui hawka min rawn melh chuan kha zana ka fawh ve ngawtna kha ka hrechhuaka, ka nui ve tawp. Kha thil avang khan Andre a pawn min ngei hman hiala, mahse ka fiamthu ani tih ka sawi hnu ah a rilru adam ve chauh ani. "Muttui, tluang deuhin i haw dawn nia, " Tiin kan in vailiam a, Delhi pawn boruak uap churh ah chuan inchhung AC hnuai angaihawm nghal vawng vawng mai.


Inchhung ka lut chu a lo thim deuh thiapa, choka luh dawna dim light kan dah bak éng dang a awm lo, mahse chu pawh chuan thui tak chu a hmuh theih tir thung. Zodinpuia a chhuak tih ka hriatna chuan ka mood a thlak chiang lutuk, khawngkhar chu ka kalh hmak a, a rawn haw leh thut anih chuan pawnah ariak tawh mai ang chu.


Ka room lam pan ka tum chu Zodinpuia room lama rúm ngher ngher rí ah chuan ka ding data, ka rilru a lo awm hmasa ber chu ramhuai emaw thlahrang ani. A enga mah hma in ka khur ru der der a, hlau ru viau siin ka pan hnai mek lawi si. Kawngkhar chhan atanga ka ngaihthlak chuan thawm a reh leh duk a, ramhuai anih loh reng ka ring tawh lo.


Kawngkhar chu zawi tea herh hawngin ka han bih chu ka khar ri dawp nghal, Ahmangaihi t(r)e that leh Zodinpuian, "tunge" Arawn tih ri chu ka hre zawm nghala, kalsawn ka tum buai peih lo law law ," Nang maw" Zodinpuia chuan kawngkhar rawn nem hawng rawpa tiin min hmu thut chu a hamhaih ve ngei niin ka hria, thawmhnaw in bel lovin towel a veng a, aroom atanga light rawn in kap chhuak chu adin hliah deuh avangin a hmel chu alang thim deuh khup bawk,an lo khawsak dan ka hmuh chian em avangin ka ten lutuk chu ka ner khum nàwng a.


"Kawngkhar kalhna chang hre tawh ang che u" Tiin Ahmangaihi chu ka va melh tel kher bawk, ani erawh khum atangin ala tho chhuka lova, mahse a thu tawh thung. Ka sawi thui peih lo ka ten hi ani tawp mai. Ngaihsak zui lovin ka room lam ka pan zui a, ka mit ngeia sex hmang ka hmuh vawi khatna ani a, ngaihtuah zui loh tum pawhin a harsa mah mah ani.

.......
Ka phone ri dar darah chuan thangharh phutin Samuela call alo ni a, dar zat ka en chu ka thinrim tun nghal. "Eng nge? " Ka pickup ruala ti thatin tun ang huna min call chu ka lawm huah lo tih ahriat nghal mai ka ring, mi zawng zawng muttui lai ani tlat. "Nunu, " Ti sapin angawi data, keilah mutchhuak nen ka lo dawhtheih lo nasa tawh .


"Nunu, kapi a tlu sual a, ICU ah a awm mek, doctor ten chhungkua in hrilh khawm mai turin min ti tawha, Kapu thu la hmasa lovin ka rawn hrilh che, " A tawplam bah naka arawn ti chu ka phu ve dawrh mai hian ka hria, sawi mai tur ka hrelo.


"Naktukah lo haw ve rawh aw, kapi hian a hma atang tawhin alam reng mai che a, achhe ber dawn tel la, irawn tel loh chuan i in dem kumkhua tawh dawn ania " Arawn ti leh a, dik chu ka ti, mahse engtin nge ka sawi ang ka tana mi pawimawh leh ka neihchhun anga ka ngaih chu kapu chauh hi ani a, tuna ka thuhriat avang pawh hian rilru han tih hah vak ngaihna pawh ka hre chuang lo, ka ngaihtuah lo chu ani bik lova, mahse kan chhungkhat hla taka awm ang chauhvin ka rilru ah min khawih thung.


Samuela bulah chuan sawilo mah ila kapu hian kei kher chu ka kal aremtih ka ring lo, helam hi kalsan vek chi ni miau hek lo le. Muthilh leh ngial tum pawhin ka thuhriat tak vang nge ka hrelo, ka harh tulh tulh mai a, thi mai tura mahni pianna pi te ngei an han awm takah chuan rilru lehlam chu alo luah lo theilo, ka muhil theilo chu tho chhuak nge nge in thutkhawmna sofa ah chuan ka bawk thla deuh thlawra, ka phone ka thai kual ka thai kual lai chuan kapi in min rawn be ve thin tih ka hriatna a Pathian thu min thawn thin chu ka han open ve a, nimin leh vawiin erawhin min rawn thawn lova, alo chetsual vang ani ngei ang.


Ka thai ka thaia, atam lutuk chu chhiar ber tur pawh ka hrelo, atawpah chuan a hnuhnung bera min rawn thawn nimin piah ami tihna anih chu, chu chu ka han en a, "Lalpa mit chu hmun tinah a awm a, thil tha lo leh tha a en thla thin, " Tih thu Thufingte 15:3 chu ka chhiara, abackground picture ah Isua hmel fiah kek kawkin a lang kulh bawk.

Adawt chiah ami chu ka en leh a, "Jeremia 29 : 12 - 13 " Thu kha alo ni. Chuti chuan out mai lovin ka chhiar chho zel a, a ngaihawm ka ti tlat pek anih chu..."Eng nge itih a? " Rawn ti ri thutah chuan ka phu dawra ka phone pawh ka thlauh lo chauh nghe nghe. "I mawl ami? " Ka ti nghek a, ka thinphu in sep dawr dawr chu ka dawm reng bawk. "Kha tih teh vaka phut, i phu der thiam lo e mai, " A hnar tum duta Zodinpuian arawn tih chuan ka melh let hrawk a, chhan pawh ka chhang peihlo.


"Khatah khan riah i tum em ni, ? " Arawn ti leh a, tui bottle nen a din tawh avangin choka ah alo va lut leh hman ani tih ka hre mai. "I beng a chhet ami,? " Ka chhan loh avanga rawn ti lehin a rawn kal hnai a, ka thil chhiar ka lo tui laklawh in chhan mai nachang ka hrelo ani. "I hmel anih chu, " Ti deuh hluaiin kawr ahak loh avang chuan ka en tha duh chiah lova, mipa kawr ha lo hi ka la hmu ngailo hrim hrim bawk nen, ka lawm viau lo.


Stevena nen kan awmdun chang pawhin sex lam hawiin min nawr ngai lova, in fawh baka thui a kal ngai hek lo, khum khatah zan kan riak dun fo va, mahse mizo tawng takin ka puan hmawr pawh ala tawk chhin eih lo. "Zodinpui min kalsan teh, i hneawm, " Ka bul maia arawn din avangin ka ti tawpa, a chan ber erawh ka thil chiar lai ka chhiar zawm duh vang leh a hmuh ka duhloh vang ani.


"Zanin a thil thleng kha, " Arawn ti dek dek chu lo pawt chat nghalin, "a tawk, khatiang ka sawi peihlo, ka buaina anilo bawk. Ka awm ve avanga in awm anawm loh phah erawh chuan kha chu ka thu ani tawh lo. Keini pahnih hi chu maw kan khawvel ahrang lutuk i hria em? " Melh chho ha in ka ti a, abu ve dut chuan ka hria. "A tha, insawifiah ka tum lo, zan dangah erawh ka room bul hnaiah rawn kal tawh suh ang che, " Tia in herin a kalsawn a,

"zak thei lo, khawi hmunah pawh ka kal thei, thu te chu min la pe ve khanglang a, i in chauh ani bik lo, " Ka ti supa, mahse ka sawi zo hman awr ang Zodinpuia chu rawn let leh nghalin. "Eng maw i sawi kha, " Arawn ti khauh fiak a, ahriat ka ring miah lo kha ania, ka lo phun ring deuh ani ngei ang.


"Engmah, kal mai teh, " Ka ti chu a duhlo hle ni tur ani a tui bottle ken chu chhuatah vawm thla ri dawtin, "zaktheilo te min ti ani lawm ni, " Arawn tih leh rual chuan ka nui zui haka "i hre dik chiah, ikal thei tawh angem? I arpui khan alo nghak hlel ang che, a Arpa duat lai hi, " Nuih sàwng chung chuan ka ti a, min tham nek duh hmel te apu in ka hria, mahse ka hlau eih lo.


Min chhang lovin a kal sawn nul nul a, keipawh ka room lamah lutin muthilh ngei tum chuan ka bei a, mahse ka bible chang chhiar ho te kha ka rilru khawi emaw laiah hian a awm ka ti mai. Min ti harhfim kara, chhiar zawm erawh ka peih chiah tawh lo thung.

A sei thei hle mai


Show post links
Top

[Ngaia]

LAVENDER -11

Ni leh thla aral a, hotel lamah buaina a kaltluangin ka dawr lam lah nise buaina neuh neuh ka nei reng a, mutmu pawh ka tuah the hman meuh lo chu ani. Mahse vanneihna ka ti dawn nge, kapi pawh ICU atangin a chhuak tawha, mahse wheel chair tello erawh chuan khawiah mah akal sawn thei tawh lo thung.


A dan ngaite in Bible chang min rawn thawn nitin leh tawh a, a zawng zawng chuan chhiar thin lo mah ila, chhiar ve zeuh zeuh ka ching a, hun awl hnawhkhah nan atha ve reuh em bawk ani. "Boss, i pasal alo kal," Kan meeting zo kan la thut deuh thap laia ka secretary zinga pakhatin arawn ti chu,ka naute ho chuan min melh hrek hrek nghala,ka secretaty vainu chu ka melh thip khawp mai.


Engmah sawi zui lovin meeting hall atang chuan ka chhuak vata, pen sawm vela hla a dingin Zodinpuia chuan min lo en renga, ka hmel ahmu chu min lo nuih sun sun lehnghal eng tak chu hria ni maw..."In ah min lo nghak rawh" Tiin ka room lamah ka kal san zui daiha, helai hmunah hian rawn tih tur pakhat mah anei lo tih ka chiang em ani.



"Ka nupui saw kan thlem lawk ange, " Ring zeta Zodinpuia rawn tawng avang chuan ka ke pen lai pawh tawp chawtin ka hawi let nghal. Mood fuh loh sa nen boruak tāng lo hram rawh se. "Bawihi ka ngai viau che ania, " Arawn ti leh phei chu ka thaw kawk ringawt. "Eng nge i duh" In bengdai ru hram hramin ka ti a, akekawr ip zen chunga nui sun sunin min rawn pan hnaia, kan mitah tak in en kalin hawisawn hmasa tu zawk nih kan tumlo ve ve khawp mai.


"Kal rawh office ah", ka bul arawn thlen ruala rawn ti chhum hmukin a mit ko asan zuk a, hnathawk ten min en thup avangin hnial chi ni hek lo ka office lamah chuan kan kal dun a, tun kar chhunga ka ni hman fuhlo ber ani hial ang. " Pu Hlira bulah engvangin nge Ahmangaihi nen kan chungchang ilo sawi? "Office luh rualin arawn ti khauh tung a, kawngkhar bula dingin kei erawh ka dawhkan hma ah ka ding thung. " Chu chu maw i sawi duh, " ti letin ho ka ti lutuk chu ka ner zui sawk a, Zodinpuia ngaihdan erawh ani lo hle tih a hmel chang awp awpah chuan ka hre thei.



"Min chhang rawh i sawi nge sawi lo, ka hrilh lawk ang che, ka thinrimna hi i hmachhawn chak hauh lovang aw, " Ti khur khurin min melh thip hlura, a engah mah hma a min puh ngawtna chuan mipa nep zia leh thuchiang hriat hma a thu thlukna siam zung zung anihna ati lang chianga ka ngai ho lui ngat . "Nang ang ka nive lo Zodinpui courta zahna min thleng zawng zawngte, kapu hma a min tih mualpho ang te kha, ka duh chuan ti thei reng dinhmunah ka ding tih i hria em? Mahse ka tilo , achhan chu nang anga rilru tè leh hmasial lutuk ka nih loh avangin, a chiang em " Tiin ka melh let ran a, ka zam eih lo.



"Bakah maw lawyer ni si hi finna i tlachham riau, helaia rawn kal lovin i arpui awplai kha va zawt ta che," Tiin ka hawisawn hmaka, ka chair ah ka thu thla zui nghal bawk. " i thlamuang rei dawn lo ania, chuan ka sawi tawh kha Ahmangaihi hi i hnuk lut anih vaih chuan Setana leh apawlte khawvel Gehena hi engtiang chiaha rapthlak nge tih ka hmuh tir ang che, " A ban a sana melh zeuh phahin a ti leh a, ka ngaihnep zia lantir nan ka kiai suk ringawt.



"I nep zia hi i in hria em Zodinpui, hmeichhe bum theiha awm hi a hrisel thlak loh ania,i Oxygen hip hi thlak rawh, carbon-dioxide i hip lut hnem tawh lutuk a, helai kha a khaw ro tan tawh anih kha, " Nui har harin ka lu chu ka tuk khum karh karha. Zodinpuia chuan ka thusawi chu aman zan lo niin ka hria. A hma pawha ka sawi tawh ang khan Ahmangaihi naupai hi Zodinpuia fa ni lovin College zirlai pakhat Mizo tlangval tho ni si ani a, a hming erawh ka sawi thei chiah tawh lo.



Ramdanga ka awm lai khan chhun zan zawmin ka enthlak tir renga, Zodinpuia nen an in kawp ngheh zia pawh ka hria, mahse Ahmangaihi hian a kham khawplo nge a daisual zawk ka hrelo hetiang thil hi athlenga, anaupai avanga ahlauhthawnna chu a fa paina pa lah chuan lo haider hmakin a then zui leha, chuan tuna Zodinpuia'n ama fa emaw atih theih tur hian a sawi ta anih ber chu.



Zodinpuia chhuah hnu chuan hna inhnawh muk tún leh department hrang hranga buaina neuh neuh chu ka en thuak thuaka, Airport hnaih lama resort siam kan tumna kal mek zel te chu bih thuak thuakin a theih anga nasa a inzar pharh ka duh a, Mizoram lamah pawh Hotel din ngei kan tum ve na chu thil tih zung zung theih nisi lo lai hian min ti tangkhang leh thin.


Zandar 10 rik dawnah ka in khalh haw a, mutchhuak leh chauh nen ka taksa chu a zawi ngawih ngawih tawh. Chutia in lam ka pan lai chuan kawng sira Anita i ang deuh tak kal hlawk hlawk chu ka hmu a, motor tlan dang in min hliah zeuh zeuh nen ka hmu chiang mai lo. Ni dawn tak vawiin hi Inrinni ani tak e, ka car chu sir lama herhin Anitai ni ngeia ka hriat kiangah chuan ka ding a, ka ring sual lo hlauhthawn hmel taka a rawn hawi rual chuan ka car darthlalang chu ka down nghala, min hmu chu a thaw halh tih ka hmu nghal.



"Pi, nangmaw, i haw tawh dawn ami? " Tiin a nui sen sen a, amitmeng chu tah chhuak te pawh a ang zawkin ka hria. "Aw, enge hetah i tih i haw har em ni? " Tiin rinhlelh hmel tak chuan ka melh a, akuta a khai rambo sarang pahnih lian zet chuan ka mit ala chat reng bawk. "Haw har lova, mahse hei kanu in a chawhmeh zawrh bang a hawn theihnghilha, tlaikhaw hnuah ka va la leh anihhi, abo palh ahlauhawm sia, " A ti zang leh vaha, ka lo rinruk dan anih loh avangin ka bu deuh tawp ringawt.


"A nih chu rawn lut rawh, ka va thlah ang che, " Ka ti chiah chu sawm nawn angailo chiang asin, arang arangin arawn thu lut nghal. "Pi, kapu khan zanin chu ka lo haw dawn lo ati a, i hriat ka ring lova, " Kan tlanchhuah rual chuan arawn ti a, ka lu ka bu deuh tawp ringawt. "Pi ka lawm e i rawn lang thut chu, tun ang zanah chuan pawn chhuah hi ahim bawk silo, nichin pawh khan mipa pahnihin min fiam in min zui reng a, ka hlau bawk si, ka thil khai arit bawk nen ilo lang thuta ka lawm lutuk" A ti leh bawrh bawrha, alawm ve hle niin ka hria.



"I nu chuan chawmhmeh azuar thin amaw, i hlawh hi in kham lo vem ni? " Ka ti khauhva, zawh àwm ani em ka hrelo, mahse ka hrechak miau si ani. "Aa kham tih zawng chuan pawisa chu kham a awm thei hleinem kapi keini ang chhungkaw tan chuan, nu leh pa lehkha thiamlo, mi hnuaia inhlawhfa ve tho an nia, kei unau zinga upa ber ka ni bawk a, ka naute lehkha zirtir ka duh avangin ka hlawh hi chu an tan ka dah hrang deuhva, mahse kanu hrisel loh em avang hian duh ang pawhin a inkhawl theih loh.



Mahse chhungkaw hlim takin kan awmkhawm a, chaw kan ei hova, paratha leh tui chauh pawh ei thin mah ila kan puar em em tho, chu baka duh dang ka nei chuang lo, " Ati zang vaha, asawi zawnga anui sang te chuan an in ngeihzia leh a chhungte a hmangaihzia a lan chhuahtir a, keipawhin ka ringhlel hauh lo.


Milem bia chhungkua an ni a, mahse keini Christian anga in chhal inchhung khura hlimna leh in pawhna pawh awm ngailo ai chuan an nun a awh awm zawk in ka hria. Anita i ka thlah fel In ka thlen leh meuh chuan Dar 11:20 alo ri leh der tawha, kan awmna in hlat lutuk nilo mahse traffic jam ve leh deuh bawk nen chuan duh ang pawhin hun ahman theih loh. Zodinpuia car awm lo chuan in ah a awmlo tih chu anem nghet leh saka, zai ar ar a lutin ka in tifai hmasa leh te te a, zanriah ka la ei loh avangin ka ril a tam tawh viau bawk.



Bathrobe leh ka lu thuamna nen choka ah ka luta, Anita i chawhmeh siam sa ho chu chhuang lum zungin zungin a rim atang ringawt pawhin ka puma ri rawk rawk thei tawh. Rei tawk fang ka ei hnu chuan ka seng fel leh thlapa, mut ala chhuak lo bawk nen phone ka bih leh rih.



Ka lo muhil ni ngei tur ani kawngkhar ri dawt dawtah chuan ka thangharh phuta, ka sam pawh ka lo delh ro vek tawh, chhuata ka phone tla chu chhar leh te te in sana ka en a, zinglam dar 2 a pel fel awr. Engmah ngaihtuah lova ka room lam pan ka tum chu ka phone ri avangin ka ding leh rih. Zodinpuia hming langkuau avang chuan ka pickup lo chiang asin. Ka hangup rual chuan kawngkhar bawk chu rawn ri leh dawtin Zodinpuia au that chuan azawm a, kawngkhar chu a tlaw ri bur bur zui nghal.


Ka phone rawn ri leh ah chuan thinrim takin kawngkhar chu ka pana, kawngkhar ka hawn ruala Zodinpuia nen kan in hmachhawn chu kanin melh no lo teh asin. "Mawl chin tawk hi hre rawh, " Ti hriam hrakin arawn pen lut chu ka lo kian vata, kawngkhar chu ka kalh zui nghal. "Eng vangin nge i rawn hawn vat loh, pawnah khan min riah tir i tum khanglang ani maw", téng zeta arawn tih chuan arim nen ka ner khum ringawta, chhan pawh chhang lova kalsan ka tum chu ka kalna tur taka min din khalh aruala, melh hrawkin, " Kalsawn rawh, " Ka ti hmuk, ka awki a sang lem lo.


"Duh lo ta ila, " Tiin min en reng a, suit nena induang zaih si ah chuan rui nawi ber ani hial maiin ka ring. "Kalsawn mai teh, " Tih leh nem sawn dawr ka ruala, harhfim lo ani bawka a pai deuh chhawn nghe nghe. Ka kalsan hmaka, pen nga ka pen hman angem ka hrelo vawi leh khatah Zodinpuia chuan min rawn kuah bet thutin sofa-ah chuan min bawh thlu a, a rui viau khan ka hre si a,mahse atha erawh ka hneh lo mah mah zawk.



"Zodinpui min thlah nghal rawh, " Ti thatin min thut bet rún tu chu ka vin a, ka tal zawnga ka bathrobe hak thawl hnulh chuan ka nghawng leh awm bawr vel chu a hliah zo tawh silo, a lang thui lutuk chu ka duh lo, abikin Zodinpuia hmuh atan ngat phei chuan. "Duhtawk teh, engtin mah ka ti dawn lo che, " Thawk la halh phahin Zodinpuia chuan arawn ti a, ka tal lai pawh ka tawp dat nghal. "Anih chuan min thlah la" Tiin ka tal leh det a, ka kut a hmet kawp hneh bawk si nen a sawt lo khawp mai.


"Ai, ka theilo, "Ti supin arawn awm hnai tual tuala, ka nghawnga a hmai rawn phum zuiin a thaw zui halh a, "ka chau lutuk" A ti ni maiin ka hria, ka beng bul seta tawng ni mahse a zawih em avangin ka hre chiang hauh lo. "Eng nge maw itih le, " Pangai tak chuan ka tive maia, min khawih a tuma ka hriat loh avangin ka àw pawh a chhuak pangai viau. Mahse min chhang lovin angawi ngula, a thaw ri ka ngaithla reng ringawt. "Zodinpui, tho rawh" Tih leh tal ka rual chuan rum nghutin, " awm mai mai teh" Ati duh lek a,ka tha ka thlah dul hleithei meuh silo, ka chau hnawk thei tawh.


Reitawk fang ngawi renga ka dawh mawl tawp hnuah chuan Zodinpuia thawl lak muang fan raih atang chuan amuhil tih ka hria a, ka kut avawn pawh la sawn nghalin ataksa chu ka nemsawn deuh a, awlsam tak chuan ka tho chhuak nghal zat bawk.

...............
Ka phone hmang zo chu ka buai ta mup mai, engnge tih hmasak ber tur pawh ka hrelo. Chutih laiin kapu call arawn lut a, asawi tur àwm chu ka hre maiin ka hria. "I dawra kangmei chhuak kha i hre tawh ang tiraw, engtin nge awm i tum rawn sawi chiang vat la, " Ka pickup rual chuan kapu chuan arawn ti a, Aizawla ka restaurant-ah kangmei a chhuak a, bungraw tam zawk a kang chhe hman vek ani awm e, engtia han tih tur nge pawh ka hre lo, helam enkawl ngai nen, ka rilru a buai mup mup hi ani ber.


"Naktukah ka chho ang, bakah kan ram dinhmun pawh enfiah hrim hrim atha in ka hria, " Tiin ka chhang let a, biak pawh kan in be rei lo, ka dawr kàng thlalak te chu Samuelan min rawn thawn hnawk nuka, ka thinrim bawk si, hetiang thil hi chu keini lo midang te chung chauhva thleng turin ka dah thin asin, mahse tu chungah pawh harsatna hi chu alo thleng thei anih dawn hi.. "I dawr chungchang chu ava zialo ve, " Ngawi renga ka thut lai chuan Zodinpuia aw ka hre thut a, inbual zo hlim tih hriat takin kawr pawh ala ha lova, ala huh deuh hlap bawk.


Chhang mai lovin ka en deuh tawpa, pawi min tih pui tak tak em tih erawh ka hrethiam lo,a landan hi ka hrethiam hlawl lo ani. Mahse ka chenpui leh ka khawsakpui ber ani a, tunah tak phei hi chuan rilru hah leh buai nen heng buaina zawng zawng min hmachhawnpui tur mi hi ka mamawh a,chumi atan chuan Zodinpuia hi a tha ber bawkin ka hria.


Sunday te ani sia tiin hahdam phah nan in lamah ka awm deuh chawta, nitina hna kal pawh hi mihring chauh hreve tan chuan aharsa lam hret ani. Ka room kawngkhar kik thawmah chuan ka harh hlawl a, sana chu en zeuhvin chhun 12:50 chiah alo ni leh duai tawh, ka muhil rei bawka, ka harh kawkin ka hria. "Enge? " Kawngkhar ka hawn ruala tiin Zodinpuia chu ka melh kar a, ani erawh khawiah emaw achhuak leh dawn ani ngei ang alo in duang leh zaih tawh.



"In siam rawh, kalna tur kan nei, " Tih leh a kekawr ip atanga akut la chhuakin sana chu a bih thuaka, "minute 10 chiah hun i nei tih hria la, hmanhmawh ang che, " Tiin a kekawr ip bawkah chuan azen lut leha. Thu min pe reng leh min chhiahhlawh chei lutuk chu ka tei thei der lo. "Kal mai teh" Tia kawngkhar khar hnan ka tum chu a kuta rawn nem letin, "ka uang lo ania, insiam vat rawh. " Thutak zeta arawn tih leh chuan hnial buai hun niin ka hre ta bik lova, kawngkhar pawh khar zui lovin bathroom lamah ka lut zui nghal.


"Nizan kha" Zodinpuian arawn tih dut chuan lo pawt chat nghalin, "thleng nawn tawh suh se, " Tiin a car khalh lai chu ka melh zeuhva, khawiah nge kan kaldawn ka hre lova, zawh pawh ka tum lem lo. "Lo thleng nawn ta se, kha aia thui hret te pawh, " Thutak hmel fe a min en in a rawn ti leh a, ka melh kàwk nghal. "I lungphu ran dan pawh ka la hria asin " Nui haka arawn tih leh rual chuan a chal darah tak chuan ka pen ri fawka, thinrim ahnekin anui duh lek chuah lehnghal ka en tawp ringawt.



"I bialpa thi ta thla te chuan arawn tlawh ngai che em? "Arawn ti leh dut a, athusawi in perhsan lutuk avang chuan ka melh leh kàwk a,chutah rawn sawi zawm lehin, "zankhat i sun a, i duh tawk mai ani maw" A mit ko san zeuhvin a ti leh a, a tawngtam ka ti lutuk chu pawnlam melhsan hmakin, "hruaikir theih tawh loh tur vawn reng atulna a awm lo, " Ka ti bul tupa, ka tawngkamah chuan sawi chhunzawm ka duhloh zia alang chhuak hial in ka ring.


"Anih nang ve le.. I arpui awplai nen chuan in tha zel amaw, " tiin In her meuhvin ka zawt a, a hmel awmdan ka hmuh chak vang ani pakhat. " Imm that lohna chhan tur a awm a mi, " Arawn ti let zata, a landanah eng thil danglam mah hmuh tur a awm lova, an chanchin Pu Hliran alo hriat ngawtna chhan kha ka hre lo na in, eng boruak lian tham mah a awmzui bawk silo lai hian ngaih ati tha chiah lo, kei erawh puitling ho hma-ah zak leh hreawm takin ka awm kha ania, Zodinpuia leh Lalhmangaihi chanchin an hriata,engtin emaw tak an tive lo anih chuan ka ngawi mai mai lovang, fair taka thil tihhi ka kaldan phung ani tlat.


"A nih chu, i mawngah ipu in a vuak che ka lo ring a, nge alo vaw duk chur tawh zawk, " Ka ti lui leh hram a, pawn lang zetin ka nui lui bawk. "Vaw maithei, i en chhin duh em", nui sawnga amit min siai khumin a rawn ti a, ka ngei tawk atling leh viau na in lehlam tak chuan chutia fiamthu taka kan in hnial chu nuam ka ti tlat pek anih chu..hetiang hian ka awm ngailo asin..



" Duh lo mai, ka hmusit zual palh ang che", ka tih leh chuan nui hakin, "min en sak hram mai la" Arawn ti a, a fiamthu ve khanglang tih hre mah ila ka nui duhlo lui ve tlat. "Ka ten, " Ka tih hluk ruala rawn nui chhuak hawkin keipawh ka nui ve tawp. Min hnial dang chiang lutuk em ani.


Mumbai hotel zinga lar ve hat The Lodhi chhunga kan tlan luh taka chuan Zodinpuia chu ka en vata, he hmunah hian tih tur kan neih awm ka hre hauhlo ani. "Kan tlai tawh," Car atanga achhuah rualin a ti zata, keipawhin ka zui chhuak ve nghal. "Hetah eng nge kan tih dawn", ka ti ta nge nge a, zui ta mai lovin ka ding leh rih. " Mi hmuh tur kan nei a, chu zawng chu", tih te chuahva min chhangin ka kutah arawn vuana, min kaihna lamah chuan ka zui ve dat dat ringawt.


Room pakhat chhung kan luh chuan mi an lo awm nak naka, athente chu lo inhnial rap rap an niin ka hria, mi ropui tak tak an ni ngei dawn bawk tih hotel lian zual nei ho te ka hmuh ve pheuh pheuh takah chuan ka hria a, mahse kan telve ngawtna chhan erawh ka la hre chuang der lo.


"In hmuh khawmna party ve anihhi, ramdang atang kha chuan rawn tel chu aharsa thin ang, heng ho hi hotel neitu te, company lian ve tak tak neitu te an ni ber, sawm zinga tel phak hi aharsa teh ania, thian tha a siam vek theih erawh chuan kan kal thlawn lo turah ngai ang aw, " Tiin Zodinpuia chuan min hrilh ru sur sura, ka kut avawn chu thlah tura ka tih lahin a duh thak bawk silo.



"Anih ka awm loh kai khan vawi engzat nge an sawm che, " Tiin ka zawt let leh a, kan tawngdan pangai lutuk chu ka awm thiam der lo lehnghal, a mak tih loh rual anilo "Tun hi vawi hnihna chauh, ahmasa kha chu keima pual ania, tun erawh Pu Hlira aiawh kan ni mai, " Arawn ti awlsam then a, ka kut avawn tlat avangin ka zui lo thei silo, mahse hall chhung boruak nuam lutuk te chuan min ti hahdam veng veng bawk nen, ka zang vah mai.


☺☺☺☺☺


Show post links
Top

[Ngaia]

Zodinpuia pov.

"Thiana zanin chu kan ride dawn em ni? Kalna tur ka hria asin, " Chhuana'n ka dara min kuah thuakin arawn ti a, "Ava tlai laklawh ve, " Ka lo ti nghal. Nui hawk hawk chung hian ka ban bulah ahnek deuh dawpa, keiin ka melh reng ringawt "zanlam ride hi anuam alawm, chhun chu a lum thei emai" A ti chu dik ka tive tho.


Zonunmawii buaina tawh avangin Aizawlah kan chho va, Pu Hlira min tirh luihna vang ani pakhat, "Kan awm rei dawn alawm zanin chu ka chak lo, " Tiin ka hnial ta thova, Aizawl kan thlen atanga zanhnihna tur chauh ala ni a, duhthàla hahdamna hun ka la hmulo bawk nen ka phur lo em ani. "A hrim hrimin tihian Jeremy a nen chauh hian ami in khawsak dawn a, i nu leh i pate hi", tiin hmalam tlangdung chu a thlir vauh vauh va. " Jeremya chu a zin mai mai, hetah chuan kapi leh kanu leh pate leh naupang pahnih an ni mai, " Tiin tha tak chuan ka chhang a.


Naupang pahnih ka tihhi kapa lam atanga kan tu te an ni mai, sawifiah vak pawh tul ka tilo. "Anih chu a hrim hrimin nangpawh Aizawlah hian awm ve mai ta che. Hetah dawr pangai tak in nei bawka, i enkawl mai dawn alawm", phul zetin arawn ti leha, kan chhungkaw chanchin a hriatchian loh vanga sawi ni mahse ka dawngsawng tha lem lo khawp mai. Sawi zui zel tawh lovin thudangah ka pakai pui daiha. Engpawh sawi ila a phul pui thei zel mai hi a awh awm ve viauin ka hria.


"Hetah enge i rawn tih dawn " Inchhung ka luh rualin kapa chuan alo ti vata, a hneawm thin. "Zodinpui ka biak che chu, " Rawn ti khauh leh fakin a thutna atang chuan a tho chhuak thlurh a, keipawh ka step lawn chho tur ka ding leh rih. "Lo buai duh suh" Ka ti let chiah chu a thin a khei zak ni tur nge, eng emaw hmanrua zawng deuh duk dukin a thinrim chuan min rawn pan hnai ruak ruak a. Kanu in lo dang vatin kan thawmah Jeremya leh kapi an rawn tlanchhuak nghal bawk, kapa nena kan lo awmdan chu sawifiah hranpa angaiin ka hrelo.


"Zodinpui ipa hi zah lo viau suh, in bengdai rawh duhtak thenawm ten kan thawm an lo hria ange" Kanu chuan a ti zung zung a, Jeremyan min rawn dinchilh zuiin in bengdai turin min duh hle tih a hmelah ka hmu thiam. "Bro, engthil nge maw itih le, Nunu i amah chauhvin i awmtir tihna ami? " Room kan luh rualin Jeremya chuan a arawn ti nghala. Chutiang khawpa mipa nep ka ni lo.


Pu Hliran "nupa in ni a, in in pawh leh zual nan fianrial hun in mamawh" Tiin a ma In ah min in nghah luih tir a, tumah khawsa an awm lo na in tifai tu leh chei hnum tu an awm renga, luah reng lai nen a danglam lo. "in a ka rawn haw chu a rem ve lo em ni Jeremy? " Ka ti let khauhva, zawhna ngai reng dawn pawh hi ka hne lutuk.


"Chutiang zawngin ka sawilo tih i hria, i rawn kal tlai lak lawh em alawm, tunah chuan Nunu i bula awm tur ini, " Chiang fahrana rawn tiin a thusawi zawng chuan thupek min pe ni ta berin ka hria. Ka lāwm teh chiam lo.


"i hmeichhe duh ka neih sak che hi min haw viau lo maw, nangmah ni zawk la te iti em? " Ka ti ngat a, ka tih el na chu hrethiam se ka ti em em bawk. Za lo zeta nui sukin Jeremya chuan, "a chang chuan ti e, mahse Pathian ka rinna avang hian ka ngaihtuahna tha lo leh sualte hi ka lan chhuahtir a rem ve lo alawm, duh viau mah ila tunah chuan ka tan hnaih arem tawh hleinem, " Tha taka tiin min en kalh a, amitmeng athutak zia chu ka hmuh hmaih lo.


"A that chu " Ti leh maiin ka nui hul haka, sawitur ka hre tawh hlawl lo. "Bro, tupawh hian thatna lai kan nei vek, thinlung neilo kan awm lo ania, Nunu i pawh hmeichhia ve tho ani a. Thinlung nem bikna leh chak lohna lai aneilo theilo, kawmngeih tum rawh. Hmeichhe sual tak ani hauh lovang, " Tiin a chhuak zui ta daiha, athusawi chuan rilru aluah zui lo theilo , dik pawh a dik reng bawk. He In a ka kalna chhan pawh hian ahrilhfiah viauin ka hria mipa leh hmeichhia awmdun kan ni tih rilru in a hre kur a, remchang ka lak mai ka hlauh vang ani.


A bikin tun hnai ah ngei pawh hian keipawh ka zia a danglamin Zonunmawii laka ka chetdan te ka ngaihtuaha, athinrim leh alungawilo tih hre reng chunga fiam ka chak tlat na te, ataksa ringawt pawh ka bul hnaia awm lo tura ka duh thin kha ka khawih fo bawka. Zu ka in chang, rilru nghet lo leh tawi tupa ka awm changa ka feeling danglam veng veng thin leh ataksa sik ka chak tlatna te hi ka hrethiam tawh bik lo chu anih hi. A tira ka neih ngai hauh lo an ni vek lehnghal.


Zan dar 10 pelh fe ah bike in ka in khalh let leh a, pu Hlira in , kan cham chhunga kan in ni ta ka thlen chuan inchhunglam light ala eng uara, Zonunmawii ala mu lo anih ka ring ve tawp. Thawk halha inchhung ka luh chuan alo reh thapa, dawhkana lehkha in chap hnawk niai lo chu min lo chhawn tur dang an awm lo.


Choka atanga tui bottle la a ka chhuak phei leh chu Zonunmawii room atanga rawn chhuak phei ve chiah nen kan in hmu thuta, nichina alo awm lo kha a inbual vang alo nihhi. "Ka riak dawn iti in ka hre sia, " A sam hru mawlh mawlh chungin arawn ti a, a shampoo rim nge a body wash rim zawk ka hrelo Lavender rim nam chek chek chuan min ti harh sawng sawng hian ka hria. "Riak dawn lo, " Ti deuh tawpin sofa ah chuan ka thu thla a, Zonunmawii pawh coffee sat hmel zet nena rawn thu thla ve nghalin paper chu a enkual leh vela, a restaurant a thawmthat dan tur ani tih ka hmuhin ka hrethiam nghal.


"Samuel hnathawk tur.." Ti a tawp chutin min en kiau va. A tum loh zawk ahmu tih a hmelah a lang awn awn mai. "Nang elaww" Ti lawi ratin a hawisawn nghal a,a sam a hui leh zeuh thin. "Eng nge mamawh i neih mi? " Pangai taka zawtin ka bih pui vel a,ama duhdan anih loh chuan ka ruahmanna tihvel chu a pawm dawn chuang in ka ring lo. A thil tilai chawl meuhva min en deuh vung vung hnu ah, "hnathawk tur, experience nei tha min zawn hmuh sak theih chuan chu chu min puih theihna, " Tiin a sam hnawk niai chu a hui cho leh a, athen erawh a bengah azep ve thung.


Makve deuh chu tihian Aizawlah Nihnih leh zanhnih kan awmdun tawha, kan awmdun chhunah hian kan la in hnial lova, in hauh phei chu a thawi pawhin ala thleng eih lo, kan in hmu tam lo chu dahtha ila, kan awmdun chhuna in hauh leh inhnialna tel miah lova hun kan hman dun hi a chhinchhiah thlak viauin ka hria. "A tlai tawh mu tawh ang, nangpawh zankhatah thil zawng zawng tih fel vek tum suh, " Tih leh thawh ka ruala, ka room lam ka pan nghal.


Room kan intawm hran lova, amaherawh chu room in si tawnah kan awm thung. Chupawh Pu Hlira lo ruahmanna vel bak ani lovang,room dang zawng zawng a kalh vek miau ani. Ka inbual zo khuma ka bawh thlak rual chuan Ahmangaihi missed called lo awm tiar chu ka hmu a, ka inbual rei zek nen alo mangang hman hial maithei ani. Kan in biak zawh hnu mu tura ka phone ka dah chuan zinglam dar 1 a ri deuh thuak tawh nghe nghe.


"Hey, tho rawh, " Tia min sawi tu chu mengchhuak hleilo chuan ka in her san hmaka, ka mumang kal tluang lai tak ani bawk nen ka ngei ru viau. "Zodinpui, tho rawh, inleng i nei", ti thatin Zonunmawii chuan ka puansin theh sawn dawr aruala. Han mut luih theihna chi zia zang ni tawh hek lo ka tho chhuak zui zata, min ngaihsak zui lova pen chhuak zuita Zonunmawii chu ka ngei reuh khawp mai.


Thutkhawmna lama ka chhuah phei chuan ka hmelhriat hauhlo nupa ni ngei tur te chu an lo thu a, en mai pawhin mi vantlang chunglam chu ani tih ahai theih mawlh loh. Kan han inkawm chu an fanu buaina tawh chungchangah ka puihna min rawn dila, kapu an lo biak tawh thu an sawi tel leh hnu chuan an case ka laksak tur thu a chhangin kan in thlah zui leh ta ani.


Ka room a ka lut tur chu khawngkhar atanga Zonunmawii leh mipa pakhat rawn in zui lut ka hmuh avangin ka ding leh deuh ren rawn a, a mipa rawn luhpui chu tunge tih han rin ngaihna ka hrelo. "Hnathawk tur kha a ngai tawhlo aw, hei Samuela'n alo hmu tawha, thu rawh Hmingpui hetiang hian chei that law law ka duh a, " Ti zawm zatin ka dinna bul nilo sofa ah chuan an thu dun a, Zonunmawii chuan a duhdan leh a ruahmanna te chu sawi mawlh mawlhin, pakhata lah chuan alu alo buk khum lawp lawp reng bawk a, ka awm tih pawh an hriat ka ring nek love.


Room lamah kalsanin ka inbual harha, dawr lama kal ka duh nen hna khawih tur ka nei leh bawk si avangin Thianpa Chhuana chu callin min pui turin ka sawma, ani pawh hna buaipui tur em em alo neilo bawk nen min puih alo hnial lo chu ka lawm khawp mai.


Nilengin kan chhuaka, ka case khawih ber lah mi pasal nena inzawmna chungchang ani lehnghal. Lu ahaiin Chhuana'n a hriat phei chuan min tuipui lo em em a, mahse kapu thu hmu ka ni tawha, ka dinsak ngei ngei angai.


Zanah reilo te kawtthlera ride deuh zuaiin dar 10 pelh hretah in lam ka pana, ka tlan zawnga thli thaw heuh heuh chuan rilru ah nasa takin ngaihtuahna mak pui pui min neih tir a,mite ngaihsan rawn Lawyer niin, ka case ah pawh ka chak ve fo va, mahse khang ka chakna zawng zawngte khan hlimna tak tak min lo pe let ngai hauhlo alo ni. Sum leh pai tan chauh ka thiamna ka hmang chhuak theia, dikna ni lovin diklohna zawk dikah ka chantir thin. Ka thu nilovin an thu angin ka kala, ka bei bawk.


Garage a ka tlan luh chuan ka rilru kalbing lutuk vang nge inchhung lam pan mai nachang pawh ka hrelo, tlangval puitling kumah pawh naupang zawk zawk tawh lo ka ni a, naupangchhia ang maia kaihhruai ngaia ka la awm ziah hi a dik lova hriatna ka nei thara, mahni thu leh duhdan a nun hman chakna ka nei thar bawk.


Kawngkharah muangchangin ka pen luta, pawnlam eng ruih siin inchhung lam erawh hmel bo lo tawk lekin a eng thung a, chungte hlei hlei chuan ka hringnun alan chhuahpui ni maiin ka hria, thawk la kawka rowm lam pan mai ka tum chu min hnungchhawn zawnga thu Zonunmawii chu ka hmu vuai a, sofa hnunglama alu nghatin vanvadak deuh hlek chuan a awm a, ka thawm ahrelo nge min ngai pawimawh lo zawk ka hrelo, ka haw tih pawh hria angin a awm lo.


"Enge itiha" Tiin biak loh aiah ka bia a, mahse ala ngawi reng tho, ka pan hnaia ka han enchiang chu ka tum hauh lovin ka nui suk ringawt. Earphone vuahin amaimit chhing daiha, a ke chu hmeichhe naupang ang maiin sofa ah chuan akhawkherh fel at reuh bawka, thawmhnaw hmuhnuam leh nem hmel zet a hak te chu a in hmeh ka ti em em lehnghal. Light eng fiah lo ruih hnuaiah chuan chiang takin ka en renga, Jeremya thusawi te kha bengah arawn ri nawn bawka, han bawhzui hrim hrim chakna te chu ka nei deuh rum rum nia male..


Dimte in abeng bulah chuan ka kun hnai a, Pathian hla alo ngaihthla ve reng chu niin, ka awilo lek lek tep ani. In hma tawna awm kan ni bawka ka hmu chiangin a hmelthatna tun hma a ka lo hmuh hmaih thin chu ka hmuh kán thei tawh hauh lo, ni e a hmeltha takzet ani, mahse kan in huatna erawh ala bo chuang lo.


"tho rawh" a earphone dinglam lak thlak sakin abeng bul setah chuan ka phun supa, arawn harh ruala min hmu thut chu a hamhaih hle ani ngei ang a phu deuh zuka, keilah kalsawn mai ka tum hauh silo, tum pawh ni ila tunah chuan ka theilo hul hual ani. Ka àwma min nemna chu hnaih chilh rawpin sofa hnunglamah chuan ka in vuan a,ka ke pakhat zawk chu a chetsawn mai loh nan tiin ka khup chin chu sofa ah ka thingthi kai zui zat bawk.


Zonunmawii chu ka hnaih chilh em avangin a lungphut zawnga a taksa che leh det det thin pawh chu hrechiang tak ka ni. Nidang ang ngawta ngaihsak lo leh engah mah ngailoh ka tumna chu chawp leh chilhin ka hlawhchham nghal ti pawh ka hai lo. Ka awmdan hi enge awmzia... engtia han hrilhfiah tur nge...


"thawmhnaw pan zet nen a ilo awm nachhan hi enge? " Ti dutin hnuailam chu tih luih nan tak ka melh thla khera, a ngei tawk atling leh ngang mai. "Zodinpui kalsawn vat mai teh, " Tiin ka àwmah chuan a in nem khalh tang tanga, mahse ka hnaih chilh em avangin chet pawh a che tha theiin ka ringlo, hetianga hrilhhai leh thinrima siam hi alawm nuam ka tih thar tlat chu ni.


"Zodinpui, " Ti halha min melh kiau takah chuan khawilam atanga éng rawn lut nge ka hrelo amitmeng chu a tle fim kak maia, amitmengah chuan thinrimna leh min huatna alh sen phut thin kha ka hmu ta reng reng lo, nge a thim deuh em avangin ka hmu sual zawk ni dawn... Chil lem khalhin kan in en reng a,mahse eng reng chi anilo, ka danglam dawn tih ka in hre tlat ani.


Ka awmsawn ruala in perh tho nghalin min nem sawn deuh dawrha, "Thleng nawn tawh suh se " Ti thata min nek lui ngatin a room lamah akalsawn nghala, ka hmusual nge alandan kha apangai bik hauhlo, thinrim ahnekin ka nuih a za tlat pek bawka keilah chu, han chhaih kawlh thinrim hi chuan mood hi a fuh ve chawpchilh mai zel chu anih tawh ber hi maw...


............
"Tho teh, Zodinpui ipi atha lo ania" Tia Zonunmawiin min rawn sawi leh dat dat chuan ka in perh tho vata, a phone ken lai chu ka benga rawn hmeh bel nghalin, "Jeremya'n a be duh che, " A ti zawm nghal. "Bro, kapi kan kai tho zo tawh lo, " A rawn ti chu ka bengah chuan chu rí aia ring a awm thei kher tawhin ka ring lo. "Engtin maw, eng nge awmzia Lalrinnung, thihna hi fiamthu thawhna chi anilo ania, " Ka ti thata, ka ni chulh mai hian ka hria.


"Lo thlen vat tum rawh, " Tih leh hangup a ruala, insiam nghal sawk sawkin ka bike chabi nen ka tlan chhuak chu Zonunmawii chuan min rawn umzui tih reng ka hrelo. "Min lo nghak", tia arawn auh lang lang takah chuan ka tlanchhuak tur chu ka hawilet leh rih a. " Ka hman e" Ti zawm zatin bike ah chuan arawn lawn kai zuia, keipawh ka tlanchhuak zui nghal.


Kan in kan thleng chu tap ràwih ràwih thawm in min lo hmuak hmasa ber a, vengchhung leh thenawm hnaite hmel hmuh tur alo awm nuk bawk. Inchhunga ka lut chu kapi ruang khuma an lo la muttirna lam chu ka panding nghal a, hei baka chiang hi chuan tuman thihna chungchang hi min hrilhfiah tawh lo se ka duh kumkhua tawh.


Kil khata Jeremya mit sen ram nena lo ding chuan ka dara min rawn kuahin, "kapu te lam chu ka hrilh vek tawh ania aw, iphone i switchoff sia, chuvang ania nichin pawh khan Nunui zawk ka rawn call, " Ti sapin a kalsawn leh nghala, kanu leh ka nuate naupang pahnihin kapi ruang an tah chu ka en renga, thihna zawng zawnga ka run ber lungphuchawl tih hming pu chuan kapi chu kan thlahliam angai ta ani.


Kapi thih atanga karhnih lai aliam meuh chuan kapu leh midangte chu an let thla leh tawha, kei erawh hna kallai nei ka nih avangin ka let thlak ala rem lova, bakah Zonunmawii amah chauhva kalsan chu ka duh bik lo. "Zanriah ei tura kan chhuah angaih kha aw, " Tia min rawn din chilhtu chu melh let nghalin ka lu ka bu ringawta, kan chhungkua a thihna ka vawi khat tawnna ani bawka, min den dan chu na tak ani , ka hrethiam theilo bawk.


Kapi kan vui liamna in ngeia chaw kan han ei ho leh te chu rilru ana in awmdan ka thiam lo lek lek zel a, hetiang anih dawn ai chuan vui liam tu nih ai an vui liam nih ka thlang zawk. Ka ngaihtuahna a mumal meuh lova, ka nghilh dup ti ila ka sawifiah berin ka ring.


Zonunmawii nu leh pa leh Samuela te nen kan kim viau a, chhungkaw inngeih tak te pawh ka angve viau in ka hria. Jeremya leh Zonunmawii an thu dun chawta, kan nu leh pate ve ve pawh eng eng emaw sawiin dawhkan an kil thap bawka, tuman min rawn ngaihven pawhin ka hrelo, chungte vang nge ruak leh mal bik riaua in hriatna ka nei thara, an ni ho tan chuan hmanrua leh an elpui bak nihna nei phalo hiala in hriatna neiin, ka nun leh keimah ngei pawh chu tu tan maha hlutawm ka anih loh zia ka hrechhuak ta niin ka hria.


"Kan haw tawh dawn em ni", pawnlam varenda kan siama ka din ngawih reng lai chuan Zonunmawii aw chu hria in ka melh vata,henu lakah ngat phei hi chuan nunna neia ka la thaw ri ngawt pawhhi a huat tawh a tling viau kha ania, amah ngei pawhin min tawngkhum fo na ani reng bawk. Ka awmdan min hmuh pawh hian a ruk tak chuan a nui vur vurin ka ring.


"Dar engzat nge" Tiin ka hmalam thlir phah chuan ka zawt leta, sana ka bun reng na chu ka en buai peih hlawl lo. "Dar 9 leh tlem, ila awm duh pawn a pawi chuang lo, " Tih leh kalsawn arual a, ka zui ve mai bawk. Helaia awm reng ai chuan haw vata hahdam mai mai ka thlahlel zawk.


Bike a tlan kan nih avangin ka fimkhur viau a, ka kamis hak hnunglama vuan tat tu pawh a thu ngawi rei thei khawp mai. Ka kawr hnunglam chu ka bilh luhna atang a pit chhuak vek tawh tih hriat takin kan tlan zawngte chuan a vawt deuh sung sung zel a, Zonunmawii lahin a pawtchhuak vek tawh tih a hriat hmel teh chiam loh khawp mai.

"Ding lawk teh, " Tia Zonunmawii rawn au lang lang chu side glass chhan atang pawhin ka lo hmu hman hram a, min thlek ha chung hian "Ding lawk teh" Arawn ti nawn leh a, dinna remchang ka hmuh chuan ka ding ve mai.


"Enge ni a"? Tih leh ka helmet glass tih chhoh ka ruala, bike pawh ka off chuang lo..Zonunmawii hnunglam hawi deuh vung vung chu side glass atang chuan ka en renga, engthil teh hrep nge maw ni henu te hian ahriat dawn ni. " Kal leh mai rawh, " tiin a che data, hawilet meuhva melhin kam khat maha chhang chuanglo chuan ka dawk chhuak zawka, Zonunmawiin ka kawr arawn tham rual chuan a in ring lo hle tih ka hre nghal, speed down erawh ka tum hauh lo.


An sawi thin bike khalh thiam ve ve te hi in phur ta ila a phurh a te hian ngaihngam takin kan chuang thei meuh lo an ti a, adikin ka ring tlat. Hmeichhe luhlul tih taka kan tlan chhung zawng chuan angawi ngula, ka kâwng ahmer natdan ngaihtuah chuan ahlau tih ka hai lo, mahse Zonunmawii ang hmeichhe induhtawk tak tan chuan hlau anga awm ringawt pawh ka lakah chuan a thang tlawmna ah angai leh ngei dawn tih ka chianga, lo tla dawn ta ang pawh nise a sawi kherin ka ring lo hial ani.


In kan thlen chuan a rang arangin a chhuk thla a, kawngkhar lam pana akal chu a chapal khing lehlam reng reng a lo bun tawh hauh lo, nichina ding tura min tihchhan kha achapal a thloh vang ani ngei tih ka hrethiama, tumloh zetin ka nui chhuak hawk ringawt. Mi pakhat hi chu ani ve chiang alawm.


Ka inbual fel zo ka hna lamah neuh neuh chinfel ngai ka neih avangin ka in la hnawk leh rem rum tawha, hei pawh kapu hmelhriat te ramlei chungchanga buaina bawk ani. Delhi lam atang lahin min rawn call sek mai bawka,in daih loh ana ngan ngan khawp mai.Chutia ka room a ka awm chawrh chawrh lai chuan Zonunmawii t(r)e thawt ri lo chhuak avanga tlanchhuak nghalin Zonunmawii rawn tlanchhuak lam nen chuan kan in su nawk nghe nghe a, mahse kan na lem lo.


"ka room ah sawn ramsa a awm, " Tiin a phi chul a, aroom lam kawkin va kal turin min duh tih hriat takin min nem deuh tung bawk.. "Enga" Ka ti deuh thata, ka hamhaih em a tin ni, '"ramsa te chi, bangah avak kual a,va zawng rawh, maimawm pawh ka hmu ania" Tiin ka banah min vuan tunga, a mitmeng hlauh avanga chiai vek chu hmuh anuam lo ve lutuk, Zonunmawii anilo emaw tih mai tur ani tunah hi chuan..


A room chhung chu ka han bih pui thuak thuaka, nichinah lo awm pawh nise antlan sawn daih tawh dawna, hmuh ngaihna a awm dawn chuang lo na chu, angaihthat nan ka han en sak vel mai mai ani. "Engmah a awm lohhi, an kalsawn daih tawh ang" Tiin ka kalsan zuia, ka ngaihtuahna pawh a luah chhunzawm lo, a tlai laklawh tawh avangin paper ho pawh en tawhlo chuan ka phone ka khal ta mai mai a.


Ni aral ve det det a, tun tum ka case khawih chu ka tluanpui loh tum aniang nge tih tur khawpin aharsa a, case tenau tak takah pawh ka chak thei reng renglo mai, ka ni hman afuh hleithei lova, thinrim reng ang ka ni, hna ka khawih loh chuan pawn lamah ka awm tam zawka, Chhuana te in a ka riah tawp zan lah atam narawh, haw chakna ka nei lova, Zonunmawii ka huat vang ngawr ngawr pawh ni tawh lovin ka nun hian khawiahmah hahdamna a hmu zo lo ani..


"Thianpa i phone kha a ri zing e mai pickup teh, abengchheng, " Tia Chhuanan min rawn sawi chuan ka phone ri tawp chiah chu ka hre hman vuaia, Jeremya call anih avangin asawi tur awm chu ka chiang sa viauin ka hria. "Tho rawh nilenga mut i tum loh chuan," Tiin Chhuana chu a che zui rawk rawka mut lehna chi ani bawk silo ka in phirh harha, ka phone bawk rawn ri leh chu pickup ka rual nghal.


"cousin, Nunui te an accident", tih thu Jeremyan arawn sawi chiah chu ka awi lo lutuk ka nui hawk a, thil dang hmanga min tih hlauhthawn dan a hrelo ani ngei ang, tunlai ka awmdan vel avanga rilru hah ngang ani bawka, min call loh leh min text awl lova, ka chhan let erawh tlemte ani thung.


" Jeremy lalrinnung, hnek i duh ami? " Ka ti deuh tawla, nizan zu ka in nasa bawk nen ka awmdan chu anuam hlawl lo. "Zodinpui, fiamthu na chi niin i hria ami, rawn kal vat rawh, a serious ania" Arawn tih ve that takah chuan hlauhthawnna namen lo hian min rawn khuh nghal hlup hlupin keipawh ka in siam chhunzawma, Chhuana'n ka awmdan min hmuhin bike khalh hrih lo tura min duh avangin min kalpui a, Civil kan thlen chuan an lo awm kim thap mai, thil thlen dan min hrilh turin tunge ka zawh ber dawn lah ka hrelo.


Chutia hrilhhai zeta ka hawi ka hawi lai chuan Jeremya chu ka bulah rawn kalin amitmeng chu ka hrethiam lo, mangan na tamtak a awm ni maiin ka hria. "Apa chhukthla tur anu nen an thlah a, anrawn let lam Rangvamual kham ah an tlan liam, " Tih zawng sawiin a thaw halha, keipawhin hriat belh zel chakna ka neilo, ka nghilh dup a, ka màng chhulh mai hian ka hria, ahreawm ti hmel,ana lai hmel leh a tlawm lai hmuh chak reng renga in er ngar ngar ni mahila min boral san mai turin ka phal bik lo.


Darkar chuang kan nghah hnu ah Doctor te chu an rawn chhuak a, mak takin ka thinphu apangai hauhlo, ka thawk arangin ka sa pup pup tawh a, ka lu te lam lam ahai chhulhin ka hria "a pawi kan ti, kan theihtawp kan chhuah a anu zawk chu ka chhan hman lo ani, helai in rawn thlenpui hma khan alo chatthla fel tawh a,mahse in fanu chu a tha e, anak ruh a tliak a, amalpui ruh leh alu asawhna hi a serious zual chu ani mai. Arawn harh hun tur erawh ka sawi thei lo, " Tiin akalsawn zui a, lawm avanga nuih tur nge, thihna kan tawn avanga lungngaih hmasak tur pawh ka hrelo, hetiang khawpa ngaihtuahna tawp chawt hian ka la awm ngailo.


A sei hle mai maw..


Show post links
Top