"Lawyer mawl deuh thluak aia hapui chak, chhan chhan hi ka thupui ber love, ka à thut palh ang, " Tiin amitah ka melh kara, Asangi pawh ka bulah arawn ding ve ran nghal. Zodinpuia chu za lo fahrana nui suk sukin, a glass no a zu chu a tlak deuh pawp a, ner deuh suka a hmui liak leh zeuha min hnaih deuh hrut chung hian, "i sawidik lutuk, min hnaih lo la, i à har lo deuh ang, chuti ni lova min cho ar ar reng anih chuan maw.. Tihdam lehna awm lo chhúl thalo natna ka vei tir mai ang che, a hlauhawm teh ania,a bikin nangni ang hmeichhe tan" Tiin ver ther zet chuan min nuih suka, min kalpel rual chuan ka darah anek lui kher leh ta nghal.
___________________
"A tawp ber atan chuan kan inzawmna hi nghet leh zual se tiin an pu te pahnih, ka thiante pahnih nen hian ro kan rel a, chu thil chu Adina leh Nunu te inneihna tur hi ani. " Tia kan kut min in vawn tir rual rual chuan 'enga' kan ti rual thawta, kan in en deuh haw ringawt. Engthil nge ka pu hian a tih hi?
(Naupang chu a kalna awm kawngah chuan zirtir ula, a upat hun pawhin a thlah lovang. Thufingte 22:6)
Lavender - 1
"Ka sawi ang chuan ti nghal ang che, i duhtawk dawn emaw tih laiin i suakpak zel a, ka in rawlh lohna turah ka in rawlh angai tawh anih hi, ka thawk ve tek tek chhung chu ka thu hi i zawm tur ani, " Tia Pu Hlira'n thinrim sehchilh em em a, kapa a hauhna chu ka ngaithla kar a.
Atir lam ka hriat hman loh avangin eng chungchang nge an sawi ka hrethiam hauh lo. "Muani, khatah khan enge itih" ka pasali'n min rawn biakna avanga phu deuh uih hian, adinna lam chu ka pan phei zui nghal.
"enteh ka pa leh pu Hlira sawn eng chungchang nge an sawi i hria tiraw?.. Min hrilh rawh, " Tiin ka pasal mitah tak chuan ka en kara, ka lawm thei tawh lo,dawt eng zata tam nge min hrilh dawna,thuruk engzata tam hi nge zep bo theih reng an in rin ni.
Kan sumdawnna, ka fanu leh ka chungchang ngei ngeiah pawh ka hriat hauh lovin an pafa hian thuruk an nei tih ka beng ka hriat chian tluk zetin ka hre chiang a,palzam mai mai ka tum tawh lo bawk.
Ka pasal mitmeng tlanchhia leh nidang ang bawk a min hrilh tum lo hmel ka hmuh chuan ka sa phata, ani ém ém tawh lo.
"A tha min hrilh reng reng suh, kapa saw ka zawt mai ang, pasal dawizep lutuk ka lo nei che hi chu ka in chhir tawh khawp mai, mahni nupui leh fate thlavang pawh hauh ngam lo, " Tih ka sawi zo hman awr, room atang chuan Pu hlira leh kapa (ka pasal pa) chu lungawilohna nei tih hriat takin an rawn chhuak a, sawi duh leh zawh duh tamtak ka nei na chungin Pu hlira chu ka ngaichang ru deuh a, kapa hnen atang hi chuan engmah ka hre leh dawn lo tih ka chiang em ani.
"Muani Nunu-i koh haw turin ipa hi ka lo hrilh a, helamah awm tawh rawh se, " Thupe aw zetin Kanpa nen min entawn zak zaka, ahmela nelawmna lang thin kha hmuh tur a awm lova, chu chuan ngaih that lohna min neih belh tir lo theilo...
"Eng vangin, ka fanu hi in chhiahhlawh a ni em ni? Induh duha in tihkual reng hi ka kham tawh lutuk, anaupan lai atang tawhin kan lak atang indah hranga, nu leh fanu in pawt hrang bawka, mihring pawh in nih lohhi, tuna a awmna ah hian ahlima, tibuai lovin awm tir mai mai rawh u" Ti phiar phiarin kapa leh Pu Hlira chu ka en tawk zak zaka.
Kapa mitmenga min huatna lang chhuak ka hmuh phei chuan za lo lutukin ka nui chhuak hawk ringawt.
Ka pasalin min khakna chu hre lo der hmakin, "kapa, inrua hmanna chu engpawh nise, ka fanu ani a, engkim hriat chu ka phu ve tho, a naupantet atangin phuba lak nan leh mi huat dan bak zirtir i nei ngai lo, hmeichhe naupang rilru thianghlim lutuk pawh i hruai kawi zo tawha, anu ni chunga engmah ka ti thei miahlo te hian min tina thin asin...
'Nangpawh Pu Hlir, kan chhungkua leh ka fanu chungchangah hian engvangin nge ilo inrawlh ve ziah, inchhungkhatna kan nei pawh ni lo, mi rapthlak awmkhawm in nih hi, "ka ti phiar phiara, ka au ri chu kan thenawm te pawn an hriat vek ka ring, mahse kan chhungkaw zia hrechiang vek tu te an ni a, kut min thlakin min sawisa pawh nise min chhan turin tumah an rawn tlan lut ngam dawn hauhlo tih pawh chiang takin ka hria.
In ti zahawm lovin kan in ti hlauhawm a, kan chhungkaw in rel bawl dan dikloh avangin min thinhrik ka ti lo theilo.
"Thlamuan, duhtawk teh, lo kal rawh room ah, " Tia ka pasal in arawn tih chuan kal duh mai lovin ka ban chu ka thing thla vata, "nangpawh hi, min thlah rawh, i dawizep lutuk vang vek anihhi, mahni rilarah ngei ngei pawh sal ang maiin i awm tir theia, eng ang chhungkua ah hian nge maw ka rawn lawi luh ni, " Ka tih ruala kapa rawn che phat chu hlau map lovin ka lo hmachhawn at nghal.
"a tawk, ka thu lovin tuman engmah in ti tawh tur ani lo, he inchhung mi leh sa nilo mah ila thuneitu ber chu keimah ka ni, achiang maw, " Ti hrawkin pu Hlira chuan min en kura, pawnlam panin a chhuak zui nghal.
Zodinpuia pov.
"Email kha check la, i hmu mai lawm ni?" Lehlam atanga rawn ti tu chu ka bulah awm nise ka piai hlak loh ai ah !!
"hmu ni ila ka rawn biak nawn che hi ring suh, nangmah khan check nawn rawh, " Ka ti ram ve hmak , ka tawngkam anem hran lo bawka, min chhang let tawh lovin a ri zui rak rak nghal.
"Ka rawn thawn reng tawh che alawm,a aninawm ka rawn thawn tha leh ang che, " Tia phun nuap nuapin ka nau(causin) Zonuna chuan arawn ti a, "hmanhmawh ang che, " Tih leh hangup ka rual nghal.
Rei rial lovin Email notification chu arawn ri bal bala, ka thil hmuh avang chuan mood pawh afuh nghal zat mai.
Lawyer ka ni a, ka hna hi ka duh vanga zir erawh ka nilo, kapu in ni tura min duh vang chuah ani. Mahse he ka hna hi ka tuichilh tawha, kawng engkima min pui thin tu leh min zirtir tu kapu tana ka theihtawp chhuah sak hi ka bat leh ka tih makmawh ani.
"Sir,ka lo lut thei angem?" Tia ka office kawngkhar rawn kik thawm ah chuan ka computer hma atanga ka mit la sawnin ka chhawn vata, ka secretary leh vai nupa rawn in zui lut ka hmuh rual chuan ka tanpuina beisei an nih ngei ka ring nghal, keipawh chuan thildang dah tha in ka hna tur atan chuan ka in peih leh at tawh.
"Ka pu, min tanpui hram rawh, mi rethei nitin eitur dap chawp meuh meuh kan ni a, tunah phei chuan kan nu hi hnathawk thei dinhmunah pawh a ding tawhlo, ahmingin ram zimte kan neive a, kan fate tan tia kan ro ve liau liau ani,mahse chu kan rama chu mi thil ti thei tak pakhat Anoob Sir an tih hian min chhuhsak atum a, min vo nasa thin, building sak atum niin ka hria, Sir khawngaih takin min pui rawh,Lawyer rawihna turin sum tih tham kan nei lova, mahse heihi khawngaihin min laksak la, min pui hram teh kapu "tiin kutsuih chungin min ngena.
Ka chhan lawk loh avang chuan ka hma ah rawn kalin arawn thingthi zui rawpa, engmah ka la sawi chuang lo,
Heng vai ho tamtak hi chuan khawngaih thla an lak theih nan mi hma a thingthit tih vel mai mai te chu engah mah an ngailo,bakah hemi te nupa pawh hi ka ring teh chiam lo,an nu in rangkachak bengveh leh zungbun a bun a,a pasal pawh hian zungbun man to hmel tak abun bawk.
Tunge ka nih hrechiang hauh lova min rawn pan an nih vaih zawngin anchhan chu khú tah ani mai.
Ka secretary ka mitmei rual chuan rawn che vatin, " Kapu khati khan ti lovin, i sawiduh chu tha takin sawi la, kan tih theih a awm leh kan pui thei chauh ang che, " Tiin arawn kai tho va, chupa hmel chu chiang takin ka en reng a, zam rukna a nei ngei tih pawh mi mawl ka ni lova ka hai hauhlo. Thingthi chunga min ngen pawha ka landan danglam hauhlo ahmuhna chuan a ti hrilhhai lek lek zawk tih pawh ka hrethiam thei tlat.
Lawyer tan chuan kan tanpuina duha min rawn pan tu te hi a hmasa ber atan chuan kan belhchian phawt hi atul reng ani.
An duhtawka khawngaih min dil hnu chuan nihnih hnu a rawn kal leh turin ka thlah zui hmaka, ka rinhlelhna hi a diklo theilo, dawt an sawi e' chu ka ti dawt lo, mahse thudik erawh atlem viau tih ka hria.
Kar aliama, court-ah pawh ka in lan ngun zak zak khawp mai, ka theihna leh thiamna hi ka zir chhuah ve liau liau anih avang hian ka inchhuanga,ka in luling viau bawk. Chumai bakah mahni thuduh leh lu zo veh vawh tak ka nihna hi ka larpui zek a, khawngaihna neilo leh mi chapo min tu pawh a tam zawk an ni, sawi dik loh an neilo, chapo tham chu ka nive chiang alawm.
Kum 32 ka ni tawha, nupui ka la neilo na chu kar hnih nau pai mek tu bialnu nghet zet ka nei thung. Playboy ka ni lo na in ka fel viau hran lova,angai ngawr ngawra bur fut hi ka ning hma thin,hna thil anih ngawt loh chuan.
"Sir, ka hrethiam theilo, engtin nge hna pahnih hi heti taka tha a i thawh khawp theih?, " Ka secretary lehkha pawimawh tifela che mawlh mawlh chuan a thil tih thulh meuha min en in min melh kuau va, vai nula tih takah amitmeng afiah felfaiin a lian tha kelh kawlh khawp mai.
Chhang lem hlei lovin ka nuih liam san a, Ashi bawk chuan, "kha heihi nichin khan alo thlenga, chuan kapu khan min rawn be rawh se atih bawk... Miss Nunu chanchin anih thu a sawi, " Tiin paper in kilhkhawm chu min pek aruala, ka beng a verh zar nghal.
"Tikhan kalsan rawh, " Ti hmakin ka phone chuan kapu chu call ka ruala, Ashi pawh hrilh nawn ngai lovin a chhuak zui nghal.
"Min va rawn be har ve, " Call apickup ruala kapu in arawn tih chhum hmuk chuan ngaihdam ka dil nghal zata, ni e ka thiamloh ani. Min chawi seiliana engkim min zirtirtu tana hun ka in siam hleithei hauh lo hi ka diklo ani.
"Zonunmawii chanchin chu enge? " Ka ti nghal tlawnga, chhia leh tha ka hriat phat atanga ka khingpui leh ka hmelma nghet ani a, Zonunmawii tan pawh kei baka hmelma lian anei lo bawk.
"Arawn let dawn, eng thil nge tih an tum hriat chhuah tum ang che, tun tum chu Pu Hlira ain rawlha, ahriatchhuah loh turin chet lo la ang che, ka thu hrilh thin che kha i theihnghilh ngai tur anilo, Sangthanga lakah hian min ti tlawm ngai suh ang che, " A rawn ti dam thlupa, mahse thupek anihzia erawh ka hrechianga, tih beidawn emaw tih tlawm ka tum hauhlo bawk.
A bikin ka khingpui Zonunmawii lakah ngat phei chuan , a rin ang aia ka tawhkhirh zia ka hmuh tir ngei ang.
Zonunmawii pov.
"Nunu, zanin chu kal ve tawh ila, Last-night ani tawh ania, " Min tlawn àw zeta ka thian nu Joyce in arawn tih chuan ka ner khum ringawt. "I mak e, karleh maiah min haw san tawh dawna, tuna i awmdan en hi chuan min rawn biak pawh ka ring nek lo che, in duh thiam viau lo teh, " Ti leh nûng nûngin ka hair dryer ken lai chu arawn ban hlawka, ka sam hnunglam la huh hnuang chu a chhem tir nghal sung sung bawk.
Dar thlalang chhan atang chuan a lungawilo hmel dur khup leh ner nùng chu ka hmu renga, mahse eng atan vak ka ngai lem lo.
Ka duhlo ka tih leh ka peihlo ka tih tawh chu engtiang pawhin min nawr lui mahse a sawt phah eih ngailo.
"Maw Nunu? " Arawn tih leh rual chuan ning zetin, "ka peihlo ka tih tawh kha, i duh chuan ke i neia i kal thei reng, ka ke in i kal ami, min sawm nawn chhen suh? " Ka ti let hrepa, a hair dryer ken lai chu ka laksak zui nghal.
Ka roommate leh ka kawm ber ni mahse hnè chang ka nghah zawk a, tuna ka chhan letna pawh kha a haw rei leh dawn tih hre mah ila engah mah ka ngailo, min sawm chhen lo se khatianga ka chhan vak kha angailo mai tur.
"I kal dawn chuan in siam la, anih loh chuan i thawmhnaw lakchhuah ho hi dah fel rawh, " Tiin ka khuma athawmhnaw let ho chu chhuatah ka hnawl thla phawk phawk a, Joyce chuan min chhang lo, a rilru erawh in min rel zet zet ngei ang, a ho a sum ka ring lova, a chawm leh ahrai ka nih hlek lo bawk.
Tawng lovin thawmhnaw ho chu a chhar mawp mawpa, kei erawh ka laptop hma ah ka thu leh vang tawh. "Chapo si, " Ti sap ri ah chuan ka hawilet rang kher mai.
Joyse erawh thawmhnaw thlep pah mawlh mawlhin a che a, mahse ka hresual hauhlo tih ka hria, chapo min tihzia chu a sawi ngun tawh avangin ka hailo nasa bawk, mahse a thlawna dawn sawn erawh ka tihdan ani leh bik hauhlo.
"Chapo pui tham sum ka nei alawm " Tiin ka melh kara, a thil ti lai chawl datin min melh hrek hrek nghal. "Nang leh kei chu kan danglam lutuk aw Joyce , thawhchhuah i neih loh laiin keichuan ka nei tawh tlat, chapo min ti tur hian ila hniam mah mah ania, i dinhmun hre chiang ang che, " Ka ti leh faka, ka nuih sak bawk. A reh diaka, a tu amah mah chu kan tawng tawh lo.
Ka mail dawn ho chu ka check thuak thuaka, kapu in haw tura min duhchhan erawh ka hre thei mailo, ka zirlai ka la zo fel lova, a intiamna nilova min koh haw ngawt hian chhan tha tak aneih erawh ka ring.
"i pa in arawn call che, " Joyse aw ka hriat chuan ka ngaihtuahna ram atanga harhchhuak thutin ka laptop chu ka khup vata, amah pawh en lo chuan ka phone ban ka rual nghal.
"Enge? " Ti deuh tlawngin lehlam aw chu ka ngaichang kara, Joyce in kan tawng ahrethiam lo tih ka hriatchhuah leh tak avangin hna thawh pah ka ngai nen speaker chu ka on zui zat nghal.
Kan sawi lawk tuna ka awmna hi Bangkok ani a, Joyce hi Chinese niin Joyce tih pawh hi a Christian hming ani.
Kapa nen kan in biak zawh chuan ka hna-ah bawk ka bur leh a, kil khata lo thu ngawi reng Joyce chuan sawi duh leh sawichhuah chak anei tih min en reng danah ka hria, a áwm lo hran lo kanu leh kapa ka biak dan hi mak atiin, hmelhriat ngailoh bia i ang min ti hial tawha, achangin i chhiahhlawh biak min ti thin bawk. A eng pawh chu nise ka sawi sel hran lo, min hringtu te ni mahse ka mamawh hunah ka tan an awm ngai lova, tun ataka ka mamawh bikna tur ka hre lo em ani.
Tunah ka puitlinga,sum ka thawk chhuak tih an hria a,min pak huam huam na hi ka hriatthiamloh an ring nge ni, zahpuiawm hian,an tan hian ka sum cheng 1 pawh hi ka hmang dawn lo hrim hrim tih hriat nise tun ang hian min biak that ka ring hauh lo,ka naupan lai ang khan min ensan ngei ang,abikin ka nu hi ka hua a, ka huatna hi tual thah phalna ah in let thei nise tual ka that lovang tih pawh ka sawi theilo,atheih hram chuan min be lo se ka duh a, min hre lovin, hmelhriat ngailoh anga khawsak zel kha nuam ka ti ber.
Mahse eng vang nge ni tun hnai deuh atang hian min rawn biak aching thara, ka chhan let erawh tlem te ani thung.
An tello pawh hian ka hlima, ka awm theia, ka nun anuam bawka, kapu thupek nilo se haw let hi ka la tum hauh lo bawk.
Ka phone ri ral ral avanga thang harhin ka dawhkan bawhin ka lo muthlu leh tawh alo ni, caller-id ka hmuh rual chuan in perh tho at in "sawi rawh, " Ka ti nghala, kan hotel manager ni lai leh kawng engkima ka tirh kah ber ani.
"Kapi thil mak tak mai athleng, thla thara Pu Hlira ceremony buatsaih turah hian Pu Hlira hian eng emaw tak ruahmanna anei tih ka naute hnen atangin ka hre tlat mai, a share a khawih danglam bawka, chu bakah" Tia a chawl dat chu keiin ka lo nawr tet tet nghal.
"Pu Adin-a te pawh he hun hmang tur hian a sawm bawk, in chhungkaw hnih inkar hre reng chunga hetiang thil atihna chhan hi hriatthiam ahar khawp mai," Arawn ti chu za lo zetin ka nui hak ringawt.
"Zodinpuia maw.. Hmmm a nawm dawn chu, ahmeichhe kawp mek kha arai ani lawm ni kha? " Ti hakin za lo zetin ka nui suka, Zodinpuia ka ngaihtuahna avang chuan ka thin atawt up up thei. "Aw mahse afa anilo, chu erawh Pu Adina hian ahre kher lo anih hmel, hria nise a kawp chhunzawm hauh lovang, " Arawn ti let sur sura, thawm a awm neuh neuh avangin a tawng ring lem lo bawk.
Ka nui hawk hawk a, Zodinpuia chak lohna lai man fuh ang hialah ka in ngai, he a thuruk hi a chhungte tuman an la hriatpui hauhlo tih ka hriatna phei hian min ti khi vur vur reng mai ani.
"engtikah mah a fa anilo tih a hre tur anilo, a arpui tui awp mek hi kan tih keu sak ngei ngei tur ani, anchhungkua avanga kan chhungkua in harsatna a tawh zo zai hi a mal te te in ka rul let ngei ang, thil pakhat lo ti ta che, Zodinpuia sum che lek dan i hriat theih chin chin min rawn thawn ang che, abak chu ka rawn thlen hunah, " Tiin ka hangup zuia, rilru thawveng zetin ka zi mar talh talh nghal.
........
Zing ni chhuak in ka tukverh kal tlanga min rawn chhun chuan tho chhuak vatin ka in phih fai sawk sawka, dar 9 a ka mi hmuh tur avangin ka in siam zui nghal.
"Nunu , ngatinge? Kalna tur i nei em ni? " tho phang aw phak chuapa Joyce i'n arawn tih nuap nuap chuan, "imm SEW KING company ah, " Ka ti chiah chu rang zeta rawn in perh tho in, "ka rawn kalve thei angem, designer tha hlang thawhna ania, ka mi ngaihsan te ho pawh an awm nuk asin, " Tiin min nuih tlawn vur vura, chhangchhe zeta kal ka duh der mai silo, bakah a mizia lem uchuak lutuk hian ka luak ati chhuak hial zawk tih hria se tha tur.
Nizanah lungawilo tûm bùrin a awm ngat ngata,tukina ka kalna tur ahriat vang maia,min tlawnna hian ka ke tin pawh akhawih pha lo.
"a pawi hle mai, i sawi ang khan designer tha hlang chauh lo chu saw company sawn alawm teh chiam lo a, " Ka ti let sapa, a huat tawk a tling leh viau tih hriat takin, "min huphurh tihna mi? Chapo viau zel suh,nakin ah chuan nang ai hian ka la hausa zawk maithei ania" A rawn ti zata, eilo hmel zetin min melh kar bawk.
Ka ngaih nep zia lantir nan nui sukin khum chunga ka phone leh ka bag ka la a, "huphurh tham pawh inih loh hi..i khingpui tawk i hrelo e mai. Chuan nakina i hausak hun tur chu lo ngah pui che i duh pawn pawi tihna ka neilo ania aw.. " Tia nui sakin ka mit ka siai phah zeuh a, a hmel tang at chu flying kiss pe in ka chhuahsan zui nghal.
Kum 25 ka ni tawha, keima pualin hotel pangai tak leh dawr lian tham tak ka nei a, designer ka nih avangin ka thawmhnaw design te phochhuah nan ka hmang ber thin.
Bangkok ah hian ka 6 dawn chu ka awm ve tawha, ka thiamna leh theihna te chher hriam ka duh avanga he hmun pawh hi thlang ka ni.
Tu puihna tel hauh lovin ka bei a, ka hlawhtling tawh viau bawk. Nu leh pa kara seilian lovin kapu enkawlna hnuaiah ka seilian a, ka tan chuan kapu hi ka engkim ani, athu zawm loh aram ka nei ngai lova, a tùte zingah chuan min chhuang ber bawkin ka ring.
Burma sipai bang niin, a strict em em a, athupek akhauhin a thuchhuak chu thu tawp tihna ani mai. 'I hmelma chu do rawh, a tlawm ral rak thlengin i ti chhe vek tur ani, hmelma chu hmelma an ni a, phuba lak hi kan tihtur ani, ' a ti thin. Thil tamtak min zirtirin thiantha tak tak hi an awm lo ati thina, khang athusawi zawng zawng te kha diklo a awm ka hrelo.
Ni khua ka hriat theih phat atangin kan chhungkua ér a, min tihchhiat tumtu Zodinpuia te chhungkaw chanchin hi min hrilh bang lova, an phakarzia leh an sual zia te, pawisak an neih loh ziate sawiin min tihchhiat hma a tihchhiat an ngaihthu min hrilh thin.
Mahse khang hunlai khan naupang chumchiat mai ka ni a, tihtheih aram ka la nei silo, kapu rilru hah taka ain dawm kun changte khan tihtheih neih ka chakin Zodinpuia te chhungkua ka huatna kha a so liam bulh bulh thin.
Zodinpuia pov.
"Sir, kha aw... Tunkar chu kan buai zual dawnin a ang riau, tual thahna chungchangah kher hi chuan in hnamhnawih hi ka chak lo asin le, " Ashi'n atih charh charh lai chuan Chart chu ka bih thuak thuaka, ka thaw halh ringawt.
"ka ram lei tur changchin kha le, " Tiin a thusawi nena in perhsan zet chu ka zawt let khauhva, tualthahna case ai chuan ka ram lei tur hian min tur na zawk tlat.
"Aaa, Sir kan la in be fel chiah lo,in ngaihtuahna hun ka mamawh ati renga, bakah minister alo nive nen hian a in duh riau hian ka hria" A ti nuap nuapa, ka nui leh hak ringawt.
"Sir kha chu Pi Nunu kha tiraw... Naktuk khan alo haw dawn ni lawm ni?.. Sir in ring renga kan awm angai dawn ania aw, rampawn atang pawhin tikhawp hian a sumdawnna arawn enkawl theia, tun tut tuta rawn let aduhna chhan hi keichu ka la hrethiam theilo, a zirlai ala zo hauhlo lehnghal, hmeichhe naran mai mai chu ani hauhlo mai, " Rawn ti leh nghal zatin ka laptop screen a Zonunmawii thlalak lang kulh chu a en renga. Zir chian tum niawm hrimin a melh ngur bawk.
"Engvangin nge tun tut tuta rawn let atum thut le? " Min bia pawh anilo amah leh mah a in bia ani zawk mah.
Ka ngawih reng avang chuan min rawn melh zawkin, "ka tihpalh sir, Chart chu i en zo tawh tiraw, " Tiin dawhkana Ipad let bal chu rawn banin a chhuak zui nghal. Ka laptop screen chu ka melh ngur a, ka khi leh suk thin.
"I rawn let hi i tihsual lian ber tur ani, inchhungkua hian eng ang chhungkua nge inbeih hi in hrelo anihhi, " Ka ti sapa, ka ngaihtuahna avang chuan ka khi vur vur reng mai.
"Adin, kan rawn lut, " Tih ri ka hriat rual chuan ka laptop chu khup vatin ka bialnu leh ka unaute lo lut diah diah chu ka lo melh kur nghal. "Che rang hle mai, flim tha lo ilo en te hi ani lo maw? " Ahmasa bera rawn kal ka nau Tluangpuii chuan min nuih vur vurin ka thutna lam arawn pan ding nghal zata, midangte erawh thutna awlah an thu thla sap sap thung.
"U, ka thu hriat hi adik em... Nunu chungchang hi, " Tiin Tluangpuii chu arawn phun sur sura, ka lu ka lo buk khum rual chuan kut beng meuhva ding mar awtin, " Kan hre dik chiah, Zonunmawii chu arawn let dawn ngei anih chu, a phurawm tawh hle mai, a thiam thil rawn show tur ka hmu chak zek zek tawh mai, " Tiin Jeremy-a (causin) thutna sofa banah chuan a thu phah zata, an ni chhungkua leh keini chhungkua hi chu engtik lai pawha in enthla reng leh inchhui tawn reng kan nih avang hian eng emaw hlek awm se kan in hre tawn nghal hmak hmak ti ila ka sawi sual thui lovang.
"Mahse engvangin nge Pu Hlira hi, keini chhungkaw pahnih inkarah hian engvanga in rawlh phet zel nge anih ang le.. Kapu lah hian a thuzawm loh aduh bik silo, Zonunmawii pu pawh ani tho.. Pu Hlira hi ka chhui fe pawhin chhungkaw pahnih tan hian tunge anih tih leh enge ani tihhi ka hre thei lo, mihrang hlak ania, mahse kan chungah thu a nei tlat bawk si, " Zorema chuan arawn ti a, kan ngawi reh thiap a, keipawh ka buai rukna ber anih avangin sawi mai tur ka hre hauhlo.
"Adin nang tal hian thuhriat i neilo mi? A pertional lawyer inia, nge kan hriat atan i duhlo zawk ?" Tluangpuii'n mit meng fiah zeta min rawn zawh chuan ka lo melh kur vang nge anui suka, "maw pertional Lawyer maw.. " Jeremy-a ani.
Thawhalhin Tluangpuii chu tur fe hian ka melh rùn a, sawisual in ti zetin a mit meng akhup zal zal nghal.. "Ka tihpalh Adin, khatia rawn sawi kha ka tum anilo. " Tiin ngaihdam min dil a, Zorema chuan sawichiang turin min lo tur ve zat nghal.
"Official tak chuan ka nilo, ni ila chuan a chungchanga kan buaina hi a reh tawh ang, chuan nang kha i thusawi leh turah fimkhur tawh ang che, ka en liam tawh dawn lo che ania, " Ka ti lek fak a, unau kan awm tlan hian ka tawng ngai lem lova, upa ber ka nih avang hian min zah thiam in, ka thu an ngaichang thiam em em bawk.
Kan mi sawi Pu Hlira hi pa inchengvawng tak leh a tawngkam chhuak reng reng dam deuh ruih, mahse a lawmloh zawnga khawsak erawh hlauhawm em em lawi si a ni a,kan hausakna let hnih vel zet tura pa neinung ani chung hian,a nupui nen fa an neih theih loh avangin rokhawm tir tur tu leh fa anei lo thung,khawvel danah kal mai thei dinhmunah a ding reng tawha,a ro hi kan beisei lo ka tih chuan dawt muhlum ka sawi tihna ani ngei ang.
...........
Ka bialnu nen chauhva kan awmdun takah chuan hmeichhe zakzum tih takah a lai chhe leh viau tawh tih abiang sen tan tan leh a chet sek avang chuan ka hrethiam a, hmeichhe dang anglo takin he aziate hian min hlat tir hlei thei lo.
Min pak huam huam lova, kan chhungkaw in rel bawl dan leh kan hmelma te chhungkua nen kan inkar chanchin hrevek siin engmah min zawt ngai lova, keipawn abulah ka sawi ri ngailo. Hei tak hi ani aze danglam bik lehna chu, a tul lohna ah chuan abeng ati var vùr lova, a tana tangkailo thilah amit leh ká ahmang nasa ve ngailo, kan awmdun tawh chuan buaina leh hna chungchang kan pehhel lui a,hmangaihna par kan tlan dun thin.
Nilo Ahmangaihi hi ka hmangaih chu ka ti ngam lo, mahse ani ang hmeichhia hi ka la tawng ngai lova tawn leh pawh ka in ring kher lo, anungchang leh amizia ah sawisel tur ka hre lova, min zahthiam in min dah pawimawh thiam em em a, chu chuan ka tan ahlutna atizual ting zel.
Amah avangin lunglen ka hria a, ka ngaiin thlakhlelh chang lah ka nei zing narawh,amah avang vekin hmeichhia te thinlung hlutna leh an ropuizia te, an thinlung khauh zia te ka hriat phaha, chu chuan hmeichhia te ka hmuhdan leh ka endan min tih danglam sak hret hretin zahphu an nihzia ka hriatchhuah phah hial ta anihhi.
"Tikhan min en reng lo la, lungawilohna i nei em ni? " Arawn tih sap chuan ka lo melh leh ngur tawh tih ka in hrechhuak a, ka in siam tha vat nghal.
"Nei hran lo, Office ah hi chuan rawn in lan vak suh ka tih tawh kha," Ka ti let zata, aluhlulna kawng tak anih ve avang hian hauh pawh pawisa lovin arawn kal leh thin.
"Nia, ka khua ahar deuhva, Tluangpuii khan min rawn sawm ve bawk nen ka rawn zuive leh tawp anih kha, tun bak chu ka rawn kal zen zen tawh lovang, " Arawn ti thawp leh sata, hauh a vin chiam dawn lah hian a hmel innocent lutuk hian min dang leh thin.
"A that chu, let tawh rawh, driver kha i in thlah tir dawn nia," Tiin ka laptop bawk chu ka bih leh ngur a, Zonunmawii hmel lo lang kulh avang chuan thawk a sak leh talh nghal. Henu hi engtin emaw tak tih angai ani, ka khawvela rawn lut ngam tawh lo tur hian ka ti tlawm dawn khawp mai'.
Thawk la kawka ka hawi chhuah leh chuan Ahmangaihi alo awm tawh lova, a chhuah lai awm ka hre hauh lo. Tlai dar 3 ah office chhuahsanin kapu chenna lamah ka kal tlang nghala, zanlama thiante nen in kawmkhawm kan tum hre ranin awm rei erawh ka tum hauh lo.
Thianho emaw chhungkua ah pawh eng emaw thil tih nikhua a tlai fal bik nihhi ka duhlo bur a,a hun taka kan thleng thei dawnlo anih chuan kal loh ngam mai hi ka kalphung pakhat ani.
"Khang ho kha tifel turin ka duh che, pu Hlira ceremony zawh ve in mizoramah chho la, han tifel zuai la ka duh, he lamah case khawih lai i nei em?, i nei anih pawhin kha kha dah pawimawh hmasak a tul ania, " Kapu in arawn tih chuan file chhah zet chu ka lek kang zeuh va, en hmasak erawh ka peih ta ngang lo.
"Sangthanga te pawh nimin lamah an rawn thleng thla tawha, inring renga kan awm angai ania, engpawh athleng thei. Engpawh ti turin i ring ang chu maw", tiin ka pu chuan min en kara, ka chhan mai loh avangin a tarmit kaltlang chuan ka chezia chu min chik zet hian mi melh ngur mai,
" Zodinpui, ka lakah hian zep i nei em? " Arawn ti ta renga, nuih sukin ka lu ka thin khum nghal, "chutiang a awmlo kapu, Pu Sangthanga hian engvangin nge Zonunmawii hi a koh haw kher nachhan ka hre hauhlo na in, eng emaw tak chu hemi te chhung hian tih an tum ngei ani. Pu Hlira ruahmanna pawh ani theilo bawk.. " Tiin ka ngawi zui data, ka ngaihtuahna erawh chuan thil nithei tur adap kual ruai tho.
Zep thu a awm lo Zonunmawii hi ka èlpui ber chu ni mahse hmeichhia mai mai tia ngaihnep chi ani hauhlo,rampawnah khawsa siin an sumdawnna zawng zawng a kutah a awm vek a,a tha zawk kan in nih chhawk thin.
Naupan lai atang tawha in hal chhungkua kan ni a, Zonunmawii tak phei hi chu ka nau Tluangpuii nen kum khat chhuak an ni. U mipa leh hmeichhia neiin mipa zawk erawh a thi tawha,a u hmeichhia erawh pasal um in chhungkua atang Pu Sangthagan a tuithlar fel hmak tawh bawk, Champhai lamah an khawsa niin ka hria.
"Nunu-i maw.. He nula hi kan ngaih ang ngawta awlsam hian kan lehthal dawn lo tlat hian ahriat, rampawn ah a khawsa rei tawh a, hmelhriat tha leh thawhpui tur tha tak tak pawh alo nei ru maithei ani, chutiang anih vaih chuan Sangthanga hi ka chungah a leng ani mai, " Ti bul hmukin a thaw chhuak hawk a, ka ngaihdan erawh ani hauhlo, a eng amah hma a chaklo tur anga a in dah chhin pawh chu ka lawm lo hle bawk.
"A in chher hriam nasat pauh leh kan field a zau ting ani mai alawm" Ka ti chhuak hapa, kapu chuan min melh kar tih ka hria, ka zam eih lo, ka mipa pui pawh nilo hmeichhe laka ka tlawm na chhan tur kawng 1 pawh ka hrelo,
"awle a tha e, ka ring tawk che alawm bawiha, i nu leh pate pawh hotelah an awm tawh kha, in in be tawh em? " Tiin a tarmit chu akawr hmalam tlang chuan ahru fai phah mawlh mawlh a, kanu leh pa lam reng ka lo ngaihtuah lo, kapu ka kiangah a awm reng thin vang nge ka thla hlel lem lova, ngaih phei chu ka ngaih awm ka hrelo.
Vairama seilian leh khawsa ngar ngar ka ni a, nu leh pa kara seilian kan awm lo kan unau ah hian, hemi kawngah hi chuan Pu Sangthanga leh kapu hian in an na an neive teh khiah, an tu leh fate hi nu leh pa kara seilen tir an nei lova, abikin a upa lam chin phei hi chu an bulah min khawsak tirin, engkim min zirtira min kaihruai tu an ni.
Upa ber ka nih vang nge ka zia hi adang hlak a, Court chhungah lo chuan ka tawng vak vak ka hre ngailo, Jeremy-a nen hian kan zia leh kan duhzawng, kan khawsak duhdan chu in ang viau a, ka biak tam ber ani bawk.
Rei awm tawh lovin kan hotel lam pan chuan ka in khalh chhuak leh a, seat hnunga ka phone let bal mai arawn rik rual chuan ka car chu kawng sir lamah ding zuiin, caller id a kanu number lang kalh chu ka beiseiloh lam daih anih avang nge pickup ta lem hlei lo chuan seat hnungah bawk ka theh hlawm leh tawpa, an lam panin ka kal meka, pickup buai atul ka ti lem lo.
Ka sawi tawh ang khan min hringtu te ni mahse min enkawl seilian tu erawh ka pi leh pu an ni a, thlakhlelhna chete mah ka la nei chhin ngailo.
Kan hotel kawt ka thleng fel deuh chiah Jeremy-a chuan min rawn pan hnai vut hian "Pu Hliran Nunu-i hruaina ah driver zuive telve turin min ti a, kapu thupek a ni bawk " Tiin a mitko min san khum zeuhva, ka ngaihdan hriat aduh nghal tih hriat takin min dinchilh run bawk.
"Eng vangin nge ka pu chuan chutianga atih a, Lal fanu ani hleinem, " Tiin ka kekawr ip ka zenna kut chu la chhuakin adarah ka beng thaka, hotel chhunglam kan pan ding nghal.
A hming hriat ringawt pawh ka hne tawh nak alaia, va hruai tura ka unaute emaw, ka laichin hnai hrim hrim tirh chu a tullo ka tiin, ka thu chu nise Jeremya pawh hi akal lul lovang, mahse kapu in thu alo ape tawh a, chhan awm lovin kapu hian a tirh ngawt ka ring lo bawk.
"Adin nupui neihlam te hi, " Lift a kan chuan luh rual deuh thaw chuan Jeremya chuan arawn ti leh chut a, melh zawkin ka nuih ringawt.
"Upa ber in nei hmasa la i hnung ka rawn zui ve ang chu ka ti asin, " Ala rawn ti leh hram a, inneih lam thu ber kher chu Jeremya kâ atanga chhuak atan chuan a in rem mawlh lo, ka kiang maia ding ni mahse a mah en chuan ka in her rem a, amitmeng buai nak chu ka hmu nghal chat bawk.
"Tunge ni a? " Ka ti chiah lift kawngkhar rawn in hawngin kanu leh pate nen kan in hmachhawn zui zata, kanu chuan ka hmel ahmuh rual ruala ka kut rawn vuanin "Mama, ngatinge Airport ah min lo hmuah lova, hotel kan rawn thlen hnu pawn i hmel hmuh tur a awm silo, " A ti hluaia, kei erawhin ka ban avawn chu la sawnin, " Ka rawn thleng ve chiaha, min ti chung chung lo teh, ka rawn hmuah kher cheu ngailo pawn hei in rawn thleng thei tho alawm, Jeremy" Tiin ka kal sawn zuia, ka hnungah min rawn zui nghal tih pawh ka hria.
Room a ka luh rual chuan Ka causin Dawngzuali te fa phir Lily leh Mica te chuan min au chulin ka lam panin an rawn tlana, keipawh thuhniam vatin ka lo kuah bet nghal, tawng in chuh nawk nawkin zawhna chi hrang hrang min zawta, min ngaihthu te lah chu min hrilh vei liam liam reng lehnghal.
"Mama in be lawk ang, " Kapa aw ka hriat rual chuan room a alut tur a tukhum ka hmu hman hrama, kal nghal mai erawh ka tum lo, mawi hnai taka han in sawm pawh awm lova,min palzam lutuk chu ka lawm lo ani ber mai.
"Va kal rawh Papuia kha arawn thlen atangin ahmel adik lo ania, a pawimawh aniang Mica, Lily lo kal ru, " Jeremya chuan rawn ti nghal zung zungin Mica a leh Lily i chu a hruai hranga, kanu pawn a zui ve nghal.
Room chhung ka luh chuan kapa chu thlanglam tukverh bula lo dingin a hmazawn a khawpui lang ut chu a thlir nge tih phei zawng ka hrelo.,
"sawi rawh, " Ti bul deuh hmukin a kiangah chuan ka va ding ve rén ráwna,sawi ta mai lova angawih leh tak rengah chuan phun hlukin chhuahsan ka tum a, ka inher hman pen hnih khat bak ka pen hman lovang tihah kapa chuan, "ka fapa, ka ngai thin che asin, " Arawn ti dut a, ka in hum ruh nghal pang mai.
"Ipa ka ni a, i nu pumchhunga i awmlai atang tawh khan ilo pian chhuah hun nghakin ka phili nasa thin asin, he programme zawh hnu hian kan kianga khawsa turin lo haw ta che, i nu leh pa leh i naute kianga awm te hi i thlahlel ve lo em ni? " Arawn ti zawi ruiha, hawilet lo mah ila min en reng tih ka hre thei.
Vawi engzata tam hi nge haw tur hian min sawm atuma, vawi engzata tam nge ka hnar reng hi ngai dawn.
Haw duhin Mizoramah khawsa peih ni ila, ka letna arei tawh ang. "Chu chu i sawiduh anih chuan ka chhanna tur che pawh i hriat sa kha, " Ti letin kawngkhar ka pawt hawng tur chu a thusawi avang chuan ka tawp chawt thei.
"Ipu hian hmanrua atan bak ati lo che, i thluak hi a sûk sak hneh tawh lutuk che a, robot ang lek inih tawh hi, " Arawn ti chiah chu ka in ring hman lo kawngkar sir lam banga in enna darthlalang chu ka hnek keh chuaia, kapa pawh aphu nasa hle aniang a talbuai nghal.
Kan thawm hria in Tluangpuii leh kanu an rawn tlan luta, thaw tha hlei thei lova tal buai kapa chu an rawn buaipui sawk sawk nghal.
"Cousin, inbengdai rawh" Zorema leh Jeremy a hmel ka hmu zata, thip fe a kapa lam chu melh lehin, "khati khan kapu chanchin sawi tawh ngai suh ang che, nunna min pe tu anihhi, " Tiin Jeremya leh Zorema inkar awl deuh lai chu su tlangin ka kal zui hmawk hmawka, harsat hmel em em a kapa rawn au tuar tuar pawh ka bengkhawn buai peih lo, lift-ah lutin inhnuai lamah ka chhuak thla a, sana ka bih zeuh chuan ala hma ang reng viau na in hna khawih tur leh tih fel ngai tamtak ka la nei thova, zan hun nghah nan leh thinrim ti ziaawm tur atan hman mai ka rilruk ta zawk.
Hotel kawngkharpui a ka chhuak leh chiah chu Jeremya pawh arawn thleng thla leh hlawla, boruak chu a ka ah aleng lo ani ber athaw kawk kawk mai.
"I va kal chak ve, " Tiin ka nuih khum suka, chil lem khalhin a then ve suk tho. "Kal ang" Tiin ka car in park-na lamah chuan in tha zo zetin a kal nul nul a, a kum ah naupang zawk si hi, keiai puitlinna kawng tantak zu ngah zawk a male..
Ka apartment kawta motor a break din takah chuan ka in lo-ah chuan khawiah mah han kalkualna tur a hre biklo tih ka hria a, ka nuih aza ru ang reng khawp mai.
Tlangval hnahkhat ve lai tawh hi nula angaih melh pawh ka la hrelo.. Nih leh lo nichín khan eng emaw kha chu a hmelah ka hmu tak e. Amah berin sawi atum lo anih erawh chuan zawh buai ka tum lova, mahse a hmeichhe duhthlan erawh kapu rilrem zawng anih loh erawh chuan ui saruh laklak tu anga ka chet angai thung leh dawn ani.
"Awmpui tal i neilo hi chu abuaithlak ani, tun ang hunah te hian an tangkaia" Ti sur surin choka lam a pan nul nula, reilovah coffee no hnih nen arawn let nghal.
"Nang i awm a, maid ka mamawh hleinem, "nui vur vura ka tih chuan a nui tha duh derlo lehnghal. Vawi tamtak maid la turin min tur chhen a, aw leh ai in ka chhang ngai lova, amah fiam let nan tak ka hmang zui ziaha, ngaiah anei ve tawh te pawh ani mahna le.
Awm dun e tilo chuan a tu amah chu tawng nachang kan hre lova, mahni buai buaiin kan buai ani tawp mai.
"Cousin, thil sawipui che ka duha, " A tawp tawpah chuan arawn ti chhuak hluta, amutna atanga rawn tho chhuakin a meizial fawh hnih khat bak ala fawh loh chu a nawr hlum zui zata, zial zu ve si hian a chanve azuk thlen hi ka la hmu ngai lo, chuti chung chuan nghei ve mai lovin a lei reng peiha, a sum ania, aduh duha ahman chu a thiang alawm ka tihsan deuh tawp. Hrilh pawh ni ila a zawm kher pawhin ka ring lo.
"Sawi la, eng chungchang nge" Tiin ka phone khawih lai chawl meuh chuan ka melh let kur a, Jeremya hmel chu adik zan lo tih ka hreve kar, "cousin sawi rawh, eng buaina nge i tawh" Ka ti leh a, thaw chhuak halh a, a phone tuai tuai chung chuan, "hmeichhe chungchang ania, " Arawn ti teh daiha, a landan nena in perhsan lutuk arawn pawt chhuah pui chu ka lawmah a tla a, ka nuih khum kur kur ringawt.
"Cousin, fiamthu anilo ania, ka duh niin ka hria, mahse... " Tiin vanvadak meuhin a ring chu athle kual tawn chhen a, ka lawmah atla laklawh bawk nen ka lo then khum thaw renga, min melh khui khui bak tih theih anei der silo.
"Mahse kapu duhzawng ani lo," A khup chunga aban pahnih nghata min melh kar takah chuan keipawh chuan thutak fe in, "kapu i hmuh tir tawh hnu ah ka hnenah i sawi chauh tihna maw.. Chuvang em ni Zonunmawii hruai tura hremna apek che, " Ka ti kha faka, ka áw a nem hran lo.
Alu thing vutin, "ni love, ka la sawipui lo hrim hrim, sawipui kher ngai lovin a duh dawnlo tih ka hria alawm, " Tia chawl datin hnuailam amelhna atang chuan a rawn hawi chhuaka,chiang kek kawka min rawn en chung hian, "nangmah pawn, " Arawn tih chuan za lo zetin ka nui hul hak ringawt, engvangin nge ka pawm loh chu arin ve ngawt ni...
Ka nau ania, ka kawm ber leh ka thiantha ber ani bawk, kapu in lo phallo ta ang nise hremna pawh tuar huamin Jeremya tan chuan ka dilsak ngei ang.
"Jeremy tu nge aniha, ka phal loh i rin ngawtna chhan,? " Ka ti tha ve maia, tuna alandanah hi chuan sawipui chiam chi anipawn ka hrelo. "Nidangah le... Naktuk chu lo kal ve la" Tiin cigarette bawk chu a tan khu leh vat vata, Zonunmawii lam tura Airport kal chungchang ani tih ka hria a, amah maia kal chu aphur vak biklo ani ngei ang.
"I tihtur atana kapu thupek ania, ka rawn inrawlh a thiang ve lo, " Ka ti tha ve leh maia, ka peih lohzia leh a hming ringawt pawh ka huat zia hretu vek an ni a, thudanga pakai aduh vanga min sawm mai anih avangin han sawibelh vak ka chak hran lo.
Dan theih hauh lovin naktuk chu alo thleng ngei dawn a,alo thlen tur pawh darkar tlem te chauhvin min dang tawh. Kan duh emaw duhlo emaw Zonunmawii nen chuan kan in hmachhawn ngei dawn e.
Enge a an ang??
Show post links
Top
.
